المنتدى :
الشعر والشعراء
الرفقه اللي ماتجي حـزة الضيـق وقـت العوافـي كلبوهـم رفـاقـه
مدخل!
{.. ربع الرخا عديتهم فوق الألفين
ووقت الشدايد ماوقف غير واحد
الرفقه اللي ماتجي حـزة الضيـق....
....وقـت العوافـي كلبوهـم رفـاقـه
كل (ن) يقول اني على النايف مويق....
....من زود هرجه متسع فـي نطاقـه
واليا حدنك ضيّقـات (ن) مغاليـق....
....درب السلامه من خطرهـن شفاقـه
يبين فعل الطيـب بيـن المطاليـق....
....اليا احتمى الموقف على عرش ساقه
لاجات مابيـن النحـر والعواتيـق....
....كل(ن) على ماقيـل يطلـع عماقـه
اما رسى مثل السـروات وطويـق....
....ماهزته نـود(ن) اتـت بصطفاقـه
ليث(ن) ولد ضرغام ماهو تلافيـق....
....للمرجلـه مجبـول ماهـي عشاقـه
واليا انكشف غيب الضغن والدواليق....
....خلف السراب اللي صعيب اختراقـه
عده من طيور الحقـب والحماميـق....
....ومن البشر باوصاف خطو الهقاقـه
اللـي حياتـه كلهـا بالمشـاريـق....
....وبين الجماعه يتصـف فـي نفاقـه
خله كما طير(ن) قفتـه المسابيـق....
....ويمحى اثر رجليه صـادق حقاقـه
والحنظله لـو نـورت بالزماليـق....
....معروف بين الناس مر(ن) مذاقـه!!
مخرج!
الياشان وجه الزمن ما زان وجه الرفيق
..ياليت الاصحاب زانو يوم شان الزمان ..}
مما راق لي 
|
16-02-09, 12:04 AM
جديد مواضيع قسم الشعر والشعراء
العرض الشجري
