المنتدى :
التهنئة والاهداءات
اهداء لكل مصري في العالم .. ولكل عربي ايضا
السلام عليكم
ازيكم يا جماعة
اسمحولي بعد اذن ادارة المنتدى ومشرفة القسم الأخت العزيزة برنسيسة
اهدي لكل مصري في العالم ولكل عربي
وكل جزائري محترم ومثقف ومتحضر ومؤدب :(
قصيدة .. مكانها في قسم الشعر .. بس هي اهداء
آسف .. اذا كنت حطيتها في مكان مش بتاعها
بس هو فعلا أنسب مكان ليها هنا
:(
صلاح جاهين
على اسم مصر
على اِسم مصر - صلاحجاهين
علىاسممصر التاريخ يقدر يقول ما شاء
وأنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة ف حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
علىاسممصر
مصر النسيم في الليالي وبياعين الفل
ومرايه بهتانة ع القهوة - أزورها - واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوقفي الفراندة واسمها جولييت
ولما جيت بعد روميو بربع قرن بكيت
ومسحت دمعي في كمي ومن ساعتها وعيت
علىاسممصر
مصر السما الفزدقي وعصافير معدية
والقلة مملية على الشباك - مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
علىاسممصر
النخل في العالي والنيل ماشي طوالي
معكوسة فيه الصـور - مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي - وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولد من جديد
يارب ماكونش ضيف تقيل
ويارب تكون الرسالة وصلت
دمي محرووووووووووووووق
|
23-11-09, 01:38 AM
جديد مواضيع قسم التهنئة والاهداءات
العرض الشجري
