لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 22-02-09, 05:57 PM   المشاركة رقم: 6
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,020
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4990

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : الارشيف
افتراضي

 

________________________________________
الرجال..هلا والله بالرجال
نواف..هلا بك ياعم
الرجال..شكلكم مسافرين تفضلوا ارتاحوا ياعيالي
فهد..والله ياعم مسافرين بس انتبهنا بشوية دخان وقفنا نشوف وصارت بهالبيت والحمد لله ماقصر الشيخ
الرجل والتفت عالبيت..صار فيهم شئ
فيصل..لا بس ولد صغير انكتم ولحسن الحظ معنا دكتور والحمد لله مافيه الا الخير
الرجال..الله يعطيكم العافيه ياعيالي ماقصرتوا هالبيت مابه رجال غيري وانا اشتغل بمزرعه قريبه
الكل استغرب..
فيصل..هذا البيت لك ياعم
الرجال..ايه ياولدي تفضلوا تعالوا خذوا واجبكم
فيصل..تسلم ياعم بس والله لنا ثمان ساعات نمشي وودنا نوصل لان حتى الاهل تعبوا
الرجال..افا ياذا العلم تردوني وانا كبر ابوكم
حمد ..لا ياعم ماعاش من يردك
الرجال ..تفضلوا
دخلوا الرجال مع الرجال الكبير وام فيصل نزلت وكل البنات وجلسوا معها على بساط خفيف بحديقه صغير بالبيت والكل مبسوط من هالحرمه لانها طيبه وطوال الوقت تناظر ولدها وتدعي لهم

اما عند الرجال..كانوا الشباب مبهورين بهالرجال الحكيم الطيب رغم كبر سنه
الرجال..الله يحفظكم ياعيالي ويوصلكم بالسلامه
الكل..امين
فيصل..بسألك ياعم انت ماعندك عيال كبار غير الصغيرين الي شفناهم
الرجل وحزن العالم انطبع بعيونه ..الي شفتوهم ماهو عيالي عيال اختي الي مالها غيري بعد طلاقها جات عندي . اما عيالي
شفتوا الطريق الي جيتوا منه هذا رايح وبجنبه راجع لكن
كلن راح يدور رزقه ونسوا بيت قديم ورجال كان اسمه ابو لما كانوا في ثوب قديم

حمد وعوره قلبه من كلام الرجال ....الله يهديهم ياعم
فيصل..ياعم مهما بعدوا ان شاء الله يردهم الطيب الي بداخلك واكيد انزرع ببذره صغيره بقلوبهم يمكن تنمو مع الحب او احيانا الحزن
فهد..اقول ياعم انا من كل قلبي حبيتك وابشر كل يوم بتشوفنا عندك واعتبرنا عيالك
الرجال ومبتسم..ياابوي البيت بيتكم وانا باليوم الي يدخل عندي رجال مثلكم واقول هم عيالي الي افتخر بهم وبرجولتهم وشهامتهم
نواف..تسلم ياعم والله انت الطيب ورجال طيب يفتخر به
فيصل.. ياعم انت رجال فيك الخير والله يعطيك على قد نيتك والحين اسمح لنا نمشي واذا الله عطانا عمر لنا رجعه لهالدار الطيبه
الرجال..الدار وصاحبه ينتظر طلتكم لاتنسون طريق رايح وطريق راجع
طلعوا الشباب والبنات بعد ماودعوا الرجال الطيب وكملوا مسيرهم لحي الحويه بالطايف للبيت
الي راح يجتمعون فيه كلهم ..

وصلوا الشباب وطلع لهم حارس
فيصل وعاقد حاجبه..من هذا ..؟؟
نواف يضحك..هذا حارس ومعه زوجته ووحده بعد مااعرف شتصير وفرها لي واحد حتى يشوفون شغل البيت
حمد..هههههههههه والله الي بيفرحون البنات لانه مافيه شغل
فيصل ..لا مو كل البنات
فهد..يااخي انا ارحم خواتك ليه ماتأكل من اكل العالم
فيصل ..فهد شرايك تقصر صوتك عشان مايسمعون اخاف يقلبون علي
حمد..اقول انت وياه خلاص تعال فيصل نروح المستشفى يشوفون يدك
فيصل يناظره بطرف عينه ....انا خابرك دكتور
حمد..ههههههههههههه بس ماعملت حسابي انك بتحترق
نواف..اسمعوا انا بطلع اجيب شئ للاكل وانت حمد روح لصيدليه وفهد وفيصل يشوفون البيت والتنسيق ..
حمد ..اوكي بأخذ سلوم معي
فيصل..هههههههههه حمد لاتسرع اخوي معك
حمد..اقول فيصل يدك تحرقك صح
فيصل يناظر يده ....ايه والله
حمد..عشانك قاهرني خلها تحرقك بتأخر
فيصل...لا ياشيخ شوف لك حل انا ساكت عشان امي بس ماتقلق والله حمد اذا تأخرت بروح لامي تحط عليها شئ
حمد..هههههههههههههه يالله مع السلامه

دخل فيصل وفهد وصقر للبيت وسلموا على الاهل
العمه لطيفه..بسم الله عليك ابوي فيصل ليه مارحت للمستشفى
فيصل ..بسيطه ياعمه وبعدين معنا دكتور ونروح للمستشفى
ام فيصل ..وينه حمد ونواف ..وينهم ..؟؟
فيصل..وعينه بشكل تلقائي التفت للعنود..سلوم مع حمد راحوا لصيدليه يشوف شئ ليدي ونواف طلع يجيب اكل
ام فيصل ..طيب اجل روحوا ارتاحوا لحد مايصلون
فهد..الا اقول وين غرفنا احنا
صقر..ايه صح وينها
فيصل ويناظر البنات..اخترتوا غرف بنات
غدير..لا مابعد شفنا شئ
فيصل ..تحت فيه ثلاث غرف
ام فيصل ..اجل لنا
ام فهد ..خلا انا ولطيفه بغرفه وانتي وام نواف بغرفه
فهد..حلوو الكلام ام فهد
فيصل..فوق فيه ست غرف مستقله كل غرف لحالها والجناح الرئيسي
غدير..ومن بيأخذ الجناح الرئيسي
فيصل ..مااعرف انا ماابي
صقر..انا ابي غرفه ماابي جناح
فيصل..ههههههههههه شفيك صقر ليه تقولها كذا
صقر..يااخي الجناح للمتزوجين ماعندي استعداد اعيش وحيد
فهد..ههههههههههههههههههههههه حلوه صقر اجل على كذا بنزوجك
صقر..ماعندي مانع موافق
فهد..مااعتقد احد بيأخذه الا كان نواف او حمد
فيصل..غدير احنا نبي ثلاث غرف وانتم ثلاث
ساره..بس فيصل احنا اكثر يعني المفروض اربع ثنين
فهد..اقول تعال فيصل لانرسي على الخيمه ننام فيها
نجلاء..خلاص وافقنا لكم ثلاث واحنا ثلاث
صقر..خلاص اخذنا الموافقه من الشيخه
اماني..الغرفه الي تحت مو لاحد صح
فيصل..ليه امون بتنامين لحالك
اماني ..لا للعنود وسلوم
عبير..لا العنود خليك معنا
العنود..لا احسن سلوم ينام بدري وبكذا بيقيد البنات خليه تحت احسن وانا بكون معكم الا وقت النوم
غدير..اوكي خلاص فيصل ثلاث ثلاث
فيصل..اوكي اجل بنطلع نختار الغرف
فهد باابتسامه..وياليت غرفنا بالشرق وانتم بالغرب
خلود..وليه ان شاء الله اخوي
فهد..هلا خلود على بالي نايمه وينك لانكم من كثر ماتفتحون الباب وتطلعون وتدخلون تزعجون الواحد بحياته
صقر.. اول مره ادري عن هالمعلومه
ام صقر..عشانك يابعد عمري عايش لحالك الله يفرحني فيك
فيصل..واحنا ياعمه مابتفرحين فينا
ام فيصل ومبسوطه ....هذي يبي لها عزيمه يافيصل يعني موافق
فيصل ويبتسم ....مو شرط زواج الفرح لشئ ثاني
ام فيصل..رح شف الغرف مامنك فايده
طلع فيصل وصقر وفهد للغرف
طلعوا الحريم بعد للغرف يرتاحون وعلى طول التفت نجلاء عى خلود
نجلاء..خلوووووووووود
خلود..وجع اسمع خوفتيني
نجلاء..ههههههههه الشيخه سرحانه وين وصلتي المهم ايش البشاره
ضحكت خلود وجلست جنبها وقالت لهم السالفه
نجلاء وجهها احمر..يااختي اخوك احس صعب احد يفهمه
عبير..فهد طيب
قطع كلامهم
حمد..يااهل الدار
نجلاءوتلتفت على ساره..تفضل اخوي
حمد ..السلام عليكم
الكل..وعليكم السلام
حمد..وين العيال
نجلاء..طلعوا فوق
حمد..اوكي على فكره الاكل وصل ونواف مع سلوم بالخيمه ياليت يعني تشوفون الاكل حتى ننام ونرتاح شوي
نجلاء ..ان شاء الله
مشى حمد وتوه بيطلع من الصاله
نجلاء.. حمد بسألك فيه الجناح الرئيسي مااحد رضى يأخذه شرايك انت
حمد ابتسم وغمز لنجلاء..بشوفه اذا يليق بالي بتسهر بخيالي معي اوكي موافق
ضحك حمد على شكل نجلاء وطلع والكل التفت على ساره الي مارفعت راسها وظلت تلعب بااظافرها وبعدها قامت هي واماني وخلود يشوفون الغرف اما نجلاء وغدير طلعوا يشوفون الاكل والعنود ظلت ساكته قامت عبير وجلست جنبها ..

عبير..شفيك العنود
العنود..ولاشئ
عبير..لا فيك العنود تكلمي
العنود بحزن..افتقدت عايشه محتاجه لها
عبير..الله يرحمها بس ليه بهالوقت
قطع عليهم صوت جوال العنود رفعته وشافت الرقم وبكل عصبيه قالت..الله يأخذك ويفكني بعد
استغربت عبير..العنود هدي اعصابك وشفيك ومن المتصل
العنود نزلت دموعها وقامت دخلت لغرفتها ودخلت معها عبير وسكرت الباب
عبير..تكلمي العنود شفيك
العنود..ابي عايشه محتاجه حبها حنانها ..اليوم لما شفت الحريق تمنيتها تكون معي حتى تحضن سلمان حتى تحسسه بالامان لاني عاجزه فاقد الشئ لايعطيه ..تعبت عبير والله تعبت ساعات احس اني عاجزه حتى عن الاحساس ..اليوم لما شفت ام فيصل وغدير ينزلون يشوفون فيصل ماكنت عارفه شو اعمل احس اني غريبه مو من حقي اقلق مثلهم لان بالتأكيد راح يفهموني خطأ ولاانا قادره اكون بليده ومااحس اكذب عليك اذا قلت لك اني مابكيت خوف على فيصل لاتقولين تحبينه انتي بعد لكن فيصل بالنسبه لي الشخص الي ممكن يساعدني اني اصون الامانه الي برقبتي ..آآآآآه لو تدرين عبير عن معاناتي وربي تقولين كيف تحملتي وصبرتي لكن مااقول الا الحمد لله والله يرحمك ياعايشه
حضنتها عبير وحاولت تواسيها وتركتها وطلعت وقابلتها غدير وقالت لها الي صار
غدير..معقوله بروح اشوفها
فتحت الباب وحصلتها ماسكه مصحف وتصيح ولما شافت غدير
العنود من بين دموعها..هذا الي بقى لي من امي عايشه من اختي عايشه من صديقتي وحبيبتي عايشه
غدير..العنود تعوذي من الشيطان واذكري الله الله يرحمها ويغفر لها وانتي اقوى من كذا
العنود..لا غدير مااني قويه تعبت خلاص مليت وربي مليت
غدير..من ايش مليتي
العنود..من حياتي
غدير..قومي ادخلي توضي وصلي واطلع يالله العنود اذكري الله الا بذكر الله تطمن القلوب
العنود..لا اله الا الله

شوي وطلعت العنود ولاحظت ام فيصل انها كانت تصيح لكن سكتت عنها وتركتها على راحتها راحت تشوف الباقي وينهم ..


دخل نواف على نزلت العيال من فوق بسرعه خافوا البنات
فيصل بسرعه توجه لتلفزيون وشغلهوالكل شاف الخبر المؤلم باللون الاحمر ..
خبر عاجل ..هجوم ارهابي بمنطقة الخبر بالمملكه العربيه السعوديه استهدف شركه نفطيه توجه الارهابين لحي سكني والقتلا 10 مابين سعودين واجانب ..

الكل سكت يناظر التلفزيون يشوف الاحداث ويتحسر على هالحال دخلت ام فيصل وام نواف ولما شافوا التلفزيون وقفوا مصدومين
ام نواف ..شصار ..؟؟
نواف..مطارده بالخبر ويبدو لي القتلاء 10 بينهم طفل لكن مابعد صدر بيان من الوزاره
جلست ام فيصل وام نواف وصقر دخل يطمن امه ويتصل بأخته دلال واخوه سلطان حتى تتطمن امه وبعد ماتطمنت الكل اجتمع بالصاله يتابع التطورات المؤلمه ..

فهد..يااخي هالاشخاص الي مغرر فيهم ما يعٌون ويفهمون قوله تعالى: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ) (النساء:93).

فيصل..حجتهم قتل الاجانب وللأسف مايعرفون ولايفهمون قوله تعالى ( وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلامَ اللَّهِ ثُمَّ أَبْلِغْهُ مَأْمَنَهُ) (التوبة:6
وقال رسول الله صلى الله عليه وسلم : ( من قتل معاهدا لم يرح رائحة الجنة وإن ريحها ليوجد من مسيرة أربعين عاما ) رواه البخاري .

ام فيصل ..لو يعرفون الدين كان عرفوا الاحاديث الي منها قوله الرسول عليه الصلاة والسلام (لو اجتمع أهل السموات والأرض على قتل رجل مسلم لأكبهم الله في النار)، وقال صلى الله عليه وسلم : (من أعان على قتل مسلم ولو بشطر كلمة جاء يوم القيامة مكتوب بين عينية آيس من رحمة الله)

صقر..المشكله انهم بأرض طاهر وناس تشهد ان لااله الا الله وأن محمد رسول الله يااخي المشكله انهم يعملون هالشئ بأسم الدين والدين بريئ منهم يقول أسامة بن زيد رضي الله عنهما .. (بعثنا رسول الله صلى الله عليه وسلم إلى الحرقة فصبحنا القوم فهزمناهم ولحقت أنا ورجل من الأنصار رجلا منهم فلما غشيناه قال لا اله الا الله فكف الأنصاري فطعنته برمحي حتى قتلته فلما قدمنا بلغ النبي صلى الله عليه وسلم فقال يا أسامة أقتلته بعدما قال لا اله الا الله قلت كان متعوذا فما زال يكررها حتى تمنيت أني لم أكن أسلمت قبل ذلك اليوم) متفق عليه
مااعرف كيف يقتلون مسلم صايم مصلي
حمد..الحمد لله رب العالمين المملكه أرض طاهره تطبق الشريعه الاسلاميه الصلاة مقامه يكفيها انها لاتفرق بين أحد فالشرع منهجها يكفي أن القضاء يطبق بظل التعاليم الاسلاميه ارض تقفل جميع متاجرها اذا ارتفع صوت الاذان ارض اهلها مازالوا متمسكين بالشرع ومطبقينهم
حلقات التحفيط بكل حي مراكز توعيات الجاليات بكل مكان الكتب الدينيه والنشرات بكل مكان
لكن للأسف هالاشخاص مايعرفون انهم يسيؤن لدين..و المملكه سباقه للخير ونشر الدين كم مسجد بني بكل دول العالم وكم ندوات عملت كيف الدعاة كانوا يتنقلون بهدف نشر الدين كيف المملكه كانت سباقه للمساعده لكن هؤلاء ماادركوا انهم بتصرفاتهم يشوهون الدين ويشغلون الدوله الطاهره عن النظر لقضايا الامه الاسلاميه للأسف انهم من ابناءنا لكن نسأل الله لهم الهدايه

فهد..بهالوقت لازم نقول لهم لانهم معنا دائما بقلوبهم
قوه ياراعي السيف ياكويتي
تشيلك عيوني قبل بيتي
بسيوف جابر ياهلا
باين من عيوني الغلا

حمد.
.قولوا للغالي ..قولوا حياك
حي من جانا من البحرين
اخوي وافرش له جفون العين
هذا حمد طيبه على كل محياك
طيب غدى للطيب رمز وعين

صقر .
.هلا وغلا بالي يفاخر به حمد
ولد قطر يانا مثل ويه السعد
يايب لنا صوغه وياصوغة قطر
سلام احلى من الشهد واصفى بعد

نواف ..
ارمس بلهجة هلي
مرحبا بعيال زايد
بالله مو باين علي
احتري ملهوف وايد
ياامارات الامان
ديره تشبها الاماني
سابقت حتى الزمان
واسبقت حتى الثواني

فهد..
اهــلا اهـلا بـك ويـاحيـاك..فـارس شهم قدوته قابوس
ياعمان يوم الكريم اعطاك ..شعب من الجود كله روس
تعٌلم المجـد مشـى خطـاك ..لأعلى القمم والدروب دروس

فيصل .
.أنا إلى يسقى الجود جودي
أنا ارضي اطهر هالوجودي
والغيم يتعلم صعودي
أوفي قبل تسمع وعودي
وأنا كل من حولي شهودي
سيفي وأقلامي وشهودي

الكل ..أكيد أكيد أكيد ..سعودي
( خليج الكبرياء للمرحوم بأذن الله طلال العبدالعزيز الرشيد )

فيصل ..تعرفون شو المفروض نقول لهم
الكل..ايش

نحمد الله يوم حكامنا "آل سعود"...قومواشرع الله ووحدو فرد وصمد
ويامفجرة المنازل ومفزعة الرقود...ياخفافيش على غيها تمشي وحد
تسمعون لجاهل وحاسد ونذل حقود...وتتركون الحق في "قل هو الله احد"
تتبعون اريا النصارى واباطيل اليهود...لين صرتولاحميه ولافيكم رشد
لكن ورب خلق هود مع عاد وثمود ...ومنطق عيسى بن مريم وهو وسط المهد
ماعلينا من خنازير وعيال القرود...وماعلينا بفاسد الرأي لامنه فسد
نتبع السنه ولاعن هل السنه صدود ...ونحفظ القرآن بقلوبنا قبل وبعد
مانبي حزب اشتراكي ولاحزب الليكود ..ولانبي من راعي " الكونجرس "وعد وعهد
الملك هو فهد والشعب من حوله فهود ..كان قام نقوم بأمره ونقعد لاقعد
( لشاعر عارف بن سدران)
حمد..ونقول بأعلى الصوت

حنا على العادات وصانا فهد
اسمه يكفينا عن وعود وعهد
وان قلت ابو متعب لهمك ارتعد
هذا ولي العهد زيزوم الهدد
وان قلت ابو خالد لعسرك ابتعد
يحرى بكل الطيب سلطان السعد
وان قلت انا سعودي وامي هالبلد
اقول اناشهد انها جابت ولد
( خليج الكبرياء )
الكل سكت بعد يتابع الاحداث الى ان قالت العمه لطيفه وهي طالعه
اللهم من أرادنا وأراد بلادنا وشبابنا ومقدساتنا وعقيدتنا بسوء ، فأشغله في نفسه ، ورد كيده في نحره ، واجعل تدبيره ، تدميرا له ، يا قوي يا عزيز .
الكل ..آمين
طلع الكل للخيمه ولاظل غير البنات والحريم والكل انسدت نفسه بعد هالخبر المحزن والمؤلم توجه الكل بعد العصر لغرفته حتى ينام بعد تعب السفر وروعة وخوف الخبر المؤلم العاجل ..

دخلت العنود وحضنت سلوم الي كان مو راضي ينام فرحان يبي يطلع لكن بعد محاولات نام سلوم وكان البيت غارق بالسكون الكل نايم و على اذان المغرب الكل صحى للصلاة ورجعوا ناموا ماعدا الحريم جلسوا يتقهوون وبعدها جلسوا يسولفون لحد الساعه 11 والبيت غارق بالسكون دخلوا ينامون لانهم مانموا زين وعالساعه 12 صحت خلود وصحت البنات ونزلت للعنود وصحتها وبكذا يكونوا البنات اول من صحى اجتمعوا بالصاله وابتدت السهره بعد ماتبرعت العنود ونجلاء واماني يعملون لهم الاكل ..وعالساعه 2 الفجر صحوا الشباب وبدوا ينزلون واحد وراء الثاني طبعا كل واحد ينزل يطلب طلب ويطلع للخيمه

خلود..ههههههههههه كلهم طلبوا شاهي واحد يكفي
عبير..حرام كل واحد مايعرف ان الي قبله طلب
نجلاء..الحين بينزل حمد بس مابيطلب شاهي
ساره..ليه
الكل ضحك لان ساره اهتمت بشكل جدي ..
نجلاء..حمد مايشرب شاهي اذا توه صاحي
وفعلا نزل حمد وسلم وطلع بس اخذ كأس مويه من المطبخ وطلع للخيمه
اماني..وان شاء الله بنجلس كذا قوموا نلعب
العنود..شتلعبين بالفجر اموون
اماني ..اي شئ
ساره..اقول بالغرفه فوق بالسطح فيه لعبه رهيبه شفتها بس ماتحبها غدير
غدير ..منبولي صح مابلعب
نجلاء..انا بلعب يالله نجيبها
عبير..اوكي وانا بلعب انا بروح معك يالله
طلعت عبير ونجلاء والعنود كانت هي وغدير يتفرجون عالمجلات اما ساره كانت سرحانه ولاانتبهت الا بصوت فيصل عند الباب الخارجي ينادي عليها وطلعت له
فيصل..هلا سارونه كيف الوضع كل شئ اوكي
ساره..الحمد لله
فيصل..حلو ساره بكرا العصر موعدنا للمستشفى
ساره من غير نفس ..طيب
فيصل ويمسح رأسها..سارونه ماابي اشوف هالحزن بنروح انا وانتي وحمد للمستشفى وننسق كل شئ ونختار الوقت الي يناسبك
ساره ومبسوطه ومتضايقه..طيب اوكي
فيصل..سارونه اطلبك طلب
ساره باابتسامه..امر
فيصل..ابي بندول معي صداع وكأس عصير الله لايهينك
ساره..ان شاء الله بنعمل عصير لنا ولكم
فيصل..تسلمون يالله اذا انتهيتي عطيني دقه واجي اخذه
ساره ..طيب

دخلت ساره وحصلت البنات مجتمعين بيلعبون وقالت لهم عن طلب فيصل وراحت العنود وغدير للمطبخ يعملون العصير والباقي جلسوا يلعبون العنود جلست عالطاوله وغدير بدت تعمل العصير
غدير..عنوده خلاص عاد ابتسمي
العنود..خلاص غدور كنت متضايقه لكن الحين خلاص ارتحت يكفيني وجود خالتي والله نظره منها تريحني احسها مثل امي الله يخليها
غدير..العنود انتي طيبه وصدقيني انتي منا وفينا بس لاتصيرين حساسه زياده عن اللزوم اوكي
العنود..ولايهمك تعالي متى شبكتك اذا رجعنا
غدير باابتسامه ..ايه وبأخذ فستاني من جده وعدني فيصل
العنود..الله يوفقك يارب
غدير..تسلمين حبيبتي العنود دقي من جوالي على فيصل دقه

اعطت غدير العصر لفيصل واخذت عصيرهم عن البنات وجلسوا سوالف وضحك ولعب وعالفجر بعد ماطلعوا الشباب للصلاة كل البنات راحوا للخيمه بيذبحهم الفضول ماشافوها

اماني..الله جرايد بأخذها
ساره..ومجلات خلينا نحتلها
نجلاء..خيمتهم حلوه ليتهم يطلعون نجلس فيها
غدير..تعالوا نطلع لايجي احد
العنود..الجو حلو خلينا نجلس بالحديقه الي خلف البيت يالله بنات
طلعوا البنات وجلسوا بالحديقه والجو كان رائع
وعالساعه ثمان الصبح كل البيت كان صاحي اجتمعوا الاهل عالفطور بسوالف وجمعه حلوه وفجأه دخلت الخدامه
الخدامه..ماما لطيفه فيه رجال يبغى انتي
العمه لطيفه..انا من هالرجال
ام فيصل..خلي احد يطلع له من العيال
لطيفه قامت لشباك..وضحكت وقالت للخدامه ..خليه يدخل بسرعه
والتفت عليهم..هذا سلطان مايخالف تغطوا يابنات رجولي مافيها انزل له
سلطان..احم احم يااهل البيت
لطيفه وبفرحه..هلا ابوي ادخل
دخل شاب بالخمسه وعشرين من عمره تقريبا وسيم ماهو حلو لكن فيه جاذبيه وشكله مو سهل حب رأس امه وسلم عليها
لطيفه ..ليه ماقلت لي انك بتجي
سلطان مبتسم..حبيت اعملها مفاجأه ولتفت عالي جالسين
سلطان..السلام عليكم جميعا خالتي ام فهد وام نواف وام فيصل صبحكم الله بالخير
ام نواف..هلا والله بسلطان عاش من شافك
سلطان..هلا خالتي عاشت ايامك مشاغل الدنيا
سلطان..هلا ببنات العم شلونكم عاد اسمحولي مااعرفكم لكن ان شاء الله انكم بخير
ام فيصل..هلا فيك مابتعرفني انا ام فيصل شلونك ابوي
سلطان..بخير يامال الخير بشريني عنكم ياخالتي
ام فيصل ..بخير ونعمه تفضل اجلس ياولدي
سلطان..الشباب وينهم
ام فيصل..بالخيمه
سلطان ..اجل اسمحوا لي بروح لهم عن اذنكم ..يالله الغاليه بروح اسلم وابشرك بجلس معك هالشهر كله
العمه لطيفه..والله ابركها من ساعه ابوي
طلع سلطان والبنات ودهم يعلقون لكن احترموا نفسهم وسكتوا لحد مايخلى لهم الجو
تعرف سلطان على فيصل وسلم على عيال عمه الي من زمان ماشافهم وجلس معهم وسلطان بطبعه اجتماعي وصريح وانسجم معهم على طول ..

وعلى صلاة العصر طلعوا الشباب للمسجد والكل راح غرفته الي يصلي ويرتاح والي يسولف
بغرفة ام فيصل وام نواف بعد الصلاة جلسوا يسولفون شوي
ام نواف ..اقول نوره شرأيك بعبير لنواف
ام فيصل وتبتسم..اقول الصدق ولاتزعلين
ام نواف وترد الابتسامه..مابزعل قولي
ام فيصل..يا أم نواف انتي بتزوجين نواف حتى ينسى صح وكلنا نعرف ان نواف توه ماله فتره من قدر يرجع مثل قبل ونواف ونعم فيه ماعليه كلام بس عبير بنت طيبه وحبوبه وحلوه وتستاهل كل خير وتبين الصدق حرام تزوجيها نواف وهو بقلبه وحده ثانيه للحين
ام نواف تبتسم..ياام فيصل نواف رافض الزواج بس تبين الصدق انا بقول لك الي صار
ام فيصل..قولي
ام نواف..عبير تحب نواف
ام فيصل ..شلون عرفتي قالت لك
ام نواف..سمعتها يومكم عندي تتكلم مع غدير وعرفت انها تحبه من ايام خطبته لدلال وانها ماتبي غير سعادته
ابتسمت ام فيصل..غريبه مابان عليها
ام نواف..والله عبير تستاهل كل خير وابيك تساعديني
ام فيصل مستغربه شلون..
ام نواف قالت لها عن عرض نواف لشغل على عبير
ام فيصل..بس انا مااقدر اجبر فهد ولااحب احرجه
ام نواف..لا مااقصد كذا خلي فيصل يقنعه
ام فيصل ..ايه كذا مايخالف الحين اذا رجع اقوله ولايهمك احنا بذيك الساعه ياام نواف
ام نواف..تسلمين ياام فيصل والله يفرحك بعيالك يارب
ام فيصل..امين يارب وياك

طلعت خلود تكلم الحارس وتطلب منه يروح يجيب لها اغراض من الصيدليه وهي عند باب المطبخ الخلفي دخل سلطان وارتبكت لكن كملت كلامها مع الحارس وتوها بتدخل
سلطان..هلا يابنت العم
خلود بصوت واطي..هلا بك
سلطان..اسمحي لي ماعرفتك
خلود..خلود
سلطان..ياهلا يابنت العم الظاهر البيت كله رجال ومايضر لو طلبتي منا او احد الخدامات يكلم السواق بدل منك والا انا غلطان
خلود تقول بخاطرها شسالفته هذا..مااعتقد انها جريمه عادي يعني
سلطان وبدأ يعصب..لااسمحي لي يابنت العم ماهو عادي
خلود وانقهرت منه..طيب مره ثانيه بأخذ الاذن من فهد قبل مااكلم السواق
سلطان وصلت معه منها ...وصلت اشارتك يابنت العم بتقولين مالك دخل بطريقه غير مباشره
خلود..عن اذنك
دخلت خلود وهي تغلي منه اما سلطان كان وده يذبحها لكن ماعرف كيف يرد لها كلامها لكنه حطها ببالها واذا حط احد بباله ياويله مايتركه الا اذا اخذ حقه ..

طلعت ام فيصل وحصلت البنات يضحكون على خلود الي معصبه من حركة سلطان
ام فيصل..ساره اتصلي بفيصل خليه يجي للحديقه ابيه بسالفه
غدير وقانت لامها ..يمه ليه شعندك
ام فيصل ..غديروه اتركي عنك اللقافه عندي سالفه ماتخصك
ساره..ولا انا يمه
ام فيصل ..ولاوحده فيكم يالله عاد بسرعه

طلعت ام فيصل وجلست بالحديقه ووصل فيصل وجلس مع امه وبعدها قالت له امه
ام فيصل..فيصل بقول لك شئ لاتقول امي كبرت وخرفت
فيصل ويضحك..افا ما عاش من يقول عنك كذا الغاليه امري
ام فيصل ..فهد ولد عمك
فيصل..شفيه
أم فيصل ..نواف عرض على عبير تشتغل معه وأبيك تقنعه يوافق
فيصل ورافع حاجبه..صعبه يمه
ام فيصل وتبتسم..بس اذا اقنعته بتسعد قلبين
فيصل ويبتسم..قلبين مين يالغاليه ابتسامتك لها معنى
قالت ام فيصل له كل السالفه
فيصل..هههههههههههههههههههه ان كيدهن عظيم
ام فيصل وتضربه ..خس الله عدوك
فيصل ويبتسم..امزح الغاليه ابشري مادام السالفه فيها حب مابنقصر واعتبري الموافقه وصلت
ام فيصل..يعني لازم يكون فيه حب عشان تحاول
فيصل..ههههههههههه الحب دافع حلو الغاليه
ام فيصل وتضرب ايدينها على بعض ....وليه ماتحب ياحظي

فيصل .. هههههههههههههههه شفتي الغاليه الله عطاك ولد مايعرف الحب
ام فيصل ..لايعرفه بس مايشوف زين
فيصل ويضحك..الغاليه ابشري ان شاء الله بيتم كل شئ على خير وانا برجع لشباب تامرين على شئ
ام فيصل..ايه انحاش مثل كل مره
فيصل ..الغاليه
وقطع كلامه سلمان الي طالع من البيت ينادي عليه وهو يركض ويضحك وعلى طول فتح له يدينه
فيصل وحضنه
سلمان..عنوده بتأخذ مني الحلاوه
فيصل ومن فرحته بضحكة سلمان التفت عالباب ..
فيصل وهو مبتسم ..ياعنوده خليه يأكل حلاوته
سلمان..عنووده
العنود وقفت وفيصل التفت على امه وهو مستحي من زلته وضحك ونزل سلمان ومشى
ام فيصل ..فيصل
التفت فيصل ..سمي
ام فيصل تبتسم ..الله بلاني بولد مايعرف يحب
الجزء التاسع عشر ...

العنود وقفت وفيصل التفت على امه وهو مستحي من زلته وضحك ونزل سلمان ومشى
ام فيصل ..فيصل
التفت فيصل ..سمي
ام فيصل تبتسم ..الله بلاني بولد مايعرف يحب
فيصل وهو يبتسم ..ام فيصل الجو حلو اليوم صح
ام فيصل مازالت مبتسمه .. ..صح
فيصل ..ههههههههههههههههاي زله الغاليه
أم فيصل ..وتأشر على قلبها ..فيصل قلت لك قبل هالقلب يحس فيك ويعرف
ابتسم فيصل وحب رأس امه وراح وام فيصل التفتت عالباب وشافت العنود واقفه وأماني عندها
اماني ..العنود شفيك
العنود مو قادره تستوعب الي صار..هااا ولاشئ
اماني ..شسالفتك العنود تكلمي
ام فيصل وصلت عندهم ..شفيكم
اماني ..ماادري بس شكل العنود مو طبيعي
العنود سكتت واستحت من ام فيصل واماني التفتت تنتظر ام فيصل تسأل العنود لكن ام فيصل
ابتسمت ودخلت
اماني..العنود تكلمي
العنود وقالت لأماني الي صار
اماني ..الله وناسه طيب انتي مبسوطه
العنود بأبتسامه ..مااعرف
اماني وتبوسها بسرعه ..بروح اقول للبنات
دخلت اماني تقول للبنات والعنود ظلت مكانها تتأمل الوضع مكان فيصل كيف قال الكلمه وشلون حضن سلمان وشلون التفت على امه كل هالاشياء ظلت كأنها شريط ينعاد بثواني بخيالها
غدير..كلووووووووووووش
العنود ولاالتفت عليها
غدير..عنوده خليه يأكل حلاوته ههههههههه
العنود..غدير اسكتي وجع فضحتينا
غدير..والله هو الي فضح نفسه
العنود..عادي هو ردد كلام سلمان
غدير وتبتسم..والله اذا هو محمد يمكن لكن فيصل يعرف متى يردد كلام سلوم ودائما سلوم يقول عنوده وفيصل يقول العنود شمعنى اليوم
العنود..طيب تعالي ندخل
غدير..صح العنود جوالك ازعجنا كل ثانيه يدق او مسج مشاء الله من هالصديقات
العنود ارتبكت..اكيد نوف ماقلت لها اني بسافر
دخلت العنود بسرعه واخذت جوالها ودخلت غرفتها وقفلت الجوال من غير ماتشوف المسجات ماحبت تحرق لحظه حلوه مرت بحياتها ..بمسجات احمد الي تسد النفس وتحرق الفرح
وقفت قدام مرآيتها وظلت تتأمل نفسها العنود البنت الحلوه البيت الطيبه الانسانه الي حوطت قلبها بسور عالي حتى مااحد يتطاول عليه لكن بلحظه سألت نفسها ليه هالسور ..؟؟
وبدت تتكلم بصوت ليه يالعنود حرمتي الحب على نفسك ..؟؟ ليه ابتعدتي عن كل احساس صادق ممكن يسعدك ؟؟ ليه اخترتي الألم والخوف والفشل ..؟؟
وقبل ماتجاوب رفعت شعرها ولبست شالها وطلعت خافت من اجابتها خافت انها تنجرف خلف احساسها بفيصل
خافت زلة فيصل تربطها فيه ..خافت تشوف فيه الامان لنفسها ..خافت من مشاعرها لاتخونها ..وتتعلق بحب فيصل و تكون واهمه وهي بالنسبه له ولاشئ بعدها بتنتهي وبتحرق باقي الامل الي عندها ..

فيصل دخل الخيمه وهو يفكر بزلته وكيف طلعت الكلمه منه بعفويه وقبل مايسترسل بأفكاره قطع عليه صوت جواله ابتسم لما شاف الرقم وطلع برا الخيمه واستغربوا الشباب من حركة فيصل ..لانه قليل مايطلع برا يكلم ..

اما حمد كان مبسوط وبعالم ثاني لانه بيروح اليوم مع ساره لانه تواجده معها بمكان واحد يسعده وغير كذا حاب يتطمن عليها ويشوف اخر التطورات الي صارت بعد العلاج ..
بلحظه حمد حس انه محتاج يسمع صوتها او اي شئ عنها طلع برا واخذ جواله واتصل على نجلاء
نجلاء بالغرفه لحالها ..الو
حمد..هلا نجوول شلونك
نجلاء..بخير تمام
حمد..نجول شرايك نطلع اليوم
نجلاء مستغربه..اعرف الكل بيطلعون اليوم
حمد ويبتسم..وين بتروحون
نجلاء..شسالفتك مو اتفقنا اليوم اننا نطلع للهدا
حمد..هههههههههه نسيت
نجلاء..حمد شفيك
حمد..ولا شئ طيب متى بتروحون
نجلاء..احنا بنطلع من هنا وانت وفيصل وساره اذا خلصتوا مستشفى تجون لنا
حمد..اهاا
نجلاء..يعني ماتدري
حمد ..لا الا وينك فيه الحين
نجلاء طفشت منه...حمد تبي شئ
حمد واستحى..لا خلاص مع السلامه بس حبيت اتطمن
نجلاء مبتسمه ....مع السلامه
سكر حمد من نجلاء والتفت وحصل فيصل يكلم ومن قهره من نجلاء قال لفيصل

حمد..اعترف فيصل من تكلم
فيصل..هههههههههههه والله اكلم النسيب سعد..
حمد..سلم عليه وقله يجي الجو حلو والوجه الحسن
دخل حمد ورجع فيصل يكلم سعد
فيصل ..يسلم عليك حمد ويقول حياك الجو حلو والوجه الحسن
سعد..ههههههههههه لا بروح لمكه وبعدين بروح لحايل مع اميمتي
سكت فيصل شوي ..اقول سعد
سعد..هههههههههههههه قل فيصل من كلمتك وانا عارف عندك سالفه
فيصل ..الحلو فيك انك فاهمني على طول
سعد..طيب ليه ماتفهمني
فيصل ..هههههههههههه يااخي ازعجتني تعال هنا واعمل شبكتكم وافتك من حنتك
سعد..نتحمل المهم قل شفيك
فيصل ويتنهد..العنود
سعد..انا اقول هالتنهد لازم فيه العنود شصار
فيصل ..بصراحه هالانساننه تعني لي
سعد وحب يربك فسصل بسؤاله ....تحبها ..؟؟
فيصل بسرعه ..لا مو حب لكن لها مكانه عندي يهمني جودها وسعادتها احس اني مسؤل منها
سعد..وهالاحساس جديد بالطايف
قال فيصل لسعد الي صار قدام امه وضحك عليه لحد ماعصب فيصل
سعد..تبي نصيحتي فيصل اعطي نفسك فرصه تحب البنت
فيصل..لاياشيخ
سعد..خلينا صريحين البنت وعاجبتك واخلاقها ماعليها وغير كذا امك تحبها يااخي احمد ربك
فيصل..تعرف المشكله ان فيه شئ غامض بالقصه كلها
سعد..ايش
فيصل..سمعتها تحكي لغدير
يقاطعه سعد..احم احم
فيصل ..هههههههههه المهم سمعتها تقول المفروض ماتحب مااعرف عن مين يتكلمون لكن التفسير
اما انها ترفض حب او توضح ليه ماتحب الى الان او تزوجت
سعد..فيصل اكيد لها ظروفها لكن انت ماتحاسبها الحين لان مالك حق عليها ونفس الشئ ماتبني سور بينك وبينها بسبب كلمه سمعتها او عناد برأسك على فمره خلاص شيبت يااخي فكر بنفسك شوي
فيصل..الحين بخليك واكلمك بالليل اوكي
سعد..اوكي سلم عالكل
فيصل ..يوصل مع السلامه
سكر فيصل ودخل للخيمه عند الشباب بفكرة ثانيه وهي كلام سعد له وانتبهوا الشباب انه مو معهم وتركوه براحته ..

اما نجلاء بعد ماقفلت من حمد طلعت تركض لغرفة اماني وساره وقالت لها الي صار
ساره..طيب وبعدين شقال
نجلاء تبتسم..خلاص انتي وياه ازعجتوني يايقول انه يحبك او لايزعجني
ساره استحت..نجول انتي ليه ماتستحين ليه
نجلاء..الله خلقني كذا سارونه
ساره..اذا فيك خير علمي نفسك ورينا حبك
نجلاء..ههههههههههه بتشوفين بس اصبري شوفي حبيبتي انا بصراحه احبه امووت عليه
اماني..نجلاء ماانتي صاحيه قصري صوتك لايسمعك احد
نجلاء..يعني اذا سمعوا وبعدين والله قهر كبت للمشاعر عندكم
ساره. . ههههههههه .يابختك نجلاء تقدرين تقولينها
نجلاء وتضحك وهي طالعه..الحصه بمية ريال تعالي غرفتي اعلمك

نزلت نجلاء عند البنات وتركت ساره تسولف مع اماني

نجلاء ..هلا بنات
غدير..اهلين وينك وين ساره واموون
نجلاء..ساره بعالم ثاني وشكل اماني بتتأثر منها المهم اسمعوا
ساره..وقفي لحد مااجي حتى اسمع
نجلاء ..بسرعه بقول بصراحه خلاص وصلت معي
اموون ..البنت مو طبيعيه الظاهر الهواء بالطايف أثر عليها مو متعوده الا على شمس الرياض
نجلاء..هههههههههههههه حلوه امون
خلود..بناااااااااات خلاص ساره العنود عبير بس يكفي ارجعوا لعالمنا كل وحده عايشه بعالم منفصل
العنود وتبتسم..انا معكم
غدير..وااااضح
عبير..نجلاء قولي يالله
نجلاء..احم ولاوحده تقول انهبلتي اسمعوني وبس
عبير..طيب
فتحت المجله وطلعت علبه ..هذي هديه بوصلها لفهد
ساره..ياقوي عينك
غدير..لحظه الشيخه مايصير توصلينها كذا اطلعي البسي احسن شئ عندك واكشخي
واطلعي للخيمه قولي السلام وتقدمي له وابتسمي وقولي تفضل وانا اضمن انك ترجعين لنا بثواني من
كف حمد لك
الكل...ههههههههههههههههههه
نجلاء..غديروه لاتتمصخرين علي اتكلم جدبنت عمتك مااعرف متى بتجي وتجلس على قلبي خليني استغل الفرصه
خلود..وليه هالسيره خلينا مبسوطين
العنود.. جد يالخبله شلون توصلينها
نجلاء..اسمعوني انا قررت اتهور خلاص بحطها بسيارته
اماني..وشلون بتحطيها
نجلاء وتضحك..عادي كل العيال مفاتيح سياراتهم مع الحارس نسهر لصبح ونأخذ المفتاح
واحط الهديه واذا ركب سيارته يشوفها
خلود..طيب بيعرفك
نجلاء تبتسم..اكيد بيعرفني
خلود..بتكتبين اسمك يعني
نجلاء..لا بس بقول له كلمه وبيعرف من انا
خلود..ايووووووووووووه ياسلام بينهم شفرات
نجلاء..المهم من بتوقف معي
العنود..انا معك
ساره..وانا
الكل وافق ينفذون الخطه ونجلاء فتحت العلبه وحطت بداخلها ورقه صغير كتبت فيها
" وعدتك اهديك ..وهذي الهديه تعتذر لك بالنيابه عني على التأخير "
اتفقوا البنات يحطوها اذا رجغوا من الطلعه وخلود كانت متحمسه كثير بعكس ساره المتردده رغم انها وافقت بالاول ..

الكل انشغل بالاستعداد لطلعه وساره طلعت مع فيصل وركبت السياره
ساره ..السلام عليكم
حمد..وعليكم السلام هلا بنت العم شلونك
ساره..الحمد لله
فيصل..سارونه بنحدد وقت معين عشان تروحين يوم بعد يوم
ساره وهي متردده..مايصير اقل يعني كل يومين او ثلاث
حمد..لا مايصير ساره لازم تتعاونين معنا
فيصل..سارونه هانت باقي لك شهر ويتوقف العلاج تحملي حبيبتي
فيصل ..الا بسألك حمد شصار على اجازتك
حمد..الله يسلمك الى الحين عشرين يوم
فيصل..افا يعني مابتجلس معنا شهر
حمد..لا بجلس
فيصل..ههههههههه شلون
حمد..ماعلي منهم انا من بدري قايل لهم وعندي رصيد اجازات
فيصل ..اقول الحين انت حددت موعد بالمستشفى
حمد..اخذت موعد اليوم والباقي طلبوا توقيعك انت بخصوص الاوراق والتحويل وغيرها
فيصل..تأخذ وقت
حمد..على حسب
فيصل ..الا ماقلت لي كيف وضعهم بالبيت من بيأخذ سيارتك
حمد..سلطان بيأخذها واتوقع تكفيهم السيارات
فيصل ..والله هالسلطان غريب
حمد مبتسم..ليه
فيصل..شخصيته حلوه صريح مختلف نهائيا عن صقر
حمد..صقر مافيه مثله صراحه خلوق جدا
فيصل..بهذي صدقت
حمد..خلاص هنا مدخل العلاج الطبيعي وقف

نزل حمد وفيصل وساره الي ظلت طوال الطريق تسمع سوالفهم ولحظه تبتسم ولحظه تخاف لكنها مبسوطه كثير انها تشوف حمد يتكلم بعفويه مع فيصل ..

دخل حمد وفيصل وانتظرت ساره بااستراحة النساء وبعدها نادوا اسمها ودخلت اما فيصل راح يتفق على موعد معين حتى يستمر علاج ساره وحمد ظل جالس عند باب الغرفه ودخلت ساره وبعدها بدقيقتين فتحت الباب وطلعت واستغرب حمد وبسرعه راح لها
حمد..خير ساره شفيك
ساره وخايفه ..وين فيصل..؟؟
حمد..طلع يخلص باقي الاوراق فيه شئ
ساره متردده..اخصائي العلاج الطبيعي واحد مو وحده ماابي رجال
حمد مبتسم ..ولاانا
استحت ساره ونزلت رأسها وسكتت اما حمد بلحظه تمنى ان يقولها انه يحبها ويشوف رد فعلها بعيونها تمنى يقول لها اسف وبدموعها يعرف قبولها تمنى يقولها انتي بخير وبفرحتها يملك الكون
انتبه حمد انه واقف والبنت مو عارفه تتصرف
حمد باابتسامه تذبح..قال بقصد ..سارو...عفوا ساره انتظري بالاستراحه ثواني واخلص الموضوع
ساره ومن خوفها وفرحتها ماقدرت تمشي ظلت واقفه وبعدها استوعبت وتحركت بسرعه اول مادخلت الاستراحه تمنت ماتحصل احد حتى تضحك وتبكي حتى تقول بصوت شبه مسموع احبه لكنها ماقدرت ماقدرت تنطقها ترددها وخوفها منعها حتى من فرحتها بحبها الصادق ..

اما بالبيت الكل جهز وسلمان مبسوط ويضحك ويلعب مع الكل لانه بيطلع اليوم ومثل ماوعده فيصل بيركب دباب وحصان وبيلعب على كيفه ..

الكل طلع وركبت العنود وغدير وام فيصل وسلوم مع سلطان اما نجلاء واخيرا تحقق حلمها وركبت مع فهد واماني ركبت مع عمتها لطيفه الي اصرت عليها ..
وصلوا للهدا واخذوا لهم جلسه وانبسطوا وعلى طول سلوم مسكه صقر واخذه يلعبه اما نواف مانزل من سيارته كان يكلم تقريبا لمدة ساعه وهالشئ خلا امه تعصب
ام نواف..سلطان ابوي شف نواف ماهو صاحي من يكلم كل هذا
فهد..هههههههه خليه ياخالتي شكلها منسجم
ام نواف وعصيت اكثر ..اقول بروح له انا
سلطان..ارتاحي ياخالتي بروح له انا
قام سلطان وهو واضح انه مو مرتاح بالجلسه من اول كلم نواف ولارجع عندهم
خلود..فهد بروح العب
فهد وعاقد حواجبه..عيدي حبيبتي
عبير..ههههههههههه غلطه مطبعيه الظاهر
نجلاء..مافيها شئ صادقه بنروح نلعب
فهد وبدأ يعصب عليهم..ممكن افهم وين تلعبون
نجلاء ..بالدبابات
فهد..عشان احش روجلك
نجلاء ومن صدمتها برده قالت بشكل عفوي ..افا
خلود..ههههههههههههه هذا اختبار بس قلت يمكن هواء الطايف غيرك
فهد..الهواء مايغيرنا ياخلودوه
خلود..عصب فهد امزززح لاتزعل
فهد..انتي طلبتي لكن غيرك صرح بشكل مباشر
نجلاء انبسطت ..اقول ولد عمي
فهد..امري
نجلاء..بعد بتحش رجولنا اذا قمنا نتمشى
فهد وابتسم غصب عنه ....لا طبعا
نجلاء ..والله زين اجل يالله بنات
ام فيصل..غدير اتصلي بأختك شوفي شصار عليها

غدير ..ان شاء الله
اتصلت غدير والبنات راحوا ولاظل غير عبير تنتظرها
غدير..تقول جاين بالطريق
ام فيصل..زين لاتاخرون
عبير..ان شاء الله
راحت عبير وغدير وصادفهم نوااف
نواف..وين ان شاء الله بنات العم
غدير..بنروح نتمشى شوي
نواف ..انفع اكون معكم
غدير..طبعا لا
نواف..ههههههههههه صريحه بنت العم
نواف التفت على عبير الي ساكته..مساء الخير
عبير استغربت..هلا مساء النور
نواف..بكلم فهد اليوم اتمنى ماتكوني غيرتي رايك
عبير ..مااعتقد رائي مهم اذا رفض فهد
نواف..افا والله ياذا العلم بهالجو الحلو وبنت العم نفسيتها مو تمام اضحكي لدنيا تضحك لك
هالشئ توني عرفت معناته الحقيقي
عبير..يعني على مبدأ خذ وهات
________________________________________
نواف..مبدأ خذ وهات غريب ليه عبير تقولين كذا
عبير..لان الحياة حقيره كذا افرادها يفكرون
نواف ويلعب بالعصا بالرمل وعينه عليها ..امممم عبير هل يعني انا وانتي واهلك كذا
عبير ماحبت تجاوبه ..عن اذنك نواف
نواف..تفضلي لكن مازلت متمسك بطلبي وبكلم فهد
عبير..خير ان شاء الله
مشت عبير وغدير وبمجرد ماابتعدوا خطوتين
غدير..عبير ماانتي صاحيه شو قلتي
عبير..احسن
غدير..عبير شفيك ليه قلبتي بثواني
عبير..خلي الي يكلمه ساعه ينفعه
غدير..هههههههههههه ناقصات عقل ودين
عبير..افهمي معناة ناقصات عقل ودين بعدين قوليها
غدير..عبوره نواف راح انا غدير خلاص عاد روقي

نواف ظل يمشي وهو مستغرب من هالانسانه الي بدت تحتل تفكيره بطريقه غريبه ليه اسلوبها
كذا وهل تعاملها مع الكل كذا ..نظرتها دائما سوداء واسباب هالنظره وقبل مايوصل لجلسة اهله انتبه لسلطان جالس على حجر بعيد وشكله سرحان وحول مساره له لكن قطع عليه صوت جواله ورد وظل يمشي ويكل ..

اما فيصل وحمد وساره وصلوا بعد ماتعبت ساره من الانتظار لحد ماتوفر لها اخصائيه تشوفها بعدها طلعوا على طول للأهل في الهدا جلس فيصل وحمد
ام نواف..هابشروا
فيصل..خير ان شاء الله ياخالتي كل شئ حلو بس لو حبوبتنا تساعدنا
ام فيصل ..سارونه حبيبتي تعالي اجلسي ارتاحي
حمد..ياخالتي حبيبتك لازم تساعدنا
ام فيصل وتضحك..ماتقصر المهم خلاص غيروا الموضوع ماشفت سلوم ازعجنا يبي فيصل بيركب دباب
فيصل..والعنود وينها
الكل استغرب وبسرعه قال فيصل
فيصل ..اذا موافقه يركب اوكي بصراحه مافينا نعيد الي صار
ام فهد ..لا العنود قالها قالت اذا مع فيصل كيفك
فيصل.حلوو طيب الشيخ سلطان شفيه منعزل لحاله
ام صقر..الله يهديه
فيصل..ههههههههههههه امين بس ياخالتي سلطان ماعليه قصور لاتخافين
حمد..فيصل من عرفتك وانت تمدح بالعالم يااخي كلمه وحده قلها فينا
فهد..حمد ماينقال فيك كتاب وش يقول وش يخلي
حمد..هههههههه اخجلتم تواضعنا فهد وين نواف
ام نواف ودخلت بالموضوع..حسبي الله على ذا الي يكلم ماخلاه يرتاح
حمد بصوت واطي لفهد..وا ضح قصدها على بالها بنت
فهد..ماكلم بنت الا نواف
فيصل ..اقول انت وياه وشعندكم
حمد..اسرار
ام فيصل ..روحي ساره شوفي البنات هناك
قامت ساره وغصب عنه حمد ظلت عينه عليها لحد ماوصلت للبنات
حمد..اقول بروح اشوف سلطان
قاموا الحريم ولاظل غير فهد وفيصل وانظم لهم نواف
نواف..هلا والله وين الباقي
فيصل..من تكلم اعترف
نواف..هههههههههههههههههه يااخي الاسهم ارتفعت قالي واحد اتصلت اشوف صار ماعنده سالفه
فهد..قلنا الولد شكله يحب
نواف..احب وتتوقع باقب حب بوقتنا
فهد..يااخي ليه انت دائما تحبط الواحد
نواف..خلنا من هالسالفه بقول لك شئ
فيصل..يعني اتكل اشوف رزقي واخليكم براحتكم
نواف..الله يشوف رزقه الظاهر الطايف غيرت ناس اجلس واسمع الهرجه
فيصل..ابشر
نواف..عبير تخصصها حاسب صح
ابتسم فيصل وعرف السالفه
فهد..ايه ليه
نواف..اول شئ انسى اننا عيال عم
فيصل..هههههههههه خربتها نواف
نواف..صدق انت ماتعرف فهد كثري وربي يرفع ضغطي الزبده عرفت منها ان تخصصها حاسب وانا مالي فتره راجع لشغل وتعرف تعاملاتي كلها من خلال ملفات والنت والاوراق كلها بالمكتب وانت تعرفه
فهد وبدون اي تعبير..وبعدين
نواف..ابي عبير تشتغل معي
فيصل..حلو شلون
نواف..بالبيت توصلها كل الملفات وهي تصنفها وتدخلها وتصنفها وتحفظ
فيصل..طيب اماني بتدخل حاسب لو سمحت وقع معها عقد لمدة اربع سنوات وبعدها اماني تمسك الشغل
نواف..لا تشتغل تحت ادارة عبير المهم فهد شرايك
فهد..والاتصال كيف بيكون
نواف..لاتخاف بيكون من خلالك
فهد..لاتفهمني خطأ انا مااقصدك انت انت ولد عمها واثق فيك اقصد لها اتصال بااحد ثاني بالشركه
نواف..لا الاتصال بعد اذنك من خلال ايميل يعمل لها ترسل لها عليه بيانات او اي ملفات محتاجينها وهي ترسلها لنا او الاتصال من خلالك اذا مايعجبك الاول مع انه ضروري
فهد..قلت لها
نواف..بصراحه لما سألتها عن تخصصها قلت بس قالت الرأي لك ولا لها رأي بعدك
فيصل..بصراحه حلوه الشغله وياليت اطبقها على شركتي بيصير شئ حلو وخصوصا انهم ناس نثق فيهم
نواف فكرتك حلوه بطبقها بس بشوف احد نثق فيه اول
فهد..خير ان شاء الله خلني افكر
نواف..اوكي خلونا نقوم نشوف وين الشباب

البنات تفرقوا العنود ظلت هي وعبير الي كانت متوتره وضايق خلقها اما غدير انتبهت لفيصل
ومشت معه عند سلون ساره ونجلاء واني وخلود راحوا يتمشون ..
نجلاء..خلود ليه ماقلتي لي ان فهد مايحب تركبون دباب
خلود..يعني حمد بيوافق
نجلاء..ههههههه لا طبعا بس خفت لما قال احش رجولكم
ساره..احلفي قال كذا
نجلاء..عادي حبوبتي اذا جلستب مع حمد بتسمعين الكلام الحلوو
اماني..الظاهر سمعتها اليوم والله شكل حمد يحبها
نجلاء..حمد واضح انه يحب ساره وهذا كلنا نعرفه اما هو مسكين مايعرف
خلود..ساره والله انتي خبله
ساره..طيب ياحلوه فيه شخص يناظرمن بعيد وشكله حاقد
خلود..ادري سلطان
اماني..ياسلام اقول حمد معه
نجلاء ولما قربت منهم..هلا حمد
حمد..هللا والله شرايكم بالجوو بنات بالله مو حلوو
نجلاء..حلوو
حمد..يعني مبسوطين
خلود..طبعا مادام الواحد براحته وبهالجوو الحلو
سلطان..شدخل الراحه يابنت العم
حمد لستغرب لكنه سكت وخلود التفت على سلطان
خلود..الراحه تعني انك من غير ناس ينكدون عليك الطلعه
سلطان...اهاا ومن هالناس الي انتي مرتاحه منهم
حمد..اشهد ان الا اله الا الله
سكت سلطان لانه فهم اشارة حمد وابتعد عنهم
حمد..خلود يابنت العم مايصير كذا
خلود..ماغلطت
حمد..يمكن المهم لازم نكون اصفى من كذا اوكي فكري زين بكلامي
نجلاء..حمد بطلبك
حمد..امري
نجلاء..بصراحه احنا نبي نلعب وفهد يقول بحش رجولكم
حمد..هههههههههههههههه وايش تلعبون
نجلاء..احم دباب
حمد..بالله طيب شرايك تعطيني عباتك واذا لعبتي ارجعي خذيها
لاول مره من عرف حمد ساره تضحك وبشكل ناعم رغم انه ماعصب على نجلاء لانه يعرفها تمزح بس لما سمع ضحكة ساره انبسط
حمد..نجلاء الله يعافيك اغلطي كثير خلينا نشوف بنت العم تضحك
استحت ساره واماني ردت يسرعه..بس وحده من بنات العم
حمد..اموون ابعدي عني شسالفتك معي
خلود..السالفه انك كتاب مغتوح
ساره مشت ورجعت وتبعتها اماني وابتسم حمد ..شرايك خلود تقولي لي شقريتي بكتابي
خلود استحت..سوري حمد بس طلعت الكلمه عفويه
ابتسم حمد وقال .. ولايهمك عن اذنكم
التفت نجلاء على خلود..ياويك من ساره احرجتيها
خلود..تبين الجد انا قاصدتها خليها تعيش حبها ليه كذا
نجلاء..اقول امشي لاتجيبين العيد

وعلى طاوله جلست العنود وعبير بحالة صمت
العنود..خلاص عبير تعالي نرجع للجلسه
عبير..يالله
قامت عبير والعنود وجلسوا لحالهم بالجلسه ورجع فهد ونواف وصقر وجلسوا العنود استحت وعبير بس فاتحها فهد بموضوع نواف والعنود قامت

فهد..عبير قالي موضوع الشغل شرايك
عبير..انت شو رأيك
فهد..ماعندي مانع نواف ولد عمي واثق فيه
نواف..حلو الكلام يعني اضمن اني ارتاح من الملفات المبعثره
فهد باابتسامه..خلنا نسمع رأيها
عبير..مو افقه
صقر..يالله نواف العشاء عليك عقدت صفقه جديده رابحه
فهد..لا نبي طلعه معتبره بكرا عليك نواف
نواف..ابشروا من عيوني ماطلبتوا

عبير لمحت البنات من بعيد وراحت عندهم اما العنود راحت لسلمان الي كان راكب الخيل ولاانتبهت لفيصل وغدير
سلمان..عنوده
العنود..حبيبي انتبه
غدير..تعالي مابيصير له شئ
العنود..بسم الله ماانتبهت لك
غدير..ازعجنا وين عنوده تشوفني
العنود وعينها على سلمان..لايروح بعيد
فيصل..مابيروح لفه ويرجع
العنود..لا شلون يلف لحاله
غدير وسمعت جوال العنود ....العنود بالله مارديتي عليها من متى تتصل
العنود ارتبكت وطلعت جوالها وقفلته وهالحركه انتبه لها فيصل
غدير..قولي لها انك مسافره
العنود..مو الحين اذا رجعت كلمتها
غدير..اقول لعنود فاتك كلمتني نجلاء تقول طلبوا من حمد نفس الطلب الي قالته خلود لفهد شرايك اشهدي معي الموقف بطلبه من فيصل ..فيصل مبتسم مو فاهم قصدها

غدير..فيصل بنلعب بالدبابات
فيصل ..بس
غدير..ايه
فيصل ..طيب تعرفين
غدير استغربت..اكيد اعرف
فيصل ..مو مشكله
غدير..صدق فيصل ..؟؟
فيصل ..غدير اذا يرضيك اكون من اشباه الرجال تفضلي
غدير استحت ..لا وربي فيصل كنا نمزح نعرف انه مستحيل نلعب بمكان عام
فيصل..غدور احنا مو ضد لعبكم وانتي تعرفين هالشئ لكن لنا دين يحكمنا اول وعادات صح او انا غلطان
غدير..لا مو غلطان
العنود وغصب عنها تدخلت..بس احيانا العادات تسيطر على بعض الناس
فيصل..اوكي لكن ليه نسمح لها اذا تتعارض مع الدين
العنود..المشكله اذا كنا مانقدر نمنعها
فيصل..عقوا ممكن تعطيني مثال
العنود..فيصل شوف سلمان راح بعيد
فيصل ومبتسم..تتكلمين وكل تفكيرك معه ولايهمك بروح له
راح فيصل والتفت غدير على العنود..والله تطورات سوالف بعد
العنود..غصب عني النار ماتحرق الا رجل واطيها لما تكلم عن العادات
غدير..العنود اقول لك شئ ولاتزعلين
العنود..قولي
غدير..فيه سر بحياتك وهو سبب حزنك
العنود تعالي نرجع
غدير..براحتك العنود بس لاتخلينه يدمرك هالشئ وربي الحزن الي بداخله بنبرة صوتك بنظرة عيونك
العنود..الله كريم ادعي لي

وقبل مانتنتهي الطلعه الحلوه التفت ساره على خلود
ساره..خلوده تشوفين بالبيت اوريك
خلود وتضحك..ساره ليه اللف والدوران حبكم واضح
ساره..اسكتي الله يخليك لايسمعك احد
خلود..خلاص بس انسي انك تعاتبيني لاني بصراحه مبسوطه لاني عملت كذا
ساره..هههههههههههه مشاء الله عليك فيك جرأه
خلود..بهالزمن مافيه احد يأخذ لك او يعطيك انتي اتبعي سعادتك
ساره..بس بضوابط
خلود..الحمد لله دينا حاكمنا صغير وكبير صح
ساره باابتسامه ..صح يالله شكلهم بيمشون

انتهت الطلعه بشكل حلو ومريح للكل لكن وهو راجعين دق جوال فيصل وابتسم وقال
فيصل..هدوء لو سمحتوا
فيصل ..الوو
بدور..مساء الورد فيصل
فيصل..هلا مساء النور
بدور..لااكون ازعجتك
فيصل..لا ابدا شلونك وعمتي كيفها
هنا العنود بلحظه حست ان ودها سلمان يسكت حتى تسمع كل كلمه
فيصل..يكرا اوكي انا بكون موجود ولايهمك
بدور..تسلم بنتعبك معنا بس انت رجال العيله
فيصل وهو مبتسم..ولايهمك تعبكم راحه سلمي على عمتي وتوصلون بالسلامه
سكر فيصل
ام فيصلل..بدور هذي
فيصل..ايه بكرا المغرب بيوصلون
ام فيصل..يوصلون بالسلامه
غدير بصوت واطي ..خساره خربت السفره
العنود..لا ليه تخرب عشان بدور
غدير..ماقلت لك تطورات
العنود..اسكتي غدور خلاص ذبحتيني من تلميحك
غدير..ههههههه طيب الايام بينا عنوده

وصلوا البيت والكل دخل غرفته ينام لانهم تعبانين ماعدا البنات الي ظلوا سهرانين لحد ماتأكدوا ان الكل نايم واخذوا المفتاح الي اصلا من الليل معهم وطلعوا للحوش الخلقي لسيارة فهد ..

نجلاء..بنات هونت خلاص
العنود..ياجبانه
نجلاء..اخاف اطيح من عينه
غدير..ههههههه اخاف يحش رجولك
عبير..حرام فهد طيب يالله بسرعه لايجي لنا احد
نجلاء..خلود ماتخاف حطيها انتي
خلود ..طيب بروح بس خليكم هنا واي صوت تسمعونه اضربوا باب المطبخ وانا اتصرف
ساره..والله انا خفت
اماني..وانتي من متى ماتخافين
ساره..وربي اني ميته احس الموضوع بينكشف
خلود نزلت الدرج ..ادعوا لي
وقفوا البنات ينتظروها وفتحت السياره وحطت الهديه وهي راجعه ومن غير شال كان على اكتافها
صرخت والكل خاف ..
الجزء العشرون ..



صرخت خلود وكل البنات خافوا وبسرعه تغطت عبير وسحبت غدير ونزلت لها اما خلود ارتبكت لما شافت الظل وبسرعه تغطت بعد ماعرفت الي جاي بأتجاهها وهو عاقد حواجبه
نواف ..شعندك يابنت العم
خلود وهي مرتبكه ....خوفتني نواف
نواف ومازال مستغرب..انا حسيت بصوت وطلعت اشوف من فيه
وصلت عبير..حصلتي الخاتم خلود ..هلا نواف
نواف والتفت عليها..هلا شسالفتكم على هالفجر
غدير..على بالنا كلكم نايمين قلنا نطلع ندور خاتم عبير تقول ماحصلته
نواف ولاهو مقتنع..ومايصلح تنتظرون لصبح بدل ماتطلون هالوقت
عبير وهي متوتره لانه نواف بالذات ....عادي تونا بعدين احنا بالبيت
نواف ..صح هو عادي لكن ماعلينا الحين حصلتي الخاتم ياخلود
خلود وهي ترتجف من الخوف ..لا
نواف..خلاص ادخلوا والصبح يصير خير
عبير..مو مهم دام ماحصلته خلود خلاص
نواف..الحين طالعين بالليل عشان خاتم والحين مو مهم
عبير..لا مااقصد يعني بنقول للخدامات يدورونه الصبح
خلود..انا بدخل
غدير..كلنا بدخل واسفين اذا ازعجناك
نواف من غير اي تعبير..حصل خير
دخلت خلود وغدير وعبير وبمجرد ماوصلوا لصاله التفتت خلود تدور نجلاء وحصلتها جالسه وشكلها مو طبيعي
خلود..ياجبانه ليه رحتي وتركتيني ..؟؟
نجلاء بخوف ..خلود حرام انا وقف قلبي لما صرختي قلت بس هذا حمد والله خفت
عبير..الله يااخذ العدو نواف كلامنا مادخل عليه وشكله شك فينا
غدير..ياخوفي مايقول لهم بكرا وربي مابيتركني فيصل الا اذا عرف السالفه
نجلاء..غديروه لو يعذبك لاتقولين
ساره..بس انتي وياها ازعجتونا خلاص نواف ماهو خبل يروح يقول بعدين عادي لو طلعتوا بهالوقت بس لانكم ماتعودتوا المهم عبوره قولي لنا شقال لك
عبير وتبتسم..ياعيني عالرايقه ساره بيجي يوم واذبحك
ساره..هههههههههههههههه
اماني وتتلفت ..وين العنود..؟
غدير..صحى سلوم وراحت عنده خافت يفضحنا
اماني..خلاص انا بروح انام تعبت يالله تصبحون على خير
الكل راح لغرفته ينام بعد هالتوتر الي مر عليهم ..

الساعه عشره الكل كان صاحي لانهم نايمين بدري اجتمعو البنات بغرفة من غرفهم وجلست نجلاء بحالة توتر وخوف والكل يعلق ويضحك عليها
نجلاء..خلاص بنات الحين لازم اتطمن انه شافها لحاله لان اذا شافها حمد بتكون مصيبه لانه لبعرف خطي ..
ساره..شاطره ليه ماخليتي احد يكتبها بدالك
نجلاء..راح عن بالي
خلود وبصوت عالي ...عندي فكره
الكل..قولي
خلود..تتصل عبير على فهد وتقول له عن سالفة الخاتم وتقوله يشوف سيارته واكيد بيحصل الهديه
عبير..لا والله عشان يعرف اني متفقه مع نجلاء
نجلاء..احلفي عبور الحين انا سويت جريمه قومي يالله مافي غير هالحل
اماني..اصلا اخوك بيتوقع انكم تعرفون عادي يالله اتصلي
عبير ..طيب بنزل اكلمه من تحت ويالله الفطور جاهز
طلعوا البنات من الغرف ماعدا خلود واماني
اماني..يالله خلود
خلود..طيب ثواني
اماني...اوكي انا بنزل
خلود..اوكي
طلعت اماني واخذت خلود روايه ونزلت حتى تقراها بعد الفطور طلعت وسكرت الباب وتوها بتنزل الا انفتح الباب وطلع سلطان
سلطان..السلام عليكم
خلود..وعليكم السلام
مشت خلود بتنزل اما سلطان وقف مكانه لانه ماتوقعها خلود لما سلم وانقهر عالصبح
سلطان..الله لايهينك قولي للخدامه تطلع لي قهوه بالغرفه
خلود من غير نفس ..طيب
سلطان..اذا ماتحبين براحتك
خلود..عادي
سلطان..عموما شكرا يابنت العم عالاسلوب الحلو
خلود..خلي هاليوم يعدي حلو عن اذنك
سلطان..الحلا ماهو باليوم
خلود مافهمت عليه..عن اذنك
نزلت خلود وضحك سلطان لانه حتى هو مو فاهم بس حب يستفزها تركها ونزل اصلا ماكان يحتاج قهوه بس حب ينرفزها ..
يعد الفطور جلست بالمجلس العمه لطيفه لحالها واستغربت ام فهد وراحت لها ..
ام فهد..شفيك ياام صقر ..؟؟
ام صقر..والله ياام فهد بقلبي كلام كثير ودي اقوله لكن اخاف
ام فهد..من ايش تخافين
ام صقر..ام فهد انتي شفتي مني شئ ماهو قليل وحتى بناتك وحتى بنات اخوي شوق ونجلاء والله يعلم اني ندمانه واختي الله يهديها اثرت علي بس الحمدلله بعد الي شفته تغيرت والله يخلي لي عيالي يارب
ام فهد..اذكري الله ام صقر والي فات مات والله يسامح الجميع
ام صقر..والله انا غامضيني عيالي الكل يجاملني لاني عمتهم بس عيالي ياام فهد صقر الي يقول اخطبي لي وحده من بنات عمي وسلطان الي ترك شغله حتى يشوف عيال عمه اخاف ياام فهد من عيال اخواني يصدوهم بسبب افعالي
ام فهد..ياام صقر الحمد لله العيال فاهمين ومتعلمين ويعرفون ان عيالك مالهم ذنب وانتي تغيرتي وهذا واضح اذكري الله وصقر فيه الخير والنعم فيه ولاهم برادينه عشان شئ انتهى
ام صقر..الله يسمع منك ياام فهد
طلعت ام فهد وتركت ام صقر لحالها ترتاح شوي..

اما البنات اجتمعوا عند التيلفون وقامت عبير تكلم فهد وقالت له وطلع يشوف سيارته ونجلاء وخلود واماني مع الشباك يناظرونه ..اول شئ فتح الباب الخلفي ولاحصل شئ بعدها فتح الباب الامامي وركب ورفع الهديه ..قلب العلبه وفتحها وطوال الوقت وهو عاقد حواجبه
نجلاء..اقول اخوك ليه كذا خفت
خلود..ههههههه انتظري مابعد شاف الورقه
نجلاء..ههههههههههههههه ياحظي ابتسم اخيرا شفت ابتسامته
خلود..شكلك القلم عجبه ..
نجلاء ..اسكتي خليني اتأمل
خلود..تأملي لحالك يالله امون
رجعت اماني وخلود عند البنات وتركوا نجلاء بعالمها مسافره مع فهد الي ابتسم لما قراء الورقه ..

العنود دخلت غرفتها واتصلت بنوف وتكلمت معها شوي بعدها طلعت ونادت ام فيصل لغرفتها والكل استغرب ..
العنود..خالتي احمد ذبحني يقول لاتتوقعين انك بعيده بتركك اسلوبي كان حلو معك والحين وقت الجد لك ساعه اذا مارديتي ياويلك مني راح تعرفين من يكون احمد ..
ام فيصل..العنود يابنتي اسمعيني وافهميني زين انا لما قلتي لي عن سالفة احمد ورفضتي اني اقول لفيصل وافقت اول شئ لان هذا طلبك وقلت نصبر شوي وثاني شئ فيصل انتي ماتعرفينه اذا عصب انا مااستغرب يذبح احمد العنود للحين ماشفتي الوجه الثاني لفيصل ماعرفتيه لو سألتي غدير او ساره عن فيصل شلون يتصرف لو احد يهين احد منهم بشكل غير مباشر راح تعرفين ليه انا ترددت اني اقوله فيصل اذا عصب مايشوف دربه وهذا الي خوفني خفت على فيصل وقلت البنت متربيه واخلاقها طيبه واحمد بيمل وتركها لكن الظاهر اني غلطانه ولازم اتصرف الحين ..كنت ناويه مثل مااعمل مع كل الي يصير لبناتي اقول لمحمد او اسكت لحد ماينتهي الموضوع لكن الظاهر حتى محمد مابينفع لاني اعرفه مابيرضى على فيصل مايعرف الي صار وبيقوله ولابرضاها على ولدي الكبير اني تعديته وعلمت محمد
العنود خافت بعد كلام ام فيصل..خالتي انا عندي حل بقطع جوالي وخلاص
ام فيصل..لا يالعنود فكرت فيها لكن البنات بيسألون ليه قطعتي رقمك شوفي يالعنود احنا بالطايف بعدين عن احمد لكذا هذا الوقت المناسب اني اقول لفيصل وهو يتصرف معه من هنا يشوف له احد بالاتصالات يتصرف معه
العنود بخوف..خالتي بس انا خايفه
ام فيصل ..العنود عطيني جوالك واجلسي بغرفتك وانا بكلم فيصل بغرفتي حتى مااحد يعرف
العنود..ان شاء الله

طلعت ام فيصل واتصلت على فيصل ودخل غرفتها اما العنود جلست بغرفتها وهي بتموت من الخوف ..

غدير..شسالفه ..؟؟
عبير..مااعرف يمكن عمتي حصه مابتجي
نجلاء..لا العنود مالها دخل بعمتي حصه
ساره..بعدين باقي ساعتين على وصول عمتي حصه يعني لاتفرحون كثير

بالغرفه عند ام فيصل وفيصل ..
فيصل..امري الغاليه
ام فيصل..اسمعني بهدوء فيصل وتذكر اننا ببيت كل عيال عمك وبناتهم فيه
فيصل وعاقد حواجبه..خير يمه شفيه
ام فيصل وتأشر على يدها بالجوال ..هذا جوال العنود
فيصل..طيب
ام فيصل ..العنود يجي جوالها ازعاج من فتره
فيصل وعاقد حواجبه ..وبعدين
ام فيصل ..بأقرا الرسايل
" لو انتي باخر الدنيا بظل احبك يالعنود"
" حني على قلبي يالعنود "
" العنود لاتتوقعين انك بتعيشين مرتاحه مع احد غيري قلت لك نكون اصدقاء "
فيصل ماقدر يسمع اكثر وقاطع امه ..يمه هذا يعرف العنود وضحي السالفه
فيصل..اسمع هالرساله اول لاتتوقعين انك بعيده بتركك اسلوبي كان حلو معك والحين وقت الجد لك ساعه اذا مارديتي ياويلك مني راح تعرفين من يكون احمد ..
فيصل وبصوت عالي ..احمد
ام فيصل ..احمد ولد جيرانا له شهور من بعد سالفة الخطبه وهو ذابحها رسايل واتصالات
فيصل وبصوت عالي . شهور شهور يمه .ليييه ياام فيصل مامليت عينكم ليه تتركون اسلم عليهم شهور وهو يخوني
ليه يمه
ام فيصل وتقاطعه ..خفت يمه عليك
فيصل وبصوت اعلى ..لا باام فيصل لو لي مكانه او عادتني رجال ماقلتي خفت لو لي هيبه ماقالتي خفت
خساره يمه صغرتيني قدام نفسي خليتيني مااسوى هالجزمه خساره يمه خساره توقعتك عادتني رجال لكن سلوم الظاهر بنظرك
ام فيصل وبتغير الموضوع ..هددها يخليها تبوس رجله قبل والحين رجع يهددها
فيصل وبصرخه اهتز كل البيت منها ..الحقييير انا اوريك فيه
فتح الباب وطلع ام فيصل تركض الكل وقف وخاف طلع فتح الباب وشغل سيارته لكن فهد الي كان توه قافل سيارته تدارك الموقف وفتح الباب وركب مع فيصل وطلع بفيصل بسرعه خياليه خلت امه تطيح عند الباب وهي منهاره
وكل العيال طلعوا
ام فيصل..روحوا شوفوه لايروح
غدير دخلت امها المنهاره من الصياح غرفتها
حمد..احد يقول لنا السالفه ومن غير صياح
نجلاء..مانعرف ياحمد دخل فيصل وخالتي للغرفه بعدين طلع معصب
نواف..كان يقول انا اوريه الحقير من يقصد
صقر..مو معقوله انتم وين
ام صقر..وين ساره او غدير اماني يقولون لنا
عبير..الخبر كله عند العنود بدخل اشوفها
حمد..بسرعه عبير لازم نعر ف الموضوع
دخلت عبير وحصلت العنود منهاره وتصيح ولارضت تنطق بحرف واحد اما ام فيصل كانت بغرفتها والكل دخل عندها
صقر..تطمني ياخالتي مابيكون الا الخير
حمد كان يحاول يتصل على فيصل وفهد ..الو فهد طمنا
فهد..حمد انا مع فيصل ماسكين خط الرياض
حمد بصوت عالي..راجعين لرياض
فهد..اسمعني مو وقته الحين انا معه لاتنسون عمتي وطمنوا خالتي فيصل مافيه شئ وبكرا بنكون عندكم
حمد..فهد اول ماتقدر تكلم بعيد عنه تكلم تقول لي الموضوع
فهد..خير ان شاء الله

ام فيصل وهي تصيح ....رجع لرياض
حمد..خالتي تطمني معه فهد وبكرا بيرجعون
ام فيصل ..نادي لي العنود ياغدير
غدير وتمسح دموعها وتطلع ..والكل طلع وترك ام فيصل ترتاح
غدير حضنت العنود الي ماصدقت انها حضنتها وبدت تصيح وتقول سامحوني
غدير..العنود مااحد يعرف الموضوع ولاحتى انا تعالي امي تبي تشوفك
العنود ..لا مااقدر استحي احط عيني بعينها
دخلت ساره واماني وحاولوا مع العنود لحد مارضت وطلعت معهم اول مادخلت غرفة ام فيصل الكل طللع وجلست العنود تصيح هي وام فيصل ..
العنود..سامحيني ياخالتي ماتوقعت يصير كذا
ام فيصل..يابنتي انتي مالك ذنب بس هذا فيصل ولد بطني وهذا الي انا خايفه منه صار والله يستر
العنود..خالتي وينه الحين
ام فيصل..رجع لرياض
شهقت العنود وبدت تصيح من جديد وطلعت غرفتها وحاولوا يهدونها البنات اما ام فيصل اتصلت بفهد وطلبت تكلم فيصل لكنه رفض ..
البيت توتر والكل كانت حالته مو تمام اغلب البنات طلعوا لغرفهم اما العنود قفلت غرفتها ولاطلعت منها وغدير جلست عند امها
ام فيصل..غدير عمتك حصه بتوصل ماابي تحس بشئ روحي قولي للعنود تنقل اغراضها فوق عمتك ماتقدر تطلع الدرج ولاله داعي تغلط عالبنت الحين وخواتك قولي لهم مايبينون شئ
غدير..ان شاء الله بس اذا سألت عن فيصل
ام فيصل..عطيني جوالي واتصلي على سعد
غدير..على سعد ليه
ام فيصل ..الحين تعرفين
اتصلت غدير على سعد واعطت امها الجوال
ام فيصل..السلام عليكم هلا ولدي
سعد..وعليكم السلام هلا خالتي شلونك
ام فيصل ..بخير اقول سعد فيصل رجع لرياض
سعد..ليه غريبه ماقال لي
ام فيصل..الله يستر ويوصل بالسلامه ابيك تكلمه وتهديه انا عارفه انه مابيتكلم مع غيرك
سعد..طمنيني خالتي شغلتي بالي ايش صاير
ام فيصل..صارت مشكله بس فيصل وتعرف اذا عصب مايعرف من يكلم
سعد..ولايهمك بكلمه الحين
ام فيصل..قافل جواله اتصل على فهد هو معه
سعد..ان شاء الله ارتاحي وانا بطمنك خالتي
ام فيصل..الله يعافيك مع السلامه
سعد ..مع السلامه

طلعت غدير بعد مافهمت م امها ايش تبي من سعد وراحت تساعد العنود ونقلت اغراضها بغرفة ساره واماني راحت مع خلود وغدير ..
ساره..خلاص العنود ان شاء الله مابيصير الا كل خير
العنود..ان شاء الله
ساره..انا بروح موعدي الحين
العنود..مع مين
ساره..مع خالتي ام نواف امي تعبانه ماتقدر
العنود..اوكي الله معك


طلعت ساره وتركت العنود الي طفت الانوار وجلست تصيح بهدوء

حمد وصقر راحوا للمطار يستقبلون عمتهم وبنتها الي انصدمت لما ماحصلت فيصل
العمه حصه..وين فيصل اجل
حمد..افا احنا مانكفي ياعمه
العمه حصه..إلا بس اسأل
صقر..عنده شغل ضروري راح لرياض
بدور بسرعه..يعني مو مكمل الاجازه بالطايف
حمد من غير نفس..بكرا او بعده راجع
بدور ورجعت لها الابتسامه الي نرفزت حمد وكان وده يذبحها ركبوا وصلوا للبيت حست العمه ان الجو مكهرب لكن سكتت ماقالت شئ
العمه حصه..اجل خالتك اماني لحالها بالبيت بالرياض
ام فيصل..لا معنا بس تعبانه شوي ونايمه
حصه..ايه الله يشفيها
بدور..انا تعبانه بدخل انا عن اذنكم

اما على خط الرياض فيصل كان معصب وواصله معه ساعه يفتح الجوال وساعه يقفله اما فهد ا حترم صمته ولاحب يضايقه وفجأه اتصل سعد
فهد..هلا والله
سعد..هلا فهد شلونك
فهد..الحمد لله
سعد..هههههههههه الله يعينك عليه
فهد..ايه والله
سعد..كيفه الحين نار او هادي
فهد..لا للحين
سعد..عطني اكلمه
فهد..فيصل سعد بيكلمك
فيصل..قوله شوي افتح جوالي واكلمه
قال فهد لسعد وقف حتى يرتاح شوي ويعطي فيصل فرصه يكلم سعد
فهد..بدخل اخذ لي شئ اشربه اطلب لك شئ
فيصل..لا
راح فهد واتصل على حمد
حمد..هلا فهد طمني
فهد..حمد شئ عمري ماتصورته طوال الوقت وهو يسب ويلعن
حمد..على مين
فهد..ماعرف سألته اول شئ ولارد ولاسألته بعدها
حمد..بصراحه انا لما سمعت صرخته انصدمت ماتخيلت فيصل يكون كذا
فهد..ههههههههههه لو سامع الي سمعته وربي تقول شخص ثاني ماهو فيصل
حمد..الحين وينكم
فهد..باقي لنا ساعتين ونوصل لرياض بس قلت اوقف ارتاح واخليه يكلم سعد الا من قال لسعد اننا راجعين
حمد استغرب..مااعرف
فهد..المهم اخليك الحين وطمن خالتي عليه
حمد..اوكي اذا وصلت عطنا خبر يالله مع السلامه

من بعيد انتبه فهد لفيصل نزل من السياره وتركه لحاله فيصل فتح جواله واتصل بسعد
سعد..هلا
فيصل..هلا
سعد..يااخي شصار عشان تمسك خط الرياض وتترك امك بهالحاله
فيصل..سعد لاتجلس تفتح لي محاظره لااطلع كل الي فيني عليك
سعد..ماعندي مانع بس شفيك
فيصل..صعب اشرح لك لكن بداخلي غضب لو ماطلعته عليه وربي ان يحرقني ويذبحني من القهر
سعد..لاحول ولاقوة الا بالله ليه كل هذا ومن هو
فيصل..سعد حدود الساعتين واكون بالشركه انتظرني اوكي
سعد..بعقلك تبيني انتظر ساعتين قولي ايش الموضوع بعدين الوقت متأخر أي شركه
فيصل..سعد خلاص بعد ساعتين بالشركه مع السلامه
قفل فيصل من سعد وقفل جواله ورجع يكمل مشواره مع فهد بحالة غضب متصاعد الى ان وصل لشركه كان سعد باانتظارهم سلم عليهم واستأذن فهد لانه حب يعطيهم فرصه يأخذون راحتهم وطلع للبيت يرتاح .. ودخل فيصل وسعد مكتب فيصل لكنه استأذن ثواني يرجع وتغافل الكل وطلع من الشركه لكن هالحركه ماعدت على سعد وعرف انه مارجع من الطايف وبهالحاله الا لشئ كبير واتصل بسرعه على ام فيصل

سعد..هلا خالتي مامعي وقت وين فيصل احصله طلع من الكتب وين احصله وليه رجع
ام فيصل وبدت تصيح..روح لبيتنا بسرعه لايذبح الولد
سعد..اي ولد
ام فيصل..احمد ولد جيرانا مزعج العنود روح ياولدي
سعد واتضح الموضوع قفل بسرعه وطلع

بالطايف الجو كان مشحون الكل بداخله خوف وقلق ام فيصل دخلت غرفتها بدري والعنود من العصر ماطلعت اما سلوم حاولت اماني تسليه حتى ينسى الي صار غدير محتاره وساره رجعت من المستشفى تعبانه ..والكل بوضع مايريح ابدا ..

نجلاء..غدير روحي تطمني على خالتي
اماني..انا بروح لها
طلعت اماني اما غدير راحت للعنود الي كانت بحاله حزن تقطع القلب
غدير..العنود وبعدين
العنود وتمسح دموعها..غدير خليني بحالي
غدير..لا العنود انتي بمكانه ساره واماني كيف تطلبين مني اتركك متى بتفهمين ااننا اهل
العنود..غدير كنت خايفه والي خايفه منه صار
غدير..مابطالبك تقولين ايش الي صار بس حرام ارحمي نفسك واذا على فيصل لاتهتمين
العنود..تصورت انه يعصب اذا عرف وخفت لكن بهالشكل ولاواحد بالميه تصورته
غدير..فيصل يعصب لكن قلبه طيب
العنود..آه ياغدير من دخلت بيتكم وانا اعاني اتألم اتعذب احسن بنار بداخلي رغم انكم اعطيتوني الحب والحنان صرتوا خوات لي وامكم امي غدير رغم كل هذا الغربه كانت بداخلي ماقدرت اقول لفيصل ان احمد يهددني ماقدرت اقوله ان احمد ولد جيرانكم ذبحني اهانات ماقدرت ولما حسيت اني تعبت حضنتني خالتي شالت هم كبير من صدري لما عرفت بالموضوع توقعته يوم عشر شهر وينتهي لكن للأسف كل ماله ويزيد خالتي قالت تعطي فيصل خبر رفضت من غير سبب مقنع اقوله لها ماابي فيصل يعرف اني ضعيفه او مهانه ماابي فيصل يتخيل كيف كانت حياة اماني وسلمان مع بنت معرضه للاهانه بأي وقت ولاهي قادره تدافع عن نفسها ماتحملت نظرة احتقار من عينه او رحمه ماتحملت انه ممكن ينتقدني او يراقب تصرفاتي عجبتني نظرة الاحترام الي شفتها بعيونه نبرة التقدير بكلامه حبيت صورتي بعيونه انسانه قويه قادره تتجاوز كل الازمات رغم اني انسانه هشه محطمه من الداخل طفوله معذبه ومراهقه مقتوله وشباب مهان صعب تتخيلين طفله تضرب وتعاقب على ذنب ماارتكبته ورغم هذا تتحمل وتجبر نفسها على الاحترام ..مؤلم انك تشوفي بنت مراهقه ممنوعه من الاحساس الطبيعي لها ..آه ياغدير لو تعرفين قلبي شكثر تعذب لو تعرفين كم ليله مرت علي وانا ادعي ربي اني اكون قد الحمل والامانه كم ليله وانا خايفه وحاضنه اماني وسلمان احاول اعطيهم بعض الحنان الي انحرمت منه آه على 23 سنه ضاعت مابين دمعه والم حزن وقهر عذاب وصبر وبعد كل هذا اشوف لمسة حنان من خالتي لهفة سؤال من خواتي نظرة احترام من فيصل كلمة اخو صادقه من محمد ماقدرت احطم كل هذا بلحظه ماقدرت اقول لكم اني بمجرد مادخلت بيتكم صرت صيد سهل لولد جيرانكم مااحد بيصدقني لانكم ماتعرفوني وتعرفوه هو لانه جاركم ولاعمره تعرض لكم ماكان ممكن فيصل او انتم تفكرون مثل دنائة تفكيره اني يتيمه يعني انسانه رخيصه ..ماقدرت تكمل العنود رحعت تصيح وحضنتها غدير

غدير..خلاص عنوده هدي اعصابك حبيبتي يعني الي فهمته ان فيصل عرف بالموضوع لكذا عصب
العنود..عرف خالتي قالت انا بالطايف وهذا وقت مناسب تقول له لانه بعيد عن الحقيراحمد
بعدين العنود تفكيركك المفروض مايكون كذا فيصل انسان كبير وفام مو معقول مابيصدقك ويصدق احمد الي رفضه لما تقدم لك لان سمعته مو كويسه العنود المفروض اول ماحسيتي باازعاج على طول قلتي لفيصل حتى يعلم هالشخص قدره لكن انتي ساهمت بشكل او بااخر ان احمد يتمادى عليك ويهينك مافيه احد يقدر يهينا الا اذا احنا سمحنا

العنود..لا غدير لاتظلميني انا الله يعلم بحالي وظروفي بنت تنام ببيت من غير اي احساس بالامان بنت تخلص كل شغلها من غير اي صدر حنون ترتمي عليه ادخل وزاره وطلع من مستشفى ادخل مكتب واطلع من مكان اخر لك تتخيلين لما سواق يعمب حادث انا ايش وضعي كيف بدخل المرور وكيف بخلص الموضوع بكل مره اضطر اطلب احد من الجيران وبكل لحظه اما اشوف نظره احترام ورحمه واحيانا اشوف نظره خبيثه مثل نظرة احمد غدير الي عشته بطفولتي ماهو سهل حرام لاتظلموني لما حبيت احافظ على نظرة الاحترام والتقدير والاعجاب من فيصل ..

غدير باابتسامه..امي توقعت رد فعل فيصل لكذا هي مو خايفه من رجعته لرياض لكن خايفه من تصرفه هناك
العنود..غدير ليه كلكم ماتفاجأتوا من رد فعله
غدير..فيصل محترم طيب حنون لكن اذا عصب ولد ابوه يكلمه والي ماتعرفينه انه يمووت ولايشوف احد منا مهان زمان واحد تعرض لساره وكنا بجده عالبحر شوي والولد يروح بين ايدينه وكل الي قاله بعد ماانتهى الموضوع ماارضى احد ينظر لخواتي نظره اهانه او يفكر مجرد تفكير بكذا بعدها امي كانت تتجنب تقول له شئ محمد دائما يتصرف ويغطي الموضوع لان فيصل مايعرف امه من ابوه اذا صار كذا
العنود..ليت خالتي قالت لمحمد
غدير..العنود امي لو كانت متوقعه ان الموضوع بسيط كان اجلته وقالت لمحمد لكن امي عارفه ان الموضوع يحتاج فيصل انتي لاتخافين فيصل وصل الرياض الحين وامي كلمت سعد وطمنها انتي هدي اعصابك ..

بالرياض فيصل وصل لبيت جارهم ابو احمد ونزل وبداخله غضب يحرق ديره كامله ودق الجرس ولاحتى عمل حساب الوقت فتح له احمد ومن غير اي تفكير عطاه فيصل كف من قوته مالت احمد بجسمه على الباب
فيصل ويمسكه مع ثوبه..يالحقير يالنذل يالواطي
احمد ويحاول يرد عليه ويعلى صوتهم ويطلع ابو احمد بلحظة وصول سعد الي بسرعه حاولوا يفكوهم
ابواحمد..خير ياولدي شفيكم
فيصل ونفسه منقطع ..هالحقير ولدك ضاقت عليه الوسيعه من البنات الي مثله وبدأ يخون جاار
احمد ويمسح الدم الي بوجهه...ههههههههه يعني جاي ياروميو من سفرك عشان اخذت خويتك
فيصل واستفزته الكلمه وبكل قوته ابعد سعد وانهال على احمد ضرب وبدأ عراك باليدين والكلام ولولا الله ثم وجود سعد كان راح احمد بين يدين فيصل
احمد..ابعد لانها رفضتك وفضلتني
ومسكه فيصل من عند رقبته..اسمعني يالواطي اذا سمعت انك مفكر مجرد تفكير والله ثم والله لامسح اسمك من الوجود وتعرفنيي احمد لاخليك تندم على اليوم الي انولدت فيه
ابعده سعد ولما حاول احمد يتكلم سكته كف من ابوه
ام احمد..اطلع لابارك الله فيك من ولد اطلع وطيت راسي الله يأخذك وافتك منك انقلع عن وجهي اشوف
احمد..وهو ماشي..انا او انت يافيصل حقدي عليك من سنين وراح ارد ضربتك بعشر
فيصل وبصوت عالي ..اعلى مابخيلك اركبه انت واطي والواطي مايستغرب عليه شئ والي مايعرف الله مااستغرب عليه تصرفاتك بالحقير
راح احمد وفيصل يغلي من قهره
ابو احمد..امسحها بوجهي ياولدي سامحني
وبتصرف اذهل سعد حب فيصل راس ابو احمد..ياعمي انت الي سامحني لاني مااحترمت وجودك بس غصب عني
ابو احمد ..الله يلوم الي يلومك ياولدي والله خجلان منك
فيصل..اسمح لي ياعمي عن ذنك
راح فيصل وسعد للبيت وبكل قوته فيصل ارتمى عالكنبه
سعد..اصفق لك الحين يعني هالحقير يستاهل انك تضيع عمرك عشان لو مات الولد بين ايدينك من بيفيدك
فيصل وبصوت عالي..بيفيدني اني اخذت حقي منه تعرف شلون اشوفه كل يوم وهو غدار حقير تعرف شكثر استغفلني تعرف
سعد..فيصل بس خلاص هدي شوي التفاهم كذا مايصير
وبكل قوته رمى الجوال عالجدار لحد ماانكشر عشر كسر..لو قريت الي انا قريته كان قلت اروح اعدام ولااسكت عن هذا
سعد وحاول يكون هادي شوي ..اوكي اوكي الحين اطلع اخذ لك دش بليييز فيصل كذا ماتقدر حتى تفكر
طلع فيصل من غير مايرد اما سعد طلع جاب لهم اكل ورجع بعد ماكلم فهد وطمنه وقال له انهم حجز لهم بكرا المغرب لطايف تطمن فهد وقال انه بينام لانه تعبان لكنه طلع لشباب بس حب يتركهم براحتهم ..

نزل فيصل وحصل سعد ينتظره جلس من غير كلام واوضح انه مازال معصب
سعد..فيصل اهلك امك اتصل طمنهم
ناظر فيصل ساعته وفتح جواله واتصل ..
غدير ..العنود فيصل برد عليه
غدير..الووهلا فيصل
فيصل..هلا غدير كيفكم
غدير..الحمد لله انت شلونك
فيصل ..تمام امي شلونها
غدير..تطمن امي مافيها الا العافيه بس قلقانه عليك
فيصل..طمنيها وبكرا ان شاء الله انا راجع
غدير وبترجي ..فيصل كلمها انت
فيصل..مااقدر غدير مع السلامه

العنود وبلهفه ...شقال
غدير..صوته معصب رفض يكلم امي بس يقول بكرا بيرجع
العنود نزلت دموعها من جديد وغدير شاركتها لانه اول مره فيصل يقسى على امه ..

سعد..الحين بفهم الموضوع ممكن انا عرفت ان احمد يزعج العنود
فيصل وتوه يتذكر..الا صدق من قالك عن الموضوع
سعد باابتسامه..ومن غيرها الي ماتنام الا اذا رجعت ولاترتاح الا اذا ابتسمت ولا تبكي الا اذا تعبت من غيرها الي عانت وتعبت وتحملت عشانك ام فيصل
غمض فيصل عيونه وكأنه يتذكر الي صار ودموع امه وبسرعه طلع جواله وارسل لها رساله
" ماعاش فيصل لانه نزل دمعه من عينك اعذريني مابقدر اسمع صوتك وبكرا بكون قدامك اضربيني عاتبيني لو بغيتي تهينيني يااغلى من الغلا سامحيني "
ام فيصل قرت الرساله وصاحت وطلعت للعنود بعد ماارتاحت من رسالت فيصل

فتحت الباب وحصلت كل البنات مجتمعين
ام فيصل ..مشاء الله مابعد نمتوا
الكل ابتسم وحضنها اماني ام فيصل..هلا والله نورت الغرفه ياخالتي
ام فيصل وتبتسم..خلاص بنات انسوا الي صار ههههههههههه فيصل هذا هو اذا عصب بس مابتتكرر الا وين العنود
عبير..ماطلعت من غرفتها
غدير..حاولت الغاليه معها بس ماوافقت
التفت ام فيصل وحصلت ساره نايمه وشكلها تعبانه وراحت لها ..شفيها
غدير..يمه مافيها شئ دلع بنات
ابتسمت ام فيصل وحبت جبين ساره وراحت للعنود وبالغصب جابتها عند البنات ونزلت تنام وترتاح بعد اليوم المشحون ..
بالرياض سعد كان منسجم مع فيصل الي بدأ يهدأ شوي ويحكي الي صار لفيصل
سعد..غريبه ليه خالتي ماقالت لك من الاول
فيصل..تقول خافت علي
سعد باابتسامه..والله يحق لها اذا هذي تصرفاتك
فيصل..ماعلينا الحين رقمها بينقطع وبطلع لي رقم بااسمي وبعطيه للعنود
سعد..وبتوافق هي
فيصل ..غصب عليها توافق
سعد..ههههههههههه على فكره ماتلاحظ انك مصدق نفسك ترى ماهي اختك
فيصل ...ياشيخ بس اسكت ترضى ماترضى مايهمني رقمها بقطعه يعني بقطعه
سعد ..مشكلتك انك انسان غريب اذا عصبت
فيصل ..المهم انا تعبان بنام الله لايهينك تشتري لي جهاز لاني كسرت جهازها
سعد..اوامر ثانيه
فيصل ..لا شكرا
سعد..يالله باي اشوفك بكرا

طلع سعد واتصل فيصل يفهد
فهد..هلا والله
فيصل..هلا فهد شلونك
فهد..تمام انت كيفك الحين
فيصل..سامحني ولد العم تعبتك معي بس مشكلتي هالعصبيه
فهد..ولايهمك بس لاتعيدها
فيصل..ههههههههههه ابشر وينك الحين
فهد..بالبيت بنام قال لي سعد حجزنا المغرب
فيصل..اوكي اذا صحيت تعال لي اوكي
فهد..اوكي يالله تصبح على خير
فيصل ..تلاقي خير
الكل نام وارتاح بعد ليله مليانه تعب وعذاب

وصباح اليوم الثاني بدأ البعض يصحى والبعض مازال نايم اول من صحى سلوم الي لما شاف البسمه على وجه ام فيصل ارتاح وظل يلعب ويضحك ساعه مع ام فهد ومع عمته ام صقر واغلب الوقت لحاله وهالشئ ماعجب العمه لطيفه وسبب لها ازعاج عالصبح حاولت تخوفه لكنه ماعمل لها حسب وظل يلعب وهالشئ نرفزها اكثر واكثر ..
اول من نزل من البنات ساره واماني وتبرعوا يعملون الفطور وليتهم ماعملوا شئ انقلب المطبخ فوق تحت ..بعدها نزلت العنود الي تغير وجه العمه حصه من شافتها سلمت عليها من غير نفس لكن العمه ماعطتها فرصه
حصه..وينك نايمه وسلمان ازعاجنا ماخلانا نرتاح
لطيفه..بسم الله عليه ماعمل شئ
حصه..يعني اكذب
لطبفه ..محشومه بس لانك ماتعودتي على الصغار
العنود..ولايهمك الحين اطلعه برا يلعب
سلوم..لا لا شمس بلعب هنا
العنود..حبيبي سلوم مايصير عميمه تعبانه
العمه حصه..يسم الله علي لاتفاولين
لبعنود ولاردت عليها..تعالي حبيبي نلعب بالمجلس
حصه..هذا الي يخرب الولد الدلال الزايد
طلعت العنود ولاردت عليها لكنها دخلت المجلس وحصلتها بنتها بكوب الشاهي تتفرج عالمجله
سلمت عليها العنود وناظرتها بدور من فوق لتحت والتفتت على سلوم
بدور..سلووم تعال عندي
جلس سلوم وجلست العنود
بدور..من تحب اكثر شئ سلوم
سلوم ويفكر..عنوده
بدور من غير نفس ..وبعد
سلوم ..امممم خالتي وفيصل بس فيصل زعلان

 
 

 

عرض البوم صور dali2000  
قديم 22-02-09, 05:59 PM   المشاركة رقم: 7
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,020
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4990

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : الارشيف
افتراضي

 

________________________________________
العنود تقاطعه..سلوم يالله نلعب
بدور..تبي تكلم فيصل سلوم
سلوم وفرحانه..شلون
طلعت جوالها واتصلت والعنود انصدمت بشكل عكس رد فعلها الاصلي على وجهها وهذا اسعد بدور كثير لانها شافت القهر على وجه العنود
بدور..صبااح الخير هلا فيصل
فيصل..هلا بدور الحمد الله عالسلامه
بدور..شلونك
فيصل..بخير انتم كيف الوضع وشلون الجميع
بدور بدلع..ولايهمك انا بالف خير تطمن
العنود ماقدرت فتحت الباب وطلعت اما بدور بعد اسلوب فيصل الرسمي حمدت ربها ان العنود طلعت وخلت سلوم يكلم فيصل وبعدها سكرت وحست انها وصلت رساله اولى للعنود ان فيصل لها وبس ..

بعد الظهر الكل دخل يرتاح شوي وبدور واضح انها تحاول ماتحتك مع البنات كثير اما الشباب فكانوا منعزلين لكن هذا ماعجب العمه حصه وطلبت من سلوم يناديهم عندهم وبما انها ماترضى تكسر خاطر بنتها قالت للبنات اجلسوا عيال عمكم مافيها شئ ..دخلوا الشباب وسلموا
العمه حصه..شلون شغلك يانواف
نواف..ماشي حاله الحمد لله
العمه حصه..شرايك اعطيك فلوس تشغلها لي
نواف..تأمرين ياعمه
العمه حصه وعينها على حمد الي واضح انه سرحان مو معهم ..حمد وينك وش تفكر فيه
حمد..ابد معكم
العمه حصه..الا صح شلون ساره والقلب ان شاء الله ماعليها خطوره
اتفاجأت ساره وحتى ام فيصل اما حمد مايعرف ليه حس ان العمه قصدت تجرحها او تضايقه ارتفعت عينه تلقائيا على جهة البنات وكأنه حاب يطمنها
حمد..ماعليها شر ان شاء الله كل شئ اوكي
ام فيصل..الحمد لله على كل شئ
العمه لطيفه..الله يخليها لامها
قامت ساره وطلعت وهالشئ ضايق حمد وطلعت معها العنود
العمه حصه..عسى مازعلت
خلود وبقهر..وليه تزعل ياعمه انتي ماقلتي شئ يزعل ابدا ابدا
ناظرتها العمه وكأنها فهمت انها تتريق عليها لكنها سكتت عنها والتفتت على ام فهد تسولف معها
بعدها طلعت عبير وغدير ..ولاظل غير نجلاء وخلود واماني يسولفون مع بعض
ام فيصل..الله لايهينكم ياعيالي فيه اغراض ابيها تشترونها لي
سلطان..ابشري ياخالتي
العمه حصه والتفتت عليه..سلطان زين سمعت صوتك
سلطان ..انا ياعمه ماشي على قول الرسول عليه الصلاة والسلام قل خيرا او اصمت فماله داعي اقول كلام مافيه خير من باب الكلام
العمه حصه بصوت واطي ..اعوذ بالله منك للحين
سمعتها اختها بس ماحبت تزيد النار الي بينها وبين سلطان فسكتت وخلته يطلع اما حمد اخذ صقر وطلع معه بالحديقه
صقر..ضايقك كلام عمتي صح
حمد..تبي الحق ضايقني كثير ماله داعي هالسؤال وبصراحه انا عارف انه مو من خاطرها او خوف على ساره
صقر..ادري وهالشئ يخليني اتجنبها كثير بعكس سلطان الي يرد عليها
حمد..هههههههههه سلطان ماقصر معها
صقر..الي شافه منها ماهو قليل
حمد..وايش الي شافه
صقر..ماهو من حقي احكي عنه لكن من حقي اقول ان عمتي حصه حولت حياتي جحيم وخلتني انقل لرياض بعيد عن امي ومع هذا تعلمت اسامح وانسى واتذكر انها عمتي وبس
حمد..كفوا والله الا صقر انا سمعت انك بتتزوج صح
صقر باابتسامه..ايه وودي من بنات عمي قلت للوالده
حمد..الله بوفقك بس ....سكت حمد ماكمل
صقر باابتسامه..لاتخاف حمد
حمد ..ههههههههههههه من ايش اخاف
صقر..ساعات احس اني فاهمك كثير وساعات لا اذا ماخاب ظني انت تحب بنت عمك
حمد..ههههههههههههههههههه وكيف عرفت
صقر..بصراحه شكيت امس بس لما شفت اهتمامك وتأكدت اليوم
حمد..ياشيخ اسكت لاتفضحنا
صقر..حمد عمتك حصه موجوده لاتخرب عليك اخطبها وارتاح
حمد..تخرب علي شلون
صقر..انا مااعرف ايش تعمل لكن قدامك واحد من اثنين ياتخطبها او لاتوضح لاحد انها تعني لك
حمد..خوفتني صقر
صقر وهو واقف بيروح..الي ذاق عذابها لازم يخاف منها يالله نروح نصلي ونطلع للمطار للعيال
طلع حمد وهو محتار من كلام صقر الي توهه

بغرفة العنود وساره كانت ساره تصيح والعنود تحاول تقنعها بكلامها
العنود..سارونه مو احنا قلنا قبل امرض اختبار من الله ولازم مانكون حساسين من ناس غرضهم يجرحونا حبيبتي لازم تكوني قويه وتواجهي تفسك اول يعني انتي عندك القلب المفروض تقولين الحمد لله لانك تتكلمين وتمشين وتضحكين غيرك حتى الاكل بأنابيب سارونه واجهي نفسك وتقبلي مرضك بعدها حياتك بتكون اسهل
ساره وسكتت..بس قهرتني
العنود باابتسامه..محامي الدفاع ماقصر
ابتسمت ساره وسكتت ودخلوا البنات بعدها قالت لهمالعنود على مكالمة بدور لفيصل واستغربوا
عبير..والله عينها قويه
نجلاء..بصراحه الي عجبني سلطان سلم على عمتي وهي ولاكأنها موجوده
غدير..الحين احنا مو عاجبينها لكذا عمتي بدور من جات وهي بالحديقه تستعرض دلالها
العنود..بسلامتها
خلود..الحين ماعلينا منها على بالي اكل كيك من يد وحده معنا
اموون..الله عليك يالله العنود
العنود..موافقه بشرط خلود تكون معي
خلود بحزن..ليه حرام انتي تعرفين مااحب المطبخ
العنود ..هذا شرطي
خلود بقهر..موافقه
نجلاء..حلوو بتصل بحمد اقوله يجيب لنا عصير
ساره وتبتسم وتجلس جنبها ..يالله اتصلي
نجلاء..كم تدفعين
ساره ..مابدفع بأخذ السماعه واقوله على الهديه
نجلاء..والله وانا بقول لبدور تكلم فيصل تقوله انك تحبين حمد
اماني.ههههههههههههههههه حلوه نجول اخاف تنهار البنت اذا قلتي لها اتصلي
العنود ..يالله بطلع
طلعت العنود والتفت خلود عالبنات قبل ماتطلع وقالت بصوت واطي
خلود..قال ايش قال ماتحب فيصل اقول لاتصدقونها
الكل ضحك على خلود وعلى تصرفات العنود الي بدت تنكشف للكل وخصوصا غدير الي عرفت منها اهمية نظرت فيصل لها ..

بالرياض وبمطار الملك خالد كان فهد وفيصل معهم سعد يوصلهم ينتظرون موعد الرحله
سعد..فيصل ماابي كل ماعصبت تمسك لي خط الرياض
فيصل..ههههههههه ولايهمك مابنعيدها
فهد..لا المره الجايه على حمد والا نواف
فيصل ..لا وانت الصادق سلطان عشان يجيبها بوجهك
فهد..ههههههههههه سلطان بزعمك بيركب معك بيعرف انك راجع لرياض وينزل ويخليك
قطع عليهم صوت مسج وصل لفيصل وابتسم
سعد ..ياعيني شو هالمسج الي رسم الابتسامه
فيصل باابتسامه..نغليك يالرياض من غلا واحد فيك ..والا انتي يالرياض مالنا حاجة فيك
فهد..ايوووه المهم من مين
فيصل ..لا عاد هذا غير مسموح فيه يالله رحلتنا
قفل جواله وسلم على سعد وتوجه هو وفهد لطياره ..

بالغرفه اتصلت نجلاء بحمد وطلبت منه يشتري لهم عصير
حمد..موافق بشرط تذوقونا من الكيك
نجلاء..لا مايكفي
حمد..هههههههههه عيني عينك قولي طيب جامليني
نجلاء..الا اذا فيه احد بيضحي بنصيبه
حمد..ان شاء الله احد يحن علينا
نجلاء..بناتاحد بيضحي بنصيب لشباب
ساره وتهز براسها وضحكت نجلاء وانقهر حمد
نجلاء..ولايهمك بنفكر
حمد..نجوول بسألك بس لااحد يحس من الي عندك ساره زعلت من كلام عمتي
نجلاء ..لا مو كثير
حمد..اوكي بقول لسلطان يشتري لكم لاني بطلع للمطر يالله مع السلامه
سكرت نجلاء ونزلوا البنات كلهم للمجلس وجلست معهم بدور الي طوال الوقت وهي تسمع اغاني ولاتسولف معهم ..

بمطار الطايف كان حمد وصقر يسلمون على فيصل وفهد الي توهم واصلين ..

فيصل ..هلا والله سامحونا تعبناكم
صقر..ولايهمك ولد العم
حمد..بس لاتعيدها
فهد..ههههههههههههه الا وين سلطان ونواف
حمد..صقر تعال نرجع عمتي تقول ويم فيصل هذا يقول وين نواف وسلطان يااخي شسالفتكم
فيصل..ههههههههه اسفين الا شخبار عمتي
حمد من غير نفس ..ماعليه
فهد..لاحول بدت الحرب
صقر...بدت والمنتصرع العمه كالعاده
فيصل ..اقول انت وياه شصار
صقر..ولاشئ كم كلمه معتبره قالتها العمه بشكل او بااخر
فيصل ..اقول تعالوا نروح يالله

بامطبخ كانت العنود وخلود ونجلاء سمعوا صوت سلطان ينادي عالخدامه لكنها مو مووده وقريب للباب وطقه ,,
خلود بصوت واطي..لو شفته ذبحته اطلعي نجلاء
نجلاء فتحت الباب واخذت من سلطان العصير ورجع لكن هالمره انقهر اكثر لان خلود تعمدت تنادي بصوت عالي
خلود..يالله نجلاء تعالي بسرعه شو هالعطله
انقهر منه اما خلود هزئتها نجلاء والعنود كانت بحالة صمت تعمل الكيك ..

وصل فيصل وفهد واستقبلهم سلمان اما العنود ظلت بالمطبخ هي ونجلاء وسمعوا صوت فهد يسلم على عمته اما فيصل كان برا يلعب مع سلمان كان متردد كيف يدخل شلون يحط عينه بعين امه شلون يقدر قدام الكل يدخل ولا كأن شئ صار لكن ام فيصل ماسألت عنه طلعت غرفتها والتفت العمه حصه وقالت ..شسالفتكم انتم مخبين علي شئ
مااحد رد عليها وسكتت اما بدور كانت عينها عالباب باابتسامه كلها انوثه ودلال للي تشجع ودخل اخيرا فيصل ..
فيصل ..السلام عليكم
الجزء الواحد والعشرون ...


وصل فيصل وفهد واستقبلهم سلمان اما العنود ظلت بالمطبخ هي ونجلاء وسمعوا صوت فهد يسلم على عمته اما فيصل كان برا يلعب مع سلمان كان متردد كيف يدخل شلون يحط عينه بعين امه شلون يقدر قدام الكل يدخل ولا كأن شئ صار لكن ام فيصل ماسألت عنه طلعت غرفتها والتفت العمه حصه وقالت ..شسالفتكم انتم مخبين علي شئ
مااحد رد عليها وسكتت اما بدور كانت عينها عالباب باابتسامه كلها انوثه ودلال للي تشجع ودخل اخيرا فيصل ..
فيصل ..السلام عليكم
الكل التفت عالباب وردوا السلام دخل فيصل وسلم على عمته وعلى الموجودين لكن قلبه وتفكيره مع ام فيصل الي كانت تنتظره اذا غاب عن البيت ساعه وينها وهو راجع من سفر التفت جهة البنات
فيصل..ساره وين امي
ساره..بغرفتها
العمه حصه ..كانت فيه بس لما عرفت انك وصلت دخلت انا احس فيه شئ لايكون متزاعلين
فيصل وقلبه عوره من كلام عمته ..لا ياعمه ومن يقدر على زعل الغاليه عن اذنكم اسلم عليها
راح فيصل واستأذن فهد وطلع للغرفه والعمه حصه ماهي هاضمه الموضوع اما بدور حست بتجاهل فيصل لها انها انعطت كف بحياتهل ماتخيلت ممكن تحس بألمه جلست وهي على اعصابها ولاحظت عليها غدير انها مو طبيعيه لكن حتى غدير خايفه من الي بيصير بالغرفه الثانيه

بغرفة أم فيصل كانت جالسه عالأرض لما فتح فيصل الباب لما شاف امه حس أنه قاسي مجرم ماقدر نزل عنها وحب يدها ورأسها
فيصل..سامحيني يمه ارجوك يمه حاولت اتمالك نفسي لكن ماقدرت حاولت اسكت ماقدرت يمه ارجوك الا انتي مااتحمل اشوفك لا لا ارجوك ياليت فيصل مات ولانزلت دمعه من عيونك
ام فيصل وهي تصيح حضنته لصدرها..لا لاتقولها يمه الله يخليك لي
ولأول مره نزلت دموع فيصل وهالشئ حسس امه انه فيصل الطفل الي كان يصيح بغرفته لما تزعل او يضربها ابوه.. الطفل الي يصيح بسريره لما يعتقد انها نامت واذا تسأله يقول ليه ابوي مايجي المدرسه.. حسته فيصل ولدها الحنون الي مايرضى يشوف الحزن بعيونها.. فيصل الرجال الي مايرضى بالخطأ لو ماكان يعني له هذا فيصل الي ربته مايعرف يسيطر على غضبه.. لكنه يندم ويعتذر ويعترف هذا فيصل الي امتدت يدها ومسحت دموعه بكل حنان الام
فيصل ويبوس يدها..الله لايحرمني منك يااحن ام بالوجود يمه اعرف اني اخطيت لكن الي صار ماهو سهل يمه لما اتذكر كيف كنت اسلم عليه كيف كنت ابتسم بوجهه احس بنار بداخلي
ام فيصل ..طيب يمه طمني لاتكون ذبحت الولد
فيصل..ياليت بس ضربته وطلعت شئ بخاطري وطبعا بلغت عن رقمه الاتصالات وهذا شئ له اجراءت
ام فيصل..طيب لو انك بغلت الاتصالات من غير ضرب احسن
فيصل..لاالغاليه مااقدر
ام فيصل..ولد بطني واعرفك بس ماهقيتك تمسك حط وترجع لرياض
فيصل ..حاولت ارجع لكن بداخلي بركان غضب والشخص الوحيد الي يستحق ائوره بوجهه الحقير احمد
ام فيصل..والحين
فيصل باابتسامه..أنا الي يهمني رضاك اول انتي ودامك راضيه علي بحريقه احمد اما بالنسبه للعنود بعد اذنك الغاليه انا بتصرف بس فيه احد عرف بالموضوع
ام فيصل..لا بس غدير والباقين مااحد سأل الا العيال اول شئ وبعدين سكتوا
فيصل ..اوكي خير ان شاء الله الحين يمه ابي اشوف بسمتك والله لما دخلت ولا حصتك حسيت اني شكثر تعبتك
ام فيصل وتحضنه ..انت مهما كبرت بتظل فيصل ولدي الصغير الي يزعل مني ويرجع يراضيني الله يخليك لي يمه
حي فيصل رأس امه وطلع لغرفته وحصل فهد
فيصلل..شفيك فهد
فهد..سلامتك
فيصل..لا فيه شئ قولي
فهد..ابد ادعي لي فيصل عن اذنك
فيصل ومسكه مع يده..فهد طمني
فهد..تطمن مافيه شئ لاتخاف بنزل للخيمه يالله
فيصل..اوكي دقايق بس بكلم اختي
فهد..طيب
طلع فهد وترك فيصل الي قرر انه يكلم غدير اتصل عليها
غدير..هلا فيصل
فيصل..هلا غدير خذي العنود واطلعي مكان مافيه احد
غدير..اوكي احنا بالغرفه اماني لو سمحتي اطلعي شوي
اماني ..اسرار يعني
غمزت لها غدير وطلعت بسرعة
غدير..خير فيصل

فيصل..حطي السبيكر وخليك موجوده
غدير..ايوه فيصل
فيصل..هلا العنود اول شئ حبيت اوضح لك شئ مهم رقمك فصلته واحمد موضوعه انتهى سواء معي او الاتصالات لكن الشئ الاهم اني طلعت لك رقم بأسمي وهو فقط بالاسم لي وغير كذا انت حرة التصرف فيه ولازم تفهمي شئ مهم جداً انتي معنا بالبيت مثل مااعتبرتي امي امك وهي اعتبرتك بنتها لازم تتأكدين انك مثل غدير واماني وساره لي ولمحمد عدينا اهل واخوان واي شئ يصير لاتتأخرين بتبليغي والحين عن اذنكم مع السلامه ..
سكرت غدير وظلت عينها عالعنود الي غرقت عيونها بالدموع وفضلت تطلع وتتركها لحالها حتى تأخذ راحتها طلعت وتركت العنود الي كلام فيصل ذبحها ماتعرف ليه لما قال لها كل الي عمله ماتأثرت يمكن الاستسلام بعد المعاناة الي عاشتها مع احمد يمكن الخوف الي سببته لها المسجات ماهمها الرقم يكون بأسم مين لكن الي ذبحها لما قال انتي مثل خواتي ظلت العنود تسأل نفسها ليه يالعنود توك تعترفين ليه ..؟؟ ليه لما طحتي من عينه اعترفتي ليه لما تحطم كل معنى حلو لك بخيال الكل اعترفتي ..؟؟ ليه بهالوقت حسيتي بالنبض الي ذبحتيه بأول حياته ..؟؟ ليه يالعنود ليه..؟؟ ليه ؟؟..صرخة مذبوحه ماقدرت تمنع العنود أنها تعترف انها حبت فيصل وتحبه جرح جديد بدأ ينزف ماقدر يمنع كلمه جميله تنطقها العنود وتوثق اعتراف الحب منها له ..لكن خوف والم قهر وعذاب صبر ودموع 23 سنه كانت الند لأحساس الحب الوليد تجاه فيصل .. الكرامه الي تحملت كل شئ ولا تنهان كانت الند لحب فيصل للحب النابض الجديد للحب المجروح للحب المقتول قبل مولده او حتى تسميته.. كرامة العنود وكبرياءها صرخ يستنجد بالعنود القويه الصابره المتناسيه ذاتها وقلبها لأجل الشئ الاهم بحياتها الامانه الي برقبتها عيال اختها سلوم واماني بلحظه وقفت ومسحت دموعها وقفت قدام المرايه وقالتها بهمس سمعتها كل خلايا جسمها وأيدتها .."الحب بالقلب يافيصل اما الظاهر اختك وأنت اخوي حتى أصون الامانه " مسحت دموعها وطلعت من الغرفه بعد مالبست قناع القوه الكذابه ..

طلعت العنود وصادفتها نجلاء طالعه تركض وشكلها تصيح وقفت العنود مصدومه لكن بسرعه كل البنات طلعوا للغرفه ودخلت معهم العنود ..
العنود وعينها على نجلاء الي ارتمت عالسرير وبدت تصيح بشكل انسانه مكسوره ضايعه قامت لها عبير وحضنتها وحاولت تواسيها
العنود..شصار شفيكم..؟؟
غدير بخيبة امل ..فهد رجع الهديه
العنود وتناظر الكل كأنها مو مصدقه..يعني حمد عرف الموضوع
خلود..لا فهد اعطى عبير الهديه وقال حصلتها بالسياره اسألي لمين وطبعا واضح قصده
ساره..بس مارجع الورقه المكتوبه
امون..ليه مارجعها طيب تتوقعون
العنود..لان نجلاء تهمه
الكل التفت عالعنود الي كملت..لو ماتعني له كاانسانه خاصه ممكن يفكر فيها كزوجه بتأكيد تعني له لانها بنت عمه لكذا مارجع الورقه لانه مايدري بيد مين تطيح الهديه
نجلاء من بين دموعها..صح انا متهوره لكن مو كذا حرام عليه
غدير..نجول حبيبتي خلاص
خلود..على انه اخوي بس قهرتني حركته
عبير..الحين كلكم حكمتوا على الجانب السئ لفهد الا العنود نوعا ما انصفت فهد اخوي وأنا اعرفه نجلاء بتظلين بعينه مثل ماانتي لكن لفهد هدف صدقيني
نجلاء وتمسح دموعها..اتركوني لحالي برتاح
اشرت غدير للبنات وطلعوا وتركوا نجلاء بحالها وجلسوا بالصاله مع بدور الي مستغربه من صمت البنات مو بالعاده ..وفضلت تنسحب بهدوء
بدور ..بطلع بالحديقه العب مع سلوم تعالوا اذا تحبون اوكي
طلعت بدور وتركت البنات بحالة صمت كل وحده جلست تعمل لها شئ بحالها حتى تقطع الوقت الي صار ممل ..
اما بالحديقه كانت بدور وسلوم الي حبها كثير يلعبون كوره وبالجهه الثانيه كان سلطان وصقر جالسين وشكل سلطان مو على بعضه لكن بدور تركتهم ولاالتفتت عليهم لانها تعرف عيال خالتها مايتركونها اذا تجاوزت حدودها معهم .. وظلت تلعب مع سلوم وفجأه
صقر..هلا بدور
بدور..هلا صقر ماانتبهت لك
صقر..بالله بدور اطلبك خدمه
بدور مستغربه من اسلوبه ..اذا اقدر اوكي تفضل
صقر..ابي تعملين عصير ليمون سلطان تعبان وبصراحه ماامون عالبنات
بدور بأبتسامه ..مااعرف لكن ولايهمك بقول لأحد البنات
قطع عليهم فيصل..مساء الخير
بدور والابتسامه ماليه وجهها..مساء النور
صقر....وينك مو متفقين عالساعه ثمان تكون موجود
فيصل ضحك لصقر وبدور صنمت مكانها ماعادت قادر تتحرك وقفت تسمع كلامهم ولاانتبهت الا
لسلوم لما نادى عليها ..
سلمان..بدور يالله فيصل العب معنا
فيصل بأبتسامه ..لا مااقدر انا تعبان بطلع انام
صقر..لاياشيخ وموعدنا
فيصل..حمد نايم ونواف صح ماينفع الا فهد وينه مو موجود
صقر..مااعرف طلع من العصر يقول عنده مشوار
فيصل..وسلطان ليه مايروح للمستشفى
صقر..ذكرتني توني اقول لبدور تعمل له عصير ليمون ماوافق يروح
فيصل.. عنيد اوكي اجل بدخل انام تصبحون على خير
بدور وبسرعه قالت..بقول لهم يعملون عصير
تعمدت تمشي قريب من فيصل وفعلا دخلت معه باابتسامه اثارة انتباه البنات
فيصل..السلام عليكم
الكل..وعليكم السلام
فيصل وهو طالع..اا بتجلسون سارونه للفجر صحوني
ساره..طيب
وقف فيصل ونزل ..سارونه صوتك متغير تعبانه
ساره..لا شوية برد
فيصل..اوكي انتبهي لنفسك حبيبتي
طلع فيصل وابتسمت بدور وهذا قهر البنات اكثر
بدور..بنات من تتبرع وتعمل عصير ليمون لسلطان تعبان
ساره ومن غير نفس ..طيب بنعمله الحين تعالي امون او انتي خلود معي

عملت خلود العصير بصمت لان ساره تعبانه بعدها الكل طلع ينام والعمه هي وبنتها كانوا يتكلمون ويحاولون يفكون هالسر الي بالبيت من لحظة وصولهم
العمه حصه..بدور انا مليت من الجلسه هنا كلهم مكشرين احس فيه شئ صاير
بدور..يمه ماعلينا منهم انا بديت اوصل لفيصل وعرفت شلون اكسبه بسلوم
ام بدور..سلوم
بدور باابتسامه اعتزاز..ايه فيصل يحبه ويموت عليه وسلوم حبني وبكل مكان بيكون معي بكذا اكون مع فيصل وابعده عن العنود
ام بدور باابتسامه...كفوا بنتي بس العنود هذي لاتحطينها في بلك انتي شوفي فيصل مايعبرها حتى بسلام
بدور..اعرف بس ولو لازم اعمل حسابي
العمه حصه..خلاص خلينا ننام اجل انا تطمنت الحين انك بتخلين فيصل غصب عليه يتزوجك
بدور ..ان شاء الله تصبحين على خير
نامت بدور وهي تحلم وتخطط كيف تكسب فيصل ..

الكل نام نجلاء بعد دموع القهر والألم والجرح نامت ..واماني بعد ماتكلمت مع غدير وحاولت تفهم منها شئ من الي يصير ولا قدرت نامت اما العنود كانت بحالة يأس وقهر كانت تتألم على الاعتراف بالوقت الضايع جلس تتخيل لو اعترفت لنفسها قبل بالرياض بحضن البيت الدافي الحنون حاولت تنام وتنسى الألم ونجحت بالهروب ونامت

الكل صحى الصباح على صوت نجلاء الي قدرت بسهوله تخفي أحزانها وجرح فهد بداخل قلبها طلعت لكل البنات وقالتها لهم " جرح فهد بقلبي ولايعني أني ادخل بحالة حزن لا.. حياتي ماهو جديد فيها لاالجرح والا الألم ولا الأحزان " استغربوا البنات منها لكن نزلوا وجلسوا مع بعض حاولوا يستغلون وقتهم ويعيشون كل لحظه من الراحه وسعاده ..
وعلى العصر نزلت خلود وصادفها سلطان ولاقال شئ غير السلام ومشى عنها
خلود..شلونك سلطان الحين
سلطان وهو معطيها ظهره ..مااعتقد يهمك لكن احسن شوي
خلود..لا بس بشوف عصيري جاب مفعول او لا
التفت سلطان عليها..انتي الي عامله العصير
خلود..ليه مستغرب
سلطان..مااعرف توقعت يهون عليك تعطيني سم ولاتعملين لي عصير
خلودوضايقها كلام سلطان..لا انا مو سيئه لدرجة الحقد والكره عن اذنك
مشت خلود وتركت سلطان يفكر بعدها ابتسم وطلع غرفته ..


طلعوا العصر وتمشوا من سوق لثاني ومن مكان لأخر ومبسوطين كل شئ كان اوكي الا لما دخل فيصل بعد صلاة العشاء عليهم وقال لهم أنه ينتظرهم بيطلعون يتمشون الكل طلع ولااحد اهتم من بدور او طريقة لبسها لانهم اتعودوا عليها ..

طلعوا البنات والحريم يركبون السيارات لكن الكل وقف لما شافوا فيصل جاي جهتهم وشكله معصب
فيصل بصوت عالي ..بدور
بدور ومبسوطه وخايفه بنفس الوقت ...ايوه
فيصل وبصوت حاد ويأشر عليها..بتطلعين كذا
بدور وتناظر نفسها ..ايه ليه
فيصل..لا ماتطلعين وانتي بهالشكل عباتك تحتاج عبايه وبعدين ياتتغطين مثل الناس او اجلسي ماتطلعين معي بنفس المكان
العمه حصه وتتدخل..الله يهديك يافيصل بدور هذا لبسها هنا وهناك
فيصل ومازال معصب ..مايهمني طالما هي معنا ياتحترمنا او البيت مكانها
العمه حصه ..يعني شلون مايهك اذا جلست انا معها
فيصل وعصب ..لا ياعمه انتي على العين والرأس بس هالوضع مايعجبني
بدور وهي تغلي لكن تصنعت ابتسامه..ولايهمك فيصل بتغطى لخاطرك اما العبايه ماعندي غيرها بشتري الحين بس خلاص قفلوا عالموضوع
مارد فيصل عليها بس انتظرها لما عدلت غطى وجهها ومشى عنها
غديربصوت واطي لساره..الحين ناقصين احنا يعصب فيصل
ساره..مابيعصب عادي
اموون..اقول سارونه تعالي نركب مع حمد
ساره..على قولك يالله باي

طلعوا البنات مع اهلهم تمشوا وانبسطوا لكن شيئين ماعجبوا العنود اول شئ تعلق سلوم ببدور وهذا شئ واضح للجميع طوال القوت معها تلعبه وتشتري له ويتعلق فيها وينادي عليها والي قهرها اكثر انه بدأ يجمعها مع فيصل بشكل ملفت وكل شئ تقوله له ينقله لفيصل بضحك وفرح..
وغير كذا كلام فيصل مع بدور بالبيت هل هو اهتمام غيره او مجرد طبع بفيصل مع الكل بغض النظر مع مين ..كانت بلحظه قررت ترفع الغطاء عن عيونها لكن وقفت وقالت لنفسها " يالعنود أنت عمرك ماكنتي رخيصه والي مايحبك لروحك وشخصك لايحبك لزينك" وقرت تتجاهل فيصل وبدور طوال السهره ..

حاولت العنود ماتتكلم بالموضوع مع البنات لكن ماقدرت طلع الكلام من قلبها الي بدأ يسيطر عليها بالفتره الاخيره ..سالت ساره بعد ماطفوا النور حتى ينامون ..
العنود ..اقول سارونه شرايك بتصرف بدور اليوم
ساره باابتسامه..بدور تحاول تلفت انتباه فيصل بأي طريقه وطبعا الي عمله فيصل لصالحها
العنود وجلست ..شلون لصالحها
ساره..تتوقع فيصل عمل هالشئ لانها تهمه صح يمكن لكن اعتقد ان اهتمامه مايتجاوز انها بنت عمته لااقل ولااكثر
العنود..ايوه
ساره باابتسامه خبيثه..ليه السؤال
العنود ارتبكت ..خطر على بالي السؤال
ساره..اوكي تصبحين على خير
العنود..تلاقي الخير

صحت العنود الصبح ولاحصلت سلوم ونزلت تحت حصلته بالحديقه مع بدور يلعبون وهالشئ نرفزها عالصبح دخلت لصاله وجلست مع عبير الي كانت بحالة ملل خياليه
عبير..تعالي بروح اعمل لي قهوه
العنود..مالي خلق
عبير ..ولاانا بس بروح وارجع لك
طلعت عبير ودخلت المطبخ تعمل قهوه وجلست عالطاوله وحطت راسها تفكر بكل شئ صار موقف فهد من نجلاء ..والي صار للعنود مع انه مجهول ..وغير كذا وجود عمتها حصه الي بدأ يوتر الكل ..استمرت تفكر ولاحست الابصوت فهد ..
فهد..احم
عبير وتغطت بسرعه لما شافت معه نواف وصقر
فهد..عبير شفيك
عبير..ولاشئ
فهد..ليه جالسه لحالك
عبير..بعمل لي قهوه
نواف..يصير تعمليها ثنتين
صقر..ثلاث
فهد..عشر بس المهم عبير مافيك شئ
عبير..بصراحه من صحيت وانا طفشانه
فهد..من صاحي من البنات
عبير..العنود وبدور واعتقد نجلاء وساره
فهد..يالله تعالوا نطلع الجو حلو عبوره عشر دقايق
صقر..انا بروح انام تعبان
فهد..مابتخاوينا
صقر ..لا مع السلامه
فهد..وانت نواف
نواف..يالله ماعندي مانع
عبير..اوكي عشر دقايق ونجهز

طلعت عبير قالت لبدور والعنود ولاوافقوا اما نجلاء ترددت لكن وافقت بالاخير بعد مااتصلت بحمد ووافق وتحدت نفسها انها تثبت لفهد انه ماجرحها بتصرفه .. وحتى ساره استأذنت من اهلها وطلعت معهم ..

بالسياره نجلاء وساره بعد السلام ماقالوا ولا كلمه اما عبير فكانت تسولف مع اخوها وولد عمها رغم انها حاسه بتوتر نجلاء لكن نجلاء من النوع الي تحترق من الداخل ولاتوضح لأحد
نواف..الحين بما انه مافيه الا ثلاث بنات وقف خلنا نشتري لهم هدايا
فهد..موافق بس بشرط تشتري لي معهم
نواف..هههههههههه اقول فهد اليوم أنا احسك مو طبيعي اتمنى يكون يتهيئ لي
فهد..طبيعي او مو طبيعي مايهم الحين خلونا ننزل هالمجمع تنفرج شوي
نواف ..اقول نجلاء
نجلاء..ايوه
نواف..مو بالعاده شفيك ساكته ساره تقريبا تعودنا عليها لكن انتي شفيك ساكته
نجلاء..سمعت سلطان شقال لعمتي لما سالته ليه مايتكلم انا مثله بديت اتعلم ومثل مايقولون كل كف بتعلومه
نواف..افا الظاهر الجو فيه غيم
عبير..لا مافيه شئ بس نجلاء الصباح بالعاده تكون معصبه
نجلاء..صح
نواف..الحين بلييز بنات ابي تشترون لي احلى هديه لأغلى انسانه بحياتي
عبير وضغطت على يد ساره..
ساره..ان شاء الله بس اعطينا بعض صفاتها
فهد..أنا بقول عنه طيبه وحنونه متهوره لكن قويه ذكيه بس احيانا تستغبي
نواف..ههههههههههههه الحين امي تستغبي يالغببي
فهد..هههههههههه على بالي تقصد وحده ثانيه
فهمت نجلاء رد فهد لكن ولاعبرته ولا كأنه موجود ظلت طوال الوقت عاديه اما ساره كانت تعبانه بالاخير قرروا يرجعون واول مادخلوا البيت حصلوا البنات بالحديقه واستقبلتهم خلود
خلود..فهد ليه تروح ماتقولي
فهد بصوت واطي ..انا من بيفكني منها
خلود..بتطلعني العصر
حمد وهو جاي مع فيصل ..لا أنا الي بطلعكم
نواف..هلا الشيخ رجعت
حمد..لا مارجعت خيالي الي يكلمك
فيصل..هههههههههههههاي نواف اتركه بحاله نار الله الموقده اليوم
ام فهد..فهد ابوي تعالوا تقهوا وانتم ياعيالي اقربوا
حمد..تسلمين ياخاله عن اذنكم
فيصل ومسك يده..حمد وين رايح
حمد..لجهنم ابعد عني
طلع حمد والتفت فهد على فيصل يسأله عن حمد
فيصل ..لاتسألوني مااعرف شئ
نواف..حمد يعصب شوي ويرجع
نجلاء بصوت واطي ..اقول غدير شصار
غدير باابتسامه ..تعالي معي واقول لك
دخلوا البنات للغرفه اما ساره كانت تحس انها بدت تتعب اكثر لكن حاولت تتحمل ولاتبين شئ
بدور..ساره فيك شئ
ساره باابتسامه..لا ولاشئ سلامتك
بدور..احس انك تعبانه
ساره..لا بس من الطلعه بدخل ارتاح تعالي معنا فوق عند البنات
بدور..يالله

بالغرفه كانت غدير تحكي لنجلاء عن الي صار
غدير..مااعرف كان يكلم عمتي حصه وشكلها قالت شئ مااعجبه
نجلاء..يالله حرام عليها
غدير..اقول لك الصدق سمعتها تقول تترك اختك شكلها تقصدك انتي بس مااعرف ليه

قطعت عليهم ساره وبدور وجلسوا معه اما العنود نزلت تجلس مع سلوم بالمجلس ودخلت عليها العمه حصه
العمه حصه..انا قلت مافيه احد هالعيال يأخذون راحتهم يدخلون بس الظاهر ياعيني مايقدرون مادام بالبيت ناس غريبين الا وبن البنات رجعوا
العنود بهدوء .. فوق بالغرفه
العمه حصه..وانتي ليه مارحتي معهم
سلوم..نلعب هنا
العمه حصه..سلوم روح لبدور تقول وين سلوم يلعب معي
طلع سلوم يركض والعنود بهدوء طلعت تحت نظرات العمه الساخره منها
دخلت للمطبخ وحصلت خلود وجلست معها ودخلت عليهم اماني
اموون..اقول اليوم بنروح نتمشى اوكي
خلود..طيب
اماني..واااو الاخوات ليه حزينات
العنود طلعت وخلود ماردت عليها وطلعت وتركتها اماني عند البنات

مر عليهم اسبوعين بالطايف حلوه لكن ماتخلى من لحظات حزن ..هاديه لكن للعواصف والبراكين مكان..نادره لكن مشوهه بجروح من احد الاطراف لأطراف ثانيه..
العنود ..رغم الحب الي بدأ بنمو بداخلها تجاه فيصل الا انها كانت حزينه بفقدان الامل بحبه لها مجروحه من تلميحات العمه بأنها غريبه دخليه مضطربه من ميل سلوم لبدور خايفه من تطور احساسها للمجهول ..
ساره ..رغم الحب والهدوء والابتسامه الا انها تعبانه تعاني بصمت حابه تثبت لنفسها انها طيبه مافيها شئ حتى تتحدى العمه ولاتعطيها مجال تجرحها ..
عبير ..حالة من التذبذب ساعه تحس بقرب نواف وساعه تحس بينها وبين قلبه مسافه بعيده صعب تعبرها ..
اما نجلاء ..بعد الي صار الحزن كان له النصيب الاخر بحياته حتى وان حاولت توضح للكل انها مبسوطه..
خلود..أسبوعين وهي بصراع حاد مع سلطان هو يشد وهي تشد لحد ماانقطع حبل القبول الي كان بينهم واصبح وجودهم يسبب حاله من التوتر لهم ..
بدور..مهما حاولت وحاولت لأسف خسرت الوسيله الي اعتمدتها وحب سلمان لها ماغير فيصل تجاها ابدا معاملته لها نفس ماهي وهذا خلالها تتركه وتعيش حياتها بعيد عن التخطيط ..

اسبوعين وام فهد تشوف الفرحه بعيون عيالها وتحمد الله بكل ثانيه ..اسبوعين وام نواف تشوف ولدها وحيدها طلع من عزلته وتدعي ربي انه يوفقه بكل لحظه..اسبوعين والعمه لطيفه تستغفر الله على الي عملته بقلوب عيال اخوانها وبناتهم وتحمده الي ردها لصوابها ..اسبوعين والقلب الطيب ام فيصل مابين شوق لولدها الغايب وخوف على بنتها الي مهما حاولت مابتنجح تخبي على امها ساره الي التعب بدأ يظهر على وجهها ..

اسبوعين مرت حلوه عليهم لكن فاجأهم نواف انه لازم يرجع لرياض عنده شغل ضروري وقرر يمشي لمكه يأخذ عمره مع امه ويرجع لرياض ..
وهالشئ ضايق الكل لكن الي صار غير كل التخطيط الي عملوه بالرياض بالنسبه للمده الي بيجلسونها بالطايف

بيوم بعد سهره حلوه ممتعه سعيده قضوها البنات وتقريبا اول سهره تكون معهم بدور فوق بالغرفه حاولت تتقرب منهم بعد ماتخلت عن مخطط أمها لكن كان فيه سنين قهر من خلود وعبير ونجلاء عليها كانت حاجز ..غيره وقهر من العنود زادت هالحاجز ..وبرود ولامبالاه من غدير وساره واماني لكن هالشئ شجع بدور انها تتقرب منهم لكن امها ماعجبها الوضع رغم ان بدور حاولت تتوه امها بأنها تكسب البنات حتى توصل لفيصل لكنها بالاصل طلعت فيصل من بالها وحبت تكون مثلها مثل كل البنات .. تفرقوا البنات وكل وحده راحت لغرفتها وناموا بعد السهر والتعب ..
لكن العنود عالساعه ست الصبح حست بصوت كأنها بحلم لكن صحت الصوت قريب معها بالغرفه ساره تنادي قامت بسرعه شغلت النور وراحت عندها جلست جنبها وحس سلوم عليهم وصحى وهو خايف
ساره بصوت تعبان..العنود فيصل بموت امي ناديها
قامت العنود بسرعه لساره ..شفيك
ساره..تعبانه قلبي نادي فيصل بموت اتصلي
العنود اتصلت بفيصل مرتين وبعدها رد
العنود..فيصل ساره تعبانه بسرعه تعال
فيصل وينادي حمد بصوت عالي ولارد عليها انصدم من كلامها ..حمدد تعال بسرعه ساره تعببانه
طلع فيصل وحمد صادفهم سلوم دخلو الغرفه وساره كانت شبه غايبه عن الوعي مسك فيصل سلوم فيصل واشر للعنود تجلس مع حمد لانه يكشف عليها وطلع برا الغرفه
بعد الكشف نادى حمد..تعال فيصل
دخل فيصل..طمني حمد
حمد وشكله مو مرتاح ..تطمن بس ليه مااحد اعطاني خبر انها تعبانه
فيصل..تطورت حالتها كاننت كويسه العنود ايش الي صار
العنود..ماكان فيها شئ شوية تعب بسيط وحسيت عليها تنادي
حمد..اوكي الحين اعطيتها ابره بكرا فيصل نطلع للمستشفى وتأكد وان شاء الله مافيها شئ
فيصل ويقرب لها ويمسك يدها..ساره سارونه حبيبتي
حمد..فيصل مابترد عليك هي دايخه اصلا وانا اعطيتها مسكن للألم ومنوم
فيصل ..لا بجلس عندها احلف حمد مافيها شئ
حمد..بكرا كل شئ يبان بالمستشفى
فيصل..بجلس عندها
حمد ويأشر عالعنود..احنا الصبح والغرفه مو لساره بس
العنود استحت ..لا خذوا راحتكم وانا بنزل اعمل شئ لسلوم يأكله لانه نايم بدري
فيصل..اوكي الله لايهينك العنود اعملي لنا شاهي
العنود..ان شاء الله
طلعت العنود والتفت حمد على فيصل..اوكي انا بنزل للخيمه ولاتنساني من الشاهي استحيت اطلب
فيصل..هههههههههههه لاتخاف بنزل واكيد نواف صاحي

بعد الي صار لساره الصباح حمد ماكان متطمن ابدا طلب من فيصل يروح معهم للموعد وراح وتأكد ضنه ساره تعبانه تحتاج فحوصات وعلاج ..
فيصل..يعني حمد وضح
حمد..فيصل بصراحه لك اسبوع بالكثير بعدها لا لازم نرجع نكمل علاج
فيصل..مايصلح هنا
حمد..ماافضل ساره تقاريرها هناك وانا المشرف على علاجها لازم ارجع لوظيفتي واتابعها
فيصل..اوكي احنا المفروض نروح لجده بعد يومين نجلس اسبوع وبعدها مكه اسبوع الحين نستثني جده ونرجع لرياض بعد مانأخذ عمره
حمد..اوكي انت بلغ ساره وحاول انك ماتزعلها اوكي
فيصل..اوكي

فيصل بلغ ساره الي زعلت كثير لكن امها حاولت تهديها الكل تضايق لانهم بيرجعون الا العمه حصه الي طفشت من الجلسه ..
وبالصاله الكل كان مجتمع بعض البنات وكل العيال وعماتهم ..
فيصل..ام فيصل ياغاليه
ام فيصل..سم يمه
فيصل..بكرا عندنا ضيوف عالعشاء نبي اكل بيت سمعتوا يابنات
حمد..نبي ترفعون رأسنا
نجلاء ..ابشر يااخوي
حمد باابتسامه لاخته..تسلمين لي يارب يااحلى الخوات
العمه لطيفه..سلطان يمه بترجع لشغلك او بترجع لرياض
فهد..لا بيرجع لرياض كلنا بنكمل الاجازه هناك
سلطان..اخاف الرياض ماتتحملني
فيصل..الرياض تحط ضيوفها بعيونها وشلون اهلها
سلطان..غلبتني
صقر..اقول بعد يومين بتمشون لمكه بتجلسون يومين بعدها بترجعون لرياض صح
نواف..صح قول بسرعه الي بعده
صقر..ههههههههه بصراحه انا ونواف قررنا نرجع بطياره وسياراتنا عالشحن
حمد..صح حتى انا
فيصل..مشاء الله مقررين
فهد..واله اريح انا موافق
فيصل..اوكي مو مشكله
نواف ..اقول انا بطلع انام بكرا عزيمتنا شئ
ام فهد..من عازمين هنا
فيصل باابتسامه..ناس غالين حيييل علينا
ام فيصل..مانعرفهم
فهد..عز المعرفه بكرا نشوفونهم
نواف..هههههههههههههه اذا جلستوا اكثر من كذا بتعترفون بااسماء الضبوف يالله نروح ننام احسن
العمه حصه بعد الصمت..وانا بروح انوم احسن لي تصبحون على خير
باليوم الثاني كل البنات كانوا مشغولين بالمطبخ الي تعمل حلى والي تعمل العشاء والي مشغوله بالضحك والتعليق والغريب ان بدور شاركتهم وحاولت تعمل شئ مفيد لكن فشلت بس حست بسعاده وهي معهم تضحك وتعلق وتشتغل الكل كان بحالة فضول لامن الحريم ولا من البنات حابين يعرفون من الضيوف لكن عجزوا لان الشباب ماقالوا ولاشئ لهم بعد المغرب تقريبا كل شئ كان جاهز وجلسوا الحريم والبنات بالصاله يسولفون ..بدت غدير وخلود ونجلاء يسولفون بصوت واطي
خلود..بدور تغيرت
نجلاء..مااعرف احس انها تخطط لشئ
غدير..حتى انا بس احس ساعات انها ودها تكون قريبه مننا
خلود..بصراحه انا مااثق فيها
نجلاء..لاحظت انها ماصارت تضحك وتتدلع بوجود العيال كالعاده
غدير..حتى انا وتسهر وتجلس معنا كثير
خلود..اقول العنود شسالفتها بعد
غدير وتبتسم..تحب
نجلاء..خبله احد يروح للموت برجوله
خلود..افا تعقدتي
غدير..اسكتوا امي عينها علينا
وفجأه سمعوا سلوم ينادي بصوت عالي ..
سلوم..خالتي محمد جاء محمد جاء
الكل وقف وانفتح البا ودخل سلوم يضحك ومعه شوق الي حضنة اختها وجلست تصيح معها
وبسرعه نجلاء وغدير..كلوووووووووووووووووش
شوق وراحت لأم فيصل وحضنتها وصاحت ام فيصل لكن شوق ابتسمت ومسحت دموعها
شوق ..خالتي ماسويت فيه شئ كامل والله سليم الحين يدخل
ضحكت ام فيصل على شوق وسلمت عالكل وسمعوا صوت محمد
محمد..الغاليه يمه ام فيصل
قامت ام فيصل وارتمت بحضن ولدها وهي تصيح وهو يحب رأسها ..وحشتيني يااغلى ام بهالدنيا
ام فيصل..وين فيصل ماقالي فرحني
محمد..هههههههههههههه ياويله وحشتوني حبايبي
سام على خواته الي لفرحه مو واسعتهم اما شوق جلست جنب نجلاء وبدت السوالف
محمد..اقول لو سمحتوا احنا تونا معاريس بس قلنا مابنفوت هالجمعه الحلو يعني لو سمحتوا لااحد يزعجنا
فيصل ..احم احم
ام فيصل ..تعال اشوف عندي
فيصل وهو يضحك ..الغاليه سماح هالمره
ام فيصل..فرحتي برجعتهم تسوى الدنيا سماح على قولك
فيصل ..الحين لو سمحتوا نبي قهوه لان راسي يوجعني
غدير..ان شاء الله
طلع محمد وفيصل واجتمعوا البنات مع شوق
العمه حصه..ان شاء الله مبسوطه شوق
شوق وباابتسامه حتى تقهر عمتها..الحمد لله
ام صقر..الله يسعدك يارب
ام نواف ..والله والبيت رجعت له الحياة برجعتك
ام فهد..والله انك صادقه
شوق..والله انكم وحشتوني
ام فيصل..اطلعي ارتاحي شوق
شوق..لا بجلس معكم بس ببدل ملابسي
نجلاء..تعالي معي
غدير..شوووووووووووووق
شوق..للحين انتي ماعقلتي وصرخت فجأه .. غدير
راحت لها وسلمت عليها والكل مستغرب...مبروووك الخطبه
الكل ضحك على شوق وحركاتها
غدير..هونت خوفتيني ياحلوه فيه الجناح الرئيس من نصيبكم بس خساره بكرا بالليل بنروح مكه
شوق..يوم حلو احسن من نص يوم ..
ساره..شوق روحي بدلي ملابسك
شوق باابتسامه..فهمت كأني بديت اجيب العيد
طلعت شوق مع اختها وجلسوا بالغرفه تقريبا ساعه يسولفون بعدها نزلوا وتعشوا وطلعت شوق تنام لانها تعبانه ..

باليوم الاخير الكل كان مشغول بتجهيز الشنط لسفر لمكه الأرض الطاهر اطهر أرض بهالوجود ..الكل كان يستعد حتى يكون بلموعد المحدد جاهز الا شوق ومحمد لان شناطهم جاهزه جلسوا يضحكون ويسولفون مع ام فيصل الي الفرحه مو سايعتها من لحظة وصولهم ..

بالليل الكل مشى واختلف توزيع السيارات فيصل كان هو ومحمد وامه وسلوم الي اصر يركب معهم ..اما حمد كان هو ونجلاء وشوق وساره ..وفهد وسلطان وامه وخلود ..اما عبير واماني كانوا مع نواف وامه ..والعمه حصه وبنتها كانوا مع صقر وامه ..
الرحله كانت بسيطه غلب جو المرح والسوالف على اغلب السيارات وعلى أذان الفجر وصلو للبيت الحرام ..
الجزء الثاني والعشرون ..



الرحله كانت بسيطه غلب جو المرح والسوالف على اغلب السيارات وعلى أذان الفجر وصلو للبيت الحرام ..

تركوا كل اغراضهم بالسيارات ودخلوا لساحة الحرم وبمجرد ماقفوا عند النقطه البعيده المواجهه للحرم الكل صمت بهالارض الطاهره مافيه غير صوت الشيخ عبدالرحمن السديس يقرأ سورة الفاتحه بالركعه الأولى من صلاة الفجر ..الكل وقف بمكانه وكبٌر لصلاة وبعد الانتهاء بدأ سلوم يضحك مبسوط يسأل فيصل عن كل شئ ايتدأ من الجبال وانتهاء بالحمام وفيصل بكل سعاده يجاوبه ..
اقتربوا من البيت الحرم اكثر وابتدو اداء مناسك العمره والكل انفصل بعالم لحاله عالم يختفي فيه كل المحيطين حولك ..احساس الخضوع والخوف ..احساس القوه والعظمه ..احساس زيف الدنيا وملاذتها ..احساس يعيد بثواني امامك شريط حياتك بذنوبك وتصرفاتك ..احساس يذرف دموعك رغم قوتك وشموخك.. فأنت بالبيت الحرام امام الكعبة المشرفه تناجي الله الواحد الاحد الفرد الصمد تناجي العظيم بتخضع بكل قوتك.. تناجي الرحيم قتدعوا بكل ضعفك تقر بذنوبك وتطلب الإله الرحمن الرحيم أن يتجاوز ويصفح عنك.. ويمر ببالك احاديث وآيات تدل على رحمة الله بعباده ..تدعوه يفرج همك ويشفي مرضك ويصفح عنك تناجي من رفع السماء بلا عمد تناجي الجبار العظيم المنان الرحيم تناجي الله ..في بيته الحرام بالمسجد الحرام في المكان الذي يتساوى به الكل فلا فرق بين احد والاخر لاابيض ولااسود لاغني ولافقير الكل يرفع يديه يناجي الله يطلبه يرجوه بستغفر ويدعوا الكل يحتاج رحمته وعفوه الكل ببيت الكريم تغسله دموع الخوف والخشيه منه... دموع الفرح دموع الخضوع والاذال ..دموع الاحساس بأن كل ماهو مستحيل بحياتك سبحانه قادر عليه ..

بعد الصلاة والعمره الكل طلع ومروا يمشون على اسواق مكه قديمه الكل صاحي الفجر او الليل العصر او المغرب الكل بحاله من النشاط وعطاء الكل بحاله من التقارب ولاخاء شعور غريب سيطر على الكل وهم يشوفون المحلات القديمه والاغراض القديمه الكل من البنات لفت انتباهه الاسوار الذهبيه والخواتم الملونه ممهما تقدموا واشتروا من الالماس والمجوهرات هنا بمكه غير الاحساس بكل شئ فيه مختلف الكل يشتري وكأنه شاري مجوهرات مو اسوار او سلاسل بسعر زيد رخيص جدا لكن لمكه متعه غير واحساس مختلف ..لمكه احساس يجعل الواحد منا يشعر بأنه انسان ضعيف مهما تعالى وكبرت مكانته وتمادى بظلمه وجبروته بهذه الارض الطاهر شعور واحد يسيطر على الكل الله سبحانه وتعالى اكبر واعظم من الخلق فهو الواحد القهار ..العزيز الجبار..

بعد مافاضت النفس وناجت ربها ..بعد مادمعت العيون وحررت دمعها ..بعد ماارتسمت الابتسامه فرحه بوجودها ببيت ربها ..بعد مااشرقت شمس المحبه ..بعد ماضحك سلوم وابتسمت اماني..بعد ماطمئن قلب العنود وارتاحت بدور ..بعد مابكت ام فيصل واتبعتها ام فهد وام نواف..بعد ماالتموا الشباب حول الحمام واشتروا الحب وبكل عفويه ومحبه تطاير الحب بساحات الحرم..بعد مااتفاءلت ساره وهدت خلود ..بعد ماحاولت تنسى نجلاء ودعت ربها غدير ..بعد ماضحكت شوق وابتسم محمد ..بعد ماسكتت بدور وبعدت عنها امها ..الكل رجع للشقق حتى يرتاحون من التعب والسفر ..
اخذوا لهم شقتين وحده لشباب ووحده لأهل وكانت مقابل بعض وناموا وعالعصر صحوا البنات وبسرعه اكلوا لهم شئ وراحوا يلحقون عالصلاة بالحرم ماعدا العمه حصه ولطيفه كانوا تعبانين مره وبدور كانت نايمه وساره تعبانه ماقدرت تروح معهم ..اما الشباب اغلبهم طلعوا حتى يصلون بالحرم ..طلعت بدور بعد ماصحت ولاحصلت احد ولاانتبهت ان ساره بالغرفه الثانيه نايمه ..
بدور..السلام عليكم
العمه لطيفه وام بدور....وعليكم السلام
بدور وتتلفت ..وين الباقي
ام بدور..راحوا يصلون بالحرم وانا وخالتك تعبانين مافينا قلنا بنجي لصلاة المغرب ونجلس للعشاء بالحرم
بدور بقهر..طيب وانا ليه ماصحوني
ام بدور ..مو لازم اجلسي معنا
بدور وهي راجعه للغرفه ..لا لازم
ام بدور وهي تضحك..رجعت تكمل نومها
شوي وطلعت بدور عليها عباتها وبتطلع وتقوم امها
ام بدور بصوت عالي ..وين ان شاء الله
بدور وهي تتغطى..بروح اصلي
ام بدور..من متى اقول اجلسي بس
بدور وتفتح الباب وتطلع
ام بدور عند باب الشقه..بدور لاتخليني اطلع اسحبك عند الناس ارجعي
بدور..ماابي بروح اصلي
ام بدور بصوت عالي مرره ..بدوور
انفتح باب الشقه وطلع صقر وسلطان وشكلهم رايحين يصلون
صقر ويناظرهم..خير خالتي
ام بدور وهي معصبه..رجعها لااطلع الحين اكفر بها
صقر وحس خالته صدق معصبه راح لبدور ومعه سلطان وناداها رفضت وبدأ سلطان يعصب عليها اقنعه صقر يروح يصلي ماله داعي الفضايح ووافق وتركها اما صقر بالغصب رجعها لما بدأ صوت عمته يعلى اكثر ..دخلت بدور وهي تصيح وضربتها امها على كتفها لكن هنا بدور فجرت هالغضب بكلمه خلت صقر يدخل لشقه عنندهم ويسكر الباب
بدور وهي تصيح ..اكرهك مااحبك اكرهك اكرهك اكرهك
ماحست بدور الا بكف خلاها توقف عن ترديد كلمة اكرهك ..اضربني صقر بعد اكثر
صقر..قص بلسانك هذي امك تقولين لها هالكلام
بدور وهي تصيح وامها من الصدمه جلست ..بقولها ايه اضربني صقر احسن مليون مره من نظرة الاحتقار الي اشوفها بعيونكم خليني اقول لها خلاص مليت عمرها ماقالت لي اعملي كذا لانه حلال او حرام كل الي تقوله هذا بينفعك وهذا بيحبب الناس فيك نست اني بمجتمع مسلم بيكرهوني لاني تجاوزت تعاليم الدين ..قالت لي خلي فيصل يحبك وماعرفت ان فيصل اخر انسانه يفكر فيها انا وكل عيال خوالي مثله مافيه شخص محترم يفكر فيني الكل اشوف بعيونهم نظرة احتقار ممزوجه بعطف ..لما شفت البنات وكيف هو واعيات
________________________________________
متعلمات جميلات مميزات وغير هذا محبوبات سألت نفسي انا بأيش افرق الي بشئ واحد اني تجاوزت تعاليم الدين وضربت بكل العادات وراء ظهر ..مليون مره اسأل نفسي صقر ليه مايكلمني الا من بعيد وسلطان ليه مايسلم علي.. فيصل ليه يردد علي كلمه وحده بكل مره اكلمه انتي بحسبة خواتي حمد ليه اشوف لهفته على ساره مع انها مريضه.. شوق ليه مبسوطه وانا اجمل منها مليون سؤال وسؤال اجابتها وحده ان الجمال داخلي لكن امي ماعلمتني كذا علمتني ان الحياة اساسها الفلوس والجمال هو الي يجيبه حتى ابوي استغلت حبه لي لصالحها سخرتني اداة تنفذ فيها كل شئ لما وقفت هنا بالحرم خجلت من نفسي عرفتي اني بدنيا ونهايتي قبر وحساب وعذاب تذكرت كل افعالي وتصرفاتي التفت اشوف البنات وكل وحده تدعي الله يهديها ويستر عليها وانا خجلت ارفع يدي شلون اطلب الله يرحمني وانا عاصيه شلون اطلب الله يسعدني وانا مقصره شلون ويمكن الشئ الي تذكرته من القليل الي اعرفه ان الله رحمن رحيم عطوف كريم عفور ورفعتي يدي ادعي الله ينور لي دربي
صقر وبعد مااستوعب..صرخ .خلاص بدور كفايه
بدور ومازالت تصيح..لا مو كفايه ليه هي ماتقومني اصلي الفجر مثل امك ومثل ام فيصل ليه ماتطلع من غرفتها بعز الليل وتتطمن علي مثل ام فهد ليه ماتدعي لي بصلاتها ودموعها على خدها مثل ام نواف ليه حرمتني من احساسي كبنت كرمها الدين وصانها اعتبرها جوهره وخلتني سلعه للكل خلتني بضاعه الكل يعاينها ويشوف مثل التمثال مهما كان حلو لكن الكل ممكن يتجرأ ويمسكه سهله رخيصه رخيصه ياصقر بعيونكم انتم اول الناس واقربهم صح
ام بدور وهي تصيح..بس بس حرام عليك هذا جزاي خذا جزاتي
العمه لطيفه وهي نفسها من الصدمه ماعرفت كيف تتصرف مسكت بدور ودخلتها الغرفه وحضنتها وخلتها تتكلم وتصيح وهي تقرأ عليها لحد ماهدت ونامت بهالوقت ساره كانت بالغرفه وسمعت كل الي صار انصدمت خافت لكنها صمتت ولاقالت لاي شخص عن الي صار ..
اما ام بدور كانت بحالة صمت استغرب الكل لما رجعوا وحصلوها كذا خصوصا انا مانزلت للحرم تصلي ..وبالليل بعد مانام الكل دخلت ام صقر وجلست جنبها..
ام صقر..شفيك ياحصه ليه مانمتي يااختي
حصه بحزن ..وشلون انام بعد الي صار
ام صقر..تعوذي من الشيطان واذكري الله يااختي وهذي بنتك ضميها لحضنك
حصه وبدت تصيح ..بعد كل الي قالته ..؟؟ شلون يالطيفه بنتي طعنتني بنتي ذبحتني بنتي ربي عاقبني فيها آه يالطيفه وين امي تشوف وينها تشوف بنتي عطتني كف ماقدرت امنعه
ام صقر ..ماهو وقت عتب يااختي وامي الله يرحمها ويغفر لها
حصه..اتصلي بأحد العيال خليه يوديني للحرم اصلي واطلب الله لين اذان الفجر
ام صقر..ان شاء الله وانا بروح معك

بعد الصلاة الكل رجع ينام ويجهزون لانهم بيصلون الظهر ويمشون لجده عشان موعد رحلتهم لكن الي صار ان صقر طلب من امه انها تقول لبدور تتأسف لأمها لكنها رفضت وعندت والكل مستغرب ايش الي صار وخلا العمه وبنتها بحالة بعد عن بعض وصمت وقت ماهم يركبون السيارات استغل صقر قربه من بدور وقال لها وامه تسمع..بدور الله سبحانه وتعالى امرنا بطاعة الوالدين وبرهم وانتي ندمتي وعرفتي خطاك والمفروض انك ماتصححين خطأ وتبدين خطأ ثاني
بدور مستغربه..اي خطأ انا ماسويت شئ
صقر..امك مهما كان انتي رفعتي صوتك عليها والمفروض تتأسفين لها وتوضحين لها رأيك بطريفه ثانيه
ابتعد صقر وبدور حبت رأس امها وقالت اسفه وتحت الغطاء نزلت دموع حصه ..
كملوا رحلتهم ووصلوا لرياض ورجع الكل لبيته اما العمه حصه وام صقر راحوا بيت ام نواف يجلسون عندها ..

من بكرا الكل كان مشغول بتنظيف البيت وترتيبه العنود هي واماني وام فيصل والبنات اما شوق جلست للعصر بعدها راحت عند اختها تجلس معها شوي ..وبالليل ماعدا العنود وسلوم كانوا بالبيت ..دخل فيصل وجلس معهم وتغطت شوق ..
فيصل ..اقول سارونه مستعده
ساره باابتسامه متصنعه ..مستعده
فيصل..حبيبتي اول شئ انتي احتمال تطولين بالمستشفى
ام فيصل..ليه
فيصل..بيرجعون يعملون الفحوصات وتطبيق العلاج يعني على كلام حمد ثلاث اسابيع او اقل
محمد باابتسامه ..بس انا قلت بتجلس سنه
ساره ..بسم الله علي
محمد وهو يضحك ..خلي الوالده تعطينا شوية حنان
غدير..كل الحنان لكم يخلف علينا
فيصل وهو يضحك..كويس انك تكلمتي ذكرتيني غدور لاتقولين لا تفدرين تستعدين للملكه بأسبوع وانا تحت امرك بالي تبين
غدير وبسرعه..لاطبعا
محمد..ياشيخه شوفي لك حل لان الاخ خطيبك امس احنا وصلنا وازعجنا بعدين قبل ماتدخل ساره
ساره بحزن.عادي تعملها من غيري
غدير..لاحبيبتي مستحيل
ام فيصل ..خير ان شاء الله الملكه الخميس
غدير..يمه
ام فيصل..ليه التعقيد القستان اشتري جاهز وباقي الترتيبات ماهي مشكله
محمد..كفوا ام فيصل
فيصل..الا صح معي اوراق امون خذيها معك خلي العنود تشوفها واذا موافقه توقعها
اماني..اوكي ان بروح الحين وينها
فيصل ..عالمكتب
اخذتها اماني وطلعت للعنود وحصلتها بالصاله تتفرج عالتلفزيون..
اماني..وينك ليه ماجيتي
العنود..لا صعبه الحين محمد متزوج وبيجلس مع امه وزوجته واهله براحته مو مثل اول
اماني..لا العنود محمد عادي
العنود..بس انا مو عادي ايش الملف الي معك
اماني..هذا من فيصل يقول اذا موافقه وقعي

العنود..طيب حطيه عالطاوله
اماني وجلست عالكنبه جنبها..العنود بقول لك شئ
العنود وطفت التلفزيون والتفت لها..تفضلي
اماني..انا دخلت اخذ الملف من مكتب فيصل وحصلت جهازك مكسور عنده العنود بفهم ايش الي صار
العنود باابتسامه..اموون انا لو بقول قلت من الاول صار مشكله وانتهت انسي امرها لوكي
اماني..العنود انا ابي تتكلمين ترتاحين
العنود..انا مرتاحه
اماني..ايه صح ملكة غدير الخميس قبل ماتدخل ساره للمستشفى
العنود مبتسمه..الله يوفقها وساره كيفها
اماني.يعني تحاول ماتوضح انها زعلانه
العنود..طيب امون بكرا بروح لبيتنا
اماني ودمعة عيونها وحضنتها العنود..ليه اموون انا الحين خايفه من سلوم تصيحين انتي
اماني ..ليه سلوم بيروح معك
العنود..ايه صح هذا بيته لكن هناك كنت يوميا ادخل غرفة عايشه واقوله هذي غرفة ماما وهي ان شاء الله بالجنه واذا كبرت تعمل وتعمل لها ولازم استمر سلوم مالازم ينسى هالشئ لازم يظل يتذكر امه لو بالاسم ..
اماني..العنود انت انسانه رائعه
العنود باابتسامه..لا مو انا عايشه هي الانسانه الرائعه هي الي علمتني وزرعت بداخلي كل المعاني الحلوه
اماني..الله يرحمها يارب
العنود..آمين
شوي ودخلت عليهم غدير وساره وابتدت السوالف واتقفوا انهم كلهم بيلبسون من عندهم الا العروس بكرا بتبدأ اولى طلعاتها لسوق ..

مر الاسبوع والكل بحالة عمل مستمر فيصل مشغول بالشركه والترنيب لملكة غدير ومحمد معه اما البنات كانوا مشغولين بالترتيب والتجهيز للملكه خلال الاسبوع ماشافوا بعض ابدأ الا يوم الملكه ..
سلوم كان جاهز ويضحك بغرفة اماني ..الي كانت لابسة فستان ناعم وبسيط لونه عشبي ومكياجها كان بسيط جدا مناسب وجهها وعمرها وشعرها تركته على اكتافها
سلوم ..اماني يالله خلاص
اماني..سلوم انا حلوه
سلوم وهو يضحك..لا
اماني..انت مو حلو بعد
سلمان بسرعه ..خلاص انتي حلوه
انفتح الباب وصفرت اماني كانت العنود لابسه فستان ناعم اسود وشعرها على اكتافها ومعها شال اسود اما شعرها كان شلال اسود على اكتافها لنصف ظهرها ..مكياجها كان رائع ابرز جمال عيونها ..
اماني..لا عنوده كذا اخاف عليك من العين
العنود باابتسامه..لا حبيبتي انا الي خاف عليك يوجهك براءه تتمنها كل بنت
سلوم بصوت عالي..عنوووووووووووه يالله
طلعت العنود بعد مالبست عباتها هي واماني وراحوا لبيت ام فيصل وسلموا عليها وصادفتهم ساره لابسه فستان زهر ووجها هادي والمكياج مااخفى التعب الي واضح عليها اما شعرها كمان حلو ومناسب شكل وجهها الذبلان ..
اما العروس كانت مابعد جهزت شوي وطلعت شوق وكانت تهبل بفستانها الفضي ومكياجها وشعرها ..
شوق..بالله عليكم مو انا احلى وحده فيكم
العنود.ههههههه شوق انتي حلوه بعيونا لكن احلى وحده بعيون شخص محدد
شوق ..ياحظي اجل بروح اشوفه
ساره..تعالي يالخبله مو وقته
شوق..صدقت بروح البنات وصلوا يالله ننزل ..
نزلوا البنات وسلموا على الموجودين ..
خلود الي لابسه فستان ذهبي كانت رائعه بقوة نظراتها وحضورها اما عبير الحزن انطبع وسيطر عليها وانعكس هذا على عيونها من خلال اللون السماوي الي لابسته اما نجلاء كانت لابسه فستان ليلكي رائع شكله ..
تفرقوا البنات كل وحده كانت بجهه وساره حلفت امها انها ماتشتغل لانها تعبانه واماني كانت تكلم محمد اما العنود كانت بالمطبخ مع ام فيصل ..
ام فيصل ..العنود هذا الدخون جاهز والعود بغرفتي بس شلون بتدخلين وتطلعينه عند الناس نسيته
العنود وترفع شالها ..بروح اجيب لك من عندي
ام فيصل ..بسرعه
مشت بسرعه بتطلع مع الباب الخلفي من المطبخ الا على دخلت فيصل وجهها بوجهه
قيصل ..يمه ويييي
سكت فيصل رفعت شالها بسرعه ورجع فيصل ..اسف
ام فيصل..ابعد خل البنت تطلع بسرعه العنود
طلعت العنود وفيصل ظل مكانه
ام فيصل..شفيك ماعمرك شفت بنت وضربته على كتفه بعدين تنحنح قبل ماتدخل
فيصل وابتسم..الغاليه اسف والله من الربكه وين الدخون
ام فيصل ..هذا هو نسيت العود وراحت تجيب العنود
رجعت العنود لكن هالمره بشال طويل غطى كل جسمها اعطت ام فيصل العود ودخلت لصاله ويدها ترتجف من الموقف الي صار لها
وقفت جنب ساره وانتبهت ان بدور موجوده من بعيد وظلت تناظرها بتأمل فيها شئ متغير مو قادره تعرفه العنود..
ساره التفت عليها..شفيك ليه متنحه بالبنت
العنود..مااعرف احس فيها شئ متغير
ساره باابتسامه..بدور تغيرت ولازم احنا نساعدها
العنود..شلون تغيرت وكيف نساعدها مافهمت
ساره..احس انها تغيرت ولازم نتقبلها
العنود ..اوكي بروح اشوف غدير
ساره ..هههههههههههه الله يعينك
طلعت ساره فوق لغرفة غدير وحصلتها انتهت من مكياجها الي مخليها قمر مع انها اصلا حلوه ..اما فستانها كان مو مبهرج بالعكس كان انيق وفخم ولونه عنابي ..
العنود..الله اش هالزين يابخته
غدير..العنود احس اني انسانه ثانيه
العنود..هههههههههههه ليه يالخبله
غدير ..ماادري قلبي يعورني
العنود..شعور طبيعي حبوبتي
غدير..اقول العنود شكلي حلو صدق
انفتح الباب ودخلت ساره ..يالله ياحلوات فيصل وصل تغطي عنوده
دخل فيصل وابتسم لغدير..لا كذا انا بخاف عليك غدور من هالزين
غدير بخوف..ماابي اوقع
فيصل..هههههههههه خلاص ماينفع يالله حبيبتي وقعي خليني اطلع لااتأخر سمي بالله
بكل تردد وقعت غدير وحب جبينها فيصل وبارك لها وطلع وباركوا لها البنات ومعهم بدور الي الكل تفاجئ من تغيرها
شوق بصوت واطي لغدير..ابشرك بدور تغطت لما دخل فيصل يعني حظك حلو مو مثلي يوم ملكتي مرتزه ..
غدير..هههههههههه حسبي الله عليك شواقه يالخبله
شوق..عيب انا مرت اخوك احترميني
ساره..شوق صدق تعالي ماسولفتي لنا عن سفرتك ذكريني بعدين
شوق وهي تضحك..ومن قال اني بقول لك اصلا
ساره..غصب عنك اهون عليك بدخل المستشفى
شوق ..لاتحاولين مابتكسرين خاطري لانك طيبه مافيك شئ
قطع سوالف البنات اتصال ام فيصل تطلب منهم ينزلون يالله مع غدير

نزلوا البنات ودخلت غدير المجلس والكل سلموا عليها وشوي كلمهم فيصل وقال انه بيدخل الحين مع سعد ومحمد وتغطوا البنات ودخل المعرس لكن فيه ثنتين انفصلوا بعالم ثاني شوق وهي تشوف زوجها محمد الانسان الي بأيام بسيطه قد يرسم بسمه حقيقه بتاريخ حياتها الانسان الي وعدها ماتنزل دمعه من عينها الا اذا هي دمعة فرح الانسان الي تعهدت انها تسعده وتعمل كل شئ يرضيه مهما كان ..
والثانيه كانت العنود الي لما شافت سعد وتذكرت غدير ندمت وهي تشوف فيصل ندمت وهي تتذكر كيف غدير بكل عفويه قالت ان سعد اعجبها لما صادفته وقارنت بينها وبين غدير وتوصلت انها لازم ماتظل تفكر بهالمسار ولازم تبدأ تحرق حب فيصل بداخلها وبدل ماتكون اخته عند الكل تكون عند نفسها وبداخلها اخته ..
سلم فيصل ومحمد على اختهم وطلعوا اما سعد بعد مالبس زوجته الشبكه طلعوا بمجلس لحالهم وغدير كنت بتمووت من الخوف
سعد..مبروك غدير
غدير وهي مو مستحيه خايفه ..الله يبارك فيك
سعد وهو مبتسم..شدعوه كل ها حيا غدير ارفعي رأسك
رفعت رأسها غدير وابتسم لها سعد وقال..غدير اول شئ انا ماطلبت اشوفك لانك عجبتيني وارتحت لك من الصدفه الي جمعتني فيك لكن عيني عليك بارده طلعتي احلى مليون مرره
استحت غدير ونزلت راسها وكمل سعد..غدير انا حياتي كلها معتمده على الصراحه وعلاقتي مع فيصل كذا فيصل كتاب مفتوح بالنسبه لي وانا نفس الشئ وهالشئ ابي يكون بيني وبينك لاتعملين حساب اي شئ غدير اقل شئ لازم اعرفه وتأكدي انك بتعرفين كل شئ عندي
غدير..ان شاء الله
سعد وهو يضحك..اعرف بتقولين مو وقت هالكلام لكنه ضروري بالنسبه لي غدير انا بطلع مافيني على تعليق العيال بس اكيد بينا تيلفون تحبين اليوم او اخليك لبكرا
غدير..الي يريحك
سعد..هههههههههه لابغيت تحيره خيره اوكي معناته راحتي انها تكون اليوم
ابتسم سعد وطلع وترك غدير خايفه دخلت عليها نجلاء وضحكت..شفيك تقولين مروعه
غدير..ماادري كأنه فيصل خفت ماادري احس كله هيبه
نجلاء..هههههههههههههه اقول قومي يالله وخلي هالكلام والحكم بعد المكالمات نشوف شو تقولين ..
بعد ماانتهت الملكه والكل راح طلعت غدير لغرفتها اما ساره كانت تعبانه واماني والعنود اصروا يجلسون مع شوق وام فيصل يرتبون البيت ودخل محمد
محمد..السلام عليكم وصباح الخير وتعبت بروح انام
ام فيصل ..ههههههههههه محمد مافهمت شئ وحده وحده
محمد وهو مبتسم..وحده وحده بيجي الصبح وانا اقول وانتم تردون الا صح وين الحلوه
ساره..بغرفتها مو اليوم هي العروس لازم ندللها
محمد ويصحك..على بالك اقصد غدير انا اقصد شوق
اماني ..والله توقعت
ساره ..شوق راحت مع نجلاء تقول بتنام عندهم
محمد وتغيرت تعابير وجهه.ليه وانا جدار هنا
شوق وهي داخله مع العنود..من يقول
محمد ويلتفت على امه الي ضحكت ويناظر ساره ويتوعدها ..
ام فيصل ..هذي الحلوه لايكون تزعلها تراها غاليه
محمد وعينه على شوق..والله غيرت الاسم مو الحلوه الا احلى الحلوات
ام فيصل وهي تضحك ..اقول اذكر ربك واخذ زوجتك وعلى غرفتك
محمد..ههههههههههههههه
فيصل ..احم
تغطت شوق ودخل فيصل..السلام عليكم
الكل..وعليكم السلام
فيصل..اقول بنام تعبان اي احد يجلس لصلاة يصحيني
ام فيصل..مابقى شئ اجلسوا
فيصل ..باقي ساعه ونص
ساره..اجلس وسولف ويمر الوقت
اماني..فيصل نام بالمجلس واصحيك اذا اذن
فيصل ويبتسم..تسلمين ياحنونه
محمد..الا صح العنود السواق كلمني اليوم يقول بيروج يعتمر شرايك
العنود..يروح كيفه
ام فيصل..وزجته معه
العنود..اكيد
فيصل..بأسمك السواق العنود
العنود..ايه
فيصل..اعتقد له اجراءت خاصه عموما شوفها محمد واذا ماتقدر بلغني اوكي اشوفها
محمد..اوكي
سهروا الكل لحد الفجر وبعد الصلاة الكل نام..


اما بغرفة خلود وعبير كانوا سهرانين يسولفون عن الملكه وكل الي صار فيها
عبير..خلود شفتي بدور
خلود..شفتها لكن الي مستغربه منه انا ان ساره تقبلتها بسهوله ولاتقول خلينا نتقبلها بصراحه انا مو فاهمه
عبير..ولا لكن تعالي شسالفة هدية فهد الي يقول بكرا بيعطينا
خلود مبتسمه..ماادي بس امي تعرفها يقول بكرا العصر بيقول لنا
عبير ..الله متى يجي بكرا
خلود..بكرا بيرسل لك نواف اول الملفات صح
عبير مبتسمه..ايه ماتخيلين فرحتي شكثر
خلود..عبوره بدور عندهم بالبيت الغريبه انك عادي
عبير..خلود انا ظليت سنوات احب نواف ولااحد بعرف تحملت اشوفه تعبان مريض بالمستشفى تحملت اشوفه منعزل عن العالم وعايش لحاله والحين لو يقولون انه يحب وحده وبيتزوجه بقول طيب الله يسعده المهم يرتاح صدقيني بعد العذاب الي عشته بحبه ماابي الا انه يرتاح ويكون سعيد
خلود..يابختك ياعبير قدرتي تكونين انسانه قلبها صافي
عبير..وانتي ماقدرتي
خلود..مهما قدرت مابكون مثلك انتي تضحين لاي شخص تحبينه لغيرك طالما هالشخص يسعده وانا احارب العالم ولاافقد هالشخص
عبير ..ومن هالشخص
خلود وتبتسم..مازال الجواد من غير فارس
عبير..الفارس ياخلود مايجي بالقوه والعناد الفارس يجي بالحب والخوف والاهم الاحترام لنفسك قبل مايكون لغيرك
خلود..مافهمت كيف الاحترام
عبير..خلود اسلوبك مع سلطان كان جريئ يعني وانتي تعرفين سلطان لكن كون انه سكت لك مايعني انك تتجرئين اكثر
خلود..عبير سلطان يستفزني
عبير..سلطان كذا من هو صغير وانتي تعرفين يعني اذا رديتي بتتعبين ويمكن بأي لحظه يرد عليك سلطان برد يخليك تندمين انك تكلمتي معه يعني ابعدي عنه
خلود وهي معصبه ..اصلا هو مايعني لي شئ
عبير باابتسامه..وانا قلت يعني لك يالله تصبحين على خير
الظهر صحت عبير وحصلت ملفات نواف وصلت وكأنهم اعطوها اروع هديه ضمتها لصدرها ودخلت غرفتها ولاعاد حست بنفسها الا لما دخل فهد بعد مااستأذن
فهد..ايووه بدينا الشغل كيف الوضع
عبير ومبتسمه ..اقول لك بس ماتعلم
فهد ..قولي
عبير..ولد عمك شلون عايش بهالفوضى
فهد..هههههههههههه نواف حياته كلها فوضى الله يعينك يالله عبوره موعد المفاجأه البسي عباتك
عبير..بنطلع ايش هالمفاجأه
فهد..بسرعه مابقى شئ يالله
طلعت عبير وامها وخلود مع فهد حتى يشوفون المفاجأه وكانت فعلا مفاجأه وقفوا عند فيلا معقوله لكن شكله حلو وفخم والاهم انها مو قديمه
فهد..تفضلوا
خللود..لا والله من بيته ماتعدلت
فهد..هههههههههه ادخلي مافيه احد
دخلوا كلهم وانتبهوا ان امهم تصيح
عبير وتحضنها...يمه شفيك
فهد قرب منها وحب رأسها ..الغاليه هالبيت لولا الله سبحانه ثم دعواتك ماشريته
خلود..شريته هذا بيتك
فهد..لا هذا بيتنا
خلود وبسرعه حضنة فهد..الله يخليك يارب
فهد..بسرعه احجزي غرفتك قبل عبير
دخلت خلود تركض بس عبير التفتت على فهد..فهد شلون ..؟؟
فهد باابتسامه..كنت متوقع سؤالك بعت بيتنا واخذت قرض
عبير..يعني عليك دين
فهد..عبوره لاتخافين فيصل سهل الموضوع كثير لي وراتبي يحمل
عبير..الله يوفقك يارب
فهد..عبوره مااخترت غرفكم ولاشئ من اثاث البيت الي غرفتي وبنطلع الحين نشتري اوكي
عبير باابتسامه هزت راسها ودخلت بسرعه حتى مايشوف فهد دموعها ..

اما في بيت ام نواف العمه حصه والعمه لطيفه كانوا مقررين يسافرون لكن ام صقر ماوافقوا عيالها واضطرت انها تجلس اما بدور بعد معاناة اقتنعت امها يجلسون اسبوع بس وطلبتها انها تنام عند احد البنات
العمه حصه..وين بتنامين
بدور..ودي اروح عند خلود وعبير لاني اعرفهم اكثر وبيت ام فيصل مااعرف احس شكلي غلط
العمه حصه..كيفك الي تبين خلي السواق يوديك
بدور بخيبة امل..لحالي اروح مع السواق
العمه حصه..انا تعبانه مافيني اطلع اوصلك
ام صقر..انا بوصلك
بدور باابتسامه..تسلمين خالتي شوي واكون حاهزه
استغربوا خلود وعبير لما اتصلت بدور وقالت انها بتجي وتنام عندهم لكن تقبلوا الموضوع بالنهايه ..وصلت بدور بالبدايه كانت محرجه لكن بعدين بدت تسولف مع البنات وتضحك وحتى مع ام فهد والغريب ان شالها على كتفها وتغطت عن فهد وهالشئ اسعدهم كثير وتأكدوا انها تغيرت لان حتى طريقتها بالكلام تغيرت ولبسها محتشم ..
خلود..بدور شرايك تجلسين عندنا كل الاسبوع
بدور ..اخاف اضايقكم
عبير..لاشدعوه انتي بنت عمتنا
بدور..بنات بقول لكم شئ ولاتسألوني ليه مكن
البنات..ممكن
بدور..اسفه اذا اخطيت بحقكم
عبير وتناظر خلود..انسي يابدور حياتنا علمتنا ننسى الجراح ونسامح خلاص الحين احنا بنبدأ صفحه جديده
بدور..ودي الكل يتقبلني نجلاء وشوق خصوصا لاني جرحتهم كثير ..
خلود..شوق ونجلاء حبيبات مايزعلون واكيد مافي خاطرهم شئ عليك
عبير..يالله بروح اشوف شغلي
خلود..صح فهد اعطاني ورقه فيها ايميل نواف وقال اعملي ايميل خاص لشغل وارسليه على بريد نواف اوكي
عبير..اوكي اخذ الورقه وراحت للغرفه لكن مو حتى تعمل ايميل او تشتغل حتى تتأمل نواف من خلال شغله من خلال خطه من خلال بعثرة اوراقه ..وظلت على هالحال مايقارب الساعه بعدها بدت تشتغل ولاحست الا عالساعه عشر بالليل قفلت كل شئ وطلعت تسهر مع البنات ..

اما نجلاء كانت سهرانه مع اخوها حمد الي كان خايف من موعد ساره بكرا
نجلاءء..حمد شفيك
حمد باابتسامه..ولاشئ
نجلاء..حمد ليه ماتتزوج عالاقل زوجتك تجلس معي
حمد ..هههههههههه ان شاء الله بس خلينا اول نشوف الوضع
نجلء..اي وضع
حمد باابتسامه..وضع ساره
نجلاء مستغربه..ليه شفيها ساره
حمد..يعني ماانتي فاهمه لان الي بتزوجها هي ساره
نجلاء وباابتسامه ومصدومه ..احلف
حمد مبتسم ..لا اكذب نجول شسالفتك كل ماقلت لك شئ قلتي احلف
نجلاء..لابس استغربت يعني بتتزوج ساره
حمد..يس وياويلك ان وصلني خبر ان احد عرف حتى شوق
نجلاء بخيبة امل...ليه
حمد..نجلاء انا دكتور ساره وصدقيني احساسي تجاها مفصول نهائيا عن مسؤليتي كطبيب لكن بهالموضوع لازم اتاكد من صحة ساره وهل هي قادره على الزواج بهالمرحله لكذا ترددت اني اخطبها
ساره..بس حمد اذا انخطبت وانت ساكت يمكن توافق
حمد باابتسامه..لاتخافين فيصل يعرف بالموضوع ومن زمان مكلمه لكن طلبته يسكت مايقول لاحد حتى نتأكد من صحة ساره اول ..
نجلاء... الله وناسه .طيب ساره فيه خطر على صحتها
حمد..اتوقع انه تحتاج عمليه ونسبة نجاحها كويسه 80% يعني بعدها بتكون بأذن الله كويسه لكن المشكله كيف تقتنع هي
نجلاء..ياحياتي عليها اكيد بترفض اذا هي تخاف من الابره كيف العمليه
حمد...الله يعين بكرا بتدخل ونشوف الوضع والله يصبرنا على دلعها
نجلاء..ههههههههههههه الحين اذا دلعها مو عاجبك ليه تتزوجها
حمد وهو قايم بيطلع..فيه فرق اذا دلعها وانا زوجها واذا دلعها وهي مريضه وانا دكتور
نجلاء بصوت عالي ..حمد بكرا بروح لشوق وديني قبل ماتروح
حمد ..ان شاء الله

في بيت ام فيصل غدير كانت بعالم ثاني عالم ملئ سعاده وفرح تفاءل وامل ..لكن هذا مانساها احتياج اختها لها فااعتذرت من سعد ولاطولت معه وراحت تسهر مع اختها وتخفف عنها مع الكل الكل انبسط وحاولوا ينسون ساره الي كانت تحاول تداري لكن بالاخير ماقدرت وبكت وقالت لهم ان احساسها بالوجع هالمره مختلف وهالشئ خوف البنات عليها لكن بلاخير هدت وتركوها تنام وترتاح..

الصباح طلعت ساره وام فيصل مع محمد للمستشفى لان فيصل كان عنده موعد مهم ..وصلوا للمستشفى وقابلهم حمد وعملوا اجراءات ساره ودخلت للغرفه لكن هالمره بااحساس الضعف الظاهر احساس فقدان الامل ..احساس الخوف والتردد..السواد والالم ولاول مره تكلم حمد بهالاسلوب وقدام امها واخوها..

ساره بتردد..حمد انا بمووت صح
حمد الي تفاجئ من كلامها رد بسرعه ...لا ساره الاعمار بيد الله سبحانه ماهو انا ولااي احد يقدر يحددها بعدين هالضعف مابيساعدك لازم ياساره تكونين متفاءله خلي ايمانك بالله قوي
ام فيصل حضنت ساره الي ماقدرت وبدت تصيح
محمد..سارونه مايصير كذا حبيبتي
حمد..ساره امسحي دموعك واذكري الله وحالتك من قال انها خطر لاننا رجعنا لا مو خطر بس تحتاجين فحوصات ولازم تنعمل بنفس المستشفى اخليك ارتاحي وراجع لك حتى نبدأ بالفحوصات..
طلع حمد ومحمد وتركوا ساره امها تقرأ عليها قرآن لحد ماهدت شوي..

مر هاليوم حزين كئيب على بيت ام فيصل ..كل الموجودين حسوا أن البيت انطفت انواره لان ام فيصل ماهي موجوده ..وساره تعبانه وفيصل شكله مرهق ومن دخل وهو سرحان غدير كانت متوتره واماني خايفه اما شوق اتصلت بحمد وتطمنت على ساره وطمنتهم لكن الجوو الحزين غلب على الكل وحتى سلوم الي كان على غير عادته هادي ولايلعب ..

بالليل الكل دخل غرفته ينام والعنود نامت عندهم لان ام فيصل طلبتها ينامون طوال الفتره الي هي بالمستشفى مع بعض في بيتها ووافقت العنود ..

بالليل فيصل مو قادر ينام احساس بخووف بالفقدان احساس بالمسؤليه احساس بالضعف احساس دمر اعصاب فيصل من كثر التفكير حطم هالصمت واتصل بسعد الي حاس فيه من سمع صوته حاول يسولف معه لكن مافيه فايده فيصل يتكلم بشكل عشوائي وكأنه يحاول يمنع الاحساس بالاصوات داخله اصوات نابعه من طفله صغير من اخت دلوعه من ابنه هاديه اصوات من ضحكه بريئه من انسانه مختلفه قاطع عليه سعد
سعد..فيصل تكلم يااخوي ريحك نفسك
فيصل ..آه ياسعد قلبي معورني عليها والله لو تشوف البيت احسه نار تحرقني احس جدرانه ارضه كلها فاقده الحضن الدافي سلوم والبنات الكل الحزن مرسوم عليه وانا مااقدر اتحمل والله
سعد..فيصل انت عمرك ماكنت ضعيف شفيك
فيصل ..سعد تعبت انا بشر اختي بنتي الي بالمستشفى امي الي غايبه عن البيت خواتي الي الحزن مرسوم على وجيهم مااقدر مااكون ضعيف
سعد..فيصل انت بالنسبه لهم مصدر القوه تحمل طول عمرك تكابر اي احساس بداخلك هالمره لازم تكابر الضعف لازم تكون قوي حتى تساعد اهلك
فيصل ..الله يعين يالله سلوم عندي وبدخل البيت اكلمك وقت ثاني فمان الله
سعد..الله معك وهونها يااخوي وتهون وربك كريم
سعد ..والنعم بالله

الصباح صحت العنود وسلوم ونزلوا حصلوا شوق
شوق..صباح الخير
العنود..صباح النور صحيتي
شوق..توه محمد طلع مع فيصل بيمرون ساره بعدين عالشغل
العنود..اوكي غدير ماصحت
شوق..لا تعالي بكلمك شوي
العنود..خير
شوق..جوو البيت مو عاجبني حالة الاكتئاب مسيطره على الكل اذا قدرت على محمد صعبه اقدر على فيصل لكذا لازم اماني وغدير يتفاءلون حتى يقدر فيصل على الاقل يبتسم لو تسمعين محمد كيف يحكي عن حالة فيصل امس
العنود ..ولايهمك شوق الكل بيضحك واولهم فيصل
شوق باابتسامه ..شلون
العنود..فيصل مايقاوم سلوم بخليه يجلس معه وان شاء الله يقدر ينسيه شوي
شوق..اوكي الحين بطلع اصحي البنات
العنود..اوكي

خلود وعبير بدوا يتقبلون بدور عن قناعه مو مجامله خصوصاً بعد مااأعتذرت لهم وقالت انها ندمانه على كل الي صار ..انشغلت عبير بملفات نواف ومع اهلها بتأثيث بيتهم الجديد ..اما خلود قربة من بدور اكثر من عبير لانها تسهر معها كثير..
بدور..خلود انتي زعلانه من امي
خلود وسكتت ..لا
بدور..اعرف انك زعلانه ومو انتي بس الكل لكن حاولوا تسامحونها
خلود..الله يسامح الجميع الا ماقلتي لي كيف دلال وامل
بدور..تصدقين دلال مثلي مسكينه
خلود..شلون مسكينه
بدور..انا ودلال كنا مغترين بجمالنا كثير وكل شئ تقوله امي او خالتي ننفذه لما قالوا لدلال انها تتزوج وافقت وهي ماتعرف شئ عنه الا شكله ولاكان يهمها لكن بعد الحادث امي وخالتي استحوا عيب عند الناس يرفضون ولكن دلال كانت تربيتهم المهم عندها المظهر لكذا كلمت نواف بطريقة بنت دلوعه مراهقه كل الي يهمها نفسها ورفضت بعدها حاولت امي وخالتي يعدلون الموقف بس نواف رفض
خلود..يعني هي ماكانت تحبه
بدور..بذاك الوقت دلال كانت تحب الشكل الحلوو وبس كانت فارغه من اي معاني ثانيه وانا كنت مثللها الى وقت قريب
انبسطت خلود وكان ودها تقول لعبير كل شئ بهالوقت لكن استحت تترك بدور واجلت الكلام اذا نامت بدور ..

اما عبير كانت بغرفة فهد تسولف معه عن بعض الامور الي طلبها نواف وقبل ماتطلع
عبير..فهد ابي جوالك ثواني ممكن
فهد..ممكن بس من بتكلمين هالوقت
عبير..بكلم نجلاء
اعطاها قهد الجوال وعمل نفسه مشغول بالاوراق وهو كل تفكيره عند الكلام الي تقوله
عبير..ليه ماتردين على تيلفون البيت
نجلاء..بغرفتي بنام
عبير..تنامين الحين مكلمتني العصر توك صاحيه
نجلاء..ماسمعتي اختراع اسمه حبوب منومه
شهقة عبير..مجنونه تعملينها نجلاء اتصلي على تيلفون البيت بسرعه
نجلاء..مالي خلق
عبير..نجلاء مايصير ليه ماتجين تسهرين عندنا
نجلاء..لا حبيبتي بيت فيه اخوك مابجي اخاف يطردني
عبير..هههههههه صدق بدور عندنا
نجلاء..احلفي يالله بكلم حمد اقوله
عبير..بتظلين خبله بالله باي
سكرت عبير..شكرا فهد
قهد بعدم اهتمام..بتجي نجلاء
عبير..بتسأل حمد بس مااعتقد يوافق لانه بالدوام والله كاسره خاطري بيت كبير مافيه الا هي
قهد..اذا حمد ماعنده مانع اطلع معك نجيبها
عبير مستغربه وقالت بعفويه ندمت عليها..مااتوقع هي توافق
فهد رافع حاجب..وليه ان شاء الله
نجلاء..تستحي اكيد
قهد..براحتها

طلعت نجلاء واتصلت بنجلاء الي رفضت وقالت تنام احسن ولاتحس بغطف او رحمه من فهد ..

اما في بيت ام فيصل دخل سلوم يركض ووراه فيصل ..

سلوم..عنوده بنام عند فيصل
العنود انبسطت لان توصيتها لسلمان نجحت ....طيب
فيصل ..السلام عليكم
الكل ..وعليكم السلام
شوق..فيصل وين محمد
فيصل..براا بالحديقه ماعنده احد
طلعت شوق والتفت قيصل على غدير
فيصل..غدير ابي قهوه لو سمحتي
غدير..ان شاء الله
فيصل..العنود السواق بكرا مسافر ومفاتيح غرفته معي تحبين اعطيك اياها
العنود..لا ماابيها
فيصل ..اموون شو الاخبار
اماني..ضيقة خلق البيت من غير خالتي وساره
ضربتها العنود بيدها وتنهد فيصل وقال..الله كريم

اما بالحديفه جلست شوق مع محمد الي واضح انه مرره تعبان
شوق..محمد خير شصار..؟
محمد بعد لحظة صمت..مااقدر ادخل البيت ولااشوف امي الحزن المرسوم على وجيه خواتي يذبحني آه ياشوق
شوق بخوف..محمد حياتي ارجوك لخاطر ام فيصل لاتعمل بنفسك كذا كلها كم يوم وترجع خالتي وساره وينورون البيت
محمد..يارب

بالصاله كانت العنود واماني وسلوم جالسين بنفس اماكنهم انفتح باب المكتب وطلع فيصل بسرعه
وهو ينادي محمد بصوت عالي و شماغه على كتفه وشكله مو على بعضه ورمى مفاتيح
فيصل وهو طالع..العنود اقفلي الباب وانتبهوا لحالكم انا رايح لساره تعبانه
طلع فيصل وطلعت غدير بعد ماسمعت صوته لحقته ولارد عليها كل الي سمعته انه قال لمحمد ساره حالتها خطره وطلع مع محمد وتركوا الكل في حالة انهيار تام ماعدا العنود الي حاولت تكون قويه وفشلت ..
وصل فيصل ومحمد بحاله الله العالم فيها وبسرعه راحوا لغرفة ساره حصلوا الاطباء وبسرعه محمد راح لامه الي كانت بحاله سيئه جداً ..اما فيصل بادره حمد بسرعه
حمد..مافيه وقت للأسئله بننقلها لغرفة العمليات روح وقع الاوراق وادعي لها
مشى فيصل ورجع ومسك حمد من اكتافه ..حلقتك بالله تبذل كل جهدك هذي ساره الغاليه
حمد..فيصل انا دكتور والمريض يهمني سواء كان قريب لي او لا توكل على الله
راح فيصل ووقع الاوراق وساره انتقلت لغرفة العمليات ..
سأل فيصل عن موعد العمليه قالوا مايقارب خمس ساعات ..رجع والحزن كله مسيطر عليه وحصل امه منهاره اخذها بحضنه وظلت تصيح وهو يحاول يكون قوي ويطمنها حاول يقنعها ترجع ورفضت ودخلت للغرفه وتوضت وبدت تصلي ..

اما محمد كان بحالة صمت زفيصل بحالة توتر
اتصل فيصل بالبيت وكل كان منهار ردت العنود
العنود..فيصل طمني شلونها
فيصل بصوته كل الحزن..ادعوا لها دخلت لغرفة العمليات المهم العنود لااوصيك البيت قفلي اباب وخليكم عند التيلفون
العنود..ان شاء الله
فيصل ..مع السلامه
العنود..سكرت وجلست تصيح لان ساره مثل اختها وتعني لها هالعايله الشئ الكثير مو كفايه انها لقت لها خوات واخوان وام حنونه وطيبه ..

بالمستشفى كان فيصل جالس ينتظر ومحمد راح له
محمد..فيصل ساره مابيصير لها شئ ان شاء الله
قتح فيصل عيونه والتفت على محمد الي ارتمى بحضنه وبدى يصيح ونزلت دموع فيصل بعد محاوله فاشله لمنعها
فيصل..كل شئ بيد الله الله يقوما بالسلامه
محمد..لا ساره مابتتحمل العمليه شلون لازم ندخل معها
فيصل ويهدي اخوه..محمد اذكر الله العمليه مطوله تعال وانا اخوك خليني نصلي ركعتين وندعي الله

راح محمد مع فيصل يصلون وتركوا ساره بغرفة العمليات الله سبحانه الي عالم بحالها ..
الجزء الثالث والعشرون ...







صلى فيصل ومحمد ودعوا الله يرحمهم ويقوم اختهم بالسلامه.. احساس الاحتياج.. احساس الخوف.. الامل.. القوه.. الضعف احاسيس ..كانت تتصارع بداخل كل واحد منهم مهما كان الشخص قوي وذو نفوذ وشهره ومال مهما كان جامد متبلد من غير احساس لحظة المرض كل شئ ينتهي لحظة العدو الاول للأنسان المرض مايقدر اي واحد يتحكم بمشاعره لحظة تمر الثانيه فيها كانها دهر وفعلاً هذا الي صار لفيصل ومحمد الي ظلوا يدعون الله لأختهم ..ظلوا يعدون الثواني قبل الدقايق ويشوفون الحزن مرسوم والامل غايب يشوفون الفرحه تودعم والالم يعانقهم يشوفون الامنيات تتحطم والاماني تتبعثر ..لحظات بكت السعاده والراحه وتألمت الذكريات ..هذا حالهم بالمستشفى اما ..
بالبيت الوضع كان متوتر الكل بحالة بكاء وخوف الكل ماهو عارف هل بيشرق بحياتهم يوم يحمل فرح او يوم تكون ساره نور بيتهم غابت عن الحياة ومن يوصلون لهالنقطه يدخلون بحالة بكاء شديده ماتوقف الا اذا ذكروا أن الله رحيم بعباده وان شاء الله بيرحمهم ..ويقوم اختهم بالسلامه وترجع شمعه تنور بيتهم وترجع ضحكتهم وفرحتهم ..

اما ببيت ام فهد البنات كانوا سهرانين ومبسوطين عبير وبدور وخلود اما فهد كان نايم وقطع عليهم صوت التيلفون ورفعته خلود
خلود..الو نعم
المتصل..السلام عليكم
خلود باابتسامه..وعليكم السلام
المتصل..هلا خلود فهد جواله مغلق موجود
خلود وعصبت لانه حتى ماسأل عنهم..ايه نايم
المتصل..طيب صحيه وخليه يجي لمستشفى الامن ساره بغرفة العمليات
شهقت خلود والتفتوا عليها البنات ..احلف شفيها شلونها
المتصل..مو وقته يالله باي
خلود..سلطان وقف لحظه البنات بالمستشفى معها وخالتي
سلطان..لا اهلي طالعين لهم بقول لهم يمرون عليكم بسرعه خلي فهد لازم نكوون مع العيال

سكرت خلود وصاحت والكل صاح خوف على ساره لانها طيبه ولاتستاهل لكن هذا قضاء وقدر ولازم نرضى فيه ونحمد الله الذي لايحمد على مكروه سواه ..

طلع فهد للمستشفى وصادفه نواف وسلطان وصقر ولاحصلوا فيصل ولامحمد اما ام فيصل الام الي بنتها بغرفة العمليات
الام الي تعاني وتتعذب وحبيبتها تتألم الام الي تمسح دموعها من دون احساس الام الي تشوف الحزن يقترب رفضت وسوسة الشيطان لها و سلمت امرها لله وجلست على سجادتها تناجي الواحد الاحد تدعي الرحمن الرحيم ..ام فيصل رغم خوفها ايمانها بالله صبرها ..وظلت على سجادتها من دخلت بنتها للعمليات على امل انها ترجع لها ..

بالبيت شوق حاولت تتصل بمحمد لكن جواله مغلق وحتى فيصل
اماني وهي تصيح ..شلون لازم نعرف
غدير وهي تصيح..بتصل بسعد
العنود..ايه بسرعه
اتصلت غدير ..
سعد..هلا وغلا
غدير وصوتها تصيح ..سعد
سعد..عيونه غدير شفيك
غدير..سعد ساره بغرفة العمليات وفيصل ومحمد تيلفوناتهم مقفله
سعد..اوكي انا طالع لهم وبطمنكم انتبهوا لحالكم واذكروا الله ومابيصير ان شاء الله الا كل خير
غدير..طمني بسرعه
سعد..خير ان شاء الله

وصل الكل بيت ام فيصل وحاولوا يهدون البنات من حالة القلق الي هم فيها
العمه لطيفه..لا اله الا الله يابناتي مايصير اختكم ان شاء الله طيبه
العنود..ان شاء الله
ام نواف..عبير يمه اتصلي بنجلاء البنت لحالها بالبيت
شوق..كلمتها بس مافيه احد يجيبها
ام نواف..بروح انا اجيبها وحده منكم تجي معي كلمي قولي لها حمد الي عامل العملليه واكيد بيطوول

طلعت ام نواف وعبير وجابوا نجلاء الي شاركت الكل حالة الحزن والخوف والتوتر الي عايشينها ..

وصل سعد وحصل اول شخص نواف وسلم عليه والتفت على جهة فيصل وحصله واقف عند الباب بحالة حزن وشكله كبر عشرين سنه اما محمد كان جالس ورأسه للأرض وحالة تصعب عالواحد ..قرب لفيصل ورفع رأسه فيصل
سعد..لا اله الا الله
فيصل..بكل الحزن .. لااله الا الله محمد رسول الله
سعد..فيصل يااخوي تطمن والي الله كاتبه بيصير
فيصل ويأشر ..سعد انا بخير روح لمحمد
التفت سعد على محمد وراح لعنده يهديه وبعدها اتصل بالبنات وطمنهم وظلوا الكل بحالة صمت فيصل بنفس المكان واقف محمد رايح راد والكل بحالة قلق وتوتر ينتظرون موعد الفرج من الرحمن الرحيم

مرت اللحظات بطيئه عليهم الكل يتمنى هالباب ينفتح الكل خايف الكل ضايع الكل يشوف الموقف قدام عيونه .
الكل يحس الساعات الي مرت عمر محمد وفيصل الثانيه كانت سنه الدقيقه كانت عمرهم كله كان الدقايق تحرق اعصابهم ينتظرون الامل يرجع من هالباب الي له ست ساعات جامد ولاهو حاس بمشاعر تحترق تتعذب تنتظره ينفتح ...وبلحظه انفتح الباب ..طلع حمد وقف راح له فيصل محمد الكل وقف عنده
فيصل ويمسكه مع كتفه..حمد تكلم
حمد وبكل تعب..نجحت العمليه تستاهلون سلامتها
محمد جلس عالأرض وبسرعه نزل له نواف ولااعطاه فرصه وقال له يروح يبشر امه
فيصل..حمد شلونها بشوفها
حمد ويحط يده على كتف فيصل..تطمن تحتاج 24 ساعه بالعنايه المركزه ادعي الله انها تعدي على خير
فيصل وتوتر اكثر..شلون حمد مو تقول نجحت العمليه
حمد ..فيصل تطمن صح كانت صعبه لكن الحمد لله نجحت
فيصل والتفت ومشى عنهم
فهد..فيصل وين رايح
سعد اشر لسعد يعني اتركه عرف ان فيصل محتاج يكون لحاله والكل احترم رغبة فيصل

بغرفة ام فيصل دخل محمد وفزت لدخلته وحضنه وهو يقول نجحت يمه العمليه صاحت ام فيصل وصاح معها محمد مهما كابر مايقدر وهو بحضن امه حس انه ارتاح وارتاح من كل همومه وتعبه وهو بحضنها وحس ان امه تحملت كثير وبدأ يهديها وطلعت معه
ام فيصل ..حمد حمد يمه بشرني
حمد باابتسامه..الحمد الله على سلامتها خالتي
ام فيصل..حمد احلف ان بنتي بخير
حمد..خالتي ساره بخير وبكرا بتشوفينها لكن الحين صعب العمليه ماهي سهله
ام فيصل ..ياربي ياقلبي يابنيتي
حمد؟..هههههههه خالتي الله يعينا عليها بتزعل علينا
ام فيصل..الله يقومها بالسلامه وتزعل واراضيها تسلم ياولدي والله ماقصرت
حمد..واجبنا ياخالتي الحين شرايك تروحين ترتاحين وبكرا ترجعين
ام فيصل..واترك بنيتي
محمد..يمه معه حق يالله اوصلك ونطمن البنات كلهم حالتهم الله العالم به
بعد محاولات رجعت ام فيصل مع محمد وكل العيال طلعوا ماعدا سعد الي راح لفيصل وحصله بسيارته
سعد..فيصل
رفع فيصل رأسه وانصدم سعد فيصل يصيح...اذكر الله يارجال مافيها شئ الحمد لله
فيصل ..ست ساعات كانت دهر كانت عمري كله سعد حسيت روحي بتطلع تمنيت امسك يدها اقولها لاتخافين احنا جنبك كلنا تمنيت احضنها واطمنها قبل لاتدخل تمنيت اعطيها قلبي ولاتعيش لحظة الم مااقدر خواتي نور عيوني خواتي هم سعادتي ابتسامتهم هي فرحتي ودمعتهم نار تحرقني سعد اليوم تمنيت اصرخ اصيح اقول للعالم اختي داخل بنتي تعمل عمليه بقلبها الطاهر قلبها البريئ قلبها الصافي تمنيت اجلس عالرض مثل طفل صغير وامي تحضني تمنيت وتمنيت ماقدر ماقدر الا اني اكوون قوي ودي اصرخ
حط فيصل رأسه وحس سعد ان فيصل تعبان وتركه شوي بعدها حاول انه يهديه والحمد لله قدر ونزل معه عند حمد داخل المستشفى ..

وصلت ام فيصل للبيت والكل استبلها وبكت وبكوا معها وطمنتهم الكل تعبان وناموا عندهم بالبيت لكن ام فيصل كانت تنتظره ماشافته بالمستشفى ولارجع للبيت طلعت فتحت المكتب ولاحصلته ولابغرفته دخلت على غدير وحصلتها هي والعنود وعبير صاحين ونزلوا معها ..

ام فيصل..مايصير جواله مغلق وين ولدي ماشفته
غدير..يمه اصحي محمد اسأله
ام فيصل..وين نجلاء نايمه
عبير..ماادري ليه تبين شئ خالتي
ام فيصل..اتصلي بفهد شوفي
اتصلت وحصلت جواله مغلق
ام فيصل..ياربي الكل نايم وين راح
العنود..غدير اسألي سعد
ام فيصل..لا اخاف يكون نايم
غدير..اذا نايم بيقفل جواله بجرب
اتصلت غدير ورد عليها
غدير..هلا سعد
سعد..هلا غدور يسعد لي هالصباح
غدير واستحت..سعد فيصل معك
سعد بخيبة امل..شدعوه قلت اشتاقت لي لا فيصل الله يسلمك توني تركته من ساعه بالمستتشفى رفض يرجع وجلس عند ساره
غدير..ايووه لان امي قلقانه ماقدرت تنام لانه مارجع
سعد..طيب غدور خالتي عندك
غدير..ايه
سعد..هههههههه خساره كنت ناوي استغل الفرصه واسولف سلمي عليها وبكرا لنا كلام ثاني
غدير باابتسامه..ان شاء الله مع السلامه
سكرت غدير وطمنت امها الي دخلت غرفتها تنام رغم انها مو مرتاحه ولاقادره تغمض عينها وبنتها بالعنايه

غدير..ياعمري يافيصل تلاقين حالته بالارض لكذا مارجع للبيت
عبير..اذا محمد حالته كذا شلون فيصل
العنود..الله يعينهم اختهم وبعدين ساره غاليه عليهم
غدير..الله يقومها بالسلامه
الكل ..آميين

الساعه ثمان بالمستشفى مر حمد على فيصل وحصل مازال صاحي
حمد..مانمت
فيصل..وانت قدرت تنام
حمد باابتسامه..ماقدرت اطلع من المستشفى
فيصل..كيفها حمد
حمد..تطمن فيصل تتوقع اني اكذب صدقني انت تعرف ساره شو تعني لي وتعرف شثر عانيت بهالعمليه لانها لانسانه تعني لي تطمن يااخوي
فيصل..يعني حمد بتتحسن
حمد..ان شاء الله
فيصل..طيب بشوفها بمسك يدها يااخي حرام عليك ارحمني
حمد..مااقدر فيصل قلت لك روح نام وتعال بالليل ويمكن اخليك تدخل وبعدين لااحد يجي لانها بتصحى عالفجر وبنطلعها لغرفه عاديه فيعني ماله داعي احد يجي
فيصل ..بروح ابدل قبل مايصحى احد وارجع واعطيهم خبر واذا صار شئ اتصل على جوال محمد جوالي مااعرف وين حطيته
حمد..اوكي فيصل

وصل فيصل البيت وحصل امه الي حظنته وبكت وحاول يمزح معها
فيصل ..يمه ترى ناقصني حنان الله يخليك دمعه زياره مااتحمل اخاف امووت
ضربته امه..بسم الله عليك
فيصل..هههههههه الغاليه وين العالم نايمين
ام فيصل..سلوم راح يلبس مع العنود وغدير واماني بالمطبخ والبنات فوق والباقي بالمجلس
فيصل وهو يضحك...ملاهي اهم ئ غرفتي فاضيه
ام فيصل ..الله يطمني على اختك ويفرحني فيك
فيصل ويضحك..ن شاء الله ابشري لو تبيني اعرس الحين موافق
ام فيصل مستغربه..صدق موافق
فيصل..بس بشرط الحين بهالحظه
ام فيصل..تلعب علي روح غير اشوف
فيصل ..مايهون علينا زعلك ابشري الغاليه الي تبينه بيصير بس عطينا شوية وقت
ام فيصل..طيب يالعنيد ولارحت الزينه روح دور لك بنت ثانيه ولابتلاقي وحده مثلها
فيصل رافع حاجب..راحت الزينه
ضحكت ام فيصل وهي طالعه..ايه راحت اذا مالحقت عمرك مابتنتظرك
فيصل بالنهايه عرف ان امه تجره بالكلام..يمممممممه بعدين ترى تعبان واخاف اقول كلام اندم عليه عن اذنك
اخذ له شور سريع فيصل وطلع وهو مازال يفكر بكلام امه ياترى الزينه الي تقصدها امه هي نفسها الي ببال فيصل ..او الزينه عندها هي الي جمالها ظاهر وشكلها حلو ياترى اذا الزينه الي ببال فيصل والي هي الحلوه الحبوبه الصريحه الواضحه المرأه بكل ماتعني الكلمه له ..ممكن تروح ولمين ظل فيصل يفكر هل امه فعلا هالمره عرفت فيصل من اختار او اخطئت حاول يتوصل لرائي يقنعه ماحصل الى ماوصل المستشفى وطلع حمد بعد وصولها لمدة ساعه ورجع حتى محمد مر على فيصل تطمن على ساره ورفض انه يجلس لازم احد منهم يظل بالبيت ورجع محمد والكل ينتظرون الصباح حتى يشوفون ساره ابتدا من دكتورها حمد وانتهاء بسلوم الصغير ..

الساعه ثنتين الفخر طلعت ساره من العنايه المركزه لغرفتها وجلس عندها فيصل وحمد
فيصل ماسك يدها..حمد متى تصحى
حمد..تصحى شوي وترجع لكن الحين بتبدأ تصحى لكن مو تمامم عالصبح ممكن تصحى وتقدر تتكلم شوي
جلس فيصل مع حمد يسولفون عند ساره وانتبه فيصل لها فتحت عينها وراح لها
مسك يدها وبكل حنيه..سارونه حبيبتي الحمد الله عالسلامه
حمد..مابتقدر ترد عليك
ساره وتناظر حمد وفيصل وبصوت متقطع ومرهق قالت كلمه وحده ورجعت نامت ..يمه
فيصل..حمد اكيد كل شئ تمام
حمد..تطمن فيصل بطلع انا اشوف شغلي واذا صار شئ بلغني يالله عن اذنك
طلع حمد وترك فيصل مع اخته الي ظل يتأملها بحنان الاب وبلهفة الاخ لحد الفجر بعدما بدت ساره تصحى
ساره..شصار احس اني تعبانه
فيصل..حبيبتي انتي سويتي عمليه ومع الايام بتتحسنين
ساره..عمليه امي وينها
فيصل..لاتخافين انا معك وامي بتوصل بعد ساعتين
ساره..ابي موويه
فيصل يفكر..طيب بسال حمد ماقال لي شئ بخصوص الاكل

وصل حمد لغرفة ساره وتطمن عليها وساره ماكانت بوضع يسمح لها تفكر بأي شئ كان احساسها بالتعب نساها انها بواجه مع حمد ان الي عمل لها العمليه هو الشخص الي تحبه هو الانسان الي تخاف وتتوتر بحضوره ..تطمن حمد وطلع يكمل شغله وبعدها وصلت العائله وبدأ الكل يصيح واولهم ام فيصل وغدير واماني والعنود وسلوم اما فيصل ابتسم وطلع صادفه شوق ومحمد سلم عليها ورجع للبيت ينام لانه مرهق تعبان ..

المغرب امتلت غرفة ساره كل عماتها وبنات عمها عندها ومرتاحين لانهم تطمنوا عليها ..

العمه حصه وهي قايمه بتطلع ..يالله ماتشوفون شر ان شاء الله اسمحوا لي بمشي الصبح بسافر لشرقيه
ام فهد..تو الاجازه ليه ماتجلسون
ام بدور..لا خلاص عندنا التزامات هناك
ام نواف..طيب خلي بدور عند البنات
ام بدور..لا تروح معي بعدين وش يفكني من ابوها يالله مع السلامه

طلعت بدور وامها بعد ماسلمت بدور على الكل وودعتهم طلعوا للبيت مع سواق ام نواف اما الباقي ظلوا عند ساره لحد الساعه تسع وطلعوا

ام فيصل ..شوق اتصلي بمحمد يمر يأخذكم
غدير..يمه انا بجلس مع ساره
ام فيصل..لا انا الي بجلس مع بنتي وانتم روحوا للبيت
العنود..ان شاء الله خالتي لاتهتمين
ام فيصل ..غدير انتبهي للبيت واخوك اكيد بيصحى مو تدخلين لغرفتك وتنسين العالم
غدير باابتسامه..ليه الفضايح يمه ابشري بعمل له كل الي تبين
اماني..لاتخافين خالتي فيصل بعيونا
ام فيصل..تسلمين يابنتي وانتي العنود ناموا مع بعض بالبيت
شوق باابتسامه ..خالتي اشوف وصيتي الكل الا انا يعني انا حرمه سنعه مايحتاج توصيني
ام فيصل وهي تضحك..انتي الله يعينك على محمد
شوق ..والله محمد مافيه مثله
ام فيصل ..الله يسعدكم يمه يارب
شوق ..آمين
اماني..الا صدق ليه نجلاء ماجات معنا
شوق ..حمد من غيره ماوافق قال روحي بيت خالتي ام فهد
ام فيصل ..افا ليه
شوق..مو عن شئ بس يقول حتى فيصل ومحمد يأخذون راحتهم اما فهد وقته معروف واغلبه برا البيت
ام فيصل ..خليه يجي اوريك فيه
شوق..هههههههه لاخالتي بعدين يعصب علينا
ام فيصل ..لا مابيعصب
وصل محمد وطلعوا البنات معه وظلت ام فيصل مع ساره الي كانت ساكته بصعوبه تتكلم حاولت ا فيصل معها تأكل ماوافقت وبدت تحس انها تتعب وطلبت حمد ودخل عندهم
ام فيصل..هلا يمه حمد
حمد..هلا خالتي شلونكم بشروني
ام فيصل..حمد ساره ماكلت شئ ولاتتكلم
حمد وقرب عند ساره..ساره تحسين بشئ
ساره وتأشر على قلبها ..
حمد..ساره تكلمي لو بصوت واطي الالم كيف اذا اكلتي او تكلمتي
ساره ..اذا تحركت
حمد..لا ان شاء الله يوم بالكثير يومين ويخف هذا كله بسبب العمليه بس لازم تأكلين وتتكلمين حتى لو فيه صعوبه اول شئ
ام فيصل..طيب يمه مايصير تجلس
حمد..يصير خالتي بس بعنايه وهدوء يالله ساره
مسك يدها وحاول يسندها مع الممرضه وجلست
ام فيصل ..متى بتطلع
حمد..والله ياخاله لازم اقل شئ اسبوع اذا ماكان اكثر
ام فيصل ..الله يسهل المهم انها تصير بخير
حمد باابتسامه..خالتي مافيها الا العافيه بس تتدلع عليكم
ابتسمت ساره وام فيصل واستأذن حمد وطلع وهو مبسوط لاسباب كثيره اهمها ابتسامة ساره ..الي عوضته عن التعب الي حس فيه ..

في بيت ام فهد كانت نجلاء تساعد البنات بتجميع باقي اغراضهم لانهم بينتقلون بهاليومين للبيت الجديد ..مجموعة صناديق وشنط وعلب واشياء كثيره كانت مجموعه بالمجلس لكن نجلاء لفت انتباهها علبه داخل صندوق هالعلبه كانت مفتوحه من غير احساس امتدت يدها وطلعت الدفتروهي تعرف انه من اغراض فهد وانفتح على صفحه بداخلها كرت انصدمت لما شافت الكرت هذا كرت الهديه الي ارسلتها له ورجعها كانت بتسكر الدفتر لكن ماقدرت الا بعد ماقرت الرساله المكتوبه امامها انصدمت ..خافت ..كان ودها تعترض ..تصرخ ..ترجع لبيتهم ..ترتمي بحضن دافي يضمها لكن لا نجلاء انتي لازم ماتكوني ضعيفه هاللكلمه وصلت لقلبها قبل عقلها قفلت الدفتر وطلعت حاولت تتصنع لكن بالنهايه ماقدر استأذنت وقالت انها مصدعه وبتنام بفراشها بكت من غير صوت بكت بدموع كان ممكن تدمرها لو ماقاومتها ظلت تدعي الله يطلع الصبح وترجع بيتهم من غير ماتشوفه والله حقق لها املها ورجعت للبيت من غير ماتشوفه اول ماوصلت دخلت غرفتها وبدت تصيح بشكل هستيري بشكل يقطع القلب ويصعب عالواحد حاولت تسكت ماقدرت لكن سبحان الله ربي دلها على الحل بنظره سريعه على المصحف تعوذت من الشيطان وتوضت وقرت قرآن وبدت تهدا شوي شوي..وان كانت دموعها بدت تنزل من غير استأذان وبأي وقت ..

اما في بيت ام فيصل البنات بعد مارجعوا من المستشفى جلسوا مع بعض وكان معهم محمد
محمد..خلاص عاد افردوها ساره طيبه مافيها الا العافيه
شوق ..والله كسرت خاطري شكلها تعبان
محمد وهم مبتسم..بس هي وانا ماكسرت خاطرك حني علي بشاي بعصير أي شئ
شوق..ههههههههههه محمد مو وقته انت شرايك تحن علينا وتجيب لنا عشاء من برا
محمد ويناظر شوق ..تعرفين ايش المشكله
شوق بحماس..ايش
محمد..اني مااقدر اقول لا لك مااقدر
غدير بصوت عالي..انتم بس موجودين احنا
محمد...ههههههههههههه مقصوده حبيبتي عشان تنتبهون لنا
اماني..بروح اصحي فيصل ونتعشى مع بعض
العنود..يالله سلوم نروح نبدل
سلوم..ونرجع هنا
العنود..طيب
شوق..العنود ارجعي مو بس سلوم
سكتت العنود وطلعت وطلب محمد لهم اكل ونزل فيصل ورجعت العنود والكل كان موجود ..

 
 

 

عرض البوم صور dali2000  
قديم 22-02-09, 06:01 PM   المشاركة رقم: 8
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,020
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4990

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : الارشيف
افتراضي

 

________________________________________
فيصل..السلام عليكم
الكل..وعليكم السلام
فيصل..شلون ساره
محمد..تطمن كل شئ اوكي كلمت حمد قبل مانرجع وقال الى الان تمام الوضع
فيصل..غدور ابي قهوه
غدير..هههههههههههه لا امي قالت لاتعملون له قهوه اول مايصحى
فيصل باابتسامه..طيب عصير
محمد..شوي ويوصل العشاء
فيصل..لا مااشتهي بشوف شوية اشغال وبطلع للمستشفى
سلوم..بروح معك فيصل
فيصل..لاحبيبي مايصلح انت صغير لازم تنام بدري
سلوم..طيب بكرا بروح معك
فيصل..طيب حبيبي
اماني..فيصل تسجيلي بكرا بروح انا مع السواق واخذ الشغاله معي
فيصل ويفكر..ماتروح معك غدير او العنود
اماني..لا ماله داعي يصحون من الصباح بعدين كل البنات بيكونون موجودين هناك
فيصل باابتسامه ..امووون انا بوديك اوكي
اماني..طيب بس مو تعب عليك
فيصل..تعبكم راحه
غدير..عادي فيصل انا اروح معها
فيصل..لا خلاص اصلا الصباح ماعندي شغل الشيخ مستلم الشركه
محمد..شرايك انا اوديها وانت تروح الشركه
فيصل..لا انا بروح للجامعه تصدق من زمان مارحت لها
محمد..هههههههههههههه ايوه اطلع على حقيقتك
فيصل..لاتفهمني خطأ يعني الواحد يروح يشوف له بنت الحلال
غدير..وبنت الحلال بتشوفها من فوق عباتها
فيصل..هههههههههههه اقول اشوفكم اخذتوا الموضوع جد بنت الحلال الله يستر عليها الا صدق عمتي اتصلت علي
وانا نايم لاتقول انها سافرت
محمد..الله وليه هالاهتمام بكرا سفرها
فيصل..كويس متى
محمد..الصباح
فيصل ..افاا الظاهر اموون بتروحين مع السواق لان عندي موضوع مع عمتي قبل ماتسافر
غدير..خلينا من عمتي الحين مين بنت الحلال
فيصل.. مشاء الله مانسيتي كل شئ بوقته حلوو غدور ان شاء الله ازوجك واتزوج بعدك
اماني..صدق فيصل
فيصل..عاد اذا وافقت بنت الحلال
غدير..وليه ماتوافق انت كل البنات يتمنونك
فيصل باابتسامه..بس هي غير كل البنات
محمد..ههههههههههههه فيصل الظاهر مازلت نايم اخووي من هالشيخه الي خلت اخوي شاعر
فيصل..اقول بدخل مكتبي اشوف شغلي وكأس عصير تحملونا لحد ماتوافق بنت الحلال
دخل المكتب وترك الكل بحيره من كلامه وحتى اخوه محمد الي استغرب من كلامه اما العنود كلامه ذبحها لكنها سكتت وعملت نفسها مو متأثره رغم انها تتعذب وتنطعن بداخلها ..

خلود دخلت تنام اما عبير مسكت الملفات وظلت تسأل نفسها ياترى ياعبير اخطيتي لما وافقتي تشتغلي معه..؟؟ ياترى اخترتي لعذاب لنفسك لقربك منه..؟؟ ياترى هالملفات هي الي بتقربك من حلم سنين طوال..؟؟ حاولت تتوصل لاجابه لكن ماحصلت وفضلت انها تبدأ بالشغل ولاتضيع الوقت بحلم او توقعاتك يمكن تكون مستحيله ..


بالمستشفى كانت لحظة وصول فيصل فرحه لقلب امه ولقلب ساره الي ابتسمت له وسلم عليها ولاخلا كلمه حلوه ماقالها لها ..
ام فيصل..خلاص يمه هي دلوعه يكفي
فيصل ويمسح على رأس ساره..هالزين يستاهل الدلع
ام فيصل..طيب اذا انا نقدر ندلعها ولد الناس بيقدر بكرا على دلعها
فيصل باابتسامه..بيقدر وانا متأكد
ام فيصل ..وشسالفه ليه واثق من كلامك
فيصل..هههههههههه يمه ماادري من صحيت وانا اقول كلام مااعرف ايش هو خليني اسكت
ام فيصل..الحين ماتقول لي متى بتعقل وتعرس
ساره..اذا طلعت صح
فيصل باابتسامه..يمه بعرس ارتاحي بس اذا ماطلعت مثل ماتوقعت بتزوج ثانيه عليها
ام فيصل..بعد هذا الي ناقص تتزوج على الشيخه
ساره..من هي
ام فيصل..من هي يعني
فيصل وخاف من ثقة امه..يمه لاتقولين اذا قررت انا بقول
ساره..يعني تخبون عني
فيصل..ساره حبيبتي امي ببالها وحده وأنا شبه مـتأكد انها مو الي انا ابيها لكذا ماابي تقول اسمها
ام فيصل بصوت حاد
..طيب الظاهر حمد وصل تغطت ام فيصل ودخل حمد معه الممرضه
حمد..السلام عليكم
فيصل..هلا وعليكم السلام هابشرنا دكتور
حمد..مشاء الله الظاهر مروق اليوم
فيصل..صح واضح لهالدرجه
حمد..تقريبا
فيصل..كيف سارونه
حمد ويلتفت لها..الحمد لله تمام بس لازم تأكل
فيصل ..وغيره
حمد..وتبتسم وترتاح وتبطل خوف
فيصل..هههههههه هذي صعبه
حمد..افا
ام فيصل..حمد يمه مايصلح تطلع للبيت
حمد..لازم لمدة اسبوع نتأكد من وضعها كل ثلاث ساعات
فيصل..خلاص تعال لنا كل ثلاث ساعات
حمد يناظر فيصل بطرف عينه..طيب
فيصل..هههههههه النفس مو تمام خير ياولد العم
حمد سلامتك
فيصل..اذا خلصت شغلك اتصل علي
حمد..اوكي تأمرين شئ خالتي
ام فيصل..سلامتك ياولدي

مر اليوم بطئ على ساره ونجلاء الي الاولى المرض اتعبها والثانيه لحزن دمرها ..وعلى الباقي اليوم كان ممل كئيب مافيه احساس ..بالليل وصل محمد ولاحصل غير شوق بالصاله
محمد..مساء الخيرات
شوق باابتسامه..هلا والله مساء الورد
محمد ويجلس جنبها..وين الشعب
شوق..عند العنود بالبيت الثاني
محمد..شوق شرايك نطلع نغير جوو احس اني مخنوق
شوق..والبنات
محمد...قولي لهم يالله بطلع ابدل اوكي
شوق ..اوكي
طلع محمد واتصلت شوق بالبنات ورفضوا وطلعت لحالها مع محمد حاولوا يغيرون شوي عن جوو الحزن الي يمر فيه البيت ..

ببيت ام فهد خلود وعبير كانوا جالسات يسولفون ..
خلود..وبعدين معك
عبير وتتنهد..خلود ماابي لاتحاولين زواج مابتزوج افهموا
خلود..على امل ان نواف يحس يعني
عبير..خلود افهميني مااقدر لو هو متزوج يمكن افقد الامل الحين لا
خلود..عبير انا فاهمتك واعرف انك تحبينه بس الى متى ناس كفوا ولاينردون رديتيهم ماتخافين يسألك فهد بيوم ليه هالرفض
عبير..خلوود والي يرحم والديك فكينا تعالي خلينا ندخل النت
خلود..طيب بس بشرط نسولف مع نجلاء
عبير..لا واذا نواف كان فاتح ايميله
خلود..وانتي خبله ليه ماعملتي له حظر عشان ترتاحين
عبير باابتسامه..مايطاوعني قلبي
خلود..واحنا شو رجعنا وراء غير قلوبنا امشي نشوف وحظنا
عبير..طيب اذا كان موجود انتي كلميه مو انا
خلود طيب يالله
دخلت خلود وعبير وحصلوا نجلاء وبدت السوالف ولا حسوا الا ..## نــــــواف ## قام بتسجيل الدخول ..عبير قامت بتروح من الخوف وخلود ارتبكت بس جلست تكلم نجلاء لحد ماسلم نواف
## نواف ## ..السلام عليكم
عبوره ..وعليكم السلام
## نواف ## ..كيف الحال بنت العم
عبوره..بخير الحمد لله
## نواف ## ..مابزعجك بس قلت اسلم
عبوره..الله يسلمك

عبير ..خلود ليه ماقلتي انك خلود
خلود..خلاص عبير ماصار شئ سكت سلم وانتهى الموضوع
نجلاء طلعت واتصلت عليهم وردت عليها عبير
نجلاء..موجود الى الحين
عبير..ايه
نجلاء..عبير فهد عطاني كف لما رد الهديه اذا تبين نصيحتي استأذني واطلعي بكرامتك

وفعلا استأذنت وطلعت بهدوء وناموا بعدها ونجلاء بحالة حزن وعبير بحالة خوف من مستقبل مجهول وارتياح لأحساس لحظه عابر..
اما في بيت ام نواف كان سلطان وصقر وامهم جالسين ..

ام صقر..صقر يمه ان شاء الله اذا طلعت بنت عمك بالسلامه شرأيك نخطب لك
سلطان..مشاء الله ام المعرس
صقر..لا يمه اجلي الموضوع
ام صقر..ليه والله ساره بنت حلوه وان شاء الله انها طيبه
صقر وبسرعه..لا يمه ساره ماتصلح لي
ام صقر..اجل مافيه الا خلود
سلطان..احم احم
صقر يناظره ويبتسم..هذي نفكر فيها
سلطان وساكت يناظر اخوه الي شوي وماقدر وضحك بصوت عالي ورمى عليه سلطان المخده
ام صقر..وجع يوجع عدوك انت وياه شفيكم
صقر..ابد الغاليه الظاهر ان الشيخ يبي بنت العم
ام صقر ومستغربه تناظر سلطان..تبي خلود
سلطان ومتردد ..ليه ماتناسبني
ام صقر..سلطان ليه بتتزوجها
سلطان..بصراحه انامااحس اني متهيء لزواج بس بنت عمي وببالي ودي تكون زوجتي
ام صقر وعصبت..خل عنا الكلام الفاضي بنات اخوي ماهم لعبه اذا قدرت تتزوج وتفتح بيت ووقتها هي مانخطبت يصير خير
سلطان وعصب ..يمه ارجوك
ام صقر وبصوت حاد..خلاص انتهينا من الموضوع ولاابي احد يعرف فيه
طلعت ام صقر وطلع سلطان معصب من البيت للمطار وسافر عالجبيل وهالوضع اتعب صقر كثير وقرر انه يكلم امه لما تهدأ الامور اما سلطان وكل امره لدلال اخته لانه مايرد عليه ..

مر يومين عالموضوع وسلطان مازال قافل جواله ولايرد عليهم وامه تطمنت لما كلمت دلال وعرفت انه قطع اجازته ورجع يكمل شغله ..اما صقر بعد ماحس ان امه هدت بعد الي صار فاتحها بالموضوع
صقر..الغاليه طالبك لاتعصبين علي
ام صقر باابتسامه..يالله سمعنا وش عندك
صقر..سلطان ليه ماتبين تخطبين له خلود
ام صقر وتتنهد..لان بنات الناس ماهو لعبه عند اخوك
صقر مستغرب..ومن قال ان سلطان يلعب
ام صقر..أنا ماشفته شلون يتكلم وبعدين مااحد بالدنيا يعرف عيالي مثلي اخوك بيتزوج خلود عشان يفرض كلامه عليها لانه ماقدر سلطان طيب صح بس انه عصبي ولايحب احد يعانده وخلود ماقصرت معه تعطيه الكلمه بوجهه
صقر..هههههههههههه طيب يمكن يبيها وعاجبته
ام صقر..خلي الحين واذا رجع بعد فتره فتح الموضوع يصير خير بس الحين لا
صقر..الغاليه الزم ماعلينا انتي وسعي صدر وكل شئ بينحل
ام صقر..ان شاء الله الا سمعت ان ساره طلعت اليوم ابيك توديني لهم لاني خلاص برجع لدمام وبشوفها
صقر..ماغيرتي رأيك يمه تعالي معي للخرج
ام صقر..يمه انت بشغلك وش اسي بالخرج انا
صقر..يالله هانت ان شاء الله يطلع النقل وتجون عندي بالرياض
ام صقر ..ان شاء الله ربك كريم

بمجلس نواف كان حمد وشكله عايش بعالم ثاني وكأن هموم الدنيا على رأسه
نواف..حمد يعني الى متى بتظل ساكت قول شفيك
حمد ..نجلاء اختي
نواف..شفيها
حمد..ماادري حالة حزن غريبه وكل ماادخل تمسح دموعها حاولت افهم تقول مافيني شئ حتى شوق قلت لها تكلمها تقول ماقدرت تفهم شئ ابداً منها
نواف..طيب خليها تروح عند ام فهد او ام فيصل عند البنات تغير
حمد..قلت لها ماوافقت ويالله اقنعتها تروح تشوف ساره
نواف..يااخوي هونها وتهون وان شاء الله كل شئ بينحل برحمة ربك
حمد..ياارب انا بطلع نواف بمر فهد وبعدين بروح لدوام
نواف..طيب ياليت توصل معك هالملفات لهم
حمد ويغمز لنواف..للحين تشتغل معك اختصر المسافات
نواف وعاقد حواجبه..مافهمت شتقصد
حمد..لاتلف وتدور انت فاهم
نواف..فاهم ولاابي اتزوج يالله الله معك
طلع حمد ونواف ابتسم لكلام حمد وطلع غرفته يرتاح

رجعت ساره للبيت والكل انبسط وارتاح كانت تعبانه لكن رجعتها للبيت غيرته رجعت البسمه والسعاده له الكل كان فرحان واجتمعوا العصر ببيت ام فيصل وبدت السهره عند البنات لكن شوق كانت عينها على نجلاء الي تبتسم من غير نفس ولااحساس وكأنها تبدلت وصارت انسانه ثانيه كأن البسمه انذبحت داخلها وحالتها معلنه الحداد عليها هاله من الحزن سيطرت على ملامحها ..وضيقت خلق اختها الي اخذتها وطلعت لغرفتها
شوق ..نجلاء حرام عليك تكلمي
نجلاء ..مافيني شئ حرام عليكم
شوق بتردد ..حتى لما رجع فهد الهديه ماعملتي كذا
نجلاء غمضت عيونها وسكتت شوي وقالت..شوق مافيني شئ ارجوك لاتخليني مااجي هنا ثانيه
شوق..خلاص براحتك بس الي باعك بيعه مو انتي دائما تقولين كذا
نجلاء باابتسامه..طيب يالله نرجع للبناات
رجعت نجلاء وشوق لكن حالة الحزن بانت للكل واولهم ام فيصل الي سألت شوق وطلبت من نجلاء تنام عندهم لكنها رفضت حتى مع اصرار ام فيصل ..
بالليل ودعتهم العمه لطيفه بدموعها لانها مسافره لدمام والكل طلع والعنود اخذت سلوم وراحت واماني دخلت الغرفه مع ساره ولاظل غير محمد وشوق وغدير وفيصل وامه ..
محمد..فيصل وينك اليوم ماحصلتك بالشركه
فيصل..كان عندي مشوار ضروري
ام فيصل..الا تعال ماقلت لي متى بخطب لك
الكل استغرب والتفتت غدير على فيصل وبصوتعالي..بتتزوج اخيرا
محمد..مبرررررروك
شوق..مبروك فيصل
فيصل..هههههههههههه الله يبارك فيكم بس للحين ماعطينا الموافقه يالغاليه
ام فيصل..اعرفك موافق صح
ابتسم فيصل لامه وغدير قالت..من العروس اهم شئ
سكت فيصل وناظر امه الي ماتكلمت واحرجته
محمد..شفيكم سر يعني
ام فيصل..مابتقول منهي العروس يافيصل
فيصل باابتسامه..لا انتي يالغاليه قولي لي من البنت الي تقصدينها وانا موافق
ام فيصل..اخاف ماتعجبك
غدير..ومن مايعجبه اختيار ام فيصل
ام فيصل تبتسم..بقول بس كيفك اذا مو موافق قول
فيصل ..ان شاء الله
ام فيصل ..العنود
الكل التفت على فيصل يشوفون ردت فعله ....؟؟؟؟
الجزء الرابع والعشرون ........






الكل التقت على فيصل يشوفون ردت فعله ..
فيصل لما قالت امه اسم العنود ماقدر يرفع عينه ظل منزل رأسه ومر امامه مواقف كثيره ايتدت من اول مره شافها لما دخلت على ابوه وهي متوشحه بالسواد ولاواضح منها شئ الى ضحكة سلمان لما حضنها وهو طالع من المدرسه مرورا بلقاءه معها بالبيت الي كان العقل والثقل سيد الموقف منها وتوقف عند اللحظه الصدفه الي خلته يشوف عيونها وغيرها من مسلسل المواقف الي ماانتهت لكن لما تذكر موقف احمد والي صار بالطايف وكيف فسر الموقف على كيفه وبعدها فسر مشاعره رفع رأسه وعينه بعين امه الي كانت مقابله له ..
ابتسم وهز برأسه وضحكت غدير وقامت جلست جنبه والكل بارك لفيصل
ام فيصل ..فيصل مقتنع
فيصل باابتسامه..مقتنع ياام فيصل
غدير وهي طالعه..بروح ابشر البنات
طلعت غدير وشوق وام فيصل استأذنت ولاظل غير فيصل ومحمد الي عينه على فيصل
فيصل مستغرب ..شفيك..؟؟
محمد يبتسم..نتكلم بصراحه
فيصل ..تفضل
محمد..مابقول لك شئ الا كلمه وحده الفتره الي سكنت العنود معنا مااعتبرتها الا مثل غدير فياليت تكون مقتنع بقرارك
فيصل مستغرب..شتقصد..؟؟
محمد..انت عارف قصدي فيصل
فيصل ..تطمن محمد لاتشيل هم وتأكد قراري مقتنع فيه 100% المهم بطلع للمجلس سعد بيوصل من بلغته عن موافقتي وهو طالع وقال جاي ولاشفته للحين
محمد ..بالتوفيق اخوي الله يسعدك
فيصل..وياك يارب

طلعت غدير وشوق ودخلوا عالبنات بغرفة ساره
غدير..بنات عندي لكم خبر حلووووو
اماني..يالله خلينا نفرح
غدير..فيصل بيتزوج..
ساره..احلفي قال منهي البنت
شوق..ماتتوقعون ابدا
اماني..لاتقولين بدور
غدير..ههههههههههههههههه فاتك امي كانت بتعملها بفيصل لكنها قررت تقول له اسم العروس مباشره
ساره..شلون مافهمت
غدير..يالشاطره امي فاهمه فيصل وعارفه ان فيه وحده بباله لكنها حبت انه هو الي يقول اسمها فاابتدت تلمح له على وحده غير مافيها من صفات البنت الي يبي وهو خااف لكن اليوم قالت بقول الاسم واذا ماعجبك لاتوافق
شوق..والله انا رحمته شكله كان خايف انها ماتكون هي وبعدين يرد خالتي
اماني..يوووووووووه طفشتونا قولوا من البنت
غدير..العنود
جلست ساره وسكتت اماني وابتسمت غدير وشوق
غدير..عاادي مثلنا لما قالت الاسم امي ماتوقعت بيوافق
شوق..لكن الفرحه كانت بعيونه واضحه
اماني مبسوطه..والعنود عرفت
شوق..لا راحت لها خالتي الحين
ساره..خساره كان ودي اشوفها وهي تقول لها
شوق ..احم انا اقول بتوافق لانها تحبه
غدير..وانا بعد العنود بارعه بمدارات مشاعرها لكن ماهي قادره تسيطر على خوفها على فيصل وهالشئ فضحها
اماني..الله ياليت توافق
ساره..ان شاء الله
شوق..يالله بروح لنجلاء تامروني على شئ
غدير..سلمي عليها وقولي لها تمرنا من زماان ماشفناها تغيرت كثير
شوق وتتنهد..اه عليك يانجلاء الله يهديها يالله مع السلامه

بالشرقيه وصلت ام صقر وكانت دلال وامل بناتها باانتظارها وبعد السلام والدموع اجتمعوا يسولفون عن الايام الي قضوها بعيد عن بعض..
امل..يمه شلونهم البنات
ام صقر ..طيبين ماعليهم
دلال ..وساره شلونها
ام صقر..ان شاء الله انها احسن
دلال ..الله يعافيها يارب هالغاليه بشرينا لقيتي عروسه لصقر
ام صقر ..لقيت بس ماوافق الله يهديه
امل بحماس..مين
ام صقر..يعني ماقال لكم سلطان لقيت له ساره بس قال ماتنفع لي وخلود ولاوافق
دلال ..يايمه الله يطول بعمرك شلون تخطبين له خلود واخوه يبيها
ام صقر..وانا وشو عرفني انه يبيها الا بعد ماقلت وبعدين اخوك ماهو كفوا زواج تعلميني فيه
دلال ..لا يمه كان متضايق حيل يمكن صادق
ام صقر ..يمكن الله يهديه وينه ماجاء يسلم علي والا زعلان
امل..لا يمه عنده شغل وقال سلموا على امي والمغرب بيكون موجود
ام صقر..الله يوفقه يارب

بالرياض وتحديدا عند العنود كانت ام فيصل تسولف معها والعنود مو حاسه بشئ للان ام فيصيل دائما تسولف معها
ام فيصل..اقول العنود
العنود..سمي ياخالتي
ام فيصل باابتسامه صادقه..جايك خطاب
العنود مستغربه..لي انا
ام فيصل..ايه لك زين وعقل ولاتبين احد يتقدم لك
العنود مبتسمه..تسلمين ياخالتي
ام فيصل ..ماسألتي مين
العنود..خالتي انا ماابي اتزوج
ام فيصل انصدمت..ليه
العنود مرتبكه ..لان ....يعني خالتي ماابي تفهمين قصدي خطأ بس سلوم واماني
ام فيصل باابتسامه..العنود بنتظرين سلوم لين يكبر يعني يابنتي انا بقول لك من المتقدم لك وانتي اعتبريني مثل امك لان الله العالم انك مثل بنتي
العنود ساكته ولاهي قادره ترد على ام فيصل الي كملت كلامها
ام فيصل..وبعدين بخصوص سلوم واماني بعيونا بس لين تروحين لشهر العسل وترجعين لانهم بيكونون معك
العنود مستغربه...شلون مافهمت
ام فيصل ومن غير ابتسامه حتى متأثر على العنود او تحجرحها..المتقدم لك فيصل ولدي
لحظه صمت ماقدرت العنود تستوعب الي قالته ام فيصل معقوله فيصل يتقدم لها ليه الحين وكيف ومتى قرر
ام فيصل ومسكت يد العنود..انا بطلع واخليك فكري على راحتك ولاتستحين منا حتى لو رفضتي بتظلين بنتي واخت لفيصل
طلعت ام فيصل وتركت العنود الي طلعت لغرفتها وقفلت الباب عليها ..

بالمجلس كان فيصل سرحان ينتظر سعد وتفكيره كله عند العنود وشو موقفها هل بتوافق او كيف بيكون موقفه لو رفضت
سعد..ههههههههههههههه هذا وانت توك بأول الطريق الله العالم وين وصلت
ابتسم فيصل..اقول تعاال اول سلم وبارك لي لاني وافقت
سعد ويغمز له..بس هي ماوافقت توها
فيصل...اقول خلي عنا التشاؤم وتعال
سعد..فيصل انا اعرفك مااعطيت موافقه الا انك فكرت كويس وتأكدت انك مقتنع صح
فيصل..صح
سعد..حلو طيب اختيارك للعنود ليه..؟؟
فيصل..بصراحه حسيت انها مناسبه لي
سعد..ماتعودت على هالمدارت منك
فيصل..لا مو مدارات لكن انت تعرف اني صادفتها مره عجبتني هذا اولا وثانيا اخلاقها كويسه واهلي يحبونها وتحبهم وثالثا سلوم وهذا مهم عندي
سعد..طيب مانقدر نقول رابعا مشاعرك تجاهها كيف
فيصل باابتسامه..شوف اكون كذاب اذا قلت احبها لكن الي اعرفه اني اميل لها يعني احساس الراحه تجاهها
سعد..حلو وهذا المهم يعني نقول ان شاء الله انك بتسعد بنت الناس
فيصل..ههههههه الظاهر انا مو هام احد الكل يوصي عليها قول ان شاء الله هي تسعدني
سعد..اقول يالواثق اول خلها توافق بعدين تكلم
فيصل..احم بتوافق
سعد..الله الشيخ واثق من نفسه
فيصل ..الا ماقلت لي شرايك بالبيت الي شفته

اما العنود كانت بعالم ثاني لاهي حاسه بأشئ من الي حولها ولا لاحظت غدير الي ميته من الضحك عليها
غدير وهي تضحك..خلاص حرام
العنود يدها على قلبها..غديروه متى بتعقلين
غدير..عيب احترميني لسببين اولا اني بكون حرم سعد يعني امرأه متزوجه وثانيا والاهم اني بكون عمة عيالك
استحت العنود وضحكت غدير ودخلت عندها
غدير..شرايك ..؟؟
العنود ساكته لدقايق بعدين رفعت راسها..غدير بسألك بامانه فيصل اختارني او انتم قلتوا
قالت غدير كل الي صار للعنود الي ردت عليها..مااقدر اقول اني مو مبسوطه وبعد مااقدر اقول اني خايفه
غدير مستغربه..اول شئ ليه الخوف ..؟؟
العنود..غدير انتي حسبة اختي ولاراح اقول انك اخت فيصل لا لاني اثق فيك غدير فيصل تعامله مع الكل يخوفني منه لاتقولين شلون لاني مااعرف احساس اني خايفه وبس
غدير..العنود المفروض العكس فيصل كل الي عمله المفروض يحسسك بالامان من اول مارفض انكم تكونوا لحالكم الى رجعته من الطايف
العنود..لا مو كذا غدير صعب تفهميني انا عشت حياة صعبه مااقول لك اني حلمت مثل اي بنت اني بكبر وبتزوج يمكن هذا اخر شئ كنت افكر فيه لكن بالفتره الاخيره ابتديت افكر خصوصا لما وثقت ان سلوم واماني بين اخوانهم لكذا حسيتها بتكون صدمة عمري اذا كان الشخص الي بتزوجه مو مثل مااتوقع او اتمنى
غدير باابتسامه..العنود فيصل انسان يراعي الله بكل اموره لاتخافين ان شاء الله بيسعدك الحين قولي لي فرحانه انه خطبك يعني ايش وانتي تقولين مايعني لك قبل ..؟؟
العنود مبتسمه..لا مااقدر اقول انه مايعني لي لا بلحظه اعترفت لنفسي اني ........احبه لكن بعد الاعتراف حاولت ابدأ انسى او افقد الامل بهالحب لاني توقعته يميل لبدور
غدير..الكل توقع كذا حتى امي عشان كذا استخدمت هالاسلوب معه كانت تتمنى انه ينطق هو بالاسم لكن ماقدرت وقالت هي اسمك لانها على قولها تعرف ولدها وتعرف من يميل له لكن شكت وحبت تتأكد
العنود..انا بفكر اكثر
غدير ..هههههههه قصدك تتغلين اكثر
العنود مبتسمه..ليه لا والا مايليق علينا
غدير..يليق ونص ولك مني مااقول شئ ولااعلق واقول تفكر خليه يحس شوي يالله نروح بيتنا
العنود..لا ياشيخه الحين توه خاطبني واروح
غدير..هههههههههه لا صعبه كذا اجل قولي وافقت
العنود..لا انتم خليكم
غدير..اوكي بكلم ساره اخليها تجي تغير جو عن البيت


ببيت حمد كانت نجلاء جالسه وهي ساكته وشوق تحاول معها وتحاول
شوق..نجلاء حرام عليك
نجلاء تحاول تبتسم..شوق خلاص مافيني شئ
شوق..طيب عندي لك خبر مااحد عرف فيه الا محمد
نجلاء وتبتسم..لا تقولين حاامل
هزت شوق راسها وحضنتها اختها على دخلت حمد
حمد..خير ان شاء الله
نجلاء بسعاده..شوق حامل بارك لها
استحت شوق وسلم عليها حمد وبارك لها
حمد..الله الله بعمرك تبي بنت حلوه مثل امها
نجلاء ..بس امها
حمد ..ولايهمك وخالتها
نجلاء مازالت مبتسمهز.بس خالتها
حمد وهو يضحك..وخالها
غمرت له نجلاء وضحك حمد....لا وعمتها بعد
شوق وتناظر حمد ونجلاء مستغربه
نجلاء..انت فضحت عمرك
شوق..والله اسرار علي ياحمد
حمد..لا الغاليه مو اسرار لكن قلت اجل الموضوع شوي
شوق مبسوطه..طيب قول شو الموضوع
حمد..انا بخطب ساره
انصدمت شوق وسكتت واستغرب حمد ونجلاء
نجلاء..شفيك شوق
شوق وتناظر حمد..اقول الصدق
حمد ورافع حاجبه..ايه
شوق..ساره رافضه الزواج تقول انها مريضه ولاتقدر ولابتظلم احد معها
نجلاء..شو هالكلام بس عشانها طالعه من العمليه الحين
شوق..لا كانت تحكي بشكل جدي وبقوه اول مره اشوفها بساره
حمد قام..عن اذنكم
طلع حمد لغرفته وظلت شوق ونجلاء يتكلمون بالموضوع لحد ماوصل محمد ورجعت شوق ومحمد يبشرون ام فيصل ..

بالشرقيه وببيت ام صقر دخل سلطان ووقف وراء امه وهي ماحست عليه
سلطان..نورت الشرقيه يالغاليه
التفت امه ولاضحكت وقرب منها وحضنها وحب راسها وتأسف..خلاص الغاليه يهون عليك سلطان
ام صقر..وانا اهون عليك تروح وتقفل جوالك ولاتطمني عليك
سلطان يبتسم..يمه قلبي كسرتي بخاطري
ام صقر تدفه وهي تضحك..روح انت وقلبك ماعندك سالفه
سلطان..يمه احبها
ام صقر..انت ماتستحي على وجهك
سلطان..ماقلت شئ اقول الصدق
ام صقر..وخر خلني اروح اصلي ابرك
سلطان ويضحك..يمه اذا كلمتي سلمي عليها كثير
طلعت امه تصلي وهو يضحك ومبسوط لانه يعرف مهما عصبت امه بتوافق بالاخير

وصل محمد وشوق ولاحصلوا الا ام فيصل الي بدت تصيح وهي تحضن شوق ومحمد بعد ماعرفت بالخبر
ام فيصل تتوعد محمد..ان سمعت انك مزعلها ياويلك مني
محمد ..وانا اقدر
ام فيصل ..الله يسعدكم يارب ويوفقكم
محمد وشوق..آمين

طلعت ام فيصل ترتاح بغرفتها وتركت محمد وشوق بالصاله وبعدها طلعوا لغرفتهم

خلود كانت تتصفح مجله وعبير مشغوله بالنت تضبط الشغل وصلت لها رساله عالبريد فتحتها وهي منسجمه مع الشغل لكنها وقفت وبدت تقرا
" السلام عليكم ورحمة الله وبركاته

ارجوا ارسال ملف الصادرات ...............................
شكرا
نواف

استغربت عبير كيف نواف موجود عالنت ولادخل والا ليه استخدم هالاسلوب العاده اذا موجود بس يقول السلام ويطلب الشغل لكن هالمره غير طنشت الموضوع وبدت تكمل الشغل

اما نواف كان مشغول وعنده عيال خاله ولاقدر يفتح الماسنجر لكنه محتاج الملف وبعد ماطلعوا دخلت امه عليه المكتب
ام نواف..بكلمك اجلس
نواف..افا الغاليه شفيك
ام نواف..سكر هالكمبيوتر واسمعني
نواف..تأمرين سمي الغاليه
ام نواف...عبير انخطبت
نواف..لا والله الله يسعدها
ام نواف عصبت..وبعدين معك
نواف مستغرب..يمه شفيك
ام نواف..اسمعني هالمره البنت ردته لكن المره الجايه مااضمن
نواف وبدأ يعصب ..يمه ارجوك قلت لك قبل ماابي اتزوج
ام نواف ..وش تنتظر البنت ومعها ولد
نواف وخلاص ..يمه ارجوك
ام نواف وهي معصبه وطالعه..اذا بتطيع امك خذ من يحبك ولاتأخذ من تحب
طلعت وسكرت الباب وتركت نواف مصدوم من كلامها

انتشر خبر حمل شوق والكل فرح لهم وبارك لهم وهالخبر حول البيت لحالة فرح وترقب وانتظار ..

اما سلوم كان طوال لوقت يايلعب مع العنود او عند ام فيصل لكن طفشت مسكين وظل ياطالع للبنات يانازل عند ام فيصل
سلوم..خالتي بنروح للملاهي
ام فيصل ..ان شاء الله اذا جاء فيصل او محمد قل له يودينا
سلوم..بروح اكلمه
ام فيصل وهي تضحك..لا تعال عندي الحين بيجون
وشوي ودخلوا وعلى طول قالها سلوم
سلوم..فيصل بنروح للملاهي
فيصل ويبتسم..نروح طيب
محمد..انا مابروح مع السلامه تعبااان
ام فيصل..بس زوجتك خلها تروح معنا
محمد ووقف..لا يمه شوق خبله بعدين تلعب
فيصل..ماتسوى روح معنا وبكلم الكل ونطلع نأخذ لنا شاليه ونغير جو
محمد..اوكي بس بنام عالاقل ساعه
فيصل..حلوو وانا بكلم اشوف العيال
محمد..لاتنسى النسيب
فيصل ..الاول النسيب
ام فيصل..الا صدق ساره متى موعدها
فيصل..بكرا الصبح خلي حمد يختصر ويكشف عليها هناك
ام فيصل..هههههههههه اخاف تموت علينا من الروعه
فيصل..بنتك يمه مدلعه بزود
ام فيصل..تستاهل مو هذي كلمتك
فيصل..صح تستاهل وكل خواتي يستاهلون
ام فيصل وهي مبتسمه..بس خواتك
فيصل..وشيختهم وشيختنا كلنا ام فيصل
ام فيصل..ايه طيب وغير ام فيصل
فيصل..ههههههههههههه مابنقول خلينا نعرف الرد اول
ام فيصل ..ياخوفي ماتقول الحين مابروح معكم
فيصل..افا ليه
ام فيصل..امس خاطبها وتبي البنت تركب معك
فيصل..اها طيب خلاص مع محمد
ام فيصل ..البنات عندها بروح اقول لهم

طلعوا كلهم للثمامه وانبسطوا وخصوصا سلوم الي لعب وضحك وانبسط وغير عن جوو البيت
فيصل..الا حمد ماقلت لي متى مسافر
نواف ..وين ان شاء الله
حمد..لبيروت عندنا مؤتمر لمدة اربع ايام
فهد..وبتجلس اكثر
حمد..على حسب اذا نجلاء بتروح معي جلست اسبوع واذا لا برجع
محمد..افا واحنا وين رحنا البيت بيتها
فهد..صح يااخي كلنا موجودين ليه تأخذها وانت عندك شغل
حمد..انا ماعندي مانع بس هي مو موافقه
فيصل..خير ان شاء الله الحين خلونا نسري عندنا شغل الصبح
فهد..انا مأخذ اجازه
محمد..احم وانا بعد
فيصل..من قاال
محمد..ههههههه تعباان فيصل
فيصل..مشكلتي اني طيب
حمد..ومشكلة الحبيب انه بعالم ثاني
الكل التفت على نواف الي يفكر ولاهو معهم ابدا
نواف..يالله نمشي
فيصل ..نواف شفيك
نواف...سلامتك
فهد..وام نواف ليه ماطلعت
نواف ويناظر فهد بطرف عينه..معزومه
فيصل..يالله نمشي
طلعوا وهم عند الباب التفت فيصل على نواف وقاله يجي معه للبيت

طلع الكل واكد حمد على فيصل بخصوص موعد ساره وبعدها كل واحد راح لبيته وصل فيصل ومعه نواف ودخل المجلس محمد ماطول دقايق وتركهم ولاظل غير فيصل ونواف
فيصل..مابتقول شفيك..؟؟
نواف يتنهد..ولاشئ
فيصل..مزعل الوالده
نواف..مازعلتها هي زعلت
فيصل ..شلون تجي
نواف..الوالده تبيني اتزوج وانا ماابي
فيصل ويبتسم..وهذا هو الموضوع بس
نواف..المشكله امي مختاره البنت وبصراحه انا مابي اتزوج بغض النظر عن البنت
فيصل..اول شئ انا مابقنعك لكن بقول لك شئ انا الحين وافقت اتزوج ونتنظر الموافقه من العروس
نواف ويعدل جلسته..والله مبروك
فيصل..الله يبارك فيك وعقبالك بس اسمعني لما كنت رافض الزواج كنت رافضه لاسباب كثيره اولها مسؤلياتي لكن الحين غير محمد تزوج والله يسعده وغدير قريب زواجها وساره حالتها احسن من اول وغير كذا انا بأخذ خالة اخواني يعني الزواج حل مريح لي كثير
نواف وهو مبتسم..والله وبتودع العزوبيه
فيصل...هههههههههه ماقصرت ثلاثين سنه خلاص
نواف..بس انا غير عنك فيصل
فيصل..شلون وانت تقول انك ماكنت تحب بنت عمتك
نواف ..صح وصدقني رفضي مو بسبب دلال وانا قلت لك قبل هي ماتعني لي شئ الا صدمه بوقتها فقط لكن امي اختارت لي عبير بنت عمي
ابتسم فيصل وتذكر كلام امه بالطايف..ونعم فييها ليه ماتتزوجها
نواف وعصب..مااقدر فيصل انت شايف رجلي كيف ولاابي احرج بنت عمي ولااحرج فهد
فيصل ويرفع صوته..اولا بنت عمك وولد عمك فاهمين ولو هم رافضين بيقولون لا
نواف..لكن وقتها بيكون موقفي انا الي صعب
فيصل ..اقول نواف هذا سبب الرفض بس
نواف..فيصل انا ماعندي استعداد اني ارفض مره ثانيه خلاص وحده تكفي
فيصل..واذا عرفت ان البنت موافقه تتقدم لها
نواف رافع حاجبه..شلون
فيصل..مو مهم المهم توافق وتخطبها
نواف ..ماادري
فيصل..روح ياشيخ ماعندك سالفه
نواف ويضحك..لا تعال قولي شلون بتعرف
فيصل..بعرف وخلاص
نواف..اقول لك شئ امي على بالها اني احب دلال للحين وهي معصبه قالت لي خذ من يحبك ولاتأخذ من تحب ولافهمت عليها
فيصل ويبتسم..اذا فهمتك توافق وتخطب بنت عمك
نواف..يعني فيه شئ مااعرفه
فيصل..ولايعرفه الا انا وامي وامك
نواف..افا والله اسرار بينكم وانا اخر من يعلم
فيصل..لا لكن امك بالصدفه سمعت عبير وغدير اختي يتكلمون مااذكر تفاصيل الكلام لكن البنت تميل لك
نواف وساكت ومستغرب وشكله خلا فيصل يضحك عليه..خلاص خلصت السالفه وين رحت
نواف..فيصل صادق بكلامك
فيصل..ايه صادق وامي قالت لي وطلبت مني اقنع فهد يوافق تشتغل معك عبير عااساس انها تقرب بينكم لكن المسكينه على بالها ولدها يحس
نواف ..اقول انا ابي افهم الموضوع كامل
فيصل..يكفي الي فهمته ان البنت اذا تقدمت لها مابترفضك خلاص الباقي افهمه بعدين
نواف ..اقول بروح البيت
فيصل..ليه
نواف..بفكر بالموضوع واشوف
فيصل..سلم عالوالده وفكر كويس اوكي
نواف..اوكي يالله فماان الله
فيصل ..الله معك

طلع فيصل من المجلس ولاول مرره يلتفت على بيت اخوانه لاول مره يحس بااحساس مختلف تجااه هالبيت لاول مره يحس انه منحرج بنظراته للبيت لاول مره يتمنى يدخل هالبيت بعفويه ..ابتسم لتفكيره ودخل للبيت ولاحصل احد ودخل غرفته يناام

وصل نواف للبيت وعلى طول فتح جهازه وفتح الماسنجر وحصل عبير ولاتردد لحظه وسلم عليها على طول
## نوواف ##..السلام عليكم
عبوره..وعليكم السلام
## نواف## ..كيف الحال يابنت العم
عبوره..تمام الحمد لله اسمح لي عن اذنك
## نواف ## ..الله معك
طلعت عبير وارتمت على سريرها وبدت تصيح اما نواف حس انها تتهرب من منه ..
هدت عبير شوي ودخل عندها فهد الي حس انها كانت تصيح لكنه ماقال شئ ظل يسولف معها
فهد..الا عبير ماقلتي لي رايك النهائي بالشخص المتقدم لك
عبير..ماابي ارجوك فهد
فهد..والسبب
عبير..ماابي بس
فهد..لكن الرجال ماينرد كفوا
عبير..اذا بتغصبني اعمل الي تحب
فهد..ماهو هذا اسلوبي وانتي تعرفين لكن ابي رد مقنع هذا رابع شخص تردينه من غير اسباب
عبير وبت تصيح..فهد حرام عليك ماابي اتزوج
فهد..ليه
عبير..ساكته ماردت عليه عصب فهد وطلع وظلت عبير تصيح اما فهد عصب وطلع من البيت كله

مرت يومين فيصل على اعصابه ينتظر رد العنود ..وام فيصل تركت العنود تأخذ راحتها بالتفكير..ساره بعد الموعد مع حمد وهي حزينه خصوصا ان حمد كان معصب ولا له خلق يتكلم حتى ماتكلم مع فيصل الا بشكل رسمي جدا ..عبير من بعد كلامها مع فهد وهي متضايقه ام نجلاء على نفس حالتها ساعه تصيح وساعه تبتسم لكن الراحه فارقتها من وقت ماقرت الورقه..

طلعت ام فيصل للعنود وجلست تسولف معها وسألتها عن رأيها
العنود مستحيه..خالتي بقول لك
ام فيصل..قولي
العنود..العنود يعني انسي ان فيصل ولدك شوي وقولي لي رأيك لو انا بنتك بتوافقين
ام فيصل..فيصل يالعنود كفوا ولاينرد ولو الي متقدم مثله لساره والله ماارده وانا اعدك مثل بناتي بس ماحبيت اضغط عليك
العنود..اجل الي تشوفينه خالتي
ام فيصل ومبسوطه...يعني موافقه
هزت رأسها العنود وحضنتها ام فيصل وباركت لها وطلعت تبشر فيصل الي كان بالمكتب ودخلت امه
ام فيصل ..مبروك يالمعرس
فيصل مبتسم..وافقت
ام فيصل..وافقت
فيصل..اخيرا صدر الحكم
ام فيصل..بعد ماتبي البنت تفكر
فيصل..تفكر بس نشفت دمي
ام فيصل ..مابوصيك لانك عارف
فيصل ويضحك..المهم انتم توصونها مثل ماتوصوني عليها
ام فيصل..لا هي شيخة البنات ماتقصر
فيصل..افا وانا يعني
ام فيصل ..انت ولدي ونور عيوني
حضن امه فيصل وحب راسها وصاحت وجلست يضحك عليها وتركته وطلعت

مر محمد عليه وبارك له قبل مايطلع
فيصل..وين رايح
محمد..عند الشباب تجي معي
فيصل..لا ياشيخ مااحبهم
محمد..ههههههههه والله انك معقد
فيصل..طيب ماعليه
محمد..الا تعال ماقلت لي شفيه نواف
فيصل..ههههه ولاشي بس معصب شوي
محمد..المهم يالله فمان الله
فيصل ..الله معك

طلع محمد وترك فيصل بالمكتب الي بدأ يفكر كيف بيكون موقفه الحين تجاه العنود ياترى حياته بتتحول للاحسن اولا ..هل العنود بتقدر تهديه السعاده والفرح مثل مايتوقع..او هو بيقدر يعوضها عن كل شئ فقدته بحياتها
قطع تفكيره جواله وكانت عمته اتصلت تبارك له بعد ماوصل لها الخبر وسلم عليها وباركت له وطلع بعدها لغرفته يرتاح..

المغرب الكل اجتمع عند العنود وباركوا لها وبدأ التخطيط بعد ماقالت ام فيصل ان الملكه بتكون بعد اسبوعين قبل زوا غدير بااسبوعين ..وافقت العنود ووافق فيصل وبدوا البنات يخططون لكل شئ ..
ساره حالها تحسن عن اول كثير ونفسيتها احسن لكن الي مضيق خلقها تغير حمد عليها وخافت تسأل شوق ولاقدرت الا انها تكتم بداخلها وتسكت ..

اجتمعوا البنات ببيت ام فهد وكل وحده تقول شو حابه تفصل وشو الون بملكة فيصل والعنود
غدير..العروس شو اللون
العنود مبتسمه..احب الاسود
اماني..لا العنود حرام عليك
ساره..مو على كيفك العنود
العنود..بسم الله انا قلت احبه ماقلت اخترته بفصل عنابي شو رأيكم
الكل..حلووووووو
خلود..الا صدق عماتي بيحضرون صح
غدير..اكيد
ساره..اقول انا مافيني افصل بشتري جاهز
اماني..وانا وحتى خلود
عبير..وانتي نجلاء
نجلاء..عندي فستان حلوو
شوق..طيب وانا
نجلاء..لازم تفصلين
شوق..مالي خلق
نجلاء..ولايهمك كل شئ بيوصلك للبيت انتي ارتاحي
غدير..ياسلام ياعيني عالدلال
عبير..الا صدق بنات امي تقول بكرا بتروح لخالتي ام نواف بتروحون
العنود..انا مااعتقد
غدير..ولا انا
نجلاء..اجل تعالوا عندي
شوق..اقول بنات يالله نمشي تعبت
ساره..لابنجلس اتصلي بمحمد يجي يأخذك
خلود..بدري شوق ارتاحي عندنا
شوق..بتصل اول اشوف محمد وينه
غدير..ههههههه خليه يرتااح منك
شوق..ههههههههههههه حلوه غدور اذا خليتي سعد خليت محمد
غدير..الا على طاري سعد ذكرتيني بقول لفيصل
ساره ..شو فيه
غدير ..الحين تسمعيني اكلمه مالي خلق اقول الكلام مرتين
غدير..هلا فيصل
فيصل..اهلين
غدير..فيصل سعد مر اليوم الظهر واعطانا ملف وبغرفتي نسيت اقول لك
فيصل مبتسم..بدري يعد ماعصبت عليه وياويلك هو بيعصب عليه
غدير..لا فيصل قوله انك انت نسيت
فيصل..هههههه من الحين تخافين
غدير..لا بس مالي خلق يعصب
فيصل..مالي دخل بينكم
غدير..هين بردها لك فيصل
فيصل..والله
غدير..هههههه ماعليه اموون اختك صح
فيصل..عشاني رايق بس
غدير..ليه فيه سبب وينك فيه
فيصل..حشا حشا تحقيق
غدير..يعني نوصل معلوماات
فيصل ..ههههههههههه لاتوصلين شئ الي يحب يأخذ معلومات يأخذها من مصدرها
غدير وشهقت..لا صعبه الحين بعد اسبوعين يمكن
فيصل..غدير تعرفين من يسمع المكالمه من اولها
غدير ويدها على قلبها ..محمد
فيصل ويضحك..لا يالشيخه زوجك المحترم الي يسمعها
سعد..اجل مالك خلق اعصب
غدير..خلاص مع السلامه
فيصل ويضحك واخذ منه الجوال سعد ..غدور حستبنا بعدين اذا رجعتي
غدير وجهها صار احمر..والله مااقصد
سعد..ايه هين يصير خير
غدير..لخاطري لاتزعل
سعد..مع السلامه
غدير والتفتت عالعنود..الله يعينك عليه
العنود وتضحك..تستاهلين ليه تقولين كلام منتي قده
غدير..بروح اصلي ابرك لي منك ومن خطيبك

مرت الاسبوعين بسرعه عليهم الكل كان شغول بالتجهيز لملكة فيصل والعنود الكل مبسوط فرحان من ام فيصل الي مو سايعتها الدنيا من السعاده الى سلوم الي فرحان وبكل براءة الطفوله ان العنود خلاص مابتتغطى عن فيصل ..

وجاء يوم الاربعاء يوم الملكه وتوترت العنود وصاحت ..تمنت هاليوم تلاقي ام اخت اخ عم خال اي احد حولها اي شخص يحضنها يبارك لها يفرح لها ماقدرت تتخيل انها بتكون وحيده بااغلى ليله عندها ماتخيلت كيف بيدخل فيصل من غير احد ما معه لا اب ولا اخ ولااحد لها ..
صاحت العنود لانها فاقده العزوه والاهل بهاليوم صاحت لانها تمنت امها واختها عايشه معها بهاليوم لكنها ذكرت الله وتذكرت ام فيصل وكل البنات الي يعدونها وتعدوهم اكثر من اهل وخوات صحت وهي تحاول تداري التوتر والخوف وحصلت ام فيصل تحت تنتظر وفرحت وحضنتها وحاولت تهدي العنود وتحسسها انها قريبه معها مثل امها واختها ..
ام فيصل..هالعنود محتاجه شئ لاتترددين قولي لي انا مثل امك
العنود..خايفه
ام فيصل وتضحك..هذا شئ طبيعي وان شاء الله ربي يسعدكم ويوفقكم
نزلت اماني وسلمت ودخل سلوم
سلوم..خالتي اليوم عنوده بتتزوج فيصل
ام فيصل تبتسم..ان شاء الله
سلوم..وانا بدخل مع فيصل قالت لي عنوده
ضحكت العنود وناظرتها ام فيصل ..موصيته يدخل لكن لا انا الي بمسكه وبخليك تجلسين مع فيصل من غير سلوم
سلوم..لا بجلس معهم
ام فيصل..هههههه بس شوي وتطلع
سلوم..طيب ومحمد بيجلس
اماني..لا حبيبي محمد مابجلس
سلوم..خلاص عنوده ماتتغطى عن فيصل طيب ومحمد
ام فيصل وتضحك وتلتفت عالعنود..فهميه
العنود..سلوم روح شوف التلفزيون والا ماتدخل معي
راح سلوم وجلست ام فيصل معهم شوي وطلعت وتركت العنود تأخذ راحتها

ساعات قليله وتكون العنود حليلة فيصل ..زوجته على سنة الله ورسوله..ساعات قليله وتتغير حياة العنود وتنتقل من حالة الاحزان المتواصله الى حياة الامل والحب والعطاء ..عالم من التضحيه والصبر والفرح..عالم تختفي فيه الألام والاحزان وتتداوي فيه الجروح وتنمسح بحنانه الدمعات..عالم خالي من الكذب والخداع والزيف..عالم كل بنت تشوفه جنه من السعاده والامل والحب..كل بنت تتوقع هاللحظه هب نقطة التحول بحياتها لكن العنود تعتبرها حياتها كلها ..حياتها الي ضاع منها الحلم ..والتخيل ..حياتها الي دمرتها المسؤليه والخوف..حياتها الي حولتها الى عالم اللامبالاة والااهتمام واصبحت كل طاقتها موجهه لاختها اولا وبعدها لعيال اختها ..مسحت العنود دمعتها لما سمعت صوت غدير
غدير..الله الله شو هالزين يابخت اخوي
العنود..تسلمين غدور
غدير..افا ليه لمحة الحزن
العنود..مااقدر مااتمنى ان اختي معي او امي الي ماشفتها
غدير وتحضنها..عنوده كلنا اهلك خلاص مانبي دمووع الكل وصل بس ماخليت احد يطلع ابيهم يشوفك اذا نزلتي
العنود..ههههههههه مافيه فرق هنا او تحت
غدير..لا فيه فرق المهم دقايق وتجي شوق بالفتر
العنود مستغربه ..شوق
غدير..محمد مو اخوي هو اخوك وهو الي بيجيب لك الدف رطبعا بتوصله شوق توقعين لا لا لو ادري بتصيحين ماقلت شئ
العنود..الله يخليكم يارب
وقطع عليهم صوت شوق ..كلووووووووووووووووش يالله العروس تغطي بيكلمك محمد
تغطت العنود ووقف محمد عند باب الغرفه وهو شبه مسكر
محمد..مبروك العنود الله يوفقك ان شاء الله
العنود بصوت واطي..الله يبارك فيك
محمد..الدفتر مع شوق وقعي وبنتظرك برا
وقعت العنود وحضنت غدير وعصبت عليها الكوافير لانها ثالث مره تعدل مكياجها
بعدها طلعت ام فيصل الي كانت تصيح وحضنت العنود وبسرعه بعدتهم غدير
غدير..يمه ماصار زواج حرام عشر مرت صحتي انت وياها اليوم
ام فيصل وتمسح دموعها..يالله العنود انزلي
طلعت العنود وتفاجأت بالكل ينتظر ونزلت وكان شكلها حلوو وانيق لكن واضح انها متوتره وخايفه وفجأه انفتح الباب ودخل سلوم يركض وقامت له وحضنته وصاحت واماني طلعت لكن صادفها فيصل ومسكها ودخل معها ارتبكت العنود ولاقدرت توقف ظلت حاضنها سلوم ودموعها على خدها
وصل فيصل عندها ووقفت سلم عليها لكنه كان متوتر اكثر منها خصوصا لما شافها حاضنه سلوم وتصيح واماني تصيح التفت على امه ..
فيصل..الغاليه قلت لكم مابطول يالله
ضحكت ام فيصل ولبس فيصل العنود شبكتها وطلع معها للمجلس لحالهم جلست بعيد عنه وظل فيصل يتأمل العنود باانبهار ..توقعها لما لمحه حلوه لكن مو لهالدرجه والي زاد جمالها حياءها ..
فيصل ويحاول يكون طبيعي وهو مرتبك..مبروك العنود
العنود وعينها عالارض..الله يبارك فيك
فيصل..ههههههه يعني مابشوف وجهك
احترق وجهه العنود من كلمة فيصل ولارفعت راسها لكن قام وجلس بكرسي قريب منها

فيصل ..العنود
رفعت العنود راسها..وهي ساكته
فيصل باابتسامه اربكت العنود..مابطول لكن بقول لك كلمه وحده انا محظوظ انك من نصيبي
ابتسمت العنود ووقف فيصل قرب منها وقال..اعرف انك مرتبكه لكذا مابقول شئ زياده ولابطلب حتى اسمع صوتك الي ماسمعته الا همس لكن بس اليوم بسامحك وبكراا لا
ابتسمت العنود سلم عليها فيصل وطلع وظلت العنود بمكانها لحد مادخلوا عليها البنات وبدوا يعلقون عليها لكنها كانت مبسوط طايره من الفرح والامل والحب..كانت حابه تضحك وتغني ..كانت مستعده تهدي اي شخص يكلمها كميه من الحب الي فاض من كثر سعادتها ..
انتهت الملكه والكل طلع ورجع لبيته ام فيصل صاحت لما رجعت فرحانها لولدها حبيبها فيصل ..الي تحمل وصبر وشال عنها كثير..فرحانه لانه اليوم تزوج انسانه طيبه خلوقه وان شاء الله تسعده ابتسمت ام فيصل وهي تتذكر ايام الشقاء والعذاب الي راحت ومرت ولا كانها صارت ..

ببيت ام نواف كانوا العمات موجودات هناك لكن بدور راحت مع البناات ونجلاء نامت ببيت ام فيصل لان حمد مسافر الصبح وبتظل عندهم لحد مايرجع ورفضت تروح بيت ام فهد وهالشئ اثار استغراب البنات كلهم
________________________________________
..لكنهم تركوها براحتها ..

خلود ..بدور شفيك
بدور باابتسامه..ولاشئ مبسوطه اني تغيرت
خلود..اها طيب شرايك بالعنود اليوم
بدور..العنود طيبه وتستاهل كل خير الله يسعدها
خلود..صح الله يوفقها ..
بدور..امي تقول خالتي ام فيصل تقول الغداء عندها بكرا بتروحون
خلود..اكيد بنروح
بدور ..اجل خلينا ننام

الكل نام الا فيصل والعنود الي هالليله تعتبر من اهم الليالي بحياتهم فيصل كان متردد يتصل بالعنود او لا لكنه قرر بالاخير مايتصل وارسل لها مسج وكتب لها فيه" تصبحين على خير .."
انبسطت العنود كثير بالمسج ورغم ترددها ردت عليها ونامت بعدها مرتاحه

الظهر الكل كان صاحي ومبسوط محمد وفيصل كانوا طالعين ورجعوا عالساعه وحده وقت وصول عيال عمهم ..البنات كلهم موجودين والعمات مجتمعين ومعهم العنود الي لاول مره تحس انها من هالعايله ..

دخل فيصل للبيت وكان مقرر يدخل من باب المطبخ لكن وصله مسج ووقف وفتح جواله قرأ المسج وصارت الدنيا بعيونه سوداء مافيها نقطة ضوء ثارت اعصابه ولاعاد قادر يتمالك نفسه غير مساره ودخل البيت وبااعلى صوته قال..العنود العنود
الكل وقف بالصاله واولهم العنود الي خافت من نظرته لها تقدم عندها .
الجزء الخامس والعشرون .....








الكل التفت على فيصل والعنود وقفت خافت من نظرته من صرخته من تقدمه وقف عندها ومد يده بصوت حاد ..عطيني جوالك
بتردد وخوف واضح مدت العنود يدها له بالجوال..
فتحه وبدأ يقلب ووقف قرأ ورفع عينه و يده بوقت واحد ولاحست العنود الا باليد الي امتدت وضربتها بكف كان هو الكف الفاصل بين السعاده والحزن..بين التفاءل والتشاءم..بين القوه والضعف ..بين العدل والظلم ..بين القسوه والحنان..
الكل شهق وخاف ام فيصل ماقدرت توقف ظلت بمكانها وزاد صراخ فيصل عالعنود
فيصل بصوت عالي ..قولي لي فهميني شلون كيف قدرتي تخدعيني تكلمي ردي خليني اعرف حجم غبائي وثقتي فيك ردي ليه ساكته تكلمي انطقي قولي ليه انك اغبى رجال هالعالم تكلمي

اما العنود بعد مااستوعبت صدمتها بتصرف فيصل امتدت يدها واخذت الجوال الي ر
ماه فيصل وهو يسب عند رجولها وحطته عالطاوله ومن غير اي دمعه وقفت عند باب الصاله وهي طالعه وقالت . برد يافيصل الله سبحانه وتعالى قال ( يا ايها الذين آمنوا ان جاءكم فاسق بنبأ فتبينوا ان تصيبوا قوما بجهالة فتصبحوا علي ما فعلتم نادمين ) ..
وطلعت تغطت وغطت عيونها الدموع دخل محمد بعد ماشاف الكل طلع سألهم ماحد رد
محمد..وين راحوا والغدا شفيكم ردوا
فيصل طلع لغرفته اماني طلعت تركض بعد العنود غدير وساره دموعهم على خدهم شوق مصدومه ودموعها على وجهها
محمد بصوت عالي ..شوق شصار
شوق وبين دموعها..مااعرف دخل فيصل طلب جوال العنود شافه اعطاها كف وطلعت والكل طلع
محمد مصدوم من تصرف فيصل ..وين جوالها
اعطته شوق وقرأ محمد المسج بصوت عالي " عودي زوجك المحترم عنودتي مايكلمك بالليل حتى مايخرب علينا سهرتنا اوكي حبيبتي "
انصدمت غدير وساره محمد وشوق
محمد..وين فيصل
فيصل وهو نازل من غرفته ..فيصل طالع ولاابي ولاكلمه لو سمحت
تركه محمد لانه عرف انه مابسمع منه شئ وهو بهالحال اتصل بسعد وقال الموضوع بشكل سريع لانهيعرف فيصل بيروح له ..
التفتت على غدير..امي وينها
غدير.. دخلت غرفتها
راح محمد فتح الغرفه وانصدم انهار ام فيصل المرأه الي صبرت وتحملت تكون بهالشكل منهاره وتصيح ..

محمد قرب عند امه ..يمه مابيصير الا كل خير اهدي اهم شئ صحتك
ام فيصل وهي تصيح بقهر..آه يايمه الي شفته ذبحني
محمد..كان معصب وان شاء الله كل شئ بينحل
ام فيصل بصوت عالي..لا لا عصبيته لنفسه شفت ا براهيم بفيصل شفت الظلم شفته لما ظلم البنت اليتيمه شفت اخوك اليوم بصوره ابوك الي ظلمني وذبحني واتهمني ابشع التهم شفت فيصل الي علمته ان الشديد الذي يملك نفسه عند الغضب رامي كل تعب السنين وراء ظهره وداخل بكل وقاحه قدام الكل ويمد يده قدامي انا امه الي علمته كيف يحترم ويقدر يكف يراعي الموجودين ومشاعرهم لكنه مااهتم باامه ولابقلب اخته الي ضرب واهان خالتها قدامها
محمد يحاول يهدي امه..يمه لازم نعذره مانعرف الي صار
ام فيصل وهي تصيح..حتى ابوك ذبحني من الضرب وانا مااعرف من ارجال هالعالم الا هو ابوك ذلني وانا ببيت ابوي مكرمه عزيزه ابوك اهاني وهو مايملك علي اي زله واليوم فيصل سواها بس بنت ابوها بنت الاصول ماردتها الا بآيه علمته قدره وخليه يستاهل ماهو كفوا ظفرها
محمد منصدم..يهون فيصل يمه
ام فيصل..يهون لاماعرف ماقال الله وقال الرسول يهون اذا ماستر حتى لو يملك دليل يهون يوم انه ذبح هاليتيمه وهي مظلومه
محمد..شلون عرفتي انها مظلومه
ام فيصل وهي تصيح ..لاني اعرف الناس مو مثل اخوك الي ضيع نفسه وحياته الي مالها الا يوم باديه ولاني اعرف انها مظلومه شفتها مثلي ضعفيه ماهي قادره تنطق لكن لا صارت اقوى مني وقدرت ترد عليه
محمد ..خلاص يمه اهدي وتوضي وصلي وان شاء الله مابيصير الا كل خير وانا بطلع اشوف العنود
دخلت غدير تهدي امها ومحمد اخذ شوق وراح للعنود

العنود الي انهارت عند باب البيت ولاقدرت تدخل ..العنود الي صاحت سعادتها المذبوحه ..الي خافت على قلبها المسكين..العنود الي انطعنت ماهو من حقير ولاظالم لا بالعكس من شخص اختارته بكل ارادتها يكون زوجها وشريك حياتها..انداست من انسان من اقل من اربع وعشرين ساعه سلمته حياتها ..العنود الي صرخت بااعلى صوتها..حرام يافيصل ذبحتني
حضنتها اماني ..خلاص العنود عشان خاطري
العنود وهي تصيح بشكل يقطع القلب..ذبحني اهاني دمرني
شوق وتدخل وتساعد اماني وجلست العنود بالصاله دخل محمد وجلس
محمد..اسف العنود بس قولي شو الي صار لازم افهم
العنود وهي تصيح..شو اقول مااعرف مااعرف شئ
محمد..اهدي اختي المسج من ارسله لك
العنود..مااعرف
محمد..شلون اول مره يوصلك
العنود..اول مره قلت بقول لخالتي او لفيصل اذا كلمني لكنه فاجئني ...سكتت وبدت تصيح
محمد واخذ الجوال وشاف الوقت ..يعني من نص ساعه
العنود..قبل مايدخل بخمس دقايق والله
محمد..اوكي خير ان شاء الله انا بأذن الله بحل الموضوع وقام بيطلع لكن عند الباب نادته العنود
العنود..محمد لاتتعب نفسك انا مابرضى بحل غير الانفصال
محمد..اذكري الله وبعدين نتكلم فمان الله
طلع محمد ورجعت العنود تصيح
طلع محمد وشالت الغطى العنود وكانت الدموع مغطيه وجهها وتصرخ وتصيح..آه يافيصل ليه ليه
اماني ماقدرت تهديها وهي مصدومه بكل الي صار اما شوق قربت من العنود وحضنتها
شوق ..العنود انتي اقوى من الي صار اذكري الله
العنود وهي مازالت تصيح..لا مااقدر شلون تطلبيني اسكت واهدى تعرفين شوق الظلم شو احساسه لما انسان يظلمك وانتي موقادره حتى تردين الي عمله فيصل قدام الكل ظلمني هذا هو الظلم حرام عليه ياويله من ربه ..ياويله من ربي كنت مبسوطه فرحانه اول مره احس اني منتميه لهالعايله بشكل رسمي اول مره احس الفرح قريب مني كنت متلهفه على وصوله على كلامه على حتى سلامه كنت احسه مختلف لكن كل هالصبر نتيجته كف قاسي واهانه مدمره من قلب بكل ارادتي اخترته شلون تبيني اهدى وانا اشوف الامل يغيب والحلم ينهار شلون اهدى وانا الي اهاني نفس الشخص الي دافع عني شلون اسكت والانسان الي مسك خط من الطايف لرياض حتى يأدب شخص مايعرفه هو الي يأدبني على خطأ ماارتكبته شلون
قطعت كلام العنود ام فيصل الي دخلت بكل قوتها المعهوده ولاكأنها الانسانه الي انهارت تصيح من دقايق ..
ام فيصل ..العنود تعالي يابنتي
ارتمت العنود بحضن ام فيصل وهي تصيح ودمعت عيون ام فيصل وصاحت معها ..خلاص يابنتي خلاص اسمعي كلامي واطلعي لغرفتك واتوضي وصلي لك ركعتين وارتاحي والي صار انا اقولها لك مابيعدي على خير وانا نوره
استغربت شوق من قوة ام فيصل والغريب انها لاول مره ماتقول ام فيصل الاسم الي تعتز فيه دايم لاول مره تحس ان ام فيصل ممكن تقسى على ولدها ..
ام فيصل..شوق يمه روحي شوفي محمد وخليه يتغدأ وانا بجلس مع اماني وسلوم شوي
طلعت شوق والعنود طلعت لغرفتها ولاظل الا ام فيصل واماني وجات عندهم غدير وساره ..

بالبيت حصلت شوق محمد بالصاله وشكله مشغول ويكلم وبعد ماانتهى التفت عليها
محمد ويتنهد..الله يستر كلمت سعد واتفقت معه وقال بيكلم امي الحين يقولها فيصل بيمشي معه لشرقيه
شوق مستغربه..ليه
محمد..لازم يبعد وخصوصا عن امي والموضوع ان شاء الله بينحل فهد يعرف واحد بالاتصالات اعطيته الرقم وقال بيشوف مين
شوق..محمد بقول لك شئ قالت العنود وهي منهاره
قالت له شوق كلام العنود عن الطايف استغرب واتصل بغدير وسألها وقالت له كل الموضوع بعدها اتصل عليه سعد
محمد..هلا والله بشر
سعد..خلاص قالت بسلامته انت خلي بالك منها وانا بشوف فيصل وافهم الموضوع اذا هدأ شوي
محمد..اوكي وطمني وانا وصلتني معلومه بشوف
سعد..شو وصلك
محمد..مااعرف شئ عن ولد جيرانا
سعد..انا توقعت لكن انت شوف الرقم بااسم مين وعلمني
محمد..يعني عارف بالموضوع
سعد..ايه عارف بس مااحد يعرفه غيري والوالده وغدير اوكي فيصل طلع بينا اتصال فمان الله
محمد..الله معك

في بيت ام نواف الكل اجتمع وبدأ الكل يتوقع ويفترض لحد ماقالت ام فهد..
ام فهد..ياناس خلاص الله يهديهم ويصلح بينهم
ام بدور..الله يهديه
ام نواف..المهم يالله نتغدأ
بعد الغدا اجتمعوا البنات وهم متضايقين عالي صار للعنود
خلود..اخر شئ تصورت اشوفه فيصل والعنود بهالموقف
نجلاء..انصدمت وكسرت خاطري والله
عبير..تبون الصدق بتكسر خطري صدق لو نزلت دمعه من عينها لو طلعت من البيت عينها بالارض منذله لكنها العنود دومها من عرفتها واثقه من نفسها ويكفي ردها الي مو سكت فيصل الي سكت اي شخص منا ممكن يفكر فيها
بدور..بس غريبه شلون تجرا يرفع يده عليها
عبير..كل شئ بوقتنا جايز قولي الله يصلح بينهم يارب

على طريق الشرقيه كانت فيصل وسعد والصمت مسيطر عليهم
التفت فيصل..وقف
سعد ببرود..ليه
فيصل وهو مغمض عيونه..بتكلم
وقف سعد عالجنب ونزل وتبعه سعد وقف ساكت
سعد..بتقول الي صار يعني
فيصل ..ابي اقول ليه انا كذا ليه دائما اختياراتي خطأ كنت مبسوط لاول مره احس فيصل ماهو شخص لا بالعكس شخصين لاول مره اتمنى ادخل بيتنا بسرعه لاول مره احس اني مشتاق لاهلي بوجود شخص يعنيني بالدرجه الاولى ولك تتخيل صدمتي فيها
سعد ويستفزه..ولكذا قلت اضربها تستاهل سببت لي السعاده
فيصل وبصوت علي..لاتتمسخر علي سعد انت ماشفت ولاحسيت بالي حسيته تخيل انك بأمان الله يوصل لك مسج ومكتوب فيه " ياعريس مبروك اذا انت رجال شوف المسج الي عند زوجتك هذا اذا انت بنظرها رجال "
سعد.ياسلام وانت غبي اسلوب بدائي مكشوف يهزك
فيصل وبصوت اعلى..لا لا حرام عليك كان ممكن اقول مثلك لو كان رقمها بااسمها لكن بااسمي وجوالات خواتي بااسمي يعني شلون توصلوا لرقمها والامر انه يدلعها يعني يعرف اسمها لاتقول لي صدفه لا انا الغبي انا
سعد..ايه انت الغبي لانك خليت هالشخص ينتصر عليك انت الغبي الي سمحت لفيصل يتحول لانسان غبي انسان مايعرف شئ من اساليب التعامل يااخي لنفترض انها تعرفه مو من حقك تفضحها وقدام مين اختك الي هي خالتها قدوتها ليه مااحترمت وجود امك ليه مااحترمت وجود الضيوف ليه خليت انسان واطي ينتصر عليك بكذبه او خلينا نقول انه صدق يااخي انت تصرفت بحماقه وغباء وصدقني لو اختي الي مديت يدك عليها كنت كسرتها لك تعرف فكيف انسانه يتيمه وغير كذا مو متأكد من صحة الي وصلك اقنعني قولي ليه هالتصرف
فيصل..اقول لك تعرف واحد ويمكن اكثر وتبيني اسكت
سعد..لا تسكت لكن مايحق لك تعمل الي عملته وخصوصا انك ماتأكدت يااخي حرام تحب اذكرك بشو ردت عليك تحب اقول لك بصوت عالي ردها شو ردها قالت لك (( يا ايها الذين آمنوا ان جاءكم فاسق بنبأ فتبينوا ان تصيبوا قوما بجهالة فتصبحوا علي ما فعلتم نادمين ) ..
فيصل يقاطعها..بس اعرفه اعرفه ماله داعي تعيده

رجع فيصل لسياره وهو معصب ومتنرفز ولاعارف كيف يفسر او يشرح كيف سعد ماقدر يفهم موقفه وشو الي صار واربكه كيف قرأ المسج الاول والثاني كيف الشيطان سيطر عليه بالثاوني الفاصله بين المسجين ..ركب سعد وكمل الطريق بصمت لشرقيه

بالبيت دخلت العنود وتوضئت وصلت ودعت ربي يرحمها ويدلها على طريق الخير ..دعت ربي يكفيها شر كل من فيه شر عنها..دعت الله يطمن قلبها ويبعد عنها الشيطان وسوسته ..دعت وبكت شكت للواحد الاحد شكت لرحمن الرحيم دعت الجبار القوي المتعالي دعت الشديد الغفور ..دعت ربي انه يظهر الحق وينصرها على كل من تجرا بيوم حتى يسئ لها ..
انتهت صلاتها وجلست تقرا قرآن وحست براحه وارتمت عالسرير ونامت حتى الساعه عشره بالليل نزلت ولاحصلت احد الكل كان بالبيت الثاني ..

شوي ودخلت شوق ومعها محمد بعد ماتغطت العنود سألها محمد
محمد..العنود تعرفين واحد اسمه سعود علي او مره سمعتي بااسمه
العنود..لا
محمد..هذا الرقم الي انرسل لك منه المسج وبكرا بشوف موضوعه لاني اعرفه
العنود وبثقه..شوف اخوي محمد انا مقدره لك حرصك لكن انا ولله الحمد انسانه واثقه بنفسي والي احب يوصل لك انك ماتتعب نفسك او تدخل نفسك بمشاكل
محمد..العنود انتي بمكانتة غدير واماني وساره وحتى لو ماكنتي زوجة فيصل كنت راح اتأكد واعرف اصل الموضوع
العنود..عموما ماتقصر بس هالجوال ماابيه خذه معك
محمد..ليه
العنود..بس انا عشت 23 سنه من غير حماية رجل ولا كان حاميني الا الله سبحانه وتعالى ولما فكر فيصل انه يحميني بجوال بأسمه للاسف حماني من الكل الا نفسه خذه معك ارجوك اخوي
محمد..خير ان شاء الله اسمحي لي اختي وحبيت اقول لك فيصل مسافر البيت بيتك
طلع فيصل ومعه شوق وظلت العنود تفكر سافر ..معقوله لهالدرجه ماتعني له شئ ..معقوله مااهتم حتى انه يسألها او يسأل احد ..لهالدرجه يثق انها خاينه معقوله تزوجها وهو مايثق فيها اجل ليه تزوجها شلون
قطعت تفكيرها غدير الي جلست تسولف معها بكل المواضيع الا الي صار لان العنود رفضت تتكلم بالموضوع ..

اتصل محمد بسعود واخذ منه موعد العصر بكرا بعد مااتفق ان نواف يكون معه بااعتبار انه جارهم ..والعصر كان نواف ومحمد عند باب سعود
نواف..انا اعرف ان له علاقات كثيره وانه مو مضبوط لكن كيف وصل للعنود
محمد..وهذا الي بنعرفه انا مره سألتك عنه لاني اشوفه من فتره لفتره مع العيال لكن علاقتي فيه سطحيه جدا
نواف..خلنا نتوكل وندخل
دخلوا عند سعود الي كان مستغرب من حضوره
محمد..سعود بدون مقدمات رقمك **********
سعود..ايه ليه
محمد..مسج من جوالك ممكن يسبب طلاق وصدقني انا الحين ماسك نفسي بالقوه
سعود..وضح محمد
نواف..انا بقول لك من يومين كانت ملكة فيصل اخو محمد تعرفه صح
سعود..ايه صح الله يوفقه بس انا شو لي بالموضوع
نواف..الموضوع وصل مسجين واحد لجوال فيصل واحد لزوجته وهالمسج سبب مشكله كبيره
سعود..شو المسج
اعطاه محمد الجوال شاف المسج والرقم ورفع راسه..العنود هي خطيبة فيصل
محمد وواصل حده..تعرفها
محمد ..اسمعني محمد وبهدوء انا صح اعرف بنات كثير لكن اسأل كل شخص يعرفني الي محترمه نفسها العمى لعيني اذا رفعت نظرتي لها مااقدر احترمها غصب صدقني رغم اني مثل مايقول الكل صايع الا اني مااعرف الا الانسانه الي تساهلت بنفسها وكرامتها وشرفها وقبل كذا دينها زوجة اخوك الله يشهد اني مااعرفها ولاعمري سمعت صوتها الموضوع طويل ومن عيوني اشرحه لك
نواف..نسمعك
سعود..من فتره كان معنا واحد بالشله يوميا اشوفه وبصراحه هو نفسي بالضبط له علاقات وله معارف كثير الهم بيوم دخل علينا وقال خطبت باركنا له لكنه قال لي انه متعرف على بنت وبدأ يمدح فيها لكن يقول عملت المستحيل حتى رضت اسمع صوتها لكنه بيتركها وحب يعطيني رقمها انا قلت اوكي ماعندي مانع المهم مرت الايام ولاصرت اشوفه الا قليل بعدها فاجئني من كم يوم وقال نفس الموضوع انا مااستغربت لانه دائما يتكلم بهالموضوع قال انها بتستعبط عليك لكن بعدين بتكلم قال اسمها العنود وقال لي خلني اخلص لك الموضوع اخذ جوالي امس وبعد مااستخدمه ضحك وقال كلها كم يوم وتكلمك
محمد وعلى اعصابه..من هالشخص
لما قال سعود اسم احمد وقف محمد ومسكه نواف وجلس
نواف..طيب سعود الحين فهمنا انت مالك ذنب لكن بسبب رقمك البنت بتطلق هذا اولا ثانيا من كلامك انت انسان تحترم الانسانه المحترمه وقال له سالفة احمد الاوله ..والحين عندنا طلب
سعود..ابشر تحبون اكلم فيصل كلمته والحقير شغله عندي
نواف..لا نبي تعرف لنا من احمد منين جاب رقم زوجة فيصل
سعود ولحظة صمت ..ابشر ولايهمكم وبعد ماينتهي الموضوع وينحل والله لاوريه شغل الله
محمد..سعود انتظرك
سعود..محمد ثق فيني ارجوك وصدقني المحترم غصب عليك تحترمه والله يعلم اني احترمك واحترم فيصل من زماان وابشر بسعدك
استأذن محمد وطلع مع نواف والكل رجع لبيته ..

مرت ثلاث أيام كئيبه ..حزينه ..بطيئه ..على الكل العنود حاولت كابر بعد الانيهار الي حست فيه قدام الكل الا قدام اماني الي تشوفها كل ليله ودموعها على خدها ..ام فيصل مالها خلق تكلم او ترد على احد بعد الي صار ..غدير قلبها مع اخوها والعنود والي صار ومن جهه ثانيه زواجها قريب ومشغوله..ساره انعزلت لحالها..اماني تحاول تهدي العنود وتصبرها..محمد يحاول يتصل بفيصل الي رافض يتكلم مع احد ..اما الباقي كانوا عايشين بحالة خوف مايعرفون شو الي صار ولاهم حابين يسألون ويحرجوهم..

مرت ثلاث ايام ورجع فيصل بعد اصرار سعد وكان لقاءه مع نواف ومحمد بالمكتب ..سلم عالكل وجلس
نواف..كيف الحال فيصل
فيصل..بخير انتم شلونكم والاهل كلهم
نواف..تمام الحمد لله
سعد..يالله محمد قول لنا الي عندك
محمد وعينه على فيصل الي تغير وجهه ..بقول الموضوع واتمنى تسمعني لحد ماانتهي بعدها انت حر بتصرفك
سكت فيصل وقال محمد الموضوع فيصل مانطق ولابحرف واحد
سعد..يعني بكذا انتم تأكدتوا شلون
نواف..انا اقول لك بعد مااتفقنا مع سعود انه يعرف لنا مصدر احمد بحصوله عالرقم انتظرنا اتصل فينا وقال لنا انه حاول يستغفل احمد وقدر لان طينتهم وحده وقال عرف الرقم من سواق العنود
هنا رفع فيصل عينه ..كيف
نواف..اعطاه فلوس وقدر يأخذ رقمها منه وخصوصا ان السواق معه جوال ويعرف الرقم
سعد..هذي النتيجه الثقه الغبيه الي اغلب مجتمعنا يعطوها السواق وكانه مو رجل ولابشر ممكن يغريه ايشئ
قام فيصل..عن اذنكم مشكورين
محمد..فيصل اذا عالسواق تفاهمت معه وسفرته
فيصل بصوت عالي..ليه
محمد..الي صار كفايه وبعدين صاحبته هي الي قالت
فيصل..ايووه صاحبته
طلع فيصل وسكر الباب بقوه
سعد..الله يهديه رفع ضغطي هنااك الشين بفيصل اذا عصب كل الالوان تصير سوداء
نواف..المهم خلوه يرتاح يفكر بالموضوع ويصير خير
محمد..ان شاء الله ماقصرتوا كفيتوا ووفيتوا
نواف..احنا اهل وهذا واجبنا
سعد..يالله اسمحوا لي بطلع ارتاح
نواف..وانا بعد
طلعوا كلهم ولاظل الا محمد خلص كم شغله ورجع والمفاجأه ان فيصل مارجع للبيت لحد الساعه 12 الكل ناام الا ام فيصل الي ماقدرت تنام ولدها مو موجود دخلت غرفتها تنتظره من غير مايعرف لكنه وصل وراح لغرفتها فتح الباب وحصلها جالسه حب راسها وجلس ساكت وام فيصل ساكته ..

لحظات صمت مرت دقايق بعدها الثانيه لحد ماكملت ثلاثين دقيقه قطعها فيصل
فيصل..يمه اعرف الي عملته خطأ واكبر خطأ لكن ارجوك يمه انتي الوحيده الي ممكن تفهمني
ام فيصل ولاناظرته وساكته....
فيصل..يمه ارجوك لازم تسامحيني لانك امي الي تعرفين قلبي امي الي تعرف اني مااحب اظلم لكن العصبيه سيطرت علي ماعدت عارف شلون اتصرف
ام فيصل وتلتفت عليه..كفوا والله ماعرفت تتصرف
فيصل..يمه لا ارجوك لاتكلميني كذا طلبتك
ام فيصل وتوقف ..شلون اكلمك اخذك بحضني واقول احسن تستاهل البنت الي عملته فيها تبيني اقول كفوا ولدي رجال يعرف يرفع يده ويضرب ويظلم بنت مايدري ولاهو متاكد من جريمتها تبيني اقول الي عملته رفع راسي وشرفني قدام اهلك والا تبيني اقول انك طلعت نسخة ابوك ابراهيم ..ابوك الي شفته يتصرفك مع العنود ابوك الي ضربني واهاني وظلمني وانا بريئه والله يعلم ..بس يافيصل هذا وانا امك وانت نور عيوني ماقدرت اتحمل اشوفك وشلون هي البنت اليتيمه الي ضربتها وظلمتها قدام الكل شلون شلون انت الي شهدت على ضرب ابوك لي انت الي تبعد محمد حتى مايشوف امه مهانه انت الي كررت نفس الشئ
صاحت ام فيصل وجلست وحضنها فيصل وحب راسها ويدها..بس يمه ارجوك اهدي يمه اسف ارجوك سامحيني دموعك غاليه يمه ولاتهون علي يمه لخاطر عيالك كلهم اهدي
ام فيصل وبين دموعها..ابي اعرف ليه تصرفت كذا ليه تعمدت تجرحها وتهينها طيب من اول اذا ماتبي الزواج ليه تتزوجها تكلم قول انطق
فيصل ..احبها..... يمكن مو بالمعنى الحقيقي لهالكلمه لكن هي التعبير المناسب عن احساسي تجاها يمه انتي الوحيده الي تعرفين اني احبها انتي يمه الي لازم تعرفين اني ماقدرت ماتحملت اشوف شخص ثاني يكلمها ماتخيلت احد ينطق اسمها ماتحملت غلطت ادري ادري لكن اعذروني موقفي صعب راجع مبسوط وفرحان امس كانت ملكتي والانسانه الي اشوفها واحترمها واراعي وجودها كل يوم خلاص زوجتي حلال لي شلون تتوقعين موقفي لما انصدم بالمسج ماقدرت ماعدت قادر اتصرف او افكر اتخيل صدقيني يمه ماشفت من الموجودين الا هي
ام فيصل..والحب مبرر بنظرك انك تجرحها ترفغ يدك تهينها
فيصل..لا لكنه مبرر لغيرتي عليها
ام فيصل..فيصل انت ولدي ولابتهون علي بس هي بعد مابتهون علي والي عملته فيها ماهو قليل لاتغرك قوتها قدامك لو شفتها بعد ماطلعت كنت عرفت انك دمرت انسانه تعرف شلون معنى دمرت يعني هديت سعاده بصعوبه انبنت احساس ماله الا ساعات تكون احساس الامان بعد الله الي ضنت البنت انها حصلته فيك انت هديته فيصل سامحتك او لا ماهو مهم المهم انك تعرف
فيصل ..لا يمه سامحيني لازم تسامحيني ارجوك يمه لانك الوحيده الي ممكن ياثر فيني زعلها يمه ارجوك انا فيصل الي ربيتيه وعلمتيه وسهرتي عليها لاتخلين غلطه تفقدك الامل او الثقه فيني يمه لخاطري ارجوك يمه قولي انك سامحتيني
ام فيصل وتمسح دموعها..مااقدر مااسامحك انت ولدي الله يهديك يارب بس بعد لازم تعرف ان العنود مابترجع لك
انصدم فيصل..شلون
ام فيصل..ايه لما حاول محمد يعرف الموضوع ويفهمه قالت له انها مابترضى الا بالانفصال ويكفيها ثقتها بنفسها ولكذا لايبحث عن شئ
فيصل وخجل من امه اكثر..لا يمه العنود خليها علي طبعا بمساعدتك وان شاء الله هي تسامحني
ام فيصل..والله يافيصل يمه اتمنى هالشئ بس اذا استخدمت نفس الاسلوب مابتكلمك ولابترد عليك
فيصل..خلاص يمه انا الحين برضاك علي اشوف الدنيا كلها حلوه وان شاء الله العنود بترضى
ام فيصل..طيب يالله اشوف مابقى عالفجر شئ روح لصلاة وبكرا يصير خير
ابتسم فيصل وحب راس امه وطلع يصلي وبعدها رجع نااام ويفكر شلون ممكن ينفصل عن العنود .

عالظهر الكل كان صاحي ولافيه غير فيصل ومحمد بالصاله دخلت اماني وقفت لما شافت فيصل
فيصل باابتسامه.. تعالي امون مابتسلمين علي
سلمت اماني على فيصل وجلست جنبه..الحمد الله عالسلامه فيصل
فيصل..الله يسلمك اموون كل شئ بيتصلح المهم مابشوف هالحزن على وجهك مره ثانيه
اماني..ان شاء الله
محمد..امون روحي نادي غدير بسرعه
طلعت اماني ونادت غدير وجلسوا يتكلمون على زواجها وتفاصيله واستأذن فيصل وطلع بعد ماغمز لامه واشر على سلمان

وقف عند باب البيت متردد كيف يواجهها يعتذر لها يكلمها شلون بيقنعها شلون بيوضح لها موقفه تردد كثير بالاخير توكل على الله وقف عند الباب
فيصل..احم العنود
العنود كانت بالصاله لما سمعت صوته خافت ماعرفت شو تعمل لو بتطلع بتمر قدامه ولو بتجلس بيدخل وفعلا دخل امتدت يدها عالشال وتحجبت فيه وهالشئ ضايق فيصل كثير
فيصل ..السلام عليكم
العنود..وعليكم السلام
فيصل..ممكن نتكلم العنود
العنود بعد صمت طويل..اسفه فيصل عن اذنك
طلعت من الصاله وتركته منصدم من تصرفها معقوله ماعطته فرصه حتى يوضح موقفه ويتكلم لهالدرجه كرهته ولاعادت قادره تتحمل منه اي شئ
طلع فيصل وراح لسعد وطلعت العنود غرفتها وهي تصيح لما شافته تذكرت حلم حلوو وحلم منهار وتذكرت الحد الفاصل بينهم ..ورجعت تصيح بشكل يقطع القلب ..هدت ورجعت لها قوتها المعهوده

بسرعه نزلت العنود واتصلت على ام فيصل وكلمتها

العنود..خالتي بطلبك بس لاتزعلين مني
ام فيصل..امري ان شاء الله مابزعل انتي مثل بناتي
العنود..قولي لفيصل مايكلمني
ام فيصل..لانك من بناتي لازم تتكلمون العنود
سكتت العنود شوي..بنتكلم بس مو الحين بعدين
ام فيصل ..ولايهمك بخليه يتركك ترتاحين بعد زواج غدير خلاص عاد تفاهموا واعتقد مده كافيه لعقاب فيصل وصدقيني انا ماعديت الموضوع بسهوله وتكلمت معه
العنود..رغم ان التفاهم مرفوض لكن يصير خير ان شاء الله
ام فيصل ..ان شاء الله ربي بيهديكم
العنود..يالله خالتي تأمريني بشئ
ام فيصل ..ودي تجين عندنا لكن مابجبرك
العنود..تسلمين خالتي مع السلامه
ام فيصل..مع السلامه

كلمت ام فيصل ولدها رغم انه عصب لكنه تقبل الامر بالنهايه مجبر يصبر ويتحمل لانه هو الغلطان ..
فيصل..يعني شو بيصير اذا تكلمنا الحين
ام فيصل..الصافق ينسى والمصفوق عمره ماينسى
فيصل سكت وطلع اقسى شئ بالنسبه له كلام امه وتوبيخها الغير مباشر له ..

اما حمد كان معصب من ساره ورفضها لكنه هالمره طلب من شوق تكلمها وبشكل مباشر حتى يفهم سبب رفضها ..
شوق..ساره ردي شو اقوله
ساره..شوق حرام انا احب حمد لكذا لازم مااوافق
شوق..اي حب يخليك تختاري البعد
ساره..انا انسانه مريضه
شوق وبصوت عالي..بس ساره وهو دكتور ويعرف انك طبيعيه مافيك شئ
ساره ..وقلبي
شوق..مافيه شئ
ساره وبدت تدمع عيونها..لا لا ارجوك شوق
طلعت شوق وبلغت حمد الي عصب من قلب على موقف ساره لكنه قرر يكلم فيصل بالموضوع

اما عبير بعد اخر لقاء وكلام لها مع فهد قررت انها تفكر وتحسم هالموضوع بشكل نهائي ولكذا اتخذت قرار تفاجأت فيه خلود
خلود..معقوله عبير تتركين الشغل يعني تختارين البعد عنه
عبير بحزن..لازم ابعد خلاص سنوات مرت وانا عايشه على وهم اسمه حب نواف الى متى خليني اشوف نصيبي وهو الله يسعده
خلود..وحبك له
عبير وتتنهد..خلاص خلود صحت بما فيه الكفايه على حبي لنواف بس لازم هالحب يندفن وتظل ذكراه بداخلي لازم ارضي نفسي واخوي وامي وكل الي يحبوني اما نواف اخاف انتظره عمري كله وبالاخير يفكر بوحده غيري
خلود..ان شاء الله ربي بيعوضك بأحسن منه
عبير باابتسامه باهته..المشكله انه بنظري مافيه احسن منه لكن نقول ان شاء الله
خلود..بلغتي فهد
عبير..لا مابعد بقوله بااقرب فرصه ..
خلود..طيب بكرا بنروح بيت خالتي ام فيصل زواج غدير قريب وتقول كل يوم بنجتمع عندها
عبير..والعنود
خلود..اتوقع الجمعه تكون عند العنود
عبير..حرام والله ماتستاهل الله يهديهم
خلود..امين الا صدق بدور تقول بتجي هناك

الكل انشغل بزواج غدير وتحضيراته ..ام فيصل رغم انها لاول مره بتكون ام العروس لكن فرحتها ناقصه ولدها ونور عيونها فيصل مو مبسوط ولاهو مرتاح حتى لو حاول يظهر العكس ..ساره حزنها من فقدانها حمد رسم الحزن على وجهها واظهر صوره مكتئبه لساره بهالفتره..اماني قلبها مع خالتها الي تشوف دموعها كل ليله وودها تفرح وتضحك وتفرح لفرحة اختها غدير واحتارت بين الفرح والحزن ولان الحزن هو المنتصر سيطر عليها بشكل اكبر من الفرح..
اما بدور تغيرت كثير وغيرت امها الي بدت تنسحب بهدوء من اي موضوع وتفضل انها تسكت عنه وترتاح ..ام نواف مازالت معصبه على نواف ولاهي راضيه تكلمه بشكل طبيعي وهالشئ ضايق نواف..ام فهد متضايقه من رفض عبير المتكرر لكنها انبسطت لما قررت تترك الشغل لانه اخذ من وقتها الكثير..نجلاء كل يوم عن الثاني تزداد حيرتهاو سرحانها وخوفها وتدخل بحالة صمت اطول من اليوم الي قبله ..شوق تحاول تغير جوو البيت مع غدير وترجع البسمه حتى لو بشكل مؤقت..

في بيت ام نواف كانت ام صقر وعيالها وبناتها مجتمعين بالمجلس ..

ام صقر..يمه صقر حصلت لك بنت والله الكل يمدح فيها
دلال..ايه صقر انا بعد شفتها ماعليها والله
صقر..بنت مين
ام صقر..بنت جيران ام فهد والله البنيه عاجبتني
سلطان..وهذا المهم
صقر..كم عمرها
دلال..19 اول سنه بالجامعه
صقر..اجل توكلي على الله يمه اذا تشوفينها مناسبه لي
ام صقر..يعني ماتبي من بنات خالك احد
صقر..الله يوفقهم ويسعدهم
سلطان..آآآمين
التفت ام صقر ودلال على سلطان الي ضحك ..شفيكم
ام صقر..ماتبي اخطب لك
سلطان مبتسم..لا انا توني عالزواج ومسؤليته
دلال..والله والي من فتره معصب على بنت خاله
سلطان..قلتيها من فتره يعني كان وكان فعل ماضي والماضي مايرجع
ام صقر وتضحك..ماقلت لكم ولدي واعرفه
سلطان..شدعوه الغاليه
ام صقر..زين اني ماكلمتهم وقلت شئ
سلطان..الله يوفقهم ومبروك صقر مقدما لاني واثق البنت واهلها مابيقدرون يردونك وانا اخوك
صقر..بهذي صدقت الحمد لله انك اخوي
ام صقر..اقول سلطان وراء ماتعقل الحين وتترك اخوك
سلطان يبتسم..وانا شو عامل له الحين اسولف الغاليه
ام صقر..سولف بس لاتوجع قلب اخووك
سلطان ويصفر..والله واحلوت يمه هو يهمك قلبه وانا لا يوم اقول لك اخطبي لي تقولي لا
رمته امه بالمخده وطلع وهو يضحك وترك امه واخوانه يتكلمون بموضوع خطوبة صقر ..


اقترب موعد الزواج ليله وحده وتفرح غدير وسعد ..ليلة وتنتقل غدير من حضن البيت الي تربة فيه وعاشت فيه احلى سنين عمرها..البيت الي حضن ضحكها ودموعها..احزانها وافراحها ..راح تودعه بعد ليله وحده بس حاولت ترتاح وتنام بدري لكن من يناام بهالليله ..

بالمجلس كل العيال مجتمعين وخلال الجلسه بلغ فهد نواف بقرار عبير
نواف..افا لايكون صدر منا شئ
فهد..لا ماصار شئ بس تقول تعبت يااخوي بناتنا ماتعودوا عالشغل
نواف سكت وقال..خير ان شاء الله اهم شئ ماتركتنا من قصور منا
فهد..هههههه تطمن مامنك قصور


الكل نام ورتاح الا القلوب التعبانه نومها قلق مو مريح ..نوم متوشح بالخوف والتوتر ..نوم يتعب اكثر ماهو يريح ..

يوم الزواج الكل صاحي ومبسوط ومشغول فيصل ومحمد ومعهم سلوم البنات كلهم مشغولين وغدير متوتره ..

مرت الساعات بسرعه والكل صار جاهز وحاضر...

غدير..العنود بموت من الخوف
العنود..ههههههههههه
غدير..عنوده ليه تضحكين
العنود..ماادري شكلك يكسر الخاطر
غدير..المهم حلوو شكلي
العنود..حلوو لاتخافين كأنك القمر اهم شئ غدور لاتتوترين خليك مرتاحه
غدير..منين تجي الراحه
شوق..الله الله شو هالزين كلوووووووووووش
غدير مبتسمه..شوق والله محمد امي داعيه له
شوق ومبتسمه..احم طبعا مو انا زوجته لازم داعيه له امه
غدير..حتى فيصل داعيه له
نزلت راسها العنود وسكتت وكملت غدير..بس لو بعض الناس يحنون عليه
العنود..غدير بس
شوق..اقول عندي لكم خبر حلوو
الكل..شوو
شوق..انا حامل
غدير..شوق رايقه انتي
شوق..ههههههههههههه ابي تنسين الي انتي فيه
غدير..ذكرتيتي والله خايفه
شوق..مالت علي الحين بنسيها ذكرتها
العنود..شوق خالتي وينها
شوق..تحت روحي عندها انت خطيبة ولدها لا عفوا زوجة ولدها الكبيرر وحي اتجي بنت الحين وتأخذ زوجك منك
العنود..حلال عليها
شوق..ايه طيب حلال عليها المهم بنزل انا تبون شئ
غدير..شوق طمنيني على كل شئ ابي زواجي يكون حلوو
شوق..انتي خليك بحالك رايقه
طلعت شوق ونزلت تحت وحصلت الكل موجودين سلمت عليهم وجلست بعدها طلعت ساره عند غدير الي قالت لها تداري الحزن الواضح على وجهها وتضايقت ساره ونزلت ..

جاء وقت الزفه والكل كان موجود وخايف ومتوتر مع غدير ابتدت الموسيقى الهاديه ونزلت غدير وهو تحاول تبتسم لحد ماوصلت للكوشه الكل طلع يسلم عليها من المعازيم ويباركون لها ..
وشوي وجاء وقت زفة المعرس نزلوا البنات ولاظل غير غدير دخل سعد معه فيصل ومحمد وطبعا سلوم الكل بدأ يعلق عليهم الي تمدح بالمعرس والثانيه بااخوان العروس
شوق..ودي اذبحهم
نجلاء..ههههههههه روحي
التفت ساره عالبنات وهي تضحك..هذي زوجة المملوح الي تتكلمون عنه
استحوا البنات وسكتوا وشوق ضحكت من قلب على حركة خلود اما العنود كانت متغطيه وتحاول تداري حزنها وخيبة املها بفيصل
عبير..عقبال زواجك العنود
العنود..عقبالك انتي عبير
عبير..للحين زعلانه
العنود..قصدك للحين مجروحه
عبير..كل الجروح لها دواء
العنود..الا جرحي حتى لو حصلت له دواء اثره بيظل وبيكون مشوه قلبي
عبير..حتى التشوه له علاج انتي اعطي الغير فرصه
العنود..الله يكتب الي فيه الخير
عبير..العنود لاانتي ولاهو تستاهلون الي صار وكلنا عرفنا الموضوع لكن مانقول الا الله يهديكم ويسعدكم ..
العنود..آمين وياك يارب

طلعت غدير بعد ماحضنت امها وبكت ولاتركها محمد الابعد التعليق اما فيصل كل الي بخاطره قاله لسعد الي مل من كثر مايوصيه فيصل على اخته ..
سعد..بعيوني حرام عليك فيصل خلاص
فيصل مبتسم..يااخي مااقدر اختي
سعد..صارت زوجتي خلاص
فيصل..هههههههه خلاص طيب فهمنا يالله الله معك
سعد..الله الله بااهلك وخلاص الزواج وانتهى حل موضوعك خلنا نفرح
فيصل يتنهد..الله يعين فمان الله
سعد ..مع السلامه

انتهى زواج غدير على الخير الكل طلع وراح لبيته يرتاح وصلت سيارات فيصل ومحمد عند الباب نزلوا ودخلوا البيت لكن هالمره فيصل مسك يد العنود
العنود..ارجوك فيصل
فيصل..لازم نتكلم
العنود..بعدين
فيصل وبصوت حاد ..الحين امون خذي سلوم معك
دخلت اماني وسلوم ولاظل غير العنود وفيصل وموقف صعب على الاثنين ..
رفعت العنود الغطاء وقالت...
الجــــــــزء الأخــــــير ...




رفعت العنود الغطى عن وجهها وقالت..بكل هدوء ... تفضل اسمعك
فيصل ظل يتأمل العنود بعدين ابتسم..تصدقين انك وحشتيني
العنود باارتباك ..عن اذنك
ميد يده ومسك يدها..لحظه العنود خلينا ندخل ونتكلم
ام فيصل بعيده عند الباب..فيصل الوقت متأخر خلي كلامكم بكراا
فيصل ويبتسم..الغاليه لخاطري الليله ولاتخافين مابطول
ابتسمت ام فيصل ودخلت للبيت ومشت العنود بااتجاه بيتها وتبعها فيصل ..دخلت وجلست عالكنب بالمجلس بعباتها وطرحتها على راسها مانزلتها
فيصل ومو عارف كيف يبدأ.....العنود انا اسف
العنود ساكته ومنزله راسها ..
فيصل..اعرف انه كلمت اسف ماهي كافيه ولاهي وافيه ولاراح تعوضك عن احساسك بذيك اللحظه لكن صدقيني غصب عني
سكت فيصل وعينه عالعنود الي مارفعت وجهها ولاهو قادر يحدد تقبلها لاسفه قرب عندها
فيصل..العنود تكلمي ردي علي اعرف اني غلطان ومستعد اعتذر لك قدام الكل العنود صدقيني ماكان قصدي اجرحك او اهينك لكن ماقدرت اتمالك نفسي سامحيني
هنا رفعت رأسها وعينها بعينه وبكل قوة تمالكت اعصابها وحبست دموعها وقالت..اسفه فيصل ماعندي غير حل واحد الانفصال ارجوك
فيصل وحاول يكون هادي..لا العنود الانفصال ماهو حل احنا ببداية حياتنا ارجوك العنود
العنود.. اسفه مااقدر ارتبط فيك واكمل حياتي بمهانه وذل مااقدر اسامحك واعيش معك واكون شريكة حياتك ويدك امتدت علي وانت ماتعرف صحة الكلام الي وصلك الطلاق حل واحد واخير مافيه غيره صح انا يتيمه لكن عشت عمري كله رأسي مرفوعه فااسمح لي مااقدر اعيش معك وانت انسان احترمه واقدره واشوفه قدوه لعيال اختي وانت تشوفنني اقل من ثقتك
فيصل يقاطعها..العنود اعتبريها غلطه زله لي وسامحيني
وقفت العنود وهالمره ماقدرت تمنع دموعها الي غطت وجهها ولاتتحكم بطرحتها الي نزلت من غضبها وتناثر شعرها على اكتافها ..زله تطعني وتقول زله ..تهيني قدام اهلك كلهم وتقول اسامحك ..تتهمني بتهمه بشعه وتطلب مني اقبل اسفك ..فيصل صعب جدا تتخيل موقفي او احساسي صعب تدرك حجم الالم الي عشته 23 سنه ولما حسيت بساعات فرح تدمر ومن مين من نفس الشخص صعب تحس بقلبي الي تجاهلت كل احساسه لسنوات طويله وجردته من حقه الطبيعي بالاحساس او حتى الحلم ماتقدر تعيش ساعة من الساعات الي بكيت فيها من قسوتك وظلمك عمرك مابتقدر تتخيل انك تحتاج حضن دافي يضمك امك اختك احد من اهلك وتقول انا تعبت خلاص ولاتحصل سنين من التعب والصبر والتحمل كلها هانت ونسيتها بالحظه الي ارتبطت فيك وبعد ساعات خليتني اتمنى كل سنوات الشقاء كل ليالي العذاب ولااعيش ثانيه من الثواني الي عشتها بعد طعنتك لي حرام عليك اهنتني عشان شخص حقير غرضه ينتقم مني لاني ماانسقت وراء اهواءه وينتقم منك لانك وقفت له حرام عليك مارحمت قلبي الي عااش سنين القهر مارحمت ضعفي ويتمي حرام عليك خليتني احس فعلا اني يتيمه من غير اهل او عزوه يقفون بوجهك ويقولون لا بنتنا طاهره
سكتت العنود وهي تصيح وجلست على ارض وهي تصيح ومسكها فيصل مع اكتافها ..خلاص العنود اهدي الحين
ابتعدت عنه بقوه..لا مابهدى اتركني بحالي خلني ارجوك اذا فعلا تبي اقبل اسفك طلقني ارجوك خلني اعيش بعزه وكرامه رأسي مرفوعه قدام عيال اختي طلقني واتركني اربي عيال اختي الي وثقت فيني وانا بنت مراهقه اتركني اعيش بعيد عن جرحك ابتعد ارجوك الي شفته بحياتي كفايه سنوات الالم والحرمان والشقاء كفايه لاتزيدها ارجوك طلقني الحين طلقني ورد كرامتي
فيصل بصوت عالي ..لا مابطلقك افمي طلاق لا وانسي هالكلمه مستحيل امسح الفرحه بعد ماحصلتها مستحيل ارجع لحياة الاحزان مستحيل اتخيل نفسي من دونك والمستحيل انك تكوني لغيري العنود انا ماتحملت شخص كتب اسمك برساله ماتخيلت ممكن شخص غيري ينطق اسمك حاولي تفهميني ارجوك صح انا اخطيت لكن والله يعلم انه عرف يستخدم الاسلوب الصح والوقت الصح هالحقير العنود امس كانت ملكتنا يعني بهاليوم الاحساس غير واللقاء غير والنظره غير كل شئ مختلف مميز.. استفزتني رسالته اسلوبي وتعاملي مع الي صار خطأ لكن اسف
جلس عندها عالارض ..اسف اسف ارجوك اقبلي اسفي

ماردت العنود وكانت تصيح رفع وجهها فيصل وقالها بتوسل..ارجوك اقبلي اسفي
العنود..مااقدر مااقدر طلقني
فيصل ويتنهد ..العنود كل الي صار لسبب واحد توقعتك تعرفينه توقعت انك فهمتي احساسي تجاهك العنود انا احبك صدقيني احبك وكل الي صار من غيرتي عليك افهميني العنود ارجوك الغيره ذبحتني عمت عيوني عن أي شئ
مارفعت راسها وزادت ببكاها وهالشئ اتعب فيصل ..خلاص خلاص بتركك ترتاحين لكن والله يالعنود انك غاليه عندي ولابسامح نفسي الا اذا قدرت ارجع البسمه الي اهديتني اياها بيوم الملكه وادخل السعاده لقلبك مسك يدها ووقفت ..بطلع واتمنى تطلعين وتصلين وتدعين الله يرحمك ويرحمني العنود سامحيني اذا فعلا تحملين لي ذرة احساس ارجوك
طلع فيصل وهو متضايق لحاله وحال العنود ..
طلع وهو سرحان بالعنود وحزنها والمها الي سببه لها
وطلعت العنود لغرفتها تصيح ماهي قادره كيف تستوعب الموضوع او تفكر وتقرر ماعرفت هل بتقدر تسامح فيصل على تصرفه او هل بتقدر تتحمل نظرته كلامه سلامه ..وغير كذا ماتقدر ماتسامحه ولاتقدر تنسى الي صار منه صارت بين نارين ..حبها له واحتياجها لوجوده بحياتها وبين كرامتها الي انهانت منه
صلت ودعت ربي يختار لها الي فيه الخير ونامت بعد معناة والم ودموع ..

اما فيصل وصل للبيت منهار كيف قدر بسهوله يدمر هالانسانه كيف قدر يذبح فرحتها ويصادر ساعات السعاده القليه بحياتها ..ظل يلوم نفسه ويعاتبها على الالم الي سسببه للعنود وبالاخير تعوذ من الشيطان وذكر الله وناام ..لكن ناام والعنود بااحضان فكره وقلبه وخياله

باليوم الثاني الكل صحى وكالعاده ماشافوا غدير وصلت وسلمت على امها وسافرت
سلوم..خالتي عنوده ليه ماتجي هنا
ام فيصل..لا بتجي ان شاء الله
سلوم..اقول لها يالله نروح تقول تعبانه
اماني..سلوم عنوده راسها يعورها وتبي ترتاح
سلوم بحزن ..كل يوم تعبانه
شوق..وانا بعد سلوم تعبانه
سلوم ببراءه ..وانت اماني تعبانه..؟؟
اماني..لا انت تعبان
سلوم يضحك..لا خالتي بروح العب بالشارع
محمد وهو نازل من فوق ..لا تعال العاب انا وياك برا
سلوم..يالله اول مابتفطر
محمد ويأشر على شوق..هههههههه شوفي الي يهتم فيني مو انتي
شوق وتلتفت عليهم..لاتصدقون صاحي بدري وفطر من زماان
محمد..هههههه حتى يمكن جعت
شوق..لا خلاص الغداء مابقى عليه شئ
محمد..لا ابي فطور
شوق ..محمد
محمد باابتسامه..عيونه
ام فيصل..اقول رح العب مع اخوك
محمد..ان شاء الله بس فيصل وينه
ام فيصل..الظاهر مانام الا متأخر ماشفته
محمد..صح من فاز وكم النتيجه
الكل ضحك على محمد الا ام فيصل الي عصبت بس ضحكت بالاخير..والله لو يسمعك
محمد..خليه يسمع والله من جد احسها مباره نهائيه بس شكلها بااشواط اضافيه
شوق..ان شاء الله بدون اشواط وتعادلوا
محمد..ههههههههه مايصير لازم احد يفوز نهائيه
اماني..محمد بس انت من تشجع اي الفريقين
سلوم..انا الهلال
محمد..هههههههههههه سلوم وانا مثلك يالله نطلع لايسمعنا صدق وتصير مصيبه

اما حمد كان جالس يتكلم مع نجلاء بخصوص موضوع سفره..
حمد..نجلاء انا اعتذرت عن المؤتمر مابسافر
نجلاء..خساره ليه
حمد..مالي خلق والله
نجلاء..بسبب موضوع ساره
حمد..يمكن لكن عندي موضوع بكلمك فيه
نجلاء..تفضل
حمد باابتسامه..فيه واحد من الشباب الي اعرفهم يعني من زملائي دكتور تقدم وطلبك مني
نجلاء..انا ومن وين عرفني
حمد..اهله عرفوك وبصراحه نجلاء الشاب ماعليه كلام كفوا ونعم فيه وبأهله طبعا هو دكتور جراحه عمره من عمري وصدقيني انسان مستقيم ويخاف الله طبعا انا ماابي اسمع منك رد لكن استخيري وفكري كويس بالموضوع لان هذا مستقبلك اوكي
نجلاء..ان شاء الله
طلعت حمد وترك نجلاء الي نزلت دموعها بسرعه كيف تتزوج وفهد شلون تتخلى عن حبها كيف ترضى تتزوج غيره وتتركه ..اتصلت بشوق وطلبت منها تمر عليها لان مالها بعد الله الا اختها تحكي لها وهي تسمعها بصدق الاخوه ..

العنود ظلت بغرفتها محتاره كيف تتصرف وبشو ترد على فيصل هل تصر على موضوع الطلاق او ترضى على فيصل ماعرفت ظلت محتاره لحد مادخلت اماني عندها
اماني..ها عنوده شفيك
العنود..ولاشئ
اماني..تراضيتوا
العنود..لا
اماني بحزن..خساره
العنود ونزلت دموعها...محتاره شو اعمل
اماني..قولي شصار
العنود..اعتذر مني وانا طلبت الطلاق
شهقت اماني ..لا عنوده فيصل مايتعوض صدقيني
العنود..مد يده علي وقدام اهله اماني صدقيني لما شفته حسيت جرحه ينزف
اماني..العنود فكري زين انتي تحبين فيصل وهو يحبك وغير كذا انتي محتاجه وجود واحد مثل فيصل بحياتك العنود انتي خالتي عشنا كل عمرنا مع بعض اعرفك وتعرفيني هم اخواني وعمرهم مابيتخلون عني لكن انتي تضمنين تتزوجين واحد مثل فيصل لا العنود فكري زين والله فيصل رجال حقيقي قليل ماتحصلينه بوقتنا صح عصبي بس انتي تقدرين تتحملين
العنود..اقدر صح وفيصل انا احبه لكن مااقدر اتحمل احد يهيني مااقدر خصوصا اذا شخص له مكانه عندي مااتحمل تصرفه كيف اهديه حبي ويهديني اهانه
اماني..العنود علمتنا امي شئ مهم بحياتها وانا متأكده انك مانسيتي
العنود..شو
اماني باابتسامه..الحب والتسامح يمسح الكره والحقد
العنود وتمسح دموعا..عمري ماانسى كلام عايشه لو كانت موجوده كانت قالت ارجعي بلا تردد عايشه تقول الكمال لله وكل انسان فيه خصله شينه مهما حاولنا لازم تكون ظاهره يمكن نقلل حدوثها بمهارتنا لكن صعب نمنع كل شئ لان الكمال لله ..الله يرحمها كأنها عارفه ان فيصل عصبي وتجنبه افضل وهو معصب
اماني..عنوده خلاص ارضي ابي اشوف الفرحه والحب بعيونك
ابتسمت العنود وسكتت
اماني مبتسمه..بصدق العنود مافرحتي لما كلمك واعتذر
العنود..فرحت ولااقدر اقول لا بس بنفس الوقت ماقدر امسك دموعي قدامه احس اني ضعيفه قدام فيصل
اماني...ههههههههههه عنوده الحين مابقول كلام امي الله يرحمها بقول كلامك انتي
العنود..الله يستر من ذاكرتك اليوم قولي
اماني..اذا نزلت دموعنا غصب عنا تكون اما بسبب احساسنا بالضعف او بسبب احساسنا بالامان وانتي اي الاسباب
العنود..تبين الصدق بكيت لاني حسيت بالامان مو الضعف انا موقفي قوي قدامه والله يعلم اني طاهره لكن دموعي بسبب احساسي ان فيصل انسان قادر يحميني بعد الله
اماني..خلاص اجل لاتصعبين الموضوع الحياة ابسط صدقيني
العنود..ان شاء الله خلينا ننزل تحت يالله

ببيت ام نواف ..نواف كان بالمكتب سرحان ويفكر ياترى ليه عبير تركت الشغل معه هل احد جبرها او هي ابتعدت لو صدق تميل له كاان مااختارت البعد بالعكس ..
كلام فيصل سيطر على نواف لدرجة انه يفكر فيه طوال الوقت معقوله عبير تفكر فيه او تميل له تعب من تفكيره وكل مايتوصل لقرار يخاف ويرجع عنه ..دخلت عليه امه
ام نواف..نواف بروح لبيت ام فيصل
نواف مبتسم وراح لها ومسك يدها..تعالي الغاليه الى متى بتظلين زعلانه
ام نواف..من قال اني زعلانه ماتبي تعرس بكيفك
نواف ويضحك..يمه اول شئ اضحكي
ام نواف وتدفه..ابعد عني والله انك فاضي
نواف..اضحكي والا مابقول اني موافق
ابتسمت ام نواف..موافق تعرس
ابتسم نواف وحب راس امه..لخاطرك موافق
ام نواف ..لا توافق لخاطر ماابي ياتتزوج برضاك والا خل البنت عند اهلها
نواف..موافق بنأخذ الي يحبنا وبنترك الي نحب
ام نواف ..من تقصد للحين تحبها استح على وجهك البنت تزوجت وعندها ولد
نواف ويضحك..لا يمه مااحبها ولاعمري حبيتها صدقيني بس ابي اخذ الي تحبني وابي اعرف منهي
ام نواف..حسبي الله على عدوانك شلون عرفت
نواف مبتسم..انتي قلتي لي
ام نواف تضرب صدرها..انا متى
نواف ويضحك على امه..يمه انتي قلتي خذ من يحبك ولاتأخذ من يحب بس انا مااعرف احد يحبني
ام نواف..ايه تحبك بعد العرس خلاص اخطب لك
نواف..لا اول قولي لي من البنت يمكن ماتعجبني
ام نواف..عبير بنت عمك كامله والكامل الله سبحانه
نواف..واذا رفضتني
ام نواف..وليه ترفضك
نواف..يعني ماتعرفين يمه
ان نواف..يمه اهلك انا ماعرفتهم وعشت معهم الا قليل لكن بالفتره الي رجعتوا مع بعض عرفتهم وخصوصا عبير وصدقني يمه هالبنيه مايهمها المظهر لا بالعكس لكن انت الاعمى ماتشوف صح ماشفت وجهها ولاابيك تشوفه ولاهذا قصدي لكن ماشفت جمال روحها واخلاقها وتعاملها ماشفت شلون تتكلم وتناقش اهلها والكل المهم ان شاء الله مابترفض
نواف..توكلنا على الله انا بكلم فهد
ام نواف ونزلت دموعها وحضنت ولدها ..بس يمه مابعد وافقت اخاف تروح دموعك خساره
ضربته امه وطلعت لبيت ام فيصل وبشرتها بموافقة نواف ..

طلعت ام نواف وتركت نواف محتار ياترى اتخذ القرار السليم ..وهل بيكون قادر على تحمل رفض جديد ..هل بيسطر على المه وغضبه خصوصا لما ترفضه انسانه مثل عبير ..انسانه عكس دلال بكل شئ لها هدف ومبدأ ورائي لها قناعه واسلوب انسانه كلامها موزون وواضح ماتعرف اللف والدوران ماترجح ولاترضى بالجرح ..هل بيتحمل رفض عبير ..احتار نواف ولاحصل اجابه لاسئلته وتوجه لمكتبه وطلع الملف وظل يناظر فيه وقال .. سيكون لها ))))))
"" انها صفحات قلبي ..هي ستمحي المي وهي ستكتب فرحي لذا ما بالداخل سيكون لها وحدها وحدها ستكون اميرة قلبي ""
ياترى طاهرة قلبك ياعبير بتكتب هالملف ..ابتسم وقرر يطلع من البيت ويترك الموضوع لقدرة الله وارادته ..


وصلت شوق لبيتهم وطلعت لنجلاء الي حضنتها وهي تصيح وقالت لها عن كلام حمد والشخص المتقدم
شوق..وانتي مابتوافقين عشان فهد
نجلاء وهي تصيح..مااعرف
شوق استغربت..تكلمي شلون ماتعرفين انتي تحبينه او لا ..؟؟
نجلاء..ماادري
شوق..نجلاء شفيك انتي متغيره شصاير ..؟؟
نجلاء وتحاول تمسك نفسها..لما كنت عند البنات في بيت خالتي ام فهد كنت اساعدهم بترتيب اغراضهم ولفت انتباهي ملف لفهد فتحته صح مالي حق بس فتحته وانفتح مباشر على صفحه بداخلها الكرت الي كتبته له مع الهديه الي مارجعه وقريت كلام مكتوب
شوق بحماس ..خلاص نجلاء بطلي دموع خليني افهم شو مكتوب
نجلاء وتمسح دموعها..حفظتها وانطبعت بقلبي رغم اني قريتها مره وحده وبسرعه " هالكرت مااقول مااسعدني يانجلاء حتى لو طلبي كان تعليق عابر لكن تنفيذك له مااعجبني لاني افضلك دوم عاليه حتى على عيال عمك ..رديت الهديه وكسرت بخاطرك لكن لمصلحتك ..كنت اتمنى اجبر خاطرك واخطبك لكن كيف تهديني السعاده واحرمك من طفل يقول لك ماما كاان لازم ابتعد واتخذ هالاسلوب معك "
صاحت نجلاء واستغربت شوق..هالشئ الي غيرك
نجلاء..ماتخيلت فهد يعاني بصمت ولاتخيلت اني رخصة نفسي لما اعطيته الهديه
شوق..الهديه غلطه والحمد لله انها عدت على خير لكن المهم الحين انتي شو رأيك
نجلاء تصيح..تعبانه مو عارفه اقرر او افكر
شوق..نجلاء استخيري وادعي الله وربي بيدلك على الخير ان شاء الله
نجلاء..شوق ماادري خايفه ومتردده ساعديني شو اعمل
شوق..مااقدر اساعدك اذا تقدرين تعيشين من غير طفل وحب فهد يكفيك ارفضي وانتظري فهد
نجلاء..ياربي ارحمني تعبت يارب يارب
شوق وتحضن اختها وتقنعها تقوم تتوضأ وتصلي وتطلب الله يعينها ..


جلست شوق مع اختها وطلعت بعد مااتفقت معها انها تعطي قلبها وعقلها كل واحد حقه من التفكير والمشاركه بااتخاذ القرار ..استخارت نجلاء وطلبت الله سبحانه يدله على الخير ..
ورغم الحيره والالم ..الحب والانكسار ..الصبر والانتظار قدرت نجلاء سيطر على ضعفها وتبدأ التفكير بشكل متزن بعيد عن العشوائيه والتشتت بالاحساس ..


رجعوا العمات لشرقيه والكل رجع يتابع حياته ايام قليله وتبدأ الدوامات الجامعه والمدرسه والكل بحالة استنفار استعداد للمدرسه ..

مر يومين وفيه شخصين ينتظرون قرارات مهمه راح تغير حياتهم ..نجلاء الي قررت مصير حياتها وعرفت تختار ..وفيصل الي اعصابه تحترق بكل ثانيه وهو يطلب امه تكلم العنود ..
فيصل ..يمه كلميها ارجوك انا ماابي اضغط عليها
ام فيصل ..انت الي زعلتها راضها
فيصل ويبتسم..راضيتها واعتذرت لها بس عنيده
ام فيصل باابتسامه..بعد يزعلها وينتقدها مالي شغل بينكم
فيصل ..اهون عليك يمه ترى بروح لها الحين لاتقولين عيب خلاص هي زوجتي
ام فيصل وتضحك..روح اشوف والا هي بتخليك
فصل..هههههههههههه لاتغرك يمه اول مره اكتاشف انها ضعيفه
ام فيصل..هذي اماني وين العنود
اماني مبتسمه..بالبيت
فيصل..ولااالله حنن قلبها علينا
اماني..الله الي يعلم
فيصل ..تعالي اموون قولي لي خالتك تحت معها شالها والا اقول قولي لها تتغطى لان انا الي يقولون اسمي زوجها بروح لها
ام فيصل ..ههههههههه فيصل اعقل
فيصل..يمه خلاص مافيها السالفه عقل
اماني..طيب عادي ليه تتغطى روح لها
ام فيصل..لا مايروح كذا يمكن ماتبي تشوفه
فيصل بخيبة امل..افا
ام فيصل..ايه خلاص يمكن عافتك
اماني مستغربه من كلام ام فيصل ..هي قالت كذا خالتي
ام فيصل..ايه
فيصل وعصب..شلون ومتى يعني مازالت مصره عالطلاق
ام فيصل..ايه
فيصل وقف بيطلع..طلاق مابطلق وانا بشوف الموضوع
طلع فيصل للعنود وضحكت ام فيصل
اماني..شفيك خالتي
ام فيصل..خليه يعرف انا ادري العنود بترضى بس قلت اخليه يحس قبل
اماني..والله انك ياخالتي رهيبه الله يطول بعمرك
ام فيصل ..تعالي وين سلوم لايدخل فيصل الحين وهو فيه ويعصب ويسمعه

 
 

 

عرض البوم صور dali2000  
قديم 22-02-09, 06:05 PM   المشاركة رقم: 9
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,020
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4990

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : الارشيف
افتراضي

 

________________________________________
اماني وتضحك..لا مع محمد طالع
ام فيصل ..ايه احسن كذا
اماني..عن اذنك خالتي
ام فيصل..تفضلي قولي لساره تنزل لاروح انا لها الحين حابسه عمرها بهالغرفه
اماني ..ان شاء الله

دخل فيصل لبيت العنود ونادى عليها ولفت شالها عليها ..تفضل
فيصل وماسك اعصابه..مابطول واخليك تشوفين وجهي الي عايفته لكن طلاق لا يالعنود انسي فكري كويس ارجوك وصدقيني مافيه شخص معصوم من الخطأ
العنود ساكته متفاجئه من كلامه ولاهي عارفه ترد ..
فيصل وعصب اكثر..العنود ارفعي رأسك مو لهالدرجه انا دنيئ
العنود..محشوم يافيصل
فيصل واتفاجئ لما تكلمت وقال ..اسف يالعنود وارجوك فكري عن اذنك

طلع فيصل وابتسمت العنود مستغربه من احساسها تجاهه وتبخر غضبها عليه ومستغربه اكثر من كلامه رجعت جلست ودخلت عليها ام فيصل
ام فيصل وبعد ماسلمت ..طمنيني العنود
العنود..خالتي ساعديني مااعرف شو اعمل
ام فيصل..قولي لي شصار حتى اساعدك
العنود وقالت لام فيصل الي صار مع فيصل..خالتي انا مستحيل انسى تصرف فيصل معي وبنفس القوت مااتخيل ......
ام فيصل ..كملي لاتسكتين يالعنود ولاتستحين من احساس من حقك ماتتخيلين شو
العنود..مااتخيل اني اتزوج غيره
ام فيصل مبتسمه..يعني تحبينه
العنود وبخجل..مااقدر اقول مااحبه بس جرحه بقلبي قاسي ومؤلم
ام فيصل..اسمعيني يالعنود فيصل ماهو بطبعه قاسي لكن مشكلته العصبيه الزايده والمفروض اي وحده سواء انتي او غيرك تبحث وتتوصل لطريقه تسيطر فيها على عصبيته وانا واثقه انك بتقدرين لانك تحبينه بتتحملين ولانه يحبك بيخفف عصبيته العنود انا مااقول الي صار منه بسيط او سهل لكن اعتذر منك وبحياتنا مافيه اجمل من التسامح خصوصا اذا نابع من قناعة الحب بقلوبنا العنود يمه فيصل طيب وانتي طيبه وتستاهلون ان شاء الله بتعوضينه ويعوضك عن الاحزان والهموم والمشاكل يمه انا ماودي اضغط عليك لكن فيصل عرف غلطته اعتذر لك واعتقد انه البعد يسبب الجفاء يمه اذا تبين نصيحة ام قلتها لك ولاقلتها له وهو ولد بطني لاتضيعن السعاده بسبب غلطه اخذت حقها من العقاب العنود يمه سعادتك بتسامحك سعادتك اذا اخترتي هالطريق لكن انتبهي ترجعين لفيصل وبقلبك شايله عليه لانك بكذا تكونين تدمرين حياتك
العنود ..توه كان هنا ومعصب
ام فيصل وتضحك وقالت للعنود كل الي صار
حضنت العنود ام فيصل وقالت لها..افهم انك رضيت عليه
ابتسمت العنود وطلعت ام فيصل تبشر ولدها ..


بنفس اليوم الكل اجتمع في بيت ام فهد الا نجلاء الي اعتذرت وبعد معاناة مع حمد وافق واقتنع انها تعبانه وبترتاح ..

عبير..شوق نجلاء وينها
شوق..تقول تعبانه مالها خلق تجي
خلود..اها طيب شرايكم نطلع بكرا لاي مكان
ساره..انا مالي خلق
شوق..ليه
ساره..كذا مالي خلق اطلع
خلود وتبتسم..وغيرها من ماله خلق
شوق..هههههههههه حتى انا
خلود..اقول بناات شفيكم الظاهر صابتكم عين ليه كذا صايرين حزينات
شوق..انا بروح عند خالتي
العنود..شوق خلي سلمان يجي هنا

انتهت السهره والكل رجع لبيته وبكل بيت كل فيه حدث مهم ..

نجلاء كانت تنتظر حمد وبلغته موافتها وبارك لها من كل قلبه وطلعت غرفتها واتصلت بشوق
نجلاء..وافقت وقلت لحمد
شوق بخوف..وفهد
نجلاء..فكرت كثير توصلت لشئ واحد انا ماحبيت فهد انا حبيت الحب نفسه حسيت ممكن هالشخص يكون لي الحب لكن لا كل احساسي تجاهه كاان وهم الحب ماهو الحب والدليل اني لبيت نداء الامومه بداخلي لبيت حلمي اني اكون اسره واطفال افرح لفرحهم واحزن لحزنهم شوق ماانكر اني تمنيت اتزوج فهد لكن من ناحيه منطقيه اتوقع ..صح الحب دائما بالصدفه يكون لكن انا حبي ماكان صدفه ابدا شفت فهد قيمته وقلت هذا الانسان ينفع احبه لكذا حبي ماهو حب هو وهم الحب انا حبيت الحب نفسه مو شخص فهد ..اصعب شئ انك تقيمين انسان وتحصين سيئاته وحسناته وبعدها تقولين حبيتهم لا عمر الحب ماكان كذا الحب انك تحبين الشخص بكل عيوبه لكن انا لا تمنيت يكون فيه شخص مهم بحياتي حب يكون هو قمر ايامي يعطي ليل خصوصيه ولسهر معنى ولدمع قيمه دورت وشفت فهد حبيته ووقت الجد اتفقت مشاعري وعقلي على شئ واحد نداء الامومه بداخلي كاان اقوى بكثير من وهم الحب ..
شوق..كلامك حلوو وكثير نجول يحبون ويبكون ويتوقعون انه حب حقيقي لكن بعد عثره او موقف تبان الحقيقه لان الوحده تفكر بالمنطق والعاطفه وتتوصل لنتيجه مرضيه المهم حبيبتي الله يوفقك ويسعدك يارب وحمد يمدح فيه وان شاء الله انه بيسعدك وتسعيده الف مبروك
نجلاء ودموعها على خدها..الله يبارك فيك يالله شوق روحي ارتاحي انا بصلي ركعتين اشكر الله
شوق..طيب الله معك وبكرا بينا اتصال
نجلاء..ان شاء الله فماان الله

اما بيت ام فيصل رجعوا وكانت العنود محتاره ياترى ترجع مع فيصل او محمد لكن ام فيصل قالت لها بصوت واطي ..

ام فيصل..اركبي مع محمد مابعد بشرته خليه على اعصابه واذا رجعنا ووصلنا علمته
ابتسمت العنود ووافقت ورجعت مع محمد الي ضاق صدره على حال اخوه الي بان عليه لما اختارت العنود سيارة اخوه وفضلته وعرف انها مازالت مصره على موقفها بالسياره كان فيصل ساكت والكل سكت لانه اول مره مايسولف معهم وصلوا البيت ودخل فيصل اخر واحد
فيصل ..سارونه تعالي المكتب
ام فيصل..انتظرك فيصل بغرفتي اذا خلصت
فيصل..خير يمه تأمريني بشئ
ام فيصل باابتسامه..لا خذ راحتك وانا انتظرك
فيصل..ان شاء الله
دخل فيصل ومعه ساره جلست وجلس قريب منها
فيصل باابتسامه..سارونه ارفعي راسك وناظريني
ساره مبتسمه..خير فيصل شفيك
فيصل..ليه رفضتي حمد
اتفاجأت ساره ونزلت راسها
فيصل..حبيبتي حمد من زماان خطبك مني لكن طلب مني مااكلمك بالموضوع الا بالوقت المناسب حتى هالكلام قبل العمليه وكلمني من كم يوم وقال لي انك رفضتي لما سألتك شوق ابي عرف انتي رافضه حمد كشخص او الزواج او مثل ماعرفت
ساره مرتبكه ومنحرجه ولاهي عارفه تتكلم
ابتسم فيصل وتسند ..ماراح تتطلعين الا اذا قلتي لي سارونه انا فيصل تكلمي
سساره وبعد تردد ..فيصل انا تعبانه شلون اتزوج مااقدر
فيصل..يعني لو كنتي مو تعبانه وافقتي على حمد
ساره..فيصل الله يخليك صعب اتزوج لاحمد ولاغيره ماابي اي شخص يشوفني حمل ثقيل عليه
دمعة عيونها وسكتت وظل فيصل يتأملها وبعدها قال..سارونه وفيه احد يحصل له يتحملك ويقول لا حبيبتي حمد شاريك ويغليك وصدقيني لو هو يشك ان الزوج راح يضرك لو واحد بالميه ماكان خطبك مني الشئ الثاني المرض ماهو نهاية الدنيا انتي تعبانه هل هذا يعني خلاص تتوقف الحياة سارونه فكري وانا بالنسبه لي اذا يهمك رائي فيصل حمد ماينرد وشاريك امي تعرف بالموضوع وموافقه وفضلت انا الي اكلمك ومحمد موافق ساره لاتخلين الضعف والشيطان يلعب عليك انتي سارونه دلع البيت ماناقصك شئ وصدقيني حبيبتي صحتك كويسه حبيبتي فكري زين وان شاء الله ردك بيكون الموافقه لان حمد ماينرد يالله سارونه روحي ارتاحي الحين
ابتسمت ساره ..تسلم الله يخليك لنا ويسعدك
ابتسم فيصل لها وطلعت وتركته ثواني بعدها طلع لامه بغرفتها ..

اما في بيت ام فهد كانت المفاجأه الاكبر ..والغير متوقعه ..

فهد ..عبير خليك بكلمك بموضوع
خلود..يعني انا اروح
فهد..يستحسن
خلود..افا اجلس لحالي عادي يعني بعرف بالموضوع خلوني اجلس
فهد..لا ماعليه احرق اعصابك كم دقيقه
خلود..عاادي اصلا انا متعوده عبير انتظرك
فهد..ههههههههههههه
ام فهد..خير يمه شعندك
فهد ويبسم..كل خير عبوره اليوم تقدم لك واحد
انقبض قلب عبير لانها خلاص قررت ماترفض ابدا سكتت
ام فهد..مين ياابوي
فهد ويبتسم..رجال كفوا والنعم فيه ماعليه قصور بصراحه ااخلاق واتعليم ومشاء الله يراعي الله بكل تصرفاته
ام فهد..الله يكتبه من نصيبها
فهد ويناظر عبير باابتسامه..ماسألتي مين او مايهمك
عبير..لايهمني واذا هو مناسب الي تشوفه فهد
فهد..عبوره ماابي شئ غصب عنك كل شئ لازم يكون بقناعتك ورضاك المتقدم لك نواف ولد عمي
انصدمت عبير ماقدرت ترفع رأسها وابتسم فهد والتفت على امه
ام فهد..والنعم فيه ولد عمها ولافيه قصور
فهد..عبير
عبير والصدمه واضحه ..ايوه
فهد باابتسامه ..فكري وقرري وانتظر رأيك ولاراح اضغط عليك نواف وتعرفينه وانا اعرفك واثق فيك وبتفكيرك
طلعت ام فهد وتركتهم يتكلمون لكن قبل مايطلع فهد لغرفته ابتسم وقال كلمه ...عبير رفعتي رأسي الله يسعدك
استغربت عبير من كلام فهد وخطوة نواف الي فقدت الامل فيها وظلت بمكانها لحد مادخلت خلود
خلود..عبيررر شفيك
عبير..وجع روعتيني
خلود..الله وين وصلتي
عبير..نواف خطبني
خلود وسكتت بعدين من غير مقدماات..كلووووووووووووووووش
طلع فهد الي كان بالمطبخ..هههههههههههه عرفتي
خلود..حرام تحرمني من هالحظه ليه ماخليتني اشوف شكلها
ضربتها عبير وسكتت وضحك فهد وطلع غرفته
عبير وتضحك وفرحانه..مو مصدقه اخيرا اخيرا
خلود..الله عبير الله يسعدك يارب وصدقيني عمره مابيندم انه تزوجك بس تعالي اخاف تزوجك عشان ملفاته ترتبينها
ضربتها عبير وطلعت لغرفتها وهي مبسوطه لكنها مع احساس السعاده مانست انها تصلي وتشكر الله انه اعطاها على قد نيتها ..
دخل فيصل غرفته امه بعد مااستأذن جلس عالسرير عندها
فيصل..امريني الغاليه
ام فيصل..شفيك
فيصل ويتنهد..سلامتك
ام فيصل..العنود
رفع عينه فيصل..يمه اعتذرت ندمت لكن مااقدر اطلقها مااقدر يمه ..العنود عرفتها بالاسم لما تكلم ابوي الله يرحمه عنها اثارت فضولي هالانسانه كيف عايشه وشلون مدبره امورها لما وصلت للمستشفى ودخلت عند ابوي منطقها عجبني قدرتها عالرد عجبتني ماتخيلتها بنت بهالعمر ممكن تفكر مثلها ولما تكلمت معه بحضورك اخجلني السواد الي عليها فيه قوه توازي قوت حضورها واحترامها لنفسها كلامها محدد ومختصر اسلوبها واضح ومنطقي ماقدرت غير اني احترمها لما طلبت اكتب البين بااسم اخواني واسمها اجبرتني انظر لها نظرة الانسانه الي عندها بعد نظر ولاتفكر بالوقت الحالي بس ..ابتسم فيصل وللمره الاولى اقولها لك يمه اول مره الصدفه جمعتني فيها وشفت عيونها عجبتني او اربكتني اكثر او اقرب لاحساسي بوقتها تعرفين يمه لما تشوفين انسانه قويه جدا ماتتخيلينها جميله تحسين كل االانوثه بعيده عنها لكن انصدمت لما شفتها وقت حادث سلوم صدقيني يمه كابرت اعجابي فيها وبشخصيتها وبعد معاناة وتكذيب وتصديق بعد موضوع الطايف والي صار بعد ماقدرت اتغلب على احساسي تجاه نفسي ومشاعري قدرت اعترف لنفسي ان العنود لها مكانه عندي ومكانه كبيره يمه صدقيني لما كنتي تتكلمين عن الخطبه ماتخيلت اتزوج انسانه غيرها يمه صعب بعد مااوصل لهالعمر واتخيل انسانه معينه تضيع مني وبسببي وتهوري يمه صدقيني شفتها بزواج غدير بمكياج وشفتها امس من غير شئ وبكل الحالتين كانت متحجبه وبكل الحالتين حلووه جمالها تجاوز بداخلي المظهر صرت اشوف فيها الروح وجمالها الي صعب اي شخص يتوصل له بسهوله واليوم حسيتها جرحتني قدام خواتي واخوي وكل اهلي لما اختارت سيارة محمد
ام فيصل مبتسمه..بس عروت قلبي يمه
فيصل..من احكي له يمه هههههههههههه سعد ماهو فاضي لي
ام فيصل..العنود ماجرحتك ولااختارت سيارة محمد
فيصل مستغرب شلون..؟؟
ام فيصل وتبتسم..قبل مانطلع من البيت لام فهد عرفت من العنود قرارها ولما رجعنا انا قلت لها تركب مع محمد
فيصل بخيبة امل..يعني مازالت مصره يمه ساعديني
ام فيصل وتضحك..ههههههههههه والله وحبيت يايمه فيصل العنود راضيه عليك
فيصل منصدم..شلون وليه مارجعت معي
ام فيصل..هههههههه انا طلبت منها
فيصل..وهنت عليك
ام فيصل..لاماتهون علي بس قلت اخر قرصه لك مني قبل ماترجع لها
فيصل..ههههههههههه احلى قرصه دامها منك بس تعور يمه
ام فيصل..قول امين الله يسعدكم ويوفقكم ويفرحني فيكم
دمعت عيونها وحضنها فيصل..لا الغاليه ماابي دموع ابي افرح
ام فيصل..الله يديمها عليك اطلع الحين خلني ارتاح ولاتروح للبنت الحين عيب
فيصل...ههههههههه مابروح بس مو عيب الاتصال
ام فيصل..لا ماهو عيب اذا ردت عليك
فيصل..لا بترد ادعي لي الغاليه
ام فيصل ..الله يوفقك يمه
طلع فيصل ودخل المكتب وهو مبسوط ومرتاح ومبتسم وتوه بتصل ويدق التيلفون ويرفعها
سعد..هلا والله
فيصل..هلا وغلا ومليون مرحبا بالغالي
سعد..هههههههههه اجل انحل الموضوع
فيصل ويضحك..توه منحل وتوني بتصل يااخي ليه ماتعرف تختار الاوقات اخاف تنام
سعد..ههههههه الشرهه على الي متعني وهو بشهر العسل يتطمن عليك
فيصل..تسلم بس لاتضيع الموضوع اختي شلونها
سعد ومبتسم..اختك زوجتي وحبيبتي وعيوني ودنيتي
يقاطعه فيصل..بس بس يااخي قدر اني اخوها
سعد ويضحك بصوت عالي...خلاص واانا زوجها
فيصل..ههههههه ادري بس عاد مو تغزل فيها قدامي احترمني والا خلاص
سعد..المهم خالتي ومحمد والاهل كلهم شلونهم
فيصل..الكل بخير ونعمه ولاتطولون بسرعه ارجعوا ويالله مع السلامه يااخي عطلتني
سعد..فيصل شفيك مستعجل اثقل
فيصل..ايه شعليك مبسوط ومرتاح اقول يالله سلم على غدور وبرجع اتصل فيك اذا انتهيت
سعد..لا لاتتصل اعرف اول مكالمه بعد الزعل بتستمر ساعات لاتتصل الا بكرا سلم على الكل فمان الله
فيصل..الله معك


حاول فيصل يتصل لكنه تحطم ولاردت العنود لانها انتظرت وطول واضطرت تطلع تنام مع سلوم قرر ينام فيصل وبكرا يكون اول ايام الفرح له بأذن الله ..

باليوم الثاني صحت العنود وفطرت سلوم وطلعت غرفتها اخذت لها دش واختارت لها جلابيه عنابي وتعدلت ونزلت لانها توقعت فيصل بيمر عليهم ...

اما في بيت ام فيصل نزلت ساره لغرفة امها وارتمت بحضنها وصاحت ..
ام فيصل..سارونه حبيبتي ليه الحين تصيحين فهميني
ساره من بين دموعها..مابي اتزوج
ام فيصل..ماتبين حمد او ماتبين الزواج
ساره..لا يمه افميني انا ماقدرت اقول لفيصل بس انتي يمه حاولي تفهميني انا تعبانه ولااقدر اتزوج اخاف مااقدر اسعد الي اتزوجه يمه
ام فيصل تقاطعها..ساره الله عالم بكل شئ وبعد الله كل صاحب اختصاص نحترمه حمد دكتور قبل مايكون ولد عمك او خاطبك قال انك الحين بخير تحتاجين مراجعت لفتره معينه وتقدرين تمارسين حياتك بشكل طبيعي يعني ليه نقول كلام احنا غير ساره يمه انتي بنتي وانا اعرف الي بقلوبكم من نظراتكم وهمساتكم مثل ماعرفت الي بقلب فيصل عرفت ن اول يوم الي بقلبك لحمد ولكذا خليت اخوانك يكونون معك بااغلب المواعيد ماهو لاني مااثق فيك لا انا اثق فيك وبولد عمك بس اخوانك يعزونك يابنتي وحمد رجال عرف ان البيوت لها ابواب وكلم فيصل من زمان وهالشئ خلاني احترمه اكثر واكثر يمه انا قلب رهيف مثلكم مااقول ان احساسك تجاه ولد عمك خطأ لا انتي تربيتي وبنتي بس يمه الصح الي عمله حمد والخطأ الي انتي بتعمليه ساره يمه انا الي هالمره مابنتظر ردك انا اعرف انك تعزين حمد وبعطي فيصل موافقتك وانتي بأذن الله طيبه ولافيك الا العافيه
ارتمت ساره بحضن امها الي هدتها وارتاحت بعد كلام امها ..


طلعت ام فيصل وساره وصادفه فيصل نازل وكاشخ صبح عليهم وقالت له امه عن موافقة ساره على نزلت محمد وبترك لها
فيصل..مبروك حبيبتي الله يسعدك
محمد..الله فيصل ليه هالكشخه عالصبح
فيصل مبتسم..خلاص انجلا الغيم
محمد ويضحك..ههههههههههههه مبروك الله يسعدك
فيصل ..انا بتصل بحمد اقوله لاني بصراحه طفشت من هالحاله امس سعد واكيد الحين حمد
ام فيصل..شفيه سعد غدير فيها شئ
فيصل يبتسم..هههههه لا الغاليه طلعت منك امس خرب علي سعد اتصل وضاعت علينا المكالمه يسلم عليكم كلكم وغدير بخير ومبسوطه
فيصل..هلا والله بولد العم والنسيب شلونك
حمد..هلا بك بشر
فيصل..قلنا النسيب افهم
حمد...ههههههههههه ماانا نسيبك من قبل
فيصل..ههههههههههههههههاي اعذرني يااخوي والله من الصبح مضيع خلاص بشرتك مع السلامه
حمد..الله شفيك تقل مطرود
فيصل ويضحك..حرام خلوا الواحد يشوف حاله شوي
حمد..اها اجل لا خلاص مشكور وشف حالك بس لاتنسانا خلنا نشوف حالنا مثلك
فيصل..ابشر يالله مع السلامه
حمد..هههههه الله معك

محمد..الا صح نجلاء بنت عمي انخطبت
ام فيصل..الله يوفقها قالت لي شوق امس
ساره..مبروك شوق
شوق وفهمت نظرة ساره..الله يبارك فيك وهمس لها مو فهد واحد ثاني
ساره..الله يسعدها ان شاء الله
فيصل..انا بطلع عن اذنك
اماني..السلام عليكم
فيصل..وعليكم السلام
سلوم..فيصل فيصل
فيصل وينزل له..امرلاني سلوم هي خربانه اليوم انا عارفه
سلوم..بروح للملاهي
فيصل..بنروح للقمر بس انقذوني حرام
محمد..خلاص فيصل بدل اليوم بكرا
فيصل ويناظر محمد بطرف عينه..سلوم محمد تو قال وين سلوم بنروح نشتري سمك روح معه
سلوم ببراءه..الله يالله محمد بروح معك
محمد...مسموح فيصل هالمره بس مااخترت الا السمك
فيصل..ههههههههه ان شاء الله خيار عن اذنك
طلع فيصل والكل ضحك عليه وجلسوا مع بعض يسولفون ..

دخل فيصل للبيت عند العنود بعد ماتنحنح عند الباب حصلها بالصاله وهالمره من غير شال وقفت له ..
فيصل باابتسامه..ليه مارديتي امس
العنود ومستحيه..ماتوقعتك بتتصل الوقت كان متأخر
فيصل..بظل واقف عالباب
العنود..تفضل
دخل فيصل وجلس قريب من العنود ..ابي اسمعها منك سامحتيني
رفعت راسها وابتسمت وهزت رأسها
فيصل مبتسم..هو ابتسامتك تكفي بس ابي اسمعها منك ارجوك
العنود بصوت واطي ..سامحتك
فيصل ..لو تعرفين شكثر عانيت هالفتره بس صدقيني رضاك المهم وابتسامتك تكفيني عن
قطع كلامهم سلوم الي شهق لما شاف فيصل عندهم
سلوم ومستغرب..مارحت برا
فيصل ويضحك بصوت عالي لدرجة ان عيونه دمعت ..تعال سلوم
جلس سلوم على رجل فيصل
فيصل ويأشر على العنود..شفت هذي شسمها
سلوم بسرعه..عنوده
فيصل يبتسم..حلو عنوده هذي اسمها عنودي انا
سلوم..عنودي انا
فيصل مبتسم..لا انا يعني انت تقول عنوده وانا اقول عنودي
العنود احمر وجهها ولاعادت قادره ترفع عينه
سلوم..يعني انت تقول عنودي
فيصل..لا انت تقولي عنودك
العنود بصوت واطي..بس فيصل
فيصل...ههههههههههه لعيونك ماطلبتي
سلوم..فيصل بتروح معي
العنود ورفعت رأسها بااهتمام..وين بتروح
فيصل يقاطع سلوم..وانا بروح مابتسألين
انحرجت العنود ..اذا بتقول
فيصل..مابقول اذا ماسألتي
العنود..اول اعرف سلوم وين بيروح
سلوم..بروح مع محمد نشتري سمك مع السلامه
طلع يركض وترك فيصل والعنود الي كانت منحرجه من نظرات فيصل
فيصل..والحين مابتعرفين وين بروح
العنود..وين ..؟؟
فيصل..بصراحه ماابي اروح بجلس معك
استحت العنود وقامت ..اجيب لك شئ تشربه
فيصل باابتسامه..من ايدك شربت احلى عصير
طلعت العنود وهي بتموت من الحياء ..
جلس معها فيصل شوي واستأذن وطلع واتفق انه يتصل فيها بعد مارجع لها الجوال ..


بلغت عبير اخوها موافقتها على نواف الي فرح من كل قلبها بهالموافقه وحمد ربه الي اعطاه انسانه مثل عبير مختلفه بكل شئ ..

اتفقوا الشباب انه بعد اسبوع ملكت نواف وعبير وبعدها ساره وحمد وبالاخير بااجازة العيد زواج فيصل الي عمل المستحيل حتى يقدمه لكنه رضى بالامر الواقع ..

بملكة عبير ونواف كانت الفرحه مسيطره على القلوب كل البنات فرحانين لها لانها صبرت وربي عوضها بالانسان الي تحبه ..
عبير ..خايفه بناات
خلود..لاتخافين انتي مثل القمر عبوره
عبير ..ماابي اجلس معه
العنود..بعد هالانتظار ياعبير ماتبين
قطع كلامهم وصول نجلاء الي كانت ملكتها قبل عبير بااسبوع وكانت مبسوطه ومرتاحه وهالشئ واضح عليها ووضح للكل ان نجلاء تبدلت من انسانه سيطر عليها الحزن لفتره لانسانه الامل دخل حياتها من جديد ..
نجلاء..الف الف مبروك دلال وبدور وراي الحين بيدخلو
دخلت دلال وبدور وسلموا على عبير وهمست دلال بكلمتين بااذن عبير
دلال ..مبروك انتي الي تستاهلين نواف وهو الي يستاهلك وياعبير انا ونواف عمر الحب ماجمعنا ولو للحظه وحده وهالشئ ثقي منه لاني عمري ماحبيته الا كااخ وبس ومتأكده انه نفس الشئ ينظر لي لكن اهلنا وتخطيطهم الله يسعدك
الكل نزل ونزلت عبير والكل بارك لها وجاء وقت دخلت نواف خافت عبير توترت صاحت ام فهد وام نواف كل البنات دمعت عيونه فرحه لهالانسانه الي حبت بصدق وربي عوضها ..طلع نواف مع عبير للمجلس لحاله وظلت ثواني عبير ساكته
نواف باابتسامه..مبروك عبير
عبير بصوت واطي..الله يبارك فيك
نواف..لا ابي اشوف هالجمال ارفعي وجهك
ابتسم لها وكمل وقال..بحياتي صفحات بيضاء ياترى بتكتبيها عبير
عبير وبخوف..اذا كانت بيضاء اكتبها لكن
نواف..مافيها لكن عبير قلبي ابض ماعرف ولادخل فيه انسانه قبلك ثقي من هالشئ ودلال بنت عمتي لااقل ولااكثر عبير بينا تيلفون يالله فمان الله
وعند الباب وقبل مايطلع ..
عبير..نواف لاتزعل مني
ابتسم نواف ورجع لها..عمري مابزعل منك وعمري مابزعل من غيره وحب
استحت عبير ونزلت رأسها وابتسم نواف..عبير انتي احلى بكثير مما تصورت
ابتسمت عبير وطلع نواف وهو ينتظر اللحظه الي يكلم فيها عبير ويشرح لها احساسه تردده وخوفه يقولها عن نبضه وعن صدقه تحاها ..يحكي عن اماله وامنياته الي رسمها بعد موافقتها ..يشرح لها موقفه من دلال ويهديها ملف عنوانه سيكون لها ))))))
حتى تكتب اول معاني السعاده الحقيقه بحياته

عدت الليله حلوه سافرت فيهاعبير مع السعاده والحب والامل والامني والذكريات..نست سنين الخوف والغيره الالم والدموع ولتذكرت الا لحظة السعاده الحقيقه الي تعيشها وتحلم بااحضانها ..

مر اسبوع من السعاده على قلوب الكثير ..عبير ونواف الي انتقلوا لعالم الصفاء والمحبه ..نجلاء وعبدالله والي سافرت بدتيا الاستقرار والاحساس بالامان..غدير الي رجعت وهي تحس بالفخر والحب لسعد ..ساره الي متوتره وخايفه لان اليوم هو ملكتها على الانسان الي حبته من كل قلبها

شوق ..يانااس تعبت خلاص متى اولد
العنود...ههههههههه الله يعينك ارتاحي طيب
شوق..شلون ارتاح وزوجة اخوي هالقمر رام يااختي لاتجننين اخوي
ساره..شوق اسكتي حرام عليك
نجلاء..ههههههههه لو تشوفين حمد هالدنيا كلها مو سايعته من السعاده
غدير..يالله سارونه امي تقول انزلي
نزلت ساره بعد معاناة وجلست واول ماشفت اخوانها داخلين دمعت عيونها وارتمت بحضن فيصل الي ضحك عليها والتفت على حمد
فيصل..لا خلاص دموع من الحين
محمد..سارونه عيب فشلتينا
فيصل..خلاص ساره الحين يهون حمد
حمد..ليه ناقص عقل اهوون عن هالزين كله
محمد..احم يااخي توك مابعد لبستها الشبكه
حمد ويبتسم..ابعد خلني اسلم اول
سلم عليها وهي بتموت من الخوف والحياء وبعدها طلعت معه للمجلس وجلست بعيد عنه
حمد ويقرب عندها..اول شئ سارونه مابااكلك
استحت ساره وابتسم حمد وكمل..مبروك ياعمر حمد
سكتت ساره ولاردت ..ساره اجبري بخاطري وعبريني ارفعي راسك
رفعت راسها وابتسمت وابتسم حمد وقال..انا بطلع سارونه وبكلمك بس قبل مااطلع بقول لك شئ
ساره بااهتمام..تفضل
حمد وبكل حنان..احبك
نزلت راسها وطلع حمد وظلت ساره بمكانها من الصدمه مو عارفه تتصرف لحد مادخلت عليها غدير وضحكت عليها وطلعت معها لغرفتها على طوال طلعت تعيش احساس السعاده والفرح ..
ونفس الشئ حمد رجع للبيت يعيش احساسه تجاه ساره الي يحمله من فتره لها وتكلل اليوم بالفرح والامل..
مرت الأيام حلوه هاديه رايقه مليانه امان واستقرار ..سعاده وفرح..امل وعطاء..
ساره مرتاح بوجود حمد الي بدل حياتها من خوف من المرض الى تفاءل ورضى بالقدر وزاد من دلعها دلع..
عبير الي شرح لها نواف موقفه وفهم حبها له وزاد قدره عندها ومكانتها بقلبه احاطتهم الاماني والاحلام الي تنقلهم من كلمه وهمسه لسعاده وفرح.
.محمد الي شايل شوق بعيونه وينتظر الساعه الي يكون فيها اب ويحمل طفله بين ايدينه ..
غدير الي فخوره بزوجها واهتمامه فيها وبأمه ومبسوطه لانها اهدته واهدت اهلها واخوانها خبر حملها الي اعطى البيت جو اكثر من السعاده..
اماني مبسوطه بوجودها بحضن ام فيصل وبين اخوانه .
.وسلوم مبسوط ومرتاح مع اخوانه..
خلود الي انشغلت بدراستها وفرحتها بااختها ..
نجلاء الي تغيرت حياتها من الم الى امل .
.وفهد الي عاش بعيد منعزل لحد مادخلت عليه امه

ام فهد..هلا يمه
فهد يبتسم..هلا بالغاليه ام فهد
ام فهد..بشرني ان شاء الله وافقت
فهد ويتنهد..يايمه حرام بنت الناس
ام فهد..انا قلت لهم ماكذبت ووافقت
فهد..ليه وافقت انا هذا الشئ الي ابي افهمه ليه بنت توافق على انسان محروم من الاطفال الا اذا الله اراد ليه
ام فهد..فهد كم مره قلت لك انا قلت لهم ووافقت وهي مطلقه بس انها توها
فهد..طيب يمه الي تشوفينه بس بشوفها
لم فهد..موافقين وابوها رجال كبير وطيب وعلى قد حاله
فهد خير ان شاء الله انا بمره اليوم

تحدد الموعد وشاف فهد نوف وكلمها بحضور ابوها
فهد..اسمح لي ياعمي اني اسأل
ابو نوف..تفضل ياولدي
فهد..انا الله ماكتب لي نصيب يكون لي عيال لكن ودي اسمع موافقة نواف وهل هي راضيه
ابو نوف ويلتفت عليها..انا ماعندي عيال ياابوي بس بناتي نور عيوني وهذي نوف ابوي قولي رأيك
نوف بحياء..موافقه
فهد..اتمنى تكون بقناعه
طلعت نوف وابتسم فهد لان البنت عجبته وارتاح لها وتحدد موعد خطبته قريب وتمت والكل فرحه له وانبسط ودعى ان الله يوفقه وظل هالسر مجهول مايعرفه الا ناسس محددين وحتى خواته مايعرفونه وبيوم سأل فهد نوف
فهد..نوف ليه وافقتي علي
نوف..كنت متوقعه سؤالك فهد انت ولد جيرانا من فتره اهلي كلهم يعرفونك والكل يمدح فيك وانا الله كتب لي زواج شفت العذاب فيه ولما قررت اوافق عليك لاني كنت محتاجه الامان والاستقرار ومحتاجه شخص يكون لي اب واخ وزوج ويكون ابن لابوي وانت بسمعتك الطيبه تستاهل صدقني
ابتسم فهد..الله يقدرني واسعدك
نوف..ويقدرني


دارت الأيام سريعه قلوب سعيده وقلوب تعبانه..ناس مرتاحه وناس شقيانه..أطفال تلعب وذكريات تدفن..ليالي تموت وايام تولد ..ساعات تتلاحق ودقائق تتعانق ..مرت سريعه الأيام والكل بدأ بالاستعداد لشهر الرحمه لشهر رمضان ..شهر تصفد به الشياطين وتجتمع به القلوب ..شهر تطمئن به الانفس وتتعانق به الامنيات ..شهر يغتنم الكل به الدقائق لصلاة وقيام لذكر ودعاء ..شهر يغمرنا به الاحساس بالراحه والقرب من الله ..شهر نبحث به ونتذكر قريب فقدناه ..او حبيب وادعناه ..او جار نسيناه ..او اب او ام عقيناه ..او اهل واعمام واقارب قطعنا تواصل بينا ..شهر تتلهف القلوب به الى الانظمام مع بعضها ..شهر تتجرد به الانفس من اثامها ..

ومع الاستعداد والفرحه بقدوم الشهر الكريم في بيت ام فيصل زادت الفرحه اكثر واكثر بقدوم أول حفيده لهم ..
بغرفة شوق بالمستشفى محمد ويحضن امه وهو تصيح ..اخيراً يمه ماني مصدق
ام فيصل وتمسح دموعها..الله يخليها ويخليكم لها وتتربى بعزكم يارب
محمد..الله يخليك لنا يااغلى ام بالدنيا
ام فيصل وتبتسم لشوق..اي الاسماء بيفرح لانه بيكون لشيختنا
محمد..طبعا نوره
ام فيصل..الله يخليكم ياعيالي
طق الباب ودخلوا البنات وسلموا على محمد وباركوا له
ساره..ياقلبي عليها قمر محمد
محمد..طبعا على امها
غدير..لا على جدتها مو اسمها نوره
اماني..والله يامحمد تشبهك
سلوم وزعلان..بشوف ارفعوني
محمد..هههههههه تعال
سلوم..صغيره مرره
ام فيصل..بنات وين فيصل
غدير..هههههههه نسيناه برا يامحمد
محمد..تغطي شوق خلي بيدخل يسلم اكيد
طلع محمد ودخل فيصل ومن عند الباب
فيصل ..عالبركه ياام نوره تتربى بعزكم
شوق..الله يبارك فيك
فيصل ويلتفت على امه..هالغاليه شرايك ببنتنا
ام فيصل وتقوم وتمسك فيصل..تعال
شالتها ام فيصل واعطتها فيصل الي تردد قبل مايشيلها ..محمد تعال انقذ بنتك مااعرف صغيره
ام فيصل..افا ماتعرف خلصت من محمد وجاء الثاني فشلتونا عند حريمكم
فيصل وشالها بهدوء ..مشاء الله تبارك الله الله يخليها لكم وتتربى بعزكم يارب
اعطاها امه وبارك لمحمد وستأذن وطلع ..التفتت غدير على العنود
غدير مبتسمه شفيك..
العنود..مااتخيل فيصل يكون اب احسه حنون وساعه لا
غدير..والله اخوي مافيه مثل قلبه
العنود..ماقلنا شئ
غدير..هههههههههه
اماني...يالله نروح وخليها ترتاح
ام فيصل ..انا بجلس عندها
شوق..لاتعبين نفسك خالتي خلي نجلاء تجلس
ام فيصل..لا انتي مثل بناتي وانا الي بجلس معك
شوق..الله يسلمك خالتي

طلعوا البنات وتركوا ام فيصل عند شوق الي طلعت باليوم الثاني وتغير بيت ام فيصل بقدوم هالحفيده 180 درجه اعطت البيت جو حلو من الطفوله والبراءه وشكلت مع سلوم حالة امل رائعه لكل من ينظر لهم ..

انتهى شهر الخير ..وفرحوا الكل بالعيد ..لكن فيه فرحه غير لقلبين حايرين خايفين ينتظرونها ..العنود وفيصل ..ساعات قليله ويجتمعون بعد معاناة مع المشاعر ..وبعدها مع المشاكل واخيرا مع الوقت ..ساعات وتتزوج العنود وفيصل وترح وترتاح قلوب كثيره ..

اماني..الله يخليك العنود لاتصيحن من اسبوع وانتي تصيحين
ساره..بس خلي دموع يمكن تحتاجينها بعدين
العنود وتبتسم..خايفه
غدير..لاتخافين وانتي متزوجه فيصل
العنود..المهم شكلي حلو
ساره..قمر بس قاهرتني ليه ماعملتي زواج كبير
العنود..لا بالبيت مختصر اجمل واهدى
غدير..ياعيني عليك
دخلت ام فيصل وسلمت عالعنود ووصتها وصاحت وطلعت
غدير..هههههههه امي من شهر تصيح عاادي الله يستر بس لايصيح الحين فيصل
شوق..كلوووووووووووووووووش يالله يالعروس انزلي
وقفت العنود وكانت رائعه بالابيض رائعه بجمالها بحياها وخوفها توترها وقلقها ..كانت فعلا عروس الابيض اعطاها احساس السعاده الي انعكس على تعابير وجهها الا عيونها الي عملت المستحيل لاقدرت تمنع دموعها نزلت والكل ذكر الله وشوي ودخل فيصل وسلم عليها وجلس
التفت ..ليه هالدموع
العنود تحاول تتمالك نفسها..مافيه دموع
فيصل ويمسك يدها عند الكل وبشكل مفاجئ احرجها ..انا امك وابوك واخوك وزوجك وكل دنيتك طلبتك بلاها هالدموع
ابتسمت العنود واحمر وجهها
ام فيصل..اصبر مو عند الناس اذا طلعتوا
فيصل ويضحك..ان شاء الله بس يالله بنطلع
طلعت العنود فيصل بعد ماصاحت وهي تسلم عليهم لكن فيصل قدرت يغير الموضوع ويقلبه مزح وطلعت العنود مع فيصل زوجه له على سنة الله ورسوله ..


هنا ينتهي الجزء.......... ولكن تابعوا فهناك مشاهد


## مضت سنه وكان هذا مشهد من أيامها ##

حمد ويدخل البيت وبصوتعالي..يانور البيت سارونه عمري
ساره ونازله زعلانه ..هلا حمد
حمد ويضحك..سامحينا خلاص مابتعودها مره ثانيه
ساره ومازالت زعلانه..تتركني خايفه عليك
حمد ويبتسم ويروح لها ..ياعمري نسيت جوالي بالسياره خلاص سارونه
ساره وتبتسم..طيب خلاص بس لاتنسى مره ثانيه
حمد ويأشر على عيونه...من عيوني
ابتسمت ساره لحمد الي باابتسامته تبتسم له كل الحياة

شوق وبفرح تحضن نجلاء..الف الف مبروك
نجلاء باابتسامه..الله يبارك فيك مو مصدقه اني حامل وبيكون عندي طفل
شوق ..لاصدقي بس حبيبتي انتبهي لنفسك
نجلاء..خلاص ذبحني عبدالله توصيات
شوق..هههههههه الله يوفقكم يارب
نجلاء ..آمين


نواف ويفتح المكتب ويحصل عبير تكتب ..يابخت الورق والقلم
عبير باابتسامه..لا يابخت الي انكتب له بالقلم عالورق كذا احلى
نواف ويقرأ المكتوب ..أحـــبك
التفت عليها ..تعرفين عبوره اني ندمان على سنوات عمري الي ضاعت من غيرك
عبير وتبتسم..انسى كل الي راح
نواف..توقعت ممكن انسانه تكتب لي اوراق تسجل فيها لحظات سعاده من كل سنه لكن معك مستحيل هالملف يكفي يوصف احساس ثانيه بوجودك بحياتي يااغلى من الغلا
عبير وتبتسم..الله لايحرمني منك
نواف..ولامنك يارب

الكل مجتمع بالصاله ماعدا محمد وشوق وفجأه يوصل مسج لجوال فيصل ابتسم بعد ماقراه وانقهرت العنود لكن ماوضحت وشوي ويدق جواله ويرد ويبتسم ويقفل ويتكرر الموضوع مرتين
ام فيصل..من هالي يتصل
فيصل ..مااعرف
العنود..وكل هالابتسامه وانت ماتعرف
فيصل..شو اعمل ممنوع ابتسم
العنود ومعصبه ويدق ثانيه وقامت بتطلع وضحك فيصل بصوت عالي
فيصل ويمسك يدها..اجلسي تتوقعين بهالحياة فيه احد بيأخذ مكانتك العنود انتي الي ملكتي قلبي
ام فيصل..وراء ماتحشم احد استح على وجهك
فيصل ..افا يمه عادي الواحد يعبر عن مشاعره بعدين هذي حركات غدير هي قالت بنلعب بااعصاب العنود
العنود..هين غديروه تشوفين
غدير..هههههههه والله انك خبله كل هالحب وتخافين لو انا منك مااحرك ساكن
فيصل ..لو انا منك الي يسمعها يقول زوجها مو عامل المستحيل لرضاها
غدير وتبتسم..الله لايحرمني منه
ام فيصل ..الله يحلل محمد عندكم



## مضت اربع سنوات وكان هذا المشهد من أيامها ##

خلود وتحضن اماني ..الف الف مبروك امون الله يوفقك
اماني..ويوفقك يارب
عبير ..شرايكم زواجكم بيوم واحد خلود واماني
غدير..ههههههههه لا وانتي الصادقه وبدور معهم تجي هنا مالي خلق اروح لشرقيه منها نبارك لعمتي لطيفه بولد صقر ونحضر زواج بدور
العنود..لا انا ابي اروح
ساره..وانا بعد
نجلاء..ههههههههههه عاد العنود وساره الله يعين رجالكم
ساره..هههههههههه ليه حبيبتي الله يعينهم الا يحمدون الله
العنود..صح واحنا بعد والله رجالنا مافيه مثلهم
غدير..بدينا بالغزل بروح عند امي احسن ..

## مضت ثمان سنوات وكان هذا المشهد من أيامها ##

دخل محمد وشكله مستعجل تغطت العنود

محمد ..السلام عليكم
الكل ..وعليكم السلام
محمد..شوق الله يرضى عليك اعطيني الملف الي بالغرفه
شوق..ان شاء الله
فيصل..شفيك مستعجل
محمد..عندي شغله ودي اخلصها وارتاح
فيصل ويقرأ الجريده ..لاحول ولاقوة الا بالله
محمد..شفيك اي الاخبار كدرك
فيصل..شاب عاملين معه مقابله مصاب بالايدز
محمد ووقف بيطلع والتفت عليهم..ماكان ودي اقول لكن حبيت اوضح ان الله يمهل ولايهمل هذا امس عرفت من هو احمد ولد جيرانا عن اذنكم
ضغطت العنود بقوه على يد فيصل واتفاجئ فيصل التفت عليها شال الغطاء عن وجهها وشاف دموعها ..
فيصل ..ليه هالدموع العنود
العنود..انا مو شمتانه فيه لا لكن عدل الله سبحانه يخليني اصيح انصاف الرحمن يجبرني اصيح سبع سنوات وبعدها يأخذ جزاه سبحانك ياربي طال الزمان او قصر كل الانسان بينال جزاه وعقابه
فيصل ويمسح دموعها..عنودي خلاص انسى وثقي من شئ واحد كل شئ يضيع بالدنيا مستحيل يضيع بالاخره يالله قومي هاتي لي حبايبي
العنود وتبتسم..لا فيصل ماصدق يبعدون عني تعبت منهم
فيصل ..افا لايكون مليتي وتعبتي مني
العنود وتضحك ..لامستحيل امل منك فيه احد يمل من نور عيونه
فيصل ..يابختي ياناس دامني نور عيونك ..


## مضت 15 سنه وكان هذا المشهد من أيامها ##

الدكتوره ..يااولادي الله سبحانه وتعالى قال ("ولا تيئسوا من روح الله إنه لا ييئس من روح الله إلا القوم الكافرون".
وانا اقول الله اعطاكم على قد نيتكم الف مبروك ياابني المدام حامل
فهد وعينه على نوف الي دمعت عيونها وارتمت بحضن فهد الي ماقدر ونزلت دمعته..وحتى الدكتوره دمعت عينه من المشهد الي شافته
فهد..15 سنه الف حمد وشكر لك يارب نوف انتي حامل يعني ربي بيرزقني ولد او بنت منك انتي وهذا الشئ الي تمنيته من تزوجتك
نوف وتمسح دموعها ..شكرا يادكتوره واعذرينا من الفرحه
فهد..الف شكر والله يبشرك بالجنه عن اذنك الحين
الدكتوره..الله معكم

## مضت عشرين سنه وكان هذا مشهد من أيامها ##
سلمان..فيصل عنوده تعالوا بسرعه يالله ياامهم يالله نروح
ريم..سلمان شفيك مستعجل
سلمان..بروح يالله بسرعه
طلعوا ودخلوا بيت ام فيصل ..
سلمان..يافيصل ياعنوده يااهل الدار وينكم
فيصل ويبتسم..تعال تفضل
العنود..ياحيا الله الغالي
سلمان..هلا والله فيك شلونكم شخباركم وحشتوني وين عيالكم اسمعوا ترى ولدكم ازعجني كل يوم جاي عندنا عيب انا عندي بنات اذا حاط عينه عليها نزجها له ونرتاح هههههه
العنود..ههههههه وين بيلاقي مثل عنوده الغاليه
فيصل..اقول سلوم الحين انت كل يوم خاطب لولدك ومختار زوج لبنتك
سلمان..لا ولدي يبي بنت دلوعة زوجها
ساره وتنزل من فوق..شفيها دلوعة زوجها
سلمان ويضحك ..بسم الله انتي هنا وين بنتك الظاهر انها عاجبه فيصل حبيبي
ساره..لا بنتي كثير خاطبينها بس قلنا اذا كبرت تختار هي
سلمان..والله الا صدق انا اتذكر اني جاي انا وريم وعيالي وينهم
ساره..هههههههههه والله انك يااخوي على نياتك
سلمان..تعالي اول وين حلوتك ا اقول نسختك دلوعة ابوها وين رغد
ساره..رغد عند شوق ومحمد
سلمان..ايوووووووووووه عند الشيخ
فيصل رافع حاجبه..من الشيخ
سلمان..من يعني محمد
فيصل..على بالك غبي مافهمت
سلمان..محشوم اخوي والله ماقصدت بس خفت تزعل امها
ساره..اقول سلوم تعال زوجتك برا عند امي يالله نطلع
سلمان ويحب راس ساره..كله ولازعلك بنتك وبناتكم وعيالك تعرفون معزتهم ويهمس بصوت واطي وكلنا نعرف ان ولد محمد بيخطبها
ضربته ساره وضحك وطلع معها ..

ورجع دخل سلمان ومعه بكل يد واحد من عياله التؤم فيصل والعنود...يالله حبايبي بوسة عمو وخالتوا بسرعه
وحضنة العنود عنوده الصغبيره وفيصل حضن فيصل الصغير ..
وسلمان بنظرة حب..الله لايحرمني منك يااغلى اخ واغلى خاله
ابتسم وطلع وترك الاطفال بحضن العنود وفيصل ..


#### مــابــعد الـنهايه ####

دائما النهايه تكون بدايه عندي لذلك لنرى ماذا بعد النهايه وكيف تكون البدايه ..

## ناداني ...ولبيته ##
من الذي نادى ومن الذي لبى النداء كثيرا منكم ينتظر اجابه واغلبكم توصل اليها ..هنا النداء كان متواري خلف المعاني والحروف ..نداء يحاكي الاحساس ..المبادئ ..القيم ..الاخلاق ..

**نداء الخوف وممن من الله سبحانه وتعالى الذي اول من غفل عنه ولم يلبيه الجده والدة الاباء الذين تفرقوا وتشتتوا والسبب يعود للأم التي لم تغرس المبادئ الاسلاميه بداخل ابناءها **

**نداء الخوف من الله الذي غفل عنه احمد وتمادى بأذيته وظن ان قوته دائمه ولكن نسى ان الله يمهل ولكن لايهمل **

**نداء الضمير الخوف من الله الذي غفلت عنه العمه حصه وتهاونت بتربية ابنتها ونسيت ان الرسول عليه افضل الصلاة والسلام قال ( كلكم راع وكلكم مسؤل عن رعيته ) **

**نداء الامومه هذا الاحساس الذي يصعب على قلمي وصفه ولبته نجلاء لانستطيع جميعنا ان نعترض فهل هناك عاطفه اقوى من الامومه الم نرىام فيصل وام فهد وام نواف ام صقر وقبل ذلك لنتوقف ونرى جميعاً قلوب امهاتنا فهل نداء الامومه اقوى ام الحب ..**

**نداء الواجب والحق المفروض على الابن تجاه والده وهذا مافعله فيصل ورأيناه جميعا رغم بعد والده عنه وتخليه **

**نداء الواجب من فيصل تجاه اخواته اماني وسلمان **

نداء ...ونداء ...ونداء ...اغلب مواقف القصه تحمل هذا المعنى وكل نداء له عواقب اذا هو سلبي وله نتائج مرضيه اذا هو ايجابي يصعب حصرها لانها من اول جزء الى اخر جزء وهناك نداء وشخص يلبي النداء واخر يدير ظهره له ولان الايجابيه هي ماابحث عنها اخترت لقصتي عنوان ## ناداني ..ولبيته ## لانني اطمح الى تلبية كل نداء ايجابي ..
بقي أن اقول أن الجمال ليس بالحب ..انما بأخلاقنا عند الحب
وايضا أقول أن العقاب ليس من أجل احساسنا بالحب بل عند اختيارنا الطرق الخاطئه للحب
واخيرا اقول الحب ليس حرام وليس عيب ولكن يكون كذلك اذا تجاوزنا تعاليم ديننا فلنكن جميعا متمسكين بتعاليم ديننا اولا ..بأخلاقنا ثانيا ..بعاداتنا ثالثا ..ولندر ظهورنا لمن يخالف مبادئ وتعاليم ديننا الحنيف ...


الـــنــــهايــة

 
 

 

عرض البوم صور dali2000  
قديم 22-02-09, 11:18 PM   المشاركة رقم: 10
المعلومات
الكاتب:
اللقب:
عضو راقي


البيانات
التسجيل: Dec 2008
العضوية: 113418
المشاركات: 4,880
الجنس أنثى
معدل التقييم: #مهما الليالي# عضو بحاجه الى تحسين وضعه
نقاط التقييم: 34

االدولة
البلدSaudiArabia
 
مدونتي

 

الإتصالات
الحالة:
#مهما الليالي# غير متواجد حالياً
وسائل الإتصال:

كاتب الموضوع : dali2000 المنتدى : الارشيف
افتراضي

 



يعطيك العافيه...في منتهى الجمال...اعيدها كذا مره ...ولم املها...


شكرا على نقلك...لانها بمنتهى الروعه...ناداني ولبيته..

اتمنى لك التوفيق..


 
 

 

عرض البوم صور #مهما الليالي#  
 

مواقع النشر (المفضلة)

الكلمات الدلالية (Tags)
الكاتبة دموع السحاب, دموع السحاب, ناداني ولبيته, ناداني ولبيته للكاتبة دموع السحاب, قصة ناداني ولبيته, قصة ناداني ولبيته للكاتبة دموع السحاب
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:08 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية