لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-06-09, 09:20 AM   المشاركة رقم: 11
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الحادي عشر


بعد اسبوع,,

في شقة نوف وخالد,,
الساعه 8ونص بالليل

نوف كانت جالسه على الكنب وهي مبتسمه وتحرك بشعر بنتها الي كانت مندمجه مع توم جيري ,,فرحانه وتحس بسعاده الدنيا كلها فيها ,,الحمدالله الايام الي فاتت خالد متغير معي صار يتكلم معي ومايتاخر الى اخر الليل ,,وصرنا نطلع مع بعض وننبسط,,يعني فعلا ماكان يقصد الكلام الي قاله ,,تأففت وهي تقول بصوت عالي شوي.:يابنت خلاص الى متى وكلامه في باللك وقتها كان معصب انسي ,,
ناظرت بنتها الي كانت بسابع نومه ,,شالتها وخذتها للغرفه وغطتها وطلعت,,,
سمعت صوت الباب ينفتح عرفت ان خالد رجع,,

راحت للصاله وشافته داخل وبأيده اكياس نوف وهي تاخذها منه::يعطيك العافيه ,,
خالد ابتسم لها وهو مكمل طريقه للغرفه::الله يعافيك وين لامار..
نوف وهي تروح للمطبخ::نامت قبل شوي,,,
دخل خالد وبدل ملابسه وطلع جلس بالصاله ,,ونوف كانت بالمطبخ تجهز العشاء’’’’’’’’’’’’’’’’’’’’’

خالد عيونه على التلفزيون بس تفكيره مو معه ابد,,,

خلاص جاء الوقت الي اكلم فيه اهلي بالموضوع ,,وش انتظر لحد البنت ماطير مني ,,نوف وعلاقتي معها تحسنت ,,بتجلس معززه مكرمه ,,ولها احترامها ,,وماني مقصر معها بشي ,,والشرع حلل اربع ,,وماحد راح يزعل ’’وهذا حقي’’’’’ قطع تفكيره نوف الي ملاحظه سرحانه::خالد تعال نتعشى ولا بأكله وبخليك لاني ميته من الجوع,,
ابتسم خالد لها ,,وبخاطره,,اعذريني يانوف حاولت احبك بس ماقدرت,,, وراح للمطبخ وجلس على الطاوله,,وهوياكل ويرجع يناظرها,,شلون بتكون ردة فعلها لاعرفت,,احاكيها اول ,,ولا احاكي اهلي,,كان بيفتح الموضوع معها ,,بس غير رايه بذات انها يشوفها تضحك وهي تسولف له عن لامار,,بس هو ماكان معها ابد,,,,,بكلم اهلي وبعدها بقولها,,,,
نوف حاسه بخالد من جاء وتفكيره مو معه ابداااا,,لايكون متضايق من شي,,قامت وجلست بالكرسي الي جنبه ,,وخالد ماحس فيها يوم تحركت ابد,,حطت يدها على ذقنه ولفته عليها و بصوت هادي::خالد فيه شي مضايقك؟؟؟؟؟؟
خالد انتبه عليها انها جنبه ناظر عيونها وحس شلون هي خايفه عليه عقد حواجبه ورجع ناظر للصحن وهو يحرك الملعقه بالاكل ::لامافيه شي مضايقني’’
نوف تأكدت انه فيه شي لان حركته اذا توتر ولا عصب ولاتضايق يعقد حواجبه بقووووه::بس انت من جيت وانت سرحان وتفكر ,,اذا فيه شي مضايقك قولي؟؟؟
خالد بخاطره والله لو تدرين يانوف وش افكر فيه والله تتفلين بوجهي::لا ارتاحي مافيني شي..وترك الي بيده وقام وهو معصب,,بس مو منها ,,لا,,بس حس نفسه صغير,,,,,ومنقهر من تعاملها الحلو معه,,ولانه بأختصار مايستاهلها,,,,
نوف استغربت ردة فعله وتكلمت بصوت مسموع::هو خلقه متضايق واجي انا اكملها عليه ,,ياليتني ماسألته ضايقته وبس,,
خالد كان بالممر الي عند المطبخ وسمعها قال بصوت عالي:: لاضايقتني ولاشي ولايهمك,,
نوف وقفت واللتفت للممر الي يدخل للمطبخ وشافته ينشف وجهه بالمنشفه تكتفت وابتسمت وهي تقول::سمعتني؟؟؟
خالد رد لها الابتسامه وكمل طريقه للصاله وقال بمزح وبصوت عالي::صوتك مشاءالله صحى العماره كلها,,
,,نوف جلست تلم الصحون وبخاطرها,,والله هالرجال ,,يفرحني ,,ويعذبني..بالساعه عشرين الف مره ,,نفسي افهمه,,,,,,,,,,,,,,,,


خلصت من المطبخ ,,وطلعت شافت خالد نايم على الكنب مو عادته ينام بدري وبذات انه نايم العصر ,,غريبه,,راحت للغرفه وخذت لها دش ,,ولبست بجامة نوم,,وطلعت للصاله ولقت خالد للحين نايم قربت منه وهزت كتفه بهدوء::خالد خالد,,
فتح عين وحده وهو يحرك بفمه يمين ويسار::همممم
نوف وهي تبتسم على شكله حسته كانه مثل الاولاد الصغاراذا احد ازعجهم وهم نايمين::روح نام بالغرفه اريح للك من الكنب ,,
وفعلا قام خالد وتوجهه للغرفه وحط راسه ونام,,,,,,,,,,,,,,

نوف جلست شوي على التلفزيون ,,طفشت,,ناظرت الساعه,,والله بدري,,الساعه 9ونص...,,يالله وش يجلسني بروح انام,,ودخلت للغرفه ,,ودخلت نفسها بهدوء للفراش ,,من كثر ماهي تفكر بخالد ,,تتحرك كثير ,,فتح عينه خالد,,وحس انه سرحانه وقال بصوت مرعب شوي::نوف,
نوف وقف قلبها من صوته ::هلا تبي شي!!!
خالد جته الضحكه واضح من صوتها انها خافت ::ايه ابي شي,,,
نوف للحين خايفه وبذات مع الظلمه جاء في بالها انه يتحلم قالت بنفس نبرة الصوت::وشو؟؟
خالد للحين ماسك نفسه لايضحك لانها واضح انها خايفه بس رحمها وغير نبرة صوته وقال بصوت هادي ومايدري شلون طلع معه السؤال::وش تفكرين فيه؟؟
نوف ارتاحت وحست انه رجع صوت خالد الطبيعي وقالت بعفويه::افكر فيك!!!
خالد حس بثانيه وحده بس ضيقة الكون كلها تجمعت عليه,,حس بتأنيب ضمير,,اصلا هو دايما يحس بالذنب اتجاها مديده لها وهو يقول::مابيك تفكرين بشي حطي راسك هنا ونامي,,
نوف ابتسمت وقربت له وبهدوء حطت راسها على يده وغمضت عيونها ونااااااامت’’
خالد لمها بيده الثانيه وغمض عيووووونه وهو ينتظر بكره ,,,,,,,,,,,,,,,,,,,,,,,,




اليوم الثاني,,
في بيت ابو خالد,,

::ياخالد نوف بنت طيبه وماتستاهل حرام عليك,,
خالد::يمه الشرع حلل اربع وماراح اظلمها إن شاء الله وبتجلس معززه مكرمه في بيتها,,
ام خالد::وابوك وعمك وش بيقولون ماصار لك الا كم شهرمن تزوجت وبتزوج مره ثانيه ..
خالد بثقه::بهالشي انا واثق ان عمي ماراح يقول شي,,
ام خالد::حرام عليك ياخالد مو عشان ابوها زوجها لواحد متزوج تستغل هالنقطه عليها,,
خالد عصب شوي::يمه تعرفين ولدك انا مو استغلالي واخلاقي وتربيتك ماتسمحلي افكر هالتفكير,,,
ام خالد::طيب نوف تدري ولا مادرت,,
خالد هو بتنهدت::هذا الي احاتيه مادري شلون بتكون ردة فعلها,,
ام خالد بأستهزاء::لييش خايف على مشاعرها وهي تهمك اصلا
خالد::يمه لاتحاولين تخليني مذنب انا مو لها الدرجه قاسي ,,وكمل,,يمه نوف بنت طيبه وماتستاهل وهذا الشي انا عارفه ,,بس شسوي بالقلب الي ماحبها ولا مال لها,,,,,,
ام خالد::وانت حاط في بالك ان ريم توافق؟؟!!!!!!!!
خالد وكانه واثق انها بتوافق(رجال يحسبون الوضع عادي عندهم)):: إن شاء الله يمه بتوافق!!!!
ام خالد وهي متأكده من رد ريم:: طيب واذا ماوافقت ,,خالد هو طارد هالشي من راسه::بأذن الله بتوافق..
ام خالد ::طيب بخطبها لك بس بشرط..
خالد حس ان ا لحياه رجعت له::امري يالغاليه,,
ام خالد وهي واثق هان ريم ماراح توافق لانه متزوج::لاتقول لنوف ولاتقول لأحد الا لما ادق على خالتك ويردون علي بالموافقه وبعدها يصير خير وحتى ابوك لايدري’’
خالد وهو مستغرب::بس يمه لازم اقول لنوف واب
قاطعته ::لا نوف بذات لاتدري ,,
سكت خالد وماعلق وقام ::يالله يمه انا رايح وسلم على امه وطلع,,,,,,,,,,,,

طلع وترك امه سرحانه ,,اه ياخالد مانسيت ريم علقت نفسك بالبنت ,, من عمرها 14سنه , هو يبيها, من يوم هو مراهق ,, بس هذي غلطتي انا,,لو حاولت اعارضه على الاقل ,,بالعكس انا الي ساندته ,,وقفت معه وشجعته ,,يوم صارحني انه يبيها,,,,,لحد خلاص ماعد يقدر ينساها’’

تذكرت نوف,,والله ماتستاهلين يانوف,,يعني معقوله نوف ماقدرت تكسبه وحده بهالطيبه وبهالهداوه ,,ماقدرت ,,تذكرت عناد ولدها ,,الله يسامحك يابوخالد ,,قررت تكلم ام ريم وهي عارفه انها ماراح توافق ,,بس علشان سبب واحد عشان خالد يصحى على نفسه شوي وينسى ريم ويحاول يتأقلم على نوف,,,,,,,,,








رجع خالد وهو مبسوط ويدندن وفرحان على الاخر,,وجايب معه كيسة حلويات لاماركالعاده مايجي ويده خاليه تعودت لامار على هالشي ,,,على طول ركضت لامار له وهو تقول::بابا خالد,,
خالد::روح خالد خذي هذا لك,,
لامار::بس حدي ماعطيكم,,(حقي)
خالد وهويضحك::ايه حدك لحالك ,,
نوف جالسه على الكنب وهي مستغربه,,عكس امس قالت بابتسامه::دوم إن شاء الله اشوفك مبسوط.,..
خالد فجاءه عقد حواجبه:: إن شاء الله وراح للغرفه’’
نوف ماستغربت تعودت على مزاجه المتقلب طنشت ورجعت تناظر التلفزيون,,مع بنتها اللي جلست قدام التلفزيون وفتحت الكيسه وبدت تاكل وهي تناظر سبيستون,,

شوي ودخل خال وجلس جنب نوف بالضبط وصمت غريب مافيه الاصوت التلفزيون ,,نوف تحس ان خالد في شي براسه شاغله بس ماسألته ولافكرت تسأل,,,
خالد تفكيره بريم,,معقوله ماتوافق ,,و اذا ماوافقت ,,طرد هالفكره من راسه,,وكان بهالوقت نوف بتقوم من مكانها مايدري شلون سألها وقال::نوف انتي تحبيني؟؟؟؟!!!!!!!
نوف انصدمت من سؤاله وماتوقعته يسألها ,, المفروض هي الي تسأله ,,مو هو ,,ناظرته ودها تقوله ايه انا احبك ,,نزلت عيونها,,حستها صعبه تجي منها,,تبي تسمعها منه اول ,تخاف تندم لو قالتها قبل لاتسمعها منه هو..
خالد ناظرها وده يعرف اجابتها وبنفس الوقت وده يسحب سؤاله بس الفضول صار يلعب فيه ويبي يعرف ::تحبيني يانوف؟؟؟
ناظرته نوف وحست انه جاد ويبي يعرف اجابتها وقالت::الي يحبني اكيد احبه؟؟؟
خالد انصدم من ردها وجهه تغير وتمنى انه ماسألها وقال::طيب الي يحب وش يتمنى للي يحبه,,
نوف وماكانت تبي هذا الرد قالت تسايره::اكيد السعاده,,؟
خالد ::اكيد يانوف؟؟؟
نوف قرصها قلبها::ايه اكيد انت تتمنى للي السعاده ولا لا,,
خالد تلعثم وقال::اشفيك نوف انا اسألك سؤال تجاوبيني بسؤال,,وقال يصرف ,,نوف جيبيلي مويه,,
نوف عرفت انه يصرف الموضوع وطلعت بدون لاتعلق ولابكلمه وحده,,وتحس انها بتنخنق,,وتعكر مزاجها ,,دخلت للمطبخ وبكت على طول,,كانت تبي منه رد ,,يريحها يطمن بالها’’بس صار العكس,,مسحت دموعها,,وهي حاسه ان فيه شي هي ماتعرفه,,,,,,,,,,,,,,,,,,,,,,,,,,,,,,,,,,,,,,,,


اليوم الثاني في بيت ابو فهد..

::وينك والله صرت ماتنشاف؟؟
فهد وهو يمسك القلابي حق ثوبه من فوق::خبرك جامعه على ابواب والتهيت معها,,
نوف وهي تضحك::طيب امي تقول انك تبيني موضوع,,؟؟
فهد وابتسامه على طرف فمه::ايه يانوف ابي اخذ رايك بشي وانت تعرفين شلون رايك يهمني؟
:وش هالشي الي تبي تاخذ راي فيه..
فهد وهو مستحي بس يبين عادي::بصراحه ابي اخطب بنت عمي رهف؟؟!!
نوف ابتسمت وفرحت من قلب:والله تتكلم من جد..
فهد الي انبسط من ردة فعلها::ايه وشرايك انتي؟؟
نوف::اكيد موافقه ورهف بنت ولاكل البنات وفجاءه وقفت عن الكلام,,
فهد خاف::فيه شي نوف؟؟
نوف وعيونها تروح يمين ويسار::بس مو كأنه بدري شوي؟؟
فهد ضحك وزقال::اكيد بدري لازم ادرس واكون نفسي ,,بساللحين ابي اخطبها خطبه رسميه يعني تكون لي انا وبعد كم سنه نتملك ونتزوج...
نوف بنص عين وهي تمد بكلامها::فهد امي اللي اختارت رهف لك ولا انت الي اخترتها هاه؟؟؟
فهد تلعثم وقال::وش يهم يعني المهم ابخطبها وبس!!
نوف حست الموضوع فيه ان وقالت::فهد انت اخوي واعرفك انت مختار رهف بنفسك صح؟؟
فهد::ايه انا بنت عمي وابيها,,!!
نوف تاكدت ان ظنها ماخاب::فهد انت تحب رهف ؟؟
فهد وهو يحك جبهته::تبين الصراحه ؟؟؟؟
نوف فرحت::ايه اكيــــد؟؟
وفهد ويحس الهيام كله جاه::ايه يانوف احبها ,,والله من شفتها ماراحت من بالي ,,احسها ملكت كل تفكيري,,نايم افكر فيها..صاحي افكر فيها,,وحتى انا اكل تفكيري معها ,,وش معناتها ,,معناته اني احبها ,,وابيها تكون لي انـــا..؟؟؟!!
نوف وهي فاتحه فمها وتهز براسها وتصفق بيدينها::لاوالله اخوي غرقان حالتك مررره صعبه ,,وسكتت شوي,, من متى تحبها,,وفجاءه وفتحت عيونها ,,لايكون من بعد مادخلت عليكم هذاك اليوم بلأستراحه,,
فهد وهو يضحك::لايكون بعلمك هذي المره الثانيه الي اشوفها فيها ’’
نوف بحماس::كيف يعني ؟؟
فهد ::هالسالفه هذي اللحين خلينا منها::ابيك اللحين تكلمينهاوتشوفين رايها اذا اوكي نكلم ابوي عشان نكلم عمي...
نوف بأقتناع::اوكي رايك حلو بأقرب فرصه بكلمها ,,
فهد وهو يضمها::ربي لايحرمني منك يأغلى واحلى واجمل اخت بالدنيا..
نوف وهي تبي تبعده::ام المصالح ياشيخ لاتطيحني......................





نهاية الجز الحادي عشر’’’’’’

 
 

 

عرض البوم صور yasmine   رد مع اقتباس
قديم 18-06-09, 09:35 AM   المشاركة رقم: 12
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الثاني عشر



بعد يومين


خالد بتحطيم كبير ويحس كان الحياه وقفت قال بقلة حيله::يمه شلون ماهي موافقه ؟؟
ام خالد::ياولدي انت متزوج فأكيد ماراح ترضى ,,وبعدين ريم بنت صغيره ماراح ترمي نفسها على واحد متزوج,,
خالد بهاللحظه جت صورة نوف قدام عيونه كره اللحظه الي اجتمعوا فيها جاء له شعورلو يميحها من الوجود لان بنظره هي سبب الي هو فيه:: يعني ريم خلاص ماعد فيه امل؟؟
ام خالد وهي تحاول تقنع ولدها ::مافيه امل ريم خلاص شيلها من راسك؟؟
خالدبتهور وبدون تفكير بكلامه ::يمه اذا ماهي موافقه علشاني متزوج خلاص قولي لهااذا تبيني اطلق نوف بطلقها,,
ام خالد وهي تحط يدها على قلبها::صاحي انت تطلق نوف..؟؟
خالد هو يساير تفكيره::ايه يايمه بطلقها ,,انا لااحبها ولاابيها يعني بظلمها معي وبس خليني اطلقها وافتك لو ماهي طلعت بطريقي كان ريم اللحين عندي,,
ام خالد وهي تعبت من كثر ماتقوله هالكلام قالت برجاء::ياخالد خلاص انسى ريم ؟؟!!
خالد وعيونه برقت حزن وهو يبتسم على جنب::انساها ,,يمه هذي كلمه تقولينها سهله ومتأخره,,يمه ريم وكمل وهو يأشر على قلبه..:هذا ماراح تطلع منه لو شيصير




ام خالد بشك حست ان ولدها متعلق بزود ::وانت وش الي يخليك تتعلق فيها يمكن ريم ماتبيك ,,ولابينكم شي انا مدري عنه؟
خالد ابتسم ابتسامه باهته::مابينا شي ولاقالت شي ,,بس كانت بتوافق علي ,,انا كلمت خالتي ايام دراستي وقلتلها ابي ريم وعلى طول وافقت ,وقالت انا وبنتي ماعندنا مانع بس كمل دراستك واشتغل وبعدها يصير خير ولك الي تبي,,يعني مبدئيا كانوا موافقين,,وانا كلمتكم من قبل قلتلكم اخطبو لي ريم وانتي تذكرين بس ابوي عارض وقال لحد ماتخلص دراستك وتشتغل,,واليوم جاء الوقت الي بخطبها صرخ وهويكمل كلامه بعصبيه: طلعلي هالعم وبنته,,,
ام خالد مدت يدها لولدها الي حست من كلامه ان مقهور من داخله::ياخالد خلاص هذا شي وصار والزواج قسمه ونصيب وكملت بابتسامه..وماتدري يمكن يجي يوم ماتقدر تستغني عن نوف وتشهق باسمها,,,
خالد عقد حواجبه حس بأشمزاز من كلام امه له وعلى طول اختصر وسلم على امه وطلع,,,,,,


في بيت ابو فهد ,,
الساعه11 بالليل

نوف حست ان خالد تأخر عليها ,,وقامت علشان تتصل عليه ,,, شفيه مايرد غريبه,,

ام فهد::نوف نامي عندنا اليوم من تزوجتي مانمتي عندنا؟..

نوف ::مادري يمه بقول لخالد؟؟

ام فهد:: بيوافق ماراح يمانع؟؟

نوف بخاطرها اكيد بيوافق وعلى طول بعد هو اساسا انا اهمه عشان يعارض ,,ورجعت تدق عليه ونفس الشي مارد ,,,!!!...؟




خالد كان بهالوقت بالشقه ومنسدح على الكنب وناظر الجوال وتأفف منه ورماه هو يقول::خلها عند اهلها مالي خلقها ولاني طايق اشوف وجهها,,ليت الايام ترجع علشان اغير واقول لاا يايبه ماني موافق ,,بس انا كنت خايف على زعل ابوي كل شي ولا ابوي,,بس حتى انا تسرعت لو حاولت معه يمكن يغير رايه ,,انا السبب ,,على طول بين يوم وليله رحت له وقلتله ايه يبه انا موافق وابي نوف ماصبرت شوي ,,انا اللي جنيت على نفسي,, استاهل ,,,,انزعج من الجوال وعلى طول خذاه ورد بعصبيه::خير نعم وشتبين!!!!!!!!
نوف استغربت من عصبيته وردت بخوف من صوته::لاسلامتك بس شفتك تاخرت قل,,
قاطعها بنفس العصبيه::نوف انا بالشقه تبين تجين تعالي ماتبين نامي عند اهللك؟؟
نوف صارت ماعاد تشوف الي قدامها عيونها امتلت دموع ردت::خلاص مع السلامه..

سكر منها وخذ نفسه ودخل للغرفه وحس نفسه ارتاح شوي ,,وعلى طول حط راسه على المخده وهو يحس جوفه محروووووق وكل الي في باله يلوم نفسه ويلوم الساعه الي تزوج فيها نوف,,,,,,,



في حايل نفس الوقت,,

ام ركان وهي حاطه امل انها تقنع ريم::يايمه ياريم خالد شاريك وانتي عارفه غلاك عنده وحسيت من كلام امه كانه الي ماحب زوجته؟؟
ريم وهي متعجبه من كلام امها ::يايمه وش تقولين,,خالد جاء متاخروبعدين انتي رديتي على خالتي وعرفت رايي اني رافضه و انتهى الموضوع ولاتنسين انا مخطوبه لمحمد ومايجوز اتراجع بدون سبب ؟؟!!!
ام راكان وحست ان ريم لانت ::انتي ماعليك بقولهم خلاص مافيه نصيب وخالد ولدخالتك وهو اولى فيك وعارفه انه بيسعدك,,
ريم ناظرت امها وهزت راسها وطلعت لغرفتها,,,,,,,,,,

في بيت ابو فهد ,,
الساعه ::12 بالليل ,,

نوف في غرفتها وكل الافكار توديها وتجيبها مع دموعها الي خاوتها وماوقفت من طريقة كلامه معها حست من صوته انه مو طايقها والدليل انه ماجاء ياخذها ..طيب ليه وش فيه ,,وش السبب ,,ليش هو كذا ,,وش شايفني عنده لعبه بيده متى مابغى رضى علي ولا بالنادر تكون هذي بالغالب ماهمه صرخت بداخلها من هالكلمه ,,ايه اصلا انا ماهمه انا ولاشي عنده خلاص اصحي على نفسك يانوف اصحي على روحك ,, ,,حياتنا نقرب من بعض خطوه ونبعد عشر خطوات والسبب وشو مادري,,الى متى بنستمر على هالحال.. طيب انا وش بيدي اسوي ,,حتى لو اشتكيت لابوي على حالنا ,,ماراح اوصل لشي ,, ليه وش تبين يانوف توصلين له ,,اذا بنستمر على كذا خله يطلقني ونرتاح ..غمضت عيونها ..لا وش طلاق ..يعني خلاص ماشوف خالد يعني فراق,,لا مستحيل,,انقلبت على الجهه الثانيه وهي تتعوذ من ابليس,,لايانوف شفيك انتي ماتوصل لدرجة الطلاق ,,اصلا ماحد راح يرضى بهالشي ولافيه سبب مقنع<<<<<<<وانتي اولهم,,,
وخرت الفراش منها وقامت تتوضاء وتصلي عشان تبعد هالافكار عنها ,,,,,,,,,,,,

ــــــــــــــــــــــــــــــــــــــــــــــــــ ــــــــــــــــــــــــــــ



اليوم الثاني,,

صحى خالد متأخر من النوم ,,حتى الصلاه ماصلاها الامتاخر,,غير ملابسه بشكل سريع وطلع ,,وهو في السياره ,,تذكر امس ومكالمته لنوف ,,ثقلت عليها بالكلام<<<<<<لاوالله حلو عنده احساس الاخ,,
مسح يده بوجهه ,,وش السواه ادق عليها ,,بس اكيد نايمه ,,خلها وقت الظهر بتصل عليها,,,


اما من جهة نوف,,

صحت من صلاة الفجر وماغمضت عيونها الاساعتين,,نزلت تحت وجلست بالصاله تسولف مع امها,,

ام فهد حست ان نوف متضايقه لان نوف شفافه وكل شي يبان بوجهها ::نوف انتي زعلانه من شي؟؟
نوف تلعثمت::لا وشو مو زعلانه ولاشي!!
ام فهد وتأكدت ان فيها شي لان وجهها تغير لونه::نوف اذا فيه شي مضايقك قولي لي يمكن اساعدك اقل شي فضفضي؟
نوف بخاطرها يمه وش اقول وش اخلي اه بس::لا يمه ارتاحي وطمني باللك مافيني شي؟؟!!!!!!
دخلت لامار بالعرض::ماما دولي لبابا خالد نلوح بقاله(قولي_نروح)
نوف وتبي تلهي لامار::طيب روحي شغلي التلفزيون وتابعي توم جيري وبعدين نروح؟؟؟
لامار وبدت تصيح وبصوت عالي وتطق برجلها الارض::لا اللحين نلوح و تاخذ الجوال وتعطي امها(يعني اتصلي)الابدخول فهد ..نزف هنا حست الفرج جاها لان لامار ماراح تسكت الا يصير الي براسها وهي ماتبي تتصل عليه::هذا فهد جاء قولي له يوديك البقاله..
لاما رالي ماوقفت صياح::مابيه يع فحد ابي بابا خالد(فهد)
نوف عصبت وصرخت على لامار::لامار لاتقولين بابا خالد قولي بابا وبس,,
فهد وامه ناظروا بعض يحسون صرختها وعصبيتها مالها داعي ,,
نوف حست من كثر ماتقول لامار بابا خالد يذكرها انه مو ابوها وهي ماتبي تتذكر هالشي ماتدري ليه يضايقها,,

تكلم فهد ::لامار انا يع يانكاره كمل هو يطالع نوف بس شكل خالد عنده مفعول سحري ,,
نوف ::فهد خذها للبقاله عشان تسكت..
فهد هو يبي يخلص نفسه ويطلع وانزعج من صياح لاما رالي ماسكتت::لا تكفين انا وراي محاضره وتونا في البدايه مايصير اغيب من اللحين وافوتهاوبعدين بنتك ماتبيني ,,يالله مع السلامه
نوف لفت بوزها,,وام فهد انزعجت من صياح لامار قالت::نوف اتصلي على خالد وخلي لامار تكلمه؟,,,
نوف وماودها بالهشي::يمه خالد اللحين اكيد مشغول بالدوام وماراح يقدر يجي يوديها,,
ام فهد::بس عطيها تكلمه علشان تسكت...
نوف حست مافيه مفر بخاطرها,,ماودي اكلمه بعد اسلوبه معي امس خذت جوالها واتصلت عليه ,,

خالد بوسط اندماجه بالشغل قطع تفكيره صوت الجوال,,ناظر الشاشه n يتصل بك ,,رفع حاجبه استغرب انها متصله عليه,,
:الو
لامار بعد ماسكتت شوي::بابا خالد,,
خالد فرح من قلب::هلا والله لموري,,
لاماروهي تمد بوزها دليل انها ماسكه صيحتها::تأل انت مادييت ابي الوح البقاله(_تعال انت ماجيت ابي اروح البقاله)
خالد ويحس هالبنت جزء منه جزء من حياته يحس كانها ملكه::طيب شوي اخلص واجي اوديك طيب لامار,,
لامار وفكت عبرتها الي كانت ماسكتها::ماما تدول لوحي مع فحد انا مابي فحد ابي الوح معك (ماما تقول روحي مع فهد انا مابي فهد ابي اروح معك)
خالد وعرف ان نوف متضايقه منه ::طيب قولي لماما مو على كيفيك بابا يقول اودي لامار واودي نوف بعد طيب,,
لامار فرحت::طيب مع السلامه,,
خالد ضحك ::على طول مع السلامه انتي تحبين البقاله ماتحبيني’’
لامار::لا احبك انت توديني البقاله,,
ضحك خالد على برائتها::عطيني ما ,,مامداه يكمل كلمته الا لامار مسكره الخط,,, حط الجوال على جنب ورجع يكمل شغله,,,

طبعا لامار قالت لامها ,,وفهمت نوف قصده ان بيمرها وتنرفزت ,نفسها تصارخ عليه ,,وتعاتبه,,جلست تفكر تروح ولا ماتروح,,وش بيفيد لو جلست ,,خليني اقصر الشر واروح,,

الساعه 4العصر’’

دق خالد على جوال نوف ,,وقال لها انا عند الباب وطلعت لامار وركبت السياره ,,ونوف تبي تطلع الحره الي فيها شوي,,قعدت تحوس شوي تسولف شوي وتكلم مع امها ,,تبي تماطل (تعرفه مايحب ينتظر كثير )خله يعصب شوي دايم يضايقني ويعصب فيني,,
ام فهد::يابنتي خالد عند الباب؟؟؟
نوف وتسوي نفسها توها تدري::والله طيب اللحين بطلع,,
وتقوم تلبس عبايتها باقل من مهلها شوي ودق جوالها,,دنيتي يتصل بك,,بخاطرها اكيد عصب,,وترد برووود تام::هـــــلا
خالد كانت مو صله معاه تاخرت وهو دينه ودين انه يلطع وينتظر احد::ياست نوف انا ماشي متى ماخلصتي دوري غيري يجيبك وسكر منها وحرك السياره ومشى,,
نوف هنا حست بالندم ودها تبكي شلون يعني هذا من جده راح,,ياربي شسوي اللحين..اتصل عليه واعتذر,,لا مابي كيفه ,,ماراح ادق ,,وفصخت عبايتها ورجعت,,
امها استغربت::شفيك رجعتي؟؟؟
نوف::ها لايمه بس خالد خذا لامار للبقاله وبيجي,,


فعلا خالد كان رايح البقاله ,,هو ماكان قاصد الكلام الي قاله ,,بس يبي يأدبها شوي,,علشان ماتعيدها,,لان عارف انها حركه مقصوده منها,,>>>>>>والله مالومها ,,
اشترى وخلص وتوه بيحاسب الا يشوف نوف تتصل عليه ,وابتسم,,والله اعرفك ماتقدرين,,
رد بجديه::نعم
نوف بصوت واطي::خالد ارجع لوسمحت امي بتستغرب ليش رحت وخليتني وش بقول لها يعني,,
خالد انصدم شوي من ردها هذا الي هامها::طيب عادي قولي لهم انك لطعتيني برى نص ساعه,,,,,,
نوف ::خالد لاتبالغ انا كنت مشغوله عشان كذا تاخرت’’

::طيب طيب اجهزي وخلصي علي دقايق وانا قدام البيت’’


نوف سكرت وهي معصبه ,, ,,وفعلا دقايق الاهو عند الباب ,,
وهالمره احترمت نفسها وطلعت بسرعه ,,ونطت لامار بحظنها ::أي لامـــــار عورتيني؟؟
خالد يوم شافها تذكر ريم ويبي ينرفزها ::لامار تعورك يانوف ياهي قويه عليك
نوف ناظرته ورجعت نظرها لقدام::________
خالد تعكر مزاجه يوم شافها بخاطره هالبنت قلق هي السبب ولاكان ريم عندي وجالسه بمكانها,,

نوف ناظرت الدريشه وحطت راسها على الكرسي وعيونه مغرقه,,اسلوبه يقهر,,يتمسخر علي,,ماحبه اكره كلامه معي بهالطريقه اكره هذي النظره الي بعيونه وش هالحاله ,,غمضت عيونها بقوه وزفرت ,,ياربي صبرني ولين قلبه علي’’

خالد حس بزفرته وحس انها مطلعتها من قلب,,حس ان هو سببها او متاكد انه هو ,,مال قلبه لها,,بس قال يكابر ,,مو بس انتي المتعذبه يانوف حتى انا مثلك,,,,,,,,,,,,,,,,,,,,,,
بهاللحظه
في بيت ابو خالد,,
::يمه ودي اروح عند نوف؟؟؟
ام خالد:: خلاص خلي نايف يوديك...
رهف::يبغالي سنه اتمصلح معه علشان يوديني,,
::ماعليك انا بقوله بس دقي على نوف شوفيها يمكن مشغوله,,,,,,,,,,,,,
::طيب,,وقامت خذت الجوال ودقت عليها,,,,,,,,,,,,,,,,,

قطع تفكير نوف يوم سمعت صوت الجوال ناظرت الشاشه وابتسمت جاء في بالها فهد::هلا وغلا,,
::هلا فيك شخبارك وشخبار لمور ؟؟
::بخير الحمدالله مشتاقين
رهف::حلو بما انك مشتاقتلي بجيك بس لايكون مشغوله ياويلك؟؟
ضحكت نوف::لامو مشغوله ولاشي..
رهف::خلاص ساعه بالكثير وانا عندك..
::حياك الله


خالد استغرب من الي مكلمها وبيجيها ولابعد حددت على كيفها مو مشغوله::مدام نوف افرضي انا مالي خلق احد يجي تقعدين تحددين على كيفيك ليه!!
نوف ياعالم ينرفز وش هالاسلوب::مالك خلق لاختك بعد ,,
خالد::حتى ولو تاخذين رايي بالاول,,
نوف مالها خلق تتكلم اختصرت:: إن شاء الله اوامر ثانيه بعد,,
خالد حس انه زودها ومارد عليها ,,,,,,,,,,,,,,,,,,,


في الشقه,,
الساعه 8ونص بالليل’’
بهالوقت طلع خالد يصلي واستغلت الفرصه نوف انها تكلم رهف بالموضوع ::رهف ابي اكلمك بموضوع؟؟؟
رهف باستغراب::وشو الموضوع؟؟؟
::موضوع يخصك وابي اكلمك فيه واشوف رايك بالاول,,
::عن ايش تبين تتكلمين وشو الموضوع؟؟
نوف دخلت بالموضوع على طول::ابي اخطبك لفهد اخوي ,,وشرايك؟؟؟
رهف هنا انصدمت وماتوقعت هالشي ابداااا بس فرحت داخلياا ::ماعلقت ولابحرف
نوف::هاه رهف وشرايك,
رهف وتحس الكلام يالله يطلع معها من الحياء ::بصراحه فاجئتيني
نوف فرحت حست من معالم وجهها انها موافقه::يعني انتي مبدئيا موافقه صح ولا لا؟؟
رهف انصبغ وجهها احمروتحس العرق تصبب بجبهتها::__________
نوف ابتسمت:يعني اقول مبروك؟؟
رهف على نفس الوضع::الراي الاول والاخير اهلي,,
نوف بجديه::بس انا يهمني رايك انتي يارهف ,,واذا ماتبينه عادي مو لازم انا كلمتك انتي قبل لايدرون الكبار فضلت اكلمك قبلهم عشان اشوف رايك انتي,,وكملت تبي تشوف ردة فعلها شلون بتكون اذا ماتبين فهد مولازم اهم شي تكونين مقتنعه ..
رهف بابتسامه::لابالعكس فهد الكل يمدح فيه وانا قلتلك اذا اهلي ماعندهم مانع انا موافقه,,
نوف ضحكت::اها اجل مبروك يازوجة اخوي المستقبليه,,
رهف ابتسمت وبجواتها مبسوطه صحيح فهد تمنيته بس ماتوقعت بهالسرعه يعني طول ايامي الي راحت وحلمي مع فهد بيصير حقيقه ,,,,,,,,,,,,,,,,,,,,,,,,,,,,,,,,,,,,,,,,,,,,,


اليوم الثاني في بيت ابوفهد
الساعه 10ونص الصباح
ابو فهد بقمة الفرحه::ونعم الاختيار يافهد والها صرت رجال..
فهد والفرحه مو سايعته من عرف من نوف الي كلمته على طول من طلعت رهف وزاد فرحته كلام ابوه::تسلم يبه بس متى بتكلم عمي؟؟
:: إن شاء الله اليوم كلنا نروح لعندهم ونخطبها خطبه رسميه ,,
فهد وهو يبوس راس ابوه//الله يطول لنا بعمرك ويخليك لنا,,
::وانا مافيه لي شي مافيه ربي يخيلك
فهد وهو يبتسم على كلام امه::انتي الخير والبركه يمه,,
ابو فهد::بس هاه مافيه ملكه وزواج الابعد ماتخلص دراستك
انحرج فهد::اكيد يبه لازم اكون نفسي,,,,,,,,,,,,,,,,,,,,,,,,,,,
في نفس الوقت بشقة خالد ونوف,,

نوف كانت نايمه لانها مانامت عدل اليوم الي قبله ,,,,,,,,

وخالدكان جالس على الاب توب عنده شغل جالس يكمله ,,ولامار تناظر التلفزيون ,,خلص من شغله وسكر الجهاز ,,وناظر ساعته غريبه بالعاده تصحى بدري ,,تاخرت بنومتها,,شلون يعني ماتدري ان اليوم بروح لاهلي والجمعه عندهم,,,,بروح اصحيها عشان تجهزفتح الباب دخل للغرفه ,,والغرفه كانت مظلمه مرررره ومغريه للنوم قرب لعندها فتح الابجوره شافها متكوره على نفسها والغطاء نصه برى السرير ضحك عليها مادري كيف تنام ,,دايم كذا ,,هي بجهه والغطاء بجهه,,كان بيصحيها ’’ناظر ساعته وغير رايه حس بجو النوم يسيطر عليه قال لنفسه يمديني انام شوي ,,وفعلا دخل نفسه جنب نوف وسحب الغطى وعدله وراح بسابع نومه,,




في نفس الوقت في حايل,,

نوره::عندي خبر يفرح؟؟؟؟
ريم بحماس::وش الخبر؟؟؟
نوره::بروح للرياض عند خالتي؟؟؟
ريم تعكر مزاجها شوي::بس هذا الخبر,,
نوره::غريبه بالعاده تفرحين...
::لابالعكس مبسوطه اشتقت لخالتي ,,
نوره::تصدقين امي للحين معصبه منك لانك ماوافقتي على خالد..!!!
ريم::بصراحه امي غريبه من جدها تبيني اوافق على خالد وهو متزوج وانا مخطوبه بعد,,
نوره::يعني معقوله خالد الى اللحين يحبك؟؟
ريم بعدم مبالاه::شدراني عنه؟؟
نوف::طيب اذا هو يبيك ليش توه يفكر يخطبك والله امره غريب,,,؟؟؟,,,,,,,,,,,,,,,,,,,,,,,,,,,,,,,,,,,
نرجع نوف وخالد

بعد وقت من نومهم..دخلت لامار وهي تقول ::يالله دوموا ليس نايمين(يالله قوموا ليش نايمين)) وبدت تضرب في بطن خالد::دووووم يالله(قوم)
خالد فتح عيونه بشويش وانتبه على نفسه وصرخ::نوف,,
نوف تعودت على صوته ردت برواقه وهي تبتسم و تقعد::هلا
خالد شاف البراءه بوجهها وشعرها طايح على وجهها بشكل مهمل غصب عنه تغيرت نبرة صوته::تأخرنا على اهلي واحنا نايمين يالله قومي,,
نوف بابتسامه تذوب القلب::بس ولايهمك دقايق وانا جاهزه,,
خالد وهو يقوم::يالله بسرعه لاتتاخرين,,
البسوا وجهزوا وطلعوا,,,,,,,,,,,,,,,,,,


في بيت ابو خالد..

بعد الغداء
كانوا كلهم مجتمعين

كل البيت عرف بخطبة رهف وفهد ام خالد انبسطت من الخطبه ,,لان بنتها مورايحه بعيد عنها,,وام فهد الفرحه مو سايعتها ,,لانهم وافقوا ورحبوا فيهم,,واخوانها يباركون لفهد,,الاخالد كان شوي متحسس من الموضوع,,بذات ان فهد صغير ,,
خالد وابوه جالسين على انفراد..
خالد ::بس يبه انا يوم كلمتك بخطبة ريم كنت بعمر فهد؟؟
ابو خالد::فيه فرق فهد ولد اخوي ومافيه بينا شي بنصبر لحد مايخلص من دراسته ويشتغل,,؟؟
خالد حس بداخله قهر من تناقض ابوه بالكلام بس شاف الكلام ماينفع وبالاخص ان فهد رجال ويعتمد عليه واضح منه ان هو مختار رهف فحس ان ماله داعي يوقف بطريقهم ::اهم شي راي رهف؟؟
::اكيد راي رهف فوق كل واحد فينا......


غرقانه بنومها وماتدري وش حاصل تحت ولا وش صار,,فتحت الباب عليها,,وهي تقول,,حرم اخوي المستقبليه,,يالله قومي,,رهف تتأفف ::نوف ابي انام اطلعي انتي وبنتك المزعجه؟؟؟
نوف::يالله قومي ماتدرين وش صاير تحت,,؟؟
رهف الفضول الي فيها خلها تفز::وش صاير؟؟؟
نوف ضحكت::ههههههههه الله يعينك يافهد على فضول زوجتك,,
رهف ابتسمت باحراج::يالله عاد قولي؟؟
نوف وهي تقرب منها::ابوي خطبك اليوم من عمي؟؟
رهف عورها قلبها من قالت فهد::هاه؟؟
نوف تقلدها:::هاه وكملت الحمدالله ,,وافق وتمت الخطبه بخير...
رهف توترت وبطنها عورها وحست حرارة جسمها ارتفعت وجهها عرق’’’
نوف لاحظت هالشي من تغير وجهها ::رهف بسم الله عليك هدي ترى الزواج مو اللحين بعدين وقربت لها وضمتها ,,وقالت لها ربي يتمم عليكم,, وربي اخوي بيسعدك فهد حبوب ومافيه مثله إن شاء الله بيهنيك....
قطع عليها صوت جوال نوف,,شافت الشاشه وابتسمت ::هلا ساره,,,,,,,,,,,,,,,,,,,,,,,,,,,,,,,,,
رهف تبي تبعد احراجها وارتباكها قالت بمزح::طيب خلاص وخري عني بتخنقيني....!!
وخرت وهي تضحك ومسكت خدها وهي تقول::عقبال الزواج الكبير يارب,,,,
قطع عليهم صوت جوال نوف,,شافت الشاشه وابتسمت ::هلا ساره,,,,,,,,,,,,,,,,,,,,,,,,,,,,,,,,,


بعد ماخلصوا جمعتهم استاذنوا وطلعوا ,,
عند الباب ابوفهد لامار يالله امشي معنا,,
لامارح::مابي الوح,,
ابو فهد::افا ليش ؟؟
لامار::فهد يدربني(يضربني))
الاعلى طلعة فهد وبنص عين::انا اضربك يالامار هاه قولي متى ضربتك؟....
لامار وهي تاشر بيدينها::لابس تسلني فوووووووووق بعدين اديح((لابس تشلني فوق بعدين اطيح)
فهد ضحك على شكل لامار وهي تشرحله كيف يشلها,,,,,
وكانت فيه عيون تراقبه حست كل عرق بجسمها يتكلم من شافته ,, تحس باحساس تتمنى ماينقطع منها,,رفعت كتفها وهي تقول في نفسها ,,هذا الحب الي يقولون عنه,,والله شعور حلو ,,بعدين ضحكت على نفسها,,اهم انا مخطوبه اللحين ياحركات يارهف صرتي كبيره,,,,,,,,,,,,,,,,,,,,,,,,,,,,,,,,,,,,,,,,,


في سيارة خالد ونوف,,,
نوف::مبروك علينا خطبة فهد ورهف..
خالد::الله يبارك فيك..
نوف وهي تتذكر كلام ساره لها اليوم وحطت في راسها بتحاول معه لحد ماتكسبه مهما ايش بكسبه وبتشوف ياخالد بخليك ماتستغني عني,,,,,,,,,,,

وصلوا للشقه ونزلت نوف,,
كالعاده بعد كل جمعة غداء يوم الخميس ينزلها ويطلع لاصحابه ومايرجع الابالليل,,
نوف وهي واقفه برى عند باب السياره::بتطلع؟؟
خالد::ايه بطلع سؤال ثاني..؟
نوف حست بتحطيم::لاسلامتك ماوصيك على نفسك,
هز راسه بمعنى سكري الباب وفعلا سكرت الباب وحرك السياره ومشى تنهدت نوف وخذت نفسها ودخلت للشقه,,
في بيت ابو خالد

دخل ابو خالد عند رهف في غرفتها كانت بهالوقت غارقه باحلامها الورديه ,,وقطع عليها ابوها,,
قامت سلمت على ابوها وجلست كانت عارفه ان ابوها بيحاكيها وكانت مستحيه مانزلت تحت علشان مايسألها كانت تتمنى امها اهون شوي :::رهف انتي عارفه ان عمك اليوم خطبك لفهد ..
رهف وهي منزله راسها::ايه ,,
::شوفي انا ماهمني راي احد الا رايك انتي ,,وش رايك يارهف موافقه على فهد؟؟؟؟؟؟؟؟
رهف على نفس الوضع ::_______
ابو خالد خاف من سكوتها انها مو راضيه::نوف اذا ماتبين خلاص مو لازم,
رهف بخاطرها مايدري ابوي ان السكوت علامة الرضا قالت والحياء مقطعها::الشور شورك يبه..!!!!
::انا ابي رايك انتي موافقه ولا لا ابي اسمع ردك انتي,,
رهف بصوت واطي وهي تحرك اصابع يدها::موافقه.....
ضحك ابوها وضمها وقال::الله يوفقك يارب ,,
ودعاء من كل قلبه ان ربي يوفق بنته الوحيده ودلوعته الي بتبقى صغيره بعينه طول ماهو عايش,,,,,,,,,,,,,,,,,,,,,



رجع خالد للشقه وقبل لايدخل للصاله لفت انتباه دبدوب بالزاويه على الطاوله الي بالممر الي يدخله على الصاله تقدم لعنده و مد يده له وكان بين يدين الدبدوب بطاقه كبيره ,,كان متردد يفتحها ,,لان متاكد انه من نوف ,,ومايبغى يعرف الكلام الي فيه لانه مايبي يحس بالذنب اكثر ,,بس خانته يده عليها,,وفتحه ,,((فتحت الكرت ياعمري,,عارفه اللحين عاقد حواجبك ,,ماراح اكمل الا اذا وخرت العقده))ابتسم على كلامها,,نزلت عينه تحت في كرت صغير داخل البطاقه الكبيره,,((اوكيه اللحين تقدر تكمل,,))
فتح الكرت,,
((خـــــــالـــــد بـــــاختــــصـــار انــــــت دنــــيـــتــــي)),,


حس بنغزه بصدره,,حس فعلا انه مايستاهلها,,سحب نفس وفتح باب الصاله ودخل ,,تفاجئ من منظر الصاله ,,كانت مظلمه وفيها نور خفيف,,نور الشموع الي مزينه طوارف المكان,,ومتتوزعه باطراف الصاله ,,وصوت موسيقى كلاسيك ,هادي ,,,,وريحة المكان جنان ,,رفع عينه,,وناظرها تتقدم له وكأنها حوريه,,نوف كانت لابسه..فستان حرير,,رايق,,ليموني هادي مره مدموج معه رصاصي خفيف,,قصير لحد الركبه,,تركت شعرها مفتوح ,,خالد سحرته بشكلها طالعه تاخذ العقل,,قطع تفكيره,,يوم شافها تمسك يده وتشبكها بيدها وتاخذ يده الثانيه وتحطها على خصرها ,,ابتسمت لانها لاحظت الاعجاب بعينه ,,قلبها كان يدق بطريقه مزعجه تحب قربه مع ان يوترها يربكها خالد كان لابس بنطلون جنزوبلوزه بيضاء من النوع الرسمي شوي ,, خالد استسلم لها’’حطت راسها بهدؤء على كتفه لها,,بس ماعدت دقيقه ,,فجاءه بعدعنها خالد جاء في باله لوان ريم بدالها وتذكر ان ريم خلاص مستحيل تكون له ,, فتح الانوار وجلس على الكنب,,وعلى طول شغل التلفزيون,,بدون ولاكلمه,,,,,,,,
نوف الي ماتحركت من مكانها واستغربت طريقة نفوره منها,,تمكنت انها فعلا ولاشي عنده,,
التفت لها خالد وشاف شلون ماتحركت من مكانها وعيونها مغرقه دموع وكره نفسه قال يبرر حركته::وش قالولك يعني اروح مراقص واعرف هالحركات الماصخه,,
نوف فتحت عبونها على الاخر:::ماصخه؟؟!!!!!!!
خالد::ايه وانا شعرفني بهالحركات وزاد الطين بله وقال::وانتي بعد وش عرفك بهالحركات؟!!!!!!
نوف ابتسمت بحزن::تقربي منك صارت حركات بايخه,,,,
خالد اصلاهوقال الكلام وهو مو مقتنع فيه ابداااا::تتقربين بس مو بهالطريقه؟؟!!!!!!!!
نوف ودموعها نزلت غصبا عنها::مو بهالطريقه ولا انت الي ماتبي قربي ياخالد؟؟؟؟؟؟؟؟
خالد وهو يبعد عيونه عنها::شدخل الكلام الي اقوله لك بالكلام الي قلتيه ؟؟!!!!!!!!
نوف وهي تمسح دموعها وبصوت هادي وكله الم::لاتسألني اسأل نفسك ياخالد,,انا كل ماقربت منك انت تبعد وتصدني حاولت معك كذا مره بس انت الي تصدني انت الي ماتبي قربي ,,وكملت بقهر وبقلب متعذب::ليش تزوجتني وانت تعذبني قولي ليش,,تركته وطلعت ,,تحطم قلبها ,تحطم كل امل حطته بانها تغير خالد,, تحطم كل خيال رسمته مع خالد بصوره حلوه,,تعبت قلبها ,,ماعد يتحمل ,,قطت نفسها على السرير ,,وهي حاطه يدها على قلبها وماسكته بقوه,,وتصيح من قلب,,تبكي حبها الي مو راضي يكتمل,,,,,,,,,,,,,,,,,,,,,,,,,,,
خالد ريح نفسه على الكنب وهو متضايق,,لو جاملت على الاقل,,معقوله ماقدرت اتحملها ,,شلون يعني,,احس لاني بالارض ولابالسماء الى متى بجلس على هالحال,,,,,,,,,,,,,

نوف بعد ماجفت دموعها ,,مع انها تحس للحين فيها غصه تبي تكملها بس خلاص الدموع موراضيه تطلع,,فكرت وفكرت قررت خلاص ماراح احاول معه كفايه,,ابتسمت وهي تتذكر كلام ساره لها’’ياحليلك ياساره ,,ماتدري انه مو طايق يشوف وجهي,,,بس هو ماحبني ,,ليش متمسك فيني,,,طفشت من التفكير,,واقرت على قرارها انها ماراح تتقرب من من اليوم ورايح حطت شمع احمر على خالد ,,بتخليها على الله,,,,,,,بدلت ملابسها ولبست بجامه و شورت وعلاق,, راسها تحسه صدع نامت على طول,,نامت ترتاح من التعب,,

اليوم الثاني,,
في بيت ابو خالد
نايف::وينها اختنا المصون ماشفناها من امس؟؟
ام خالد::فوق مانزلت من امس؟؟
نواف::يمه لاتقولين مستحيه لاني ماراح اصدق؟؟
ابوخالد::شوفوا اياني واياكم تحرجونها بكلمه وحده...
نايف::اف يبه نحرجها قويه على رهف ..!!
نواف وهو يضحك"":: ههههه يبه بنتكم هذي ماتنحرج ههههههه...
شوي الاهي داخله وتحس عيونهم كلها عليها,,وبذات نايف ونواف وبالاخص انهم يتبسمون,,بخاطرها الله يستر وش بيفكني من لسانهم..وتبي تبين عادي::شفيكم انت وياه انتبهوا على عيونكم لاتطيح اول مره تشوفوني يعني!!!!!!!!!!!
نواف رجع يضحك::هههههه شفت يبه قلتلك ماتنحرج ابد ههههه,,
نايف ويعرف اخته انها منحرجه ويبي يزيدها ::مبروووك حرم فهد ,,بس ماقول الا الله يعين يافهد على رهف مسكين,,
رهف تبي ترد بس تحس كلامها تبخراحرجها بكلمته حرم فهد::________
نواف كملها::اقول حرم فهد ماودك تسوين لي شي من يدك انا جوعاااان .....
جت بتقوم رهف بس قعدها ابوها وهو يقول::وين رايحه؟؟
رهف::ها لابروح اسوي لنواف اكل!!!!!!!!!!!!!!!!!!
نواف فطس من الضحك::ياحركات من متى انتي تسمعين كلامنا هههههههه
وكمل نايف::لوعارفين خلينا فهد يخطبك من زمان ههههههههه
رهف من كثر الحراج ماعرفت ترد بس اكتفت ب::الحمدالله والشكر لك يارب اغبياء,,
ابو خالد::ماعليك منهم بس,.,,,,,,,,,,,,,,,,,,,,,,,,,,,,,,,,,,,,,




نهاية الجزء الثاني عشر

 
 

 

عرض البوم صور yasmine   رد مع اقتباس
قديم 18-06-09, 09:43 AM   المشاركة رقم: 13
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الثالث عشر

في شقة نوف وخالد,,
الساعه ,,10الصباح,,
يوم الجمعه..



نوف كانت صاحيه بس ماتحركت من السرير مالها خلق تشوفه,,تسمع صوت بالمطبخ,,اكيد يغى ياكل شي,,تذكرت الي مر عليها امس ,,واستغربت ان دموعها جفت,,تحس حتى الدموع تعبت انها تنزل من كثرماتطلع,,بعدت الفراش منها بملل ’’ونزلت من السرير وهي تحس بثقل مو طبيعي بجسمها وراسها,,ودخلت للحمام,,,,,,,,,,,,,,,,,,,,,,,,,,,,


اما من جهت خــالد كان صاحي بدري جلس على التلفزيون ,,حس بالجوع كان بيصيحها تعمله شي بس رحمها الي سويته امس مو شويه,,او بالأحرى يحس ماله وجه يناظر فيها,,البنت تبي تبين اني مهم عندها و تتقرب مني بس انا...(وشفيك ياخالد))فيني ان قلبي مو ملكي ولاكان مابخلت فيه على نوف,,طيب بجلس طول عمري وقلبي معلق بريم وانا عايش مع نوف ,,احس نفسي مشتت ,,نوف انسانه ماشفت منها الا العطاء وماشافت مني شي,,وريم البنت الي حبيتها و اعطيتها كل الي فيني ومااخذت منها شي........بوسط افكاره’’ شاف نفسه بالمطبخ وبيده توست واخذ له عصير وجلس بالمطبخ يفطر,,,,.............................


دخلت نوف للمطبخ بدون أي كلمه وبدون حتى تناظره ,,فتحت الثلاجه وطلعت لها عصير....
اما خالد كان ياكل وهو يراقبها ,,حس انها ماتبغى تشوفه ,,واضح انها متضايقه,,اكيد بتكون متتضايقه,,لمح بعيونها حزن ’’

نوف حاسه بنظرات خالد لها والي مو متعوده عليها,,لانه بالموت يناظر فيها ,,ودها تشوف شلون نظراته لها,,وش بتكون يعني ,,اكيد بتكون ,, نظرات استهزاء فرحان باللي سواه امس ,, توها بتطلع من المطبخ ,,وقفها صوته هو يناديها,,
نزلت عينها الي غرقت بالدموع الي جفت و احيتها صوته لانها حست انه بيكلمها عن الي صار البارح وبدون لاتتلفت عليه ولاحتى ترد بس ظلت واقفه مكانها ,,
وقف خالد وسحب يدها وجلسها قباله على الكرسي وبصوت كله حنيه::نوف زعلانه من امس؟؟
نوف العبره بحلقها مانعتها تتكلم تكره هالشي ودها تصرخ بس بهالمواقف يتبخرعندها كل شي:_____________ ؟؟
خالد حس فيها حس انها بتتكلم بس مو قادره ::نوف وربي اسف اسف وبقوه بعد ,,اصرخي هاوشيني عارف اني غلطان وعارف اني غلطت عليك كثير,,,
نوف كان ودها تتكلم وتقولها ايه غلطان وهي ماعد تتحمل اكثر بس تحس للحين فيه وجع بحلقها حطت يدها على حلقها يمكن تروح وتقول له الي تبي ,,,

خالد عوره قلبه عليها وبذات انه يشوف يدها على حلقها حس انها تعذبت معه كثيروبهدؤء حط يده ورى راسها وقربه لصدره ::ريحي نفسك يانوف قولي الي تبينه .؟؟
نوف وهي تلف يدها حوالينه وتركت دموعها تنزل وبصوت كله تعب ::انا تعبت ياخالد والله تعبت ليش تعاملني كذا؟؟؟
خالدهو عارف اجابته بس صعب انه يجاوبها :_________
نوف وبنفس نبرة الصوت:: ليش ماتجاوبني انت ليش تعاملني كذا؟؟؟
خالد وحط في راسه يحاول ينسى ريم وبصوت حلو ::خلاص نوف قلتلك اسف ماتسامحني يعني؟؟
نوف وللحين راسها على صدره::انا قلتلك من قبل ماقدر اعاملك مثل ماتعاملني ,,,
ابتسم خالد وبخاطره ياطيبة قلبك يانوف قال بعد سكوت وهي بين يده وهي كانت حاسه براحه كبيره قال بضحكه حلوه :: هههههه نوف كأن الوضع عجبك ترى ماكملت فطوري,,!!؟؟
بعدت عنه وبخاطرها نفسي ازعل عليك بس ماقدر وقالت وهي تبتسم من بين دموعها الي تمسحها وقالت بمزح ::هاهاها انا فجاءه شفت نفسي كذا مدري من سوى كذا ورفعت اصبع السبابه بمزح كانها تهدد::انتبه ثاني مره طيب وطلعت,,,,
خالد بصوت مسموع::ترى اترك فطوري واجيك...................

في بيت ابو خالد ,,,
ام خالد تكلم بالتلفون ::ياهلا والله بتنورنا ,,,الله يسلمك بانتظاركم ,,,,,,مع السلامه..........
رهف نقزت عند امها::يمه خالتي بتجي ..؟؟؟
:: إن شاء الله بيجون.....
:وناسه متى بيجون؟؟...
ام خالد::مدري بس اتوقع هالاسبوع؟؟؟
::وناسه والله اشتقت لنوره وريم..
ام خالد تذكرت خالد يوم جابت طاري ريم ,,
رهف وهي تأشر على وجه امها بيدها::يمه وين رحتي؟؟؟؟؟
:هنا شفيك..
::سلامتك وكملت بمزح ::بس شكل ابوي ماخذ عقلك؟؟؟
::المهم ابي تجهزين الغرفه لخالتك وبناتها.....
رهف وهي تميل ::طيب قولي للخدامتين يجهزونها وش حضرتهم؟؟
ام خالد بنص عين::نشوف عند فهد وش تسوين بكره اكيد بتركضين ركض ,,
رهف انحرجت وبخاطرها ياربي يمه ماله داعي الاحرجات مانطقت ولاكلمه<<<<<<<<حيويه,,
نرجع لشقة نوف وخالد,,
دخلت نوف للغرفه وهي تحس بكسل فضيع بجسمها رجعت للسرير ,,ريحت ظهرها عليه,,تفكر بكلام خالد..صحيح اعتذرلي ,,بس اذا سألته هوليش كذا معي مايجاوبي يسكت,,وخذتها الافكار يمين وشمال مع افكارها حست بدوخه,,حطت يدها على راسها وعلى نفس وضعيتها ريحت جسمها على السرير وهي تقول لنفسها وش فيني ,,فجاءه تذكرت حملها بلمار نفس الاعراض ,,دوخه وكسل ,,
قطع تفكيرها خالد الي دخل وشاف نوف شلون متكوره على نفسها وحاطه يدها على راسها واضح انها تعبانه قرب منها وجلس ::نوف شفيك؟؟
نوف عدلت جلستها وهي تحس الغرفه تدور قدامها::مافيني شي؟؟
خالد وهو يشوف شلون وجهها اصفرخاف عليها::نوف انتي تعبانه؟؟
نوف::ولايهمك عادي دوخه بسيطه وبتروح؟؟
::طيب امشي اوديك المستشفى,,
نوف فرحت بداخلها شافت الخوف بعيونه يعني معقوله يخاف علي ردت :: ماله داعي مستشفى صدقني انام شوي وبتروح...
خالد::اكيد نوف؟؟
نوف وهي عارفه سبب هالدوخه قالت وهي تعدل المخده عشان تنام:: اكيد قطع عليها خالد ::وين وين تعالي هنا وهو ياشر على كتفه,,
نوف::لاخالد بضايقك؟؟
خالد وهو يعدل نفسه ويتسند على السريرقال بتهديد:: تعالي ولا ا مشي اوديك للمستشفى؟؟
نوف ناظرته وبخاطرها والله ياخالد حيرتني معك ,,حطت راسها بهدوء على كتفه ,,وغمضت عيونها ونامت على طول بدون تفكير,,,,,,,
ناظرها خالد شلون نامت بسرعه ,,ابتسم ,,حط ذقنه على راسها,,يحس براحه بقربها,,ليش ماني قادر انسى ريم,,احتلت قلبي وتعذبت وهي ماتدري بالي فيني ,,ودي اعطي كل اللي عندي لنوف ,,تستاهل الي يسلمها قلبه,,اه يانوف ,,ماندري كيف حياتنا بتستمر اولا ,,اكيد بيجي يوم بتنفجر فيه,,في النهايه هي بنت,,تبي احد يبادلها مشاعرها ,,احد يهتم فيها,,واكيد ماراح تتحمل ,,,,,نزلت عينه عليها وتامل وجهها شلون صاير اصفربزود وباين التعب عليها ’’باسها بخفيف بجبهتها ,,مدري وش مخبيه لنا الايام..............
بعد مرور تقريبا نص ساعه وهو على نفس الوضعيه..كان خالد مشغل التلفزيون ومقصر على الصوت,,قطع عليه صوت الجرس,,استغرب من الي جاي هالحزه,,ناظر نوف حس انها مرتاحه بنومتها ,,مكان وده يبعدها عنه,,بس صوت الجرس اقلقه ,,بهدؤء بعدها وحط راسها على المخده وغطاها وطلع,,


طلع خالد وفتح الباب وببتسامه وهو يسلم::هلا والله حياك تو منور البيت,,
فهد بمزح::ادري والله بيتكم كان مظلم توه اللحين ينور,,
خالد وهو يشيل لامار::البيت ماله حلى بدونها,,
فهد وهو يدخل للصاله:: والله اقلقتنا من صحت ودني ودني ,,ابي ماما وكمل هو يناظرها::مزعجه لامار:: اندلع(انقلع) ولفت على خالد وين ماما؟؟

خالد وهو ميت من الضحك وبذات انه يشوف فهد فاتح عيونه على لامار::اقعدي عندي وشتبغين بماما(علشان ماتزعج امها),,قام خالد بيجيب شي يشربه بس فهد جلسه::اقعد مابي شي ,, الا وين نوف ؟؟
خالد::نايمه..
فهد::غريبه بالعاده تصحى بدري؟؟
خالد وماحب يقولها تعبانه::شفت شلون خربتها..
فهد ::هي نوف وبس الي خربتها ,,الله يهديك حتى لامار خربت صارت ماعد تبيني صرت صفر على الشمال,,,
خالد وهو ياخذها ويحطها بحضنه::تحبني مثل امها صح لامار؟؟؟
لامار وهي تهز راسها::ايه,,
فهد وهو يقوم::الله يهنيكم ,,يالله سلم على نوف انا ماشي ,,
خالد :وين تو الناس ؟؟
فهد بمزح::والله انا جاي بوقت غلط زين ماحذفتني من الدريشه,,
خالد وهو يجاريه بالمزح::ههههه اجل احمد ربك ,,
فهد وهو يضحك::فمان الله’’’’


بعد ماطلع فهد دخل للغرفه وغير ملابسه ,,وبهالوقت دخلت لامار وطيران عند امها وصوت عالي::ماما انا ديت(انا جيت)
نوف فتحت عيونها وابتسمت غصب عنها وهي تقول::هلا بحياتي وقلبي وعمري ’’’
خالد حس بشي تحرك بقلبه من كلامها ::و انا وش اكون؟؟
نوف عدلت جلستها وناظرته ::انت عيوني الي ماقدر استغني عنها؟؟؟
خالد دق قلبه من كلامها ليه حس انه من قلب تقوله وحس براحه مايدري ليه::طيب انتي شلونك اللحين؟
نوف::الحمدالله بخير..
خالد::يعني اطلع وانا مطمن ؟؟
نوف وهي تهز راسها::تطمن مافيني شي..
خالد::اوكيه يالله انا بروح للشغل ابوي عندي شغل بالخلاطه ,,
نوف وهي مستغربه اول مره خالد يقولها وين يروح من نفسه::الله معك..
خالد::تبين شي اجيبه..
نوف ::لا سلامتك,,
خالد::يالله مع السلامه,,

طلع واستلمت لامار امها الي عرفت منها ان فهد هو الي جابها,,,,,,,,,,,,,,,,

بعد مرور كم يوم,,,
نوف وخالد اوضاعهم متحسنه ,,ونوف للحين تحس بالتعب بجسمها وقررت تروح للمستشفى باقرب فرصه ,,تاكد شكوكها,,
خالد للحين على قراره ان ينسى ريم ويبداء بصفحه جديده مع نوف



في الشقه الصاله قايمه قاعده,,
نوف وهي تركض بخفيف من خالد الي كان معه بخاخ الثلجي وهي تضحك:: خالد بس والله توبه خلاص ,,
خالد يلحقها وهويضحك على وجه لامار الي مليانه من البخاخ الي حطته نوف بوجهها وضحك زود يوم سمعها تقول:: بعد حط ماما
مسك خالد يد نوف وسحبها بيدنه وهو يقول:: يالله لامار تعالي حطي لماما؟؟
صفقت لامار بيدها فرحه وجلست تضغط البخاخ بصعوبه بيدها على امها وهي مستانسه وتضحك وتقول::ههه سوف سعلها وع ((شوف شعرها))
نوف وهي تحاول تتفلت بيدها من خالد وتسوي تبكي ::اوريكم تجمعتوا علي,,
لامارصدقت امها::حلاس ماما مافيه (خلاص ماما مافيه)
نوف::بعد وشو بعد ماخلصتيه؟؟
خالد وهوللحين ماسكها ومبتسم عليهم كانها اخت واختها مو ام وبنتها قال::قصدك بعد ماخلصتيه علينا,,(كان ناوي يبخ عليها بدون لاتدري بس اكتشفته واخذته قبل لايصحى من نومه )
نوف وهي تضحك ::هههههههه احسن كنت ناوي علي وسبقتك؟؟
فك يدها خالد وهو يقول:: يالله لامار حبيتي امشي نروح داخل خلي ماما تنظف الصاله..
نوف وهي واقفه بالوسط بينهم وحست من جد انها توهقت::خالد حرام عليك بجلس ارتب هالحوسه لحالي,,
خالد وهو يرفع يدينه::مالي شغل؟؟؟
نوف القت نظرها على الصاله المخدات بكل مكان والكنب متحرك من مكانها غير البلوى الكبيره البخاخ الي على الرخام يبغى له تنظيف قالت وهي تدخل يدها بيدين خالد الي مكتفها::تكفى خالد انت رتب الكنبات ورجعهم مكانهم وانا امسح الارضيه,,وكملت بأبتسامه ::شرايك؟؟
خالد يعشق ابتسامتها مايقدر ينكر هالشي ابد قال وهو يرفع حاجب ويميل فمه ويناظر لفوق::اممممم افكر..؟؟
نوف برجى::تكفى خالد ورجعت تناظر الصاله وهي تقول::شوف والله كثير..
رحمها خالد ::اوكيه يالله خليني اكسب اجر فيك,,
والتفتوا على مصدر الصوت وماتوا من الضحك على لامار وهي تقول::ماما ابي ادلع(ابي اطلع) يسمعون صوتها ومايشوفونها انحشرت بالزوايه والكنب مرتفع عليها وماقدرت تطلع ::طلعها خالد وهو يقول::مين قالك تنزيل من الكنب واني مو قد الطلعه هاه’’’............................................ ...................




بعد مرور يومين,,,

في بيت ابوخالد,,

البيت كله متحمس لاستقبال الضيوف ,,
ام خالد مشاءالله ضبطت كل شي لاستقبالهم..ونواف ونايف ..اهتمو بتجهيز الذبايح مع ابوهم,,الكل بأنتظارهم,,,,,,


في الشقه,,
4العصر’’

توه راجع من الدوام في باله ينام وبس ,,دخل للصاله شاف لامار نايمه كالعاده من التلفزيون,,وراح للغرفه ,, ,,
نوف كانت تحوس بالغرفه واقفه بنص الغرفه وتكلمت بصوت مسموع::ياربي وين اغيره,,السرير مافيه امل التفتت على الدولاب وابتسمت,,
خالد كان واقف برى عند الباب اول شي انصدم من شكل الغرفه ,,بس ماسرع مابتسم,,على شكلها وهي تتكلم ,,ولا بعد رافعه الغميص على جنب,,ماتصلح للعربجه ابد (نوف لابسه غميص قطني ابيض وعليه قلوب حمراء),,
توها بتحرك بالكومدينه بس حست بيدين تلف عليها من ورى رفعت راسها و ابتسمت خالد وهو يبتسم::وش تسوين هاه..؟؟
نوف بدلع غير مصطنع::طفشت من الغرفه وقلت اغير اماكنها شوي؟؟
خالد وهو يقرب ويهمس باذنها::على كيفك هي غرفتك لحالك ولامشتركه بينا ها
نوف تحس نفسها صغيره طفله بين يدين خالد::ليش ماتبيني اغيرها؟؟
خالد بنفس الهمس::الا ياقلبي بس ثقيله مايصير تسحبينها لحالك..
نوف ياقلبي ا الكلمه رنت باذنها بعدت يدينه وهي تقول::يوه خالد نسيت اقولك؟؟
خالد وهو يشمر بيدينه ::خلينا من الي بتقولينه وتعالي نسوي الي عفستيه؟؟
ضحكت يوم شافته متوهق::لاخالد اسحب الكومدينه اول؟؟
خالد بمزحه::تعفس عفستها وتضحك..
ضحكت نوف وراحت له,,وتحمسو اثنيهم على تغير الغرفه,,,,.........................



في نفس الوقت في بيت ابو فهد,,
ام فهد:: بتروح اللحين ماكأنه بدري؟؟
فهد::لايمه علشن اساعدهم خبرك المعازيم كثير ولازم نجهز بدري؟؟...
ام فهد وهي تضحك""ولا عشانهم بيصرون نسايبك؟؟
فهد بمزح::تهقين يمه,,خلاص وش ؤايك اجلس عندهم من اليوم؟؟؟
ام فهد::والله ماهي بعيده عليك!!
فهد وهو يضحك::يالله يمه انا بمشي مدام ان الي اهم مني جاء ولاشرايك يمه غلطان انا....؟؟
ابو فهد وهو يجلس::لامو غلطان جاوبت عنها..
ضحك فهد وطلع::ابو فهد وهويناظرها ويبي يحرجها::غلطان فهد بكلامه ؟
ام فهد بخاطرها كبر وخرف::كبرنا على هالسوالف؟؟
ابو فهد::مين قال انا اشوف نوف واشوفك كانكم خوات,,
ام فهد استحت وتبين عادي وقالت تصرف::متى بنروح للعشاء؟؟
ابو فهد::عارف انك تصرفين,,ولايهمك بعد المغرب اجهزي
.................
نرجع لشقة نوف وخالد
بعد ماخلصو من الغرفه,,بعد عناء وتعب,,خالد وهو قاط نفسه على السرير وفاتح يده من التعب لان الولاب كان ثقيل مررره,,نوف تناظره وبخاطرها,,الله يرجني مالقيت اغير الا على طلعته من الوام,,,

جلست على السرير وهي تلعب بشعره::اسفه خالد تعبتك؟؟؟
خالد::هو من ناحية تعبتيني ,,,تعبتيني بس فدوه
نوف كانت فرحانه بداخلها من خالد::وكمل خالد وهو يمسك يدها ويقربها لفمه ويبوسها::ابي هاليدين الحلوه تجيبيلي مويه؟؟
نوف:: إن شاء الله,,,,,,,,,,,,
رجعت للغرفه بس حصلته نايم,,يالله نام ولاقلتله على العزيمه,,يالله ساعه وبصحيه,,,,,,,,حطت الصحن على الطاوله,,وتقدمت له ,,وفصخت جزمته وحطت المخده تحته وغطته وطلعت,,,,,,,,,,,,,,,,,,


نوف طلعت للصاله ,,جلست على الكنب,,وهي مبسووووطه,,على طول تذكرت كلمته وتحسه للحين صداها بأذنها,,ولاول مره من تزوجنا يقول كلمه احس اني اعني له شي فيها’’,,يمكن قالها وهو مايقصدها,,بس وربي خالد تغير معي الفتره الاخيره,,رفعت بصرها ,,ياربي صخر قلب خالد لي ,,,,,,,,,,,

في بيت ابوخالد,,
رهف بكامل نعومتها,,كامنت لابسه فستان جداا هادي قصير ليموني,,وفيه شجر اخضر خفيف موزع بطريقه حلوه ,,ومسويه شعرها ظفيره بحركه حلوه على جنب,,وتاركه الي تحت مفتوح,,والغره حاطتها سيده مطلعها من جد((بيبي))وبدون ميك اب ,,اكتفت بكحل ومرطب,,
تحوس بالمطبخ وتاكل وامها تهاوش فيها بس هي مافيه فايده ..
رهف وهي تاخذ من المعجنات::يمه اخواني تأخروا من الظهر طالعين؟؟
::نواف يقول زحمه...
::اها’وكملت,,’تاخرت نوف مدري متى بيجون بكلمها...؟؟
ام خالد تعكر مزاجها شوي::خليهم على راحتهم؟؟؟
رهف تذكرت ريم وشلون كان خالد يحبها قالت::يمه تهقين خالد نسى ريم؟؟
ام خالد وهي تتنهدت::مدري عنه؟؟؟
رهف::يوه يمه لو تدري نوف ان ريم كان يحب ريم وكان بيتزوجها كيف بتكون ردة فعلها,,
ام خالد عصبت والتفتت عليها الانها هي خلقه متوتره من هالموضوع ماتدري ليه::انتي وش تبين عندي روحي هناك.....
رهف راحت لامها وهي تبوسها::اسفه يالغاليه ماقصدي اخليك تعصبين ,,خلاص بطلع هاه شوفي
,,,,,,,,,,,,,,,وطلعت لبرى البيت طلعت للملحق قالت لنفسها بروح استنى ابوي واخواني لحد مايجون,,وفتحت الباب ودخلت ملحق الرجال ,,اسحبت نفس,,واوا ريحة العود روعه,,جلست على الكنب ,وطلعت جوالها ,,تحوس فيه,,,,,,,,,,,,,,,,,,,,,,,,,,,,,,,,


بهالوقت دخل فهد بيت عمه ,,كان متكشخ على الاخر,,ثوب وشماغ مطلعه هيبه,,دخل الملحق,,وشاف وحده ةتحوس ومنزله راسها ,,منشغله بشي بيدها,,قلبه يعرفها عدل,,لانه زادت دقات قلبه,,ابتسم يوم شافها رفعت راسها وجت عينها بعينه,,,بعدسكوت ثواني,,وقفت رهف وفهد ,,فهد انتبه على نفسه وصد عنها وهو يقول::شخبارك رهف؟؟
رهف توترت:_________
فهد بجرائه::شخبارك يالغاليه ليش ماتردين؟؟
رهف وهي متوتره للحين::ممكن اطلع؟؟
فهد وهو ناسي هو وين وده يطول معها::ماراح تطلعين الا اذا رديتي علي؟؟
رهف زاد توترها ارتكبكت وانصدمت من جرائته::انا بخير فهد بسرعه ابي اطلع لاحد يشوف ويفهم غلط؟....
فهد وده يلتفت ويشوفها::ياحلو اسمي من لسانك وكمل تدرين توني اعرف قيمة اسمي,,
رهف عصبت زودها::فهد لو سمحت احنا مخطوبين مايجوز كذا؟؟
فهد حس انه فعلا زودها::طيب ولايهمك بطلع,,بس صدقيني الكلام الي قلته طلع غصب عني وطلع وتركها..........طلع وهو مبسوط بالي سواه على الاقل يبين لها شي من الي في قلبه لــــها’’’’’’’’

اما رهف على طول دخحلت للبيت وهي معتفسه,,دخلت غرفتها,,يوه الحمدالله محد شافنا,,وتكلمت بصوت مسموع,,ياويلي جري,,هذي البدايه شلون بعدين,,ابتسمت,,يوم تذتكرت كلامه الاخير,,معقوله هو يحبني,,وهو الي ىاختارني,,جايز ليش لا..,,,,,,,,,,,,,,,,,,,,,,,,,,,,,,


في شقة نوف وخالد,,

نوف دخلت للغرفه وفتحت الانوار وصحت خالد بس ماصحى,, قالت لنفسها خلني استعد للعشاء,,على مايصحى’ خذت لامار وروشتهاولبستها,,وخلصتها
وطلعت ملابس لها للعزيمه,,ودخلت للحمام وخت لها دش وجففت شعرها ,,وطلعت ولبست ملابسها,,وخالد ولا على باله في سابع نومه,,ورجعت نوف تصحي خالد حاولت تصحيه بس ماصحى عصبت نوف,,حاولت معه بالطيب..مانفع,,قالت مافيه الاوحده ,,ونادت على لامار ,,لامار على طول راحت لامها,,نوف خذتها وحطتها على ظهر خالد وقالت لامار::يالله قوميه ,,
عاد لامار ابتدى الشغل حقها::يالله حلودي دوم(خلودي قوم)
خالد فتح عيونه::خلودي هاه والله هذي من قعدتك مع رهف خربتك؟؟
نوف وهي تضحك::ماينفع معك الا هي..
لف وجهه لها وانتبه لشكلها ,,كانت لابسه برموده رملي,,ولابسه قطعه لونها ذهبي ماسك على جسمها لتحت الخصر وفيها وقصه مايله قال وهو يبعد لامار ويعدل جلسته::وش هالكشخه؟؟
نوف ابتسمت::مو بس انا حتى لامار كاشخه شوف ..
خالد استغرب::غريبه ليش وش عندكم؟؟
نوف::فيه عشاء اليوم عند عني...
خالد وهو متعود على عزايم اهله::ليش ماقلتيلي؟؟؟
نوف::كنت بقولك بس شفتك نايم وماحبيت اصحيك,,,
خالد نزل من السرير وهو يقول يالله خلينا نعجل,,,,,

طلع بعد ماخذ له شور سريع وكانت نوف مجهزه ثوبه ,,وشماغه ولامار قاعده تحوس باغراض امها,, واخذ ثوبه ولبسه,
ونوف كانت جالسه على السرير وبيدها عبايتها وتستناه يخلص,,وتشوفه يحوس بالزرار حق ثوبه قال::نوف تعالي سكريه مدري شفيه مو راضي يتسكر,.؟؟؟؟
قامت نوف لعنده ورفعت يدها لها تسكره يرجع ينفتح ,,
خالد مكتف يده ومستانس على شكلها وهي متحمسه::يالله نوف سكريه بسرعه؟؟
نوف وهي تطلع لسانه يمين ويسار من الحماس:::خالد كل ماسكره ينفتح؟؟
خالد بخبث حط يده على خصرها وقربها::طيب شرايك بما انه مو راضي يتسكر نجلس مولازم نروح,,
نوف على طول التفتت على لامار::خالد شفيك لامار هنا؟؟
خالد يموت على حياها قرب منهابعدت عنه ::لامار هنا؟؟ واخذت لامار وطلعت,,
خالد هو يضحك وبالاخص انه يشوف البراءه بعيون لامار قال بصوت عالي::شفيك خليها تشوف عشان لاكبرت ماتطلع مثل امها تستحي,,,,,,,,,,,,,,,,,,,,,,,,,,,,,,,,,,,,


في السياره,,

خالد::الاصحيح من الي جاي عندنا؟؟؟
نوف وهي تلعب بشعر بنتها::خالتك جايه من حايل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟




نهاية الجزء الثالث العشر,,

 
 

 

عرض البوم صور yasmine   رد مع اقتباس
قديم 18-06-09, 09:46 AM   المشاركة رقم: 14
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الرابع عشر,,

في السياره,,

خالد::الاصحيح من الي جاي عندنا؟؟؟
نوف وهي تلعب بشعر بنتها::خالتك جايه من حايل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟



خالد وبثانيه وحده دخلت الفرحه في قلبه وبانت على ملامح وجهه غصب عنه نسى نوف ونسى انه بينسى ريم,, كل الي في باله ريم هنا ريم بالرياض ,,وزاد من سرعته للسياره,,

نوف لاحظت الفرحه بعيون خالد,,لهدرجه يحب خالته ,,


بهالوقت وصلوا اهل حايل,,
ام خالد وام راكان متضامين وكل وحده دموعها على خدها مشتاقين لبعض..من زواج خالد ماشافوا بعض وكلها ليله ورجعوا لحايل ,,ماشبعوا من بعض,,ونفس الشي البنات كانت شعورهم مواقل منهم,.,,,بعد ماجلسوا,,
::والله تو مانور البيت فيكم,,
ام راكان::ياعمري منور باهله..
ريم::شخبارك خاله اشتقنالكم,,؟؟
ام خالد::والله حنا اكثر,,
رهف::مايصير كذا لازم كل شهر تزرونا؟؟
نوره::قولي لهم انا لوعلي كل يوم اجي عندكم ؟؟
رهف وهي تعرف نوره تموت على اسواق الرياض::تجين الرياض ولا تجين اسواقنا هاه؟؟
نوره وهي تضحك::هههههه و كملت وهي تأشر باصابعها::الاثنين سوى؟؟,,,,,,,,,,,,,,,,,,,,,,,,,,,,,,,,,,,,,,,,,,,,, ,,,د
وصلوا نوف وخالد....
فرح خالد من كل قلبه يوم شاف سيارتهم يحس الارض مو شايلته من كثر الفرحه بهالوقت نسى انه متزوج نوف ,,يحس رجع لايام اول يوم يكونون جاين من حايل وهو يكون باستقبالهم نفس الفرحه بالضبط الحين هوجالس يحس فيه,,من كثر ماهو مرتبك يمكن عشرين مره فتح الشماغ وعدله,,
دخل للقسم الرجال وبيده لامار الي رفضت تدخل مع امها,,سلم عليهم,,وسلم على كل الموجدين..للحين فرحان بس فيه شي خرب فرحته شوي اوكدرها,,اول مادخلوا اخوان لامار كانوا موجدين يوم شافتهم,,فكت يده وركضت لهم,,خالد هنا حس بشي ينغز بصدره او بطعنه بس الاكيد انه تضايق,,سأل نفسه شفيني انايعني بنت وشافت اخوانها,, مايدري وش هالشعور,,(لامار حركه طبيعيه مثل أي طفل يشوف ناس مهتمين فيها ويزرونه بكثره ويطلعونه ويلعبونه فكانت حركتها جداااا طبيعيه))مسرع ماطنش هالشعور يوم حاكه راكان ,,,,,,,,,,,,,,,,,,,,,,
دخلت نوف بعد ماشافت شكلها بالمرايه ماكان فيه عزيمة حريم كبيره خلوها عائليه بس الرجال الي كانت كبيره ,,دخلت وسلمت على ام خالد وعلى ام ركان وعلى نوره ,,يوم وصلت عند ريم وشافتها قالت بنفسها,,مشاءالله تبارك الله وش هالجمال ,,خطر في بالها,,معقوله شافها خالد,,حست بالغيره تاكلها,,ضحكت على نفسها وعلى افكارها,,

وبعد ماسلمت وخلصت وجلسوا ودخلوا بالحكي,,
نوف::جد ريم ماخلصه الثانويه مبينه اصغر
ريم::ايه لي سنتين اللحين عمري 20
نوف::تقريبا بعمري انا مابقى لي شي وادخل 21
رهف قاطعتهم::اقول خلونا من اعماركم يالعجايز..
ضحكوا نوف وريم وضربوها مع كتفها وكملت رهف:: يالله قوموا خلونا نروح نرقص فوق,,,,,,,,,,,
طلعوا البنات فوق وبدا استهبال البنات شغلت رهف الاستريوا وعلت على اغنية ادواك عندي وتحمسوا عليها,,كل وحده دخلت جو وهي ترقص ,,
نوف وهي تجلس ::اوه خلاص تعبت,,
ريم وهي تجلس::حتى انا ,,
وجلسوا نوف وريم يسولفون ,,ريم بخاطرها وربي هالبنت تنحط على الجرح يبرى,,ليه خالد فكر يتزوج ماتستاهل ,,الحمدالله شكلها ماتدري انه خطبني,,,,,,,,,,,,,,,,,,,,
بعد ماراحوا المعازيم,,
الى اللحين خالد ماسلم على خالته,دخل وهو يقول ,,ياولد,,طلعت له رهف::هلا خالد..
خالد وهو يحاول يخفي ابتسامته::رهف وين خالتي والبنات بسلم عليهم؟
بهالوقت طلعت ريم فوق
ودخلت رهف وقالتهم ,,,,,
نوف يوم سمعت رهف وهي تقول خالد بيسلم,,حمدت ربها ان ريم طلعت لغرفتها,, عليها عيون تلفت مشاءالله بدون كحل ولاشي وحلوه,,
دخل خالد وهو يسلم على خالته عيونه تدورانسانه تمنى شوفتها ,,جت عينه على وحده جالسه بعبايتهاقال بخيبة امل ::شخبارك نوره؟؟
::بخير الحمدالله بخير انت كيفك؟؟
::ممبسوطين بجيتكم..
نوف استغربت شلون عرف نوره يعني يميز بينهم,,طنشت تفكيرها الي حسته ماله داعي,,,,,,,,

خالد طلع وهو متكدر كان وده يشوفها ,,
يعني معقوله تكون متعمده ماتجلس,,,قطع تفكيره صوت رهف::خالد اقعد الليله لاتروحون ولله مشتاقه اصحى القاك قدامي مثل اول,,
خالد قال لنفسه ليش لا وبدون تفكير::ولايهمك بس غرفتي على ماهي؟؟
رهف وهي فرحانه ::اكيد ومين يقدر يقربها وانا موجوده؟؟
خالد:: شكللك مو ناويه تروحين للمدرسه بكره؟؟؟
رهف وهي تكشر::خبله انا اروح وافوت الوناسه؟؟
ضحك خالد على اخته لانه عارف انها تكره المدرسه,,,,,

بهالوقت نوف لبست عبايتها على اساس بيرحون لان خالد عنده دوام بكره ولازم ينام بدري,,
طلعت نوف وشافت خالد ورهف عند الباب الي يطلع لبرى الحوش,,راحت لعندهم وهي شايله بين يدها لامار نايمه..

خالد كان يناظر نوف وهي جايه له ..انعصر قلبه عليها,,بس بعد هالاحساس عنه يوم سمع خالته تنادي ريم قال بسرعه::نوف الليله بنام هنا؟؟؟؟
رهف::ايه حبيبتي ترى مافيه روحه اليوم ورانا سهره يعني بتنامون عندنا,,,؟
نوف تحس انها تعبانه ومافيها حيل وتبغى سريرها علشان تنام قالت وهي توجه نظرها لخالد:: اوكيه اذا خالد ماعنده مانع ,,
رهف::المهم ترى انا قلت لكم روحه نو مافيه يالله انا اخليكم,,ودخلت داخل
خالد وهو يرفع حاجب حس انها ماتبي تنام ::وش عندك شكلك ماتبين تنامين؟؟
نوف::لابس كيف ننام و ملابسك لبكره الدوام ماعندك؟؟
خالد وهو ياخذ لامار منها::عادي بلس الثوب هذا !!
نوف وهي تفصخ عبايتها::طيب وانا؟؟؟؟
خالد الي قلبه داخل::دبري نفسك من رهف وكمل كلامه::سوي لي درب باخذ لامار للغرفه,,
نوف إن شاء الله,,,,,,,,,,,,,,,,,,,,,,,,,,,,,,,,


دخلت نوف وسوت له طريق ودخل خالد وطلع فوق لغرفته,,فتحها وحط لامار على السرير وغطاها وابتسم وهو يتذكر كلام رهف له من شوي,, فعلا نفس الشي ماتغيرت,,

دخلت نوف للغرفه وشافته واقف عند السرير ويبتسم ,,قربت لعنده ولفت يدينها حول رقبته وقالت بصوت حلو::اشتقت لغرفتك؟؟؟؟
خالد حس ماعنده كلام يرد عليها اكتفى بنظر,,
نوف طنشت سكوته ولفت يدها حوله وهي تقول::خالد خالتك والبنات عسل دخلت معهم بسرعه,,؟
خالدحس انه خاين كره نفسه وكره قلبه قال بدون شعور::اذا هم عسل مأظن يتقارنون بالعسل الي عندي؟؟!!!!!!
نوف بفرحه وهي تضحك بخفيف وترفع كتوفها مثل الصغار بحركه عفويه منها::مين قصدك؟؟
قرر انه يتجاهل ريم او يحاول ينسى انها موجوده قال هو يبعدها::وحده يقولون اسمها نوف؟؟
نوف ابتسمت وهي تبعد عنه::ياقلب نوف انت ,,يالله انا بطلع للبنات ,,وانت نام علشان اصحيك بدري؟؟
خالد وهو يفصخ ثوبه ::شلون يعني بنام لحالي ؟؟
::شرايك ..هذي رهف راسله لي راسله تقول وينك تاخرتي؟؟
::ايه تفكرين برضى غيري وانا ولافكرتي فيني هاه؟؟!!
نوف صدقته::خالد حرام عليك احنا اللحين ليش نايمين ,,شوف رهف تتصل ’’
ضحك على برائتها::طيب عطيني شي قبل لاتطلعين؟
فهمت عليه نوف وراحت له وباسته مع خده وطلعت تركض ,,لان خالد كان بيمسك يده بس هي فلتت منه,,,,,,,,,,,,,,,,,,,,,,,,,,

خالد حط راسه على المخده وغمض عيونه ,,حاس بنوف من الايام الي راحت انها مبسوطه وباين من عيونها بعكس اول مهما تحاول تبين انها مبسوطه يبين ,الحزن بعيونها,,من تغيرت معها ,,والفرحه باينه فيها,, ,,خلاص ماعد ابي اكدر عليها,,اكره اشوف الدوع بعيونها,,ابيها تكون دايم مبسوطه مابي الضحكه تفارقها,,
وريم صحيح للحين مو راضيه تطلع من قلبي بس خلاص ,,ريم مو لي ,,لازم انسى وجود ريم,,
انقلب للجهه الثانيه وطاحت عينه على لامار ,,رجع له نفس الشعور يوم فكت يده وراحت لاخوانها,,,عقد حواجبه وغمض عيونه لعل وعسى يخف الاحساس الي بجوفه ويروح منه ,,الي حركته لامار بحركتها,,,,,,,,,,,,,,,,,,,,,,,,,,,,,,,,,,,,,,,,,



نهاية الجز الربع عشر,,,,,,,,,,,,,,,,,

 
 

 

عرض البوم صور yasmine   رد مع اقتباس
قديم 18-06-09, 10:28 AM   المشاركة رقم: 15
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء الخامس عشرماقبل الاخير,,,

صحت نوف ناظرت مكان خالد استغربت,,مو موجود صحى قبلها,,غريبه,,خالد يصحى قبلي,, تحركت من مكانها,,حست بالدوخه رجعت لها,,لا اليوم لازم اروح للمستشفى وتأكد,,دخلت للحمام وطلعت ,,معقوله خالد راح لدوام بدري ,,قربت من الدريشه تناظر بالسيارات ,, شافت سيارته ,, ,,وخذت لها جلال صلاه يمكن نايف و لا نواف بطريقي,,نزلت تحت دخلت المطبخ ماكان فيه احد كلهم نايمين,,مافيه الا الخدمات..دخلت للمخزن الي داخل المطبخ,,عشان تاخد اغراض وتجهز فطور ,,,,ابتسمت يوم سمعت صوت ريــم وهي داخله للمطبخ,,

دخلت ريم للمطبخ حست انها جوعانه ةونزلت تاكل ,,

خالد صحى بدري وماحب يزعج نوف نزل وطلع للملحق عند الشباب وجلس مهم شوي وحس بالجوع,,وبعدها دخل للمطبخ يبي يقول للخدمات يسون فطور ,,بس توقف لسانه ,,وتجمد جسمه عند البــــــــاب ,,شاف الي حبها طول عمره وتمناها,,هذي ريم حلم حياته طول السنين الي راحت ,,عينه مو راضيه لاتروح يمين ولا يسار,,نظره عليها وبس ,,يحس اللحين كأن مافيه بالدنيا كلها الا هو وريم ,,برقت عيونه وابتسم ابتسامه شوق او عذاب نسى كل شي ونسى انه فكر يتجاهلها::ريــــــم؟؟
ريم تحس كأنها حجر من ثقلها ماقدرت تتحرك رجلينها بالذات ماعليها شي وفكرة ان الكل نايم تخوف::_________؟؟
خالد بشوق::شخبارك ريم؟؟
ريم للحين ماتحركت بس حطت يدينها على كتوفها::خالد شفيك ماعلي شي تكفى اطلع؟؟
خالد صد عنها وقال بحزن::ليش ليش ماوافقتي يوم خطبتك ليش ياريم بس عشاني متزوج ؟؟
ريم تحس كأن مويه بارده انكبت عليها:: وش قاعد تقول انت وخر عن طريقي ابي اطلع؟؟
خالد بألم وهو يقول كلامه وناسي هوو ين فيه ::لا ياريم انتي عارفه وش قاعده اقول ,,تدرين ياريم اني احبــــك ,,والكل عارف بهالشي ,,وماظن يخفى عليك..وربي ياريم انك للحين بقلبي ومانسيتك لحظه,,وغلاتك عندي مثل قبل ماتغيرت ..وكمل بحده::بس ابوي الله يهديه قال تزوج نوف وماحبيت ازعله ,,بس انا ماحبيت نوف لانك انتي في قلبي ,,
ريم عصبت وخافت لاحد يجي وماهتمت ابد بكلامه::خالد لو سمحت شيليني من راسك انا مخطوووووووبه و بعدين مامداها تكمل الا وتسمع صوت صرخه من المخزن,,,,,,,,,,,,,,,,
خالد التفت على الصوت وهو عارف صاحبته,,دخل داخل المطبخ ومر من جنب ريم,,,,شاف نوف جالسه على ركبها وحاطه يدها على أذنها وتصيح بصوت مسموع,,قرب لها وجلس على مستواها..حط يده على كتفها,,بس نوف بعدته ورفعت وجهها الي مغطى بالدموع وهي تصيح وتصرخ::وش تبي هاه,,مدام انك تحبها ليش تزوجتني ؟
خالد ::نوف افهميني انا,,
نوف وعلى نفس الوضعيه::وش تبي تقول انك ماتحبني وتحب ريم خلاص عارفه,,وعرفت انك رجال وماتبي تزعل ابوك وتزوجتني ,,
خالد عصب وقال من بين اسنانه::نوف احترمي نفسك ..!!
نوف وهي تقوم تحس الدنيا قدامها تدور::طيب طيب ابعد عني ,,مامداها تكمل كلمتها طاحت بين يده,,
خالد خاف عليها وصرخ وهو يضرب خدها::نوف نوف كل مايوقفها تطيح بين يده كانها ورقه,,خالد توتروصرخ للشغاله ::بسرعه هاتي عبايه,,واخذ العبايه ولفها وشالها وعلى طول على السياره,,


اما ريم من سمعت صوت نوف ,,على طول طلعت لغرفتها وهي تبكي,,
خافت تسبب بينهم مشكله,,ولاتفهمها غلط..لامت نفسها انها نزلت ,,انا اساسا غلطانه انزل,,وربي خالد واحد اناني الله يعينك عليه يانوف,,ياربي وش صار عليها اللحين,,,,,,,,,,,,,,


خالد كان مسرع,,وكان كل شوي يلتفت يشوفها,,كل الي باله تقوم بالسلامه وبس,,

وصلوا المستشفى وعلى طول قربوا العربانه,,ودخلوها,,وهو جلس بالممر ,,وتفكيره مشوش ,,متوتر من شكلها وهي تطيح بين يده ,,كانت تخوف,,لونها انقلب فجاءه,,وصارت مثل الريشه بيدي,,سحب نفس,,اخر شي توقعته,,ان نوف تعرف بالهشي,,انا انا السبب انا الي نسيت نفسي ,,ماتوقعت ان هذا يصير ,,حتى اني تجرات وطالعت ريم,,استفغر ربه,,وبهالوقت طلع الدكتوروقام خالد::بشر دكتور ان شاءالله بخير؟؟
::زوجتك معها فقر دم حاد وهذا الي سسبب لها الاغماء وجسمها مرهق من سوء التغذيه وبذات انها حامل ولازم تتغذاء كويس؟؟
خالد انصدم ولامره فكر بهالشي مايدري ليه::حامل؟؟
الدكتور::اه ماتعرفش هي حامل من شهر واسبوع؟؟
خالد مايدري يفرح ولايحزن ماهو عارف شعوره كيف::طيب اللحين اقدر اشوفها؟؟
الدكتور ::اه بس الافضل تتركها ترتاح ساعه اوساعتين وتشوفها؟؟
خالد::اوكيه مشكور دكتور,,

طلع وراح للدوام واستاذن منهم يومين ,,ورجع للمستشفى,,
فتح الباب بهدوء,,وشافها سرحانه ,,ماحست فيه يوم دخل ,,وقف عند السرير ,,وهي للحين ماللتفت ,, نوف حست فيه يوم قرب للسرير,,لفت وجهها مالها خلق تشوفه تضايقت وشيبي بعد جاي ,,شكله باقي كلام ماخلصه ,,وده يكمله علي,,
خالد عرف انها ماتبي تشوفه ::الحمدالله على السلامه,,
نوف ماتدري ليه تحس الكلام كثير عليه::________
خالد تنرفز بداخله لانها ماردت ::مبروك يأم سعد!!!!
نوف وهي متوقعه انها حامل وبخاطرها بعد سمى وخلص::انا ام لامار مو ام سعد؟؟
خالد انقهر من ردها::اوكيه براحتك ام سعد ام لامار كلهم واحد,,؟؟
نوف غرقت عيونها كلمته اما ماحبها لاني ابيك للحين بأذنها وقالت وهي معزمه ومقرره وتحس ودها تنهي الموضوع بسرعه تخاف تضعف::لو سمحت خالد كلم فهد قوله يجي ياخذني؟؟
خالد هو يرفع حاجب::ليش؟؟؟
نوف::الي سمعته وياليتك تقوله يمر لامار يجيبها معه؟؟
خالد سحب نفس ::نوف ممكن نتفاهم؟؟
نوف انقهرت منه كل مره يقول كذا وش مفكر لهنا وخلاص ماعاد تتقدر اكثرقالت ::مابي اتفاهم ولاشي مشكور وفهمت كل شي وانتهى الموضوع سو الي قلتلك عليه وبس وكملت بعد ماشافت منه رد بصوت فيه عبره::كلم فهد بسرعه ابيه خله يجي ياخذني؟؟
خـــالد::نوف ماله داعي خلينا نتفاهم بهدوء افضل لك ؟؟
نوف بنبرة استهزاء::هاها ضحكتني قال نتفاهم قال,,طيب طيب بنتفاهم بس دق على فهد ؟؟
خالد وهو يعد بنفسه من واحد للعشر ه قال وهو يضبط اعصابه::نوف عدلي كلامك معي ولا ما
قاطعته وهي تبكي و تصرخ::وشتبي فيني هاه تبي تعذبني زياده ,ابشرك تعذبت كثير مشكور ياخالد ,,وكملت بنبرة استهزاء,,ولا خلصت من ريم وانا احتياط وهامش لك وكملت وهي للحين تبكي ::مدام انك تحبها ليش تزوجتني مو حرام عليك انت واحد اناني سامع انــــــاني وانا مو مضطره اعيش مع واحد مايفكر الابنفسه حتى انا مابيك ولااحبك اكرهك طيب ,,روح تزوجها ,,مابيك اطلع قالتها وهي ترجع راسها للسرير وتغطي وجهها,,

اما خالد كان مصدوم اول مره يشوف نوف كذا عارف انها مجروحه ,,
بعد سكوت دقايق وقف خالد وقال بصوت امر:: انا طالع ساعتين وتطلعين من المستشفى انا بروح البيت باخذ لامار لبيت عمي وانا الي بوصلك عندهم طلع وتركها,,,,,,,,,,,,,,,

رجع خالد للبيت ,,الى اللحين محد صحى فيهم,,طلع لغرفته ,,التفت على غرفة خالته,,تذكرت كلمته الاخيره..انا مخطوبه سحب نفس ,,كره تفكيره الي مووقته..دخل الغرفه واخذ لامار وطلع فيها لبيت عمه ,,
دخل وبيده لامار الي صحت من النوم بالسياره ::يالله روحي لجده..
ام فهد توها صاحيه واستغربت::هلا خالد وتقدم وسلم عليها,,
وكملت ام فهد::وين نوف؟؟
خالد::ابد نوف عندها موعد واختها للمستشفى ,,يالله تبين شي ؟؟
ام فهد ماصدقت وسايرته::لا الله معك..
رجع خالد للمستشفى ودخل غرفة نوف وشاف السستر تساعدها تقدم وهو يأشر للستر تطلع,,استغربت نوف يوم تركتها ,التفتت وشافت خالد يناظرها ومبتسم,,صدت عنه بخاطرها ممثل شاطر قطع تفكيرها صوته:::يالله نوف عجلي ؟؟
نوف كانت تحس نفسها كانها تترنح من التعب تحس جسمها ثقيل مره ماهي قادره تلبسه عدل ,,تقدم لها خالد وحست بيده تلبسها العبايه ,تحاول تبعد يده وهي تقول::انا اعرف البس مايحتاج تلبسني؟؟
خالد طنشها::ماعليه انا بساعدك عندك مانع..
نوف وهي معصبه مشت لقدام ::ايه عندي مانع وخر عني,,,
خالد عصب منها وطلع وقبل لايطلع قالها::انا بالسياره...

نوف ,,تحس من كثر الصدمه ,,مشاعرها له تبخرت,,ماقد خطر في بالها انه يحب وحده ثانيه ,,كرهت كل المشاعر الي اعطتها لواحد مايستاهلها,,كرهت نفسها لانها بيوم حبته ولامت نفسها الي تضعف قدامه,,طيب ليش تزوجني ,,كان قالي من البدايه,,انه يحب غيري,,,ندمت على كل نبضه نبضها قلبها له ,, ,,................................................ ..........

بهالوقت بالسياره ,,خالد وهو معصب ويهز برجله..والله الاخت صارت ماتتحمل مني شي بكيفها بالطقاق ,,موانا ماحبها وش يهمني ,خله تسوي الي تبيه ,,
بهالوقت شاف نوف واقفه عند البوابه وحرك سيارته وركبت نوف السياره بدون ولا أي كلمه,حرك السياره هدؤء مالي المكان,,نوف ودها تنام تحس نفسها تعبانه نفسيا وجسديا,,
خالد ويبي يعرف نوف وش ناويه عليه::نوف مصممه تروحين لبيت عمي الحين؟؟
نوف هزت براسها بأيه,,
خالد::ماعلق,,,
وصلوا ونزلت نوف وعلى طول دخلت ولقت امها كان ودها تضم امها وتبكي ودها تطلع كل الي فيها وكل الي كابتته طول الايام تريح نفسها شوي,,بس ماحبت انها تضايق امها بعد ماسلمت على امها وارتاحت ان لامار موجوده::يمه بروح انام مابغى أي احد يصحيني؟؟
ودخلت لغرفتها الي كانت فيها اول ,,غرفتها الي ياما بكت فيها ,,ويما ضحكت فيها,,وياما شكت لها ,,تذكرت رجعتها يوم مات زوجها ابو محمد,,رجعت لذاكرتها لورى,,
::يابنتي كلنا بنموت
نوف وهي تبكي::يمه بنتي شلون بربيها لحالي شلون كيف,,
::كلنا موجودين يانوف,,

..رجعت لواقعها.. ابتسمت بألم وهي تناظر الغرفه هذا انا رجعتلك بس بظروف ثانيه,, ياليتك ياخالد بطيبة ابو لامار,, فكرت يالله الحب شي من الله ,,اولا واخيرا خالد ماحبني وهذا شي غصبا عنه,,وانا ماقدر اعيش مع واحد مايحبني,,ابتسمت تذكرت نفسها وهي تقول باكسبه ,,يامسيكينه يانوف الرجال ماكان يفكر فيك ابد,,عايش معك بس تفكيره مع غيرك ,,تفكيره عندها,,انسدحت على السرير ’’غمضت عيونه,,ومر الشريط حياتها مع خالد.. تذكرت اول يوم زواجها,,يوم تركها ونام وهي مستغربه منه شلون معرس ينام ويترك زوجته,, ,,تذكرت ايام اسبوع عسلها,,وضحكت على نفسها ,,عسل,,نزلت دمعه,,تذكرت شلون مايتكلم معها ولايرد عليها ,,ولايناظر فيها ,,ويعاملها برووود يذبح ,,ويعصب على اتفه الاسباب تذكرت شلون يصدها لتقربت منه ,, جاها صوته بأذنها انا مومقتنع فيك ,, تنهدت بضيق اللحين عرفت السبب ,, الله يسامحك ياقلبي علقتني فيهز. صحيح اوقات يكون فيها حنون غمضت عيونها وابتسمت,, ,,تذكرت اخر ايامها معه,,ودي اشكره عليها على الاقل اذكر ايام حلوه معه,.............................................. ...........................

في بيت ابو خالد,,
رهف صحت وماحصلت نوف موجوده عصبت قالت اكيد راحوا ,, اتصلت عليها وماترد بعدها اتصلت على خالد وهي معصبه وبدون مقدمات:: ليش رحتوا!!!!
خالد وهو يضحك"::وش فيها عمة ولدي معصبه؟؟
رهف مانتبهت لكلامه::وين نوف ليش خذتها كان جلستوا لحد ماتطلع من الدوام..
خالد ابتسم::طيب ماتبين تباركلي؟؟
رهف استغربت:على ايش؟؟
خالد::اقولك بتصرين عمه؟؟
رهف نطت من مكانها:::صحيح نوف حامل؟؟
خالد::ايه حامل,,
رهف::طيب امي تدري..
خالد::لا ماتدري...
رهف بفرحه::اوكيه بروح ابشرها,,مع السلامه........................................... ...

انتشر الخبر في العايله عن نوف وحملها ,,اما من جهة ريم حست السالفه فيها ان ,,قالت لنفسها لازم اقابلها واكلمها ,,,,,............................................. .......................

بعد مرور يومين,,
في بيت ابو فهد
كانو الكل جاي عندهم ام خالد ورهف وام راكان وبناتها,,
نوف سلمت عليهم وحست بشي يحرق قلبها يوم جت عند ريم تسلم,,رجع صوته باذنها وكانه جنبها,,سلمت بسرعه وصدت,,بس صوت ريم كان اسرع::نوف ممكن شوي؟؟
نوف خافت تقول شي يجرحها زياده قالت بصوت واطي::فيه شي بعد ماعرفه؟
ريم مسكت يد نوف وطلعتها عن المكان الي هم فيه بدون لاحد يحس فيها::نوف انتي فاهمتني غلط والله يشهد علي مافكرت اوافق على خالد
نوف برود::ليش ماوافقتي تبينه يطلقني ولايهمك ابشري,,
ريم برجى::نوف واقسم بالله اني ماحبه ولايهمني,,
نوف بنفس البرود::ماعاد يهمني واذا تبينه اخذيه تهني فيه!!!!
ريم عصبت::لو سمحتي يانوف انا اساسا مخطوبه طيب وانا راح افهمك اذا تبين,,
نوف ::وش تفهمني وش تبغين تقولين..؟؟
ريم ::الي بقوله لك لاتخسرين خالد,,ترى خالد انسان طيب,,ويعلم الله اني احبك يانوف من كل قلبي ومابي تاخذين عني فكره غلط او تكرهيني وربي وربي خالد مابيني وبينه شي ,,وتركتها وطلعت,,,.......................................... ..................
بعد ماراحت ريم,,نوف صدقت كلامها حست انها ماتكذب ,,بس ماغيرت رايها ..يكفي سمعت كل شي باذني,,حالد يحب ريم مايحبني.. يمكن ريم مالهاذنب,, بس خلاص خالد انتهى من حياتي محطه وقفت,............................................. .....................
في بيت ابوخالد..
ام خالد::والله مدري وش اقولك كلم ابوك ؟؟
::يمه اخاف ابوي مايوافق ابيك انتي تكلمينه؟؟؟
::بصراحه بهالشي مالي شغل بينك وبين ابوك تفاهم معه..
::يمه ضروري ارد على الولد قلتله اسبوع وارد لك..
::طيب توكل على الله وقول لابوك ؟؟؟؟؟
نايف هو يمسك شعره يفكر شلون يكلم ابوه ,,لازم اكلمه انا حلمي يكون عندي معرض سيارات ,,قام وطلع وهو حازم انه يكلم ابوه بأقرب وقت....







بعد مرور اسبوع....

دخل عليهم شهر رمضان ..خالد اشتاق لامار اسبوع ماشافها ,,قرر يروح يشوف اخرتها معها,,
ام فهد كانت مستغربه من جلست نوف اسبوع..بس نوف تصرف قايله لها ابي ارتاح عندكم ,,
ولامار تسأل عنه على طول ةتبكي تصرفها مرات ومرات تصرخ عليها............................................. ...................
في بيت ابوفهد,,
يرن الجرس الساعه 11,,
استغربت نوف مين جاي هالحزه ولابذات ا الناس رمضان,,طلعت تفتح الباب تشوف مين,,
وتنحت يوم شافت الي دخل قبل لاتوصل للباب خالد وهو مبتسم::عارف مافيه احد اللحين يفتح الباب الا انتي,,
نوف هنا لفت ومشت ماتنكر يوم شافته حست بفرحه شي بداخلها غصب عنها تكره مشاعرها الضعيفه قدامه ,,صرخ خالد::نوف لما اكلمك لاتلفين وتعطيني ظهرك ,,
نوف لفت عليه وقالت::اوه سوري خالد تفضل حياك..
خالد بخاطره لازم امسك اعصابي عشان اقدر اتفاهم معها::طيب ماودك ندخل المجلس ترى الشمس احرقتنا,,
نوف وهي تدخل::حياك وبخاطرها احسن خليني انهي كل شي واقوله قراري..
بعد مادخلوا ,,
خالد بشوق::وين لامار؟؟
نوف برود::نايمه,,
خالد:: اها طيب نوف انا خليتك اسبوع عشان تهدين واكلمك ونتفاهم؟؟!!!!!
نوف بنظره بارده مصطنعه::وش تكلمني فيه؟؟
خالد ملاحظ برودها ::ابيك تنسين هذاك اليوم؟؟؟؟؟؟؟؟؟؟؟؟؟!!!!!!!!!!!!!!!!!!!!!
نوف وقفت وهي تقاوم دموعها وبنبره حاده::انت وش شايفني لعبه عندك ,,ولاوحده ممسوحه كارمتها,,متى مابغيت قلت لي انسي ,,كلمه تقولها سهله ,,بس لاياخالد الي مايبيني مابيه,,
خالد وهو جالس على الكنب وكتف يده ::يعني والحل؟؟
نوف وتحس لسانه ثقل::طلقني؟!!!!!!!!!!
خالد وهو يفتح عيونه على الاخر::نعم وش قلتي؟؟؟؟؟
نوف بأصرار::ياخالد انا مابيك طلقني؟؟؟؟؟
خالد وهو يريح نفسه على الكنب ::دوري غيره لاني ماراح اطلق؟!!!!!
نوف بعصبيه ينرفزها متناقض مزاجي بس خلاص الى هنا وبس::وشتبي بوحده انت ماتحبها ولاتبيها وكملت من ورى قلبها طبعا,,وهي بعد صارت ماتحبك ولاتبي قربك يعني الشعور متبادل انا صرت اكرهك عفتك فاهم,,,
خالد حس كلامها جاه بالصميم حس شعر جسمه وقف::طيب انتي تكرهيني براحتك انا ماكرهتك وارجع واقولك طلاق مافيه,,
نوف وهي تحس ماتقدر تكمل معه ::ياخالد اذا خايف على رجولتك انك طلقت بنت عمك ويزعلون فلا تخاف بقولهم انا الي ابي الطلاق ولا راح اقولهم وش السبب,,,,,
خالد هنا نط الشرر من عينه وقف قدامها::رجال غصبا عنك تفهمين؟؟؟؟
نوف هنا خافت يوم شافته يمسك ذراعها بقوه::طيب فك يدي
كمل خالد وهو للحين ضاغط عليها وعيونه احمرت من العصبيه::ولا الي في بطنك ماثبتلك هالشي؟؟؟؟؟؟؟؟؟
نوف وندمت على كلامها ودموعها خانتها::خالد تبي تعذيبي زياده ياخالد انا وانت مانصلح نعيش مع بعض انت ماتحبني طلقني وارتاح وريحني..
حالد فكها وصد عنها وده يمسح دموعها بيده ::نوف اسمعيني,,صحيح انا كنت ناوي اتزوج ريم ,,وكنت احبها,بس عطيني فرصه و اثبتلك اني بتغير؟؟
نوف وهي تحط عينها بعينه بنظرة عتب:: الحين اعطيك فرصه يوم شلت الامل من ريم..
خالد وفعلا مايبي يخسر نوف قال برجى::نوف عطيني فرصه وماراح تندمين عشان لامار وعشان الي بطنك؟؟؟
نوف وخايفه تنجرح اكثر::خالد اسفه ماقدر طلقني ؟؟
خالد عصب ::نوف انا بطلع وفكري على اقل من مهلك وطلاق مستحيل لو تعيشين بجحيم طلاق مافيه سامعه ,,وطلع وتركها.............................
طلع خالد وهو معصب ماقد عصب كثر هاليوم ,,من جدها تبي الطلاق ,,والله لوايش ماطلقك يانوف ,,انا مابي اطلقها............................................ ....................
نوف اول ماطلع جلست على الكنب ,, تحس بشعور حلو ودها تشيله,,لان خالد اصر مايطلقها..بس هو مايحبك...بس عشان عمي وابوي مايبي يطلقني,,ولاهو مافكر فيك ابد..اقنعت نفسها ,,وقراري لوايش ماغيرته........................................... ..........

في بيت ابو خالد..
دخل نايف عند ابوه بالغرفه,,كان توه مخلص قرايه من القران ,,وهو يبوس راسه::تقبل الله طاعتك..
::اجمعين..
نايف وهو يجلس بالكرسي قابل ابوه ::يبه بغيت اكلمك بموضوع ؟؟
ابوخالد حس ان ولده جادلانه حك راسه وهو مايحك راسه الي يبي شي::خير وش موضوعك؟؟
::يبه اتفقنا انا وصديقي نسوي لنا مشروع؟؟؟
::مشروووع؟؟
نايف مارتاح لتعابير وجه ابوه::ايه مشروع ان شاءلله مضمون وناجح,,
ابو خالد::وان شاءالله وش مشروعه؟؟
نايف عصب بداخله حس ان ابوه مو عاجبه كلامه::معرض سيارات!!!
ابو خالدوهو واثق بولده وعقله تجاري وذكي بس قال//بدري عليك تسوي لك مشروع وماعندك خبره كافيه لهاالشي؟؟
نايف برجى::يبه انا مو لحالي بيكون معي محمد وهم عندهم خبره وانا بكون شريك معهم ,,
ابو خالد مرتاح ومطمن لكلامه بس فيه شي بداخله يرفض::ولو توك على المشاريع عظامك طريه؟؟
نايف::ليش يا يبه؟؟
ابو خالد::خلاص يانايف انسى الموضوع مشروع مافيه..
قام نايف وطلع وهو مقهور يحس تحطم كل احلامه الي بناها,,يعشق الشغل والمشاريع من هو صغير دايم مع ابوه,,يحس انه ادمن ويبي يكون له مشروع لحاله,,وحلمه يكون معرض لسيارات.......................................
طلع وبوجه رهف وحست انه متضايق لحقته وقفته::نايف شفيك..
مامداها تكمل صرخ عليها::وخري عني مو فايق لك ولاابي اجرح صيامي,,
تركته وهي مستغربه,,مو بالعاده نايف يعصب ,,دايما ياخذ كل شي بمزح,,بس اكيد فيه شي قوي خلاه يعصب....



::يايمه اقولك رافض يقول توك مو قد المشاريع,,
::خلاص مولازم
نايف للحين حاط امل ::يمه والله ودي يكون لي معرض سيارات وبعدين مضمون بكون ناجح يمه اقنعيه وخليه يعطيني راس لمال...........
ام خالد اقتنعت كسر خاطرها::خلاص بكلمه لك
::يمه وش تنتظرين كلميه اللحين,,
::خلاص وعد اكلمه اليوم .......................................
____________________________
بعد ماطلعت نوف من المجلس انصدمت من امها الي سمعت كل شي,,,
::نوف طلاق مافيه شيليه من راسك؟؟؟
نوف وبدت تبكي::يمه هو كان عايش معي بس تفكيره عندها يمه هو مايحبني من بداية زواجنا مايتكلم معي وعلى اتفه شي يعصب ومعاملته بارده لي وانا حاولت معه بالطيب بس مانفع كملت بقهر تدرين ليه؟؟لانه يحبها ,,ليش ارجع له هو مايحبني ارجع اعيد الي فات ,,
ام فهد مو عاجبها حال بنتها مارتاحت لا بالاول ولابالثاني::يابنتي كل زوجين بينهم مشاكل وصدقيني الرجال يجي بالكلمه الطيبه..
نوف وهي للحين تصيح رمت نفسها على امها تبي ترتاح ::يمه والله حاولت معه ولا اكثر من مره خلا ص ماقدر اعيش مع واحد يحب غيري,,
ام فهمت وهي تضم بنتها::يابنتي محد بيرضى بطلاقك واولهم ابوك..
نوف وهي ماتتخيل ترجع ::يمه مستحيل ارجع له خلاص هذي حياتي انا مابي احد يدخل تكفوووون وطلعت .................................................. .....................


في بيت ابو خالد
:نايف وهو طالع من البيت وهو متضايق ومتكدربعد ماعرف من امه ان ابوه رافض وقفه صوته وهويناديه::هلا يبه,,
::خلاص فكرت وانا موافق على المشروع..
نايف بفرحه::الله يطولنا بعمرك يبه ,,ان شاءالله اعوضك باذن الله
::انا ماهمني كثر مايهمني انك تنجح وتتوفق..وانا واثق فيك يانايف
نايف ويحس انه بيطير من الفرحه::تسلم يبه وربي يخليك لنا,,
ابو خالد فرح لفرحة ولده::بس اهم شي تتفقون مع واحد ثقه,,,
::اكيد يبه محمد مضبط كل شي مع اخوانه وبنتفق مع واحد من المانيا .................................................. ..........................




__________________________________________________ ___________

انتشر خبر زعل نوف وخالد بين عايلتهم.. بس بدون ما يعرفون السبب ,,الا ام فهد,, وحاولوا يتدخلون,,بس خالد قال اتركوني انا بحل مشكلتي ولا ابي احد يتدخل فيني..خلكم بعيد عنها,,
_________________________________________


بعد مرور شهرين,,

نوف للحين عند بيت اهلها,,ابو فهد مو عاجبه وضع بنته ,,وكان دايم يكلمها ابوها,,تصرف ابوها تقول

اتركوني ارتاح عندكم اللحين وبعدين يصير خير,,

خالد كان تقريبا شبه يومي يزورهم عشان لامار,,ونوف ماتطلع له,,,,...




في بيت ابو خالد..

يوم الخميس
صحت ام خالد من نومها وتحس صدرها ضايق ,,تعوذت من ابليس وصلت ركعتين ,,واستغفرت ربها وارتاحت شوي ,,بس ماسرع مارجعت لها الضيقه,,,,,,,,,,,

نزلت رهف وسلمت على امها وجلست لاحظت امها سارحه::يمه وشفيك ؟؟
ام خالد ::سلامتك مافيني شي,,
رهف::اكيد يالغاليه..
ام خالد وتحس شي كاتم عليها::انتي وش عندك صاحيه بدري..
رهف::والله مدري كيف صحيت بدري مع اني مانمت الامتاخره..
ام خالد بخاطرها الله يستر من هاليوم::اخوانك ماصحو؟؟
رهف:خالد نايم,,ونايف مو بسريره ونواف موجود؟؟
ام خالد تذكرت فرحة نايف::ايه نايف طالع من الصبح عنده شغل ومبسووط قربوا يخلصوا اتفاقهم بالمشروع ويبدون فيه؟؟
رهف::الله يوفقه,,وكملت::يمه نوف وخالد الى متى بيبقون على كذا؟؟
::والله مدري هذي نتيجة الزواج بغير قناعه,,
رهف::بس تتوقعين و ش السبب؟؟
ام خالد وهي تتذكريوم كانوا نايمين عندهم وبعدها صحت ومالقتها ومن بعدها وهي عند اهلها حست ان السالفه فيها ريم::الله العالم شي بينها وبين خالد وان شاءالله بتحل,,
رهف::يارب يحلون مشكلتهم احس شي نلقص مهما نجتمع............................................. ..
في بيت ابو فهد..
كلهم مجتمعين بعد ماتغدوا وخلصوا ,,ابو فهد بحزم::نوف شيلي اغراضك بوديك للبيتك !!!!!!
نوف ناظرت ابوها بخوف:________
ابو فهد::بسرعه يانوف جهزي نفسك؟؟
نو ف ودموعها نزلت لانه تعرف ابوها لاحط شي براسه قربت لعنده ومسكت يده برجى::لايبه تكفى الا هالمره خلني على راحتي ,,,
ابو فهد كسرت خاطرها حس ان بنته مجروحه::يابنتي عاجبك حالك صارلك شهرين هنا خلاص مايصيركذ,,
نوف برجى::يبه الله يخليك ,,تزوجت ابو محمد باختيارك وماعارضت,,وخالد نفس الشي ,,هالمره لاتحرمني من راي انا الله يخليك يبه,,,,
ابو فهد وهو يهديها بيده""طيب وش الي ريحك يابنتي؟؟
نوف بحزم وهي تمسح دموعها::الطلاق يبه ابي اتطلق!!!
ابوفهد بهدؤء::نوف طلاق ماراح ارضى لو انا ماحبك ومابيك كان قلتلك تطلقي,وطلع وتركها,,,,,

نوف شايله من راسها انها ترجع له مهما يصير ,,وقامت وهي تقول الحمدالله عدت على خير............................................... ...............
_________________________________________

في نفس الوقت في بيت ابو خالد,,

نزل خالد من الدرج وهو يركض برى طالع وماعليه لاشماغ طالع بقميص النوم ,,ولاحتى سلم على امه ولونه منخطف,, خافت ام خالد ورهفا وناظروا بعض............................................... .................................................. .....



نهاية الجزء الخامس عشر’’

 
 

 

عرض البوم صور yasmine   رد مع اقتباس
إضافة رد

مواقع النشر (المفضلة)

الكلمات الدلالية (Tags)
بقلم حزني الظامي, روايه مكتوب بحياتي ورضيت فيه الكاتبه حزني الظامي, قصه مكتوب بحياتي ورضيت فيه
facebook




جديد مواضيع قسم القصص المكتمله
أدوات الموضوع
مشاهدة صفحة طباعة الموضوع مشاهدة صفحة طباعة الموضوع
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:22 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية