رواية الدفتر الأحمر للكاتبه حمامة الحجاز

بسم الله الرحمن الرحيم

ملاحظة:

تم تجميع الرواية وتوفيرها من قبل العضوة( نهى )وكانت طلب من احدى العضوات في ليلاس( ليليا)

واثرت وضعها هنا لقراءة الجميع

رواية الدفتر الأحمر للكاتبه حمامة الحجاز



![ الجـزء الاول ]!





لا أدري لم شعرت بالكآبة تنتشر في هذا المكان لقد كرهت البقاء فيه كثيراً لكن والدي هداه الله هوا من أرغمني على ذالك .

يجب أن أقف مع عمال حتى لا يقوموا بشيء خاطئ أثناء نقل مفروشات صاحب الشقة السابق , وأنا ابن صاحب العمارة جلست على الكرسي الوحيد في الشقة بملل ،،

وبدأت أفكارٌ تُراودني , غريب هو المستأجر السابق لم يبقى هنا سوى 3 شهور , ثم قرّر الرحيل ،،
والأعجب أنه كلّف نفسه فـي (التعتيق) والديكور ولكنّه ذهب بلا عودة ،،

تباً لهؤلاء الأغنياء يسرفون في المال هنا وهناك , ولم ينظر إلى حـال المسـاكين ،، الذين لا يـجدون لـقمة عيشـهم ،،

تــباً لهم .,. تنبهت من أفكاري على صوت العامل وهو يقول .,.

العامل : كلاس كلس ( خلاص خلّص ) .. مع السلامة .. "مد يده " ..
صافحته . ونهضت سريعاً لأطفئ الأنوار أود الذهــاب إلى المنزل الجــوع سيلتهم معدتي , أطفئت نور الصالة بقيت غرفة واحدة فقط توجهت نحوها.
ولكن استوقفتني النافذة المفتوحة اتجهت نحوها لأغلقها. فالهواء شديــد البرودة في الخارج ,,

,, // ولـكن فجاءه // ،،

قفز قلبي من مكانه بقوة ما هذا الشيء ..؟!
أنــا: بسم الله الرحمن الرحيم , أعوذ بكلمات الله التامات من شر ماخلق .


رددتها وأنا أغلق باب الشقة سريعاً وبدأت بنزول على الدرج وأنا أسمع صوت ارتطام بـاب المنزل


خلفي , لم أعره اهتماماً , كل إهتمامي كان على ما رأيت يجب أن أمسك به وصلت إلى باب


الشارع رأيته على بعد أقدام مني على الأرض تقدمت منه ببطء وأنا أحاول أن أميزه . ولكنه


تحرك إلى الأمام بسرعه فائقة , ركضت أنا خلفه كالمجنون ،، إلى أن أمسكت به ،،


كان دفتر صغير مغلف بغلاف أحمر اللون يبدو أنه لفتاة ما..!!


فلونه يدل على ذلك ،، ناهيكم عن تلك النقوش الناعمة التي تزينة


بطريقة رائعة تحركت نحو سيارتي يجب أن الحق بالعمال أنها لهم رغم أنني أتمنى فتحه لأرى ما بداخله , التقطت جوالي الذي بدأ بالرنين ،،


أنا : ألووووو .. هلا

امي : هلا .. فينك ؟ إشبك تأخرت؟

أنا : والله العمال دوبهم روّحو , بس ..

أمي ~ قطعت عليّا ~: بس إيش شكلك ناوي تسوي شي ..!

توقفت عند الأشارة وأنا ألقي نظره سريعة نحو الدفتر الأحمر بجواري

أنا: لا مافي شيء دحين أنا جاي في الطريق ..تبيني أجيب لكم شيء في طريقي

أمي : إيوا الله يخليك إذا كان تقدر تجبلنا معاك بريالين عيش ..

أنا: إن شاء الله .. تامــري على شيء ثاني

أمـي: ســلامتك الله يرضى عليك وعلى مهلك لا تسرع استــودعتك عند الله ..

أنا : إن شــاء الله يـــا لله مع الســلامة

أمي : مع الســـلامــة

وصـــلت إلى المـــنزل بعد نـــصـــف ساعة من انـــتــهـــــاء مــكالمــتي مـع والـدتي ،،

أنــا : السلام عليكم وحمة الله وبركاته


أمي وأبويا : وعليكم السلام ورحمة الله وبركاته

قبلت رأس والدتي و والدي ثم جلست على إحدى المقاعد ,

ابويا : ها إيش سويت مع العمال .؟!

أنــا : تمام والله ما شاء الله شالو العفش بسرعة , ومع كذا طفشت

أمـي : أنتا في شيء أصلاً ما تطفش منه

أنا ~ بابتسامة ~ : مشكلتي أطفش بسرعة أمل من الشيء إلي تمرعليه ساعة وأنا جالس

أسويه , ~ أتذكرت الدفتر الأحمر فاتسعت ابتسامتي ~ لكن يمكن يجي شي محااطفش منو .. ~ أستطردت ~ إلا فين أخواني ؟!

أبويا: روح شوفهم .. اللي مايستحوا يأذوا خلق الله ..

أنــا ~ بطفش متعود على حركاتهم ~: إش مسوين كماان .؟!

ابويا : اليوم مضاربين مع أولاد الجيران على الأصنصير(المصعد ) ..

أنــا ~ بمزح ~ .: عادي , تعودنا وتعودوا

خرجت والدتي وبعد برهة من الزمن ..


دخلت مره أخرى علينا لتخبرنا بأن العشاء جاهز وطلبت منّـي الذهاب لـِ مناداة إخوتي ..
صعدت نحو غرفت أخواني الأولاد أولاً ..


يبدو أنهم نائمون ففي العاده هم مزعجون جداً , طرقت الباب وفتحته بهدوء ،،
ورأيت الأخوان .., يجلسان أمام شاشة التلفاز وفي أيديهم أجهزة اللعب .. ولا يشعرون بشيء ،،

أنـا: افففففففف منكم ، يالله امي تقوول عشـاااا ..


حسن: اوصص .. تعال شوف الدوري اليباني

حسين ~ ضغط start~: حسسسسن لالاتتكلم العب بسرعة ترى قاعد على أعصابي ،،
أنا : لا يكثر أنته وهواا , ويالله قدامي عشاا وياويلكم من أبويه .. لو ما نزلتو


خرجت وأريد أن يمضي الوقت بسرعة لكي اعود إلى حجرتي فــ/ ـالدفتر هناك, أنتبهت أنّ ندى ورناد ينزلن إلى الأسفل فـ/ ـلحقت بهم لتناول اللعشاء ،،

انتهيت من الاكل سريعا وصعدت إلى غرفتي وأنا أتحرق شوقاً للدفتر ورؤية ما بداخله مغامرة .

استلقيت على السرير والدفتر بين يدي , قلبت صفحات الدفتر سريعاً كان مليء بالكلام يبدو أنه


دفتر خواطر أو مذكرات او شيء من هذا القبيل نظرت إلى الساعة كانت تشير إلى 11 تماماً أعدت نظري إلى الدفتر وفتحت أولى الصفحات


الدفتر ,,


![ الجــــزء الثاني ]!


يوم الأحد
الساعة 5 صباحاً

جلست على الأرض بقوه وهي تقول
: أففف الحر ما ينطاق , بس تصدقي أبوي اليوم راايق

~ رفعت الأخرى رأسها بطء وهدوء ~ : والله

: ~ بدفاشة ~لا أمزح .. والله

.: غريبة

..: أحلفي بس .. ~ تقلدها ~ غريبة

..: ~ ترفع حاجبها الأيمن برزانتها المعتادة ~ قلت غريبه فيها شيء , وإذافيها إش تبيني أسوي أروح أسلم عليه واقوله مبروك الروقان ..

...: لا بلا هبل أنتي فاهمة قصدي , يعني هوا مو مروق مننا أكيد وراه في شيء

.: مصيبة وأنتي الصادقة

دخلت الغرفة فتاة أخرى تصغرهن سناً

..: أستحي على وجهك أنتي وهيا , لا تتكلمي عن أبوكم كذا ..

..: بسم الله كيف سمعتي .؟!

..:كيف بالله سمعت بيتنا مررره كبير ومن كبروا سمعتكم ,

: وجعععع تقهررررررررري ..

..: أسكتي أنتي وهيّ .. مزعجات أبا أكمل شغلي

..: بس من جد مزون لا تزوديها , تادبي شويه حتى لو كان ظالم بس هذا أبوكي

..: أقول بالله مررره إلي يسمعك ... ~ وهي ترفع حاجبها بقرف ~ أمحق أبو
وبتشوفو إن ما كان وراه مصيبة ...


الأولى {لمــــى} عمرها 23 سنة
الثانيـة {مزون } عمرها 20 سنة
الثالثة {جنــى } عمرها 17 سنة
الرابعة { سارا}عمرها 14 سنة
الخامسة{نورا } عمرها 6 سنين
السادس { عمر }عمره سنتين



محا اوقف هنا في شخص ما قلته مهم مرره لكن محاه أبويه من الوجود حتى أسمه ،،

أبعده عننا كان اسم ابويه { ابوسالم } إختفى سالم أخويه فجأءة عن الوجود ,وغير أبويه بعدها كنيته لــ/ {أبوعمــر} هواا أكبرنا عمره 25سنة ,,

/


\


/


\

ولا إختفاءه قصـة ،،




ويوم من الأيام صحيت الساعة 3 ونص الليل على صوته وهو يصحيني قمت مفجوعة سألته بخووف ،،

أنا: إيش فيه أمي فيها شيء..؟!
سالم .: لا قومي بس بســـلم عليـكي ..!!

~ أنا فركت عيني بأتأكد أني صحيت إيش يقول هذاا ؟ّ! اعتدلت في جلستي وأنا أطالع في أخواتي , النائمات هنا وهناك .. ~

أنا ..: هااا , إيش قاعد تقول ؟!.. ~ جالسة استوعب كلامه ~

سالم ~ بإبتسامة مريحة مرسومة على وجهه .~ .: أسمعي لآزم تصحي أنا رايح ~ وأخذ نفس ~ ويمكن

أتأخر شوية , لازم تكوني قوية , وتقوي أخواتك أمي حامل يعني تحتاجكم جنبها ,. انا أخترتك لأنك

أقواهم .., مو شرط عقلك ,.. بس أهم شيء
تطمني أمي عليا , ولا تخليها تقلق فاهمة ..؟!

أناا : ~بخوف .ضميت الشرشف , وقلت بهمس ~ .. طيب وأبوية ؟!

سالم ..: بعدو عنو دائماً خلوكم في مكان واحد , ولا وحده فيكم تجلس لوحدها قدامه , حتى أمي خلوها عندكم هنا , ولا أوصيكم على الجايه أو الجاي بالطريق ..~ تابع وإبتسامته تتسع ~ لو ولد سموه {عمــر} .. ولو بنت سموها { ود }. .طيب ؟!

أناا: ~ والدمع وصلت للميازيب (طرف العيون ) ~: طيب , إن شاء الله ..

سالم قام وسلم على راسي , وتحرك ناحية أخواتي وسلم على راسهم كلهم قمت انا معاه وصلته لباب

الشقة , وهناك ما قدرت أمسك نفسي زيادة بكيت وشهقت لمن أنتبهت للشنطة الي عند الباب , مسكت طرف ثوبه وقلت من بين شهقاتي ..




أنا ..: لحظة .. معاك شنطة ..!!


سالم ~ ألتفت ليّ وعيونه تلمع ~ ..: لالا ..إن شاء الله ما أتأخر
حطيت يدي على فمي أكتم صوت البكاا الي بدى يعلى

أناا ..: سااالم لا تكذب عليا ..!!

سالم...: ~ حضني بخفة ~ ..: خلاااص قلتلك , لاتحسيسيني بالذنب قلت محا أتاخر وقلنا أنك

قويه ~ رخى راسه لمستوى راسي وطالع في عيني مباشرة ~ وحتى لو تأخرت أو ما جيت

مرره أنتي قدها مووو ؟!

أنااا ~ هزيت راسي ~

إستدار وخرج وقفل الباب .. شهقت بقوة .. وجريت على الغرفه أندسيت تحت الحاف وتابعت

البكـــا .. إلين ما نمت وإلى الآن أتذكر صباح دااك اليوم .,،


هاقد أنقضت سنتيــــــــــــــــــــن منذ ذهابه ..,, أستنى رجهته بفاارغ الصبر مدري ليه أحس أنه

حي موجود قرييب مناا حييل مامات .., كان أملي فيه كبير كنت واثقة بأنه نحن مع أخويه مناا


في حاجة لأبو ينقااال أيتاام يقلون إلي يقلوون .. مايهم أهم شيء مووجود الأخو العزوة السند


..ولـــــــــــــــ ك ــــــــــن ليس لي سوى أن أكتب هناا ....






ــــــــــــــــــــــــــــــــــــــــــــــــــــــــــــ ـــ


"عندما يخذلون احساسك الجميل....ويكسرون احلامك بقسوه...ويرحلون عنك كالايام..كالعمر..!!






وينبت في قلبك جرح بإتساع الفراغ خلفهم...ثم تأتي بهم الايام اليـــك من جديد...كيف تستقبل عودتهم...وماذا تقـــــول لهــم!!!!!





قل لهم: انــك نسيتهم...وادر لهم ظهر قلبــــك...وامض في الطريق المعاكس لهم...فربما كان





هناك...في الجهة الاخرى...اناس يستحقونك اكثر منهـــم...قل لهم: ان الايـــام لا تتكــرر...وان




المراحــل لا تعــاد...!!!..وانـــك ذات يوم خلفتهم تماما كما خلفـــوك في الوراء وان العمر لا



يعـــود يوما الى الوراء ابــدا...!!!!قل لهم: ان صلاحيتهم انتهت..وان النبض في قلبك ليس



بنبضهم..وان المكان في ذاكرتك ليس بمكانهم...وان الزمان في ايامك ليس بزمانهم...ولم يتبقى



لهم بك سوى الامس...بكل الم واسى وذكرى الامس...!!!قل لهم: لا تقل لهم شيئاً استقبلهم




بصمت...فللصمت احياناً قدره فائقه على التعبير عما تعجز الحروف والكلمات عنه..."*










.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,.,.,.,.,.,.,.,.,.,.,.,




هنـــا توقفت هل تدرون لم , أنتهت صفحات الدفتر أغلقت وبقيت برهة من الزمن أتأمل الغلاف لا



أريد أن أنتهي , شوق عجيب ولذيذ جداً يداعب مشاعري أعجبني ذالك إغلاقي للدفتر يجعلني




أشتاق للغد بقوة , وأودع الملل لأيام على الأقل وضعت رأسي على الوسادة وغرقت في نوم




عميق ...


ســ/ ـنترك لأفكــارنا التفكيــر في حياة هؤلاء




ونـــــــــتـــــــــوقـــــــــع الــــــــــــــقــــــــــــــــادم المـــــــــجـــــــهــــــــول







![ الجـــزء الثالث ]!




كنت نائم بهدوء وراحة عجيبين .. وبينما استلذّ بطعم النوم شعرت بالماء يبلل وسادتي



ووجهي الناعس اشتطت غيظاً .. استدرت .. وفتحت عيني ووجدتها تبتسم لي ..



أسامة : .. يا حيوااااااااااااااااااااااااااااااااااانة خلاااص صحيت .....


نــدى :.. خخخ .. قلتلك قوم واقفة نص ساعة أهرج . وأفحط وأنتا ولا هنا



أسامة ..: خلاص قمت انقلعي ..



شفتها تخرج من الغرفة ورجعت أنسدحت, اغمضت عيناي في محاولة مني لأسترداد النوم ..,



الذي رحل عن عيني

.,. لكن تذكرت الدفتر الأحمر نهضت وركضت إلى الحمام فتوقفت لأجد ندى الواقفة عند الباب


وفاغره فاهَ قلت : خير إن شاء الله في شي ..؟



ندى : هاا .. لا ولاشي .. ~ غررررررررريبة ..~.



توضيت ونزلت للمسجد مع حسين وحسن .. و أبيــ .,.,


رجعت البيت وطلعت الغرفة وأنا عاقد العزم على أني ما اناام أبغى أفتح الدفتر وأبغى اعرف

إيش صاار بعدين , طلعت الغرفة , وفتحت النافذة .. شعرت برغبه شديدة باستنشاق هواء

منعش , وقفت أمام نافذتي الكبيرة قرأت الأذكاار ,وجلست على كرسي مكتبي الأبيض وقرأت ..




http://up.arabseyes.com/upfiles/mor18321.jpg

.,..,.,.,.,.,.,.,.,.,.,.,.,.,.,.,.,.,.,..,.,.,.,., .,.,.,.,.,.,.,.,.,.,.,.,.,.,.,.,.,.,.,.

{ داخــــــــل المــــــــــذكــــــــــــرة ..,



سارا : لالالا مافي روحاا , لا تحاولي .. واااا .. لالالا من هناا .. لا لا مو من هنا ..

من هناا .. ههههههههههههههههه نورا تعالي شوفيهااا ..

نورا : حراااام يا سارا . تأذي الحيوانات , بعدين تجري وراكِ يوم القيامة

~ اعتدلت سارا في الجلسة وهي تسيب النملة ~

سارا ~ ببراءة ~ : لالا خلاص ما بأذيها ~ وتابعت وهي تشوف النملة تبتعد ~

طيب ممكن ألحق وراهاا بس محا أسويلها شيء بس بشوف فين بيتهم ؟!..

نورا .: روحي وراها .. بس ها أنتي قلتي لا محا تأذيهــا !!...

قامت سارا وبدأت تلحق وراها وتدور عليها في الأرض .,.

مزون : سارونة هنا في وحده ..!!
سارا وصلت لباب الغرفة وهي تقول :
..: لا لا لا مالي أبغى حقي ديك .. أمم فينهاا ؟! ..
مزون ~ بابتسامة ~ : ما شاء الله سارت حقك ..

قمت بتعب حطيت راسي على رجل مزون ورمت عمر النائم على نورا

: امسكيه تعبانة ....~ أخذت نفس ~قلبي .. يعورني ..

مزون حطت يدها على راسي وهيا تقول ..

: ... لمى أحس ما جاك خير من يوم مارحنا مع أمي عند جاراتنا وجع في

شكلها وهي طالعة نازلة بنتك فيها ويخطيهــاا.. بنتك مرره حلوة .. بنتك ست بيت

ماشاء الله عليهــاا علّهــا باللي منيب قايله ..؟! مو مدح هذا وجعاات توجعها إن شاء الله ..

لمــى : أسكتي لا تغتابيها منّا ناقصين ذنوب .. .. ~ مسكت قلبهاا ~ ..مدري إشبه ينغزني

مزون .: قومي خلينا نروح المستشفى ؟!

اعتدلت في جلستي وأنا أقول ~ بهدوء ~ : مزون اولاً كيف تبينا نروح المستشفى

برجولنا مثلاً ثانيا كح كح أنا أخاف أسوي شيء بدون علم أبوي أموت مرضاً ولا

قتلاً على يد أبويه ..!!

نورا ..: ليش انا أشووف أنوو أحسن انك لو تموتي على يد أبويه أسمنّك شهيدة ..

لمى ~ عضيت شفايفي بألم وأنا أقول ~ :.. شهيدة في عينك ..؟ّ!..

مزوون ~ بضيق ~ : طيب إيش سبب ها الألم الغريب إيش أكلتي شيء ..؟! تروشتي وقعدتي قداام المكيف ..,

نورا : أتروشَت ما أعتقد ،، نحنا مقطوعة المويه من عندنا لها 5 ايام ،، وبعدين إيش دخل المكيف في القلب يعورهاا ..,

مزون ~ بضـــيــق ~ ..: دخلّهاا هوااااا..

نورا ~بعد فهم ~ ..: إيوة ..وانحبس جوه .. فألمهاا ...ههههه ..حلوة بس لا تعيديهاا

مزوون ..: أسكت .. ولا تتدخلي في كلام الكباار ..يـــا صـــغيره
نورا ~عصبت ~ ..: أنا مو ..



{ هزيت رأسي بإنزعااج .} ..: بس أنتي وياهااا خلاااص الولد نااايم .. مزون أستحي على نفسك .. وأنت تضاربي معاها ..

رخت مزوون رأسهاا ودارت نورا وجهها على الناحية الثانية .., فكملت


لمــى : فين جنى ؟؟


نورا : قاعده مع امي وسارا في المطبخ

لمى ~ بمزح ~ : والنمله حق سارا ...

نورا~ وهيا تأشر ع باصباعها على قدام ~ : امم والنملة .,

رفعت مزون راسها وهيا تقول : بناات وحده فيكم شافت أبوي أمس .

نورا: أنا شفته الساعة (12) جااي .. وهوواا يغنــــي ..

نورا لمى و مزون ~ بصوت واحد ~ ..: يغــــــــــــــــــــــــــــــــني

لمــى ..: إش درااكِ يمكن يقرى قران .. أو ..يتكلم مع نفسه ..
نورا ~ هزت راسها يمين ويسار ~ ..: لا يغني .. سمعته يقول صدفة من بين كلــ وحاجة قبل

علقني .. أعتقد .. كذاا

مزون ..: يا حبيبي .. ~ ودارت وجهها~ وأنتي إش دراااك .. بإنها كذاا



لــمى ~ رفعت راسهاا وشعرها الأسود الطريل متناثر حول وجهها الشاحب ~ :

وأنتي تقعد معاهم ؟!

نورا ~ هزت راسها بلا ~ وسكتت~

لمى .: نورا مو عليا ها الكلام .., قولي الصدق .. ومح أسويلك شيء أنتي تقعدي

معاهم .. تسوي زيهم

نورا ..: والله ما أسوي زيهم .. بس أتفرج عليهم , أصلاً ما أعرف .. وأسمعهم وهم يقولو كذاا ,صوتهم عاالي .. بس هم يقولو ليه أقعد عاادي , لاتسيري معقده .,

~وكمات بعدها بجراءة شيطاان ~ ..: ونحنا قاعدين نقول هاذي الكلامات على دق

مو مسيقة يعني عادي

لمى ..:
يعني المسأله عندك مسألة دق ومسيقة , وأنك ما تبي تسمعي .. أقلك عادي هم

بيروحوا جهنم .. روحي معاهم إذا تبي ~ وكملت بصراخ وحدة ~ .. ما كانوا الي

تتكلمي عنو حراام ... وتعرفي ربنا كيف يعاقب الي يسمعو الأغاني في الدنيا ..

يصب في إذنهم الرصاص المصهور ..~ رفعت يدي بسرعة وحطيتها عند قلبي إلي ألمني بشدة ~ .,

~ أنكمشت نورا وهي تضم عمر النايم بين يدينها بقوة , حطت مزون يدها على كتف ~

لمى وتقول .:

نورا أنتي عارف أنو حراام وأكيد الأبلات قالولكم .. صح ..,

نورا ..: إيوة صح ..

مزوون ..: يعني خلاص دارية ما يحتاج تجلسي مع البنات دولا مره تانية..طيب

نورا ..: خلااص طيب والله .,

لمى قامت شالت عمر من يد نورا وحطته فوقها ونومته على جنبه اليمين .,.,وقامت

نورا وخرجت من الغرفة ..

مزون ..: الله يهديك أنتي التانية ما كان في الداعي لكل ها العصبية ..

لـــمى ..: أنا أصلاً معصبه ولمن .. سمعتها طرت فيها بلا هوى .. أففف .. الله يعينا على دي الدنيا ..

مزون .. ~ حطت يدها على ذقنها ~ ..: أبويه الشااايب المنتف يسمع أغاني أجل

تتوقعي الشيااب الأغنياء شيسووو ..؟؟!

لمى ~ بابتسامة ~ ..: يروحو بارات ..

مزوون ..:أعوذ بالله .. لا أجل أبوناا أرحم ..

لمى ..~ بحزن~ ..: ولمن نقوله الله يخليك جيب دوا لـ عمر تعباان .. , خلصتولي

فلوسي شاايفة شي في جيبي ...~ وعيونها تدمع ~ ولمن نقول حتى عيش مافي كيف

نتعشى .. يقول ما في عيش في البقاله خلص الدقيق أحسن ~ نزلت دمعه من عيونها ما مسحتها تركتها .. ~ آآآآآآه ~ الحمد لله

مزون .: وبعدين تبيني أحبه.,.,

لمى ~ حركت يدها بقوة ~ ..: لا لا لا .. مزون مو منك ما أتوقعت أني أسمع هالكلام

منك , مزون هاذا أبوي .. تعرفي إيش يعني أبوي ..أمي تسوي كل ما تقدر عشانها

ما تبانا نكرهوا ... والله نحبه بس لو يحن شوي ..

مزوون دارت وجهها وكنها مهي مقتنعة بالكلام ..

تحرك عمر من فوق لمى وجلس ,, وفرك عيونه الصغير .
.
لمى ..: حبيبي والله .. ~ وبعدت وجهها ~ كح كح كح

دخلت أمي الغرفة وهي تقول .: مين الي كح أنتي ؟!

لمى ..: إيوة بس عشااني عطشانة مافي شيء .,

قام عمر وراح عند أمي وحط راسوا فوقهاا ضحكت مزون وهيا تقول..: شكلوا لسه ما فاق .,
أمي ..: مزون قومي شليه وديه المطبخ في لبن زبادي في الثلاجه أكليه ..

خرجت مزون عشاان تسوي إلي أمي تبغاه أما أنا فــ بقيت أنظر إليها تبغى أن تقول شيئاً .. قولي يا أمي الي فقلبك .. قولي..


.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,.,.,.,.,.,.,.,.,.,.,.,.,.,.

صرااااااااااااااااااااااااااااااااااخ

رناد ..: أســــــــــــــــــــامة ......... ~وقربت من الدفتر بلقافة ~ إيــش دااه

أساامة ~ رمى الدفتر جوا الدرج تحت جهازه الثابت ~ .. حكاكة .,

رنااد ..: ~ بخبث ~ قووول ,,طلع طلع .,, حأقل أميييييييييييييي .. أسامة عندوو

تجرااف ..

أسامة ~ بملل والنوم بدأ يصدع رأسه ..وأنتبه لسلك خلف ظهرها,ولكن لم يعره أهتماماً ~ :.. هي هي هي .. ~ وكملت وأنا عاقد حواجبي و أطالع في ساعة يدي ..~ .: أوووه الساعة 8 ونص .. ليش مانمتي

رنااد ~ شهقت بقووة .. وااي نسيت ..بعد بعد .. ويي .. مافي مكاان خبيني خبيني ..

جريت ع الدولاب وفتحته ودخلت جوه .,...

بعدهاا سمعت دق على باب الغرفة , وفتح الباب بهدوء ..دخلت ندى ..

وفتحت عيونها على كبرها .. عندما رأتني متيقظاً وواقفاً في منتصف الحجرة

ندى ..: السلااام .. أ ا ا .. سمعت او شفت .. رناد ..

أسامة ئ بتعب ~ ..: أقولك أبغى أناام ومني فاايق , دوريلهاا في مكان تاني

~ حسيت أنهاا محرجة من وجودهاا هناا , فستطردت ~ ..: بس لـــيش إش تبي منها

ندى وهي عند الباب ..: ولا شيء بس أخذت الشاحن حق لاب توبي .. وحيقفل علياا ..,

أساامة ~ باستغراب ..: أهاا إيش تسوي على اللاب من صباح رب العالمين ..

ندى .~ بابتسامة ~ ..: أقرى قصة ..

~فجاءة أنفتح الدولاب خرجت رنااد~

وهي تقوول بصراخ ..: سمسم .. سمعت إيش قاالت تقرى قصص أخيراً

أعترفت .. تعرف تعرف إيش تقرى قصص قليلة أدب ..

تغير لون وجه ندى بقوة .. وبدأت تبررلي ..: لالا . سيبك منهاا والله مي قليلة أدب ..أنا أعرف أنهاا مي كذاا .. تعتقد أني قليلة أدب

~ سكتت كرهت تصرف رنااد .. فأجبتها ~ ..: لا .. وعشان كذاا

ألتفت لــرناد الواقفة خلفي بسرعة وبقوة ,ومسكتهاا رسخيهاا بقوة ودفعتها ناحية باب

الحجرة وأنـــا أقول ..: دحينه حتجيبلهاا الشااحن أحسلك .. ~ وتابعت بجديه~ ولا

قسماً ..

رنـــاد ~ بعصبية ~ طيب خلاااص ,, لاتقعد تحلف على راسي ..عشاانك الكبير

يعني تقووم تسوي كذاا ...~ وعيونها تدمع~ طيب أنا بقعد أكلم صحباتي على المسن


.. أففف بقل بابا يشتريلي جهااز مالي دخل ..

رااحت .. ألتفت لــ ندى .. : خلاااص حتجبلك هواا ..

~ خرجت ندى من غرفتي متجه لغرفتهاا ناديتهاا بهمس~ ..:..حرام, جلسيهاا شوية....
هزت راسهاا بــ إيوة ..

دخلت غرفتي أخذت نفس عميق أغلقت النافذة وأنا أحمد ربي ألف مرره على أن

سري الصغير لم ينكشف .. توجهت نحو سريري وألقيت بجسمي عليه بقووة

لأخلد لنــــــــوم عمـــــــــيق

.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,.,.,,.,.,.,.,.,.,.,,.,.,.,.,.,


! [ الجزء الرابع ] !



{ للحزن إزعاج ضج هناا}



قمت من النوم وأنا أحس إني ما نمت زي الناس .. صليت الظهر لأنه فاتني وخرجت من الغرفة أشوف إشبهم ما صحوني للصلاة ..

نزلت مالقيتهم في الصالة .. إذاً في غرفة الطعام توجهت إليها مباشرةً .., دخلت وسلمت على أمي وأخواتي ,,


أسامة ~ وأنا أبعد كرسي ~ ليش ما صحيتوني الصلاة ..

أمي ..: والله صحيتك وفتحة النور صكيت المكيف , وكبيت موية

أسامة ..: والله ما حسيت ,..

أمي ..: أنتا شكلك ما نمت الليل تمام وما نمت بعد الفجر .. عشان كذاا

أسامة ~ بإستغراب ~ ..: أهاا يمكن .. أجل فين أبوية وأخواني ؟!

رناد ..: أبوية أخذهم معاه المكتب .. أحــــــســــن

أسامة ~ أبتسمت وأنا واثق أنها مشكلة جديده من مشاكلهم ~ ..: ليش إيش صاار ؟!

رنااد..: قعدوا يتريقوا على خشمي .. يقولوا كبير ..بالله هذا الخشم .. كبير ..شووف محلاه يهبل ..ولا شعري يقولوا وي شعر أم شلنقح .*

أمي ..: أقول كلي وخلصي بسرعة .. عشان حرام الحرمة ولا أخليكي تغسلي المواعين معاها ..

رناد ~ بسرعة ~ ..: لالالا خلاص .. بأكل ..

أنهيت غذائي سريعاً ..,, يحب أن ألحق بالدفتر الأحمر .. فهو بإنتظاري بالأعلى ..

أمي ..: أقعد ما أكلت عدل ..

أسامة ~ بسرعة, وأنا أحط يدي على بطني ~ ..: لا والله الحمد لله شبعت ..

أمي ..: بالعافية

دخلت الغرفة بسرعة جلست أمام مكتبي .. أخرجت الدفتر برقة متناهية ..وفتحته وبأت أقرأ ..

/

\

/

\








تأملت وجهها الهادئ , وتجاعيد الزمن قد رسمت أقسى معاني المعاناة في ظل عيشة سوداء يلفها الألم من جميع النواحي ..


..: عــــــــــــريـــــــــــس ..


أمي ..: إيوة يا أمي .. جاك عريس وأنتي ماشاء الله عليك سنك سن زواج , وأنا حبيت أقلك قبل ما يقولك أبوك ..
رخيت عيوني على يدها إلي حاضنة يدي فتره حسيت فيهاا أني سعيده .. سعيد لأني

حأحقق حلمي أخيراً أخيراً جاني عريس .. لكني عتبانه عليه تأخر تأخر .., , رفعت عيني مره ثانية لهاا بس هالمرة كنت أحس أن الدموع حتفجر حنجرتي .., ونزلت دمعتي .


أمي ~ أبتسمت بوجع ~ ..: تراا الرجال , غني ومتريش ناااس مرره معروفين .. على كلااام أبوك ,

لمــى .: طيب ...كيف عرفونا


~ أخذت نفس عميق وأنا شفت لمعة عيونها وهي تقول ~ ..: .. عشان أكون صادقة معاكِ وما

تتصدمي بكلام أبوكٍ هم عرفونا عن طريق جاراتنا أم فيصل , هياا تروح تشتغل عندهم كلموهاا


أنهم يبو بنت حلوة ومتعلمة و~ بغصة ~ فقــيرة عشاان ولدناا مرره مشغوول , ومو وجه زوااج ومسؤلية

لمى .~ خلاااص ما اعد أقدر بكييت وسرت أشهق بألم ~ ..: أهاا يبو زوحة تستر عليه وتمشي الشغل وما تعرف للبطر ولا تفتح فمــ م ــهــ هـ اا ..

~ ضمتني أمي بقوووة وهياا تبكي وتقول ~ ..: خلاااص يا بنتي إش نسوي هذي كتبت ربنا لنا ,, و أدعي ربك يساعدك ويلطفبك .. حسبي الله ونعم الوكيل حسبي الله ونعم الوكيل ..

لمى .. ~ صرخت في نفسهاا ~ ..: يا أمي أفهميني حزن العالم ساكن بعيني يا أمي .. أفهميني .. وقفي شوي وطالعيني .. حزن العالم ساكن بعيني .. أفهميني ....


-\/-
-/\-

جلست قدامه وأشرت بيدي بمعى ستوب وأنا أقووول ..: أمي قالتلي كل شيء

ألتفت لأمي بابتسامة ..: أهااا يعني ريحتيني ,

طالع فيه مرره تانية وهو يقول طيب إيش راايك؟؟!!

سكتو ا كلهم ماينسمع غير صووت أنفاسي المتوترة عيوون أخواتي معلقة فيه بخووف ما قدرت أفسره .., معناه..

/
\
/
\


صلحت جلستي وأعتدلت وأنا أقول موافقه يابوي

...:: لالالالالالالالالالالا .... أنت أبو أنتا .. كيف كيف تسمح لنفسك تبيع بنتك تبيع سعااادتهااا عشاان الفلووس

إيــِ من إنسان أنتا صخر ما تحس حت الجماد يحس .. حراام يا أخي حرااااااااااااااااااااااااااااااام

قمت من مكاني بسرعة وجريت ناحية مزون مسكتها بالقوة .


لمى ..: مزوون أنااا موااافقة .., أعقلي ..


قاام أبوي ومسك مزوون من شعرهااا وشده بالقوة وهو يقول ..: أنا أبوو غصبن عنك ياا حقيره ... وبنتي نتخالص أنا وهيا انتي مالك دخل ..

ورماها على الأرض ورااح للباب ووقف و قاال ..: وأنتي التانية ترا النااس بيملكوو بكره .. وباخذوكي في نفس اليووم .. .. ~ وخرج ~


جلست جنبهاا .. مسكت يدهاا دفتني بالقوة وهي تقووول ..: أنقلعي أنتي تبي السعااده موو روحيلهاا ... تبي تعيشي

هاامش تبي تكوني مصدر رزق لأبوكي روووح .. الله لا يربحه ...دنيا ولا آخرا


ورااحت على الغرفة وقفلت الباب طالعت في الباب فترة ..,, غبية بس مع الوقت بتفهم أني مارحت إلا عشااانهم روحت

سالم لغت كل الأماال وسرناا ننتظر الشخص القاادم يجي ويسااعدناا ,, لكن تأخر صح بس لازم أتحرك . ما بقي يا

أختي غير أضحي ..|/

ألتفت للصاله وأنا في نفس مكاني جالسه على الأرض لقيت جنى ونورا يبكوو.. وأمي مي موجوده .. قمت رحت

للمطبخ يمكن أخفف عن الهم الي أعتراني فجأءة ,, ما أدري يمكن للسعادة هم .., يمكن .., صدقوني متاقد ذقت طعم

السعادة ..السعادة إلي أتمنهاها أبغى .. إلى وذقت وراهاا الويييل ..


جلست في الصاله إلين ما سارت الساعة 2 وأنا أبكي وأشكي همي لظلي .. بعدهااا... رحت للغرفه ما جااني نووم


دخلت بشويش .. فرشت سجادتي بأصلي .. وجهت وجهي للقبله وصليـــت الوتر ..ودعيت ربي بإن لو ها الزوواج فيه

خير لي أنه يجيبه وقربه لي ولو شر يبعده عني وأنه يثبتني ..

أنسدحت في مكاني ,, ودموعي على خدي ..,, قررت أن من بكرة لازم أكوون قوية .., ما أبكي ولا أشكي لأحد بكاي وشكاي لــربــي وبـــس .....


سمعت أنينهاا الخافت قربت منها عشاان أشووف وجهها .. أنصدمت بدموعها على خذهاا ..


آآآآآآآآآآآآآآآآآآآآآآآآه ليش يا مزوون ليش تتعبيني معااك ليش أرحميني وأرحمي حالك ...

سمعت أذاان الفجر يتردد في المكان ونزلت على قلبي رااحة غريبة حسيت بحلاوة تسري في جسدي .. قمت عشاان

أجدد وضوي .. وبعدهاا صليت ,, رحت على غرفة نووم أمي عشاان أصحيها ..,,

لمى ..: أميـــ يالله صلاة الفجر

شويه ورجهت دقيت الباب مرره تانية .. ورفعت صوتي ..: الصـــــــــــــلاة خيـــــــــــراً مــــن الــــنــــوم .. قوميـــ ,,

رحت على الغرفة فتحت اللمبات وصرخت ..::

لمـــى ..: يالله قوومووا ,,,,,,,, قوموواا صلاااااه

رحت لجنى وشديت شعرهاا بشويش .. قووومي .. أقولك صلاااة .. أتحركِ شوفي الشمس حتطلع ..

~ وجرتهاا من يدهاا بالقوة ~ .. هومي ..

جلست جنى ~ بطفش تقول~ ..: بغيب .. ما ني راايحه ~ ورجهت نامت

لمى ..: قومي . هههههههه يا هبلة اليوم خميس .. قومي

جلست جنى وشعرهاا محووس ..: أفففففففففففف بلا قرف ,, ما تخلو الواحد يناام


لمى ..: قومي للصلاة وبعدين أنخمدي زي ما تبي ..


قامت وراحت على الحمام وأنا خرجت أتأكد إذا أمي صحيت ولا لأ .. لقيتهاا قاعدة تصلي ..

وبعد ما خلصت صلاة .. سلمت على راسهاا
~ بابتسامة ~

..: صبـــاح الخير يا والدتي ..

أميــ ..: صباح النور وسرور ... ,, لا بااين النفسية تمام ..

~ إتسعت إبتسامتي .~ عال العال


أميــ ~ رفعت يدينها ~,: الله يوفقك يابنتي ويسهلك كل خيــر .. ها صحيتي أخواتك ..

لمى ..: بالقوة صحيت جنى ,

أمي ~ بتودد~..: إيوة يا بنتي لا تزعلي من مزوون ومن الي سوته .., تراها تحبك وتخاف إنك تورحي وتنسيهاا..

لمى ~ بتفهم .~ .:: داريه .. ومصيرها تحس بساخفت تفكيرهاا ..,, وبكرة نضحك عليهاا سوى ... ~ وأبتسمت ~


خرجت جنى من الحمام ( الله يكرمكم ) ..

أمي ..: جنى يا حبيبتي صحي سارا للصلاة

جنى ~ بطفش~ ..: مو دوري مي بنتي خلي أمها تصحيهاا

امي ..: معليش أمهاا خلاااص صارت عروسه أنتي إلي حتسيري أمها بعد لمى ,,

جنى ..: الله .. ومتى نزل القرار ..

أمي ~ قامت ~ ..: دحينة ..

جنى ~ راحت على الغرفة هيا تتأفف ~ ..: ياربي دحينة نص سااعة تصحى ونص ساعة في الحمام ونص ساعة تلبس

الشرشف ..,, ونصلي الساعة 7 ونص ...

لمى ~ بحنان ~ ..: حفتقدهم ..

أمي ~ أتوجهت للقبلة ~ ..: لا تقولي كذاا إيش قلنا من شوية ..


لمى رحت للغرفة وانا أسمع مضاربة جنى وسارا إلي ما كأنوو في أحد يصحيهاا .. حسيت بالنوم .. أنسدحت على

فراشي .. ونمت

صحيت الساعة 3 ونص ...

لمى ~ بفجعة ~ وااي

رحت الحمام القريب ن الغرفة بسرعة توضيت صليت العصر رجعت الغرفة كانت نورا جالسة تدور على شيء .. صليت الفرض بس ..

لمى ~ بإنزعاج ~ ..: لييييييييييييييييييييييييييش ما صحيتوني

نورا ~ إلي كانت مديتهاا ظهرهاا ~ ..: يا أمي ... بسم الله .. بشويش ..

لمى ~ قامت ~ ..: ليش ما صيتوني شوفي الساعة كم ..

نورا ..: أسكتي الساعة دوبهاا 1 ونص ..

لمى ..: بلا إستخفاف ,, الساعة 3 قدهاا ..

نورا ..: يا حمارة الساعة دي مخرفة ..


لمى ~ حطيت يدي على قلبي ~ ..: أشوى خفت أكوون مأخرة الصلاة ..

نورا ~ ترجع تدور ~ ..: شفتي فيين دفتر العلوم ؟!

لمى ..: لأ مدري ..أمي فيين ؟!

نورا ..: في المطبخ ..


~ رحت للصالة شفت جنى وسارا في الصالة يتفرجوا سبيس تون ..,, جلست معاهم ,, شوية بعدها طفشت قمت بروح

لأمي .. يمكن تحتاج مساعدة .., دخلت المطبخ لقيتهاا بغرف الأكل و مزوون تسااعدهاا ..

لمى ..: تبوو مساعدة

أمي أبتسمت هلااا والله يا قلبي .. متى صحيتي ؟؟!

لمى ~ بابتسامة ~ ..: دوبو


أمي ~ تكمل ~ ..: أهاا .. طيب ترا خلاااص خلصنا بس فرشي السفرة ...


أخذت سفرة من يدهاا وأنا مستغربه صمت مزوون الغري لا تكوون لساتهاا زعلانة


المهم جلسناا على الغداا وجاا أبوية الكل كاان ساكت ما ينسمع غير تخبيط الصحون والملاعق ..


أبويه ~ قاطع صمتناا ~ ..: هاا يا بنتي خلاااص خلصتي الرجال والشيخ بيجوا العصر .. لا تفشليناا ..

~ أنصدمت بـ ها السرعة العصر ياربي ,, خلاااص لمى أنتي إلي تبي وموافقة فكري بإنك حتسعديهم ~

~أبتسمت ~ ..: لا أبشرك مخلصة كل شيء ..


أبوية ..: إيوة بس تراا مو لازم تأخذي كل ملابسك يكفي شنطة صغيره للمرره ضروري ..

لمى ~ بغصة ~ ..: لـــيش ..؟!

أبوية ..~ كمل بإبتسامة ~ ..: هم نااس أغنيااء .. وبيدوكي من خيرهم .. وبعدين خلي ملابسك لأخواتك يستفيدوا منهاا

كحت جنــــــــــى وقاامت على المطبخ بسرعة .. ولحقتهاا نوراا .... وأمي تلعب بالملعقة على السفرة


~ وألتفت نا حية مزوون إلي نزلت عيونهاا بسرعة على أكل وعملت حالها ما سمعت ~ ..

حطيت الملعقة وانا أصلاً مو مشتهية أكل قمت رحت الغرفة حطيت ملابس في شنطة .,, وحطيت شوية على قولة أبويه ..~

حسيت بالوقت إيمشي بسرعة ياااااااااااارب رحمتك .., أذان العصر .. ما أدري كيف صليت ...بعد الصلاة وخرجت للصالة ..

لقـــــــــيــــــــــــــــت أمـــــــــــي وأخواتي جالسين قدام التلفزيون هاذئيين بطريقة مخيفة أباهم يتكلموا يمزحواا يقولوا شيء ينسيني .. لكن بدوون فايده

أمي ~ إلتفتت عليا وهي تقول ~ ..: خلصتي ..

لمــى ~ أخيراً حسيتوا أنو في أدمية مرزعوه هناا ~ ..: إيـــوة

أمي ~ بهدوء ~ ..: أهااا .. طيب كوليك شيء قبل ما تروحي ترا ما تغديتي زي النااس ..

لمــــى ~ هزيت راسي بــلا ~ ..: والله مو مشتهية أكل شيء ..

أمي ~ رجعت وجهها للتلفزيون ~ ..: بكـــــيــفك

~ بكيفك ....... ياربي تقوول بكيف .. أمي بالله زني علياا .. حسسوني بشيء سعيد .. ياهوو أناا ماشية ~

دخل أبوية ومعاه الدفتر المشؤوم أخذت القلم صدقوني مافي شيء يحفز أني أمسك القلم غير وجه أبوية السعيد سعادة


حسيتها صادقة طالعة من قلبو فرحت لأني أسعدت رغم دموع البقية لكن مع الوقت بيفرحوا وينسوا اليوم دا..

وقّعت وإتمنيت أن الزمن يوقف هناا عند هذي الجملة جملة..:: ألبسي عبايتك عبال ( خلال) ما أودي الدفتر ..

دخلت الغرفة بخووف وأنا أقاوم دموعي ما أبغى أنهاار وهم مو ناقصين ..,, خفت تكون مزوون جوه لأني أحس أني

حنتهي لو شفتهاا ويمكن أخرب كل إلي قاعدة أبنيه وأخطط له..

لبست عبايتي وحمدت ربي في سري أنهاا مي هنا ..

خرجت ووقفت في الصالة ما أبغى أطول أبغى أرووح بسرعة من قدامهم ,, دخل أبويه كأنه حس أني أبا أمشي

بسرعة ..

أبوية ~ بابتسامة ~ ..: يالله يا بنتي مشينا ..

سكت ألتفت رحت لأمي وقفت قدامه وهي قاعدة سلمت على رأسها ومسكت يدها وشلمت عليها وجه وقفا .. كانت ثابتة


كأني ماني قاعده أسوي شيء أتأثرت لييييييييش حسسيني بأنك تبيني ما تبي تفقديني .. حسسيني ..


ضميتهااا بقووه غمضت عيوني لمن سمعتهاا ..تصيح أمي لالا يا أمي إلا دموعك .. أكرهاا حيييل مابيهاا .. أحس بي

مخنوقة ما أبا أبكي..



مخنوقه يمه و أحس الخنقة هدتني
مكسور قلبي وعيني مادري وش فيها
ودموعي اللي غصب عن عيني بكتني
مليت اغمض جفوني لاجل اداريها

..لمى ~ بالغصة~: خ ـخـلاص والــله برجــ عــ ع ,,

.أمي ~ وهي تشهق ~.: يا بنتي أبكي حظك ..آآآآآآآه حظك .. فكري بالك يا

بنتي .. وخليكي قريبه من الله كثيير .. ~ وهي تحضن وجهي بكفيها ~ قولي
الحمدلله ..

لمى ~ ابتسامة صفراء~..:الحمد لله, إن شاء الله إلي تامري به ..
قمت وأنا ما أبغى أتحرك من قدامهاا ما أبغى أروح ودمعتهاا على خذها , ضميت سارا إلي كانت تبكي بصوت عالي ..

وبفجعه

سارا .~ وهي تمسك في عبايتي ~ .: لا تروحي ,الله يخليكي لا تروحي ..

لمى ~ وأنا أسحب العباية وأضمها بحنان ~ ..: يا قلبي أنت ,, برجع برجع .. وبجيب لك معي حلاوة..

سارا ~ خفت صوتها ~ ..: أبغى كندر ..عشان أقهر فطومة صحبتي ..

لمى ~ أبتسمت وضميتها لصدري بالقوة ~ ..: خلاااص كندر.. كندر ..

سلمت على جنى ونورا بهدوء كانوا ساكتين الأثنين بشكل غريب صافحوني لكني سحبتهم وضميتهم ..:: لا تنسوني ..

~ أخذت نفس وأنا أقارب تعابيره إلي على وشك البكاء ~ ..: وبأزوركم .. إذا الله أراد ..

لفيت ناحية أبوي إلي وصلت عنده كان شايل شنطتي مشيت نزلت لحوشنا الصغير .. طالعت في كل مكان .., كل شيء


كان ودي أوقف عنده أسلم عليه أحضنه لو أقدر..

وصلت لباب الحوش لكني حسيت كأن أحد كب عليا مويه باردة .. في شيء نسيته ..

مزون .. ألتفت على باب البيت شفتهاا تطالع من طاقة ( نافذة) المطبخ .. ولمن شافتني راحت بسرعة ..

جريت ناحية الباب سمعت أبويه يزهمني(يناديني) لفيت أشرت بـ يدي " أصبر شوية " فتحة الباب بالقوة .. وعلى

المطبخ على طول ..دخلت وبدون ما أضيع وقت لفيت يدي عليها وضميتهاا ..,, بكيت بالقوة لدرجة أني بعدتهاا ..

..: أفآ .. مزون مزون ..لالا.. ~ وصرخت بالقوة أدفن رغبة البكاء إلي بغيت تجيني ~ خلااااص ..أنتي الكبير منهم


دحينة لازم تكوني قـــــــــــوية .. خلاااص ..

~ أخذت نفس وأنا أحس أن أنفاسها هدت بعكسي تما ماً ~ ..: مزون أنا لازم أروح .. لاأوصيكي على البيت .. وأمي


وأخواتي ~ وطالعت في عيونها مباشرة ~ .. كوني قوية ..,, ولا تنسيني ..




~ سمعتها تهمس بإسمي ~ لكن كملت طريقي للباب .. وسرعت في خطواتي

حسيت بشخص يسحب عبايتي لمن توسط الحوش ألتفت ..لقيتها سارا تقول ببراءة ولمعة عجيبة في عيونها ..: جيبي كندر كمان عشان مزون ما تبكي ..

نزلت وحضنتهاا .. وقلت والعبرة تخنقني ..ونزلت دموعي لها: سارا أنا أحـــــــبـــــــــك ..

سارا ~ ومسحت دموعي بيدها الصغيرة ~ ..: إلي يحب سارونة الحلوة مايبكي ...صح

لمى ....:: صحين

أبوية ..~ بعصبية ~..: سااارا أنقلعي جوه يالله أشووف ..وأنتي خيير سنة سلاام .. ماسارت ..يالا بسرعة ..




وأنا أغطي وجهي لأن أبوي طفش مني وأتهزئت ....



ومشيت وراء أبوية للسيارة الفخمة زي إلي كنت أشوف بعض الأبلات يركبوها جنب المدرسة .. بس هاذي مايبان إلي جوتها مررة..











* أم شلنقح ..:: شخصية خيالية كانوا يقولولنا هيا ونحنا صغار عشان ننام بسرعة أو أننا ما نقرب من الأماكن البعيده والخطرة .. وهي تاكل ا لصغاار ..



![ الجـــــزء الخــــــــامس ]!


{ بســم الله الرحمـن الرحيـم } ..



\

/



{ مـدخل .. ~

قمـة الصبـرـر أن تسـ ك ـت
وفـي قلبكــ جـرـرح يتكلمـ } .. ~




أخذت نفس عميق يوم فتح أبوي لي باب السيارة .. يارب إنك تساعدني حسيت للحظة بس أني ملكة ...السيارة كانت

حلوة حلوة حلوة بشكل ما تتصوروه .. >> ( لكزس 2007)

ركبت السيارة الباردة نسبياً كنت خايفة لدرجة أني مارفعت راسي أطالع في الأشخاص اللي قدامي .. أممم حسيت بــ

شخصين واحد فيهم خرج وما بقي غيري وإلي في مقعد السايق ..


فجأءة شهقت لمن فتحت الطاقة وطل منها وجه أبوي وهو يسلم على راسي ويقول بهمس ..: لا أوصيكي يابنتي ..

أنتبهي على نفسك .. >> استغــلال لا أكثر ولا أقل ..

خنقتني العبرة .. يعني خلاااص مافي أمل أتراجع يارب ساعدني يارب ساعدني ..قفلت الطاقة ( النافذة ) حسيت معاها ..


إن حياتي إنتهت أغلقـت تماماً .. بلا عودة ... هاهي تضحيتي بدأت .. ولكن هناا فقط ولن أقبل بــالمزيد ..



×..؛ ماتقبلـت الفـراق مـا ليـدي فيـه حيـلـه
آه لو ان الظـروف المقبلـه تكشـف قدرهـا

لو يعرف الشخص منّا وش مع الغيب ابيجي له
كان جنبنا المشاكل من قبـل يوقـع ضررهـا

ما هقيت الليله اللـي جابـت الفرقـا طويلـه
لين صارت ليلة امس بعيني اطول من شهرها ..؛×





رخيت رأسي وسرت أطالع ليدي إلي فحضني وصل لأذني دخول الشخص الثاني .. للسيارة .. تحركت السيارة بهدوء



كنت أحس برد شديد مع إرتجافه تسري في عظامي ومن الخارج العرق يصب مني بشكل مو طبيعي ..

إنتفضت من مكاني يوم سمعت بوري ( بوق ) السيارة وبعدها بدقايق أنفتحت البوابة ودخلنا إلى فناء كبير نوعاً ما


وتتوسطه نافـورة على شكل سمكة والماء ينزل من فمها.. رحنا للمكان مضلل وقفنا هناك .. وبعد كل داا الوقت أنا ما


تجرأت حتى أني أرفع عيوني للمقعدين إلي أمامي .. بـس سرقت نظرة وحدة وبعدها حرمت ارفع عيني مرة ثانية ..



واللي شفتــو إنه كــان متكشـخ وأسمــرآني و بـس .. بعدها رخيت عيوني بسرعـة ..

فتحت أبواب السيارة وأنفتحت لمبة ( ليات , نور ) فوق رأسنا خرج إلي جالس قدامي .. كنت خايفة مابقي غيري

والكاشخ .. إش أسوي مني عارفة ؟! ..


{ تركنــي ابن اللذين آمنــو .. والله ماني عاارفة هادا البيت ولا .. ؟! أخــرج .. لالا أخاف أتفشل .. أقعـد .. بس خآآآآيفة .. } ..

دق قلبي بقوة لمن وصل لأذني ..


صوت رجولي حااد..يقول ..: أخـــــــــرجي ..يلاا ..


وما ستنيت ولا ثانية وحدة فكيت الباب وخرجت بسرعة رفعت عبايتي على رأسي وأنا أرتجف وعيوني في الأرض ..


كنت حاسة بأحد يطالع فيّ لكن أنا ما رفعت عيني عن الأرض .. حسيت الشخصين مشيوا .. أمشي وراهم ولا لأ ..


يمكن يبوا يتكلموا في شيء ومايبوني أسمع وأنا أسوي زي الهبلة وألحقهم ..لالا.. بس يمكن .. ويمكن ..



...: حطـــــــــــــّولي

لمى ( بفجعه ) ..: هااا ..لالالا ~ تحركت بسرعة من قدامة

ومشيت من ورى الستيني .. وأنا أطالع في ظهره .. دخل العجوز وإنصك الباب وراه .. أسرعت خطاي

فتحت الباب بشويش وأنا أحس بــ { الكاشخ } ورايا .. وصلت لصاله كبيرة ما قدرت أوقف أتاملهاا كثيرر .. والله


أنيه كنت خايفة .. ومب مستوعبة .. أي شي .. بسم الله .. بسم الله .. يارب اعنّـي .. يخوووف البيت .. وجعات إن


شاء الله كبييييييييييييير كبر كبييييييييير كبر بس لا أحسدهم .. ياااربي أرحم ضعفـي .. ماابا ابينلهم إني غبية .. ولا


أبينلهم إني وحدة ماصدقت على الله تدخل محل زي كـدا .. يا لمـى يا لمـى لا تفكري كثيييير .. واللي يسيـر ...... إنت منتي غبية .. إيوة أنا قوية .. قوية .. يارب أعني .. أنا قوية ...


\
/
\
/


وقفت في الممر وأنا عيوني على الأرض .., حسيت بأحد وراي ويد تدق كتفي ..: يالله تعالي ..,



كان ( الكاشخ ) زي ما سميته رحت لمكان ما كان رايح .., وسمحت لعيوني إنها تتطالع في ظهره



واو ... طويييييييل وعريض بشكل مو طبيعي و أ ...


...: أآآآآآآآآآآي


...: طالع قدامك وإنتي تمشي


فشلة ياربي مارفعت عيني عن الأرض حسيته يطلع مفتاح فتح الغرفة ... وألتفت لي وقال ..: أدخلي يا ...


لمى .: لمى


الكاشخ : يا لمى ... هذي غرفتك ..

لمى ..: أهاآآ .. طيب أ ~ أقول شكراً ولا أسكت ... لا لا بلا هبالة شكراً إيش إنتي كمانه ..بـ س ..~


قطع علي تفكير صوته . .. وهو يقول ..: هاذي غرفتك زي ماقلت وياليت تكوني عاقلة زي ماقالولي ~ وتابع بسخرية

~ يعني زي منتي شايفة نحن ناس كبارية .., ولو سمحتي مانبي فضايح ... وألزم ماعلينا سمعتنا وغيره لأ .. .. أوك ياشاطرة

سكت ماعرفت إيش أقول أصلاً وهوا سكت كنه نار في جوفي متولعة ... وجع في شكلك...قال كبارية قال .. ماااالت ..

لمى ... ببرود وهدوء ..: أهآآآ .. والله طيب إذا تذكرت شي تاني أرسلي وحده من الخدم ..

دفيت باب الغرفة الي فتحهاا وأنا أحاول إني أهرب من قدامه لأني عارفة إني إذا طولت محا أقدر أمسك نفسي أبداً ..


دخلت غرفة مو كبيرة مره ولا صغيره مره .. حلوة هادئة لونهاا كان أزرق فاتح في ركنهاا طاقة ( نافذة ) كبيرة تبين


نص الشخص إلي تفرج ( يوايق ) منها يبان للخارج .. كانت مليااانه بلـ/ ـورود المجففة المنتشره في الأرض وعلى


الطاولات وقدام المراية بلون الأزرق التركواز والأسود .. بشكل حلوو .. وريحة الغرفة حلوه ..


وأنا أصلاً أتأثر من الروايح الطيارة ( المنتشرة ) .. وصدري صاار يعورني من الريحة ... يارب مني خالصة من البلاوي أنا ..


أتذكرت شيء إلتفت للباب مالقيت أحد .. بسم الله فين رااح هذاا دحينه.. أففف كيف أعرف القبلة ؟؟ .. بس طز ..,

رااح أحسن أنا أصلاً مرره حرانه .. ,أففف رحت للباب قفلته بشويش ... وفكيت عبايتي بهدوء وقفت قدام المراية


الكبيرة شعري كان لاصق في راسي .. شكلي مبهدل لابسه تنورة سودا طويلة وبلوزة بيضاء.. طيب هذا أعدل ( أحسن ) .. شي عندي لبسته ..


\

/

\

/


مرر وقت من الزمن أحس كني أتراميت في سجن محد جاا .. الدنيا أظلمت ولا أحد عبرني ولا حتى سمعت صوت أذان

وسرت زي الثلج ..فيين الناس ..أبا أصلي الساعة سارت 8 مزبوط ( تماماً ) قمت لبست عبايتي .., ونويت أني أصلي على أي قبله .. وفجاءه ..

~ أنفتح باب الغرفة ودخلت حرمة ( سيده ) متينة نوعاً ما ... للحظة الآولى بانت لي إنهاا شرانية ...بس تعوذت من

إبليس دخلت ولا عبرتني راحت سيده ( ع طول ) للدولاب .. وراهاا كانت وحده ثانية بااين إنهاا شغالتهم .. حطوو ملابس وصكت الدولاب خرجت الشغاله ..

وبقيت هي أنا لصقت في الجدار أطالع فيهاا .. أما هياا طالعتني من فوق لتحت وبعدين قالت

... : إسمك لمى .. هاا .. ~ ماانتظرت اني اجاوبها ~ .. اسمعي جبتلك ملابـس .. البسيها .. طيب ..!!

لمى ..: أهاا طيب ..

مشيَت وهي رافعة طرف جلابيتها الفخمة بشكل صابني ببلاهة ..للـ / الباب وبعدين وقفت وسألتني ...,,

..: ليش جالسة بالعباية ..؟!
لمى ~ بارتباك ~ ..: بـ بـاصلي ..

..: أهااا .. يمكن أرسلك الخدامة تقولك أنزلي .. !!

هزيت راسي بطيب ..,, بعدهاا قلت

..: لحظة لوسمحتي ..

إلتفت لي بهدوووء قاتل ..: هلااا ..

.. ~ كرهت الشعور إلي جاني ذاك الوقت كرهته بشكل ماتتصوروه ~ ..: أأأأ ..كيف القبلة ..؟!

سكتت فتره وأنا واثقه إنها تأملتني تمام فيهاا وأنا عيوني على الأرض ..: لفّي شوية

لفيت .. كملت ..:: لالأ يمين ..

لفيت وجهي للأتجاه إلي قالتلي هوا وانا متفشلة بعدهاا قالت وهي تقفل الباب ..: إيوة كذاا

كبرت وصليت خلصت صلاتي وأنا أحس بالعبرة خانقتني ياااناااس كانت في عيونهاا نظرت شفقة شفقة ...,, صح كانت

هادئة بس كنها جات تروزني ( تشوف كيف أخلاقي وشكلي وحركاتي ) .. ونظره دي مابانت إلى مع آخر جملة قلتها ..

بس لأ ..,,أباها تكوون شريرة أبااهاا تكرهني ولا تشفق علياا ... يااارب أبهاا تكرهني ما أبا منهاا شفقة .

أنسدحت فوق السرير الكبير ضايقني في البداية لاني مو متعودة وحسيت بدمعة .. كنت خايفة من الجاي .. بس

حاولت ماأفكــر كثيـر .. واريح قلبي وعقلـي .. واللي كاتبه ربـي بيسير .. { عَسَـى أنْ تَكْرَهُـوا شَيْئـاً وَهُـو خَيْرٌ
لَكُـم } .. درت وجهـي للناحية الثانية .. وسميت .. ونمـت ..


\

/

\

/


صحيت على دق خفيف على يدي فتحت عيوني

..: يالله قووم مدام يبقى إنته تهت دهين أشاا ..

عـــــــــشــــاا ياأإأإربي الساعة 12 وأنا نايمة قمت بألحق الشغالة خفت أضيع ..

نزلت ورارها وقلتلهاا توريني مكانهم ... نزلت بدون حتى مـا أطالع شكلي في المراية .. حسيت بحماس غريب وجراءة

مو طبيعية أناا إلي بغيت ها الشيء أنا لازم أكون قّدّه لازم ما يكرهوني عشان الفلوس توصل لهلي تمام وبإنتظام ..

دخلت لغرفة كبييييره مره .. يتوسطهاا طاولة طعام فيها مالذ وطاااب كاسات فيهاا عصير >> احلفـي طاولة طعام اش تبي فيها ممكن يكون ؟! ... وصحوون ومدري إيش ..


فتحت عيني على النـص عشان ماأبا ابين لاحد اني غبية .. لاني شفت الحرمة الكبيرة ومعاها بنت ع اليمين .. أو مرة أشوفهـا ..


..: تعالي أجلسي ..

قالتهاا الحرمة الكبيرة .. تحركت من وقفتي المذهولة وجلست جنبهاا على الكرسي .. وطالعت في الصحن البراق إلي قدامي يلمع و فااضي ..

..: ليش مالبستي إلي جبته ..؟! ..

..: ها .. مدري نسيت .. لأنـي كــ ن ــت .. خلاص .. مدري ..

التزمت الصمت العجوزة ..

.. مدري يصيبني حالة من الخبال و البلاهة لمن يكلموني أنسى الكلام إلي بقوله أتلخبط بشكل غبي ..,, أقهر مره

وبدت عيني تجول في أصنااف الأكل كلهااا مشهية لكن أنا مالي نفس أكل أي شيء ..

.. جات جنبي شغاله ثانية شالت صحني وبدأت تغرف لي .. ورجعت الصحن قدامي ملياان أكل ..

أخذت الشوكة وقلت بهمس ..:: وجع كل ذا شوكة .. ثقـيلة

رفعت البنت إلي قدامي راسها وقالت ..:: تكلميني ..

طالعت فيها ببلاهة ورديت ..:: إيوة ..قصدي ~ وهزيت راسي بنفي مايتناسب مع الموقف ~ ..: لأ لأ ما كلمتك ...

ناظرتني فترة ونزلت عيونها وكملت أكل بهدوء ..

أكلت لقمة شــبعــــت إش حاطين في أكلهم لقمة بس وشبعتني .. بعدها بدقايق دخل نفس الرجال العجوز وراه الكاشخ وجلس في رأس المائدة المقابلة للسيدة ..

حطيت الشوكة وأنا أحس نفسي أنسدت أكثر من هي مسدودة أصـلاً ..


حسيت بنظرات العجوز تحرقني ..~ والله لو دريت إنك هنـا .. كان مانزلت .. عسى عمري ماتعشيت .. ~

أصلاً ما كان عندنا وجبة عشا كنا كل واحد من ياخذ وصلة ( قطعة ) عيش ياكلها وينخمد ( ينام ) ..

جلست دقايق أهز رجلي بتوتر .. خلاااص بقووم تأملت الصحن الي قدامي .. و طفشششششششششششت ..

واللي يطفش أكثـر كانو كلهم ساكتيــن ..

...: كـــلـي ليش وقفتي ...،،

انفجعـت : أ أ أ خ ـخـلاص ش ـشــبعـت ...

قمت من فوق السفره ما أدري بس شفت الدرج قدامي جريييييييييت .. جري على فووق ..

ومشيت بسرعة في الممرات حسيت كني أهرب من شيء .. ما أدري إيش هوا بس نظراتهم لي كانت مؤلمة مابين شفقة الأم ونظره غريبة في عين الأب .. وبرود في عين البنت ..

أما الكاشخ فما كان يطالعني أصلاً ما يقدر يحط عينه في عيني ..

كان عقـلي مشغول وافكار تجي تروح ,, مشيت ومشيت ومشيت ..إهـب كل داا بيت.. فين .. أ أ أ .. نسيت مكان غرفتي ؟! .. وياااربي .. كل الأبواب تتشابه !! ..

أهااا إيوة هاذي هيا غرفتي فتحت الباب وأنصدمت ...:: وي دا حمام ~ الله يكرمكم ~ ..

خرجت وكملت مشي وقفت قدام منظر ذهلني .. مو بس كذا بس صدمني حديقة حلوووه حلوووه حلووه .. قدامي درج بنزل لهاا ..


توسطهاا مسبح ... يااي نفس إلي كنت أشوفه في كتاب التدبير .. بالتمام ..

مسكت الدربزين وقلت ..: أبنزل .. يجنن والله ..

..:: ماينفع دحين .. برد ..

..شهقت وأنا ألتفت ببطء ..:: أ أ أ ســ س ــفة .. إنت ... !!




{ أسامة مازال يقرأ ..؟؟ ومازال التشويق مستمراً ..؟؟ }




{ مخـرج .. ~
من رام مايحنى لغير
الله الراس يفعـل
ولو جاه الردى
في محله }.. ~


![ الجزء السادس ] !






مدخل { ..بقايا ألم في داخلي تهذي .., }




مدت يدهاا تصافحني .. مديت لها يدي فجرتني ونزلنا تحت ..

..: أنا رتاج ..

مشيت وراها إلى المسبح جلسنا قدامة على كراسي بيضه (بيضاء ) حاولت إني أغطي على إرتباكِ شويه فقلت بصوت

مخنوق ..: بيتكم حلو ..

سكتت وعم الهدوء بيننا لفترة حسيت إنها ماسمعتني بعد ما جلسنا رفعت هيا راسها لسما وأنا ظليت أطالعها بعدها

طالعتني وهي تقول ..: هذا حــلــو ..

لمى ~ بشك ~ ..: إيـــوة ماشاء الله كبير و وهذا المكان بالذات يجنن ..

رتاج ~ ببلاهة~ ..: اللحين إنتي تتكلمين جد .. ؟!

هزيت راسي وعلامة إستفهام كبيرة ترتسم مستغربة هبالتها .. : إيــوة .. والله ..

رتاج ~ قاطعتني ~ ..: أذا هذا كان حلو إنتي وين كنتي عايشة ؟؟!!~ تابعت ~ .. بيتنا عاادي مرره مافتي القصور الصح ..

لمى ..: أهاا ..

رتاج ~ بتساؤل ~ ..: كـــم عمرك ؟!

لمـــى ~ بابتسامة ~ ..: 23 وإنتي ؟!

رتاج~ وملامح إستغراب على وجهها~ ..: والله إنتي ثلاث وعشرين ...مرررة مو واضح ..

لمى ~ بنفس الأبتسامة ~ ..: ليـــش ؟!

رتاج.:ما أدري وجهك ذابل والتعب بااين على ملامحك ..

لمى ~ بتفكير ~ ..: يمكن لأني قلقانه ومانمت تمام .. عشاان كداا ..

رتاج ~ بضحكة ~ ..: لا والله يا حبيبتي كله إلا النوم ما أحد يكلمني لو جاني النوم في الشارع أنسدح وانام مايهمني
فأحد ..

أكتفيت بالأبتسامة وهزيت راسي إستغربت منها لبسهاا الفاضح ورغم إنه يكشف أكثر ما يغطي شفاف مدري وش بقي

ما باان حسيت إني مستحيه أطالع فيهاا .. وهي بها البس وبعد دقايق وصل صوتها بس بهدوء هالمره وهي

تقول ..:ما أدري أحس إني مستحية منك مرره على الطريقة على جيتي بها بيتنا ..أنا تعهدت من سمعت أمي تكلم أم فيصل إني أوقف معاكي .. وأكون بجنبك وأساعدك صدقيني خالد محاا يجي البيت اليوم شفتي على العشا لأنهم جابوكي اليوم لكن ~ ومدت يدها تمسك يدي وأنا مارفعت عيني عن الطاولة..
كملت تقول ..~ ..: تراه مايجي غير في الشهر مره إذا نقصت عليه الفلووس .. وتـــرا أنــ

..: رتاج ..

إلتفتنا ناحية الدرج وقعت عيناي على بنت تنادي رتاج بينهم شبة بس مرره بسيط خمنت إنهاا أختهاا

نزلت البنت وقربت من مكان جلوسناا وهي تقول ..: رتاج جوالك ..

أخذت رتاج الجوال دارت البنت وجهها عليا مدت يدها سلمت وقالت .. : مين أنتي ليش جالسة هناا ..,,, ..

وطالعت في رتاج وكملت بصوت منخفض لكن مسموع ..: هذي شغاله جديده شكلها عجبتك ولا أيه ..؟؟!!

هزت رتاج الممسكة بالجوال وجهها بقوة وأشرت لــ ثانية إنها تسكت أنا رخيت عيوني وتشاغلت بالنظر لأظافيري..

ألمتني الكلمة وعورت قلبي أدري دخولي عليهم .. بالفعل زي جيت الشغالات بس الفرق أنا راتبي يروح لأهلي ..

الشغالات يجيهم وبكيفهم إذا بيرسلو لأهلهم يرسلوه ..

لمى ... إنتي إلي تبي أنتي أستغنتي عن سعادتك مقابل سعادتهم لمى أنتي تبيهم يعشوا زي هذولا الناس ..ياليتهم يجوا

يشوفوا المسبح .. يلعبوا وشوفوا الأشجار و الورد ~ غصب عني دمعت ما قدرت .. وحشوني وحشوني هلي ..

/\/\/\/\/\/\/\/\/\/\/\/\/\/\/\/

..×..قمري على الأغصان زعل ما نماتي ..

بــ صوته الفتان أسبلت عباراتي ..

ماقلت له لـيش غيرت حالاتي ..

ذكرتني الأزمان أيام راحتي ..

قال إنني حاير والعقل قد ولى ..

والدمع كالماطر من عيني النجلا ..

ماينشرح خاطر من فارقى الأهلى ..

يـــــــــا نــــــــــاس أنــــــــا الــــــــولـــــهــــان عــــرض بــحنـــاتــي ..×.. *
/\/\/\/\/\/\/\/\/\/\/\/\/\/\/\


..: ألــــــــو معانا ..لمى

~ قطعت أفكاري صوت رتاج إلي جلست في مكانها وجلست قدامي الثانية ~

لمى ~ بارتباك ~ ..: ســـرحت والله ماحسيت فيكم ..

رتاج~ أبتسمت ~ ..: أهاا .. طيب أعرفك على أختي الوحيد ريماس .. أكبر مني .. عمرها 25 سنه .. غير متزوجة .. وتدرس فنون جميلة .. وش بعد ؟؟!!

ريماس ..: خلصتي ما بقى لي شيء .. أقوله ..~ وألتفتت لي ~ آسفة يا لمى والله ما دريت أنا سمعت إن خالد حيعرس

لكن ما كنت أتصور إن بالهسرعة والهدوء ..

لمى ..: معـــلـــيش دحينه لاتنسي أنا لمى عمرس 23 ما دخلت الجامعة ... مدري متزوجة ولا لأ ...؟؟

رتاج ..~ بضحكة ~ ..: صدقيني لأ ... بتسير أخت لي أنا ورهف ..

ريماس ~ بسرعة ~ ..: رتاج

رتاج ~ ببرود ~ ..: نعمين

ريماس ~ كملت لي ~ ..: نحنا 4أكبرنا ريمان متزوجة وعندهاا ثلاثة .. وبعدها خالد .. وبعد خالد أنا وبعدين رتاج ..

رتاج~ بسرعة وبصوت حاد ~ ..: أنـــــــا ما أعترف فيهم

لمى ~ باستغراب ~ ..: لــــيـــش ؟؟!!

رتاج ~ بعصبية ~ ..: بالله عليكِ هاذي تتسمى أخت كل بعد كم شهر تسافر مع زوجهاا ..~ وهي تتكلم بصوت مايع

ناعم ~ أغــــــــــــار أخلي يسافر لوحده بدوني ~ وعادت لصوتها الطبيعي ~ طيب بقلعتك سافري لكن تدرين وش

تسوي ؟؟

لمى ~ حسيتها معصبة مرره واضح إن رتاج حاره أكثر من ريماس~ ..: ايه ؟؟!!

رتاج ~ وهي تحرك يدينها بقوة في وجهي ~ ..: عندهاا ثلاثة .. واحد فيهم عن عشره ..شيطان شيطان

بشكل .. مايهمد ولا يقر في مكان .. ~ وهي تضم يدينها بقوة وتقول ~ ياهواا حتى لمن يناام يرفس ..

ريماس..~ بصوت عالي بان إنها حاولت جاهده إنهاا توازي صوت رتاج فيه ~ ..: قولي ماشاء الله يا حمارة

رتاج ..: أقول أسكتي ..هذاا عمره عشر سنين وبعده بنت تدفيهاا من ورا دموعهاا تطرطش من

قداام ..وبعده واحد عمر سنة .. سنة أي أم تسافر وتترك ولدها عمره سنة ويرضع هناااا ..

لمى ..~ حاولت إني ما أبتسم قدامها وهي معصبة لــكــن غصب تسلل طيف الأبتسامة لفمي أسلوبهاا في الكلام وهي

معصبة يجنن ~ ..: طيب هيا تقعد قد أيش هناك ..؟؟

ريماس ~ بسرعة ~ ..: شهر ..

رفيف ~ باعتراض ~ ..: مو شهر ~ وتسندت على الكرسي وحطت رجل على رجل وقالت ~ ..حسب مجاز صاحب الفخامة .. زوجها


../\..
../\..


حركتها دي خلتني أحط يدي على عيوني حتى ما سنعت الكلام الي قالته ... أستغفر الله أستغفر الله .. جلستى غلط

باانت ملابسك قلت ..: بان غطي غطي ..

فتحت وحده عين أتاكد إذا يسمعوني .. لقيتهم مصدومين وفاغرين فاهم ..عدت الجملة بصوت أعلى ..: رفيف بانت عيب غطي ..

نزلت رجلها من فوق بعض وسحبت التنوره إلي ما تغطي إلا نص فخذها حتى .. ومع سحبها للتنوره أنكشف ظهرها .

لمى ~ بابتسامة ~ ..: اما عليكي ملابس .. قومي روحي غرفتك .. ~ ورخيت صوتي ~ غيري هاذي الملابس ..

ريماس .: أ أ أ لمى شفتي غرفتك ..؟؟

لمى ~ فهمت حركتها تبغى تغطي على إرتباك أختها .., حلوة حركتها ~ .: إيــــوة حلوة .. بس أنا أخاف أنام وحدي؟؟؟

رتاج ~ بسرعة جات عندي وسحبت يدي وقالت ~ ..: تعالي معايا .. ننام في غرفتي ..

/

\