السلام عليكم

أولا ألف مبروك البيبي الله يحفظه ويخليه لك


ثانيا تصدقين ماصرت أستعجل على قراءة الأجزاء أول ماتنزل مثل قبل

قبل حتى أيام اختبارات أدخل المنتدى أول ما أرجع من كليتي

لكن الحين لا

وأنا أقول لك ليه ,

لأني عارفة إن الرواية قربت تخلص , فجالسة أطول مدة استمتاعي فيها باللي هي به ..

مع ان شكلي طالع كأني ألعب على عمري :(



في الرد اللي قبل قلت إن راكان شخصيتي المفضلة

الحين أقول إن فارس ثقيل الدم هو العكس



صراحة يا أنفاس أنا مهما كانت الشخصية أستمتع فيها وأشوفه دليل نجاح باهر إذا عندك شخصية تخطف إعجابي وشخصية ثاني تثير غضبي وأخرى تبكيني حزن ورابعة تستنزفني رحمة وشفقة

فارس باختصار رافع لي ضغطي

وأول مرة انبسط عليه هالجزء لأني حسيته من جد موجوع

مادري ليه بالضبط بس يمكن لأن فيني من هالكبرياء :)

<<< أنتقم من نفسي يعني هع

يوسف وباكينام مت ضحك عليهم هالجزء قسم بالله انهم فاضييييييين

ونفس الشي هيا ومشعل بالله اولدي ياهيا وريحي مشعل من شغل المبزرة هذا


وأنا أوافقك تماما على سالفة الغيرة والله تهد بيوت ,

عندي ملاحظة بخصوص فهد ولد سعد مادري حسيت تعليقاته أكبر من عمره يمكن لانك قلتي ذكي ؟ بس ولو أحسه أذكى من عمره بكثير ومو بس أذكى إلا أخبث .. الله يستر لا يوهق مريم بسالفة كبيرة


أرجع لراكان وموضي زارا بالله ليه ماتحطين حزب لهم هالضعوف

أحسن ثنين بالقصة كلها ارحميهم شوي أنفاس يستاهلون شوية سعادة وحب



لطيفة اللغز الاكبر

يعني طول الأجزاء اللي فاتت بعد الكف والتسقيط

وحنا نشوف اللي بينهم من الـ point of view تبع مشعل , يعني من عيون مشعل

نشوف ألمه وغضبه وخيبة أمله تجاه برود لطيفة

بس لطيفة ؟ ودي أدخل راسها وأشوف هل هذا برود مقصود ؟ وهي من جوا تبكي ألم ؟

ولا فعلا فعلا فعلا هي ماعاد في قلبها أي مشاعر لمشعل ؟ ودي أعرف كيف تفكر وش مقصدها من هالبرود ولمتى راح تظل كذا ؟

أدري انك مخبية هذا كله لحاجة في نفسك وراح يظهر في الوقت المناسب ..


مشاعل وناصر يالبيه بس لايقين على بعض فعلا


تدرين عاد يا أنفاس

هذه أول مرة أرد بهالطريقة والأريحية وأعلق على أغلب الشخصيات

رديت كم رد قبل لكن بشكل عام


ملاحظة أخرى


فيه رأي وحدة من القارئات المميزات صراحة

وأنا أوافقها بعض الشيء

تقول إن شخصياتك مثالية يعني مافيهم أحد يدخن ولا يغازل حتى لو يتوب بعدين

وأنا ماكتبت هالملاحظة إلا لسببين :

الأول اني عارفة انها ماراح تكتبه عشان بعض القارئات المعجبات الله يوفقهم بيهاجمونها وأنا هنا أقول لهم الرأي والملاحظة السابقة موجهة للكاتبة أنفاس فقط وهي الوحيدة اللي لها الحق في الرد عليها


السبب الثاني إني اعرف تقبلك التام وترحيبك الحار في الملاحظات سواء كانت سلبية أو إيجابية

وبغض النظر هل هي صحيحة أو خاطئة نحن نظل مجرد قارئات وهذه وحهة نظر بشرية تصيب وتخطيء ولا تفسد للود قضية


طولت عليك هالمرة اعذريني

بارك الله لك في ولدك وزوجك ووقتك وعملك ومالك وقلمك

ونفع بك وبابنك الإسلام والمسلمين


تقبلي حبي واحترامي العميقين


أختك : نهـى

وعليكم السلام ورحمة الله وبركاته

مساء الحب والرضي <<والله لا يجيب عتب ومعاتب >>>عداك القصور يام سعد ولا سعود ولا سالم ولا سيف ولا سلطان ولا سلمان ؟؟؟قلتهااا واختاري الاجابه الصحيحه .........

واهم شي ابقوله معذورة وعاذرينش انتي واختش وبنت خالتش <<<كله لعيون حرف السين الغالي عندش وعندنااااا

يعطيك العافيه نفووس على البارت

حلوو وقة لبارت ياليت بعد يكون ايام الدوام

ركااان كنت متامله يعرفوون بمووضوع الحمل

العنود هذي ماعندها سالفه هي وفارس لو جارها معه يوم ركبت

كان افضل

ننتظرك بفارغ الصبر

جــ,ــ,ــودي

ولله ولله انا دارين لو شفتي ردودنا ماراح تتاخرين عن تنزيل البارت ومهيب غريبه عليتس قد سويتيها وانتي راعية الاوله وعاذرينتس (يام س)

وترى الهجوم عليتس قلناها من قبل من الغيره والناجح دايم فيه من يغار منه ويحفرله حتى يعيق نجاحه سيري ولاتبالي بنقيق الضفادع
والغلط اللي تقعين فيه دايم وتعترفين به وتصححينه برحابة صدر
ومافيه احد معصوم من الخطا

والبارت بذا الطول ويوم ورا يوم دلع مقد احد سواه الا انفاس قطر وام وسن
دقه بمواعيدتس واحترام للقراء (الاخت تشتغل بارامكو )هذي كلمه دايم نقولها للدقيق في مواعيده لان شركة ارامكو لاعنه خير موظفينها ومسكتهم الطريق عدل

كل بارت شامل جميع ابطال القصه ماعدا سلطان وينه من زمان ابو حركات مختفي مو صح ميثه 2000
ومعتس ولا ودنا تخلص القصه حتى لو خمس سنين قدام

وترى ام عبودي دايم ندعيبه الام اللي مابعد جاها احد او عندها ولا نعرف اسمه او البنت اللي ماتزوجت ونقول مرة عبدالله لانه عبد من عباد الله


لقاء راكان وموضي لاجديد نترياكم

لطيفه ومشعل فارس والعنود اتمنى اتمنى انفاس ماتسوين لنا اكشن ماصخ من اللي تسويه بعض الروايات وتفرقينهم خصه انه من بدت القصه وعلاقتهم متذبذبه
بس حبهم وعلاقتهم غير الله لايفرقهم ويحنن قلوبهم على بعض

مشاعل وناصر علاقه زوجيه طبيعيه لاثنين كل واحد لقاء في الثاني نصفه

مشعل وهيا طبيعي الخوف والغيره والحرص الشديد من فقدان مشعل لانه ماتشوف في الدنيا سند وعون لها غيره

لقاء سعد بمريم لو كان غير اللي وصفته لنا انفاس ماتقبلنا
لانه مش صغيره تخاف وتدلع وترتبك
مره صكت 35 سنه اعتادت على تعامل افراد عايلتها رجال وحريم بكل احترام وتقدير والشي هذا زرع الثقه بنفسها
وطبيعي تتعامل مع سعد بجرائه محترمه

باكي ويوسف ولله لعبتها صح يايوسف

حمد جعل امك وابوك يذوقون برك وجعلك ستد الخواتك اذا ضامتهم الدنيا وبعدين تزوج الطب تقدم ان شاءالله تلقا نتيجه
ولا خذ شيخه مره جاهزه بعيالها (ودود ولود)


ام..... تكفين لا تقولين انتس سميتيه سعد ولا سعيد ولا سالم او سلمان
اتمنى يكون سعود واتوقع سلطان

مررررررررررحبااااااااا

ياام سعوووووووودي..وان شاالله يكوون اسمه سعووود(

لاني اموووت بهالاسم..والله يخليه لك ويرزقك بره وصلاحه ياارب..


تسلمييين على هالبارت الحلوووو مررره

واحلى شي سويتيه فينا كلنا انك ماتسرعت في احداث بعض

الشخصيات يعني حابكتها صححح..

بس عندي استفسار واحد بث..ماتحسين انوو مشكلة )فارس والعنود(

طالت ومافيها جديد يعني صح تعقدت اكثر بس بعدين وقفت

عند هالشي..لان بصراحه ودي يرجوع لبعض قبل البارت

الاخيررر ونستااانس معهم..

اما الاصحاب على قولتهم)راكان وموضي(

متحمسه لردة فعلهم لما يعرفون عن موضوع الحمل وكيف

بتبلغ موضي ركووون الحلو بالبااابي..

واخيير
يعطيك العافيه وماقصرتي على هالقصه الجوونان

واعذريييني لو مارديت عليك بس والله دايم اذكرك

بدعوه حلوه..