السلام عليكم ورحمة الله وبركاته
أحم احم ..دايم متأخرة يا أبلة سماح ذي المرة كمان مو...خخخخخخ... شااارمي انتي دايم غير تدرين مو..؟؟..بس موحرام جننتي جود وهي مخططة للقصة كلها بعد ما تموت سلوى طلعت سلوى قط بسبع ارواح وراحت فيها المسكينة علياااا....ولو ان الثنتين كانوا محتملات بس جد حزنت على عليا...اما سلوى صدقيني كان انفكينا منهاا ..اووووف عليها ثقالة نفس مو طبييعيية...احم احم شي ثااني..تراني لسه طالبة على قدي ..^_^..بس ما يمنع اني افكر بالجواب لكن المشكلة أني ما عرفت وش هي الهداريس..؟؟؟...<<<مخبطة من أولها...هههههههه....


على فكرة شارمي ...تراني من اول كلمة بالجزء عرفت انه بيكون انقلابة..لان الحزن صبغ المقدمة بطريقة رهيبة..*_*...شاهين...مدري يمكن الكل حزن على عليا لكن شاهين بيكون احساسه غير..والمفروض ام جاسم كمان تحس زيه لو فيها بقايا أمومة...الإحساس بإن شخص تخبه بعمق لكن ماسويت اي تصرف يبين له مقدار حبك...شاهين غلط بحق عليا يوم رماها بذنب مو ذنبها وتخلى عنها ومو بس كذا جرحها بالكلام...اتوقع هالشي مو بس ما بيخليه ينسى عليا...كل ما ذكرها بيوم بيحس بألم فضيع بقلبه..طبعا شاهين هو الملام الاول واصدقائه لو مهما كان رأيهم لو كان هو حازم امره ومقتنع داخليا ما كان شي ثناه,,لكن بباله راح يخف الالم لو حط بباله ان فلان وفلان هم السبب...أم جاسم...هل بيكون فقد عليا نقطة تحول..؟!..وتبدا تطالع لبقية أولادها..؟؟.وإلا هي مرحلة حزن عادية بتمر وترجع لنا ام جاسم..؟؟؟...


وجع .. كل ما أخطو عليه أنحناءات وجع !

أرتدادت أنفاسي أصبحت موجعه .. و إنعكاسات النور في عيني توجع

ملمس الأشياء .. وجع .. و أنتباهات الجسد .. توجعات نابضة ..

طعم الحياة أصبح تراكمات وجع !

و امنيات الرحيل الغير مستجابه تتقيح الوجع !

تدرين شارمي ..هالكلمات أثرت بي بشكل ما تتصورينه...ترسمين المشاعر بطريقة غير عادية ما شالله تبارك الرحمن...


سلوى وجاسم..سلوى جد مريضة بس مو شرط نفسي ...يمكن قلبي..فيه ناس عندهم قدرة غريبة على انهم يحسسونك ان قلوبهم وضمائرهم ميتة...وان الرحمة عندهم منعدمة..؟؟؟...موقف سلوى غريب...فعلا اللي عندها تملك مو حب ابدا..لان اللي يحب يتألم مع اللي يحبه,,,ويفرح لفرحه ويشيل همومه..أحس سلوى هم لحاال بالنسبة لجاسم...آآآآم سووووري أني بيوم شفت ان جاسم ممكن يكون ملام...بس تدرون يستاهل جاسم ذي حوبة نجلا...خخخخخخ...


أوبس نجلا...شووووو هالتصرف الغريب اللي صدر...؟..ما ادري وش سر هالتصرف ودوافعه عندي شعور ان طلال بيوافق...ليه اختارت طلال..وبهالوقت.؟!..لانه عنده من المسؤوليات ما يكفيه وهي ما تبغى واحد نشبة..>>حلو التفسير...خخخخ...او انها تفكر بزواج ممكن ينتهي بعد فترة يوم تحقق هدفها من زواجها وإلا شو.؟؟..مو فاهمة سر التصرف ..!!


مشاري...جددد ثقيل دم ...وحالك مؤسف...واختك هالصغيرة اعقل منك وافهم...حااط نقره من نقر كل اللي حوله محد قاله ان من راقب الناس مات هما..؟؟...اتخيل بيرسي على ملكة صغنونة...الله يعييين اموله عليه,,


عذوب....توقعت أبوها وامها يتوفوون بهالحادث...لكن حتى مرض أبوها راح يسوي نفس التأثير ...اتوقع هالحدث بيخلي عذوب اقوى وبتبدا تظهر شخصيتها المخفية تحت اكوام التردد والخجل من المظهر..الحياة بتجبرها تظهر شخصيتها...واكيد بيكون للأفض إن شالله...الشي اللي بيجننها جد هو اخوها علي...الله يعينها عليييه جد...بالحزن البنات غالبا ما يظهرونه بلا تحفظ..ويطالبون بالمواساة..أما أغلب الاولاد...يبدا التمرد يشتغل عند الكثير منهم...عذوب شكلها بتصير شخصية مية مية...


منار...فيها جبروت وفيها ضعف زايد..مدري وش نهايتها..لكن اللي اعرفه ان بالمواقف الصعبة في ناس يتحاملون على ألمهم ويحولونه لقوه ..زي عذوب...وفيه ناس يستسلمون له ويألمون غيرهم معاهم..وذي منار..متى بتصير إيجابية..؟؟...


كان ودي اغطي أكثر بس النوم كابس علي وحاجب التفكير....حتى جاسر الصغنون اللي وعى عالدنيا يتيم كنت ناوية اتكلم...خلاص يا أبلة لو ما جيت المرة الثانية بدري أقفلي الباب ولا تدخليني أوكي..؟؟...خخخخخ.ننتظرك هناا دوماا..

اوه اوه اوه...لا من التاخير ذي المرة ما وصلت إلا عالحصة الثانية...خخخخخخخ....



عدنا من جديد بعد قراءة البارت...شارمي لا ناوية تسوين فينا شي بالاكشن مو..؟؟..*_^,,,,ما شالله جد تخونني الكلمات...إبداع بالوصف والاحداث ...مو كنه البارت قصير..يالله بكرة ننتظر التكملة..<<< اخذت وجه...خخخخخخخخ....احم نجي للاحداث...اللي أغلبها يتمحور حول قضية نجلا...


الصدمة الكبرى هي نجلا..؟؟...مدري وش اقول بس جد الزواجات ذي من غير علم مو شي حلو ولا سهل...اكثر شي محيريني سلطان..رغم كلامه لأخته أنا ما احسه كذا..يعني احس تعلقه فيها قلبي جد...تصرفاته.. واسلوبه..اتخيل انه بس تسكيت لاخته مثلا..؟؟..لان كل الدلائل تدل على انه كاان شاب مضيع وعقلته الحياة...قرار نجلا اغريب اللي صدر بسرعة بعد كلام سلوى عن خطبتها لجاسم....قرار حكيم..؟؟..وليه تسرعت فيه بعد الرفض الشديد قلبه..؟؟


عذوب ومسؤوليتها...مو قلت لكم اكثر واحد بيجننها هو عليوه ذا...التعامل مع الاولاد صعب جدا خاصة يوم ما يكون فيه رجل كبير مسؤول عن التوجيه ويعرف المشاكل والصعوبات اللي تواجه الاولاد خارج بيوتهم واحنا ما نكون نعرفها...تدخل عزام اللي ما اعتقد راح يكون الاخير كان بطريقة اعتقد انها مثلى...اتمنى ان عزام يظل مشرف بطريقة ما على علي ...ولو ان ردة فعل عذوب كانت غير مشجعة....اعتقد منار كمان مشكلة بطريقة مو عارفتها..؟؟؟؟....يعني حكاية مشاري مثلا هي السر..؟؟..ما ادري وش القصد لكن عالاقل منار انتبه لها عزام ويا ويلها لو تمادت..رغم بصراحة احس صعبة عذوب تقابل عزام بهالكلام يعني جايب لها اخوها تقعد تقله لا تاخذ رجلك ومدري شنو..؟؟.. لاا وكنها تقول تراك مسؤول تصلح الغلطة لو احد تكلم علي ...يعني تدبيسة هع هع هع ....كمان اتوقع كل هالاحداث بتقرب منار من عذوب..لانهم صاروا جد بمركب واحد ولهم نفس المصالح ويتشاركون نفس الهموم...


شاهين...وش نهاية عزلة شاهين..؟؟..هل بيكون فيه تأثير لكلام خالته نجلا بباله..؟...



ودي اكمل كمان بس ما زال النوم اللي كان كابس بالرد السابق كابس ذحين ...خخخخخ...قلت اليوم لازم اكون اول وحدة ترد عشان ما تطرديني من الفصل..*_^..اتمنى لك التوفيييييق شارمي ...ننتظرك دوماااااااا..

السلام عليكم..

اووهــ شاارمي.. ابدعتي بكل قووه. ماشااء الله لاقووة الابالله... الصراحه ان شهاادتي فيتس مجروحه..هل سبق وقلت لتس انتس تذكريني كثيييير بالاسطووره ليتني غريبه الله يردها لنا هي وابوو السياافي فديت رووحه بالسلاامه ؟؟
تدرين انا كنت متووقعه ان نجلا بتتزوج سلطان بس اللي حتى ماامر بخااطري انها تكوون متزوجته بامر من ابووها؟؟؟؟
الجزء كله بمنتهى الرووعه.. وخصووووصااااا عااد لما شفت تووقعي صدق وان عزام بيكون مسؤل عن علي وبيوجه له كل الاهتماام.. هنا صفقت بقووه لنفسي.. وعرفت انتي ليش مااتردين على تووقعاااتي.. السبب بسيط جداااااا وهو انهاااااااا تصدق..هع هع هع>> يااعيــــني على الثقه والشفاافيه اللي عندي..هخهخهخهخه
شارمي في هالجزء اخطر قضيه هي زواج البنت بدون علمها..
ابو ماجد : طوووووووووول هالاجزاااء اللي راحت ماكان لك ذكر كبير بالقصه.. وكنت مستغربه كيف تخلي بنتك تعيش ببيت اختها وبيتك مفتوح لدرجة اني فكرت انك ميت من كثر مااوجودك وطاريك معدوم بالاول.. والحين لما طلعت على الاضوااء طلعت بكل قوووووووووه وسحبت الاضواااء عن الجميع على الاقل بالنسبه لي.. تصرفك بانك تزوج نجلا لسلطان بدون علمها ماا ادري شلوون اصنفه هو عقاب لها والا لسلطان والا لاخته؟؟ الصراحه ان الضحيه الاولى بهذا كله هي نجلااا اللي راح شباابها وبالاخير خليتها تسووي شي بدون علمك مثل انها تخطب لنفسها وهي متزوجه.... ماا اقدر اسمي زواج نجلا من سلطان زواج بالاكراه على الاقل بالنسبه لها لانها مااتدري اصلاا عنه.. بس بالنسبه لسلطان يمكن يكون بالاكراه ويمكن يكوون وافق هوى بنفسه.. بس خااطري اعرف كم عمر سلطان؟؟؟ وكم عمر نجلا.. يمكن هي باوااخر العشرينات.. 28 وسلطان 30 او اكبر شوووي ماا ادري والله...؟؟ بس تصرفك ياا ابو ماجد مدري وش الهدف منه؟؟ انت قلت انك بزواج سلطان من نجلا بتأدبه وتأدب اخته والاهم من هذا كله استعبدته.. صدمه قووويه واسلوووووووووب ذل للغير بشكل مو طبيعي.. كيف قدرت تخليه عبد عندك لمدة 10 سنوات... وبدون راتب بعد؟؟؟؟ تدري ابو ماجد على الرغم من ان اللي بااين لنا انك بهالشي ظالم مع اني عااذرتك بسبب اللي صار لبنتك بس يمكن انت تبغى تصنع رجل قوووي ومهم لبنتك نجلا وهالرجال تربيه على اللي تبي وبالاخير المستفيد والرابح هو سلطان وهي نجلا... هو يستفيد المرجله وهي تستفيد لها رجل يعتمد عليه.. مع انه بعد لو كان هذا هدفك بهو بعد فيه اناانيه كبيييييييييييييييييره منك تجاه سلطان.. يعني افهم تعااقبه سنتين ثلاث بس 10 سنوات والله صعبه وماا ادري كيف تحمل كل هالمده وانت وااطي على رااسه. الا اذاا كان اللي مسكته طووول هالمده انه يحب نجلا . مع اني ماا اعرف وش هالحب اللي يخلي الواحد يذل نفسه لو كان صحيح؟
. لكن اناا اتووسم فيك الخير واتمنى انك ماتكون من النااس اللي ياكلون حقوووق الغير.. يعني اتوقع انك مسووي لسلطان طوووول هالسنوات رااتب وحافظه له عشان اذا جاء الوقت المناااسب تعطيه له وهالوقت طبعاا لما يااخذ بنتك لبيتها..
بالاخير ياا ابو ماجد انت زوجت سلوى بدون علمها ونجلاا بعد تزوجت بدون علمها.. ناايفه هل بيجيها الدووور وتسووي فيها مثل ماسويت بخواتها؟؟ هذاا اذاا انت مو مزووجها بعد بدون علمها وعلم امها..؟؟


نجلا وسلطان :كلووووليــــــــــش مبروووووووك يااعرووسه ادري انتس مقهووره من هالزواج بس مااتدرين ياا نجلااا بكره تشووفين من سلطاان شي يخليتس تمووتين بالتراب اللي يمشي عليه.. صدمه واكبر صدمه اللي صاار لتس.. بس تدرين وش انا شخصياا استفدت من اللي صار لتس.. اني عرفت ان القلب اللي زرعتيه قووووي مره لانتس ما انجلطتي لما عرفتي بالسالفه؟؟هخهخهه
تدرين والله الحين افكر يمكن اللي خلا ابوتس يزوجتس سلطان انه يمكن خاايف ان مافيه احد يتقدم لتس وانتي المعروف انتس كنتي مريضه بالقلب والحين القلب اللي بين ظلوعتس هذا قلب شخص ثااني...؟ يعني هالشي يخلي كثييييييييييييير يفكرون الف مره قبل ما يخطبون وحده مريضه بالقلب سابقا.. يعني هالشي يعتبرونه عيب من العيوب اللي تمنع الزواج؟؟ ويمكن بعد الفتره هذي الطويله اللي استنى فيها ابووتس يعلمتس عن زواجتس من سلطان ويكشفه لتس .. لانه عرف انتس الحين ممكن تتحملين الزواج وتوابعه؟؟؟ لكن اناا واااثقه ان الاسبااااب اللي قالها ابوتس لسلطااااااااان مو هي اللي الاسبااب الحقيقيه لانه دبر هالموضوع.. السالفه اكبر من انه بيربي سلطان واخته ؟؟ اللي بيربي احد ماايزوجه بنته اللي يموت فيها واللي تركها تعيش بعيد عنه وهوو يمووت فيها عشان راحتها..؟؟
اما بالنسبه للقراار اللي اتخذتيه بانتس تعيشين معه وتخلينه حمار مكده لتس ولعيالتس هذاا اناا اواافقتس عليه لانتس لوو حاربتي الكل انتي اللي بتتعبين ممكن تشووفين بكلامي هذا نوع من الاستسلااام لكن الصراحه.. انا مع سلطااااان وخااااااطري انه يرتااح بحياته اخيرااا..والله يووفقكم مع بعض.. والله صدق ان القراااراات المصيريه مرات الواحد يتخذها بلحظات جنون رسميه.. بس ممكن هالقرااارات تكون سبب في سعااده حقيقيه بعدين في حياته كلها..

سلطان : والله مدري وش اللي حدك على المواافقه على هالقرار..؟؟ انا ماا اقصد الزواج لاااا قصدي هالعيشه القشرا اللي عشتها بظل عبوودية ابو ماجد لك..؟ بالاول وعيال اختك صغار قلت صح معك انك تسمع كلامه بس لما كبروا ليش ماا انتفضت على وضعك وقررت تاخذ حقوووقك او على الاقل ترفض هالذل اللي انت عشت فيه.. وتترك ابو ماجد والشغل عنده ؟؟ ماا ادري وش اللي يخلي واحد مثلك يرضخ لابو ماجد وقرااراته اللي مثل هذي.. ؟؟؟ يمكن انت بتعااقب نفسك بسبب الظلم اللي قلته عن نجلا.. وانت شفت انك تستااهل هالعقاب من ابو ماجد؟؟ او انك حبيت وجودك مع ابو ماجد لانك متزوج بنته؟؟ حااسه انك حبيت نجلا وهالسنوات كلهاااااا اللي رااحت وهي على ذمتك وانت مو قاادر تطووولها حببتك فيها زياده..
الخووف الحين من اختك واللي بتسوويه بنجلا وابوها.. هناا اتووقع ان اختك بتطبق مقووله ان كيدهن عظيم.. وبنشووف وش بيطلع من ام مااجد كرد فعل على اللي صاار لاخوها من ابو عيالها ولعيووووووون نجلاااااااا؟؟
ايه صح سلطان حاسه انك حبوووب بس لما تمنيت مووت ابو ماجد عشان اختك تاارثه حسيتك بقمة الشر..بس لما ذكرت اللي صاار لك منه . قلت ماا الوومك تتمنى هالشي....

شاهين : ناااااايفه يااشااهين ماا ادري ليش مااتوقعتك مع نااايفه؟؟؟؟ هل ممكن تصير نايفه من نصيبك؟؟؟؟ حبيت كلامك عن سلطان.. تدري مرات فيه اشخاااص تستغرب ان فيه نااس يمدحوونهم بسبب سووء فهم لهم.. وكلامك عن سلطاان كان مريح مرره .. اتمنى ان نجلاا تقتنع فيه قريبا..

منار : والله مرات ارحمتس واحس انتس طيبه وخصووصاا وانا اشووفتس مع سلمى ... والا وانتي بتموتين من الصيااح لانتس خاايفه على علي.. متى بس تظهرين على حقيقتس كامله وبدووون أي رتووش او تحديات وحركات باايخه..ياليت تذكرين لعذوب انها ماقالت شي عن سواد وجهتس لعزام وخصووصا ان تهددياتس لها مااتنفع الحين بعد وفاة امها ووضع ابوكم الصحي .. يعني تهديدااتس الحين بليها واشربي مويتها.. والاقوى الحين هي عذووووب مو انتي.. يعني المفروض تبدين تعدلين علااقتس معها عشان انكم خوات قبل وهي مااتحب تضرتس ..ياليت نشووف لتس دووور فعلي ببيت ابووتس وبين خواتس عذوب وعبير ..

ناصر : الله يهديك لصالحك نفسك قول آآمين .. والله يشفيك من اللي انت فيه.. اتمنى انك تكون اعرف بمصلحة نفسك وتعرف ان اخوانك ماسووا كذا الا عشان مصلحتك.. والله رحمة جاسم وانت تحب يدينه رحمته اكثر منه.. لانه هالصووره عمرهاا ماراح تروح من باله من كثر تاثره فيها.. اتوقع ان جاسم قلبه متقطع عليك ..بس اشووى انه مااارضخ لكلامك وقووى قلبه عشان ترجع لهم احسن من اووول.. اتمنى انك فعلاا تتاثر بالعلاج وبالمعالجين وتتحمل مسؤلية نفسك..

عذوب : الله يكون بعوونتس ياارب.. ماا ادري هل كان تصرف صحيح لما ضربتي علي كف والا هو تصرف غلط؟؟؟؟ في كلا الحالتين الاكيد انتس ماسوويته الا من خووفتس على اخووتس.. مرات الواحد من خوووفه على اللي يحبهم ممكن يمده عليهم.. مثل الام لوو شافت واحد من عيالها يلعب بالنار والكبريت ممكن تكويه عشان يعرف انه يعور ويسبب ضرر. يعني مرات العنف ممكن يخلينا نتعلم اشياااء تهمنا ونستفيد منها>> مدري وش ابي بهالمثل .. امحق مثل بس هذي تخااريف اللي تطلع على اللي ماينامون الا بعد الفجر..هخهخهخه
المهم عذوب القوووه اللي ظهرتي فيها قداام عزاااااااام وش اقوولتس عنها .. قمه قمه قمه.. اعجبتيني كثيييييييير وانتيواااقفه بووجهه وتصدرين عليه الاواامر.. وخصووصا ان الارض ارضتس والملعب ملعبتس>>> مشكله هالتشبيهات الا لاازم اطري التعليقات الرياضيه.. دام فيها طاري الرياضيه فلابد ان اقووول امووووووت بالزعيم الهلاالي فديته والله..هخهخهه مو قلت لتس تخااريف السهراانين للفجر..هخهخهحخه
المهم عذووب خوفتس على علي. واواامرتس اللي اصدرتيها لعزام. وكلامتس وتلميحاتس عن منار واللي فهمهاا ولقطهااا عزام هذي لاتوقعين انها بتخليه ماعاد يعتب بيتكم.. لااااااااا هذي هي اللي بتخليه يلزق لكم في البيت .. وبيقول دام الساالفه فيها مناااار والبيت خالي من الرجال والناااااس بيتكلمون عليكم.. خلااص انا بقطع لساان أي احد يتكلم وبتزوجتس يااعذووووب وبسنتر بالبيت معكم منها انتبه لعلي ومنها نقطع كلام النااس ومنها انتبه لمناااار وين تروح وين تجي؟؟؟ >> يااااااااااااااي والله رووعه هالخطه يا الضحكه اعتمديها يااقلبي.. هخهخهخه

عزاااام : فااارسي المغوااااااااار اللي كنت صااابره عن مصااردتك لين اشووف وش بيطلع منك.. اليووم اصدرت القرااااار السااااامي رقم 1843747% 49983 بمصاادرتك رسميااااااااا وعلى ذلك جرى التعميييييييييم والمرسوووم تم العمل به من هذي اللحظه..هخهخهخهخه
يااازينك وياازين شواربك اللي تمسك عليها وتووعد علي بوعد من راااس رجاااااااااااااااااال.. ونعم والف نعم يااا ابووو.......... الا ابوك وش اسمه ؟؟ من كثر ازواج امك الله لايبلانا مااعرفنا مين ولد مين؟؟؟هخهخهخهخه
المهم انا كنت ومازلت واثقه انك بتووقف مع علي وبتكون له اب ثاااني .. او على الاقل اخوو كبير.. بتهتم فيه وترااعيه.. بس هالاهتمام والرعايه اتوقع انها تلقى لها معاارض وهالمعاارض اتوقع يكون عذوووووب.. لانها ماااتبيك تكون قدام عيونها. لان هالشي فيه عذااب لها وهي تشووف اللي تموت عليه ويحتقرها قدام عيونها .. بس مع التطورات الاخيره اللي صاارت وبعد كلامها اتووقع انك بتلزق لهم بالبيت وبتحااول تحقق بهالموضوع اللي انت شاك فيه.. الشي لوو تعرف عاد ان اختك قااطه روحها على مشاااري وش بتسووي لها؟؟؟ اليحن بدت المسؤليات تنزل على رااسك مثل المطر شي انت مجبوور فيه مثل سالفه منار وشي انت متبرع فيه مثل سالفه علي.. اعجبتني كثيييييييييييير بتصرفك مع علي ووعدك له.. وخصووصاا انه مايقرب لك بس حلوو انك تكون قدوووه لولد تووه صغير بالسن ..بس عاد واللي يسلم عمرك كن قدوه حسنه..

شارمي .. او الضحكه.. استمتعت كل المتعه بهالجزء.. وباحدااثه الغير متووقعه والمحمسه بشكل مو طبيعي..
الله يسلم هالايدين من الناار يااربي.. والله يجعل هالابدااع دووووم موو يووم..
واذاا الله احيانا بنكوون بانتظااار البارت الجاااااااااااي باكثر من الشووووق عشان نشووف كيف بتكون حياة سلطان ونجلاا وبدايه احداث واكشن بحياة عذوب وعزام بعد ما تعهد لعلي بانه يزوره داائما..
واناا واثقه ان الباارت الجااااااااااااي بيكون فيه مفاجأت يمكن تكوون اقووى.. ماا عاد نقدر نتووقع اكثر من كذااا شاارمي.. بس اللي اناا وااثقه منه ان اللي بيجي بيكوون كله ابدااااااااااااااع فووووق الوصف..
اسلووبتس شاارمي صااار مااركه خااصه فيتس انتي..الف شكر لتس على التزامتس معنااا والف ملياار شكر على مشااركتنا بهالابدااع اللي فووق الوصف..

دمتي للابدااع راايه وللتالق عنووان..

يسعدلي صباحك يــ أديبتنا

على البركه الروايه الثانيه ,,,,برافو عليك كنتي شجاعه وكتبتي لنا تحفه ثانيه,

لان بالعاده احس ان الكاتبه ترهب من انها تنزل روايه عقب روايتها الاولى لانها تخاف

ماتنجح مثل الاولى او انها تحبط القراء بمستواها او افكارها المتشابه مع الاولى ,


عشان كذا برافو عليك اقدمتي على خطوه مهمه.


================================


لكل كاتبه اسلوب وكمان لها عدة قواعد تتبعها تميزها عن غيرها ,,,,

وانتي لك امور تميزك عن غيرك ,,,,,,,,,يكفي

اني اول ماقريت الروايه عرفت ان ماعندك شر صرف ولاخير صرف .

مخـــــــــــــــــادعه انتي مخادعه ,,,,لان تتكلمين عن بطل بالسان شخصيات الروايه ويوصفونه

بأبشع الصفات !! عشان اتفاجئ بعد كذا ان هالانسان في صفات رائعه .

لذلك مااقدر احكم على اي شخصية لكن اقول انها بشر فيها الخير وفيها الشر,

احس انك فاهمه تركيبة الانثى وتاخذين جوانب سلبيه او يمعنى اصح جوانب كريهه جدآ

وسلطتي الضوء عليها .


============================


الدنيا صغيره

انتي اسلوبك بالروايه متبع الجمله السابقه.

عجبتيني بعلاقة الابطال المركبه مع بعض ,,,تحسين ان كأن في ميزان

مابين الحب ومابين التراكمات العدائيه بين الاطراف والرهبه من نظرو المجتمع,

ونشوف مين الكفه اللي ترجح

مثل شاهين وعليا للأسف الشديد رجحت كفة التراكمات وهوت كفة الحب.


لكن هل في ابطال بترجح كفة الحب ؟؟!!


==========================

ينابيع الراحلين


شدني عنوان الروايه لكن شدني اكثر وانتي تبدين الروايه, اكتشف موت شريفه وتأثيره


القوي عليهم ,,,,,,,,لكن سألت نفسي ليش قلتي((الراحلين)) ليش صيغة الجمع ,,,

وبعدين عرفت ان حزن الرحيل والفقد بيطرق باب كذا عائله بالروايه واكيد التأثير بيكون قوي.


===================

ماابي اثرثر وبخلي تعليقي على الابطال بالاجزاء الجايه

لكن بأذن الله معاك .

أهلا بعودتك عزيزتي