المنتدى :
الشعر والشعراء
تعوّدي .. على غيابي مع الوقت
آحاول اخفي ضيقتي .. لا تضايقت
وتبين فـ.. أسلوبي وصوتي وعيني
اشتقت ؟ لا ما اشتقت ما اشتقت ما اشتقت
ان قلت لك مشتاق / لا تصدقيني
آحيان .. احس اني بـ( حبك ) توفقت
واحيان .. اقول الحب وينه وويني
في سكرة الموقف لـ.. هالحين ما فقت
وشلون .. جتني طعنتي من يميني ؟
فكرت بـ( الموضوع كله ) .. ودققت
في ما حصل لي ( بين نفسي وبيني )
وبعد ما دققت .. وعرفت .. وتحققت
استسمحك .. في ما بقى من سنيني
انا على اكتاف الغلا .. ما تسلقت
وانتي تعرفيني .. ولا تجهليني !
لا عاد حب ٍ .. في شباكه / تعلقت
لو ماتت احلامي بـ.. راحة يديني
وآخر طلب .. لو ضقت منّه ولا رقت
لا تسأليني كل ما غبت .. ويني ؟
تعوّدي .. على غيابي مع الوقت
حتى لا مني غبت .. ما تفقديني !
|