كاتب الموضوع :
آحسآس آمرآءه
المنتدى :
الارشيف
الجــــــــــــــــــــــــــــــــــــزء الرابع
......: ندى تكفين جيبي الرقم
ندى: منير بلى هبل
مناير: ندى تكفين ماقد طلبت منك شي تكفين جيبيه
ندى: افكر
اماني: لك اسبوعين تفكرين ماكفاك خلا ص قولي تم
ندى: طيب بس شوفي محمد الحين طالع اذارجع حاولت
اماني: ايييييه انت الحين صديقتي
ندى: الحين صرت صديقتك
بوووووووووووووووووووووووووووووو
ام خالد وهي مو مصدقه اللي قدامه: وليدي الحمدلله على سلامتك>> وضمته الكل تفاجا ماتوقعوا هالمفاجاه
.......: يمه خلاص كفايه دموع
ام خالد: وشلونك يمه وشخبارك
حمد: بخير بشوفتك يمه مشتاق لك
مشعل: حمد مو مصدق هلا والله باخوي>> وضمه بقوووووووه
حمد: مشعــــــل فديتك اخوي مشالله عليك سمنت وش تاكل
مشعل: اكل من غدا الغاليه ماما
حمد: اخص ياماما
خالد قرب مو مصدق: حمد>> وضمه بقووه... حمد كيفك وش اخبارك وش علومك
حمد: بخير يا خوي انت وش اخبارك وش مسوي
خالد: الحمدلله بخير بخير
ام خالد: اجلسو ياعيالي بروح اجيب الغدأ
جلسوا العيال وكل واحد مشتاق لثاني من زمان ماجلسوا هالجلسه>>جت ام خالد ومعها الشغالتين وماسكين الاكلات وفرحتها ماتنوصف جلسوا الشباب وتغدو ...خالد كان مشتاق لـ أكل امه وكانه مااكل من سنتين ....حمد مشتاق للبلد وللاهل وللــ أكل .....وكل شي اليوم كان غيييير
مشعل: الحمدلله اول مره اتغدا مع العايله كلها
حمد: أي والله من زماااان ماجلسنا هالجلسه اللي تفتح النفس
خالد تذكر زمان اول كان الكل يجلس حتى وفا وابوه كل شي يذكره بوفاء... كل شي.... كل شي
حمد: سفرة دايمه
ام خالد: بوجودكم يمه
اماني: الحين كم باقي لك وتخلص
حمد: والله يامرة اخوي المصون سنه وست شهور
اماني: مشالله
حمد: انتي ماودك تكملين دراستك احس عندك ميول
اماني: ايه والله ودي بس اخوك
فهد: هيه انتي وياه اشوفكم طقيتوها سوالف
حمد : اخوي لاتكبر الموضوع اماني زي اختي
فهد: وشو اماني؟؟!! حاف لا قل مرة اخوي ام ساره
حمد: يوووووه مشوره
فهد: اصصصصصصصص>>وكأنها تذكر شيء..... صح خالد وش شرطك
خالد: يمه اخواني مرة اخوي شرطي اتمنى الكل تطبقونه والا ماراح اعيش معكم او تشوفوني...>>.الكل مركز على خالد ووشي شرطه اللي ممكن يفرقه عنهم
فهد: يالله ياخوي تكلم
خالد: اسمعوني دامني موجود لاتجيبون طاري الجود او طاري اني اتزوج
ام خالد: ليه يمه
خالد وشوي ويصيح... الجمعه هذي ذكتره بوفاء وحب وفاء ذكرته بغدا وفاء وأكل وفاء
خالد: يمه انا تعبااااااااان تعبان يمه مااتحمل ضغوط زياده
فهد: بس هذا شرطك اجل اسمعوا يااهل البيت لحد يجيب الطاري هذا عند خالد كانكم تبونه عندكم
ام خالد : بس انا ودي افرح فيك
خالد والكل نقطة ضعفهم امهم مايحبون يردون لها طلب فتكلم حمد اللي يبي يريح خالد : وانا يمه وين رحت ابيك تدورين لي بنيه راعية حلال
ام خالد: صدق يا وليدي
حمد يناظر خالد وكأنه يقول عشانك ياخوي: ايه يمه
ام خالد: وش رايك ببنت عمك ندى مشاالله عليها
حمد: يمه ندى معتبرها زي اختي مااتخيلها زوجتي
ام خالد ارتاحت: ايه طيب..
وبدت ام خالد بتعديد البنات لحمد
ام خالد: ايه صح خلوني ادق على ام محمد ماعلمتها بجيتكم واليوم بتكون اكبر عزيمه بمناسبه رجوعكم
اماني: ومررره وحده ندورلحمد
حمد: مااوصيك ابيها حلوه مثلك
فهد: زوجتي ماله دخل فيكم
طارق: توك تقول انها من العايله
فهد: اووووووووه نسيت انك موجود ............>>وراح الكل ينام وفرحتهم مو واسعتهم فرحانين برجوع خالد وحمد والحياة لبيت الوافي ...... دقت ام خالد على ام محمد وكل الحريم القرايب ...الجيران و....حتى الاصدقاء الكل... وبدا تجهيز للعزيمه
......: ايه يمه رجع
محمدعلى الخط الثاني: قولي والله
ام محمد: والله وخالد بعد واليوم عزيمه ناد كل من يعز عليك
محمد: ان شالله يمه يالله انا جاي وسكر
ندى داخله: وشفيكم يمه
ام محمد: حمد ولد عمك رجع وخالد رجع بعد
ندى بصدمة فرح: قولي والله يااااااااااااه والله مشتاقه لحمود
ام محمد: عيب يابنت...و اليوم فيه عزيمه وكبيره بعد
ندى: عشتوا توك تقولين لي ماعندي لبس
ام محمد: إلا دولابك مليان ملابس
ندى:ايه يمه بس هذي عزيمة حمد لازم نكشخ إلا وين ساميي
ام محمد: مدري
ندى: كلمتيه؟؟
ام محمد: لا والله بكلمه
ندى بفرح: لا يمه انا بكلمه...............>>وراحت دخلت غرفتها وانسدحت على السرير واوووووووووو حمد رجع صديقي رجع معقوله بيخطبني بس انا ماابيه انا معتبرته اخويي وبس طيب خالد اوووه اخاف ياخذ الجود لالا ماتوقع طيب واذا اخذها هذي بنته ومن حقه قطع التفكيييييرها
الجود: دنى وثفيك
ندى: ياقلبي عليك>> وضمتها...الجود حبيتي اليوم بنروح بيت بابا اليوم جاء بابا جاء
الجود: بابا دا داب هديه((بابا جا جاب هديه
ندى: مدري ماما مدري
الجود: تيب يالله بلبت((طيب يالله بلبس
ندى: اووووووووووه صح بكلم سامي>>وأخذت الجوال ودقت عليه وو طوط طوط طوط
سامي: هلا
ندى بفرح وصراخ: كلللللللللللللللللللللللوش اخوي البشاره
سامي: داري خالد رجع
ندى تحطمت: من قالك
سامي: انا شفته عند باب بيتهم بس غريبه فرحانه يمكن ياخذ الجود
ندى: اوووووووووووه ماعندك سالفه لا انا عندي خبر احلى منه بكثير بس البشاره
سامي: طيب حلوه
ندى بأستغراب: منهي ؟؟
سامي المفاجاه
ندى: تهبببببببل ومحمد انهبل عليها شوف ودني السوق واقولك
سامي :وانتي كل يوم سوق
ندى: عشان هالخبر بروح السوق فيه عزيمه اليوم لاصارت ولا استوت
سامي : يالله تجهزي بس وشو الخبر
ندى: اول قول وعد اوديك
سامي: وعد اودييييييييك
ندى: حمد حمد ولد عمك رجع ومسوين عزيمه اليوم
سامي بفرح وبصدمه: قولي والله
ندى بدت دموعها تنزل : والله العظيم
سامي: يالله اطلعي بسرعه
....................
......: ياربيييه تدرين ان خالد جا ومسوين عزيمه عشانه
افنان: داريه وحمد قلبي جاي واااااااااااااو اليوم فله
منيره: بس هالندى بتجي
افنان: واذا
منيره: شوفي انا اتوقع ندى بتاخذ واحد من عيال عمانها يعني ياحمد ولا خالد
افنان: لا مستحيل حمد لااا حمد لي انا
منيره: وخالد لي انا يكفي هالوفاء الحماره ماخذته قبلي
افنان: يربييييييييه كل مالي اكره هالندى
منيره: تدرين ان امي كلمتهم وخطبت ندى لصالح
افنانبصدمة وكره: لااااااا ضاقت مابقى الاهي من البنات
منيره: انا اللي قايله لامي ياغبيه عشان يفضى الجو لنا
افنان بصدمه: والله انك داهيه يالله نروح نشتري لبس
منيره :يالله لازم اليوم نكون غير يمكن نشوفه وألا شيء
افنان : مو يمكن الا اكيد
........................
في السوق سامي ندى والجود
ندى: سمسم ابي لبس لي وللجود نفس الشي ونفس اللون
سامي: ويييين من وين بتلقين
ندى: انا دايم افصل بس ان شالله نلقى
سامي: مستحيل صاحيه انتي؟؟
ندى: سمسم تكفى دور معي انتوا يالرجال عندكم نظره قويه
سامي: اذكري ربك اوف من الحساد
ندى: بسم الله عليك يالله تكفى دور
سامي شاف قطعه : شوفي هذا يجنن في كل المقاسات من عشرين الى ست سنين
ندى: الله يجنن بس مافي سنتين
سامي: ياذكيه ناخذه ونوديه للخياط يضوق ويقصر ويطلع لقطه
ندى: اااااااااااااه عليك ياخوي ذكي يالله خذه....وخذوه وطلعوا
سامي: الحين وين نروح
ندى: للخياط وبعده لمحل الذهب
سامي: مو احسن لو انك رايحه مع السواق
ندى: السواق مشغول ولو هو فاضي فـ كل الخدامات مشغولوات في بيت عمي محمد
سامي:آآآآآه الله يعينا عليكم يالحريم
ندى: يالله ان شالله اشوفك تدور فهالاسواق مع زوجتك
سامي: وع الله لايقوله
ندى:ههههههههههههههههههههه
............................
عند آذان المغرب ندى توها راجعه
ام محمد: يالله بسرعه ندى لا زم نروح نساعد
ندى: يووووه يمه يبيلي اتروش واستشور شعري والجود نفس الحكايه انتي روحي وانشالله عند اذان العشا عندكم
ام محمد: مالي الاكذا يالله مع السلامه وانتبهي للجود
ندى: انشالله يمه >>امت تصارخ ...ستيييييييي ستييييييييييي
ستي: نعم ماما
ندى: تعالي معي نسبح الجود ونزينها
......................
الكل راح الساعه 10 الكل موجود
عند الشباب
سامي: هههههههههههههههههههههههه اجل وشلون الحمر والشقر
حمد: اووووووووووووووووه شيءبصراحه يعذبوووون
خالد: اقول حمد رح جب القهوه من الحريم اللي عند الصبابين خلصت
حمد : شوي خمس دقايق وأجيبها
...........................
دخلت ندى كان الحوش كله شباب دخلت من باب المطبخ وعلى غرفة المخزن بما أنها ملاصقه للمطبخ تعدلت وتزينت وحطت القلاس لها وللجود وخذت لها رشه عطر وطلعت وانصدمت من الي شافته
حمد: جيبي القهوه بسرعه ولف>>حمد انصدم واستغرب عرفها هي ندى ايه ندى اكيد هذي الجود
حمد: ندى
ندى: حمد...................حمد لاشعوريا مد يده وندى بعد سلم عليها كان وده يضمها مشتاق لها كثير محتاج لها ولضمتها يحس بالغربه وده يضمها بس..,,,.............(( هيييييه لايروح فكركم بعيد هو يحبها حب اخوه يعتبرها اخته
حمد: ندى كيفك اخبارك
ندى: بشوفتك بخير بخير
حمد: واوو مشتاق لك مرررررررررررررررره
ندى: وانا بعد مشتاقه لك ومحتاجتك بشرني عنك
حمد: وربي يوم شفتك بخير
ندى: اااااااااااااااااااااه ياحمد وش اقول
حمد: لاتقولين شي......ونزل مقدار الجود وحبها :كيفك ياحلوه
الجود تناظر ندى وتأشر على حمد: دنى من هذا
ندى:هذا عمي حمد
الجود: امي همد انت هلو((عمي حمد انت حلو
حمد: ههههههههههههه>>وارتفع لها....ندى وشذا الجمال احلويتي صرتي قمر
ندى: ههههههههههههههه مشكووووووور انت اللي احلويت صرت تخقق
>>>وماانتبهو للي كان يراقبهم
........: حمد هلا والله كيفك ياقلبي>>وجت سلمت عليه وباسته...وحشتنا ياولد الخاله
حمد: هلا افنان مايوحشك غالي يالله مع السلامه وهوبيطلع
ومعه الدله لصق في ندى وقرب من اذنها: انتضريني فليل بدق عليك الرقم نفسه
ندى: اوكيه ياحياتي ورفعت صوتها
>>طلعت ندى من المطبخ وتركت افنان ميته من القهر مشت وأتجهت للصاله اللي مليانه حريم اول مادخلت الكل التفت عليها كانت تجذب الحاظرين كانت جميله بمعنى الكلمه صح ان ندى حلوه بس اليوم طالعه غيــــر مشت ندى لحد ما وصلت لعند ام خالد وسلمت عليها وباست راسها
ندى: كيفك يمه
ام خالد: بخير جعلس بخير
ندى: الحمدلله على سلامة خالد وحمد
ام خالد: الله يسلمك
ندى: يمه هذي هديه بسيطه بمناسبة رجوع خالد والغالي حمد >>ورفعة صوتها(( تبي تقهر افنان
ام خالد: مشكورة يمه ماله داعي الكلافه ((كانت الهديه طقم الماس كبير أبيض ومزخرف ب أحجار خضرا كان كبير وملفت لنظر
ام خالد: مشكوره يمه ماله داعي الكلافه مشاالله عليك طالعه قمر تهبيلين جعلي البسك في زواجك قولي امييين
ندى استحت من قلب ونزلت راسها: يالله الجود
الجود: يمه هدي هديه بمناتبة لدوع باب وامي همد>>ورفعت راسها لندى...وصح دنى((يمه هذي هديه بمناسبه رجوع بابا وعمي حمد صح ندى
ندى: ايه صح >>وباستها
ام خالد نزلت للجود وشالتهاوضمتها: مشكوره يمه مشكوره كانت الهديه الماس تعليقه ومكتوب الجود بحركه رووووووووووعه
ام خالد:مشالله عليك انت والجود ماخذين الجمال كله
ندى: الله يسلمك
((كانت ندى لابسه تنوره سوده جنز قصيرة تحت الركبه علطول ولا بسه بدي احمر اللي يكون شكله يطلع نص الظهر وممسوك من الرقبه ولابسه تحته قميص ابيض كت و شعرها طويل لنص ضهرها ومصبغته بغجري ولابسه كعب اسود والجود نفس الشي لابسه تنوره سودا جنز نص الفخذ ولابسه البدي نفسه وقميص ابيض كت وشعرها لتحت اذنها بشوي ولابسه شراب احمر وجزمه سودا))
راحت ندى وسلمت على الكل ويوم جت بتجلس صرخت ام خالد: يمه ندى تعالي جمبي
ندى: ان شالله يمه
وجلست ندى جمب ام خالد وامها ومادرت ان في ناس شابين ضوء من القهر
.....: الله دود انتي هلوه((الله الجود انتي حلوه
الجود: انتي هلوه بأد((انتي حلوه بعد
مريم: انتي ودنى مللللله هلو((انتي وندى مرررررررره حلو
فهد: الله دود هلوه((الله الجود حلوه
الجود: انتي هلوه((انتي حلوه
ساره: جود تهبيلين مره
الجود: انتي اهبلين
وسوو شله ضد البزران ساره ومريم والجود وفهده وبس
عند الشباب
مشعل: لو سمحتم نبي رقص نبي ردحه
مهند: ابشر عندي لك شريط تموت عليه
مشعل :يالله هاته>>وشغلوا وبدا الرقص والهبال الكل قام يرقص الاخالد شاف بزارين كثير راح لمجموعه ساره
خالد: وشتسوووووووون
ساره: مانسوي شي
فهده: امي نبي اثكليم((عمي نبي ايس كريم
مريم: ايه تثفى خالد((ايه تكفى خالد
ساره: شف ابي بتوفي
مريم :وانابأد(( وانا بعد
فهده: وانا
خالد يقصد الجود: وانتي يالحلوه وش تبين
الجود وش شوي وتصيح: انت منو
خالد: لا لاتصيحين انا اسمي امي خالد
الجود نقزت وضمته: انت بابا انت بابا
خالد ضمها ومسكها: لا ياحبيبتي انا مو بابا
الجود: الا دنى تدول انت بابا((الا ندى تقول انت بابا
خالد بصدمـة وهو يبعدها: انتي الجود
الجود: ايه
خالد يناظرها نفس الملامح نفس الاشباااه: الجود بابا مات مااااااات
ساره: كذاب انا مااحبك
خالد: لييش ماتحبيني
ساره: بابا يقول الكذاب محد يحبه انت كذاب انت ابو الجود
خالد قام عنهم ورااااح: خلاص الحين بجيب أس كريم
الجود: ساره تح هدا بابا((ساره صح هذا بابا
ساره: ايه الجود بس لاتروحين له خليك معي
الجود: طيب ليش يكذب
ساره: مدري مدري
.....................
حست ان جلستها مالها داعي قالت اروح عند البنات
ندى: يمه تبين شي بروح عند البنات
ام خالد: لايمه بس اقري الاذكار
ندى: انشالله يمه تبين شي
ام محمد: لا يمه روحي الله يحفظك
دخلت ندى غرفه البنات. السلاااااااااااااااااااام عليكم ايا الخيانه عندكم رقص ولا تقولون ننادي ندى
اماني: ياحيا الله ندى ادخلي
ندى: اهلين بنات
منيره: اهلين
ندى: افنان كيفك اخبارك
افنان: لييييش يهمك تعرفين اخباري
ندى: بصراحه لا بس لازم نسأل لانك بنت خال الغالي
منيره :كلنا بخير
اسما: ندى وش ذالزين
ندى: الله يسلمك انت كيفك وحشتينا
اسما: الله يسلمك.......>>وبدأت حفلت البنات لحد ماخلصت العزيمه2 ونص مابقا الا ام محمد وعيالها وام صالح وعيالها
ام صالح بصوت واطي: ها ام محمد وش ردكم
ام محمد: والله الزواج قصمه ونصيب وهي توها صغيره
ام صالح: هذا اخر كلام عندك
ام محمد: اييييه والله اخر كلام
ام صالح بصوت عالي: يالله ام خالد مع السلامه
ام خالد: لييييه تونا خلي البنات يستانسون
ام صالح: لا مرة ثانيه انشالله يالله بنات....اول من طلع افنان ((هذي اخت ام خالد وعندها صالح متخرج من الجامع وجالس في البيت ومنيره في ثالث جامعه امنية حياتها تتزوج خالد, وعبدالله صديق مشعل وسامي وع20 وافنان انسانه حبوبه بس انانيه وتموت في حمد وتكره ندى وعمرها 18 وعبدالرحمن عمره 8 صديق طارق))
اول ماطلعت الخاله ام صالح دخلو الشباب ومحمد وحمد وفهد وسامي ومشعل وطارق
ندى جت بتطلع مهما كان صح تمون على اولاد عمها لكن لازم جلال ولبسها بعد مفتح توها بتطلع ألانادتها
ام خالد: ندى حبيتي تعالي
ندى: ان شالله يمه بس بجيب الجلال
ام خالد: لا يمه تعالي الحين
دخلت ندى وهي مستحيه غريبه ليش ام خالد نادتها
مشعل يصفر: اوووووووه ياندو وش هالزين تهبليين
محمد متضايق من وجود ندى بدون جلال
فهد: كيفك يا ندى
ندى مستحيه: الحمدلله
فهد: اذا ماعليك امر خلي الجود والبنات يرقون فوق عشان خالد
ندى استغربت بس ما قالت شيء: انشالله حبيبتي الجود روحي فوق مع البنات>>راحوا البنات
ودخل خالد: السلام عليكم
ام خالد : وعليكم السلام...الكل مستغرب مو من عادة امهم تسوي كذا
في السياره مع السواق
افنان: شفتي كيف تمدح فيها
منيره: يايربييييييييه والله ضايق صدري اخاف تاخذه>>وصلو بيتهم
افنان : منيره ماشفتي جوالي
منيره: لاااااااااا
افنان: دقي عليه>>وبداء البحث عن الجوال لحد ماصرخت
افنان: يوووووووووه نسيت عندهم في بيت خالتي ام خالد
منيره: يوووووووووه هذا وقته بكره خلي عبدالله يجيبه
افنان: لا انا ابيه الحين تجين معي بروح اجيبه ومنها اشوفه بعد
منيره: فكره والله بس مالي خلق اروح
أنتهى
وش سر ام خالد؟؟ ووش تخفيه لنا؟؟
خالد وموقفه مع الجود وش نهايتهم؟؟؟
منيره وافنان اشخاص جديدين فالقصه وش وراهم من مصايب؟؟؟
وووو الكثير الكثير
انتظروني في الجزء الخامس
اختكم
<<أحساس إمراءه>>
|
10-08-09, 08:02 PM
جديد مواضيع قسم الارشيف
العرض العادي
