لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


مكــــتــــــــــوب بحياتي ورضيت فيه /بقلم: حزني الظامي

مرحبا بكل الاعضاء ..... راح انزل لكم قصه اتمنى تعجبكم وقراءة ممتعة للجميع ================== مكــــتــــــــــوب بحياتي ورضيت فيه بقلم: حزني الظامي قبل بداية القصه ابي اقولكم

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 16-06-09, 06:49 AM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

المنتدى : القصص المكتمله
افتراضي مكــــتــــــــــوب بحياتي ورضيت فيه /بقلم: حزني الظامي

 

مرحبا بكل الاعضاء .....
راح انزل لكم قصه اتمنى تعجبكم
وقراءة ممتعة للجميع


==================
مكــــتــــــــــوب بحياتي ورضيت فيه
بقلم: حزني الظامي


قبل بداية القصه ابي اقولكم قصتي تقريبا 60بالميه واقعيه مع بعض الاضافات من عندي,,,,,,,













(عندما ننصدم بواقع خارج عن أردتنا ونرضى ونستسلم له ونعيش ايامه سواء نريدها

اولانريدها,,وفجاءه نصطدم بواقع اخر وننقاد له ونعيش الامه وجرحه ومره ومن ميين؟؟؟

من اقرب الناس لك)




مانهاية هذه الحياه لانعلم هذي مقدمه بسيطه للحياة بطلة القصه نوف وهي محورر القصه من اولها الى اخرها وتحكي عنها ,,,




الجـــــــــــــــــــزء الاول




؛
؛
صحت من نومها توجهت لحمام لاحظت قبل ماتدخل الحمام بنتها ماعليها


غطى رجعت جلست بهدوء عشان ماتحس فيها وتصحى وغطتها تحركت


بنتها وهي تعفس بوجهها دلاله انها انزعجت ابتسمت نوف ورجعت



لذاكرتها لورى تقريبا قبل ثلاث سنوات تقريبا يوم رجعت من المدرس








:يماه يماااه يماااااااه


ام فهدوهي بالصاله::هلا نوف تعالي انا هنا


نوف دخلت وباست راس امها:يوه يمه الحمدالله ماني مصدقه اني خلصت امتحانات ماوراي لامذاكره ولاشي نفسي انام اسبوعييييييييين


ام فهد :المهم بشريني شلون الامتحان قدمتي عدل



نوف::ماشي الحمدالله اهم شي ينجحني



ام فهد::الله يوفقك وكملت اليوم طالعه متاخره بالعاده هالايام تطلعين بدري
نوف::ايه يمه مامشو الباصات الامتاخر



ام فهد ::اجل قومي نجهز الغدا ابوك على وصول وتلقينه ميت من الجوع



نوف بنص عين ::ايه يمه وانا جايه قبله ومافكرتي فيني الله لنا بس
ام فهدوهي تضربها على كتفها:ايه الله لك يالله قومي غيرك ملابسك وصحي اخوك معاك



نوف وهي تاشر بيدها:من عيوني الثنتين


وراحت بدلت ملابسها وومرت غرفة اخوها فتحت الانوار والستاير وسكرت المكيف وبصوت عالي ::فهههههد فهود فهيدااااان يالله الغدا



فهد انزعج وانقلب على الجهه الثانيه ::اولا انا مو اصغرعيالك تقولين فهود وثانيا اطلعي قبل لاتوطى بطنك



نوف تكتفت ::اقول قوم بس مابقى الا عيال المتوسطه ولا والله بسلاحي المويه



فهد من سمع طاري المويه نقز من مكانه::لا الله يرحم والديك الا المويه



نوف::ايه هذا الي ينفع معاك ونزلت تحت,,



وصل ابوفهدوبعد ماسلموا عليه وحطوا الغدا وخلصوا


قامت نوف ::يالله بروح اريح تبين شي مني يمه



قاطعهم ابو فهد::ايه اجلسي نوف ابيك شوي




نوف::هلايبه



ابو فهد ناظرزوجته وولده بنظره يعني اتركونا لحالنا وفعلا افهموها وطلعوا


التفت على بنته::تدرين انك كبرتي ماشاء الله عليك((( نوف كانت تناظره وتبتسم ماجاء في بالها شي ابداااا))) وصرتي عروس ولازم تتزوجين ومن كم يوم اخطبك مني واحد


نوف وهي مبلمه::ايششششششش


ابو فهد::خطبك واحد واخلاقه عاليه ورجال ماشاءلله عليه

نوف وهي منزله راسها::يبه معليش انا


قاطعها هو يقول::يانوف الرجاااال ماينرفض


نوف وماهي مفكره توافق ::بس يبه انا توني صغيره وعمري16وابي اكمل دراستي



ابوفهد باقتناع تام بكلامه::الصغيره تكبر يانووف وبعدين البنت مالها الابيت زوجها


نوف::بس يبه هذي حياتي وانا


قاطعها::اسمعي يانوف انا وافقت على الرجال وانا واثق انه بيسعدك لاني سألت عنه عدل!!!!!

نوف تحس كان مويه بارده انصبت عليها:::وافقت!!!!!



ابوفهد::ايه وبكره بيجي يخطبك رسمي تجهزي!


نوف وهي تمسك طرف كم ثوبه بعيون راجيه :::ليش يبه افهمني انا مابي اتزوج..



ابو فهد بصرامه::خلاص يانوف انتهى الموضوع تبين تفشليني قدام الرجال وكمل كلامه لاتخافين فيه الخير وانا واثق فيه!!!!!!!!!!!!!!!!!!!


نوف بخاطرها وعيونها مغرقه دمموع اجل ليش يبه تجي تقولي وانت موافق قالت بستسلام ::طيب مين هذا الي متقدم لي؟؟؟؟؟؟؟


ارتبك ابوفهد ::هذا من طرف واحد من اصدقاي يعرفه وباس جبهتها وقال الله يوفقك وطلع وترك وراه بقايا زجاج متكسر



بعد ماطلع ودخلت امها واخوها عليها قامت حضنت امها وهي تصيح ام فهدوهي خايفه عليها بذات انهاتشوف وجهها شلون متغير ::شفيك يانوف؟؟



نوف ودموعها نزلت ::يمه قولي لابوي مابي اتزوج,,



ام فهد بصدمه::تتزوجين؟؟!!

نوف بصوت متقطع من الصياح ::ايه يمه ابوي يقول انخطبت وهو وافق وانا مابي توني صغيره قوليله تكفييين يمه؟!!



ام فهد وهي عارفه زوجها مايغير رايه لان في باله دايما هو الصح::يابنتي ماتدري يمكن خيره لك وكل بنت بتتزوج..


نوف وللحين تصيح::بس يمه انا توني مخلصه اول ثنوي صغيره يمه مافكرت بالزواج,,


ام فهد ودها تقدر تغير رايه لان بنتها فعلا صغيره وماباليد حيله::الله يقدملك الخير يانوف


نوف فقدت الامل وراحت لغرفتها تبكي حياتها الي جايه ؟؟؟؟؟؟؟؟؟؟؟؟؟؟


فهدهو معصب::يمه نوف ماتبي خلاص مولازم غصب هو((هذا هو الصغير))))


جاء اليوم الثاني وقت الخطبه

ام فهد ::هاه نوف جاهزه


نوف وهي مقنعه نفسها يمكن خيره قالت باستسلام::ايه يمه جاهزه..



الاعلى صوت ابوفهد يالله نوف تعالي راحت نوف ورى ابوها وبخاطرها ياربي ماحس اني مستحيه نفس هالبنات يالله بس الله يعدي اليوم على خير


دخلت وهي منزله راسها حطت العصير وجلست


الا بصوت كبير::شلونك نوف


نوف وهي خايفه من صوته ومن دون ماتناظره::بخير!!


ابومحد وهي عاجبته ومبسوط ::ارفعي راسك لاتستحين!!



ابوها :ارفعيه يانوف,,,


نوف بدت ترفع راسها وياليتها مارفعته انصدمت من الي قدامها شخص مغطي وجهه الشيب نوف هنا شعورها تحس ان الدنيا قدامها سوداء وبس

ابو فهدانتبه للصدمة نوف وقال يتدارك الوضع::تقدرين تطلعين !!!!!!!!!!!!!!!!!


نوف للحين بصدمتها::_________

ابو فهد بصوت هادي::نوف حبيبتي خلاص اطلعي


استوعبت وطلعت بكل هدوء ولقت امها تنتظرها:::هاه بشري عجبك ارتحتي له

نوف بصدمه ممزوجه برود::يمه ابوي خلاص ذبحني!!..؟؟؟!!


ام فهدبخوف::نوف شفيك؟؟؟


نوف تحس كانها ثلج من قوة الصدمه::يمه ابوي بزوجني واحد اكبر منه شايب

ام فهدبصوت مصدوم وكسير::ايش؟؟؟؟؟؟؟؟


قاطعتها نوف وهي تبتسم بحزن::يالله يمه عادي نصيبي لاتضايقين نفسك وطلعت لغرفتها من قوة الصدمه مانزلت ولادمعه..


وبعد ماطلع من عندهم ابو محمد طلع ابوها لعندها بالغرفه وجلس عندها::هاه نوف شرايك!!!!!!!!!!!!!


نوف برجى ::يبه انت شفته هذا كبير علي شايب؟؟؟؟؟


ابو فهد::يابنتي العمر مايهم الرسول عليه السلام تزوج خديجه والعمرركبير اهم شي الاخلاق يانوف وبسكنك لحالك ماراح يدخلك على حريمه انا شرطت عليه ووافق


نوف بخاطرها بعد مو وحد قالت بامل اخير::يبه افهم على والله توني وهو ك قاطعهاابو فهد خلاص يانوف انا اعرف مصلحتك الملكه بكره وانا متاكد بيسعدك وختمها الله يوفقك يانوف بحياتك وطلع تركها

نوف هنا حست ان الموضوع خلاص صارجد ماكان منها أي ردة فعل الا انها حطت راسها بهدوء على المخده وسمحت للدموعها تنزل ,,,,,,,,,,,,,,,,


ومررررت الايام وتزوجت نوف ابو محمد


وحملت بداية زواجها وتركت المدرسه


وكانت معاملة ابو محمد لها طيبه


ماعمرها اشتكت منه بشي وماختلطت مع زوجاته


ابداااا اما نوف مشاعرها تجاه ابو محمد


احترام فقط لاغيرومشت الايام والشهور


وتوفى ابو محمد بجلطه وهو خلقه مريض بالقلب
وكانت نتيجة هذا الزواج بنوته


وهذي هي الحين في بيت اهلها ارمله
ماتجاوز عمرها العشرين........................................










طلعت من سرحانها وهي تتنهدت الله يسامحك يايبه لو خليتني اكمل دراستي وبعدين افكرانفضت راسها وتعوذت من ابليس شفيني انا اليوم وقامت من السرير,,

::أي ظهري طولت وانا قاعده ودخلت الحمام دقايق الاباب الحمام ينطق::ماما اتحي ماما

نوف ابتسمت وافتحت الباب وعلى طول باستها::هلا والله حبيبتي لامار يالله اغسلك وننزل تحت

لامار:ماما ابي تلن فلس(ابي كرون فلكس))

نوف وهي تضحك::انتي كبرتي وللحين ماتتكلمين عدل

لبستها وخلصوا ونزلو تحت وافطروا,,,,,,,,,,,,,,,,,,,,,





تعريف بعايلة نوف
ابو فهد::موظف صارم شوي مع عياله وكلمته تمشي لو هو غلطان وعلىباله انه في مصلحتهم ماعنده الانوف وفهد لمشاكل صحيه عند ام فهد ومقتنعين وعنده اخو وصارت بينهم مشاكل عشان بيع بيوت ومابيعها بعد المرحوم بين مؤيد ومعارض وفرقت بينهم بنتعرف عليه بيكون لهم دور بالقصه


ام فهد::مالهاراي بعد ابو العيال طيبه حنونه مفرغه كل وقتها لهم


نوف::20سنه شخصيتها طيبه حنووووووونه ماتقسى مهما ايش ملامحها عاديه اذا ابتسمت تبين ملامحها احلى ابتسامتها مرره حلوه مو طويله ولاقصيره جسمها حلوشعرها ناعم لاخر ظهرها ,, اهم شي عندها بنتهاااااا


فهد::18سنه الي يشوفه يعطيه اكبر طويل عريض ملامحه حاده حنطي
كل شي عنده ولا الدراسه ,,ويكتب شعر,,ويموت بنوف ويحاول يخليها مبسوطه قد مايقدر







نهاية الجزء الاول

 
 

 

عرض البوم صور yasmine   رد مع اقتباس

قديم 16-06-09, 07:05 AM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الثاني,,


التليفون يرن
تررررررررن ترررررررررن
::عليكم السلام
شخبارك خاله
:هلا ساره شخبارك انتي
::الحمدالله الابنتك الخايسه وينها ماتتصل
ام فهد وهي تضحك::لحظه بناديها لك وحيلك فيها
نوووووف تعالي ساره تبيك

راحت نوف وخذت السماعه من امها وهي تبتسم::هلااااااااوالله صباح الخيرلغاليه
ساره::اقول اسكتي وربي ماتستحين ليش مادقين هاه


نوف وهي تضحك::اف كل هذا زعل سامحيني انشغلت انتي ليش غايبه عن الكليه؟؟؟


ساره:كذا مالي خلق اروح المهم تعالي عندي اليوم؟؟؟

نوف: لاساره تكفين تعالي انتي عندي؟؟؟

ساره::شوف ا قولها تعالي ترجع تقول انتي تعالي ولله ماعندك سالفه!!

نوف::ولله احس لامار تعبانه ماقدر اجيك؟؟

ساره::خلاص بجيك بس عشان لامار ..

نوف وهي مستعجله عشان بنتها تبكي ::طيب شوفي اذا عند ك افلام جيبي معاك ولاتنسين حركات السهره معاك عارفتها

ساره::والله حاله عازمتني وتقول جيبي ماتستحين انتي

نوف::طيب يالله باي ولاتنسين وسكرت بدون ماتسمع ردها


((ساره صديقة نوف وبنت جيرانهم ومن يوم هم صغار مع بعض واسرارهم عند بعض ويمونون على بعض باختصار لو عند نوف اخت ساره اغلى منها))))


ام فهد ::توقعي من بيزورنا بكره؟؟؟

نوف بحماس مع امها::ميـــــــــن؟؟

ام فهد::عمك واهله ,,,

نوف بفرحه ممزوجه باستغراب::من جد يمه !!!!

ام فهد ::ايه من جد اتكلم ابوك اليوم قبل لايروح للدوام قالي علشان نستعد..

نوف وهي فرحانه::يعني تصالحوا خلاص,,

ام فهد::شكلهم تصالحوا هو قالي انا عازم اخوي يعني هو الي متصل عليه بنفسه,,

نوف::الحمدالله والله اشتقت لعمي اخر مره شفته يوم ولادتي بلامار سحبت نفس وقالت شفتي يمه كيف في ديره وحده ولانشوف بعض ماتسوى علينا هالبيوت,,

ام فهد::الحمدالله الي رجعوا لعقلهم,,

الاعلى دخلت فهد هو يقول بصوت عالي صبااااااااااااااااح الخير

نوف تبي تغيضه::اف فهد غايب عن المدرسه الي يخاف نص درجه تطير منه لا لا اكيد الدنيا فيها شي

فهد::لاحول الله الله واكبر عليك اذكري الله والتفت على امه يمه شوفي بنتك ناويه علي وانا والله ودي بالجامعه وبنتك عينها ينخاف منها

نوف وهي تضحك::لاتخاف عيني بااااارده وكملت:تدري بكره عمي بيجي عندنا؟؟

فهد هو يناظر امه::صحيح يمه؟؟؟؟؟؟

ام فهد::ايه إن شاء الله بكره بيجونا ابوك هو الي عازمهم

فهدهو مبسووط:: اخيراااوالله يطقني قهر اسلم عليهم على الماشي ولا بشهر مره وبالصدفه اشوفهم واتحسراذكر ايامنا اول كيف والحين شلون!!


نوف::لا إن شاء الله بكره بيجون وبنشبع منهم

________________________________________
في بيت ثاني بعد الغدا
:اجل وين العيال ماتغدوا معنا؟؟

:ابد رهف على قولتها اربعاء وماتبي غدا تبي تنام والعيال الباقي نايمين وخالد خبرك في المجله

ابوخالد::والله لو يخلي هالمجله ويشتغل معي احسن له
ام خالد::خله على راحته هو مرتاح,,

ابوخالد وبداخله الفرحه مو سايعته:المهم اسمعي بكره بروح لبيت اخوي ابو فهد اتصل علي وعزمني........

ام خالد وهي فرحانه:الله يبشرك بالخير بابوخالد والله فرحتني اكيد تراضيتوا

ابو خالد:ايه اتصل علي اليوم وتعذرلي وانا بعد تعذرت له الحق كلنا غلطانين المفروض مانخلي الشيطان يلعب بروسنا

ام خالد::الله لايعيدها و يارب يخليكم لبعض والحمدالله ترى الاخوان مالهم غناة عن بعض

:صدقتي وصخ دنيا فرقتنا والله شاهد علي طول الاربع سنوات الي فاتت وانا قلبي محروق,,
وكمل هو يقوم عشان يرتاح عطي العيال خبر علشان يجون معنا
ام خالد:: إن شاء الله ولايهمك
_________________________________________
في مكان ثاني
تحديدا في المجله
كان جالس على الكرسي ومريح راسه عليه وسارح بتفكيره,,سارح بعيدطالع برى الرياض

وحدودها كل تفكيره بحايل,, اه ياريم والله اني مشتاقلك ,,ليتك تدرين في الي بقلبي لك

,,,معقوله ماتدري اني احبها اذا الكل يدري امي اخواني حتى اخوها يدري معقوله

ماحست ,,شلون يعني ياخالد تبيها تجي تقولك انا احبك ليش وين عايشين حنا,,بس على الاقل

تعطيني اشاره اي شي,,اصلا وش يعنيني لحايل الا بس علشان المحها لو من بعيد ...

أ بتسم يوم تذكر العطله الصيفيه الي راحت,,, كانواطالعين كلهم للمزرعه هو كان مطلع البنات معه

بالسياره وقتها قالت اخته خالد مر البقاله ,,قلتلها وانا اناظرريم من المرايه بمر بس

بشرط؟؟؟قالت,,وشووووو؟؟قلت اذا ريم قالت ابي البقاله مريتها..

التفت علي اخوها وقال انت وش لك باختي بس انا طنشته ورجعت اناظر ريم هاه ريم تبينها

ريم وهي تسحب الشيله على عيونهاو بصوت واطي مسموع قالت انا وش دخلني

قلت وانا اشق الابتسامه,,دخلك انك شيخة البناااات وجلسوا البنات يحنون عليها

بعدين نطقت ايه ابيها,,قلتلها تااااامرين امر الحين امرها

وقتها قالت رهف وناسه لابغيت شي دقيت على ريم ,,,,,,,,,,,,,,,,,,,,,,


يعني كل هذا وماتدري اه ياريم ,,,,

بعدين قرر انا لازم اكلم اهلي بالموضوع واقولهم اللحين انا مستعد للزواج ومتهيئ يعني ابوي ماعنده عذر نفس اول لارجعت البيت بكلم امي تخطبلي ريم ,,,,,,,,,,,,,,,,,,,



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
تعريف عائله ابوخالد
ابو خالد::حالته الماديه ممتازه عنده شركة بناء ,,متفاهم مع عياله يموت برهف بنته لانها وحيدته ومدلعها ,,,,
ام خالد::طيبه حنونه على عيالها عندها قدره تخلي عيالها يشكون لها بدون لاتسألهم,,دائما مبتسمه ومتفائله,,
خالد::26سنه ,,يشتغل في مجله ,,طيب بس مزاجي واذا حط احد في باله مايرحمه فيه حنيه ,,طويل اسمر ملامحه حلوه وحاده
نايف::21سنه ,,خفيف دم كان يكره الدراسه وماكملها اشتغل مع ابوه طوله متوسط ملامحه هاديه ,,
نواف::18سنه اخر سنه بالثانوي,,طبق الاصل من نايف بكل شي ومتعلق فيه بس الفرق نواف عنده طموح بدراسته,, ودايم مناقر مع اختهم مستلمينها,,
رهف::16سنه..اول ثانوي ..قلبها طيب مره ,,بيضاء ملامحها طفوليه مليانه شوي وهذا الي معقدها مع اخوانها,,,
_________________________________________
في مكان ثاني
تحديدا بحايل
نوره بنص عين ::اكيد هذا السبب ولا فيه سبب ثاني؟؟؟

ريم::اذا قصدك خالد ارتاحي..

نوره::انتي قلتيها مو انا ........

ريم::لاني عارفه انك تقصدين خالد بس صدقيني انا عادي عندي هو موعشانه انا كذا مو مرتاحه لهم
نوره::بس هذا كثير الي خطبوك وانتي ترفضين ..

ريم::مارتحت لهم وصدقيني اذا جا الي ارتاح له بوافق على طول

نوره::ليش حرام عليك وخالد تدرين انه يحبك ويبيك؟؟؟؟؟؟؟

ريم::خالد اذا يبيني بيخطبني صح ولا غلطانه ؟؟

نوره::ايه صح بس معروف انه هو يبيك يمكن مفكر انك ماتبينه مو انتي لوح,,,,,,

ريم::وش تبيني اسوي يعني؟؟

نوره :::يعني مثلا اذا سلم عليك مو تردين وتسكتين سلمي عليه اسأليه عن اخباره ؟؟

ريم::تدرين انا مع الكل كذا مو بس هو,,

نوره::طيب اذا خطبك خالد بتوافقين؟؟؟

ريم ::اكيد بوافق,,

نوره وهي فاتحه عيونها ::وتقولين عادي عندي مايهمني!!

كيف هذي مادري؟؟


ريم وهي تضحك::انا اقولك يعني خالد احبه بس كولد خالتي واذا خطبني ماراح ارفض لانه ولد خالتي وفوق هذا يحبني

نوره::اسمحيلي يانسه ريم مافهمت؟؟؟؟؟؟؟؟؟

ريم:بأختصار اذا نصيبي معه باخذه اذا مو معه ماني ماخذته,,,

نوره::خلاص سكتيني ,,بس والله على بالي انك ترفضين علشان خالد
ريم::لا ارتاحي خالد شعوري تجاهه عادي ....................................



تعريف مختصر لعايلة ريم
ريم 20 سنه خلصت الثانوي وجلست بالبيت ,,البنت حلوه بمعنى الكلمه درجة ان الحريم عندهم يقولون ياليتها بنت عم عيالنا تفكير قديم يعني على بالهم اذا كانت بنت عمهم بتاخذهم غصب تفكير متخلف ,,نوره اختها اصغر منها بسنتين وعندها اخو اكبر منها امها وابوها تاركينها على راحتها بخصوص الزواج
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

في بيت ابوفهد
الساعه 6
نوف نازله من الدرج تركض لانها سمعت صوت الجرس
وامها تحاكيها شوي شوي يانوف
نوف وهي مكمله طريقها هذي اكيد ساره بروح افتحلها...
نوف وهي من ورى الباب ::مييييييييييين؟؟

:افتحي انا ساره,,

نوف وحابه تستهبل عليها::ميييين ساره!!!!!!!!!!!

ساره::نوف اخلصي ذبحني الحر....

نوف وهي تضحك وتفتح الباب شوي الا هي طايره::اف هذا سلامك لو داريه مافتحت الباب .,

ساره::ادري عنك منقعتني ساعه بالحر وتقولين مين ساره بعد..

ضحكت نوف وسحبتها وسلمت عليها ودخلوا البيت وطلعوا فوق بعد ماسلمت ساره على ام فهد,,
__________________________________________________ _____________


في نفس الوقت في بيت ابوخالد,,
دخل خالد البيت بعد مارجع من برى وشاف امه وابوه لحالهم ابتسم وسلم عليهم وقال هو يجلس::حلو جالسين لحالكم ابيكم بموضوع؟؟

ابو خالد::خير إن شاء الله وش عندك؟؟

ام خالد مكتفيه بالنظر

كمل خالد::لا خير إن شاء الله بس بغيت امي تخطبلي ؟؟

ام خالد فرحت من قلبها

ابو خالد::والله صرت رجال و هذي الساعه المباركه الي تتزوج فيها والتفت على ام خالد ::دوري له وحده خلينا نفرح فيه

ام خالدوهي عارفه مين يبي:: إن شاء الله من بكره بخطب له بنت جيرا

قاطعها خالدوبعيونه ريم::لا يمه وانا احسبك فاهمتني ؟؟

ضحكت ام خالد::لا ابشر ياخالد لك من يخطبلك ريم ..

ابو خالد::اجل طلعت انا الي مو فاهم شي؟؟؟؟

خالد::لا محشووم يبه بس ريم بنت خالتي بنت عاقله وراكزه وابيها تكون زوجه لي

ابو خالد هو يقوم::خلاص اجل اخطبيها له وربي يكتب الي فيه الخير يالله انا استاذن معزووم عند واحد,,,,

ام خالد وخالد::الله معك..

خالد هو يقرب من امه وبيده الجوال::يمه تكفين كلمي خالتي الحين؟؟

ام خالد::الحين عاد خلها بكره؟

خالد :يمه تكفين خير البر عاجله؟؟؟

ام خالد::امري لله كلم على جوال خالتك..

ابتسم خالد وكلم على جوال خالته ::يمه خالتي جوالها مغلق!!!!!

ام خالد::طيب اتصل على البيت ودق خالد بعد سكوت ثواني خذت الجوال من خالد::هلا والله شلونك نوره ..والله الحمدالله بخير

اختك ريم شلونها ..
:والله الحمدالله بخير
طيب امك قريبه عندك..
لاوالله امي معزومه على زووواج
اها ااا خلاص سلمي عليها ,,مع السلامه

خالد بتحطيم كبير::ماحصلتيها ؟؟؟؟

ام خالد::لامعزومه على زواج بكره إن شاء الله بتصل فيها......

خالد::لاحول طيب جوالها ليش مسكر؟؟

ام خالد::اصبر ياخالد الي صبرك المده الي راحت مايصبرك لبكره؟؟

خالد::الله يصبرني لبكره .!

الا على دخلة نواف ونايف::سلام لاحلى امراءه شافتها عيوووني

ام خالد::ياحبك للعياره,,

نايف::والله يمه هذا الجد انتي ازين امراءه على اللأطلاق

نواف::يمه كلام نايف صح ميه بالميه ..

::سلااااااام مامي

نايف::نواف تمسك هزه ارضي جتنا!!

نواف::يوووه السقف بيطيح على راسنا!!!!!!

رهف وهي تسحب نفس::اف الغثى هنا ماوراكم شي ترى اليوم اربعاء اطلعوا

خالد::حدكم عاد الارهف لاحد يتكلم عليها

نواف::ماغلطنا هي تسبب هزات ارضيه بحجمها

نايف::هذي الحقيقه المره انتي ددددبه

رهف::اقول اسكت من زينك انت ونظارتك انا على الاقل احسن منك>>>>>>وش دخل النظارات مادري بس هذي رهف

نايف::هههههههه عصبت الدبه

رهف وهي تلتفت على امها::يمه شوفيهم مستقوين علشان ابوي موهنا ؟؟؟

ام خالد هو ماسكه ضحكتها على المشهد اليومي::خلاص خلوها وش تبون تناقرونها متى تعقلون؟

نايف بمزح ::يمه تبيني اعقل زوجيني ؟؟؟

خالد ::استح على وجهك انا توني ماتزوجت ؟؟

نايف::والله مشكلتك يمه شرايك تخطبين لي!!!!!!

ام خالد::ولايهمك نخلص من خالد ونزوجك!

نايف::يالله ياخالد تزوج انت معطل السير علينا!!

ام خالد::ابشركم بكره بخطب لخالد!!!!!!

كلهم مع بعض ناظروا خالد وابتسموا


رهف::صدق خالد؟؟؟

خالد بأبتسامه:: إن شاء الله

نايف ونواف هم ينقزون عليه:: مبروووووووووك

خالد هو يضحك::أي وخرو عني حشى مو اوادم

رهف وهي تحاول توخرهم::وخروا عنه باقي انا بعد جهد جهيد وخروا ونطت عليه رهف ::مبررررررروووووك وناسه بيجي عرس اخوي وبرقص فيه ياااي

ام خالد::الله يتمم على خير إن شاء الله

نواف ::طيب من هي سعيدة الحظ

قاطعتهم رهف::اكيد في غيرها ريم بنت خالتي صح؟؟

خالد هو ياشر بيده ::صح انتي كذاااا...........................واستمر الحكي بمناقر العيال مع رهف وفي خطبة خالد
________________________________________
في بيت ابوفهد
في غرفة نوف
::شفتي شلون صحيتها مزعجه.....

ساره::اقول وخري عنها تعالي لامار

وقامت لامار وهي تفرك عيونها ::تاره(ساره))

ساره::ايه تاره تعالي وتاخذها وجلست تبوس فيها

نوف::شوي شوي لاتكسرينها والله كانك فهد اخوي

ساره بمزح::ايه فهد اخوك المزيون لو ماهو اصغر مني كان حبيته

نوف::اجل الحمدالله انك اصغر مو عايفه اخوي انا

ساره::اقول احمدي ربك لو انا حبيت اخوك وين بتلقين احلى مني مستحيل

نوف::ايه مره المهم ..تدرين بكره عمي واهله بيجون عندنا

ساره::والله اخيرا طاح الحطب الي بينهم

نوف::الحمدالله طاح بعدين ابتسمت اكيد الحين رهف كبرت اذكرها وهي صغيره

ساره::ايه اذكرها رهف تقريبا اصغر منا باربع سنوات صح

نوف::ايه تقريبا والله اشتقت لعمي واهله......................................


________________________________________
في بيت ابوخالد
طلعوا العيال مابقى الا رهف وامها
رهف::يمه طفشانه خلينا نطلع ؟؟
ام خالد:ولايهمك بكره إن شاء الله بروح لبيت عمك؟؟؟
رهف وهي تفتح عيونها على الاخر::أي عم؟؟؟؟
ام خالد::مين غيره كله واحد ابوفهد....
رهف وهي مبسوطه::والله يمه من جد تتكلمين بروح لهم
ام خالد:: إن شاء الله
رهف::تصدقين يمه اسمع البنات يسولفون بنات عمهم وتجيني غصه انا كلها وحده وماشوفها,,
ام خالد:: إن شاء الله تشوفينها بكره وتستانسين معها
رهف::ايه الحين اقدر اسولف معها اول كنت صغيره مع البزران
ام خالد::وانتي للحين صغيره,,
رهف::لايمه اقصد اول العب مع البزران وهي اكبر مني وبعدين ليش تقولين صغيره وهي يوم تزوجت كانت كبري
ام خالد::صحيح كبرك بس بعد كانت صغيره وابوها ظلمها يوم زوجها ولا لواحد كبير!!!!!!!!!!!
رهف::يعني ماكانت راضيه
ام خالد::ماعتقد الي اعرفه ان عمك الي يسويه هو على باله صح,,
رهف::طيب بنتها كم عمرها الحين ؟
ام خالد::تقريبا 3سنوات,ووابوك يقول انهم مايقصرون معها اخوان البنت فيهم خيرو كل شهر يعطونهم حقهم ويزرونها باستمرار
رهف::حرام ارمله وهي توها صغيره
ام خالد::لاتقولين حرام هذا نصيبها وهذا شي من الله
رهف:: يمه ابوي شلون يعرف عن اخبار نوف وهو مايزورهم
ام خالد::يتعمد يصادف فهد ولد عمك ويسأله عن اخبارهم ويطمن عليهم....
رهف::ياحياتي يايبه قلبه منشغل بأخوه............................................




في بيت ابو فهدالساعه
11باليل
:والله يبكي الفلم
ساره::يعني انتي لازم تبكين كل بعد فلم
نوف:: لو ماحطوا البطله تنجن بألاخير حرام كذا
ساااره::نوف ترى بالاخير فيلم يعني كذب
نوف::انتي ماعندك مشاعر ابد
ساره::ايه عندي يالله انا بطلع اخوي جسوم تلقينه ينتظر برى تدرين وش يقولي قبل لأجيك
نوف وهي تضحك::وشو
ساره وهي تلبس عبايتها و تقلدكلام اخوها::اسمعي اذا جيتي تطلعين انا تلقيني بالشارع مو تمشين لحالك ماتحركين الا اذا جيت عندك سامعه ماعندنا بنات يمشون لحالهم باليل وكملت::حركات عيال المتوسط
نوف::والله اخوك هذا نكته من الحين يسوي كبيير
ساره وهي بتطلع ::شفتي كيييف يالله مع السلامه
نوف::مع الف سلامه

اليوم الثاني(يوم الخميس))
في بيت ابو خالد بعد الغدا
خالد::يمه متى بتكلمين خالتي؟؟؟؟؟؟؟
ام خالد::اليوم ماقدر اكلمها لان الخميس يكونون مشغولين وانت تدري كل خميس بحايل يجتمعون كلهم في استراحه من الظهر الى الليل
خالد::يعني شلون بعد بستنى لبكره؟؟؟؟
ام خالد::كل تاخيره فيها خيره ياولدي,,,ايه ترى اليوم بنروح لعمك ابوك يقول تحضرون كلكم

خالد::عطتني خبر رهف اكيد بجي يالله يمه تامرين شي بروح اريح شوي
ام خالد::سلامتك

في بيت ابو فهد
الساعه
6:30
كان كل شي مجهز ومضبط :كل شي اوكيه بس وين فهد ياخذ القهوه والشاي للمجلس
:هذا انا هنا وياخذ لامار ويرفعها فوووووق هو يضحك فديتها على خالها مزيونه
نوف::فهد تكفى نزلها لاتطيح من يدك
لامار شوي وبتصيح::ماما توفيه بتيح(ماما شوفيه بطيح)
فهد::هاه نزلتك يالخوافه..وكملت نوف::هذي القهوه والشاهي خذها للمجلس
خذاها فهد وهو يغني ::من هالعين ومن العين............................
في هالوقت وصلوا بيت ابوخالد
دخلوا بعد ماسلموا على بعض سلام اخو مشتاق لاخوه كان سلامهم حار شلون مايكون كذا (واخوي اربع سنوات مادخل بيتي )والعيال مو اقل منهم
:والله تو مانور البيت يابوخالد
:منور باهله وشحالك يافهد
:والله الحمدالله
ابوخالد::هاه وش ناوي تدخل بعد الثانوي
فهد:: إن شاء الله طب
ابوخالد::مشاءالله شد حيلك وجيب النسبه
نايف::لا اله الاالله عندنا دافورين بالعايله نواف لقيت الي مثلك
نواف::الله واكبرفهد خذ احتياطك ولا احلم بالجامعه
فهد::ابشر بس قبل لاتروح تعال اعطيك منه اخاف انت بعد تروح فيها
وضحكوا على سوالفهم واستمروا الحكي بينهم شوي بالشغل وشوي بلاخبار........................................... ...............................
في الجهه الثانيه عند الحريم
رهف::ياقلبي عليها والله تجنن شكلي باخذها معنا اليوم...
ام خالد::ماعليك منها بتمل بسرعه
رهف::خليها تجرب !!!!!!!!!!
نوف ::طيب بس بشرط
رهف صدقت::وشو؟؟
نوف::انا اروح مع بنتي؟
رهف::بس تامرين امر تعالي نامي معي بالغرفه؟؟
ام فهد بمزح::ياسلام بنتي تروح ورى بنتها وانا بعد مع بنتي ....
رهف::خلاص تعالوا حياكم الله الغرفه كلها لكم
نوف::بس انا ضيفه ماقرب بنتي يعني اذا توصخت ملابسها تغيرنها واذا قامت باليل تقعدين معها لان لامار تقوم بأي وقت وتقولي مابي انام واجلس معها فانتي لازم تسوين كذا و

قاطعتها رهف::لا لا خلاص الا النوم خليها عندك يارب تخليكم لبعض
ضحكوا على رهف بذات انها صدقت حكيهم بالبدايه
نرجع للرجال
وصل خالد بيت عمه ودخل وبعد سلم على عمه وعلى فهد
:والله ماشي الشغل انا مرتاح فيه
ابو فهد::اهم شي انك تكون مرتاح لان اذا ارتحت في شي خلاص تحبه...
الا على دخلت لامارواقفه عند الباب ومستحيه تدخل فهد::تعالي لاماروشفيك ؟
مامدى عطاها الاشاره الاركض عنده,,
ابو خالد::مشاء الله هذي بنت نوف كبرت....
فهد::روحي سلمي على عمي وراحت سلمت عليه واخذها خالد سلم عليها وجلسها بحضنه::تروحين معنا البيت لامارهناك فيه العاب كثيره تجين؟
لامار::ايه ابي ادي وبس ماما تلوح(ايه ابي اجي بس ماما تروح)
ضحك خالد::خلاص قولي لامك وتعالي عندنا,,,,,,.
شوي الا على صوت نغمة جوال فهد::هلا نوف..اها طيب استني شوي وسكر منها
:شباب امشو بننطرد شوي البنات بيدخلون يسلمون ,,وفعلا قاموا الشباب وطلعوا,,,,
دقايق الا نوف ورهف دخلوا ..
تقدمت نوف وسلمت على عمها وباست راسه ورهف نفس الشي وبعد ماسلموا وطلعوا
بس ابو خالد هنا بعد ماشاف نوف ابتسم بداخله هو يشوفها ولمعت فكره في راسه وقال لنفسه ليش لا إن شاء الله هذا الي بيصير...........................








نهاية الجزء الثاني,,

 
 

 

عرض البوم صور yasmine   رد مع اقتباس
قديم 17-06-09, 08:32 AM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجز الثالث,,





في بيت ابوخــــــــــالد
بعد مارجعوا من بيت ابوفــــــــهــــد

::نـــوف !!!!!! يبه من جدك تتكلم ؟؟؟
:ايه نوف شفيها بنت عمك وانت اولى فيها؟؟؟
خالد هو شاايل من راسه كلام ابوه:بس يبه احنا اتفقنا اني اخطب ريم؟؟
ابوخالد::عادي للحين ماصار شي ومن بكره بتصل على عمك وبخطب نوووف لك!!!!!!!!!!!!!
خالد بعصبية الدنيا كلها فيه :يبــــــــه انا نوف مابيها انا ابي ريم وماني متزوج غيرها
ابو خالد بعد ماكان هادي واعتلى صوته::وش تفرق ريم عن نوف هاه قولي وش فرقها عنها,,
ام خالد مانطقت ولابحرف عيونها تروح بين خالد وابوه,,والعيال كلهم تجمعوا على صوتهم,,
خالدبنفس العصبيه ::يبه اسمحلي انا اخترت البنت الي ابيها وخلصت وهذي حياتي وخلني على راحتي ,,,
ابو خالد وهو يضبط اعصابه:: طول عمري مخليك على راحتك ولا عمري تدخلت فيك يوم جاء اليوم وتدخلت وطلبتك وقفت بوجهي وبدون حشيمه وصوتك واصل اخر الدنيا ,,
خالد حس انه زودها مع ابوه قال بهدوء ::يبه وش الي غير رايك وانت عارف اني خلاص بخطب ريم ؟؟؟
ابو خالد::ياخالد ماعاد نبي شي يبعدنا عن بعض يكفي السنين الي راحت نبي نزيد الوصل بينا انا واخوي؟؟!!!!!
خالد هو شايل انه يوافق بس يحاول يقنع ابوه::يبه حتى لو على حسابي انا وعلى حساب حياتي ورغبتي؟؟؟
هنا عصب ابو خالد::كل شوي وتقول حياتي وحياتي خالد انت رجال وماتوقع تهمك هالسوالف؟؟
خالدبامل اخير انه يقنع ابوه::يبه نوف عندها بنت وماتوقع تبي تتزوج؟؟
ابوخالد ::بهالشي انا واثق انها بتوافق؟؟
وخالد هو يشوف ريم بين عيونه وقال بنفاذ صبر::بس يبه انا ابي ريـــــــــــم ومابي غيرها ؟؟
ابو خالد::اجل اسمع ياخالد اذا تبي رضاي تزوج نوف واذا تزوجت ريم لاتجيني ولاتسلم علي ,,وطلع
خالد توقع أي شي الاهالكلام من ابوه ضرب وتر حساس عنده ضاقت عليه الوسيعه رفع راسه لامه وطاحت عينه على امه وطلعت منه غصب عنه هو يرفع بيدينه بقلة حيله::اه يايمه شسوي ,,
طلع برى البيت طلع ومايدري وين يروح..
بعد نص ساعه
مايدري هو بأي شارع ولابأي حي عيونه على الشوارع والبيوت بس عقله وتفكيره مو معهم ليش يايبه الارضاك عندي ,,اف من وين طلعت هالسالفه شي ماخطر على البال ابد ,,ابوي ماهو من عادته يخير نا ويحطنا بين امرين بس شكل ابوي مصر اني اتزوج نوف ...وريم؟؟ شلون يعني يوم الي خلاص بخطبها طلعتلي هالنوف ...ضرب بيده عالدركسون بأقوى ماعنده وقال بصوت مسموع..الله يقلع الساعه الي رجع ابوي وعمي مامداه يكمل كلامه الأبصوت هرن عالي واكباس سياره اجهرت عيونه......................

نرجع لبيت ابوخالد
رهف:طيب يمه اقنعي ابوي قولي له ان خالد يبي ريم من زمان؟؟
ام خالد::ابوك ماتدخل راسه هالسوالف ماتقنعه!!
نواف::والله اهم شي رضى ابوي خله يتزوج نوف ويريح نفسه!!
نايف::ماعمري تخيلت خالد ياخذ غير ريم؟؟
ام خاللد::الي ربي كاتبه بيصير؟؟؟؟؟؟؟؟؟؟



زفر براحه اعوذ بالله منك يابليس استغفر الله العظيم ..الحمدالله الله ستر,,حرك سيارته وازعجه صوت الجوال ورد هو ماله خلق :: ,,هلا يمه ,,لالا دقايق وراجع للبيت مافيني شي ,,مع السلامه,,,رمى الجوال واتجه للبيت وهو مـــــــايدري وش بيسوي ولاوش بيصيرمعه؟؟؟؟؟

شي اسووود وظلام قوي هي تمشي وشي ابيض قدامها هو شخص يقرب منها ويبعدو كل ماقربت يبعدوبيدها بنتها وهي تتكلم بس ماتدري شتقول بس تبي توصل له وظلت على هالحال ,,

فتحت عيونه بقوه على صوت الاذان والتفتت على طول على بنتها تعوذت من ابليس من هالحلم الغريب وقامت توجهت للحمام تتؤضا ................

اليوم الثاني
في بيت ابو خالد
غرفة خالد
خالد بعيون راجيه هو مانام الليل كله وكلام ابوه الاخير بأذنه:يمه تكفين اقنعي ابوي يغير رايه وقولي له هذي حياتي ؟؟
ام خالد::ماتدري ياولدي يمكن خيره لك ؟؟
خالدهو يزفروبهدوء::يمه انتي تدرين اني ابي ريم طلبتك حاولي قد ماتقدرين انه يشيل الفكره من راسه!!!
ام خالد::ياخالد ابوك اول مره يصر على شي معناته مو مغير رايه!
خالدللحين حاط امل::يمه انتي كلميه وشوفي انا الأزم ماعلي رضاه ابيه يرضى علي؟؟
ام خالد::انا بكلمه وبشوف بس ياخالد اذا ماوافق صدقني ربي بيوفقك يكفي انك اخترت رضا والديك؟؟
خالدهو ينزل راسه::يمه مو هذا الي ذابحني رضاه علي,,
ام خالدوتتمنى انها تقدر تغير رايه :بروح اكلمه الحين قبل لايطلع للصلاه وبشوف وش بيقول وحط براسك اذا نصيبك مع ريم بتاخذها,, اولاواخير(نصيبك)الي ربي كاتبه لك بتاخذه............................................ ................
في غرفة ابو خالد
:لاتحاولين وش فيها لو اخد نوف ولا عشانها مو بنت اختك؟؟!!!!!!
:لا والله مو القصد والله لو خالد طلبني نوف لاخطبها له على طول!!!
ابو خالد:اجل قولي له انا ابيه ياخذ نوف ولامو متحمل مني اوامر؟؟ّ!!!
ام خالد::انت تدري يابو خالد ان خالد بيوافق على نوف بعد كلامك الي قلته له ..
ابو خالد::والله انا اشوف العكس ماشوفه اهتم لي ولااحترم رغبتي؟؟
ام خالدبأمل اخير::مايصير انت طول عمرك مخليه على راحته بكل شي يوم جاء اهم شي بحياته توقف بطريقه..
ابوخالدهو يقوم::ماعندي كلام ثاني انا بروح اصلي وقولي لولدك هالشي كلامي ماني مغيره وطلع وتركها!!!!!!!!!!!!!!!!!!
في بيت ابوفهد
4العصر
ابوفهد هو مبتسم::اليوم اتصل علي واحد وخطب نوف؟؟؟؟
ام فهد انصدمت وخافت::لا يابوفهد نوف ماتبي تتزوج؟؟
ابوفهد::انتي وش دراك انها ماتبي تتزوج؟؟
ام فهد::هي تبي تربي بنتها بنفسها؟؟
ابو فهد::انا عارف هالشي وهم ماعندهم مانع انها تربي بنتها,, و يأم فهد حنا مو دايمين لها خلي البنت تتزوج وتستقربحايتها!!!
ام فهد::هي مرتاحه معنا ومستقره مو ناقصها شي؟؟
ابوفهد::بس حتى يبيلها سند يسندها لاغفت عيونا ’’
ام فهد::يابوفهد خل البنت على راحتها لاتظلمها وتزوجها وهي ماهي راضيه.!؟؟
عصب هنا ابوفهد::ليه وش قالولك ماخاف ربي يكون بعلمك كثير خطبوا نوف مني بس انا ماوافقت لانهم موب كفوا أزوجهم بنتي وترى هي بنتي مثل ماهي بنتك و اخاف عليها مثلك ويمكن اكثر..وقال هو يقوم :قولي لها ترى الي خاطبها خالد ولد اخوي وانا عارف انه كفووقوليلها تراها غاليه علي مو أي كان ازوجها اياه وطلع وتركها مصدومه من الشخص الي خطب نوف ,,
________________________________
في بيت ابوخالد
رهف وهي مستغربه:خلاص خالد وافق على نوف؟؟؟
نايف::والله ماتوقعت خالد بيوافق بهالسرعه ؟؟!!!
ام خالد::الا انا كنت متوقعه لاني اعرف خالد كل شي عنده ولازعل ابوه..
نواف::شلون يعني ابوي كلم عمي؟؟؟؟
ام خالد:: اول ماجاء خالد من الصلاه وعرف مني ان ابوه مصر على نوف طلع لابوه وتعذر منه وقاله اهم شي رضاك والي تبيه بيصير وعلى طول ابوك اتصل بعمك وخطب نوف منه!!
رهف::ياحرام خالد طول عمره هو يبي ريم..
ام خالد::هذا نصيبه ربي كاتب له نوف ماكتبله ريـــــــم%
في بيت ابو فهد
بالمطبخ
:حلو يمه انك جيتي كملي العصير لامار بسوي شغله وبجي
ام فهد وهي تمسكها وتقعدها على الكرسي::اجلسي ابيك بموضوع؟؟؟؟
نوف ماتدري ليه نغزها قلبها::وشو يمه وش موضوعه؟؟؟
ام فهد متوقعه شلون بتكون ردة فعلها بذات انها عارفه رايهابهالشي::اليوم عمك اتصل على ابوك وخطبك لولده خالد!!!!!!!
نوف بلحظه عيونها غرقت ::لايمه انا مابي اتزوج انا ابي اربي بنتي وبس ,,
ام فهد وغيرت رايها يوم شافت ان ولد عمها الي خطبها::يانوف خالد رجال ومايتعوض ؟؟؟
نوف نزلت دموعهاو بعيونها بنتها ::لايمه انا اهم ماعلي بنتي مايهمني لاخالد ولاغيره ربي بيعوضني بنتي..
ام فهدوكسرت خاطرها ::يانوف هم ماعندهم مانع ان بنتك تكون معك وابوك شرط عليهم لانه عارف رغبتك بهالشي؟؟
نوف ضمت بنتها لصدرهاوهي تبكي:: ابوي بعد مره ثانيه خلوني على راحتي المره الاولى ماقلت شي واحترمت رغبته والحين بعد ماقدر اعترض وهي تزيد من ضمها لبنتها تكفين بس ابي اربي بنتي تحملوني.........
ام فهد بحنيه::نوف لاتقولين كذا انتي في عيونا و انتي بنتنا بس نبي نشوفك مرتاحه بيت زوجك؟؟
نوف ودموعها تزيد::انا مرتاحه عندكم ومبسوطه مابي غيركم..
ام فهد وهي توقف وتقرب لبنتها وتضمها لصدرهاوبهدوء:
نوف انا المره الاولى ماكنت مقتنعه بزواجك وماقلتلك رايي اوبالأحرى مالبيد حيله بس صدقيني يانوف هالمره انا اقولها لك انا مرتاحه والاهم انه ولد عمك وبنتك بتكون معك تحت عيونك ..
نوف بعد ماهدت شوي وعلى نفس وضعيتهم::يعني شلون بعد ابوي ماراح يخلني افكرواقرر لحالي؟؟؟؟؟؟؟؟؟
ام فهد وهي تدري انه عطى عمها الموافقه::نوف تدرين ان كثير خطبوك من ابوك قبل خالد بس ماوافق ؟؟؟؟؟
نوف:_______
وكملت ام فهد::بس لانك غاليه عنده مازوجك الا الي يستاهلك يانوف ترى ابوك يحبك ويبي مصلحتك ولاتاخذين بخاطرك عليه,,
نوف وبدت تقتنع بكلام امها::يمه انا مستحيل ازعل على ابوي مهما ايش هذا ابوي ,,
ام فهد ابتسمت::يعني مبدئيا موافقه؟؟
نوف ::الله يقدم الي فيه الخير,و
ابتسمت ام فهدوباست جبهتها ودعت لها من كل قلبها ربي يعوضها كل خيرعن زواجها الاولي لانها كانت حاسه بنوف وحست انها ماحبت ابو محمد مع انها ماعمرها اشتكت منه بس قلب الام يحس..................................

بعدمرور اسبوعين من الاحداث تمت الخطبه والملكه ..
في بيت ابوفهد
غرفة نوف
كانت جالسه على السرير وتفكيرها مو معها يعني معقوله مايبي يشوفني طيب ,,ولاحتى بارك ولايتصل ..قطع تفكيرها صوت جوالها::هلا ساره
ساره::وشفيك كذا تردين بدون نفس؟؟
نوف::لاعادي مافيني شي!!
ساره حست انها متضايقه::نوف شفيك فيك شي صوتك مو عاجبني؟؟؟؟
نوف::لاساره صدقيني مافيني شي
ساره حست ان الموضوع فيه خالد::الموضوع فيه خالد؟؟
نوف هي تسحب نفس::بصراحه ايه ,,مومعقوله ماطلب يشوفني بالخطبه قلت اوكي انا بنت عمه موضروري يشوف,, بس مايشوفني بالملكه ولاحتى بارك ,,اقل شي يتصل ويبارك بالتلفون ..
ساره ::يانوف انتوا الجماعه عندكم مايشوفك الا بوقت الزواج يعني طبيعي؟؟
نوف ::بس انا بنت عمه وماتوقع ابوي بيعارض,,,
ساره :::يمكن عنده ظروف وماقدر يالله بس انسي وشيلي هالتفكير من راسك.............................................
في المجله
خالد هو يتأفف بداخله هو يسلم على زميل معه بالمجله::الله يباركلك عقبالك..وجلس على الكرسي اف اسبوعين كل مانسيت ذكروني يعني ضروري يذكروني ,, ماسمع الامبروك و مبروك الاالمفروض يعزوني مايباركون لي .........................
في حايل
نوره::سبحان اللله طول هالسنين مايبي الا انتي وفي النهايه اخذ بنت عمه!!!
ريم::انا كنت حاسه اني انا وخالد مو للبعض؟؟
نوره::احمدي ربك انه مايهمك ولا انتي بخبر كان..
ريم وهي تضحك::الحمدالله يارب.,
نوره::والله احس الموضوع فيه( أن) ..تذكرين خالد من زمان كلم امي خصيصا انه يبيك بس وقتهاكان يدرس مو مهيئ للزواج..
ريم::لافيه( أن) ولاشي كان صغير وقتها وكبر تغير تفكيره.....................
بعد مرور شهر,,
في بيت ابو خالد
:ياخالد مايصير كذا لك فوق شهر ملك عليها ولازرتها؟؟
:يمه مولازم ازورها الزواج بعد شهر ماله داعي؟؟
:يعني حرام عليك تكسر بخاطرها كذا اكيد بستغرب انك مازرتها وفوق هذا لا اتصلت فيها ولاباركتلها في الملكه؟
خالد هويسحب نفس::ابشري اليوم بمرها وانا راجع من المجله!!!!........................................ ...............
في بيت ابو فهد
4:30العصر
كان صوت الجرس يرن وطلع فهد يفتح الباب :هلا والله حياك
خالد::الله يحيك دخله المجلس بعد ماسلم عليه
::اجل وين عمي ماشوفه
:ابوي مو في البيت ..
قام فهد عشان يجيب القهوه بس وقفه خالد :فهد ياليت تناديلي نوف ابي اسلم عليها؟؟
فهد هو يبتسم::اها يعني الزياره مو لابوي؟؟
خالد بخاطره ليتها لعمي:ايه مو لعمي عندك مانع يالله روح نادها..
طلع فهد هو يضحك وراح للمطبخ وعطى امه خبرعشان تجهز شي لهم وطلع فهد لغرفة نوف وفتح الباب وشافها تغير ملابس لامار..
:هلا فهد بغيت شي؟؟
فهد هو يبتسم:ايه بغيت قومي البسي لان خالد تحت ويبي يسلم عليك!!
نوف انصدمت وقفت:هاه خالد تحت!!!!!!!
فهد هو يضحك على شكلها::ايه بسم الله عليك شفيك خالد تحت يالله عجلي البسي وانزلي ,,وطلع ونزل تحت
نوف تحس حلقها جف من الخوف ياربي وقته الحين يجي كان اتصل وعطانا خبر انه بيجي,,مع هالافكار خلصت بنتها وفتحت دولابها واختارت لها لبس بشكل سريع تنوره جنز لونها غامق ,,وبلوزه بيضاء اكمامها طويله ساتره وناعمه اقتعنت فيهم ولبستهم..وقفت عن المرايه رفعت شعرها على شكل ذيل حصان وتركت غرتها القصيره على جبهتها ,,والميك اب اكتفت بكحل داخل العين ومرطب ,,وتعطرت ونزلت
خالد بهالوقت كان كل شوي يناظر ساعته ويهز برجله لاحول وينها هذي تاخرت تحسب اني فاضي لها ,,قطع تفكيره صوت فهد وشكله يحاول فيها تدخل ,,ابتسم على جنب ياحليلها مستحيه ,,اخذ نفسه وتوجه للباب وبدون مقدمات مد يده لهاوقال السلام عليكم
فهد هنا ضحك وراح
نوف ودها الارض تنشق وتبلعها
خالد بحده::شلون يعني بطول وانا يدي مدوده؟؟!!!!!
مدت يدها وهي ترتجف بعد ماسلمت عليه دار ظهره وهي دخلت وراه وبخاطرها هذي البدايه الله يستر
جلست على الكنب الي مقابله من الجهه الثانيه بالمجلس راسها مرفوع وعينها بالارض,,
بعد سكوت ثواني::شلونك نوف؟؟
نوف تبي ترد بس تحس صوتها انقطع:________
خالد بخاطره لايكون طرماء::شلون يعني ماراح تردين علي ؟؟
نوف بخاطرها شفيه هذا وهي تحرك باطراف اصابعها وبصوت واطي::بخير..
خالد مايدري ليه جاه فضول انه يشوف عيونها:شوفي نوف وحده من الثنتين يأن عيونك حولا او فيها عيب وماتبيني اشوفها!!!!!!!!!!!!!!!!!!!!!
نوف لأارديارفعت عيونها له وماتدري شلون جتها الجراءه :طيب واذا عيوني فيها شي ماتبيني؟؟؟؟؟؟؟؟
خالد هنا ماعرف وش يرد عليها لانه هو اساسا مايبيهابس انقذه من سؤالها فهد هو داخل وجايب لهم العصير والمعجنات:اسف خربت عليكم جوكم
هع
ضحك خالد وبخاطره الا والله جيت بالوقت المناسب:طيب يالله ضف وجهك ,,طلع فهد هو يضحك ويقول الشرهه مو عليك على الي جايب لك عصير........
خالد ناظر نوف :ماودك تضيفيني؟؟؟
قامت نوف وتحس بعيونه عليها ومستغربه من طريقة كلامه معها قربت له العصيروحطت صحن له فيه معجنات وقدمته له ورجعت لنفس مكانها.....
خالد هو كان يراقب كل حركه تسويها البنت مقطعها الخجل:نوف ترى انا مأكل اوادم؟؟
نوف انقهرت من كلامه :مماعلقت
كمل خالد:نوف كم عمرك؟؟؟
ياربي كل ماقال نوف احس قلبي بيطلع من مكانه ينطقها بطريقه حلوه مع انها حاده شوي::عمري 20 ,,
خالد::اها العمر كله بس توقعتك اكبر من 20
نوف انجرحت من كلامه بس ماحبت تبين:_______
لاحظ خالد وجهها تغير حس ان طينها بس مسرع ماطنش
ثواني الالامارجايه تركض للأمها:هلا لامار حبيبتي سلمي على عمك خالد,,
لامار كانت تناظر خالد وتبتسم بس ماراحت له ,,
خالد هالبنت هذي دخلت قلبه قام لها هو يبتسم وقرب لعند نوف واخذ لامار من حضنها ,,,
نوف تحس النفس عندها انقطع قربه منها وترها,,
خالد كان يسولف مع لامار ومندمج معها,,اما نوف بهالوقت سمحت لنفسها تناظره,, ناظرت ملامحه فيه شي يجذب,جاء نظرها على عيونه لون عيونه كانها عيون فهد اخوي بني,, كل شي فيه حاد وينطق جاذبيه,, ابتسمت هي تشوفه يضحك مع لامار شكله فيه حنيه ..حست بشي حلو غريب له,بس وشو ماتدري,,قطع تفكيرها صوته::هاه خلصتي تصوير متى يخلص التحميض إن شاء الله؟؟؟؟؟
نوف هناسبت نفسها عشرين مره يوم تمادت وهي تطالع فيه,,وانقهرت من اسلوبه معها ,,

خالد هو يقوم ::يالله انا ماشي قرب بيسلم عليها ,,
نوف ارتبكت وبعدت’’
ضحك خالد::اوكيه براحتك,,يالله مع السلامه
,,بعد ماستوعبت انه راح زفرت براحه,,اف ياربي حشى لو اني بأختبار خذت نفسها من المجلس وطلعت
في سيارة خالد
سارح بتفكيره هذي نوف وشفتها ,,بس ماحسيت باي مشاعر تجاهها .. ..اه ياريم مافيه احد بيدخل قلبي غيرك,,ابتسم ابتسامه صغيره يوم تذكر اخر موقف قبل لايطلع ..يابراءة هالبنت,,
اما من جهت نوف طلعت لغرفتها وقفت عن المرايه تناظر نفسها وتكلمت بصوت مسموع::حرام عليه مو لها الدرجه شكلي اكبر من 20 وكملت وهي تقلد صوته :والله توقعتك اكبر من 20,,ماعنده نظر طنشت واتصلت على ساره:الو هلا ساره
ساره:اهلين اخبارك؟؟؟؟؟
نوف::تدرين خالد توه طالع من عندنا؟
ساره::والله طيب جلستي معه؟؟؟
نوف برود::ايه جلست معه!!
ساره::طيب شفيك كذا قولي وش صار؟؟
نوف::عادي !!!
ساره وهي مستغربه::شلون عادي؟؟؟
نوف سكتت شو:مادري شلون ا حسه جاف مره احسه بارد,,وينرفزني مادري كيف مدري شلون اشرحلك؟؟؟؟؟,,,,,,,,,,,,,,,,,,,,,
_________________________________
بعد مرور شهر من الاحداث
خالدماشاف نوف بعد هذاك اليوم ولاحتى فكر يتصل عليها,,,والتهى بتجهيز الشقه الي بيسكنون فيها,,,بس مالتهى عن ريم لانها للحين في باله,,
امانوف كانت شوي متضايقه لان خالد مايكلمها بس تحاول تقنع نفسها ان العرس قريب وماله داعي ,,وانشغلت بتجهيز زواجها
في غرفة خالد
خالد كان مريح راسه على السريرويحس بضيقه مو طبيعيه
""خلاص بكره زواجي للحين مو مستوعب اني باخذ غير ريم..وبعيش مع انسانه انا مابيها ولا احبها,,قطع تفكيره امه
:هاه شخبارالمعرس
خالد هو يبوس راس امه:هلا يمه
ام خالد وهي عارفه عناد ولدها:انا جايتك ياخالد اوصيك على نوف ,,ياخالد ترى نوف عسل ومافي منها,,
خالد هو يغمض عيونه ويفتحها دليل إن شاء الله,,
وكملت ام خالد::ياخالد حط في بالك ربي كاتب لك نوف وربي ماحاطها بدربك الاخيره لك إن شاء الله
خالد::لاتحاتين يمه ان شاء الله خير
ام خالد::ربي يوفقك وينور دربك ويسعدك بحياتك ويطمن بالك,,
خالد يسمع دعوات امه وارتاح داخليا يهمه ان امه وابوه راضين عنه ..بس قلبه للحين موراضي يقتنع.,,,,,,,,,,,,,,,,,,,,,
________________________________


نهاية الجز الثالث,,

 
 

 

عرض البوم صور yasmine   رد مع اقتباس
قديم 17-06-09, 08:43 AM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجــــــــــــــــــــزء الرابــــــــــــــع



يــــــوم الزواج
تحديـــــــدا في غرفة العروس


:مشاءالله تبارك الله تهبيلين بتطيرين عقله,,

:ساره لاتبالغين تو ماسويت التسريحه..

ساره:شلون لو سويتها بتهبلين بعقل الرجال,,

نوف:تكفين ساره لاتجيبين طاريه وربي اني خايفه

ساره:اكيد أي وحده مكانك لازم تخاف !

نوف وهي تذكر زيارته له وشلون كانت معاملته تحسها غريبه وفوق هذاكله مايتصل عليها:انا خايفه من حياتي معه؟؟

ساره:لاتفكيرين يانوف ولاتخافين اليوم ليلتك خليك مبسوطه ياقلبي وتوكلي على ربك..

نوف وهي تسحب نفس خفيف:ساره طيب الله يخليك شوفي بنتي لامار ماشفتها من صحينا الصباح؟؟

ساره ::تامرين امر بروح اشوفها ..

الكوفيره::ايه من الاول هيك لاخبطتولي شغلي؟

ساره وهي تقلد كلامها::بتامري امرلك هلأ طالعه......................................








في نفس المكان
في الجهه الثانيه عند الرجال


كان جالس وعيونه على ابوه واخوانه الي مبسوطين له وعلى الي رايح والي جاي والي يسلم

عليه والي يناظرونه ويبتسمون ويبتسم لهم مجامله ابتسامه خارجيه بس داخليا قلبه محروق

يتمنى يموت ولا يكون هاليوم حقيقه وقف وبالبشت الابيض الي لابسه معطيه هيبه مع طوله

ابتسم لزميل معه بالشغل: هلا والله ,,الله يبارك فيك حياك ,,

جلس هو يتذمر بداخله من كلمة مبروك ,,سمع ابوه يهمس بأذنه::ياولدي ابتسم من اليوم وانت عاقد هالحواجب ماكأنك معرس ؟؟؟

التتفت له خالد وبخاطره والله عشانك اليوم انا معرس بس مسرع مانفكت عقدة حواجبه وانشقت الابتسامه هو يوقف ويتقدم للشخص الي بيسلم عليه:هلا وغلا هلا راكان(اخو ريم)
:هلا فيك مبروك ياخالد منك المال ومنها العيال

خالد ليتك تبارك لي وانا نسيبك:الله يبارك فيك ,,والله تو مانورت الرياض.......................................








في القاعه
الساعه:10:30
وقت الزفه




طفت انوار القاعه واشتغلت انوار خفيفه وتركزت الاضاءه على الباب ,,الكل كانت انظاره مركزه مع الاضاءه,,كانوا يترقبون طلوعها,,




نوف كانت بكامل روعتها طالعه بنت ولا اجمل البنات واقفه من ورى الباب وتحس برجفه

بجسمها ,,اشتغل شريط الزفه الي هي ماتعرف عنه شي..وزاد توترها ورجفتها صوت الموسيقى الي عمت المكان ,,ومع خوفها قطع تفكيرها ,,

صوت هي تعرفه ,,شلون ماتعرفه ,,صوت هي تحبه,,صوت عزوتها ,,صوت اخوها,,وبلحظه غرقت عيونها وانفتح الباب ,,ودخلت نوف تمشي بنعومه بخطواتها ,,(على صوت فـــــــهـــــــــد.).





يوم أقبلت أحلى عروس صابت الصاله سكون

عم اهدوء كل المكان والكل يناظر زينها

الناس من كثر الجمال ماهي مصدقه العيون

يحسبون أنها ملاك يوم رمشت في عينها

لولا خوفها على الحضور يصيبهم عشق الجنون

كآن ضحكت بشفاتها أو أشرت بيدينها

حرف النون بداية أسمها معطر بعطر الدخون

يزيدها روعه وحيا ونور وسط جبينها

والواو ثاني حروفها معطيها بهجه مع شجون

و زودها حلات وزود حلا لسنينها

وافاء اخر حروفها يعطيها فن من الفنون

وهذا ختام لأسمها نوف الله شزينها

الخير طير بقدومها غرد على كل الغصون

الخير كله ياملا في قلبها وفي أيدينها

الورد خدر في كفها من لمسه الكف الحنون

يذوب من لمسه أيدها وعطرها وحنينها

ومالوم أنا الصاله اذا صابها صمت وسكون

مادام نوف هي العروس بنسكت ونطالع زينه

وختام قولي عسى الفرح حياتها وسعدها

وادعوا الخالق ربي يسعدها ويهنيها

اخوك فهد






بعد مانتهت القصيده وصلت نوف للكوشه وكان الكل منبهر من شكلها تقدمـت لها امها تعدل

فستانها والعبره بحلقها ,,تحس بغصه شلون ترجع البيت وبنتها مو معها,,رفعت راسها وحاولت ام

فهد قد ماتقدر ماتحط عينها بعين نوف علشان ماتخونها دموعها ,,ضمت بنتها ودعت لها ربي

يوفقها ,,تقدمت لها ام خالد ورهف وبعض المعازيم سلموا عليها ,,هي ترد عليهم بس عيونها

تدورعلى الي حولها,,تستفقد نور عينها بنتها ماشافتها ,, عصبت منها المصوره لانها مو معها كانت رهف جنبها تصورمعها ميلت نوف راسها:رهف وين لامار مأشوفها؟؟؟

رهف::لامار نايمه داخل ومعها الشغاله؟؟؟نوف:______

قطع تفكيرها صوت الطقاقه :بيدخل المعرس تغطوا ياحريم؟؟؟

نوف لاشعوريا مسكت يد رهف بقوه لان يدها كانت ترجف:نوف حبيبتي بسم الله عليك لاتخافين ؟؟؟

بدت الطقاقه بزفة المعرس ,,ودخلوا والكل منبهرويذكر ربه منبهرين من وسامته دخل وعلى يمينه

ابوه وعمه وفهد كان متقدمهم دخل هو رافع راسه والابتسامه مافارقت وجهه والي يشوفه يقول

هذا اسعد معرس والفرحه مو سايعته ,,كانت نوف واقفه ومنزله عيونها والرجفه للحين فيها ,,وصل

خالد للكوشه وعلى طول امه ضمته وهي تبكي وسلمت عليه خالدو هو يمسح دموعها:ليش يمه
هالدموع مفروض تفرحين ولدك معرس قدامك ,,

ام خالد وهي عارفه بقلب ولدها::ربي يطمن بالك ياخالد ويوفقك ,,

وسلمت رهف عليه وام نوف الي صارت عمته ,ونوف للحين على وضعيتها واقفه سلم عليها ابوها

وفهد اخوها سلم عليها وبعد مابارك لها ابتسم هو يقول هاه شرايك باخوك حلوه المفاجاه نوف

اكتفت بأبتسامه والتفت على خالد وقال:ماوصيك ياخالد تراها غاليه كان ودها تسمع وش قال بس

ماقدرت من الاصوات الي حولها او على الاقل تشوف ردة فعله بوجهه ,,اما ناحية خالد بعد ماسلموا

عليه على طول جلس ..نوف اول ماشافته جلس جلست على طول حست شكلها غلط وهو

جالس وهي واقفه ,,بهالوقت طلع ابو خالد وبو فهد ولده بعد ماخذ كل واحد منهم كم صوره مع

المعاريس ,,مابقى الاخالد ونوف جالسين ياخذون صور لهم خاليه من أي حركات صور جدااا عاديه

انتهى تصوير ,,واشر خالد لامه يعني بطلع وفعلا بدت الطقاقه تزف طلعتهم ,,هنا وقف خالد وبدون

لايلتفت عليها مسك يدها حسها بارده حيل ,,وبحركه لأراديه منه ضغط عليها مايدري ليه بس يمكن يبي يطمنها ,,

اما نوف كان تفكيرها منشل كانت تمشي وقلبها متفطر ,,او متقطع,,من صياح بنتها بأذنها ,,وصوتها ابي ماما ,,وهي تمشي تحسه خرق اذنها ,,خانتها دمعتها ونزلت ,,الكل انتبه لها وعرف سببها ,,الاشخص الي جنبها مانتبه والا التفت لها ابدااااااا,,,,,,,,,,,,,,,,,,,,,,,,,,,,,,,





طلعوا برى القاعه وساعدتها رهف بلبس العبايه نوف وهي تهمس باذن رهف:رهف تكفين حاولي تنسين لامار؟؟ ,,,,,رهف بنفس الهمس :لاتحاتين تطمني يانوف,,,,,,,,,

قرب نايف السياره وركب خالد وركبت نوف وتحركت السياره متوجهين للفندق ,,,.............................

خالد طول الطريق هو سارح بتفكيره يفكر بحياته الي تقررت وصارت وهو مومقتنع فيها ,وغصب عنه

التفت عليها حس انها سرحانه ,,فعلا نوف كان كل تفكيرها عندها عند لاماربهالحظه تمنت انها

ماتزوجت ,,,...................



في القاعه


ام فهدوهي تبكي بدون صوت:خلاص حبيببتي لامار,, ماما بتجي بكره...


لامار وهي مستمره بالصياح::ابي الوح مع ماما(ابي اروح)

رهف وهي تدخل الغرفه::خاله هاتيها عنك

ماعارضت ام فهد عطتها رهف:يالله حبيبيتي لاتصيحين علشان ماما تجي اذا تبيكين ماتجي ماما,,

لامار وبدت تهدى شوي::اسكت بعدين تجي,,

رهف::ايه ماما راحت تجيبيلك عروسه تلعبين فيها

بلحظه سكتت لامار::تديبلي عروسه؟؟(تجيبلي)

ام فهدورهف انبسطوا يوم سكتت ::ايه يالله امشي علشان تلعبين مع الصغار؟؟؟

والحمدالله قدرت تنسيها رهف لو كم ساعه...........

________________________________



في الفندق



بعد مادخلوا للجناح دخل خالد للغرفه وفصخ البشت والشماغ ونوف فصخت عبايتها وجلست على

الكنب طلع خالد للصاله وجلس على الكنب من الجهه الثانيه

وهو مايشوف منها الانص وجهها لان الطرحه مغطيتهاوقال بحده::مبروووك نوف !!!!..

نوف بخاطرها ليش يقولها بهالطريقه و ردت بصوت شبه مسموع:الله يبارك فيك,,بعد سكوت دقايق
خالدوقف كان بيسألها وش تبي بس شافها سرحانه طنش وطلب عشاء من ذوقه,,

وصل الاكل وحطه خالد قدامها :: نوف هذا العشاء,,انا تعبان ودي انام .. !!!!!!!!!!!

نوف وهي على نفس وضعيتها وعيونها بألارض استغربت فيه معرس ينام وزوجته وراه رفعت عيونها له وبهدؤقالت:لاشكرا مابي عشاء..

خالد استغرب عيونها فيها دموع مايدري وش سببها طنش تفكيره:اوكيه تصبحين على خير..

دخل خالد للغرفه وفصخ ثوبه وعلقه ودخل نفسه بالفراش وجلس يتقلب لاحول مافيني نوم ومالي خلق اقعد اجاملها طول اليوم ,,,

اما من جهة نوف ياربي شسوي هذا من جده راح ينام وتركني ,,تحركت من مكانها ,,وتقدمت لداخل

شوي ,,وحمدت ربها انه سويت كامل ,,علشان تاخذ راحتها,,وفعلا خذت شنطتها الصغيره ,,ودخلت

للغرفه وبدلت فستانها ,,ولبست بجامه ناعمه برموداحرير لونها سكري ,,وفكت تسريحة شعرها

بسهوله ,,لان تسرحيتها كانت بسيطه ,,كان اغلب شعرها مفتوح ,,وطلعت ورجعت اجلست على

نفس الكنبه,,معقوله يعني عروس جالسه اول يوم لحالها ,ريحت راسها على الكنب وغاست

بتفكيرها,,,,


خالد الي للحين يتقلب والافكار توديه وتجيبه ,,والله احس حلقي نشف من كثر ماقلت الله يبارك

فيك ,,رمى الفراش منه,,توجه للثلاجه فتحها مالقى مويه ,كلها عصيرات وطلع من الغرفه ,,يبغى

يشرب مويه,بس لفت انتباه نوف ,,كانت جالسه على الكنب ,,وضامه نفسها لصدرها واضح انها

تبكي,,استغرب ,,حاول يطنش ,,بس قال لنفسه يارجال اعتبرها اختي على الاقل ,,فعلا تقدم لها

وجلس جنبها
نوف كانت حاسه بكل حركه بس ضلت على وضعيتها:_____


وبصوت اقرب للهمس:نوف؟

نوف تحس بشي داخلها يتحرك لانطق اسمها :______؟؟

خالد بصوت هادي:نوف شفيك فيه احد مضايقك؟؟

نوف الي انحرجت اول يوم وتبكي و بصوت اهدى منه:مافيني شي ؟؟؟؟؟

خالد هو يبعد يدينها::شلون مافيك شي وانا اشوفك بعيني قوللي وش الي مضايقك؟؟؟

نوف وبدون ماتحط عينها بعينه::لامار وانا اطلع كانت تبكي وتبي تجي معي ...

خالد الي راحت من باله لامار و كسرت خاطره شلون طفله وتسأل عن بنتها:نوف لامار اكيد الحين مع امك ولاتخافين عليها...

نوف بقمة احراجها:اسفه خالد مو قصدي ازعجك,,,

خالد::ولايهمك انا كنت طالع اشرب مويه,,يالله قومي نامي عشان ترتاحين ..

نوف ماعجبها رده بس ابتسمت وقامت معه ,,ودخلوا للغرفه وحطت نوف راسها على المخده وهي

تحمد ربها عدى اليوم على خير,,اما من جهة خالد حط راسه هو يفكربالي سواه انا وش علي

منها,,بعدين اقنع نفسه أي احد مكاني بيسوي كذا...








نهاية الجزء الرابع

 
 

 

عرض البوم صور yasmine   رد مع اقتباس
قديم 18-06-09, 08:16 AM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الخامس,,

صحت من نومها وهي تنا ظر المكان وتسأل نفسها انا وين ,,التفتت شافت البشت معلق ابتسمت والله نسيت على بالي بغرفتي , ,,ناظرت الساعه شافتها 10 يافشله صحى قبلي وماحسيت فيه,, نزلت رجلها من السرير تحركت بهدؤ لبرى الغرفه ,غريبه ماسمع صوت ولا حس,,طلت ماشافت احد يمكن نزل تحت ,,اوكي فرصه عشان اغير ملابسي ودخلت وخذت لها دش سريع ونشفت شعرها بسرعه وطلعت ولبست ملابسها وحطت مكياج ناعم جدا ومناسب للي لابسته ناظرت نفسها بالمرايه نظره اخيره اقتنعت بنفسها ,,كانت لابسه تنوره ميدي وربيعيه ناعمه وبلوزه لونها اخضر على عشبي طالعه كيوووووت ’’ ناظرت الساعه بس كأنه تاخر ,,,,,,,,,,,,,
_________________________________
في بيت ابوخالد
خالد هو يضحك::لا احلفي بتطرديني مره وحده!!
رهف::ايه الحمدالله فيه احد يجي ويخلي زوجته في صباحيتها؟؟
ام خالد::ياخالد مايصير تاركها بالفندق لحالها وباول يوم لكم؟؟
خالد::يمه نايمه وماحبيت ازعجهاوكمل بتردد::يمه خالتي موجوده ولا مشوا لحايل!!؟
ام خالد وتاكدت ان ريم للحين في باله ::ايه مشوا بعد العرس على طول..
دخل ابو خالد وفز خالد يسلم عليه,,
ابو خالد::حياالله المعرس,,مبروك صباحيتك
خالد:الله يبارك فيك يبه
ابوخالد:اجل وين العروس ماشوفها؟؟
ودخلت رهف عرض::يبه ولدك يفشل مخلي نوف وجاي ,,!!
وتناظرها امها نظره::رهف احترمي اخوك وش ذا الكلام..
رهف ندمت على كلامها ,,
خالد هو يضحك::لايمه عادي خليها على راحتها,,
ابوخالد::صدق ياخالد تاركها بالفندق,,
خالد الي مل منهم من جاء هو مستلمينه وين نوف::والله يبه نايمه وماحبيت اصحيها..
ابو خالد::ياولدي ياخالد ماوصيك على نوف تراها امانه برقبتك بعد ابوها...
خالد هو يتنهد بداخله::عموما انا الحين رايح للفندق وبعدها بنروح لبيت عمي ,,وكمل هو يوقف::يالله تامرون شي ,,
ابو خالد وام خالد::سلامتك الله معك
في الفندق
نوف كانت جالسه على الكنب شغلت التلفزيون وقلبت بالقنوات وقرت من المجلات ,,وينه صارله تقريبا ساعه ونص من صحيت,, سمعت صوت بطنها.. والله اني جوعانه ودي اكل شي ..
معقوله البارح تركني لحالي ونام ويوم طلع بالصاله مو عشاني عشان يشرب مويه لو مو عطشان ماطلع يعني بالصدفه,,واليوم بعد منقعني لحالي ,,قطع تفكيرها صوت الباب ارتبكت شوي وقفت...
دخل خالد وهو ملاحظ وجودها هو مار مرور الكرام بدون لايلتفت لها:السلام عليكم
نوف ردت السلام وبخاطرها شفيه كذا يسلم حتى بدون لايناظرني ,,,
ثواني وراحت نوف لغرفه وشافته مغير ثوبه وكاشخ دليل بيطلع لايكون بيطلع وبيتركني مره ثانيه لحالي ,,قررت تتكلم:خالد من متى صاحي؟؟؟
خالد هو يضبط شماغه::صحيت بدري وطلعت..
نوف براءه :: وين طلعت ؟؟
خالد::رحت لبيتنا ,,
نوف ::ليش ماخذتني معك ؟؟؟
خالد برود::شفتك نايمه وماحبيت ازعجك,,وكمل برود تام::وفيه شي احب اقوله لك انا ماحب احد يسألني وين رايح ولا وين جاي طيب..!!!!!
نوف وهي مستغربه:: بس انا ك,وقاطعها بدون مباله ..:يالله البسي عبايك بروح لبيت عمي ,,
وراحت نوف وهي منصدمه من كلامه وخذت عبايتها ومشت وراه وهي تحس بغصه منه ,,
نوف كانت طول الطريق تناظر الدريشه والافكار توديها وتجيبها ,,ياربي احس اني مخنوقه,و ودي ابكي ,,ليش يعاملني برود ,,وشفيها يعني لو سألته انا زوجته ,و مافيها شي ,,ولا قط الكلام علي برود يخوف ,,تنهدت تنهيده مو مسموعه,,هذي البدايه الله يستر من الجاي,,
دقايق الاهم واصلين البيت..
اول مادخلت البيت ,,وفكت النقاب شافت لامار تلعب بالحوش مع بنت الجيران وماكانت منتبهه لأمها نوف على طول بدون مقدمات اول ماشافتها دموعها نزلت تحس كانها سنه ماشافتها مو يوم واحد اوساعات وماتحركت من مكانها تبي تناديها بس تحس لسانها ثقل تحس كانها مذنبه ماتدري ليه جاها هالشعور يوم شافتها ,,
نطق خالد::لامار الحلوه تلعب بالحوش...
لامار التفتت على الصوت و يوم شافت امها على طول ركضت وهي فرحانه ::مـــــــــاماااااا
نوف وهي بمكانها بس جلست على ركبها ضمتها::ياقلب الماما,,
لامار وهي تناظر خالدلان(الاطفال يحسون):: ماما وين لحتي؟؟
نوف ::شوفيني هنا مارحت !!
لامار ::انتي لحتي مع خالد(رحتي)
نوف ماعرفت وش ترد:_______
خالد الي كان واقف ويناظرهم وهو مبتسم::لامار تعالي سلمي علي شكلك ماتبين اشتري لك لعبه,,
لامار::مابي لعبه ابي ماما
خالد هو يجلس على ركبته على مستوى لامار::طيب انا وانتي وماما نشتري شرايك,,
لامار::حتى ماما
نوف الي كانت من داخلها مستانسه من طريقة تعامل خالد شكلها تبشر بالخير ,,
خالد هو يضحك::ايه حتى ماما يالله امشي ندخل داخل
لامار مدت يدها لخالد وشالها ودخلوا داخل البيت..
بعد ماسلمت على امها وابوها ,,
نوف:يمه وين فهد؟؟
ام فهد:يوه فهد بسابع نومه من جاء من العرس قالي انا دايخ وتعبان لاحد يزعجني خلوني على راحتي ولااحد يفكر يصحيني ,,
نوف::عاد فهد وعند النوم ينسى اهله ,,,,,,,,,,,,,,,,,,,,,
في المجلس
ابو فهد: ترى عشاكم اليوم عندنا ,؟؟
خالد::لا ياعمي لاتعب
قاطعه ابو فهد::خلاص انا قلت لابوك وعزمت الرجاجيل,,
خالد:: إن شاء الله ولو ان خيرك واصل وماودنا نتعبك
ابوفهد:لاتعب ولاشي الغالي خالد والغاليه نوف..
نوف توها داخله وسمعت اسمها::وشفيها نوف يبه..
خالد كان يناظر نوف وهي تكلم ابوها ويحس براءة هالبنت ماسكه بنتها بيدها من جات مافكتها مولامار الصغيره صارت نوف كأنها طفله ومتمسكه بلعبتها
نوف::ليش يبه ماله داعي تكلف على نفسك..
ابو فهد::المهم انا قلتلكم,,
نوف وهي تضحك::يعني خلاص نسكت..
ابو فهد::زين فهمتيها ,,
نوف الي كانت حاسه بنظرات خالد لها من جلست قامت تبي تبعد ارتباكها
::نوف
نوف الي تحس قلبها يدق بقوه ولاول مره تحسه بيطلع من مكانه::هلا
خالد::اذا ماعليك امر جيبي لي مويه..
نوف :: إن شاء الله
اول ماطلعت من المجلس حطت يدها على قلبها وضغطت عليه بقوه تبي تهديه الي حركه صوته بخاطرها اف ياربي شفيني انا احس قلبي يعورني من كثر مايدق ..طيب هو ماقال شي ..كل الي قاله,,نوف.. كل هذا خوف يعني ,,بس هو مايخوف ,,ماحست نفسها الي هي تصب المويه وحطته بصحن ,, وطلعت توديه للمجلس,, دخلت مالقت احد ,,غريبه وينهم لفت بتطلع الاخالد كان واقف وراها بالضبط وماحست فيه ,,يوم شافته شهقت ,,
خالد وهو مستغرب::بسم الله شفيك..
نوف وهي مخترعه ::هاه لابس خفت ..
خالد بنظرة استهزاء::ليش لها الدرجه اخوف..
نوف وجهها احمروبخاطرها الحمدالله هذا بدال مايسمي علي::لا موكذا
خالد هو ياخذ كاس المويه ويشرب منها ويرجعه::مشكوره على المويه وطلع
نوف شفيه لايكون زعل ,,طيب وين بيروح ,, ,,خليني اروح اكلم ساره
:هاه شخبار العروس
نوف:بخير الحمدالله
ساره::طيب قولي لي وش صار بالضبط؟؟
نوف وهي فاهمه قصدها::وشو
ساره::نوف بلا استهبال..
نوف::لاماصار شي من الي بالك
ساره::طيب قولي وش قلتوا يعني من هالسوالف,,
نوف الي تغير صوته فجاءه::ساره خلاص ترى مالي خلق,,
ساره استغربت::نوف شفيك ؟؟
نوف تحس حركة خالد يوم نام وتركها واليوم الصباح وحركته الي قبل شوي ونظرة الي بعيونها تحسها مو راضيه تروح من عينها كلها تجمعت عليها:: مادري شفيني...
ساره::ضايقك خالد بشي,,
نوف ماحبت تقولها ماتدري ليش بس حست انها ماراح تفهم لها او يمكن بتشوفه شي تافه ::صدقيني ساره مافيني شي بس تعب امس ومانمت عدل باليل
ساره وماصدقتها::براحتك بس اذا بغيتي تقولين شي انا موجوده ,,
نوف::اكيد ومن لي غيرك ..
ساره::قلت يمكن تزوجت ونست,,
نوف::احد ينسى اخته,,المهم شرايك تجين اليوم عندنا ابوي مسوي لنا عشاء,,
ساره وهي شاقه الحلق::لاماقدر اليوم خوالي بيجون عندنا,,
نوف::اها الخوال بيجون خلاص اجل مانقدرنحاول و نقول تعالي ابدا لانه مستحيل تجين,,
ساره::هههههههه شاطره ..تصدقين والله اشتقتله فرحانه لاني بشوفه ,,(ولد خالها تموت فيه وهم محجوزين لبعض)
نوف::خلاص قربت ملكتكم الله يجمعكم على خير,,,
ساره وهي تتنهد::امين ,.,
نوف::يالله اجل مع السلامه,,
ساره::مع السلامه روحي للحبيب القلب..
نوف وهي تضحك::باي
في بيت ابوخالد
نايف وامه جالسين عند التلفزيون والباقي نايمين

نايف هو حاط راسه على حظن امه ::يمه تصدقين استنى الدنيا توقف..
ام خالد وعيونها على التلفزيون وماهي مركزه معه::وش تقول ليش الدنيا توقف ,,
نايف ضحك على امه::يمه انتي مو معي ابداا,, المسلسل خذا عقلك شكل الي فيه عاجبك,,
ام خالد::اسكت بس خلني اتابع لاتزعجني,,
نايف::لاوالله الي راحت عليك يابوخالد,,
ام خالد وهي تضحك على ولدها::طيب قوم روح قوم اخوك نواف وتجهزوا العشاء عند عمك..............................
_________________________________
خالد الي كان طالع عشان يقدم اجازه اسبوع لان ابوه حجز له على مكه وكان متضايق ماوده حاول يصرف بالشغل بس ابوه اصر وقاله الشغل لاحق عليه,,
دخل بيت عمه وراح للمجلس ماكان فيه احد عمه وراح يجهز للعشاء ,وتذكر نوف وينها اناديها غير رايه,,وانسدح على الكنب ,,ماني مصدق اني حياتي خلاص بتكون مع نوف ماني مقتنع انها زوجتي حتى لو اني ماحبها على الاقل اكون مقتنع فيها ونوف لاحبها ولامقتع فيها ومع افكاره دخل بسابع نومه,,
دخلت نوف للمجلس وشافت خالد نايم ,,وقفت عند الباب تناظره , ياحلوه وهو نايم ملامحه هاديه ماهي مشدوده عكس اذا كان صاحي ,,تقدمت وسكرت الستاير وطفت الانوار وسكرت الباب معها,,
صحى خالد من النوم ناظر حوله لاحظ النور مسكر والباب مين سكرها ,, وناظر الساعه ,,فاتتني الصلاه,,
طلع من لمجلس ونادى على نوف ,::بروح اصلي وبطلع للشقه تبين تروحين,
نوف الي ماصدقت انه يقول لانها تبي ملابس للعشاء::ايه بروح..
خالد::جهزي نفسك بصلي وبجي,,
نوف على طول طلعت واخذت عبايتها ومرت امها بالمطبخ :يمه بروح للشقه اخذ لي اغراض
:الله معك
:يمه لامار نايمه ماوصيك عليها
:لاتحاتين الاتعالي انتي مو مسافره
:مدري بس انا ماودي اسافر
:ليش ماودك روحي انبسطي
:لامابي اروح واخلي لامار
:يابنتي لامار بعيوني ترى لامار عند امها .
:الله يخليك لنا سمعت صوت خالد يناديها :يالله يمه خالد عند الباب مع السلامه
:بحفظ الرحمن
وصلوا للشقه كانت نوف اول مره تشوفها تناظرها وهي منبهره كانت ا لشقه مره فخمه واثاثها ذوق مره,,
التفتت على خالد:يعطيك العافيه اخالد,,
خالد وهو مستغرب:على ايش,
نوف::على الشقه مرره روعه والاثاث ذوق,,
خالد هو مكمل طريقه للغرفه::هذا واجبي..
نوف ماهتمت لبروده وجلست بالصاله شوي ,,يوم ماسمعت حس خذت نفسها ودخلت للغرفه,,واول مادخلت طلعت منها ,,واو كانت الشقه حلوه بس غرفة النوم حكايه ثانيه رووووووعه فخامه..كبيره مره وجدرانها منقشه بالذهبي ,ووالتفتت على السرير ’’الي تطلعله بدرجتين’’ ياخذ العقل وجلست عليه شوي وبوسط افكارها ,,ماحست الابخالد بوسط الغرفه ,,رفعت راسها وقف قلبها كان عليه بس روب حمام وثلاثة ارباع صدره طالع ,وحست انها موقف محرج ارتبكت وقفت على طول علشان تطلع وهي تقول::اسفه خالد ماكان قصدي ادخل,,
خالد وفيه ضحكه::اسفه على وشو,,
نوف وجهها احمر::ولاشي وطلعت على طول
خالد هو عارف ليش طلعت:: يحليلها مستحيه,,لبس بشكل سريع وهو يقول لنفسه ليش مازيد احراجها شوي وبصوت هادي من الغرفه::نوف نوووف
نوف من الصاله وللحين منحرجه ::نعم؟؟؟
خالد بصوت يذوب الصخر::تعالي ابيك شوي!!
نوف راحت له وبخاطرها الله يستر وشيبغي,,
خالد يناظرها وهي واقفه عند الباب ::تعالي
نوف وعيونها بالارض:تبي شي
خالد تقدم شوي ورجعت ورى خالد وده يضحك:شفيك نوف,؟؟
نوف للحين عيونها بلارض::بغيت شي اجيبه لك..
خالد ورحمها ::لابس بغيت اقولك خلصت خذي الي تبغينه انا استناك بالصاله ,,
نوف رفعت عيونها وبراحه: إن شاء الله ,,
يوم مر من عندها وقف عن الباب يناظرها وشاف بعيونها الخوف لاشعوريا مد يده شافها بارده رفعها وقربها لفمه وباسها وطلع,,
نوف حست الدم تجمع بعروقها من حركته بعد ماستوعبت ابتسمت وضمت يدها لصدرها ,, وفتحت دولابها واخذت الاغراض الي محتاجتها للعشاء اليوم,,
جلس خالد بالصاله هو متضايق لنوف ,,ياليت اقدر اشيل ريم من قلبي الله يسامحك ياقلبي علقتني بوهم لا مو وهم كان بيصير حقيقه لولا ..استغفر الله ياربي ,,ماحس الابنوف داخله وهي تقول جاهزه,,
________________________________


















نهاية الجزء الخامس ,,

 
 

 

عرض البوم صور yasmine   رد مع اقتباس
إضافة رد

مواقع النشر (المفضلة)

الكلمات الدلالية (Tags)
بقلم حزني الظامي, روايه مكتوب بحياتي ورضيت فيه الكاتبه حزني الظامي, قصه مكتوب بحياتي ورضيت فيه
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:09 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية