ان شاءالله ردي ينزل قبل الجزء الجديد لاني اشوف اسم ام وسونه منور تحت وانا توي افضى للكتابه ومستعده لها نفسين



عين العقل اللي سويته بدر في راييك من منعها من الدوام
ولله لو فيها رزقكم انت وياها بصراحه انا انقد على اللي تخاطر بنفسها عشان وظيفه طريق واخطار وبعد تكلف على نفسها وعلى اهلها اذا مو متزوجه وعلى زوجها اذا متزوجه اذا كانت بحاجه للوظيفه بسبب ضروف زوجها السيئه وراح تعيش في نفس المنطقه او ضروف اهلها الماديه صعبه اوكي انا مع الوظيفه
لاكن كثير من البنات المتوظفات اهلهم ماعليهم وزوجها اقله راتبه فوق العشره الاف وتتمسك بالوظيفه وعذرها بيت ملك ياشيخه البيت الرازق ربتس مهوب راتبتس هو اللي يجيبه افضل عندي تتوظفين بمدرسه اهليه وتاخذين الفين ريال ولا تسافرين اكثر من ثلاث مئة كيلو عشان راتب الحكومه وتاليتها متي ولا جاتس بلا من الطريق
ولله ان راحة البيت ابرك ارتاح مع عيالي وزوجي يصرف علي وعليهم لان هذي مهمته ولا اذا توظفتي ولله الراتب يطير وصار عليتس التزامات يفرضها زوجتس عليتس اقلها مستلزمات الاولاد والبنات والبيت وهو مريح
يعني كرف وتعب وتاليها هو يجمع راتبه وانتي تصرفين وياويلتس لو قلتي كلمه
ولله انك يابدر من الرجال القلائل اللي مايب زوجته توظف لانك تحبها وعينك مليانه ومستعد تتكفل فيها وفي عيالها وتلبسهم احسن لبس ارفض بدر لو زعلت وتضايقت هذا في مصلحتها
على فكره كثير من الرجال الان مايبها الا معلمه قام عزهم المدرسات


نوره طبيعي هذا حال اهلتس وخواتس وزين انهم لقو احد ياخذهم انتي جنيتي على اسره كامل وليتس انتي بعد هذا كله سعيده الا اتعس من التعيس وانتظري حالت ولدتس بعد بعدين اذا كبر اذا ماخذه ابوه بتبتلين فيه


تكفين ام وسون لاعاد تجيبين طاري ام صقر ولله انها تجيبلي حاله مدري وش اسميها عمى يالهمجيه استحي من بنت الناس يمه منها ام السانين
فشلتي عيالتس عند بتول
حلو ماسويت صقر زين انك حسستها انك زعلان يوم خذت بتول وطلعت من عندها تدرين وش ينفعلتس انتس ماعاد تشوفين حريم عيالتس وعيالهم عشان تدرين وتقولين ليتني حبيبه معهم الا هيا مانالها من حبتس جانب ولا موقفتس هي ونهار عند حدتس وانتي معها عارفه ربتس


وجع بلا وجع تميت علمك مويجد وتزوجت بس اللي اتذكره انك قايل لامك انك ماخذ بنت ولا انا غلطانه يعني الولد ولدك ومتزوج من زمان ولا البنت مطلقه او ارمله والولد ولدها بس تدري وش اتمنى اتمنى انها تذوقك انت وامك المر عشان تعرف الفرق وتتفجأ من شكلها الشيفه ولوانا مكان وضحى مارجعت لك وطلبت الطلاق وخذت سيد سيدك وخاصه ان البدو ماشاءالله المره اذا طلقت ماتبور ياخذه احيانن شباب ماتزوجو

ربي يسلم ذا اليمين ام وسون تحلين بقصتس مشاكل حاصله عندناوناقشها مع بعض خاصه مشكلة سفر البنات للوظيفه