لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-07-10, 05:58 PM   المشاركة رقم: 66
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(((((((((الجزء الخامس والاربعون))))))))))




ملاك :منصدمه من طلب عبدالله

عبدالله : ملاك لاتردين على الحين فكرى وبعدين ردى على

ملاك : بس انا ما اقدر اتزوجك انت اتعرف اعيالى و

عبدالله :ملاك انا ما ابى اى رد الحين فكرى عدل وبعدين ردى ((كان خايف ترفضه وهو يبى يعيش علا الامل )

ملاك : نزلت راسها وهى مو مصدقه ما تخيلت ان عبدالله يخطبها .......عبدالله انا راح افكر وارد لك خبر

(وهى بداخلها مستحيل اتوافق بس عشان خاطره قالت بفكر )


ردت ملاك البيت وهى كلها حيره واستغراب من الطلب






فاطمه : ملاك انتى صاحيه ترفصين عبدالله ...وانتى اللى قايله بلسانج انج عمرج ما تضايقتى ومالقيتيه عندج

ملاك :خالتى انا مانى عارفه شنو دوافع عبدالله اللى خلته يخطبنى واكثر شى انا اتوقعه انها حركت شهامه من

عبدالله لانه عرف ظروفى وكسرت خاطره ولا شاللى يخليه يخطبنى اول ماعرفها واخاف بعدين يتحسف

فاطمه : عبدالله انسان واعى ومهو صغير عشان اتقولين نزوه ولا طيش لاء

ملاك : خالتى انا ماعمرى شفت او حسيت من عبدالله اى نظرت او شعور بانه يكن لى اى مشاعر من اى نوع



فاطمه : وهذا يدل علا انه انسان محترم نفسه ويحترم الناس اللى قباله واذا يبى شى ما يلف ويدور

ملاك :لاء خالتى انا خايفه بشكل فضيع اخاف تتكرر التجربه مره ثانيه ويتزوجنى تعاطفان وشفقه علا ظروفى

ويتحسف بعدين مثل ما خالد تزوجنى عشان ابوه وبعدين انتى عارفه الباقى خالتى انا خالد ماعاد خلى فينى مجال

انى احب اى شخص خلاص قلبى حطمه وكسره وما خلا مجال لاحد ثانى انه يدخله

فاطمه : ملاك هذا غير ولاتخلين تجربه فاشله انها تحطم حياتج

ملاك : اتحطم حياتى حياتى تحطمت وخلاص وبعدين انا ما افكر غير بعيالى وبس

فاطمه : ملاك والله راح تندمين علا رفضج ملاك انتى صغير وانتى شايفه اشلون الوحده لما اتكون من غير سند

اشلون ...انتى نفسج يوم ضاع ولدج علا طول دقيتى عليه

ملاك : خالتى انا ما اكذب عليج عبدالله انسان فعلا قد المسؤليه ويعتمد عليه بس ما ابى استغل طيبته وشهامته

وادبسه فينى وفى اعيالى

فاطمه : ابصراحه انتى متناقضه وفى نفس الوقت تقهرين

ملاك : خالتى خلينى افكر ترى انا بعد مشتته

فاطمه : فكرى فكرى عدل ياملاك ولاتضيعين هالفرصه من ايدج وتذكرى انه اهو اللى جاء من نفسه وخطبج

وطلعت وخلت ملاك اتفكر ومحتاره

ملاك (ياربى ما ادرى اخاف ارفضه واتحسف و الله يا عبدالله لو انا عارفتك من قبل خالد كان مستحيل حتى انى

افكر بالرفض ........انسان كل بنت تتمناه بس الحين ما اقدر اولا اعيالى وثانيا خوفى من التجربه ماراح اتحمل الفشل مره ثانيه )
)








عبدالله وهو منسدح علا سريره ....ويكلم امه بالتلفون

عبدالله : اى يمه خلاص بتزوج

ام عبدالله :بالمبارك ياولدى والله مانى مصدقه لو ادرى من زمان مودينك لندن

عبدالله :وهو يضحك لهالدرجه شايلين همى

ام عبدالله :اى والله يا اولدى ودى نفرح بعيالك قبل لاانموت

عبدالله : ابتفرحين فيهم ان شالله يمه

ام عبدالله :انزين منهى بنته وشلون صايره هاللى خلتك اتفك العزوبيه

عبدالله : منهى بنت بنت ناس اجواد وشلون صايره ...مثل القمر

ام عبدالله :الله يهنيك يمه انزين متى بنخطبها لك

عبدالله : يمه فيه شى لازم اقولج عليه

ام عبدالله :شنو يمه قول

عبدالله : يمه اهى ........سبق لها الزواج

ام عبدالله : مطلقه .........

عبدالله :اى يمه

ام عبدالله (اللى ما صدقت انه فكر بالزواج مابغت اتصده وتبى تستدرجه واتشوف ) يولدى انت الف بنت

تتمناك

عبدالله :بس انا اتمنى هالبنت

ام عبدالله :علا راحتك يمه دامك مقتنع

عبدالله :وفيه شى ثانى بعد

ام عبدالله :شنو بعد

عبدالله : عندها اعيال

ام عبدالله :شنهووووو عندها اعيال وتبى تتزوجها لاء عاد امطلقه وقلنا مايخالف بنات وايد ينظلمون مع ازواجهم

لاكن عندها اعيال لايمكن انى اوافق

عبدالله :يمه اذكرى الله

امه :لا االله الا الله ....يولدى منت باير ولا فيك عيب يوم انك تتزوج وحده عندها اعيال وانت اول فالك شاللى

حادك تربى اعيال خلق الله انا مانى موافقه

عبدالله : يمه انا خلاص ماخذ قرارى اذا ما تزوجتها مانى متزوج غيرها يمه البنت داشه مزاجى حييييل

امه :اى بنت قول العائله داشه مزاجى

عبدالله : يمه انتى مو تبينى اتزوج وذابحتنى كل هالسنين تزوج تزوج والحين اتقولين لاء


امه :من سوء اختيارك

عبدالله :لاوالله يمه لو اتشوفينها مااتلومينى وبعدين ما يندرى اتوافق ولا لاء

امهه : عشتوا ما اتوافق بعد اهى حاصل لها

عبدالله :يمه انا مانى صغير وعمرى 35سنه وتونى لقيت اللى ارتاح لها واللى قلبى اختارها

امه |:قلبك مو عقلك يا عبدالله وهذى نزوه انت لو اتفكر بعقل اشوى راح تكتشف انك غلطان انا مستعده اخطبلك

احلى بنت بالكويت

عبدالله :وانا خلاص اخترت هذى ومانى مستعد اتركها بعد مالقيتها لو معها الف ولد بس انتى ارضى عشان
ارتاح

امه : تزوجها يا عبدالله ولوتبينى اخطبها لك من باجر بخطبها بس ترى قلبى مو راضى علا هالزواج

وسكرت التلفون من عبدالله

عبدالله : كنت متوقع ردت هالفعل بس ما عليه لعرفت ملاك بتغبر رايها





وصل ابو فيصل لندن وراحت فاطمه لبيت اخوها ابو فيصل وصلت الامور بينه وبين ام فيصل لاقصى مراحل

الانهيار

ملاك :عمى اشفيك شكلك تعبان

ابو فيصل :الشغل متعبنى

ملاك : عمى ليش ما اتقاعد وترتاح من هالتعب فعلا شغلك متعب

ابو فيصل : شفتى اللى يقول تعبه راحه........ واقعد بالبيت شسوى انا من دون شعل ما اعرف اعيش

ملاك : الله يعطيك القوه والصحه

ابو فيصل : ملاك وين العيال ما اشوفهم

ملاك :انا ماقلت لهم انك ابتوصل اليوم لانى لو قايله لهم جان مانامو

ام فيصل :وهو يضحك الا شخبار هم

ملاك :الله يصلحهم مزعجين والحمد لله خالتى من اوصلت وانا مرتاحه اشوى وقدرت اتفرغ لدراستى انت

اتعرف منصور محد يقدرله وسبحان الله اهى تقدر عليه ويحترمها

ابو فيصل :الله يجزاها خير ...اهى ارمله صحيح

ملاك :اى زوجها توفا من فتره

ابو فيصل :وهى ماعندها اعيال

ملاك :لاء للاسف اهى عقيم ماتجيب اعيال

ابو فيصل :الله يعوض عليها

ملاك:ان شالله اهى معتبره اعيالى مثل اعيالها والله يا عمى لما اشوفها اشلون اتعاملهم وتهتم فيهم تكسر خاطرى

ابو فيصل : الا اهى جم عمرها شكلها موكبيره



ملاك : لاء عمى مو كبيره يمكن كبر فيصل اخر الثلاثين او

ابو فيصل :وهو يمسح علا لحيته حلو حلو \يالله يبه انا بقوم انام عشان اقدر اصحى بدرى مع العيال

ابو فيصل قعد من الصبح ولا يلقى فاطمه بالصاله وهى اتوكل العيالى

فاطمه : ابصوت واطى حبايبى لاترفعون صوتكم لان فيه ناس نامه

ناصر :مافيه احد ماما راحت الدامعه وميرى بالمطبخ

فاطمه :لاخلصتوا اكل اقوال لكم منو

منصور : اللى متاثر بشخصيت بارنى ....يمكن بارنى

فاطمه :وهى تضحك بصوت واطى .....احلى من بارنى

ابو فيصل : كان يتابع حديثها مع الاولاد بهتمام ......

ناصر انا خلصت يالله قولى منو

طلع ابو فيصل .......تبون بارنى ولا تبون بابا

الاولاد من شافوه راحوا ركض عليه وحظنوه

اوقفت فاطمه وهى محرجه كانت تبى اتاكل الاولاد وتطلع قبل لايصحى جدهم

ابو فيصل : الله يعطيج العافيه

فاطمه : الله يعافيك ...وحمدالله علا السلامه


ابو فيصل : الله يسلمج ويعافيج .

فاطمه :يالله عن اذنكم

اتركو الاولاد جدهم ...لاءلاء لاتروحين هذا بابا حلو مايقول شى تعالى اقعدى عندنا

فاطمه انحرجت منه حييل .....انشالله الحين ارد لكم وطلعت

منصور :خساره راحت \

ابو فيصل :ليش انتوا اتحبونها حييل

ناصر :اى اهى اتلعبنا كل يوم( وحط ايده علا صدره )وطييييبه حييل

منصور : وماتهاوش

ابو فيصل :ليش منو اللى يهاوشكم

منصور : بتمثيل الاطفال ....كل الناس ايهاوشونا محد يحبنا

ابو فيصل :لاحول الله كل الناس ما اتحبك يا منصور يا حرام تكسر الخاطر

منصور :وهو مسترسل بالتمثيل .....اى بابا لاتخلينا عشان محد يطقنا انا وناصر

ابو فيصل :ان شالله بس بقول لكم شى .....كان فيه ولد من زمان كله يكذب علا ابوه وبعدين الله حطه بالنار

ناصر : بابا منصور كذاب وماما فاطمه اتقوله لاتكذب وانا بس مره وحده كذبت واهو كل يوم يكذب علا ماما

منصور : انا مو كذاب انت اللى كذاب

ابو فيصل ::::وهو يضحك عليهم انا ماقلت انتو كذابين

انزين الحين البسوى ويالله امشو وياى انسلم علا خالكم صالح وبعدين اوديكم السوق










فاطمه : كانت قاعده ما حست الا اخوها داخل عليها .........هلا ابو محمد حياك

صالح : فاطمه ابى اكلمج ابموضوع

فاطمه : شنو

صالح : ملاك يا فاطمه

فاطمه : اشفيها

صالح : انا سمعت حجى وابصراحه مانى مقتنع فيه بس هم الواحد لازم ياخذ حذره

فاطمه : صالح انت اتعرف ملاك واتعرف تربيتها وانت نفسك كنت اتخطبها لمحمد من حسن اخلاقها ....انا كنت

ابى اكلمك بالموضوع

صالح : فاطمه انا كنت احب واحترم يوسف بس بعد الكلام اللى سمعته .....ما ادرى خلانى اغير راى واعيد

الحسبه

فاطمه : صالح تبى نصيحتى ساره لاتاخذ هالانسان عديم الاخلاق زوجتك معتقده ان احنا ما نبى مصلحت ساره

وكانها ما تدرى بغلات ساره عندى وعند ملاك

صالح : اشوف الموضوع

فاطمه : صالح العرس مابقى عليه شى












ملاك : عمى الله يخليك خلك عندنا هالاسبوع بعد

عمها: والله ودى بس انتى اتعرفين الشغل ...

ملاك :الشغل ما يخلص عمى

ابو فيصل : ملاك انا بقولج عن قرار مهم وابيج اتساعدينى فيه

ملاك :شنو عمى

ابو فيصل : انا اليوم قبل لااروح المطار بمر علا خالج واخطب خالتج فاطمه

ملاك : والله عمى ياليت ياليت ..........بس اشلون علا ام فيصل

ابو فيصل : خلى ام فيصل علا جنب انا الحين ابى تقنعين خالتج تتزوجنى انا لاابى اعيال ولا شى

ملاك : خل الموضوع على .....






فاطمه : مستحييييل ملاك مستحيل

ملاك : هالشهر بسميه شهر المفاجات .......وبالله ليش ما اتوافقين عليه

فاطمه : ملاك اتزوج وانا بهالعمر

ملاك :خالتى انتى توج اصغيره وبعدين عمى مو متزوجج عشان اعيال وما ادرى ايش لاء عمى محتاج وحده

اتكون معهاه وتفهمه وانسانه تهتم فيه عمى ياقلبى عليه ماحس بهالشى انا عشت معاهم وشفت علاقتهم وبعدين

اهو قالى انه منفصل عن زوجته

فاطمه :ملاك انسى ماراح اتزوجه

ملاك : ممكن اعرف ليش

فاطمه : ملاك انا ما اقدر وبس

ملاك :شفتى خالتى انتى يوم تقنعينى بعبدالله كان عندى اسباب لرفضى لاكن انتى لاء خالتى واللى يسلم قلبج


اتوافقين


فاطمه : ملاك الرجال متزوج وما ابى اكون انا سبب لخراب حياتهم


ملاك : خالتى اقولج منفصلين ...

فاطمه : ولو شبيقولون عنى الناس

ملاك : يقولون اللى يقولونه

 
 

 

عرض البوم صور بوح قلم   رد مع اقتباس
قديم 28-07-10, 05:59 PM   المشاركة رقم: 67
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

((((((((((الجزء السادس و الاربعون )))))))))))











صالح : فاطمه ابو فيصل اخطبج منى


فاطمه : ملاك بلغتنى

صالح :وانتى شنو رايج


فاطمه : ابصراحه انا مو موافقه

صالح :ليش

فاطمه :وهى منحرجه ....... خلاص صالح كبرت علا هالسواف

صالح : ابصراحه انسان ما ينتطوف واهو يقول يبى انسانه متفهمه وانسانه تهتم فيه وطبعا لايبى اعيال ولا شى

هذى فرصه لج يا فاطمه

فاطمه : يعنى هذا رايك


صالح : هذا راىى وانتى حره


فاطمه :خلاص عطنى يومين وارد لك خبر





بعد كلام فاطمه مع صالح عن يوسف ....كلم يصالح بنته ساره وقال لها انه موموافق ويبى ساره تتطلق من

يوسف لاانه عرف من ناس ثانيه انه انسان غير محترم


حلا راحت لشقة ملاك ...... انتى ما تستحين مو حرام عليج اللى اتسوينه بساره انتى اخس واحقر انسانه شفتها

بحياتى


ملاك : حلا انتى شقاعده اتقولين


حلا :ياحرام ما تدرين بعد ما فشلتى باغراء يوسف ....وشفتينا سكتنا وما قلنا شى واحترمنا العلاقه اللى تربطنا

فيج قلتى استخدم الخطه الثانيه .....اثارى مرت عمج ام تركى صاجه يوم التقول انج حيه من تحت تبن اتروحين

لبوى وتقنعينه انتى وخالتج اللى للاسف عمتى انه يطلق ساره من يوسف عشان يخلالج الجو

ملاك :حلا احترمى نفسج وترى انا سكت لج بما فيه الكفايه ......وبعدين انا ما قلت لخالى شى بس كنت بقوله

ساره ما تستاهل هالحيوان اللى انتى بتموتين علشانه واذا على انا حبيبتى انا خاطبينى واحد من زملائى وراح

اتزوجه ولاهمن يوسف ولاغيره انا اللى منصدمه منكم وزعلانع عليكم مو انتى اللى صدقتوا واحد ما صار لكم

سنه من عرفتوه وكذبتونى اللى عمرى كله معاكم واتعرفونى زين وكنت متوقعه انكم مثل خواتى لاكن الحين

خلاص عرفت قدرى عندكم ....

اطلعت حلا وهى منهاره .......ما تدرى ليش هل كاسره خاطرها اختها اللى بتتطلق ولا كلام ملاك اللى اقنعها

وحست بالاحراج من نفسها لما اسمعته


ملاك بعد الموقف اللى صار لها مع حلا واتهامها انها تبى تاخذ زوج ساره حست بجرح كبيييييير منهم كلهم

اخذت ملاك السماعه ودقت علا عبدالله


عبدالله اول ما شاف رقم ملاك فزمن مكانه : هلا ملاك

ملاك : عبدلله ممكن اشوفك

عبدالله : اكيد تبين الحين

ملاك :اذا فاظى ياريت

عبدالله (وحتى لو مو فاظى افظالج يا قلبى ) اى الحين فاظى

ملاك : خلاص وين اقدر اشوفك


عبد الله : بمكان االمره اللى فاتت

وراحت ملاك ولقت عبدالله اللى امبين عليه التوتر والترقب

ملاك بعد كانت متوتره مثله .........السلام عليكم

عبدالله :وقف لملاك.......... وعليكم السلام

ملاك لاحظت توتر عبدالله اللى انتقل لها

عبدالله( يارب اتكون موافقه وماتصدمنى ).....ملاك فكرتى


ملاك :وهى تلعب بالمفتاح اللى بيدها من التوتر .........عبدالله ممكن اسالك سؤال

عبدالله : بهتمام بالغ اسالى اللى تبينه

ملاك : عبدالله انت ليش خطبتنى

عبدالله وهو يضحك يعنى ليش الواحد يخطب تعتقدين

ملاك : عبدالله جد انت خطبتنى شفقه علا ظروفى

عبدالله ( شفقه اذا فيه شفقه فانتى اللى اشفقى على ) شاللى خلاج اتقولين هالكلام

ملاك : وهى متوتره حيييل ...عبدالله انت خطبتنى بعد ماعرفت ظروفى مباشره من دون حتى ما اتفكر

.....عبدالله انا ما ابيك تتزوجنى وبعدين اتحسف .....بالله عليك اتقولى الصحيح ولاتتخيل انى بنجرح ولا اتضايق

لان اللى مر على خلا عندى مناعه قويه ضد التجريح ........وانا اعرفك انسان شهم وصاحب مواقف خصوصا

وياي فلا تغصب نفسك علشانى كسرت خاطرك ..........وانت بتم مثل اخوى واعز

عبدالله : وانتى ليش معتقده انى متزوجج شفقه .....وعدل قعدته ....ملاك ابصراحه انا من اول يوم شفتج فيه

حبيتج.....انا ماكان يلفت انتباهى اى بنت بس انتى شفت فيج شى مختلف عنهم وزاد اعجابى فيج يوم عرفت

شخصيتج وتاكدت من اخلاقج الراقيه .....كل يوم يمر ماكنت اشوفج فيه اعتبره ضايع من عمرى وانتى عارفه

انا خلاص باقى لى اسبوع واتخرج وكنت ناى اخطبج علا طول لاكن الظرف الاخير خلانى استعجل بطلبى

ملاك :حتى بعد ما عرفت ان عندى اعيال

عبدالله : وحط ايده علا خده لو عيوب الدنيا كلها فيج انا راضى ...مع انى ما اشوف ولا عيب

ملاك :غورقت اعيونها بالدموع.......ياليتنى شفتك من زمان ياعبدالله

عبدالله : المهم انتى معاى الحين ولاتحاتين اى شى بالدنيا وانا معاج

ملاك: عبدالله انا خايفه ما اسعدك او انه يجى يوم وتكرهنى فيه مثل ......

عبدالله : اكرهج تدرين شنو قمه السعاده عندى انى اشوفج قاعده عندى حتى لو انتى ساكته شوفتج بس اترد

روحى فما بالج وانتى اتسولفين وتضحكين ....ولا حتى اتهاوشين معاى .....وبعدين انا ابى تنسين وما اتقارنين

بينى وبين ان كان ملاك انا ادرى انج الحين ما اتحبينى وان مشاعرج متلخبطه بس انا متاكد مع الوقت راح تتغير

هالمشاعر

ملاك : عبدالله انا احترمك واعزك حييل عبدالله ..والحب يبيلى وقت عشان ارد قلبى لطبيعته بعد اللى شافه

عبدالله :يعنى اعتبر انج موافقه

ملاك :ابتسمت له ابتسامه اتذوب الصخر ...........ان شالله

عبدالله : متى اجى اخطبج

ملاك :عطنى مهله ابلغ خالى وارتب امورى واقولك

عبدالله : بس عسى ما اتطول

ملاك : لاء انشالله الله ........وقامت يالله عن اذنك انا تاخرت

عبدالله : كان يبيلنا حفله اليوم

ملاك :خلها للعرس

عبدالله كان طاير من الفرحه ومو مصدق معقوله وافقت


واخذ تلفونه ودق علا خالد يبلغه

خالد : مبروك مبروك واخيرا جابت راسك وحده

عبدالله : الحمد لله اليوم وافقت خالد اشرايك تجى

خالد : ما ادرى عندى شغل

عبدالله :تعال تعال بس وخل الشغل لاما اترد

خالد : والله يمكن لاان عندى كشف دورى علا بيت خال زوجتى الاولى

عبدالله : انزين تعال وانا وياك نكشف عليهم علا قولتك

خالد : خلاص صار........ يومين واكون عندكم

 
 

 

عرض البوم صور بوح قلم   رد مع اقتباس
قديم 28-07-10, 06:00 PM   المشاركة رقم: 68
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

((((((((السابع والاربعون))))))))))))
(((((




خالد : مبروك مبروك واخيرا جابت راسك وحده

عبدالله : الحمد لله اليوم وافقت خالد اشرايك تجى

خالد : ما ادرى عندى شغل

عبدالله :تعال تعال بس وخل الشغل لاما اترد

خالد : والله يمكن لاان عندى كشف دورى علا بيت خال زوجتى الاولى

عبدالله : انزين تعال وانا وياك نكشف عليهم لا قولتك

خالد : خلاص صار يومين واكون عندكم










ردت ملاك وهى مو مقتنعه باللى سوته لاكن الزمن حدها والناس اللى ماترحم كانت حاسه انها اظلمت عبدالله

بموافقتها عليه

عبدالله ماسيتاهلنى ما يستاهل وحده قلبها مثل قلبى مثلى مثل ظروفى انا احس انى غلطت بس مالى الا هالحل

مانى قادره اشوف الاتهام بعيون ساره وحلا وامهم وخالى اللى ما قصرو معاى ...حسبى الله ونعم الوكيل علا كل

من حدنى علا هالوضع


فاطمه اعرفت باللى قالته حلا لملاك من الخدامه وراحت لشقت اخوها

فاطمه : حلا حلا

واطلعت لها ام محمد ....نعم نعم خير يا فاطمه اشعندج

فاطمه انا قلت حلا ما ناديتج

ام محمد : اشتبون بعد فيهم مو كافى صار اللى تبينه شوفى يا فاطمه انا وبناتى عمرنا ما راح ننسى ولا نغفر لج

انتى وبنت اختج اللى سويتوه فينا وما اقول الا حسبى الله ونعم الوكيل فيكم

فاطمه : والله انا ماسويت الا اللى شفت فيه مصلحت ساره ولا انتى ما يهمج الا الفلوس وبس ولا فيه وحده

اتزوج بنتها واحد بهالاخلاق

ام محمد :ليش اشفيها اخلاقه ما فيها شى ما اشوفج تطلقتى من زوجج الله يرحمه وهو علا قولتج معذبج ولاكن

خيرج ومتزوج عليج وكاسر راسج

فاطمه : متزوج لان له عذره

ام محمد :اى لانج عقيم وعمرج ما عرفتى طعم الامومه وحرت القلب علا الظنا عشان جديه ماهمتج ساره

فاطمه :انجرحه بس ما حبت اتبين ....وزوجى الله يرحمه اللى اتعايرنى فيه رجال مصلى ومسمى وخايف ربه

وشدت الرجال مهى اللى اتعيبه اما الصايع السربوتى اللى حتى ما حشم حرمت بيتكم


ام محمد : الا بنت اختج اللى ما احترمت هالبيت وراحت تتحرش بالرجال اللى انصدم من اخلاقها واشلون اهى

بنت خال البنات


فاطمه : ثمنى كلامج و احترمى نفسج ملاك اشرف واطهر وحده بس لان مالها احد قمتى اتقولين عليها هالحجى

....يبه بنتج وكيفج فيها انا اللى على وسويته

ام محمد : اى ما قصرتى حرشتى اخوج وعبيتيه علا الرجال والحين استانسى بتصير مثلكم مطلقه

حسبى الله عليج وعلا ملاك معاج وترى بيتى يتعذركم ماابى اشوف هالحشرات عندى مره ثانيه واذا بغيتى

اخوج اتعرفين وقت جيته ....والحين يالله روحى حرشى اخوج خليه يطلقنى انا بعد وانظم للقائمه

فاطمه : والله عاد اكره ما عندى شوفت وجهج انتى وانا ما ادخل هالبيت الا عشان اخوى وبناته ولا اذا عليج

\انتى ما كان دخلته






وطلعت خلاتها وكل وحده مفووووله علا الاخر

فاطمه حسبى الله عليج من مره ودخلت الشقه وهى حاسه انها مو قادره تمسك نفسها لانبجى بس لاما شافت ملاك

قاعده وهى شاردت الذهن اقدرت تمسك نفسها


فاطمه: ملاك حبيبتى اشفيج (كان علا بالها انها اسمعت كلام مرت خالها )

ملاك : خالتى انا وافقت علا عبدالله

فاطمه :بالمبارك حبيبتى وقعدت جمبها وحضنتها .....وردت فلتتها .....ملاك اشفيج حبيبتى


رمت ملاك نفسها بحظن خالتها وبجت كانت محتاجه احد يحضنها وتفرغ اللهم اللى فيها

خلتها خالتها علا راحتها لييييين خلاص هدت او بالمعنى الاصح خلصت الدموع اللى بعينها

فاطمه :خلاص خلصتى ...؟؟

ملاك : خالتى انا احس انى غلطت بس شسوى كلام حلا حدنى علا هالشى...................... عبدالله بالذات

مايستاهل هذا منى انا .........لو شايفه فرحته بموافقتى له احس قلبى تقطع واخاف انى ما اقدر احبه مثل ما

اهويحبنى


فاطمه : ييييياه يا ملاك لى الحين اتحبين خالد بعد كل اللى صار

ملاك : حست برعشه وهى تسمع اسم خالد ......لاء خالتى انا ما احبه بس مانى قادره احب احد بعده مانى قادره

خالتى انا حبيت مره وحده بحياتى ومانى قادره احب احد ثانى ودى احب واعيش حياتى بس اهو خرب كل شى

خلانى بدون اى مشاعر

فاطمه : انزين منتى مجبوره علا الزواج من عبدالله واذا علا حلا .........


قاطعتها ملاك خالتى انا اذا ما اخذت عبدالله بتم طول عمرى الطوفه الهبيطه اللى الكل يصب غضبه فيها انا

طول عمرى محترمه نفسى وما سلمت باجر لى تخرجت وخالى خلص شغله و رد الكويت ما اتقولين لى وين

بسكن ومع منو .....لاتقولين مع بيت خالى مستحيل ......


فاطمه : اسكتت وخنقتها العبره من الحزن علا حال ملاك .....


ملاك :خالتى انا تعبت من نظرات الرجال اللى يمرون على بحياتى نظرات بعض الطلبه نظرات بعض الدكاتره

نظرات البياعين بالسوق وغيرهم وغيرهم ان ا نا تعبت حدى يمكن لو وحده ثانيه تقدر بس انا ما اقدر طول

عمرى بحظن جدتى وفاكتنى من كل هالامور اللى ما كنت اعرفها ولا ادرى عنها ..........تدري عاد خالتى

مرات اقول ودى اقعد من النوم ولقى هذا كله حلم والقى نفسى بغرفتى ببيت جدتى وانزل القاها تتقهو اهى

وجاراتها وانا اجى وقعد يمها واحط راسى علا جتفها مثل اول وما كان عندى هم غير هم الدراسه .......الحين

احس مانى قادره الحق علا المصايب والكل مستضعفنى حتى بنات خالى اللى كنت معتبرتهم مثل خواتى

اجرحونى هم بعد ...انتى قولى لى مو عبداله اهو الحل انا ادرى انى استغليته بس ناره ولا جنت هالناس ...

عبدالله من القلوب النادره اللى مرت على بحياتى من القلوب الطيبه اللى ما اتعرف الغش ولا الاهانه من القلوب

اللى تحترمتنى وقدرتنى


فاطمه : ملاك خلاص انا بعد وافقت علا عمج مالى رده لبيت خالج مره ثانيه


ملاك : صج خالتى وليش ما قلتيلى قبل لا اروح لعبدالله

فاطمه : وشدخل هذا بهذا

ملاك : خالتى اذا تزوجتى عمى اكيد راح اسكن انا وعيالى معاكم ومراح ايكون احد احن من عمى علا اعيالى

فاطمه : ملاك انتى بتمين بنتى وعيالج اعيالى لاكن انتى بعد من حقج يكون لج حياتج الخاصه ومملكتج اللى

اتعيشين فيها


ملاك قامت وهى يالله اتشيل نفسها حاسه بمشاعرتانيب الضمير وعدم رضى وغصيبه علا اشياء كثيره احصلت

اليوم ......خالتى انا بروح انام احس انى مرهقه






بعد مرور يومين علا اللى صار وصل خالد لندن وقبل لايروح اى مكان راح لبيت خال ملاك وطق الباب



ما كان موجود غير ام محمد


ام محمد : هلا هلا خالد حياك

خالد :هلا فيج

ام محمد : خالد انت ما ياست من ملاك

خالد :اذا اتعرفين وينها اكون ممنون لج


ام محمد : ابصراحه انا اعرف وينها بس ما اقدر اقولك ............لاكن بعطيك رقم تلفونها ( كانت تبى الفكه منها

وما قالت له عن مكانها خافت يدرى زوجها ويسويلها سالفه)

خالد : بين المصدق واللى مو مصدق ........رقمها


ام محمد :بس اوعدنى محد يدرى ان انا اللى اعطيتك الرقم


خالد :اكيد اكيد انتى عطينى ومحد راح يدرى

ام محمد: اعطته الرقم وطلع علا طول وهو حاس بامل كبييير انه يشوف ملاك عن قريب







اخذ الرقم وقعد ساعه وهو يتامل


الرقم وكانه يتامل ملاك مو رقمها ومره ودق الارقام ويرد يمسحها من شاشه التلفون وظل علا هالحاله ساعات

وفالاخر


خالد ظ:انا بدز لها مسجات مثل ما كانت اتسوى معاى


وتشجع ودز لها مسج







مرتاح ولا يتصنع قلبك الراحة شايل بخاطرك ولا

البال متهني مجروح ولا شفى قلبك من جراحه زعلان للحين ولا راضين

عني

شخبار قلبك عسى مافارق افراحه ادري جرحتك وشلت بخاطرك مني

خسران بعدك وقلبي ضاعت ارباحه غلطان ادري وابي منك تسامحني

تدري عيوني بغيابك ماهي مرتاحه تبكي على فراق طيفك وانت

ذابحني ياللي ذبحني غلاه شكرآ على رماحه اللي طعني بها مايوم ريحني

جيتك من الشوق والأشواق ذباحه اسأل عيونك عسى للحين تذكرني

راضي بجرحك وانا مااتصنع الراحه تكفى عشاني ابي ترجع وتسمعني






احبج سامحينى






وصل المسج ملاك وانصدمت


ملاك :منو اللى داز المسج اكيد مو واحد غلطان لاانه كاتب بالعربى منو يا ترى اكيد مو عبدالله منوا يعنى




رد ودز مسج :

((احبج يا ملاك وبموت من الشوق لشوفت اعيونج ))


ملاك : صعقت ويعرف اسمى بعد لايكون يوسف .....الا اكيد اهو محد وقح غيره

راحت ملاك اتبلغ خالتها عن المسجات وانها شاكه بيوسف

فاطمه : خليه يولى واحقريه الجلب وخلاص انا مالى شغل ابخالج وبناته خليهم اهماللى يكتشفونه بنفسهم وانتى


ديرى بالج ادزيله مسج اتسبينه ولا شى

ملاك :من صجج خالتى اذزله واهو منوا ايكون عشان ادزله مسج خليه ايولى ومسحت المسج


ودز مسج ثالث

صحيح اني انا المخطي
وانا الجاني وانا المسؤول
ولكن هل هناك انسان في ذا الكون ما يخطي؟

احبج سامحينى

 
 

 

عرض البوم صور بوح قلم   رد مع اقتباس
قديم 28-07-10, 06:04 PM   المشاركة رقم: 69
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

((((((((الجزء الثامن والاربعون ))))))))









ملاك : لالالالاء هذا حده مزعج اف وسكرت جهازها


عبد الله وهو يحظن خالد حيالله خالد نورت الديره

خالد : الله يحييك

وبعد السلام والكلام


عبدالله : طبعا مريت بيت خال زوجتك قبل لاتجى عسى بس لقيت شى

خالد : ما اتصدق اليوم ومن دون اى عناء مرت خالها عطتنى رقمها

عبدالله :ززززين يا معود مع انى ياست انك تلقاها

خالد : والله بغى يوقف قلبى من الفرحه احس انة خلاص قريب منها يا عبدالله ومانى متحمل ودى اشوفها

عبدالله : انزين دقيت عليها

خالد :اتصدق عاد بعد ما حصلت رقمها اللى كنت مستعد ابيع عمرى عشان بس اسمع صوتها بعد ما حصلته

خفت

عبدالله : خفت ...خفت من شنو

خالد :من ردت فعلها .......قلت خن اسوى نفسها ايام ما كانت تكتب لى مسجات وهى خايفه منى ...الحين انا اللى

خايف منها ....خايف من ردت فعلها خايف اضيعها بعد ما قربت القاها يا عبدالله

عبدالله :والله مانى مصدق يا خالد انك اتحب ولهالدرجه وانت اللى ضيعت عمرك بين هذى وذيك

خالد : لاء اهى شى ثانى شى ماحسيته مع اى وحده شوقى لها غير شوق طاغى احساسى بها غيير بالعربى اهى

احلى الذى شى مر على بحياتى واهى اثر شخص ظريته احياتى ......وموذابحنى الا انها اتحبنى وانا اللى ذليتها

وذليت مشاعرها ....عبدالله انا اتمنى لو يوم واحد لو ليله اتمر من دون ذكراها مانى قادر صحيح اتعذبنى لاكن

اتلذذ فيها شوف عاد التناقظ لما اتحب شى وبنفس الوقت يعذبك.......

عبدال لله : الله يعينك ابصراحه شى موجع

خالد : الا منو هذى اللى اقدرت انها اغير رايك بالزواج

عبدالله : تذكر اللى كلمتك عنها قبل

خالد :اى اذكرها يعنى من كثر اللى اتعرفهم

عبدالله : اى هذى اللى خطبتها ووافقت على مبدايا وان شالله بخطبها رسمى لما انرد الكويت ونتزوج اهناك

خالد : الله يتمم عليكم ان شالله

عبدالله :بس فيه مشكله امى

خالد :اشفيها

عبدالله :امى مو راضيه قالت لى انها بتخطبها لاكن مهى راضيه عن هالزواج

خالد :ليش عاد

عبدالله : اتعرف لاانها مطلقه وعندها .......وقاطعه خالد

عبدالله انت مقتنع فيها ومتاكدمن اخلاقها توكل علا الله واخذها وامك لاشافت انك مرتاح منها ومريحتك بتحبها

عبدالله : الله كريم

خالد : عبدالله انت لا تغلط غلطتى

عبدالله : لاء انا اعرف امى راح اتحبها لما اتعرفها .............خلك منى الحين انت ليش ما تتصل عليها وتحاول

اتحدد معها موعد وتشرح لها فيه مو قفك اعتقد بعد هالوقت انها ممكن تسمع لك

خالد : اتمنى هالشى والله ينى رايك ادق عليها ولا ادز مسج

عبدالله : دق عليها

اخذ خالد التلفون ودق عليها وهو متوتر لاكن الجهاز مغلق وكرر الاتصار ما كو فايده

الطاهر مالى نصيب اكلمها يا عبدالله

عبدالله : الجهاز مغلق واكيد راح تفتحه شنو المشكله



خالد : انا خايف اتكون مثل ما قلت متزوجه ولا مرتبطه مع انى متاك انها كانت اتحبنى

عبدالله : انت لازم اتحط هالاحتمالات براسك شان ما تنصدم لو كان صحيح وبعدين انت لاتمنى نفسك حيل انها

ما زالت اتحبك ابصراحه ومن دون زعل انا اشك بهالشى بعد اللى سويته فيها

خالد : انت لازم اتضبق خلقى

عبدالله :لاانى ما ابيك تنصدم

خالد :لاتحاتى خلاص حطيت احتمالاتى وخلصت ان كانت متزوجه بطلقها من زوجها وان كانت مخطوبه بفك

خطبتها وان كانت اتحب احد غيرى بنسفه لاانها بختصار ى انا مستحيل اخليها اتضيع من ايدى مره ثانيه

عبدالله :والله منت صاحى اشك بعقليتك انت خلاص بيسمونك مجنون .......الا صج اهى شسمها


ولا يق تلفون عبدالله وكانت ملاك

عبدالله : هلا والله ما بغينى نسمع صوتج انا لو ادرى ان خطبتى لج بتحرمنى من سماع صوتج كان اجلتها وخليتها خطبه وزواج بيوم واحد

ملاك : لا ما يحتاج هذا انا اتصلت عليك وباذيك كل يوم

عبدالله :اللله هذى احلى اذيه بحياتى ابى اتكثرين من اذيتج لى

ملاك : وهى تضحك اتصدق كنت بتنسينى اللى انا داقه علشانه

عبدالله :امرى

ملاك : مايامر عليك ظالم ......بس ابى منك الكتاب اللى قلتلى عليه ذاك اليوم

عبدالله : بس غاليه والطلب رخيص باجر يكون عندج

ملاك : مشكور عبدالله

عبدالله ذذذذذذاب من صوتها وما وده انها اتسكره .........مايحتاج تشكرينى

ملاك : ان ماشكرتك منو اشكر

عبدالله : وهو مستمتع بصوتها وكلامها خلاص حبيبتى باجر الساعه تسعه اشوفج عند الكفتيريا

ملاك : عندك امتحان

عبدالله : لاء بخلص اوراق التخرج الفال لج

ملاك :مبروك مقدما وهذى اللى صج يبيلها حفله انت تستاهل كل خير يا عبدالله

عبدالله :مشكوره والله يبارك لج




سكر عبدالله من ملاك اللى وصلها مسج برقم خالد وانه متصل فيها اكثر من مره فردت واغلقت الجهاز مره

ثانيه






اليوم الثانى وملاك الجامعه



عبدالله و خالد يشربون قهوه

عبدالله وهو كا اشوى يشوف الساعه

خالد :يبه هيه اركد تو الناس الساعه ما اوصلت 9

عبدالله :انحرج عاد شسوى لاتلومنى صارلى كم يوم ما شفتها

خالد : صبرت كم يوم منت صابر نص ساعه

عبدالله : انا غلطان اللى اخذتك وياي جان الحين قاعد اترقب علا راحتى

خالد :لالالاء تطور خطير وصلت لمرحلت انك مستمتع بترقبك لها

وبعد اكثر من نص ساعه

عبدالله كاهى اوصلت

ملاك شافت عبدالله وبتسمت له من بعيد الابتسامه اللى خدرته .....اما خالد كان منزل راسه

اوصلت ملاك للطاوله وكان خالد معطيها ظهره وعبدالله العكس وتقدمت لين صارت بينهم وخالد علا وضعه

ملاك : صباح الخير عبدالله اسفه علا التاخير بس كان عندى امتحان وما توقعت اتاخر



خالد : انصدم من الصوت ( لاء مستحيييل انا لى متى وانا علا هالحال كل وحده اتخيلها ملاك ) ورفع راسه

وشاف الايد اللى علا الطاوله .........حتى الايد مستحيييل نفس ايد ملاك هذى انس الكريما اللى كنت استمتع

بلمستها ....ورفع راسه اشوى لاكن هالمره شاف وجه عبدالله وهو متيم باللى يكلها ......لاء مستحيل اتكون نفس

ملاك خايف ارفع راسى وتكون ملاك وخايف ارفع راسى وتكون مهى ملاك .......

واخيرا رفع راسه ...........

 
 

 

عرض البوم صور بوح قلم   رد مع اقتباس
قديم 28-07-10, 06:06 PM   المشاركة رقم: 70
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بلازا المنتدى : القصص المكتمله
افتراضي

 

(( ((((الجزء التاسع والاربعون ))))))))














ملاك شافت عبدالله وبتسمت له من بعيد الابتسامه اللى خدرته .....اما خالد كان منزل راسه

ا
وصلت ملاك للطاوله وكان خالد معطيها ظهره وعبدالله العكس وتقدمت لين صارت بينهم وخالد علا وضعه

ملاك : صباح الخير عبدالله اسفه علا التاخير بس كان عندى امتحان وما توقعت اتاخر



خالد : انصدم من الصوت ( لاء مستحيييل انا لى متى وانا علا هالحال كل وحده اتخيلها ملاك ) ورفع راسه

وشاف الايد اللى علا الطاوله .........حتى الايد مستحيييل نفس ايد ملاك هذى انفس الكريما اللى كنت استمتع

بلمستها ....ورفع راسه اشوى لاكن هالمره شاف وجه عبدالله وهو متيم باللى يكلمها ......لاء مستحيل اتكون

نفس

ملاك خايف ارفع راسى وتكون ملاك وخايف ارفع راسى وتكون مهى ملاك .......

واخيرا رفع راسه ...........



وشافها ............ورد بسرعه نزله مره ثانيه وهو يحس بان قلبه بيوقف معقوله ....دورتها بكل مكان اسنييين

مرت وانا اتمنى القاها ....والحين القاها .صدفه لايكون اتخيل ولا هذا حلم ..........بس يوم سمع ضحكتها اللى

تقريبا ما سمعها الا مرات قليله بس مازالت محفوره بذكرته وقلبه وروحه.......ما تحمل ووقف علا طول وهو


يبحلق فيها

عبدالله طبعا كان الثاتى بعالم اخر وهو يتكلم ويضحك مع ملاك ولا حتى انتبه لخالد اللى مصدوم ومبحلق بملاك

اما ملاك فالتفتت بحركه عشوائيه وهى تاخذ الاوراق من عبدالله ....وتلاقه العيون .......................وتلاشت


الابتسامه من وجهها

تخيلوا عاد لما اتكونى هربانه كم سنه من شخص وتلقينه فجاه ما بينج وبنه الا خطوات ....وتخلو شخص صارله

اسنين وهو يدور له شخص غزيز عليه وفجاه يلقاه اقباله . ومن دون عناء ..........


ملاك اجمدت الدموع بعينها وجتاحها شعور بالهرب لاى مكان بعيد عن هالشخص اللى واقف ....وترامت

لذهنها ....جميع الموافق معاه من اهانه من حب من ذل واحداث اخر ليله اخر ليله اخر ليله...تراجعت ملاك

خطوه ورى لين صارت موازيه لعبدالله وكانها تبى تحتمى فيه من هالشخص اللى ما حسسها ناحيته الا بالخوف

والرعب والظلم وجرح كرامتها

ومازال الرعب بداخلها .......لاكن ملاك تماسكت فى اللحظه الاخيره

ملاك : (ملاك تماسكى تماسكى ولاتبينيله ضعفج مره ثانيه ....خلاص مافيه شى يخلينى اخاف منه جدتى وماتت

وطلاق وطلقنى وسمعتى ولوثها ....وهذى فرصتج اتردين له جزء بصيط من اللى سواه فيها )

خالد : وهو يبلع ريقه من التوتر ........ملاك

ملاك من اسمعت صوته امسكت ايد عبدالله وهى ترجف من الخوف ........انصدم عبدالله وهو يلتفت علا ملاك

من حركتها وجراتها وشاللى اربكها لهالدرجه ....ولتفت لخالد اللى وكانه بياكلها بعيونه وفى اعيونه نظره


غريبه ......

عبدالله : خالد انتوا اتعرفون بعض.......

خالد ما رد وكانه يبى يشبع اعيونه العطشانه لها

لاكن ملاك تشجعت ....(هذى فرصتج يا ملاك ) .....اى عبدالله عرفنا بعض لاكن فى ضروف سيئه جدا ...

لاكن اللى ما يعرفه خالد وهى اتقرب اكثر من عبدالله وتمسك بيدها الثانيه ذراع عبدالله ,....اللى مايعرفه انك

خطيبى......

خالد: انتفض ...اولا من حركتها لما امسكت ايد عبدالله وثانيا القمبله اللى فجرتها .......عبدالله ....عبدالله

وملاك ...ولتفت علا عبدالله .....ملاك ما لقيت غير ملاك ......


ملاك : وهى اتزيد العيار له اشوى ....عاد يا سبحان الله كنت اقول لك قبل يوم كنت اتقولى اتزوج غيرك وتفتك

منى اذا تزوجت ابى انت اللى تختار لى الزوج المناسب وما اعتقد فيه انسب ولا احسن من عبدالله ...كانت اتكلم

وهى اتشوف عبدالله

.....لاانها اتخاف من اعيون خالد .....وما تدرى من شنو اللى ايخوفها بنظرته


طبعا عبدالله بدت تتضحله الامور وكانه نايم وصحى وهو يتذكر خال ملاك وخال زوجه خالد اللى طلقها

والظروف اللى متشابه بين الثنتين اللى فى الاصل اهى ملاك اللى اجتمعوا علا حبها ......


عبدالله :خالد انا ما كنت اعرف ان ملا

خالد : قاطعه ...يالنذل ....ما توقعتها منك انت .....وانا اللى كنت اشتكى لك من فرقها اتروح من وراى وتخطبه


ملاك : لحظه انت هيه.... وهى اتاشر بيدها .....اذا فيه احد نذل ودونى بينا فتاكد انه انت ولا عبدالله يسواك بالف

مره ....ولتفتت علا عبدالله ما ادرى اشلون انت مصادقه ..........لاكن اكيد ماعرفته علا حقيقته مثلى ....هذا

انسان قلبه ما يعرف الوفاء ولا يعرف احترام الناس انسان قلبه من حجر

طبعا عبدالله فى موقف لايحسد عليه .....اما خالد حس ولااول مره بحياته انه صغير ومو قادر يرد كل الكلمات

ضاعت واختفت من ذاكرته وترك المكان وراح

عبدالله : وهويناديه ....خالد خالد

ملاك :بعد اتركت المكان وراحت

وعبدالله احتار بين الاثنين وفى النهايه قعد علا الكرسى وحط ايده علا راسه يبى يستوعب اللى صار












ملاك راحت تمشى وهى حاسه بنتصاركبييير ولاول مره اتحس انها اقوى منه وانها اقدرت اترجع ولو جزء

بسيط من اللى سواه فيها .....وفضلت انها ما اترد البيت وتقعد بالحديقه لين تهدى وتستوعب الموقف العنيف اللى

مرت فيه من غير استعداد ......

ملاك : انا عمرى ما جرحه احد ولا حتى حاولت اضايق اى شخص لاكن اللى سويته فينى يا خالد ما ينرد الا

بهالطريقه ......وعبدالله .....معقوله يكون صديقه ....اشلون يكون صديق هالمتوحش ....

ما عليه يا خالد .....بعد اصبر اشوى ما جاك الكف الثانى ......علا قولت ابن افطيس ....صحيح احبك لاكن هذى

جزاتك بعلمك درس يفيدك ويحييك ؟؟؟؟؟

احبك ......ما اعتقد انى مازلت احبك لاكن مانى قادره احب بعد ......

اما عبدالله اكيد بعد موقف اليوم اللى انحط فيه راح يكون له قرار ثانى يا اما انه بيتركنى او بيستعجل زواجنا

اااااه يا عبدالله اشكثر تعبتك معاى وانت ما تستاهل الا كل خيير

اتمنى ان الدرس الصغير اللى شافه اليوم يعلمه ولو جزء بسيط اشلون مشاعر الناس اللى يهينهم ويجرحهم

اتمنى انى قدرت اعكسله شعورى اللى كانت احسه كل ما يهينى اتمنى هالشى اتمنى انقى قدرت اكسر ولو جزء

صغييير من غروره وكبريائه .....لى الحين ما احس انى اشفيت غليلى فيك واستعد للدرس الثانى يا خالد منى

انت اللى حديتنى علا هالشى وانت اللى بديت








خالد: راح لشقت ابوه ما يبى ايشوف احد يحس ان كل هالناس شافته وهو ينهان ويحس انه مخنووق ومو قادر

يتنفس ملاك اتهينى كل هالاهانه وانا اللى ذبحت نفسى وانا ادورها لاكن اكيد ما غيرها الا الشى الكايد اللى

سويته لها ( عرف حجم الجرح والاذى اللى سببه لملاك واشلون تغيرت اميه وثمانيين درجه ملاك مهى ملاك

اللى اعرفها هذى وحده ثانيه ....ملاك ماكانت تقدر ترفع نظرها باحد ولاكانت ترفع صوتها لهالدرجه وهذ كله

منى انا انا اللى سويته مو اشويه قتلتها بمعنى الكلمه ذبحتها وهى حيه لاكن ما توقعت

الجزاء بيكون بهالقسوه ( توالناس )


)وقعد وهو مومستوعب .....ملاك وعبدالله ...حبيبتى واعز صديق ....عبدالله غلاته عندى

حتى اكثر من اخوى فيصل ....تربينا مع بعض وكبرنا معا بعض ودخلنا تخصص واحد مع بعض ....وفى الاخر

نحب وحده مع بعض شهالقدر ما لقى غيرها خلاص خلصو ا نساء العالم كله وما لقى غير ملاك وانا اللى علا

طول اسولف له عنها معقوله ما يدرى معقوله يخطب

وحده حتى ما يعرف منوا كان زوجها ......اذا عبدالله خانى منو اللى راح يوفى بحياتى بعده من راح اثق فيه

بالدنيا بعد ما خانى عبدالله ...( طبعا ملاك خربتها اليوم بينهم عن غير قصد كانت تبى تقهر خالد وما كانت تدرى

ان علاقتهم لهالدرجه يعنى اذبحت خالد من الجهتين خيانه صديقه له واهانتها له )



0 هذى الله انتقم لها منى شر انتقام .....لاكن واللى خلقنى ما راح تاخذ احد

غيرى ( رد طبعا لجنونه لاكن هالمره جنونه فيها )













اما عبدالله : كل هالمده يالغبى ما عرفت انها زوجت خالد ...........كل شى كان اضح جدامك وانت عمى انزين

علا الاقل اسالها منو طليقج خلاص اعماك الحب وما عاد تقدر اتميز ...و.خالد المسكين كان يجى ويشتكى وقعد

يتذكر كل شى وهو يتعذب معقوله ملاك اهى نفسها اللى خالد عذبها معقوله اهى اللى هانها معقوله اشلون

طاوعك قلبك يا خالد اشلون ..... وتذكر كلام خالد وانها كانت اتحبه وهو مو دارى ويزيد من اهانتها وتذكر

وتذكر وتذكر لين حس انه مو قادر ملاك المسكينه اشلون تحملت ...وتذكر موقفها اليوم وهى اتقرب منه ومبين

عليها الخوف حتى وهى اتحاول تخفيى خوفها ........ عوره قلبه عليها حييييل وعوره قلبه علا صديق عمره اللى

تعذب وهو يدورها وفالاخر يلقاها مخطوبه لاعز صديق .....ما الومك يوم قعدت ادورها كل هالسنين ....وانا

اللى كنت اقوله انساها يمكن متزوجه ولا مرتبطه ....وفى الاخر اطلع انا اللى مرتبط فيها ......انا لازم اوجهه

وافهمه سوء التفاهم اللى صار وانى ما كنت اعرف انها اهى نفسها اللى اهو يدورها .....وتذكر ....يعنى بعد ما

يدرى بعياله

خالد ....اهو ابو العيال ااااه يا راسى الله يعينك يا خالد علا اللى جاك واللى بيجيك .............



ردت ملاك لشقتها .....

فاطمه : ملاك وين كنتى تاخرتى ....؟ وليش ما اتردين على ؟؟

ملاك : وهى ا تاشر بيدها اشوى اشوى خالتى على راح اقولج بس ابى تحظنينى لصدرج حييييل لين يروح كل

الخوف اللى فينى واقدر اتكلم


فاطمه : وفز علا طول وهى اتحظن ملاك .....ملاك اسمالله عليج حبيبتى شصاير لج اشفيج قولى لى تحجى فيه

احد ماذيج

ملاك : خالتى شفته شفته اليوم

فاطمه : منو اللى شفتيه

ملاك : خالتى شكله صوته طوله اعيونه كلها مثل ما تركته

فاطمه : وهى تبعد ملاك عنها .......خالد

ملاك : هزت راسها ...اى خالد

فاطمه :عسى ما اذاج ولا قالج شى فهمينى شاللى صار وين لقيتيه ؟؟

ملاك : خالتى ما ادرى شقولج لاكن اعتقد اليوم انه اخذ له درس لاينسى

فاطمه : عرف بالعيال

ملاك : لاء بس اكيد راح يعرف عن قريب

فاطمه : يعنى اهو صاحب المسجات اللى كانت ماذيتج من جم يوم

ملاك : هاه ما ادرى يمكن

فاطمه : والله وطلعت مظلوم يا يوسف .....انزين الحين ابى اتفهمينى بالتفيصل شللى صار واشلون شفتيه


قالت ملاك لخالتها كل شى بالتفصيل الممل

فاطمه وهى اتحط ايدها علا راسها .....عبدالله رفيج خالد وانتى زوجت خالد وخطيبه عبدالله ....لاحول ولا قوة

الا بالله


والحين شبتسوين

ملاك : ما ادرى هالشى بايد عبدالله

فاطمه : وعبدالله شنو ردت فعله

ملاك : مصدوم ما ادرى انا رحت وتركته .....راح اتصل عليه بعدين واساله اذا كان منحرج انا احله من الاتفاق

واذا كان مصمم انا بعد ما ابى اخلى مجال لخالد انه يضايقنى كل اشوى

فاطمه : لاء فلم هندى اللى صار اليوم

ملاك : حتى انا يا خالتى احس بشى غريب والاحداث مرت ابسرعه ...

فاطمه : اول مره يكسر خاطرى خالد صج ....لما كان يدورج من مكان لى مكان كان يكسر خاطرى لاكن لما

اتذكر اللى سواه فيج اقول خله يتادب لاكن هالموقف صج كسر خاطرى


ملاك : لاء ما يكسر الخاطر وانا متاكده انه يستعد لالرد على بطريقه اكبر لاكن انا راح اكسره بعياله واصدمه لو

تدرين اشكثر يحب العيال


فاطمه :ملاك حرام عليج ما خبرتج جذيه قاسيه لهالدرجه حرام اللى اتسوينه فيه خلاص ملاك انتى تغيرتى

لدرجه اتخوف منتى ملاك صرتى قاسيه بشكل فضيع وانا خايفه عليج من هالشى لاتضرين نفسج وين قلبج

الحنون وين طيبتج وين ملاك اللى ما تتحمل اتشوف اى شخص حتى لو ما اتعرفه يتاذى وما تبجى انتى صرتى

وحده ثانيه



ملاك : خالتى انتى ما تدرين اشسوى فينى وهذا انتى قلتيها انا ملاك الطيبه الحنونه صار فينى جذيه يعنى لو اللى

صارلى صار لاى وحده ثانيه كان ما كفاها ذبحه ....خالتى انا عطيته واهو منعنى انا حبيته واهو كرهنى خالتى

اللى شفته منه خلانى اتلذذ باذيته استمتع وانا اشوفه ينهان اتشوق لشوفت الجرح بعيونه ......... تخبلى يا خالتى لما

اتكونين عروس وتنهانين بليلت عرسج وتقضين طول الليل بفستان العرس حتى ما اقدر اغير .... تخيلى وانتى

بشهر العسل تقعدين بشقه جم اسبوع ابروحج واهو مع وحده وجدام عينى يلمها ويحضنها ويبوسها وما صار

لزواجنا ساعات تخيلى لما شخص ينفر منج بشكل مقزز وكانج حشره وانتى اتذوبين بحبه تخيلى وانا ما صارلى

وقت معاه يخلينى اروح واعتذر لزوجته وحبيبته وامها ببيتهم وانهان لها واهى اللى غلطانه وكل هذى تحملته


عشان جدتى وخوفى عليها وفى الحقيقه عشان حبى له تخيلى وانتى ما صار لزواجج اسابيع يتركج ويسافر


شهرين والناس

كلها تتكلم انه هرب منى وما يبينى وانه وانه تخيلى لما اتحاولين اتغيرين من نفسج ولبسج وشكلج عشان تعجبينه

وبعد كل هذا ما يعبرج .... تخيلى يا خالتى تخيلى لما تقضين الليالى ابروحج فى بيت غريب وفى الظلما وانا

مثل ما اتعرفين اخاف من الظلما تخيلى اشكثر تحملت وصبرت ....تخيلى انى حتى كنت محرومه انى حتى ابتسم

بوجوده كنت اخاف فى كل اللحظات كنت اعاقب علا اشياء انا مالى ذنب فيها كنت اصبر ووتخيلى ان زوجج

يتزوج عليج ويا خذ الانسانه اللى يحبها قلبه وتخيلى الشعور لما اتخيله معاها وانه يضحك لها ويسولف معاها

ويتقرب منها وينام بحضنها ...وكنت ا اموتتتت الف مره ومره وانا اتخيله معاها واهو كارهنى وانا احبه

و

اضغط علا عمرى وانا اشوفه كل يوم يدخل وهو ماله خلقى ومنغث من شوفتى وانا اموت علا انى اللمح لو


طرف ثوبه احبه يا خالتى احبه وما عمرى حبيت غيره ووجرحنى جرحنى وانا ماعمرى انجرحت من احد كثره مانى

انجرحت منه


ه ومانى عارفه اشلون صاير قلبى علا كثر ما اذاه مازالت احبه لاكن مستحيل اذل نفسى له مره ثانيه


مستحيل خلاص ملاك القديمه ماتت وراحت من اخر ليله قضيتها معاه ...اقصد انقتلت فيها معاه تحمل قلبى


اشياء عمر ما يقدر تحملها قلب انسان كل هذا عشان الحب وحب من طرف واحد وعقب كل هذا اتقولين من وين


جبتى هالقسوه انا اصلا احمد ربى انى ما زلت عايشه خالد ذبحنى بمعنى الكلمه بعد اتهامه لى ومعاملته وكانى

جاريه واليوم اللى عاملنى فيه كاى زوجين كان مجرد اختبار ويبى يتاكد انه محد مس هاللوحه الصامته اللى

ماعندها مشاعر ولا احاسيس ... اللى عنده يعنى مو حبا فينى ولا حتى رغبه لقربى مجرد انه كان يبى يتاكد من

شى حتى الطريقه اللى اختارها كانت طريقه وحشيه وكانه وحش هايج وانقض علا فريسته وقطعها اشلاء كل

هذا جاء وصارلى من اعز انسان من الانسان اللى ما حبيت كثره بالدنيا حبيته اكثر من نفسى اكثر من كرامتى

اكثر من اى شى عرفته بحياتى ....وبعدين لاعت جبده منى وما قدر يضغط علا نفسه اكثر وقال خلينى اطلقها

وافتك ......ااااه يا خالتى اللى شفته من حبى له والعقاب اللى انلته علا هالحب موت الحنان وكل شى حلو فينى


بعد هذا كله تبين ارد ملاك القديمه .....لاكن علا قولت ام كلثوم ........(عوزنا نرجع زى زما قول لزمان ارجع

يا زمان)

والزمن مستحيل يرجع مهما صار


فاطمه : وهى اتمسح ادموعها كل هذا يا ملاك كل هذا حاطته ابقلبج وساكته لاكن ماراح اقولج الا الله يعوض قلبج


ملاك : الله يخليلى اعيالى وبس ما ابى اى شى ثانى

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
بعلمك درس يفيدك ويحييك, قصة, قصة سعودية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:41 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية