لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 18-01-10, 07:24 PM   المشاركة رقم: 131
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,408
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 



الجزء الواحد والعشرون


على المساء دخلت نور على زايد الي بعده البنج ماثر عليه يوعا شوي وينام فتره طويله خليفه تم عنداليازي عشان ايسولها فحوصات اخيره قبل لا تطلع
قربت نور من زايد وتمت واقفه اطالعه
نور:زيد هل تسمعني؟
بعد شوي فتح زايد عيونه ووجه نظره لنور
زايد: خـ خلصـــ ت الــــ عمليييه؟
نور:غدا باذن الله سوف تكون العمليه
زايد:لحوووووو يــ يعنييي شــ شووو ليييينه ب بتممم على هالحااااااله
نور:عليك الصبر زيد هذا امر الله الزم الاستغفار وباذن الله معافى.....لم يتبقى الا القليل
تنهد زايد وفتح عينه وهو يشوفها
زايد وهو يحرك اصابعه:هــ هاااتييي ييدج
اقتربت نور امنه اكثر ومدت يدها ليده مستغربه من طلبه
زايد:نووور ما ماااافيييه حييييل خلي ييدج و وسط يديه
ارتعشت نور وهيه اتحط يدها وسط يده وتحس به ايدخل اصابعه بين اصابعها
زايد:انـ انـــــــــا تعبااااااان خليييييج عدااااليه
وغمض عيونه وهو يضغط اكثر على يدها
نور وبدت عيونها تتجمع فيها الدموع:لن ابتعد عنك زيد سابقى بجانبك لا عليك
من بعد ما غمض عيونه ما فتحهن
سحبت نور الكرسي الي كان قريب وما زالت يدها في يده وقعدت عليه وهيه تساند براسها عدال جتفه وبدات في ترتيل سورة البقره بصوت خافت وهيه ماتقدر تمنع دموعها اتوقف
بعد ساعه هزها خليفه ورفعت راسها
خليفه:ياله انروح اليازي رخصوها
نور وبعدها يدها في يد زايد:سوف ابقا عماه لا اريد ان اتركه لوحده
خليفه:ماعليه شر يانور اهو مش حاس بشي لين باجر
نور:اريد ان ابقى عماه هو لا يريدني ان ابتعد عنه
خليفه مستغرب:منوووه زايد؟
نور:اجل طلب مني ان ابقى الى جانبه
ابتسم خليفه:نور انتي تدرين انه مايحس بشي الحين وهذا كله هذيان
نور:اريد البقاء
خليفه:بس هذا ممنوع المستشفي مايريد حد عنده
نور:سوف يجعل الله بيني وبينهم سدا ولن يعلمو بامري
ضحك خليفه:فديييت انا الناس الواثقين...انزين واذا طردوج في نصايف الليل
نور:عماااه لا تصعب الامر علي اريد البقا ولن اذهب بل لن اترك يده من بعد ان امسك بها
خليفه:والله ان امركم عجيييب ...ليت زايد يدري ويقدر كل الي تسوينه
طلع خليفه وبند الليت وهو يدعولها بالتوفيق ومر على اليازي الي كانت قاعده على الكرسي الي عند الاصانصير
خليفه:ياله يزوي
اليازي:ونور؟
خليفه:بتم عند زايد ماتريد اتخليه
اليازي:وعادي سامحين اتبات عنده
خليفه:لا مش عادي بس نور يوم تبا الشي محد يقدر ايردها عنه ...يزوي فيج اتروحين معايه لين الجمعيه ناخذ اغراض للشقه
اليازي:هيييه عادي
خليفه:مش تعبانه؟
اليازي:لا اريد امشي واغير جو
خليفه :ياله عيل خلينا نلحق انوقف تكسي وهو بيدلنا على الجمعيه
استانست اليازي مع عمها خليفه في الجمعيه وهم يترسون العربانه من كل شي
خليفه:يزوي اتعرفين تطبخين؟
اليازي:ههه لا اكيد وييين انا والطباااخ اصلا انا مابدخل المطبخ من عقب الي صار اليه فييه
خليفه:افااا يعني انا بتوهق بالمطبخ
اليازي:عميييه العالم اطورت خلنا نتغدى ونتعشى في المطاعم
خليفه:واتخيييس بطونا من اكل المطاعم
طاح نظر خليفه في طرف الجمعيه على محل للهواتف
خليفه:زيييين محل تيلفونات تعالي اختاري لج تيلفون ولنور واحد
اليازي متفاجئه:اليه انا؟
خليفه:هيييه فديتج احنا في سفر ولازم كل واحده منكن ايكون عندها تيلفون عشان انعرف نتواصل
اليازي فكرت على طول في فهد لو يدري اكيد مابيوافق
اليازي:ما يحتاي عميه انا بتم مع نور دوووم
خليفه :لا فديتج احنا في الغربه واكيد انج بتحتاجيين له مايندرا بالدنيا لو يصير شي بعدين فهد حاشرنيه من الصبح
وموصي اخذلج واحد عشان تتواصلين معاه بعد
وقفت اليازي منصدمه منو الي قال فهد لاا مستحيييل
خليفه:ياله يا يزوووي تعالي طالعي الي ناسب لج
تمت اليازي اطالع التيلفونات ووقف خليفه على طرف واتصل على البيت ويوم ما شله حد اتصل على تيلفون نوره كانت الساعات الاولى من الصبح في الامارات
نوره بصوت نعسان:الوووو
انتفضت اوتار قلبه
نوره:الووو
خليفه:هلا نوره
اعتدلت نوره بسرعه:خليييفه
كان صوتها فيه لهفه حاول خليفه يقنع نفسه انه مايتوهم
خليفه:وعيتج من الرقاد؟
نوره بتوتر:هااه لا ماعليه
خليفه:اخبار اليهال؟
نوره:احمم بخيير ايسرك حالهم
خليفه:اتصدقين مانتبهت ان الوقت عندكم غير عن وقتنا اكيد عندكم الحين الفجر
نوره:هييه
خليفه:اموركم كلها زينه؟
نوره:الحمدلله
خليفه تم ساكت ماعرف شو يقول
نوره:ا اخبااار مريضكم ان شالله بخير؟
خليفه:الحمدلله بخير وعمليته باجر
نوره:ونور بخير؟
خليفه ايحس انه ذااااايب من صوتها
خليفه:بخير وماتشكي باس
تمت نوره عقب ساكته ومايسمع الا تنفسها
خليفه:نوووره
نوره:هممم
خليفه:انتي بخير؟
هزت راسها بلا
خليفه:نوووره
نوره:الحمد لله بخير
خليفه بعد صمت:انزيين شي اتوصينيه فييه؟
نوره:سلااامتك
سكر عنها وقلبه يرقع بقو كان كان ناوي يتصل عقب على اميره لاكنه حس انه ماله خاطر ايسوي على حد من عقب ماسمع صوتها
اليازي:عميه شرايك في هذا
خليفه:هاااه اوكيه عجبج
اليازي:هييه
خليفه:انزين ناخذ لنور نفسه ولا بتختارين الها غيره
اليازي:هذا بعد حلو واحسبه ايناسب لنور
خليفه:زين زين بناخذهن كلهن

.................................................. ..........



في اليوم الثاني سوو العمليه والحمدلله نجحت بفضل الله نور كان حيلها منهد من البارحه ما حست انها رقدت رجعت للشقه ورقدت كم ساعه ومن عقبها رجعو عند زايد الي ظل طول اليوم تحت تاثير البنج يوعا شويه ويرجع ايغط في النوووم
في غرفة مي كانت روضه عندها وهيه تفتح عيونها منصدمه من كلام مي
روضه:شووووه رشوووه حسبي الله عليها معلمه وانا اقول السالفه فيها شي
مي:تخيلي البنات عاجبتنهن السالفه وولا وحده تكلمت
روضه:عناالله ابو الي مايعرفها ملعونة الصير انتي ادلين بيتها؟
مي:ليييش؟
روضه:انا بقولج ليييش قومي ياله لبسي عباتج
مي:روضوووه شو بتسويين؟
روضه:قومي انتي وانا بقولج بعدين
مي:لا رويض ادريبج بتهدين عليه ارجوووج مافيه مشاكل معاها بروحها علاماتيه خافستبهن
روضه بصرخه افزعت مي:قووومي اقولج ولا ترانيه باجر في الاداره بتكلم
مي:لا لا لا روضه حرام عليج لا تخلينيه اندم انيه قلتلج
روضه:اصلا انا ادري بعلومها من زمان ياله قومي اتحركي
طلعت روضه وهيه تسب وتشتم ولبست عباتها ولحقتها مي وطلعن مع الدريول متوجهات لبيت المدرسه الي كانت ماجره في احد البيوت السكنيه وكان بيتها عباره عن حوش صغير فيه بعض النباتات
وطاوله وحوليها كراسي وصاله وغرفة نوم
دقت روضه الباب الحديدي وفتحت المدرسه سلمت عليها روضه ودخلت ووراها مي الي كانت ميته من الاحراج المدرسه ابتسمت شكل البنت فهمت اخيرا اهيه شو تريد
الحوش كانت فيه بعض المدرسات قاعدات على الكراسي وباب الصاله مفتوح وبعض الطالبات قاعدات داخل وفي ايديهن اوراق رحبت المدرسه ابهن وضيفتهن داخل بعد ما طلعن البنات للحوش بعض البنات كانن ربيعات مي
اول شي بدت روضه تتكلم معاها وتاخذ من وراها لين ما فهمت السالفه بتوضيح قوي من المدرسه
وقفت روضه وعيونها يتطاير منها الشرار
روضه:يعني يا ابله رشوووه؟
عصبت المدرسه من اسلوب روضه ورجعت روضه تناقش الموضوع مع المدرسه بصوت عالي وغيض وقهر لين ما عصبت المدرسه وطردت روضه ومي من بيتها وهيه تصارخ على روضه وتتوعد انها ترسب مي
روضه وهيه طالعه في الحوش تمت اتصارخ على بقية المدرسات وانهن بعد من نفس الطينه وتتوعدهن انها بتكشف امرهن في الاداره
المدرسه عصبت اكثر وقامت تقذف روضه بعبارات ماقدرت روضه تستحملها وردت معصبه في محاوله انها تتضارب مع المدرسه الا ان البنات الي كانن حاضرات منعنها وسحبنها لين الباب وهن
يحاولن ايهدنها
روضه بصراخ:اتخسي الكلبه ملعونة الصييير انا بنت حرام يالي ماتعرفين الحلال من الحرام وقسما بالااااااه ان موتج ايكون على يديه واللــــــــــــــــــه لا اذبحج بايديه
وانيه ازهقج روحج يا ملعوووونه
البنات كانن بسحبنها بعيد عن المدرسه الي بدا اهيه صوتها يعلو وهيه تشتم وتسب وروضه ركبها مليوووون عفريت بس اتريدهن يتركنها عشان تمسكها من رقبتها وتذبحها
الكلام الي قالته المدرسه في حقها ذبحها وخلاها تحلف وتتوعد بدون ماتحس بنفسها
مي وهيه ادز روضه لبرا مع البنات:ياربييييي بس يارويض اقلعييييها فارقت ويهها
روضه:بذبحها الحيوانه ...بطلنيه بطلع روحها اليووووم بطليييينيه اقووول
مي:ياربيييي حرام عليج ياروضه بس عاده خلينا انروح
مقاومه عنيفه البنات حصلنها من روضه الي كانت تدفع نفسها ناحية المدرسه وهن يسحبنها لبرا
روضه:انا بنت شوارع بطلنيه خلنيه اعلمها منو بنت الشوارع هذي مدرسه هذي الفاظها جذيه بطلنيييييه
اخيرا قدرت شلة البنات يطلعن ابها برا البيت وصوت المدرسه طار اذنيهن وبالغصب ركبنها السياره وسكرن الباب وراها ركبت مي السياره بسرعه وهيه تقول للدريول يمشي بسرعه
تمت روضه طول الطريق تنافخ وتسب وتتوعد وكل ما كلمتها مي صرخت عليها
جدام البيت كان بدر توه طالع من الميلس وتفاجئ بالاعصار الي نزل من السياره وهيه تصفق بالباب وتمر من عداله ومليون شتيمه على لسانها بدون ماتحس اهيه عدال منو مرت
كان واقف فاتح عيونه منصدم والتفت لمي
بدر:منو هذي؟؟!!!ّ
مي وهيه منزله راسها تحت:هـ هااذي روضه
بدر بعده منصدم منها:وشبلااها جذيه
مي:تواقعت مع المدرسه
بدر:هااه
رد والتفت للباب الي دخلت امنه
بدر:وهيه دوم حياتها وقعات عشان جذيه اظن السقوط دائما
نزل بدر السلمات الباقيه وهو يحس انه متضايق من روضه هذي شوووه صدق انه وهق عمره معاها معقوله في انسانه جذيه اسلوبها
هذي ما يصلح معاها لا تاديب ولا غيره ابرك شي انه يحصل طريقه يطلقها ويريح راسه

................................

في المسا في نفس اليوم الي كانت فيه العمليه كان خليفه واليازي ونور عند زايد الي دخل عليه الدكتور الي سوا له العمليه وكانت جنسيته اردني
دكتور شاطر ومن ابهر الدكاتره قدرت الدول الاوربيه تكسبه وهيه توفرله وتفتح له اوسع المجالات
لمهنته في سبيل الاستفاده امنه
الدكتور:زااايد يازاااايد تسمعني
فتح زايد عيونه بصعوبه
الدكتور:كيفك يازااايد
هز زايد راسه باوكيه
الدكتور:الف الحمدلله على السلامه
غمض زايد عيونه
الدكتور:زايد الحمدلله العمليه نجحت وانته عديت كل مرحلة الخطر بس تحتاج لشوية تمارين طبيعيه وباذن الله راح اتقوم بالسلامه
هز زايد راسه وهو يغمض عيونه ويفتحهن
الدكتور:زايد تعرف الي موجودين عندك اليوم مين هذا الرجال الي واقف جنبك؟
زايد التفت لخليفه الي ابتسم له
زايد:خـ خلـــــــــيييفه عــعميييه
الدكتور:وهذي الصبيه الي جنبه
وجه زايد نظره لليازي
زايد:الــــــــــ اليااااااازيي
الدكتور:والثااانيه
كانت نور مغطيه ويها زايد تم ساكت ومارد
الدكتور:ماعرفتها لانها متغطيه؟
زايد وهو ايطالع الدكتور:هــ هـذي ز زوو زووجتتييه
حست نور ان قلبها رفرف فووووق وتمنت اتكون بس اهيه معاه ومحد معاهم استانست وتجمعت الدموع في عيونها
الدكتور:اااه انته متزوج يا زااايد ...الحمدلله على سلامتك يارياال
طلع بعده الدكتور وغمض زايد عيونه مستسلم للنوم
رفعت نور غطاها:هل سمعت عماه ماذا قااال ؟؟
خليفه:ههههه عليه رفجه انه هب صاحي...المهم نور خلينا نرجع الشقه الحمدلله اهو بخير الحين وباجر من غبشه بنكون عنده
نور:اريد ان ابقى قليلا عماه
خليفه:يانور الوقت تاخر وانتي ماكلتي شي اليوم وبعض الناس ماطاعو يدخلون المطبخ هههه

في اليوم الثاني اول ما دخلت نور الغرفه على زايد شافته فاتح عيونه ويطالع التلفزون وبعده الي على رقبته محاوطبها
اقتربت امنه
نور بابتسامه:اسعدت صباحا كيف حالك اليوم؟
التفت الها بنظره ورجع ايطالع التلفزون بدون مايرد عليها
نور خلعت قفازاتها وغطاها وحطتهن على طرف
نور:هل افطرت؟
تم ساكت ومارد عليها
التفتت للمرضه الي دخلت وسالتها وردت عليها بانه مافطر
نور:حسنا سوف اقوم انا بمساعدتك على الافطار لابد بانك تتلوى من الجوووع
فتحت نور الغطا عن الافطار وشكل الفطور اكل مهروس لان اول ايام العمليه الحلج ايكون ملتهب
قربت نور الطاوله جدامه وحطت الاكل
نور:انه طعام شهي ماذا تريدني ان اطعمك اولا؟
رفع زايد يده ايرويها انه يقدر يحرك ايديه يعني يقدر ياكل بروحه ابتسمت
نور:حسنا وما المانع من ان اطعمك انا؟
عدها يده كانت مرفوعه نزلها ومسك ابها طرف الصنيه ورفعها وفرها على جنب الصنيه وبكل الاكل الي فيها والاواني الزجاجيه من صحن وكوب كله تناثر على الارض مسوي ضجه عاليه بتكسير الزجاج وانتثار الاكل في كل مكان
الممرضه الي كانت بعدها في الغرفه شهقت رافضه الي تشوفه ..نور حست بقلبها وقف امازايد رجع ولا كانه سوا شي والتفت للتلفزون ايطالعه
تمت نظرات نور على الفوضه الي سواها في الارض والاكل المتناثر طلعت الممرضه وهيه تتحرطم
ورجعت نور اطالع زايد:لما فعلت ذالك؟
مارد عليها وتم ساكت
نور:حسنا ربما لم يعجبك الطعام؟
نزلت نور على الارض وتمت تجمع قطع الزجاج وتلم الاكل في كيس والاشيا الي حست انها ماتضررت حطتها في الصنيه ورفعتها على طاوله في الطرف ورجعت اتنظف الارض
وهيه تحس ان قلبها مقبوض ليش سوا جذيه معقوله رجع مثل اول بلعت ريجها ووقفت اطالعه
نور:هل تحتاج الى شيا اخر؟
بعده تام ساكت ومتجاهلنها
ماعرفت شو تسوي له وراحت وقعدت على واحد من الكراسي ولزمت الصمت
بند زايد التلفزون من الريموت الي عنده وبند الليتات لانه عنده نقطة التحكم بالاناره
تمت الغرفه في ظلام شكله ايريد يرقد رفعت نور اريولها من على الارض وضمتهن الها وغطت عينها بعد ما حست بالنعاس
وعت نور على صوت الممرضه اتكلم زايد والي طلب منها اتساعده ايروح للحمام
قامت نور وقربت منهم وهيه تقول للمرضه اتروح وهيه بتتولاا الامر لاكن زايد مسك الممرضه بغيض من يدها مانعنها اتروح
والتفت لنور بنظرات معصبه لاكنه ماتكلم
الممرضه فهمت له وساعدته بالنزول على الكرسي ومن بعدها راحت به لين باب الحمام
عصبت نور ولحقتهم وهيه تطلب من الممرضه اتفارج وتخلي ممرض يحضر بدالها
تنرفزت الممرضه وطلعت
زايد:ا انـــانتيييي ماااالج خــخص
نور:انا زوجتك احق من هذه الكافره بان اساعدك
زايد:ا انتييي بنت باااكستااانيه ماااريد منج اي خدمممه
نور:اعلم اني ابنة باكستانيه لما تذكرني بهذا الامر كل حييين ولاكنني زوجتك
زايد:انقلعييي براااا
نور:اريد مساعدتك
زايد:ماااريييد منج اييي مسااااعده انقلعيييي
نور باستعطاف:زيد لما تفعل هذا انا لم اتي معك الا من اجلك لما تريد ان تمنعني من مساعدتك؟
زايد:مـمن البدااايه ماااكنت اريييد منج ايي مساااعده طـطلعييي برااااااا
سحب زايد الخيط الي يعطي لجرس الانذار عشان اييه حد غيرها ودخل عليه المره هذي ممرض
زايد:طلعييي براااااا
نور:حسنا
التفتت عنه ولبست غطاها وطلعت من الغرفه وتمت تمشي في الممرمتضايقه
خليفه ومعاه اليازي:نووور شو تسوييين اهنيه؟
نور:زيد ...لقد طردني من الغرفه
خليفه حاول انه يمنع نفسه مايضحك لانه يعرف زايد
خليفه:افا ياذا العلم يطردج وانا موجود ماعليج تعالي وانا بسنعه لج
دخل خليفه ومعاه البنات وحصلو زايد على سريره ايطالع التلفزون وسلم عليه
خليفه:الحمدلله على السلامه انا عاده اليوووم ابصم بالعشره انك بخيييير مليون بالميه هههههه
ابتسم زايد
خليفه:هاك كلم بدر حاشرنيه من البارحه ايريد ايكلمك
اليازي طلعت الدلال الي يابوهن وقامت معاها نور ورتبن صنيه صغيره وحطن فيها اكواب وفناييل وطبعا مله صغيره فيها تمروعلبة حلويات
تم زايد ايكلم بدر وشافت نور ان نفسيته تحسنت شويه ولسانه بدا ينطلق اكثر في الحروف
قرب خليفه من نور واليازي:اقول بنات شرايكن اتروحن الشقه لان ريايل بيون ايسلمون على زايد ويتحمدون له بالسلامه..ناس انعرفهم من السفاره ومعارف زايد اهنيه واييد
نور:ولاكن عماه هو لا يزال متعب
خليفه:لا ماعلييج من ايشوف العرب بيغادي بخير بسرعه فديتكن الجماعه يايين في الطريق
طلعت نور واليازي وراحن للشقه وكان الاتصال بينهن وبين خليفه الي اذا احتاج قهوه وشاي طلب منهن ايسون ويرجعلهن ياخذهن ويرجع عند زايد الي ماشالله زاره ناس وااايد من الي يعرفونه وضامين صوتهم للتصوييت له
حس زايد في اخر اليوم بتعب واستسلم للنوم ونور حشرت خليفه كل شوي تساله اذا كل شي او لاا سوتله شوربه وطرشتها له وقالها خليفه انه شربها
في اليوم الثالث في الامارات اتصل مروان في الساعات الاولى من الصباح على بدر الي توه واعي ويتجهز للدوام
مروان:بدر..انته ويييين
بدر:مرواان شبلاااك شكلك عندك شي؟
مروان:اااخ شو بقولك؟
بدر:يا اخي ارمس
مروان:مصييييبه
بدر:مروان لاترفع ضغطيه
مروان:مصيبخ مايت على البال يا خويه
بدر:لحووووووه وبعدين يعني؟
مروان خذ نفس وتكلم:بدر امس المغرب صارت جريمة قتل والقضيه خذها حسن السعدوني قبل لا اوصل المخفر
بدر:انزين الزبده
مروان:حرمتك متهمه بجريمة القتل هذي
وقف بدر مش مستوعب مروان شو يقول:شووووو؟
مروان:روضه بنت راشد يارنا الي انته مالج عليها متهمه بقتل المدرسه
بدر:انته شو قاعد اتخربط وتقووول
مروان:اسمعنيه بدر الموضوع ومافيه ان لبنيه امس كانت عند المدرسه وهددتها بالقتل حسب كلام المدرسات الي كانن عندها والطالبات ايقولن استوت وقعه بينهن كبيره وروضه هددتها انها تذبحها والبارحه المغرب المدرسه حصلوها ميته
ماكله بيتزا وفيها سم
بدر:عاده اهيه مش مينونه لهدرجه عشان اتروح تذبحها عسب وقعه
مروان:البنات قالن ان المدرسه غلطت على روضه بالفاظ بذيئه خلت لبنيه اتهد عليها في نفس الوقت وهيه تقول بذبحج وان موتج بيكون على يديه
بدر بغيض:يا مروان انته مصدق هالخرابيط
مروان:المهم انا اقولك حسن السعدوني مش هين وانته تدري ان بينيه وبينه مشاكل من العام والريال من درا انها حرمة اخويه مصبح جدام بيت ابو فهد من غبشه وهم الحين ايحاولون ياخذون روضه للمخفر
كانت هذي ضربه قويه على راس بدر
بدر:شو هالكلام الفاضي الي انته قاعد اتقوله..على اي اساس ايشلها وهو ماعنده ادله وبراهين لعب عيال اهو
مروان:تراااه سبااال ويريد ياخذها للمخفر عشان التحقيق
بدر بغيض وقهر:سكر يامروان انا بروح وبشوف شو السالفه
وبسرعه بسرعه لبس بدر ثوبه وتم يعقم ازرار الثوب وهو متوتر ولبس سفرته وعقاله ونزل بسرعه تحت وطلع لسيارته وهو لاف لبيت ابو فهد كان يتمنى انه مايشوف حد جدامه وان هذا كله مقلب من مروان لاكنه انصعق من عدد السيارات والشرطه الي واقفين غير الصحافه الي مانسو ان هذا البيت كان اخر بيت طلع امنه زايد قبل الحادث
حس ان في شي يضغط على جسمه وشي يكبت على صدره ويحاول يخنقه
على طووول اتوجه من بعد مانزل من السياره للضابط حسن الي كان فاتح باب سيارته ومنزل ريوله برا وينتظر البنات الشرطيات الي طرشهن داخل اييبن روضه سلم بدر على حسن
بدر:شوووه ياحضرة الضابط حسن ياي تقبض على عصابه
التفت الضابط حسن لبدر وهو يدري انه اخو مروان الي دائما بينهم عداوه
حسن:نعم يا استاذ بدر انا قاعد اطبق القانون
بدر:والقانون ايقولك تعال خذ بنت ناس عرب من قبايل وهل الدار بالطريقه هذي
حسن:والله اهيه المتهمه الاولى
بدر:عندك ادله يا حضرة الضابط تثبت التهمه عليها
حسن بنظرات مايهمه شي:عنديه شهووود
بدر:بالعقل ....بتاخذ تهديدات وحده معصبه من كلام انقال الها على محمل الجد وين احنا عايشييين
حسن:اوووه انته بتبدا بالدفاع الحين تو الناس عدنا جدامنا وقت طويل
بدر:انا ما اسمحلك تاخذها من البيت بالطريقه هذي وجدام العالم هذي كلها وانته ماعندك اي دليل يثبت ادانتها
حسن:قلتلك عنديه شهوووود وانا ماعليه من حد الي في راسيه بسويه والبنت بتطلع بتطلع برضاها بالقوه بتطلع
قعد بدر محتشر معاه ويحاول معاه بكل الطرق عشان ايرده عن الي ياي ايسويه لاكن مافي فايده في البيت داخل اول ماطبت البنات العسكريات على روضه وطلبن منها اتروح معاهن وعرفت بالسالفه
فتحت عيونها منصعقه والتفتت لمي اتشوف شو ردة فعلها والتفتت الهن
روضه:انا ذبحتها؟؟!!!ّ
العسكريه:انتي المتهمه الاولى والمدرسات شهدن انج هددتيها بالقتل
روضه بسخريه:لاااا انا قتلتها وكيف قتلتها قطعتها بالسجيين وحطيتها في اكياس
العسكريه بحزم:امشي لبسي عباتج احنا ماعندنا وقت وكل الي تبين اتقولينه قوليه في المخفر
روضه:لا والله على كيفكن انا اتفضلن انتن طلعن برا
العسكريه:لاتخلينا نستعمل معاج العنف
روضه:اميه وين ابووويه؟
ام فهد الي تمت اتصيح من الوضع:ابوج وفهد البارحه راحو قطربالسياره يااااااله بسترك
العسكريه:انا انذرج لاخر مره لبسي عباتج وامشي جداميه
روضه:انا هب طالعه من اهنيه وابويه محد انقلعن انتن برا
التفتت العسكريه لام فهد:يا حجه هاتي عبات بنتج وخليها تلبسها لاننا مظطرين ناخذها بالقوه
روضه:واللــــــــــــهما اشبر معاكن شبر لين ايي ابويه انا ماليه خص فيها روحن طالعن منو الي بحها
اميه ترا كل الي ايقولنه جذب انا ما ذبحتها
كانت مي اتصييح بصوت خافت وهيه لاويه على امها من ورا
روضه هزت مي:مي تكلمي قولي شي انا ذبحتها انتي بتصدقين كلامهن
التفتت الام لمي:سيري يابنتيه هاتي عباتها
روضه:لاااا اميه بتخلينهم ياخذونيه انتي صدقتيهم
ام فهد:يابنتيه اتقول باخذها بالغصب انا ما اباهم يطلعونج جذيه بدون ستر
روضه وهيه بدت تنتفض من شكل امها الي تصيح ومي:ماعليج منهن انا اصلا مش طالعه بيبطوووون انا اروح مخفر شرطه والله لايذبحنيه ابويه اندرا قوليلهن يطلعن برا انتي راعية البيت طلعيهن
العسكريه تمت اتكلم الضابط حسن برا وتقوله ان البنت مش راضيه تطلع وصرخ عليها هاتيها بالقوه ولا بدخل انا اطلعها بالقو
عاده في هذي اللحظه كان مروان قريب منهم توه واصل وسمع الضابط حسن ايقول جذيه ومانتبه على البوكس الي ياه من مروان
مروان:جان فيك خير ادخل داخل وانا بعلمك السنع عدل
التفت مجموعه من الشرطه على مروان يمنعون الضرابه الي متعودين عليها دايما وابعدوه عنه بعيد
بدر:يامروان الله ايهديك احنا الحين فكار وقعاتك
مروان:هذا سبااااال لو تكلمه من اليوم لين باجر مايفهم
قام الضابط حسن واتصل على البنات داخل وهو يقول الكن خمس دقايق ولا تراه اهو بيدخل
مروان والشرطه يمسكونه مانعينه يقرب من حسن:يا حقيييير انته ماتستحي على ويهك والله لو السالفه وصلت الشيوخ انهم ايفنشونك اليوم قبل باجر
حسن ما عبرهم وتقدم بخطواته ناحية البيت في الوقت هذا قدرت ام فهد اتلبس روضه عباتها وهيه تترجاها لان الشرطيات سحبنها اول شي لين الباب
تمت روضه تلبس العباه ويابتلها مي الغطوه من فوق الشيله والعباه ولبستها واول ما خطت روضه خطوه برا وشافت الي برا التفتت اتريد تدخل وهيه تصرخ ماريد ماريد
بدر انتبه لصرختها وهو كان واقف ايكلم واحد من المسؤلين في التلفون بند التيلفون وركض ناحيتها راقي السلمات وصرخ على العسكريه
بدر وهو يلفها ناحيته وياخذها في حضنه:بطليييهااااا
روضه مثل الي ماتحس بشي حوليها يتها حاله هستيريه وهيه تصييح ماريد ماريد
بدر وهو يلمها اكثر لحضنه وكان واقف معاها في مدخل البيت ورا الباب الي كان مفتووح
بدر:روضه روضه خلااص اهدي انامعااااج
روضه:اريد ابويه اريد ابويه ماريد اروح معاهم ماااااارييييييد انا ماذبحتها والله ماذبحتها
بدر:الله يغربلهم خلاااص انزييين لاتخاقين انا معاااج وانتي بتروحييين معايه مابخليهم ياخذونج
ماكانت تدري اهيه في حضن منوووه ولا منو هذا الي يكلمها اخيرا استوعبت وابتعدت نه شوي
روضه بخوف:انته منووووه؟
لفها اكثر لحضنه وهو يحس بمقاومتها
بدر:انا بدر ياروضه بدر زووووجج لا تخافييين
بدت ترتعش اكثر وتحس انها في دوامه وقريب تفقد وعيها ورجعت تستسلم لدموعها
روضه:ارييييد ابووويه ماريد اروووح معاهم ياربي انا شو سويييت والله ماذبحتهااااا
بدر:خلاص انزين خلاص لاتخافين انتي بتروحين معايه وبترجعين معايه بس اهيه جلسة تحقيق وبينتهي كل شي وبردج البيت تعالي تعالي معايه لسيارتيه
مشت روضه معاه وهو لافنها بيديه ومعدي ابها بينهم متجه لسيارته لاكنها قبل لا توصل السياره وقفت رافضه اتكمل
بدر:وبعدين يا روضه امشي خلي هاليوم ايعدي على خييير
حسن:على وييين يا استاذ بدر ماخذ المتهمه؟
بدر:خذت اذن من المسؤل انيه اوديها معايه شل حشدك انته وتوكلو
ركبها السياره ودار للجنب الثاني وركب قرب امنه مروان ونزل ايكلمه من الدريشه وعينه عليها وهيه تنتفض
مروان:فارقت ويهه انا بحاول اكلم العقيد سالم يدخل في السالفه قبل لا يهبب هذا فيها
بدر بضيقة خاطر:ماعليه ...الله يشوفلنا
تم بدر ايسوق وهو ايحس بغيض يتصاعد فيه
روضه وهيه تشاهق:انا ما ذبحتهاااا
بدر بغيض:انتييي لسانج متبري منج ولا في وحده تهدد بالقتل
روضه:انا ماكنت اعنيييه انا كنت مغتاضه عليها انته ماسمعت شو قالت اليه هذي تمت تسبنيه
وطعنتنيه في شرفيه ...تستااااهل والله انها تستاااهل الموووت
بدر:جب ولا كلمه انتي اي كلمه اتقولينها الحين محسوبه عليج ...ماريدج تتكلمين باي كلمه خليج منطمه وخلاااص
انا بمسك القضيه وانا بتولا الكلام عنج تسمعييين مااريد اي كلمه اتقولينها
روضه:يعني انته كيف بتتكلم عنيه
بدر:بصفتيه محاميج فهمتي
سكتت روضه وهيه تحس بغصه ...معقوله عقب كل الي ياه منيه ايكون اول واحد واقف في صفيه
لين الحين بسبب دموعها والغطوه الثقيله الي يابتها مي ماحددت ملامحه
في المخفر مروان وداهم لغرفه صغيره فيها طاوله وكرسيين عشان بدر ياخذ كل اقوالها قبل التحقيق
بدر:قعدي يا روضه انا بروح شويه وبرجع
روضه:ما اريد اقعد بروحيه
بدر:لا تتروعين انا موجود بس بتفاهم مع الضابط عشان اخذ اقوالج قبل
"اكيد لوحد في الشرطه بيقرا القصه بيفطس من الضحك على الخربطان الي قاعده اكتبه ماعليه ماعليه تاليف كله ...المره الي فاتت عرب ضحكو على وايرات السياره المره هذي الله يستر"
تمت روضه تحاول اتهدي نفسها وهيه تحس براحه من وجود بدر معاها وهيه تفرك ايديها
دخل بدر وفي يده شنطه سودا اول ما حطها على الطاوله ابتسم
بدر:هااه راعي الشنطه السودا ياااج بافي النظرات نسيتهن في البيت
روضه في خاطرها "والله قاعد اينكت هذا"ّ
فتح بدر الشنطه بعد ما قعد وطلع منها بعض الاوراق وطلع ورقه وقلم ودزهن جدامها
بدر:روضه ملي هالاورقه
روضه:ليييش؟
بدر:لا ما عليج هذي ورقه تخص موافقتج انيه اكون محاميج
روضه:لاا انا ماريد جذيه انا ماجتلتها ليش اتسوليه جذيه انا ماريد اتم اهنيه اريد ارجع البيت
بدر:على كيفج اهو ياماما السالفه فيها قتل
روضه:انزين انا ماذبحتها
بدر:ومنو الي بيصدقج هذي مش مدرسه وحده الي شهدت ضدج اربع مدرسات وثلاث طالبات
والكلام الي قالنه مش هين كلامج كان الها انج بتذبحينها بتذبحينها هذا غير القسم الي قسمتيه بان موتها بيكون على يدج
روضه:قسما بالله ماكنت احس بالي اقوله
بدر:عاده هي مشكلتج اذا كنتي ماتحسين بالي تقولينه بليز خلصي لورقه اليه عشان اوديها
مسكت روضه القلم بيد ترتجف وسحبت لورقه وقبل لا تكتب رفعت راسها له
روضه:عادي ارفع الغشوه حد بيدخل
مايدري ليش بدر حس برجفه خفيفه تسري في جسمه وهو قاعد يقرا الاوراق جدامه
بدر:كيفج
روضه:محد بيدخل
بدر وهو يحس بالتوتر رجعله:لاااا
تم مثبت عيونه على الاوراق ويحس انه بدا مايفهم شي من الي يقراه وهو يلمح انها كشفت غشوتها
روضه تنحت اول ما طاحت عينها عليه وهو منزل نظره تحت يقرا الاوراق...منووو هذا؟؟...هاااه لحضه لحضه
هذا.....الحيييين.....اهو......بدر...لالالا انا يمكن من الي فيه يتخيل اليه هذا شاب ومزيووووون الموووووت هذا فوق الزييين وين عيل المحامي الشيبه
بدر وعيونه على اوراقه ايحس ان عيونه شي ماسكنها عن لا يرفعهن ناحيتها:خلصي لورقه بسرعه
روضه:هااه
بدر :شوووه هاااه خلصي لورقه
روضه وهيه تهز راسها انزييين مسكت القلم وبدت تكتب وكل شوي ترفع نظرها له لاحظت اخيرا انه مارفع عينه فيها ووقفت من الكتابه ليش ما طالعها؟
بدر وهو يجلب لااوراق الي ضيع كل المعلومات الي فيهن ومايدري شو صارله:خلصتي
روضه:هااه لا بعدنيه
بدر:عن التتنيح وياله خلصي ماعنديه وقت
روضه:انـ انزيين
اول ما خلصت رفعت نظرها اطالعه وهو يقرا الاوراق ويعض على طرف شفايفه
روضه:بدر
على طول كانت الاستجابه انه رفع نظره الها عشان ينصعق اهو بالي يشوفه...بيبي فيييس اخر شي يتخيله ان روضه ويهها ايكون طفولي بالصوره هذي عيونها كانت لوزيه ولونهن اسووود ويههها دائري
والها غمازيتين ملفتااات للنظراسنانها الهن صفه غريبه تجذب الواحد يوم تتكلم الى جانب شفايفها الناعمه ونظراتها الطفوليه
بدر بعدم استيعاب:انتي روضه
احمر ويهها:ليييش؟
بدر:منو الي اكبر انتي ولا مي
روضه:انا طبعا الكبيره
بدر:متاكده؟؟!!!ّ
كان منصعق على لسانها الي متبري منها تطلع هذي روضه بحجمها الصغير الي توه بدا يستوعبه وشكلها الطفولي
روضه:انته شبلاااك اطالعنيه جذيه؟
حط الاوراق وتم يتفحصها اكثر
بدر:انتي روضه ؟؟؟انا قلت هالملسونه والي قاعده تهدد وتتوعد .انسااانه ثانيه بشكل ثاني تطلعين انتي الي يشوفج ايقول هذي عدها ماطلعت من الارض يطلع منج كل هالمشاكل انتي من وين يايبه الثقه في نفسج عشان اتسوين كل الي تسوينه
وقفت روضه معصبه:شقصدك يعني ..يعني مش ماليه عينك
بدر:هاه هاه هدي هدي الحين مش وقت اننا نتواقع خلينا اول شي نطلع من لمصيبه الي يبتيها وعقب بنتفاهم
قعدت روضه وهيه معصبه وكان شكلها وهيه معصبه رهيييييب ...بدر حاول انه يسيطر على قلبه الي ما استاذن وبدا ايدق بالقو
ايحس كل شي اتخربط من حوله

.......................................


اول ما حطت نور الاكل جدام زايد على طووول فر الصنيه عشان اطيح على الارض
زايد بصراخ:انتي ماتفهمييين قلتلج ما اريد اكل
نور:ولاكنك لم تاكل شيا
زايد:مالج خص فيه اكل على كيفيه انتي شخصج انقلعي من جداميه ما اريد اشوووف ويهج
في اللحضه هذي حس زايد بويع قوي في ظهره وصرخ
زايد:ااااخ ظهري
ركضت نور ناحيته متروعه
نور:زيد ماذا بك
زايد وهو يحاول ايقاوم الويع:لاتقولين اليه زيد لوعتي بجبديه اسميه زااااايد زاااااايد انتي تفهمين ولا ماتفهمييين
نور:حسنا حسنا زااايد
نطقها للاسم كان غلط
زايد:انتي تبين تقهرينيه تنطقين باسميه جذيه
نور:لقد قلت لك لا استطيع ان انطقه كما يجب ان انطقه لذالك افضل اسم زيد
زايد:وانا مش على كيفج وعلى كيف نطقج الاحسن انج تفارجييين ولا تنطقين به ابدا اااه
نور:سوف استدعي الطبيب
بعد ما رجعت نور دخل عقب دكتور وكانت جنسيته باكستاني تم يتكلم مع زايد بكلام عربي مكسر وقال لزايد انه باكستاني
كان طويل وحليو بدون لحيه وكل شوي يلتفت لنور وهو مبتسم
زايد تم على اعصابه لين كشف عليه وعطاه ابره وخلص وقبل لا يطلع التفت لنور وكلمها بالباكستاني جاوبت نور على كل اسالته بعد بالباكستاني وعقب طلع وهو مبتسم
بعد ما طلع قربت من زايد ورفعت غطاها
نور:هل تشعر بتحسن الان؟
طالعها بطرف عينه وتم ساكت وعقب غمض عينه ..راحت نور وقعدت على الكرسي وهيه اطالعه بعد نصف ساعه قعد زايد والتفت ناحيتها
زايد:سيري سكري الباب زييين
نور بنظرات استفهام:لماذا؟
زايد وبصوت هادي مرتاح من عقب الابره الي خذها:سكري الباب يانور زيين وتعالي ابااج
التفتت للباب وسكرته زين
زايد:غفليه ان كان فيه مفتاح
نور:حسنا
رجعت له:ماذا هناك؟
زايد:ماشي اريدج اتعقين شيلتج مش صرتي زوجتيه وحلال اشوفج
نور وبعدها مستغربه:هنا؟
زايد:هيه اهنيه عقي العباه والشيله اريد اشوفج زييين
تمت واقفه متردده
نور:هل اخلع حجابي فقط كي استطيع لبسه بسرعه انحضر احدهم
زايد:هممم ماعليه عقي لحجاب
التفتت عنه وراحت لين الطاوله وفصخت الحجاب وهيه تحس بتوتر رتبت شعرها زين والتفتت له
تم ايطالعها
زايد:افتحي شعرج
نور:زيد لما تطلب مني هذا الان؟
زايد:مش زوجج واليه الحق اشوفج
نور:اجل ...حسنا
فتحت نور شعرها الي كان رهيب واتذكر زايد هذاك اليوم يوم كان يراقبها من ورا الباب الزجاجي
بدا ويه نور يحمر من الاحراج وزايد قاعد ايطالعها بنظرات غريبه
زايد:تعالي
توترت ومشت ناحيته وهيه تحس بالتوتر
زايد:قربي اهنيه عداليه
نور وهيه كل شوي رفعت نظرها ناحيته منحرجه اقتربت اكثر
زايد وهو يتفحصها:تعالي عداليه اقعدي
بدا قلب نور يرتجف هذا شو يريد منها
قربت اكثر وقعدت في المكان الي كان ياشر عليه مجابلتنه وهيه منزله راسها تحت مد زايد يده ورفع راسها فوق ايطالعها بشكلها المثير وشعرها مهدود حوالين ويهها عقب مد يده ودخلها في شعرها ونور تحس برجفه قويه تتملكها من لمساته قرب راسها ناحيته لين صار ويهها مجابل ويهه واحمرار ويهها ايزيد اكثر ونظرات عيونها تحت
لاكن في شي غريب حستبه في راسها وهو يشد شعرها بقو وزاد اكثر لين حست بالويع
نور:اااه زيد انك تولمني
شد شعرها اكثر واقو من قبل
زايد:ياحماره بتقولين اليه هالباكستاني من وين متعرفه عليه؟
نور:اااه زيد انك تولمني حقا
زايد:من وييين متعرفه عليييه؟
نور:اتركني انته عن من تتحدث؟
زايد:عن الهيس الي قاعده ترطنين معاه قبل اشوي
نور:انا لا اعرفه اااه راسي يولمني
زايد:جذااابه اتعرفينه وهو متشقق من الوناسه بتقولين من وين عيل عرف انتي باكستانيه وشو كنتو تقولووون
نور:اقسم لك زيد انا لا اعرفه ...هو علم بوجودي من السفاره وقد استفسر هذا مني قبل قليل لم يقل لي شيا اخر ارجوووك زيد اترك شعري انك تولمني
زايد:لااا والله وهو ماصدق على طووول ياي ايشوفج ووين اتواعد معاج عشان ايشوفج عدل؟
نور:الا تخجل ...م مما تقووول...هل ت تعتقد باننيي كما تقووول
زايد:هيه ليش لا وانا شعرفنيه اصلا بج وشدرانيه ان هذا الي تسوينه كله مش قناااع
بدت دموع نور تنزل من الويع والتهمه الي يوجهها زايد الها
نور:ساااامحك الله هو يعلم بحاالي
دز زايد نور بالقو على الارض
زايد:حقيره ...لبسي شيلتج وانثبري على الكرسي وياويييلج ان تحركتي امنه ولا كلمتي حد خلينيه بس اقوم من الشبريه وانا بعرف اربيج عدل
لبست نور شيلتها وهيه تصييح وقعدت على الكرسي مثل ما قال الها مش متخيله تفكيره الحقير عليها
رجع وحط ظهره على الشبريه وهو يحس بالويع رجع له مره ثانيه
##
##
##
ودمتم وديمه العطا


 
 

 

عرض البوم صور ΑĽžαεяαђ   رد مع اقتباس
قديم 18-01-10, 09:09 PM   المشاركة رقم: 132
المعلومات
الكاتب:
اللقب:
ملكة الالماسية


البيانات
التسجيل: Jul 2006
العضوية: 8455
المشاركات: 10,847
الجنس أنثى
معدل التقييم: زارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالقزارا عضو متالق
نقاط التقييم: 2892

االدولة
البلدSaudiArabia
 
مدونتي

 

الإتصالات
الحالة:
زارا غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

السلاااااااااااااام عليكم..

يجننننننننننن هالبارت ودووووووووووووم وش هلالابداع والاكشن ؟؟.. قتل مرره وحده !!..خافي الله بالضعّيفه رووضه اللي طلعت كل علوومها خرطي وقامت تنااافض مثل الريشه .. بس معليه كود هالسالفه تخليها تركز شووي وتبطل عصبيه وتسووي كنترول على نفسها..
فديييت زيـــد .. وعلووم زيد وغييييييرة زيد..هههههههه
ودووم تكفييييييين هالبكستاااني خليه ينط لنا كل نص ساااعه .. شكله مااعنده وقت من شاااف نور ضاعت علوومه.. وهذاا وهي متغطيه ماشاف الا طوولها.. اماااااااااااا زيـــــــــــــــد هههههههههههههه عليه اجرااائات سكري الباب واقفليه وتعالي وفكي شعرتس واخرتهاااااااااااااااااااااااااا تعووم بشعرها المسكينه..هخهخههخهخه


ودووم شفتي هالمقطع.

اقتباس :-  
"اكيد لوحد في الشرطه بيقرا القصه بيفطس من الضحك على الخربطان الي قاعده اكتبه ماعليه ماعليه تاليف كله ...المره الي فاتت عرب ضحكو على وايرات السياره المره هذي الله يستر"

والله قبل ماا اشووفه واقرأ الاحدااااث اقوول والله هالحرمه يا انها تشتغل بالشرطه ياا انها مباااحث والا وش يعرفها باللي يصير بالمخفر؟؟.. واتااري حظرتس مثل حالاتنا.. احسن الله يزيدنا بالشرطه ومخاافرهم جهل يااربي..
نجم الجزء اليووم بالنسبه لي وبلااا مناازع وطبعاا جنبا الى جنب زياااااد المال ..بدر..
زيااد المال.. الف الف الف الحمد الله على السلاامه.. أيـــــــــــــــه هذااا زيد اللي نعرفه الف الحمد الله اللي شفناك بخير وترد تحذف المواعيين وتكسر القزاز وتسب نور وتقولها بنت الباكستانيه فديييت والله ابو الجناانوه.... موو اللي باوول الجزء.. والله تخرعت من شفتك تقوول لنور هاتي يديتس ولاتتركيني .. أي والله قلت ياا ويل قلبي الرجال انهبل والا ان البنج اثرر عليه سلبا بس يااربي لك الحمد من شفتك تحذف الصياني وتقول لها يابنت الباكستاانيه وانااا ازغرط زغرووطه اقوووى من زغرووطة هنيه وقلت اشكرك يااارب رد لناااا رااعي الكرسي بسلاامه.. هخهخهخهخه
بس عاد زيوود والله كبيره بحق نور تشكك باخلاقها مع الباكستااني.. والله ان تشووف ابو باكستان هذاا عندك كل شوووووووووووووووي ..لعيوون نوور وانت بتموووووووووووت من الغيره الف مرره وبتعصب وبيزيد حذف المواعييين بس بعدين بتسوووي نفس عمك بالضبط. بتصير ماتعرف تجلس الا وهي جنبك ولاا تعرف تاكل لانها هي اللي بتأكلك جعله هني والله..هع
نووور : شووفي تذكرين سالفة ابووتس وامتس. ابد ترااهاااا نفس سالفتس انتي وزيد.. وااصلي ووالقلب دااعي لتس لين تخلين هالرجال يرضخ غصب عنه..
تفكرينه بيطوول كذاا والله هالفتره بيخليتس قدامه يعنني بيراقبتس لاا تروحين مع الباكستاني وهو مناك يبي يتأكد انتس قدام عيوونه يشبع بهالشووف.. والله لو تروحين من قدامه شوووي ان يمووت من الحره والشوووق .. بس انتي من تعرفين له اناا واثقه انتس بتماارسين عليه كيد الحريم..وتأكدي ان لتس مشجعيين وبندعي لتس ان ربي يووفقتس.بس وريه الشغل العدل وخليه يستووي على ناار هااديه.. والله ان هالباكستااني جااا بوووقته عساه بس مب مشهد واحد ويرووح عسااه يقعد مقابلنا ليين بطلنا الجميييييييييل ينخ وتسقط كل قوااه ومااعاد يقدر يقوول لتس غير فديتج نوور لاا تسيرين باكستان وتهديني انا مالي غنات عنج فديتج.. وهــ حلوو هالمقطع.. >> ودوووم اخذيــــــــــــــه يااقلبي وبدوون حتى ماااا ترجعين لي وعندتس تروح حقووقي الفكريه هديه..>> مصدقه روحي مع هالفكر النادر ..هخهعخهخه..

بدر ورووضه : رواااااضي وش هالمصييييبه اللي صاارت لتس ولااكانت على البال ولا على الخاااااااطر.. معليه باذن الله تطلعين منها بخيييييييييييير.. اصلاا حااسه انهم بيلقوون المتسبب على طووول ويمكن تكون وحده من هالمدرسات اللي عارفين ان الفلووس على قلبها اكوااام اكواام قالت بموتها وباخذ الفلوووس وبستغل هالموقف اللي صاار من رووضه وبخليها تتدبس بالقضيه..
وبتصير هالقضيه كلهاا خير عليتس . لانتس تعرفتي على بدر . وبدر عرف وشلون شكل خشتس .. وبعد بتعرفين انه رااعي فزعه وانه مستحييل يخليتس برووحتس بهالوضع . مدري ليش من قريت ان وجهتس طفوولي وعيونتس لوزيه ذكرت سالي.. مشكله الصووره انطبعت بذهني انتس خلاااص سالي ياسالي..هخهخهخه
بدر يااعيني على المحاامي القدير والله ماا امدااك تفكر هذي شلوون بتتربي الا وطلع الشي اللي بيربيها عدل..هخهخهخه والله عليك افكااار تفلق الصخر.. من الفكره نط الحل الله يكفينا شر افكارك..هخهخه
.. تكفى طلع البنت من القضيه ولاتسووي مثل المحامي عتيج مسيان ..الاسم محاامي والشنطه مأذينا فيها شااقلها بكل محل يرووحه واخرتها على الخيبه..
صحح فكرت المحامي برووس جميييييييييييع بنات الوطن العربي.. وانا خلني خارج القاائمه لاني مصححتها من زمااان..هخهخهخهخه
هاللي صاار لرووضه بيكون مثل مايقولون وعسى ان تكرهوا شي وهو خير لكم..بتلقوون فيه خير كثيير باذن الله.. وعسى ربي يهنيكم مع بعض.. مع اني شااكه ان روضه هذي من تطلع من اللي صاار لها بترجع تحارشك وتبط كبدك بس انت تحمل .. والله يكون بعوونك ياارب..ام ان اللي صا رلها بيخليهاا تصخ وتهجد وتنتهي هالرووح العصبيه عندهاىوتتعلم كيف تمسك غضبها..

خليفه .. خشمك خشمك يااشيخ والله انك اليوم وسعت صدري.. تدري حتى حنا مالنا خلق نترووع من صووت هبيله .. يعني حراام عقب الصووت العسل الصوووت الرخيم الصوووت ابو بحه نسمع حشرجة القطووه...هخهخهخه
ايه تكفى ياا خلووفي خلك كذاا دائماااااا اسمع صووت الجميله الناائمه وخلك من االشهبااء ام شعر اشهب كنها مغطسته بتنكة طحينه..هخهخهخه
وش تبي بام السعف والليف يااخلوف وانت عندك القمر بكبره.. اقوول يااخلووف والله انك خلااص صرت من صيد امس اجل من شحالكم وعلومكم رااحت علوومك وطي وقام قلبق يدربق دربقه. اصبر بعد شووي وعقبها تشوووف القلب كيف من الخيال بس بينهاار ويعلن استسلاامه للنووري . خلااص هذا بيكون وقت توااصل مع النووري كل يوووووووم بيكون هالوقت وقت لقااء الاحبه عبر الاثييير ..هخهخهخه والله انه احلى احلى اثيييير بعد.. الله يوفقكم ياارب..
مروان : انت متى بتعقل شووف مشاكلك وين تعدتك وراحت له. يعني من بيفكر ان زوجة اخوك بتتورط بسالفة من تحت راسك... بس تدري انا معك كسر رااس هالحمار الضاابط وعلم عليه الشيووخ.. اجل بنات الناااس لعبه يسحبهن من بيووت اهلهن.. عطوووه على رااسه عشان يفهم ان مهمة الشرطه هي خدمه الشعب موو تلعوز الشعب..
اليازي يمكن تبدأ تعرف ان فهد تغيرت نظرته لها.. وعشان كذاا يمكن هي تسمع من عمها اشيااء عن فهد تغيير فكرتها عنه وبتصير تمووت على طاريه .. اهم شي ان صار لها جهاز خاص فيها عشان نستاانس معهم

ودوووووووووووووم الف الف شكررررر يااعسل على هالباارت الجنااااااااااان.. ابداااع ابداااع ابدااع منقطع النظيييييييييير تسلمين والله وعسى ربي يسلم هالايدين اللي كتبت عن النااار..
بانتظااااار القاادم اكثر من الشووق ..
زوزووووووو. الف الف مليااار شكر على النقل .. جهوود تستحق الشكر يااقلبي..
وديمه & الزائره لكم جنائن ورد..

 
 

 

عرض البوم صور زارا   رد مع اقتباس
قديم 18-01-10, 09:43 PM   المشاركة رقم: 133
المعلومات
الكاتب:
اللقب:

البيانات
التسجيل: Dec 2009
العضوية: 153266
المشاركات: 115
الجنس أنثى
معدل التقييم: إماراتية نصراوية عضو بحاجه الى تحسين وضعه
نقاط التقييم: 11

االدولة
البلدUnited Arab Emirates
 
مدونتي

 

الإتصالات
الحالة:
إماراتية نصراوية غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

اقتباس :-  
يستووي على ناار هااديه.. والله ان هالباكستااني جااا بوووقته عساه بس مب مشهد واحد ويرووح عسااه يقعد مقابلنا ليين بطلنا الجميييييييييل ينخ وتسقط كل قوااه ومااعاد يقدر يقوول لتس غير فديتج نوور لاا تسيرين باكستان وتهديني انا مالي غنات عنج فديتج.. وهــ حلوو هالمقطع.. >> ودوووم اخذيــــــــــــــه يااقلبي وبدوون حتى ماااا ترجعين لي وعندتس تروح حقووقي الفكريه هديه..>> مصدقه روحي مع هالفكر النادر ..هخهعخهخه..


ههههه ضحكتيني..... هل المرة بنشوف....

في الانتظار...

 
 

 

عرض البوم صور إماراتية نصراوية   رد مع اقتباس
قديم 18-01-10, 10:15 PM   المشاركة رقم: 134
المعلومات
الكاتب:
اللقب:
عضو راقي


البيانات
التسجيل: Oct 2008
العضوية: 101279
المشاركات: 1,968
الجنس أنثى
معدل التقييم: جوودي1 عضو بحاجه الى تحسين وضعه
نقاط التقييم: 48

االدولة
البلدSaudiArabia
 
مدونتي

 

الإتصالات
الحالة:
جوودي1 غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

يعطيك الف عافيه الزائره على النقل والله طار ردي

في المنتدى المجاور العصر وتعجزت بس بكتب الحين عشان خاطر عيونك

والله اني حبييييت ذا الدكتور على القل يحرك قالب الثلج زيداان

ولووني من نور استغلت الوضع وكلمت الدكتور كل شوي وخليه يفور في مكانه

والله فهيدان موووووب سهل اتوقع يطير لهم لمانياء لعيون الجووزي

ننتظرك تنقلين البارت بي فاااااااااااارغ الصبر

جــ,ــ,ــودي

 
 

 

عرض البوم صور جوودي1   رد مع اقتباس
قديم 18-01-10, 10:32 PM   المشاركة رقم: 135
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : ΑĽžαεяαђ المنتدى : القصص المكتمله
افتراضي

 

تسلمون عالبارت

لا لا لا شو هالبارت

اكشن وين هوليود عنج.. قتل.. سم.. شرطة..طر المشهد

بدر وروضه

انتي يالخدية.. شفتي لسانج وين وصلج.. ما اترومين اتزخينه.. سكري عليه حلجج شوي.. ارحميه.. عاد صدق فايجة ولا شي وحده عاقلة متهمينها بالجتل.. وتشوف المزيون اللي جدامها.. اقولج خديه ما تصدقين.. وانتهخ يا بدور.. لا لا خقيت عليها.. شفت عاد.. حتى انا ما اصدق هاللسان يظهر من هالشكل البريء.. اكيد امغلطين فالجسم هي ومي.. المهم ما اوصيك.. شد حليك في القضية

مرووان

المفروض انته اللي تخطب روضه مب اخوك.. حشى ما اييوز ايمر بارت بدون ضرايب.. اعقل.. متى بتغدي ريال عاقل

خليفة

تعرف جان اتصلت بالخسفة اميرووو.. جان الحينه بشل من القصة وبعق في قسم الارشيف خخخخ.. عاد زين طلع عندك ذوق

زايد ونور

انته اي توني يايه بقول يمكن الريال بيعقل.. بس شكلك ما اتيوز.. من شب على شي شاب عليه.. الحينه ابي اعرف.. اشعنه ذال البنية الا بنت الباكستانية.. وكل شوي تذكرها فالسالفة.. يلا عاد صخ ما ابي اسمع صوتك.. ما احبك هالبارت.. قاهرني.. قطعت شعر البنية.. وانتي يا نور ودريه.. خليه ايحس بقدرج.. انا منج بودره وبرد الشقة.. عسب يعرف انه غلطان

اليازي

شفتي ان الريال شارنج.. يلا عاد.. حسي فيه شوي


نترياكم

لا تطولون

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وديمة العطاء, رواية نور, رواية نور للكاتبة وديمة العطاء, وديمة العطاء, نور, قصة رواية نور للكاتبة وديمة العطاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t126744.html
أرسلت بواسطة For Type التاريخ
ط¬ط¯ط¯ظٹ ظپظٹظ†ظٹ ط­ظٹط§طھظٹ ط¨ط§ظ„ظ‚ط§ ظ„ظ„ظƒط§طھط¨ط© ظˆط¯ظٹظ…ط© ط§ظ„ط¹ط·ط§ ط§ظ„ظ‚طµطµ ط§ظ„ظ…ظƒطھظ…ظ„ظ‡ This thread Refback 17-08-14 03:13 PM


الساعة الآن 06:52 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية