لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-06-09, 08:26 AM   المشاركة رقم: 6
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء السادس
في السياره بعد ماطلعوا من الشقه

كانوا في البدايه ساكتين ونطق خالد::اقول نوف؟؟؟؟؟
نوف الي فرحت انه بيتكلم:هلا
خالد:انتي دخلتي كليه ولاجامعه؟؟؟
نوف بحزن::لا!!
خالد::ليش؟؟؟؟
نوف بألم بدون ماتبينه::ماكملت الثانويه!!..
خالد وتذكر زواجها الاولي::اها طيب لاي صف وصلتي؟؟
نوف::خلصت اول ثنوي..
خالد::طيب ليش ماتكملين؟؟؟
نوف بأستعجاب::اكمل!!!!
خالد:ايه كملي انتي توك صغيره ادرسي وادخلي الجامعه...
نوف::مادري بصراحه ماقد فكرت ..
خالد::فكري,, واذا تبين تدرسي انا ماعندي أي مانع,,
نوف:: إن شاء الله,,
وعم السكوت مره ثانيه وصولوا البيت ونزلها وقبل لاينزلها قال::يالله انا بروح تبين شي؟؟
نوف كان على طرف لسانها وين بتروح بس سكتت,,
ضحك خالدلان فهم قصدهاوقال::بروح لواحد من اخوياي,!!!!
نوف بخاطرها وش بيقولون طالع وتارك زوجته ورايح لصديقه بثاني يوم::الله يحفظك مع السلامه..
خالد بأبتسامه::ويحفظك..
ونزلت نوف ودخلت البيت على طول نطت عليها لامار وبدت سين وجيم,,
خالد بالسياره هو يكلم بالجوال:
:شخبارك ناصر
:هلا والله بالمعرس الحمدالله انا بخير انت شحالك؟؟
خالد::الحمدالله بخير وينك فيه!!
ناصر::ابد قاعد بالمقهى,,
خالد::حلو بجيك!!
ناصر::معرس وبتجي للمقهى والله ماعندك سالفه,,
خالد بأستعجال::اخلص بأي مقهى؟؟
ناصر:مقهنا المعتاااااااد!!
خالد::يالله دقايق وانا عندك..
ناصر::انتظرك..
(ناصر صديق خالد من ايام الجامعه لهم سبع سنوات يعني يرتاح له ومرات اذا ضايقه شي يتكلم له))
وصل المقهى وبعد ماسلموا على بعض::
خالد::الله وش عندك جالس لحالك وين الباقي,,؟؟
ناصر::خبرك عطله وكل لاهي ومأجز وقلت اجي اتابع المباره واتسلى شوي..الاقلي شخبار العرس تنصحني اقدم على هالخطوه,,
خالديصطنع الجديه::انت لاولله لاتقدم عليها,,
ناصر:افا ليش؟؟
خالد::والله راحم هالمسكينه الي بتاخذك..
ناصرمسوي مظلوم ::الله يسامحك ياخوي ,,المهم بشرني إن شاء الله مرتاح,,
خالد بتصنع:الحمدالله,,
ناصر هو عارف انه ماكان مقتنع بهالزواج والي واضح من وجهه انه للحين مو مقتنع::شوف ياخالد انا بقولك شي انت ربي كتب لك هالزواج وحطلك هالبنت بطريقك يمكن ربي كاتب لك الخير ويمكن سعادتك معها وبعدين هي بنت عمك واهم شي انك ماتظلمها,,وا لحب مايجي الابعد الزواج صدقني اكيد طعمه غير ,,
خالدبنص عين و بأبتسامه:ليش مجربه لايكون متزوج مسيار,,
ناصر هو يحط يده على ذقنه ::تقوله والله فكره حلوه زواج مسيار اريح,, تصدق دخلتها براسي,,
ضحك خالد على ناصر وحس انه ارتاح لكلامه ,,بس بيقتنع او لا ماندري,,
في بيت ابو فهد
,,كانت العزيمه حلوه والكل انبسط فيها من قرايب وجيران وكانت الجمعه حلوه وبعد مانتهت العزيمه والكل رجع لبيته,,
ونزلت نوف من فوق وراحت للمجلس بعد مانومت لامار لقت فهد اخوها مع خالد,,
فهد::هلا والله وش هالزين ,,
نوف كانت لابسه تنوره بيضاء غجريه وبدي ناعم وفاكه شعرها قاصته تدريج من تحت لانها ماتحب تقصص بشعرها كثير وسادله نصه على اكتافها والقدله حاطتها قصيره و مايله طالع شكلها هادي وحلو..
خالد كان يناظر بوجهها صحيح ملامحها عاديه بس فيها بساطه حلوه اويمكن خجلها محليها انتبه لها وهي تبتسم لفهد لاشعوريا ابتسم معها فيها شي حلو ناظر بجسمها مناسب مع طولها يابساطتك وياحلو حياك,,
رفعت عينها شافته يناظرها على طول رجعت تسولف مع فهد كانت نظرته غريبه بالنسبه لها حست بحراره بجسمها وقطعهم خالد::يالله نوف مشينا ترى بكره ورانا سفرالساعه 6المغرب!!
نوف تضايقت::سفر!!
خالد::ايه يالله عشان يمديك تجهزين اغراضك ,,
نوف:انا مابي اسافر؟!
خالد:وشو هو على كيفك..
فهد ماحب طريقة كلام خالدوماحب يقول شي واستأذن وطلع::
نوف بصوت واطي :لا مو كذا انا ماودي اسافر؟!!!
خالد بعصبيه ويبي يطلع حرته شوي::اجل انا الي ودي على بالك ميت ابي اروح ولا وشو ,,!!شوفي نوف انا لاقلتلك شي تقولين طيب فاهمه وكمل هو يقوم ,,انا بالسياره,,
طلع وترك نوف مصدومه بكلامه ’’وش يقصد بكلامه يعني هو مايبي يروح ,,مسكت نفسها لاتبكي اخذت عبايتها وسلمت على اهلها وطلعت,,

خالد كان طول الوقت بالسياره جالس ويهز برجله ويده على الدركسون ,, ,,والله على بالها ميت عليها,, ولاوتقولها بقواة عين مابي اسافر,,,(مع ان الموضوع مايستاهل كل هالعصبيه بس تفريغ الايام الي راحت وسكوته طلعها بوجهها بدون تفكيرفيها ابدااااوان مالها ذنب كانه يدور الزله ))

ركبت السياره طول الطريق ساكتين وكل واحد في داخله كلام نوف عينها على الدريشه وسرحانه ,,معقوله كان يقصد الكلام الي قاله ولاكان معصب ,,بس انا ماقلت شي عشان يعصب ..ياربي قهرني بطريقة كلامه معي قدام اخوي فهد ,اف ياخالد عليك مزاج غريب,,,,,



دخلوا الشقه وعلى طول خالد راح للغرفه وفصخ ثوبه ولبس بجامته ودخل تحت الفراش ,,

نوف جلست بالصاله تفكر شلون يعني بنقعد زعلانين من ثاني يوم مايصير,,خلني اروح اعتذر منه واوضح له ليش مابي اسافر,ومع ان المفروض هو الي يعتذر بس شكله مو ناوي,,

دخلت للغرفه شافته مغطي وجهه بالفراش اخذت لها بجامة نوم ناعمه وسوت لها دش سريع وطلعت قربت للسرير ,, ,,دخلت نفسها بالفراش بهدؤء,, ياربي اصحيه,,اخاف يكون نايم و ينزعج ,,خلاص بخليها بكره ,,

خالد كان حاس بكل حركة نوف,,اعوذ بالله وش الي يخلني اعصب ..طيب ماتبي تروح بكيفها ,ماكان له داعي اعصب تبي ولا ماتبي وانا وشدخلني افقد اعصابي واتعب نفسي,,

نوف حست فيه يتحرك كثير جلست وقالت بصوت واطي::خالد خالد.......يوه مارد شكله نايم ,,كانت بترجع تنام ,,حط يده على يدها :بغيتي شي..
نوف سحبت يدها بهدوء::بغيت اقولك اسفه ماكان قصدي اخليك تعصب,,
خالد::حصل خير,,
نوف::انا مابي اسافر علشان لامار ماودي اتركها ,,
خالد الي حس تصرفه كله غلط بغلط قام وجلس::نوف ماراح نطول كلها اسبوع لمكه وراجعين وإن شاء الله بنجيب لامار هنا ,,
نوف::يعني فهمتني موزعلا ن مني..
خالد هو حاس بتأنيب ضمير ::لا مو زعلان وانا بعد مابيك تضايقين مني ويالله نامي عشان السفره بكره,,
نوف ابتسمت وحطت راسها على المخده وهي مرتاحه انه انتهى اليوم وهم راضين على بعض ,,
وخالد حاس نفسه مشتت وضايع ومايدري لوين بيوصل,,


صحت الصباح وبعد مافطروا جهزت الاغراض وحطتها بالشنطه وراحت تبي تجهز اغراضه بس هو رفض قال انا بجهزها حاولت فيه بس قال لاطلبت منك سويه سكتت بعدها ,,وطلعوا وراحت عند اهلها وقبل لاينزلها اخذ رقمها(توه يفكر ياخذ رقمها)مر الوقت سريع......
قرب موعد الطياره ولازم يروحون للمطار طلعت بعد ماسلمت على اهلها طبعا بدون لاتدري لامار وركبوا السياره وتوجهوا للمطار,,,,,,,,,,,,,,,,,,,,,,




في الطياره


خالد كان يقلب بالمجله وتفكيره مو معها ابدااا ,,لو كنت متزوج ريم كان هذا حالي اكيد بكون مبسوط ,, الله يسامحك يايبه ,,,,

نوف حاسه بملل ,,ولاكاني جالسه جنبه ,وابد ماحكى ولا كلمه,الاكلمتين (,انتظري,,ويالله),,الكلام يالله يطلع معه ,,حطت راسها على الكرسي وغمضت عيونها تريح نفسها شوي ,,



بعد ماوصلوا على طول على الفندق دخل خالد وعلى طول انسدح على الكنب وراح بسابع نومه,,,
نوف بعد ماخذت دش وغيرت ملابسهاولبست لبس ناعم ورفعت شعرها هو مبلول بدون لاتجففه وحطت ميك اب ناعم ,بعدها طلعت للصاله وشافته نايم انقهرت كشختها راحت خساره,,, ناظرته ,شكله تعبان طفت النور وراحت للغرفه رتبت اغراضها واغراضه بالدولاب.. وجلست على الكنب,,رفعت رجلها لصدرها وضمتها..احس اني ميته من الجوع ,,وبدت الافكار توديها وتجيبها شوي بلامار وشوي بخالد وماحست نفسها الا هي بأحلامهااااااااااا...............
____________________________

في حايل

نوره::اخيرا انسه ريم بتصير مدام,,
ريم::توني ماصرت مدام مو الحين,,
نوره::صحيح هو كم مدة دورته ,,
ريم:: تقريبا سنه..
نوره::يعني بعد سنه بتكون الملكه...
ريم::ايه ملكه وزواج الحين بس خطبه ومانبغى احد يدري الابعد الملكه,,,
نوره::اها ,,الله يكتب الي فيه الخير بس مشاءالله الكل يمدح فيه...............................


صحت من نومها وهي تمسك ظهرها ..ناظرت الساعه ,,اف وحده وطلعت للحمام غسلت وجهها ,,وفتحت الدولاب ناظرت وش تلبس ,,جاء عينها على غميص النوم ,,مدت يدها بتلبسه بعدين غيرت رايها ,واخذت لها غميص قطني الى حد الركبه لونه اصفر,,حست بألم براسها من بكلة الشعر فكتها ,,وتركته مفتوح ,,وراحت للصاله شافته على نفس الوضع ,,ياربي نايم ,,وانا جوعانه,,رجعت للغرفه فتحت الثلاجه ,,شافت اشياء ماتنوكل على جوع,,بس مشت نفسها فيهم ..



خالد فتح عيونه ناظر الساعه وعلى نفس وضعيته مد يده للريموت وشغل التلفزيون ,,
نوف سمعت صوت تلفزيون ,,فرحت ,,اكيد صحى ,,وتقدمت للصاله وطلت براسها بحركه طفوليه وبأبتسامه::صباح الخير,,,
خالد بلم على شكلها بهالبس طالعه كانها اصغر من رهف اخته رد بأرتباك::هلا صباح النور نمتي ,,
نوف::ايه نمت توني صاحيه..
خالد:طيب تعشيتي!!!!!!!

نوف يستهبل هذا:لا ماتعشيت...
خالد حس ان سؤاله سخيف وعلى طول راح طلب واخذ له دش وشكلها وهي تبتسم بعيونه ولبس البجامه ودقايق الا الكل واصل,,
خالد::يالله سمي ,,قعدوا ياكلون هو يناظر الفلم ومندمج معه,,
نوف كلت وبعد ماكتفت::الحمدالله,,
خالد يناظر صحنها::ماكليتي شي,,
نوف::الا شبعت الحمدالله يعطيك العافيه.
خالد::الله يعافيك,,
قامت غسلت ورجعت جلست,,,, وخلص خالد اكله ورجع يتابع بالفلم ,,ياربي شلون يعني بنقعد ساكتين وبيتابع بهالفلم ملت صارلها تقريبا ساعه على الحال بدون ولاكلمه طفشت وراحت للغرفه ,,,
خالد هو بنص متابعته للفلم فقدها و استغرب حس انها تاخرت يمكن رجعت تنام,, قام و تقدم للغرفه وسمعها تكلم بالجوال وهي تضحك وتقول::الله يرجك لاحبيبتيي انا احسن منك انا حرم خالد......اكيد بيكون يسواه ويسوى عشرين من زوجك ,,وكملت الف مبروك والله يوفقك ياساره وعقبال الزواج الكبير ’’

خالد رجع للصاله وجلس على الكنب.. وكلمتها وصوتها وهي تضحك وتقول انا حرم خالد بأذنه ,,حس لها تاثير عليه ,,بس ماسرع ما حاول يقنع نفسه اكيد وين بتلقى واحد مو متزوج ,,وياخذ وحده عندها بنت ,,,,,,

بهالوقت دخلت نوف وجلست ,,طبعا هدوء مافيه الاصوت التلفزيون ,,نوف بداخلها تصرخ ,,احسس ملل مايسولف مايتكلم انا عروس قول شي ودها تقوم تنام بس قالت لنفسها مايصير يابنت عيب,,,,,,,,,,

خالد حس بنوف ياما نزلت يدها وياما رفعتها واضح انها ماله ,,طنش وكمل متابعته للتلفزيون,,

نوف قررت تقطع الصمت::حلو هذا الفلم اذكر تابعته...
خالد::اها تبين اغيره,,
نوف::لاعادي اشوفه مره ثانيه,,
خالد بدون مبالاه ولاتفكير بكلامه ويقولها برود ::اجل ليش قاعده تابعينه وانت شفتيه قبل,,
نوف ضايقها رده وحست انها مو مرغوبه ونفس الوقت بأحرج ردت بصوت مقطع::امم لا ع عادي عندي اشوف مرتين,,
وجلست شوي حاولت تقعد اكثر ماتبي تبين شي بس حست النفس ضاق عندها بالمكان حست انها مخنوقه واستاذنت وطلعت,,

اما خالد ماحط براسه شي ولا فكر بالي قاله,,,,,

دخلت الغرفه وعلى طول انسدحت على السرير ,,طلعت الي كابتته عنده ونزلت دموعها بكت وبكت ,,لحد ماغفت عينها,,




بعد ماخلص الفلم ,,قام ودخل للغرفه ,ووشافها واستغرب شلون نايمه كذا وبدون غطى والتكيف بارد مره,والانوار مفتوحه,,جلس على طرف السرير ,,جلس يتأملها ,,كانت متكوره على نفسها ونايمه شوي بالعرض ,,ناظر عيونها كانت مفتوحه شوي مأكانها نايمه..ونزلت عينه على فمها ,,وخانته يده على فمها ومرر على خدها بس سرعان ماوخر يده و هو يتعوذ من ابليس,,وشو ياخالد ليش تتعوذ هذي زوجتك,,
ويبي يبعد راتباكه هزها مع كتفها يصيحها ماحست فيه زاد من هزه وهو يقول::نوف
فزت نوف وهي مخترعه ::هلا هلا خالد ,, تبي شي..

خالد شسويت انا خوفتها::لابس بغيت اقولك انتي تبين تنوميني برى ولا وش السالفه,,

نوف براءه تامه::انـــــــــــا؟؟؟!!
خالد استانس على برائتها وكمل::ايه انتي !!!!
نوف صارت ترمش من الخوف::ليش ؟؟
خالد هو يناظر السرير::شوفي نفسك شلون نايمه كأنك تقولين ياخالد لاتنام هنا!!
نوف شوي وتبكي::لاوالله ماقصد خلاص وهي تاشر بيدها انا بنام هنا ,,
خالد قرب منها شوي وبصوت هادي:وين ماراح ترتاحين هذا بضايقك!!!!
نوف حست نظراته ماطمن::لا اقصد الي هناك وبلمح البصرا لي هي بالصاله,,
خالد جلس يتأفف استاهل هذا طريقه خوفتها ,,بس وينها هذي من جدها راحت تنام هناك,,براحتها هي الي بتندم,,دخل داخل البطانيه ونام

نوف مسكينه جالسه بالكنب وتحس برجفه خفيفه ,,اف ياربي لعب بأعصابي ,,بعد ماهدت شوي ,,انسدحت على الكنب ونامت ونظراته الي كانت بتاكلها اكل بعيونها,,,,,,,,,,,,,,,,
صحت من نومها ودخلت الغرفه بهدوء بس شافته صاحي ومريح راسه على السرير وتحاشت انها تناظره للحين مانست نظراته امس تحس خدودها ولعت يوم قال:مافيه صباح الخير,
نوف وهي تسوي انها مشغوله و تحوس بالدولاب::صباح الخير..
خالد ابتسم::صباح النور,,, وكمل بأستهزاء :شلون نومتك..
نوف بدون لاتلتفت::زينه..
خالد نزل من السرير وقف وتقدم لها وقف وراها بالضبط نوف تحس الدم وقف بجسمها حست انفاسه تحرقها حرق من قربه دنق عليها وهمس بأذنها::ليش تركتني ونمتي بالصاله,,!!..
نوف بحركه سريعه بعدت وهي تقول::اوكيه خلاص مانام بالصاله مره ثانيه ,,مع توترهادخلت للحمام وهي تقول مع السلامه,,
خالد فقع من الضحك من كلمة مع السلامه وقال بصوت عالي::وين طالعه برى الشارع ....................
خلصت نوف وطلعت وهي منزله راسها ودخل خالد هو يبتسم ,,وبعد ماطلع::انا بصلي وارجع القاك جاهزه بنطلع نتغدى برى,,
نوف::طيب..وراحت صلت وبعد ماخلصت كلمت امها: يمه والله اشتقتلكم,,و سمعت صوت لامار تبكي لانها عرفت ان الي بالجوال امها قالت نوف يمه عطيني اكلمها:الو لامار حبيبتي ليش تبكين..
لامار::متى تدين(تجين)
نوف الي ماتقدر تقاوم دموعها على بنتها: شويه بس وبجي وبعدين ماروح,,
لامار كانت بالبدايه يوم حاكت امها تتعبر وبعدين على صوت صياحها::ماما وينك ابي ادي عندك,,(اجي)
نوف وهي تمسح دموعها::لامار انتي تحبيني صح,,
لامار::ايه,,
نوف ::خلاص اجل لاتصيحين علشان مازعل طيب,,
لامار هنا عطت السماعه جدتها::هلا نوف لاتحاتين سكتت ,,
نوف::يمه اله يخليك حاولوا تلهونها عني هالفتره ,,
: إن شاء الله ,.,
:طيب يالله مع السلامه,, إن شاءالله يوصل,,

بعد دقايق دخل خالد حصلها جاهزه يالله مشينا وطلع وطلعت وراه وراحوا على مطعم ايطالي حلو وراقي وطلبوا وكانت القعده خاليه من أي كلام ,,وبعد ماخلصوا طلعوا على مجمع واخذت لها هدايا لاهلها ودخلت محل الالعاب للصغار وكان بهالوقت خالد واقف برى المحل رفعت عيونها وشافت بنت واقفه عنده هي نفسها الي كانت بالمحل الي قبل شوي كانت تحوس وعيونها مانزلت من خالد,,حست النار تحرقها وهي واقفه بدلع وغنج,,بس خالد اشر بيده دلالة روحي عني ,,نوف ماستحملت اكثر وطلعت لبرى المحل وسمعت البنت تقول لخالد كل هذا ثقل يعني..نوف دخلت يدها بذراع خالد ودخلته معها للمحل ..خالد بعد يدها وعطاها نظره حست انه معصب وقال بصوت حاد::خلصتي من المحل..
نوف::ايه خلصت..
وحاسبوا وعلى طول رجعوا الفندق وبدون لاينطق كلمه بالسياره,,
اول مادخلوا للفندق ومامداها تفصخ عبايتها الابصوته يوقفها وهو معصب ::وش هالحركه البايخه الي سويتها بالمجمع مدام نوف,,
نوف بلمت شوي تناظره,,
::تكلمي وش على بالك طرطور انا تجين تسحبيني ولا على بالك لامارواصغر عيالك انا,, ردي ليش ساكته,,
نوف تجمعت الدموع بعيونها ماتعودت احد يصرخ عليها وصوت مرتجف::انا مو قصدي ,,
وكمل كلامه ::اسمعي يانوف حركات بايخه مابغى إن شاء الله لو تشوفيني اسولف معها مالك شغل فيني ,,
نوف ماقدرت تمسك نفسها ونزلت دموعها من كلامه وعلى طول طلعت راحت للغرفه,,

خالد جلس بالصاله وهو متوتر ,,موقفي كان بايخ وهي تسحبني الناس صارت تطالع فيني .سحب نفس وشغل التلفزيون,,,,,,,,,,,,,,,,,,,,,,,,,,


نوف حالتها يرثى لها من كثر البكى ,,حاطه راسها على المخده ودموعها تنزل وهي ملتمه على نفسها,, ليش يعاملني كذا,,مره بارد,,ومره يعصب على اتفه شي ويرفع صوته علي ,,حتى كلام حلو مثل أي عروس تسمعه من زوجها اول ايام زواجهم ماسمعت,,يايزاعق ,,ولايـتامر ,والحين بس علشان سحبته سوى هذا كله ,,طيب مايفهم ان جن جنوني يوم شفتها واقفه عنده,,؛؛؛,,,,,,..................................




نهاية الجز السادس

 
 

 

عرض البوم صور yasmine   رد مع اقتباس
قديم 18-06-09, 08:46 AM   المشاركة رقم: 7
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء السابع,,

في بيت ابوخالد,و
رهف::يمه والله اشتقت لاخوي خالد,,
ام خالد::والله كلنا اشتقناله..
ابوخالد::كلها كم يوم بيرجعون إن شاء الله,,وكمل هو يقوم يالله انا بروح اصلي وارجع القاكم جاهزين,,
رهف بحماس::يوووووه يبه انا جاهزه من زمان,,
طلع ابوخالد وهو يضحك على بنته ,,
وكملت رهف::ياقلبي يالامار كل يوم بليل تبكي تبغى نوف,,
ام خالد::ام فهد تقول وحتى هي نايمه تسمعها تهذر بأمها,,,,,,,,,,,,,,,,
_________________________________
عند نوف وخالد
بالفندق
وينها هذي صليت وخلصت وطلبت وصل العشاء وهي مالها حس,, اروح اناديها تتعشى,, (عقد حواجبه )لايكون صار فيها شي لا لا ,,تحرك من مكانه بيشوفها بس غير رايه يمكن نامت,,ورجع لمكانه كيفها خلها متى مابغت تجي تجي,,



نوف بعد ماصلت وخلصت جالسه على السرير هذا مايحس مافكر ولا على باله مشغل التلفزيون وجالس .., شسوي ,,
قررت تطلع تتكلم معاه شافت نفسها بالمرايه حست عيونها منفخه شوي ,,حطت كحل تغطي شوي ,,وظبطت نفسها ,,وطلعت للصاله,,

خالد حس بحركتها وهي جايه له حس براحه غصب عنه ,,هو عيونه على التلفزيون ومعطيها ظهره وده يلتفت يشوف تعابير وجهها شلون متضايقه اوزعلانه للحين وبذات واضح انها تبي تتكلم بس متردده ,,غمض عيونه يوم سمع صوت شهقتها وهي تبكي,,التفت خالد بخفيف وعلى طول حطت يدها على وجهها وطلعت,,
نوف كانت بتتكلم بس حست بأحساس انها منبوذه او شخص كريه غير مرغوب فيه لانها من دخلت ما شافت منه ردة فعل او حتى التفت لها يعني ماكأنها موجوده,,,,,,,,,,

خالد ماتحرك ولاشي بس يهز برجله توتر من صوتها وهي تبكي ,,خلها تتأدب من كثر ماهو متوتر قام وطلع برى الفندق,,

كان برى الفندق والافكار براسه,,انا شكلي بجرم بحقي وبحقها , ,,خطر باله لو ريم سوت الي سوته نوف اليوم ,,بعصب عليها مثل ماعصبت على نوف؟؟...... وظلت عيونه رايح وجايه مع الي يرحون والي يجون بس تفكيره بشي ثاني ومع هالوضع ,,وصل لقرار,,بس قال لنفسه بدري عليه,,,,,,,

نوف بعد مادخلت للغرفه طلعت باقي دموعها ونامت,,,
في بيت ابو فهد
رهف::شرايكم نطلع للاستراحه؟؟؟؟
ام فهد::والله فكره حلوه بس الشور شور عمك وابوك؟
ام خالد::ماراح يعارضون نبي نطلع ننبسط ورهف لو طلبت ابوها على طول بيوافق ....
رهف::ايه بس مو الحين بعد مايجون نوف وخالد...
ام خالد:: إن شاء الله,,
بهالوقت قامت رهف بتطلع وبيدها لامار وقبل لاتطلع سألت:خاله فيه احد بطريقي,,
ام فهد::لاروحي امان فهد مو موجود طالع ,,
وطلعت رهف برى وكان الحوش مو مره كبير صغير كان فيه ورود على جنب حلووووه من قدام البيت قريب من الملحق جلست رهف تلعب لامار,,,,,,,,,,,,
فهد بهالوقت كان نايم بالملحق وقتها عرف ان عمه موجود فقال اكيد ام خالد ورهف داخل ومايبي يدخل ويحرجهم لان طريقه للغرفته يمر بالصاله وهو فيه النوم فدخل الملحق ونام فيه ,,بس صحاه صوت بنت تضحك استغرب ,,وتحرك من مكانه والانوار مسكره ,,وقف عند الدريشه ,,وانبهر من الي شافه ,,من هذي معقوله هذي رهف بنت عمي..جلس يدقق النظر فيها ,,وابتسم أيه هذي رهف ماغيرها,,بس تغيرت ,,رهف كانت لابسه برموده جنزغامق ,,وتيشيرت ابيض ,,ورافعه شعرها شوي ,,وحاطته على جنب,,صد عنها هو يستغفر ربه شلون سمحت لنفسي اناظرها ,,,
_________________________________
نرجع لخالد ونوف
دخل للفندق ودخل جناحه ومشى بخطوات ثقيله وجلس على الكنب ,,شغل التلفزيون قلب بالقنوات شوي طفش وسكره,,خذا نفسه ودخل للغرفه بدل ملابسه ونااااااااام,,
اليوم الثاني
في بيت ابو فهد..
ام فهد::هذي فكرة رهف..
ابو فهد::مدام رهف قالتها اكيد بنطلع,,
فهد الي فز من سمع طاريها واستغرب من نفسه:ليش اكيد يعني..
ابوفهد::عمك مدلعها من هي صغيره ومايرفض لها طلب..
ام فهد::هي البنت الوحيده بين اولاد اكيد بيدلعها,,
فهد يبيهم يتكلمون عنها اكثر::الحين هي بأي صف باول متوسط ؟؟
ام فهد وهي تضحك::وين اول متوسط مابينك وبينها الاسنتين ..
انحرج فهدلانه هو عارف بس يبي يتكلم عنها ..............

عند نوف وخالد
بعد مرور ايامهم واثقل منها مافيه ,,راحوا اعتمروا وتمشوا بجده بالمجمعات والمنتزهات ,,بس عشان خالد يبري ذمته انه بأسبوع عسل ولازم يطلعها بس بدون أي مناقشات شكرا وغيرها يعني كلام رسمي ,,ونوف كانت تحاول تتكلم شوي معه بس هو يختصر ملت وسكتت,,,,,,,,,
خالد كان جالس يطالع التلفزيون وهو متوتر ::بكره إن شاء الله طيارتنا على الرياض جهزي اغراضك ,,
نوف كانت لابسه غميص نوم لونه ابيض هادي طويل وفيه فتحه لنص الفخذ..::تبي اجهز اغراضك؟؟؟
خالد وللحين متوترداخليا :: الا انا بجهزها ,,
نوف على طول قامت دخلت وجهزت اغراضها وطنشت كلام خالد وجهزت اغراضه ,,وتوجهت للسريروقطت نفسها عليه بعد تعب مشي بالكورنيش ونامت بدون تفكير ولاول مره من جت هنا,,
دخل للغرفه وفتح الابجوره وشافها نايمه وبدون غطى بعد راح للدولاب ,,حست بحركته ,وفتحت عينها بشويش ,,شافته يفصخ على طول غمضت عيونها ,,وتوجه للسرير وجلس على طرف السرير,,شكلها تعبت اليوم ,,قرب عندها ودخل يده تحت ظهرها ..نوف توترت ..بس ماتحركت ,,سحب الفراش بهدوء غطاها وغطى نفسه وناااااااااام,,اما نوف سبت نفسها لانها ماغطت نفسها غمضت هي الثانيه عيونها وناااامت وهي تستنى بكره بفارغ الصبر,,,,


صحت من نومها بدرررررري وهي مبسووطه لانها اشتاقت لبنتها واهلها موت تحس انهم وووحشوها,,خذت لها شور وهي رايقه وجففت شعرها ورفعته كله فوق على شكل ذيل حصان ولبست برمودا بيج لفوق الركبه,,وتيشيرت ابيض علق ,,وماحطت مكياج ,,تعطرت وطلعت من الغرفه ,,

صحى من نومه ,,حس بصوت ,,صوت التلفزيون وهو عالي شوي وكان صوت اغنيه,, نزل من السرير وتوجه للباب ومشى بهدوء للصاله بدون لاتحس فيه,,وقف ,,وقفه شكلها و هو يشوفها ترقص بنعوووومه ومندمجه وتتمايل مع الاغنيه,, اغنية قول امين خالد بلم عليها ,,وهي ترقص التفتت وفجاءه وقفت عن الرقص يوم شافت خالد ,,حست وجهها صار اشكال الوان واشكال,,,,
اما خالدج للحين متنح من شكلها وهي ترقص طالعه روعه بهالبس موضح جسمها اكثر ,,بلع ريقه اكثر من مره ..وعشان يبعد سكوته الي يحس ماله داعي قال وهو يصفق بيدينه وبصوت فيه نبرة استهزاء ::برافو مشاءالله .. بالله بالله عيدي ,,
نوف نوف الي تحس من صوته انه يستهزئ ناظرت فيه وتجمعت الدموع بعينها وصدرها صار يطلع وينزل لايانوف لاتبكين يكفي الي بكيتيه ,,بس خانتها دمعتها ونزلت مرت من جنبه وطلعت للغرفه وخرب عليها مزاجها وفرحتها,,


خالد الي قبض يده لاحول رجعت تبكي ,, ,, ,,ولوهذا اسلوب احاكيها فيه,, ,,حاول يقسي نفسه ,,بس قال على الاقل تذكر شي هنا زين ,,

وفعلا دخل الغرفه وشافها واقفه عند البلكونه من داخل وسرحانه ,,قرب منها بهدؤء,,نوف كانت حاسه فيه بس مالتفتت,,ماحست الابيدينه تطوقها من ورى ارتبكت بس ماتحركت ولاعارضت قلبها دق بقوه تحس من قوتها بيسمعها’’
خالد حس براحه شوي من قربها قربهالصدره شوي وزاد من تطويقه لها وقال بصوت هادي ::نوف انا مرات اقول كلام ومافكر فيه اعذريني مو قصدي اجرحك,,
بعد سكوت ثواني على نفس الوضع ,,رفعت عينها له وقالت بغصه::ليش تعاملني كذااا؟؟؟؟
خالد دق قلبه من نظرتها فيها لمعه غريبه ماعرف شيقول حس بأحسايس كثيره منها رحمه كره عطف رغبه عدم اقتناع ماكن منه أي ردة فعل الا انه لف نوف عليه وباسها بجبهتها وطلع,,,,,,,,,,,,,,,,
________________________________

مر الوقت سريع بعد ماوصلوا للرياض ,,

ركبوا السياره وحركوا ,,
نوف شافت الطريق للشقه ::خالد بروح للشقه,,
خالد::ايه بروح للشقه وبعدين بروح لبيتنا كلهم مجتمعين هناك..
نوف لاراديا مسكت يده::خالد تكفى خلنا نروح لهم اول ,,؟؟
خالد حس من لمستها شي يمشي بعروقه رفع يده لورى شعره يصرف ربكته_:__________
نوف فقدت الامل وبس شافته عاكس الطريق انبسطت وبان من عيونها ,,ابتسم خالد شي بسيط وفرحها,,,,,,

وصلوا البيت وكان الترحيب قوي مرره اخوانه مع فهد وحتى لامار معهم من شافوا سيارة خالد وهم يضربون هرنااات انبسط خالد وحب يستهبل عليهم صار يروح ويجي على نفس الطريق وهم مستمرين وعيونهم عليه ..نوف ضحكت من قلب بصوت عالي شوي,,
التفت عليها خالد::مبسوطه خلاص اجل ماراح اوقف,,
نوف يوم شافت لامار عيونها وهي تناظرهم قالت بضحكه متقطعه::لا خلاص وقف,,
وقف بعدها خالد ونزلوا وخذوا خالد بألاحضان وعلى طول نوف نزلت وخذت لامار من فوق فهد ولامار كانت تضحك ومستانسه وضمت بنتها لصدرها ضمتها مشتاقه لها مشتاقه تنومها جنبها مثل اول مشتاقه لاصحت تشوف بنتها تطل بوجهها وتضحك لها ,,سمعت صوت اخوها ياهوه انا نسيتيني تراني اخوك الوحيد فهد ::ضحكت نوف من بين دموعها::احد ينسى تاج راسه,,ضحك فهد,,وسلمت عليه ودخلوا للبيت وبعد ماسلمت على عمها وابوها ,,وامها وام خالد ورهف وكان سلامهم حار
نوف وهي جالسه جنب امها وتبوس راسها ويدها::هاه يمه شخباركم ..
ام فهد وهي فرحانه لشوفة بنتها::والله بخير مشتاقين للك..
ام خالد:: إن شاء الله انبسطتي انتي وخالد
نوف وماتدري تحس جتها الضحكه انبسطت ايه حيل بس قالت::ايه الحمدالله مرررره انبسطنا خالد ماقصر ...
رهف::ايه انا احب اطلع مع خالد يونس الواحد لاطلع معه مو مثل نايف يغث ,,
نوف انجرحت بس ماحبت تبين::صحيح استانست معه الحمدالله,,
نوف وهي تناظر بنتها::لامار انتي عاقله ولا لا,,
لاماروهي تخش وجهها منهم بصدر امها::ايه بس صحت سويا(شويا) وهي تطلع لهم يدها وتاشر بطرف اصبعها,,
ضحكوا عليها ....ومر الوقت من سوالف وضحك الى اخر الليل,,,,,,,,,,,,,,,,,,,,,

دق جوال نوف شافت خالد يدق ::هلا خالد::
::اطلعي انتظرك انا عند الباب..
خالد كان ينتظرها عند الباب وهو حاس انه تعبان وده ينام وبألاخص بكره عنده دوام,,,


ركبت السياره وحس خالد انها تبكي,,
خالد::نوف شفيك؟؟؟
نوف::امي رفضت تخليني اخذ لامار..؟
خالد::ليش عيت؟؟
نوف::تقول خليها اسبوع بعدين خذيها بعدي ماشبعت منها,,؟؟
خالد::تبغين انزل اكلمها,,
نوف::لا لاتنزل خلها عندها امي كانت بحلقها غصه وعيونها دموع يوم شافتني بشيلها اتركها هالاسبوع عندها,,
حرك خالد بدون لايرد عليها,,,,,,,,,,,,,,,,,,,,,,,,,
صحت نوف بدري رتبت نفسها ودخلت المطبخ فتحت الثلاجه .. عمي ماقصر بشي حط لنا كل شي ,,
جهزت فطور لخالد اليوم دوامه وضبطت كل شي ,,سمعت صوت لمنبه ,,ناظرت نفسها بالمرايه,,كانت لابسه لبس بيت ناعم,,دخلت عليه والمنبه مستمر وخالد ولاعلى باله قربت للسرير كسر خاطرها ماودها تصحيه وااضح انه تعبان ,,فمه كان مفتوح ويده كل وحده بجهه ,,ابتسمت نفسي اعرف هالراس وش يفكر فيه,,
سكرت المنبه,,وهمست خالد خالد,,علت صوتها خالد خالد,, لامجيب..حطت يدها على كتفه وهزت :خالد ..مارد,, خافت
هزته مره ثانيه ونفس الشي ,,على طول جلست على ركبتها وصرخت خااااالد..
خالد قام مفزوع ::شفيك نوف..
نوف اول ماشافته صحى وللحين الخوف فيها::خالد انت تعبان فيك شي؟؟
خالد استغرب::لا شوفيني قدامك مافيني شي,,
نوف بسرعه وهي تقوم::ساعه النبه يدق وماصحيت وصحيتك وهزيتك كذا مره ولارديت,,
خالد قلبه عوره::خفتي علي؟؟؟
نوف سكتت شوي وماعرفت شتقول وصرفت::ترى جهزت فطورك بسرعه لاتتاخر على الدوام..
خالد عرف انها تصرف وقتها كان وده يعرف في البدايه ماهتم بس يوم شافها سكتت مايدري ليه جاه فضول يشوف ردها ,,وقام فطر وطلع للدوام,,

في الشقه,,الساعه 7باليل

نوف جالسه بالشقه ماهي حله هذي هذا سادس يوم من جينا وهو من الدوام واذا رجع تغدى ونام وعلى طول يطلع عند ربعه ولا اهله ,,,تنهدت خلني اكلم ساره ,,وخذت جوالها ودقت عليها,,ماسمعت الاصرختها,,
:أي ساره فقعتي اذني,,
:ضفي يالخايسه اخبارك؟؟
نوف:: بخير,,انتي شلونك بعد الملكه؟؟
ساره::الحمدالله مبسووووطه...
نوف::الله يوفقك ويهينك,,
ساره::نوف بشريني عنك مرتاحه مع خالد..؟
نوف تنهدت::والله مدري وش اقوللك..؟
ساره::ليش شفيك؟؟
نوف ودها تفضفض ::مدري والله موعارفه شعوري شلون,,
ساره::شلون انتي تحسين انك مرتاحه وانتي معه ولا مو مرتاحه؟
نوف::مدري بس تعامله معي ,,مايكلمني كثير يعني مثلا اذا كلمته يرد بكلمتين ويسكت واوقات يعصب على اتفه شي وكأنه كانت بتقول كأنه مجبور علي بس سكتت’’
ساره::كأنه وشو؟؟
نوف::مدري اقول خليها على الله وبس,,
ساره::انتي تحسين انك حبيتي خالد::
نوف تحس سؤاله جاها على الوترسحبت نفس ::مدري؟؟
ساره::شلون ماتدرين هذا شي سهل حبيتيه اولا..؟؟
نوف وهي عارفه اجابتها وعيونها غرقت::احبه والله احبه ,,
ساره وحست صوت نوف تغير وبصوت هادي::نوف حبيبتي وين المشكله::
نوف::هو هو ياساره احسه مايحبني مو متقبلني مادري ليه ,.
ساره::نوف ياحياتي الرجال بطبعه مايتكلم كثير لاتفكرين انه ماتكلم معك مايحبك,,
نوف::انتي ماتشوفينه يصدني مايتكلم معي تخيلي كلام حلومثل معاريس توهم متزوجين ماسمعتها منه هذا اقل شي,,؟؟
ساره::اسمعي نوف الي بقوله لك انتي اكسبيه بطريقتك وبعدين توكم بالبدايه لاتحكمين,,
نوف:_____
كملت ساره:: يمكن هو مايعرف يعبر عن مشاعره وانتي زوجته اكيد يحبك وصدقيني يا نوف الكلمه الطيبه تغلب مهما ايش تغلب ,,
نوف بعد مارتاحت لكلام ساره::اوكيه يالله اخليك..
ساره::يالله مع السلامه,,
نوف::مع السلامه...............................

في نفس الوقت في بيت ابوخالد,,
ام خالد استغلت الفرصه لانها جالسه مع خالد لحالها::هاه ياخالد مرتاح مع زوجتك؟؟
خالد وللحين في شي براسه يدور بس قال تو بدري::ماشي الحال الحمدالله,,ويبي يضيع السالفه::صحيح بتطلعون للاستراحه الشهر الجاي؟؟
ام خالد:: إن شاء الله اكيد رهف قالت لك؟؟
خالد::ايه ولاتقول بعد جهزوا نفسكم يعني مقرره وخالصه,,,......................................... .
في الشقه الساعه 11:30بالليل
دخل خالد وشاف الصاله مافيها احد وانوارها مسكره غريبه وينها بالعاده تنتظرني هنا ,,شكلها نامت,,راح للغرفه سمع صوت التلفزيون من داخل الغرفه..مايدري ليه ابتسم ,,دخل الغرفه وشافها سانده راسها على السرير وتتفرج على التلفزيون ,,نوف كانت لابسه بجامة نوم وتاركه شعرها مفتوح ,,
تقدم خالد عندها::مساءالخير,,
نوف::هلا خالد كانت بتقوم من مكانها بس حط يده على كتوفها ارتاحي مابغى شي ,,
نوف طفت التلفزيون وقالت هذي بجامتك جاهزه ماهتم خالد لكلامها وجلس على السرير وقرب منها نوف فزت على طول وهي تاشر بيدها::بروح اجيب شي نسيته هناك..
خالد هو يتافف بداخله لاحول جلسها وهو يقول:: مولازم تجيبينه,,
نوف:هذا شي مهم لازم اجيبه,,
خالد وقربها منه وقال بصوت يذوب القلب وهو يلعب بأذنها وشعرها:اهم مني ؟؟؟؟؟؟؟؟
نوف نشف ريقها من الخوف ومن نظراته::لابس,,,,,,
خالد بلمح البصر صارت بين يده ::خلاص يانوف اعتبري هذا اول ليله من زواجنا,,
حاولت تبعد نفسها وتفلت من يده ,,,,بس خالد::اثبتي يانوف وناظريني بلعت ريقها يوم قرب منهااااا زياده .................................................. ...







نهاية الجز السابع

 
 

 

عرض البوم صور yasmine   رد مع اقتباس
قديم 18-06-09, 08:57 AM   المشاركة رقم: 8
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 



الجزء الثامن,,,

بعد مرور شهر ,,,,,,

خالد الى الحين يطلع للدوام ويرجع للبيت وينام ويصحى ويطلع لاصحابه الى اخر الليل ويرجع يناااااااام مايحب يجلس بالشقه علشان مايظطر يجلس معها,,

نوف لهت شوي مع بنتها لامار ومتتضايقه من خالد لان مايجلس ابداااا بالشقه الا للنوم ولا اكل حطت في بالها انها تتكلم معه..
فهد::من هذاك اليوم الي شاف فيها رهف ماراحت من باله ابد,,,,,
اليوم الخميس الساعه 7 الصباح

الكل متحمس وصاحين بدري بيطلعون لااستراحه بهالوقت وبسيارة فهد وكانت لامار معه مشغل اغنية هلي لاتحرموني منه ومعطيها صوت عالي ويصفق ومتحمس مع الاغنيه ولامار جنبه مو اقل منه متحمسه وترقص,, ويمرون من جنبه خالد ومن الجهه الثانيه نايف وراهم عمه ابو فهد وقدامهم ابوخالد صارو مثل الموكب ويفتح الدريشه خالد ويصفق وهويقول ايوا لمور عاشت هلا ويطلع نايف ويصفر لها ونواف يطق لها اصبع ام فهد وام خالد بس يأشرون عليهم ويصارخون يبونهم ينتبهون للطريق بس هم مافيه اجابه وحتى نوف داخله معهم جو ورهف الي كانت مع خالد بالسياره تطالعهم وتصفق معهم ...................,,,.....

بعد هالحماس وصلوا للاستراحه وتنزل لامار تركض لخالد رفعها وهو يبتسم::وش هالرقص الحلو يالامار وكمل وهو يلتفت على نوف طالعه على امك؟؟؟
نوف تذكرت يوم كانت ترقص دنقت ومشت,,,,,,,,,,,,,,,,,

دخلوا الحريم قسمهم وبهالوقت كانت رهف تتكلم مع ابوها ,,وفهد عيونه عليها مانزلت يراقبها من بعيد ,,شلون يعني شهر وانا على هالحال ماراحت من بالي ,,اصارحها ,,لالا شلون ماعندنا هالكلام,,طيب اكلم نوف ,,اخاف ماتتقبل واطيح من عينها,,,,
نايف وطلعه من سرحانه,,:يألاخو شكل الجامعه ماخذه عقلك من اللحين؟!!!
فهد هو يبتسم::ايه الجامعه ماخذه عقلي واحلى جامعه بعد..
نايف::اقول خلنا ندخل داخل نرتاح شوي وبعدها ندخل المسبح ,,
فهد::بس شوف لاغرقت تراني بذمتك,,

نايف::والله بلشه هالعايله محد منكم يعرف يسبح طيب امري لله (نايف يموت بالسباحه وفنان فيها حتى يعطي دورات بالعطل للصغار من كابتن السباحه حقه هو الي مرشحه ))

دخلوا العيال وجلسوا سوالف وضحك وبعدها طلعوا للمسبح وحتى ابو فهد وابو خالد كانوا معهم ,, وخالد هبل بنواف بس يمسك ويغطسه داخل المسبح ويستنجد فيهم ,,ويقول بصوت مقطع لان المويه كلها داخل فيه.. يالطويل تعال انقذني (يقصد فهد) فهد هو يرفع يده:: مالي شغل خلنا نشوف شلون القصار يطلعون نفسهم ,, عصب نواف وهو يتوعد ويمسك بيد خالد يحاول يبعدها ,,,,,,,,,,,والباقين ميتين ضحك عليه,,,,,,,,,,,,,,,,,,,,,,,,,,,


وطلع خالد من المسبح وعلى طول اتصل على نوف ::الو ,,,,,,
نوف ::هلا خالد,,,,,
خالد::نوف هاتي شنطتي تلقيني عند الباب ,,
نوف:: إن شاء الله,,,,,,

نوف راحت خذت الشنطه وطلعت لعند الباب وعلى طول اعطته وهي تحاول تبعد نظرها عنه وجهها محمر ماكان عليه الاشورت السباحه وكان شعره مبلل مويه ونازل على وجهه مطلع شكله رهييييب اربكها ولفت بتروح وقفها صوته::نوف..
نوف بخاطرها يابنت شفيك عادي زوجك لفت عليه::هلا,,
خالد بلعانه وهو يبتسم و بنص عين::شفيك كأن حالتك حاله؟؟!!!!!!!!!!
نوف توترت::هاه ولاشي؟؟
خالد بنفس الوضعيه::اكيد يعني اروح خلاص؟؟
نوف بخاطرها ياربي دايم انا مكشوفه::ايه خلاص ؟؟...
خالد ويبي يزيد خجلها الي واضح من وجههاوهو مبسوووط عليها::طيب ماني متحرك من هنا الا وهو يأشر على خده تعطيني بوووسه,!!,,,,,
نوف وجهها تحسه صار الوااااااان من كثر الخجل وقالت بدلع غير مصطنع..خــــــالد!!
خالد هو يقلدطريقة كلامها::خالد!!
ابتسمت نوف ..خالد هويناظرها و عارف تاثير ابتسامتها عليه تعجبه بألاخص اذا ابتسمت يطلع من اطراف فمها خطين تعجبه::شلون يعني تبيني ازعل منك,,
نوف تحس بسعاده موطبيعيه بس مجرد مايكون جنبها وشلون اذا كان يطلبها هالطلب ::خالد اخاف احد يشوفنا ؟؟
خالد وهو يرفع كتوفه::عادي زوج وزوجته!!!!!

نوف ناظرته بنص عين ولفت عنه بتروح....,,,خالد وهي ماشيه بصوت عالي شوي:: بزعل عليك,,شاف مافيه منها رد رفع صوته زياده:: بس شكل مايهمك زعلي اصلا,,
نوف هنا ماقدرت تروح رجعت وقفت عنده وهي تلفت يمين ويسار تخاف احد موجود وبسرعة الهوى رفعت رجلها وباسته ورجعت تركض.......

خالد رجع هو ميت من الضحك على حركة نوف وهي تلف يمين ويسار,,,,
اما نوف رجعت مبسوطه لانه ولاول مره تحس خالد يكون طبيعي معها,,,,,,,,,,,,,,,,,,,,,,


الساعه 12بالييل,,,,,,
طلعوا نوف ورهف يتمشون من ورى الاستراحه كانت كبيره مرررره من ورى و فيها الالعاب راحت لامار تركض تلعب ,,,,,وجلسوا يسولفون,,
رهف::تدرين نوف صورك في زواجك رهيبه وديتها لصديقاتي انعجبوا فيك..
نوف::الحمدالله انا كنت خايفه من الميك اب ماتطلع بالصور حلوه,,,
رهف::بالعكس رووووووعه ,,وتدرين صديقاتي يوم شافوا خالد انهبلوا,,واو اخوك مزيون والي اخوك حلو,,
نوف وهي تضربها بكتفها::وجع ليشت وريتهم صور خالد,,
ضحكت رهف::اخس مرت اخوي تغار وينك ياخالد تشوف زوجتك ذبحتها الغيره ,,,,
ضحكت نوف على رهف وكملوا سوالفهم ,,,,,,,,,,,,,,,,,,,,,,,,,,

خالد بهالوقت كان جالس برى وماكان احد معه ,,اه يانوف مرات احس براحه معك ومرات احس نفسي مو طايقها,,احس نفسي ضايع ومشتت بذات ان اشوف بعيونها الحب الي مو قادر اعطيها اياه ,,والله مو بيدي ,,على طول خطرت ريم في باله إن شاء الله يتحقق الي بالي ,,قبل لاتروح مني,,,,واخذ نفسه ودخل عند الشباب


اتصل نواف على جوال رهف وقالها تعالي عند الباب (الي يفصل بينهم وبين قسم الرجال))و خذي الاكل الي جايبه لكم تموتين فيه رهف طلعت مبسوطه وتدندن جاء في بالها وجبه محترمه يعني من هالاشياء مامداها وقفت الابمويه وصابون مكبوبه عليها تنحت شوي وبعدين استوعبت على صوت ضحكة نايف ونواف انقهرت وشوي وبتبكي وراحت لهم تركض وهي تقول والله لاعلم ابوي وهم مناحشين ويلتفتون عليها ويقلولها يالهبله ارجعي هنا فهد وهي معصبه ماتسمع شي تبي تاخذ حقها وبس درعمت عليهم ومن زود العصبيه مانتبهت لفهد ::خالد شوفهم وش سوو فيني ,,فهد بلم شوي,, خالد مايدري يضحك ولايقوم يدبجها وبذات انها لابسه بجامه كل سيقانها ويدينها طالعه والي الحين ::رهف شفيك اطلعي فهد هنا؟؟؟ انتبهت على نفسها وشافت نفسها بوسطهم تحس وجهها ضاع بينهم::هاه ,,
تلقائيا لفت على فهد وشافته منزل راسه وماسك ضحكته وطلعت تركض على طول,,


عند الحريم,,,,,
نوف::يارهف ياحياتي شفيك عادي مايسوى تصيحين’’
رهف وهي تبكي::اقولك كبوا المويه علي ولاحاطين معه صابون ودخلت عند اخوك والله فشيله وشبيقول ,,هذي ماتستحي,,,
نوف ضحكت عليها::عادي فهد مو من هالنوع الي كذا صدقيني,,
رهف وهي تبكي وتتوعد::هين والله ماخليهم يشوفون,,والتفتت على نوف وبعصبيه::وش يضحكك انتي الثانيه,,,,,,,,,,,,,,,,,,,,,,,,,,,,,,,,,,,,
وانتهى اليوم كان عليهم حلو وخفيف ورهف الي جالسه للحين تتوعد ,,,,
وفهد وهوعلى المخده ويبتسم ومبسوووط والله كنت اتمنى المحها من بعيد,,وجت لعندي وشفتها من قريب ,ش هاليوم الحلو,,ياناس تدخل القلب هالبنت ,,حتى وهي معصبه حلوه,,,ونام وهو على تفكيره في رهف
















بعد مرور اسبوعين,,,

دخل خالد الشقه طبعا متأخر مر مرووور الكرام حتى بدون لايسلم نوف هنا حست نفسها كانها قطعة اثاث ,,سحبت نفس ,,ولاعبرني حتى السلام ماسلم الى متى على هالحاله’’نزلت دمعتها,,بس مسرع مامسحتها واستغربت انه رجع ,,
جاء وجلس على الكنب واخذ الريموت وشغل التلفزيون وجلس يقلب بالقنوات ,,,
نوف بخاطرها يمكن جوعان::خالد تبي تاكل شي ,,؟
خالد وعينه على التلفزيون::ياليت مويه؟؟؟
نوف قامت تجيب مويه وغصب عنه الفتت انتباهه كانت لابسه تنوره قصيره لنص الفخذ وتيشريت ابيض موضح ظهرها وشوي بطنها ,,طنش ورجع يناظر التلفزيون ورجعت وعطته الكاس وجلست وكان ساكت ويناظر التلفزيون ..,,نوف حست انها بردت من التكيف وبراءه وعفويه قالت :: احس اني بردانه؟؟
خالد وعيونه على تلفزيون::مين قالك تلبسين هذي الملابس غيرها ,,؟؟!!!!!!!!!!!!!!!!!!
نوف انصدمت من ردة فعلها بس بلعتها وماحبت تبين::حرام ليش اغيرها مو حلوه علي؟؟؟
خالد مايدري ليه عصب من كلامها::نوف وش هالتفاهه انتي قلتي برد روحي غيرها وش له المصاخه....!!!!!!!!!!!!!!!!!!
نوف دمعت عيونها ::خالد ممكن سؤال؟؟؟؟؟؟؟؟؟؟
خالد ماتوقع انها بتقول كذاو مايدري ليه حس انه مارح يعرف يجاوب عليه فقال:سؤال تافه لاتسألين؟؟؟؟
نوف وهي ماسكه نفسها لاتبكي ::انت ليش تزوجتني؟؟؟؟؟؟؟
خالد فتح عيونه::نعم خير؟؟!!!
نوف وهي تحرك اصابع يدها بتوترعشان ماتبكي : ايه لاتطالعني كذا حركاتك دل انك مو راضي فيني؟؟؟
خالد وهو يرفع حاجب::موراضي فيك شلون يعني؟؟
نوف بتردد::مدري بس احسك كأنك مجبور علي ؟؟؟
خالد والشرر طلع بعيونه بلحظه وبصوت يهز البيت هز::نعم وشقلتي؟؟؟؟؟
نوف وندمت على كلامها::لا خلاص ماقصد شي !!!
خالد بنفس العصبيه::لاتقصدين ,,وش قالولك بنت انا انجبر على شي ولا مغلوب امري مثلك لايانوف اصحي,,انا مانجبر على شي سامعه ,,يمكن اكو ن مو مقتنع ,,بس انجبر لا ,,حطيها براسك مو مقتنع تفرق عن مجبور انا أي شي اسويه يكون بأرادتي انا سامعه,,والله لواسمع هالكلام ثاني مره ثانيه لاتشوفين شي ماشفتيه وتركها وراح للغرفه,,,,

نوف تحس الدنيا خاليه قدامها مافيه الا صدى صوته الي تركه عندها,, وحلقها نشف راحت عينها يمين ويسار ,,شلون مو مقتنع ,,يعني فعلا احساسي صح هو مو متقبلني ,,حست بدموعها الي ملت وجهها ,,مسحتها بظهر كفها ,,طيب ليش تزوجني اذا كان مو مقتنع عشان يعذبني يعني ,,,لوين بوصل معك ياخالد,,,,غطت وجهها بيدها وبكت ,,بكت بصوت مكتوم,,بصوت مجروح,,بكت ماتدري وش الجاي,,,,,,,,,,,,,,,


في بيت ابو فهد

ام فهدوهي مستغربه ولدها كله ساكت ويسرح ::فهد شفيك فيه شي شاغل بالك؟؟؟؟؟
فهد::هاه يمه لا ابد شفيني يعني...!!
ام فهد::مدري عنك صاير هادي بزياده ماتطلع كثير واذا كلمناك مو معنا فيه شي مضايقك؟؟
فهد::لايمه مافيني شي تطمني,,,
ام فهد ::انت ولدي وانا اعرفك تخبي علي تخبي على امك؟؟
فهد بتردد::والله مدري يمه وش اقولك..؟
ام فهد وماخاب ظنها::يعني فيه شي شاغلك؟؟؟
فهد:::ايه فيه شي,,
ام فهد::طيب تقدر تقولي وشو؟؟
فهد بثقه :: بقول بس مو وقته الحين اقولك بعدين..؟؟؟
ام فهد ماتدري ليه حست ان عنده شي يفرح ::على راحتك ؟؟
بعد مرور تقريبا اسبوعين,,,
كانت نوف تتحاشى انه تتكلم معه ,,ماتقصر معه بحقوقه مثلا الاكل والبيت مافيه تقصير,,يعني مثلا,,ماعاد تنتظره لحد مايجي من برى,,و اذا تكرم وتكلم بأي شي ترد بكلمه اوكلمتي وتسكت يعني ترد باختصار ,,تعامله مثل ماكان يعاملها ,,تبي تبين له ان عندها كرامه’’’’’


خالد كان عارف ان كلامه معها ذاك اليوم هو سبب تغيرها عليه,,صار لها اسبوعين على هالحال,,حتى الابتسامه ماتبتسم,, ,,والله مالومها الي قلته مو هين,,,,,,,,,,,,,



نوف كانت جالسه على الكنب وسرحانه ماضيها مع ابو محمد,,كان معتبرني بحياته ,,يضحك معي..يجلس معي ,, ويسولف معي ,, كان يعاملني معاملة زوج لزوجته ,, كنا دايم نطلع مع بعض ,,نروح نجي,, صحيح ماكنت اكن له مشاعر الي احس فيها مع خالد,,بس معاملته احسن من خالد من تزوجنا ماطلعنا مع بعض ابدااا بعكس الي بداية زواجهم,, على طول رن صوته باذنها,,و ابتسمت على جنب,,يعني وش تتوقعين من واحد مو مقتنع فيك,,ولامتقبلك ,,عقدت حواجبها وغمضت عيونها تكره تذكر هالشي,,ماحست الا بخالد هو يهزها مع كتفها::بسم الله فجعتني؟؟
خالد بأستهزاء::بسم الله عليك....
نوف وهي تكره هالنظره في عينه جات بتقوم بس يده جلستها::وين بتروحين؟؟؟
نوف::تأخرت مانمت بدري اليوم بروح انام....
خالد::وانا على بالي انك تنتظريني وبتسأليني تبي عشاء اولا؟؟؟
نوف بنظره بارده:: ماتشوف الساعه كم الحين خلص وقت العشاء ؟؟؟
خالد فهم قصدها::اوكيه براحتك روحي نامي...
نوف هنا انقهرت بداخلها على طول قامت ودخلت للغرفه وحطت راسها على المخده ونزلت دموعها من ذاك اليوم وهي على هالحاله,,,,,,,,,,,,,,,,
خالد بهالوقت دخل غرفة لاما رالي بجنبهم بالضبط وماحصلها(خالد كل ليله لازم يمر غرفتها قبل لاينام))
دخل الغرفه وغبر ملابسه ودخل تحت الفراش::نوف نوووف,,
نوف شبه مسموع::نعم,,
::وين لامار ماشوفها بالغرفه؟؟؟
ابتسمت نوف لانها عرفه ان خالد حنون مع لامار وملاحظه انه كل يوم لازم يمر غرفتها::فهد جاء واخذها اليوم عندهم,,
خالد::اها بكره بعد ماطلع من المجله بمراخذها ,,
نوف:_____
بعدين فكرت حرام اكيد جوعان وبصوت هادي::خالد انت جوعان ؟؟؟؟
خالد::لامشكوره ماتشوفيني بنام خلاص,,,
نوف والله الشرهه علي الي افكر فيه ماردت عليه غمضت عيونه وجلست تستغفر ربها علشان تبعد نفسها من التفكيرلحد مانامت,,,,,,,,,,,,,,,,,,,,,,,,,,,,,,,,,,,,,,,,,,,

اليوم الثاني,,

دخل خالد بعد ماجا من الدوام وبيده لامار وكان يضحك معها وبصوت عالي من الصاله::انتي احلى من امك صح يالامار.....
نوف كانت تسمعه وطنشت ::تعالي لامار اغير ملابسك ,,
لامار وهي تاكل الكاكاو::ماما انا احلى منك,,
نوف بعصبيه وهي تغير ملابسها::والله اذا بعض الناس يشوفون كذا بكيفه,,
لامار حست ان امها زعلت::ماما خلاص انتي حلوه وانا بعد,,
نوف تحس انها بتبكي ماتدري ليه مع ان الموضوع مايستاهل::طيب طيب خلاص انتي حلوه,,
لامار::ماما دده تقول بكره نروح لهم(جده تقول ))
نوف::اكيد بروح عند جده وفيها كلام هذي,,
الابصوت خالد كسرت خاطره ::لابكره بروح للملاهي شرايك لامار ,,
نوف التفتت وقفت وهي تقول::من متى انت هنا؟؟
خالد هو يبتسم::من يوم اذا بشوف ان لامار احلى منك ,,وتقدم لعندها ورفع يده لشعرها وهويحركه بهاللحظه نوف كان قلبها يدق بقوه تعشقه تعشق قربه لها تحس باحسايس حلوه ماودها تروح ::صدقيني يانوف لو اشوف من بنات رغم بساطتك تعجبيني,,قرب بيبوسها مع خدها بس نوف هنا داست على قلبها وبعدت عنه وهي تقول::خالد ترى الغدا جاهز تبي احطلك؟؟؟
خالد ماحب ردة فعلها ::لا مالي نفس ساعه ,,ودخل وغير ملابسه ونام,,,,,,,,,,,,,,,,,,,,,,,,,,,,,,,

اما نوف كانت مبسوطه مو عشان الطلعه لا,,علشان بتطلع مع خالد ,,وقالت لنفسها يمكن معاملتي معه الاخيره نفعت ,,,يانوف خلاص انسي كلامه اكيد وقته كان معصب مني,,,,((((الحـــــــــــــــــب اعمــــــــى)))))


اليوم الثانـــــــي,, يوم الخميس

في الشقه
الساعه 4:30 العصر
خالدهوبيطلع ::نوف ساعه وماراح اتأخر بروح اخذ اوراق من المجله مهمه نسيتها ولازم اخلصها علشان السبت تجهزارجع والقاك جاهزه,,
نوف بفرحه وتحاول ماتبينها ::طيب,,
وطلع خالد وراحت نوف واتصلت على امها وقالت لها انها ماراح تجيهم اليوم.. وخذت لامار روشتها ولبستها وخلصتها ,,وجهزت نفسها بعد..زجلست تناظر التلفزيون على مايجي,,,,,,,,






نهاية الجز الثامن ,,,,

 
 

 

عرض البوم صور yasmine   رد مع اقتباس
قديم 18-06-09, 09:06 AM   المشاركة رقم: 9
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجز التاسع

اليوم الثانـــــــي,, يوم الخميس

في الشقه
الساعه 4:30 العصر
خالدهوبيطلع ::نوف ساعه وماراح اتأخر بروح اخذ اوراق من المجله مهمه نسيتها ولازم اخلصها علشان السبت تجهزارجع والقاك جاهزه,,
نوف بفرحه وتحاول ماتبينها ::طيب,,
وطلع خالد وراحت نوف واتصلت على امها وقالت لها انها ماراح تجيهم اليوم.. وخذت لامار روشتها ولبستها وخلصتها ,,وجهزت نفسها بعد..زجلست تناظر التلفزيون على مايجي,,,,,,,,










بعد ماطلع خالد واخذ الاوراق مر المحطه يعبي السياره,,وصادف صديق له من زمان عنه من ايام الجامعه ,,سلم عليه فعزمه صديقه عنده بالبيت,,رفض خالد بس اصر عليه ,, انحرج خالد وافق وفعلا ركب سيارته وراح مع صديقه للبيته,,وكان بيته بعيد عن شقتهم,,ماوصل تقريبا الا على ساعه بتجي 6عاد انتوا تعرفون شوارع الرياض وزحمتها,,,,,,

دخل المجلس ,, وجاب القهوه والشاهي,,وهم يتقهون::وينك يارجال من الجامعه ماعد شفناك؟؟؟
خالد::والله عارف الدنيا تشغل,,الا صحيح سمعت انك تزوجت,,؟؟
:ايه ولي سنتين وصرت ابو ريان؟؟
خالد::مشاءالله تبارك الله,,الله يخليه لك,,
ابوريان::وانت وش سويت بعد الجامعه,,
خالد::ابد اشتغلت بمجله,,وخالد بهاللحظه تذكر نوف وبخاطره اكيد تستناني:ولي شهرين من تزوجت...
:على البركه يارجال ,,وبنص عين هاه مبسوط!!
خالد تعكر مزاجه بس ماوضح::ايه الحمدالله,,
ابو ريان بضحكه::والله الزواج حلو وراحه واستقرار...
خالد حسد عبدالله من جوى وباتسامه ::اكيد راحه واستقرار, وناظلر الساعه ,قام بيستأذن بس ابوريان سبقته وجلسه ::ياشيخ والله ماتروح ,
خالد ونوف بين عيونه::لامعليش اعذرني لازم امشي و
قاطعه::والله ماتروح تقعد تتعشى اول مره تدخل بيتي وبعدين اشتقت لايام الجامعه ودي ارجعها ,, استسلم خالد وجلس وكملوا حكيهم....................’’’’’’’



اما من جهت نوف ,,كانت حالتها حاله ,,وينه هذا ,,قال ساعه وبيرجع,,والحين مرت اربع ساعات وماوصل,,اتصل عليه ومايرد,,الله يستر(لامار طفشت ونامت بملابسها)
ياما قعدت وياما وقفت ,,على الاقل يتصل فيني موكذا ,, ,,لايكون صار فيه شي,, بلعت حلقها,,من الخوف,,
لا لا إن شاء لله,,اعوذ بالله منك يابليس ,,وقامت علشان تصلي العشا وتبعد عنها وسواس الشيطان ,,,,




طبعا خالد تارك جواله بالسياره ,,وخذته القعده مع صديقه ومع السوالف نسى نوف ,,ومع قعدتهم نسى انه قالها انتظري علشان نطلع,, والأهم انه نسى يتصل,,,,


بعد ماخلصوا وتعشى طلع من صديقه ,,وهو شاق الضحكه,,ولا بعد ياخذ موعد منه علشان يزوره,,

طلع ركب السياره ,,وحرك سيارته ,,مد يده للجواله الي كان مثبت بالدركسون,,ورفع حواجبه,,اف 30 مكالمه,,و3 مسجات,,فتحها حصل 25مكالمه من نوف والباقي اهله وربعه,,لف فمه مسج من نوف فتح المسج ,,
خالد وينك تاخرت طمني,,كان تقريبا الساعه 8,,رمى الجوال,,لاحول خذتي الجلسه ولا كلمتها,,ناظر الطريق,,وتنهدت,,الكل مبسوط بحياته ومرتاح و مقتنعين بزوجاتهم ,,ودي اكون مبسوط مثلهم,,متى بس ,,,؟؟؟؟؟؟؟؟!!!!!!!

نوف كانت جالسه على الكنب ,,ذبحها التفكير,,تعبت وهي تدق عليه ,,بس مافيه رد,,فكرت تكلم احد بس قالت,,لا مايصير بعدين اخوفهم,,اذا فيه شي راح اعرف,,ارتجفت على عالفكره,,وصارت يدها ترجف فجاءه ,,رفعت رجلها لصدرها وضمتها بيدها,,علشان تخف رجفتها ,,,وهي تدعي باطنها انه يكون بخير,,شوي سمعت صوت الباب ينفتح,,ماتحركت ,,بس رفعت راسها بهدوء,,سمعت خطواته ,, ,,لاشعوريا ابتسمت ,,
وغرقت عيونها,,اول ماشافته داخل ,,وشافت البرود بوجهه ,,وقفت نوف وهي تداري دموعها لاتنزل,,وصرخت بقهر من بروده ::وينك ياسيد خالد ,,هاه ماتقول وينك انت ماعندك دم ماتحس,,,

خالد فتح عيونه على الاخر وهو معصب::اقصري حسك ولاترفعين صوتك وتكلمي بأدب قبل لاعلمك شلون تتأدبين,,

نوف انصدمت من كلامه جالسه على نار وهذا رده وهي للحين ترجف::ماني مقصره صوتي طيب,,وبعدين انا متأدبه قبل لاشوفك,,طيب

خالد هنا اسودت الدنيا بوجهه وعصب ومسك يدينه الي كان بيرفعها::نوف اقصري الشر تراني ماني فايق لك..!!!

نوف الي زاد ارتجافها بذات يوم شافته يمسك نفسه لايضربها::انت اساسا متى فقت لي ,,او اعتبرتني بحياتك..من عرفتك وانت مو فاضي لي ..دايما تحسسني كاني وحده زايده ..نوف ماقدرت تكمل كلامها ,,وصارت تلف براسها يمين ويسار ماهي متعوده على مواجهات بصراخ ,,تتوترها,,
خالد حاس برجفتها من دخل ,,::نوف خلاص نتفاهم بعدين...

نوف جلست على الكنب بقلة حيله,,وبنفس الوقت فرحانه لانه بخير,, ,,قالت بصوت مكسور::وينك ليش ماتصلت ,,تقول ساعه وبتجي,,وراحت ساعه وجت ساعه وانت ماجيت,,واتصل عليك ماترد ,, وكملت بغصه حرام عليك على الاقل دق علي,,,

خالد مايدري ليه جاه شعور وده يضمها عشان يخفف من رجفتها الي ماوقفت::معليش نوف واحد صاحبي قابلته بالصدفه وعزمني عنده وخذاني الوقت ,,وجوالي ناسيه بالسياره..!!!

نوف سحبت نفس وقامت تشرب مويه تحس حلقها جف وللحين يدها ماوقفت ترجف ,,وقفت يوم مسك يدها بقوه وضغط عليها ,,لفت تناظره بنظره ,,هوعارفها زين,,شي تحرك بقلبه ..مايدري وشو ..بس بدون شعور سحبها له وضمها بقوه ,,مايدري ليه يمكن كسرت خاطره لانها واضح انها كانت خايفه عليه ,,وتحاتيه,,اويمكن فيه شي ثاني ,,نوف على طول صارت تبكي بصوت مسموع شوي ,,حاولت تمسك نفسها ,وماقدرت ,, ,,يكفيها هو واقف قدامها ومافيه شي,,تمسكت فيه بقوه وهي تقول::اسفه خالد ماكان قصدي اصرخ عليك,,بس والله خفت عليك ,,

خالد هو ضامها هو مغمض عيونه وبخاطره والله ماستاهلك ,, يانوف نزل عينه لها وقال ::خلاص يانوف انا بعد غلطان مفروض اتصل عليك ,,,,,,,,,,,,,,,,,,,,,,,,,,,,

بعد يومين

في بيت ابو خالد,,,
نايف::يبه إن شاء الله ناوين نطلع للبر انا ونواف مع ربعنا ومعنا فهد ولد عمي,,
رهف ابتسمت على طول تذكرته هو منزل راسه ومبتسم,,
ابوخالد::وش له تطلعون للبر وبهالحر؟؟
نواف::يبه البر كلها للثمامه ,,وهناك يخف الحر شوي ,,وماراح نطول,,
ابوخالد::الله معكم ,,روحوا بس احرصواا على نفسكم,,
نايف::افا يبه انا نايف شكبري وتحرصني,,صحيح ماني بطويل مثل خالد بس لاتخاف يبه قدها وقدود,,
تكلمت رهف::اقول لاتقارن نفسك بخالد وش جاب الي جاب,,
نايف بثقه::قصدك انا ازين منه والله عارف مايحتاج تقولين,,
رهف ::ايه مررره واضح,, اقول تراك ماخذ بنفسك مقلب,,
نايف وهو يتكي مروق لرهف يبي يناقرها::انتي ابي افهم احد معينك محاميه لخالد ولاشي واحنا ماندري,,
نواف :::هههههههههه وانت الصادق خالد محاميها محد يدافع عنها اذا قلنالها يالدبه الاهو ههههههههه
نايف::اقول رهف صديقاتك كلهم خمسات ههههههه
رهف وهي تهز كتوفها بخفيف::هاهاها ماتضحك بايخه و عصبت التفتت على ابوهاوامها الي ماسكه ضحكتها:: يبه شوفهم ,,
ابو خالد::حدكم عاد على رهف حتى انا محاميها ومحاميها الخاص بعد,,(رهف من ورى ابوها ترفع حواجبها لهم,,)ترى لو تقولون لها شي طلعه للبر انسوا,,
نواف::لايبه والله تسويها على شان هذي الرشيقه,,بطلنا خلاص مودبه الا ارشق من الرشيقه,,,,,,,,,,,,,,,,
\_________________________

في هالوقت,,
بالشقــــــــــــه

خالد كان بهالوقت جالس بالصاله وبيده اوراق ,,نوف كانت تنوم لامار وهي تقول،،بكره بيجون اخوان لامار بياخذونها؟؟؟
خالد هنا لف عليها هو معصب::وش قلتي؟؟؟؟؟
نوف خافت::ماقلت شي؟؟!!!!!
خالد::لامار ايش؟؟؟؟؟؟؟؟
نوف للحين وماتدري شفيه::بيمرون اخوانها وبياخذونها؟؟
خالد::ليش ياخذونها؟؟؟
نوف::دايما بين فتره وفتره يجون ياخذونها يقعدون معها ويمشونها .....
خالد ارتاح ::اها ااااا..ورجع يكمل,,
ريحت ظهرها على لكنب ولامار بحظنها وهي مستغربه من عصبيته ,,ركزت نظرها عليه ,,جالس ومندمج بلاوراق ومعطيها ظهره ,,تشوفه عاقد حواجبه,,ابتسمت ,,دايما عاقد حواجبك,,بس سبحان الله من يقعد مع اهلها ماشوفها ,,يضحك مع رهف وسوالف,, ليه بس يقعد معي يتغير,,موبس اهله مع أي احد ثاني سواء اهله او اصدقاه اذا جاء يكلمهم ..يكون مبسوط ويضحك,,,,,,,اه ياخالد ودي افهمك,,ودي ,,,بس بحاول قد ماقدر اكسبك ,,,,,,,,,,قامت وخذت لامار ودتها للغرفه ومرت المطبخ ..وصلحت عصير برتقال,,,ورجعت للصاله وحطت العصير عنده ,,
خالد وعينه على الاوراق::مشكوره كان ماتعبتي نفسك,,
نوف ::عادي,, تعبك راحه ,,,
خالد ::نوف اذا تبين تنامين نامي انا يمكن اطول...
نوف انقهرت منه::اوكيه تصبح على خير,,
دخلت للغرفه وكانت بتبكي,,بس مسكت نفسها ,,وقالت لنفسها,,يابنت لاتصرين حساسه ,,ماقال شي يخليك تبكين ,,خلاص نامي,,وفعلا غمضت عيونها بقووووه,,,,,علشان تبعد تفكيرها فيه واحساسها بانه مايحبها يرجع لها تكره هالشي ماتحب تفكر فيه ,,بذات انها مانست كلامه لها بانه مو مقتنع فيها بس هي تتجاهل هالشي,,,,,,,,,,,,,,,,,,
اليوم الثاني,,
تحديدا بالثمامه’’
الشباب جالسين مبسوطين ومن الصبح طالعين,,وكان فهد ونواف يسون العشاء,,ونايف وباقي الشباب جالسين قبالهم شوي طاقينها سوالف وضحك,,واحد من الشباب ,,معه سلاح ماخذ معه للاحتياط ,,عشان يكون سلاح تهديد,,وكان الولد جالس يقلب فيه(طبعا مافيها رصاص),,وهو يمزح ويقول ,,فهد يالله تشهد على روحك,,تراك بتموت,,فهد التفت له وهو يضحك::يالله اذبحني ,,بس خلني اوصيهم,,
اولا:: نايف العشاء هذا تخلون لي منه,,ابتسم نايف وهو قارصه قلبه,,
وثانيا وهويلتفت على نواف::ماتنسى اني طبخت العشاء معك فاهم ,,
الولد فهد خلاص وصيتين تكفي,,وكمل الولد وهو ياشر بيده الثانيه,,واحد ,,اثنين,,ثلاثه,,وضغط على المسدس ,,والي ماجا على البال انطلقت رصاصه من المسدس ,,وطاش الدم ,,وصرخوا الشباااااااااااااب,,,,,,,,,,,,,,,,,,,,,,,,,,,,,,,, ,,,,






نهاية الجزء التاسع ,,

 
 

 

عرض البوم صور yasmine   رد مع اقتباس
قديم 18-06-09, 09:17 AM   المشاركة رقم: 10
المعلومات
الكاتب:
اللقب:
ليلاس متالق


البيانات
التسجيل: Jun 2009
العضوية: 146369
المشاركات: 1,645
الجنس أنثى
معدل التقييم: yasmine عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
yasmine غير متواجد حالياً
وسائل الإتصال:

كاتب الموضوع : yasmine المنتدى : القصص المكتمله
افتراضي

 

الجزء العاشر,,



ليوم الثاني,,
تحديدا بالثمامه’’
الشباب جالسين مبسوطين ومن الصبح طالعين,,وكان فهد ونواف يسون العشاء,,ونايف وباقي الشباب جالسين قبالهم شوي طاقينها سوالف وضحك,,واحد من الشباب ,,معه سلاح ماخذ معه للاحتياط ,,عشان يكون سلاح تهديد,,وكان الولد جالس يقلب فيه(طبعا مافيها رصاص),,وهو يمزح ويقول ,,فهد يالله تشهد على روحك,,تراك بتموت,,فهد التفت له وهو يضحك::يالله اذبحني ,,بس خلني اوصيهم,,
اولا:: نايف العشاء هذا تخلون لي منه,,ابتسم نايف وهو قارصه قلبه,,
وثانيا وهويلتفت على نواف::ماتنسى اني طبخت العشاء معك فاهم ,,
الولد فهد خلاص وصيتين تكفي,,وكمل الولد وهو ياشر بيده الثانيه,,واحد ,,اثنين,,ثلاثه,,وضغط على المسدس ,,والي ماجا على البال انطلقت رصاصه من المسدس ,,وطاش الدم ,,وصرخوا الشباااااااااااااب,,,,,,,,,,,,,,,,,,,,,,,,,,,,,,,, ,,,,

















في بيت ابوفهد’’

ام فهد تحس ماهي مرتاحه::يابو فهد كلم فهد شوف شخبارهم,,
ابو فهد::يامراه الولد كبير ماهو صغير لاتحاتينه ,.
ام فهد::طيب ماقلت شي ,,بس كلمه نتطمن عليهم,,
ابو فهد:: إن شاء الله بخير,,تلاقينه مبسوووط ومرتاح ,,بس انتي خلي تفكيرك عنه,,
ام فهد طنشت وقامت خذت التلفون وخذت الدليل الارقام لانها ماتحفظ ودقت عليه,,بس كان مقفل حاولت اكثر من مره ونفس الشي,,يوه لو اعرف رقم نواف ولانايف ,,,مادري ليه احس فيه شي ,,رجعت وجلست بالصاله,,
نرجع للثمامه
نواف وهو محتضن فهد والدم مغطي ثوبه من كثر الخوف صار يصب عرق التفت على نايف الي رايح للسياره::بسرعه نايف تكفى عجل ,,
فهد كان يتوجع وصدره يطلع وينزل والعرق يطلع منه بشكل مو طبيعي نواف توتر من شكله
وصرخ فهدهو يغمض بعيونه بقوه:اه اه يانواف الم,, الم,,يانواف,,
نواف :: إن شاء الله خير ,,اصبر بس’’ ’’التفت عليهم,,وصرخ بتوتر من شكل فهد::بسرعه شباب هاتوا السياره..
وفعلا قربوا السياره ونزلوا الشباب وخذوه وعلى طول على اقرب مستشفى..........
في بيت ابو فهد,,
ام فهد::اكلم جوال فهد مغلق,,كلم على جوال احد من العيال؟؟
::يام فهد تعوذي من ابليس ,,وروحي نامي وخلي الوسواس منك فهد إن شاء الله بخير,,وبعدين اكيد مغلق لان مافيه ابراج ولا البطاريه ضعيفه,,لاتحـــاتين..!؟
ام فهد تعوذت من ابليس وكمللت:: إن شاء الله خير,,
وصلوه المستشفى وعلى طول دخلوه غرفة العمليات والشباب جالسين على اعصابهم..والولد الي اطلق الرصاصه,,يبكي ويقول :: مادري ان فيه رصاص وجلس يلوم نفسه,,
نايف بخوف على فهد:: يارجال عارفين انه مالك ذنب لاتقول كذا وتلوم نفسك ,,مقدر ومكتوب
والشباب الباقين حالهم مايبعد عنهم,,,,,
طلع الدكتور وعلى طول راح له نايف ::هاه بشر دكتور’’
الدكتور::بسيطه الحمدالله الرصاص قدرنا نطلعه بسهوله كانت على طرف الكتف الحمدالله ماجات على القلب,,
نايف حس براحه ماحسها بحياته كلها::والحين شلونه ؟؟
الدكتور::بخير الحمدالله بس لازمه دم لانه نزف كثيييييير,,
نايف::خلاص انا بعطيه دم,,
الدكتور::اوكيه,,تفضل وقبل لايرحون للمختبر التفت الدكتور عليهم::ترى نبلغنا الشرطه لانها طلق نار..الشباب ناظروا بعض وماقالوا شي,,,
راحوا للمختبر وعملوا تحليل طلعت مناسبه لفهد وخلصوا,,الا على وصول الشرطه,,
ودخلوا الشرطه عند فهد بعد ماتاكدوا من الدكتور انه بخير:الحمدالله على السلامه يافهد:
::الله يسلمك
الضابط::وش سبب طلق النار ؟؟
فهد بابتسامه ويحس كتفه ثقيل::هي مزحه ماهي مقصوده,,
الضابط هو مصدقه بس للزوم الشغل::مزحه بسلاح,, وكمل بجديه مصطنعه وش الي بينك وبينه عشان يطلق النار عليك؟
فهد تنرفز شوي::صدقني كلها مزحه وهو ماكان يدري ان فيها رصاص ,,وعني انا ماعندي أي شكوى عليه,,
الضابط::بس هذا قانون,,ولازم نحقق مع الولد,,
فهد هو مرتاح لان ابو الولد مثل مايقولون هامور::اوكيه براحتك,,
الضابط::وش اسم الولد::؟؟؟
فهد::محمد عبدالله ال’’’’’’’’’
الضابط::اها اوكيه مع السلامه
وطلع الضابط من عنده ,,وطلب الولد ::وين محمد ال
وناظره محمد::امر؟؟
::لو سمحت نبي نحقق معك بخصووص الطلق الي جا على الولد وبخصوص السلاح الي معك..؟؟؟
محمد //::اوكيه بس بسلم على خويي وبجي معكم,,
الضابط هو عرف الولد من سمعة ابوه من تجار الرياض والواسطه عنهم بالاشاره::اوكيه بس ياليت ماتطول,,
وفعلا دخل نايف ونواف ومحمد وباقي الشباب
نايف::الحمدالله على السلامه يارجال طيرت عقلنا؟؟
فهد وهي يبتسم ::الله يسلمك..
محمد وللحين لايم نفسه ::اسف يافهد بالي صار مفروض اكون حريص بس اعذرني ياخوي,,
فهد::وش تقول يامحمد واللله مافكرت بالي سويته ابد..
محمد ::يالله انا استاذن ,,بكلم ابوي يشوف حل ويخلصني من الي برى,,وسلم وطلع
وبعد ماجلسو معه شوي,,استاذنوا وطلعوا
نواف::نايف نتصل ونقولهم ولانسكت,,
نايف::لا بعدين بنخوفهم خلها بكره احسن خلهم على اساس احنا بالبر ,,
وفعلا طلعوا وراحوا مع واحد من الشباب ونامو عنده عشان مايعرفون اهلهم ان فيهم شي,,,,,,
اليوم الثاني في بيت ابو فهد
7 الصباح
كان جوال ابو فهد يدق هو مشغول جالس يفطر لانه بيروح للدوام,,
ام فهد بخاطرها الله يسترمن الي يدق بهاالصبح::جواللك يابو فهد رد عليه؟؟؟
خذا الجوال وناظر الشاشه وابتسم::هلا والله هلا نايف,,
::هلا عمي شحالكم؟
:بخير انتوا كيف طلعتكم انبسطتوا..
نايف عشان مايخوف عمه جابها بطريقه ثانيه::والله انبسطنا بس طباخنا الله يهديه عكر مزاجنا واضطرينا نجيبه للمستشفى؟؟
ابو فهد بخوف::مستشفى وش مستشفاه.. ام فهد هنا مسكت قلبها,,
نايف::لاتخاف عمي بس فهد طاح من الدباب واضطرينا نجيبه للمستشفى ..وهذا هو بخير وقدامي ومافيه الا العافيه,,
ابو فهد ارتاح لكلام نايف::طيب باي مستشفى؟؟
نايف عطاه اسم المستشفى وسكر منه,,,,,,,,,,,,
ام فهد وهي تبكي::شفيه فهد صاير له شي صح؟؟؟؟؟؟
ابو فهد::بسيطه إن شاء الله انا رايح للمستشفى,,
ام فهد لحظه لحظه بروح معاك..
ابو فهد::عجلي بسرعه وطلع ينتظرها بالسياره,,,,,,,,,,,,



بعد ماوصلوا للمستشفى ودخلو عند فهد وسلموا عليه,,,,,,
ام فهد وهي تمسك كتف وتبكي::بسم الله عليك يافهد فيني ولافيك...
فهد وهو مبتسم::بسم الله عليك يالغاليه,,,
ابو فهد بنص عين هو يطالع نايف::هاه اجل دباب يانايف؟؟!!!!
نايف هو يضحك::والله ياعمي قلت اجيبها حبه حبه مو دفعه وحده..
ام فهد ::خلاص طلعات بر مافيه ابدااا
ابو فهد وهو يغمز بعينه من ورى ام فهد::ايه ماعد فيه بر,,بعد طلعات بر قال !!!!!!!!
ام فهد وتحس كان ابو فهد يسايرها التفتت عليه وقالت::ايه ماعد فيه بر لو وشو ادري انك تسايرني بس ماعد فيه لو ايش.....
ضحكوا الشباب على ام فهد وبذات انهم يشوفون دموعها الي ماوقفت الى الان,,,,,,,,,,


انتشر الخبر عند العايله كلها,,عند ابو خالد وعند خالد الي اول ماعرف طلع من الدوام ومر اخذ نوف معه للمستشفى,,



ام خالد::الحمدالله الي جات كذا,,,
ابو خالد::الحمدالله لك يارب الحين انا طالع تبين تروحين معي,,
ام خالد::ياليت والله...
ابو خالد ::يالله انتظرك لاتطولين,,
ام خالد وهي تلبس عبايتها دخلت رهف::يمه وين بتروحين؟؟؟
::بروح مع ابوك..؟؟؟
استغربت رهف::ابوي ماراح للمكتب؟؟؟
::لا ماراح اليوم ,,
::طيب بروح معكم,,...؟؟؟
::بروح للمستشفى,,
رهف::مستشفى ليش يمه؟؟
::بنزور فهد ولد عمك..
رهف حست بشعور غريب ماتدري هو خوف عليه ولا وشو..::ليش يمه شفيه فهد..
::وهم بالبرجته رصاصه بكتفه والحين هو بخير...
رهف خافت بقوه::طيب يمه يصير روح معكم؟؟؟؟؟
::وش له تروحين ؟؟
::يمه زيارة مريض مافيها شي ومابي اقعد بالبيت بالحالي؟؟
""طيب عجلي تاخرت على ابوك ,,,
بها الوقت بالمستشفى كان الكل مجتمع ابو فهد وام فهد والشباب ونوف وحتى لامار دقايق وسمعوا صوت الباب ينفتح ::السلام عليكم ,,سلم ابو فهد على اخوه وتحمد له ابو خالد ةبسلامة ولده ودخلت ام خالد وسلمت على ام فهد وتحمدت لها بسلامة فهد ,,
::ماتشوف شر يافهد,,

بهالوقت ماحد درى عن رهف كانت واقفه عند الباب بس الطامه الكبرى ان لامار صرخت وقالت:::لهوووفه وركضت لها.....
فهد يسلم عليهم وعيونه تدور الي صرخت عليها لامار,,وابتسم,,هذي رهف ماصدق ,,يافرحتك يافهد ,,
رهف بصوت واطي::الحمدالله على السلامه,,واعطت الورد ابوها عشان يعطيه,,
لو داري من زمان طالع للبر""/:الله يسلمك رهف واخذ الورد ابو خالد ::تفضل يافهد هذا من اختيار رهف,,
:الله يسلمك ياعمي ويسلها اكيد ذوووووق وكمل وعيونها عليها وناسي الي حوله::شلونك يارهف إن شاء الله بخير,,
رهف تحس بحراره بجسمها ماتدري ليه اول مره تستحي من احد كذا ردت بصوت بالموت ينسمع::الحمداللهّ!!!!!
نايف وهو يساسرها:: وش هالادب الي نزل عليك ماشوفه بالبيت..؟؟؟؟
رهف اكتفت انها تناظره وتلف عنه من كثر ماهي مستحيه تبي تطلع وقربت فمها لابوها وهي عيون فهد عليها وهمست::يبه يالله نروح البيت,,
ابو خالد على طول::يالله نستاذن احنا,,
فهد هنا انقهر//وين عمي والله تو الناس وماشبعنا منكم!!!!!!
ابو فهد::وين ياخوي بدري؟

ابو خالد: الحمدالله تطمنا عليه وانا وراي شغل لاراسي ,,واستاذنوا وطلعوا
خالد ::يالله نوف لازم ارجع للدوام؟؟
نوف ::يالله ,,
ام فهد::خلي لامار باخذها معي للبيت!!!!!
نوف::لا يمه اليوم واحد من اخوانها بيمرها ياخذها؟؟
ابو فهد::ايه اتصل علي اليوم تركي(اخو لامار))واخذ عنوانكم,,والله انهم اجاويد مشاءالله عليهم مايقصرون مع لامار,,
خالد هو يقوم بسرعه::يالله نوف مشينا؟؟؟؟وسلم عليهم وطلع

اما رهف كانت طول الطريق ساااكته وماقالت ولاكلمه وهذي مو من عادتها ,,كل الي في راسها عيون فهد ونظراته لها بالمستشفى,,,,,,,,,,,,,,,,,,,,,,,,,,,
________________________________

بعد مرور اسبوعين من الاحداث,,
طبعا فهد طلع من المستشفى وتحسن صار شوي يحرك يده ,,
رهف صار فهد في بالها دائماااا وتفز لاحد جاب طاريه ’’
خالد ونوف ,,نفس الشي ماتغير عليهم شي,,,,ونفس الروتين
______________________________
بشقة خالد ونوف
نوف كانت ترتب الشقه وتقلب بأماكن التحف الي بالشقه من الطفش ومن وقت الفراغ الكبير الي عندها والي تجلس فيه بالشقه لحالها ,,اف ياخالد مايصير كل يوم على الحال ,,وبعدين مع هالرجال ,,والله صار شقاي ,,جاها شعور انها مشتااااقه له مررره,,شفتوا كيف من قل قعدتها معه تحس انها تشفق على شوفته ,,تحس براحه غريبه معه ,,حختى لو كان معاملته جافه معها او مايتكلم معها ,,بس يكفيها وجوده جنبها بنفس المكان ..تحس بأنفاسه يملى المكان..وعلى افكارها سمعت صوت الباب ينفتح ابتسمت يوم شافته ,,,,,
::اهلين
خالد هو يحط المفتاح على مكتبة التلفزيون ومكل طريقه للغرفه::هلا بك,,
نوف تأففت اكيد بينام ,,لازم اشوف لي حل معه..ولحقته للغرفه,,,وقفت عند الباب وشافته يسكر اخر زر من بجامته::خالد ممكن اكلمك شوي؟؟؟

خالد هو يرفع يده ::مالي خلق أي كلام ابي انام,,
نوف برجى::خالد الله يخليك افهمني شو ,,مايصير كذا ’’
قاطعها خالد هو يدخل نفسه بالفراش::مابي افهم شي ابي قلتلك مالي خلق ,,
نوف بدت تبلع بحلقها الكلام مو راضي يطلع
خالد غطى نفسه بالبطانيه,,
نوف ملزمه اليوم تكلمه حتى لو ما يبي يسمعها’::خالد مايصير كذا من تزوجنا ماقعدنا مع بعض مانسولف مانتكلم مع بعض ,,,
خالد:_________
نوف بكلام مقطع ::خالد يعني انا بس ابي اقعد معك اطلع معك ياعند اهلك ولا اهلي ولا اصاحبك وحتى لو طلعت لاهلي ترجعني و على طول تطلع لا صح ,,بعدين سكتت تناظره ويأست انها يرد عليها ونزلت دموعها ,,شي كريه انك تحاكي شخص وهو ماير د عليك ,,لاراديا سحبت الغطى بأقوى ماعندها وقالت::احاكيك انا’’’,,,,,,,,,
خالد وكان ناوي الشربس شاف دموعها الي مغطيه وجهها صد وقال بعصبيه::قلتلك مالي خلق تقعدين تتكلمين ليه,,قولي وش الي عندك وخلصيني؟.....!!!
::خالد انت مو مقتنع فيني؟؟؟؟؟؟؟؟؟؟؟؟؟
خالد انصدم انها مانست كلامه لها:_______
نوف::اسألك انا ياخالد؟؟؟؟
خالد::ماعندي جواب!!!!!!!!
نوف كملت بغصه ::خالد يمكن تكون مو مقتنع فيني ,,او اكيد مو مقتنع,,لاني حاسه بكل شي من بداية زواجنا,,حاسه من صدك لي ومعاملتك معي وبرودك لي وصدودك مني ,,كل هذا حاسه فيه,,,,بس انا مأقدر اعاملك مثل مأنت تعاملني ,,,,طيب,,, تبي تكمل كلامها بس ماقدرت طلعت ’’’’


خالد مسك شعره بتوتروهو مشتت وضايع ,,والله عذبتها وعذبت نفسي معها,,يعني هذي حاله ,,لاهي مرتاحه ولانا قادر ارتاح,,اكيد الحين تبكي من تزوجتها وانا دايم اسمعها تبكي ,,,, وبعد تفكير ,,شبك يده الثنتين ورى رقبته::ليش ماحاول اغير معاملتي معها شوي ,,,,,


قام وتوجهه للصاله بس وقف يوم سمع صوتها وهي تبكي بالمطبخ اخذ نفسه ودخل للمطبخ ,,وحصلها جالسه على الكرسي ومنزله راسها على يدها وتبكي ,,ابتسم بخفيف,,كانها تلميذ بأول ابتدائي ومعاقبه استاذه ,,جلس على الكرسي الي مقابلها يفصلهم الطاوله,,نوف حاسه فيه بس مارفعت راسها,,,,,,,,,
::ممكن تطالعيني؟؟؟؟؟
نوف:______
خالد::اسمعي نوف انا ابغاك تنسين الكلام الي قلته لك هذاك اليوم ,, انا وقتها قلتها وانا معصب وكمل وهو يحاول يقنعها,,وبعدين الواحد لاعصب مايدري وش يقول,,
نوف تسمعه وتتمنى انه يكون صادق بكلامه:_____
خالد::نوف ارفعي راسك وطالعيني ,,وكمل بمزح ::ولا مو عاجبك وماتبين تشوفيني الله نوف؟؟؟
نوف رفعت راسها بخفيف ومسحت دموعها خالد عوره قلبه وقرر انه يغير معاملته معها ,,
::اوعديني انك تنسين الكلام
نوف حطت عينها بعينه ::طيب لي تقولي انك مو مقتنع فيني؟؟
خالد ماعرف وش يقول وحس من عيونها انها محتاره جد وتبي اجابه قال بهدؤء::نوف قلتلك كنت معصب ,,يالله نوف طالعيني وابيك توعديني انك تشيلين كلامي من راسك؟؟؟
نوف استسلمت وهي عارفه انها تضعف قدامه بشكل كبير ابتسمت له::اوعدك
خالد ابتسم لها قام وراح لكرسيها ومسك يدها وسحبها ::يالله امشي ننام سهرتيني ماخلتيني انام ,,ابتسمت نوف وراحت معه مسيره ماهي مخيره,,,,,,,,,,,,,,,,,,,,,,,,,,,,,,,,,,,,,,,,,,
بعد قرابة اسبوع,,
كان خالد بهالاسبوع معاملته مع نوف متحسنه,,صار يرجع للبيت بدري ,,واذا رجع من الدوام ونام وصحى يجلس معها قبل لايطلع,,,
نوف كانت ملاحظه ومبسوووطه من تغيره معها,,,,

بعد صلاة الظهر
العايله كلهم مجتمعه في بيت ابو فهد..
نوف ورهف كانوا جالسين فوق بغرفة نوف..
نوف::شوفي هذي انا يوم كنت بأول ابتدائي...!
رهف ميته من الضحك::ههههههههههههه شكلك تحفه بوريها خالد ,,والله اخوي مخدوع فيك,,
نوف وهي تسحبها:::هاهاها يالله بس اصلا هو اكيد يتذكرني مايحتاج تورينه..
رهف تنحت شوي ,,نوف ::ايه هذي صورة الي معك صورة فهد يوم كان بأول ثنوي ,,رهف كانت منبهره فيه ماكأنه صغير اكبر من عمره بكثير,,
نوف تبي تحرجها::شفيك فاكه فمك شكل اخوي عاجبك,,..
رهف وتبي تبين عادي::تصدقين يشبه اخوي خالد؟؟
نوف::طبيعي عيال عم..بعد ماخلصوا وتفرجوا على الصور نزلوا تحت ,,,,,,,,,,,,,,,,

ام خالد::رهف هاتي لي كاس مويه...
رهف وهي تقوم:: إن شاء الله,,
راحت رهف للمطبخ ودخلت والي ماخطر على بالها ,,كان فهد موجود ,,انشلت افكارها يوم شافته ,,فهد حس كل خليه بجسمه تتحرك ,,بدون شعور ابتسم لها ,,هي ظلت واقفه مكانها <<<<<<<بهالمواقف ماتعرف تتصرف..فهد استوعب وعلى طول صد وطلع ,,اما هي يوم ماحست بوجوده..على طول سحبت الكرسي وجلست ,,وقلبها يدق بقوه,,ياويلي يافشله,,وش بيقول,,اكيد بيقول هذي البنت ماتستحي ,,المره الاولى دخلت بجامه والحين وهي تطالع لبسها ,,تنوره قصيره ,,وبلوزه حي الله ساتره,,تذكرت شلون كان يطالعها ويبتسم ,,بس هو بعد مايستحي انا وش دراني انه موجود ,,مفروض مايدخل ,,شلون يعني يارهف,,انا الملقوفه وشدخلني للمطبخ هو دخل من الباب الى ورى من الحوش يعني مو من البيت,,بعد ماهدت شوي,,, بس كان شكله رهييييب بالثوب والغتره البيضاء ,,ضحكت على افكارها ,,تذكرت امها انها تبغى مويه وقامت على طول,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

اما فهد دخل عندهم وهو مبسوووووط ومبتسم بذات هو يتذكر شكلها وهي خايفه وماتحركت من مكانها,,وجلس مع الشباب ,,وحط في راسه وقرر انه يحاكي امه,,,


في سيارة خالد
بعد ماطلعوا من عندهم,,
نوف وهي مستغربه وطالع الطريق::خالد وين رايحين؟؟؟
خالد وعيونه على الطريق::بروح ناخذ لنا فره بوحده من هالمجمعات؟؟
نوف بفرحه ممزوجه بأستغراب::مجمع؟؟
خالد يناظرها هالبنت كل شي يبان عليها::ايه مجمع ليش مستغربه؟؟!!!!!!!
نوف::هاه لابس أي مجمع بروح.؟؟؟
خالد وهو يطالع لامار بالمرايه::وين تبي الحلوه؟؟
لامار وللحين مانست::ماما حلوه مو انا...!!!!!!!!!!!
خالد ماقدر يمسك نفسه مات من الضحك.....
اما نوف متفشله تذكرت عصبيتها على لامار وقالت بعصبيه::مافيه شي يضحك؟؟؟
خالد حس انه زودها بالضحك وحب يلطف الجووقال:://اكيد يالامارالحلى كله امك....
نوف ضحكت على نفسها بداخلها وقالت تصرف::يالله خالد قول وين بروح؟؟
خالد::شرايك بالفيصيليه؟؟؟
نوف برضى::اوكيه الي تشوفه حلو,,
ماحسو الابلامار داخله بينهم بالوسط::ايه الله حلوه فيها ملاحي_(ملاهي)
خالد وهو يضحك على كلمتها ويمسك خشمها ويسحبه ويقربها لوجهه؛؛::ملاحي هاه ربي لايحرمنى هالوجه الحلو,,
نوف ابتسمت وبداخلها ولايحرمني منك,,,,,,,,,,,,,,,


وصلوا الفيصيليه ولعبت لامار باللعاب وتمشوا بالسوق واشترت لها ملابس واكسسورات,,,,,,الخ

ورجعوا للبيت مبسوطين ,,طبعا الاكثر نوف ماينوصف شعورها بهاليوم,,تحس كانها مالكه الدنيا ومافيها وهي مع خالد,,,,,,,,,,,,,,,,,,,,,,,,,,,,,,,,,,,,,,,,,,

في بيت ابو فهد..
ام فهد وهي مبتسمه::وانا اقول وش فيه فهد مو طبيعي هالايام ,,اثرك كبرت وانا مدري,,
فهد بأبتسامه عريضه::ايه يمه وشرايك بالي قلته؟؟
::والله رهف بنت عمك وبنت كامله والكامل الله ’’
::خلاص اخطبيها لي..
::بس كأنه بدري على هالكلام...
::يمه بس خطبه رسميه ,,
::خلاص بقول لابوك؟؟
::ابوي متأكد انه مو معارض ,,
:: طيب نوف تدري انك تبي رهف؟؟؟؟
::لايمه ماتدري
::شرايك اقولها تقول لرهف وتشوف رايها قبل عشان ماتصير مشاكل اذا ماوافقت ولاشي ماتدري عنها ,,
فهد وكانه واثق انها بتوافق::خلاص كذا احسن إن شاء الله بكلم نوف وبقولها,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

نهاية الجزء العاشر,,,

وش تتوقعون هل خالد فعلا نسى ريم ونسى القرار الي في راسه .واقتنع بنوف كزوجه له ,,

وفهد وخطبته لرهف ,,وش بيصير لهم,,

 
 

 

عرض البوم صور yasmine   رد مع اقتباس
إضافة رد

مواقع النشر (المفضلة)

الكلمات الدلالية (Tags)
بقلم حزني الظامي, روايه مكتوب بحياتي ورضيت فيه الكاتبه حزني الظامي, قصه مكتوب بحياتي ورضيت فيه
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:38 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية