لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-07-10, 06:07 PM   المشاركة رقم: 71
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(( (((الجزء الخمسون ))))












خالد : صار مثل الثور الهايج يدخل ويطلع يروح ويجى مهو عارف شنو يبى تمسك ايده تمسك ايده وانا اللى


عمرها ما امسكت ايدى ولا حتى قربت منى وعبدالله اشوى وتحضنه ااااه بالقهر انا الغلطان انا اللى مضيعها من


زمان انا اتقولى نذل وانا ادورها بكل مكان كم سنه وانا ادورها ابى اشوفها واعتذر لها ابى اردها لحظنى اللى

مشتاق لها مستحييل تملى عينى وحده غيرها مستحيل اتركها احبها ومانى قادر افكر بشى غيرها



انا لازم اروح لعبدالله اولا ابى اعرف مكانها وثانيا ابى اعرف اهو ليش سوى فينى جذيه ليش خانى


وقبل لايطلع لقى عبدالله عند الباب


خالد : عبدالله

عبدالله : خالد انت فاهم الموضوع غلط ...انا

خالد :انت شنو خطبتها وانت ما تدرى ولا تعاطفت معاى وقلت خن اسليها بالغربه علا ما يرد خالد ولا شنو


..بالضبط فهمنى توقعت كل شى بحياتى الا انك اتخونى مع ملاك

عبدالله : صرخ بوجهه خالد لاتقول اتخونى انا ما خنتك وما كنت اعرف انها طليقتك وعلا فكره خطبتى لملاك

شى طبيعى وحده مطلقه وحره مهى مرتبطه وشى طبيعى اخطبها انا او اى واحد غيرى اما الخيانه لما اتكون

زوجتك وملاك مهى زوجتك اصحى وفتح مخك .....ملاك انت تركتها وطلقتها وطردتها واتهمتها وكل الردى

سويته فيها ....وبعد كل هذا جاى تبى اتردها ....وتقول خنتك ...اولا انا ماخطبتها الا لما شفتها مو قادره توقف

بوجه المشاكل والمصايب والتحرشات اللى كانت تتعرض لها ابروحها وهذا كله منك انت بعد ما رميتها وتخليت

عنها وانت تدرى انها يتيمه ......انت النذل وانت الخاين وانا بعد ما عرفت ملاك واشلون اهى انسانه بمعنى

الكلمه زاد استغرابى انت اشلون قدرت اتمد ايدك عليها اشلون قدرت اتسوى فيها اللى ما يسويه رجال مثلك

استضعفتها وذليتها عشان ترضى غرورك لاانها اتحبك

والحين جاى اتقول عنى خاين الخاين اللى يتهم حرمته ويتركها واهو يعرف انها وحيده ومالها احد غيره

وماعندها سند تنسند عليه انت الخاين الحين صرت اتحبها وصارت ابعينك حلوه بعد ما تاكدت بالصدفه انها

بريئه من الاتهامات اللى تلفقت عليها وانت مشتهى اتصدقها .. ماهمتك يوم خليتها يوم طردتها يوم مديت ايدك

عليها

خالد : عبدالله خلاص اسكت ... اسكت هذا وانت اللى عارف كل شى عن اللى صار يعنى عشانك حبيتها تغير رايك

عبدالله يمكن ولاكن مستحسل اغفر لك اللى سويته فيها ......


خالد :عبدالله عطنى عنوانها ابى اكلمها

عبدالله :اسف انا ما اضمنك بعد اللى عرفته عنك

خالد : مو مشكله انا اقدر اجيبه ابنفسى وطلع وخلاه





راح لبيت خال ملاك وقبل لايدخل العماره لمح ملاك وهى تدخل العماره ولحقها واول ما اوصلت الشقه وقبل


لاتسكر الباب دف الباب ودخل

ملاك : بسم الله الرحمن الرحيم ....خالد

خالد : اى خالد اللى عذبتيه ومرمطتيه بالروحه والجيه وراج من مكان لى مكان والحين مالقيتى غير عبدالله بس

عرفتى اشلون تختارين ....ليش يا ملاك ليش اتعاملينى بهالاسلوب وانا احبج

ملاك : اولا انا ما اخترت عبدالله اهو اللى جاء وخطبنى وثانيا انت كنت معتقد انى راح ابقى علا ذكراك الخالده

طول عمرى وانتظر طلتك البهيه يحليلك يا خالد والله مصدق نفسك علا فكره انا من تركت الكويت انت حتى ما

طريت على ولا حتى تذكرتك ......يعنى انت قولى شى واحد او موقف واحد اقول فيه ياحرام والله ماقصر معاى

خالد بهالموفق بالعكس كل موقف يكرهنى ويبعدنى عنك اكثر من الثانى .

خالد :معقوله ملاك تكرهينى لهالدرجه وانا اللى ذابح عمرى ماخليت مكان مادورتج فيه

ملاك : ليش يعنى تبى اتفهمنى انك عندك ضمير مثل الخلق والناس وتبى اتكفر عن اللى سويته فينى اذا هذا اللى

انت ادوره فتاكد انى ماراح اغفرلك ولا راح احلك ابيك تتعذب بالدنيا وان شالله بالاخره بعد...

خالد : شوفى ملاك ابيج اتعرفين شى واحد بس انتى لى مهما صار اتحبينى ولاتكرهينى تبينى ولا ماتبينى فاهمه

ملاك : اضحكت ضحكه استهزائيه لاكن اهو خق قلبه منها حييييل خلاص مو قادر يتحمل ........انا لك ليش

شقالوا لك ....لايكون مكتوبه بسمك تدرى عاد انا لو مكتوبه صج بسمك كان انتحرت و لا اقعد عندك دقيقه انت

يعنى منت عارف نفسك انت خساره ينقال عنك انسان انت حيوان متوحش وحتى الحيوان ينظلم فيك لاانه

ماعنده عقل وما وا ينشره عليه وجاى اتقول احبج وما اعرف ايش اى حب الله يرحم ولاديك اللى تتكلم عنه انت

انت اتعرف الحب انت ماتعرف غير القسوه والظلم يعنى بعد ما ماتت ريم قلت يالله خن اروح ادور المسكينه

ملاك البطل الصامت مهما اسويلها ما اتقول شى ولا تترجانى عشان ارضى وانا اللى غلطان وكنت متوقع انى

ارمى نفسى تحت ارجولك مثل اول واترجاك اتسامحنى ....لالالا غلطان ملاك القديمه انت قتلتها واذا تبيها روح

دور عليها بعيد عنى انا .............ويالله توكل علا الله انا وحده بدون رجال ومانى ناقصه كلام اللى جانى كفانى

خالد ( مستحيل اتكون هذى ملاك ) قولى اللى تقولينه هم ماراح اخليج ماخذج ماخذج كان يتكلم بصوت عالى اشوى

طلع منصور الصغير علا الصوت وتفاجا بالرجال الضخم اللى واقف يكلم امه وشكل امه متضايقه ....انت هييه شنو تبى اطلع برى

خالد يطالع الجاهل ومومنتبه له

ورجع منصور مره ثانيه وهو يصحى اخوه ناصر

منصور :ناصر ناصر فيه حرامى يبى يهاوش ماما جيب المسدس وخن انروح نذبحه ( وفعلا راحوا يذبحونه لاكن من دون اسلحه )

طلع ناصروبيده عصايه بلاستك ومنصور بيده مسدس لعبه

منصور اطلع برى يحرامى خل ماما

ناصر وهو يضرب ارجوله خل ماما يالحرامى

خالد مبحلق اعيونه وحاس انه موقادر يتنفس ولتفت لملاك .....م لا ك حذولا منوا

ملاك : وهى اتحاول تكتم انفعالها وحطت ايدها علا خصرها ....انت شنو اتوقع ....اهم اعيالى انا لاكن انت

منوتتوقع ابوهم ....يالله اختار تبى تركى ولد عمى ولا محمد ولد خالى ولا سعود ولا اشرايك عبدالله صديقك

ولامنو ا بعد ذكرنى اذا فيه احد من اللى اتهمتونى فيهم ......

خالد تهالك علا اول كرسى مهو قادر يمسك نفسه ..........خافت ملاك وخافوا اعيالها .....لايصير فيه شى .....

اكيد الصدمه قويه عليه

خالد : ليش يا ملاك اذا نتى تبين اتعاقبينى تاكدى ان هذا اسوا عقاب راح اخذه بحياتى ذبحتبنى يا ملاك ذبحتينى

وحمل عمره وطلع

ملاك : بعد ما طلع انهارت من البجى( ابصراحه الموقف كان صعب حيييل علا الاثنين وطلع خالد متحطم

ومنهار)






خالد : بعد ما طلع ما قدر يمنع ادموعه من النزول وهذى اول مره يبجى فيها خالد من يوم كبر ......

اعيالى اعيالى بهالعمر وما اعرفهم ولا حتى يعرفونى يعنى لو ما الصدفه ما كان شفتهم واهى اشلون اتقولي

وانا متهمها يالله اشكثر عذبتها وتعذبت بسبتى والحين جاى اجبرها على واهى اللى عانت معاى وعبدالله

صديق عمرى وطفولتى ابى احرمه من حبه الوحيد حتى لو كانت ملاك خلاص انا ماعاد لى قعده ياليتنى ما لقيتج

يا ملاك وعشت عمرى كله اترجى لقاج

انا استاهل اللى صار لى واكثرما استهاهل ملاك ولا حب ملاك ولا حتى انى اكون ابو اعيال ملاك اللى ما

عرفتهم الا بالصدفه تركتها للى يسوى واللى ما يسوى تركتها عرضه لكلاب الشوارع ومحد وقف معها غير

عبدالله ...عبدالله طول عمره شهم وانا طول عمرى غبى .....







عبدالله : كان خايف علا خالد من الصدمه لما يعرف عن اعياله ....راح يدور خالد فى كل مكان ويتصل عليه لاكن مكان يرد

واخيرا قرر يتصل علا لملاك

ملاك : عبدالله...... وكان صوتها امبين انها كانت تبجى

عبدالله : شاف اعياله

ملاك : اى عبدالله احس انى ثقلت عليه اليوم

عبدالله :ما تدرين وين راح
ه
ملاك : لاء

عبدالله : انا بدوره وبدق عليج فيه كلام كثير ابى اكلمج فيه

ملاك : وهى تبجى عبدالله .....لاتخلينى

عبدالله : عض علا شفايفه وغمض اعيونه من كلمتها ......لاتخافين ماراح اخليج


وسكر عبدالله من ملاك وراح يدور عليه وبعد عناء رد علا التلفون

خالد : عبدالله تعال ابى اكلمك انا الحين بالشقه

عبدالله : الحين جاى


دخل عبدالله وكانت الصاله ظلمى فهم عبدالله ان خالد ما يبيه يشوف ادموعه اللى ما شافها من ايام الطفوله

خالد : ليش ما قلت لى

عبدالله : انا ما عرفت الا من فتره بسيطه وملاك ماكانت تبى احد يعرف عنهم فحترمت هالشى

خالد : شفت اشحلوهم

عبدالله : اخنقته العبره ....اى يشبهونك حيييل

خالد : عبدالله انا ما استحق اكون لملاك خلاص انا برد الكويت مانى قادر اتحمل اخاف يكون فيه شى ثانى بعد

عبدالله :لاء ما فيه شى ...خالد انت المفروض تفرح ان عندك اعيال

عبدالله : افرح اى فرحه وانا اللى شفت اعيالى بالصدفه وشفت حبيبت قلبى اللى ظليت ادورها تكرهنى بشكل

فضيع ولتفت علا عبدالله دير بالك عليها وعلا اعيالى يمكن الله يحبنى يوم حطك بدربهم

عبدالله : حس انه اهو بعد اخطى بحق خالد لاكن من دون قصد .........خالد انا اسف ما كنت قاصج ولا عارف

 
 

 

عرض البوم صور بوح قلم   رد مع اقتباس
قديم 28-07-10, 06:13 PM   المشاركة رقم: 72
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(((((الجزء الواحد وخمسين )))))






عبدالله : انا ما عرفت الا من فتره بسيطه وملاك ماكانت تبى احد يعرف عنهم فحترمت هالشى

خالد : شفت اشحلوهم

عبدالله : اخنقته العبره ....اى يشبهونك حيييل

خالد : عبدالله انا ما استحق اكون لملاك خلاص انا برد الكويت مانى قادر اتحمل اخاف يكون فيه شى ثانى بعد

عبدالله :لاء ما فيه شى ...خالد انت المفروض تفرح ان عندك اعيال

عبدالله : افرح اى فرحه وانا اللى شفت اعيالى بالصدفه وشفت حبيبت قلبى اللى ظليت ادورها تكرهنى بشكل

فضيع ولتفت علا عبدالله دير بالك عليها وعلا اعيالى يمكن الله يحبنى يوم حطك بدربهم

عبدالله : حس انه اهو بعد اخطى بحق خالد لاكن من دون قصد .........خالد انا اسف ما كنت قاصد ولا عارف


خالد : ادرى انك ما اتسويها وانت تدرى انها كانت زوجتى لكن الصدمه يوم عرفت بعلاقتكم بالصدفه شلت

تفكيرى انت ما اتسويها مهما صار

لاكن لو جيت لصج انا ما استاهلها خلاص انا حجزت وبالليل بمشى مانى قادر اقعد بهالديره احس انى مخنوق

فيها .....






دقت ملاك علا ابو فيصل ....


ابو فيصل :هلا والله ملاك وينج ما اتردين على اتصالاتى

ملاك :عمى ....فيه شى صار اليوم وكنت متمنيه انك موجود

و فيصل :العيال فيهم شى

ملاك :لاء مافيهم شى.... بس....... اليوم شفت خالد

ابو فيصل : شفتيه وين

ملاك : قالتله بالسالفه

ابو فيصل : وشاف اعياله

ملاك :اى وشكله انصدم وبصراحه يا عمى انا خايفه يصير له شى

ابو فيصل : (وهو خايف علا اولده بس ما يبى يبين ) لاتخافين عليه بس زين انه عرف مهما كان اهو ابوهم

ملاك :لاء مو ابوهم وعمره ما راح يكون ابوهم

ابو فيصل : ملاك اهدى الحين وانا راح اشوف الموضوع

ملاك :عمى انا ما اعرف شنو راح اتكون ردت فعله اخاف يخطفهم ولا شى خالد كلشى اتوقعه منه

ابو فيصل : انا قلت لج ماعليج وخلى الموضوع عندى انا

دق ابو فيصل علا خالد

خالد :هلا يبه

ابوه : وينك

خالد :بالمطار راد الكويت

ابوه :ارتاح اشوى خاف انه يتصرف تصرف ياذى ملاك .. .......خالد انت شفتهم

خالد : اى شفتهم .....يبه ليش ماقلتلى

ابوه : لارديت اقولك المهم انك عرفت وهذا شى طيب

خالد : الا شى قاتل ومؤلم


ابوه :حس بالالم اللى يعصر قلب ولده .....







عبدالله : قعد يفكر بعد ما مشى خالد هذا كله من امى لاانها مهى راضيه عمرى ما خالفت شورها واتوفق لازم

يصير شى بس هالشى فضيع ملاك زوجت خالد وعيالها اعيال خالد وانا اللى بتزوجها شى يخرع


فى اليوم الثانى من الصبح دق عبدالله علا ملاك والاثنين ما نامو ا

ملاك :هلا عبدالله

عبدالله : ملاك اقدر اشوفج الحين

ملاك :ما شى وين

عبدالله : بالمكان اللى دايم اشوفج فيه

ملاك : ماشى وطلعة

لقت عبدالله قاعد وسرحان وملاك كانت لابسه نظاره مغطيه الارهاق اللى امبين بعيونها

عبدالله : ملاك اشلونج اليوم

ملاك :تعبانه ياعبدالله موقف امس تعبنى ومانى مستوعبه ...ونزلت نظارتها وبينه اعيونها التعبانه



عبدالله : عبدالله سرح بعيونها ووجهها وخشمها ونزل عينه علا حلجها......... وصد علا طول حس انها مومن

حقه ولا هى له حس انه فعلا يخون صديقه وشاف ايدها اللى كان خالد يسولف له عنها ....ايقن انه ما يقدر

يستمر خالد بينهم فى كل شى...............ورد علا ملاك ..... حتى انا ماقدرت انام من امس.....

ملاك : عبدالله شكل علاقتك بخالد حيل قويه

عبدالله : قويه وبس شاللى ذبح خالد غير ان علاقتنا قويه انا وخالد ما عمرنا تفرقنا كل شى مع بعض من ايام

الابتداءى والمتوسط والثانوى حتى الكليه اختار يكون معى مع انه معدله كان ياهله يدخل الطب لاكن اهو فضل

انكون مع بعض بكل سفراتنا وطلعاتنا ومواقفنا كل شى يا ملاك مع بعض حتى بالحب حبينا مع بعض

ملاك : انا يا عبدالله ما كنت اعرف حدود الصداقه اللى تربطك بخالد لاكن الحين بعد ما عرفت انا احلك من

الوعد اللى وعدتنى فيه ..

عبدالله : لا انا وعدتج و....قاطعته ملاك

ملاك : وانا حليتك من الوعد ....عبدالله انا مستحيل اكون سبب بهدم هالعلاقه اللى انبنيت من اسنين صداقه نادره

لاان بهالوقت نادر ما يحصل الواحد صديق مخلص .......مع انى ما اتخيل خالد وفى ...لاكن اكيد ما خلاك

تستمر بهالعلاقه غير انك شفت االلى يرضيك ويعجبك

عبدالله :ملاك انتى للاسف ما عرفتى خالد علا حقيقته انتو تزوجتوا بطريقه ووقت خطاء وانا عارف انه محد

انظلم بهالزواج غيرج انتى فى البدايه لاكن بعدين تحول الظلم لخالد

ملاك : انت يا عبدالله اللى اتقول هالحجى اى ظلم اللى انظلمه خالد

عبدالله / فى البدايه من ابوه لما زوجه وحده ما يعرفها واهو مرتبط بوحده ثانيه ومعجب فيها ....انا قلت معجب

مو يحب ....وهذى تفرق وثانى شى من امه اللى اقعدت تحفر لج وتلفق اتهامات لين اقدرت اتفبرك صوره لج

انتى وسعود وبعد ما شككوه فيج جابوا الصور اللى خلته يتركج بعد ما صار يحبج بشكل جنونى ....واخيرا منج


انتى لما خبيتى عنه اعياله وهو ما خلى مكان ما دورج فيه كان يجى عندى ويقعد بالساعات وهوما يسولف الا

عنج وعن حبه لج

ملاك : عبدالله ابصراحه انا مو مقتنعه بكلامك واذا عن انى ظلمته فاعتقد انه بعدما اتهمنى بشرفى مو معقمله

اقوله بعدها بشهر انى حامل انا ما ظلمته اهو اللى ظلم عمره ومشى ورى كلام زوجته وامه

عبدالله :والله ما ضيع حقج انتقملج منهم كلهم حتى امه الحين صاير فيها خلل بعقلها بعد هالظروف وبعد ما

اعرفت ان زوجها راح يتزوج خالتج..........ملاك انا ما اكذب عليج واقولج ان انتى مريتى بحياتى مجرد وحده


وخطبتها لاء انا فعلا حبيتج ومن كل قلبى ولى الحين وانا اقدم لج العرض .....لاكن حب خالد لج اكبر من اى

حب بالدنيا

ملاك : تسمع عبدالله وهى مستغربه .....يعنى اشلون يحبنى فهمنى انت اللى يحب ما يسوى اللى خالد سواه

انا ماحسيت معاه الا بالخوف والرهبه كل شى فيه يخوف مع انه مع الناس غير...... اى حب هذا اللى يذل

ويجرح

مستحيل





عبدالله : خالد محد يعرفه كثرى صحيح اهو كان راعى بنات وسوالف هالشباب وكان كل يوم يعجب ابوحده

وبعدين

يمل ويتركها لاانه عمره ما حب ..... انتى يا ملاك غيرتيه من يوم كنتى عنده كان دايم يقولى انه معاج يحس

باحساس غريب اول مره يحسه مع اى وحده حتى بعد ما تركتيه كان يدورج وما ياس ......



خالد غلط لاكن قلبه طيب وانتى ماعرفتيه وخوفج منه ماخلاج اتعرفينه عدل


ملاك : وما ابى اعرفه اللى عرفته كفانى خلاص بس انت يا عبدالله ما ابيك تنسانى راح انظل اصدقاء واخوان

عبدالله : اكيد انتى بتظلين اختى الغاليه وعيالج مثل اعيالى وبعد ما عرفت انهم اعيال خالد زاد غلاهم عندى

عبدالله : بس تدرين ما اللوم خالد اللى قعد كل هالسنين يدورج لاانه مستحيل يلقى وحده فيها كل هالصفات مثلج

ملاك انا لو ادرى ان قلبج ممكن يحبنى مثل ماحب خالد ما كان تنازلت ولو شنو يكون لاكن ادرى انى راح

اخسر الاثنبن خالد وان قلبج يحبنى


ملاك : عبدالله انا بعد حبى لخالد مرعوبه احب بعده لاكن انت غلاتك عندى ومعزتك كبيره وانت اللى اجبرتنى

عليها بكرمك وطيبتك والحمد لله انى صار عندى اخ استند عليه لو احتجت واتن ان شالله يرزقك بزوجه صاله

اتحبك وتحبها وتكون احسن منى

عبدالله :0(ما اعتقد راح اتشوف عينى احلى منج ) ان شالله

وستاذنت ملاك وهى حاسه براحه مو من عبدالله لاء لاانها كانت عارفه انها راح تظلم الانسان اللى تحترمه

وتقدره

اما عبدالله حس ان قلبه تقطع وهو يشوفها بعد ماودعته .........واخذ التلفون ودق علا امه

عبدالله بعد السلام والعتاب من امه انه نساها ولهى مع اللى خاطبها واللى مهى راضيه عنها
\

عبدالله : يمه اخطبيلى اى وحده

امه : وهى مصدومه واللى انت خاطبها

عبدالله : مالى نصيب وياها

امه : الحمد لله خيره ياوليدى ان شالله

عبدالله : ان شالله انها خيره

امه : انزين منو تبينى اخطبلك

عبدالله : اى وحده خلاص كلهم نفس الشى انتى شوفى علا ذوقج

امه : عبدالله ليش صوتك متضايق اذاا تبى البنت اللى قلتلى عليها ماعليك ترى يا حبيبى ما همنى الا رضاك

عبدالله : لاء يمه انا ابى وحده علا ذوقج انتى







ملاك كانت تمشى وهى اتحس انها تايهه يحبنى اشلون بس يحبنى لاكن انا خلاص سكرت قلبى وماراح افتحه

اهم ما عندى اعيالى وبس والحمد لله خالتى بتزوج عمى وباقعد عندهم


ورجعت البيت ولقت خالتها مع اعيالها يلعبون

ملاك قالت لخالتها عن انفصالها عن عبدالله

فاطمه : ليش يا ملاك عبدالله خوش ولد ما ينتطوف

ملاك : خالتى انا ماابى اكون انانيه واخرب علاقته بصديقه وبعدين انا اساسا كنت خايفه انى ما اقدر اسعده لاكن الحين انا احس براحه اكثر من اول

فاطمه : والله يا ملاك قصتج غريبه

ملاك :ادرى لاكن احلى شى انج بتزوجين عمى

فاطمه : عاد تدرين انى خايفه انا بعد ما اسعده

ملاك : لاء ان شالله يوفقج ويسعدكم

فاطمه ا: امين

ملاك انزين متى الزواج ان شالله

فاطمه : بعد اسبوعين تقريبا

ملاك : مابقى شى عاد الحين نبى نجهز لج

فاطمه : اتجهزيلى كاهو الكبت مايسكر من اللبس وبعدين انتى شايفتنى جاهل عشان اجهز

ملاك :خالتى عاد اتركى عنج سوالف العجايز ويالله من باجر خن انروح انجهز لج

فاطمه (ارتاحت لما شافت ملاك اتسولف بامور ثانيه غير مو ضوعها وما حبت اتجادلها ) خلاص باجر

انروح انا وياج والعيال بعد الحين لاتقولين اخاف احد يشوفهم ابوهم وعرفم والحمد لله ما سوى شى المسكين غير

انه راح من غير ما يزعجنا وما اعتقد انه بيرد مره ثانيه

ملاك : اى الحمد لله ما راح اخاف من شى بعد اليوم


مرت الاسبوعين عبدالله رد الكويت ولقى امه خاطبتله بنت عمه بنت هاديه وجميله وكانت من زمان اتحب

عبدالله وتنتظره لاان ام عبدالله كانت دايم اتطرى هالشى لها انها بتكون زوجت عبدالله وفعلا صارت زوجته


وابو فيصل تزوج فاطمه واخذها اسبوع عسل لسويسرى

اما ملاك فقعدت بشقتها وخالها عندها وكانوا يتجهزون للرده للكويت والاستقرار اهناك لاكن بعد ما اترد فاطمه

من السفر وتقعد عند ملاك


\طبعا البنات مازالوا قاطعين العلاقه مع ملاك .......ملاك مر عليها الاسبوع بطيء لادراسه ولا احد عندها

وتذكرت صديقتها ساره اللى كانت خطيبه محمد ودقت عليها

ملاك :ساره اشلونج ولهانه عليج

ساره : وهى خانقتها العبره ملاك وينج يا ملاك ما خليت مكان ما دورتج فيه ليش قطعتى لي الحين زعلانه منى

ملاك : لا والله لاكنالظروف امنعتنى و مانسيتج كنتى فى بالى علا طول

ساره : ولاهااااااااانه عليج

ملاك : والله وانا بعد لاكن ما اقدر ارد الكويت انا باقيلى كورس واتخرج وبعدين ارد

ساره : ماشالله عليج طول عمرج شاطره ومتفوقه وان شالله ربى يوفقج ....انا الحين موظفه وتخيلى منو معاى

ملاك:منو ا

ساره :ليلى صديقتنا بالمدرسه

ملاك : اللله شنو ولهانه علا قعدتنا وظحكنا وسوالفنا

ساره : ياليت هالايام اترد لاكن الحين كل وحده موقادره تلحق علا الهموم


ملاك :ساره ترى مالى خلق كابه خلينى نسولف عن اى شى غير الهموم

مر الوقت وملاك اتسولف مع ساره وهى مستانسه انها اقدرت تطلع من قوقعتها اللى اسجنت نفسها فيها خوفا من

ان خالد يعرف مكانها والحين خلاص انفكت العقده اللى عند ملاك

 
 

 

عرض البوم صور بوح قلم   رد مع اقتباس
قديم 28-07-10, 06:14 PM   المشاركة رقم: 73
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(((((الجزء الثانى والخمسون)))))))











ردت فاطمه وابو فيصل وكان امبين عليهم السعاده

ابو فيصل : فاطمه انا راح اسافر وانتى اقعدى عند ملاك لين تنتهى من الكورس اللى باقى لها وانا راح اجى بين

فتره والثانيه وراح يكون عندكم واحد اعرفه يشوف طلباتكم ...

..انتقلت ملاك وخالتها لشقت ابو فيصل ....وهو سافر

ملاك تذكرت شهر عسلها مع خالد بهالشقه والاحداث اللى صارت ..........خالتى مايصير نرد لشقتنا

فاطمه : من صجج نترك هالشقه الفخمه والكبيره واللى يم الجامعه ونرد اهناك وبعدين هذا قرار ابو فيصل

موحلوه انقوله لاء

ملاك : خالتى هالشقه اتذكرنى بايام تعيسه

فاطمه : ياقلبى يا ملاك

ملاك :خالتى انا باخذ اى غرفه الا هذى واشرت علا غرفتها اللى كانت اتنام فيها بشهر العسل

فاطمه : ملاك لازم تتعودين وما اتكونين حساسه من هالامور حاولى تنسينها او حتى اتناسينها باجر لى ردينا

الكويت اكيد راح يكون فيه احتكاك مع خالد او اى احد من اهله طبعا ماراح نمنع هالشى ومو من حقنا فلازم

ايكون الامر طبيعى عندج ......

ملاك : ان شالله اكيد مع الوقت راح اتعود وكفايه ان عمى متنازل عن عروسته عشانى

فاطمه : عمج ااااه يا حلو عمج ماكنت اتوقع ان فيه رجل بهالشخصيه وهالحضور والاسلوب انا اعتبر عمرى

اللى فات ظايع قبل لااعرفه

ملاك : عمى مافيه مثله وعسى ربى يخليكم لبعض

فاطمه :امين




رد ابو فيصل لشغله وبناته وبيته وزوجته اللى اختلت عقليا

فجر : مبروك يبه (من غير نفس ماتنلام طبعا )

ابوها : الله يبارك فيج والفال لج


فرح : يبه ليش تركت امى وتزوجت

ابوها وهو يحضنها : انا ماتركتها ولا راح اتركها مهما كان اهى امكم وعشرت عمر وبتكون بعيونى

واذا عن الزواجاعتقد ان هذا شى شخصى انتو عارفين ان الشرع حلل اربع وعارفين طبيعه العلاقه بينى وبين

امكم

فرح : بس يبه انت الحين تزوجت وتركتنا وامى تعبانه وفجر عرسها قريب وانا

ابوها انتى بعيونى ليش اتقولون هالحجى .....وبعد كم شهر راح تجى زوجتى وتتعرفون عليها وامكم بوديها

احسن دكاتره بالعالم وما راح اتكرها لين اطيب وترد مثل اول لاتخافون انتوا وامكم بعيونى وماراح يغيرنى اى

شى

فجر :اكيد يبه احنا واثقين فيك وفى كل كلمه اتقولها لنا

بعد ما طلع ابوهم وراح عند امهم بغرفتها


فجر : فرح لاتقسين علا ابوى وتخربين فرحته انامثلج مو هاين على انه يتزوج لاكن خلينا انكون واقعيين

اشوى ابوى عاش كم سنه وامى تاركته ومهملته واهو مثل اى شخص يبى يحس بان له زوجه تهتم فيه وتحبه

وتسال عليه امى طول عمرها لاهيه عنه وشوفيه مع انها كانت مهملته لاكن اهو ماتركها وظل معاها علا طول

وعرضها علا اكبر الدكاتره ومازال يسعى بشفائها

فرح :ادرى بس انا خايفه ينسانا بعد الزواج

فجر : يعنى انتى ما اتعرفين ابوى.... خلى منج سوالف الجهال هذى

فرح : وانتى بعد بتتزوجين رواح يضيق خلقى صج

فجر وهى تحضنها ماعليج ماراح اخليج وراح اكون علا طول عندج وكا حنان موجوده وخالد اخوى وان شالله

فارس راح يوصل بعد كم يوم وبيرد البيت بالحيويه

فرح : اى والله مشتاقه له ومشتاقه لجمعتنا مثل اول حتى خالد مو مثل اول يدخل ساكت ويطلع ساكت

فجر : لا اتلومينه بعد الصدمه كانت قويه عليه

فرح : اى والله كاسر خاطرى




ابو فيصل :وهو يقعد عند ام فيصل ويمسك ايدها ....... حبيبتى لاتخافين ما راح اخليج وقدرج كبير عندى مهما

صار اللى بينا انتى معزتج بقلبى غير

طالعته ام فيصل بنظرات غريبه وفيها الف سؤال وسؤال لاكن ما كانت تقدر تتكلم صدمتها باختها وباللى صار

لها وزواجه كانت كبيره علا تحملها لاانها طول عمرها ماكنت مؤمنه ....واى شى يكسرها

ابو فيصل : انا بسافر انا وياج لدكتور ممتاز وان شالله تشافين وتردين مثل اول ....

ام فيصل : حست بحنانه وطيبته مع انها عمرها ما حاولت انها تكتشفها طول عمرها كانت سطحيه ومشيتها اختها

علا كيفها ......حطت راسها علا صدره ونزلت ادموعها بصمت




مرت الايام ملاك بدت دراستها وانشغلت فيها ....وبعيالها

ابو فيصل فى قمت السعاده بعد ما لقى اللى تفهمه وتحبه وفاطمه نفس الشعور كانت علاقتهم علاقه حب واحترام

وتقدير متبادل وكل يوم يكلمون بعض بالتلفون ...ويجى بين فتره والثانيه ويرد علشان ام فيصل

عبدالله ملج علا البنت اللى اخطبتها له امه فى البدايه كان يقارن بينها وبين ملاك فى كل شى لاكن مع الوقت بدى

يميل لها لاانها كانت اتحبه بشكل فضيع ودها ترضيه باى طريقه

فجر تزوجت مديرها فى الدوام وكان انسان كفوها وما سوت عرس تقديرا لظروف امها

ام فيصل بدت تتكلم لاكن غير واضح وهذا يدل علا تحسن وبناتها فرحانين ومقدرين لدور ابوهم ووقفته معهافى

مرضها ........وفارس وصل من السفر وهذا الشى ساعد علا سرعت علاجها من الحاله اللى كانت فيها

اما خالد فهو الوحيد اللى حالته كانت من ردى لاى اردى ......محد كان يدرى نه لاانه ما يتكلم ولا يشكى لاحد

وهذا طبعه كان ذابحه تانيب الظمير ومعرفته بوجود اعياله زادت من سوء نفسيته ....

دخل غرفته وتجه لسريره وفيل لاينام كل العاده لازم يرش علا الفراش عطر ملاك اللى كل ما يخلص من عنه

يشترى واحد ثانى

خالد وهو يستنشق المخده اااااه صار مثل الادمان ما اعرف انام الا لما اشم ريحتها

وتاخذه افكاره لشكلها وشعرها الاسود الطويل اللى لى ركبتها والشامه اللى علا خدها ولعيونها اللى اتذوبه

بسحرها كان يتعذب بصمت ..........ماراح ترضى عنى بعد اللى شفته من كره تجاهى خلاص انا مستحيل

اعترضلها اللى جاها منى فاها انا اساهل ويكفينى كل يوم اشم ريحت عطرها وارسمها جدامى قبل لاانام

وتذكر اعيالها وهم يدافعون عنها يوم شافهم ......ااااه ياحلوهم ودى احظنهم واتامل اوجيهم معقوله اوصلوا

هالسن وانا ما شفتهم وهم اصغار وهم يكبرون وهم يحبون وهم يمشون ..ياحظك يا عبدالله بتتمتع بكل هالنعم اللى

اهى فى الاصل لى وانا ضعيتها ......خلالالالالالالالالاص ما ابى افكر راسى بينفجر





بيت خال ملاك بعد ما ردو الكويت وبعد ما استقرو

ساره :كانت اتكلم وحده من صديقاتها

صديقتها : ساره الحمد لله اللى فكج من يوسف قبل العرس

ساره :ليش ؟؟؟؟؟

صديقتها :ليش انتى ما تدرين

ساره لاء شنو

صديقتها : ابصراحه لما وافقتى الكل استغرب لاانه صاحب خرابيط وسوالف بطاليه

ساره : انا ما كنت ادرى

صديقتها : تخيلى من كم يوم اشتكت عليه سكرتيرت مكتبه ....لاانه متحرش فيها اكثر من مره

ساره  ( ياقلبى يا ملاك ظلمناج انتى وعمتى فاطمه وما صدقناهم ) حسبى الله عليه والحمد لله اللى فكنى منه

صديقتها :اىوالله ....يالله اخليج زوجى وصل

ساره : مع السلامه

وسكرت التلفون وهى مقهوره حيييل انا ظلمتج ياعمتى انتى وملاك واتهمتج يا قلبى ما تدرى من وين تلقاها منى

ولا من الناس ....انا اشلون ما صدقت ملاك كان قلبى حاس ان ملاك ما اتسزيها ...وقعدت تبجى

ادخلت حلا ساره اشفيج


ساره :تخيلى وقالت لها السالفه كامله


حلا :حطت ايدها علا وجهها ........يافشلتى منج يا ملاك ....يا فشلتى منج يا ملاك ......اشلون اقدر اواجهها بعد

اللى صار اشلون وانا اللى ماخلي ضايع كلمه ما قلتها لها

دخلت الزين وشافتهم ....وبعد ما اعرفت السالفه .....تو الناس توكم تدرون عن يوسف اصلا انا من اول يوم


حسيت انه من دون اخلاق وكرهته من اول نظره لاكن كل ما اقول شى تاكلونى بقشورى قلت اسكت احسن


لاكن الحين اشلون تعتذرون لملاك

ساره : ما ادرى منحرجه منها ومانى قادره احط عينى بعينها

حلا :حتى انا ...



خلصت ملاك واستعدت للرجوع للكويت

ملاك :خالتى تدرين صارلى اربع سنوات ماشفت الكويت مشتاقه لها


فاطمه :الله يعينج انا كم شهر ومانى قادره احس انى بطير من الفرحه والشوق

ملاك : الشوق لمنوا بالضبط الكويت ولا اللى بالكويت

فاطمه : صج ما تستحين .....لاكن تدرين للاثنين

 
 

 

عرض البوم صور بوح قلم   رد مع اقتباس
قديم 28-07-10, 06:15 PM   المشاركة رقم: 74
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(((الجزء الثلاثه والخمسين ))))










ابو فيصل اشترى له فله كبيره وقريبه للفلته اللى فيها اعياله وزوجته .....واثاثها خيالى ....ومخصص لملاك

جناح كبير لها ولعيالها ....ومسوى حديقه كبيره كلها العاب وديارف وحمام سباحه خاص للاطفال


بعد ما اوصلوا افرحوا الكل بالبيت والاثاث اما اعيال ملاك اول ما شافوا المسبح انزعوا ملابسهم وعلا طول

بالماى
:
ابو فيصل : اشرايكم بالبيت انشالله عجبكم ذوقى

فاطمه : حتى لو كوخ اصغير منك انت راح يكون جنه ...فما بالك بهالجنه الله يعطيك العافيه ....

ابو فيصل : الله يعافيج ...ولتفت علا ملاك ...واتنى يا ملا ك

ملاك: يا بعد عمرى يا عمى مافيها كلام خياليه

ابو فيصل : وهو يتلفت وين الصبيان

ملاك :من اول دا دشوا وشافوا المسبح واهم فيه

ابو فيصل :وهو يضحك لايبردون بس

فاطمه : اى والله انا بروح اطلعهم من الماى

وبعد ما راحت

ابو فيصل : ملاك انا بستاذنج بشى

ملاك :ياقلبى يا عمى انت تامر ما تطلب

عمها : ما يامر عليج ظالم ....ودى اخذ العيال لجدتهم اتشوفهم اهى مريضه ويمكن يساعدها هالشى علا العلاج

ملاك : ( مع انها تكره ام فيصل لاكن لجل عين تكرم مدينه ) ناصر ومنصور اعيالك وين ما تبى تاخذهم اخذهم

واذا بتستاذنى مره ثانيه بزعل منك

ابو فيصل : الله يكملج بعقلج يابنتى

فى اليوم الثانى اخذ ابو فيصل اعيال ملاك ووداهم لجدتم البيت كان فاظى مافيه احد غير ام فيصل ....ودخل

عليها


ام فيصل : انصدمت واشرت عليهم: : منو

ابو فيصل : مايشبهون احد من اعيالج

ام فيصل : خ ا لد

ابو فيصل :وهو يبتسم وهذولا اعياله من ملاك

ام فيصل: قربتهم واحظنتهم واهى تبجى .....حبايبى سامحونى علا اللى سويته فيكم انتو وامكم

طبعا الاولاد مستغربين ويطالعون بعض

منصور :بابا منو هذى

ابو فيصل : هذى جدتكم ....

ناصر : يعنى اهى امك

اضحكوا كلهم ......اى امى

التفتت ام فيصل وهى تتكلم بوضوح ......منصور ابى اشوف ملاك او حتى اكلمها

ابو فيصل : الحمد لله الحين بديتى تتكلمين عدل يا ام فيصل

ام فيصل : ابى اكلم ملاك ارجوك

ابو فيصل: خلاص الحين بردهم لها وبخليها اتكلمج

ام فيصل : خلهم اشوى ابى اشبع منهم يشبهون ابوهم بمره يا سبحان الله

ابو فيصل : هذاهذا وهو ياشر علا منصور هذا اللى يشبهه صج

ام فيصل : ردت تحظنهم مره ثانيه ياحلوهم



بعد ما اطلعوا
منصور : بابا ليش امك تبجدى علا طول

جدهم : هذى مو امى هذى جدتكم ......وبعدين اهى تبجى من الفرحه ولاانها اتحبكم

وصلوا واستاذن ابو فيصل ملاك وقالها برغبت ام فيصل

ملاك :عمى اسمحلى ما اقدر قلبى لى الحين ما سامحها

عمها : ملاك المره مريضه وما تكلمت الا اليوم واول شى طلبته انج اتكلمينها

ملاك : ما ادرى عمى ما اقدر

ابو فيصل :ملاك انتى قلبج كبير وما تجى منج الشينه هذى مره كبيره واهى ندمانه ومعترفه بخطاها وتبيج

اتسامحينها ......يعنى الله يغفر لعبيده واحنا يالبشر مانغفر يابنتى انا ادرى انها اظلمتج لاكن الحين لو اتشوفين


حالها ما اتقولين اللى قلتيه.....

وصل خالد والبنات وفارس للبيت

ام فيصل : اليوم تخيلوا منو كان عندنا

البنات نطوا علا امهم من الفرحه انها بدت تتكلم

وبعد ما عبرو عن فرحتهم بسلامت امهم

ما سالتونى منو اللى كانوا عندنا اليوم

فارس :منو يمه

امه : ناصر ومنصور

خالد :فز قلبه ورفع راسه علا طول

فارس ومنو ناصر ومنصور

فرح :اعيال خالد

فارس : ما شالله ما كنت اعرف اسمائهم وليش ما انطرونا

ام فيصل :جدك اخذهم ياحلوهم ولتفتت علا خالد يشبهونك حيل وكانى اشوفك وانت صغير ......وبدت تبجى

فارس يمه انا ماصدقت انج تتحسنين ليش تبجين الحين

فيصل :يمه الله يهداج لاتخربين فرحتنا

خالد: ما تحمل يسمع شى ثانى عنهم وطلع

ام فيصل : فيصل انا ظالمه انا دمرت حيات خالد ولا كانوا الحين بيننا وفى حضن ابوهم اهم وامهم .....

شوف اخوك وشوف حاله

فارس يمه ان شالله بتنحل الامور

فيصل : وبعدين مو منبعدهم بنفس الشارع كل ما بغيناهم بنجيبهم

ام فيصل : انا ماراح ارتاح لين اتسامحنى ملاك

فيصل : ملاك اصيله وقلبها كبير

ام فيصل : انا ابى ابرى ذمتى قبا لا اواجه ربى اللى سويته فيها مو شويه




ملاك : عشان خاطرك انت يا عمى بس بكلمها واما اللى بلقب ما اقدر عليه

دق تلفون عمها ولا ام فيصل .....مد التلفون لها وكلمتها وهى متردده

ملاك:الو

ام فيصل :ملاك سامحينى يا ملاك سامحينى

ملاك :ماردت

ام فيصل :ادرى ان اللى سويته ما ينغفر لاكن الله انتقم لج مننا كلنا يا ملاك وشوفينى اشلون مقعده ولاحول ولا

قوه ادرى ان اللى سويته كبير لاكن قلبج اكبر

ملاك : ودموعها تنزل وعيونها بعمها اللى واقف.........( مو قادره ....اسامحها )

ام فيصل : ملاك انا تعذبت بدنيتى علا اللى سويته وابى منج اتسامحينى وتفكينى من عذاب الاخره .....

ملاك: (واخيرا ) خلاص يا ام فيصل انا مسامحتج ...وسكرت التلفون قبل لاتسمع الرد

حظنها عمها تاكدى ان اللى سويتيه اليوم شى كبير وما يسويه غير ملاك

ملاك : عمى اكسرت خاطرى

ابو فيصل : ولو اتشوفينها تكسر الخاطر من قلب



ام فيصل :الحمد لله الحمد لله يارب الى سامحتنى ملاك

فيصل : انا قلت لج قلبها كبير

ام فيصل :كلكم شفتو هالشى الا انا اعمانى الكبرياء

فارس خلاص يمه فكيها خن نستانس اليومونحتفل بسلامتج

امهم : سلامتى ما اتهمنى كثر مسامحت ملاك لى



فى اليوم الثانى راحوا البنات وفارس لبيت ابوهم الثانى ولقوا فاطمه وملاك قاعدين بالحديقه


ملاك استغربت جيتهم وفرحت

سلموا البنات كلهم علا ملاك والشباب ..وسلموا علا فاطمه وهم متخوفين يعنى مرت ابوهم

فارس : ملاك شهالمزايين اللى جا يبتهم اخذوا اعقولنا

فيصل : امى من امس وهى اتهذى فيهم

ملاك : الا شياطين ومجننينى

فرح : وهى اتبوسهم ملاك هذولا شياطين حرام عليج شوفى اشهديهم

طبعا الاولاد متصنعين الادب لاانهم محرجين من الاغراب اللى عندهم لاكن منصور ما خلاها ابقلبه

ماما : وهو يقرص عينه خلاص

الكل ضحك ولا علا دخلت ابو فيصل .....واول ما شافوه راحوا ركض بابا

التفتوا عبالهم خالد وانصدموا لمى اعرفوا انهم يقصدون جدهم

فيصل :وهو يكلم فارس بصوت واطى والله يكسر الخاطر خالد ..... ما حس بهالشى

فارس :اى والله حتى اهم بعد لولا ابوى كان محرومين من الاب ,,,,وهز راسه الله يساحج يمه انتى وخالد

فاطمه ماتركتهم يطلعون قبل الغدى وكانوا يشوفون اشولون مدلله ابوهم واشلون اتعامه بطريقه عمر امهم ما سوتها

معاه



بعد ما ردوا

ملاك : خالتى شفتى اشلون عمى استانس لما شاف اعياله

فاطمه:اى اكيد بس خالد ما جى

ملاك : حست بنغزه بقلبها .......وتذكرت شى خالتى اليوم عرس عبدالله

البست ملاك فستان اسود كت ضيج لى الركبه وبعدين واسع ورفعت شعرها بتسريحه حلوه ولبست عقد الماس

فيه فص اسود وحطت مكياج روعه ابرز جمالها بزياده وقبل لاتطلع البست جاكيت مسكر يسترها وحطت

الملفع علا شعرها وغطته وراحت العرس .....اول ما ادخلت محد عرفها طبعا لاكن الكل كان يسال عنها

اسالت ملاك الموجودين عن ام المعرس وراحت لها

ملاك : السلام عليكم خالتى

ام عبدالله : بستغراب واعجاب هلا والله

ملاك : انا زميلت عبدالله بالدراس وجايه ابارك لج عبدالله غلاته مثل اخوى واكثر ومدت الهديه لها

ام عبدالله : هلا والله وهى تبلع ريجها انتى شسمج

ملاك : ملاك

ام عبدالله : ( ياويلى علا قلبك يا وليدى من هالزين اشلون قدرت تتركها ) هلا والله تفضلى تفضلى

بعد ما دخل عبدالله فضلت ملاك انها تبعد وما يشوفها اهم شى انه بعدين راح يعرف انها ما نست موعد عرسه

بعد ما قعد عبدالله

فضلت ملاك انها خلاص تطلع

 
 

 

عرض البوم صور بوح قلم   رد مع اقتباس
قديم 28-07-10, 06:17 PM   المشاركة رقم: 75
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(((الجزء الاربعه والخمسين )))))









اول ما اطلعت واركبت سيارتها وتبى اتسكر الباب و تلمح اللى قاعد يطالعها .....وتلاقت العيون حس خالد انه

مو قادر يصد .....وكانه يبى يخزن هالصوره بعيونه وفى النهايه صدو مع بعض وكل واحد مشى بطريق

مختلف لاان طريق البيت واحد............... ملاك راحت عند عمتها وخالد راح الشاليه

خالد : بغرفته اللى مواجه البحر انا كل يوم ما انام الا بعد ما اشم عطرها ويالله انام اشلون اليوم وانا شايفها

بعينى وجدامى .....ااااه يازينها من شوفه ......لوما الله ستر كان حضنتها وبست شفايفها لين اشبعت جوع حبها

فى قلبى اااه ....... يابختك يا يبه اللى اتشزفها كل يوم علا راحتك ......واخذته الافكار لا ملاك وشكلها كل مره

اكتشف فيها شى احلى من المره اللى قبلها

اما ملاك فراحت لبيت عمتها

عمتها : ملاك منين جايه

ملاك : عميمه اليوم عرس عبدالله

عمتها : (طبعا عارفه بكل شى ) المفروض انتى العروس اليوم لاكن هالراس اليابس

ملاك :عميمه صعبه عليه وصعبه على انا بعد

عمتها : اى ماخلاج الحب الاولى مسيطر علا قلبج لالاابد ومحد راح يضيع عمرج وشبابج غير هالحب

ملاك : عميمه تخيلى منو شفت وانا طالعه من العرس

عمتها : ونا اقول جايه وانتى مو علابعضج اكيد خالد

ملاك :اى اهو

عمتها : انزين اشسوى

ملاك : مشى علا طول وانا بعد مشيت

عمتها : اكيد عقب اللى قلتيه له وسويتيه فيه وين يرفع عينه فيج مره ثانيه

ملاك : ابصراحه كان يستاهل بس ما توقعت ردت فعله هذى ما توقعت انى راح ااثر فيه بهالطريقه

عمتها : ملاك انتى ما شفتيه اشلون كان مراقب بيتنا ومسوى شفتات مع ناس ثانيه علا امل يشوفج والله كان

يكسر خاطرى بعدين ملاك انتى صدمتيه انتى وعبدالله وعياله ترى والله قويه

ملاك : احسن خليه يتربى

عمتها : انتى من صجج عمره ماراح ياخذ اقوى من هالدرس بحياته .......الا تعالى شافج انتى جذيه ....

ملاك : وهى اتطالع عمرها اى ليش شكلى غلط

عمتها : لا بس الله يعينه الليله

ملاك :عميمه انا كنت عنده وكان شكلى احلى من جذيه وما تاثر

عمتها : لو ما اتثر ماراح يدورج من مكان لى مكان اسالينى انا عن هالسوالف

ملاك : ( خلاص حست انها مو قادره تتكلم عنه اكثر اتحس ان قلبها بدى يتحرك فيه شى ما تبى اتصحيه مره

ثانيه ) وقامت يالله اعميمه انا بمشى الوقت متاخر

عمتها : فمان الله واحلام سعيده وهى تغمز لها

اطلعت ملاك وشكل خالد مو راضى يفارق مخيلتها شكله اليوم واناقته اللى زايده عن حدها وطوله ونظرات

اعيونه





ساره بنت خال ملاك

اليوم انا بروح لبيت عمتى فاطمه وما على من احد بروح اعتذر لهم

حلا : وانا بعد بروح احنا غلطنا عليهم ولازم نعتذر واساسا عمتنا وبنت خالنا ومالنا غنى عنهم مهما صار بس

ياليت يسامحونا

ام محمد : انا اقول تقعدون وانسوا الموضوع ومع الايام راح يرضون عنكم لاتروحون اتهينون انفسكم عندهم

علا الفاضى اشدعوه يحبونكم ولا يبون مصلحتكم

ساره : يمه بعداذنج احنا رايحين


وطلعوا وتركوها وراحوا يدورون البيت اللى اخذو عنوانه من ابوهم

واثناء ما هم يدورون ما لقوا البيت كان بيت فاطمه جديد ومو حاطين ليه رقم

ا ساره كانت منشغله باللى بتقوله لملاك وعمتها فاطمه ومو مركزه ولا ............ططاااااااااخ بالسياره اللى


امقابلتها وطبعا ساره اللى غلطانه

ساره :انزلت ........انت ماتشوف عمى

الشاب : الحين انتى اللى غلطانه وتسبين بعد ....صج قلت ذوق

ساره : انا قليلت ذوق والله انت اللى ما تستحى

حلا وهى اتحاول تسحب اختها ساره انتى الغلطانه اركبى السياره وخلينا نتصل علا محمد

ساره : لاء انا ما غلطت وحتى لو غلطت المفروض ما يقول هالكلام لاكن خلاص ماكون رجوله

فارس :حس النار تسرى بجسه انتى هيه اركبى سايارتج والله ما اعتقد مر بحياتج رجال يربيج ولا كان ماقلتى

هالحجى وركب سيارته وتركها

حلا :ساره امشى اركبى السياره ...وبعد ما اركوبوا السياره

ساره : شفتى يا حلا اشلون وقح ويقول ما عندنا رجاجايل


حلا: وهى منصدمه من ردت فعل اختها اللى عمرها ما انفعلت بهالطريقه لاكن نفسيتها كانت تعبانه ومتوتره من

مقابلتها لملاك وعمتها وحطت الحره باللى اصدمته بسيارتها .........ساره خلاص اهدى اهدى

اوصلوا بيت عمتهم

ودخلوا ساره حلا انتى ادخلى اول

حلا لا انتى بعد اليوم وتهزياج للشاب اللى صدمتيه اكتشفت انج منتى هينه

ساره :حلا يالله تكفين دشى انتى

ودخلوا وقالو ا للخدامه اتروح اتنادى عمتهم

انزلت فاطمه وهى مو عارفه منواللى عندهم .....انصدمت ...فى البدايه لاكنها استقبلتهم بكل ترحيب

فاطمه : حيالله من جانا

ساره : الله يحييج وبدت تنزل ادموعها اعميمه سامحينا احنا ظلمناج انتى وملاك

حلا : اعميمه احنا عرفنا انه خسيس وما يستحى

فاطمه : المفروض انكم اتكونون عارفين من زمان يعنى الحين انا عرفت انكم امشككين بحبى لكم ومشككين ان

ملاك ممكن تحسدكم وتتمنى زوال الخير منكم وهذا اللى حز بنفسى انا احبكم واعتبركم مثل بناتى وملاك مثل

اختكم لاكن انتوا سمعتوا كلام هالنذل وكلام امكم وان انا ممكن انى اتمنى لكم الشر

حلا :اعميمه سامحينا خلاص وانتى تدرين انا احنا انحبج انتى وملاك واللى صار اتمنى انكم تنسونه ونفتح

صفحه جديده

فاطمه : انا بالنسبه لى ما اقدر علا زعلكم انتوا مثل بناتى وغلاتكم عندى غير لاكن ملاك

ساره : ملاك خليها على انا


الا علا دخلت ملاك وانصدمت لما شافتهم

فاطمه : ملاك تعالى سلمى علا البنات البنات جايين يباركون لى ويعتذرون عن اللى صار

ملاك : هلا والله ببنات خالى هلا بخواتى واكثر بعد

ساره : ملا ك احنا غلطنا لاكن والله يا ملاك عمرى ما اقتنعت ان انتى اتسوين هالشى

والتفتت ملاك علا حلا اما حلا كانت موقته انى انا اسويها

حلا : ملاك اعذرينى والله انا و......وقاطعتها ملاك

خلاص لاتقولين شى لاانه العذر يجرح اكثر من الذنب وجيتكم تكفينى

احضنواها البنات وبكوا وحتى ملاك بكت لااكنا ماراح اترد معاهم مثل اول


اقعدوا البنات واستانسوا وتعشوا عند عمتهم قبل لايطلعون وصل ابو فيصل ومعاه فارس اللى راح يركن سيارته

دخل ابوا فيصل وسلم علا البنات واستاذنوا وعند الباب لقوا فارس

ساره : انت صج ما تستحى لاحقنا لى اهنيه ولتفتت ملاك ملاك


فارس : لما عرف انها طالعه من بيت ابوه ما رد عليها


ملاك : وهى مستغربه شنو

ساره : اتصلى علا الشرطه هالحيوان يلحقنا وداخل بيتكم بعد

ملاك : ساره اشفيج هذا فارس ولد عمى ابو فيصل



حلا : ساره امشى امشى فشلتينا ..... ولتفتت علا فارس اعذرنا اخوى ماكنا ندرى انك ولد ابوا فيصل

فارس : حصل خير ودخل وتركهم عند الباب


ساره وهى اتغطى وجهها بيدها وعيونها ادموع .......ياااااي يالفشله ملاك اعتذرى له بالنيابه عنى


ملاك : خلاص حصل خير انا راح افهمه



اما فارس كان ميت من الضحك علا اشكالهم وهم منحرجين

فارس : علا قلت ادبها ووقاحتها لاكن حلوه خساره هالزين علا هالدفشه

ودخل لقى ابوه قاعد مع فاطمه ومنسجمين بالسوالف

تنحنح التفتت فاطمه وهى محرجه ........هلا والله فارس حياك حبيبى

فارس : الله يحييج

فاطمه : تعشيت ولا لى الحين دام ماعندك مره تدلل علينا لين تتزوج

فارس :اذا كل يوم بتدللونى جذيه مانى متزوج

ابوه لاء عاد الا نبيك تتزوج وتترس البيت اعيال

فارس :.....لاكن ماراح اتزوج قبل اخوى خالد ....... وعلا دخلت ملاك وسمعت اخر كله زواخ خالد

ملاك : عورها قلبها وتبى اتعرف اهو شيقول عن خالد ومنوا بيتزوج

بعد ما ادخلت ملاك محد علق علا كلام فارس اللى كان يبى يشعل الفتيل ويحرك الموضوع الجامد

لاكن محد ساعده

التفت فارس علا ملاك وكلمها ابصوت واطى.... مشوا البنات

ملاك : اى ويعتذرون منك

فارس : هز راسه .....الا هذولا منوا

ملاك :بنات خالى صالح

فارس : واللى لابسه اصفر منوا

ملاك : فارس شالسالفه


فارس : لا بس عليها السان سم


ملاك : ساره مستحيل قول حلا اى ممكن لاكن ساره ما اعتقد


فارس : اللى لابسه اصفر

ملاك :اى اهى لاكن مهى ملسونه بالعكس

فارس : الا اتقولين دلاله مو بنت

ملاك : اضحكت من كلامه يجوز تغيرت


ابو فيصل : فاطمه بعد يومين انا عازم اخوانى وعيالهم بالمزرعه لاانهم يبون يسلمون عليج وما اوصيج عاد

بالشغل السنع

فاطمه : وهى اتاشر علا اعيونها من اعيونى يا اعيونى

ابو فيصل : تسلم اعيونج ...يالله تامرين علا شى انا ماشى للعياده

فاطمه : ابيك سالم ياقلبى وراح اشتاقلك لاتطول

ابوفيصل : فاطمه الله يرضى عليج ترى انا مانى حمل هالكلام الحلو

فاطمه : لازم تتعود انا ما اقدر اخبى مشاعرى عنك كل ما اشوفك الحجى يطلع بنفسه


باس راسها.............. الله يخليج لى ااااه لو شايفج من زمان


استعدوا للعشى وماخلت فاطمه ما اتهتمت فيه بنفسها


ملاك :خالتى والله منحرجه انا شكو اروح مستحيه شبيقولون عنى بيت عمهم


فاطمه : ليش الكل يدرى انج معانا انا خالتج وعمج ولو يدرى عمج والله يسوى سالفه



ملاك : ادرى ان مى ماراح يرضى اقعد لاكن انا مستحيه منهم


فاطمه : لاتستحين ولا شى انتى بنتى وعيالج اعيالى


ملاك : لو عمى ما يزعل كان اعتذرت لاكن خايفه من زعله



البست ملاك وتكشخت وحطت لها مكياج روعه وفاطمه بالمثل

ووصلوا فيصل وخالد وفارس فبل الكل



وصلوا اخوان ابو فيصل وزوجاتهم واعيالهم ........واستقبلتم فاطمه بالترحيب المبالغ فيه

واستانسوا معها ...طبعا فرق بينها وبين استقبال ام فيصل لهم فى السابق


اعيال خالد مايتعدون جدهم وين مايروح معهاه وخالد اعيونه تتبعهم


زوجت راشد اخو ابو فيصل : ماشالله يا ابوا فيصل يازين ا اخترت

فاطمه : تسلمين يا قلبى

البنات اشرايكم انروح برى احسن من هالجو الرسمى .



ملاك : اول وحده اطلعت خافت يجى خالد ويكون موقفها محرج قدام الكل


اقعدوا البنات وكان الجو حلو ورايق بعد ما اتركوا المكان عند الحريم الكبار وسوالف وضحك ووناسه

رها : ملاك ماشالله اعيالج يهبلون

عفاف : اى والله شفناهم ذاك اليوم مع عمى

فرح : اى اهم علا طول مع ابوى ما يفارقونه ويقولون له يابابا

ملاك انزعجت لاكن ما حبت اتبين ....والبنات ماعجبتهم كلمت فرح اللى كانت عن غير قصد

عواطف : اى ايقولون ما اغلى من الولد الا ولد الواد


العشى كانت فاطمه حاطته برى ومزهبه الاكل كله ومسويه بربكيو


الشباب قاموا بالواجب فارس ولد عمه مشارى من عمره بالشوى والباقى اقعدوا يسولفون


ملاك كانت تتمنى الارض تنشق وتبلعها حاسه ان وجودها غلط مع وجود خالد ....اما خالد فعوض هالمره وما

نزل عينه عنها ........واقعدوا البنات علا جنب وهو يسولفون وملاك مهى معتهم .........



كان من بين الموجودين متعب ولد عمهم خالد باول الثلاثين مطلق اصغر من خالد وكان فيه لمحه من خالد

وبعد ما تعشوا الكل ما بقى الا فاطمه وملاك ورحوا ياخذون من الاكل اللى موجود علا الطاوله ملاك مو مشتهيه
وكن ما تبى احد سالها ويعرف خالد انها مرتبكه من وجوده

متعب كان جاى ياخذ من الحلو وواجه ملاك

متعب : اشلونج ام منصور

ملاك : هلا والله اشونك انت ان شالله ابخير

متعب الحمد لله ورفعت ملاك راسها ولا اتلاقى اعيونها بعيون خالد الحاده

وكملت : اشرايك بالاكل ان شالله اعجبك

متعب : اوووه شى طباخ عمى هذا فنان

ملاك : لاء هذا شغل خالتى

متعب : ما شالله والله عمى ينحسد عليها

ابتسمت ملاك ....هذا من ذوقك وردت ارفعت عينها لخالد الى صد علا طول




ملاك : حست انه متضايق .......احسن طبعا مو حبا فينى لاكن خوفا علا ولد عمه


اقعدوا كلهم علا شكل دائره

وانسحبت ملاك بهدوء وراحس داخل البيت

ملاك ولله فشله العايله مجتمعه وانا شكو رازه وجهى معاهم وخالد وجوده موترنى ابصراحه لا ويخز ولا هامه

احد ...( كان لابس دشداشه وكاشخ كالعاده وبيده مسباح يعب فيه )

فاطمه ملاك ملاك انتى وينج ليش قاعده اهنيه انا فقدتج بالقعده

ملاك : خالتىابى اقعد اهنيه مالى خلق اقعد برى

فاطمه :امسكتها بيدها امشى امش بس والتفتت عليها اذا علا خالد انا قايله لج ترى راح تتعرضين لمواقف

وتواجهينه لاكن خليه عادى انتى طليقته وما بينكم اى شى خلاص

ملاك : خالتى قاعد ويخزنى احرجنى بصراحه

فاطمه : ماعليج منه يالله تعالى بس

كانوا قاعدين علا شكل داره جزء الرجال وجزء الشباب وجزء البنات وكان اخر كرسى من صوب البنا ت فاظى

والكرسى اللى جمبه كرسى متعب

ملاك مالها الا هالمكان وقعدت وكان خالد مقابلها مباشره

متعب :ملاك الا شخبار الدراسه

ملاك :الحمد لله تخرجت

متعب : ماشالله ابصراحه انتى انسانه مكافحه قدرتى اتحدين الظروف

ملاك : الحمد لله الفضل لله ثم خالى وعمى وخالتى ما خلونى واذا علا اعيالى واشرت بوجهها ابوهم ما يقصر

خالد ( يسولوفن عنى شكل متعب مو جايبها البر )

متعب : لاكن هذا مايمنع انج انسانه طموحه

ملاك : وهى تبتسم مشكور ورفعت عينها بخالد اللى كان منزل راسه لاكن رافع اعيونه

فاطمه : ملاك ملاك تعالى اشوى ملاك عطريهم بدهن العود هذا الغبيهالخدامهموحاطته علا المغسله

ملاك : خالتى ما اقدر استح

فاطمه :ملاك اذا انتى ما ساعدتينى منو يعنى بيساعدنى

ملاك :خلاص خالتى عطينى

واخذت وراحت اتعطر البنات وايدينها ترجف ووصلت عند متعب خالد كان يغلى من داخله

وزادت حركت ايدينه بالمسباح

متعب : طاب طيبج

ملاك : عاش حبيبك

ووصلت لفارس

مشكوره جيتى بوقتج

ملاك :بصوت واطى فارس تكفى كمل عنى

فارس :افا عليج من اعيونى ...بس فيه واحد راح يذبحنى علا هالحركه

ملاك : لاتخاف الا راح يبوسك علا هالحركه


خالد ولللع من الحركه اتعطره وتمشى

كمل فارس وملاك راحت اتشوف اعيالها



خالد : يالله يا جماعه عن اذنكم

ابو فيصل :تو الناس وين

خالد : باجر من الفجر عندى دوام ويالله اوصل البيت وانام كم ساعه

ابوه :الله معاك ودير بالك من الطريق

خالد : تصبحون علا خير



ردت ملاك بعد ما تطمنت علا اعيالها ومالقت خالد
خالد : وهو بالطريق ومشغل المسجل علا اغنيه محمد عبده تدلل علينا .......وانا بقعد كل ماكلمها واحد انجن

ااااه والله ما اقدر اتحمل ....وتذكر ابتسامتها وهى اتشوفه وتكلم متعب .......ياحلوها من ابتسامه .انا ماراح اصبر

خلاص لازم ابعد عنهم ....يمكن اقدر انسى اشوى ......ااااه الله يعينى اشلون بنام اليوم وانا شايفها







بعد اسبوع ساره كانت ماره عمتها تبيها اتروح معها لخياطه اتعرفها ساره وكانت تنتظرها عند الباب

بهالوقت كان فارس نازل من بيت ابوه بعد ما اخذ اوراق خاصه لبوه يبى يكملها ولا يصادف ساره عند الباب

فارس شافها وقبل لايمشى

ساره : اخ فارس

فارس : وهو مستغرب منوا انا

ساره : انت مو اسمك فارس

فارس :اى خير نعم فيه مسبه لى الحين بقلبج ما قلتيها

ساره ( والله منت كفوا ) لاء بس حبيت اعتذر عن اللى حصل الاسبوع اللى فات وبس

فارس : مو مشكله حصل خير ومشى وتركها

ساره : انقهرت .....صج انا طوال عمرى غبيه ليش ما خليته يولى استاهل والله مو كفو اللى يعتذر له

وانزلت عمتها وراحوا الخياط

اما فارس فكان ميت من الضحك علا شكلها .......ناس ما تمشى اللا بالعين الحمرى




ملاك كانت ماخذه اعيالها ورايحه الجمعيه ( السوبر ماركت ) وكانت لاهيه فيهم واحد حاطته بالسله والثانى علا \\
الارض

وهم عند المحاسب

منصور ناصر شوف هذا اللى يجى عند بابا

ناصر وببراات ولقافت الاطفال راح له وشد دشداشته ومد ايده يسلم

خالد : نزل نظارته وهو يتامل فيه ......

ناصر ...وهو مازال ماد له ايده ...سلم

خالد : مد له ايده وسلم .....ومهو قادر يتكلم من الصدمه

ناصر : انت صديق بابا صح

خالد : يهز راسه لاء انا ولد بابا مو صديقه....انت جاى مع منو

ناصر وهو ياشر علا امه اللى لاهيه بالاغراض......... مع ماما

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
بعلمك درس يفيدك ويحييك, قصة, قصة سعودية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:47 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية