لمشاكل التسجيل ودخول المنتدى يرجى مراسلتنا على الايميل liilasvb3@gmail.com





قديم 01-06-09, 10:48 AM   المشاركة رقم: 96
المعلومات
الكاتب:
اللقب:
ليلاس متالق


البيانات
التسجيل: May 2009
العضوية: 144352
المشاركات: 708
الجنس أنثى
معدل التقييم: ميثه2000 عضو بحاجه الى تحسين وضعه
نقاط التقييم: 27

االدولة
البلدUnited Arab Emirates
 
مدونتي

 

الإتصالات
الحالة:
ميثه2000 غير متواجد حالياً
وسائل الإتصال:

كاتب الموضوع : hot-hot المنتدى : القصص المكتمله
افتراضي

 

السلام عليكم ورحمة الله وبركاته

صارلي 4 مرات اقرا القصه.... كل جزء فيها مشوق .... ابصراحه رجعة وديمه لعنصر التشويق .... حبيت هالجزء .... كل مره اقراه يعجبني ...

 
 

 

عرض البوم صور ميثه2000   رد مع اقتباس
قديم 02-06-09, 12:23 AM   المشاركة رقم: 97
المعلومات
الكاتب:
اللقب:
ليلاس متالق


البيانات
التسجيل: Nov 2006
العضوية: 16655
المشاركات: 323
الجنس أنثى
معدل التقييم: hot-hot عضو على طريق الابداعhot-hot عضو على طريق الابداعhot-hot عضو على طريق الابداع
نقاط التقييم: 231

االدولة
البلدUnited Arab Emirates
 
مدونتي

 

الإتصالات
الحالة:
hot-hot غير متواجد حالياً
وسائل الإتصال:

كاتب الموضوع : hot-hot المنتدى : القصص المكتمله
افتراضي

 

السلام عليكم ورحمة الله وبركاااته

أحب الليل .. مشكووووووووووره على الجزء .. ويزاج الله خير .. أحلى جزء من أحلى ناااس

هذا الجزء تحفففه .. ذكرني ببدايات القصة .. من التشويق والاثارة الي فيه .. جنااااااااااااان

حمووود كسر خااطري .. جاااي يطلع سعود من إلي هو فيه وانصدم صدمت حياااته ..
أهو كان يهواه وأهي مهبوله شو بيصير فيه ألحين ودرا ان نجيله ..مش مهبولة >_<
وبعد متوهق "خاطب" وخالص..
سعود .. آحلى شي كشفه للحقيقة .. يباله حبت خشم على اعتراافه ..
سويري .. الله يعينه صعب يوم تكووون متعود على الحرية .. وفجأة تنحبس .. الله يعينه .. وتتأقلم بسرعه في حياته .. وتعيش حيااته صح ..

سند .. عماااه مأثر في نفسيته عشااان كذي تسرع .. مع انه دايم متسرع في الأمور إلي تخص العنوود

العنود .. له حق تزعل .. لكن سند معذور " المعلومه الي يته غلط" بعدين لج سواابق بالضرب والتكفيخ ما ينلااام ..

العجووز ما غير تهااااذي ليه ما تقطع الشك باليقين .. وتسأل العنود عن ابوه وحياااااته .. بما ان سويري تعرف قصة ابوه اكيد العنود تعرفه بعد


وديمة جزء رووووعه .. لو الاجزاء اليايه تكون بمستوى هذا الجزء ..بتصير قصة الموووسم

نتريااا الباارت الياااي

 
 

 

عرض البوم صور hot-hot   رد مع اقتباس
قديم 02-06-09, 11:33 AM   المشاركة رقم: 98
المعلومات
الكاتب:
اللقب:
ليلاس متالق


البيانات
التسجيل: May 2009
العضوية: 144352
المشاركات: 708
الجنس أنثى
معدل التقييم: ميثه2000 عضو بحاجه الى تحسين وضعه
نقاط التقييم: 27

االدولة
البلدUnited Arab Emirates
 
مدونتي

 

الإتصالات
الحالة:
ميثه2000 غير متواجد حالياً
وسائل الإتصال:

كاتب الموضوع : hot-hot المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة hot-hot مشاهدة المشاركة
   [COLOR=orange]ا
العجووز ما غير تهااااذي ليه ما تقطع الشك باليقين .. وتسأل العنود عن ابوه وحياااااته .. بما ان سويري تعرف قصة ابوه اكيد العنود تعرفه بعد


وديمة جزء رووووعه .. لو الاجزاء اليايه تكون بمستوى هذا الجزء ..بتصير قصة الموووسم

نتريااا الباارت الياااي

هاهاهاهاها

ضحكتينني ع العيوز هب اتهاذي شكلها بتخرف قبل لا تعرف او نعرف الحقيقه من البروووووده هاهاها

انا اايييدج هالجزء ابصراحه وايد عجبني اتشدج اتعرفين الباقي...

 
 

 

عرض البوم صور ميثه2000   رد مع اقتباس
قديم 04-06-09, 10:00 PM   المشاركة رقم: 99
المعلومات
الكاتب:
اللقب:

البيانات
التسجيل: Sep 2008
العضوية: 97103
المشاركات: 159
الجنس أنثى
معدل التقييم: ناداك قلبي عضو له عدد لاباس به من النقاطناداك قلبي عضو له عدد لاباس به من النقاط
نقاط التقييم: 114

االدولة
البلدUnited Arab Emirates
 
مدونتي

 

الإتصالات
الحالة:
ناداك قلبي غير متواجد حالياً
وسائل الإتصال:

كاتب الموضوع : hot-hot المنتدى : القصص المكتمله
افتراضي

 


الجزء الثالث عشر...............
سعود:حمود....المهبوله طلعت مهب امهبوله
حمود:انت انهبلت...وشلون مهب امهبوله؟
سعود:الهنوف تقول.....
حمود:الهرج ذا ما يمشي علي...المهبوله مهبوله.....صحيح تجيها اوقات تقول عنها عاقل مير تظل امهبوله
سعوود:تقول لك انها عاقل وذا كله مهب صحيح
حمود:وش الي يعقلها .....مهبوله مهبووووووله ماعلي منكم
نظر حمود للهنوف والشيخ الي كان قاعد يضحك
الشيخ:تدرون ان البنات ذيلا ادخلو قلبي......وانا تراني اعرف ابوهن الي انطرد من ديرته ....يا سبحان الله القصه نفسها تصير لبنيته...يا عيالي البنيات تراهن بنات شيوخ الديره الي انطرد منها ابوهن سند السنيدي كانت ديره مرهيه واهلها اهل خير وكانو شديدين الجد الكبير كان رجال حازم وقوي وما يرضا بالغلط ويوم انه انبلا ولد اولده بالحرمه الي تبلت عليه طرده من غير ما يتوكد من صدق الي يصير ..حميه ياعيالي الواحد مايرضى بالغلط يصير وانا انحطيت بمكان الجد وطردت سويري من دون ما توكد من كلامها وذي يا عيالي طريقه تلجا لها الحرمه الي عرفها قليل بالحياه انها تتبلا على اي احد وخص لوكان غريب عن الديره لجل يتجوز ابنيتها او ان الشيخ يجوزها اي احد من جماعته لجل يستر عليها...وذا كان حال الحرمه الي تبلت على سويري اما ابوها تبلت عليه الحرمه لان ابنيتها كانت منجنه على ولد الشيخ وهو ما كان يريدها .....اييييه عزالله ان ابو البنات رجال ضاقت به الوسيعه وربى بناته بطريقته الخاصه لجل يقدرو يعيشو ....اتذكر انه مره من المرات زارني اهنيا وكان معه ثلاث اعيال من يوم هن صغار وهو يلبسهن ملابس الرجال مسيكين
حمود:اشلون ثلاث اعيال؟
الشيخ:مدري...وكاد انه لبس البنتين لبس الرجال
الهنوف:تقول نجيله ..انها ما كانت تحب لبس العيال وانه فظلت تسوي حالها مهبوله لجل اتحمي حالها
انتفض حمود اهنيا ووقف:وش اتقولي ؟...هو صحيح اجل انها مهب امهبوله
الهنوف وهي تضحك:اييه يا حمود مهب امهبوله وكاد انك ما تصدق بعد ما هبلت بك
نظر لهم حمود بنظرات ما فهمو لها وهو يهز راسه
حمود:الحجي ذا ما يمشي علي وكاد انكم تضحكو علي
خلاهم وطلع وهو مهب امصدق الحجي
سعود:جاك ماجاني يا حمود...
ابتسم سعود ونظر لاخته:تراه مصيبه والحجي كله ما جاز له...الله يستر
طلع حمود على فرسه واخذ يدور بها مثل الاسد الهايج....لاكنه ما لبث الاوشافها جايه من ناحية الغدير وانطلق ناحيتها تقرب منها وهو يناظرها بعيون ودها تاكلها
نظرت له نجيله ونزلت راسها وجت تمشي لاكنه وقف قدامها وهو على فرسه
حمود وهو يمد لها ايده:هاتي ايدج يا نجيله
نظرت نجله لليد الممدوده لها وما فهمت هو وش ايريد
حمود:هاتي ايدج يا نجيله
ظلت نجله تناظر ايده
صرخ حمود وارتعبت نجله
حمود:قلت هااااتي ااايدج
هزت له راسها بلااا
حمود بتهديد:نجيله تجنبي شياطيني يانجيله وهاتي ايدج
كانت فرس حمود تدور عليها وهو منزل نصف جسمه لتحت ومادد ايده وكآآن الفرس حاسه بتوتر حمود عليها وتحاول تكبح غيضه
حمود بصرخه اعلى:هاتي ايدج
استسلمت له انجيله ومدت ايدها وهي مرعوبه منه سحبها بكل قوته واجلسها قدامه وظرب الفرس برجليه لجل تتحرك وتنطلق لخارج القبيله
.................................................. .........
اتوجه الشيخ سند ومعه سلطان لبيت العمه
سلطان:ياعمه ..ياعمه
لاكن محد رد عليه
سند:افتح لي طريق يا سلطان ودي ادخل
دخل سلطان الشيخ داخل وكانت العنود جالسه وفارده رجلها الي ما بعد تقدر تمشي عليها
سلطان:صبحج الله بالخير يا خيه
لاكن محد رد عليه
سند:انت من اتحاجي يا سلطان
سلطان:العنود
سند:هي اهنيا؟
سلطان:ايه يا شيخ
سند:العمه وين يا العنود؟
ماردت عليه
اجلس سلطان سند على فراش قريب من العنود
سند:هي وش صار لها ؟؟احد اكل السانها؟؟
ابتسم سلطان:ان بغيتني يا شيخ تراني قريب بالخارج..اسلم عليكم
طلع سلطان وظل سند مع العنود لحالهم
سند:العنود................ما ودج اتقولين لي العمه وين راحت؟؟
......................
سند:انتي وش صاير لج هاه؟؟.......هو ذا زعل مثل ما يقولو؟؟
العنود كانت ساكته وتناظر لتحت بعدها ناظرته
واتكيت على التكيه الي جنبها واخذت تناظره..ولاول مره سمحت لعينها تناظره هيج... كان جالس مقابل لها...هي ما تنكر ان به زين وحضور قوي
سند:انتي اهنيا يالعنود؟
كان يتكلم شوي ويسكت وعلامات الغيض توضح بوجهه ما درا بالي سرحت بيه وهي تناظره وتحس بشي بدا يدق بجوا
صدرها اما سند فكان مقهور منها مهب كفايه انه انحرم منشوفتها تحرمه بعد من صوتها ليه...هي وش اتريد اتسوي بيه اكثر...لاكن ذا جزاي الي كل شوي جاي لجل اسمع صوتها وهي ما درت بي.......اما العنود الي كانت مستغله انها لحالها معه ظلت تناظر فيه اكثر بعيونه ووجهه وشعره واكتوفه..حطت ايديها على فمها تكتم ضحكتها"وش الي جاني قاعده اناظره هيج..مدري شلون صدقنا حالنا انا وسويره اننا رجاجيل عند الطول ذا وذي الرجوله ما غير كانت اشكالنا تضحك وحنا ما ندري"صرخته قفزتها من مكانها
سند:هين يا عنود السيح ....مصيري اربيج من اول
وجديد...سلطاااان يا سلطان
دخل سلطان بسرعه على صريخ الشيخ
سلطان:يا عونك يا شيخ
وقف سند:خذني من اهنيا يا سلطان
سند كان امفكر ان العنود تركته وراحت لورا الحاجز
سلطان:وش به الشيخ ياالعنود؟
وقف سند:هي اهنيا؟
سلطان:اييه طال عمرك
سند:ما عليه والله اني وراج...خلنا نمشي يا سلطان
ومثل كل مره يطلع من عندها وهو مقهور
ولاول مره تمنت العنود لو انه ظل اكثر شوي
.................................................. ............
حمود طلع بنجيله لخارج القبيله واخذها للمكان الي وقفت فيه مره وهو ماسك ايدها وحاطها على قلبه.... كانت تحس بانفاسه الحاره وصدره الي مثل البركان فيه ...قريب ينفجر اما هي فكان قليبها يدق بسرعه ومهب فاهمه وش الي صاير.... وصل حمود للمكان واتذكرته نجيله نزل وسحبها بقو من على الفرس ووقفها قدامه
حمود:صحيح الكلام الي وصلني يا نجيله؟؟؟؟
كان صوته يرعدوشكله ثاير نجيله حست بالخوف وخطت خطوه لورا وهي مبعده نظرها عنه واتقدم منها حمود خطوه وهو يعيد
حمود:صحيح الكلام الي وصلني......صحيح انك مهب امهبوله؟؟؟؟؟!!!!!!!!!!!ّ
لزمت انجيله السكوت وخطت خطوه لورا وعينها للارض الي زاد حمود غيظ اكثر وهو يصرخ عليها
ويخطي معاها خطوه لقدام
حمود:صحيح انك مهب امهبوله؟؟؟؟
كان منحني لقدام لجل ايكون بمستوا وجهها
حمود:ناظري لي يا نجيله ..صحيح انك مهب امهبوله هاااه؟؟؟؟
انجيله ما عرفت وش اتسوي ما غير كانت تناظر اهنيا واهناك الا انها تحط عيونها بعيونه وكانت كل ما تقدم منها حمود خطوه ترجع لورا خطوه لين ما لصق ظهرها بالصخره وين ما كانت واقفه من قبل
حمود:ليه ما ودج تتحجي وتقولي شي ....وليه ما ودج تناظري علي؟؟؟؟
امسك حمود نجيله منوجهها
حمود:ناظري علي يا نجيله ...صحيح انك مهب امهبوله...ليه ما ودك تناظري علي؟؟؟؟؟؟
كانت كل ما ودت نظرات عيونها لجهه يلف حمود وجهها له لجل تجي نظراتها عليه وتتلاقى بنظراته لاكنه ما قدر وهي كل شوي تبعد نظراتها عنه
كان قريب منها كثير وهو محاصرها عند الصخره ماسك بايد وجهها وايد متكي بيها على الصخره
حمود:ما ودج اتحجي ليه يا نجيله ....وش شايفتني قدامك لجل تستخفي بي هااه واتهبلي بي واتخليني اراكض وراج انتي وجرابيعج هاااه.......انا حمود تستخف بي باخر الزمان حرمه ...انتي تدري وش سويتي فيني اعتقد ان المكان ذا شاهد بالي سويتيه فيني يا نجيله......والله اني كنت قريب انجن من الحال الي كنت فيه وانتي ساكته ماغير قاعده تضحكي علي ..
انجيله قربت دموعها تنزل وهي تحس بلسانها انربط وعينها رافضه تنظر له
كان تنفسه ايزيد وهو يناظرها بقهر
حمود:ناظريني يا نجيله ليه ماودك تناظريني...مستخفه بي...كل هالمده وانتي مستخفه بي.....ووكاد انج كنتي تتضحكي علي واتقولي مسكين ما عرف يعشق الاوحدتن مهبوله
نجيله ابد ماقدرت تحط اعيونها بعيونه واستمرت انها تصد بنظراتها بعيد عنه
حمود:ولا كان خوف مني يا نجيله ..وانا لوكان ودي اسوي بج شي سويته وما علي من اهبالج.........ليه تحديني اسوي شي ماودي بيه مير لجل ابعدج من راسي سويته
اخذ حمود يناظر بوجهها والقهر يعاود ليه
حمود:لاكن ما قول غير الله يوجع قلبج مثل ما اوجعتي قلبي
نزلت ادموعها بسرعه على وجهها
تركها والتفت عنها
حمود:تدري وش اريد منج الحين ودي ما شوف وجهج ابد...خليج عند خيتج بالبيت وانا والله اني اسوي كل الي اقدر اسويه لجل ايعاود اخوج عناد وترحلو من الديره ...ما ودي اشوفج ابد ابد........يكفيني ما جاني منج يا نجيله
ركضت نجيله بسرعه ناحية فرس حمود وركبته وانطلقت بيه وقف حمود يناظر لها"وتعرف تركب الفرس لحالها بعد" كان منتهي وموجوع بالحيييييل
.................................................. ....
تركت انجيله الفرس بعد ما دخلت للديره وضربتها لجل اتعاود لحمود وركضت للبيت دخلت علىسويره وشهيقها بالبكى مالي المكان وقفت سويره وركضت لها وحضنتها
سويره:نجيله وش الي جاج؟
نجيله:يقول ..الله.. يوجع.. قلبج ...مثل ما وجعتي ....قلبي ليه هو قلبي مهب موجوع ......والله انه .....موجووووع حيل موجوووع ولو يحس.. بوجعه.. ما قال ولا كلمه
كانت تشاهق من البكا وهي تتحجى ..سويره ما فهمت هي عن ويش ولا من ذا الي تحجي عنه
سويره:نجيله من الي وجع لج قلبج؟؟
نجيله:هو....هو الي وجعه لي
بعدت سويره نجيله عنها وناظرت بوجهها الي يبكي
سويره:من...من يا نجيله؟
سكتت انجيله واخذت تحاول تسكت نفسها بعدها اخذت نفس طويل
نجيله:حمووود يا خيه ....حمود وجع لي قلبي
ارتمت بعدها بحضن سويره واخذت تبكي بزياده
.......................................
الحال انقلب عند حمود الي كان يداري بالاوله وناته عند ربعه صارت تنهيداته تطلع لحالها من غير ما يدري
وراح عند الشيخ وطلب منه يعجل جوازه من بنت اخته وطلب انه يروح يدور ويسال عن اي شي يدلهم بعناد اما سعود الي لين هالحين ما يدري وش سبب ضيقته وحاله الي انقلب ......بعد ما سمع من حمود انه طالع يدور على عناد اعترض طريق حمود وحاول يمنعه لاكن حمود كان مصر وبسبب انهم اثنينهم نفسياتهم تعبانه تشاجرو وبعدها تنازعو بالسيف ووصلت لعلوم عند الشيخ الي جابهم وزجرهم
الشيخ وهو يناظر بيهم وكل واحد فيهم كان مثل الاسد الثاير:وش الي حل بيكم؟؟؟؟هذي سوايا تسووها منتو بربع وعيال عم وش الي جاكم؟؟؟انتو حالكم ذا مهب عاجبني لزومن تحطو عقولكم بروسكم ......وش الي صار؟؟؟؟
سعود:انت يا عمي ارسلت من يسال عن اخو البنات ليه هو بعد يريد يروح؟
الشيخ:هو بكيفه ...يريد يشوف وش هو حال الرجال لجل الحال الي البنات فيه
سعود:وش الحال الي هن فيه ما عليهن شر...هن بحمايتك
الشيخ:لاكن ذا اخوهن ووكاد ان حالهن من عقبه ما يسر حتى لو كانن تحت حمايتي
سعود:ان طلع طلعت معه
الشيخ:وانتو حالكم هيج ما واحد فيكم يطلع انا دزيت من هم اخبر واعلم لجل يجيبو لعلوم ...وهالحين ودياكم تبنو بيت ورا بيتي لجل ننقل البنات قريب مني
.................................................. ............
انبنا البيت ورا بيت الشيخ وانتقلت له سويره ونجيله الي كان حالهن ما يعلم به غير الله وكانت مرت الشيخ تزورهن دايمن وما كانت ر ا ض ي ه بحالهن ومر عليهم يومين بالحال ذااما الشيخ سند امتنع عن الروحه لبيت العمه لجل ما ينقهر زود من العنود الي لعب بيها الشوق هيه بعد وهي ما تدري
العمه:عنود يا بنيتي
العنود:يا عونج
العمه:ودي اروح اشوف الشيخ واسلم عليه مدري وش جاه ما جاني من كم يوم
العنود:هو ملزوم يجيج يا عمه
العمه:ودي اروح اشوفه يقول سلطان ان وجع راسه يجيه كثير
العنود:ودك اياني اوصلك يا عمه؟
العمه:اذا ودك تجي تعالي
العنود:اييه لجل اوصلك بس
ابتسمت العمه ومسكت بايدي العنود واتوجهن لبيت الشيخ وجاهن صوت منيره من وراهن
منيره:انتي وين رايحه يا عمه
العمه التفتت لها:عند الشيخ يا منيره
منيره:ودي اروح معج
العنود:وش اتسوي بمجلس الرجاجيل؟
منيره:وانتي وش اتسوي؟
العنود:ودي اروح اتقهوا من قهوة الشيخ ....وش ودي يعني اسوي
العمه:ان ما سكتن عاودت للبيت
اكملن بعدها طريقهن لبيت الشيخ
وقف سلطان اول ما شافهن مقبلات
سلطان:العمه يا شيخ
نط سند واقف ورحب بالعمه الي اقتربت منه وسلمت عليه وحبها هو على راسها
منيره:وشلونك يا شيخ
سند:من منيره...الحمد لله تفضلن تفضلن
كانت العنود تناظره وغاضتها ابتسامته لمنيره
منيره:يدوم فضلك يا شيخ
سند:تفضلي يا منيره بعدها التفت لعمته الي كان ممسك فيها
سند:وشلونج يا عمه؟؟
العمه:والله اني زينه مير اني اسال عن حالك
سند وهو يجلس والعمه تجلس جنبه:ما عليج من حالي ..الحمد لله مانشكي باس
العمه:العنود اجلسي يا بنيتي
دق قلبه:تقصدي منيره
العمه:لا يولدي العنود جايه معي بعد
حينها قام سند واقف وانحرجت العنود
سند:تقولي جايه معج؟؟....العنود
وقفت العنود تناظر الجميع بعدها التفتت وراحت راجعه للبيت
سند:العنود...ّ
منيره بغيض:راحت يا شيخ والله انها قليلة ادب...اجل الشيخ يناديها وهي ابد.....ّ
ظل الشيخ واقف وهو يناظر لقدام بعدها عاود وجلس جنب العمه ووجع راسه يعاود له
ومراليوم مثل كل يوم كلن بحاله ومعاناته
الا ان الليله ذي كانت عند حمود وسويره غير كل واحد كان نايم على جنبه ويفكر وفجئه تبسم حمود وتبسمت سويره هو تذكر الي كانت نجيله تسويه بيه وهي تذكرت نذالت سعود بيها
حمود:اجل منتي بمهبوله يا نجيله
وقام يتذكر كل مواقفها معه لين ماقعد جالس واخذ يضحك بصوت عالي
اما سويره الي كانت تذكر بعد مواقف سعود معها بدا رجيفها يزيد كل ما تذكرت موقف "كان يدري بي وانا مدري "احمر وجه سويره وجلست جالسه وحطت ايديها على وجهها
باليوم الثاني دخلت الهنوف على سعود الي كان نايم وشابك ايديه ورا راسه ويناظر بسقف بيت الشعر جلست جنبه
الهنوف:سعووود وش بك يا خوي
سعوود تنهد:اااه...والله اني مدري وش بي
الهنوف:اقول انا وش بك يا خوي؟
نظر سعود لخيته:وش بي يا خيه؟
الهنوف:الحال ذا ما جاك الا من بعد ما قلت عن سويري انه بنيه
جلس سعود:ايييه يا خيه مدري وش الي مضيق بي با لسالفه
يمكن لانه فضحت امرها بدون ما قول لها....مير ما كان قدامي غير هيج
الهنوف:انت ما غلطت بشي يا خوي
سعود:هي وش حالها يا خيه؟
الهنوف:مثل حالك ياخي
سعود:وشلون مثل حالي
الهنوف:مدري عنها ياغير طول الوقت جالسه ولا هي معنا
وقف سعود وهو يلوم حاله:وكاد يا خيه وكاد من بعد ماكانت تروح وتجي وما عليها من شي تنحبس هالحين وهي ما تعودت على ذالحال والله اني ما قدر اظل يوم بالبيت منحبس
الهنوف :يا خوي انت من قلت عنها وانت حابس حالك اهنيا
سعود:انا جالس لحالي وادري اني لو بغيت اطلع طلعت مير هي انجبرت
الهنوف:تقدر يا خوي تطلع من الي يقدر يمنعها
سعود:مهب مثل لول يا خيه
الهنوف:اسمعني يا سعود ...ما هقوتي ان الي بيك ذا بس
سعود:وش الي بيني يا خيه
الهنوف:مدري عنك ليه انت ما تقول
سعود:وش الي اقوله؟؟
كانت سويره بالوقت ذا قريب من بيت الشيخ وجايه من ورا عند الباب الي فتحته الهنوف للبنات يجن منه
الهنوف:انك تريد تجوز سويره
سعود باستغراب:انا!!!!! انا اتجوز سويره وش الي انتي قاعده تقوليه يا خيه
الهنوف:انت ماتريد تجوزها؟؟
سعود:يا خيه ماودي اقول انك انهبلتي ....انتي تدري ليه زعلان ..ززعلان لاني حطيتها بوضع هي ما تعودت تعيشه ما تقدر تعيش مثل كل ابنيه...تعودت تعيش طول عمرها رجال وشلون اتجوزها...هي بالوال خليها تتقبل انها بنيه تقولي لي تجوزها .....ّ
حطت سويره ايدها على فمها ورجعت بسرعه من وين ما جت
الهنوف:ذي بنيه يا سعود مهب رجال
سعود:داري يا خيه داري مير انا شفت انها ....ّ
الهنوف:ابد يا سعود ما حسيت بشي وانت معها؟؟
سعود:احس بويش يا خيه؟؟؟
الهنوف:انا الي اسال يا سعود....ذا الي هنيا ما كان يقول شي؟؟؟
وكانت تظرب على صدره
سعود:ياخيه...ّ
الهنوف:ابد يا سعود.....؟؟؟؟؟
سعود:كان ....كان.....اذا تنيذلت معها وحطيتها بصدري حسيت برجيفها ورجفت معها
الهنوف:وش اتقول!!!!!!
سعود:ايييييه انتي الي تحديني اتحجا
الهنوف:وشلون تحطها بصدرك وهي رجال
سعود:ما كانت داريه اني داري ...مير انا حسيت بيها والسالفه عجبتني
الهنوف:والله انك نذل
سعود:اييييه داري داري...انا ما ودي اتحجا اكثر من هيج ارخصيلي
خلاها وطلع وهو مهب عارف وش جاه
الهنوف:اجل ذي فعايلك يا سعود وانا اقول لبنيه من ويش تهوجس...سود الله وجهك
.............................................
زاد الوجع عند الشيخ سند وجاب له سلطان الطبيب
الطبيب:اسمع يا شيخ انا جبت لك اليوم علاج مير مدري ان كان ينفع او لا والنافع الله
سند:عالجني به يا طبيب سو الي تقدر عليه...الحال ذا معاد لي صبر بيه
الطبيب :باذن الله تشفا يا شيخ عالج الطبيب سند بالعلاج الجديد وطلب منه يسكر عيونه لمدة خمس دقايق بعدها يفتح اعيونه
وكانت النتيجه ان الشيخ شاف النور بشويش لاكن الوجع رجع له
الطبيب :لا تستعجل يا شيخ ريح حالك اشوي
سند:ما علي من الوجع ...انا انا اشوفك يا طبيب
سلطان والعم صالح:الحمد لله الحمد لله
الطبيب:الحمد لله يا شيخ
ركض سلطان بسرعه لخارج البيت واخذ يطلق بالجو طلقات سمع صوتها كل اهل القبيله وطلعو لجل يعرفو وش الي يصير وانتشرت البشاير بين اهل القبيله بشوفة الشيخ
بشرو العمه الي اخذت تحمد الله وتشكره:العنود يالعنود الشيخ رجع له بصره الحمد لك يارب....ودي اروح اشوفه تجي معي يالعنود
العنود:لا يا عمه روحيله انتي
العنود كانت تحس بدقات قليبها تزيد ولما طلعت العمه حطت ايدها على صدرها
العنود:وش الي يصير لي ليه احس بشي يرجف اهنيا ....لا لا لا هذي اول مره تصير لي وكاد ان صابني شي.......

كل اهل القبيله جو وباركو للشيخ الا ان الشيخ كان شوقه لشخص ثاني ما قدر يروح ليها لان العمه كانت عنده
.................................................. .....
اهداااااااا الى قرائي الاعزاء.........
تسلم عيونن بالمحبه خذتني..
طال الزمن وما تغير هواها..
تستاهل التقدير كم قدرتني..
لكن انا وشلون بلحق جزاها..
من حسن حظي بالغلا بادلتني..
ما شفتها تبخل علي بوفاها..

 
 

 

عرض البوم صور ناداك قلبي   رد مع اقتباس
قديم 04-06-09, 10:14 PM   المشاركة رقم: 100
المعلومات
الكاتب:
اللقب:

البيانات
التسجيل: Sep 2008
العضوية: 97103
المشاركات: 159
الجنس أنثى
معدل التقييم: ناداك قلبي عضو له عدد لاباس به من النقاطناداك قلبي عضو له عدد لاباس به من النقاط
نقاط التقييم: 114

االدولة
البلدUnited Arab Emirates
 
مدونتي

 

الإتصالات
الحالة:
ناداك قلبي غير متواجد حالياً
وسائل الإتصال:

كاتب الموضوع : hot-hot المنتدى : القصص المكتمله
افتراضي

 

قراءة ممتعة لكل متابعي قصة :رجفة قلوب اسود الصحرا


تقبلوا نقلي للقصة


ودمتم بوووود



 
 

 

عرض البوم صور ناداك قلبي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الثسم العام للروايات, الكاتبة الإماراتية وديمه العطا, رجفة قلوب أسود الصحراء / الكاتبة : وديمه العطا ، كاملة, رجفة قلوب اسود الصحراء, رجفة قلوب اسود الصحراء للكاتبة الإماراتية وديمه العطا, شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t109030.html
أرسلت بواسطة For Type التاريخ
ط±ظˆط§ظٹظ‡ ط±ط¬ظپط© ظ‚ظ„ظˆط¨ ط§ط³ظˆط¯ ط§ظ„طµط­ط±ط§ This thread Refback 05-08-14 07:39 PM
Untitled document This thread Refback 04-08-10 04:52 AM
Untitled document This thread Refback 04-08-10 04:47 AM


الساعة الآن 11:20 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية