لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتملة (بدون ردود)
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


شمس وسحاب

ما سألتـ الشمسـ عنـ وقتـ الغروبـ دامها وانـ جاملتنيـ غايبهـ الوصلـ لو نبتعد وصلـ القلوبـ ما نسيتكـ لو ظنونيـ خايبهـ دمعةٍ في خافقيـ عيّتـ تذوبـ من عذابـ البعد عاشتـ هايبهـ

موضوع مغلق
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 20-04-09, 05:09 PM   المشاركة رقم: 1
المعلومات
الكاتب:
اللقب:
عضو راقي


البيانات
التسجيل: Jun 2008
العضوية: 78903
المشاركات: 2,051
الجنس أنثى
معدل التقييم: احب الليل عضو على طريق التحسين
نقاط التقييم: 70

االدولة
البلدSaudiArabia
 
مدونتي

 

الإتصالات
الحالة:
احب الليل غير متواجد حالياً
وسائل الإتصال:

المنتدى : القصص المكتملة (بدون ردود)
افتراضي شمس وسحاب

 

ما سألتـ الشمسـ عنـ وقتـ الغروبـ
دامها وانـ جاملتنيـ غايبهـ
الوصلـ لو نبتعد وصلـ القلوبـ
ما نسيتكـ لو ظنونيـ خايبهـ
دمعةٍ في خافقيـ عيّتـ تذوبـ
من عذابـ البعد عاشتـ هايبهـ
الوداع يبكّيـ أحجار الدروبـ
ما يلام الليـ بكا حبايبهـ
واللياليـ وعدها الصادقـ كذوبـ
ذوبتـ فالصبر روحٍ ذايبهـ
من عشقـ من قلبـ واللهـ ما يتوبـ
كل عاشقـ .. عاشقٍـ مصايبهـ
فيـ عيونيـ يسكنـ الحلمـ الطروبـ
والأمانيـ نجمتينـٍ شايبهـ

رفعت شمس راسها للسماا ...شافت الشمس تغطيها .....سحااااااابه
انرسمت على شفايفها الورديه....ابتساااامه ناااعمه
وبنفس الوقت...تدحرجت دمعتين ..من عيونها السوووود ..على خدهاا المتوردالى متى ...الى متى....يا شمس يغطيج السحااااب
قااااومي يااااشمس...خلج قويه ...وانشري اشعتك الذهبيه
انشري ...الحياااة والمرح ..مثل كل يوم...قبل مااا السحااااب يغطيج بالكااامل...


***********
روااااايتي الاولى ..بعنوان *شمس..و..سحااااب*
***********


مـقـدمـهـ
في الجوال تسع رسايل ومكالمتين من عبد الله قفلته وحطيته في الدرج

طلت امي علي:شمس عبد الله على تلفون البيت قومي ردي
شمس:يمه قوليله اي شي ما ابي اكلمه الحين

ام راشد:يا يمه مايصير انزين شوفي اش يبي والله مالي ويه ارد عليه

الله يهدي سركم يارب

شمس :خلاص هو مايفهم مقفله جوالي عشان ما اكلمه ويدق على البيت خله يطلقني ويفكني

وبصراخ ماااااااابيه مااااااابيه مب غصب اهو

ام راشد :خلاص فضحتينا بروح اتعذر منه الحين عشان مااخليه ينتظر اكثر بس برجع لج تفهميني وش الي صاير

*************

 
 

 

عرض البوم صور احب الليل  

قديم 20-04-09, 05:25 PM   المشاركة رقم: 2
المعلومات
الكاتب:
اللقب:
عضو راقي


البيانات
التسجيل: Jun 2008
العضوية: 78903
المشاركات: 2,051
الجنس أنثى
معدل التقييم: احب الليل عضو على طريق التحسين
نقاط التقييم: 70

االدولة
البلدSaudiArabia
 
مدونتي

 

الإتصالات
الحالة:
احب الليل غير متواجد حالياً
وسائل الإتصال:

كاتب الموضوع : احب الليل المنتدى : القصص المكتملة (بدون ردود)
افتراضي

 

<<<1>>>

(قبل ثلاث سنوات)

منتديات ليلاس

كناشله متكونه من اربع بنات حبوبات في نفس الفصل من اول يوم في المتوسط نسيم من سوريا
وريم من لبنان وهاديه فهي اسم على مسمى فعلاًهاااااااااااديه هاالبنيه سبحان من خلقها
نجي عند شمسوووووو )على قولة اخوي رااشد اذا عصب علي نوعاًما شديدة البياض<<وهذا الشي يسبب لي الاحراج ... تبين الانفعاالت علي بسرعه>> شعري اشقر املس نوعاًما
<<<<<<<<<<<<
بعد ماطلعت الابله من الصف نطيت عند نسيم وقلت لها :يله نطلع نشرب ماي
نسيم :ياالله شو هاي ...ستكرز
مرينا ريم الي قاعده اول كرسي عند الباب وطلعنا نمشي صوب البرادات
شربنا ورجعنا وحنا نسولف شفنا بنات ثالثه/اول عند فصلنا قلت حق ريم لا تعطيهم وجه اكيد ناسيه كتاب وجايه تستلف
بس هيفا اول ما شافتني ابتسمت لي
هيفا:اهلين شمس شلونج تعالي ابيج بسالفه
رديت عليها وانا اطالعها باستغراب :خير في شي
سحبتني على جنب وقالت بصوت واطي:في واحد معجب فيج ويبي يكلمج ها اش رايج منتديات ليلاس
فتحت عيوني على وسعها ابي استوعب الي تقوله ما عرفت شقول لها
سمعت صوت نسيم : شمس !! بسرعه الإستازيه إجت
هيفا بهمس :اش قلتي
شمس :شقصدج مافهمت؟
هيفا :افهمج بعدين ورفعت يدها باي
لفيت ورجعت الفصل وانا افكر مسكتني نسيم وقالت :شو بيك شو بدها هيفا
السلام عليكم ورحمة الله وبركاته مس نايس وصلت قود افتر نون
قود افتر نون تيشر
(ابله لطيفه مدرسة الانجلش (مس نايس
اخيراً رن الجرس معلن نهايه الدوام المدرسي تجمعنا عند الساحه الاماميه نسيم دايم تطلع على طول لان السواق الخاص يستناها
وريم تروح لبيتها مشي لانه قريب هاديهواقفه تسولف معي :شمس في شي
رديت:ليش
هاديه:بس ويهج مصفوق منتديات ليلاس
لا مافيني شي يمكن ارهاق الحمد لله ان اليوم الاربعا
طلعت هاديه وهي تقول نشوفج السبت ان شاءالله ولاتنسين الي اتفقنا عليه مع السلامه
لبست عبايتي وجيت بطلع ولا اشوف هيفا تأشرلي
نزلت شنطتي وطالعتها وهي تقولي شمس وينج تعالي شوفي ومدت يدها قدام وجهي
وفي يدها صوره ملونه دققت فيها زين من غير ما امسكها واحد لابس عسكري
دارت الدنيا فيني
قلت :من وين جبتي الصوره
هيفا :هو عطاني اوصلها لج وكاتب فيها أهداء شوفي وقلبت الصوره وحطتها بيدي
شمس :تبين تعرفين ردي ومزعت الصوره ورميتها في اقرب زباله وكبيت فوقها قرشه الماي الي عندي
شلت شنطتي ووقفت قدامها وقلت :انا وحده متربيه مومثلج يا ال.....ا
وطلعت ركض دورت الباص وين واقف طبعا في اربع باصات كل باص باسم الحي
اااوف وين واقف اخر واحد ابي اوصل بسرعه لمحت السياره الي تعودت اشوفها يومياً خفت
وطلعت الباص بسررررررعه ياربي شيبي مني سترك يارب
بعد عشر دقايق نزلت عند باب بيتنا دفيت الباب اشوى مفتوح ودخلت وسكرته بقوه وتسندت عليه سمعت
صوت الباص مشى وبعده السياره الي وراه
دخلت البيت وانا اقول هاذي مب حاله لازم اشوفلي صرفه الاميرنا قدامي
ميرنا :انتي ايش كلام
حطيت حرتي فيها الملقوفه:انا كلام شيلي شنطه وانقلعي وديها غرفتي فوق
ميرنا وين ماما
ميرنا:مدام في المطبخ
دخلت على امي اتسحب وجيت من وراها وضميتها
السلام عليكم يااحلى ماما بدنيا
وعليكم السلام ورحمة الله وبركاته يااحلى طالبه في الشرقيه
مديت بوزي وسويت نفسي زعلانه:يعني بس في الشرقيه افا تكسر مجاديف
ردت امي :
انتي احلى بنت وبس ما عندي وقت اعدد الدول والقارات والكواكب زي كل مره
روحي بدلي وتعالي تغدي ونادي اخوج يتغدى
وانا طالعه الدرج رن تلفون البيت
السلام عليكم :
اهلين وعليكم السلام :
هلا هلا وحشتيني:
صحيح بس انتي ما وحشتيني ههههههههههه:
اقول شمسوووووووو عن العياره:
لا والله ليش داقه الحين تبين غدا :
لا خلاص مابي منج شي وين خالتي:
امي الحين مشغوله نرجو الاتصال بوقت لاحق:
اقول الله يعين خالتي على مابلاها انتي ورشود تخلون الواحد يفقد اعصابه:
الاصحيح حنين تعالي اليوم نامي عندنا :
بس الجمعه عندنا اليوم كل خالاتي وخوالي وعيالهم وبناتهم وبزارينهم واحفادهم:
الساعه كم يبدا الاجتماع:
سوف يبدا الحشود بالتوافد بعد صلاة المغرب:
زين يمديني انام ساعتين بعد الغدا :
شمسسسسووووو شبتلبسين:
عندي بدله يديده تهبل بخليها لج مفاجئه:
زين اهم شي ماتطلعين احلى مني:
احلى منج غصبن عنج :
معليه علمي خالتي عشان تجيب معاها اكله حلوه: منتديات ليلاس
باي :
سي يو:
طلعت غرفتي لبست بجامه وردي واصفر عليها فراشات كل الاحجام
مريت على رشود قربت من غرفته بشويش ابي اخرعه بس راشد هو الي خرعني
صرخت ورجعت على ورى من الخرعه :يمه يممممممممممه
راشد : هههههههههههه ههههههههه شتبين
والله لااراويك يا الدب:
وركضت وراه وصراخنا شايل الدنيا شافتنا امي وعصبت علينا
ام راشد :انتو متى بتكبرون وتعقلون
اشوه تذكرت اتصال حنين
شمس :يمه ترى حنين اتصلت وتقول الجمعه اليوم عندهم ويبونج تسوين طبق مميز
ام راشد:اها ا انشا الله مادري شا اسوي بفكر بشي جديد
قعدنا تغدينا وكلن طلع غرفته يريح


قمت على جرس الساعه تسبحت وصليت العصر طلعت البس الجديد وهو عباره عن بنطلون جنزوبلوز ه ذهبيه مزمومه من عند الاكتاف
والحزام والشنطه وصندل بكعب واطي لون احمر سشورت شعري ولبست ما حطيت الا كحل وقلوس بطعم الفراوله ونزلت اشوف امي وش مسويه
اشمس :واااااااوو شا الريحه تدوخ
لفت امي علي وابتسمت
الله الله شلكشخه عيني عليج بارده مشا الله تبارك الرحمان
شمس: يمه الله يخليج لي ترى اصدق عمري
راشد : القرد وش يطلع في عين امه
شمس : ما القرد الا انت يا السبال

راشد:انا سبال يا مرت بباي
امي :خلااااااص انت وياها شب ميرناااا تعالي شيلي الاغراض طلعيها السياره ويله يا عيال لانتأخر السواق ينطرنا برى
طالعت رشود وضحكت ومشيت ورا امي
عند باب الشارع السواق مع الشغالة يطلعون الاغراض في شنطه السياره راشد ركب قدام وانا لفيت عشان اركب من الجه الثانيه يوم لفيت شفت السياره الي
لها كم يوم كل ما اروح مكان اشوفها خفت وارتجفت بقوه ورجعت على ورى وصدمت بميرنا الي وراي وطحت على الارض انا وميرنا ولا سياره جايه من ورانا
انا قلت خلاص بروح تحت عجلات السياره شوي اسمع اصوات وناس حولينا وامي تصرخ من الخرعه و ترفعني وتقول سلامات وش صار طاحت عيني بعينه لاول مره
وحسيت وجهي ولع صدق هذا ما يستحي بغيت اموت بسبته الله يأخذه واقف عند سيارته يطالعنا صرنا فرجه ركبت السياره وانا افكر فيه هذا ما عنده شغلة ولامشغله غير مراقبتي
مرينا جنب سيارته وحنا رايحين شفته ينسف الغتره وهو يبتسم انتبهت لامي تقولي :يمه عسى ما تعورتي رديت وانا للحين وجهي احسه حاااار من الفشله
لا ما في شي بس ما انتبهت لميرنا وراي اشوه ما داستنا السياره لله الحمد
راشد :الناس بسرعه تتجمع فشله والي صار ما يسوى منتديات ليلاس
شمس : السياره بغت تدوسني ومافي شى يسوى يمكن لو مت كا ن شي يسوى عند حضرتك
راشد التفت وطالع ميرنا وقال : سلامات ميرنا ما تشوفين شر
يمه عطيها ماي عن الخرعه هههههههههه
قلت بهمس حقيرررررررلكن ماعليه مردوده
بيت خالتي حصه دخلت انا وامي نسلم على الموجيدين وبعد ما حكت لهم امي الي صار لأن الكل
لاحظ وجهي صاير اصفر من الخرعه الكل يسولفون ويضحكون وانا سرحانه
هيه حالتج صعبه انتبهت على صوت حنين:
ابتسمت لها : حنين بقولج شي
حا ضرين للطيبين تعالي نرتب سفرة العشا قسم الرجال مافي احد الحين في المقلط
رحت وراها ودخلنا المقلط كانت الغرفه لهل باب على المطبخ وباب على مجلس الرجال وباب للمغاسل
قلت لحنين سكري باب المجلس من داخل عشان محد يجي من خلنا نرتب السفره على راحتنا
حنين وهي تناولني صحون الغرف يله قولي اش عندج
شمس :في سياره من كم يوم تتبعني اشوفها كل مكان تقريباً
حنين منصدمه :وين متى وشلون اااااقصد شيبون ومنهم
رديت بصوت واطي :عند المدرسه سيارة فيها واحد عسكري واشوفه بعض الاحيان عند بيتنا ورى الباص
والله خايفه ياحنين
واليوم واحنا بنجيكم شفته عند البيت عشان كذا كان بيغمى علي احسه يراقبني
حنين :يمكن انتي غلطانه والصدف تلعب دور
شمس : انزين وانتي تعرفين البنت الصايعه الي اسمها هيفا انا قلت لج عن حركاتها الي ما تعجبني
وقلت لها عن الي صار
يعني هواكيد صايع مثلها ولا من وين عرفها منتديات ليلاس
حنين: انا اقول حق ابوي يتصرف
لا ياحنين والله خايفه السالفه تكبر:
خلاص راشد لازم يكون عنده خبر:
سرحت شوي وبعدين قلت حنين هو اصلاً ما يقدر يسوي شي
وانا بطنشه ولا يقدر يلمس شعره مني
حنين : انا بديت اخاف عليج اذا ماتبين تقولين لابوي او رشود قولي لخالتي يمكن تتصرف
امي لا لا ما اقدر اعلمها تعرفين هي شلون تخاف علينا بزياده ماقدر اخليها تحاتيني ويمكن تحبسني في البيت حتى المدرسه تمنعني منها ويمكن تبلغ الشرطه :
حنين :لا مو لها الدرجه
: انتي ماتدرين عن امي شوفيها رشود مثل الثور وهي تعامله كانه ياهل
صحيح كأنج انتي اكبر منه:
شفتي حتى سياره ماتخليه يسوق من خوفها عليه :
:
معليه تراها معذوره من عقب موت عمي وهي معاه بسياره وشافته وهو بين الحديد وربي نجاها عشانكم
اكيد اي وحده بتسوي اكثر منها الله يخليها لكم وتشوف عيالكم
هههههههه لا رشود يتزوج مب متخيلته ليله عرسه :
وغمزت لها الله يعين الي بتأخذه
والله انه طيب وحبوب ويدش القلوب:
طبعاً طالع على اخته وبعدين تعااااااالي تغزلين في اخوي قدامي انتي ما تستحين :

!!حنين بهمس وانا شموديني وطي الا القافه الله يسلمج
***********
<<<2>>>



خلصنا ترتيب السفره لفت علي حنين وقالت :روحي افتحي الباب وانا بروح اجيب البارد من المطبخ قربت من الباب وفريت المفتاح
اندف الباب ودخل شخص رفعت راسي اشوفه كان اطول مني وايد اوف هذا عبد الله ولد خالتي المغرور
عبد الله :انتي شتسوين هني
رجعت ورى ولفيت بطلع صرخ ::ليش ما تردين
شكله يرعبني ويخلي دقاااات قلبي تتسارع ..شمس :انت الي مدرعم احنا كنا نرتب السفره

ليه ماتخلون الشغالات يحطون العشا وبعدين ليش ما قفلتو الباب لايدخل عليكم احد من العيال ما تدرين ان المجلس فيه رجال غرب ولاااا مايهمج:
رديت وانا منزله راسي وفيني الصيحه :الباب كان مقفول بس فتحته عشان بنطلع ويقلطون الرجال
دخلت حنين وانا على طول شفتها وقمت اصيح لمتني ....حنين: ليش تهاوشها لازم كل ما تشوفك تصيحها
عبد الله :لا اشوفها تمشي في بيتنا من غير عبايه او على الاقل لبس ساتر احس من هلي لابسته
حنين :تعالي شمس نطلع ..عبد الله موب قصده
رحنا غرفة حنين وبعد هاالموقف انسدت نفسي عن الاكل وما تعشيت والكل يحسبني تعبانه من الخرعه اليوم
تجمعو كل البنات الي من عمري انا وحنين هنوف بنت خالي عبد الرحمن وعهود بنت خالي احمد ولما ولين توم بنات خالي عبد العزيز
وعليا بنت خالتي فاطمة هذي متزوجه وعندها بنوته زي القمر اسمها لجين
وانضمت لنا الاء زوجه فهد ولد خالي عبد العزيز اخو لما ولين وعندها ولد شيطون عمره اربع بس يخرب وينطط ويكسر
وجبنا بطاطس وجالكسي جواهر وكولاو عصيرات وبدينا سوالف وضحك وتعليقات
عليا :الاء مسكي ولدج ترا ازعجنا
الاء :ما المزعج الا بنتج من يوم جيتو وهي تصارخ حطي شي سدي حلجها
رن جوال الاء بنغمه خاصه لفهد قالت لها حنين:قوليله يأخذ ولده عنده عشان تفتكين شوي
الاء :هلا بعد عمري وطلعت برا الغرفه
ضحكو البنات وطالعو عليا
عليا :شكلي بقوم اكلم طلال وخلت بنتها وطلعت
شمس جابت جواهر بقرطاسها وحطتها على فم لجين ومسكينه قامت تمصها
شمس :ههههه اخيراًصار هدوء
عليا دخلت تدور بنتها : يلله وين بنتي بنمشي
شافتها وصرخت :حرام عليكم ياالمتوحشات لو بنتي صار لها شي
وطقت شمس على راسها ان شاء الله اطق عيالج الجياكر
لما :اصلن امي تقول البنات مايقعدون مع المتزوجات
الاء :وانتي شم قعدج روحي مع اليهال
لين :هههههههه لما طاح ويهج هههههههه
ومسكو ببعض لما ولين وحنا نتفرج ونضحك
وما سكتنا الا صوت عبد الله : انتو ماتستحون وين قاعدين وطووووووو صوتكم عشان اقدر انام وراي قعدة من الصبح
قامت حنين وطلعت تكلمه
بعد ما مشو كل الموجودين... شمس :تروحين بكره مارينا مول ابي اشتري هدايا تذكاريه حق بعض المعلمات
حنين :خلاص بكره مريني ونروح مع بعض

اول ما وصلنا البيت من التعب ما شوف قدامي بدلت ونمت
صحيت على اصوات غريبه جايه من الشارع قربت من الدريشه وسمعت اغنية
واقف على بابكم ولهان ومسير
شفت الساعة وحده ونص تو الناس على الصلاه فرجعت نمت
يوم الخميس ننام لين نشبع نوم منتديات ليلاس
قمت على اذان الظهر صليت ونزلت المطبخ
صباح الخيرات يمه وبست راسها ويدها
امي : صبااح الانواار
ابتسمت كنت بقول عن الاصوات الي امس بس رجعت سكت
امي: تبين فطور
لا بسوي نسكافيه عشان اصحصح
دخل راشد جاي من المسجد : السلام وباس راس امي وقعد معانا في المطبخ
راشد: يمه شرايج نتغدا على البحر الجو حلو برا
امي : على راحتك
شمس : انا ابي اروح السوق قايله لكم من اسبوع
امي :خلاص ما قلنا لا
راشد : لا تقولين ودها ترى مالي خلق دواره ولفلفه في المجمعات
شمس : لا والله من بيوديني انا وحنين اكيد ما تخلونا نروح بروحنا
راشد :اممممممم خلاص بوديكم وامري لله
طالعت امي اشوفها افهمت شي شفتها تضحك
امي: الله يبارك فيك يا راشد ويوفقك وير زقك ببنت الحلال الي تسعدك
شمس :اااااامين

طلعنا على البحر الجو بديع السما فيها بعض السحب طلعنا عدة الشوي وبدينا نشوي وناكل ونسولف رن جوال راشد
راشد :وعليكم السلام ورحمة الله وبركاته
هلا والله حنين
لا احنا مو بلبيت احنا على البحر
هذي شمس معاج وعطاني الجوال
هلا حنين شصاير
حنين :ما في شي دقيت على بيتكم ماحد يرد خفت صاير شي
شمس: لا ياليتج ويانا الجو حلووالشوي لذيذ
حنين :عليكم بالعافيه بتروحين اليوم السوق
شمس:اكيد بمر عليج بعد صلاة المغرب زين
حنين :خلاص انطرج سلمي بااااااي
حنين تسلم عليكم وانا اطالع رشود
امي :الله يسلمها ويرزقها ببن الحلال الي يستر عليها ويسعدها
شمس :اااااااامين رجعنا البيت على الساعه اربع العصر
فتحت النت عشان اشوف انواع العطور والهدايا الي بختار منها واخذ فكره عن الاسعار
سجلت اسماء بعض العطور والماركات المشهوره للساعاتوالاكسسوارات
فتحت المسن يمكن الاقي هاديه او وحده من البنات اسولف معها واخذ رايها
مافي احد الا رشود اون لاين حطيت له وجه ضاحك
رد بوجه مكشر
نحلة ورديه : قوم صل
راشد : مصالح
نحلة ورديه : وانت بعد لك مصلحه ولا بتنكر
راشد :هههههههه خلج جاهزه يالله بروح اصلي

اليوم مالاحظت احد يراقبني اشووووه
ركبنا مع سواقنا مجيد راشد قدام وانا وراه ومرينا حنين و معاها رهف ست سنوات
ونايف عشر سنين
شمس :هلا هلا بالحلوين
حنين :هذي اوامرعبد الله لازم مرافقين والا مافي روحه
شمس : احلى مرافقين اكيد تبون الملاهي صح
نايف : انابروح احمل العاب على البي اس بي من المحترف
راشد : جبت البي اس بي
نايف :اكيد منتديات ليلاس
دخلنا المجمع ورحنا محلات للعطور واخترت اربع مجموعات من العطور والباقي عطور بس
وديناها محل لتغليف الهدايا وغلف كل علبه بروحها
راشد....طلع شي من مخباه وعطاه العامل يلفه ويحطه في كيس هدايا
وبعدين رحنا للمحترف عشان نايف والملاهي لعبو نايف ورهف وانا وحنين قعدنا ننطرهم وبعد صلاة العشا قررنا انا وحنين نلعب رحنا سيارات التصادم خذيت انا ونايف سياره وراشد معاه رهف وحنين بروحها
مسكينه حنين صدمت كم مره في واحد شكله متسبب راشد عصب من الموقف الي صار فطلعنا بعد اللعبه على طول
شمس : نبي نطلب شاينيز فود
راشد :ما يحتاج ... نروح البيت ونطلب لكم
شمس : حنين تعالو تعشو عندنا
حنين :لا الوقت متأخر رهف فيها النوم
في البيت حطيت كروت اهداء على علب الهدايا وخليتهم جاهزين

الساعه وحده ونص سمعت نفس الاغنيه ..من سيارة واقفه تحت دريشة الغرفة
واااقف على ....بابكم ولهااان ومسير
فتحت الاب توب وسويت بحث..وسمعت الاغنيه كاااملة
**********

 
 

 

عرض البوم صور احب الليل  
قديم 20-04-09, 05:31 PM   المشاركة رقم: 3
المعلومات
الكاتب:
اللقب:
عضو راقي


البيانات
التسجيل: Jun 2008
العضوية: 78903
المشاركات: 2,051
الجنس أنثى
معدل التقييم: احب الليل عضو على طريق التحسين
نقاط التقييم: 70

االدولة
البلدSaudiArabia
 
مدونتي

 

الإتصالات
الحالة:
احب الليل غير متواجد حالياً
وسائل الإتصال:

كاتب الموضوع : احب الليل المنتدى : القصص المكتملة (بدون ردود)
افتراضي

 


<<<<3>>>>


يومياً ام راشد ...تدعي لعيالها وتوجهم
ام راشد: شمس حبيبتي انتبهي على روحج واسمعي كلام المدرسات وخلج عاقلة ولا تمشين مع بنات مب زينات الله يوفقج
شمس :يمه تراني في ثالث متوسط مب ثالث ايتدائي
نزل راشد ونفس الشي وقفت امه تدعيله راشد :الله يخليج لناولا يحرمنا منج ياالغاليه
حبيت راس امي ويدها وطلعنا للسواق يوصلني وبعدين راشد للجامعه ويروح الشركه عند عمي تركي لانه يشتغل سواق في
شركته بس عمي مخليه تحت تصرفنا اذا بغينا اي شي نتصل عليه وفي اي وقت
امي كم مره قالت لراشد اذا تدور رضاي لا تسوق سياره وراشد يحب أمي ومتعلق فيها بشكل مب طبيعي
وعشان راشد مايحس بعقده النقص شرت له سياره.... وطلع رخصه قياده ..بس مايسوق الا في الطوارئ

دخلت شمس المدرسة وسلمت على البنات وراحت ادور هاديه
شمس :السلام عليكم شلونج هاديه
هاديه :وعليكم السلام ورحمة الله وبركاته انا بخير... ها شسويتي.. جبتي الاغراض
شمس :طبعاً وانتي
هاديه :كل شي في قاعه الاجتماعات.. شمس :حلو
بعد الحصه الرابعه طلعت ونسيم وريم ونادينا المدرسات للقاعه ... حنا الاربعه رتبا حفل... حفل بسيط بمناسبة تخرجنا
هاديه القت كلمة.. ونسيم اسئلة ومسابقات ..وريم اشرفت على البوفيه ..وشمس وزعت الهدايا على المدرسات وبعض الاداريات
من صج كان يوم حااااااااافل
تبادلنا وباقي البنات الهدايا وكتبنا لبعض في الاوتغراف
في طالبة اسمها فداء ..طلبت مني بعض الاوراق للمراجعه
فداء: شمس انتي عندك ايميل
شمس :ايه ليش
فداء عطتني ايميلها وقالت لي ابي حل بعض التمارين وحددت بعض المسائل في الرياضيات
طول الوقت هيفا تطالعني بنظرات ما عجبتني
هيفا :شمس انتي زميله عزيزه علي وما ابي اخسرج سامحيني
ابتسمت لها : ما صار شي بس لاتعيدينها
*******
استمرت الاغاااني تحت دريشتي..تقريباً يومياً.. وكل مرةاغنيه شكل

الشاارع قدام بيتنا فيه حفرياااات وعمااااال ..وقف باص المدرسه بعيد عن البيت
نزلت امشي.. في سيارة وقفت ورى الباص ..ونزل منها شخص ومشى وراي
وقرب ليييين مسك ايدي بيدينه وحط فيها ورقه ومشى بسرعه

***********

وقفت اطالع في يدي ارتجفت بقوه وصكيت يدي بقوة ما قدرت افتحها او احركها من مكانها ومشيت لين البيت وما ادري شلون وصلت البيت
حطيت الورقه في جيبي ... امي اول ما شافت ويهي صرخت
شمس بسم الله عليج شفيج يمه شصاير ليش وجهج مخطوف
كنت من الخرعه ارتجف واصيح ما قدرت اتكلم

لمتني امي وصارت تقرا علي ومسحت ويهي بماي مقري فيه دفنت نفسي بأحضان امي وصرت اشاهق وامي تزيد في القرايه
بعد ما هديت رفعت راسي
امي :شمس قولي شصاير لج
شمس : يمه شارعنا فيه حفريات والباص نزلني بعيد عن البيت .....وسكت
امي : احد سوالج شي... تكلمي
شمس :لا مافي شي.. خفت من العمال وانا امشي بروحي
امي : بسم الله عليج يا بعد جبدي .. خوفتيني عليج قومي بدلي وصلي لين يجي راشد ونحط الغدا
شمس: لا مابي غدا بصلي وانام عشان اقوم اذاكر لامتحان بكره
طلعت غرفتي وصكيت الباب.. طلعت الورقه وقريتها

إليك يا من أحبك القلب
إليك يا من إحتوتك العيون
إليك يا من أعيش لأجله
إليك يا من طيفك يلاحقني
إليك يا من أرى صورتك في كل مكان
في كتبي .. في أحلامي .. في صحوتي
إليك يا من يرتعش كياني
من شدة حـبـيـبـي
الشوق إلى رؤياك
فقط عند ذكر إسمك

هذا أقل ما أستطيع التعبير عنه
لأن حبك يزيد في قلبي كل لحظة
ولأنك أنت
كل شيئ في حياتي
الولهان /نايف

******************

<<<4>>>

طويت الورقة وحطيتها داخل كتابي.. خذيت شوردافي وصليت .. وحاولت انام ..ما قدرت كل ماتذكرت الي صار اليوم اخاف وارتجف
انطق باب الغرفه مرتين.. شمس:راااشد!!ادخل.
راشد:شمس انتي تعبانه
قلت :لا ...خايفه ... لف يده على كتفي
راشد : امي قالت لي عن الي صار ... وانا بقول لمجيد يصير يمر عليج يرجعج البيت ... لاتخافين
وعندج اخو مثل راشد والله محد يقدر يسويلج شي وراسي يشم الهوى
كلامه حسسني بالامان.. حطيت راسي على كتفه
شمس :يا حظ الي بتاخذك
راشد :امي داعيه لها ههههههههه .....متى تخلصون اختبارات
شمس :باقي يومين والنتايج بعدها بأسبوع
راشد :يالله شدي حيلج
ابتسمت له وقلت بعياره :ابي هديتي تعطيني اياها بعد الاختبار مو بعد النتايج
راشد :اهااااا..وشنو تبين هديه
شمس : انت شريتها ولفيتها وبعدين تقول شتبين تستهبل انت اي اي
خبطني على راسي :والله مالاهبل الا انتي ياالعنز انا من لفيت لج الهديه وانتي معاي وفتحتيها في نفس المحل قبل ما نطلع وحرمت الف هدايا
الا ...للي يستاهلون
دخلت امي ومعاها كاس حليب وعطتني اشربه الله يخليج لنا يايمه
في المدرسه وبعد الاختبار .... فداء واقفه عند دورات المياه ارتبكت يوم شافتني اسأل عن هيفا ...فداء :هاا ليش تبينها
شمس :ابي اعطيها شي مهم
فداء: شفتها داخل
شفت هيفا ومعاها بنتين مقابلين المرايات ويحطون مكياج
شمس: ليش.... وبن بتروحون
ضحكت هيفا وغمزت للي معاها
هيفا:بنطلع على طول بيت قرايبنا فلازم نكون متعدلين ولابسين
ورفعت مريولها .... لابسه تحت المريول برمودا اسود وبلوزه فوشي
شمس :طيب اذا شافوكم المدرسات او المديره اكيد بيفصلونج
هيفا بكل ثقه:لااا.. محد شا يفنا
وتغطت بغطا ثقيل وطلعت... ناديتها ... :هيفا شوفي خذي هذي الورقه عطيها خويج النذل
وعطيتها الورقه بعد ماقطعتها ومشيت
سمعتها تقول شمس انتي مافهمتي ؟؟
******

شمس :السلام عليكم .... هلا نايف شخبارك
نايف:هلا شمس انا بخير انتي اخبارج
ضحكت عليه يحاول يضخم صوته قد ما يقدر: سامحني اليوم تعبناك ..ليش ماجبت رهف معاك
نايف:رهوف نايمه الحين ... بس انا جيت مع مجيد عشان مايصير يجيبج بروحه
شمس :هههه عرفت بروحك والا احد قايلك
نايف :عبد الله قالي وانا قلت ان شاءالله
قلت بهمس المغرور لازم يتدخل في كل شي
شمس :زين ما قصرتو لازم تنزل معاي لين باب البيت
*****
اخر يوم اختبارات ... يوم حزين..... ودعت فيه اعز صديقاتي
ريم /راح تكمل دراستها في لبنان
هاديه /سجلت في مدرسه ثانويه غيرالي سجلت فيها انا ونسيم
تواعدنا ما ننسى بعض ونضل على اتصال
.....
وقفت هيفا قدامي وهي متغطيه زين... وشاااده على عبايتها لايبين شي من الي مسويته تحت العبايه
هيفا :شمس انتي فاهمه غلط
شمس : شنهو الي فهمته غلط...فهميني
هيفا :ترى نايف مب خويي نايف <<<<<<<< اخوي
*****

 
 

 

عرض البوم صور احب الليل  
قديم 20-04-09, 05:38 PM   المشاركة رقم: 4
المعلومات
الكاتب:
اللقب:
عضو راقي


البيانات
التسجيل: Jun 2008
العضوية: 78903
المشاركات: 2,051
الجنس أنثى
معدل التقييم: احب الليل عضو على طريق التحسين
نقاط التقييم: 70

االدولة
البلدSaudiArabia
 
مدونتي

 

الإتصالات
الحالة:
احب الليل غير متواجد حالياً
وسائل الإتصال:

كاتب الموضوع : احب الليل المنتدى : القصص المكتملة (بدون ردود)
افتراضي

 

<<<<<<5>>>>>>>>

شمس : انتي شتقولين شلون اخوج
هيفا : ايه اخوي انتي ما عطيتيني فرصه اشرح لج هههههه
قهرتني : ما في شي يضحك شلون اخوج ويرضى لج تطلعين جذي وبعدين ليش انتي تبينه يكلمني ووو تذكرت
#####
قبل فتره فااتني الباص .. واضطريت انطر السواق يجيب راشد ويمر علي..... مابقى في المدرسه الاشمس وهيفا

والكل يعرف هالشي كانت تطلع اول وحده وتغيب نص ساعه وترجع وما تروح الا اخر وحده وكثرة الغياب وكل يوم والثاني مشكلهمع الابلات او وحده من الطالبات
هيفا :شمس تدخلين معاي نكلم بيتنا من الاداره
شمس :لا انا كلمت البيت والحين يجون يأخذوني
سمعت صوت برى حسبته السواق فوقفت اصلح عبايتي ..صوت رجاال ينادي.. هيفا يا لله
شمس : هيفا راحت تكلم بيتهم
صرخ علي : روحي ناديها
شنو انا خدامه عندك وبعدين عيب عليك وقف برا وهي بتجي الحين
جات هيفا مسرعه :تعالي تبيني اوصلج مع اخوي
طالعتها شمس بأحتقار وما ردت عليها وتسندت على الجدار
هيفا :بكيفج وطلعت
الحارس داخل غرفته والمناوبه حاطه لها كرسي عند الباب الداخلي عن الشمس
عشااااااااان ما تقولون وكاااااااااله من غير بواب
####
شمس اطالع هيفا وهي واقفه ما يبين منها شي شمس :اكيد سألج عني
ما قدرت شمس تشوف تعابير ويها
هيفا :صراحه كان يبي يتعرف عليج بأي طريقه ما تتصورين هو اشقد معجب بشخصيتج
شمس :هو من وين يعرفني عشان يعجب بشخصيتي
هيفا :انا ما قدرت اشوف اخوي متلعوز فعلمته كل شي اعرفه عنج
هاذي اشلون ارد عليها يااااااااربي
سمعت الحارس ينادي اسمي يعني السياره برى بسرعه شديت غطا هيفا لين طاح وبين المكياج الي مسويته وشديت عبايتها وطلعت اركض للسياره فتحت الباب الي ورى السواق
ودخلت بسرعه
اشفيج احد لاحقج ..يممممه صوت عبد الله هذا الي ناقص
بلعت ريقي وقلت بصعوبه :السلام عليكم وين مجيد
نايف : مجيد اليوم راح المطار يجيبب عمال الشركه وتأخر فقال عبد الله نجيبج من المدرسه عشانج تخافين من الحفريات الي عند بيتكم
عبد الله يخز نايف يعني اسكت
انتبهت شمس لعبد الله يطالع الورده الي بيدي
عبد الله :من وين الورده الحمراء
رديت بصوت واطي :الابله موزعه على كل البنات
قال : وش معنى حمراء
فتحت الدريشه وقطيت الورده في الشاااارع


**************

<<<6>>>>>>


اول اسبوع من الإجازه كنا في مكه ..... مع خاله حصه وخاله فاطمه وخذينا شقتين.... للرجال و للحريم
وانضمو لنا عليا و وزوجها وامه واخته ريما طبعاًخذو شقه لهم بروحهم
بعد ما اعتمرنا ضلينا في الحرم الى بعد صلاة الجمعه ......طلعنا نمشي للسكن... الرجال قدامنا
شمس مسكت رهف وحنين تمشي ويانااا ونسولف ومبسوطين وريما تمشي بعيد بروحها قربت من حنين اكثر
شمس: حنين شوفي عليا شلون متمسكه بريلها جنه بيشرد
حنين : لا وبعد مسكين شايل لجين ههههه
شمس :لو مخلين هالعنز ريما تشيلها مب احسن ههههههه
حنين :حرااااام هذي مب جايه تعتمر وتتعبد جايه تكسب ذنوب على العبايه الي لابستها كانها رايحه عرس
شمس: امممممممممم الله ريحة كبتشينو خل نوقف نطلب
حنين : وين توقفين اذا لف عبد الله وما لقانا وراهم بيشدخنا
قلت : ما يقدر وكلمت رهف رهوف نادي راشد
رهف نادت بصوت عالي راشد وفشله كلهم التفتو

راشد طلب من غير مايسألنا شمس كابتشينو... راشد بلاك كوفي... وميلك شيك لحنين
شمس :حنون راشد شدراه انج تبين ميلك شيك
حنين : كلمته بعيوني ههههههه يعني هذي اول مره نطلع معاكم
رهف ونايف خذو ايس كريم وطلبو حق ريما مثلهم
دخلنا الشقه وسمعت صوت عبد الله في الصاله مع عليا <اخوان من الرضاعه
شايل لجين ويبوسها ويضحك ركزت في ويهه فيه شبه من حنين ورهف بس نايف غير
اكيد عبد الله احلى واحد فيهم جسمه متناسق وشعره اسود ناعم وغزيرمثل البنات اما نايف شعره اجعد شوي
شمس سرحانه بملامح عبد الله.... رفع راسه وضحك
حسيت قلبي بيطلع من مكانه وويهي الوان
ريما :مرحبا انتو هني ووقفت عند عليا ..ولان الصاله صغيره صدمت في كتف عبد الله
عبد الله رفع احرامه وطلع محرج
ريما : مع السلامه
لفيت ادور حنين ما لقيتها دخلت الغرفه وصفقت الباب
حنين :شوي شوي كسرتي الباب
شمس :انتي هني وانا ادورج
حنين :اكيد ماحسيتي فيني قاعده تتمقلين في عبيد كأنج اول مره تشوفينه
شمس :صرااحه اول مره اشوفه يضحك
حنين:زين عشان شنو بقيتي تكسرين الباب
شمس:من هاالعنز ريموه الريال استحى وهي ويها طابوقه
حنين :هههههههه انتي شعليج منها خليها تترزق
شمس :والله لو سكتيلها اكيد بترز ويها قدام رشود
حنين :لا اكيد مابسكت لها بس صبرج علي شوي
<<<<<<<<6>>>>>>>>>


نفرفر في السوق ...التابعه للبرج ...وام راشد تعبت
اام راشد :انا بروح ارتاح وانتو خلصو وطلعو
راشد قرب منها بسرعه :ها شفيج يمه
ام راشد :مافيني شي يا قلبي بس بطلع ارتاح تعبت من المشي
راشد :خلاص نطلع كلنا
ام راشد: لا يا وليدي خلهم ماخلصو يمكن يبون يشترون شي
راشد :هههه والله لو يشترون السوق كله ماكفاهم طالعي الاكياس شكثرها وما خلصو
طلعت امي وخالاتي وخذو رهف معاهم والاكياس
رحنا قسم المطاعم وطلب لنا نايف ايس كريم وقعدنا على الكراسي
عليا :خلو لجين عندكم بروح مع طلال عبد الصمد القرشي شوي ماني متأخره انتبهولها ومشت
شمس : ول عليها ما سمعت ردنا قطت بنتها وطارت
حنين :معليه لجين تستأهل يا حلوها
ريما :بروح دورات المياه من تبي تجي معاي
ما ردينا فخذت نايف معاها ومشت
لجين تصيح شمس شااالتها من العربه وحطتهاا على حضنها وصارت ترفع النقاب واضحكها
شدت لجين غطا شمس ورمته بعيد
شمس :حنون اخذي لجين شوي
ولفيت شمس عشان تجيبه ... الا واحد من الشباب يحطه فوق الطاوله وهو يبتسم
قال :هذا لك اختي ... ماامداه يكمل الا الي جاره ومبكسه وتجمعو العالم وبل يالله فكوهم
شمس وحنين على طول فرووو من الخوف
حطوو لجين عند خاله فاطمه ..ودخلنو الغرفه وقفلوو الباب
صوت عبد الله وهو معصب : شمس حنين معليه وين بتروحون مني وانتو شلون تخلون بنات بروحهم
راشد :البنات معاهم نايف وطلال وبعدين البنات محترمين روحهم ومحتشمات انت شفيك عليهم
صوت ريما :اهلين شفيكم تصارخون
وبدون ماحد يسألها :اناكنت في دورات المياه ورجعت ماشفت احد اشوه نايف معاي ولاكان ضعت
شمس فتحت البااب : عبد الله انا بقولك ان كل الي صار.. لجين سحبت غطاي ورمته والرجال حطه على الطاوله وبس
عبد الله يطاالع شمس بنظراات غريبه.. كان بيقول شي وسكت لف على راشد واسحبه معاه
ريما :انتي شمسويه ياالياهل
شمس :وانتي شعليج يالعيوز ودخلت عند حنين شفتها تضحك ضحت معاها
**********
نتفرج على الاغراض الي شريناها
شمس :حنون ليش شاريه معجون الحنا
حنين : نبي ننقش للذكرى
نطت رهف :حطولي حنا
ومدت يدها وصرت ارسم على يدها من ورى وقدام ورود ودوائر نقط ومستقيمات
شمس :رهف خليها تيبس وبتصير حلوه
رفعت شمس بنطلونها ليتحت الركب وكتبت الأثنين للذكرى شمس وحنين مكه وخطيت تحتها خط وقلب وسهم وسويت
نفس الشي حق حنين
شمس :ياليت نصور عشان تصير ذكرى من صج
طلعت حنين جوالها وصورت يدين رهف وسيقانا بس ما بينت ويهنا
حنين :شفتي الشى الزج الي شريته من محل الالعاب
شمس :وععععععععع ليش شريتيه يا لقرف
حنين : بنسوي مقلب بريما
شمس: واووو حماس
ولأنا محرومين من الطلعه بأمر من عبد الله خططنا نحضرهاا عندنا .... اتصلت حنين على عليا وطلبت منها يجون عندنا اول ما يرجعون من الحرم
غسلنا الحنا وانصدمنااا من النتيجه.... رهف اشتقلت صياح
رهف :مابيها كأن احد مشخبط بلون الاسود بروح اغسلها مره ثانيه
اشوه ماحنينا يدينا
تجمعنا في الصاله وحطينا القهوه والشاهي
حنين :ريما تعالي ارويج الاغراض الي شريناها امس
اول مادخلت ريما مديت شمس يدهااا داخل شنطتها وكبيت فيها الماده الزجه ورجعت الشنطه مكانها من غير مايحس احد
رجعت حنين وهي تسولف مع ريما
شمس:ريما عندج بندول احس راسي يعورني
طبعاً ريما اول ماحطت يدها داخل الشنطه صرخت يععععععععععععع يععععععععع ونفضت يدها
قامت طلعت وهي تقول :قررررررررررررف لكن معليه مردوده لكم
يييييييع يييييع انعدمت كل اغراضي في الشنطة ييييييييع جوالي والله لااراويكم
طلعو الرجال من الشقه الثانيه على صراخ ريما
ريما تقدمت من عبد الله وورته الشنطه
ريما : شفت اسشوت اعدمت كل اشيائى الي في الشنطه هاذي تصرفات يهال
عطاها راشد مناديل وبلعكس لصقت في يدها
ضحكت شمس:مايروح الابماي وصابون
عبد الله فقد اعصاابه من تصرفاات شمس.. انتو وبعدين معاكم روحو جهزو شناطكم بكره بنرجع الدمام

شمس لبست بجامه برمود احمر واسود
حنين :ليش لبستي برمودا شوفي سيقانج مشوهه
ههههههههههه فركتها ماراحت حنين وين الكريمات الي شريتيها من نكتار خلني احط منها
خاله حصه دخلت علينا :شمس الله حلو عليج الاحمر
شمس : عيونج الحلوه يا خاله
شمس :خاله نبي نروح نصلي في الحرم قبل نرجع قولي لعبد الله يسمح لنا نروح
خاله :بكلمه ..واكيد موب قايل لا

*******************
الجو في الشرقيه حررررررررررررر ورطوبه مستحيل نطلع عن التكيف شوي
فتحت شمس المسنجر اوووووووب الكل متصل
كتبت لفداء :شلون هيفا تشوفينها ولا لا
فداء :دايم اشوفها هم من قرايبنا
شمس: عليها كم ماده
فداء: لا هيفا نجحت شمس :غريبه
فدا: شكلهم المدرسه يبون يفتكون منها قاعده على قلبهم عشر سنين
شمس :مادري كم بتقعد في الثانوي
فدا:هيفا يمكن ماتكمل دراسه لان زواجها بعد شهرين انتي ماتدرين بعد الي سويتيه فيها مسكتها الاداره واستدعو امها وكانت بتصير مشكله كبيره بس
امها عرفت تتصرف
****

شمس نحله ورديه وحنين نحله برونزيه
شمس :هلا هلا برونزيه
حنين :شخبار الورديه
شمس :حرررررر وطفش
حنين :شخبار راشد قدم اوراقه
شمس :قدم وقبلوه وبدايه الشهر الياي بيداوم في الجبيل الصناعيه
حنين :الله يوفقه يستأهل كل خير
شمس : ماباقي الا العروس
حنين :هههه العروس موافقه بس خل يشد حيله
شمس :انتو شلجديد عندكم من زمان عنكم
حنين : شفتي شموس الي كنا خايفين منه بيصير
شمس : خير شصاير
حنين :عبد الله بيروح بعثه سنتين
شمس:الله يوفقه يروح ويرجع الى قواعده سالماً
حنين :مب هذا الي كنا خايفين منه شموس
ابوي مصمم يزوجه قبل مايروح ووقع الأختيا رعلى شينت الحلايا ريما
اشوه مافي احد جنبي يشوف الالوان في ويهي
حنين : الو الوووووووو
انقطع الاتصال
**********
شمس قلبها كاااان بيوقف من الخبر ....عبد الله يتزوج لااا ...مستحيل....لازم يدري عن شعوري نااااحيته
اخذت جوال راشد...واتصلت....مكالمه1....عبدالله
شمس...ماردت من اول ماااسمعت صوته
عبذ الله :الو .... الو راشد في شي
راشد.... رد شمس فيها شي
شمس استجمعت شجاااعتها :لو عبد الله انا شمس مب راشد
عبد الله متخوف من الاتصااال الغريب : شمس شفيج راشد وينه
شمس:لا راشد مافيه شي انا متصله ابي اقولك ـ
عبد الله انا احبك ..لااااتتزوج غيري ..
عبد الله خذ وقت عشااان يستوعب الكلااام الي قااالته شمس
عبد الله :شمس وين خالتي
شمس اصرت على راايها:اقوللك احبك تزوجني
عبد الله تجاااهل كلاااام شمس ...وصك التلفون في ويهاا
شمس حست انها مرفوووضه ....رمت الجوال وانفجرت صياح
***
امي :شمس ياابنتي ...فتحي الباااب حبيبتي
راشد دف البااااب بكل قوووته ..... عبد الله:مااافي مفتاح ثاني للغرفة.
فلبست جلال الصلاة....وفتحت الباب و ويهي منفخ من الصياح

عبد الله:راشد..سياارتي واقفه غلط برى ..روح بركنهااا قبل مااا يعطوني مخاالفة
امي:برووح اجيب لج ماااي مقري فيه
قبل مايتكلم عبد الله ..شمس : عبد الله انسى الكلام الي قلته لك
عبد الله :بس الكلا م مايرجع ياشمس انتي لازم تفكرين في الكلمه قبل تقولينها
وقف قريب من شمس : انتي شايفه الفرق الي بينج وبيني
بينا لاسنه ولا سنتين بينا عشر سنين اوووووف
شمس انتي ماتصلحين لي انتي ياهل ماشبعتي من العب
وانا ابي مره ناضجه عاقلة وانتي ماتتوفر فيج مواصفات الزوجه المثاليه الي انا افكر ارتبط فيها
شمس انا اعتبرج مثل اختي رهف
بسسسسسسسسس رهف عاد ياعبد الله ما توقعت لهدرجه طايحه من عينك
شمس :تبي وحده مثل ريما
عبد الله :مسخره انا ماتعجبني هاالاشكال كلش
وانتي لاتعبين نفسج تدورين لي عروس العبي بعيد يابابا
ومشى وترك شمس ...مقهوووره منه
مغروووووووور غبي حقيييييييير
ما ااااااااااااحبك




 
 

 

عرض البوم صور احب الليل  
قديم 20-04-09, 05:44 PM   المشاركة رقم: 5
المعلومات
الكاتب:
اللقب:
عضو راقي


البيانات
التسجيل: Jun 2008
العضوية: 78903
المشاركات: 2,051
الجنس أنثى
معدل التقييم: احب الليل عضو على طريق التحسين
نقاط التقييم: 70

االدولة
البلدSaudiArabia
 
مدونتي

 

الإتصالات
الحالة:
احب الليل غير متواجد حالياً
وسائل الإتصال:

كاتب الموضوع : احب الليل المنتدى : القصص المكتملة (بدون ردود)
افتراضي

 

<<<7>>>
~حب من طرف واحد
لابد ^يذبل^ وشلون ورد يعيش من دون ساقيه

منتديات ليلاس


حاااالة قلب شمس مثل تقلباااات الطقس..احياناًيرتجف من البرووده....واحياناً يتصبب عرقاً..من القهر والمذله
كل هذاااا موو من مرض عضوي...لكن من مشاااعرهاا المتناااقضه
الدكتور :يمه بنتك ماتعاني من اي مرض عضوي كل الاوراق الي قدامي من تحاليل واشعه
وتخطيط القلب سليم بس بكتب لها على حديد وفتامين واذا استمرت
حالتها ممكن تزوري العياده النفسيه اذا حبيتي
شمس :يمه حبيبتي شفتي مافيني شي ارتحتي الحين
ام راشد :انا كنت عارفه انج سليمه حبيت اطمن
شمس ضمت امهاا وحبيت راسها :وعسى تطمنتي على دلوعتج
ام راشد :اناعارفه انج مب خاليه بس بخليج اليوم وراي طبخ ونفخ يالله روحي بدلي مابقى شي وتوصل حنين

اختارت شمس تلبس فستان موف قصير وبدون اكمام فتحتةالصدر سبعه من ورى وقدام
ودرابيه على الخصر و حلق وسلسال قصيرذهبي ..فلات ذهبي اخر شي لمسات بسيطه مسكره وقلوس بطعم العنب
تلاااقوو شمس وحنين بالاحضاان مشتااااقين لبعض شهر كااامل ما شافو بعض لفت نظر شمس..حقاائب حنين ....ثنتين من الحجم الكبير
شمس : حنون انتي يايه تعيشين عندنا
حنين :ههههههه نو منتديات ليلاس
شمس :انا قلت لج تعالي يومين وما استحملج اكثر
حنين : وحق الضيف ثلاثه اياام صارو خمسه ..واليوم ماينحسب
شمس : والخميس والجمعه عطلة رسمية
رجعت شمس تحضن حنين...تذكرهااا براشد
يذهب مدينة الجبيل للعمل من السبت ويعود الخميس والجمعه
حنين :شموس ضعفانه حتى رهف امتن منج
شمس: اووف شفيكم علي..حتى انتي يا ملاااذي تشبهيني برهف
تراني اليوم مب مخليتج تنامين بقولج سر رشاقتي
v
v
v
منتديات ليلاس v
v
v
v
v
v


كثيـر الـلـيـ تمنـانـيـ وطـلـبـ وديـ ولاجيـتـهـ
ازعلهـمـ وابكّيهـمـ واراضـيـ منـهـو اشقـانـيـ
صحيحـ الوقتـ ياصـاحـ يبيّـنـ كـلـ مـا اخفيتـهـ
وانـا كلـيـ غـلا اعطيـتـ وبالـجـرحـ تجـزانـيـ
انا منـ وقتـ ما شفتهـ وعشقتهـ حيلـ وحبيتـهـ
فديتـهـ غالـيـ العمـر وملـكـ قلـبـيـ ووجـدانـيـ
منتديات ليلاس
انـا مالـيـ بحـبـ أبـكـمـ جيـتـهـ وكــمـ ترجيـتــ
طلبتـهـ يقـولـ احـبـكـ بــسـ ولكـنـهـ تناسـانـيـ
غريبـهـ دنيتـيـ واللهـ غريـبـ الـحـزنـ عانيـتـهـ
غريبـهـ حلمـيـ يتحطـمـ وعمـريـ كلـهـ اعانـيـ
خسـارهـ ليتنـيـ فـكـرتـ قـبـلـ اخـتـار خـلانـيـ
ابرحلـ فيـ سما عشقـ ٍ بكـلـ إحسـاسـ ناديتـهـ

حنين :تدرين شمس احس كلام عبد الله صحيح وانج للحين تعيشين مرحلة الطفوله
شمس ترمي علبه المناديل على حنين :مسويه فاهمه انتي وويهج
حنين: طبعاً فاهمه انتي ما سمعتي الي يقول اكبر منج بيوم افهم منج بسنه .. وانا اكبر منج بسنتين .. وعليج الحساب
شمس : احسن الي جت منه المغرور مادري على شنو شايف نفسه
حنين :يحق له يشوف نفسه دين واخلاق ومال وجمال ووظيفه براتب مغري وماكسيما يعني المواصفات اللي تتمناها اي بنت لزوج المستقبل
شمس :نسيتي شي مهم عند اخوج مخ مصدي وقلب حجر
حنين: لا لا حرام عليج والله انج ظالمه
شمس :يعني في الاخير طلعت انا الي ظالمه قومي نامي ابرك لج لا ارتكب فيج جريمه منتديات ليلاس
مادري رشود شعاجبه فيج
حنين : شمس صكي التكيف.. برد
صوووت الاغااااني صاار واضح..بعد ما كان صوت المكيف مغطيعلى الاصوات القاادمه من الخاارج
حنين :ياربي صوت الاغاني مزعج جيرانكم مايراااعون حقوق الجااار
شمس :بس هذا الصوت موو من جيرانا
شمس بصووت حزين :انا على ها الحاله اكثر من شهرين كل ماتجي الساعه وحده ونص اسمع اغيه شكل
حنين :ما يطلبه السهرانون هههههههههه والله عنده ذوق في الاغاني

كااااانت اغنية ايهاااب توفيق...اكتر من كده ايه

**************************
<<<<8>>>>>>>
!!حلااااااااوة الدنيامن ~حلاااااا~روحك



راشد دخل البيت ورفع صوته :السلام عليكم ورحمة الله
يشمس :ياااا حي الله ها الصوت وراعيه تو ما نور البيت
راااااشد متى وصلت والله لك وحشه .... وحضنته بقوة
راشد :حتى انتو وحشتوني
شمس من فرحتها بشوفت راشد نست ان حنين في المطبخ
راشد دخل المطبخ ..مستعجل على شوفت امه..تفاجاءبحنين قداامه
راشد: احححم احححم عندكم احد
حنين :حمدلله على سلامتك عسى ماتعبت في الطريق.. وهي منزله راسها
راشد :الله يسلمك وانتوو شخبااركم
حنين :راشد تعال افطر ويانا .. حنين مسويه بيض لوتذوقه.. ههههههه تشرب وراه كأسين ماي
مااااااااالح
راشد:احلىىىى .... انا احب الأكل مالح بس انا متريق .. وين امي ؟؟
شمس:امي لو تدري انك بتجي اليوم كان الحين تنطرك عند الباب.. ليش قلت ماتقدر تجي هالخميس
راشد: خلصت شغلي.. وقلت اسويها لكم مفاجئه .. طلعتو انتو الي فاجئتوني
شمس :تطلع لامي ولا اناديها لك
راشد وهو يطلع الدرج: انا بروح لها
طاحت حنين فيني تشوت منتديات ليلاس
حنين :كله منج ماخليتيني امشط كشتي ولاالبس شي عدل ....عاجبج الحين
شمس :لو ادري انه بيجي صدقيني لبستج فستان العرس وزفيتج وارتحت منكم

*********
ام راشد ردت فيها الروح ..واعزمت كل العائله الكريمة
شمس لبست تنوره جنز طويله وبلوزه حمرا بدون اكمام هاي نك.. حنين لبست بعد تنوره جنز وبلوزه حمرا
حنين سشورت شعرها وخلته مفتوح اما شمس حطت كميه بسيطه جل.. المكياج .. خفيف
شمس لاااحضت تحركاات غريب في اجتماع العائله
ام راشد وخواتهااا يتبادلون الكلاام بصوت اقرب للهمس وانضمت لهم عليا.. شمس تحااول الاقتراب
منهم .. تبي تحمل لجين من حضن عليااا
لكن الجمااعه سكتووو .. خذت شمس لجين ونادت البنات
وتجمعوو ..على سوووالف ونكت ...وضحك
عهود:شسويتو في العمره انشاء الله انبسطتو
حنين :الحمدلله ...بس في عنز سارحه طفشتنا
شمس :وااو فااتكم الحنا..روووعه
رهف :لاتقصين عليهم انتي ماتعرفين تسوين حنا
شمس انحرجت من صرااحة رهف:الا..اعرف ..لكن ساحت الاشكال على بعض ....حنين وريهم الصور
حنين :ماورى عبيد صور ولاذكرى
شمس: اووف وشدخله
حنين:انا نقلت الصور على الفلاش مموري ونسيته في الاب توب وشافهم الاخ وكسر المومري
عليا :زين سوى ليته مكسر راسج
حنين :خييييييير.... يكسر راسي ..لييييه ترى مابينت الاسيقانا وفيها الحنا
عليا : وانتي شايفتها عدله ان احد يبحلق في سيقانكم هاذا جزاته الي خايف عليكم
حنين :خلصنااااا ...احنا ماكنا براويها احد ...البنات بس وبينا وبين بعض
عليا:طيب وهاذا عبد الله شافها وانتو ماكنتو بتراونه ....مره ثانيه قبل ماتسون شي فكروا باالعواقب
********
دخل نايف يسلم على الخاالات .. شمس من حبها لنايف تعااااتبه :هلاهلا نايف وينك مانشوفك ولاتتصل ولا تسأل
انحرج و نزل راسه :ماعندي فرص... بس الحين عندي ايميل .... واقدر اكلمج على المسنجر
شمس :صحيح منو سوالك ايميل
نايف : عبد الله شرا له لابتوب جديد وعطاني القديم... عشان اتعلم وانا سويتلي ايميل بعد ماخذينا درس الحاسب
شمس :بضيفك عندي .. خلااااص
نايف :اول بسأل عبد الله
اووووووف هالمغرررررور يبي يتحكم في الكل
*************



<<<9>>>


منتديات ليلاس
الايام الي قعدت فيها حنين عند شمس ...كااانت.. سهر ووناسه واستهبال
حنين :قومي يالله بلا مصاخه
شمس :قلت .. لا.. يعني لا
حنين :والله مافيها شي يوصلنا ويمشي مب قاعد ويانا
شمس:ماقدر اشوفه.. يذكرني شكثر كنت غبيه
حنين :طيب شبتسوين .. بتحبسين عمرج .. ولابتقطعين علاقتج فينا .. ماتقدرين
شمس : بس فتره لين يسافر.. وبعدين خلاص نرجع زي اول
حنين : طيب هو بس سنتين ويرجع
شمس :اذا رجع يحلها الحلاااال
حنين : شلون نطلع السوق مجيد مسافر وراشد مب هني وانتي ماتبين عبد الله يوصلنا
شمس :دقي على واحد من خوالي ..ما يقولون لا
حنين :شمس لا ترفعين ضغطي.. يعني اعني وااااحد خوالي .. تعرفين ان مافي احد منهم قريب واحد في الخبر والباقي في الجبيل
شمس :مالازم نروح السوق اليوم
حنين : زواج عهود ماباقي عليه شي مايمدي نجهز
شمس :انا بنطر راشد لين يجي واروح وياه
حنين :صدقيني مايمديج الااذا بتشترين جاهز
شمس :شكلي هذا الي بسويه
حنين : يقولون مذركير منزل فساتين تينن
شمس حذفت علبة العصير الفاضيه على حنين بس ماا جاات فيهاا
حنين وهي تمد لسااانها:اممم..يااالحولاا..اشرايج نفصل لج نفس موديل رهف بيطلع حلو عليج
شمس:حنون بسج استهبال انتي روحي وشوفي وقوليلي
رن جوال حنين :انت برا ... الحين طالعه
حنين:هذا عبد الله ... انا بطلع باااااااااي
شمس حزينه ان حنين بتروح عنهاا:حنون لا تأخذين اغراضج روحي السوق بعدين ردي عندي
حنين:ياربي ....شاسوي اقطع عمري .. محد قادر يستغني عني امي وابوي واخواني وصديقاتي كل شوي داقين علي
وانتي وخالتي ماتبوني ارجع بيتنا
شمس: ااااااااقول جوالج من اسبوعين مارن الا اليوم
بعد مااراحت حنين ...شمس قداامالتلفزيون وتفرفر بالقنوووات... رن تلفون البيت
عبد الله:شمس ننطرج براا... لاتتأخرين
شمس:ماقالت لك حنين اني مابي اروح..وياااك
عبد الله وهو مااسك نفسه لااا يعصب:بتطلعين ولا مافي روحه السوق ....الامع راشد
شمس:ادري .... ماانطرك تعلمني ..وصفقت التلفون في ويهه .....المغرور

*************
شمس فرفرت في المنتديات بين الموضه والأزياء واخر صيحات المكياج والعطور
دخلت على الخلطات .... تبيض , تنعيم , تنحيف , تسمييييييين هاذا الي ابيه... وسجلت بعض الشغلات لزووم الخلطات من العطار
دخلت على الإيميل 10رسايل 4من هاديه 2من حنين و2منتدى ـــــ
وحده من فداء ووحده من ايميل حسبته نايف ....سويت له إضافه
فداء راسله تاريخ زواج هيفا وتسألني بحضر ولا لا وباقي الرسايل عاديه
شمس استغربت من محتوى رساااالة ناااايف ...اكيد راسلهااا موب عاارف معناهااا
v
v
v

حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!

رديت ارسلت له صوووووووور سيارات ومقاطع تفحيط

ومن الطفش قعت على النت لين الفجر اقوم اصلي اواكل وارد اكمل قرايت الروايه
بعد الساعه ثنتين سجل دخول نايف غريبه يمكن عشان عطله سهران

احرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
مسا ء الخير شمس
نحله ورديه:نقول صباح الخير شلونك نايف

حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تمام عرفتيني
نحله ورديه :وهل يخفى القمر وش الرسايل الحلوه يابطل

حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تسلمين هاذا من ذوقك بس شلون عرفتيني اكيد فداء قالت لك
نحله ورديه:؟؟؟؟؟؟؟؟
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
تصدقين انا اسعد واحد في الدنيا اليوم عشاني قدرت اكلمك
نحله ورديه :؟؟؟؟؟؟؟؟
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
من يوم شفتك وسمعت صوتك وانا مو قادر انساك او افكر في احد غيرك
نحله ورديه :انت منو
حرص على الي دايم الدوم شآآآآآآريك ~~واحذرمن الي لاقسى الوقت بآآآآآآآآعك
نايف ناصر الـ
نحله ورديه:اخو هيفا الـ
****************
منتديات ليلاس
<<<10>>>




شمس: انت شنو بالضبط ........وش قصدك من هالحركات تبيني احبك واصير اكلمك.. اواطلع معاك
نايف :شمس ....لاتقولين هالكلام انا زاد اعجابي فيج من كلام هيفا بس عطيني فرصه
شمس ...قطعت الاتصال و حذف لنايف وقفلت جهااازهااا
******
انشغلنا بتجهيزات زواج عهود
وحجزنا كلنا بنفس المشغل مع العروس عهود..وريما ...اخت المعرس
كل شي منظم ومرتب في قاعةــــ
حنين فستانها شيفون اسود مع شك بسيط عند الصدر والخصر ومع المكياج والتسريحه طالعه روعه
اما شمس فستانها ناعم حييل .. لونه ازرق و قصير .. فيه زم تحت الصدر وقصة الظهر شكل اكس.. ولبست كعب عالي
تجمعنا على طاوله وحده ومعانا عليا والاء
عليا :شمس كنج متنتي شوي
شمس : بس يعني ماطولت
الاء: الا وطلعت عندج المعالم النسائيه هههههههه
حنين :البركه في خالتي تزقط فيها اربع وعشرين ساعه
لما:بس الأكل ماينفخ الخدود ويخليها حلوه زي كذا وكملت لين:اكيد مسوييه عملية تجميل
شمس تستهبل:ماتدرين كنت في لبنان في نفس العياده الي فيها ـــ وسويت زيهاشد ونفخ
ريما سلمت وقعدت على نفس الطاوله
رهف لابسه فستان احمر قصير من قدام وطويل من ورا وفيه جيبون طبقات وطوق فيه ورود حمرا
قربت رهف من ريما :انتي لابسه قناع
ما قدرت شمس تمسك ضحكتها :هععععععععععععع
حنين:عيب رهف هذي مثل ماما
ريما :خليها معليه تعالي رهف تبين حلاوه وفتحت شنطتها بطلع الحلاوه
رهف بوزت :لا مابي شنطتج فيها قرف
شمس وحنين بعد ما تبادلوو نظرات الاعجااب ضحكوو بصووت مرتفع... هههههههههههههههههه
منتديات ليلاس
قبل زفة عهود..علياعطت شمس علبه مزخرفه :شمس طلعيها عند الباب .. بيجي راشد ياخذها ..طلال مشغول
ناديت حنين وسحبتها معاي وانا في راسي فكره اني اشوف ردة فعل راشد... ويعجل بالزواج
فتحت شمس الباب ووقفت عنده وحنين وراهااا
بس الي طلع من ورى الحاجز...مو راشد
عبد الله... طالع في شمس وجنه ما عرفهااا ...فنزل راسه
الملقووفه حنين :ههههه عبد الله هذي شمس ماعرفتها .... شمس رمت العلبه على حنين وتبي تهرب
يد عبد الله سحبت شمس ووقفهاا قباااله...
شمس عصبت من حركته لان الحريم وقفووو يتفرجون عليهم: مااتشووف الحريم شلوون يطاالعونك.....اكيد عااجبك الوضع ..تحب
ترقم كم وحدة فيهم؟؟؟؟؟
***********















 
 

 

عرض البوم صور احب الليل  
موضوع مغلق

مواقع النشر (المفضلة)

الكلمات الدلالية (Tags)
احب الليل, شمس وسحاب, قصص من وحي الاعضاء
facebook



جديد مواضيع قسم القصص المكتملة (بدون ردود)
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:18 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية