لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


قلوب دافئة للكاتب سعود التميمي

بسم الله الرحمن الرحيم قلـوب دافئه ... الكاتب ::: سعود التميمي ________________________________________ ..... قلــــــــــــوب دافئه ..... بقلم: سعود التميمي تخيل يا قارئي العزيز انك تشاهد الكرة

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 15-02-09, 04:52 PM   المشاركة رقم: 1
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,018
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

المنتدى : القصص المكتمله
Congrats قلوب دافئة للكاتب سعود التميمي

 

بسم الله الرحمن الرحيم

قلـوب دافئه ...

الكاتب ::: سعود التميمي


________________________________________
..... قلــــــــــــوب دافئه .....
بقلم: سعود التميمي
تخيل يا قارئي العزيز انك تشاهد الكرة الارضيه من مشارف قوقل ايرث
و من ثم اعمل اسقاط على جزيرة العرب و تحديدا على نجد و ملحاقاتها...
و تحديدا اكثر على مدينة الرياض الحبيبه و ركز الاسقاط على شوارع مدينة الرياض
و تحديدا حي الملز خلف مكتبة جرير و في بيت من البيوت العامرة :




( عبد العزيز)

كنت جاي من الشركة و تعبان و اسمع صجة العيال و صراخهم
و اتلفت ادوّر امهم لاهيتن عني و عنهم ما دري وين هي فيه
لا استقبال لا ابتسامه لا منظر حلو لا ترتيب و لا عيال يعرفون السنع
البيت منخبص فوق تحت و المشكله اني انسان احب الوناسه و الفرفشه
و الوجه الحسن و المدام تحب الصمت الرهيب و عدم التعليق
دايم على السايلنت على أي موضوع و دايم اشوف فيها
نظرات غريبه بعض الاحيان يتصور لي بعض الاحيان انها تكرهني
و مجبوره على حياتها معي ...هذي باختصار زوجتي ( منيرة )
ام محمد و فارس وتركي و مها
مدري شلون مشت ايامي معها ورزقني الله منها بالعيال ...
المهم شفت البيت مزعج خذت شماغي ولا حتى تغديت و طلعت لبيت الوالد بجنبي
و ادخل على الصاله و اسمع الحوار اللي يدور بين اختي و امي :
حصة : والله يا يمه يمدحون نوره بنت آل ******و يقولون انها سنعه و مزيونه بس انها مطلقة
الام : انتي عارفه صالح يا حصة يبي وحده زينه عقب بنت عمه اللي ما حبها
و اذا على الطلاق هو بعد مطلق و عنده بنت .
حصة : تتوقعين يوافقون عليه و يزوجونه اياه !!
الام : الله يكتب اللي فيه الخير و من كلامك عنها انها بنت اجواد و امها ما عليها حرمتن صالحه
حصة : اجل خذي الرقم و اتصلي عليهم ******4
قبل لا ادخل مدري ليش سجلت الرقم و حفظته
دخلت على ام عبد العزيز و اختي حصة :
مساكم الله بالخير ...
امي : مساك الرضا و العافية و شلونك يا بوي
حصة : هلا باخوي و شلون صحتك
انا : بخير الله يسلمكم ... الا يمه وين ابوي و صالح و فهد !!!
امي : ابوك توه متغدي و راح لغرفته بيقيل قبل الصلاة
واخوانك صالح يقول انا نايم لحد يزعجني
و فهد يقول معزوم على الغداء !!!!
سولفنا و شفت فلان و شفت علان و من سوالف الحريم المشوقه
المهم قامت امي و قالت : بطلع فوق اريح شوي
مسكت اختي حصة و قلت لها : من هالبنت اللي بتخطبونها لصالح !!!
قالت : بسم الله وش دراك و الا رامي اذنك قبل لا تدخل !!
قلت لها : لا يكثر ... تكفين يا حصة انا معرس معرس بس مابي اطب بوحدتن ما اعرفها
حصة : حرام عليك منيرة طيبه و اجوديه ليش تعرس عليها
قلت : ما قلنا في منيرة شي بس انا مو مرتاح ابي مرتن ثانيه و الله مغنيني و معافيني وش المانع !!
حصة : شف يا عبد العزيز ترا مالي دخل بحياتك و انا ما عطيتك الرقم و لا تسببت في عرسك و انت حر ... لا يجيني الكلام بعدين
ناظرتها و قلت بنفسي و ليش استنى تعلمني
انا عارف بنت مين و و و و و الباقي بسويه



:::::::::::::::::::::::::::::::::::::::::::::::::


( نورة )




مدري وش هالحظ عندي ...!! الله يكتب لي ما فيه الخير
المشكله اني انسانه مسالمه و عمري ما سويت شي غلط و لا اخبر اني غلطت على احد
حتى يصير حظي كذا ... انا مؤمنه انه اختبار لي من رب العالمين
اصبر و احتسب و انال رضا ربي او اعترض و الاعتراض بيدمرني و يسخط ربي علي ....
بس ما اقول الا الحمد لله على قضاء الله و قدره ....
اخوي سلمان بدا يشتغل علي الظاهر خلصت مشاكله مع زوجته
و لف علي الا تتزوجين ( عبد العزيز الفلاني ) يا ربي وش اسوي
اتزوج واحد عنده زوجه و عيال !!! يا ناس افهموني
ابعيش حياتي بكمل دراستي بشوف لنفسي ......على طول
ترموني لاي واحد يطق الباب !!! بس لاني مطلقة !!!
يا رب ان تستخير لي الخيره المباركه يا رب تفرجها لي
آآآآآه بس لو تدرون وش جواتي من الالم و الحرقة بس ما اقول الا الحمد لله
عشان تكونون معي في الصورة بقول لكم عن اهلي .....امي الله يحفظها لي
و اللي توفى ابوي و انا بطنها يعني محدثتكم يتيمه من قبل لا تشوف النور
ذقت حزن امي على ابوي و مرارة الفقد و انا ببطنها ...
اخوي سلمان متزوج و عنده زوجة ( فوزيه ) ما تحب شي في هالدنيا كثر ما تحب المشاكل
و عيالهم اربع بنتين و ولدين ... بعدين بعلمكم باسمائهم مالي نفس اقول من ضيقة الصدر
و اخوي نهار متزوج ( هيفاء ) و برضه هي من النوع اللي ما ندري عنها
هي في ارض هي في سما ينطبق عليها وصف وصف التليفونات لا ارسال و لا استقبال
و عندهم بنت وحده عمرها ست سنين ( غادة ) احبها و دايما اعضض خدودها تجنن
و انا نوره عمري 22 سنه تزوجت واحد عنده مشاكل و ما ارتحت له و طلبت طلاقي
و بعد سنتين طلقني .. طبعا كنت ادرس اللغه الانجليزيه في الكليه و انقطعت عنها بسبب
الزواج و الطلاق اللي انعكس على نفسيتي و الحين باقي لي سنه و اتخرج ان شاء الله
سمعت الباب يطق و انا بغرفتي .. فتحت الباب الا سلمان و هو مبتسم
سلمان : شلون العروسه !!! قلت : تفضل ... و جلس على كرسي التسريحه
و انا جلست على طرف السرير و متكيه يديني على السرير و عيوني منزلتها في الارض ...
سلمان: نوره و انا اخوك ترا الرجال ينشرى و انا اضمنه لك
و عنده شركه و ابوه غني و عمره في 45 و متزوج و عنده اربع عيال و بيحطك في بيت لحالك
واللي تامرين عليه بيسويه لك ... (يمكن بعضكم يعجب بحال الخاطب الجديد
بس انا لا .. انا مابي اخرب بيت و اخذ واحد من عياله و زوجته
مو مثالية مني بس اشوفها على نفسي لو كنت مكان زوجته اكيد بنجن )
قلت لسلمان : طيب عطني مهله اسبوع افكر و ارد لك !!
سلمان : بعد بكره ( الجمعه ) بيجي يشوفك ... و ان وافق عليك بتكون الملكه الخميس الجاي ..
قلت : و يا دام انه منتهي الموضوع ليش تشاور قل لي انك رتبت اموري من غير ما تشاورني
سلمان : شوفي يا نوره انتي مطلقه و انا عارف سبب طلاقك مو لسوء فيك ولكن امر مكتوب
و عبد العزيز رجال و كفو لا يغرك عمره لو تشوفينه بتقولين اصغر مني
و فيه سبب ثاني و مهم جدا ا نت عارفه امي تعبانه و التعب ما يخليها
وانا فهمتها الموضوع وهي مقتنعه فيه و تبي تتطمن عليك و تشوف عيالك ...
قلت : الله يكون في العون ... يا سلمان على الاقل بصلي استخارة
و ان كان قلبي يقول لا للموضوع ارجوك انك ما تغصبني ترا ضربتين في الراس بتوجع
و انا ابي اكمل دراستي و اشتغل و ارفع نفسي بنفسي .. ارجوك يا سلمان( و خنقتني العبره )
قام من الكرسي اللي بغرفتي و قال : نوره ترا انا اخوك و اخاف عليك
و لاني غاشك و لا تفكرين اني مليت من قعادك عندنا
بس الرجال ما ينتفوت و لو الجوهرة بنتي في سن الزواج
و الله لاعطيه بنتي ... استخيري و انا اخوك و مافي الكون بيكون ..
و طلع من عندي و عيوني امتلت دموع و تمددت على السرير و انا افكر بكلامه ...



::::::::::::::::::::::::::::::::::::::::::






( عبد العزيز )






خلاص خطبت البنت و كلمت اخوها سلمان
العيله محترمه و تناسب وضعي الاجتماعي ...
انا ما قلت لكم عن نفسي انا جامعي و تخصصي ادارة اعمال
و الوالد الله يطول بعمره مسكني وحده من شركاته الثلاث
و لقيت نفسي في عالم رجال الاعمال مع اني صغير هههههه
تزوجت و عمري 28 سنه من منيرة و هي تقرب للوالده بس من بعيد
انا ما انكر انها اعجبتني في البدايه بس كنت احس انها تجاملني
تناظرني ببرود .... بعض الاحيان اذا شفت نظرات اختي حصة لزوجها
عبد الرحمن اقول يا ليت اللي عندي تناظرني نصها !!!
مشت الايام و رزقني منها ربي باربعه مها (15 سنه ) و محمد ( 13 )
فارس ( 10 ) و تركي ( 7 ) الله يخليهم لي احبهم و مابي اضايقهم
بس امهم اللي صارت باردة معي اكثر من الاول كل طفل تجيبه تبعد
اكثر و اكثر صارت ما تهتم ما تسال ليش تاخرت او تبي عشا اي سؤال
ما تسال السفر ما تبي نسافر لحالنا لازم نروح كلنا حتى لو يومين
حتى طلعات المطعم ما تبي تطلع بس تروح لاهلها تقريبا كل يوم
و تجلس مع امها و خواتها و انا بصراحه ما افقدها في شي
تدرون اني لو بسولف معها تلهت بشي بجوال او بفيلم تتابعه
كنت اقول يمكن انها مغصوبه علي او ان هذي طبيعتها
مع اني بكلام الجميع انسان مقبول و محافظ على جسمي
و طويل و احب البس الغتره البيضا اكثر من الشماغ
عموما شكلي الخارجي مقبول جدا بس منيره هذي عمرها ما ناظرتني نظرة اعجاب
و لا حتى تقول كلمات تحسسني فيها انها تحبني و تغار علي
كل حياتها جمود في جمود ... عشان كذا فكرت بالزوجه الثانيه
منيرة عند عيالها معززه مكرمه و انا بالتفت لنفسي و اتزوج
على الاقل احد يحس بي او يمكن الاخت منيره تعدل نفسها
ادعو لي تتسهل اموري .. و اخذ نوره اللي مدحتها اختي حصه





::::::::::::::::::::::::::::::::




( حصة )





بعد ما سألني عبد العزيز عن نوره وانه يبي يخطبها
و انا ضايق صدري اقول لامي عن مشروع عبد العزيز !!
و الا اسكت المشكله عطيتها الرقم اكيد بتتصل و تطلبها لصالح
و يمكن عبد العزيز اتصل عليهم .. ابكلم امي اتأكد اشوف ...
مسكت التلفون و على امي على طول :
الو ... هلا يمه و شلونك اليوم
امي : الحمد لله .. كن رجيلاتي احسن اليوم عقب الدهون
اللي جبتيه لي ..الله ينفع به
قلت : الحمد لله .. الا يمه وش صار على موضوع صالح
امي : وش فيه صالح ... آآآه البنت اللي ذكرتيها
قلت : ايه .. كلمتيهم و الا لا
امي : لا ما بعد كلمتهم يوم اكلمهم و انتي عندي مشغول و دخل عبد العزيز
علينا و قلت العشاء بكلمهم ...و نسيت ..
قلت : اشوا انك ما كلمتيهم .. لان عبد العزيز قال لي انه بيخطبها
امي: وش يخطب !! يخطبها لنفسه !!
قلت : ايه يقول اني مو مرتاح مع منيره و بشوف لنفسي ...
امي : ما بقا غيرها بعد هذا اللي ماهوب صاير لو ايش ماهو
يبي يعرس على منيره !!! و ش يدوّر حرمتن عقل و ثقل و جابت له عيال و بنت حمولتن طيبين
سكري التلفون باكلمه الحين ...
طووط طووط طووووط ...... حتى من قبل لا اقول فمان الله الله يهديك يا يمه
و الحين وش اسوي عسى ما يضيق علي عبد العزيز و يقول انتي حرشتي امي علي
بصراحه منيرة مرته كويسه بس احس فيها العقل الزايد اللي موب على سنع
يعني لا تناظر لنفسها و لا تحاول تغير من ذوقها في اللبس
كنها خالتي موب مرت اخوي مع ان ما بيني و بينها الا 3 سنين
انا اصغر منها ... احسها مهملة نفسها و حتى عيالها
ما تعلمهم الذوق و الذرابه ... و الله مدري عنك يا عزوز
انت شايف اللي اشوفه و عشان كذا مو مرتاح و الا بس تبي تعرس وبس
و الله ما ادري عنكم يالرجال ما فيه حال يعجبكم ...
قمت من مكاني و رحت لجناحي وتروشت و لبست بنطلون جنز غامق
و بلوزه وردي قطنيه ناعمه و تعطرت بعطر لوي ( لان عبد الرحمن يحبه )
بيجي عبد الرحمن من العمل و اناما غيرت بيجامتي ...
وعيالي تغدوا وراحوا يلعبون في القبو ....


:::::::::::::::::::::::::::::::::::
( أم عبد العزيز )


مهوب صاحي عبد العزيز الله العالم انه فيه بلى !!!
و انا ليش اقعد اهوجس باكلمه و اخليه يعلمني بالهرجة الثابته ..
دقيت على بيته و ابطوا ما ردوا علي .. يا دافع البلى مافيه احد يرد
عقبين ردت مها : الو..... رديت عليها : هلا مهاوي و شلونك يا امي
مها : طيبه ...ماصبرت قلت لها : ابوك وينه !!!
مها : في الشركه ..... قلت : و امك وينها !!
مها : مدري عنها بعد.... بس يمكن انها عند امي سلمى
قلت : وش تسوي عند خوالك هالوقت !!!
قلت بنفسي ما وراها زوج و لا بيت و لا عيال !!
شكل الاحوال يا عبد العزيز في البيت ماهي مضبوطه
قلت لمها : دقي على ابوك في الشركه و قولي له امك تبيك ضروري
صكيت السماعه ... جلست شوي و يدق تلفون البيت ...
: الو .... عبد العزيز : هلا بها الصوت وش لونك يمه
رديت : هلا بالمعرس ... عبد العزيز : هههههههههه
اجل جتك العلوم ... و الله اني خابر حصه ما تعلّم
رديت : ماشاء الله عليك علومك عند اختك و امك تغبي عنها
وش تبي بالعرس يا وليدي و انت مرتك و عيالك من احسن ما يكون
تحسب العرس لعب و وناسه .. تراك بتحاسب عليه لو ما تعدل بين الثنتين
عبد العزيز : يمه انا بجي اتقهوى عندكم اليوم العصر ان شاء الله
و بفهمك الموضوع كله ..زين
رديت : اصبر لا تسكر ... مرتك داريتن عنك
عبد العزيز : لا ... بقولها اذا اعجبتني البنت ما ابي اسبق الاحداث
رديت : و الله يا وليدي ما ابي لك الا السعاده بس تراك بتتورط بالمشاكل
عبد العزيز : الله يسهل الامور و يكتب لنا اللي فيه الخير يالله يا ام عزوز
تامرين على شي عندي اجتماع الحين
رديت : الله يحفظك و ياقاك شر الناس ما تشوف شر يابوي فمان الله
سكرت السماعه و انا قلبي منقبض ... وجلست افكر بمنيره
المره ما شفنا منها لا خير و لا شر في حالها و لا ندري عنها
و بيتها جنب البيت ما تمر علينا تروح لاهلها مرتين في البوم
و حنا ما نشوفها الا كل جمعه ... و انا بعد ماقول لها شي
مخليتها على راحتها ا ن جت او راحت ...
و عبد العزيز ما قد قالي كلمه فيها او حتى اشتكى منها
ايييييييييييه اليوم بنشوف وش سالفة بيته الله يهديه .....






( عبد العزيز )


خلصت من الاجتماع و قلت لحسن ( السكرتير ) لا يحول أي مكالمه
لحد ما اقول له و طلبت قهوة تركيه ...
دقيت على أختي حصه : ها حصوص اشوف الخبر انتشر !!!
حصه : عبد العزيز لا تفهمني غلط .. امي الرقم معها و بتدق على اهل نوره
على اساس انها بتخطبها لصالح ... و انت كلمتهم و تخيل الموقف
قلت بخبر امي قبل لا تدق عليهم .. بس و الله مو عشان افضح سرك
رديت عليها : انا يا حصه جازم على العرس و بمجرد ما اشوف البنت
و تعجبني راح اخبر منيره اذا هي تبي تستمر معاي في بيتها و عند عيالها
و الا تختار الطريق اللي تبي ... اسمعي اليوم بعد العصر بتقهوى عند الوالد و الوالده
ما ودك نشوفك هناك ,,, حصه : بشوف عبد الرحمن و ان قدرت جيتكم ان شاء الله
قلت : يالله اختي العزيزه تامرين على شي .. حصه : سلامتك يالغالي الله يحفظك
سكرت السماعه ... وانا حاس بصداع .... محتاج تركيز على الوضع الجديد
اللي راح اقدم عليه ... يا ترا وش ردة فعلك يا منيره !!
عندي احساس يقول انها بتناظرني و تقول على راحتك !!
سمعت ضرب الباب و قلت : تفضل .... الا ابو محمد و شايل القهوة
مد لي اياها : القهوة يا طويل العمر ... خذتها منه و قلت : تسلم يابو محمد
شربت منها رشفتين ... أحس بتشتت من الاجتماع و مكالمة الوالده و حصه
و موقف منيره ,,, الصراحه انا احبها بس اسلوبها غلط معي
انا صليت استخاره مرتين و الله يكتب اللي فيه الخير
لكن ... تبون الصراحه أنا مرتاح لهالبنت احس فيها شي يجذبني
تونا بدري يا عبد العزيز انت شفها بالاول بعدين قل ارتحت و ما ارتحت
الله يجيبك يا الجمعه على خير ... كملت فنجان القهوة
قمت من المكتب و طلعت من غرفتي و قلت لحسن انا بطلع البيت الحين
أي اتصال من برا حوله على تليفون الجوال و الفاكسات ارسلها لي بالايميل
حسن : ابشر طال عمرك .. رديت : يعطيك العافيه
نزلت من الاصنصير على مواقف السيارات و شغلتها و حطيت
سي دي فيروز و الرحابنه ... على شط اللوزيه ....

آآآآآآآآخ من جد تعبان و مرهق الله يعيني على الاهل
اكيد متضايقين من قراري الجديد ... كلن يدور على راحته و انا ابي راحتي
متاكد ان الزواج بالثانيه راحه يا عزيز !!!



( نوره )

اليوم الخميس .. و نزلت تحت بفطر مع امي كالعاده و تفاجات
شفت مرت اخوي سلمان ( فوزيه ) جالسه مع امي يتقهون ماهي عادتها
خير اللهم اجعله خيرررررررر :
السلاااااااااااااام عليكم ... ردو علي : و عليكم السلام
امي : صبحها بالخير .. قلت : صباحك الورد يا احلى ام
فوزيه : انا اقول يا نوره لو تخلين هالدراسه ابرك لك
وانتي عارفه لا وظيفه و لا شي بس بتقعدين في البيت
و تشوفين لرجلك !!! ....
غريبه على طول استلمتني وش جاب الطاري !!!
رديت عليها : الوظيفه رزق من الله و لا انا راده رزق ربي
و اللي بيتزوجني لازم يعرف اني بتوظف بعد التخرج
قالت امي : يا بنيتي الكفو ما ينرد ... و عساني اشوف عيالتس
قلت : عسى عمرك طويل يمه و بتشوفين عيالي و عيالهم باذن الله
فوزيه : و الله الواحد ما تكمل فرحته الا اذا صار ببيت لحاله
و ما عنده الاعياله .... طالعتها و اقول بنفسي شلون بتزوج و بترك امي مع هالخبله
رديت عليها : اللي يبي الناس الناس تبيه و اللي ما يبيهم محد يطق بابه
صبيت لي قهوه و سويت لي ساندويتش و جلست انا و امي نسولف
عن امور عاديه .. و قامت فوزيه و طلعت فوق ...
قلت لامي : وش السالفه موصيها سلمان تكلمك !!!
امي : تقول ان سلمان يبي لاخته الزين و ان الرجال كفو و ما يعيبه شي
قلت لامي : و انتي يمه وش رايك !!
امي : انا يا بنيتي ابي لك السعاده و ما اقول الا الله يكتب لك ما فيه الخير
غصبناك على الاول و ما كتب الله فيه خير و الحين انتي بهواك
اخوك يمدح الرجال و يقول انه عاقل و لا هو راعي خرابيط مثل الاول ...
سالت امي : و سلمان ما ساله ليش بيتزوج على زوجته !!
امي : يقول سالته و قال لي انا ما اكرهها بس هي من النوع اللي ما تهتم بزوجها
و لا بعيالها و يمكن لو تدري اني تزوجت ما تفرق معها ابد ,,
: معقوله يمه فيه وحده ما تفرق معها اذا زوجها بيتزوج عليها !!!
امي : انتي شوفي بكرا وش يصير يمكن يجوز لك و تنشبين فينا ما ابي الا هو
ههههههههههههه قلت لها : عسى دوم هالضحكه يا اغلى الناس
بس اللي مضايقني اسلوب سلمان معي يقول غصب تتزوجينه
و اذا جزتي له الملكه الاسبوع الجاي !! يمه كني خروف
بيدخلني على الطباخ !!! ضحكت امي و قالت : لا بس هذي طريقته
و لو يكتب الله شي يبي لك فستان للملكه و روحات و جيات للسوق
موب الدعوى خذوه فغلوه ... بس هو الله يحفظه اذا تحمس للموضوع
يبي كل شي بسرعه .. لا تهتمين يا امي انا بكلمه و الله يدبر لك الصالح
: و الله يا يمه ما ودي ادخل على جاره و اطفال فيه بنات مطلقين و خذو ناس مثلهم
و بدون اطفال و استمرت حياتهم و انا توني صغيره يمه يمكن لو نصبر يجيني
الرجل اللي يناسبني ... امي : مدري يا بنيتي سلمان يقول لو واحد ثاني ما اعطيه اختي
بس عبد العزيز ينشرى رجال و النعم فيه دين و دنيا و اخلاق ,,
: الله اعلم ... سلمان نظرته ماديه و اعرفه زين ..
امي : يا بنيتي ما تدرين وش ربي كاتب لك عسى ان تكرهوا شيئا و هو خير لكم
: امين الله يكتب لي اللي فيه الخير .. ... و انت يا عبد العزيز الثاني
وشلون عرفت باب بيتنا !!! ... بكره الشوفه و الله يسترررر







( عبد العزيز )
طلعت من الشركه بدري لانه يوم خميس و دوامنا يخلص 1 الظهر
دخلت البيت لقيته هادي
: منيره .... ما احد يرد علي !!!! مهااااااااااااااا
مهااااااااااااااااااااوي نزلت مها من الدرج : اهلين بابا
: وين امك اناديها و ما ترد علي !!!
مها : امي عند خوالي من الصبح قالت بروح لماما سلمى ...
قلت : طيب حبيبتي خليهم يحطون لي الغدا وش رايك تتغدون معي
مها : حاضر بابا ... لا انا و اخواني لسا مخلصين فطور
قلت لها : انا طالع ببدل ملابسي و خليهم يجيبون الغداء فوق
طلعت لغرفتي ,, و دخلت الله يجلكم دورة المياه و خذت لي شور سريع
و لبست لي ترنق ربيعي و رحت للجلسه تبع جناحي و تغديت
و شوي يرن التلفون : الو هلا يمه .... ام عبد العزبز : هلا بابوي
ما مريت علينا .. قلت لها : توني جاي من الشركه و تغديت بدري
بعد الصلاة بجيكم ان شاء الله ..
قالت : شف يا ولدي انا و ابوك تكلمنا في موضوعك و هو يقول
عبد العزيز ابخص بنفسه و يعرف مصلحته و انا يا ولدي ما ابي لك
الا السعاده .. قلت لها : يمه انتي تعرفيني انا ما اخذ القرار الا و انا مقتنع فيه
قالت : ترا هذي حياة يا عبد العزيز و بيجيك عيال من هذي و هذيك
و الجنه تبي و النار تبي و اذا تفرقوا عيالك مو من صالحك
قلت لها : الحين بدال ما تهونين علي تزيديني يمه
انتم وش دراكم بحياتي مع منيره !!! لا يغركم سكوتي عنها و صبري عليها
ترا مليت منها و من تصرفاتها معي .. مكرمها و منفذ لها طلباتها
و لا عمرها قالت لي من دخلت علي الله يخليك لنا يا عبد العزيز
بس تطالعني بعيونها و كأنه اجباري اجيب لها اللي تبي !!!
يمه تكفين مابي احد يناقشني في هالموضوع خلاص انا قررت و كلمت اخو البنت
قالت : و متى بتشوفها !!! قلت : بكره الجمعه ان شاء الله و اذا اعجبتني قلت لمنيره
و بتفاهم معها على كل شي ... سكرت السماعه و من امي
ورحت للسرير بتمدد شوي قبل الصلاة ... حتى الغرفه ما لي فيها
ذكريات مع منيره .. دايم مشغوله عني ما اشوفها الا اذا جت تنام ..
و الله يستر من نوره بعد اذا ما طلعت نسخه ثانيه من منيره ..











:::::::::::::::::::::::::::::::::::



( منيرة )


معليش تأخرت عليكم في الظهور .... اقروني و افهموني
قمت من النوم و انا متضايقه حلمت حلم غريب
اشوف عبد العزيز و هو رايح من بيتنا على بيت جديد
و حلووو و ابيض و فيه نخلتين حلوات و اقول له لا ترووح اجلس عندنا
طالعني و قال : انتم ما تبوني هذا يبتي الجديد
قمت و انا اتصبب عرق مع ان الجو بارد .. يا ترى وش تفسير هالحلم !!!
شفت الساعه عشر الصباح قمت و صليت الفجر
امس سهرانه في عزيمه عند اهلي خواتي و صديقاتهم
و ما صدقت اجي و احط راسي .... لبست قميص بيت
و طلعت بافطر عند امي ,, وصلت بيت اهلي و انا افكر بالحلم ....
خلوني اقول لكم عن نفسي شوي ... تخرجت من الثانوي
و تزوجت على طول بعبد العزيز اللي من الاساس انا ما حبيته
ايه ما حبيته هو شكله ما فيه شي شين و اخلاقه كويسه
لكن موده حتى ما اشعر فيها تجاهه ... و احس انه هو و زوجة خالي حرموني من السعاده
و لولا اصرار امي اني اخذه و الا ما خذته ... عبد العزيز يمثل عند
امي الجاه و العز .. و اهله من الناس الهاي و احنا في نظرهم عاديين
و هالنظره بحد ذاتها تقهرني و دايم احس انه اذا جاب لي هديه او شي من برا
احس و كانه يقول ما يقدرون اهلك يجيبون لك اللي اجيبه ,,, طبعا
ما احد صرح لي بها اللي احس فيه بس انا تفكيري كذا !!!
و فيه سر صغير بعد يمكن ما يعجبكم بس واقع و مو انا لحالي افكر فيه
كنت اقارن عبد العزيز بعبد الله صحيح عبد الله اقل مستوى لكن غيرررر عن عبد العزيز
عبد الله ولد خالي تربينا مع بعض درسنا مع بعض انا ادبي و هو علمي
و جينا بثالث ثانوي و طلبني للخطبه لكن امه رفضت الله ياخذها فرقت بيني و بينه
و تقدم عبد العزيز و اقنعتني امي و وافقت عليه ... بس قلبي ما فيه الاعبد الله
للمعلوميه عبد الله الى الان مو متزوج ... تتوقعون ليش !!! و لا يروح فكركم بعيد
انا ما احاول اتصل فيه او اقابله حتى عند خالي اذا شفته سلمت وبس
و في كل مره عبد العزيز يتقرب لي انا ابعد عنه و اللي انا مستغربه عليه
انه ما يحس بنفوري منه و من اهله ... انا من النوع اللي ما اتكلم كثير
بس برضه اللبيب بالاشارة يفهم ... انجبت اطفال منه و مع ذلك
كنت اتمنى اني ما وافقت عليه ... للامانه هو ما يرفض لي طلب
و لا عمره قصر معانا بشي ... و مع ذلك ما قدرت اسلم له مفاتبح قلبي
نرجع لحلمي اليوم انا حاسه بصير شي ...
و شي كايد مو بسهل و الله يستر من عواقب هالحلم ...
نزلت لبيت اهلي ودخلت الصاله فبها امي و خواتي منى و منال
و جلسنا نسولف عن حفلة البارح و انا قلبي يجيب و يودي ...
اذن الظهر و صلينا و جلسنا نسولف .... و اشوف الساعه الا 1و نصف
كلمت بيتنا وقلت لمها تجي هنا هي و اخوانها عند اهلي
ما فيني حيل اروح اخذهم و ارجع مرة ثانيه .....



:::::::::::::::::::::::::::::::::::::::::::::::::: :::::

 
 

 

عرض البوم صور dali2000   رد مع اقتباس

قديم 15-02-09, 04:53 PM   المشاركة رقم: 2
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,018
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
( عبد العزيز )



صحيت و هو يقيم الصلاة بسرعه لبست ثوبي
و نزلت ازرر الثوب و غترتي على كتفي و عقالي بيدي
شفت وحده من الشغالات و سالتها عن العيال قالت : راحوا بيت ماما سلمى
هزيت راسي أففففف ....... اللهم طولك يا رووووح
يعني انا جالس طرطور بالبيت !!!
لا تشاورني و لا حتى تحط عندي خبر !!
تقولون حاول معها !!! انا اعترف اني حبيتها اول ما تزوجنا
و يمكن ما اهتميت بعيوبها لحد ما سمعت اختي حصه تمدح نوره
هنا انا انتبهت فيه أشياء ناقصتني كرجل و زوج ..
كنت اتمنى منيرة تسالني وينك تاخرت علينا يعني اشوف قلقها علي
احس اني أمثل لها شي بحياتها .. العكس هو الصحيح
انا صرت ما اشوفها .... 16 سنه زواج و كانه دوام رسمي
و الله الدوام افضل على الاقل يعطونك راتب هههههههه
هنا انا اللي اعطيها و اجيب لها من اغلى الهدايا اذا سافرت
الشنط ماركات اتوقع تفكرها كلها مثل اللي بالبطحاء هي اصلا ما تعرف
وش احسن الماركات او الموضه حتى ...
مرة جبت لها شنطة برادا سوداء و كبيره تدرون وش قالت !!!!
قالت : وش ذي ميب زينه لو جبت لي من اسواق طيبه بتلقى ازين !!!!!!!!!!!!
قلت : مو معجبتك اختي حصة اكيد بتعجبها .... قالت : لا ما اعجبتني
عطها حصة .. اشوف ما عندها شناط زينه !!!!!!!!!
قلت : حصة ما عندها !!! انتي و الله ما عندك ما عند جدتي
خلك ربع حصة و لا عليك خلاف .....
هذا غيض من فيض الظاهر لا انا و لا اهلي معجبينها
اقول لكم نظراتها لي بعض الاحيان
تضايقني و اذا قلت لها وش فيك قالت معي غثيان !!!
طبعا ما ارد عليها و اصلا يجيني الغثيان اذا قالت لي هالكلام
انا فضفضت لكم حتى تعذروني و ما تقولون ليتك حاولت معها
ما يفهمني الا سعووود و بس هو اللي شايف و عارف
المهم وصلت المسجد و شفت ابوي و اخواني صالح و فهد
و صلينا و بعد الصلاة صرنا نمشي راجعين للبيت
قلت لصالح : ترا دعيت لك يا صالح ...
قال صالح : الله يتقبل ههههههه و بايش دعيت
قلت : الله يرزقك بزوجة طيبه تضفك هههههههه
طالعني الوالد و هو يبتسم ابتسامة الغضبان : كان ربي بيرزقه
بس مافي نصيب !!! .. قلت : يا يبه البنات كثار و صالح كل يتمناه
صالح : ما تلاحظون انكم مجمديني و انا المدعي له
فهد : صالح ياخوي موقفك افضل من موقفي انا مثل الاطرش
ما اقول الا امين ... و متى بيجي دوري يا عبد العزيز في الدعوه !!
قلت : مافي عندنا الصغير يعرس قبل الكبير عييييب
اصبر لين يعرس ابو هياء و بيجيك الدور ان شاء الله
صالح : الا على طاري هيون مشتاق لها
بقول امي تكلم امها ترسلها لبيتنا ...
الوالد : صالح عساك ترسل مصروف البنت كل شهر !!!
صالح : وش دعوى طال عمرك هذي بنتي مو بنت احد ثاني !!!
دخلنا البيت و جا عثمان : عمي فهد فيه واحد يستناك في الديوان
فهد :عن اذنكم هذا واحد من الشباب بيشوف المبارة عندي..
صالح : بجي معك المبارة بين أي سي ميلان و انتر ميلان !!!
فهد : ايه بتنقلها الجزيرة الرياضيه .. تجي عندنا ...
راح صالح و فهد للديوان و كملنا انا و ابوي
و رحنا للبيت و دخلنا الصالة و اشوف امي
و حصة واقفه تسلم عليها عبايتها ..: سلامون عليكم
امي و حصه : و عليكم السلام ..
حصة : هلا يبه و راحت حبت راسه و جت لمي
و سلمت عليها ... هلا بالفتانه
حصة: ههههههههههه وش دعوى عزيز خلاص تفاهمنا
الوالد : عبد العزيز يا ولدي انت رجال و تقدر تفتح اربع
بيوت و مع ذلك يا ولدي فكر قبل لا تتخذ القرار
قلت : القابله بقرر ان شاء الله ....بعد الشوفه
الوالده : انا يا عبد العزيز خايفتن عليك ترا منيره مهيب سهله
اخاف تسوي لك شي و الا تنتقم منك ...
: خلها تسوي اللي تسويه انا بفهمها و هي حره تختار اللي يناسبها
حصة : منيره ما يدري الواحد وش جواتها و السكوت منه تموت
الوالده : بسم الله على وليدي فالك ما قبلناه
الوالد : الله يدبرك على اللي فيه خير لك و للي بتاخذها
حصة : يمه فيه وحده ذكرت لي بنت لصالح اخوي
بس بقول لك اذا طلع ابوي و عزيز
الجميع : ههههههههههههههههههههههههههههههههه
الوالد : تخافين علي يا حصة اعرس على امك !!!
حصه : هذا الاسد من ذاك الشبل ههههههههههه
الجميع : ههههههههههههههههههههههههههههههههه
وقفت و قلت يالله استاذن بروح عندي شغل
الوالده : موفق يا بوي ... الله يسعدك يا رب و يحفظك
الوالد : اذا جازت لك البنت وين بتسكنها !!!
قلت : اكيد بدور مؤقت و الا فله صغيره
الوالد : ورا ما تجيبها عندنا معنا في البيت اقرب لك و اونس لها
قلت : بسأل البنت و بشوف وش رايها
يالله تامرون على شي ..... الجميع : سلامتك
و رحت للبيت ... بكرا الموعد ان شاء الله
دعواتكم لي بالتوفيق ... كني اعرس اول مرة
اذا انا مرتبك و قلبي يرجف من الحماس
اجل وشلون البنت وش تلقونها الحين !!!!!!



::::::::::::::::::::::::::::::::::::::::::::





( نوره )




اليوم الجمعه .... جاك الموت يا تارك الصلاة
الله يكتب لي اللي فيه الخير .. الليله بعد صلاة المغرب
بشوف الاستاذ عبد العزيز .. طيب و اذا ما عجبني !!!
و الله ما اخذه ... يكفي اللي سواه معي سلمان عشان اخذ
اللي ما يتسمى ... هل المرة اذا ما ارتحت له
لو ايش ما يكون .. ما راح اتزوج حتى لو أعنس
رحت لغرفتي قبل صلاة المغرب بشوي و خذت لي شور
و نشفت شعري و استشورته و لفيت اطرافه تحت
لانه طويل يوصل الى خصري.. و حطيت مكياج خفيف
قلوس و كحل و ضربتين بلشر ...
و لبست طقم حلو من تنوره فستان وردي و عليه
جيليه ابيض و صندل ابيض واطي ...
اذن المغرب و صليت و جلست ادعي ربي
و انا قلبي بيوقف من التوتر .. هذي التجربه الثانيه
و الله يستر من نهايتها ...
دق الباب في غرفتي ... رحت و فتحت الا الجوهره بنت سلمان
: عمتي يقول لك بابا يالله تعالي تحت جوو الضيوف
بلعت ريقي و قلت لها : يالله حبيبتي انا نازله معاكي
نزلت تحت بالصاله و ما شفت امي ... اكيد بغرفتها
و طلع لي سلمان و شافني و ابتسم : وش هالزين
بتطيرين عقل الرجال ... دنقت راسي و انا مستحيه
: تبي اجيب القهوة و الشاهي ... سلمان : الا تعالي
و ادخلي بها على المعرس .. استحييييت مرررررررره
: اخاف تطيح من يدي و الا اكب القهوة على ثيابه
سلمان : تعالي بس و جيبي القهوة .. انا بسبقك جوا
غمضت عيوني و بقوة ..... و قلت : اشهد ان لا اله الا الله
اخاف يوقف قلبي و اموت الا انا متشهده ..
و رحت للمجلس ... و دخلت و انا مطمنه راسي بالارض ...



:::::::::::::::::::::::::::::::::::::::::::::




( أم عبد العزيز )



اليوم الجمعه .. جونا عيال عبد العزيز ولدي
يسلمون علينا مثل عادتهم ... الله ينبتهم و يصلحهم
و يخلي لهم والديهم ... و العصر جت منيره
و سلمت علينا انا و ابو عبد العزيز ,,قالت : الا ما اشوف
عبد العزيز قلت موب عندنا و بلقاه عندكم
رديت : لا و الله من غير شر على وليدي جاب العيال بعد صلاة الجمعه
و طلع يصلي العصر و ما رجع من غير شر
و جلسنا نحكي في سوالف عاديه و قام ابو عبد العزيز
قال : جاني رجال خليهم يجيبون القهوة للديوان
دقيت على الشغالات و قلت لهم صلحوا القهوة و حطوا معها تمر و حلى
و ارسلوه للديوان بيجي ابو عبد العزيزضيوف ..
و جلست انا و منيره لحالنا ... تحسبونها تسولف و الا تحكي من اسبوع ما شفتها
بس ساكته ان ما سالتها و الا ماهي متكلمه يا شين هالطبيعه
ترا باوصيكم يا بنيات ترا البنت احلى ما فيها سناعتها
و حركتها و سوالفها .... البنت الحركه تراها توسع صدر اللي حوالينها
و لا الجامده اللي يمل الواحد اذا جلس معها و انتم شوفوها بانفسكم
اذا جلستوا مع بنات يتنهمشون تستانسون و الا اذا جلستوا مع بنات ساكتات يجيبون الهم
المهم لا تشرهون علي ترا عذرت ابوي و قلبي عبد العزيز على عرسه
الله يجعل هاللي بياخذها توسع صدره بالعافية و يوفقهم ....





::::::::::::::::::::::::::::::::::::::::::::





( عبد العزيز )






رحت لمشوار عصر الجمعه . و رجعت البيت ما لقيت احد
شكلهم الى الان في لبيت الوالد .. طلعت فوق و تروشت
و قلت للشغالات يسوون لي بخور .,, و تبخرت بعود
على فكره انا من الناس الي احب اهتم بمظهري و ريحتي
كل العطور الرجالية الجديده بتلقونها عندي و دهن الورد و العود الاصلي
تجذبني هذي الروايح ... لبست و رحت اصلي المغرب في المسجد
و دقيت سلف على بيت العروسه استقبلني سلمان و تحفى مني
و جلسنا نسولف شوي و قام استئذن بيطلع .....
جلست و قعدت ادقق ببيتهم و الله اثاثهم حلو و مرتب و انيق
و طالعت ثريتهم شكلها من الموديل الجديد ...دقايق و رجع سلمان
و دخلت نوره بعده !!!!!!!!!!!!!!!!!!!!!!!!!!!
و قمت وقفت وش أشوف ياناس اشوف حوريه مو انسانه !!!!
وش هالجمال من جد يا ناس الصراحه انبهرت
حسيت بقلبي يرجف و بصراحه كني ما شفت مزين ابد ههههههههههه
و دخلت و قالت : السلام عليكم و بصوت واطي و عيونها بالارض
و حطت صينية القهوه و قال لها سلمان أجلسي هنا ...
و أشر لها قبال الكرسي اللي انا جالس عليه ..
قلت : كيفك يا نوره و كيف الدراسه ..
رفعت راسها و طالعتني و شعرها يتحرك مع حركتها : الحمد لله تمام
سمعت صوتها حتى صوتها مو طبيعي ... كله عذوبه و رقه
قعدت أفكر باي كلام اقوله لها حتى ما تسكت اندفعت و
قلت لها : تبين تكملين دراستك ان شاء الله بعد الزواج !!
طالعتني و قالت بعيون كلها حيا : اكيد طبعا
قلت لها : اللي تامرين عليها يا بنت عبد المحسن
دنقت راسها ....... يا حبي لها ... و قامت و قالت : عن أذنكم
طالعتها لحد ما طلعت من الباب .... و شرقت و سلمان يقول :
عسى جازت لك يا بو محمد .!!! قلت : ورا ما تجوز
و هي بنت عبد المحسن و اخوها سلمان ....
قال سلمان : الحمد لله بقا البنت بسالها و برد لك ان شاء الله
و هو يتكلم و العشاء يذن فوقفت و قلت : بكلمك بكره ان شاء الله
و اخذ الرد منك تعرف لازم اخبر ام محمد و احطها امام الامر الواقع
سلمان : انا من رايي انك تخبرها اذا املكت و بقى على العرس كم يوم
رديت : يكون خير ان شاء الله ..أستاذن الحين جا وقت الصلاة
سلمان :اصبر اجل بروح انا و اياك للمسجد اللي عندنا ,, قلت : يالله
طلعنا و صلينا و ركبت سيارتي و مشيت متجه للبيت ,,, و انا بالطريق
افكر بالنور يالله كيف تركها زوجها الاول !!! شلون قدر يفرط فيها !!!
تتوقعون انها من النوع اللي من برا هالله الله و من جوا يعلم الله
على قولة اخوانا المصريين !!!!
لكن واضح ان البنت رقيقه و ناعمه و ما اتوقع تطلع منها حركات
بصراحه البنت ملكت قلبي و جعلها تسوي نون و ما يعلمون انا قابل فيها
تذكرت منيره ... وشلون بفاتحها بالموضوع ...
أخذها على مطعم !!!!!! اصلن هي ما تبي تروح معي
و ان طلعنا برا ما أضمن ردة فعلها ...شكلي الليله
بحط النقط على الحروف ... أنا مو خايف منها و هي ما هي ميتة علي
كم مره سافرت برا و طولت بالغيبه ما تدق علي مشتاقه
انا اللي ادق عليها و اسمعها كلام حلو و هي ما فيه ردة فعل
المهم اني بفاتحها الليله ان شاء الله ....




::::::::::::::::::::::::::::::::::::::::::::




( منيره )






مدري ما تعودت اجي العصر عند بيت اهل عبد العزيز
و لا القاه العاده مرتز يسولف مع امه او حصة اذا كانت موجوده
و هالمره ما شفته لا تحسبوني ولهانه بس غريبه منه
و بصراحه اكثر جا على بالي حلمي فيه ...
المهم صليت المغرب و رجعت لبيتي من الطفش ما فيه احد يسولف
خالتي ساكته و الا معها تلفون .. و انا من النوع اللي ما تكلم الا اذا احد سالني
مو تكبر و لا غروور بس ماله داعي اوزع علومي و اخباري بالمجااان
كلمت أمي و قعدنا نسولف الا بدخلة عبد العزيز طالعني و قال اذا خلصتي
مكالمتك اطلعي لي فوق ابيك بموضوع ....
قلت لامي بكلمك بعدين ابشوف وش يبي عزيز
طلعت وراه .. قلت : خير أن شاء الله
قال : اجلسي منيره فيه موضوع بكلمك فيه
جلست و انا مبعده عنه ,,, و قال : انا وش معتبرتني عندك !!!!
قلت : ابو العيال وش اعتبرك بعد !!! .. قال : بس !!!!!
قلت و انا عارفه انه يبيني اقوله كلام يرضي غروره
: أكيد ابو عيالي وش تبي بعد أكثر من كذا ...
قال : طيب أجل أبو عيالك بيحط عندك خبر قبل لا تدرين من الناس
أنه بيتزوج عليك و لك مطلق الحريه في اختيار مصيرك و على فكره
اللي بتقررينه هو اللي بيصير ... تبين تجلسين في بيتك و على عزك
او تبين تروحين لاهلك و تخلين العيال عندي لاني ما اظنك بتفقدينهم
و عندهم شغالاتهم هم اللي ينتبهون لهم ,,,,
بققت عيوني و كان احد صادمني بالسياره !!!!!!!!!!!!
شلوووون هالحقير يتزوج علي انااااااااااااااا اناااااااااااااااااااا
من زينك و زين اهلك ... اهلك !!!!! اكيد امك او اختك اللي مقنعينك
تماسكت و قلت له و انا اطالعه ببرود : و أهلك يدرون انك بتتزوج ...
قال : لا ما يدرون انتي اللي لازم اخبرك قبلهم لان المسأله تمسك شخصيا
ضحكت بصوت عالي ( خفت من نفسي ) : تمسني شخصيا !!!!!!!
ههههههااااااااااااي ضحكتني عزيز أنت كلك على بعضك ما تهز فيني شعره
تزوج يا حياة امك تزوج أنا ما راح تفرق معي ....
طالعني وهو عاقد حواجبه : الظاهر اني تأخرت في الزواج عليك !!!
كنت فاهم ان تملكين ذرة معزة لي على الاقل بتصيحين او تدمع عيونك
لكن للاسف توني اعرف قدري عندك ... تبين طلاقك قرري الحين
قلت : ايه طبعا ابي طلاقي الان ... انت عارف انك سبقتني
كنت ابطلب الطلاق منك بس ما جت الفرصه ...
و الحين اطلع من الغرفه بضف اغراضي و اطلع من هالسجن
و عيالك خلهم عندك ان راحوا و جوا مردهم لامهم ..
طلع من عندي و انا اللي انهااار و جلست ابكي
رحت للحمام و فتحت الحنفيات ما ابيه يسمع صياحي
الحقييييير طلعت بوجهك الحقيقي يا حيوااان ...
أنا ليش أصيح و ابكي قلعته من حبي له ..
بس لازم اسوي شي و اقهره مثل ما تجرا و قهرني
يحمد ربه ليل و نهار اني متحملته و جايبه عيال له
هيييييييييين يا عزيّز بتشوف وش لون انتقم ,,,








::::::::::::::::::::::::::::::::::::::::::::::::::





( نوره )







طلعت من المجلس و انا قلبي يضرب بقوة
و يديني معرقه من الارتباك .... الصراحه اعجبني عبد العزيز
و احلى شي ابتسامته اللي تدوخ و اللي اعجبني اكثر
وقفته لي لما دخلت ... حسيت انه جنتلمان و عنده ذوووق
شكلي اعجبته لانه سالني عن الدراسه و كلامه عن ابوي
مدري حسيت بفرق عن شوفة زوجي الاول الله لا يذكره بالخير
طلعت و اطالع الا امي بوجهي ... : ها يا نوره وش رايك فيه !!!
قلت : تذكرين كلامك يمه بنشب فيكم ههههههههه
امي : ههههههههههه اللي يجعل هالضحكه دووووم و يوفقك يا بنيتي
قلت : الصراحه ارتحت له مهتم بنفسه و عنده ذوق و كلامه ذرب
يعني بصراحه رجّال يملى العين .... امي : اجل اقول لسلمان انك موافقه
طالعت امي و قلت : اللي تشوفونه يمه بس ترا شرطي الدراسه و الوظيفه
ان حصلت ...قالت امي : الله يكتب اللي فيه الخير و الوظيفه ان حصلت
و الا بلاها عبد العزيز مقتدر و بيجيب لك اللي تبين ...
قلت : يمه موعشانه غني بقعد اتطلب منه !! ان جاب من نفسه
و الا ماراح اطلب منه شي ... و الوظيفه يا يمه فيها استقلال لي
انا اصرف فلوسي على نفسي .... مو استنى احد يعطيني حتى لو كان زوجي
امي : مدري عنك هذا رايي و بقول لاخوتس سلمان يتفاهم معه .....
قلت : يمه وين فوزيه و عيالها ما اشوفهم !!!!
امي : طلعت بهم فووق تقول بروش العيال و ننومهم المدارس بكرا !!!
قلت : ما شاء الله صارت تعرف في الاصول و الواجبات !!!
الله يبارك في خطبة عبد العزيز اللي طلعت لها قلللب و خافت على سلمان
امي : الله المستعان يا بنيتي ما يتحسف الا فاعل السوء
طلعت لغرفتي و بدلت ثيابي و لبست بيجامة و انسدحت على سريري
و جلست افكر بعزوزي هههههههههه ادري بتضحكون و تقولون بدري
بس من جد حبيته و اتوقع هو بعد حبني ايه حببببببببببببب .... لا تستغربوون
هذا اللي يقصده سعود و هو مسمي قصتنا قلوب دافئه
من جد حسيت بحراره تشع مني كلما تذكرت نظرته لي و ابتسامته
كيف هالمنيره فرطت فيه كييييييف !!!!!! اخاف يكون اقشر
و المظهر غير المخبر الله يستر عاد ضربتين في الراس توجع
الله يوفقني انا و اياه و يبعد عنا المشاكل ... دعواتكم بنات
طلعت لي مذكره من المواد اللي ادرسها و ما اشوف شي الا وجه عبد العزيز
قعدت اقلب يمكن يجي نص ساعه لحد ما طق الباب سلمان
و دخل علي و قال لي : ها وش رايك في عبد العزيز !!!!
قلت : رايك هو رايي..... اللي تشوفه سوه بس شرطين اكمل دراستي و الوظيفة
رد علي : الوظيفه تفاهمي انتي و اياه عليها اذا ملكتوا ان شاء الله
يالله تصبحين على خيرررر...... و طلع و قعدت اطالع المكان اللي طلع منه
وش فيه هذ منهبل كأنه خايف ان عبد العزيز ما يتقدم لي او يطير من ايده ...
احسن انام و ما في الكون بيكون




:::::::::::::::::::::::::::::::::::::::::::::::::: ::




( عبد العزيز )






شفتوا تصرفها ..!! شفتوا شلووون انا غالي عندها الوقحه !!!!!
و الله اني كنت حاس اني ما امثل لها شي ... الحقيره هذا رد ترده علي
و لاني ما انزل مستواي لها فما رديت عليها ...
طلعت من عندها و سحبت غترتي و عقالي لبيت الوالد
شفت اخواني جالسين بالديوان يا زين حياة العزابية
ههههههههههه عقب16 سنه مخدوع في انسانه ما تحمل
مثقال ذرة محبه لي و انا اللي اقول حتتغير بمكن تستحي تعبر
عن مشاعرها و ادور لها اعذار تمشيها معي
انا ما اهز شعره فيها !!!!!!!!!!!!!!!!!
تمنيت اني انسان بدائي و اسطرها كف على وجهها الحقيره
فعلا فيه ناس كرّمهم و ناس كرّم نفسك عنهم
توجهت للصاله اللي تجلس امي فيها و شفتها و عندها حصة
يا حبي لها الثنتين من جد احس اني ارتاح اذا شفتهم
على طول بمجرد ما شفتهم قالت الوالده : خبرت منيره عن عرسك !!!
قلت : أيه و بطلقها .. حصه شهقت : عزيز لا تتهور
قلت : هي اللي اختارت و انا ما اجبرها تعيش معي
لو ايش ما يكون ما تقعد عندي .... الوالده : و عيالك !!!
: عيالي في بيتهم و عزهم و خدمهم و حشمهم و كلهم كبار و يدرسون
حصة : لا تتهور يا خوي ترا الانسان و هو منفعل يتخذ قرارات
يندم عليها بعدين ... هزيت راسي : اندم عليها !!! انا ندمان كيف عشت معها
و كيف كانت عيوني معمية عنها و عن تقصيرها معي
هذي المفروض ما تعرس و لا هي بكفو حتى تجيب عيال !!!
حصة : هدي اعصابك عزيز ... لا تتضايق و قلنا عن العروسه
اعجبتك و الا لا تراني شايفتها من قبل ... رديت و انا اضحك
حتى طاريها يوسع صدري : أي و الله اعجبتني الله يعوض صالح اخوي باحسن منها
البنت حلوة و مزيونه و تستحي و تواجه بنفس الوقت
و هذا اللي اعجبني في شخصيتها ... حصة : يعني وافقت عليك
: بكرا ان شاء الله باتصل على اخوها و اخذ الرد
مع اني متاكد لانها ترد على كلامي و كانه خلاص بنتزوج ...
الوالده : الله يوفقك يا و ليدي و يكتب لك الصالح ....
شوي و اسمع رزعة الباب بقوة الا و هاللي مقبلة علينا ,,,



:::::::::::::::::::::::::::::::::::::::::


(حصة )




سمعنا لطخة الباب و فزينا ... بسم الله الرحمن الرحيم !!!!
و ما درينا الا بمنيره و عبايتها عليها اقبلت علينا و معها العيال ببيجاماتهم
يا قلبي مصحيتهم من النوم !!! وتركي يعرك بعيونه من النوم
حتى الشبشب الله يكرمكم ما لبسوه ... وش هالام !!!
طبعا في حالة هيجان و صوت النفس يروح و يجي
دخلت و هي تصارخ و تزاعق وين منيرة الساكته!!! .. العاقل !!!!...
قالت امي : خير ان شاء الله عسى ما شر وش صاير !!!!
منيرة و بصراخ : وش صاير .. اكيد طبعا عارفه و ما اهتميتي عادي عندك ان ولدك يعرس
و ما يندرى بعد يمكن خاطبتن له يا عجوز قريح و انا يا غافل لك الله !!
صرخ عبد العزيز : منيييييييييييييييييييييره !!!!!!!!!!!!!
رحت ل مها و العيال و قلت لهم : تعالوا حبايبي اطلعوا فوق لحد ما تهدى الامور
منيرة و بهيجان : انتي مالك دخل بعيالي يا عقرب الطين اعرف حركاتك
على بالك بسكت لك ...... ان ما حستكم حووووس وانتي اولهم يالعقرب
عبد العزيز و بصوت اعلى من الجميع : مها خذي اخوانك و روحوا للبيت !!!
حتى انا خفت منه .. شفت دموع بعيون مها و اخوانها و رجعوا لبيتهم
قرّب عبد العزيز و وقف قبال منيره : كلمه زياده و تقلين ادبك ترا موب حاصل لك طيب !!!
ناظرته منيره باستهزاء : انت !!! وش بتسوي يعني !!!! .... ما امداها تكمل ( يعني )
الا و يجيها ذاك الكف اللي خلاها تبرم و تلف على نفسها و طاحت بالارض
و صرخ عبد العزيز بالشغالات باسمائهم : شيلوا هالخايسه و ارموها بالسياره
منيره قامت و هي تتمسك بالطاوله تطالع فينا مو منصدمه و بس
الا الظاهر انفصلت عن العالم !!!
صارت عيونها تدور بكل مكان بنظرات فارغه و قامت و لا نطقت
قربت منها قلت لها : منيره بسم الله عليك ... طالعتني و هي مذهوله
و ما تقدر تنطق مسكتها وقفتها و قلت للشغاله خلي السواق يجهز السيارة
مشيت مع منيره و لا فتحت فمها بكلمه و خذت عباتي بروح معها
و عبد العزيز واقف و صرخ : حصصصصصصصصصة !!!! وقفي
خليها تنقلع الحقيره ماتستاهل تخافين عليها ,,,,
قلت : بس يا عبد العزيز هذي ام عيالنا و غلاها من غلاهم !!!!
تكلمت منيره اخيرا و بصوت مبحوح : خلاص يا حصة انا بطلع بروحي ...
عبد العزيز و اقوى صوت عنده في حياتي ما سمعته يصارخ
بهالقوة : طلعت روحك ان شاء الله انقلعييييييييييي .. انتي طاااالق
طلعت منيره و بانكسار و ركبت السيارة و راحت لبيت اهلها
التفت لعبد العزيز و ما زال معصب طالعني و قال لي : رجاء حصة و لا كلمه زياده في هالموضوع
امي : يا ولدي ما يصير هالكلام ... اهدى يا بوي شوي ارفق على نفسك
عبد العزيز : بلاك يمه ما سمعتي وش قالت لي !!!! عمري ما تصورت ردة فعلها بهالحقارة
لا و تطينها زيادة عندكم و تغلط عليكم ... و لا عملت حسبة لك و لا لاختي و قدامي
الحقيره و تبين بعد اهدى و ارفق ......
امي : طيب الحين انت اهدى و ارتاح سويت اللي يبرد قلبك و ما قصرت فيها
عبد العزيز : انا جايكم و ابي انسى هالحثاله و جت و نكدت عليكم الله يلعنها
قلت : استغفر عبد العزيز ... بس ما ودي انها تكلمت قدام العيال ..
عبد العزيز : استغفر الله العظيم من كل ذنب عظيم ... انا طالع اشوف العيال
الله ينكد عليها من ام ... هذي ام هذي !!!
و طلع من عندنا و امي تسمي عليه و تعوذ عليه ...
الله يعينك عزيز و الله ما توقعت منيرة بها العقليه ...

 
 

 

عرض البوم صور dali2000   رد مع اقتباس
قديم 15-02-09, 04:55 PM   المشاركة رقم: 3
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,018
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
( عبد العزيز )





طلعت من بيت الوالد و اتجهت لبيتي بطمن على مها و العيال
دخلت لقيت مها حاطه وجهها على يد الكنبه في الصاله
و تصيح و اخوانها جنبها يصيحون ... شافوني و تراكضوا
يحضنوني ... و احضنهم كلهم بوقت واحد ...
حسيت فيهم ان قلوبهم بتطلع من صدورهم من اللي شافوه
هديتهم و جلستهم ... قالت مها : بابا صحيح بتتزوج على ماما !!!
طالعتها و قلت: من قالك !! امك !!! هزت راسها بايه
قلت بنفسي الله ياخذها حتى عيالها بتنكد عليهم ما يهمها
قالت و عيونها دموع : بابا لا تطلق امي !!!
قلت : مها حبيبي انتي شايفه امك تجلس كل يوم بالبيت !!!
هزت راسها بلا قلت : انا اشوفك اكثر من شوفتي لامك ... انا يا مها ابي وحده تهتم فيكم
و تهتم فيني و امك لاهية عنا ما تسال تاركه البيت مسداحي مرداحي
بس تجي عشان تنام و تلبس !!! ما تسأل عن اخوانك و لا عنك
كلامي صحيح و الا انا غلطان !! مها و هي تشاهق : بس هذي امنا !!!
ضميتها و حطيتها بحضني : و انا ابوكم و ما راح يهتم فيكم غيري ..
مها : بابا انت بتتزوج صح ..قلت : ايه صح ...قالت : و بتجيب زوجة جديده
و زوجات الابو ما تحب عياله و اكيد بتعذبنا .... قلت : لا ما احد يقدر يعذبكم
و انا موجود و اذا ما حبتكم ما راح احبها اهم شي انتم عندي ...
قال محمد : انا ابي اجلس ببيتنا هنا مابي اروح مكان ثاني
قلت : محمد ما راح احد بيطلعك من بيتك ... و حتى لو تزوجت
البيت لكم قبلها ...فارس : بس يا بابا ... ماما خوفتنا و قالت بتجي وحده و تعذبنا
قلت : يا حبايبي امكم الله يهديها تخوفكم بس لاني بتزوج عليها
تركي : طيب وين ماما الحين ... قلت : عند جدتكم سلمى ..
مها : و متى بترجع ..!! قلت : الله اعلم ...خلوها على راحتها
تعالوا الحين وخلونا نطلع فوق عشان تنامون و تريحون ... بكرا المدرسه
طلعوا العيال فوق و كل واحد اتجه لغرفته و سريره ...
دخلت جناحي ... وش اشوف الله يسود وجهك يا زفت !!!
قسما بالله كني متزوج لي بزره تدرون وش مسويه !!!!
مشخبطه على الجدران و التسريحه و السرير الوان تجيب الهم
و السرير مشقق المفرش اللي عليه ... كويس ما جابت بنزين و ولعت في البيت
دقيت على الشغالات و قلت لهم تعالوا رتبوا و نظفوا جناحي
و طلعت مره ثانيه من البيت و دقيت على محمد صديق الطفوله
و بعد السلام و السؤال عن الحال
قلت : ما ودك نتعشى برا ... محمد : تم وين تبي
قلت : برج الحمام
محمد :اوكييييي يا الغالي استناك
سكرت منه و شغلت سيارتي و على برج الحمام
من شافني محمد... وهو يقول : وش فيك عزيز عسى ما شر !!
و حكيت عليه بعض الشي .. و احنا نتعشى
قال محمد : يومك ناوي تتزوج ليش ما خبيت على زوجتك !!!
قلت : ما احب الخديعه !! و لا احب اخدع اللي حواليني
محمد : و الحين وش بتسوي !!!
قلت : انا جازم على الزواج ان شاء الله و الاوله طلقتها
و بكرا اروح للمحكمه بنفسي اخلص اوراقها ...
محمد : الله يوفقك و يخلف عليك و عليها ..
كملنا عشانا بهدووووء و حاسبت و طلعنا من المطعم
و كل واحد بسيارته ... شايل همي معي بس كاني ارتحت
بعد ما كلمت محمد ...




( نوره )


اليوم السبت رحت للكليه و كان فيه كم محاضره مهمه
و رجعت للبيت بدري بعد صلاة الظهر ...
اول ما دخلت البيت دق التلفون حق البيت و كنت قريبه
: الوووو ....
عبد العزيز : السلام عليكم .....
اوجعني بطني هذا عبد العزيز غريبه ليش داق على البيت !!!
: و عليكم السلام و رحمة الله ..
عبد العزيز : كيف الحال ن شاء الله بخير
: بخير الله يسلمك .. من معي ..
: انا عبد العزيز آل ****** الاخ سلمان موجود لاني دقيت على جواله و يعطي مغلق
: و الله ما ادري لحظه اشوف خلك على الخط لو سمحت
ووووووووووووووي بطني قامت تلعب فيه فراشات على قولة ( عاد انا اللي احبك )
حطيت التلفون و اشوف الجوهره سالتها : وين بابا !!
قالت : عند امه !!! قلت : وش امه !!! عيب حبيبتي قولي عند جدتي
روحي ناديه و قولي كلم التليفون يبغاك رجال ...
طلعت انا فووق و اتسمع للكلام اللي بيصير ...
سمعت سلمان : هلا ابو محمد وشلونك طال عمرك
:................................................. .........
سلمان : ابشرك كل شي زين و ما ناقصنا الا تحدد اليوم اللي يناسبك
ااااااااااااااااااااي .... هالمره موب فراشات هالمرة طحت عكرفت لي الزوليه اللي فوق
و طحت على ركبي اوووتش و الله توجع ..
(بسم الله عليك يا عروووس ارفقي ما بقى على الملكه شي هههههههههه)
هذي كانت عبارة الاخ سلمان و بصوت قوي الدددددب يا مللللغك
على باله بيستخف دمه ... ما رديت عليه دخلت غرفتي
و صفقت بالباب و قبلها سميت بالرحمن ,,, خفت على نفسي ههههههه




( منيرة )



صحيت ما ادري ويني فيه آآآآخ يا راسي صداااع شددددديد
و اطالع اللي حواليني و اشوف الا غرفة خواتي !!!!
تذكرت اني جيتهم البارح بعد كف عزيّز الكلب الحقير
و طحت عند باب بيت اهلي و جلست اصيح مثل البزران
و فتحت لي الشغاله الباب و انا طايحه
و دخلتني جوا ... و جووو خواتي يتراكضون
طلعوني فوق و انا مدري ... الدنيا تدور بي و اشاهق من الصياح
اخر علمي بهم بعد ما حطوني في السرير
و نمممممممت .... اكيد الحين بيقولون وش فيها
اقول لهم و الا اصبر !!! بس الحيوان طلقني و ضربني بعد
و اكيد بيرسل ورقتي و بيدرون اهلي ... طالعت الساعه : احدعش الضحى
سمعت الباب يدق الا هذي منال اختي : صباح الخير يالنوامه
قلت : صباح الخير ... وين أمي !! منال : امي بغرفتها ما تدري عنك
قلت : زييين انها ما شافتني البارح ... منال : وش القصة منيرة !!!
تخانقتي مع عبد العزيز !!! قلت : اللي ما يتسمى طلقني !!!
منال : ليييش !!! وش صااااير !!! قلت : خبرني انه بيتزوج علي وحده ثانيه
و تهاوشت انا و اياه ... و طلعت من بيته بعدما رمى يمين الطلاق علي
منال : منيره انتي اختي و اعرفك زززين ... عبد العزيز مو متسرع
و يدرس قرارته قبل لا يقولها ... فاكيد انتي قايله له شي كااايد
قلت : منال توقعين يعني انا اللي قلت له تزوج علي !!!
منال : لا اكيد ما قلتي له ,,, بس اكيد فيه أسباب خلته يفكر بالزواج ...
و بعدين هو قال لك انه بيتزوج و الا تزوج و خلاص !!!
قلت : لا قال بحط عندك خبر اني بتزوج جعله الماحي ...
منال : و الله اني اعرف عبد العزيز اكثر منك شفتي بيحط عندك خبر ..
لو كان غيره من هالرجال الخايسين كان تزوج و بعد ما يجي من شهر العسل يقول لك
بس هو رجال .. قلت : منووول وش قصدك !! يعني انا اللي خليته يتزوج علي !!
منال : تذكرين كلامي لك .. ياختي انا اصغر منك و اعلمك !! و المشكله حذرتك
بس ابو طبيع ما يخلي طبيعه !!! قلت : منيييل فارقي عن وجهي الساعه هذي !!
و الا ترا بابرد حرتي فيك تقلعي عن وجهيييييي !! ....
قامت منال و انا لامه راسي بايديني وش اللي صار
وش اللي خلى عبد العزيز يعافني و يفكر في غيري !!!
آآآآآه ....... صحيح انا ما اكن له أي محبه بس ليش انقهرت !!!!
ليش خربت غرفته !!! ليش صارخت بوجه امه و اخته !!!
المفروض اني تمالكت نفسي شوي ... يعني بيعرف اني ميته عليه
جعله الموت اللي يقبض روحه و يريحني منه الخسيس ..
قمت من السرير و رحت اغسل و اصلي الفجر
و لبست و نزلت تحت و لقيت منال و منى يتقهوون ...
و جلست اتقهوى و انا افكر في كلام منووول ... و ربطت كلامها بحلمي
تتذكروون الحلم هذا تفسيره بيعرس علي و بيطلقني
هذا اللي وقع بقلبي .. نزلت أمي من غرفتها و جلست معنا
و قعدنا نسولف و كنه ما صار شي .. و امي تناظرني
و تقول : وش فيه وجهتس منيره !!! فيتس شي !!!
قالت : لا و لاشي .. سلامتك ... طالعوني خواتي يعني قولي ..
كنت بتكلم الا الباب الخارجي يدق !!!!!!!!





:

:




(عبد العزيز )





قمت الصباح و انا حاس بصداع .. لا حول و لا قوة الا بالله العلي العظيم
نزلت تحت و خذت لي فنجال قهوة و حبة تمر
سالت الشغاله عن العيال قالت راحوا للمدرسه
خذت شماغي و عقالي بيدي و طلعت للسياره
مريت الشركه و خلصت لي اوراق مهمه .. و طلعت للمحكمه
و خذت ورقة طلاق منيره .... و رجعت للشركه مرة ثانيه
في اموري الشخصيه احب انجزها بنفسي ... يمكن تفكرون
اني تسرعت بطلاقي من منيره ... لكن لو انكم كنتم مكاني راح تسوون مثلي
انا انسان ما امدح نفسي بس كنت و نعم الزوج معها ... و الله توقعتها بتقول على راحتك
او بتتضايق لها شوي ... لكن ردة فعل مثل هذي ابدا ما كانت على بالي ... و يكون
هذا مردها علي !!!! ومو كذا و بس .... و حتى اعز الناس عندي امي و اختي ما قصرت فيهم !!!!!
خذوا هالمعلومه من الرجل نفسه ... مهما كان الرجل يغلي زوجته ...
الا ما يجي يوم .. و يقلب عليها بسبب ردة فعل منها او حتى كلمه ما انتبهت عليها او ما ثمنت لها ..!!
قلب الرجل مثل الرفوف اذا امتلت ... فرّغها كلها و لا كأن كان فيها شي ...
عشان كذا انتم تحسون ان الرجال ما فيهم خير .. مع انهم لو جيتوهم بطريقه ثانيه كسبتوهم بسهوله
بس و الله من اللي نشوفه و نتحمله و نضغط على انفسنا .. تجون انتم و تحوسون مربرنا
وصلت الشركه .... و كلمت سواق البيت و قلت تعال للشركه .. الحين
قلت لحسن السكرتير : اذا جاء السواق عطه الظرف و قل له يوديه بيت سلمى جدة محمد !!!
تدرون وش في الظرف !!! ورقة طلاق منيرة و معها شيك بخمسين الف ريال !!!
يمكن بتفهموني غلط بس من جد ما احب امد يدي على حرمه
و ان كان انها استفزتني بس المفروض امسك نفسي اكثر
و بعتبر هالشيك تعويض لها عن الكف اللي جاها ...
جلست اقلب بالاوراق اللي قدامي و جا ببالي سلمان باتصل عليه
و دقيت عليه يعطي مغلق .... خلني اجرب رقم بيتهم دقيت
و ردت وحده اتوقعها نوره او اخت لها الصوت يشبه صوتها و سالت عن سلمان
و كلمني سلمان و كان الرد طبعا الرفض ههههههههه امزح قصدي الموافقة
قلت لسلمان : طيب متى تبي نملك !! سلمان : اللي يناسبك !!
قلت : وش رايك الخميس هذا ... !!! سلمان : تم باذن الله
قلت : على كذا ترا بجيب معي ابوي و اخواني و عمي معي يوم الملكه ان شاء الله
سلمان: الله يحييهم تو ما ينور البيت الله يسلمك ....
قلت : ابو عبد المحسن ....بطلب منك طلب بس لا تفهمني غلط !!!
سلمان : آمر يا بو محمد ... قلت: اذا ما فيه احراج ودي اكلم نوره اليومين هذي قبل الملكه ..
سلمان تنهد : و الله مدري يا بو محمد بشوف اذا ما عندها مانع تكلمك عطيتك الرقم
قلت : لا تضغط عليها اذا ما تبي خلها على راحتها
سلمان : ابشر و لا يهمك اذا وافقت برسل لك رقمها على المسج
قلت : مشكور و ما قصرت نخدمك بالافراح ان شاء الله هههههههههههه
سلمان : الله يسلمك نشوفك على خير ان شاء الله
سكرت منه و رجعت لاوراقي مرة ثانيه و انشغلت ...
رفعت راسي على صوت مسج ما اهتميت له و لا فتحت عليه
و طالعت الساعه .... الا وصلت ثلاث بيذن العصر بعد شوي
طلعت من المكتب و ركبت سيارتي و اتجهت على طريق البيت
نزلت و صليت العصر بالمسجد ... و رحت للبيت
شفت العيال يلعبون بالكوره .. و يصارخون على بعض
وشت عليهم كوره لافه علي و يصارخون بابا بابا ... أخر شي طارت للاستراحه
هههههههههههههههههه من زمان ما لعبت كوره ...
ودخلت الصاله و شفت مها عند الكمبيوترو منسجمه على الاخر ...
يعني حياتنا مبرمجه و ما شيه من دون امهم ....
شافتني مها قالت بابتسامه حلوة : اهلين بابا تبي نجيب لك الغدا !!!
طالعتها و انا ابتسم : شكرا حبيبتي اخذتي ساندويتش بالشركه
بطلع فوق و ارتاح ... انتبهي لاخوانك قولي لهم يحلون واجباتهم و ينامون
مها : ان شاء الله بابا ..طيب ممكن اطلب بس لا تزعل !!!
قلت : لا ما راح ازعل ... تبين تكلمين امك ... هزت راسها بايه
قلت : كلميها حبيبتي ما راح ازعل ... هذي امك مهما كان
قامت و حضنتني بقوة و قالت : شكرا يا اغلى اب ... بستها على راسها
و طلعت فوق و دخلت جناحي ...
و جيت بفصخ ثوبي الا و يطيح الجوال و رفعته الا فيه رساله
فتحتها الا من سلمان و جوال نوره ... طالعت الرساله و ابتسمت
يا لبى هالرقم حتى رقمها ناعم مثلها هههههههه
حسيت اني صغرت عشررررين سنه يا حلوووو هالاحساس هههههههه
لبست شورت و قميص قطني و تمددت على السرير ...
و برمجت الرقم باسم ( قلبي الدافيء ) ما ادري ليشش اخترت الاسم
يمكن عشان عنوان القصه ...يمكن !!! ما نبي نفشل المؤلف ههههههههههه
جلست افكر.... اقول لها اني طلقت منيره و الا اتركها ما اقول لها !!!
بيني و بينكم ما ودي اقول لها لحاجة في نفس يعقوووب ...
بشوف وش معدنها !!! وكيف تفكيرها ,,, و عيالي بتتقبلهم و الا لا
هي توها صغيره بس مو كل الصغار مهبل و لا كل الكبار عاقلين آآآه عيوني خلاص بتسكرررر
حسيت بالتليفون يطيح من يدي ... و دخلت عااااالم النوووم





( ام عبد العزيز )



جلست اتقهوى الصبح مع ابو عبد العزيز ونزل صالح علينا
و فهد رايح للكليه الله يوفقه ... و جلسنا نفطر ...
و اعلمه باللي صار البارح عندنا ... و اللي سوته منيره فينا
ابو عبد العزيز : ليش ما هديتوه اول شي !!!
قلت : هي خلت الواحد يهدى !!! من دخلت و هي ماكلتنا بقشورنا
اللهم يا كافي أجل انا تقوووول لي عجوز قريح !!!
صالح و هو يكتم الضحكه : افا من اللي يقوله ....
قلت: منيره مرت عبد العزيز اخوك و حتى حصة ما خلتها تقول لها
انتي عقرب الطين !!
صالح : ههههههههههههههههههههههههههههههههههه
قلت : صوووووويلح هذا و انت ما جت زوجتك و تضحك !!!
صالح : يمه الله يسلمك ... ترا الواحد اذ عصّب ما يدري وش يقول !!
فلا تلومين هالضعيفه !!! يعني رجلها بيتزوج عليها تبونها ترقص !!!
ابو عبد العزيز : المهم خلك من هرج الحريم وش صار عليك الحين !!
صالح : قدمت بعثة لمدة ثلاث سنوات بدرس ماجستير في أمريكا
قلت : وعروسك !!! و بنتك !!!
صالح : انتي يمه قلتي لي عن العروس ...... بس اشوفك بردتي و انشغلتي بموضوع عبد العزيز
و بنتي وش أسوي بها قعادها عند امها ابرك لها من شحططت السفر حتى لوتزوجت
ماراح اخذها معي ...
قلت : وش رايك يا محمد نجزم على نوال بنت ال ****** و اكلم امها
ابو عبد العزيز : سألت عن ابوها يقولون و نعم بس تراه مقحط
قلت : يقحط و الا يقعد مالنا دخل فيه نبي بنيته و بس ..
صالح : افاااااااااا خالي بخييييل الله يستررر اخاف يفشلنا عند الرجال
قلت : لا يفشل و لا شي و البنت تمدحها حصة بنتي و تقول بنت عاقل و مزيونه
صالح : اهم شي حلوة و جسمها حلوووو مابي قصييره ....
قلت : انت تعرف ذوق حصة جعلها تشوف في عيالها ما يسرها
ماهيب صافطتن لك شي ما يجوز لك ...
صالح : خلاص يمه كلميهم و اذا وافقوا ... يحددون لي متى اشوفها
الشوفه الشرعية ,,, و على فكره ترا السفر يمكن بعد ثلاثة اشهر
و باخذها معي مرة وحده ان جازت لي ...
قلت : الله يكتب اللي فيه الخير لك و لها و لعبد العزيز اخوك
صالح : انا بعرف وش مسوي لكم عبد العزيز .. بس تدعون له
ابو عبد العزيز : تغار من اخوووك يا صالح ... الى الان
صالح : لا ما اغار بس ما اشوف مسوي لكم شي
قلت : يكفي انه بكري و بار فينا و يسال عنا و ما يحب يغيب عن عيونا مو مثل
بعض الناس يدور البعثات و السفر كنه محتاج فلوووس !!!!
صالح : افاااااااااااا شكلي بقوووم اروح للعمل قبل
لا اهون عن الرحله ... يالله تامرون شي حبايب ألبي
قلت: العاده يا سعاده .... سلامتك و انتبه على نفسك الله يحفظك






( نورة )





من قال لي سلمان ان عبد العزيز طلب رقمي
و انا مرتبشه .. و ما عرفت ارد الا : على راحتك
اقنعني سلمان و قال احسن قبل الملكه تسمعينه و يسمعك
و تشوفين منطوقه و تفكيره قبل لا يطيح الفاس بالراس !!!
استغربت كلام سلمان ,, العاده يمدح و يقول كلام زين عنه
و ليش الحين يقول هالكلام !!!! اوجعني قلبي !!
وش دخل قلبي !! بيكلمني و بشوف اذا اعجبني الحمد لله و اذا ما ...
ما ودي اقولها !!! تصدقون اني حبيته .... حتى صوته ما نسيته
من كلم و انا عارفه انه هو ... توقعون هو بعد يفكر مثلي
خليني اقوم بس اذاكر لي كلمتين تحت عند امي
نزلت تحت و رحت لامي بغرفتها منسدحه و تسمع نور على الدرب
اللي يذاع في اذاعة القرآن و يجي على الساعه تسع و ربع بالليل
جلست افتح الصفحات و انا ادور بعيوني ... و يرن جوالي
و اطالع الا رقم غريب !!! ما رديت و يرن ثانيه قلت اكيد
هذا الرقم يعرفني ... رديت : نعم ...... رد صوت عبد العزيز
اعرفه و الله اعرفه : مساء الخير ... كيفك يا نوره
رديت : بخير الله يسلمك ( سويت نفسي ما اعرفه ) مين معي
عبد العزيز بابتسامه : خطيبك .. قلت : احمممم ( بغيت أشرق ) يا هلا فيك
عبد العزيز : خذت رقمك من سلمان .... قلت : ايه قالي بس ما توقعت هذا رقمك
عبدالعزيز : يعني سلمان ما عطاك رقمي !!! قلت : لا و الله ما اعطانيه
عبد العزيز : انا يا نوره طلبت اكلمك حتى نتعرف على بعض اكثر قبل الملكه
انا : ..................... عبد العزيز : وراك سكتي !!! رديت : أسمعك تفضل
عبد العزيز ( يا لبى قلب اللي تسمع ) : زاد فضلك ... كلميني عن نفسك عن دراستك
عن طموحك او أمنياتك في الحياة ...
رديت و انا قلبي يرجف : ما فيه شي كثير احكي فيه انا ادرس لغة انجليزيه
في كلية التربيه و هذ اخر سنه لي و اتخرج و طموحي اني اتوظف بعد التخرج ...
عبد العزيز : بس الوظيفه الحين مو بالساهل تحصلينها !! يالله واسطات و حب خشوم
رديت :و انت اكيد ما راح تقصر بالواسطات ... ( اخ يا ليتني ما قلت هالكلمه )
عبد العزيز ( اهااا والله انك مو سهله يا نويران ) : ابشري ان شاء الله اذا علي أنا ما راح اقصر عليكي بشي
بس الوظيفه ان حصلت كان بها ان ما حصلت ما بيدنا حيله !!!
رديت : اكيييد طبعا ....طييب و انت !!!
عبد العزيز و بهمس : انا وشو !! تبين تعرفين طموحي !!! رديت : ايه
عبد العزيز : طموحي أني اشوفك عندي منورتن حياتي !!!
واااو جاني مثل المغص ببطني !!! انا ماخذه الامر بجد و هو شوي و يحط فيني شعر
يا حلو كلامك يا عزيز ...بس يا خوفي من بكرا اذا صرت منورتن ببيتك تغيره
عبد العزيز : !!! وراك سكتي !!! ما اعجبك طموحي !!!!
رديت : هااا لا قصدي ايه طبعا بس !!!! الصراحه اربكتني !!!
عبد العزيز ( يا زين المرتبكه ) : كلامي من قلبي طالع و اللي من القلب يخش القلب
و انا ما حكيت الا اللي بخاطري ...
رديت : طيب ممكن اطلب منك طلب الحين .... عبد العزيز : امري
رديت : ممكن استأذن منك الحين !!! ... عبد العزيز ( بحرجها ) : ليش وش مشغلك !!!
رديت ( شكله راعي طويله ) : عندي كويز بكرا و كنت جالسه اذاكر قبل لا تكلمني ...
عبد العزيز : تبين أجي اسمع لك ... ضحكت بقوة و ما قدرت املك نفسي : هههههههه لا شكرا
عبد العزيز : تسلم لي هالضحكة و راعيتها ... يالله راح اتصل عليك بعدين
و اتطمن على امتحانك ذاكري زين ... يالله مع السلامه
: الله يسلمك .. في امان الله
سكرت منه و انا شوي و اطير بالسما و تلفت حولي
وين رحت كنت عند أمي و انا الحين بالمجلس الكبير شلون جيت هنا !!!





( منيرة )




جابت الشغاله بعد ما فتحت الباب ... و مدت لي ظرف كبير
وقالت انه لي انا جابه سواق البيت ... خذته و فتحته الا فيه شيك
و ورقه جوا مغلف من المحكمه .. طاح قلبي
هذي اكيد ورقة طلاقي .. سويتها يا عزيز لها الدرجه كارهني
لهالدرجه متحمس للزواج ,,, هين تشوف وش بسوي
قالت امي : وش هالاوراق !!! قلت : يمه عبد العزيز طلقني ...
امي : وشووووو .. وش تقولين انتي !!!! قلت : العلم الللي جاك ,,
امي : الله يسود وجهك يالخايسه .. وش سويتي !!!
ناظرت خواتي و ناظرتها : يعني كلكم تحسبون السبب مني ..
منال : منيره انتي اختنا و نعرفك زين و عبد العزيز بعد نعرفه
و بصراحه هو ما يسوي شي الا اذا كان عنده اسبابه !!!
منى : صحيح منيره عبد العزيز من كلامك عنه يحبك و يدور رضاك
هذا كلامك انتي عنه .. وشلللون الحين قلب عليك !!!
منال : اصلن من كلامها عنه و تصرفاتها معه عرفت انه بيجيك هاليوم !!
ما قلت لك يا منيره اهتمي بزوجك لا تطلعين كثير من البيت !!! ما نافعك
الا زوجك و عيالك ... هذا هو الحين بيتزوج عليك !!
امي : كل الرجال يعرسون على حريمهم ماهو اول واحد ... البلى ليش طلقتس
وش سويتي يا مسودة الوجه !!! وش اللي خلاه يطلقتس !!! الا انتس مسويتن بلى تسايد
رديت و ببرود : ما سويت شي قلت له ان عرسك ما يهمني لانك ما تهز فيني شعره
لمت أمي يدها على راسها ...... و خواتي بققوا عيونهم !!!!
امي : عمى يعميتس لو انتس قايلتها لوحده من خواتس ما تكلمتس ابد !!!
تقولين هالكلام لرجلتس !!! و ياريتس ما خذتن أي واحد !!!
ماخذتن احسن الرجال و ارجلهم بعد و هذي تاليتها تقولين له كذا !!!!
رديت : و انا بعد احسن الحريم وش كبر راسه علي و بياخذ غيري !!!
امي : من قالتس انتس مزيونه !!! وحدتن نحيفه عظام رقبتس طالعه
من النحف لو اني رجلتس رميتس عند اهلتس يعالجونتس !!!
منال : طيب يوم قلتي هالكلام وش سوا .... قلت : طلع و راح لبيت ابوه
منال : و بعدين ..!! طالعتها انا : وش تبين يعني .. تحقيق هو !!!
منال : ابشوف متى طلقك الى ان طلع من البيت ما قال شي !!!
قلت : هو خيرني اني اجلس عنده او يعطيني ورقتي !!!
منى : و اكيد قلتي الورقه اهم من عيالك !!! قلت : اول مرة اشوفكم ضدي ..!!!
منال : انا مع الحق يا منيره ... منى : و لاننا نحبك و خايفين عليك لازم نوقف في وجهك
حتى ما تظلمين نفسك اكثر !!! .... أمي و هي تتنهد : لا حول و لا قوة الا بالله ...
و عيالتس وينهم الحين !!! قلت : في بيتهم ... بعد وش اسوي بهم !!!!
منال : كملي الفلم و بعدين !!! منيره :ما يحتاج أكمل من الحين موقفي مو معجبكم !!!
امي : منى يا أمي جيبي لي ارقام التلفونات بكلم أم عبد العزيز .....
قلت : لا لا تكفين يمه موب الحين .... كلميها بعدين !!!
امي : تشب يا مسودة الوجه و الله انتس مسويتن شي موب زين و مغبيتن علي !!!!
قمت من مكاني و خليت الظرف الكبير وشافوا الشيك و انا أطلعه و خذته معي فوق !!!




::
::



( ام منيرة = أم سعد )




جابت منى التلفون و دفتر الارقام و دقت لي على رقم ام عبد العزيز
قلت : السلام عليكم من !!! .. حصة وشلونتس يمه عساتس طيبه ... وش لون عيالتس
و ردت علي حصة : هلا و الله و عليكم السلام ... خالتي وشلونك الله يسلمك
الحمد لله كلنا بخير الله يسلمك وشلون البنات و العيال
رديت : كلنا بخير الله يسلمتس .. بس و الله من قالت لي منيره الخبر
و انا تدور بي الدنيا و ارتفع ضغطي و سكري ,,,
حصة : الله يهديه عبد العزيز و الله كلنا ضاقت صدورنا ... بس و الله يا خالتي
مو بسيط اللي سوته منيره فيه يوم علمها انه بيعرس عليها ..
قلت و انا قلبي يقرصني : وش مسويه منيره !!!!
حصة : هاااا !!! خلي منيره تقول لك احسن بنفسها ...
قلت : و الله يا بنيتي مدري وش السالفه منيره ما تكلمت و انتي تقولين الخبر تحت ضلوعها
مير هين بعرف الهرجه كلها ... وين الوالده يا امي ابي اكلمها
حصة : لحظه شوي ...
كلمت ام عبد العزيز و بعد السلام و السؤال قلت لها ورا عبد العزيز
يطلق منيره ... ما فكر في عياله .. ما فكر في حياتهم ,,
و ام عبد العزيز ضايق صدرها تقول اني ما ودي وصلت الامور كذا
بس منيره الله يهديها فضحت بنا حتى عيالها مسحبتهم معها
و تصارخ بوجهي و بوجه بنتي حصة و تسبنا ....و اخرتها شققت مفرش غرفتها
و حاست غرفة عبد العزيز حووووس ..خذت العلوم كلها من ام عبد العزيز
و جلست افكر في منيّر و سواياها ... زاد انا اقول عبد العزيز ثقيل موب يحركه أي شي
و بنتي و اعرفها زين تسكت و اذا انفجرت حاست الدنيا حوووس
قلت لام عبد العزيز : امسحيها بوجهي ياخيتي و بتشوفين اللي يرضيتس ان شاء الله
ام عبد العزيز : و الله يام سعد ان الدنيا ضاقت بي يوم دريت
بس انتي عارفه الرجال ما يهزب و لا يستهزأ بكلامه و بنتك الله يهديها
ما خلت له فرصه و الله انه جاينا و ما علمنا عنه شي الا بدخلة منيره
و هي مسحبتن عيالها ... بغا يطير عقل عبد العزيز ..
و كلامها علينا انا واخته و ما صبر .. يقول لو ما اعرست ... ما عاد ابيها عقب كلامها
قلت : وشلون يعني !!! ما يبي يرجعها لعيالها !!!!
ام عبد العزيز : ما ظنيته .. هو يقول لحد يتدخل بحياتي و عيالي !!!
قلت : و عياله مايبون يشوفون امهم !!! ام عبد العزيز : و الله يا اختي مدري عنه
هو ما قال شي و لا يبينا نتدخل ... كان تبين تكلمينه و تسالينه كلميه و شوفي !!!
قلت : طيب يا ام عبد العزيز كانك تعرفين رقمه عطينيه الحين ...
( منى جيبي القلم اكتبي رقم عبد العزيز .... أشرت لي الرقم عند منيره
أشرت لها ما بي منها شي... قومي جيبي لي قلم )
عطتني ام عبد العزيز الرقم و سكرت منها و وعدتها اني أسيّر عليها قريب
قعدت اقرا في الرقم ... و اقول بنفسي هيّن مانيب مكلمه الحين بكلم لين يهدى الوضع شوي
الحين بقوم لمنيره وبشوف وش اللي عندها ... !!!!






( حصة )







سكرت امي التليفون من ام سعد ... و سالتها :
ليش طلبت رقم عبد العزيز ... تبيه يرجع منيره !!!
امي : ايه تقول بحاكيه ماهو معقول يحرم العيال من امهم !!!
حصة : يا قلبي يا عزيز و الله ما يستاهل هالمشاكل ... شوي و يدخل ابوي
قمت و سلمت عليه و حبيت راسه .. قال لي : حصة غريبه وش جايبك هالحزة
قلت و انا اضحك : ليش يا بو عبد العزيز ما تبيني اجي !!! قال : الله يحييك في كل وقت
بس ماهو طبع لك و لا هيب عادة .. تتركين بيتك وقت الغدا !!!
قلت : عبد الرحمن مسافر من البارح و جبت عيالي هنا نتغدى و ينبسطون مع عيال عبد العزيز
قال: اييييه ... الله يحييكم ... قالت امي : خلي عيال عبد العزيز يتغدون ببيتهم و بعد العصر يجووون هنا
اذا خلصوا واجبهم ... قلت : خلاص يمه بكيفهم انا اصلا بروح بعد العصر
يالله اشوف للبيت قبل لا يجي عبد الرحمن بكرا ...
قال ابوي : ما اتصل عبد العزيز !!! أمي: لا و الله بسم الله عليه ما شفناه من بعد اللي حصل البارح !!!
ابوي : كلمتي اللي تبونها لصالح !!!! .... أمي : بعد المغرب ان شاء الله بكلمهم
حصه : يعني جزمتم على نوال ال ****** !!!! امي : ايه يا بنيتي .. اقعدي عندي لين اكلمهم ....
قلت : المشكله بكرا دراسه و بيجي ابوهم ... خلاص اجل باستنى اذا صليت العشاء بامشي ...
قالت امي : ودي تروحين تشوفين عبد العزيز ... كانه جا من الشركه و الا لا !!!
قلت :. نرسل احد لبيته ....يشوف سيارته فيه و الا لا ....
مدري يمه مابي احرج عبد العزيز .. يعني اخاف يفكرنا نبي نغير رايه او شي
ابوي : لا تتدخلون في عبد العزيز .. خلوه على راحته هو رجّال و يعرف يتصرف ..
امي : تو ام منيره مكلمتن علي تقول ما يصير هالكلام تفرقون العيال عن امهم ...
ابوي و هو شايط : قولي لها ,,لو بنتك فيها عقل ما سوت اللي سوته و لا فرقت عيالها عنها بيدها
سبحان الله العظيم من دخلت علينا هالادميه و انا ما ارتحت لها ابد ...
استغربت كلام ابوي ... اول مرة اسمعه يتكلم بها اللهجه ,, ويبين موقفه من منيره !!!!
رحت للشغاله و قلت لها روحي لبيت عبد العزيز وشوفي السيارة اذا موجوده و الا لا
رجعت لمكاني و لا لقيت ابوي .. و امي جالسه و تكلم بالتلفون ...
شوي و تجي الشغاله و تقول موجود مستر عبد العزيز بيبي يقول موجود فوك و نايييم
هزيت راسي طيب شكرا .. و امي لا زالت تكلم بالتلفون ...
و صلينا المغرب و كلمت أمي اهل نوال تخطبهم و وعدوها انهم يردون لنا بعد اسبوع
قعدت اسولف اناو امي شوي و قلت للشغالات نادوا عيالي بمشي
ما عاد الخير ... تأخرنا على البيت ... الساعه الحين ثمان و نصف !!!
قلت لامي وين ابوي قالت : يمكن عنده رجال في الديوان .. قلت : اجل سلميني عليه
يالله يا عياااااااااااااااااااااالي ......

________________________________________
( عبد العزيز )





سكرت من نوره و اطالع بالتليفون ... شكلها متقبلتني البنت
و انا بعد ارتحت بعد مكالمتي لها .. لكن وش سالفة الوظيفه بعد !!!
على طول تكلمت عنها ... شكل احد قايل لها اني مابي موظفه !!!
الوظيفه بالنسبه لي للمرأة شي ايجابي منها تقضي على فراغ كبير عندها
و منها تكون اكثر استقلاليه مع اني ما راح اقصر عليها ..
ما بقى على الخميس شي .. شكلي ما راح اكلمها الا بعد الملكه
انا كان هدفي من المكالمه جس نبضها و اعرف موقفها ...
لكن الحين على انها مكالمة قصيره لكن ارتحت شوي ...
قمت و لبست ثوب البيت ... و طلعت من جناحي و رحت لغرفة العيال
شفت مها تذاكر بغرفتها ...و رحت اشوف محمد لقيته نايم بغرفته و فارس و تركي برضه نايمين بغرفتهم
رجعت لمها و قلت لها : وش اخباركم ... تعيشتوا !!!
مها : ايه بابا و خليتهم يذاكرون بعد !!!!
قلت : بعدي بنتي .. و انتي اذا خلصتي الحين نامي يا بابا الساعه عشر ما يمديك تنامين زين
مها : ان شاء الله بس بقى درس و اخلصه ..
طلعت منها و نزلت بروح اشوف الوالد و الوالده قبل لا ينامون ...
دخلت البيت لقيت الوالده بتقوم من مكانها و شافتني و قالت بلهفه :
هلا با ابوي وينك يا حبيبي ما شفناك من امس ضاق صدري عليك
جيت لمّها و حبيت راسها و قلت : و ليش يضيق صدرك !!! ما فيني الا العافية
الوالده : الله يوسع صدرك بالعافيه و يوفقك ,, متى ان شاء الله الملكه !!!
قلت : انا جاي الحين و بقول للوالد انه يوم الخميس لا يرتبط مع احد على الغدا
و ابي صالح و فهد و بكلم عمي ناصر يجي معنا ....
الوالده : ابوك توه طالع لغرفته رح له فوق و كلمه ...
قلت : لا بكرا اذا جيت من الشركه مريتكم اتغدى عندكم و اقوله
رحت و حبيت راسها ....: تصبحين على خير
الوالده : لاقي خيررر يا ولدي الله يسمح امرك و يوفقك
طلعت و رحت لبيتي و دخلت جناحي و جلست على النت شوي
اشوف بعض الاسواق العالمية .... سجلت بعض المعلومات اللي تهمني
و دقيت على الشغالات و قلت لهم : سووا لي كاس حليب دافي
جابت لي الحليب و حطته في الاوفيس الصغير اللي بجنب غرفتي و طقت الباب علي
اخذت الحليب و جلست اشربه ابي اعصابي تريح شوي و دخلت الحمام
الله يكرمكم اخذ لي شور دااااافي تذكرت القلب الدافي ... !!! يا ترا هي تفكر بمكالمتي
و الا ما عندها وقت للافكار !!!! طلعت من الحمام ... و صليت لي ركعتين
اطلب من ربي التوفيق و السعاده ..... بعدما خلصت جلست افكر في البيت
اجيب نوره هنا و الا اخذ لها بيت لحالها !!! بفتح معها هالموضوع و اشوف رايها
لكن ........................... بعد الملكه ان شاء الله






( نورة )






اليوم الخميس ... من قمت و قلبي يرجف رجفاااان
طول البارح ما نمت ما غير اصلي و ادعي ربي يا رب تكتب لي ما فيه الخير
يا رب توفقني مع عبد العزيز .... ما نمت زين البارح مع اني طلعت للسوق
مع فوزيه و درنا لحد ما اوجعتني رجووولي ادور فستان للشبكه يناسب
و كلمت اللي يسوون كوشه ما عطيتهم موعد معين بس قالوا أي وقت بتلقينا جاهزين
و طلبت صينيتين شوكلاته واحد من جووي و حده من باتشي و فطاير من روزا و ملك الحلويات ..
و خليتهم على الطلب أي وقت أطلبهم يرسلون الصياني للبيت
طبعا فوزيه تقول لي ماله داعي وشو له هالاستعدادات ما هي اول فرحتك !!!
قلت : فوزيه يا عمري انا احب اعيش الفرح داااايم ... و ابي يعرف عبد العزيز
اني اهتم له و استعد له عشان ما يناظر برا !!!!!
فوزيه : نشوف ... اللي يعرس مرة يعرس اربع مرات !!!
قلت : فالك ما قبلناه يا مرت اخوي ان شاء الله للي يكرهوني !!!!
و ناداني سلمان علشان اوقع و وقعت على العقد ... باس راسي سلمان و قال مبروووك
طالعته باستغراااب : الله يبارك فيك ... عقبال ما تزوج عيالك ان شاء الله
رحت عند امي و حبيت راسها و دعت لي بالتوفيق و دمعت عيونها
يا حبيبتي يا يمه الله يخليك لي يا بعد هالدنيا كلها .....
راحوا الرجال و انفض المولد مثل ما يقولون .... و طلعت ارتاح
بغرفتي ... و اسمع صوت مسج على جوالي ... فتحته
( حبيبتي بكلمك الليله ان شاء الله على الساعه 11 )
حبيبتي !!! على طوووول شكله ما عنده وقت عزوزي !!!
كلمت صديقتي نوف لاني شفتها داقه على جوالي و دقيت عليها ..
نوف معي بالكليه و هي متزوجه و عندها خلللودي ... ردت علي و بصوت كله فرح :
مبرووووووووووووووووووووووووووووووك ناني الف مبروك حبيبتي
قلت : الله يبارك بعمرك و قعدت احكي لها من اول اليوم الى اخره ما عدا سالفة المسج
و قعدنا نسولف و نتكلم بمواضيع ثانيه ... لحد ما جا وقت صلاة المغرب
خذتي لي شور قبل و صليت و نعست و ما حسيت الا الساعه احدعش
و الجوال يرررررررن و اطالع الرقم الا ............




:
:
:
:
:
:
:
:




(عبد العزيز )




اليوم الاربعاء ... طلعت من الشركة العصر ودخلت بيتي
و شفت مها جالسة .. سلمت و قلت لها
اذا تبين تروحين مع أخوانك لأمك يا بابا روحي اليوم ......
وافقت حبيبتي و قالت : معليش يا بابا ... باخذ معاي الشغاله تساعدني على اخواني
قلت : خلاص اللي تبين ... مها : بابا ...!!! ما راح تزعل اذا نمنا عند ماما سلمى !!
قلت : لا حبيبتي و ليش أزعل أنا أبي اللي يريحكم و يبسطكم
مها : طيب و ماما !!! قلت : وش فيها !!!
مها : ماراح تجي تاخذها !!! قلت : مها حبيبتي .....أنتي كبيره ....و بقول لك
آخر كلام عندي ... أمك يا بابا ما تبيني و قالت هالكلام بوجهي
يعني حتى لو رجعتها كلامها ما راح انساه و لا يمكن اعيش معها و انا اذكر كلامها ....
مها : بس يا بابا انت بتتزوج على ماما !!! و اكيد هي زعلت من هالشي !!!
قلت : يا حبيبتي انا كنت دايم أزعل منها بس ما أضايقها بالكلام !!!
اطلع من البيت و ينتهي الموضوع عندي !! مها امك كانت كااانت غالية عندي
لكن سوء تصرفها معي و مع ماما هيا و عمة حصة خلاني اطلقها
مها : لكن ماما تقول انت طلقتها عشان تقعد لحالك مع العروسه الجديده !!!
قلت : شوفي يا مها انتم عندي اغلى ما أملك ..... و حتى لو ما خطبت وحده ثانيه
و امك سووّت اللي سووته كنت راح اطلقها اليوم او بكرا
مها : لكن بابا .... قاطعتها : ريحي راسك من هالموضوع حبيبتي
انتي شفتي حياتكم استمرت و لا تغير عليكم شي !!!
و اذا على زوجتي الجديده فهي بتحبكم اكيد لانها تحبني
و اللي يحب احد ما يضايقه..... كلامي صح و الا لا !!!!
مها : حتى احنا نحبك بابا و ما نبي نضيّق صدرك !!!
بستها على راسها : هذي بنتي اللي احبها ... يالله حبيبتي نادي اخوانك يروحون معك
و طلعت مني و انا اشوف دموعها بعيونها ... أوجعني قلبي عليها
هالبنت ما تصورت انها حساسه .... سلموا علي العيال و ركبوا مع السواق
الحين جا الخميس و صارت الملكه الحمد لله و كل شي تمام
و أكيد نوره قالت لكم عن الرساله اللي ارسلت لها ....
وصّلت الوالد مع اخوي صالح للبيت و فهد أخوي وصّل عمي ناصر لبيتهم
نزلنا و القى وجه الخير الوالده تبارك لي و عيونها غاصة بالدموع !!! هي و حصة
و اضمها لصدري و قلت لها : طيب ليه الدموع !!! الوالده : فرحانة لك و خايفتن عليك
قلت : وش تخافين منه !!! موب اول واحد يعرس انا و لا اخر واحد !!!
حصة : الله يكفيك ياخوي شر من فيه شر ... و الف مبروك ان شاء الله تكون ام عيالك و انت ابو عيالها
الوالده : آمين و ييسر امرك و يزيل همك و يخليك لعيالك و يسخرلك من أقوى منك ...
صالح : لحظه لحظه بسجل هالدعاوي ...علشان اقارن اذا جا دوري بشوف وش تدعين لي !!!
ضحكت و قلت : الغيره على كبر مشكله الصراحه هههههههههههههههههههه
الوالد : الله يوفقكم ان شاء الله ...
جلسنا نسولف شوي و باين على الوالد انه مرتاح للنسب الجديد ..
حتى صالح باين انه اندمج مع نهار اخو نوره ...قمت منهم و قلت استأذن
بروح ارتاح شوي ... صليت المغرب و انسدحت شوي
ونمت على كنبة الصالة ... قمت على صوت اذان العشاء و رحت و توضيت
و طلعت للمسجد ... بعد الصلاة دق علي محمد صديقي يطمن علي
بشرته بالملكة ... و بارك لي و قال هذي يبي لها عزيمه
و تواعدنا بالقهوة اللي متعودين نجتمع فيها بعد كل وين و وين
المهم رحت للقهوة و شفت محمد و خالد و عبد المجيد
و كلهم من اصدقاء الثانوي و الجامعه و كلهم رجال أعمال و ناجحين
قاموا لي اول ما شافوني و باركوااا لي و قعدوا يعلقووون علي و انا اسكّت بهذا يرد الثاني
و محمد فاطس من الضحك ... التفت عليه و قلت : عازمني عشان تباركون لي و الا تمتحنوني !!!!
ضحكنا كلنا مع بعض و بصوت عالي لدرجة ان اللي حوالينا التفتوا علينا و يبتسمون
المهم انبسطت معاهم و لزموا على العشاء و رحنا و تعشينا و طالعت الساعه الا 11 و نصف
افففففففف و الله نسيت البنت ما كلمتها ... تعذرت منهم و قلت بروح للبيت ورانا بكره صلاة جمعه
قال محمد : احلى جمعه لأحلى عريس هههههههههههههههههههه الله يرجهم فضحوني عند المطعم
تواعدنا نشوف بعض قريب ... و كل واحد شغل سيارته و طلع
وصلت البيت قبل 12بعشر دقايق ... دخلت و طلعت فوق على طول
و غيرت ثيابي و لبست لي شورت و بدون قميص و غسلت وجهي و يديني يبي لي اصحصح شوي
و رحت للاوفيس سويت لي كابتشينو و خذت الجوال و دقيت
على القلب الدافيء ......ردت علي و قالت بصوت واطي : نعم
قلت : ..... و الا اقول اخلي نوره تكمل عني وشوفو ردت فعلها احسن
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!




( نوره )




طالعت الساعه لقيتها 11 بس الساعه اللي على الكومدينه
و اطالع بالجوال الا رقم عبد العزيز ... و ساعة الجوال 12 شلون !!!
المهم كلمته و انا مستحيه : نعم ... قال : مساء الخير نوره ... كيف الحال .....
مغصني بطني يوم قال اسمي ......قلت : مساء النور... بخير الله يسلمك
قال : مبروك حبيبتي ,,, قلت بحياء : الله يبارك فيك ,,
قال : كملي !!! قلت : وش اكمل !!! قال : قولي حبيبي !!!
انا هنا دخنت عيوني بغيت أصيح و ارتفعت حرارتي بصراحه ما تعودت احد
يقول لي مثل هالكلمات !!! حتى اللي كنت متزوجته قبل ما يعرف يقول كلمتين على بعضها
أصلا هذاك ما عشت معاه كثير .. و الله يستر علينا و عليه
المهم قال عبد العزيز : نوره .... قلت : هلا
قال : ما تبين تقولين حبيبي !!! قلت و بتسرررع : لالالالا !! مو قصدي
قال: مستحيه مني !! قلت بهمس مدري وشلون طلع صوتي كنه صوت دجاجه مزنوطه ( لا تضحكون ) :ايييييه
قال: طيب ممكن اطلب منك طلب ... قلت : سم
قال : قولي يا حبيبي .. قلت : ما اقدر ....!!! قال: و اذا قلت عشاني .. يعني مالي خاطر عندك
و الله احراج يا ربي بجلس على هالحال أي كلمه بيستقعد لي فيها بقول و اخلص ...
قلت : ياااا حب يب ييي قال : امممممممممم ما عجبتني مقطعتها عيديها ثانيه ..!!!!
قلت بانفعال : لا أرجوووووووووووووك و الله ما أقدر !!
سمعت ضحكته ضحكة جناااااان و احسها طالعه من قلبه و ابتسمت ... قال : طيب خلاص و لا يهمك
يكفيني اني سمعتها منك و ما رديتي طلبي ... تستاهلين هدية
وش اقول!!!! قلت : شكرا ...قال : عفوا هههههههههه طيب نوره انا بقول لك خبر جديد
و اتوقع انه بيغير من اللي خططته لي و لك ... قلت و قلبي اوجعني الله يستر : تفضل .. أسمعك
قال: انتي الحين زوجتي الوحيده ..... و أم محمد طلقتها ...
بصراحه انصدمت و مدري حسيت بفرحه مؤقته بس خفت من عواقب هالفرحه !!!
قلت بخوووف : لييييش .... عسى مهو بسببي !!! قال : لا يا حبيبتي انتي مالك دخل بالموضوع
لانه حتى لو ما كنت خاطبك كنت راح أطلقها .. قلت : بس هذي أم عيالك !!!
قال : هي لو انها عارفه قدر عيالها كان ما وصلتها معي للطلاق ...!!
قلت : يعني ماراح تغير رايك !!! قال : لا ما أظن اللي صار أقوى من اني أرجعها !!!
قلت : طيب و ش اللي بيتغير من اللي خططت له ....!!!
قال : ما عندك مانع اننا نعيش مع عيالي في بيتنا ...
قلت : لا ما عندي مانع اكيد بس عيالك اخاف صعبه عليهم يشوفوني مكان امهم !!!
قال : عيالي الاولاد صغار ... مها اكبرهم في ثالث متوسط و فهمتها الموضوع و اتوقع انها بتفهم اخوانها
قلت : ما ادري الصراحه وش اقول لك يعني ما توقعت مثل هالخبر !!!
قال : و لاني عزوبي الان ودي نتزوج بدري يعني لو الاسبوع الجاي يكون احسن !!!
يا ربيه كلما قلت راح الحيا مني ... بكلمه يرجعه ... سكت و ما قلت شي وش اقووول !!!
قال : نوره ... وش قلتي ..!! قلت : احمم ( غصيت بريقي) مدري صراحه بس مو كنه بدري
يعني ما تجهزت و لا شي ... و حتى الشبكة ما استعديت لها ...
قال : الشبكه أي يوم تبينه ... حددي اللي يناسبك و با اسرع وقت !!
حتى نقدر نحدد الزواج بدري ...
قلت : عبد العزيز ........ سكت سكته طويله خفت انه نقطع الخط قلت :
الوووو قال : يا حلووو اسمي ليش ما قلتي حبيبي !!!!
بصراحه ضحكت بصوت واطي و قلت : ممكن اطلب منك طلب !!!
قال : تبين اقول حبيبتي !!!! قلت و انا ابتسم : لالالالا ...ضحك : يعني ما تبني اقول
قلت : اسمعني الله يسلمك ....انا ودي يكون الزواج بعد ما اتخرج انا ما بقا لي غير شهر و نص
و باذن الله راح اتخرج و اخلص من هم الدراسة ...!!!!
قال : وش بيصبرني شهر و نص !!! قلت بسرعه : صدقني من صالحك تاخر الزواج حتى العيال
يكونوا خلصوا من الدراسه و تبدا الاجازة و ممكن ناخذهم معنا بشهر العسل .....
سكت شوي وقال : من ناحية الدراسه معك حق .. بس شهر العسل ما ظنيت يروحون معنا !!!
قلت : و ليش ما يروحون صدقني راح يتعودون علي بسرعه أكثر و أنا بعد ..
قال : يتعودون بعدين .. و انا ما راح أتركهم الوالد و الوالده بيسافرون على جنيف مثل كل سنه
و بيروحون العيال معهم و ينبسطون و يمكن نمرّهم هناك اذا جينا راجعين من شهر العسل
قلت: اللي تشوفه ... قال : أول مرة أطول في مكالمة و ما حسيت بالوقت ...
قلت : اووو الساعه 1و نصف .... قال : ماراح اسكر خليني اشبع من صوتك !!!
يا ربيييه هالانسان ما يشبع من الاحراجات .... سكت و ما رديت ..
كمل : نوره ممكن اطلع انا و انتي نتعشى برا في أي يوم !!!!
وشوووووووووووووووووووووووووووووو!!!!!!!!!!!!!!!!
قلت : هاااااا قصدي مدري بصراحه بشاور اخواني........
ضحك قال : طيب شاوريهم و ردي لي خبر مع ان مالهم علاقة فينا بس لاجل عين تكرم مدينه
قلت : ان شاء الله راح اخبرك ... قال: اوكي حبيبتي مضطر اقفل الان ما بقى شي على الفجر
قلت : تصبح على خير ... قال: تصبحين على خير حبي .....
سكرت منه وانا انواع المشاعر تحوس بقلبي و مخي واااااااااو من جد هالانسان مو طبيعي متجدد ماشاء الله عليه
شكله رزه و جنتل و كلامه كله عذوبه و خفة دم و جريييء حبتين ههههههههه
يعني كامل و الكامل الله بس لو ما كان متزوج و عنده عيال .... كان الحين انا مبسوطه ...
و يا ترا ليش طلق زوجته .... وش راح يكون موقف اهله مني !!
اووووووه يا ربيه نسيت اصلي العشاء ... الله يتوب علي ..صليت و تسننت و اوترت بعد و استغفرت ربي
كل شي يهون الا الصلاة ما تأخر عن وقتها .....
سمعت الجوال يدق لاستقبال رساله فتحتها طبعا من حبيبي هههههههه و غيرت اسمه في الجوال الى( حبيبي )
( أشتقت لك حبيبتي .... الاثنين بازوركم بعد صلاة العشاء ان شاء الله )



:
:
:
:
:
:
:
:
:
:


( منيره )



جوني العيال يوم الاربعاء .. و اول ما شفتهم ما اهتزيت سلموا علي عادي
بس شفت الدموع بعيون مها .. قلت لها : وش فيك مهاوي
قالت : ليش تركتي بابا ... قلت و بتعصيبه : هو البادي بيتزوج علي و تبيني اجلس عنده !!!!
مها : بس ماما المفروض تفاهمتي معه ... لو عشاني انا و أخواني !!!
رديت : و هو يوم بغا يتزوج ما فكر فيكم !!!! نزلت مها راسها و حطت يديها على وجهها وبكت
جت منال و حضنتها و طلعت بها برا عند الحديقه ....
أمي : حسبي الله عليتس من بنت حتى بنيتس ما رحمتيها !!!
قلت : طيب وش تبيني أقول لها !!! خلاص برجع و قولي لبوك يرجعني !!!
امي : لو فيتس خير ........ قلتي لبنتس انا احبكم و ابيكم و قولي لبوتس يجيبني عندكم
قلت : ما بييييييييييييييييييه اصلن ما احبه قطع و الله اذا شفته كنه شايفه جني !!!
امي : اجل ليش قعدت تصارخين عليهم و شققتي مفرش الغرفه و انهبلتي ... لو ما يهمك كان طلعتي بسكات !!!
قلت : لا و الله ...... اخليها يتهنى و انا كل السنين اللي فاتت ضاغطه على نفسي !!!
منى : منطقك غريب يا منيره !!! انا اتوقع انك تكرهينه مو ما تحبينه !!!
ومدام انك تكرهينه ليش رضيتي تجيبين العيال منه .. و الا بس شاطرين تجيبون عيال و تصفونهم و بعدين تعذبونهم !!!
قلت : منى رجاء لا تتدخلين !!! انتي بالذات لا تتكلمين !!!
منى : الله يرحم حالك و الله مومتحسف الا انتي و خلي عنجهيتك تنفعك ...
امي : اسمعي يا منيره انا بكلم عبد العزيز و .... قاطعت امي : لا يمه تكفين انا ما صدقت اطلع منه !!!
منى : حشا و الله مو صاحيه انتي !!! قلت : اذا طلعت كذا بيفكرون الناس انه ظالمني و ان الحق عليه
و احسن اكون عند الناس مظلومه و لا اكون ظالمه !!!
منى : وش هالحسبة الخايسه !!! مهتمه للناس و عيااالك !!! شفتي مها شلون وجهها صاير و الدموع ما وقفت !!!
قلت : تكبر و تنسى ... و خليها تنكد على ابوها في الطالعه و النازله ...
امي : انا كنت بكلم ابو محمد بس الحين عقب كلامتس ما اقول الا يا فشيليتي من الرجّال و بس !!!
منى : وش قصة الشيك اللي طلعتيه من الظرف اللي فيه صك الطلاق !!!!
تفاجئت من سؤالها : أي شيك !!! ما فيه شيك !!! منى : انا يا منيره اصدق عيوني و اكذب الكل وشو هالشيك !!
تذكرت اني لازم اطلع مع وحده من خواتي عشان تروح بي للبنك فبيعرفون بيعرفون ..

قلت : ايه تذكرت هذا شيك بخمسين الف من اللي ما يتسمى !!!
لمت أمي راسها بيديها و تنهدت : آآآآآآآآآآآآآه سودتي وجهي الله يسود وجهتس !!!!
قلت : ليش !!! تدرين انه صافقني على وجهي و كاتب على الشيك بدل ضرر الكف اللي جاني !!!
منى : ههههههههههههههههههههههههههههههههههههه بدل ضرر !!! لو اني منك خليته يعطيك كفين
بشوف كم يعطيك!!! ههههههههههههههههههههههههه
امي : شوفي يا منيره انتي ضيعتي حياتس بيدتس و ما اقول الا الله يعوضتس خير و يعوضه خير بعد هو
و الله الرجال ما شفنا منه الا اللي يسر و لا انسى وقفاته معنا و في بيتنا و مساعدته لاخوانتس
والله لو تطيرين ما تلقين مثله ... الشكوى لله ... و دمعت عيونها
دخلت منال و معها مها و جلسوا عندنا .....قالت منى : شلون الدراسه مها ...
مها : الحمد لله ... بابا يجي بدري و يساعدني بعض الاحيان ....
قلت : ما قال لك ابوك متى بيتزوج !! ناظرتني و دنقت راسها : ما قال لي شي !!
قلت : عاد ما اوصيك اذا تزوج ابوك و جاب مرته عندكم نكدي عليها و خليه يطلقها عشان ارجع لكم
منى و منال : منيرة ... امي : مهبولتن انتي !!! مها يا حبيبتي لا تسمعين كلام امتس .. و لا تضيقين صدر ابوتس
ترا ابوتس يحبكم و الطلاق امر مكتوب يا بنيتي ... و زوجة ابوتس اكرميها و احشميها عشان ابوتس
منال : مها لا تهتمين الا بمصلحتك انتي و اخوانك ... اذا عاملتي زوجة ابوك زين هي بتعاملكم زين ...
منى و هي تناظرني : امك يا مها ما تبي ابوك و لا هي زعلانه عشانها طلعت من بيتكم ..فخليك كويسه مع زوجة ابوك ..
انقهرت منهم و من ردهم .. قلت : خليها تنفعك زوجة بابا و قلتها باستهتار و طالعتهم و قمت رحت لغرفتي
حتى اهلي امي و خواتي ضدي !!! المفروض انهم اول من يوقف معي هم !!!!...
الله يجيب اللي في بالي ... اذا درا اني تطلقت .. اكيد بيخطبني و الا وش اللي مخليه ما يتزوج الى الان !!!





بعد مرور شهر و نصف و تم تحديد زواج عبدالعزيز و نورة







( عبد العزيز )






ضبطت الامور كلها قبل الزواج... طلبت مهندس ديكور من وردة الصالحية
يصمم لي أثاث جديد للبيت كله .... الفتره اللي راحت كنت ببيت الوالد انا و العيال
لحد ما خلص البيت و اثاث جديد و ااكسسوارات جديده لكل جزء في البيت حتى الحمامات جددتها
بصراحه البيت طلع شي بعد التجديدات حتى العيال انبسطوا كل واحد صار بغرفة مستقله و حمامها معها
جناحي انا و نوره كبرته و خليت فيه غرفة جلوس كبيره و فيها تي في بلازما و استريو و غرفة ملابس
و غرفة فاضيه فيما لو تحتاجها نوره تكون عندها و طبعا غرفة النوم الرئيسية و حمام كبير الله يجلكم
اما الدور اللي تحت فتغير 180 درجه الوان فاتحه و هادية و مجالس ذوووق الصراحه
اما المطبخ فللامانه اشرفت اختي حصة عليه و سفرة الطعم من و الى الله يسلمها طبعا عطيتها شيك مفتوووح
مابي يكون قاصر نورة شي و لا حتى عيالي مابي يقصر عليهم شي ....
حتى المظهر الخارجي للبيت و الحديقة اللي برا و المسبح عملت لها
عقد صيانه شهريا يتفقدون الزراعه و المسبح لمدة 3 سنوات
لاني عارف شغلهم ودقتهم وهم قد اشتغلوا عندي بمقر الشركه و الى الان مستمر معاهم ....
و امور السفر رتبناها انا عندي شقه في باريس و ماربيا و الوالد عنده فيلا بفيان ( قريبه من جنيف)
فقررت اني اسفر العيال مع الاهل و خاصة ان حصة بتروح مع زوجها و عيالها هناك و فهد بيلحقهم
اما الشيخ صالح فهو تزوج الله يسلمه قبلي و سافر على طووول بسبب تقديمهم لموعد البعثة
الله يوفقه ..( و الله ماله داعي هالبعثه بس هو عنيد و ما يسمع الا نفسه )
و قررت ان يكون شهر العسل بماربيا و بعدين نطلع على باريس و روما و نمر جنيف
و نرجع كلنا مع بعض .... يمكن تستغربون من دقتي في التخطيط .. لكن انا كذا ما احب اترك شي للصدف
احب أأمن كل شي حتى ما يجي في وقت ضيق و احتاج شي معين او ما خططت له و يظهر لي فجأة
ما احب المفاجآت الا السارة طبعا ... خلاص ضبطنا كل شي و جت ليلة الزواج
حلقت و ضبطت ال***وكه و حددتها المهم طلع الشكل النهائي بيرفكت
لبست و طلعت مع الوالد و محمد ولدي معنا و فهد و عبد الرحمن زوج حصة
والاقارب المقربين من الاعمام و الخوال ..
و مها راحت مع الوالده و اختي حصة ..
وصلنا لبيت العروسه و ضيفونا و بعد فترة قلطوا الرجال على العشاء
ناداني نهار يبي يدخلني جوا البيت على اساس نصور مع العروس
دخلني نهار على غرفه شكلها مجلس للحريم فيها المصوره و خلفيات حلوة و فخمه
وشفت العروسه !!! مو مصدق عيوني هذي نوره !!! ترا لعلمكم ما شفتها الا مرتين
بعد الملكه و كانت تستحي مني مره حتى لما سلمت عليها و بستها شفت دموع بعيونها !!
بعدها خفت اضغط عليها و تكرهني مرة وحده و انا كل مرة اذوب فيها اذا شفتها ..
المهم اني شفت احلى بنت في العالم و لله الحمد و الشكر انها من نصيبي
سلمت عليها و بست خدها ... بصراحه ما قدرت اقاوم ...
صورنا الصور و معنا نهار و جا سلمان ... و الباقي لي و لها ...
جلسنا شوي مع بعض و طلعت المصوره و التفت على نوره و عيوني بتاكلها :
مبروك حبيبتي .... لحظه ترا لازم تقولين حبيبي !!!
دنقت راسها : الله يبارك فيك ... حبيبي ......... يا سعدي و يا هناي
يا ناس اول مرة احس بهالشعور !!! قلبي يرفرف .. يعني كل العرسان يحسون مثلي
انا بزواجي الاول ما حسيت بشي .. كاني مبرمج ان هذي مرتي و بس !!!
طالعتها : وقلت : ترا ازعل لو ناديتيني عبد العزيز حاف قولي حبيبي حياتي عمري
يعني اسمي الجديد حبيبي ... ابتسمت و فيها الضحكة و طالعتني و قالت : ابشر يا .... حبيبي
قلت و انا اضحك :ايه هذي نورتي اللي أحبها .... جلسنا شوي و دخلت علينا أم سلمان و معها الوالده و اختي حصة
و بنتي مها .... سلموا علينا و عيني على مها اللي صايره حلللوه .. و مستحيه من نوره
و اعجبتني نوره مسكت يدها و قربتها عندنا و قالت : صوري معانا نوره عشان تشوفين فستانك
كيف كان حلوووعليك .... راحت حصة و نادت المصورة و صورت مها معنا
و حتى حصة صورت اما الامهات ما يبون كالعادة ...
طلعوا من عندنا بعد ما وصوني عليها و وصوها علي يا حبي لهم هالامهات ....
و طبعا خبرتهم اننا بنطلع الحين بنروح للبيت ( بيتي الجديد)
و اصريت اننا نروح البيت مو فندق لحاجة في نفسي ...
طلعنا منهم و ركبنا السيارة حتى سيارتي غيرتها .. و شغلتها و مسكت يدها و رفعتها و بستها
يدها صغيره بيضا و بارده وضغطت عليها عشان تفهم اني احبها و اغليها و لا يمكن افرط فيها ..
دخلت السيارة جوا بيتي تقدرون تقولون عنه انه قصر مصغر تدخل السيارة على شكل قوس
وقفتها و نزلنا انا و نوره ... قلت : نورتي بيتك حبيبتي ...
قالت : منور باهله .... اشرت لها بعيني هاااااااااا قالت : حبيبي و هي مستحيه و مدنقه ..
يا زين الحيا يا ناس ودي اضمها اذا شفتها مستحية ...
طلعنا فوق و دخلنا قسمنا ... فكت عبايتها و قلت لها خذي راحتك و على بال ما يجي العشا
انا انتظرك في الجلسة ......





( نورة )




اول ما شفت البيت بغيت أشهق وش هالفخامه و ش هالذوووق !!!
طبعا ما بينت شي عييييب بيقول ذي ما شافت خير ابد ....طلعنا فوووق
ودخلنا قسمنا ... و قال لي انا انتظرك في الجلسة ...
طبعا ذيك الساعه مدري وش البس !!! يعني البس قميص نوم و الا فستان !!
جلست اتذكر وش قالت لي صديقتي كل المعلومات تبخرررت
سميت بالله و قلت بلبس طقم النوم حرير و عليه روب حريري لونه اوف وايت
نااااعم مرة و دخلت الحمام بغسل و طالعت نفسي بالمرايه واضح اني مجهده
و متوترة .. خليني اخذ لي شور و اضبط نفسي بنفسي ..
تروشت و نشفت شعري طويل صاير يبي له قص و حطيت مكياج خفيف ... و لبست طقم النوم
تاخرت في الحمام ... طق علي عبدالعزيز و قال : حبيبتي ليش تاخرتي ..
قلت : يالله طالعه ... طلعت و اشوفه يبتسم و يطالعني قرب مني و باسني على راسي
استحييت منه مرررة ... قال لي : نسيت اصلي ركعتين و حط يده على راسي
و قال : اللهم اني أسألك خيرها و خير ما جبلت عليه و اعوذ بك من شرها و من شر ما جبلت عليه ( ثلاث مرات )
بعدين قال : هذي وصاني عليها واحد مطوع يقول اذا قلتها بتتوفق مع زوجتك باذن الله ...
دخل للحمام و توضأ و صلى الركعتين قعدت اطالعه ....و انا بقلبي اقول اللهم لك الحمد الله لا يغير علينا
مسك يدي و رحنا للجلسه و شفت العشا من كل شي .. انسدت نفسي مع اني ما كلت شي طول اليوم الا ساندويتش الصبح
حاولت اكل ما قدرت شربت عصير ... حتى هو أكل شوي .. قام و غسل
و جلس يسولف عن حفلة الزواج و عن اخواني و انا ارد عليه لحد ما حسيت نفسي ارتحت شوي
وقف و قام قال : ما ودك تنامين !!! قلت: هااا لا خلنا شوي ....
قال : انا دايخ من صلاة الفجر و انا صاحي ....عطيني يدك
عطيته يدي و انا اتنافض ....






( حصة )




ليلة الزواج ...
يا زينها ما شاء الله نورة بصراحه اعجبتني مرررة و حركتها مع مها تدل انها انسانه طيبه
وحتى مها قالت : شكل زوجة بابا طيبه ...
قلت لها : مها حبيبتي لا تقولين زوجة بابا قولي خالة نورة
قالت : بس توها صغيره ... قلت : معليش هي الحين زوجة بابا يعني
احتراما لبابا تقولين لها خالتي
قالت : ان شاء الله عمتي ... طالعتها : مها حبيبتي انا عارفه الموضوع
صعب عليك في البدايه لكن ان شاء الله شوي شوي تتعودين على الوضع
و تحبين نوره و اذا أي شي ضايقك تعالي قولي لي انا بساعدك حبيبتي ..
انا ما عندي أخت و انا ابيك تصيرين اختي ,, وش رايك !!!
ابتسمت مها ورقصت حواجبها قالت : طيب يا اختي عطيني جوالك بكلم ماما!!!!!
طالعتها بدهشه : ليش ماما !!!!!!
قالت : انتي اختي الحين و بختبرك هههههههههههههههههههه
قلت لها : الله يقطع شياطينك يا حمارة طيحتي قلبي ...
قالت : عمتي انتي تفكريني غبيه او طفله ,, انا عارفه ليش بابا ترك ماما
و عارفه ان يحب زوجته الجديده ... و ماما ما تحب بابا ابدن !!! انا من زمان كنت اقول ليش ماما
ما تعامل بابا زين !!!!! ... و كنت خايفه اقول هالكلام اخاف احد يفهمني غلط ...
طارت عيوني من كلامها !!!!!..... و ما حسيت بنفسي الا اني اضمها و احطها بقلبي
يا حبيبتي يا مها !!!!!!!! كل هذا شايلته بقلبك و ساكته ....قلت لها : يا عمري انتي
يعني داريه و حاسه باللي يصير ... مها : و فيه اشياء كثيره عمتي اعرفها بس ما ابي اقولها
قلت : لا تقولينها ... و اذا حسيتي انك ودك تتكلمين قولي لي او اتصلي
على جوالي و كلميني احنا خوات الحين حبيبتي ما بينا أسرار ....
هزت راسها و قالت : ان شاء الله عمتي ...قلت لها : قومي نرقص انا و اياك على هالاغنية
و صرنا نرقص لحد ما تعبنا ...بعدين دخلنا نتعشى و جلسنا شوي و طلعنا
و امي تلزم على ام نوره انها تسير علينا و من هالكلام ,,, اخر شي ركبنا السيارة
و وصلوني لبيتي و بعدين راحوا لبيتهم ,,,,,







(عبد العزيز)






فتحت عيوني لقيت بجنبي ملاك .... نايمه و شعرها جاي على عيونها يا حلو شعرها طويل و كثيف !!!
بطريقه تلقائيه .. رفعت يدي و لمست شعرها و حطيته ورا اذنها
انا بحلم و الا علم ... يا ربي لك الحمد و لك الشكر ....
و كاني رجعت عشر سنين ورا من كان يتوقع انه الشعور يصحى فجأة فيني !!!
بستها على خدها وجلست اطالع فيها ما قامت ... تسحبت شوي شوي
ورحت للحمام ما صليت الفجر الساعه 6 الصباح وتروشت
و طلعت لاف الفوطه على خصري و اغني اغنية فيرووووز
حبيتك بالصيف .. حبيتك بالشتي و ادندها بعد .... رحت للدولاب طلعت لي ترنق رياضي خفيف ولبسته
وصليت .. سمعت همس : صباح الخير .........حب ي بي
التفت عليها و اشوفها لافه روبها على جسمها و شعرها تحت خصرها
و انا ابتسم : صباح الورد يا احلى ورده . .. قربت لها و مسكت يدها و رفعتها و بستها
حمرت خدودها .. وقالت : تبي اسوي لك قهوة ...
قلت : اذا من يدك ما تنعاف بس انتي عروس ..الحين اطلب من الخدم يجيبون
القهوة و الفطور ....قالت و وجهها كله ابتسامه :
يا ريت تقولي الرقم عشان اقول لهم انا بنفسي .... ما ودي تقول لهم انت !!!!
علمتها الرقم و انا مبسووط حسيت انها تهتم لي و ما تبيني اكلم الخدم من اول يوم !!!!
رحت للجلسة و هي راحت و دخلت الحمام و تروشت و لبست فستان بسيط
الوانه حلوة ...متداخله مع بعض اصفر و ابيض و وردي و اورانج و اخضر
يعني ككل الوانه هاديه ومريحه و مكياجها الهادي و دخلت علي و هي تبتسم ...
قالت : كويس ما افطرت !! يالله خلينا نفطر مع بعض ... و قعدت اتمقل فيها ههههههههه
صبت لي القهوة و قدمت لي تمر و قعدنا نسولف و نفطر ...قلت لها : ترا الطيارة الساعه 12
الظهر ... قالت : طيب !!! ... يعني!!! ... قلت : قولي حبيبتي تبين شي
قالت : لا بس ودي اشوف امي و اسلم عليها قبل لا نسافر.....
قلت : تامرين امر اذا افطرنا نطلع نتمشى شوي و نروح لبيت الوالد....
و ترجعين تسوين الشنطه و نروح لبيت الوالده نسلم عليها ...
قالت بفرح : يا عمري عبد العزيز ما قصرت .. قربت جنبها و مديت خدي
و اشرت لها عليه ... ضحكت بعذوبه و حمّر وجهها ...و باستني!!!!ههههههههه يا زينها يا ناس
قلت : نوره ممكن اسالك سؤال ... قالت : تفضل ..
قلت : انتي .... اقصد زوجك الاول ...قاطعتني : لا ماصار شي بيني و بينه
و شفتها عقدت حواجبها ... ضاق صدري .. قلت لها : اعذريني
مابي اذكرك بشي ما تحبينه ... قالت : هو راح بطريقه و انا بطريقي الله يستر علينا و عليه
طالعتها باحترام بصراحه و قلت لها : امين لك مني ماجيب طاريه ابد ...رفعت عيونها و هي تبتسم
: تسلم يا عمري ... ضحكت و قلت : عيديها ...قالت : عمري ... !!!
قمت و رحت للخزانه ( التجوري) اللي مثبتها في الجدار و تغطيها لوحه
مثل السفتي بوكس اللي بالفنادق بس اكبر شوي
و فتحتها و طلعت منها علبه سوداء ... و مديتها لها
طالعتني بذهووول و قالت : وش هذي !!!! .. قلت : تتذكرين لما قلت لك قولي حبيبي
ايام خطوبتنا و ما كسفتيني و قلت لك تستاهلين هديه ,,, هذي هديتك
خذتها من يدي و بشويش قامت تفتحها و طلعت ساعه ذهبيه و مرصعه بالالماس
شافت اسمها و شهقت ...روووولكس مرة وحده !!!! طالعتها و انا ابتسم : تستاهلينها يا بنت عبد المحسن ....
انا قلت بنت عبد المحسن ..... ما دريت الا نطت علي و حضنتني بقوووة !!!!!!!!!!!!!
(شكل اسم ابوها كلمة السر ... هههههههههههههههه بستغل هالنقطه ههههههههه)
و قامت تبكي .. و تشاهق تقول : يا ريتني شفت ابوي و شافني عندك!!!
مسحت على راسها و رفعت وجهها و قلت لها : ليش الدموووع !!! انا ابوك و زوجك و حبيبك
قالت : و الله كثيرعلي يا عبدال اقصد يا عمري يكفيني شي بسيط عشان اعرف انك تهتم لكلامي ...
قلت: انا مثلك احب اللي يهتم فيني واقدر هالكلام قول و فعل واذا لي خاطر عندك ما ابيك تطلعينها من يدك ابدددن !!!!
قالت : ابشر حبيبي .. ماراح اتركها ابدددن ,,, قلت : يالله حبيبتي البسي عشان بنتمشى شوي
و نروح لبيت الوالد ونسلم عليهم و بعدها نروح نسلم على الوالده و اخوانك ...قالت : ان شاء الله
طلعنا شغلت السيارة ( بانوراما اسود للتحديد ) و طلعنا تنمشى على معالم الرياض الحبيبه
ومريت شركتي و بيوتنا القديمه و مدارس درست فيها و قعدت اسولف لها عن ذكرياتي ...
شفت الساعه قربت على العشره ونصف و رجعنا لبيتنا و دخلنا بيت الوالد ...

 
 

 

عرض البوم صور dali2000   رد مع اقتباس
قديم 15-02-09, 04:57 PM   المشاركة رقم: 4
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,018
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
( نوره )




يا عمري عبد العزيز ما تخيلته انه يوفي بكلامه على شي عااادي ...... !!!!
وايش الهديه ساعه رووولكس الماس يعني تقربيا فوق 200 الف !!!!!
و اللي خلى كل حواجز الخجل تطيح لما قال تستاهلين يا بنت عبد المحسن !!!
هنا ما حسيت بنفسي الا و انا أضمه شكله بيقول وش هالخبله شافت الساعه و انهبلت ....
بمجرد ما سمعت اسم ابوي الله يرحمه طاحت خيوطي تمنيت اني شفته و شاف عبد العزيز لكن السبب
بعد ما طلعنا و تمشينا و جلس يسولف عن ذكرياته و المدارس اللي درس فيها
بصراحه سواليفه ممتعه جدا يخلي الوحده تسولف عليه باندفاع و بدون انتقادات
وصلنا للبيت و رحنا على طووول لبيت اهله و قال لي اذا تبين تروحين فما بعد
للوالده خذي شرشف ساتر و روحي عندها لان اخوي فهد في البيت .. و يمكن يجي احد غريب
هزيت راسي بان شاء الله و شفت مساحة البيت اضعاف بيتنا و كل شي مرتب و متناسق
حديقة كبيره مبنى ضخم منفصل فيه مجلسين كبار شكله للعزايم و فيه مقلط كبير بالعرض
بحيث يقدر اللي في المجلسين يدخلون براااحه و شفت من برا مبنى ثاني قالي عبدالعزيز
انه الديوان و دخلته مجلسه كبير و حلو فيه جلسات متنوعه و شاشتين عرض للتلفزيون
و مطبخ تحضيري للشباب كوفي و شاهي و صالة طعام حلوة
و الباقي حدايق و البيت الكبير دخلنا على الصالة و اشوف ام عبد العزيز و ابوه
جالسين يفطرووون و يتقهوون على الكراسي و مشغلين التلفزيون على الاسهم !!!!
سلم عبد العزيز عليهم و سلمت على عمي ابو عبد العزيز و بست راسه و طووول و يده بيدي
استحييت و هو يطالعني و يقول مبرووك يا بنتي الله يوفقكم و يبعد الشيطان عنكم
قلت : الله يطول عمرك عمي و يخليك لنا ... اخيرا فك يدي و رحت لخالتي اسلم
عليها و حبيت راسها و هي تبتسم في وجهي و تقول الله يوفقكم يا بنتي اجلسي يا حبيبتي
الحين بتجي حصة و دها تشوك قبل السفر .. طالعت عبد العزيز مدري وش السالفه
قال : اجل يمه دقي عليها لاني بعد شوي بنسافر و نوره بتشوف امها قبل لا نمشي
خالتي : هي بتجي الحين ان شاء الله .. قلت : الله يسلمها ... شوي و دخلت علينا مها
و قالت : السلام عليكم .. ردينا السلام كلنا ... راحت لابوها و باسته على راسه
صباح الخير بابا ... قال له ابوها : صباح الورد شلونك حبيبتي ... و كيف النومه في بيت بابا محمد
قالت مها : سهرنا انا وماما هيا البارح نسولف عن العرس .. قلت و انا ابتسم: عسى انبسطتي .. !!!
التفت علي و قالت ببرود : يعني مو مرة !!!!... مافي احد كبري و مالقيت الا عمتي حصة ارقص معاها ...
ما رديت عليها و ابتسمت في وجه عبد العزيز مابيه يحس اني تضايقت ...
قال عبد العزيز : وين اخوانك حبيبتي روحي ناديهم بشوفهم قبل لا نسافر ..قامت و الا بدخلة حصة
يا حبي لهالانسانه احسها رااااقيه في التعامل و خلوووووقه جدا ... سلااااام
و الجميع ردوا السلام و راحت تبوس راس امها و ابوها و سلمت على اخوها و قالت :
مبرووووك اخووووي الله يوفقك يا رب ... و سلمت علي و قالت : اكيد تعرفتي على العيله الكريمه
ابتسمت لها و قلت : الله يسلمهم ما احس نفسي الا ببيت اهلي ...
طالعني عبد العزيز بعمق ... و ما حسيت الا بابو عبد العزيز يقول لي :
تفضلي يا بنتي هذي هديه بسيطه لكي ... و عطاني علبة مجوهرات كبيره .. استحيت افتحها
و خالتي برضه .. و انا بعد يا نورة هذي هدية الزواج هالله الله في وليدي تراه حبيب
و تقولها و تخنقها العبره .. و برضه علبه كبيره بس اصغر من هدية ابو عبد العزيز
قالت حصة : ما عاد بقا الا انا و طلعت من شنطتها علبة مجوهرات وسط
بصراحه انحرجت ... و حمّرررررررر وجهي قلت : الله يسلمكم بس مافيه داعي تكلفون انفسكم
انا بنتكم الثانية ... و قمت حبيت راس عمي و خالتي و بست حصة مع خدها
قال عبدالعزيز : و انا وين بوستي !!! كلهم حبيتهم الا انا !!!!
الجميع ضحكوا و انا رحت فيها خلااااااص من الحياء ما قدرت ارد ...
حصة : حرام عليك يعني لازم تحرجها يا اخي ....قال عزوزي : ماعليك مني و منها مرتي و بحرجها
على كيفي هههههههههه قالت خالتي : طيب اصبر شوي يا وليدي مو من اول يوم يا كافي ....
سمعت همهمه ورانا و التفت و اشوف عيال عبد العزيز ....
محمد وش ملحه يشبه لابوه كثير و فارس بعد بس على اسمر منه و تركي ما يشبه لهم
و ان كان قريب شبه من مها ...... يا زينهم يزننووون .....
و مها واقفه وراهم ...راحوا يركضون عند ابوهم يسلمون ..





( حصة )




شفت مها و استغربت ما سلمت .. قلت بصبر اشوف وش اخرتها معها
قال عبد العزيز لاولاده : سلموا على خالتكم نورة ... و التفتوا جهة نورة
و راحوا يسلمون محمد صافحها بس شكلها نوره سحبته لها و باسته على خده
و فارس و تركي نفس الشي ..قلت : و انتي مها سلمتي ,,!!!
طالعتني مكشرة : ايه سلمت ... قلت : زين و ليش ما غيرتي ملابسك
قالت : ما دريت ان بابا بيجي الحين ... قال عبد العزيز : روحي حبيبتي مها بدلي ملابسك
و خلي الشغالات يبدلون للعيال ملابسهم ..قالت مها : يعني نروح لبيتنا معليش ..
استغرب عبد العزيز : اكيد طبعا .. ليش احد قال لكم كلام ثاني .. طالعتني مها و قالت :
لا بس يعني انت و زوجتك في البيت ما نبي نضايقكم ...
ردت نوره و قالت : حبيبتي مها هو بيتكم قبل لا يصير بيتي ,,, خذي راحتك يا قلبي
قمت ما صبرت و ناديت مها : تعالي مهاوي ابيك شوي حبيبتي ,,
جتني و رحنا لغرفه بعيده شوي ... قلت لها : مها و ش اللي قاعد يصير !!
طالعتني : مافيه شي و هي تهز رجلها و هي واقفه ...
قلت لها : شوفي حبيبتي .. امك تركت ابوك موعشانه تزوج عليها لا!!!
امك ما تحب ابوك و انتي عارفه هالشي ... و عارفه ان ابوك ما قصر معاها بشي
فلا تخربين حياة ابوك مثل ما خربتها امك عليه ... يعني ارحمي ابوك و خليه يعيش مع هاللي تزوجها
و اذا كنتي ما حبيتيها لا تحتكين فيها عشان ابوك على الاقل يا مها ....
حطت يدها على وجهها و جلست تبكي .. بس انا ابي ماما ترجع لنا ..
جلست جنبها .. و قلت : مها حبيبتي انتي لانك مصدومه من الاحداث اللي تصير
فمو مستوعبه اللي صار عطي نفسك مهله شوي شوي
تعرفي على نورة بس بدون ما تحسسين نفسك انها زوجة ابوك ... تعاملي معها كضيفه في البدايه
و شوفي ردة فعلها بالنسبه لك .. صدقيني راح تحبينها .. واضح انها انسانه طيبه
و خلووقه ..قالت : ايه بس فيني شي ما يخليني اصبر ...
قلت : اذا ما قدرتي تتحكمين في نفسك اطلعي لغرفتك و خذي لك شور دافي و راح تهدين على طووول ...
دخل علينا عبد العزيز و قال : وش فيك مها حاسه بشي ... !!!
قامت و ركضت و حضنت ابوها : لا مافيني شي بس بشتاق لك ...
قال: طيب انتم بعد بتسافرون و بشوفكم هناااك ان شاء الله ..
قلت : ما عليك عبد العزيز دلع بنات هي لو بتتزوج ما قالت هالكلام ههههههههههههه
طالعتني مها و قالت : عمتيييييييي !!! قال عبد العزيز : لا ماراح ازوجها بخليها عندي تونسني
قالت مها باندفاع غريب : يا سلام يعني بتخليني اجلس بدون عرس !!!!! اووب سكرت فمها بيدها !!!! ...
ضحك عبد العزيز بقوووة .....حتى انا ضحكت و قلت : يا بنت اللذينا تبين تعرسين !!! و تخلينا !!!!
قالت مها و بحياء : قصدي بعدين يعني مو الحين ,,, قال عبد العزيز: اصلن ما فيه عرس قبل لا تكمل دراستها
يالله تعالوا سلموا على نوره لاننا بنمشي الحين للمطار .....
و طلعت انا و مها و عبد العزيز .. و راحت مها لنورة و قالت لها : توصلون بالسلامه و مبرووك
قالت نورة : الله يسلمك حبيبتي و يبارك فيك ... عقباالك ...
بصراحه هنا ضحكت انا و عبد العزيز و شكل نورة تفاجئت و غمز لها عزيز على انه بيفهمها بعدين
اما مها طالعتني انا و ابوها بحقدددددددد و وجهها محممممر و راحت لبيتهم و تطقطق بالشبشب
سلموا علينا نورة و عبد العزيز و طلعوا من بيت اهلي لبيتهم .......






منيره



طلعنا البارحه انا و امي و منى لبيت خالي ( ابو عبد الله ) نشوف زوجته تعبانه
و دخلنا شفت خالي جالس يقرا بالجريده و زوجته منسدحه على الصوفا الثانيه
رحب فينا و هي بعد لكن ما قدرت من الانفلونزا اللي نازله عليها ...انها توقف لنا
كانت منى مصلحه ترمس قهوة و شاهي و فطاير و حلى و جايبتها معها ..
و جلسنا نسولف مع بعض و سمعت صوت نحنحه الا هذا عبد الله يااااااااه
من زماااان عنه من قبل لا اجيب تركي ... المهم جلس معنا وسال من اللي صلح القهوة
و من اللي سوا الحلى !!و من و من !! و طبعا الاجابه وحده ما تغيرت على لسان امي : منى
هي اللي مسويه و مسويه ....التفت علي و قال بضحك : و انتي منيره ما سويتي شي
قلت : لا ما سويت شي ... قال: الا صحيح انك تطلقتي من عبد العزيز !!!
قلت : اييييييييه ..... قالت امي : الشكوى لله ما لها نصيب معه اكثر من كذا !!!
قال عبد الله : الله يرزقها باحسن منه ان شاء الله ... طالعته و انا علي نقابي
طبعا ما يدري اني اطالعه لانه قال الكلمه و جلس يسولف مع ابوووه
وقفت منى .. و قالت : خالتي .. انا بجيب فناجيل نظيفه .... و انتبهت لحركة عبد الله
اللي ترك ابوه و التفت لمنى !!!! حسيت بقلبي بيطلع من حلقي ....شلللون يعني مهتم لمنى !!!!
طيب و انا !!!! يعني نسى كل اللي كان قبل لا اتزوووج .. معقوله يفكر باختي !!!
واللي شلني اكثر سمعته يقول : عمتي ما تزوجيني بنتك منى !!! آآآآآآآآآآه
جلست اتنافض و ما قدرت اقوووم و عيوووني ملياااانه دموووع .. اختي
تتزوج اختي يالخااااااين ..... امي ردت عليه : و الله ياولدي بسالها و بشوف
خالي: اساليها الحين مدام انها موجوده ... نطيت من غير شعوور
و قلت : لا مو الحين تسالونها اخاف تنحرج منكم ... طالعني عبد الله ...
و لف على أمي و قال : انتي عارفه يا عمتي ان شغلي الان لازم اسافر
و سفري قريب ... فاذا هي موافقه نبي كل شي يتم بسرعه حتى يمديني اسافر انا و اياها ...
و اذا مو موافقه بلغيني لاني بدور على عرووس تروح معي .. وقف و قال فمان الله
انا حسيت الدنيا تدووور فيني !!! عبد الله ... الحبيب الاولي اللي بسببه
كرهت حياتي مع ابو عيالي !!! يتنازل عني بهالسهوله !!!!!
و من بياخذ !!! اختي منى !!!! يالله حسيت كان احد يسطرني على وجهيي
انصدمت و شوي احس اني بستفرغ .. قلت لامي : يالله يمه بنروح للبيت
قالت : ليش عسى ما شر .. قلت : تعبانه راسي مصدع شوي ...
جت منى و شافتنا واقفين .قالت : نمشي !!! اشرت لها امي باييه
و سلمنا على خالي و زوجته و طلعنا من بيتهم تمنيت ذيك اللحظه انه يطيح عليهم
من القهر اللي فيني ..... منى يا عبيد !!! منى !!!
احس كان جدار كان مسندني و طاح و أختل توازني ...
آخ طيب وش بسوي الحين .... من بيتزوج وحده عندها اربعة اطفال !!
وش علي منهم كلهم عند ابوهم ... و ما يجون الا من الاسبوع الى الاسبوع الثاني
و الحين مسافرين مع اهلهم يصيفون ... لو كنت معهم مثل العام كان متبرده على الاقل شوي
يا ليتني عارفه انك يا عبد الله ناسيني ... كان ما تركت بيتي و العز اللي انا فيه ...




بعد شهرين و بعد ما رجع الكل من اجازة الصيف .......








حصة





كنت جالسه عند امي ( عقب صلاة المغرب ) و نتحاكى بالسفر و نسولف عن اخبار اقاربنا
قالت لي امي : شفتي اخت منيره بتعرس و بتاخذ ولد خالها ....
قلت : أي خواتها ..!!! قالت : منى .... قلت : وش دراك عنهم !!
امي : أتصلت علي ام سعد تبشرني .. و تعزمني على العرس
و تراها عازمتك بعد ... بعد أسبوعين ... ان شاء الله
قلت : الله يوفقها ... بقا عندها منال .. الله يرزقها ...
امي : منال احلى خواتها وش رايك نخطبها لفهد ولدي ..
قلت : لالالالا يمه تكفين ابعدي تكفين خلاص .. ضربة في الراس و توجع !!
امي : منال مو مثل منيره ...و بعدين خلق و فرق بين الثنتين !!!
قلت : شوفي يمه لو بنخطبها بيصير الوضع حساس عند عبد العزيز و مرته
فليش نجيب وجع الراس احنا ما صدقنا ينصلح حال اخوي ... نجي اخرتها و نخرب عليه ..
امي : و الله يا حصه كلامك مقنع ... الله يرزق ولدي و يرزقها ....
قلت : أمين ...و تكفين يمه .. لا تروحين لهم كل ما عزمونا و الله اني احس عبد العزيز يتضايق
امي : طيب وش اسوي .. ام سعد تقرب لي و ما اقدر اقطعها مرتن وحده
قلت : لا تقطعينها و لا تروحين بعد كل عزيمه ..امي : و الله مدري يا حصة ما فيها شي من يم الله
قلت : ان شاء الله ما فيها شي .... دخلنا بمواضيع ثانيه و شوي تدخل علينا نورة و معها صينية شوكلاته
سلمت و ردينا السلام و باست راس امي و قمت لها اسلم عليها ,,
نوره : وشلونك خالة عقب السفر ... عسى ما تعبتي ...
امي : الحمد لله يا بنيتي تخبرين كني في الطيارة الى الحين ...و لتفت نوره علي :
و شلونك حصة عاد انتم سبقتونا بالجيه ... قلت : لا الحمد لله ارتحت و نظمت الشناط
و قضينا منها ... و قعدنا نسولف و نتقهوى ... و يدق جوال نوره .. ردت عليه ,,, و قامت قالت : عن اذنكم
خالتي بروح للبيت عندي شغل .. قالت امي : وش شغله !! اجلسي ما بعد تهنينا بمقعدك ..
نورة : و الله حتى انتم مقعدكم ما ينمل منه بس وش اسوي خالتي ضروري و الله اروح ..
غمزت لنوره بعيني قلت : يمه لا تحرجينها .. اكيد عبد العزيز اشتااق ..
ابتسمت نورة :تتوقعين !!! لا و الله عبد العزيز من العصر طالع و من غير شر ما رجع الى الان ..
امي : اجل وش يشغلك ..!! نوره : تركي و فارس قبل لا اجيكم و هم متناشبين على لعبه او شريط
و فكيتهم .. و الحين محمد يتصل يقول تعالي تخانقوا مرة ثانية ....
قلت : الله يصلحهم عاد العيال ما فيهم ملح اذا تخانقوا ...قامت نورة وطلعت ...
امي : عسى بس ما يضيقون صدر هالبنت و ينكدون على ابوهم !!!!
قلت : لايمه شكل نوره فاهمه ... و شكلها بتربيهم صح ان شاء الله و الا سمعتي تقول محمد اتصل
معناها انه بدا يتقبلها ....بس قولي و ين مها عنهم ما هجدتهم شوي ...!!!





نوره




طلعت من بيت خالتي ام عبد العزيز و علي الشرشف ( الجلال ) حاطته على راسي
و انا نازله من الدرج الا بغيت اطيح و اتكرفع من البلاط اللي يلمع
سميت بالله الرحمن الرحيم و تعدلت الا اشوف فهد بوجهي و اتغطى على طول ..
سلم و قال : شلونك نوره .. قلت : الله يسلمك ..بخير الحمد لله
قال : سلامات عسى ما تعورتي .. قلت : لا بس البلاط شكله يزلق وستر الله
عن اذنك .. قال: يا هلا مع السلامه ... اوووف و الله فشيله كانه شاف
الطيحه ... المهم وصلت البيت .. و دخلت جوا .... وش اشوووف
مها ممده رجليها على الكنبه ... و محمد يا قلبي ماسك اخوانه الثنين
اول شي مسكت تركي لانه الصغير و اقدر امسكه ... و فكيت بينهم
و فارس يصارخ و تركي يرد بصراخ .. و محمد ماسك فارس
طبعا فهمت منهم ان واحد منهم ماخذ شريط الثاني و مخربه و ,,,,
المهم حاولت احل المشكله و انتهت انهم راح يعوض لهم الشريط بس لازم
يكون فيه عقاب ..و ينفذونه .. وافقوا قبل لا يدرون وش العقاب ,,,
قلت لهم كل واحد يروح لغرفته و يقعد لحاله و يفكر في خطأه و بعد ساعه
يجي يعلمني ..وش الخطا اللي سواه .. واذا سمعتكم ابطلع معاكم و نشتري الشريط
وافقوا طبعا ..و كل واحد راح لغرفته .. و محمد جلس بتعب على الكنبه ..
قال: و الله خالتي ما توقعتهم انهم ينهبلون زيادة ... طالعت مها : و انتي مها ليش
ما ساعدتي محمد و فكيتيهم ..!!! مها : و الله مو شغلي ..شغل اللي يطلعون و يروحون يوسعون صدورهم
مها ااااااااااا ..... هذا صوت عبد العزيز .. التفتنا كلنا ...عبد العزيز :
تعالي ابيك في المجلس .... راحت و هي كن احد صاب عليها مويه بارده و طالعتني
رحمتها الصراحه بس ما قلت لها شي ... راحت للمجلس الثاني ..و بعد عشر دقايق طلعوا
و عيونها محمره ..و قالت لي : اسفه خالتي على كلامي معك ... طالعتها و طالعت عبد العزيز
و هو معصب يستنى مني كلمه .. قلت : خلاص يا مها ما صار شي حبيبتي ..
محمد : الا صار ... طالعت محمد ... و غمزت له بعيني بحيث ما يشوفني عبد العزيز
ابتسم بوجهي يا حبي لهالولد ...و سكت ...طلعت مها فووق لغرفتها و جلس عبد العزيز ..
وقال : محمد حبيبي جب شنطتي من عند الباب .... محمد : ان شاء الله يبه ...
عبد العزيز : وش صاير نوره ... قلت له القصة كلها ... بدون ما ادخل في التفاصيل ...
هز راسه .. و قال : فارس و تركي نادرا ما يتراضوون اصلن ... و ينهم الحين
قلت : فوق بس يكملون الساعه و بينزلون ..طالعني عبد العزيز يعني مو فاهم ...
فهمته على العقاب و اذا اعترفوا .. بروح انا و اياهم نجيب لهم الشريط
ضحك و قال : ..بشوف اشكالهم اذا نزلوا مع اني تعبان و منهد حيلي ...قمت و جبت له عصير ليمون
و قلت : اشرب و روووق ... كل بيت فيه مشاكله ... اهم شي الصحه و العافيه لا تضيق صدرك ...
اخذ مني العصير ... و شرب شوي ... و قال : نوره انا عارف انه ضغط عليك
تحملي حبيبتي ... قلت : لا ضغط و لا شي كل الأولاد حركيين و يحبون المشاكل بس هي فتره و بعدين يهدوون
عبد العزيز : أنا اقصد مها .... قلت : مها طبيعي هالشي منها لكن صدقني بمجرد ما تتعود علي
و تعرفني زين صدقني ماراح تسمع منها شي يضايقني ...
جا محمد بالشنطه و حسيت انه تاخر و هو يجيبها ... يمكن يسمع كلامي مع ابوه لانه جا و هو يضحك
و يقول : لو تشوف فارس و تركي يبه بعد ما فكينا بينهم انا و خالتي ...!!
قلت : بصراحه عبد العزيز ما تصورت ان محمد بها العقل .. ماشاء الله عليه رجاال و تعتمد عليه بعد ...
عبد العزيز : و هذا اللي ابيه منك يا محمد انت ولدي الكبير و تصير مكاني اذا غبت ...
قلت : عشان كذا يستاهل هديه .... لاب توب جديد لان اللي عنده قديم و ما عاد يقدر يزينه ...
محمد و في عيونه الفرح : أي و الله يبه ... عبد العزيز: ابشر باللي تبي ...
نزلوا الشباب ... تركي و العبره تزنطه : انا اسف خالتي ما اسويها مرة ثانيه
و فارس : حتى انا بعد ما اسويها ثانيه ...اسف .... عبد العزيز : ثاني مرة يا عيال
اذا قالت لي خالتكم او محمد انكم تضاربتوا .. ترا انا اللي بعاقبكم و عقابي انا بيصير غير
يالله قوموا بروح انا و خالتكم و انتم نجيب لكم الشريط ....
تنحت قعدت اطالع عبد العزيز .. ما توقعته بيطلع معنا ,,, طلعنا و تمشينا بعد شوي و اخذنا باسكن روبينز
الوحيده اللي ما طلعت معنا هي ... مها .....





عبد العزيز





وصلنا البيت و العيال مبسوطييين و نزلنا و تعشينا مع بعض
و ناديت مها تتعشى و جت و جلست معانا و العيال متشقيقين على الطلعه القصيره
و نوره مبسوطه معهم و تضحك على حركات تركي ... تدرون جلست اتذكر
لحظه مثل هاللحظات جلست فيها مع منيره ... ما اتذكر ... دايم اجي القى البيت معفوس
و الا اثار حرب بين الشعب اللي فيه .. شكرت ربي في قلبي
و طالعتهم و هم مبسوطين الا مها اللي متكهربه شوي بعد ما سمعتها كلام قاسي شوي
خلصنا من العشا ... قالت نوره للعيال : يا لله شباب غسلوا ايديكم و فرشوا اسنانكم
و بدلوا ملابسكم و البسوا البيجامات و اللي يخلص الاول بحجز له ايس كريم باسكن روبينز لبكرا
تطامروا العيال و تناقزوا .. و مها قامت ,و قالت بضعف : تصبحون على خير ...
قالت نوره: يالله مها اسبقيهم تراك داخله في السباق .. طالعتني والتفت على نوره قالت : انا كبيره مو صغيره
نوره : اكيد الكبيره و انتي الاساس بعد بس اخوانك بيفرحون اذا شافوك معهم تنافسينهم و تلعبين معهم
قلت :خليها على راحتها نوره ..... روحي لغرفتك مها ...
طلعت و هي تجر رجليها جرررر ... الله يهديها مافي شي بيخليها تغير رايها في نوره ..
مرت الايام و شوي شوي حسيت ان العيال حبوا نورة .. الا هالبصوة مها !!!
و نوره احسها متفهمه موقفها لكن هالشي مزعجني جدا ,,,, الى ان جاء يوم من الايام
و كنت جاي من بيت ابوي و رايح للبيتي .. الا مها بوجهي ..: يبه تعال اسمع نوره من تكلم !!!



نوره




طلع مني عبد العزيزالعصر و قال بروح لبيت الوالد اسلم عليهم
تجين معي .. قلت : لا عندي كم شغله بسويها .. عشان حفلة الليله
عبد العزيز : تقصدين زواج بنت عمك ... قلت له : ايه والله يبي لي ترتيبات اسويها
عبد العزيز : اذا تبين اوديك لاي شي قولي لا تستحين مني ...
ابتسمت له : ما تقصر يا عمري ... خلاص اذا جيت من الاهل بجهز نفسي عشان اروح لاهلي
عبد العزيز : خلاص جهزي نفسك من الحين ...و طلع ... رحت و تروشت و لبست
قمت أرتب أشيائي الفستان طلعته و مجوهراتي و مكياجي لاني واعدت كوافيره بتجي عند اهلي ,
و نروح انا و امي و حريم اخواني عشان نروح جميع ....نزلت اغراضي تحت
و شيكت على البيت ... العيال بيروحون لامهم اليوم ...و انا استنى عبد العزيز
دقت الكوافيره و قالت : حبيبتي ما عرفت كيف وصف البيت ... ممكن تكلمي
زوجي و تقولي له الوصف ... قلت : ايه ما يخالف هاتي اكلمه و اوصف له ...
كلمت زوجها وقعد يستفسر .. شكله كرتووون ما يعرف في الرياض شي
و جلست يمكن عشر دقايق و انا ابوصل لمكان يعرفه ... عجزت ..الا بدخلة عبد العزيز
و يأشر علي من هو .... قلت : لحظه ... و علمته بالسالفه ..
قال و هو عاقد حواجبه : هاتي الجوال انا اعلمه ... قلت للرجال خذ كلم زوجي بيعلمك ..
و عطيته السماعه .. و باليالله عرف .. جلس اكثر مني يمكن ربع ساعه و هو يوصف له
بعض الناس ما يعرف الوصف ابد ... و لاحظت ان مها واقفه و تتسمع لنا
قلت لمها : جهزتي مها عشان تروحون لخوالك ... مها : ايه ما تشوفيني لابسه
خلص عبد العزيز من الجوال ... و قال : يالله اركبي بوصلك لاهلك ....
خذت أغراضي و ركبت .. و ابتسامة مها بين عيوني ... احس انها ابتسامة شر
و احنا بالسياره و عبد العزيز ساااكت ما يتكلم .... قمت و حركت الراديو على الاف ام
سكّر على الراديو من دريكسون السياره !!!! طالعته استغربت !!! عاقد حواجبه الى الان !!!
و لا حتى التفت علي ....ما تكلمت ... و عيوني قامت تغووورق ... و الصمت ثالثنا
وصلنا لبيت أهلي ... و وقف السياره ... قال لي : نامي الليله عند اهلك و بكرا ان شاء الله اتصل عليك
قلت : ان شاء الله ...مع السلامه ... قال : مع السلامه ... و لا قال حتى سلمي لي على الوالده !!!
ليش و انا وش سويت !!!... انا حاسه ان ابتسامة مها وراها شي !!! عسى مو كاذبة علي عند ابوها !!
و الله مدري عن هالبنت .. مع اني احاول اني احتويها ... بس هي تصدني ,,,,و كل ما جت من خوالها
الا الدموع بعيونها اول ما تدخل علينا ... و ما نشوفها الا من بكرا الظهر ...
الله يستر منها و من شرها .... يا رب من اراد بي شر ان تلهيه في نفسه و تفضحه عند خلقك
دخلت البيت و شفت امي و سلمت عليها و حاولت اني ما ابيّن لها وش صاير معي
بس هي قالت لي ورا وجهتس كذا يا نوره ... قلت : ما فيني الا العافيه يمكن لاني
داخلني برد شوي تروشت و طلعت عند المكيف ... امي : طيب خذي لتس كمون او حبتين بنادول
قلت : ان شاء الله و طلعت بملابسي و اغراضي لغرفتي القديمه ....



حصة




كنت ناويه اروح لبيت اهلي بعد المغرب و لبست العيال و طلع عبد الرحمن من عندنا
و انا اجهز و يتصل عبد العزيز ...: حصه ... انا محتاجك ياخوك
رديت : بسم الله عليك فيك شي او العيال فيهم شي ... قال: لا ما فينا الا العافيه
متى بتجين بيت الوالد !!! رديت : شوي ان شاء الله و جايه ...
عبد العزيز : انتظرك .. اذا جيتي تعالي لبيتي بتكلم معك ...
قلت : ان شاء الله ابشر و لا يهمك ...مدري ليش اوجعني قلبي على نوره
حسيت فيها شي او صاير بينها و بين عزيز شي ....
ركبنا انا و عيالي السيارة و رحنا لبيت اهلي
دخلت البيت و ما اشوف احد شكل امي فوق .. خليني اروح لعبد العزيز
وصلت لبيته و دخلت برضه ما فيه احد بسم الله عليهم وينهم !!!
حصصصصصه ... تعالي هنا انا فووووق .... بسم الله فزيت من صوته بالسنترال
طلعت فوووق وشفته جالس بالصاله و منسدح على الكنبه ركضت لمه و قلت
اخوي وش فيك بسم الله عليك عسى ما شر ... عبد العزيز : لا تخافين ما فينا شي
قلت : طيب وراك جالس كذا و شكلك متغير !!! وين نوره ...!!!
قال : آآآآآآآآآآآآآه نوره .... نوره عند اهلها من ثلاث أيام ......
صعقت بصراحه : ليش عسى ما في اهلها شي ... عزيز : و انت وش فيك كأنك تستنين شي شين يصير !!!
ما فيهم الا العافيه ... انا اللي بقلبي ناااار و خايف تكبر و تزيد ...
قلت : و من اللي شب النار !!!! رد علي : مها شبتها و محتار وشلون اطفيها !!!
قلت : انت قل لي وش السالفه و بقول لك وشلون تطفيها ,,,,
قال: من اربع ايام تقريبا جتني مها و انا داخل للبيت و قالت بابا تعال اسمع زوجتك من تكلم و بقول لك شي
بس لا تزعل ... قلت من تكلم !!!! و قولي مو زعلان ...قالت انا دايم اسمع نوره تكلم بجوالها او من تلفون البيت
اذا انت طلعت من البيت ... و اذا قلت لها ابي التلفون قالت : خلي ابوك يركب خط ثاني
او يجيب لك جوال .. و مره قلت لها من تكلمين قالت اوصف البيت لصديقتي
عشان تجي عندي و توسع صدري.... بابا ... نوره .. قلت لها : بس و لا كلمه ...
و تركتها و رحت لنوره و لقيتها تكلم واحد توصف لها بيت اهلها ,, كلمته على اساس انه بيجيب
زوجته كوافيره للبيت و شكله ما يعرف الوصف ..
المهم حطيت نوره عند اهلها عشان عندهم عرس و قلت باكر اتصل عليك
و قلت للعيال يروحون لخوالهم في نفس اليوم ... و الى الان ما كلمت نوره ..
كلام هالبصوة خلاني أفكر للحظات مع اني اعرف نوره زيييييين لكن بقلبي هي بنت توها صغيره
و انا اكبر منها بعشرين سنه ... و مابي أظلمها بتشكيك مها ...
قلت : يعني انت تشك بنوره !!! رد باندفاااع : طبعا لا ... بس مدري ليش وقفت نفسي ...
من خبث مها و تفكيرها اللي بيوصلها للكذب على نوره !!! اللي ضيق صدري مها مو نوره
قلت : مدام انك عارف ان مهيو كاذبه ليش توقف نفسك !!! مهيو خلها علي أنا اعرف اداويها
اما نوره اتصل عليها ... الان .. و قل لها انك بتجي تاخذها ...فتحت عينه و ابتسم
يا حبي لك يا حصه ... وسعتي صدري ... و قام و دق على جوال نوره .... و لا احد يرد عليه
طالعني ... قلت : دق مره ثانيه ...دق عليها ... بعد فتره رد و قال عزيز : الو .... مين معي
هلا و الله ام سلمان ... الله يسلمك .... كيف حالك طال عمرك ..... اجل وين نوره !!! وشوووووووو!!!!
سلامتها الف سلامه و ليش ما اتصلتوا علي !!!! ..... وينها الان موجوده !!!! انا جاي ان شاء الله
جلست اطالع بعبد العزيز اللي عيونه تطالع في لا شي استناه يرد و الا يكمل كلامه سكر التلفون و لم ايديه على راسه ..
قلت : عبد العزيز وش فيها نوووره !!!!!



نوره



ما حسيت بنفسي الا و انا داااايخه يا ربي وش فيني
وعيت و انا اشوف اللي قدامي و انا نايمه على سرير
ويني انا الان وش اللي صار !!!التفت على صوت امي
تقول : الحمد لله على سلامتك يا بنيتي.... قلت : الله يسلمك
وش اللي صار ويني فيه ... امي : دختي علينا من قل الاكل لك ثلاث ايام و انتي ما تاكلين شي
آآآه تذكرت ... عبد العزيز ما اتصل و انا برضه ما دقيت عليه ...
و هو قايل من بكرا باتصل عليك !!! ليش تغير فجأة وش سويت !!!
اهلي سالوني عنه قلت سافر ...كم يوم و بيرجع ان شاء الله ...
و انا اهوجس و امي عندي .. ما دريت الا باللي دخل علينا ,,,و سلم
عبد العزيز ... جاي و وجهه مو زين و تارك دقنه ما حلقها ..كنه جاي من بر
سلم على امي و تحفى منها ... و بعدين التفت علي ..: سلامتك نوره عسى ماشر
وش تحسين فيه ... دنقت براسي و العبره تخنقني : سلامتك ما فيني الا العافية
امي : بطلع شوي ادور سلمان يراجع المستشفى عشان يكتب الخروج ..
طلعت أمي ... و عبد العزيز مسك يدي و باسها وشاف دموعي بعيوني : .. حبيبتي
ليش الدمووووع انا اسف ما كلمتك بس كان عندي شغل و لهيت ... لا تتضايقين مني
ما عرفت أرد ... و الكلام ما طلع من حلقي ..بس دموعي صبببببببت ...
عبد العزيز : قومي معي يالله انا خلصت أوراقك و حاسبتهم .... و سلمان ما قصر بعد بس انا اصريت
طالعته و انا بنفسي اقول هذا عبد العزيز اللي اعرفه ..: ان شاء الله ...
ساعدني بلبس العبايه .. و قال اجيب لك كرسي !!! رفضت طبعا ...و جت امي ...
و قالت : خلها عندنا يا ولدي ترتاح شوي !!! عبد العزيز : الحرمه السنعه ما ترتاح الا في بيت زوجها و الا يا نوره
ابتسم بوجهي و ابتسمت و قلت لامي ... بروح مع عبد العزيز يمه تعبتك يا قلبي ...
امي : الله يوسع صدرك بالعافيه يا بنيتي روح مع رجلك الله يوفقكم ....
طلعنا من المستشفى و امي راحت مع سلمان ....وصلنا البيت ..
و دخلنا جوا .. قلت : وين العيال ... عبد العزيز : من طلعتي و هم عند اهلهم ما رجعوا الى الان
تفاجئت : ليش !!! ...عبد العزيز : انا لهيت و البيت مافيه احد آمنه عليهم فقلت اجلسوا عند خوالكم ..
قلت : و مها معهم !!!! قال : ايه اكيد معهم ,,, ليش تسالين عنها ..!!!
اوجعني قلبي خفت اني ظلمتها ... : لا و لا شي بس اعر ف انها ما تحب تنام عند خوالها !!
خلينا من طاري العيال و خرابيطهم ... نوره باخذ رايك في شي .... ودي اخلي العيال عند ابوي الفتره الجايه
و اجلس انا و انتي لحالنا في بيتنا ... دق قلبي بقوة اكيد فيه شي صار من وراي ..
قلت : بالعكس عيالك احبهم و يحبوني ... صحيح مها شوي ما بعد ارتاحت معي ..لكن مصيرها تعرفني زين ..
عبد العزيز يطالعني و شكله يفكر ...: اللي تبين يا حبيبتي ....وش رايك نطلع نتعشى برا الليله
قلت : معليش عبد العزيز خلها بكرا ... برتاح شوي ..
قال: على فكره العيال بيجلسون عند خوالهم الى قبل الدراسه بشوي ....يعني الفتره هذي اجازة لي و لك
وين تبين نروح ... عندك اسبوع كامل ...حددي وين تبين !!!
قلت : ... يا عمري انت ... ودي من زمان نروح و ناخذ عمره .... و نجلس في مكه كم يوم
قال : تم و بخلي حسن يحجز لنا و يضبط الوضع ... و الحين قومي اطلعي فوق و ارتاحي شوي
طلعت فوق و خذت لي شور و لبست بيجامه حريريه لونها خمري و تمددت على السرير
و دخل عبد العزيز و يطالعني و يبتسم ..: كيفك الحين أحسن !!! قلت بابتسامه : الحمد لله
عبد العزيز: طلبت عشا من برا يعني فيك فيك العشا من برا ...و بيجي على الساعه 9 ان شاء الله
قلت : اوكي ... عبد العزيز ممكن أسألك سؤال و لا تتضايق مني !!!!
عبد العزيز : أسألي حبيبتي , انا لا يمكن أتضايق منك ابدااااااااا ...قلت : انت ليش كنت متضايق مني ذاك اليوم !!!
و قلت لي نامي عند اهلك و بتصل عليك و ما اتصلت ....و نزلت دموعي وانا اكلمه بدون ما احس ...
جلس جنبي و ضمني ضمه قويه و راسي في صدره .... : اسف حبيبتي صار عندي شغل و مشكله بالشركه
و كنت متضايق لدرجة اني نسيت اللي قلت لك ... قلت : يعني مها مالها علاقه بالموضوع ..!!!
عبد العزيز و متفاجيء : وش علاقة مها !!! لا طبعا مالها أي دخل بالموضوع .. قلت لك مشاكل بالشركه
خلتني انسى نفسي حتى دقني ما حلقتها ....مدري ليش حسيت انه بيغطي على شي صاير .. مو مشكله
اهم شي انه يرجع مثل الاول .. و مها بعرف شلوون اتصرف معها ... لازم اكون حذره و لا اعطيها وجه
بعد اليوم ... ما انسى ابتسامتها ... ابتسامة نيتها شينه ما كأن عمرها 15 .. كلها خبث ...!!


حصة



دقيت على عبد العزيز و طمني على رجوع نوره بالسلامه و انها تعبت شوي
و قرر ياخذ عمره هو و نوره و يسافرون لمكه قلت : و العيال !! قال : العيال عند خوالهم ..
قلت : اذا تاخذ شوري خلهم عند اهلي ... ترا كل ما بعدوا عن امهم احسن ..
شفت وش سوت مها و تفكيرها ...قال: بس الوالده ما تتحمل صجتهم و لجتهم ..
قلت : ما عليك أنا بجيهم كل يوم و هم بينضبطون ان شاء الله ..
وافق و عطيني الضوء الاخضر ... و فعلا كانت الفتره هذي عبد الرحمن مستلم في العمل
لمدة اسبوع ... و قلت فرصه .. اجلس فيها مع مها , اشوف وش عندها ام الافكار ..
خذت لي غيار كم يوم لي و للعيال على فكره انا عندي ولدين و بنت نعمه يا ربي لك الحمد
سعود و عبد العزيز و هند ... في مثل اعمار اولاد عبد العزيز ..
دقيت على امي و قلت لها كلمي خوال مها و قولي يستعدون بكرا بيرجعون ان شاء الله لبيت
الوالد ..اعترضت امي في البدايه و فهمتها الموضوع بدون ما ادخل بقصة مها ..
دخلت بيت اهلي العصر .. الا بطلعة عبد العزيز و نوره سلموا على اهلي و بيمشون
قعدت اتحمد لنوره السلامه ... و سوالف على الماشي و عبد العزيز شكله مستعجل
طلعوا منا الله يحفظهم ... وصلهم السواق .. للمطار ... و انا دخلت عند امي و ابوي
و العيال راحوا على طول يلعبون في الساحات اللي برا ملعب و مسبح و تنس طاوله
سلمت على الوالد و الوالدة و جلسنا نتقهوى و نسولف و جت السالفه في الابن الحبيب
المغترب عن ارض الوطن صالح و زوجته الجديده نوال ... وقلت لامي وش اخبار هيون بنته
قالت امي : امس عندنا هي و امها و مرت عمك ..يا كافي ما طبت بيتنا الا يوم اعرس صالح !!!
قلت : يمه ترا فهده تستحي يمكن لو تجي و هو ما اعرس بتقول يفكروني ابي ولدهم مرة ثانيه ..
امي : لا ما شاء الله بتعرس و بتاخذ واحد مطلق ولد حمولة اجواد ما عنده عيال ...!!
قلت : و هيون وش بيصير عليها !!! امي : ما عليها عندنا وين بتروح اجل !!!
قلت : و صالح درى ان فهده بتتزوج !!! امي : و اذا درى يعني تظنين انه يقول باخذ بنتي عندي !!
قلت : المفروض انه اذا تزوجت الام العيال يروحون للاب و ينسقون مواعيد يشوفون امهم
امي : وش ينسقون ما يسقون البنت تجي عندنا دام ان امها بتتزوج و بس ...واذا تبي تشوف بنتها
تدق علينا مو من بعد بيوتنا عن بعض ...
جلسنا نعلق على بعض الاخبار .. الا بدخلة عيال عبد العزيز ... رحبنا فيهم و سلموا
سالت محمد : وين مها ...!! محمد : برا تكب الدوا ...طالعت امي : وش دوا !!
محمد : امي معطيه مها دوا تقول اذا وصلتي بيت جدانك روحي لبيت ابوك و كبيه !!!!!
ركضت باسرع ما عندي ...وصلت لقيت البنت واقفه و متردده و شافتني و شهقت ...
صرخت : مهاااااااااااااااااااااا صاحت و جلست على ركبها تبكي : ما سويت شي يا عمه
ما كبيت شي ... و مدت لي الكيس اللي بيدها ... وش اشوف !!! تراب ابيض
قلت لها و كني ما اعرف : وش هذا !!! طالعتني مها و دموعها تصب ...
عمتي تكفين لا احد يدري ...بابا لو يعرف بيزعل علي و يمكن يطردني
قلت : و مدام انك عارفه انه غلط ليش اخذتيه ... مها : ماما ....
مسكتها و قومتها .... تعالي معي مها ابجلس الليله انا و اياك و نتكلم بمواضيع مهمه
و هاتي اللي معاكي ... عطتني الكيسه ... و رحنا لبيت الوالد ,,,,

________________________________________
ام عبد العزيز




دخلت حصة و معها مها .. بوجه ما ينتفسر ... بسم الله عسى ما بهم خلاف!!!!
حصه : مها روحي فوق لغرفتي انا بجيك بعد شوي حبيبتي ...
طلعت مها فوق ... و سالت حصه : وش فيكم !!! حصة : يا ربيه يمه شي مو طبيعي!!!
قلت : وش ذا الكيس اللي معك!! حصة : استني يمه الحين بتعرفين كل شي ..
طلعت من شنطتها الجوال و دقت على رقم صديقتها البندري و البندري هذي زوجها في الهيئة
هيئة الامر بالمعروف و النهي عن المنكر ... و قعدت تكلمها عن سحر و كيس
انا ما دخل عقلي وش ذا الكلام !!! سكرت حصة من البندري و قالت ابرسل
السواق لبيت صديقتي تحتاجينه .... قلت : ما ترسلين شي الى ان اعرف وش صاير !!!
علمتني بالسالفه و حسيت بقلبي بيطلع من صدري وصلت المواصيل الى هالدرجه !!
قلت و انا اصارخ : حصة هذي ما يبي لها هيئة المعروف وبس ... هذي يبي لها الحكومة توقف لها
و الدبرة عند الرجال نادي ابوك خليه يجي عندنا الحين و يدري بسواد وجه منيره ....
حصة : يمه خلينا نفكه الحين و يبطل باذن الله ... بعدين نشوف دبرة الرجال ..
قلت بصراخ : نادي ابوووووووووووووك الحين .....حصه : طيب طيب يمه اهدي شوي
دقت على ابوها و جا ... محمد : وش فيكم عسى ما شر !!
تكلمت حصة و قالت له السالفه كلها .... دق محمد على فهد و قال : تعال ابيك تجي معي ... الحين
محمد: هاتي حصة انا بروح انا وفهد لزوج صديقتك بس قولي لي وين العنوان ...
عطتهم العنوان ...قلت و الدمعه طلعت من عيني : محمد ..... عبد العزيز ما ابي يجيه شي ..
محمد : تعوذي من ابليس .. ماله الا اللي ربه كاتب له ...و انا بنفسي بتابع الموضوع ...
طلعوا من عندي و استودعتهم الله الذي لا تضيع ودائعه .. و دموعي تمشي
حصة : يمه ما خبرتك خوافه .. قلت : بلاك ما تدرين ... وش صار لنا من هالامور ..
حصه : وش صار يمه !!! قلت : بعدين بعدين ... خلي ابوك و اخوك يرجعون ويصير خير ..





فهد



طلعنا من البيت و انا مو مستوعب اللي شفته و سمعته !!! سحر !!
وصلنا للهيئه و نزلنا .. اول ما دخلنا سلمنا و سألهم عن اسم شخص ( زوج صديقة حصه)
و فعلا رحبوا فينا الشباب و دخلونا بغرفه مرتبه و مريحه ..
سلمنا و قابلنا الشخص نفسه .. و جلس يتحفى منا و الوالد يرد عليه ....
الوالد : يا طويل العمر عندك فكره من الموضوع .. هذا الكيس و جابته بنت ولدي
معها من امها مرسلته عشان تفرق بين ابوها و زوجته الجديده ..و اللي ابيه الله يسلمك
اول شي ابي السحر هذا يبطل باذن الله ... و الشي الثاني .. ابي اعاقب اللي ارسلته لولدي
و يؤخذ عليها عهود و مواثيق انها اخر مره تسويها و لو يجري لولدي او زوجته شي هي المسؤوله
امامكم .....في حياتي ما شفت الوالد بها الغضب و الزعل ..هداه الشيخ و خذ بعض المعلومات
و ارقام التليفونات ... و قال ارقد و آمن و ما يكون الا الخير ... و باذن الله السحر بيبطله رب العالمين
و خذاه منه و جاب صحن و كبه اللي في الكيس و صب عليه ماء و ملح و صار يقرأ ايات من القرأن و المعوذات
و يمكن خذ ربع ساعه و هو يقرا القرآن ... و ينفث في الصحن .. حتى تغير لون الماء و صار اصفر
و طلعت منه ريحه كريهه و قال لنا الشيخ تلطموا لا تشمون الريحه ...و فعلا تلطمنا بشمغنا ..
و جلسنا فتره و بعد ما خلص .. قال الحمد لله فككم الله من الشر ...
و لا تخاف يابو عبد العزيز ما كاين الا الخير باذن الله ...
طلعنا من مركز الهيئة بعد ما طمنا الشيخ و هدا الوالد ......
و دعى للشيخ ان الله يوفقهم و ينصرهم و يسدد خطاهم .... و رحنا للبيت
وصلنا البيت و دخلنا لقينا الوالده عاصبة راسها بطرحتها و اختي حصة تهدي فيها و معهم مها .... !!!!!




ام عبد العزيز



دخل محمد و فهد علينا و انا عاصبتن راسي بطرحتي ولامة راسي بيدي عقب ما سمعت
كلام مها بنت عبد العزيز و دوابير امها الله يكفينا شرها ...
قلت لمحمد : بشر وش سويتوا !!! محمد : يا بنت الحلا لما كاين الا الخير
ان شاء الله لا تشيلين هم .. و طالع مها وقال لها : مها تعالي للمكتب
ابيك احكيك شوي .... قامت مها و هي تطالع بعمتها حصه و خايفه
قالت حصه : ممكن يبه اجي معكم ... محمد : تعالي حصة ...
راحوا للمكتب ... و اسمع صياح مها ...و صوت حصة يهديها
فهد : يمه وش الصاير ما فهمت الا ان مها جابت سحر .. صحيح !!
قلت : ايه و انا امك جابت سحر من امها تبي تخرب حياة ابوها و زوجته
فهد : طيب ليش ما كلمتي امها ام منيره و فهمتيها اللي صار
قلت : لا و انا امك اللي صار لو سكتنا عنه بيسوى مرتن ثانيه
و انا شفت الغرابيل و ذقت منه الله حسيب على من فيه شر علي او على ذريتي !!!
سكتنا شوي و طلع ابو عبد العزيز و قال لفهد : فهد و انا ابوك انقلوا غرفة مها من بيت ابوها و حطوها
عندنا هنا في الغرفه اللي جنب غرفة حصة ... فهد : ابشر طال عمرك الحين اكلم على نقل الاثاث
محمد : انقل كل شي هناك و خل الغرفه فاضيه ... فهد : و اخوانها معها ..
محمد : اخوانها بشاور ابوهم بعدين الحين دبر امور مها و العيال بينامون عندنا الين يجي ابوهم
و نشاورهم ... و طلعت مها و هي تمسح دموعها و عمتها حاضنتها ,,,
و طالعها محمد و قال لها : و انتي يا مها ما تطلعين من بيتي الا بعد شوري انا
انتي الحين تبعي انا .. و لو ادري انك طالعه من غير شوري
حتى لو بيت ابوك تراه اخر يوم بحياتك ,,,مفهووووم !!!
ردت مها بعد ما نغزتها عمتها : ان شاء الله بابا محمد ...
محمد : حصه قولي للشغالين يجيبون اغراض مها من بيت ابوها و لا يخلون شي لها هناك
حصة : ان شاء الله يبه بس انت اهدى شوي الله يحفظك لنا و يطول بعمرك
مها : بابا محمد سامحني ....الله يدخلك الجنه .... عرفت غلطي سامحني ( تبكي )
محمد : انتي بنتنا يا مها و لازم تعرفين ان اللي سويتيه غلط و تتحملين مسؤلية غلطك و الدور الحين على امك
التفت علي و قال لي : اسمعي يا هيا لا تتصلين على ام سعد و لا تسالين عنهم و ان كلمت لا تردين عليها
بوصي السنترال و اعطيه ارقامهم لا تكلمينهم ابد و تراك بحرج ان كلمتيهم لا منيره و لا اهلها
هزيت راسي و قلت ان شاء الله يا ابو عبد العزيز حسبنا الله عليها بتحوسنا الله يحوسها ...




نورة




طلعنا المطار و انا ما ادري وش فيني حاسه بخووف
و يدي ترجف ... وصلنا المطار و جلست باستراحه المطار لحد ما خلص عبد العزيز
و ناداني و طلعنا للصالة الداخليه ... استغرب عبد العزيز برودة يدي
سالني : وش فيك حبيبتي !!! قلت : مدري حاسه ان ضغطي بينخفض و دايخه شوي
عبد العزيز : شكلك ما كلتي زين الحين يقدمون في الطيارة اكل حلو و عصير
قلت : ان شاء الله ..... وصلنا مطار جده و استقبلنا سواق عبد العزيز و على طول طلعنا لمكه
و صلنا مشروع مكه و طلعنا لحجزنا في فندق هيلتون واااااااااااااو اخذ لنا جناح من خمس غرف
مطل على الحرم الله يشرفه ... قال عبد العزيز : تبين نريح شوي و ننزل بعدين اخر الليل
ناخذ عمرتنا و الا الحين ... قلت : الحين ودي نخلص احسن ... قلبي مشتاق للحرم
عبد العزيز : يالله اجل جهزي نفسك بدخل الحمام اتجدد شكلي نمت بالسياره
قلت : اوكي انا بعد غفيت يالله نشوف من اللي يسبق و رحت اركض ... واسمع ضحكته وراي
طبعا فزت عليه اكيد لكن يوم طلعت لقيته جالس على الكنبه و يضحك
قلت : ما رحت !!! قال : الا رحت و سبقتك !!!!!!!! قلت : شلووون انا اسرع منك !!
قال : زعلتي هههههههههههه يالله الحين وش لي انا اللي سبقتك !!!
قلت : امممممممممم أي شي تبيه اجيبه لك ....قال: خلاص خلينا ناخذ عمرتنا و بفكرررر
قلت : هههههههههه لا تفكر كثير ... التفكير مضر بالصحه .. قال : لا ياشيخه الحين مضر !!!
تو ما يضبط التفكير ,,, يالله نمشي جهزتي .... و مشينا و خذنا عمرتنا كان فيه زحمة شوي
بالطواف و صلينا و سعينا و رجعنا للسويت تعبانين انا اول ما دخلت على طوووووووول
خذت بيجامتي و دخلت الحمام خذت لي شووور دااافي و عبد العزيز لمحته رايح للحمام الثاني
نشفت شعري و دهنت جسمي بمعطر و طلعت ما طلع عبد العزيز قلت خليني اكلم امي و ام عبد العزيز
كلمت امي و طمنتها و سولفنا شوي و سكرت منها التلفون و اتصلت على اهل عبد العزيز
ما فيه احد يرد علي !!! غريبه خابره خالتي تجلس عند التلفون و السنترال دايم يرد و يحولني عليها
اوجعني قلبي لا يكون فيهم شي ... طلع عبد العزيز من الحمام لاف الفوطه على خصره ما شاء الله
محافظ على جسمه و نزلت راسي .. قال: الى الان تستحين مني !!! نوره ارفعي راسك !!
رفعت راسي و طالعته لقيته يبتسم و يقرب مني مسك ايديني و خلاني اوقف
وقفت و قال : العمره مقبوله باذن الله و باسني مع خدي اليمين ... و ان شاء الله كل سنه
ناخذ عمرتنا مع بعض و باس خدي اليسار ... وضمني لصدره و .....





منيره




جلست افكر في اللي سويته ... عسى هالبنت ما تفضحني و تقول
عن اللي وصيتها عليه !!!..... بعد ما راحوا العيال مني يمكن بثلاث ساعات
و يدق علينا التلفون .. و كانت امي قريبه من التلفون ...
و امي ترد و هي منخبصه ما تدري وش تقول ...و اشر لها
وش فيك من اللي دق ... ما ردت علي .. و عطتهم رقم سعد اخوي !!
سكرت امي منهم ... و هي لامة راسها و تتحيسب .. قلت : يمه وش فيك
قالت : ما فيني الا سواد وجهتس ياللي ما تخافين من ربتس !!!
تجهزي الحين بيجون ياخذونتس و بيوديتس لهم سعد
طاااح قلبي : من هم !!! قالت : الهيئه بيجون و تروحين معهم حسبي الله عليتس من بنت
قلت : وش سويت ما سويت شي ... قالت امي : انتي ابخص باللي سويتيه
و لا عاد تكلميني و لا يلوي لسانتس على لساني ياللي ما تخافين ربتس
و قامت و خلتني !!!!!!.... اففففف الحين وش بسوي و ش بيسوون بي
جلست ربع ساعه الا سعد داخل علي و هو ما يناظر طريقه من الغضب
و جلس يصارخ فيني ... و يشتم و يلعن فيني ... بصراحه طلعت دموعي غصب من الخوف
و اكييييد انهم عرفوا بسالفة اللي عطيته لمها .... قال لي سعد : جيبي عباتك قومي
قلت وين ... قال و هو يصارخ بتعرفين وين يا محترمه !!!
لبست عباتي و طلعت معه و انا يدي على قلبي عسى ما يحبسووني او يسوون فيني شي
سعد يمشي بسرعه و رجله ما رفعها من دواسة البنزين ...




عبد العزيز




احلى عمره خذتها من 17 سنه يا ربي احمدك و اشكر فضلك
الحياة تغيرت معي 180 درجه ... هالبنت من تزوجتها و حالي تغير
هدوئها ثقتها في نفسها و حيائها و مزحها و حتى لبسها المرتب و ريحتها الحلوة
و تقبلها لعيالي و اهلي و حركات مها ... كل هذا يرفعها في نظري اكثر و اكثر
هو اكيد نوره جميله لكن جمال روحها و اخلاقها في التعامل هي اللي خلتها فوووق عندي
بعد ما نمنا البارح بعد الفجر قمنا و صلينا الظهر بالحرم ...
و كلمت بيت الوالد قالت لي نوره انه ما حصلت احد يرد
و برضه ما ردوا ... كلمت فهد ورد علي : هلا فهد ..
وش فيهم بيت الوالد ما يردون على التليفون !!!!
قال: ما فيهم شي بس انشغلنا شوي ... قلت : وش اللي اشغلكم ...
فهد : الوالد يبي مها تجي عندنا تستقر يقول ابيها معنا ... اوجعني قلبي .. و طالعت بنوره
قلت : ابوي جنبك !!! فهد : ايه تبي تكلمه .. !!! قلت : عطني اياه ...
كلمت الوالد و فهمني ان مها متضايقه و ما تقبلت نوره الى الان
و انها تبي تعيش عندهم و تستقر في بيتهم و اما الاولاد فخذ شورهم ....
قلت : اللي تشوفه طال عمرك .. و عيالي هم عيالك و اذا رجعنا ان شاء الله اشوف
موضوع العيال ... تكلمنا شوي و سولفنا عن الحرم و اسعار الاراضي
و سكرت منه و كلام الوالد مو مقنعني ...اكيد صاير شي كايد و خلاه يجيب مها عنده
قطعت نوره علي افكاري : سلامتهم ليش ما ردوا على تليفوناتنا ..
قلت : ابد مشغولين .. ينقلون غرفة مها الى بيت الوالد ...
نوره : ليش .. عسى ما شر !! قلت : هي طلبت من الوالد انها تروح عندهم ...
نوره : لا يكون بسببي يا عبد العزيز .. قلت : لا ما ظنيت وش سويتي لها !!!
ما فيها الا الدلع .... المهم خلينا ننبسط بهالاجازة و ننسى الهم شوي
جلسنا اربعه ايام بمكة و طلعنا على جده ......




نوره




طلعنا من مكه يا حبي لها و جلسنا فيها حوالي اربع ايام
و نزلنا جده على فيلا عبد العزيز ...
و احنا بالطريق وعبد العزيز جنبي با لسياره و السواق يسوق
و بينا و بينه مثل الحاجز و الستاره ما يسمعنا و لا يشوفنا دق تلفون عبد العزيز
طالع الرقم و قال من هذا !!! رقم غريب ....
رد و بصوت رجووولي : مرحبا ... من معي
: .................................................
عبد العزيز : خير ان شاء الله
:................................................
عبد العزيز : نشوووووف
:.............................................
عبد العزيز و هو معقد حواجبه : انا مسافر الحين و اذا رجعت يصير خير
: .......................................
عبد العزيز : قلت يصير خير و قفل الخط
التفت عليه بغيت اسأله بس خفت حسيت انه معصب
التفت علي و قال : هذي منيره !!!!!!
فتحت فمي ... و استوعبت بعد عشرين ثانيه و هالشي خلا عبد العزيز يبتسم
قال لي : وش فيك حبيبتي مستغربه !!!!!!!
قلت : هاه لا .. قصدي اكيد بستغرب يعني غريبه !! العيال ما فيهم شي !!!
عبد العزيز : لا ما فيهم الا العافيه ... بس هي تقول ابيك ترجعني لبيتي و عيالي ..
دنقت براسي ... و مدري ليش دمعت عيوني ....
رفع راسي باصابعه و شاف عيوني مليانه دموع
قال: ليش تبكين !!! ما رديت و حطيت يديني بوجهي و جلست ابكي ...
شكله قعد يطالعني و طوووول و هو يطالع بعدين فك يديني
و باسهم قال : تحسبيني بتركك لو رجعتها .... رفعت راسي
و كمل : هذا لو رجعتها .... قلت : لكن هذي ام عيالك ...
قال: و انتي حبيبتي و ام ولدي اللي بيجي ان شاء الله ...
( نسيت اقول لكم اني بعد ما طلعت من المستشفى سويت تحليل و صرت حامل )
لا تتعبين راسك بالتفكير انتي زوجتي الوحيده و هي اذا تبي عيالها
حطيتهم في بيتهم و اشتري بيت جديد لنا انا و انتي و شرايك الحين
قلت : مدري يا عبد العزيز هذي حياتك انت اللي تقرر ....
قال: آآآآآآآآآآآآآآآه عقب كلامك هذا و الله ما اختار الا انتي
ما شفت الهنا و الخير الا بعد ما دخلتي حياتي .......
وصلنا البيت تقدرون تقولون يشبه بيتنا
اللي بالرياض بس على اصغر شوي
و تفاجئت بوجود خدم لكنهم رجال..... معتنين في البيت و
مهتمين بالزراعه حقت الحديقة ........
و طلعنا فوق و رحت للحمام و خذت لي شور و لبست
فستان بدون اكمام و قصيرتحت الركبه الى نصف الساق
لونه اورانج و فيه رسمات اخضر غامق ... و رفعت شعري فووق
حسيت برطوبه جو جده مالي خلق افك شعري .... وحطيت لمسات مكياج بسيطه
و تعطرت بعطر جديد من سان لوران ......
و طلعت لقيت عزيز منسدح على السرير و يطالع بالتلفزيون ...





عبد العزيز


طلعنا فوووق انا و نوره اللي راحت تتروش و انا انسدحت على السرير
شغلت تلفزيون الغرفه و اطالع فيه ... و جلست افكر ....
بكلام منيره معي بالجوال .. و طلبها مني اني ارجعها لعصمتي
فيه ان !!!!....... و قبل كم يوم الوالد يقول ان مها بتجلس عندهم !!!!!!!
حسيت ان فيه شي ودي اكلم حصه هي اللي بتعلمني باللي صاير
الحين .... جيت باكلم على حصه الا نوره طالعه و لابسه
هالفستان الحلو و الشعر مرفوع ... قلت لها نزلي شعرك نوره
ترا احب الشعر الطويل يكون مفتوح على اكتافك ... ابتسمت لي
و قالت : بس جو جده يضايق و رطوبه و ما نشفت شعري ...
قمت من سريري و رحت لها ,, و مسكتها مع ايديها الثنتين
و جلستها على التسريحه و خذت اللي رابطه فيه شعرها و كنها مشط
و فكيتها و سالتها عن السشوار و طلعته من شنطتها و شغلته
و جلست بيديني انشف شعرها .... جلست تضحك و قالت تصلح كوافير عزيز
ضحكت وقلت : شفتي انا بتاع كلوووو هههههههههههههههههه
ما شاء الله عليها شعرها كثير و طويل و ناعم ما مسكت نفسي
و بستها مع رقبتها فجاءة هي تفاجئت و وقفت قلت وش فيك
قالت : ما فيه شي بس تفاجئت ... !! و قربت لها اكثر و قلت :
الحين لنا اكثر من اربع شهور والى الان وانتي تتفاجئين مني !!!
وش رايك اخليك ما عاد تتفاجئين هههههههههههههههههه
قالت : لا و اللي يسلم عمرك خلنا نرتاح شوي بعد مكه ...
حجزتها على الجدار و يديني فوق اكتافها .... و جلست اطالعها
هالبنت ملكت روحي و قلبي و كلامها مثل البلسم على قلبي
طولت و انا اناظرها و هي دنقت براسها خلاص ما قدرت اتحمل
ضميتها بكل قوة لصدري تدرون حسيت بشعور غريب !!!
خفت عليها من ايش ما ادري !!!!!
بس خفت عليها وطولت و انا ضامها سمعتها تشاهق بشويش
و تركتها و جلست اطالعها : ليش البكاء يا قلبي ليش !!!
انا لك و انتي لي و ما يفرقنا الا الموت لا تخافين نوره
و الله و يمين با لله اني ما ارجّع منيره لعصمتي و لو على رقبتي .....
و انفجرت عيونها بالدموع بس هالمره هي اللي ضمتني ......
طلعت من عيني دمعه صغيره حسيت بطعم الموده و المحبه
و خصوصا من شريك حياتك .... يا الله كيف كنت عايش بدون هالاحساس
مسحت دمعتي بشكل ما انتبهت له نوره .... قلت لها : وش رايك نتقهوى في الانتر
اذا مو تعبانه ... اشرت لي براسها و قالت : طيب ...

 
 

 

عرض البوم صور dali2000   رد مع اقتباس
قديم 15-02-09, 04:58 PM   المشاركة رقم: 5
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,018
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
منيره



تبون تعرفون وش صار لي !!!! الله لا يوريكم دخلت انا و اخوي سعد
اتنافض من الخوف و كانهم ماسكيني في وضع مخل بالاداب ...!!!
على مكتب مدير الهيئة شيخ في منتصف عمره و جلسنا
و صار الشيخ يحدث علي و يخصني بالكلام و يتكلم عن ان السحر
من السبع الموبقات و المهلكات واني خسرت ديني و دنيتي و اخرتي
طبعا انا عارفه عن ايش يتكلمون ... اكيد عرفوا من مها اني ارسلت سحر
وبعد ما خلص الشيخ من كلامه....... قال : ترا ابو عبد العزيز
موصيني ابلغك رسالته لو يجي عبد العزيز او مرته شي ترا ما راح
يكون في الوجه الا انتي بسبب اللي سويتيه ... وانه ماراح يكفيه غير القصاص منك
انا طاح قلبي في بطني .... بس انا ما ارسلت شي يموته بس .....
كلمت وحده مغربيه في مشغل كانت قد لمحت لي انها تقدر تسوي اشياء تخلي
الزوج يسمع كلام مرته و انا قلت لها ابي شي يرجعني لعبد العزيز
بس !!!!! مو عش ان افرق بينهم !!!!... اصلا هو ما يهمني الا انه يصرف علي
و يوفر لي بيت و خدم و حشم و سيارة تحت امري هذا الي ابيه بس
المهم وقعوني على تعهدات اني ما اتعرض لهم و لا اسوي لهم شي
و اخوي بعد وقع انه يكفلني لو يجي مني أي شي راح يساءلونه
المهم جلسنا حول الثلاث ساعات و انتظارات
و تعهدات( و عطيتهم عنوان المشغل ) ... الى حد ما طلعت روحي
و سعد ما يطالعني و ان طاحت عينه بعيني كشر و عقد حواجبه علي
طلعنا من مركز الهيئه ... و ركبت السياره اول ما حطيت رجلي مشى بسرعه
حسيت ان سعد وده اني اموت و يرتاح مني.......
صكيت باب السيارة و السيارة تمشي يمكن مليوون ...طبعا ما تكلم معي
وصلت لبيت اهلي .. نزلنا و دخلنا جوا لقيت امي حاطه راسها
سلمت و ما ردت امي السلام و رفعت راسها و هي تناظر سعد
: وش سويتوا يا سعد !!! .... سعد : اخخخخخ بس والله يا يمه تمنيت الارض
منشقه و بالعتني و لا شفت نفسي داخل على الهيئه و هالزفته معي
التفت عليهم و انا اصارخ : وش فيكم انتم !!! ما تحسون فيني !!!
انا ابي عيالي و ابي ارجع لهم ... ما حطيت لهم تفريق انا ابي ارجع
لعيالي و بيتي ... ردت امي : استغفري ربك تطيعين الشيطان و تعصين الرحمن
عشان ترجعين لرجلك ... و تبين ربي يوفقك !!! سعد و هو كاتم غيضه
: انقلعي عن وجهي لا امسطك بهالعقال حتى تعرفين وش نحس فيه
يا كلبه وطيتي روسنا عند الله و خلقه كل اللي في الهيئه يعرفونا
تحسبين انك انتي بس اللي في الوجه كلنا طاحت وجيهنا ... بسبتك الله ياخذك ....
طلعت فوق و انا اشاهق .... و دخلت غرفتي و رزعت الباب بقوة
و رميت نفسي على السرير ... وش سويت انا !!! اعوذ بالله من الشيطان الرجيم
لازم اكلم عبد العزيز...... لااااااااااااااااااااا!!! ما راح اكلمه الحين ...
و اكيد ما راح يرد علي ... بشتري شريحه جديده و اكلمه .....





حصة







جلست عند اهلي اربع ايام و رجعت بعدها لبيتي
و كنت انام انا و مها في غرفه وحده و خاصة بعد ما امر ابوي انها تجلس في بيته
البنت متلخبطه تقول ما احب نوره و لا اكرهها و اذا شافت ابوها
مبسوط تغار ليش امها ماهي معاهم و اذا راحت لخوالها ...
طنشتها امها و لهت عنهم ... من كذا حسيت ان البنت تبي احد يحتويها
طبعا كلمتها عن اللي سوته ... و قلت لها لو كنتي مكان نوره ترضين احد
يسوي معاكي كذا ... طبعا هي اقتنعت انه خطأ و خطأ كبير بعد
لكن تقول ابي ماما و بابا يرجعون لبعض ما بيهم يتفرقون ....
دخلت بيتي و طلعت عيالي كل واحد يدخل حمامه و يتروش
بكره بيجي عبدالرحمن من السفر ... خليني ارتب البيت و عيالي
و تفاجئت باتصال من عبد العزيز تالي الليل ,,





عبد العزيز




بعد ما تأكدت ان نوره نامت قمت و طلعت من الغرفه
ما جاني النوم من التفكيررررر ... خذت جوالي و طلعت
برا الفيلا بالحديقه حتى ما تنزعج نوره لو سمعت شي
المهم دقيت على حصة ... عارف الوقت متاخر لكن مالي فرصه
الا هالوقت .. ردت و صوتها مصحصح ....
: هلا حصة شلونك يا اختي العزيزة
حصه : هلا و الله باخوي و شلونك يا عمري العمره مقبوله ان شاء الله
: الله يتقبل منا و منكم صالح الاعمال .. بخير تسلمين
حصة: و كيف نوره عسى ما تعبت في مكه ...
: لا و لله الحمد كل شي تمام ... حصة بسالك و جاوبيني بصراحه
حصة : اسال يا عمري و اكيد بجاوبك ما تعودت اكذب عليك ..
: ليش الوالد بيخلي مها تسكن عنده ....!!!
حصة : اااااه ... لا تحرجني يا عبد العزيز يمكن ابوي عنده وجهة نظر
قاطعتها : مها مسويه شي غلط !!!!!! في غيابي !!!!!!
حصة : مها انا اعتبرها طفله و لو سوت شي غلط ممكن يتصلح
: حصصصصصه لا تلفين و تدورين ارمي الكلمه و خلصيني
اعصابي تلفت .... قولي لي وش سوّت مها ....
حصة : مو مها هذي امها المقروده ...
: منيررررررررره !!!! وش سوّت بعد ام لسان طويل ....
حصة : عبد العزيز .... حبيبي انا بقول لك وش القصة
بس يا ريت تسمعها و لا تستعجل بالحكم فيها لحد ما تدرس
اللي صار من كل جوانبه ....
: اسمعك حصة تكلمي .....







حصة





كلمت عبد العزيز عن اللي صار كله....... طبعا مع
الادعاء ان مها جابت لنا السحر و خبرتنا عنه يعني و كأنها
تخبرنا مو عشان تنفذ كلام امها و انها تخاف لو رفضت ..... تعطيه امها احد ثاني
ففضلت البنت تاخذه بنفسها ,,,حتى تضمن ان ما يضرك شي
باذن الله ... و ان الوالد اشتكى عليها في الهيئه ......
و استدعوها و اخذوا منها تعهد انها ما تضرك او تضر نوره ,,
سمعت تنهيده طويله من عبد العزيز ... قال : متى هالكلام صار !!!
قلت : اليوم اللي سافرتوا فيه ....
قال: اقصد الهيئه متى راحوا بها للهيئه الله يسوّد وجها ....
قلت : بنفس الليله تقريبا ... على ما اظن او من بكره
لان مدير مركز الهيئه اتصل على ابوي و خبره انه اخذ عليها
تعهدات و تواقيع .. و شهّد اخوها سعد و خلاه يكفلها ...
قال : اهااااااا عشان كذا الهانم متصله و تقول رجعني لعصمتك و خلني عند عيالي
لكن الحين و بعد اللي سمعته لو ايش ما هو ما رجعتها الخبله هذي ...
هذي دمرت نفسها و بتدمر عيالها .... و لا هو هامها بعد ...
قلت : ان جيت للحق يا عبد العزيز العيال مالهم الا امهم
عزيز: هذا لو كانت امهم صالحه لكن مثل هالام البعد عنها غنيمه
هيييييييين يصير خير ان شاء الله ........
قلت : لا تشغل بالك يا خوي كل الامور بتتصلح ان شاء الله
عزيز : الله كريم ... طولت عليكي حبيبتي سلمي لي على عبد الرحمن ....
هو جا من السفر و الا لا !!!
قلت : لا و الله ما جا بكره ان شاء الله الظهر جاي باذن الله ...
سلمنا على بعض و قفل الخط و انا ادعي له .....من جد عبد العزيز
ما تهنى يا حياتي ويوم لقى طريق السعاده نكدوا عليه ...






نوره




قمت من النوم و انا حاسه بعطش .. التفت ما حصلت عزيز
خفت الصراحه شفت غترته و عقاله معلقين ... و بوكه و مفاتيحه
بس جواله ما شفته ... لبست روبي و طلعت ادور عليه
انتبهت لظل بالحديقه ... و اشوف عزيز يحرك يديه
شكله معصب من هالمكالمه .. جيت بقرب اسمع اوضح ...
بس استحيت ... رجعت و طلعت فوق ... و دخلت الحمام تكرمون
و توضيت وضوء الصلاة و طلعت فرشت سجادتي
و تسننت و صليت لي ركعتين و جلست ادعي ربي و انا ساجده
و دموعي انهاااار .... حسيت بمشي في الغرفه ... خففت صلاتي
و سلمت ... لقيت عزيز متسند على يديه على طرف السرير
قال لي و هو يبتسم : وش تصلي عجيزنا .....
ابتسمت .. و قلت : انا عجيّز حرااام عليك .........
عزيز : عسى دعيتي لي ... قلت : اكيد دعيت لك ,,,
عزيز: وش قلتي .... قلت : دعيت ان الله يحرّم عليك بنات ادم الا انا
ضحك ضحكه قويه حسيتها طالعه من قلبه يا حلوه و يا حلو ضحكته ...
وقف و مسك يديني ووقفني معاه قال : اكيد ربي استجاب دعوتك ....
لاني ما راح اخذ احد و لا ارجّع احد .... انا لك و انتي لي و بس ......
قلت : طيب و عيالك .... اكيد بيضغطون عليك و خاصة مها ....
قال : لا ما راح يضغطون و هم حاسين بالفرق بينك و بين امهم ...
قلت : عبد العزيز ... عيالك هم عيالي .. و انا ما ابي الا ان عيالي يتربون مع اخوانهم
في بيت واحد .... يعرفون بعض و يحبون بعض,,,,
قعد يطالعني عزيز ... و هو مبتسم ....: ابشري طال عمرك ..
اللي تبينه يصير يا بنت عبد المحسن ....
هالمره انا قربت منه و بسته على خده و ضمني بقوووة ...
و هو يقول الله لا يغير علينا حبيبتي ...






بعد مرور سنه كامله من الاحداث الاخيره




نوره




طيب طيب يا حبايبي ... يا مهاوي تعالي تكفين بسرعه !!!!
مها : خلاص نوره جبت الرضاعتين ....قلت : يا عمري تعبتك
بس وش اسوي ما عندي غيرك اتكل عليه ..
مها : هذول اخواني بعد و انا ما ابي الشغالات يقربون منهم ..
كنت اتمنى يجينا بيبي من زمان اهتم فيه ....
قلت : جاب لك ربي بيبيين عبد المحسن و عبد المجيد
مها : يا زينهم و يا زين اسمائهم بعد ...
انا رضعت عبد المجيد و مها جلست ترضع عبد المحسن
و شوي دخل علينا عزيز و سلم .... قال : ما شاء الله عليكم ...
انا جايب مربيتين لهم خلوهم يهتمون بهم ... و لا تتعبون انفسكم
مها : لا بابا هذولي اخواني و ما بي المربيات يربونهم
مثل ما ربونا ... و جلست تطالع بعبد المحسن
و انا و ابوها نطالع بعض و مبتسمين .....
حسيت بالفرحه اني اشوف مها تحب عيالي
طبعا اخوانها محمد وفارس و تركي مبسوطين على اني جبت توأم اولاد
و يبون بعد واحد عشان يطلعون سته ,,,,
من جينا من العمره الاخيره و مها متغيره علي مره
جلست عند جدها شهرين و درست عندهم
و كنت اجي عندها و اذاكر لها الانجليزي
و في نهاية الترم الاول رجعت للبيت عندنا
و احوالها متغيره و صاروا ما يروحون لامهم
الا من الشهر الى الشهر ... و فكرت انهم متضايقين
من هالشي ... لكن العكس هو الصحيح ,, و خاصة بعد ما تزوجت امهم
خذت واحد عنده زوجتين و ساكن في الخرج ...
و هي ساكنه بالرياض و لا يجيها الا الويك اند ...
تصدقون مرعلى زواجي اكثر من سنه و ما شفت منيره هذي ابد ...
و الى الان ما ادري ليش كان عبد العزيز نازل بحديقة بيتنا اللي في جده
و كل ما سالته قال شي من صالحك و بس ........
عبد المحسن و عبد المجيد عمرهم الحين خمسه شهووور
و انا اعيش مع عبد العزيز و عيالنا السبعه في خير و نعمه
و كل يوم احمد ربي و اشكر فضله علي ...
و اني تزوجت عبد العزيز.....








عند نوره اوقف قصتي و التي من المؤكد انها استمرت بهم الحياة
في طريق السعاده و يخامرها بعض الاحداث من هنا و هناك
و من صواديف الايام التي لايخلو أي بيت منها لتحقيق سنة كونيه كتبها الله على عباده :
دوام الحال من المحال

هذي هي نهاية قصتي (( قلووووب دافئه )) اتمنى انها حازت على رضاكم
و طبعا لا بد ان تكون مليئه بالنقص نظرا لانها اول تجربه لي في عالم القصة
عموما اعزائي قصتي هذه كانت واقعا و حاولت ان اصوغه باسلوبي الفني
و لاني كاتب و ضليع في الكتابه فلن تجدوا أي نقص او لبس >>>>ابوك يالثقه
تمنياتي لكم بالسعاده في حياتكم و ان يجد كل منا نصفه الاخر
اللي يشبه نوره او يشبه عبد العزيز .....

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتب, للكاتب سعود التميمي, التميمي, دافئة, روايه قلوب دافئة, قلوب, قلوب دافئة, قلوب دافئة للكاتب سعود التميمي, قصة قلوب دافئة, قصة قلوب دافئة للكاتب سعود التميمي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:19 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية