مرحباضجججججججه سراحه القصه مره اكثر من رائععععععه واسلوب راقي
في سرد الاحداث . ولك العذر إذا تاخرتي في التنزيل للبارت اوقصر الاحداث لان احنا بشر والكل عنده ظروف .دمتي بخير

السلام عليكم ورحمة الله وبركاته


.
.



أولا أحب أعيد ترحيبي بالغاليات :

فراشة الوادي ..." ردك البسيط جداً أسعدني .. ولو لم تكوني متابعة .. مجرد شهادتك في ذلك الجزء هي محل افتخار لي .. أشكركِ "

العامرية .. أهلا ومرحبا بك .. نورتي مكانك .. واسعدني جدا تعليقك بعد غيابك الطويل ..

Emomsa... جداً فرحت بعودتك .. ردك كما السابق .. متميز وانتقائي في كلماته وعباراته المتقنة .. أجدت التعبير ، وأسعدتيني أيما إسعاد .. جزيت الخير
.




.

وأشكر متابعاتي القريبات جداً من قلبي والمستمرات بدعمي دوماً :

رومنسية زمانها..

جوودي ,,,

زارا ...

ألما ...

Jawhara49
"جوهرة "....

شبيهة القمر ..

شموخ الصمت ..

نوف بنت نايف...

أسوار الماضي

النصف الآخر

أم هنا

Jewely

وجودكم فخر داائم لي والله ... وأنا حييل متضايقة إني مارديت على كل وحدة فيكم هالمرة أواللي قبلها بالتفصيل ،، ولو تكلمت باختصار مابوفيكم حققكم .. والله انكم مررة غالييين علي .. وعندي لكل وحدة كلام كثيير لكن بعد انتهاء القصة .. إن شاء الله !
.


.




وأشكر المنضمات الجدد واللاتي جداً سعدت بوجودهن وأفتخر حقاً بكلماتهن العذبة الراقية ..

ليلك ... مرحبا بك اختي الغالية .. تسعدني متابعتك ..

Remas2007 .... حياك الله الغالية .. فرحت بتواجدك ..

غســق ... حياك الرحمن غاليتي . .إطرائك ألجمني ! وكلماتك سحرتني !! جزيت كل الخير .. وأهلا بك وبروعة وجودك ..

الزائـرة ... زوزو =) ... اسعدتيني للغاااية بوجودك الذي كنت أنتظره بشووق...سلمتي على الرد المفصل والخطييير .. اشكرك من قلبي غاليتي،،و أسعدك الرحمن كما أسعدتيني ..

Nooofy .... حياك ربي أختي الغالية وأنا والله ما نسيتك من أول ردود لك بالقصة وكانت مميزة مثلها مثل ردك هذا .. تسلميين يا قمر على كلماتك المشجعة .. لاحرمت منك ..

عمة الحسن والجمال ... يامرحباااا بك والله غاليتي .... بالعكس ردك مرررة يجنن وجداً مشجع ..و تكفيني كلماتك البسيطة الصادقة لأحلق بهااا فرحاً .. اشكرك من اعماااقي غاليتي ..

داررين ... حيااتي والله .. حياك ربي من جديد .. وانتو والله تستاهلوون كل خير .. جزاك الله خير على دعمك وكلماتك الصادقة ..



.


.


.
يتبع



" المعذرة توني راجعة البيت .. الجزء جاهز وبينزل خلال دقائق بإذن الله .."

ضججججججججججججججججة يا حلوة تعليق سريع على القصة
الي اكثر من رائعة انها بدة تاخذ منحنى خطييييييييييييييييييييير و حلووووووووووووووووو على الصعيد العام و الاحداث كل ما لها و تكون مشوقة اكثر من قبل و يا عيوني خير الكلام ما قل و دل و ربي يوفقك و يعطيكي الف الف عاااااااااافية
مع محبتي: بنووووووووووو

الفصل الحادي والأربعين
.
.
كان بيطلع لكن الشي اللي لمحه بالصالة خلاه يرجع خطواات لورآآ بسرعة ..
هز راسه وهو يضحك على نفسه .. مو معقووووولة ..؟ رجعت له التهيؤات من جديد ..!!
توجه بجنون للكنب اللي لمح طرف قماش احمر طالع من وراه ..واللي طبعا كان لحصة اللي كانت طالعة ومعها كاسة ماي لفابيان وتفاجئت بصوت نايف وتخبت ورآ أقرب كنب ..
توعد هالشي اللي يشوفه بغيظ من داخله وبمبالغة..وكأن في أحد متعمد يحط هاللون بطريقه كل شوي ..
" قسم بالله ان رحت له ومسكته بين يدي لأكون مقطعنه ستييين قطعة ...او بحرقه لين ما يبقى فيه اي لووون ....."
وبكل عصبيته شده بأقوى ماعنده وهو مقهور من نفسه ومن انصياعه لأفكاره الغبية وتهيؤاته المستمرة طول هاليومين ..!!
أول ما شده تفاجأ بثقل وكبر هالشي اللي شده ، أفلته بسرعة وارتباك وهو يسمع الشهقة العالية اللي صدرت منها ، وآآهتها لما ارتفعت شوي بقوة ورجعت تصدم بالارض الصلبة ..
حس كل شي تلخبط بعقله فجأة ويده اللي كانت ماسكتها تجمدت في مكانها..
وش سوى ؟؟ ..........ومن هذي ؟؟؟ اشلون تهور و......
"لحظة ..لحظة لحظة لحظة ...... صدق اللي اشووفه ؟؟؟ هذي ... هذي هي نفسها ؟؟ مستحيل .. مستحيييل..أكيد أتخييل !! وش جابها هنا ؟؟ لا لا أكيد أتخيل .. حتى إنها لابسة ..أحـ .. أحمر.. !!"
وقف بتوتر بااالغ ومازال متفاجىء وهو متنح فيها ....كانت منزلة راسها تحت بارتباك شديد وقاعدة تمسد رجلها اللي شكلها تلوت لما طاحت ..وحس بإنه يتراجع لخطوات لورآآ لاشعورياً وهو ينطق باسمها بباله : حصـ ..حصــ..ـة؟؟
لكن لما رفعت عينها له بصدمة من بعد ماكانت منزلتها .. عرف إنه تكلم بصوت عالي !!
نايف توتر اكثر وخاف يكون كل شي من وحي خياله ،، تراجع وهو يقول : آسف .. آآ ..آآ..
عجز عن الكلام وتراجع وطلع درجات السلم بسرعة ودخل غرفته على طول وسكر الباب وراه وهو يستند عليه ..
وكانت خايفة وتتعوذ قبل تتحسبه جني؟؟هذي شكلها اهيا الجنية...!!و بتخبل فيه أكيد؟؟!!!!
"متى أمداها تختفي من راسي عشان تظهر قدامي ؟؟ لااااا وبعدها مصرة عالاحمر اللي عمآآ لي عيوني ...!!! شكيت إن هالانسانة صدق موجودة بعالمنا ؟؟ أنا لازم أتأكد .. مين هذي ؟؟ وليش ببيتنا ؟؟"
تذكر الضيوف اللي قال عنهم فياض .. واتصل عليه بلا تردد..
فياض : ألوو .. هلا نايف ...
نايف : أوه فياض ما راح اشغلك ،، بس بسألك .. محمد الـ ... تعرفه هالاسم ؟؟
فياض بتفكير : أظن .. زوج خالة عايض.. وأبو حرمته ..قابلناه بالعرس وسلمنا عليه ما تذكر ؟؟
سكت نايف وهو يحاول يذكر ..
فياض باستفسار : ... ليش تسأل ؟؟
نايف : هاااه ؟؟ لا ولا شي .. مشكوور ..بس كنت أبي أتأكد من شي ..
فياض : أجل أخليك أنا ..برجع لشغلي ..
نايف بتيه : سلاام ..
نزل تليفونه وهو يهز راسه .. استرجع شكلها من لحظات ..
وش هالانسانة ؟؟ هذي مو بشر ؟؟ حورية ...!! ملامحهآ ما لها حل !! ...ولآ شعرها .. و..........
" أستغففففر الله .........!! والله العظيم إني مب صااحي أبددد .....وش هالبلوة اللي طاحت فوق راسي بيوم وليلة ؟؟؟أنا من متى اضعف بسرعة كذا ؟؟؟!! "
انسدح وهو يحس كل التعب اللي كان فيه اختفى ،، ومن القهر اللي فيه والتشتت بمشاعره سحب مخدته وحطها فوق راسه بعنف وهو يحاول يخبي فيها انفعالاته .. ورجع شالها بعد دقيقة بقهر ..
" معقولة اهي الحين ببيتنا ؟؟ بنفس المكان اللي أنا فيه ؟؟؟هذي حالتي الحين ... وشلوون لو أطاوع جنووني وأروح وأخطبها ؟؟ بتصير قربي صدق؟؟ أنا ممكن أمتلك هالحوورية ؟؟ ......لا وش هالافكار يا نايف نسيييت كلامك لنفسك ؟؟ وما اتعظت من تجارب غيرك ؟؟؟ ....."
تنهد بعمــق وماقدر يظل على هالحال وإلا حس إنه بيجن فعلاً ..
قام وخذ اغراضه ومفاتيح السيارة ونزل وعلى طوول عالباب بدون ما يناظر اي شي ...
ركب وهو مقرر يروح لأي مكان .. وتذكر إنه جوعآن وماكل .. وتوجه للمطعم ..

.

.

.

.
" يالفشيييييييلة ...!! يالفشيييييييييلة ...!! انا وش هببت ؟؟ وش سويييت ؟؟ معقولة بعد كل تحذيرات ديما وطلعت من غير حجاب وشافني واحد منهم ؟؟ بس صددق وش هالدفاشة اللي فيه ؟؟وش يتحسبني ..حراامي مثلاً ؟؟؟ والله رجلي للحين تعوووورني وصرت مقدر امشي زين عليها ..!! ..بس اللي قاهرني أكثر .. شلون يعرف اسمي ؟؟؟؟ اشلوووووووووون ؟؟!!"
فكرت وفكرت ،، وماتدري ليش فجأة تذكرت اللي صار معها بالحفل وارتجفت ..... "يمكن يكووون مو انسان ؟؟وانا اللي فيني مشكلة ...؟؟لا انا وش فيني صرت افكر بهالطريقة كل شوي ؟؟ لالالالا مستحيل... لأني سمعته...!! ومتأكدة مية بالمية إني سمعته وهو يتكلم مع ديما !! ياربييي .. خلاص موقف وعدآآ يا حصة ..انسييي!!"
كانت تفكربكل هذا وكل تعبيرات وجهها ظاهرة لفابيان اللي كانت متربعة على السرير وسامي على رجولها تهزهز فيه وتناظرها بدهشة ..
فابيان : هـــصة؟؟
التفتت عليها بعد شوي وهي تنتبه انها تناديها : هااه .. آآه... يــس ؟؟
فابيان ابتسمت وكانت بتتكلم بس دخلت ديما ..
ديما بابتسامة : حصووه تعالي ساعديني ..خلص الأكل ...
حصة قامت معها وهي تحكم من لف جلالها عليها .. وتمت طول اليوم تفكر باللي شافها واشلون عرف باسمها ..
شكت بنفسها بالاخير لانها من ايام وتتوهم إن فيها شي وإن هاللي صار لها معهم الموقف بالحفل ما رح يتركونها بحالها وراح ينتقمون منها ....
سألت ديما وهم جالسين : امم اقول ديووم .. أنا سمعت وانتي بالمطبخ صوت احد يكلمك من برآ ...... مين كان؟
ديما بحيرة : أحد كلمني أنا ؟؟ لا .. متى ؟؟
ارتعبت حصة وهي تناظر ديما ونشف الدم بعروقها ...
لأنها كانت منحرجة من موقفها فما طلت فيه إلا لما نادى اسمها .... حاولت تتذكر شكله برعب .. وجهه كان منعكسة عليه اشعة الشمس من الشباك اللي ورآآ الكنب .. وملامحه ماكانت واضحة ،، وبعدين مسكته قووييية مررة ومنفعلة .. مو مسكة طبيعية ،، وبعدين لو واحد من اخوان فياض مستحيل يتصرف هالتصرف كذآآ ...!!! واخر شي ....... الاسم....!! الاسم شلون عرفه ؟؟!!!!!!!!
ضمت ذراعينها مع بعض وهي تتلفت حولها بالغرفة فجأة بخوف.. صارت تحس في احد يراقبها .. دمعت عينها وهي تتعوذ .. راحت للمصحف اللي شافته مع الكتب اللي عند فابيان ، فتحته ولقته بالفرنسي مترجم .. رجعته مكانه باحباط وهي تلتفت على ديما .. راحت لها وجلست جنبها لاصقة فيها ..
التفتت عليها ديما : ها حصووه شكلك تعبانة ... لو تبين ترقدين ترتاحين تعالي معي فوق الجناح .. ترآ فياض عنده مواعيد وبيتأخر ..وبتصل فيه اقول له ما يطلع فوق لو جآ ..
حصة هزت راسها بالرفض وهي تتخيل نفسها بالجناح فوق لحالها .. إذا بالصالة وبالنهار وتجرأوا يتعرضون لها .. أجل لحالها في الطابق الثالث وبالوقت هذا وش بيسوون فيها بعد ؟؟؟؟
ديما : لا تستحين ترآ عادي .. ..
حصة : لا ديما .. صدقيني أنا مو تعبانة ...
وحطت راسها على كتفها وهي تغمض عيونها : بس بجلس جنبك كذا .. احس بأمان وأنا معك ..
وكملت بعد لحظة : ديما تدرين..انتي فيك شي غريب ؟؟
ديما مستغربة من كلام حصة : وشو ؟؟
حصة شالت راسها وقالت بصدق : ما أدري... أحسك كذا مممم.. حنونة ودافية وأتمنى لما اشوفك لو إني أكون دايم قريبة منك ..
ديما ابتسمت بخجل : تبالغين بس ...
حصة هزت راسها بلا ورجعت تلصق راسها بكتف ديما : ما أبالغ .. والله فيك شي يجذب ويحبب الناس فيك على طول ..
ديما ابعدت راسها : حصووه شكلك غريبة اليوم ، حتى كلامك غريب ..
حصة دمعت عيونها وهي تقول : ديما عادي أطلبك ....تقرين علي ؟؟
ديما ناظرتها بقلق .. وهزت راسها : أكيد ..!
و قالت لفابيان انها بتقرأ على حصة قرآن .. وجلست فابيان وياهم تسمع ديما وهي تقرأ على حصة ومستغربة من اللي يسوونه ...
خلت حصة راسها على رجل ديما وراحت في النوم خلال أقل من ربع ساعة .. طبعا لانها ماكانت تنام اليومين اللي فاتوا من الارق !!!

..
.

.

.

.

تسحبت ديما وقامت وهي تحط راس حصة على الكنب بهدوء ، وجابت غطآ وغطتها وفابيان جابت مخدة وحطتها تحت راسها بلطف ..
ابتسمت فابيان وهي تناظر حصة : تبدو كالطفلة ..
ديما تبتسم وتناظر سامي اللي نايم وهزت راسها بتأييد ..
استأذنت من فابيان وطلعت فوق عالجناح عشان تبدل من وقت الغدآ ماطلعت والريحة من المطبخ مازالت عالقة فيها ..
ناظرت ساعتها وكان اذان العشا باقي عليه شوي .. اتصلت على فياض اللي تأخر اليوم ومارجع للبيت من الصبح ..
رد عليها بلهجة مرحة : هلااا حيااتي ..
قالت بابتسامة وهي تجلس عالكنب : أهلييين فياض .. كيفك؟؟.. وينك تأخرت اليوم ؟؟
سألها بروقآآن: .....مشتااقة ؟؟
قالت بابتسامة خجولة : صدق وينك ؟؟ اليوم بالذات مجهزة الاكل وتعبانة عليه .. اتصلت عليك وقت العصر والمغرب بس ما رديت ..
سكت شوي وقال بعدها : ممم توني طالع من المركز الحين .. اليوم طولت معهم شوي ..
سألته باهتمام : والأخباار ؟؟ طمني ؟؟
قال : الحمد لله .. خلآص باقي قليل ..
قالت بتفاؤل : إن شااااء الله ..
قال بعد ثانية : تحتاجون شي من برا ؟؟
قالت : لا تسلم ما نحتاج شي .. ممم أجهز لك تتغدآ ؟؟
قال بتردد : أوكيه .. بس لا تكثرين .. أنا عشر دقايق وأكون عندكم ..
سكرت منه وهي تحس لوهلة بشي في نبره صوته ، أكيد من التعب .. نفضت عن راسها الافكار وهي تتفائل بقرب انتهاء فترة العلاج .. قامت تجهز الاكل .. وهي تتسائل في بالها عن عايض إيش سوآ اليوم مع خلود؟؟ قال بيتأخر على حصة شوي لسآ ما خلصوا مشاويرهم .. ولما كلمتهم عشان الغدآ كانوا تغدوآ خلاص ..

.

.

.

.

.

.

من أول ما طلعوا مع عايض ،، ماكان يحكي مع خلود أبداً ... كل حكيه كان مع منى .. حست إنها غرييبة عنه ، وتمنت لو تتعرف عليه أكثر ، على شخصيته ،، طبيعته .. بس وين تجيها الفرصة ؟؟
راحوا لمحــل كبير مشهور ببيع الأثاث الفخم .. نزلت خلود وهي تلصق بمنى ..وعايض من الجهة الثانية يتقدمهم ..
مشى معهم وتجاوزوا منطقة الكنب والمكتبات ،، ووصلوا لغرف النوم .. واللي كانت كلها اطقم على بعضها مكتملة .. كانت تطالع حولها منبهرة بالديكورات والستايلات الفخمة والرهييبة.. وماحست إلا بشي يسد على عينها طريق تأملها .. شي لونه أبيض ..وكان عايض اللي وقف قدامها .. ناظرت بخالتها بجنبها ومالقتها .. وين اختفت وخلتها ؟؟
سمعته وبدون ما ترفع عينها فيه يقول : خلوود ؟؟ تعالي معي من هنا .. بنطلع فوق في ديكورات أحلى ..
رفعت عينها له و دار هو شوي يناظر الدرج .. حست بقلبها ايدق وهي تمشي وراه .. كانت خطواته واثقة وسريعة أما هي فكانت كل شوي تتلفت بارتباك وراها ..
التفت عليها وهو يسألها : خلود ؟ في شي ؟
قالت بارتباك : ..وين خالتي ؟؟
عايض ابتسم وقال وهو يمد لها يده : راحت قسم الادوات المنزلية ..اظن فبالها شي تبي تشتريه ..
ناظرت يده الممدودة بغباء ...
نزل يده لما شافها مطنشته وقال بابتسامة خفيفة : ترا مافيها شي لو مسكتيها..
رفعت عينها لعيونه المبتسمة وزادت دقات قلبها ،، ومدت يدها بربكة ..
قبض عليها بيده وطلع وهي تمشي معه بدون تركيز ..
يدها كانت بيده وهو قابض عليها .. دافية مررة .. وهذا اللي يحس افتقده من زماان .. الدفآآآ ....حس بتعلقه بهالانسانة زاد لمجرد هالاحاسيس البسيطة اللي حس بهآآ من مسكة يدها... وشلون لو شاركته برودة حياته باكملها ؟؟ أكيد بتملآها دفىء وحياة وبتعلقني فيها زووود ..........متى يجي هاليوم ؟؟!!
وقفت هي وعينها تتيه بالاشياء اللي حولها .. صدق كانت رهيبة الديكورات ،، وكل واحد احلى عن الثاني ..
.. انتبهت من شرودها وهي تحس باصابع يده تتحرك على يدها بنعومة ...جربت تسحبها بارتباك لكنه قبض عليها من جديد بقوة ..
رجعت تلتفت للاثاث من حولها تلهي نفسها بالفرجة عليه ..
سألها وهو يأشر بيده الثانية : مم في غرف بعد هناك .. تعالي نشوفها ...
مشت معه وهي تتفرج على كل شي يقابلها ..
وقف عند طقم لفت انتباهه ..
سألها وهو يحاول يشركها معه بالكلام : شوفي هذا ؟ تعجبني حركة الكراسي اللي مقابل السرير هذي ..
سكت يناظر ردة فعلها وتجاوبها معه .. بس الظاهر مازالت مرتبكة وان الحاجز مابينهم يمنعها من التصرف على راحتها ..
قالت بتردد : حلو ..
قال بابتسامة ومحاولة : خلود ...أنا حبيت تكونين معي عشان تشاركيني رأيك .. لا تستحين وقولي رأيك بصراحة .. وإذا شي عجبك لا تترددين .. ما رح نطلع إلا وانتي مختارة ..
قالت : بس .. يمكن ما يعجبك ..يعني أقصد ذوقي!!
قال وابتسامته تتسع : لوماعجبني اختيارك أوعدك بكون صريح وأقولك ما عجبني ..
هزت راسها وقالت : طيب ..
.
.
استمرت تتفرج معه وشوي شوي على ما راحت عند غرفة نوم كانت عاجبتها حيــل وماقدرت تضحي بها عشان خجلها هالمرة ...
عايض بتشكك : بس ما كأن الكراسي هذي رجولها غريبة ؟؟
خلود باندفاع : لا .. هذي موضة جديدة توني شايفـ ..
سكتت وهي تكمل بهدوء : احم ..قصدي .. آآ..
عايض ناظرها بتفاجؤ وضحك بدون صوت.. ديما تقول خلود حبوبة وتمزح وتحكي كثير .. وشكلها طبيعتها بدت تظهر بس هذا كله من الخجل ..!!
قالت بتوتر : خلاص نروح نشوف وحدة ثانية ..
ومشت خطوتين إلا وهو ماسكها من يدها ...مشاها لين عنده وقال وهو يشد على يدها : والله ما آخذ إلا اللي معجبتك ..
خلود باحراج : آآمم....
قاطعتهم منى اللي جات من وراهم : هااه يا عرسان وش الاخبار ؟؟ عاجبتكم هذي ؟؟ اللــّه تجنن ..وحركة الكراسي جنان ..
عاض ابتسم .. شكله هو اللي ما يفهم بالموضة ..ناظر خلود اللي لصقت بخالتها وتركت يده ..
قال : اهم شي عاجبة خلود .. وعاجبتني .. هاه خلود رأيك ؟؟ آخر كلام ؟؟
خلود : طيــب ..
أشر عايض للرجّال اللي كان كل شوي يعرض عليهم خدماته من أول ما دخلوا ..وتركهم عايض ورآح معه ..



.

.

بعدها نزلوا عند الادوات المنزلية وكانت فيه اكسسوارات مطابخ واشيا مررة سمبل وراقية ، منى شجعت خلود تاخذ منها ... وخلصوا على وقت الظهر .. خلود أعجبتها كثير طولة بال عايض ،، بالرغم من تأخرهم لساعات ..كانن طول الوقت مبتسم ويسألها إن كان في شي تبيه ويعطيهم رأيه في الاشياء اللي يختارونها او يترددون فيها ..
صلوا بأحد المساجد وأخذهم عايض لمطعم فخم للمشاوي .. وطبعا كانت الغرفة مغلقة ..
أول ما دخلوا شالت منى نقابها وظلت بطرحتها ... رفعت يدها بتوتر وفكت ربطة النقاب وهي تصفطه بجنب شنطتها وتلتفت على عايض بتردد .. ماكان يطالعها لأنه عارف انها محرجة ..بس جلوسها جنبه أسهل بكثير من إنها تجلس مقابلة له ...
طلبوا وانتظروا كثير .. منى شافتهم ساكتين ... وحبت يكون في فرصة يحكون مع بعض فيها ، خافت تضيع هالفرصة اذا جا الاكل وخلصوا وراحوا .. قامت وهي تعدل حجابها وتقول إنها بتروح الحمام وترجع ..
طلعت منى وسكرت الباب .. واعتدلت خلود بجلستها بارتباك ..
لفت بطرف عينها جنبها وتفاجأة لما شافت عايض يناظرها .. وكان ملتفت كله عليها .. نزلت راسها تحت وهي تلعب بطرف طرحتها المرخية على شعرها بتوتر ..
ماصدق منى راحت والتفت عليها يتأملها .. اول مرة يشوفها على طبيعتها ،، صح شافها بالملكة بس شكلها كان مختلف بالمكياج الثقيل ..
ناداها ..يبيها تلتفت عليه عشان يشوفها عدل : خلوود ...
التفتت شوي وهي ترد : نـعم؟
اول ما ناظرته ابتسم وقال : .. أحس إني أشوفك أول مرة ..
حست بخجل وهي تتمنى تسأله عن قصده .. إذا يشوفها حلوة او لا ..
قال : احم ... خلود أبي رقمك ..
فاجأها بطلبه ورفعت عيونها له باتساعها ..اعجبته عيونها خصوصا نظراتها الطفولية المندهشة هذي ..
قال : لا تناظريني كذا ......انا ماقلت شي غلط .. زوجتي وعااادي..الاتصالات هي اقل شي ممكن يكون بيننا ..
ناظرته بدهشة أكبر ..
ضحك وهو يتأمل احمرارها : هههههه يالله عطيني إياه؟؟
قالت بتردد وهي تطلع جوالها من الشنطة : بس .. أبوي .. ما قلت له !
عايض بثقة : مابيقول شي ... أنا اللي طلبته ...
طلعته بارتباك وبدن قصد طاح من يدها .. نزلت بسرعة تجيبه من الارض بارتباك ، ونزل معها بنفس الوقت وصدمت راسه براسها شوي..
اعتدلت خلود وهي ميتة احراج ومسكت راسها باحراج متفشلة : آآآسفة ..
شافها تمسك راسها وتمسدها .. ابتسم من قلب ووقف وهو يقرب من راسها ويطبع قبلة على مكان ما تعورت ..
ولع وجهها ورفعت عينها له بحرج .. قاطعتهم دخلة منى المفاجئة و اللي اول ماشافت تليفون خلود بيد عايض قالت : كنت حاسة انكم بترقموون من ورآي!!!
ضحك عايض عليها ..
وقضوا باقي الوقت بين المحلات المختلفة بحثاً عن بعض الاشياء الثانية اللي يحتاجونها بالبيت ومنى كل ماسمحت لها فرصة تروح لمحل بلحالها او تبتعد شوي وتخلي لهم مجال كانت تسوي كذا .. وبآخر اليوم نجت تقريبا بكسر اول حاجز بينهم .. وخلود وقتها زالت كل وساوسها وكانت مرتاحة حييييل لعايض وكأنها ما بيوم تضايقت بسبة زواجها منه ..

.

.

.

.

.


.

.

فتحت باب الجناح وهي تطل على السلم وتسمع صوت خطواته البطيئة في الصعود .. ابتسمت وتراجعت لخطوات داخل الجناح الين ما وصلت لحد المرآية وناظرت شكلها بسرعة وشعرها الملموم على جنب بطريقة ناعمة ، مكياجها الزهري الخفيف وفستانها البيتي الابيض .. رجعت تتقدم من الباب وهي تشوفه وصل ويخلع جزمته عند الباب .. عقدت حواجبها وهي تشوف وجهه الشاحب بقوة ..
قالت بلهجة ما تخلو من القلق : أهلييين ...
تقدم منها يناظرها باعجاب ومحبة، وباس خدها بخفة ..
سألته وهي تسكر الباب وتدخل وراه : فياض شكلك تعبان ..
التفت عليها بتعب : تعبت اليوم بعد الدوام ورحت المستشفى بس ماحبيت اقلقك واقولك إلا الحين ..
شهقت وهي تتقدم منه وتقول بعتاب : ليش ماقلت لي ؟؟ اشلون تعبت يعني ؟؟
سكت وهو يناظرها بارهاق .. هزت راسها وتقدمت منه ..
مسكته من ذراعه وشدته عشان يجلس عالكنب :اجلس ارتاح .. بروح اجيب لك أكل ...
جلس على الكنب باسترخاء وهو يغمض عينه ويفتحها بتعب : لا تكثرين يا ديما لاني متغدي العصر ..
اقتربت وجلست بجنبه وهي تناظره باشفاق : الله يشفيك .. وتفتك من هالتعب قريب ..
تناول يدها اللي على كتفه ورفعا وخلاها على جبينه ..
مسحت على خده وقامت بابتسامة خجولة : ثواني بس ..
ترك يدها وهو يفتح عينه يناظرها : بس تاكلين معي ..
ابتسمت : موافقة ..

.
.

.

.

في الليل الساعة 11 ..

" حصة فدييتك قومي يالله ..!! حصة عايض ينتظرنا برآآآ ...."
كان هذا صوت منى اللي تصحي حصة اللي نايمة عشان يرجعون .. لكن ما في فايدة ...
خلود راحت للحمام خلسة وجابت معها ماي بيدها ونثرتها بقوة على وجهها ، وقاامت أخيراً مفزوعة ..
خلود تهز راسها : يالله يابنت الحلال عطلنا الرجّال ..انتي مشكلة !! زيادة على لخبطة نومك هاليومين ، من يوومك نومك ثقيل ...
حصة وهي تلبس عباتها وطرحتها و حالتها حالة .. ودعوا ديما وفابيان وخرجوا مع عايض اللي رجعهم بنفي الليلة لأن أبو خلود أصر على رجوعهم وماوافق على البياات ..
.
.
.

.
.
.

تركت ديما فابيان ورجعت لفياض اللي صلى ونااام على طول بسبب الارهاق اللي كان فيه ..
دخلت للغرفة وراحت تبدل .. لبست بيجاما برمودا وباكمام قصيرة ودخلت تحت اللحاف وهي تمده أكثر على فياض اللي كان نايم على ظهره ومنكشف اللحاف عنه شوي ..
حطت راسها على مخدتها وهي تتذكر اليومين اللي فاتوا وكيف مروا عليهم مثل الخياال .. الاثنين مازالوا غير مستوعبين لانسجامهم الكبير مع بعض والراحة اللي نزلت عليهم ...
ابتسمت وناظرت يده المستكينة جنبه ، مدت يدها ومسكتها بين يدينها .. حطت اصابع كفها مقابل اصابعه وهي تقارن بينهم ..وتتأمل اصابعه الطويلة و الداكنة .. تركتها بالاخير عشان ما تزعجه والتفتت على جنبها الايسر وهي تقول اذكار النوم بسرها ..
ابتسمت بعد ثانية بخجل وهي تحس بذراعه تطوقها .. لاااا.. مومعقولة كل مرة يكون صاحي ويكشفها؟؟
لفت راسها تشوف عيونه مفتوحة ..
قال وهو يقربها منه اكثر وصايرة هذي وضعيته المفضلة:...كم مرة اقولك لا تجننيني وترجعين تنامين ..!!
قالت بخجل: اسفة صحيتك ..
قال بهدوء وهو يطبع قبلة على شعرها : كنت صاحي ..
وكمل بصوت مجهد وهو يسترخي بمكانه : احس ما نمت من يومين ...
غمض عينه...و شوي وحست بانفاسه تنتظم ...وارتخت يده..
غمضت عينها باسترخاء وبداخلها تصاعد رجآآآء صادق إن الله يتم عليه الشفاء ..


.

.

.


.

.

.

صلت الفجر ورجعت توقف جنب السرير بتردد .. مارضت تصحيه بالاول اشفقت عليه لان باين انه مستغرق بالنوم كثثييير وهو احيانا من الالم ما يعرف ينام .. بس لازم يقوم للفجر ..
نادته : فياض ..فياااااض ..
فتح عينه شوي وهو يناظرها : همممم .. بقوم الحين ..
ورجع يغمض عينه بهدوء ..
هزت كتفه شوي برجاء : فياض الفجر مأذن من شوي..
فتح عينه وهو يعتدل ببطىء ..ناظرها وهي واقفة تنتظره يقوم .. وتذكر شي نساه ..
قام وهو يسمعها تقول : صح النووم ..
ابتسم وهو يدخل الحمام عشن يتوضأ : لا ترجعين تنامين انتظريني ..
هزت راسها : طيب ..
شالت جلالها وطلعت للصالة ووقفت عند النافذة الكبيرة تتأمل شكل السمآآ في هالوقت ... مر الوقت وسمعت صوت فياض بعد شوي وهو يتقدم منها ويده ورا ظهره ..
ابتسمت وهي ترجع تناظر بالسمآ : أحب أتأمل الشروق ..
اقترب كثر وهو يوقف وراها ..
قال بلطف : غمضي عينك شوي ..
لفت عليه لكنه رجعها بيده وهو يقول : غمضي ..
غمضت عينها بدهشة وحست بشي بارد على نحرها .. وعرفت إنه عقد ، من اصابعه اللي لامستها وهو يسكره من ورآ ..
لف ووقف قدامها هو يقول بابتسامة : خلاص ..
فتحت عينها بخجل وهي تناظر عقد الألماس الناعم اللي لابسته ..
رفعت عينها الدامعة له وهي تقول : روعـة .....مررة حلو ..
قال وهو مد يده لوجنتها بضحكة :.. ليش الدموع الحين ؟؟
قالت بصوت مبحوح وهي تبتسم : ما أدري ....
قربت بعدها منه وطبعت قبلة رقيقة على خده :شكراً ..
مسك وجهها بين يدينه وهويمسح على وجنتها بحب هامس : شي بسيط ..! تستحقين أكثر بكثير .. بس شفته امس وعجبني وصممت اشوفه عليك ..
حطت كفوفها على يدينه وهي تبتسم بامتنان : الله لايحرمني منك ..

.

.

.

.

.

.

.

.

.

.

.

اليوم آخر يوم له وبكرة طيارته الصبآح .. كان صاحي الصبح بدري ،، رتب غرفته وجلس وهو يدور بين ارقام جواله واتصل على أيمن .. قال له عن موعد وصوله بكرة وأيمن قال إنه بيجيه المطار .. سكر منه وهو يشرد بذهنه ويسترجع كل مواقفه مع سلمى .. مايدري وش هالثقة اللي جاته آخر مرة ،، والجرأة بإنه يصارحها بحقيقة مشاعره .. لكن يدري إنها مو ملزمة تنتظره .. وموافقتها السريعة ما تعني أي شي مثل إنها تحمل له بعض المشاعر ... تنهد .. بس هو بالفعل واثق من كلامه .. وبالرغم من خوفه من المجهول اللي راح يقابله في السنوات الجاية إلا إنه متأكد إن ما في شي بيأثر على قراره .. اهتزت الكمودينه مع رنين الجوال .. مسكه وهو يرد على الرقم البريطاني الغريب ..
نواف : آلو ...
وليد : السلام عليكم ، مرحباااا نواف ..معك وليد ..
نواف بابتسامة : هلاااا وعليكم السلاام .. اهلا اهلا وليد ..اخبارك؟
وليد : اخذت رقمك من أيمن .. وقال لي انك جاي بكرة .. توصل بالسلامة ان شاء الله ..بنكون في انتظارك ...
نواف : الله يسلمك ما قصرت ...
وليد بتردد : نواف ... ابي اول شي اشكرك على اعتنائك بسلمى .. قالت لي عاللي صار بالرحلة .. ولولا الله ثم وجودك كان تعبت هي كثير ..
نواف : لا تشكرني ماسويت شي .. وعدّت على خير بفضل ربي ..
وليد : الحمد لله ...ممم ،، عندي لك بشارة ..
نواف يبتسم : بشارة ؟
وليد : سلمى وافقت ..
نواف بدهشة : وشو ؟؟
وليد : سلمى وافقت عليك .. وقالت لي أعلمك ..
نواف بابتسامة وافكار كثيرة تدور بباله : .. الله يبشرك بالخير ..آآ ..
وليد بجدية يقاطعه : نواف أنا بعطيك عنوان بيت أمها .. إذا قدرت تروح اليوم وتخطبها رسمي فيكون أفضل .. لك ولها .. أوكي؟؟ واخواني أكيد بيحلون محلي ..إن كنت فعلا تبيها فضروري تبادر بهالخطوة ...اليوم !!
نواف : ......أكيد أكيد ..إن شاء الله بروح لهم ..
عطاه العنوان وسكر منه وهو ينزل الجوال من يده ..ويعيد التفكير بذهوول ..
"الحين هذا وش معناااه ياسلمى ؟؟
هل تعمدتي فعلا موافقتك توصلني ؟؟ فدييت اللي احاتيها قبل شوي واقول يمكن ما تنتظرني ....! "
رجعت ابتسامته تختفي وهو يتذكر اخوانه اللي مايدرون عن شي ..
إذا بيروح يقابل أهلها فالمفروض يكونون معه ... والمهلة اللي قدامه جداً قصيرة عشان يفهمهم ويمكن عشان يقنعهم !!
..... لازم بأسرع وقت يتحرك !

.


.


.

.

إن شاء الله احتمال كبير الجزء القادم يكون ماقبل الأخير ... أو يمكن الأخير ..!
وبيكون قريييب إن شاء الله " بعد كم يوم" ..وبعلمكم قبلها بوقت..
أخذت الإجازة والحمد لله .. وعقبال كل اللي يمتحنون ..الله يوفقهم وييسر لهم أمورهم وينتهون على خير ...
مع محبتي ..













.

.

.

.

الزائرة و بندقة ..

مرحبا حبيباتي ..

بندقة .. فقدتك والله .. رجووعاً حميداً غاليتي .. وأهلا بك في كل حييين .. وشكري لك على كلامك المشجع .. دمتي بخيير ..
,
.
زوزو... عيووني انتي... تستاهلين كل خير والله .. الله يعطيك العافية ...

.

.

صحيح البارت 41 مافيه جديد ..بس أنا عن نفسي أوصفه بالجزء .. الهـــادىء .. وهو بالتأكيد تمهيد للنهاية ...
"البارت في الصفحة السابقة "

.

.
أشوفكم على خير