لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-07-10, 05:44 AM   المشاركة رقم: 61
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
الصباح ..
ببيت سلطان ..
صحى سلطان بيروح للشغل ..
قامت مشاعل ..
ابتسم لها سلطان: صباح الخير ..
مشاعل: صباح النور ..
سلطان: تبين أوصلك لـ صديقتك ..
مشاعل: ايه أنا وشوق ..
سلطان : وريم ؟
مشاعل: دوبا قلنا لها قالت عندها اختبار السبت ريضيات
سلطان: أوك .. أذأ خلصتوا عطوني خبر أنا بالمكتب أخلص اوراق ..
مشاعل: أوك ..
.
.
.
راحت مشاعل وصحت شوق ..
وتالي راحت تأخذ لها شاور ..وتجهز ..
بعد وقت ..
نزلت مشاعل للمطبخ ..
شوق: شو راح تسوين ؟
مشاعل: لحظه بجيب لـ سلطان شي ساخن ..
شوق: ياعيني على اللي يهتمون ..
مشاعل: أقول روحي ناديه ..هههههههه.. شوشو خذي شنطتي معك ..
شوق: هههههههههههههه أوك ..
بـ سيارة سلطان ..
سلطان: شوق وين مشاعل ؟
شوق: هذا هي جات ..
مشاعل: آشرب مشروب دافئ ..
سلطان : تسلمين لي ..
شرب منه بابتسامه: الله لايحرمني منك .. بصراحه كنت محتاج شي يدفيني مع هالصبح ..
مشاعل: بالعافيه ..
نزل سلطان المشروب ..بالمكان المخصص له .. وحرك السيارة ..
سلطان: مشاعل من هي من صديقاتك ؟
مشاعل: غلا .. عرفت بيتها ..
سلطان: ايه ..
أخذ يشرب .. وجلسوا يسولفون ..
.
.
.
ببيت تركي ..
غلا : الحال شوفه عيونكم ..
مشاعل تمسح دموعها: قومي خلي نروح للمستشفى .. تنطمن على يدك شوفي كلها ورم .. وعلى البيبي ..
أخذت عبايتها وساعدوها صديقاتها ..
بالمستشفى ..
الدكتور: بعد الاشاعه عندك خلع للأسف .. راح الحين اسوي لك تدليك فيها ..لانها متورمه .. وأسوي لك تجبير كامل مع الرقبه لانها متورمه..
قاموا مع الدكتور ..
غلا: لا يألم ..
الدكتور: يابابا لازم تألم لاكن أن شاء الله ترتخي الاعصاااب شوي ..
.
.
.
بنفس المستشفى ..
لاكن بـ غرفه دانه ..
دانه : يمه وين أبوي ؟
أمها: كل شوي يجي بس من امس ياقلبي نايمه بكلمه وبيجي ..
دانه: ماما أنا تعبانه ..
ضمتهاأمها بحنان لـ صدرها: ليت التعب فيني ياقلب ماما ..
دانه: البيبي ماراح صح
أمها: لا ياقلبي الله يحفظه ..
دانه: طيب أنا ماأبيه .. أبي اتطلق من نايف ..
دخلت الممرضه ومعها العلاج ..
الممرضه: يله مدام علاج ..
طالعتها دانه ..وأخذت العلاج ..
وعدلت المغذي لها ..
الممرضه: الحين في نوم ..
دانه: ماأبي انام ..
الممرضه تبتسم: مافي كيفك بس خمس دقايق بتنامي ..
قعدت تسولف مع امها وتشكي .. حتى نامت ..
غطتها امها زين ..
أم دانه: الى متى هالحال؟ حياتها كلها علاج ونوم ..
أم نايف: حتى تولد .. الدكتورة تقول ممكن ولاده مبكره ..
أم دانه: قالت وحده من بنات أختي داخله طب أنها ممكن تولد بدري ..
دق جوال أم نايف .. وعمتها معصبه ..: طلقها .. ليه ؟.. مايصح الا الصحيح ..أهم شي راحه ولدي ماانتي شايفته .. الحمدلله .. خيره أن شاء الله .. ياعمه ايه مرتاحه أهم شي ولدي ودانه وضناهم .. الله يحفظك ..
سكرت جوالها : أبشرك نايف طلق سمر ..
أم دانه: ماله شهر معرس
أم نايف: أقولك ولا أبي احد يدري عرس نايف على سمر ماهو بـ طبيعي .. لاكن الشكوى الله ..
أم دانه: تهقين
أم نايف: الا متأكده وشوفيه طلقها ..
أم دانه : الله يلين قلبها ..
أم نايف: آمين ..
دخل نايف ..
شاف عمته سلم عليها .. لان ماشافها ..
أم دانه: شخبارك ؟
نايف مبتسم: بخير جعلك بخير .. كيفك وكيف عمي
أم دانه: الحمدلله .. نايف وش ذا الحال ؟
أم نايف: صاير جلد على عظم ..
أم دانه: ايو الله ..مرآ ناحف ومتغير ..
قرب نايف لـ دانه .. يطالعها .. ويمرر أصبعه على خدها بهدوء ..
أم نايف: طلقت سمر ..
نايف وهو يطالع بـ دانه : ايه ..
أمه : زين سويت ..
طالع بامه وابتسم ..
.
.
.
بـ قسم الحروق ..
مشاعل : يألمممممممممم ..
غلا تبكي :يألم شوفي شلون بيعداللحم الميت ..
شوق: خلاص لاتبكين دوبا.. وأنتي هووووس
مشاعل: بجد يألم ..
الممرضة: خلاص .. أنت مافي بييبي عشان يسوي كل هذا ..
مشاعل×شوق:ههههههههههههههههههه
مشاعل: ترآ هذا فيه حامل ..
الممرضة: مش كويس كذا .. خواف مدام ..
مشاعل: ههههههههههههه ..
غلا: ههههههه شوق سكتي مشاعل وهذي ..
مشاعل: ههههههههههههه يامامي قاعده ارجف ..
شوق: ياكثر هذرتكم .. قوموا نروح للدكتور ونشوف سالفه التجبير
قاموا معها ..
بعد ساعه ..
غلا: بنات شايفين شكلي ..
مشاعل: عادي ياآلبي ..
شوق: كلها شهر وأقل وتبعدي الجبس ..
لمعت عيون غلا : شكلي مرآ شي .. كل يديني أبيض ×أبيض ..
مشاعل: عاااااتي أنتي كل على بعضك تهبلين الله لايحرمني منك ..
شوق: فديت اللي يتغزلون ببعض .. هههههههه .. نروح لـ دانه ..
مشاعل: صح قبل كلمت أمها غرفتها 111 .. تعالوا نروح ..
دق سلطان .. وقالت له مشاعل راح نبقى مع غلا وبنزور دانه مااتعرض ..
بـ الممر حق المستشفى ..
غلا: هذا نايف ؟صح ..
مشاعل: الا ذا زوج دانه .. يمه شفيه كذا ؟ نحفان ..
غلا: يالله .. والله يحبها .. بس ليه تزوج ..
شوق: مدري عندي احساس أن بنت عمه جابت بلا .. وأخذها وستر عليها ..
مشاعل: مدري .. أقول لانحط بذمتنا شي ..
شوق: بدق على عهد خل تجي ..
البنات : أوك ..
مشاعل: تعالوا نأخذ أي شي لـ دندون قبل ماندخل ..
البنات: أوك ..
.
.
.
بالشرقيه ..
ببيت أبو ريوف ..
ريوف مكشره: مواقفه .. الله يسامحك يمه ..
ابتسمت أمها: الحين بكلم أم راكان ..
طلعت ريوف لـ غرفتها ..
دقت على شوق ..
شوق: هلاآآآآآآآآآ آلبي
ريوف: شوق واقفت على راكان .. بس ماابيه .. أمي ماكانت تكلمني والحين رضت علي ..
شوق: ياآلبي صدقيني دام امك راضيه ومقنتعه فيه .. ومصممه عليه أكيد زين ..
ريوف:ماأبيه ..
شوق: أنسي محمد انسيه .. ياريوف الا الكرامه ..
ريوف: نسيته .. بس مالي رغبه بالزواج ..
شوق: أقول وسعي صدرك فديتك .. الله يوفقك مع راكان ..ومتأكده راح تحبينه ..
ريوف: كأنني أسمع قرققه ماهي غريبه
شوق: ههههههه ميشو وغلو ..أنا حنا بالمستشفى .. غلو طلع معها خلع وسوينا تنظيف للجرح .. وبنروح الحين لدندون ياليتك معنا ..
ريوف:ياآلبي ياليت .. كيف غلو ..
شوق: الحمدلله .. فديتها ..
ريوف: اجل ماأطول عليكم .. بوسي لي الدبا دانه وقولي لها من عندي وجيبوا لها جلاكسي وعطوها من عندي ..
شوق: ههههههه أوك .. سيو ..
.
.
.
بـ غرفه دانه ..
دخلوا البنات وسلموا على أم نايف وأم دانه .. وسولفوا معهم شوي ..
مشاعل : متى راح تصحى ..
أم نايف: أكيد بعد شوي ..
.
.
.
بالشرقيه ..
بالمستشفى ..
كان فيصل واقف مع دكتوره عنده مناوبه ..
جات ملاك ولمار ..
ملاك وهي تمشي : ياختي يجنن هالـ فيصل ..
لمار: وه منك شفيك عليه ..
ملاك: أقولك يجنن يعني وش يعني ذا بالله .. شوفي شوفي وقفته هيبه .. يهبل ياليتني اللفه اللي على يده ..
لمار: هههههههههه مجنونه ..
ملاك: حلو وجع ياليته هو اللي ماسكنا بدل الدكتور رائد ..
لمار: أولا حاجه هذي أول سنه له من التخرج .. ثاني حاجه قسمي وقسمك ماهو بـ قسمه ولاتخصصه ..
ملاك : اخ يهبل مشالله يهبل ..
لمار: قربنا ..
ملاك : السلام عليكم ..
فيصل+الدكتورة : وعليكم السلام
ملاك: شخبارك دكتور ..
فيصل: الحمدلله ..عموما دكتورة أميرة أشوفك خلال الليل عشان المناوبه ..
الدكتورة اميرة:خلاص أوكي ..
ملاك: دكتور ممكن شوي
فيصل: تفضلي
مشى معها ..
ملاك: شخبارك ويدك اشلونها..
فيصل: الحمدلله .. لاتشلين هم .. عن اذنك
ملاك: أذنك معك ..
.
.
.
بالرياض ..
بالمستشفى..
صحت دانه ..
تغيرت نفسيتها كثير لما شافت كل صديقاتها حولها ..
شوق: شوفي قبل شوي احترمت نفسي عشان أمك وعمتك كانوا هنا.. هذي أموااااااح من ريوف ..
ضحكت دانه ..
شوق: وهذا جلاكسي ..
دانه: ياعمري ..
شوق:تدرين انخطبت ووافقت ..
دانه: اووه آخير..
مشاعل: هوآآآآآع أمها زعلت عليها .. وعاد وافقت ..
دانه باسى: الله يجعل حظها أحسن من حظنا ..
غلا: آآآآمين ..
دانه: غلا ليه كذا ؟
غلا لمعت : خليها على الله .. كل اللي تشوفينه بسبايب أبوي وتركي ..
دانه : ليه؟
قالت لها غلا السالفه ..
حطت دانه يدها على فمها : الله لايوفقك ياتركي ..
سكتت غلا ..
تحبه لو آيش ..
اللي يحب صعب ينسى او يحقد أو يكرهه بسهولهـ ..
دق فيصل ..
ابتسمت غلا: فيصل يدق ..
شوق: غليو ردي
ضحكوا البنات ..
جلست غلا تسولف مع أخوها ..: الحين أنا وصديقاتي بالمستشفى عند وحده من صديقاتنا ..
فيصل: شوق معكم ..
غلا طالعت شوق : ايه ..
فيصل ابتسم حتى بانت صفه أسنانه المتراصه بفتنه فضيعه: وصلتي لها كلامي
غلا: توني اليوم شفتها بالليل بنروح لـ بيتي وبقولها أن شاء الله ..
فيصل: أبيك تقنعيها .. وتقولي لها كل كلامي .. وبجي اخطبها .. لا ترفض ..
غلا: من عيوني ..
فيصل: أخليك الحين ..غلا الدنيا ماتستاهل نزعل أنفسنا عشانها أوك
ابتسمت لـ كلام أخوها: يافديتك .. أكيد
فيصل: أجل بسكر الحين وراي لفه على المرضى .. سيو
غلا: سيو ..
مشاعل: أكيد يكلمك عن هالهبله
غلا: هههههه اكيد ..
دانه تحمست : قولي شـ قال .. أخوك خطير ..
غلا : طالعيني ياشوق واسمعي ..خخخخ .. شوفوا يقول لك راح يجي يخطبك ولاترفضين ..
شوق : لايحرج نفسه
مشاعل: انثبري .. كملي
غلا: هههههه .. ويقول تبين يحط وقت بين الملكه والعرس ماعنده مانع شهر شهرين عادي .. اهم شي يملك عليك .. ويضمنك .. ويقول أن شاء الله ماتجي العطله اللي وأنتي بوسط بيته ..
دانه: أوخس .. خطير أخوك .. وانتي حرام عليك واحد يحبك كذا ليه رافضه ؟
شوق: بنات اللي يخليكم ..
مشاعل: مهبوله انتي .. واحد يحبك كذا تفرطين فيه كذا ..
شوق: لاني احبه أبي له وحده غير ..
غلا: فيصل شاريك .. ومستحيل يفرط فيك .. ويقول لك أنتي أذأ هذا عذرك هو بيك مطلقه عندك مانع ..
شوق قاعده تأكل: أيه عندي ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 05:47 AM   المشاركة رقم: 62
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
.
ببيت جد عهد ..
عهد : أنت شدخلك بطلع ..
خالد: بتطلعين ..بس أنا بوصلك ..
عهد: لو تموت ماتوصلني ..
خالد: أجل والله ماتطلعين من هنا ..
عهد عصبت: يممممممممممه شوفيه ؟
خالد تكتف عند الباب: زوجتي وكيفي ..ماهي بطالعه ..
أم خالد: خالد خل عهد تطلع ..
خالد: والله ماتطلع الا معي وانا بوصلها ..
عهد: أنا أطلع معك وع .. تنحى عن الباب .. طالعه طالعه والله ماتمنعني ..
أم عهد: وبعدين معكم .. بصراحه تعبت ..
عهد: هو اللي يبي المشاكل ..
خالد: خل السالفه تعدي وامشي أوصلك انا ..
عهد: طلعه ماراح أطلع معك .. وبروح لـ صديقتي رضيت أو انرضيت ..
دخلت لـ داخل ..
وكلمت أخوها :نادر تعال لي مع الباب الخلفي ولاحد يدري أو ماتوصل عطني رنه ..
نادر: أوك ..
سكرت من أخوها ..
وجلست تتنظره ..
خالتها غاده: أنتي ورجلك حاله نادره ..
عهد: ههههه أدري .. خليه يصوم أو يدفع كفاره ..
دخلت أم عهد وأم خالد ..
جده عهد: الله يصلحكم ..
عهد تأكل أظافرها: وينه ؟
أمها : راح للمجلس .. لو كنتي رحتي معه ..
عهد: ماأبي .. وبعدين السواق لايغثني ولاغثه ..خالد بنقعد تنهاوش ..
أمها: الحين اجلسي تستاهلين ..
عهد ابتسمت بنذاله: خليه يصوم بس ..
دق أخوها : مشالله وصلت ..
نادر: ههههههه بسم الله علي كنت بالحارة مع العيال .. يله اطلعي ..
عهد: اوك ..
سكرت جوالها وحطته بشنطتها ..: سيو ..
أمها: بنت رجلك ماهو بـ راضي على الطلعه ..
عهد: بسلامته ..سيو ..
طلعت عهد من الباب الخلفي ..
وهي ضاربه بتهديد خالد عرض الحايط ..!
.
.
.
ببيت تركي ..
مشاعل: ياقلبي على دانه .. كل شوي تسج ..
شوق: ماالومها وربي ..
مشاعل: هههههههههههههههه عهد حاله خاصه وربي تجنن ..
غلا: هههههههه بجد مشالله عليها قويه من برآ ولاهمها خالد .. بس من داخلها يالبي عليها ..
مشاعل: بينك وبين نفسك عادي تتفاهموا أهم حاجه الناس ..
شوق: مجنونه حتى جلست مع دانه ..
مشاعل: اكيد نادر بيرجعها ..
غلا عدلت جلستها: بنات الحين تهقون سووا الزفه لـ تركي ..
مشاعل : لا تفكرين فيه ..
غلا: بجد ليه افكر فيه ..
دق سلطان ..
مشاعل: أوك الحين بنطلع ..مع السلامه ..
غلا: جا ..
مشاعل طالعت بساعتها: ايه الساعه وحده ..ياآلبي والله كان ودي نجلس معك ..
غلا : ياقلبي تسلمون لي .. الله لايحرمني منكم .. كفايه من الصباح تعبتكم معي ..
مشاعل تطلع بالجزمه حقتها ( وأنتم بكرامه) : ترآ بذي على راسك ..
شوق: بجد ترآ حنا صديقات ..
قاموا لبسوا عبايتهم ..
البنات: مع السلامه ..
غلا: بحفظ الله ..
.
.
.
ببيت جد عهد ..
دخلت عهد وهي تسولف مع أخوها ..
كان خالد يدخن وجالس بـ سيارته ..
طفى السيجارة ودعسها برجله .. وهو يطالع بـ عهد .. ياذا البنت يبي لها تكسير راس ..
نادر: سلام ..
خالد: وعليكم السلام ..
نادر: غريبه هنا ..
خالد: ابي أكلم عهد ..
نادر: ههههههه تنصرف اجل ..
خالد: ههههههه
راح نادر ..
عهد: نعم ..
مسك يدها : ولاكلمه ..الحين بنروح لبيتنا ..
عهد: فك يدي بلاسخافه وحركات مبرزه ..
خالد : ولا كلمه ..
دفته عهد ..:وخر ماني راكبه لو تموت ..
لف نادر اللي كان بيدخل للمجلس الخارجي .. ورجع بـ سرعة ..
فك عهد من خالد ..
نادر: خير أن شاء الله ..
عهد: يقول اروح معه لو يموت مارحت ..
وقفت ورى أخوها ..
خالد: نادر لو سمحت .. أنا بتفاهم معها ..
نادر: تبين تروحين ؟؟
عهد: لا ..
نادر: آسف ماتبي تروح .. وانا أخوها ..
خالد: نادر خلني اتفاهم معها وحدنا لو سمحت ..
عهد: لو تحرك أخوي بمشي معه ..
نادر وقف بـ حيرة : خالد عهد أختي حط نفسك بموقفي .. ماراح ترضى لو آيش أنت ولد عمي وخالتي وأخوي لاكن قدر ..
احترم خالد نادر .. : أوك .. حشمه لك .. عن اذنك ..
ركب سيارته وطلع من حوش بيت جدهم ..
نادر: يالدبه ..
عهد: وااااي فديتك ..
نادر: عهدوه والله حرام .. خلاص كافي زعل ..
عهد: خله يتأدب .. وبعدين نادر خلاص خالد انتهى من حياتي ولو ماطلقني بسوي خلع ..
نادر: امشي يالبطريق .. ارحموا عزيز قوم ذل ..
.
.
.
طلعوا لـ سيارة سلطان ..
لقوه مرجع المرتبه لورآ .. ومغمض عيونه ..
حس فيهم وعدل المرتبه : هلا جيتوا ..
مشاعل: ايه ..
حرك سيارته ..: كيف يومكم ؟
سكتوا البنات كل وحده تبي الثانيه تتكلم ..
سلطان: شفيكم ..
ضحكت شوق..: مشيو قولي
مشاعل: لاانتي
سلطان ضحك:يالعجازات ..
.
.
.
ووصلوا للبيت وكان سلطان منتهي ..
دخل للبيت ..
مشاعل: يحزن ..
شوق: ميشو سوي له تدليلك .. شفتيه طول الوقت حاط يده على رقبته ..
مشاعل: ههههه يؤ مستحيل احراج
شوق: اثبري رجلك
مشاعل: هههه لا وربي احراج
شوق:ياتفكيرك يالدوبا .. طيب شايفه أكتافه أعلاها سوي له تكفين وربي ينرحم ..
طلعت كل وحده منهم لـ غرفتها ..
دخلت مشاعل مالقت سلطان ..
أكيد راح يأخذ له شاور ..
طلعت لها مشاعل بجاما وراحت تأخذ لها شاور بالحمام الثاني(وانتم بكرامه) ..
.
.
.
ببيت تركي ..
كانت غلا منسدحه ودموعها رفيقتها ..
تتخيل تركي ..أكيد الحين معها ..
طالعت بـ شاشه جوالها الساعه 1 وشوي ..
دق تركي ..
كثر ماكانت متضايقه ابتسمت وهي تشوف رقمه بليله عرسه يدق عليها ..
خلت الجوال يدق ..
هو تشوف اسمه اللي غيرته الى تركي ..!
مادرت ..
جات رساله ..
(غلا ردي تراي ضايق لاتزودينها)
ضحكت بالم ..: من جاب لك ياتركي سوى نفسك .. هالضيقه آآآآه يارب ..
دق ..
كتمت شهقتها وهي تطالع بالرساله الثانيه..
(بس بسمع أنفاسك .. لاتتكلمين أذأ تبين .. بس بقولك شي ..)
بتصل فيك
بنسى كل شي !
وبتطمن عليك ..
ماااااابيك ترجع لي .. لا
وَ لآ أبي شي
[ آبسمـع أنفـاسك ]

بشوفك " حي " ..!!
تركي..
يتصل بك ..
ردت ..
وحطت السبيكر ورمت الجهاز جنبها قريب منها ..
تركي: أدري ماراح تردين .. بس أنا ضايق ..ضايق .. أنا ماني قادر أنام ولااطالع بـ سلوى .. حتى رفضت أدخل لـ داخل القاعه وقت الزفه ..أنتي السبب بكل هذا ..! ليه تخونين ؟ أنا كنت لك الاب والاخو والزوج والحبيب والصديق وكل شي وفرت لك كل شي ليه تخونيني ؟ ليه جاوبيني ؟ لاتقولين أنك ماخنتي كل شي واضح..
ماتحملت وبكت بكا طفل .. صوت بكاها زلزل كل شي بداخل تركي ..
تركي: ليتني ماشفتك ببيت أختي أول مره .. ليتني مااصريت عليك وأخذتك .. وليتني وليتني .. شوفي لي حل أنا أبي أتكلم مع سلوى .. ماني قادر أتكلم معها ولاطالعها ..وحتى ماني قادر آنام معها .. حتى الحين أنا برآ الجناح ..
بكت اكثر .. ليه ياتركي تقوى عذابي كذا .. جاي تأخذ رايي كيف تسايس بنت عمك ..
تركي: تكلمي ياغلا تكفين ..
ضغطت الزر الأحمر وسكرت جهازها ..
حطت المخده على راسها تخفض صوت نحيبها ..آلمها .. قهرها ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 05:51 AM   المشاركة رقم: 63
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
باأبها ..
طالع تركي الشاشه لـ وقت ..
دخل للجناح ..
لقى سلوى تنتظره ..
ابتسم لها ..
سلوى تطالعه وهي مبتسمه ..
جلس تركي على طرف السرير :مبروك ..
سلوى: الله يبارك فيك .. وأنت بعد مبروك ..
تركي(الفرق واضح غلا لما قلت لها مبروك شوي وتبكي عشان ترد علي وهذي تبارك)..
سلوى: معي ..
تركي: هلا ايه .. تعالي العشا ..
قامت معه ..
جلسوا على الطاوله .. وجلسوا يسولفوا .. وتركي مشتغل مقارنات بينها وبين غلا ..
قام تركي ..
بـ غرفتهم ..
تركي: أذأ تبين تغيرين بطلع عادي ..
سلوى : لاعادي بغير داخل ..
دخلت سلوى ..
انسدح تركي على السرير وحتى ماغير ثوبه ..
مايبي يجلس وينتظر سلوى ..
مايبيها ..
ولاعمره حبها ..
ولاراح يقدر يحبها ..
غطى نفسه باللحاف ونام ..
بعد نص ساعه ..
طلعت سلوى .. وهي منتظره تسمع كلمات الحب والغزل والرومنسيه من تركي لاكن هيهات نااااااااام ..

.
.
.
بالرياض ..
ببيت سلطان ..
كان سلطان ينشف شعره ..
دخلت مشاعل وهي تنشف شعرها ولاانتبهت لـ سلطان ..
سلطان: القلوب عند بعضها ..
طالعت فيه نفس اللي تسويه ..
ضحكوا ..
نزل المنشفه من يده ..وقعد يدلك أكتافه ورقبته ..
رحمته مشاعل زود ..
كانت بحيره ياربي أدلك له ..
مشاعل كسرت الحيا :أسوي لك تدليك ؟
طالعها وابتسم يتعب: ياليت والله .. أذأ مايتعبك ..
مشاعل: عاااتي .. اجلس ..
سلطان: وين؟
جابت له كرسي ..: هنا ..
جلس ..
نزلت المنشفه من يدها وتالي بتلف شعرها ..وحتى يغطيها ..
كانت ترتجف خايفه ..
حطت يده على اكتافه وهي ترجف .. حس سلطان فيها .. سكت ماقال شي عشان مايحسسها ..بأنه انتبه ..أخذت وقت وهي ميته خجل .. خوف .. كل شي فيها ..
سلطان حب يسولف عشان يكسر الرهبه اللي فيها ولاتحس :خلصتوا من التجهيز لـ عرس ريم ..
مشاعل: باقي شوي أغراض ..
سلطان: حاولوا تخلصون .. لان العرس قرب ..
مشاعل: ريم عندها السبت ريضيات وتقول بتغب باقي الاسبوع لانه الاسبوع الاخير وعاد تنزل تخلص ..
غمض سلطان عيونه ولاحس بـ عمره مع تدليك مشاعل ..
حست أنه نام من طريقه ارتخاءه ..
ابتسمت وكملت تدليك لربع ساعه ..
مشاعل بهدوء: سلطان ..
سلطان: هلا ..
مشاعل: خلصت ..
قام وهو مبتسم لها : شكرآآآآآ
مشاعل :ماسويت شي ..
باسها سلطان على خدها : لاسويتي كفايه ان الالم خف ..
حمر وجهها ..
تحس نفسها كلها حراره ..
ابتسم لها وراح ينام بالغرفه الثانيه ..
.
.
.
اليوم الثاني ..
بالمستشفى ..
أم دانه: درت أن نايف طلق زوجته الثانيه ..
أم نايف: ولا الله ماقلت لها .. ياختي مدري كيف اقول لها ..
أم دانه: بقولها الليله بس دانه كل وقتها نوم..
.
.
.
ببيت سلطان ..
ريم: أخير بعطل بكرآ
أمها: تنزلين الليله تخلصين كل شي ..العرس الاسبوع الجاي ..
ريم: أوك ..
أم سلطان: حجر سلطان القاعه ؟
أم شوق: من الاسبوع اللي طاف ..
نزلت مشاعل وشوق من فوق ..
مشاعل: بنطلع الليله السوق معنا ..
عليا: ايه .. نبي نخلص ..
مشاعل: ايه تو سلطان امس يقول لي مافي وقت ..
.
.
.
اليوم الثاني ..
ببيت تركي ..
كانت غلا بالمطبخ تشرب منقا ..
دخل تركي وسلوى ..
تركي: وهذا المطبخ ....
سكت لانه شاف غلا .. اللي لفت ..وتالي صدت ..
طالعت غلا بالكأس اللي معها وركزت النظر عليه ..
سلوى بدلع: أجل حبيبي الحين بحضر لك الفطور ..
تركي كان ساكت يناظر بـ غلا ويدها اللي ملفوفه ..
سحبت غلا الكرسي وقامت ..بتطلع من المطبخ : ممكن شوي بطلع ..
سلوى: مري من هنا
غلا طالعتها من فوق لـ تحت ..
سلوى: ليه تطالعيني كذا ؟
غلا بقرف: شوي بعدي ..
تركي توه يتسوعب اللي يشوفه غلا يدينها الثنتين كلها بياض×بياض .. ورقبتها مع يدها مربوطه..: يدك انكسرت ؟
طالعته: أنت فاضي .. وأنتي بعدي الظاهر الذوق معك ماينفع
سلوى: ماني مبعده ..
طالعت غلا بكاس المنقا اللي معها .. ورمته عليها حتى وسخ الفستان اللي على سلوى ..اللي فزت ووخرت ..
غلا: هههههه بجد ناس ماتمشي بالذوق ..
طلعت لـ غرفتها ..
سلوى: تركي شوف شسوت
تركي : لوكان بعدتي ..
سلوى: الحين هي الغلطانه ..
تركي: بطلع اشوف ..
طلع تركي .. وأم سيد وناروتي كانوا يطالعون ..
دخل تركي ..
مسحت دمعتها بسرعه ..
تركي: شخبارك؟
طالعتهـ ..
تدري متى العبرة تجي غيض وتحير؟
و أحسها بحلقي سواة القزازة
لا جيت تنشدني عن الحال ونصير
مثل القتيل وقاتله بالجنازة
مسك تركي أكتافها ..
غلا:لاتلمسني ..
تركي: سلامتك ..
غلا: هههههههههههههه يالله .. والله ضجكتني ياتركي ضحكتني حيل ههههههههه .. أول مرآ أشوف حاله زي كذا ..تتحمد لي بالسلامه وكل اللي فيني منك .. وين ذي صارت ؟
تركي: غلا ..
غلا: تبي تضرب .. خلاص ياتركي ماعاد فيني شي سليم .. كل شي فيني مصاب .. تبي تضرب اضرب سوى اللي تبيه ماعاد يهمني شي بالحياه والله ..
تركي:ليه كبيتي العصير على سلوى ؟
غلا: تستاهل .. أقولها تبعد تبعد ..
تركي: ذا ذوق يرايك تكبين العصير عليها ؟
غلا: لا خليت الذوق لك ولـ بنت عمك .. والحين اتركني بروحي روح للعروس
تركي : طيب كيف يدك ؟
غلا: مافيها شي .. زينه ..
لفت عنه ..
تركي يعشقها ..
لـ حد الجنون ..
يحب وصلها ..
ويكرهه ويستهجن صدها عنها ..
تركي لفها يمه: لاتصدين ..
غلا: تركي .. تركي .. اطلع من غرفتي .. ترآ بجد مش طايقه وجودنا سوى ..أوووووووف اطلع
تركي مسك يدها: غـــــــــلا..
غلا: أوك انت الحين تركي ..رجعت لـ واقعك
مسك شعرها: أنا أطلع بكفيي من الغرفه.. فاهمه .. وحركتك مع سلوى لاتنعاد فاهمه ..
غلا : خلها تتحرش أو تقول لي شي والله مااسكت لها ..
تركي زاد شد على
شعرها:أنتي ولاشي قدامها فاهمه ..
غلا: قصدك هي .. أصلن مين هي ؟
تركي: طبعا اللي مثلك رخصيه صعب ترقى لـ سلوى ..
لمعت عيونها: الا هالكلمه..
تركي قرب منها: بجد رخيصه
غلا: الرخص لك ولـ بنت عمك ..
صفقها كف: ولاكلمه
غلا: والله ماخليت أنت وأبوي جزء بجسدي الاورضربتوني فيه .. حسبي الله ونعم الوكيل ..
تركي : لانك تستاهلين ..
سكتت .. لانها كل ماكلمته يبزيد هاوشهم ..
تركي: تكلمي ..
سكتت ..
فك شعرها وطلع من الغرفه ..
حطت يدها على شعرها .. وتالي راحت للباب تسكره ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 05:53 AM   المشاركة رقم: 64
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
بالمستشفى ..
العصر ..
دانه: طلقها ..
أمها: ايه ..
دانه: يمه بجد طلقها ..
أم نايف: ايو الله ..
بكت دانه : ليه أجل تزوجها بهالسرعه وطلقها كذا؟
عمتها: زواج نايف فيه شي ماهوياحبيتي كذا .. بس شوفيه وتكلموا مع بعض ..
دانه: ماهو باأنا اللي يتركني وتالي ارجع له ..
.
.
.
بالليل ..
ببيت تركي ..
كان تركي مجهز شنطته ويبسافر لـ مكه..
تركي : عموما انتبهي لـ نفسك ..
سلوى :الله يحفظك .. خسارة ماجلسنا مع بعض ..ولاقضينا شهر عسل ..
تركي: كل شي يتعوض ..
طلع من غرفتهم ..
تردد كثير قبل مايروح لـ غرفه غلا ..
أخير راح لها ..
حاول يفتح الباب ..بس كان مسكر ..
دق مره ,,مرتين ..
بس ماردت ..
تركي: غلا افتحي ..
ماردت عليه لانها كانت نايمه ..
.
.
.
بعد اسبوع ..
اليوم أول أيام عيد الاضحى ..
بالمستشفى ..
كان دانه بعدها بالمستشفى ..
دخلت غلا ..
دانه: غلاااااااااااااا ياقلبي
راحت لها وضمتها: عساك من عوداه ياآلبي..
دانه: على بالي الكل نساني ..
غلا: لاوربي كلنا قلبنا معك ..بس عهد خالد ناشب لها على الطلعه والدخله .. ومشاعل عرس اخوها وشوق عرس بنت خالتها ..
دانه: راح تحضرين ..
غلا: لا وين قالت لي مشاعل وريم بس مستحيل شايفه شكلي ..(لفت انتباها باقه ورد )..أوه ممن هذي ؟
دانه: أكيد نايف .. رفضت أشوفه ..
غلا: طيب ليه ماتشوفيه وتتفاهمي معه ..
دانه: ماأبي أشوفه .. غلا أنا صاير عندي اكتئاب والحين فيه طبيبه نفسيه تتابع علاجي ..
غلا: تصدقين وربي أنا متأكده أن عندي حاله نفسيه وامراض الدنيا لاتقولين بس أنتي .. مافي اشد من اللي سواه ابوي فيني تبرأ مني يادانه .. تخيلي ..
دانه: من شاف مصايب الناس تهون عليه مصبيته ..
غلا: المشكله اللي كان يكلم تخيلي ماعاد صار يدق ..
دانه: الله يأخذه .. حقير ..
غلا: حسبي الله ونعم الوكيل ..
دانه: كيف البيبي ؟
غلا: هههههههههه ياآلبي مرآ متسمتك بالحياه ..تصدقين على بالي خلاص مافي امل يعيش بس الحمدلله .. وأنتي اشلون ..
دانه: مدري شوفي بطني احسه كبر شوي .. الدكتورة تقولي الحمدلله كل شي زين النبض وكل حاجه ..
غلا: الحمدلله ..ماعرفتي بنت أو ولد ..
دانه: ليه يبين ؟
غلا: الحين بالخامس صوآآآآح ..
دانه: ايه ..
غلا: يمكن بين .. أسأليها ..
دانه: اكيد راح سونار وأقولها تقولي ..
.
.
.
كان عرس ريم ومشعل .. أحلى ممايكون ..
انزفوا ..
بالفندق ..
مسكت ريم يد خالها ..
سلطان نزل راسه لها: ها ريماي بغيتي شي ..
ريم: لاتروح
خالها: حبيتي خلاص الليله اجلسي وبكره من عيوني بيجيبك مشعل عندي ..
ريم شدت على يد خالها: ماتتركني وحدي اخاف..
سلطان طالع بـ مشعل وابتسم: أدري ودك تصفقني ..
ضحك مشعل ..
سلطان: بروح وبرجع ..
ريم: لا اجلس
سلطان : شوفي جوالي يدق .. بكلم وبرجع ..
ريم : بسرعه ترجع ..
سلطان: ان شاء الله ..
طلع سلطان ومعه مشعل ..
برآ الجناح ..
سلطان: انتبه عليها .. وخل بالك طويل ..الليله أعطيتك قلبي يامشعل وهي امانه بين يديك ..
مشعل :لاتوصي ..
سلطان: تراها صغيره ودلوعتي ومتعوده على كل شي يجي لها ..
مشعل حط يده على كتف سلطان: لاتخاف عليها ..
ابتسم سلطان : عموما الف الف الف مبروك ..عن اذنك..
مشعل: الله يبارك بعمرك ..
دخل مشعل لـ داخل ..
مشعل: اجلسي يالريم ..
ريم: وين خالي؟
مشعل: راح ..
سكتت .. ماقدرت تتكلم ..
مسك مشعل يدينها البارده وترجف : لاتخافين ..
شد مشعل على كفوفها وبهدوء: لاتخافين .. عادي .. تبين الحين تروحين تغيرين ملابسك .. وتالي تنعشى ..
.
.
.
ببيت سلطان ..
الساعه 3 الفجر ..
خل سلطان للبيت ولقى الكل موجودين ..
جلس يسولف معهم ..
عليا: كيف ريم ؟
سلطان: تمام مبسوطه .. لاتخافين بأيدي امنيه ..
كان سلطان جالس بجنب امه وعيونه وتركيزه على مشاعل ..
سلطان: تصبحون على خير .. ولاني شايف شي آبي انوم ..
الكل: تصبح على خير ..
تقدم لـ مشاعل: هاتي يدك ..
قومها معه ..
مشاعل انحرجت من حركته : تصبحون على خير ..
حط يده على ظهرها ومشى ..
شافتهم ام سلطان يرقون الدرج : مشالله لااله الا الله مزيونه مشاعل ..
عليا: ايه بسم الله عليها .. يتساهلها سلطان ..
.
.
.
بـ غرفتهم ..
كان سلطان يناظرها بجد فتنه هالبنت ..
حبيبتي , من زينها ( تخجل حـروف )
كل يـوم .. تكتبنـي قصيـده جديـده
فتنه / لو أبذكر من وصوفها وصوف ؟
تمايلو أهـل ( النفـوس الزهيـده ) !
مشاعل كانت تحاول تلهي عمرها بأي شي أهم حاجه تبعد هالتوتر ..
سلطان : مشاعل بسافر ..
طالعته بسرعه: وين ..
سلطان: فرنسا ..
مشاعل: بتطول ؟
سلطان: شهر ..
نزلت راسها تخفى طيف دمعهـ ..
سلطان: بكرآ بسافر ..
مشاعل:احد يدري
سلطان: أنتي أول وحده .. بما أننا زوجين فأأنتي الاولى ..
حمر وجهها ..
مشاعل طالعته : طيب متى راح ننفصل ؟
سلطان طالعها..
مشاعل: أنت قلتها بعد عرس ريم ومشعل ..
سلطان: قصدي ذاك الوقت تنفاهم وتبين تنفاهم الحين عادي .. ولو اني ميت نوم ..
مشاعل : هي كلمه قوله وريح نفسك ..
سلطان: آآآسف .. لاني ماراح اطلقك .. مشاعل أنا قلت شي أبيه صعب الا محال جدا افرط فيه .. وأنا أبيك ..وتدرين الليله أنك فتنه .. حرام عليك تحرمين نفسك وتحرميني منك .. شكلي بموت وأنتي بعدك على عنادك وخوفك ..
طلع من الغرفه ..
بكت مشاعل من القهر ..
.
.
.

 
 

 

عرض البوم صور حفيدة الألباني   رد مع اقتباس
قديم 29-07-10, 05:55 AM   المشاركة رقم: 65
المعلومات
الكاتب:
اللقب:
الداعية إلى الله

عضو فخري


البيانات
التسجيل: May 2008
العضوية: 73887
المشاركات: 23,559
الجنس أنثى
معدل التقييم: حفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسيحفيدة الألباني عضو ماسي
نقاط التقييم: 6114

االدولة
البلدSaudiArabia
 
مدونتي

 

الإتصالات
الحالة:
حفيدة الألباني غير متواجد حالياً
وسائل الإتصال:

كاتب الموضوع : Pink-Girl المنتدى : القصص المكتمله
افتراضي

 

.
.
اليوم الثاني ..
الصباح ..
ببيت تركي ..
كانت غلا ميته نوم وازعاج مش طبيعي ..
غلا: من هنا؟
أم سيد: أخوات الست سلوى .. وياساتر عيال كتير ..
ماتت غلا ضحك ..
أم سيد: أيو يابنتي أضحكي .. شكلك وحش وأنتي زعلانه..
جا ولد عمره 7 أو ثمان سنوات يصارخ على الشغاله ..
غلا: ياولد خير تصارخ عيب هذي كبيرة ..
الولد: أنتي وش دخلك ؟ بسرعه جبيبي عصير ..
غلا: ناروتي جبيبي له اللي يبيه ..
الولد: وبعدين مين أنتي ..
غلا: أنا غلا .. أم سيد بطلع لـ خالتي توها مكلمتني تقول لازم أروح لها اتغد معها.. ولو أن ودي انوم ..
ابتسمت ام سيد .. لبست غلا عبابتها ..
الولد : مينننننن أنتي ..
غلا:سيو ام سيد وناروتي ..
طلعت من المطبخ عقب ماأخذت الحلا ..
.
.
.
بالشرقية ..
ببيت أبوريوف ..
كان راكان موجود وأبوه .. جايين يخطبون رسمي ..
وراكان طلب يشوف ريوف ..
اللي مانعت كثير .. بس رضخت مع أصرار امها وخالتها رهف اللي جايه زياره من الرياض ..
بـ لمجلس الداخلي دخلت ريوف مع اخوها محمد ..
وهي ميته خوف ..
محمد : عطي راكان عصير ..
تقدمت لـ راكان وهي خلاص شوي ويجيها شي من الحيا ..
مدت له الصينيه ..
كان راكان يقزها ..
ابتسم محمد على اخته وحياها ..وراكان اللي يناظر ريوف بـ ذمه ..
ريوف: خذ ..
ابتسم راكان يالبها: تسلمين ..
محمد : تعالي ياريوف اجلسي هنا ..
أشر لها مكان بجنبه ..
راكان مبتسم (بعدها بـ جمالها الا زادت حلا):شخبارك ريوف ؟
ريوف: تمام ..
قامت وهي خلاص ميته حيا ..
راكان وقف مع طلعتها : أبيها ..
ضحك محمد طبعا راكان صديق محمد لان هو واياه أصدقاء من وهم صغار لانهم جيران ..
راكان وهو يمشي مع محمد : متى نملك ؟
محمد: ههههههههههههه لحست أختي مخك ..
راكان: ههههههه طارت فيه .. أبي الملكه بأقرب وقت ..
محمد : والله براحتك .. شوف الوالد كلمه ..
راكان: ادري ..
محمد: من اليوم
راكان:أقول أدخل للمجلس ..
.
.
.
بالرياض ..
ببيت تركي ..
بالليل ..
دخل تركي .. طالع بالصغار اللي بالحوش ..
استغرب وش ذا ؟!
تركي يسأل السواق اللي كان يسقي الزرع : سلام ..
السواق: وعليكم السلام..الحمدلله على السلامه بابا
تركي: الله يسلمك .. من ذولاي ..؟
السواق: هاذا جا لـ مدام 2
ابتسم تركي .. اجل مدام تو ..
دخل لـ داخل فلته ..
انصدم :وش ذا
طلعت سلوى ومعها حريم من الصاله الداخليه رجعوا بسرعه لما شافوا تركي..
سلوى قربت تـ سلم على تركي ..
سلمت عليه بكل حراره ..
عكس تركي .. : وش ذا القرف ؟ هذا بيت بالله ؟
سلوى: تعرف صغار ..
تركي: بليز أنا أعشق النظافه ماأحب بيتي يكون كذا .. وخليهم يهدون شوي .. أبغى أنوم ..
سلوى: بسم الله وراك مضيقن صدرك تراهم صغار ..
خزها تركي ..
تركي:فيه أحد فوق ..
سلوى : ايه بنات أخواتي واخواني بـ غرفتنا ..
تركي: غرفتنا مفروض ماأحد يدخلها ..هذي خاصه فيني وفيك ..
سلوى بتهور: عاد من الخصوصيه وأنت مادريت عني .. وأنا زي ماانا من تزوجتك ؟!!!!!
طالعها ترررركي وعلى وجهه!!!!!!!!!!!!!!!!!!!!!!!!!!!!!
سكتت سلوى حست بزله لسانها ..
ومع مين .. مع تركي ..!
تركي قرب لها وهمس : تبين حقوقك عادي ماعندي مانع حقك .. بس خليها تجي مني احسن ..
طلع وخلاها مذهوله ..
ووجهها أحمر من لسانها .. ومن كلام تركي ..
.
.
.
ببيت سلطان ..
كانت مشاعل ترتب ثياب سلطان ..وهو يساعدها ..
شي مزعج : لو يسآفر من تعز ..رتَّب ثيآب السفر وإنتَ تشوف
..الحكي في هذي اللحظه صعب ..
المشآعر وين ؟ وينك يآ حروف ؟
مثل جآهل كآن لآهي في اللعب ..[ مبتسم] مآ يشغله همٍ وخوف ..
ثم خذوآ من إيدهـ اللعبه غصب ..
وإن سألهم ليـش ؟! قآلوآ له : ظروف !

سلطان: مشاعل رتبي هذي ..
عطاها تشيرت وجنيز ..
مشاعل: طيب والعطر أي واحد ..
سلطان: حطي أي واحد من هالعطور على راحتك
مشاعل: أي واحد ..
سلطان: ايه .. بس يكون من ريحتك .. خلي أتذكرك ..
مشاعل: يعني ماراح تذكرني الا لماترش العطر ..
ضحك لها .. وآشر على قلبه : أنتي هنا .. مكانكـ هنا .. (آشر على عيونه) ..وهنا في محاجر عيوني ..
حمر وجهها ..
سلطان: خلي نكمل تصفيط ملابس .. سرى الليل وحنا ماسرينا ..
طالعته وضحكت ..
.
.
.

 
 

 

عرض البوم صور حفيدة الألباني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة وحيده و أهلي كثيرين, ليلاس, الغلا مستور, القسم العام للقصص و الروايات, اصحابي, اهلي كثيرين, وحديث, وحشني, وحشني شوف أحابي و ربعي و الغلا مستور كاملة, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:07 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية