~!! مساءكم \ صباحكم .. بساتين زهر ..
اعتذر عن تأخير الغصه الثالثه ..
وتسلم كل عين مرت من هنا ..
.
.
( $ ) مــرآهـ ..
أقف أمام المرآه .. أدقق النظر إلى وجهي أستغربه.. !
هذه ليست أنا ! لا أمتُّ إلي بصله .. ليس هذا هو الوجه
الذي كان قبل أن .. أعــرفـــكـ !!!!
.•.* الغصــة الـثـالـثــه *.•.
دخلت بيتنا ع طول توجهت صوب المطبخ بشوف علوم غويه , أول مادخلت تيبست كنه حد صب عليه ماااااي باااااااارد يوم شفت غويه تسوي عصير و..........
غويه: ( أنتبهت لي ) غبووووش وأخيرا يتي تعالي سدي نهيان عني من الصبح يلعوزني ...
غبيشه: أذا نهيان هني من اللي .....................!!!!!!( حسيت الدم تيبس ف عروقي )...
نهيان: وين وين تلفوني بصور شكل غبوش ( وسوى عمره يدور التلفون ) ..
غويه: هههههههههههههههههههههههه .. ( تمت تضحك ع شكلي )..
شليت عمري من عندهم , ع طول توجهت صوب البيت , سكرت باب مملكتي وقعدت عند الباب وأنا خلااااااص بموووووت من الفشله والقهر منووو اللي تقبضت فيه لاااا يكووون لاااااااا ماريد أفكر , ياااااااويل حالج يا غبيشه..
غبيشه: يااااربي دخييييييلك ارحمني ( مادري ليش حسيت بالضعف ) ..
قعدت أفكر وأفكر وأنا خلااااص خانقتني العبرة سمحت لكم دمعه بالهروب من محجر عيني..شووي وأحس كنه حد يدق ظهريه مب الباب من الدفاشه , عرفت ع طول من ورا الباب ......
غبيشه: ياااااااااااااااااااااااااااااااالله متى بفتك من هااااااااااااااااااااااااااااااالبيت ( قلتها بصريخ متعمده عشان ينسمع صوتي )..
غويه: ههههههه سمعتج مايحتاي تصارخين..غبووش شووي فتحي الباب أباج في سالفة ..
غبيشه: ( مشيت دموعي بيأس من إزعاج هالأنسانه اللي شكلي يوم من الأيام بذبحها , فتحت لها الباب وفتحت عيوني )
أوب أوب أوب شووووو هالحلااااه غووويووه...؟!
غويه: ( كانت متكشخه كشخه خفيفة بس طااالعه روعه , استحت من ردت فعلي) صدق حلوو ولا عندج تعليق أسير أغير شيء..
غبيشه: لا وربي طرطريشن ..( وابتسمت لأني أحيدها ماتحب هالكلمه)
غويه: ( طنشت اللي قلته وقالت بكل حياء) راشد بيتعشى عندنا..
غبيشه: واااااااافديت أختيه اللي ويها لوح وأونها تحاول تستحي..
غويه: ( توها يايه بتعلق أنتبهت لشكلي) غبوش شكلج توج مغسله عيونج..( قصدها توني صايحه )..
غبيشه: ( أرتبكت ) هـااا.. هيه توني غسلتهن بالمااي..( ابتسمت ابتسامه كرست الغبية )..
غويه: ( فهمتني , دخلت مملكتي وسكرت الباب وسحبتني يلستني عدالها , ورمست بالحنان اللي تحاول تعوضني به عن الحنان الضااايع ) غبوش فديتج خبريني شو فيج؟؟
غبيشه: ( حاولت أتهرب) غوويوه لا تحااولين تكونين الأم الحنون مافيني إلا العافيه..
غويه: ( كاشفتني ) تخبين علي غبوش؟؟!
غبيشه: ( يااانااااس ماقدر أقاوم هالأنسانه ماااأقدر ) يوم رحت بيت عمي ....... ( خبرتها كل شيء صار بالتفصيل الممل)
وبس هاللي صاار تخيلي غوويووه وربي....
غويه: ( مارامت تقبض عمرها من الضحك ) ههههههههههههههههههههههه
غبيشه: ( عاد أنا صدق أنحرجت بس أوني عااادي) غووووويوووه عن الحركات ..
غويه: ( تمالكت نفسها ورمست بجديه) أحم..غبوش عادي أنتي ماكنتي قاصده ولا كنتي تعرفين أنه هووو..
غبيشه: ولووو بعد ماا أروم أمنع نفسي من اللوم والتفكير عن شوو هو بيقول عليه أكيد بـ يتنقدني..
غويه: لا لا ماعتقد صدقيني كانت حركاتج مبينه أنج خبر خيير..
غبيشه: دخييلج ماتخيل عقب الموقف أقدر أشووفه..
غويه: ليش تحرجين عمرج خلج عادي ولا كنه شيء مستوي..
غبيشه: بحاول..تعالي تعالي ( طالعتها بنظرة جرم وابتسمت) متى بيي الشيخ راشد..
غويه: ( خييلت ) عقب ربع ساعه..
غبيشه: ههههه هالربع ساعه قبل ماتدخلين مملكتي وتتفلسفين أحين خطفت نص ساعه..
غويه: ( كنه شي لدغها نشت بسرررعه وهي خلااص) أووووهووا ياغبوش نسيتيني رويشد بسير أدقله ( طلعت من مملكتي وهي مستعيله )..
غبيشه: ههههههههههه..
..
داخل غرفة غويه..
غويه: السلام عليك..
راشد: وعليج السلام..شحالج؟
غويه: بخير يعلك الخير..من صوبك؟؟!
راشد: طيب طاب حالج ناقصني بس شوووفج..
غويه: .............( سكت أستحي بعدني أستحي منه) ..
راشد: فددديت المستحى..أقوول..
غويه: لبيه..
راشد: أنتي مب ناويه تنزلين؟؟من ساعه أرقبج..
غويه: أنته ف بيتنا؟؟! ( يالله شو هالسؤال الغبي ) ..
راشد: لا ف بيت الييران دخلتني خدامتهم وقالت بعد شووي بتي الشيخه غويه وخطفت ساعه وأنا أرقبها..
غويه: (وربي أنحررررجت من الخاطر) أنزين .. أنا كنت..عند..
راشد: أقوول نزلي نزلي..
غويه: ياالله يايه..مع السلامه..
راشد: أرقبج..لاتتأخرين..ربي يحفظج..
غويه: أففففففففف ماغباني من الصبح من قاعده عند غبوش ونسيت راشد..أوهوووه شو ميلسني أحين خلني أسير له..
نزلت تحت وطالعت عمري فالمنظره اللي عند الدري , عدلت شكلي وسرت لـ راشد..
..
غبيشه: ( ردت الأفكار تهاجم عقلي الصغير مليييت من كثر مافكر وأساسا مليت من هالروتين , سمعت صوت تلفوني , طالعت من اللي طريت ع باله ودقلي وأنها أمايه رديت) هلا امايه..
امايه: ألوووه..غبوش وين أنتي؟؟!
غبيشه: فـ غرفتي..
غويه: وغويه وينها؟؟
غبيشه: فـ الميلس عند راشد..
امايه: هيه هيه..أنزين نزلي تحت شوفي العشاء ولد عمج وخوانج بعد شووي يايين البيت..
غبيشه: ( أنحرجت من طاري ولد العم ) هاا..أنزين..أنتي وينج؟؟!
امايه: الحين يايه فالدرب..( إذا ماقلتلك ترى امايه تسوق )..
غبيشه: أنزززين احين بنزل..
امايه: ( كالعاده بندت التلفون بدون ماتقول مع السلامه هذا طبعها )..
غبيشه: ) نشيت كنت بظهر بس تذكرت دفتريه , فتحت الدرج وطلعته , ماعليه بشخبط فيه ع السريع وبنزل تحت, فتحت الدفتر وتنهدت من الخااااطر يوم أقلب صفحات حياتي المهم إني سجلت التاريخ والوقت وكتبت..)
على طاري ذاك الزمان اللي " كـان "
على طاري ذاك المكان اللي " كـان "
على طاري ذاك الحب اللي " كـان "
على طاري ذاك الغرام اللي " كـان "
على طاري ذاك الشوق اللي " كـان "
على طاري ذاك اللي " كـان " يجمعنا..!
تـــذكــرتك......!
يااويل حالج ياغبيشه , بندت الدفتر ورديته فـ بقعته وشليت شيلتيه وظهرت من مملكتي متوجهه تحت..
..
رويه: أوهووووووووه سكتوووووا خلوووني أعرف أتاابع المسلسل...
العنود: ماانرريد ماانرريد..( فرت المخدة ع راسي)..
شمسه: رويوه سيري غرفتج نحن قعدنا هني قبلج..
رويه: لا والله شو هالغباء؟؟! أنا أكبر منكن سيرن تذابحن فالصالة الثانية..( طبعا ولا كني أرمس ردن يتضاربن بالمخدات و يتراوغن)..
رويه: ( نشيت أووني بواجعهن ) بــــــــــــــس ( وأنه مخده تي فويهي, عصبت) والله بتشوفن..( تميت أروغهن ومتحلفه للي بتطيح فأيدي , أنقلبت الايه وأنا اللي طحت فأيدهن تعاونن عليه, فأحسن شيء أشرد).. والللللللللللللللللله بتشوفن ( وركضت بعيد عنهن) أحسن لي أسير عند عمتيه..( سويتلهن مالت وظهرت)..
رويه: والله دواكن عندي عقب بخبر عليكن ابوويه..
....
راشد: سلمتي..( ردلي الفنيال)..
غويه: سلم غاليك..أقرب لك شيء ثاني؟؟!..
راشد: يعل يسلم غااااليه..( طالعني بنظره)
غويه: ....( كنت واقفة , نزلت راسي وربي أموووت يوم يطالعني بـ هالنظره, وأنه مسك أيدي وسحبني يلسني عداله, عاد دوروا غويه)..
راشد: فديت ويهج والله إني واايد مقصر فـ حقج( تم يرمس وهو يلعب بأيدي)
غويه: ( حاولت أتمالك نفسي من قربه) لا لا مايئ منك قاصر..
راشد: يالله يعلني ما خلا من هالويه ..
...
غبيشه: ( تميت أغني وأنا متوجهة لتحت) علمتني الليالي بعدك أنت يا غالي أمشي بين البرايا وأشعر إني لحالي نزلت دمع عيني كرهتني سنيني بعد مارحت عني وأنكسر شيء فيني..( كنت نازله من الدري سمعت صوت صفقه عرفت نهيان) ..
غبيشه: ( كنت خلاص عند آخر الدري سويت حركت استهبال أوني أحيي الجمهور ) شووكرن شووكرن ( يوم رفعت راسي فتحت عيوني)..
راكان:سلاااااااااامي عليج بنت عمي ماااشااالله عليج صوتج خطيييييييير كسرتيم..سمعيني شيء ثاني؟؟
غبيشه: ( ارتجفت من صبعي الصغير لين شعر راسي ليييش ياربي دوم أتفشل عنده , ماقدرت أتمالك عمري بس لازم ابين عادي) بسم الله أنته من وين ظهرت؟؟ قالوا أنك ع وصول مب وصل وخلاص..
راكان: ( عطاني هذيك النظره اللي بما معناها علينا علينا أونج ماتدرين؟؟) المهم إني وصلت وخلااص..
غبيشه: ( يااويل حالي بهالنظرات يأكدلي أنه هو اللي... أففف ماحب هالأحساس اللي أحسه) انزين الحمدلله ع السلامه..
راكان: الله يسلمج ويخليج..يلسي يلسي لاتستحين..
غبيشه: (نقمته) أوونه بيلس ماعليه منك ( أوووني يا أووي)..
راكان: لا تغيرين السالفه يالله سمعيني شي من صوتج..
غبيشه: لا يكون قاعدين في أف أم مايطلبه الموستمعون؟؟؟!
راكان: لا تصدقين قاعدين في ديسكووو..
غبيشه: ديسكووو؟؟! أنا غبيشه بنت الصقر أسير هالأماكن نووو وئي ماتنزل كنك أنت متعود ع هالأماكن وتتحرى كل العرب شراتك..؟؟!( عادي لاتستغرب نحن دوم ع هالموال واللي زاده اليوم إني منحرجه منه)..
راكان: خيبه خيبه كلتيني بقشوري..المهم وينهم هل البيت؟؟
غبيشه: ( استحيت ع ويهي) موجودين .. من رخصتك ولد العم لازم أسير أشوف العشا..
راكان: رخصتج عندج..
غبيشه: ( نشيت من بقعتيه وحسيت أنه أمره ماشل عينه مني, المهم وأنا ظاهره من البيت لاقيت رويه ) هلا رويه..
رويه: والله العظيم ماحد يعرف يقعد ف بيته مرتاح..
غبيشه: هههههههههههههههههه..اكيد طفربج غلامتين؟؟!
رويه: ومن غيرهن سبب عذااابي؟؟!
غبيشه: ههههههه طبيهن ماعليج منهن ( مسكت ايدها ومشيت ) ياحيج يتي عشان تساعديني عندنا عشاء..
رويه: لمنو؟؟!
غبيشه: لـ راكان ولد عمي..
رويه: ( ابتسمت وتوها يايه بترمس قطعت عليها)..
غبيشه: جب ولا كلمه..
رويه: هههههه
...
راشد: من رخصتج غناتي..
غويه: مابتتعشى عندنا؟؟!
راشد: ودي لكن والله مواعد ريال أباا منه كم حايه..
غويه: أهاا..برايك رد السلام ع هلك..
راشد: انشالله يبلغ..سمحيلي فديت قلبج..
غويه: مسموح طول السما وعرضها..
راشد: ( وقف و وقفت وياه غويه ) يالله تامريني بحايه..؟؟
غويه: مايامر عليك عدو لا سلامتك..
راشد: الله يسلمج..
غويه:( قرب صوبي حبني ع راسي وأنا خلاااص رويشد ناوي يذبحني)
راشد: سلمي ع عمتي..
غويه: يبلغ..
راشد: والله ماودي أظهر لكن لاحووول..
غويه: ههههه
راشد: يالله غناتي فداعت الله..
غويه: الله يحفظك..
غويه: بسير غرفتيه أحسن مافيني ع المحقق كونان ( تقصدني الهرمه) ..
...
جهزنا العشاء أنا ورويه وكل شي كان مرتب, وصلو الشباب طبعا حولوا ع الميلس ونحن فالصاله طبعا محد حريم غير امايه وصبحه حرمة مهير ونوره حرمة خالد ورويه وغويه وأنا وبس بما أنه قوم عمي فـ رماح..خلص العشاء وحريم خواني راحن بيوتهن وأمايه راحت غرفتها ترتاح , بقينا أنا و غويه ورويه..
غبيشه: غوويووووه..
غويه: خير ( عرفت عن شو أنا برمس)..
غبيشه: يالله خبريني بالتفصيل المملل شو صار عند رويشد..
رويه: هيه صدق قولي كلي آذان صاغيه..
غويه: طاعوا هالخبله وبعدين ياغبوش الدبه لاتقولين رويشد اسمه راشد..
غبيشه: انتي تراج تقولين..
غويه: أنا عادي أقول ع ريلي أنتي ممنوع..
رويه: ههههههههههههههههههه..
غبيشه: غويه حد قد قالج أنج غبيه..
رويه: ههههههههههههههه.. واحد واحد..
غويه: كلن يرى الناس بعين طبعه..
رويه: ههههههههههههههههههه.. ثنين واحد..
غبيشه: ( ضربتها بالمخده) أنتي علق الشريط ع ههههه ( قلدت ضحكتها)..
رويه: لااااااااااااا ارجوج أنا ماصدق أفتك من جنقل ومنقل تين انتي..( كانت ترمس بمأساااويه)..
غويه وغبيشه: ههههههههههههههههههههههههههه ..
سهرت عندنا رويه مره نغايض غوويه ومره هن يغايضني ومره نغايض رويه وعليها الشله, الشباب سهروا عقب كلن رد بيته..
...
الساعه 00 : 7 الصبح
اتقلب ع فراشي وبعده فيني راقد .. طالعت الساعه ابتسمت و ..
انا : واحــد .. ثـنـيـن .. ثـلآث !!
غويه : طــــق طـــــــــق .. غبووووووش يااا غبوووووش .. يالله نشي تاخرنا ..
انا : ( ضحكت اعرف وقتها واعرف حشرتها لو مانشيت بتدفني بالحيا ) هاااه هااااه قمت ..
غويه : يالله نشي هبابج تتلبسين ..
انا : انزين ( نشيت وكل كلي كسل اسميني ابغض نشت الصبح , توجهت للحمام ( الله يكرمك ) تسبحت ع السريع وبدلت وشليت شنطتيه وانا مالي بارض للدوام )
نزلت تحت لقيت غويييه خلاص مفوله عليه .. ونهيان يالس يتريق عدالها ..
انا : شـــ ..
غويه : هذوه كوبج قلت لها تسوي لج الكوفي مافينا نتاخر يالله نسير ..
انا : ( شليت كوبي وانا متملله وظهرنا متوجهيين للدوام وطبعن بما انه ماماتي تسوق ف اكيد هي تسبقنا )
دخلت المدرسه توجهت لصفي , مرت اول 3 حصص مملله يوم يت الفرصه تلاقيت عند رايووه ..
رايه : بلاج مبوزه .؟
انا : وربي كل يوم من انش الصبح تهاجمني فكره جهنميه وودي اسويها ..!
رايه : هاتي ماعندج يا ام الافكارالجهنميه .!
انا : تقول افكاري الله يطول ف عمري وعمرج ..
رايه ( تطالعني بنص عين ) : هيييه ..
انا : كل مانش الصبح اقول ياليتني افنش من المدرسه ( وابتسمت ابتسامة غباء )
رايه : ههههههههههههههههههه .. امحق فكره ..
انا ( ابتسمت ) : بتييج الفكر هالـ 2 ..
رايه : هههه .. هااه اتحفيني ..؟!
انا : تقول فكرتيه الـ 2 ياليت دوامنا العصر ..
رايه : هههههههههههه .. ياحافظ عليج وعلى افكارج من بيخليج ياحسره تنفذين افكارج ..
انا ( عفست ملامحي ) : محد ياحسره لأنهن سيظلن مجرد أفكار وليدات راسي => ضاعت اللغة ..
رايه : هههههههههههه .. فديتج ياغبوش ..
رن الجرس يعلن عن انتهاء فرصتنا ..توجهنا لصفوفنا .. مرت الحصص بملل .. ف السيارة ..
انا : رايوووه .. اليوم بخطف عليج أبا ألنت نتنا مقطووع ..
رايه : اوجيج بس دقيلي ولا خطفي عليه غرفتيه يمكن أكون راقدة ..
انا : اوج ..
وصلنا البيت وانتشرنا .. دخلت البيت وبيتنا كالعادة ( مايحتاي اشرح لك ) رحت لمملكتي وبدلت وركعتها .. تعايزت اتغدا انسدحت ع الشبريه حطيت منبه ف الفون ع الساعه 30 : 5 عشان انش و أروح لرايه , بدن الأفكار يزحفن لراسي الصغنون و ... رقدت ..
آمر و أطالع أدياره .. واذكر أيام ولياليها ..
واذكره في وقت مظهاره .. يوم يمشي في أراضيها ..
يوم هو رايح جدى ياره.. وجبات اليار يئديها ..
كالبدر شعت أنواره .. نور الدنيا وما فيها ..
اسمع المنبه ينعاد أكثر من مره , متعايزه انش وفي نفس الوقت استمتع بهالاغنيه أحبها عشان هيك أحب أحطها منبه ..
انا : أخير لي انش ورايه شغل وايد ع النت ..
نشيت من الشبريه اسحب عمري سحاب توجهت للحمام ( الله يكرمك ) تسبحت وتلبست وصليت العصر , شليت كتبي ونزلت تحت لقيت امايه يالسه بروحها تقرا ف أوراق ..
انا : سلام عليج .. ( نزلت أحبها ع راسها )
امايه : وعليج السلام ..
انا : شحالج امايه .؟ ( يلست ع الكرسي وصبيت لي كوب جاهي ) ..
امايه : بخير يعلج الخير .. و انتي ربج بخير ؟
انا : الحمدلله ماشكي باس ..
وسكتنا امايه تطالع أرواقها وانا اشرب الجاهي يوم خلصت كوبي ..
انا : امايه تراني بسير بيت عمي عند رايه ..
امايه : تشاوريني ولا تبلغيني .؟
انا : ( مديت بوزي ) أكيد آشآورج وآنا اقدر أظهر من شورج .؟
امايه : زين يوم تعرفين .. برايج سيري ..
انا : ( شليت قشي وانا متضيقه من نغزات امايه , اللي يسمعها احينه ظهرت من شورها ولا اعصايها بشي )
توجهت لبيت عمي وخطفت عدال العرش وملتقى الاحبه ابتسمت ع الذكرى الحلوه اللي طرت ع بالي ...
رايه : مب دوووووم لج العرش تنازلي عنه شووي ..
انا : انا سبقتكن ويلست هني اترياكن انتن دوم تبطن , يعني من سبق لبق .. ههههه ..
رويه : غبوش يالله عاد ..
انا : رويووه جب انا عمتج ..
رايه : والعافيه من هذيك العمه ياااااااااااالله عاد نشي ..
وتمينا ع هالحال نتضارب يبني انش من العرش وانا متقبضه فيه , عقب اتفقن عليه غلامتيين ووحده قبضتني من الايد اليمين ووحده من الايد اليسار , انا من شفتهن يتعاونن عليه ....
انا : لاااااااااااااا والله بخبر باباتي علييكن ( ظهرت مني هالكلمه بالغلط ) ..
غلامتين وقفن تمن يطالعني وخنقتهن العبره وانا ماستوعبت اللي قلته ويوم حسيت بملامحهن تغيرت تداركت الموقف ولو انه الكلمه عورتني ..
انا : هههههههههههههههههههههههههههههههههه ,, وربي يبالكن صوره ..
رايه : ( تبتسم وهي فاهمتني عدل ) صورينا عشان نصورج وانتي راقده ..
رويه : ههههههههههههه ..
وصلت بيت عمي , شفت عمي يحاوط ف الحوش يدور ع الزراعه , رحت صوبه ....
انا : سلام عليك عمي .. شحالك ؟
عمي : وعلييييج السلام .. بخير من صوبج بنتي ؟
انا : بخير دامك بخير .. شو تسوي عمي اشوفك تحاوط ع الزرع ..
عمي : هالحمير الهنود ماسقووهن يبوني اخصم من رواتبهم ..
انا : هههههههه ..
تمينا انا وعمي نسولف شوي واوني البي عليه , عقب ترخصت منه بسير عند رايه .. دخلت البيت توجهت لغرفة رايه تميت ادق وادق ..
انا : هــود ياهـل الباب المبوب .. ( اغني وانا ادق كني ف بيتنا ابا رايه تنش احيد راقدها عله ) هــــود ياهل البااب المبوب ..
راكان : حشى عليج صوت يصم الاذن ..
انا : ( لاااا ياربي ليش هالمواقف تستوي قدامه وانا اوني احاول احافظ ع برستيجي , التفت صوب الصوت وانا متفشله ) ههههه ( اضحك عشان ادراي الاحراج ..
راكان : اتحرى صوتج حلو يابنت العم ظهرتي ع حقيقتج .. ههههه ..
انا : شفت عاد .. شو اسوي باختك يوم ماتبى تنش لازم تجرحون انوثتي ..
راكان : هههههههههه .. امحق انوثه ..
انا : ( نقمته ) ياحاااااااافظ تشوفني ريال قدامك ..
راكان : يعني هيك ..
انا : شوووووه ..
راكان : بخير الحمدلله ..
انا : زين ياحيك .. لو سمحت سير خلني اكمل مهمتي ..
راكان : خبل ( والتفت وهو مبتسم )
تميت ادق لين مانشت رايه ..
انا : حشى لو ميت كان نش من حشرتيه ..
رايه : ( وهي تتثاوب ) شو اسوي ..
انا : خسج الله لوعتي بكبدي ..
رايه : انا بدخل الحمام الله يكرمج وانتي سيري غرفة راكان هناك النت خلصي شغلج وانا بييج من اظهر ..
انا : لا بوويه انا مادخل غرف رياييل بروحي .. ( قلتها وانا ارفع لها حاجبيه ) ..
رايه : ( ماقدرت تقبض ضحكتها ) ههههههه .. انزين تريني لين ابدل واصلي وعقب بنسير ..
انا : لاااا مافيني اصبر .. شوفي كم الساعه .. يالله نشي .. ( نشيت ومسكت ايدها اسحبها ) ..
رايه : ( وهي تضحك ) يالله انزين ..
مشينا انا ورايه رحنا لغرفة راكان , دخلت قدامي رايه و انا وراها وطرى ع بالي الموقف اللي قبل شوي فابتسمت ..
انا : ( دخلت الغرفه وانا أتأمل كل شي فيها خذت نفس طويل ظهرت مني كلمه بالغلط ) آه ..
رايه : ( ابتسمت وهي تطالعني وانا احاول اتهرب من نظراتها ) سلامة قلبج من الآه ..
انا : ( ارتبكت بس سيطرة ع الموقف ) بشغل اللاب بس أخاف راكان يعصب ..
رايه : لا ما عليه شغليه و انا بسير أدق له واخبره وبييج ..
انا : اوج
ظهرت رايه من الغرفة وسكرت الباب , تميت أدور ف الغرف هوانا أطالع كل شي و أحفظه و أتعبل ف أغراضه شفت صور له ع المكتب و أوراق مبعثره قبضت كمن صوره وتميت اقلبهن لين وصلت لصوره ما قدرت امنع نفسي ما أكلها بعيوني ( لا تطالعني هيك صدق كان شكله خبال فالصورة لابس كندوره لونها كركمي فاتح وغتره حمدانيه بنفس اللون وربي طالع طــر ) سمحت لعمري اشل الصوره واتوجه صوب ملفي وحطيتها داخل الملف .. رديت للاب وشغلته مافيني رايه تيئ وتاكلني .. شغلت اللاب وانا كل شوي القي نظره ع الغرفه كني مب شايفه غرف (لاتضحك عليه شوي اسوي كل شي فيني يفز ويقول هاونه ) تميت اترياء دقايق لين يشتغل اللاب .. فتحت صفحة قوقل وكتبت المعلومات اللي اباهن ونزلت قوقل , قلت ف خاطري بفتح المسن اجيك عليه , كتبت ايميلي والباس وحطيته ف حالة عدم الاتصال وتريته يتبطل شفت من اون نزلته تحت رديت لقوقل تميت احاوط واخلص كذا شغله , مليت قلت بشغل اي اغنيه دخلت الـ Docum شفت الميوزك دخلته لقيت فولدرات لـ عبدالمجيد + راشد الماجد + محمد عبده + ميحد حمد .. دخلت فولدر محمد عبده وضغطت play all .. وظهرت شفت فولدر جذبني ييت بضغط عليه عقب قلت لااا حرام .. بندت الـ Docum ورديت لقوقل و اعابل فيه ..
انا : يااالله رايوه هذا كله تدق لراكان .. ( اشغل فضولي لاني كنت خلاص منتهيه ابا اتعبل ف الفولدر )
تميت انزل المعلومات وانا اغني عند محمد عبده ..
فيني بداية وقت .. فيني بداية وقت .. ونهاية ازمان .. اشتاق لكن واعطي امس حنيني .. واسقي قلوب الناس عشقي وضميان .. واهدي حيارى الدرب .. واحتار ويني .. واحاوم طيور السما حوم نشوان .. و اسيل الوديان دمعي الحزيني ..
استطربت عند محمد عبده وعشت عنده الجو بس بعد فضولي يتحرقص ..
انا : وشو يعني لو فتحته مابيصير شي لا بغزي دوله ولا بقتل ريال .. بس بلقي نظره ( لا تطالعيني هيك هيه بس نظره صغنوونه ) ..
فتحت الفولدر => خاص وخطير .. =< هذا اسمه .. ضحكت ع خطورة الاسرار اللي يمكن تكون ف للاب راكان .. لايكون مخترع الذر هوانا مادري ولا بيظهر ارهابي الاخ .. هههههه ( ادري ادري غب غب بس خيالي واسع ) شفت صور و word وايد ماجذبني غير فولدر مكتوبه عليه => s$s => جذبني فتحته شفت محادثات مسن قتلني فضولي ف فتحت اول محادثه ..
شـيـخـة آلـبـيـض : رااكان ..
الـفـرآق يـهـد آلـحـيـل : يالبى قلب راكان ..
شـيـخـة آلـبـيـض : استحي ي ي ..
الـفـرآق يـهـد آلـحـيـل : لا خليت مستحاج ..
و ...... وللمغازله تتمه .. تميت اقرى عقب بندت المحادثه من الصدمه فتحت الـثانيه ..
الـفـرآق يـهـد آلـحـيـل : فديتج وينج عني من زمان خفت عليج ..؟
مـهـآوي : سمحلي حبيبي بس كانت عندي ظروف ..
الـفـرآق يـهـد آلـحـيـل : شو هن ظروفج لو ماخبرتيني بتخبرين منو .؟
مـهـآوي : اكيد محد..
وبدت تخبره علومها .. طبعن قريت اغلب المحادثات وكلهن لبنات الشيخ راكان يلعب عليهن .. مت من القهر .. ( لا تطالعني بهالنظره الا يخصني ليش يسوي جذي بنات العالم مب لعبه ف ايده ) كتبت له نوت وشليت قشي وعمري من الغرفه حتى من الغيض نسيت ابند اللاب .. فتحت الباب ابا اظهر الا الشيخ راكان ف ويهي ..
راكان : ( يطالعني بنظره كلها شك و تردد ) هاه خلصتي ..؟
انا : ( طالعته بطرف عيني واشرت له ع اللاب وظهرت سيده عطيته مقفاي ) ....
توجهت سيده لبيتنا وانا مطنشه صوت رايه يوم تزقرني .. هذي اخرتها وياك يا راكان ....
~
~
نلتقي فالغصه الرابعه ..
~$~ لــا حـاصـلــنـ قــربــكـ ولــا مــنــكـ فــكــهـ ~$~
نشع قلبيے من آعظآمـہ
11-07-09, 12:06 AM
جديد مواضيع قسم الارشيف
العرض العادي
