مساء الورد
اليوم عندي هذرة >>اروح فدوة للـ علمتني الهذرة
شوفي عزيزاتي متابعات أسى الهجران
شكل متابعة القصص خلتكم أجرامين وخيالكم واسع أكثر من الكاتبات
يابنات الحلال هو كل إلي يروح للقنص (الصيد ) يصير له شي
الناس رابحة تتونس وانتن موتن الرجال لو سوويتن بيه حادث
حوادث الصيد نسبة حدوثها يمكن 5 بالمية >>ما اعرف شنو قصتي وي النسبة المئوية
وهاي الـ 5 بالمية حصة مشعل اخو خوانه الحنين العريس الجديد إلي هسة شاف الحياة
لو هيا المسكينة إلي الفقد محاصرها من كل جهة واستحيفتن مشعل بيها وتردن لو يموت لو يسوي حادث
يعني هو الاكشن ميصير إلا إذا موتن واحد من الإبطال
وعفتن امة لا اله ألا الله واختاريتن اترملن هيا المسكينة لاحولة ولا قوة الا بالله
نجي على راكان الي حايرات بيه
شوفو بنات مو كل واحد عنده نفس يزوج زوجة اخو او ابن عمه او احد اقاربة
ما اعرف أحس توجد قسوة عندما يموت احد بالعائلة ويطالب احد إفرادها ان يكون الراعي الرسمي لهذه العائلة بعقد زواج
ناسين أن نفسية الطرفين سواء كان الرجل او المراءة بس للأسف هذا الأمر موجود خاصة بالمجتمعات إلي تتكلم عنها الكاتبة
بس جد حالة بحاجة إلى إعادة نظر لأنها أحياننا تحطم أكثر مما تبني

نجي على راكان ميت القلب وموضي ميتة الأنوثة
شوفوا مو يقولون شبيه الشيء منجذب إليه بصراحة كوجهة نظرة قصصية لا علاقة لها بالواقع ممكن راكان ينفع مدويا لجراح موضي وممكن موضي تنفع لإعادة الحياة لقلب راكان الميت
مو صعب إعادة مشاعر دفناها في أعماق قلوبنا
ولكن صعب وصعب جدا ان تولد مشاعر جديدة في قلب ميت يعني أي وحدة راح يزوجها راكان غير موضي ممكن يعاني معاها كثيرا واحتمال قلبه الي ميت يتحلل ولا يبقى فيه شيئ >>وجهة نظر
ودخيل الله ودخليكم
خفوا من الإجرام الكاتبة حبوبه واجنن وانتو القراء بدأ إجرامكم ليش
تأثير الامتحانات هذا
بعدين تردون اكشن خل مشعل يتأخر بالصيد إلا يعني تصوبوا لو تموتوا
تردون اكشن خلو موضي ترجع لحمد لان جراح موضي متعلقة بحمد هو من سلبها ثقتها بأنوثتها وهو الذي يستطيع ارجاع هذه الثقة
وحمد ليس بالشخص السيء والمرض النفسي امر لم يكن بيده ولم يكن خطأه
موضي شاركت بهذا الخطأ واستفحاله عندما سكتت فهي لو أخبرت والده بطريقة سرية وتصرف مثلما تصرف عندما علم بالأمر لكانت تعيش حياة هانئة مع حمد إما مسألة عدم قدرته على الإنجاب اعتقد بأنها عارض من عوارض حالته النفسية

شنو رأيكم بيه
راح اكتب لكم جزء بين ماتجي أنفاس
ومسائكم سكر
يا قرأنا السكر
همسة
اشتقنا لكي كثيررررررررررررررا لغيابك وقع كبير علينا
اعادك الله لنا سالمة غاليتي

مساء الخير عليكم

انفاس والله اشتقنا لس ومانقول إلا الله يوفقس في امتحاناتس وبنتايج ترفع الراس إن شاء الله ...

توقعاتي نفس توقعات باله اراده بالنسبه للقنص وإن شاء الله تكون عبارة عن استراحة محارب لكل الأطراف يعني المقصود منها راحه لأبطالنا فقط <-- لاتفشليني نفوسه ,,

وموضي ماراح ترجع لحمد لأنها طالق بالثلاث وماتوقع يآخذها سعيد يمكن يخطب ويحجر عليها راكان وتوقعي هذا نسبته 99بالميه <--انعديت من ابله راده بالنسب المئويه هههههه

والله يرجعس بالسلامه يالغاليه ويعيينا على الأيام الباقيه ,,

لله درتس ابل اراده الاكشن الصح هو رجعت حمد الموضي والله من زمان وانا اقول ولااحد عطاني وجه
تدرين ليش لان حمد مريض ولا على المريض حرج
وبعدين حمد يموت في اترب اللي تمشي عليه موضي وصدقيني هو اللي بيرجع الثقه النفسها لان هو اللي سلبها (يمديتس على سلبها)بيصبرعليهالين ترجع الحالتها الطبيعيه
واللي كسر نفس موضي زود حبها الحمد وفراقه ولا وشلون تصبر على الضرب فترة 4سنين وعقب ضربه الاخير اللي بغت تموت معه قالت طحت مع الدرج
صدق ومن الحب ماقتل اتوقع وبي شده رجعت موضي الحمد
وبعدين مثل ماقالت ابل اراده موضي مشاركه مع حمد يوم اسكتت عنه ولا لو وقفته عند حده من اول ماصار اللي صار

بسم الله الرحمن الرحيم

وأخيرن وصلت معكم

في البدايه احب اشكرك انفاس على الروايه اللي عجبني كثير الكم الهائل من معلومات وقصص عن الاماكن وهذا ان دل دل على ثقافتك وأتوقع ان دراستك لها دخل بالادب أو التاريخ.
واول مره اقرا روايه قطريه علما بأني مقله في قرآة الرويات وذلك درءا للمفاسد والخيالات وعيش الحياه مع الروايه والشكر لوجه الصباح اللي دلتني على هالروايه الحلو اللي حبيت فيها لغة التحاور بينهم بس ماحبيت الشخصيات كلهم تقريبا لأن احسهم كلهم متشابهين يعني كفايه انك تتكلمين عن واحد من الشباب في الروايه لان الباقي مثله بس اختلاف بالاسماء ,, كلهم يعصبون ويفور دمهم بسرعه,كلهم تحكمهم الكبرياء ,كلهم عندهم اعتداد بالنفس,كلهم يدورون الهوايش ويتحسفون الكلمه الطيبه على زوجاتهم ويدللون خواتهم,,يعني اختك هذي ماراح تتزوج وتنهان ؟!
ترضى لزوجتك الاهانه ولاترضاها لزوجتك,, فارس بيتزوج عشان الانتقام مع انه عمى عينه بايده ووقع في شباك حبها بس اللي يحب ينسى غروره او بالأحرى يتخلى عنه ويتجرد من كل صفاته ويبقى العاشق المحب اللذي دائما يغفر لمحبوبته!
وكل الاولاد يتشابهون والبنات نفس الشي ,,يعني الابناء على ابائهم او بالأحرى جدهم,,والبنات على امهاتهم سلبيات!!

نبدأ بتحليل الشخصيات

سلطان بن مشعل

ماخش مخي سالفة شاف بنت بالحالها بالمطار وتبكي اباها,, مهما كانت النخوه والفزعه يستطيع ان يساعدها في تخليص اوراق ابوها ومساعدتها في نقل الجثه ودفنها , ماتحتاج كل هالعناد والتضحيه
لو كانت بنت دارسه معه كان صار للسالفه طعم وبكذا تستاهل على الاقل يحبها ,, هذا رأيي :)

سلطان الصغير
الصراحه تحفه,, حبيته ذكرني بطلق اللي بمسلسل الفريه يقط كلام ويمشي
خخخخخخخخخ
مت من الضحك يوم قال انكم ياعيال مشعل مشفح


مشعل بن محمد

يحتاج الى أمرأه ذكيه ومتجدده,,هو مثال للرجال اللي يمل من تقديس الزوجه واهتماها الزائد به يحتاج الى تجديد في العلاقه
بس متى ماقرر انه يتركها بذيك الساعه بيبلع العافيه لانه بكل بساطه الطفل المدلل !!
بس حلو انه يعتبر هالفتره فترة تغير في حياتهم ويتخلى عن الكبرياء والغرور اللي انفقعت كبدي منه

مشعل بن عبدالله

على الاقل شخصيه متوازنه بالروايه بس فيه حقه من الكبرياء,,بنت ماتت اميمتها وتزوجت برمشه عين وخاصه ان زوجها كان مصدر ألم لها وكابوس
,,المسأله تحتاج وقت
وماله داعي لو يموت لاتصيرين انتي والزمن يا انفاس على هيا,,اميمتها وأبيها ماتوا ,,تموتين الرجل ولا بعد يوم تصافوا وصاروا حبايب فيك موت موتي جدات بيكنام خخخخ

لطيفه

تنازلت وتقبلت بروده وضحت و فجأه طلعت جينات العيله والمكابره,, طول ايامك صابره ويوم غدا الرجال يتشفق منك الكلمه الطيبه استجحشتي!!
حلو تربينه بس الرجال مايتربون بهالشكل,, زاد غلاك بقلبه وحبك يوم قمتي تحاجيجينه وتعلنين بعض التمرد,,
خااااااااااصه ان زوجك من نوعية الرجال اللي يحبون التمرد بين فتره وفتره,, حبيه ولكن عامليه كرجل مش كطفل مدلل

موضي
شخصيه مرحه حبيتها بس حمد لعب بحسبتها وصدق ان الحب يذل بس انذليتي لين قلتي آمين ومحد جبرك على الصبر ولا بعد واحد معقد


مشاعل
شخصيه ناعمه جدااا وخجوله بدرجه مبالغ فيها ما احب النوع اللي زي كذا أحسهم مصدر كآبه للمجتمع حسافه عليها ناصر ,,صدق لاقالوا الهادي ياخذ مربوشه والهاديه تاخذ مربوش
بس نرجع ونقول مبالغ في خجلك ياميشو (عليها وخليها)

فارس
حبيتوووووه خاصه لما يكلم العنود,,هذا لي قالوا (جلف وغرق لشوشته بالحب)
يعني يكلمها بيسمع صوتها ولا يبي يتنازل عن كبريائه,,الاتستحق زوجتك منك الكلمه الطيبه!!التغزل؟تعبير عن فرحتك فيها؟ هل مقياس الرجوله هو عند انك تكسر راسها بكلامك وبالاخير لها الحشيمه بنت عم وعلى الراس!!
عالعموم جميع الشخصيات هنا متشابهه في تدليع الخوات وتكسير خشوم الزوجات!

مريم

شخصيه احببتها من قلبي لان فيها تميز واتوقع انها راح تبصر بعد مرض او حادثه ان شاء الله سونيا في يوم تصقع بعامود كهربا وبعدها تشوف مريم,, ولا تعرس وتحمل وعند الولاده يرجع لها النظر ,,حيث ان الولاده تفتح كل الحواس خخخخ
لأن رجوع البصر امر ليس بمستحيل لانها كانت تبصر وفقدت النظر نتيجه مرض

بكينام

اقلب القدر على فمها تطلع البنت لأمها,, حبت واحد ماتبيه,, وبتلقهاه في حفلة الوزير اللي بتروح له بس بتصير ماصخه اذا زعلت وكبرتها وصغرتها,,
برايفت لبكينام>>عيشي الفرحه وبلاش انفعلات مالهاش لازمه يابت


ختاما
انفاس قطر
كل الشكر لقلمك ولإبداعك ولمعلوماتك القيمه ,, والله يووفقك ويرزقك الذريه الصالحه ويفتح عليك بمذاكرتك ويجعل النجاح حليفك يااارب

تقبلي مروري وتعليقي وتقبلي تسجيلي كقارئه متابعه ل(أسى الهجران)

تحياتي القلبيه لكي
سولتير