أصبحت أغراضي كـ الراتب الشهري.. في نهاية الشهر .. لم يتبقى .. ؟؟؟؟

09-05-09, 09:30 PM

المشاركة رقم: 1

المعلومات
الكاتب:	#مهما الليالي#
اللقب:	عضو راقي

البيانات
التسجيل:	Dec 2008
العضوية:	113418
المشاركات:	4,880
الجنس	أنثى
معدل التقييم:
نقاط التقييم:	34

االدولة

مدونتي

الإتصالات
الحالة:
وسائل الإتصال:

المنتدى : قهوة ليلاس

أصبحت أغراضي كـ الراتب الشهري.. في نهاية الشهر .. لم يتبقى .. ؟؟؟؟

أصبحت أغراضي كـ الراتب الشهري.. في نهاية الشهر .. لم يتبقى .. ؟؟؟؟

< لكل من مر من هنا

بحـكي لكم قصه عن إنسان مسكين .... ربى كريم وكان ثالث أصحابه
خذو من أغراضه ولا تركو له شي ... ماغير سروال سنه في دولابه
عايش ويعطيهم طول السنين ... ويوم احتاجهم طلعو من حياته

خلف بن مشعان تعال شف وش سويت بقصيدتك الشهري.. ؟؟؟؟

طلع عبد الرحمن من الحمام " تكرمون " ويمسح يده بفوطه صغيره .. .. ويسمع صوت مسج ..

" دحوم حبيب قلبي .. محتاج سيارتك اليوم .. ساعتين بس وبترجع لك .. وش قلت ؟ "

رد عليه :
" تامرني وتفداك السياره وراعيها .. " أبد خمس دقايق ... وجاء صديقه خذا المفاتيح وشغل ومشى ... وجلس عبد الرحمن ينتظر وينتظر .. ونام والسياره ماجت .. وجالس يحلم بسيارته .. مره يحلم انها واقفه عند الباب وتقول وحشتني ليه تخليه ياخذني ,,, ومره يحلم ان صديقه واقف بالحراج ويحّرج عليها وهو يطالع من بعيد ويبكي .. بس ماكان يقدر يتحرك بالحلم ..

صحى من النوم لقى المفتاح على الكمدينه جنبه .. وحس بسعاده ونبض يتجدد بقلبه .. مثل شعور العزوبي اول يوم زواج اذا صحى ولقى زوجته جنبه ... دخل اخوه الصغير .. وقال ترى صديقك البارح عطاني المفتاح .. وترى السياره أنصدمت امس من الجنب وتحككت وانطعجت .. ضاق صدر دحوم .. بعدين تعوذ من ابليس وجلس يواسي نفسه .. " الحين وجهي محكك وحظي محكك .. وقفت على سيارتي .. "

.
.
.

مسج :: " دحوم حبيبي .. باكر بطلع لمطعم مع خطيبتي ... وودي بمحفظتك الي من ديبون.. اللي شفتها معاك قبل أمس .. باخذها وابد مالك الا الي بيرجعها بيومها "

رد ::" تامرني والله فداك المحفظه وراعيها " ... ربع ساعه الا يرنّ الجرس .. طلع عبد الرحمن فلوسه وبطاقاته .. وكروت وخيط بلاستك وقطعة ورق صغيره ومعفوطه .. وايصالات بنوك .. وفاتورة التميمي .. وعطاه المحفظه .. وقاله الله يوفقك واتمنى لك وقت ممتع

يوم .. يومين .. اسبوع .. اسبوعين .. وعبد الرحمن يلمح يبي المحفظه ترجع له .. ويربط فلوسه بمغاط .. بس ذاك مايبي يفهم .. مرّ شهر وطاب خاطر دحوم من المحفظه

.
.
.

مسج :: " يالله حيّ ابو داحم .. وراك ماترد .. المهم بغيت منك شي اذا جيت عند الجوال اتصل علي "

الغريب في الموضوع .. ان عبد الرحمن يدور مس كول من الرجال مالقى

أتصل عليه ..
_ هلا بدحيم يالله حيه .. وشلونك ..؟؟؟ ... ان شاء الله كل امورك زينه ,. المهم مالك بالطويله .. ولد عمي زواجه بعد كم يوم وتعرف انزنقت انا ونسيت أفصل لا ثوب ولاشي ..

عاد انا شايفـ " ن " عندك ثوب من رباعيات لا بسه بالعيد ... وبغيته منك .. وقلت لو يدري دحوم اني محتـاجـ "ن " ثوب ماهو مقصر معي ابد

_ ايه ايه .. مالك الا اللي يرضيك .. الثوب وراعي الثوب فداك وبعطيك الكبك بعد <<

بعد يومين .. رنّ الجرس سوّاق ومعاه كيس .. فتح عبد الرحمن الكيس ولقا ثوبه .. والكبك حقه .. بس واحد والثاني يدور بالكيس مالقى شي

.. راح لامه

_ يمه تحسين الثوب فيه شي يعني طالع ألوان اصفر وابيض ووردي فاتح

_ ايه وانا امك تسنه مغسول مع ملابس ملونه

ضاق صدر دحوم .. مو كل يوم الواحد يشتري ثوب من رباعيات << لو انك قايله بدله كان صدقوك شوي

.
.
.

_ ماشاء الله ياوليدي وش هالزين وش بقيت ليوم عرسك ...

_ بطلع مع واحد من الربع يقولي أكشخ على سنقة عشره .. مدري وش ناوي .. المهم لاتطلعون انتي وخواتي اليوم

بعد رجعو الساعه وحده .. نزل عبد الرحمن لبيتهم .. سوى له صديقه هرنَ .. ورجع له

_ وش تبي ؟

_ اقول دحيم وش رايك تترك ساعتك .. ودي اكشخ بها يوم

_ بس كذا ؟ ... أنت بالذات لو تبي بلاعيمي ماتغلى عليك ..

.
.
.

_ عبد الرحمن أخوي ..

_ وش تبين ؟

_ كلمني باسلوب ترى نوره بنت جيرانا عند الباب وتسمع
المهم نبي شمغك

_ كم تبون نوره ؟ أقصد كم تبون شماغ

_ مدري عطاناها كلها .. أنا ابي اسوي فيها أساور .. ونوره تبي تسوي فيها عبايه .. ولمياء اختها بتسوي تنوره ... وبنسوي لشغالتنا ايشارب

.
.
.

مسج :: " دحوم .. يعطيك العافيه حبيبي .. زوجتي حامت كبدها مني تقول البس بجايم ..عندك بجاما حلوه ؟ "

رد :: "تفداك البجايم .. وبرسل لك الفنيله الداخليه بعد " ..

.
.
.

مّر اسبوعين .. وحس عبد الرحمن انه كل ما بغى يطلع ينزنق .. لا ساعه ولافنيله ولا شماغ ولاثوب سنع لا سياره عدله ...
قرر انه يحط حدّ .. واي احد يطلب شي يصرفه ... واستمر على هالنظام شهرين ... وبعد الشهرين .. كل ما اتصل على واحد صرفه .. وجته صدمه من الاصدقاء .. وصار يدخل قهوة الاقلاع ويكتب مواضيع انتحاريه عشان يبرد اللي بقلبه

وصار ولد لبن والهاَمور يودون مواضيعه للماصله ..ولايهون كنديشن وواضح ..

وجته صدمه ثانيه ..

وأعتزل المجتمع الخارجي كله ...

وصار يلعب مع أخوانه الصغار منبولي .. وسيارات

أعتقد هدف الموضوع باين ..

* بعض الناس ماياخذون منك غرض .. والا يرجع متدمر..

*دايم يمّر في حياتنا أشخاص لما مايحصلون اللي يبون .. أو يخلصون من اللي يبون ينسحبون ..

< لكل من مر من هنا بحـكي لكم قصه عن إنسان مسكين .... ربى كريم وكان ثالث أصحابه خذو من أغراضه ولا تركو