كيف أصنع منتدى مجاني

هلا خيتو المسألة سهلة بس بدها شوية تركيز
اول شئ لازم تسجلي في شركة استضافة تقدم خدمة استضافة مجانية و هي موجودة بكثرة و يكفي البحث في جوجل لحتى تلاقي شركة
بعد التسجيل في موقع شركة الاستضافة لازم ترفعي على مساحتك المنتدى و في نسخ معربة كتيرة على الانترنت ابحثي بس في جوجل على "نسخة منتدى منزوعة كود التبليغ" لحد الان احدث نسخة هي ال3.8.4
و راح تلاقي شروحات حول كيفية تنصيبها
بعد التنصيب اذا بدك اسم المنتدى يكون خاص فيكي لازم تحجزية عن طريق حجز اسم دومين و هي خدمة كمان بتقدمها عدة شركات بمقابل مادي بسيط بس في كمان شركات بتقدم دومينات مجانية فيكي تدوري عليها لحد ما تلاقي اشئ يناسبك
و اخر شئ اذا بدك يكون منتداكي مميز لازم تغيري الستايل الافتراضي لستايل من تصميمك او استايل مجاني تحمليه من النت

بالنسبة لعيوب الاستضافة المجانية انو يكون في تقصير بالدعم الفني و الحماية و وجود العديد من الاعلانات الخ.... بس طبعا كاول تجربة احسن شئ تبلشي بالاستضافة المجانية من شان تتعلمي و بعدين تقيميها و تقيمي حاجاتك و تقرري

و لا تنسي تتابعينا و ان شاء الله يكون في دروس قادمة حول انشاء المواقع الشخصية و المنتديات باسهل الطرق و ابسطها