نزلت عند هدى تحت وانا لابسة عبايتي لأن مهند ينتظرني برا ومارضى يدخل يقول صعب ادخل وناصر مو هنا ..
قالت هدى : خلاص ماشية ياديمه ؟
: ايوه مهند برا .. يالله هدى اشوفك على خير
ابتسمت هدى قالت : ماشاء الله ياديمه باين انك مبسوطه .. وغمزت لي بعينها قالت : شكل روحتك عند جدتك حننت قلبك على مهند .
ابتسمت لها قلت : كنت اتدلع زمان بس لمن حسيت بعده عرفت قيمته .
:الله يوفقك ونشوف عيالك قريب .. تراك مرة طولتي
: آمين ويوفقك وترى احنا مو مستعجلين على الأطفال والمسؤولية
دق جوالي كان مهند وأشرت لهدى بيدي يعني باي وخرجت وانا اكلمه
: ها حبيبي خلاص خرجت
: اوكي ياعمري استناك . منتديات ليلاس
خرجت مع باب الفيللا لقيته واقف عند البوابة ودخل على طول ورد البوابه ..
سلم علي قال : لاعاد تطلبين مني تنامين عند اهلك
: ههههههههههههههههههههه ليه حرام عليك كلهم يومين بتتمنن فيهم .
: يومين عن سنتين .
ضحكت من مهند وخرجت ركبت السيارة معاه . ورحنا تعشينا في مطعم وتمشينا بعدها بالسيارة .. جلس مهند يسولف لي عنه ايام طفولته ولمن سافر وعلاقته في عمي ياسر واصحابه ... وانا حكيته عني وعن اهلي ابوي الله يرحمه وعلاقته فيني .. كيف كانت .. احسن شي في مهند انه يستمع لي ويهتم بكل شي اقوله ويبين على تعابير وجهه اذا هو متأثر او معجب او راضي او مقهور ..
رجعنا للبيت بعد الساعه ثلاث وكملنا سهرتنا في جناحنا من دون مانحس بالدنيا .
مرت علي ايام تشبه الحلم ، الخيال .. مهند يدور رضاي على قد مايقدر .. واهله كالعادة معتبريني بنتهم المدلله .. رانيا بنت فواز الله يرحمه ماليه البيت علينا بخفة دمها ودلعها اللي زي العسل ..وصارت علاقتي فيها اكثر من اول .. وقريبه مني كثير .. بس كل مرة تهددني لو زعلت مهند لتزعل مني وماتكلمني واذا قلت لها طيب واذا هو اللي زعلني قالت : هو يحبك مستحيل يزعلك بقصد ولازم تسامحينه وتدورين رضاه ماتزعلين .. كنت اضحك من حبها لعمها ودفاعها عنه .

كنا جالسين في صالة جناحنا انا ومهند نتفرج على التلفزيون .. ودق جواله اشر لي اوطي صوت التلفزيون ..اخذت الريموت وقصرت وسمعت مهند يكلم عرفت انه عمي ياسر .. واللي فهمته انه قال لمهند انهم بيجون يخطبون ريم هو وعمي سالم وزوجته .. ورحب مهند وهلاَّ فيه .. لأن عمي كان بيجي في العيد بس مهند اجله لين ارجع انا من سوريا ..
اتفقوا على الخميس هذا والملكه بتكون بعد عيد الأضحى ..
رحت لريم اللي كانت نايمه ولا تدري بالدنيا بعد ماقلت لمهند ينام له ساعه عشان بنروح عند سميرة اخته لأنها تقول اذا مازرتيني خلاص بزعل منك ..
دقيت عليها الباب وما ردت علي .. ودخلت اصحيها بنفسي ..
: ريم قومي فيه خبر حلو بقوله لك .. ريم .. ريم يالله قومي .
: هممم طيب اقوم بعد شوي بس روحي .
: ريومه قومي فيه اخبار حلوة بقولها لك
رفعت اللحاف عن وجهها قالت وهي مغمضة : قولي اسمعك
: اصحي عشان اقدر اتكلم مو اكلمك وانتي نايمه .. يالله يانوامه .
: اسمعك بأذني انا مو بعيوني يالله قولي
: الله يعينك ياعمي على هالنوامه .
فتحت عيونها طالعتني ورجعت تغمض قالت : ديمه تكلمي وش عندك ؟
: ممممم عمي ياسر كلم مهند قبل شوي .
فتحت عيونها مرة ثانية وبقووة وفزت جلست قالت : شو قال له ..؟ احم واذا كلمه ياديمه انا شو دخلني .
: ههههههههههههههههههه لاوالله ؟ مسوية مو فاهمه ؟ قومي عمي يقول بنجي الخميس نخطب وعمي سالم وزوجته معاه . يعني رسمي ..! .
فركت عيونها ورجعت شعرها ورى قالت : صدق ولا تمزحين ؟
: الأشياء هذي مافيها مزح .. وترى ماعندك وقت اذا تبغين مني مساعدة انا جاهزة من الحين .
: يوووه ياديمه الخميس مرة بدري
: لاموبدري معاك اربعه ايام .. اذا بتكونين مهتمه ونشيطه مو كسولة ..
: طيب اجل خلينا ننزل اليوم للسوق اذا زوجة عمك بتجي .. مسكت شعرها اللي شكله متبهذل من نومتها .. قالت : ماابيها تشوفني وشكلي كذا ..
غمزت لها قلت : ماتبينها تشوفك ولا ماتبين عمي يشوفك الا وانتي قاصة وصابغه ومزبطه شكلك .
فتحت عيونها قالت : اجل هو بيشوفني .. مو خطبه خلاص يجي يخطب ويروح مو لازم يشوفني . واذا ملكنا يصير خير .
: لا ياريم هو طالب يقول بشوفها .. بعدين ضحكت وقلت يمكن ماتعجبين عمي تبغينه يتدبس فيك هههههههههههههههه .
رمتني بالمخدة قالت : وجع يحمد ربه اني موافقه عليه ولا ترى ارفضه واخليك انتي وعمك ..
: هههههههههههههههههههههههههههه لا لا خلاص اللي تبغينه يصير بس قومي اصحي ترى للحين ماقلت لخالتي ومهند ارسلني اصلاً اقول لها بس قلت امرك اقولك انتي صاحبة الشأن .
: تسلمين لي ياديومه بديتي تردين لي الدين .
: هههههههههههههههههههههههههههه الديون وانتي الصادقه .. عسى الله يسعدك ياريوم يالله قومي
: يالله .. نروح اليوم للسوق .
: المشكله بعد شوي بنروح عند سميرة اش رايك نروح عندها وبعد العشا ننزل كلنا السوق حتى هي تروح معانا احسن .
: يوووه لا سميرة تبغانا نتعشى عندها .
: اجل بكرة ننزل صدقيني الأمور هينه لاتعقدينها تتعقد .

قامت ريم دخلت تتحمم وتلبس وانا نزلت عند خالتي قلت لها الخبر وشفتها فرحانه بس بدا عليها القلق كشعور طبيعي لأي ام تنخطب بنتها ..

رجعت لجناحي ولبست بنطلون جينز سماوي وبلوزة بألوان تفاحي وليموني حرير وواسعه بدون اكمام وجايه تتربط على الرقبه واكتافي عريانه .. ومعاها ربطة عنق عريضة شوي وطويله قررت اخذها معاي واخليها شال اذا لقيت عند سميرة احد من النوع اللي ينتقد ..
كملت مكياجي الهادي وكحلت عيوني من داخل ... وحطيت مسكرا كثفت لي رموشي اكثر .. وختمت بقلوس لحمي لامع ..خليت شعري منسدل وجبته على جهتي اليسار بطريقه حلوة .. وتعطرت ورحت بصحي مهند عشان يوديني لسميرة لأن خالتي قالت بستنى عمك لين يجي بعدين اجيكم مع السواق وسميرة كل شويه تتصل تقول تأخرتوا .
جلست بجنبه على السرير قلت بهمس وانا امسح جبينه بأطراف اصابعي : حبيبي بلا كسل .. يالله قوم .. مهندي . . حبيب ديمه . .
فتح عيونه لمن قلت حبيب ديمه قال : ياروح حبيب ديمه . كم الساعه ؟
قلت بنفس الهدوء والهمس وانا امسح على شعره وجبينه : خلاص المغرب بيأذن وسميرة ازعجتني تقول اني مرة تأخرت .
طالعني قال : ديمه لاتروحين باللبس هذا ..! ترى مرة عاري .. وانتي بسم الله عليك ياعمري تفتنييين وانا بصراحه اغار واخاف عليك .
: ممممم اذا ماتبغاني اروح فيه ابدله الحين ولايهمك . بس اذا عشان عاري ترى معاي شال في شنطتي اذا لقيت احد عند سميرة راح احطه .
قام جلس قال : لاياديمه مااقدر اخليك تروحين بالملابس هذي .
: طيب قوم البس عشان توصلني وتلحق الصلاة بالمسجد .. ترى يادوب تلحق . وانا ببدل لبسي بسرعه .
قمت بسرعه ورحت بدلت لبست بنطلون ابيض وبلوزة استر وأطول لونها تركواز وهي حرير وناعمه كثير .. اضطريت اغير شويه من الشادو وحطيت الوان تناسب لبسي وشفت مهند لابس شماغه وثوبه وتعطر قال : يالله ياديمه مافيه وقت ..
التفت عليه قلت : خلاص البس عبايتي وجاية .
قرب مني قال : ديمه وش اللي مسويته ؟
: شو ؟ ماسويت شي بدلت لبسي عشانك .
طالع بصدري ووسطي قال : تدرين ان هذا احلى ويفتن اكثر .
: يوووه مهند حبيبي والله هذا استر ماعاد فيني ابدل .
ابتسم قال : ادري ياعمر مهند بس المشكله في ديمه اللي كل مالبست شي تطلع احلى .. نسف شماغه وكمل : وانا رجال اغار على زوجتي .. قرب مني وقال : لأنها اجمل ماخلق ربي .
ضحكت باحراج : ههههههههههههههههه حبيبي انا مرة عاديه بس انت تبالغ .
: خلاص انا ابالغ وساميه تبالغ وعمتي سارة تبالغ وامي وابوي واخواتي وكل من عرف ديمه وقال ملكة جمال يبالغ .
: هههههههههههههه ياحليلهم عمتك وبناتها مرة وحشوني .
: ههههههههههههههههههه وياحليل اللي تنحرج وتغير الموضوع . . امشي امشي لانتأخر على سميرة والصلاة والله شكلها بتفوتني . ولا ا قول لك احسن ترحمين الحريم اللي بيشوفونك ولاتروحين لهم .. مساكين بتسوين فيهم مثل ماسويتي فيني .
قلت وانا البس عبايتي بسرعه : لا لا انت تحبني وتحسب اني مسوية لك شي هم عادي .. مو زيك . بس الله يخليك خلنا نروح قبل ماتخلينا نبطل وتزعل سميرة .
اخذت شنطتي بسرعه وهو يضحك وياخذ مفاتيحه ومحفظته وجواله من فوق الطاوله . وخرجنا مع بعض .
نزلني مهند عن اخته وراح يصلي المغرب وشفت عندها حريم عرفتني عليهم اخوات زوجها وامه وسلفاتها ( زوجات اخوان مصعب زوج سميرة ) ..
الجلسة كانت مرة رسميه حتى بعد ماجات خالتي ام مهند وريم .. ماخرجت من مجلس الحريم الا لمن رحت اصلي المغرب والعشا في غرفة سميرة لأن المجلس زحمه ومهند منبه علي مااخرج في الصالة حتى مايشوفني احد ..
اخذت كاسة الشاهي بشرب منها وانا قاعده بين ريم وخالتي وسمعت ام مصعب اللي بجنب خالتي من الجهه الثانية تقول لها بشويش كلام ماسمعت منه الا لمن قالت : صدق مهند مايبي يتزوجها .؟
عورني قلبي وحسيت برعشه وانسكب من الشاهي قطرات على بنطلوني الأبيض انتبهت لي ريم واعطتني منديل .. اخذته منها ومسحت الشاهي بس باقي اثره على بنطلوني مابيروح الا اذا انغسل بصابون .. وهنا مرة صعب اغسله الله يعيني اتحمل لحد ماارجع ..
سمعت خالتي تقول لها بعد ماالتفتت علي وصدت لها : لا مهند مرتاح مع زوجته ولافكر فيها ولا يخلينا نجيب الطاري مقفل على السالفة ومنهي الموضوع مع ابوه .. وهي الله يرزقها ويعوضها باللي يستاهلها .
طبعا انا عرفت انها تقصد فاطمه لأن حلمها تتزوج مهند وكل الناس يعرفون من كثر كلام امها عنها وعن حبها لمهند . ياربي متى اخلص من سيرة هالفاطمة اللي تجيب لي المرض .
قالت لها ام مصعب بصوت اعلى : مايجوز يابنت الحلال
قطع علي صوت جوالي ماعدت اسمعهم .. ورديت كان مهند يسأل اذا خلصنا ولا لا قلت له استنى شوية باقي ماتعشينا واذا خلصنا احنا ندق عليك .
اخيراً تعشينا وجاني الفرج لمن دق مهند علي قال : جهزوا وبجي آخذكم وماابغى استنى عند الباب .
قلت لخالتي كلام مهند وقمنا نلبس عباياتنا . عزمتنا عمة سميرة وقلنا اذا حصلنا فرصة راح نزورهم . وخرجنا انا وريم وخالتي مع مهند ورجعنا لبيتنا .
اول مادخلنا كانت رانيا مستقبلتنا وفي يدها علبة بيبسي قالت : ديمه تعالي شوفي عمي شو سوا .. جابت لي اللوحه اللي رسمتها في سوريا مبروزة وأطارها من النوع الغالي قالت : عمي يقول بنحطها في المكتب حق ابوي اللي تحت .
واعطتني لوحة صغيره مبروزة تذكرتها .. اووه كيف شافها .. هذي رسمتها بالقلم الرصاص في كراسه عاديه .. لمن كنت زعلانه منه وبالغرفة اللي كنت انام فيها .. متى شافها وكيف اخذها حتى ماقال لي .. اهم شي انه مااخذ الا صورته هو .. الباقيه ماعاد لها لازم الحين ولو شفتها شققتها ..
لحقت مهند لجناحنا وأول مانزلت عبايتي سألني عن اللي على بنطلوني قلت انكب عليه شاهي وضحك علي قال : كم عمرك تكبين الشاهي على ملابسك .
قلت وانا احاول اسوي نفسي زعلانه : كبيته عشان ارتبكت لمن جات سيرة حبيبي .
طالعني قال : اووه اجل الحريم يسولفون فيني .. ضحك وحاول انه يغيضني لمن قال : بالله وش قالوا ..
: ماقالوا شي بس ام مصعب سمعتها تقول لخالتي مهند بيتزوجها ولا هون .؟
طالعني بجديه قال : عرفتي منهي اللي بتزوجها ولاهونت ..؟
قلت وانا اهز اكتافي : اكيد تقصد فطووم .
قال بجديه وتوتر : ايوه امي وش كان ردها
ابتسمت لمن تذكرت كلام خالتي قلت : قالت انه مبسوط مع زوجته ومايبي يفتح السيرة هذيك وهي الله يرزقها .. كشرت وقلت ياربي فاطمه تتزوج اليوم قبل بكرة وتحل عني .
شفت مهند يحضني قال : لايكدر خاطرك شي ياديمه وانا معك وانتي معاي ..
بعدني عنه قال : حتى لو سمعتي شي مهما كان لاتفكرين اني راح اقهرك ولا اضيق خلقك .. وربي انك عندي في كفه وكل هالناس والدنيا في كفه .
ابتسمت له ماادري بغباء ولا عشان مو فاهمه قصده ولا مبسوطه من كلامه ومصدقته قلت : الله يخليك لي بس .
: آمين ويخليك لي انتي .

اليوم الثاني نزلنا السوق انا وريم وخالتي واخذت ريم لبوتيك ناريمان اللي جهزت منه ايام زواجي ..اول ماشافته ريم قررت وبسرعة تشتري فستان الملكة منه .. اخذت لها فستان ناعم وفخم في نفس الوقت لونه زهر على ليموني بألوان متناسقه واكسسوارات فضيه معطيه للفستان اناقة اكثر .. اخذنا معاه اكسسورات وجزمه مناسبة .. ورحنا لمحلات اخذنا منها ملابس عادية اعجبتها عشان تختار منها واحد وتلبسها ليلة خطبتها اذا فيه نظرة ..
مرت علينا الأيام بسرعه وجا الخميس المرتقب صحيت قبل المغرب على صوت مهند وهو يكلم امه ويقول انه بينزل الحين ..
: مهند شو فيه ..؟
: عمك الخبل هذا جاي من الحين مايقدر يصر لليل ..
ابتسمت وقمت جلست قلت : تلاقيه يحب اختك
: حتى لويحبها يصبر لين موعد الزيارة مو من صلاة العصر يجي يخطب .
: عمي سالم معاه ولا هو لوحده
: امي تقول كلهم جايين .
: اووه يعني البس بسرعه وانزل الحين خالتي تلاقيها مرتبكه مابين ريم والضيوف .
: والله امي كأنها هي اللي بتتزوج من كثر ماتفكر ومقلقة نفسها .
: الله يعينها اكيد بنتها وبتشل همها .. حبيبي اصحى بسرعه اذا عمي مو هنا مو حلوة يجلسون لوحدهم .
وقف مهند وراح للحمام اخذ له شور بسرعه وخرج لبس ونزل للرجال .
وانا بسرعه لبست تنورة جينز ازرق مطرز طويلة وبلوزة اورنج حرير وحطيت مكياج خفيف وقلوس اورنج ونزلت .
سلمت على زوجة عمي وبناتها اللي اكبرهم نوف عمرها 13 وهند عمرها 10 وقهويتهم وجلست اسولف معاهم .. جاتنا سميرة اللي من بدري موجودة عندنا ماتبغى تفوتها مناسبة زي هذي .. وجات رانيا سلمت ورجعت .. وأخيراً نزلت ريم لابسة تنورة لونها عودي و بلوزة بدون اكمام ساتان ذهبي وفيه شريط دانتيل من تحت الصدر وحاطة شال تل على اكتافها ويدينها لأن خالتي مارضت تخليها تنزل للناس الا بالشال الذهي ... معطيها شكل غير خاصة ان شعرها اسود ومسشورته ومسوية مكياج هادي ومناسب عليها مطلعها مرة مرة حلوة ..
بعد العشا ناداني مهند يقول خلي ريم تجي للمجلس ياسر بيشوفها .
ولمن قلت لريم رفضت .. ضحكت منها ومن شكلها كثير محرجه ماتبغاه يشوفها وهي اصلاً تموت عليه ومسويه مكياجها ولابسه هذا اللبس عشان عمي .. بس لمن جات اللحظة الحاسمه خافت ومارضت تروح ..
ارسل لها مهند تطلع له في الصاله ولمن شافته قالت : مهند الله يخليك لاتجبرني
بصراحه كلنا ضحكنا عليها حتى رانيا قعدت تعلق عليها ومهند يقول تراه ماياكل وهادي بيشوفك ومجد بيدخل معاك بخليك براحتك بس روحي ..
اخيراً اقتنعت لمن قال مهند وعد ماادخل الا لمن اقولك تعالي ولا روحي ..
دخلت ريم بعد مانادى مهند ياسر يدخل المقلط ورجع لي قلت له : مهند ليه تتركهم لوحدهم ترى مايصير .
: عادي خليهم يشوفون بعض براحه بعيدن هي كلها كم دقيقة ويطلعون وفي وسط البيت والباب مفتوح مافيه شي يخلينا نقول غلط ولا مايصير .
اقتنعت بكلام مهند ورجعت للحريم بعد شوي نادتني ريم ورحت لها كانت مرتبكه وجهها احمر وهي ترتعش ولمن سألتها ليه قالت ياسر يموت علي من زمان . يقول يحبني ياديمه ..
ضحكت منها ودعيت ربي يسعدها .. واتصلت على عمي اشوف رايه قال : تكفين ديمه اقنعي زوجك بملك بكرة
: ههههههههههههههههههههههههه اصبر شويه خلاص ماباقي شي عن العيد .
: باقي اسبوعين الله يهديك تقولين ماباقي شي .
: عمي اركد اسبوعين مرة قليلة بعدين لاتنسى ان ريم لازم تجهز اذا بتسوون حفلة .
: الله يصبرني بس
: يالله مبروك مقدما والله يسعدكم ان شاء الله .
: الله يبارك فيك ويسعدك ياديمه .
: يالله عمي اخليك الحين
: اوكي مع السلامه .

رحت عند ريم وقلت لها على كلام عمي وهي تضحك .. بعدين رجعت عند سميرة لقيتها هي وخالتي في المطبخ وباين ان بينهم موضوع مهم لأن وجه خالتي مكشر ومقهورة وسميرة تمسح دموعها وتقول ظلم وربي ظلم يايمه .. ابوي من متى قلبه قاسي ويظلم بالشكل هذا .
قالت خالتي : ابوك مو بيده تورط ياسميرة ماتوقع ان حياة مهند بـ
قاطعتهم عشان ينتبهون اني موجوده خفت ان فيه شي مايبغوني اسمعه خاصة ان الموضوع فيه ظلم وصورة عمي قدام سميرة تتشوه وهي تبكي وخالتي مو راضيه ومهند في الوضوع خفت ماابغى اسمع شي مو حلو عن هالعايلة بالذات .
قلت : السلام عليكم
فزت سميرة قالت : ديمه انتي هنا من متى
: ماسمعت شي ياسميرة بس وش فيكم وجيهكم مو عاجبتني
ضحكت سميرة قالت : ماني مصدقه ان ريم بتتزوج
وجارتها خالتي في الكذبه قالت : هذا اليوم اللي انتظره من زمان ويشهد الله اني ياما تمنيت ياسر ياخذها لأنه تقريباً متربي في بيتنا مع مهند وماانقطع عنا الا لمن يسافر مهند .
سويت نفسي مصدقتهم وجاريتهم قلت : الله يسعدهم ترى عمي طاير في ريم ومبسوط كثير .
قالوا كلهم الله يسعدهم ويوفقهم .
قمت سحبت نفسي قلت : الناس جالسين لوحدهم بتجون عندهم ولا لا .؟
قامت خالتي قالت : يالله جايين وراك
ورحت انا وهي للمجلس جلسنا مع زوجة عمي وبناتها اللي متضايقات لأن مافيه احد في سنهم حتى رانيا رفضت تجلس معاهم تقول مو في سني وصغار علي .

بعد العشا دخل مهند وانا جالسه على الكنبة ومتربعه وتمدد على الكنبه وحط راسه على فخذي . جلس يكلمنا عن عمي وكلامه لمن شاف ريم وتهديده له اذا دخل عليهم واحنا نضحك .
دخلت علينا ريم قال : هلا هلا بالعروس تعالي قولي لي وش قالك ياسر
قالت : تكفى مهند لاتسألني عن شي ولا تقعد تتريق علي مو ناقصة رانيا انا .
: ههههههههههههههههههههههههههههه وينها رانيا ماشفتها ؟
رديت انا قلت : رانيا فوق قاعده على الكمبيوتر .
رفع راسه قال : تكفين ياديمه طلبتك انتبهي لرانيا والنت حاولي توعينها من اخطاره وقولي لها تستفيد منه بدال ماتضر نفسها . علميها ياديمه بحكم انك قريبة منها وتحبك وتسمع كلامك .
: ابشر ولا يهمك انا دايما معاها وماقد شفتها تتعدى منتديات والعاب محملتها على جهازها . بس ماراح اخليها ولا يهمك . مسحت على راسه قلت : لاتشيل هم .
جلس مهند على طول بعد مادخل عمي علينا وسلم واحنا ردينا قال : مهند قوم معاي للمجلس ابغاك في موضوع هام .
طالعته سميرة وهو قام وشكله مو عاجبه الوضع لحقته سميرة بسرعه قالت : مهند استنى بكلمك قبل تروح .
: لا تخافين ياسميرة اللي براس ابوي والله مايصير لو اهج من السعودية كلها .
ياربي سترك اش يقصد مهند ..؟ طالعت خالتي اللي ناظرتني وقامت قالت : لاحول ولاقوة الا بالله .. يالله دبرنا احسن دبرة .
طالعت بسميرة من دون مااتكلم وهي راحت تشيل ولدها قالت : عن اذنك ديوم بروح انيم ولدي وارجع لك ..
استغربت منهم . كلام عمي ومهند ونظرة خالتي ودموع سميرة وظلم عمي وهروبها الحين مني .. لاااا مااعتقد لي دخل بالموضوع بس اكيد موضوع عائلي وخاص ومايبغوني اعرف مهما كان امورهم الخاصة مايحبونها تطلع لاحد حتى لو زوجة ولدهم .

طلعت فوق لأني واثقة ان سميرة ماراح ترجع لي ورحت لجناحنا بدلت لبسي ولبست قميص ناعم وحلو بعد ماتحممت وجلست على التلفزيون استنى مهند ..
دخل مهند ووجهه اسوود ياناس .. قال بعد مانزل ثوبه : خذي ثوبي علقيه بدخل آخذ لي شور يهدي اعصابي .
اخذت ثوبه من دون مااتكلم وعلقته وهو دخل الحمام .. كنت احترق ماادري خايفه ياعالم .. فيه شي مايطمن .. الله يستر بس .
خرج مهند لابس الروب وانا جالسة على السرير وفي يدي مجلة امثل اني اتصفحها ببرود بس ماقدرت .. وقفت لمن راح بيلبس . قلت : حبيبي
طالعني قال : هلا
: ممممم مهندي حياتي ماابغى اتدخل بينك وبين اهلك .. بس قلقانه عليك .. فيه شي مزعلك ..؟
اخذ مهند بيجامته من الدولاب قال : لاتفكرين ياديمه تتعبين .. مافيه الا العافيه ابوي يحسب الناس على كيفه يبي يتحكم زي مايبغى .
: مهند تتكلم بالألغاز .
شافني محتارة وخايفه قال : ياعمري ياديوم مافيه الا كل خير .. حك راسه وكشر قال : تعرفين ابوي اهم شي عنده الشركه يبغاني امسكها معاه واضحي بوظيفتي اللي درست عشانها وتغربت وانا احلم فيها .. انتي بس لاتشيلين هم ولا تفكرين .. وحدة بنعومة ديوم ورقتها وجمالها حرام تشيل هم احد ولاتفكر وتشغل بالها .
ابتسمت وقلت : معقوله عمي اللي يفتخر انك دكتور يبغاك تبطل وتشتغل في الشركه .
كشر اكثر وعقد حواجبه .. خلع روبه بعد مالبس بنطلونه ودخل الفنيله مع راسه قال : ديوم الله يخليك مالي خلق الموضوع هذا بالذات .. انتي هنا راحتي لاتخليني اكدر عليك وعلي بمواضيع مفروغ منها منتهيه .
والله مهند صادق ليه اكدر عليه وعلي بوضوع مؤرق ويتعبه .. ضحكت وقلت خلاص نقفل الموضوع .. قال وهو يضحك : ارمي المفتاح مع الشباك خليه يضيع .
:هههههههههههههههههههه ورمينا المفتاح وضاااع .. طالعته بدلع قلت : تروح معاي ندوره ؟.
: ههههههههههههههههههههههههه لا لا مافيني اروح ادور مفاتيح ضايعه لمواضيع تافهه .. بدور مفتاح الموضوع اللي أهم .
: موضوع شو .
: مممممم انا اقولك عليه ..
شالني مهند بين يدينه وقعد يدور فيني قال : ماانزلك الين توعديني ترسمين لنا صورة انا وانتي حاضنين بعض عشان اعلقها في الصالة .
: ههههههههههههههههههههههههههه خلاص وعد ارسمها .
:ههههههههههههههههههههه احلفي لترسمينها بأقرب وقت .
: ههههههههههههههههههههههه وعد ارسمها بس نزلني .
: حاولي اكثر
: ههههههههههههههههه حبيبي الله يخليك
: طيب انزلك بس تقولين لي وش كثر تحبين مهند ؟
: هههههههههههههههههههه احبه قد الدنيا ، قد البحر ، قد السما ، ممممم احبه اكثر مما يحبني .
نزلني وجلس على السرير قال بجدية : كذابه ياديمه لو تموتين ماحبيتيني اكثر من حبي لك .
جيت وجلست بجنبه .. طالعته وقلت : مهند فيك شي ؟ حبيبي قول لي فيه شي ترى انا خايفه وقلبي يقول ان فيه شي .. اذا تحب تفضفض ولا تقول شو اللي مضايقك ترى الصدر اوسع لك من الدنيا كلها ياعمري .
ابتسم قال : ليه تقولين كذا انتي .؟
: ماادري خالتي وسميرة وضعهم مو طبيعي
قاطعني قال : كيف وضعهم قالوا لك شي .؟
: ماقالوا بسسس مهند شو فيه . ؟
: اوووه ياديمه قلت لك ياعمري مافيه شي لاتكدرين علينا انسي .
: بس انت مو رايق وتعبان ووو
: ديمه قفلي هالسالفه قلت لك مافيه شي ليه ماتثقين فيني .؟
عرفت ان مهند ماراح يقول لي شي فاضطريت اتصنع اني خلاص نسيت عشان اخليه يروق قلت : واثقة فيك ياعمري خلاص .. صحيح حبيبي قررتوا نقضي العيد في ابها .؟
: شو رايك انتي اذا ماتبين ابها نجلس هنا انا وانتي
: لا شو نجلس اذا بتروح انت اكيد بروح مو حلوة نجلس واهلك كلهم هناك .
: انتي ماعليك مني ولا من اهلي نفسك تروحين هناك ولا ماتحبين .
: مهند والله عادي اذا جلست هنا راح اعيد عند خالي والناس اللي احبهم هنا واذا رحت راح اقضيه مع عمتك وبناتها واهلك ومرة حلو يعني مافيه مضايقات الا من شي واحد .
: لاتخافين منهم هذولا لأني سمعت ان فاطمة بتتزوج قريب .
: سمعت من مين ؟
: قابلت فهد اخوها قال تبيها ولا نزوجها قلت زوجها انا رجال متزوج . وقال لي ان اللي خطبها واحد متزوج وعنده خمسة عيال .. وهو ماعليه مبسوط مادياً راح يعيشها زين .
: الله يكفينا شرها ويفكنا منها المهم تروح بعيد عنا .. تتزوج اللي تتزوج بس افتك منها .
: ماعليك ياقلبي من احد ولاتتذكرين شي يكدر علينا .
ابتسمت له بحب وقلت : بنسى الدنيا كلها واتذكر اني مع مهندي وأكيد راح اسعد بنت في هالكون .
حط راسي على صدره قال : الله لايفرق بينا ويخليك لي بس .

:: ::

مر علينا اسبوع حالم وخيالي بالنسبة لي كله سعاده وحب ورومنسية وحياااة غير مع مهند ... بس يتخلله احياناً شكي ان مهند فيه شي .. لأنه احياناً يسرح ويشرد بتفكيره وهو معاي .. ولأن عمي اذا شافني سلم علي بحرارة وتجنبني قدر الامكان .. حتى خالتي انشغلت بالعيد والسوق وريم ماتطلع من غرفتها الا للسوق وترجع .. اما رانيا كانت زعلانه من عمي ماتكلمه ولمن سألتها ليه تسوي كذا قالت مصيرك بتعرفين وتعذريني .. مرة الحيت عليها تقول لي شو فيه وبكت قالت الله يخليك ياديمه لاتجبريني اتكلم مااقدر .

رحنا لابها وجلسنا هالمرة في بيت عمي بدر كان قصر كبير بوسط مزرعه كبيرة احلى شي فيه انه على جبل لمن افتح الشباك بغرفتي يكون السحاب قريب مني .. كنت اصحى الصباح وغصب اصحي مهند معاي وننزل تحت عند عمي وخالتي نتقهوى معاهم بعدين نخرج انا ومهند .. نتمشى ومانرجع الا على الغدا بعدين ننام ساعتين ثلاث ساعات ونروح لبيت خالة سارة ولا تجي عندنا مع زوجات عيالها وبناتهم ..
خمسه ايام مرت علي اعتبرها من اجمل ايام عمري .. كنت احس اني ماابغى الناس .. اشتاق لمهند باستمرار .. ولو بكيفي مااجلس الا معاه لوحده .. وهو كان ملهوف علي طول الوقت .. بجد كأنا عرسان ومانبغى العالم يقربون منا يخربون علينا اجمل لحظاتنا ..
صحيت بدري من النوم على صوته يقول : ديمتي .. كنت نايمه على ظهري وحاط يده تحت راسي وهونايم على جنبه وخدي على صدره اللي بدون فنيله .. .. دفنت وجهي اكثر في صدره .. احب ريحته احسها تنعشني وانا اتنفسه .. حسيته يبوس جبيني وفتحت عيني .. ابتسمت له قلت : صباح الخير ياهدية ربي علي . اليوم انا اسعد بنت على الكرة الأرضيه .
ابتسم لي بحب قال : صباح النور ياسعادتي انتي . تبينا نتمشى برا ..
: اوكي حبيبي .. يووه مرة مكسلة مافيني اقوم البس شو رايك نفطر هنا .
: خلاص بشيلك اوديك للحمام اكيد بتتنشطين .
: ههههههههههههههه لا خلاص بقوم
كنت بقوم بس مسكني بقوة وحنان وحضني على صدره .. ياربي احس اني ماابي من الدنيا شي غير مهند .. اكتفيت بالسعادة وانا في حضنه واحس بحبه ..
قطع علي تفكيري في شعوري واحساسي قال : تسمعين قلبي ياديمه ..؟
: قلبي يسمعه ويحسه ويعشقه .
: قولي لقلبك اقسم بالله انك كل دقة فيه تنبض بحبك انتي ..
: يقولك حتى هو مليان بمهند .. وماعاد لاحد فيه مكان .
قمت اخذت لي شور ورحت البس على بال مايتحمم مهند ويلبس هو كمان .
لبست لي بنطلون جينز سماوي وبدي ابيض ولبست عبايتي بعد ماجففت شعري وحطيت مكياج خفيف وقلوس لحمي ..
لبس مهند ثوبه وخرج بدون شماغ بعد مامشط شعره على ورى واخذني بيدي ..
اليوم صاحين بدري عن كل يوم .. وماشفنا خالتي وعمي باين انهم لسه ماصحوا .
ركبت في السيارة بجنب مهند قلت : مهند بنفطر فوق الجبال .
: طيب ياعمري بس الوقت لسه بدري استني شويه .
: ياليت الكميرا معانا كان نتصور هنا .
: ههههههههههههههه نتصور بكفنا مو غصب .
: ههههههههههههههههههه اسكت لاتذكرني ..
: تدرين خسارة انا ماتصورنا واحنا في سوريا .
: ان شاء الله نروح مرة ثانية ونتصور هناك . التفت عليه بجدية قلت : لاتنسى انك وعدت جدتي نزورها .
: وعدتها وراح نزورها قريب .. وبنزورها دايما حتى مع عيالنا ان شاء الله .
: عيالنا ... هههههههههههه تصدق مااتخيل نفسي ام لسه بدري مرة علي .
: تصدقين اني متحمس اشوف عيالي منك .. عاد ابيك تجيبينهم كلهم يشبهونك بكل شي .
: هههههههههههههههههههههه قالوا لك بكيفي .
: ههههههههههههههههههههههههههه الله يرزقنا بالذرية الصالحه هذا اهم شي ياعمري
: اللهم آمين .
اشترينا عصيرات وفطاير بالجبنه والشكولاته لأن المطاعم مافتحت لسه ولا الكافتيريهات ..
فتحت لمهند عصيره وجلسنا نسولف ونلف بالسيارة .. طلعنا الجبل وكان الضباب مغطي المكان .. شغلنا نور السيارة وصرنا نمشي بشويش ..
كان يوم مميز في حياتي اهداه مهند لتاريخ ديمه كله . طبعاً وثقنا ذكراه بصور بعد مااشترينا كاميرا ديجتال . ونزلنا جلسنا على الأرض بسطنا بساط كان بسيرة مهند وجلسنا عليه ..
اكثر صوري بدون مااكون متغطية بطلب من مهند .. اليوم مهند مجنووون فيني كل شوي يقول انتي ملكة جمال .. انتي اجمل امرأة شفتها في حياتي .. آخر شي قال ديمه انتي ساحرتني ..
ضحكت عليه وتذكرت رانيا لمن تمزح معاي وتقول تكفين ديمه قولي لي شو مسوية لعمي مهند شو نوع السحر ومن فين جبتيه علميني ترى مو قايله لاحد وسرك في بير .. وانا دايما اقول لها سحري لمهند المحبة من عند ربي ..وهذا هو السحر حلال

عيدنا هناك في بيت عمي بدر صورتنا رانيا بكاميرتها ونادت مهند صورته وتصورت معانا وصورت عمي وخالتي كانت طول اليوم تمشي وتصور تقول بخلص الفيلم كله اليوم لأن هذا خاص بأول يوم في العيد ..

يوم العيد كان مميز جداً الرجال داخلين خارجين لأن عمي بدر له قيمته هناك والكل يقدره ..وصلنا رانيا عند امها تجلس عندها اليوم ووعدها مهند يجي بكرة ياخذها ونزلنا سلمنا على امها اللي اول مرة اشوفها وكانت شباب وعندها ثلاثه عيال غير رانيا من زوجها الثاني .
بعد ماخرجنا من بيت ام رانيا رحنا لبيت سارة عمة مهند وهناك جونا حريم عيدو علينا وانا طلعت فوق بعد ماتعبت.. كنت مع ساميه بغرفة مهند اللي عندهم اللي صارت لمهند وديمه مولمهند لوحده ..
سمعت صوت غريب يوووه ياكرهي له هالصوت .. كان صوت فاطمة وهي تسأل عني طالعت بسامية قلت لو سمحتي سامية ماابغى اشوفها برجع لبيت عمي الحين حتى لاتصير لي مصيبة جديدة بسببها ..
طلعت ساميه من عندي سمعتها تقول لها : وش تبغين من ديمه
: بتحمد لها على السلامة وابارك لها على خطتها اللي نجحت لما قدرت تضحك على مهند وتخليه يرجعها .
انا دقيت على مهند قلت تعال خذني فاطمه هنا وتسأل عني وبصراحه قلبي مو مطمن لها .
حتى مهند لمن سمع صوتي عرف اني خايفه قال الحين اجيك
طلع مهند فوق سمعته ينادي عشان اذا فيه احد غريب يدخل .. انا كنت لابسه عبايتي وطرحتي وشنطتي بيدي وانتظره على جمر وخوفي من فاطمه ماله حدود الله يستر هالمرة ناويه على ايش بالضبط .
سمعت مهند برا يقول : وش جابك انتي هنا ومن سمح لك تقربين من غرفتي يالله يالله انقلعي تحت ولا برا البيت كله يالله ؟
دخل غرفتي وجا عندي قال : لاتخافين ويالله بنطلع من هنا .
خرجت معاه الا سمعتها تقول : ماتبين تسلمين ياديمه ..
طنشتها ومارديت لأني عارفه ماراح اسلم منها قلت اقصر الشر واروح
نزلنا ولقينا امها قدامنا .. اول ماشافتنا قالت : هذي وش مدخلها بيوتنا ماكفى عمايلها
مهند : لا اله الا الله امشي ياديمه امشي الله يصبرني
: سلم على عمتك
: سلمت عليها قبل شوي امشي بس
خرجت حتى ماسلمت عليها هي لأنها صدت عني قلت ماابي انزل نفسي

رحنا تمشينا ودق علينا عمي ياسر كلم مهند وقعد يترجاه انه يجي لأنه بمجلس سعد زوج عمته ساره
استحى مهند من عمي ياسر وقال يالله باخذك ارجعك هناك اذا ماراحوا بقول لسامية ماتخليهن يقربن منك
انا بصراحه ماحبيت اقهر مهند واخليه يجلس عشاني ولا اقدر اجلس في بيت عمي الكبير لوحدي .. رغم اني عارفه انها بتنغص علي .
رجعت لبيت خاله سارة ومريت على خالتي سارة واعتذرت منها اني مااقدر اجلس مع الحريم وهي عارفه ليه
عذرتني خالة سارة قالت اهم شي راحتك ياديمه وطلعت فوق مع ساميه والبنات
قفلنا الباب علينا حتى البنات مايبغون فاطمة وجلستها لأنها انسانه غيورة وحقودة
قامت دانه بتجيب لنا قهوة وحلا قبل العشاء وجاتنا بسرعه قالت:عمة سامية قفلي الباب فاطمة لاتدخل تراها برا وقريبة من هنا .
قامت سامية معاها وقفلت الباب ورجعت لي قالت : ماعليك ياديمه لاتخافين منها وربي لولا مهند موصيني ماتقرب منك لاخليها تدخل واعلى مافي خيلها تركبه ..
دق تلفوني كان مهند قال : انزلي تحت وبسرعه ابغاك .
: ليه صاير شي ..؟
: ديوم تعالي واقولك وش صاير .. بس لاتخافين مافيه شي .
: اوكي حبيبي الحين اجي .
قلت لساميه تخرج معاي فاطمة مسببة لي رعب ياناس . نزلت وهي واقفه على البلكونه اللي في الصالة وتطل على الجبل .. واشوا عديت بسلاام ونزلت بسرعه تحت ..
قابلتني امها قالت : ساميه هذي تدري ان بدر خطب هنادي بنت سعود الـ .. لزوجها وملكته بعد اسبوع ولا للحين تمشي على عماها ماتدري عن شي .
وقفت بمكاني متجمدة بعدين ابتسمت لسامية اللي مطيرة عيونها فيها قالت : خالة الله يهديك انتي ماتعرفين تجلسين مثل المسلمين .. طبعك طبع يهود .
قالت بخبث : انا ماقلت الا الحقيقه . بغيت انبهها يوم اني اشوفها بنية يتيمه ومريضه والناس تغدر بها وتبي تزوج رجالها .
قلت لساميه وانا مكشرة : هذي اش قاعده تقول ؟
دق جوالي شفته مهند بس ماقدرت ارد عليه .. قلت : ساميه ردي علي .
طالعتني ساميه قالت : ديمه موضوع طويل هذا اسألي مهند عنه وهو يقول لك .
: يعني كلام هذي صدق
تدخلت نورة بضحكه قالت : ايه ياديمه صدق وبدر الح على مهند قال تخطبها ولا منت ولدي ولا اعرفك دوب امه علمتني .
طالعت فيها قلت : حسبي الله عليك انتي وبنتك ونعم الوكيل .
قلتها من قلبي ياناس .. حسيتني مظلومه هنا .. حتى لو كانت كذابه بس نغصت علي .. واذا هي صادقه معناتها قضوا علي .
مسكتني ساميه بيدي ونفضت يدي منها بقوة ماادري ليه ساميه مالها ذنب بس انا كمان تايهه وضايعه وحياتي قدام عيني تنهار .. الحلم اللي كنت عايشته الأيام اللي راحت في لحظة تحول لكابوس ..
سمعت آخر قنبلة اطلقتها نورة لمن قالت : علميها ياسامية ان بدر خاطب لمهند من يوم كانت في عند جدتها وجابها وهي ماتدري عن شي .. .
خرجت بسرعه .. هربت منها ومن صوتها وخبثها ودناءتها شفت مهند يدخن عند الباب .. وريم تجري وراي قالت ديمه : لاتصدقين عمتي تراها كذابه وووو
مهند عمتي كلمت ديمه ماقدرنا نلحق عليها .
طالعت المتهم الأول وعيوني فيها دموع وماتكلمت . قال وهو في فمه سيجارة : اركبي الحين وماعليك من كلامهم .
ركبت السيارة بعد ماغطيت وجهي ودموعي نزلت بهدوء وقلبي يعتصر ياناس ..
ركب بجنبي وسكتنا ماتكلمنا اكثر من عشر دقايق .. دموعي تنزل وانا اشهق وامسح دموعي بعيوني .. دخن مهند اكثر من خمس سجاير آخر شي تكلم وليته ماتكلم : كنت حاس انها هي اللي بتكلمك .. وامي دقت علي قبل شوي قالت عمتك قامت من عندنا وشكلها ناوية تقول لديمه على الموضوع لأنها سألتني وعلمتها بالتفاصيل .
انهرت وقلت : ليه تخدعني يامهند ؟
قال بهدوء فظيع : ماخدعتك ولاكذبت عليك ..
: لاوالله وكلام عمتك
: كلام عمتي صحيح ولو اني ماادري شو هو بالضبط لكن بقولك المختصر المفيد
ديمه لمن كنتي في سوريا حالي صعب على ابوي وخطب لي من راسه كلم واحد من الناس اللي يتعاملون معاه عن بنته يقول اني اذا تزوجت يمكن انساك وارجع مثل اول .
انا رفضت الموضوع جملة وتفصيل وماناقشته مع احد لليوم .. قبل كم يوم تتذكرين لمن ناداني ابوي وكلمني وجيتك طفشان .. كان يقول انه تورط وخطب بنت الرجال ومستحي يقول له ماعاد نبي بنتك .. ويقول اخطبها مافيها شي اذا اخذت ثنتين وانا قلت لابوي الكلام اللي ماراح اكرره غير لك انتي .. انا لايمكن اتزوج في هالدنيا غير ديمه بنت عبدالله . فاااهمه ولا لا . مانبي نخلي عمتي تلعب في حياتنا على كيفها ..
طالعته وانا اشهق بقووة قلت : وابوك طيب ؟
: ابوي يزعل يومين ويرضى . لكن انا لو زعلت ماراح ارضى ولا راح اكون سعيد بحياتي لين اموت الا معك انتي وبس .
: طيب والحل ؟
: مافيه مشكله حتى ندور لها حل .. ديومي حبيبي لاتفكرين بهالموضوع تكفين .. انا لك ليوم الدين وانتي لي لأبد الآبدين .. ولاتفكرين ان يجي يوم اني افرط فيك مهما كان حتى لوحطيت اهلي بكفه وانتي بكفه .
: لايامهند الا اهلك .. انا تقدر تجيب بدالي حتى لو ماحبيتها زي ماتحبني بس اهلك ماتقدر تعوضهم .. وصدقني لو الدعوة فيها رضى اهلك انا اللي راح ا
قاطعني قال : اشششششششش لاتتكلمين في الموضوع هذا الله يخليك .
تبين قهوة ..؟
: اوكي ناخذ قهوة .

اخذنا قهوة تركيه وجلسنا نلف بالسيارة قال : حسبي الله على من نغص علينا .
: مهند
: هلا ياروح مهند .
: خلنا نرجع للبيت .
: ابشري .
رجعنا للبيت وانا كل لحظة حلوة مرت علي مع مهند اشوفها الحين وأودعها .. عارفه ان عمي ماراح يسكت خاصة انه من النوع اللي كلمته مايثنيها على قولة خالتي . بعدين الرجال اللي خطب منه لمهند تاجر كبير وبنته هذي اعرفها بالجامعه دايما كبيرة عمرها وصل للثلاثين تقريباً شكلها اكبر من مهند ..يعني مهند بالنسبة لها فرصة عمر .. دكتور وولد ناس عز وجاه وسمعه .. حتى لومتزوج الله يستر منها ..


رجعنا للبيت وانا مكسورة ... ودق على ريم قال ارجعي عند ديمه انا بطلع وتعالي اجلسي معاها
بعد شوي دخلوا البنات عندي اولهم ساميه وريم وشافوني ساكته ومقهورة
قالت ساميه والله ماياخذها مهند لو على قطع رقبتي

مرت علينا ليله صعبة بشكل مااقدر اوصفه لكم .. مارجع مهند الا الفجر ..
لمن جات خالتي وشافتني قعدت تبكي وتسأل عن مهند قلت ماادري وقعدت تتحسب الله على نورة وبنتها ..
حاولت اهدي خالتي بس انا كمان محتاجه من يهديني .. لأن ريم قالت الله يستر من ابوي لمن سأل عمتي سارة عن مهند وش فيه قالت له : مافيه شي كدرت عليه حياته وظلمته ومايدري وش يسوي يتبع قلبه وضميره وسعادته ولا يسمع كلامك ويرضيك ويجني على نفسه . وابوي زعل بالمرة من كلام عمتي قال الموضوع منتهي ومهند بيروح معاي بعد يومين غصب عنه كلمتي مااغيرها ولا اثنيها قدام الرجال .


..
جالس بجنبي على السرير ويدخن وانا ساكته ماادري اهدي مهند واطلعه من جو الكآبه اللي هو فيه ولا اخليه كذا وانتظره هو يجي يساعدني ويطلعني من حزني .
قلت : حبيبي هذا اللي هلكك ماراح ينفعك ولا راح يحل شي .
: جيت هنا ابي انسى واغير جو مادريت ان امي سارة بتزيد الطين بله .. خلت ابوي يعصب ويدق علي يقول فهم ديمه على كل شي وانا راح احدد موعد الملكه مع سعود بعد يومين ..
التفت علي وكمل وهو يقول : واللي رفع سبع وبسط سبع ياديمه ان مالي زوجة في الدنيا غيرك . لو فيها غضب ابوي واهلي كلهم .. كانت دموعي تنزل بغزارة ورمى سيجارته وقرب مني حط راسي على صدره وانا انهرت اكثر قال : حتى لوخسرت وظيفتي هنا حتى لو خسرت وجودي كله هنا .. انا مااقدر اعيش بدونك ياديمه . راح احارب الدنيا عشانك وعشان حياتي معاك .
مارديت عليه ولا تكلمت كانت دموعي هي اللي ترد وتقول له مااقدر على بعدك مااتخيل ان تجي وحده وتصير بحياتك وانا اطالع . ومااقدر اخليك تعصى ابوك وتغضبه عشاني ..
ماابي ازيد هم مهند واتكلم باللي في قلبي .. اخيراً قلت : مهند خلنا نطلع في البلكونه احسني مخنوقه هنا .
اخذني بيدي وخرجنا في البلكونه حقت غرفتنا اللي تطل على جبل فيه عصافير كثيرة وحمام وطيور اشكال وانواع والوان .
اليوم مهند يكح كثير برد والسجاير اللي دخنه من امس كفيل انه يعدم رئته . هذا غير البرد والهوا البارد اللي هنا في ابها .
قلت وانا اضم يديني على اكتافي : مرة برد .. اجيب لك جاكيت معاي .
: لا جيبي لي بطانية .
رحت جبت البطانية وهو جالس على الكرسي الطويل اللي في البلكونه وحطيتها على ظهره وجلست بجنه دخل يده في جيبه يدور على دخان وماحصل .. ابتسمت وقلت له بحاول اغير حال مهند هذا : مهند حبيبي بطلب منك طلب .
قال بهدوء : اطلبي ومن الحين تم .
: حبيبي خايفه عليك من الدخان . ماابغى اقول لك اتركه بين يوم وليله بس خففه شوي .
: بخففه ان شاء الله الله يكفيني شره صدري اليوم متعبني شكله منه ومن البرود اللي هنا .
: سلامتك ياروحي وماتشوف شر .. تدري ان اغار من السيجارة هذي .
آه بس من ضحكته .. اخيراً ضحك بوجع : ههههههههههه اجل تغارين من سيجارة ياديومتي .
ابتسمت وانا احس الدم يمشي في جسمي بفتووور وبروده ويمكن راح يوقف الحين : قول ليه تغارين .؟
لف يده على اكتافي وغطاني بطرف البطانيه معاه قال : ليه تغارين يالفنانه الفاتنه .
: ههههههههههه حلوة الفنانه الفاتنه .. ممممم اغار اول شي لأنها في فمك وقريبه منك اكثر مني . واغار لأنها ممكن تنفس عنك اكثر مني .. سكت شوي وحاولت قدر الإمكان اني ماانهار ولاابكي وقلت : نفسي اصير كل شي بحياتك ..
: وانتي كل شي بحياتي .. واذا الدخان مضايقك من اليوم بحاول اتركه لعيونك واخففه .
ياربي استر كلام مهند يخوفني .. يذكرني بالأفلام اذا كان البطل بيموت ولايصير له شي صار يلبي طلبات اللي حوله ويحاول يرضيهم مهما كان الثمن .
لا لا ياربي مااتخيل ان مهند يصير له شي .
قلت : حبيبي اذا الجو هنا برد عليك خلاص ندخل ترى انا عادي اهم شي عندي صحتك وهذا .. أشرت على راسه باصبعي وانا ابتسم
: مممم يالله خلينا ندخل احسن .
نمنا بعد ماحاولت اهدي اعصاب مهند وتظاهرت اني ماني خايفه وهو معاي واني واثقه بكلامه لمن قال انه ماراح يضرني ولاراح يخليني احزن .
صحيت الظهر على صوت عمي برا وهو ينادي على مهند .. صحيت مهند كان مبين على وجهه انه تعبان .. قال : اطلعي قولي له بنزل عنده بعد شوي . وتغطى باللحاف وكمل نوم .
لبست الروب حقي وخرجت لعمي فتحت الباب وشفته قدامي .. حسيت عمي انصدم لمن شافني قال : هلا والله ببنتي ديمه وشلونك يبه .
هزيت راسي قلت : انت كيفك ياعمي .؟
: انا بخير اذا انتم بخير وطيبين .
: عمي مهند يقول بينزل لك بعد شوي .
عصب عمي من جديد قال : قولي له الحين ينزل تحت .. الموضوع اللي ابيه فيه مايتأجل .
: حاضر اقوله .
عورني قلبي كثيير ورجعت لمهند كأني اقول قوم روح لابوك عشان يقتلني .
حركته بيدي ودموعي تنزل قلت : مهنننند قوووم ابوك معصب يبغاك تحت .
رفع اللحاف عن وجهه لأن صوتي مو عاجبه وطالعني قال : خليه اذا مواضيعه مامنها فايده لايتعب نفسه ويتعبني .
: ابوك معصب والله .
اخذ مخدتي وحطها على راسه وكمل نوم كأنه عارف ابوه اش يبغى ومايبغى يروح له . دخلت الحمام وتحممت وخرجت لبست ومهند لسه على نومه .
هالمرة جات خالتي دقت علينا وفتحت لها قالت : مهند ماصحى
: لاياخالتي مارضى لي ساعه احاول فيه . البارحه كان مرة تعبان .
جات خالتي عنده صحته وفتح عيونه قال : يمه روحي بقوم اتحمم والحقك .
خرجت خالتي وشفت مهند يكح وحط ديه على راسه بسرعه جيت عنده حطيت يدي على راسه كان راسه مسخن .
قمت بسرعه جبت له حبتين بندول قلت : حبيبي حرارتك مرتفعه قوم خذ لك شور عشان تنزل بعدين روح للمستشفى .. اخذت جوالي قلت : ولا انا اقول لعمي ياسر يجي يوديك .
مسك يدي قال : لا لا مايحتاج مستشفى . بقوم اتحمم وتنزل ان شاء الله .

نزلنا تحت ومهند يكح وباين انه كثير تعبان .. قال : انا بروح لابوي وانتي حضري لي انا وياك غدا .

رحت للمطبخ وحضرت الغدا وفي قلبي مليون وجع .. وفي راسي مليون سؤال .. وقدامي دهاليز وخوف وظلمه ومتاهات مااقدر اخطي فيها خطوة لحد مااتتضح الأمور .
شفت رانيا اللي دوبها وصلت مع زوج امها وهي تبكي ومنهارة وتقول : ديمه لاترضين لاتوافقين ابوي يقول ديمه طيبه وبنت اصول وبتوافق .
لفت فيني الأرض قلت : رانيا اش قاعده تقولين انتي وليه تبكين كذا وو
قاطعتني قالت : ديمه ابوي بيغصب مهند يتزوج بنت سعود ويبيه يملك اليوم لأن سعود واهله في ابها ..
كنت احس الدنيا تلف فيني وطاحت الكاسة من يدي قبل مااحطها في الصينيه قلت بصوت يرتجف : رانيا عمي ليه يسوي فيني كذا .
: ابوي يقول انه خطب لعمي لمن كنتي في سوريا وماعاد يقدر يتفشل مع الرجال .
شفت مهند واقف عند الباب ويطالعني بقلق شكلي يكسر الخاطر .. انا منهارة من الداخل والخارج والدنيا صارت في عيني اضيق من ثقب ابرة . رحمتك يارب آخر كلمة قلتها قبل مااسمع الكلام اللي كان مهند بيقوله لي وهو جاي يمشي ناحيتي ..
صحيت وانا بسريري فوق شفت مهند عندي .. مسك يدي وضمها بين يدينه قال : ديمه
صديت عنه مااقدر اطالع فيه وهومكسوور ومهزوم ومغلوب على امره قلت بيأس : مهند برجع لجده .
:الحين نرجع بالسيارة يالله قومي
وقف مهند وقمت قرفانه احسني برجع .ورحت للحمام على طول .
لحقني مهند للحمام وانا استفرغ وجاب لي كاس مويه .. شربت وانا احسني دايخة ومو قادرة اركز بشي ... اعطيته الكاس قلت بضعف : الحين بروح لجده يالله مهند مااقدر استنى هنا .
: يالله ياعمري رتبي شنطتك
: مهند تعبانه مو قادرة امشي ناد على الشغالة ترتبها لي
: خلاص عمري البسي عبايتك حتى لاتبدلين روحي بالبيجامه عادي وانا ارتب لك الشنطه . تبين مستشفى ؟
:لا بسسس ا ا اتصل على خالي سامي ولا ماجد واحد منهم يجي ياخذني .
: ليه ..؟ ديمه اش قصدك
: ماابغاك تسافر وانت تعبان وكمان عشان ابووك ..
انهرت ابكي عند مهند وهو حضني على صدره ورفع راسي
: ديمه ابغاك تثقين بمهند فاهمه ..؟ بعدين محد موديك غيري وانا مافيني الا العافية وانتي عند اهم من ابوي واهلي كلهم .
:ابوك بيزعل منك .. لايامهند
وبسرعه رحت للحمام وحاولت استفرغ مرة ثانيه ماقدرت لأن معدتي فارغه
مسكني مهند قال : اوديك للطبيب يمكن جايك برد
: لا... بس بس اللي صار موترني .. طالعت بعيونه وعيوني كلها دموع وقلت :ومتعبني يامهند .
: لا تتعبين نفسك ديمه خلاص خليك مرتاحه وطمني بالك والخرابيط هذي لايمكن اسكت عليها
: خايفه من زعل اهلك عليك بسببي .
: ماراح يزعلون ولا راح يصير شي .
: مهند اهون علي تاخذها ولا يصير بينك وبين اهلك شي
: الحين لاتفكرين بالموضوع هذا يالله البسي عبايتك .
دخلت الحمام غسلت ولبست عبايتي ونزلت بمساعدة مهند وخرجت من دون مااكلم احد ولا حتى هو
في الطريق كان اغلب وقت مهند ساكت وانا احسني بس ابغى ارجع ..
اشترينا اكل ،فطاير وعصير وجاب لي مهند بسكوت يقول كويس للغثيان والاستفراغ .
وصلنا جده بعد حوالي خمس ساعات اغلبها قضيتها بالنوم بس ماكنت مرتاحه ابداً
دخلت البيت حقنا وشالني مهند لحد مادخلنا جناحنا لأني مااقدر امشي احس مافيني قوة .
اخذت شور بسرعه خفت ادوخ ولا يغمى علي
انا كثير مكتئبة .. كلام عمي شكله سبب لي صدمة نفسيه او عصبية .. مهند بموقف لايحسد عليه وانا اكثر منه .
لبست تنورة سكري حرير كلوش وقصيرة .. ولبست بلوزة بنية كمان حرير .. طويله وبدون اكمام .. ولبست صندل ناعم بخيوط تتربط على الساق .. بسرعه لبست وانا منهكه ولفيت شعري ومكسته بشباصة وحطيت قلوس بني وبودرة خفيفه وبلاشر وشادو بني .. وحطيت كحل من داخل ومسكرة لأني عيوني تعبانه وماابغى احد ينتبه لي
دخل علي مهند لابس الروب حق الحمام بعد مااخذ شور واستغرب اني كنت لابسه قال : بتروحين مكان ..؟
: بروح لبيت خالي
: وليه ..؟
: مهند اشبك بعيد على اهلي ولا نسيت
سكت بعد مااخذ نفس عميق وبان عليه الارتياح وقرب مني قال : ديمه
: مهند والله عارفة اش حتقول ماراح اتكلم وراح ارجع معاك لاتخاف .. مو انت قلت خليك واثقة فيني ..
: الا وانا عند كلامي .
: خلاص ماراح اقلق ولا راح افكر بهذا الموضوع .... ابتسمت له وكملت ...... اطمن حبيبي .
قرب مهند مني وحضني وضمني بقوة على صدره وباس راسي قال : محد يقدر يفرق بيني وبينك لاتخافين
: قول الله يستر
: الله يستر ياعمري بس انتي لاتشيلين هم ولاتفكرين كثير
: ابشر حبيبي ... يالله البس خلنا نروح عند خالي
: يالله

رحنا لخالي وكلهم لاحظوا اني تعبانه وانا تحججت اني تعبانه من السفر .. رحت جلست عند هدى قعدت تسولف علي وانا ساكته وصدقت ان السفر بالسيارة متعبني لأني مو متعودة على المشاوير الطويله بالسيارة ...!
: ديمه ترى بناخذ غرفتك من زمان وهي عاجبتني بحطها لياسمين
: افا ياهدى بتاخذون غرفتي كأنكم ماصدقتوا على الله متى اخرج من البيت
: ههههههههههههههههههه لاوالله مو قصدي بس عاد انتي منتي محتاجتها
: من قال الا بحتاجها اش دراك
: شو قصدك يابنت ؟ الله لايقوله وعساك ماتحتاجين تجين الا زيارة وترجعين ؟
: طيب انا اقصد انو يمكن اجيكم زيارة واطول عندكم .
: اوف ليه لايكون صاير بينك وبين زوجك شي
: لاوالله مهند شايلني على كفوف الراحة بس ... تنحنحت لأني حسيتني متورطة قلت : احم احم بس الزمن محد يضمنه .
: ديوم شو هالكلام لاتقولين كذا ..
: هذي الدنيا مانضمنها ياستي.. وغرفتي اتركيها لي
: بنت صدقتي اني بقرب من غرفتك امزح والله .. بعدين اكثر لاكثر الله في بيتنتا الغرف .. وغرفتك موجودة لك بأي وقت .
: هدى والله اعصابي تعبانه
: ديمه قولي صاير شي
: استني ياهدى كلها اسبوع واقولك على كل شي بس هدى الله يخليك خالي لاتتكلمين معاه بشي عني
: ولا يهمك بس اوعديني أي شي يصير معاك تقولين لي .. ديمه احنا اهلك لاتسكتين على الظلم فاهمه
: ماني ساكته ياهدى وتأكدي اذا صار لي شي بقولك على طول بس خالي
قاطعتني : هذا بيني وبينك خالك اذا ماتبينه يعرف ماراح يعرف
سمعت خالي ينادي : ديمه
وقفت بكسل وبملل ورحت عنده : هلا خالي
: كلمي زوجك
رحت عند مهند قال : تحسين بشي الحين ؟
: لا الحمد لله احسن .. انت اللي كيفك تكح ؟ حرارتك ارتفعت ..
: انا بخير ياعمري بس يالله بنمشي وترى بنمر على المستشفى عشان نشوف اش فيك .
:لا مستشفى لا الله يخليك مافيني شي .. استنى اجيب عبايتي وشنطتي واجي
رجعت عند هدى وانا احسني دايخه وتعبانه واخذت عبايتي وشنطتي
: ديمه والله بدري بعدين انتي تعبانه قولي له يخليك هنا الليلة
: مهند ماعنده احد في البيت اهله لسه في ابها .. مستحيه منه اتركه لوحده
: طيب كلمينا وياليت تمرين مستشفى تشوفين شوفيك انتي مااكلتي وطول الوقت باين انك تعبانه
: صدقيني من السفر ومن القرف اللي شفته في ابها
: ياربي احس فيك شي .. ديوم ضروري تكلميني
: اوكي يالله اشوفك على خير
سلمت على هدى وخرجت لخالي في الحديقه وسلمت عليه وخرجت مع مهند
اخذني مهند للبيت وجلسنا بجناحنا بعد مابدلت ولبست بيجامه شورت قصير وبدي لونها زهري

كان مهند جالس على الكنبة الطويلة وانا ممدة بنجنبه وراسي على افخاذه
هو بعالمه وهمه وانا مو بعيده عنه بس كل واحد يفكر بطريقته .... رفعت راسي وطالعت بوجهه كان مسرح وهو يمسح بيده على راسي : مهند ابوك ماكلمك
: الا دق علي وانا عند ناصر قلت له اني بجده
: زعل منك
:...................
: ماابغاه يزعل منك
: فكري بنفسك لاتفكرين بالناس
: بس هذولا اهلك
: وانتي اهلي ودنيتي ومستقبلي وسعادتي وابوي مصيره يرضى بس انتي اذا زعلتك اعرفك ماراح ترضين بسهولة
حاولت اخفف عن مهند وابتسمت له : حرام عليك ماقد تعبتك عشان تراضيني
: ماتعبتيني بس عذبتيني
: مهند لاتخليني اسب نفسي الحين
سحبني من يديني وحطني كلي في حضنه قال : سبيني انا ولاتسبين نفسك فاهمه ترى مااسمح لك .
:هههههههههههههه طيب حبيبي ممكن تغير لي جو النكد هذا .. ترى مشتهيه انبسط معاك اليوم .
فتحنا التلفزيون وحطينا على مسرحيه تفرجنا عليها وضحكنا منها وكل واحد فينا يضحك على الثاني مسوي نفسه مبسوط وهو غرقان هموم .
مر علينا اسبوع متوترين خاصة بعد أي مكالمة من عمي اللي كان يخاصم مهند فيها بعد كذا طنش مهند وماعاد يرد عليه ..وانا حالتي النفسية مرة سيئة وأثرت على اكلي وشهيتي ومزاجي ومعدتي كل شوي ارجع . ومهند يقول بوديك الطبيب وانا اقول لا هذا بس لأني حساسة ومااتحمل مواجهة المواقف بقوة .
اليوم نمنا متأخرين بعد الساعه 8 الصباح وماصحينا الا الساعه 4 العصر على صوت رانيا وهي عند الباب تنادي مهند
: عمي افتح ابغى اشوفك مشتاقة لك .
لبست روبي على طول وقمت افتح لها صوتها مو طبيعي باين انها تبكي
اول مافتحت لها طاحت بحضني وهي منهارة : ديمه ماعليك منهم والله ماياخذها مهند . انا شفتها مرة بشعه . حتى امي الجوهرة ماحبتها وتقول فرق بينها وبين ديمه . والله لاموت مهند حرام ياخذ هنادي .. وانتي ياديمه حرام تنقهرين لاااا مهند ماياخذها .
: رنو حبيبتي وش فيك تعالي تعالي .. وهدي نفسك
صحى مهند على اصواتنا وجانا بسرعه وعيونه فيها نوم : خير رانيا ليه تبكين ومتى جيتوا
: الحين جينا انا خليتهم يجون عشان خايفه عليكم
اخذها مهند بجنبه قال :هدي نفسك بعدين تخافين علينا ليه احنا صغار
: لا بس ابوي يقول لازم يروح يخطبها اليوم ولا بكره لأنه اتفق مع ابوها .
: اها من قال لك هالكلام
: هنادي بنفسها لأن ابوي عزمهم في بيتنا وسوينا لهم عشا وقالت لريم بكل وقاحه ان خطوبتها بعد يومين في جده .. بس انا قلت لها ان مهند الحين ماخذ ديمه وراحوا يتمشوون ويقضون العيد بعيد عن الناس .
: ههههههههههههههههههههههه ماعليك منهم رانيا قومي غسلي وجهك ولاتصيرين ضعيفه .
كنت واقفه متجمده اجل خلاص ابوه قرر واعطى كلمة للرجال .
الحين بس عرفت تفسير الكابوس هذاك اللي عكر علي نومتي لمن كنت بسوريا بأحلى ايام قضيتها مع مهند .
كانت دموعي تنزل وانا ارتجف التفت مهند علي بعد مافقد صوتي ووقف بسرعه : ديمه لاتفكرين بهالخرابيط
: م م مـ هـ ن د سمعت ابوك اعطى كلمة للرجال وانت تعرف ابوك
: لاتخافين انا مو بنت يجبرني ابوي على شي ماابيه .. واعلى مافي خيله يركبه
: لااااااااا لاتقول كذا عن ابوك مهما كان هذا ابوك .
وقفت رانيا وجات عندي وحضنتني قالت : ديمه لاتسكتين ،، قولي ماارضى مهند يتزوج الغبيه هذيك ،، ابوي يحبك راح يوقف المهزلة هذي اذا شاف ردة فعلك لأنك انتي الأهم .
: لا يارانيا حياة مهند عندي اهم وش راح نستفيد اذا اخوان فاطمة صدقوا اختهم وامهم وتهوروا بدافه الحمية والدفاع عن شرفهم وذبحوه
: لااااااااااااااااااااااااااااااااااا مهند مايصير له شي .ليه ياعمي صدقت الغبية فاطمة وزعلت ديمه خليت ابوي يروح يخطب لك .
: رنو هدي حالك حبيبتي وانا شوفيني قوية ماعليّ
: ديمه انتي مافيك تتحملين انا عارفه باين عليك تعبانه شوفي وجهك كيف اصفر وذبلانه ديمه انا احبك انتي وعمي مهند مااحب اشوفكم زعلانين .
: رنو هدي نفسك وتعالي غسلي وجهك وبكلمك برواق
اخذتها للحمام وانا اصلاً دايخه ابغى استند على احد من اللي فيني احسني قرفانه وطفشانه ومتضايقه من كل الدنيا
غسلت وجهها ودقيت على الشغالات يجيبون قهوة وشاهي للجناح حقي واستأذنت من رانيا بروح ابدل ملابسي
دخلت بسرعه وأخذت شور ولبست بنطلون ابيض وبدي احمر وصليت العصر بعدين خرجت عندها كانت جالسه عند التلفزيون وجهها مورم وباين عليها انها مانامت
: شو يارنو..؟ ليه وجهك كذا ..؟
: مانمت طول الليل من امس ابكي
: ليه كذا بس .. شوفيني انا اللي كل شي بيصير على راسي نمت وشبعانه نوم وماسويت بنفسي زيك
: ديمه انتي مو فاهمتني .. انا مااحب الزعل .. وانا احبك انتي وعمو مهند .. انتي زيي ماعندك ام وماعندك ابو .. وبنفس الوقت كنتي مدلله ببيت اهلك صح ولا لا
: هههههههههههههههههههه صح بس انتي احسن مني بأشياء اقولك عليها ..؟
: قولي
: انتي الحين صغيرة وانا قدامك مثل تقدرين تتفوقين علي وتصيرين احسن مني .. وانتي عندك عايلة تدخلين تلاقين ريم وتعتبرينها اختك .. تحصلين جدتك اللي هي امك انا يارنو عشت من اربع سنوات الين 14 سنه لوحدي ادخل البيت انا وخالي هو يدخل ينام وانا اجلس اذاكر ولا العب لوحدي الين يصحى خالي احيانا يخرجني واحيانا يذاكر لي .. كبرت ماعندي احد يعلمني ..
صحيح جدتي كنت اروح لها بنهاية الأسبوع بس مو دايماً ومااجلس عندها الا نص الاربعا ويوم الخميس وكله تدلعني وتأكلني بس ماكانت تقول لي على الأشياء اللي احتاجها تدرين يارانيا اني عشت لوحدي وتعلمت اكثر شي من خالي كم سنه .كنت احتاج امي كنت احتاج اخت تكون عندي كنت احتاج اخوان لي كنت ابغى ارجع للبيت الاقي احد ينتظرني انا وخالي ماتحقق لي هذا الشي الا لمن خالي تزوج بس تعرفين الوحده اذا تزوجت ماتبغى احد يشاركها في بيتها وانا هذا اللي صار لي في البداية بس بعدين عرفتني هدى وانا عرفتها اكثر وعرفت اش تبغى بالضبط يعني فهمتها وحبينا بعض وتأقلمنا على بعض ... انتي يارنو ترجعين تلاقين جدتك قلقانه عليك جدك نفس الشي يرحبون ويهلون فيك .. وتلاقين ريم تشاركك بتفاصيل حياتك الخاصة كأخت كبيرة لك .. ومتى مااشتقتي لامك رحتي وشفتيها وجلستي معاها .
بعدين يارانيا انتي ماحسيتي بحنان ابوك ابوك مات وانتي صغيره .. صحيح شي يحزن ويقهر .. بس مو زي اذا كنتي تشوفينه باستمرار واذا كان يحن عليك زي ابوي الله يرحمه .. ابوي يارانيا لو اكلمك عنه سنتين ماوصلت لك قد ايش كان يدلعني ويحن علي ويحسسني بغلاي وأهميتي عنده .. ابوي كان محسسني اني اهم انسان بالوجود عنده ..
مااقدر اتكلم عنه عشان مااكدر عليك وعلي واحنا مو ناقصين .. انا فقدت ابوي وانا بظروف سيئة جداً ومريت ببلاوي يارانيا غير عنك انتي هنا موفر لك كل شي تشوفين امك وجدتك ام امك .. وهنا جدتك لابوك شايلتك على كفوف الراحه
صحيح ربي ماياخذ الا يعطي واخذ منا واعطاني الحمد لله بس لازم نصير قوويات انا وانتي لازم مانخلي الظروف تهزمنا ودموعنا تغلبنا لايارانيا خليك قوية وواجهي المواقف غصب .. انتي مريتي بظروف صعبه وتحملتيها وماخليتيها تأثر عليك معناتها انتي بنت قوية .. ممممم رنو نصيحة لاتخلين احد يشفق عليك لأنك يتيمه ترى هذا احساس مو حلو ..
: ديمه ياعمري انتي مرة قوية كل هذا عشتيه وتحملتيه
: هههههههههههههههههه ومع هذا الحمد لله انا في نعمه انحسد عليها عندي خالي عن ام واب وعيلة كامله .. وعندي مهندي حبيبي وزوجي واهلي عوضني عن كل المآسي اللي عشتها في حياتي ونساني كل شي سيء مر علي .
ماحسيت الا بيدين مهند من وراي ولفها على صدري وهو واقف ورى الكنبه .. انحرجت من رانيا قلت : يوه مهند متى جيت مو كنت تتحمم
: اووهووو من زمان وانا هنا .. تحممت وخرجت وسمعت
رفعت له راسي وانا اضحك قلت : ليه ماتكلمت نبهتنا انك هنا ..؟
قرب مني قال بهمس : مستمتع وماحبيت اخرب علي
حاولت افك يدينه من صدري لأني انحرجت من رانيا بس مارضي قلت : بالله احد يستمتع بكلامي هذا ؟
: انا استمتع .. حر .. مزاجي وكيفي ..!
: ههههههههههههههههههه طيب تعال اجلس الحين تجي القهوة
جلس مهند مقابل لي انا ورانيا ومسك التلفون قال: خلوني اطلب لكم شي تاكلونه مشتهين شي معين ولا على ذوقي ..؟
قالت رانيا :مممممممم اطلب من كنتاكي
: وانتي ديمه
ترددت ماني مشتهيه شي : ممممممممممم مافي بالي شي .. آكل على ذوقك ..بس كنتاكي لا ماابغى اطلب لرانيا .
: اوكي
طلب من كنتاكي اربع وجبات احتياطاً اذا احد جانا وطلب من بيتزا هت اربعه بيتزا حجم وسط عشان الشغالات كمان ياكلون مساكين توهم جوا من السفر ..

جلسنا نتقهوى بعد شوي دخلت علينا خالتي وقمت سلمت عليها في البداية دمعت عيونها بس لمن شافتنا رايقين ضحكت معانا وجلست تتقهوى ..
وصلنا الأكل ورحت ناديت ريم لقيتها متحممه وتبغى تنام بس جبتها غصب عنها
كانت ريم بتقول لي شي بس قلت لها لاتتكلم الحين انا رايقه وماابغى اسمع شي ينكد علينا .
دخلنا انا وريم واعطيتها وجبة كنتاكي لأنها وجبتها المفضلة .. وصلت البيتزا وأكلنا انا ومهند منها كنت جيعانه بس بجد معدتي مرة تعبانه احسني ابغى ارجع وارتعش .
قمت بشويش ماحبيت اقلقهم علي ودخلت الحمام ورجعت كل اللي اكلته الله يعزكم ورجعت جلست معاهم
قال مهند :تعالي كملي اكل
: لا الحمد لله خلاص شبعت
قال بصوت واطي محد يسمعه غيري : وش فيك انتي وجهك ليه اصفر . ترى اليوم باخذك عند الدكتور .
: مهند والله مافيني شي بس تعرف .... وسكت
سكت مهند على طول عرف اني متضايقه من الموضوع اللي صاير حديث الساعه في البيت واني اداري واسوي نفسي عادي .
دق جوال مهند كان ابوه : هلا والله يبه ................... الحمد لله على سلامة الوصول ................... انا في بيتي والوالده عندي والبنات ............................ الله يحييك ننتظرك
اشر لي مهند وقمت لبست جاكيت على البدي حقي وناديت الشغالات يجهزن القهوة والشاهي وقمنا كلنا دخلنا المجلس حق الحريم اللي بجناحي
دخل عمي علينا وسلمنا عليه انا ومهند وجلس بصدر المجلس وقمت صبيت له القهوة وانا احسني تعبانه وادوخ .. حسيت وجهي يتعرق والدنيا تسود بوجههي .. جلست قبل اصب لمهند ولا لاحد ومسكت راسي قلت لريم بشويش : ريومه صبي القهوة عني مصدعه مافيني اوقف
قامت ريم صبت القهوة وشفت مهند التفت علي مستغرب وحسيته عرف اني خايفه من عمي وكلامه اللي راح يقوله .
قال عمي : ديمه انتي فهمتي الموضوع يبه وهذا مو بيدينا يعني مانبيك تزعلين وتأكدي انك بنتي مثل ريم وسميرة ورانيا والبيت هذا بيتك واحنا لوبيدنا ماخلينا هالشي يصير بس انا شفت ان مهند تعب وتغير حاله وانتي الله يهديك طولتي عند جدتك قلت اكيد مامنها رجا وخطبت لمهند من واحد معروف في السوق والله يابنتي لو غيره لاعتذر منه بس المشكله هذا مستحين منه ووو ..
كنت ساكته ماادري اضحك من النكته اللي قاعدين يقولونها ولا ابكي من القهر وان محد حاس فيني ولا اتكلم واقول رأيي واعبر عن قهري ..
تكلم مهند : يبه بعد اذنك انا من قبل قلت لكم محد له علاقة فيني ولحد يتدخل انت قمت بتكحلها عميتها يايبه .. اعتقد مايرضيك اني اعيش تعيس طول عمري وانت بيدك تعذبني وتحرمني السعادة .
: افا يامهند هذا كلامك عني
: انت تدري اني اذا فكرت اخطب البلوة هذي معناتها تدمير حياتي
: مهند البنت بنروح نخطبها الليلة ابيك تعطيها حقوقها وديمة بنت اصول ماتخلي زوجها وبيتها عشان حرمة .. وهي تدري انها غلطة غلطتها يوم جزمت انها ماراح ترجع لك ..
: لو سمحت يبه الكلام هذا منتهي زواج ماني متزوج والموضوع حله بطريقتك اعتذر من الرجال وقول الله يرزق بنتك
:هذا سعود ال.... مو أي واحد اعتذر منه وتدري اني اذا اعتذرت منه وقلت ماعاد نبي بنتكم انه بيسكت ولابيخلينا في حالنا .. بعدين ديمه عاقلة وحكيمه وتعرف الاصول والواجب وتقدر خوفي عليكم وعلى حلالكم من بطش سعود .
وقفت قلت وانا ارتعش : بكيفك ياعمي انا ماراح اعترض على شي انت وولدك احرار في اللي تسوونه .
خرجت وانا مو قادرة اسند طولي الأرض تلف فيني وقرفانه ابغى اخرج من هنا بروح لاي مكان بعيد عن هنا .
لحقتني خالتي بعد ماتمددت بسريري قالت : ديمه يمه فيك شي ؟
: لاياخالتي مافيني غير القهر والحسرة .
: والله ماني راضيه وادري ان مهند يتعذب مثلك واكثر بس والله ماياخذها مهند عليك وراسي يشم الهوا
: خالتي علاقة ولدك في ابوه عندي بالدنيا كلها حتى لو ضحيت بحياتي معاه والحرمة بدالها حرمه بس الأهل محد يعوضهم مثل ماقلت لولدك ..
شفت خالتي انهارت وبكت .. قمت جلست عندها قلت : مو قصدي انكد عليك ياخالتي بس هذا النصيب والقدر والقسمه ليه نعترض
:انتي اللي محد يعوضك ياديمه بس الله يوفقك ولايقهرك ويرزقك وسامحيني ياديمه
قطع علينا مهند لمن دخل وقال : يمه روحي شوفي ابوي وفكيني من شره
قامت خالتي وانا رجعت تمددت على السرير وقرب مهند مني قال : ديمه لاتعتقدين اني بسوي اللي يبيه ابوي.
: اذا ماسويته راح تقهر ابوك ويغضب عليك .
: لاتفكرين بالموضوع هذا راح ينتهي بإذن الله قريب .
: لا يامهند لازم افكر وهالمرة بواقعيه اكثر .
: ديمه انتي تعبانه اوديك مستشفى
: لا مافيني شي وروح لابوك لاتتركه لوحده
: ديمه عمري لاتكبتين بقلبك تكلمي قولي شي .
: مهند خلني لوحدي لوسمحت ..!
خرج مهند من عندي وسمعت صوت ابوه ارتفع يقول الحين ادخل البس و الحقني و انا تحت انتظرك
دخل مهند ولبس قلت : فين
ناظر فيني قال بسكت ابوي كم يوم لاتخافين ماراح اتزوجها لو اشنق نفسي .. لبس ثوبه واخذ شماغه وخرج
خرجت لريم اللي كانت منهارة تبكي ورانيا مو هنا قلت : شو فيه ..؟
: مهند غصبه ابوي يروحون يخطبون الحين
: ها ..؟ الحين ..؟ طيب ومهند ..؟
دق جوالي شفت الرقم كان مهند : هلا
: ديمه لاتخافين انا على وعدي اقسم بالله مااملك عليها لو تنطبق السما على الأرض بس ابي اهجد ابوي كم يوم وعشان نرتاح شويه .
: لاتزعل مني يامهند
: شو تقولين انتي ؟
: مع السلامه حبيبي .
قفلت قبل يرد ووقفت بس دخت ورجعت جلست على الكنبة وقامت ريم عندي قلت وديني غرفتي الله يخليك
: ياويلي كل ماشفناكم مبسوطين يجي شي ينكد عليكم
: حسبي الله ونعم الوكيل
رحت لغرفتي وكانت ريم تبغاني اتمدد بس قلت تعالي ساعديني بروح لبيت خالي مااقدر اشوف مهند وهو جاي من عندهم .. طالعتها قلت : يمكن يشوفها .
: شوفيك مستحيل يطلب يشوفها ومهند اكيد بيسكت ابوي بعدين يبطل منها .
حتى ولو انا اصلاً مااتحمل اجلس دقيقه وحده وخلاص ياريم انا واخوك شكل نصيبنا مو لبعض كل المشاكل اللي صارت بينا تقول ان فيه خلل ومو لازم نستمر مع بعض عشان نرتاح كلنا .
فتحت شنطتي وحطيت اغلب اغراضي المهمه فيها قلت لريم : امانه اذا زوجة مهند بتسكن هنا لاتخلين لها شي بغرفتي اخاف يمكن بكرة تتبلاني بشي وتخلي اغراضي دليل ضدي .. لأني قد سمعت عن هنادي بلاوي . ب ماابي اتكلم عليها .
: تخسي ماتدخل بيتك وانتي مصيرك بترجعين وهذي والله والله ياديمه ماتدخل بيتنا بعد اليوم ولا نخلي مهند ياخذها حتى لو سكت وملك . انا شفتها لمن عزمهم ابوي جوالين كلها تدق بشكل خيالي حتى مااستحت منا .. وغير كذا حرمه كبيرة اكبر من مهند . وماتحترم امي تناظرها بنص عين .. تحسب احنا اللي ميتين عليها .
طالعت ريم قلت : مالقى ابوك من بيم خلق الله الا هنادي سعود ..
يووه فشيلة لو يعرفون الناس انه ماخذها . حرام وربي حرام ياريم . كان دور له وحده احسن من هذي .
شفت دموع ريم تنزل وماردت علي شكلها مفجوعه من كلامي وخوفي على مهند واني ماارضى انه ياخذ وحده سمعتها كذا .
اتصلت على سواق خالي وقال انه بيجي بعد ساعه بعدين اتصلت على هدى قلت لها ترتب غرفتي واني بجي اجلس عندهم كم يوم .. ماردت هدى لأنها فهمت اني زعلانه وبجلس عندهم .
خرجت بعد مااخذوا الشغالات شنطتي الكبيرة وخالتي كانت مقفلة عليها بغرفتها تقول ريم انها منهارة وتبكي على مهند وحياته اللي خربها ابوه بيده .
اما رانيا مقفلة عليها من قبل مااخرج ماادري كيف وضعها الحين .
جلست بالحديقه استنى السواق ودق جوالي كان مهند رديت على طول كنت ابغاه يقول خلاص رفضت ، خلاص تفاهمنا ، بطلوا ، ابوي كلمهم ، ابغى حل للموضوع من مهند ماابغى اتركه كأني بخلي قلبي هنا ،، بخلي روحي وأروح لبيت خالي بدون روح بدون حياة ، بدون قلب لأني علقته مع مهند ومشيت ...
: الو
: هلا عمري كيفك الحين ؟
: ..............
: ديمه بجيك اشرح لك كل شي .. ادري اني خذلتك وجاريت ابوي بس والله انه عشان افتك من وجع الراس وافكك . بعدين اهم شي انه مو ارتباط رسمي
: مهند انت اللي سامحني
: شو قصدك ..؟
: مع السلامه مهند .
: الو ... الوو
قفلت ودق مرة ثانيه مارديت .. قفلت جوالي وجا السواق على طول ودخل شنطتي السيارة وركبت معاه رحت لبيت خالي
دخلت البيت وخليت الشغالات يجيبن لي شنطتي فوق لأنها مرة كبيرة ولازم ثنتين يشيلنها
سلمت على هدى وعيالها وانا دايخه مااشوف قالت هدى : ديمه تعالي اجلسي وقولي لي اش صار وليه شنطتك هالكبر
: خلاص ياهدى بجلس هنا
: شو صار ؟
: مهند خطب اليوم .
: شووووووو .؟
: اللي سمعتيه ابوه خطب لمن كنت في سوريا يحسبني ماراح ارجع له وحن على ولده .. ويقول الحين متورط مع الرجال اللي خطب بنته ومستحي يقول مانبي بنتكم .
: وببساطه يهدم حياتك وحياة ولده عشان مستحي .
: بعدين هدى انا الحين كثير تعبانه بروح ارتاح .
لحقتني لغرفتي ونزلت عبايتي ورميت نفسي على سريري
بكيت هالمرة براحتي بكيت بكيت بكيت الين احسني ماعدت قادرة اتنفس
اتذكر ان هدى كانت عندي وتحاول تهديني بس انتبهت بعد كذا اني لوحدي بغرفتي
صحيت ورحت اغسل وجسمي كله يرجف وانا حاسة اني تعبانه الأرض تلف فيني واحسني دايخه عشاني مااكلت وكل مايدخل معدتي شي ارجعه

تعوذت من ابليس وتوضيت وصليت .. وكنت بنزل عند هدى بس انا تعبانه مو قادرة اوقف فتحت جوالي لقيت اربع رسايل من مهند كلها يترجاني اكلمه ولا ارد عليه
دقيت على هدى قلت لها تطلع عندي وبسرعه جات هدى عندي : هلا ديمه كيفك الحين
: تعبانه ياهدى
: تحسين بشي
: خليهم يجيبون لي شي آكلة
: شو مشتهية
: ممممممم ماادري مالي نفس بس احسني جيعانه
: طيب بنزل اسوي لك شي بنفسي
طلعت لي هدى بعد شوي بكاس حليب وشابورة وساندوتشات جبنه ومربى وشكولاته
شربت حليب وأكلت حبة شابورة احسني خلاص اكتفيت
سألتني هدى عن اللي صار وحكيت لها الموضوع كله بالتفصيل كانت بتتجنن:.. معقوله هذا آدمي اللي يسوي في ولده كذا عشان مستحي ولا هالخرابيط .
: تعرفين هنادي اللي شفناها في زواج يارا سلمان
: ايوه اللي قاصه شعرها بوي
: ايووووه ..
: شو فيها ؟
: هذي اللي خطبها عمي لمهند .
: لا لا ياديمه هذيك اكبر من مهند
: عمرها في الثلاثين تقريبا يعني اكبر منه بسنتين .
ضحكت هدى قالت : صدق شر البلية مايضحك . طيب ومهند اش ردة فعله ؟
: مهند تعبان ومهموم ورافض الموضوع بس راح يجاري ابوه يقول بسكته عني كم يوم اذا خطبنا بس ماراح املك ولا اتزوجها لين يملون هم ويفكونا من شرهم .
: حسبنا الله ونعم الوكيل .
: خالي فينه ؟
: دقيت عليه قال ان مهند كلمه وجاي بالطريق .
: تكفين ياهدى لايناقشني بالرجعه لمهند مااقدر والله ياهدى مافيني انا تعبانه ومااتحمل أي نقاش .
: ديمه هدي نفسك خالك مستحيل يضرك او يتعبك
دق خالي باب غرفتي ودخل .. قمت سلمت عليه وجلس على سريري بجنبي قال : ماعليك والله ياديمه ماترجعين لهم ولاتعيشين مع ضرة وانا حي لك وموجود
بكيت من ردة فعل خالي وارتحت كثير قلت : الله يخليك لي ياخالي بس لاتقسى على مهند ترى ماله ذنب
: عارف مهند مهموم اكثر منك بس ابوه المتخلف هذا جنى عليكم حسبي الله ونعم الوكيل فيه .
قاطعته : حتى ابوه مغلوب على امره صدقني .. يقول ان سعود بطشه قوي وخايف انه يدمر شركته .
: ليه وين حنا عايشين خلاص اشتغل بعيد عنه وافتك من شره واعتذر منه بطريقه حلوة خل اللوم عليك وعلى ولدك قدامه وان بنته مافيها عيب او انها تنعاف وانتهى الموضوع .
: خلاص خالي طلبتك انا تعبانه برتاح هنا ماابغى سيرة مهند ولا اهله الين افتح انا الموضوع هذا بنفسي .
: خلاص ولايهمك بس ارتاحي .. ديمه وجهك اصفر وشكلك تعبانه قومي خليني اوديك المستشفى
: لا خالي بس الموضوع هذا ارهقني كثير ... لي اسبوع مااقدر آكل ولا يدخل نعدتي شي الا ارجعه عشان كذا ماابغى سيرته ولاحد يكلمني عنهم .. حتى لويجي مهند هنا لحد يقول لي طلبتك خالي .
: اوعدك ماجيب طاريه لين تفتحين سيرته بس ترى مهند ماله ذنب .
: حتى انا مالي ذنب .. الله يخليك ياخالي قفلوا على الموضوع .
: يالله انزلي تحت معانا ماراح اتركك لوحدك
: لا خالي مااقدر احسني دايخه وتعبانه
: طيب بنسهر فوق وتعالي معانا
قمت عشان خالي وانا بجد تعبانه جلست بالصالة اللي فوق .. فتح خالي التلفزيون وقعدنا نسولف كان التلفون يدق قال خالي لهدى : قومي ردي اذا مهند يبي يديمه قولي ماتقدر تكلم احد .
قامت هدى وفعلاً كان مهند لأني سمعتها تقول ماعليه مااقدر اعطيك اياها تعبانه ماتقدر تكلم احد .................... لا ماراحت هي متضايقه شوي ................... خلاص اذا شفتها كويسة بقولها على اتصالك الحين اعذرني مااقدر اقول لها شي ...................... هلا والله مع السلامه .منتديات ليلاس

جات هدى وانا مخنوقة ادري انه بيموت علي وادري انه مو بيده بس انا خلاص لازم اطلع من حياة مهند .. واذا قعدت اهديه ولا اكلمه بيصير عنده امل انا نرجع لبعض وانا لايمكن اسمح لأي مخلوق يعيش طرف ثالث في حياتي انا ومهند
جابت هدى العشا لخالي فوق كانت ريحته تقرفني وماقدرت اتحملها قلت بروح لغرفتي ..
بس خالي قال : والله اذا ماتعشيتي معاي مااذوقه ولا اتعشى الليلة
: خالي والله مااقدر آكل قبل شوي اكلت بعدين معدتي تعبانه من اسبوع شكل جايني برد في ابها احسني برجع .
:طيب تعالي اشربي شوربة دافيه تريح معدتك عاد انا حلفت
رجعت جلست وانا قرفانه احسني بستفرغ بس عشان خالي شربت ملعقتين بعدها خلاص ماقدرت اكمل قمت بسرعه ورحت للحمام استفرغت كل اللي في معدتي .. بجد انقهرت وزعلت اني رجعت كل اللي بمعدتي .. ماصدقت اني آكل قبل شوي
لحقني خالي وانا كنت واقفة عند المغسلة دايخه وتعبانه احسني بطيح ... بس مسكني خالي وتساندت عليه الين وصلت غرفتي : قومي ديومتي بوديك للمستشفى عشان خاطري منتديات ليلاس
: خالي والله مافيني بنام الحين و ان شاء الله اذا صحيت اكون احسن
: طيب نامي وانا بمر عليك اذا صحيتي .. وانتي امانه عليك اذا احتجتي شي تدقين علي .
: حاضر .
خرج خالي من عندي وانا دايخه واحس برعشة في جسمي .. نمت بعد ماطلع خالي بدقايق .
صحيت على هدى تصحيني الساعه تسعه الصباح تقول قومي افطري ..
نزلت معاها بعد ماحاولت استفرغ بس موقادرة معدتي فارغه .. لقيت خالي تحت وجلست معاهم افطر بعد شوي صحى بسام وأسامه وياسمين وديمه وجو عندي فرحانين فيني
: ديمه خلاص ماابغاك تروحين اجلسي وارجعي لغرفتك
: مممممممممم طيب حبيبي بسام خلاص بجلس عندكم كثير لأني احبك واحب اسامه وياسمين وديمه و عشان العب معاكم كثير
فز بسرعه اسامه اللي حياته كلها لعب
: ديمه قومي العبي معاي الحين في الحديقه
: حبيبي انا تعبانه الحين استنوا عليّ شوية بعدين اخرج معاكم
دخلت علينا الشغالة بشيبس وعصير لعيال خالي بعد ماافطروا لأن امهم وعدتهم تعطيهم اذا هم افطروا كويس .. !
اول ماشفت الشيبس حسيتني اشتهيته قلت لها تجيب لي شيبس بالخل والملح
ناظرتني هدى قالت : ديمه لاتكونين حامل
: شو حامل اعوذ بالله لاتفاولين عليّمنتديات ليلاس
: كل اللي فيك يشير على انك حامل
: لا لا مااعتقد .
انا قلت في نفسي من اقتناع انو مو معقول بشهر واحد احمل وتبين علامات الوحم .. الله يستر
بجد حسيت هدى ذكرتني بشي غايب عني .. قمت بروح لغرفتي كأني بهرب بس وقفت ودخت وحسيت اني ابغى ارجع ورحت اجري للمغسلة رجعت فطوري كله .. جا خالي عندي وانا احسني اضعف واحس برعشه .. بس طحت على الأرض واغمي علي .
صحيت وانا بالمستشفى كان خالي عندي قال : ديمه
: خالي اش صار
: ماصار شي بس دختي وجبتك للمستشفى
: اوف شو هذا ..؟
: محلول مغذي لأنك تعبانه وتحتاجين مغذي
: شو فيني ياخالي ؟
: مافيك الا العافية بس الدكتور يقول انك حامل
: ياويلي اذا صدق والله لاموت
قال خالي : ليه تموتين ؟ وش هالكلام ياديمه ؟ هذا بدال ماتفرحين تقولين كذا ؟ .
بكيت وانا اكلم خالي : خالي انا ماافكر ارجع لمهند ابداً بعد ماخطب .. واذا كنت حامل بيصير فيها كلام .. وبتجبروني ارجع له عشان البيبي ..
: ماعليك من احد واذا ماتبين ترجعين لمهند محد بيغصبك لوعندك عشرة عيال منه وولدك ولدي انا اربيه ويصير عندي بغلاتك .
: الله يخليك لي ياخالي بس بطلب منك طلب . منتديات ليلاس
: آمري
: ماابغى احد يعرف بحملي الله يخليك ياخالي .
: ماتبينا نقول لمهند بيفرح ياديمه .. مهند محتاج يفرح .
: خالي صدقني بيتعذب اكثر
: خليني اقول له وتشوفين انه راح يفرح
بكيت بقهر : خالي طلبتك الله يخليك لوبيدرون راح يبهذلوني انا الحين تعبانه نفسيتي مرة سيئة مو متحملة شي ..
: خلاص ابشري بس مصيره بيعرف مايصير نخبي على الناس ولدهم .
: طيب بس مو الحين .
: ولايهمك ديمه اللي تبينه يصير بس هدي اعصابك الانفعال مو زين عشانك

خرجت من المستشفى وقلت لهدى اللي كانت متوقعه اني حامل ..
: ياقلبي عليك ياديمه يعني الحين تعرفين انك حامل والله موقته خاصة ان ...
سكتت هدى ماتبغى تجيب سيرة مهند
تكلم خالي : هدى تراها ماتبغى احد يعرف يعني محد يعرف انها حامل الا الله ثم انا وانتي وهي فاهمه .
: لاتخاف ياناصر من متى اعلم باسرار ديمه
: طيب ابغاك تهتمين فيها ترى عندها نقص تغذيه ومحتاجه تهتمين فيها
تكلمت انا : خالي اقدر اسافر
: ديمه مو كل مشكلة تهربين منها لجدتك .. واجهي مشاكلك بعدين وانتي في بيتي ياديمه محد يقدر يتعرض لك فاهمه .
: الله يخليك لي بس .منتديات ليلاس
جلست بالصالة عند هدى وهي راحت تجيب لي شي آكله وخالي راح لشغله برا

اتصلت علي خالتي فادية قالت انها جاية في الطريق مع اخوالي ماجد وسامي لمن عرفت انهم جايين لجده قررت تجي معاهم وبتجيني في بيتي .. قلت لها اني في بيت خالي ناصر بجلس عنده يومين .. يووه الحين كيف افتك من خالتي وتحقيقها بدءاً بملابسي واغراضي وانتهاءً بشكلي وحالتي ..!
طلعت فوق ولبست ماابغى التعب يبين علي ونزلت للصاله استناهم ... دخلت خالتي عندنا انا وهدى وسلمت علينا وانا بسرعه رحت اسلم على خالي ماجد وخالي سامي بالمجلس .. جلست معاهم لأني من رمضان ماشفتهم اول ماشافني خالي ماجد : شو ديمه ليه كذا تعبانه ..؟
: مافيني شي ولاني تعبانه ..!منتديات ليلاس
: الا وجهك تعبان وش فيك ..؟
: هههههههههههههه الحمد لله ياخالي بس يمكن لأنك ماشفتني من فترة
: مهند كيفه ؟
: ها ..؟ بخير
: ديمه بتتكلمين وش فيك ولا تراني بزعل منك .
كان خالي ناصر ساكت ويحرك فنجال القهوة بيده وباين انه مسرح مو معانا .
تكلم خالي سامي : مهند وين ومتى جيتي هنا انتي ؟
: جيت البارحه .
: ومطوله ولا بتمشين بسرعه ؟
حسيتهم يحققون معاي واني لازم اقول لهم على اللي صار مهما كان هذولا اخوالي ولازم يعرفون مني قبل مايعرفون من الناس : بصراحه انا خلاص تركت مهند لأن ابوه اجبره يخطب له .. والله يخليكم لحد يتكلم معاي بالموضوع هذا عندكم خالي ناصر اسألوه عن كل شي وفكوني من خالتي فادية لأنها ماتعرف تتفاهم معاي ولا تتكلم بهدوء وانا موناقصه ..!

قمت من عندهم ودموعي اسبق مني رحت لغرفتي على طول حتى ماجيت خالتي ولا جلست معاها .
كنت جالسه بغرفتي ابغى ابكي ، ابغى اخلص الدموع الين مايبقى دموع .. ابغى اخلص حزني على مهند الين ماعاد احزن عليه بعد كذا .
مهند وايامه الحلوة انتهت .. مهند زوجي وحبيبي انهاه عمي من حياتي بمنتهى البشاعه .. مهند الرجل الوحيد اللي قدر يستحوذ على مشاعري غصباً عني ..
مهند اللي حسبته اهانني وهو خطبني بكل حب قال ابي بنتكم وبخطبها مرتين وثلاث وعشر ..
مهند اللي صبر علي وعلى تمنعي عنه .. صبر لأنه ببساطة يبغى ديمه بحب مو بأنانية ..يبغاني طول الأوقات مو وقت معين .. مهند اللي ضحكته تفتني بكرة بتصير ملك هنادي .. عطره ماراح اشمه بعد كذا ... بيصير لهنادي العطر وراعي العطر ... ابوه اجبره على الخطبه بكره بيجبره على الملكه وبعده الزواج .
راح حبيبي مني زي ماراح ابويه وزي ماراحت جدتي وزي ماراحت امي قبلهم .. ورجعت ديمه وحده ثانيه شايله هم الدنيا على قلبها وولد مهند في بطنها .
كنت ابكي بصوت عالي بعد ماقفلت باب المدخل حق غرفتي وكمان الباب حق الغرفه ابغى اصرخ .. ابغى ابكي براحتي .. ابغى اطلع كل اللي جواتي من دون محد يقول هدي نفسك وخلاص ياديمه ،، ابغى اخلص كل شي في اللحظات هذي
دق جوالي .. مرة مرتين عشر خمسطعش .. مديت يدي على الجوال لأنه قطع علي حزني وهمي وبكاي .. شفت الشاشه .. مهندي يتصل بك
آآآآآه ماعاد صار مهندي هذا مهند هنادي الحين
فتحت الخط لاارادياً غصباً عني ياعالم بسمع صوته يمكن هذي المرة الأخيرة اسمعه فيها .
بعدين بتسمعه هنادي وتتهنى بقربه .. راح يدوخها ويربكها ويخربطها زي ماكان يسوي فيني .
: الو ديمه حبيبتي ردي علي الله يخليك
:................
: كيفك ياعمري ..؟.
انهرت من البكا لمن سمعته كانت شهقاتي هي الاجابة لمهند
سمعت صوته حزين وفيه رجفه كأنه يمنع نفسه لايبكي : عمري ليه تسوين بنفسك وتسوين فيني كذا.. لاتحسبيني راضي ابوي حلف علي بس والله اللي خلقني ماملكت عليها ولا راح املك ورفضت اخليهم يسوون حتى العشا .. ولا شفتها ولاطلبت حتى اعرف اسمها .
كان صوت مهند تعبان ... كان يبكي لا لا مهند مايبكي بسهولة .. حتى اخواته كانن يقولن لي بحياتنا ماشفناه يبكي حتى وهو صغير كان يتماسك مايحب يبين ضعفه
: مـ ـ ـهـ نــد
: لبيه ياقلب مهند
: ابوووك راح يجبرك .. منتديات ليلاس
: ماراح يجبرني خليك بس واثقة في مهند . وخليني اشوفك الليلة .
انهرت وبكيت كثير على التلفون وهو ينتظرني واحياناً يقول ديمه خلاص قطعتي قلبي اسكتي . اخيراً نطقت باللي قتلت به مهند : حبيبي خلااااااااص انسى ديمه .
: ديمه شقاعده تقولين انتي زوجتي وحبيبتي وانسى اهلي ولا انساك ولاعاد تذبحيني بهالكلام .
: خلاص يامهند .... مع السلامه .
قفلت الخط وقفلت الجوال وانهرت مرة ثانية بكيت حظي ونصيبي وقدري .. تمنيت الوقت يرجع ثلاث سنوات .. لمن خطبني المرة الأولى ، لمن رحت لامريكا .. اول ماملكنا ثم بداية زواجنا .. آآآه ليت الوقت يرجع كان اعيد حساباتي واشبع من حبه واقول له اني احبك بكل لحظة .. وافتح له يديني كل ماقرب مني .. ومااصده .
ماشبعت منه للحين .. بدري والله العظيم بدري ان القدر ياخذه مني . .
صحيت الصباح على دق الباب .. قمت وانا تعبانه وفتحت كانت خالتي فادية اللي حضنتني على طول وبكت مني لمن شافت شكلي قالت : ديمه حبيبتي لاتهتمين لاحد كلنا معك واللي صار مو هين .. وحاولي تعيشين حياتك بدون ماتفكرين فيه وتتعودين على كذا ..وهم كلهم قلعتهم بيجيك اللي احسن منه اذا اخذ العله هذي .
:خلاص خالتي نسيني انتي لاتجيبين سيرتهم لي .
اخذتني خالتي بيدي قالت تعالي تحممي واخرجي معانا بنفطر مع بعض وماجد وسامي ماراحوا ناموا هنا عشانك .
: حاضر نص ساعه وألحقك .
خرجت خالتي من عندي ورجعت دخلت الحمام وأخذت لي شور والغثيان والدوخه هالكيني .. بسرعه لبست ونزلت تحت كان مبين من وجهي اني البارحه بكيت
جلست مع خالي ماجد بالحديقه كان الجو جنان في الصباح خاصة انه وقت برد وجده وقت البرد يصير الجو ربيعي مو مرة برد ولا حر ..! قال : تعالي بنروح نسقي الأشجار . رحت معاه وجلس يسولف لي عن مزرعة ابوي اللي بمنطقة بعيدة شوي عن الطايف قال ترى عناد وعبدالوهاب عازمينا عليها يوم الخميس .. وعناد كان بيجي معاي بس قلت له ان فادية بتجي معانا وهون ..
تذكرت عناد اللي انا واعدته اذا صار لي شي راح اقول له اول الناس .. ناديت الشغالة تجيب لي جوالي .
وجابته لي وانا بالحديقه برا .. فتحته بدق على عناد .. حصلت ثلاث رسايل وحده من مهند وحده من رانيا والثالثه من ريم
مهند ( ديمه اقسم بجلال الله لو اخسر اهلي ووظيفتي وحياتي كلها ماافكر ولااحاول اخسرك لاتتعبين نفسك وتحاولين تنسيني لأني ماراح اسمح لك .... احبك بجنون )

رانيا ( ديوم انا تعبانه اذا مابترجعين بموت كلميني الله يخليك )

ريم ( دقي علي ومهند لك وامي حلفت بالله مايدخل بها مهند لو على حساب حياتها هي وابوي بعدين مابتحضرين ملكتي تراها بعد يومين اذا ماحضرتي بزعل منك )

ياويلي شو هالمصايب .. الاخالتي وعمي اللي علاقتهم ببعض مضرب مثل . .. خاصة خالتي كان رضا عمي عندها بالدنيا كلها .. الله يستر . وحسبي الله ونعم الوكيل على الشيطان .

كلمت عناد وقلت له على خطبة مهند وحملي وقلت له ان محد يعرف اني حامل غيره يعني لو احد عرف فهو عن طريقه وماراح اسامحه ولا اثق فيه بعد كذا .. وعناد رجال الله يستر عليه ومكمن سر اثق فيه ..!وانا قلت له لأني ابغاه يحس بالمسؤولية وانه رجال واحسب له الف حساب . الله يستر عليه بس ويهديه ويصلحه .

يوم ملكة عمي ياسر وريم اتصلت على عمي ابارك له واعتذر اني ماحضرت قال : ليه ياديمه كل شوي تاركه بيتك وزوجك ومسوية زعلانه .
: ماتركت بيتي وزوجي بكيفي الظروف اقوى مني ياعمي .
: لاوالله ياديمه لاظروف ولاشي وافرضي صار بينك وبين زوجك سوء فهم تروحين وتخلينه كم شهر .. ولا افرضي انه تزوج انتي تدرين ان مهند يحبك انتي والحرمه الثانيه ماراح تاخذه منك وهو ماله ذنب مجبور .
: ماعليه ياعمي مالي نفس اتكلم في الموضوع هذا اعذرني .
قفلت من عمي وتذكرت اخوالي اللي يخافون علي حتى من الهوا الطاير ويفكرون بمشاعري ونفسيتي مو عمي .. الله يهنيه بس ..!
الحمد لله يارب والله لو اشكر ربي من هنا لين الف سنه ماالحق فضل ربي علي لمن اعطاني اخوالي .
اعتذرت من ريم وقلت مااقدر اشوف اهلك ولا مهند اقل شي الفترة هذي لأن نفسيتي تعبانه وعذرتني بعد ماترجيتها ماتزعل مني ..
اللي قهرني لمن رانيا اتصلت قالت ان هنادي وامها حضروا ملكة ريم .. وانها راحت تتفرج على صورة مهند اللي معلقة في المكتب قلت لها ان ديمه هي اللي رسمتها تقول كشرت وسوت انها غيرانه منك وراحت من عندها .
تذكرت طلب مهند لي ووعدي له لمن قال ارسمي صورتي وصورتك مع بعض .
ترددت كثير ارسمها بس بجد مشتهية ارسمها يمكن لأني خايفه نفترق وابغى اثبت حبنا بالرسم والصور .. دخلت مرسمي وطلعت الفرش بس شكلها قديمه والألوان نشفت .. خرجت من المرسم بعد ماقررت اني ارسم بكرة بعد مااشتري الوان ..
بعد ماطفيت النور وقفلت الباب .. شفت خالي ناصر جاي يمشي بالحديقة ويكلم بالجوال سمعته يقول تعال اسهر عندي .................. لايابن الحلال ماتقدر تشوف احد ونفسيتها تعبانه شوي ................... شوف يامهند انا اعرف ديمه اكثر من الناس كلهم ادري ومتأكد انها تحبك وتتعذب في الدقيقه الف مرة بس عزة نفسها وكرامتها فوق كل شي صدقني ماراح تكلمك الا اذا الموضوع هذا انتهى بالمرة ................. طيب اول ماتنهيه وابوك يقطع السيرة تعال كلمنيو لك علي انا اللي اقنعها تكلمك . بس انك تجي الحين والموضوع مثل ماهو لا والله اعذرني بنتي تعبانه ماابيك تزيدها ................... زين اجل اشوفك مرة ثانيه . مع السلامه .
رجعت ورى ماابغى خالي ينتبه لي اني برا .. وانتظرت لحد مادخل البيت وانا لفيت ودخلت من باب المطبخ .. رحت اشرب عصير وشفت خالي جاي للمطبخ قال : انتي هنا وانا ادور عليك داخل .
: ليه فيه شي ياخالي ؟
: مافيه جديد بس حبيت اتطمن عليك ..
: وانا عندك ياخالي مافيني الا العافية عسى الله لايحرمني منك .
: انتي الله يخليك لي عقبال مااشوف ولدك بحضنك وانتي في بيت زوجك .
: الله كريم ياخالي .


رحت للمكتبه اليوم الثاني ورسمت ثلاث لوحات في المرسم لي انا ومهند .. اضطريت آخذ لي صورة من غرفتي وارسم منها لأني صعب ارسم شكلي بدون مااشوف صورة او اكون قدام المراية ومهند حافظة ملامحه .. وبرضو استعنت بصورة مهند ليلة ملكتنا عشان اتقن الصورة واكون دقيقه لمن ارسم ملامحه ..
تركت المرسم يمكن اسبوع مادخلته بعد مارسمت لأني تعبت من الوقفه وانا تعبانه من الوحم كثير .


اللية خالي ومهند طالعين يتعشون برا ومعاهم اصحابهم .. على الساعه ثلاثه دخل مهند مع خالي ذكرني بأيام ملكتنا لمن كان يجي باستمرار عند خالي والحين صار يرجع عشاني ..
طبعاً مافكر خالي يقول قابليه ولا ادري هو طلب منه ولا لا .
تمنيت اني اشوفه واشبع من عيونه .. اشتقت لكلامه ولهمسه وريحته وصوته .. كذا مرة فكرت اروح واروي عطشي منه وكذا مرة تخيلت خالي يجي يقول مهند يقول تجي وتخيلت اني اروح اجري ماعاد يهمني الا هو .. نفسي اشوفه وارمي نفسي في حضنه .. بس شجعت نفسي وصرت قوية وعندي قدرة غير طبيعية على مقاومة مهند .. باختصار صرت قاسية .. عليه وعلى نفسي وتجاهلت وجوده ..
رحت نمت بعد ماصليت وشفت خالي لمن دخل ينام تأكدت ان مهند مو هنا وانه رجع ..

كنت جالسه في الأرجوحه اللي في الحديقة وانا صايرة اكره داخل البيت اطفش وامل واحسني اختنق وصاير اغلب وقتي في الليل برا لدرجة اني صرت اترجى هدى وخالي نطلع نتعشى برا ويطلعون عشاني .
قامت هدى دخلت داخل البيت لأن فيه ناموس وطفشها وجلست انا لوحدي وفكرت اروح اشوف لوحاتي اللي رسمتها آخر مرة .. تمنيت ان مهند يشوفها ويدري اني نفذت طلبه لي .. تمنيت اهديها عليه بس صعب مرة صعب ان مهند يشوفها او اني اهديها عليه ..
دخلت مرسمي بشوف صورته وصورتي مع بعض هنا بس محد يقدر يفرقنا ..
لاااا فين الصور .. مافيه الا وحده .. ياربي فين راحت من يتجرأ ويدخل المرسم غيري انا وخالي ..
ياويلي بجد انقهرت بس شفت الصورة الثالثه الموجودة وعليها كلام ماكتبته انا قربت منه ابغى اقراه وعرفت ويب باقي اللوحات الثانيه ..
فدوك الناس
ياأجمل من رسم فيني
بلاد احساس
يافنانه..
ياصوتٍ لو سكت
فيني تنام وتصحى ألحانه
ياشعرٍ..ماأنكتب(لسّه)
..تنام الفتنه بـ أوزانه
ياصمتٍ لونطق صارت
أصابعنا مدى وأقواس
فدوووك الناس..!
ياديمه
..
وموقع تحت باسم مهند

حسيت الدنيا تلف فيني حبيبي كان هنا وشاف اللوحات واخذ لوحتين .. وكتب لي هالكلام ..
احبه ياربي .. مشتاقة له .. نفسي اكلمه الحين .. بقول له خلاص تعال خذني معك . بنام الليلة بحضنك . . ياربي اش يسوي الحين نايم ولا طالع برا ولا وينه بالضبط .. ضميت اللوحه على صدري وضميته كثير .. اللي مخفف عني ان ريم تكلمني تقول لي عن اخباره وانه دايماً يقول بترجع ديمه لأن الموضوع بينحل خلاص ومافيه شي يمنعها انها ترجع . بكيت عليه لأني ابغاه ومااقدر ارجع له .
بكيت لأن حب مهند اقوى من ضعفي واستسلامي للقدر والنصيب .. بكيت لأني مشتاقه .. ولأني ادري انه مشتاق ويبيني ..



مرت علي فترة سيئة جداً مع الوحم اربعه شهور عدت وانا الحين بشهري الخامس وبطني كبرت شوي ... مهند مامل باستمرار يجي عندنا ويرده خالي .. واحيانا يدق على البيت واذا شفت رقمه مااخلي احد يرد حتى خالي او هدى ماابغى احرج مهند اكثر من كذا مع اهلي .. ولا ابغى احرجهم معاه ..
لمى باستمرار تجي عندي طبعاً قلت لها على كل شي وكانت مقهورة اكثر مني .. دايماً لمى تشيل همي اكثر من كل الناس ..وروان صارت علاقتي فيها تلفون بس اسلم عليها واطمن وهي نفس الشي ماتعرف الا ان بيني وبين مهند مشكله واني في بيت خالي وممكن ارجع وممكن اطلب الطلاق .. وانا في نفسي اني ميه بالميه راح اتطلق ..لأن مهند للحين ماحل شي في الموضوع وهنادي اسمها خطيبة مهند وهو خطيبها وعمي كل يوم يزن على راسه يروح يملك على البنت بس هو رافض يقول بعدين .. على حسب كلام ريم طبعاً .
كنت جالسه اقرا بكتاب عن الحمل والأمومة .. ودق التلفون شفت الرقم يبدا بسته اثنين عرفت انه رقم ثابت من جده بس مو عارفته .. رفعت السماعه
: الو
: ديمه
لفت الدنيا فيني وزادت سرعة تنفسي ونبضي صار اقوى قلت بربكة ورعشة في كل جسمي بشوف انا متأكدة من الصوت ولا لا : ايوه مين ؟
: من حقك تنسين صوتي اربعه شهور ياديمه .
: مهند ..؟
: مهند اللي تركته ديمته يموت بالبطيء .
: لاتقول كذا ..؟ متى ملكتك . ؟
: ممممممممممم لحظة خليني اتذكر تاريخها ..؟
لا لا .. حسيتني ابغى استفرغ والدنيا تلف فيني .. شفت زواجه وعروسه ونفس الطقوس اللي عشتها معاه راح تتكرر مع هنادي بس هالمرة هي تحبه وتبادله ..
قلت : م م م متتتتى .؟
: كانت ياستي بشهر ثلاثه السنه اللي راحت تبين التاريخ بالضبط اطلع لك عقد النكاح .
: ههههههههههههههههه فجعتني حرام عليك .
: لاافجعك ولا شي الموضوع قريب وبينتهي وبجيك آخذك لبيتنا وانا اشيلك بيدني زي مااحب واتذكر .
رجعني مهند لعالمه وذكرياتنا وقلت وانا متخربطه : احم احم شو ؟ شو احم شو تقصد ..؟
: هههههههههههههه ايوه ياديمه انا كلمت ابوي البارح .. امي وابوي حياتهم من سيء لأسوأ بسبب سالفة الملكه .. ورانيا لو تشوفينها ماتعرفينها كله عشانك .. وريم تعبانه من حياتنا وحلفت انها ماتتزوج الا اذا رجعتي لي لأنها ماتقدر تفرح وانا مو فرحان .. ابوي مصمم ماافشله في صاحبه . وانا لايمكن اروح للنار برجولي واترك جنتي .
: مهند يمكن تصير هي الجنة
: جنتي انتي وانتي واثقة من الشي هذا .
: طيب مهند ماعليه مااقدر اطول معاك ؟
: شو اللي يمنعك ؟
: انا ....
: انتي شو ؟ تكلمي ياديمه .
بكيت ماقدرت امسك نفسي قلت : مهند الله يخليك انا احاول اني انساك واشيلك من راسي وانت ترجع تقتحمني حرام عليك .
: ديمه تنسيني ليه وش هالحكي ..؟ لاتنسيني ياعمري ولاتقولين الخرابيط هذي لازم نرجع لبعض عشان نعيش .
انهرت من البكا : مهند الله يخليك اقفل
: طيب عشان خاطري لاتبكين
شهقت واخذت منديل قعدت امسح قلت : ماراح ابكي بس خلاص اقفل مع السلامه
: مع السلامه



قفلت ولمت نفسي اني رديت على التلفون ليه ياربي ليه سمعت صوته ليه رجعني لعالمه .. ليه يجتاحني من جديد .. ليه رجع لي بصوته وحنانه وحبه وجاذبيته .. قمت لغرفتي وانا دموعي مطر ، سيل ، نهر ، بموت عليه ,,, مشتاقة له ياربي .. احبه ومااقدر انساه .. من يوم تركته وانا اضحك على نفسي واقول راح انساه . ..واصلاً انا كل كلي متشبع بمهند دمي قلبي تفكيري ،، خيالي ،، حتى الأشياء حولي تذكرني فيه . .

اشوا ان النوم ملاذ لي بكل وقت .. نمت بعد ماحرمت اني ارد على التلفون ..
مر شهر على مكالمة مهند لي وانا احاول اتناسى كلامه او اتجاهله او بالأحرى اسوي نفسي ماسمعته ولا أثر فيني ..
فتحت جوالي بدق على السواق يجي يوديني للمستشفى لأن عندي موعد مع دكتورتي اللي اتابع معاها الحمل .
اول مافتحت جوالي لقيت من مهند رساله بكتني من جديد وقهرتني وحزنتني واضطريت ارجع مارحت لموعدي .. مااقدر ومافيني خلااااص تعبانه ياناااس .. رحمتك يارب

مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني


آه يامهند تقتلني بكلامك .. سبحان الله اللي غير حالي زمان كنت ابيه يقول لي كلام حلو واتمناه تصير اطباعه زي الحين .. والحين العكس تماماً ليته يرجع زي اول عشان اقدر اكرهه ومااتعلق فيه ...

ارسلت له بسرعه وبدون تفكير غصباً عني هالكلمات ..
احس اني وسط ليل طويل ناسي فجره
اعيش بظلمته واسرح بافكاري الى المجهول
افكر وانتظر صبحي الجميل الباسم وعطره
وتصدمني هواجيسي ولا القى لهمي حلول

انا مليت واحساسي معاك ارهف من الشعره
والوم القلب لكنه يعاند وانته المسؤول
اريد ابكي على قلبي وتحرقني انا العبره
واحس بدمعتي الحاره على محجر عيوني تجول

تبي تنزل واعاتبها تقول شفيك مغتره
واقول الصبر يادمعه انا وانتي نخل وخيول

انا ياليل وش ذنبي تصبرني على القمره
وتجبرني على همومك اعايشها بعرض وطول
اهوجس واحسب نجومك وقلبي يلتهب جمره
واضيع حسبتي وفكري على باب الوصل مشغول

انا ياصبح اترقب طلوعك والامل بكره
اريد تكحل بنورك وليلي ينجلي ويزول

حقيقة او سراب انتا انا مدري وش الفكره
انا صبري بدأ ينفذ واخاف انك امل مقتول
اريد تعيد لي وقتي قديم وشمسه وفجره
اريد اعرف انا منهو اريد تفسر المجهول

وتركت جوالي ماقفلته .. صار عندي برود من كل شي حتى لو مهند دق راح اطنشه .. بس مادق علي لأنه شكله يأس مني ومايتوقع انه راح يلاقي جوالي مفتوح ... الحمل مضايقني وبطني يكبر والإجازة بدت يعني خالتي فادية بتجي اول ماتعطل .. وأخوالي بيجون يشوفون اني حامل يعني راح ينتشر الخبر
جلست مع خالي قلت له : خالي اش رايك اروح عند جدتي بجلس عندها لحد مااولد .
: بتهربين من جديد ياديمه ؟
: مو هروب ياخالي بس بروح ارتاح .
: طيب كيف تروحين ان شاء الله بالسيارة ولا بالطيارة
: شو بالسيارة .. اكيد طيارة .
: السفر خطر عليك مايصير تسافرين بعدين مااقدر اخليك تروحين وانتي كذا تولدين هنا وأول شخص يشوف ولدك انا
: ممممممم خلاص اللي تشوفه بس بيجون الناس هنا والخبر بيوصل اهل مهند اني حامل .
: واذا وصلهم مسوية جريمه ولا منتي معلمتهم انك حامل
: لا مو قصدي بس ماابغى اقولهم الا بعد زواج مهند اكيد بيكون في الصيف
: لا مهند مقرر يفصل في الموضوع خلال اليومين هذي .. وهو تعبان نفسياً انا لو منك ارجع له واكون واقفه معاه مو اتخلى عنه وهو محتاجني .
: ها ..؟ وانا من يوقف معاي ؟
: انتي ماعليك ضغط الرجال يقول ديمه مسوية منها سالفه وهي ماراح يضرها شي . وهو الضغط عليه من ابوه وابو البنت اللي كل شوي يتصل ويقول اذا ولدكم عنده ظروف ولا شي يعلمني بس ابوه الله يهديه يقول لا مانبي نتفشل في الرجال .
مسك يدي وكمل : ديمه مهند كل يوم يسهر معاي وحالته ماتسر لاعدو ولا صديق .. ساكت وعصبي واهلكه الدخان .
قلت لاشعورياً وبسرعه : ياويلي عليه .. حسبي الله على ابليس ليه يسوي بنفسه كذا . بعدين هو وعدني يبطل تدخين .
كمل خالي : تراه يسألني عنك واقول انك بخير ومافيك الا العافية بس اللي قاهرني اني مافرحت قلبه وهو بهالحاله انك حامل .
: خالي انا اعرف مهند صدقني بيتعذب اكثر على قد مابيفرح على قد مابيتعذب وهو مو ناقص .
: طيب طالما انك تحبينه هالكثر ليه ماتردين عليه الرجال متعذب ياديمه واكثر شي قاهره انك مطنشته وماتردين عليه
: ابغاه ينساني ياخالي وانا كمان ابغى انساه
: من جدك انتي ..؟ الرجال متعلق فيك والله لو تقاطعينه اربعين سنه ماينساك الا تعذبينه اكثر .
:خالي لاتزيدني هم والله مو ناقصه
سكت خالي وبعد شوي اخذ شماغه وخرج باين ان خالي مقهور عشان صاحبه وعشاني بس مافي يده حل لأن عمي عنيد وقراراته صعبه .
كان ظهري يألمني بشكل فظيع مااقدر اوقف ولا اجلس دايماً اكون نايمه على جنبي هذا احسن وضع يناسبني .. والدكتورة نصحتني فيه .

::
اليوم هدى عند امها لأن خالتها اخت امها اللي بالمدينه مريضة عندها الخبيث في الدم ومرضها متطور وامها خالتي ام صالح توها عرفت عن اختها .. وحالتها حالة .. راحت هدى عندها تهديها وتجلس عندهم ..
كنت جالسه لوحدي في لصاله .. وجا خالي على الساعه تسعه قال قولي للشغالة تسوي قهوة وشاهي وتزبط العشا معاي رجال بالمجلس .
مريت على الشغالة قلت لها تسوي اللي قال عليه خالي .. وانا من الملل قلت اروح اشيك على المرسم حقي .
كنت لابسه قميص حوامل قصير لتحت الركبه لونه ابيض وفيه ورود وأزهارصغيرة لونها احمر وزهري .. وبدون اكمام وصندل خفيف ونعوم واهم شي انه مريح ... وكنت رافعه شعري شنيون فوضوي وماحطيت مكياج .. الحمل معطيني شكل طفولي سبحان الله الحريم يحملون وتبين ملامحهم اكبر وانا ابين اني اصغر بس التعب باين علي ..
دخلت المرسم وانا احسني ثقيله قعدت اتفرج على اللوحات اللي لسه ماحطيت لها برواز . ورجعت قريت كلام مهند اللي مكتوب على آخر لوحة رسمتها من جديد .
تأملت باقي اللوحات صورة لخالي مكبرة .. وصورة لبيتنا من برا هذي بحطها في معرضي اللي بسويه في الجامعه بعد مااولد لأن جايتني دعوة من قسم الفنون بالجامعه اسوي عندهم معرض خيري ايراداته تروح لجمعيه خيريه ..

لفيت اللوحه وحطيتها على جنب .. ورفعت راسي شفت آدمي واقف وراي بغيت اطيح من الفجعه .. كان مفتح عيونه على وسعها وفاتح فمه كأنه مفجوع ويناظرني .
مهند ياويلي شو هالمصيبه .. ؟
واقف على الباب من فين اخرج ولا فين اهرب ولا من فين اختفي عن عيونه
قرب مني لين مسك يديني
: لوسمحت مهند ..!
: ليه ماقلتي لي ياديمه ؟
: ماقلت لك شو ؟
: ليه ماقلتي لي على هذا .؟ كان يأشر على بطني .
: ها .؟ وليه اقول لك تبغاني ازيد همك هم .
حط يده على بطني : انتي لو قلتي لي كان دخل قلبي فرح من يوم ماتركتيني وانا مافرحت .. حبيبتي خلاص والله العظيم خلاص .. اليوم بترجعين لي .. لا لا الحين بتروحين معاي . ..
كنت اشوف مهند متخربط وفرحان .. فرحان بشكل واضح عليه .. ومشتاق لدرجة اني حسبته بيغمي عليه من نظراته فيني .
: مهند مستحيل اروح معاك الحين .. اتركني الله يخليك ولاتقول لاحد اني حامل
:هههههههههههههههههههه من جدك انتي ؟
حضني مهند بلهفة وشوق ... كأنه عطشان ولقا قدامه موية .. باسني على راسي وجبيني وعيوني وخدودي وفمي ورقبتي وهو يقول : ام عيالي وزوجتي وحبيبتي لايمكن احد يفرق بينا .. تعالي معاي ولا اقولك خلينا هنا .. مممممم خالك مايدري اني جيت هنا . ضحك وكمل : ههههههههههههههههههههههههه اصلاً وش علي بخالك انا ماصدقت الاقيك ..
رجع يضمني بقوة : ديمه انا بحلم ولا علم قولي شي اثبتي اني مو احلم الحين
قلت بهمس وانا اللي احسني احلم مو هو : مهند حبيبي عورتني في بطني .
: اوووه نسيت .. ليه ياديمه تحرميني الفرح هذا طول الشهور اللي راحت
: ماقصدي احرمك خفت تتعذب اكثر .
: اتعذب وولدي في بطنك انتي .؟
: حبيبي خلاص بنخرج من هنا .
: ديمه انتي تحبيني وانا احبك ليه نفترق
: حكم القوي يامهند .
: لا حبنا وقوتنا انا وانتي هي اللي تحكم
: كيف خالتي وعمي
: امي زعلانه من ابوي وابوي راسه والف سيف و......... اش عليك فيهم انتي خليك معاي انا وبس ..
كان يكلمني بطريقه غريبه احياناً احس ان فيه شي واحيانا اقول بس لأنه مبسوط .. وأحيانا اقول من الهم اللي فيه يتكبم بالطريقه هذي ..
: ديوم عمري مستغربه حالتي .. انا فوق الحين ، انا بعالم ثاني .. انا اسعد مخلوق بالدنيا ،
: مهند لاتسوي كذا خايفه
: لاتخافين افرحي معاي خليني اضمك ابغى انسى الأيام اللي راحت بدونك
: مهند بروح انا مااقدر اوقف كثير
: تعبانه ياعمري
: شويه وكمان مايصير نوقف هنا وخالي جوا اش بيقول عنا
: والله بيقول شي .؟ .. ناصر شغله عندي اجل معاي كل ليلة ومايقول ان زوجتي حامل ؟
: خالي ماله دخل انا حلفته وترجيته الين وعدني مايقول لك بجد لأني ماابغى تزيد همومك
: عمري خلينا نرجع لبيتنا
: لا يامهند مااقدر .. ومااقدر اعيش معاك ويشاركني فيك احد . اذا ابوك يبغاني ارجع يخليك تترك الموضوع هذاك .
: والله واللي خلق ديمه لمهند انها لايمكن تصير زوجه لاعلى الورق ولا حتى اسم ياعمري .
: حتى خطوبة يامهند انا مقهورة وهي اسمها خطيبة مهند .
:ديمه عمري حبيبتي عطيني ممم يومين تقدرين واذا ماانهيت الموضوع اعتبريني مااحب ديمه .. ووو لاتصدقيني بأي شي اقوله لك بعد كذا ..ولاترجعين لي ووو
: من هنا لين يومين يفرجها ربي .!
: بس بكلمك واشوفك .!
: ممممممممممممممم بعد اليومين
حسيت مهند طفل لمن اعترض وقال : لا بعد اليومين باخذك لبيتنا .
: نشوف يالله نخرج
خرجنا الا كان خالي جاي من المجلس بعد ماشاف مهند ماسك يدي وقف وضحك وسوى نفسه خايف من مهند وقال : مالي دخل يامهند لاتحاسبني هي اللي مارضت .
: لوماقالت لي ديمه بس ... والله ياناصر لتشوف شي مايسرك .. بس اخخخخخ هي واسطتك الحين .
: ههههههههههههههههههههه اشوفك رايق ياابو بدر
طالع فيني مهند بعدين قال : ياخي واحد ميت وفجأة حيا
:هههههههههههههههههه الله لايفرق بينكم
: آآآآآآآآآآآآآآآآآآآآآآآمين ... ديمه قولي آمين
: ....................
خالي وهو يبتسم : ادخلوا ادخلوا انتم اغرب اثنين شفتهم بحياتي .
دخلنا وحلف مهند الا اجي اتعشى معاهم طالما البيت مافيه احد او ماارح يجلس دقيقه وحده .
جيت عندهم وكنت مستحيه من مهند من زمان ماشفته بس بداخلي كنت اسعد منه كنت احسني اطير .. شعور لايمكن اقدر اوصفه .. اذا مهند موجود ويحبني كل هالحب ماعاد يهمني بالدنيا أي شي .. بس يكون لي وحدي ..وخلاااااص ماابغى شي ثاني ..
حضرت الشغالة العشا بقسم الرجال ورحنا للمقلط اخذني بيدي حتى مافكر بخالي ولا فكر فيني مستحيه ولا لا .. قال تعالي هنا ..
يووه ياقلب مهند على كثر ماطنشته وعلى كثر ماقهرته لمن كان يتصل وماارد عليه او اقفل جوالي مافكر الا كيف يجلس معاي ويشوفني ..
: ديمه هنا
: ها ..؟ لا بجلس هنا احسن
: والله لتجلسين بجنبي
ضحك خالي : والله شكلي غلط بينكم ... اخلي لكم الجو .؟؟
: والله ياليت ياناصر ... ترى مالك داعي ..!
: هههههههههههههههههههههههههههه اقول تعش بس وتوكل على الله ديمه متعوده تنام بدري .
ناظر فيني مهند قال : ديمه بجلس معاها بعد العشا
انا كنت ساكته بس مقررة مااجلس ثانيه وحده بعد العشا لأن مهند ماعنده جديد واخاف يضغط علي ارجع معاه
تعشينا وأكل مهند كأنه له عشر شهور ماأكل وأصلاً باين عليه نحيف مرة ومسمر بس جاذبيته ماراحت .. احسني اذوب لمن اشوفه ..
تعشيت انا بس شويه قال مهند : اكلي ليه ماتاكلين ..؟
: خلاص الحمد لله
: ديمه لازم تاكلين وتتغذين هذا مو اكل
خالي تكلم وهو ياكل : قول لها تراني تعبت من كثر مااقول اكلي اكلي .. وهذا اكلها لقمتين قالت اكتفيت .
: وش رايك آخذها عندي واخليها تاكل ليل نهار
: هههههههههههههههههههههههههه لاوالله بعد الوحم والتعب ويوم قربت ولادتها تجي تاخذها
التفت مهند قال : سته شهور صح
قلت بصوت واطي : ايوه
: ممممممممم كيف الوحم عسى ماتعبتي
تكلم خالي : الا والله تعبت كثير كل يومين بالمستشفى وتاخذ مغذي رحمك ربي يوم هي مو عندك ولا كان تبهذلت .. هذا طبعا غير عن الحالة النفسيه اللي كانت تمر فيها .
: اوووووووف حسبي الله ونعم الوكيل
قمت انا على طول لمن حسيت ان الجو بدا يتغير بس فز مهند ووقف قال تعالي ابغاك في المجلس
دق جوال خالي ناصر وخرج برا يكلم وهو اصلاً بيخلينا براحتنا .
مسكني مهند بيده اليسار لأنا ماغسلنا بعد العشا لسه : ابيك لاتروحين ولااقولك تعالي نغسل مع بعض .. وابتسم ثم كمل .. والله ياديمه من كثر خوفي تروحين وماعاد اقدر الاقيك صرت ابيك تلزقين فيني
: ههههههههههههههه مو لهالدرجة عاد
: تعالي نغسل
رحنا عند المغسلة وغسل يدينه واخذ يديني وغسلها وانا اضحك منه اقول : ترى انا اقدر اغسل .
: زوجتي وحر فيها ولا عندك اعتراض .
كنت اشوف مهند مبسوط ماابغى اخرب عليه لحظاته هذي .. قلت في نفسي لاحق على العنا الأيام الجاية مع ابوه وأهله ويمكن مع زوجته الثانيه واللي اذا صارت زوجة مو خطيبة فراح تصير زوجته الوحيده .. لأني بنفصل عنه اكيد
غسل يديني وحط الصابون على فمي وغسله بطريقه تضحك .. بعدت عنه وغسلت انا ونشفت يديني ونشف هو كمان ..ولف يده من واري ودخلنا المجلس حق الرجال ..
قال : ديومتي عمري تردين لي روحي اليوم
: ها ..؟ ههههههههههههههه لسه مارجعت .؟
: اوووووف لا باقي لي اخاف ارجع للبيت واتعب اكثر
: مهند لاتستغل حنيتي عليك
: ديمه من جد اكلمك البسي خلينا نروح أي مكان
: كيف أي مكان
: بنتمشى بالسيارة نروح مقهى نروح ان شاء الله للكورنيش
: بشرط
: اشرطي وآمري وقولي اللي تبين
: ماتجيب لي أي سيرة تنغص علي ؟
: ابشري باللي تبين
وقفت بروح لخالي لقيته يكلم بالتلفون ولمن شافني قفل وجا عندي : هاديمه فيك شي ؟
: خالي مهند يبغاني اخرج معاه اش رايك ؟ ولا تقول بكيفك انت قول لي اللي تشوفه صح اخرج معاه ولا مو في صالحي ؟
: الا في صالحك وفي صالحه روحي معاه اذا انتي ودك تطلعين اما اذا يضغط عليك وغصب عنك لا .
: لا لا مو غصب بالعكس انا عادي ابغى اخرج معاه مهند محتاجني كثير باين انه تعبان
ابتسم خالي وقال : طيب روحي معاه بس ارجعي للبيت لاياخذك لبيتك لين يحل الموضوع .
: اوكي
رجعت لمهند قال : يالله خذي عبايتك وامشي
: حاضر دقايق بس
رحت فوق وبدلت لبسي لبست بنطلون ( حق حوامل طبعاً ) وبلوزة بيضا ساتان .طويلة لنص الفخذ علاقي وصدرها مفتوح .. حطيت مكياج خفيف بورده وبلاشر زهري وكحلت عيوني من داخل . وحطيت مسكرة بعد مانثرت شادو زهري على عيوني .. وختمت بقلوس زهري ونزلت بعد ماتعطرت من عطري اللي مهند يموت عليه ..

لقيته واقف ويمشى بالمجلس رايح جاي اول ماحس فيني طالعني بنفاد صبر قال
: ديومتي مابغيتي تجين
: تأخرت ؟
: سنه .
:ههههههههههههههههه حرام عليك كلها كم دقيقه
: يالله يالله قبل لاتغيرين رايك
: يوه منك ماعندك صبر
خرجنا ولقينا خالي لساتو يكلم عرفت انه يكلم هدى لمن سمعته يقول جهزي اغراضك وعيالك بس و انا بمر عليك بعد نص ساعه ..

أشر لنا بيده وخرجنا اول ماركبت مع مهند قال : شو رايك نروح لفندق اذا السيارة بتتعبك
: ها ..؟ لا من قال انها تعبني
: انا ادري ان الحامل ماتتحمل الجلوس في السيارة كثير
: طيب مو حنجلس في كوفي مهند لاتقعد تدور اعذار .
: هههههههههههههههههههههه ديومتي طلبتك ابي اجلس معك لحالي كلها ليلة وحده بخلانه فيها علي .
: مو مسألة بخلانه بس ....
: بس شو ..؟ ديمه انتي تحبيني وانا احبك وكلنا مشتاقين لبعض لاتخلين الشيطان يلعب عليك ويبعدك اكثر عني
: والله انت اللي قاعد تلعب علي
:هههههههههههههههههههههههه ها شو قررتي
: مو انا على كيفك من زمان .. اللي تشوفه يادكتور مهند
:هههههههههههههههههههههه الله بس يخليك لي
كان مهند يضحك واحسه مبسوط .. هذا هو مهند نفترق انا وياه ويدخل علي يضحك ويكلمني باسلوب مااقدر عليه ويدوخني ويذوبني ويخليني على كيفه ..

رحنا للهيلتون وحجزنا جناح كامل موصاحي مهند بس بجد احسه يتصرف لاشعورياً يمكن من الفرحه ويمكن من القهر اللي عاشه طوال الفترة اللي راحت
اول مادخلت الجناح معاه شالني بسرعه بين يدينه وجلست اصرخ : بشويش يامجنون بطني يألمني .
نزلني بشويش: اووووه آسف عمري بس مااقدر اقاوم بجد آسف الليلة اعذريني انا واحد مجنون
: مهند لايكون هذا صدق كله حب
: لا من قالك انه حب انا ياديمه واحد اعشقك فاهمه ..؟
: ممممممممم فاهمه حتى انا
قرب مني وحط وجهه قريب من وجهي قال : حتى انتي شو ؟
: احبك اكثر مما تحبني
: اوووهووو والله احلامك كبيرة احلمي ياديوم والله لتطولين السما ماوصلتي حبي لك .
: طيب قول الله لايفرقنا .
: ماراح يفرقنا بإذن الله والفرج قريب
خفت يفتح الموضوع ماابغى اتنكد معاه .. بسرعه رحت لغرفة النوم ونزلت عبايتي ورحت للمرايه ازبط شعري وهو وقف وتجمد بمكانه وقعد يطالعني ...
طالعته في المرايه وانا منحرجه منه قلت بحيا ودلع : اووه مهند لساتك ماتغيرت انت ونظراتك هذي . شوي شوي علي مااتحملها .
: بس انتي تغيرتي وشكلك تغير وبكل حالاتك تفقديني عقلي .. ديمه انتي ساحرة . وانتي اللي شوي شوي علي . وانا اللي مااتحملك . وربي احيانا من جد احس انك مسوية لي سحر .
انحرجت منه وقلت وانا اضحك : بسم الله علي شو هالكلام .ههههههههههه
: ساحرة وساحرتني ومجننتني .. حتى الحمل عليك فتنه
: ايوه بكش بكش علي وارفع من معنوياتي عشان الكرش وجسمي الخربان .
: وربي انك تهبلين وهبلتي فيني واعذريني اذا تهورت .
قرب مني وحضني على صدره وانا اذوب في حضنه مشتاقة له واحبه وماابغى افارقه يارب استر علينا ولا تفرقنا ...
نسيت نفسي مع مهند ماانتبهت الا على جوالي يدق الساعه 5 الفجر رديت عليه كان خالي ناصر يبغى يطمن .. قلت له يطمن وانا في فندق وبنرجع بعد شوي قال الله يهنيكم ولايغير عليكم اجلسوا مع بعض انتم محتاجين تفكرون بهدوء وتقررون بعقلانيه .
كنت اكلم خالي وانا بحضن مهند .. وبعد ماقفلت من خالي طالعت الساعه وطالعت مهند بكيت في حضنه غصب عني .. ولأول مرة تنزل دموع مهند بالشكل هذا قدامي .. ماجبنا سيرة خطوبته ولا ملكته بس بكينا لأنا خايفين نفترق .. بكينا لأنا نحب بعض بجنون .. بكينا لأن القدر قسى علينا .. بكينا لأن الوقت بدا يخلص والفجر بيطلع .. وانا برجع لبيت خالي وهو بيروح لبيته .. ماادري نتقابل مرة ثانيه ولا لا .
مهند كان تعبان .. قال لي انه كان ميت ولمن شافني رجعت له روحه وقلت له اني تركت روحي ببيتهم لمن مشيت هذاك اليوم .. قلت له انه اول رجل بحياتي وآخر رجل .. وحلف لي بالله اني اول عشق وجنون بعمره كله ..!وماراح يدخل بحياته احد غير ديمه . .
كان يحضني لدرجة انه ينسى اني حامل لولا اني انبهه لمن اتألم ولا ينسى نفسه .. كل مااقول بنمشي يقول خليني اشبع واذا قلت متى تشبع قال مافيه امل
:هههههههههههههه مهند على كذا ماراح نمشي
: مستعجله ..؟
: مهند .
: لبيه
:تدري لايمكن امل منك طول العمر واني مشتاقة لك .. مهند انا كنت ابكي عليك بجنون .. لدرجة اني خايفه انه يكون صار للجنين شي من كثر مابكيتك
: لاتقولين هالكلام وان شاء الله الجنين وام الجنين بألف خير
: وابو الجنين يكون دايماً معانا متعافي ومبسوط
: ديوم خلينا نجلس اليوم كله هنا انا عن نفسي ماابغى انام بجد ديمه خليني اشبع منك .
: حبيبي مو على كيفنا مستحيه والله من خالي بعدين عندك دوام لازم تروح تنام لك لو ساعتين .
: اذا على الدوام استاذن لعيونك
: لاحبيبي وفر الاستئذان بعدين ولا شو يامهند
كنت ابغاه يأكد لي انه اكيد بيفكنا من هم الموضوع اللي منغص علينا ونرجع انا وياه لبعض .
: لاتحسبين اني قضيت معاك ليلة حلوة راح اغير رأيي لا ياديمه تدرين ان كل اللي صار مو بيدي واني مجبور
حطيت يدي على فمه قلت : اسكت ادري وعاذرتك واحبك وانت زوجي وحبيبي وابو عيالي .. تتذكر لمن كنت تقول لي من قلبك زوجتي وحبيبتي وام عيالي انا الحين اقولك من قلبي نفس الكلام وصادقه يامهند باللي اقوله
اخذ يدي وباسها ورجع يضمني قال :حياتي بيدك ياديمه تبيني اعيش خليك معاي ، تبيني اموت اتركيني
: لاتجيب سيرة الموت بعدين ازعل بجد ... نزلت دموعي غصب مااحب سيرة الموت
: آسف ياعمري خلاص توبه بس لاتبكين
: ماابغى ابكي خلنا ننبسط ماباقي وقت
الساعه 8 دخل يستحم وبعدها خرج وطلب لنا فطور
ودخلت بعده وبسرعه استحميت بس ظهري كان بينكسر من الألم .. ماادري شو صار لي اول مرة احس بكذا ..
خرجت وانا باين علي التعب وجلست افطر معاه بس موقادرة اجلس من الألم قلت بتمدد الين يكمل فطوره ..!
: شوفيك ديمه تتألمين صح ..؟
: ظهري شوية يألمني
: لااااا .. ماكنت ابي اضرك ..
: لاحبيبي اساساً ظهري يألمني من اول بس اليوم زاد يمكن لأني طولت بالسهر ومانمت .
: طيب حبيبتي خلينا نروح للمستشفى
: لا مهند الله يخليك ماابغى مستشفيات اروح انام واذا صحيت اصير كويسه بإذن الله .
قرب مني وكان باين عليه الجد : ديمه حبيبتي خلي جوالك مفتوح وردي علي طلبتك .. ما بنام انا بروح اداوم .. وراح اتصل عليك اتطمن .
: مهند انت لسه مانمت والله حرام تروح
: تدرين ان كأني نايم سنه ورايق ونشيط ومستااانس الحمد لله .
: ههههههههههههه طيب حبيبي خلنا نمشي ترى يادوب تلحق الدوام
: يالله . منتديات ليلاس
خرجنا وانا ظهري مرة يألمني وسندني مهند عليه ووصلني للبيت انا بسرعه طلعت لغرفتي بس لحقني خالي بعد شويه ودق الباب عليّ .. فتحت لقيته باين ان فيه شي . ... استغربت انه للحين مانام
قلت له بسرعه : خالي شو فيه ؟ ليه وجهك كذا .
: مافيني شي بس هدى روحي شوفيها وتكفين هديها .
: شو فيها ؟
: خالتها توفت الله يرحمها
: الله يرحمها ويعوضها بالجنه
قمت بسرعه رحت عند هدى ولقيتها تبكي وحالتها حالة .. جلست ساعه اهديها بعد ماعزيتها منتديات ليلاس
: هدى خليك مؤمنه والمفروض تدعين لها وتترحمين عليها خالتك عانت بما فيه الكفاية ... هدى لوكانت عايشة للحين بتخففين عنها ولا بتضحكين وتنبسطين وتاكلين وتشربين وهي تتعذب .. ربي ارحم بعبيده .. ادري ان فراقها شي موسهل بس هي تعبانه ماعاد فيها تتحمل .. هدى الله يخليك قومي استغفري ربك وادعي لها وروحي عند امك محتاجه احد يساندها هي اللي مصيبتها كبيرة فقدت اخت وعشرة عمر وتعرفين حرمه كبيرة المفروض ماتتركينها .
تدخل خالي : والله ياديمه لولا حالتها هذي وخفت انها تزيد على امها كان خليتها عندها .
: لا هدى حبيبتي قومي يالله البسي روحي عند امك والله حرام تتركينها بس تروحين تحاولين تهدين الوضع هناك انتي الكبيرة والواعيه مو تنكدين عليهم
حسيت ان هدى اشوا بعد ماتذكرت امها كأنها هدت شوي وقامت تدق على اخواتها قلت لها ايمان انهم الحين بطريق المدينه رايحين يعزون وياخذون عزاها هناك .
قال خالي : يالله اصلاً لازم نروح نعزي خليني اوديك عندهم تخففين عنهم ويخففون عنك .
قامت هدى تلبس وانا قعدت اساعدها بشنطتها وخبيت الم ظهري اللي زاد علي .. صحت هدى عيالها ولبستهم وأخذت وحده من الشغالات وتركت الثانيه عندي ..
قال خالي : ديمه مااقدر اتركك لوحدك بدق على سامي ولا ماجد يجي عندك ولا ياخذك للطايف اش رايك ؟
: لاخالي اذا صار لي شي اكيد راح ادق عليك والسواق هنا والشغالة معاي لاتخاف عليّ ولاتشيل همي .
: طيب لاتقفلين جوالك
: اوكي ولا يهمك
سلمت عليهم وراحوا على الساعه 11 تقريباً وانا رجعت لغرفتي على طول تمددت ونمت
وظهري احسه بينكسر من اسفل .. بس قلت اكيد من التعب وقلة النوم واذا صحيت بكون تمام
صحيت الساعه 2 وانا بعالم ثاني ظهري مجنني وأسفل بطني احس فيه سكاكين تشققه
كان جوالي يدق رديت من دون مااشوف الرقم : الوو
: هلا ديمه
: مهند
: هلا ديمه فيك شي ياعمري
: بموت يامهند الألم يموتني
: طيب طيب انا جايك الحين لاتتحركين
: لاتسرع مهند فيني اتحمل بس لاتسرع الله يخليك
: طيب عمري بس انتي هدي نفسك وحاولي تاخذين نفس عميق عشان الألم يخف عنك
: حاضر
: مع السلامه
قفل بسرعه وانا دقيت على الشغالة تحت قلت لها تجي عندي ابغاها تجيب لي شي البسه بدال القميص القصير اللي علي
دخلت علي الشغالة وطلعت لي قميص طويل قطني بدون اكمام جيت ابغى البس ماقدرت من الألم وانفجعت لمن حسيت اني انزف .. لا ماابغى اولد الحين ياربي شو صار لي انا لسه بالسادس

***


الجزء الأخير
دق مهند الجرس وهو كان يدق جوالي وماكنت بحاله ولا بحال شي خلاص احسني بديت اتلاشى النزيف يزيد والألم فظيع .. فتحت له الشغاله وجا لغرفتي على طول وأول ماشافني نيمني على ظهري واعطاني ابرة في فخذي توقف النزيف بعدين جاب قميصي لبسني اياه وشالني بعد مالف عبايتي علي وطرحتي على راسي ..!
صحيت بالمستشفى وانا تعبانه فتحت عيوني شفت شكل مو غريب علي بس من زمان عنه
: خالتي .؟ منتديات ليلاس
كان صوت خالتي تبكي : هلا يمه الحمد لله على سلامتك
: راح ماقدرت احافظ على ولد مهند
: لا تبكين يايمه وعسى ان تكرهوا شيئاً وهو خيرٌ لكم .
: خالتي تكفون لاتقولون مات الجنين .
سكتت خالتي وقعدت تبكي وتمسح على راسي بيدها وتسمح دموعي بمنديل .
دخل علينا مهند وهو يبتسم ولا كأن شي صار .. بس لمن شافني ابكي جا عندي بسرعة قال : لا ياديمه لاتبكين ياعمري ...
قاطعته وقلت : مهند ماقدرت احافظ على ولدك .
: موبيدك ياعمري بعدين ماتدرين يمكن ربي كاتب لنا خير .. جلس بجنبي على السرير وكمل : عمري انتي تعرضتي لصدمات عصبيه في بداية حملك انا توني شايف ملفك عندك اكتئاب حاد ... وكان المفروض ماتعرضين نفسك لأي صدمة او زعل او حزن وانتي زي ماقلتي لي كنتي تبكين بشكل فظيع اكيد بيصير نتيجه عكسية على الجنين ..!ويمكن ربي فكنا منه اذا فيه شي .
مسك يدي وباسها قال : بنجيب عشرة لاتحزنين على هذا ..
: مهند هو مات اكيد .
: ايه والله مات ؟ياعمري بس لايضيق خلقك .
: آسفه حبيبي ماكنت ابغى يصير كذا بس غصباً عني ..
: ياعمري انا اللي آسف اذا فيه احد مسؤول عن اللي صار لك فهو انا .. لو دريت ان هذا بيصير لك كل هالتعب مااخذتك معاي .
تكلمت خالتي : مهند وش تقول انت .
: يمه البارحه ديمه معاي طول الليل ومارجعتها الا الصباح قبل اداوم .
: ههههههههههههه وانا اقول الرجال انقلب حاله ورجع لنا يضحك ويسولف ومستانس اثري ديمه في الموضوع
ابتسمت اجامل خالتي وانا بداخلي مكسورة ولدي مات والله مقهورة كنت مرة متحمسة يجي لي ولد ولا بنت واسميه واربيه ابي فيه من خالي ناصر كثير ومن ابوه كثير ومن عناد اخوي كثير ومن ابوي الله يرحمه اشياء كثيييرة .. وابي بنت تصير زي خالتي سمر ذكيه وعاقلة ولبقه وجميلة بربيها بطريقتي ..
انتبه لي مهند ودموعي تنزل .. جلس بجنبي ولف يده من ورى ظهري
: حبيبة مهند ليه دموعها تنزل ؟ انا ماقلت لك لااشوف الدموع هذي .
: مقهورة ان صار لولدنا كذا
: ياعمري لاتنقهرين وعسى ان تكرهوا شيئاً وهو خيرٌ لكم
: مهند كنت فرحانه فيه شو يضمن لي الحين اني راح اجيب منك عيال
: ههههههههههههههههههههه والله انك شكاكة وخوافه الحين بروح انهي الموضوع ياعمري لاتخافين.. ابيك تجين لبيتك عند امي تراعيك وانتي تعبانه ..
: .......................
تكلمت خالتي : ديمه لاتخافين انتي لمهند ومهند لك ماني كارهة ولدي ارميه لنار بنت سعود وامها .. وعلى قولة مهند انتي جنته يتركك ويروح لنار غيرك .
: خالتي اذا فيه احد بيشاركني بمهند مااقدر اعيش معه .. اذا بيصير لي لوحدي جيته الحين قبل شوي .
تحرك مهند من عندنا على طول وخرج من الغرفه قلت : خالتي
: هلا وغلا منتديات ليلاس
:مهند ترى مانام راح للمستشفى مواصل
: لا ماعليك راح مالقى مرضى وماعنده الا موعدين ماجوا المرضى ورجع للبيت يرقص ويغني وجايب لنا فطور الساعه عشرة ونام لين دق عليك
: الحمد لله انه نام كنت شايلة همه انه مواصل وانا تعبته معاي
مدت علي خالتي كاسة حليب قالت : لاتقولين هالكلام يمه .. بس انا عاتبه عليك يوم خبيتي علينا حملك .
نزلت الكاسة على الطاولة اللي بجنبي قلت : صدقيني ياخالتي عشان مهند حتى اسألي خالي انا ماكنت ابغى مهند يتعذب اكثر يكفي فراقي تبغينه يشيل هم فراق ولده .
: لا يمه لو علمتيه كان صار له حجة عند ابوه وافتكينا من وجع الراس والصدمات اللي تجيك بس كل شي مقدر ومكتوب
: خلاص انا رضيت بالقدر وحكم القدر علي وفوضت امري لله بكل اموري
دخلت علينا ريم وسلمت علي وهي تبكي .
: الحمد لله على السلامه ... اجل يوم نفرح انك حامل على طول يموت
: كل شي مقدر ومكتوب ياريوم .. والله يسلم قلبك .. فين رانيا ليه ماجات
: رانيا زعلانه على البيبي وبتجي تزورك مرة ثانيه
: ياليتها جات مرة مشتاقة لها .
قالت خالتي : كلنا والله مشتاقين لك .. ويشهد الله اني بغيت ازورك كم مرة بس مهند يردني يقول ان خالك يقول ماابيها تتعب اكثر اذا شافتكم .
: صدقيني ياخالتي وانا بعيده عنكم ماكنت عايشة مع الناس .. صحيح ان خالي وهدى مدلليني ومخليني على كفوف الراحه وماينقصني شي .. بس كل مااتذكر اني بعيده عنكم وعن مهند واتذكر حال مهند وحزنه اموت من القهر .
: الله لا يقهرك يايمه .. ياديمه احنا ظلمناك ومن يوم طلعتي من بيتنا وحالنا مو حال اوادم .. مشاكل والبنات زعلانات من ابوهن مايكلمنه وهو طول الوقت معصب حاس بظلمك وقهر لولده .. ومهند عنده يسوى الدنيا ومافيها بس وش تقولين براسه اليابس .

قطع علي قبل ماارد عليها جوالي اللي دق .. كان خالي ناصر تحمد لي على السلامه بعدين قعد يلوم نفسه كيف راح وتركني بالشكل هذا وليه يخليني اروح مع مهند ,, بصراحة احرجني ماكان عندي كلام اقوله .
بس غيرت الموضوع وقلت : متى بترجعون ؟
: بشوف زوجك وارد لك خبر
: طيب خالي لاتشيل همي ترى خالتي عندي
: لا لا بنرجع ماتدخلين بيتهم ومهند هذا حاله
: خالي ماراح اخرج من المستشفى قبل اربعه ايام يعني لاتجي الحين وخالتي معاي بالمستشفى واذا خرجت بروح بيتك
: اخاف الخبل هذا يضغط عليك تروحين معاهمنتديات ليلاس
: ههههههههههههه خبل هاه ..؟ لا لاتخاف مااروح مع خبل انا
: ههههههههههههه ايه خبل ونص ولا فيه واحد ....
: خاليييي
: خلاص خلاص
: لاتقول الكلام هذا لاحد
: ماني قايله بس اذا جا خليه يدق علي .. ادق عليه من اليوم مايرد .
: حاضر بعدين لاتلوم نفسك .. ولا تعصب ولاتزعل على شي ربي اختاره لنا .
: يالله الله يعوضك بأفضل منه .
: خالي انا كنت امر بصدمات عصبية ممكن انها اثرت على الجنين .
: والله ..؟
: يقوله مهند ..
: حسبي الله على من كان السبب
: الله يعوضنا خير
: اللهم آمين .. واهتمي بنفسك ياديمه عشان خاطري
: ابشر يالغالي بس انت لاتشيل همي انا بخير وخالتي بجنبي حتى تأكلني بنفسها .
: جزاها الله خير .. ويالله مع السلامه .
: مع السلامه . بحفظ الله .

جلست مع خالتي وريم وخالتي كل شوي تعطيني شي آكله وانا احسني شبعانه آخر شي ترجيتها تستنى شوية ماعدت اقدر آكل احس معدتي مليانه .

دخل علينا مهند بعد ثلاث ساعت تقريباً على الساعه عشرة بالليل وكان مبسوط ..سلم على امه بعدين قرب مني وباس جبيني قال ابشرك فرجت وبتطلعين من المستشفى على بيتي .
: صدق مهند
: وربي صدق ياعمر مهند
: يارب
تكلمت خالتي : مهند كل هذي فرحة يمه اللي يشوفك مايقول ان ولده ميت
: يمه بيجيني ولد ثاني وثالث ورابع ن شاء الله .
تكلمت انا : صحيح مهند شو نوع الجنين
: ولد منتديات ليلاس
: الحمد لله على كل حال
خالتي : يالله يارب العباد عسى مثل الايام هذي من السنه الجيه ازورك هنا وولدك في حضنك
: آمين يارب
تكلم مهند : يمه خلوني انبسط شويه والتفت لي : ديمه بهالسرعه حملتي كان استنيتي شويه
: هههههههههههههههههههههه بيدي هو
قالت خالتي : أي سرعه حرام عليك ترى لك سنه متزوجها
ضحكنا انا ومهند وهو قال : هههههههههههههههههههه سنه كأنها شهر ولا اقل .
كنت بين فترة وفترة احس بمغص في بطني بس آخذ حبتين مسكنة وبعد شوي يهدي عني .
جاب لنا مهند عشا من البيت مسويته سميرة بطلب من خالتي .. انا ماقدرت ادخل في معدتي شي لأني شبعانه بس عشان خالتي اللي تحلف علي كل شوي اكل كمان لو لقمه .. طفش مهند من كثر ماتحلف علي خالتي وانا اترجاها تكون آخر لقمه ومسك الملعقة وجلس يأكلني بنفسه .
: افتحي فمك هذي بس
: مهند والله مو قادرة ترى برجعه
: بس هذي ياعمري
اكلتها وانا احس ماعاد فيه مكان للأكل
:كمان هذي ديوم
: مهند والله مافيه مكان
: لاعمري باقي الحليب
: شو ..؟ فين احطه هذا كمان لا مهند الله يخليك مااقدر
: هههههههههههههههههههه طيب خلاص مانبي نغصبك اكثر
تدخلت خالتي بكلمة تمنيت انها ماقالتها لأني مبسوطه وماابغى مهند يروح من عندي .
: مهند يمه ماتبي تروح ولا خايف ان ديمه تخرج من المستشفى وماعاد تشوفها .. قوم يمه روح نام بكرة وراك دوام ..
التفت لخالتي ورجعت اطالع بمهند اللي ناظر في امه بلوم
قال : يمه عندي ثلاثه ايام اجازة .. وانا الحمد لله ماعندي ضغط في المواعيد .. خليني اجلس مع القمر هذا لأنه خلاص ماراح يفارقني .
قلت وانا ابتسم له : مهند شوف ريم فينها ترى من اليوم برا .
مهند وهو يبتسم : اش عليك في ريم تلاقينها تكلم ياسر .. ماتبوني اقولكم على الخبر الحلو ؟
: خبر شو ؟ قول ترى انا محتاجه افرح .
: من اليوم ورايح بتفرحين لايهمك شي
: ممممممممممممممممم قول حمستني
خالتي وهي على اعصابها : قول يمه عساه خير
: اليوم رحت لسعود ... التفت عليّ وانا احس بطني قلب علي والمغص زاد بس تماسكت عشان اعرف شو نهاية كلامه يمكن خير ..
كمل مهند .. قابلته بعد ماسلمت عليه يحسب اني جاب بحدد موعد الملكة ولا الزواج . قال : هلا بالدكتورمهند مابغيت تزورنا .طولت ماجيت تحدد معانا الملكة . منتديات ليلاس
قلت له : اعذرني ياابو عادل انا جايك من دون علم الوالد وابي اقول لك اللي عندي وعساك تكون متفهم وماتاخذ على خاطرك ولايجي براسك شك انا عايفينك .. شفت لونه تغير وكشر قلت له : اصبر الله يطول بعمرك بقول لك كل اللي عندي وانت احكم في الأخير . مارد علي وكملت له : ابوي خطب منك وانا وزوجتي بينا سوء تفاهم وحن علي ابوي قال بزوجه من دون ماياخذ رأيي ولا يشاورني بالعكس كان بيفاجأني يحسبني بفرح اناو الله تكدرت من فكرة الزواج الثاني كله لأني احب زوجتي واغليها .. زوجتي رجعتها وانا والله ياابو عادل ماودي آخذ بنتك واظلمها ماارضاها على بنتك مثل ماني ماارضاها على وحده من اخواتي ولا انا مستعد ياابو عادل آخذها اليوم قبل بكرة عشان مااحرجك واحرج ابوي معاك .. لكن النفس وماتهوى وانا ماارضى الظلم على بنتك .. سكت ابو عادل مارد علي ثم تكلم وقال : الله يوفقك والوجه من الوجه ابيض لو ابوك قال لي هالكلام مازعلت والغصيبة ماارضاها عليك ولا على بنتي ..
سلمت على راسه واستأذنت وجيتكم وانا احس ان هم الدنيا كلها طاح من على قلبي ..
التفت مهند عليّ وابتسم : هاديوم حبيبتي ماعاد فيه شي يمنع ترجعين لي .. لو اني داري ان الأمور هينه كذا كان من زمان خطيت هالخطوة ولا انتظرت كل هالشهور بعيد عنك .
تكلمت خالتي قبلي : يمه روح الحين نام وبكرة من الفجر كلم ابوك لأن يمديه نام الحين .غيرت خالتي لهجتها وشددت على مهند قالت : وكلمه باسلوب حلو مهند تفاهم مع ابوك باحترام وبدون ماترفع صوتك .
وقف مهند وسلم على راس امه قال : الله يخليك لي بس .. انا من متى رفعت صوتي على ابوي ولا كلمته بدون احترام .. واذا بينت له ان كلامه مو عاجبني معناتها اسلوبي مو محترم ؟ .
: يامهند يايمه الموضوع هذا بالذات بيزعل ابوك انتبه انا بس انبهك وابيك تاخذ ابوك بالسياسة وانت شاطر تقدر تأثر عليه بكلامك ولاتنسى انه يحبك ويغليك .
: الله يخليكم لي بس . لاتشيلين هم مالك الا من يرضيه .



خرج مهند من عندي .. ونمت بعد نص ساعه تقريباً لأني تعبانه من الصباح .. .. فتحت عيني على الفجر شفت خالتي بجنبي على سرير ثاني ونايمه . .
قمت للحمام واخذت لي شور وبدلت ملابس وخرجت جلست وانا مغطية راسي بمنشفة كبيرة .. لأن خالتي منبهه عليّ مااتحمم الا اذا بحافظ على نفسي من البرودة لأنها مو كويسة للي في حالتي .
دق الباب وشفت عمي دخل .. قامت خالتي على صوته وصبحته بالخير ودخلت دورة المياه تغسل .
قال عمي : وشلونك ياديمه الله يعوضك خير يابنتي .
: الله يسلمك ياعمي ويعافيك . منتديات ليلاس
: والله ياديمه ماذقت النوم مثل خلق ربي من يوم ماطلعتي من البيت .. خوفي على مهند نساني حتى نفسي . انا تورطت يابنتي بكلمتي مع الناس ولو دريت انكم بتتصالحون وترضين عليه ماسويت اللي سويته .. جيت ابي اكحلها واهني مهند وانسيه حبك ولقيتني اعميها وادخله الحزن بيدي . لكن
كان وجه عمي متغير مبين انه فعلاً ندمان وانا قاطعته خفت من منظره مااحب اشوفه منكسر ولا مستحي مني او منحرج قلت : لاتقول شي ياعمي انا مالمتك وعمري ماحملتك الذنب من حقك تخاف على ولدك وتحرص على سعادته . واللي صار امتحان من ربي لي انا ومهند اكثر شي والحمد لله على كل شي .
: الله يستر عليك يابنتي انا اشهد انك بنت اصول .
تكلمت خالتي : ابو مهند مهند كلمك .
قاطعها قال : مايحتاج يكلمني اللي كلمني سعود بنفسه وقال ان مهند جاه واعتذر منه وقال لي انه مافي خاطره علينا شي ومايحتاج ننحرج منه ...انا غلطت بحق ولدي وحق ديمه قبل .. التفت عمي علي وقال : انا ناوي اراضي ديمه ومهند على الله يرضون علي . سكت وكمل : اللي صار لك ياديمه كله باسبابي .. لكن الله يقدرني واعوضك وانا ابوك .
: الله يخليك لنا ياعمي وانا اذا عرفت قلب الانسان تصرفاته مااقيس عليها شي وانت قلبك كبير وطيب ياعمي وتأكد ان قلبي مافيه لك الا كل خير .
: يالله اسمحوا لي وراي شغل ..
: خذ راحتك ياعمي وتسلم على الزيارة .
خرجت خالتي مع عمي برا بتكلمه بعد مالبست عبايتها ..
رجعت لي بعد شوي قالت : عمك ندمان اكثر من مهند ياديمه بس يقول انه متورط ومافي يده حيله واليوم احس انه ارتاح .. سامحيه ياديمه
: خالتي تكفين لاتقولين هالكلام انا مسامحته ومافي قلبي شي على احد بس لاعاد تفتحون المواضيع هذي معاي الحمد لله ان ربي ستر .
افطرت مع خالتي من الفطور اللي ارسلته علينا سميرة مع عمي وصبت لي خالتي كاسة شاهي .. وأخذت كاستها وجلست على الكرسي اللي قدام سريري .

سمعت صوت عناد اخوي برا .. وسمعت مهند يسلم عليه وهو يرحب ويهلي فيه ...وقامت خالتي لبست عبايتها وتغطت ودخل عناد عندي وسلم علي ودخلت عمتي صالحه عندي سلمت علي وكانت جايبة لي اكل بس ماقدرت آكل لأني شبعانه ... وقالت لخالتي ام مهند تروح ترتاح في بيتها لأنها بتجلس معاي في المستشفى وبعدين بتاخذني لبيتها بالطايف .
كان مهند وعناد واقفين برا يسولفون وشكلهم يسمعونا لأن مهند تنحنح ودخل .. قال : اسمحي لي ياام عناد ديمه بتطلع معانا لبيتها
تكلم عناد اللي دخل وراه : المعذرة يابو بدر ..ديمه ماتدخل بيتك بعد مااهنتها وراسي يشم الهوا .
: تمهل ياابو عبدالله ترى الأمور تصلحت
: وشلون تصلحت ؟
: الموضوع هذاك انتهينا منه واعتذرت من الرجال اللي ابوي ورطني معاه .
: اعذرني ياابو بدر اللي سويتوه باختي مو سهل ومااقدر اخليها تروح معاك لين تثبت لي انك بتصون اختي وتحافظ عليها .
: ابشر مالك الا اللي يسرك .. وديمة تسوى الدنيا ومافيها عندي
تكلمت عمتي صالحه تهدي الوضع قالت : الليلة انا بجلس مع ديمه وبكرة تعالي ياام مهند ان كان ديمه بتطلع عندكم برجع للطايف بدري .. عيالي هناك تاركتهم مع عبدالوهاب والشغالات .. والا اخذتها معاي .
ردت عليها خالتي ام مهند : الله يسلمك ياام عناد ديمه بنتي وانا امها لاتخافين عليها وبتطلع لبيتها بإذن الله .
: هذا العشم ياام مهند بس ودي اجلس معاها عاد يوم جيت من بعيد
نادى مهند امه قال : خلينا نروح ونخلي ديمه تاخذ راحتها مع عمتها .
ونادى عناد يروح معاه لأن خالي ناصر مو في بيته وماعنده مكان يروح فيه .وحلف ان غدا عناد اليوم عنده .
جلست مع عمتي صالحه وقعدت تسولف لي عن عناد اللي صاروا الناس ينادونها بامه وعادل وحبها له وسديم ودلعها لها .. وحب عبدالوهاب لاخواني عسى الله يجازيهم الجنه منتديات ليلاس
نمنا انا وعمتي لأني اصلاً تعبانه مانمت زين اليوم وعمتي جاية من الطايف مشوار طويل ..!

فتحت عيني العصر ماشفت عمتي ولا خالتي ام مهند بس شفت وجه اتوه فيه اعشق كل ملامحه عيونه ، حواجبه ، خشمه ، وفمه وشنبه الخفيف والمنسق بأناقه .. وذقنه الطويل .. ويدينه القويه .. وصدره وأكتاافه يااااه ياصدره قد ايش هو كبير وعميق .. اذا ضمني احسني اضيع فيه .. احسني صغيرة عليه .،
احب شعره الطويل وطريقة لبسه لثوبه وشماغه كل شي فيه يوحي برجولة طاغية احسه قوي بكل شي باسلوبه بصوته بقراراته بتحديه لي وبسيطرته على مشاعري وأحاسيسي .. قوي بحبه لي وتعلقه فيني وكلامه لي وطريقة تعامله معاي .
تأملنا بعض لدقايق طويلة ..أخيراً باس راسي وأنفاسه فيها لهفة وحب وشوق احس فيهم .. قال بحنية واضحة في صوته وكلامه وملامحه : صح النوم ياسعادة مهند .
ابتسمت وقلت له : صح بدنك ياروح ديمه . من متى وانت هنا ؟
: لي اكثر من نص ساعه .
: لااااااا ..... ليه ماصحيتني ؟
: اصحيك واخرب علي اللحظات اللي اتأمل فيها اجمل من خلق ربي بهدوء وانسجام .
: اجل انا اخرب عليك ؟
: لا بس تقطعين علي لحظات التأمل ..
دخل علينا خالي ناصر وهو يقول : هلا والله بالشيخ مهند اجل هذي سواة ؟
ضحك مهند بصوت عالي وراح له يسلم عليه وهو يقول: هلا والله باللي يقطع لحظات التأمل صدق .
ضحكت من كلامهم لأنهم اصحاب ويمونون على بعض بكل شي .
جاني خالي وسلم على راسي قال : وش لحظاته وتأمله اجل بغيت تذبح بنتي تقول تأمل وخرابيط ..؟ الحمد لله على سلامتك ياديوم .. هذا اللي استفدناه من هالمهند يوم شافك . ليتني مخبيك عنه لين تولدين .
انحرجت من خالي قلت : هههههههههههههههههههههه الله يسلمك . خااااالي لاتعيد هالكلام خلاص اسكت بعدين كل شي مقدر ومكتوب .
: اجل ضحك عليك بهالكلمتين وقال لك مقدر ومكتوب ؟
: هههههههههههههههههههههههههههههه
مسكه مهند من يده وهو يضحك قال : هههههههههههههههههههههه وخر عن حرمتي لاتغير افكارها ماصدقت انها ترجع لي .
طالع خالي فيه وقال بجديه : من قال انها بترجع معاك ؟
: اوووه ياناصر انحلت المسأله ورحت كلمت سعود والحمد لله تفهم وضعي .. طالعني مهند وكمل : عرف حبي لديومتي .. وعرف اني مااقدر اخلي احد يدخل حياتي غيرها .
: اها اجل الله يبارك لكم بس احذر يامهند تأذي ديمه بعد كذا . ترى ماعاد بنسمح لك .
: اقول فكني منك انت ونصايحك .. بعدين وش تبي انت ومخلي العزا وقاطع كل هالمشوار .
: والله عاد هذي ديمه مو أي احد اترك الدنيا كلها واجيها .
قلت انا : الله يخليك لي ياخالي وعساني ماانحرم منك .
ضحك مهند وقال وهو عند الباب بيطلع : اجل كل هذي دعوة لناصر وانا ولا حتى نص دعوة . قطع كلامه وقال : هلا والله بعناد ادخل مافيه الا ناصر .
دخل عناد علي وسلم على خالي وجلسوا يسولفون .. بعدين قام خالي وقال لعناد يروح معاه للبيت .. عشان عمتي صالحه وخالتي ام مهند هنا ومستحي يطول عندي ويحرجهم اكثر لأنه شافهم جالسات برا قبل مايدخل .
اول ماطلع خالي دخلوا عندي عمتي وخالتي وكملوا سواليف مع بعض وانا رحت ابدل والبس وجلست آكل من الأكل اللي جابه مهند لي من البيت .
سمعنا صوت خالي ماجد عند الباب وتغطوا عمتي وخالتي ودخل علي معاه باقة ورد كبيرة وهو يضحك واقف على راسي . قال : السلام عليكم .
: هههههههههههههههه هلا والله عليكم السلام ورحمة الله وبركاته
: كيف ديمتنا الغالية ..
: الحمد لله بخير كيفك انت وكيف صحتك
: بخير اذا انتي بخير .. الحمد لله على سلامتك . واللي راح ياديوم لاتتحسفين عليه الجاي افضل وأحسن ان شاء الله .
: الله يسلمك ياخالي والحمد لله على كل شي .
مسك اذني بشويش قال : تعرفين تخبين هاه .؟
: ههههههههههههه غصب ياخالي نتقي المشاكل .
دخلوا خالي سامي وخالتي فادية بعد خالي ماجد بربع ساعه كانوا جايين على سيارة لوحدهم لأن خالي ماجد بيرجع عناد وعمتي معاه مايبغاهم يرجعون مع السواق ..
اخوالي عادي ماكانوا زعلانين مني عشان سالفة الحمل اللي ماقلتها لاحد بس خالتي فادية زعلانه وكل شوي تقول طيب ياديمه اجل هدى اقرب مني وانا اللي حسبتني اقرب الناس لك ومثل امك .. اعتذرت منها ان نفسيتي كانت تعبانه وماكنت ابغى الموضوع ينتشر . وجلست اشرح لها لو كنت قلت لها وعرف احد كيف بيتصرفون الناس وبيلحون اني ارجع غصب ووووو الين اقنعتها .. منتديات ليلاس
خرجت لبيت خالي ناصر مع خالتي فادية بعد ماترجيت مهند اروح لبيت خالي وراح ارجع لبيتي وانا مو تعبانه احسن .. وقعدت احمسه اني راح ارجع له وشكلي ونفسيتي احسن وكل شوي اقول له ارجع لك ونعيش شهر عسل من جديد . آخر شي وافق وقال اني ضحكت عليه بكلمتين وصدقني بس ماله الا الصبر .

جات هدى مع خالي اللي رجع لهم في المدينه بعد يومين من طلعت من المستشفى ورجعت خالتي فادية لبيتها وأخوالي وعمتي وعناد رجعوا للطايف .

مهند يزورني شبه يومي .. وانا اخذت لي غرفة تحت عشان مااقدر انزل واطلع وكمان عشان مهند اذا جا مايطلع على فوق خاصة ان هدى موجوده .
خالتي ام مهند باستمرار تزورني والبنات يجون احيانا معاها واحيانا تجي لوحدها
خالتي فادية واخوالي كل ماحصلوا فرصة يجون يسهرون معانا .. !
بصراحة قضيت ايام في بيت خالي من اجمل الأيام .. ويارب تكون الأيام الجاية احلى ..
اكثر شي يسعدني قربي من خالي ناصر وشوفة مهند وحبه لي .. عسى الله لايحرمني منهم ..
اليوم كملت اربعين يوم من بعد ولادتي .. دخل علي خالي وشنطتي جاهزة قال :زوجك برا ينتظر مايبي يدخل يقول خلها تطلع لي
: حاضر يالله خارجه
ناديت الشغالات يشيلون الشنط حقتي لأني نزلت السوق قبل ايام وعلى قولة هدى كأني مجهزة لزواجي من جديد ... من حقي اجهز مرة ثانية لأن ايامي الحلوة اللي قضيتها بالسنة اللي مرت بزواجي ماعرفت فيها طعم السعاده الا كم يوم وتنعد على الأصابع ...
كنت مغطيه وجهي وركبت مع مهند بالسيارة .. عاد هو مو مصدق اني برجع معاه للبيت . ومن فرحته اللي باينه عليه قال : نروح للبيت ولا نسافر لنا كم يوم بعيد عن الناس والازعاج ..
قلت له : استنى كم يوم بعدين نقرر برواق خاصة ان ماعندك اجازات هذي الفترة .

اول مادخلت لقيت سميرة بوجهي وريم ورانيا اللي جات على طول وحضنتني
جلست معاهم بالصالة وقمت انزل عبايتي .. امس كنت مغيرة شكلي بالمرة من زمان ماصبغت شعري .. ولا رتبته وقصيته ومهند كان يشوفني وانا ببيت خالي ايام نفاسي بالجلابية ولا قمصان عادية وبيجامات ساترة ماكنت اتزين بس امشط شعري والفه وامسكه بشباصه .. اهم شي عندي اني اكون مرتبه وشياكه لمن اقابله .
البارحه لمن عرفت من مهند انه بيجي ياخذني رحت للمشغل وصبغت شعري بني ودخلت عليه احمر بورغندي وأطرافه لونتها ببنفسجي وموف طالع جنان بصراحه ...طبعاً الوان هادية مو مخبصة وصارخه .. وقصيته قصة روعه مناسبة لشكلي .
كنت حاطه مكياج ومثقلته شوي ولابسه تنورة قصيرة لونها اسود وبلوزة حرير لونها تركواز وفيها فصوص كريستاليه وبدون اكمام وحلقها واسع ...
ولابسه عليها بوت طويل وكمان اكسسوارات اسود وتركواز

دخل مهند بعد مانزل الشنط وأعطاها الشغالات يودونها على فوق ويرتبونها . اول ماشافني حسيته تنح .. وقف يطالعني بصراحه مرة استحيت من اهله خفت البنات ينتبهون له .. بلع ريقه بعدين قال : بتجلسين هنا ؟
انا ارتبكت اكثر منه وقلبي صار يدق اكثر قلت : ها ..؟ ايوه تعال اجلس معانا ... ابتسمت له وهو متجمد .. بعدين اخذ جواله ودق على رانيا اللي طلعت فوق قال : هاتي الكميرا حقتك بسرعه وتعالي بنتصور بمناسبة رجوع ديمه للبيت .
قرب مني وجلس بجنبي قال : تعبان انا بتقهوى واطلع فوق
: ممممم بتنام
: ايوه
: مهند شو تنام احنا العصر
: ها..؟
تكلمت خالتي اللي دخلت علينا والشغالة وراها بالقهوة والحلا والمعمول وهي تضحك : يمه تقهووا بعدين خذوا راحتكم
سمعنا صوت عمي قال مهند : غطي صدرك ويدينك لااشوفك كذا قدام ابوي
: حاضر معايه شال جايبته عشان اذا عمي جا احطه علي
خرجت الشال ولفيته على اكتافي وصدري وسلم عليّ عمي وجلس يتقهوى معانا
وحلف عمي الا يسوي لي عشا ويجمع اخواته وخالات مهند .. فتحت فمي وانا اطالع بمهند
: لا يابنتي محد بمأذيك تطمني
: بتجي ..؟
: ايه لازم اعزمها مهما كان هذي اختي وتطمني ماراح يغلطون عليك وهالمرة انا اللي بوقف في وجيههم .
مارديت على عمي بس خفت من نورة وقلقت لأنها ماتستحي من احد ولا تخاف من شي .
جابت رانيا الكميرة وصورتنا على طول بعد ماقام عمي .. ناداها مهند قال : صورينا كذا .. حط يده من وراي وهو جالس بجنبي وسحبني ناحيته وانا اضحك ومنحرجه من رانيا وريم وخالتي وسميرة اللي كانت تعلق علينا وهو يسكتها .
منتديات ليلاس
بعد المغرب جلست انا والبنات ومهند ارسله عمي لمشوار عشان العشا .. كنت خايفه ومن جد افكر اروح لغرفتي اتخبى لحد ماتروح نورة وبنتها
اذن العشا وكانت نورة اول الحاضرين بس كانت لوحدها فاطمة مو معاها ..وجات مزون خالة مهند وعمته منيرة وكل وحده جابت لي هدية واشوا نورة ماكلمتني ووالغريب انها سلمت علي بس انا مااحتكيت فيها ابداً .. رحت عند البنات مستغربة من نورة وحالها قالت رانيا : زوجها حلف ليطلقها ان جاه عمي مهند يشتكي انها تكلمت عليك .... ودق على عمي مهند وقال له اذا نورة ولا بنتها تكلموا لزوجتك دق علي .. وعمي مهند ماصدق قعد يقوله جزاك الله خير والله يعطيك العافيه ..
خبطتني ريم على كتفي قالت : كل هذا يحبك وخايف عليك .
: هههههههههههههههه الله يخليه لي بسم الله من عينك اذكري الله
: ماشاء الله تبارك الله الله لايغير عليكم ويستر عليكم ترى طفشنا من دلعكم على بعض استقروا خلونا نستقر احنا كمان .
: هههههههههههههه لا خلاص ان شاء الله ماعاد فيه مشاكل
: يااااااااااااارب .. قالته رانيا وهي ترفع يدينها تدعي
سألت رانيا : كيف عرف زوج عمتكم عن عمايلها معاي .
: يقول سمعتها تكلم بنتها وبغيت اذبحهن فشلني فيكم .
: سبحان الله يمهل ولا يهمل .. كشفهم قدام الانسان اللي يخافون منه .
قالت ريم : عاد زوج عمتي نورة شديد وياما ضرب عمتي ومشاها على كيفه ومايعرف يتعامل مع عياله الا بالضرب والقسوة يعني يخرررع وربي ارسله على عمتي نورة عشان يأدبها.
: ياربي لك الحمد نورة وفاطمة وافتكينا منهم والزفت الثانيه انقلعت سيرتها وارتحنا ياربي استر لاينغص علينا شي .
قالت رانيا بحمااس : آمين يارب نبغى نشوف ديمه ومهند مبسوطين ومايفرق بينهم شي .
ضحكت انا وقلت لهم خلاص فكونا من السيرة هذي ماابغى اتكدر اليوم .

تعشينا وبعد العشا على طول كان مهند يدق على جوالي : بطلع بعد عشر دقايق الاقيك فوق
: هههههههههههههههههههه حبيبي لسه بدري .
: لاوالله ؟.. ديوم عجلي بلا دلع .
مسكت ضحكتي وقلت بدلع : ممممممممم رجعنا يامهند خلاص زعلت
: لا واللي يخليك الا زعلك مااقدر عليه .. بس جد ديومتي دقايق وجاي وراك
: اوكي حبيبي

طلعت فوق لجناحنا .. شفت المكان غريب علي ..كأنه مو بيتي ولا المكان اللي تركته قبل سته شهور .. الأرض كلها شموع حمرا وريحتها تجنن من الباب الين غرفتي والسرير ..الورود الطبيعيه منثورة على الأرض وريحتها معبية المكان . وفيه بوكيه ورد حمرا كبيرة وعلبه هدية مغلفة .. كان جو جناحي رومنسي كثير .. وشاعري وخيالي .. مااقدر اوصف لكم روعته .. تمنيت اني انا اللي اسوي لمهند هذي الحركات بس هو دايماً يغلبني .. طالعت الجدران كانت كلها صورنا .. لوحة كبيرة في الواجهه وهذي وحدة من اللي رسمتهم لي انا وياه . . والباقي صورنا لمن كنا في ابها .. ومكبر صورة زواجنا وحاطها في الغرفة . ياعمري يامهند اثريه يجهز لي المكان ومتحمس لرجعتي بأكثر مما توقعت ... بسرعة لبست قميص نوم احمر قصير لنص الفخذ حرير وأطرافه دانتيل . فتحت شعري وعدلت مكياجي وحطيت روج احمر ورشيت علي من عطري اللي يحبه مهند بعد ماحطيت على جسمي بدي لوشن ينعم البشرة ويخلي العطر يمسك في الجسم اكثر .. وشغلت أغنية اليسا مليون احبك
دخل مهند علي ولمن شافني ووقف شوية وابتسم لي بعدين قرب مني وضمني لصدره ..كنت احس اني مو بالدنيا .. كنت بعالم حبيبي الخاص
الجو رومانسي بشكل رهيب ..
مليون احبك حبيبي يا روحي وعمري انا
عايشا بحبك ليالي بحبك يا كل المنى
مليون احبك حبيبي يا روحي وعمري انا
عايشا بحبك ليالي بحبك يا كل المنى

انا حبيت في عينيك الدنيا
شوفت ليالي جميله معاك
واتمنيت ما تفوت ولا سانيا
غير يا حبيبي ماكون واياك

مليون احبك حبيبي يا روحي وعمري انا
عايشا بحبك ليالي بحبك يا كل المنى

ولاقيتني بدوب من نظرة شوء
بعيونك ليه يا غالي
خليتني احب بالحب أوعد
نجوم لياليه ليالي .



من أول يوم أبلتني عينيك
شاغلوني وشغلوا عينيّه
دورت عليك في عيون الناس
ولاقيتك ساكن فيّهمنتديات ليلاس
مليون احبك حبيبي ..

مااعتقد فيه احد اسعد مني لمن اكون بحضنه .. شالني ونزلني على السرير واعطاني الهدية .. فتحتها واو كان عقد الماس يجنن مكتوب فيه (ديمة مهند ) وفيه علبه ثانية صغيرة اول مافتحتها لقيت ورقتين ..تذكرتين سفر لفرنسا .
حسيتني مخنوقه من تصرفات مهند معاي وحبه لي مااتحمل كل هالحب والاهتمام قالت وعيوني فيها دموع : كثير يامهند .
حط يده على خدي ورفع راسي وقرب مني قال : انتي اللي كثيرة علي . احبك ياديمه . احبك ومجنون فيك ..
ابتسمت له احس ماعندي تعبير ماعندي كلام يوصف احساسي لمهند قلت بهمس : مليون احبك حبيبي يا روحي وعمري انا عايشا بحبك ليالي بحبك يا كل المنى .
ضمني على صدره قال وهو مغمض عيونه : غنيها لي ..
رديت عليه بهمس وانا اضحك : هههههههههههههههههه عشان تشرد من صوتي .
: لا عشان اعيش واستمتع بهدية ربي علي .يالله ديوم غنيها لاتعاندين
غنيتها له وانا على صدره . مليون احبك حبيبي يا روحي وعمري انا عايشا بحبك ليالي بحبك يا كل المنى .. انا حبيت في عينيك الدنيا شوفت ليالي جميله معاك واتمنيت ما تفوت ولا سانيا
غير يا حبيبي ماكون واياك
سكت وهو ساكن وساكت وأحسه مندمج معاي بالرغم اني صوتي اذا غنيت مو حلو وأخرب الأغنية بس مهند مسلطن قال : كملي ليه وقفتي حرام عليك . صوتك يدوخ ويذوب ويجنن .
ضحكت وقلت : لو صوتي حلو كملت بس خفت ازعجك ... ممممممم حبيبي شو رايك نروح لسوريا نقضي فيها كم يوم بدل فرنسا ؟
رفع راسي وطالعني : لا لا لا لو نروح لسوريا كل شوي بتقولين بنروح لجدتي وبنسهر ونطلع معاهم انا ابيك لي لوحدي اباخذك عن الدنيا كلها لي انا وبس . بعدين التذاكر هدية ابوي علينا . مو من عندي .
:ههههههههههههههههههههههه زي ماتبغى ياروحي .. انا حلالك وعلى كيفك اللي تبغاه يصير ماراح اعارضك .


قضيت مع مهند اسبوع يشبه الحلم في بيتنا بعدين سافرنا لفرنسا .. هالمرة عكس سفرتنا هذيك .. ماندخل الفندق الا اذا نبغى ننام ومن الصباح نخرج ونرجع آخر الليل تعبانين وننام على طول .
في الشانزليزيه كنا نمشي مع الزحمة .. وانا بجد قرفانه على قد ماكان هالمكان حلم اني ازروه الا اني الحين قرفانه منه .. أي احد يروح لفرنسا لازم يزوره وزحمة وأكثر اللي هنا عرب .
مسكت مهند بيده قلت : تعال بعد عن الزحمة اخاف تجي بنت تتلزق فيك ..
سمعت ضحكة مهند بصوت عالي وانا اطالعه باستغراب وابتسم هذا اشفيه انهبل .. العالم قعدت تطالعنا .. انتبه لنفسه قال : اخيراً ياديوم شفتك تغارين علي ومعصبه من البنات ههههههههههههههههههههههههههه
قلت له وانه اغمض بعيوني وارفع حاجبي : اغار طبعاً مو زوجي وحبيبي . يالله مهند امش والله احسهم يغيضوني اللي يطالعونك .
ضحك مهند مني وضم على يدي بقوة قال : يالله نروح مكان ثاني لعيون ديوم .
اضطرينا نرجع بدري عشان زواج عمي ياسر وريم .
رحت انا وريم للسوق اكثر من عشرين مرة وأحيانا ننزل في اليوم مرتين .. الله يرحم خالتي فادية وتسوقها مع ريم .. خالتي صحيح تاخذ اشياء كثيرة وبأسعار غالية لكن ريم مع انها تاخذ اشياء كثيرة والسعر مايهمها الا انها من النوع اللي مايعجبها شي بسهولة . وديتها اكبر مراكز وأسواق في جدة . آخر شي اشتريت لي فستان من تصاميم زهير مراد ناعم مرة لونه ذهبي وموديله ناعم وهادي واشتريت له اكسسوارات وجزمة وشنطة صغيرة ورجعنا للبيت وانا كل مرة اقول لريم هذي آخر مرة انزل معاك واليوم الثاني تكسر خاطري وانزل معاها .
ليلة الزواج في القاعه وبعد مازفينا عمي وريم دقيت على مهند يجي يرجعنا قال امي ورانيا وسميرة والشغالات بيجي ياخذهم السواق وانتي اطلعي لي بترجعين معاي .
خرجت له بعد ماقلت لخالتي على كلام مهند لأن خالتي تقول تعبانه وبترجع بدري ومهند بيتأخر شويه .. راحوا كلهم ماباقي الا انا وبعض الناس من اهل عمي وقرايبنا اللي جايين من ابها ..
شفت نورة وبنتها وبسرعه رحت لبست عبايتي وسلمت على اهل عماني وعمتي صالحه .. جات نورة عندي قالت : ديمه تعالي ابي اكلمك .
طالعت بعمتي وانا فيني خوف الدنيا قلت : لوسمحتي مشاكل معاك ماابغى
شفتها غير هالمرة قالت : يابنت الحلال ماجيت اسوي مشاكل ابي اعتذر منك . وشفت فاطمة اللي طول الليل لوحدها وماقربت منا الا لمن سلمت على البنات وانا طنشتها . حتى ساميه طول الليل تسب فيها وانا اسكتها . قلت : خلاص ياام فهد ماصار شي وقلبي مافيه عليكم شي بس تأكدي انه لو صار منكم شي ماراح اسكت هالمرة .
قالت فاطمة : سامحينا ياديمه ربي عاقبني على عمايلي فيك وعطاني زوج عنده حرمه ماخلتني اتهنى بحياتي من يوم ماتزوجته ..
حسيت بغصة في حلقي لأن فاطمة فعلاً حزينه وندمانه قلت لها : الله يسامحكم وترى قلبي مافيه شي عليكم .. سكت ثم كملت حاولي يافاطمة تكسبين زوجك باسلوب حلو وبعدي عن زوجته لاتحتكين فيها لأن محد يلومها ماخذه زوجها انتي .. منتديات ليلاس
: هزت راسها وجات سلمت علي ورجعت ودموعها على خدها . ولحقتها امها بدون ماتتكلم .
رجعت لعمتي وحاولت فيها تزورني بكرة بس مارضت قالت ان عبدالوهاب معاها وبيرجعون بكرة للطايف من بدري .
دق مهند عليّ قال اخرجي لي برا انتظرك .. وخرجت بسرعه .. رحنا اخذنا كوفي وسولف لي عن عمي كيف كان مرتبك ويطالع الساعه ووكل شوي يقول يالله باخذ زوجتي وامشي وشو له انا جالس هنا ..
طالعني وهو يضحك بخبث قال : وش رايك ازعج ياسر الحين .؟
: لا مهند حرام عليك ترى بيزعل منك .
: لا ماراح يزعل اعرفه .. بس بحرج ريم المشكله .
تخيلت ريم منحرجه من مهند وضحكت قال : دقي عليها بالله بشوف ردة فعلها واحنا نزعجهم .
: ههههههههههههههههههههههههههههههههه يالله بس اذا قفلوا في وجيهنا انت المسؤول .
دق على عمي وانا دقيت على ريم وعلى طول سمعت مهند يضحك يقول وش اخبارك وكيفك ووشلون اختي عسى مازعلتها بشي .. وضحك مهند بصوت عالي ..
أخيراً ردت علي ريم قلت لها : كيفك ريومه مرة وحشتيني
قالت بصوت مايطلع يادوب اسمعه : بخير حتى انا بس مااقدر اكلمك مرة مستحيه .
: حياتي ريومه ترى جايينكم بنسهر معاكم انا ومهندي .
: شو ؟ ديمه من جد ؟ سكتت بعدين قالت : ديمه بقفل في وجهك ولا اقولك خذي عمك كلميه .
طالعت مهند لقيته يضحك ومنزل جواله خلص المكالمه .. كلمني عمي قال : ها انتي بعد خير .؟ احد دق عليكم ليلة زواجكم ولاازعجكم
: ههههههههههههههههههههههههههههه عمي شو فيك اشتقنا لكم قلنا نزوركم .
: اقول يالله بلا هبل
قفل في وجهي وانا ميته ضحك ومهند يضحك بصوت عالي قال : عصب وتكلم علي وانا استفزيته ثم قفل في وجهي .
: هههههههههههههههههههههههههههههههه مو قلت لك بيقفلون .
طالعني قال : الله يسعدهم ويهنيهم .. عاد حرام نزعجهم احنا محد ازعجنا هذيك الليلة .
: لاتذكرني ..!
حسيت مهند هالمرة جدي ووقف ضحك قال : على قد ماقهرتك قهرتيني بس الأهم اللي وصلنا له الحين .
: اوووه مهند خلاص حبيبي فكنا من أي شي ينكد علينا .. انا اعترف كنت وحده غبيه مافهمتك وعاندتك وتحديتك زي ماتحديتني بس .. غيرت لهجتي لدلع وكملت .. لوعرفت انك تحبني هالقد كان استسلمت وحبيتك من اول مرة شفتك فيها .
: وه ياناس على اللي بتذبحني بكلامها ودلعها .
: هههههههههههههه فين رايحين الحين .؟
: راجعين للبيت بس مغير الطريق .
: اها عشان كذا مخربطه ماعرفت فين رايحين .
: خلاص دقايق ونوصل بيتنا ان شاء الله .

فعلاً وصلنا بعد دقايق وطلعنا فوق لجناحنا اول مادخلت نزلت عبايتي وصفر مهند لمن شافني .. ضحكت على حركته قلت : شو ؟ مهند هههههههههههههههههههه
: مبهووووور يانااااس .
: ههههههههههههههههههه اول مرة تشوف وحدة لابسه فستان سهرة وحاطة ميك اب ثقيل ..؟
: هههههههههههههههههههههههه لا ياعمري بس اول مرة اشوف وحده تبهرني بالشكل هذا .. ؟ ممممممممم تدرين تشبهين من ؟
رفعت نظري فوق مسوية محتارة قلت : مين لاتقول باريس هيلتون ولا نيكول كيدمن ولا جنيفر لوبز ..
: هههههههههههههههههه لا لا لا .. انتي احلى من كل هذولي ..
جيته امشي بدلع وانا اتمايل بمشيتي وفتحت ازارير ثوبه قلت : اجل اشبه مين حبيبي ؟
: تشبهين خالتك سمر نسخه منها بس انتي افتح شوية وانحف منها و ممممم شعرك اطول اما الباقي نسخه
فتحت عيوني بقوة وضربته على صدره بشويش قلت : اثريك قاعد معاها وتدقق فيها وتطلع الفروق بيني وبينها طيب يامهند اوريك اذا خليتك تجلس معاها مااكون ديمه .
: هههههههههه يابعد قلبي ياللي تغار علي .. سمر اعتبرها اختي ، خالتي .. عمتي ..ولو تبين امي ولا جدتي هههههههههههههه ... بعدين انتي المفروض ماتغارين اولاً لأنك اجمل ماخلق ربي في نظري .. ثانياً انا احبك يابنت افهمي احببببببك .. قرب مني وشالني قال : ماراح انزلك الين توعديني ماتغارين علي من احد .
: هههههههههههههههههههه لاتنزلني لأني راح اغار عليك الين اموت .
قعد يلف فيني ويضحك قال : هههههههههههههههههههههههههههه خلاص ماراح انزلك .
: ههههههههههههه انت اللي بتتعب ترى انا كذا مرتاحه ..
رماني على السرير وهو يضحك ورمى نفسه بجنبي وحضني على صدره ..
: احبك ياديمه احبك ومجنون فيك .
: وانا اعشقك ياعمر ديمه عسى الله يخليك لي بس .

منتديات ليلاس
بعد اربعه شهور من زواج عمي ياسر وريم .. نايمه في جناحنا وتحديداً بغرفتي صحيت على صوت مهند
: ديمه اصحي يالله مابتنزلين تفطرين معاي .. شو هالكسل .. ؟
: هممم مهند فيني نوم والله .. ماادري شو فيني من امس احسني دايخه ومالي نفس اقوم من السرير او آكل شي .
: تعبانه ..؟ فيك شي .؟
غطيت وجهي باللحاف ولفيت على الجهه الثانيه قلت : ماادري .
جلس مهند بجنبي قال : طيب قومي غسلي وانزلي افطري معاي ولاتبيني افطر لوحدي اليوم .
شلت الغطا عن وجهي وطالعته ابتسمت وقمت بروح اغسل وانزل افطر معاه عاد اش اسوي دلعته من زمان مايفطر الا انا معاه قبل مايروح للمستشفى .. بس لاااا مرة دايخه وتعبانه مسكني مهند ووداني عند الحمام وانا رجعت كل اللي بمعدتي ياربي شو صار لي ..
رجعت مع مهند للسرير قال : يمكن برد جايك بس جهزي بعد ساعتين برجع آخذك اوديك للمستشفى اشوف ايش صار لك ..؟
: اوكي بس الحين بنام اذا خرجت من المستشفى دق علي البس .
رجع مهند بعد ساعتين ووداني المستشفى وسويت تحاليل ورجعت اجلس بالاستراحة استنى النتيجه وهو راح مع ا لممرضة
بعد نص ساعه ناداني وخرجت له وهو يبتسم ومستانس وقرب مني وهمس لي : مبروك ياعمري
: شو ..؟ حامل ..؟
: حامل ياعمري .. وبتجيبين ولدي بس هالمرة بندلعه وبنراعيه انا وانتي مع بعض .
: ههههههههههه ان شاء الله حبيبي . الله لايفرقنا .
:آمين يارب .
رجعنا للبيت وهو اول مادخل قعد يصارخ .
: يمه يمه يمه
وقفت خالتي على الدرج فوق قالت : هلا يمه فيه شي ؟
: ههههههههههههههههه انتي تعالي وبعدين تعرفين .
جات خالتي من فوق تجري واستغربت اني بعبايتي ومهند ماسكني
: خير يمه وش فيكم تصارخون ؟ ديمه فيها شي ؟
: خير ياام مهند تعال اجلسي .. الا وين رانيا ..؟
: بسم الله عليك رانيا في المدرسة .. مهند وش فيك يمه ؟
: اوووه نسيت والله
رديت وانا اضحك : مهند هههههههههههههههههههههههههه شو فيك ؟
تكلمت خالتي : مهند ديمه وش صاير ؟
: يمه ديمه حااااااامل وفي الشهر الثاني ..
: ههههههههههههههههههههه والله ؟ عساه مبروك الله يتمم حملك على خير ويرزقكم بالضنا الصالح ؟ ويستر عليه عاد هالمرة اهتمي فيه ومالك منا الا نراعيك ونداريك .
رديت عليها : الله يخليك لي ياخالتي ولايحرمني منكم
ضحك مهند وقال : نفسي تعدي هالثمانية شهور بسرعه ابي اشيل ولدنا واشوفه يملا علينا البيت .. بس والله خايف على ديمه من الحمل وتعبه
قلت وانا ابتسم : مهند شوفيك مو اول مرة احمل .
: لاياعمري هذاك مااعترف فيه يكفي اني دريت عنه اليوم وبكره مات .
: الله يستر على هذا
: بيستر عليه ربي اذا فكنا من المشاكل .. والمشاكل والقلق خلاص انتهوا
قالت خالتي : الله يعينك على الوحم ياديمه
: يوووه ياخالتي وحامي الأول هدني والله يستر لايصير هذا مثله .
: لا ان شاء الله هذا يكون هين ترى الأول عادة يصير اصعب شي واللي بعده يكونون اهون .
وقف مهند قال : انا برجع للمستشفى عندي مرضى اليوم وانتي ياديمه اهتمي في نفسك و في ولدي ممممممممم خذي من الدوا اللي اعطتك اياه الدكتورة الحين وافطري اوكي ... التفت على امه قبل ارد عليه قال : يمه تكفين اهتمي فيها .
ردت خالتي وهي تضحك : يمه روح لدوامك لاتشيل همها ديمه بنتي وفي عيوني .
حطيت يدي على يد خالتي قلت : تسلمين ياخاله الله يخليك لنا
خرج مهند وانا طلعت فوق قلت لخالتي بنزل عبايتي وابدل ملابسي وارجع افطر ..
اول ماعرفت رانيا جات تجري بعبايتها وسلمت علي وباركت لي قلت لها : ان قال لك .
: عمي مهند قابلته عند الباب قال روحي باركي لديمه بتجيب لك ولد عم .
: هههههههههههههههه .بدلي طيب وتعالي نتغدى طالما عمك جا .
: حاضر دقايق بس واجيكم .

..

اليوم اكمل شهري السادس ومهند رافض اني اسأل عن نوع الجنين يقول نبغاه مفاجأة . عدت مرحلة الوحم ولله الحمد بعد عذاب ..والحين ثقيلة بشكل يضحك .. من كثر اهتمام مهند فيني صاير هو اللي يأكلني بنفسه .. وكل شوي يحلف علي اني آكل .. تمنيت اني عند خالي ناصر ارحم منه بكثير . صحيح خالي يزن على راسي عشان آكل بس مو زي مهند اللي يجبرني ويغصبني يقول مافيه شبعانه ولا مو مشتهيه .. واذا قلت ماابغى قال ولدي يبغى .. صرت مربعه وكل من شافني علق على جسمي بدءاً بأخوالي وهدى وخالتي فادية وانتهاءً بريم اللي لها اربعه شهور في حملها ..
ناداني مهند ارد على التلفون وجيت اخذت السماعه منه : الو
: السلام عليكم
: وعليكم السلام
: الأخت ديمه عبدالله
: ايوه معاك ديمه
: انا ابتسام اسعد من الجامعه .. تم ترشيحك معيده بقسم علم الاجتماع وكمان حبيت ابارك لك قبولك في مرحلة الدكتوراة .
: الله يبارك فيك ويبشرك وتسلمين اخت ابتسام ماقصرتي على الخبر
: اخت ديمه ياليت تجين للجامعه بأقرب وقت .
: بإذن الله يوم السبت راح اجي للجامعه .
: ياليت تمرين علي في البدايه .
: ولا يهمك راح امر عليك .
قفلت منها واخذت جوالي على طول قال مهند : خير .؟
: ها ..؟ خير ان شاء الله رشحوني للمرة الثالثة اصير معيدة بس هذا مو المهم الأهم يامهند اني انقبلت لمرحلة الدكتوراه .
: ممممم والله ..؟ مبروك ياعمري بس كيف بتروحين السبت وانتي هذا حالك ..؟
: عادي حبيبي فيه بنات يدرسون وهن حوامل ماصار لهن شي .
: خلاص اللي تشوفينه بس ترى خايف عليك . خاصة انك في مرحلة خطيرة لازم تنتبهين لنفسك اكثر .
: الله يستر مهند لاتخوفني .
دقيت على خالي وبشرته بس قال لي نفس كلام مهند وقال لي انتظر لحد مااولد والدراسه ماراح تطير ولا راح اخسر شي لو انتظرت .
وافقتهم وفوضت امري لله لعله كاتب لي الأفضل .


على نهاية شهري التاسع كنت احس بمغص وآلام بأسفل بطني بس كل مااروح للمستشفى تقول الدكتورة لسه بدري .. منتديات ليلاس
اليوم ظهري بينكسر وبطني احسه بيتشقق من الألم .. اخذت جوالي ودقيت على مهند وانا ابكي : تكفى مهند الحقني ماعاد فيني اتحمل
: ياعمري باقي لك يومين على موعد ولادتك يمكن هذي آلام طبيعيه
: مهند مو طبيعيه والله الله يخليك تعال ودني للمستشفى .
مر علي ربع ساعه يادوب لبست فيهم وجا مهند كنت بنزل بس ماعاد فيني امشي وشالني مهند لحد ماوصلنا السيارة اللي دخلها داخل البيت .. ركبت معاه ووداني للمستشفى اللي يشتغل فيها ..
صدق الولادة موت وحياة .. الحمد لله انتهت المعاناة بعملية قيصرية وتكللت بالنجاح ووجه احلى مخلوق في الوجود ..
شاله مهند على يده وهو يقول : بسم الله الرحمن الرحيم .. ديمه عليه شبه منك وفيه مني .
قال خالي ناصر اللي من اول ماعرف اني بالمساشفى وهو معاي : للحين مابينت ملامحه اصبر عليه فترة ويعلمكم هو يشبه لمن .
قرب مهند مني قال : ها ديوم وش نسميه ..؟ قلت بدون تردد مهند تكفي بسميه ناصر ولا عبدالله
تدخل خالي على طول قال : ناصر لا اذا بتسمينه على اسم احد سميه عبدالله ولا بدر . ولا اختاروا له اسم حلو مو شرط على اسم فلان ولا فلان .
استحيت اتكلم لمن قال بدر يعني على اسم ابو مهند قلت : خلاص على كيف مهند الاسم اللي يعجبه يسميه ..
طالعني مهند وباس راسي قال : بيجي ناصر وبيجي بدر ان شاء الله ... سميناه عبدالله وان شاء الله انه عبداً لله صالح وبار وتقي ..
ابتسمت من قلبي بجد فرحت لمن سميت على اسم ابوي الله يرحمه .. ياليت ولدي يطلع فيه شي من ابوي برجولته ولا كرمه ولا طيبه وطيبة قلبه .. يارب ارحم ابوي رحمة واسعه واجعل مثواه جنان الخلد ..

خرجت من المستشفى لبيتي لأن مهند رفض اروح عند خالي وطلب مني مااجادله قال ابي ولدي عندي 24 ساعه .. وماحبيت ارده لأني اكيد بلاقي عند خالتي ومهند ورنو وعمي كل اهتمام ..


بعد اسبوعين سوينا التمايم حقت عبدالله في استراحة خالي ناصر .. تذكرت ملكتي هي آخر حفلة سويناها فيها .. سبحان الله اليوم انا اسعد الموجودين عكس هذيك الليلة كنت اتعس الموجودين .
جات لمى صديقة عمري ورفيقتي من صغري سهرنا كلنا اهلها واهلي اللي هم بيت خالي ناصر وبيت عمي بدر .. حضروا اخوالي كلهم من الطايف وعمتي صالحة واخواني عناد وعادل وسديم . قرب الفجر وراحت خالتي مع عمي وام لمى وام هدى وجلسنا انا وريم ولمى وخاتي فادية وهدى وحنان وسميرة ورنو اللي طول الوقت حاطه عبودي في حضنها .. ولا توديه عند مهند كل ماقال بيشوفه
وصلتني رساله على جوالي شفتها من مهند كان يقول : ( وشلون حبيبتي ام عبدالله عساها مبسوطة )
ضحكت منه من يوم ولدت مايقول لي الا ام عبدالله احسه يكبرني واذا قلت لاتقول ام عبدالله قول ديمه قال لا بقولك ام عبدالله وانتي لا اسمعك تقولين مهند قولي لي ابو عبدالله خلاص كبرنا طبعا هو يستفزني بكلامه ويحاول يغيضني .

رجعنا بيتنا بعد الفجر ومهند يشيل عبودي خايف عليه من رانيا اللي اصرت تاخذه منه وهو رافض يقول لا بتطيحينه اخيراً عبودي بكى وأعطاني اياه وطلعت فوق وانا اشيله .

عمي صار كل شوي عندي في جناحي عشان عبودي .. ولا يرسل له احد يجيبه له تحت .. الشي الوحيد اللي ماقدرت اطاوع عمي ومهند فيه انهم ياخذون ولدي معاهم في السيارة لوحدهم .. مااقدر ومايجي لي قلب اخليهم ياخذونه وانا في البيت خاصة انه يتعثر بمشيته ولازم احد يمسكه ..
اما خالتي اقدر اثق فيها اذا اخذته ينام معاها او يطلع للحديقه معاها . خالتي تحبه بشكل كبير ورانيا مجنونة فيه تحبه وتدلعه وتلعب معاه احياناً احسها ترجع بعمرها الين توصل سنه قد عبودي وتلعب زيه وتفهمه اكثر مني ويفهم عليها ..


خلصت لوحتي بعد جهد لأن عبودي مو راضي يثبت بمكان واحد كل شوي يجري ولا يجيب له لعبه ويعطيني اياها ولا يبغى ياخذ الفرشه من يدي والألوان .. اخيراً اعطيته علبة الوان وفرشة وورقة كبيرة قلت ارسم هنا .
جلس يخربش بالألوان وهو مبسوط وقدرت ارسم وجهه بدقة الحمد لله .
اخذت اللوحة ووديتها بعيد عن مكان لعب عبودي في الحديقة . ورجعت اخذته طلعته فوق وحممته ولبسته عشان بنروح انا ومهند لبيت خالي ناصر لأنه مشتاق لعبودي وألح علينا نجيهم اليوم ..
دقت علي ريم وانا البس : هلا والله يابنت كيفك وفينك ماعاد تتصلين ومن زمان مازرتينا
: انا بخير بس والله ياديوم مشغوله تعرفين غدي تطفش وابوها عندي مدلعها هذا غير الحمل والوحم اللي طفشني .
: الله يعينك يالله كلها كم يوم وتخلصين الرابع وينتهي الوحم وعسى الله يهون عليك وتقومين بالسلامه وتجيبين اخو لغدي وترتاحين .
: يارب .. الا انتي مافكرتي بالحمل خلاص عبودي كمل سنه .
: انا صعب مااقدر الا بعد سنتين عشان مسوية عملية مو طبيعي زيك ..غير كذا تعرفين توني بديت ادرس دكتوراه وماابغى انشغل بالحمل .. بعدين خلي عبودي ياخذ حقه من الدلال .. احنا ناس حقانيين مو زيكم ههههههههههههههههههه
: ياويلك لو ياسر سمعك كان يموت من القهر مايتحمل على غدي ولو قلتي هاضمين حقها يمكن يكره اللي في بطني .
: هههههههههههههههههههه لا مااعتقد لهالدرجه يكره ولده عشان الست غدي .
: ههههههههههههههههههه مو يكره بس بجد عمك مجنون في بنته كأن مافي حياته غيرها تدرين انهم سافطيني على جنب وهي تتدلع وهو يلبي لها رغباتها .
: الله يصلحها ويخليها لكم ..
: آمين ويخلي لكم عبودي ويرزقكم باخو ولا اخت له .. يالله ديمه سلمي على مهند وزورينا
: يوصل وان شاء الله نزورك قريب
: مع السلامه
: هلا والله مع الف سلامه .
ناداني مهند وهو يشيل عبودي قال تأخرنا ..
لبست عبايتي ولفيت طرحتي وشفت عبودي يبغى ينزل من ابوه عشان يمشي على الأرض من يوم مامشى وهو مبسوط في نفسه ومستغني عنا مايبغانا نشيله ...
خرجت مع مهند ويدي بيده وعبودي يمشي قدامنا بتعثر واجتهاد شويه يطيح وشويه يقوم يجري ..
ضم مهند يدي بيده بقوة .. وانا فيي قلبي له مشاعر من الصعب جداً اني اوصفها .. مهند اعطاني الأمان والحنان والحب والأهم عبودي اللي مالي علينا حياتنا .

الحمد لله ان ربي رزقني بأهل وعوضني عن امي وابوي وجدتي ورزقني بزوج مافيه منه . ورزقني بأجمل طفل في الدنيا .

منتديات ليلاس
.......................

انتهت مهلاً ياقدر اولى رواياتي ..
كتبت عن ديمه وهي شخصية حقيقه اعرفها جيداً .. كل ماحدث في الرواية كانت حقيقة رفيقة اختي ( لمى في الرواية ) وديمه كما احببت ان اطلق عليها هذا الاسم انسانه بمعنى الكلمه قد لم افيها حقها في الوصف .. جميع مآسيها التي وردت في الروايه حقيقيه من فقد الام وعذاب زوجة ابيها لها وتربية خالها وحبه لها الذي لم اكن اوصل لكم شيئاً منه لأنه مضرب مثل في العطاء . والمرض والسفر لامريكا ومواجهة الشخصية التي ستكون زوجها قريبا والتي اطلقت عليها اسم ( مهند ) وخطبة مهند لها ورفضها له .وسفرها لسوريا كل ماحست برغبة في الهروب من المشاكل او الهموم . ورسمها وابداعها في الفن التشكيلي .
اضفت على الحقائق كل الأحداث التي توالت بعد خطبتها من خيالي ... اتمنى لها السعادة .. وان تكون حياتها مع مهند سعيدة وبدون مشاكل .
امنياتي القلبية ان تكونوا استمتعتوا اثناء القراءة .. قد اكون اخطأت بطريقه السرد واكتفاءي بشخصية واحدة تتكلم او تعبر لكني اعشق طريقة السرد والبوح عن الذات والمشاعر .. ارى انني اتقنها اكثر من الوصف لشعور الغير لكنني تحديت مع نفسي وقررت ان ابدأ روايتي الثانية باسلوب مختلف ومفاجيء للجميع سواء الأحداث ام طريقة السرد .. وسيكون وصف جميع الشخصيات القدامه اكثر عمقاً ودقة ..
لكل من وقف معي وساندني في ابنتي الأولى مهلاً ياقدر .. لايفيكم الشكر ولا تفيكم كل معاني الامتنان .. انتم هبة من الله لي حيث بعثني لكم وبعثكم لي ..
قريباً ستكون ابنتي الثانية بين ايديكم .. انتظروني اكملها كي لاأرهقكم بالانتظار كثيراً ..
تذكير لمن اراد نقل مهلاً ياقدر .. رجاءي ان تنسب لي والا لقاءنا عند الحق الذي لايضيع الحق عنده .