كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
السلام عليكم
صباح الخير
اقتباس :-
المشاركة الأصلية كتبت بواسطة النهى  |
السلام عليكم
أولا ألف مبروك البيبي الله يحفظه ويخليه لك
ثانيا تصدقين ماصرت أستعجل على قراءة الأجزاء أول ماتنزل مثل قبل
قبل حتى أيام اختبارات أدخل المنتدى أول ما أرجع من كليتي
لكن الحين لا
وأنا أقول لك ليه ,
لأني عارفة إن الرواية قربت تخلص , فجالسة أطول مدة استمتاعي فيها باللي هي به ..
مع ان شكلي طالع كأني ألعب على عمري :(
في الرد اللي قبل قلت إن راكان شخصيتي المفضلة
الحين أقول إن فارس ثقيل الدم هو العكس
صراحة يا أنفاس أنا مهما كانت الشخصية أستمتع فيها وأشوفه دليل نجاح باهر إذا عندك شخصية تخطف إعجابي وشخصية ثاني تثير غضبي وأخرى تبكيني حزن ورابعة تستنزفني رحمة وشفقة
فارس باختصار رافع لي ضغطي
وأول مرة انبسط عليه هالجزء لأني حسيته من جد موجوع
مادري ليه بالضبط بس يمكن لأن فيني من هالكبرياء :)
<<< أنتقم من نفسي يعني هع
يوسف وباكينام مت ضحك عليهم هالجزء قسم بالله انهم فاضييييييين
ونفس الشي هيا ومشعل بالله اولدي ياهيا وريحي مشعل من شغل المبزرة هذا
وأنا أوافقك تماما على سالفة الغيرة والله تهد بيوت ,
عندي ملاحظة بخصوص فهد ولد سعد مادري حسيت تعليقاته أكبر من عمره يمكن لانك قلتي ذكي ؟ بس ولو أحسه أذكى من عمره بكثير ومو بس أذكى إلا أخبث .. الله يستر لا يوهق مريم بسالفة كبيرة
أرجع لراكان وموضي زارا بالله ليه ماتحطين حزب لهم هالضعوف
أحسن ثنين بالقصة كلها ارحميهم شوي أنفاس يستاهلون شوية سعادة وحب
لطيفة اللغز الاكبر
يعني طول الأجزاء اللي فاتت بعد الكف والتسقيط
وحنا نشوف اللي بينهم من الـ point of view تبع مشعل , يعني من عيون مشعل
نشوف ألمه وغضبه وخيبة أمله تجاه برود لطيفة
بس لطيفة ؟ ودي أدخل راسها وأشوف هل هذا برود مقصود ؟ وهي من جوا تبكي ألم ؟
ولا فعلا فعلا فعلا هي ماعاد في قلبها أي مشاعر لمشعل ؟ ودي أعرف كيف تفكر وش مقصدها من هالبرود ولمتى راح تظل كذا ؟
أدري انك مخبية هذا كله لحاجة في نفسك وراح يظهر في الوقت المناسب ..
مشاعل وناصر يالبيه بس لايقين على بعض فعلا
تدرين عاد يا أنفاس
هذه أول مرة أرد بهالطريقة والأريحية وأعلق على أغلب الشخصيات
رديت كم رد قبل لكن بشكل عام
ملاحظة أخرى
فيه رأي وحدة من القارئات المميزات صراحة
وأنا أوافقها بعض الشيء
تقول إن شخصياتك مثالية يعني مافيهم أحد يدخن ولا يغازل حتى لو يتوب بعدين
وأنا ماكتبت هالملاحظة إلا لسببين :
الأول اني عارفة انها ماراح تكتبه عشان بعض القارئات المعجبات الله يوفقهم بيهاجمونها وأنا هنا أقول لهم الرأي والملاحظة السابقة موجهة للكاتبة أنفاس فقط وهي الوحيدة اللي لها الحق في الرد عليها
السبب الثاني إني اعرف تقبلك التام وترحيبك الحار في الملاحظات سواء كانت سلبية أو إيجابية
وبغض النظر هل هي صحيحة أو خاطئة نحن نظل مجرد قارئات وهذه وحهة نظر بشرية تصيب وتخطيء ولا تفسد للود قضية
طولت عليك هالمرة اعذريني
بارك الله لك في ولدك وزوجك ووقتك وعملك ومالك وقلمك
ونفع بك وبابنك الإسلام والمسلمين
تقبلي حبي واحترامي العميقين
أختك : نهـى
|
رد الكاتبة العزيزة القديرة أنفاس :
|
اقتباس :-
|
إنه شخصيات رواياتي شخصيات مثالية؟؟
أعترف أني قصدت كذا
أولا لأنه كثير من روايات النت مليانة شخصيات شريرة لدرجة تؤلم فعلا
وأنا حبيت أعطي نموذج خيّر مازال موجود
الشيء الثاني إنه فعلا الشخصيات اللي أتكلم عنها موجودة ولله الحمد
شخصياتي وطباعها من وحي المجتمع اللي أنا عايشة فيه ولله الحمد والمنة
يعني عندنا في مجالسنا مستحيل تلاقون منفضة سجاير لأنه عندنا مهوب رجّال اللي يدخن
وحتى لو كان فيه حد منا يدخن حتى لو كان رجّال في الأربعين يستحي يدخن قدام هله وعياله أو حتى في مجلسه
من ناحية ثانية أنا في كل الشباب اللي أعرفهم أخواني خوالي أعمامي عمري ماعرفت عن واحد منهم إنه يغازل أو يكلم في تلفونات
بالعكس يستحون اكثر من البنات.. فمن وين أجيب نماذج سلبية؟؟
كفاية النماذج اللي في النت.. وخلونا في الأجاويد الله يكثر منهم
|
نجي ردود البنات اللي كنت متوقعتها
|
اقتباس :-
|
نجي للبنات وانتقاداتهم ,,,ماادري البنات وش يبون بالضبط صراحه موعن لاينتقدون بس انا احب النقد البناء مو النقد الي يثبط من عزم الكاتبه ,,,,
وانتي انفاس ماشاء الله عليك اشوفك محترمه القراء والشخصيات بشكل خيالي ,,,
وبعدين ليش يبونك تكتبين عن ( الاشخاص السيئين ) مادام في الناس خير ليش مانكتب عنه .وبالنسبه للثراء انا ماشوف انهم ذاك الثراء هذا حال المجتمع الخليجي بصفه عامه واهل قطر بصفه خاصه ولكن مااقول الا (لاترمى الا الشجار المثمره)....
|
النقد اللي وجهته للكاتبة , عفوا الملاحظة كانت تخصها وهي تقبلتها بكل صدر رحب ووبينت وجهة نظرها وأنا اقتنعت
وين بالضبط حاولت أثبط من عزيمة كاتبتي المفضلة ؟ اعذريني ماقدرت اشوف في ردي أي تثبيط
|
اقتباس :-
|
يا بنات كثره الانتقادات تحبط من نفسيه الواحد
الحين تكرهون انفاس بالكتابه و تحرمنا من الروايه الثالثه :)
الله يهديكم خفو شوي .. في قصص سخيفه وكاتبات اقل مستوى و ثقافه من انفاس
ومع ذلك يدعمونهم بالكلام المعسول والمديح ...
و بصراحه القصه بنظري وبنظر الغالبيه
كامله من جميع النواحي ..
انا اشوف ان كل شخصيه لها عيوبها
الظاهر بنظر البعض ان المحافظه على الصلاه و عدم التدخين يدخل من باب المثاليه !!
انا اعتبرها من اخلاق الانسان المسلم اللي يخاف من ربه ..
بعدين مو شرط يكون بكل عائله شخص فاسد سكير ومغازلجي ..
|
وأنا أتفق مع هالغالبية في رأيهم ,
لكن ياعزيزتي مايمنع اني أبدي وجهة نظري
هذا حق لي وبما اني كتبت ملاحظتي بأسلوب حلو وين الغلط اللي سويته وضايقكم ؟
أنا طالبة أدب انجليزي ثالث سنة وماخذة دورة في النقد ومشتركة في ورش عمل للكتابة الإبداعية ,, وأعرف وش أتكلم عنه
سواء ملاحظتي صح ولا غلط ليه زعلانين الحين ؟ حرة أنا برأيي والكاتبة الفاضلة أنفاس قبلتها أم لم تقبلها شيء راجع لها
رغم انها الله يعافيها تقبلتها وردت عليها
|
اقتباس :-
|
انفااس تصدقين مع اني كثير اقرا قصص بس ماشفت قصه وااقعيه زي قصتك
واللي يقوول عنك كذاا تررا من الغيره اللي حاارقه قلبه هع ولا عمري قريت مقطع لك يخدش الحياء
واذا ابطالك مثاالين مايدخنون ولايغزلون تراا في نااس كثيره مثلهم مو بس ابطالك
واذا على الغنى ماشاء الله قطر من اغنى الدول العربيه ودول الخليج كمااان
بس انتي الكلام اللي مايعجبك ارميه بالبحر وكملي هع
|
وش دعوااااا !! لا غيرة ولا شيء
إلا إعجاب واحترام عميقين جدا جدا للكاتبة وحروفها
ومن أخلاق الكريمة أنفاس انها مارمته بالبحر حتى لو ما أعجبها
تراها ملاحظة ماتسوى والله هذا كله
|
اقتباس :-
|
حراااااااااااام ليش الظلم ياناس الحين مخلين الخرابيط اللي موجوده في اغلب قصص النت السخيفه
وجايين على قصصك نفوسه
|
لأن القصص السخيفة والخرابيط ما تستاهل من يقراها كيف عاد نعلق عليها ؟
هذا دليل على نجاح أنفاس ماشاء الله تبارك الله
|
اقتباس :-
|
ابقيج تعرفين ياانفاس ن كل انسان ناجح له اعداء وهالعداء ناتج من الغيرة والقهر والحسد من نجاحج وكل انسان ناجح لازم يتعرض لانتقادات
سواء ايجابيه او سلبيه .
السلبيه بتكون من اعداء النجاح والايجابيه بتكون من محبينج ومعجبينج
اللي انا وحده منهم فليش يانفاس تخللين هالاعداء ياُثرون فيج بكلامهم
مع انهم قلة قليله وماتتاثرين بكلام اللي يحبونج مع انهم الكثرة
لاياانفاس ماعهدت هالضعف منج اعرف انفاس قويه ومو هالفئه اللي بياثرون فيج خللي انتقاداتهم السلبيه تاثر عليج بشكل ايجابي خلهم يعرفون منهي انفاس قطر وان مو كل من هب ودب يجي يلطش بالكلام ويمشي
عطيهم اكبر طاف وطنشي (واثق الخطا يمشي ملكا بين الناس )
وانفاس بتظل ملكه بطيبتها وتواضعها وكرمها ومحبتها للكل واحنا معاج ياانفاس للنهايه .
|
ليه انتم تبون تسكتون العالم لا يقولون رأيهم ؟
ترى كذا تضرون أنفاس حتى لو ماتقصدون
قصة انفاس ظلم نقارنها بقصص النت الباقية , أنا أقارنها بالقصص المنشورة على رفوف المكتبات ..
وإذا أنفاس تبي توصل لهالدرجة من النجاح لازم تسمع لكل رأي عشان تطور أسلوبها وتوصل للقمة
بعدين وش دعوا عيوني كل من هب ودب ويلطش وطاف
أنا نهى اللي قلت هالرأي وصديقة من ليلاس ومازلنا عند رأينا
نشوف ان قصة أنفاس من أروع القصص اللي قريناها لحد الحين لكن المثالية موجودة واقتنعنا بكلام أنفاس انها مقصودة وإيجابية
ليه كل هالكلام ؟ ترى والله حنا كبار وهالكلام ماله داعي
|
اقتباس :-
|
وأنا معك قلباً وقالباً وما أشوف إنهم مقنعين
بإنتقاداتهم الغير صحيحة والرواية رائعة
بكل المستويات
|
حتى لو كانت غير صحيحة عيوني لنا الحق في طرحها
أعتذر لك أنفاس يالطيبة يابنت الطيبين عن هالرد لكن والله من احترامي لك رديت
وثانيا لأني ما أرضى على نفسي يطلعوني بصورة الحاقدة عليك المثبطة لعزيمتك وأنت ِ ياعزيزتي تعلمين تماما قصدي وتفهمين ما أعنيه
وأخيرا لمشرفاتنا الغاليات الكريمات
أم أحمد , أم لولو , فراشة , ومذهلة حبيبات قلبي
إذا كنتم ناوين تحذفون هالرد خلوه ع الأقل كم يوم لحد اللي قالوا عني هالكلام يشوفون وأنفاس بعد
تعرفوني أنتم تماما وتعرفون اني مو قصدي أسوي زحمه في قصة أنفاس
لكن برضو ماترضون علي يتكلمون وما أرد
شاكرة للكل وأعتذر منكم اذا كنت قاسية في ردي
|
08-10-09, 05:20 PM
جديد مواضيع قسم القصص المكتمله من وحي قلم الاعضاء
العرض العادي
