كاتب الموضوع :
ميمي87
المنتدى :
الارشيف
ج3
رسائل خاصة من عشاق على الانترنت
استمرت محادثات ريم وأحمد طوال اسبوعين وكل يوم جديد يعني أن الحب يزداد في قلب ريم وتحس أن مشاعرها متبادلة مع أحمد... ولكن هل هي متبادلة بالفعل؟؟
في نفس الوقت كان أحمد يحارب هذه المشاعر كي لاتتغلب عليه... لايعلم أيقطع علاقته مع الريم؟؟ هل أصبحت الآن تخشاها ياأحمد؟؟ سبحان الله مغير الأحوال...
****
-هسة آني أريد أفهم شنو هالتعلق المو طبيعي بالانترنت؟؟ هذا السؤال كان موجها لريم من والدها...
ريم:: عادي شكو بيها؟؟
الأب:: يعني الدراسة بدت وانتي ماقريتي ولامحاضرة وتكولين عادي؟؟ وصايرة متساعدين بشغل البيت... آني غلطت لما سمعت كلامكم وسحبت خط انترنت للبيت...
ريم بعد أن فقدت أعصابها:: هسة انتو شتريدون مني؟؟ دراستي وبكيفي أدرس محد إله شغل بيه...
الأب وهو مصدوم من طريقة كلام إبنته وواثق أن في الأمر سرا:: شنو بكيفج ماكو شي بكيفج ياتصيرين عاقلة لابعدين يجيج شي مايعجبج...
****
استمر الخلاف وتطور والأهل مستغربون من عنادها الغريب... وريم تحس إنها ستفقد جزءا من حياتها ومن ذاتها لو ألغوا اشتراك النت فعليا... كيف ستتصل بأحمد؟؟
****
((رسالة خاصة من أميرة في خيالي))
السلام عليكم... شونك أحمد؟؟ آني أخباري ابد مو زينة... آسفة بس أحتمال أنقطع فترة... هسة دأكتبلك من بيت عمي... تدري قطعوا خط النت وهواية مشاكل ويريدون يگعدوني بالبيت وأترك الدراسة وآني كلش منهارة...
أمورة@
****
أعاد أحمد قراءة الرسالة أكثر من مرة... ماهذه المشاكل التي حصلت؟؟ وماعلاقة الانترنت والدراسة بها؟؟
.
.
.
((رسالة خاصة من المهندس))
وعليكم السلام... هاي شكو أمورة؟؟ شنو هالمشاكل؟؟ الله يخليج تدخلين اليوم تطمنيني عنج ترا والله ظل بالي عليج... بس گولي آني بيش أگدر أساعد... والله آني وياج دائما بس لتنقطعين وطمني اللي أشتعل گلبه عليج...
أحمد@
****
بعد 3أيام::
((رسالة خاصة من أميرة في خيالي))
مرحبا أحمد,شونك؟؟ آني الحمدلله أحسن من گبل... لايظل بالك عليا... حسيت بالذنب لأن دخلتك بمشاكلي بس تدري مالگيت غيرك احجيله والحمدلله رجعت للدوام وهدأت الأوضاع بالبيت حاليا...
أمورة@
****
كاد أحمد أن يطير فرحا وهو يرى رسالتها الخاصة... بعد أن ظن ان حبل الوصل قطع بالرغم من إنها 3ايام لاغير... ولكن من يعلم ماهي ال3أيام عند العاشقين؟؟
((رسالة خاصة من المهندس))
الف الحمدلله على سلامتج أمورة هسة نور المنتدى لو تدرين بس شلون مرت هالأيام عليا لاركزت بدوامي ولاأعرف إلمن أروح إلمن أحجي؟؟ حتى المنتدى بعد ميعجبني أدخل بيه لأنج مموجودة... بس إن شاءالله يكون السبب خير...
أحمد@
****
((رسالة خاصة من أميرة في خيالي))
أهلا أحمد والله تدري ظروفي مو مثل گبل مااريد أگول الاسباب بس آني اسوي المستحيل كل يوم حتى أدخل...
أمورة@
****
((رسالة خاصة من المهندس))
أمورة الله يخليج گولي ماادري ليش أحس أن السبب هو المنتدى لو آني... طمنيني ترا لو مسوي شي راح أگتل نفسي...
أحمد@
****
((رسالة خاصة من أميرة في خيالي))
والله أحمد ماادري شگول بس آني تعلقت بالمنتدى هواية وبصراحة الانترنت نساني هواي اشياء ومسؤوليات ودراستي... بس آني فعلا مااگدر مااقرا رسايلك كل يوم...
أمورة@
****
((رسالة خاصة من المهندس))
أمورة أذا كنت آني السبب ممكن أقطع رسايلي بس والله راح يكون شي كلش صعب عليا بس حتى لاتتأذين... متصورت فد يوم أفقد ناس غالية على گلبي بهالسرعة وكثير أشياء ردت أگولها ولو مو وگتها...
أحمد@
****
((رسالة خاصة من أميرة في خيالي))
لاشنو تقطع رسايلك... لو تدري شگد أرتاح لمن أحجي وياك... ليش تصير انت والزمن عليا؟؟
****
|
13-08-09, 09:10 PM
جديد مواضيع قسم الارشيف
العرض العادي
