كاتب الموضوع :
لمسة عشق
المنتدى :
الارشيف
لمسة عشق.... ياهلا والف مرحب وحياج... أول رواية صح؟؟؟ شوفي أنا وحدة هذارة وهرجي وايد... أنتي اخذي اللي تبين واشقحي اللي ماتبينه...
أولا لمسة عشق أنتي موهوبة <== جبت العيد يعني؟؟ أكيد علمن موب جديد عليج يالغالية... أنا ما ابي أجامل لأن المجاملة ماراح تفيدج وخصوصا أن هذا أول بارت واحنا ننطر الجاي اللي أكيد بيكون احسن واحسن..
ثانيا: فكرة القصة مطروقة.. المراهقة اللي تحب لها واحد أكبر منها بكثير.. يعني الجوري أتوقع 15 سنة أو أقل.. ومحمد 28... فرق شاسع... أنا بصراحة ما أهضم الفكرة هذي وايد... لكن طبعا موب على كيفي ما أهضمها لانها شيء موجود في الحياة.......... المهم غلاي همسة عشق معالجتج أنتي للقضية... أتمنى أنها ماتكون مكررة وجديدة.... لأنه فعلا الأفكار تتشابه لكن طريقة التناول هي اللي تفرق شخصية كاتبة وابداعها عن الثانية... ونتمنى نشوف فعلا أحداث جديدة ومعالجة أعمق
الجوري.... لحد الحين ماهضمت شخصيتها... يمكن تبين أكثر مستقبلا...
محمد.. عجبني انه معتبر الجوري مثل اخته ومقدر مشاعر المراهقة اللي عندها
تدرين همسة عشق.. لو كنتي جبتي على محمد وهو في 33 سنة مثلا وماتزوج بعد ..وجوري صارت 20... وهي تتذكر حبها لها من طفولتها... يمكن كانت القصة صارت أعمق... لأن هذا دليل إن حبها له حقيقي وعميق وموب مجرد هوجة مراهقة أو تملك طفولي...
غلاي هموسه الرواية محتاجة تدعيم وايد من ناحية المشاعر... تدرين هموسة أحسج صغيرة وايد في السن وهالشي مبين في طريقتج في الكتابة وصياغة أحداث القصة...
متابعتج وأتمنى أشوف بارتات جاية أعمق وأعمق... لا تفسدين روايتج بالسطحية لأنه احنا شبعنا سطحية في الروايات
بنت الخالة
نم نم
|
03-03-09, 09:55 AM
جديد مواضيع قسم الارشيف
العرض العادي
