كاتب الموضوع :
cloud2009
المنتدى :
القصص المكتمله
البارت الحـادي والثلاثون ..
نزعل .. ونتكبّــر ... وحنا .. من الطيـــن ......
والكل .. منا .... صــــدّ .... لا .. أقبل ...... خويّــه ....!!
نفخر .. نقول ... إنا ... على الصد .. قاوين ....
وهــــيّ .. علينا .... في الحقيقـــــة ........ قــــويه ......!!
نشفق على الطيبة ... و كسب ... الكريمين..
وهذي بنا ...؟؟ .. لاشك.... فعــــلة.... رديـــــــــه .....!!
ننسى نهايتنا .. وعلى .. وين .. ماشيــــن ......
وننسى الزمان ... اللي ... جمعنا ........ ســـــــويه .....!!
//
في المستشفى الصبح بعد ما وصل الخبر للجميع راشد وفاطمه مرته وأمه هيا وابوه ابراهيم
العائله الكريمه هههه جت فوزيه مع السواق الصباح ومعها فاتن ومشاعل وعبودي ماجا لأن مها معيه عليه تقول بنروح مع بعض العصر وهو اللي تقوله مها هو عين الصوواااب والحق >أمحق حق تعرفه ! ومها تفرفر ودها تجي بس عندها أمتحان وحلفت عليها فوزيه تروح المدرسه وتزورها العصر الغرفه تجنن من الطالع والداخل منـى مستانسه عليهم مع أنها تعبانه بس وجودهم عندها يدعمها نفسياً
منى: وين عبودي أجل ؟؟
مشاعل: كان بيجي معنا بس عيت عليه مها تقول تروح معي العصر وتعرفين ولدك عاد ومها !
منى: هههه لاعبتن عليه والله ..
فاطمه: خله يوسع صدرها ..
فوزيه: إي يوسع صدرها طالع كنه ربعية عندها !!!
مشاعل: المشكله أنها رايحه المدرسه ومخليتــه ..
منى: أجل من قعد عنده ؟
فوزيه: مخليته مع الشغالات ويوم نطلع وهو نايم ..
هيـا متحمسه تبي تشوف البنت : أجل ماجبوها لتس تشوفينها لين اللحين ؟؟؟
منى : لا يمه ما أقدر عليها تعبانه والله ..
هيا: هوو جيبيها شوفيها رضعيها يامال العافيه تذبينها على ذا الكفار ..
ابراهيم : وش كفاره ؟؟ اللحين هم اللي قايمين ببزران العالم ! تقولين كفـار ؟؟
هيا: وإذا صاروا قايمين ببزران العالم نخليهم يقومون ببزرانا أفآ يا ذا العلم ...! ماعاد إلاهي ,
فاتن: لا تقعدون تتطاقون اللحين بقولهم يجيبونه ..
مشاعل: خذيني بروح معك يدننون في الحضانه يفتحون النفس ..
فاتن: هههه يالله ...
راشد بلهجه أمره : عن الدوره قولوا لهم وتعالوا ..
..: إن شاء الله ...
فوزيه: هههه ياحبي لها تهبــل نسخه من أمها الله يخليها لها ...
ابراهيم : وش سميتوها ؟؟؟
فوزيه: الشور شور أمها ..
منى ترفع راسها لفوزيه : وأنا بسميها عليك يا أم محمد ..!
فوزيه بروعه تشهق : هئ علــي لاااا والله من زين أسمــي تسمينها علي لا والله لا تسمينها
تراني متعقده منه تعقدين بنت ولدي بعد ..
هيا: هوو ووش فيه فووزيه وش زينـه ؟؟
فوزيه: مــره يمـه وش زينـه والله أنه لو يتغير غيرته ..
راشد: يوم شاااب ودوه الكتــاب ..؟؟
فاطمه : ههههه لا عاد توتس شباب أذبحي ذبيحه وغيريه ...
فوزيه: لا والله ماعدنا شباب وأنا وحده أخاف على مستقبل بنت ولدي لا تسمينها علي وأنا عمتك ..
فاطمه : ولا علي الناس تطوروا بالأسماء وإنا مغير فاطمه وفوزيه ونوره ومنيره ...
ابراهيم : والله معد به بنـي وش تبون تسمونها أجل ؟؟ ...
راشد بحسم لهالموضوع العادي في نظره : يسمونها أهلها ,,,, (يعني خلاص أبو محمد يسميها )!!
ابراهيم: هذا الرأي السنع ..
دخلت عليهم فاتن وهي تدف سرير الصغيره ومنى تستقعد لها وعبرتها تتجمع في عينها
"" محمد:هههههه تدرين ودي ببنت ؟؟!
منى: لييييه ؟؟؟؟>>>>مع أنها تدري فيه يموت على العيال غريبه !
محمد: ودي بوحده وتجي تشبهك طبق الأصل ؟؟!
منى :ههههههه ليه يعني عشان تكمل المسيــره ! ""
صحتها أمها وهي تمد الصغيره لها :سمــي ...
شالتها منى وهي تحس أنها لأول مره تحمل طفل لمحمد بنت تشبه القمر نسخه مصغره من أمها
إلا كربـــون مقعد اللهم الخشم خشم محمد ورسمة الحاجب ,,
مشاعل: واااو ياااناااس تدنن ..
منى تضحك بدموع: ههههه تشبهني صح ..؟؟
فاتن: إلا نسخه ثااانيه كربون ..
مشاعل خنقتها العبره وهي تمدها لفاتن وتمشي بسرعه للحمام اللي في غرفة منى
فوزيه: مشاااعل ،
مشاعل قالت بدون لا تلف : بروح الحمام !!!!!
أبراهيم هز راسه بأسف عطووهـ البنت يشوفها ومسكها وأذن بأذنها بطلب من منى همن خذاها راشد
وبعد فاطمه وفوزيه
اللي مانزلتها من يدها برغم جو الفرح واستقبال هالطفله هالرحمه هالفرحـه إلا أن الحـزن يسيطر على الوضع خصوصاً وهم يشوفونها يتيمه من قبل ما تطلع على الدنيـا بنت بتنحرم من أبــوها قبل لا تعيش وقبل لاتشوفه فوزيه مسكتها وقعدت بها على طرف سرير منى بحيث أنها تسمح لمنى
تتأملها وهي في حضنها والجميع ملتم حولهم ...
مشاعل في الحمام صاااحت لين قالت بس موب متخليه للحيــن أنها ماعاهيب شايفه محمد ماعاد هيب
متطاقه معه مهد هوب مهددها إذا جتني بنت بلعب بها وأنتي بزوجك وأفتك زفرة آهـ وهي تغسل وجهها
بالمـــويه البااارده رغم برودة الجووو وتوها طالعه من الحمام إلا الباب
يندق وتنحنح أبو محمد تغطت فاطمه وفتحت له مشاعل عرفت صوت أبوها له مشاعل
قبت منه شاف اللمحه اللي في عيونها ضمها لجنبه يمكن يبي يقويها وهي ما عارضت كانت ممكن
تبدأ صيآآآح من جديد بس رخت راسها على صدر أبوها ودخلوا ، وأبو محمد
يدنق على رأس خاله ابراهيم بعدت عنه مشاعل شوي واجه راشد بـ رسميه ولف على منى وعيونـه
على البنت اللي في حضن فوزيه ..
ابو محمد: مبـــروووك ما جبتي يا أم عبد الله ...
منى : الله يبـارك فيـك ياربي ...
ابو محمد يقرب من فوزيه: ورينا بنيتنا ..
ابراهيم: ياجعلها تتربى بعزك يا أبوك ..
أبو محمد : آمييين في عزكم وفي عز أهلها ...
فوزيه: ترى منى معيه تسميها تقول سمها أنت ..
ابو محمد : أنـا .؟؟
مشاعل تنزل جوالها من أذنها : منى مشعل يبي يسلم عليك ...!
طق الباب دخل مشعل وهو واقف عند الباب يعني يسمع أصواتهم ويسمعونه بدون لا يشوفهم ولا يشوفونه ...
مشعل: مبروك ما جبتي يا أم عبد الله ...
منى : الله يبـارك فيك ...
مشعل: عطوناها عاد نشوفها ..
محمد يعطي البنت فوزيه اللي تقوم عشان توريها ولدها ومشاعل تلحقها ...
وابو محمد يوقف على راس منى ومنى مستحيه منه ..
أبو محمد: وش تبين أسميها وأنا أبوك ؟؟؟...
منى : اللي تبي ياخالي ..
مشاعل من برى وهي واقفه عند مشعل : سمووها مشاااعل والله أن تطلع تهبل ..
مشعل: من زين أسمك نسميها مشاعل لامافيه /طول صوته/ عااادي أسميها يابنت الخااال ؟؟؟؟؟
راشد منقهر من موانة مشعل خييير ومشعل ماعنده بأكبـر رأس ومنى عادي عندها من حياة محمد وهو يحاكيها عادي وباحترام ...
فوزيه بصوت واطي : عنبوك أستح على وجهك !
مشعل بنفس الصوت : عااادي بنت أخوي ..
طلع صوت منى : الله من عطاك الأسم .....!
مشعل : اممم يالله وش نسميها ..؟؟
مشاعل: أمــانه سمها مشاااعل والله بتطلع تهبل خلها تكمل مسيرتي من بعدي !
مشعل: إي مشاعل إلا بيخرب مستقبلها ...
مشاعل: من زين أسمك عاد ..
مشعل: اششش بنسوي تصويت .. يبه وش رأيك وش نسمييها ..؟؟
ابو محمد : الله من عطاك الأسم من أمها ..
مشعل: ابوي ابراهيم هاا ما تبي نسميها هياء ولاشي لا تستحي ترى عااادي ..؟
ابراهيم : ماااسميتها إلا (هيـــاء) قلت الأســـامي يابوك !!!
هيا: ووش فيه هـيــا يومنه موب عاجبك ماكنك اللي تهذري به ما أبي إلا هياء ولانيب ماخذ إلا هياء ..
ابراهيم: كنت سفيـــه !!!!
ضحكوا كلهم عليه ومشعل يفك الطقاق ..
مشعل: ابوي ابراهيم وامي هياء يستبعدون من قائمـة التصويت لتعديهم على القوانين هههه خالي راشد وش رايك ؟؟
راشد: أنتوا أهلها وبسلامتكم !
مشعل: وخالتي فاطمـه ...
فاطمه : اللي تبي وأنا أمك ..
مشعل: بس خلصتوا والله حيرتوني ...؟
مشاعل: أنا ما أخذت رايي ؟
مشعل: أنتي لو تموتين ما سميتها عليك يا (كل وحـدة بأسمها معجبه ) !!
مشاعل: ياااحبي لأسمي بس ..!
مشعل: أسمك ما أشتق إلا من أسمي ..
ابو محمد: أخلصوا و سموا البنت خلنا نخلص أوراقها ...
مشعل بجراءة الدنيـا : ايــه لقيتـه خــلاص بسميها "نـــــدى" !!!!! >>أصلا الأخ مسوي كل هالدوره عشان يقول هالكلمه قالك مستحي بس الحيا وين وهو وين !<<
مشاعل ودها تصفقه قليل الأدب الخايس اللي مايستحي ساعه أطره يسميها مشاعل معيي واللحين ندى / فاتن تقول في نفسها ياحظك يا ندى ومنى ابتسمت لأنها تدري بمكانة هالأسم في نفس مشعل والكل أعتبره أسم عابر إلا فوزيه اللي ما عجبها هالوضـع ..
منى :على بركة الله ...
ابو محمد يكلم مشعل : أطلع كمل أوراقها وإذا احتاجوني بشي نادني ...
مشعل فرحااان إلا الدنيااا موب واسعته من الفرحه لأنها سماها ندى ومشاعل مولعه ودها تكلم ندى وتهزئها ما تدري ليه هههههههه حمد الله والشكر ذا النـاس غيـــره ياختي الله من عطاه الأسم
والله اللي رزقها ..!
طلع مشعل ونفذ كلام أبـوه والجميع مجتمع على قهوة الصبـح حول منـى إلا وحده تزبد وترعد بعيد ...
//
: آآآه بس ..
نجد: طيب خلاص بتشوفينها العصـر ليش تضيقين صدرك ...
مها: خلااااص راحت بزتها كان ودي أووول وحده أشوفها بس سحبوا علي والله مالقاها إلا مشيعل
اللي عندهم اللحين لا شغل ولا مشغله ...
نجد: ليــه والجامعه ؟؟؟
مها بقهر : تدرس برى وعشان عطلة الكريسميس جايه هنا وسكتت شوي ، إلا عشان محمد توفى !
>>قالتها وهي تنزل راسها وتلعب بيدها ما تبي تبين عيونها " بتتيتم بنتك يا محمد وهي ما شافت الدنيا "!
نجد بصدمــه : أختك تدري بــرى ...؟؟
مها : ايه ، في لنــدن !
نجد: توني أدري والله ماشاء الله عليها خلاص عااد يابنت الحلال هونيها وتهووون فكي هالكشره وامسحي
دموعك مفروض تفرحين أنك صرتي عمه لبنووته ،
مها ترفع راسها بجاجب مرفوع: وش دمعتــه أنتي ..؟ >>>>>>>>> تمووت ولا أحد يدري ..!
نجد: موب غبيه أنا نجد يا مها واللي فقدتيـه موب بسيط الله يسكنــه فسيح جناته ذايقه حزن أبوي وأمي
رغم أني كنت صغيره بس طعم الفقد مـــر ،
مها تغير السالفه: الله يرحمهم وأخبااارك بعد وربي أني منقهررره أووف بس ليش يروحون وأنا لا =(
نجد: ههههههههه مهاااا خلااااص وجع ، فاااتك ماقلت لك شغالتنا وش مسويه ؟؟؟
مها: وشوو بعد أنتوا أفلام هنـديه مع ذا الشغالات ..!
نجد: هههههه اسكتي بس فلم هندي وبطولة سلمان خان بعد ههههههههه سلمان أخوي تخيلي .؟
مها: وش دخل أخوك في الشغاله ..؟؟
نجد: تخيلي هي رايحه فيها من جبناها وهي مااش وهذاك اليوم نايمين كلنا يوم الخميس اللي راح الصباح و سلمان مانام بعد صلاة الفجـر قاعد يمشي في السور قالك رياضه..
مها: مايمديني على الريــاضي ..؟
نجد: هههه مسوي فيها يعني أني يقول مادريت إلا هاللي وراي وفالة الشعر وذيك الابتسامه اللي
تحوم الكبد قالك اللحين أغراء ..!
مها: بــــنــــت الــــكــــلــــــب !!!!
نجد: شفتي تخيلي مالقت أحد إلا سلمان أخووي !
مها: طيب وش سوى ..؟؟
نجد: لا يعجبك أخــوي زقرت صرخ عليها وهزأها وأمي حصه ماقصرت وكملت الباقي والعصر رجعناها المكتب بس لو تشوفينها وشلون تناظره بحقد هههههه يروح اللحين صار هو اللي يحرص على أخلاقهم أكثر من أمي حصه ...
مها: ههههههه المؤمن لا يلدغ من جحر مرتين ..
نجد: ايه والله أنك قلتيها .....
مها: ياعمـري عبوودي معيته يروح لأمــه ..
نجد: نعـــم ؟؟؟؟؟؟
مها: معيه عليه يروح لأمه !!!
نجد: والله أنك مجرمه وش دخلك فيه ..؟؟؟؟
مها: كذا أنا ما نيب رايحه ولد أخــوي تبعي ..
نجد: والله أنه معطيك وجـه ..
مها: هههههه أسكتي بس يسمع كلامي أكثر من أمــه أنا قدوته في الحيــاة مها عنده شي مستحيل يصدق إي شي ينقاال عني ههههه وأحلى شي يصدق كل شي أقوله ..
نجد: عز الله أنحرف !
مها: نعــم ..؟؟؟
نجد: أقووول ونعم القدوه ...
مها:والله وده يروح بس قلت له لاتروح وقعدت أقردنه وعلى طول وافق ..
نجد: مجرمــه كان خليتيه يروح لأمـه يا أختي ..
مها: أمـه ميب طايره .. كنهم تأخروا الخايسات ..؟؟؟
نجد: زحمـه مررره عند المقصف !
مها: وماراح إلا سندريلا بتصفر اللحين ماجو ..
نجد: عادي تعودنا ياختي ...
//
بعـد الظهر الكل انصرف لمشاغله لأن وقت الزيــاره انتهى على أمل أن يلتقون العصر إلا فاتن اللي
قعدت عند أختها لين زيارة العصــر ...
فاتن :معجبك الأسم ..؟؟؟
منى تتحرك بصعوبه : عااادي كله واحد ...
فاتن: كان سميتيها أنتــي ..
منى: ياختي عادي هم أهلها وحرين بأسمها !
فاتن: بس أنتي بعد أمها ..؟
منى ساكته ماتبي تصييح خلاص دموووع عيالها محتاجين قوتها مووب دموعها ،...
فاتن: ماكنت أتخيلك بهالسلبيه يامنى ....!!!
منى بحزن ودمعه عابره : موب سلبيه بس مافي شي بعـده يهمني يسوون اللي يبوون !!!
فاتن: بس هذولي عيــالك وصاته لك مايهمونك منى لاتخلين فقدك له يأثر على أشيـاء مهمه في حياتك تقدرين بها تعدين هالمرحله وبسهوله ..
منى: ماله داعي تكبرين السالفه ترى كله أسم ...
فاتن: حتى لو أسم تدرين ليه سماها ندى ..؟!
منى بملل: أدري ...
فاتن سكتت : اممم تدرين أنه متبرعلك بالدم ...؟!
منى منصدمه وتطالعها بصدمــه : متبرع لــــي أنـــا ؟؟؟؟؟؟؟
فاتن: ايــه أمس طول الليل فصيلة دمك نادره حتى ببنك الدم هنـا وصعب يطلبونها من مستشفى ثاني لأن
الوقت حرج فكان هو المنقذ الوحيد لك ...
منى تمسك ذراعها بقوووه وتمسدها وهي تهمس : لآآآآ......حولت هالحوار بينها وبين نفسها وبين روحها اللي غابت
" لااا مستحيل ، شفت يامحمد دم أخــوك يمشي في جسمـي هئ هئ ليــه ؟؟ وينــك تتبرع لي زي
ولادة عبودي وينك تتبرع لي بروحك قبل دمك على قولتك اللحيــن هئ يتبرع لي أخووك دخل جسمي دم غير دمك يامحمد غيــر دمـك !!! "
فاتن خايفه من سرحانها توقعتها صدمه ماتدري أنها صدمة ذات إن صح التعبير ..
فاتن: منى وش فيك ؟؟؟
منى: ومتحسفه عليـه باسم ..؟؟
فاتن: ما اتحسفت عليه حلاله بس ما أبيك تكونين بهالسلبيه يعني لو قالوا نبي عيالنا بنربيهم بتتركينهم ...؟؟
منى : لااااا مستحيل اترك عيااالي هم اللي باقي لي في هالدنيـا هم ريحته هم أمانته ووصاتـه والله لو على موتي مايفرقنـي عنهم إلا المـــوت ...!!!
فاتن مبتسمه: أبيك كذا قووويــه .. قطعهم صوت الجوال شالته فاتن وناولته منى ..
فاتن: منيره ..
ردت عليها وهي جد تعبانه من العمليه والحوسه والبلا الأعظم الولاده ..
منى : هلا والله ..
منيره: أهليين مبروووك ما جبتي وحمد الله على سلامتك ...
منى : الله يبارك فيك ويسلمك ياربي ..
منيره : ها وش أخبارك عسى ما تعبتي ..؟
منى : إلا مت وحييت بس الحمد الله على كل حال ..
منيره : الحمد الله ومن تشبه له الصغنونه ..؟؟
منى : هههه تشبه لي ..
منيره: ههه صدق تتربى بعزك ياربـي ها وش سميتوها .؟؟؟
منى : ندى !!!
منيره: نـــــدى ؟؟؟؟
منى يالله تاخذ نفس : ايه ندى ..!
منيره: شكلك تعبانه ...
منى: والله أني مره بعد العمليه منهده كني طايحه من جبل ..
منيره : الله يعينك والله أجـل ما أطول عليك بمرك العصـر إن شاء الله ..
منى : الله يحييك مع السلامه ...
منيره: هلا والله ..
//
سكرت منيره السماعه وفي يدها الجوال ومتردده أدق عليـه وإلا ما أدق أكييد درى بس خالتي ما اتوقع درت يمكن أحد قاله ياختي أنتي مرته دقي وقولي له استجمعت قواها ودقت على رقمه رنه رنتين ثلاث وضربات قلبها تتزايد تلقائياً ألين قال :ألووو
تنحنحت عشان يطلع صوت بالطقااااق : هلا ...
فهد: أهلــــــــي فيهم شي ؟؟؟
منيره : لا بس اممم ........... >>كرهت هالتردد ...
وفهد ساكت يبي يشوف أخرتها معها مرت تقريباً دقيقه وهم على هالحـال بدون ولا كلمه بس أصوات أنفاسهم المضطربه متحكمه في جو المكالمه ...
قرر يقطع هالصمت ...
فهد: عندك شي وإلا أسكر ..؟؟؟
منيره كرة نفسها : لا بس داقه أقولك منى جابت بنت !
فهد بفرحه وصوت عالي: جااااااااااااااااابت بــــــــــــنـــــــــــت ....؟؟؟؟؟؟؟؟
منيره مبتسمه على فرحته : ايه جابت بنت أمس بالليل ولدت في مستشفى "......" وأبي أزورها العصر ..
عــادي ...؟؟؟؟
فهد: نزورها لييش مانزورها وفي أغلى من بنت الغااالي مانزورها /صرخ فجـأه متحمس /
؛ لييييت عنــــدي ولــــد ؟
منيره وجهها أحمر كنه يشوفها بس تشجعت تسأله : ليه ؟
فهد:كان والله لأخذها لولـــدي من اليــوم ولا أحد يأخـذهــا غيـــره ..!
منيره ضحكت: ههه على كيفك وأهلها ..؟
فهد: على سنة الله ورسوله ..
منيره: لا والله خذها أنت أجل !!!!!! >>>ماتدري وشلووون طلعت هالكلمه كانت شوي وهئ هئ هئ هئ
فهد مبتسم: مايجوز الجمع بين البنت وخالتها !!! وإلا كان خذتها ..!
منيره ساكتـه وفهد وده يضحك الحمد الله والشكـر بس ترمي الكلمه وهي ميب قدها ..
فهد: تبين شي ؟؟
منيره: أبي أروح المستشفى العصر..
فهد: خلاص إن شاء الله يالله مع السلامه ..
منيره : مع السلامه ... >>ماتدري ليه سكرت السماعه وهي معتبرتها خطوه حلووه ولادة هالبنت يمكن يلهى الجميع فيها وأولهم فهد ...
//
على بعد غرفتين ...
:قووولي والله ؟؟؟؟؟؟؟؟؟؟؟؟
مشاعل بضيق تحاول تخفيه بهالمكالمه : والله العظيم طـــيـــب استانسي ووسعي الصدر ...
ندى : كذااااااااااااااااااابـه لا لاااا وربي ما أصدق ههههههههه في بنت باسمي ..؟ههههه
مشاعل: خيييير أرض كاتبينها باسمك ؟؟؟
ندى : ههههههههههههه والله من الغيـــــره يااااحبي لمنى بسسس وربي عندها ذوووووق فديت ندوووش أنا ...
مشاعل بقهر: موب هي اللي مسميتها !
ندى : أجـــل مـــن ؟؟ من تكفييين خلني أحب رااااسه ؟؟!
مشاعل : متأكده ؟؟؟
ندى : قووولي عاد من والله؟؟ وناااااسه هههه في ندى جديده في العايله هذي بتصيير ماااركه بربيها على يدي ..
مشاعل: لييش منطولة لك ..؟
ندى : ياختي وش فيك علي ...؟؟ من اللي مسميها أمـــانه ..؟؟
مشاعل: مشعل !!!!
ندى انطمت كأن أحد معطيها كف حااار على وجهها ...
ندى : هاااااه ..؟
مشاعل: من قال هاه سمـع مشيعل الخااايس مسميها ...
ندى : أحـــلـــفــــي ...
مشاعل: بكذب عليك يعني والله أنه هو اللي مسميها على ست الحسن والجماااال !
ندى : لاااااااااااااااااااااااااااا
مشاعل: وجـــــع فقعتي أذنــــي ...
ندى : هههههههههههههههههههههههههههه والله أنه سخييف خيير إن شاء الله ما لقى إلا اسم ندى ..؟؟
مشاعل: وين اللي بتحب راسه عشاانه مسميها ندى ..؟!
ندى : هههههههههه لاهونت من تشبه له ..؟؟؟؟
مشاعل: نسخـــه ثاااانيه من منـى ..
ندى : حسااافه ليتها تشبه لي .!!!!!!!
مشاعل: تلاحظين أنك قاااطه بقوووه ..؟
ندى : هههههه مشكلتكم عاد سميتوا علي لااازم تطلع نسخه ثانيه ندوش عشان تكمل المسيره من بعدي ..
مشاعل: عز الله خرب كلش ..
ندى : ههههههههههه وجع عاد والله حليوه ومؤدبــه وحبوبه وعســل ووو ....
مشاعل: بس تكفين مرررررره ...!
ندى : ههههه متى بتمشين ..؟؟
مشاعل : الثلاثـــاء وبدقه // أنـا ومشعــل ....!!!
ندى : إي مشعل ؟
مشاعل: مشعل ولد الجيران ...
ندى : وش يوديه معك بيروح يدرس بعد ؟
مشاعل: لا بس شكل أبوي هو اللي قايل له يوم قالي على الحجز قال مشعل بيروح معك أتوقع يتطمن على الوضع هنــاك ويرجع ..
ندى : وش يتطمن عليه أنتي مااشيه في دراستك الحمد الله يعني بيروح يسأل عنك ؟ ...
مشاعل: وش دخلك خليه يآختـي يروح يوسع صدري ...
ندى : بالطقاق خله يروح تصطفلي منك لإلووه ...!!
مشاعل تقهرها : على طاري تصطفلي مستانس لأنه يبي يقعد معي في بيت فادي ما يبي يحجز له
في فندق !!!
ندى مقهوره : أحسن له يقعد مع العالم وش يقعده في فندق لحاله ..
مشاعل: من قلبك ..؟
ندى : أنــطـــــمــــي طـــيــــب !!.؟
مشاعل: هههههههههههه طيب متى بتزورين منى ؟؟؟
ندى : يمكن ما أزروها إلا إذا طلعت للبيت ...
مشاعل : الله يعين يالله بروح أشوف عبــودي ماشفته من جيت ..
ندى : يالله وسلميني على خالتي وإلا أقولك عندك هي أبارك لها ..؟؟؟
مشاعل: لا في الصاله التحتيه لحظه أحول الخط يالله مع السلامه ...
ندى: مع السلامه ...
رنـه رنتين وانرفع الخط الثاني ...
:مرحبـــآ
شي أنقلب جواها ماتدري وشو ..
ندى: السلام عليكم ...
مشعل يستقعد: وعليكم السلام والرحمه ...
ندى : خالتي فوزيه موجوده ؟؟؟
مشعل يستهبل : من أقولها ..؟؟؟
ندى ووجهها بينفجر : نــدى !!
مشعل يقهرها : ون منت !! // ويكلم أمــه وندى على الخط تسمع كلامه وهو بالعاني معلي الصوت عشان تسمع // يمــه ندى على التليفون تبين تكلمينها وإلا أصـــرفـــهــا !!!!
وندى في نفسها ( تصرفني في عينك ياماال اللي مااانيب قايله قل آميــن )
قامت فوزيه وهي تبتسم وتأخذ السماعه منـه وهي تطاقه
فوزيه: طس عن وجهي في ذاك !
مشعل : ويـن أرووح والله الصاله صالة أبــونا والقوم طردونا ..!!!
فوزيه: أنــا (قووم )يا مشيعل ..!؟
مشعل :وش نسوي بس يافويز صايره تمونين بقوووه ...!!!
فوزيه: فووويز في عينـــك هيييه ترااني أمك أستح على وجهــك ميير ...
مشعل يضحك ويغمز لها : هههههه طيب كلمي البنت ...
ردت فوزيه وهي ناسيه السماعه اللي في يدها من سناعة ذا الولد اللي عندها ..
فوزيه: هلا والله وغلااا ..
ندى : أهلييين السلام عليكم ..
فوزيه: وعليكم السلام ورحمة الله وبركـاته ..
ندى : مبروووك ماجاابت منى ...
فوزيه: الله يبارك فييك وش أخباركم يا أمي ..؟؟؟
ندى : بخيير الحمد الله ما نسأل إلا عنكم ...
فوزيه: الله يسلمك يالغاليــه ..
ندى :يالله أجل ما أطول عليك قلت ببارك لها بحولك على أمي تبي تبارك لك ..
فوزيه: الله يسلمك من الشر ياربي عطيني إيــاها ..
ندى : يالله مع السلامــه ...
فوزيه: فمــان الله ...
//
العصر طلعت فوزيه وبناتها وعلى رأس القائمـه عبوودي اللي كشخته مها على سنقة عشـره عشـان يروح معهم يزور أمـه في المستشفى سوت مها أزعاج وليش يسمونها ندى وهي أحق وأقرب مفروض سمونها (مهااا) وكلن يبي يسميها على أسمه ههههه سموها علي وارتاحوا >>من زين أسمك عاد >>لاتغلطين كلش ولا أسمي هههههه الحاااله صعبـه أتطاقت مع نفسها الأخت /نكمل كل المناقشات من هذا القبيل قعدوا قهوه وسواليف ومشاعل جايبه صينيه شوكلت
تجنن هديه لمنى وللصغيره كلها شنط ورديه صغيره فيها حلاوه وهديه للذكــرى شكلها مرره كيــوت عبودي يطالع في الصغيره وماسك أمه أسئله ...
عبودي: ماما لييش ما تفتح عيونها ؟؟؟
منى : نايمه يا أبوي ..؟
عبودي: يعني ما تقوم أبداً ؟؟
منى : إلا تقوم بس شوي وتنوم مـــره ثانيــه ...
عبودي بغيره : ماما ؟؟؟ ليش هي قاعده هنا وأنا ..؟
مها: خلاص عاد عبودي أقلقت أمك ...
عبودي بصيحه : عااادي صح ماما ؟؟
منى : ايه عاادي ياماما ...
فوزيه لابسه عبايتها : أنا بروح من بيروح معي ..؟؟؟؟
مها: لا بنقعد لين تنتهي الزياره ...
مشاعل: أجل ارسلي لنا السواق مره ثانيـه ..
فاتن: عمتي فوزيه عادي توصلوني لبيتنا ؟؟؟؟!
فوزيه : هوو عادي تبين تروحين يالله ألبسي عبايتس؟
منى : تونـا أقعدي ..؟
فاتن: ماعاد إلا خير من الصبح وأنا فيذا وبروح لبيتنا ...
منى : بسلامتك أجل ...
دقايق وطلعت فوزيه وبنت أخوها تبيها توصلها ...
مها : من جاك اليوم ؟؟؟؟؟
مشاعل تقهرها: يوووه فاتك أشيــاء كثيـــره لا تعبين عمرك واجدين اللي جو ...!
مها: آمـــــــــانه ..
منى : ههههه أهلي كلهم ومرتني عمتي نوره وفهد ومنيره العصر ..
مشاعل: ماجات ندى معهم ...؟؟؟
منى: لا ماجات ..
مها: وفهد شاف الصغيره ..
منى: هههه ايه شافها وأنهبل عليها ما فكها لين راحوا ...
مها بروعه: دااااخل عندك ..؟
منى : لا وجع يوجع العدو عند الباب ...
مها تلتفت للبنت : أنتبهي لبنت أخوي بس أقري عليها المعوذات /وسكتت وهي تشوف عبودي يتأمل فيها بشكل يجنن وكأنها كااائن فضائي موب بزر !!! أشرت لهم وكلهم لفوا يطالعونه وهو مرره دااخل جووو ...
البنت شكلها جايعه صاارت تفتح عيونها وتطلع صوت وااا وااا ياللله يطلع عبـودي أرتاااع وضحكوا كلهم عليه لف عليهم ببراءه : كنـــها قطيــوه !!!!!!!!!! (( تصغير قطـوه ))
مها: ههههههههههههههه جبتها يا عبيد والله أنها قطيووه ..
منى : ههه ها عن الغلط عاااد مشاعل عطيني أياها أرضعها ..
مشاعل بخوف : ما أعرف أشيلها أخاف تطيح !
مها: مااالت عليك بعد عز الله مستقبل أم فااشل ..
مشاعل: هههه أدري فاااشل من اللحين ...
منى : ههههه مافيك نفعه أجل مهيو عطيني إيــاها ...
مها تشيها وهي تسمي عليها :واااقلبتس ياااانااااس تهبــــل
وعبودي يطالعها بعين يعني (هييه أنـا هنـا) أنتبهت وقلبت الموجــه //: وش ذا الصغييره يا منى
تحوووم الكبد ياحبي لعبودي الرجــال بس ... >>>عبـودي تشقق لا عندها أسلوب والله ههههه
//
على وقت العشـا أنتهت الزياره وأعلونوها في المستشفى أن وقت الزياره أنتهى وعلى الزائرين
مغادرة المستشفى ...
عبــودي أعلن مناحتــه إلا بيناااام عند ماما ومها ومشاعل إقنــاع فيــه حتى منى ياعمري تقنع فيه
بس لاحيـــاة لمن تنـــادي يصيح صيــاح اللهم ياكااافي خذته مها بعلى جنب وكنه هدى على خفيف
بس الدموع أربع أربع ومنى ما تقدر تسوي شي هي يالله تصالي نفسها وهالبنت ينقصها عبووودي
أخر شي خذته مها وطلعته من الغرفه ولحقتها مشاعل على أن السواق برى لأن أمها قالت لها يطلعون السياره بـرى ...
دورت مها تلفتت في الأسيــاب مالقتها طلعت جوالها ودقت عليها ...
مشاعل: وينك فيه ..؟؟؟؟
مها: عند البوفيـه اللي تحت قدام الانصنصير ..
مشاعل: طيب لا تتعدين بجيك ..
نزلت لهم مشاعل ولقتها واقفه وتقنع عبودي يشتري شي وهو معيي يصيح وبس جت مشاعل ونزلت لين وصلت مستواه وهي تمسح دموعه ودموعها تنزل قبله : خلااص حبيبي بكـره الصبــاح أجيبك هنــا !
، الدكتـور الكبير اللي يعطي أبر يعيي يخلي البزران ينامون هنـا بعدين يعطونهم أبره ..!
عبودي: ونــدى ؟؟! >>>ميد البيبي ؟!
مشاعل: ندى توها صغيره لازم تقعد مع ماما ..
عبودي: هئ هئ وأنا بعد أبغى أقعد مع ماما >>>>أيووه أشتغلت الغيـره !!! ..
مشاعل: وإنـا من يقعد معانا عمه مها وعمه مشمش حتى عمي مشعل بيقعد يصييح >> والله من النصب !
مها: يالله عاااد اللحين نقوول عبودي بطـل ورجــال وكبييير وتصيـــــح !!
مشاعل: نروح لبلاد الألعااب نشتري ونخلي ندى ما نشتري لها !
مها: أي بلاد الألعااب أنتي قديمـه سكررووه من زمــان ....
مشاعل: طيب نروح لجرير // وتذكرت سلمان فجأه أبتسمت // نروح لجرير أحلى شي !!
مها: والله أنك بعد أنتي الولد يصيح ومتغلق وذي بتوديه جرير ...
مشاعل: أجل وين نوديه له ..؟؟؟
مها ومشاعل يتوجهون للبوابه وهم ماسكين عبودي وهي بادي يسكت ..
مها: نروح لماك عبودي تلعب وتشتري هآبي ميل معها هديه // تغريه عاد البزران أهم شي الهديه //
بعدين نروح البيت طيب وتنوم مع عمه مها ..
عبودي يهز رأسه برضى يعني خلاص مواافق
ومها: شفتي الطلعات السنعــه موب طلعتك قال أيييش جريــــــر ؟
مشاعل: هههه وش يدريني عنكم يقولون فيها ألعاب ..
مها: لازم نكلم أمي نستأذن منها ..
مشاعل : بكلمها أنا بس شوفي ذا الدبشه وينه فيه ..
مها: من اللي جاي ؟؟؟
مشاعل: تقول أمي علي ..!
مها تدور السياره ومشاعل وتوها بتدق على أمها إلا جوالها يدق ندى
ردت بصوت واطي : هلا والله
ندى : أهلييين وينك فيه ؟؟
مشاعل: توني طالعه من المستشفى ..
ندى : خلصت الزياره أجـل ..؟
مشاعل: ايه ..
ندى : خلاص إذا وصلتي البيت دقـي علـي ..
مشاعل:يمكن أطول وش رايك تجين تتعشين معنا بنروح نعشي عبودي ..
ندى : امم مدري والله أخــاف تعيي أمي ..
مشاعل: خالتي ميب قايله شي أستأذني من فهد ونمرك
ندى : بشوف بس موب أكيد مابعد أعتذرت منـه !
مشاعل: ياااربي على الأدب
مها تصارخ عليها : دقي علييه شوفي وينه فيه قاعده تسولف الأخت ..
مشاعل: طيب وجع لا تصارخين ..
ندى: هههههههه مها ؟
مشاعل: ايه كني أصغر عيالها يالله مع السلامه بدق على ذا الدبشـه وردي علي إذا كلمتي فهد ..
ندى: هههه طيب ...
توها مسكره منها إلا مشعل يتصل بك / حركااات والله طالعه مهمه ردت وهي تضحك عى نفسها
مشاعل: هاااه وش تبي ..!
مشعل: هويتي في قليب قولي آميين شوفيني قدامكم يامال العما سااعه أضرب بواري
مشاعل: وجـع وش ذا الدعاااوي وينك ما أشوف ؟؟؟
مشعل : قباالك شوفيني مولع الكبس وأختك مسويه ثقل ! وسكر السماعه في وجهها ههههه شكله معصب
مشاعل: ههههه شوفي مشعل يالعميانه قبالك تعالي ترى معصب هههه
مها: ههههه وشووله تضحكين طيب ؟؟
مشاعل: ههههههههه مدري ...
مشوا ومشعل وده يطحنهم عاد يتمططون عشان كان فيه شي يطلع ركبت مشاعل قدام ومها وعبودي ورى ...
مشعل: ساااعه أضرب بوواري وأأشر لكم ما تناظرون كنكم عمياااء ...
مها: والله عاد فيني ضعف نظر ما شفتك !
مشاعل: ههه وأنا أكلم ...
مها ضحكت على ضحك مشاعل اللي موب في وقته : ههههههههههه
مشعل: ماافي شي يضحك ساااعه أأشر لها أكبس أبيها تطالعني وتصد من زينك من اللي بيغازلك تكفين !!
مها: هههههه لا ياحبيبي ما بعد عرفتني وااجد يغااازلوني بس يتعبون ما أعطيهم وجـه
مشعل عصب : أنطمـــــي طيب ...
مشاعل: ههههههههه لاتروح البيت ..
مشعل: خيير إن شاااء الله ..؟؟؟؟
مشاعل: نبي نودي عبودي لمااك ...
مشعل: فاضين ذا الحزه ؟
مها: تونا ترى الساعه ثمـان وموب ضارك وإلا وش جابك كان خليت علي يجي ..
مشعل لف عليها : أقوول أنطمــي !
مشاعل قالك تغريه : عادي نمر ندى !
مشعل يلف عليها : من نـدى ؟؟
مشاعل: بنت خالتي نوره !!!
مشعل تشقق داخليآ بس يعني أني ثقل : ووش دخل ندى بعــد ؟؟؟؟؟
مشاعل: أنا عازمتها !!
مشعل: وعلى كيفك تعزمين اللي تبين لا تشاورين ولا شي ..
مشاعل: كنت بدق على أمي أقولها بس أنت جيت ...
//
في غرفة فهد كانت منيره في الأوفيس ترتبه وتحوس فيه وفهد عند التلفزيون في الصاله
اطق باب الجناح ..
فهد: مين ؟؟
ندى: أنا ندى ...
فهد : أدخـلي ..
ندى طلت براسها ابتسمت ودخلت : السلام عليكم ...
فهد :وعليكم السلام ورجع للتلفزيون ..
ندى مشت لين وصلته ووقفت عند راسه نزلت حبت راسها وهي تقول : آسفـــه !!!
وفهد مستغرب من حركتها : على ايش آسفه ..؟؟؟؟
ندى :اممم ولاشي بس قلت كلام من وراك وتأنيب الضمير ياكلني قلت خلني أعتذر !!!
فهد: الله يا تأنيب الضمير وكلااام من وراي ومن قالك أني بعذرك ..؟
ندى : أعرفك أخــوي وحبيبي وأكيد بتسامحني ..
فهد : وش قايله ؟؟؟
ندى : لااا عاد لا تحرجني قلت كلام وبس وجيت أعتذر ...
فهد: ومن قايلته له ..؟؟
ندى : لا تخاف منا وفينا لغاده يعني ميب متشوهه سمعتك !!
فهد: بعـــد ناااويه تشوهينها ..؟!
ندى : يالله عاااد ترى ما تنعطى وجـه سامحتني وإلا لا ...؟؟؟
فهد يهز راسه : والله ذا الناس مشكـــله ...
ندى : خلاص سامحتني صح أدري موب هاذا موضوعي أبي أستئذن منك مشاعل عازمتني في مطعم
عادي أروح معها !!!
فهد: وأسمح لي وتأنيب ضميـــر والله أني مستغرب داري أنها موب لله !!!
ندى : هههههههههههه حرام عليك بس قلت أضرب عصفورن بحجر ..
فهد: ووش عندها مشاعل ؟
ندى : أبد بتسافر بعد بكره وتعرف أختك عاد مهمه وأكيد بتشتاق لي قالت تعزمني !
فهد: ايــه مررره مهمه على فكره على البركه الأسم !
ندى بحيا : ههه الله يبارك فيك ...
فهد بدقه: خلنا مير نظمن لك شي ...!
ندى : وش قصـــدك ؟؟؟؟؟؟؟؟؟
فهد: ههههه ولا شي بتروحون لحالكم اسمحي لي نو ..
ندى : لااا عاد فهد أنا وهي ومها وعبودي ...
فهد: يعني مها وعبودي اللي صاحين تكفين ..!
ندى : يعنــي .؟
فهد: خذوا غاده معكم وبسلامتكم ...
ندى : والله ...
فهد: والله ...
ندى تحب راسه مرره ثاانيه بس بقووه : شوووكرن يا أحلى أخو في الدنيااااا
فهد: موب لله ..!
ندى : وقسمن بالله والله العظيم والله وتالله وبالله أنها ...............
فهد : خلااص لا تقعدين تحلفين صدقت !
ندى : ههههههههه يالله باااي ...
>>منيره اللي ماغاب عنها حرف ولا حركه من حركات فهد كانت تشوف ندى والاريحيه اللي
تتكلم فيها معه و سواليف فهد معها وضحكه التفت عليها طاحت عينها بعينه لفت ولعت المويه وقعدت تغسل الكاسات اللي عقبه ....
دقيقتين حست الكاسات قليله ودها بشي تلهي نفسها فيه بس مسحت يدينها ووقفت ورى
طاوله الأوفيس وهي تبيه يعطيها وجـه بدال هالبرنامج اللي لو أسأله وش فهمت منه قال مدري !
منيره: تبــي عشـــا ..!!
فهد: لا متعشي ...
ستوووب أنهتى الحوار حطت الفوطه ومشت غرفتها وهو منقهر منها تعالي أقعدي طيب
سولفي قولي شي بس فطور عشا غداء ترى ملابسك جاهزه وش هالعيشه شال نفسه وصقع
بالباب ونزل تحت عن أمـه أرحم ...
//
على طول دقت عليها ..
: أبشررررك رضى هو ومامي ...
مشاعل: يالله أطلعي إنـا عند الباب ,,,
ندى : بس ترى غاده بتجي معي ..؟!
مشاعل: الله يحييها يالله بسررعه ..
ندى :طيب دقيقه // وسكرت بسرعه بدون لاتدري حتى أن مشعل هو اللي بيوديهم وإلا كان سوت سالفه ...
دخلت على غاده وطارت بها ونزلوا بسرعه تحت فتحوا باب الشارع وانصدمت يوم شافت سيارة مشعل
"هئ هئ لاااااااااا " !!!
//
دخــل لقى أمه حاطه على العربيه وتطالع الأخبار وقهوة المغرب لين اللحين قدامها ونواف على جنب ماسك كتـابه شاد حيله هالأيــام هالسنه أخر سنه يبي يخلص ويفتك ويدخل قسم يــرفع
راس أمـه فيـه بس ويكون مصدر فخر لأبوه يحس نفسه رجع 12 ورى أنسدح على الكنبه الطويله وهو يحط راسه على رجل أمه وهي مبتسمه له مسحت على راسه: وش أخبــارك ..؟
فهد يناظرها بابتسامه يكفي نظرة هالحنـان في عيون الغاليه: حالي من حالك يالغاليه ..
نواف : وش عنده النونو ...
فهد : غاااااير ..؟؟؟
نواف: أيييه غاااير ترى أنا القعده موب أنت !!!
فهد: هاها يحليلك تنكت ..
نواف يستهبل ترك كتابه وجى جنب أمه من الجهه الثانيه وقعد ..
نواف: خلييه يقوووم !!!
فهد: والله اللي ما قمت وأنــا فهـــد !
نواف: يمـــاااااه ..
نوره لو تقول كلمه دمعة عيونها نواف حط راسه على كتفها وهي تضمه قالت كلمه
لو تنوزن بكنوز الدنيا ما ساوت صدقها
: عسـى الله لا يحرمنــــي منكم ...
: ولامنـــك ...
لو في لقطه بتنقل لكم هالمشاعر وهالمنظر الرااائع ما قصرت بس ما أبي أخـــون عبق الصدق
اللي منتشر في المكان ..
|
20-04-11, 09:19 PM
جديد مواضيع قسم القصص المكتمله
العرض العادي
