لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-02-09, 10:34 PM   المشاركة رقم: 36
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء27

المستشفى



الدكتور : والله مادري شقولكم
جاسم بخوف شكل الدكتور ما يطمن : ليش دكتور ولدي طلال فيه شي !! تكلم دكتور لا تخش عني شي
الدكتور كان شاب كويتي صغير: والله يا عمي طلال مريض بالقلب وحاليا قبل لا نعمل الأشعه اظن السبب من كثرة التدخين
جاسم انصدم:طلال ولدي توه بادي يدخن!!!
الدكتور استغرب :طلال مو بس يدخن الا مدمن نسبته النيكوتين بدمه وايد كبيره...يعتمد على الكميه اللي يدخنها يوميا
نوال دموعها على خدها:واللحين ولدي شلونه ؟
الدكتور:ما اقدر اقرر شي عن حالته الا بعد الاشعه وباجي الفحوصات كلها ساعتين وان شاء الله اخبركم
نوال التفتت على جاسم وكانت منهاره من كثر البجي : لا حول الله كله منك انت السبب
الدكتور: !!!!!!!!!!!!!
جاسم يناظر الدكتور:بس يا نوال..هالكلام مو وقته
نوال منهاره:متى وقته عيل بعد ما ذبحت الولد بيدك

الدكتور استأذن وسحب نفسه ..حس أن الموضوع عائلي

جاسم بعصبيه:انتي ما تثمنين الكلام قبل لاا تقولينه؟!
نوال :انت السبب اللي هو فيه..حرمته من حبيبته وبعدها جبرته على حلا وبالاخير جبرته يتزوج عليها ..كل اللي في طلال منك انت يا جاسم ...ماراح اسامحك أن صار بولدي شي

جاسم ضرب يده بيده الثانيه بعصبيه .... وابتعد عنها يخفف من اعصابه لان كل الكلام اللي قالته صح...بس غروره يمنعه يعترف او يصلح غلطته







بيت حلا


حلا منسدحه تحاول تنام ..رن موبايلها كان رقم المستشفى استغربت لانها ماخذه اجازه يومين...طلبو منها تجي المستشفى حاله طارئه والطبيب اللي مسك مكانها مو متخصص لهالحاله.... وكالعاده ما رفضت غيرت لبسها وراحت رغم انها للحين ما صحت


وصلت مكتب الدكتور اللي مسك اوراق طلال...

الدكتور:تفضل
حلا:السلام عليكم
الدكتور بابتسامه:اهلا دكتوره حلا ...تفضلي
حلا تقعد:شكرا...خير دكتور بغيتني بشي؟
الدكتور يمد لها الملف:هذا ملف مريض ابيج تباشرين حالته وايد صعبه...وانتي متخصصه لحالته
حلا تمسك الملف:خير شفيه؟
الدكتور:اظن شي بالشرايين بس انطر نتايج الاشعه عشان اتأكد وابيج انتي اللي تباشرين حالته لانج متخصصه بهالشي
حلا :اهو وينه فيه؟ نقلتوه غرفه خاصه
الدكتور:حاليا لأ بس شي طبيعي بيتم بالمستشفى ...تلقينه بوحدة القلب
حلا:حالته خطره؟
الدكتور:ما اقدر احكم بشي ..بس حاليا حاطين له اكسجين عنده ضيق بالتنفس..والباجي عليج يا دكتوره
حلا توقف:أن شاء الله..
الدكتور:ولا اوصيج صبري اهله لان امه شبه منهاره
حلا:أن شاء الله ...عن اذنك


دخلت الغرفه وانصدمت يوم قربت للسرير

من قوة الصدمه الملف لبيدها طاح ما عرفت شتسوي

((طلااااااااااال !!!!!!!!!! حبيبي طلال بين الحياة والموت وانا ما ادري !!!!!!!!!!))

((لاااااا طلااااااال لا تخليني وتروح كافي امي وابوي كاااافي فقدت اغلى ناس علي كااااافي))

قطع عليها تفكيرها صوت السيستر...جايه تتابع دقات قلبه

حلا تبلع ريجها :متى تخلص نتايج الفحوصات والاشعه؟
السيستر:بالكثير ساعه ..مسكين بدري شباب
حلا دمعت عينها واهي تشوف الوايرات المتصله فيه :..
السيستر:اهله كتير خايفين عليه ..كلهم متجمعين بره
حلا تمسح دمعتها قبل لا تلاحظها:اوكي اكشف عليه بعدها اطلع لهم

طلعت السيستر ...قربت منه حلا ودموعها ما وقفت مسكت يده وضغطت عليهم ....

((يا قلبي يا طلال ليش سويت بنفسك جذي ليش !!!))

طلال حس بيد تضغط\عليه ..فتح عينه عالخفيف ما كان يقدر يركز بشي للحين تحت تأثير المخدر..

حلا رمت نفسها عليه وضمته وتمت تصيح ...


((كله من عنادي انا السبب ...انا اللي خليته يوصل ليه هالمرحله...))

هدت شوي ..غسلت ويها وطلعت بره تطمنهم على ما تطلع الفحوصات....

كانت نوال واقفه ويمها امامه وجاسم ...وشذى طلبو منها تقعد بالبيت واهي من داخلها تحاتي طلال بس ما قدرت تقول لأ لعمها ...

نوال ضامه امامه ويبجون ..اما جاسم يحاول يلهي نفسه بالتليفون...

حلا تحاول تلفت انتباهم:احم احم
نوال رفعت عينها لها وراحت لها على طول:حلااااا لحقي على طلال يا حلا
حلا تهديها:هدي خالتي ما فيه الا الخير ان شاء الله
امامه تصيح:حلووووووووي طلال بوحدة القلب حلوووووي
حلا تهديهم:ادري يا قلبي انتو اهدو شوي..انا اللي بباشر حالته ان شاء الله ما فيه الا كل خير

حلا تحاول تتجاهل جاسم ولا كأنه موجود وكلامها كله ويا نوال وامامه ....جاسم للحين معصب عليها ليش ما جيت سلمت عليه ولا تحمدت له بالسلامه ... حط موبايله بمخباته ومشى عنهم....

تمت تطمنهم وتعرف منهم شلون صار جذي ...قطعت عليهم كلامهم السيستر...

السيستر:دكتوره حلا
حلا تلتفت عليها:هلا
السيستر:كل شي جاهز
حلا :اوكي....عن اذنكم لا تحاتون ما فيه الا الخير
امامه تمسك يدها:حلوي لا تخشين عنا شي
حلا تبتسم لهم وقلبها من داخل يحترق على حبيبها:ان شاء الله اشوف النتايج وراجعه لكم


نزلت الاوراق على المكتب ....

((لااااااا صعب علي صعب ... شلون اسوي له العمليه ...الوضع حرج اكيد اذا صار له شي بيقولون اني متعمده عارفه تفكير عمي...بس انا هالعمليه مسويتها اكثر من مره محد غيري بيسوي له ....احبك طلال لو بيدي حتى قلبي اعطيك اياه))

((مارااااااااح اسمح لنفسي اني افقدك ..كافي لسويته فيك وبنفسي كافي عذاب ..ارجع لي طلال محتاجه لك))

طلعت من مكتبها ...اول ما شافتها نوال ركضت صوبها

نوال:بشري يمه بشري
حلا تحاول تهديهم:يا خالتي ليش تسوين بنفسج جذي طلال ما فيه شي الحمدالله
امامه:حلووي تكلمي شفيه؟
حلا تبلع ريجها وبألم:احناا ..انا مضطره اسوي له عمليه عنده انسداد بالصمام الرئيسي بقلبه
نوال شهقت وضربت على صدرها:عمليه ليييييش!!!
حلا:لا تحاتين خالتي العمليه مو خطره وايد ناس وايد سووها ونجاحها مضمون (جذااابه جذااابه تدرين انج ممكن تفقدينه)
امامه بحزن:يعني حالته خطره؟
حلا تحاول تكابر بدموعها:ان ما سوينا العمليه حالته بتزيد
نوال:سوي يا يمه شتنطرون بس ولدي يرجع لي سالم
حلا :بسوي كل اللي علي خالتي
امامه انصدمت : انتي اللي بتسوين حق طلال العمليه !!!
حلا تناظر امامه بيأس:هالعمليات تخصصي
نوال تمسك يدها تترجاها: تكفين يا بنتي لا تخلين طلال يصير فيه شي...لا تحطين في بالج يا حلا انه يكرهج ابوه اللي جبره على الزواج
حلا بألم تبعد يدها:خالتي هالموضوع انتهينا منه ..وطلال اللحين يعتبر حاله حال أي مريض ثاني انا راح اسوي له العمليه لان شغلي يتطلب مني هالشي وصدقيني راح اعامله حاله حال اي مريض .
امامه تدري هالكلام كله من ورا قلبها: وان شااء الله متى بتسوين له العمليه؟
حلا :حاليا قلبه ما يستحمل ..ننطر حالته تستقر وندخله غرفة العمليات
نوال:الله يقومه لنا بالسلامه
حلا (آآآآآمين يا خالتي حياتي ما تسوى بدونه):انتو لو ترجعون البيت افضل لكم لأن وجودكم ماله أي معنى ..باجر الصبح تعالو
نوال:لا انا بقعد عند ولدي ..ما اتركه لوحده
حلا:يا خالتي مالها معنى قعدتج ..باجر أن شاء الله ننقله بعد العمليه غرفه خاصه وتقدرين تشوفينه
نوال :هذا طلال يا حلا طلال
حلا تغمض عينها عارفه شتقصد: قلت لج يا خالتي حالهحال أي مريض بسوي كل اللي علي ...واللحين عن اذنكم اشوف شغلي
نوال:اذنج معج الله يوفقج


امامه اتصلت على السايق ..واهو كان جاي لهم بالطريج...رجعو معه ..لان جاسم رجع البيت

نوال واهم يمشون رايحين للسياره:ابوج هذا ما عنده قلب ابد ..حتى ما سأل عن بنت اخوه..وعن حال ولده المرمي بوحدة القلب بس همه كيف اني رفعت صوتي عليه جدام الدكتور
امامه:من زمان يا يمه ابوي جذي
نوال :أن صار بطلال شي ماراح اسامحه طول عمري





بريطانيا


خالد صارله ساعه يحاول بحور:خلاص حور حبيبتي علشاني
حور تصيح:ما اقدر استحملها اكثر...انتو طلعو انا ماني يايه
خالد يقعد يمها:وانا قلت لج طلعه من غيرج ما اطلع
حور تناظره:خالد حبيبي افهمني تعبت وانا اطوف لها... ليش اطلع واحر نفسي
خالد يبتسم لها:خلاص نطلع بروحنا
حور استغربت:شلون بروحنا واهم ؟!!
خالد:مو مشكله كأنهم مسافرين من غيرما نكون احنا موجودين
حور بطيبتها :لا خالد روح وياهم مو مشكله انا اقعد
خالد يضمها لعنده:يا قلبي على هالقلب الطيب
حور:ههههههههههه ما شاف الطيبه
خالد بعصبيه خفيفه:من قال؟!
حور تغمز له:قلبي وانا اعرفه
خالد :هذا دليل انج ما تعرفينه وصار مو ملكج اللحين لي انا بروحي
حور بحيا:خلودي روح وياهم
خالد:تدرين شلون بقولهم انج تعبانه وبتم وياج بالشقه جذي احسن لنا
حور تغمز له:ههههههه يكون احسن بعد





المستشفى


خذت لها كرسي وقعدت جنبه ايدها بيده ما تركته ..لين حست بتعب حطت راسها على صدره وغفت ...

قعدت مخترعه من صوت صراخ حولها ..شافت السيسترات يركضون وسيستر تقرب صوبها...

:دكتوره حلا قومي المريض تعب علينا
حلا توقف بخرعه:شفيه!!!
السيستر:نبضات قلبه ضعيفه وايد

دخل الدكتور معصب:دكتوره حلا وينج عنه؟
حلا توهقت:انا ..انا
الدكتور ما كان عارف أن ريلها:مو معقوله يا دكتوره هذا اهمال المريض كان بيموت وانتي غافيه عنه...دخلوه غرفة العمليات..

راحت حلا عقمت يدها ولبست لبس العمليات...ودخلت عليهم ..وقفت جنب الدكتور

حلا بصوت حاد:لو سمحت دكتور المريض مريضي..وانا اللي بسوي له العمليه
الدكتور عصب:شلون يا دكتوره حلا تنامين على صدر المريض ..بدل لا تشوفين شغلج
حلا باحتقار:ثمن كلامك دكتور ...لان المريض اللي تتكلم عنه اهو زوجي
الدكتور ما عرف شيقول :زوجج!!!
حلا خذت المقص بيدها:واللحين لو سمحت تخليني اشوف شغلي
الدكتور:انا آسف ما كن..
حلا تقاطعه:دكتور لو سمحت المريض حالته تعبانه اجل النقاش بعدين

الدكتور طلع باحترام ..وحلا سمت بالله وبدت عمليتها ((بسوي كل اللي علي يا قلبي الله لا يحرمني منك ))




بيت فيصل


الكل نايم ما عدا وحده بغرفتها كالعاده ..تناظر الصور والصندوق لجدامها ودموعها على خدها تنادي عليه....

((ليييييييييييييييش ياااااااا فوااااااز ليش تسوي فيني جذي؟!!))

((حراااااااااااام عليك نطرتك طول هالسنييييييييييين واخرتها تكون.....!!! آآآآآآآآآآآآآه يا ربي ما اقدر اتخيل مو مصدقه اللي شفته بعيوني ))

رجعت نهى من استقبال .... كالعاده تطمن على عيالها كلهم قبل لا تنام...لقت ليت خفيف من غرفة انفال...خذت لها نفس عميق وكملت لغرفتها تعودت على حال بنتها....


بعدها راحت غرفة فيصل استغربت انه نايم لانها ما شافته طول اليوم (متى دخل البيت!!)).... سكرت باب غرفته وباقي الغرفه الاخيره غرفة فجر....

لقتها منسدحه نايمه وضامه ريلها ...راحت غطتها باللحاف ثاني شكلها بردانه....باستها على خدها ..توها يايه بتطلع الا تشوف ليت من موبايلها ...كان يرن و اهو عالسايلنت ....

استغربت منو يدق عليها هالحزه....قربت منه تشوف الرقم ....لقته مو مخزن عندها....ما اهتمت للموضوع ييت بتطلع ...الا يرن مره ثانيه ...خذت الموبايل وطلعت بره الغرفه خافت يكون شي ضروري ...ردت بصوت واطي ...

نهى:الو
..:الو فجر
نهى :!!!!!!!
...:فجر تكفين لا تسكرينه

نهى سكرت الموبايل بسرعه منصدمه ما توقعت من بنتها جذي ((مو كااافي اللي سويتيه فينا يا فجر ما كفاج !!))

رجعت الموبايل مكانه وامسحت اخير مكالمه ...وراحت لغرفتها ...

((باجر اتفاهم معاج يا فجر شكلي ما عرفت اربيج))




بالمستشفى

انجحت عملية طلال...وكانت وقتها 3 الفير ...نقلوه غرفه خاصه والدموع ما فارقت حلا ...خافت تفقده وبتندم طول عمرها انها ما سامحته ...


فتح عينه طلال واهو يحاول يبعد ليت الشمس عنه....

لقى حلا ماسكه يده وراسها على صدره... حرارتها كانت مرتفعه بس كل شي يهون عشان طلال...

ابتسم من داخله براحه (يا قلبي يا حلا حتى وانتي تعبانه مو ناسيتني....صدقو يوم قالو اني ما استاهلج))

هزها على الخفيف يصحيها عشان تقوم ترتاح ...

طلال:حلا حلا
حلا:.....
طلال يهزها من جتفها:حلا حبيبتي قومي
حلا فتحت عينه وابتسمت يوم شافته صاحي:طلال
طلال يبادلها الابتسامه:عيون طلال
حلا :انت صحيت!!
طلال يمسك يدها:صحيت حياتي.. صحيت لانج يمي
حلا عيونها دمعت:ليش سويت فيني جذي ؟!..شلون كنت بتخليني وتروح؟!!
طلال يقربها لعنده:ما خليتج يا حلا...بس استاهل دام ماراح تسامحيني ما استاهل اني اعيش
حلا حطت راسها على صدره تصيح:لا تقول جذي حبيبي عمري ما زعلت منك لو تذبحني هم بقولك احبك
طلال رفع راسها له وقال لها بكل صدق:فرصه يا حلا فرصه وحده اعوضج عن كل اللي صار
حلا يا ربي اصدق قلبي ولا عقلي:..........
طلال بأمل:اوعدج يا حلا اول ما اطلع اطلقها ويرجع كل شي مثل اول
حلا تدري عمها ماراح يرضى بهل شي:بس عمي..
طلال يقاطعها:كافي حلا انا تعبت وانا اسمع كلام ابوي اهو لهدم حياتي ...فرصه يا حلا فرصه وحده بس
حلا تهز راسها له:لك كل الفرص يا طلال بس لا تخليني من دونك
طلال سمح لدموعه تنزل:تعبت يا حلا من بعدج عني ...كنت اتمنى الموت ولا اشوف الحزن بعيونج وانا السبب فيه
حلا ساكته تناظره ودموعها على خدها:............
طلال بصدق:خلاص يا حلا كافي عذاب كافي جروح...خلينه حبيبتي نرد مثل قبل ..نرد نحيي حبنا من يديد
حلا :............
طلال يضمها له بقوه:آآآآآآآآآآآآآه يا حلا ...لو ادري ان هالشي بيخليج ترجعين لي جان من زمان طحت بالمستشفى
حلا تضربه عالخفيف:بايخ لا تقول جذي..تدري مالي حياة من بعدك
طلال يرد يضمها له:ههه احبج حلوي


((وانااا احبك يا اغلى ناسي ...مهما سويت بتم احبك ...ماراح اسمح لنفسي افقدك مره ثانيه ....))


ودي يمر اسبوع من غير زعل ودموع
ونعيش مثل الناس اهدى شعور واحساس

احباب كنا اثنين قلب وانقسم نصين
الله يا الدنيا شوفو وصلنا وين

احسب معاي شبقى و في شي ما عشناه
غيره و هم وشقى ودوخه وضيقه و اه

حرام علينا نهدم بإيدينه حب احنا عشنا معاه

كافي عذاب كافي جروح اما نعيش في كل وضوح
ولا خلاص كلن في دربه يروح








مرت ربع ساعه واهي نايمه على صدره وكان يمسح على شعرها ويتبادلون احلى كلام بينهم ...اللي فقدوه لمده طويله بينهم بين بعض...

حست يده توقفت على المسح على شعرها...رفعت عينها له بخوف!!!!!!!!!


!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




شقة احمد

احمد منزعج من صياح فهد:بس يا غنيمه سكتيه ابي انام
غنيمه قاعده على السرير يم احمد وفهد بحضنها تهديه:شكله حلمان حلم يخرع قاعد يبجي
احمد يغطي اذنه:ما عليه طلعو بره ابي انام وراي شغل

غنيمه كسرخاطرها احمد راحت الصاله وتمت تلهي فهد بقصه لما سكت وتم يسمعها ونام بحضنها ... ودته غرفته ورجعت للغرفه...

اول ما انسدحت التفت عليها احمد:نام؟!
غنيمه:اييه نومته
احمد يبوس يدها:الله لا يحرمني منج قولي آمين
غنيمه تسحب يدها:ولا منك ..نام وراك دوام
احمد:ههههههه


نرجع لحلا و طلال


رفعت عينها له بخوف يوم حست يده توقفت ما قامت تمسح على شعرها....

ما تبي تفقده...صج انه خانها وباع حبها بلحظه...بس هالشي يهون عليها مليون مره من انها تفقده...

يوم قربت منه تتاكد...لقته نايم...((يا قلبي للحين تاثير المخدر...))

باسته على راسه واهي تحس براحه غريبه فقدتها من زمان....

دخلت السيستر ابتسمت لحلا وقالت لها الدكتور يبيها وراحت له المكتب....









ثاني يوم الصبح


قعد من النوم لقى حوله جاسم ونوال وشذى وامامه


طلال : حلا وين حلا
نطت شذى من مكانها : الحمد الله على السلامه حبيبي تبي شي

طلال طالعها بنظره ولف ويه على امه....


نوال والدمعه بعينها : الحمد الله على السلامه ... شلونك الحينحبيبي
طلال يشوف ويها مبين باجيه: يمه لا تبجين انا بخير صدقيني مافيني الا العافيه
جاسم : والله هذا كله من هالتدخين شفت اسوا فيك
امامه : لا خلاص ياطلال عقب اليوم ما راح انخليك تمسك سيجاره بيدك
طلال :الله يسمع منج

شوي ولا السيستر تدخل وتعطيه حبوب وقالت لهم انه الدكتوره بعد شوي تمر تطمئن عليه


حلا : السلام عليكم
الكل : وعليكم السلام


من دشت حلا وطلال عيونه ما انشالت من عليها...واهي ابتسمت له بحب....طلال بادلها الابتسامه

\((يا قلبي عليييج يا حلا يعني لصار ما كنت اتخيله يعني انتي كنتي عندي وسامحتيني يا قلبي...الله لا يحرمني منج ))

شذى استغربت حلا شدخلها بالموضوع معقوله اهي لعالجته !!! حست بنظراتهم غير لبعض ماتت من الحره ..حبت تغيظ حلا

شذى قاعده على الكرسي جنب طلال وحاطه ريل على ريل: دكتوره حلا
حلا تلتفت عليها وتحاول\تمسك نفسها ما تذبحها بيدها:نعم!!
شذى بدلع تشوف طلال:مشكوره وما قصرتي صج فضلج هذا ما انساه (تمثل بتبجي) والله يا دكتوره لو طلال صار فيه شي انا عندي اموت احسن لي


جاسم كان وايد متضاايق على حال حلا بس يبين العكس وانه مو مهتم فاستأذن منهم بيروح للدكتور....ونوال وامامه منقهرين من شذى


حلا بغرورتحرها:هذا واجبي كزوجه قبل لا اكون دكتوره
شذى انصدمت من كلامها:!!!!!!!!!!!!!
امامه طارت من الوناسه لرد حلا:الله لا يحرمكم من بعض ويبعد عنكم العذال
شذى انقهرت لان طلال ما تكلم وكان يناظر حلا ويبتسم لها:انا رايحه البيت
طلال وعينه على حلا:اوكي
شذى انقهرت وطلعت من غير لا تتكلم:....
نوال قربت من طلال وقعدت جنبه:مرتاح يمه؟
طلال يمد يده لحلا عشان تجي يمه:دام هالغاليه راضيه علي شلون ما ارتاح
حلا استحت ونزلت راسها:..
امامه مو مستوعبه ليصير جدامها نطت عنده على السرير:انتو شسالفتكم بالضبط؟
طلال يشوف حلا:ما فينا شي
امامه تقرص حلا:حلوووووي بتتكلمين ولا شلون؟!
حلا تبعد ايدها:وخري عني يالدفشه تعورين
طلال:اموووم يحماره لا تمدين ايديج عليها
امامه معصبه:خوش والله خوش
نوال مستانسه تشوف حلا:رضيتي عليه يا يمه.؟
حلا تشوف طلال وترد تشوف نوال:.....
طلال خاف تكون تراجعت بكلامها بسبب شذى:وعد مني يا حلا اول ما اطلع اطلقها
نوال:منو شذى!!
طلال:اييه يمه شذى زواجي منها كان غلطه ولازم يتصلح
امامه:وابوي!!
طلال بحزن:هذي حياتي وانا المسؤل عنها
حلا تغير الموضوع:لو سمحتو بس لو تخلوني افحص عليه والكلام الوايد مو زين له
امامه تغمز لها:علينه حلوي هالكلام...قولي تبينا نطلع ويفضى لج الجو وياه بلا كلام دكاتره وخرابيط
طلال:ههههههههههههههههه
حلا ويها حمر:انا اهني دكتورته ولازم افحص عليه بعد العمليه
امامه تطفرها:افا عليج دكتوره حلا اخذي راحتج فحصيه على كيفيج كله لج
حلا تسن على ضروسها:ميييمي وبعدين
نوال توقف وتسحب امامه وياها:قومي يالله يا ام لسانين انتي...خلي الحرمه تشوف شغلها
امامه:ما اقدر يمه اخاف على اخوي بقعد وياهم واهي تفحصه
طلال:هههههههه اقول طلعي لا اقوم بنفسي اطردج

طلعو من الغرفه وحلا عينها عليهم...سحبها طلال من يدها له فجأه ورماها عنده وضمها له....

حلا بحيا:طلال وخر
طلال متمسك فيها يخاف يموت وينحرم منها:خليني جذي حلا صدقيني مرتاح
حلا تحاول تبعد:يا ربي طلال مو وقته اللحين خلني افحصك توك طالع من عمليه
طلال يشد عليها:قلت لج راحتي بقربج مني

حلا تمت بمكانها مثل ما يبي...لان راحتها بعد بقربها منه....

بعدها ابتعدت بهدوء ويها احمر من حركته:اللحين ممكن تخليني افحص عليك
طلال يغمز لها:انا كلي لج
حلا:يااا ربي يا طلال افهمني لازم افحصك توك طالع من العمليه
طلال يسوي نفسه بريء:وانا ما قلت لج شي...انتي لفهمتي غلط
حلا ويها حمر زود وقفت بتقوم:خلاص بخلي دكتور ثاني يفحص عليك
طلال مسك يدها:ما ابي احد غيرج
حلا تبتسم له:عيل انسى اني مرتك وخلني اشوف شغلي
طلال:اوكي...بس توعديني بعدها تتمين وياي
حلا بقلة حيله:عندي مرضى غيرك
طلال يترجاها:طلبتج حلا اليوم كله ابيج جنبي ..اخاف ما اشوفج بعد اليوم
حلا نغزها قلبها من كلامه قعدت جنبه ومسكت يده:ما ابغيك تقول هالكلام مره ثانيه
طلال نزلت دمعه من عينه:احبج حلا









فيصل ينزل من الدري ينادي على امه توه مسكر التليفون من خالته لان امامه ما ترد عليه....

فيصل:يمه يماااااااااا
نهى :بالصاله يمه
فيصل يروح لها واهو يناهد من الركض:يمه يمه
نهى التفتت عليه مخترعه:شفيك يمه؟!!
فيصل:يمه طلال بالمستشفى
نهى حطت يدها على قلبها:ويييه شفيه؟!
فيصل:طاح عليهم امس وسوو له عمليه بقلبه
نهى:وليش ما قلت لي؟!
فيصل:توني دريت
نهى:يا قلبي يا طلال ما تستاهل
انفال:وشلونه اللحين؟
فيصل:تقول الحمدالله تكلم معاهم...بس ضايق خلقهم عليه

نهى:الله يصبرهم...انزين متى تبي نروح له؟
فيصل:بعد صلاة العصر يمه امرج ونروح
نهى:الله يشافيه يا رب
فجر:وكلمت اموم؟!
فيصل بضيق:مادري شفيها ما ترد علي
نهى تخفف عليه:ما عليه حبيبي تلقاها متضايقه عشان اخوها وباجر المفروض عرسها لا تلومها
فيصل:ما الومها يمه بس خل ترد علي انا شذنبي
انفال:ما عليه فيصل انا اعرف اموم ...تلقى اللي صار وايد مأثرعلى نفسيتها
فيصل:الله يصبرني





اليوم الثالث

بيت جاسم

غرفة امامه ...قاعد تكلم غنيمه بالتليفون...


غنيمه:بس خلاص اموم قطعتي قلبي
امامه تصيح:خايفه غنوم ربي مو كاتب اسوي عرس اخاف خيره لي اراجع نفسي ويا فيصل
غنيمه:شالكلام اموم...من صجج للحين ما تأكدتي من فيصل!!
امامه: غنوم والله خايفه من اللي صارانتي تدرين جم مره تأجل عرسي !! واللحين مستحيل اجله بس خلاص مليت
غنيمه:بس هالشي مو معناته أن فيصل فيه شي
امامه:فيصل ما القى مثله غنوم لو الف العالم كله
غنيمه:دامج عارفه هالشي ومتأكده منه ليش هالكلام اللي ماله معنى؟
امامه بصوت واطي:خايفه خايفه...تدرين اني ما ارد عليه
غنيمه:اموم حبيبتي لا تخافين والريال صبر بما فيه الكفايه ..سافرو وغيرو جو بلا عرس بلا كلام فاضي..وشيلي من بالج هالخرابيط
امامه:تهقين جذي؟!
غنيمه:هذا رايي...طلال كلها جم يوم ويقوم بالسلامه ..وانتي وفيصل سافرو شهرالعسل استانسو
امامه:شكله هذا اللي بيصير...(تغير الموضوع)شلونج ويا فهودي؟
غنيمه تبوس فهد لكان بحضنها:يهبل اموم..نسخه من احمد
امامه:واصارعلى علاج احمد؟
غنيمه تنفخ:مادري للحين مأجلين الموضوع حاليا
امامه:غنوم غلطتي مره لا تغلطين مره ثانيه
غنيمه:أن شاء الله لا تحاتين..حاليا احس اني مرتاحه اهون من عيشتي في بيت ابوي
امامه:يا قلبي يا غنوم ما عليه حبيبتي مهما صار هذا ابوج
غنيمه:اييه ما عليه شنسوي بعد
امامه:اخليج اللحين غنوم اهلي ينطروني بنروح لطلال
غنيمه:سلمي عليهم ..ما يشوف شر...
امامه:الشر ما اييج...يوصل أن شاء الله
غنيمه:فكري بالموضوع اللي قاعد تسوينه بفيصل غلط ما يستاهل..
امامه:يصير خير ..باي
غنيمه:باي




غرفة جاسم ونوال

جاسم يوقف معصب من الكلام لسمعه:مو كيفه يطلقها
نوال:كافي يا جاسم لا تتدخل بحياة الولد اكثرمن جذي
جاسم:اذا بيرد حلا بكيفه زوجته ومن حقه بس شذى ماراح يطلقها
نوال محتره :انا اموت واعرف انت ليه متمسك فيها ...مو كافي الولد بغى يموت بسببها
جاسم:شوفي يا نوال انا هالكلام ما يفيد معاي ..طلاق ماراح يطلق وان طلقها لا اهو ولدي ولا اعرفه

طلع من الغرفه معصب وشذى كانت بغرفتها سمعت كل شي... دقت على امها...

شذى تصيح:يمه لحقيني
ام شذى:سم الله عليج ..شفيج يمه؟
شذى:طلال يمه بيطلقني
ام شذى منصدمه:ليش ؟!!
شذى:مادري مادري سمعت عمي جاسم يتناقش ويا خالتي نوال
ام شذى:كله منج ..مخليتها وياه 24 ساعه بالمستشفى مجابلته وانتي قاعده بالبيت
شذى كانت تعبانه امس وما قدرت تروح لطلال:شسوي يمه اقولج تعبانه ما اقدر بس ارجع
ام شذى:شنو؟!!
شذى :شنو شنو؟
ام شذى مو مصدقه: تحسين بلوعه بجبدج؟!
شذى:اييه يمه حيييل
ام شذى:وراسج يعورج
شذى مستغربه:اييه يمه....ليش!!

تركت التليفون فجأه وراحت الحمام لايعه جبدها...

شذى:سوري يمه بس غصبن علي
ام شذى بتطير من الفرحه:انتي حامل يا شذى
شذى منصدمه:شنو!!!!
ام شذى:لازم تقولين لطلال قبل لا يطلقج
شذى بحزن:لييييش يمه ليييش؟
ام شذى:ليش انج حامل منه !!! اللحين مو هذا اللي ننطره من زمان
شذى:بس اهو اللحين بيطلقني شذنبي اتحمل الياهل
ام شذى:يالهبله انتي لازم تقولين له قبل لا يطلقج واذا بيرد حلا بكيفه المهم لا يطلقج ولا ابوج ماراح يخليج تدشين البيت
شذى بتفكير عميق:تهقين جذي يمه؟!!
ام شذى:صدقيني اكيد اذا عرفت انج حامل يمكن ما ترضى ترجع له وجاسم ماراح يرضى له انه يطلقج بعد الكلام لقلتيه له
شذى بخوف:تهقين يمه بيطلقني؟!
ام شذى:اكيد بيطلقج ..صدقيني اهي ماراح ترجع له إلا بعد ما يطلقج
شذى تبجي:لا يمه اموووت أن طلقني
ام شذى:عشان جذي انتي لازم تقولين له عن حمالج قبل لا يصير شي وتتحسفين
شذى:بس يمه اللحين اهو بالمستشفى مو وقته اقول له
ام شذى:قولي له اللحين اخاف يطلع من المستشفى لبيته عند حلا على طول وانتي يطلقج
شذى تصيح:لااااااا يمه لا تفاولين علي
ام شذى:سوي اللي قلت لج عليه عشان ما تتحسفين
شذى خايفه:الله يستر


جاسم ينادي على شذى...

شذى:يمه عمي ينادي علي شكلهم بيروحون المستشفى حق طلال
ام شذى تحرص عليها:ما اوصيج لقلت لج عليه
شذى:يمه واذا طلعت مو حامل
ام شذى:انا ابخص هذي اعراض حمل..سوي لقلت لج عليه
شذى تسمع جاسم للحين ينادي عليها:اوكي يمه خل اروح لهم ..باي


بالمستشفى...

حلا كانت عند طلال تغديه بيدها ...مو راضي ياكل إلا اذا اهي وكلته....

حلا:يالله هذي اخير لقمه
طلال ياكلها:بس حياتي كافي والله شبعت
حلا تبعد الاكل عن السرير:اللحين بتجي لك السيسترعلشان دواك
طلال يسحبها لعنده:وانتي يا عسل؟
حلا بين ايدينه:وانا شفيني؟
طلال:وين بتروحين وتخليني؟
حلا:طلال حبيبي انا عندي عياده اليوم لازم اروح لها
طلال يتأمل ويها عن قرب:في احد قالج من قبل انج احلى من القمر نفسه
حلا بحيا:تبي شي قبل لا امشي
طلال بترجي:ابيج انتي
حلا:كلها جم يوم وترجع البيت وترتاح ان شاء الله
طلال يبتسم لها:ارجع وياج بيتنا
حلا :بس..
طلال يقاطعها:خلاص حلا كافي لا تفكرين بشي ...حبيبتي كل شي بيرد نفس قبل
ابتسمت له ووقفت:اوكي انا بروح اللحين..اذا خلصت من العياده اجيلك
طلال:يا قلبي روحي البيت ارتاحي شوفي شكلج شلون تعبانه
حلا قربت منه وباسته على خده:وجودي يمك اهو راحتي...مع السلامه
طلال بكل حب:الله يحفظج لي

رجع راسه لوره بتعب((يا ربي شقاعد يصير شلون بطلق شذى !!! اخسر وحده واربح الثانيه ...ما يصير الاثنين ؟!! شسوي يا ربي ؟!!!))

مرت ربع ساعه ..الا بدخلة شذى ونوال وامامه وجاسم ...سلمو عليه وقعدو

نوال:ها يمه شلونك اليوم؟
طلال يحاول يتجاهل شذى:انا بخير
امامه:مشعلوه امس سال عنك بس ما جبت له طاري
طلال:زين تسوين مو مهم يعرف
شذى بدلع:حبيبي شلونك اليوم؟
طلال من يسمع صوتها ينسى كل شي ..ابتسم لها:بخير..انتي شلونج؟!
شذى بدلع تروح تقعد يمه وتساسره بأذنه:ولهانه عليك

طلال((لااااااااااا يا طلال لاااااااااا حرااااااام عليك تسوي جذي بحلا حاول تضغط على نفسك لازم تصير اقوى وتطلقها ..بس شلوووون هذي شذى شذى!!!))

جاسم حس انه سرح:متى بيرخصونك؟.
طلال:اظن بعد بكرا
امامه:البيت من غيرك يلوع الجبد طلول
طلال يناظر بامه:انا أن شاء الله أن طلعت برجع عند حلا
شذى وجاسم:!!!!!!!!!!!!!!!
امامه بتطيرمن الوناسه:زين تسوي يا خوي
جاسم بحزم:ومرتك الثانيه؟!
طلال بصعوبه ياي بينطقها:شذى انا بط..
شذى قاطعته بحنيه مصطنعه:ما عليه حبيبي خلك جم يوم عندها عشان تراعيك اهي دكتوره تفهم لحالتك..(بدلع تحر فيها نوال وامامه) وبعدين انا اللحين مو مثل اول ما اقدر اتحرك وايد انا احتاج من يساعدني

طلال مو فاهم شي !!!!!!!!!! ونوال خايفه من اللي في بالها صح لان صارلها يومين مو على بعضها....امامه انقهرت من دلعها

امامه:سم الله عليج ..ليش تبين مساعده ماما؟!
شذى تشوف جاسم وتبتسم له بعدها تمسك يد طلال:لاني حامل

طلال فتح عيونه عالآخر (لااااااااااااااااااااااااااااااااااااااااااااااا)
...نوال نزلت راسها وسكتت كانت متوقعه هالشي...جاسم ابتسم لها مستانس

جاسم:مبروك يا بنيتي
شذى:الله يبارك فيك عمي
طلال:َ!!!!!!!!!!
امامه وقفت معصبه:جذاااااااابه اكيد جذااااابه
شذى ابرود تقهرها فيه:وليش اجذب حبيبتي؟!
امامه تشوف طلال:طلااااااال
طلال يلتفت عليها وفهم من عينها تسأله حلا شلون؟!!! نزل راسه بخيبة امل كبيره ...اطلعت امامه من الغرفه منقهره ...

نوال:سويتي تحاليل؟
شذى بأدب جدامهم:لا خالتي ..بس ماما قالت لي انها اعراض حمل
طلال حس بأمل شوي:بس لازم تتأكدين
شذى(كل هذا عشان تطلقني يا طلال لي هالدرجه صرت رخيصه عندك):مو مشكله اروح اسوي تحاليل اللحين
نوال خافت تكون خطه من خططها:اروح وياج
شذى انقهرت:حياج الله

بعد ما طلعو كلهم باقي جاسم وطلال بالغرفه ..طلال بحالة صدمه..(وحلاااا شلون شلون!!!!))

قطع عليه تفكيره جاسم...

جاسم بجد:اظن اللحين ما لك امل تفكر بموضوع الطلاق البنت ما غلطت بشي علشان تطلقها
طلال يناظر ابوه(كل اللي صار لي منك):....
جاسم حس من نظراته انه يأنبه:ليش تشوفني جذي؟
طلال:انا برجع لحلا
جاسم:ومن ماسكك ..هذي مرتك ولك الحق...وشذى هم مرتك بعد ولها حق عليك
طلال يشد على يده بقهر:ممكن تخليني بروحي
جاسم وقف معصب:شلون تكلمني جذي؟!
طلال خلاص يحس انه مل زهق كل ما يقول انحلت تطلع له مشكله:يبه ارجوك تعبان ابي اقعد بروحي...ويا ليت تردون البيت وما ابيكم تزوروني
جاسم عصب:الشره علينه احنا اللي يايين نزورك

طلع من الغرفه معصب بعدها دق على امامه وقالهم اييون له بالمواقف....



شقة احمد

قاعدين يتريقون ...فهد وياهم على الطاوله...

غنيمه:فهودي حبيبي اكل بيدك اليمين
فهد دار مدار حلجه كله اكل:لا ماما ابي اثنين ايد
غنيمه:ههههه فهودي حبيبي ايدي الثنتين مو اثنين ايد هههه
فهد برطم:لا تعبين علي انا حلو
غنيمه:لا تعيبين مو لا تعبين هههههههه ما عيب حبيبي...(تمسكه ايده اليمين) يالله اكل بهاليد
احمد :اقول حياتي
غنيمه كانت توكل فهد:هلا
احمد عينه على فهد:اذا فهد متعبج اوديه عند امي
غنيمه :حرام عليك هذا فهودي يهبل ما يتعبني
احمد ابتسم لها براحه:الله يخليج لي



بيت فيصل


قعد من النوم خلاص زهق من معاملة امامه له...(( يا ربي شفيها علي فجأه انا شذنبي اذا تاجل العرس...معقوله تحس أن ويهي نحس عليها !!! لا ميمي مو لي هالدرجه تفكيرها صغير انا لازم اروح لها واعرف شسالفه ...))


اخذ موبايله وتم يدق عليها وما ترد عليه ...قلبه مقموت يحس فيها شي مو معقوله تعامله بهالطريقه فجأه اهو ما سوا لها شي...طلب من امه تتصل على بيتهم وتسأل عنها

نهى :السلام عليكم
نوال:هلا والله بأم فيصل
نهى:هلا فيج حبيبتي شلونج؟
نوال:الحمد الله انتي كيف حالج؟وكيف حال العيال؟
نهى :الحمدالله بخير..بشري شلون طلال اللحين؟
نوال بضيق:الحمدالله على كل حال...احسن من امس
نهى :الحمد الله...يرجع لكم بالسلامه
نوال:الله يسمع منج
نهى:وامامه كيف حالها.؟
نوال بحزن :شقولج يا نهى ...والله من بعد اللي صار حق اخوها واهي متغيره ...وخاصة أن عرسها الغيناه
نهى : الله يعينها ما تنلام يا ام طلال اخوها الوحيد غالي عليها..والعرس أي بنت تتمناها من حقها تتضايق
نوال:ربي يصبرنا
نهى :اذا ممكن يا نوال يكلمها فيصل لان يحاتيها واهي ما ترد على موبايلها
نوال:من عيوني لحظه اودي لها التليفون

صعدت لغرفتها ..لقتها منسدحه على سريرها وعينها على صورتها اهي وفيصل...

نوال:امومه حبيبتي فيصل يبغى يكلمج
امامه تلف ويها الناحيه الثانيه:ما ابغى
نوال بحزن:عيب يا يمه ..كلميه هذا زوجك
امامه :مالي خلق يمه مالي مزاج اكلم احد تكفون اتركوني بروحي

طلعت من غرفتها وقلبها يعورها على حال بنتها ..بتلاقيها من جاسم ولا من طلال ولا بنتها الوحيده اللي مو مترقعه مع ريلها ...

ردت بضيق:سامحيني يا نهى البنت تعبانه مره
نهى:مسموحه يوخيتي مقدرين الظروف

فيصل يأشر لأمه أن يبغى يكلمها..

نهى:هذا فيصل يبي يكلمج
نوال:حياه الله

فيصل:قوه خالتي
نوال:يقويك يمه ..كيف حالك؟.
فيصل يختصر:بخير خالتي ..ممكن اييكم البيت اشوف امامه.؟
نوال:هذا بيتك يمه وانت مو غريب زوجها ويحق لك
فيصل ارتاح:مشكوره خالتي ..انا ابي اتطمن عليها بنفسي
نوال:جان زين تطلعها من اللي هي فيه
فيصل يطمنها :لا تحاتينها خالتي فتره وتعدي أن شاء الله
نوال:الله يخليك لنا ولامك ويحفظك يا رب
فيصل:تسلمين ..انا اللحين ياي أن شاء الله
نوال:حياك الله بانتظارك
فيصل :مع السلاامه


دخل البيت سلم على عمته واستأذن منها يصعد لغرفتها بدون لا يخبرونها...

وقف عند الباب طق الباب وسمع صوت بكاء خفيف..

امامه: ما ابغى غدا خلاص خلوني بروحي

فتح الباب على الخفيف وراح لها...كانت معطيته ظهرها ومتكوره على نفسها وتبجي بهدوء ...

كان شكلها مثل الياهل لابسه بيجامه شورت قصير وبلوزه علاق وحاضنه مخدتها وتبكي...

جلس على السرير وحط يده عليها ..

فيصل :ما ولهتي علي؟؟!!
امامه غمضت عيونها على بالها تتخيل:.......
فيصل يلفها له ويناظرها بكل شوق:ليش البجي حبيبتي؟
امامه بصوت اقرب للهمس:فيصل!!
فيصل:عيونه
امامه رمت نفسها بحضنه وقامت تبجي: .شفت شصار لطلال ...اذا صار فيه شي بموت فيصل
فيصل يمسح على شعرها:شالكلام حبيبتي ...ربج كاتب هالشي ما يصير نعترض على ارادة الله
امامه:ونعم بالله
فيصل يخليها قباله:حبيبتي ما احب اشوف دموعج ...قومي معاي غسلي ويهج ونزلي تحت امج محتاجه لج
امامه دموعها تنزل:ما اقدر فيصل ..ما اقدر
فيصل:لازم تصيرين اقوى وتكونين يمها مو انتي والظروف عليها
امامه ساكته تناظره:.......
فيصل يتشره:ليش ما تردين علي؟!
امامه مو عارفه شتقول:......
فيصل:تدرين اني ما استحمل يمر يوم من غير لا اكلمج ...وهالمره يومين يالظالمه
امامه تصيح:خايفه فيصل خايفه
فيصل يشد على يدها:شمنه خايفه حبيبتي؟
امامه :انت تدري جم مره تأجل عرسي !!
فيصل يبتسم لها:عادي ما فيها شي ..وايد ناس جذي
امامه:لا فيصل انا اكثر من 3 مرات ...اخاف خيره لنا ان...
فيصل قاطعها بجديه:هالشي المفروض ما تحطينه في بالج كلش...
امامه:بس انا...
فيصل يحط صبعه على حلجها:اوششش...كل اللي صار مكتوب لنا و مقدر ..واللي لازم تعرفينه أن حياتي من غيرج ما تسوي...واذا بخاطرج عرس انا مستعد انطر بعد وتسوين لج عرس...لج الوقت كله يا عمري..بس ما تدرين خيره لج ربج قاعد يأجله
امامه تمت ساكته تفكر بكلامه :.....

مسكها فيصل من يدها وسحبها معه لباب الحمام...

فيصل بابتسامه:اللحين يلا جدامي دخلي غسلي ويهج
امامه بدلع:لا تصارخ علي
فيصل استخف على شكلها:اموم استغفري ربج ودخلي داخل
امامه تعاند :ماني داشه

فيصل تم يناظرها ..شكلها طالع جنان جنها ياهل ..خشمها وخدودها حمر من البجي وشعرها معفس ..

امامه استحت من نظراته خاصة تحس لبسها وايد عاري:بس عاد نزل عيونك
فيصل :مرتي وحلالي
امامه شب ويها ضو وبعناد: منو قال هالكلام
فيصل قرب منها واهي ترجع يقرب وترجع لين لزقت بالطوفه: أي كلام؟
امامه ترجف من قربه لها:فيصل وخر عني
فيصل يحط يده على الطوفه جنب ويها بحيث حوطها ما تقدر تطلع :انتي مو مرتي!!
امامه تطفره:أي ما احبك شلون اتزوجك ويييييع
فيصل للحين يناظرها:متأكده؟
امامه بتموت من نظراته :فيصل نزل عيونك بلييز والله احس اني بختنق
فيصل يقرب اكثر:واللحين تحبيني؟
امامه غمضت عيونها:فييييييصل وخر والله اصرخ انادي عليك امي
فيصل يلعب بشعرها وقرب اكثر:صرخي
امامه :يا ربي وخر
فيصل يقرب منها بحيث صار لازق فيها ويساسرها بأذونها:تحبيني ولا لأ؟؟!!
امامه خلاص بيغمى عليها:ايه ايه بس وخر
فيصل :مرتي ولا لأ؟!!
امامه:للحين ما صرت
فيصل يرد يعيد بس يساسرها بأذنها الثانيه:ما سمعت حياتي شقلتي؟؟!!
امامه :مرتك مرتك بس ابتعد فيصل

يرجع فيصل خطوتين لي وره واهي تمت تتنفس بسرعه...

امامه ناظرته بنظره:مينون
فيصل بابتسامه نصر:هههههههه
امامه تدخل الحمام وتسكر الباب وتصارخ من داخل:ماااااااا احبك اكرهك وانا مو مرتك
فيصل :هههههههههههههههههههههههههههههههه لو كنتي قد هالكلام طلعي
امامه :ماراح اطلع ..واللحين اطلع من غرفتي ما ابغى اشوفك
فيصل بصوت حزين: افا هذي اخرتها تطرديني من غرفتج
امامه:لانك دب وبايخ وحركاتك تبط الجبد
فيصل ماسك ضحكته:انا دب!!! ما سويت لج شي
امامه بقهر:كل هذا وما سويت ..اطلع بره
فيصل يمثل الحزن :على راحتج

ويسكر الباب بقوه ... ارتاحت من داخلها ورجعت تتنفس بقوه ..غسلت ويها وتمت تناظر فيه بالمرايا

(( يا ربي طالع شكلي شلون تعبانه ...يالفشله فيصل شافني جذي ...يا ربي بغيت اموت هالريال من جد مينون عليه نظرات يا ربي تقهر ))

طلعت من الحمام واهي تنشف ويها بفوطه بيدها حست انها اصطدمت بشي شالت الفوطه عنها...

فيصل حوطها بيده من خصرها :تصدقين مساع كنتي احلى
امامه تحاول تفك نفسها:يااااا ربي انت ليش ما طلعت ها.؟
فيصل يشد عليها:غرفة مرتي حلالي
امامه بحيا:فيصل الله يعافيك خف من حركاتك والله مو وقته
فيصل بعذاب :متى وقتي عيل حرام عليج كافي يومين مادري عنج لا تردين على مكالماتي ولا اشوفج ما تحسين فيني
امامه كسر خاطرها:ادري يا عمري اني مقصره بس مو بيدي
فيصل :عيدي عيدي الي قلتيه
امامه مو فاهمه:ما قلت شي.؟
فيصل:/قلتي ادري يا شنو؟
امامه:يا عمري
فيصل :الللللللله من زمان ما سمعتها
امامه:هههههه يا قلبي لي هالدرجه صايره نذله
فيصل يطفرها:بشكل ما تتصورين
امامه تضربه على صدره:يالبايخ
فيصل يضمها:هههههههه إلا عسل تهبلين بكل احوالج


بيت فيصل


فجر قاعده بغرفتها تقرا كتاب رن موبايلها رقم غريب ...بالاول احقرته بس رد اتصل اكثرمن مره ...توقعت احد من رفيجاتها ردت عليه

فجر:الو
..:الو فجر
فجر بخوف:منو!!
..:فجر تكفين لا تسكرينه ابي اكلمج

فجر عرفت صوته سكرته على طول واهي ترجف من الخوف...دخلت نهى عليها بهاللحظه واهي نقزت من مكانها والموبايل كان بيدها هالشي اكد لها اللي في بالها..

نهى :شفيج!!
فجرتحاول تمسك نفسها:ما فيني شي يمه
نهى تشوف الموبايل بيدها:منو كنتي تكلمين؟
فجر:ما كنت اكلم احد
نهى تقرب منها:ليش سوييتي جذي يا فجر؟!

فجر مع انها مو مسويه شي بس ماتدري ليش قامت تصيح...ونهى ظنت انها تصيح ليش اكشفتها...

نهى بصوت عالي شوي:ليش ليش ؟!مو كافي اللي سويتيه ويا فارس ..تبين بعد تفضحينا زود
فجرمو فاهمه عن شنو تتكلم:يمه شفيج انا شسويت؟!
نهى :وتجذبين بعد
فجر صياحها يزيد:والله يمه ما سويت شي
نهى تسحب منها التليفون وتطلع الرقم:وهذا شنو!!!
فجر مو مستوعبه امها شعرفها بالموضوع:هذا هذا !!
نهى :وتجذبين بعد وتقولين انج ما كنتي تكلمين احد...من متى بناتي يكلمون شباب
فجر عرفت أن امها فاهمه الموضوع غلط:يمه انتي فاهمه غلط ..هذا..
نهى تقاطعها معصبه:لا تجذبييييييييين ما ابي اسمع منج ولا كلمه زياده
فجر :يمه والله وربي اللي خلقني اني ما اكلم ..يمه انا بنتج شلون تظنين جذي
نهى:بنتي بنتي اللي باعت سمعتها بيدها هذي بنتي
فجر بندم:يمه هالموضوع انتهينا منه وانا ندمت عليه
نهى:واللحين يايه تكملين على اللي سويتيه...
فجر:ما سويت شي يمه والله ما سويت شي
نهى منقهره على بالها تجذب عليها:يعني ما تبين تعترفين
فجر:شعترف فيه يمه؟!!
نهى:انتي الظاهر محد يفهم لج غير فيصل لازم يعرف سواد ويهج

ييت بتطلع وقفتها فجر من يدها ...

فجر تصيح:يمه حرام عليج والله اني ما اكلمه اهو صارله جم يوم يلاحقني واول مره يتصل علي
نهى وقفت:منو اللي يلاحقج!!!
فجر تقعد على سريرها :فارس يمه فارس
نهى تروح لها:اللي دق عليج فارس؟!!
فجر:اييه وصار له جم يوم يلاحقني يحاول يكلمني
نهى معصبه:وشيبي منج هالحمار؟!
فجر:مادري يمه مادري
نهى :وليش ما قلتي لنا...ليش ما قلتي لاخوج؟
فجر بخوف:كنت خايفه يمه ..خفت ما تصدقوني
نهى:واللحين ارتحتي قام يدق عليج..يعني لو انا مو راده عليه ذاك اليوم جان انتي للحين ما قلتي لي عن الموضوع
فجر ترجف:والله كنت بقولج يمه بس كنت خايفه خايفه
نهى كسرت خاطرها راحت لعندها وضمتها:خلاص يمه احنا يمج ماراح يسوي لج شي
فجر تصيح وتتعلق اكثربأمها:يمه تكفين فكيني منه تعبت تعبت
نهى تطمنها:ولا يهمج يمه لا تحاتين شي ...فيصل اخوج يهتم بالموضوع
فجر ترفع عينها الحمرا من الدموع وبترجي:لاااا يمه إلا فيصل تكفين يمه ما صدقت انه رضى علي
نهى كسرت خاطرها:حبيبتي مهما صار هذا اخوج وماراح يضرج
فجر:اخاف يرد يكرهني يمه وما يكلمني
نهى:فيصل عمره ما كرهج ...لازم حبيبتي اقوله عشان يتفاهم معاه
فجر:يمه تكفين فهميه اني مالي شغل فيه والله اني ما كلمته ولا ييت اصوبه
نهى تمسح على شعرها:خلاص يمه انتي اهدي الحين



بريطانيا

قاعد بالبلكونه يكلم حلا بالتليفون...

مشعل بفرح:صج يا حلا
حلا بحيا:اييه صج
مشعل:واخيييييرا رضيتي عليه
حلا:صدقني مشعل يوم حسيت اني بفقده .نسيت كل شي المهم يكون وياي
مشعل:الله الله يا عيني على الحب
حلا:هههههههه
مشعل بعتب:وليش ما قلتو لي عن طلال
حلا:ما حبينه نكدرك ونشغلك الحمدالله صحته زينه اللحين
مشعل:اهو يمج؟
حلا كانت تمشي رايحه له الغرفه:لا انا توني طالعه من مكتبي اللحين رايحه له
مشعل:يا عيني اللحين الدكتوره حلا كاشته بكل المرضى وما عندها غير المريض طلال
حلا بحيا:مشعل وبعدييين!!!
مشعل:ههههههههه

حلا دخلت الغرفه ..لقت طلال يشوف التلفيزون ابتسمت له ومدت له التليفون...

طلال:منو!
حلا:مشعل

طلال:هلا والله بالغالي
مشعل:هلا فيك ..شلونك طلال؟
طلال نزلت دمعه من عينه الفتره الأخيره وايد كان جاف عليه:الحمدالله يا مشعل الحمدالله
مشعل حس من صوته انه بيبجي ونفس الشي اهو دمعت عينه:ما تتخيل شكثر ولهت عليك
طلال يمسح دمعته:وانا بعد
مشعليغير الموضوع:شلون حلا معاك
طلال سحب حلا لعنده وكانت واقفه يمه:كاهي بحضني

حلا ضربته عالخفيف ويها ولع احمرمن لقاله لمشعل

مشعل:ادفع اللي تبيه عشان اجي اشوف ويه حلا اللحين
طلال:هههههههه مثل كل مره طماطه
مشعل:ههههههههههه حرام عليك
طلال يبوسها على خدها:احبها مشعلوو والله احبها

حلا سحبت نفسها منه وقامت:يالمينون مشعل على التليفون

مشعل مستانس لهم:ههههههه قولها عادي متعود على خبالك
طلال:ههههههه بس عاد ما اسمح لك تتجسس علينا
مشعل:والله انك مو كفو اسأل عنك
طلال:افا يا خالي العزيز
مشعل بجد:أن سمعت انك زعلتها يا طلال ماراح يحصل طيب
طلال يشوف حلا:لا توصي حريص
مشعل ارتاح:اخليك اللحين ويه حبيبة القلب...وراي دراسه
طلال:شد حيلك ننطرك
مشعل:هانت ما بقى شي
طلال:موفق
مشعل:اجمعين...بباي







بيت فيصل



بعد ما قالت له نهى عن كل شي...اخذ الرقم من فجر ودق على فارس وهدده اذا دق مره ثانيه على فجراو تحرش فيها ماراح يحصل طيب....وسده بويها على طول من غير لا يسمع منه أي كلمه


بعد مرور يومين طلال طلع من المستشفى ...وراح لبيت حلا...واقتنعت حلا انه ما يطلق شذى بس اهم شي انها ما تشوفها وبيت عمها ما تطبه ....وحاليا طلال بيتم ويا حلا بالبيت بعده ما قرر كيف يقسم نفسه بينهم...



امامه وفيصل بعد يومين بيسافرون شهر عسل وبعدها أن رجعت بتسوي لها حفلة استقبال ...
بيت فيصل



غرفة انفال



عيد ميلاد فيصل باجر وامامه محتاره بين هديتين....





امامه:ها نفول شقلتي؟!

انفال:امممم الاولى رومانسيه اكثر

امامه:بس اخوج ما اضمنه الصراحه

انفال:ههههههه

امامه:لا لا انا اقول الثانيه

انفال تغمز لها:الثانيه ممكن أي احد يسويها له بس الاولى انتي الوحيده

امامه تحذف عليها كوشيه:بس سكتي

انفال:هههههههه ساعات استغرب اذا شفتج تستحين ههههههه

امامه توقف:افففففف انا ليش قلت لج

انفال تمسكها تقعدها:هههههه قعدي قعدي وين رايحه

امامه:اذا بتسوين سوالفج البايخه ماني قاعده

انفال:هههههههه لا خلاص قعدي

امامه بدلع:يعني خلاص تقولين الاولى احلى

انفال:حدها الاولى اعرف فصول يستانس على جذي مفاجآت

امامه:اوكي خل اروح اضبط شغلي..اشوفج عقب باجر

انفال:اييه خير هذا اذا خلاج فصول

امامه:ياااااا ربي انتي تخوفيني ترا

انفال:ههههههههههههه ريلج بعد

امامه بحيا:عقب شهر العسل اقول له ريلي

انفال:ههههههههههههه وربي خبله شكو مو إلا

امامه تلم اغرضها:انتي الكلام معاج ضايع...يالله باي

انفال تطفرها:ترا غرفة فيصل قبالي..واذا تبين جناحكم تراه فوق الدور الثالث

امامه تسكر الباب بقوه بعد ما قالت:صج انج بايخه

انفال:هههههههههههه



بيت حلا



طلال منسدح بالصاله ...وحلا تزهب الغدا على طاولة الاكل...



حلا:يالله حبيبي الاكل جاهز

طلال يروح لها ويسحب لها كرسي:تفضلي اميرتي

حلا تقعد:ههههههه

طلال يطبع بوسه على خدها ويقعد عالكرسي يمها:ليش متعبه نفسج حبيبتي؟

حلا:ما سويت شي كلها عيش معدس اعرفك تحبه مع روب

طلال يحط له بصحنه:اهو بس احبه اكلتي المفضله

حلا:بالعافيه حبيبي

طلال :الله يعافيج...يالله مدي يدج

حلا:لا انا ما اقدر اكل عدس

طلال مستغرب مع انها تحبه:ليش؟!

حلا:مع الحمال صرت ما احبه اهو والفول

طلال:هههههههههه عاد انتي تحبين الفول

حلا :شسوي بعد

طلال:لا هذا نصور يبيله تربيه عدل قبل لا يطلع هذي سواته

حلا تلم بطنها:حدك على ولدي مالك شغل فيه

طلال بدلع:افا حلوي اللحين هذا(يأشر على بطنها) صار اهم مني

حلا:ما قلت اهم منك...بس ولدي ما ارضى عليه

طلال ينزل القفشه من يده:خلاص ماني متغدي

حلا:ههههههه ترا ماراح اراضيك فلا تزعل وتطوف عليك الاكل

طلال:لا والله

حلا:هههههه خلاص حبيبي كمل اكلك

طلال جافس يده وماد بوزه:....

حلا:هههههه طلال حرام عليك شوف شكلك شلون صاير

طلال نفس ما اهو:.......

حلا تاخذ له لقمه وتمدها له ياكلها:خذها من يدي

طلال يناظرها:مابغى

حلا تغمز له:تردني حبيبي

طلال ياكلها ويغمز لها :بس لانها منج

حلا:هههههههههههه







بيت جاسم



امامه قاعده بشقتها تكلم امها بتحترق....



شذى:مو قادره يمه مو قادره

ام شذى:ما عليه كلها جم يوم وبيرد لج...انتي حاول تكسبينه صوبج بطريقتج

شذى:يمه مو معبرني ولا يرد على اتصالاتي

ام شذى:شبيدي اسوي يمه؟!

شذى تصيح:بيي عندج يمه مليت بالبيت بروحي نوال واموم ذبحوني بكلامهم يحروني

ام شذى:استأذني من ريلج قبل

شذى باستهزاء:اهو يدري عني اصلا

ام شذى :ما عليه بس هم قولي له

شذى:بدز له مسج وادري ماراح يمانع

ام شذى:خلاص انطرج







بالصاله



امامه قالت لامها عن اللي بتسويه حق فيصل



نوال:اللي يريحج يمه

امامه بحيا:فمضطره اروح بسيارتي

نوال:بس ما هو بعيد عليج

امامه:دلتني اياه غنوم رايحه له من قبل

نوال:على خير أن شاء الله

امامه:لا تنسين يمه تقولين لابوي ..استحي اقوله

نوال:أن شاء الله ..حطيه بعيونج فيصل يستاهل كل خير

امامه:كثري من دعواتج يمه

نوال: الله يوفقكم





دخل جاسم توه راجع من الشركه سلمت عليه امامه ...وبعدها استأذنت لغرفتها...



نوال توقف:ازهب لك الغدا

جاسم بتعب يصعد الدري:اييه والله تعبان ..ابغى اتغدى وانام

نوال:الله يعطيك العافيه





بيت ام شذى



بعد ما تغدو وخلصو ...صعد بو شذى ينام يرتاح ....واهم قعدو بالصاله....دق التليفون ردت شذى..



شذى من غير نفس:نعم

ام حمد:هلا والله بشذى

شذى عدلت صوتها:هلا فيج خالتي

ام حمد:شلونج حبيبتي؟

شذى:الحمدالله بخير

ام حمد:الوالد قاعده بالبيت؟

شذى:اييه خالتي انا وامي قاعدين حياج عندنا؟

ام حمد:والله انا داقه اقول لامج عن مها مرت حمد بالمستشفى

شذى:عسى ما شر خالتي؟

ام حمد بضيق:والله سقطت

شذى :يا حرااام..شلون؟!

ام حمد:كانت بالثاني داشه الثالث وما تدري



في شي ما قالته لهم أن الياهل كان مشوه خافت تقولهم يتشمتون في ولدها فاسكتت ...



شذى:حمدالله على سلامتها خالتي...ما عليه توها صغيره

ام حمد:الحمدالله على كل حال



ام شذى تأشر بيدها تبي السماعه منها بعد ما سمعت اللي صار...



امشذى:خطاكم السو يا وخيتي

ام حمد:خطاج اللاش ما تقصرين

ام شذى:وشلونها اللحين

ام حمد:شوي تعبانه ..نفسيااكثر

ام شذى:ما تستاهل والله ..وحمد شلونه؟

ام حمد:متاثر يا قلبي

ام شذى:انا وشذى اللحين نجيكم المستشفى

امحمد:حياكم الله انا اللحين طالعه رايحه لها

ام شذى:على خير أن شاء الله







بيت فيصل



قاعد بغرفته يلبس بعد ما اتصلت عليه امامه قالت له انها بتعشيه بره ...واهي اللي بتمره واهو كان ناسي أن عيد ميلاده باجر....







بريطانيا





غرفة حصه وعمر (بو حور)



حصه:انت قلت لي 10 ايام

عمر:ما عليه يا حصه ....لازم ارجع هذا رفيجي غالي علي

حصه بدلع: انت ارجع لعزا ابوه واحنا خلنا ويا خالد

عمر:ما اقدر حبيبتي ...اهم يبون ياخذون راحتهم وحور تبي تدرس واليهال ازعاج بالشقه

حصه:وبعدين يعني ...انا ما شبعت من لندن

عمر:ماراح يفرق..احنا موعدنا الاصلي بعد يومين ماراح يفرق أن ردينه اليوم

حصه:يعني مصر على رايك!!!

عمر:اوعدج حبيبتي بسفره ثانيه أن شاء الله

حصه:خلاص سو اللي تبيه







الكويت



بعد ما خلصو عشى بالمطعم ..كانت الساعه 10 بليل ...راحو لسيارتهم وقفت امامه فيصل قبل لا يركب...



امامه واقفه وراه:فيصل

فيصل يلتفت عليها:هلا يا قلب فيصل

امامه: ممكن تلف وتغمض عينك

فيصل استغرب:ليش؟

امامه:حبيبي لا تقول ليش..اذا تحبني سو لقولك عليه

فيصل يلتفت:يالله التفت

امامه تربط له عينه بشريطه:لا تبطلها ولا تفتح طول الطريج

فيصل:ههههههههه شنو هذا امومه..بتخطفيني

امامه بدلع:حبيبي علشاني لا تفتح ولا تتكلم طول الطريج

فيصل:امممم ليش؟!

امامه:ياااا ربي خلاص فيصل لا تسأل وايد

فيصل :هههه اوكي سوي الي تبين انا كلي لج

امامه تركبه السياره:اييه جذي اقول انك حبيبي



غمض عيونه طول الطريج واهي كانت تهدي له اغاني....وكل ما يتكلم تسكته...وصلو شاليهات هيلتون ....سفطت سيارتها وفتحت له الباب ومسكت يده وراحو لداخل شاليهم



قربت من وراه وساسرته :انا بشيل الربطه بس لا تفتح عيونك فصولي

فيصل : آآآآآآخ على اسمي بلسانج عسل

امامه:هههههههه خلنا من المغازل اللحين ..اجله بعد المفاجأه

فيصل بنفاذ صبر :امومه حبيبتي ماني قادر اصبر زود .. افتح عيني

امامه تصرخ(باقي دقيقه وتصير 12):لااااااااااااااااااا لا تفتح

فيصل :ههههه انزين يا كلمه ردي مكانج



امامه تشيل الربطه وتحط يدها بدالها وتغني بأذنه بعد ما صارت 12 : غنو لحبيبي وقدّموا له التّهاني في عيد ميلاده عساها مية عام

افرح حبيبي واطلب أغلى الأمانيالليلة يا عمري تناديكالأحلام

فيصل يشيل يدها ويبوسها ويحبها على راسها : تسلمين حبيبتي ويسلم لي هالصوت

امامه تمسك يده وتشد عليهم وبكل حب :كل عام وانت بألف خير حياتي

فيصل ضمها لعنده:وانتي بخير يا عمري ..ما توقعتج ذاكره عيد ميلادي

امامه ترفع راسها له :انسى كل شي ولا انسى عيد ميلادك



فجأه تتبطل الانوار مع اغنية شيرين وفضل شاكر كل عام ..




كل عام و انت حبيبي

كل عام و انت بخير

كل عام و انت نصيبي

مهما في الدنيا يصير



كل عام و انتي حياتي

كل عام و انتي هواي

أحساسي أنتي و ذاتي

دايم يا عمري معاي



أنت السنه الي عشتها بعمري أنا

و أنت السنه الي فيها حسيت فهنا



يومي أنا في غيبتك عني أنا

أنتي أنا و أنا بدونك مين أنا




كل الي راح من غيرك وكل السنين

كانت جراح و اليوم أفراح وحنين



أنتي الحياة و انتي سنيني كلها

و الأمنيات لي عشت انا عمري لها



يلا نطفي النور يلا ندخل في عامً جديد

يا عسى هالعمر كله للفِرح و الحب عيد



يلا نطفي النور يلا ندخل في عامً جديد

يا عسى هالعمر كله للفِرح و الحب عيد






وتنزل البلونات عليهم.. فيصل من الصدمه وقف بمكانه ثواني مهو قادر يعبر عن فرحته بهالمفاجأه..



الشاليه كله مزين بالونات وزينه وغير هذا العشاء الرومانسي على الطاوله ...



امامه تغني له بصوتها : باسم الهوى و العمر و الحب الأكيد خليك معي نفرح بكل عامً جديد

فيصل يبتسم لها :معاج طول حياتي يا حياتي

امامه تقرب منه :عجبتك حبيبي المفاجأه

فيصل يقربها له ويحوطها بيده :مو بس اعجبتني إلا تهبل ...

امامه تساسره بأذنه : الليله أن شاء الله بنام اهني

فيصل يناظرها:.....

امامه تحط راسها على صدره وبدلع :قلت ليش ما تكون هذي ليلتنا بعيد عن الكل ما فيها غيري انا معاك

فيصل بابتسامة مكر يرفع راسها بيده:وانا بخليهم ثلاث ايام..ليله ما تكفي

امامه (والله قلتي لي يا نفول)دفنت ويها من الحيا:خل نتعشى احسن

فيصل :يا قلبي على اللي يستحون ..تدرين شكثر احبج؟

امامه بدلع :لا ما قلت لي؟

فيصل :هههههه عناد ما راح اقول لج

امامه تحضنه ودموعها نزلت: مو إلا تقول عارفه ...الله يخليك لي مادري شبسوي من دونك

فيصل يمسح دموعها بابهامه:بس عاد حبيبتي ليش البجي اللحين

امامه تبتعد و تمسح دموعها:دموع الفرح حبيبي..خل نتعشى

فيصل يسحبها لعنده ويغمز لها:لاحقين على العشى بعدين خلينا بالمهم











فارس بيتم يلاحق فجر؟!! وشكان يبي منها؟!!

طلال بيوفق بين حلا و شذى؟!!

حمد عياله بيكونون على طول متشوهين؟!! شنو ردت فعل مها أن عرفت السبب؟!

انفال بتقول لامها عن اللي شافته بالمطار؟!

 
 

 

عرض البوم صور عذاري   رد مع اقتباس
قديم 05-02-09, 10:38 PM   المشاركة رقم: 37
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء 28


بعد مرور اسبوع من الاحداث ...

فيصل وامامه سافرو شهر العسل وعايشين احلى ايام حياتهم...

مشعل بعد يومين بيرجع وياه شهادة الماجستير وقرر يطلب من نوال تدور له على بنت حلال يتزوجها بس شرط تعرف انه ما فيه عيال لان حور خلاص صارت لخالد ...

طلال طول الايام ويا حلا...ما اقدر اقول انها نست اللي سواه فيها نست خيانته لها ...بس عندها هالعذاب اهون من عذاب انها تفقده للابد ....

شذى منقهره من طلال راحت بيت امها طول هالفتره بحجة انها لايعه جبدها من الشقه ....وما قدرت تناقش طلال تخاف يطلقها....

غنيمه عايشه احلى ايامها ويا فهد ...تعتبره مثل ولدها ....واحمد دز اوراقه وفي علاج انه يجيب يهال صاحين بنسبة 20%

فارس ما اكتفى بفجر رد يدق عليها من رقم ثاني وفجر ما قالت لامها وفيصل كان مسافر ..فكانت تحقره وما ردت عليه....

انفال على حالتها متردده تقول لامها عن اللي شافته في مطار دبي تخاف ما تصدقها وتعتقد انها تتخيله ....

عمر وحصه ردو الكويت وحور وخالد بيقعدون لهم يومين زود يغيرون فيها جو بعد ما خذت حور شهادة الماجستير و بعدها بيردون الكويت ....


مها طلعت من المستشفى ونفسيتها وايد تعبانه يوم عرفت أن الياهل كان متشوه وللحين ما عرفت السبب واليوم موعدها
ويا الدكتوره عشان تعرف ليش؟!!






بيت حمد

ام حمد وريلها قاعدين بالصاله يشربون جاي العصر فجأه سمعو صراخ مها وحمد من الغرفه ....

مها:ليييييييش ما قلت لي!!!.... ليييييييش ما قلت لي قبل لا اتزوجك؟!
حمد منزل راسه ساكت:...................
مها بهستيريا:مدمن انا اخيرعمري اكون متزوجه من مدمن مخدرات
حمد رفع راسه لها :كنت يا مها كنت
مها تضربه على صدره:وانا شذنبي شذنبي...ليش ما صارحتني ليش!؟!!!
حمد نزلت دمعه من عينه يشوف حالتها جذي:لاني خفت اخسرج مها ...انا تعبت بحياتي مها وايد ...وايد عانيت ما تدرين يوم وافقتي علي حسيت أن الدنيا رجعت لي...
مها تناظره عيونه ودموعه اللي تنزل على خده :........
حمد يكمل:يوم تزوجتج وعشت وياج لساعات بس احس اني عشت احلى لحظات حياتي مها...(يمسك يدها) كل انسان يغلط وصدقيني اني قبل لا اتزوجج انا تعالجت وتأكدت اني مو مريض بشي لسمح الله
مها تبجي:بس انا اللحين بنحرم من العيال عارف يعني شنو معناته انك بتحرمني من امومتي او أن الياهل يكون مشوه
حمد مو عارف شيقول:انا .انا
مها باندفاع:انت واحد اناني ما همك إلا نفسك ما فكرت فيني ما فكرت بمستقبل عيالك
حمد بأمل:يمكن في علاج مها
مها تصارخ: ليش ما قلت لي من قبل اللحين تبيني اجرب وياك
حمد تم يناظرها وبعينه كله امل انها تتم معاه ما تتخلى عنه:...
مها :لا تشوفني جذي حمد
حمد يقرب منها ويمسك يدها بيده الثنتين:انا تعبان مها تعبان محتاج لج حبيبتي لا تتخلين عني
مها تبتعد عنه:لااااا يا حمد لاااااا انت جذبت علي ...ما اقدر اعيش معاك بعد اليوم
حمد يترجاها :مها ارجوج فهميني انا اللحين تغيرت اصلي واخاف ربي اهي فتره اللي تعاطيت فيها بس صدقيني قبل لا اتزوجج انا تركت كل شي
مها تصيح:وانا شذنبي بهذا كله شذنبي
حمد يسحبها من يدها ناحيته ما يبي يفقدها:مها حبيبتي فهميني ما ابي اخسرج
مها تسحب يدها بقوه تبتعد:وانا ما ابي اعيش معاك طلقني يا حمد

صعدت ام حمد لهم مخترعه ...وبو حمد ما يحب يدخل عمره طلع من البيت....

طقت الباب عليهم ودخلت

ام حمد:خير يمه شفيكم ليش تصارخون؟
مها باستهزاء:تسألين ليش بعد خالتي
حمد بنبره حاده:مها كلمي امي عدل
مها تناظرهم اثنينهم بقهر:انتو مو كفو احترام مو كافي اللي سويتوه فيني ...ماتدرون انا اللي سويتوه حرام
ام حمد مو فاهمه شي عينها على ولدها:يمه شفيكم شصاير؟
حمد بحزن:يمه مها عرفت اني...
مها تصفق بهستريا واهي تصيح:اييه عرفت يا خالتي وانتهت مسراحيتج مسويه نفسج دينه وتخافين ربج وانتي ما قلتي لنا أن ولدج هذا (تاشر عليه بصبعها باستهزاء)مدمن
ام حمد ما عرفت شتقول:انا انا
مها باندفاع:انتي و ولدج ناس ما تخافون ربكم..حسبي الله عليكم ضيعتوني
حمد بصوت اعلى:مها لا تطولين لسانج على امي
مها بغرور:امك هذي ما تسميها ام ....تغطي على ولدها واهو مدمن وانا عادي انظلم وياه
حمد يعطيها طراق ما استحمل يشوفها تكلم امه جذي:انتي الظاهر ما تبين تحترمين نفسج
مها تحط يدها على مكان الطراق وتشوفه:وتمد يدك علي!!
حمد بعصبيه :واذبحج بعد..طلاق ماراح اطلق يا مها وبشوف شلون بتعانديني

اخذ امه وسحب معاه الموبايل وتليفون البيت بسرعه وقفل باب الغرفه وطلع ....تمت تصارخ عشان يفتحلها ... تطق الباب بس مو راضي يفتحه...

ام حمد تصيح:حرام عليك يا حمد افتح لها الباب
حمد بانانيه:ماراح افتح لها ما ابيها تروح مني يمه
ام حمد:حرام عليك كافي اللي سويناه فيها
حمد انهار:شسوينا يا يمه شسوينا !!! مو من حقي اتزوج مو من حقي احب كل ما اقول خلاص هانت تطلع لي مشكله تكرهني حياتي
ام حمد تشوف ولدها شلون بده ينهار:خلاص يمه حمدانت اهدى اللحين
حمد يرمي نفسه على امه:يمه قولي لها لا تخليني محتاج لها يمه ...ليش كل ما احب وحده تتركني ليش يمه!!!

تمت تهديه وخذته لغرفتها عشان يرتاح.....




بيت فيصل

قاعدين بالصاله يشوفون تلفيزون

فجر تلم امها:واااااي يمه احبج
نهى:هههههههه
انفال بغيره:اقول فجور بلا شغل هبال
فجر:محتره!!!
انفال تقلد صوتها:محتره...بايخه
فجر:ههههههه اقول مامي
انفال فصلت من الضحك:ههههههههههه مامي صج مو لايق عليج
فجرتنرفزت:شتبين انتي حاطه دوبج دوبي...يمه شوفيها
نهى:يمه نفوله شفيج...خلي اختج بحالها (تلتفت لفجر) قولي يمه شتبين؟
فجر تلم امها وبدلع:يمه بروح ويا رفيجتي ندى نتغدى بره
انفال نطت من مكانها:لا يمه لا
فجر عصبت:انتي شكو انا قاعد اسأل امي
انفال تروح لامها:يمه احنا قلنا طلعه بروحها لأ
فجر توقف وتتخصر:ومن قال بروحنا؟
نهى :منو وياكم؟
فجر:ويا اختها الكبيره متزوجه يمه..(تشوف انفال)فيها شي بعد اخت انفال
انفال تقعد وتلف على التلفيزون:......
فجر تحط يدها على جتف امها وتحن:يالله يمه بلييز ابي اطلع ملييت من البيت
نهى مو عارفه شتقول العاده فيصل اللي يقرر:يعني اهلها ثقه؟
فجر:اييه يمه حدهم ثقه صدقيني
انفال بصوت واطي:صدقناج مره وبغيتي تودرين نفسج
فجر عصبت:شقلتي نفول؟!
انفال عينها على التلفيزون:ما قلت شي
نهى تنهي الموضوع:خلاص يمه روحي بس ردي امجبر
فجر تبوس راسها:الله يخليج لي ان شاء قبل 10 انا بالبيت




بيت حلا

قاعد تلبس بتروح العياده مهي قادره توصل حق الجوتي تربطه مضايقها بطنها الكبير....

حلا تنادي على طلال من الغرفه:طلاااااال طلوووولي
طلال كان بالصاله ياها الغرفه:عيونه
حلا بحيا:ممكن حبيبي تساعدني ماني قادره اوصله
طلال يغمزلها:هههههه افا عليج ما طلبتي شي

تم يلبسها الجوتي ويربطه لها ....دق موبايله ولا رقم البيت وقف ابتسم لها وراح الصاله يتكلم على راحته...

طلال:الو
جاسم:السلام عليكم
طلال:وعليكم السلام هلا يبه
جاسم:وينك فيه؟
طلال:عند حلا
جاسم نفخ بصوت مسموع:مرتك ليه متى بتتم في بيت اهلها؟
طلال:شتبغيني اسوي يبه اهي اللي تبي تروح عند امها تقول بروحها وابوها مسافر..ولايعه جبدها من الشقه
جاسم:اهي ما قالت جذي إلا لانك هاملها ومخليها بروحها اكثر من اسبوع
طلال ساكت :......
جاسم:يا ولدي هذي هم مرتك ولها حق عليك لازم تداريها اهي حامل
طلال حس انه صج هملها:المطلوب يبه؟
جاسم:تروح لها البيت اللحين تاخذها وتنام عندها اليوم..اعدل بينهم يا ولدي يوم عند حلا و يوم عندها
طلال يبي يخلص النقاش:ان شاء الله يبه
جاسم:عفيه على ولدي الله يوفقك
طلال(كل اللي فيني منك يبه):الله يسمع منك
جاسم:مع السلامه


رجع لحلا بالغرفه لقاها لابسه خالصه بس تلبس شيلتها...
وقف وراها وضمها لعنده...

طلال:مصره يعني تروحين العياده؟
حلا تشوفه من المنظره :اييه حبيبي ما اقدر أجل شغلي اكثر من جذي
طلال خايف عليها:توعديني اذا حسيتي بتعب ترجعين
حلا بابتسامه:أن شاءالله
طلال متردد:حياتي حلوي
حلا :هلا
طلال خايف ترد تزعل عليه:اليوم بنام في بيتنا
حلا ابتسمت له:اوكي
استغرب طلال توقعها تزعل:عادي يعني!!!
حلا بابتسامه تعكس الطيبه لبقلبها:اييه حبيبي عادي
طلال يبوسها على راسها:وربي انج غاليه يا حلا ما منج اثنين


بريطانيا

خالد توه داخل الشقه:حوووور حوووور
حور كانت توها طالعه من السباحه تلبس:بالغرفه حبيبي
راح لها خالد:بنقعد يومين زود حبيبتي
حور تمشط شعرها:اللي تشوفه حياتي
قرب منها خالد:تدرين حور
حور التفتت عليه:هلا
خالد بابتسامه كبيره:امنيتي اييب ياهل يشبهج
حور حمرت خدودها:ليش مو مثلك انت احلا
خالد يهز راسه:نو نو انتي احلا بوايد
حور توقف قباله:دامه منك يكفيني
خالد يغمز لها:شرايج نكنسل طلعتنا؟
حور:ههههههههههههههه



شقة احمد

غنيمه بالغرفه محتاسه ويا فهد دقت على احمد كان عند امه...يا ترا صج عند امه !!!

احمد:هلا غنومه
غنيمه:احمد الحقني
احمد وقف مخترع:خيرشفيج شصاير؟!
غنيمه شوي وتصيح:فهد مسخن حيل
احمد:حطيتي له كمادات ماي بارد؟!
غنيمه صاحت:اييه بس ماكو فايده اخاف يتشنج الحقني احمد
احمد:اللحين انا ياي لج تزهبي



بيت فيصل

قاعده بغرفتها تلبس وتتزهب بتروح ويا رفيجتها واختها يتعشون بره..دخلت عليها انفال


انفال:اووووه اوووووه كاشخه
فجر عطتها نظره وكملت شغلها:......
انفال تقعد على السرير:اهم بيمرونج؟
فجر:لا بروح بسيارتي
انفال مستغربه:ليش عاد خليهم يمرونج مو إلا تروحين بسيارتج
فجر بغرور:قلت لامي وسمحت لي
انفال توقف تروح لها وتلفها عليها:فجور حبيبتي انا اختج اخاف عليج
فجر سكتت:.......
انفال تبتسم لها:احنا واثقين فيج بس نخاف عليج بنت بروحج تردين بسيارتج بليل الشباب ماراح يخلونج
فجر من داخل مقتنعه بس عناد لها:وانا شعلي منهم؟
انفال:انتي تقولين جذي بس اهم ما يخلون أي بنت بحالها
فجر تبتعد عنها تلبس جوتيها:اذا ربي كاتب شي بيصير

انفال انقهرت منها وطلعت طول عمرها عنيده وما تسمع كلام احد إلا فيصل.....بس فيصل وينه اللحين !!!


فيصل وامامه عايشين احلى ايامهم بجزر المالديف....
كانو قاعدين على البحر فيصل منسدح على الرمل وحاط راسه على حضن امامه ......

امامه تستنشق الهوا:وااااااااااااااي الهوا روعه
فيصل يتأملها:بس انتي اروع
امامه:هههههههه
فيصل:فديت الضحكه
امامه:ههههه وبعدين فيصل كل ما قلت كلمه ...علقت سولف يا رجال
فيصل:ههههههههههههههه رجال عاد
امامه:قصدي ريال بس اسمع امي تقولها جذي..عاد انت وحظك اللي تطلع وياك
فيصل:هههههههههه
امامه تبادله الضحك:ههههههههه
فيصل يمسك يدها ويبوسهم:احبج اموم
امامه بحيا:وانا بعد
فيصل يستهبل:وانتي شنو؟
امامه رفعت عينها للبحر:احب البحر
فيصل انصدم:شنو!!!!!
امامه ماتت ضحك من ردت فعله:هههههههههههههههههههه
فيصل بدلع:تستهبلين علي؟
امامه:ههههههههه والله مو قصدي هههههههه
فيصل يقوم عنها ويوقف :خلاص انتهينا (يغمز لها يذكرها بذاك اليوم)
امامه انحرجت افهمته تمت تغني له:لحظه لحظه شنهو يعني انتهينا بكلمتين.؟!!
فيصل ماسك ضحكته يكمل التمثيليه مشى عنها:صوتج يلوع الجبد ..لا تكلميني
امامه تدري من ورا قلبه:ههههههه انزين تعال وين رايح
فيصل:مو تحبين البحر خليج ويا حبيبج الوحيد
امامه(يا قلبي يغار) تمشي وراه:ههههههههه فصولي محد حبيبي غيرك تعال
فيصل بدا يسرع من خطواته:اذا تحبيني لحقيني
امامه تركض وراه:هههههههههه فصول ما فيني حيل اركض وقف
فيصل قام يركض سريع:والله عاد اللي يحبني يلحقني

تمت تركض وراه امامه بس كان اسرع منها واختفى فجاه ...وقفت بنص الطريج على الرمل تلتفت يمين يسار تنادي عليه بس ما في أي رد....كان ظلام شوي حست بخوف بهالمكان بروحها وايد ابتعدو عن الشاليهات ....


امامه بخوف:فييييصل فصولي ....بلييز عاد اطلع!!!!






بيت جاسم

بعد ما راحت حلا العياده....دق طلال على شذى ترجع البيت وانه بينام عندها اليوم...


قاعد بالصاله ويا امه وجاسم يسولفون....

طلال :يبه
جاسم :هلا
طلال يناظر امه: يبه انا ابي اطلق شذى
جاسم وقف معصب: احنا هالموضوع خلصنا منه
طلال يوقف:بس انا وعدت حلا اني اطلقها
جاسم يقرب منه ويأشر بصبعه صوب عقله:انت ما عندك مخ ما تفكر!! ..اللحين الحرمه حامل شلون تطلقها!!!
طلال مو عارف شلون يفكر كل اللي يبيه انه ما يخسرحلا.:يبه شالكلام
جاسم يصارخ:هالموضوع تنساه يا طلال...
طلال بصوت واطي:يبه هذي حياتي وانا المسئول عنها
جاسم باستهزاء:للاسف ما تعرف تدير حياتك ولا تعرف مصلحتك
طلال تنرفز للحين يعامله انه ياهل:يبه انا ريال بكمل 30
جاسم يقاطعه:الريال بعقله مو بعمره
طلال باندفاع:ليه متى بتتم تتدخل بحياتي مو كافي هدمتها لي
جاسم قرب منه وانفاسه حاره من الكلام اللي سمعه:أن شفتك يبت هالموضوع مره ثانيه لا انت ولدي ولا اعرفك

طلع من البيت ....وطلال راح قعد يم امه يحس انه ضايع...

طلال يرجع شعره لورا :تعبت يمه تعبت
نوال تخفف عليه:ما عليه يما ربك كاتب لكم الشقى
طلال ودمعه بعينه:مادري اراضي منو ولا منو يما
نوال بعقلانيه:شذى اللحين حامل واللي في بطنها ولدك ما يصير تطلقها ..وحلا بنت عاقله وفاهمه ماراح تطلب منك تطلقها
طلال :مو هذا اللي قاهرني يمه احس انها محترقه بس تمثل انها عادي
نوال تبتسم له:لانها تحبك...ما تبي تخسرك جربتها مره واندمت
طلال بندم واضح:إلا انا اللي ندمان يا يمه على اللي سويته فيكم وفيها وبنفسي


دخلت شذى سلمت على نوال وقعدو شوي بعدها صعدو لشقتهم يرتاحون....تم يسولف لها عن مشعل توه مكلمه قبل لا يدخل البيت

شذى تعطيه بجامته:وبعدين شصار؟
طلال:ماكو يقول انه يبي يتزوج
شذى لاول مره تفتح هالموضوع:اقول طلال؟
طلال يسكر زراير بلوزته:هلا
شذى:مشعل مو متزوج...شلون قلت لحور انه رجع الكويت عشان ياخذ بنت عمه...
طلال تم يناظرها مده ساكت:..........
شذى حست فيه شي قربت منه:طلال انت جذبت على حور ؟!!
طلال :اييه
شذى منصدمه:ليش؟!! اهم يحبون بعض؟!!!
طلال بحزن:ما اقدراقول
شذى حست بقهر:ليش عاد؟!!
طلال:شي خاص في مشعل اهو اللي قالي اوصل لها هالكلام...واللحين صار اللي صار واهي تزوجت واهو أن شاء الله يلقى له بنت الحلال اللي تسعده
شذى بدلع:اييه بس مشعل يحبها حييل واهي بعد ليش فرقت بينهم!!!
طلال عصب:وبعيدن يعني شذى قلت لج انا مالي شغل مشعل اللي طلب مني ولا تسألين ليش وسكري هالموضوع
شذى بوزت:ليش تصارخ علي
طلال ينسدح عالسرير:لانج تقهرين..اقولج بس سكري الموضوع تردين
شذى تسكرالليتات :خلاص بس ماني سائلتك
طلال يغطي نفسه باللحاف:يكون احسن بعد



جزرالمالديف

نزلت دمعه من عينها وجافسه يدها وضامتهم لبعض وجسمها يرجف بخوف عدت 5 دقايق على وقفتها ....

فجأها حد ضمها من وراها ....غمضت عينها بخوف .........

:احبج يا اغلى ناسي
امامه تلتفت عليه وتضربه على صدره:انت مينون !!!
فيصل شاف دموعها:ليش البجي حياتي؟
امامه:مخليني بروحي انادي لك ليش ما ترد علي...ولا هذي مكانتي عندك!!!
فيصل يغني: يسألني مكانه وين وسط القلب والا العين ما يدري حبيب الروح انه ساكن الاثنين
امامه تصد عنه:صج فاضي...(تردها له)صوتك يلوع الجبد
فيصل يسحبها له:افا ميمي افا
امامه زعلت:لا تقول ميمي..هذي بس لحلا
فيصل يطبع بوسه على خدها:احبج اموم حتى وانتي زعلانه
امامه عصبت:اذا عدت اللي سويته يا ويلك
فيصل يبوسها على خدها الثاني:وهم احبج وانتي معصبه
امامه انفجرت:واااااااااااااااي ما تفهم
فيصل انفجر من الضحك:ههههههههههههههههههههه
اماه ترمي نفسها بحضنه:فصول لا تسوي فيني جذي مره ثانيه
فيصل يشد عليها يبيها دوم عنده:واللحين تحبين البحر ولا انااكثر
امامه تناظرعينه واهي بين ايدينه:اكيد اكيد...
فيصل يكمل والابتسامه شاقه حلجه:اناااااا
امامه تهز راسها:نو للأسف البحر
فيصل يشيلها:انا اعلمج يا اموم
امامه تحاول تنزل:نزلني فصول
فيصل ياخذها للبحر:مو هذا اللي تحبينه شوفي شلون يحبج اهو بعد
امامه تدري انه يعرف انها ما تعرف تتسبح:فصول راح اغرق
فيصل:مو تقولين حبيبج خل ينقذج
امامه تتعلق فيه وتحوط رقبته بيدها:اوكي وانا ماراح اخليك
فيصل يغمز لها:هذا المطلوب يا حياتي



شقة احمد

دخلو الشقه وفهد بيد غنيمه...احمد كان يناظرها شلون خايفه عليه اكثر من امه الصجيه...

غنيمه تلتفت عليه لقته سرحان فيها:احمد
احمد:......
غنيمه قربت منه:احمد..الووو
احمد انتبه:هلا
غنيمه:ههههه وين رحت؟
احمد يغمز لها:عندج
غنيمه تشوف فهد:حبيبي انا بنام بالغرفه الثانيه ويا فهودي ..انت غيرلبسك ونام وراك دوام
احمد يتدلع:يعني انام بروحي
غنيمه:مو فهد راح يزعجك الله يحفظه فخلني انا وياه ..وانت ادخل ارتاح
احمد يبوس راسها:تسلمين حبيبتي






فجر بعد ما خلصت عشى ...سلمت على رفيجتها وراحت لسيارتها واهي تحاتي لان الوقت تأخر من غيرلا تحس اللحين بتصير 11 واهي للحين ما ردت البيت وموبايلها ناسيته بالبيت اكيد قاعد يدقون عليها....

صادفتها اشاره حمرا بالطريق...وقفت وكانت تهز من كثر ما هي خايفه المكان وايد بعيد بالسالميه ومعروف يكون زحمه يوم الخميس عطله ....

كانت فاتحه دريشتها الجو حلو...وسرحانه بفارس (((يا ربي شكان يبي فيني!!!!!!)

وقفت يمها سياره فيها 3 شباب....معلين على الاغاني

قال الاول:آآآآآآخ على القمر ...شلون وصل الارض؟.
رد عليه الثاني:انت شوف الشعر تقول قطعة حرير
الثالث:تبيني ايي اركب معاج دامج بروحج يا حلوه ؟!

فجر كانت تسمعهم وترجف..بعدين استوعبت أن الدريشه مفتوحه سكرتها وصارت الاشاره خضرا حركت على طول....

تمو يلاحقونها بالسياره واهي من كثر ما كانت مرتبكه لفت السكان حيل جهة اليمين تبي تبتعد عنهم كانو يحدونها بالسياره لكن حست بصدمه قويه لانها دخلت بشيره....

الشباب انحاشو بعد ما سببو لها الحادث........وقفت سياره فيها عايله نزل الابو يتطمن عليها...

لقاها بالسياره قاعد بس ترجف من الخوف...طق الدريشه عشان تفتح بس من الصدمه ما انتبهت له...

فتح الباب...

الريال:بنتي فيج شي؟
فجر:........
الريال خاف عليها هزها عالخفيف:يا بنيتي تسمعيني؟ََ!
فجر اول ما حط يده صرخت بصوت عالي:وخر عني
الريال رجع وره ورفع يده لفوق:اسف يا بنيتي بس الحمدالله دامج بخير
فجر انحرجت لأنه ماله ذنب:سامحني عمي بس ما كنت اقص...
قاطعها بابتسامه:اللحين تحسين بشي...شي يعورج؟.!
فجر تشوف يدها وريلها:لا الحمدالله عدت على خير
الريال ينصحها:يا بنيتي ديري بالج على نفسج انا من مساع اشوفهم الله يهديهم اربكوج وخلوج تدعمين... هالمره ربج ستر بس المره اليايه ما تدرين شيصير
فجر منزله راسها ندمانه ما سمعت كلام اهلها:....
الريال يشوف السياره:الحمدالله السياره ما تعورت وايد ...بس صدمه خفيفه
فجر فكها يرجف واهي تبتسم له تشكره:مشكورعمي ما قصرت
الريال:ما سويت شي...دقي على اهلج خل اييونج صعب تسوقين وانتي بهالحاله
فجر بخوف اذا انفال عرفت بلي صار:لا لا عمي اللحين اهدا شوي و ارد البيت
الريال خايف عليها:بس يا بنتي حالتج ما تسمح انج تسوقين..كلمي احد من اهلج ابوج مثلا
فجر دمعت عينها:ابوي!!
الريال حس فيها شي وحب يغيرالموضوع:اذا تبين انا ويا مرتي وعيالي نوصلج
فجر تمسح دمعتها:لا عمي توكل على الله ما قصرت اللحين ارد البيت
الريال:الله يحفظج

تمت 5 دقايق نفس مكانها ...خذت لها نفس وردت تسوق مع أن جسمها للحين يرجف...

وصلت البيت اسفطت (المواقف خارج البيت)...سمعت حس واحد ينادي عليها قريب منها...



تلتفت على الصوت واهي ترجف:!!!!!!!!!!!!!!
فارس بابتسامه :شلونج فجر؟
فجر انشلت ريلها :!!!!!!!!!!!!!!
فارس قرب اكثر:فجرتكفين لا تتحركين اهي جم كلمه بقولها مو اكثر
فجراستوعبت أن لجدامها فارس ...فارس اللي فضحها وكان بيدمرها ...يت بتركض لبيتهم بس مسكها من يدها بقوه...

فارس:ماراح اخليج الا لما تقولين لي كلمه وحده يا فجر تريحني
فجرفكها يرجف ودموعها تنزل:فارس خلني تكفى خلني
فارس كسرت خاطره:فجركل اللي ابيه منج تقولين لي...

بس فجر داست على ريله وسحبت نفسها وركضت لداخل البيت....



دخلت البيت واهي تناهد بصوت عالي من الخوف...وجسمها كله يرجف..انفال كانت بغرفتها بس نهى بالصاله ..اول ما شافتها راحت لها مخترعه!!!

نهى:يمه حبيبتي فجوره شفيج؟!!
فجر ترمي نفسها بحضن امها وجسمها كله يرجف:يمه.. يمه لحقيني
نهى تبعدها عنها وتخليها مجابلتها:شفيج حبيبتي شصاير.؟
فجر ترد ترمي نفسها بحضن امها وتتمسك فيها بزود:رد يمه رد
نهى مو فاهمه شي:منو اللي رد ؟!!
فجر من الخوف مو قادره تنطق بس تصيح:...........
نهى:تكلمي شصاير؟!
فجر تبجي مو قادره تقولهم لانهم ماراح يصدقونها:.....

خذتها لغرفتها فوق ترتاح ...وتمت تصيح لما نامت من غيرلا تقولهم عن شي....








بيت جاسم


بعد ما زهبت نوال الريوق كالعاده ..ًردت للغرفه تقعد جاسم حق الدوام...


نوال:جاسم
جاسم:........
نوال تقرب اكثر:بو طلال
جاسم:.........
نوال انشلت يدها للحظه وطردت فكره ييت في بالها:جااااسم
جاسم:.......
نوال تهزه:جاااااسم جااااااسم رد علي
جاسم :...............
نوال تصارخ على طلال:طلااااااااااااااااااااااااااااااااااااال

نوال ترد تهزه ودموعها تنزل:بو طلااااال رد علي جاااااااااااسم

طلال دخل مخترع على صراخ امه:يمه شفيج!!!
نوال رمت نفسها على الارض تصيح:ابوووووك ما يرد علي
طلال راح لابوه يهز جتفه:يبه يبه
جاسم:..............
طلال:شذىىىىىىىىىىىىىىىىىىىىىىىىىىىىىىىىىىىىىىىىىىىىىىى
شذى جيت تركض:خير شصاير؟
طلال:دقي على الأسعاف بسرعه
شذى تشوف جاسم:خير عمي شفيه؟
طلال بصراخ من برودها:روووووحي دقي على الأسعااااف خلصييييني

ركضت شذى دقت عليهم ...وطلال اخذ له عطر يرش بس ما في أي نتيجه

وصلو الاسعاف وما مداهم ينقلونه المستشفى لأنه....

المسعف:البقيه براسكم
نوال كانت واقفه قريب من الباب يوم سمعته غشت عليهم ..راحت لها شذى والمسعف رش عليها شوي ماي وقرب منها عطرعشان تشمه صحت شافت قبالها ويه المسعف..

المسعف:اختي تسمعيني
نوال دموعها تنزل من غير شي:...........
طلال قرب منهم واهو منهار:يمه يمه ردي علي
نوال غمضت عينها وتمت تصيح:.......
المسعف يكلم طلال:شسمها؟
طلال من بين دموعه:نوال
المسعف يشد على يدها يبي يتأكد انها بخير:خالتي نوال تسمعيني؟

نوال بجيها يزيد ...وهالشي اكد للمسعف انه بخير...

المسعف:الوالده بحالة صدمه ..ما فيها إلا كل خير
طلال يصيح:يعطيك العافيه
المسعف يصبره:ما عليه يا خوي كل واحد يموت في يومه وابوك ييت له سكته قلبيه هذا سبب موته
طلال يمسح دموعه:الله يرحمه

وقف المسعف وطلع من الغرفه ... وخلاهم لحالهم

رمى طلال نفسه على امه وتم يصيح :يمه لا تسوين بنفسج جذي
شذى قربت منه:طلال حبي..
طلال صرخ عليها:ما ابي اسمع صوت احد طلعي بره

نوال ساكته بس تصيح...شذى عورها قلبها وما عرفت شتسوي طلعت من الغرفه .....اول مره تشوف طلال بهالحاله




جزرالمالديف...

فيصل قاعد يشوف فيلم على ما تجهز امامه ..بيطلعون يتغدون ..

تذكر امه من يوم وصلو ما كلمها إلا مرتين وله على خواته وشطانتهم...اخذ موبايله ودق عليهم...استغرب انه محد يرد على البيت...اتصل على موبايل نفول...


انفال بصوت باجي:الو
فيصل:قوه نفول
انفال حاولت تغير من صوتها:هلا والله فيصل
فيصل ما عدا عليه صوتها:نفول شفيج؟!!
انفال ما تعرف تخبي مشاعرها:عمك فيصل عمك
فيصل وقف مخترع:شفيه؟!!
انفال تشوف نوال شلون تبجي واهي بجيها يزيد:مات
فيصل مصدوم :/شنو!!!!!!!!
انفال:فصول دير بالك على اموم لا تقولها
فيصل رمى نفسه على القنفه:شلون مات؟
انفال :سكته قلييه
فيصل:لا حول ولا قوة إلا بالله..ان لله وان اليه راجعون
انفال:الله يعينك يا خوي دير بالك على اموم
فيصل:الله يعين...وطلال شلونه وخالتي نوال؟
انفال:طلال منهارمن البجي وخالتي نوال توها صحت
فيصل:الله يكون بعونهم الله يصبرهم...
انفال:آآآآمين
حس أن امامه بتيي:اوكي نفول اخليج اللحين...باي
انفال:مع السلامه


امامه:يالله فيصل انا جاهزه
فيصل منزل راسه مو قادر يرفع عينه لها:....
امامه قربت منه:فصولي انا اكلمك
رفع عينه له ودمعه بطرف رمشه:........
امامه حطت يدها على قلبها:شفيك!!!؟
فيصل وقف واخذ له نفس عميق:حبيبتي احنا لازم نرجع الكويت
امامه انصدمت وبصوت واطي:ليش!! تونا جايين
فيصل يبلع ريجه :حياتي لازم نرجع ابوج تعبان وايد
امامه شهقت:ابووووووي !!! شفيه؟
فيصل يهديها:ما فيه شي حبيبتي بس تعبان بالمستشفى لازم نرجع له الكويت
امامه قربت منه وشدت على قميصه والدموع بعينها:احلف فيصل انه ابوي ما فيه شي
فيصل يبتسم لها:ما فيه شي يا قلبي
امامه مصره:احلف احلف
فيصل مو عارف شيقول ضمها لعنده وساسرها باذنها:حياتي انا حجزت طيارتنا بعد 3 ساعات
امامه رفعت عينها له:ابوي فيه شي يا فيصل صح؟
فيصل يقرص خدها بمرح:قلت لأ...شرايج نروح المجمع اللي قلتي انج تبينه امس
امامه حاسه أن فيه شي خاشه عنها:مالي خلق..ابي اكلم ابوي ابي اتطمن عليه
فيصل:حبيبتي اهو اللحين بالمستشفى ما تقدرين تكلمينه
امامه:انزين ابغى اكلم امي
فيصل يبتسم لها:اللحين ادق لج على طلال عشان ترتاحين
امامه قلبها مقموت :اوكي

دق على طلال ...رد عليه بعد مده ...

طلال من صوته باجي:هلا فيصل
فيصل يحاول ما يبين لامامه شي:هلا طلال...هذي امامه تبي تكلمك تتطمن على عمي بالمستشفى
طلال فهم عليه:زين سويت ما قلت لها
فيصل ارتاح انه فهم عليه:اييه تحن إلا تبي تكلمه قلت لها كلمي طلال و أن شاء الله اهو يطمنج عليه..خذ كلمها

امامه تصيح:طلاااااال
طلال يعدل صوته:هلا ميمي
امامه:ابوي شفيه؟
طلال:ما فيه شي حبيبتي بس شوي تعبان بالمستشفى
امامه:اكيد؟
طلال:ليش البجي اللحين...لا تسوين جذي ادري شكلج يلوع الجبد أن بجيتي بعدين فيصل يخاف منج
امامه بدلع:يالبايخ اصلا ادري اني حلوه بكل احوالي
طلال ماسك بجيته:ميمي وين فيصل؟
امامه:كاهو

فيصل:هلا طلال
طلال يصيح:راح ابوي يا فيصل راح

فيصل ابتسم لامامه :حبيبتي سوي لي جاي راسي يعورني
امامه حست في شي بس تعوذت من الشيطان:اوكي

فيصل بعد ما شافها راحت:شالكلام يا طلال..امك محتاجه لك اللحين
طلال يصيح:رااااااااح يا فيصل رااااااح واهو زعلان مني
فيصل:ما في ابو يزعل على ولده يا طلال
طلال بجيه يزيد:انا زعلته قبلها بليله متهاوش معه على اني اطلق شذى بس ما رضى
فيصل:الله يرحمه ...خلك اقوى من جذي عشان امك
طلال يمسح دموعه:متى طيارتكم؟
فيصل :بعد 3ساعات بليل نكون عندكم أن شاء الله
طلال:أن شاء الله
فيصل :مشعل وصل الكويت ولا بعده؟
طلال:طيارته توصل العصر
فيصل:يعني ما خبرتوه
طلال:لا..اليوم بنفسه بيعرف
فيصل:الله يصبركم
طلال:آمييييييين خل اروح لامي فيصل دير بالك على ميمي
فيصل:بعيوني يا طلال
طلال:تسلم ..مع السلامه


دخلت بيدها الجاي...

تمد له:تفضل
فيصل ياخذه منها:مشكوره يا قلبي
امامه تقعد يمه :بالعافيه..ان شاء الله يعجبك مو زود انا مع الجاي
فيصل:هههههههه كل شي منج حلو






امامه ردت فعلها اذا عرفت الحقيقه؟!
فارس ليه متى بيتم يلاحق فجر؟!
طلال بيطلق شذى بعد وفاة ابوه؟!
حمد بيتم حابس مها ؟! شنو نهاية علاقتهم؟!

 
 

 

عرض البوم صور عذاري   رد مع اقتباس
قديم 05-02-09, 10:48 PM   المشاركة رقم: 38
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء 29

نزلت من السياره واتجهت صوبه بالبحر...طول ما هم بالطياره واهو ما نطق بكلمه حسبته متضايق انهم قطعو شهر عسلهم وردو ..استغربت يوم كان طريجه للبحر مو لبيت ابوها ....سفط السياره على جنب وفتح الباب ونزل وتحس انه متوتر أول مره تشوف فيصل جذي تحس انه خاش شي كبير عنها مو قادر يصارحها فيه....

فتحت باب السياره وراحت صوبه..حطت يدها على جتفه ...حس فيها ولف صوبها واهو يحاول يتحكم بأعصابه كيف بيقولها...

فيصل ابتسم لها بنعومه:احبج
امامه بادلته الابتسامه:وانا بعد
فيصل ثبت يده على جتفها واخذ نسم طويل:حياتي بقولج شي
امامه ركزت عينها بعينه حاسه فيه شي وخاشه عنها:شنو!!!
فيصل:اوعديني بالاول انج ما تضعفين وتصيرين اقوى
امامه دقات قلبها تزيد:فيصل شصاير؟!

مو عارف من وين يبدي بس لازم يقولها لأنها بتروح اللحين لبيت امها وما يصير يخليها تنصدم هناك جدام الكل...ضغط على نفسه وطلعت الكلمات منه بصعوبه

فيصل:عمي جاسم توفى
امامه قباله وما تحركت ولا نطقت بولا كلمه:.........
فيصل خوفه زاد لانها من الصدمه تمت ساكته:حياتي قولي أي شي لا تسكتين
امامه عينها بعينه ونفس مكانها ما تحركت :......
فيصل حس أن ورا هالهدوء عاصفه والعذاب اللي يشوفه بعيونها ...ضمها لعنده وحاول يخفف عليها:هذا يومه حبيبتي ما نقدر نعترض
امامه تمسكت فيه ودموعها بدت تنزل من غير أي همس
...حاول يبعدها عنه علشان يقدر يكلمها بس اهي عاندت وتمسكت ببلوزته اكثر تبي حنانه بهالوقت ما تبي تسمع أي كلمه....ضمها لعنده اكثر وتم يمسح على شعرها يهديها....



بيت حمد

اصوات طول اليوم ما وقفت صراخ وضرب الباب وصياح بصوت عالي ...ام حمد تسمع دعواتها عليهم وقلبها يرقع اكثر...خايفه تفتح لها حمد يزعل عليها موصيهم ما يفتحون لها واهو بنفسه يدخل لها الاكل والشرب ويطلعه لما توعده انها تتم وياه..خلاص مل الكل يتخلى عنه..يبيها له صج انانيه بس ما ينلام محد يبيه ويوم حبها بتتخلى عنه اهو شذنبه من كل اللي صار...هذا كان تفكير ام حمد علشان تقوي قلبها عن مها وما تفتح لها الباب...


سمعت صوت خطوات حمد يصعد الدري ابتعدت عن الغرفه وراحت غرفتها..كان يسمع صياح وصراخ مها وقلبه يعوره عليها...بس ما يقدر يتساهل وياها ...أن فتح لها بتخليه وتروح مثل ما راحت عنه حلا وبعدها شذى ...

اخذ صينية العشى من الخادمه وراح للغرفه...فتحها حط الصينيه على الارض حس في مها جايه تركض صوبه تبي تنحاش بس بسرعه لحق عليها وقفل الباب ...

ابتسم لها:ما في طلعه حبيبتي
مها شكلها يعور القلب شعرها منفوش والدموع على خدها ومبين عليها التعب والسهر:حمد تكفى افتح لي الباب
حمد يقرب منها واهي تبعد لين الصقت بالطوفه مد يده لويها ومسكه بين ايدينه:انا احبج ليش تتخلين عني!؟!
مها بعدت ويها بقوه عن يده :لا تلمسني...اكرهك
حمد ابتسم بالم:بس انا احبج
مها تشوف الانكسار بعينه قلبها يدق بقوه بس ما تبي تضعف تبي تطلق منه اهو مدمن:لا تتوقع أني برجع لك اهلي بيون وبيعرفون كل شي
حمد باستهزاء:ماراح اطلقج
مها بغرور:المحكمه بتطلقني منك لانك مدمن و مريض جسدي وفوق هذا مريض نفسي

مارد عليها تم ساكت يتأمل ويها مد يده لمكان الضربه على خدها اليمين وكيف طابع ازرق مشوه ملامحها الناعمه

بلع ريجه بألم:يعورج؟!
مها عذابها زاد يوم سمعت الحنيه بصوته:ما يهمك
حمد:إلا يهمني ..يعورج حبيبتي؟
مها ما استحملت تحبه بس اللي سواه فيها مو شويه:حرام عليك حمد ليش تطقني جذي
ضمها لعنده وشد علبها بقوه:سامحيني مها سامحيني حياتي لا تبجين والله أن قلبي يتعذب يوم اشوفج بهالحال
مها صياحها يزيد على حالهم:طلقني وخل نرتاح حمد
حمد يبعدها عنه:ما اقدر مها ادري أنانيه بس ما اقدر اعيش من دونج راح اضيع مها بضيع من غيرج
مها رمت نفسها لى الارض وقامت تصيح وتصارخ:وانا شذنبي شذنبي حرااام عليك طلقني ما ابيك ما ابيك

هالكلام يخلي حمد يقسى عليها ...صج دموعها تعذبه والحال اللي اهي فيه ما يحب يشوفها فيه....بس أن قالت له طلقني.. اكرهك.. ما ابيك.. ما احبك ...مدمن..يخليه يصير مثل الوحش يبي يذبحها بيديه ولا انه يتخلى عنها....

مسكها من شعرها وسحبها لعنده واهو نزل لمستواها...

حمد:شتبين يا حلوه؟!
مها تصبيح ويدها على شعرها تحاول تبعد يده:ابعد ايدك قاعد تعورني
حمد يشد اكثر:شقلتي مساع حبيبتي؟!
مها تصرخ من الالم:آآآآآه حرام عليك حمد يعورني
حمد رماها بقوه وبعد عنها:لا تظنين اني بطلقج ...انسي هالكلام وخلينا نرجع مثل أول
مها توقف واهي تهدد:هالشي تنساه يا حمد..وبتشوف شلون اتخلص منك

هالكلام خلاه يثور ما حس إلا واهو جاي لعندها وحذفها على الارض وتم يدوس فيها....ويضرب ويضرب واهي تصارخ وتضارخ من الالم بس اهو بحالة ما يسمح له يسمع أي شي...كل اللي يشوفه جدامه ذكرياته الأليمه ويتم يطقها يحس يخفف من شعور الألم والأحباط اللي عايش فيه الكل يتخلى عنه...

انصدم لما حس بيد تمسك يده....لقاها مها ماسكتها وتترجاه بعينها يتركها...

مها تصيح و حلجها كله دم:خلاص حمد كافي بموت حرام عليك
حمد فتح عينه على الآخر يوم شاف شكلها (شلون سويت جذي شلي سويته فيج حبيبتي!!):..........
مها سحبت نفسها على الأرض بتعب تحس كل جسمها متكسر من الطق بس تبي تبتعد عنه لا يطقها مره ثانيه راحات لزاويه بالغرفه ....ولمت نفسها بخوف منه...

كان يشوفها وقلبه يتعذب على اللي سواه فيها ....راح لها ونزل لعندها واهي غمضت عينها بخوف وغطت ويها بيدها خافت يضربها....

تمت تترجاه:تكفى حمد بس كافي والله كافي
سحب يدها وشاف الخوف بعينها وندم على كل اللي سواه فيها فتح يدها وحط راسه على صدرها وبكل الم قال ودموعه تنزل مثل الياهل اللي خايف يفقد امه:خليني دوم بحضنج لا تروحين عني مها

مها متصنمه مو عارفه شتسوي كلامه يعذبها يحسسها شكثر اهي مهمه بحياته وشكثر يحبها ويتمناها وياه... وكل اللي يسويه دليل انه محتاج لها بس اهي شذنبها تعيش مع واحد مدمن وتنحرم من الامومه....قطع عليها تفكيرها يوم رفع راسه لها وشافها سرحانه ودموعها تنزل على خدها... اخذها لعنده وضمها بقوه يبي يحسسها شكثر اهو محتاج لها.......





بيت جاسم

واقفين بره البيت مو قادره تدخل ...


امامه تصيح:ما اقدر فيصل والله ما اقدر
فيصل يروح لبابها ويفتح لها :يالله حبيبتي انتي اقوى من جذي
امامه بمكانها تناظره وتصيح:......
فيصل عوره قلبه على شكلها مسك يدها وسحبها لعنده :هذا يومه ما نقدر نعترض
امامه تتمسك فيه وتصيح:ما كنت جنبه ما شفته
فيصل:خلاص حياتي شلون بتصبرين امج اللحين ..وانتي بهالحاله
ابتعدت عنها وتمت تمسح دموعها وبخوف:فيصل اخاف اشوفها
فيصل يبتسم لها:خالتي نوال ما تخرع
امامه :اخاف انهار أن شفتها امي وايد متعلقه بأبوي عاشت وياه اكثرمن اهلها
سكر الباب بيده ومسكها معه لي عند باب البيت:يالله حبيبتي سمي بالرحمن وروحي لامج محتاجه لج
تمت تناظره لحظات حست نظراته يعطيها القوه والصبر ...نفخت بقوه ودخلت لامها...واهو راح لطلال ومشعل في بيت طلال ...

أول ما شافتها انهارت ورمت نفسها لعندها واهي تصيح..نوال احتضنتها وتصيح من غير أي صوت...
قربت منهم حلا ولمتها امامه وتمت تصيح ....






بعد مرور 3 ايام العزا ....








بيت ام شذى

شذى زايره امها على الغدا....ما تبي تشوف حلا لانها من بعد ما مات جاسم واهي كله عند نوال وامامه من وصلت واهي تنام عندهم ما ردت لفيصل....وفيصل اليوم ياي يتغدى عندهم...


ام شذى:شفيج يمه كملي اكلج؟!
شذى بتعب:مالي خلق يمه...نفسي مسدوده
ام شذى:انتي لازم تراعين الياهل اللي في بطنج وتحافظين عليه هذا الشي الوحيد اللي رابطج بطلال للحين
شذى بضيق:تدرين يمه طلال امس كلمني بموضوع
ام شذى تعدل قعدتها وبخوف:ليكون بيطلقج!!؟
شذى تهز راسها بمعنى لأ:بييب حلا وبيسكنون ويانا ما يقدر يخلي امه بروحها
ام شذى:وين بيقعدها.!
شذى بقهر:بالدور الارضي يمه شقة مشعل القديمه بيجددها ويقعدون فيها
ام شذى:وبيتهم؟!
شذى :يقول يبي يكون ويا امه وما يقدر يخلي حلا بروحها
ام شذى:وهذيك وافقت؟!
شذى:مادري للحين ما قالي جان زين ترفض الله ياخذها وافتك منها
ام شذى توصيها:شوفي عاد أول ما تسكن معاكم تبلغيني
شذى استغربت:ليش يما ؟!
ام شذى تغمز لها:وقتها تعرفين كل شي



بيت نوال

قاعدين كلهم متجمعين على الغدا علشان نوال...حلا وطلال وفيصل وامامه ونوال اللي قاعده وياهم بجسد من غير روح...

بعد ما خلصو الغدا اللي محد مد يده عليه...صعدت نوال لغرفتها ترتاح....وطلال طلب حلا تجي معه يكلمها بموضوع واستاذنو وراحو....

فيصل غير مكانه وراح قعد يم حبيبته....

ابتسم لها يحاول يخفف عليها:ولهت عليج حياتي
امامه ناظرته وابتسمت وردت نزلت عينها:...........
فيصل مسك يدها وباسهم:ليه متى جذي حياتي ...اللي تسوينه بنفسج ماراح يرد لج ابوج
امامه تناظره ودموعها على خدها:.............
ضمها لعنده ويمسح على شعرها بهدوء:شرايج تروحين غرفتج تنامين لج شوي لان طول فترة العزا ما نمتي

هزت راسها بهدوه بمعني ايه...يوم ييت تبي توقف حست بدوخه براسها وردت قعدت....

فيصل بخوف:شفيج حياتي؟!
امامه بتعب:حسيت بدوخه
فيصل:لانج ما كليتي شي

وقف من غير أي تردد وشالها بيده واخذها وياه لغرفتها...

امامه :فيصل نزلني اقدر امشي
فيصل يبتسم لها:العناد مو حلو...واللحين الاكل بيبه لج للغرفه وبوكلج بنفسي وفيج خير قولي ما ابغى
امامه ابتسمت على اسلوبه:واذا قلت ما ابغى
فيصل بغرور:قوليها وشوفي شبيصير


وصل لغرفتها ...سدحها على السرير ولحفها ..غمز لها وطلع من الغرفه....تنهدت بصعوبه يا ترا بيتقبل منها الموضوع اللي بتكلمه فيه!!!! واهي بتقدر تنفذه !!!




بريطانيا

خالد مو عارف شفيها من امس واهي بس ترجع وحرارتها مرتفعه...ما قدر يطيرون لرحلتهم للكويت..كنسل الحجز ...واخذ لها موعد بالمستشفى بعد ساعه....

خالد قاعد يمها عالسرير...يتأملها كيف نايمه بهدوء ...

فتحت عينها عالخفيف لقت شخص يناظر فيها ابتسمت له:خالد
خالد ابتسم لها ومسك يدها الثنتين:عيون خالد انتي
حور:حبيبي ما نمت؟!
خالد:اقدر انام وانتي حالتج جذي
حور تبتسم بتعب وتأشر عالسرير يمها:تعال نام ارتاح شوي
خالد ما رفض يحس تعبان بس على الاقل ينسدح يريح جسمه...انسدح يمها ويده بيدها:جذي اوكي
حوربابتسامهكلها تعب:اييه اوكي

لف جسمه ناحيتها وسند يده تحت راسه وجابلها ...ويده الثانيه تتحسس حرارتها شافها للحين مسخنه تم يلعب بشعرها واهو خايف شفيها فجأه صار لها جذي....

حور حست برجفة ايده...(يا قلبي عليك حبيبي لي هالدرجه خايف علي)..مسكت يده اللي تمسح على شعرها وضغطت عليها بنعومه...

حور:خلودي
خالد يتأملها:اممم
حوربحيا:حبيبي ما فيني إلا الخير
خالد شد على عينه بحسره:بس الي اشوفه عكس جذي
حور صعدت نفسها شوي وحطت راسها على صدره ومسكت ايدينه الثنتين:شفيك حبيبي ليش خايف جذي...كلها سخونه مو اكثر
خالد حاس قلبه مقموت حاس بيصير شي ..ما يدري ليش حس هذي ممكن اخير لحظه يكون فيها ويا حور تحت سقف واحد ضمها لعنده بكل قوه عنده بدرجه انها حست عظامها بتتكسر بين ايدينه...باس راسها ورفع عينه لها ...

خالد:تحبيني حور؟!
حورخايفه ليش يسوي جذي:هذا سؤال تسأله حبيبي!!
خالد يغمض عينه بضيق:جاوبني على سؤالي
حور استغربت شفيه!! :اكيد احبك
خالد عينه بعينها:زواجج مني تعاسه؟!
حور افتحت عينها عالآخر وبعصبيه خفيفه:شالكلام خالد!!!
خالد عيونه بدت تلمع من الدموع:جاوبيني يا حور ريحيني
حور خافت عليه عدلت قعدتها وصارت قباله عالسرير:خالد حبيبي شفيك؟!
خالد يكرر السؤال:زواجج مني تعاسه؟
حور:إلا احلى شي صار لي بحياتي ..خالد حياتي ما تسوى بدونك ليش تقول جذي حبيبي!!

تم يشوفها لثواني من غير لا يقول شي..تأملها من فوقها لتحتها ..سحبها لعنده وضمها له بقوه ما يبيها تروح منه.......



بيت جاسم

بعد ما تم يغصبها علشان تاكل ...كلت نص الاكل حمد ربه انها كلت معاه....

فيصل:عفيه شطوره...واللحين يالله موعد النوم
امامه مسكت يده قبل لا يقوم:فيصل
فيصل رجع لها:هلا
امامه تبلع ريجها بصعوبه:ممكن تقعد
فيصل ابتسم لها وراح قعد يمها عالسرير واهي منسدحه:وكاني قعدت...امريني حياتي؟

امامه تقوم من السرير وتمت تحوس بالغرفه مو عارفه شتقول او شلون تبدي!!!....

فيصل حس انها متوتره وتبي تقوله شي...راح لها وقفها بيده ابتسم لها:تراج حولتيني رايحه وراده بالغرفه
امامه تناظر فيه:.........
فيصل حس بخوف شكلها بتقول شي :حياتي شفيج!!
امامه قربت منه بهدوء:فيصل
فيصل مو مطمن من شكلها:عيون فيصل
امامه تغمض عينها بحسره:طلقني
فيصل فتح عيونه عالآخر:شنو؟
امامه تناظره بعذاب:ارجوك فيصل طلقني من غير لا تسأل عن السبب
فيصل:شلون ما تبيني اسأل ..حبيبتي شفيج انا ضايقتج بشي صارحيني قولي لي؟
امامه تحاول تقوي نفسها:فيصل لازم نطلق لازم
فيصل يحاول يماشيها:ممكن اعرف ليش؟
امامه تقعد على القنفه :ما اقدر اخلي امي بروحها
فيصل يبتسم لها ويروح يجلس يمها ويمسك يدها بحنان :هذا السبب حبيبتي
امامه ما قدرت تقاوم اكثر غطت ويها بيدها وتمت تبجي مهي عارفه اللي تطلبه صح ولا غلط:..
فيصل يضمها لعنده:يا حياتي انتي ليش تفكرين بالطلاق؟
امامه تبجي بحضنه:فيصل انا احبك ما اقدر اعيش من دونك ..بس ما اقدر اخلي امي بروحها
فيصل يبعدها ويبتسم:منو قالج ببعدج عنها؟
امامه :اذا تزوجت اكيد ببتعد عنها وانا ابي اكون جنبها فيصل امي مالها احد بعد ابوي
فيصل :وانتي شايفه أن الطلاق اهو الحل؟
امامه بحيره: ابي اكون جنب امي فيصل وما ابي اخسرك
فيصل يلمها:يا قلبي انتي ...انا اصلا مستحيل افكر مجرد التفكير اني اطلقج حتى لو انتي طلبتي هالشي
امامه تناظره:فيصل انا اتكلم جد ...
فيصل يلعب بشعرها:وانا بعد اتكلم اب
امامه :شنو؟
فيصل ماسك ضحكته:انتي تقولين تتكلمين جد بس انا اتكلم اب
امامه الي استوعبتها :ههههههههههههههههههههههههه
فيصل يقربها له:الله يدوم هالضحكه يا رب
امامه تبتعد:فيصل وخر عني
فيصل يسحبها لعنده ويحوطها بيده :تبيني اطلقج يالبطه
امامه تفتح عينها :انا بطه ؟
فيصل :ههههههههههههه انتي بطتي انا
امامه تضربه على صدره :بطه بعينك يا الدب
فيصل يقلدها بصدمه:انا دب
امامه:ههههه انت دبي انا
فيصل :هههههههههههههههههههههههههه اموت على الي يقلدون




بيت احمد


غنيمه قاعده تلبس فهد بيطلعون ويا بعض....احمد دخل عليهم الغرفه

احمد يعيلها:يالله حبيبتي اسرع شوي
غنيمه تربط جوتي فهد:كاني احمد تشوفني قاعد البسه
احمد يطفرها:ما صارت كل هذا لبس
فهد:بابا انطر سويه (شويه)
احمد يقلده:ماني ناطر سويه
غيمه:ههههه لا تعيب على فهودي
احمد بغيره:اللحين صار اهو فهودج
غنيمه تقرص خده:حبيبي هذا
احمد عصب وراح لفهد اسحبه من يده:لحقيني السياره
غنيمه ماسكه نفسها لا تنفجر من الضحك:اوكي




بريطانيا


حور :الو خلودي
خالد كان بالصيدليه:عيونه
حور :انا خلصت من التحاليل
خالد طلع من الصيدليه:طلعو النتايج؟
حور بفرح:اييه
خالد :بشري؟
حوربدلع: خلها مفاجأه
خالد:لا حور بلييز ما فيني صبر
حور:ههههههه انت تعال وتعرف
خالد قلبه مقموت:لا قولي اللحين وريحيني
حور بفرح واضح:انا حامل
خالد طار من الفرحه قام يناقز بالشارع:صج حور صج
حور:اييه حبيبي صج
خالد :واخييييييييرا يا قلبي
حور بحيا:هههههههه
خالد متشقق من الوناسه:يالله نزلي انا قربت من المستشفى
حور:اوكي


نزلت حورواقفه بره متسنده على الطوفه وعينها على الشارع جدامها ..شافت خالد من بعيد يمشي ياي صوبها بس بينها وبينه شارع....رفع عينه لها شاف حبيبته اللي طول عمره كان يتمناه ..حور اللي تحمل الويل علشانها...واللحين بتصير ام عياله..واخيرا بيصيرعنده بنت او ولد من حور ما يهتم المهم ياهل من حبيبة قلبه ....
كان يشوفها شلون واقفه ويدها ورا ظهرها تناظره بحب وتبتسم له..يأشر لها على قلبه ويسوي حركات يعبرفيها عن حبه لها ...

واهي كعادتها تتلفت من الحيا احد يشوفهم...

وصل لنهاية الشارع اللي بيخطره كانت عينه على حور ما التفت على جهة اليمين...يبي يوصل لها يبي يحضنها ويلمها لعنده...يبي يشيلها ويدور فيها ..

حط ريله اليمين بعدها اليسار مشى خطوه وما قدر يلاحظ الباص ياي مسرع ناحيته رغم انه كان يمشي على طرف من الشارع مخصص للمشاة ...لكن سايق الباص سكران ما انتبه له وداسه ...

بلحظتها صرخت حور:خااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااالد

بس ما في فايده .... ما اقدر اشرح لكم شعورها تخيلو جدام عينكم تفقدون اغلى ناس عندكم...تخيلو هاللحظه اللي حبيبج جدام عيونج يبتسم لج وفجأه يروح عنج ...بلحظه تفقدينه ...قبلها بثواني كنتي تعيشين احلى لحظات حياتج واللحين بتعيشين بداية التعاسه اللي ما حسبتي لها حساب يوم من الايام...

تمت واقفه بمكانها مصدومه لدقايق يوم دخل الباص
بمحل قريب منهم وقف الباص ...تيمعو الناس عليه ...صحت من اللي فيه حور وركضت صوبه

شتشوووووووووووف !!!!!!!!!!!!!!!!!

تشوف ريلها متحلل تحت توايرالباص...صعب علي اشرح لكم المنظر انتو تخيلو حبيبها اللي معاها قبل لحظات اللحين انتشرت اجزاءه ... يد بمكان وريل بمكان ويها مليان كله دم ...انهارت قامت تصارخ وتصيح بصوت عالي .....

خااااااااااااااااااااالد لااااااااااااااااا خاااااااااااااااااالد حبيييييييييييييبي رد علي خاااااااااااااااااااااااااااااالد

قربت منها عيوز اجنبيه تهديها ....اهي حاولت تبتعد راحت لعنده مسكت راسه وكانت رقبته نص مقطوعه آآآآآآآآآآآآآآآآآآآآآآآآه على المنظر واهو بحضنها .....تصييييييح تصييييييييييييييح مو متخيله لجادمها خالد حبيييييبها ....

حور:خالد حبيبي رد علي لاا تخليني خالد ولدك يبيك حبيبي لا تخلينا من دونك حبيبي لا تروووووووووووووووح

وصلو الاسعاف بهاللحظه ....والشرطه خذو السايق لأنه كان يسوق واهو سكران ....وامامه عينها على المسعف تنتنطر أي رد منهم أي امل منهم أن خالد بيعيش بس للاسف قرب منها المسعف وقال لها أن توفى.....خذت لها زاويه من الشارع تبجي فيها وتشوف ريلها ياخذونه ((خلاااااااااااااص خااااااااالد مااااااات حبيبي مااااااااااااات لاااااااااااااا ياااااااااا ربي شسوووووووووووووي من غيييييييييرك رد لي خاااااااالد رد لي))


قعدت من النوم من اشعة الشمس على عينها لقت نفسها بالشارع وجنطتها مو يمها اكيد باقوها ....شدت على راسها بقوه تبي تستوعب شلي صار لها ليش اهي نايمه اهني خالد وينه خالد !!!خالد حبيبي وينه !!!

صرخت باسمه بصوت عالي وكأنها تحاول تمنع نفسها انها تصدق اللي صار
حور بأعلى صوتها :خاااااااااااااااااااااااااااااااالد

انهارت وتمت تصيح مره ثااانيه كل شي ضاع خلاص مالها حياة من بعد خالد ....

وقفت من غير اتزان مهي قادره تشيل عمرها...تمت تسحب روحها لين وصلت لشقتها ...رفعت عينها لشقة مشعل لقتها ظلمه اكيد رجع الكويت من قبل يومين ((يا ربي شسوي بهالحاله لا جنطه ولا شي.....آآآآآآآآه يا خااااااااالد وينك حبيبي ))

خذت لها دوش حار تريح فيه اعصابها ..غيرت ملابسها وانسدحت على سريرها تصيح ....كل ما تغمض عينها تذكر ملامح خالد وشلون الحادث صار تفز من مكانه وبجيها يزيد...
بعدها اتصلت على ابوها تخبره ...شتسوي بالغربه بروحها ما تعرف تتصرف

بو حور استغرب رقم من بره الكويت:الو
حور تصيح:يبااااا
بو حور وقف مخترع:حور حبيبتي شفيج ليش تصيحين؟
حور:يبا خالد خالد
بوحور:خالد!! شفيه؟ (حصه التفتت عليه )
حور تطيح على الارض منهاره:ماااااااااااات يبه مااااااااااااااات
بو حور منصدم :مااااااااااااااااات !!شلوون؟؟
حور منهاره مو قادره تشرح:يبه تكفى تعال يبا محتاج لك يبا خالد خلاص راح عني يبا ..ولده يبه ما شاف ولده يبه
بو حور مو فاهم شي يهديها:خلاص حبيبتي انا اللحين احجزعلى اقرب طياره لا تحاتين شي ديري بالج على نفسج

حور تسكرالتليفون وتمت تصيح...........





بالحديقه

ماخذين لهم زاويه بعيده عن الناس حولهم....راح فهد ويا الخادمه يلعب بالدوارف وغنيمه واحمد قعدو يشربون لهم كوفي ويسولفون.........

احمد ماسك ايدها ويتغزل فيها:انزين ممكن عيونج؟
غنيمه منحرجه تتلفت حولها:بس عاد حمودي
احمد:مو يا ربي شسوي فيج نحيسه مو راضيه تعطيني شي
غنيمه:ههههه كفايه انك ماخذ مني قلبي
احمد يقرب كرسيه لها:حمدي ربج أن احنا بمكان عام ولا جان صار شي ثاني اللحين
غنيمه بعدت شوي:احمد بليز بلا تهور
احمد يتفحصها بنظراته اللي اربكتها:عادي كويت فري
غنيمه وقفت بخوف عارفته ما يهمه احد:انا بروح اشوف فهد
احمد سحبها من يدها وقعدها بحضنه:فهد مع الخادمه خليج وياي
غنيمه تحاول تفك نفسها منه:احمد الله يعافيك فشله جدام الناس حبيبي اجل كل شي بالبيت
احمد يقربها اكثر لعنده:واذا مو قادر اصبر للبيت!!
غنيمه شوي وتصيح من الفشله:احمد الله يعافيك خلني
احمد قرب لاذنها وهمس لها:احبج غنوم
غنيمه:وانا ب..

قاطعها صوت قريب منهم ...كانت تناظرهم من البدايه...والقهر يغلي بقلبها...


شيخه معصبه:ما اتفقنا على جذي
احمد يوقف منصدم:شيخه!!!
غنيمه مو فاهمه شي:حبيبي منو هذي؟
شيخه تنرفزت:لا تقولين حبيبي؟
غنيمه عينها على احمد:منو هذي احمد؟!!
احمد مو عارف شيقول:هذي هذي
شيخه توقف بينهم:اللعبه ليه هني وانتهت ..انا شيخه زوجته يا حلوه
غنيمه:ششش شنو زوجته !!! (تلتفت لاحمد) انت ما طلقتها !!!
احمد يناظر شيخه بعصبيه:طلقتها حبيبتي مالج شغل فيها
شيخه بصوت عالي:جذاااااااااب
احمد بصوت جاد:شيييييييييخه كافي
غنيمه تصارخ:احد يفهمني شالسالفه؟!!
شيخه:السالفه يا حلوه احمد يجذب عليج اهو ما طلقني ..يوم تزوجج اناكنت على ذمته
غنيمه تقاطعها:جذاااااااااااااااااااااااابه
احمد يمسك غنيمه من كتوفها:حبيبتي مالج شغل فيها تجذب
غنيمه تناظر عيونه:يعني انت مو مطلقها.. (تأشر على فهد ) وهذا فهد ولدك يبته منها وانت متزوجني (دمعوعها تنزل بغزاره):جذبت وخنتني
احمد:غنيمه مالج شغل فيها....
شيخه مستانسه من حال غنيمه :كافي يا احمد انت قلت لي نمثل عليها بس عشان امك لجبرتك تتزوجها وانك تبي تلعب عليها ليش صغيره ومهرها رخيص وابوها اتفق وياك على كل شي...ولاني انا كنت مضطره اسافر عنك مده طويله
غنيمه بصدمه(ابوي يدري بكل شي !!!):...
شيخه تكمل تقهرها :بس انا حبك الاول والاخير..وادري أن زواجك منها متعه مو اكثر وانا وافقت عليه
غنيمه تحس انها بتطيح مو قادره توقف:يعني كل اللي بينه جذب بجذب

كل لقالته شيخه صح ...بس الشي الوحيد اللي ما تعرفه أن احمد صج حب غنيمه وصارت اهي اللي بقلبه بس بعد شنو صعب اللحين يكسبها ...

احمد يهديها:غنيمه انا احبج ...ومستعد اصلح...
ماتدري شلون تجرأت ورفعت يدها وضربته طراق:ورقة طلاقي توصل لي باجر يالنذل

تركته و سحبت منه مفتاح السياره ...ركضت للسياره تحتفظ بكرامتها....

((انت السبب يبه انت السبب ....))

احمد ويده على خده:انتي ليش سويتي جذي؟!
شيخه بغرور:اتوقع لعبتنا كانت مدتها 4 سنين مو اكثر وانت زدت عن هالشي
احمد عصب زود:لاني ما ابي اطلقها
شيخه انقهرت:شنو يعني ما تبي تطلقها ..انا سمحت لك تتزوجها علي لاني اضطريت اسافر عنك بره 4 سنين ..وانت وعدتني أول ما ارجع تطلقها بس انا اللي شفته العكس!!
احمد بكل صدق:لاني حبيتها
شيخه انصدمت:شنو!!
احمد يرفع عينه لها وده لو يذبحها:حبيتها يا شيخه...وحاولت اصلح غلطة عمري اللي سويتها وانتي اليوم هدمتي كل شي
شيخه تقرب منه:وانا يا احمد وين رحت.؟!
احمد:انتي اللي ابتعدتي عني ...انتي لتخليتي عني؟
شيخه منصدمه من كلامه:انا سافرت بعد ما وافقت...وانا رحت اشتغل مو تبي يصير لك اسم وقيمه بالسوق..انا سويتك لانك ما قدرت تسويه..(بنظرة استهزاء) ولا نسيت من اللي انقذك!
احمد باستهزاء:كل شي عندج فلوس ناس فلوس ناس...عمرج ما فكرتي فيني
شيخه:احمد شالكلام!!!
احمد يبي يجرحها بأي طريقه:هالكلام المفروض تسمعينه من زمان...انتي وحده ما تستاهلين يكون لج بيت وعيال...وحده همها بس كلام الناس ونظراتهم ..وقيمتها بالمجتمع وخرابيطج
شيخه فتحت عينها عالآخر:خرابيطي!!!
احمد يصارخ:عيل شتسمين ينونج هذا...في احد يتخلى عن ولده بالاشهر ويروح يدور الفلوس والسمعه ..وترضى لزوجها يتزوج عليها طول مدة غيابها
شيخه تصارخ لنفس مستوى صوته:هالشي انت اللي كنت تبيه علشان اصنع لك اسم ...
احمد:ما كنت ابيه ..انتي اللي كنتي تحنين علي بس دوم اقولج انا ريال ما تهمني هالسوالف..بس كنتي تهدديني بالجيكات اللي عندج
شيخه بغرور:وانا هالسوالف تهمني اكثر منك (سكتت ما استوعبت شلون نطقت بهالشي)
احمد يضحك بهستيريا :ههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه (نزلت دمعة قهر من عينه) حساااااافه السنين اللي ضيعتها وياج من عمري يالوقحه
شيخه:انا وقحه!!!
احمد يوقف قبالها:انتي طال
شيخه تقاطعه باستهزاء:لا تنسى الجيكات إلا عليك
أن فكرت تهز مكانتي الاجتماعيه وتخليني مطلقه

احمد استوعب كل شي بأخير لحظه وسحب الكلمه ..وراح واهو معصب و شلون انذل من أول ما تزوجها
لي هاليوم...



مكتب انفال

قاعد تكلم حلا بالتليفون....

انفال:ههههه يحليلج حلوي والله انج نكته
حلا:ههههه اللحين خلينا من ملاقتج وسمعيني
انفال بطلت عينها عالآخر:انا اللحين مليقه!!
حلا:هههههههه حشاج يا نفول بس اطفرج
انفال:اييه قصي علي بهالكلام
حلا:من غير لا اقص عليج انتي عارفه مكانتج عندي
انفال بدلع:ترا ما اقدر على الكلام الحلو انا
حلا:ههههههههههههه انزين شوفي
انفال تستهبل:سوري والله ما عندي فيديو كول بموبايلي اقدر اسمعج
حلا:هههههههههههههههه يا ربي شفيج اليوم بس تملقين
انفال:هههههههههههههههه حدي
حلا بجد:انزين نفول تقولين خلاص ارجع وياه
انفال:اممم اللي اشوفه اييه
حلا بخوف:ما تهقين تصير مشاكل؟!
انفال:حلا انتي اللحين خلاص تأقلمتي ويا الوضع ونوال محتاجه لج كفايه اموم بترد لبيتها واهي بتم بروحها
حلا تنفخ بضيق:وانا هالشي الوحيد اللي يخليني ارجع البيت
انفال:توكلي على الله ولا تحاتين شي
حلا:الله يستر
انفال:بتروحون انتي وطلال وياهم العمره!!!
حلا:لا بس فيصل وامامه وخالتي نوال
انفال :ومشعل!!
حلا ابتسمت:بيتم هنا بالكويت...ليش؟!
انفال ببراءه:ابد بس اسأل
حلا:اها
انفال تشوف زميلتها تأشرلها أن المدير يبيها:اوكي حلوي اخليج اللحين شكله المدير يبيني
حلا:اوكي حياتي نشوفج قريب
انفال:أن شاءالله ...بباي

دخلت على المدير سلمت واشر لها تقعد...

المدير ريال كبير بالسن :شلونج انفال؟
انفال وايد تحترمه تحسه مثل ابوها:الحمدالله
المدير يبتسم لها:ما ابي اطول عليج بس عندي لج مفاجأه
انفال استغربت توه ما صارلها مده معطيها مفاجأة الدوره في لندن:خير أن شاء الله !!
المدير مد لها ورقه:تفضلي
انفال خذت الورقه وتمت تقراها اكثر من مره بعدها رفعت عينها له:هذي لي!!!
المدير:اييه
انفال مو عارفه شلون تعبر:بس انا توني ماخذه دوره في بريطانيا؟!
المدير :وانا احب اقدر الشباب الكفوئين مثلج علشان جذي بدزج لمؤتمر بدبي لمدة شهر هناك باسم الشركه
انفال بغصه:يعني انا امثلها هناك!!
المدير ابتسم لها لان تعابير ويها تدل على صدمتها:اييه نعم
انفال:بس هذا وايد
المدير:تستاهلين يا انفال
انفال واخيرا ابتسمت له:تسلم ما قصرت
المدير:ما سوينا شي انتي تستاهلين
انفال توقف والفرح باين بعينها شكثر تمنت توصل لهالشي بس ما توقعت بهالسرعه:تآمرني على شي؟
المدير:ديري بالج على نفسج ..والسفره أن شاءالله بعد شهر رتبي حالج لانج بتقعدين شهركامل هناك
انفال:أن شاء الله...عن اذنك




بيت طلال

طلال يسكراخير جنطه:كلشي جاهز حياتي؟
حلا رمت نفسها على القنفه بتعب:اييه جاهزه
طلال راح قعد يمها ومسك يدها:تعبانه؟
حلا تبتسم له بتعب:شوي
طلال :تبين ترتاحين ونأجلها ليه الليل؟!
حلا :لا حياتي خالتي نوال بروحها بالبيت لازم نكون وياها بهالوقت
طلال نفخ بألم:حلا انتي زعلانه على ابوي؟!
حلا ما عرفت شتقول له:الله يرحمه يا طلال
طلال باس يدها وبكل رجى:ارجوج حلا سامحيه على كل اللي سواه فيج
نزلت دمعه من عينها لأنه قسى عليها وايد ولا رحمها بوجود ابوها و بعد مماته:.....
طلال حس بدموعها تتجمع بتنزل ضمها لعنده واهو يصيح مثل الياهل ما يدري ليش كبريائه ما ينكسرالا جدام حلا..و دموعه ما يسمح لها تنزل براحه إلا ويا حلا...قلبه ما يشكي ضيقه إلا على صدر حلا.......رمى نفسه بين احضانها

طلال:لا تتخلين عني
حلا تحس ان قاعد يشد على بطنها من غير لا يحس:ماراح اتخلى عنك مهما قسيت علي
طلال خفف يده شوي بعد ما حس بالألم بعيونها وكيف انها ما بعدته ..حط راسه براحه على بطنها الكبير ومسك يدها وتم يلعب باصابعها...

طلال:وهذا نصورمتى بيطلع ترا دلعته وايد
حلا:ههههههه خله مدلل في بطني
طلال بغيره واضحه:مو قادر اخذ راحتي والسبه اهو
حلا ارتاحت أن رد يضحك ويتغشمرمثل أول:هذا ولدي حبيبي لا تغار منه
رفع نفسه بغرور:وليش اغار !!
حلا تتصنع اللامبالاة:كل واحد عارف قدره يا طلال
طلال يدري فيها تنرفزه:حلو الواحد يبدي ولده على نفسه
حلا ماسكه ضحكتها وتجاريه:اييه خاصة أن الوقت بيكون كله له حتى بهالشي لازم يضحي
طلال ضغط على يده بقوه:شلون يعني؟
حلا:اممم مثلا السهر بليل يكون وياه
طلال فتح عينه عالآخر:نعم!!!
حلا ما قدرت ما تضحك من شكله:هههههههههه
طلال راح له:تلعبين بأعصابي ها!؟
حلا:يا ربي اموت عليك تغار حتى من ولدك
طلال راح لها وقرصها من خصرها:حتى خصر ما عندج ويا هالكرش
حلا بوزت:لا تعيب كله من ولدك
طلال للحين يقرص فيها:مو هذا حبيبج استحملي شكلج شلون صرتي بطه
حلا تشد على اسنانها وتحاولتوخريده:طلول لا تقول عني بطه..وخرعني
طلال ينرفزها:حلوي البطه حلوي البطه
حلا عصبت ووقفت:دامني بطه لا تقعد وياي يالفخمه
طلال مات من الضحك:هههههههههههههههههههههههههههههههههههههههههههههههههههههه هه فخمه عاد هههههههههههههههههههه قولي غزال ممكن اصدق
حلا بغرور:عشتو مصدق نفسك
طلال وقف يمها ومسكها من بطنها الكبير وقربها له:افا حلوي اللحين صرت انا فخمه
حلا بعدت عينها عنه:ودب بعد
طلال يمثل الزعل:ودب بعد!!! حرام عليج كل هالرشاقه وتقولين جذي
حلا تشوفه من فوق ليه تحت وكيف هيأت جسمه الرياضيه اللي تسحرها خاصه بطوله وعضلاته الخفيفه وجتفه العريض:وييع مو حلو جسمك
طلال رفع حاجب:ادري من ورا قلبك ..وعارف تأثيري عليك
حلا لفت عنه:مسكين انت وايد مصدق نفسك...اقول لم اغراضك خل نروح لامك بدل كلامك الفاضي
طلال:انتي بس اولدي يا حلووي ولي كلام ثاني وياج...عارفه شلون تنحاشين مني
حلا طلعت من الغرفه واهي فاهمه قصده:هههه مينون



بعد ما طلعت نوال من العده....بعد مرور3 اشهر


*انفال بعد يومين رحلتها لدبي وقررت انها تدورعن فواز
*فجر صارت تروح الجامعه ويا رفيجتها علشان تتجنب فارس ما يطلع لها...ومكالمته والمسجات اللي ما تخلص غيرت خطها علشان تفتك منه....للحين ما تدري شيبي منها!!


*غنيمه تطلقت من احمد وابوها كل يوم يسمعها كلام مثل السم لانها تطلقت وسكنت معاهم بالبيت وهالشي يعتبره عله على قلبه...وما اكتفت من حصة الضرب اليومي...


*احمد عايش بجحيم ويا شيخه ما يقدريطلقها لأنه بينسجن ولا يقدر يعيش وياها بسعاده طول الوقت لاهيه بالمؤتمرات والاجتماعات والسفرات اللي ما تخلص...فهد مرمي عند الخدامه واحمد...

*فيصل وامامه ونوال سافرو العمره أول ما طلعت نوال من العده واليوم بيرجعون وتكون أول ليله لامامه ويا فيصل في شقتهم في بيت فيصل

*حور حالتها النفسيه وايد تعبانه من فقد خالد والياهل اللي في بطنها تيتم قبل لا يطلع على الدنيا..كانت طول الفتره ساكته قليل ما تتكلم...وحصه صارت شخص ثاني معاها بعد اللي صار....والكوابيس ملاصقتها شكل خالد يوم الحادث للحين مو قادره تنساه...

*مشعل عايش في بيت طلال ..يحس بالوحده متردد يكلم نوال عن موضوع زواجه بس لازم يتزوج ويشوف حياته وينسى حور حرام حتى يفكر فيها واهي على ذمة خالد مثل ما يظن...يا ترا في بنت بتوافق عليه!!!

*طلال وحلا علاقتهم شوي اضطربت بعد ما انتقلو يعيشون ويا نوال...من الحركات اللي تسويها شذى وتطلع حلا اهي الغلطانه من ورا عين الكل وحلا ما كانت ترد لانها تنصدم من طلال أن يصدق شذى ويجذبها وهالشي يخليها تحقره وما ترد عليه....

*مها طول هالفتره واهي على هالحال ما طلعت من الغرفه ساعات يضربها ويطقها وساعات يرد حمد حبيبها الحنون عليها وهالشي يخليها تكرهه اكثر وتبي تبتعد عنه تحسه مينون ومريض نفسي واهلها يسألون عنها يرد عليهم حمد انها مشغوله او نايمه بس امها مو مطمنه وقررت تزورها قريب..


بيت فيصل

انفال قاعد بغرفتها تفكر شلون تقول لامها ما تقدر تسوي شي من غير لا تقولهم....



انفال متردده:يمه
نهى تقص السلطه:خير يمه
انفال:يمه بغيت اكلمج بموضوع
نهى تناظرها:أي موضوع؟!
انفال تبلع ريجها:بموضوع فواز يمه
نهى هدت اللي بيدها وراحت لها:نروح غرفتي احسن

غرفة نهى

نهى تبتسم لها:قولي يمه
انفال بخوف:يمه فواز..فواز
نهى خايفه على بنتها من هالسالفه مسكت يدها:نفوله حبيبتي انا صارلي مده ملاحظتج تفتحين صندوق فواز وتصيحين ...شسالفه يمه؟!!
انفال دمعت عينها:يمه فواز حي
نهى كالعاده توقعت انها تتخيل:وبعدين معاج يا انفال
انفال تصيح:يمه شفته شفته بعيني ويا خالتي موزه
نهى ترفع حاجب:أي خاله؟!
انفال:ويا خالتي موزه بالمطار
نهى خايفه تكون تتهيء:نفوله حبيبتي انتي متأكده؟!
انفال تصيح:اييه يمه متاكده شفتهم بعيوني الثنتين ...فواز حي يمه حي
نهى تبلع ريجها:وبعدين؟!
انفال بحزن:مادري يمه ما قدرت اواجهه خفت رجعت لعندكم
نهى اللحين عرفت ليش ذاك اليوم كانت مرتبكه:واهو ما شافج!!
انفال تصيح:ما ادري يمه كان لابس نظاره شمسيه وخالتي موزه كانت واضحه لي اكثرمنه ...يمه فواز حي حي
نهى تهديها:نفوله حبيبتي ليش الصياح اللحين بدل لا تفرحين
انفال :افرح!! افرح انه حي ولا فكر يسأل عني طول هالسنين...افرح اني طول هالسنين محتفظه بصورته في بالي ما غيرته واهو اثاريه ناسيني
نهى:من قال جذي؟
انفال بهستيريه:شتفسرين اللي شفته يمه !!تعبت والله تعبت من ردينه من الامارات وانا احاول اجذب نفسي أن اللي شفته مو فواز بس شلون شلون اجذب عيوني
نهى تحضنها:خلاص يمه كافي لتسوينه بنفسج كافي
انفال بحضن امها تصيح:يمها انا هالمره لازم ادوره
نهى مو عارفه شتقول:شلون يا انفال تدورينه!!
انفال :باجر أن شاء الله مو بسافردبي حق الدوره بدورعليه وعرف كل السالفه منه
نهى تمسع على شعرها تهديها:انزين ما تبين فيصل وياج
انفال:تكفين يمه ما ابي احد وياي خليني اروح بروحي اعرف كل شي بنفسي وارجع
نهى خايفه عليها:بس يا يمه...
انفال تقاطعها:تكفين يمه خليني انهي هالسالفه..تعبت والله تعبت



بشقة فيصل وامامه..

طلعت من الحمام والفوطه على شعرها ..ولابسه لبسها بالحمام...قعدت على كرسي التواليت تمشط شعرها...حطت كريمات وعطورات وخلت شعرها مفلول ينشف من نفسه....وقفت تعدل نفسها لانهم بينزلون يتغدون يميع...رفعت عينها من المنظره للشخص الي سلب قلبها منها ابتسمت لا شعوريا واهي تشوفه شلون نايم ماخذ السرير كله ...تعبت معاه من هالسالفه نوعه يتقلب ويمد ريله ويده على طول السرير وكلت منه ضرب وايد واهو نايم يمها بس كلشي يهون لحبيب القلب....زادت ابتسامتها بكل حب يوم مر شريط حياتها وياه من تزوجته وكيف وقف وياها بكل المواقف ولا تخلى عنها قربت منه تصحيه علشان يقوم للغدا....


قعدت على ركبها على الأرض وتمت تحرك يدها على اطراف ويهه:فصولي...فيصل
فيصل يقلب للناحيه الثانيه:........
امامه ابتسمت على حركته وراحت له الجهه الثانيه وبنفس الحركه:حياتي يالله قوم بسك نوم
شم ريحة عطرها وسمع صوتها فتح عينه عالخفيف يوم شافها ابتسم لها:صباح الحب
امامه:هههههه أي صباح الساعه 1 اللحين بس ما عليه صباح love
فيصل يرفع حاجب:شيطلع هذا بعد؟!
امامه بغرور:هذا صباحي الخاص فيك
فيصل مسك يدها اللي كانت على شعره:من قدي
امامه:يالله حبيبي قوم امك وخواتك ينطرونا على الغدا

فيصل يتاملها لابسه بنطلون جينز ضيج وبلوزه حمرا جبنيز ضيجه على جسمها وشعرها المبلول على ويها معطيها شكل براءه


فيصل للحين عينه عليها:ليش ما نتغدى هني؟
امامه انحرجت من نظراته:ما ابغى ..خل ننزل لهم
فيصل يموت عليها اذا تكلمت جذي:وليش ما تبغين؟
امامه رفعت حاجب:تكلم عدل
فيصل نظراته تتفحصها:ما قلت شي اقلدج
امامه خلاص فورت منه:ممكن تنزل عيونك
فيصل :ههههههههه حلوه هذي...ليش؟
امامه سحبت يدها بتوقف: بس جذي
فيصل سحبها بقوه لعنده طاحت عالسرير:مو بكيفج مرتي وحلالي
امامه عارفه نهاية هالوضع:انزين ممكن تتركني اللحين امك تنظرنا تحت
فيصل يحط راسها على حضنها ومحوط يده مدار خصرها:سوري ابغى انام
امامه يبط جبدها اذا قلدها بالكلام:والغدا؟
فيصل يغمض عيونه براحه:جذي انا مرتاح بحضنج
امامه:يا ربي فيصل والله فشله من امك قوم حبيبي خل نتغدى
فيصل بدلع:قلت لج ما ابي
امامه :وبعدين يعني؟!َ
فيصل يلف نفسه بحيث صار ويها مجابلها :امومتي
امامه بهمس:همم
فيصل يلعب باطراف شعرها:شرايج نسافر؟
امامه تدري انه هالشي من حقه خاصة أن شهر العسل ما كملوه:بس حبيبي انت عا...
فيصل يقاطعها بابتسامه:مو اللحين بعد ما ترتاح خالتي
امامه ابتسمت له:اوكي اللي تشوفه
فيصل يحضنها:قومي سكري الليت
امامه بترجي:لا فيصل تكفى لا امك تنطرنا والله عيب
فيصل بعناد:وانا ما ابي غدا
امامه تساحله:انت انزل معاي نتغدا وبعدها نصعد ولك اللي تبيه
فيصل يحرك ايده:لعبي غيرها
امامه:يعني مو مصدقني؟!
فيصل:قلت لج ماني نازل اتغدا
امامه ملت من عناده:كيفك عيل اقعد بروحك ..وخر عني بروح اتغدى
فيصل يناظرها بغرور:حلفي انتي بس؟
امامه :والله وخر عني
فيصل :مسكينه على بالج بخليج تنزلين
امامه شوي وتصيح تسمع صوت خالتها تنادي عليهم:فصولي حبيبي حرام عليك اسمع امك تنادي علينا
فيصل:واذا؟!
امامه:فيصل بس عاد قوم يالله
فيصل يفكر:انزين في شي يصبرني قبل الغدا؟
امامه ما فهمت عليه:مادري ننزل اللحين ونشوف بس اظن بيحطون الغدا على طول..بس اذا تأخرت فجور مو مشكله اشرب لك عصير
فيصل مات من الضحك على برائتها:ههههههههههههههههههههههههههههههههه
امامه عصبت:وليش ميت ضحك أن شاء الله قلت نكته؟!!
فيصل يقرص خدها:لانج ياحلوه ما فهمتي الي اقصده
امامه تعيد اللي قاله في بالها:إلا فهمته انك يوعان
فيصل(هذي اللي بتخليني اذبحها اللحين):ههههههه اقول ميمي وخري عني لا اهون واخليج غصب تقعدين وياي اللحين
امامه تسحب نفسها من بين يده:اشوه افراج
فيصل يناظرها وتحسف ليش هون بأخير لحظه:تعالي اموم بقولج شي
امامه ركضت لبره الغرفه:ههههههههه العب غيرها ....يالله لا تتأخر


بيت جاسم

قاعدين كلهم على طاولة الطعام يتغدون....نوال بايمانها القوي وبعد العمره عرفت أن هالشي مكتوب عليها وتقبلت وفاة جاسم وردت طبيعي بس الحزن باين عليها...

نوال:وين حلا؟!
طلال يحاول يبعد عينه عنهم:تقول تعبانه ما تبي غدا
مشعل بخوف:شفيها طلال؟!
طلال يبي ينهي الموضوع ما يحب يشوف خوف مشعل عليها:ما فيها شي لا تشيل هم

شذى مستانسه من اللي صار بينهم امس طول الليل تسمع صراخهم ..

شذى تغيرالموضوع:خالتي اصب لج لبن؟
نوال من بعد وفاة جاسم ما فيها حيل تتناجر وياها تقبلت كونها زوجة طلال وحامل بحفيدهم وصارت تعاملها عادي بس بجفى شوي :لا ما ابغى اللحين
مشعل ترك اكله:الحمدالله
نوال تشوف صحنه:ما اكلت شي
مشعل عينه على طلال حاس أن حلا فيها شي:الحمدالله شبعت نوال

طلع عنهم للحديقه ومسك جواله ودق على حلا...تم يدق لين سكر بروحه من غيرلا ترد...حلا ما تسوي جذي إلا اذا فيها شي وما تبيه يسمع صوتها....

دخل عليهم معصب ونادى على طلال....طلع معاه للحديقه ...

طلال:خير شفيك؟!
مشعل يضبط اعصابه:شمسوي لحلا؟
طلال استغرب معقوله قالت له:ليش شفيها؟
مشعل:انا اللي اسألك
طلال :ما فيها إلا كل خيربس تعبانه ليش بشهرها الاخير
مشعل بنظره حاده:طلال هالكلام على نوال مو علي
طلال يدري ان يفهم عليه:متهاوشين
مشعل:والسبب؟!َ
طلال:سوء تفاهم بينها وبين شذى
مشعل باستهزاء:طبعا انت ما شاء الله عليك اكيد اتهمت حلا على طول
طلال يبلع ريجه:اهي اللي بدت بالغلط
مشعل انصدم:من صجك انت !
طلال بندم بس ما يبي يظهره:يعني تبيني اشوفها تغلط واسكت
مشعل مو مصدق قرب منه واهو يحس وده يذبحه بيده:اسمعني يا طلال انت عارف حلا اكثر مني ..عمرها ما غلطت على احد واذا في غلط فكون متأكد أن شذى اهي الي ابتدت فيه بس للاسف حلا ما تعرف تدافع عن نفسها ولا تحب تجرح احد وهالشي انت للاسف ما تستاهله بعد كل اللي سوته لك

كلامه كان قاسي عليه...قعد على الكرسي ورمى جسمه بقوه ورجع راسه ليه وره بتعب....

طلال:كنت يومها معصب مشعل مادري شلون صرخت عليها
مشعل قعد يمه :شصار بضبط؟
طلال يقوله السالفه:دقيت على موبايل شذى ابيها تزهب لي اوراق ضروريه عندي بالمكتب فوق ...بس لقيته مغلق دقيت على البيت محد يرد...قمت اتصلت على حلا
مشعل مندمج معاه:انزين
طلال:طلبت منها تصعد المكتب وتطلع الاوراق ...انا اللحين ياي امرهم...انصدمت يوم وصلت البيت اسمع صراخ واصوات عاليه ... يوم فتحت الباب إلا حلا وشذى يتخانقون بالمكتب و اوراقي مقلوله بكل مكان...

مشعل:اييه
طلال يكمل:رفعت عيني لهم ابي تفسيسر عن اللي صار..ردت علي شذى أن حلا دخلت المكتب يوم ييت تسألها شتدور عليه حقرتها وما ردت فردت سألتها قامت حلا معصبه ودزتها ليه وره ...فهي خافت على نفسها وقالت لها تطلع بره من المكتب...حلا عصبت ورمت كل الاغراض على المكتب وشققت بعض الاوراق المهمه...وانا كنت بوقتها تعبان من الشغل فصرخت عليها و اهي سامته ما ترد وهالشي زاد علي وخلاني اعصب زود ...وبعدها بنفسها نزلت لغرفتها ومن ذاك اليوم ما تكلمني
مشعل يشوفه مصدوم:.......
طلال رفع عينه له:ليش تشوفني جذي؟!
مشعل:انت اكيد مو صاحي...يا مينون يا مسحور
طلال بعصبيه:مشعل شالكلام
مشعل:شلون تفكر مجرد تفكير أن حلا ممكن تسوي جذي
طلال يدري بهالشي بس عمره ما يحب يبين انه غلطان:الانسان اذا عصب يسوي أي شي
مشعل باستهزاء:للأسف عارف أن حلا مو منهم
طلال يتهرب:اللحين مو هذا موضوعنا
مشعل:كالعاده يا طلال تغير الموضوع
طلال:اهي اللحين حاقرتني مو راضيه تكلمني او تقعد وياي
مشعل:تستاهل اكثر
طلال عصب :مشعل وبعدين معاك!!
مشعل وقف وابتسم له باستهزاء:بالاخير بتشوف يا طلال أن شذى بتبيعك برخيص

تركه بالحديقه لوحده...بط جبده شلون يفضل شذى على حلا بعد كل اللي سوته له ...لو وحده غيرها ما تسامحه ولا ترجع له....


بيت حمد

دخل للغرفه استغرب انها هاديه ...وما فيها ليتات توقعها نايمه...فتح الليت يدور عليها...ما لقى لها أي اثر..راح للحمام لقى الباب مفتوح...عينه ييت على الدريشه استغرب يوم شافها مفتوحه على الآخر ومعلق عليها حبل طويل....

((معقوووووووووله !!! معقوووووووله !!! لاااااااااا لاااااااااااااااااااا ما اصدق مهااااااااا لااااااااااااا مو معقوله تخلت عني لااااااااااا مها مااااااا راحت مهااااااا ما انحاشت مهااااا تحبني بترد لي ..اييه تحبني ))

صرخ باعلى صوته وهالشي ما يعبر عن الالم اللي بصدره:مهاااااااااااااااااااااااااااااااااااااااااااااااااااا اااااااااا

ييت ام حمد تركض خافت تكون صار للبنت شي...دخلت الغرفه لقت ولدها مرمي عالارض ولام بيده قميص نوم لها ويصيح بشكل يعورالقلب...

ام حمد قربت منه:يما حمد سم الله عليك شفيك ؟!
حمد رفع عينه الحمرا لامه:رااااحت يما راااااااحت خلااااااص مها رااااحت تركتني يمه تركتني مثل ما تركوني
ام حمد نزلت دموعها واهي تشوف حال ولدها:خلاص يما كافي لتسويه بنفسك كافي
حمد يصيح بعذاب:ليييييش يما لييييييش ليش انا الكل يتخلى عني ليش انا غير عن كل الناس ليش يما ليش
ام حمد تحضنه بقوه:خلااااص يمه عورت قلبي بس كافي
حمد ابتعد بقوه وصار مثل المينون يضحك بهستيريا:كل اللي سويته اني عطيتهم حبي وكلهم باعوه كلهم كلهم..هههههههه اكيد لاني مدمن نذل حقير هههههه اشرب سكير ههههههه (رد يبجي) بس انا تركت كل شي تبت علشان اتزوجها وبعد ما تزوجتها وحبيتها (رد يضحك بهستيريا) ههههههه تركتني يمه تخلت عني
ام حمد وقفت:خلاص يا يمه لا تسوي بروحك جذي
حمد ابتعد واهو يهز راسه:كل منهم كل منهم

طلع من البيت وداس اسرع ما عنده بسيارته ..يبي يختفي من هالعالم يبي يرتاح....وكالعاده سفط عند الشقه القديمه اللي تركها من مده بس ضعف ايمانه واحساسه أن ماله معنى لحياته خلاه ينزل ويرد مره ثانيه للسكر والادمان....



بعد مرور اسبوع

الامارات

انفال قاعد تدور على فواز للحين لان عنوان بيتهم مو متذكرته عدل....تذكرت رفيجه اللي يشتغل بشركة سيارات في دبي...حست الروح رجعت لها يوم تذكرته...

ركبت السياره وطلبت من السايق الخاص لها يوصلها للشركه..

مثل ما توقعت لقت زيد قاعد على مكتبه...عدلت شيلتها وقربت منه...

انفال بصوت هادي:السلام عليكم
زيد رفع عينه لها :وعليكم السلام
انفال ابتسمت :شلونك اخوي زيد؟
زيد بالاول شاك فيها واللحين عرفها:اخت انفال!!
انفال هزت راسها:اييه نعم
زيد وقف :يا هلا ومرحبا بك
انفال ترد عليه:مرحبا بك زود
زيد:شحالج اختي؟
انفال :الحمدالله
زيد:وشحال اخوي فواز من زمان عنه
انفال استغربت توقعت علاقتهم للحين مستمره:انت بعد يا زيد ما تدري عنه!!
زيد يهز راسه بالنفي:للاسف لا
انفال بكل امل:زيد الله يعافيك ما تذكرعنوان بيتهم ؟
زيد:امم اللي عزمني فيه مره وانتي واهلج كنتو هناك
انفال:اييه
زيد ابتسم:ايووه اذكره
انفال بابتسامه عريضه:الحمدالله..ارجوك زيد عطني العنوان
زيد:من عيوني..بس انتي ارتاحي اجلسي وشتحبين تشربين؟
انفال من بعد مشوار:أي شي بارد
زيد ابتسم لها:أن شاءالله


طلب لهم اثنين عصير برتقال ..وكملو سوالفهم...


بيت نوال

نوال وحلا قاعدين بالصاله يتابعون مسلسل....نزلت شذى من الغرفه سلمت ونوال ردت السلام وقعدت وياهم...شوي إلا يدخل طلال....وقعد جنب حلا ..شذى انقهرت بس ما بينت

طلال:متيمعين اليوم؟
نوال:اييه والله ومشعل جاي اللحين بالطريج
طلال:حلو...عيل شرايكم نتعشى بره يميع؟
شذى :خوش فكره
نوال:انتو طلعو انا مالي مزاج
طلال:ليش يمه؟ الطلعه من غيرج مو حلوه
نوال:ما ابغى يا طلال لا تجبرني
طلال اخذ نفس والتفت على حلا اللي جنبه ساكته وعينها على تلفيزون ما نطقت بكلمه:وانتي حبيبتي ؟
حلا ما حركت عينها من التلفيزون:بقعد ويا امي
شذى تشققت من الداخل وقفت قبل لا يهون:انا اروح اجهز طلال
طلال عينه على حلا بعدها التفت لها:خلاص شيودينا اذا محد بيروح
شذى تبي تحر حلا:ما عليه حياتي انا وياك
طلال حس أن هالشي جرح حلا التفت عليها لقاها على وضعيتها انقهر منها وقف :انا وشذى يمه بنطلع
نوال منقهره ليش سوى جذي بحلا:الله وياكم

طلع لشقتهم يغيرون لبسهم ويطلعون...حلا حابسه دمعه من عينها حست بيد حنونه على يدها

نوال:لا تشيلين هم
حلا نزلت دمعتها على خدها:عادي يما تعودت عليه
نوال بضيق:الله يسامح من كان السبب


شقة امامه و فيصل



فيصل توه راجع من الجمعيه شاري اغراض البيت ....













فيصل:امومه ...امومه امامه

طلعت له من المطبخ واهي معصبه:جم مره قلت لك لا تقولي امامه

فيصل يقرب لها واهو يضحك:ههههههه ليش انا احبه

امامه تشوفه واهي منقهره منه:اسمي وكيفي وانا ما احبه

فيصل بلا مبالاة:مو مهم عندي اهم شي اني احبه

التفتت تبي ترجع للعشى سحبها من يدها له:وين رايحه؟

امامه:بروح اطبخ لك العشى

فيصل :من قدي حبيبتي طابخه لي اليوم

امامه:قلت اجرب

فيصل :تدرين عاد حدي يوعان

امامه تبتسم له:دقايق ويكون جاهز على ما تغير لبسك

فيصل:شطابخه؟

امامه تبتعد عنه خطوتين: معكرونه باشميل

فيصل يرفع حاجب:الله يهديج حبيبتي معكرونه

امامه واهي رايحه:هههههههه اصلا زين قدرت اسويها



دخل غرفته غير ملابسه بسرعه وطلع لقى امامه مجهزه الغدا ...



فيصل يقعد:بسم الله

امامه تحط له بصحنه:ذوق وعطني رايك

فيصل يغمز لها:دام من يدج اكيد حلو

امامه:يلا عاد ذوق قبل



اخذ له قطعه بفمه وتم يتذوقها وبعدها تغيرت ملامح وجهه ...وتم يكح



فيصل شرق بالاكل :اححح اححح

امامه اخترعت مدت له قلاص ماي:سم الله عليك حبيبي

فيصل بعد ما شرب الماي:حياتي شنو هذا

امامه بخوف:معكرونة باشميل

فيصل يطنز:متأكده؟

امامه انقهرت منه:مادري شرايك شتشوف؟

فيصل:ههههه كشكل ايه بس طعما لااا

امامه تاخذ لها قطعه وذوقها وتمت تكح :احححح اححح

فيصل مات من الضحك:هههههههههههههههههههههههههههههههههههههههههههههههههههههه ه

امامه تشرب ماي:شنو هذا!!

فيصل:هههههه تسأليني سألي نفسج

امامه تشوف المعكرونه وفجأه شهقت :امبيييييييه

فيصل وللحين على ضحكه:هههههه شنو شنو .؟

امامه انحرجت:بدل لا احط كريمه حطيت شي ثاني

فيصل :ههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههه

امامه قامت واهي معصبه:ملييييييييق

فيصل تم يضحك ينادي عليها:هههههههه اموم لحظه هههههههه

راحت قعدت بالصاله واهي معصبه منه (يعني يحمد ربه اني دخلت المطبخ اول مره اطبخ بحياتي افف عليه اعلمك يا فصول شوف منو بيطبخ لك مره ثانيه)



قعد يمها واهو للحين يضحك:تسلمين يا قلبي على العشى

امامه انقهرت:تطنز بعد

فيصل:ههههه لا ابد والله بس كافي دخلتج المطبخ اول مره

امامه بغرور:واخير مره

فيصل ماسك ضحكته:افا ليش خلاص اعتزلتي؟.

امامه تشد على اسنانها:فصوووووول

فيصل بجاذبيه:عيونه

امامه تلتفت عنه:لا تعيب علي

فيصل :هههههههه ما اعيب عليج حبيبتي ..ما فيها شي هالمره ما ضبط المره اليايه يضبط ان شاء الله

امامه باحباط:خلاص انا والمطبخ اعداء اصلا

فيصل يحط يده على جتفها:شرايج اعزمج على العشا

امامه للحين زعلانه:روح تعشى بروحك..وانا بروح عند امي

فيصل يقربها له:افا اموم ترضينها لزوجج يتعشى بروحه

امامه :دور لك على غيري

فيصل:ما القى غيرج يا عمري لو درت العالم كله

امامه ابتسمت ونزلت راسها:...

فيصل(يا عمري عليها بسرعه ترضى):أي مطعم تبين؟.

امامه:مادري انت وين تبي؟

فيصل يطفرها:صراحه ما في مطعم اقارنه بالنسبه لمعكرونيتج

امامه تضربه على صدره:بايخ

فيصل:هههههههههههههه خلاص يلا قومي لبسي ونقرر بالسياره

امامه بدلع:اوكي









غرفة فجر



قاعده تكلم رفيجتها فرح على التليفون.... ((رفيجتها اللي تعرفت عليها بالجامعه ...اهي اللي اخيرطلعه كانت وياها...فرح بنت مأدبه وخلوقه و كانت تعاني من الوحده لانها عايشه ويا اخوها الوحيد باسل ..واختها سعاد اكبرمنها 10 سنين متزوجه وما احتكت فيها...باسل كان طيب وحنون عليها بس كانت تنقصها الاخت والرفيجه اللي لقتها في فجر....باسل متخرج معهد تجاري ويشتغل في بنك التمويل او سنه له...))





فجر:مادري والله فروح ما اظن امي بترضى..وانا بعد استحي

فرح:ياربي والله عادي اخوي باسل طيب حده

فجر:ههههههه يا حليلج فروح انتي ترضين تيين مع اخوي فيصل؟.

فرح اشهقت:من صجج لو شنو

فجر:هههههههههه عيل شلون تطلبين مني اطلع معاكم

فرح احتارت:مو المشكله كلمت سعاد وما قدرت علشان ولدها الصغير تعبان

فجر:ما عليه فروح تعالي عندي بالبيت ونشتري الفيلم بعدين

فرح:امم انزين انتي تعالي عندي احسن لان سيارتي بالكراج

فجر:خلاص اوكي اقول لامي اللحين

فرح:مو تتأخرين..و ييبي معاج بحث مقرر المحاسبه لاني ما سويته

فجر:هههههههههه وانتي كله جذي

فرح:شسوي يا فجورمن يوم كنت صغيره وانا ما اعرف للبحوث والتقارير

فجر:ههههههه افا عليج من عيوني ايبه لج

فرح:تسلم هالعيون..يالله لا تتاخرين

فجر:أن شاءالله..بباي





انزلت تحت قالت لامها واهي ما رفضت بس قالت لها ترجع قبل 10 لان رايحه بسيارتها....





صعدت لغرفتها البست تنوره سوده قصيره واصله ليه نص ركبها مخصره شوي...مع بلوزه بيضه قصه وسيعه ..حطت باند ابيض على شعرها وسوته كيرلي ... حطت مكياج وردي خفيف مع كحله سوده...وطلعت من غرفتها يوم وصلت نص الدري



فجر:وييييييه البحث زين ما نسيته



ردت لغرفتها خذت البحث...وعدلت نفسها ونزلت ما لقت امها اكيد صعدت غرفتها....



أول ما ركبت سيارتها وحركت طول الطريج واهي تحس بسياره تلاحقها بس حاولت تبعد هالفكره عن بالها....وصلت لبيت فرح ما كان بعيدعن بيتهم بس 5 دقايق طريج...



اتصلت عليها وقالت لها انها بره....يوم ييت بتنزل...وقفت السياره لكانت تلحقها ونزل منها الشخص بسرعه صوبها ..من الصدمه حست أن ريولها انشلت مهي قادره تتحرك...





فارس يترجاها:بس سمعيني هالمره والله ماراح اذيج فجر

فجر واقفه وتتلفت يمين ويسار خايفه احد يشوفهم ويفهم غلط:شتبي مو كافي دمرت حياتي

فارس ودمعته بعينه:فجر كل اللي ابيه منج كلمه وحده تريحني يا فجر وبعدها ماراح تشوفيني مره ثانيه

فجر خذت لها نفس طويل ونطقت بخوف:بسرعه

فارس عينه بعينها:سامحيني فجر

فجر افتحت عينها عالآخر طول هالمده يلاحقها علشان هالكلمه:شنو!!!!

فارس يقرب شوي منها:فجر انا بموت خلاص بترتاحين مني وبريح الناس مني ..بس اللي ابيه منج كلمه وحده انج مسامحتني

فجر بصدمه مو مستوعبه لجدامها فارس جذي منهد حيله ومذلول:.!!!!!

فارس مسك يدها اللي ترجف يترجاها ونزلت دمعه من عينه:انا مريض بالايدز فجر..سامحيني

فجر سحبت يدها وحطتها على حلجها تمنع شهقه قويه منها:...

فارس:ربي عاقبني على اللي سويته فيج وبغيرج وايد من بنات ..مالي علاج يا فجر ربي عاقبني بأقوى الامراض بموت يا فجر وبريحج ابيج تسامحيني

فجر دمعت عينها غصب عنها واهي تسمع كلامه:فاارس انا..

فارس يقاطعها:لا تقولين شي غير انج مسامحتني

فجرتهز راسها وبجيها يزيد:مسامحتك فارس مسامحتك والله يسامحك ويغفر لك على اللي سويته

فارس انهارت دموعه ابتسم لها من بين الدموع:ما تتخيلين شكثر ارتحت اللحين

فجر تمسح دموعها:لو كنت ادري هذا اللي تبيه جان قلت لك من زمان وريحتك وارتحت...الانسان يغلط يا فارس ويتعلم من غلطته ويرد لربه ويتوب..

فارس يبتسم بألم:انا شخص ميت يا فجر ..كل اللي بعيشه سنه بالكثير ادعي فيها ربي يغفر لي على كل اللي سويته بدنيتي

فجر عورها قلبها عليه شاب صغير راح شبابه بتهوره ابتسمت له:ما عليه يا فارس ربي يختبر صبرك

فارس كبرت بعينه زود وهالشي يأنبه اكثرعلى اللي سواه فيها:اتمنى انج سامحتيني من كل قلبج

فجر:اذا علي مسامحتك بس الاهم رضى ربك

فارس نفخ براحه:اقدر اروح اللحين وانا مرتاح

فجر ابتسمت له:الله وياك



تأملها بعدها قال:تستاهلين كل خير يا فجر الله يوفقج ويحميج من عيال الحرام

فجر اكتفت بابتسامه خفيفه ودموعها ما وقفت من حالته وكلامه :.......



تأملها للمره الاخيره ...شاف شكثر كان نذل لم فكر يدمرها واهو يدري عن برائتها ...كله من بدريه ضيعته وضعيت شباب وبنات وايد مثلهم علشان الفلوس...



خذت نفس طويل بعد ما شافته ابتعد عن عينها ..دخلت لسيارتها وعدلت مكياجها بسرعه تمحي آثار الدموع....تلفتت حولها وحمدت ربها محد شافها...



قطع عليها صوت الخادمه فتحت لها الباب....وقالت لها فرح تنطرها بالغرفه



دخلت البيت وبالها ويا فارس وشلون كان شكله يعور القلب..تصعد الدري واهي تحاول تتغلب على دموعها ما تنزل....حست انها اصطدمت بجسم كبير..رفعت عينها له تلاقت عينها بعينه تصاعد الاحراج بكل جسمها واهي تشوف نفسها بين ايدينه على طرف الدري علشان لا تطيح لوره....



باسل وعينه ما فارقت ويها القريب منه حس دقات قلبه تزيد :تعورتي!؟

فجر ابتعدت عنه بهدوء وعينها بالارض من الاحراج:آسفه ما انتبهت

باسل حس باحراجها:تبين فرح؟

فجر تهز راسها بمعنى اييه من غير لا تشوفه:....

باسل يتأملها اكثر..بعدها استوعب: تنتظرج بالغرفه

فجر بصوت اقرب للهمس:اوكي



ييت بتصعد بس كان واقف اهو بنص الدري وعينه للحين عليها...انتظرته يوخر بس ما تحرك رفعت عينها له لقته يناظرها حست بالاحراج اكثر (يا ربي ليش يطالعني جذي...والله مو قصدي ادعمه)



فجر شوي وتبجي من نظراته:ممكن اطوف

باسل استوعب وابتسم بنعومه:ههه سوري..تفضلي



فجر ذابت ويا ضحكته ..ما تدري ليش قلبها قام يرقع ونفسها بدا يختفي....بس مسكت نفسها وصعدت لغرفة فرح واهي شوي ويغمي عليها...اول ما دخلت غرفتها اللي تعودت تدخلها اذا زارتها بس أول مره تصادف اخوها....رمت نفسها على السرير وتتنفس بسرعه....



فرح خافت عليها:فجورشفيج!!!

فجر:ماي فرح بليز ماي

فرح تمد لها بطل ماي قريب منها:شربي سم الله عليج

فجر بعد ما شربت:امبييه فروح لحقي علي

فرح:وااي فجور شفيج لا تسوين فيني جذي

فجر منحرجه:تدرين توه دعمت بمنو؟!

فرح:بمنو!!

فجر حمر ويها:باخوج باسل..(غطت ويها) امبيه يالفشله خلاص ماراح ايي بيتكم مره ثانيه

فرح انفجرت من الضحك:هههههههههههههههههههههههههه

فجر ترمي عليها مخده:تضحكين ويا ويهج

فرح:ههههههههه كل هذا علشان دعمتي في باسل

فجر بحيا:مو المشكله مسكني علشان ما اطيح

فرح:هههههههههههههههههههه بعد يه يه يه شالحركات

فجر عصبت:فروووح ويعه أن شاء الله

فرح:هههههههههه عادي يبا شفيج تصير باحسن العوايل

فجر شوي وتبجي:ما اقدر فروح ايي مره ثانيه بيتكم اخاف اشوفه ويغمى علي

فرح:ههههههههههههههههههههههههههههه

فجر:وانتي ما عندج غير الضحك؟!

فرح:لان الموقف حده عادي بس انتي الله يهديج منحرجه بزياده

فجر(لانج ما شفتي نظراته):اقول قومي عن ويهي لا اذبحج اللحين

فرح:هههههههه بغرفتي وتتشرط

فجر توقف:خلاص اعتبرها طرده ..بباي

فرح تسحبها من يدها:ههههه ما صدقت على الله...فيج خير طلعي انادي لج باسل

فجر بخوف:لا لا يالمينونه

فرح:ههههههههههههههههههههه





بيت حور



عمر بحزن:ليه متى يا حصه ليه متى على هالحال؟

حصه معاملتها تغيرت لها وايد بعد وفاة خالد:قطعت قلبي ياعمر ما تعدي ليله إلا ولامه فيها صورة خالد وتصيح..غير كوابيسها بليل

عمر ضايق خلقه على حال بنته:لا حول ولا قوة إلا بالله ليه متى بتتم جذي!!

حصه:انا اقول لو توديها يا عمر العمره يمكن ترتاح شوي

عمر:متى تخلص من عدتها؟

حصه:بعد اسبوع أن شاء الله

عمر:على خير احاول اشوف يوم اوديها فيه







غرفة حور



لامه صورة خالد على بطنها وتصيح ...واهي تذكر احلى ايامها اللي عاشته وياه....



دخل عليها ابوها ...نزلت دمعه من عينه يوم شافها...راح قعد يمها عالسرير ورفع راسها له...



عمر:حورحبيبتي

حور بتعب افتحت عينها:نعم

عمر يبتسم لها:وبعدين حبيبتي ما يصير اللي تسوينه مو زين للياهل

حوربجيها يزيد:آآآآآه يا يبه تيتم قبل لا يطلع

عمر حضنها:افا عليج يا حوراحنا وينه فيه

حورتصيح:امنيته يشوف عياله يبه ..كان يتمنى هاليوم.. (غمضت عينها تذكر شكله واهو ياي ناحيتها) كانت الفرحه طالعه من عيونه..كان ياي صوبي واهو فاتح ايده يضمني بس ماااات رااااح عني اللحين

عمر:خلاص يا حور ربج كاتب هالشي



رمت نفسها بحضن ابوها وتمت تصيح يمكن تخفف من عذاب فراقه....











الامارت



دخلت انفال البيت بعد ما فتحت لها الخادمه...جسمها كله يرجف...شلون بتقابله شتقوله بتلومه ولا بترمي نفسها بأحضانه!!!



(لا يا انفال انتي لازم تصيرين اقوى من جذي...لازم ما تضعفين جدامه اهو تخلى عنج طول هالسنين لا تسامحينه بسهوله)



يت لها خادمه ثانيه وسألتها شنو تشرب طلبت ماي تحس ريجها نشف من الخوف...سألتهاعن خالة فواز( موزه) وقالت لها اللحين تعطيها خبر.... وقفت تتمشى بأنحاء البيت تذكر كل ركن فيه ...وصلت لزاوية بالبيت فيها مدخنه وفوقها مجموعة صور...وقفت مصدومه واهي تشوف الصوره اللي جمعتهم اخير سفره لهم بدبي يوم زاروهم بالبيت ...واقفه اهي يم فواز وحاط يده على جتفها وبعدها فيصل وفجر وامها وخالتها موزه...ابتسمت ما تدري تبجي ولا تفرح يعني للحين مو ناسيني...لفت عينها للصوره اللي جنبها ونزلت دموعها اكثر...هذي الصوره يوم ملجتهم يوم طلبت المصوره من فواز يحضنها من وره علشان تطلع الصوره احلى بس اهي رفضت واهو اشر للمصوره تاخذ وحده سريعه واهو يطبع بوسه على خدها....دموعها تنزل واهي تمرر اصابعها على الصوره ((يعني ما نساني ..متذكرني يا فواز ..مثل ما انت عايش معاي بكل لحظه))



قطع عليها تفكيرها صوت باب الخارجي ينفتح ....التفتت على الصوت افتحت عينها عالآخر...كتمت شهقه بقلبها..



فواااااااااااااااااااااااااااااااااااااااااااااااااااااااااا از!!!!!!!!!!!!!!!!













بيت غنيمه



بعد ما قالها ابوها أن ملجتها على عبدالله (ابو جوى) الريال الشايب السكران بعد اسبوع ...(عبدالله عمره 64 سنه ....ريال اخير ثلاثين سنه من حياته كلها شرب وسكر... رفيج بو غنيمه روح بالروح ...واهو سبب اللي خلى فيه بو غنيمه يسكر معاه...توفت مرته من مرض سرطان الدم...ومن بعدها كره الدنيا وصاركله يسكر من الخمر لان كان يحبها من كل قلبه....همل جوى وربت نفسها بنفسها...جوى عمرها 19 سنه تدرس حقوق...



غنيمه تصيح:ما ابي ما ابي

بو غنيمه يهددها:مو بكيفج ...غصبن عليج بتتزوجين

غنيمه تبجي:مااااا ابي حرام عليك كافي بعتني مره

بو غنيمه عصب حده:ما عندي بنات مطلقات يتمون عندي بالبيت ..ٍسودتي ويوهنا فشسلتينا

غنيمه باندفاع من القهر اللي بقلبها:انا اللحين اللي مفشلتكم ولا انت وسمعتك بالفريج

بو غنيمه ضربها طراق بقوه حست ضروسها تكسرت:أن شفتج تطولين لسانج مره ثانيه يا ويلج

غنيمه تصيح من ظلم ابوها:انت مو ابوي مو ابوي ..ما ابي اتزوج ما ابي مو غصب

بوغنيمه يسحبها من شعرها:كلامي ما ينعاد يا غنوم...ملجتج بعد اسبوع وهذا اخر كلام عندي...



رماها على الارض بقوه ...واهي لمت ريلها لبطنها وتمت تصيح ..دخلت امها لعندها لمتها وتمت تصيح وياها...



ام غنيمه:خلاص يمه لا تصيحين

غنيمه:حرام عليكم حرااااام كافي لسواه فيني احمد كافي

ام غنيمه مو بيدها شي:شسوي يا يمه شسوي

غنيمه تشوفها:عبدالله عاد يا يمه عبدالله اللي اكبرمن ابوي ..وفوق هذا 24 ساعه سكران ..شلون ترضونها لبنتكم

ام غنيمه بغصه:اهو اللي عرضج عليه

غنيمه انصدمت معقوله في ابو يبيع بنته علشان الفلوس:باعني يمه باعني مره ثانيه

ام غنيمه قلبها يعورها:هالمره باعج بسعر اغلى...ما قدرت اسوي شي يا يمه يوم كلمته طقني وانتي عارفه ابوج وصحتي ما تستحمل

رمت نفسها بحضن امها:يا رب اخذ روحي وفكني من هالدنيا

ام غنيمه:لا تتمنين الموت يا يمه مو زين لج

غنيمه تصيح وعوار جسمها من الطق اللي كلته من ابوها يوميا من بعد ما تطلقت من احمد:عندي موتي او حياتي ويا أي شخص نذل بالكون اهون لي من العيشه بهالبيت



ما بيدها شي تسويه اهي مره كبيره وطول حياتها مستحمله الويل علشان غنيمه يوم كبرت فهمت وعرفت ابوها ...وقامت ما تلوم امها...عصبي لابعد الحدود يضرب ضرب الحيوان واحد...يشتم ولا يراعي شعور احد...هذا ابوها شلون ترفض واحد يبفكها منه...بس للاسف بيكون نسخه ثانيه من ابوها او يمكن اكثر بعد ...آآآآآآآآآآآآآآآآه يا احمد بعتني بالرخيص وانا لعطيتك كل شي...











بيت حمد





ام حمد توه سدته من ام مها بعد ما عرفو كل اللي سواه حمد فيها ...وآثار الطق على ويها وجسمها...واوراق تحاليله الطبيه اللي تثبت انه كان مدمن وصعب اييب عيال هالشي كله من صالح مها ..وافقت المحكمه تطلقها...فدقت على ام حمد تبلغها علشان لا يتعب عمره ويظن انها بترجع له...



سكرته منها وتمت تصيح ...ولدها رد ضاع من يدها مره ثانيه..الولد تحطم ..دخل بو حمد وشافها على هالحال راح قعد يمها يواسيها....



بوحمد:خلاص يا ام حمد ما يصير لتسوينه بنفسج

ام حمد:ولدي ضاع ضاع حسبي الله عليهم

بوحمد كافي وجها منقص من سمعة ولده بالمنطقه:ربج كاتب هالشي

ام حمد:تذكر شلون كان..ولدي الكل من يضرب المثل بأخلاقه ..اللحين صار علج بحلوج الناس الكل يعيب فيه

بوحمد ينفخ بألم:انقص ويهي يا ام حمد ..ربعي قامو يتجنبوني بالمسيد ..ابو مها ما قصر نشر الخبر بالكويت كلها أن حمد ولدي مدمن وسكير

ام حمد:حسبي الله عليهم كلهم...ضيعو ولدي







بيت فيصل



قاعده على القنفه بغرفة النوم تكلم غنيمه بالتليفون تحاول تهديها ...



امامه بضيق على حال رفيجتها:خلاص حبيبتي لا تعورين قلبج

غنيمه تصيح بعذاب:شتبيني اسوي اموم ..ملجتي بعد اسبوع باعني يا اموم باعني

امامه تصيح وياها:شنو بيدي اسويه يا حياتي ..والله أن قلبي يعورني على حالج

غنيمه:ادعيلي اموت وارتاح ...ابي اموت مالي عيشه بعد احمد

امامه:شالكلام غنوم وين ايمانج...خبري ايمانج قوي برب العالمين ما تدرين يمكن خيره لج زواجج من هذا عبدالله

غنيمه انهارت:من صجج ..اقولج يا ميمي اخس من ابوي سكير 24 ساعه بنته من يوم اهي صغيره مرميه عند الخدم

امامه مو بيدها حل:حاولي بأبوج مره ثانيه يمكن يلين قلبه

غنيمه :ههههههههه يحليلج يا اموم بلاج ما عرفتي ابوي عدل قلبه صخر ما يهزه ريح

امامه بحزن:وبعدين؟!

غنيمه:بس خلاص مليت من كل شي انا اصلا ميته من زمان ماراح يفرق معاي



دخل فيصل هاللحظه وييه قعد يمها ...حط يدها على جتفها وقربها منه ويلعب بالدبله بصبعها ...ارتبكت وما قامت تركز ويا غنيمه...تأشر له بيدها انه يتركها واهو يعاند وسند راسه على صدره وغمض عينه....



امامه:خلاص حبيبتي انتي اهدي اللحين ...وانا ادق عليج بعدين

غنيمه تبي تهدي لان الخبر توه واصل لها:يكون احسن احس اني منهاره

امامه:يا قلبي انتي (ضربها فيصل ليش تقول لها جذي)..اوكي اكلمج بعدين ديري بالج على نفسج

غنيمه :أن شاء الله...باي



سدته منها والتفتت عليه...



امامه:مليون مره اقولك اذا كنت اتكلم بالتليفون لا تقرب مني

فيصل باستهبال:ليش اخرع؟!

امامه تناظر بعيونه اللي تجذبها:إلا تخسبق الواحد وما تخليني اعرف اتكلم

فيصل:ههههههههههههه لي هالدرجه جمالي مأثر عليج

امامه بغرور:اقول لا تصدق بس وقوم عني بروح اتسبح وراي دوام باجر

فيصل رفع راسه بابتسامه كبيره وغمز لها:تصدقين حتى انا لي خاطر اتسبح

امامه:اوكي انت ادخل وراي

فيصل بهمس:ما يصير وياج

امامه وخرت بسرعه:لا ما يصير

فيصل:ههههههههههههه انزين شوي شوي لا تتكرفسين بس



خذت لبسها اللي كانت مزهبته ودخلت بسرعه وقفلت الباب....



فيصل:ههههه يلوموني فيج ..اللي يشوف هبالج شلون ما يحبج

امامه من ورا باب الحمام:يعني يكون متغزل فيني اللحين

فيصل:هههههههههه يحصل لج

امامه تفتح الماي:اقول اسكت عني بتسبح ماراح اسمعك

فيصل يطفرها:ما تبين أي مساعده؟! للحين عندج

مجال تراجعين نفسج



امامه تسمعه بس طنشته وكملت سباحه...







دبي



واقفه بمكانه منصدمه هذا فواز فوااااااااز حبيبها حي..دموعها تنزل من غير ولا حركه...استغربت أن يمشي ناحيتها من غيرلا يتكلم او يبان على ملامحه شي....المشكله انه لابس نظارات شمسيه مهي قادره تميز وين يشوف...مو معقوله خلاص بيوصل الدري يمها بيصعد واهي على الزاويه جهة اليمين



((معقوله ما شافني!!!! قربت منه قبل لا يوصل للدري وقفت قباله ...لاحظت ما تغير شي فيه...اكتمت شهقه كبيره بقلبها

لااااااااااااااااااااااااااا مستحييييييييييييييييييييييل يعني اللي كنت احلم فيه صج اللي كنت اشوفه بمنامي صج لااااااااااااااا مو معقوله فوااااز عمي لااااااا لااااااااااااااااا ))



اصطدم بشي استغرب لان حافظ المكان عن غيب مد يده يتحسس الشي اللي اصدمه...لامست يده خد ناعم مبلل بالدموع..نفض ايده برجفه ورد مره ثانيه وهالمره لامس شيلتها...حاول ياخذ نفس لان قلبه قام يرقع ...يحس انها حبيبته حبيبته اللي ضحى بنفسه علشانها ولا انها تتعذب معه...نزل ايده لويها تم يتحسسه خلاااااص اهي انفال انفال ...غمض عينه بألم يحاول يربط صورتها في باله مع اللي يتحسسه بيده نزل يده ليدها ومسكها ..رفعها له وقربها من فمه وطبع بوسه عليها ودموعه تنزل من تحت النظاره...))



نطق بألم واضح وشوووق كبيير و وله ماله حدود:انفاااااااااااااااااااااااااااال!!



















كيف فقد فواز بصره ؟! شنو سر اختفائه كل هالسنين؟!!

غنيمه وزواجها اليديد؟!

حور ليه متى بتم على هالحاله ؟!!

فجر وباسل بيتلاقون مره ثانيه؟!

نهاية حمد وادمانه اللي ماله حدود؟!

حلا وعلاقتها بطلال بتسوء اكثر من جذي؟!

 
 

 

عرض البوم صور عذاري   رد مع اقتباس
قديم 05-02-09, 11:05 PM   المشاركة رقم: 39
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء 30

اصطدم بشي استغرب لان حافظ المكان عن غيب مد يده يتحسس الشي اللي اصدمه...لامست يده خد ناعم مبلل بالدموع..نفض ايده برجفه ورد مره ثانيه وهالمره لامس شيلتها...حاول ياخذ نفس لان قلبه قام يرقع ...يحس انها حبيبته حبيبته اللي ضحى بنفسه علشانها ولا انها تتعذب معه...نزل ايده لويها تم يتحسسه خلاااااص اهي انفال انفال ...غمض عينه بألم يحاول يربط صورتها في باله مع اللي يتحسسه بيده... نزل يده ليدها ومسكها رفعها له وقربها من فمه وطبع بوسه عليها ودموعه تنزل من تحت النظاره...))

نطق بألم واضح وشوووق كبيير و وله ماله حدود:انفاااااااااااااااااااااااااااال!!

انفال ما اقدر اعبر لكم عن حالتها تفرح ولا تبجي ..تلومه ولا تحضنه...تضربه ولا ترمي نفسها بحضنه....كاهو فواز حبيبها حي بعد هالسنين حي جدامها واقف بس عمي عمي !!!
معقوله هالشي خلاه يتخلى عنها....


فواز حس بهدوئها انها مصدومه رد نادى عليها:فوله

انفال غمضت عينها بحسره اهو الوحيد اللي يناديها بهالاسم ...من أول طلعه لهم ويا بعض

((كان يومها أول طلعه لانفال مع فواز بعد ما ملج عليها...قاعدين يحوسون بالسياره مو عارفين أي مطعم يروحون....
فواز:يالله نفوله حبيبتي وين تبين؟
انفال مستحيه تقوله عن اللي مشتهيته:امم مادري خلاص انت اختار
فواز:لا انتي اللي تختارين
انفال:اممم اخاف اقولك اللي مشتهيته وتضحك علي
فواز:ههههههه لا ماراح اضحك قولي
انفال:هذا قبل لا اقول لك ضحكت
فواز:ههههههه خلاص والله ماني ضاحك قولي
انفال بصوت واطي:مشتهيه فول
فواز ما سمع عدل:شنو!!
انفال:يا ربي تطنز
فواز:لا والله ما سمعتج..قولي حبيبتي
انفال:فول
فواز:هههههههههههه فول فول ما غيره
انفال انحرجت:ههههههه اييه الفول ما غيره
فواز:اشعان عليج؟!
انفال:ما تدري انها اكلتي المفضله؟
فواز:لا توني ادري
انفال:عيل من اللحين اقولك اذا كنت صج يوعانه محد يشبعني غيرالفول
فواز:هههههههه والله عاد لايق على اسمج
انفال بغباء :شلون يعني؟!!
فواز يغمز لها:انفال فول..فول انفال
انفال:هههههههههههههههههههههه والله انك فاضي
فواز عجبه الاسم وتم يكرر:فول فول فول
انفال:بس عاد
فواز:ههههههههه من يوم ورايح بناديج فول
انفال عصبت:شنو فوول هذا اسم
فواز:اييه علشان انا الوحيد اللي تسمعينه منه
انفال:لاا فواز ما ابيه
فواز:ما اخذ الاذن منج فولتي
انفال:وييييييع مو حلو
فواز يطفرها:ليش فوله
انفال:فوااااز انطق النون
فواز باستهبال:النون محذوفه من اسمج فوله
انفال:وااااااااااااااي شالله قردني وقلت لك
فواز:ههههههههههههههه))
دمعت عينها واهي تذكرهالموقف اللي جمعها مع حبيبها...نست كل الافكار اللي في بالها قبل لا تشوفه بلحظه...رمت نفسها بحضنه وتمت تصيح

:ليش يا فواز ليش ليش !!!!
فواز يضمها لعنده بقوه:سامحيني يا حبيبتي سامحيني
انفال تصيح:ليش تخليت عني؟
فواز :ما تخليت عنج برغبتي
انفال :كنت انتظرك بكل شوق ..كان ما بقى شي على زواجنا ليش يا فواز سويت جذي ليش بعتني ..
فواز يبجي: تهقين انا ابيعج يا انفال
انفال بهستيريا:لا تنكر يا فواز لا تنكر
فواز :كافي يا انفال لا تلوميني
انفال تبتعد عنه و تبجي : مو كافي يا فواز انت بعتني تخليت عني تدري شنو سويت فيني انت ذبحتني حطمتني دمرت حياتي ...محيت كل لحظه حلوه عشتها وياك...
فواز:بس حرام عليج انفال كافي العذاب اللي شفته من دونج
انفال:وانا وانا نسيتني ما فكرت فيني ما فكرت شراح يصير فيني من دونك..ما فكرت اذا ابتعدت عني كيف بكون من غيرك
فواز بعذاب : ما تخليت عنج حبيبتي الشي مو بيدي
انفال تصارخ:لا تقول حبيبتي ...ما في شي بالدنيا يخليك تسوي اللي سويته انت بعتني ..تخليت عني وانت تدري اني بامس الحاجه لك وبوجودك يمي
فواز كلامها يذبحه:انفال سمعيني حبيبتي
انفال تسكر اذنها:لاااااااااا تقول حبيبتي
فواز يتقدم خطوه:انتي حبيبتي وبتظلين حبيبتي...سمعيني قبل لا تحكمين علي
انفال اسكتت تناظره بس شهقاتها المتواصله وانينها يحطم قلب فواز:........
فواز :تدرين ليش ما حضرت حفلتج؟
انفال ساكته :!!!!
فواز يكمل:لاني كنت بين الحياة والموت

انفال توها تستوعب ان اختفائه اكيد وراه شي...انا شلون راح عن بالي هالشي ..اكيد صار له شي خلاه يصير عمي ..لا لا اهو تخلى عني مهما تعرض له لازم ما يتخلى عني بهالشكل.:.......
فواز حس بسكوتها وكمل:صار لي حادث


انفال دموعها تنزل بهدوء...ومن داخلها تصرخ ((لاااااااااااا يعني اللي كنت احلم فيه صج ...يعني اللي كنت اشوفه بالحلم كله صار بالواقع...معقوله كنت حاسه فيه .....))

فوازبألم: الحادث صار لي بدبي قبل حفلتج بيومين ...فقدت عيوني (بحسره يقولها ) انا عمي عمي يا انفال
انفال تشهق من كل قلبها:لاااااااااااا
فواز:شلون تبين ارجع لج وانا بهالحاله شلون تبين اهدم حياتج بزواجج مني ..ما اقدر اسمع غير صوتج ....ما اقدر اشوفج ...شلون تعيشين مع واحد مثلي شلون!!!
انفال تقرب منه :من قال بتهدم حياتي ...انت هدمتها يوم فكرت انك تبتعد عني
فواز يكمل بألم:عااااانيت وايد يا انفال وايد حاولت بكل مستشفيات المتخصصه مافي أي علاج ..فقدت الامل اني ارجع لج كرهت اني ارد الديره واشوف الحزن بعيونج ...(نفخ بألم) جاااان زين اقدر اشوفه...مجرد تفكيري اني عاجز عن أي شي واني راح اهدم حياتج من زواجج مني يهون علي بعدج حبيبتي
انفال تصارخ:واناا وانااا ما فكرت بمشاعري ...ما فكرت شلون بيكون حالي من بعدك....
فواز:فكرت وفكرت شفت بعدي عنج اريح لج
انفال:غلطاااااااااااان يوم فكرت جذي
فواز:قلت مع السنين بتنسيني وبتتزوجين وتعيشين حياة احسن من حياتج وياي
انفال تقاطعه:مستحيل اتزوج غيرك فواز (مسكت يده وضغطت عليهم) انا عانيت وايد من دونك...وايد تقدمو لي بس كنت ارفض كان عندي امل انك بترجع لي يوم ..

اسكتو لثواني ...ما في غيرانفاسهم وعيون موزه اللي تراقبهم من فوق ودموعها تنزل على خدها بألم على حالهم

فواز بعد ما راجع كلامها:انفال انا عمي..ما اشوف ما اشوف
انفال بعد ما هدت حلفت انها ما تتخلى عنه:ابيك بكل احوالك
فواز:لا يا انفال لا
انفال:فواز لا تعاند كفايه اللي راح من عمرنا
فواز:انا عمي فهمي يا انفال عمي
انفال بكل حب:وجودك يمي يكفيني
فواز:شلون تعيشين مع واحد عمي !!
انفال:اعطيك عيوني
فواز ابتعد عنها وتم يتحرك بالصاله بهستيريا:لااا يا انفال وايد وايد ما استاهل
انفال بكل حب:فواز لو كنت انا العميه بتتخلى عني؟!
فواز بكل ثقه:اموت ولا اتخلى عنج
انفال ابتسمت لان هالكلام شافته وحسته بالحلم :عيل لا تطلب مني المستحيل
فواز :بس انا...
انفال توقف قباله وتحط يدها على حلجه:اوشش لا تقول شي...
فواز يتمنى هاللحظه لو انه يشوفها :.........
انفال بصوت هادي:فواز
فواز بحب:عيونه اللي ما يشوف غيرها
انفال دمعت عينها من كلامه:انت للحين تبيني؟!
فواز:ابيج!!! لو بيدي مااخليج تبتعدين عني بعد ما لقيتج
انفال ارتاحت:.......
فواز يمد يده واهي فهمت له ومدت يدها له :احبج انفال
انفال تغمض عيونها من زمان ما سمعت هالكلمه منه...مرت سنين عاشتهم بعذاب من غيره :.......
فواز :سامحيني يا حياتي على كل اللي سويته ..وربي اللي خلقني انج ما غبتي عني ولا لحظه بس ضعفي واحساسي ان زواجي منج ممكن يدمرج اهو اللي مصبرني عن بعدج... كنت محتاجج بكل لحظه بس كل ما افكر اني عمي وكيف بتكون حياتج صعبه معاي وكيف انج راح تكونين سعيده مع غيري يهون علي يا قلبي
انفال تبجي:شلون فكرت جذي شلون فكرت ان سعادتي مع غيرك
فواز يمد يده ويمسح دموعها:بس حبيبتي كافي بجي
انفال :ما اقدر يا فواز قصبن علي ....
فواز يضمه لعنده:خلاص حبيبتي خل ننسى الدموع...كافي العذاب اللي عشناه بعادعن بعض
انفال تبجي واهي تحس بالآمان بين احضانه:...آآآآآآآآه شكثر عانيت من دونك
فواز:كل شي بيتعوض ...بعوضج عن كل شي حياتي



بيت حور

قاعدين بالصاله ...

عمر:شلون حوراللحين؟
حصه بضيق:على حالها
عمر:انزين كلمتيها عن موضوع السفر؟!
حصه:شفيك نسيت يا عمر انها حامل عدتها ما تخلص الا لما تولد
عمر:كيف طافني هالشي
حصه تواسيه:ما عليه وقتها ما كانت عقولنا ويانا
عمر:الله يصبرنا ويصبرها ويفرج همها
حصه:آمين


بيت جاسم

دخل غرفته ..اليوم لازم يتفاهم وياها خلاص مل...حلا صايره ما تتكلم او تنطق بشي وياه....ومشعل صاير 24 ساعه بالبيت علشان نوال واهي ماخذه راحتها تسولف وياه وانا ما كأني ريلها ....

حلا قاعده على كرسي الهزاز وبالها ويا طلال ..((يا ربي ليش تغير جذي فجأه ..معقوله ظان فيني انا ومشعل!!!..ليش جذي يا طلال ليش تبي تهدم حبي لك بأي طريقه ))

قطع عليها تفكيرها:حلا
حلا توقف اهتزاز الكرسي:نعم
طلال يقعد على الارض مجابلها:حلا شفيج؟
حلا رفعت حاجب:شفيني!!!!
طلال:ليش صايره جذي؟
حلا:انا يا طلال اللي شلون صايره!!! ولا انت؟
طلال حاول ما يتنرفز:انا شفيني يا حلا.؟!
حلا تلف ويها الجهه الثانيه:اسأل نفسك
طلال اخذ نفس ولف ويها ناحيته:اللي تسوينه يا حلا يعقد اللي بينا حبيبتي
حلا تبتسم بألم:عادي تعودت على مزاجك طلال
طلال:اللحين انا المزاجي يا حلا؟
حلا ملت من هالموضوع:ممكن اعرف شتبي اللحين؟
طلال يبتسم لها:ابيج انتي حياتي...ابي حلا حبيبتي وينها؟
حلا نزلت دمعه من عينها:انت ذبحتها يا طلال بيدك
طلال مسك يدها وشد عليهم:حلا انا احبج ما ابي اخسرج
حلا دموعها تنزل على خدها بحراره:شبيدي اسوي اكثرمن اللي سويته....انت تجرحني وانا اقولك احبك
طلال يمسح دموعها:مو قصدي يا قلبي...بس انتي متغيره هالايام
حلا هذا اللي تبي توصله:قولي يا طلال شلون متغيره شلي سويته ؟ !!
طلال مو عارف شلون يقولها عن مشعل والغيره اللي تحرق قلبه كل ما شافهم ويا بعض:انتي تعرفين
حلا:لا ما اعرف ابيك انت تقول لي
طلال بحيره يغير الموضوع:انزين ليش ما تحاولين تدافعين عن نفسج ويا شذى
حلا عرفت انه غيرالموضوع:يعني تشوف اني استاهل ادافع عن نفسي!؟
طلال:دامج مو غلطانه ليش ما تتكلمين
حلا ودها تذبحه:اللحين شتبي مني يا طلال...مو انا كله اسوي مشاكل مو انا خربت حياتك
طلال:من قال جذي؟
حلا خلاص ملت من مزاجه يبيها على كيفه:يا طلال انا انسانه احس لي مشاعر...مو كافي اني رضيت بكل شي ...اذا حبك فيه مذله انا راضيه بس انت خف علي حبيبي (صياحها يزيد) لو ادري حياتي بتكون معاك جذي جان من الاول رفضتك بنفسي...بس الحب اعمى
طلال حضنها وتم يمسح على شعرها:حلوووي ليش تقولين جذي...والله انا احبج
حلا تصيح:طلال انت مو مستوعب شلون قاعد تذبحني باليوم الف مره...اذا سعادتك وياها انا مو رافضه هالشي بس خلني بحالي كافي تجريح يا طلال
طلال :بس يا حلا كافي يا قلبي
حلا تبتعد عنه ما تبي تضعف حبها له ذلها لابعد حدود:...
طلال:اللحين ممكن اعرف السالفه اللي صارت امس منج
حلا ابتعدت عنه متنرفزه مو كافي صرخ عليها جدامها:ماله داعي نتكلم فيها
طلال يوقف وراها:الا له داعي يا حلا
حلا باستهزاء تناظره:مو سمعتها بنفسك امس وحكمت من غير لا تسمعني شالفايده اللحين!!
طلال تنرفز:وبعدين يعني.؟
حلا:ولا ائبلين خلاص انسى
طلال :يعني تعترفين انتي الغلطانه
حلا تناظرعيونه(مو معقوله يا طلال اللي تسويه فيني)):..
طلال يتهرب من نظراتها:ما ابي اللي صار امس يتكرر...مثل ما البيت هذا بيتج تراه بيتها وتعزم اللي تبغيه
حلا :اوامر ثانيه
طلال عصب تستهزء فيه..يأشر بصبعه يهددها:انتي اللي جبتيه لنفسج يا حلا بعنادج

لفت عنه بغرور...ودخلت الحمام وتمت تصيح مع شهقات متواصله....سكر باب الغرفه بقوه وطلع بره لقى شذى بالصاله ....

كانت تتجسس عليهم اول ما سمعت صوت بجي حلا ..ركضت على الصاله وسوت نفسها تعبانه وتشوف تلفيزون واهي من داخل بتطير من الفرح...

وقفته بصوتها كله دلع:طلاال
طلال اخذ نفس والتفت عليها:نعم
شذى يدها ورا ظهرها:حبيبي احس بتعب
طلال خاف عليها وراح قعد يمها:شفيج؟
شذى ترفع نفسها عالخفيف وتحط راسها على صدره:ولهت عليك
طلال ابتسم لها:اللحين كل هذا علشان ولهتي علي؟
شذى تهز راسها ببراءه مصطنعه:لا تلومني حبيبي
طلال سرح شوي:.........
شذى حست الموضوع فيه حلا :اقول طلال
طلال انتبه لها:هلا
شذى بمكر:مشعل على طول يتم جذي من الصبح ليه الليل عندنا
طلال :اييه ..ليش؟
شذى بدلع:مادري يعني شوي مقيدني بلبسي وجذي...(بمكر) الصراحه انا استغرب شلون حلا ماخذه راحتها جذي
طلال راح فكره لبعيد :شلون يعني؟!
شذى:لا تفهمني غلط طلال...بس اقصد اني مو قادره اخذ راحتي شلون اهي المتحجبه واشوفها عادي يعني تقعد وياه وتسولف...مو صح كلامي؟!
طلال قلبه يحترق..يبي يطلع من البيت:انا ماشي تبين شي.؟
شذى بتطيرمن الفرحه:لا حبيبي سلامتك
طلال وقف بعصبيه:مع السلامه
شذى الضحكه شاقتها:مع السلامه يا روح شذى





بيت شيخه


(اللي يشوف حجمه قصر ما شاء الله ..يحسد اهل البيت عليه يظنون انهم عايشين بسعاده...ما يدرون ان القلوب متباعده لابعد درجه )

شيخه تصارخ على الخادمه علشان تييب لبسها طيارتها بعد ساعه بتروح انجلترا تحضر مؤتمر....احمد قاعد ويا فهد بالصاله يشوفون توم وجيري ....

شيخه:وين الهدوووووووم بسرعه

ييت الخادمه وعطتها ملابسها...خذتهم منها وسكرت باب الغرفه بقوه وكملت لبسها......

فهد رفع عينه لابوه:بابا
احمد:هلا حبيبي
فهد فاقدها:بابا وين راحت ماما غنيمه؟
احمد بضيق مو عارف شيقول:حبيبي فهودي ماما شيخه مني
فهد يحذف اللعبه بيده:ماما شيخه ما تحبني
احمد يقربه منه:لا حبيبي لا تقول جذي ماما شيخه تحبك وايد
فهد بدا يصيح وياشر لاحمد على يده:اهي ما تحبني شوف بابا امس طقتني حيل
احمد مسك يده انصدم يوم شاف الجرح:منو سوا فيك جذي؟
فهد يأشر على الغرفه:مناك... مو حلوه ما احبها

وقف احمد معصب فهم قصده شيخه... خلاص مهو قادر يستحملها اكثر ..هذي ما عندها قلب ما تخاف ربها شلون تقدر تطق فهد واهو بهالعمر...

فتح باب الغرفه بعصبيه..واهي شافته من المنظره ما اهتمت لوجوده وكملت مكياجها...

احمد يشوفها باستهزاء:ممكن اعرف شلي سويتيه بحياتج كأم؟
شيخه تكمل شغلها مالها خلق لصراخ:احمد مو فاضيه لك طيارتي بعد ساعه
احمد وقف وراها والشرر يتطايرمن عينه:ليش طاقه فهد ؟
شيخه لفت عليه بكل برود: لان لسانه طويل ويبيله تأديب
احمد مستغرب من اللي يسمعه:انتي من صجج !!!
شيخه تعدل شعرها:ولدي وكيفي واربيه بالطريقه اللي تعجبني
احمد مسكها من يدها وشد عليهم:ان شفتج ماده ايدج عليه مره ثانيه ما تلومين الا نفسج
شيخه بعدت يدها وابتسمت بستهزاء:شبتسوي حبيبي؟
احمد شد على اسنانه بعصبيه:الا فهد يا شيخه ما اسمح لج تأذينه
شيخه بصوت عالي:اقوله تعال حبيبي انا ماما يقولي ماما غنيمه مو انتي
احمد يبتسم:لان هذا الصج عمره ما شافج ولا حس بحنانج
شيخه:البركه فيك انت اللي كرهته فيني من يوم هو صغير ماعلمته ان له ام اسمها شيخه
احمد بقسوه:لانج مو امه يا شيخه ولا يوم بتكونين فيه ام له...انتي وحده همها نفسها وبس ...مالها شغل بمسؤوليه زوج او ولد
شيخه:لو كان عندي ريال و عيال نفس الناس ما صرت جذي
احمد مسك اعصابه لانها تستفزه بهالكلام:حرام اوسخ ايدي فيج
شيخه تتخصر له بغرور:لا ارجوك ارفع ايدك

التفت عنها وطلع من الغرفه واهو بقلبه يدعي عليها ان شاء الله تطيح فيها الطياره وما ترد ويفتك منها ومن شرها...







بيت حمد

بوحمد دخل البيت بتعب راحت له ام حمد اول ما شافته...

ام حمد:سم الله عليك بو حمد شفيك ؟.
بو حمد رمى نفسه على القنفه ..فتح اول زرار من الدشداشه يحس بخنقه:ماي ..ابي ماي

ركضت بسرعه على المطبخ يابت له قلاص ماي...
قعدت يمه واهي تمسح على صدره...

ام حمد:شفيك يا بو حمد ؟ شتحس فيه؟
بو حمد شرب الماي كله ونفخ بألم:حمد ..حمد
ام حمد حطت يدها على قلبها:ولدي اشفيه ؟!!!
بو حمد بغصه:مسكوه الشرطه
ام حمد انصدمت:لااااااا لااااااا
بو حمد يكمل:صادوهم بشقه وكانو سكارى ...بطول الخمر والمخدرات حولهم
ام حمد تهزه :لااااااااا يا بو حمد لااااااااا تقول
بو حمد نزلت دمعه :ولدي اخير عمره ينصاد مع هالاشكال...انا بو حمد الكل يعرفني بالصلاة والطاعه ولدي ينسجن بتهمة مخدرات و خمر
ام حمد انهارت:بس كااافي كاااافي...ولدي مو مدمن ...حمد ولدي مو مدمن
بو حمد :خلاص يا ام حمد لا تسوين بنفسج جذي ما يستاهل
ام حمد وقفت واهي تصارخ وتصيح:انت تعرف حمد ما صارجذي الا من اللي تعرض له... حسبي الله عليهم ضيعو ولدي اهم السبب اهم
بو حمد بنبره حاده:ما يجوز تدعين على احد...ولدج مو ياهل ...اهو بنفسه راح لهالطريج
ام حمد تصيح: واللحين شلون يعني ولدي بيتم مرمي بالسجن مع المجرمين!!! ....لااااا يا بو حمد مو حمد ولدي اللي يتم بالسجن
بو حمد يناظرها بيأس:حاولت يا ام حمد ماكو فايده...صايدينه واهو سكران وفوق هذا يوم سوو له تحليل بين بدمه نسبة مخدرات
ام حمد :ليييييييش يااااا ربي لييييييش يصير بولدي جذي
بو حمد يصبرها:ربج كاتب هالشي ما نقدر نعترض...انا ان شاء الله بوكل له محامي والباجي على الله



بيت فيصل

نهى تنادي على فجر من غرفتها... تبي تكلمها قبل لا تروح الجامعه...

فجر واقفه عند باب الغرفه:خير يمه
نهى تمد لها ظرف:اخذي هذا
فجر:شنو هذا ؟!
نهى:هذا ظرف فيه 500 دينار ابيج تسوينهم لي ايداع
فجر:ان شاء الله يمه.. ان خلصت من دوامي اروح
نهى:على خير


شقه فيصل وامامه

امامه بعد ما غسلت وغيرت لبسها للدوام...راحت تقعد فيصل...

:فيصل ...فيصل
فيصل ما يرد:...........
امامه خافت صار فيه شي :فيصل فيصل قووووم
فيصل ما في أي حركه:............
امامه قامت تضربه على صدره وصوته بدا يختفي من الخوف:فييييييييييصل فيييييييصل حبيبي قووووووووم
فيصل ولا حركه:................
امامه انهارت رمت راسها على صدره:فيصل قوم فيصل

حست بيد تمسح عليها...رفعت عينها له لقته يبتسم...

امامه للحين مو مستوعبه مدت يدها تتحسس ويه:فيصل
فيصل يقربها له:سم الله عليج حبيبتي ليش تبجين
امامه ضمته بكل قوتها:خفت صار فيك شي ليش ما رديت علي
فيصل بغشمره:اللحين هذا اللي قدرتي عليه تصيحين بدل لا تطلبين الاسعاف
امامه وقفت معصبه:يعني قاصد تسوي فيني جذي
فيصل يقوم من السرير يوقف قبالها:ههههههه كنت بشوف غلاتي عندج
امامه :انت مينون!!!
فيصل:هههههههههههه افا حياتي مينون عاد
امامه تصيح من الخرعه:ليش تسوي فيني جذي ..تدري مالي حياة من بعدك
فيصل مسك ويها بين ايدينه:حبيبتي مو قصدي ابجيج ..مابي اشوف دموعج
امامه رمت نفسها عليه:كافي ابوي كافي ..
فيصل تحسف سوه فيها جذي:خلاص حبيبتي والله مو قصدي
امامه :فيصل لا تخليني ..ابيك دوم يمي
فيصل يمسح على شعرها يهديها:اكيد يا قلبي اكيد

بعد ثواني ابتعدت عنه...

امامه بدلع:قوم غسل وغير لبسك على ما زهب لك الريوق
فيصل يغمز لها:لازم اداوم
امامه تروح ناحية الباب بتطلع:اييه لازم
فيصل:ههههه مافي نحشه أن رديت




بيت جاسم

طلال راح للشركه...امس نام عند شذى العلاقه بينه وبين حلا مو شي هالايام...وكل هذا من ام شذى ودروسها لشذى علشان تخرب بينهم....

شذى طلعت للدوام واستاذنت من طلال بعدها بتتغدى بيت امها...
حلا مهي قادره تروح للعياده تحس بتعب هالايام...قاعده ويا نوال بالصاله...

نوال تشوفها:شفيج يمه حلا تعبانه؟
حلا بتعب واضح:اييه والله خالتي
نوال تبتسم تطمنها:ما عليه حبيبتي ولادتج قربت
حلا بخوف:الله يسترخالتي
نوال:لا تخافين حبيبتي أن شاء الله سهالات
حلا بغصه:أن شاءالله

طق مشعل جرس الباب ..ويوم فتحت الخادمه قالت لهم مشعل عند الباب ...لبست حلا شيلتها دخل سلم عليهم..وقعد جنب نوال....

مشعل:ها حلا شلونج اليوم؟
حلا:الحمدالله
نوال :وانت يا مشعل طمني عليك
مشعل يبتسم لها:لا تخافين يا نوال اكل واشرب واتلحف اذا بنام
نوال وحلا:هههههههههه
مشعل يشاركهم:ههههه شسوي بعد فيج الله يهديج للحين تشوفيني ياهل
نوال بحب:مهما بتكبر بتم ياهل بنظري اخاف عليك من كل شي
مشعل يبوس راسها:الله لا يحرمني منج



دبي

بعد اللي صار امس...وشرح لها كل شي ونزلت موزه لهم وقالت لها عن كل شي....قررو انهم ما يخبرون احد ويسوونها مفاجأه لهم ...يرد وياها الكويت اذا خلصت من الدوره ويخطبها من فيصل........

على طاولة الطعام...

موزه تحط يدها على يده:فرحان حبيبي؟
فواز بابتسامه كبيره:وايد يما وايد
موزه دمعت عينها من زمان ما شافت ضحكته:الله يدومها عليك
فواز بشوق:قولي لي خالتي شرحي لي شكلها ..شلون صارت؟ تغيرت عن أول!!
موزه عورها قلبها على حاله:مثل ما هي ما تغير بها شي
فواز يتامل طيفها:يعني هي نفسها بياضها وعيونها السود الوساع ..وشعرها الطويل الاسود (سكت لحظه وابتسم) بس انا لاحظت انها تحجبت!!
موزه تشد على يده:اييه حبيبي تحجبت
فواز:آآآآآآآآآآآآآآآه يا خالتي اتمنى بهاللحظه اشوفها واهي بالحجاب
موزه تمسح دموعها:ربك كريم حبيبي
بيت فيصل



نهى دقت على فجر اذكرها ...سدته منها...الا امامه توها داخله البيت راجعه من الدوام سلمت على خالتها وقعدت يمها.....



نهى:جان زين فيصل دوامه مثلج ..يا قلبي عليه يقعد ليه 3 العصر

امامه:الله يعينه خالتي بهالحر والشمس

نهى توقف رايحه المطبخ:ذكرتيني ..موصيني اسويله سلطة فلافل على الغدا يقول مشتهيها

امامه:اساعدج خالتي؟

نهى تبتسم لها:لا يمه انتي روحي غيري لبسج وارتاحي لج شوي على ما يوصل فيصل وفجر

امامه تبتسم لها بحب:ان شاء الله خالتي





فجر طلعت من الجامعه...وراحت لفرع البنك قريب من بيتهم....







فجر :لو سمحتي اختي ابي اسوي ايداع

الموظفه تأشر بيدها:تفضلي مكتب رقم 2

فجر بابتسامه:شكرا



راحت فجر وقعدت بالكرسي تنتظر دورها ...وصل رقمها خذت جنطتها وراحت للمكتب



فجر:السلام عليكم

الموظف يحوس بالاوراق لجدامه:وعليكم السلام..تفضلي

فجر تقعد بالكرسي قباله:اخوي بغيت اسوي ايداع



الموظف يرفع عينه لها ..توه ياي بينطق بعدها تراجع انصدم من اللي جدامه ثواني حل محل الصدمه ابتسامه

....فجر تناظر فيه مصدومه (ياااااااا ربي ليش اهو شالفشله !!))



باسل بابتسامه عريضه:اهلا اهلا برفيجة اختي

فجر انحرجت من اسلوبه شكله الولد بايعها..بهمس:هلا

باسل يتأملها :شتشربين فجر؟

فجر انصدمت (بعد حافظ اسمي !!!)لا شكرا بس ابي اسوي ايداع

باسل يغمز لها:افا يا فجرهذي أول مره تشرفينا بالمكتب وما تشربين شي عندي

فجر خلاص الاحراج فول عندها (يا ربي شفيه يكلمني جذي جنه يعرفني من مده ):..........



باسل حس باحراجها حب يزيد عليها اهو طبعه جذي غشمرجي مع الكل بسرعه يطيح الميانه مع أي احد يقابله....وفجر من أول يوم شافها ما راحت عن باله من ذاك اليوم وصورتها يوم كانت بين ايدينه ماسكها علشان ما تطيح ما فارقت خياله ....









باسل:شلونج عقب ذاك اليوم عسى ما تعورتي؟!

فجر (لااااااااا هالولد مستحيل ) وقفت بتمشي:عن اذنك

باسل ماسك ضحكته:لحظه فجر

فجر التفتت عليه:نعم

باسل يمد يده:تفضلي...جم المبلغ اللي تبينه ايداع

فجر خذت نفس وقعدت..بعصبيه خفيفه:500 دينار

باسل يبتسم لها:اعصابج علينا

فجر مستغربه منه ..رفعت حاجب:وبعدين؟

باسل بابتسامه عريضه:ولا أبلين

فجر عطته نظره ونزلت راسها:بتسوي شغلي ولا اروح لاحد ثاني

باسل ياخذ منها الفلوس:خلاص بسكت بس لا تروحين



فجر ابتسمت ابتسامه خفيفه بس ما غابت عن عين باسل...((يا ربي هالبنت خذت عقلي ..فديت هالابتسامه انا))



تم يسوي المعامله وكل ساع يرفع عينه ياخذ له نظره

لها واهي تلهي عمرها بالموبايل وحاسه بنظراته...وجسمها كله يرجف



((ارحمني يا باسل بس خلاص ماني قادره احس بيغشى علي)



باسل خلص المعامله..يمد لها الايصال:تفضلي

فجر تمد يدها وتحاول انها تخفي ارتباكها:شكرا

باسل:لا تقاطعين

فجر تشوفه مصدومه:!!!!

باسل مات ضحك على شكلها:ههههههههههه



طلعت واهي معصبه من حركاته ...لا هذا مصخها وايد...خذت موبايلها واتصلت على فرح





فرح:هلا والله

فجر معصبه:وبعدين معاه يعني؟!

فرح مستغربه:شفيج معصبه ؟! منو هذا؟!

فجر بعصبيه مو حاسه بنفسها:والله يا فروح أن عاد حركاته بذبحه ترا

فرح مو فاهمه شي:منو هذا!!

فجر:اخوج منو غيره

فرح:باسل!!!!!!!!!!!!!!!!!!!!!!!!!!!!!!!

فجر باندفاع:اييه عندج غيره

فرح عارفه سوالف اخوها:هههههههههه اسوالج بعد؟

فجر :قولي شلي ما سواه

فرح:ههههههههههههههههه لي هالدرجه

فجر استوعبت اللي قالته:.........

فرح حست بسكوتها:الوو....فجووور

فجر انحرجت مو عارفه شتقول:!!!

فرح:فجوووووووووووووووووووووور

فجر :ويعه بطيتي اذني

فرح:هههههههه انتي ما تردين شسوي فيج

فجر مستحيه من اللي قالته:فروح سوري على الكلام اللي قلته

فرح:ههههههههه شدعوه عادي اخوي واعرفه ...بس وين شفتيه؟! وشسوالج؟!

فجر ردت للانفعال يوم تذكرت حركاته:من حظي الردي رحت اسوي ايداع بالبنك واخوج اهو اللي سوالي

فرح:هههههههههههه ليش حظ ردي عاد ....حرام عليج

فجر:بس جذي كيفي

فرح:هههههههههههه انزين قولي لي اسوا لج؟

فجر مو عارفه شتقول:خلاص فروح انسي

فرح تحاتي ليكون اخوها خربط وايد:فجور حبيبتي ليكون زعلج بشي تراه على نياته ما يقصد

فجر :لا عادي فروح بس يمكن كنت منفعله شوي

فرح:انزين قولي لي شسوالج؟!

فجر:مادري اسلوبه بالكلام وحركاته نرفزتني

فرح وهذا اللي كان في بالها:هههه ترا باسل اخوي طبعه جذي يحب يحرج ويطيح الميانه مع الكل

فجر بحيا:اييه بس فروح انحرجت كفايه الموقف البايخ اخير مره

فرح: هههههههه اييه مو اللحين عاد شيفكج منه كل ما يشوفج بيذكرج فيه

فجر شوي وتبجي:خلااااص ماني يايه بيتكم كلش

فرح:هههههههههههههههه من صجج

فجر:عيل اجذب عليج

فرح:خلاااص فجور اذا ضايقج لي هالدرجه أنا اكلمه

فجر:لاااااا لاا إلا هالشي...بليز لاتقولين له حلفتج فروح

فرح:ليش!!!

فجرمنحرجه:بس تكفين طلبتج

فرح:خلاص حبيبتي ..بس لا تزعلين منه والله ما يقصد

فجر:لا شدعوه خلاص نسيت اصلا

فرح تغيرالموضوع:انزين وين بتروحين اللحين؟

فجر:برد البيت ينطروني على الغدا

فرح:اها

فجر:اوكي فروح اكلمج بعدين..وصلت البيت

فرح:اوكي..بباي











امامه اللي صعدت غرفتها خذت لها دوش سريع لبست ملابسها...انسدحت على السرير خذت موبايلها بيدها ودقت على فيصل تشوفه وينه تأخر شوي....





امامه:الو

لمى:اهلين

امامه استغربت:منو انتي؟

لمى:حضرتج مين؟

امامه عصبت:هذا مو موبايل فيصل.؟

لمى كانت مشغوله:اييه نعم عن اذنج لحظه...



امامه مصدومه رفعت شاشة الموبايل تتاكد من الرقم مكتوب ((اغلى ناسي )) .. عيل منو هذي لردت على موبايله معقوله متزوج علي!!!



امامه بصراخ:الووووووووووووووو

لمى لاهيه مع الوفد اللي عندها ونست امامه على الخط:....

امامه سدته واهي تدعي عليها ((حسبي الله عليج...اكيد عرف اني مرته ....يقولي بالشغل واهو يروح لها ...اكيد متزوجها قبلي نفس احمد ريل غنوووم...كلهم واحد كل الرياييل واحد))



حذفت الموبايل على الارض منقهره ...



فيصل أول ما خلص من الاجتماع رجع مكتبه ...التفتت عليه لمى



لمى:اخ فيصل

فيصل:هلا لمى

لمى:في وحده اتصلت على الموبايل بتسأل عنك .. للأسف انشئلت مع الوفد .. رجعت لئيتها ئافله السكه

فيصل يبتسم لها:ما عليه يمكن زوجتي

لمى بحيا:آسفه اني رديت بس كان بيرن بيرن خفت يكون حاصل حاجه

فيصل تعود على لقافتها:لا حصل خير بس اتمنى انج ما تعودينها

لمى انحرجت:أن شاء الله ...واعتذر مره تانيه

فيصل ياخذ جنطة الشغل:لا ما عليه...عن اذنج



وصل البيت سلم على امه وفجر...وصعد غرفته لامامه تنطره...



لقاها قاعده بالصاله عالقنفه وتهز بريلها استغرب اهي ما تسوي هالحركه إلا اذا كانت متنرفزه او معصبه....



قرب منها من غير لا تحس وقرب ويهه منها من وره وصرخ بأذنها



:بووووووووووووووووووووه

امامه ما تحركت من مكانها ولا تغير شي منها:......

فيصل استغرب (شفيها!!!!):حبيبتي

امامه هز ريلها يزيد:.............

فيصل تأكد أن فيها شي راح قعد يمها ومسك يدها:حبيبتي شفيج زعلانه؟!!



امامه سحبت يدها منه وجيت بتقوم بس وقفها من يدها...وقف وياها..



فيصل مستغرب منها:حياتي شفيج؟

امامه تناظره معصبه من غير لا تقول شي:.......

فيصل:اف اف اف كل هذا..ليش حياتي شسويت ؟!!

امامه من غير نفس:ابد ما سويت شي ..ممكن تترك يدي

فيصل يسحبها لعنده:تدرين انج وايد احلى لما تعصبين

امامه تبتعد عنه:صج انك فاضي

فيصل:هههههههههههههه لا حدج معصبه



امامه تخليه وتروح غرفة النوم...رمت نفسها على السرير وتمت تصيح ....



لحقها فيصل واهو مستغرب من حالتها



((شفيها!!!! ما اذكر اني زعلتها بشي!!!! معقوله تكون امي مزعلتها !!! لا اعرف امي تعزها مثل نفول وفجور!! اخاف متضايقه مع احد في الدوام!!!))





فيصل يحط يده على جتفها يبيها تلف عليه:امومه

امامه تصيح ((يااااااا ربي ليش جذي اغار عليه..معقوله يكون متزوج علي!!!)):..............

فيصل يمسح على شعرها:حبيبتي شفيج؟ منو مضايقج؟!

امامه تسمع الحنيه اللي بصوته بجيها يزيد( والله احبه):...



فيصل يرفعها من جتفها له ويقعدها على السرير واهو يقعد على ركبه مجابلها على الارض...



مد يده يمسح دموعها:ليش كل هالدموع؟

امامه تناظر عيونه وتشوف الحب بعينه لها:.........

فيصل يضمها لعنده شكلها يكسر الخاطر:لهالدرجه متضايقه حبيبتي؟

امامه تتمسك فيه اكثر وبجيها يزيد:في..ًل انا احب.ك لي.ش تسو..ي فيني نف..س احم.د

فيصل ما فهم شي كلامها مقطع مع البجي:منو احمد حبيبتي؟

امامه تبتعد عنه وتمسح دموعها:فيصل تحبني؟

فيصل يبتسم لها(فديت الدلع):اموت فيج

امامه تلعب بأصابع يدها:عيل ليش...(سكتت مو عارفه شتقول)

فيصل يمسك يدها :ليش شنو؟

امامه مو قادره تستحمل اكثر تحس راسها بينفجر من كثر ما تفكر:منو اللي ردت علي يوم دقيت لك!!!؟

فيصل:منو اللي ردت!!؟

امامه عصبت (ينكر يعني):فيصل اليوم دقيت على موبايلك تم مده ما ترد وبعدها ردت علي وحده من لهجتها مو كويتيه
فيصل فهم عليها(يااااااااااا ربي يلوموني ليش اموت فيها كل اللي سوته عشان لمى ..هههههه تغارين يا قلبي ما دريت غيرتج نار ...الا ايننج يا اموم)



فيصل يترك يدها ويوقف:منو هذي ما اعرفها!!

امامه انقهرت:شلون ما تعرفها واهي ردت على موبايلك

فيصل يسوي نفسه مرتبك:مادري مادري

امامه ردت تصيح:يعني متزوج علي ..تحبها يا فيصل؟!!!

فيصل( محد بينني بحبه غيرج):امامه انا !!

امامه بصوت عالي شوي ومغمضه عينها:تحبها !!!

فيصل يمثل بصوت عذاب:امامه انا ما كنت ابي اجرحج بهالطريقه بس...



امامه قعدت عالسرير مو مستوعبه يعني اللي كانت شاكه فيه طلع صح...غطت ويها بيدها وتمت تصيح...



فيصل حس كافي اللي سواه فيها ....قرب منها ((يا قلبي امووووت على الغيران ))



فيصل يحط يده على جتفها:امامه

امامه توقف معصبه:مالي قعده معاك فيصل بالبيت..

فيصل راح لها :ههههههههه امومه حبيبتي من صجج انتي اتغشمر معاج

امامه انصدمت شلون يضحك!!:.............

فيصل يمسك ويها بيده:انتي ما تيوزين على الغيره اللي انتي فيها ...محد كثرج احبه حياتي

امامه تحس أن الدنيا ردت نورت ...تحس الحياة رجعت لها ..بس خافت يكون يقص عليها نفس احمد:ما اصدقك

فيصل: افا ميمي ..للحين مو واثقه من حبي لج

امامه تقرب منه بدلع:إلا واثقه مثل ما انا واثقه أن انت حبيبي اللي جدامي..(بوزت) بس منو اللي ردت على موبايلك؟

فيصل يلعب بشعرها ويده الثانيه محوطتها:هذي زميله معاي بالمكتب

امامه:واهي شكو ترد على موبايلك؟!!!

فيصل:تقول تم يرن مده وخافت انه صاير شي فردت..اهي طبعها شوي ملقوفه

امامه بغيره واضحه:صغيره؟

فيصل حب يلعب بأعصابها:منو؟!!

امامه تهز بريلها:هذي زميلتك الحلوه

فيصل :هههههههههههههههههههههههههههههههههههه

امامه داست على ريله:لا تضحك

فيصل:ههههههه أن شاء الله

امامه بصوت واطي :فصولي

فيصل:عيونه

امامه بتموت اذا ما عرفت:اهي صغيره؟

فيصل يغمز لها:ليش؟

امامه ردت عصبت:وبعدين يعني؟!

فيصل:هههههههههههه عيوز اكبر من امي

امامه استانست :صج!!!

فيصل:اييه صج ..بس ما شاء الله عليها جميله

امامه تدوس على ريله الثانيه:شقلت ما سمعت؟

فيصل:هههههههههههههه اموم يعور



امامه تبتعد تبي تروح سحبها لعنده...



فيصل:على وين.؟!

امامه معصبه:اخليك مع افكارك بزميلتك الجميله

فيصل:ههههههههههههههههههه من قال انها جميله

امامه تنرفزت:فصول وخر عني

فيصل:هههههههههه هههههههههه عصبتي

امامه:لا تضحك

فيصل:هههههههههههههههههههههههههههههه

امامه:فصووووووووول يالبايخ لا تضحك

فيصل:ههههههه ما اقدر ههههههه شوفي شلون معصبه هههههههههههه

امامه بوزت:من سوالفك

فيصل حضنها بقوه:وااااااااااااااي اموم حتى بغيرتج حلوه بعصبيتج بكل شي ...الله لا يحرمني منج

امامه دمعت عينها واهي بين احضانه:ليش تقول جذي

فيصل واهي للحين بحضنه:لاني احبج وعمري ماراح افكر اشوف غيرج..هالشي انسيه حياتي



امامه تمسح دموعها:انزين فكني من الفيلم الهندي وخل ننزل نتغدى

فيصل:اللحين انا اللي مسوي فيلم ولا انتي!!

امامه تسحبه من يده:فيصل امك تنطر من مده حرام يوعناهم

فيصل:هالمره اهم اللي فكوج مني

 
 

 

عرض البوم صور عذاري   رد مع اقتباس
قديم 05-02-09, 11:09 PM   المشاركة رقم: 40
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

بيت جاسم



دخل طلال راجع من الدوام ييت عينه على حلا ومشعل اللي يسولفون ..نار الغيره اشتعلت بقلبه ...سلم وقعد جنب نوال ...



مشعل :يالله يا نوال طلال كاهو جيه حطي لنا الغدا بنموت من اليوع

نوال:سم الله عليك من الموت اللحين يكون الغدا جاهز



التفت طلال على مشعل :إلا اقول مشعل

مشعل رفع ريل على ريل:خير

طلال:ليه متى وانت فاضي ماعندك شغل؟

مشعل حس بغيرته:والله للحين اشوف أن نوال محتاجه لي اكون وياها طول الوقت

طلال هالشي ذابحه لان حلا بتكون وياهم:انزين تعال داوم معي بالشركه على ما تتوظف..هذا وانت عندك شهادة الدكتوراه وقاعد بطالي

مشعل ابتسم على غيرته الواضحه:شسوي بعد ...انا قدمت طلب على جامعة الكويت وانطر ردهم



حلا واخيرا شاركتهم بالسوالف كانت مرجعه راسها للخلف وتحس بعوار...



:يعني تبغى تكون دكتور بالجامعه

مشعل:اييه من زمان رغبتي جذي

حلا ابتسمت بتعب:الله يوفقك



طلال فور صار لها ايام حتى ما تكلمه ومشعل تبتسم له وقف بعصبيه واضحه وراح لنوال المطبخ...



التفت مشعل على حلا لقاها تناظر طيفه والدموع متجمعه بعينها ....



مشعل يخفف عليها:لا يهمج يا حلا

حلا خلاص هالايام مهي قادره تتحكم بدموعها:ذبحني التناقض اللي فيه يا مشعل اللي يشوف معاملته لي هالايام ما يقول اهو نفسه طلال أول ايام زواجنا واهو نفسه بعد ما طلع من المستشفى

مشعل:كلها ايام ويرجع لعقله ...انتي اكثر وحد تعرفينه يا حلا وتعرفين مزاجه ما عليه صبري عليه

حلا:وانا يا مشعل تعبت والله تعبت بس مشكلتي عندي اتحمل كل شي منه ولا اني ابتعد عنه

مشعل ابتسم لها بحب اخوي:تبيني اكلمه لج؟

حلا:لا مشعل ارجوك مو نا قصه (بحيا) كافي غيرته منك

مشعل:ههههههههههههه يعني حتى انتي بعد ملاحظته

حلا:ههههههههههه وهل يخفى القمر



دخلو نوال وطلال على صوت ضحكهم...نوال استانست يوم شافت حلا تضحك من زمان ما سمعة ضحكتها...اما طلال وده لو يروح ويذبح مشعل بيده ....عطاه نظره ومشعل ناظر حلا وابتسمو لانهم عرفو انه غار من ضحكهم...

















بعد مرور اسبوع على الاحداث....





تمت تناظر المكان حولها ...خلاص اهي اللحين بتعيش بهالبيت ...هالبيت اللي بتكون فيه ضحيه يديده...الله يسامحك يا يبه على اللي سويته فيني ..بعتني له وانت تدري أن اهو اللعن منك بالشرب....



عبدالله وريحة الخمر تفوح منه:تفضلي حياتي



غنيمه حست برجفه بجسمها واهي تشوف يده على جتفها..ابتعدت عنه بهدوء ودخلت للبيت...



عبدالله يناظرها من فوق لتحت.:كبرتي يا غنوم وصرتي مره (اخير مره شافها واهي ياهل عمرها 10 سنين يلعبها بيده)

غنيمه ترجف من كلامه ونظراته وكيف عينه حمرمن الشرب:.......

قرب منها ومسكها من يدها :تعال يا احلى عروس غرفتنا فوق

غنيمه ما بيدها شي حاولت تفك يدها بس ماسكها بقوه وخافت تعانده ومن أول يوم تاكل ضرب منه...مشت معه بهدوء للدور الثاني ..لين وقفهم صوت بنت



..:يبا منو هذي!!

التفت عليها عبدالله:تعالي يا جوى سلمي على مرة ابوج

جوى افتحت عينها عالآخر من الصدمه:شش ش..نو!!!

عبدالله بنظره حاده:ما تسمعين شقولج تعالي سلمي عليها

جوى واقفه بمكانها ما تحركت(تزوجت يا يبا بعد هالسنين):.!!!!!!!!

غنيمه حست بصدمتها وحبت تخفف من عصبية عبدالله اللي ما شافت شي منها للحين:ما عليه يا ..(حتى مو مذكره اسمه) خل نروح لغرفتنا

عبدالله التفت عليها وعصبيته زادت :انتي مالج شغل

غنيمه انصدمت أول ليله لها وياه جذي يكلمها وجدام بنته:!!!!!!!!!

عبدالله راح لجوى ومسكها من يدها وسحبها لعند غنيمه:لما اقولج تيين تسلمين يعني تيين تسلمين

جوى ودموعها بدت تنزل على خدها من قوة مسكة ابوها:هد ايدي يبا تعورني

عبالله يشد اكثر:يالله سلمي

جوى خافت أن يطقها:السلام عليكم

غنيمه بابتسامه:وعليكم السلام

عبدالله:هذي غنيمه بتعيش ويانا بالبيت...وهذي جوى بنتي الوحيده من اللحين اقولكم انا ريال ما احب الازعاج ما ابي اسمع مشاكل

غنيمه عينها على جوى :ما بينا مشاكل أن شاء الله

جوى تناظرها بحقد:ممكن اروح غرفتي

عبدالله:روحي...يالله حبيبتي نروح لغرفتنا

غنيمه لايعه جبدها من شكله:اوكي













بيت جاسم





نوال كانت زايره بيت نهى...وحلا تعبانه بغرفتها...طلعت تبي تشرب ماي...صادفت شذى نازله من الدري ...شافتها بنظره ومشت عنها...



نزلت بسرعه وقفتها بقهر...



شذى:هي انتي ليش تشوفيني جذي؟.

حلا وقفت:نعم؟

شذى:ليش تشوفيني بهالنظره!!

حلا تشوفها من فوق لي تحت:كيفي؟

شذى تروح لها لو بيدها تذبحها وتفتك منها:كيفج في بيتج حبيبتي

حلا تقهرها:وهذا بيتي

شذى بغرور:هذا بيتي اللي اهو بيت ريلي حبيبي

حلا تضحك باستهزاء:قبل لا يكون بيت ريلج تراه بيت عمي اخو ابوي

شذى انقهرت:انتي ليه متى بتمين عله على قلوبنا ...مو كافي دمرتي حياة طلال من يوم تزوجج للحين ما فهمتي انه ما يبيج

حلا ماسكه دمعتها لا تنزل :كيفي

شذى تبي تقهرها:طول ما هو متزوجج كان يكلمني ويشكي لي من تعاسته وياج...بس انا كنت اصبره وبعد ما تزوجني قلبتي حياتنا جحيم عساها دوم حياتج يارب



حلا ما استحملت كلامها ...لفت عنها بتروح بس شذى مسكتها من يدها.



شذى بقهر من برودها:انتي ما تفهمين طلعي من حياتنا ...حتى الولد اللي في بطنج طلال كان يفكر فيني وكان يتمناه مني



جرحتها بالصميم....صبرها نفذ...رفعت يدها وضربتها كف قوي على خدها ...شذى ناظرتها بحقد...



:شلون تجرأتي يحماره؟!!

حلا بقهر:وان ما سكتي بتشوفين زود



تركتها وراحت عنها للمطبخ ...الحقتها والشرار يطلع منها...كانت تمشي بخطوات سريعه تلحقها ما انتبهت للماي بالمطبخ وزلقت على الارض...صرخت بألم من قوة الطيحه على ظهرها...



آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه



التفتت عليها حلا حن قلبها وراحت لها ...بنفس اللحظه دخل طلال البيت ....حست فيه شذى



حلا بخوف:شذى تعورتي.؟!

شذى بمكر تمد يدها:اييه رفعيني

حلا مدت يدها ترفعها بكل نيه صافيه...بس اهي سحبتها عندها وصرخت تنادي طلال:آآآآآآآآآآآآآآه طلااااااااال



طلال سمع صراخها وراح لها المطبخ...شاف حلا طايحه فوق شذى انصدم من اللي يشوفه ويسمع صراخ شذى واهي تتألم...سحب حلا من عليها وعيونه حمر من العصبيه



طلال يصارخ عليها:شسويتي فيها يالمينونه!!!

حلا منصدمه:!!!!!!!!!!!!!!!!!!!

شذى تتقلب بألم:الحق علي طلااااااااال آآآآآآآآآآآآآآه دزتني المجرمه آآآآآآآآآآآآآآآآآه بطني يا طلال تبي تذبح ولدي

طلال يروح لها ويشيلها بخفه خايف عليها وعلى الجنين:حسبي الله عليج...ما توقعتج بهالوحشيه



حلا ساكته تشوف اللي يصير جدامها وتسمع كلام طلال الجارح لها ودموعها تنزل بحراره...



طلال وشذى بيده يناظره بعصبيه:ان صار لها شي ما تلومين الا نفسج



طلع عنها وتركها بعذابها ((آآآآآآآآه يا طلال يوم عن يوم تجرحني اكثر يا حبيبي....ليش ليش تعاملني جذي انا حلا نسيت كل شي بينا...آآآآآآآه مشكلتي معاك صعب علي اكرهك .,..احبك مها سويت لو تذبحني بيدك بتم اقول احبك))









باحدى مجمعات الكويت



فجر بملل:واااااااااااي اموم يالله

امامه:افففففف عليج مره ثانيه ماراح اجيبج معي السوق تمللين الواحد بحنتج

فجر عصبت:انا ولا انتي سنه على ما تختارين

امامه:هذا طبعي احب اتسوق على راحتي

فجر:انزين خل نتغدى وبعدها نرد نكمل

امامه:افففففففففففف عليج حنانه الله يعين ريلج

فجر بغرور:الا يبوس يده الثنتين انه تزوجني

امامه:ههههههههههههه مشكله الثقه الزايده اللي بتصدمج بالنهايه

فجر تضربها على جتفها:ويعه يا اموم

امامه تطلع من المحل:هههههههه اقول امشي نتغدى قبل لا اهون





قاعدين على طاوله يسولفون فجأه سمعو صوت بنت ...



:قوه فجور

فجر التفتت:فرووووووووح

فرح تسلم عليها:شلونج حبيبتي؟

فجر:بخير الله يسلمج...(تأشر على امامه)هذي مرة اخوي امامه (تأشر لامامه على فرح)وهذي فروح رفيجتي

فرح تمد يدها تسلم:هلا والله امامه

امامه بابتسامه: هلا فيج حبيبتي واخيرا شفناج من كثر ما تتكلم عنج فجور

فرح:ههههههههههههه الله يستر شتقول عني

امامه تغمز لفجر:لا خليني ساكته ما ابي اخرب علاقتكم

فرح تشوف فجر:فجووور شمجذبه عليها ها!!

فجر تشوف امامه بحمق:اموووم ليش النذاله ها!! مالج شغل فيها فرووح تفتن بينا

امامه ترفع جتوفها ببراءه:كيفج لا تصدقين

فجر :امووووووووووووووم

امامه:هههههههههههههههههههههههههه اتغشمر معاج ما تذكرج الا بالخير

فرح:بعد عمري والله

فجر:اللحين صرت بعد عمرج

امامه:هههههههههه ..حياج فروحه تغدي ويانا

فرح تلتفت على باسل:لا والله سمحيلي يايه ويا اخوي



فجر تلقائيا رفعت عينها لوره فرح لقت باسل يبتسم لها..نزلت عينها بسرعه قبل لا يلاحظونها...



امامه:ما عليه قولي له

فرح:لا حرام اخليه يتغدى بروحه

امامه:لا كسر خاطري خلاص تغدي معاه

فرح:ههههههههههه

امامه تشوف فجر منزله راسها وسرحانه:فجور شفيج؟!

فجر ارتبكت:ها!! ما فيني شي

فرح التفتت على اخوها شافت عينه على فجر غمزت لفجر انها فهمتها:اوكي اخليكم\اللحين اخوي ينطرني...فرصه سعيده امامه

امامه:وانا اسعد



فرح :بس احرجت البنت

باسل وعينه للحين عليها:منو اللي وياها؟

فرح:مرة اخوها

باسل:يا حظها

فرح :منو!!

باسل:مرة اخوها

فرح:هههههههههههههههه ليش؟

باسل:ليش قاعده وياها

فرح:ههههههههههه شفيك انت مينون

باسل:من بعد ماشفتها

فرح تسحبه:الحمدالله والشكر ..اقول امش خل نتغدى

باسل يترجاها:فروح خل نقعد بالطاوله اللي قبالهم

فرح بمكر:ليش يعني؟!

باسل يشوفها بنظره:لا تستهبلين

فرح:لااا باسل انت تحرجها جذي ..ترا هي رفيجتي وما ارضى عليها

باسل يرفع حاجب:شفيج انتي...شسويت لها انا؟

فرح:ترا فجر مو من نوع هالبنات خليك بعيد عنها

باسل:ياااااا ربي جم مره اقولج هالسوالف تركتها من بعد ما شفتها تركت كل شي

فرح تغمز له:ما يندرا عنك...بس اقولك لا تفكر حتى لانها رفيجتي

باسل يسحبها وياه:اقول جبي وخل نتغدى

فرح توقفه:باسل من صجي ما اتغشمر

باسل يتركها ويمشي للطاوله اللي قبالهم:وانا بعد ما اتغشمر









امامه شاكه بفجر:فجورشفيج!!

فجر تحاول تخفف ارتباكها:ابد ما فيني شي

امامه تلتفت على وين ما تشوف...غمزت لها:اييه قولي جذي

فجر:شنو .؟؟؟ اشفيج!!!

امامه تكمل اكلها:ما فيني شي

فجر انقهرت لان يوم التفتت كان باسل يشوفها ويبتسم لها:اموم لا يروح بالج بعيد

امامه تستهبل:وين يروح يعني؟

فجر تشد على اسنانها:امووووووووووووم

امامه:هههههههههههههه بس تصدقين ما شاء الله شحلاته..عرفتي تختارين

فجر حمرت خدودها :منو اهو؟

امامه تغمزلها:انتي عارفه منو

فجر تهد الاكل وتوقف:انا شبعت

امامه:ههههههههه قعدي قعدي ما خلصت اكلي

فجر بعناد:ما ابي قومي نتسوق

امامه:ههههههه اللحين مو انتي مساع تحنين يوعانه!!

فجر تحاول تتجنب باسل ...بصوت واطي:اموم قومي

امامه تشرب من العصير:سوري فجورانا وحده يوعانه تبين تتسوقين روحي بروحج

فجر عصبت:اعلمج يالبايخه



تبي تبتعد عن نظراته اللي تربكها....فرح ما كانت تدري عن شي لانها معطيتهم ظهرها وباسل اهواللي مجابلهم...شاف فجر راحت وامامه للحين قاعده...كانو ينطرون طلبهم للحين ما وصل....استأذن من فرح بيروح الحمام..واهي انشغلت بالموبايل تكلم امها





تم يمشي وراها من غير لا تحس فيه....فجرمو عارفه ويت تروح...حدها يوعانه بس اهو يربكها ...



وقفت عند محل تشوف بلوزه مفترينها بره عجبتها...



:بتكون وايد حلوه عليج

فجر التفتت مخترعه:!!!!!

باسل بابتسامه كبيره:شلونج فجر؟



فجر حقرته و مشت (هذااا مينون شلون يتجرأ!!!!)

..باسل لحقها...



:لحظه فجر

فجر توقف بكل عصبيه:ممكن اعرف وبعدين معاك؟

باسل بابتسامه تذوب:ليش الاعصاب.يا حلوه؟

فجر خلاص فورت من بروده:لو سمحت باسل احترم نفسك...ماني من البنات اللي تعرفهم

باسل ضاق خلقه معقوله تدري عن خرابيطي:ادري بهالشي

فجر:دامك تدري لو سمحت وخرعني موحلوه بحقي واقف تكلمني

باسل احترامه لها زاد:اوكي انا بروح..بس كنت ابي اسلم و عليج

فجر نظراته تربكها (ارحمني يا باسل ):سلامك وصل الله يعافيك لا تعيدها مره ثانيه





تركته وراحت عنه..دقت عليها اموم وتواعدو عند محل وكملو تسوقهم...





رد باسل المطعم لقى الاكل وصل وفرح عاكفه يدها تنتظره ..



فرح:وين رحت؟!

باسل ما يقدر يجذب على اخته :لفجر

فرح بطلت عينها عالآخر من الصدمه:شنو!!!

باسل :فرح بلييز

فرح عصبت:وبعدين معاك يا باسل قلت لك البنت مو نوعها جذي

باسل يبتسم:وهالشي يعلقني فيها زود غيرعن كل البنات اللي عرفتهم

فرح :شسويت لها؟

باسل :ماكو بس كنت ابي اسلم عليها

فرح:لا الظاهر اخوي مو بصاحي انت بالكويت يا باسل وين قاعدين احنا!!

باسل:وانا شسويت ما سويت شي

فرح تمد يدها للاكل:اقول اكل انت ما منك فايده









المستشفى



واقف عن باب الغرفه مو عارف يدخل شيقول لها غمض عينه يتذكر كلام الدكتور له



الدكتور:للاسف الجنين سقط

طلال منصدم:شنو!!!!!!!

الدكتور:مرتك توها صغيره وانت بعد صغير و عندكم العمر كله..الله يعوضكم





معقوله يا حلا تكونين انتي السبب !!! ليش سويتي جذي يا حلا ليش ذبحتي ولدي!!! لاااااااا حلا ما تسوي جذي!!! بس انا شفتها بعيني !!! يا ربي عيني





شذى اول ما شافته نادت عليه بصوت خايف:طلال

طلال راح لها وباسها على راسها ..قعد يمها ويده بيدها:عيون طلال

شذى نزلت دمعه من عينها.. ويدها على بطنها:شلون البيبي؟

طلال بغصه:حبيبتي ربي مو كاتب له يعيش

شذى انصدمت:ماااات!!

طلال بألم:سقط من قوة الطيحه

شذى(كله مني دفشه غبيه)استغلت الموقف بمكر:كله منها اهي السبب...اهي اللي ذبحت ولدي اهي اللي ذبحته

طلال يهديها:خلاص حبيبتي ربج كاتب هالشي

شذى تصيح :قلت لك اكثر من مره انها تحاول تذبحني انا و ولدي بس ما كنت تصدق...ِشوف شصاراللحين

طلال :خلاص يا شذى كافي كافي

شذى:ابي امي ييب لي امي



شذى تمت تصيح على ولدها اللي ضاع منها بغبائها....وطلال كان يحاول يصبرها بكلامه......





بيت جاسم





رجع من البيت بليل طول الوقت عند شذى بالمستشفى ...



نوال راحت له:يمه طلال وين كنت فيه؟

طلال بحسره:بالمستشفى يما

نوال يدها على قلبها:ليش!!

طلال :شذى يما سقطت

نوال شهقت:شلووون!!

طلال قعد بتعب:تهاوشو اهي وحلا ..والظاهر ان حلا دزتها على الارض من قوة الطيحه سقطت

نوال منصدمه من الكلام اللي تسمعه:شقاعد تقول يا ولدي؟

طلال :ما توقعت من حلا هالشي يما

نوال عصبت عليه:حلا ما تسوي كذا كيف صدقتها!!!

طلال:يا يمه بعيني شفتهم

نوال :انت شكلك انجنيت يا طلال....كيف تصدق حلا ممكن تسوي كذا!!!

طلال :اكذب عيني يا يمه

نوال:اييه كذبها...لان حلا مستحيل تسوي كذا



طلعت حلا من المطبخ ...كلهم سكتو وتمو يشوفونها..اخترعت من اشكالهم...



حلا:شفيكم!!!

طلال معصب:وتسألين بعد

حلا تلتفت على نوال:شصايرخالتي؟

نوال :شذى سقطت

حلا تشهق:امبييييه

طلال:ارتاحي اللحين استانسي ...اللي تبينه صار

حلاتشوفه مصدومه:شنو!!!

طلال يروح لها ويوقف قبالها:ليش سويتي جذي ليش!!

حلا تمت تصيح:والله طلال انا ما..

طلال يقاطعها واهو يصارخ:بعيني شفتج لا تجذبين



حلا تركته وراحت غرفتها...خلاص طلال صايرمو معقول وياها ...مو راضي يصدق منها أي كلمه....



نوال عصبت:انت ليه تعامل حلا كذا؟

طلال:يمه لو سمحتي لاتتدخلون بينا

نوال:حسبي الله على من كان السبب

طلال ما اهتم:شذى باجر بتطلع من المستشفى ان شاء الله...باخذها المزرعه الدكتور يقول لازم تغير جو نفسيتها تعبانه

نوال:وحلا ما فكرت بنفسيتها؟

طلال بين نارين:خلاص يما رحميني تكفين







بيت فيصل



ثاني يوم الصبح...وصل الخبرلامامه من امها...دقت على حلا على طول



حلا بصوت تعبان:هلا ميمي

امامه مشتطه:واخيييييييرا قلعتها قطيعه تقطعها

حلا :منو اهي؟!

امامه:منو غيرها شذووووه هالخايسه....عساها دوم بتعاسه يارب

حلا بطيبتها:حرام عليج اموم لا تدعين تردعليج

امامه منصدمه:انتي من صجج

حلا ماسكه نفسها لا تصيح:خلاص اموم لا تجيبين لي طاريها ..كافي اللي صار لها

امامه حست من صوتها متضايقه:حلوي فيج شي؟

حلا:لا ابد بس تعبانه وكنت نايمه

امامه:سوري حبيبتي...روحي كملي نومج

حلا:اوكي اكلمج بعدين

امامه:اوكي...باي





بيت عبدالله



قعدت غنيمه من النوم واهي تحس بعوار بجسمها من الطق اللي كلته امس من عبدالله يوم رفضته...تم يضربها واخذ اللي يبيه منها ...كان سكران ما يحس بشي...دخلت الحمام غيرت ملابسها وغسلت...صلت لها ركعتين تدعي ربها يصبرها...



نزلت تحت ما لقت احد (اففففففف شالبيت الكأيب شالحياة الكأيبه...آآآآآآه يا احمد ليش سويت فيني جذي )



سألت الخادمه عنهم...قالت لها عبدالله طلع وجوى بغرفتها تلبس بتروح الجامعه...



صعدت لها غرفتها تبي تكلم أي احد ملانه بالبيت بروحها...((خل اكلمها يمكن تكون غيرابوها واكسبها رفيجه بدل هالملل..))



طقت الباب وافتحته وطلعت بس راسها وابتسمت



غنيمه:صباح الخير

جوى:نعم ...شتبين؟

غنيمه قربت منها بهدوء:ممكن اقعد وياج جوى

جوى تلم اغراضها:سوري مالي خلق...وراي محاظره

غنيمه تمسكها من يدها وتبتسم:ليش تعامليني جذي

جوى عطتها نظره من فوق لتحت:ولج عين تسألين ..قلة ادب



تركتها وطلعت من الغرفه...غنيمه رمت نفسها على القنفه ودموعها بعينها ((ياااااا ربي الاقيها منج ولا من ابوج...الله يسامحك يا يبا انت اللي بعتني ))









دبي



انفال زايرتهم على الغدا...









موزه بفرح واهي تشوف الابتسامه على ويه فواز من دشة انفال:حيالله من جانا

فواز للحين ماسك يدها من دخلت:الله يحييج خالتي

فواز يقرب منها وبهمس:للحين تستخدمين نفس العطر؟

انفال حمر ويها:..........

موزه:كافي يا فواز احرجتها

فواز:احبها خالتي

انفال ويها صار طماطه:فوااااااااااااااااااااااز

فواز:هلااااااااااااا

انفال بحيا:بس عاد ترا ارد الفندق

فواز:ههههههه هالشي تنسينه





بيت جاسم



اليوم مشعل ونهى وامامه وفيصل وانفال يبتغدون عند نوال...



مشعل وصل قبلهم...



مشعل مستغرب:إلا وين طلال ما اشوفه من امس ؟

نوال متنرفزه:رايح المزرعه

مشعل:مع منو.؟

نوال:ويا ست الحسن والدلال مرته

مشعل :وحلا مو هالشهر ولادتها !!!!

نوال:الله يعين هالبنت ..مادري كيف صابره عليه

مشعل عصب:وليه متى بيتم هناك؟

نوال:يقول لي اسبوعين

مشعل فتح عينه مصدوم:اسبوعين !!! وحلا .!!



بدخلة حلا بهالوقت وسمعت كل اللي داربينهم...قعدت يم نوال واهي تحس بثقل في بطنها...



حلا:شفيها حلا!!

مشعل يناظرها بحزن يدري تكابر:ليه متى يا حلا بتمين تسامحينه على كل شي؟!

حلا تكابر علشان ما تنزل دموعها وتفضحها:الشي مو بيدي

نوال:خلاص يا مشعل ماله داعي نتكلم بالموضوع

مشعل عصب كل مره ما يبونه بتدخل:ما يصير يا نوال اشوف حالها جذي واسكت

حلا :خلاص يا مشعل انا مرتاحه جذي خلني على راحتي

مشعل:بس يا حلا...



يقطع عليه صوت الجرس ..وصلو اهل فيصل...



بعد ما سلمو وقعدو يسولفون شوي....تغدو وكان مبين على حلا الارهاق طول الوقت..بعدها طلعو حلا وامامه وفجر فوق الغرفه ..فيصل ومشعل راحو الديوانيه..تمو نهى ونوال بالصاله



نوال:شلون انفال؟

نهى:والله امس بليل مكلمتها ...احس نفسيتها شوي احسن..وبشرتني أن المؤتمر جدموها بعد اسبوع بترد ان شاء الله

نوال:الحمدالله ....الله يسعدها ان شاء الله

نهى:اجمعين



نهى بحزن:إلا حلا شكلها وايد تعبان ؟

نوال:اييه والله هي اللحين بشهرها بأي لحظه ممكن يجيها الطلق

نهى:الله يسهل عليها

نوال:آمين الله يسمع منج يا ام فيصل





غرفة امامه



امامه تدوربالغرفه:وااااي داري حبيبتي ولهت عليييييج

فجر:ههههههههههههههههه مرة اخوي هبله

حلا:ههههههههه توج تدرين

امامه تلعب بالستاره:وااااااي شوفي بردتي فجور مو تهبل ....امبييه ولهت على كل شي فيها

حلا:ههههههه انزين قعدي فريتي لي راسي من كثر ما تحوسين

امامه ترمي نفسها على السرير وحلا اختضت:وااااااااااو

حلا بخوف:ويعه أن شاء الله نسيتي يا هبله اني حامل

امامه حطت يدها على قلبها:سوري حلوووي..تعورتي!

حلا تقلدها:سوري حلوي تعورتي!!...شيفيدني السوري مالج أن صار بولدي شي!!!

فجر:ههههههه زين تسوين فيها ..عندج اياها زفي زود

امامه تحذف عليها مخده:انتي وبعدين معاج

فجر:هههههه والله يا حلوي ما عندها غير تحذف المخاد





قطع عليهم صوت جوال اموم ...برنة ((يا بعدهم كلهم يا سراجي بينهم... عطني من دنياك حبك واترك الباقي لهم))



سحبت منها حلا الموبايل وغمزت لها :منو اغلى ناسي؟

امامه تسحبه منها وتطلع من الغرفه:منو غيره حبيب قلبي

حلا وفجر:هههههههههههههه





امامه بهمس:ولهت عليك

فيصل:يلوموني ليه احبك حب ما حبه بشر

امامه:مالك شغل فيهم حبيبي هذول حساد

فيصل بصوت واطي:شرايج امرج ونطلع

امامه:ههه ومشعل؟!

فيصل يشوفه:لاهي مع الربع

امامه بدلع:فصووووولي

فيصل تشقق:عيونه

امامه:انطرك بسرعه لا تتأخر علي

فيصل نقز من مكانه :طيااااره

امامه بخوف :لا فيصل يا ويلك لا تسرع

فيصل :تخافين علي

امامه:يا ربي فيصل اسألتك مالها داعي كلش

فيصل:هههههه انزين جامليني وجاوبي

امامه:ما اعرف اجامل..بتجيني ولا ارجع للبنات

فيصل يسلم على ربعه بيده ويطلع :اللحين يايلج حياتي ...وين تبين تروحين ؟

امامه تلعب بخصل شعرها:أي مكان المهم وياك حياتي

فيصل :لا جذي لازم احجز شاليه

امامه:هههههههه شورانا احجز

فيصل:اموم لا تخبلين فيني وراي دوام شلون احجز

امامه تغني :لك مستنى بلهيبي وعذابي لحبيبي

فيصل:آآآآآآآآآآآآآه بحترق بمكاني اللحين

امامه برقه:ههههه سم الله عليك ...شقلت حياتي؟

فيصل وصل البيت لان الديوانيه قريبه:اقول نزلي انا تحت

امامه :ههههههههه يا قلبي اللحين نازله لك





دخلت على البنات خذت جنطتها وعدلت نفسها على السريع...وطلعت من يغر أي كلمه



حلا مستغربه:شفيها هذي!!!

فجرتعودت:ههههههههه تلقينها بتطلع ويا فيصل

حلا:فيصل بالديوانيه!!

فجر:هههههههه بلاج ما عرفتي شتسوي فيه اموم كل يوم

حلا تعدل قعدتها:قولي قولي

فجر:هههههههههه سمعي



نزلت امامه لقت خالتها وامها يناظرونها مستغربين ابستمت لهم...



:عن اذنكم يمه خالتي بروح ويا فيصل

نوال مستغربه:وين؟!

امامه:بنطلع يمه

نوال:شلون تطلعون !! اليوم بتقعدون عندي ليه العشى

نهى تبتسم لها:ما عليه يا نوال خليهم يستانسون

امامه تبوس راس خالتها:الله يخليج لي خالتي

نوال بغيره:وامج!!

امامه تروح لها وتبوس راسها:ههههه وانتي بعد يمه الله يخليكم لنا ولا يحرمنا منكم

نوال ونهى:آآآمين

امامه موبايلها ما سكت فيصل يدق عليها...

نهى تبتسم لها:روحي له يما لا تتأخرين عليه

امامه تعدل شعرها:أن شاء الله

نوال:حلوه يا بينتي حلوه روحي بس لرجلج ينتظرج

امامه:يالله مع السلامه

نهى ونوال:مع السلامه







امامه غيرتها على فيصل بتوصلها لوين ؟!!

موقف نهى وفيصل بوجود فواز ؟!!

فجر وباسل بتتطورعلاقتهم؟!!

حلا ليه متى بتصبر على طلال؟!!

غنيمه شلون بتتكيف ويا حياتها اليديده؟!

 
 

 

عرض البوم صور عذاري   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة حلا الكويت, أغلى, أغلى ناسي, ناسي, قصه اغلى ناسي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:21 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية