لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 17-10-09, 04:21 AM   المشاركة رقم: 426
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

ياسلام عليك ام وسونه بارت جاء في وقته تماما

ماجد يامال البلا ان شاء الله اجل صرت دجاجه قدام الجمال والله يالوضيحي ان وصيه شويخ هي اللي فادتك
وه استانست يوم سحبتي على ماجد صدق بينتي اليوم قويه بس يبي لك تتسلحين بالاثنين الجمال والتغلي وعلومك بتزين انشاء الله

موضي وجابر
ياااه ةالله انكم تفطسون ضحك اجل بدينا الغيره ياموضي لا والاخ يتميلح قال الوجه الحسن ياشيخ اقضب ارضك واحمد ربي ان موضي قبلت فيك هع هع
وبعدين وشو الناقه يالبعير لاعاد اشوفك متطنز وتعاير موضي بطولها (وحده اكره ماعليها المعاير بالطول

فهد قلنا لك غلطتك ماتتصلح في يوم فلازم يكون عندك صبر وخطوت الدراسه اول خطوه للوصول لقلب منى

اقتباس :-  
لف يدينه حواليها وهم في الطواف .. يبي يمنع أي أحد يلمسها .. أو يقرب لها .. أو يأذيها .. خاصه الأفارقه والأتراك والايرانيين .. يجون عاكسين السيد ويضربون أي أحد ماهمهم أحد أن طاح أو أنضرب أو تأذى .. من شيخ أو طفل أو عجوز أو عاجز ..


هنا واو بدر خلاص طحت ولاحد سمى عليك اجل خايف عليها الا خايف وغيران ولاودك حد يلمس طرف عباتها
كني بديت احبك بعد كره (حب اخوي لاحد يفهم غلط نخافالقواه العضمى تزعل علينا

اما البنات المشافيح الله لايبلانا صدق اللي اغتشوو ماتو على قولت خواتنا في مصر
بس صدق لها فايده انه بين لبدر غيره منتهى اللي هي علانه حب

ام وسونه فقدنا السميه وعقابها في ذا البارت
استناك بكره على خير

همسه ام وسونه امووت فيك خصوصا اذا رديتي على ردي تحت اسم النوفي ورديتي عليها تحت اسمي احس انا في مدرسه والابله تقول توام تتتشابهون
خخخخخخخخ

 
 

 

عرض البوم صور نوف بنت نايف   رد مع اقتباس
قديم 17-10-09, 04:25 AM   المشاركة رقم: 427
المعلومات
الكاتب:
اللقب:
ليلاس متالق


البيانات
التسجيل: Jul 2008
العضوية: 85297
المشاركات: 246
الجنس أنثى
معدل التقييم: ripe lady عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
ripe lady غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله

تشرفت برسالة خاصة من وحده كتكوته بالمنتدى تقترح علي رواية اقراها لان هالروايه

رائعه جدآ واكيييد بتعجبني ,,,,, ويوم قريت اول بارت !!!!!


قلت هالكاتبه فتحت على نفسها باب من الصعب ان ينقفل لان بتحكي عن موضوع حساس جدآ

وسيد المرسلين عليه الصلاة والسلام نهى عن التمسك بها.



لكـــــــــــــــــــــــــــــــــــــــــن فوجئت تمامآ ان محتوى الروايه والهدف منها بعيد عن كل البعد

عن فكرتي الاولى عن الروايه .


مالقيت تصادم بالثقافات ولا محاولة تفضيل فئه على فئه ولاحتى مقارنه للأفضليه .

لقيت انك تحكين عن كل فئه بطريقه موضوعيه محايده مافيها نقد وبنفس الوقت مافيها مفاخره.


برافو عليك انك قدرتي تكوني من داخلك محايده فابالتالي ظهرالحياد من خلال كتاباتك


=======================================

اعترف اني بالبدايه خربطت كثير بين الشخصيات

لدرجة اني دخلت الحضر على البدو وخليت الاخوان عيال عم والعكس ,

بس يوم بديت احفظ الاسماء ,اشوا راح اللبس بالموضوع.



===============================

عجبتني كثيـــــــــــــــــــر شلون ابتدئت الروايه


ابتديتي بحلقة وصل تجمع الاثنين وهم موضي وبتول


وبعد كذا تفرعتي لعائلة موضي بكاملها وبعائلة بتول بكاملها .


البطوله جماعيه وهذا شي احبه كثير بالروايات لان مااحب بطله وبطل يكونون ملائكه

وكل الروايه عنهم بس الاثنين .

ولان البطوله جماعيه صارو القراء يميلون لبعض ويتحمسون للبعض وينظرون للبعض على

حسب شخصياتهم وعلى حسب توافق شخصية البطل مع القارئ . وبكذا شريحة القراء

كبيره جدآ ماشاءالله .


==================================


نبدء بتعليق على البدو((ابتدئت فيهم على حسب التسلسل الابجدي ))


مممم انتي مبدعه ورائعه لان وصفتي لنا المجتمع بكل حذافيره بطريقه حلوه خلتني حتى ماانتقد

ولا استهجن التصرف البادر منهم .

مثلآ عادة ان بنت العم لولد عمها وتتحير له ,,,,كثير نعرفها لكن ماقدرت انقد عليها

لان ماحيرها الا لانه حبها ,,,,تصرف عقاب انا اشوفه بلطجي مع نوف وعريسها

لكن لو شفته من وجهة نظر عقاب بشوف انه من حقه لان يحبها ويبيها ونيته يصونها

ويعزها وهي من حقه لانها من لحمه ودمه وهو شرعآ مافيه عيب لا خُلقي ولا ديني عشان

ترفضه ويجي غريب ياخذها منه بكل سهوله وهي ماتعني للغريب الا انه زوجه وبس.


طبعآ من حقه يسوي اي شي عشان تكون من نصيبه وبالنهاية طلع بسلوم البدو ان

من تصرف هالتصرف رجال .وانا متأكده ان نوف بتحبه وتشوفه دنيتها كلها ..


حلو ان وصفتي حنان ابو صقر على بناته وبنفس الوقت ذكرتي ان في اباء يفضلون الابناء

على البنات يعني مو سالفة نظرة مجتمع بل هي رأي شخصي من اب لاخر.


عجبتيني يوم ذكرتي ان ابو مها نفذ فكرة ام مها (بغض النظر عن كونها خير او شر) لكن

وضحتي ان ممكن يمشي الرجل على شور زوجته لو لقى انها حكيمه(من وجهة نظره)


وضحتي ان رجال البدو فيهم جلافه واضحه لكن فيهم حنان فائض يعني تختلف من شخص لاخر.

وماله دخل المجتمع بكذا والدليل صقر وماجد ونهار ,,,,كلهم اخوان وتربو نفس التربيه

صقر حنون على اخواته ورحيم على والدينه وزوج متفهم يحاول يساير زوجته بطباعهم

المختلفه وبنفس الوقت رجل خشن مع الرجال وله كلمة مسموعه,,,

ويأتي بعد نهار المرن والحنون مع زوجته

والمحايد بمرونه مع اخواته ,,,ويجي بعد ماجد بسلاطة لسانه وهمجيته والمتوحش مع زوجته.

يعني المجتمع ماله دخل كل شخص اختار شخصيته بيده.


طبعآ اللحين بتكون الاحداث بمنتهى الحماس بين عقاب ونوف وماجد ووضحى ,,,

لان عقاب بيروض نوف ووضحى بتروض ماجد وبنفس الوقت بتكون حللووووه بين جابر وموضي.

=============================================


عائلة البدر (المجتمع الحضري)


طبعآ مثل الجتمع البدوي كنتي محايده واظهرتي الزين والشين . مافي مدح او ذم مبطن لأي منهم

يمكن فيه مقارنات بس عاديه جدآ مثل نوعية العلاقه بين المملكين هل يكلمها او لا يشوفها او لا.

وهذا اشوفه عادي جدآ جدآ انتي ماذميتي عرف البدو ولا مدحتي عرف الحضر .


علاقة بدرومنتهى وضحتي دور الاهل وتساهلهم وبنفس الوقت علاقة جابر وموضي وتشددهم بس

مامنع جابر ان يشوفها ويقبلها .


عجبتني علاقة الاخوان الثلاثه وان كان بعد قطيعه ,

في موقف رائع جدآ جدآ يوم كان ابو حمد يضرب فهد بعد اغتصابه لمنى ودعس بجزمته على

وجهه امام ناصر ,,,,

قاله اذبحه بس لاتهينه ,,,عجبني ناصر انه حاس بنار اخوه وماجلس يقوله يمكن بنتك غلطانه

ناظر كانت بغرفته ويمكن اغرته ,,لالا بل بالعكس فضل موت ولده ,

وبنفس الوقت ابو حمد حس بقلب اخوه انه كاره ذل ولده ولاجلس يقول انت هذا اللي همك

ولاهمك بنتي وفضيحتها.......موقف رائع بين االاخوان همهم حبهم لبعض.

من المواقف اللي عجبتني حبهم لبعض رغم مشاكلهم ,,,,

حمد كان وده يذبح فهد لكن بعد غرق عزوز نسى حقده وتحمدله بسلامة عزوز وبنفس الوقت

يوم شاف مصلحة منى برجعتها مع فهد الكل نسي الماضي وفكر بمستقبل منى وولدها.

حلو انك ذكرتي سبب مشكلة فهد وهي ان الاهل يعطون الشاب المثيرات ومايكون عليه رقابه

وبنفس الوقت يطلبون منه الاستقامه ,,,طيب شلون؟

مثل ماذكرتي مميزات ذكرتي عيوب بشخصيات وهذا اثنيه عليك ,,,,

الشاب المغرور بجماله ومركزه(بدر) الشاب المغازل راعي البنات(فادي)

الشاب اللي غلط وصلح حياته ومستقبله(فهد) الشاب اللي همه اهله وعمله (حمد)

شخصيات متنوعه لكن يجمعهم الدم وحبهم لبعض.

فيهم شروبنفس الوقت فيهم خير .

===========================

ممممم حبيت فيك روحك الحلوه لسبب بسيط لكن معناه كبير موقف ان خلود تركض

يعني متحمسه ,,,لان انفاس تزلت بارت !!!! هذا معناه كبير لان وضحتي ان انفاس

يتابعونها كثير وبنات عائله كامله يقرون لها ,,,,وايضآ رساله منك لانفاس انك معجبه فيها

بـــــــــــــــــــرافو ام وسن حلو انك كاتبه مبدعه والاحلى اخلاقك وروحك عاليه

=============================

مممم اسم الروايه اعطني حريتي اطلق يديا مممم هل ام وسن قاصده ان هالمقولة

يقولها احد ابطالها لشخص بالروايه ؟ ,,,,,او

يقولها ابطالها لعاداتهم وتقاليدهم وعُرفهم؟,,,,,او

تقولها ام وسن للمجتمع الحضري والبدوي ونظرتهم لبعض بعادتهم وعُرفهم وتقاليدهم؟

============================

أعتذر للأطاله لكن صعب انك تعلقي على 39 بارت بمشاركه وحده ,لان كل شخصيه لها تعليق

تعليق خاص خصوصآ اذا كانت القارئه ثـــــــــــــــرثاره مثلي


=================

موفقه اختي وبأذن الله بكون معاك وانتظرك

همسة في اذن نوفي,,,, مشكوره ياكتكوته واذا على الادمان اجل شوفي مصحة اتعالج معك لوول

 
 

 

عرض البوم صور ripe lady   رد مع اقتباس
قديم 17-10-09, 05:26 PM   المشاركة رقم: 428
المعلومات
الكاتب:
اللقب:
ملكة المرح


البيانات
التسجيل: Nov 2008
العضوية: 106580
المشاركات: 1,343
الجنس أنثى
معدل التقييم: NoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جدا
نقاط التقييم: 528

االدولة
البلدSaudiArabia
 
مدونتي

 

الإتصالات
الحالة:
NoOoFy غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

ومثل العاده جزء ولا اروع ام وسون سبحان الله ماحس فيها اي تكلف تتكلمين بكل واقعيه مع كل حوار لبي عمرتس بس


وخليتي اللي مايشتري يتفرج على ماجد ياوضيح لبي قلبتس وقلب شيخه معتس اللي عطتس الدروس وانتي حفظتي وسمعتي صح
جعلك منذا واردى عساك تموت في دباديب وضوح ياماجد وهي تقهرك زودن على زود
اجل يوم شفتها ضاعت علومك وطار الهواش وصارت ام البشاير وين سي السيد واللي بيعرس عليها وبحط مره ثانيه ودوريلي يمه اثاريك ماتبي شي اقل شي يادبك
حركه وضيح انتس حرقتي قلبه ورحتي وخليته خليه يعرف انتس منتيب سهله ومهب كل مابغى منتس شي خذاه فيه شي اسمه حدود وكرامه واعتبار
ياللى زيد عليه وضيح كمان وكمان


حركات منتهى وغيره بعد ولله ماكنت متوقعه كل هذا بيصير بينتس وبين بدر ممتاز يابنت كلشي وصار ليش اعاند واسوي مشاكل خلاص صار زوجي وابو ولدي وهو مصيري وخاصه انها شافت حيات اختها قبلها وش صار فيها
ليش اخرب علي حياتي واخرب عليه خاصه انكم في احلا ايام الزواج واللي تكون دايم ذكرى للزوجين بمافيها من ايام حلوه
اذا بعد عمر حصل بينهم مشاكل وتصالحو دايم ذكرى الايام الحلوه هو اللي يرجعهم للصلح
فرحة بدر احسها ماتوصف خاصه انه شاف عفوية منتهى في الغيره عليه
وهذ دليل الحب ولاحلا منها اللي سواه بدر انه ماعار ذا القحات اي اهتمام وبين لهم انه ممنوع اللمس لانه المنتهى ومن حق منتهى حركتها ارضت غروره اعجبتيني منتهى نعم البنت اللي راضيه بمصيرها وحياتها الجديده اله يسخربدر لتس كثر ماهو مسخر


لبي قلب غيرة مويضي ولاتشجيع للسياحه الوطنيه موضي ولله مادري عنتس
اخاف تحكرين جابر من الروحه والجيه وتصيرين من نوعية الحريم الغثيثات اللي منتشرات في مجتمعنا اللي ماتبي احد يشوف لو صورة زوجها وتقعد تسب وتهوش عليه وتطلع فيه عذاريب ماهيب فيه عشان بس تعمي العيون عنه ولا احد يناظرله كفارات عشير الله يكفيناهم ولله ان بعضهم مايملا ثمه التراب يعطي ويجيب ويودي ويسافر بها وبانهايه مافيه مسبه ولا كلمه شينه ماقالتها في حقه


ولله انك تعجبني يابوعبدالعزيز حلو اللي تسويه مع منى رجعها للدراسه ساعدها في المذاكره وساعدها في البيت بعد تقرب منها زود تر البنت بعدها صغيره وصدقني بيلين راسها

ام وسونه في انتظار سالم وجوزا وعقاب ونوف وصقر والبتول فادي وخلود
مادري اذا ماجاء طاريهم في احد البارتات احس اني فاقده شي لين اعرف اخبارهم


أسأل الله الذي اسكن المحبتكي في القلوب أن يسكننا واياكي جنان النعيم


همسه :مشكوره ميثاني مشكوره ripe lady على ثقتكم في ذوقي وتلبيت الدعوه في قرائة القصه

 
 

 

عرض البوم صور NoOoFy   رد مع اقتباس
قديم 18-10-09, 12:25 PM   المشاركة رقم: 429
المعلومات
الكاتب:
اللقب:
ليلاس متألق


البيانات
التسجيل: Feb 2008
العضوية: 64757
المشاركات: 7,529
الجنس أنثى
معدل التقييم: لا خلا ولا عدم عضو بحاجه الى تحسين وضعه
نقاط التقييم: 34

االدولة
البلدOman
 
مدونتي

 

الإتصالات
الحالة:
لا خلا ولا عدم غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

سلااااااااااااااااااااااااااام






وسعووووووووووووووووووووووووووووووووا





درررررررررررررررررررررررررررررررررررررررررررب









أنااااااااااااااااااااااااا جيييييييييييييييت ^_^






وربي وربي وربي وحشتني القصة مووووت ... وحشتووني يا ابطالي الاعزاااء ^_*.... ام وسونه اشتقت لش وربي واشتقت لبارتاتش السموول ساايز خخخخخ....ومتأكدة اني وحشتكم انا بعد ^_*<<<< احلفي بس خخخخ

يوووووووووووه اشووف في تطورات في غيابي .. وكأن في محاولات فاشلة لإستغلال غيابي والإستيلاااء على حبايب قلبي ( العقاب، البدري، الصقر، والفهد) ... بس اقوول لكل من سولت له نفسه مجرد الحلم بالإستيلاء على احد ابطالي... استعدوووا لحرب ضرووووووووووووس عشان مرة ثانية لا تفكرون مجرد تفكير الاإقتراب من أبطال مجموعتي الشيوخية (شموخ الشيوخ^_^)....

المهم نرجع لمحور حديثنا <<< حوار مفتوح على غفلة هع.... بصراحة الاسبوع اللي فات كل ماحصلت فرصة ولو ربع ساعة ادخل المنتدى من جوالي واشيك على القصة.. ماتتصورين قد فرحتي واستمتاعي بالقصة وانا وسط اربع جدران هع.... نجي ذلحين للتعليق على البارتات اللي فاتتني وماقدرت ارد عليها ..


عقااااابي.... وه بس لبى قلبك ياشيخ... والله ثم والله انك شيخ الشباب كلهم.. ويش يجوون الشباب عند ثقل ورزانة وشبوبية العقاب !!!... اساسا يضلمووك الناس لو فكروا يعملوا مقارنة بينك وبين الشباب هذي الايام... يا ويح قلبي ويحااه ...^_^.. شلعت القلب واشغلت العقل ^_*... والله ان نويفه خسارة فيك.. المهم مبرووك عليك الزواج.. ويالله ان يسخر لك نويفه وتصير خاتم في اصبعك هع... ياربي على الخطير المتكتك... والله انك اسم على مسمى... العقاب قبل يفترس فريسته لازم يتكتك ويخطط وينفذ خطوة بخطوة ^_*.... وابد لا تغرك نويفه ونفشها لريشها على الفاضي هع... من بووسه بس راحت وطي خخخخخخ.....اجل الله يعينها على اللي جاااااي خخخخخخخخخ.....

نويفه الغبية... مبروووك عليش العقااب اللي ماتستاهلينه وربي... يختي على ويش نافشه ريشش!!! والله لو لا المستحى كان اجي السعودية واخطف العقاب منش هع...<<< وحدة عايشة جو مع القصة خخخخخخ..
شووفي بس في النهاية من بووسه وعقلش طار.. تبين الصراحة انا ما الوومش..ذا العقااب نظرة بس من تدووخش اجل كيف البووسة^_* هع هع هع


الصقر وبتووله..... الصقر وينك ماتهيضت لما تزوجوا ربعك؟؟!!... ياخي والله الهدووء ذا اللي مسيطر على وضعك انت والبتوول مخوفني .. بس فديتك تحرك ودنا نشوووف مواقف بينك وبين بتووله الرقيقة ^_^... بصراحة وحشتنا اجوااائكم .. التقاااء الاضداد ^_^.... الرقة مع الدفاشة شويات اللي عندك ^_^...

الفهد ومنايته.... اوووه اووه تطورات .. احمد ربك يالفهدي على انها صاارت تجلس وتاكل معك وتشوف التي في معك بعد.. حتى ولو بوجود محرم خخخخخ ترى ذي البداية بإذن الله وبعدين ان شااء الله راح تتقبلك.. خاصة وانك فعلا بديت تتقرب منها صح.. بإنك سجلتها عشان تكمل دراستها اللي هو حلمها... بس يلزمك الصبر يا فهدي^_^... إن الله مع الصابرين... وانتي يا منى.. خفي شوي على الرجال.. ترى مالش الا هو ذلحين في غربتش..والواحد مهوب بمعصوم عن الخطأ .. والمسامح كريم.. ودام عزوز مرتاح انه صار له اب مثل الاطفال الثانين فلا تحرمينه من الاحساس بجو الاسرة المحبة ... ترى الاطفال يحسوون إذا في علاقة غير طبيعية بين الوالدين.... عاد تصدقوون أنا خايفة من سااارونه ولقافتها.. مرة اقوول يمكن لقافتها تساعد انهم يقربون من بعض.. ومرة اقوول اخاف انها من الحريم اللي يزيدون النار حطب ^_^..... بس عسى مقدمها يكون بادرة خير...<< لا تخيبين ظني فيها ام وسونه خخخخخ

خلوود وفويدي.... والله انش رجاله بنت رجال... احس انش اقوى من خوااااتش.... حلو تصرفش لما وديتي جوال فادي للمحل وفرمتيه وبعتيه خخخخخخخ وربي متت ضحك من قلب... اتوقع ان ذي الحركة راح تفجر فادي اكثر....سيري وقلوبنا معش ^_*
..وترى والله ماتنلامين لما زل لسانش قدام بدوور وبتوول وانتي تسبي اخوهم خخخ.. بس مرة ثاانية حاولي تضبطين اعصابش شوي ^_*


البدررررررررررري والمنتهى..... يوووووووووووه واللله انش طلعتي اعقل مننا وحنا نقوول اكيد راح تقلب عليه بعد الزواج خخخ... كبرتي في عيوني اكثر واكثر.. فعلا ويش راح تستفيدي لما تقلبي على البدر... وهو ماتنيذل وابعد روحه عنش بعد سواته... بالعكس قرب العرس واهتم فيش اكثر واكثر.... صدق ان المرة العاقلة عمله نادرة في ذي الايام ^_*..... بس وربي متت ضحك وانا اشووف غيرتش عليه في المصعد خخخخخ مع انه من حقش تغيري وتبيني له غيرتش ولا تستحين.. لان الغيرة المعقوولة تحسس الرجال بإهميته عند زوجته ومحبتها له.... البدرررررررررري.. وه بس فديت اللي يخقووا عنده البنات خخخخ.. كيف ما يخقون وكل ذي الرزانة والرجووولة قدامهم..عشان كذا الاسلام امرنا بغض البصر .. لان إطلاق العنان للبصر ممكن يقوود لشي اعظم واعظم.. وهذا اللي شفناه من البنات اللي زي كذا والعياذ بالله... صدق اذا لم تستحي فأفعل ماشئت... نعنبوا داركم ماملت عينكم المرة اللي واقفه قدامه!!؟؟.. اعوذ بالله احيانا في نااس وقحه تستفزك بمجاهرتها للخطأ...

المهم.. البدري.. اهم شي بينت لي المنتهى ان مايملي عينك الا هي ^_^.. عاد تصدق لما قريت موقفك وانت تحاوطها بإيدينك في الطواف.. ضحكت.. قلت يا هنيا لش يالمنتهى بالبدري وعشقه وغيرته عليش ^_*.. وما الوومك لما تفاجأت بموقف المنتهى في المصعد.. أنا نفسي بققت عيوني من المفاجأة الغير متوقعه خخخخخخخخخخخخخ



مويضي وجويبر... خخخخخخخخخخخخ عاد تصدقي ام وسونه لما قريت مويضي وهي تصيح يا فضحي يا فضحي .. قسم بالله افتقشت ضحك خخخخخخخخخخ.. حتى امي سألتني ويش فيش تضحكين بروحش مثل المجنونه خخخخ.. ال يا مويضي وين راح طول اللسان اللي قبل العرس خخخ... لما جينا للجد طلعتي دجاجة خخخخخخخخخ...وانت يا جويب خف على البنية ترى لا يغرك الطول والضخامة خخخ وبعدين ويش ذنبها تطلع حرتك على مويجد فيها ^_^...
وبعدين ويش تبي بالحمر والشقر في شهر عسلك وعندك فاتن حمامة خخخخخ.. والله انها طلعت قدعة دي الولية وهي تعارض السياحة الخارجية خخخخخ.. والله مهوب من زود الوطنية خخ إلا الغيرة وسواياها ^_*


مويجد والوضيحي... ايه يالوضيحي عليش به .. ايه شوفيه ان الوضيحي ما تسواها احد من النسوان... ترى والله بعض الرجال إذا اقفيتي عنه يتبعش مثل ظلش.... وبعضهم العكس.. ومجود طلع من الصنف الاول... والله يا مجوود طلعت على حقيقتك...اجل خقيت من شفت الغزال اللي يرقص وعزمت امرك انه مايعدي اسبوع الا وهي حليتك؟؟ وهي في الاساس حليلتك. ...والله زين ماسوت فيك لما سرت بيت اهلها واهملتك خخخخخخخخ.. وانت اللي تعد الخطط والمؤامرات عشان تزحلق بناتكم ذيك الليلة خخ.. امااااا ام البشااير والترحب الحار ذا بصراحة ابد ابد ماتوقعته خخخخ... يعلك من ذا الحال وأردى خخخخخ



ام وسوووونه.... الف شكر على البارتات الجميييلة ... وعاد استري ماواجهتي كان في اخطااء في الرد ^_^... ننتظر البارت الجاي بكل شووق ^_^

 
 

 

عرض البوم صور لا خلا ولا عدم   رد مع اقتباس
قديم 18-10-09, 05:58 PM   المشاركة رقم: 430
المعلومات
الكاتب:
اللقب:
كاتب مميز
اميرة الادب النتي


البيانات
التسجيل: May 2009
العضوية: 144260
المشاركات: 1,238
الجنس أنثى
معدل التقييم: ام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييم
نقاط التقييم: 1033

االدولة
البلدSaudiArabia
 
مدونتي

 

الإتصالات
الحالة:
ام وسن غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله ‏‏..


أخلفت وعدي لكم .. بأمر صارم من ضروفي .. فالتمسو لي العذر ..

سأبدأ بالبارت .. قبل تعليقي ع ردودكم >> وحده خايفه خخخ


//‏ البآاارت الأربعوون //


‏"‏ فآاادي "

من شاف كشخت بدر بليلته البارحه وكأنه بدر نصف الشهرر .. وهو يتمنى أنه مكانه .. وهذي ليلته ..

أول مره يفكر يتروج ويستقرر .. نقد نفسه بشفافيه .. من اللي بتاخذني !!
لاوظيفه .. ولا اخلاق .. ولا حتى اسم سنع مثل هالنآس ..


ابتسم فجأه لما جت في باله خلود ..
هي .. هي .. ماغيرها العوبآ أم لسآن .. ابيهآ ومآبي غيررها ..
بأقص لسانها وأصور بجنبه ههههه..

نفض فراشه وتوجه لأمه .. اللي فاتحه مصحفها وجالسه عند الباب .. عشان تشوف زين في ضو الشمس ..


ماكنها تسمعه .. ساكته وتتابع قرايتها ..
طفش من تطنيشها وزفر بضيق ..
يمممممه أكلمك أنا ..


أم بدر .. وصمه .. اسمعك أنا مانيب صقهآ ..
فادي .. طيب ردي علي وش رآيك !!

فصخت نظارتها الطبيه وحاكته ..
الله يكفلك بس .. ‏
من اللي مصدوعن راسها تاخذك ..
توظف .. واحفظ صلاتك .. وسنع عمرك ثم تعآل أدور لك مره ..

لا أعرست وين بتسكنها ؟؟
وين بتعيشها منه ؟؟
عيالك لاجو وين بتصرف عليهم منه ؟؟

فادي ‏.. انتم جوزوني ومالكم دخل بشي ..
ألحين محمد و بدر طرتو ووقعتو لين جوزتوهم وأنا لا !!

ام بدر .. انت خلك مثلهم وابشر بالخير ..

فادي .. يمه تكفين .. كلمي أبوي أبي خلود بنت عمي فهد ..

روز بلقافه .. وهو اللي ماحسبها ويحكي قدامها ما أنتبه لها ..


بس خلود ماتبيك .. تقول مابي الهايت .. وزادت من عندها .. تقول مايصلي واسمه شين ..

رجفها لين طاحت وراها وبغيض .. انتي انطمي يالنتفه .. مالك شغل ..

وكمل لأمه .. يهدد ..
والله والله أن مازوجتوني خلود بالحلال لاسافر لاقرب دوله وآخذ أقررب بنت كلب وأبلشكم معها ..


وبنغزه .. وألا .. والله والله لاعيد زمان منى وفهد وافجعكم كلكم .. وطلع ..


بكت أمه .. لاحول لها ولاقوه ..
وهو مطيور يسوي العيب ولاهمه ..

توجهت للقبله .. يارب لاتفضحنا .. يارب سترك ..

دخل ابوبدر وهي بوضعها .. وحكت له كل شي ..

ردت فعل غير متوقعه من أبو بدر أو يمكن هذا الصحيح ..
لازم يحصنه دام الولد بنفسه يبي يتحصن .. ويمكن بعد يعقل .. وأحنا مهوب غاشينهم في ولدنا .. ولهم الراي بالاول والآخر ..


أبو بدر .. طلع جواله يدق عليه ..
تردد فادي يرد أو لأ .. بس قرر يواجه أبوه ..


أبوبدر .. تبي بنت عمك تعال عقب المغرب نخطب .. وسكرها بوجهه ..



لف فادي الطاره وهو مهوب مصدق .. فك يديه من الدركسون وصفق .. يآااااهووووه هيآاااا هيآاااا هووووه ..



‏*‏ * *



خلود .. آهآااااهآاااي .. ياحليله .. أجل جاي يخطب ..


وبتريقه .. قولو له .. عاوزاه يغير اسموو ..
ويجيب لي عربيه ملآكي .. وشبكه ألمآزز مش فالصوو ..
وشئه مفروشه في المهندسين .. وأيه كمآااان ..
آه وعاوزه فررح هوليله .. الكل بيتكلم عنوو ..


أم حمد قاطعها ..
ياربي من ذا اللسان مايرتاح ولا يرقد !!
قولي أيه وألا لا .. مدري وش تخرطين ..


خلود .. ههههههههه هه بريحك ..
لأ لأ يعني لأ ..
وحطت يدها علآ فمها بلكاعه .. وقامت للنت اللي أمها فصلته عشان تحاكيها بالخطبه ..



‏*‏ * *


فهد .. خليت عزوز مع أحمد وولده بيروحون للملاهي وأنا مالي خلق الدوشه .. قلت لمنى ماراح نرجع ألا 9 بالليل .. بس رجعت بدري طالعت ساعتي لسا 7 ..


فتحت الباب وصدمني منظرهآ ..

منى .. فتحت الكتب .. ومعها انفتحت نفسي .. وحسيت أني رجعت مراهقه .. تصفحتها وحطيتها على جنب ..


وطالعت نفسي بالمرايه ..
نفسيا .. ماحسيت بنفسي ألا وأنا أحط كحل وروج وبلاشر .. بدلت لبنطلون قطن اسود مع تي شيرت كت ترآبي .. قدامي وقت طويل 5 ساعات أسوي اللي أبي قبل مايجي فهد ..


واضح الصدمه علآ وجهه .. تلفتت حواليها تدور شي قريب يسترها مالقت.. وهي مو قادره تصرف ..


ومن شافت الوقت مو في صالحها .. والهروب شبه مستحيل ..
نزلت راسها بخجل من شكلها ..


فهد .. قربت لها .. وحطيت يديني على عضودها العاريه ..
وهمست بأذنها ..
هذي اللي تقول مابي أدرس !!
أشوف أكلتي الكتب أكل !!


أنصبغ وجهها حمره وحتى أذانها تحس بحرارتها ..

جلست مقابل لها .. ويدها بيدي ..
رفعت وجهها أتاملها ..


وبنفسي .. كل مالها تصغر مو تكبر .. تزود حلاوتها وغلاوتها ..

ياررب صبررني بس ..

تركتها فجأه وأنآ أهررب من تأثيرها علي لغرفتي .. إخاف أتهور ويصير شي لاتحمد عقباه واللي صبرني كل هالسنين يصبررني زود ..
‏ ‏..
بس يارب الطف بي .. ماعاد بي جلد ولا طاقه أتحمل .. قبل صاده عن عيني وبالي أحيان يسلى عنها ..


بس الحين .. آاااه يارب فرجك ..


‏"‏ يتبع "
.

 
 

 

عرض البوم صور ام وسن   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أم وسن، اعطني حريتي اطلق يديا، قصة تسلط الضوء على الحضر والبدو, منتهى آلبدر ؛؛ عقآب نوف ؛؛ بتول وصقر .., العقااب، البدر، الصقر، والفهد.. اعلن عن مصادرتهم لمجموعتي الشيوخيه^_^, تم مصادرة ابطال القصة لصالح مجموعة شموخ الشيوخ لخلوي ^_^
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:57 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية