لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-09-09, 03:13 AM   المشاركة رقم: 181
المعلومات
الكاتب:
اللقب:
كاتب مميز
اميرة الادب النتي


البيانات
التسجيل: May 2009
العضوية: 144260
المشاركات: 1,238
الجنس أنثى
معدل التقييم: ام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييمام وسن عضو جوهرة التقييم
نقاط التقييم: 1033

االدولة
البلدSaudiArabia
 
مدونتي

 

الإتصالات
الحالة:
ام وسن غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 


السلام عليكم ورحمة الله ..


//‏ البآاارت الثآلث وآلعشرون //



الدكتور .. انتا آللي جي معآهآ ؟؟

علي : أيه يادكتور .. وشفيها ..
الدكتور : طيب مافيش حد أكبر منك أتكلم معآه ..

انقهر علي .. وتحلطم .. جعله في ذا العوينات .. ذلحين مهوب مالن عويناتك ذا آللي قدامك ..


جاوبه .. فيه رجالها .. باتصل به ذلحين يجي ..
..‏ سالم .. يوم دخلت البيت وشفتها مهيب فيه .. أونست ضيقه .. طلعت بعد ماسلمت على عيالي وامهم ..



دخلت البيت بعد حول ساعتين .. شفت بنتي جوزا راقده على السيراميك والعابها حولها .. شلتها باطلعها فوق .. ياقلب أبوها الله يعيني بس ..


ناظرت حولي .. ماشفت أحد البيت هادي ماكن به أحد ..


دخلتها عند أمها .. شفت أمها أردى منها .. نايمه في الارض .. وحولها قراطيس بطاطس وبسكوت وببسي ..


كسرت خاطري .. قومتها ترقد على السرير .. بيوجعها ظهرها من ذا الرقاد ..


سألتها وين بروك .. هزت كتوفها تقول مدري .. وتغطت ورقدت ..


طلعت أدوره .. مالقيته الله يستر ..
مريت المطبخ .. شفت معه ولاعه .. يحاول يشب الفرن ..


ركضت له وخذتها ..
شلته .. ماكنه سلم .. قلت يابوي عيب .. لابغيت شي قل للشغاله .. وألا لاحدن أكبر منك ..


مسك بطنه .. أبي عدا .. دويع .. - أبي غدا جويع -

سالم : الله يوسع لس قبرس يآم عزيز .. مثل ماكنتي موسعتها علي ..

فتح الثلاجه .. وسلق لولده بيض .. وكوب حليب ..

قفلت الغاز .. وطفيت اللمبات .. دق جوالي .. استغربت .. رفعته أشوف منهو وأنا عندي أمل انه جوزا ..


صدمني علي .. في المستشفى ؟؟

وأهلها مادرو ؟؟

وش فيها ؟؟

قد لها أكثر من 3 ايام من درت .. توها تتعب ؟؟

طلعت الولد للشغاله ‏.. وحرصتها عليه وطلعت لجوزا ..


‏*‏ * *

جابر يتحلطم ويتحرقص .. ويآما راح .. يآمآ جآ .. يآما وقف .. يآمآ قعد .. يآمآ فرفر في جوآله .. يآمآحذفه ..


نهره عقاب : يآولد أهجد .. عوينآتي راحن كنهن مساحآت سيآره .. ياما راحن ياما جن .. يلحقن زولك ..


التفت له جابر : يآخي وش ذآ آلثقل ؟؟

ذلحين منتب محترر .. ماودك تحآكى مع حرمتك ؟؟


عقاب : هذا انت قلتها .. ثقل .. والثقل زين وآنآ أخووك .. لآتصير مطيور .. تلآحق الحرمه كنك تلآحق لك جرآده ..



جآبر : ليتها جرآده .. كان صدتها من زمان .. وحطيتها بمخباي غصبن عن مآجد ذآ الأقشرر ..

عقاب : هههههه عزالله جابت راسك بنت فهيد ..

جآبر : ورآسك يآالشيخ ..


عقاب بثقه : آنآ اجيب راسها .. وراس طوآيفهآ ..



‏*‏ * *


عقاب : واعدت عمي أجيه عقب المغرب عشان اجيب مهر نوف .. وأوكد موعد العرس ثالث العيد ..

مابغيت أحط مهرها بحسابها .. قلت اسلمه لهم كاش أوجه ..


لقيت بابهم مفتوح .. دخلت .. وصوت ..

ياعرررررب .. يآااااااولد ..

مارد علي أحد .. دخلت المجلس .. شفت القهوه مقعده .. سحبت المركى وتربعت على جالها ..
صبيت لي فنجال .. وخذت فذت تمر بعد ماسميت ..


باتقهوى لين يجي عمي .. قده عنده علم من جيتي .. وأكيد أنه بقبال ..

نوف : يآنذل مضيوي .. أحيان يجيها لعآنه .. يآكآفي الله يجيرس منها فيه أمل معها ..

عيت تسوي القهوه لشين الحلآيآ عقاب .. تقول كل وحده تعزب رجآلها .. جعل مآبه رجآل ..

قمت اسويها غصب .. أن ماسويتها بتسويها أمي وهي رجيلاتها ذا الأيام مهيب عوينن لها ..

مابقا دعوتن قشرا مادعيتها عليه وأنا اسويها ..

‏"‏ جعله حلول .. وأسبق من الذلول ..
جعله شرقه .. ويتبعها غرقه ..
جعله الطبوب اللي ماله مداوي .... .. .. "


لو يدري بدعآي ماذاقها .. ‏

..‏ وديتها المجلس .. وقلت بزين الشاهي بعد .. عشان أرقى فوق ولاعاد أنزل ..

حطيتهن في ترامس مهوب في دله واباريق .. من قدره الترامس وتخب عليه بعد ..


دخلت شفت صقير يتقهوى.. توه الظاهر جاي من دوامه .. آنفدآه ليت كل العرب مثله ..

قلت : لبى آلعرررررب .. جويع آنفدآك ؟؟

نزلت ترامسي .. وحبيت راسه ..
مساك الله بالخير يابو فهيد ..

عقاب : وقفت التمره في زوري .. يوم سمعتها تقول لبى العررب .. دريت أنها ماعرفتني ..

أعرف صوتها من بد كل النسوآن ..

سكت ومارديت .. قربت وحبت راسي ..

مسكتها بيدها .. وفزيت واقف .. وقبل لا تستوعب حبيت راسها وقلت :

مسآس الله بالنور و السرور يا ام مبارك ..

..‏ مثل الظبي لاجفل من صيآده ..

رفعت طرف ثوبها تسابق الريح ..

ومقتفيها شعرن كنه شرطآن الذهب .. انتثر من فوق متونها لين أستقر فوق ردوفها ..


تنهدت .. لبى مطرق الخيزران .. >> يقصد جسمها


وابتسم .. رزقن جآك يآعقآب .. سآقه لك ربك .. لاسعيت له ولا دبيت .. جآ لين عندك برجوله ..

..‏ تنحنحت .. ووقفت اسلم على عمي يوم دخل ..


‏*‏ * *

فادي .. طمرت الدرج درجتين درجتين .. مستعجل .. كآشخ حدي بروح للسوق ..


خطرفت لي الحيوانه منى أختي برجلها ..

وقبل لا استوعب الحركه .. طحت طيحه بنت كلب ..

غترتي بصوب وعقالي بصوب .. وجوالي طار بعيد .. ولحقته نظارتي .. وثوبي رآح في خبر كآنآ من الطين والوصخ.. كأني محذوف من السمآ ..


خلود اللي حظرت الطيحه ضحكت بصوت عآلي متواصل ..

هههههههههههههههههههه يآربي ..
ههههههههههههههههههههه آه يآبطني ..
منى أختها لكزتها .. عيب .. حرام عليك .. سمي عليه قبل على الأقل ..


حول غضبه من أخته منى اللي مدت رجلها عمدا بطريقه .. وصبه على هالوقحه آللي تضحك وأحرجته ..


فآدي علآ نفس وضعيته عقب الطيحه :

خير أن شآء الله ..
الضحك بلا سبب من قلة الأدب ..

هنآ طآحت خلود جالسه على رجولها .. مآعاد تحمل ضحك ..

ههههههههههه كل ذا الطيحه .. وبدون سبب .. هههههههههههه .. شر البلية مايضحك ..

آخذ ترآب في يديه .. ورماه بقهرر عليهآ .. ترك أغراضه مثل ماهي مبدده .. قال وهو معطيهم قفاه ..

يآزفته جمعي أغرآضي .. يقصد منى أخته ..


قطعت ضحكها تشهقه .. مو مستوعبه .. وزاد لمن قآلهآ يآزفته >> تظن أنه يقصدهآ ..


صرخت بقهر تسمعه .. قدهآ ؟؟
قدهآ يآرفت ؟؟

منى أختها : تستاهلين .. حقك مآجاك .. رجال طول بعرض .. تضحكين عليه وتفشلينه .. وبعد تطولين لسانك عليه ..

خلود بقهر : أنا اللي طيحته ؟؟

..‏ آنآ اللي بعثرت أغراضه ؟؟

اساسا طيحته تضحك ‏.. بس أبرك .. ليته اندق لسانه وانشق يوم طآح ‏..

رجعت شآليهم .. ترتب أغرآضهم للرجعه بكره ..


‏"‏ آنتهى البآرت "

قرآءه ممتعه ..
]

 
 

 

عرض البوم صور ام وسن   رد مع اقتباس
قديم 28-09-09, 03:53 AM   المشاركة رقم: 182
المعلومات
الكاتب:
اللقب:
ليلاس متالق


البيانات
التسجيل: Sep 2007
العضوية: 44619
المشاركات: 173
الجنس أنثى
معدل التقييم: ياخذني الوله عضو له عدد لاباس به من النقاطياخذني الوله عضو له عدد لاباس به من النقاط
نقاط التقييم: 117

االدولة
البلدSaudiArabia
 
مدونتي

 

الإتصالات
الحالة:
ياخذني الوله غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

وبس ذا ما مدانا نبل ريقنا يااختي طولي البارت
اتوقع ان جوزاء يمكن حامل ولا وشوله يطلبه الدكتور
وينه بديران ماله طله
اما عقاب صدق حظه داعيه له امه بليلة القدر لو يدري جابر كان انتحر
اما فادي هو وطيحته مسيكين تفشل
تكفين ماابي ارجع من الدوام الا منزله بارتين علشان ننبسط من روحتنا بهالحر الله ينكد على من نكد علينا ولا كان خلونا مع طالباتنا

 
 

 

عرض البوم صور ياخذني الوله   رد مع اقتباس
قديم 28-09-09, 06:06 AM   المشاركة رقم: 183
المعلومات
الكاتب:
اللقب:
ملكة المرح


البيانات
التسجيل: Nov 2008
العضوية: 106580
المشاركات: 1,343
الجنس أنثى
معدل التقييم: NoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جدا
نقاط التقييم: 528

االدولة
البلدSaudiArabia
 
مدونتي

 

الإتصالات
الحالة:
NoOoFy غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

حللللللللللللللوه طيحت فادي الله يلوم اللي يلوم خلود رجال طول بعرض منبطح قدامهم
ولاحلا منه رجل مني اللي بطحته فالارض


غريبه وش صابها جوزاء ماتوقع حمل يمكن مر من سويلم الرجال قهرها وزود عليه رما العيال عليها هم وامهم وسافر


عليك حظ ياعقاب بس لاتعلم جويبر لايصكك بعين
وبعدي اثاريك ميت بدباديب نوف ولله انك منتب سهل وعليك حركات
بس تدري حلوه قومك وترجيعك للبوسه وترحيب الوثق
حيالله ام مبارك تلق ام مبارك ضايعه في هدومها



مشكوره ام وسن على البارت ربي يجبر بخاطرتس
تدرين كل ماخذيت ساعتين ثلاث دخلت على القصه وانا متوقعه بارت يوسع الصدر

 
 

 

عرض البوم صور NoOoFy   رد مع اقتباس
قديم 28-09-09, 12:49 PM   المشاركة رقم: 184
المعلومات
الكاتب:
اللقب:

البيانات
التسجيل: Aug 2007
العضوية: 36137
المشاركات: 82
الجنس أنثى
معدل التقييم: جورية حمرا عضو بحاجه الى تحسين وضعه
نقاط التقييم: 15

االدولة
البلدKuwait
 
مدونتي

 

الإتصالات
الحالة:
جورية حمرا غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
افتراضي

 

اتوقع جوزا انطرمت لانها من درت ماتكلمت اللا بالرسايل

 
 

 

عرض البوم صور جورية حمرا   رد مع اقتباس
قديم 28-09-09, 01:59 PM   المشاركة رقم: 185
المعلومات
الكاتب:
اللقب:
عاشقة ملامح


البيانات
التسجيل: Mar 2008
العضوية: 67057
المشاركات: 5,058
الجنس أنثى
معدل التقييم: العامريه عضو على طريق التحسين
نقاط التقييم: 64

االدولة
البلدSaudiArabia
 
مدونتي

 

الإتصالات
الحالة:
العامريه غير متواجد حالياً
وسائل الإتصال:

كاتب الموضوع : ام وسن المنتدى : القصص المكتمله من وحي قلم الاعضاء
Icon Mod 44

 

تمردت على سجآنيها ،، وحطمت قيوديها ،، وطلت برأسها وتنفست عبق حريتها .. ..
.. وأعلنت الثوره على كل الألوان التحول السواد الى بياض مشع .. ..

أعلنت حربا بلا قائد .. ولاجيش .. ولا عتاد ولا عده ..
ونصبت محكمه ‏.. بلاقاضي ولا محامي .. ولاحتى سجن أو لاسجان ..



طالت علينا بقصتها الثانيه
[[ أعطيني حريتي وأطلق يديا ]] .....

سلاسة واضحة في السرد
وواقعية وجرأة في الطرح

حروفك مميزة
ومقدمك تجبر القارئ ان ينطق لكي بحروف الشكر والعرفان

طرح الجرئ وتشويق
مناقشات هاتين الفئتين الحضر والبدو واختلاف بينهم في الكلام والعادات والتقاليد
لهذا ..
ولأنها نهجت نهجاً مخالفاً عن كل الكاتبات .. وتمتلك الأسلوب السهل الممتنع والذي لايجيده الا ثلّة من كتاب ..
على ليلاس ومن يقومون عليه ويحملون مسؤولية الأمانة في اعطاءِ كلّ ذي حقٍ حقه

.. ان يحلق بـ ( اعطني حريتي واطلق ايديا) موشومة بالتميز الذي تستحق ..

تستحقين التميز وتثبيت الروايه

بفضل مجهودك وابداعك العظيم وان شاء الله نتمنى لك مزيد من التوفيق









مشرفات القسم
من وحي قلم الاعضاء

 
 

 

عرض البوم صور العامريه   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أم وسن، اعطني حريتي اطلق يديا، قصة تسلط الضوء على الحضر والبدو, منتهى آلبدر ؛؛ عقآب نوف ؛؛ بتول وصقر .., العقااب، البدر، الصقر، والفهد.. اعلن عن مصادرتهم لمجموعتي الشيوخيه^_^, تم مصادرة ابطال القصة لصالح مجموعة شموخ الشيوخ لخلوي ^_^
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:43 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية