لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-02-09, 11:36 PM   المشاركة رقم: 41
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء 31 ( قبل الاخير )




بعد مرور اسبوع على الاحداث الاخيره ...


بيت احمد

شيخه تصارخ على فهد بالصاله لأنه مو عارف ياكل عدل ...والاكل قاعد يوسخ اثاث الصاله...دخل احمد هاللحظه راجع من الدوام وشاف فهد يبجي على الارض...اول ما شاف احمد ركض له...

فهد يأشر على شيخه ويصيح:بابا ..عورتني
احمد يخزها:طقيتيه.؟!
شيخه بغرور :ولدي وكيفي
قرب منها بعصبيه ومسكها من زندها:انا مو قلت لج لا تمدين يدج عليه
شيخه تسحب نفسها وتروح الغرفه:اذا مو عاجبكم طلعو من بيتي

احمد يلحقها للغرفه خلاص مل من مذلتها:وبعدين يعني متى بتتعدلين؟!
شيخه تزهب لبسها:احمد الله يعافيك مو فاضيه لكلامك اللي ماله معنى ..وراي اجتماع مهم

ناظرها باستهزاء على حالها وطلع عنها ..رمى نفسه بتعب على قنفة الصاله ..((الواحد راد من الدوام تعبان ما يلاقي مره سنعه تستقبله بالبيت..وينج يا غنيمه كنتي دوم تستقبليني بابتسامتج....صرتي مجرد ذكريات حياتي))

قطع تفكيره فهد يهزه :بابا بابا
احمد عدل نفسه:هلا حبيبي
فهد:بابا وين ماما غنينه (غنيمه)؟.
احمد ابتسم له:ماما غنينه راحت خلاص
فهد يصيح:ابي ماما غنينه ...ماما شيشيه (شيخه) مو حلوه
احمد:ههههههههههههههه ضحكتني يا فهد وانا مالي خلق هههههه شيشه عاد ما سمعتك جان ذبحتك ههههههههه

طلعت شيخه على ضحكه....واهي منقهره تشوفه يلعب فهد ومستانس...وقفت قبال المنظره يم الباب وتعدل شعرها ومكياجها للمره الاخيره...

احمد يناظر لبسها:مو كأن تنورتج قصيره وضيجه؟
شيخه تناظر نفسها كانت فوق ركبها ومخصره حيل:عاجبتني
احمد بهدوء:روحي غيريها
شيخه:ههههه يحليلك احمد..اقول دير بالك على فهودي (تأشر بيدها) بباي

انقهر احمد لهالدرجه ماسحه وجوده...كله مني استاهل اللي صارلي استاهل

بيت جاسم

نوال:مشعل
مشعل سرحان:............
نوال تهزه من جتفه:مشعل
مشعل انتبه لها:هلاا
نوال تبتسم له:تفكر في مين؟!
مشعل مو عارف يفاتحها بالموضوع يحس مو وقته:ابد والله وياج
نوال تحط يدها على يده:ايش فيك مشعل ؟
مشعل يبتسم لها:ما فيني شي حبيبتي
نوال:قول يا مشعل اللي بخاطرك
مشعل ياخذ نفس:والله يا نوال انتي تعرفين اني كبرت وبدخل 30 وانا وحيد بحياتي ودي لو..
نوال تقاطعه فهمته:في وحده معينه في بالك؟
مشعل ابتسم انها فهمته (آآآآآآآه اللي ابيها ما اقدر احصلها) :لا ما في وحده معينه...ابغيج انتي تختارين لي
نوال بفرحه:وليه ما قلت لي ؟
مشعل:ما عليه نوال انتي عارفه الظروف اللي مرينا فيها
نوال:الحمدالله على كل حال...خلاص انا أن شاء الله اكلم حلا وامامه وانشوف لك بنت اللي تناسبك وتستاهلك
مشعل:الله لا يحرمني منج
نوال تغمز له:في شروط معينه ؟
مشعل:ههههههههههه لا بس المهم تكون بنت حلال ومتحجبه..بس لي شرط واحد مهو بشرط يعني يعتبر طلب
نوال:خير!!
مشعل :أن شاء الله اذا لقيتو البنت اللي تناسبني ابغى يوم قبل لا يصير اي شي اقعد وياها
نوال ما فهمته:كيف يعني؟!
مشعل مو عارف شيقول لها:يعني ابغى اتفاهم معاها على اشياء تخصني قبل لا يصير أي شي وما نتفق بعدين
نوال تبتسم له:أن شاءالله... الله يكتب اللي فيه الخير
مشعل يحاتي بقلبه ترفضه علشان موضوعه:آآآمين



بعيد عن هالاجواء...شخص عايش بين نارين..خلاص تفكيره بينشل مو عارف شلون يفكر...وشلون يتعامل مع اغلى اثنين بحياته...ما توقع بتوصل حياته لهالدرجه من التعاسه وتأنيب الضمير ....



((يا ربي انا اللي سويته صح ولا لأ!!! معقوله اكون ظالم حلا !! بس أنا شفتها بعيني واهي طايحه يمها على الارض!!! يااااا ربي ليش يصير فيني جذي متى ارتاح تعبت !!! ياااا رب بس ما اكون ظالمج حلا!!! يا ترا شقاعد تسوين يا قلبي اللحين تفكرين فيني مثل ما افكر فيج !!! (قلب لمشاعر الكره) طبعا لأ اكيد لاهيه ويا مشعل طبعا اللحين يسولفون وماخذين راحتهم ليش انا مو عندها ...تستاهلين يا حلا اللي اسويه فيج تستاهلين اكثر...على بالج بتحريني اذا شفتج ويا مشعل...بالطقاق انا اعلمج شلون تسوين فيني جذي))


قطعت عليه تفكيره شذى

شذى حست يفكر بحلا سوت نفسها تعبانه:طلوولي
طلال التفت عليها وسحب لها الكرسي يمه:تعالي حبيبتي قعدي ارتاحي
شذى دموع التماسيح تلمع بعينها:احس بتعب طلال
طلال:يا قلب طلال انتي..اوديج حبيبتي المستشفى؟
شذى تمسك يده:لا حبيبي كافي تكون انت وياي هذا علاجي
طلال يبوس يدها:يا قلبي انتي

دبي


خلصت انفال من شغلها...الا فواز داق عليها اكثرمن مره ...اتصلت عليه وتواعدت معاه ايجيها عند مطعم قريب علشان بتكلمه بموضوع ...

بالمطعم

فواز بضيق:متى بتردين؟!
انفال:أن شاء الله اليمعه...باجراخير يوم بالمؤتمر (بعد 3 ايام )
فواز بيأس:حساااااافه
انفال:ليش؟!
فواز:عندي شغل ضروري ما اقدر اجله
انفال:متى تخلص منه؟
فواز:اسبوع او اكثر
انفال ضاق خلقها:لااا فواز
فواز :يا قلبي انتي صدقيني أول ما اخلص منه اييلج الكويت
انفال حاس قلبها مقموت ما تدري ليش تحس انها ماراح تشوفه بعد اليوم:لا فواز لا تتركني
فواز يمسك يدها ويمسح عليهم:حياتي فوووله والله اني بييلج اصلا ما اقدر استغنى عنج وبنسويها مفاجأه لهم مثل ما اتفقنا
انفال ساكته منصدمه من الخبر:!!!!!!!!!!
قرب كرسيه منها فواز:فوووله
انفال دمعت عينها خايفه تفقده:.............
فواز
حس انها تبجي مد يده لها ومسح دموعها:حبيبتي صدقيني برجع لج ما اقدراعيش من غيرج
انفال تصيح:فواز اخاف..ما اشوفك..انا اخاف افقدك بعد ما لقيتك
فواز ماسك نفسه:انفال جذي بتخليني المج ما استحمل صياحج
انفال بعدت كرسيها بحيا:لااا خلاص بسكت
فواز:هههههههههههه متى تكونين لي متى؟!
انفال حمر ويها:بس فواز
فواز نزلت دمعه من عينه:اتمنى بهاللحظه عندي عين واشوفج فيها ادري ويهج شاب ضو
انفال:احنا شتفقنا يا فواز عيوني اهي عيونك اللي تشوف فيها..واذا يعجبك حبيبي اشيلهم ولا انك تعذبني بكلامك
فواز:كااااااافي يا انفال كلامج هذا يحسسني بالذنب أني بيوم تخليت عنج
انفال تشد على يده:خلاص حبيبي انسى اللي صار وخلنا نعيش حياتنا

فواز يسحب يدها لعنده يبي يبوسها بس سحبتها بسرعه

انفال بهمس:فواااز
فواز:آآآآآآآآآآآخ متى بس اروح الكويت واخطبج وافتك من هالسالفه
انفال:ههههههههههههههه



الكويت


فرح وفجر توهم طالعين من المحاضره

فجر معصبه:يعني ماله داعي تعنين اخوج انا اوصلج بطريجي
فرح:ما عليه فجورخلاص اللحين قلت له
فجر تنرفزت منها:لانج عنيده اقولج اوصلج تقولين كلافه بالله عليج شنو الكلافه!!!
فرح :خلاااص فجور لا تعصبين

طلعو بره الكليه ..وفرح طلبت من فجر اتم وياها لين يوصل باسل...راحو قعدو بسيارة فجر ينطرون باسل..

فجر:لو مخليتج واقفه بهالشمس ومتفحمه احسن
فرح بصدمه:يالشريره ليش عاد شسويت لج!!!
فجر:اقول سكتي بس...انتي عارفه شمسويه
فرح:هههه عاد الجو حلو ما في شمس

دق باسل وشرحت له فرح مكان المسفط....ييه سفط يمهم بحيث دريشته يم دريشة فجر وكانت مفتوحه لان الجو حلو...

باسل شاق الضحكه لأنه شافها وهذا طلبه من فرح:السلام عليكم
فجربصوت واطي:وعليكم السلام
باسل بشوق واضح من صوته:شلوونج فجر؟
فجر بحيا:بخير
باسل يستهبل:انا الحمد الله بخير
فجر ضحكت بهمس لانها ما سألته:ههه
باسل (فديت هالضحكه):شلون دوامكم اليوم؟.
فرح حست انه فجرعصبت لأنه تم يسولف:اقول بسول مو جنك ياي تاخذني
باسل رفع حاجبه:انا ياي علشانج؟!
فرح تتخصرله:ها عيل ؟
باسل يناظرفجر اللي منزله راسها وخدودها محمره:انا ياي اسأل عن ناس قاطعه صار لها مده
فجرتلقائيا رفعت عينها له حست الكلام عنها شافته يبتسم لها وبعيونه كلام ما فهمته نزلت عينها وقالت بصوت شوي جاد:فرووح حبيبتي يالله لان امي تنطرني بالبيت
فرح فهمت لها ونزلت بسرعه وركبت عند باسل:ثانكس فجور وسامحيني على التأخير
فجر تبتسم لها:شدعوه فروح ما سويت شي
باسل ((أأأأأه جان زين تبتسم لي جذي):.....
فجر:يالله انا بمشي...باي
فرح تلوح بيدها:باي
باسل يناظرها بكل حب:باااايااااااات

فجر تخسبقت من نظراته شغلت السياره على طول وحركت بعيد عنه..((يا ربي هالولد عجيب ما يستحي ما يحاتي شي...شلون يكلمني جذي بكل جرأه...ما الومه اذا نص بنات الكويت مكلمهم هذا اذا مو كلهم من عذر بيكون جريء..انا لازماكلم فرح واخليه توقفه عند حده))

فرح معصبه:انت وبعدين وياك انت وحركاتك؟!
باسل ببراءه:شفيهم؟
فرح:بسووول قلت لك البنت مو منهم
باسل يبتسم لها:وانا قلت لج يا اختي الحلوه اني متأكد من هالشي مليون مره
فرح بشك:باسل انت شناوي عليه؟
باسل يلتفت صوبها ويغمز لها:بتعرفين قريب








بيت عبدالله

داخل بليل سكران على غنيمه....واهي رفضته وتم يطقها من غير لا يحس واهي تصارخ وتصيح تبي احد يوخره عنها.......

عبدالله ماسكها من شعرها بقوه:انا ترفضيني يا غنموو
غنيمه تحاول تفك يده عنها:وخر عني عبدالله حرام عليك
عبدالله يرفسها بريله:اللحين تقومين نفس الجلبه وتلبسين اللي يبته لج
غنيمه تصيح من العوار:ما ابي مااااا ابي
عبدالله تم يطق اكثر:انا اعلمج شلون ما تبين

تمت تصيح وتصااااارخ ...دخلت جوى عليهم خايفه من صراخ غنيمه ..خايفه لا يذبحها ابوها بيده واهو مو حاس بشي....انصدمت من المنظر اللي جدامها غنيمه على الارض تصيح وتبجي وعبدالله يرفس فيها ...ويشق هدومها ....واهي ما بيدها غير البجي والصراخ ومتكوره بالارض لامه نفسها وتحاول تحمي نفسها من طقه بس مافي فايده...


راحت لهم جوى ونزلت للارض واهي توقف ابوها:خلااص يبا حرام عليك
عبدالله عصب:انتي شتبين داخله الغرفه ها...ما تعرفين تستأذنين؟؟
غنيمه تتعلق بجوى وتصيح:جوى الله يعافيج وخري ابوج عني بيذبحني
عبد الله ينزل لها ويسحبها من شعرها لوره:تبيني اعلمج شلون الذبح
جوى تحاول تفك يده:يبا حرام عليك..خلها يا يبا
عبدالله رمى جوى يمها وقف على حيله وتم يضربهم بالعقال:انتو الظاهر اثنينكم يبيلكم تربيه من يديد
جوى وغنيمه يصارخون :آآآآآآآآآآآآآآآآآي...بس آآآآآآآي

تم يطق فيهم من غير شعور ...بعدها حس بتعب رمى نفسه عالسرير وراح بنومه من غير لا يحس بنفسه....

غنيمه رفعت عينها لجوى المرميه يمها ويها كله دم من حلجها وخشمها ..مدت يدها لها تساعدها توقف


غنيمه :يا قلبي يا جوى جان ما تدخلتي
جوى تمسح دموعها:تعورتي؟!
غنيمه تبتسم لها على حنانها:ابوج كل مره جذي؟
جوى تشوفه واهو نايم من غير لا يحس باحد:خل نروح غرفتي واقولج
غنيمه من داخلها فرحت انها بتفتح لها قلبها(واخيرا):احسن علشان لا نقعده
بيت باسل

فرح تكلم فجر على التليفون منسدحه على السرير يسولفون على ما ينامون...

فجر بجد:بس فرح الله يعافيج ..انا ما صارحتج بهالشي إلا لأنج رفيجتي وما ابي اخسرج علشان حركات اخوج اللي انتي بنفسج شفتيها
فرح متفشله:سوري فجور والله اني كلمته وفهمته انه ما يعيد اللي يسويه
فجر(لانج ما تدرين شكثر يأثر فيني فرح):اتمنى يكون عند وعده
فرح تغير الموضوع:أن شاء الله...انزين تقولين اللبس النفنوف الاحمر ولا الاسود حق عرس هيام؟
فجر:امممم الاسود ارقى وخاصة عرس بنت خالتج قريب منج يعني
فرح:امم يمكن...تصدقين مالي خلق اروح
فجر:هههههههه مو هذي مشكلة العروس تتحاذف عليج مره وحده ويكون مالج خلق.....واذا تبين عرس ما يحصل لج
فرح:ههههههههههه اييه والله صدقتي
فجر تتثاوب:اوكي فرووح شكلي دخت
فرح:تصدقين حتى انا
فجر:ههههه يالله تصبحين على خير
فرح:وانتي من اهله حبيبتي
فجر:باي


نرجع لهم ...


غرفة جوى


غنيمه تقعد على السرير وجسمها متكسر:من متى ابوج جذي.؟
جوى واقفه قبال المنظره تمسح الدم على ويها:من ماتت امي الله يرحمها
غنيمه بحزن على حالها:الله يرحمها...كان يحبها؟
جوى قعدت يمها ونزلت دمعه من خدها:إلا يموت فيها
غنيمه:وشصار بعدها؟
جوى تنفخ بألم:آآآه تغيرابوي 180 درجه صار واحد ثاني ...قام يسكر 24ساعه واذا كلمته طقني ومن ذاك اليوم واهو على هالحال
غنيمه بحزن:وليش يعاملج جذي؟ انتي شذنبج ؟
جوى دموعها تنزل:يظن اني السبب في موت امي
غنيمه تهديها:ما عليه يا جوى مهما صار هذا ابوج
جوى غطت ويها بيدها وتصيح:سنين مرت استحمل اللي يسويه فيني اقول ما عليه ابوي يوم من الايام أن شاء الله بيتوب ويعرف اللي يسويه غلط بس اللي اشوفه العكس (التفتت على غنيمه) واكبر غلطه سواها يوم تزوجج
غنيمه حز بخاطرها كلامها:لي هالدرجه تكرهيني؟!
جوى:ليش اكرهج !! إلا اعطف عليج انج تزوجتي ابوي ..ما تدرين أن اللي صار اليوم ولاشي من اللي بيصير بعدين..هذا توقعيه شي مبتدأ للحين ماشفتي منه شي
غنيمه:ما حاولتي تغيرينه؟
جوى تضحك باستهزاء:هههههه من صجج سويت المستحيلات علشان يتغيرماكو فايده
غنيمه تحط يدها على جتفها تواسيها:ما عليه يا جوى احنا بيدنا نغيره
جوى:مستحيل يتغير...انتي شلون رضيتي فيه؟
غنيمه ابتسمت لها:تظنين بنت بعمري بترضى بابوج؟
جوى تخمن:قصدج تزوجتيه غصبن عنج!!!
غنيمه نزلت دمعتها:ابوي جبرني يا جوى...الظلم اللي شفتيه من ابوج...ولا شي من اللي عشته في بيتنا ومن زوجي الاولي
جوى انصدمت:كنتي متزوجه؟!
غنيمه يمرطيف احمد في بالها:آآآآه يا جوى رغم جذبه علي وخيانته لي إلا أن حبه للحين بقلبي واتمنى اني رضيت بخيانته ولا طلبت الطلاق
جوى:وابوج ليش زوجج غصبن عنج؟
غنيمه:اللي ما تعرفينه انه ابوي رفيج ابوج روح بالروح بالشرب...واهو اللي باعني لابوج...تخيلي يا جوى باعني عرضني على ابوج
جوى بصدمه:حراااااااام
غنيمه تمسح دموعها:الكل يا جوى عنده مشاكله

ثواني صمت...

جوى بحيا: سوري غنيمه على معاملتي لج أول الايام
غنيمه تمسك يدها وتشد عليهم:ما الومج يا جوى..اكيد بتعامليني جذي لانج تظنين اني خذيت ابوج برغبتي
جوى:كنت متوقعه ماخذته علشان فلوسه
غنيمه:هذا اخير شي افكر فيه او يهمني ...انا اللي ادور عليه الراحه والسعاده وللاسف ماراح القاهم طول عمري
جوى :انا شقول يا غنيمه سمعة ابوي معروفه بالمنطقه بالشينه والكل يعايرني بالمدرسه ...رفيجاتي تخلو عني يوم ابوي صار جذي..محد قام يزورني ولا احد يرضى يدخلني بيته...
غنيمه كسرت خاطرها:يا قلبي يا جوى شلون مستحمله كل هذا بروحج!!
جوى ردت تصيح:ما عندي احد اشكي له اعز رفيجاتي اهلها منعوها عني
غنيمه تحضنها:افا عليج يا جوى من يوم ورايح اعتبريني انا رفيجتج

تعلقت فيها جوى كأنها تدور منها على حضن امها الدافي اللي فقدته ...على الصديقه اللي تشكي لها همها و تنصحها أن غلطت وتأيدها اذا صدقت.....تدورعلى الاخت اللي انحرمت منها ..كل هذا تأملت انها تلاقيه في غنيمه...ويحاولون يغيرون من ابوها كثر ما يقدرون....





بيت باسل

قاعد بغرفته يقرا له كتاب ((استمتع بحياتك - للكاتب محمد عبدالرحمن العريفي >> انصحكم تقرونه)) قبل لا ينام..رن موبايله رد بكل نفسيه

ساره:واخييييرا رديت علي حبيبي
باسل بينفجرمنها:انتي وبعدين معاج حنه ..ما تفهمين اني ما ابي ارد عليج
ساره منصدمه من اسلوبه :ليش حبيبي تكلمني جذي؟
باسل بكل صدق:شوفي يا سويرانا بيبها لج من الآخر...انا واحد تركت كل خرابيطي سواء معاج انتي ولا ويا اللي نفس اشكالج ..يعني انسي ان بيوم كلمتي واحد اسمه باسل لان بكل سهوله ماراح ارد عليج
ساره منصدمه:ليش!!
باسل بينفجرمن غباء هالبنت:شنو ليش!! ما تفعهمين اقولج ما ابيج ماراح ارد عليج
ساره استخدمت سلاح البجي:بس انا احبك باسل..انت وعدتني بالزواج ليش تقول لي جذي حبيبي...خلاص اذا انت زعلان ليش اخير مره رفضت اشوفك خلاص حبيبي انا موافقه اللحين بس المهم ما تتخلى عني
باسل يحوس بالغرفه ويضرب بريله من غبائها:ساااااره انتي ما تفهمين اقولج ما ابي اكلمج خلاااص وانسي الكلام اللي قلته لج ...ولو تتركين هالسوالف وتسترين على نفسج يكون احسن
ساره بحقد:قول لي منو اهي اللي خذتك مني؟!
باسل:ههههههههههههههه اشوه انج بنفسج فهمتيها ..انا احبها يا ساره وما ابي اجرحها
ساره تصيح :وانا يا باسل جرحتني بكلامك عادي؟!
باسل بصدق:انتي تعرفين أن علاقتنا مجرد تسليه وتضيعة وقت مو اكثر...بس هذي غيرانا حبيتها من كل قلبي علشان جذي تركت كل شي....واللحين سمحيلي مجرد اني اكلمج اللحين يعتبرخيانه لها...
ساره توقفه :لاا باسل لحظه
باسل ما عطاها مجال:الله يهديج...باي للابد






بيت فيصل

اليوم عطله مافي دوام...فيصل مواعد امامه يتسوقون بعدها يتعشون بره...

فيصل تعب من الفراره بالسوق:خلصتي يا قلبي
امامه بدلع:حبيبي بس هالمحل
فيصل بكل حب:المجمع كله مو بس محل
امامه :ههههههههههه يلوموني فيك
فيصل ماسك نفسه: اقول ثمني كلامج وحركاتج ترانا بالسوق
امامه تلعب بشعرها واهي تمشي:ما سويت شي
فيصل:امووووووووووووووم
امامه:هههههههههه خلاص والله بسكت
فيصل يهمس لها:شغلج بالبيت
امامه تسوي نفسها ما سمعت شي تأشرعلى محل جدامها:ابي هذا

دخلو المحل ..خذت لها جم شغله عجبتها... حاسب فيصل بعدها راحو يتعشون بمطعم...كانو طول الوقت يسولفون ويضحكون...يو بنتين قعدو بالطاوله قبالهم ..كان لبسهم ضيق ...متحجبات حجاب هالايام اللي بس اسم حجاب...حاطين مكياج كامل يقول رايحين عرس مو مجمع..غيرهذا قوطي الروب (انا اسميه جذي) اللي حاطينه بشعرهم علشان يتفخونه ...ومطلعين شعرهم على جنب..ومفتوح الحجاب من صوب رقبتهم... باختصار حجاب أي كلام يلفت النظر اكثر من اللي مو متحجبه ....وحده منهم انعجبت بفيصل إلا ينت عليه

البنت 1:امبيييييييييه شوفيييه يهبل
البنت 2 تلتفت:وااااي حده زوغه بس مو جنه وياه مرته
البنت 1 للحين تتأمله من غير شعور:كيفها شكو فيها وااي بروح المه
البنت 2 توقفها:يالهبله انتي وين قاعدين..انثبري بس لا تفشلينا


فيصل كان ملاحظ أن حركاتها ونظراتها مو طبيعيه...تغمز له وحركات غزل...وتلوح له بيده..وتأشر على الموبايل وتنقله الرقم ....((فيصل يفكر معقوله في بنات وصلو لي هالدرجه من قلت الادب )) هالشي خلاه شوي يفقد انتباهه ويا امامه ..بس ما اهتم لها لان حبيبته جدامه...بس هالشي ما يطوف على امامه ... التفتت لوره وشافتها شلون تناظر في فيصل

التفتت عليه والشرر يتطاير من عيونها:نزل عيونك
فيصل مستغرب:شفيج؟!
امامه معصبه:ليش تشوفها ؟!
فيصل فهم قصدها:اهي اللي قاعد تشوفني
امامه بغيره واضحه:لا تشوفها
فيصل ببراءه:والله ما شفتها اهي قاعد تسوي لي حركات
امامه انقهرت وعيونها تغورق من الدموع:أها يعني شفتها ..
فيصل يمسك يدها ويبوسهم:اموم حياتي ترا هي ما تسواج..انتي شايفه شكلها كأنها منقعه ويها في تب الوان
امامه سحبت يدها ووقفت معصبه:بعد يعني تعترف انك شايفها..وملاحظ كل هذا!!!!
فيصل ماسك ضحكته (يا ربي غيرتها عجيييبه):حبيبتي قعدي الكل يشوفج
امامه تروح توقف يمه وعينها للحين على البنت قاعد تناظربفيصل مو مهتمه لامامه:بدل مكانك معاي
فيصل يوقف:من عيوني بس انتي اهدي والله ما تستاهل حبيبتي

ردو قعدو والبنت انقهرت من حركة اموم...وامامه ابتسمت بفخر انها حرقت قلبها ((علشان تعرفين أن فيصل ملكي انا وبس ))

فيصل يبتسم لها:اللحين ارتحتي؟
امامه بغرور:ترا مو عن شي بس حسيت مكانك احسن من مكاني
فيصل(يا قلبي ما تعترف انها غيوره):اها يعني مو غيرانه من الحلوه اللي وراي؟!
امامه تناظره بحمق:فصوووووووووووول
فيصل:ههههههههههههههههههههههههه
امامه تهز بريلها:وبعدين يعني؟!َ
فيصل يشوف الطاوله تهتز وياها:ههههههه خلاص ههههه انتي من تهزين ريولج اعرف انج معصبه ههههههههه
امامه :ما شاء الله عليك شاطر
فيصل يقرب كرسيه لها وحط يده على جتفها وقربها له ما همه الناس:حياتو قلبوو والله محد اشوفه غيرج..لان اصلا محد يوصل مستواج
امامه بحيا:فيصل وخر مو جدام الناس
فيصل يغمزلها:علشان تعرفين أن اهم ما علي انتي يا قلبي


الطاوله الثانيه

البنت 1:امبيييييييييه شفتيه شسوى!!!
البنت 2 بهيمان:يا قلبي عليه رومانسي
البنت 1 انقهرت:المفروض اكون انا اللي وياه مو هذي تلوع الجبد
البنت 2:هههههههه على أي اساس؟
بنت 1 بكل اعجاب:لاني حبيته
بنت 2:ههههههههه بسم الله امداج حبيتيه؟!!!
بنت 1:اوووووه بس خليني اركز هالخايسه سكرت علي مو مبين واضح عندي


امامه رفعت راسها للبنت لقتها تناظرها باحتقار تشجعت وقربت من فيصل ومسكت يده الثنتين:حبيبي انت لا تلومني والله اغار عليك من نسمة الهوا
فيصل:يا حيااااتي انتي


كملو عشاهم سوالف وضحك ..البنت انقهرت من امامه..وفيصل اللي كلش مو معبرها من بداية القعده.. طلعت من المطعم تتقرطم ويا رفيجتها...وامامه ارتاحت .يوم شافتها مشت..


ماسك يده بيدها رايحين لسيارتهم...وقفه صوت بنت تناديه بكل نعومه ودلع ...

:اخووي لو سمحت
التفت عليها فيصل وكانت نفس البنت اللي بالمطعم:نعم!
البنت بدلع زايد و صوت بيبجي:مادري سيارتي شفيها مبنجره وابي ارد البيت الوقت تاخر اذا ممكن تسويها لي
امامه خلاص وصلت عندها راحت لعندها ووقفت قبالها :انتي وبعدين معاج؟
البنت بدلع وعينها ما انشالت عن فيصل بدرجه اهو انحرج من نظراتها:نعم شتبين؟!
امامه تأشربصبعها تهددها:والله العظيم اذا ما تحركتي وذلفتي عن وجهي اللحين بتتحسفين على كل شي سويتيه..فاااااهمه!!
البنت ما همها:انتي الشكو !! (بدلع تكلم فيصل) اذا اليوم دورها بالطلعه...متى تبي دوري ؟

فيصل توه ياي بيوقفها عند حدها بس امامه جدمت ومسكتها من بلوزتها وسحبتها لعندها وبتهديد واضح

:انا سكت عنج علشان ما ابي اسوي فضيحه جدام الناس... أن ما مشيتي اللحين يا قليله الادب بتشوفين معامله ثانيه...مو كل البنات نفس مستواج يالهيلقيه
حست بخوف شكلها صج زوجته:سوري على الازعاج..(تلتفت لفيصل) ثانكس يا ئلبو
امامه بصراخ:ئلبو بعينج يا حمااره...صج ناس مو متربيه

راحت البنت واهي مستانسه من شكل امامه مبين انها عصبت....راحت بخطوات سريعه للسياره وفيصل يمشي وراها واهو لو بيده يصاارخ بصوت عالي ((ياااااااااااااااااااااااا نااااااااااااااس احبهااااااااااااااا))

ركبو السياره سكرت الباب بقوه...

فيصل مو قادر يمسك ضحكته:ههههههه اعصابج على الباب
امامه عطته نظره وردت التفتت عنه:..........
فيصل:هههههههههههههههههه
امامه معصبه:اظن ما في شي يضحك
فيصل ما همه احد مسكها من جتوفها وقربها له وصار ويها ملاصق له وعينها بعينه:شتشوفين؟
امامه تناظرالحب بعيونه ..نزلت دمعه من خدها:...
فيصل عوره قلبه عليها ما توقعها تغار عليه لهالدرجه ضمها لعنده:يا اموووم حرام اللي تسوينه بنفسج والله محد بقلبي غيرج ولا افكراشوف غيرج يا قلبي...لا تعذبين نفسج بهالتفكير
امامه ابتعدت مستحيه حبيبها مو هامه احد :بس قهرتني شلون تشوفك..قليلة ادب هذا وانا وياك شلون لو كنت بروحك!!
فيصل:لانها قليلة ادب..لو بنت ناس متربيه ما سوت اللي سوته
امامه بدلع:انت كنت تشوفها؟
فيصل يحلف لها:وربي يا اموم ما كنت اشوفها ..شبي فيها اذا زين كله عندي..بس اهي لفتت نظري بحركاتها بس ما اهتميت لها والقمر كان جدامي
امامه بحيا:مو كأني صرخت بالشارع
فيصل يطفرها:ههههههههههههه انتي لو شايفه الناس شلون يطالعونج..طافج الصراحه
امامه بتموووت توها تستوعب اللي سوته:امبييه يعني في ناس كانو يسمعوني فيصل!!
فيصل ضابط الدور:اقولج الكل وقف يشوفج ..بس كنتي منفعله حيل حيل ..حسافه ما صورته لج
امامه تضربه على جتفه :يالبايخ...مو بيدي والله ما حسيت بنفسي
فيصل يغمز لها:ليش مو بيدج؟!
امامه تناظره مو عارفه شتقول :...
فيصل:الله الله كل هذا تحبيني ؟!!
امامه تتدلع:يعني تسوي نفسك ما تعرف غلاتك؟
فيصل يستهبل:للاسف لأ
امامه تغمز له:تبي تعرف؟!
فيصل بلهفه:ايييه
امامه بهمس:بالبيت تعرف
فيصل استخف:انتي جذي ماراح تخليني اعرف اسوق
امامه:ههههههههه ولا يهمك حياتي انا اسوق عنك..اهم ما علي راحتك
فيصل بمكر:راحتي بالبيت يا عسل



المزرعه

شذى زهبت الريوق :يالله طلال الريوق جاهز
طلال يقعد عالكرسي ويسمي:بسم الله
شذى تقعد يمه والابتسامه ما فارقتها:سويت لك البيضه اللي تحبها
طلال يغمزلها:للحين تذكرينها ؟
شذى:هههههه ما انسى يا طلال هالايام


بالجهه الثانيه

حلا افتحت عينها من الحلم اللي شافته ...نزلت دمعه على خدها وعيونها معلقه بالفراغ في الغرفه....

((ليه هالدرجه ما وحشتك طلال!!!...معقوله حبيبي صدقت اني ممكن اسوي جذي!!...آآآآآآآآآآه جان زين اقدر اكرهك وارتاح))


اقلبت جسمها للجهه الثانيه واهي تذكر آخر ايامها وياه ما تبادلو فيها ولا كلمه حلوه...كانت كلها خناق وزعل والسبب شذى...

قطع عليها صوت موبايلها رفعته وانصدمت يوم شافت الرقم...ترددت تردو لا لأ بعدها ردت...


بعد ما خلصو ريوق ...صعدت شذى تاخذ لها دوش..استغل الفرصه طلع بره يتمشى بالمزرعه وبيده الموبايل يناظره متردد يدق لها ولا لأ ...مشاعر الشوق تغلبت عليه واتصل...

حلا بصوت يرجف وماسكه بجيتها:الو
طلال اخذ نفس طويل يوم سمع صوتها وقال بلهفه:حلاا
حلا تبلع ريجها..وقالت بجفا:هلا طلال
طلال بخنقه:شلونج حبيبتي؟
حلا غمضت عينها(ليش سهله عليك يا طلال تقولها من غيرلا تعرف معناها):الحمدالله
طلال:ونصوري؟
حلا تحط يدها على بطنها وتعصر عينها علشان ما تبجي:بخير
طلال مو عارف شيقول:شمسويه؟
حلا:عايشه الحمدالله
طلال سكت لفتره:.........
حلا ما قدرت تمسك نفسها تمت تصيح ...توه فكر فيها اللحين يدق عليها:...
طلال حس فيها تبجي وسمع صوت شهقات تكتمها:حياتي لا تصيحين
حلا انفجرت وتمت تصيح شوقها له وحبها اكبر من جذي...بس اهو ليش ما يقدرهالشي :.....
طلال عوره قلبه:حياتي حلووي لا تبجين ما استحمل اسمع صياحج وانا بعيد عنج
حلا :انت بعيد يا طلال بعيد وايد
طلال حز بخاطره:حلا انا مادري شلون..
حلا تقاطعه بس تعبت من المشاكل حالتها ما تسمح لها:كل اللي ابيه منك تنفذ وعدك لي أنك ما تتخلى عني
طلال عوره قلبه(آآآآآآآه يا حلا كلامج يعذبني احس اني نذل بكل اللي اسويه لج):عمري ما بتخلى عنج
حلا ارتاحت..من ورا قلبها قالت:ان شاء الله مستانس؟
طلال عرف انها تكابر:حلا اللي تسوينه بنفسج يقهرني ليش تكابرين؟!
حلا:كل اللي يهمني راحتك حتى لو كانت مع غيري وفيها تعاستي
طلال دمعت عينه(مو معقوله يا حلا بعد كل اللي سويته فيج تحبيني جذي):حلا ما استاهل ما استاهل
حلا تصيح:ليش تقول جذي!!...مو انا اللي ذبحت ولدك...مو انا اللي قلبت حياتك جحيم!! انا اللي استاهل هالجفا منك
طلال:.............
حلا مر عليها شريط ذكرياتها الحلوه وياه هاللحظه:حسافه يا طلال حسافه
طلال ما يحب احد يحسسه انه غلطان:اظن انج عارفه انج غلطتي صح!!
حلا تضحك باستهزاء:هههه عمرك ما تتغير طلال
طلال تنرفز:اللحين داق عليج اسأل عنج تسمعيني هالكلام
حلا:سألت عنك العافيه اظن ما قلت شي!!
طلال تم يحوس مو عارف شيقول:اوكي انا بسكره اللحين..ناقصج شي؟
حلا من غير لا تقصد شي:الحمدالله خالتي ومشعل مو مقصرين
طلال ضحك بسخريه :اييه طبعا نسيت انج مو بروحج وعندج من اللي يسد مكاني وزياده
حلا مو فاهمه:شقصدك؟
طلال عصب :قصدي فاهمته...الشرها علي انا يوم فكرت ادق اسأل عنج

سكره بويها واهو معصب والغيره تشتعل بقلبه...وهذا كل ماراح عن عين شذى واهي تشققت من اللي صار بينهم...وراحت تدق على امها تخبرها....




بيت عبدالله

غنيمه تحاول بعبدالله بتطلع ويا امامه...بس اهو رافض...قاعد بالصاله بالدور الارضي...واهي قاعده جنبه تحاول فيه...

غنيمه بترجي:عبدالله خلني اروح ...الله يخليك ولهانه عليها
عبدالله بسيطره واضحه:قلت لج لا يعني لأ ..طلعه من البيت ماكو
غنيمه نزلت دمعه من خدها من الملل اللي تحس فيه:بس هالمره عبدالله
التفت عليها بكل عصبيه ويسن على اسنانه:اذا ما ذلفتي عن ويهي اللحين ماراح يحصل طيب

راحت لغرفتها واهي تصيح على حالها ((ياااااا ربي ليه متى بتم جذي تعبت تعبت ))

دخلت الحمام غسلت ويها ..طلعت إلا موبايلها على السرير يرن ...

رفعته واهي تدري انها امامه من رنتها...

غنيمه تعدل صوتها:هلا اموم
امامه:ها جاهزه امرج؟
غنيمه :لا اموم خليها مره ثانيه
امامه:ليييش؟!
غنيمه :ما عليه عبدالله ما رضى هالمره
امامه حست من صوتها باجيه:ما عليه غنوم أن شاء الله ازمه وتعدي
غنيمه تكابر:لا تحاتين ما في شي
امامه:غنوم حبيبتي اذا متضايقه انا موجوده
غنيمه ما تبي تضايقها بسوالفها ويا عبدالله:لا حبيبتي ما فيني شي
امامه تسمع صوت فيصل يصعد الدري واهو يغني:خلاص غنوم اكلمج بعدين فيصل وصل
غنيمه سمعت صوته يغني ((الله يسعدج يا اموم وياه)):اوكي حبيبتي
امامه:باااي

فيصل دخل لقاها لابسه استغرب:وين بتروحين؟!!
امامه بتلقائيا:ماكو كنت بطلع ويا غنوم رفيجتي بس ريلها ما رضى
فيصل قعد يمها وابتسم:وانتي استأذنتي من ريلج؟!!
امامه ما عرفت شتقول:.......!!!!!!!!!!.
فيصل حس بنظرة خوف بعيونها ما يحب يشوفها ... مسك يدها بيده:حياتي انا بس اقولج علشان مره ثانيه تعطيني خبر ..علشان ما احاتيج
امامه(يااااااا قلبي ما يعرف العصبيه كلش الله يخليك لي)):سوري حبيبي مره ثانيه اقولك أن شاء الله
فيصل بابتسامه عريضه:عيل دامج لابسه حرام تفسخين هدومج..قومي نروح فيلم عجيب توه نازل
امامه:مصري ما ابي
فيصل:هههه لا اجنبي مال براد بت
امامه توقف و تصارخ:وااااااااااااااااااااااااااااااو يالله خل نروح
فيصل بغيره:شنو هذا !!!
امامه: شنو؟!!
فيصل يوقف قبالها:يعني اللحين براد بت هذا تحبينه!!
امامه تطفره:من صجك فصول الا اموت فيه
فيصل ولع:امووووم
امامه تبوسه على خده وتروح:هههههه بسك غيره يا قلبي محد يسواك ..(تغني له) انت عندي حاجه غير هذي ما فيها كلام عمري وحبي الكبير منته واحد والسلام
فيصل يصارخ:وااااااااااااااااااي بتذبحني



بيت جاسم


تعشى مشعل...ومشى على طول يرتاح في بيته...نوال وحلا تمو بالصاله...كلمتها نوال بموضوع مشعل

حلا بفرح:صج خالتي؟
نوال:اييه امس كلمني بالموضوع
حلا:واخييييرا يا مشعل
نوال:اييه والله...عاد قلت اشوف اذا عندج بنات يبغيها تكون متحجبه
حلا:امممممممممم والله خالتي وايد بنات عندي
نوال تفكر وياها:انا فكرت في بنت ام سعد بس سمره وايد
حلا:هههههههههه اييه عاد مشعل ما شاء الله عليه ابيض ما يبغى إلا بيضه
نوال :امممم ايش رايج في دلال؟
حلا تذكر :أي دلال خالتي؟
نوال:اللي تصير لغنيمه رفيجة امامه
حلا عرفتها:اييييييييه بس وايد صغيره على مشعل
نوال :تدرين كيف ...خلاص ما ابغيها
حلا:هههههههه ليش هونتي يمه ؟
نوال :مادري كيف يوم تذكرت طريقة كلامها حسيتها دلوعه شوي
حلا:هههههههههههههههههههه يحليلج يا خالتي

يقطع عليهم موبايل حلا ..انفال متصله من دبي

حلا:هلا والله بالقاطعه
انفال:ههههههههه هلا فيج..بعد مسافره عذري معاي
حلا:هههههههه عاذرتج يا قلبي..شلونج؟ وشلون دبي؟
انفال تشوف فواز اللي قاعد قبالها:دبي تينن حده وناسه
حلا:هههههههههه رايحه سياحه شكلج نفول مو شغل هههه
انفال توهقت:ههههه لا بس تعرفيني احب دبي
حلا :هههههههه اييه ادري فيج انتي وفجور
انفال:ههههه ..انا قلت ادق اشوف يمكن ولدتي
حلا:حراااااام عليج نفول لا تفاولين علي
انفال:هههههههههه اللحين اتطمن عليج ولدتي ولا لأ صار مفاول!!
حلا بخوف:مو حدي خايفه من هاليوم
انفال تطمنها:لا أن شاء الله سهالات يا حلا لا تحاتين شي
حلا :الله يسمع منج
فواز يأشر بيده لانفال علشان يقومون:اوكي حلوي اكلمج بعدين..سلمي على خالتي نوال وفيصل وامي واموم وفجور وطلال وكلهم
حلا تطفرها:ما نسيتي احد؟
انفال تحاول تذكر بس فواز عايلها:لا منو؟!
حلا:هههههههههههه افا والله افا اذا درى بيزعل
انفال تذكرت:هههههههه سوري حلوي وسلمي على مشعل بعد
حلا :هههه يوصل أن شاءالله
انفال :بباي
حلا :باي

حلا:تسلم عليج انفال
نوال:الله يسلمها هالبنت تجنن سم الله عليها...الله يرزقها بالزوج الصالح
حلا ابتسمت:اقول يمه
نوال لاهيه بأسامي البنات اللي جدامها:قولي
حلا:شرايج بأنفال؟
نوال ترفع عينها لها:قصدج لمشعل؟
حلا تهز راسها:اييه
نوال ابتسمت:كيف ما طرت على بالنا
حلا:ههههههههه عادي خالتي من الربكه
نوال:اييه والله ..خلاص انا بقول لمشعل واشوف شيقول
حلا:على خير



بيت فرح


فرح سهرانه تكلم فجر على المسنجر....

فجر نيكها


>>AjMaL e7SaS<<


فرح نيكها


>>لو تغيب الدنيا عمرك ما تغيب<<



>>AjMaL e7SaS<<


وااااااااي فرح فاقده نفول 


>>لو تغيب الدنيا عمرك ما تغيب<<


ماعليه فجور كلها جم يوم وترجع


>>AjMaL e7SaS<<


انزين مالي خلق اداوم باجر :s


>>لو تغيب الدنيا عمرك ما تغيب<<


حتى انا بس شسوي لازم نداوم ..برب فجور باسل يبيني


>>AjMaL e7SaS<<


تيت


باسل دخل الغرفه:فروح للحين ما نمتي؟!
فرح:لا قاعده اكلم فجور عالمسنجر
باسل دخل بسرعه وقعد يمها:صج؟!
فرح مستغربه:اييه ليِش؟!
باسل بترجي:فرح بلييز ابي اكلمها
فرح:شنو؟!
باسل:بلييزفرح ابي اكلمها
فرح عصبت:انت مينون..اظن تكلمنا بهالموضوع!!
باسل:بلييز فرح قولي لها باسل يبي يقولج شي
فرح:سوري باسل قلت لك ما ارضى لك تسوي بفجر جذي
باسل بينجن:يا ربي يا فرح قلت لج ابي اقولها شي والله
فرح:نو باسل
باسل:انزين قولي لها شي ضروري ..واظن انه مسنجر مو تليفون

فرح شافت اترجي بعيونه ..ردت لفجر

>>لو تغيب الدنيا عمرك ما تغيب<<


باك


>>AjMaL e7SaS<<


ولكموو


>>لو تغيب الدنيا عمرك ما تغيب<<


ثانكس


>>AjMaL e7SaS<<


طولتي؟!


>>لو تغيب الدنيا عمرك ما تغيب<<


اييه باسل كان يكلمني


>>AjMaL e7SaS<<


((لو بس تدرين اخوج شمسوي فيني))


اها


>>لو تغيب الدنيا عمرك ما تغيب<<


اقول فجور


>>AjMaL e7SaS<<


هلا


>>لو تغيب الدنيا عمرك ما تغيب<<


باسل يمي يحن يبي يكلمج يصير؟



>>AjMaL e7SaS<<


((فجر قرت الجمله اكثر من مره مو مستوعبه))


ليش؟!


>>لو تغيب الدنيا عمرك ما تغيب<<


امم يبيج بموضوع يقول انه ضروري


>>AjMaL e7SaS<<


نو فرووح سوري ما اقدر


فرح تلتفت لباسل:شفت بعينك
باسل بأمل:قولي لها شي مهم والله بس سؤال مو اكثر

>>لو تغيب الدنيا عمرك ما تغيب<<


يقولج شي مهم وبس سؤال مو اكثر


>>AjMaL e7SaS<<


لا فرووح استحي :$


باسل يقرا:فديت اللي يستحووون والله
فرح:هههههههه لا اخوي ين رسمي
باسل:يالله فروح قولي لها بس اسألها شي

>>لو تغيب الدنيا عمرك ما تغيب <<


يقول بس يسألج شي..شقلتي؟


فجر تمت ساكته مو عارفه شتقول...ما عليه مسنجر ماراح يأثر بس خل اعرف شعنده...

>>لو تغيب الدنيا عمرك ما تغيب<<


الوو فجووور


>>AjMaL e7SaS<<


هلا موجوده...اوكي


باسل طار من الفرحه:وخري قومي بسرعه
فرح تقوم من الكرسي:هههههه شوي شوي...ترا ماراح اطول
باسل:روحي زين

>>لو تغيب الدنيا عمرك ما تغيب<<


قوه 


فجر قلبها قام يرقع يايه بتطفي الجهاز وتقوم بس شوقها له خلاها تقعد...مو عارفه شتكتب ..ارد ولا لأ؟



>>لوتغيب الدنيا عمرك ما تغيب<<


الو فجر


فجرتكتب بيد ترجف..

>>AjMaL e7SaS<<


هلا


>>لو تغيب الدنيا عمرك ما تغيب<<


شلونج؟


>>AjMaL e7SaS<<


بخير


>>لوتغيب الدنيا عمرك ما تغيب<<


ما تبين تسألين عني؟ 


فجر (ياااا ربي هالولد مو معقوووووووول))

>>AjMaL e7SaS<<


شبغيت باسل؟


>>لو تغيب الدنيا عمرك ما تغيب<<


فجر بسألج سؤال وجاوبيني بكل صراحه اوكي 


فجر قلبها يرقع بقوه ((ياااا ربي شبيسألني !!!))

>>AjMaL e7SaS<<


اوكي


>>لو تغيب الدنيا عمرك ما تغيب<<


مخطوبه ؟


فرح انصدمت:هذا سؤالك!!
باسل:اييه
فرح :ليش ما سألتني ادري انها مو مخطوبه
باسل:مو شرط تقولج..وابي اتأكد بنفسي
فرح شاكه:شناوي باسل؟
باسل:خليني اخلص بعدها اقولج كل شي

فجر ما استوعبت !!!

>>AjMaL e7SaS<<


شقصدك ؟


فرح :خلاص باسل لا تحرجها ..ما ابيها تزعل مني
باسل يبتسم:لا تخافين ماراح ازعلها

>>لو تغيب الدنيا عمرك ما تغيب<<


يعني قصدي محجوزه لاحد..احد متقدم لج ؟


>>AjMaL e7SaS<<


((لاااااا هذا مو معقول كلش شلون جذي يتكلم بجرأه))


ليش؟



>>لو تغيب الدنيا عمرك ما تغيب<<


احنا اتفقنا تجاوبيني من غير لا تسألين


>>AjMaL e7SaS<<


اظن هالشي شخصي


فرح تحاتي فجر تزعل:بس خلاااص بسووول لا تحرجها اكثر
باسل مل من حنتها:بس يا فرح خليني اركز وياها


>>لو تغيب الدنيا عمرك ما تغيب<<


فجر


>>AjMaL e7SaS<<


نعم


>>لو تغيب الدنيا عمرك ما تغيب<<


فجر


>>AjMaL e7SaS<<


هلا


>>لو تغيب الدنيا عمرك ما تغيب<<


فجر


>>AjMaL e7SaS<<


وبعدين يعني


>>لو تغيب الدنيا عمركما تغيب<<


لووووول بس كنت بجرب صوتي


فجر لا شكله هذا مطولها...

>>AjMaL e7SaS<<


وين فرح؟


>>لو تغيب الدنيا عمرك ما تغيب<<


للحين ما خلصت كلامي


>>AjMaL e7SaS<<


تفضل قول لاني مستعيله


>>لو تغيب الدنيا عمرك ما تغيب<<


انتي جاوبي على سؤالي علشان اكمل كلامي



>>AjMaL e7SaS<<


لأ


باسل حده تشقق من الوناسه

>>لو تغيب الدنيا عمرك ما تغيب<<


يعني لأ مو مخطوبه


>>AjMaL e7SaS<<


يعني لأ ماراح اجاوبك


>>لو تغيب الدنيا عمرك ما تغيب<<


يلااااااااااا عااااااد فجر


>>AjMaL e7SaS<<


لوووووول


>>لوتغيب الدنيا عمرك ما تغيب<<


فديت الضحكه


فجر لا هذا مصخها انا شلون عطيته ويه...

فرح عصبت:بسوووووووووووووول يا حمار
باسل انصدم:والله مادري شلون طلعت مني عفويا
فرح زعلت:يا ويلك اذا زعلت مني يا باسل..قوم قوم
باسل يحقرها:ماني قايم

>>AjMaL e7SaS<<


بطلع


>>لو تغيب الدنيا عمرك ما تغيب<<


وين نطري ما خلصت كلامي


>>AjMaL e7SaS<<


اسمح لي باسل اللي يصير مو عاجبني


>> لو تغيب الدنيا عمرك ما تغيب<<


انزين انا قاعد اكلمج مسنجر مو تليفون


>>AjMaL e7SaS<<


لا تحط في بالك باسل اني منهم


>>لو تغيب الدنيا عمرك ما تغيب<<


انتي اصلا غير عن الكل..وبعدين ليش حاطه في بالج جذي؟!


فجر مو عارفه شتقول ما تدري شلون تجرأت وقالت له هالكلام يعني تقصدينه اهو يا فجر...


باسل ما يبها تاخذ فكره شينه عنه ...

>>لو تغيب الدنيا عمرك ما تغيب<<


فجر سوالفي كلها تركتها وربي يشهد علي


>>AjMaL e7SaS<<


(ليش تقول لي هالكلام)


الله يثبتك


>>لو تغيب الدنيا عمرك ما تغيب<<


شكرا 


>>AjMaL e7SaS<<


اوكي باسل انا بطلع اللحين


>>لوتغيب الدنيا عمرك ما تغيب<<


قبل لا تطلعين بس جاوبيني على سؤالي وبعدها بتعرفين ليش سألتج


فجر ثواني تفكر بعدها كتبت...

>>AjMaL e7SaS<<


لا مو مخطوبه


>>لو تغيب الدنيا عمرك ما تغيب<<


 الصراااااحه ريحتيني..اوكي يا حلوه تقدرين تطلعين اللحين


>>AjMaL e7SaS<<


(خف علي يا باسل)


بااي


>>لو تغيب الدنيا عمرك ما تغيب<<


بااااايااااات



فجر فصلت على طول....لااا هذا مينووون مو صاحي اكيد...ليش سألني جذي.؟!!...معقوله يبي يخطبني.!!!

(شهقت) يعني يفكر فيني مثل ما افكر فيه !!!!

ليكون بس ناوي يلعب علي!!! ليكون حاط في باله اني من نوعية البنات اللي يكلمهم!!!معقوله يفكر جذي وفرح تدري وراضيه بهالشي!!!



فرح:بسووووووووووول شناوي عليه قولي خلصني
باسل يقعد قبالها:فروووح انا احبها
فرح :تحب منو!!!
باسل:فجر
فرح:من متى؟
باسل يبتسم:من أول يوم شفتها فيه...يوم دعمتني في بيتنا
فرح:ولي ما قلت لي؟
باسل:توقعتج ذكيه وتفهمينها بنفسج
فرح:انا شكيت فيكم بس ما توقعت انك ماخذها جد
باسل قرب منها:قصدج حتى فجر حاسه فيها؟!
فرح تبتسم له:الصراحه اييه..البنت من اتكلم عنك بأي شي تسكت وتروح بعالم ثاني
باسل استخف:لا تجذبين فرووح
فرح:ههههههههه وليش اجذب
باسل:يعني تحبني؟
فرح:اممم مادري بس احس انها تحس بشي ناحيتك
باسل يبوسها:وااااي فرووح احبج
فرح:هههههههههههههه
باسل:انا بروح اقول لامي
فرح توقفه من يده:من صجك باسل!!!
باسل يغمز لها:ما تتخيلين شكثر غيرت فيني هالبنت اشياء وايد
فرح تبتسم له:الله يوفقك
باسل باس راسها:آآمييييين ..ادعيلي


بيت فيصل

قعدت نهى من النوم امبجر ..انزلت بخرت البيت ..وراحت غرفة انفال تسنعها لها اليوم وصولها الظهر...ما قالت لاحد مفاجأه للكل

نزلت فجر بعد ما لبست وتجهزت حق الجامعه ..

فجرتبوس راسها:صباح الخير
نهى :صباح النوير
فجر مستغربه:شالنفسيه الحلوه من الصبح
نهى تغمز لها:اذا رجعتي من الجامعه بتعرفين
فجر بلقافه:شنو يما ما فيني صبر؟
نهى:هههههههههه ماراح اقول لا تحاولين
فجر تغمز لها:اوكي آخرتي بعرف...تآمرين على شي ماما
نهى:لا حبيبتي سلامتج ديري بالج بالطريج
فجر:ان شاء الله..مع السلامه
نهى:بحفظ الله



غرفة فيصل وامامه

فيصل من مساع يقعد امامه علشان تروح الدوام واهي مو راضيه تقوم....

قاعد يمها على السرير وحاط راسها على حضنه ويحاول يقعدها...

:يا قلبي قومي تأخرتي
امامه بسابع نومه:............
فيصل يهزها:حياتي اموم..يالله قومي يا قلبي راح تتأخرين
امامه تلف الناحيه الثانيه:...............
فيصل بتهديد:بتقومين ولا اعرف شلون اقومج!؟
امامه مو سامعه شي :...............

بعد راسها عنه عالخفيف ورجعه على المخده...راح الحمام اخذ له علبه وصب فيها ماي ورد لها....

فيصل للمره الاخيره :بتقومين ولا لأ ميمي؟!
امامه مو حاسه بشي من التعب:.......
فيصل كب عليها الماي:واللحين !؟
امامه قعدت مخترعه والماي ينزل من شعرها وكان وايد بارد:شنو هذاااااااااااااااا!!!
فيصل مات ضحك من شكلها:ههههههههههههههههههه
امامه تشوفه بحمق:انت صاحي؟!!
فيصل يستهبل:لا نايم ههههههههههههههههههه

امامه تروح للحمام من غير ولا كلمه وتاخذ لها علبه ثانيه وتترسها ماي ....فيصل على باله راحت تغسل ..واقف قبال الكبت يزهب لبسه..مسكهم بيده توه ياي بيلتفت حس بماي بارد انكب عليه...

التفت عليها مو مصدق:شنو هذاااااااااااااا !!
امامه:هههههههههههههههههههههههه
فيصل يقرب منها:يالهبله كبيتي على هدوم الدوام
امامه تنحاش بالغرفه:ههههههههههه احسن احسن
فيصل يلحقها:وقفي لو كنتي قد كلامج
امامه تركب فوق السرير:هههههههههههه كيفي كيفي
فيصل يحاول يصيدها:انتي الظاهر ناويه على نفسج اليوم
امامه تنزل من السرير وتركض لصالة شقتهم:هههههه شناوي تسوي فيني حبيبي؟
فيصل بيستخف من حركاتها:اموم تراج مو قد هالحركات
امامه بدلع تلعب بشعرها كله ماي:انا كلي لك حبيبي سو اللي تبغيه
فيصل يصارخ:وااااااااااااااااااااااااي بتينني هالبنت
امامه:ههههههههههههههههههههههههههه
فيصل وصل لها واهي ترجع ولزقت بالطوفه:ههههههه اشوف منو بيفكج مني اللحين
امامه تحاول تنزل من تحت يده بس منعها:فصولي تعوذ من الشيطان ورانا دوام
فيصل يمسكها من خصرها ويسحبها لعنده:امممممم والله للحين ما قررت اداوم ولا لأ
امامه مزاجها رايق:لا تروح عني حبيبي مشتاقتلك
فيصل يناظرها بنص عين:مشتاقتلي ها؟!
امامه تعض على شفايفها وتهز راسها بنعومه:واايد بشكل خيالي
فيصل بهيام:واريني شوقج لي؟
امامه تساسره بأذنه:انت فك يدك عني وبتعرف شكثر مشتاقه لك
فيصل صدقها وابتعد وعينه للحين عليها :.....

امامه ابتسمت بمكر وقربت منه كأنها بتبوسه لكن انحاشت لغرفة النوم:ههههههههههههه العب غيرها حبيبي
فيصل لحقها:هههههههههههههههه يالخايسه يا اموم وانا صدقتج
امامه دخلت الحمام بسرعه وغفلت الباب:هههههههه غلط تصدق مرتك
فيصل:تستهبلين...بطلي الباب
امامه:فصولي روح اللبس الدوام ينطرك..وانا باخذ لي دوش وبطلع اروح الدوام
فيصل شاف الساعه باقي نص ساعه بس تأخر وايد:الله ياخذ بليسج يا اموم شوفي الساعه جم
امامه:ههههههههههه مومشكلتي انت اللي بديت
فيصل:اوكي حياتي اذا رجعت لي كلام ثاني وياج
امامه:كلي شوق حياتي

فيصل خلاها وراح لان جذي بيستخف ويكسر الباب عليها ههههههه...






بيت جاسم

بعد ما تريقو ..حلا قاعده بالصاله تحس بتعب فضيع..

حلا:اقول يمه
نوال تلتفت عليها:هلا حبيبتي
حلا:كلمتي خالتي نهى
نوال:اييه ذكرتيني ..اليوم بتوصل انفال
حلا:صج!!! ما قالت لي اموم
نوال:اييه خالتج نهى تبغى تسويها مفاجأه لهم
حلا:عيل كلميها اللحين ..علشان تفاتحها بالموضوع أن رجعت
نوال تبتسم :خوش فكره

رفعت التليفون واتصلت على البيت ردت الخادمه وطلبت منها نهى...

نهى:هلا والله بأم طلال
نوال:هلا فيج حبيبتي..كيف حالج .؟
نهى:الحمدالله بخير ..انتي شلونج ؟
نوال:الحمدالله على كل حال
نهى:الحمدالله
نوال:بغيتج يا ام فيصل بموضوع
نهى:خير آمريني
نوال:والله يا نهى انتي عارفه اخوي مشعل
نهى:اييه الله يخليه لكم ريال ما عليه كلام
نوال:الله يسلمج من اصلج..اهو امس فاتحني بموضوع يبغى يتزوج وطلب مني ادور له على بنت الحلال..وما بنلقى احسن من انفال
نهى انصدمت من الخبر:انفال بنتي؟!
نوال استغربت:اييه يا نهى بنتج انفال وين بنلاقي احسن منها
نهى محتاره:والله يا نوال مادري شقولج؟
نوال:مهما كان رايكم يا نهى حنا اهل انتي شاوري البنت ورديلي خبر
نهى بضيق:الله يكتب اللي فيه الخير
نوال:اخليج اللحين يا نهى واخذو وقتكم بالتفكير
نهى:على خير أن شاء الله
نوال:مع السلامه



بيت باسل

رجعت فرح من الجامعه ..لقت امها وابوها وباسل ينطرونها بالصاله علشان يتغدون....استأذنت منهم صعدت غرفتها تلبس علشان تنزل تتغدى وياهم...

توها بتفتح الباب..الا ينفتح

فرح اخترعت:بسم الله خرعتني
باسل:ههههه سم الله عليج
فرح:ليش صاعد؟
باسل يقعد على سريرها:كلمت امي
فرح قعدت يمه:وشقالت ؟!
باسل بحزن:رفضت
فرح انصدمت:ليش!!
باسل:مو راضيه على البنت
فرح مو مستوعبه:ليش فجر شفيها ؟!
باسل :فروووح قولي لي شسوي والله بموت
فرح:لا باسل لا تخاف حبيبي انا اكلمها لك
باسل:بموووووووت يا فرح بمووووووووت
فرح:سم الله عليك ليش تفاول على عمرك؟!
باسل بابتسامه كبيره:لاني بمووووووووووت من الوناسه اذا وافقت
فرح:يعني قاعد تجذب عليَََ!!!
باسل:ههههههههههههههه
فرح تطقه على جتفه:صج انك حمار وانا صدقتك
باسل:عيب عيب انا اخوج الكبير
فرح تفتح الباب وتنزل مو هامها:اروح اتغدى احسن لي




في عالم ثاني من هالعالم....عالم يمليه الحزن والكآبه والندم والعين اللي ما تنام...والدموع اللي ما توقف...والتفكيراللي ما يرتاح....وقليل من يرجع لربه ويتوب بهالمكان....

ام حمد من ورا قضبان السجن تبجي:ليش يا ولدي ضيعت حياتك بيدك
حمد بابتسامه صفرا:خلاص يمه لا تسوين بنفسج جذي
ام حمد تصيح:شلون تطلب مني جذي...ولدي وحيدي ضاع من ايدي خلاص
حمد يكابر دموعه:من زمان ضايع يمه
ام حمد تشد على يده اللي على الحديد:لا تخاف يما بكلم لك محامي ثاني
حمد يهديها:يما حبيبتي لا تعبين نفسج وتخسرون فلوسكم انا مرتاح اهني
ام حمد تناظرالمكان حولهم:شلون مرتاح يا يمه!!!
حمد ينفخ بالم:آآآآآه يا يما اريح بوايد من حياتي بره السجن
ام حمد :حسبي الله على من كان السبب حسبي الله
حمد دمعته نزلت بحراره:انا انتهيييت يا يمه خلاص انتهيت
________________________________________
بيت فيصل



بعد المفاجأه الحلوه يوم دخلت عليهم انفال...تم يسولفون وتغدو ويا بعض..بعدها صعدت انفال غرفتها ترتاح...وفجر راحت غرفتها تدرس...تمو امامه وفيصل...



فيصل يساسرها:ترا ما نسيت اللي صار اليوم

امامه عينها على خالتها مستحيه:هههه توقعتك نسيت

فيصل:بعد شوي ان صعدنا اعلمج شلون ناسي..ولا تدرين اللحين اعلمج

امامه وقفت منحرجه:عن اذنج خالتي بروح ارتاح شوي

نهى تبتسم لها:اذنج وياج حبيبتي



فيصل بعد ما راحت وقف بيلحقها ...بس نهى قعدته



نهى:ابيك بموضوع

فيصل قعد:آمريني يما

نهى مو عارفه من وين تبدي:اليوم عمتك نوال دقت علي

فيصل يبيها تكمل:اييه

نهى :خطبت انفال لمشعل شرايك ؟

فيصل ابتسم:هذي الساعه المباركه يما ماراح نلقى مثل مشعل

نهى:بس يا فيصل يمكن اختك ما توافق

فيصل:يا يما ماراح تلاقي مثل مشعل صدقني

نهى :بس انت عارف راي اختك بهالموضوع ..اهي ما تبي تكون لغير فواز

فيصل بانفعال خفيف:يا يمه الله يهديج أي فواز...سنين مرت ما سمعنا له لا حس ولا خبر ما يصير تأيدينها بلي تسويه

نهى خايفه تقوله انها راحت دورت على فواز لان انفال ما تبي احد يدري :بس يا فيصل..

فيصل يقاطعها مبتسم:خلاص يمه انا بقولهم موافقين وانفال خليها علي انا اقنعها بنفسي

نهى بحزم:لا يا فيصل ما ترد عليهم إلا لما تشاور اختك

فيصل يوقف :اللي تشوفينه يما صدقيني ماراح تلقى مثل مشعل..بروح انام لي شوي يمه تبين شي؟

نهى:لا سلامتك حبيبي





دخل شقته وباله ويا اخته ((معقوله ترفض مشعل على امل انها تلقى فواز!!!))



استغرب أن الصاله ظلام....مد يده يبي يفتح الليت بس عليه لصاق..شسالفه!!!!! ...دخل وسكرالباب وكمل طريجه لغرفة النوم...استغرب نفس الشي ظلام وعلى الليت لصاق...!!!!!!!!!!!!!!!!!!!!



فيصل ينادي عليها:اموووم

امامه :..............

فيصل يدخل ويوقف بنص الغرفه:ميمي وينج؟!

امامه وقفت وراه وحطت يدها حول رقبته وضمته:كاني حياتي

فيصل لفها عليه بس ما يشوف شي من الظلمه:شصاير!! ليش ظلمه؟!

امامه تهمس له:مسويه لك مفاجأه

فيصل:و المناسبة؟

امامه:اني احبك

فيصل:هههههههههههه ترا هالشي ماراح ينسيني اللي سويتيه اليوم

امامه بدلع:من قالك تنسى حبيبي ...قلت لك انا كلي لك

فيصل استخف:لا انتي بتينيني جذي

امامه مسكت يده:هههههههههههههه ..تعال معاي

فيصل وقفها:وين؟!

امامه: تكملة المفاجأه

فيصل سحبها لعنده:اجليها بعدين حبي







بيت حور



حور قاعده معاهم بالصاله...نفسيتها شوي احسن ..بدت تتجاوب معاهم بالكلام بس وايد تسرح ويا خالد...



بوحور:حبيبتي حور خالتج تكلمج؟

حور التفتت لها:هلا خالتي

حصه تبتسم لها:اقولج يما تبين اصب لج جاي ؟

حور:لا مشكوره

بو حور:انزين حبيبتي انا بروح عند عمج بو عيسى يبيني بشغل..محتاجه شي اييبه لج؟

حور دمعه بعينها(محتاجه خالد يا يبه تقدر تييبه لي!!):لا تسلم

عمر :الله يسلمج....وانتي يا حصه؟

حصه:سلامتك..بس شوف عزيز بغرفته جنه يبي اغراض من المكتبه

عمر يوقف:خلاص اللحين اشوفه..مع السلامه



حصه تقعد يمها:ها حورحبيبتي ..شلونج اليوم؟

حور تشوفها صارت وحده ثانيه مغرقتها بحنانها :بخير خالتي

حصه تشد على يدها تصبرها:ربج كاتب لنا هالشي لازم نؤمن فيه

حور دمعتها نزلت على خدها:والنعم بالله





بيت فيصل



غرفة نهى



نادت على انفال علشان تكلمها بالموضوع...فجر راحت لفرح..وامامه وفيصل طلعو...









انفال تصيح:ما ابيه يما ما ابيه

نهى تهديها:ليش يا انفال مشعل خوش ريال

انفال كانت ناويتها مفاجأه :لاااااااا ما ابي يما انا ما اتزوج غير فواز

نهى ملت من هالسيره:ليه متى يا يما تنطرينه....لو كان حي جان يالج

انفال تمسح دموعها وتبتسم:حي يا يما حي

نهى تناظرها توقعت كالعاده عايشه على امل:ليه متى يعني بتمين عايشه بوهم؟!!

انفال تقرب منها والابتسامه ما فارقتها:يما فواز حي انا قعدت وياه وشفت خالتي موزه ...حي يا يما ما مات

نهى مو مصدقه:فواز حي !!!موجود يا انفال!!

انفال بفرح:اييييه يما ايييه

نهى:وليش ما قلتي لي؟

انفال تسحبها من يدها وتقعدها يمها:كنت بسويها لكم مفاجأه بس انتو صدمتوني من خبرمشعل

نهى ابتسمت :يعني فواز عايش؟

انفال بفرحه كبيره:اييييه يما اييه

نهى تضمها:يا قلبي يا انفال ..وعرفتي منه وينه طول هالمده؟!

انفال بحزن:يما فواز..فواز

نهى حاسه فيها شي:فواز شفيه ؟

انفال بغضه:عمي ما يشوف

نهى مصدومه:عمي !!!

انفال :اييه يمه

نهى:شلون!!



تمت انفال تقولها كل شي...وقالت لها نهى تخلي الموضوع عليها اهي تكلم فيصل وتقنعه...وتدري انه بيفرح علشان اخته....بس انفال قالت لها تخلي كل شي عليها اهي ولا تقول لاحد عن فواز تبيها مفاجأه لهم....











بيت جاسم





الكل نايم بغرفته...حلا تتقلب بالسرير تحس بشي يرفس بطنها...



كانت تصارخ من الالم بس محد صوبها...دموعها تنزل واهي تحس انها وحيده محد صوبها ...مو المفروض ريلها يكون يمها بهالوقت !!! ((ليش سويت جذي يا طلال ليش يا حبيبي!!!))



حلا مهي قادره تستحمل...خلاص عرفت انه وقت ولادتها ...هذا طلق!!! ..يمكن ليش لأ!!!...شلون توصل لنوال...ضغطت على عمرها وقامت من السرير...ما قدرت توقف من قوة العوار طاحت على الارض واهي تلتوي من الالم وتصارخ بس محد يسمعها...



تمت تزحف للارض واهي تتالم من بطنها وصلت للباب افتحته وسندت نفسها عليه ومدت ريلها بتعب والم فضيع..وتمت تصارخ



:خاااااااااااااااااااالتييييييي....آآآآآآآآآآآه خاااااااالتي نوااااااال



نوال فزت من نومها وتعوذت من الشيطان...الا تسمع الصوت يتكرر مره ثانيه ..قامت من سريرها ووقفت عند بابها تتأكد إلا يجيها صوت حلا قوي



:آآآآآآآآآآآآآآآآآآآآآآه بموووووووووووووووووووت يمااااااااااااااااااااااا



نزلت بسرعه للدور الارضي واهي تخطي خطوات كبيره...انصدمت يوم شافت حلا مسنده ظهرها على الباب وماده ريلها وتصيح وتعصر في بطنها من الالم...نزلت لها بخوف



:شفيج يما؟!

حلا تصيح:آآآآآآآآآآآآآه يما بموووووووت

نوال تصيح من شكلها :سم الله عليج يما..يمكن فيج ولاده

حلا:ايييييييه يما يعور آآآآآآآآآآآآآآآآآآآآه

نوال تهديها:خلاص يما اللحين ادق على مشعل



راحت بسرعه دقت على مشعل اللي كان بالديوانيه قريبه من بيتهم....وصل لهم... كانت نوال مساعده حلا وملبستها عباتها وشيلتها...





حلا تصيح:ابييييي طلاااااااااااااال

نوال تصيح على حالها:خلاص يا حلا كافي اللي تسوينه

مشعل يشوفها وبداخله متعذب:خلاص يا حلا بكلمه يجي لج لا تخافين

حلا ماسكه يد نوال والخادمه ينقلونها للسياره:ابي اشوفه مشعل..خله يكون يمي محتاجته

مشعل نزلت دمعه من عينه على حالتها (لي هالدرجه تحبينه يا حلا ):أن شاء الله بس يالله اوديج المستشفى اللحين



ركبوها السياره رايحين المستشفى...وحلا كانت طول الوقت تصارخ من الالم وتنادي على طلال...ومشعل ونوال دموعهم ما وقفت على حالها...وصلو المستشفى نقلوها طوارئ انها بحالة ولاده...



مشعل يضرب يده بالطوفه بقوه و بقهر.:نذل نذل

نوال تحاول تهديه:ما عليه يا مشعل الله يسامحه

مشعل التفت عليها:شفتي حالتها يا نوال؟! حتى واهي جذي تفكر فيه..واهو ولا فكر فيها او اهتم

نوال:كله منها لا تلومه لعبت بعقله حسبي الله عليها

مشعل بحزن:مو عذر يا نوال لا ادافعين عنه طلال غلطان ...

نوال تذكر شكل حلا وتصيح:يا قلبي عليها شكلها تعبانه حيل الله يستر ما اظن بتولد طبيعي



قطع عليهم صوت الدكتور...



:انت زوجها

مشعل يبلع ريجه:لا انا خال زوجها

الدكتور مستغرب:وزوجها فين؟

نوال تقرب منهم بخوف:مو موجود...كيف حال حلا ؟.

الدكتور:حلا بحاله خطره والياهل ما يستحمل اكثر لازم نسوي لها عمليه قيصريه علشان ننقذ الجنين..وزوجها لازم يوقع..بس في تأخير شوي بسبب دقات قلبها



مشعل انصدم:بس زوجها بعيد!!!

الدكتور:احنا مضطرين نسويها أول ما نتأكد من جاهزيتها علشان ننقذ الام و الجنين

نوال بترجي:سو اللي تبغيه المهم تقوم بالسلامه

ابتسم لها الدكتور يطمنها:ادعو لها





بيت فيصل



فيصل منسدح على السرير مغمض عينه يحاول ينام...امامه قاعده على القنفه قبال السرير من مساع تحاول تتصل على موبايل حلا ما ترد...



((يااا ربي استر ليكووون صار فيها شي !!!))



فيصل يفتح عينه يشوفها تهز بريلها:حياتي

امامه التفتت عليه:هلا

فيصل:ما تبين تنامين.؟

امامه بضيق:لا قاعد احاول ادق على حلوي ما ترد

فيصل استغرب:دقي على البيت

امامه بخوف:هم ما يردون..اخاف صار فيها شي؟

فيصل يقعد على حيله على السرير:لا تفاولين حبيبتي ما فيهم إلا الخير

امامه خانقتها العبره:فيصل حاسه صاير شي..ٌقلبي مقموت

فيصل يروح لها ويقعد يمها:دقي على امج تطمني؟

امامه:اخاف تكون نايمه

فيصل احتار :اممم انزين شوفي مشعل

امامه:شلون ما جيه على بالي!!

فيصل ابتسم لها:ما عليه حياتي من الارتباك...يالله دقي له



رد مشعل بأخير لحظه...



مشعل:هلا ميمي

امامه:شلونك مشعل؟

مشعل:بخير...انتي شلونج.؟

امامه:تمام..اقول شعوول

مشعل:هلا

امامه:صار لي مده ادق على موبايل حلوي ما ترد؟..والبيت ما يردون خفت اقعد امي من نومها...اخاف صار للبنت شي!

مشعل:ميمي حبيبتي حلا بالمستشفى

امامه وقفت مخترعه وقف وياها فيصل:ليش!!!!

مشعل:لا تخافين حبيبتي اهي بغرفة العمليات اللحين

امامه:صج مشعل ..حلا بتولد ؟

مشعل:اييه حبيبتي بس للحين ينطرون دقات قلبها تنتظم علشان البنج

امامه بقهر:وطلول وياها؟

مشعل ضاق خلقه يوم سمع اخير كلام حلا واهي تصيح




((أن صار فيني شي مشعل قول له أني احبه على كل اللي سواه فيني...تمنيته يكون معي هاللحظه))



امامه:الووووووو مشعل

مشعل انتبه ومسح دمعته من تذكر شكل حلا:وياج شقلتي؟!

امامه:اقول قلت لطلال؟

مشعل زعلان منه:ما قلت له ولا ابي اقوله

امامه احترت:انا بدق عليه واقول له ما يصير حلا تولد واهو مو يمها... قاعد مع ست الحسن والدلال وكاشت فيها

مشعل:سوي اللي تبغينه...تبين شي بروح لامج؟

امامه:أي مستشفى اهي؟! انا وفيصل اللحين بنجيكم؟

مشعل:مستشفى السلام

امامه:اوكي...تبغون نييب لكم شي معانا؟

مشعل تذكر:مادري ميمي بس اتوقع اكيد حلا محتاجه للبس وجذي...مري البيت اخذي لها تفهمين انتي لهالسوالف

امامه فهمت عليه:خلاص اوكي

مشعل:ننطركم...باي



فيصل :ولدت حلا؟

امامه عيونها بدمع من خوفها على حلا:لا للحين بغرفة العمليات

فيصل يقرب منها يطمنها:بتقوم بالسلامه حبيبتي لا تحاتين

امامه ترمي نفسها بحضنه وتصيح:ماراااح اسامح طلال أن صار فيها شي





بيت عبدالله





كالعاده داخل البيت سكران ...يتمايل واهو يركب الدري...طلعت جوى بتنزل المطبخ تجيب لها ماي...صادفته بالدري...ابتعدت عنه بخوف...



عبدالله يتمايل ويلصق بالطوفه:وييين رايحه يالخايسه ها؟!

جوى تبتعد عنه بخوف:بروح اييب لي ماي

عبدالله شاك فيها قرب واهو يهدد بصبعه ويتمايل بخطواته:تجذبين علي بعد!!!

جوى بخوف:والله يبا بروح اييب لي ماي

عبدالله وصل لعندها وكمش شعرها:وتجذبين بعد وتحلفين بالله...يالخايسه يالقذره

جوى تبجي:يبا انا بنتك حرام عليك

عبدالله يشد اكثر على شعرها:جب ولا كلمه...هذا اللي ناقص بعد تعلميني شقول

جوى تصيح:آآآآآآآآآآح يبا يعور

عبدالله يرميها بالارض ويكمل مشيه:انتي اصلا مو بنتي ما عندي بنت (نزلت دمعه من عينه) بنتي ماتت ويا امها (لف عليها وصرخ بويها) انقلعي لدارج يالله



جوى توقف بسرعه وتركض لغرفتها ...دخل الغرفه توقع كالعاده بيلقى غنيمه نايمه ويكمل حرته فيها بس استغرب يوم لقاها لابسه قميص نوم بيج قصير ومتمكيجه خفيف زايدها نعومه...وفاله شعرها وحاطه تاج مرجعته لوره ...و قاعده على القنفه تابع تلفيزون





عبدالله يمشي ناحيتها يحاول يسيطر على تأثيرها عليه:وانتي بعد شمقعدج لهالحزه ها!!

غنيمه لايعه جبدها من منظره((اففففف كله سكران)):..

عبدالله وقف قبالها ويأشر بيده:هي انتي اكلمج ما تسمعين...(يحط صبعه على راسه) ما يندرى عنكم شتسوون من وراي!!!..ٌ(صرخ بويها) منو مدخله البيت ها تكلمي؟

غنيمه تشوفه مو مصدقته(هذا من صجه يشك فيني!!):...

عبدالله سحبها من يدها يبي يقومها بس اهو رجع لوره واهي ثبتت مكانها:ليش ما تردين على بالج ماراح اكشف سوالفج !!..لا تظنين اني ليش مو بالبيت ماراح اعرف شتسوون انتي والجلبه جوووه

غنيمه اصدمته يوم وقفت قباله وحطت يدها على جتفه وتكلمت بنعومه:تعشيت عبدالله؟

عبدالله منصدم:!!!!!!!!!!

غنيمه استانست يوم شافت تأثير حركتها (انا اعلمك يا عبدالله أن ما خليتك تشهق باسمي ما اكون غنيمه)) حطت يدها الدافيه على خده البارد:عبدالله اكلمك تعشيت؟!

عبدالله فاقد هالصوت واليد الحنونه من مده ..بلع ريجه ورد بصعوبه ما يدري كيف انكسر بلحظه:لاا

غنيمه ابتسمت له وهالشي خلاه يرجف يوم شاف ابتسامتها:مشتهي شي معين ولا اسوي لك على ذوقي؟!

عبدالله مال لجهة اليمين بيطيح بس اهي مسكته بيدها من يده...ابتسم لها:شناويه تسوين لي؟

غنيمه وللحين يدها بيده ..تغمز له:اللي تبيه

عبدالله يناظرها من فوق ليه تحت واهي انحرجت من نظراته:ابي على ذوقج

غنيمه تبتعد عنه واهو حس انه بلحظات صغيره عاش شعور فقده من زماان:اوكي دقايق بس



تم يتأملها لين طلعت من الغرفه...رمى نفسه على السرير واهو يحاول يستوعب اللي صار قبل شوي...



راحت لغرفة جوى واهي طايره من الفرح انه بداية خطتها انجحت...فتحت الباب ودخلت



قلبها يرقع بقوه من اللي صار أول مره تحس عبدالله ممكن يكون فيه حنيه:جوااااااا

جوى كانت منسدحه على السرير تصيح:........

غنيمه انصدمت من شكلها قربت منها:جوى شفيج؟!

جوى قعدت وامسحت دموعها وابتسمت:ابد ما فيني شي...خير شفيج؟

غنيمه عرفت ابوها السبب لانها سمعت كلامه الجارح لها..مدت يدها تمسح دموعها:ما عليه حبيبتي صدقيني اهو يحبج

جوى ردت تصيح: في احد يحب بنته يعاملها جذي

غنيمه توعدها:صدقيني يا جوى أن شاء الله بيرجع لج مثل قبل واحسن بس يبيلنا نصبرعليه

جوى تنفخ بألم:آآآآآآآآه تعبت يا غنيمه من الصبر

غنيمه :صدقيني يا جوى ابوج طيب وحنون بس اللي صار له اهو اللي خلاه يصير جذي

جوى تبجي:وانا شذنبي شذنبي!!؟

غنيمه تحضنها:خلاااص يا جوى عذبتي قلبي



بعد ما هدتها ..بعدتها غنيمه وابتسمت لها...



غنيمه:بروح اسوي لابوج عشا ..شرايج تساعديني؟

جوى رفعت حاجب مستغربه:عشا!!!

غنيمه بابتسامه عريضه:اهو طلب مني

جوى: ابوي!!!!

غنيمه:هههههههههه اييه ابوج..يالله قومي تأخرت عليه



نزلوالمطبخ وسوو له سندويشات سريعه مع عصير برتقال وصعدو له الغرفه...



دخلت غنيمه واهي شايله الصينيه ...استغربت انه مو موجود بالغرفه..وين راااح !!!!!!





....سمعت صوت دوش الماي عرفت انه يتسبح...جوى واقفه عند الباب متردده تدش



غنيمه:دخلي حبيبتي

جوى تروح لها:وينه؟

غنيمه:شكله يتسبح احسن علشان يتصحصح

جوى بحزن:اييه علشان يطقنا

غنيمه يدها على جتفها تواسيها:شقلنا يا جوى ..نصيراقوى علشان نقدر نرجعه مثل أول



هزت راسها...طلع عبدالله من الحمام استغرب انهم واقفين بالغرفه ...واللي خلاه يستغرب اكثر انهم ويا بعض !!!!



غنيمه تقرب منه بابتسامه:حمام الهنا

عبدالله يتأملها :!!!!!!!!!!!!!!

جوى تناظره بخوف:يبا انا وغنيمه سوينا لك العشا

عبدالله يبادل نظرات بينهم ونطق بصعوبه:عشا!!!

غنيمه حست انه ما كان وياها مساع يوم طلب منها:اييه حبيبي انت طلبت مني اسويلك عشا على ذوقي

عبدالله هزت كيانه غنيمه بهالكلمه اللي طلعت منها لا شعوريا ((حبيبي!!!آآآآآآآآه يا عبدالله من متى ما سمعت هالكلمه ..الله يرحمج يا مريم ..كله من جوى خذتج مني))..قعد عالسرير:ما ابي عشا ..طلعو برا ابي انام



جوى التفتت لغنيمه وهزت راسها انه ماكو فايده منه..

بس غنيمه مصره انها تغيره لو بيكون على حساب انه يطقها ويصارخ عليها...راحت لعنده وشالت عنه للحاف



غنيمه بدلع:معقوله حبيبي تنام وتخلي العشا اللي سويته!!

عبدالله((كاافي يا غنيمه لا تلعبين فيني)):ما ابي عشا

غنيمه بايعتها اهم شي عندها تحاول ترجعه لنفسه وتعيش معاه حياة سعيده كافي الحياة اللي عاشتها..قعدت يمه عالسرير وجفست يدها:وانا ماني متعشيه بعد ..مع اني مو متغديه ولا متريقه

عبدالله حن لها بطبعه:ليش عاد؟

غنيمه استانست انها كسرت خاطره:ما اعرف اكل و انت مو معاي









جوى تسمعها مو مصدقه انها تسوي كل هذا علشان ابوها....((يا رب تكونين فاتحة خير لنا غنيمه وترجعين لي ابوي مثل أول))



عبدالله يحاول يبعد تأثيرها عليه:غنيمه قلت لج ما ابي اتعشا انتي تعشي

غنيمه تروح للجهه الثانيه وتنسدح يمه وتتلحف:جوى طلعي بره واخذي العشا معاج وسكري الباب



جوى سوت اللي قالت لها عليه من غير ولا كلمه ومن داخلها فرحانه..لان طول الوقت وابوها ما رفع صوته اكيد سحرته باسلوبها....



عبدالله التفت عليها بالظلمه:ليش تسوين جذي؟

غنيمه ساكته ودقات قلبها تتسارع أول مره تشوفه بشخصيته الطبيعيه ما توقعت انه بيكون جذي:..

عبدالله بقسوه :ترا اللي تسوينه ماراح يغير شي..انا تزوجتج علشان اخذ اللي ابيه وبس لا تظنين بعاملج كزوجه

غنيمه دمعت عينها من كلامه :.......

عبدالله تنرفز من سكوتها وبصوت مرتفع شوي:ليش ما تنطقين؟!

غنيمه مسكت نفسها وحلفت على نفسها انها تتحمل كل شي علشانه:سو اللي يريحك راضيه..كاني يمك

عبدالله انصدم(لااا هذي اليوم فيها شي):انتي شتبين بالضبط!!!

غنيمه بجرأه مسكت يده وشدت عليهم:ابيك انت عبدالله

عبدالله تخدر انسلت حواسه كلها من لمستها الناعمه:!!...

غنيمه متردده من اللي تسويه (يا ترا بينفع وياك هالشي) همست له بأذنه:شقلت ؟!



عبدالله بعد ثواني صمت ..سحب يده بقوه ووقف يمنع شعور يديد يتولد فيه:حركاتج هذي مو علي...انا عارف خططج انتي وابوج علشان تاخذين حلالي كله مثل ما باعج ابوج علي تبين تاخذين كل شي لج



غنيمه دموعها ما وقفت واهي تسمع كلامه الجارح لها... هددها بصوت عالي وردة فعل عكسيه ضرب طاولة الزجاج الي جدامه برجله ؟؟..غنيمه نقزت من الخرعه



يصاارخ: ماااااراااااح اخليج تنفذيييين اللي فيييي باااااالج يالحقيره



طلع من الغرفه وغنيمه حضنت مخدتها وتمت تصيح ((وراااااااي مشوااار طويل معاك يا عبدالله))









بالمزرعه





طلال وشذى كانو بسابع نومه ....دقت امامه على موبايل طلال واخترع يوم شاف رقمها...شذى افتحت عينها على حسه واهو يكلم امامه





طلال مخترع :شلوووووووووووووون!!

امامه منقهره منه:انت بالعسل ويا هالحماره ومرتك بين الحيا والموت

طلال يوقف متوتر:شلون صار جذي.؟! وشصار عليها؟!

امامه باستهزاء:نسيت يا حلو انها بشهرها...واللحين اهي بغرفة العمليات بيسوون لها قيصريه

طلال انصدم:قيصريه !!!

امامه:اييه وحالتها حيل خطره ..سامحنا خربنا جوك

طلال عصب:اموم مو وقتج..من وياها اللحين؟

امامه فهمت له بالايام الاخيره الكل لاحظ غيرته من مشعل:وياها امي ومشعل

طلال ضرب يده بالطاوله بقوه(حتى بهاللحظه اهو اللي جنبها وانا بعيد)):وليش توكم تقولون لي؟!



امامه منقهره منه:تونا ندري ...انا وفيصل اللحين وصلنا المستشفى ...ان صار بحلا شي عمري ماراح اسامحك طلال



سدته بويها منقهره منه...







شذى رفعت نفسها:شفيك حبيبي؟

طلال راح صوب الكبت يغير هدومه:قومي بسرعه غيري لبسج بنمشي

شذى راحت صوبه :ليش؟

طلال ماله خلقها:شذى حلا بالمستشفى بين الحياة والموت ..خلصيني بلا كلام زايد ولا ترا بخليج و بروح

شذى راحت تاخذ ملابسها:لا شنو تخليني بروحي اللحين اللبس بسرعه

طلال طلع يحس انه مختنق:بسرعه انطرج بالسياره 5 دقايق تأخرتي بمشي عنج





راح السياره شغلها ودق على مشعل يتطمن عليها.......





مشعل رد ببرود:خير

طلال يتجاهل اسلوبه:شلون حلا ؟

مشعل:بالعمليات

طلال :قالت لي اموم..قصدي ولدت ولا بعدها؟

مشعل:ينطرونها للحين

طلال بانفعال:شينطرون !! ليش ما يولدونها ينطرونها تموت؟!

مشعل باستهزاء:الله يبعده عنها وعن عدوينها

طلال فهمه لان اخير هوشه له ويا حلا قالها بصوت الكل اسمعه(( الله يفكني منج)):متى بيولدونها؟

مشعل:مادري..شغل الدكتور هذا

طلال انفجر من اسلوبه:خلاص اللحين جاي

مشعل بحذر:دير بالك تفكر تنزل شذى وياك

طلال انقهر يسوي نفسه انه مهتم لحلا اكثر منه يعني:اتوقع افهم بهالشي

مشعل بهمس:أن صار لحلا شي ماراح اسامحك

طلال بلع ريجه الكل يهدده معقوله حلا لي هالدرجه تعبانه!!!:بااي







نوال تقرب منه:طلال؟!

مشعل يهز راسه:اييه

نوال دموعها للحين ما انشفت:وبعدين يا مشعل كلام الدكتور ما يطمن

مشعل يبلع ريجه يذكر كلام الدكتور (صعبه نسوي لها العمليه اللحين بننطر لين تنتظم دقات قلبها.. ممكن تتأخر بس هالشي مأثر عليها وعلى الجنين وايد)):الله يقومها بالسلامه ادعي لها نوال

نوال ترفع يدها:الله يقومج بالسلامه يا حلاا









طلال كان يسوق بسرعه 200 واهو يذكر اتعس ذكرياته ويا حلا وكيف كان قاسي لها بشكل...وفوق كل هذا جيه اليوم اللي كان يتمناه وياها بس وينه اللحين اهو بعيد عنها...واللي يقهره ويحرق قلبه اذا فكر أن مشعل اللحين وياها....شذى ميته خوف عينها على الشارع





شذى بخوف:طلال حبيبي علشاني خفف السرعه شوي

طلال معصب:شذى سكتي عني

شذى خافت زود من نبرة صوته:طلال لا تصرخ علي

طلال تنرفز:ما تفهمين سكتي كافي اللي فيني (_يزيد من سرعته)

شذى ترجف من طريقة سياقته كان يتجاوز السيارات والشاحنات بسرعه خياليه:طلال تعوذ من بليس وخفف السرعه...الطريج كله شاحنات..حلا لاحق عليها ماراح تموت

طلال التفت عليها بعصبيه يوم قالت جذي:أن صار فيها شي ماراح ...



قطع عليه كلامه صرخة شذى واهي تشوف الشاحنه جدامها:طلااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااال







شراح يصير بشذى وطلال؟!!

حلا موقفها من طلال بعد ما تخلى عنها واهي بأشد الحاجه له؟!

موقف مشعل وفواز من قرار فيصل ؟!

فجر بتوافق على باسل اذا تقدم لها واهي عارفه ماضيه؟!

غنيمه بتقدر تغير من عبدالله ؟!

حور بتقدر تنسى خالد مع الايام ؟!

 
 

 

عرض البوم صور عذاري   رد مع اقتباس
قديم 06-02-09, 09:54 PM   المشاركة رقم: 42
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الاخير (( صبرني على فراااااقهم))



بعد يومين من الاحداث

دبي

فواز بحيره:ما اقدر يما صعب علي صعب
موزه:وانفال ما فكرت فيها؟
فواز الدمعه بعينه:فكرت يا يما فكرت ولقيت الاحسن لها تعيش حياتها ويا غيري..انا عمي بتتعب معاي بكون عاله عليها
موزه:ايش هالكلام يا فواز ..انفال تدري فيها مو من هالنوع !!
فواز يرمي نفسه على القنفه بتعب:ادري والله ادري علشان جذي انا اللي ببتعد عنها واهي بتعيش مع اللي احسن مني
موزه:انت كيف تفكر يا فواز!! طول هالسنين رفضت تتزوج على امل انها تلقاك وبعد ما لقتك تبيها تتخلى عنك بسهوله!!!
فواز نزلت دمعه على خده:انا اللي بتخلى عنها مو اهي
موزه:غلط يا فواز غلط
فواز يوقف خلاص اهو انهى الموضع بنفسه بعد ما فكر بحالهم:يمه موزه تكفين انا هالشي فكرت فيه وشفت مصلحة انفال بعيده عني
موزه:شلون بتخبرها!!
فواز بحزن:انا مواعدها بعد اسبوع من رجوعها اكون عندها...فشي اكيد بتدق عالبيت لاني مو قاعد ارد على مكالمتها ومسجاتها
موزه:حرام عليك اللي تسويه فيها
فواز يتجاهل الحقيقه المره:فاذا اتصلت عليج خبريها اني سافرت وللابد
موز انصدمت:وين بتروح!!!
فواز يبي يبتعد لان القرار اللي اتخذه وايد صعب:بسافر ببتعد شوي ..كل اللي ابيج تبلغينها اني سافرت وخل تنساني وتعيش حياتها
موزه:وما فكرت شنو ردت فعلها!! تدري شراح يصير فيها وقتها!!
فواز يتجاهل أي شي يدري أن صعب عليها مثل ما اهو صعب عليه:فتره وبعدها راح تعرف أن هالشي سويته علشانها
موزه تحاول تقنعه:يا فواز يا ولدي فكر عدل قبل لا..
فواز يقاطعها:خلاص يما هذا اخير قرار عندي








بيت حور

قاعده بغرفتها منسدحه على بطنها وقبالها البوم صورها ويا خالد في بريطانيا كانو بعد كل طلعه اذا رجعو الشقه بليل ...يطلعون الصور ويحطونها في الالبوم ويكتبون تعليق عليها من كل واحد على الثاني...دمعت عينها يوم شافت اخير صوره لها وياه ..اخير صوره جمعتها ويا حبيبها...قبل لا يطلعون للمستشفى اخذها لها خالد واهي مريضه منسدحه عالسرير انسدح يمها ورفع الكاميرا بيده و اخذ له صوره لهم ...
((خالد مشتط:يالله حياتي قولي تشييييييز
حور بتعب:هههه وربي خالد انك فاضي
خالد اخذ الصوره واهي تضحك على كلامه:ههه
حورتمد يدها:اشوف وارني الصوره
خالد يقوم ويوصلها بالطابعه:نطري اطبعها علشان انعلق عليها
حور:هههههه العاده تنطر ليه بليل نعلق على صور اليوم كله..شمعنى اللحين؟!
خالد بابتسامه هزت قلب حور:شيضمني اتم وياج ليه بليل؟
حور:!!!!!!!!!!!!
خالد شاف ملامح الصدمه باينه عليها قرب منها:حياتووو
حور عصبت:أن قلت هالكلام مره ثانيه يا ويلك
خالد ضمها لعنده ومن كل قلبه قال:تدرين حبوو احلى شي صارلي بحياتي يوم واقفتي علي مره ثانيه
حور دمعت عينها:وانا اندم شي بحياتي سويته اني رفضت حياتي وياك أول مره
خالد ناظرها وباسها على راسها :يالله حياتي علشان موعدج
حور بكسل:خلووودي مالي خلق اروح
خالد:حووور شوفي شكلج شلون تعبانه
حور بدلع:يعني الوع الجبد؟
خالد يتسند على الطوفه :إلا تولعين القلب
حور:هههههههههههه
خالد ذاب بضحكتها:حووره قومي احسن لج
حور تتمقط بدلع:امم مادري احس ودي انام السرير دافي
خالد يحاول يتجاهلها:حور يوزي عن هالحركات وقومي
حور تتلحف باللحاف :خلودي ما تبي تنام لك شوي؟
خالد ناظرها مده:...
حور :ههههههه للحين تفكر!!
خالد طلع بره الغرفه قبل لا يتهور ويروح عليهم الموعد:انطرج بالصاله قومي لا يروح عليج الموعد

((ياااااا ليتني ما قمت يا خالد... يا ليتني سحبتك لعندي وخليتك بحضني..ولا قمت وياك..يا ليتنا ما رحنا المستشفى... يا ليتني كنت بدااالك...(تمت تصيح بصوت عالي ) استغفر الله استغفر الله....شتفيد كلمة يا ليتني اللحين ....ليش يا ربي لييييش ))

دخلت عليها حصه وشافت حالتها جذي...خافت عليها لانها قاعده تضغط على الياهل..

حصه تعدل قعدتها:حور حبيبتي قلت لج مو زين للياهل تنامين على بطنج
حور تصيح:ما ابي احد غيير خالد يبووووولي خالد
حصه دمعت عينها:بس يا حور كافي لتسوينه بنفسج شوفي شكلج شلون صار...لا تاكلين عدل ومو مهتمه للياهل اللي في بطنج..
حور انهارت:اخذو الياهل ما ابيه ابي خالد يبولي خالد
حصه تهديها:ما يصير يا حور لتقولينه حراام هذا شرك بالله
حور تصيح وتستغفر:تعبت خالتي تعبت صورته بالحادث مو قادره انساها..ولهت عليه ابي اسمع صوته ابي امسك ايده.... ابيه يحضني ابي اقوله اني احبه ...(تمسك يدها تترجاها) بس ثانيه خالتي احضنه ثانيه وحده مو اكثر
حصه تلمها وتمسح على شعرها:بالجنه أن شاء الله بالجنه



بيت عبدالله

غنيمه وجوى قاعدين بغرفة جوى يخططون على عبدالله...خاصة اليومين اللي طافو غنيمه قدرت تسحرعبدالله باسلوبها وما قام يرفع يده عليهم ...

جوى بخوف:بس اخاف يطقنا
غنيمه تبتسم لها بثقه:جوى ابوج تغير اللحين
جوى:لاا ما تغير دامه يشرب هالزفت للحين ما تغير
غنيمه:اللحين انتي قوليلي بنفسج هاليومين مد يده علينا؟!
جوى:لا
غنيمه:ما لاحظتي صراخه قل علينا؟!
جوى تفكر:اييه
غنيمه تعطيها ابتسامة امل:ابوج طيب يا جوى بس الظروف ما ساعدته...وصدقيني لو يرجع لنفسه بيكون احن ابو بالدنيا
جوى:صج غنيمه!!!
غنيمه:اييه صج حبيبتي.؟..علشان جذي اقولج نوديه العمره علشان من نفسه يتغير أن شاف العمره
جوى:تظنين بتأثر فيه هالسفره!!
غنيمه تذكر ابوها بس ما تبي تفقد الامل:والله يا جوى انا ابوي شكثر يروح العمره بس ما في فايده من يرجع الديره ينسى كل شي...بس ابوج صدقيني غير لأنه اهو بالاساس ريال طيب (دمعة عينها)بس انا ابوي من طلعت على الدنيا واهو جذي
جوى تواسيه:ما عليه غنوم ربنا كاتب لنا الشقى بحياتنا الله يغفر لهم
غنيمه تمسح دمعتها:آمين




طول فترة هاليومين حلا بالمستشفى بعد ولادتها القيصريه ..اليوم بتطلع واهي حاسه بقلبها أن طلال فيه شي مو معقوله تاركها للحين ولا سأل عنها ولا سأل عن ولده ((معقووله طلال ناسيني!! ...ما يبي حتى يشوف ولده ليش يا طلال ليش!!))

نوال موصيه الكل محد يقول شي لحلا لين ترجع البيت ويخبرونها...

كان عندها امامه و انفال وفجر...

امامه:واخيرا حلوي بتطلعين
حلا بحزن:جان زين ما اطلع
انفال:شالكلام حلا؟
حلا :.......
فجر تشوف انفال انهم يطلعون:نفول تعالي معاي بنزل اخذ لي كوفي
انفال فهمتها:اوكي


امامه حاسه فيها:حلا وبعدين ليه متى بتمين على هالحال؟
حلا ما قدرت تمت تصيح:حتى ما كلف نفسه يرفع التليفون يسأل عني ..ليش يا ميمي ليه هالدرجه انا رخيصه عنده
امامه مو عارفه شتقول:ما تدرين يا حلا يمكن عذره وياه
حلا تناظرها بعذاب:شنو هالعذر اللي بيمنعه حتى يدق يسأل عني ..قولي انه لاهي ويا شذى ..على الاقل ولده ما يبغى يجي يشوفه !!!
امامه تهديها:خلاص يا حلوي كافي لتسوينه بنفسج
حلا تصيح:على كل اللي يسويه فيني ما اقدر اكرهه ميمي...(تمسك يدها) ميمي وديني له ابي اشوفه
امامه نزلت دمعه على حالها:حلووي حبيبتي لا تسوين جذي..صدقيني اهو لو يدري انج ولدتي بيجيج على طول
حلا رفعت حاجبها:قصدج ما يدري!! ما قلتو له!!
امامه ما لقت إلا هالعذر:اييه جهازه مغلق ما قدرنا نقوله
حلا بخوف:اخاف صار فيه شي!!
امامه تبلع ريجها:ما فيه إلا الخير أن شاء الله..قومي غسلي ويهج علشان نمشي البيت
حلا مستغربه:ونوال ومشعل وينهم؟
امامه توهقت:امي امم
حلا:ميمي صاير شي؟
امامه:لا ابد بس ينطرونج بالبيت
حلا تعوذت من بليس على افكارها وقامت:اوكي خل اروح اغسل ..وانتي زهبي جنطة نصوري
امامه بابتسامه:أن شاءالله
بيت فيصل

غرفة انفال

منسدحه عالسرير والموبايل بيدها صارلها اكثر من ساعه تحاول تدق على فواز بس ما يشيله...

((ليكون صار فيه شي!!! لاااا استغفر الله أن شاء الله ما فيه إلا الخير...اذا صار فيه شي بمووت ..ما صدق اني لقيتك حبيبي فواز الله لا يحرمني منك))

سمعت صوت التليفون بالصاله يرن ...طلعت تشيله..

انفال:الو
فرح:قوه نفول
انفال عرفتها من صوتها وباخير الايام حبتها:هلا والله فرووحه شلونج .؟
فرح:انا تمام ...اسأل عنكم ؟
انفال:الحمدالله بخير
فرح:وينها فجور هالقاطعه من زمان ما دقت علي؟!
انفال:ما عليه حبيبتي كلنا انشغلنا ويا طلال اخو اموم
فرح:ليش شفيه؟؟

فجر كانت نازله من فوق يايه الصاله...شافتها انفال اشرت لها تجي تكلم فرح لان تفكيرها كله ويا فواز من رجعت الكويت واهو ما يرد عليها....

انفال:كاهي فجوره خليها اهي تقولج...نشوفج فروحه
فرح:اوكي حبيبتي


فجر:هلا هلا
فرح باندفاع:اللحين هلا هااا ...وينج انتي ما تدقين ولا تسالين؟؟
فجر:بسم الله شوي شوي علي خليني ادافع عن نفسي
فرح:يالله اشوف دافعي؟
فجر:هههههههه سمعي

تمت تقولها سالفة طلال وشلون صار الحادث...بالجهه الثانيه انفال قاعده عالقنفه تشوف اختها وبالها ويا فواز قلبها قامتها...

((معقوله يبي يفاجئني!!! اكيد حبيبي والله ما يبي يرد علي يبي يفاجئني بييته ..فديته ..الله لا يحرمني منه ...بس اهو قالي ماراح يقدر ايي إلا بعد اسبوع...امم ادق على خالتي موزه...لااا اخاف اخرعها على شي ما يسوى.. خل ادز له مسج))
مسكت موبايلها ودزت له
((مهما غبت تاكد انك معي
منت جنبي
منت عندي
لكنك وسط قلبي
طمني عليك))
نزلت دمعه من عينها يوم مر في بالها انها ممكن تفقده مره ثانيه...مسحت دمعتها وصعدت لغرفتها....


فجر للحين تكلم فرح....

فرح مندمجه:وييييييييه مسكين وبعدين.؟
فجر:ماكو والله السعلوه ما صار فيها شي ..واهو مسكين احترق وانقصت ريله اليمين
فرح:حرااااااااااااااااام
فجر:ربج كاتب الله يعينه
فرح:اييه والله ...الله يصبره
فجر:آمين
فرح تمسح دمعتها:تصدقين فجور بجيتيني
فجر:ههههههههههههههه يا ام احساس رهيف انتي
فرح:ههههههههه يالبايخه والله من صجي

باسل نزل من الدري وفرح كانت تمسح دموعها اخترع!!

باسل:فرووح
فرح تلتفت عليه بعد ما قالت لفجر لحظه:هلا
باسل يقرب منها:شفيج تبجين؟
فرح:ههههههه لا بس سالفه تقولي اياها فجور عورت قلبي
باسل استانس يوم عرف انها فجر ..بهمس:ممكن اكلمها
فرح انصدمت:نعم!!
باسل يقعد يمها وبترجي:بس بسلم عليها
فرح تحط ميوت علشان ما تسمع فجر:لا انت ينيت... وين قاعدين باسل!!!
باسل :انزين حطي سبيكر بس اسمع صوتها
فرح:شراح تستفيد بالله؟!!!
باسل يبتسم لها:اني املي قلبي الولهان
فرح ترفع حاجب:ترا اللي تسويه غلط...ولا تطلب المستحيل
باسل قام واهو معصب:مالج فايده..اخت عالفاضي

فرح ردت لفجر واهي تضحك على شكله:ههههههههههههه
فجر مستغربه:شفيج توج تبجين؟
فرح ما تعرف تخش عنها شي:ماكو بسول وخباله
فجر فز قلبها(وينه ولهت عليه)تلقائيا:شفيه؟
فرح :كان يبي يكلمج وقلت له لأ؟
فجر(يا قلبي حتى انا ابي اكلمه):نعم!!
فرح تهديها:قلت لج فجور قلت له لأ ولا يفكر بعد
فجر(ليشش يا فرووح ابي اسمع صوته):زين سويتي..وين قاعدين احنا !!! ليكون على باله وحده من اللي يكلمهم
فرح خافت تزعل:لااا فجور اهو يدري انج مو من هالنوع ما قصد هالشي
فجر(يااا قلبي عليه):حصل خير
فرح تغير الموضوع:اييه شكنا نسولف عنه.؟
فجر:اقولج عن طلال
فرح:اييه وبيتعالج؟
فجر:للحين بغيبوبه
فرح ردت تصيح:يااا حرااااااام
فجر تمللت:لوعتي جبدي انتي من مساع يا حراام ويا حراام وتقعدين تتبججين
فرح:مو شسوي عور قلبي
فجر:عيل حلا مسكينه شتقول!!!
فرح:الله يعينها..انزين فجور قومي لبسي وتعاليلي اللحين
فجر تشوف الساعه:من صجج اللحين 3 فشله احنا موعدنا 5 العصر
فرح:ما في احد ..باسل طلع وامي زايره عند اختي وابوي نايم بيقعد لصلاة العصر وبيروح عند عمي ...يعني محد غيري بالبيت
فجر:اممم
فرح تقاطعها:مو بكيفج يالله انطرج
فجر:اوكي اللبس واييج


سكرت منها فرح....الا صوت باسل ورا راسها...

باسل :شعندها فجوره؟!
فرح تعودت عليه:ابد ..اخو مرة اخوها مسوي حادث
باسل استيعابه بطيء بهالسوالف:لحظه علي فروح شوي شوي خليني استوعب...امم اخوها متزوج ..مرته عندها اخو... هالاخو اهو اللي مسوي حادث صح؟!
فرح:هههههههههههههههههههههههههه سم الله عليك شاطر صدتها والله هههههههه قل اعوذ برب الفلق من عين الحساد هههههههه
باسل:تطنزين علي فرحووو؟
فرح:هههههه اسمح لي اخوي استيعابك بطيء ساعات هههههههه استغرب شلون كنت علمي ههههههه لا محاسبه بعد تخصصك هههه يعني لازم تركيزك يكون ميه الميه ههههههههههه
باسل يخزها:فرحوووووووووو
فرح:ههههههه خلاص بسكت ههه
باسل يقعد يمها وبضيق واضح:يعني الوقت ما يسمح لامي تكلم امها ؟!
فرح مو مستوعبه علبالها يقص عليها:يعني انت من صجك؟!!
باسل:انتي شفيج مو مصدقتني لهالدرجه طايح من عينج ؟ مو كفو زواج؟!
فرح:لا محشوم باسل...بس يعني انت عارف الزواج مسؤوليه وحركاتك للحين شباب
باسل بصدق:فرح احلف لج بشنو أن كل حركاتي تركتها!!
فرح تشوف الصدق بعيونه ..ابتسمت له:ماراح تلاقي احسن منها
باسل بابتسامه عريضه:احبها فروووح
فرح:ههههههههه لحقو يا ناس بسووول اخوي حب ههههه
باسل يكفخها بجتفه طاحت عالارض:مالت عليج اشرها علي انا اللي اقولج
فرح تمسح على ركبها:يحمااااار عورتني
باسل يطلع من الغرفه:احسن تستاهلين
مستشفى الرازي

من عرفت عنه واهي للحين على هالحال....تروح قليل لحلا وبعدها ترجع له بعذر انها تعبانه وبترد البيت ترتاح...

نوال مقطعه نفسها من الصياح:آآآآآآآه على شبابك يا طلال آآآآآآه عليك يا ولدي
مشعل يهديها:خلاص يا نوال هذا قضاء الله ما يصير تعترضين
نهى:كافي يا نوال لازم تصيرين اقوى علشانه
نوال تبجي:كيف تبغوني اكون اقوى...وانتو شفتوه بعينكم محترق كله ..آآآآآه ورجله اليمين شبيسوي اذا عرف انهم ابتروها ..آآآآآآآه يا طلال
فيصل:يا عمتي ما يصير اللي تسوينه بنفسج ...ان شاء الله كل شي وله حل


دخلت شذى وام شذى بهاللحظه وسلمو عليهم وقعدو حول طلال المرمي عالسرير للحين بغيبوبه ما صحى الحادث كان بناحيته اهو...السياره جهته صارت تحت الشاحنه وشب فيه البنزين وشذى ما حاشها شي ولا كأنها بالحادث مجرد اصابات بسيطه رضات بيدها وريلها ورقبتها...اما طلال احترق جسمه ويهه كله ويوم وصلو الاسعاف والمطافي علشان ينقذونه اضطرو يسحبونه من مكانه وكانت السياره مفقوصه على ريله اضطرو يبترونها علشان ينقذونه قبل لا يموت...هالشي ادى لبتر ريله اليمين والتواء بالحوض وتشوهات كبيره بجسمه...باختصار انسان ثاني غير عن طلال الوسيم الجميل...


ام شذى تسلم على نوال:السلام عليكم
نوال تمسح دموعها:وعليكم السلام
شذى تسلم :شلونج خالتي؟
نوال من غير نفس:الحمدالله على كل حال
ام شذى تقعد:كيف حالج يا ام فيصل؟
نهى:الحمدالله بخير
ام شذى :كيف حالكم شباب؟
فيصل ومشعل:الحمدالله

طلعو فيصل ومشعل وقفو بره وخلو الحريم براحتهم داخل...شذى قاعده يمه عالسرير وماسكه يده واهي تحاول تتحاشى نظراتها له لان شكله مأرف(يا ربي ليكون بيتم على طول جذي شلون بستحمل شكله ..وبعد عاجز لا بالله خوش حياة بتصير)

قطعت تفكيرها نهى:شلون ظهرج اللحين؟
شذى بدلع:الحمدالله...بس احس خالتي بألم بسيط
نوال وعينها على ولدها ودموعها ما وقفت:...
ام شذى بتمثيل:بيقوم بالسلامه أن شاء الله كافي يا نوال
نوال تناظرها اهي وبنتها :كيف صار الحادث يا شذى؟! كيف ما انتبه طلال للشاحنه؟!
شذى تبلع ريجها:مادري خالتي فجأه صار الحادث
نوال:طلال ولدي اعرفه طول عمره واهو منتبه على الشارع ما يفقد سيطرته إلا اذا كان معصب
شذى انقهرت:شقصدج خالتي انا السبب بعد؟
نوال :ربي العالم
شذى بعصبيه خفيفه:يعني انا مينونه علشان اتمنى لريلي هالحاله اللي اهو فيها( تأشر عليه باصبعها) مادري كيف بعيش وياه واهو بهالحال!!!
نوال ونهى انصدمو من كلامها :!!!!!!!!!!!!!!
شذى اشهقت ما عرفت شلون قالت هالكلام اللي بقلبها:...
ام شذى(حسبي الله عليج)ترقع الموقف:بيقوم بالسلامه يا شذى
شذى ما لقت حل غير البجي والتمثيل رمت راسها على صدر طلال:ما اقدر يا يما اشوفه جذي مادري شبيصير فيني من بعده
ام شذى تكمل التمثيليه وتحط يدها على راسها:كافي يا يمه صياح كافي طول ما كنتي بالبيت بس تصيحين
نوال تناظر نهى باستهزاء بالتمثيليه اللي جدامها..وقفت:انا بروح اصلي العصر
نهى مالها خلق تجابلهم:وانا بعد ما صليت
شذى بدلع:انا بتم عند حبيبي بصلي عنده
شافتها نوال بنظره وطلعت ونهى لحقتها:......

التفت عليها ام شذى وطقتها على جتفها:انتي هبله !! شلون تقولين جذي جدامهم!!
شذى بندم:مادري شلون طلعت مني يما عفويه
ام شذى عصبت:انتي اكيد مو صاحيه كنتي بتفضحينا
شذى تشوف طلال بأرف:يما شسوي اذا ما تعالج ماراح اقدر اعيش وياه واهو بهالحال..
ام شذى:مو هذا طلال اللي بعتي شرفج علشانه!! مو هذا حبيبج !! كيف بتتخلين عنه وتخلينه لحلا!!؟
شذى بغرور:انا ما اقدر اعيش مع واحد عاجز وغير هذا محترق مشوه ....يما مشوه جسمه كله شلون تبيني اناظره يوميا ما اقدر...مو لأنى احبه ارضى اعيش معه بهالحاله
ام شذى استغربت من كلامها:شقصدج؟
شذى تبتعد عنه وتقعد على الكرسي جنب امها:اللي اقصده اذا ما تشافى بطلب الطلاق
ام شذى انصدمت:طلااق!!!
شذى:عيل تبيني يما اعيش وياه واهو جذي انا لي خلق اعابل فيه بالقومه والقعده ..وغير هذا اكيد بنحرم من السفرات والطلعات لانه واحد عاجز ماله اهميه بالحياة..وما اقدر امشي يمه بالسوق واهو جذي اكيد الكل بيعيب عليه (تعدل شعرها بكبرياء) وبعدين انا توني صغيره وبشبابي الف واحد يتمناني...ليش ادفن جمالي مع واحد مثله
ام شذى مو مستوعبه اللي سمعته:انتي اكيد تتغشمرين!!!
شذى بجد:يما انا اتكلم من صجي..اذا ماله علاج بتطلق منه وخل حلوووي اهي اللي تستحمله انا مو ملزومه بواحد عاله علي طول حياتي
ام شذى:اقول سكتي بس لا يسمعج احد
شذى وقفت:افففف يما لاعت جبدي من مجابل شكله يخرع اخاف احلم فيه بليل...انا بروح بتيين وياي؟
ام شذى مو مصدقه تصرفاتها وقفت يمها:يالمينونه وين تروحين اذا قعد ريلج وما لقاج يمه؟
شذى:دقي علي واييله....
ام شذى:اقول قعدي خالتج اللحين بترد
شذى بعناد:يما ماني قادره استحمل شكله...نفسيتي وايد تعبانه بطلع اغير جو اذا تبين تيين معاي حياج
ام شذى انقهرت:انتي شكلج ناسيه اذا تطلقتي ابوج شنو ردت فعله بتكون!!؟
شذى تبتسم لها:كلام يما ما يقدر يطردني من البيت
ام شذى:ههه بلاج ما عرفتي ابوج اظن شفتي أن سواها وبيسويها
شذى بخوف:يما ليش تقولين جذي؟
ام شذى تقرب منها:علشان ما تحطين في بالج الطلاق وطلال لازم تتمين وياه طول عمرج
شذى ناظرته وبعدها هزت راسها بشكل جنوني:لاااا لااا ويييع لااا اعيش وياه جذي ما اقدر اجابل شكله جذي إلا اذا تعالج...

طلعت من الغرفه وامها للحين منصدمه من الكلام اللي سمعته منها ((معقوله تطلعين بهالحقاره يا شذى ..بعد كل اللي سواه لج طلال !!!)) ..بس طلعت بره وقالت تلحق بنتها تعقلها قبل لا تخرب كل شي سووه ....

ضرب يده بالسرير بقوه...فتح عيونه ودموعه تنزل على خده بغزاره..دموع القهر والظلم اللي يحس انه ظلم فيه اغلى انسانه على قلبه ..انسانه كانت تغليه وعطته كل شي...هدته قلبها وروحها وضحت بصحتها علشانه ...واهو شنو جزاها فيه!!!

سبب لها كل انواع االالم والمعاناة ..الدموع صارت ما تفارقها من عاشرته...حياتها صارت جحيم منه...

واللي اهدى لها قلبه وضحى باهله وحبيبته علشانها باول عقبه بحياتهم تخلت عنه...وبكلام جارح عمره ما توقعه اسمعه منها....

كان فايق من الغيبوبه بس ساكت يسمع كلام اهله ويوم طلعو فضل انه يتم على حاله ويعرف ردت فعل شذى واذا خوفها صج عليه ولا تمثيل...

تمنى الموت ولا يسمع كلامها ...تمنى يرجع الزمن وينسى بلحظه انه فضلها على حلا..شيفيد الندم اللحين...

((تبين الطلاق يا شذوووه ..انا ملوع جبدج!!!...انا عاله عليج!!!...بعد كل اللي سويته لج!! انا بفشلج!!! ..تتخلين عني بهالسهوله!!!...حقيييره ...نذله ....آآآآآآآآآآه يا حلا يا قلبي شلونج اللحين...يا ترا بتتخلين عني مثل ما تخلت عني شذى!!!...ادري لأ ادري...لااااا مو معقوله اصير اناني وارضى لج تعيشين وياي وانا بهالحاله ...اعلمج يا شذى شوفي من بيطلقج..ان ما خليتج تندمين على كل كلمه قلتيها ...على كل دمعه نزلتيها من عين حلا ....آآآآآه يا حلا يا قلبي مكانتي بقلبج تغيرت ولا للحين!!! لاا يا طلال ما يصير ترضاها لها تعيش وياك وانت مشوه.. (نزل يده لريله ودموعه تنزل بغزاره تذكر كلمة شذى يوم قالت عاجز) لاااااااااااا من غير ريل لاااااا ريلي ريلي ...كله منج كله منج يا شذوووووووووه اكرهج انتي سبب كل شي انتي دمرتي حياتي انتي انتي))




كل هذا فكر فيه بدقايق بعدها راح بغيبوبه مره ثانيه...
وتمنى انه ما صحى بلحظه وسمع اللي سمعه....




بيت جاسم



حلا رجعت من المستشفى خذت لها دوش...كلت لها شي خفيف عالعشا ...صعدت لغرفتها بالدور الارضي منسدحه عالسرير وناصر نايم جنبها....

نوال كانت عند طلال بتنام عنده.... وحلا كانت تظن انها بغرفتها فوق نايمه...

امامه وصلت ويا فيصل سلمو على مشعل...بعدها استاذنت منهم امامه ودخلت لحلا بالغرفه وكلوها بمهمه انها اهي لتقول لها عن طلال...

مشعل يناظر امامه واهي تبتعد:اهي اللي بتقولها!!
فيصل :اييه
مشعل يرجع راسه لوره:متخيل فيصل أن طلال عاجز ...وفوق هذا مشوه !!
فيصل كسر خاطره شكل مشعل من صار الحادث ما نام:ربك كاتب يا مشعل والطب تطور أن شاء الله له علاج
مشعل يحس بندم:تصدق فصول..احس اني انا السبب بالحادث
فيصل انصدم:ليش تقول جذي؟!
مشعل بحزن:انا سمعته كلام جارح ...واهو ما كان مصدق أن حلا ولدت واهو مو يمها... علشان جذي سرع
فيصل يطبطب بيده على جتفه:هذا قضاء ربك يا مشعل..سواء انت اللي اتصلت ولا انا...ان شاء الله يكون تخفيف ذنوب له
مشعل يبتسم له:الله يسمع منك..
فيصل يبادله الابتسامه:وانت بتنام اهني؟.!
مشعل يناظر غرفة حلا من بعيد:اييه صعب علي اخلي حلا بالبيت بروحها ترا اهي تظن أن نوال نايمه فوق بغرفتها
فيصل يحاتي ردت فعلها:الله يعينها أن درت
مشعل هالشي شاغل تفكيره طول الوقت:الله يستر


امامه تطق الباب وتفتحه وطلع بس راسها:نايمه؟!
حلا تبتسم لها:لا حبيبتي تعالي
امامه تقعد يمها عالسرير وتشيل ناصر:فديته يهبل
حلا:ميمي تكفين لا تقعدينه زين منه نام
امامه تبوسه:ما عليه اذا مزعجج اخذه عندي
حلا:هالشي تنسينه ما اقدر استغنى عنه

سكتو لثواني ...امامه حست بصمتها والحزن الباين بعيونها ..كانت عيونها على ناصر ولدها بس باين فكرها لبعييييييييييد اكيد عند طلااال....

امامه قطعت صمتها:حلووي
حلا نزلت دمعه من عينها:معقوله ميمي ما يبغى يسأل عني ولا عن ولده!!!
امامه بلعت ريجها:حلا لا تقولين جذي..صدقيني طلال لو يدري جان يالج
حلا بصوت عالي :لا تبررين له ميمي...قولي انه عرف بس لا انا ولا ولده هامينه
امامه دمعت عينها:صدقيني حلووي طلال ما يدري صدقيني
حلا خافت من شكلها قربت منها:ميمي صاير شي؟
امامه بلعت ريجها تبي تهدي علشان تقولها:.....
حلا تهزها:ميمي تكلمي طلال فيه شي!!!
امامه عينها عالارض:طلال سوا حادث
حلا شهقت:لاااااا
امامه:الحادث صار بنفس يوم ولادتج
حلا تصيح:...........
امامه تهديها هذا واهي للحين ما قالت لها شي:حلوي حبيبتي اهو بخير اللحين
حلا تبجي:علشان جذي ما سأل عني...انا ظلمته توقعته ما يبي يشوفني ولا يشوف ولده..طلع مسوي حادث!!!
امامه :اهو اللحين بخير لا تسوين بعمرج جذي
حلا تمسك يدها:بليييز ميمي وديني حقه ابي اشوفه
امامه خايفه من ردت فعلها:حلووي طلال طلال
حلا بخوف:شفيييه!!
امامه مو عارفه تبدي من وين:..........
حلا تهزها بهستيريا:قولي لي طلال شفيه..ميمي بليييز تكلمي؟!!!
امامه دمعت عينها:طلال محترق
حلا شهقت وحطت يدها على حلجها:لااااااااااااااااا
امامه تصيح:كله يا حلا كله محترق...طلال تشوه
حلا:لااااااااااااااا يا ربي لااااااااااا
امامه تكمل عليها الصدمه:ومبتوره ريله اليمين
حلا انصدمت:!!!!!!!!!!!!!!!!!!!!!!!!!!!!!!!!!
امامه واهي تصيح وتذكر شكله:والتواء بحوضه
حلا تهزها بهستيريا:امووووم قولي كل هذا جذب..قولي أن طلال ما فيه شي
امامه تلمها :ادعي له يا حلوووي كافي صدمته اذا عرف
حلا تبتعد عنها ودموعها ماليه ويها:ميمي انتي فاهمه شقاعد تقولين!!!..انتي عارفه طلال اهم ما عليه شكله وجسمه كيف احترق كيف!!
امامه:ربج كاتب له هالشي
حلا تصارخ :انتي جذااااااااابه قاعد تقصين علي
امامه متفهمه وضعها:حلووي حبيبتي اهدي
حلا تصارخ وناصر فز من نومه يصيح:لاااااا ميمي لاااااا قولي له ماراح ازعل عليه..قولي له اني مسامحته مو إلا ايجيني بس لا يصير فيه شي...فيني ولا فيه اموووم
امامه حضنتها:يا قلبي يا حلوووي لهالدرجه تحبينه

تمت متمسكه بأمامه تصيح...فيصل ومشعل سمعو صراخها مشعل ما قدر يستحمل طلع بره وفيصل الحقه...عدت ربع ساعه حلا شوي شوي صياحها بدا يهدي ...ابتعدت عن امامه ... و رمت نفسها على القنفه

:واهو شلووونه اللحين
امامه:للحين بغيبوبه ما يدري عن شي
حلا ردت تصيح :ميمي وديني حقه وديني
امامه تشوف الساعه:ما في زياره اللحين ... الصبح أن شاء الله نروح له
حلا:شيصبرني ليه الصبح ...ليه ما قلتي لي من قبل ميمي؟
امامه:ما كنا نقدر نقولج وانتي توج والده
حلا ترد تلم امامه وتصيح:ابي اشوفه ميمي ابي اشوفه
امامه تهديها:بتشوفينه أن شاء الله ..انتي اهدي بس اللحين اهو محتاج لج
مطعم فرايديز عالبحر

متيمعه ويا رفيجاتها عالعشى ولابسه وكاشخه ومتمكيجه ولا هامها شي....زهقت من المستشفى يومين... و ملت من شكل طلال واهي مجابلته !!! ((شلون بتستحمله طول العمر!!!))

شذى:ههههههههههههههههه بس كافي امون ههههه
ايمان:ههه والله بعد هذا اللي صار هههههههههههه
نور تناظرهم مو عاجبها وضع شذى تدري عن زوجها:اقول شذى
شذى ما ترتاح لنور لانها مثاليه وايد:هلا
نور:مو كأن زوجج بالعنايه ؟!
شذى بغرور:ويعني؟!
نور:اظن من الواجب تكونين يمه هالوقت!!
شذى عطتها نظره:مو انتي اللي تعلميني الواجب...وبعدين من حقي استانس تبيني اندثر وياه!!!
ايمان:إلا اقول شذووي صج اللي سمعته؟
شذى بخوف ليكون بتسأل عن حالة طلال:شسمعتي بعد؟!
ايمان بمكر:يقولون أن طلال تشوه وابترو ريوله؟! صج هالكلام؟!
شذى تخسبقت:من قالج هالحجي؟!
ايمان:سمعت من البنات
شذى:اييه عادي بيتعالج
ايمان:وييه يعني صج!! واذا ما تعالج ؟
شذى تمثل :افديه طول حياتي ...ما اقدر اعيش من غيره
ايمان:وييييع مشوه شلون تستحملين شكله
نور انصدمت:ايمان شالكلام !!! هذا بدل لا تأيدينها ؟!
شذى(هذا اللي احاتيه يا امون) كملت تمثيلها:الله يهديج امون شالكلام
ايمان ترفع حاجب عارفه شذى عدل:دامج لهالدرجه تحبينه ليش مخليته بروحه وقاعده ويانا!!!
شذى وقفت متنرفزه منهم:انتو مو كفو احد يطلع وياكم
نور تمسكها من يدها:قعدي يا شذى ما يسوى اللي تسوينه
شذى انقهرت منها:انتي مالج شغل فيني
ايمان:خلاص شذووي حقج علي قعدي

قعدت شذى ...الا يرن موبايلها....

شذى:هلا يمه
ام شذى:وينج فيه؟!
شذى:طالعه يمه ويا رفيجاتي نتعشى خير صاير شي؟!
ام شذى انصدمت توقعتها بالمستشفى عند طلال:انتي مينونه!!
شذى ملت:واااي يمه ترا مو ناقصتج انتي بعد ..
ام شذى:وربي لخلقني يا شذووه اذا ما رحتي المستشفى عند خالتج اللحين يا ويلج...
شذى:اففففف شويديني شالفايده!!!
ام شذى:الفايده أن هذا ريلج ..وقبل لا تروحين تعالي البيت غيري لبسج ادري فيج لابسه ومتمكيجه اكيد
شذى بعناد:مالي خلق ارجع البيت ..يالله يمديني اروح امر عليهم شوي واطلع
ام شذى عيزت واهي تفهم فيها:المفروض تنامين عنده
شذى وقفت وبصوت عالي من غير لا تحس:نعم نعم يمه تبيني انا انام على سرير مستشفيات!!!
ام شذى:انا بعرف شي واحد..وين حبج له؟!
شذى تقعد بعد ما أشرت لها ايمان تقصر صوتها:موجود يمه بس هالشي ماله دخل فيه
ام شذى ملت ..ما ينفع وياها الكلام:المهم مسحي مكياجج عالاقل مو تدخلين عليهم بمكياج
شذى:أن شاء الله اوامر ثانيه؟
ام شذى معصبه على اسلوبها ما تقدر احد:اللحين تحركي...
شذى:انزين انزين

سكرته بويها ام شذى...

شذى :انا بروح بنات؟
ايمان تبتسم بمكر لان كلام شذى ويا امها بين أن كل اللي سوته لهم تمثيل:اييه الله يعينج

شذى عرفت معنى نظرتها وابتسامتها خلتهم وراحت من غير لا تقول مع السلامه

ايمان:ههههههههههه
نور:مالا داعي تقولين كل هالكلام!!
ايمان تمد يدها للاكل:اقول اكلي فكينا ترا هذي اخير وحده افكر انها ممكن تضحي بحياتها لشخص حتى لو كانت امها
نور انصدمت:معقوله حتى طلال!!
ايمان:ههههههههه اقولج حتى لو امها تقولين لي طلال ههه اقول اكلي بس ههههههههه
المستشفى

نوال نايمه عالكرسي جنب طلال....

دخلت شذى الغرفه ...فزت نوال من نومها من صوت كعبها...ناظرتها باحتقار من لبسها وبقايا المكياج الواضحه على ويها...

((صج انج قليلة ادب حتى مو محترمه المكان اللي انتي فيه!!!))

سلمت عليها واهي تحاول تتجنب نظراتها لها...قعدت عالكرسي قبالها بعد ما شافت طلال وحست جبدها ردت تلوع من شكل ويهه المحروق....

.تمت تلعب بموبايلها تبي تلهي عمرها....

نوال باستهزاء:ليش كلفتي على نفسج وجيتي؟!
شذى تبتسم لها:ما عليه خالتي كل شي يهون لعيون طلال
نوال باحتقار:وليه متى بتقعدين؟!
شذى بلعت ريجها (لا تقولي انام عنده مستحيل) تشوف ساعتها بيدها:امم اظن نص ساعه بالكثير علشان ما يتاخر الوقت (تحط يدها ورا ظهرها) الالم زايد علي اليوم
نوال(حسبي الله عليج جذااابه):اييه على خير أن شاء الله

ردت تلعب بموبايلها وضغطها على الكيبورد يزيد يخفف من ارتباكها من نظرات نوال لها...



طلال كان يحس بالم ...كان يتحرك بالسرير...كان حلمان بحلا تعاتبه واهي تصيح وعيونها حمر...يوم قرب منها يبي يحضنها اختفت عنه...تم ينادي عليها حلااا !! لحظه حلا!!

فز من نومه مخترع:حلااااااااااااااااااااااااااااااااااااا
نوال بفرح:طلااااااال انت صحيت !!
طلال:حلااااااا وين حلاااااااا ..ولدي حلااااااا وينهم ؟!!
نوال قربت منه:سم الله عليك.. بخير هم بخير
طلال مسك يد امه يترجاها:ابي حلا يما وين حلا؟!
شذى نقزت من مكانها وبدلع مسكت يده المتشوها:حمدالله على سلامتك حبيبي
طلال كان بيصرخ بويها يسمعها كلام يدل على مكانتها بس ما يبي يخرب خطته:الله يسلمج (التفت على امه) يما حلا ولدت؟
نوال تبتسم له:يالك ولد يا طلال
طلال ابتسم بس صرخ من الالم لان ويهه كله شاد صعب يتكلم او يبتسم:آآآه

شذى لاعت جبدها من شكله ...ابتعدت عنه وقعدت على الكرسي بدل نوال اللي وقفت....

نوال تخفف عليه:لا تتكلم يمه انا فاهمه شبتقول..حلا ولدت بالسلامه ويابت ناصر واهي اللحين بالبيت...اليوم امامه بتقولها وان شاء الله بتجيلك باجر الصبح

طلال دمعت عينه محد فاهمه ما يبي احد يقولها ما يبيها تجي وتتعذب واهي تشوفه ما يبغى يحس انه ما يلجأ لها إلا بوقت حاجته لها واهي يوم كانت محتاجته ما فكر حتى يضحي ويتم يمها

طلال يحاول ينطق بصعوبه:يما ما ابي
نوال تسكته:اوششش الطبيب قال الكلام مو زين لك
طلال(لااااااااااا تجي تكفون ما ابغيها تشوفني وانا بهالحاله )):.......
شذى وقفت... و يدها خلف ظهرها وملامح الم على ويها:انا استأذن اللحين احس بتعب زين مني اقدر اسوق
نوال تناظرها بنص عين:مع السلامه
شذى تحاول تحط عينها بعين طلال كان الجلد حولها كله محترق:..اييلك باجر أن شاء الله ...باي حبيبي
طلال وده لو يصفعها:باي


نوال مسكت يده:حمدالله على سلامتك يمه
طلال بصعوبه تكلم:الله يسلمج
نوال الفرح باين من عينها:اروح انادي لك الدكتور
طلال يمسكها قبل لا تمشي:يما
نوال :خير
طلال دمعت عينه:شلون حلا؟
نوال تطمنه:بخير لا تحاتي باجر بتشوفها
طلال يتجاهل الالم واهو يتكلم:ما ابغى اشوفها
نوال انصدمت:شنو!!!
طلال عكس الشوق اللي بقلبه:قلت لج يما ما ابيها تجي عندي
نوال عصبت:انت الظاهر مو صاحي!!!
طلال(محد بيفهمني ):ارجوج يمه بلغيها ما ابيها تجي عندي
نوال عصبت:انت شلون تفكر!!! اللحين بدل لا تغير اسلوبك معاها وتعرف الفرق بينها وبين مرتك الثانيه ..تعاملها بهالطريقه!!!
طلال بينهي الموضوع:ما عليج امر يمه نادي الدكتور

نوال عصبت وطلعت من عنده....

بيت فرح


غرفة فرح

فجر تلم اغراضها:خلاص فروح لازم امشي اللحين الوقت تأخر
فرح :عيل متى نخلص البحث؟
فجر :خليها وقت ثاني
فرح تبتسم لها واهي تشتغل عالابتوب:اوكي
فجر:يالله ..سي يو
فرح ترفع عينها لها:لازم اقوم اوصلج ليه تحت ؟
فجر:ههههههه لا شدعوه خليج كملي شغلج انا داله طريجي
فرح:ههه اوكي حبيبتي بباي
فجر:مع السلامه

نزلت فجر للبيت كان ظلمه ..استغربت محد غيرها اهي وفرح بالبيت توهم كانو بالصاله من سكر الليتات ..((اييه اكيد الخدامه...يا ربي وين الباب ما يبين شي))

دعمت بطاوله بطريجها ..وطاحت المزهريه عالارض على ريولها وطلع الصوت قوي....حطت يدها على حلجها وشهقت بصوت عالي ((امبيييييييييييييييييه))

انفتحت الانوار بنفس اللحظه ...التقت عينها بعين الشخص لقبالها واهو يقرب منها وملامح الخوف باينه عليه....

باسل عينه على ريلها:تعورتي!!
فجر تحس بزجاجه دشت ريلها بس ما حبت تقوله:لااا..(نزلت راسها بخجل) آسفه كسرتها
باسل يتاملها:فداج البيت كله
فجر من داخلها استانست اسلوبه بالكلام حلو بس عطته ملامح تعكس هالشي ..ولفت عنه بعصبيه:مع السلامه
باسل حس انها زعلت لحقها واهو يشوف دم ينزف من ريلها:فجر لحظه
فجر توقف من غير لا تلف عليه:.....
باسل يوقف جدامها وياشر على ريلها:ريلج تنزف
فجر شافت ريلها اكره ما عندها الدم ..حطت يدها على حلجها شوي وتبجي:يا ربيي دم
باسل استخف على شكلها:عادي ترا مو نزيف قوي
فجر من غير وعي خذت لها ورقة كلينكس و قعدت عالقنفه تمسحه:اح اح
باسل واقف يشوفها :...........
فجر حست بنظراته تحرقها رفعت عينها له ..وبصوت جاد:باسل ترا حركاتك هذي ما اسمح لك تسويها وياي
باسل انصدم للحين تفكر انه يلعب عليها:ليش تظنين جذي؟
فجر تحاول توقف على ريلها:مو مهم شظن ..لو سمحت انا بنفسي قاعد اكلمك اللحين واقولك انت بسوالفك قاعد تخرب علاقتي انا وفرح اختك
باسل يناظرها كيف تتكلم:......
فجر ترتبك من نظراته نزلت راسها للارض وتحاول تخفي رجفة صوتها:باااسل لو سمحت
باسل قرب منها خطوتين:نعم
فجر ارتبكت اكثر ...خذت اغراضها بيدها وييت بتطلع وقفها صوته...

:انا قلت لفرح متى ما صفت الاجواء عندكم ...تقولي علشان نزوركم
فجر التفتت عليه ورفعت حاجب ما استوعبت كلامه:شنو يعني؟!
باسل ناظر عيونها لمده وقالها بهمس:احبج فجر
فجر(اللي سمعته صج):!!!!!!!!!!!!!!!!!!!!!!!!!

باينه الصدمه عليها ...تركها وصعد لفرح واهو يقول:ديري بالج حبيبتي وانتي تسوقين
فجر (حبيبتي بعد!!!!!!!!!):...........

تمت مصدومه تمشي لسيارتها وبالها ويا باسل اللي اخذ منها عقلها باسلوب كلامه اللي منه ملك قلبها....




بيت جاسم

غرفة مشعل

مو قادر ينام يتقلب بسريره يفكر ...

((اللحين قراري بزواجي من انفال صح !!! راح اقدر اسعدها وياي !!! ))

لف للجهه الثانيه وغمض عينه بحسره...

((لو كنت مصارحج حور من البدايه جان حياتي كلها تغيرت ....انا ليش ما حطيت امل بالعلاج ليش فقدت الامل بكل شي ليش !!))

فتح عيونه وتم يناظر الباب قباله

((لو رفضتني انفال اذا عرفت اني ما اجيب عيال!! خلاااص راح اشيل فكرة الزواج من بالي....اللي مثلي طول عمرهم يبقون عزابيه ...))

مر طيف انفال في باله ...هز راسه يبي يبعدها عن باله ما يبي ينصدم مره ثانيه...

تمت الافكار تاخذه يمين ويسار لين ما حس بنفسه وغفى ونام ......

بيت فيصل

قعدت نهى من النوم...غسلت وصلت ..غيرت لبسها ونزلت تزهب لهم الريوق....الا تليفون البيت يرن..

نهى:الو
نوال:صباح الخير يا ام فيصل
نهى:صباح النور هلا والله بام طلال..طمنيني عنج؟
نوال بفرحه:الحمدالله يا نهى طلال صحى
نهى:صج..مبروووووك مبرووووك الحمدالله على سلامته
نوال:الله يسلمج ما تقصرين
نهى:وشلونه اللحين؟
نوال:والله الدكتور داخل عنده يكشف عليه
نهى:أن شاء الله خير
نوال:الله يسمع منج
نهى:احنا أن شاء الله شوي ونييكم
نوال:انتظركم
نهى:تامريني على شي اييبه وياي؟
نوال:سلامتج ما تقصرين يا ام فيصل
نهى:الله يسلمج
نوال:مع السلامه



غرفة انفال

فيصل رد فاتح انفال بموضوع مشعل ...علشان تفكر فيه

فيصل:انا مأجل الموضوع علشان حالة طلال ما تسمح نتكلم فيه
انفال بخوف:فيصل انت عمرك ما اجبرتني على شي
فيصل يبتسم لها:ولا راح اجبرج بس هالشي فيه مصلحتج ومشعل ماراح تلاقين مثله
انفال (ما تبي تقوله عن فواز تبيها مفاجأه):عطني فرصه افكر بس مو اكيد
فيصل يبوس راسها:الله يوفقج..والله اني اتمنى مشعل يكون لج
انفال بحيا:الله يكتب اللي فيه الخير

دخلت عليهم فجر...

فجر:يالله بنمشي
فيصل:امومه نزلت
فجر تقلده:اييه امومه نزلت
فيصل:ههههه ليش تغارون منها؟
فجر تمشي بغرور:ما اغار منها
فيصل:ههههه اييه باين باين
انفال تضربه على جتفه:اقول فصول يالله جدامي
فيصل يمثل الخوف:أن شاءالله ماما


نزلو لقو نهى وامامه قاعدين ينطرونهم...نهى قالت لامامه أن طلال صحى بس ما قالت للباجي...

امامه تروح لفيصل:حبيبي عندي لك خبر
فيصل يحوطها من خصرها :قولي حياتي
فجر تكح:احم احم نحن هنا
نهى:هههههههه تقولين يا امامه ولا انا اقول
امامه:لا خالتي انا بقول
فجر تبي تحرها:لا يمه انتي قولي ما افهم عليها
فيصل:ههههه
امامه بصوت واطي:تضحك ها!!
فيصل يناظرها :قولي حياتي
امامه ابتعدت عنه وقعدت يم نهى:ماراح اقول
انفال:ولييييييييييه وقته دلع اللحين
امامه تشوفها بحمق:دلع بعينج
فجر:هههههههههههه عصبت وناسه هههههه
نهى:فجووور عيب عليج
فيصل يقعد يم امامه ويمسك يدها:بس سكتو خل حبيبتي تغرد
امامه تسحب يدها:ماراح اقولك (تلتفت على نهى) خالتي لا نقولهم
فجر تتخصر:والله مو بكيفج...يمه قولي شنو؟
نهى تغمز لامامه:مراح نقول..ويالله خل نمشي تاخرنا على خالتكم
انفال انقهرت:يما ما يصير قولي شنو؟!
نهى توقف:قلت ماراح اقول...يالله عالسياره

وقفت امامه ومشت بغرور...مشى وراها فيصل وهمس لها:فديت مشية الغزال
امامه بغرور:ماراح اغير رايي بهالكلام
انفال سمعتهم:ههههههههه فاهمتك حدها
فيصل تحبط:افا امومه خليتي نفول تعيب علي
امامه ركبت السياره وقعدت ورا علشان نهى تقعد جدام:اخذي راحتج نفوله
فجر:هههههههههههههههه تعجبني اموم أن كانت معصبه
امامه تبيى تقهرها:حبيبي فصولي اللحين بدز لك مسج اقولك شنو الخبر
فيصل طار من الوناسه:فديتج والله
نهى ركبت وسكرت الباب:بسم الله مشينا

شوي إلا يوصل المسج لفيصل ..تشقق يوم سمع صوت المسج بس انصدم يو افتحه....
((اقول بس لا تشق الضحكه وايد وركز بالسواقه حريمتك اقولك بس كنت بحر فجور ..خليك مبتسم علشان ما تحس بشي ولا مافي حلاوه اليوم))
رفع عينه لها من المنظره ..غمزت له ..رد غمز لها وعطاها نظره حرقتها ولع ويها ...

فجرتشوف نظراتهم لبعض احترت:فيصل شنو الخبر؟!
فيصل يمشي المسرحيه:مالج شغل
انفال:فشلج...هههههه مو حلوه اللقافه
فجر بوزت:مالت عليكم
نهى:ههههههه خلاص فجوره نروح المستشفى وتشوفينها بنفسج
فيصل التفت لامه:ليش يما شصاير؟
نهى استغربت:ما قالت لك امامه؟
فيصل ناظر امامه بالمنظره وكانت معصبه لا يفضحهم :ها اييه امبلى بس اطفر فجوور
امامه بدلع:فصولي عل على المكيف حر
فجر منقهره منها:لا تعلي زين جذي..انا مريضه مو زين لي
فيصل (لهالدرجه تغارين):شلون اللحين؟
فجر بغرور:لا تعلي عليه
امامه تعاند:وشلون يعني انا حرااانه
انفال:بس عاد من صجكم انتو صايرين لي يهال
نهى انهت الموضوع:فيصل عل عليه شوي
فجر انقهرت:يمااااااا
نهى:خلاص يا فجر...الجو حار
فجر كانت صج حرانه بس تبي تعاند امامه:اييه والله تصدقون صار حر
الكل:ههههههههههههههههههههههههههه



بيت جاسم

حلا تعجل بمشعل واهي تنادي عليه من غرفته:يالله يا مشعل
مشعل ينزل من الدري:ما شاء الله عليج يا حلا أول مره اعرف انج حنانه بهالشكل
حلا والدمعه بعينها:لا تلومني
مشعل بحنان:حلا انتي بالنفاس شلون تطلعين؟
حلا:كل شي يهون علشان طلال
مشعل يشوف نصوري بيدها:وهالحلو هذا بتاخذينه معاج؟
حلا تلمه لعندها:اكيد
مشعل ابتسم لها يأشر بيده :تفضلي يا ام ناصر عالسياره
حلا:ههههه احس اني كبرت 20 سنه جدام أن ناديتني جذي
مشعل:هههههههههههههه
بيت حور

بعد ما تريقو خلصو....بو حور راح الدوام ..واليهال للمدرسه...وتمو حصه وحور بالصاله يسولفون...

حصه تبتسم لها:إلا اقول حور؟
حور:هلا خالتي
حصه:ما جنه رفيجتج شذى مالها حس من مده؟!؟!!
حور بحزن:اييه
حصه حست فيها شي:خير عسى ما شر؟
حور وهالذكرى تحرق قلبها:اخير مره شفتها بالعزا ويوم ييتني عقب بالبيت وانا حالتي ما كانت تسمح لي افكر بشي وصرخت عليها
حصه يومها كانت بغرفتها بس تسمع صراخ حور:ما عليه يا حور اكيد عاذرتج
حور مسحت دمعه من عينها لان رفيجتها تخلت عنها بوقت اهي كانت تحتاجها بشكل كبير:خليها على الله خالتي
حصه تعرف علاقتهم شلون قويه ويا بعض وحور ما تشكي إلا لشذى:ليش يا يمه ما تصيرين انتي الاحسن وتبادرين؟!
حور بضيق:اللي باعني ابيعه
حصه تصبرها:ما تدرين شنو ظروفها يا بنيتي ...هذي شذى اختج ورفيجتج لا تخلون موقف بلحظة غضب يخرب علاقتكم وكل اللي بينكم

تمت ساكته مده تفكر حست انها محتاجه لها الوحيده اللي تشكي لها اهي ...اهي اللي تفهمها بضيقها وفرحها خذت موبايلها ودقت عليها....نوال ابتسمت لها وراحت تشوف شتطبخ للغدا علشان تاخذ راحتها بالكلام وياها....


شذى كانت ويا امها مو عارفين شيسوون ...وصل لهم خبر ان حلا بتزور طلال اليوم....

شذى بقهر:اففففف اكيد اللحين بيستانس يايبتله ناصر
ام شذى:مو قلت لج خليج عنده اهو محتاج لج
شذى :واااااي يما شفيج تسوين نفسج ما شفتي شكله...يلوع الجبد يخرع شلون تبيني انام وياه بغرفه وحده!!!
ام شذى:لا عيل خلي حلا تاخذه منج
شذى بغرور:مو بكيفها..انا بيدي اقرر هالشي
ام شذى تماشيها:ما شاء الله عليج ..عفيه على بنتي الشطوره وشناويه عليه يا حلوه؟
شذى انقهرت لانها تتطتز عليها:قلت لج يما اذا ماله علاج ماراح ارجع له لو شنو
ام شذى قامت من مكانها:انتي الظاهر انخبلتي...سوي اللي تبينه ومالي شغل من ردت فعل ابوج

فرت ويها ...وخذت الريموت وتمت تحوس بالقنوات ...واهي تقرم اظافيرها من الحره...

رن موبايلها انصدمت يوم شافت الرقم ..ما صدقت حور تدق عليها ...حست بهالثانيه انها شكثر اهي حقييره تخلت عن رفيجتها باصعب لحظات حياتها واهي اللي ما قصرت وياها بكل وقت...

شذى بوله:حوووووووووووووووووووووووووووووووور حبيييييييييييييييييييبتي
حور بجت:شذووووووووووووووووووووووووه يحمااااااره ليش جذيييي
شذى صاحت وياها:سوري حووور والله سووووري ادري اني حماره وما استاهل تسامحيني.؟..بس ادري قلبج كبيير
حور تصيح:محتاجتلج شذوووي وربي بحترق بمكاني ماني قادره اتخيل حياتي من غيره..شلون بعيش باجي حياتي بحترق من الوله والشوق له
شذى:يا قلبي عليج يا حور..والله صارت لي ظروف مو بيدي
حور بحزن:هالظروف تنسيج حور يا شذى حور!!!
شذى:ادري يا قلبي غلطانه بس صدقيني ...اذا قلت لج اللي صارلي بتعذريني
حور بخوف:شصاير شذوووه؟
شذى:ما ينفع تليفون ..شرايج نطلع نسولف ونتغدى يميع؟!
حور بغصه شكلها شذى نست انها بالعده..بصوت مملوء دموع:نسيتي شذى اني بالعده شلون اطلع !!
شذى كفخت راسها بيدها من غبائها شلون جرحت رفيحتها ..رقعت الموقف بسرعه:شوفي عاد حووروو اللحين بييلج وبقعد على جبدج وبعدها نطلب غدا شرايج؟.
حور ابتسمت لتغييرها الموضوع نفس كل مره:اوكي حبيبتي انطرج ..ترا خالتي حصه طابخه مطبق سمج اللي تحبينه
شذى انصدمت:خالتج حصه !!!
حور فهمتها ما قدرت ما تضحك من كلامها:ههههه اييه الاول تحول ..تغيرت شذى صارت وحده ثانيه
شذى:لاااااا شكله تطورات قويه ..انا اللحين اللبس واييلج
حور:ههه ناطرتج حبيبتي
شذى ترسل بوسه لها بالتليفون :اووومه...بباي

المستشفى

وصلو مشعل وحلا وكانت نوال قاعده بالكرسي جنب سرير طلال ويدها على خدها ودموعها تنزل....حلا أول ما دخلت طارت لطلال النايم من المخدر اللي عطوه ...وقفت بمكانها قبال السرير ويدها على حلجها ...انصدمت من شكله ما توقعت انه الحادث لهالدرجه ...طلال كله محترق مشوه مو مبينه أي ملامح له غير جلد محروق اسود...((لاااااااااااااااااااااااااااا يا ربيييي شنو هذاااااا )) رفعت عينها لنوال ....نوال تشوف الصدمه باينه عليها ...مشعل يدري الموقف صعب عليها خاف ناصر يطيح من يدها ...اخذه منها وقعد عالكرسي واهو بحضنه.....نوال راحت لحلا لان من صدمتها من شكل طلال شاله حركتها......


نوال تحط يدها على جتفها:حلا حبيبتي ذكري ربج
حلا التفتت عليها واهي تشاهق من البجي:يعني ..طلا..ل ..خالتي ..طلال (التفتت عليه وقربت منه ومسكت يده) ليش ياا..ربي ..استغفر الله ..يا رب صبرني
نوال توقف يمها وعينها على طلال:ابيج اقوى يا حلا اهو محتاج لنا اللحين
مشعل يهديها:البجي ما يفيد يا حلا هالشي مكتوب وصار
حلا:ونعم بالله
مشعل يبتسم لهم:انا بروح للدكتور
نوال بحزن:الدكتور كان عنده الصبح
حلا بخوف:شقال خالتي طمنيني؟
نوال ردت للبجي:الحرق ماله علاج ورجله لازم يوافق على تركيب رجل صناعيه
حلا بامل:اكيد طلال وافق؟!
نوال تصيح بصوت واضح:عيزت منه مو راضي يوافق ..قلت له ممكن في علاج بره للتشوه راافض أي شي
حلا انصدمت:لييييييش!َ!!
مشعل عصب:مو بكيفه يا نوال العناد ما يفيده
نوال:عيزت منه مو براضي..تم يصارخ لين حس بتعب عطوه مخدر ونام
مشعل:لا حوال والله قوة إلا بالله
حلا تشوفه وتصيح:ليش ليشَ!!!
نوال تحس بدوار فضيع :مشعل
مشعل يشوف ويها فجأه ازرق ..حط ناصر عالسرير و قرب منها:خير نوال شفيج؟
نوال تتمسك بالعامود:مادري حسيت بدوخه
حلا تمسك يدها:سم الله عليج خالتي ..اكيد ضغطج..لانج مو ماكله شي
نوال بضعف:كيف تبيني افكر بالاكل وحال ولدي كذا
مشعل يمسكها ويسندها عليه:امشي معي يقيسون ضغطج واشتري لج شي تاكلينه
نوال:لا ماله داعي نهى والعيال جايين بالطريج
حلا:خالتي الله يهديج اهم ما علينا صحتج
مشعل باصرار:يالله نوال جدامي مافي مفر

طلعو نوال ومشعل....حلا قعدت على طرف السرير جنب ريله اليمين المبتوره وناصر سادحته جنبها في مسافه كافيه له...مسكت يد طلال البارده بيدها الدافيه واهي تحاول ادورعلى ملامح حبيبها بين الوجه المحروق اللي جدامها...زاد بجيها يوم جيت عينها على ريله المبتوره...ما قدرت تمسك نفسها حطت راسها على صدره وتمت تصيح.....

طلال فتح عيونه هاللحظه واهو يتمنى يضم حلا لعنده ...بس ما يبي يتراجع على قراره ...لازم يتمسك وما يتراجع ...

(((تكفين حلا ابعدي ....حياااتي ما اقدر الله يخليج وخري عني شتبين فيني مو انا اللي سببت لج كل هالجروح مو انا اللي هدمت لج حياتج وذليتج وفضلت وحده عليج وجذبتج....ليش للحين متمسكه فيني ما استاهل حبج ))

حلا تسمع دقات قلبه تزيد ...حست انه حاس بوجودها...ابتعدت عنه واهي تناظر بملامح ويهه ..طلال أول ما حس انها بتقوم رد غمض عينه بقوه ..وهالشي خلى ملامحه تنشد ..حلا حست انه كان فاتح عيونه ((ليش تعذبني طلال ليش ))

ضغطت على يده اكثر تبيه يحس فيها ...قربت وباسته على خده المشوه ...هالشي ما يهمها ما همها اذا كان محترق او لا كل اللي يهمها أن يكون يمها ما يتخلى عنها....

طلال حس بجسمه انشل من حركتها ((ليش يا حلا تسوين جذي....هذا وانا محترق ...آآآآآه شوفي الفرق بينج وبين شذى...نذل يا طلال نذل شوف اللي جذبتها يايه لعندك وانت اللي تظن انها كانت تتمنى الموت لك..واللي تظن انها بتكون معك على طول تخلت عنك ولا فكرت حتى تمسك يدك.....))

شافت دمعه نزلت من خده عرفت انه صاحي وحاس فيها(( بس ليش ما يبي يفتح عينه!! ..معقوله للحين زعلان علي وما يبي يشوفني!! ...معقوله يظن اني كنت ادري وما ييت له!!))

حلا بصوت اقرب للهمس:حبيبي انت صاحي!!
طلال(كافي يا حلا كافي):........
حلا قربت نفسها وضمته بخفه :حمدالله على سلامتك حبيبي صدقني توني ادري أول ما دريت ييت لك لاني كنت بالمستشفى ..(رفعت عينها له واهو للحين على وضعه)...جبت لك ناصر يا طلال ناصر كاهو عندك



طلال ((تظن اني زعلان عليها...تلوم نفسها أنها ما جيتلي بدل لا تلوومني!!! شلون اعوضج يا حلا ما استاهلج)) :.......
حلا انجرحت (لهالدرجه يا طلال زعلان مني..مو هامك ولدك)

قامت من السرير وخذت ناصر وضمته بقوه واهي تصيح...طلال يسمعها وقلبه يتقطع عليها بس ما يبي يضعف يحس اللي يسويه لمصلحتها ..ما يدري أن هالشي يعذبها ويعذبه ....

ناصر تم يصيح ..حلا نست ترضعه ..سكرت باب الغرفه...وقعدت بالكرسي جنب طلال وتمت ترضعه...
كانت تناظر ناصر كان نسخه من طلال بس ابيض ...نفس الملامح ...

حس بهدوء بعد صياح ناصر فجأه ويوم سمع تسكر الباب ...ظن انها طلعت ...فتح عينه وجيت على حلا قاعده جنبه ترضع ناصر.....تم يتأملها من غير لا اهي تحس......كانت متغيره حييييل الايام اللي طافت وايد مأثره فيها ...ويها ضعفان حيل وهالات سود تحت عينها ..غير هذا أول مره يشوفها هامله نفسها بهالشكل ....

حست بنظرات تخترقها...رفعت راسها تلاقت عينها بعينه..ما صدقت عينها بالاول ...غمضت وردت فتحت وطلال ما تحرك على وضعها يتأملها ...انحرجت من نظراتها بعدت ناصر وعدلت لبسها ....انرسمت ابتسامه على ويها .. ...قعدت جنب طلال عالسرير ..والهدوء بينهم ..نظرات الشوق لكل واحد منهم تكفي من غير كلام...

نطقت مع دمعه حاره نزلت على خدها :حمدالله على سلامتك
طلال حاول يتماسك ويصير اقوى:الله يسلمج
حلا انصدمت من بروده:شلونك اللحين؟
طلال:عايشين

سكتت حلا فجأه ...وطلال يحاول يتغلب على شعوره ويرتب كلامه لا يخرب كل شي

طلال بصعوبه:مبروك ما ياج
حلا ابتسمت له:الله يبارك فيك ...نسخه منك
طلال بلع ريجه:وينه بشوفه؟
حلا استانست راحت جابت له ناصر وحطته بحضنه:بسم الله
طلال مو قادر يعبر عن فرحته ولده جمييل كل شي فيه مسلب ...ملامحه ناعمه ..رفع عينه لحلا ورجعها لولده باسه على خده وحضنه بشده يتخيله حلا يخفف من شوقه لها :كله انتي..يشبهج
حلا :لااا يشبهك انت
طلال باستهزاء:كيف عرفتي اظن ما في ملامح باينه اللحين
حلا دمعت عينها:صورتك في بالي ما تتغير
طلال(لااا تضعف لاا تضعف) مد لها ناصر:صدقيني احسن لج تتغير لا تتم في بالج
حلا انصدمت:!!!!!!!!
طلال يدري هالكلام يجرحها بس هالشي لازم يسويه علشانها:على فكره
حلا تناظره ودموعها على خدها:نعم
طلال (آآه يا قلبي لا تبجين علشاني يا حلا لا تبجين) من ورا قلبه قال: لا تكلفين على عمرج وتجين مره ثانيه ؟
حلا :!!!!!!!!!!!!!
طلال يكمل:ما ابغيج تزوريني خليج ويا ناصر
حلا ما همها كلامه:ليش ما تبغى تتعالج؟
طلال :هالشي يهمني انا بروحي
حلا تجاهلت كل كلامه وقربت منه ومسكت يده المشوه وباستها وحطتها على قلبها:بس انا يهمني حبيبي
طلال(كاااااافي يا حلا وخري عني تكفييين) ناظرها بصمت:........
حلا تمسح على ويهه بنعومه..وبأمل:صدقني العلاج بره احسن..واكيد أن شاء الله لك علاج وبترجع مثل أول أن شاء الله ..كلنا محتاجين لك
طلال دقات قلبه تسارعت من كلامها :انا مو محتاج لحد
حلا :ليش تقول جذي طلال.؟
طلال عصب من محاولتها للحين ما فقدت الامل فيه:حلا هالموضوع ما ابيج تتكلمين فيه مره ثانيه ..علاج ماراح اعالج واذا مو عاجبج شكلي جذي وتبين تطلقين انا مستعد شوفي حياتج
حلا انصدمت:شتقول طلال !!!
طلال قلبه يعوره من الكلام ليقوله لها بس يبي يعرف موقفها يبي يتاكد انها ماراح تتخلى عنه مثل شذى :اللي سمعتيه علاج ماراح اتعالج وما عندي كلام غيره ومن حقج تعيشين حياتج بعيد عن واحد عاجز ومشوه
حلا حطت عينها بعينه:مالي حياة مع غيرك..واذا هالشي يريحك فانا ابيك بكل احوالك

طلال ما قدر يستحمل اكثر ((لا هذي حلا نفسها ما تغيرت دوم مضحيه بكل شي علشانه وماراح تتغير ))

ضمها لعنده فجأه وشد عليها بقوه ...واهو وده يسمعها كلام بقلبه ..بس ما قدر كل اللي خطط له راح يخترب ...باسها على راسها ..وبعدها عنه قبل لا يخرب كل شي...

حلا انصدمت من حركته المفاجأه ...هالشي خلى قلبها يرد ينبض من جديد حتى لو بأمل صغير أن يرجع لها مثل أول...

طلال يكابر وعينه على ناصر:طلبتج؟
حلا بكل حب:لبيه
طلال (لبيت قلبج حياتي):ما ابيج تجيني مره ثانيه
حلا بحزن:ليش؟
طلال:بس كذا
حلا جرحها كلامه:لهالدرجه شوفتي تغثك؟
طلال(إلا تشفي جروحي ) يبي ينهي الحوار بينهم :تقدرين تقولين
حلا:!!!!!!!!!!!!!!!

طلال تم يناظر الغرفه يتجاهل شكلها ...يدري انها منصدمه ودموعها على خدها ...كلامه جااارح حيل عليها مو شويه

حلا ((مو كافي اني يايه لعندك !! اللحين انا شوفتي تغثك يا طلال!! بعد كل اللي سويته لك !!! ليش تسوي جذي ليش تبعدني عنك !!))

انفتح الباب بهاللحظه كانت نهى وفجر وفيصل وامامه وانفال...

عدلت حلا شيلتها بسرعه ...وفيصل انصدم أن طلال فاتح عينه قرب منه مستغرب :طلوووووول !!!

امامه تركض لاخوها تضمه:طلووووووووول حبيبي الحمدالله على سلامتك
طلال يحاول يبعدها لانها تألمه :هههه الله يسلمج ميمي قاعد تعوريني
انفال وفجر:!!!! يمه ليش ما قلتي لنا طلال صحى !!
امامه وعينها على فيصل:ههههههه هذي المفاجأه اللي كنا بنقولها
فيصل يسحب اموم ويبعدها علشان يسلم على طلال:مالت عليج اللحين هالشي خاشته وما تفرحيني فيه...حمدالله على سلامتك يا بو ناصر ومبروك ما ياك
طلال يبتسم له:الله يسلمك عقبالك أن شاء الله
فيصل يغمز لامامه:الله يسمع منك

نهى تسلم عليه:حمدالله على سلامتك .. شلونك اللحين؟
طلال كثر ما يقدر يبعد عينه عن حلا وحمد ربه انهم دخلو وانهو الكلام اللي كان ممكن يصير بينهم:الحمدالله خالتي
انفال حمدت ربها مشعل مو موجود:حمدالله على السلامه
فجر:حمدالله على سلامتك طلال
طلال يبتسم لهم:الله يسلمكم تسلمون

انفال تسلم على حلا وتاخذ منها نصوري:يا قلبي حلووي يهبل
حلا تحاول تكابر دموعها جدامهم:من ذوقج حبيبتي
امامه حاسه حلا فيها شي قربت لطلال وهمست:شقايل لحلا؟!
طلال بهمس:ما قلت لها شي
امامه تناظره بشك:اشك الصراحه

نهى:إلا وين نوال يا حلا ؟
حلا:ويا مشعل اللحين جايين
امامه:ليش وين رايحين؟
حلا تطمنها:ماكو حست بدوخه راحو يشوفون ضغطها
نهى:الله يهديها لانها مو ماكله شي من امس يبت لها وياي اكل
حلا:ما قصرتي خالتي
فجر توقف قبال انفال تبي ناصر:عطيني اياه نفول ولا مره شلته
امامه بخوف:لااا نفول هذي هبله اخاف يطيح منها
فجر عصبت:هبله بعينج يا اموم..مو ولدج علشان تتحكمين
حلا:هههههههههههه شفيكم كله هواش
فيصل:ههههه كله جذي يا حلا يننونا بالبيت
امامه تناظره بتهديد:منو اللي يجننكم.؟
فيصل بغزل:ناس مجنيني من جمالهم
طلال يضربه بخفه:ههههه انت للحين على طبعك
فيصل :ههههه بو طبيع بعد ما يوز عن طبعه
طلال:والله اني اشتقت لك فصوول
فيصل يشد على يده:واحنا اكثر..ِ.شد حيلك وقوم بالسلامه
طلال نزل عينه عالسرير:الله كريم

دخلو مشعل ونوال ..ٍسلمو على الكل


نهى :شلونك مشعل؟
مشعل:بخير خالتي الله يسلمج...شلونكم بنات؟!
انفال حست برجفه وبهمس:الحمدالله
فجر:بخيير الله يسلمك

فيصل حس باخته انها منحرجه ...ومشعل ناظرها شوي بعدها لف ويهه التقى بعين فيصل انحرج أن شافه واهو يشوف انفال نزل راسها بحيا ...


تمو يسولفون وطول الوقت حلا تناظر طلال واهي تذكر الكلام اللي قاله لها واهو حاس فيها بس مطنشها ...

((صدقيني حبيبتي كل اللي اسويه علشانج انتي وبس....الله لا يحرمني منج ..ربي يقدرني اعوضج عن كل اللي راح ...وعن كل جرح انا سببته لج وكل دمعه كنت انا سببها..))

مر الوقت سريع...استأذنو الحريم يصلون الظهر...مشعل اخذ ناصر من حلا علشان تروح تصلي...فيصل استأذن علشان يوصل خواته البيت وبيرجع بعدين....

مشعل يبوسه:الله يخليه لك طلول يهبل
طلال استغل عدم وجود حلا ما كان يبي يبين لها أن مهتم لناصر :عطني اياه مشعل ما شبعت منه
مشعل يحطه بحضنه وابتسم له:يالله اشبع منه مثل ما تبي

مشعل يناظره كيف يبوس بناصر والفرح باين من عينه..

مشعل :طلال
طلال رفع عينه له:هلا
مشعل:ليش ما تبي تعالج ؟
طلال :مافي علاج
مشعل ابتسم له:طلال ماني غبي ادري انه فيه وانت رافض ليش؟!
طلال:انت قلتها بنفسك لاني رافض
مشعل بقلة صبر:وليه رافض؟
طلال:كذا
مشعل بنظره حاده:ما فكرت بولدك وبحلا قبل لا تاخذ هالقرار.؟
طلال عينه غورقت بدمع:كافي مشعل
مشعل يضغط:شنو كافي!!!...عاجبك حال حلا!! ...انا متاكد مليووون بالميه انك جارحها بكلامك ..طول مهي قاعده ويانه تنزف دموع دم بقلبها...ليش تسوي فيها جذي مو كافي تضحياتها لك؟
طلال سمح لدموعه تنزل:هالشي ما استاهله
مشعل استغرب منه:دامك عارف انك غلطان تقوم تعالج الغلط بالغلط!!!!
طلال ما يقدر يخبي عن مشعل:مشعل انا طلبت من الدكتور يقول لامي جذي
مشعل:ليش!!!

طلال تم يقوله عن اللي خطط له طول الليل وعن كلام شذى اللي سمعه ...والخطه اللي بيسويها ...علشان حلا وبس...

مشعل بتفكير عميق:بس هالشي بيذبحها!!!
طلال بعذاب:ادري يا مشعل والله ادري
مشعل:حراام عليك طلال لا تسوي فيها جذي
طلال يدوس على قلبه:لازم اسوي يا مشعل لازم اعطي كل وحده حقها اللي تستحقه
مشعل :يا ليت عرفت هالشي من زمان
طلال بندم:كافي مشعل تأنيب ترا مو ناقص
مشعل ينفخ بقوه:آآآخ ما ينفع الكلام اللحين
طلال يكمل :شوف وقت ما اقرر ان شاء الله الس...

قطع عليه كلامه صوت الباب حلا ادخلت ...استغربت يوم شافت ناصر عند طلال ..من داخلها افرحت يعني يكابر أن ما يبيه ..طول عمرك جذي يا طلال ماراح تغير من طبعك اللي معذبني يا قلبي....

مشعل:وين الباجي؟
حلا قعدت عالكرسي قبال مشعل :اللحين جايين

طلال من غير لا يدري بيحرك يده ضرب ناصر وتم يصيح....توهق مو عارف شيسوي يهدي فيه مو راضي يسكت ..مشعل ميت ضحك عليه...كان يكلمه كأنه رجال يفهم عليه....

طلال متوهق :بس يا نااصر والله مو قصدي....يا ربي خلاص يا يبه مو قصدي

مشعل:ههههههههههههههههههههههههههههههه


حلا ابتسمت واهي تشوف حنيته عليه ...قامت من مكانها وراحت له....ارفعه لها واهي مدت يدها بتاخذه لامست يدها بيده ....اهو من غير وعي ضغط عليهم حيل ...ناظرته بعينها واهي تشوف شي عكس الكلام اللي سمعته منه مساع....ناصر يصيح واهم بعالم ثاني ..

قطع عليهم صوت مشعل:يا ناااس ولدكم بيموت من الصياح
طلال انتبه :هااا
مشعل:هههههه اقول يا حلو ولدك يصيح اترك يد البنت

حلا انحرجت واسحبت يدها بهدوء وتمت تهدي بناصر...طلال يستانس على شكلها واهي منحرجه ....حمد ربه مشعل قطع عليهم ولا جان كل شي اخترب...

دخلت امامه ونوال ونهى وتمو كلهم عند طلال ...وبعدها جيه فيصل وقعدو كلهم ....
بيت حور

غرفة حور

بعد ما تغدو وخلصو ...صعدو لغرفتهم كل وحدا تتشكى للثانيه...


شذى:يا قلبي يا حور
حورتمسح دموعها ويدها الثانيه على بطنها:تتوقعين فيني بنت ولا ولد ؟
شذى تبتسم لها:انتي شودج فيه؟
حور :اتمنى ولد
شذى بغباء:ليش؟
حور تنفخ بالم:علشان يساعدني بحياتي ..يكون لي ظهر استند عليه ...البنت تربيتها بتصعب علي من غير ابو
شذى من غير وعي:ليش انتي ناويه ما تتزوجين!!!
حور بكل غضب ناظرتها شلون فكرت تسألها هالسؤال واهي للحين ما طلعت من العده...!!!!!

شذى حست بقوة سؤالها :سوري حوره مو قصدي انا كنت بقو..
حور تقاطعها:هالشي ما افكر فيه ولا بيصير مالي حياة مع غير خالد

شذى واهي تفكر بمشعل اذا ممكن يرجع لها بعد ما يعرفون الحقيقه... بس ما حبت تفتح الموضوع اللحين اجلته لبعدين
شذى كالعاده تغير الموضوع:اللحين قوليلي شسوي على السالفه اللي قلت لج عنها؟
حور من البدايه مو مقتنعه :شذى قلت لج غلط اللي بتسوينه
شذى عصبت نفس كلام امها:يعني ترضين يا حور تعيشين ويا واحد مشوه وعاجز
حور باحباط:آآه يا شذى كافي روحه وياي لو شنو كان المهم روحه وقلبه وياي
شذى :اوووه حور تكلمي عدل من غير كلام افلام
حور تناظرها باستهزاء:اللحين كلامي صار كلام افلام!!
شذى :اييه ...كلميني بالواقع ..شلون راح اطلع وياه ..شلون افكر اجيب منه عيال مره ثانيه
حور رفعت حاجب:وحبج له وين راح ؟
شذى:يااا ربي شفيكم ما تفهمون حبي له اكيد موجود ..بس مو معقوله اضيع حياتي كلها وياه واهو على هالحال
حور عارفه عنادها:يعني مصره على كلامج؟؟
شذى:وانا مستعده اتحمل النتايج



بيت عبدالله

بعد محاولات من غينمه ...قدرت تقنع عبدالله انهم يسافرون العمره ...اهو بالاول رفض بس اسلوب غنيمه وياه خلاه يوافق...دخلت الغرفه تبشر جوى...لان السفره عقب باجر.....


غنيمه افتحت الباب:جووووووي
جوى كانت مندمجه بكتاب انقزت من مكانه:بسم الله ..خرعتيني
غنيمه :هههههههههه بشاره بشاره
جوى :شنو قولي!!!
غنيمه تقعد يمها عالسرير:ابوج وافق عالسفره
جوى:!!!!!!!!!
غنيمه تشوف شكلها شلون مستغربه:ههههههههههههههه
جوى :من صجج ولا تتغشمرين !!!
غنيمه:هههههه لا من صجي
جوى من الفرحه وقفت عالسرير:حلفي غنوووم
غنيمه:واللله
جوى تمت تناقز:وااااااااااي ما اصدق
غنيمه رجعت لايام الطفوله اللي انحرمت منها بسبب ابوها وتمت تناقز وياها عالسرير:بيساافر بيسااااااااااافر
جوى تناقز اكثر:ههههههههههههه بيسااااااافر واخيييييييرا بسااااااااافر
غنيمه وقفت مناقز:هههههه ليش مو مسافره من قبل؟
جوى تعبت ورمت نفسها عالسرير:لااا وين يا حسره
غنيمه كسرت خاطرها:ما عليه جووي هذي بداية الخير ان شاء الله
جوئ بحلم:تصدقين بخاطري اسافر اوروبا
غنيمه :قولي آمين
جوى:آميييييييييين شنو ؟
غنيمه تبتسم لها:السفره اللي بعدها نروح اوروبا
جوى بحزن:ما اظن غنووم
غنيمه":ليش التشاؤم؟
جوى نزلت دمعه من عينها:اعرف ابوي ...حتى اذا سافرنا بيتم ينكد علي طول الوقت..ممكن بعد يرفع يده علي جدام الناس
غنيمه :جوووي لا تقولين جذي والله ابوج وايد تغير من أول ايام زواجي
جوى حاسه بهالشي:ادري يا غنيمه وهالشي يرجع لوجودج ويانا بالبيت
غنيمه تصارحها:تصدقين جووي؟

جوى:شنو
غنيمه تغمز لها:ابوج جميل
جوى:هههههههههههههههههههههههههههههههههههههههههههههههههههههههه ههههههههههههه
غنيمه استحت:هههههه شفيج!!! يالبايخه لا تضحكين
جوى:ههههههههههه لا بس يعني ههههههههه والله ههههههه يحليلج غنوم ههههههه
غنيمه وقفت معصبه:صج انج بايخه اللحين امدح ابوج جذي تضحكين
جوى:ههههههههههههه مو قلتيها بطريقه هههههههههههههه
غنيمه طلعت معصبه:اوووووووووووووه


نسيت اوصف لكم عبدالله...اهو عمره 34 سنه تقريبا بينه وبين غنيمه 10 سنين...ليش كان مهمل لشكله فيعطيه شكل اكبر من سنه....كان طوله زين...بشرته حنطاويه ..حواجبه عراض وسود كثيفين ..عيونه صغار ...خشمه طويل وحاد ...شعره اسود كثيف ناعم شوي...

كان واقف بره قريب من الغرفه وسمع كل شي بينهم ...حز بخاطره يوم سمع كلام بنته عنه ...

((لهالدرجه انا كنت ظالمها ....يارب تكون هالسفره خيره لي واتغير واعوضها كل سنين المر اللي عاشتها وياي))

يوم سمع كلام غنيمه بالاول انصدم ..بعدها ابتسم براحه..حس باحساس غريب ...وتاكد اللحين منه... غنيمه ملكت قلبه بهالفتره القصيره..وقدرت تغير اشياء وايد فيه بسهوله...

يوم سمع حسها بتطلع رجع لغرفته القريبه من غرفة جوى ......

دخلت غنيمه الغرفه واهي كانت متوقعه عبدالله طلع من البيت انصدمت لقته يعدل نفسه للحين بالمنظره.....

قربت منه غنيمه:عبدالله ما طلعت
عبدالله بابتسامه تذوب:لاا اللحين بطلع...تبين شي؟
غنيمه فز قلبها(الله لا يحرمني من هالضحكه):لا سلامتك
عبدالله يعدل شعره بالمنظره :تقولين ارجعه لوره ولا احطه على جنب؟؟

غنيمه تتأمله لان اخير الايام بدا يهتم بنفسه وبمنظره...قبل كان لحيته ما يشيلها وهالات سود تحت عينه من السهر والشرب و غير هذا ما يفكر يهتم بشكله او شعره ...
بس اللحين غير بدا يهتم بلبسه واليوم أول مره يفكر بطريقة شعره...

:لا لوراه احلى
عبدالله سوا لقالت عليه التفت عليها:اللحين زين؟
غنيمه للحين تتأمله:روعه
عبدالله ارتفعت معنوياته:انتي الروعه
غنيمه انحرجت أول مره يقولها هالكلام:تسلم

قرب منها عبدالله واهي رجعت خطوه ورا...

ابتسم لها:شفيج؟
غنيمه فكها يرجف:ابد ما فيني شي
عبدالله يتأملها واهي قريبه منه:نووومه
غنيمه بتمووت (ويدلعني بعد):هلاا
عبدالله يحك لحيته:شرايج احلق لحيتي
غنيمه(ما اصدق يا ربي هذا عبدالله ):امم اتوقع بتصير وايد احلى عليك أن سويت قفل
عبدالله يغمز لها:تشوفين جذي؟
غنيمه ابتسمت له:اييه

مسكها من يده واخذه وياه لباب الحمام ..وقفها واهو دخل وحط الرغوه على خده ...

غنيمه مستغربه:انت بتحلق ؟
عبدالله:اييه ..ليش؟
غنيمه:مادري توقعت لازم حلاق
عبدالله:هههه لا انا عندي خبره بهالسوالف ...قبل كلا احلق لنفسي حتى انوار علمتها
غنيمه استغربت :منو انوار؟َ!!
عبدالله انصدم شلون نطق باسمها جدامها:!!!
غنيمه استوعبت انها ام جوى مره جوى سولفت عنها وارتها صورتها ..ابتسمت له:اكيد كنت تحبها؟!
عبدالله انصدم توقع أن هالشي يجرحها:!!!
قربت منه غنيمه وقفت قباله وتسندت على مغسلة الحمام:الله يرحمها ...تتلاقون بالجنه عبدالله
عبدالله غورقت عيونه من كلامها يحس بحنان من نبرتها:الله يرحمها
غنيمه بمرح تبي تلهيه:واللحين ممكن تعلمني علشان انا اسوي لك مره ثانيه
عبدالله كل يوم يكتشف فيها شي احلى من اللي قبله:بس يبيلها تركيز
غنيمه تغمز له:افا عليك كلي تركيز


بدا عبدالله يعلمها شوي شوي ويشرح لها واهو يسوي لنفسه....بعد ما
خلص غسل ويهه ورفع راسه ...وجابل غنيمه...

:ها شرايج؟
غنيمه تخبلت عليه شكله واحد ثاني صغر 10سنين ..مو معقوله هذا عبالله:...........
عبدالله يحرك يده قبالها:نووومه اكلمج
غنيمه انتبهت ومن غير وعي:تهبل عليك عبود
عبدالله استخف وقرب منها ولمها من خصرها:سامحيني على اللي سويته لج بداية زواجنا
غنيمه دمعت عينها من كلامه:مسموح حبيبي
عبدالله شق الابتسامه:منو حبيبج؟
غنيمه بحيا:انت
عبدالله عينه بعينها:جد؟
غنيمه مستخفه على شكله:عبوود شكلك يهبل جذي دوم سو قفل
عبدالله :ههههههه
غنيمه استحت وابتعدت عنه:ليش تضحك؟
عبدالله:لان عيونج اهي الحلوه اللي تشوفني جذي
غنيمه تطلع من الحمام:لا انت فيك شي اليوم

عبدالله لاول مره يحس براحه فقدها من زمان يا حلاة الراحه والسعاده بالحلال....لاول مره يحس بقيمة غنيمه عنده بالبيت ....شفايدة الشرب وسكر 24 ساعه بنته اهملها وكل حياته تغيرت ....كل هذا فكر فيه بلحظه ..لحقها وطلع ..لقاها قاعده ترتب السرير....
ما ابيج تتخلين عني ...ماراح اتحمل صدمتين
غنيمه التفتت عليه :ليش تقول جذي؟!
عبدالله قعد على طرف السرير:لاني فقدت انوار وشفتي بنفسج شصارفيني ما ابي افقدج انتي بعد ما حبيتج
غنيمه:!!!!!!!!!!!!!!!!!!
عبدالله انصدم شلون صارحها جذي:انا ..انا
غنيمه هالشي يكفيها ابتسمت له :عبودي
عبدالله:عيونه
غنيمه تروح تقعد يمه:شرايك حبيبي نطلع انا وياك وجوى نتعشى بره بدل لا تروح الديوانيه؟! (تبي تحاول تلهيه عن الشرب )
عبدالله عمره ما طلع ويا جوى ولا فكر بهالشي:...
غنيمه تدري أن هالشي صعب عليه:الانسان أن حاول ماراح يخسر ..بس اذا تم بمكانه ويقول ما اقدر صعب راح يخسر كل شي...الحياة أن ما عشتها ما تسوى تحزن فيها وتخسر الناس حولك
عبدالله تم يفكر بكلامها ثواني بعدها قال:عندكم 10 دقايق تجهزون
غنيمه بتطير من الفرحه ضمته من غير شعور ووقفت:واااااااااااااااااي واخيرا يا قلبي جووى اكيد بتستانس
عبدالله تصنم بمكانه:....

غنيمه طلعت على طول لغرفة جوى...فتحت الباب بقوه...وعبدالله لحقها يبي يسمع ردت فعل جوى ...

غنيمه:جووووووووووووووي
جوى ردت انقزت مره ثانيه:وااااي انتي شفيج اليوم..دشي بذرابه
غنيمه:هههههههههههه وربي اليوم احلى يوم بحياتي
جوى:ههههههههههه ليش بعد؟
غنيمه:قومي بسرعه عندنا 10 دقايق نلبس
جوى استغربت:ما فهمت عليج؟
غنيمه تغمز لها:بنطلع ويا ابوج
جوى شهقت:شنو!!!!!!!!!!
غنيمه:سم الله عليج جوووي ليش تشاهقين؟
جوى عصبت:غنوووم بلا جذب ترا مو فاضيه لج
غنيمه:واااي شكو اجذب..من صجي قاعد اكلمج
جوى ردت تقرا كتابها:اقول شكلج اليوم مسخنه ..طلعي بس خليني اكمل دراستي

عبدالله يسمعها حز بخاطره لهالدرجه مو مصدقه أن ابوها ممكن يطلعها ... دخل عليهم الغرفه واهو مبتسم...

جوى أول ما شافته من الصدمه تقطت باللحاف كانت لابسه شورت قصيرعلى بالها مو ابوها....

غنيمه فهمتها وتمت تضحك:هههههههههههههههههههههههه جوووي يالهبله شفيج.؟
جوى من تحت اللحاف تكلم غنيمه بهمس:منو هذا؟!
غنيمه:ههههههههه وربي انج هبله في احد ما يعرف ابوه!!!
جوى رفعت اللحاف وفزت من مكانها:شنو !!!ابووي!!
عبدالله ابتسم لها:يالله جوى ما تبين تيين ويانا؟
جوى للحين مو مصدقه:!!!! (انا اكيد احلم ..اييه احلم مو معقوله !!!)

عبدالله حز بخاطره شكل بنته ...غنيمه حبت تخليهم بروحهم وقبل لا تطلع همست له ((حبيبي حاول تعوض اللي راح )) ....

عبدالله قرب منها ...وجوى رجعت لوراه واهي عالسرير ولمت ريلها لعند حضنها وغمضت عينها خايفه يطقها...

عبدالله عوره قلبه أول مره بحياته يحس بنتيجة افعاله ....قعد عالسرير وجوى للحين على وضعها...

عبدالله بصوت حنون لاول مره يطلع منه:جوى
جوى جسمها يرجف بخوف:ننننعم
عبدالله مسح على شعرها:رفعي راسج يبا ابي اكلمج
جوى مو مستوعبه ابوها اللي يكلمها..رفعت راسها:!!!!
عبدالله يتأمل بنته نسخه من امها :ليش مو مصدقه غنيمه؟
جوى خايفه يطقها:خلاااص مصدقه مصدقه
عبدالله :ليش خايفه؟
جوى صاحت من حنيته :اخاف اطقني
عبدالله غورقت عيونه :ليش اطقج؟
جوى بجيها يزيد:مادري انا ما اسوي شي انت بس اطقني مادري انا شذنبي
عبدالله ضمها لعنده وشد عليها وتم يصيح مثل الياهل جدام بنته:سامحيني يا بنيتي سامحيني ...
جوى تتمسك بابوها وتبجي بعذاب:يبا خلك على طول جذي ...تكفي يبا انا محتاجه لك والله ابيك خلك يمي
عبدالله يهديها:خلاص حبيبتي خلاص لا تبجين

بعد ما حسها هدت....بعدها عنه ابتسم لها:يالله غسلي ويهج وبدلي عازمكم عالعشا
جوى بفرحه ما تنوصف:دقايق بس
عبدالله يقرص خدها:انطرج تحت انا وغنيمه
جوى بطيرمن الفرحه:هههههه أن شاء الله

راح غرفته ...دخل لقى غنيمه لابسه وخالصه وقاعد تعدل مكياجها ....كانت لابسه نفنوف اسود قصير فوق ركبها ...ورافعه شعرها بربطه حمرا ...كان شكلها كيووت ومره طالع حلو عليها النفنوف وشكلها راقي...

عبدالله لمها من خصرها من ورا:شهالجمال؟
غنيمه (اليوم شكلك ناوي علي ):عيونك الحلوه
عبدالله يلفها عليه:جاهزه ؟
غنيمه بفرح:اييه .. و جوى؟
عبدالله يناظرها من فوق لتحت:اللحين تخلص
غنيمه ارتبكت من نظراته:خلااص عاد عبوود
عبدالله :هههه عبود عاد صغرتيني هههه
غنيمه تعدل له شعره:عبووود
عبدالله يدري تعانده:هههه هلا
غنيمه:صج تحبني؟
عبدالله ابتسم لشفافيتها:محد قدر يغيرني غيرج...محد اثرعلي بكلامه غيرج...محد رجعني لنفسي غيرج...كل اللي صارلي بفضلج من بعد الله ..كل هذا وما تبيني احبج؟!
غنيمه ابتعدت منحرجه ما توقعت بيصارحها جذي:يالله لا نتاخر
عبدالله مسكها قبل لا تطلع :....
غنيمه التفتت عليه:شفيك؟
عبدالله بنظره تحرق:والا تدرين خليها أن رجعنا
غنيمه ولع ويها وسحبته وياه من يده:لا انت اليوم صج فيك شي
عبدالله:هههههههههههههه

بيت فرح

فرح تلبس بتطلع ويا فجر ...سمعت صوت باب غرفتها عرفت من طقته انه باسل...

:حياك بسوول
باسل:قوه
فرح:يقويك
باسل يشوفها لابسه:شكلج طالعه؟
فرح:اييه بتعشى ويا فجور
باسل بمكر:وين بتتعشون؟.
فرح:امممم مادري والله بس اتوقع نينو فجوور تحبه
باسل:اللي عالبحر؟
فرح:لاا بنروح افينيوز ابي شغله من هناك...
باسل ابتسم لها:اوكي ..انا بطلع اللحين ..لا تتأخرين
فرح تكمل تعديلاتها:أن شاء الله


بيت فيصل

بعد ما خلصو عشا نهى وفيصل وامامه وانفال ....صعدت انفال لغرفتها واهي طول اليوم تحاول بفواز ما يرد قررت باجر الصبح تدق على موزه وتعرف منها السالفه.....


نهى:الله يهديه طلال لازم يا يمه يتعالج
امامه اهي بروحها منصدمه:مادري خالتي يوم كلمته عصب وطلب محد يتدخل
فيصل:انا أن شاء الله باجر بزوره واكلمه
امامه:بليييز فيصل حاول فيه
فيصل بابتسامه تذوب: من عيوني
نهى ابتسمت لهم ووقفت:يالله عن اذنكم بروح انام..تصبحون على خير
امامه وفيصل:وانتي من اهله


التفت عليها فيصل :حياااتي
امامه :هلا
فيصل:ودي اشوف فيلم
امامه:اييه عندي عمر سلمي ..شرايك نشوفه؟
فيصل:ما مليتي !!!
امامه بتلقائيا:هههههه لاا حدي احبه
فيصل بغيره:تحبين منو؟
امامه:ثامر حسني ..يهبل صوته وتمثيله وكل شي
فيصل :امووووووووووووووم
امامه:هههههههههههه بعد شنو تغار من هذا ؟!
فيصل يقرصها:انتي شكلج مال طق؟
امامه :ههههههههههههههه فديت اللي يغارون


دخلت فجر راجعه من الجامعه..دخلت على طول و راحت باست فيصل على خده ورمت نفسها بحضنه ولهانه عليه من بعد المستشفى ما شافته كان طالع...

فجر :فصوووووووووووووول ولهت عليك
فيصل يلمها :هههههههههههههه وانا اكثر
امامه قاعده يمه حست قلبها بيحترق :شدعوه عليج الصبح كنتي ويانا
فجر تدري انها تغار:اييه بس احس من زمااان ما شفته

((اذبحها هذي خل توخر عنه...اففف من صجي انا بغار عليه حتى من اخته))

فيصل يقعدها بينهم:شلون الطلعه حبيبتي؟!

امامه((لاااااااااا تقول لها حبيبتي..هالكلمه بس لي انا))

فجر تحط يدها على جتفه:ماكو وناسه تغيير جو
فيصل قرص خدها بنعومه:دوم أن شاء الله الوناسه

امامه خلاص فورت من الغيره...وقفت معصبه وراحت الغرفه....

فجر استغربت:شفيها اموم؟
فيصل وقف:مادري...خل اشوفها

راح لها الغرفه...لقاها قاعده على طرف السرير وتهز بريلها ...فهم انها معصبه...

فيصل يقعد يمها:الحلوين شفيهم؟
امامه هزها يزيد:ما فيني شي
فيصل (معقوله غارت من فجر!!):حياتي شفيج؟
امامه تلف الجهه الثانيه:قلت لك ما فيني شي خلني بروحي فيصل
فيصل (ياااا قلبي والله تغار من فجور ههههه):نسيت اقولج شي اليوم
امامه(اذبحه هذا يشوفني معصبه واهو بيسولف):....
فيصل يكمل:ما سألتج تدرين شكثر احبج؟
امامه التفتت عليه وردت عطته ظهرها :ما ابغى اعرف
فيصل يقرب منها ويحط يده ورا ظهرها:بس انا ابي اقول
امامه تبتعد خطوه :وانا قلت لك ما ابغى

فيصل(يا ربي هالبنت بتخليني استخف على هالدلع)...اسكت تم يناظرها...حست فيه التفتت له ...ردت للجهه الثانيه ...

امامه معصبه:ليش تشوفني جذي؟
فيصل ساكت وعينه للحين عليها:.........
امامه تنرفزت:افففففف لا تشوفني جذي
فيصل بهمس:ليييش؟
امامه وقفت واهي تحس برجفه بجسمها:انا بروح لنفول
فيصل وقف ومسكها من يدها وقفها:لاا
امامه(ياااااا ربي بينني ما يدري اني اغار عليه )):...
فيصل واقف قبالها..غمز لها:تغارين من فجور؟
امامه تهز بريلها:شنو !!! من قال؟
فيصل:هههههههههه ليش تهزين ريلج
امامه تحاول تفك يدها:اففففف فيصل ترا مالي خلقك
فيصل يقربها له:ههههههههههه والله يا ميمي أن غيرتج عسل على قلبي
امامه(يااا ربي ليش كله فاضحه نفسي)):....
فيصل يشوف ويها شلون حمر:ترا محد حبيبتي غيرج
امامه بدلع:كلام ينقال
فيصل:ههههههههه يا ربي ليش مو مصدقتني
امامه:فيصل ترا مالي خلق ..ابي انام
فيصل يغمز لها:وفيلم ثامر حسني؟
امامه من غير نفس:شوفه بروحك
فيصل:انزين اللحين زعلتي بس علشان قلت حق فجور حبيبتي!!!
امامه انقهرت من بروده:وليش ازعل؟
فيصل(هههههه أن ما يننتج ):ميمي حبيبتي هذول خواتي لازم ما تغارين منهم
امامه:افففف من قال اني غيرانه منهم ..الله يخليك لهم انا شعلي
فيصل:هههههههههههههههههههه يا ربي على هالغيره

امامه تنرفزت وراحت لغرفة انفال...واهو لاحقها يناديها...دخلت على انفال وراحت قعدت يمها

انفال مخترعه كانت منسدحه على سريرها وبيدها موبايلها تنطر أي شي مسج او اتصال من فواز يطمنها عليه

:اموم !!!
امامه:نفول فكيني من اخوج

إلا بدخلة فيصل:امووومه
انفال مستغربه:شفيكم؟!!!
امامه قاعده يمها على السرير وانفال منسدحه:ما فينا شي
فيصل:ههههههههه لا قولي حق نفول ليش معصبه؟!
امامه استحت وعطته نظرة تهديد:قلت لك مو معصبه
فيصل:هههههههههههههه شفتيها نفول
انفال:امومه شفيج؟
امامه انسدحت يم انفال وغطت نفسها:ما فيني شي بس ابي انام
فيصل بابتسامه:حتى انا حياتي ...امشي نروح غرفتنا
امامه بعناد:ما ابغى بنام عند انفال
فيصل :لا والله
امامه:اييه والله
انفال:هههههههههههه شفيكم شصاير؟!
فيصل يوقف يمها واهي منسدحه:ميمي اقول لنفول؟!
امامه تشيل اللحاف عنها :ما في شي ينقال
فيصل يغمز لها:اكيييد ...ولا..
امامه تقاطعه:روح غرفتك نام احسن
فيصل:ههههههههههههههه
انفال:الحمدالله والشكر شفيكم؟
امامه تعطيه ظهره وتلف على انفال:نفول انا بنام عندج
انفال:حياج الله حبيبتي ...الغرفه غرفتج
فيصل عصب:نفووووووووول بدل لا تقولين لها روحي ويا ريلج
انفال تغمز لامامه:شكلك مزعلها تستاهل
امامه تبوسها:ربي لا يحرمني منج
فيصل بغيره:وانا؟
امامه تلف عليه بغرور:وانت شفيك؟
فيصل:مالي نصيب من هالدعوه
امامه تلف لانفال ولا كأنها سمعته:يا قلبي نقول حياتي انتي
فيصل احتر:اموووووم
امامه تلف عليه:افففففف نعم خير

انفال تسمعهم ومن داخلها ميته من الضحك...

فيصل:خل نروح غرفتنا
امامه:قلت لك بنام عند نفوله حبيبتي

فيصل طفر منها ...رمى نفسه على السرير بينهم ...

فيصل:اوكي وانا بعد بنام عند اختي حبيبتي
انفال:هههههههههههههههه اليوم يومي من قدي
امامه جيت بتقوم:افففففففففف نفول انا بطلع
فيصل مسكها:انثبري مكانج وقعدي
امامه:لا والله
انفال:واااااااااااي انتو الاثنين بتتهاوشون روحو غرفتكم انا ابي انام
فيصل يهمس لها:حياتي خل نروح غرفتنا
امامه بعناد:ما ابغى
فيصل:حتى لو قلت لج اذا تحبيني؟
امامه سكتت ثواني :انزين بس ما فيني حيل امشي
انفال:ههههههههههههههههههههههههههه حسبي الله عليج يا اموم بتينين اخوي
فيصل فهمها:ههههههههههه خليها تتدلع علي جم ميمي عندي

قام من السرير ...وشالها بيده ...

فيصل يغمز لها:نروح غرفتنا
امامه معلقه يدها على رقبته:ايييييه
انفال:ههههههههه طلعو خلصوني بنام
فيصل:بنطلع بنطلع ونخليج براحتج(يساسر امامه) احبج
انفال:اقول
فيصل وامامه:هلا
انفال:في ناس عزوبيه اهني ...سوو لتبونه بغرفتكم
امامه :هههههه بايخه تدرين
انفال:لا محد قالي
فيصل:كاهي قالت لج..يالله خمدي نامي
انفال:مالت عليك اللحين صارت بين ايدينك نسيت اختك
فيصل يشوف امامه:الله يخليها لي
انفال:امووووووم نزلي بتكسرين ظهر اخوي
امامه تحرها:انتي شحارج ها؟
فيصل:عسل على قلبي ريشه ريشه
انفال:هههههههههههههههه الحمدالله والشكر طلعو بره

طلعو من غرفتها وراحو غرفتهم ينامون....

 
 

 

عرض البوم صور عذاري   رد مع اقتباس
قديم 06-02-09, 10:07 PM   المشاركة رقم: 43
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

بيت شذى

دخلت شذى البيت متأخر راجعه من حور....لقت امها تنتظرها بالصاله ..

شذى:هاااي مامي
ام شذى معصبه:ممكن اعرف وينج لهالحزه؟
شذى:كنت عند حور..واي؟
ام شذى تمسك نفسها:بتفهميني أن طول اليوم ما رحتي لطلال!!
شذى بعدم اهتمام:عنده اهله ..وحبيبة قلبه حلا
ام شذى مستغربه شلون انقلبت فجأه جذي:اللي تسوينه مو من صالحج..ابوج توه قبل لا يركب غرفته ينام مكلمني عنج ورد قالي اذا طلقها مالها قعده بالبيت
شذى حست برجفه:يما لا تقولين جذي؟
ام شذى وقفت بتصعد غرفتها:روحي نامي باجر من الصبح روحي له قعدي عنده وراعيه ..وتعذري انج كنتي تعبانه
شذى:اففففف ما استحمل شكله
ام شذى ملت:تصبحين على خير







بيت جاسم

قعدت حلا من النوم واهي تحس بتعب بجسمها...غسلت وغيرت لبسها ...وغيرت لبس ناصر وخلته نايم بالغرفه وطلعت الصاله ...

لقت مشعل ونوال يتريقون سلمت وقعدت وياهم...

حلا:يما متى بتروحون لطلال؟
مشعل بضيق: طلال ما يبغى يشوف احد
حلا بحزن:بس انا ..
نوال محتره من طلال:لا يهمج حبيبتي لا تفكرين فيه ما يستاهلج

نزلت راسها وبالها وياه (ليش ما يبيني اشاركه احزانه !! ليش رافض قربي منه وانا ادري ومتأكده انه محتاج لي اكثر من أي وقت!!!)

قطع عليهم صوت التليفون...

رد مشعل

:الو
امامه:اووووووه خالي العزيز
مشعل:وعليكم السلام والرحمه
امامه:ههههههه انت متى بتخلي الذرابه الزايده عنك؟
مشعل يطفرها:وانتي متى بتخلين الدفاشه الزايده عنج؟
امامه:ههههه اقول مشعلوه وين امي؟
مشعل:الحمدالله والشكر سألي عن حالي قبل!!
امامه:امس شايفتك مثل الحصان ما فيك شي
مشعل:انا بعرف شي واحد..فيصل اعرفه ابو الرومانسيه شلون مستحمل وحده مثلج!!!!
امامه بثقه:لانه يحمد ربه أن امامه بكبرها عنده وملكت قلبه
مشعل:حلفي انتي بس؟
امامه:والله ...واللحين روح ناد لي امي خلصني بقولها شي
مشعل يعاند:وان عاندت يا ام لسانين؟
امامه ملت:افففف اسمع مشعلوووه اليوم انا وفيصل بنجي عندكم عالغدا
مشعل:فيصل خل يجي بس انتي لااا
امامه:اقول أن صار بيتك تعال كلمني
مشعل حز بخاطره شوي كلمتها الاخيره:اييه والله طرار ويتشرط
امامه حست من صوته انه زعل (يا ربي انا على هاللسان الطويل):سوري مشعل مو قصدي ترا اتغشمر
مشعل يخلي الوضع عادي:هههههه صج مو لايق عليج الادب
امامه تدري أن زعل:ههه ادري من ورا قلبك..اخليك اللحين شعوول قول لامي علشان تحسب حسابنا
مشعل :اوكي
امامه قبل لا تسكره:حدي اموت عليك
مشعل ابتسم:وين فصول خل يسمع؟!
امامه:هههههه لا خله بعيد ...مع السلامه
مشعل:مع السلامه

نوال:مين امامه؟
مشعل يقعد عالكرسي:اييه تقولج هي وفيصل بيجون يتغدون اليوم عندج
نوال :حياهم الله
حلا :عيل من بيكون عند طلال؟
نوال بضيق:ما يبغى احد اليوم ...كافي لسواه امس

مشعل حز بخاطره لان اهو الوحيد اللي عارف ليش سوا طلال جذي....طبعا بعد ما الكل طلع بقى حلا ونوال وامامه كلموه بموضوع العلاج صرخ عليهم وطلب منهم محد يجي يزوره باجر...

بيت فيصل

نزلت فجر بسرعه من الدري وصوت الكعب يهز البيت...

نهى وانفال وامامه وفيصل كانو يتريقون...

فيصل:بسم الله شوي شوي حبيبتي لا تطيحين
امامه ضربته جتف بجتف وقالت بهمس:لا تقول حبيبتي جدامي
فيصل بصوت عالي:ههههههههههههههههههههه
انفال استغربت:بسم الله شفيك فجأه تضحك
امامه بنظرة تهديد اذا قال:.........
فيصل يغمز لها:ههه لا ما في شي

فجر وقفت عندهم وسلمت بسرعه :يالله نشوفكم باي
فيصل :لحظه شفيج جذي جنج بايقه شي ؟!
فجر:فصووول حدي متأخره على المحاضره ودكتوري ما يقصر فالح بس يهزأ فيني والتأخير والغياب عنده واحده
نهى:انزين حبيبتي لا يهمج اهم ما علينا انتي لا تسرعين
فجر :أن شاء الله ...ما عندي وقت بااااي



فيصل:اقول يمه
نهى:هلا حبيبي
فيصل:انا وامومه اليوم بنتغدى عند عمتي نوال
نهى:على خير ان شاء الله
انفال تاخذ جنطتها وتوقف:يالله انا ماشيه الدوام..تامروني على شي
الكل:سلامتج
انفال:مع السلامه



واهي بالطريج ...خذت موبايلها واتصلت اخير محاوله على فواز ...هالمره الجهاز مغلق ...خافت يكون صار له شي ...اتصلت على موزه عالبيت

ردت الخادمه (سودانيه):الوو
انفال:السلام عليكم
الخادمه:وعليكم السلام ورحمة الله وبركاته
انفال عرفتها:كيفج يا مرجانه؟
مرجانه:بخير والحمدالله...من معي؟
انفال تضحك على لغتها:هههه معك انفال
مرجانه:اهلا وسهلا بك انفال..كيف حالك؟
انفال:بخير ...خالتي موزه اهني؟
مرجانه ما فهمت عليها:ماذا تقصدين؟
انفال:ههههههه قصدي خالتي موزه موجوده ؟ هل هي في المنزل؟
مرجانه :ههه اسمحي لي لم افهم ما تعنين..نعم انها في غرفتها؟
انفال تبي تطمن عليه:وماذا عن فواز؟
مرجانه ما تدري عن شي:العم فواز مسافر للخارج

انفال رزمت بريك بقوه وضربو لها هرنات السيارت اللي وراها ....سفطت السياره على جنب...


مرجانه حست بهدوء:انفال ..انتي معي؟!
انفال مصدومه:اييه وياج..وين مسافر؟
مرجانه:لا ادري لكنه سيرحل لسنين طويله كما قالت لي عمتي موزه
انفال دموعها نزلت:بليييز مرجانه عطيني خالتي موزه بسرعه
مرجانه :حاضر..دقيقه

حولت التليفون لغرفة موزه...رن عندها رفعت السماعه

((مو معقوله اكيد اهي مو عارفه السالفه ..يمكن مسافر يايني لكويت ....اييه اكيد ياي يخطبني ...بس ليش خالتي موزه مو مسافره وياه !!!!!))

موزه:الو
انفال:خالتي موزه
موزه عرفتها حاولت تكون عادي:مرحبا فيك انفال
انفال تصيح:صج خالتي صج الكلام لقالته لي مرجانه!!
موزه ضربت بيدها على راسها كيف نست انها توصي مرجانه انها ما تقول شي لانفال:ايش قالت لج؟
انفال تبجي وتشاهق:تقوول..ان فوا.ز س..افر ..وبيسافر لمده طوي..له صج.. خالتي !!
موزه مو عارفه شتقول لها:...........
انفال:لااا خالتي لا تسكتين قولي لي هالكلام كله جذب قولي
موزه بحزن:انفال حبيبتي اهدي واسمعيني
انفال:لاااااااااا لااا خالتي لاااااااا

موزه تصيح وياها لانها تعرف انفال من عمر وعارفه حالتها اللحين:حبيبتي لا تصيحين..صدقيني اهو سوا هالشي لمصلحتج
انفال بهستيريا تضرب يدها بالسكان:لمصلحتي!! يتخلى عني بعد ما لقيته!!! ...يسافر من غير لا يقول لي من غيرلا يخبرني !!! ليش يا خالتي حراام عليه
موزه :حبيبتي نفووله انا كلمته وحاولت به بس هو يقول أن هالشي لمصلحتج ما يبغى يكون عاله عليج طول حياته
انفال انصدمت:شلووون يفكر جذي خالتي !!! شلون سمح لنفسه يسافر !! انتي تدرين شكثر احبه خالتي ...بعد ما لقيته تخلى عني لييييييييييييش!!! (تصيح بعذاب)
موزه:كافي يا انفال ما يفيد اللي تسوينه بنفسج
انفال:وينه فيه خالتي قولي لي وينه انا اروح له؟
موزه بحزن:مادري يا يمه حتى انا ما قال لي يبغى يكون بروحه ...كل اللي قاله اني اوصل لج انه يحبج وبيتم طول حياته يحبج بس اللي يبغيه منج تتزوجين وتعيشين حياتج ويا واحد يستاهلج
انفال :لاااا غلطان غلطان مالي حياة مع غيره
موزه:صدقيني يا بنتي اهو ما سوى هالشي الا لمصلحتج ممكن تتحملينه يوم شهر شهرين سنه بس مو طول العمر ..صعب يكون الريال عاله على مرته
انفال:عمري ما فكرت جذي عمري ما حطيت هالفكره في بالي انا ابيه اهو ما ابي شي ثاني ...شلون تخلى عني بهالسهوله!!
موزه:هالشي سواه علشان سعادتج
انفال تصارخ من غير وعي:شلوووووووووون فكر جذي.؟...بعد ما لقيته بعد ما وعدني بيرجع يخطبني بعد ما عيشني بحلم
موزه بقلة حيله:الله يصبرج يا بنتي ويعوضج الاحسن منه
انفال بحاله ربي العالم فيها كل اللي قدرت تقوله:مع السلامه خالتي

تمت تصيح بسيارتها بشكل يعور القلب ....مو مهتمه للمكان اللي اهي فيه كانت بالشارع تضرب بالسياره وتكلم نفسها وتصارخ مو مصدقه لسمعته مو معقووله...


مشعل كان رايح للشركه ...واهي بنفس طريج شركة انفال الشركتين قبال بعض...

كان معلي عالراديو وسرحان بالاغنيه ...باخير الايام انفال بدت تشغل تفكيره...يحس انه محتاج لها كافي الوحده اللي هو عايش فيها ...طول عمره شايل همه وهم غيره ..يبي وحده تكون جنبه تشيل وياه همه ...تشاركه بحزنه وفرحه ...
ألحين مِحتاجِك ألحين مو باجر
يا أطيب النّاس في طبعِك و فيذاتِك
أتذكّرِك وأحتِرِق و هذا أنا ناطِر
خَلّك من الحبّ مِحتاج لِوَقفاتِك
ألحين ألحين ألحينمو باجِر

خفف من سرعته واهو يشوف السياره اللي سافطه على جهة اليمين من الشارع ...((يا ربي هالسيااره اعرفها !! وين وين !! امم منو سيارته كيين تيربو كحلي !! امم !! ))
فتح عينه عالآخر (هذي سيارة انفااااال !!! شفيها !!!)

سفط سيارته ورا سيارتها ...نزل لها ...انصدم يوم شافها قاعده وراسها عالسكان ...خاف يكون فيها شي...

طق دريشتها مره مرتين ..لين رفعت راسها ..حمدت ربها مليوون مره انها لابسه نظارات شمسيه ولا جان عينها فضحتها ...خذت نفس سريع ومسحت ناحية خدها (ليش مشعل ليش!!!)..فتحت له الدريشه ...بابتسامه مع رجفه خفيفه...

:اهليين
مشعل مستغرب:انفال!! شفيج؟!
انفال تبلع ريجها:امم ما فيني شي
مشعل حس من صوتها باجيه:انفال فيج شي؟! محتاجه شي؟!
انفال مهي قادره تسوق خلاص تحس منهد حيلها من الصدمه:والله مادري شفيني حسيت بتعب فجأه خفت اكمل طريجي اسوي حادث لسمح الله
مشعل فز قلبه :سم الله عليج بعد عمر طويل

انفال استحت من كلامه وبنفس الوقت نزلت دمعه من عينها لانها راح ترفضه ما يستاهل:......

مشعل حاس فيها شي:انزين شرايج اوصلج بطريجي؟
انفال ما فيها حيل تروح الشركه:عادي اتشرط؟
مشعل بمرح :هههههههههه امري تدللي كلي لج
انفال حمرت خدودها (يا ربي يا مشعل لا تتعلق فيني انا ما اصلح لك ..محد ممكن يتزوجني غير فواز):...
مشعل حس انه احرجها ما يدري شلون طلعت منه هالكلمه عفويه:تبين تردين البيت؟
انفال استغربت انه فهمها ...بهمس:يا ليت
مشعل بابتسامه كبيره فتح لها الباب:تفضلي اوصلج
انفال خذت جنطتها ونزلت:ما قصرت ...امم وسيارتي؟
مشعل:لا تحاتينها ...بتوصل لج
انفال بحيا:اذيتك معاي مشعل
مشعل:شالكلام انفال...احنا اهل ما بينا هالكلام
انفال(لااا تقول جذي مشعل):من طيبك

ركبو السياره ...مرت فترة صمت بينهم 5 دقايق بعدها نطق مشعل...

مشعل:اقول انفال؟
انفال بالها ويا فواز (ليش ليش !!):.......
مشعل التفت عليها لقاها سرحانه ..رد نادى عليها :انفال
انفال انتبهت:هلا
مشعل ابتسم لها:صار لي سنه اناديج
انفال مستحيه انها بروحها وياه بالسياره:سوري ما سمعتك
مشعل حاس باحراجها وهالشي زاده اعجاب:شكنتي بتسوين لو ما كنت ملاحظ سيارتج؟
انفال بحيره:امم مادري..انت شلون عرفت انها سيارتي؟
مشعل:لاني اعرفها
انفال بضحكه ناعمه:هههه
مشعل وده لو يطول وياها اكثر بالكلام يبي يتقرب منها اكثر بس باين انه نفسيتها مو زينه:مهما صار يا انفال لا تضيقين خلقج
انفال استغربت شلون حس فيها :!!!!!!!!
مشعل التفت عليها لقاها تناظره مستغربه ابتسم لها :وصلنا البيت
انفال فتحت الباب وقبل لا تسكره:تسلم مشعل
مشعل :حياج الله باي وقت
انفال بحيا:ما قصرت...مع السلامه
مشعل نادى عليها قبل لا تروح:انفال
انفال:هلا
مشعل:ما عطيتيني سويج سيارتج
انفال تمده له:اذا عليك كلافه اخلي فيصل يجيبها
مشعل:شقلنا يا انفال ما بينا هالكلام..
انفال انحرجت:ان شاء الله ...مع السلامه
مشعل يتأملها:بحفظ الله

بيت جاسم

الكل تجمع عالغدا ....بعدها نوال صعدت غرفتها تريح شوي...واهم تمو بالصاله يسولفون مر الوقت سريع ...مشعل وفيصل راحو يصلون العصر وردو لهم ...
و امامه على وضعها طول اليوم شايله نصوري وتتأمل فيه

:يهبل حلووي يهبل
حلا بمرح:ههههههه طبعا يشبهني
فيصل يقرب من امامه ويهمس لها:متى دورنا حياتي؟
امامه تناظر اللي بحضنها:ابي ولد مثله
فيصل يمسك يد ناصر الصغيره:بيكون احلى دامج انتي امه

مشعل:وبعدين معاكم انتو بتخربون الولد من هو الصغير بحركاتكم هذي
حلا:مشعل الله يعافيك اخذه منهم
امامه تحضنه:اقول وخر...(تلتفت لحلا)وانتي حمدي ربج اني ماراح اخذه منج
حلا:نعم حبيبتي !!
فيصل:هههه والله خوش فكره ميمي ..دام حلا تعبانه خل ناخذه عندنا
حلا كانت قريبه من امامه وخذت منها ناصر:اقول هالشي تنسينه
امامه:هههههههههههههه مالت عليج انتي ولدج من حلاته عاد
حلا:احلى من ولدج
فيصل:لا اهني عاد وحدج حلا ..لو سمحتي لا تيبين لي طاري ولدي...لانه قمر ماله شبيه
مشعل:ههههههههههههههههههه حلوه الثقه
امامه تتخصر:وليش ما يكون واثق ..دام انا امه وهالقمر ابوه
فيصل يقربها له من خصرها:فديت اللي يمدحني انا
امامه تبتعد عنه :فيصل بس مشعل اهني
مشعل سمعها:ههههههههههههههههه حلوي لحقي اموم تستحي
حلا:ههههههههههههههههههه كلش مو لايق
امامه عصبت ووقفت:جبي انتي وياه
فيصل وقف يلحقها..ابتسم لهم:زين سويتو

حلا:هههههههههههههههه اللحين ميمي زعلت واهو يقول زين سويتو!!
مشعل:بلاج ما فهمتي فيصل للحين
حلا :ليِش؟!
مشعل:ههه يقولج جذي لان خلينا اموم تطلع ويصيرون بروحهم
حلا:هههههههههههههههههههه طلع مو سهل
مشعل:حده مو سهل..الله يهنيهم
حلا:آمين


صعدت غرفتها فوق ..بعد ما سمعت شقال فيصل اخير شي ..انقهرت منه...

فيصل يطق باب غرفتها:ميمي حياتي فتحي الباب
امامه:ما ابغى
فيصل :إلا تبغين امامه

فتحت الباب معصبه:جم مره قلت لك لا تناديني امامه ولا تقلد كلامي
متسند على طرف الباب ومكتف ايدينه يناظرها:.......
امامه ابتعدت عنه ودخلت داخل:لا تشوفني جذي
فيصل للحين بمكانه:ليش؟
امامه تحوس باوراق على المكتبه تلهيها عنه:جذي كيفي
فيصل سحبها من يدها لعنده:لا يهمج كلام الحساد
امامه تحاول تفك نفسها:اييه اشوفك دافعت عني..ترا سمعتك وانت تقول زين سويتو
فيصل :لاني مليت طول اليوم وانتي ماسكه نصور وتبوسين فيه وتلمينه وانا ما حصلت على ولا شي
امامه :من صجك فصول تغار منه!!
فيصل يلعب بخصلة شعر على ويها:اييه ليش لأ؟
امامه:ههههههههه بالاول كنت اضحك على طلال يغار من أي شي طلعت انت بعد غيور
فيصل يرفع حاجب:اقول حياتوو لا تنسين منو الغيور فينا
امامه قربت منه وتمت تعدل قولة بلوزته:صج منو؟!
فيصل يتأملها واهي قريبه منه:نسيت اقولج شي اليوم
امامه رفعت عينها له:شنو؟!
فيصل طبع بوسه على خدها وهمس لها:احبج
امامه بدلع:اييه من قعدنا ما قلتها لي
فيصل (فديت الدلع):هههههه من غير لا اقول تدرين
امامه بوزت:لا والله مو عذر قول انك مليت مني خلاص
فيصل يجاريها:الصراحه ميمي مو حلو الواحد كل يوم يكرر مثل الكلام يمل بعدين
امامه انصدمت لان ملامحه من صجه :خلاص عيل غير البنت اللي تقولها الكلام
فيصل ماسك عمره:شلون يعني؟
امامه بدت تهز بريلها:قول هالكلام لشخص ثاني علشان ما تمل
فيصل يحوطها بيده من خصرها:قصدج اقوله لغيرج
امامه انفجرت تبي تبتعد بس اهو شاد عليها:اييه عندك زميلتك لمى
فيصل ((هههههههههههه يا قلبي ما نسيتيها)) ملامح جاده:بس انتي شفتي شكلها ذاك اليوم ما تساعد الواحد يقولها هالكلام
امامه فورت من العصبيه:اوكي دور لك على حلوه غيرها
فيصل يفكر:امم على ذاكرتي في بنات حلوين بالقسم الثاني
امامه تحاول تفك نفسها:وخر عني
فيصل معاند:على وين يا حلوه؟!
امامه تشوفه بعصبيه:قلت لك وخر فصول
فيصل يعاند:ماراح اوخر
امامه تضربه على صدره :فج يدك وخر عني
فيصل يشدها له اكثر :اللللللله طقج عسل على قلبي زيدي اكثر
امامه تعبت واهي تحاول تمت بمكانها :...........
فيصل حس بهدوئها رفع راسها له:ليه متى حياتي بتمين جذي !! الغيره بتاكلج ترا!!
امامه حست انه كان يجذب عليها:كله منك انت
فيصل يمسح دمعه نزلت على خدها:يا قلبي تعبت وانا اقولج مافي احد غيرج بقلبي
امامه رمت راسها على صدره:عيل ليش تقولي جذي ليش؟
فيصل يحضنها بقوه:لاني استانس أن شفتج جذي
امامه ترفع عينها له :لا والله
فيصل يبوسها على راسها:اييه والله ..احبج بكل احوالج
امامه تحوط يدها حول رقبته:فصولي
فيصل:عيونه
امامه تتأمله:ابي ولدي يشبهك...ابي ياخذ عيونك
فيصل بمكر:بس عيوني
امامه للحين تتأمله تأشر بيدها:وابيه ياخذ خشمك وحلجك وقصة ويهك وكل شي فيك
فيصل:لاااا لاا مو راضي
امامه:ليش!!!
فيصل يغمز لها:لأنه ابيه يشبهج انتي بكل شي..واولهم غمزاتج
امامه :هههههههههههههه
فيصل يأشر عليهم لانهم بانو واهي تضحك:شفتيهم هذول
امامه:ههههههههههه انزين قوم خل ننزل لهم تاخرنا عليهم
فيصل:يا ربي
امامه:ههههه لاحقين على كل شي بالبيت
فيصل يشوف ساعته:حدج ليه 7
امامه تسحبه علشان ينزلون:انا اقول ليه 6
فيصل تشقق:يكون احسن بعد ما فيني صبر
امامه:هههههههههههه
المستشفى

دخلت شذى واهي تتمنى أن طلال يكون صاحي علشان تسلم عليه وتطلع ...ماتبي اطول عنده ما تقدر تستحمل شكله اكثر من ساعه....

أول ما شافها رسم ابتسامه على ويهه...قربت منه واهي تتمنى تنهي كل شي بينهم هاللحظه ((لاااا هذا مو طلال يا ربي شوفو شكله وااااااااااي ارف ارف الله يعيني))

شذى تقرب منه:السلام عليكم
طلال يدري هالشي يأرفها مد لها ايده:هلا والله بحياتي
شذى لاول مره تحس أنها تتمنى ما تسمع منه أي كلمه حلوه ..مدت يدها له واهي تبعد عينها عن يده المشوها:هلا فيك
طلال قعدها جنبه عالسرير بعد خصله شعر على ويها:شلون قلبي؟
شذى عينها على شعره:يسأل عن احوالك.
طلال ينزل ويها بيده:شوفيني ولهان لعينج؟
شذى تناظره (وااااااااااااااي شنو هذااا شلوووووون بستحمل شكله):!!!!!!!!!!!!!!
طلال حس بصدمتها لأنه قريب منها وايد واهو طلب من الدكتور يشيل الشاش يبي يعذبها..حاول يتمالك نفسه علشان تكتمل خطته:حياتي شذويه؟
شذى بغصه:هاا
طلال (لهالدرجه يا شذى..تخليتي عن حبي بلحظه):انا كلمت الدكتور بيرخصني باجر
شذى وقفت من الخرعه:شنو!!!
طلال يبتسم لها(ما تبيني اطلع معقوله!!!):اييه حياتي بنروح لبيتنا
شذى شوي وتصيح يعني راح تجابله طول الوقت:ليش طلال اهني احسن اريح لك يراعونك اكثر
طلال حرقت قلبه بكلامها:لا البيت اريح لي...بنروح لبيتي ماراح نرد لبيت اهلي
شذى(كملت علشان انا اللي استحمله بروحي):ليييش!!
طلال مثل ما توقع ردت فعلها:ابي اكون وياج بروحنا ..مو هذي امنيتج ؟!
شذى (قبل هالكلام قبل مو اللحين) وقفت تحوس بالغرفه:ماراح تتعالج ؟
طلال كان ينتظر هاللحظه:لا حبيبتي
شذى فقدت اخير امل:ليش!!!
طلال:تشوهي ماله علاج ..حريقه وايد عميق...وبالنسبه لرجلي ما ابغى اركب صناعيه
شذى وقفت واهي تحاول تستوعب:يعني بتتم بريل وحده!!
طلال(آآآآه يا شذى كلامج قاسي ليش صرتي جذي !!!):اييه بريل وحده طبيعيه
شذى تقعد عالكرسي جنب سريره:بس هالشي بيقيدك بالحركه!!!
طلال فاهم قصدها ما تبي تساعده بشي ..غمز لها:عندي حبيبتي اللي اهي انتي
شذى تمت ساكته مو عارفه شتقول تخاف اذا قالت شي يطلقها وابوها يطردها من البيت سكتت ونزلت راسها:........
طلال يدري بموقف ابوها وهالشي استغله من صالحه:شذووويه
شذى من غير لا ترفع راسها:هلاا
طلال :طالعيني حياتي شفيج لهالدرجه اخرع؟!
شذى رفعت عينها له واهي تحاول تمثل بصعوبه :شالكلام حياتي انت قمر بعيني
طلال بمكر مد يده لها وسحبها لعنده:خليج يمي
شذى خلااص مو قادره شكله يخرع حيييل:.........
بيت فرح

باسل:يعني ليه متى يا يمه؟
ام باسل:يا باسل افهمني يا يمه ..اهم اللحين بشي ثاني عيب علينا نكلمهم بهالموضوع
باسل:يمه توني مكلم فرووح تقول أن فجر قالت لها طلال باجر بيرخصونه ..وبعدين اهو اخو مرة اخوها يعني مالهم شغل فيه
ام باسل:لا الله إلا الله....المطلوب؟
باسل يقعد جنبها ويبوس راسها:خطبيها لي يا يمه ريحيني
ام باسل تبتسم له:خلاص حبيبي باجر أن شاء الله اكلمهم
باسل كان وده اللحين بس ما عليه باجر باجر:تسلمين يالغاليه
ام باسل:اللحين صرت غاليه

دخلت عليهم فرح :ههه مو قلت لج ولدج مصلحجي درجه اولى
باسل بحزن:للأسف هالسنه بدرجة مقبووول
فرح:ههههه تملق بعد
باسل يغمز لها:على اختي تملق املق وياها
فرح تضربه على يده:اقول اسكت لا اخلي فجور تهون عنك
ام باسل:هههه لا تيننين اخوج مو ناقص ترا
فرح بغرور:علشان يعرف اهميتي بحياته
باسل يبوسها على خدها:وانا اشهد يا فرووح انج انتي اللي عرفتيني على حبيبة قلبي
ام باسل تضربه على جتفه:عيييب عليك يا ولد هالكلام
فرح فصلت من الضحك:ههههههههههههه يحليلها امي بلاها ما عرفت سواليفك
باسل يعطيها نظره انها تسكت:اقول فرووح روحي لغرفتج احسن
فرح تلم امها:ما ابي
ام باسل:هههههه خلاص باسل خلها ابيها بموضوع
باسل فهمها:يعني اشكره يا يمه انت اللي تطلع يا باسل صح؟
فرح:ههههههههه عفيه فهمتها يالشاطر...اقولكم ولد علمي

يرن موبايله كان رفيجه ..ينطره بالديوانيه..

باسل يوقف:عن اذنكم

فرح تشوفه بنظرات تتأكد من شكها ...باسل فهمها وغمز لها واشرعلى قلبه وبعدها سوا حركه يعني ((وبس.))..فرح فهمتها أن قصده ((اللحين فجر وبس))

ام باسل:الله يحفظك


بيت فيصل

امامه نزلت تحت تقعد ويا البنات ...بعد ماراح فيصل الديوانيه....

امامه:مساءالخير
فجر بروحه بالصاله:مساء النور
امامه مستغربه :وين نفول؟
فجر:بغرفتها؟
امامه:شفيها؟
فجر مندمجه بنهاية الفيلم:مادري عنها ...قافله على روحها الباب...امي تقول انها ما داومت رجعت ونامت على طول وللحين ما طلعت
امامه (غريبه مو من عوايد نفول!!):وخالتي وينها؟
فجر ملت:اففففف اموم ابي اندمج
امامه تحذف عليها كوشيه:يالحماااره سالتج بس سؤال جاوبي
فجر تخزها:انتي ليش لسانج طويل!!!
امامه (تذكرت مشعل كله يقول لها ام لسانين):هههههههههه كيفي جذي
فجر :الله يعين فيصل عليج
امامه وقفت:انتي مو كفو الواحد يقعد وياج
فجر تبي تفتك من حنتها:امي رايحه لمرة عمي راشد معزومه عالعشا
امامه:وما تعرفين تقولين جذي من الاول!!
فجر تغمز لها:احب اطفرج..استانس لما تعصبين
امامه:كريها
فجر:هههههههه

صعدت لغرفة انفال...لقت الباب مقفول تمت تطق الباب ما ترد ...قامت اطق اطق واهي تغني بصوت عالي ...

((انا ميمي انا ميمي ...فتحي الباب ...ذات الرداء الاحمر انا ميمي انا ميمي ))

انفال افتحت الباب واهي تضحك على خبال مرة اخوها:ههه الحمدالله والشكر ....مسرحية ليلى والذيب عاد!!!
امامه تدخل الغرفه:هههههههه للحين اشوفها ترا عادي
انفال تحاول تسوي نفسها عادي:شتبين اللحين.؟...مزعجتني هالوقت بصوتج
امامه بغرور:تحصلين انتي...الناس طوابير علشان اغني لهم
انفال:هههههه على غيري يا حلوه
امامه تتفحصها:ليش باجيه؟
انفال أن صاحت عيونها تحمر وتتم مده وهالشي يفضحها:ابد ماكو تذكرت ابوي الله يرحمه
امامه ما صدقتها بس طوفت السالفه حست ما تبي تتكلم فيها:انزين شرايج نسهر عندي فيلم عجييب.؟
انفال مالها خلق شي:لا امووم ودي انام
امامه سحبتها من يدها:قومي الله يعافيج ...بلا دلع يهال
انفال:هههههههههه انا اللحين اللي دلع ها!!
امامه فاهمه قصدها:اييه عيل انا

التفتت فجر على صوتهم نازلين من الدري...

فجر بابتسامه كبيره:والله انج يا اموم مو سهله ...طول اليوم نحاول فيها تطلع ما طلعت
امامه بغرور:علشان تعرفين قدري
فجر:هههه عارفه عارفه
امامه:انزين بلا كلام زايد ..قومو خل نطبخ احس بيوع وبعدها نرد نتابع الفيلم
فجر:واي انا توني خالصه من فيلم رعب
امامه:مالت عليج اللي عندي رومانسي
انفال :اللللله احلى شي
فجر :لااا انتو جذي تخربوني توني صغيره
امامه تغمز لها:لا تسوين نفسج بريئه وانتي قمت البراعه
انفال:ههههههههههه
فجر فهمت قصدها عن باسل:جب
امامه:ههههههه من فينا اللي لسانه طويل؟!
فجر:انتي
امامه:اييه خير...قومي يالله خل نطبخ
فجر توقف:شتبون نطبخ؟
انفال تقعد عالقنفه:انا مو مشتهيه شي
فجر:اممم تصدقين اموم خاطري في باستا
امامه متعقده من المعكرونيات من بعد معكرونية الباشيمل اللي سوتها لفيصل:لااا غير المعكرونه
فجر:ههههههههههه خايفه تعيدين الكره فينا هههههه
امامه حقدت على فيصل لان قايل لها :جبي
فجر:هههههههههه والله انج هبله زين ما ذبحتي اخوي
امامه عصبت :فجوووور جب
فجر تمشي للمطبخ:ههههههههههههه اقول يا ام لسانين تعالي نسوي لنا صمون هذا حدج
امامه تشوف انفال:هذي اختج ذابحتها ذابحتها
انفال بعالم ثاني:اخذي راحتج فيها


راحت لها المطبخ يسوون شي ياكلونه....

بيت شذى

بو شذى يهدد:مالج إلا بيت ريلج
شذى تصيح:يبا انت ما شفت شكله يخرع يخرع
بو شذى بنظره حاده:مو هذا اللي سودتي ويوهنا علشان تاخذينه ...اللحين ما تبينه؟!
شذى تشوف امها:يما قولي له شلون شكله...كيف تبوني اعيش وياه واهو جذي
بو شذى:بدل لا تفكرين تنفصلين..حاولي فيه يتعالج
شذى باحباط:عيزت منه يبا مو راضي...ما يبي يتعالج
بو شذى ينهي الموضوع:اهي كلمه وقلتها ...اذا تطلقتي منه مالج دخله لهالبيت وانسي أن لج ابو...






بيت جاسم

مشعل اللي توه راجع من الديوانيه غسل وغير ملابسه ونزل لحلا ونوال... بالصاله ..

نوال فتحت وياه سالفة انفال :شقلت يا مشعل؟
مشعل ابتسم لهم:ما عندي مانع
حلا استانست:واخيرا يا مشعل ...والله انك ماراح تلقى مثلها
مشعل :عسى بس توافق
نوال :ان شاء الله بتوافق وين بتلقى مثلك...بس ادري بنهى اهم اجلو الموضوع علشان حالة طلال...واهو باجر أن شاء الله بيرجع البيت ...
مشعل:على خير سوي اللي تشوفينه مناسب يا نوال
نوال توقف:الله يوفقك ...انا استأذن بنام علشان وراي قعده مبجر لطلال
مشعل يشوف الفرح بعيونها:الله يقومه لج بالسلامه
نوال دمعت عينها:آمين
مشعل:وكل ما قلت كلمه بجيتي!!
نوال تمسح دمعتها:البيت من غيره ماله طعم..واهو مصر يسكن بالبيت بروحه
مشعل يدري ليش طلب جذي:ما عليه يا نوال فتره وتعدي
نوال :الله كريم...تصبحون على خير
حلا ومشعل:وانتي من اهله

مشعل حس انها سرحانه يدري بطلال:حلاا
حلا تتجنب عينه:هلا
مشعل:ابيج حلا القويه ..ولدج محتاجلج
حلا دمعت عينها:بيسكنها في بيتنا يا مشعل...في بيتي!!!
مشعل يدري هالشي صعب عليها:ما عليه يا حلا ...هالشي يريحه خليه
حلا:وانا !! انا ما فكر براحتي!!!
مشعل:صدقيني حلا طلال ما سوى جذي اللي علشان راحتج
حلا :لا تبرر له مشعل
مشعل مو عارف شيقول طلال محلفه ما يتكلم ...غير الموضوع:اللحين خلينا من طلال ...وقولي لي (بضيق) تتوقعين انفال بتوافق أن عرفت أن ما فيني عيال؟
حلا ضاق خلقها على حاله:ليش يا مشعل تفكر جذي...فيه امل ان شاء الله
مشعل :20% يا حلا أي امل هذا!!
حلا تبتسم له ترفع من معنوياته:صدقني مشعل وايد ناس كانو صعب ايجيبون عيال 0% الامل وبالاخير ربك رزقهم لان كلشي بيد ربك
مشعل :ونعم بالله...بس انا اسألج يعني تتوقعين ترفضني؟
حلا:ما اظن انها تضيع هالفرصه
مشعل:هههههه ترفعين من معنوياتي يعني؟
حلا:هههههههه لا والله هذا الكلام الصج ولازم ينقال انت ما في مثلك اثنين يا مشعل
مشعل يبتسم واهو يشوف ناصر بحضنها مبطل عينه:وهالعفريت الصغير هذا متى بينام؟
حلا:هههههههه شوفه شلون ساكت يتسمع
مشعل:هذا ماخذ حركات عمته من يوم هو صغير
حلا:ههههههه حرام عليك والله اني فاقدتها اموم
مشعل:الله يهنيها ويا فيصل ...خلاص نستنا اللحين
حلا:الله يهنيهم



بيت فيصل

دخل فيصل البيت لقاهم مندمجين بالفيلم ..باس امامه على خدها وما حب يخرب عليهم اندماجهم...دخل الغرفه اخذ له شور سريع ..لبس بيجامته فتح لابتوبه خلص جم شغله ..مرت ساعتين واهو بهالحال حس انها دايخ..شاف الساعه لقاها 2 (اففففففف مرالوقت بسرعه...هذي للحين تشوف الفيلم !! متى بتنام!))

طلع لهم الصاله ....لقى الوضع ظلمه ما عدا ليت من التلفيزون والاكل حولهم.....


فيصل:امومتي
امامه مندمجه بالفيلم:همممم
فيصل:يالله خل انام الوقت تأخر...وانتو بنات روحو نامو وراكم دوامات
انفال مندمجه:افففففففف بقى يموت
فجر:واااااااااااااي يا قلبي عليها شفتيها شلون استخفت
امامه:هالبطله تهبل
فيصل تنرفز انه امامه مطنشته:امامه بروح انام؟
امامه من غير لا تناظره ...عينها على التلفيزون:اوكي..تصبح على خير

فيصل انصدم ...انقهر منها وراح للغرفه...

((من صجها هذي!!!... شفيها هالايام صايره مالها خلقي!!! ما اذكر زعلتها بشي!!))

وخذته هالافكار لين تعب ونام...


بيت جاسم

قعد مشعل النوم امبجر اليوم بيروح ويا نوال لطلال ....
وصلو المستشفى لقو شذى عند طلال مثل ما طلب منها امس يبغيها تكون وياه ....

حلا كانت بغرفتها تصيح ...

((ليش ما يبيني يا ربي ليش!!! بعد\ كل اللي سويته لك يا طلال ...الله يرحمك يا يبه لو كنت عايش ما كان هذا حالي ))

ضمت ولدها ناصر لها وتمت تصيح ....


بالمستشفى

شذى تهز بريلها :يالله تأخرو وايد
طلال (تبين الفكه انا اعلمج):توني مكلم مشعل بالطريج
شذى بدلع:يعني حبيبي ما كان لازم ايون انا يايه بسيارتي
طلال :ما عليا امي تبي تجي كافي اني ماراح اسكن وياها بالبيت
شذى بابتسامه مزيفه:براحتك حبيبي


طلال سرح ويا حلا ((الله يصبرني على فراقج حبيبتي))
يا فراقَها
توّني شَعرت فقسوِتِك في داخِلي
يا فراقَها

يافراقَها
توّني أحسّ إنّي بديت أحنّ لأيامٍ مضت و أشتاقَها
بديت أحنّ لشوفَهاو إشراقَها و أشواقَها
رغم إنّها اللّي رَوّحت
و بكل عمري طَوّحت
حتى بكفّفراقها ما ودّعتني و لَوّحت
يا فراقَها
يا فراقَها

في ليله جرّحهاالحنين
و الجرح في قلبي حزين
مرّتني الذّكرى و أنا أحْصي تِجاعيدالسّنين
مرّتني تسألني بألم
منهو اللّي فينا إنظَلم
منهو قِسى منهو نِسىو منهو من الثّاني إنحرم
يا ذكرى ليتِك تِسأِلين هالأسئلة لإحساسَها
و إشلونبَعَدني و أنا أوّل و آخر ناسَها
بِديت أحن لشوفَها و إشراقَها وأشواقَها
رغم إنّها اللّي رَوّحت
و بكل عمري طوّحت
حتى بكفّ فراقها ماودّعتني و لَوّحت
يا فراقَها
يا فراقَها

يا بُعدَها من لي أنا منبَعدَها يا بُعدَها
يا بُعدَها وش تِسوى كَسرة خاطِري و عَبرة جروحيعِندها
يا بُعدَها أنا خلاص ما عاد فيني للحكي كِثر اللّي من قَبلي إنحكى
يابُعدَها أنا تِعِبت تِعِبت تِعِبت ما عاد فيني للبكا
و ما ظَلّ في قلبي غصن ماذاب من كِثر الحِزِن ما هَزّ قلبي و إشتِكى
بديت أحنّ لشوفَها و إشراقَها وأشواقَها
رغم إنّها اللّي رَوّحت
و بكل عمري طَوّحت
حتى بكفّ فراقها ماودّعتني و لَوّحت
يا فراقَها
يا فراقَها







بيت فيصل




فز من نومه مخترع حس انه نام وايد...شاف الساعه إلا 9 دوامه 8 ...التفت على امامه لقاها نايمه يمه ..عصب عليها وصرخ لاول مره من تزوجها...

:امووووووووووم
امامه فزت من نومها مخترعه:شفيك!!!
فيصل عصب:ليش ما قعدتيني؟
امامه تحك عيونها:شنو شصاير؟
فيصل يقوم من السرير ويتحرك بالغرفه يزهب لبسه واهو معصب:هذي آخرة السهر شوفي تاخرت على دوامي
امامه تشوف الساعه انصدمت انها 9 ..توها بترد تكلمه إلا دخل الحمام يغسل...حست بكسل مالها خلق تروح الدوام...ردت نامت...

طلع فيصل من الحمام ...انصدم لقى امامه نايمه..!!!!!

((هذي من صجها ولا تستهبل!!! اللحين متأخرين عالدوام ترد تنام !!))

فيصل وقف يمها واهو يغير لبسه :اموووم قومي امووم
امامه بكسل:هااا
فيصل:شنو هاا يالله قومي تاخرتي عالدوام
امامه:ماني رايحه
فيصل عصب:انتي شسالفتج بالضبط؟
امامه مالها خلق:فيصل ترا صج مالي خلف لهالسوالف اجلها بعدين

فيصل انصدم منها مو طبيعيه حركاتها .؟.شاف انه تاخر عالدوام ...

ناظرها بعصبيه:لي كلام ثاني أن رديت

امامه بعالم ثاني ..نايمه ولا تدري شقال....



مكه

بعد ما خلصو من عمرتهم ...ردو الفندق يرتاحون...عبدالله ماخذ له سويت فيه غرفتين ..غرفه له اهو وغنيمه ...وغرفه لجوى بينهم صاله......


جوى تشوفهم والفرح بعينها :تقبل الله طاعتكم..عمره مقبوله
غنيمه:اجمعين أن شاء الله
عبدالله يحط يده على جتف بنته ويقربها له:شلون العمره حبيبتي؟
جوى تصيح اذا شافت هالحنيه اللي عمرها ما حست فيها:واااايد راحه يبا..انت أن شاء الله ارتحت؟
عبدالله يمسح دموعها بصبعه:الحمدالله ..ربي يغفر لنا أن شاء الله

استأذنت جوى لغرفتها ترتاح لها شوي...عبدالله وغنيمه دخلو غرفتهم....

غنيمه تفتح الجنطه علشان ترتب ملابسها اهي وعبدالله:حبيبي تبي دشداشة نوم ولا بيجامه؟
عبدالله قعد عالسرير وعينه عليها:بيجامه اريح
غنيمه طلعت له البيجامه ومدتها له:ازهب لك الشاور اللحين
سحبها عبدالله لعنده قبل لا تروح وقعدها بحضنه:مستانسه حبيبتي؟
غنيمه بحيا:الحمدالله ..الله لا يحرمنا منك ويخليك لنا
عبدالله ضمها لعنده:ولا يحرمني منج مادري شلون كانت بتصير حياتي لو ما كنتي فيها...جان للحين تميت على حالي والله يعلم بالحاله اللي بتوصل لها جوى
غنيمه تبعد عنه وتمسك يده:ربك يغفر ..انسى كل اللي راح وابدى حياة يديده عبدالله حياة نظيفه من غير الخمر...صدقني احنا محتاجين لك من غيرك ما نسوى شي
عبدالله دمعت عينه:شلوون كنت جذي...وين كان عقلي طول هالسنين!!!
غنيمه بحزن على حاله:لا تلوم نفسك عبدالله ..انت كنت تسكر وهالشي ما يخليك بوعيك
عبدالله دموعه تنزل كأنه ياهل يشكي لامه:كنت ارفع يدي عليها من غير لا احس ..عمري ما حسستها بحنان الابو..بدل لا اعوضها عن حنان امها اتهمتها اهي السبب في موتها..كرهتها فيني وبعدتها عني..
(رفع عينه لها وضغط على يدها)..لو ما طلعتي لي بحياتي جان انا للحين على عماي
غنيمه براحه غريبه لاول مره من زواجها له..ضمته لعندها بحنان وتمت تمسح على شعره:خلك عبدالله دوم جذي...لا تتخلى عنا حبيبي
عبدالله يتمسك فيها بقوه:وربي لأعوضج واعوض جوى على كل اللي راح ...يااااا رب اغفر لي


بيت فيصل

غرفة انفال

دخلت نهى عندها..تصحيها للدوام على حالتها ما تبي تدوام ومن شكلها كانت تبجي طول الليل........

نهى بحنان:نفوله حبيبتي
انفال تسمعها بس تسوي نفسها نايمه:..........
نهى حاسه انها صاحيه:ليش ما تبين تداومين يما.؟.احد مزعلج؟
انفال:..............
نهى تلفها ناحيتها:فتحي عينج وكلميني
انفال فتحت عينها ودموعها تنزل كالشلال:..........
نهى اخترعت من شكلها:شصاير.!!!!!!!!

تمت انفال تقولها كل شي...وفجر اللي كانت نازله بتروح الكليه ..انصدمت يوم سمعت صوت انفال كان عالي ونهى مو مسكره الباب (امبيييييييييييه!!!!!! يا قلبيي يا نفوووووووووول شلون بتستحملين !!!!!!!!)

نهى انصدمت:ليييش!!!
انفال مقطعه نفسها من البجي:يقول ما يبي يكون عاله علي يما وربج هذا كلام!!
نهى من يوم عرفت انه عمي واهي تحاتي هالشغله صعب على الريال يحس انه عاله على مرته:!!!
انفال :وربي احبه احبه ماراح يكون عاله علي
نهى:بس يا انفال قطعتي قلبي
انفال تصيح:تخلى عني !!! ليش ليش !!
نهى تحضنها:بس يا يما خلاص لا تسوين بعمرج جذي
انفال صارت مثل المينونه تكلم عمرها:انا شسويت !! والله يا يمه ما سويت له شي!! اهو بنفسه وعدني بيرجع لي!!بعد ما لقيته بعد ما عطاني الامل من يديد جذي بكل سهوله يروووح شلون يروووووووووووووووووووووح وانااااااا اناااااااا!!!
فجر تصيح على حال اختها:خلاص نفوله ما يستاهل اللي تسوينه بنفسج علشانه
انفال تضحك لفجر:هههههههههه مو انتي ما تدرين اهو قالي بيفاجأكم بس اللحين (تصيح) فاجأني ... شلون يسافر ويخليني شلووون!!!!!
نهى:يا انفال ما يصير اللي تسوينه ..خلاص يا يمه الف واحد يتمناج
انفال تشوف امها وعيونها حمرمن الصياح:يما نسيتي نسيتي انا شفيني يما ...نسيتي اللي صارلي ايام الغزو كل اللي يتقدمون لي ما يعرفون هالشي والله لو يعرفون جان محد تجرأ يتقدم لي
فجر:لا يا انفال لا تقولين جذي انتي ما في مثلج أي احد يتمناج
نفال تصيح وتمسك يد فجر تترجاها:بس انا ابي فواز وبس ...ييبيه لي فجوور
فجر تحضنها تهديها:خلاااص يا نفول خلااص قطعتي قلوبنا

بيت احمد

رجع البيت بعد مده طويله كان مسافر فيها اسبوعين بره الكويت....تمنى يدخل يلاقي شيخه تستقبله بالاحضان مثل ما عودته غنيمه...حاول ينساها طول هالفتره بس ذكرياته الحلوه وياها ...مخليه صعب ينسى أي شي يتعلق فيها....خاصة ان شيخه مو مبادره باي شي يساعده على انه ينسى غنيمه ويبدي حياة يديده ويا شيخه
قَبِل نَبعِد
كنت أحَسب البُعد بالدّنيا المسافه
و كنت هذا البُعدأخافه
ما أطيقه ولا أحبّه بإختلافه
يوم جرّبته و عِشته عيّت جروحيتطيب
إكتشفت إنّ المسافه لا تودّي ولا تجيب
صِرت هذا البُعد أخافه و ما أطيقهولا أحبّه بإختلافه
قَبِل نَبعِد
كنت أحَسب البُعد بالدّنياالمسافه

للحين أشوفِك بقلبي و تدري إنّ القلب عين
كِلّ ما أتمنّاك جابِكنلتقي بنفس الحنين
صِرت هذا البُعد أخافه و ما أطيقه ولا أحبّهبإختلافه
قَبِل نَبعِد
كنت أحَسب البُعد بالدّنيا المسافه

صِرت أسقيالذّكرى شوق مابي هالذّكرى تذبل
و لأجل ما أنساك لحظه كنت أفكّر فيك وأسأل
صِرت هذا البُعد أخافه و ما أطيقه ولا أحبّه بإختلافه
قَبِل نَبعِد
كنت أحَسب البُعد بالدّنيا المسافه

دخل البيت ما في أي صوت يدل على حركه بالبيت ...فجأه سمع صوت صياح فهد بالدورالثاني...كان صوت مقموت وبعيد.....

صعد للدور الثاني بسرعه...

لقى الخادمه قاعد تضرب فهد بسيخ حديد....وتهدده انه تحرقه بالاوتي ان ما سكت...فهد كان يشوف شكلها واهي تصارخ عليه ومعصبه خاف من شكلها وبجيه يزيد ....


احمد طارت عيونه واهو يشوف ولده الخادمه اطقه وتحرقه ..وين امه!!! وين شيخه !!

سحبها من يدها ورماها عالارض ..واخذ فهد وضمه لعنده وتم يهديه...

صرخ بويه الخادمه:مينوووووووونه !!!
الخادمه لزقت بالطوفه ترجف من الخوف...ملت فهد عندها طول الوقت ...شيخه تاركته عندها ومسافره ثاني يوم من بعد ما سافر احمد...وفهد كان طول الوقت يصيح فاقد امه وابوه ..الخدامه مو مسؤوله عنه ملت طول الوقت مجابلته....

كانت تحاول تسكته بس اهو يعاند...يبي امه وابوه...فقدت صبرها قامت تضربه وتحرقه علشان يخاف منها ويسكت...

صرخ بويها احمد وعطاها نظره تحرق...اهي ركضت بره الغرفه بخوف...
احمد معوره قلبه:بس حبيبي خلاص لا تبجي
فهد يتمسك بابوها:حلقتني حلقتني (حرقتني)
احمد يبوس يده مكان الحرق:لا تصيح حبيبي اللحين اروح ازفها
فهد يرد يرمي نفسه بحضن ابوه وما سكت من البجي:بابا لا تلوووح (تروح) اهي اتقني (اطقني)
احمد حس بتأنيب الضمير:ماراح اروح حبيبي لا تبجي خلاص انا وياك

((هين يا شيووخ مخليته ويا الخادمه بروحه ومسافره ...وهذا انا اللي موصيج عليه قبل لا اسافر ...بس خل
اشوفج انا اعلمج شلون تهملين ولدج))


بيت فيصل



خذتها نهى لغرفتها ترتاح ...ودقت على فيصل لأنه اهو الوحيد ليعرف شلون يتصرف معاها ويفهم لها...

فيصل كان بالدوام:هلا بالغاليه
نهى تحاول تهدي:هلا فيك يمه ...وينك؟
فيصل:بالدوام خير يمه بغيتي شي؟
نهى:بتتأخر حبيبي؟
فيصل يشوف ساعته:اممم اظن بعد ساعه بالكثير
نهى ارتاحت ما حبت تخوفه:خلاص يمه انطرك
فيصل:يمه فيج شي..احد من خواتي فيه شي؟
نهى يا قلبي عليك يا فيصل دومك حنون:لا يمه سلامتك بس كنت بشوف اذا بتيي على الغدا ولا لأ
فيصل ما كان منتبه على نبرة صوت امه لاهي بالاوراق لجدامه:لا أن شاء الله بلحق على احلى طبخ بالدنيا انا اقدر افوته
نهى:ههههههههههه بالعافيه حبيبي
فيصل:الله يعافيج..اخليج يمه اللحين وراي شغل
نهى:يعطيك العافيه ..ننطرك حبيبي
فيصل:الله يعافيج..ان شاء الله ماراح اتأخر..مع السلامه








رجع من الدوام لقا امه وخواته بالصاله ....سلم وقعد يمهم ...

فيصل:إلا وين امومه؟
فجر:بغرفتها
فيصل استغرب :ما نزلت؟

نهى:لا والله مادري شفيها اليوم للحين نايمه ..قوم تطمن على مرتك لا يكون بس تعبانه
فيصل فز قلبه ..تعبانه واهو بعيد عنها:عن اذنكم


فتح الباب لقاها نايمه بالسرير ولامه ريلها لبطنها وللحاف طايح عالارض...

قرب لعندها واهو مستغرب من حالها صارلها يومين على هالحال...

فيصل جلس على الارض جنبها :امومه ...ميمي
امامه بسابع نومه:..........
فيصل (شفيها !!) مسك يدها ويطبطب عليها:حياتي ميمي قومي
امامه فتحت عينها له بكسل:هممم
فيصل ابتسم لها:شفيج حياتي كل هذا نوم؟
امامه تلف الجهه الثانيه :فيصل بليز اطلع وسكر الليت ابغى انام
فيصل:!!!!!!!!!!!!!!!!
امامه ردت نامت:...............
فيصل عصب مو لهالدرجه تحقره طول الوقت..طلع من الغرفه وسكر الباب باقوى ما عنده ..بدرجة نهى وفجر وانفال اسمعو هزة الباب........

فزت امامه مخترعه بس شافت الغرفه ظلمه...لمت نفسها بللحاف وكملت نومتها من غير لا تفكر بفيصل......



بعد ما تغدى راح المسيد صلى العصر ورجع...كلمته نهى بسالفة انفال وطلب منها تخلي الموضوع عليه يوم ثاني يكلمها لان نفسيته مو شي اللحين...تم تحت ويا امه وخواته يسولف وياهم ...الكل ملاحظ أن فيه شي بس ما حبو يتكلمون .... مر الوقت سريع ...قلبه وتفكيره ويا حبيبته فوق...بس حركاتها هالايام مو عاجبته ...

دق على مشعل يشوفه وينه علشان يروح الديوانيه يغير جو....اتفقو انه يمره مشعل بعد صلاة المغرب ويروحون ...وانفال وفجر ونهى طلعو يغيرون جو يتعشون بره....

انفال:فصول خل اموم تيي ويانا
فيصل:لا اهي تعبانه شوي انتو روحو
نهى خايفه عليها:شفيها يمه؟
فيصل يطمنها:ما فيها شي لا تحاتون انا عندها انتو بس طلعو استانسو لا تحاتون شي


صعد لغرفته علشان يغير لبسه قبل لا يجي مشعل...لقى امامه للحين نايمه ...تنرفز منها ..دخل الحمام وسكر الباب بقوه ...اهي قعدت مخترعه ..حست بدوخه براسها ..مهي قادره توقف على حيلها...

طلع فيصل من الحمام لقاها قاعده عالسرير مرجعه راسها لوره ومتسنده ومغمضه عينها ..ما اهتم لها وقرر يحقرها مثل ما تسوي له ...

لبس دشداشته وقف قبال المنظره يعدل غترته ...امامه كانت تشوفه مستغربه انه ما كلمها ...

امامه بصوت مبحوح:بتطلع؟
فيصل ما اهتم لها:اشايفه؟!
امامه استغربت من اسلوبه:وين؟!
فيصل يرش عطر :الديوانيه...(لف عليها وناظرها باستهزاء) كملي نومج مدام ..
امامه مالها خلقه:فيصل لا ترش عطر بس قمتني
فيصل يعاند ويرش اكثر انتشرت الريحه بالغرفه كلها:...
امامه عصبت:اوووووووووووووه فيصل بس عاد
فيصل من صجها هذي تصرخ بعد..راح لها وقف قبالها:انتي شسالفتج ها !!
امامه غمضت عينها وسكرت خشمها:وخر فيصل بليييز ابعد مو مستحمله ريحتك
فيصل شك بنفسه هذي تستهبل شفيها ريحتي !! :نعم !!!
امامه وقفت على حيلها وجيت بتبتعد بس مسكها من زندها:ممكن اعرف شسالفتج آنسه امامه ...اذا مزعلج تكلمي ما اظن اني زعلتج بشي!!
امامه تسحب يدها وتروح تقعد عالقنفه بعيد:ما فيني شي بس اطلع
فيصل انقهر منها ومن اسلوبها شافها بنظره:اللي قاعد تسوينه غلط ما منه أي فايده

سكر الباب بقوه وطلع ...امامه راحت الحمام على طول رجعت مهي قادره تستحمل ...تحس بلوعه وشي يضغط على انفاسها من ريحته ....

ردت انسدحت عالسرير ..ومددت ريلها ...الا يرن موبايلها امها المتصله تسأل عنها صارلها جم يوم فاقدتها ...

نوال:السلام عليكم
امامه بتعب:وعليكم السلام هلا يمه
نوال:هلا فيج..شلونج يا بنتي وينج ما تسألين عن امج؟
امامه:ما عليه يمه عذريني هالايام مسخنه شوي
نوال بخوف:سم الله عليج شفيج؟!
امامه:مادري يمه احس بدوخه وجسمي حار
نوال خافت تكون ماخذه برد:تدفي عدل حبيبتي وتغطي بليل الظاهر ماخده برد
امامه راسها يدور:الظاهر جذي...
نوال حست من صوتها تعبانه:اوديج المستشفى؟
امامه:لا يما ماله داعي ..ان ما صرت احسن اقول لفيصل يوديني
نوال:على خير ..ما تشوفين شر حبيبتي روحي ارتاحي
امامه:الشر ما ييج...مع السلامه


مرت ساعه واهي تتقلب بالفراش مهي قادره تنام ...كل شي يزيد عليها ..مسكت موبايلها تدق على فيصل بس استغربت جهازه مغلق...تمت تنادي على فجور بس محد يرد....العوار قام يزيد نزلت دموع الم واهي تصارخ من العوار....تمت على هالحاله لين تعتبت ونامت...






بالديوانية

فيصل ومشعل قاعدين على جنب يسولفون ....

فيصل يشكره بعد ما عرف السالفه:ما قصرت يا مشعل
مشعل يبتسم له:شدعوه احنا اهل يا فيصل ولا نسيت؟
فيصل فاهم قصده:اهل ان شاء الله
مشعل:فاللحين عاد اوصلك للسياره وانت ارجع فيها
فيصل:اييه وانا اقول شفيه مشعل إلا يبي يمرني
مشعل:ههههههههه اييه علشان ترد بسيارة اختك
فيصل:ما قصرت

دخلو مجموعة شباب سلمو على الكل ...واحد منهم قرب لمشعل يعرفه اكثر من مره سوا له معاملة بالبنك وتعرفو على بعض وتبادلو الارقام بس صارلهم اكثر من 5 شهور مو شايفين بعض ...>>> اكيد عرفتوه


:يا هلا ويا مرحبا
مشعل يوقف يسلم عليه بحراره:هلا والله بالغالي...وينك يا اخي قاطع؟
باسل:ههههههههه انت اغلى والله ..انا القاطع ولا انت ما تسأل؟
مشعل:الدنيا يا باسل تلهينا
باسل بابتسامه كبيره بانت غمزاته:الله يكون بالعون ...شلونك شخبارك؟
مشعل:بخيرالحمدالله ...(يلتفت على فيصل) هذا نسيبي
ريل بنت اختي
باسل يسلم:هلا والله بنسيب الغالي
فيصل ارتاح له:هلا فيك ...ما تعرفنا؟
باسل:معاك باسل عبدالرحمن ...الخ الخ...
فيصل:ونعم والله ...وانا فيصل ماجد...الخ الخ
باسل انصدم :!!!!!!!
مشعل استغرب سكوته :باسل ..باسل
باسل انتبه:هلا
مشعل:وين سرحت ...هههه فيصل يكلمك
باسل يلتفت له (معقوله اخو فجر !!! لهالدرجه الدنيا صغيره):ونعم والله فيصل بس اسمح لي سرحت شوي

يقعدون الشباب ..وقعد باسل ويا فيصل ومشعل...اما ربعه سلمو وقعدو مع باجي الشباب...

مشعل وعينه على فيصل:دامك سرحت اكيد تزوجت؟.
فيصل فهم لمشعل:هههههههههههه
باسل:للاسف لا...بس ليش يعني ؟
فيصل:ههه الاخ يتطنز علي
مشعل يسوي نفسه بريء:حشى والله يا فيصل ما قصدتك
فيصل:كلش مو لايق عليك البراءه
باسل حب مقعد فيصل (يا ربي نفس ملامح فجر بس اهي ابيض واحلى ..ياقلبي ولهت عليها ):...........

فيصل :ههههههههههههه لا شكله صاحبنا غرقان بالعسل
مشعل:ههههههههههههه صدقت فصول
باسل انحرج(كله منج فجوور):شفيكم حاطين علي
فيصل:السموحه يالغالي بس رفيجك هذا وتعرفه(يأشرعلى مشعل بصبعه)
باسل بمرح:ههههههههه خذ راحتك متعود عليه
مشعل:إلا ما تزوجت باسل؟
باسل يحاول يتجنب يناظر فيصل:قريب أن شاء الله
مشعل (يدري انه باسل خوش واحد بس عيبه خرابيطه ويا البنات ) :اووووووه تطورات
فيصل:مبرووك مقدما
باسل بأمل:للحين ما صار شي...اتمنى اهلها يوافقون
فيصل يبتسم له:اكيد بيوافقون والله اني حبيتك يا باسل أول ما شفتك اكيد بيحبونك
مشعل:وانا اشهد انك خوش واحد بس لو تترك عنك....
باسل خاف يفضحه جدام فيصل :كل شي راح يا مشعل ..كانت خرابيط شباب ..واللحين القلب تعلق بوحده خلاص كافيه
مشعل بفرح:الله يسعدك يا باسل ...تستاهل كل خير
فيصل بتفهم:مرحله وتعدي من حياتك ...اللحين فكر تبتدي صح ...يا بختها اذا غيرت كل شي علشانها
باسل :تستاهل عيوني
مشعل:اووووووووه الولد حاب بقوه
فيصل:ههههههههههههه
باسل يغيرالموضع:وانت يا مشعل ما تزوجت؟
مشعل يناظرفيصل:والله حاليا في كلام بس انطر الرد
فيصل ما عرف شيقول ما يبي يعطيه امل ويحرج انفال:جم عمرك باسل؟

تمو يسولفون وكل واحد يسأل الثاني ويتعرفون على بعض..فيصل وباسل تأقلمو ويا بعض بالسوالف وتبادلو ارقامهم...وهالشي ريح باسل ..وحس انه بيطير من الفرحه......

 
 

 

عرض البوم صور عذاري   رد مع اقتباس
قديم 06-02-09, 10:18 PM   المشاركة رقم: 44
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

بيت طلال




طلال ينادي عليها من الغرفه:شذاااااااا
شذى تجي واهي منأرفه من شكله :هلا
طلال يحاول يتجاهل نظراته لتحرق قلبه:ابغى الحمام
شذى ملت :اففففففف مو توك قبل ساعتين داش
طلال بمكر:اييه وابغى اللحين منتي مساعدتني؟
شذى(لو بيدي لاا):انزين

مسكت الكرسي وسحبته للحمام تساعده ....بعد ما خلص

طلال:شذى
شذى بملل:نعم
طلال:حبيبتي بغير لبسي
شذى تقعد قباله عالسرير:إلا اقول طلال
طلال:هلا حبي؟
شذى بابتسامه:شرايك نجيب لنا سايق يساعدك بلي تبيه
طلال رفع حاجب:ليش؟ مليتي مني؟
شذى تحاول تناظر أي شي إلا ويهه المشوه:لا بس علشان راحتك اخاف تبي شي وما اكون بالبيت
طلال يبتسم لها:لا حياتي ادري انج ماراح تخليني
شذى تضرب بريلها عالارض بقوه:بس انا من حقي اطلع واستانس
طلال بابتسامه كبيره:ومن ماسكج حياتي اروح معاج
شذى:لاااااااااااااااا
طلال حرقت قلبه:ليش؟
شذى مو عارفه شلون ترقع:تعب عليك حبيبي
طلال يدري مو هذا السبب:اها اوكي..انزين ممكن اللحين اغير لبسي علشان بنام
شذى ملت من الشيله والحطه فيه:اوكي


بيت فيصل

قعدت امامه من النوم واهي تحس بآلام في بطنها ....شافت الساعه يمها لقتها 4 الفير ...استغربت نامت كل هالوقت....التفتت جنبها لقت فيصل نايم ....ما تدري ليش يوم شافته حست بلوعه ..ركضت للحمام ترجع ....

فيصل صحى على صوتها ....فز قلبه عليها .... ((يا قلبي البنت صج تعبانه وانا مو مهتم لها ...))

فيصل راح لها لقاها متسنده على الطوفه ومغمضه بعينها بالم....

فيصل بحنيه مسكها:شفيج حبيبتي؟
امامه مهي قادره تفتح عينه:وخر فيصل الله يعافيك
فيصل انقهر اللحين اهو خايف عليها واهي تقوله وخر:انتي شفيج !! شسالفتج بالضبط زعلانه مني تكلمي ماله داعي هالحركات .!!!
امامه طلعت من الحمام واهي مسكره خشمها :ما فيني شي بس وخر اطلع من الغرفه
فيصل انصدم:شنو!!!!!!!!!!!!!!!!

امامه مهي قادره توقف على ريلها طاحت عالارض ومسكها فيصل تم يضربها بخفه علشان تصحى..

فيصل بخوف:اموومه حياتي ..امومه اصحي
امامه فتحت عينها بضعف :......
فيصل :لا حالتج ما ينسكت عنها ..خل اوديج المستشفى
امامه تحاول تبتعد عنه وبعناد:توك تحس فيني ..اللحين ياي تقولي اوديج المستشفى
فيصل:!!!
امامه تصيح:طول اليوم ادق عليك مسكر جهازك حاقرني ....كنت بين الحياة والموت ...ابيك يمي ما لقيتك

فيصل (غبي غبي مسكر جهازك علشان تحرها شوف شصار):حياتي انا ما كنت ...

قطع عليه كلامه يوم امامه غشت وطاحت علارض...كب عليها شوي ماي علشان تصحى ..واخذ عطره قريب منه وتم يشممها ...

قعدت على ريحته واهي لايعه جبدها :وخر وخر
فيصل مستغرب من حالها:حبيبتي لا تعاندين امشي اوديج المستشفى

امامه هالمره ما عاندت اهي تحس انها مو طبيعيه..ساعدها بلبسها وراحو للمستشفى...






بيت جاسم

حلا ما تمر ليله إلا والدموع مرافقتها ....قعدت على صياح ناصر ....دخلت الحمام غسلت وغيرت لبسها ...وقعدت على القنفه تمت ترضعه ....جيت عينها على صورتها اهي وطلال بيوم عرسهم ....حاطتها باطار احمر عريض ومعلقتها قبال السرير وكاتبه تحت love you ...ردت للبجي مره ثانيه واهي تذكر احلى ايامها وياه ...ليش يعاملها بهالطريقه اللحين ....تعبت من كثر البجي ...صارت دموعها ما تفارقها واهو لا وحاس فيها ...


دخلت نوال عليها ضاق خلقها يوم شافت حالتها ..بدرجه انها ما انتبهت لها يوم تطق الباب...

نوال وعينها عالصوره اللي تشوفها:ليه متى يا حلا؟
حلا تمسح دموعها:مو بيدي خالتي مو بيدي...اللي يسويه فيني مو شويه
نوال ناويه تكلم طلال اليوم:ما عليه حبيبتي صبري ربج يعوضج كل خير أن شاء الله
حلا حطت ناصر عالسرير:اكثر من هالصبر خالتي من تزوجته وانا اصبر عليه ..خلاص ما عاد فيني صبر اكثر...
نوال حضنتها وتمت تصيح وياها:والله اني تعبت وانا اكلمه ...شبيدي اسويه عنيد وانتي تعرفينه
حلا تمسكت فيها:مابي منه شي يما خلاااص مابي منه شي

بيت فرح

باسل قعد من النوم ...غير لبسه بيروح الدوام ...مر على دار فرح تذكر انه امس رجع من الديوانيه متأخر ما شافها...طق الباب ودخل غرفتها

باسل بابتسامه حلوه:صباح الخير
فرح ترتب جنطتها :صباح النويير
باسل قعد عالسرير:شلونها فروحتي؟
فرح:تمام...انت شمسوي ما شفتك امس؟
باسل :فروووح نسيت اقولج شصار
فرح تقعد يمه:شصار؟!
باسل يغمز لها:قولي امس تعرفت على منو بالديوانيه
فرح تفكر:امممم على منو؟!
باسل بابتسامه كبيره:فيصل
فرح بغباء:منو فيصل !!
باسل:فرووووح فيصل اخو فجووره
فرح وقفت من المفاجأه:فيصل اخو فجووور!!!
باسل:اييه وليش جذي مخترعه هههه
فرح تعرف ينون اخوها:ليكون رحت قلت له عن فجر؟!
باسل بمكر:شقوله يعني؟
فرح بخوف على صديقتها:بسووول اختك وعارفه خرابيطك عفيه خلك بعيييد عن فجور
باسل بعصبيه خفيفه:مليووون مره اقولج خرابيطي نسيتها واللحين اللي ابيها فجر وبس مو قاعد العب عليها
فرح حست انها جرحته:سوري بسووول بس تعرف رفيجتي ما ابيك انت اخوي تضايقها بشي
باسل ابتسم لها على حبها لفجر:يا قلبي يا فرووح حتى لو كنت بسوي شي ماراح اسويه لانها رفيجتج وبالج أن كانت حبيبتي
فرح تلم اخوها:الله لا يحرمني منك ويناولك الي في بالك
باسل يرفع ايده:آآآآآمين..بس تصدقين اخوها خوش واحد
فرح:اييه وايد تسولف لي عنه وايد حنون اهو اللي رباها
باسل:ونعم التربيه
فرح تشوف موبايلها فجر متصله عليها اهي اللي بتمرها:يالله بسول لازم اخليك فجور تنطرني تحت
باسل طار من الفرحه:صج ..!!
فرح تحط موبايلها عالسرير وتعدل شعرها:يا ويلك أن لحقتني
باسل ببراءه ومن غير لا تحس سحب موبايلها وحطه بمخباته:اللي تأمرين عليه بس سلمي عليها
فرح تعدل نفسها:اوكي...
باسل ضغط على زر سايلنت:يالله عيل انا بروح اللبس غترتي
فرح تدور على موبايلها:اوكي...يا ربي وين راح هذا
باسل بمكر:شنو اهو !!
فرح:موبايلي توه كان اهني مادري وين راح...
باسل يقوم مستعيل:مادري والله فروح دوريه ..انا بروح اكمل لبسي لا اتاخر على الدوام ..باي
فرح عفست الغرفه واهي تدور عليه:باي

نزل باسل واهو يضحك على حركته وخططه الجهنميه....نزل بسرعه من الدري يبي يلحق عليها قبل لا تنزل فرح ..ولا همه شكله المهم يشوف فجر...

قرب من سيارتها ...فجر كانت حاطه راسها على جنب ومتسنده على بابها وعيزت ادق على فرح ما تشيله ((شفييها هذي!!! ليكون نايمه بس!!!))


انقزت من مكانها يوم فتح باسل الباب يخرعها وبقت تطيح ...

فجر (مينون هذا ):!!!!!!!!!!!
باسل بابتسامه حلوه:صباح الخير
فجر يا ربي بيموتني على هالضحكه..بصوت واطي:صباح النور
باسل حس انها معصبه على حركته:لا تخافين ماراح اخليج اطيحين (يغمز لها يذكرها باول موقف لها وياه) نفس كل مره
فجر احترقت من داخل يعني لازم يذكرها:....
باسل يتأملها شلون الدم تصاعد لويها:شوي شوي على نفسج حبيبتي لا تحترقين
فجر ((ياااا ربي هذا شنو !! خل يخف كلامه شوي)):باسل لو سمحت
باسل بنعومه:عيون باسل
فجر خلاص بتصيح:وين فرح ترا بمشي عنها؟
باسل ما همه كلامها:ترا اليوم امي بتكلم امج أن شاءالله فجر واخير رفعت عينها له :!!!!!!!!!
باسل(الله لا يحرمني من هالعيون):هذي عيونج فجر ولا عدسات ؟!!
فجر انصدمت :نعم !!!
باسل كان يستهبل لأنه يبي يشوف ضحكتها:ههههههههه اتغشمر شدعوه عصبتي هههههه
فجر عصبت ومسكت الباب تبي تسكره:لو سمحت بسكر الباب
باسل يحط يده يمنعها:وان قلت لأ
فجر عصبت وعطته نظره حاده:باسل لو سمحت بلا هالحركات
باسل سند ريله على عتبه بابها ويده تحت خده عالسكان يعني صار نص جسمه داخل السياره:اشوف من بداية حياتنا وانتي جذي تعانديني
فجر بتمووت من حركاته:!!!!
باسل يكمل واهو متشقق من شكلها:انا ما احب حبيبتي تعاندني بكلامي
فجر :!!!!!!!!!
باسل فيه الضحكه بس ماسكها..قرب شوي وهمس لها:قولي اليوم انج موافقه على طول وريحيني ..احبج

فجر تصنمت مكانها حواسها كلها انشلت هالولد عليه حركات جريئه بشكل مو مهتم لاحد حوله ....ابتعد عنها وعينه عليها شلون تناظر الارض وما تحركت ولا نطقت بولا كلمه ((يلووومني بعد فيج ليش احبج ))

فرح نزلت لهم وانصدمت أن باسل واقف عند فجر...خافت يكون زعلها بشي او سوى شي من حركاته البايخه اللي تزعل فجر...ما درت أنه سوى الاكثر...

فرح اطقه على ظهره من ورا:انت شتسوي اهني؟!
باسل اخترع ولف عليها بابتسامه:حيا الله فرووحه تونا انا وفجر بسيرتج
فرح عينها على فجر اللي منزله راسها للحين وساكته ..همت لباسل:يالحمار شقايل لها!!!
باسل ببراءه وبصوت عالي:ليش تقولين لي جذي ..ليش تزفيني حراام عليج ما سويت لها شي..معقوله اطقها ؟!
فرح افتحت عينها علآخر:!!!!!!!!!!!!
فجر يوم سمعت كلامه التفتت عليهم مو فاهمه شي:!!!
باسل (واخيرا رفعتي راسج اكحل عيني بشوفتج):صح فجر؟
فجر تشوف فرح مو فاهمه شي:!!!!!!!
فرح تسحب باسل من يده وتوصله للدري بره البيت:اصعد دارك تاخرت على شغلك والبنت مالك شغل فيها
باسل بصوت عالي ويحرك يده لفجر:مثل ما قلت لج فجووره لا تنسين اليوم ..باااي
فرح تصارخ بمكانها:لااااا انت مو صاااحي ..بسووووووووول ادخل داااخل
باسل يروح عن اخته واهو يضحك:هههههههه اختي مو صاحيه هههههه


فرح خذت نفس...ورجعت لسيارة فجر...الا يد باسل من وراها تكمش شعرها لوراه...

فرح:آآآآآآي يحمااار يعور
باسل عصب:تقولين لي حماار بعد ماراح اعطيج موبايلج
فرح بترجي لانها عفست البيت عليه:لااا حبيبي بسوول تكفى عطني تأخرنا عالدوام
باسل وعينه على فجر:اعطيها ؟!
فجر تشوفه بعصبيه على اللي سواه اليوم :.....
باسل ذاب من حركتها:ههههههه ليش كل هذا ليش !!
فرح :بسووووول مالك شغل بالبنت وعطني موبايلي
باسل يعاند وعينه على فجر:ماراح اعطيج إلا لما اهي تقولي
فرح تلتفت على فجر:فجووور بلييز قولي له يعطيني لا نتأخر على المحاضره
فجر تلتفت الجهه الثانيه وبغرور:فرووح انا بمشي ترا
فرح ترد لباسل:بسووول عفيه يالله
باسل يدري تعانده :قلت لج ماراح اعطيج إلا لما تقولي باسل عطه فرح
فجر ولا كأنها سمعت شي:............
فرح عصبت:اووووووووووووووه كل واحد يعاند الثاني خلصوني اللحين
باسل :كلامي مراح اغيره
فرح تترجى فجر:فجووور عفيه بس قولي له خل نمشي
فجر تبي تنهي الموضوع:باسل عط فجر الموبايل
باسل (فديت اسمي على لسانج يا حلوه): من عيوني

فجر يا ربي يا باسل خف علي شوي مو جدام اختك...عطا فرح الموبايل واهي داست على ريله :خلك بعيد بسوول عنها لا اذبحك
باسل:ههههههههههه خوفتيني

ركبو السياره وفجر حركت على طول...وباسل بقلبه ((الله يحفظكم))


المستشفى

فيصل بعد ما نقل امامه ..خذو لها عينات دم وتحاليل...وعطوها مغذي...وراحت بسابع نومه ...كان قاعد يمها ويناظرها بضيق وتأنيب ضمير...((أن صار فيها شي ماراح اسامح نفسي ...يا حياتي فتحي عيونج ولهت عيلج ))...مسك يدها وضغط عليهم بقوه ...ييت له السيستر قالت له الدكتور ينطره بالمكتب طلعت نتايج التحاليل ...ترك يدها من بعد ما طبع بوسه خفيفه عليهم ..اخذ له نظره اخيره يطمن قلبه عليها وراح للدكتور...

بيت ام شذى

شذى تمت تحاول بطلال لين رضى يخليها تروح تزور امها لأنه مشعل بيمره وبيتغدى عند نوال...

شذى من اول ما وصلت لمت امها وتمت تصيح على حالها ويا طلال...

شذى:مو قادره يما ..احسه يتعمد يسوي فيني جذي
ام شذى تهديها:شالكلام يا شذى ليش بيتعمد يعني؟
شذى تصيح:مادري مادري
ام شذى:بالعكس اللي سمعته منج دليل انه يحبج
للحين
شذى محتاره :مادري يما مادري ماني قادره اتحمل شكله زوود...كل يوم اصبح بويها مو قادره يمه ابي اطلق
ام شذى:قصري صوتج لا يسمعج ابوج ويسوي لنا سالفه


بيت احمد

شيخه توها داخله البيت واصله من السفر...تمت تنادي عالخادمه بس ما ترد عليها ...استغربت أن سيستر موجوده بالصاله قاعد تحوس بمجموعة ادويه على الطاوله...

سالتها منو انتي؟! وقالت لها اني يايه علشان فهد..دخلت على طول غرفة فهد لقته نايم وبجنبه احمد ضامه بيد وحده ونايم يمه ....

وقفت يمه وتمت تنادي عليه علشان يصحى:احمد احمد
احمد قعد على صوتها..اول ما شافها ما استوعب بالاخير ابتسم باستهزاء وعدل قعدته:حمدالله على السلاامه الوزيره شيخه
شيخه بغرور تدري يطنز:الله يسلمك ..شفيه فهد؟
احمد يرفع حاجب:والله تطورات قمتي تسألين عند ولدج
شيخه تنرفزت من اسلوبه:كلمني عدل مثل ما انا قاعد اكلمك
احمد يرفع ايده باستسلام:اوووه سامحينا الوزيره شيخه نسيت اسلوب كلامي وعيشتي ما تناسب وضعج الاجتماعي
شيخه ملت من تطنزه:وبعدين يعني احمد!! ترا واصله من السفر تعبانه ومالي خلق طنازتك
احمد بضيق:وينج عن فهد ليش سافرتي عنه ولا قلتي لي؟!
شيخه:اولا مو من حقك تسألني او تطلب مني اخبرك قبل لا اسافر ..ثانيا اسال نفسك قبل ليش مخليه ومسافر؟
احمد يدري انها مراح تعترف انها غلطانه:اتوقع أن مسؤوليه فهد مسؤوليتج انتي كأم
شيخه تحوس بالغرفه:بس فالح تقولي هالجمله..يعني انت شايف اني فاضيه... شغل الوزاره كله على راسي ...ما يمديني ارد البيت إلا اغسل وانام ...هالشي المفروض مسؤوليتك انت كأبو
احمد وقف لها:شسوي اكثر من اللي سويته ..من يوم هو صغير وانا لمربيه وانتي ولا تدرين عنه
شيخه هالشي يذبحها بس تكابر:كل اللي تقوله ماله فايده ..الولد شفيه اللحين؟
احمد عطاها نظرة استهزاء وراح لفهد ورفع يده وريله بهدوء:تفضلي يا آنسه الوزيره تفضلي شوفي ولدج شمسويه فيه الخادمه
شيخه انصدمت :!!! شنو هذا !!!
احمد دمعت عينه واهو يلف رقبة فهد:وربج هذي رقبة ياهل بهالعمر !! راميه ولدج عند الخادمه ولا تسألين عنه !!
شيخه عورها قلبها عليه بس كابرت:وانت وينك مخليه ومسافر!
احمد عصب:ما تبين تعترفين انج غلطانه
شيخه ما لقت غير انها تطلع من الغرفه وتسكر الباب بقوه:باجر اوديه حق اكبرجراح بالعالم


احمد يسمع كلامها ويضحك عليها وعينه على ولده ضحية زواجهم ...((هذا اللي هامج مو بعيده باجر تحطين صوره بالجريده على انج اهتميتي وعالجتيه باكبر المستشفيات ..حسبي الله عليج ما عندج قلب ))



بيت جاسم

حلا ونوال قاعدين بالصاله ينتظرون مشعل يجيب طلال...حلا توها مسكره من انفال تسالها وينها؟!

حلا تكلم نوال:خالتي نفوله تقول اللحين بتطلع من دوامها
نوال:على خير أن شاء الله..نهى وفجر يايين بالطريج
حلا كانت تحاول تدق على اموم بس :خالتي ميمي ما ترد على جهازها
نوال بخوف:اييه والله من اليوم الصبح وانا احاول ادق عليها ..
حلا:ما سألتي خالتي نهى عنها؟
نوال:لا والله توقعتها تكون مداومه و ناسيه موبايلها...
حلا :خل ادق على فوفي يمكن تدري

انفال:هلا حلوي
حلا:اقول فوفي ما تدرين اموم وينها؟
انفال:امبلى توني مكلمه فيصل يقول اهي وياه
حلا استغربت:ما داومو يعني؟
انفال:مادري والله قالي احنا طالعين بنييكم بيت خالتي نوال على طول
حلا:اها
انفال:يالله حلوي فرشي الزوليه الحمرا عمتج انفال وصلت
حلا:ههههههههههههه عمتي بعينج..يالله حياج


سيارة فيصل

بعد ما طلع من مكتب الدكتور...دق على امه اللي عيزت تدق عليهم لانها فقدتهم من الصبح بالبيت ...وطمنها انهم طالعين لمشوار وبيردون....ركبو السياره وامامه طول الوقت ساكته ...وفيصل ساكت ينطرها تتكلم ....

امامه من غير نفس:شقال لك الدكتور؟.
فيصل :ما قال شي مجرد انج ماخذه برد
امامه لفت للشارع:اها

مرت 5 دقايق الهدوء بينهم ...امامه مستغربه انه ساكت ولا لها خلق تساله ليش..تحس بس تبي تروح تحط راسها وتنام...

لاحظت الطريج اللي هم فيه مو طريج البيت

امامه التفتت عليه:وين رايحين؟
فيصل وعينه للحين عالشارع:بيت امج
امامه مستغربه:ليش؟
فيصل:كلهم متيمعين على الغدا ينطرونا
امامه مالها خلق تناقشه تبي تروح غرفتها تنام:اها

سيارة مشعل

مشعل بعد ما قاله طلال عن كل شي ..انصدم:من صجك !!بعد اسبوع بنسافر!!!
طلال بضيق:اييه خلاص يا مشعل ماني قادر اعيش ويا هالزفت شذى زود...وحلا يا قلبي ما ابي اعذبها كافي العلاج بيطول
مشعل :جم يعني.؟
طلال بحزن:انا دزيت اوراقي لكل المستشفيات اقل فترة علاج سنتين منها التجميل ومنها تركيب ريولي الصناعيه وعلشان اقدر ارجع امشي مثل أول
مشعل ضاق خلقه على حال طلال:وشراح تقول لهم؟
طلال رجع راسه لوراه:بقول لهم بسافر شغل تجاره
مشعل بضيق:وحلا!!!
طلال دمعت عينه يوم تذكرها:ماراح تعرف عن ولا شي ما ابي احد يدري مشعل خاصة حلا وشذى
مشعل :انت عارف نتايج اللي بتسويه !!! سنتين يا طلال مو شويه؟
طلال اخذ له نفس ونفخ بقوه :من بعد لشفته يا مشعل لازم اغير كل شي...حياتي كلها لازم تتغير
مشعل فاهمه:الله يكون بعونك

طلال سكت ثواني بعدها قال:حلا موجوده اللحين
مشعل:اكيد
طلال:مشعل حاول انه ما نطول ما اقدر اشوفها جدامي ولا احضنها راح اخرب كل شي مشعل
مشعل ابتسم له:لا تحاتي ماراح انطول أن شاء الله...

سكتو فتره ..طلال حاس أن مشعل يفكر بانفال هالايام ..يدري انه بيخرب عليه بسفرتهم بس مو بيده شي لازم يكون مرافق وياه وما عنده غير مشعل

طلال بحزن:سامحني مشعل ادري أن ببدي مصلحتي على مصلحتك
مشعل ابتسم له:شالكلام طلال !!
طلال:ادري تفكر بانفال ..سنتين مو شويه
مشعل:انا جيت في بالي فكره
طلال:شنو؟
مشعل:شرايك اليوم لما نوال تفاتح خالتي نهى مره ثانيه بالموضوع تقولها أن نملج بسرعه وان رجعت العرس..على الاقل اضمن انها لي
طلال فرح من داخله أن خاله متحمس لانفال:امم يعني من كلامك ما تبي تخسرها ؟!
مشعل ابتسم له براحه:اييه تقدر تقول
طلال :تبي رايي؟
مشعل:اكيد
طلال:انا اقول خل امي تكلم خالتي نهى وان وافقت ..اهني عاد انت كلم فيصل وقوله بسافر ويا طلال تجاره ويمكن اطول فأبي املج على اختك واسافر
مشعل فكر فيها:جذي احسن
طلال :الله يوفقك ويكتبها من نصيبك
مشعل:الله يسمع منك حبيبي




بيت حور

حور زهقت من القعده بالبيت بروحها ..حصه كانت رايحه بيت اهلها على الغدا....ابوها تغدا وياها بعدها راح نام ....تمت تحوس بالتلفيزون ما في شي يونس ..كله مسلسلات حزن وطق وبجي....


مسكت جوالها ودق على شذى...

شذى:هلا والله
حور:هلا فيج ..شلونج ؟
شذى :عايشه وميته بنفس الوقت
حور:لا حول ولا قوة إلا بالله..حمدي ربج يا شذى
شذى:الحمدالله على كل حال...انتي شلونج؟
حور:ماكو ملل قاعده بروحي شذووي تعاليلي
شذى اهي ودها تفضفض بعد:متى تبين اييلج؟
حور:اللحين شعندج؟
شذى :ما عندي شي قاعده عند امي
حور:بلييز شذووي تعالي حدي ملانه بروحي
شذى:خلاص حبيبتي اللحين اييلج..محتاجه شي ايبلج اياه وياي؟
حور :اممم بخاطري جلكسي
شذى:ههههه أي نوع تبين؟
حور:كرسبي
شذى:اوكي
حور:الله لا يحرمني منج ؟..يالله انطرج
شذى:اوكي حياتي بباي
بيت نوال

الكل تجمع على ينطرون الغدا يزهب على الطاوله ...امامه وفيصل دخلو اخير شي والكل لاحظ ان امامه شكلها تعبان ويها اصفر...سلمو وقعدت امامه جنب حلا لاول مره تقعد بعيد عن فيصل...حلا استغربت ونفس الشي انفال وفجر العاده ما تقعد إلا يمه ...بس فيصل خلاها على راحتها....

كانت القعده قنفتين كبار قبال بعض ....وحده عليها حلا وامامه وفجر وانفال ..قبالهم نوال ونهى....وعلى جنب فيه قنفتين فرديه وحده لمشعل والثانيه قعد عليها فيصل وبينهم كرسي طلال المتحرك...

حلا مستغربه:اموم حبيبتي شفيج.؟ تعبانه؟
امامه من غير نفس:حدي حلوووي مادري شفيني مالي خلق شي
انفال :ليش مارحتي المستشفى؟!
امامه وعينها على فيصل مستغرب بروده عكس امس بس اعصاب :توني راده من المستشفى
فجر:شقالو؟
امامه:مادري فيصل يقول ماخذه برد
حلا:دامها جيت على جذي الحمدالله ..ذكريني بعد الغدا اعطيج حبه عندي وايد تريحج
امامه توقف :مالي خلق غدا بروح انام

لاحظتها نوال من دشت انها مو طبيعيه ...

نوال:شفيج يما امومه؟
امامه بتعب:بروح انام يمه ...عن اذنكم
نهى وقفت راحت لها خايفه عليها:شفيج حبيبتي اوديج الطبيب؟
امامه تبتسم لها على خوفها:مشكوره خالتي رحنا انا وفيصل كلها برد مو اكثر
نوال شاكه بالوضع:صعدي لغرفتج حبيبتي ارتاحي
امامه بكسل:لا يما بروح انام بغرفة حلوي ..يصيرحلوي؟
حلا :اكيد يصير ...بس ديري بالج ناصر نايم مو تقعدينه..
امامه :يا قلبي عليه ..لا بس بنام وياه
حلا :امووم عفيه لا تحركينه من سريره
امامه رايحه للغرفه:ترا مالي خلقج انتي ولدج بحط راسي وبنام
حلا:ههههههههه يحصل لج

من ناحيه ثانيه فيصل ومشعل يسولفون ...وطلال بعالم ثاني من دخل وبعد السلام البارد اللي سلمه على حلا ...عينه ما انشالت من عليها ...كان يحفظ كل شي فيها ..اشتاق لحركتها وضحكتها وكل شي..((شلووون بصبر سنتين شلون !!!))

فيصل يأشر بيده:يالحبييييييييييييب اكلمك
طلال انتبه:هاا
مشعل منتبه له:هههههههه بعالم ثاني
فيصل يغمز لطلال:اييه الله يلوم اللي يلومك
طلال يعطيه نظره:انا بعرف انت شمسوي لميمي اختي؟
فيصل براءه:مو مسوي لها شي
مشعل التفت عليه:فصووول انطق احسن لك أول مره اشوف ميمي جذي
فيصل:هههههه شفيكم علي انتو مو مسوي لها شي
طلال يمثل العصبيه:بتقول ولا شلون؟!
مشعل يكمل التمثيليه:لا هذا شكله ما يمشي إلا بالطق
فيصل:ههههههههههههههههههههههههههههههههههههههههههههههههههههههه هههه

نوال التفتت عليهم واهي تبتسم:ضحكونا معاكم؟
مشعل وعينه على انفال واهي تنحرج وتنزل راسها:هذا فصول مادري شمسوي لاموم
نهى اخترعت:شمسوي لها فيصل؟
انفال شهقت:فصوووووول ليكون انت اللي مزعلها !!
حلا عصبت:إلا ميمي يا فيصل مالك حق تسوي فيها جذي
فجرمو مصدقه:من صجك مشعل !!...فصول مزعل ميمي!!

طلال ميت ضحك على اشكالهم وشكل فيصل المنصدم من هجومهم عليه ..كمل عليه

:وربي يا فيصل أن ما قلت الصج ماراح يحصل خير
فيصل منصدم شفيهم هجمو عليه:شفيكم !! شصاير!!
نوال حست الوضع صج:صلو على النبي شفيكم
مشعل وطلال بطوها ضحك:ههههههههههههههه
فيصل فهم عليهم وضربهم اثنينهم :يالحمييير ههههههههه خليتوهم يغلبون علي هههههههههههههههه
الكل:!!!!!!!!!!!!!!!!!!!!!!!!!!!!!!!!!!!
مشعل للحين يضحك:ههههههههههههههههه عجبتوني الصراحه هههههههههههههههههه
طلال:والله طلعت ميمي غاليه عند الكل
فيصل يعطيهم نظره:هبالكم خلوه لكم ها؟!
نوال:يعني ما زعلتها يا فيصل؟!
نهى:شفيها البنت صارلها جم يوم مو صاحيه!!
حلا:وانا اقول شفيها ما تدق علي!!
انفال:والله انا فقدتها بالبيت
فجر:اييه والله انا لاحظتها هاليومين مهي ميمي حتى ما تهاوشنا من زمان
طلال ومشعل:ههههههههههههههههههههههههههههه شوف شفقدتها فيه ههههههههههههههههههه
فيصل منصدم كلهم يتكلمون ورا بعض:انتو شسالفتكم اليوم هجوم علي !!! (التفت على عمته نوال) تسمعينهم عمتي؟
نوال عصبت:بس عاد لا يحط يجيب طاري فيصل على لسانه
قام فيصل وباس راس عمته:الله يخليج لي
طلال:ههههههههههههه مصلحجي
مشعل يضغطه:ههههههههههههه يبي يسكتها بجم كلمه
فيصل شد على اسنانه:مشعلووووووه
مشعل:ههههههههههههه
انفال ما ترضى على اخوها:بس عاد مشعل حرام عليك
مشعل سكت يوم نادته والكل لاحظ هالشي:أن شاء الله

انفال انحرجت ما توقعت يسوي جذي...حلا ضربتها بجتفها وساسرتها (شعليج من قدج)...وقفت واهي متلخبطه بس تبي تروح بعيد عن الكل

:انا بروح اشوف الخدم طولو على الغدا...
حلا تقوم:وانا بجي وياج
انفال تلتفت على فجور:تعالي ساعدينا؟
فجر ترجع لوراه تسند ظهرها:سوري ما احب ادش المطبخ
حلا :عشتو يالاميره
فيصل :حدج عاد يا حلا على اختي...خلوها براحتها كلنا تحت امرها...بعدين ليش تخرب يدها؟!!
فجر بغرور:احم احم
حلا انقهرت:لا والله..يعني انا ايدي اللحين مختربه!!
فيصل يطفرها:يمكن
طلال من غير لا يحس:إلا احلى يد مالج شغل فيه

حلا حست برجفه بجسمها من زمان ما مدحها وهالمره جدام الكل....حمر ويها وسحبت انفال وراحو عالمطبخ..

مشعل يساسره ((ههههه هذا اللي بيمسك نفسه ..))
طلال شافه بحسره ونزل راسه ما يدري شلون قال لها ...

نهى بجد:فيصل
فيصل التفت على امه:هلا
نهى:مرتك شفيها؟

فيصل ابتسم لهم ابتسامه كبيره ...و فاجأهم يوم وقف بالصاله والتفت على امه وعمته ...

:مبروووووك بتصيرون يدات
الكل :!!!!!!!!!!!!!!!!!!!!!!!!

فيصل يشوف اشكالهم ..التفت على فجر:بتصيرين عمه فجوره
فجر انقزت له واهي مو مصدقه:قصدك اموووم حامل
فيصل يهز راسه بفرحه كان مخبيها من مساع علشان امامه :ايييه
فجر قامت تصارخ:واااااااااااااااااااااااااااااااااااااااااااااي واخيرا

انفال وحلا دخلو على صراخها :صاير!!!!!!!
فجر تركض لنفول واهي تنقز من الوناسه:نفووووول اموووم حامل وناسه بنصير عمات
انفال تشوف فيصل:صج فصول!؟!
فيصل:اييه صج
نوال توقف تبارك له:مبروووك يا يمه
فيصل يبوس راسها:الله يبارك فيج عمتي
نهى:مبرووووووووك حبيبي تستاهل كل خير
مشعل يضربه من ورا: يالخايس يعني في شي مخبيه عنا
طلال :انا اقول ميمي شفيها !!
فيصل:هههههههه شسوي فيكم خربتو علي ...ولا كنت بقولكم على الغدا
حلا:ياااا قلبي يا امووم انا اشوفها اخير مره تقولي مالي خلق فيصل
فيصل:هههههههه اييه هذا أول سؤال سألته الدكتور قالي تكون متنسيه فيك
نهى:هههههههه يقولون المره أن تنست بريلها يعني تحبه
فيصل:فديتها والله
حلا بابتسامه واهي تشوف الفرح بعيونه اللي كانت تتمنى هالموقف يوم حملت بناصر تقوله لطلال بس كان بعيد عنها:الله يهنيكم ..ميمي درت؟
فيصل يغمز لهم:لااا ما قلت لها
فجر:شناطر؟!
فيصل :ابي نسوي لها مفاجأه..بس للاسف
انفال:شنو!!
فيصل يشوف حلا:ولدج نايم بالغرفه مضطرين نصحيه
طلال فهمه:ههههههههه يالخايس تبي تنقز اختي
فيصل:هههههه دومك يا بو ناصر تفهمها واهي طايره
فجر اعجبتها الفكره:واااي فصوول الفكره تهبل
نوال :مو زين للياهل لا تخرعونها !!
فيصل خاف:صج عمتي!!
نهى:اييه يما اذا فزت من مكانها حيل
فجر مشتطه:ماالك شغل فيهم فصوول عفيه خل نسويها حده بيصير الوضع ونااسه
مشعل:هههههههه والله انتي يا فجر عجيبه
فجر استحت:هههه شلون؟!
مشعل:مادري جذي هههههه
انفال حست بغيره لاول مره:يالله فصول خل نبدي
فيصل يشرح لهم:راح ندخل عليها كلنا ونطب عالسرير ونحوطها ونقول لها مبروووك
فجر تصارخ تحب هالسوالف:وااااااااااااااااااااااااي يلوموني فيك شوفوو حركاته تهبل
الكل:ههههههههههههههه

اخترب كل شي يوم طلعت لهم امامه واهي تفرك عينها ...مهي قارده تنام من ازعاجهم وصراخ فجووور

امامه واقفه عند الباب:اففف فجور انتي وبعدين معاج يالمزعجه لاحقتني لهني!!
الكل التفت وسكت:!!!!!!!!!!!!!!!!!!!
امامه افتحت عينها ((شفيهم ساكتين !!))شفيكم؟!

فيصل غمز لهم وراح لها وفاجأها يوم شالها بين يده ..

امامه ما تبيه يكون قريب منها جبدها بدت تلووع:لاا فيصل عفيه وخر وخر
فيصل يغمز لهم:شفتو بعينكم ؟!
الكل:هههههههههههههه
امامه مو فاهمه شي:يا ربي نزلني لا اطيح
فيصل قعدها عالقنفه:كاني نزلتج
امامه تسكر خشمها:اففففف قلت لك لا ترش من هالعطر
الكل يضحك:ههههههههه
امامه تنرفزت:ليش الضحك؟
نوال بحنان فتحت يدجها:تعالي حبيبتي
امامه بدلع قعدت بينها وبين خالتها واهم يمسحون على شعرها:........
نوال دمعت عينها:والله وكبرتي يا ميمي
امامه:!!!!!!!!!!
حلا راحت لها وحضنتها بقوه:واخيييييييييرا اموم يا قلبي والله بيكون يهبل مثلج
امامه:!!!!!!!!
فجر بغرور:إلا قولي علي انا بيكون
انفال:ههههههههه ليش الثقه!!
امامه مو فاهمه شي:شفيكم !!!
طلال قرب منها بكرسيه واهو يبتسم لها :ابوي الله يرحمه كان يتمنى هاليوم
امامه:!!!!!!!
فيصل يشوف تعابير ويها راح لعندها ...اهي غطت خشمها وتأشر له بيده يوخر:ههههههههه ياربي ميمي ليه متى بتم جذي عمتي؟
نوال :بالبدايه حبيبي لا تحاتي
امامه تنرفزت:ممكن تقولون لي شسالفه!!!
مشعل يسكتهم:انا بقوول
حلا:لاااااا انا مشعل
فجر:لا انتي ولا اهوانا العمه وانا الاقول
انفال:انا اكبر منج
طلال:محد منكم انا اخوها وانا لاقول
نهى:هههههههه حبايبي ارتاحو انا اقولها
نوال:هههههه اييه والله يا نهى انتي قولي وفكينا من حنتهم
فيصل يقاطعها وعينه على حبيبته:لا يما انا اقولها
امامه وقفت معصبه:افففففففففففف احد منكم يتكلم لعبتو بأعصابي
الكل:ههههههههههههههههههههه

تنرفزت منهم وراحت لغرفتها وسكرت الباب بقوه ...

مشعل:هههههههههه يا قلبي على هالبنت أن عصبت نار
فيصل:اففففف حدها
طلال:اقول فصول بتروح تقولها ولا انا اروح
فيصل:لا انتو تغدو انا اقولها و انييكم

دخل عليها الغرفه لقاها واقفه عند سريرناصروتلعب بيده ....واهي بعالم ثاني ما حست فيه(( يا ربي انا شفيني هالايام ..ما استحمل فيصل..ولا ابي قربه ....واهو بالاول كان يعصب بس اليوم وايد صاير هادي ...شسالفه !!!!))

ضمها من خصرها لعنده من وراه همس بأذنها :احبج
امامه غمضت عينها ما تبي تكسر فيه بس من يكون قريب منها تحس بلوعه:وانا بعد
فيصل مثبت ويهه على جتفها من ورا :شرايج بنصوري؟
امامه استغربت سؤاله بس جاوبت:يهبل ابي ولد مثله

فيصل رفع يده لبطنها وللحين ضامها:بعد 9 اشهر بتشوفينه و بيكون احلى منه لان انتي امه
امامه:!!!!!!!!!!!!!!!!
فيصل لفها بيده وصارت قباله:مبروووك حياتي
امامه:!!!!!!!!!
فيصل ضمها لعنده:واخيييرا حياتي واخيرا بيني ياهل منج
امامه بعدت عنه منصدمه:انا حامل فيصل !!!!!
فيصل يبتسم لها:اييه يا قلب فيصل
امامه د دمعت عينها من الفرحه تشوف ناصر وترد لفيصل:يعني بيصير عندي بيبي
فيصل :ههههه اييه بيصير عندج بيبي
امامه تقعد عالسرير:انت شدراك!؟
فيصل يقعد يمها بس اهي ابتعدت مهي قادره تستحمل زود فهمها وراح قعد عالقنفه بعيد عنها:ههههه من الدكتور ..كل اللي تسوينه نساة حمل
امامه ساكته تستوعب:.......
فيصل وده يروح يحضنها:يعني حياتي ما لقيتي غيري تتنسين فيه؟!
امامه:هههههههههه وانا اقول شفيني!!
فيصل بدلع:حسيت الدنيا تسكرت بعيني ..ما تتخيلين شلون كانت نفسيتي لما اقرب منج وانتي ترفضين
امامه :يا قلبي فيصل ولا ما اقصد بس من تقرب مني احس بلوعه والله
فيصل يبتسم لها ويطير لها بوسه بالهوا:ادري قالي الدكتور شي طبيعي ..الله يصبرني


قطعت عليهم فجر...دخلت وركضت لاموم تحضنها

فجر:واااااااي اموم واخيرا بصير عمه
امامه تبعدها شوي خايفه عالياهل:ههههههه فجور شوي شوي بلا حركاتج الدفشه اللحين ترا بطني فيه بيبي
فيصل ميت عليها:فديت البيبي انا
فجر بغيره:مالت عليج ترا توه حتى ما تكون
امامه عصبت:لا تقولين جذي عن بيبيي
فجر:مالت عليج انتي وياه زين
فيصل يعني معصب:فجووور
فجر :ومالت عليك انت بعد وياهم
امامه:انتي ليش لسانج طويل؟
فجر تغمز لها:تربيتج
فيصل:ههههههههههه
فجر:اقول بس قومو يالله الغدا لا يبرد
امامه:مو مشتهيه انتو روحو
فيصل يوقف :لا حبيبتي لازم تتغدين علشان صحتج انتي والياهل
امامه بدلع:وااي فصولي لازم اغير كل شي علشان الياهل اللحين
فجر:ههههه اشكو !! بلا دلع على اخوي وخليج عادي منتي اول وحده تحملين
فيصل ميت ضحك الغيره عند اخته مو طبيعيه:خلاص فجوره روحي احنا اللحين لاحقينج
فجر:تصرفني فصول!!
فيصل:ههههههه حشاج فجوره
فجر بغرور:ما عليه بطلع ..انت ومرتك ولدك اللي بطنها تعالو بسرعه
فيصل:ان شاء الله عمتي

امامه:فصولي روح تغدا حبيبي مو مشتهيه
فيصل:ماراح اتغدى الا وياج
امامه:يعني مصر؟
فيصل بعناد:اييه
امامه تبتسم له:اوكي..بس عندي منك طلب
فيصل بحب:انتي تآمريني مو تطلبين يا ام الغالي
امامه استانست:ابي انام عند اهلي على الاقل هاليومين
فيصل:من صجج !!! ما قادر لااا مستحيل
امامه بدلع:علشاني حبيبي انت شفت حالتي شلون طول الليل والله مو قادره الشي مو بيدي
فيصل سكت ثواني وبعدها قال:اوكي بس مو اكثر من 3 ايام
امامه بالاول تبي يقتنع بعدين تطلب زود:ان شاء الله
فيصل ابتسم لها:واللحين خل نروح نتغدى
بيت باسل

باسل عينه عالساعه مو قادر يصبر ليه المغرب...

باسل:يالله يما دقي اللحين
ام باسل تشوف الساعه توها 5:اصبر يا يمه 6 اكلمها
باسل مو قادر:ما تفرق ساعه يمه بليييز

فرح نزلت الصاله واهي ميته ضحك على كلام اخوها لان بينصدم ان قالت له الخبر

فرح بمرح:بسووووول
باسل ماله خلقها:هاااااا
فرح:اقول استريح اليوم خله باجر
باسل انصدم:شنو !!
فرح :يما ترا اهل فجر كلهم طالعين توني مكلمتها
ام باسل:ههههههه شفت شلون كنا بندق وماراح نحصل امها
باسل عصب على فرح:اكيد تجذبين!!
فرح:هههههههههههه وليش اجذب
باسل يضرب ريله بالارض:ما يصير جذي
ام باسل حاسه بولدها:هههههه لا تحاتي حبيبي باجر ادق عليهم واخطبها لك البنت مارح اطير

باسل طلع من البيت واهو معصب .....


بيت حور


طلال دز مسج لشذى انها ترجع البيت بعد ساعتين بالكثير علشان اهو بيرجع على 7

شذى:اففففففف
حور:شفيج!!
شذى تحذف موبايلها:الاخ طلال يقولي رجعي البيت قبل السبع
حور مستغربه من رفيجتها:وشنو يعني بالعكس ولهان عليج!!
شذى:فهميني يا حوور ما اقدر استحمل شكله
حور ملت واهي تفهمها:اللي تسوينه غلط ..اكيد بيتعالج يوم وبيرد مثل قبل ان شاء الله حاولي تكسبينه
شذى بقهر:والله لو مو ابوي جان طلبت الطلاق وارتحت
حور:الله يهديج
شذى:شكنا نسولف عنه قبل لا اشوف المسج
حور:اممم اييه كنت اقولج اني بعد ما اطلع من العده ان شاء الله بكمل الدكتوراه
شذى:اييه صح...يعني اللحين من صجج لج خلق تكملين الدكتوراه بعد!!
حور بحزن:ما عندي شي يا شذى شسوي!!
شذى:مو معقوله يا حورلازم بييي اليوم اللي تتزوجين فيه وتشوفين حياتج
حور عصبت :انا قلت لج يا شذى هالموضوع لا تفتحينه وياي لان مستحيل اتزوج بعد خالد

شذى احترمت مشاعرها واسكتت ...حور استأذنت على انها بتروح المطبخ تييب لها ماي...


بيت جاسم


قاعدين كلهم بالصاله يسولفون ....طول الوقت حلا وطلال ما دار بينهم أي كلام ...

قاطعهم طلال يوم قال:يماا
نوال تلتفت عليه:هلا يما
طلال عينه على مشعل يتجنب حلا:انا مسافر بعد اسبوع
الكل واكثرهم حلا:!!!!!!!
نوال:ليش؟!
طلال:شغل يما
نوال:شكثر بتقعد؟
طلال يحس بنظرات حلا له موعارف شيقول:...
مشعل فهمه:يمكن 6 شهور
نوال استغربت:انت بعد بتسافر!!
مشعل عينه على انفال ..اهي نزلت راسها يوم شافها:اييه
امامه:اثنينكم صعبه!!
مشعل:شنسوي بعد شغل

حلا انقهرت انه ما قال لها استأذنت انها بتنوم ناصر وراحت غرفتها الكل حس فيها بس سكت...
مكه

قاعدين يلبسون عبيهم بيروحون يصلون العشا بالحرم...

طلعت غنيمه للصاله لقت عبدالله ماسك القرءان ويقرا بصوت واطي وبخشوع...حست براحه يوم شافته جذي (((الحمدالله لك يا رب ...الله يثبته ويخليه لي ..))

قعدت يمه واهو حس فيها وخلص السوره وسكر القرآن ...

ابتسمت له:تقبل الله منك
عبدالله يبادلها الابتسامه:من ومنج حبيتبي...وين جوى؟
غنيمه:اللحين يايه
عبدالله يشوف عليها الحجاب:تصدقين الحجاب محليج
غنيمه بحيا:الله يهدينا ان شاء الله
عبدالله :ان شاء الله

طلعت لهم جوى واهي مو عارفه شلون تلبس حجابها ...(طبعا لا غينمه ولا جوى متحجبات ..لابسينه علشان الحرم)

جوى:اففف غنوم تعالي ساعديني ماني عارفه
غنيمه تروح لها:ههههههه يعني انا الخبره
جوى تشوفها:على الاقل تعرفين تلبسينه انا كلش يا حظي علي
غنيمه:هههههه الله يعافي حلوي اهي اللي علمتني مره واهي تلبسها
جوى:حلا بنت عم رفيجتج اللي قلتي لي عنها
غنيمه تعدل لها شيلتها:اييه هذي الدكتوره
عبدالله يوقف ويروح لعندهم ويناظرهم:تبون الصراحه ؟!
غنيمه وجوى:شنو!!
عبدالله يحضنهم لعنده بقوه:الحجاب يهبل عليكم ..الله لا يحرمني منكم


بيت طلال

بعد ما رجع من بيتهم ...لقى شذى قاعده تنطره بالصاله ...ساعده مشعل لداخل البيت ..سلم على شذى بسرعه وطلع ...

ساعدته يروح لغرفته ويغير ملابسه ...بعدها قعدو بالصاله تابعو لهم فيلم....سوت شذى عشى سريع لطلال ..بعدها استأذنت منه تبي تروح تنام ...اهو قالها ان بيتم بالصاله ما فيه نوم ولا قالها عن سفرته ...

راح المطبخ يبي ياخذ له قلاص عصير...اشتهى ياكل له شي ...تم يحوس بالمطبخ طاح منه الصحن


طلال ينادي عليها من المطبخ:شذاااااااااااا
شذى تقوم من سريرها واهي تتأفف (الواحد مو قادر ينام على راحته) وقفت عند الباب:نعم خير
طلال متعمد يكسر الصحن:الصحن طاح حبيبتي
شذى:وااااي طلال مقعدني من نومي علشان صحن
طلال يبتسم (أن ما كرهتج بحياتج):مادري
شذى عصبت:طلال ترا انا تعبت من حالنا
طلال وهذا اللي يبغيه:شفيه حالنا؟
شذى طول ما تتكلم ما تناظره:لا نومي مثل الناس ولا اطلع ولا اروح
طلال ببرود:من ماسكج يا حلوه؟
شذى :تسوي نفسكم ما تدري!! انت يعني من غيرك
طلال يرفع جتفه:انا ما منعتج
شذى:انت قلت لي اذا بتطلعين وياي غير جذي لا
طلال يمثل:اييه يا قلبي ما اقدر ما اشوفج قبالي طول الوقت
شذى(وانا مو قادره استحمل شكلك الأرف هذا):طلال
طلال :عيونه
شذى بدلع:انت تحبني؟.
طلال:مافي شك
شذى تبتسم له:خلني حبيبي اطلع باجر والله تعبت
طلال:ليش ما تبغيني اروح وياج؟
شذى تبرر:اخاف عليك تتعب حبيبي
طلال:ما في تعب بكون بالكرسي وانتي بتدزيني ما فيها شي
شذى(هذا بينني اكيد افف ابي اتطلق وافتك):انا بنااام
طلال:ما عجبج كلامي؟
شذى ملت وخافت تشد وياه يطلقها وابوها هددها بهالشي:لا عادي
طلال :حياتي وانا من بيوديني الغرفه
شذى تشوف تواير الكرسي:شرايك باجر اشتري لك كرسي كهربائي تتحكم فيه بروحك
طلال(كل هذا يا شذى تبين تفتكين مني بأي طريقه):متعبج؟
شذى :لا يا قلبي تعبك راحه بس قلت لك يمكن انشغل او شي
طلال:اها...شرايج انام
شذى عينها عالارض:اوكي

طلال مسك يدها ناظرت بيده المشوه غمضت عينها ....حس بهاللحظه شكثر اهي حقيره على الاقل مو جدامه...سحب يده وبعدها عنها....

باستهزاء:سوري لوعت جبدج
شذى تمثل:لا حبيبي بس حسيت شي دخل عيني
طلال(بسج جذب بسج):يالله انام



بيت فيصل

اليوم يمعه ما في دوامات ...نهى قعدت من النوم...غسلت وغيرت لبسها ونزلت ...لقت انفال قاعده ...ارتاحت أن فجر مو موجوده..علشان تقدر تكلمها على راحتها...


نهى بجد:نفوله حبيبتي
انفال:هلا يمه
نهى:خالتج نوال امس ردت فاتحتني بالموضوع
انفال جسمها يرجف:أي موضوع يمه؟
نهى تناظرها:تدرين أي موضوع
انفال بضيق:يما هالموضوع خلصنا منه
نهى:لا ما خلصنا..فواز تخلى عنج ولازم تنسينه وتبدين حياتج
انفال تمت تصيح:يما تكلمي بالمنطق انتي تدرين شفيني
...وهم تدرين أن محد يرضى يتزوجني غير فواز
نهى بضيق على حالة بنتها:وايد بنات مثلج حبيبتي تزوجو وعيلو ولا صار فيهم شي
انفال :بس يما صدقيني مشعل أن دري بيرفض
نهى تحاول تفهمها:يعني انتي موافقه عليه بس تحاتين انه يرفضج علشان هالشي
انفال هذا اللي بقلبها:اييه يما
نهى ابتسمت لها:واذا قلت لج أن مشعل طالب من نوال انه قبل لا يصير أي شي يبي يقعد وياج
انفال بصدمه:قصدج يما تبيني انا اقوله اني..
نهى تقاطعها:حبيبتي لازم يدري قبل لا يتزوجج
انفال تصيح:وليش افضح نفسي يما دام اني ادري انه اذا درى بيرفضني
نهى :ليش تقولين جذي حبيبتي انتي مالج ذنب من اللي صار
انفال تصيح:خلااص يما عفيه رحميني وانسي هالموضوع
نهى :بس يا حبيبتي صدقيني مشعل خوش..
انفال توقف وتثقاطعها واهي تصيح:بس يما كافي كافي

راحت لغرفتها وسكرت الباب وتمت تصيح على حالتها ...

نزل فيصل ..مو قادر يقعد بالشقه وامامه مو فيها ...نزل عند امه ...سلم عليها وحس انها متضايقه

فيصل:عسى ما شر يما شفيج.؟

نهى قالت له عن كل شي...وقف فيصل..

نهى:وين رايح يما
فيصل:انا بكلمها ..اللي تسويه غلط ماراح ارضى لها
نهى:بالعدال يا فيصل لا تشد وياها انت عارف حالتها
فيصل يطمنها:لا تحاتين يما..عن اذنج

غرفة انفال

تطق الباب حاول يفتحه كان مقفول

فيصل:نفووله فتحي الباب
انفال تحاول تكتم صياحها:فيصل ما فيني حيل اتكلم
فيصل:ما عليه فتحي

فتحت له الباب وقعدت على السرير...

فيصل ابتسم لها:نفوله
انفال رفعت عينها الحمر من كثر البجي :........
فيصل:شرايج بمشعل كريال؟
انفال :ما عليه كلام
فيصل مبتسم:تاخذين براي اخوج ؟
انفال:اكيد
فيصل:لو بيدي يا انفال تكونين لمشعل اليوم قبل باجر
انفال تصيح:فيصل افهمني صعب علي
فيصل فاهمها:ادري حبيبتي علشان جذي انا ياي اقولج شي يرضيني ويرضيج
انفال:شنو؟
فيصل:انا بنفسي باخذ مشعل وبكلمه بموضوعج وبقوله وبقيس نبضه ..اذا حسيت انه رافض او شي فانا بنفسي بقوله ما حصل نصيب
انفال باحباط:وليش نسوي جذي..من الاول السالفه منتهيه
فيصل ما يحب يشوفها جذي:انفال ليش ما تتفائلين!!
انفال تصيح:لاني تفاءلت طول حياتي اني بلقى فواز ويوم لقيته وعدني بيرد يخطبني ويفاجئكم...تخلى عني بكل سهوله بعذر انه يريحني
فيصل :موضوع فواز انتهينا منه يا انفال ...وقلت لج ان اللي سواه كبر بعيني ...لان ما في ريال يرضى لوحده يحبها تعيش وياه واهو بهالحاله
انفال تصيح:بس انا ارضى فيه لو شنو كان المهم يكون لي
فيصل:ليش انتي شناقصج!!
انفال تصيح بعذاب:انا يا فيصل اللي نفسي صعب يتشرطون يحمدون ربهم اذا احد وافق عليهم
فيصل بضيق:اللي نفسج مالهم أي ذنب ..اذا واحد حقير حمار اخذ اغلى ما عندهم بلحظه من غير ذنب...
انفال تصيح واهي تذكر اللي صار لها:ليش انا فيصل ليش انا !!!!
فيصل دمعت عينه لان اللي صار جدام عينه وعين امه..ضمها لعنده بقوه:الله ينتقم لنا منه حبيبتي
..بيشوف عذاب بالدنيا وبالاخره ..انسي حياتي انسي وعيشي حياتج

تمت تصيح مده ..بعدها هدت دخلت الحمام غسلت ويها وردت...

فيصل يبتسم لها:هديتي
انفال تهز راسها:اييه
فيصل:اسوي اللي اشوفه صح
انفال بعد مده قالت:امم (وبحيا) اوكي
فيصل وقف وباس راسها:الله يوفقج

بيت جاسم

امامه وحلا ونوال قاعدين بالصاله... امامه سادحه ناصر على القنفه تتعلم عليه...

امامه متوهقه:وااي حلوي مو راضي يتسكر البمبرز
حلا:هههههههه يا ربي ميمي تو الناس خل ولدي بحاله
نوال:يا قلبي عليها مستعيله
امامه:شسوي يما مو مصدقه بيصير عندي بيبي صغيرونو من فصولي
حلا:هههههههه

دخل مشعل ..حلا عدلت شيلتها وقعدو يميع...

امامه تغمز له:هلا بمعرسنا
مشعل ناظر امه مستغرب:هلا فيج
نوال:هههههههه شفيك تشوفني جذي؟
مشعل رد يشوف حلا:وافقت!!!
نوال بفرح:نهى توها سادته مني وقالت البنت موافقه بس فيصل بيكلمك بموضوع
مشعل بيطيرمن الفرحه:صج صج
حلا دمعت عينها:اييه صج الله يتمم عليك
مشعل يناظرها بخوف وحلا فهمت شيقصد:آمين

الا موبايل مشعل يرن وكان فيصل...

مشعل:هههههه الطيب عند ذكره
امامه بوله:منو حبيبي؟
حلا:هههه اللحين حبيبج مخليته بروحه بالبيت
امامه:ياا ربي مو بيدي شسوي يعني

مشعل طلع بره علشان ياخذ راحته بالكلام واتفق وياه اليوم على المغرب يتشاوفون ... رد دخل البيت

مشعل:حلا
حلا رفعت عينها له:هلا
مشعل:ابيج بموضوع
امامه بلقافه:نعم!!! شنو هالموضوع اللي تعرفه وانا لأ
مشعل:مو شغلج يالملقوفه
حلا تروح وياه:ههههههههه صادق والله ملقوفه ملقوفه
امامه بدلع:يما شوفيهم
نوال تغمز لهم:ما غلطو لانج صدق ملقوفه
امامه عصبت والتفتت على التلفيزون:لو فصولي اهني جان ما تجرأتو تقولون جذي
الكل:ههههههههههههههه


بالحديقه

مشعل بخوف:تقولين اقول لفيصل ولا لانفال؟
حلا بتفكير:اممم اتوقع تقول لانفال احسن علشان اللي يصير بينكم وما تدري يا مشعل ممكن يكون في علاج ان شاء الله
مشعل هلايام بدا يصيرعنده امل:انا ناوي ان شاء الله بسفرتي هذي ارسل اوراقي مره ثانيه للمستشفيات
حلا استغربت:انتو مو مسافرين شغل!!
مشعل توهق:اييه بس يعني قلت مره وحده
حلا:اها ...زين تسوي
مشعل ابتسم لها:تصدقين حلا؟
حلا تشوف الفرح بعينه:هلا
مشعل:احس اني مرتاح لانفال
حلا ابتسمت له:الله يوفقكم يا رب...وتكون من نصيبك
مشعل من كل قلبه:آآميييين

بيت فرح

باسل ما صدق صارت الساعه 6 المغرب نزل عند امه ومد لها سماعة التليفون ...فرح وابوها ميتين ضحك عليه...

باسل:يالله يما صارت 6
ام باسل:هههههههه ان شاء الله

اتصلت على بيت فجر...انفال كانت بغرفتها تحاتي موقف مشعل اللي ويا فيصل اللحين اذا عرف بموضوعها ...فجر ونهى قاعدين بالصاله...

فجر رفعت التليفون قريب منها:الو
ام باسل:السلام عليكم
فجر شاكه بالصوت تعرفه بس ما تدري وين:وعليكم السلام
ام باسل عرفت صوتها ..من بدت تحجي بيتهم واهي حابتها:شلونج فجوره؟
فجر عرفتها..وقلبها قام يرقع تذكرت باسل :هلا فيج خالتي ..انتي شلونج؟
ام باسل:بخير الله يسلمج...الوالده موجوده
فجر ويدها ترجف:اييه لحظه بس خالتي
ام باسل:اخذي راحتج

فجر تتنفس بقوه ونهى مستغربه من حالها ....

فجر:يما خالتي ام فرح على التليفون
نهى استغربت:خير
فجر تسوي نفسها مو عارفه شي:مادري

وفجر ركضت لغرفة انفال تقولها...


افتحت الباب بقوه ...ونقزت عالسرير عندها

انفال اخترعت:بسم الله شفيج!!!
فجر تمسك يد انفال وتحطها على قلبها:امبييه نفووول شوفي قلبي شلون يرقع
انفال خافت:سم الله عليج شفيج؟
فجر:امبييه نفووول مادري شبسوي
انفال:وليييه تكلمي شفيج!!
فجر كانت قايله لانفال عن باسل:باسل نفوول باسل
انفال:شفيه؟
فجر بحيا:خطبني
انفال:صج!!
فجر بتموت من الوناسه كانت تظن ان يلعب عليها:اييه كا امه قاعد تكلم امي ...امبييه نفول بمووت مو مصدقه
انفال تلمها:يااا قلبي فجووور والله وكبرتي
فجر:هههههه




ستاربكس كافيه

مشعل مبتسم:قول يا فيصل ..انا موافق على كل شي
فيصل يبادله الابتسامه:اللي بقوله يا مشعل من حقك تعرفه ومن حقك اذا عرفت ترفض اختي وبنتم اهل وهالشي مارح يزعلنا
مشعل بخوف توقع اهو الوحيد اللي خاش شي:خير ان شاء الله؟
فيصل مو عارف من وين يبدي:اممم
مشعل حط يده على يده يشجعه:قول يا فيصل ولا تحاتي سرك كبير
ارتاح فيصل وكبر بعينه مشعل اكثر.:انفال
مشعل:شفيها انفال؟

فيصل قعد يقوله كل شي...بالبدايه مشعل انصدم من الموضوع وهالشي بان عليه...فيصل حس فيه وظن انه بيهون وهالشي من حقه


مشعل ساكت منصدم:!!!!!!!
فيصل بضيق:وقلت لك يا مشعل ان هالشي من حقك ترفض اختي ..ولا تحاتي أي شي
مشعل قاطعه بسرعه:لاا يا فيصل انا ما اقصد جذي
فيصل ظن انه مستحي:مشعل انت اكثر من اخو لا تجامل بهالمواضيع
مشعل:انت فهمتني غلط يا فيصل...انا انصدمت كيف اختك متحمله هالشي طول عمرها .!!
فيصل بحزن:الله العالم بحالها يا مشعل
مشعل بعد تفكير:ممكن سؤال؟
فيصل:اكيد
مشعل:يعني هذا السبب اللي مخليها ما تتزوج طول هالسنين؟!!
فيصل بصراحه:تبي الصج مشعل
مشعل:اكيد
فيصل :شوف ..محد يدري عن اللي صارغير جيرانا..ونفوله كانت صغيره وقتها...فبيت جيرانا كان عندهم ولد اسمه فواز...كان يدري عنها من اهي صغيره...وكان حابها وانخطبو لبعض قبل فترة دراستها بالجامعه
مشعل انصدم:كانت مخطوبه!!
فيصل:اييه وتمو 4 سنين خطوبه وكان عرسها بعد حفلة تخرجها باسبوع ..فملجو واهي بكورس تخرجها ...بس للاسف فواز ما حضر حفلتها
مشعل:ليش!!
فيصل:تمينا طول هالسنين ما ندري عنه شي..تخيل حالة انفال وقتها اهي حاطه الامل فيه اهو الوحيد اللي يدري عن حالتها وعاذرها ...وبالاخير يختفي قبل عرسها ..تمت سنين على امل انه يرجع..

مشعل مندمج معه:وما رجع؟
فيصل:سفرة انفال الاخيره لدبي شافت عمته...ويوم راحت سفرة شغلها راحت تدوره وانصدمت انه حي بس عمي
مشعل:عمي!!
فيصل:اييه صارله حادث وما حب يرجع الكويت ويخلي انفال تعيش وياه واهو بالحال
مشعل:ليش اهو وين كان؟
فيصل:اهو من بعد الغزو عاش بالامارات عند عمته اهي اللي ربته
مشعل حس بغيره منه:اها..وبعدين؟
فيصل:ولا ابلين...وعدها بيرجع يخطبها بعد كل هالسنين وبالاخير هدها وسافر
مشعل انصدم:ليييش!!!!
فيصل بحزن:يقول ما يبيها تعيش مع واحد مثل حالته ..ما يبي يكون عاله عليها يبي لها حياة احسن ..

مشعل سكت مده وبعدها قال:واللحين؟
فيصل:اللحين شنو؟
مشعل بقصه:انفال للحين تحبه؟
فيصل مو عارف شيقول الموضوع حساس:انفال سكرت على الموضوع وتاكدت انه ماضي وانتهى من حياتها
مشعل ابتسم له براحه:واهي رافضتني علشان سالفة اغتصابها
فيصل يهز راسه:اييه
مشعل:بس هالموضوع اهي مالها فيه أي ذنب
فيصل كبر بعينه:احنا نقول جذي بس اهي تحسه ذنب كبير بحياتها
مشعل:طلبتك فيصل
فيصل:امرني
مشعل:انت تدري اني بعد اسبوع بسافر ويا طلال
فيصل:اييه
مشعل:فاذا ممكن املج عليها قبل لا اسافر ..ادري بتقولي لازم تجهز وجذي..بس انا كل اللي ابيه املج عليها علشان اقدر اكلمها واخذ راحتي وياها واذا رديت ان شاء الله العرس
فيصل تم ساكت يفكر خايف يرد عيد الكره مثل فواز:..
مشعل:بس قبلها ودي اكلم انفال على انفراد اذا ممكن
فيصل استغرب:ليش؟
مشعل ابتسم له:موضوع شخصي حبيت يكوني بيني وبينها علشان يصير التفاهم من البدايه
فيصل:انت مو غريب يا مشعل ..متى تبي؟
مشعل مستعيل:اذا ممكن اليوم ..بس استشيرها بشي اذا وافقت ان شاء الله يصير بينا نصيب وتشوف سالفة الملجه
فيصل براحه:على خير ان شاء الله اللحين اعطيها خبر


مكه

اليوم بيردون الكويت ان شاء الله ...غنيمه قاعده بالغرفه ترتب الجناط...

عبدالله دخل الشقه راد من الحرم ...كان اغلب وقته ينزل بروحه يقرا قرآن ويصيح يغسل قلبه ويطلب من ربه يتوب عليه ...

وقف عند الباب يتأمل غنيمه هالبنت اللي دخلت البيت ويابت الخير وياها...

حست غنيمه احد يناظرها التفتت وراها لقت عبدالله يشوفها ..انحرجت وحمرت خدودها...

غنيمه:حياك عبدالله ادخل الغرفه ليش واقف؟!
عبدالله راح لها وقعد يمها عالارض :شوقي لج موقفني
غنيمه تعدل الملابس:تسلم
عبدالله مسك يدها وسحب منها البلوزه وقربهم من فمه وباسهم:تدرين انج نور حياتي
غنيمه منزله راسها بحيا:........
عبدالله يرفع راسها:شفيج؟
غنيمه تعض على شفايفها:خف علي شوي عبدالله
عبدالله يغمز لها:هههههه اشوف بداية زواجنا ..كنتي تقولين اكثر من جذي
غنيمه:كنت ابي اكسبك
عبدالله:واللحين؟
غنيمه بفرح:الحمدالله قدرت اكسبك وفوق هذا كسبت قلبك
عبدالله برفع حاجبه العريض معطيه جمال اكثر:شالثقه
غنيمه بدلع تضرب جتفه:ما تعترف اني خذيت قلبك مثل ما خذيت قلبي.؟
عبدالله ذاب وياها:الا خذيتي عقلي وتفكيري وكل شي

قطعت عليهم جوهم جوى...

جوى:هههههههههه خربت عليكم
عبدالله يلف صوبها:حياالله بحبيتنا جوويه
جوى بفرح:صج!!
غنيمه:اكيد صج
جوى تروح تقعد يم ابوها وتحط راسها على حضنه:ونااسه يعني اثنين يحبوني مو واحد
غنيمه:هههههه
عبدالله يبوس جوى على راسها:ها حبيبتي ارتحتي بالعمره؟
جوى على طول تدمع عينها اذا كلمها جذي:وااايد يبا
عبدالله يمسح دمعتها:ليه متى يا جوى هالدموع!!
جوى:مو بيدي
غنيمه تلطف الجو:عبودي
جوى بمرح :يه يه شعليك يبا ناس يدلعونك
عبدالله :تغارين؟
جوى:ههههههه لا عليك بالعافيه
عبدالله:هههه (التفت لغنيمه) امري حياتي؟
غنيمه:اموم رفيجتي قايلتلي عن مجمع فاتحينه تحت فندق زمزم واايد حلو شرايكم نروح له؟
عبدالله يشوف ساعته:يمدينا ولا لأ ....باقي 4 ساعات على الطياره
جوى وقفت:اييه يبه يمدينا ...الطريج من مكه ليه المطار اخذ منا نص ساعه
عبدالله ابتسم واهو يشوفها مستانسه:خلاص روحي لبسي عباتج خل نروح له
جوى بفرح:دقاايق بس

غنيمه توقف:خل اروح اللبس عباتي لا نتاخر
عبدالله وقف وسحبها لعنده:عندنا وقت طويل حياتي


بيت فيصل

صعدت نهى وراحت لغرفة انفال ...لقت بناتها قاعدين يسولفون..اول ما شافوها سكتو..

نهى تبتسم لهم:شعندكم؟
فجر مرتبكه:ابد يما ماكو شي
نهى تقعد عالسرير وياهم:فجووره
فجر ترجف:هلا يما
نهى ملاحظه عليها بس طوفت:ام فروحه توها مكلمتني
فجرتبلع ريجها:اييه
نهى تشوف انفال وتبتسم:خطبتج مني لولدها باسل
فجر شوي ويغمى عليه:شششش شنو!!
انفال :هههههههههههههههههه
نهى :خطبتج لولدها باسل اخو فرح
فجر تحوس بشعرها:وشقلتي لها يما
نهى:شبقولها يعني ..كالعاده نسأل عنه ونسأل البنت ونرد لهم خبر..انتي شرايج؟!
فجربغباء:رايي بشنو!!
انفال:هههه رايج في باسل؟
فجر بحيا:مادري
انفال تدري انها ميته عليه:هههههه
نهى :انا ان شاء الله بكلم فيصل واهو يسأل عنه..انتي كبداية موافقه؟
فجر تشوف انفال وتشبك اصابعها:امم مادري يما اللي تشوفونه
نهى بجد:هذا زواج مو لعب..حتى لو حصل نصيب ماراح يصير شي الا بعد ما تتخرجين
فجر(وااي شيصبرني):اللي تشوفينه يما
نهى :الله يكتب اللي فيه الخير


رن موبايل انفال وكان فيصل وقالها عن مشعل علشان تلبس وتتجهز اللحين ياي ...

انفال سدته منه واهي منصدمه:!!!!!
نهى:شفيج حبيبتي؟!
انفال:يما فيصل يقول ان مشعل يبي يكلمني
نهى استغربت:بشنو؟!
انفال بخوف:مادري يما..يما ما ابي اخاف
فجر:جان قلتي لفيصل
انفال:يقول انه شي ضروري قبل لا يصير أي شي يبي يكلمني بشي خاص
نهى تفكر بالمضوع:يمكن يكون يبي يستفسر عن شي ومايبي احد يتدخل!!
انفال:يمكن..بس شسوي يما اللحين.؟
نهى تبتسم لها:حبيبتي مشعل من الاهل مو اول مره تقعدين وياه لبسي أي بدله زينه عندج وشيلتج ونزلي تفاهمي وياه
انفال تقوم عند كبتها:فجووور ساعديني شاللبس



طلعت لها فجر بدله ناعمه علشان تلبسها ...ونهى نزلت توصي الخادمه تسوي عصير لمشعل...

بيت احمد

شيخه توها راجعه من الدوام ...دخلت غرفتها ولا اهتمت لاحمد اللي قاعد بالصاله ....غيرت لبسها ولبست بيجامتها وحطت راسها ونامت ...

احمد كان متوقع انها بترد الصاله تسأل عنه وعن فهد ...بس خاب امله يوم عدت ساعه واهي للحين ما طلعت ...دخل عليها الغرفه لقاها نايمه ...انقهر منها وعرف انه لو شنو مارح تتغير طول حياتها ....


بيت فيصل

وصل مشعل ودخل صالة الاستقبال..شوي الا تنزل لهم انفال ..بالبدايه قعدو يميع يسولفون وجذي..بعدها استأذن فيصل علشان يخليهم براحتهم يسولفون...

مشعل بعد صمت دقيقتين:انفال
انفال عينها بالارض:نعم
مشعل: ممكن تشوفيني
انفال رفعت عينها وبسرعه ردت نزلتها :...
مشعل ابتسم لها ودخل بالموضوع:انا عرفت عنج كل شي يا انفال من فيصل..بالعكس هالشي ما اعتبره سبب علشان ارفضج مثل ما كنتي تظنين
انفال مستحيه تحس ودها تركض لغرفتها :......
مشعل:بس انا عندي شي من حقج تعرفينه وممكن انج ترفضيني علشانه
انفال رفعت عينها مصدومه:شنو اهو ؟!!
مشعل ابتسم لها(يايلج يا انفال لا تستعجلين):انا ياانفال انا ..عندي بس20% امل اجيب عيال
انفال :!!!!!!!!!!!!!!!
مشعل يوضح اكثر:خلال فترة دراستي بره ..صارلي حادث وانا راكب الخيل وطحت وسبب لي عقم ..بس في اطبا قالولي عندك20% امل ممكن انك تجيب عيال
انفال ساكته تسمعه:.............
مشعل:انا ادري ان سالفتي اهم بوايد من سالفتج ومن حقج ترفضيني علشان لا تنحرمين من الامومه وهالشي بقدره وبتمين اخت وعزيزه
انفال مو عارفه شتقول:!!!!!!
مشعل:ابي رد اللحين انفال علشان اقدر احدد موقفي انا بسافر بعد اسبوع
انفال((خلااص يا انفال فواز وتخلى عنج..اللحين الولد شاريج انتي مارح تفرق معاج سالفة العيال لان ما في غير مشعل ممكن يوافق عليج ...وافقي يا انفال)):....!!
مشعل محترم سكوتها ما يبي يضغط عليها:..........
رفعت راسها وجيت عينها بعينه وابتسمت :موافقه
مشعل يحس انه بيطير من الفرح:صج انفال صج!!
انفال بحيا:اييه
مشعل :ما اصدق
انفال: بس عاد مشعل
مشعل احترمها:انزين ممكن اتكلم بالموضوع الثاني؟
انفال بخوف:شنو؟
مشعل يهديها:ما في شي بس كنت بقولج ان ابي املج عليج قبل لا اسافر
انفال بحيا:بس ما يمديني مشعل
مشعل بابتسامة كلها فرح:انفال فهميني انا بسافر مادري شكثر بقعد ابي اكلمج طول الفتره هناك
انفال بحيا وبخوف بنفس الوقت تنعاد سالفتها ويا مشعل مثل فواز:اممم
مشعل :لا تقولين لأ بليييز
انفال بابتسامه ناعمه:اللي تشوفه
مشعل الفرحه مو شايلته:الله يتمم علينا يا رب
انفال وقفت بحيا:عن اذنك
مشعل وقف وياها:اذنج معاج ديري بالج على نفسج في ناس يبونج
انفال بتموت من الاحراج:ان شاء الله
بعد مرور 4 ايام....

اليوم ملجة مشعل على انفال قبل لا يسافر بيومين...
اتفقو تكون حفله بسيطه بينهم في بيت نهى ...كانت الحفله محفوفه حيل بين الاهل بس....

غنيمه توها واصله ..لقت اموم على طول حضنتها:وااااااي امووووم يالخايسه ولهت عليج
امامه بتصيح من زمان مو شايفتها:وانا اكثر يحماره كل هذا ما اشوفج!!
غنيمه تبتعد وتبتسم لها:لا تلوميني حبيبتي انتي تدرين بالحال
امامه كانت تكلمها وتدري عن عبدالله:واللحين شلونه وياج؟
غنيمه بابتسامه كبيره:عسل اموووم يهبل حدي احبه
امامه تغمز لها:اووووه تطورات غنوم
غنيمه استحت:وين حلووي ولهانه عليها؟
امامه :فوق عند نفول تعابل وياها ..اللحين تنزل

يات لهم فجرمن ورا...

فجر انصدمت:غنووووووووم!!
غنيمه التفت:هااااي فجوور
فجر تحضنها:هاااايااات ...انتي وينج؟!
غنيمه:هههههه كاني ...شالحلاة فجور
فجر استحت:من ذوقج حبيبتي

امامه تسحب غنيمه من يدها:خلونا نقعد ما اقدر اوقف وايد

قعدو جنب بعض...

غنيمه:عشتو بعد ليش ما تبين توقفين؟!
امامه تغمز لها:لاني حامل
غنيمه شهقت:صج !!!
امامه تهز راسها:اييه صج
غنيمه حضنتها:مبروووك يا قلبي
امامه:الله يبارك فيج عقبالج
غنيمه:لا انا تو الناس علي ..هالموضوع مأجلينه انا وعبدالله
فجر:زين تسوون احسن لكم

امامه:غنووم باركي لفجورانخطبت
فجر استحت:ميمي يالخايسه للحين ما صار شي
امامه:يالجذااابه صار بس فيصل قال كل شي بعد الدراسه ..بس حجزج له
فجر:هههههه
غنيمه:مبرووك حبيبتي تستاهلين
فجر تأشر لفرح اتيي:الله يبارك فيج..شوفي اللي قاعد تمشي لابسه نفنوف احمر قصير هذي اخته
غنيمه تشوفها واهي جايه صوبهم:اييه ما شاء الله مملوحه..اكيد اخوها حلو مثلها ؟!
فجر بدلع:لااا بسولي احلى
امامه:ههههههههههه وتقول ما صار شي للحين شوفي شلون ميته عليه

الدور الثاني

حلا ويا انفال تساعدها ...

انفال محتاره:يا ربي حلوي مو جنه لو ترفع البف شوي يصير احلى
حلا تذكرت ايام عرسها بطلال :لا حبيبتي صدقيني جذي انعم
انفال تلف بالمنظره تشوف نفنوفها:انزين شلون شكل النفنوف
حلا تتأملها:رووعه نفول والله مشعل ينجن عليج
انفال استحت:بس عاد حلوي مو ناقصتج

انفال كانت لابسه نفنوف سكري كت من فوق وضيج على جسمها ...ويكون ماكسي ضيج وبالاخير يكون فيه ذيل طويل.....النفنوف كان كله مشكوك شك ناعم ...ورافعه شعرها تسريحه ومنزله خصله على ويها ...وحاطه مكياج ناعم معطيها براءه وزايدها جمال....

دخلت نهى عليهم ...

نهى:ها حبايبي خلصتو؟
حلا :اييه خالتي
نهى تشوفها:ما شاء الله عليج يا حلا حلويتي حبيبتي اكثر بعد الحمال
حلا حمرت خدودها:عيونج الحلوه خالتي
انفال ارتبكت:يما متى انزل؟
نهى تسمي عليها:بعد ربع ساعه ...علشان مشعل بيدخل
انفال ترجف:يما لازم يدخل يعني!!
حلا:هههههههه اييه لازم

حلا كانت لابسه نفنفوف اسود كت من فوق وضيج على جسمها وقصير من تحت....ومفتوح فتحتين عالجوانب..فاله شعرها واصل لحد ظهرها معطيته لون كستنائي ..صاير حلو عليها مع لون بشرتها ومكياجها...

دخلت امامه عليهم تعيلهم لان خالها مشعل من مساع يتصل...

امامه:وااااااااااو نفول شنو هذا!!
انفال انحرجت:بس عاد ميمي
امامه:هههههه ما الوم مشعلووه عيل مستعيل
انفال بتصيح:يا ربي اموم ما تعرفين تسكتين شوي
امامه:هههههههههههه
حلا:بس عادي ميمي ترا الي فيها يكفيها
امامه مستعيله فيصل يدق لها:انزين شوفي يالله 10 دقايق وتنزلين على ما اطلع لهم ترا اهم بره
انفال انصدمت:شيسوون بره!!
امامه:خالي ما فيه صبر يقول 10:30 بيدخل
انفال تلتفت على امها:يما ما يصير
نهى:ههههههه يكون احسن علشان تطلعون وتستانسون
امامه بتطلع من الغرفه:انا بنزل فيصل يبيني
حلا تغمز لها:وانا اقول ليش صاعده تعدل عمرها
امامه بغرور:ما يحتاج اعدل لان الحلو حلو من غيرتعديل
الكل:هههههههههههه

كانت لابسه شيفون اصفر فاقع لونه كان خطير...بس طالع واايد حلو عليها ...مخصر عند الصدر والبطن...بعد يصير كلوش طايح ماكسي ...وحزام مشكوك عريض تحت قصة الصدر...وصوب الكموم قطعه قصيره مشكوكه....رافعه شعرها ومكحله عينها ...وحاطه قلوز احمر فاقع ....

امامه تكلم فيصل:حبيبي انا عند الباب
فيصل نزل من السياره:فديت اللي يوني ..اللحين ياي

امامه افتحت له الباب ودخلته البيت:هلا والله
فيصل واقف من غيرولا كلمه يتأملها من فوق لتحت:!!!!!!
امامه تلتفت منحرجه قربت منه بدلع:فصوووول بس عاد
فيصل يشبك يده ورا ظهرها:شنو كل هذا...!!!
امامه تلعب بقفله بدلع:شنو!!
فيصل:رحميني امووم والله بموت
امامه تحط يدها على قلبه:سم الله عليك من الموت
فيصل بغيره:وكل هذا ولا كنتي راضيه اشوفج اليوم ها!!
امامه:كنت بتغلى عليك
فيصل:لا والله وقلبي شذنبه...وبعدين انا قايلج لا تكشخين وايد اخاف عليج من العين
امامه بحب:دام قلبك معاي ما يهمني احد
فيصل ذاب:ميمي خل نروح شقتنا شرايج؟تراهي كاهي بالدورالثاني
امامه تبتعد:لاا فصول تعوذ من بليس واطلع
فيصل يشوفها بمكر:ترا اليوم ماكو روحه بيت ماما يا حبيبة فيصل انتي
امامه:لا فصوول انت قلت لي اني انام عند حلووي لان فجور بعد بتنام
فيصل يهز راسه:نو نو نو كل شي تغير اللحين
امامه احترت:شنو نو !! شلي تغير؟!
فيصل يقرب منها ويحوطها:كل هذا وتبيني اخليج تروحين بيت امج!! ليش ناقص عقل
امامه:هههههههه يا حبي لك فصول
فيصل بدلع:كلاام ينقال
امامه:هههه يعني مو مصدقني؟!
فيصل يرفع راسه للسما:تقدرين تقولين
امامه طبعت بوسه على خده:واللحين
فيصل ركز نظراته عليها:.....
امامه فهمته وخرت:ماكو غير هذي يالله روح لمشعل
فيصل:اوكي ..ليلنا طويل حبيبتي
امامه بتموت من كلامه وقفته قبل لا يطلع:فصوولي لحظه
فيصل التفت عليها:غيرتي رايج؟!
امامه تمسح خده بكلينكس:ههههههه لا بس نسيت امسح مكان البوسه هههه
فيصل:حسبي الله عليج كنتي بتودريني عند الرياييل لا واحمر بعد
امامه تدزه يطلع:هههههه شسوي نسيت ...يالله حبيبي روح وادخل ويا مشعل ابي اكحل عيني فيك
فيصل:محد بيدخل معاه غيري...لان طلال تعرفين حالته
امامه بحزن:ما عليه انت تكفي وتوفي
فيصل بيطلع قبل لا يتهور:روحي داخل لا اخرب كل شي اللحين
امامه تروح:هههههههه اوكي باي حبي

بيت طلال

دخل طلال واهو ضايق خلقه كان وده يكون ويا مشعل هاليوم ..لقى شذى تنطره ..

شذى:مبرووك حبيبي
طلال بتمثيل:الله يبارك فيج؟..حياتي تعبان ابي انام
شذى كالعاده ودها تذبحه تعبت واهي تشيل فيه:اوكي كل شي جاهز
طلال(كلها جم يوم وافتك منج ):يالله


بيت نهى

نزلت انفال ....وتمو يرقصون البنات لها ..ِويه وقت اللي بيدخل مشعل ...الكل لبس شيلته وعباته ما عدا امامه ...

فجرمنقهره:اففف شمعني انتي يعني؟!
امامه وعينها عالباب تنطر فيصل:كيفي خالي وريلي حبيبي
حلا:بس سكتو كاهو دخل...

مشعل عينه على انفال من بعيد ...يحس براحه غريبه يوم يشوفها ..ما توقع ممكن بنت بيوم تحل محل حور...بس انفال قدرت تغيرهالشي....

فيصل عينه تحوس يمين ويسار يدور على حبيبة قلبه...طاحت عينه عليها من بعيد لان لون البدله شاجع ..غمز لها واشر على قلبه ..واهي طيرت له بوسه بالهوا ....الكل انتبه لهم وتم يضحك على خبالهم

وصل مشعل للكوشه الناعمه لمسوينها لهم ...باس راس انفال وبارك لها وقعد يمها ....

الكل ييه وقف يصور وياهم ..بعدها امامه مشت ويا فيصل ليه بره توصله..

فيصل يسحبها وياه:بس خلاص كافي تعالي معاي نصعد فوق
امامه تسحب يدها:فصووول لااا تكفى بيطلع مشعل وبنقعد نرقص



فيصل انقهر اهو بيموت وهذي تفكر بالرقص:اذبحج اموم انا بحترق ولهان عليج طول الايام عند امج وتقولين لي ابي ارقص!!!
امامه تتدلع:علشان توله علي اكثر
فيصل يشوفها بنظرات تعور القلب:اذا بوله اكثر بحترق
امامه مر طلال في بالها:سم الله عليك لا تقول جذي
فيصل يقرب منها واهي تبتعد..وقف مكانه وابتسم لها:انزين انا بطلع بس لا تكثرين رقص علشان الياهل
امامه ترمش بعوينها:بس الياهل؟!
فيصل يحاول يتجاهلها:وانتي بعد ..روحي داخل صبري بدا ينفذ
امامه واهي ترجع لوراه وعينها عليه تغني وتأشر بيدها:وعفيه وراس الغالي عندك ..عفيه ودي ابقى بقربك...تكفى تكفى خليك معي تكفى تكفي يا عمري وغلاي...لاا لاا ترووح ..مابي غيرك فصولي
فيصل استخف رفس الارض بريله:بتننيني انتي
امامه دخلت واهي تضحك عليه:هههههههههههه

مر الوقت سريع رقص وناسه ...بعدها طلعو مشعل وانفال ...والبنات تمو يرقصون....


بالمطعم

مشعل الابتسامه ما فارقت ويها وعينه بعينها:مبرووك حياتي
انفال بهمس:الله يبارك فيك
مشعل بضيق:ماودي اسافرعنج بعد يومين
انفال من تذكر يضيق خلقها تحس انها تعلقت فيه بهالفتره القصيره:لازم تسافرمشعل؟!
مشعل يشوف عيونها تغورق بتدمع..مسك يدها بحنيه:نفوله ما ابي دمعه من عينج تنزل..حبيبتي صدقيني يوميا بكلمج هناك
انفال تمسح دمعه نزلت..ابتسمت له:وعد
مشعل يغمز لها :وعد

مر اليومين سريعين ...مشعل وانفال طلعات طول اليوم ...كل واحد يحس انه ملك قلب الثاني بهالفتره القصيره ...انفال راحت يوا غرفته ترتب له جنطته ..بعدها نزلت تحت الكل متيمع يودعهم ...

طلال سلم على شذى وقالها تروح لبيت امها لا تقعد بالبيت بروحها ..اهي انصدمت يوم قالها بيسافر بس ارتاحت انها بتفتك منه ومن شكله ....

حلا ما طلعت من غرفتها كانت تصيح ...((مو كافي انك بنفس المكان وبعيد عني هالمره بتبتعد يا طلال ..ولا فكرت حتى تكلمني ))...

الكل متيمع بالصاله ...مشعل وطلال وقفو بيمشون ...ٍسلمو عليهم ...وصلو السياره ..مشعل بيساعد طلال يركب بس ما قدر ...

طلال بضيق:مشعل ما اقدر ما اشوفها
مشعل حاس فيه:تبيها يا طلال تشوفك وانت تعاملها بهالطريقه تتم بغرفتها احسن ..
طلال يفكر انها سنتين شلون بيستحمل


طلال يفكر انها سنتين شلون بيستحمل بعدها:مشعل ودني لها
مشعل:!!!!!!!!!!
طلال:ولااقولك ..عطني موبايلك
مشعل مد لها الموبايل:!!!
طلال ابتسم له :ممكن تدخل داخل ...على ما اخلص
مشعل:هههههه نسيت اقول لانفال شي
طلال يغمزله:يالله روح قولها ..

حلا كانت تسمع الموبايل بس مالها خلق ترد..بس الموبايل تم يرن ما سكر...راحت رفعته لقته مشعل ...

حلا بصوت باجي:هلا مشعل
طلال (فديت الصوت):......
حلا تشاهق:الوو..مشعل
طلال بشووووق:حلااا
حلا:!!!!!
طلال :طلعي بره ابيج
حلا:!!!!!!!!
طلال يدري فيها منصدمه:حلا طلعي محتاج لج بسرعه

حلا من غير وعي سكرت الموبايل لبست شيلتها وطلعت بره ...لقته بكرسيه صوب السياره ...مشت عنده بهدوءوعينها بعينه لو بيدها تمنعه انه يروح عنها ....

طلال يناظرها يوم صارت واقفه قباله:حلا
حلا نزلت لمستواه وثبتت يدها بكرسيه ودموعها تنزل:تظن بعدك يريحني!!
طلال ساكت يملي عينه فيها:...........
حلا تمت تصيح بصوت عالي:ليش مناديني علشان تسكت !!!
طلال مسك ويها بين يده المحترقه وقربها منه وباسها بكل مكان فيه ..تركه ورفع راسه لفوق:ديري بالج على ناصر(ما يبي يقولها على نفسج)
حلا ((ليش تكابر طلال ليش !!) تمت تناظره بعذاب:...
طلال بيضعف جذي ما يبيها تحس انه للحين يبيها:دخلي حلا
حلا معانده وقاعده مكانها تشوفه:......
طلال فقد اعصابه لانه بلحظه بيخرب كل شي..صرخ عليها:حلاااااا دخلي داخل

وقفت مخترعه من صرخته المفاجأه ...نزلت دمعه حرقتها ...من معاملة حبيبها لها ..

كل اللي قالته:مهما سويت بتم احبك
طلال غمض عينه بحسره ((كاااااافي حلا بعد كل هذا للحين تحبيني حراام عليج تعذبيني بكلامج))

لفت عليه ودخلت داخل ...تلاقت مع مشعل بويها طالع سلمت عليه وراحت بسرعه لغرفتها تصيح..

مشعل بضيق من شكلها:هذا بدل لا تخفف عليها!!
طلال مو ناقص :مشعل الله يعافيك لا تكلمني عنها ...خل نلحق عالطياره

مشعل ساعده يركب السياره....طول طريج طلال يصيح واهو يذكر حلا ومشعل يهدي فيه اول مره يوصل طلال لهالحاله كأنه ياهل...

مسح دموعه نزلو المطاروعلى طول على طيارتهم ...

 
 

 

عرض البوم صور عذاري   رد مع اقتباس
قديم 06-02-09, 10:25 PM   المشاركة رقم: 45
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

بعد مرور السنتين


بيت فيصل

قاعدين نهى وانفال وفجر وامامه وفيصل و ( بدر و رتاج)...طبعا تسؤولون منو بدر ورتاج اللحين تعرفون !!

فجر للحين تعبانه من حفله تخرجها من الجامعه امس:وااااي راسي بينفجر سكتي عيالج اموم لا اذبحهم
امامه تناظرها بغرور:نعم حبيبتي تذبجين منو؟!فديت توأمي حبايبي
انفال:ههههههه يا ربي انتو ما تكبرون كلش
فيصل يشوف رتاج بحضن امامه طبق الاصل منها:فديت رتووجه نسخة امها
امامه بدلع:يعني تحبها لانها تشبهني؟
فجر بغيره:واااااي انتي حتى من بنتج تغارين؟
نهى:ههههه فجوره حبيبتي مالج شغل المره تكلم ريلها
فجر انقهرت وصعدت غرفتها:كل ما تكلمت جعمتوني علشان آنسه ميمي
الكل:هههههههه

فيصل يلعب بدر:منو حبيب بابا
بدر ياشر بصبعه على نفسه:....
فيصل يبوسه:حبيبي انت

انفال تشوف فرحتهم بالعيال وتتمنى لو مشعل لقى علاج لان بعد ما مر 4 شهورمن سفره بلغها ان لقى لعاج بمستشفى و بيبلش العلاج وان شاء الله ينجح...نهى حست في بنتها شلون سرحانه برتاج...

نهى:نفوله
انفال التفتت عليها:هلا يمه
نهى تبتسم لها:كلمتي مشعل؟
انفال:اييه يما يقولون خلصو شغلهم و طيارتهم بعد اسبوع
امامه تتقرطم:سنتين شغل انا شاكه بالموضوع الصراحه
فيصل مشعل قاله بس حلفه ما يقول لاحد:اييه عادي تجاره هذي
نهى:الله يردهم بالسلامه


بيت حور

حور توها راجعه من جامعة الكويت...بعد ما طلعت من العده خذت الدكتوراه ..واشتغلت دكتوره في علوم اداريه بجامعة الكويت...

دخلت البيت واهي تحس بوله لولدها خالد..

حور:خلووووودي
خالد اول ما سمع صوت امه ركض لعندها ولمها:ماما
حور ترفعه وتضمه بقوه:حياتي تغديت؟
خالد يهز راسه:اليته اله (كليته كله)
حور:ههه عفيه شطور حبيبي...وين ماما حصه؟
خالد يأشر بيده فوق:دالها (دارها)
حور :خل نروح لها فوق

صعدت حور...لقت خالتها حصه وابوها قاعدين بالصاله ..سلمت وقعدت

حور:عيل وين اخواني؟
حصه:تعرفينهم بعد اللحين كبرو ما يبون غدا البيت
حور:هههههه ما عليه خالتي هذول الصبيان
حصه تضم خالد:بس هذا غير عنهم يهبل
خالد يحك لحيته:انا حلو بطل
حور دمعت عينها لان هالحركه خالد كله يسويها:...
ابوها لاحظها:حور حبيبتي بس عاد مو جدام الولد
خالد راح لها حط يده ببراءه على ويها:ماما انتي تبتين (تبجين)!!
حور مسحتهم بسرعه وضمته تحس روح خالد فيه:لا حبيبي بس في وسخ دش عيوني
حصه تغيرالموضوع:منو اليوم بيروح مع ماما حصه وبابا عمر حديقه الحيوان؟
خالد ينقز بفرحه:انااااااا
حصه:هههههه عفيه شطور
حور :بتودينه خالتي؟
حصه:اييه قلنا نوديه انا وابوج نتمشى معاه
حورتشوف الساعه:اييه والله زين تسوون ..انا عندي دوره بالجامعه اقدمها الساعه 6
عمر:لا تحاتينه حبيبتي بيكون ويانا


بيت جاسم

نوال نايمه بغرفتها فوق ... وحلا قاعده ويه ناصر تحت تلعبه ...


حلا تلعب ويا ناصر غميضه ... رابطه عيونها وناصر ركض انخش ورا القنفه وحلا تدوره...

حلا:نصووري ..حبيبي وينك؟!!
ناصر:...........
حلا:انا الاسد اللي آكل الصبيان الحلوين ..هم هم
ناصر ماسك ضحكته علشان ما تعرف مكانه:...
حلا تدور:وينه نصوري...وينه حبيبي
ناصر للحين منخش يشوفها تقرب صوب الباب:..............
حلا تدوره تحت الطاوله:اكيد منخش اهني ...وينك حبيبي!!
ناصر بصوت واطي:مني
حلا:ههههههههههههههههه ما يصير تتكلم
ناصر ببراءه يحط يده على حلجه:
حلا:وينه نصوري حبيبي...

فجأه وقف صوت حلا يوم حست انها اصطدمت بجسم كبير..
...لاااااااااا لاااااااا ريحة العطر ......لااااا ما ابي اتخيل ما ابي افتح عيني واتوقعه حلم ...

طول الوقت كان واقف والدموع تنزل من عينه واهو يشوف حبيبته الا ضحت بكل شي علشانه تلعب ويا ولدها وباين عليها الضعف ....

لمها من خصرها لعنده وباسها على راسها وبكل مكان بويها...بعدها شال الربطه من عينها واهي كانت مغمضه بشده...ضمها لعنده وهمس باذنها

:وحشتيني يا اغلى ناسي
حلا بصدمه للحين مغمضه عيونها:..............
طلال بعدها عنه ومسك ويها بين ايدينه:حياتي حلا
حلا تشد على عينها اكثر ...تعذبت بعده وايد سنتين متحمله عذاب فراقه وتربية ولدها بروحها
طلال حس بألمها حضنها لعنده وشد عليها بقوه يبي يحسسها بحبه:وربي انج ما غبتي عني ولا لحظه

حلا اللحين استوعبت ان اللي جدامها طلال ..اهو طلال اللي عذبها بحبه ..طلال اللي تحملت كل شي علشانه..رضت بالاهانه والذل والخيانه بس المهم يكون حبيبها جدامها..وبعدها تخلى عنها ورفض انها تروح وياه واهي تدري انه بأمس الحاجه لها...واللحين رجع لها ..ابتعدت شوي شوي...افتحت عينها ما صدقت اللي تشوفه جدامه طلال رد مثل قبل ويها ما في أي شي غيرآثار بسيطه من الحرق مو مأثره على جماله الرجولي....نزلت عينها ليه تحت...رفعت عينها له مصدومه طلال واقف على حيله..يعني ركب له ريل صناعيه ..يعني حبيبي رد مثل الاول...كان يعانديني انه ما يبي يتعالج ....ارتسمت ابتسامه على ويها ورمت نفسها بحضن طلال بكل قوه ونست كل شي سواه فيها بهالحظه

:واخييييييييييييييييييرا رجعت لي يا قلبي
طلال يحضنها ودموعه ما وقفت:احبج حلا...وربي احبج...سامحيني بالغاليه على كل اللي سويته فيج واوعدج ان ما في حزن بحياتنا من بعد اليوم
حلا تتمسك فيه اكثر واهي تصيح عذاب بعده:راضيه بحزنك وجرحك بس لا تبتعد عن عيني حبيبي
طلال يمسك يدها ويبوسها اصبع اصبع:ماراح اتركج ولا لحظه يا حياتي



ركص نصوري لهم واهو مو فاهم شي بس اللي اعرفه انه احد خرب عليه اللعبه ويا امه....تم يهز ببلوزة حلا الحمرا العلاق اللي لابستها ورافعه شعرها ولابسه معاه شورت جينز قصير....وعينه على طلال معصب انه خرب عليه

ناصر:ماما ماما..
حلا ابتعدت عن طلال بس اهو رد سحبها لعنده:طلال حبيبي خربت على نصوري اللعبه
طلال وللحين يتأملها ولهان عليها:واهو بعد بيخرب علي اللحين
حلا:ههههههههههه للحين تغار منه
طلال يناظرها من فوق ليه تحت ولع ويها:لا تلوميني
حلا تحاول تبتعد:الياهل يبجي خلني اشوفه
طلال مو راضي يتركها:ما اقدر لاتلوميني ولهان
حلا:يا ربيي طلال خل اشوفه بالاول....اسمع صياحه
طلال توه يستوعب وجود ناصر شوقه لحلا خلاه ينسى ولده...نزل له ورفعه من الارض وقال:انا منو؟!
ناصر:!!!!!!!!!!!
طلال حز بخاطره ونزل راسه بس حلا قاطعته:نصوري حبيبي هذا منو اللي نشوف بالصوره كل يوم
ناصر تأمل طلال شوي بعدين ضحك وقال بصوت عالي:بابا
طلال ضمه لعنده :يا رووووووووح بابا انت ...(التفت على حلا) شسالفة الصوره ؟
حلا تسحبه وياها ويقعدون على القنفه حطت راسها على صدره ويده ورا جتفها وبيده الثانيه ضام ناصر لعنده:كل يوم بليل قبل لا ينام اواريه صورتي وياك يوم العرس واقوله ان هذا بابا
طلال دمعت عينه:يا قلبي انتي
حلا تصيح:كااانت ليالي عذاب من بعدك عني
طلال يبوس راسها:خلاااص حياتي انسي كل اللي صار لنا وخل نبدي حياة يديده ...(يبوس ناصر) ومعانا هالحلو
حلا بغيره:اللحين اهو الحلو
طلال يغمز لها:بالغرفه اعلمج منو الحلو فيكم
حلا ولع ويها:اروح اييب لك شي تشربه
طلال يسحبها لعنده بحضنه :كل شي يتأجل يا عسل
حلا عينها على ناصر تساسر طلال:حبيبي مو جدام نصوري
طلال يشوف ناصر كيف يشوفهم مبتسم:نصوري تبي اوديك العاب
ناصر بفرح:اييييييييه علشان احبك
طلال حضنه لعنده اهو وحلا:وانا احبكم...الله لا يحرمني منكم


المانيا

جوى وغنيمه وعبدالله مسافرين ...توهم راجعين من مدينة الملاهي

جوى:الله يهديج غنوم فشلتينا من صراخج
عبدالله ماسك يد غنيمه:ههههه
غنيمه بحيا:قلت لج لا نركب قطار الموت انتي اصريتي
جوى :ههههههه المهم انج خوافه
غنيمه تتدلع على عبدالله:عبودي شوفها شتقول
عبدالله:هههههههه
جوى تتثاوب:انا ما ابي عشى بروح انام..بخلي الجو لكم
عبدالله باسها:تصبحين على خير حبيبتي
جوى:وانت من اهله

راحت غرفتها ..عبدالله سحب غنيمه على طول عنده..

عبدالله:واخيرا فضى لي الجو
غنيمه:ههههههههه حرام عليك تهبل جوى
عبدالله يتأملها:بس مو اكثر منج
غنيمه تلعب بشعره:وين بيعشيني حبيبي؟
عبدالله:شرايج بمطعم ايطالي؟
غنيمه:خوش شي ..ترا حدي يوعانه
عبدالله:افا حبيبتي يوعانه وانا موجود
غنيمه بدلع:شفت شلون؟
عبدالله يمسك يدها:خل نروح علشان بعدها بوديج مكان بيعجبج
غنيمه:اوكي حياتي

بيت فيصل

.فجر بغرفتها فوق تكلم باسل...فيصل سمح لهم طول الفتره اللي طافت يتكلمون بالتليفون يتعرفون على بعض ...والملجه بتكون بعد تخرجها ....واللحين فجر تخرجت موعد ملجتها وعرسها بنفس اليوم بعد شهر....

باسل:فجووره حياتي شيصبرني شهر!!!
فجر:ههه ما عليه يا قلبي نطرت سنتين ييت على شهر
باسل :آآآآآخ يا قلبي
فجر:سم الله على قلبك
باسل بمكر:ماراح تزورينا اليوم؟
فجر فهمته:نوو
باسل باحباط :ليش من زمان ما شفتج!!
فجر:والله بسوول لو فيصل يدري اني اقعد وياك بيتكم بيذبحني
باسل:هههههههههههههههههههههههههههههههههه
فجر :ليش تضحك؟
باسل:يحليلج فجور انا ماخذ الاذن من فيصل من زمان قايل له ان ييت بيتنا اسمح لي مو معقوله بقعد بداري واخليها
فجر انصدمت:صج!!
باسل:ههههه اييه صج قالي شرط فروح وياكم..يدري فيني احتمال ما امسك نفسي وافتلت
فجر بحيا:ههههه بس عاد
باسل:فجر
فجر:هلا
باسل:فجوره
فجر:نعم
باسل مو هذا اللي يبيه:حياتي
فجر بحيا:امر
باسل:قلبي
فجر:ياااااا ربي باسل شنو؟
باسل:ههههههههههههه مو جذي تردين
فجر:عيل؟!
باسل:قوليلي لبيه يا قلبي
فجر:اقول جني عطيتك ويه وايد
باسل:ههههههههههههههههههههههههههههههههههه
فجر:احبك باسل
باسل بصراخ:انااااااااااااااااا اكثر




بيت فيصل
امامه وفيصل طلعو ويا بدر ورتاج ...نهى قاعده بالصاله ...وانفال تساعد الخدم تسوي العشا ...نفسيتها اليوم حلوه...

حست نهى باحد يدخل البيت ..انصدمت يوم شافته مشعل!!

نهى:مشعل!!!
مشعل راح وسلم عليها:شلونج عمتي؟
نهى بفرح:الحمدالله على السلامه ...بس انفال قالت لي بعد اسبوع!!
مشعل:هههه اييه انا قايل لها جذي بسوي لها مفاجأه
نهى:احلى مفاجأه بتطير من الوناسه
مشعل بشووق:وينها عمتي؟
نهى تأشر له:بالمطبخ
مشعل:عن ذانج عمتي اذا ممكن؟
نهى بابتسامه:خذ راحتك..انا بصعد غرفتي

راح لها المطبخ ..كانت واقفه تقصص سندويشات وحدها مندمجه واهي تطبخ....

لابسه بنطلون بيجامه على ميكي ماوس وبلوزه حفر علاق ...ورافعه شعرها ..تحس بحر مجابله الجوله ...

حست بيد غمضت عينها ...توقعتها فجور

انفال:فجوور ترا مالي خلقج وخري ايدج لا احترق
مشعل ماسك ضحكته:...............
انفال هدت لبيدها ورفعت يدها تبي تشيل ايده ..بس تصنمت يوم تحسستها مو بيد فجر:منو!!
مشعل قرب منها من ورا وثبت راسه على جتفها:.......
انفال شمت ريحة عطر رجالي لان كان قريب منها حيل توقعته فيصل:فصوول امداكم رجعتو؟!!
مشعل(يا قلبي مو متوقعتني كلش):!!!!!!!!!
انفال ملت:وبعدين يعني؟!
مشعل باسها على خدها وهمس لها:اشتقت لج
انفال طاحت من يدها السجين ..التفتت بسرعه..من الصدمه افتحت عينها وحلجها لمده..:...
مشعل قريب منها يتأملها:مافي حمدالله على السلامه!!
انفال تغمض عينها وتفتحهم ..مشعل ضاعف وايد وحالق لحيته وشواربه ولابس كاب صاير شكله اصغر بوايد:ممم مشعل
مشعل:عيونه
انفال ضمته بشوق:حبييبي واخيرا رديت
مشعل يحضنها بقوه:رديت لج حياتي ولا راح يفرقنا شي
انفال رفعت عينها له:ولهت عليك حيييييل
مشعل:وانا بعد...(غمز لها)للحين مصره على العرس؟
انفال:ما ابي عرس مابي شي غيرك
مشعل يلمها:يا قلبي انتي

اقطعت عليهم فجر منصدمه:مشعل !!!
مشعل التفت عليها:هلا فجوره ..ِشلونج.؟
فجر :تمام..الحمدالله على السلامه
مشعل يناظر انفال:الله يسلمج
فجر تشوفه مو حولها:ههههههههه شكلي خربت عليكم
انفال استحت:لا عادي
مشعل:اييه والله فجور ..تعالي كملي الشغل عن اختج لاني باخذها وبطلع
انفال بخوف :وين بروح؟!
مشعل يساسرها:بيتنا حبيبتي ..مو قادر اصبر زود
انفال حمرت:حبيبي مو مجهزه اغراضي موعدنا كان المفروض بعد اسبوع
مشعل بهيام:ما بي شي غيرج انتي ..خلي اغراضج باجر
فجر سمعتهم:ههههههههه حرام عليج نفول روحي وياه
مشعل ناظرها وغمز له:انا اقول ليش فيصل يحبج
فجر بغرور:ههه دوم اعجبك
انفال تساسره:على الاقل عطني ساعتين ارتب نفسي فيهم
مشعل باسها على خدها وهمس لها:فديت اللي يرتبون نفسهم..انا بروح امرعلى نوال اسلم عليها وارد لج (ابتعد عنها حس باحرجها) اوكي؟؟
انفال تهز راسها وبهمس:اوكي

مشعل واهو طالع يسوي لفجر باي:ثانكس على كلامج الحلو
فجر:هههههه ولو حياك كل مره

بيت احمد

فهد كان يلعب بمكتب شيخه ...ويحوس بالاوراق ..دخلت عليه وشافته جذي..حطت حرة خسارتها للمناقصه فيه....

فهد يصيح :وخري تعوريني
شيخه اطقه :اذبحك انت انا شقايله لك ها !! مو قلت لك لا تلعب باغراضي؟!!
فهد مو فاهم شي من صراخها:أي وخري تعوريني وخري..ما احبج
شيخه يوم عن يوم تكرهه اكثر:انا لاحبك عيل...يبتك عله على قلبي..اطلع بره بره

طلع من الغرفه يركض ..انصدم باحمد توه راجع من بره...

فهد يصيح :يبا شوفها هذي اطقني
احمد نزل لمستواه:منو حبيبي؟
فهدما يقول لها ماما:هذي شيخه اطقني تعورني
احمد بحزن:قول ماما شيخه حبيبي
فهد يلم احمد ويصبيح:هذي مو امي تعورني كله تزفني

احمد شاله وداه لغرفته :تعشيت حبيبي؟.
فهد يهز راسه:اييه كليت برجر كنج
احمد ابتسم له:شاطر حبيبي..اللحين نام وراك مدرسه باجر
فهد خايف:اخاف اتيي داري اطقني
احمد يطمنه:لا حبيبي ما اطقك انا موجود
فهد مسك يده:لا تروح بابا نومني

احمد تم يقص له قصه لين نام...بعدها راح غرفته لقى شيخه تغير لبسها بتطلع...

احمد نفخ بقوه:وين طالعه هالحزه؟
شيخه من غيرلا تهتم:بروح اتعشى ويا وفد
احمد:ومتى بتردين؟
شيخه:مادري حاسه انه نفسيتي تعبانه يمكن انام بالهوتيل اليوم

احمد مل منها ..الايام ما غيرتها على ماهي عليه مو مهتمه الا بنفسها ...وكل ما كانت معصبه تحط حرتها بفهد المسكين....دخل الحمام ياخذ له شور يريح شوي...


بيت جاسم

نوال تحضنه:يا قلبي يا طلال ...ليش ما قلت لنا.؟
طلال :كنت ابيها مفاجأه
نوال وعينها على حلا اللي للحين دموعها ما نشفت من الفرحه:وشذنب هالمسكينه تعذبت طول هالسنتين؟
طلال يروح لها ويضمها له :بعوضها عن كل شي اهي ونصوري

يدخل عليهم مشعل...نوال راحت له وحضنته بقوه ...بعدها دقت حلا على امامه وخبرتها انهم ايون ويا رتاج وبدر طلال يبي يشوفهم ...



بيت حلا

حلا لمت اغراضها امس اهي وناصر..نامو ليله عند نوال واليوم ..انتقلو لبيتهم....دخلت لقته مرتب ومنظف استغربت ..التفتت على طلال

حلا:منو مرتب البيت؟
طلال يغمز لها:موصي ناس

كملت حلا لداخل غرفتهم النوم ..ما لقت ولا اثر للبس شذى

التفتت عليه بغصه:ولبس شذى وين راح؟
طلال مسكها من يدها وقربها له:عندي لج مفاجأه
حلا:شنو؟!
طلال :ما تصيرمفاجأه ان قلتها
حلا بقلة صبر:وينها؟
طلال :تبينها اللحين؟!
حلا:اييه
طلال يمسكها من يدها وياخذها وياه:مشينا



بيت ام شذى

كانو قاعدين بالصاله ...ويا ام حمد ..ابوها قاعد بالصاله الثانيه ويا بو حمد يسولفون ...الا يرن الجرس...فتحت شذى الباب


شذى منصدمه:طلااااااااااااااااااااااااااال!!
طلال بابتسامه ماكره:اييه يا عيون طلال
شذى ما صدقت:وراحت لعنده وضمته:حمدالله على سلامتك حبيبي واخيرا رجعت لي طلال نفسه واخيرا
طلال يشوف عمته:شلونج عمتي؟
ام شذى تقرب منه:سامحني يا طلال بس من الفرحه انربط اللساني...حمدالله على السلامه يما
طلال:الله يسلمج
بو شذى شافه من بعيد قام سلم عليه:هلا والله بولدي طلال تفضل
شذى تمسك يده:تعال حبيبي ارتاح
طلال يوقفها وجدام الكل:قبل لا ارتاح ابي اريحج بشي انتي طلبتيه من سنتين
شذى بلعت ريجها عارفه قصده الطلاق بس اهي ما تبيه اللحين طلال رد لها ..همست باذنه:انساه حبيبي (وعينها تدور بين ابوها وامها وخالتها بخوف)
ابتعد عنها وابتسم باستهزاء:حبيبج!!
شذى مستغربه من اسلوبه:!!!!!!!!!!!!!!!
ام شذى تهدي الوضع:حياك يا طلال ارتاح بعدها تفاهمو على راحتكم
طلال يشوفهم بنظره ويلتفت لوراه:تعالي حبيبتي
الكل :!!!!!!!!!!!!!!!!!!!!!!!!!!

تدخل حلا بهاللحظه واهي مو عارفه طلال شناوي عليه...راحت وقفت يمه واهو ضمها لعنده بيده من
جتفها..

رفع عينه لشذى لقاها تغلي من القهر وامها الصدمه باينه عليها...وبو شذى مو عرافه شسالفه ...بو حمد ما يحب يتم والوضع جذي..استأذن وطلع بسرعه وام حمد لحقته...



بو شذى وخايف من اللي باله:شسالفه يا طلال؟!
طلال يبوس راس حلا:سامحيني يا قلبي على اللي سويته (التفت لشذى) وانتي يا حلوه طالق طالق طالق
شذى اشهقت وحطت يدها على حلجها:!!!!!!لااا!!!!!!!!
ام شذى راحت لعند بنتها اللي طاحت عالارض من الصدمه:ليش يا طلال ليش؟!
طلال بنفس وضعه:هالشي كنت اتمناه من زمان بس قلت اذلج قبل لا اطلقج...(رفع عينه لابوها) بنتك طلقتها وافتكيت منها
شذى تناظر بحلا:ارتحتي اللحين يالنذله ارتحتي
طلال يروح لها ويمسكها من شعرها:كلمه زياده بتشوفين شي ما شفتيه
ام شذى تسحب يده عن بنتها:اطلع بره البيت بره
بو شذى يناظر الموقف مصدوم:!!!
طلال باستهزاء:هههههه بطلع يا عمتي سابقا بطلع .....(يلتفت لابوها) مبرووك عليك بنتك

اخذ حلا اللي كانت منصدمه من اللي صار جدامها وبنفس الوقت الفرحه اللي بقلبها باينه بعينها (واخيييراااا صرت لي يا طلااااال)) راحو للسياره ..

بو شذى سحب شذى من شعرها وتم يطق فيها:ارتحتي اللحين ارتحتي كاهو طلقج ورد مثل اول
شذى بس تصيح..شيفيد الندم اللحين:.....
بو شذى يصارخ على مرته:ان رديت البيت ما ابي اشوفها عندي مفهوووم
ام شذى تصيح:وين تروح يعني؟
بو شذى:ما يهمني ما ابي هالاشكال في بيتي

سكر الباب بقوه وطلع عنهم...

سيارة طلال

مسك يدها لقاهم بارده:بردانه حياتي؟!
حلا تبتسم له:لا ..مادري
طلال يدفي يدها بين ايدينه:ارتحتي ؟
حلا تهز راسها بمعنى ايه:...
طلال:وربيلعوضج عن كل اللي راح...(دمعت عينه)سامحيني يالغاليه سامحيني ادري اني عذبتج وياي وايد ادري
حلا تشد على يده:مهما سويت يا طلال حبي لك يكبر يوم عن يوم
طلال بندم واضح:لو يرجع بس الزمن لوراه
حلا ملت من الحزن:اذا تحبني صج طلال لا تفتح هالموضوع خلاص ننسى الماضي ونبدي صفحه يديده فيها انا وياك ونصوري
طلال يغمز لها:الا على نصوري ترا وصيت امي عليه
حلا موفاهمه:شنو يعني؟
طلال يأشر وراه :يعني يا حلوه كل شي جاهز
حلا تلتفت وتشوف جناط سفر:حق شنو؟!
طلال يبوس يدها :حق سفرتنا يا حلوه
حلا انصدمت:متى!!
طلال يشوف ساعته:بعد ساعتين نحلق الى النمسا

شذى بلعت ريجها عارفه قصده الطلاق بس اهي ما تبيه اللحين طلال رد لها ..همست باذنه:انساه حبيبي (وعينها تدور بين ابوها وامها وخالتها بخوف)
ابتعد عنها وابتسم باستهزاء:حبيبج!!
شذى مستغربه من اسلوبه:!!!!!!!!!!!!!!!
ام شذى تهدي الوضع:حياك يا طلال ارتاح بعدها تفاهمو على راحتكم
طلال يشوفهم بنظره ويلتفت لوراه:تعالي حبيبتي
الكل :!!!!!!!!!!!!!!!!!!!!!!!!!!

تدخل حلا بهاللحظه واهي مو عارفه طلال شناوي عليه...راحت وقفت يمه واهو ضمها لعنده بيده من جتفها..

رفع عينه لشذى لقاها تغلي من القهر وامها الصدمه باينه عليها...وبو شذى مو عرافه شسالفه ...بو حمد ما يحب يتم والوضع جذي..استأذن وطلع بسرعه وام حمد لحقته...



بو شذى وخايف من اللي باله:شسالفه يا طلال؟!
طلال يبوس راس حلا:سامحيني يا قلبي على اللي سويته (التفت لشذى) وانتي يا حلوه طالق طالق طالق
شذى اشهقت وحطت يدها على حلجها:!!!!!!لااا!!!!!!!!
ام شذى راحت لعند بنتها اللي طاحت عالارض من الصدمه:ليش يا طلال ليش؟!
طلال بنفس وضعه:هالشي كنت اتمناه من زمان بس قلت اذلج قبل لا اطلقج...(رفع عينه لابوها) بنتك طلقتها وافتكيت منها
شذى تناظر بحلا:ارتحتي اللحين يالنذله ارتحتي
طلال يروح لها ويمسكها من شعرها:كلمه زياده بتشوفين شي ما شفتيه
ام شذى تسحب يده عن بنتها:اطلع بره البيت بره
بو شذى يناظر الموقف مصدوم:!!!
طلال باستهزاء:هههههه بطلع يا عمتي سابقا بطلع .....(يلتفت لابوها) مبرووك عليك بنتك

اخذ حلا اللي كانت منصدمه من اللي صار جدامها وبنفس الوقت الفرحه اللي بقلبها باينه بعينها (واخيييراااا صرت لي يا طلااااال)) راحو للسياره ..

بو شذى سحب شذى من شعرها وتم يطق فيها:ارتحتي اللحين ارتحتي كاهو طلقج ورد مثل اول
شذى بس تصيح..شيفيد الندم اللحين:.....
بو شذى يصارخ على مرته:ان رديت البيت ما ابي اشوفها عندي مفهوووم
ام شذى تصيح:وين تروح يعني؟
بو شذى:ما يهمني ما ابي هالاشكال في بيتي

سكر الباب بقوه وطلع عنهم...

سيارة طلال

مسك يدها لقاهم بارده:بردانه حياتي؟!
حلا تبتسم له:لا ..مادري
طلال يدفي يدها بين ايدينه:ارتحتي ؟
حلا تهز راسها بمعنى ايه:...
طلال:وربيلعوضج عن كل اللي راح...(دمعت عينه)سامحيني يالغاليه سامحيني ادري اني عذبتج وياي وايد ادري
حلا تشد على يده:مهما سويت يا طلال حبي لك يكبر يوم عن يوم
طلال بندم واضح:لو يرجع بس الزمن لوراه
حلا ملت من الحزن:اذا تحبني صج طلال لا تفتح هالموضوع خلاص ننسى الماضي ونبدي صفحه يديده فيها انا وياك ونصوري
طلال يغمز لها:الا على نصوري ترا وصيت امي عليه
حلا موفاهمه:شنو يعني؟
طلال يأشر وراه :يعني يا حلوه كل شي جاهز
حلا تلتفت وتشوف جناط سفر:حق شنو؟!
طلال يبوس يدها :حق سفرتنا يا حلوه
حلا انصدمت:متى!!
طلال يشوف ساعته:بعد ساعتين نحلق الى النمسا
حلا: ونصوري!!
طلال:عند امي حياتي لا تحاتينه
حلا:لا ما اقدر ما اقدر اخليه..خل ناخذه ويانا طلال
طلال يدري انها بتلهي فيه:حلا حبيبتي فهميني..وربي ولهان سنتين مو شويه كلها اسبوع ونرجع
حلا بحيا:ونصوري شعليه؟
طلال احتر:شلون شعليه يا قلبي... اذا بناخذه ويانا بتقولين لي طلال لحظه اوكله لحظه انومه لحظه يبجي ..خل نلعبه وغير هذا وقتج كله له وماراح تكونين وياي
حلا:طلولي حبيبي هذا ولدك لا تغار منه
طلال:ما غرت منه...بس انتي مرتي ومن حقي ابيج لي
حلا شبت ضو:خلاااص حرك اللحين
طلال وله علي شكلها جذي:وين احرك؟؟
حلا تبتعد عن نظراته:روح المكان اللي تبيه
طلال يهمس لها:شيصبرني لين نوصل
حلا احترقت:طلال ترا انزل
طلال يبتعد عنها:هههههههههههه خلاص وخرت
حلا تاخذ نفس وتلتفت عليه:احبك
طلال يشد على اسنانه:جذي ماراح يحصل طيب
حلا بدلع:هههههه ليش عاد؟
طلال يركز بالطريج:حلوووي خليني اعرف اسوق
حلا تلعب بشعره:شعرك طال حياتي
طلال مو قادر يركز:حلوووووووووووووووووووووي
حلا تقعدمكانها:ههههههههههه خلاص بسكت
طلال وقف عند اشارة مرور التفت عليها وخطف له بوسه سريعه ما كان احد يمهم:وانا اموت عليج
حلا :امبيييييييييييه يالمينون!!!!!!!!!
طلال سرحان فيها:مينون فيج
حلا تشوف قبالها وتسمع صوت الهرنات وراهم:اقول حرك ترا الاشاره خضرا
طلال:ههههههههه كله منج



بيت جاسم

انفال متفقه ويا مشعل من قبل انهم ينتقلون يعيشون ويا نوال ....لان طلال بيرجع ويا حلا بيتهم ...

انفال ترتب ملابسهم بالكبت ..ومشعل كان ياخذ له شاور..

طلع من الحمام كان لاف فوطه على خصره...استحت انفال منه ولهت نفسها باللبس..مشعل حس فيها وحب يعاندها ..راح لها وقف وراها...

مشعل:نفووله
انفال من غير لا تلتفت:هلا
مشعل:ابي هدومي
انفال تسحب لها بنطلون جينز وتيشرت وتعطيه من غير لا تشوفه:تفضل
مشعل:ههههههه شدعوه عاد نظره من عيونك حبيبي تسوى عندي الدنيا كلها
انفال :اللبس هدومك قبل
مشعل راح الحمام:هههههه مادري ليه متى بتمين على هالحيا

بيت فيصل

امامه توها راجعه من بره ويا غنيمه ...لقت فيصل ينطرها مولع بالغرفه ما ترد على موبايلها ...اول ما شافها راح لها...

فيصل يحاول يمسك نفسه:ليش ما تردين على موبايلج؟.!
امامه تناظر عيونه:......
فيصل:لا تشوفيني جذي وتكلمي؟
امامه:كنت بالمستشفى
فيصل بخوف:ليش؟!؟!شفيج؟!!
امامه:ما فيني شي
فيصل:عيل ليش رايحه المستشفى ..تكلمي ميمي؟
امامه مسكت يده وحطتها على بطنها:بنصير4 فصولي
فيصل فهمها على طول ..شق حلجه:حااااامل!!
امامه تهز راسها:ايييه
فيصل ضمها بقوه:احبج امووووووووووووووووووم




بعد مرور يومين

بالنمسا

طلال حاجز لهم شاليه ...قاعدين على البحر وكان حزة غروب الشمس الجو كان روعه وقمه بالرومانسيه...مسك يد حلا وقفها معه ...وتمو يمشون عالبحر ....

طلال يشوف الغروب:اوعدج يا حلا حياتي انه اللي مر اخير احزانا
حلا وقفته ..ووقفت قباله:طلال كل اللي اتمناه انك تكون معاي ولا تتخلى عني
طلال مسك ويها بين ايدينه :وعد مني يا حلا اعوضج كل اللي راح حبيبتي
حلا باست يده:انسى اللي راح ..خل نبدي حياة يديده
طلال ابتسم لها وضمها لعنده ماي بيها تضيع منه:

عسى ربي يخليك لعيونك .. وعسى ربي يخليني لعيونك
حبيبي دنيتك صعبه بدوني .. ولاشي دنيتي تسوى بدونك
أنا مغرم ياغالي فيك .. وادعي ربي يخليك
اذا عني بعدت يجن جنوني .. لأنك صرت أغلا من عيوني

عسى ربي يهنيني بغرامك .. ولا يحرمني من رقة كلامك
ياأغلا انسان أنا عندي .. ياحزني وفرحتي وسعدي
واخاف الناس عنك يبعدوني .. حبيبي صرت أغلا من عيوني

حبيبي فيك راضاني زماني .. لغيرك مايطاوعني حناني
سكن حبك في وجداني ... وعوض فيك حرماني
غرامك غير احساسي ولوني .. حبيب الروح يااغلا من عيوني

بعد مشوااااااااااااااااااااااااار طويل اوقف معاكم عند النهايه ...اودع فيها ابطال قصتي ..اللي عشت معاهم بكل لحظه ...

حبيت بالنهايه اعطيكم ملخص عن مشواري في كتابة القصه ..بالاول القصه كانت تسلك مسار ثاني نهائيا ..في ابطال كثير حذفتهم بالنهايه ...من الجزء الرابع عشرتغيرت فكرتي للقصه ...واحب احتفظ التغيرات لنفسي ممكن استعير فيهم اذا بكتب قصه ثالثه ...

اتمنى اكون ما ثقلت عليكم بقصتي ...وسامحوني عالتقصير...واتمنى تكون القصه نالت اعجابكم ودخلو الابطال لقلوبكم مثل ما دخلو قلبي ...طبعا شذى الوحيده اللي محذوفه من القائمه ههههههه...

 
 

 

عرض البوم صور عذاري   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة حلا الكويت, أغلى, أغلى ناسي, ناسي, قصه اغلى ناسي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:22 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية