لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 30-10-09, 01:06 AM   المشاركة رقم: 36
المعلومات
الكاتب:
اللقب:

البيانات
التسجيل: Aug 2009
العضوية: 148615
المشاركات: 63
الجنس أنثى
معدل التقييم: حدس نسائي عضو بحاجه الى تحسين وضعه
نقاط التقييم: 10

االدولة
البلدBahrain
 
مدونتي

 

الإتصالات
الحالة:
حدس نسائي غير متواجد حالياً
وسائل الإتصال:

كاتب الموضوع : ضحكتك في عيوني المنتدى : القصص المكتمله من وحي قلم الاعضاء
افتراضي

 

اممممم جدتى اللي هي أم امي كانت مزواجه تزوجت اكثر من مره وعندها عيال من زوجها الاولي ما يكلمونها ولا يبونها ولما تروح لهميطردونها

كل هذا عشان انها لما تطلقت خلتهم مع ابوهم يعني هي ما ربتهم وهم حاقدين عليها ع هالشي

وعقبها تزوجت جدي وبعد يابت من عيال اللي هي امي وخالي وخالتي ونفس العمليه تطلقت وخلتهم مع جدي هو رباهم

وعقبها تزوجت اماراتي عاشت معاه 10 سنوات ولا تدري عن عيالها ما رديت
البحرين اله لما ريلها توفى

وقامت تزوج وتتطلق يمكن تزوجت اكثر من 12 مره

يعني حالة ام جاسم اتصير بواقعنا وجدتي مثال ع ذلك بس الفرق بين ان جاسم وجدتي انه ام جاسم مواصله عيالها حتى لو كانوا ما يتقبلون

تصرفاتها بينما جدتي تابعت حياتها المزواجيه وتخلت عن عيالها



الاحداث رائعه وعاجبتني وبانتظار الباقي

 
 

 

عرض البوم صور حدس نسائي   رد مع اقتباس
قديم 30-10-09, 03:32 AM   المشاركة رقم: 37
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,370
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : ضحكتك في عيوني المنتدى : القصص المكتمله من وحي قلم الاعضاء
افتراضي

 

السلام عليكم
مرحبا شرمي الله عليك شوشو (طقت الميانه خخخخخخخخ
ماتتصورين مقدار استمتاعي وانا اقراء بارتات القصه مع اني للان مقتنعه انك ممكن تقلبين الاحداث في اي لحظه وتخلين احب اللي كرهتهم ويمكن اكره من رسمت لهم صوره حلوه من البدايه

عذوب
صراحه انتي شيرمي طرحتي هنا قضيه مهمه جدا وهي الفتاه السمينه ومعامله المجتمع لها انا اشوف عذوب فتاه طبيعيه تعبر عن مشاعرها السلبيه للاسف بالافراط في الطعام وهي من وجهة نظري مستاءه من مضهرها بدليل وقوفها الطويل قدام المراءه لكن عجبني فيها انها صادقه مع نفسها لاني اشوف خفة الدم اللي تكون من نصيب الفتياة السمان ماهي الا تغطيه لمنتهى حزنهم الداخلي
اليوم عذوب من جد كسرت خاطري بموقفها مع جاسم ومحاولته الاعتداء عليها لكن هنا اتساءل خواته مالاحضو عليه انه فاقد عقله في اللحظه اللي سال عن عذوب فيها
منااااارهنا تجي تكمل عليها في محاولتها الدفاع عن نفسها بتوجيهاللوم لاختها المسكينه بدال ماتدافع عنها هنا ارى مقدار المرض النفسي اللي تعاني منه منار فهي تمشي على مبداء اتغدى بهم قبل لايتعشون فيني
عليااااا من جد مسكينه هنا المشاعر ماتنشرى والا كان كل وحده ريحت بالها وكانت على ماتريد
ام بدريه اجدها هنا اللي تعور القلب وفي نفس الوقت امراءه رائعه فرغم تاكدها من مشاعر زوجها تجاه علياء الا انها لازالت تعاملها كابنه لها اجد شخصيتها غير موجوده في الواقع اين الغيره نحن بشر ولسنا ملائكه
نجي للبق بووووووووس
ام جاسم المراءه الحديديه هنا اقف متردده ام جاسم قد تكون نجحت من وجهه نظرها كانثى ولكن اليست الامومه جزء مهم من شعورالمراءه بانوثتها
شوفو يابناات انا ضد المراءه اللي تدفن نفسها في الحياه يعني عادي تتكشخ باللي يناسبها وكذا ومو مشكله لو ترملة او انفصلت بسن صغيره من الزواج الثاني لاكن مزوووواجه لاااا والف لا
طيب عادي اتكشخي رفهي نفسك بس بدون رجل في حياتك واضح انها تحب الموضه وكذا كان ممكن تشتغل في هذا المجال بدون زواج لكن يتضح لي انها تبحث عن الرجل بحد ذاته
بالنسبه لزواجها من ابو شاهين اجد زوجته شريفه هي اللي دلته على الطريق بدون علمها واشوفه زوج مثالي انه ماتزوجها وشريفه عايشه

شاهين مانهايه عشقه المجنون اعلياء هل يعقل انه بحبه لها وتخليه عنها صنع منها ام جاسم اخراء ربماااااااااا
همسه اجد بنات ام جاسم مافيهم اي شخصيه سويه
غاليه متعقده من الزواج& منار لئيمه متعلقه بانسان يحتقرها& علياء متخبطه في مشاعر ليست من حقها
هل لعنه الام اصابت بناتها
شيرمي ننتظرك على الموعد

 
 

 

عرض البوم صور نوف بنت نايف   رد مع اقتباس
قديم 30-10-09, 03:47 PM   المشاركة رقم: 38
المعلومات
الكاتب:
اللقب:
ملكة المرح


البيانات
التسجيل: Nov 2008
العضوية: 106580
المشاركات: 1,343
الجنس أنثى
معدل التقييم: NoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جدا
نقاط التقييم: 528

االدولة
البلدSaudiArabia
 
مدونتي

 

الإتصالات
الحالة:
NoOoFy غير متواجد حالياً
وسائل الإتصال:

كاتب الموضوع : ضحكتك في عيوني المنتدى : القصص المكتمله من وحي قلم الاعضاء
افتراضي

 

وربي خيال شارمي (ضحكه ) ولله اني في قمة الاستمتاع وانا اقراء البارت صحيح انا شفته نازل قبل بس ماحبيت اقراه الا اذا كانت متفرغه اقراء واكتب على طول لان مثل روايتس يالغاليه الواحد المفروض يوقف عندها
للقرائه والرد


عائلة ام جاسم: ام جاسم معقوله على كل اللي تزوجتي مالقيتي فارس احلامتس ابد ماصدقتس تدرين ليش لانتس اكيد حبيتي كم واحد من اللي تزوجتيهم والمره اذا حبت الرجال تعمي عينها عن عيوبه وتشوفه فارس احلامها ولا تشوف احد احسن منه
بس تدرين شرومه ام جاسم مره لاتنتعاشر ومجرد مالرجال يطفش من تصرفاتها بغض النظر عنه اذا كان يحبهااو لا يطلقها او بعضهم تكون هي ماحبتهم وتطلب الطلاق تتعذر انها الى الان مالقت فارس احلامها جعلها ام الخنازير كانها بعد ذا العمر كله تدور فارس احلامها
الا شرومه ماقلتيلنا كم مره تطلقت وشسبب الطلاق
الاكيد انها مادور على الفلوس لانها اذا كانت فعلن تدور على الفلوس كان ماخذت ابو منار

جاسم مادري وشسر اهتمامك باللي صار النجلاء يوم قالت سلمى عن سلطان هل هو خوف على نجلا ولا الغيره تحركت في نفسك ومليت من سلمى اللي تحبها وبديت تناظر اللي تحبك

عزام شخصيه روعه اعجبني كثير احب الشخصيه اللي اذا احتجتها تلاقيه على يمناك ومايقصر حبيت فيه خوفه على غاليه من ناصر رغم شراستها وماقال انا الفارس اللي بنقذ اخوي من اللي هو فيه اللي يقدر عليه يسويه قدر استطاعته بس يد وحده ماتصفق وقال اللي اقدر عليه اني احافظ علي غاليه منك

عليا ليه دافنه نفستس مع شايب ماتحسين معه بالراحه الواحد كم بيعيش مش نهايت العالم يوم خسرت بزواجي الاول بالعكس يكون درس لي عشان اختار صح
شرومه عليا هل كانت تحب ولد عمها اللي طلقها ولا كانت تحب ولد الجيران اللي تشوف الزواج فيه مستحيل اللي هو شاهين

غاليه صحيح شرسه وقويه والسانتس سليط بس حقانيه موقفتس مع عذوب اعجبني ويدل على طيب خلقتس

منار حلو القوه بما انتس عايشه مع مرة ابو واخوان يتصيدون عليتس وبماانتس وحيده عند ابوتس بس اللي مش حلو الظلم اللي سويته مع عذوب قمة في النذال البنت مصدومه ومرعوبه كذا يكو تصرفتس معها

ناصر صدق مجرم متعاطي ونذل وحقير وفوقه بتضيع شرف البنيه وتتهمها انها هي اللي تبي الله يستر منك


عائلة ابوشاهين: خطا واكبر خطا ان الحرمه تتكلم في الحريم قدام زوجها سوء مدح او ذم اللي ابوشاهين شبه يومي يسمع عن ذا المره بنقد في شكلها بتصرفاتها حب يعر فها خاصه انها جاره واحتمال يشوفها ويشوف وشلون محافظه على نفسه من الشيخوخه يبي يعرف سر لمره هذي وفعلن موت ام شاهين ارضى فضوله مع انه ماكان ناوي من قبل حفاظ على مشاعرها ياترى رسمت ابو شاهين صوره زينه لام جاسم في بالك وياترى هل صارت نفس الصوره اللي انت راسمها وهل انت بتكون فارس احلامها وختامها مسك

شاهين يوم انك تحب عليا وش اللي مانعك عنها ليش ماخطبتها وفكيتها وفكيت عمرك لاتقول عشانها بنت ام جاسم هذي خالتك اخت امك ماخذه ولدها يعني العائله منكم وفيكم

مشاري للدرجه هذي تكره منار بس ولله مالومك اذا كانت اخلاقها الكريها باينه لك حتى لو كانت جميله مثل امها الى الان مابانت شخصيتك مشاري بس اللي اشوفه انك بتطلع من الشخصيات البارزه بالروايه ويمكن تكون من نصيب غاليه

جراح الولد المدلل لامه اللي راحت وبدا التسلط عليه من اخوانه وتايد ابوه

البنات رهف وتهاني الا الان ماتضحت شخصيتهم بس من وجهة نظري اشوف تهاني تحكم العقل اكثر من رهف واشوف رهف حساسه كثير وتغلب عليها العاطفه اتمنى تهاني تكون من نصيب عزام

ابوماجد: ليش ابو ماجد ربيت ولد اخوك وراعيته وزوجته بنتك في حين انك تركت بنتك عند الغريب وكرهتها في بيتك وانت ضام اخو زوجتك في بيتك اللي هو السبب في هروب بنتك من البيت

حلوه شخصيتس سلمى لانتي المره الشريره المتسلطه ولا الضعيفه اللي ينوكل حقها انتبهي على جاسم مندون وساوس وشكوك

نجلاء بقربها من اخوانها والعيشه معاهم بتقربها اكثر من سلطان بس ياترى ليش تكرهه هل هو سئ اخلاق او بسبب حبها الجاسم

ماجد نايفه شخصيات حبيتها الطيبت قلبها

سلطان الوضح انه شخص سيء بس انا اتوقع اته غير كذا وبيكون من نصيب نجلاء

ابوبدريه وام بدريه ماتوقع ابو بدريه راح يتنازل عن عليا اللي يحس بكل الحب لها ويحس ناحيتها بشي ماحسه مع ام بدريه يمكن شي قوي يصير ويفترقون بس ممكن ترجع زوجه الشاهين كل شي جائز مع كاتبتنا الرائعه
ولأدهاولامر ان ام بدريه تدري بالموضوع ان مشاعر حبيبها كلها الوحده ثانيه ويمكن اللي مصبرها ومخليها حبوبه مع عليا معرفتها ان عليا ماتكن الابو بدريه اي مشاعر


ابو منار: شخصيه حبوبه يتعب من اجل راحة اسرته يحب اعياله ويحب الهدوء الاسري شخصيته حلوه في بيته لامتسلط ولا ضعيف مايبي يحسس بنته بغياب امها ولا يبي سيطرتها على خوانها

عذوب ولله اني راحمتها دائم معروف ان البدين يجي طيب قلب وهذا اللي باين في عذوب وفوق هذا شكل الثقه في النفس عندها صفر الله يكافيها شر منار واخوها


شرومه ضحكه ماتقصرين ياعمري اربع بارتات وشطولها كفيتي وفيتي صحيح احنا تدلعنا الاسبوع هذا وانتي بكرمتس دلعتينا بس بعد راحتس تهمنى وبارتات كل اربعاء حلو
اسال الله الكريم ان يديم علينا وعليكي نعمة الدين والصحه ويحفظ لنا والدينا من كل سوء آمين

 
 

 

عرض البوم صور NoOoFy   رد مع اقتباس
قديم 30-10-09, 07:10 PM   المشاركة رقم: 39
المعلومات
الكاتب:
اللقب:
ليلاس متألق


البيانات
التسجيل: Feb 2008
العضوية: 64757
المشاركات: 7,529
الجنس أنثى
معدل التقييم: لا خلا ولا عدم عضو بحاجه الى تحسين وضعه
نقاط التقييم: 34

االدولة
البلدOman
 
مدونتي

 

الإتصالات
الحالة:
لا خلا ولا عدم غير متواجد حالياً
وسائل الإتصال:

كاتب الموضوع : ضحكتك في عيوني المنتدى : القصص المكتمله من وحي قلم الاعضاء
افتراضي

 


سلااااااااااااااااااااااااااااااااااااااااام








وسعووووووووووووووووووووووووووووووووووووووا







دررررررررررررررررررررررررررررررررررررررررب





أناااااااااااااااااااااااا جييييييييييييييييييييييت ^_^




شاااارمي.. ياااهلاااااااااااا واللله ومسهلااااااااااااااااا....هلاااااا بالحامل والمحموول^_^... تعرفي شارمي اول ماشفت اسمش تحت عنوان القصة وقسم بالله سويت كذا من الفرحة ^_^... وعزمت في قلبي ان قصتش ذي اكون من المتابعييين لها الدائمييين إذا شاء ربي.... ومن اول بارت .. قلت برد... ولما جيت برد لقيت بارت ثاني.. قلت خيره.. بقرى البارت الثاني وبعدين بحط رد يشملهم كلهم... وجاء اليوم الثاني.. وجيت مستانسة اني بحط ردي اللي كتبته وجهزته.. الا والقى البارت الثالث... قلت يابنت ابد ابد شكلش مهوب حلو لو حطيت الر والبارت الثالث نزل... وهذا هو الرابع نزل وانا ردودي محلك سر خخخخخخخخخ.. بس عاد ماتصدقين كبر فرحتي يوم قلتي ان البارت الجاي بيكون الاربعاء ^_^<<< حاسة انها بتتصفق من البنات خخخخخ... بس قلت في خاطري اشووى عشان القى فرصة اجمع رد شامل ولو يكون مختصر...^_^....وهذاني جيت بعد ماقريت كل البارتات وانبهرت برووعة الابداع اللي فيهم.... ^_^... قصة جديدة وفكر نادر ولو انها تحصل في الواقع بس ماحد تطرق لها من قبل في اعتقادي ^_^.....

اممممممممممم .. صحيح ان اغلب المجتمعات مجود فيهم الرجل المزواج ... وانا بصراحة عايلتي فيها ذا النوع واجد هع هع هع ^_^...والله انا اشووفه ميزة خخخخ.. لان ماشاء الله عيال عمومتي صاروا واجد ..يعني نقدر نقوول الرجال المزواج يكثّر النسل ^_^.. وهذا شي طيب..... وحتى عندنا تحصلين المرة المزواجة ... بس في زمن جداتي وامهاتنا ^_^.... يعني مثلا عندنا حريم تزوجوا 3 و4 مرات.. وتلقين لها شهرة بعد <<< مجتمع غريب مو !!!! يعني عندنا ممكن يعتبروونها ميزة ذي اللي تتزوج وايد.. يعني انها من جمالها وطيب نسبها الكل وده يتزوجها....^_^... انا هنا اتكلم عن مجتمعي انا فقط ^_^

فيمكن انا نظرتي لام جاسم تكون نظرة إيجابية هع هع هع ^_^..... يعني قبل ما اقرى البارت الرابع.. كنت اقوول يمكن انها مالقت رجال يفهمها ويتحمل عيالها... ويمكن انها انسانة ملولة<<< بس ذا مايشفع لها هع... ويمكن ويمكن.. بس لما قريت حواراتها في البارت الرابع.. وخاصة مع بنتها منار.. قلت لا ذي المرة بايعتها وتجري ورى هواء نفسها...وبصراحة انصدمت لما قالت لابو شاهين انت وشطارتك.... يمه وش ذي الوقاحة !!!....اوكي انا ممكن اعذرش انش تتزوجين مرة ومرتين وثلاث واربع.. بس عيالش ليش ترمينهم؟؟!! ليش مايكون شرطش لاي زوج انه يتكفل بعيالش؟؟ وهذا هو الصح اساسا .. ان المرة تتزوج لحاجتها وحاجة عيالها.. مهوب تتزوج وترمي عيالها ....انا اعرف حريم يهتمون بنفسهم وايد بس مهوب لدرجة ينسوون اعمارهم.. لا بس كل سن وله استايله ... انا عندي عادي المرة تتزوج لو شافت ان الزواج ممكن يكون له دور ايجابي في تربيه عيالها.. اما انها تتزوج كذا بس للزواج والعيال ترميهم .. لا هنا ما اعذرها... وخاصة ان ام جاسم الباين انها ماهيب بمحتاجة للمادة... وزواجاتها من طبقات مختلفة ذا الشي يحسسك انها تتزوج عشوائي .. كذا مزاج يعني!!!!!!!!!!!!..اما صراحة صدق لاقالوا بعض الناس ودك تشتري له عقل هع هع هع^_^


أبو شااهين.... ياناس وش فيها لاتزوج الرجال يعني !!!! يقولون عزوبي دهر ولا عزوبي شهر هع هع هع^_^... عادي تصير وايد الرجال بعد ماتموت زوجته بكم شهر او سنه يتزوج... حقه ذا في شرع ربي وماحد يقدر يعترض... بس الشي اللي فاجأنا اننا نتعودنا الرجال وخاصة الشايب لا بغى يتزوج.. راح تزوج وحدة بعمر بناته... ولو تزوج وحدة بعمر بنته.. بتلقونا نسب فيه بكل قاموس السب هع... ويوم انه اختار وحدة من جيله .. قلنا شايب وعجوز وش يبغون من ذا العرس ..!!!!! خلونا نكون حيادييين.... حلو يتزوج وحدة من عمره وتقدر تقوم به.. بس اللي مفاجأنا انه يختار وحدة سجلها الزواجي مايؤهلها انها تكون زوجه له في ذا العمر ^_^... وخاصة وانه شايب بغى وحده تونس وحدته وعاونه..مهوب حمل مشاكل وطلاق ....^_^...وعاد بنشووف كان بو شاهين قدها والا مهوب قدها هع ^_^

غاااااااالية.... والله يا شاارمي اني كرهتا في البارتات الاولى... وقلت ذي وش فيها تستحي من امها...!!! امها ماسوت شي حرام .. بس انها زودتها شوي هع... بس انا دايما بصراحة ما احب الناس اللي يستحون من اهلهم مهما كان.... يعني اقل شي انها امش اللي هي سبب وجودش في الحياة بعد الله سبحانه وتعالى... وهي جنتش ونارش.. الواحد يتقي الله في اهله.. ولسانش ذا ماتدرين يمكن كثر حقدش عليها وعلى سواته يعتبر عقوق..!!!والعياذ بالله... بس في البارت الرابع.. وانا اشووف موقفها مع عذووب بعد الشريرة منار واللي قالته.. بصراحة حسيت انها انسانه ماترضى بالغلط.... وهذا الشي رجع رفعها في عيني ^_*<<< احلفي ياشيخة هع هع...غالية وعقدتها من الزواج.. هل هو خوف من معايرة الزوج لها بامها مثل ماكان ولد عمهم يعاير عليا!!!!..وإلا خوف من انها تكون نسخة من امها!!!!!...

علياااااا... اممممممممممم سبحان مغير الاحوال.. من انثى مغرورة في سنين المراهقة.. إلى انثى شبه مهزوزة الثقة في سنين النضج !!!!!!! بس فعلا تفضيلها لرجل شجاع مايخاف مواجهة الناس وطلبها للزواج على الرغم من معايرة الكل لهم بسبب امهم.. وتخليها عن رجل جبان(شاهين) حبّها بس طلب ودها بطريق السر.... الرجل القوي لايخشى المواجهة فعلا ....!!.. انتي هنا كنت واقعية جدا.. حتى ولو انه كان مجرد هروب من اسم مطلقة وانش تثبتين لولد عمش ان في رجال فعلا يطلب ودش على الرغم من انش بنت المزواجة..... انا اشووف انش ترضين بذا الشي لان فعلا ذا الشي السليم.....


نااااااااااااصر..... اخر العنقوود (ادري ان منار الصغيرة) بس اقصد في الشباب... ودائما وابدا اخر العنقوود يكون السكر المعقود هع... بس كثر الدلال هو المصيبة... وناصر اثبت لي ان الرجال مايربيه الا رجال..يعني لو كان عايش بين ام مدللة واب شديد ممكن مايتعرض لذا الانحراف..المصيبة لما الام تفكر ان توفير المال للولد هو اللي يعبر عن حبها له.. بالعكس هي تصير سبب دماره .... ويوم قال انا ممكن اكون خطر على غالية... بصراحة استبشرت خير وقلت يمكن يحس باللي هو فيه ويرجع... بس لما كان بيسوي المصيبة في عذووب بصراحة انقهرت منه ومن خواته بعد.. خاصة ان غالية تعرف ان ناااصر مهو شخص صاحي تماما..وينخاف منه....

عزّااااااااااام... امممممممممم اول ظهور لك ابد ماشديد نظري... بس بعدين بديت اشووفك بنظره ثانية.. وانك شخص محايد... وواقعي جدا.. وعجبني موقفك لما رفضت تحجر على امك ولو ان سبب رفضك الاول كان خوفك من كلام الناس.. بس اهم شي رفضت ^_^..وعجبني كلامك لغالية وان في الوقت الحالي ماتقدر تسوي لناصر الا انك تحمي غالية منه...وخطوة بخطوة ان شاء الله تقدر تساعده من اللي هو فيه...... بس ياعزام ابد ماحبيت الشي اللي تسوووييه في عذووب.... والله اني زعلت منك.... مرة اقوول يمكن تحس شي تجاهها.. ومرة اقوول ودك تنصحها بس تستخدم طريقة غلط... مدري عاد بس اهم شي انك نقذتها من نااصر...^_^.....


غنّااام... ا سيدي المحقق... ممكن لو تفضلت تتكرم علينا بزيادة جرعة ظهورك في القصة عشان لو فعلا طلعت مثل ما انا اتوقع... اصادرك لمجموعتي الشيوخية ^_*..... لان عجبني تمسكك في غالية وانك ماقلت ذي امها مزواجه..وباقي تتنتظر انها توافق عليك.. وعجبني بعد تصرفك العاقل مع ناصر.. وفعلا لو مادينته انت بيروح لغيرك...^_^

منااااااار.... اقدر اقوول انها في الطريق انها تثبت مقوولة (البنت سرً امها + على وزن الولد سرً اباه خخخخخخ)..... اكره تصرفها .... ليش حاطه نفسها في حرب مع زوجة ابوها وخواتها.. واكره معايرتها لعذووب.. وتمثيلها انها القوة الاضعف قدام ابوها...
لا تتوقعين ان مشااري بيعطيش وجه.. اولا انتي بنت المرة اللي حلت محل امهم وهم كارهينها.. ثانيا ..انش رامية حالش عليه وذا الشي اتوقع مايخفيه..


جااااااسم...... كنت انظر له انه شخص تايهه... ويمكن فعلا لازال تاييه... مدري وش اقوول عنه... بس وش سبب سؤالك عن نايف ووش بينه وبين نجلاء...!! هل مكنن تتوقع ان نجلا تكون بدلت حبك بحبه وصار بينهم حب!!!! يعني انها تهورت في مراهقتها وافصحت عن حبها لك.. ممكن تتوقع انها تعيدها... والا مجرد احساس بتملكك لمشاعرها وقلبها وغرور الرجل يحركك فضولك وودك تعرف وش السالفة.. او يمكن نقوول احساس بتأنيب الضمير وودك نجلا تتزوج شخص يليق لها عشان تتخلص من تأنيب الضمير !!!!!


نجلااااااااا.. تهورتي يوم كنتي مراهقة...بس انا اشووف انش تتمادين بالخطأ يوم انش تنذرين بقية حياتش لشخص عايش حياته .. ومتجاهلش.. واساسا انتي تخونين اختش بنت امش وابوش يوم انش تفكرين في زوجها... المفرووض تكملين حياتش بعيد عنهم عشان مايجي يوم تحقدين على اختش وتحسدينها.....

نااايف.والا اسمه سلطان تلخبطت خخخخخ(المهم خال ماجد ونايفه). حتى ذلحين بصراحة ماشفنا خيرك من شرك.. بس وش سبب كره نجلاء لك..!!!؟؟؟... وايش سبب تمسكك فيها..!!؟؟

ماجد ونايفة...... فعلا اخوان ومايهمهم امها غير وامنا غير... الاخ اخ ولو كان امه مهيب امك او ابوه مهوب ابووك... المهم ان نفس الدم يجمكم... والله فرحت ان في احد حالته طبيعية في القصة خخخخخخخخخخخخ...

اب مناار.... امممممممم مدري.. بس احسه الرجل الحنون على عيااله... بس مدري وش اللي خلاه يروح يتزوج ام جاسم....!! هل فعلا إلتهاء ام عذووب ببنتها هو اللي خلاه يتزوج وبالسر بعد!!!!!..

شاااهين........ اول ماعرفت انك كنت تحب عليا.. على طوول طحت من عيني...... اجل انت اللي طلبت ودها بالسر وطلعت الفارس الجبااان هع... وانا اللي شفت اسمك شديت بك الظهر خخخ.. بس يمكن بعدين تسوي شي يخليني ارجع اشد بك الظهر خخخخ....بس والله ان صاحبك صادق... طيب انت كنت خايف من كلام الناس وانها بنت المزواجه.... ذلحين راس الحية فعلا صار في بيتكم.. يعني بس ضيعت قلبك على الفاضي... وكأنك ترجع تكرر غلطت خالتك نجلاء.. بس يمكن عقلك الباطن عنده امل انها تتطلق من ابو بدرية.. وممكن لحظتها تتجرأ انت وتتزوجها.... او يمكن يموت ابو بدرية .. المهم ممكن انها تكون من نصيبك هع...ويمكن تتغلب على قلبك الميت وتتزوج نايفة اخت خالتك نجلاء ^_^<<< عليها شطحات مدري وش تبي خخخخخخخ

مشااااااااري.....اممممممم.. في البداية اعجبني حزمك على جراح.. بس يوم مديت يدك صراحة تفاجأت دكتور بالجامعة وباقي تستخدم لغة اليد!!!!... المهم باين انها لحظة غضب.. والظاهر انك شخصية مهمة... ويمكن انت اللي تتزوج نايفة هع...المهم نايفة شخصية حلوة ودي ماتفرطون فيها سواء انت والا اخوك هع هع هع...

رهف .. حسيتها ساذجة علة طفولية... بس طيبة ...

تهاني... واقعية بدرجة معقوولة.. واعجبني تفكيرها بمسايسة ام جاسم هع.. يعني ماحبت تسووي مشاكل .. حلو تفكير منطقي سليم...

ابو ماجد.. يومك تحب بنتك وتغليها.. وشهو له تخليها تبعد عن بيتك والسبب زوجتك.... انا دايما اقووول راعي الطباين هو اللي يقدر يخلي زوجاته علاقتهم كويسة مع بعض ..يعني لو انه شديد كان فعلا وقف ام ماجد عند حدها وماخلاها تتعدى على بناته وتعيشهم بالضيم....


ابو بدرية... هل ممكن يصبر اكثر على بروود عليها ويمكن نفورها منه...!!! صح الرجال يتحمل ويصبر .. بس حتى لو عشق تظل كرامته ماتسمح له يتعدى حدود الصبر..

ام بدرية... انسانة واقعية جدا...اشووف فيها جداتي وامهاتنا اللي عاشووا وضع مثل وضعها.... المرة تغير فعلا... بس عندنا عيب ومنقوو لو بينت غيرتها.. خاصة لو شي يضر الطبينه... يعني تلقين الطباين عندنا مثل السمن على العسل.. كنهم خوات.... لان لو سووا شي غير كذا تلقين الكل يتصافى بقلة ذوقها ويرجعون السبب لان اهلها كذا وكذا... يعني ممكن يكون عندنا كبت لمشاعر المرة في ذي الناحية.. بس اشووف ذا الشي لصالح المجتمع.. حتى انهم يربون عيالهم على حب اخوانهم الثانيين فأحيانا ماتفرقين بين الاشقاء والاخوان من الاب.... .. فوضع ام بدرية جدا طبيعي بالنسبة لي.... في الاخير يعني قامت والا قعدت الرجال تزوج وعشق.. وهي ماقصر في حقها ولا احترامها.. وشهو له تقوم الدنيا وتقعدها وتسبب مشاكل هم في غنى عنها.. الضرة مرة ما اقول غير ذا الكلام.. بس الوحدة تتقبل واقعها وتعايشه ^_^.....


سلوووووى....... شخصية بصراحة مدري وش اقوول عنها... بس هي تمثل فئة من المجتمع.. لاهي بالساذجة ولاهي بالخبيثة ... يعني إمرأة عادية .. تخاف على زوجها.. بس حلو انها ماشكت بشي بين زوجها واختها...



امممممممممممممممممممم.. مدري من نسيت خخخخ .. الشخصيات كثيرة وانا مادري ذكرت من وخليت من... بس المهم ذكرت اللي في بالي ذلحين ولو تذكرت حد ممكن ارجع مرة ثانية ^_^


شااارمي.. الف شكر على ذا الابداااع الفررييييد ماشاء الله.... فرحتي ماتنوصف وربي برجوعش لنا بشي جديد جدا غير مستهلك... اتمنى لش دوام الابداع والتألق.... وهذا مكان حجزته وان شاء الله اني في الصف الامامي ^_*


ننتظر الاربعااء القادم بكل شوووق ^_^

 
 

 

عرض البوم صور لا خلا ولا عدم   رد مع اقتباس
قديم 31-10-09, 09:31 AM   المشاركة رقم: 40
المعلومات
الكاتب:
اللقب:
ليلاس متالق


البيانات
التسجيل: Sep 2008
العضوية: 94676
المشاركات: 496
الجنس أنثى
معدل التقييم: رومنسية زمانها عضو بحاجه الى تحسين وضعه
نقاط التقييم: 23

االدولة
البلدSaudiArabia
 
مدونتي

 

الإتصالات
الحالة:
رومنسية زمانها غير متواجد حالياً
وسائل الإتصال:

كاتب الموضوع : ضحكتك في عيوني المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته




مساء وصباااح الخير والخيرااات شاااارمي





منااااااااار بصراااحه سخييييفه مرررررة وقحه والله قهرتني حيوووووانة ياويلها من ربي ليش تسوي كذا انانية انانية انانية وبتشوفها بنفسها اللي تسوية مع عذوووب




ام جاااسم مطيحه الميااانة بوووقاحه مع بنتها وعذرها في زواجاتها بصراحه اقبح من ذنب مالت حاقده بصراحه كنت متوقعة اني بغير فكرتي عنها لاكن للاسف زاد حقدي عليهااا




ابو شاهين ماراح اقول الغلط من شريفه لانة يقول كنت اسمعها تكلم موهي اللي تقولة




نجلااااا والله مبسوطة انها رجعت لكن احس سلطان وراهـ سالفه غير الخطبة مومعقوله عشان كذاااا




عليااا الحب مايجي بالغصب رحمتهااا بالحيل




نااااصر حقدت عليه من جد باللي بغى يسوية فعذوب مع اني بالبداية رحمته انه متعقد من امة لاكن قرررررفته من جد بس يمكن اللي سواااه غصب عنه من ادماانة هو اللي يخلية كذااا



عزام حلوو تصرفك انك تسكن مع اخوك واختك



شاهين واااااااااااااااو يحب علياااا ممكن تنساها وتلقى اللي تنسيك عليااا لازم تتحرك مومعقولة وضعك




باااارت رااائع ومميز قلبو ابدعتي




الله يعطيك الف الف الف عافية
لاهنتي ولاجف قلمك
بانتظاااااااااااارك بشوووووووووووق






رومنسية زمانها

 
 

 

عرض البوم صور رومنسية زمانها   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الينابيع لشارمي ملكة الابداع, الف لا بأس على الوالد الله يقومة الكم بالسلامة (ارادة الحياة ), ينابيع الراحلين >> فيس مغرم جدااااااااااا, ينابيع الراحلين، ضحكتك في عيوني، شارمي، charmey, قصة مميزة
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:14 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية