الــــــــــــجـــــــــــــــزء الـــــــــــــخـــــــــــامـــــــــــس
دخل حمد المجلس ولقى ملاك ترتب السفرة بوضعيه اغرته شوي وخلاص ماقدر يستحمل جى يقرب منها وووو.....

ولفت عليه وخربت مخططاته

ملاك / وش فيك واقف تعال اقعد المسلسل بيبدأ الحين

جلس حمد وهو غير مرتاح لكن شكل الأكل وريحته أشغلت تفكيره شوي وابعدته عن نواياه الأوليه

حمد / وش انتي اللي مسويه

ملاك / هاذا طال عمرك رز صيني ودجاج صيني وسلطه صينينه وأكل صيني هههههههههه الأكل كله صيني بصيني وشرايك فيه ؟؟

حمد / وكالعاده لاجواب

بدأ المسلسل المدبلج اللي كان يتابعه حمد / حطيلي سلطه .....وكانت السلطه من جهة حمد....اضطرت تقرب من حمد عشان تحطله وكانت لاصقه فيه ...حطتله وانشدت مع المسلسل وما غيرت مكانها ....

وطبعاً المسلسلات المدبلجه أنواااااااااااع قلة الحيا بوسات على الرايح والجاي .....حمد بنفسه[هو انا ناقص تزيدني ماسك نفسي بالعافيه ]
صار كل ماجت لقطه يوزع نظراته يمين وشمال عشان ولا يلتهي بالأكل ما تثيره زياده ويتهور
حس بحراره بيده اليمين التفت لقى ملاك لازقه ماقدر يبعدها أو ينبها مثل العاده لما تقرب منه وكأن قربها اعجبه ...حط يده اليمين على خصرها وقربها له بشكل فضيع ومسك بيده اليسرى وجهها ولفه له ...قرب وجهها وطبع بوسه طـــويـــلـــه خدها ثم خدها الثاني ثم رقبتها وثم ....وثم ...
وهي استسلمت له على طول ...تتمنى دايم قربه وكان يصدها دائماً ...........وقف فجأه وكان أحد ساحبه غصب عنه

حمد بإرتباك / أبروح اتحمم وانام

وتركها على الأرض لوحدها بنت مثل ماأخذها....

قامت من على الأرض وهي في حالة صدمه من اللي صار وأخذتها الظنون يمين وشمال [وش فيني عشان ينفر مني كل مرة يقربلي مادري كان فيني شي يعيبني أو شي ينقرف منه أو يمكن عنده مشاكل وما يقدر ........آآآآآآآهـ يالله اللي صبرني ست شهور يصبرني العمر كله ....واهم شي الحب ولا العلاقة الجسدية شي ثانوي بالزواج ...أللعب على نفسي أنا حتى الحب ما يحبني وش يصبرني عليه .... بس انا أموووووت فيه ولا اتخيل نفسي عايشه من دونه هو اللي حبيت واللي تمنيت ولو قسى واهان وجرح على قلبي زي العسل ماصدقت انه صار بقربي وملكي ]

وقامت بعد ما اقنعت نفسها بأفكارها اللي لو احد غيرها مااستحمل الحياة هاذي

شالت السفره ودخلتها المطبخ ...وعدلت لبسعا وشكلها عقب الحوسه اللي عملها حمد وراحت لغرفتها سمعت صوت المويه بالحمام طلعت له لباس وعطرته وأخذت فوطته وفتحت باب الحمام وعلقتهم على معلاق الحمام ....ومادرى عنها لإن البانيو كان يتسكر بزجاج اخضر مايبان اللي داخله

راحت للمطبخ غسلت المواعين واخذتلها ملابس وتروشت بالسريع بالحمام الثاني

ملاك / قصر على التكيف شعرك رطب وجسمك مبلول

حمد / لارد

ملاك راحت قصرت على التكيف وأخذتلها فوطه ونطت فوق السرير وأخذت تمسح راسه

حمد وهو يحاول يبعدها وهي غصب عنه تكمل مسح وبالأخير استسلم وخلاها تكمل / أووووووه ماني بزر تقعدين تمسحين راسي أنا عاجبني البراد وأبغى اتعب زيـــــــــــن ولا عندك مانع

ملاك وكانها تكلم بزر / لا ياحبيبي ما يصير ....همين تتعب وماما تزعل منك خلاص حبي ...؟ عفيه على الولد الشاطر ...

وراحت من فوقه وفتحت الصندوق اللي فوق الكمدينو وكان فيه حلاو جالكسي لإنها تعشقه بجنون ....مدت الحلاوة له/ يالله وهاذي حلاوه للي يسمع كلام ماما ...وقرصت خدوده وراحت تمشط شعرها وتدهن جسمها عقب الأستحمام

هو خلاص ....ماصار قادر يستحمل كل مالها وتثيره بزياده مايدري وش فيها كل المواصفات اللي كان يبغاها هي عكسها تماماً وعرف لو يقعد دقيقة زياده راح يخربها من جد.... قام من السرير واخذ مفتاح السيارة وبوكه وجواله وطلع من البيت بكبره خلاص مايقدر يستحمل قربها زياده عن كذا أخذلها كم لفه بالسياره وسمع الأذان ... تذكر لبسه كان لابس بنطلون اسود قطن وبلوزة كت حمراء قطن أفرب ماتكون للبجامه ويستحي يصلي فيها راح لمسجد عارف ان كله هنود وهاللبس عادي عندهم وصلى وقعد شوي

ركب السيارة وتذكر شوق ماكلمها اليوم / الله يلعنها نستني شواقي

دق مرة ...مرتين ...ثلاث...عشر ....ولا ردت كلها انتظار

حمد / من ذا اللي قاعده تكلمه كل ذا الوقت

شوق بدلع زايد / آآآآآلـــــــــــــــو

حمد / شــــــوق من قاعده تكلمين كل ذا الوقت

شوق ماكانت تدري انه حمد وبتضيع السالفه / هلا حمد حبيبي وش ذا الرقم من متى مطلعه

حمد بعصبيه / خلك من الرقم الحين من قاعدع تكلمين

شوق / قاعده اكلم صاحباتي تعرف وقت عيد وكلهم راح يروحون السوق عشان كذا قاعديت نتفق تعرف بنات متى ينتهي كلامهم

حمد بعدم اقتناع لكن هدى شوي / آآهـ ...طيب ليه مارديتي علي بسرعه

شوق بزعل على دلع / حــــــمـــــد ....أصلاً أنت داق من رقم غريب وما أعرفه ولا تبغاني أرد على أي رقم والسلام بس لما شفتك تكرر الإتصال حسيت انه احد يعرفني ورديت

حمد بندم / آآآسف حياتي حقك علي ... بس كنت معصب من قبل من اللي عندي بالبيت عشان كذا انفعلت شوي عليك آآآسف مرة ثانيه

شوق / وليش ذا المتخلفه مزعلتك هي كانت تطول اصلاً تتزوج واحد مثلك جمال وفلوس ....الدنيا حظوظ والله والا من يصدق ان ذا القروية المنتفه تاخذ حـــمــــد

حمد يحاول يسكر على الموضوع / يالله شواقي لازم أسكر أنا جالس اكلمك من السيارة

شوق /وش عندك بالسيارة فيه حد يتمشى بذا القوايل

حمد / لاماكنت اتمشى كنت اصلي

شوق / ههههههههههههههههههه

حمد / خير ليش الضحك ضحكينا معك

شوق / ههههههههه حمد وبعد عمر طويل صار يصلي بالمسجد ....والله هزلت حمد بنفسه صار يصلي بجنب الناس اللي أقل منه ويتحمل الروايح على قولته

حمد بنفسه [أجل لو تدري أني مصلي بمسجد كله هنود وباكستانيه وش بتسوي تنتحر ]

حمد بعصبيه / خلاص شوق انا أسوي هالشي عن قناعه رجاء لاتتطنزين علي ok

شوق وهي خايفه من عصبيته بس لازم تاخذ فلوس لأجل تروح السوق اليوم وبدت تسوي تمثليتها المعتاده

شوق وكأنها تبكي / ليش تصرخ علي كافي اني اشوفك معها وماخذه مكاني ولا أقدر أسوي شي نار الغيرة تاكلني ولا اقدر أبعدك عنها تجي بالأخير تعصب علي عشانها آآآآآهـ ...آهي....آهي

حمد وهو يسب نفسه لإنه زعل شوق قلبه ومنى عمره / شوق حبيبتي خلاص آآآسف والله حقك علي أنتي الله يهديك تدورين المواضيع اللي تعصبني وتقولينها

شوق / أصلاً انت متغير علي من تزوجت ذا التكرونيه وانت صاير تعصب وتصارخ علي من دون سبب حتى العيد بالعاده تعطيني عشان أتقضى هالمرة ماعطيتني وحتى مصروف ما عطيتني مادري هي اللي تمنعك ولا أنت استغنيت عني وبطلت تحبني قلبي كان حاس انك بتنساني إذا تزوجتها آآآهي ...آهي

حمد / شوق ...ما يحتاج اذكرك أن انتي اللي حبيت وما غيرك احد ولا يمكن اني احب غيرك ولا انتهي من حبك حبك يسري بعروقي وين ينتهي معه وقلتلك من قبل وأقولك الحين ولا مليون وحده مثل ملاك وغيرها يسووونك

انا بس أنشغلت شوي بالشغل الجديد ... مايصير خاطرك الا طيب لك من الألف للميه أنا كم شواقي عندي

شوق بدلع ذوب حمد / وحده ولا عندك غيرها ؟؟!!

حمد / هههههههه ما عندي إلا شواقي وحده وأحلى شواقي بالعالم .....وأخذتهم السوالف


.............................


فــــي مــــكــــان آخــــــر....ويــــوم آخــــر

..../ آلو السلام عليكم

..../ وعليكم السلام من معي

...../ حزر فزر

..../ ملااااااااااااااك هلا والله الشمس منين طالعه يومين ورا بعض متصله وش عندك

ملاك / ابد بس حبيت أسلم واأتطمن على صديقتي فيها شي

ندى / لا مافيها شي هههههههههههههه

ملاك / اليوم بروح لبيت اهلك ومسويه جريش عاد تعالي هاه

ندى / قولي والله تصدقين القلوب عند بعضها من كم يوم وانا هاف علي طباخك......أبغى تسويلي رز ربيان حقك عجيب خبرك الحمل والوحام ششغال

ملاك / ها ها ها ها ضحكتيني أنتي بالشهر الثامن الوحام مخلص من زمان ألعبي على غيري عيوني كان رجلك مصدقك انا لا ههههههههه

ندى / صدق انك شيطانيه بدال ماتسويلي كل اللي أبي تتطنزين علي

ملاك / ليه إنشاءالله أسويلك اللي تبين أنت كفيلتي ؟؟!!

ندى / لإني انا شاريتلك مواعين المطبخ كلها وبدونها ماقدرتي تسوين شي

ملاك / عادي ابجيب الحافظه فاضيه أبشوف وشلون راح تاكلين الرز هههههههههه

ندى عصبت / ملاااااااااااااااك

ملاك / ههههههههههههههههههه


...................

بـــــــعــــد ســـاعـــــات

...../ ملاااااااااك ملاااااااااااااك يالله وش قاعده تسوين كسر جوالي أبوي أبوي من كثر مايدق يالله خلصينا

ملاك / يالله خلاص قضيت ...هاه وش رايك فيني .. شكلي حلو ....وصارت ترمش بعيونها له بإستهبال

حمد بعصبيه / أنتي فاضيه أقولك أبوي شايش تقعدين تسبليلي بعيونك

ملاك / بدلع ليه شكلي مو حلو يعني ؟؟؟....قولي يالله

حمد بقلة حيله / اللا حلو ويجنن بعد بس خلصينا واطلعي

ملاك / ههههههههه عيونك الحلوه حبيبي شفت ماضرك شي يوم مدحتني

حمد / ملاااااااااك

ملاك / طيب بسم الله علي اكلتني



.............

فـــــي بـــــيـــــت الــــعــــائـــــلــــة


وصلو البيت ودخل حمد سيارته بالحوش ونزلوا وفتح الشنظه

حمد / ليتي ...ميري

ليتي / نعم بابا

حمد وهو معصب ويصارخ / بابا بعينك انقلعي شيلي الحافظات من الشنطه وسكريها لا قضيتي بشويييييييييش

راحت الشغاله وهي تتحلطم عليه لإنه كريه ودايم يعصب عليهم

ملاك بصوت واطي / هههههههههههههههه

حمد سمعها وبسخريه / خير الشيخه وش اللي يضحك

ملاك / هههههه حلو شكلك وانت معصب وتهاوش مادري ليه معصب

حمد / وش رايك أبوي من الصبح وهو يتصل يهاوشني جبها مبكره لاتنساها .... ياويلك إذا ماجبتها .....لـــــيـــــن البيت وهو يزفني مرة بهواش ومره يسكر السماعه بوجهي حتــــ...ترن ترن

طلع حمد الجوال من جيبه وضحك / هههههههههالطيب عند ذكره أسمعي وشلون يهاوش

فتح الجوال وحطه على السبيكر

أبو حمد / وينك فيه ماصار كل هذا طريق تمشي على بيض

حمد / يبه وش فيك انطلقت مرة وحده هذاني توي طالع من البيت

أبو حمد / بالـــــبــــــيـــــــت لــــيــــن الحين ...أقول خلني أسكر السماعه لا انجلط ..........تدخلت ملاك وقالت

ملاك / يبه وش فيك معصب ترى العصبية مهب زينه ترفع السكر والضغظ

أبو حمد بهدوء / هلا والله ببنيتي وشلونك يبه عساك بخير .....طير حمد عيونه وهو يتكلم بشفايفه لملاك / كنه ماكان شايش من تو ويهاوشني صاير الحمل الوديع معك

ابتسمت ملا على كلام حمد / بخير عساك بخير ...باب بيتكم مفتوح

أبو حمد / أنتم تعالوا وانا أفتح الباب لكم تصدقين على فطوري الساعه سبع عظامي تتنافض من الجوع والسكر

ملاك / يخسي الجوع أفتح الباب حنى بالحوش

أبو حمد / بالحوش وذا الثور يقول تونا طالعين من البيت

ملاك تناظر وجه حمد المفتشل من تعليق أبوه وقعدت تضحك / هههههههههههههه يبه يمزح معك بس انت كلش كنت معصب ...يالله مع السلامه هذانا بندخل

حمد وهومنقهر / أشوفك من اليوم وانتي تضحكين علي اعجبك تعليق الوالد

ملاك / مو كثر شكل وجهك وأنت متفشل ههههههههههه

حمد انقهر زياده وبعصبيه دف ملاك / عطيتك وجه زياده اليوم أدخلي اقول لأذبحك الحين بالحوش

ملاك / طيب وش جاك ابدخل بدون دف

حمد واتشت معه / أقووول ادخلي ....ودفها بقوة لين ماطاحت على الدرج

......../ حــــــــــمــــــــــــــــد

ألتفتوا لها وهم متفاجئين من وجودها حمد خاف لاتعلم عليه أحد وملاك بعد خافت لتفضحها عند أهلها

حمد / ندى من متى وانتي هنا ...ووشلون دخلتي و .....

ندى / وش فيك شوي شوي هدي توي داخله نزلني طلال وراح للمجلس رح عنده وانتي ماتشوفين الدرج ...قومي قومي بسم الله عليك ومسكت يده وقومتها ....ماتشوفها طايحه كان قومتها ولا شلتها بعد ههههههههه

حمد / وش ذا الهبال والضحك اللي ماله داعي

ملاك وهي تتألم بس ماقدرت تمسك نفسها وما تضحك / ههههههههه ندى ماعليك من اليوم وهو معصب ويهاوش ههههههههه

عطاها حمد نظره وراح للمجلس


..................


بـــــعـــــــــد الــــغــــداء

أبو حمد / الله يعطيك العافيه على ذا الطباخ السنع الله يستر من الكلسترول أكلت من ذا الزبده لين ماقلت بس

ملاك / فيك كلسترول ...مادريت والله لو داريه كان حاطتلك حافظه مافيها زبده بدال ما ..........

قاطعتها ام حمد بقرف / وهذاك دريتي وش بتسوين يعني

دخل عليهم سعود بذا لوقت / تسلم يدينك ندوي صراحه غداء ولا أروع خصوصاً رز ربيان قعدت أكل لييييييييييييين مادخت ......أول مره أدري أنك طباخها ولا هذا تأثير طلول

ندى / اول شي وش فيه طلول مو عاجبك وثانياً مو أنا اللي طابخه جايه يد ورى ويد قدام

سعود / تستهبلين يعني ولا ماودك أطلب منك شي أنا شايف الشغاله تدخل الأكل ودخلتي بعدها .......أعترفي لايوجد لديك مفر قولي الحقيقه ياأخت العرب

ندى / الحمدلله والشكر وش فيك قلبت مسلسل ديني الغداء مسويته ملاك مرة حمد مو انا بس إذا بغيت تطلب منها نادني عشان آكل معك

انحرج سعود لما عرف أن ملاك هي اللي طابخه الغدى وبنفسه قال [وش يفكني من حمد ومن زين الوجه قاعد امدح الطبخ ازين شي أقوم ...شف عيون حمد حمره شكله ناويله على نيه ......الهجه .الهجه]

سعود / عن اذنكم ابروح استعد للصلاة

لما طلع سعود شالت ملاك الجلال عن وجهها

لف حمد عليها وكللمها بعصبية من بين سنونه / فرحانه انتي ووجهك انه مدحك لكن يصير خير بالبيت ......مابقى اللا يقوم يحب يدينك ذا المشفوح كنه أول مره ياكل

ملاك ابتسمت على تعليق حمد واستانست لما شافت نظرة الغيره بعيونه

حمد وزادت عصبيته واللي قهره انها تبتسم وبنفسه قال [عاجبها أن سعود يمدحها أصغر مني وقريب لعمرها مب انا كبر أبوها وش ذا الخرابيط اللي اخربط بها تحمد ربها أني اتزوجتها ]


لما شافت وجه حمد حمر من العصبيه ضحكت بصوت خفيف لكن سمعها حمد ووده يضربها يبرد حرته فيها [آخ يالقهر لو اني بالبيت كان كسرت سنونها ذا اللي فرحانه فيها]

قرب منها لين مالصق فيها وحط يده على كتوفها وبدى يقرصها بأقوى ماعنده

ملاك / آآآهـ ...تراك تعورني كل هذا قهر ماتقدر تصبر لين مانروح للبيت ستر وغطاء مو عند الناس

حمد / أقول انطمي وأسكتي ودواك بالبيت ويقلد صوتها ....ستر وغطاء على قولتك

ورجع يقرصها من أول كتوفها ليده وخصرها واي شي تطيح يده عليه وهي أنواع الضحك مو كأنه يألمها كنه يدغدغها

حمد / انتي ماتحسين كني قاعد اقرص الجدار

ملاك وزاد ضحكها وحمد كل شوي يلتفت لها ويهددتها وهو معصب وناسين انهم بمجلس مليان والعيون عليهم وخصوصاً عيون ام حمد وبنفسها تقول [ذا الثور ماقدر يصبر عنها حتى عندنا لازق فيها وحاضنها كنها بتطير وهي فمها بنشق من كثر الضحك انا داريه ان ماوراه خطط وانا الغبيه اللي اعتمد عليه وأخطط مثل ذا الخطط الغبيه ولا فيه مره مايلمسها رجلها وتسكت آخ يالقهر وش السواة الحين ؟؟ عسى بس ماتحمل ويخرب كل شي ]

أم حمد / أقول حمد رح صل تراه أذن ....وملحق على حرمتك بالبيت وعطته نظره معناها ياويلمك مني

حمد انتبه على جلسته وشال يده [الله يعيني على الوالده فهمتني غلط وش بيفكني من لسانها ]

قام من مكانه وراح للمسجد

قامت خلود وطيراان جلست بجمب ملاك / وش ذا الحركات أول مره أدري ان حمد رومانسي آآآآآآه الله يرزقني بواحد زيه

ملاك / [الله يرزقك بواحد أزين منه مع انه بعيني مايسواه أحد ..آآآآه لو تدرين وش سبب رومانسيته كان ضحكتي إن شاء الله يكون حظك ازين من حظي ]

خلود / وش ذا الإبتسامه إبتسامة خجل

ملاك / ههههههههههه لابس تذكرت شيء جاء على بالي

خلود بلقافه / وش هو

تذكرت مبارك ولد اخوي مع انه شاب وسيم وحليو عمره 25 إلا انه من يومه وهو يحب التجارة ....أول مابدا بسطه بالبيت بالإبتدائي ويوم تخرج من الثانوي اعطاه ابوه محل وقاله سو فيه اللي تبي ....وكرف كر ف ماصرت أشوفه والحين ماشاءالله عنده كذا فرع لمحله وعنده شركة تهتم بالعروس وتستلمها من الزفه لين الحلاو اللي بعد العشاء شفتي صوري يوم الزواج حلوه

خلود / أيه والله تجنن

ملاك / هاذي مصورة الشركه

خلود / وش رايك تروحين السوق معنا انا وسارة ....ندى لازقه برجلها بالمجلس كنه بيطير مافيه امل تروح ...... وأبغاك أنتي تختاريلي ذوقك جنااااااااااان

ملاك / تسلمين ياقلبي ...ترى أنا ماأستحمل المدح ماعندي مناعه يعني تلقيني الحين ذايبه عليك ههههههههه بس ماظني حمد يوافق

خلود / ماعليك أنا بخلي أبوي يقوله وهو مايرفضله طلب

جو من الصلاة

خلود بلع / بابا حبيبي ابروح السوق مابقى شي على العيد

أبو حمد / وش ذا الأدب بالعاده ماتقوليلي إلا إذا جيتي

خلود تفشلت / هاااااه لابس أبغى ملاك تروح معنا لإن ندى تعبانه وما أبغى اروح مع بنات خالي وما يصير أروح انا وساره لحالنا

أبو حمد / خلاص خليها تروح معكم

حمد / ماشاءالله وانتي وش ذا اللقافه وش دخلك يمكنها ماتبي تروح

خلود / إلا تبي تروح .......وش تلبس بالعيد يعني ... صح تبين تروحين معنا

ملاك وهي تنقل نظره بين حمد وخلود ودها تروح بس خايفه من حمد وخصوصاً وهي تشوف نظرة الرفض بعيونه

ملاك / لا ......آآ

واخيراً جاء المنقذ أبو حمد / خلها تروح ياحمد مع خواتك مابيهم يروحون لحالهم

حمد ووافق غصب عنه / خلاص روحي بس خليهم يوصلونك للبيت سامعه

ملاك بفرح /إنشاءالله (وهي ببالها شي ثاني ) ....[أشتقت له موووووت من متى ماشفته ولا كلمته كله من ذا اللي عندي محجرلي خلني أرسله ابي لأشوفه اليوم ]


......................

فـــــــي الــــــســـــــوق


راحو السوق مع السواق ولما وصلوا خلاص ملاك ماقدرت تصبر وودها تطير وتشوفه بس ذا البنات معها لازم تصرفهم

ملاك / انتم تصلون

البنات / أيه

ملاك / انا مالي صلاة ابروح اشتريلي شي أشربه واجيكم للمصلى لا تروحون لين مااجي فاهــــــمـــــيـــــن

ملاك / آلو

...../ هلا ملوك وينك فيه

ملاك / أهلين حبي أنا عند المطاعم تعال لي

...../ أنا واقف عند بيت الدونات

ملاك / خلاص هذاني شفتك مع السلامه

..../هلا والله وغلا ....هلا بالطيب الغالي ....عزيز وشوفته منوه

ملاك تمسك يده وتمشي هي وياه / ههههههه وأهلين وسهلين وبوستين فوق الخدين

...../ متأكده فوق خديني ولا خدين زوجك اللي حرمني منك

ملاك / لا حمد ولا غيره بيحرموني منك أنت الأصل وهو الفرع

...../ أشك بكلامك الصراحه


وأخذتهم السوالف ونسوا أنفسهم أشتااااااااااااقوا لبعض لهم مده ماتلاقو

ولا انتبهو على عيون تراقبهم وتشوفهم




......................



*....أتمنى لكم قراءة ممتعه....*


*....مع تحياتي هاجس ليل...*

الــــــــــــجـــــــــــــــزء الــــــــــــســـــــــــــادس



ملاك / لا حمد ولا غيره بيحرموني منك أنت الأصل وهو الفرع

...../ أشك بكلامك الصراحه


وأخذتهم السوالف ونسوا أنفسهم أشتااااااااااااقوا لبعض لهم مده ماتلاقو

ولا انتبهو على عيون تراقبهم وتشوفهم

....../ خـــــــــــــلـــــــــــــود خـــــــــــــلـــــــــــــود شوفي ملاك تكلم ذاك الرجال يووووه ماسكه يده ......لا وبعد قاعد يضحك

خلود تناظرها بعدم تصديق ملاك الطيبه البريئه نكون على علاقه باحدهم صدق المظاهر خداعه

خلود / اسمعي ياساره ياويلك لو تجيبين طاري لأحد لحد مااتصرف انا ........فاهمه ؟؟

ساره وهي منسبهه / إن شاء الله إن شاء الله

ترن ترن .....ملاك / وينكم فيه مالقيتك بالمصلى

خلود بدون نفيس / بالدور الفوقي عند محل الجوالات .....وسكرت الجوال من دون لا تسمع رد ملاك

ملاك / وش فيها سكرت الجوال بوجهي ....يمكن مافيه إرسال .......وصعدت لهم فوق

ملاك / وش عندكم بمحل الجوالات ؟؟

خلود بقرف / ابركب برامج بالجوال عندك مانع اخت ملاك ؟؟

ملاك باستغراب / لا ماعندي مانع

دخلو المحل وطلبت خلود من صاحب المحل البرامج اللي تبيها والأغاني .......وجلست على الكرسي تنتظر

ساره وهي تنغز خلود من خصرها وتساسرها / خلود خلود شوفي هاذا هو نفس الرجال اللي مع ملاك تو

خلود بقهر وقرفمن ملاك / وش دراك ؟؟

ساره / أنا مناظرته زين شوفي نفس نظارته جفنشي

خلود بنفسها / بنفسها [لا وبياع بمحل ..... لا يصير بس هندي وانا أقول من بتاخذ حمد أخذ وحده نفس اطباعه كل خرابه جاء في حرمته آآآآخ يالقهر وش يصبرني للبيت وأعلم عليها حمد بعذره مايبيها تتطلع شكله عارف سواد وجهها ]

صاحب المحل / الحساب 200 ريال

خلود بصراخ / وليش ان شاءالله 200 ريال انا شاريه جوال جديد ولا تحسبنا لا قين فلوسنا بالشارع يومنك تبي تسرقنا عيني عينك ماناقص إلا هندي يلعب علي

صاحب المحل وهو معصب والشياطين قدام عيونه / لا ترفعين صوتك مانتيب بحراج

خلود طيرت عيونها / ســــــعــــــــــــودي

صاحب المحل / ايع سعودي ولا ماعجبتك ؟؟!....وجيبي 200 ريال وخوذي جوالك وفكينا منك

خلود / وإذا كنت سعودي ..... يعني باعطيك 200 !!

صاحب المحل وهو يتأفف / اللهم طولك ياروح .....يابنت الحلال أنتي طالبه كذا برنامج غير الأغاني غير الثيمات غير الوجه الجديد وكان فيه فايروس وشلناه لك بكم تبين كل هذا يصير ؟؟!! بخمسين مثلا كان السعر ماعجبك عادي راح امسح البرامج واشيل الوجه وارجع الفايروس وخذي جوالك لأي محل ثاني يصلحه لك .......وألتهى بالابتوب اللي قدامها وطنشها ......./ هاه وش قلتي ؟؟

ملاك بصوت واطي / معليش سولها خصم علشاني

لكن خلود سمعتها ووصلت حدها من قلة ادب ملاك تكلمه عندهم عادي ولا هامها أحد

خلود بصراخ مفاجئ هبلت صاحب المحل / مابي خصم ولا شي والـ200 أبدفعها وبعصبيه ضربت الابتوب بقوة وسكرته

آآآآآآآآهـ يالحيوانه وش سويتي آآآآآآآآآآهـ

ملاك بخوف تمسك يده اللي سكرت عليها خلود ولا همها احد هذا الغالي ماتستحمل يجيه اي شي / خلود الله يهديك شوفي وش سويتي بيده

خلود خافت يوم شافت يده تنزف دم و بنفسها [ياويلي وش سويت عسى مايوديني للشرطه واكيد ملاك بتشهد معه هذاي ماتهتم من احد ولا تخاف من احد شوف كيف ماسكه يده .......ياويلي آآه آهي]/ والله مادريت والله العظيم قسم باله تــبــغـــ.....تبغى فلوس ابعطيك بس لاتعلم الشرطه والله ورب الكعبه ماكنت أقصد آآآهـ آهي آهي .... وصاحت على طول

ملاك بلشت هاذا يده تنزف وهاذي تصيح وكل اللي بالمحل يطالعون الفلم اللي قدامهم دورت بشنطتها على لزق ولقت وعطته عشان يلزقه على جرحه لإنه من الأشياء الضروريه اللي بشنطتها

ملاك / خلود حبيتي ماصار إلا الخير بس شكل الدم خوفك والا هو جرح بسيط

صاحب المحل بعصبيه وألم / اي بسيط سنة الابتوب خرمت عظمي نقولين بسيط بلا الوجع مو فيها

خلود بعصبيه وخوف / كلله منك لو ماشفتك معه كان ماعصبت وصكيت عليه الابتوب الحين إذا اشتكى علي وش أقول لأخوي صكيت اللابتوب على يد خوي حرمتك

صاحب المحل / أي خوي واي خرابيط انتي ووجهك اللي تقولينها

خلود من بين صياحها / لاتنكر أنا شفتكم تتمشون مع بعض وقت الصلاة ولا الأخت اتصرفنا ابروح اشرب شي واجيكم اثرها رايحه تقابلك عند اخوي ان ماوريتك انتي وياه

ملاك انصدمت وشلون شافتها لازم تفهم خلود السالفه

صاحب المحل / أقول لا يكثر ياام لسانين بتخوفيني بحمدانوه أعلى مابخيلك أركبيه اتنتي وهو معك

خلود طيرت عيونها / يعني ماانت خايف

صاحب المحل / وليش اخاف ماسويت شي غلط

خلود / ماسويت شي غلط ؟؟؟ كل هذا وما سويت شي غلط تقابلها وما سويت شي غلط

صاحب المحل / ايه عادي انتم حرام عندكم

خلود وعصبت مره ثانيه / ايه حرام انك تخاوي حرمه ولا متزوجه بعد مايسمى حرام

ملاك من اول وهي تحاول تسكت خلود لكن مافيه فايده كانت تصارخ ولا تسمع احد غير صاحب المحل

وبالخير قدرت تسكته يوم علت أصواتهم وبدت تخبص بالحكي / خـــــــــــلــــــــــود وش ذا الكلام

هذا مبارك ولد اخوي سعد وش خوي وخرابيطه



خلود منصدمه وكل شيشتها تبخرت / مــــــــــبــــــــــــــــارك هذا مـــــــــــبـــــــــــــــارك

مبارك وهو يقلده / ايه مــــــــــبــــــــــــــــارك انا مـــــــــــبـــــــــــــــارك ورجع صوته الخشن عندك مانع اخت خــــــــــــــلـــــــــــــود ؟؟!! ولا ماعجبتك كان ماعجبتك خلي أخوك حمدانوه يغيرني !!

خلود وهي تعض على شفايفها / وبنفسها [صار ولد أخوها وانا طينتها صراخ من الصبح وبالخير صكيت على يده الجهاز أودي وجهي منين منه ومن ملاك ]

أنا وش دراني شفتها معك حسبتها خويتك وانها قاعده تخون أخوي فلازم اتصرف يعني

مبارك بسخريه / ماشاءالله على المصلحه الإجتماعيه الصغيرونه الشطوره هاه وش الحلول اللي توصلتيلها ....وبلهجة جد .....أقول لا تطولينها أعطيني 500 لأجل الجوال والجرح اللي جرتيني

خلود بسرعه وبدون قصد مطماع أستغلالي ......وتداركت نفسها وسكتت

مبارك أبتسم على حركاتها الطفوليه وكلامها المتسرع وجازتله السالفه / أقول ملاك خلي ذا البزر أم لسانين تعطيني لبفلوس لأمسكها مع شوشتها وأحذفها بره

خلود بنفس التهور اللي ندمت عليه / انا ماني بزر انا أصغر من ملاك بسنه ياابو عيون مسكره

مبارك أنفجر ضحك على تعليقه الطفولي

ملاك / خلاص مبارك لا تاخذ شي علشاني خلنا نطلع

مبارك مطنش ملاك وكانه ماتكلمه لاهو ولا خلود معطينها اشكل محترم

مبارك وتكلم بجد وبنبره خلت عقل خلود يطير وقلبها يرقع / هاذي تسمى العيون الناعسه .....أشر على عيونه .....ونزل راسه عشان تشوف عيونه ورفع النظارات لفوق راسه وطالعها بنظرات تذبح ......

ذا انتي ماعجبتك غيرك من البنات يتخبلن عليها ويتمنن نظره من هالعيون

خلود جسمها ولع وأطرافها بردت كل شي تلخبط فيها بترد زي عادتها ماقدرت فعلا كانت عيونه عذاب خصوصاً وهم قاعدين يطالعون بعض لاهي نزلت عيونها ولا هو نزل عيونه

ملاك ضربتها على كتفها / يالله خلود كل اللي بالمحل قاعدين يطالعونكم ...........يـــــــــــالــــــــــــــلــــــــــ ه ,,,,,ودفتها وطلعتها من المحل ورجعت تاخذ الجوال من مبارك

ملاك / ماتوقعت تغازل عيني عينك وحريف الأخ بعد ......أجل البنات يتمنون نظره من عيونك هاه ..........هين يابروك ماقيت إلا اخت حمد

مبارك / والله اني مااغازل مادري ليه أصلا سوينت كذا .......تصدقين اسمها حلو والله زي عيونها

ملاك / لا الحاله مستعصيه .....مبارك وش فيك ؟؟!!

مبارك / هاه .... سلامتك ....بس هي صدق أصغر منك بسنه

ملاك بخبث / وش عندك أخ مبارك تسال

مبارك انحرج / أقول لايكثر جاوبي لأوريك شغلك

ملاك / ايه صدق ..... بس انها طيبه واخلاق و.......

مبارك / بس بس أحد سألك عن اخلاقها .......سألت كم عمرها بس

ملاك / هين يابروك إن ما خطبتها لفيصل مااكون انا ملاك

مبارك بسرعه / والله لاتندمين .....البنت خشت مزاجي بس بدري على الزواج

ملاك / أي بدري انت عمرك 25 وش تنتظر ......ترى البنت حلوه وراح تطير ......ويمكن تصير مخطوبه بعد لإن عيال خوالها وعمامها كثار

مبارك / أقول الموضوع شكله مطول والناس عيونها طاحت من المطالع بيننا آلو عشان نكمل السالفه ..... يالله مع السلامه وسلمي على الناس

ملاك / يبلغ يالعاشق الولهان

وانتهت الطلعه بعد ماشرت لبس للعيد وهديه لحمد ورجعوها البنات البيت



...........................


فـــــــــــي يــــــــــيــــــتــــٍ مـــا

شرفتي ياست ملاك الساعه 11ونص وتوك راجعه للبيت وين حنا قاعدين فيه ......انا سمحتلك تروحين بس عشان أبوي قالي وإلا لو ردتلي كان مارحتي

ملاك / حمد الله يهديك ترى مارحنا إلا الساعه 7 المغرب والسوق بعيد على بال ماجينا ولا حنا طالعين من السوق مبكر

حمد ويبغى يطلع حرته من عقب موقف الغداء واللي زاد الطين بله هواش امه له يوم شافته هو وملاك قراب لبعض ولا قدر يطلع حرته بالبيت لإنها راحت لسو وراجع للبيت مبكر مخصوص عشان يهاوشها إذا تاخرت وهوعارف انها بتتاخر السوق بعيد وخواته يالله يطلعون من السوق / لا تردين علي لما أقولك شي تنطمين وتسمعين فوق شينها قوة عينها ......غلطانه وترادد

ملاك / مايسوى ترى طلعه كان رفضت وبس بدال الصراخ ذا كله و.........طـــــــــــــراااااااااااااااااااااخ

وعيونه حمر من العصبيه / قلتلك لاتردين أنتي بقره ماتفهمين ولا زي الحمير ماتجين إلا بالضرب

ملاك وهي حاطه يده على خدها مافيه شي يستاهل الضرب وبتهور ردت عليه ندمت عليه بعدين / ترى الروحه كلها على بعضها ماتسوى إلا كانك منقهر من سعود عشانه مدحني هذا شي ثاني

حمد ووصل حده ولا قدر يمسك نفسه ووووووووووو...........



...................


قدام المرايه بالحمام تتذكر كل اللي صار امس يوم رجعت من السوق وتتلمس البقع الزرقه والموف اللي بوجهها من ضرب حمد وشفايفها المنتفخه من جهة اليسار ومتحجر الدم فيها غسلت وجهها بالمويه بيدها اليمين بس لإن اليسار مورمه ومزرقه شوي ولا تقدر تحركها

دخلت الغرفه وراحت تقوم حمد للدوام

ملاك / حمد .....حمد قوم الساعه سبع ...قعدت جمبه على السرير وتضربه بخفه على صدره .....حمد قوم تراني زهقت والله مالي خلق تعباااااااااانه حيل وانسدحت بجمبه ولصقت فيه لإنها كانت على طرف السرير ولا فيه مكان وبصوت ناعم واطي سحر حمد اللي كان صاحي بس مافتح عيونه مع ان التعب باين فيه / حــــــــــــــمـــــــــد حــــــــــــــــمــــــــــد قـــــــــــوووووووم تراني تـــــــــــــعــــــــــــبــــــــــاااااااااااا نـــــــــــه حــــــــــــــمـــــــــد حــــــــــــــــمــــــــــد

لف عليها ولا حست فيه لإنها مغمضه عيونها وقعد يتأمل وجهها وشفايفها كان متندم على اللي سواه ماعمره آذاها بهالشكل لكن وش يسوي كان مايشوف قدامه من الغيره من سعود و والعصبيه من هواش أمه له وكلامها اللي استفزته فيه امس ولا قدر يتحكم بنفسه وضربها بالعقال لين ماعضت الأرض ولا نام لين ماصلى الفجر .......حطت يدها اليسار على بطنها وانتبه على تعبير اللألم اللي انرسم على وجهها .........طالع يدها المورمه وعرف السبب

قام من السرير وحست فيه وقامت بتعب / صباح الخير حمد

حمد / صباح النور ......ماوده رد عليها لكن الشعور بالذنب مسيطر عليه

ملاك / بتتحمم ؟؟؟

حمد / لا مافيه وقت

ملاك / ليه الساعه 7و10 ودوامك يبدا الساعه 8

حمد بإستسلام / خلاص جهزي ملابسي

ملاك / تامر أمر من عيوني

راح الحمام وتحمم واخذت الفوطه وملابسه وعطرتهم وعلقتهم بالحمام وراحت تسوي الفطور وحطته على الطاوله ..... مثل العاده ولا كانه صار شيء امس

حمد / ملاك ملاك

ملاك / سم بغيت شي

حمد يناظرها بحقران / يعتي وش ابغى ؟؟! شوفي شغلك

ملاك فهمت عليه لكن ماتقدرت تحرك يده اليسار لإنها تعورها حيل مشطت شعره وعطته الطاقيه

حمد / جيبي الشراب الأسود والجزمه السوده ........جابتهم له وحطتهم قدامه

حمد / لبسينياهم

ملاك / ماقدر يدي تعورني لا حركتها

تذكر حمد شكل يدها شكل يدها المورمه / بس اليوم راح اترك تدلعين مع انك ما تستحقين الدلع

حز بنفسها كلامه نفس عادته ماتغير ولا بان عليه التحسف أو الندم تأملت خير يوم رد عليها يوم صبحت عليه لكن كل آمالها تبخرت يوم رد عليها ذا الرد القاسي لامت نفسها لإنها هي الغبيه اللي رضت بانه يتمادى بإهانتها بسكوتها عنه بس وش تسوي تحبه ومن زود حبه تمحي أي خطا لو كان كبر الجبال

طلعت من سرحانها على صوت حمد / ترى ماني جاي على الغدى اليوم .....وتحسف انه قالها لو طنشها وخلاها تسوي الغداء وتتعب على الفاضي كان احسن

ملاك / ليه وين بتتغداء فيه ؟؟

حمد / معزوم عند واحد من الربع بعدين انتي وش دخلك لا قد تتلقفين بلي مايعنيك

قعد على الطاوله وفطر وطلع للدوام وودعته كالعاده


...................

فــــــــــي وقـــــــــــــــــتـــــــــــــ آخــــــــــــــر


ترن ترن

...../ ألو هلا حبيبي وينك فيه تاخرت علي من متى وانا قاعد أستناك

......./ آسف شوق بس انشغلت شوي دقايق وانا جايك

شوق / يعني الشغل أهم مني ياحمد ؟؟؟.....كان خليتها موعد عشاء أحسن كانك ماتقدر تخلي الشغل عشان شواقي حبيبتك

حمد بنفسه [زعلت والله البلشه الحين وش يرضيها الحين ]/ يالله شواقي انا عند باب المجمع اطلعي الحين

راحو المجمع وتغدوا وماخات الجلسه من مسكة اليدين والبوسات والتحضن على خفيف اللي على قولة شوق بريئه

رجع البيت الساعه 6 المغرب بعد ماتمشى بالسوق هو وشوق وشرت لين ماقالت بس كأنها تتقضى لعرسها


...................

بـــــــعـــــــد مــــــدهــــ وبـــــــبـــــــيـــــــــتـــــــ أبــــــــو حــــــــمــــــــــد


مجتمعين في الصاله الأم والبنات والأب وملاك وحمد

وملاك مكثره مكياج على غير عادتها لأجل تخفي علامات الضرب اللي بوجهها هي مازارتهم اسبوعين ومع ذلك ماراحت الآثار تماماً

أم حمد بعد مااتفقت ويا حمد على الخطه / أقول ملاك مافيه شي بالطريق كملتوا 7 شهور ودي أشوف عيال حمد بكري قبل لا موت

ملاك وتضايقت من كلام ام حمد وبنفسها [أي حمل وأي بطيخ وشلون أحمل وانا بكر بلا سلكي يعني ]/ بسم الله عليك بعد خالتي بعد عمر طويل ان شاء الله بتشوفينه عياله وعيال عياله بس ربي ماكتب للحين

أم حمد بإصرار انها تكمل الخطه / روحي أكشفي يمكن عندك مشاكل ولا عند حمد ......هاذا ندى حملت من ثاني شهر وكل بناتي كذا ومرت نايف بعد واللي طولت نورة بعد 4 شهور انتي كملتي 7 شهور وما حملتي أنا ام عيال وادري روحي اكشفي التأخير مب طبيعي دايم يصير فيه مشاكل

ملاك وتبي تسكر السالفه / ان شاء الله على امرك ابروح المستشفى واكشف وما يكون خاطرك إلا طيب

ابتسمت ام حمد وخطتها بدات بالنجاح الدور والباقي على حمد يقنع اللي عنده


.........................

بـــــــــعـــــــــــــد أســـــــــبــــــــــوع

تنهد بضيق وسمى بالله وقوى قلبه ودخل على ابوه بالمكتب ورسم على وجهه علامات الحزن والضيق

انتبه على شكل ولده الحزين وانقبض قلبه على شانه / أجلس ياحمد .....ومسك يد ولده وجلسه ......وش فيك لك أسبوع مانتب طبيعي ضايق خلقك ولا تتكلم قول يابوك ريح نفسك

حِمد حمد ربه ان ابوه سهل عليه الموضوع / وش أقولك يايبه صارلي شي ما عرفت اتصرف فيه قلت مافيه إلا أبوي أعرف مني أطلب مشورته .....وتنهد بضيق

أبو حمد وتحمس يبغى يعرف وش ذا الموضوع اللي هز ولده وضيق خلقه / قول ياولدي اسمعك

حمد / رحت من كم يوم أنا وملاك للمستشفى بنكشف بنشوف ليه للحين ما حملت ........وطلعت النتيجه اللي صدمتني يايبه وحطمت احلامي ......وتغير صوته ونزل راسه وبحركه مسرحيه متقنه مسح دموعه بطرف شماغه

وهالحركه اثرت بأبو حمد وخوفته على ولده / كمل يابوك وش صار

حمد وحب يزود العيار حبتين لأجل تنجح الخطه تمام / طلعت ملاك عقيم يايبه عقيم ..........وانا اللي كنت ابغى استقر خلاص بعد ماا شتغلت وربي يرزقني بعيال واربيهم مثل ماربيتنا بالأخير تطلع حرمتي عقيم أنا نا اعترض على قضاء ربي بس أبغى أشوف عيالي كم بقالي بالعمر اللي كبري عياله طوله ........وانا حتى الأبوه ابنحرم منها قلي يليبه وش اسوي شر علي ......وحط شماغه على وجهه وكأنه يبكي ويطلع صوت يحرق القلب

أبو حمد ماتوقع حمد القاسي يبكي المتبلد الأحاسيس والمشاعر يبكي ولده بكر عياله يبكي تحركت عاطفة الأبوه بشكل كبير داخله لحمد وقام من كرسيه وقعد جمب ولده وحط يده على كتف حمد / حمد وانا أبوك الله يهديك وش بقيت للحريم تصيح ياولدي تصيح ماهقيتها منك ......انت رجال تتزوج بدل الوحده أربع وش يضرك

حمد طار من الوناسه أبوه قاعد يسهل عليه المر وهواللي شايل هم أقناعه بزواجه للمره الثانيه لإن أبوه يحي ملاك .......وده يقوم يحضن أبوه .....بس ماوده يخرب خطتته

حمد وهو منزل راسه / طيب يايبه ملاك وش أسوي فيها ....؟؟!

أبو حمد / وش بتسوي فيها ......بتقعد ببيتها معززه مكرمه ......وتزوج بدالها ثلاث بس لاتطلقها مالها ذنب هي بعد متقطعه على الضنا مثلك ويتيمه وحرمتن ماانت لا قي زيها

حمد / طيب من اتزوج اخاف اتزوج وحده تصير عقيم مثل ملاك وابلش فيها بعد شكل انا حظي شين مع الحريم

أبو حمد / استغفر ربك وش ذا الكلام ومن قال ان حطك شين ربي عطاك شيخة البنات لو مثلها ثنتين بالدنيا كان حنا بخير

حمد بنفسه [اعصابك ذا الشايب مايتحمل فيها كلمه ]/ شكل أبدورلي وحده مطبقه ولا ارمله وعندها عيال أضمن واتزوجها وأجيب كم ولد قبل ما شيب ولا عاد انفع

أبو حمد يضحك / هههههههه الله يخس حكيك ....ما عليك الرجال يجيب عيال ولو على فراش موته

قام حمد وحب راس ابوه وطلع من البيت وطوالي دق على امه وشوق وعلمهم بنجاح الخطه وانتهاء دوره


...............


فــــــي بـــــيــــــــتـــــــ آخــــــــــــــر

...../ تبغاني اخطبلك انت صاحي ؟؟!!

....../ ايه صاحي ....ابوي لايمكن يوافق على شوق علشان كذا أبغاك انتي تقترحينها على أبوي لإنها يحبك ولا يسمع فيك ولإن شوق قد حملت وسقطت من زوجها الأولي .....وتقدر تحمل مني فهمتي ......يعني ومن ذا الكلام

ملاك بصراخ / لا مافهمت أول قلت اني عقيم وسكت عشان افتك من كلام امك ونشرته بين اهلك وسكت وثاني شي تقولي اخطبيلي .....أنت ماعندك أحساس ما عندك قلي يحس قلبك وش حجر ...... الناس ماهي لعبه بين أيديك.....حرمتني من ابسط حقوقي وسكت حرمتني من الضنا وسكت كل هذا ولا كفاك ....؟؟!!

جاي تقولي وبكل وقاحه اخطبيلي

حمد / أقول قصي لسانك لا أقصه لك ....وبتروحين تقولين لأبوي ورجلك فوق راسك ولا بيت اهلك قريب وانتي عارفه وش ابسوي ما يحتاج اذكرك


..........................


بــــــــــعــــــــــــد يـــــــومـــــــيـــــن ......./ قلت لا يعني لا أي بنت إلا شوق ....اكيد حمد هو اللي مرسلك ....؟؟؟؟

ملاك / يبه الله يهديك تضن لو حمد مرسلني كان قلتلك كان عاندت ورفضت مهما يكون انا حرمه واغار على رجلي بس شوق يايبه ازين من غيرها هي أنسب وحده له بالعمر ومن الأقارب وعارفينها وحنا قراب لبعض يعني اضمن انها مو مغيرته علي ولا راح تطلب منه يطلقني اخاف يتزوج وحده ثانيه وتطلب منه يطلقني و قد حملت من رجلها الأولي يعني بإذن الله تقدر تحمل من حمد

قامت وباست راسه ويده ....والي يعافيك يبه وافق خل حمد يشوف عياله وانت بعد ماتبي تشوف عيال بكرك

أبو حمد تشوق انه لعيال ولده وتحت حنة ملاك وافق / خلاص اللي تشوفونه لو اني ماداني ذا البنت ولا ارتاح لها بس مابي اردك وانا ابوك وعيال حمد عيالك ....باست راسه ويده مره ثانيه ودموعها تسيل على خدها ....فرحتني الله يفرح قلبك

أبو حمد / والله انك غريبه احد يخطب لرجله ل وبعد تصيح من الفرحه الله يسعدك ويرزقك على قد نيتك من حيث لا تحتسبين قولي آمين والله انك مره مالك مثيل

ملاك بصوت فيه غصه / آآآآآآمين ومسحت بيدها دموعها دموع القهر والظلم .....حمد ظلمها حطمها قهرها حرمها من كل شي كانت تتمناه .....حرمها من حبه حرمها من انها تكون أم لعياله حرمها من أنها تكون زوجه له لها احترامه وكيانها يعاملها كانها جماد بدون احساس أو مشاعر واحساس نسى انها امراه ومو أي امراه امراه مرهفة المشاعر والأحساس مثل الزجاج الشفاف أي شي يخدشه وأي شي يعلم فيه

ضغطت على السماعه الحمراء وانقطع الأتصال مع حمد اللي كان حاضر معهم من بداية الجلسه


...................


بــــــــــعــــــــــــد أســـــــــبــــــــوعـــــــــيـــــــــن

وفـــــــــي الـــــفــــــــجــــــــــر ...../ آلو

....../ آلو خالتي ألحقيني ندى بالمستشفى تالد ولا أعرف اتصرف لهم 4 ساعات ولا احد طلع من الغرفه

سمعته يكلم شخص ثاني ونساها على الجوال وسمعت صرخته اللي هزته وذبحتها / لا لا لا لاااااااااا ...... ابيها هي ماابي الولد فاهمين ماابي الولد رجعوها لي ابيها هي ........و انقطع التصال







*....أتمنى لكم قراءة ممتعه....*


*....مع تحياتي هاجس ليل...*







ان شاءالله تكون اعجبتكم الأجزاء

وتتحفوني وتشرفوني بردودكم الحلوه


وكان تبوني اكمل قولولي وكان تبوني اوقف برضو قو لو لي عادي احترم وجهات النظر

لـــــــجــــــــزء الــــــســــابــــــع


خلود وهي تبكي / ماني غلطانه مو انت مبارك

مبارك طير عيونه والمفاجأه ماخلته يتكلم

خلود عرفت انه ماعرفها وانه متفاجئ وخاب أملها / أنا خلود أخت حمد

مبارك و صحى من الصدمه اللي فيه .....هو كان يتمنى أنه يسمع صوتها او يلمحها لو من بعيد والحين هي قدامه وتحاكيه بعد تحققت كل امانيه لكن وش جابها للمستشفى وشوله تبكي / وش فيكم ....ليه تبكين .....ليش أنتي بالأسعاف

خلود وزاد صياحها وبلا شعور أو تفكير منها أحضنته ومن بين دموعها / آهي ....آهي ندى ماتت وسعود ....وسعود طايح ماندري وش فيه .....وملاك تكلم نفسها .....دورت حمد مالقيته آآآهـ آآآهـ آآهي ...كلهم راحو مالقيت إلا أنت لا تروح وتخليني أتعذب بشوقي لك وزادت من ضمتها له ....

بعدها عن حضنه ومسك كتوفها / مشتاقه لي انا ......وكانه بسئاله يبغى كلمه أو أشاره تأكد بذرة الحب اللي انزرعت بقلبه

خلود ورجعت لحضنه ولا همها ان اللي تسويه صح ولا خطأ حلال ولا حرام وان يمكن احد يشوفها ولا لا كل همها تلقى الأمان وحضن يهديها /احبك والله أحبك مبارك

مبارك ابتسم بارتياح مع ان لا الوقت ولا المكان مناسبين لكن هذا هو القدر ودايماً الحب يجي بوقت غلط وزحمه على مايقولون ......بعدها عنه ومسكها من يدها ومشى معها

لكن أصدقاءه واللي كانو حاضرين المشهد من أول ماكانو فاهمين شي

مبارك .....مبارك

كشر مبارك وضرب بيده على جبهته وبنفسه [وشلون نسيتهم الله يستر بيبداء الأستجواب الحين وش أقولهم ذي اخت رجل عمتي ولا من زين الوجه حاضنها الله يغربل ابليس اللي وقف تفكيري لو أقولهم الصدق لألقى الخبر الصبح بالعربيه ] التفت مبارك لهم بخوف وارتباك

خالد بلقافه وشك / خير وش الموضوع ومن ذا اللي معك ووش تبي منك ؟؟!!

مبارك ولا يدري وشلون طلع هالجواب منه / ذي زوجتي

لفت له خلود بإندهاش وشوي وعيونها تطلع من مكانها

خالد بنبرة تكذيب واستهزاء / زوجتك ....متى تزوجت ماشاءالله وانت 24 ساعه معنا ؟؟

مبارك // مو زوجتي زوجتي متملك عليها من اسبوعين ....وأهلها صار عندهم حالة وفاة وشافتني وجت لمي

خالد ارتاح وبنفكير / يالخبيث ولا علمت أحد أجل يوم تقول قبل أسبوعين عندي مناسبه خاصه كانت ملكتك كان قلتلنا ماراح ننظلك

قربه له وسلمو على بعض بالوجيه وبحركه آليه من مبارك بعد خلود لورراء ظهره وكأنها زوجته فعلاً ويغار عليها ولا يبي احد يقرب لها / مبروك مبروك وعقبالنا

مبارك ابتسم وضبط دور المعرس / الله يبارك فيك بس لاتعلم احد تعرف عيون الناس فركشت لي زواجي من قبل

خالد / انت كنت متزوج ؟؟

مبارك / لا خاطب بس ماصار نصيب

خالد اللي طبعه طبع حريم ملقوف ويخاف من العين وهالنقطه اللي استفاد منها مبارك / لا تخاف مانب معلم احد بس ذولا لازم أقولهم شافوا كل شيء ولا تبغى يعني أحد يطلع عليك كلام ؟؟!!

مبارك / لالا وش كلامه ....قلهم وفكنا عن أذنك

خلود مشت معه وهي مولعه من اللي سمعته كان خاطب قبل هاه أنا أوريك وفكت يدها منه بقوة

لف لها متفاجئ من تصرفها .....سألته بعصبيه وغيره واضحه بصوتها وكأنها حرمه تحاسب رجلها ونست المصايب اللي هم فيها / من ذي سعيدة الحظ اللي كنت خاطبها ؟؟ كنت ناوي تخبي علي بس ربي فضحك

مبارك / هههههههههههههههه

خلود وشوي تنفجر من العصبيه / تضحك بعد ولا كأنك سويت شئ جايزلك سواد وجهك

مبارك / ههههههههه ياحليلك ياخلود وصرتي تغارين

خلود انحرجت وحست بتهورها اللي دايماً يوديها بستين داهيه ولسانها اللي ماتقدر تمسكه وخصوصاً معه

مبارك حس بإحراجها مسك يدها يطمنها / لا تخافين لاكنت خاطب ولا شئ بس هذي كذبه عشان العيال مايتكلمون أنا عارفهم مع انهم خوش أصدقاء بس ذا العادة السيئه اللي فيهم يحبون تنقيل الحكي كنهم عجز

حمد ......حمد

وفكت يدها من مبارك وبعدت عنه

راح مبارك لحمد ولحقته بعد دقايق خلود

ناظرهم حمد بشك عرف مبارك هاذي النظره ولازم يتصرف لاتروح فيها خلود / توني قاعد أدورك وينك فيه

حمد ساكت ينتظر مبارك يكمل حكيه والشك يدور براسه

مبارك / كنت واقف انا والربع لإن خوينا متسمم ومسويله غسيل معده ......شفتك تركض بالأسياب خفت لاعمتي صار فيها شي شالت الرسبشن عن اسم عمتي و......

خلود هاللحظه طارت عيونها من تخبيص مبارك بالحكي عرفت انها بتنكشف وحمد بيذبحها .......شاف مبارك عيونها ورجفة يدينها وعرف انها خايفه لا يفضحها تدارك الموقف / بس وحده من اهلك لما سمعت الأسم جات وكانت تصيح تقول كلهم راحو ومدري وش وشفناك جاي ورحنا لمك

حمد أرتاح وكان ضان بأخته ظن شين

حمد / لا الحمد لله ملاك مابها شئ بس ندى

خلود / لا ملاك تركتها بالسيب وكانت تهلوس زي المجنونه وجيت أدورك ولقيت مبــ.......ولقيتك هنا

حمد ماانتبه انها كانت بتغلط باسم مبارك وبعصبيه تكلم / ليش ساكته وماتكلمتي من أول .....وينها فيه ؟؟؟

مشت خلود ومشى وراها حمد ومبارك وكل واحد بقلبه خوف عليها على قد غلاها بقلوبهم

وصلو للمكان لقوه فاضي زاد الخوف فيهم وبنفسهم وش صابها سألوا الممرضات عنها دلوهم على الغرفه وان فيها انهيار عصبي وعطوها ابره مهديه

دخلوا عليها الغرفه وكانت تهلوس باسم ندى وامها وابوها وحمد ومبارك و كل عزيز عليها تجيب طاريه كان شكلها بكسر الخاطر الدموع تمشي على خدها وهي مغمضه عيونها والمغذي اللي بيدها .....انعاد المشهد قدام مبارك للمرة الثانيه وبنفس المستشفى ولعمته يوم يتوفى جده وجدته كان حزين على فقدان جدينه بس مو أكثر من حزنه على عمته وخوفه انه يفقدها اللي يعتبرها اخته الصغيره وصديقته

قرب لها وطبع بوسه على جبينها وخدها ويدها وقعد يمسح على راسها ويقرا عليها وكل شوي يرفع يدها ويبوسها ناسي اللي معه بالغرفه وكانه بعالم لحاه هو وياها خلود تبكي بصمت على هالمشهد وحمد يحس بالغيره من مبارك المفروض هو اللي يسوي كذا مو مبارك

تذكر حمد ابوه وانه مابلغه عن اللي صار / مبارك ممكن جوالك شوي ابكلم الوالد

مبارك وفز وعطاه / تفضل انت تامر

دق حمد على ابوه وبعد اتصالين رد / آلو

حمد/ آلو يبه

أبو حمد / حمد وينك يابوك ليش مادقيت تطمني وش صار ياولدي صدق اللي قالته امك

حمد طلع من الغرفه وكمل اتصاله مع ابوه من بعد ماتغير وجهه من سؤال ابوه ونسى ان خلود ومبارك بالغرفه

مبارك / خلود اطلعي من الغرفه لا يجي حمد ويشوفك وتصير سالفه انتي بغنى عنها شكله ناسي اننا لحالنا بالغرفه

طلعت من الغرفه وقعدت بالكراسي اللي بالسيب




راح حمد لطلال اللي كان قاعد بمكتب أخوه بانكسار ويبكي بصمت .....أول مره حمد يشوفه بهالشكل طلال القوي اللي دايم الضحكه بوجهه ماتفارقه ينقلب حاله بين يوم وليله ويصير كذا

تنهد حمد / آآآهـ بس اللي جاك ماهو هين الله يصبرك ويصبرنا





........................

بـــــــــعــــــــــــد أســـــــــبــــــــوعـــــيــــــــن


...../ الله يعافيك قوله يسامحني ماتسوى علي اسبوعين ذا الطالم ما يكلمني ولا يشوفني

...../ انتي وياه تنجازون لا تدخليني بينكم

...../ وش دخلني انا هاذي كتبت ربي انا السبب باللي صار

...../ آآآآآآسف انتي غلطانه لاتنكرين ماااالي دخل وبعدين حتى لو اروحله ماراح يبسمع لي وشوله اروح واتعب نفسي

...../ مالت عليك وأنا أقول اخوي سندي مالي اللي هو ......آخر شئ تكشتني

...../ حلوه تكشتني منيل جايبتها ؟؟

...../ والله هاذي كلمة ملاك ... يالله عاد عفيه توسط لي عنده

أخوه وبنذاله / أفكر

قام من عندها وهي مقهورة منه هو الوحيد القريب لرجلها واللي يمكن رجلها يسمع كلامه ....تنهدت وانسدحت عسى النوم يجيها وتشوفه بحلمها لإنها اشتاقت له حييييل

طلع من عند اخته وهو يضحك عارف ان رجلها سامحها بس يبغى يهبل فيها شوي

دخل المجلس اللي من الصبح ورجل اخته مرسل شركه يضبطونه ورود وشموع وشغلات تفتح النفس

ترن ترن

...../ آلو افتح الباب أنا بره

..../ بسم الله سلم أول .....هو ينافخ وحرمته تصيح فوق راسي تبغاني انوسط لها

..../ أقول لايكثر يالله

راح فتحله الباب وقعد يشيل معه الكيك والصندوق شكله هديه ودخلوه المجلس

...../ والله هزلت آخر عمري أصير حرمه اشيل كيك واشب شموع ماباقي إلا أللبس تنورة

....../ اللي يشوفك يقول عمرك ميه ماعليه لما تتزوج بتسوي اخس من كذا

...../ لا والله

....../ ايه والله ....أقول وش رايك شكلي يواجه بعد اسبوعين زعل

...../ واله انك حيوان يااخي لو اني مااحبك كان ذبحتك مادري وشوله الزعل هي اللي جايبته لنفسها يعني

....../ اقول ضف وجهك ورح ناد أختك ولا احد يدري .....ايه صح وين المفتاح ؟؟

طلعه من جيبه وعطاه اياه وبخبث / عاد لا توسع صدرك مره وتفلها خبرك عاد هذا بيت عائلة محترمه وفيه عزوبيه نخاف على اخلاقهم

حمق عليه ودفه وطلعه من الباب

...../ قومي يالله للمجلس عندي لك مفاجأة

...../ مالي خلق امشي تعبانه

..../ يالله قومي ولا ترى مااتوسط لك عند رجلك

..../ يالله قمت ذليتني

ضحك عليها / هههههه حريم ماتجي إلا بالعين الحمراء .....راحو للمجلس لما وصلوا / أدخلي ابروح اجيب جوالي واجيك عشان اكلمه عندك

دخلت للمجلس وهي مالها خلق تناقشه من الضيقه والتعب اللي فيها ......فتحت عيونها على آخرهم وهي تشوف المجلس كله جوري أحمر وأصفر بشكل خيالي والكيكه الحمراء بالوسط والصندوق الكبير على جنمب والأقمشه اللي مغطيه الكنبات كان الجو ساحر لايمكن انها تتخيل انها تشوفه دمعت عينها وعرفت انها حركات رجلها تلفتت يمين ويسار ......سمعت صوت تقفيل باب ولفت للباب

وأخيراً لقته لها اسبوعين ماشافته ولا كلمته كانت مشتاقه له ولصوته مشتاقه لكل شئ فيه مشت لمه بااسرع ماتقدر مع ان التعب هاد جسمها واحضنته بأقوى ماعندها / طلاااااااال ....ليش تركتني .....ليش ...كنت محتاجتك جمبي ولا لقيتك

طلال ودمعت عينه / عشان مرة ثانيه ماتخوفيني عليك وتتعبيني

ندى / مو بيدي انت عارف انها كتبت ربي

طلال / تخيلت دنيتي من دونك وشلون راح تكون .....كانت مخيفه قاسيه ماقدرت اتحمل مجرد التخيل وشلون لو كان صدق

كانت الدكتورة محذرتك لكنك سويتي اللي براسك ولا علمتيني ....والله لو كان صار فيك شئ ماكنت راح اسامحك ....والله مااسامحك سامعه

ندى / الــــــــلـــــــه ياطلال عليك قلب قاسي .....ماكنت راح تسامحني ....ماكنت راح تسامح ندوي حبيبتك .....أم سعود الغالي

طلال / انا ماهمني سعود همني انتي ....بعدين ليه مايكون قلبي قاسي انتي ماحسيتي باللي حسيت فيه

تخيلي الدكتور جاي يخيرني بين حياتك وحياة الطفل.....كنتي تتو قعين الأختيار سهل واحد هو روحك تحبه وتغليه ولا تقدر تعيش من دونه وشخص قطعه منك ضناك اللي تنتظره وتفكر فيه من سنين

صرخت وقلت ابي زوجتي مابي الولد لكن طلع الدكتور وبكل برود قالي انقذنا الولد والأم دخلت بغيبوبه لإن السكر ارتفع عندها ويمكن تصحى ويمكن تروح منك

وعشت أسوء أسبوع بحياتي وانتي بالغيبوبه أسوء ايام عمري كانت كأنها قرن مو اسبوع وانا اعد الدقايق والثواني متى تصحين لا ذقت طعم النوم ولا الأكل حتى الولد ماشفته وكرهته بعد لإنه هو السبب باللي حصل لك

وبالأخير تصيرين عارفه انه راح يحصلك وساكته ولا قلتي لي

ندى / كنت خايفه تخليني انزله

طلال بعصبيه / كنتي خايفه ؟؟!! خايفه على الولد ولا خفتي علي يصير فيني شئ إذا متي .......أكيد ابخليك تنزلينه ولا تموتين

ندى / كلنا بنموت صح ولا لا؟؟؟......وبيجي يوم ونفترق رضينا ولا مارضينا ......لكن أموت وتنساني بعد كم سنه ولا اموت واكون عايشه بقلبك وعقلك لإنك تشوف ولدي قدامك ......ولدي اللي هو جزء مني حملته بين جنوبي .....قلي وش الأزين ؟؟؟؟

طلال ضمها له بقوة يخاف تروح منه حس ان ضلوعه دخلت فيه وانها تألمت بس كان يبغى يطمن قلبه انها قريبه منه وانها ما راحت عنه وكل اللي صار امتحان من ربه وهاذا هو يحمد ربه ويشكر ه بسره انها بين احضانه




...........................


بـــــــــــعـــــــــــد ثـــلاثـ أيـــــــــــام


أبو حمد / خلود وانا ابوك تعالي ابيك شوي

راحت خلود ورى ابوها وهي خايفه أول مرة يناديها لحالها لا وبالمكتب غرفة المهمات السريه على قولتها

خلود / خير يبه خوفتني

أبو حمد ويبتسم بحنان بوجه بنته ويناظرها بفرح وتامل / كل الخير ....كل الخير .... ماصدق ان خلود الصغيره الشيطانه تنخطب وتتزوج

خلود وعلى طول جاء ببالها مبارك وتخيلته زوج لها ولهم عيال وحياة سعيده وكلها حب مع بعض

ناظرها ابوها كان وجهها حالم والأبتسامه ماليه فمها

أبو حمد / احم احم

خلود باحراج / سم يبه وش بغيت

ابو حمد / جوني خطاب لك وهو رجال ماعليه من عايله طيبه والرجال مقتدر ماعليه وماسك شغله وأخلاق وراعي صلاة أنا ماقلت لك إلا يوم سألت عنه

ماقدرت خلود تتخيل نفسها زوجه لإنسان غير مبارك .....مبارك هو حبها العذري اللي ما يعرف احد عنه غير مبارك وهي ......عارفه ان مستحيل يجي ويخطبها لإن امها ببساطه بترفض لكن احلام المراهقه ماتعرف حدود

خلود / بس يبه توني صغيره ويني ووين الزواج إذ خلصت جامعه أفكر إن شاءالله

أبو حمد بضيق / فكري زين واستخيري والله اني متحسف بالرجال وما شاورتك إلا وانا سائلن عنه زين ولو راح لأحسن الحمايل مايرد

خلود بإصرار/ يبه الله يعافيك لا تجبرني على شي مابيه

ألو حمد / طلبتك اك تفكرين وكانك زي ذا البنات ماهمها إلا الشكل فأنا ماشفته زين بس أسألي عنه مرت اخوك ولا خليها تجيبلك صورته كود تقبلين به

خلود بإستغراب / مرت أخوي ؟؟!! وعصبت ...وععععع لايكون فهد اخو سعاد من الحين أقولك مابيه لو افكر مليون سنه مابقى إلا فهيدان

أبو حمد / وش دخل سعاد وفهد ......أنا قصدي ملاك ....خليها تجيب صورته ولا توصفه لك يمكن تقتنعين

خلود / ولد اخو ملاك ؟؟؟هو وش اسمه ؟؟

كانت تسأل أبوها بنبرة ترجي ان ابوها ينطق الأسم اللي ببالها ولا اهتمت ان ابوه يشك بشء كل همها انها تسمع الجواب اللي تتمناه

أبو حمد / مبارك ولد سعد أخوها

هنا خلود ماقدرت تتحكم بنفسها صارت تنتفض من فوق لتحت وصابها خفقان شوي ويطلع قلبها من مكانها وتتصبب عرق وحالتها مايعلم بها إلا الله ......ماصدقت إن حلمها بيتحقق وبهالسرعه هاذي تخيلت أنه زي القصص تحبه بس تتزوج غيره وتتطلق او يموت رجلهاوتأخذه احلام كثيره حلمت بها لكن أبد ماتوقعت أن حلمها بيتحقق بالسهوله هاذي .

تذكرت امها والرفض اللي متأكده منه ......وان مالها زوج غير واحد من اختيار امها واللي اكيد بيكون من عيال خوالها ولا فيه ولا واحد منهم صاحي ......هي مو قويه مثل تدى عشان تعارض أمها ولا اهتمت من تهديدات امها ولا تبي امها تكره زوجها

وطلع هالسؤال منها / ولو امي رفضت ؟؟

وهي تكلم نفسها تحسب انها بغرفتها زي العاده وتفكر بصوت مسموع لكن نست انها مع ابوها بالمكتب وابوها سمع سؤالها

أبو حمد / وليه ترفض ؟؟ هي مالها راي الراي رايك واذا وافقتي بيتم كل شئ غصب عن اللي يرضى واللي مايرضى

خلود / انت عارف امي تبني لواحد من عيال أخوانها وانا ماأقدر ازعلها واعصي امرها

أبو حمد / يخسي واحد من عيالهم ياخذك كافي علينا رجل هيا زي الدجاجه وراها ولو تعنسين بالبيت ماعطيتك لأحد منهم فاهمه

خلود / أخاف تزعل أمي

أبو حمد / ماعليك من امك خليها علي بس انتي فكري واستخيري وعلميني رايك ولا احد يدري لين ماتعلميني ردك ماعدى ملاك لإنها اكيد داريه

خلود وهي مستحيه / إن شاءالله يبه ابرد لك قريب .....وابتسمت بحيا وقامت

أبو حمد تعجب من تغير موقفها فجأه لكن ماأعطى الموقف أي أهتمام ورجع يناظر الأوراق اللي قدامه



.......................



بــــعـــــد 15 يــــــــــومـــ

...../ اسمعي مو تغلطين وانتي تكلمين مبارك وتقولين ان حمد متزوج علي مالي خلق المشاكل انا عارفه مبارك ماراح يرضى أن زوجي يتزوج وحده ثانيه وبيعصب ويقلب الدنيا وبيأثر على حياتكم ومن الأحسن أنكم ماتجيبون سيرتنا خير شر خليها خاصه فيكم سامعه

خلود / خوفتيني بس إن شاءالله ابحاول

ملاك وهي مبتسمه / هاه وشلون ولد اخوي معك رومانسي ولا للحين على جفاسته

خلود ولعت وهي تتذكر كلام مبارك وحست فيها ملاك

ملاك وزادت ابتسامتها / وش اللي قالك وخلاك تحمرين من تذكره

خلود / ولد اخوك قليل ادب ولا يستحي والله العظيم

ملاك / هههههههه ليش وش قال ؟؟

خلود / قولي وش ماقالي أقوله خلك رومانسي واترك الدفاشه عنك ....يجي يسولف عن اشياء مقرفه

تصدقين مره اني رحت الحمام وطلعت كل اللي ببطني من كلامه جد قرف

ملاك خبث / طيب يعودك إن كل اللي قاله بيطبقه عليك

خلود / أقول اسكتي بس ياقليلة الأدب انتي وولد أخوك ما خبرت الرومانسية كذا.....أشوي ويرسم مخطط توضيحي كل التفاصيل يذكرها .......احس انه قد جرب ذا الشئ ولا وش دراه عن كل ذا الأشياء

ملاك / ماجرب ولا شي وأصلاً ماهو فاضي تشوفين قد ايش متعلق بشغله بس كلامه شي طبيعي لإن 3 من اعز أصدقائه متزوجين اللي بالثانوي واللي بالجامعه وهوالعزابي الوحيد بينهم ويتكلم مع اخواني وخواتي كذا أشكره على مايقولون

خلود وخافت / هذا كللامه اجل وشلون فعله الله يستر منه بس

ملاك / لا تخافين ووسعي صدرك وإذا جاء بيسوي شي لاتصيرين زي بعض البنات وتعيين ثم يروح يدوره عند غيرك انا ما أقوا ادلقي نفسك عليه وخلي كنك متعوده على هالشئ خلي كل شئ بحدود الحيا الطبيعي مو المبالغ فيه اللي راح يحرمك ويحرمه الأستمتاع

خلود بتفكير / الله يستر بس والله اني خايفه

ملاك / هههههههههه والله انك مخفه وش اللي مخوفك .....أجل أقعدي ببيت اهلك وخلي مبارك يشوف نفسه مع بنت غيرك

خلود بعصبيه / لااااااااااااااااااا والــــــــلـــــــــــه ......هذا اللي ناقص بعد

ملاك / الله الله حتى البزارين يغارون

خلود منحرجه / اقول ملاك

ملاك / يانعم

خلود / تلايطي

ملاك /هههههههههههههه



.............................................


بــــــــــــــعــــــــــد شــــهــــــــريـــــــن


....../ دخلوني والللا والله لأدخل عليها واسحبها وهي بين الحريم

....../ خلك كووول يالحبيب كل هذي شفاحه

....../ فيصلوه قد ذقت طعم التبن

فيصل بغباء / لا ماذقته

مبارك / اجل كله وادحا به ثمك

محمد / ههههههههه احلا كسحه من اجلا عريس وربي

مبارك / أقول محمد عض على شحمه مانقصني اللي سخافتك .....تفشل محمد وسكت وفيصل يضحك عليه ضحكة شماته



.................


فـــي صــالــه الــحــريـــــمــــ



...../ أقووول ملاااااااااك .......بيدخل حـــــــــــــــمـــــــــــــد مع ولد اخوك

لفت ملاك وهي منقرفه من راعية الصوت اللي كله دلع مصطنع

ملاك / شوق مو معك رقمه ....ليه ماتدقين عليه وتسألينه

شوق بإبتسامه خبيثه / مو هو زوجك كمان واللا انا غلطانه

ملاك بقهر / ايه غلطانه .....هو زوجك لحالك ارتحتي

شوق / اكـــــــــــيـــــــــد هو زوجي لوحدي وش جاب لجاب

ملاك / وش قصدك .....؟؟!

شوق وهي تناظر ملاك بإستخفاف وتحقير / انتي عارفه قصدي كويس لا تستغبين وش جابني لك ووش جاب حمد لك.......لا وفرحانه بعد ل لابسه أسود .....كان لبستي أبيض يالله يبان وجهك من شعررك .....أنا مادري كيف حمد يستحمل يشوف وجهك

كلمه ورى كلمه كأنها سكين انغرست بروحها الطاهره كلمه ورى الثانيه كسرت قناع الثقه اللي تلبسه قدام شوق المضاده لشكلها.....كل قوتها وثقتها راحت من كلامها اللي يسم البدن

رفعت راسها لشوق وناظرتها نظرة كره وحقد وراحت عنها وهي تقول / لا يضر السحاب نباح الكلاب .......وهي كانت فعلاً سحاب ببياض قلبها وطهر روحها



انطفت انوار القاعه واشتغلت الزفه كانت هاديه وحزينه شوي ورائعه بشكل خيالي لكن مع جمالها خاليه من الموسيقى وهذا اللي استغرب منه الحضور مع خلوه من الموسيقى إلا انها رائعه تريح النفس والواحد ينصت لها براحهوطمانينه وكان هذا اقتراح ملاك

سلط الضوء على بداية الدرج وطلعت خلود اللي كان شكلها خيال فستانها ماكان منفوش مرة يميل لضيق شوي طرحتها كلنت طويله مرة ووراها فلبنيتي لا بسين ابيض يساعدونها بالحركه

الكوشه كوشة علاء الدين والممر مزين بفوانيس والطاولات وحتى اللي يباشرون لا بسين لبس يمشي مع نفس اديزاين العرس

وصلت للكوشه وبدو الحضور يسلمون عليها وأخذت كم صورها مع خوانها واهلها

ترن ترن

...../ آلو ملاك ترى مبارك بيدخل الحين

ملاك / طيبــــ........طوط طوط .....سكره بوجهها قبل تكمل حكيها رفعت راسها وشافت نظرة السخريه بعيون شوق ....وصدت عنها والحزن يعصر قلبها وهي ماسكه دموعها بالقوة وبنفسها [اصبري شوي يادموعي لين اروح البيت وتواسيني وواسيك]

ملاك / خالتي .....يقول حمد ان المعرس بيدخل بعد شوي

أم حمد / روحي لطقاقات وقوليلهم عشان الحريم يتغطون

ملاك راحت لطقاقات وقالتلهم وتغطوا الحريم وهي لبست عبايتها لإن بيدخلون اخوان حمد وعمانه وخواله

دخل مبارك وهو ماسك يده أبو حمد بحنان بعكس أبوه اللي يمشي بجمبه ولا حتى فكر يمسك يده قاسي طول عمره على ملاك وعلى مبارك لإنه حليف ملاك ولا يرضى عليها ويوقف بوجه ابوه دايماً ويدافع عنها

انبهر مبارك بشكل خلود ماتوقعها بالجمال والنعومه هاذي ماقد شافها حتى ماطلب النظره الشرعيه لإنه عارف انها هاذي هي الإنسانه اللي تمناها وحبها واللي بتسعده بإذن الله .......انرسمت على وجهه أحلى ابتسامه حب واعجاب وشوق قرب لها وباس جبينها ......ثم قرب مره ثانيه وباس خدها .....ولو بيده كان سوى اكثر

هي خلاص ماتت من الحيا والإحراج من حركته

والحريم انجنوا من حركته وبدت حركات الهبال اللي يصرخ بإعجاب واللي يصفر من قدهم فلم رومانسي ومباشر وسعودي بعد واللي ماكانت منتبه لشاشه انتبهت

...../ اقول مبارك خف على البنت شوي ولعت مسيكينه من الحيا تراكم مانتم بغرفتكم لاحق عليها بعدين

مبارك / اقول حمد هونا وخلنا حلوين مع بعض لأطلع حرة الأولي والتالي










*...قراءة ممتعه....*




*...مع تحياتي هاجس ليل ...*
[/U][/U]

لـــــــجــــــــزء الــــــثـــــــامــــــن



مبارك / اقول حمد هونا وخلنا حلوين مع بعض لأطلع حرة الأولي والتالي

حمد بضحكه / من اللي حارك ؟؟

مبارك بعصبيه ونسى انه على الستيج وقدام عروسته/ اجل طاقيني لين الساعه ثنتين عند الباب قال ايش الزفه ماراح تبدى الحين

حمد / والله انك حركات هدي هدي .....هذاك عندها الحين وما قصرت قطعتها تبويس كنك ماشفت خير

سلم أبو مبارك على خلود وطلع وطلعوا معه بعض عمانها وخوالها

وصعدوا البنات يسلمون على اخوانهم وعمانهم وخوالهم اللي بقوا .....وطبعاً شوق طلعت معهم متلثنه بالطرحه والفستان حدث ولا حرج متعري حيل

طقت الطقاقه اغنيه ورقصو عليها كل الرجال ماعدا أبو حمد لإنه مايقدر وسعود منحرج كيف لحيه وملتزم ويرقص لو بالبيت كان ماقصر لكن شاله الطرب وخصوصاً كان قبل مايلتزم فنان رقص ولمسوا الوتر الاحساس عنده وطقوا أغنية المفضله ورقص رقص طلع الي ورى أذانه والحريم تشجيع وتصفيق حتى الطقاقه تحمست وقامت تطق عنده والمغنيه شايله المكرفون وتغني عنده

وهو مايحتاج نار وزيدت بنزين والطقاقه من زود إعجابها ماتوقف الطقه واصلت 3 أغاني مع بعض عشان مايوقف رقص

انتهى من الرقص وحيوه الحريم بتصفيق وتشجيع وكلمات مثل يهبل رقصه ....مطوع وكوول وهلم جر

وهو كان مزاجه رااااااااايق رفع يده واشر للحريم وحياهم وارتفع صوتهم بالصراخ

طلعوا كل الرجال مابقى غير أخونها.....والطقاقات زفت مبارك وخلود للغرفه عشان يصورون

رقصوا البنات مع اخوانهم والفرحه مرسومه على وجيهم

وبكل برود جت شوق تتمخطر وتراقص رجلها بين سعود ونايف وكانهم اخوانها أنحرج سعود ووقف رقص وجلس بين امه واخته وهويحاول يشتت نظره عشان مايشوفها ومستغرب من حال حمد اخوه كيف يرضى تطلع عندنا وعند عماني كذا من غير عبايه وغطى ولثمه مثل قلتها والفستان مطلع اكثر من مايستر


الحين وراك ماتروحين لرجلك عاجبك يعني ماكله الجو عليك روحي وريه كشختك

تكلمت وهي للآن مجروحه من كلام شوق / ندى الله يهديك وين أروح كل اخوانك فوق

ندى / ياااااااااربي بتموتيني قهر انتي الحين انتي لا بسه عبايه تستحين وهي متفسخه وعادي عندها ولا بعد ترقص

راحت ملاك وصعدت لستيج بعد إقناع من ندى

أللتفت سعود غصباً عنه لما لفت انتباهه سواد العبايه وعيونها المكحوله الباينه من ورى البرقع وما خفى عليه نظرتها الخجوله ومشيتها المنحرجه منهم ابتسم لا أرادي منه إعجاب بحشمتها وحياها ......

وطول النظر فيها ولا انتبه لنظرات حمد العصبيه اللي كانت متابعه الموقف من البدايه

قرب منها وهمس / وش جايبك هنا ماتشوفين نايف وسعود ولا تتعمين لا وبعد مطلعه عيونك فرحانه فيها

ملاك بإستغراب / الحين شوق مطلعه كل جسمها عادي عندك ولا نزلتها وانا مطلعه عيوني تهاوشني

حمد انقهر منها زياده وهو يشوف عيون سعود للآن متابعه الموقف لف لسعود بعصبيه وناظره بنظرات حارقه ونزل سعود عيونه منحرج ومسك يد ملاك ورصها بأقوى ماعنده حتى يوصل لها شوي من غضبه

حمد / أنتي غير وهي غير ويالله انزلي الحين

ملاك آلمها حمد بمسكته ليدها وعندت ولا نزلت وهو ولع وده يدفها يحرقها يسكر عليها بدرج أهم شي مايشوفها سعود اللي قاعد يسرق النظر لهم كل شوي

قربت شوق ومسكت حمد مع خصره ولزقت فيه بدلع وناظرت ملاك بنظرات معناها هو لي لاتفكرين تاخذينه الشئ اللي أحرج حمد عند اخوانه والناس الي تشوف

وصلت مع سعود من وقاحت بنت خالته وكأنها بنت شوارع ماتربت ولا تعرف الحيا ولا لقت اللي يوقفها عند حدها .....طلع على طول بعد مارافقته ساره للباب هو ونايف

فسخت ملاك عبايتها وظل حمد يشوف ملاك اول مره يناظرها متعدله كذا والفستان اللي مطلع جمال جسمها وخصوصاً خصرها وشعرها ومكياجها الناعم اللي مصغرها زياده ومنعمها

طقت الطقاقه وبدت ملاك ترقص وقلبها يرجف من الخوف والحيا من حمد أول مره ترقص عنده ويشوفها بس لازم تتحرك وتسوي شئ وترد ولو القليل من اعتبارها اللي ضيعته شوق

وكانت فنانه رقص مو من زود الزوواجات اللي تروحلها بس كانت اذا بغت تفرغ اللي داخلها رقصت

تفاعلوا البانت معها وصاروا يرقصون معها وهي بدت تتقرب لحمد بدلع ونعومه هالشي اللي اثاره وخلاه يرقص معها بضمير ويسوي حركات عندها وينفض من دون وعي أو تفكير منه باللي حوله اللي ميته غيض نقطة ضعفه حرمه وترقص بعد

راحت ندى لطقاقه وطلبت منها تشغل شريط مصري لإنها عارفه كيف ملاك بارعه في الرقص اللمصري

قلبت ملاك مصري وكان أروع من الخليجي خلاص حمد مات على حركاتها وقربها منه والهز اللي تهزه عنده أخر شي طلع فلوس من جيبه ورماها عليها

أكلت شوق الغيره وبدت تنافس ملاك بالرقص وتتصنع الدلع لكن مافيه مقارنه بينهم لا بالجسم ولا بالرقص ...واللي قهرها زود ان حمد مو معطيها وجه وشوي ويحضن ملاك

نزلت وهي ميته من القهر راحت للحمامات وطلعت الدخان تنفس عن قهرها والرقص شغال بالقاعه

وقفت الطقاقه عشان صلاة الفجر

وحضن حمد ملاك بدون تفكير وباسها بوسه طويله على خدها كلها شكر على رقصها وإعجاب فيه



...................


عند باب القصر والعائله كلها مجتمعه برى


يمه الله يعافيك قولي لحمد يخلي ملاك تروح معنا البيت عيا يخليها تجي معنا

أم حمد / حمد خلها تجي معنا ليه معيي

حمد / وليه تروح كلكم تعبانين وبتجون تنامون يعني مالها فايده روحتها

ملاك / من قال اننا تعبانين عادي مافينا شي

حمد / قلت مافيه روحه يعني مافيه ماتفهمين انتي

ملاك وهي تكلمه بهمس عشان ماحد يسمعهم / توي أغلى عليك ماانت من أول ماتزوجت شوق ماتنام بالبيت وش يضرك لو تخليني انام عند أهلك ماتشوف ساره ضايق صدرها

حمد / مافيه ......انتي اليوم عاجبتني وماني تاركك ماحد قالك تترقصين عندي ثم بسهوله تبين تنامين عند اهلي

ملاك مافهمت قصده مع ان قصده كان واضح

آآآآآهـ آهي آهي آآآآآآهـ

التفتوا كلهم على صوت الصياح المفاجئ والعالي بسرعه وخوف

حمد / وجع ان شاءالله هبلتينا

ملاك راحت لها وحضنتها وقعدت تهديها / خلاص ساره الله يهديك لا تصيحين وبعدبن هي معكم بنفس الديره والحي بعد وش تبين كل ماشتقتيلها روحيلها

ساره من بين دموعها وبصوت طفولي ماتعدى عمره 16 سنه / فقدتها من الحين وشلون إذا رحت للبيت تعالي معي الله يخليك إذا رحت لحالي ابقعد اصيح ويمكن انتحر بعد

ملاك / ههههههههههه تنتحرين مره وحده يالله بنحاول بحمد مره ثانيه يمكن يوافق قولي آآآمين

ساره / آآمين

ملاك/ الله يعافيك حمد خلني انام عندهم شوف ساره وشلون نفسيتها سيئه

حمد وهو واصله معه من حنتهم وبصراخ تكلم خلاهم يسكتون كلهم / قلت مافيه تفهمين ويالله قدامي

ملاك تناظر ساره ودموعها تصب من ورى نقابها وضايق صدرها عليها بس ماتقدر تسوي شي حكم قرقوش / ساره طيب تعالي نامي عندنا انتي.... تغيرين البيت بعد أزين لك

جت ساره طيران لسيارة اخوها وكانها تنتظر أشاره منه

حمد ومن بين سنونه / انتي بقره اعيي عليك تروحين معهم تجيبينها معنا وش اسوي فيك ووشلون بناخذ راحتنا وهي معنا

ملاك بغباء قهر حمد زياده / طيب وش فيه وليه ناخذ راحتنا عادي أعتبرها مثل العاده لما يجون ينامون عندنا هي وخلود وش بنسوي يعني يوم لازم نرتاح فيه

حمد بقهر / اسكتي اسكتي آآآآآهـ اللهم طولك ياروح ياليتني ماصرّفت شوق بس

ملاك تحمد ربها بسرها على الحاله اللي فيها حمد ولا تدري انها هي السبب فيها



........................
فــي وقــت ومــكــان آخــر


عــش صــغــيــر يحوي عصافير الحب


ههههههههههههههه

..../ الحين ليش تضحك عاجبتك السالفه ؟

...../ لا والله اضحك على عصبيتك وشكلك المنحرج .....الحين وش فيها انا زوجك ؟؟

...../ بس مو بهالطريقه انت قليل ادب

..../ قليل ادب على ذا الحركه أجل إذا سويت اكبر من كذا وش يتقولين عني يهودي

..../ مباااااااااااااارك

مبارك / عيونه وروحه آمري تدللي

خلود وهي ميته من المستحى / لا تسوي كذا مره ثانيه عند الناس

مبارك / وش سويت كلها سلام

خلود / لا هذا مو سلام

مبارك قرب لمها / لا هذا سلام ....مو عشاني سويت كذا ......ويبوس جبينها....وسويت كذا ....ويبوس خدها .....وسويت كذا ...ويبوس خدها الثاني وبكل إخلاص ....مايصير سلام

خلاص خلود ماتت من الحيا ودخلت بالكنب وهالشئ شجع مبارك لأجل يتمادى معها و...


......................

وصلوا للبيت وحمد شوي وينفجر بالسياره من غباء ملاك اللي مافهمت على الرغم من تلميحاته

ومن القهر انه صرف شوق عشان يستفرد بملاك وياللأخير تسحب اخته معهم


ملاك / تبين قميص ولا بجامه

ساره / لا الله يعافيك اوسع قميص عندك ويصير قطن عشان ابرد

ملاك / ههههههههه حاضر دقايق أدخلي الحمام وإذا جبت الملابس طقيت عليك الباب

راحت لغرفتهم تطلع لباس لساره وفوطه وحمد جالس على السرير ماعليه إلا بنطلون البجامه بس

استغربت ملاك بالعاده مايلبس لين ماتطلعله لباس ولين ماتفسخ هي جزماته مااهتمت وراحت تعطي الملابس ساره

عطيها كل شئ الحين حتى الفراش لإنك مانتي طالعه لها مره ثانيه

ملاك / لــــيـــه ؟؟!! يعني تجلس لحالها وش الفايده اجل جايه معنا

حمد / جاك العلم وإلا والله لأروح ارجعها لبيت اهلي

ملاك استسلمت وطلعتلها فراش ورجعت للغرفه وهي منقهره منه / يالله هذاني جيت مادري وش تبي مني !!هذانا صرنا على راحتنا على قولتك وش بتسوي بتلعب معي يعني ؟؟!!

حمد يناظر ملاك بنظرات اول مره يناظرها فيها قب وجهها احمر وعرقت وتحس جسمها صار حار وعجزت تفسر وش معنى نظرته لكن اللي تعرفها انها نظره تقلب كيانها وتلخبظها

قرب منها وهو لازال مستمر بنظراته لها وهي يزيد عرقها وإحمرارها

حمد بصوت ذليب وثقيل / ايه ابلعب معك لعب كبار

فهمت عليه ملاك وأخيراً ونزلت راسها بسرعه للأرض بحيا وكانها عروس موكأنها بتكمل سنه معه

دخلو جو مع بعض وكل واحد انغمس بلذته مع الثاني وتعانقت ارواحهم قبل اجسادهعم



........................

يـــــــمـــــــــه بسم الله وش فيك ؟؟

طلع برى البيت ولا عبرها ولا اهتم لوجودها

...../ وش فيه حمد طلع بسرعه وهو معصب حتى مانتبه لي بغى يدعسني

ملاك وهي تغالب ضحكها / لا مافيه شي بس يقول اني مثقل بالأكل امس بيجيبله فوار

ساره / ايه والله حسبتكم متخانقين

ملاك / لا ليه نتخانق بسم الله عليها .....وانفجرت من الضحك وهي تتذكر شكل حمد من شوي

انا مااحللك

وشلون ماتحللي

يعني علي الدوره

حمد بقهر وصدمه وفلتت اعصابه / ايـــــــــــــــش ؟؟

ملاك / بإحراج / وشو ايش علي الدوره ماانفع

حمد / ليش ماتكلمتي من اول ليه ساكته

ملاك / وش دراني انك بتسوي شي

حمد / لا تستهبلين يعني قاعده ترقصين عندي وتثيريني وش كنتي تتوقعين مني وانتي حلالي .....حرمتي والا ليه مصرف شوق مع اهلها

ملاك / موديها مع اهلها عشاني ؟؟

حمد / ملاك انطمي مابي اسمع صوتك

ملاك / طيب انا وش دخلني انا قلتلها تعالي هي من الله تجي

حمد / اسكتييييييي خليني انام

والا اقول ابروح لشوق لأرتكب فيك جريمه

وطلع من البيت وهو معصب

وسهرت هي وساره لظهر وهي كل شوي تتذكر الموقف وتضحك وتقول بنفسها جت الحزينه تفرح مالقتلها مطرح

....................


فـــي وقــت آخــر


..../ هذا صوت سعود ؟؟

ندى / ايه الله يصلحه لو اهلي قريبين كان رجمته عندهم

ملاك / حراااااااااام عليك ندى يحبيله والله جيبيه عندي اليوم يوسع صدري مشتاقتله

ندى / وين اجيبه وانتي يتروحين لهلك اليوم

ملاك / لا ماني رايحه حمد عليه الدرويه اليوم ولا اقدر اروح

ندى / وش دخلك بدوريته انتي واحد من ربعه ولا البودي قارد حقه

ملاك / هههههههههه الله يقطع شيطانك .....لاذا ولاذا بس ابسوي لهم العشاء والحلى ولا انا قاضيه الا العشاء ماتسوى علي اروحلهم العشاء اروح بكره واخذ اليوم من طوله ازين

ندى / انتي صاحيه تسوين العشاء لـ600000 رجال خبله انتي وتضيعين على نفسك روحتك لهلك اللي كنك شغاله كل 15 يوم عشان دوريه حمد صدق اهل العقول براحه

ملاك وتبي تضيع السالفه لإنها ماراح تغير رايها وكلام ندى يزيد همها هم / إلا وش أخبار معارسينا مادقت عليك خلود

ندى فهمت عليها وماشتها / لا مادقوا لهم 3 أسابيع من راحو ولا دقت إلا 3أو 4 مرات بس الحمدلله شكلها مبسوطه لو انها مو مبسوطه كان تسمعين صياحها من ماليزيا دلوعة البابا ذي

ملاك / ههههههههههه اتخيل شكلها

الله يوفقهم ويسعدهم .....يستاهلون بعض كل واحد اطيب من الثاني


...................



ملاك وهي تعطي حمد الصحون والحافظات

وتسولف معه وهو مطنشها ولا يرد

يووووه اشتقت لسعود ودني عندهم من زمان عنه حتى يوم رحنا لهم ماكان فيه

مسكها بقوه من يدها ووقفها من بعد ماكانت منزله جسمها وترتب الأغراض بالشنطه ولصقها بجسمه وشوي ويدخل وجهه بوجهها والشرر يتطاير من عيونه

وتقولينها قدامي مشتاقه له انتي ماتستحين وما شفتيه مسيكين كان عنده استلام ولا انتي متعوده عليه كل اسبوع مطيحه ببيتنا وتتقابلون من متى انتي وياه على علاقه وهو مسوي نفسه ملتزم وبالأخير يخوني ومع حرمتي بعد

ملاك طارت عيونها وش فيه ذا قام يخبص بالحكي ولا قدرت ترد عليه ماخلالها فرصه تتكلم من عصبية وكلامه اللي ورى بعض

ملاك / حمد وش فيك ؟؟؟ ماكنت اقصد

حمد / انطمي وشلون الواحد يخون وما يقصد جديده هاذي

ملاك/ حــــمـــد انا أقصد سعود ولد ندى

حمد / ولد ندى .....؟؟

ملاك / ايه ....وش دخلني انا بأخوك اشتاقله ؟؟

حمد وهدى ولعن الشيطان اللي شيشه وخفف من مسكته لها بس ظل ماسكها

ملاك وهي تمسح جبينه بيدها الناعمه من العرق وتنزل على خده وتلمسه بحب وتبتسم بنعومه بوجهه / نغار علي حمد ؟؟!!

حمد ارتبك وماقال شئ وتركها / وين الأغراض اخلصي تاخرت

ابتسمت على ربكته ملاك واعرفت انه اول يصدها على شان يحقق اللي بباله والحين مافيه شئ يمنعها انها تتقرب منه وهي تشوفه مايمانع ويصده مثل اول


............

بــوقــت آخـــر

آلو السلام عليكم

اخلصي وش تبين

آ آ اممممم .....حمد ...متى بترجع البيت ؟؟؟

حمد / انتي وش عبيك ماناقصني إلا انتي تسأليني متى ارجع البيت

ملاك / لا بس حبيت اعرف متى بتجي

حمد / ملااااااااااااااك مالي خلقك ترى ضفي وجهك ......وسكر بوجهها السماعه



.......................


دخل البيت الساعة 3 الفجر وتفاجئ من شكل البيت اللي مليان ورق ورد أحمر من مقدمة الباب لصاله وبلونات على شكل قلب مرميه بالطريق وشكل الصاله متغير من الخداديات الحمر على الكنب والشموع وريحة الفواحات معبيه المكان والإضاءه خافته شوي كان جو رومانسي بالفعل ومريح

انتبهلها وهي نايمه لكن لبسها كان واضحله فستان ناعم وهادي ومخصر وقصير ولونه جنان على لونها البرونزي اللي يعجبه ومطلع جسمها ولا اروع واكسواراتها ناعمه ومفسخه شبشبها الزحف ومتكوره على نفسها من البراد ومن نومتها كانها كانت تنتظره

سحره شكل شعرها وهو نازل بدلال على خدها وحركات وجهها وفمها المعصب وهي تحاول تحرك الشعر عن وجهها قرب بيوخر شعرها / حـــمــد جيت

رجع يده بسرعه قامت وعدلت لبسها ولبست شباشبها وغسلت وجهها ورجعت

وقعد يشوف طاولة الاكل اللي عليها كيكه على شكل قلب بالفراوله وكاسات العصير فيها ثلج ذايب وشموع ذايبه وبطاقه مكتوب عليها كل عام وانت الحب / ذكرى زواجنا/ زوجتك المحبه : ملووووكه

وبنفسه [هاذي غبيه ولا تستغبي وش تبي اكثر من ذا الصد ولإهانه عشا تعرف اني مابيها وأكرها ]

كل سنه وانت زوجي وحبيبي

لف لها حمد وقابل وجهها / أنتي غبيه ماتعرفين اني اكرهك جايه ومسويه عيد زواج مادري ذكرى اكرهههههههك افهمي عاد

ملاك / بســــ.....

حمد يقاطعها / انطمي لاعمرك تفكرين انك بهالحركات بتحركين ولو القليل من مشاعري تجاهك لو وش مايصير بتظلين ملااااااااك ...قالها بإستحقار ....اللي أقل مني بكل شيء ماتستحق نظره مو حب

انصدمت ملاك من نظرة وقسوته على الأقل كان سايرها شوي وراعى مشاعرها انسان متقلب اعجزت تعرف تتعامل معاه كانت تحسب انها بحركتها ذي بتكسبه لكنها تدري بقراره نفسها انه بيواجه حركتها بالصد بس قلبها هو الي يسيرها ماتقدر تمنعه

نزلت دموعها بهدؤ على خدها.....وبعد مرور دقايق من الصمت رفعت راسها لحمد وهي تبتسم / طيب مو لازم تعتبره ذكرى زواج اعتبره حفله عشانك جيت هنا للبيت وش رايك ؟؟؟

حمد / انتي غبيه وجهك لوح اهزئك ولا يهمك ..

انا جاي آخذ ثياب لدوام ورايح لشوق وراح للغرفه

ملاك تمسك يده بترجي وحب / طيب ذوق الكيكه ترى طعمها لذيذ عارفتك تحب الفراوله .....وتبتسم بوجهه بحب

حمد بخبث / تبيني آكل من الكيكه ....؟؟ طيب ولا يهمك

مشت معه لطاوله وهي مبسوطه وقفوا عند الطاوله وابتسامتها تزداد اتساع وبنفسها [الحمدلله طلع لي عنده خاطر ]

ملاك / وهي تشهق وفاتحه عيونه / لــــــــيــــــــــه .....؟؟؟

حمد وهو يقعد جيك العصير على الطاوله بعد مافضاه على الكيكه / انتي يالله تفهمين كذا .....حاسبه ان لك خاطر عندي ..هه مسكينه

راح للغرفه واخذله ملابس وطلع وترك ملاك مصدومه عند الطاوله وهي تبكي حظها اللي بلاها بالحب بلاها بحب إنسان مايحمل لهاأي شعور غير شعور الكره

بدت تنظف الطاوله من الكيك والعصير المنكب فوقه وهي تمسح دموعها اللي ماوقفت تنزل بهدوء يقطعها صوت شهاقها دموعها الشئ الوحيد اللي تشكي لها عذابها وحزنها وحبها الخايب وحبيبها القاسي الكاره لها

دخلت المطبخ ودخلت العشاء بالثلاجه وبدات تغسل المواعين وهي مستمره بالبكاء وتمسح دموع سالت على خدها بظهركفها





.......................

فــي بــيــتــ أبــو حــمــد


ماجابت مرت حمد غداء معها

اصلاً شوق للحين ماجات ولو جت متى قد جابت شئ معها

سوير لا تستهبيلن مااقصد شوق اقصد ملاك مالقيتي إلا أسأل عن شوق وععععععع من عقب الزواج وكبدي حايمه منها

ساره / سعود استغفر ربك لا يبلاك ربي بحرمه زيها

سعود / استغفر لأذبحها واذبح نفسي بعدها....هاه ماجابت شيء؟؟

ساره / لا ماجابت شئ وانت من متى تقولها مرت حمد بالعاده تقول ملاك حدد عشان الواحد يجاوب عليك زين

ساره كل هذا مويه ابوي .......

وقطعت كلامها لما شافت سعود ورجعت بتطلع

وشلونك ملاك عساك بخير ؟؟

ماقدرت تلف من الحيا وهو اول مره يسلم عليها بمكان غير الصاله وقدام الكل وغير كذا قايل اسمها اللي اول مره تسمعه منه

تكلمت والحيا يقطع صوتها ولا اللتفتت عليه / آآآ ....الحمدلله بخير .....وطلعت بسرعه من المطبخ


.....................


بالــصــالــهــ

هههههههههه لو تشوفونها وسعود يسلم عليها كنها بزر ولا عروس مستحيه ههههههه يالله ردت

اللتفت حمد على ملاك وصار ينقل نظره بين سعود وملاك بعصبيه / متى ان شاءالله ؟؟

ساره ببراءه ولا تعرف بكلامها ان فيه احد يفهم على كيفه / تو بالمطبخ سلم عليها ومافيه إلا حنا الثلاثه بس

قام حمد وراح لملاك وجلس جمبها وكلمها بصوت واطي / وش كنتي تسوين انتي وسعود رايحه للمطبخ

ملاك / ماكنت اسوي شئ .....رحت اجيب مويه لأبوي ودخلت ولقيته جيت ابطلع سلم علي ويالله رديت عليه استحيت اطنشه

حمد / يعني هو اللي سلم ؟؟

ملاك / والله هو بعدين هو مثل اخوي مادري ليه معصب شفهم وشلون يناظرونا



...................

ملاك جيبي الفطاير الحين ......اخواني وابوي كلهم بالصاله

ملاك / ان شاءالله بس ابسوي لحمد شاهي أخضر والحقك

ملاك / خلود ...خلود

خلود / نعم

ملاك / مرتاحه أنتي مع مبارك ؟؟!!

خلود / هههههه توك تصحين يوم مر شهرين على زواجي توك تسألين

على العموم الحمدلله مرتااااااااااااحه فوق ماتتخيلين هو اللي كنت اتمناه وهو اللي حبيته هو كل دنيتي

ماكنت اتخيل اني راح اكون سعيده لهدرجه.......اتصدقين كنت رافضه اترك العبايه الكتف وعلى كثر كلام سعود وعصبية علي في بعض الأحيان إلا انه من سابع المستحيلات أني البس عباية راس

اما هو من شهر واحد قلب افكاري إلا قولي قلب كياني كله وبكلمتين لبست عباية راس والحين لو ايش مايصير ماارجع للعبايه الكتف يااختي احس كاني مفسخه ههههههههه

ملاك بفرح / مو هين ولد اخوي والله هههههههههه الله يتمم عليكم قولي آآآمين

خلود / آآآميييييييين


أخذت ملاك كوب الشاهي الأخضر وراحت لصاله / السلام عليكم ......ردو عليها السلام

وحطت الكوب على الطاوله لحد مايبرد وتعطيهياه مثل العادة

ورجعت المطبخ وجابت سلة الفطاير وعطتها خلود عشان توزعها

خلود جيبي لي السله شوي

خلود / سعود وش جاك ترى توك متغدي

سعود / مو لي لنايف يبي يذوقها توه جاي

خلود قامت وعطت نايف الفطاير واخذله سعود كم حبه .....كانت الفطاير صغيرة وحشواتها لذيذه

أقول سعود وراه ماتتزوج عجزت ياخي

سعود / هههههههههه عجزت مره وحده ربي ماكتب اتزوج الحين

متى يعني بتتزوج لين تصك الأربعين

سعود / بسم الله علي وانت وراك متحمس انت ماتزوجت إلا بالثلاثين وانا بالعشرين وعجزت

حمد / ماتشوفني تحسفت واخذت ثنتين بدل الوحده عشان اعوض ههههههههههه

سعود / ههههههههههه لالالالا وحده ويالله اتحمل غثاها

حمد / يالله لحق عمرك بس لايفوتك قطار الزواج

سعود / الصراحه ابي وحده من الأقارب يكونو أهلي عارفينها مابي وحده انصدم بأخلاقها وتصرفاتها بعدين

حمد / طيب هذاني تزوجت من برى أقاربنا وما صارلي شي

سعود / ايه انا ابي حرمتك

حمد وطلعت عيونه برى / نــــــعــــــم

سعود / لالا قصدي ابي وحده مثل حرمتك ......أهلي يعرفونها ومحتشمه وراعية بيت

حمد وهو مو مقتنع مره / ايه خلهم يدورولك أهلي


مــرحــبــااااا

التفتو عليها وعرفوها اللي عرفها من من صوتها الدلوع قبل مايلف واللي من ريحة عطرها اللي تنشم من بعد كيلو ...عفس سعود وجهه وهو يتذكر حركاتها بزواج خلود .....وطريقة دخولها عليهم وعبايتها اللي كنها فستان ولثمتها ومكياجها

دخلت غرفة العبايات وفسخت عبايتها وتلثمت بشالها واللبس فاضح وكأن مافيها فتنه تغطيها عن الرجال اللا وجهها اللي نصه طالع

وجلست جمب حمد ولصقت فيه وهالشئ اللي اقرف سعود زياده ولا خفى عليه كلام حمد مع ملاك ومن بعدها قامت ملاك وجلست بجمب خلود وعرف انه قومها عشان شوق

راحت ملاك نسوي شاهي ثاني وتصب وتحط وتشيل وتخدم الصغير قبل الكبير وكانت حركتها واضحه

قامت شوق بدلع وأخذت سلة الفطاير ودارت فيها على الموجودين ووصلت عند حمد وبكل دلع / حمد حبيبي خذ وحده ذوقها ترى طعمها حلو

ملاك وتبتسم من تحت جلالها لإنها عارفه إن حمد بيفشل شوق لإنه ماياكل بعد الغداء على طول ......وفعلاً رجعت شوق السله قدام ملاك وهي خايبه

وكل شوي سعود قايم قاعد ياخذ فطاير ويرجع لمكانه ....آخر شي اخذت ملاك السله وحطتها فوق الطاوله اللي قدام سعود

ملاك

ملاك / سم آمر

عطيني من هالفطاير

ملاك تناظر حمد بإستغراب / فطاير تبي تاكل يعني

ناظرها حمد بنظرات معناها وش ابسوي فيها اجل ......قامت واخذتها من عند سعود وعطتها حمد

حمد / وش احسن وحده ؟؟

ملاك وهي تأشر / هخاذي وهاذي

اخذهم واكلهم وانرسمت على وجهه علامات الرضى ......حطت السله عنده وجت بتروح ......مسك يدها / اقعدي لاتروحين

وجلسها بجمبه محل ماكانت شوق جالسه قبل ماتقوم وقعد يناظر سعود نظرات هاذي لي لاتفكر ونزل راسه سعود ولعن نفسه على زلة لسانه

حمد / ليش وديتي السله عند سعود كل هاذا خايفه على رجوله من القومه والقعده

ملاك / حمد وش ذا الكلام أولاً هو اصلاً ماهمني قام ولا قعد وثانياً هو كل شوي قايم قاعد والسله قدامي وانا اكون فاتشه وجهي من الجمب واخاف يكشف وجهي قلت احطها عندي بدال مايشوفني ولا وش رايك اخليه يشوفني يعني ؟؟!!

حمد وهو لازال ماسك يدها وظغط عليها بقوه ينفس عن قهره منها لما جته ولا قدر يمسك عليها شي مسكينه هاليد دايم هي المتنفس لغضبه / خلاص خلاص .....

قامت له وهي منقهره ياخذ منها ولا ياخذ مني

حـــــــــمــــــــــــد

حمد رفع راسه وانصدم فيها وشلون نساها ذي / شووووق

شوق بدلع وتمسك يده وتقومه / تعال نتمشى انا وانت برى بعيد عن العذال

سعود وده يقوم ويطرقها لين تعض الأرض حمد على عصبيته تاركها على كيفها والدلع الماصخ اللي تتصنعه

اقول حمد

حمد / نعم سعو وش بغيت

سعود / بغيت اسأل وش اسم المخبز اللي جايب منه الفطاير هههههههه شكلي ادمنت عليها

تغير وجه حمد ولف على ملاك وكانه يلومها على شئ

خلود بلقافه وماكانت منتهبه لوجه حمد اللي انقلب من سؤال سعود / هاذي مو جاهزه ملاك اللي مسويتها طعمها حلو صح

سكت سعود ولاجاوب [شكل حمد بيذبحني اليوم وطينتها يوم سألته وأنا اقول ليه وجهه انقلب وصار يناظر حرمته شكله بيطلع حرته فيها وانا وش دراني انها تصليح بيت شكلها جاهزه ]

استاذن سعود وطلع لإنه خايف ومنحرج من عصبية حمد وجهه مايبشر بالخير



..................

فــي بــيــتــ ووقــتــ آخــر

الحين ليش ماتخطبيني لولدهم اللي ماتزوج الخاله زي الأم تدور الزين لبنتها

ريــــــم انتي قليلة أدب هههههههه يازيني والله رايحه قايلتلهم اخطبو بنت اختي لولدكم وش قالولك وجهي لوح

ريم / خالتي تراني امزح على طول تصدقين انا اول وحده ارفض أسلوب العرض

ملاك / الصراحه هو يدور وحده مثلي

ريم / وشلون يعني ؟؟!!

ملاك / يوم حمد قاله ليه ماتتزوج قال ابي وحده مثل ملاك نعرفها ومحتشمه وراعية بيت وانتي اقرب وحده لي بكل هاذا صح ولا لا .....ماتدرين نصيبك من معه يمكن مع واحد ماتتخيلينه الواحد مايدري وش اللي مكتبوله

وش رايك يفيصل ههههههههه

ريم / وعععععععععععععع اسكتي لأطلع كل اللي ببطني على وجهك

يجيبلي حومة كبد كل حياته ضحك واهبال وانا مايعجبني كذا لو مبارك يمكن

ملاك / لو انك مارضعتي معه كان زوجتك له بس يالله نصيب

ريم / لالالا ماتخيل مبارك إلا اخوي ماقد تخيلته ولا تمنيته زوج

الله يوفقه مع خلود تستاهل والله تهبلللللللللللللللللللل عسللللللللللللل اموت عليها




.................


مــكــانــ آخــر


وين ثيابي مافيه ولا ثوب نظيف وشلون أروح لدوام مايكفي ماقومتيني ؟؟

حـــمــد وشلون بتلقى ثياب نظيفه وانت ماوديتهن المغسله

حمد / المغسللللللله طول عمري ماوديتهن المغسله اوديهن وانا عندي حرمتين

هذاك قلتها حرمتين مو شغالتين ......قلتلك جبلي شغاله انت اللي معيي تجيب شغاله تروح تجيب شغالة اهلك وتمن بها امك علينا أسبوع وتاخذها

حمد / هاذي ملاك تغسل ثيابي وتنظف البيت وتطبخ ولا قد جبتلها شغاله

شوق / ملااااااااااك....أنا تقارني بملاك ...أنـــــا ذا الشينه المنتفه تقارنها فيني ....هذا اللي ناقضني ...بنت ذا الفقر متعوده على الشغل .....انا طالعه من بيت مخدومه فيه اجي عندك وتبغاني اشتغل .......هاذي قدري عندك تقارني بملاك..... تقارن الي تحبهاو تحبك بذا الشحاذه .......وبدت تبكي

تحسف حمد على كلامه معها بس هي السبب هي اللي خلته يعصب..... ثيابه كلها وسخه مافيها شئ نظيف ....البيت حوسه ......ولا تطبخله ياما يجيب من عند اهله سرقه عشان مايدرون ان حرمته ماتطبخله او المطعم أو الشغاله إذا جت تطبخله ......يخدم نفسه

من رجعته من شهر العسل وهو اللي يصحي نفسه لصلاة والدوام ماتعبت نفسها ولا يوم واحد وقومته

افتقد لعيشته مع ملاك.....حن لأيام ماكان ملك يأمر ويطاع ويعذب ويهين بلا حساب .....حن لأن تكون تحته امرأه ضعيفه تتمنى رضاه وتحت خدمته وهوالرجل الامر الناهي المتمنع عنها

كل هاذا افتقده مع شوق انسانه مغروره متكبره انانيه امراه قويه وبجحه وهذا اللي يكره حرمه تنافس قوته

قرب منها لكنها ابعدته ...قرب منها وحضنها وبدى يراضيها وطنش الدوام اهم شيء عنده حبه مايزعل عليه

ماانتهى اليوم إلا برضوه بمبلغ محتنرم







*...قراءة ممتعه....*






*...مع تحياتي هاجس ليل..... *

الـــــــــجـــــــزء الــــــتـــــــــاســـــــــع

مبروك الشهر

علي

افا مستخسر تقول علي وعليك ولا يعني تعتبرنا شخص واحد

هههههههههه والله انك مصدقه نفسك .....اقول ملاك ورى ماتسكرين السماعه لني انا اللي أسدد الفاتورة ولا عاد تدقين عبى جوالي إلا إذا احد مات عندك فاهمه

ملاك / ليش ماادق انت لك شهور ماجيت البيت مااشوفك إلا باليت عند اهلك وتكون شوق معك بعد ماتبيني ادق عليك

حمد / ايه لاتدقين اللي ابغاه من وراك حققته ماعدتي تهميني ولا تعنيلي شئ فاهمه

ملاك وهي تغالب الدموع كرهت ضعفها وسلبيتها كرهت رضوخها له رغم اهانته لها كرهت قلبها اللي بلاها بحب أنسان قاسي ذلها وهانها / فاهمه ولا اني داقه على جوالك مره ثانيه أشبع بشوق لحالك ويا براطمها وسكرت السماعه بدون ماتسمع رده

وحست نفسها مسويه انجاااااز رفعت صوتها وسبت شوق وسكرت بوجهه وفجاه جلست تضحك وبنفسها[هههههههههه الحين وش دخل براطم شوق بهواشي والله اني علي حركات بس قهرني حيل ] هههههههههههه آآآآهــ آهي آهي

مره تضحك على كلامها ومره تبكي حالها وتندب حضها وتغسل شوي من الحزن اللي بقلبها




.............

فـــيــــ عـــشـــ يسوده الحب


يااااااربيه أففففففففف حراااااااااااام آهي آهي

بيأذن المغرب وللحين ماجت دخل وشافها بالمطبخ وهي ترفع شعرها بظهر كفها اللي ملطخه بالطحين

وتتأف وتبكي رحمها وحن قلبه لها واستملح شكلها كتكوته مع لبسها شيال جنز شورت تحته بلوزه كت حمرى وشكلها كيوت

جاها وحضنها من ورى / وش فيه الحلو زعلان ؟؟

آآآهــ آآهي احترقت آآآه

وش اللي احترقت ؟؟؟

المكرونه من الظهر وانا اسويها وبالأخير تحترق

هههههههههه كل ذا الصياح عشان مكرونه بقلعتها اهم شي انتي لاتبكين

قايلتلك مااعرف اطبخ وغصبتني يعني وش بتفطر عليه الحين على شوربة وتوت بس ؟؟

ليه بس ؟؟ على شوربه وتوت والوجه الحسن وباس خدها

هييييييييييييييه انت حنا برمضان صايمين

بسم الله وانا وش سويت كلها بوسه ورجع يبوسها مره ثانيه

بععععععععععععععِد ودفت وجهه بيدها اللي فيها عجين وتوسخ وجهه

يوووووه وش سويتي انتي ؟؟

ههههههههه عشان مره ثانيه تتادب

ناظرها بنظرات خبيثه لا والله اتادب اجل ؟؟؟؟

ومسك العجين ومسح فيه وجهها

لالالالالالا ههههههههه مباااااااااارك لالالالا هههههههههه والله حرام عليك نعمة ربي

وقدرت توقفه بذا الكلمه

الله اكبر الله اكبر


الله اكبر الله اكبر

ههههههههههه عقابك جاي من السماء انا اوريك وشلون توسخيني بالعجين

هذاه اذن عشان ماتقولين صايمين ورمضان

لالالالا مبارك والله جوعانه

هههههههه مافيه مهرب بتشبعين مني

لااااااااا بلا سخافه

لكن لاحياة لمن تنادي وعاقبها بطريقته





...............


في عش آخر



هلا والله وغلا هلا بالحامل والمحمول

ههههههههههه قول كذا من اول المحمول مو انا

هههههههههه افا عليك افا بس...... نحب المحمول من حبنا لك

ههههههه العب علي بكم كلمه العب

قرب لها وضم كتوفها / تشكين اني احبك ؟؟

لو أشك بعمري مااشك فيك

باس جبينها وضمها على صدره / اله يخليك لي ولا يحرمني منك

آآآآآمييييييين

ماما ندى يجيب مويه الهين ؟؟

نقزت ندى من حظن طلال / وش جابك هما اقولك إذا صار بابا موجود ما يصعد فوق وش رقاك هاه

الشغاله / فيه اتاخر مايشيل مويه انا جيب هنا

ندى / لاقد اشوفك راقيه هنا فاااااهمه

طيب ماما هزت الشغاله راسها وراحت

الله ياخذها مادري وش جابها هنا ماتخلي الواحد ياخذ راحته

ماعليك منها طنشيها بس ولا تهاوشينها دايم الحين تقعد تبليك بعمرك

ندى / شكلي ابسفرها وش ابي فيها وماعندي غير سعود اغلب وقتي فاضيه ماعندي شغل

طلال / لالالالا انا جايبها لراحتك وعشان تتفضين لي مافيه شي يشغلك عني

ندى باست خده بنعومه ورجع يبوسها باسته مره ثانيه ورجع يبوسها باسته مره ثالثه ورجع يبوسها

ندى/ هههههههههه وش فيك تحدي هو ؟؟؟من يبوس أكثر واحد

طلال / اتصدقين عجبتني فكرة التحدي ......طيب وش رايك نخليها من يبوس أعمق وأفضل واحد بأي مكان يبغاه ......هاه وش رايك وانا بأبدا اول واحد عشان ماتقولين غشيتك

ندى / هههههههههه طلال على كيفك ذا مو تحدي

طلال / إلا تحدي وانا مخترعه بعد مفروض يعطوني براءه اختراع عليه

ندى / ههههههههه على البوس ؟؟؟

طلال / أكييييييييييييد على البوس وانا أشطر واحد ابوس

ندى / لا والله مصدق نفسك من اللي لاعب عليك ....؟؟

طلال / أيه مصدق نفسي وشوفي بعد عشان تصدقين .......وقرب منها وباسها بوسه عميقه على قولته وفعلاَ بيلنها انه اشطر واحد بالبوس

ولا انتبهو للعيون الحاقده اللي تطالعهم من الباب / يهبي ماما كثير وانا لامافيه هبي كثير



.......................


عــش آخـــر .......



منين جايه انتي ؟؟؟

شافت وجهه المعصب ولاهمها بالعاده تنتفض من الخوف له لكنها ملت ضعفها وسلبيتها وبتوقف بوجهه لو كسرها من الضرب مايهمها خلاص

ابوها ماقد ذلها وهانها ليه تسمح لناس يهينونها ويدوسون على كرامتها الناس يوم شافوا سكوتها لإنها تحبهم اعتبروها ضعف منها وتمادوا بإهانتها وطعنها هي مو ضعيفه أبد كانت على حياة اهلها قويه

وتوقف اللي يغلط عليها عند حدها لكن يوم ماتو توقعت ان عزوتها ماتت فحاولت تعيش بهدوء وباسهل الطرق لكن كل هذا كان خطأ لإن الراحه ماتجي إلا بالمحاوله والتعب

أكلمك ماتسمعين انتي ؟؟؟

كنت بالمسجد اصلي التراويح

لا والله قالولك بزر انا ؟؟؟التراويح مخلصه من زمان وبعدين من بامره تطلعين من البيت ؟؟

والله كان فيه محاضره بعد الصلاة قعدت اسمعها .......ومن بأمره ؟؟ بأمر أبوي روح هاوشه بدال ماتفرد عضلاتك علي ......وراحت ومشت بجمبه ولا همها شي

طارت عيونه [وش شاربه ذي أخبر الشياطين تتربط بالرمضان هي عكسنا شياطينها انطلقت أول مره ترد علي لا وتناظرني بعين قويه أبوي دلعها لين خربها علي انا أوريها] وطلع من البيت

ههههههههه انا قويه انا قويه انا حليب السعوديه هههههههه أثر الدعوى هينه بس أصارخ ويمشي الموضوع أثر البلى مني أنا اللي أساعده واخليه يتمادى معي بالكلام والضرب

شكلي أبسوي كذا كل مره أنا ماقد غلطت ليه اخاف منه هههههههههههه ورمت نفسها على السرير بفرح مثل الطفال الـــــــــــلــــــــــــه يازين طعم الأنتصار هههههههههههه هههههههههههه

انهبلتي انتي ...؟؟؟؟

قامت ونقزت من على السرير من الروعه تحسبه طلع

متى دخلت توك طالع من البيت ماشفتك ؟؟؟

والله كيفي وانتي وين تشوفيني وانتي منهبله تضحكين مع نفسك ؟؟

جت وقربت من عنده وقعدت تلعب بأزاريره أمممممم حلو الفطور بالمطعم ؟؟

من قالك اني فاطر بالمطعم ....؟؟؟

شغالتكم ........دقيت على البيت قالتلي انكم طالعين ورايحين للمطعم

اها ....وانتي ليه تدقين على البيت ؟؟؟

والله زوجي حبيبي ماسأل عني قلت أصير اطيب منه وأسأل عنه صح ؟؟ .....وباست خده بنعومه وراحت بتطلع من الغرفه

ايه صح تذكرت ......ترى سعود يسلم عليك ويقول ليه ماتجي لمنا واللا مستغني عندك حرمتين .....؟؟؟

ســـــــــــــــــعـــــــــــــــود

ايه سعود وش فيك ؟؟؟

انتي متى شفتيه ووين ......قرب لها بعصبيه وعيونه محمره ومسكها بقوه دمعت عينها من قوة المسكه بس لازم ماتضعف بتسلك طريق ثاني معه غير الأول

هو كان هنا وفطر بعد

نــــــــــــــــعــــــــــــم .......وزاد من مسكته لحد ماحست ان عظمها بتفتت بيده

آآآآي اتركني كان هنا هو وأبوي لإن أبوي عنده موعد بالمستشفى وقريب للبيت وعزمتهم بدال الفطور ماينكب لأنك ماجيت وبس .....فكني ...أقولك فكني

فكها حمد وهو يقلب الحكي براسه وكنه مااقتنع

بس مااقتنعت وياويلك لو انك تكذبين علي....

دق على ابوي وتاكد .....وعلى العموم أقتنعت أو مااقتنعت مايهمني أنا ماسويت شي غلط أخاف منه ......وعقليتك المريضه الشكاكه مشكلتك وكلن يرى الناس بعين طبعه

ومشت من عنده وكتفها طق يده تبينله فعلاً انها مو خايفه منه وهي تبتسم انتصرت عليه للمره الثانيه بس يدها تعورها طلعت بخساير هالمره


....................


التجمع في بيت العائله


يالله حي أختي وبناتي وبنات بناتي ابعيدكم مبكر هالسنه كلكم كسوة العيد مني وعلى حسابي كل وحده لها الفين واللي ماتكفيها تطلب تدلل وما يردها إلا لسانها

قامت مثل عادتها لعطاها أبوها عيديه أو نجاحه قبل مايتوفى وباست راسه ويده / الله لايحرمنا منك يبه ومن دلالك لنا .....ودمعت عيونها لما انعادت عليها ذكرى رمضان وجماله مع اهلها كان يومهم يبدى بسعاده وينتهي بسعاده وكانهم بيعوضونها عن السعاده اللي بتفقدها لي ماتو

حياتهم حلوه رغم حالتهم الماديه وغنى اللي حولها هم البيت الوحيد اللي على قد حالهم ومع ذلك بيتهم محبوب للكل لإن قلوب اهله غنيه بطيبتهم الزايده

ماكان بيتهم يخلى من الناس واغلب أيام رمضان بيتهم مزحوم وجو بيت أبو حمد رجع الذكرى لها

ليه بنيتي تبكين أفا بس ؟؟

تذكرت اهلي ...

ضمها ابو حمد لصدره ورحم شكلها وصوتها المخنوق هو عارف انها مب مرتاحه مع ولده يفهم بكلام العيون

وعيونها حزينه ذبلانه لو ماتكلمت ...وهي زادت من ضمتها له يشبه أبوها بكل شي شكله وطوله اللي يفوقها بشكل كبير وحنانه وتنسيفة شماغه وحتى دهن العود نفسه

أبـــــو حــــــمــــــد وش تسوي بحرمتي قدام الناس ؟؟

ههههههههه وش أسوي يابوك ماحضنتها وداريتها قلت انا فيه وبدالك عن اتعبك

لالالالا تعبك راحه يبه .....وسحبها من حضن أبوه وحضنها هو وشدد من حضنته له وكنه خايف تطير منه ......وهي ماتت من الحيا الصاله مليانه البنات وبناتهم وعمتهم خلاااااااااص وجهها ولع

هاه يبه شفت حضنتها ودرايتها خلاص لا تحضنها ....ويساسرها ....عاجبك ابوي حاضنك ولا ايش ؟؟

ملاك ابتسمت على غيرة حمد الواضحه بكلامه مع ان الموقف محرج ومايساعد على ابتسامتها

لا عاجبني ان انت حاضني حضنك احلى بكثييييييييييييير من حضن ابوي وابتسمت بوجهه بنعومه وهم ناسين اللي حولهم

انحرج حمد من جراتها معه وارتبك ...لما شافت ارتباكه زادت ضحكتها هههههه / وشفيك ؟؟؟

آ آ ابطلع جيبوا الشاهي

هههههههه على امرك

طاب خاطرك بنيتي ؟؟؟

ذااااااااااااابت من الإحراج كانت ناسيه وجودهم اشوى ان ماجاها هبالها وسوت شي اكثر ......ابتسمت بإحراج بوجه أبوها ونزلت راسها بخجل ووجهها محمر وجلست بأدب بجمب ندى / ندى وجهي حااااار من الفشيله والله ناسيه اني عندكم أشوى اني ماسويت شي

ندى / هههههههههه شكلكم حلو مندمجين معكم مره بس وش قلتي لحمد يوم وجهه تقلب هاه ؟؟اعترفي ياقليلة الأدب

ملاك / ههههههههه والله شي عااادي بس اخوك حيوي ...قلت حضنك احسن من حضن ابوك بكثير

ندى / ههههههه يوووووووووه والله انك جريئه وقدامنا ياحليلك ياحمد شفت الدلع على كبر ههههههه بعذره استحى والله حركات ملوكه


...................


يــوم عـــيـــد الــفــطـــر


كل عام وانت بخير

وانتي بخير

تقبل الله

منا ومنكم صالح الأعمال ....شلونك ملاكي عساك بخير

الحمدلله مانشكي باس ....انت وشلونك ووشلون جو ينبع معاك

عبدالله / والله الجو الحين روعه خصوصاً على البحر ....مو مثلكم اعوذ بالله برد يدخل العظام

حراااااااااام عليك كل شي بالرياض حلو يازينها ويازين بردها لو انه يقرص بعض الأحيان

ميته على الرياض مادري وش فيها من قبل لاتتزوجين وانتي رافضه تروحين منها والحين يوم تزوجتي تعلقتي فيها زود معلوم فيها الحبايب الحين حتى نساك اخوك

ههههههههه والله ليش تظلمني دايماً انت من عقب شغلك الجديد وانا مالقاك فاضي دايم مشغول

ايه والله انك صادقه الله يتممه على خير واتوفق فيه قولي آآمين

آآآآآآمين واشوف اسمك من اكبر تجار السعوديه والعالم بعد وأقول انا اخته هههههههه

ههههههههه وش رايك تجين عندنا هنا تغيرين جو مب مثل الرياض من وين ماتلفتي بران تعالي هنا بر وبحر وجو بعد

أجل جو عندك ؟؟وحنا الرياض مسقوفه عندنا ولا وشو ؟؟

ههههههههه والله انك .........أقول ملاك اترك الحين ابرد على هالمزعجه لها عشر مرات تدق ويعطيها انتظار تحسبينها تفهم لا ......ترجع تدق من جديد

من حرمتك ؟؟

حرمتي مصدقه تدق علي .....ذي ريم من الفجر تدق ...اخبر الناس يعيدون إذا صلو العيد وهي من اول مايعلنون ان بكرى عيد تدق

ملاك / لاتحش فيها تراها طالعه علي بس امس كنت ببيت حمولتي وانشغلت نجهز للعيد ولا كان دقيت عليك من زمااااااااااان مثلها

صدق اللي قال البنت منتوفه من حجر عمتها بس انتي قلبتي الايه وصرتي خالتها ....بس احلى وأطيب خاله وربي طختها السعاده كان طلعت عليك

ملاك / تسلم فديت عبدالله انا ياروح وياقلب ملاك عسى الله لا يحرمني منك ...ياعل يومي قبل يومك يااخوي وابوي وكلي ...وش تبي بعد ؟؟

بس بس مااقدر انا على هالحكي الحين انحرف ولا يسمعنا حمد وينط علينا عز الله انه محظوظ بك لإنك من نصيبه الله يخلف على ذا اللي عندي إذا بغت تدلعني قالت عبادي ووراها طلب على طول

ملاك / هههههههههه خلاص بلا حش تونا طالعين من صيام واجر ماودنا نخربه

ويالله رد على ريم احسن ماتجيك ينبع مشي

هههههههههههه صادقه والله مع السلامه وسلميلي على حمد وابوه ولا تقطعين عنا

ملاك / تأمر امر من عيوني وسلامك وصل ان شاءالله وسلملي على اللي عندك وابدق بعدين أعيد عليهم

مـــــــــــاشــــــــــــاء الله ياقلبي وياروحي مابقى إلا تدخلين بالسماعه وتحضنينه

وهي تحط يدها على قلبها / بسم الله من وين تطلع انت دايم امداك تصلي العيد وتجي

أكيد امداني اصلي تراويح هي وهذا اخوك وهم يصلون بعدنا أمداه يخلص وقعدت تتغزلين فيه

ملاك/ هههههههههه مو قصدي بس ماانتبهت عليك ....وقامت وسلمت عليه وحبت خده وراسه

كل عام وانت بخير تقبل الله عساه عيد سعيد علي وعليك ...قول آآآمين

حمد تفاجئ من حركتها ماتوقع تسوي الحركه هاذي مره ثانيه بعد ماهزئها باللعيدين اللي فاتو تصور انها ماراح تعيدها .....ماكان منه إلا انه جاوبها بآآآآآآمين

وشاف قد ايش هالكلمه الصغيره مااثرت عليه قلبت ملامح وجهها لمن قالها ....صارت ملامح انسان سعيد كان ينتظر اشاره وتوها واصلته صار يشع نور والعيون تلمع والإبتسامه حالمه

مادرى ان هالكلمه تعطيها نقطة امل .....عشان تتمسك زيادة بحياتها معاه




.......................


الــعــيــد فــي بــيــت الــعــائــلــه


ياهلا والله بالزين كله ياحلو الحمّل ياناس هههههههه

تتطنزين انتي ووجهك هذا ولد اخوك ذا الشايب أقول خلنا ننتظر سنه لين اتخرج من الثانوي إلا يبيني احمل الحين لو انه هو اللي يحمل ويتعب كان ماقال كذا ......بس وش اقول

ملاك / أوب أوب شكلك معبيه منه على الآخر يابنت الحلال الحمل فيك فيك بس لما بكرتي شوي كسبتي رضاه ولا لا

اللي مصبرني اني أبولد بالاجازه ولا على بداية الدراسه ماراح يأثر على دراستي اتخيل شكلي بالمدرسه بين البزران وكرشه شكلي أبحول منازل بس

ملاك / ياشيخه اهم شيء تقومين بالسلامه الدراسه بالطقاق تعوضين باللي بعدها

لالالا ياعمري اهم شي دراستي مو مثل بعض الناس

ملاك / ههههههه والله هاذا اخوك مانعني من الدراسه أقوله لا يعني

وانتي اول ماقال لا سكتي ووافقتي على طول

ملاك ابتسمت بوجهها منهيه نقاشها ولفت عن خلود وخذتها الذكرى لقبل سنه وزياده لمن انتهت العطله وبدات الدراسه

أقول حمد بتوديني بكرى للجامعه ولا أروح مع ندى بسواق اهلك

أي جامعه اللي بتروحينلها ؟؟

ملاك / وشلون أي جامعه ؟؟؟ أنا داخله الجامعه وادرس فيها من سنه ولا ماتذكر ؟؟

لا مااذكر ولا فيه دراسه وروحه للجامعه

ملاك / وشلون بتمنعني يعني ؟؟

ايه بامنعك وش بتسوين يعني

ملاك / حمد الله يخليك اهم شي دراستي انت كذا أنت تخرب مستقبلي

سلامي على مستقبلي اللي يشوفها داخله طب ...مستقبلي وهو يقلد صوتها

ملاك وهي تصيح / أرجوك حمد طلبتك لاتمنعني من الدراسه بحياتي ماقد جلست بالبيت بدون دراسه ومااقدر اصبر عنها دايم أطلع من الأوائل عشان احقق حلمي لا تحرمني من الحلم اللي حلمت به

ووش دراني وش بيصير بعدين على الأقل اكون مكمله دراستي والقاها لأحتجتها

وبدت تحبب يدينه عشان يحن عليها ويوافق لكن ياجبل مايهزك ريح وكانه مستمتع بدور الجلاد

دفها عنه وقام بيطلع من البيت لحقته ومسكته من يده عشان يوقف وتكلمه ....ووقف بس مو عشان يسمعها لا عشان ....طراااااااااااخ

لا تتجرأين مره ثانيه وتمسكين يدي وتوقفيني وأنا امشي اول كنت بأفكر بس الحين لا نجوم السماء اقربلك

ملاك وهي حاطه يدها على خدها ماتوقعت ردة فعله هاذي الموضوع مايستاهل ضرب وخصوصاً كان اول مره يضربها نزلت دمعتها غصب عنها الكف يوجع القلب والروح عكس ضرب الجسم يوجع الجسم بس وخصوصاً إذا كان من حبيب وغالي

ملااااااااااااااك ملااااااااااك وين رحتي ووش فيك حاطه يدك على خدك من فيه تفكرين ههههههههه

هههههههه أفكر بالدنيا وان محد مرتاح فيها

شوفي شوفي من جا

ملاك /من اللي جا ولفت راسها للباب وشافت شوق جايه الساعه وحده الظهر وكانها رايحه لزواج المكياج كامل والشعر تسريحه وبدلة العيد مبالغ فيها بالشك والعري وكانها تبي تطلع احسن من ملاك مع انه مافيه مقارنه بين الثنتين بالشكل لكن اللي يحس بالنقص تصرفاته مهي موزونه

وملاك لابسه فستان ناااااااااعم يزينه بروش فخم وحلق الماس وكانت بمنتهى النعومه والأناقه الفرق بين ذوقينهم واضح ملاك ذوقها ناعم وراقي وشوق عاري ومتكلف لحد السوء

ملاك / اقول خلود انتي قايله لمبارك انك حامل

لا ماقلتله

ملاك/ وانا اقول غريبه مابشرني توي ادري من ندى

تصدقين أستحيت ابشر اهلي قلت لندى تعلمهم احس اني قليلة ادب لما اتذكر وشلون حملت ههههههه

ملاك / هههههههههه من صدقك انتي

والله من جد حتى اول زواجي كنت احس اهلي يأشرون علي ويقولون شوفي قليلة الادب جات

ههههههههههه والله انك مانتي صاحية

بووووو مسكتكم وش قاعدين تضحكون عليه لاتصيرون بس تحشون فيني

هههههههههه لالالالا أفا حنا نحش بأم سعود الغاليه

ندى /احم احم......وقعدت تعدل شعرها بغرور / وانا اقول مااهون عليكم تسبوني هههههههه

ملاك / ههههههه لا تهونين علينا من قال ماتهونين

خلود /هههههههه فشلتها

ملاك وهي تحضن ندى / لالا كل شي ولا ولا ندى ماارضى عليها ندى الغاليه

ندى تبوسها مع خدها وتطلع صوت قوي / صديييييييييقتي احبببببببك ههههههههه

خلود / لا يطيح نصكم بس فرحانين بأنفسهم صديقتي من زينكم

ملاك / الغيره تحرق ديره ههههههههه اللهم لاحسد بس

ملاك وكانها تذكرت شي / ماقلتلك ندى وش خلود تستحي منه

ندى تحمست / لالا قوليلي

ملاك / ههههههههه تستحي تقول لأهلك حامل ويقلولها كيف حصل ذلك ؟؟؟هههههههههه

ندى / ههههههه قووووووووووللللللللللي والله

ملاك / والله

خلود / لا تظنزون حرام عليكم وش دراني انا توني صغيره

ندى / لا صغيره ولا شي ملاك يوم تتزوج كبرك ولا استحت مثلك عادي عندها

ملاك بنفسها [لأن للحين ماحصل شي ]

ملاك / طيب متى بتقوليل لمبارك والا إذا ولدتي تعلمينه ويسجل الولد مره وحده

ندى / يوووه للحين ماقلتيله انتي مهبوله

خلود / اعوذ بالله ماتخلون للواحد فرصه يطلع مواهبه

انا بس أبسويها له عيديه

ملاك / حركااااااااااااات ياعيديه

خلود / اجل وشلون تلميذتك انا جبت علبه وحطيت بها بدلة مواليد وساعه وكتبت مبروك علينا العيد ياأبو سعد وحطيتها فوق السرير

ندى / والله انك خطيره يبيلي اجي أخذ دوره عندك المسلسلات اللي مدمنه عليها جابت نتيجه شكلها

ملاك / الله يوفقكم ويسعدكم وتشوفون عيال عيال عيال عيال أحفادكم هههههههههه

خلود / وندخل موسوعة غينيس المعمرين خلود ومبارك

كلهم هههههههههههه

اكتملو الناس العمان والعمات وعيالهم بما ان أبو حمد الكبير فالعيد ببيته وكانو يحبون ملاك لطيبتها

حطو العيد وكل عائله جايبه سلة حلاو وطبق مع الذبائح اللي حاطها ابو حمد تقليد تعودو عليه ومازالو للان مع وجود الأحفاد وكثرة العائلات

وملاك بطلب من أبو حمد مسويه جريش وكلن مدح طبخها كان الكل يسولف معها الكبير والصغير والعجايز هالشئ اللي اثار غيرة شوق كل ماتبي تثبت مكانتها عندهم يصدونها لسوء اخلاقها ومعاملتها وملابسها المستنكره عندهم

راحو الضيوف وما بقى غير اهل البيت

السلام عليكم

الكل / وعليكم السلام والرحمه

بدا يسلم على امه و خواته وعيالهم وقعد جنمب امه / وشلونك يمه عساك بخير ان شاءالله استاسع صدرك اليوم

أم حمد / الحمد لله والشكر لله مانقصني إلا شوفتك ليش ماسلمت علي مع اخوانك

حمد / آسف والله بس ماامداني جبت شوق الساعه وحده وزياده وعلى طول حطو العيد والبيت امتلى رجال وما قدرت اطلع من عندهم هه توهم طالعين وجيتك على طول والشوق ذابحني ههههههه

أم حمد / عسى الله لا يحرمني منك.....تتذكر اول يمر العيد وانت مسافرعننا ولا حتى تدق علينا وتعيد والحين تدور رضاي عليك دواره عسى الله يثبتك ياوليدي قل آمين

حمد باس يد امه / آآآمييين يالغاليه

حمد / ملاااااك

ملاك/ سم آمر

حمد / فيه شي ينوكل جوعااااااااااااااااااان

ملاك / يخسي الجوع رافعتلك شوي من الفطاير عارفتك ماتاكل زين وعندك ضيوف .....اجيبها لك ؟؟

حمد / زين انك عارفتني جيبيها

ماتت شوق من الغيره صدق انها مافكرت بهوى داره أكل ولا مااكل بس لاينادي ملاك ويطنشها راحت قعدت جمبه ولزقت فيه بشكل ماصخ

دخلت ملاك وبيدها صينيه فيها فطاير وفاكه وكاس مويه وعصير وشافت شوق وحركة الغيره اللي مسويتها وانقهرت منها بس لازم تصير قويه ولا يهمها شي عاهدت نفسها انها تغير طريقتها ولا تضعف ولازم تكمل اللي بدته

بتعامله مثل اول واحسن مع جراه شوي منها ومبادره بس ماراح تسمحله يهينها وهي ساكته بتدافع عن كرامتها ونفسها

بس قلبها ضعيف وما يستحمل بتقدر تواصل ولا بتضعف وتطيح بنص الطريق ؟؟؟

حطت الصينيه على الطاوله وراحت جلست جمب ندى

حمد / ملااااك

ملاك / سم بغيت شئ ثاني

حمد / تعالي قطعيلي فاكهه على بال مااقضى ماكل

ملاك / إن شاءالله وتروح وتاخذ صحن الفاكهه وبترجع

مسك طرف فستانها / لالاتروحين اقعدي هنا وقطعي

ماتكلمت وجلست بهدوء على خداديه كبيره على الأرض عند رجوله

شوق طرطعت منه [الحين أنا بجمبه ماقالي والا الأخ مايقدر على فراقها ملزقها بجمبه أنا اوريك يالعبده إن مانكدت عليك ماأكون انا شوق ]

هههههههه خلود بالله عليك شوفي اخوك وحريمه كنه الحاج متولي سعودي هههههههه

خلود /ههههههههه صادقه شكله اخوك ذايب بملاك مايقدر على فراقها قعدها جمبه لالالا وشوفي يتاملها وهي تقشر التفاح الـــــــــلـــــــه عليه شكله هايم فيها لا ينظلها بس ثم تجرح يدها

ندى/هههههههه لا وشوفي شوق بتنفجر من العصبيه والغيره حمد مو ملقيلها بال كلش

خلود /اتصدقين حمد من اول ماتزوج ملاك صار طيب أول يخوف صدق اسولف معه بس يخوفني الحين يدق ويسأل عني

حتى اخلاقه تعدلت شوي كان خيره له زواجه من ملاك لو انها ماجابتله عيال

ندى /صادقه حتى انا ببالي هالكلام كلهم ملاحظين هالشئ وحتى امي تغيرت صارت تحب ملاك عقب ماكانت تفشلها وتسكتها وتطنشها

خلود / يوووووووووه من يصدق كل هذا يصير

ندى / ايييه أيام أصلاً امي سحلت بشوق عقب يوم تهاوشها وتقولها مالك دخل بيني وبين حمد نجيب عيال ولا لا وتكذب على حمد تقوله امك تطاولت علي ومن هالكلام

خلود /ايييه لا تذكريني يوم الله لا يعيده اتذكر شكل حمد وهو معصب وداخل يهاوش امي كان خطر يضربها

إذا عصب مايشوف قدامه احد وخصوصاً إذا كانو غلطانين على شوق لو ماسعود جا وهداه وفهمناه السالفه كان ماندري وش صار

ندى /حسبي الله عليها وبكل قواة وجه تجي الأسبوع اللي بعده

خلود /يمكن حمد غاصبها

ندى / غاصبها ..؟؟؟ خبله انتي حمد يغصب شوق لو ملاك يمكن

قويه ذي تمشي جيش من الرجال مو حمد ذا اللي مايسمع فيها قال غاصبها قال

شوق وبصوت عالي شوي عشان تلفت انتباه الكل وبتسامه خبيثه / ملااااااااااك

ملاك ومن دون نفس / نــعــم

شوق /ابسألك سؤال دايم ببالي وشلون صابره للحين ؟؟

ملاك وقلبها نغزها من كلام شوق / وشلون صابره يعني ؟؟؟

شوق وهي تلعب بأظافرها بعدم اهتمام / يعني كيف مستحمله سنه وزياده أن حمد مالمسك للحين ومخليك بكر ولا انتي مدبره نفسك مع واحد غيره ؟؟؟ وبتسمت ابتسامه خبيثه مثل روحها

كل اللي بالمجلس طارت عيونهم من كلام شوق ووقاحتها وقذفها لملاك وتعالت اصوات الأستنكار على فعل حمد وصبر ملاك او هبالها

ماتوقعت ام حمد ان ولدها بيسمع كلامها ويخليها للوقت هذا مثل ماخذها وانصدمت من كلام بنت اختها الي مااحترمت وجودها أو اي احد بالمجلس واخرستها الصدمه انها تقول شئ

ام حمد / صدق الكلام هذا اللي تقوله شوق

حمد ناظر امه ماعنده أي اجابه ونزل راسه وكأنه تلميذ مخطئ ينتظر عقاب المعلم هو الغلطان اللي قال لشوق ماتوقعها بالخبث هذا وبتستخدمه سلاح ضد ملاك وبمكان مليان

ملاك جرحت يدها بدون قصد او احساس منها بعد القنبله اللي رمتها شوق رفعت راسها لحمد تناظره وعيونها تسأله ليه سويت فيني كذا ليه سلمتها رقبتي ماكفاك اللي سويته بي جاي تخلي الناس تدوس علي

ونزلت دمعه من عينها دمعه مظلوم ومكلوم دمعه المغلوب على آمره دمعه المسلوب حقه ماتقدر تسوي شئ ماتقدر تقول إلا الله يهديه ويرده لي رداً جميلاً

لكن لا انا قلت ابتغير ولا راح اسمح لأحد يدوس لي على طرف أبداً وقفت بشموخ وعزه وهي تمسح دموعها مع ان اللي داخلها حطام وهشيم يطير بالهواء ولا يقدر على الصمود والصبر لكن الاقنعه كفيله انها تخبي الدواخل

ملاك / الناس مو واحد كانك انتي مثل الحيوانات مايهمك إلا شهوتك ووشلون تفرغينها

انا لا ......أنا غيرك غـــــيـــــر انا مــــــلااااااكـــ مــــــلااااكـــ ماعندي شهوه تحكمني او تسيرني

أصحي لنفسك وشوفي من تكلمين لا تحسبين الناس سوى أصابع يدك تختلف وكلن يرى الناس بعين طبعه كانك دبرتي نفسك مع واحد يوم انك مطلقه انا لا ......ربوني أشرف الناس واسيادهم على الأخلاق والزين

وماسويت الشينه بغيابهم أسويها بمماتهم ووالله ثم والله واللي رفع سبع وطمن سبع لولا ان ام حمد خالتك كان جرجرتك بالمحاكم لين اخذ حقي منك على قذفك لي لكن أنا كريمة اصل وابخليك لأنك سفيهه وقليلة تربيه وعقل

وطلعت وهي بقايا انسان .....طلعت بعد ما أثارت اعصار بالمجلس وكلهم انلجمو وسكتو اللي خوف من تهديدها وصراخها واللي منصدم من انقلاب شخصيتها بس ماتوقعو انها تتكلم لو وحده غيرها كان سكتت هي لا وقفتها عند حدها

وقالت كل اللي كان يدور بدواخلهم وبردت حرتهم بشوق لكن اللي كانو يشوفونه قوه كان ضعف كانت ملاك عند المغاسل وقلبها ينزف حمد اهانها وقدام اهله كلهم لو مو هو اللي تكلم بس هو السبب

[آآآآآآآخ ياقلبي وشلون تتعلم تحقد وشلون تتعلم تكره دايم ترجعني له يهيني أرجع....... يكرهني أرجع .......يضربني أرجع مليييييييييت لا ترجعني له مليت ضعفي وانكساري مليت حياتي بس قلبي يسيرني

ياقلب متى تصير حجر متى تقوى وتتغلب على الحب الخطا اللي انزرع فيك وكبر معك متى ياربي متى مليت حالي ]

هذا كان كلام ملاك وهي عند المغاسل تغسل يدها من الدم وتداوي جروح القلب قبل جروح اليد

صدق الكلام اللي قالته شوق ولا تكذب زي العاده

ملاك لا رد وتكمل غسل يدها وتنشيفها

ندى وهي تهزها /تكلمي .....صدق ولا لا

ملاك وهي تبكي بصمت / وش تبين أقولك .؟؟....ايه صدق وش بتسووووين هاه قوليلي يالله وش بتسوين هذاني قلتلك ؟؟؟

ندى / وش اللي مصبرك عليه أنا من اول مابي هالزواج عارفه حمد مايستاهلك

ملاك وهي تمسك يدين ندى / بس انا أبيه ....

ندى / عاجبك سواياه وش تبين فيه ؟؟

ملاك ودموعها تزيد / أحــــبـــــه فهمتي ......أحبه بعيوبه بزينه وشينه من زمااااااااان وهو كل مااتمنى ولما تحقق تبيني أتركه بسهوله صعب صعب وراحت وتركت ندى لحالها

لبست عبايتها واخذت شنطتها وطلعت مع مبارك وخلود بعد مانبهت خلود انها ماتجيب سيره لمبارك

بعد مانزل ملاك عند بيتها / اقول خلود ملاك وحمد صاير شئ بينهم أشوفها مب زي العاده تضحك وتسولف ساكته وترد ردود مختصره من اول ماركبت لين انزلت

خلود / خبرك ضراير واليوم ليلة الثانيه أكيد تتضايق

مبارك / بس مع ذلك مااقتنعت باللي قلتيه .....أخ يالقهر لو اني داري ان حمد من زمان متزوج على ملاك كان ماقعدتها عنده لو هي ماتجيب عيال والعيب منها بس مدامها راضيه الواحد يبلع الجمر بكبده ويسكت

خلود / خلهم براحتهم هي راضيه وهو راضي وحياتهم ماشيه

وكملت وهي تضيع السالفه / مـــبـــاركــ حبيبي

مبارك / عيونه وقلبه .....آمري ياأم سعد

خلود وهي تمسك يده وتلعب بأصابعه والحركه هاذي تسويها لا توترت / تدريي اني احبك وامووت فيك والعيد له طعم ثاني وانت معاي

ابتسم مبارك ولف لها / وانا احبك واعشقك واهيم بك بعد

الحمدلله اني اخذتك واللا كان أنجنيت لو مااخذتك واخذك غيري

خلود وهي تلمس الجرح اللي بيده واللي هي سببه وهو اللي شهد على بداية حبهم / بسم الله عليك من الجنون

مبارك / والله ماادري وش كان بيصير فيني لو مااخذتك من اول ماشفتك وانت كلك براءه وعفويه طيبتك واضحه من تصرفاتك يوم كنتي تتكلمين معي بالمحل أو ملاك كنت ابتسم أول مره ابتسم على كلام حرمه بالمحل عندي لكن انتي غير انتي دخلتي قلبي من دون استئذان أو احساس مني

رفع يدها وباسها الله يديم السعاده بيننا يارب أنتي متربعه هنا ويأشر على قلبه

هيييييييييييه مبارك لاتترك الدركسون

مبارك / ههههههههههه خايفه

خلود / وش رايك يعني ؟؟؟ كنت بتصدم فينا تارك الدركسون وتاشر على قلبك فك يدك اللي بيدي وأشر على كيفك مو اللي تسوق فيها

مبارك / هههههههه حاضر عمتي أي اوامر ثانيه

خلود / والله من جد اتكلم انت مستهتر بالسواقه تترك الدركسون دايم وتلف علي وانت تسوق وتسوي حركات تلهيك عن السواقه ولا تهتم

مبارك / آآسف والله ان شاءالله آخر مره ابحاول اتغير بس مااقدر بسرعه لإني تعودت على الحركات هاذي مع الشباب

وصلو البيت دخل هو الغرفه وهي راحت للمطبخ تجيبلها شي تاكله من الثلاجه بعد مافسخت عباتها خبركم حامل الجوع والوحام شغال

مادرت إلا وهي طايره بالهوى وتدور

مبارك وهو يبّوس خدودها / ألف ألف مبروك والله احلى عيديه تعيدت بها طول عمري

الـــــــــلـــــــــــه ابصير ابو ابصير ابو هههههههههه

خلود بعد ماشافت الفرحه اللي هو فيها تحسفت انها كانت ترفض الحمل تعبها كله هان يوم شافت فرحته ونزلت دموع الفرح لفرحته

مبارك نزلها / ليه ليه الدموع ....وهو يمسح دموعها كل شي ولا دموعك دموعك غاليه عندي يالغاليه

خلود وهي تصيح / وش فيك دموع الفرح هاذي

مبارك ضمها لصدره وهو يمسح على شعرها ويسكتها بكلماته الحلوه اللي تسعدها وتخليها طايره بين السماء والأرض من سعادتها



...................

مكان آخر


ملاك آ آ آســ .......ملاك تضايقتي من اللي قالته شوق أمس

حتى متحسف تقول آسف ....لاتخاف قولها ماراح ينقص من قدرك ولا قيمتك عند الناس

لإن مااحد بيسمعك إالا انا وانت طبعاً تعتبرني من جنس الحيوانات عديمي الاحساس والشعور اللي ينضربون عشان يتحركون ولا يتكلمون او يشكون صح ؟؟


حمد حس بمدى المها / والله هي اللي قالت من نفسها انا ماقلتلها تكلمي

ملاك / كون انك علمتها من اول وافشيت سر انا صاحبة الحق فيه هذا يعطيها الأذن أنها تقوله لواحد واثنين وثلاث وعشر عاد هي ماصدقت قالت ابثه عند اكبر عدد من الناس اسرع للإنتشار وبطريقه وقحه وكانها بنت شوارع

انا ماالومها الومك انت أنت الظالم مع ذلك تتباهى بظلمك وتقوله لناس

حسافه ياحمد حسافه حفظي لأسرار بيتنا حتى اختك اقرب الناس لي عمري ماقلتلها وش يصير بينا او كلمه شينه بحقك ولا سوى ولا ماسوى ...لكن انت.....انت .....

وخنقتها العبره وتحشرج صوتها وسقطت الأقنعه قناع القوة والا مبالاة ماقدرت تكمل مابدت وحطت يدها على وجهها وصارت تبكي بصوت وكانها كانت تنتظر من حمد كلمه او محاوله تبين ندمه أو أسفه عشان تطلع اللي داخلها اللي كاتمته من امس ولا طلعته

يبغى يقرب لها يواسيها لكن صوت داخله يمنعه / تخون شوق اللي تحبها / بس هاذي حرمتي / لا انت تزوجتها وسيله بس هاذيك غايتك وحبيبتك

صوت يقدمه خطوه وصوت يبعده خطوه وعلى ذا الحال لين تغلب عليه صوت مواساتها وراح لها وجلس جمبها على الكنب ومسح على راسها وظهرها يبي يسكتها ويهديها ويده الثانيه تحاول تشيل يدها عن وجهها

ارتمت بحضنه وتمسكت فيه بقوه ومن قوة ارتمائها بحضنه رجع على ورى

ظلت مده طويله وهي بحضنه وهو يمسح ظهرها ومتلذذ بهاللحظه

وهي جالسه تستنشق عطره وتحفظ تقاسيم جسمه لإنها عارفه انها آخر مره تتنعم بحضنه وعارفه انه ماحضنها إلا وهو تحت تأثير الندم ورغبته بالتكفير عن خطاه

كرهت مشاعرها اللي تسيرها ولا تخيرها كانت متخذه قرار انها ماتعدي الموضوع بالساهل لكن اول ماقرب لها ارتمت بحضنه وتدور قربه تبي تقوم توخر قلبها يمنعها يبي قربه ودفاه

هي براسها شئ لكن مشاعرها واقفه بوجهها لكنها ملت

أبـــــــعِـــــــــد ودفته بيدها وقامت

طارت عيون حمد / وش فيك انتي انهبلتي

ايه انهبلت من زمان من يوم رضيت بذلك وانا منهبله

تظن اني مثل العاده تسوي اللي تسويه وتضحك بوجهي انسى واغفر واسامح لا انا ملــــــــــيــــــــــتـــــ ملــــــــيـــــــــتـــــ عارف وشلون مليت

روح لشوق روح لها يمكن بقى شئ مخبيه عنها ماقلته لها روح .....وكانت تتكلم وهي تصارخ بطريقة استهزاء وهالشي اللي استفز حمد

ملاك ترى ابليس يدور حولنا لا تخليني اسوي شئ مابيه

وش بتسوي يعني بتضربني جرب أشوف جرب ؟؟

يبغالك تاديب الظاهر أنتي .....وطرااااااااااااخ ......ولف بيطلع من البيت

آآآآآآآآآآآآهـ ياحيوانه وش سويتي انتي ....؟؟ وهو ماسك راسه من الألم

ملاك بسررررررررررررررعه راحت غرفتها وقفلت الباب عليها

طااااخ طااااخ طاااااخ افتحي ياحيوانه يا..... يابنت ..... أنا تضربيني بالكاس مع راسي انا تمدين يدك علي

لاتسب اهلي ولا تسبني انت مديت يدك علي اول تستاهل ولا تبيني اسكتلك يعني

والله ماخليك والله لأطلع ذا الضربه من عيونك هيييييين هيييييييين .....طاااخ طااخ افتحي الباب اقولك افتحيه

حمد غن ياليل ماطولك مجنونه انا افتحلك الباب وانت شايش

وقعد يطق الباب ساعتين لكن لاحياة لمن تنادي وهو شب زياده وهو يسمع ردها الساخر منه

بالاخير طلع وهو مايشوف قدامه ويهدد ويتوعد فيها

سمعت صوت الباب يتسكر طلت من الدريشه وشافت سياره حمد تحت الدريشه طلع من العماره معصب وركب السياره وصك الباب بأقوى ماعنده وطلع حرته بالباب وملاك فوق تضحك على مصير الباب

يــــــــــس يـــــــس نجحت نجحت هههههههههههه وللمره الثانيه افوز ههههههههه الله طلعت حرتي

بس مسكييييييييين الكاس شكله كسر راسه بس يستاهل عشان مره ثانيه يتذكر الكاس قبل مايفكر يضربني ههههههههه

الــــــــلــــــــــه شعور حلو لما تضرب الواحد اجل حمد يحس بذا الشعور هههههههه ياااااااااربيه مستانسه حيييييييييييل ههههههههه




.....................


في عش آخر



الغاليه ام سعود عيون طلال وقلبه

هههههه هلا طلول سامعتك .... كل هذا شوق لي ؟؟

بلاك ماتدرين لعبي الشوق لعب .....قرب لها واعطاها وردة حمراء

اخذتها منه وباسته على خده

انا قلت جاك ولد وبتنساني وبتنسى تجيب لي ورد

افا هذي هقوتك فيني ....انسى روحي ولا انسى ندوي واللي تحبه .......تحسبينك رخيصه عندي .....أنتي الغاليه ام الغالي

قووووول من اول عشاني ام الغالي على قولتك

ههههههههه من صدقك تغارين من ولدك ؟؟؟

ايه اغار وليه مااغار كنت الكل بالكل .....الحين هو اللي لازق بحضنك وانا رايحه جايه اخدمكم .....وبوزت بحركه طفوليه ومدت شفايفها لقدام

مااااااات طلال من حركتها اللي صغرتها عشر سنين وكانها ذيك الطفله اللي حبها من صغرهم لما تزعل....... نفس زعلها للحين ماتغير تمد شفايفها وتبوز

مسك شفايفها وباسها وقرص خدودها وكانه يلاعب طفل وحضنها

ياحلو الغيورين الصغيرين ياناس افديهم انا .......انتي الأصل والأساس وهو الفرع وما حبيته كل هالحب إلا لإنه قطعه منه وكله أشباهك

ارتاح قلب ندى وتاكدت من مكانتها عنده اللي لايمكن تتغير ابداً وابتسمت له بحب




..............

فـــي بــيــتــ الـــعــائــلــهــ


خالتي

سمي يمه ملاك وش بغيتي ؟؟

متى تنورين بيتنا ابكمل سنه وانا اتحايل عليك عشان تجين لمنا ولا جيتي

تشوفيني أنا مااروح إلا لأهلي ولا اهل ابو حمد بيوت عيالي ماقد طبيتها

بس هذا غير بيت حمد بكر العيال وملاك صح

ههههههه صح ما يكون خاطرك الا طيب ابجيك ان شاءالله

وععععععد ولا بس تسكتيني

لالالا وعد وانا ماخلف كلمتي

قامت ملاك لها وحبت راسها ولمتها مع كتوفها وطيرت حواجبها لندى / يالله كسبت الرهان .....شفتي قايلتلك ماراح تردني انا عارفه غلاي عندها

ندى / والله انك شئ وشلون وافقت عليك وانا لي قرن اشحذها وهي تعيي

ملاك / ههههههههههه مو كل من شحذ اسمه ملاك .....وترى كلكم معزومين يوم الخميس الجاي ان شاءالله

ساره / لا والله حنا عندنا حفل تخرج بنت عمي وبنروح كل البنات هذا غش غيرو اليوم

ندى / أقول انطقو مافيه بزران هاذا الزين بالروحه ماانتم فيه

هيا /وانا بعد اعذريني مااقدر اجي عندنا زواج يوم الخميس

ملاك/ طيب ناجلها

هيا / لا والله ماتأجلينها يوم ثاني اجيك البيت بس هاه لا تحشون فيني

ملاك / هههههههه ابشري بالحش الي يحبه قلبك

هيا / هيييييييييين اوريك ههههههههه

وكملو اليوم ضحك وسعة صدر مايعكر صفوهم شي




....................


فـــي بــيــتــ آخــر


مــــــــــــــلاااااااااااااااااك مــــــــــــــلاااااااااااااااااك

بسم الله وراه حمد يصارخ كذا

والله مادري يمه توه وش زينه يسولف معنا راح ورجع جاء منقلب مدري وش جاه

ام حمد / الله يستر بس


مــــــــــــــلاااااااااااااااااك وين ملاك وينها ؟؟؟

خلود / مادري الظاهر تصلي بغرفتها

اتصلي ذا الحيوانه ذا ......أنا اوريها بنت الكلب

الجوهره / مهبوله انتي تقوليله بغرفتها الله يستر لا يسوي فيها شي وجهه مايبشر بالخير مستشر ويسب ويشتم

من اول ماجت شوق معه وصالحنا معها حمد وهي مغصوبه وجهها شوي وينفجر وجلست بعد ماراح بشوي وانا قلبي ناغزني لا تصير قايلتله شي


آ آ آ آ آ آهـــ والله ماقلتلها شئ ولا سويتلها شئ آ آ آ آ آ آهـــ والله صدقني حمد آ آ آ آ آ آهـــ






* تمنياتي لكم قراءة ممتعه *


* مع تحياتي هاجس ليل *