جزء 22

بريطانيا


انفال منصدمه:حلااااااا
حلا تلمها:نفووووووول ولهت عليج
انفال تشد عليها:امبييييييه مو مصدقه حلووووووي انتي اهني
حلا :ايي
انفال :ترا مو فاهمه شي ..ليش انتي اهني !! ليش ما قلتي لهم الكل يدور عليج
حلا تشوف مشعل :ما ابغى احد يعرف
انفال حست فيها وابتسمت لها:تدرين ان لج وحشه
حلا بفرح:وانتو اكثر ...شلون اموم وامج وخالتي نوال وكلكم؟
انفال:الحمدالله كلنا بخير ..واموم يا قلبي ميننه فيصل مو راضيه تسوي عرس الا بوجودج
حلا ضاق خلقها:مشعل حاول فيها بس مصره
انفال تقعد على القنفه:لي متى يا حلا بتمين بعيده
حلا دمعت عينها وتمت تشوف مشعل مده :........

مشعل استأذن منهم وطلع ...عشان ياخذون راحتهم بالكلام

انفال تمسك يدها:حلوووي
حلا ترفع عينها لها:هلا
انفال بحزن:لا تبجين
حلا ما قدرت تستحمل اكثر شوفتها لانفال خلاها تحن للكويت وأهلها:ولهانه عليهم نفوول ما اقدر اصبر زود
انفال:يا قلبي وشلي مصبرج ليش ما ترجعين
حلا بتردد:ما اقدر
انفال:يا حلا كلنا عارفين زواج طلال غلطه وانتي ما تستاهلين بس لعرفته من امامه ان ابوه جابره ولا ما كان يبي

حلا ((آآآه يا نفول جان زين الموضوع جذي)):.....
انفال ملت من سكوتها :حلا
حلا انتهبت:وياج
انفال:وين وياي الله يهديج سرحتي
حلا :انفال طلبتج وانا ادري انج ماراح ترديني
انفال :انتي تآمرين
حلا :ما ابغى احد يعرف عن وجودي اهني ارجوج
انفال:ما طلبتي شي يا حلا
حلا براحه:كنت متوقعه ردج
انفال:بس ممكن سؤال؟
حلا :تفضلي
انفال:لي متى بتمين بالغربه؟
حلا :مادري يا انفال حاليا مادري عن شي ..بس مشعل وياي مو محتاجه شي
انفال تبتسم لها:ما شاء الله عليه احسه حنون
حلا تبادلها الابتسامه:حنون وبس ...اصلا ما تلقين مثله الله يرزقه في بنت الحلال (تغمز لها)
انفال استغربت من حركتها:شقصدج يعني؟
حلا براءه:مو قصدي شي ..قومي نسوي لنا شي ناكله قبل لا يرجع مشعل
انفال:اوكي



يحوس بالشوارع وتفكيره كله بحبيبته حور ((آآآآآه يا حور لازم انساج يا قلبي ..بس شلون شلون !!!))

دخل سوبر ماركت ياخذ اغراض طلبتهم حلا ...وقف منصدم

((لييييييييش!! كل ما اقول انساج تطلعين لي يا حور ليش!!))

قرب منها وناسي العالم لحوله ...يحس محدغيرها موجود جدامه...

بكل وله نادى عليها:حوره
حور تجمدت مكانها ..غمضت عينها بشده ((لا لا ما ابي اتخيل )):....
مشعل وقف وراها ما بينه وبينها الا خطوه:حبيبتي
حور ((لاا هذا مشعل مو حلم مو خيال)):وخر يا مشعل
مشعل بحسره:حور طالعيني
حور بعناد:مشعل روح
مشعل ولهان على صوتها:آآآآه ليش حرمتيني منج ليش؟؟
حور نزلت دمعه على حالته:مشعل تكفى روح لا يشوفك خالد
مشعل بحسره:زوجج
حور التفتت عليه وبالم واهي تناظر عينه: ايي زوجي
مشعل يبتسم لها:مرتاحه معه حور
حور تبتسم له:اذا كنت تحبني يا مشعل اتمنى لي حياة سعيده وياه
مشعل ينطق بصعوبه:اتمنى لج حياة سعيده وياها على حساب موتي
حور تحاول تتماسك:مشعل حبنا خلاص لازم ينتهي انا تزوجت ومالي غير ريلي وانت بعد لازم تشوف حياتك
مشعل ينظارها بكل حب:مالي حياة من بعدج
حور ((لا لا لا تضعفين انتي على ذمة ريال ): مشعل ارجوك روح
مشعل :خايفه يشوفج وياي
حور تترجاه:الله يخليك لا تسوي لي مشاكل معاه


خالد كان رايح مكان قريب من السوبر ماركت ...دخل من الباب يلتفت يدور على حور

حور لاحظته من بعيد وابتعدت عن مشعل بسرعه:روح بلييز خالد وصل
مشعل وده لو يروح يذبح هالخالد :...

ابتعدت عنه حور وراحت لخالد واهي تتنفس بسرعه من الخوف

خالد:ها حياتي خلصتي
حور بخوف:خلاص خالد نيي باجر ما ابي شي
خالد مستغرب من حالتها:شفيج حبيبتي ليش خايفه؟.
حور تتمالك نفسها:ما فيني شي بس ابي ارد الشقه
خالد يقرب منها:احد ضايقج حبيبتي؟
حور ترجف من الخوف:لا بس احس اني بردانه
خالد يغمز لها ويسحبها لعنده ويضمها بالجاكيت:خل نرد شقتنا احسن.. لا تاخذين برد


مشعل سمع كل الكلام ..ماسك دمعة قهر شد على ايده بكل قوته واهو يناظر حور بحضن خالد ..

((صرتي لغيري يا حور خلاص لغيري للابد ))


من لي غيرك يا عمري
لو بعدت ورحت عني
لو تحس بس لفيني
لحظه ما تتخلى عني

نسيت اني اعشقك
ولا تنسى اني بفقدك
لحظة وداعك يا هي صعبه
بالحيل صعبه


بعد ما طبخو لهم عشا خفيف ..قعدو بالصاله ينتظرون مشعل

حلا:متى تبدي دورتج؟
انفال:باجر ان شاء الله ابدي
حلا:الله يوفقج..جم مدتها؟
انفال:شهر
حلا بفرح:يس يس وناااسه شهر بتمين عندي
انفال:هههههه الا انا لبستانس كنت احاتي اكون بروحي
حلا:ههههههه اشوه اثنينا نونس بعض
انفال:ومشعل يدرس الدكتوراه صح
حلا:ايي ما بقى له شي ويخلص ان شاء الله
انفال:الله يوفقه


انفال مستغربه:حلوي
حلا:هلا
انفال تشوف بطنها:مو كأنج ماتنه شوي؟شالكرش
حلا :هههه حرام عليج مو ماتنه
انفال وخايفه من الي في بالها صح:لا تقولين حامل
حلا بحزن تهز راسها بمعنى ايي :....
انفال تحط يدها على حلجها وتشهق :لاااا
حلا دمعت عينها:شفتي حظي
انفال كانت تمزح يوم قالت حامل :أي شهر؟
حلا:بدخل الثالث..
انفال تواسيه:حلا حبيبتي لازم ترجعين لطلال لازم تقولين له هذا ولده
حلا بحزن:ما يستاهل اني اخبره
انفال :مهما سوا حبيبتي يتم ولده لازم يعرف
حلا :ادري يا انفال بس حاليا لأ ما اقدر ما اقدر
انفال :خلاص لا تعصبين مو زين على الياهل
حلا:اصلا انا مو معور قلبي غير ولدي بالموضوع بيشقى يحياته قبل لا يطلع
انفال:لا تقولين جذي...لا تتشائمين كل شي يتصلح ان شاء الله
حلا :ما اظن بيتصلح
انفال:تفاؤلو بالخير تجدوه
حلا :الله يسمع منج

حلا تغير الموضوع:سولفي لي عنكم بعد ؟
انفال تتربع فوق القنفه:امم والله ماكو اموم وفيصل صايرين توم وجيري واحد يزعل والثاني يراضيه
حلا:هههههههههههه ميمي ما تركت سوالف الدلع
انفال:هههههههه هالشي مينن اخوي بيستخف من حركاتها ..ما عنده سيره غير سيرتها
حلا:الله يتمم عليهم يا رب
انفال:آمين
حلا:وفجوره شلونها؟
انفال:قامت تسوق وبدت دوامها قبل سفرتي باسبوع
حلا:الله يوفقها .وين اقبلوها؟
انفال:علوم اداريه هذي رغبتها
حلا:ايي صح اذكر انها قالت لي تحب تخصص المحاسبه انفال:ايي الحمدالله اقبلوها
حلا:تستاهل فجوره
انفال :الله يسلمج...انتي شلون شغلج اهني؟
حلا:والله بالبدايه كنت شوي خايفه خاصة اذا كان دوامي بليل
بس اللحين تعودت ومرتاحه
انفال :الحمدالله

قطع عليهم صوت الباب ...دخل مشعل واهو يتنحنح عشان حلا تتغطى ...لبست شيلتها اما انفال كانت لابستها ... كان متضايق حده ومعصب من الي شافه بالسوبر ماركت....

حلا تستقبله بابتسامه:طولت علينا مشعل كنا بنتعشى عنك.؟
مشعل من غير نفس يحط الكيس على الارض:عليكم بالعافيه تعشو...هذي الاغراض الي طلبتيها
حلا مستغربه:ما قصرت
مشعل : انا بدخل انام عن اذنكم

انفال مستغربه:شفيه؟!!
حلا حاسه فيه(اكيد شاف حور وريلها ):ما في شي بس تلقينه تعبان
انفال توقف:اوكي عيل حلوي انا استأذن عشان انام باجر وراي لويه
حلا :وين رايحه !! والعشى الي طبخناه ..قعدي تعشي معاي وبعدها روحي
انفال:ههههه خلاص يالله بسرعه
حلا تقوم:حدي يوعانه عاد
انفال توقفها :ومشعل!!!
حلا:شفيه؟
انفال:ينام من غير عشا؟
حلا تبتسم لها:لا تخافين برفع له
انفال:اوكي
حلا تغمز لها:...
انفال انقهرت منها:شفيج انتي اليوم على الغمز
حلا:هههههههههه ما فيني شي..بس مستانسه انج معاي مو مصدقه
انفال:ههههههههههههه






بعد مرور اسبوع


((غنيمه واحمد بعد الي صار بينهم ..غنيمه راحت لبيت اهلها ورافضه تشوفه او تسمع منه أي شي طول هالفتره...))

حاطه يدها على خدها سرحانه تفكر فيه ...

رن موبايلها كانت امامه...

غنيمه بتعب:الو
امامه:قوه غنوم
غنيمه:يقويج هلا والله
امامه:هلا فيج ... شلونج؟
غنيمه بضيق:ما شي الحال
امامه:ما غيرتي رايج
غنيمه:ما اقدر اموم ما اقدر
امامه:غنوم حبيبتي عطيه فرصه سمعيه
غنيمه:امم انا بنفسي سمعته يقول بابا ما اقدر اسمع شي زود
امامه:وبعدين يعني يا غنيمه
غنيمه بدت تصيح:انطره يطلقني
امامه عصبت:من صجج هذا حل
غنيمه:ما اقدر ارجع له اموم ما اقدر
امامه:اهلج شرايهم؟
غنيمه:ابوي بيسافر العمره شهر بروح معاه
امامه:زين تسوين غيري جو الله يهديج وتغيرين رايج
غنيمه :ما اتوقع
امامه:الله يهديج... واحمد قلتي له
غنيمه:ماله شغل فيني
امامه تعدل شعرها :اوكي غنوم اخليج اللحين امي تنطرني تحت ..ديري بالج على نفسج
غنيمه:ان شاء الله
امامه:باي


نزلت امامه الي كانت لابسه وجاهزه بيتغدون عند نهى اهي وامها

وصلو البيت سلمو على بعض بعدها تغدو...صلو العصر قعدو بالصاله يشربون جاي

نهى:والله قلبي بيتقطع عليها يا ام طلال
نوال تصبرها:عارفه شعورج يوخيتي ..سألي امامه شلون كنت بستخف على طلال
نهى بضيق:هذا ريال يا نوال ..بس البنت صعبه
امامه:ان شاء الله باقي 3 اسابيع وترجع لا تحاتين خالتي يمرون بسرعه

فجر تغير الموضوع:يلا عاد اموم لي متى نبي عرس ابي ارقص
امامه :ما اقدر اسويه يا فجر الا بحضور حلا
نوال:عيزت وانا اقنع فيها ابوها مو راضي على التأجيل اكثر
نهى :يا بنتي حلا ماراح تزعل ان سويتيه بتزعل منج ليش اجلتي
امامه ما تحب تناقش هالموضوع:ارجوكم خالتي يمه انا وفيصل متفقين على كل شي

نوال تناظر نهى بضيق على حال بنتها ....الا بدخلة فيصل راح سلم على عمته وامه وبعدها قعد يم امامه

فيصل :حيا الله من يانا انا اقول ليش البيت منور
نوال :بوجودكم يا يمه
فيصل بصوت واطي:شلون الحلوين
امامه للحين زعلانه على الحركه لسواها فيها امس :مو زينين
فيصل يقرب منها اكثر:افا ليش؟
امامه تبتعد وتروح تقعد يم امها :اقول يمه
نوال ماسكه ضحكتها على خبال بنتها:خير يمه
امامه تلتفت على خالتها:اقول خالتي
نهى تشوف شكل فيصل شلون يناظر امامه:امري حبيبتي
امامه:شرايكم خالتي نسافر الامارات يميع قبل لا ابدي دوام
نهى:قدمتي اوراقج
امامه:ايي خالتي بس دوامي بيبدي ان شاء الله بعد شهرين وقلت منهم تكون اجازة شهر العسل (التفتت على فيصل بهاللحظه واهو ابتسم لها بس تمت مبوزه )
فجر نقزت من مكانها:يس انتي احلى مرت اخو بالعالم
امامه بغرور:احم احم
نهى:والله خوش فكره بس انا لي راي
امامه:شنو خالتي
نهى:ننطر انفال ترجع ونروح كلنا يميع
امامه :جذي حلو..ومشعل بيرجع بعد انفال بكم يوم نروح كلنا يميع
نهى:ها نوال شرايج؟.
نوال:والله الراي الاول ولاخير لابو طلال
امامه:انا اقنعه يمه
نهى :وانا على فيصل ...الشور بيده
فيصل:الي تآمرين فيه يمه

فجر:اقول اموم
امامه تحاول تشغل نفسها بعيد عن نظرات فيصل لها:هممم
فجر:تعرفين تستخدمين برنامج فوتو شوب
امامه:ايي خذيت دوره فيه
فجر:خوش عيل امشي نروح داري ابيج تعلميني عليه
امامه تقوم:اوكي

يوم وصلو الدري ..

امامه:فجور انا بسوي لي كوفي واجي لج تبغين معاي؟
فجر:ايي والله ..المطبخ على يسارج
امامه:ههههه شدعوه فجور ترا عرفت بيتكم
فجر:هههههههههههههه

راحت المطبخ تحضر لهم كوفي....واقفه ويدها على غلاية الماي الحار تنتظره يسخن..وبالها مع حلا (وييييينج يا حلااا!! ولهانه عليج ))

انقزت من مكانها يوم سمعت صوته
...:تفكرين بمنو غيري
امامه:....
فيصل بهمس:الحلوين زعلانين
امامه حقرته:...
فيصل يحوطها بيده من خصرها:ترا مو حلو عليج الدلع
امامه انحرجت من حركته وابتعدت عنه:محد طلب رايك
فيصل عرف انها صج زعلانه:امم القمر شلون يرضى؟
امامه تاخذ الماي وتحطه بالكوب ومتجاهله كلامه"....
فيصل:امومه
امامه:.....
فيصل يطفرها:اماااااااااااامه
امامه تكره اسمها بهالطريقه: لا تقول امامه
فيصل يدري ان هالشي ينرفزها:ههههه شسوي بعد هذا اسمج
امامه تلتفت عليه بنظره:بايخ
فيصل بصدمه:افا انا فصولي حبيبج بايخ
امامه بغرور:ومن قال انك حبيبي اصلا
فيصل :عيل شنو؟
امامه تمسك الصينيه بيدها بتمر بس وقف قبالها:حالك حال أي واحد
فيصل يناظرها بعيونه:من قلبج هالكلام
امامه:اييه
فيصل يرفع راسها بيده:اكيد
امامه ابتسمت له:طبعا مو اكيد
فيصل يقلب الدور له:توج قلتي اني مو حبيبج واني حال حال أي احد
امامه:بس قلبي محد ملكه غيرك
فيصل من داخله متشقق بس يبين العكس:لا تحاولين عرفت قيمتي عندج
امامه ما تبغيه يزعل:افا فصولي حبيبي انت تعرف قدرك عندي من غير لا اقول
فيصل يعطيها ظهره ويجتف يده:لا تحاولين الي بالقلب بالقلب
امامه خافت صج زعل:من صجك فيصل
فيصل يقلدها :لا تقولين لي فيصل
امامه:ههههههههههههههههههههههههههههههههههههه
فيصل يقرب لها:احبج
امامه :وخر عني تاخرت على اختك
فيصل يصرخ:يااا نااااس رحمووووووني










بريطانيا

اثنين يعيشون احلى لحظات عمرهم...صعب على الانسان ان حب لاول مره ان ينسى بسهوله ...بس خالد قدر يثبت العكس وبدا يدخل قلب حور وينسيها مشعل ....
خلصت حور من دراستها وعزمها خالد على العشى بره
..تمو يسولفون ويضحكون وناسين العالم كله..خالد ما اوصف شعوره يحس انه بحلم حور جدامه وملكه وتتجاوب معاه ...

سرح فيها لثواني وحور انحرجت من نظراته وانطقت واهي تشوف الحب الكبير بعيونه لها...

حور:اقول خالد
خالد يرفع عينه لها:عيونه
حور منزله راسها بندم:سامحني خالد
خالد مستغرب:على شنو؟
حور:على الي سويته فيك بزواجنا
خالد يغمز لها:أي زواج فيهم ؟
حور تبتسم له :ما تخلي طبعك...عن زواجنا الاولي
خالد يمسك يدها:احنا بشر يا حور مو غلط ان نتعلم من اخطائنا
حور كبر بعينها:بس الي سويته فيك مو شويه
خالد:تمونين يا حور جم حور عندي انا
حوربدلع:امم وحده
خالد:هههه وما في شك اصلا
حور متردده: ودي اسالك بس تجاوبني بصراحه من غير أي مجامله
خالد:سألي حياتي
حور :اممم شلون اسألك
خالد يشد على يدها يشجعها: سألي حبيبتي عادي..انا كلي لج اصلا
حور سحبت يدها عالخفيف تبي تخفف الارتباك الي فيها:اممم خالد انت ليش تقدمت لي مره ثانيه؟
خالد كان حاس أن هذا سؤالها:تبين تعرفين ليش؟
حور :يا ليت وبكل صراحه
خالد بابتسامه كبيره:لاني احبج احبج احبج
حور انصدمت ما عرفت شتقول((ما كانت متوقعه يحبها بهالشكل)):.......
خالد بكل صدق:هذا الصج يا حور
حور بصعوبه تكلمت:من متى!!؟
خالد:من يوم عرفت أن بحياتي وحده اسمها حور
حور دمعت عينها:كل هالمده خالد!!!
خالد يهز راسه:ويوم عن يوم حبي لج يكبر
حور :ليش ما صارحتني !!!
خالد بحزن:ما كنتي تعطيني فرصه
حور تبرر :انا انا..
خالد يقاطعها مبتسم:ما الومج يا حور الحب مو بالغصب...بس انتي كنتي ما تعطيني أي فرصه اتقرب منج ..كله تحطين في بالج ليش خالتي اهي حصه مرة ابوج معناته الكل بيعاملج مثلها
حور :انت تعرفها خالد شلون تعاملني لا تلومني
خالد:ما لمتج انا ..بس تدرين الومج على شنو؟
حور :ايي
خالد :انج ما صارحتيني بحبج يوم تزوجتج ...جان صارحتيني انج مجبوره علي
حور منصدمه من كلامه:....
خالد يكمل:يوم وصل لي خبر انج وافقتي توقعت انج حسيتي فيني وانج تبادليني نفس الشعور بس انا ما كنت حاس فيج فرحتي انج صرتي لي عمتني عن كل شي...انصدمت انج عايفتني وما تبغيني ومجبوره علي ...صبرت قلت يمكن تتغيرين بس اكتشف شي بنفسي انتي ما قلتي لي عنه وهالشي الي خلاني اطلقج من نفسي
حور :شقصدك؟
خالد :فاهمه قصدي يا حور...بس انا الي مو فاهمه ليش ما تزوجتو؟
حور بدت تصيح:يعني كنت حاس اني احب غيرك
خالد يجرحه هالموضوع بس يكابر:كان يذبحني هالشعور يا حور يذبحني
حور نزلت دمعتها:آسفه خالد والله هالشي ما كان بيدي
خالد يبتسم لها ويمسح دمعتها بصبعه:ادري لان لو كان الحب بيدنا جان قدرت احب غيرج وانساج
حور بحيا:يعني حتى يوم عرفت وطلقتني ما كرهتني
خالد :اكرهج!!!!! ههههههه هالشي مستحيل لو شنو تسوين ..حتى لو كنتي متزوجه غيري حبي لج بيتم
حور بكل صدق:احلف لك يا خالد أن حبي له بده يختفي بوجودك يمي وبحبك لي
خالد:ما اجبرج يا حور ابي هالشي من قلبج
حور تمسك يده:هالكلام من كل قلبي ...وين الاقي مثلك حبيبي
خالد بيطير من الفرحه:شقلتي؟
حور استوعبت وابتعدت بحيا:...
خالد:هههههههه لا لا تعالي عيديها ما سمعت
حور:شنو شنو ما قلت شي
خالد :لا قلتي قلتي تكفين عيديها سنين انطرج تقولينها
حور مو مستوعبه شلون قالت له جذي معقوله هالاسبوعين قدر يحتل قلبها :...
خالد حس انها سرحت مسك يدها:حور حبيبتي ما ابي منج شي غير انج تكونين يمي ومعاي بحياتي وانا احلف لج اني بسعدج وعمري ما بزعلج
حور تمسح دموعها جدام الحب الكبير الي تشوفه بعيونه ((آآآآآآه يا خالد شلون سويت فيك جذي )): وانا وياك طول العمر أن شاء الله
خالد يبتسم لها:شرايج عيل نروح نتمشى بالحديقه قبل لا نرجع الشقه
حور:ههههههههه اشوفك استانست على هالحديقه باليوم تروح لها اكثر من 5 مرات
خالد برومانسيه: أول مكان اكون وياج فيه من وصلنا بريطانيا وحسيت صج انج قمتي تبادليني مبدئيا نفس الشعور
حور:خالد خل نقوم احسن
خالد يوقفها معها:هههههههههههههه




امريكا

طلال متغلب مزاجه ....ساعات يراجع نفسه شلون قدر يرجع ويا شذى بعد كل الي سوته له شلون بلحظه قدرت تنسيه فقدان حلا ....مزاجه متغلب ساعات يحن عليها ويصير طلال حبيبها لعرفته طول السنين ومن يذكر حلا والي سواه فيها ينقلب حبه لشذى لكره فجأه وما يبغى حتى يشوفها ...


شذى ساعات تمل من مزاجه بس شتسوي ما تبي تخسره ...تحاول بكل لتقدر عليه ويوم تحس ان مزاجه مو اوكي تبتعد عنه ولا تكلمه لين يهدي بروحه.....

مشاعر متضاربه ...مو عارف شلون يحسمها....يحس حصل على حبيبتها وبنفس الوقت خسر حبيبه ثانيه ...شعور صعب على أي احد يستوعبه لان الكل يقول القلب يحب شخص مو اكثر وصعب يحب غيره ...بس طلال حب اثنين بالاول خسر حبه الاولي و فاز بالثاني واللحين ربح الاولي وخسر بالثاني ...يا ترا بيتم على الحال اكثر!!!


طلال قاعد بروحه بالبلكون يفكر بحلا ((معقوله نسيت كل لسوته لي بلحظه ... يا ربي شذى احبها ما اقدر استغنى عنها .؟..كان حلمي انها تكون لي واللحين صارت ...بس حلا راحت ...ابغى الاثنين شلون شلون؟!!))


تقطع عليه افكاره :طلال
طلال لف عليها:نعم
شذى تقعد بالكرسي جنبه:ما تبي نتريق حبيبي؟
طلال :مو يوعان
شذى تبتسم له:شرايك نتمشى على البحر الجو روعه
طلال يحس بصداع من التفكير:انا باخذ لي شور وبرد انام
شذى انصدمت:من صجك طلال!!!!
طلال وقف واهو زهقان من نفسه :شذى مالي خلق لاي مناقشات خليني بحالي
شذى ماحبت تضغط عليه:اوكي حبيبي ..اروح ازهب لك لبسك
طلال يقاطعها:ماله داعي اعرف مو ياهل

وقفت شذى مصدومه من اسلوبه ...واهو حس أن زودها شوي بس مو قادر ينسى الي صار بسببها ....


وقف قبال الكبت يزهب له لبسه ..غمض عينه بحسره واهو يذكر حلا...

((كان يومها ملجة خطبة امامه وفيصل ...وطلال كان توه طالع من السباحه وحلا كانت تبخر له لبسه

طلال يقرب لها:الله لا يحرمني منج قولي آمين
حلا تبتعد عنه:آمين
طلال يناظرها:حلوي
حلا مرتبكه من نظراته:هممم
طلال يغمز لها:شرايج نكشت بخطبة اموم ونتم في بيتنا
حلا انصدمت:من صجك انت!!!
طلال يوقف قبالها:ايي حبيبتي اعزمج على العشى شعلينا منهم
حلا تلهي نفسها بترتيب لبسه:اقول طلال خل اقتراحتك لك ...والبس ملابسك لا تتاخر
طلال زعل وقعد على السرير:ماني رايح
حلا افتحت عينها عالآخر:لا انت مو معقول
طلال يضحك على شكلها:ههههههههه
حلا:طلال حبيبي قوم يالله انت اخوها الوحيد
طلال:مالي خلق
حلا تنرفزت:يا ربي وقته دلع اللحين
طلال:ههههههه شفيج جذي معصبه
حلا:لان اموم ذبحتني واهي تحن علي موبايلي ما سكت حطيته سايلنت عشان افتك من حنتها
طلال يغمز لها:انا اقول نسكر موبايلاتنا ونكشت فيهم
حلا تسحبه من يده:اقول قوم معاي شكلك انجنيت
طلال يوقفها:بشرط
حلا :يا ربيي وقت تتشرط
طلال:انتي تلبسيني
حلا:هههههههه شخليت حق ولدي حبيبي
طلال :اللحين ولدج اهم مني وحبيبج
حلا بابتسامه:محد اهم منك حبيبي ..بس ليش ولدي بيكون منك بيكون بعد حبيبي

نزلت دمعه من عينها وشد على البلوزه الي بيده بحسره ((محتااااج لج حلا ولهان علييج حبيبتي ))


قطعت عليه تفكيره:طلال
طلال لف عليه يظن حلا:عيونه
شذى استانست:تسلم لي عيونك..تبيني اساعدك بشي
طلال استوعب ان كان يتخيل صوت حلا ضاق خلقه ورد بنفسيه:قلت لج ما ابغى شي منج


دخل الحمام وسكر بويها الباب...رمت نفسها على السرير ملت واهي تتحمل كلامه الجارح لها ..بس ساعات يرد طلال حبيبها والي ما يقدر يشوف زعلها...


طلع من الحمام وشافها متكوره على السرير و تصيح..حن قلبه لها وراح لها

طلال:ليش البجي اللحين؟
شذى بجيها يزيد:.....
طلال يرفع ويها بيده:خلاص شذى اسف على كلامي مساع
شذى تصيح:مليت من اسفك طلال كل مره نفس الشي
طلال بضيق:ادري يا قلبي بس شسوي مو بيدي
شذى :وانا !!! ما تحس بمشاعري ما تفكر شيصير فيني اذا سمعت هالكلام منك
طلال:خلاص حياتي قلت لج اسف
شذى:كافي طلال مو كل مره اسمح لك بجذي
طلال عوره قلبه على شكلها :قومي معاي نتمشى على البحر
شذى بعناد:ما ابي مو انت تبي تنام
طلال يبتسم لها:خلاص هونت ابي اروح ويا حبيبتي
شذى تناظره مستغربه من مزاجه:....
طلال حس فيها:روحي غيري لبسج عشان نروح وعازمج على الغدا
شذى ما تقدر ترفض له طلب:اوكي

وقفت بتروح تلبس .. نادى عليها

طلال:شذوويه
شذى تلتفت واهي مبتسمه:هلا
طلال:لبسي احمر
شذى مستغربه:ليش يعني؟
طلال تذكر انه هاللون لون المفضل لحلا مو لشذى ):امم مادري خلاص الي تبينه
شذى:اوكي دقايق واخلص


((معقوله يا طلال قمت تدخل حلا بكل شي !!! نسيت حتى الي تحبه شذى َ!!!لي متى بتم جذي ..وينج يا حلاااا وينج؟.))


الكويت

بيت بو حور

حصه صارلها مده تكلم بو حور واهو سرحان مو منتبه لها

حصه:بوحور بوحور
بو حور انتبه لها:هلا
حصه:من مساع اكلمك وانت بعالم ثاني
بو حور ينفخ :آآآه يا حصه احاتي بنتي
حصه مستغربه:ليش تحاتيها ؟
بو حور :احس اني جبرتها على خالد
حصه عصبت:يعني شنو!!
بو حور:ليش الصراخ اللحين
حصه توقف معصبه:اللحين هذا يزاه ولد اختي يحبها ...بعد كل الي سوته فيه اول مره هم متمسك فيها
بو حور عصب:لا تنسين ان احنا الي زوجناها اول مره غصبن عنها
حصه :وهالمره اهي بنفسها وافقت ما اجبرناها
بو حور بضيق:بس احس من عينها انها مو موافقه لهالزواج
حصه تقعد يمه : خالد ولد اختي اعرفه يا بو حور يحبها من يوم اهي صغيره صدقني مع الايام بتحبه وترتاح معاه
بو حور يناظرها ..3 ثواني بعدها نطق:دقي لي على حور خل نكلمهم
حصه تشوف الساعه:الحين عندهم فير باجر ان شاء الله نكلمهم
بو حور:خير ان شاء الله





بعد مرور 3 اسابيع

ما في أي تغيرات ( حلا نفسيتها شوي تحسنت مع انفال واللحين بتدخل شهرها الرابع ...مشعل تفكيره بحور قل نسبيا بوجود انفال وحلا ... حور وخالد عاشو احلى ايامهم وحور تعلقت بخالد وايد ...طلال وشذى رجعو من شهر العسل وطلال على مزاجه ما تغير...امامه خلاص قررت انها تسوي العرس اسبوع الياي من غير وجود حلا ...))




انفال باجر بترجع الكويت قاعده بالصاله في شقة حلا تودعهم ...راحت حلا تسوي لهم جاي ..دق موبايلها كان فيصل

انفال بشوق:فصووووووووول ولهت عليك
فيصل:هههههههه بطيتي اذني
انفال:يالخايس والله وحشتني
فيصل:وانتي بعد حبيبتي ..ها مستعده حق الرده
انفال:ايي كل شي اوكي
فيصل: عسى استفدتي من الدوره؟
انفال: الحمدالله يا فيصل وايد استفدت
فيصل:يلا رجعي اموم قررت تسوي العرس
انفال بفرح:واخييييييييييييييييرا متى؟
فيصل متشقق من الوناسه:اسبوع الياي أن شاء الله
انفال:ايي على بالي بعد تسونه قبل لا ايي
فيصل :ههههههه احنا نقدر ..مسكي امامه تبي تكلمج خليني اسوق

حلا بيدها الصينيه ما كانت منتبه أن انفال تتكلم بالموبايل صرخت عليها من الممر تناديها..

حلا:نفوووووووول تعالي شيلي معاي الصينيه بتطيح مني

لحظة صمت من الطرف الثاني لااااااا لاااااااااااا مو معقوله هالصوت اعرفه!!!!!!!

(شهقت بصوت عالي بقلبها) حلااااا حلااااااا عند انفاااال شلون !!!!!!

انفال ترد عليها :اللحين يايه
امامه:........
انفال استوعبت أن في احد على الخط:الوو
امامه ودموعها حابستها:هذي حلا الي عندج
انفال استوعبت الي صار :شتخربطين اي حلا!!
امامه بصوت اعلى:لا تجذبين نفول هذا صوت حلا اعرفه
انفال مو عارفه شتقول:مو حلا مو حلا

حلا حطت الصينيه قبال انفال ورفعت عينها لها..

حلا :وين الي بتساعدني ها ... ((سكتت يوم شافت ملامحها

امامه من الجهه الثانيه

امامه بصراخ:مااااااااا اصدق حلوي عندج وما تقولين لي
انفال:امامه اهدي شوي

حلا شهقت وحطت يدها على حلجها:............
انفال مو عارفه شتسوي :حلا هذي امامه
حلا دمعت عيونها:لا لاااا لاااا ... ما ابغى اكلمها

امامه تسمعها وتصارخ:عطيني اياها نفوووووول والله ترا ازعل عليج
انفال ترمي الموبايل عند حلا :كلميها حلوي

حلا متردده:مابى مابى
امامه سمعتها وعصبت حدها : الوووووووووووووووو

رفعت حلا الموبايل وقربته من اذنها واهي ترجف:الوو
امامه انهارت من البجي :حلووووووووووووي حلوووووووووووووووي
حلا تمت تصيح وتشد على يد انفال:ميمي حبيبتي
امامه تتشره عليها:ليش يا حلوي ليش سويتي جذي؟؟!!
حلا تصيح:لا تلوميني يالغاليه
امامه:انتي عارفه غلاتج شلون قدرتي ما تكلميني طول هالمده
حلا تبجي:وربي كنت اسمع صوتج كل ما مشعل يكلمج واحترق من داخل بس ما اقدر ما اقدر
امامه:يا قلبي يا حلوي حاسه فيج
حلا بعذاب :شفتي شفتي طلال اسوى فيني
امامه:حسبي الله عليها ..اهي السبب
حلا تبجي:انا اموم يتزوج علي عطيته كل شي يا ميمي كل شي
امامه تهديها:وربي يا حلا ادري فيج اصيله بس شسوي ابوي جبره
حلا بحزن:مرتاح وياها؟
امامه ما عرفت شتقول :.....
حلا باستهزاء :عادي ميمي قولي الصج
امامه :مسافرين شهر العسل..عساه بصل أن شاء الله
حلا انصدمت:سسسافر
امامه:حلوي حبيبتي لازم تردين كلنا محتاجين لج

حلا انهارت ما تتخيل طلال ويا غيرها...رمت الموبايل ودخلت غرفتها...

امامه تصارخ:الو حلا حلااااااااا

امامه تلفتت على فيصل وتصيح :اخاف تسوي بنفسها شي فيصل
فيصل يوقف السياره على جنب ويهديها:حبيبتي شالكلام حلا فاهمه ..تلقينها بس انصدمت
امامه:حسبي الله عليها عساه ما تتهنى خربت بينهم
فيصل بضيق على حال حبيبته:خلاص حبيبتي اهدي شوي

رمت نفسها بحضن زوجها وتمت تصيح على حال رفيجتها وبنت عمها واخوها شلون صار....وصلو بيت جاسم نزلت امامه واهو راح لربعه الديوانيه ...



دخلت امامه البيت لقت امها وابوها وشذى وطلال بالصاله ....

طلال :حيا الله بالعروسه
امامه للحين شايله بخاطرها منه رديت عليه بنفسيه:الله يحيك
نوال:تعشيتي يمه؟
امامه تقعد :الحمدالله ويا فيصل
جاسم :ليش شكلج جذي؟
امامه خافت ابوها يحس بشي:شفيني؟
جاسم :باجيه؟
امامه متنرفزه من ابوها ليش يتكلم جذي قبال شذى:وليش ابجي؟
جاسم يوقف واهو يحرك يده :بعد سوالف دلع بنات
امامه (للحين دلع بنات كلها جم اسبوع وبتزوج):ما فيني شي بس تعبانه
نوال :روحي ريحه بدارج حبيبتي
شذى تحاول تشاركهم :ايي لازم ترتاحين عرسج باقي عليه اسبوع
امامه تناظرها باحتقار:طبعا مو أي بنت اهلها يسوون لها عرس
شذى حست بقصه من كلامها ..وقفت :عن اذنكم

طلال التفت عليها معصب:انتي ليش لسانج طويل؟
امامه باستهزاء:خايف على مشاعرها بعد
طلال بصوت عالي:اموم عيب عليج كلميني عدل انا اخوج العود
امامه انقهرت أن يصرخ عليها عشانها:تصرخ علي عشان هذي
طلال بعصبيه:هذي مرتي يا اموم ولا نسيتي
امامه توقف بعصبيه:لا ما نسيت انها اهي الي خربت بينك انت وحلا...بس انت شكلك لنسيت انها سبب الي فيه حلا اللحين
طلال انصدم من كلامها ما يعرف شيقول :...
امامه توقف قباله وعينها بعينه:حسافه عليك يا خوي اذا هالاشكال صارت عندك اهم من حلا

صعدت لغرفتها وتمت تصيح (( تصارخ علي عشانها ...نستك اختك وحلا والله العالم بتنسيك منو بعد ..))

طلال طلع من البيت معصب من كلام اخته...سكر الباب بقوه ونقزت نوال

نوال بصوت واطي:الله يفكنا منها
جاسم سمعها :يفكج من منو؟
نوال :مين غيرها شينت الحلايا
جاسم :نواال انا شقلت لج ..ابيج تعاملينه مثل اموم وحلا
نوال :آسفه يا بو طلال ما اقدر
جاسم عصب:وبعدين معاج انتي
نوال :انا هالبنت مو عاجبتني من أول يوم شفتها وبعدين شنو هذا تطلع وتدخل على كيفها
جاسم:زوجها راضي انتي مالج شغل
نوال :كيف يعني مالي شغل!!! زوجها لاهي بشغله واهي تلعب على كيفها
جاسم :نوال ثمني الكلام لتقولينه
نوال:انا ما اقول إلا حسبي الله عليها ..مادري ايش الي تحبه فيها
جاسم : مرت ولدي لازم احبها
نوال تنرفزت وقامت: تصبح على خير انا بنام

جاسم رجع عينه على التلفيزون وما رد عليها...صعدت نوال لغرفتها إلا شذى لابسه ومتعطره وبتطلع من البيت ..وقفتها

نوال:وين رايحه !!!
شذى:بيت امي
نوال تشوف ساعتها:احد يزور امه هالحزه !!
شذى :احس اني مختنقه شوي بروح اغير جو عندها
نوال ترفع حاجب:اها يعني بيتنا يخنقج
شذى توضح كلامها:لا خالتي انا ما قلت جذي انتي الخير والبركه
نوال :ما فكرتي شبيقولون الجيران أن شافوج طالعه من البيت ساعه 11 بليل
شذى:وانا شعلي منهم ..انا عارفه وين رايحه
\نوال تضحك على كلامها:واستأذنتي من زوجك؟
شذى توهقت : امم اللحين اكلمه
نوال:هههههههههه بعد ما لبستي وخلصتي ...
شذى تنرفزت:خالتي ليش تعامليني جذي؟!
نوال تشوفها من فوق لي تحت:لان طول عمري هالاشكال ما تعجبني
شذى :شقصدج؟
نوال واهي ماشيه:قصدي تعرفينه ..الله يستر على بناتنا

راحت لغرفتها واهي تحس أن بردت حرتها فيها ....اما شذى رجعت لغرفتها رمت نفسها عالسرير وتمت تصيح ((ليش الكل يعاملني جذي لييييييش!!!))



بريطانيا


بعد ما وصل مشعل انفال لي المطار رجع شقته و تقابل مع حلا بنفس الوقت راجعه من المستشفى

مشعل:ههههه متواعدين
حلا تبتسم له:لا والله بس حسيت بتعب وقلت ارجع الشقه
مشعل بخوف:شفيج حلا؟
حلا تطمنه:ما فيني شي ليش خفت جذي ..مجرد ارهاق
مشعل يفتح باب الشقه:يلا جدامي غيري لبسج وارتاحي بغرفتج
حلا:ههههههه ليش تزف عاد؟!
مشعل يسكر الباب:لانج ما تمشين إلا بالزف وايد ارهقتي نفسج بوجود انفال
حلا تقعد على القنفه بالصاله:يا قلبي عليها بشتاق لها تعودت على وجودها
مشعل يقعد بالقنفه لمجابلتها:افا انا ما اكفي حلا؟
حلا:ههههههه إلا تكفي وتوفي بعد
مشعل يبتسم لها:تصدقين تعودت على انفال
حلا تغمز له:ايي
مشعل مستغرب:شنو ايي
حلا تغمز له:ايي كمل
مشعل:الحمدالله والشكر شفيج انتي
حلا:يا ربي انت لشفيك
مشعل:ما فيني شي..انتي شعندج تغمزين
حلا:ماكو احس انت وانفال مناسبين لبعض
مشعل بعصبيه خفيفه:حلا اخير مره اشوفج تتكلمين بهالموضوع
حلا تمت تناظره مده واهي ساكته حست انها استعجلت بالكلام:...
مشعل يبتسم لها ويغير الموضوع:انزين واللحين ممكن تقولين لي ليش امس طول الليل تصيحين؟
حلا استغربت شلون عرف:شلون؟!!
مشعل:شنو شلون؟!
حلا بحيا:يعني كيف عرفت اني كنت ابجي؟
مشعل يبتسم لها:مريت على غرفتج بكلمج سمعت صوتج تبجين
حلا:ميمي عرفت اني اهني
مشعل انصدم:شنو!!!!!!!!!!!!!!!

حلا تقوله كل السالفه...مشعل تنرفز يوم عرف انهم سافرو شهر عسل..

مشعل:سافرو!!!
حلا مستغربه: ليش ما قال لك؟
مشعل:من اخير مره كلمته مارد كلمني
حلا ضاق خلقها:ليش يا مشعل؟
مشعل: ما يستاهل
حلا:اهو محتاج لك
مشعل (آآخ يا حلا بعد كل الي سواه فيج ):عنده غيري
حلا بضيق :بس انفال قالت لي أن ميمي بتسوي العرس اسبوع الياي وتبيني احظر
مشعل:حلا ممكن تسمعيني
حلا :تفضل
مشعل يحاول يقنعها:حلا الحاله الي انتي فيها مو عاجبتني..انا خليتج اكثر من شهر على راحتج ما يصير يا حلا ..طلال لاازم يعرف عن ولده ..وانتي لازم ترجعين لديرتج مو معقوله بتمين جذي طول عمرج ..كلها جم شهر وان شاء الله تولدين ولدج لازم يتربى بوجود ابوه
حلا تدري كلامه صح بس كرامتها:ما اقدر يا مشعل ارجع له ما اقدر
مشعل:انا ما قلت لج رجعي له ..بس ابغيج ترجعين الكويت
حلا تمت تصيح:مو اذا رجعت الكويت عمي بيجبرني اني ارجع له
مشعل وخايف من هالشي:قولي له انج ما تبين
حلا:مشعل انت عارف عمي اكثر مني وكلمته تمشي على الكل
مشعل:والله يا حلا انا الي اشوفه انج لازم ترجعين الكويت معاي لعرس اموم
حلا:ودي يا مشعل ودي بس اخاف أن رت ما اقدر اواجه عمي
مشعل:جاسم يعرف كل شي اكيد بيعذرج أن قلتي ما تبغين ترجعين
حلا :ما ادري ما ادري
مشعل يطمنها:لا تحاتين حلا انا ماراح اتخلى عنج
حلا تبتسم له ودموعها على خدها:الله لا يحرمني منك




الكويت

بيت بو شذى

طلال وشذى زايرين هم على الغدا ...

على طاولة الطعام

ام شذى تمد لها الصحن:حطي لريلج منه
شذى تاخذه منها:أن شاء الله
طلال:كافي عمتي الحمدالله شبعت
ام شذى:ما اكلت شي يا ولدي..شوف شلون ضاعف
طلال(من القهر والهم):حرام عليج عمتي وين ضاعف
شذى:طلال يمه طول عمره يحب جسمه يكون جذي
بو شذى يقاطعها:لا كلام على الطعام
ام شذى:ههههه الله يهديك يا بو شذى بعد ما خلصنا
الكل:ههههههههههههههه



بعد مرور يومين امامه قاعده تحت بالصاله تكلم حلا بالموبايل

امامه:حلووووووي عشاني بلييز حضري بس عرسي
حلا :يا ليت يا ميمي والله ودي بس ما اقدر اشوفه ما اقدر
امامه:بس احضري ورجعي
حلا:سامحيني ميمي ما اقدر
امامه عصبت:اففففف عليج باي

سدته بويها وقفت بتصعد غرفتها إلا ابوها يطالعها بكل عصبيه

جاسم بصراخ:كنتي تكلمين منو؟؟؟
امامه تخسبقت:اممم رفيجتي
جاسم:شسمها؟
امامه ترجع بخوف:غنيمه يبه
جاسم يلف يدها :وتجذبين بعد
امامه :آآآآي يبه يعور
جاسم:ليش ما تقولين انج تعرفين مكان حلا هااااا
امامه بألم:يبه تعورني
جاسم:تكلمي حلا وين؟؟؟؟؟
امامه تصارخ من الالم:يبه قاعد تعورني..هد ايدي
جاسم يتركها بقوه وطاحت على القنفه:تكلمي حلا وييييين؟؟؟
امامه تصيح:ما اقدر اقول ما اقدر
جاسم فور من العصبيه:بتتكلمين ولا شلون
امامه خافت منه:حلاا حلاا
جاسم بصراخ:نطقي
امامه:حلا عند خالي مشعل
جاسم انصدم:شنو؟
امامه:حلا ببريطانيا

طلع من البيت بعصبيه من غير لا ينطق بولا كلمه ....



بيت بو حور

بو حور كان يكلم بنته

حور ردت أول ما شافت الرقم بكل شوق

حور:هلا يبه
بو حور:هلا حبيبتي شلونج؟
حور:بخير يبه بخير
بو حور:مرتاحه يا بنتي
حور بصدق:حيل يبه حيل خالد مو مقصر معاي
بو حور براحه:الحمدالله
حور:انت شلونك يبه؟
بو حور:الحمدالله بخير حبيبتي
حور:وخواني وخالتي حصه؟
بو حور:كلنا بخير لا تحاتين شي

خالد توه دخل الشقه راجع من بره ...قعد جنب حور

بو حور:خالد يمج ؟
حور تبتسم له:توه داخل يبه ..كلمه

خالد:هلا عمي
بو حور:هلا بولدي خالد شلونك يبه؟
خالد:الحمدالله بخير ..انتو شلونكم وشلون الكويت؟
بو حور :كلنا بخير الحمدالله
خالد:دوم أن شاء الله
بو حور:اخليك اللحين يا ولدي وخالتك ترا تسلم عليك بس مو موجوده يمي اللحين
خالد:الله يسلمها ..ٍسلم على الكل
بو حور:يوصل أن شاء الله ...حور بعينك يا خالد
خالد:لا تحاتي يا عمي
بو حور ارتاح من هم كبير:الله يوفقكم ..مع السلامه


التفت خالد لحور ولقاها تناظره واهي تبتسم

خالد يحط يده على جتفها:الحلوين يفكرون بمنو؟
حور تحط راسها على صدره:بمنو غيرك يا عمري افكر فيه
خالد ضمها له:احبج حور

بيت جاسم

رجع جاسم من الشركه بليل معصب بعد ما تاكد أن حلا سافرت لبريطانيا ...

نوال كانت بالصاله بالدور الثاني تشوف تلفيزون ...وامامه بغرفتها فوق ...وشذى وطلال بشقتهم...

جاسم يصارخ :نوال طلال نوال
نوال تنزل بسرعه:خير خير شفيك؟!
جاسم:وين ولدك؟
نوال بغرفته: ناديه وتعالو المكتب

بالمكتب

طلال:خير يبه
جاسم:تدري مرتك وينها؟
طلال بفرحه:لقيت حلا يبه لقيتها
جاسم يشوف نوال بنظره:...
نوال مستغربه:وليه تناظرني كذا؟
جاسم:اخوج المحترم طول الفتره حلا عنده وما تكلم
نوال بصدمه:كيف!!!
طلال :شالكلام يبه؟
جاسم:اليوم سمعت امامه تكلمها ويوم سألتها طلعت ببريطانيا
طلال منصدم:اموم كانت تعرف حلا وين؟!!
جاسم : انا دورت على كل رحلات الطيران وتأكدت انها رايحه لبريطانيا فشي طبيعي تكون عند مشعل
طلال ارتاح نسبيا:الحمدالله
جاسم بعصبيه:تحمد ربك على شنو..؟؟
طلال:الحمدالله انها عند مشعل مو بمكان ثاني..معناته كانت مرتاحه
جاسم تنرفز من كلامه:المفروض عليك تعصب أن حرمتك عايشه بعيد عنك عند واحد غريب
نوال:شالكلام يا جاسم مشعل منا وفينا
جاسم:اجل شلون قاعده معه بشقه وحده
طلال :ارحم من انها تكون بروحها
جاسم : تروح اللحين تحجز لك تذكره على اقرب طيران وتجيب مرتك
طلال بخوف:واذا رفضت يبه؟
جاسم عصب:مو بكيفها انا عمها والمسؤول عنها لو مو الحاله الي انا فيها جان جبتها غصب عنها
نوال:البنت حرمه وما في شي يجبرها
جاسم :انتي مالك دخل
نوال عصبت:لي دخل يا جاسم جبرت ولدك على الزواج من هالخايسه شذى كيف تبغى حلا ترجع له
طلال :ارجوج يمه تعالي معي قنعيها بموت أن ما رجعت لي
جاسم بنظرة استهزاء:دامك تحبها كذا لي سويت عمايلك سودت ويوهنا ..وامك مالها دخل بينكم انت تسافر لها بروحك وترجعها ...الله لا يوفقك من ولد

وطلع من المكتب واهو معصب

طلال :يمه تكفين ابي حل
نوال:انت غلطت يا طلال وتوقع أي شي من حلا
طلال بخوف:يمه معقوله ترفض ترجع لي؟
نوال :ما استغرب هالشي





حلا بترجع لطلال؟!!
معقوله مشعل بيفكر بأنفال؟؟!!
حور وخالد بيكملون حياتهم بسعاده؟!!
شذى شنو ردة فعلها من الي بيصير؟!!
غنيمه لي متى بتم بعيده عن احمد ؟!!

الجزء 23


بيت فيصل

نهى وفجر بالصاله يسولفون...

فجر:يالله يمه نبي نسافر ملييت
نهى:أن شاء الله اختج اليوم توصل بالسلامه ونفاتحها بموضوع السفر
فجر بملل:ايي وبعدها تقولون بترجع لشغلها وما عندها اجازه
نهى:خلاص يا فجر بلا حنه زايده بنسافر أن شاء الله كلنا يميع مثل ما قالج فيصل
فجر طنقرت:بنشووف



بديوانية بيت بو جاسم

طلال:امممم انا ما اقدر اسافر وياكم
فيصل انصدم:ليش!!
طلال:باجر مسافر بريطانيا أن شاء الله
فيصل استغرب:ليش؟.!
طلال:بروح اجيب حلا
فيصل كان عارف انها عند مشعل بعد ما قالت له امامه:منو بيروح وياك؟
طلال:انا بروحي
فيصل يرجع شعره لوره:اممم تبي عيل نأجلها بعد ما ترجع ويا حلا ونروح كلنا؟.
طلال ابتسم له برضى:خوش فكره
فيصل:خلاص ناد لي اختك خل نمشي تأخرنا على نفول
طلال يغمز له :انفال باقي على طيارتها 3 ساعات
فيصل:احم احم بعد بطلع مع مرتي قبل فيها شي
طلال:ههههههه لا ما فيها شي بس مره ثانيه لا تقعد تألف فوق راسي لاني فاهم لك
فيصل انحرج:أن شاء الله عمي
طلال:ههههه لا تطنز ولا ماراح اناديها لك
فيصل:يلعن ابو المذله روح ناد اختك
طلال يقوم:ههههههههه




بريطانيا


حور تدخل الشقه :خلووووووودي
خالد بالمطبخ اليوم الدور عليه بالطبخ:اهني حياتي
حور تروح له:السلام عليكم
خالد يبوسها على خدها:وعليكم السلام على الحلوين
حور تشوف الجدر:شطابخ لنا اليوم؟.
خالد يغمز لها:عيش مشخول
حور:ايي
خالد:وصينية لحم
حور:امممم احس من الريحه الاكل حده لذيذ
خالد :يلا روحي غيري لبسج كلها دقايق ويجهز الاكل
حور:ما تبي مساعده حبيبي؟
خالد:لا يا قلبي كل شي جاهز
حور:اوكي دقايق اغير لبسي وارد
خالد يغني واهو يطبخ:انا ناطر حبيبي..ترجع لي يا حبيبي



شقة مشعل

حلا ومشعل ما يدرون عن لصار بالكويت....
قاعدين يتغدون وكل واحد يفكر بهمه...


حلا بعد صمت:اقول مشعل
مشعل ياكل اللقمه لبيده:هممم
حلا:كلمت اموم عن العرس
مشعل:ايي للحين على امل انج تحضرينه
حلا :يا ربي هالبنت عليها عناد عيزت وانا اقنعها
مشعل:من حقها يا حلا
حلا تغير الموضوع:امس وصلت حاله للمستشفى عورت قلبي
مشعل:شلون؟
حلا:واحد خليجي قاعد يعبر الطريج ويا رفيجه وما سمع رفيجه واهو يوقفه لان باص جاي من بعيد وسايق الباص كان سكران وما انتبه له وطيره
مشعل:اففففف واصار فيه
حلا بضيق:ماكو بعد شبيكون مصيره يا مشعل ارتجاج بالمخ وغير الكسور والبلاوي ما تم ساعتين وتوفى
مشعل:لا حول ولا قوة إلا بالله الله يرحمه
حلا:كسر خاطري رفيجه منهار..مات جدام عينه
مشعل:الله يعينه...صعب اذا فقدت انسان غالي عليك
حلا تذكرت ابوها ودمعت عينها:الله يرحمه
مشعل فهمها :الله يرحمه...حلا
حلا تمسح دمعتها:هلا
مشعل بحنان:ما سألتج شلون نصوري اليوم؟
حلا تبتسم له:يسلم عليك
مشعل:هههههههههه الله يسلمه



بيت فيصل

بعد ما خذو انفال من المطار رجعو البيت ...كانت نهى وفجر باستقبالهم...


نهى تحضنها بوله:حمدالله على سلامتج يالغاليه
انفال دمعت عينها:الله يسلمج يمه
فجر:نفوووووووول ولهت عليج
انفال تحضنها:وانا اكثر حياتي
فيصل:بنتم واقفين خل ندخل

قعدو كلهم بالصاله وبعدها جت نوال تسلم على انفال...

فجر:ها نفوووول شلون لندن؟
انفال:اممم حلوه
فجر:عشتو حلوه يعني مو عاجبتج
انفال:لا يعني مو ذاك الزود
فجر تنرفزت:يحصل لج ....انتي متعوده على حر الكويت
انفال:يا حلاة الكويت و جوها حتى اذا كان حر غير
نهى:وانتي الصاجه يا انفال مافي على الكويت
نوال:شلون مشعل يا انفال؟
انفال:الحمدالله خالتي وصاني اسلم عليكم كلكم
الكل:الله يسلمه

بجهه ثانيه

فيصل وامامه يتناقشون بموضوع ثاني ..قاعدين بقنفه لشخصين جنب بعض

فيصل:طلال بيروح لها عقب باجر
امامه بخوف:الله يستر يا فيصل ابوي مو ناوي خير
فيصل:يعني شبيسوي اذا رفضت؟
امامه:ابوي يسوي أي شي عشان ينفذ لبراسه
فيصل يطمنها: لا تحاتين حياتي هذي بنت اخوه مهما صار ماراح يسوي شي يزعلها
امامه ضحكت باستهزاء:ههههه للحين ما عرفت ابوي عدل يا فيصل


بالجهه الثانيه

نوال :إلا اقول انفال
انفال كانت تسولف ويا فجر التفتت عليها:هلا خالتي
نوال تتشره :ليه ما قلتي لنا أن حلا في بريطانيا

امامه وفيصل التفتو عليهم ....نهى وفجر انصدمو!!!!

نهى:شنو!!
انفال نزلت راسها:سامحيني خالتي بس هذي كانت رغبة حلا
نهى:ليش ما قلتي لنا
فيصل يتدخل:الله يهديكم اهي شعليها حلا لطلبت منها جذي
امامه:الموضوع صار وانتهى ماله داعي تأنبون انفال اللحين
نوال للحين معصبه عليها ليش ما قالت لها:انتي تسكتين احسن لج
امامه انحرجت جدامهم ووقفت:عن اذنكم

راحت بره للحديقه تنرفزت من اسلوب كلام امها لها....

فيصل يوقف :عن اذنكم

انفال تلتفت على فجر انهم يصعدون غرفتهم...وبقى نهى ونوال بالصاله بروحهم

نهى تأنبها:ما كان لازم تكلمينها جذي الله يهديج يا نوال
نوال حست انها غلطت:شسوي يا نهى كانت تعرف وما خبرتني وانا قلبي كان يتقطع على حلا
نهى:الحمدالله انها كانت عند مشعل يعني بآمان
نوال تبتسم لها:هالشي لريحني أول ما عرفت

بالحديقه

قاعده على طرف الدري ودموعها تنزل ببطئ ...حست بيد حنونه على جتفها رفعت راسها له كان فيصل ....مسحت دموعها وابتسمت له ...مسك يدها بحنان وجلس يمها...

فيصل :ما عليه حياتي هذي امج
امامه تميل راسها على جتفه: عادي تعودت عليهم
فيصل يبوس راسها:شرايج نتعشى بره ويا نفوله وفجوره
امامه ترفع راسها له:خوش فكره خل اروح اقول للبنات
فيصل يوقفها:كل يوم احمد ربي أن حطج بدربي وصرتي من نصيبي مادري شكنت بسوي لو كنتي رافضتني
امامه تروح له:اموت ولا ارفضك
فيصل يغمز لها:يعني تحبيني؟
امامه:فيصل في احد قالك من قبل أن فيك درجة غباء عجيبه؟
فيصل باستهبال:هههه صج محد قالي
امامه تروح عنه:انادي خواتك احسن لي

أول ما دخلت لازم تمر على الصاله قبل بعدها يجي الدري للدور الثاني....وقفتها نوال

:امامه
امامه توقف وتاخذ لها نفس:نعم
نوال:وين رايحه؟
امامه:بنادي البنات فيصل بيعشينا بره
نهى بغشمره:يعني ما تبونا نيي وياكم
امامه:افا خالتي شالكلام اذا تبون تجون حياكم الله
نهى:ههههه لا حبيبتي اخذو راحتكم روحو غيرو جو
امامه:تسلمين خالتي

راحت للبنات الغرفه دخلت عليهم فجأه....

امامه:بوووووووووووووووووووووووووووووووووه
انفال وفجر انقزو من عالسرير:يمه
امامه تروح تقعد وياهم:ههههههههههههههههه
انفال:انتي ما تعرفين الذرابه
امامه:هههههه لا والله ما حصل لي الشرف
انفال تضربها:ههههه بايخه
فجر:اموم شوفي نفول الخايسه تقول تستحي تسافر ويانا
امامه:مو بكيفها اصلا غصب عنها
انفال بجد:لا صج اموم استحي فشله
امامه انقهرت:شنو الفشله اللحين....كلنا بنكون موجودين وان شاء الله حلوي ويانا
فجر:وااااااااااو بيصير وناسه أن شاء الله
امامه:انزين خلونا من هالموضوع ...فصولي يقول لكم نروح نتعشى كلنا يميع بره
فجر تنقز من الوناسه:يس يس يسلم لي اخوي الغالي
امامه بغيره:هي انتي لا تقولين جذي جدامي
انفال:هههههههههههههههه طالع هذي تغار من اخته

دخل فيصل بهاللحظه... وراح قعد يم امامه

فيصل:فديت ليغارون علي
امامه استحت من خواته وبصوت واطي:بس حبيبي مو جدامهم
فجر:هههههههههههههههه
امامه تضربها بالمخده:بس انتي سكتي لا تضحكين
فجر:ههههه انزين ههههههههه
انفال:وين بتعشينا ؟
فيصل:لتبونه
فجر:انا مشتهيه اكل ايطالي
انفال:واااااااي انا مليت من جذي ودوني مغل محل
امامه:واااااو تدرين انه مطعمي المفضل
انفال تغمز لها:افا عليج
فجر عصبت:لا والله تتفقون علي..فيصل مالك شغل فيهم نبي ايطالي
فيصل:للأسف لازم نسوي تصويت والاكثر اهو الرابح
...منو يبي مغل محل؟!!

انفال وامامه رفعو يدهم:اناااا
فيصل:منو يبي ايطالي؟!!
فجر رفعت ايدها :اناااااااااا
امامه:احنا اكثر ربحنا
فجر:فيصل ما يصير ..انت تبي أي مطعم؟!!
فيصل :اممممممم
فجر تشوفه بنظرات تكسر خاطره...

فيصل:ههههههه سوري فجوره بس لازم اكون بصف حبيبتي
امامه ترفع يدها بنصر:يعيش فيصل
انفال وفيصل:ههههههههههههههههههه
فجر انقهرت:قطيعه تقطعكم ....خلاص بس بعد ما نخلص توديني باسكن روبنز
فيصل:افا عليج من عيوني جم فجوره عندي انا
فجر بدلع:ايي كلام بس؟... اموم خربتك علي
امامه تشهق:اناااااااا !!!
فيصل يقرب امامه له بيده:هذي ما تفرقني عنكم..دوم توصيني عليكم الله يخليها لي حياتي من غيرها ما تسوى
امامه:انا الي حياتي من غيرك ولا شي
انفال:بس تكفون لا تبدون لانكم ماراح تخلصون
فيصل وامامه:هههههههههههههههههههه





بيت جاسم

بعد يومين...قعد طلال من النوم واهو حاس انه اسعد انسان بالدنيا بيروح لحلا

(( واخييرااااااا يا حلا واخير يا قلبي بشوفج ..آآآآآآآه يا حلا يا ترا نفس ما انتي ولا لصار غيرج علي ؟!!))

قطعت عليه تفكيره شذى واهي متنرفزه حدها أن حلا بترجع للبيت بعد ما حست أنها كسبت طلال بدا ينسى حلا ويتأقلم وياها...

شذى:طلال
طلال بابتسامه:هلا
شذى انقهرت واهي تشوفه شلون مستانس:لهالدرجه مستانس؟
طلال بعفويه:شلون ما استانس وانا بشوف حلا
شذى انقهرت:طلال لو سمحت احترم وجودي
طلال بعدم مبالاة:انتي لسألتيني
شذى:افففف...انزين جم يوم بتقعد؟
طلال يعدل غترته:لما ترجع معي حلا على حسب الظروف
شذى بأمل:واذا رفضت؟!
طلال يبتسم لها:بترجع غصب عنها بعد ما لقيتها ماراح اخليها

شذى انقهرت من كلامه وخذت مفتاح سيارتها وراحت لبيت امها ...واهو طلع للمطار بعد ما نزل وسلم على امه وابوه وامامه والكل وصاه على حلا ....

فيصل كان معه بالطريج يوصله للمطار...


بسيارة فيصل

طلال:والله يا فيصل ما كان له معنى تكلف على عمرك
فيصل يبتسم له:افا يالنسيب شالكلام ما فيها كلافه
طلال:تسلم ما قصرت
فيصل:طلال
طلال:هلا
فيصل:ما عليه يا خوك انا اعتبر نفسي واحد منكم وفيكم واخوك الصغير
طلال:ههههه الصغير عاد شايفني شكبري انا ...افا عليك يا فيصل انت تمون وانت واحد منا وفينا آمرني
فيصل:احكم الامور بعقلانيه وكثر ما تقدر تمالك اعصابك لا تتوقع بسهوله بترجع لك
طلال سكت ثواني يفكر بكلامه(آآآآآه يا فيصل شلون يكون كلامك اذا عرفت الحقيقه ليش اهي رافضه ترد لي ماراح تلومها))
فيصل:طلال وياي؟!
طلال يلتفت عليه:أن شاء الله
فيصل يشد على يده:الله يوفقك يا رب



بيت بو شذى

ام شذى:وبعدين شبتسوين؟
شذى بقهر:مادري يمه مادري مصيبه اذا رجعت معاه اكيد بيطلقني
ام شذى:ويه وييييه لا أن شاء الله لا تقولين جذي...انتي لازم تشدين حيلج وتربطينه بياهل
شذى:مادري يا يمه مادري
ام شذى بمكر:لا تحاتين شي ..باجر أن شاء الله نروح طبيبة امراض نساء ونتأكد



شقة احمد

من بعد اخير مره شافها يوم رفضت ترجع له وخبرته انها بتسافر لمكه شهر كامل ... واهو قليل ما يطلع من البيت إلا للشغل وشغلات الضروريه....

قاعد بالصاله وباله مع غنيمه ...وفهد يشوف بباي ويلعب بسيارة ريموت....

فهد يلتفت لاحمد:بابا بابا
احمد كان سرحان مو معه:....
فهد بدا يصيح:بابا بابا
احمد:هلا حبيبي
فهد:بابا شوف هذا ما يشتغل
احمد ينزل لمستواه:يمكن خلصت البطاريه حبيبي
فهد يصيح:ابي العب بابا
احمد:خلاص حبيبي لا تبجي اللحين اروح اشتري لك بطاريه وتصير اقوى سياره
فهد يضحك بفرح:ونااااااااااااسه يصير عندي سياره سريعه
احمد يحضنه:يا قلبي انت ...بابا يحبك وااااااايد
فهد يشد على ابوه :انا بعد بابا واااااااااااايد احبك




بريطانيا

وصل طلال بريطانيا ومحد عنده خبر من حلا وطلال بعد ما طلب منهم جاسم هالشي من الكل....عشان يضمن وجود حلا عند مشعل من غير لا تغير مكانها ....




كانت حلا بالمستشفى ..ومشعل كان بالشقه يدرس...

رن جرس الباب ..شاف ساعته استغرب ((حلا تو الناس على رجوعها!!!))...

راح فتح الباب ...وقف بصدمه يا ترا لجدامه صج

:طلااااااااااااااااااااااااااااااااااااااال!!!!!
طلال يبتسم له:مشعلووووووه
مشعل يحضنه:شلونك يالخايس
طلال:تمام حدي ولهااااان عليك شلونك يا مشعل شخبارك
مشعل:الحمدالله...حياك تفضل داخل
طلال يدخل معه ويفسخ جاكيته:برد الجو بره
مشعل يفتح الدفايه:ايي هالايام الجو بارد
طلال:شلونك يا مشعل شخبارك؟
مشعل للحين منصدم من وجوده راح قعد يمه:الحمدالله ...ليش ما خبرتني انك جاي عندي
طلال يغمز له:حبيت اسويها لكم مفاجأه
مشعل يبلع ريجه:منو احنا؟
طلال بضيق:انت وحلا يا مشعل
مشعل انصدم:حلا!!!
طلال بعتب:طول الايام عندك وما تقول لي يا مشعل
مشعل بجد:اتوقع انت عارف ليش ما قلت لك وهالشي من حقها
طلال تنرفز:هذي مرتي يا مشعل ولا نسيت
مشعل:انا ما نسيت انت الظاهر لنسيت
طلال عصب:مشعل ارجوك

قطع عليهم الخناق ...دخول حلا عليهم واهي شايله بيدها اكياس من السوبر ماركت وتنادي على مشعل من غير لا تشوف الصاله

حلا:مشعل تعااااااال ساعدني

مشعل وطلال وقفو بصمت....طلال يشوفها يتاملها ((آآآآآآآه يا قلبي يوم عن يوم جمالج يزيد ...شكثر انا ولهان عليج ))

حلا التفتت تدور مشعل...انصدمت يوم شافت لواقف جنبه ...طاحت منها الاكياس لبيدها
حلا تغمض عينها وترد تفتحهم بصدمه قربت منه وقفت قباله مدت يدها بخوف يدها ترجف مهي قادره تستوعب ليصير ..مد يده لها وحطها على ويهه رجفت يدها من حرارة جسمه لوصلت لها ...ابتعدت بقوه بعد ما تأكدت فعلا انه طلال ...وركضت لغرفتها من غير أي كلمه

طلال جيه بيحلقها وقفه مشعل من يده:ليش جيت يا طلال؟
طلال التفت عليه بعصبيه:جاي حق مرتي يا مشعل
مشعل:طلال لا تفكر تجرحها مره ثانيه

طلال ناظره بالم وراح لها الغرفه....حط يده عالباب وحمد ربه انها ما قفلته....لقاها راميه نفسها عالسرير تبجي بشكل يعور القلب




طلال راح لها وقف يمها واهي منسدحه عالسرير:حلا
حلا تغمض عينها صوته صارت تكرهه تحس بجرح كبير بقلبها أن سمعت صوته :.....

طلال ينزل لمستواه عالسرير:ولهت عليج
حلا ((لا لا لا تضعفين يا حلا)):....
طلال بكل شوق :ما وحشتج ؟
حلا نزلت دمعه من عينها:.....
طلال يقرب ويساسرها من اذنها :حلا لا تسكتين قولي أي شي
حلا جمعت قوتها وقامت من السرير واهو وقف وراحت وقفت قباله واهي ودها تصرخ بويها لكن كل لكانت بتسويه تلاشى يوم شافته ((آآآآآآآآآآه شكثر ولهانه عليك يا حبيبي طالع شلون ضعفت آآآآآآآه جان زين اقدر ارمي نفسي بأحضانك...)) كانت تتأمله من غير شعور تحس انها ولهانه له ولهانه لحضنه ولهانه لحبه

طلال حس فيها ومن غير أي تردد ضمها لعنده بشده :سامحيني يالغاليه وربي بعدج عني جنني

حلا خلاص لو بيدها تقول مسامحتك وبنسى كل شي بس خلني دوم بحضنك ...كرامتها ما سمحت لها عقلها عاند قلبها وابتعدت عنه بكل كره

حلا:بكل سهوله تبيني اسامحك
طلال يدري اقناعها صعب:ادري اني غلطان يا حلا وربي ادري أني ما استاهل حتى انج تسامحيني
حلا تقاطعه بضحكة استهزاء:ههه اعترفت بنفسك
طلال أول مره يشوفها بهالقسوه:حلا حبيبتي انا طلال

حلا تناظره بعيونه ولفت الجهه الثانيه جذي بتتنازل على كل شي

حلا:تغيرت !!! انت لجبرتني اصير جذي
طلال يروح لها ويمسك يدها:سامحيني حبيبتي اوعدج يتصلح كل شي
حلا تسحب يدها:شلون بيتصلح يا طلال ؟؟!! انت جرحت قلبي وهالجرح ماراح يبرا طول عمري
طلال بتفاؤل:هالكلام من ورا قلبج ادري
حلا:لا تصير واثق يا طلال لان حلا لقبل غير عن اللحين
طلال :حلا ارجوج سامحيني حلا لا تخلين هالشي البسيط يهدم كل لبينا
حلا تضحك من بين دموعها:هههه بسيط ههه هالشي بسيط يا طلال كل لسويته تعتبره بسيط
طلال يوضح كلامه:قصدي أن ما يسوى نهدم حياتنا عشان هالموضوع كل شي ممكن يتصلح
حلا تناظره بكل حزن:للاسف طلال لسويته فيني لا يمكن يكون بسيط بالنسبه لي
طلال:حلا ارجوج لا تفسرين كلامي غلط
حلا خلاص دموعها ما قامت تتحكم فيهم:لو كنت متزوجها يا طلال اهون علي بمليون مره اني اني اشوفها معك بال..
طلال يقاطعها بألم:خلاص يا حلا كافي كافي
حلا توقف بويها:يجرحك يا طلال يجرحك ما فكرت شكثر جرحني
طلال:حلا احنا كنا ناوين نتزوج على سنة الله ورسوله
حلا تحس جرحها رد ينزف:ليه ليه ؟؟؟ انا سويت شلي قصرت فيه؟.؟؟ عطيتك كل شي يا طلال كل شي
طلال :ادري يا حلا وربي ادري
حلا تصارخ:ليش عيل ليش ليش؟؟؟
طلال يهديها:حبيبتي لا تعصبين هدي شوي
حلا بصوت اعلى :لاااا تقول لي حبيبتي انا مو حبيبتك شذى حبيبتك
طلال يروح لها ويمسكها من كتفها:انتي حبيبتي يا حلا انتي بعد احبج
حلا تحس بضعف مو قادره تتخلص من ايده واهو شاد عليها:دامك تحبها يا طلال ليش تزوجتني !! عشان تعذبني
طلال:زواجنا صار يا حلا ومن حقي اتزوج الشرع حلل
اربع
حلا تبجي:اذا كنت مقصره بحقك ..عطني سبب واحد اقنعني اقنعني
طلال مو عارف شيقول:......
حلا تبتعد عنه وتحذره بعينه:هذا آخر كلام بينا
طلال يجدم خطوه: حبيبتي..
حلا تقاطعه بصراخ:مشعل مشعل
طلال عصب:مشعل شكو اللحين انا زوجج
حلا تبجي:انت مو زوجي زوجي مات مااات من زمان طلقني..طلقني ما ابيك

دخل مشعل وشاف حالة حلا ..راح لها يهديها

مشعل:حلا شفيج اهدي..
حلا تقعد على السرير:خل يطلع مشعل ما ابغى اشوفه خل يطلقني
طلال بعصبيه:شنو اطلقج هالشي تنسينه
مشعل:طلال ارجوك اطلع بره
طلال انصدم من خاله:مشعل شالكلام
مشعل بجديه:ما تشوف حالتها خلها اللحين بعدين نتفاهم
حلا تصارخ:ما ابي اتفاهم خلاااص خل يطلقني
طلال انصدم من موقف مشعل:مشعل شفيك انا طلال ما يصير تعاملني جذي
مشعل بنظره حازمه:انت غلطت وتستاهل ليصير لك

حلا تبجي بصوت يقطع القلب تسمع مشعل شلون يكلم طلال وقلبها يعورها ما تبي علاقتهم تخترب بسبتها ما تبي تطلق تبيه ...تبي ترد له تبي تشوفه بعد هالغيبه ...بس ما تقدر كرامتها ما تسمح لها

مشعل وقف اخذ طلال من يده وسحبه معه لبره ...

طلال يسحب يده :من صجك انت !!
مشعل:طلال ترا انا للحين ساكت و ما كلمتك بهالموضوع
طلال :مشعل لا تنسى انها مرتي ولي الحق اكلمها
مشعل:ودام تعرف انها مرتك ما فكرت بشعورها يوم سويت لسويته
طلال يغير الموضوع:مالك حق يا مشعل تستر طول الفتره عليها واحنا قلبنا الدنيا عليها
مشعل يضحك:هههههههههههههههه
طلال تنرفز:ليش تضحك؟
مشعل:طول عمرك يا طلال تتهرب من المواجهه ... ما تبي تعترف انك غلطان
طلال تم يناظره بصمت مو مصدق مشعل يكلمه جذي:..
مشعل :شوف يا طلال حلا يتيمه وانا اخوها مالها رجعه لك إلا برضاها
طلال عصب: مو بكيفك يا مشعل
مشعل قعد على القنفه:مطول في بريطانيا؟.
طلال :لين ترجع معي حلا
مشعل:لا تتفاؤل وايد يا طلال
طلال :مشعل انت ليش تعاملني جذي بدل لا توقف معي وتصلح بينا تقوم تأيدها بلي تسويه
مشعل:انا واقف جنبها لانها مظلومه يا طلال ويتيمه مالها احد
طلال :يعني تظن اني يا مشعل اكرهها عشان اتعمد اجرحها
مشعل بحزن:بس هذا لصار
طلال :ليش يا ربي محد فاهمني يعني شسوي بقلبي اذا حب اثنين
مشعل:تتزوجها يا طلال مو ..
طلال يقاطعه:بس بس لا تكمل ..نقطة ضعف ..كل انسان يغلط
مشعل:غلطه عن غلطه تفرق يا طلال انت جرحت حلا وصعب ترضى بسهوله
طلال نزلت دمعة قهر من عينه:احبها يا مشعل ولهان عليها بشكل ما تتصور
مشعل حاس فيه مهما كان هذا طلال حب يهون عليه:ما عليه يا طلال خلها تهدا جم يوم وان شاء الله يتصلح كل شي
طلال يناظره بحزن: ما اتوقع يا مشعل اليوم شفت حلا غير..غيرعن كل مره غير عن حلا الي تحبني ودوم تدور رضاي
مشعل يحط يده على جتفه :هونها يا طلال هونها وكل شي ينحل
طلال : لا تخليني يا مشعل
مشعل يبتسم له:بسوي كل لعلي



مر يومين طلال سكن بفندق تنفيذ لرغبة مشعل عشان يخلي حلا تاخذ راحتها بالتفكير....


غرفة مشعل

حلا:ماراح ارجع
مشعل بضعف حيله:يا حلا هالشي مو بيدي جاسم يقول اذا ما رجعتي مع طلال بيجي بنفسه ياخذج
حلا تبجي :ما ابي ما ابي
مشعل قلبه يعوره على شكلها:حلا لا تصيحين صدقيني رجوعج له بيخفف عليج اشياء وايد
حلا ترفع عينها مليانه دموع له:يخفف علي !!! الا يزيد الجرح لبقلبي ما اقدر يا مشعل ما اقدر ارجع له حلا نفسها لتزوجها
مشعل :انزين انا عندي لج حل ممكن يريحج
حلا تصيح:ما في شي يريحني غير الموت يا مشعل
مشعل :ذكري ربج يا حلا شالكلام
حلا تصيح:............
مشعل يجلس عالارض قبالها واهي على القنفه:حلا سمعيني
حلا تناظره:......
مشعل :انتي رجعي معه بيتكم وان شاء الله مع الايام بتحنين له
حلا :مشعل انت شتقول انت تدري شكثر انا فاقدته رغم لسواه فيني بس ما اقدر يا مشعل اصير ضعيفه جدامه
مشعل بضيق:جاسم حالف يا حلا ان ما رجعتي باجر مع طلال بيجي بنفسه وبتصير مشكله
حلا تصيح بصوت عالي وطلال لكان بالصاله يسمع صياحها قلبه تقطع عليها :لو ابوووووووووي حي محد سوى فيني جذي ..لو ابوي حي جان اخذ حقي منه
مشعل يهديها:افا حلا شالكلام وانا اخوج وين رحت
حلا:مشعل ارجوك ما ابي ارد له الله يخليك
مشعل :ما اقدر يا حلا مالي أي حق اني امنعج منه
..جاسم سمعني كلام الله يهديه والله انه مو ناوي خير
حلا تصيح :يعني خلاااااااص بعد كل لسواه فيني ارجع له
مشعل ما عنده أي حل:.........
حلا تبجي:وانا وانا مالي أي راي!!! ظلم ظلم
مشعل:شسوي يا حلا الموضوع بيد جاسم مو بيدي
حلا بصراخ :ما اقول الا حسبي الله عليه من عم مو كفايه جبر ابوي مو كفايه زوجني لولده غصب عنه...ما اكتفى انه كان بيسجن ابوي ياي بيكمل علي

طلال انصدم من كلامها !!!!!!!!!!!!!!!!!!!


حلا تكمل:/يبيني ارجع بعد كل لصار يبيني ارجع حق واحد نذل خاني من غير لا اسوي له أي شي...عطيته كل شي حتى كليتي عطيته اياه مع اني دكتوره وعارفه شسمي ما يستحمل هالشي ....

صدمه ثانيه على طلال!!!!!!!!!!!!!!!!!

((حلااااااااااااااااااااااااا اهي لمتبرعه لي بكليتها !!!))

غمض عينه بقهر وضرب بيده على الطاوله بقوه

((آآآآآآآآآآآآآآآآآآآآآآآآآه نذل حقييييييييير ما استحقها ))

حلا بصراخ:وبعد كل هذا وكل لشفته منه تقولون لي ارجع له ..انا مو انسانه ما عندي كرامه ما احس ..مو كفايه خاني
مشعل مو عارف شيقول لها كل كلامها صحيح:....
حلا تهزه من جتفه وصلت لحاله هستيريه:تكلم يا مشعل كلامي صح ولا لأ
مشعل يناظرها واهي تهزه:...........
حلا بجيها يزيد وقامت تضرب بريلها بالارض:ليش ليش ليش حرااااااااام والله حر ااااااااااام
مشعل يشد على يدها عشان تصحى:حلاااااااااا خلاااااااااااص كافي بجي
حلا من غير وعي رمت نفسها بحضنه تصيح محتاج لحنان احد:حرام مشعل ليسونه فيني ...انا احبه ليش سوى فيني جذي ليش...
مشعل مو عارف شيسوي حضنها عالخفيف وبعد ما حس انها هدت بعدها عنه وابتسم لها:دامج تحبينه مع الايام بتسامحينه
حلا حمر ويها من حركاتها حطت يدها على فمها بشهقه:انا ما ادري شلون.. انا
مشعل فهمها وغير الموضوع وقف:واللحين روحي صلي لج ركعتين ورتبي اغراضج عشان ترجعين ويا طلال
حلا وقفت تناظره بحزن:يعني ما في أي حل ثاني
مشعل:للاسف يا حلا الا هالموضوع مو بيدي..بس انا وياج وماراح اتخلى عنج واذا سوى لج أي شي ثاني ماراح يلوم الا نفسه
حلا تبتسم له:الله يخليك لي يا مشعل
مشعل:سامحيني حلا بس مو بيدي شي
حلا:انت سويت الي عليك واكثر...انا برجع له بالاسم من غير روح وجسد..حسبي الله على لكان السبب
مشعل ابتسم لها:دام هالشي يريحج سويه
حلا نزلت دمعه:عن اذنك
مشعل يوقفها:حلا
تلتفت له:..
مشعل:اخوج دوم موجود كلها جم شهر وراجع لج ان شاء الله

ابتسمت له حلا وبعدها دخلت غرفتها ومشعل طلع لطلال بالصاله ....

كان قاعد على القنفه ومنزل راسه وحاط يده على راسه ..مبين من شكله انه محتار بشي

نادى عليه مشعل:طلال
طلال فز من مكانه وقرب له:حلا اهي لمتبرعه لي ؟
مشعل يهز راسه بحزن:اييه
طلال (صرخ بقلبه لااااااااااااا):ليش ما قلتو لي؟
مشعل يقعد بتعب:انا عرفت يوم جيت لي بريطانيا
طلال يقعد يمه ودمعته على خده:آآآآآآه يا مشعل ندمان وكل يوم ندمي يزيد اكثر
مشعل ما هان عليه شكله:ما عليه يا طلال كل انسان يخطأ
طلال:بس انا غلطت بحق انسانه عمرها ما اخطأت بحقي...شلون قدرت اسوي فيها جذي
مشعل يناظره بعتب:.....
طلال:لي متى يا مشعل بتم تعاتبني بنظراتك؟
مشعل:انت تشوف انك ما تستحقها
طلال وقف:كافي يا مشعل كافي رحموني
مشعل يوقف معه :وحلا المسكينه منو بيرحمها مو كافي بترجع لك غصب عنها
طلال:انا احبها يا مشعل وربي اوعدك اعوضها عن كل شي
مشعل:انا طول عمري ما شفت حلا بهالحاله انت وصلتها لهالحاله يا طلال صعب انها تسامحك
طلال مل من هالكلام :انا بروح وبرجع لها بعد ربع ساعه يا ليت تكون جاهزه
مشعل بسخريه:طول عمرك ما تحب تواجه غلطك

طلع من الشقه معصب وراح اخذ له سجاير وتم يدخن ...

مشعل ما هان عليه حس ان وايد قسى عليه نزل يدوره لقاه يمشي ويدخن ...استغرب منه اول مره يشوف طلال يدخن معقوله حالته لي هالدرجه....

وقف وراه وسحب السجاره من حلجه...التفت طلال له

مشعل بعتب:من متى يا طلال.؟
طلال بحزن:من يوم ما تركتني
مشعل يرفع السيجاره بويها :وتظن هذي بتنسيك لصار
طلال ينفخ بألم:آآآآه تخفف علي
مشعل :ما اظن يا طلال..هذي تموتك عالبطيء
طلال:ما يفرق عندي دام اهي تعاملني جذي
مشعل تم يناظره واهو ساكت يشوف ملامح التعب على ويهه:....
طلال ناظره وعيونه مليانه حزن وندم وعتب على خاله ليش يعامله جذي اهو غلط بس كافي تجريح

مشعل حس انه زودها معه وابتسم له:شرايك نروح نقعد بالكوفي شوب مالتنا
طلال:جان زين احس محتاج قهوه



بالكوفي شوب

طلال وقف من الصدمه:حاااااااااااااااااااااامل!!!!!!!!
مشعل:بالشهر الرابع وبتدش الخامس اظن
طلال يقعد بقهر:ليش ما خبرتوني
مشعل يشرب قهوته ويرجعها عالطاوله:ما كانت تبغيك تعرف
طلال عصب:ما يصير يا مشعل هذا ولدي مثل ما اهو ولدها
مشعل:هالشي راجع لها لا تكلمني عن هالموضوع مالي خص

شكت لثواني بعدها ابتسم بفرح:يعني بصير ابو
مشعل يبادله الابتسامه:أن شاء الله
طلال :ما اصدق مشعل
مشعل:هههههه لا صدق
طلال يوقف :قوم خل نروح لها الشقه ما تدري شكثر كنا ننطر هاللحظه انا معاها
مشعل يوقف:يالله مشينا

وقف بنص الطريج ...

مشعل:شفيك؟!!!
طلال بضيق:تتوقع بتم فرحتها مثل ما كانت قبل
مشعل ما فهم كلامه :شلون يعني!!!
طلال يكمل طريجه:ابد ولا شي ..خل نرجع الشقه



رجعو الكويت بعد ما ودعت حلا مشعل....وطلال حلف لمشعل انه ماراح يأذيها مره ثانيه ...

بالطياره

حلا طلبت من مشعل انه يحجز لها بعيد عن طلال بس طلال رفض هالشي وكان حاجز لهم والطياره فول ما في مجال تغيير...


قعدت جنبه من غر أي كلمه من طلعو من الشقه ما نطقت معه بولا كلمه ...تمشي وراها واهو محترم سكوتها وساكت...


طلال التفت عليها:مرتاحه جذي
حلا اكتفت بهز راسها بنعم:.....
طلال نفخ دليل على قلة الصبر بمعامله حلا له:.....

بعد مرور 3 ساعات...حلا حست بتعب شوي قامت تبي توقف بتروح الحمام حست بدوخه وقعدت عالكرسي

طلال مسك يدها بخوف:حلا شفيج؟
حلا تسحب يدها :لا تمسك ايدي مره ثانيه

ضغطت على نفسها ووقفت وراحت الحمام ما تبي أي مساعده منه...

((أأأأأأأأأأأأه يا طلال يمي وما يفصل بينا شي وما اقدر حتى امسك يدك ....ولهانه لكل شي فيك يا طلال حتى ريحة عطرك نفسها ما تغيرت...يا ربي شلون بصبر على بعدك اكثر))

رجعت لمكانه واهي تحاول تتحكم بمشاعر الشوق لبتفضحها....

ابتسم لها طلال وعدل لها المخده لعالكرسي عشان تتسند عليها..

حلا من غير نفس:شكرا ماله داعي تعب عمرك
طلال بكل حب:عمري كله فداج

حلا لفت الجهه الثانيه وغمضت عينها بحسره ما تبيه يأثر عليها....




الكويت

بيت بو حور

قاعدين بالحديقه ويا الشباب يلعبون كره وحصه وبو حور يسولفون....

بو حور:تصدقين يا حصه
حصه تصب له استكانة جاي:خير
بو حور:احس حور مرتاحه ويا خالد
حصه تبتسم له:الحمدالله...خالد ولد اختي ما عليه كلام
بو حور:وانا اشهد
حصه:شسويت على الموضوع لكلمتك فيه امس
بو حور:انا اشوف ماله داعي
حصه تنرفزت:شنو اهو لماله داعي قبل لا تبدي الدوامات نبي نسافر نغير جو
بو حور:اخاف نشغل البنت عن دراستها
حصه:ماراح نشغلها ....كلها 10 ايام
بو حور :خليني اكلم البنت بالاول وبعدين نشوف
حصه قامت معصبه:حتى واهي متزوجه مو مفتكين منها


بيت جاسم

نزلت شذى للعشى وكان فيصل عندهم....,سلمت على الكل وقعدت معهم بالطاوله...

جاسم:شلونج حبيبتي شذى اللحين؟
شذى:الحمدالله عمي احسن من امس

امامه تساسر فيصل:هذي وحده من خططها عشان ترجع طلال
فييصل:ههههه اموم اجلي حشج فيها بعدين مو جدامهم

جاسم حس بنته خربطت بشي:امامه
امامه تلتفت له واهي للحين تضحك:هلا يبه
جاسم بجد:كملي اكلج بلا هذره زايده
امامه تشوف شذى واهي للحين تضحك:ههه أن شاء الله يبه

شذى انقهرت منها بس سوت نفسها عادي وكملت اكلها.... بعد العشا قعدو كلهم بالصاله...

نوال:يمه فيصل اصب لك حليب
فيصل:تسلمين عمتي
امامه تروح لها وتاخذ الكوب عنها:عنج يمه

امامه تمد له الكوب:تفضل
فيصل يغمز لها عالخفيف:مشكوره

راحت قعدت يمه ..وشذى كانت بقنفه فرديه جنب قنفة امامه وفيصل ...وجاسم ونوال على قنفه لشخصين...

فيصل:ها عمي شقلت على موضوع السفره؟
جاسم :والله يا ولدي يا فيصل مثل ما انت شايف حالتي صعبه علي اسافر معاكم ..والشغل ما يمشي من غيري انا او طلال
فيصل :صح كلامك عمي
جاسم يبتسم له:انتو حجزو وتوكلو على الله...وانتي يا ام طلال اذا بتروحين وياهم روحي
نوال:ايش يوديني انا بجلس معك
امامه:شعلييييك يبه شعليييييك ما تستغنى عنك
نوال:اموم
جاسم:هههه ولا انا استغنى عنها
شذى:الله يخليكم لبعض

امامه تساسر فيصل:نطقت الاستاذه
فيصل:ههه اموم يوزي
شذى كانت قريبه منهم وسمعتهم..وقفت معصبه:عن اذنكم

بعد ما صعدت التفت جاسم لامامه:وبعدين معاج؟!
امامه بكل براءه:شنو يبه!!
جاسم:انتي تعرفين شنو
امامه:ما سويت شي
نوال تغير الموضوع:متى بتسافرون يا فيصل؟
فيصل:والله عمتي ما لقيت حجز إلا بعد 4 ايام
نوال:يمديكم؟
فيصل:باجر أن شاء الله يرجعون حلا و طلال ويمدينا نجهز الجناط
جاسم:على خير أن شاء الله

تمو يسولفون بعدها استأذن جاسم يصعد لغرفته ولحقته نوال...


امامه:انا ماراح اسافر
فيصل انصدم:ليش؟!!
امامه:فيصل عرسي بعد 3 اسابيع كيف تبيني اسافر؟!
فيصل:حياتي ما عليه كلها 3 ايام السفره ماراح نطول
امامه:صعبه فيصل ما اقدر
فيصل :اموم حبيبتي انا هالسفره عشانج ابيج تغيرين جو
امامه تبتسم لخوفه عليها:كفايه حياتي اليايه كلها معك هالشي يكفيني
فيصل:لااااا اموم لا تحاولين تقنعيني
امامه تغير الموضوع:انزبن وين لبيوديني يمشيني على البحر
فيصل:افا عليج حاضرين للطيبين
امامه توقف بنشاط:اوكي انطرني اغير لبسي عالسريع وارجع
فيصل:كل شوق بانتظارك يا عزيزتي
امامه واهي تصعد لغرفتها:ههههههههه







بيت فيصل

قعدت انفال من النوم واهي تحس انها عطشانه...هذي رابع مره تحلم بأن فواز يكلمها بس عمي ...ٌقلبها مقموت من كوابيسها..

غسلت وتوضت وصلت غيرت لبسها ونزلت تحت..لقت فيصل وامها يتفطرون..

انفال تبوس راس امها:صباح الخير
الكل:صباح النور
انفال تقعد يم فيصل:فيصل قاعد امبجر اليوم
فيصل يبتسم لها:ايي ابي الحق عليج
انفال:هههههه ليش شصاير؟.
فيصل:ابيج تقنعين اموم تسافر ويانا مو راضيه
انهى:ليش؟
فيصل:تقول ما يصير اسافر وياكم ويكون عرسي بعد اسبوع
انفال:ههههههه
نهى:ايي يمكن البنت تبي تجهز ترتب نفسها
فيصل:ماراح يضرها 3 ايام يمه
انفال:وانت يعني ما تقدر تسغنى 3 ايام
فيصل:من صجج انتي انا 3 ساعات زين اقدر
انفال:هههههههههه
نهى:قنعيها يا انفال ولحقي على اخوج
انفال تضرب يدها جهة صدرها بفخر:افا عليك يا فيصل ما طلبت شي اعتمد اموم مسافره ويانا
فيصل يبوسها على راسها:تسلمين يالغاليه دوم اقول مالي غير نفول




امامه بتسافر وياهم ؟!!!
حلا شلون بتعامل طلال اذا رجعو الكويت.؟!!
شذى بتوافق أن حلا تسافر وياهم ؟.!!!
غنيمه بتغير رايها اذا عرفت قصة فهد ولد احمد؟!!

الجزء 24


بريطانيا

قاعد بالحديقه رجع مره ثانيه للوحده....انصدم من اثنين دخلو الحديقه باين عليهم الفرح ...

تم يتأملها واهي تضحك وتسولف ...تلقائيا كان يبتسم معهم من غير أي شعور...

ابتسم لا لا هذي ماهي ابتسامه


يا حبيبي يا حبيبي هذي نوع من الملامه


ملامه جدا رقيقه اداري بها الحقيقه بابتسامه


الحقيقه ياهي مره وعسيره كيف يرضا العشير لعشيرا


يرضا في جرحه وغروره لا يراعي له شعوره


ياهي صعبه الليالي لاقضيها لحالي


وعن عذابي وانت غافل ولا دراي وتجاهل ببتسامه


ملامه جدن رقيقه اداري بها الحقيقه بابتسامه





قاعدين تحت شيره كبيره ...والجو كان دافي بوجود اشعة الشمس...خالد منسدح على الارض وحاط راسه على حضنها

خالد مزاجه رايق يغني لها:الله لا يحرمني منك ومن حلاك ومن دلالك ما تمنى غير شوفك تبتسم مرتاح بالك انا محتاج لحنانك
حور تقاطعه:انا كلي لك يا قلبي
خالد يمثل بيموت:آآآآآه قلبي قلبي
حور بخوف:شفيك خالد!!!
خالد يبتسم لها:كلامج يذبحني
حور:هههههههههه
خالد يكمل:تضحك الدنيا في عيني لرضيت واقبل اعذارك واسامح لو خطيت
حور:شفيك اليوم صاير لي راشد
خالد:لا تلوميني واحد عاشق شيسوي بعد!!
حور بحيا:امووت على العاشق والله
خالد:حوووووووووور
حور:هلا
خالد:قربي
حور:ما ابي
خالد:ههههه ماراح اسوي شي بس بقولج شي

حور المينونه قربت منه ...طبع بوسه على خدها واهي تمت تتلفت من الفشله

حور:يالمينون شسويت!!
خالد:هههههههههههههههههههههه عادي انتي بلندن
حور كانت تتلفت وطاحت عينها على مشعل لكان يناظرها والابتسامه على ويهه ..ارتبكت وما عرفت شتسوي...خالد لاحظ ارتباكها

خالد:حور حبيبتي شفيج؟
حور بخوف من انه يلاحظ شي:ابد بس حسيت برد فجأه
خالد يعدل قعدته ويقربها له يدفيها:جذي احسن
حور ما تبي تعذب مشعل زود:حبيبي خل نرجع الشقه
خالد مستغرب:ليش تونا واصلين
حور:ما عليه عشاني
خالد:من عيوني ...


مشعل تم يناظرهم لما ابتعدت عن عينه...ضرب بيده على الطاوله بقوه من القهر لبقلبه ونزلت دمعه من عينه غصب عنه ....ما قدر يستحمل يقعد بعد لشافه اخذ كتبه ورجع شقته ((وينج يا حلا كنتي تخففين علي ))




الكويت

أول ما وصلو الكويت حلا طلبت منه يوصلها على طول بيتهم مارح تدخل بيت عمها وليبيها يسال عنها....

واقفين عند الباب طلال بيده الجناط وحلا بتفتح الباب...يوم دخلو التفتت عليه...

حلا:لو سمحت طلال ما ابغى اشوفك بهالبيت
طلال رفع حاجب منصدم:شنو!!!
حلا:انت تعرف اني رجعت غصب عني لو بيدي ما ارجع لهالبيت...بس دام رجعت في شي لازم تعرفه
طلال يحاول يتمالك اعصابه:خير
حلا : ما في كلام بينا إلا لضروريات ولا تعتبر أن عندك زوجه اسمها حلا لان بكل وضوح اقولك انت ولا شي بالنسبه لي
طلال ((آآآآآآآآه يا حلا كافي تجريح انا ولا شي )):مشكوره

حلا ما ردت عليه ودخلت غرفتها وسكرت الباب عليها ما تبي أي مناقشه زايده معاه.....

طلال اخذ مفتاح سيارته ورجع لبيتهم ما له مكان من بعد كلامها...


أول ما وصل البيت جيت امامه تركض للباب تتوقع حلا معاه...

وقفت مصدومه انه سكر الباب ودخل بروحه

امامه:وين حلووووي!!!!
طلال يقعد بتعب:بالبيت
امامه تقعد يمه:ليش ما جبتها وياك؟!
طلال باستهزاء:اهو بكيفي...اهي ما تبغى
امامه:اوكي انا بروح لها اللحين
طلال يوقف بيصعد يرتاح بغرفته:لريحج


دخل شقته لقى شذى تفر بالتلفيزون...اول ما شافته رحت لصوبه واحضنته

شذى:حمدالله على السلامه ولهت عليك
طلال يبعدها ببطئ ((مو وقتج اللحين)):الله يسلمج
شذى ودها تتأكد اذا رجعت معه او لأ:شلون سفرتك؟
طلال يفك زرار دشداشته:الحمدالله
شذى:ازهب لك الحمام تاخذ لك شاور
طلال:يكون احسن احس اني تعبان باخذ لي شاور وبنام
شذى انصدمت صارلها 4 ايام مو شايفته:ما تبي تتغدا!!!
طلال من غير نفس:مو يوعان ماكل بالطياره ..روحي زهبي لي الحمام

شذى تروح الحمام واهي من داخلها تتقرطم ((اكيد رجعت معاها ولا ليش هالنفسيه ...الله يعيني انا لازم اكرها فيها قبل لا تحن له وترجع له))




مرت 3 ايام سريعه ما فيها أي احداث...نوال ونهى والبنات يزورون حلا بالبيت...اما طلال اخذ بنصيحة مشعل بعد ما كلمه وقاله أن يخليها كم يوم بروحها لين تتغير نفسيتها...


بيت جاسم

اليوم سفرتهم للامارات المغرب بالاول حلا رفضت تسافر بس البنات الحو عليها فوافقت ونفس الشي امامه ما قدرت على انفال....

امامه تكلم مشعل بالتليفون....

امامه:انزين مشعلوه يا ويلك أن كشت
مشعل:ههههه يا ربي شفيج انتي اوصل وياكم أن شاء الله بعد ساعه طيارتي الترانزيت
امامه:ايي اشوه لان حدي ولهانه عليك
مشعل:ولهت عليج العافيه ...انا بعد يالعروس ولهان عليج
نوال تسحب التليفون منها:هلا بالقاطع
مشعل:ههههه هلا والله نوال
نوال:هلا فيك ..ليش ما تجي لي الكويت بدل لا تروح لهم
مشعل:يا ربي ما اقدر انا كالساع راجع لكم كلها 3 ايام يا نوال ما اقدر اقعد زود وبما اني ما اقدر احضر عرس بنتك لازم اراضيها واسافر معهم
نوال:ايي خير أن شاء الله...كيف حالك بعد؟
مشعل:بيني وبينج مو بخير من رجعت حلا لكم...وايد فقدتها
نوال:ههههههه لو يسمعك طلال يذبحك
مشعل:هههههههههه
نوال:محتاج لشي يا مشعل؟
مشعل:تسلمين يالغاليه
نوال:الله يسلمك
مشعل:مضطر اخليج اللحين نوال اروح اخلص اجراءات السفر
نوال:حافظك ربي ..مع السلامه





مطار الكويت

الكل تجمع في بيت بو جاسم سلمو على نوال وجاسم ...وبعدها مشو على سيارتين فيصل وامامه وانفال وفجر ونهى بسياره ...وطلال وشذى بسياره بروحهم ....وهالشي حلا لكانت تبيه ما تبي تركب ويا طلال بنفس السياره ...

يا ترى لي متى بتم تتجاهله !!!!؟؟؟

واقفين البنات كلهم قروب وشذى ملت من شعور احساسها انها منبوذه ما بينهم....الكل يتجنبها وتجاهل حلا لها منرفزها حتى ما ناظرتها....

فجر :واااااااو مو مصدقه واخيرا بسافر الامارات
انفال:هههههههه هالبنت مينونه
حلا:ما الومها الامارات شحلاتها
نهى:ايي عاد الله يعينه عليها حنه على هالسوق
امامه:ايي والله خالتي بعد الواحد واصل للامارات وما يروح سوقتها ما يصير

شذى واقفه بروحها بعيد عنهم تلعب بموبايلها ومن داخلها تحترق ليش طلال خلاها بروحها...

نهى بصوت واطي:يا بنات ما يصير جذي بتخلون البنت بعيده عنكم
حلا نزلت راسها وسكتت بقهر...انفال:يمه شالكلام يعني شتبين نسوي لها؟
نهى:مهما كان اعتبروها ضيفه عيب تخلونها بروحها
انفال:انا وحد ما احبها
امامه:ههههههههه عيل انا شتقولين كلمة اكرها شويه
فجر:مادري انا بس عاجبني ستايلها
الكل:ههههههههههههههههه
نهى بعصبيه خفيفه:الله يهديكم بس

راحت نهى لشذى وتمت تسولف وياها....

انفال تلتفت لحلا:لا تتضايقين من امي حلا
حلا بابتسامه:شدعوه انفال ..تسوي ليريحها


فيصل اخذ مقعده جنب امامه بالطياره وطلال احتار بين حلا وشذى لو بيده يبي جنب حلا ..بس حلا كانت مكلمه فيصل وقالت له تبي يم البنات...

اضطر طلال ياخذ مقعده يم شذى ..وتبقى نهى وانفال وفجر وحلا باربع مقاعد جنب بعض....

ما اقدر اوصف لكم شعور حلا...مهما كانت صبوره ما تقدر تستحمل تشوف حبيبها جنب وحده واهي ساكته كانت تبتسم بس من داخلها تحترق ....تحس أي كلمه منه بيخليها تنفجر وترمي نفسها باحضانه....


شذى ما قصرت كانت تسوي حركات تقهر حلا فيها....



بدبي

وصلو وكان الوقت متأخر 10 بليل بتوقيت دبي ..كل واحد دخل غرفته يرتب اغراضه ...

حلا وامامه وانفال بغرفه جنبهم فجر ونهى بغرفه ومشعل وفيصل بغرفه ..طلال وشذى بغرفه تكون قبال غرفهم ..


غرفة البنات

حلا جالسه بالبلكونه تشوف الرايح والراد وتفكيرها مع طلال ((آآآخ يا قلبي معاه بنفس الغرفه ..صبرني يا ربي مادري شلون بستحمل))

انفال كانت تستحم .وامامه ترتب اغراضها حست بسرحان حلا وعرفت بلي تفكر فيه ..راحت لها البلكونه ووقفت يمها...

امامه:للحين تحبينه حلا
حلا غمضت عينها بألم:حبي له يوم عن يوم يزيد رغم كل لسواه فيني
امامه تشوف بطنها:مثل بطنج يعني يوم عن يوم يكبر
حلا:ههههههههه
امامه:ايي ضحكي جذي
حلا سكتت فجأه ونزلت دمعه على خدها:اموم قلبي يحترق أن شفتهم ويا بعض
امامه بحزن:مو هذا لطلبتيه...ولا طلال كان بيحجز غرفتين لج ولها ويوم عندج ويوم عندها
حلا :ما ابغيه يحس اني ولهانه عليه ..اكيد ما ابغى اكون معه بنفس الغرفه علاقتي ويا اخوج اللحين كلام وبس
امامه انصدمت:لي هالدرجه حلا!!!
حلا :من يوم رجعت ما فسخت شيلتي جدامه
امامه فتحت عينها عالآخر:ليش !!؟
حلا تبجي:تقولين لي ليش بعد ميمي..ما اقدر خلاص قلبي عافه
امامه:حلوي كلامج متناقض
حلا:ادري ادري وهالشي قاهرني مو قادره اتحكم بمشاعري اتجاهه

طلعت انفال وراحت لهم حست الجو متكهرب وحبت تغير الموضوع

انفال:حلووي يلا عاد احنا مسافرين عشان تغيرين جو
حلا بحزن:دام هذي بحياتي انسو أغير جو
امامه:يلا عاد حلوي خليها تولي وخلينا نستانس أول سفره لنا ويا نفول
انفال بدلع:ايي والله أول سفره لي وياكم وجذي تسوين فيني
حلا:ههههههههه خلاص يا قلبي ماراح اضيق خلقكم
امامه:خل نلبس بجايمنا ونسولف لين انام باجر مشعل يقول من الصبح بقعدكم
انفال:ايي فيصل يقول انه مسوي لنا مخطط
حلا بضيق واضح:وكلهم بيجون؟
امامه تناظر انفال وترد لحلا:وبعدين يعني يا حلا تجاهليها ما كأنها موجوده
حلا بغصه:صعب علي صعب
انفال دمعت عينها:ادري يا عمري بس حاولي
حلا تضحك لهم:ههههههههه شفيكم قلبتوها بجي
انفال تضربها بالمخده:صج انج بايخه
حلا ترد تاخذ مخده وتضربها فيها:ههه انا البايخه ولا انتي

وتمو على هالحال وامامه واقفه بينهم ومسكره عينها وحاطه يدها على راسها عشان ما يحوشها شي

امامه صرخت فجأه:بسكم بس ...يالهبله حلوي نسيتي انج حامل
كانت بترمي مخده على انفال وقفت فجأه:يمه يمه نسيت
انفال تضحك على شكلها:ههههههههههههههه
حلا :تضحكين بعد تبين تموتين ولدي حشاشة يوفي
انفال تنسدح عالسرير:فكينا انتي ولدج وتعالي نام ورانا لويه باجر
اموم تنقز على السرير وتنسدح يم انفال:ماما قولي لي قصه
انفال:هههههههه تبين قصه روحي لفيصل مو عندي
امامه تكمش شعرها:سكتي يا حماااااااره
انفال:هههههههه ترا اناديه لج اللحين
امامه:فيج خير سويها
انفال تغمز لها:اموم لا تعاندين
امامه بغرور:كلام
انفال تقوم من السرير:اوكي دقايق بس
امامه خافت راحت وقفتها:ههه نفول يالهبله من صجج
حلا ماتت من الضحك:هههههههههه دامج مو قد العناد ليش تعاندينها اموم

وتمو ضحك وسوالف لما نامو....

بنفس الوقت غرفة الشباب

انسدحو كل واحد على سريره ...

مشعل منسدح على سريره يفكر بحور (يا ترا مرتاحه مع خالد حبيبتي ..نسيتيني!!!))

فيصل حس أن مشعل مو نايم:مشعل صاحي
مشعل يلف عليه:ايي ما جاني نوم
فيصل يفتح الابجوره:ولا انا
مشعل يبتسم له:ليش؟
فيصل منحرج:امم والله الصراحه متعود اكلم بنت اختك المصون كل يوم قبل لا انام والحلوه شكلها نستني
مشعل:ههههههههههههههه اهي قالت لك لازم تتغلى قبل العرس
فيصل:اصلا زين انها رضت تجي معانا كانت بتقعد بالكويت
مشعل:هههه من حقها العرس بعد اسبوع
فيصل:الله يخلي نفول وحلا قنعوها تسافر ويانا.... على قولة نفوله تقول تودع سفر العزوبيه
مشعل:ههههههههههههههههههههه

فيصل بعد صمت :مشعل
مشعل:هااااااا
فيصل :امم انا بروح لها
مشعل يمثل العصبيه:وين بتروح انثبر مكانك
فيصل اخترع:من حقي
مشعل:لا والله شوف الساعه جم
فيصل تنرفز:يا اخي حس فيني مو قاعد ترد على موبايلها وهم ما شاوفها ماراح انام جذي
مشعل:لا تنام
فيصل انصدم:شنو
مشعل:ههههههههههههههههههه خلاص برحمك اللحين

اخذ جواله واتصل على امامه واهي ردت على طول..

امامه:هلا بخالي العزيز
فيصل كان ساحب الموبايل منه:افا والله تردين عليه وانا لأ
امامه ما عرفت شتقول:فيصل!!!
فيصل طلع بره البلكونه ياخذ راحته بالكلام:ليش ما تردين علي؟
امامه بدلع:كنت بنام
فيصل:لا والله
امامه منحرجه انفال وحلا مو مخلينها براحتها:اممم اكلمك باجر
فيصل بحده:لااااا اللحين
امامه توهقت:اممم اوكي لحظه شوي

امامه تصارخ عليهم:اففففففف شتبون لازقين فيني جذي
انفال:ههههههه منو فصول
امامه:مالج شغل
حلا:هههههه توج تقولين خالي العزيز..شلون تحول فيصل

امامه قامت منهم وراحت للبلكونه :الو
فيصل:احلى الو
امامه ابتسمت :ليش ما نمت للحين؟
فيصل بدلع:ما ياني نوم
امامه بخوف:ليش مريض؟
فيصل:ايي
امامه اخترعت:شفيك حياتي
فيصل:مريض وتعبان
امامه:شلي يعورك
فيصل بصوت عذاب ويده على قلبه:بطني وقلبي
امامه ما انتبهت له:سم الله على قلبك
فيصل:يعورني حيل مو قادر انام منه
امامه:وين مشعلوه عنك
فيصل:مخليني ونايم
امامه صدقت:يا قلبي اللحين اجيك
فيصل ما صدق:صج
امامه:مو تقول تعبان
فيصل رد بصوت تعبان:حدي حدي مو قادر انام
امامه:خلاص حبيبي اللحين ايي افتح لي الباب
فيصل بمكر:اوكي حياتي لا تطولين اخاف اموت
امامه:سم الله عليك من الموت اللحين يايه باي
فيصل:باي

خذت لها روب طويل ....لبسته فوق بجامتها...

انفال مستغربه:وين رايحه.؟
امامه:مالكم شغل

طلعت منهم وراحت لغرفة فيصل ومشعل

حلا:هههههههههه ما قدرت تصبر
انفال:ههه تلقين فصول مألف عليها قصه شفتي شكلها شلون مخترعه
حلا:ههههههههههه مو هين اخوج
انفال تغمز لها:افا عليج تربيتي

توها بتطق الباب فتح لها بابتسامه:هلا هلا
امامه استغربت شكله صاحي 100%:فيصل !!
فيصل يطلع بره ويسكر الباب:عيونه
امامه مستغربه:وين بتروح؟
فيصل يمسكها من يدها:مكان فيه انا وياج بس
امامه تسحب يدها منه:يالدب كنت تجذب علي؟
فيصل وقف قبالها:ما جذبت عليج قلبي صج يعورني من بعدج عني
امامه:يا ربيي فيصل لي متى بتم جذي يعني
فيصل :لما تحنين علي وتكونين قبالي 24 ساعه
امامه تلف بترد الغرفه:مره ثانيه لا تجذب فاهم
فيصل عرف انها عصبت وقفها من يدها:هههههههه لحظه وين رايحه
امامه :فصول وخر عني مقومني من نومي اخترعت على بالي فيك شي واخرتها غشمره من غشمراتك البايخه
فيصل:هههههه بايخه عاد ...حرام عليج هذا جزاي اني ولهان عليج وما اعرف انام من غير لا اشوفج
امامه معصبه:انت صاحي !!!
فيصل يستعبط:ما اظن ...(يقرب من اذنها يساسرها) لاني مينون بحبج

امامه تركته وراحت الغرفه بسرعه فتحت الباب ودشت ...فيصل بعد ما ارتاح أن شافها رد الغرفه استوعب أن مو معه المفتاح.. تم يطق الباب لكن مشعل بسابع نومه محد راح يفتح له وموبايله داخل...رد لغرفة البنات

طق الباب راحت له امامه لانها للحين ما راحت لسريرها...
شافته من الفتحه وردت عليه من ورا الباب:شتبغى؟.
فيصل:ابغيك
امامه/:تستخف دمك تكلم عدل
فيصل :ههههههه انتي تقولين جذي..(يقلدها) شتبغى؟
امامه:روح لغرفتك
فيصل يبي يكسر خاطرها :حرام عليج وين انام يعني بره
امامه:فيصل ترا كلامك هذا فاهمته

حلا وانفال ميتين ضحك عليهم ....

فيصل:والله العظيم من صجي مشعل قافل علي الباب
امامه كسر خاطرها وفتحت له الباب واهو ياي بيدش بس وقفته:فيصل حبيبي نسيت حلا ويانا
فيصل رجع خطوه:ويي آسف نسيت (حسافه خربت علي خطتي )
امامه واقفه عند الباب وبيدها الموبايل :انطر ادق على مشعل
فيصل يتاملها:خذي راحتج

رد مشعل عقب مده

امامه:مشعلوه مخلي ريلي بره ونايم
مشعل اخترع:بسم الله شفيج انتي
امامه:قوم افتح الباب لعمك
مشعل:منو عمي؟
امامه تغمز لفيصل:منو غيره حبيب قلبي فيصل
مشعل يصرخ عليها:وييييييييع ...انتي ما تستحين
امامه خافت:لا تصارخ علي
مشعل :وينه فصول عطيني اياه

امامه تمد له الموبايل:اخذ زفني
فيصل:اللحين اعلمه شلون يزفج

فيصل:انت شلون ترفع صوتك على عمتك
مشعل:ههههههههههه هذا لناقص اموم صارت عمتي
فيصل يغمز لها:عمتك وتحمد ربك بعد
مشعل:اقول فصول لا تسوي فيها بطل جدامها ترا ما افتح لك الباب
فيصل بصوت واطي:لا مشعل الله يعافيك
مشعل:ههههههههههههههههههههههههههههههههههههههههههههههههههههههه هه يالله تعال افتح لك
فيصل:اوكي ياي

فيصل يعطيها الموبايل:انا رايح
امامه تبتسم له:تصبح على خير
فيصل يقرب وياشر على خده:ما في شي قبل النوم
امامه تسكر الباب بسرعه ومن روا الباب:لاا ما في يالله روح
فيصل:ههههههههه اوكي هالمره قدرتي تنحاشين

ردت للبنات ولقتهم ميتين ضحك عليها...

امامه انحرجت اكيد سمعو كل شي:ليش تضحكون ها
انفال:والله يا اموم ما عرفت أن اخوي رومانسي إلا يوم حبج
حلا:هههههههههههههههههههههههههههه
امامه تحذف عليهم مخاد وتسكر الليت:انجبو ولا كلمه وخمدو نامو


بالجهه الثانيه غرفة شذى وطلال ..من أول ما وصلو وطلال معصب من حلا ليش راحت بغرفة البنات كان ناوي يحجز غرفتين وكل يوم يكون عند وحده بس حلا مصره للحين على رايها....

أول ما دخل غرفته اخذ له دش سريع ونام على طول ...شذى انقهرت من حركته

خذت التليفون واتصلت بحور تحس ما فيها نوم من زمان خبرها فيها اخير مره كلمتها بيوم عرسها ...

حور ردت بكل وله:شذوووووووووووووووووووووي
شذى:حوروه شلونج؟
حور:تمام انتي شلونج يالقاطعه؟
شذى بضيق:الحمدالله على كل حال
حور حست من صوتها مضايقه:شفيج شذى؟
شذى:ابد ما فيني شي انتي شلونج شمسويه؟
حور براحه:مرتاحه يا شذى مستانسه خالد مو مقصر معاي
شذى دمعت عينها:الحمدالله يا حور انتي تستاهلين كل خير
حور:الحمدالله ما توقعته جذي ...احبه شذى
شذى:الله يخليه لج أن شاء الله
حور:آمين..انتي شلون حبيب القلب؟
شذى باستهزاء تناظره:حبيب القلب !! خليها على الله
حور:ليش شذى مو مرتاحه
شذى بندم:متحسفه يا حور على كل لسويته... طلال واحد ثاني مو اهو طلال حبيبي
حور :ما عليه يا شذى مع الايام بيتغير
شذى تصيح:ساعات يا حور احسه واحد ثاني عصبي وما يستحمل مني أي كلمه ما يبي حتى يشوفني ويسمعني كلام يسم البدن ..وساعات يصير واحد ثاني طلال الرومانسي الحنون لضحيت بنفسي عشانه
حور:من عمره طلال مزاجي يا شذى لازم تتعودين عليه
شذى:مليت مليت
حور:ما عليه حبيبتي انتي لبغيتي هالشي لازم تستحملين
شذى :الله يعين..تدرين اني بدبي
حور:صج ..ويا طلال؟
شذى بقهر:جان زين...سفرة اهل جماعيه
حور مستغربه:حلا وياكم؟
شذى :اييه الله ياخذها
حور :لا تدعين على حلا ما تستاهل
شذى:اهي سبب لفيه طلال
حور تغير الموضوع:وقاعدين لمتى؟
شذى:اليوم أول ليله لنا 3 ايام وبنرجع
حور:ايي منها تغيرين جو حاولي تتقربين من طلال اكثر
شذى بقهر:اهو قريب مني بالشكل بس اما عقله وروحه كله مع هالحلا
حور :لا تلومينه يا شذى مهما كان هذي بنت عمه ولا تنسين قبل شلون كان يسولف لنا عنها
شذى باستهزاء:من صجج انسى اصلا انا من قبل لا اعرفها كنت اكرهها كان دوم يمدحها ويتكلم عنها الظاهر كان حابها واهو ما يدري
حور:ههههههههههه تغارين منها
شذى تسن على ضروسها:انا مو بس اغار لو بيدي اذبحها
حور:ههههههههههههههههه
شذى صرخت:حوووووور لا تضحكين من صجي

طلال قعد على صوتها والتفت عليها بعصبيه:وبعدين يعني نبي انام في احد يتكلم هالحزه

شذى انصدمت من اسلوبه وخاصة أن حور سمعت ...

حور ترقع:اوكي شذويه باجر اكلمج أن شاء الله
شذى نزلت دمعه من عينها:اوكي ...باي

راحت له :ممكن اعرف ليش تكلمني بهالاسلوب
طلال حط مخده على راسه ما يبغى يسمع صوتها:.....
شذى انقهرت منه وسحبت المخده:انا قاعد اكلمك
طلال قعد عالسرير معصب:انتي وبعدين وياج
شذى :ليش تعاملني جذي
طلال:شذى ترا تعبان ومالي خلقج ابغى انام
شذى :ترا مليت من اسلوبك ومزاجك
طلال عصب:شوفي يا بنت الناس ترا اذا صحيت لج ماراح تعدي هالليله على خير خليني انام احسن لج
شذى خافت ورجعت خطوه:نام نام

دخلت الحمام وتمت تصيح على حالها ....طلال عوره قلبه عليها مو قادر ينام ((يا ربي زين جذي سويت بالبنت ..مو زين تبجي بالحمام ))

وقف عند باب الحمام:شذى فتحي الباب

ما في أي رد بس صوت شهقات متواصله:.....
طلال حن لها:حبيبتي فجي الباب لا تسوين بنفسج جذي
شذى تصيح:روح نام مالك شغل فيني
طلال :شلون تبيني انام وانتي زعلانه علي
شذى بصارخ:بس بس كافي تمثيل ترا لاعت جبدي
طلال:شذى حبيتبي ماله داعي للصراخ فتحي الباب
شذى:ما ابي... روح نام احسن لك
طلال بعناد:بتفتحين الباب ولا اكسره يعني
شذى:ماراح افتح

طلال تم يضغط يضغط يحاول يكسره بس اهي خافت وفتحته له

شذى ويها مليان دموع:نعم شتبي
طلال (يا ربي اسويت فيها):ليش كل هالبجي حياتي
شذى ترفع صبعها بويها:لا تقول حياتي
طلال يضمها لعنده ويمسح على شعرها:خلاص حياتي كافي بجي ادري غلطان سامحيني
شذى تتمسك فيه وتمت تصيح:حرام عليك طلال انا احبك ليش تسوي فيني جذي
طلال بهمس:اووشششش خلاص اهدي اللحين

وتم يهدي فيها لما رضت وبعدها راحو نامو....



الكل قعد الصبح واتفقو انهم يتلاقون بمطعم الفندق تحت يتريقون يميع ...



غرفة البنات

امامه عيزت من حلا مو راضيه تقوم...

امامه :حلوووي وبعدين يعني قومي
حلا تحت الغطى:ابغى انام روحو
امامه عارفه ليش ما تبي تروح عشان شذى:وبعدين يعني بتمين طول السفره جذي
انفال خلصت لبس وقربت منهم:حلوي للحين ما قمتي
حلا تشيل للحاف عنها:مالي خلق اروح انتو روحو
امامه عصبت:ما يصير جذي حلوي ..احنا وياج
حلا دمعت عينها:ما اقدر اشوفها وياه بمووت والله اموت
امامه تلمها تخفف عليها:خلاص حلوي بس كافي بجي
انفال بمرح:ترا حدي يوعانه ...بتقومون ولا انزل بروحي
امامه:لا والله نطرينا ..يلا حلوي قومي
حلا تمسح دموعها إلا صارت تنزل من غير لا تتحكم فيهم :لازم يعني؟
امامه تبتسم لها:لازم عشان تقهرينها ولا تخافين احنا وياج
انفال تغمز لها:العصابه الثلاثه
حلا:ههههههههه سويتو فيها عصابه واجرام
امامه تسحبها:بلا هذره زايده ويلا جدامي

بالمطعم

كانت طاوله دائريه كبيره تكفيهم كلهم فيصل قعد واخذ كرسي جنبه لامامه ومشعل كان بيقعد فيه بس فيصل دزه ((هذا محجوز لحبيبتي)) تم يضحك .. وقعد بالكرسي لبعده بحيث تصير امامه بينهم ....طلال كان متردد ما يبي يقعد يم شذى عشان ما تزعل حلا بس كان غصب عليه يقعد يم فيصل وبعده شذى ..جلست جنبها نهى وبعدها فجر ..وصلو البنات القو السلام وقعدو بحيث انفال يم فجر ثم حلا ثم مشعل ثم امامه وتكتمل الدائره...

فترة الصمت كانت سايده بين كل من حلا وطلال...الكل لاهي بالسوالف وطنش شذى ..بالاخير نهى تمت تسولف وياها ...اما طلال وحلا كل واحد منهم يخطف نظرات للثاني من غير لا يحس...

قطع الصمت بينهم مشعل واهو يمسك بكوب الحليب:اموم
امامه التفتت عليه:هلا
مشعل يشرب ويرجع الكوب:بسج قرقه ويا فيصل واكلي
فيصل:وانت شحارك مرتي وحلالي
مشعل بغرور:وليش احتر؟
امامه تلتفت لفيصل:ما عليك منه ..ايي كمل وبعدين
مشعل:ههههههههههههههههه

حلا تساسر مشعل:وانت شعليك منهم ها
مشعل بصوت واطي:ههههه بس ابي اطفر اموم
حلا:هههههه عندك اياها

طلال عينه عليهم شلون يتضحكون ويا بعض حس بنار بقلبه ..((معقوله اغار من مشعل ...آآآآآه يا حلا جفاج لي خلاني اغار حتى من نسمة الهوا ))

نهى:انزين يا عيال وين تبون تروحون؟
فجر:خل نروح امارات مول
فيصل :دوم تثبتين لي يا فجور انج اختي
امامه:هههههههه ليش ؟
فيصل: لان اليوم مخططين نروح امارات مول
مشعل:ها شرايكم في أي اعتراض؟
طلال:انا بالنسبه لي موافق
انفال:انا وياكم
امامه:وانا بعد وياكم
شذى:انا ويا طلال
حلا احترت من كلمتها حست بدمعه بتنزل بس مسكتها...التفت عليها مشعل بحنيه:وانتي يا ام ناصر؟
حلا :اممم
قاطعتها امامه:بتجي غصبن عليها
مشعل:وانتي شكو.؟
امامه بغرور:انا اكو يا خالي العزيز ريلها على ريلي
حلا بمرح:خلاص سمعتها يا فيصل اهي لقالت ريلي على ريلها
امامه ترقع :لا يعني قصدي اذا طلعنا كلنا يميع ..بس اذا انا وفيصل مالج امل تجين
الكل:ههههههههههههههههههههههههه









وصلو امارات مول


فجر :يمه ابي اتسوق حق الجامعه
امامه:انا بعد
انفال:انا مالي خلق تونا واصلين
فجر:المجمع كبير ابي افره كله
حلا:ههههههه انا بتم وياج نفوله
فيصل يكلم امامه:انا اجي معج
امامه ما تبيه لان بتجهز لنفسها:لا حبيبي خلك ويا مشعل انا اخلص واجيك
فيصل بوز:ليش ما تبيني؟
امامه توهقت وبصوت واطي:بجهز ملابس وجذي ما ابغيك تكون معي
فيصل غمز لها:دام جذي اوكي ..ناقصج شي.؟
امامه:تسلم حبيبي مو ناقصني شي

مشعل يقرب لهم:ها شقررتو؟
نهى:خلاص انا اروح مع البنات نتسوق
فيصل:نفول تيون معانا
انفال:وين؟
مشعل:انا اقول نقعد بكافيه بعدين نتمشى
حلا:انا بجي وياكم

شذى بصوت واطي:طلال ابي اتسوق
طلال وعينه على حلا:روحي مع البنات
شذى بحزن:ما ابي ..انت تعال معاي حبيبي
طلال:شذى شسوي بالسوق انا خليني اروح اقعد وياهم وانتي روحي تسوقي ( بقلبه يبي يتم ويا حلا)
شذى بدلع: يلا عاد طلولي لا تردني

انقذت الموقف نهى

نهى تقرب منهم:حبيبتي شذى ما تبين تيين معانا
شذى:انا برو..
يقاطعها طلال:ايي خالتي تقول تبغى تتسوق
نهى تبتسم لها:تعالي معانا حبيبتي
طلال :روحي وياهم واي شي تبينه كلميني انا بكون ويا مشعل وفيصل
شذى بقهر لان حلا بتكون وياهم ما عرفت شتقول:اوكي

بعد ما راحو يتسوقون ...تمو انفال وفيصل ومشعل وطلال وحلا قعدو بكافيه

فيصل:شتبون اطلب لكم
انفال:انا بيي وياك
مشعل:انا بروح الحمام وارجع اطلب لي موكا
فيصل:اوكي ..وانت طلال؟
طلال:امم موكا مثل مشعل
انفال:حلا شتبين تشربين؟
حلا:امممم
طلال يقاطعها بابتسامه :طلبي لها لاتيه تحبه
حلا رفعت عينها له وشافته يبتسم لها وردت بعناد:طلبي لي كابتشينو كرهت اللاتيه

بعد ما راحو تمو حلا وطلال بروحهم وحلا لاستوعبت انها معه بروحها جيت بتقوم بس طلال مسكها من يدها وقعدها

طلال:قعدي لا تروحين
حلا تقعد وعينها بعيد:...
طلال:شلون نصوري
حلا:بخير
طلال:وام نصوري
حلا:تمام

فترة صمت وتأمل من طلال لحلا...

طلال يبي يكسر الصمت:من متى انتي تحبين الكابتشينو
وتكرهين اللاتيه؟
حلا ترفع عينها له بغرور:من جم شهر كل شي احبه كرهته
فهمها طلال ورد عليها بضيق:لي متى يا حلا؟
حلا لفت ويها لفيصل وانفال: لمدى الحياة
طلال:شلي يرضيج؟
حلا:ولا شي
طلال:اطلق شذى؟
حلا باستهزاء:لا تتوقع اني بعدها برجع لك
طلال مل: يعني شتبين اسوي عشان ترضين علي اذبح عمري
حلا :هم ما ينفع

قطع عليهم هواشهم مشعل ...

مشعل يقعد وحس أن الجو متكهرب: ها حلا تبين شي؟
حلا تبتسم له:لا مشكور
طلال حس بقهر وغيره تبتسم لمشعل واهو لأ:اقول مشعل
مشعل:هلا
طلال بس كان يبي يقطع كلامهم مو عارف شيقول:بتدخلون قرية الثلج؟
مشعل:والله مادري اذا بتدخلون بدخل معاكم

وصلو فيصل وانفال

انفال تحط الصينيه على الطاوله وتقعد يم حلا: وهذا الكابتشينو لطلبتيه
حلا تبتسم لها:تسلمين يا قلبي
طلال يحس بغيره من أي احد..فيصل:هذا موكا يا طلال
طلال وعينه للحين على حلا:مشكور
فيصل:ولو
مشعل:شلون الشغل اليديد انفال؟
انفال:والله وايد مرتاحه اذا خلصت تعال اشتغل معي بنفس الشركه
مشعل:تصدقين شكله جذي
فيصل يتقرطم: هالحمار قايل له حط لي معاه فانيلا ما حط
طلال:مو مشكله ردها له
فيصل يوقف: غصبن عليه ما احبها جذي

حلا سرحانه تفكر بحالها ويا طلال..وطلال عينه ما فارقتها
مشعل مراقبهم من يوم قعد ...

مشعل:اقول طلال؟
طلال عينه مو قادره تفارقها:هلا
مشعل:كلمت نوال؟
طلال:أن شاء الله أن ردينا الفندق
مشعل:قولي عشان اكلمها

حلا:مشعل
مشعل:هلا
حلا:أي صوب الحمام؟
مشعل يأشر لها :هناك
حلا توقف:اوكي عن اذنكم
انفال:حلوي ايي وياج
حلا بحيا:لا شدعوه دقيقه

راحت حلا لحمام ما كانت تقدر تستحمل تقعد ويا طلال بنفس المكان من غير لا تكلمه...

طلال شوي واستأذن لحقها وقال أن بيروح يخلص
شغله ويرد

طلعت من الحمام لقت طلال واقف بويها ..جيت بتمشي وقفها

طلال :حلا ابي اكلمج ضروري
حلا :سوري ما اقدر
طلال بصوت اعلى:حلا ارجوج ضروري
حلا تشوف الناس حولها شلون يطالعونهم:انزين من غير صراخ
طلال مسكها من يدها:امشي نروح كافيه ثاني
حلا تسحب يدها:من غير لا تمسكني
طلال وقف ناظرها بغضب من حركتها واهي ما اهتمت مشت عنه...

قعدو بالكافيه والصمت بينهم...طلال طول المده عينه عليها واهي حاسه فيه بس متجاهلته وعينها على الناس لتمر جدامهم...

واخيرا نطق:حبيبتي
حلا غمضت عينها بحسره:مو لايق عليك التمثيل
طلال عصب:ليش كله على بالج كلامي تمثيل
حلا من غير اهتمام:لان هذا الصج
طلال يقرب كرسيها منها:حلا انا احبج وادري اني غلطان وندمان ربج يغفر انتي ما تغفرين
حلا :انت تشوف انك تستاهل الواحد يسامحك؟
طلال بكل الم:نسيتي كل لبينا يا حلا ...نسيتي الايام الحلوه ..انتي تدرين انتي شنو بنسبه لي يا حلا
حلا نزلت دمعه من عينها:كنت يا طلال كنت
طلال يشد على يدها:وما زلتي يا حلا
حلا بتسحب يدها بس طلال شد اكثر:طلال ارجوك
طلال:حلا انتي لارجوج انا متعذب بموت من بعدج عني مو قادر يا حلا ارجوج رحميني
حلا (وانا بعد يا طلال متعذبه من بعدك عني) ردت بكل غرور:هالشي ما يهمني
طلال:من متى ما كنت اهمج يا حلا؟
حلا:في غيري من يهتم فيك
طلال :ما توصل لمستواج يا حلا ..انتي كل شي يا حلا بالنسبه لي ما تدرين شكثر اعاني من بعدج عني لا تتخلين عني حبيبتي لا تنسين حبنا اذا مو عشاني عشان حبنا يا حلا عشان ولدنا يعيش بينا
حلا:للاسف يا طلال انت ما قدرت الحب لبينا واللحين جاي تطلب مني انا اقدر ..خلاص ما ينفع الكلام اللحين كل شي بينا انتهى ..
طلال يقاطعها:حلا ارجوج سمعي
حلا تقاطعه والكلمات تطلع منها بكل الم: شكثر عانيت عشان ارضيك وكنت دوم يا طلال اتعب واشقى عشان ترتاح صبرت عليك وايد يا طلال وايد خلاص انا اليوم نسيتك يا طلال كل شي بين انتهى
طلال :كل هالكلام مو من قلبج ..حلا انا اكثر واحد عارف انا شنو بالنسبه لج لا تعاندين يا حلا لا تعاندين حبنا اكبر من جذي
حلا بضعف:طلال ارجوك كافي كافي
طلال يضغط عليها:لا يا حلا مو كافي مو كافي انتي تحبيني ومو قادره تستحملين تبعدين عني زود ..اذا تبين اطلق شذى من اللحين اطلقها بس ترجعين لي يا عمري
حلا انهارات جدام الكل:حرام عليك مو كافي لسويته فيني ..ما ابغيك تطلقها طلقني انا وعيش معاها اهي
طلال بعناد وصوت عالي شوي:اطلقج هالشي تنسينه يا حلا اموت ولا اطلقج
حلا وقفت :عيل انسى اني ارجع لك
طلال يوقفها:حلااا بلييز قعدي نتفاهم

حلا تحقره وتمشي..طلال يوقف قبالها جدام الكل وبصوت عالي..

حلا:وخر عن طريجي
طلال :احبج حلا احبج

حلا تروح عنه ودموعها تنزل من غير وعي...قربت منهم انصدم مشعل يوم شافها... قام من كرسيه بسرعه وراح لها

مشعل بخوف:حلا شفيج؟.
حلا انهارت حطت يدها وغطت ويها وتصيح:ردني الفندق مشعل
مشعل:خلاص اوكي انتي اهدي شوي
حلا تشاهق:بلييز مشعل ردني اللحين

انفال قربت منهم بخوف

انفال:حلوي شفيج؟
مشعل:شكلها تعبانه شوي انا وياها بنرجع الفندق اذا سألو قولي حلا تعبت شوي
انفال :اوكي...حلوي تبين ايي وياج
حلا:لا انفال ما عليه برجع الغرفه ارتاح

رجعو مشعل وحلا الفندق ..وطلال وصل بعد ما راحو

طلال مستغرب :وين مشعل؟؟
فيصل:رجع الفندق
طلال:ليش؟
انفال:حلا شوي تعبت
طلال بغيره وقهر:واهو ليش راجع وياها
فيصل استغرب من عصبيته:تبيها ترجع بروحها يعني
طلال من غير أي وعي لكلامه:ماله داعي اهو يرجع وياها انا زوجها تجي تقول لي
انفال تشوف فيصل :مادري عنهم

طلال يضرب بيده على الطاوله بقهر ويمشي من غير أي كلمه...

انفال :شفيه؟
فيصل (معقوله تغار من مشعل يا طلال):ما عليه تلقينه معصب
انفال:شكله متهاوش ويا حلا
فيصل:مالنا شغل فيهم..دقي على حبيبة قلبي شوفيها وينها اشتقت لها
انفال:اففففففففف لوعت جبدي فيها
فيصل يضربها عالخفيف:لا تقولين عن مرتي جذي
انفال تمسك موبايلها :خلاص درينا يا اخي العزيز


بعدها تلاقو كلهم بالكافيه رايحين مطعم يتغدون فيه ... وشذى لعيزت تدق على طلال طول ما هم يمشون ناحية المطاعم ما يرد عليها

نهى:ها يا شذى شصار؟
شذى بحزن:ما يرد خالتي
نهى:وين راح؟
امامه:انا ادق عليه اللحين
شذى:عيزت وانا ادق ما يرد
امامه بتجرحها:يمكن ما يبغى يرد عليج
شذى انقهرت تكلمها جذي جدامهم:ليش أن شاء الله!!!
امامه تبتسم لها:مادري سألي نفسج
شذى تشد على اسنانها:امامه احترمي نفسج
نهى حست بتصير هوشه:خلاص يا بنات شوفي شنو تبون تطلبون
فجر:انا مشتهيه نروح حاتم الايراني اكله عجيييب
انفال:وانتي شدراج؟
فجر:رفيجتي تقول اكله وايد حلو خاصة الكباب
فيصل:شوقتيني فجور ...عاد انا مشتهي كباب


امامه لاهيه تكلم طلال ...وشذى عينها عليها ومنقهره ليش طلال ما رد عليها ...سكرت امامه منه واهي تشوف شذى بكل نظرات كبرياء واستهزاء لان كلامها طلع صح

نهى:ها يمه طلال وينه؟
امامه بتقهرها بأي طريقه:بالفندق خالتي مع حلا يقول تغدو
فيصل:خلاص عيل خل نروح حاتم

شذى انصدمت ((ويا حلا انا اعلمك يا طلال عشان جذي ما ترد علي ...))


بالفندق

وصلت حلا ومشعل الفندق...وصلها مشعل لغرفتها وتطمن عليها وراح غرفته يرتاح...اما طلال بعد ما
طلع من المجمع رجع الفندق واهو معصب ومفول من الغيره من مشعل....

راح لغرفة مشعل وفيصل وتم يطق الباب فتح له مشعل لكان نايم...

مشعل مستغرب:طلووول!! شفيك؟
طلال معصب :وين حلا
مشعل:بغرفتها بعد وين؟
طلال:ممكن اعرف ليش راد معاها الفندق
مشعل مو مستحمل عصبيته: اجل تبغيني اخليها ترجع بروحها
طلال:وانا مو زوجها ما تعرف تدق علي تقول لي
مشعل يرفع حاجبه:شقصدك؟
طلال معصب:لو سمحت مرتي مالك شغل فيها
مشعل يقرب له خطوه:وضح كلامك؟
طلال راجع كلامه وحس انه زودها شوي:....
مشعل عصب من كلامه:شوف يا طلال ..حلا قبل لا تكون زوجتك انت عارف اني اعتبرها اختي ويوم تزوجتها توقعت اني سلمتها لريال يصونها رحت جرحتها وما صنت الامانه واللحين ياي تتهمني... واهي يوم جرحتها ما لجئت إلا لي بعد ربها
طلال مو عارف شيقول:انا انا...
مشعل:للأسف يا طلال انت خسرت نفسك قبل لا تخسر حلا
طلال:ارجوك مشعل كافي كافي انا تعبان تعبان محد حاس فيني
مشعل:تعبان من شنو!!! مولازم تكون اسعد واحد بالكون خذيت شذى أول حب لك
طلال:ما انفي يا مشعل اني احب شذى لكن حلا احبها بعدها عني بيذبحني ما اقدر يا مشعل حلا ما كانت قاسيه علي جذي
مشعل يدخل الغرفه حس انه طلال متضايق وايد وقعد عالسرير :شلون تبيها تصير بعد لسويته فيها
طلال يسكر الباب ويقعد بالكرسي قباله:ادري يا طلال بس حبها لي وين راح؟
مشعل بصدق:انت على بالك حلا تكرهك اللحين
طلال:عيل لتسويه فيني شمعناته
مشعل:المشكله يا طلال لو وحده غير حلا ممكن اصدق ..بس المسكينه حبها لك يزيد رغم لتسويه فيها... اهي تعاند قلبها ما تبي ترجع لك وترد تجرها انجرحت منك مره وهالشي بالنسبه لها كافي
طلال:ماراح اجرحها يا مشعل بس خل ترجع لي مو راضيه تسمعني مو معطيتني فرصه اصلح فيها غلطتي
مشعل:انت ما غلطت غلطه عاديه
طلال بندم:ادري والله ادري مليت وانتو تقولون لي هالجمله
مشعل:عيل حاول بطريقتك تراضيها
طلال:تعبت يا مشعل تعبت ما في أي فايده
مشعل:ما عليه حاول اذا تحبها وتبيها حاول بعد
طلال ينفخ بالم:آآآآآآآه لو بس ترضى علي
مشعل :صدقني يا طلال حلا مازالت تحبك بس انت جرحتها وان شاء الله مع الايام تسامحك
طلال:قولي يا مشعل شسوي؟
مشعل:انت الوحيد لتعرف شلون تراضيها

لحظة صمت بعدها تكلم:عندك مفتاح غرفتهم؟
مشعل استغرب من طلبه:لأ ..بس فيصل معاه واحد احتياط
طلال:وينه؟
مشعل:ليش؟
طلال:ارجوك مشعل محتاج اتكلم معاها وادري انها ماراح تفتح لي باب الغرفه
مشعل:لسويته فيها اليوم كافي ماراح اسمح لك تزعلها اكثر
طلال تنرفز:انا عارف لبسويه يا مشعل ارجوك لا تعاند وعطني مفتاح الغرفه
مشعل يناظره بتمعن:متأكد؟
طلال يبتسم له:في احد يأذي روحه

راح جاب له مشعل المفتاح وقبل لا يعطيه:لا تنسى انها حلا يا طلال حلا لدوم واقفه وياك
طلال: ما نسيت..ادعيلي مشعل
مشعل يطقه على جتفه:موفق أن شاء الله ...الله يصلحكم لبعض


وقف عند باب الغرفه اخذ نفس عميق وبعدها فتح الباب...كانت الغرفه ظلمه ما فيها غير فتحه صغيره داخل منها ضوء الشمس...

قرب منها لقى الغرفه فاضيه ..التفت ناحية السرير شاف خصل من شعرها .. حلا كانت نايمه بملابسها الطلعه صاحت صاحت لما نامت بس فاصخه شيلتها

قرب منها بكل شوق ولهان عليها على كل شي فيها....

قعد قبالها وتم يتاملها واهي نايمه بصمت...((آآآآآآآآآآآآآه يا حلا ليش تحرميني منج حبيبتي..))

تم يمسح على شعرها بكل هدوء ...نزلت دمعه من عينه ..مسحها وقرب منها باسها على يبهتها وابتعد عنها...

حلا حست بحركه بالغرفه بس كانت غرقانه بحلمها

حلا :وانا بعد احبك ..
طلال تصنم مكانه ...راح لعندها مره ثانيه وقرب منها عشان يسمع شتقول..



حلا بكلام مقطع:ليش جذي...احبك ..كرهتك ..خنتني..ليش..احبك ..طلال..لا تروح...احبك طلال



طلال استانس يوم سمع احبك طلال ((وانااا بعد احبج يا عمر طلال..يعني كل الي تسوينه عناد لي يا قلبي ..للحين تحبيني ..ماراح اتخلى عنج يا حلا))



قرب منها ومسك يدها وشد عليهم ...حست بجسم حار يضغط على يدها وانفاس شخص قريب منها ....نبضات قلبها زادت ... افتحت عينها بس ملامح الشخص مو واضحه جدامها....



حلا بخوف:منو.؟!!

طلال من غير لا ينطق اخذ ايدنها وباسهم :...

حلا عرفته وبصوت كله شوق وعذاب:طلاال

طلال تم يبجي من سمع صوتها:عيونه

حلا تفتح وتغمض عينها على بالها تحلم:انت طلال.ولا حلم!!؟

طلال يقرب منها ويبوس خدها:طلال حبيبتي طلال

حلا تصيح لانها كانت تحلم فيه:ليش سويت فيني جذي ليش بعت حبنا بلحظه

طلال:غلطان يالغاليه غلطان سامحيني

حلا:بس لسويته فيني مو شويه

طلال يفتح الابجور لجنبه عشان يقدر يشوفها :قلبج كبير حبيبتي سامحيني وانسي لصار

حلا بعناد:لاااااااا لاااااااا مستحيييل



طلال يحط صبعه على حلجها:اوشششششش ارجوج خليني بس قريب منج كفايه اسمع دقات قلبج لتقول عكس كلامج

حلا تصيح:وخر طلال ..اترك ايدي

طلال يشد عليهم:ارجوج على رحميني شوي

حلا سكتت تحس اهي بعد ولهانه لوجوده ولهانه لحنانه...حس طلال انها هدت قرب من اذنها وساسرها



طلال:احبج لو بتمين طول عمرج هاجرتني

حلا دقات قلبها تزيد.... من زمان طلال ما كان قريب منها بهالشكل :....

طلال يسمع انفاسها السريعه:ليش عيل ترفضين اني اكون يمج

حلا تحاول تسيطر على نفسها:طلال اطلع بره ارجوك

طلال :خايفه تفقدين السيطره على نفسج؟

حلا تسحب يدها بالقوه:كافي طلال

طلال:حلا انا ماراح اطلع اليوم إلا نلاقي حل لموضوعنا

حلا:ماله حل غير الطلاق

طلال لف ويها له بيده:هالشي يا حياتي تنسينه..انتي لي طول ما انا عايش

حلا تشوفه ودموعها تنزل (آآآآآآه شكثر ولهانه لهالعيون..احبك يا طلال مهما سويت هالشي ما انكره يا عمري)

طلال يشوف الحب بعيونها:ليش عيل تعاندين؟

حلا غمضت عينها لانها انفضحت :....

طلال يقرب اكثر منها:حلا شوفيني

حلا تلتفت الجهه الثانيه:ما ابغى

طلال يلف ويهها عليه:شوفيني؟

حلا تناظر عيونه:هممم...

طلال بكل صدق:شتشوفين؟

حلا ((آآآآآآآآه يا طلال اخاف اصدقك مره ثانيه):....

طلال:حلا

حلا:هممم

طلال:حلا انتي طول عمرج تعرفيني اذا كنت صادق او لا من عيوني اللحين شتشوفين؟

حلا تلف الجهه الثانيه:ما اعرف...ولا ابي اعرف

طلال يلف ويها غصب:لا لازم تعرفين لازم ...انتي تعرفين شكثر احبج لا تعاندين

حلا :وبعدين تبيني اصدقك يعني؟

طلال:لي متى يا حلا هالعناد

حلا تقوم من السرير تخاف تسامحه عن كل لسواه فيها بلحظه اخذت الشيله وحطتها على راسها لتعودت من بعد لسواه انها تلبسه جدامه ..طلال وقف معاها وتنرفز من حركتها



حلا:واللحين لو سمحت كافي اتوقع قلت كل الكلام لعندك

طلال وقف قبالها:بعدي ما خلصت كلامي

حلا بغرور:وانا ما عندي كلام زود

طلال يناظرها:ممكن اعرف ليش تلبسين شيلتج عني ..اظن اني ريلج

حلا:بالاسم بس

طلال تنرفز:حلا ما يصير لتسوينه كافي كافي

حلا ملت من كلامه لان يضغط عليها: اذا ماراح تطلع من الغرفه انا لبتركها لك وبطلع

طلال عصب:بطلع يا حلا بطلع وبخليج براحتج..بس هالوضع ماراح يتم اذا رجعنا الكويت

حلا تسوي نفسها ما سمعت كلامه:حياك الله



طلع طلال معصب من الغرفه وراح غرفته...









تمت تصيح حلا لين نامت وما قعدت إلا ثاني يوم... اما مشعل تصادف مع واحد من ربعه بالفندق وراح معه...والباجي تمو بامارات مول لين الليل رجعو الفندق نامو على طول من التعب



ثاني يوم الصبح



قعدت حلا امبجر ..خذت لها شاور غيرت ملابسها ونزلت اللوبي وخلت البنات نايمين...







طلبت لها قهوه على ما ينزلون عشان يتريقون يميع...



((مادري لي متى يا طلال بتم متجاهلتك ..خوفي يجي اليوم لاضعف فيه وافضح لك عن شوقي وحبي الكبير لك))



كانت سرحانه تفكر بلي صار لها ويا طلال امس ((انا ليش كنت جافه معاه جذي ..مهما صار هذا طلال شلون اشوفه يتعذب ودواه بيدي....))



قطع عليها تفكيره صوت شخص وراها...



:صباح الخير

ردت بصوت واطي:صباح النور

طلال قعد وحمد ر به من داخله انها ردت عليه السلام:شلونج؟

حلا تشرب قهوتها:بخير

طلال:انا الحمدالله

حلا ابتسمت لانها ما سألته ...طلال ما صدق يوم شافها تبتسم



طلال :لشفته صج!!!

حلا مو فاهمه شي:شنو!؟

طلال يقرب منها ويأشر على ويها:توج ابتسمتي لي

حلا بحيا:على بالي عندك سالفه

طلال مسك يدها وباسهم:ما تدرين شكثر ولهان على هالابتسامه

حلا سحبت يدها :طلال ارجوك

طلال بترجي:خلاص خلاص كافي تسمحين لي اقعد وياج



طلال يشوف المنيو:امممممم حلوه قهوتهم

حلا لكانت سرحانه فيه:...

طلال رفع عينه لها واهي ارتبكت و التفتت للجهه الثانيه..ابتسم لها:حلا

حلا:هممم

طلال:قهوتهم حلوه

حلا تلتفت له واهي منحرجه من نظراته لان كشفها:اييه

طلال يمد يده لكوبها ويذوقها:اممم اتوقع ليش عقبج تكون حلوه

حلا انحرجت:طلااااال

طلال يضحك على شكلها ومن داخله متشقق انه وياها:هاا

حلا نزلت راسها بحيا:بس ما في شي

طلال:هههههه حلا

حلا جيت بتقوم من الاحراج: ...

بس مسك يدها:بليييييز قعدي

حلا تقعد:...

طلال يبي يسولف وياها بأي شي:نصور لي متى بيتم منخش

حلا تذكرت بهاللحظه لسواه فيها:جان زين على طول

طلال ضاق خلقه:ليش قاعده امبجر؟

حلا:نمت وايد امس

طلال بصوت كله عذاب:انا ما نمت شي

تلاقت عينها بعينه وشافت ملامح التعب واضحه عليه:ليش ما نمت؟

طلال يقرب منها:شلون تبين تغمض لي عين وانتي بعيده عني

حلا بضعف:مو بيدي هالشي..وبعدين انت لازم تراعي صحتك

طلال :ما تهمني صحتي...كل ليهمني انتي وبس

حلا :طلال لا تضغط علي

طلال يترجاها:حلا كل لابيه منج فرصه وحده مو اكثر

حلا تحاول تسيطر على مشاعرها:للأسف ما تستاهل يا طلال

طلال :ما عليه جربي

حلا بخوف:اخاف اكرهك اكثر من جذي ...خلني عايشه على ذكرياتي الحلوه معك وكافي عذاب

طلال:حلا انا ما انام ...تفكيري فيج ما يوقف تعبت يا حلا وانا احاول اترجاج

حلا:لا تترجى عيش حياتك ويا (تنطق اسمها بصعوبه) شذى

طلال يشوف الالم بعيونها:آآآآه يا حلا ما تدرين شكثر ندمان وشكثر ولهان عليج

حلا منزله راسها وتسمعه بهدوء:.....

طلال يبتسم واهو يتذكر ذيك الايام:تذكرين يا حلا ...تذكرين سفرتنا لفرنسا كنتي تقولين لي مهما صار بينا يا طلال لا تتخلى عني

حلا دمعت عينها واهي تذكر ايامها الحلوه معاه:........

طلال يمسك يدها ويرفع راسها له:واللحين انا اقولج سامحيني يا حلا وعمري ماراح اتخلى عنج

حلا تناظره وعيونها فضحتها عن شوقها وحبها لكبيره له جيت بتنطق عكس بلي بقلبها:انا..

طلال يحط يده على فمها:اوشششش خلينا جذي



ثواني يتأمل عيونها تبادلو احلى كلمات حب صعب عليهم ينطقون فيها ...



قطعت عليهم جوهم ...



:طلال انت اهني

رفعت حلا عينها لها وبسرعه رجعتهم لطلال وسحبت يدها بهدوء ووقفت بكبرياء :عن اذنك

طلال ضرب بيده على القنفه:شياييبج انتي اللحين؟

شذى من داخلها استانست انها خربت بينهم ..:ليش تصارخ علي؟

طلال وقف بعصبيه:يوم حسيت انها رضت علي تجين تخربين

شذى بفرحة نصر:مالك شغل فيها حبيبي اهي الخسرانه

طلال يناظرها باستهزاء:انا الخسران يوم صدقت كلامج



خلاها وراح عنها لحق حلا بس اختفت يوم راح لها الغرفه تم يطق الباب افتحت له امامه واهي للحين ما غسلت توها قاعده من النوم...



امامه واقفه عند الباب تتثاوب:يالله صباح خير...شفيك معصب جذي؟

طلال:وين حلا

امامه استغربت:حلوي مو اهني

طلال:ما رجعت الغرفه؟

امامه ترجع تنادي عليها ..ورجعت لطلال:بس انا ونفول

طلال:اوكي

امامه وقفته:طلال

طلال من غير نفس:شتبين؟

امامه :حلا فيها شي

طلال:ما فيها شي...





تم يدور عليها بالفندق بخوف ((يا ربي وين رحتي يا حلا ...حسبي الله عليج يا شذى من وين طلعتي لنا انتي ))





حلا خذت لها تاكسي وراحت لمجمع قريب من الفندق تبي تكون بعيده عن الكل ....



((آآآآآآآآآآآآآآه ما اقدر ما اقدر كل ما اقول انسى لصار وارجع لك ...يطلع لي شي يذكرني بالجرح لسببته لي صعب يا طلال اسامحك صعب ))



غرفة الشباب



فيصل قعد من النوم قبل مشعل بعد ما دز لامامه مسج انها تتزهب بيمر عليها بالغرفه يتريقون يميع بره الفندق...



لبس له شورت بيج وبلوزه بولو كحليه وكاب بيج ورش له عطر ومزاجه عال العال يغني واهو يرتب نفسه قبال المنظره ...








ودي اغير كلمة اهواك


بكلمه توصف لمن اغليك


كلمه تفسر اني وياك


عايش وقلبي ميتن فيك





مشعل يقعد على صوته:هههههههههههه منو هذي لقلبك ميتن فيه ؟

فيصل يبتسم له من المنظره:من غيرها حبيبة قلبي

مشعل:انا بعرف شلون يكون لك مزاج تغني وانت توك قاعد من النوم!!

فيصل :بكل سهوله اذا حبيت وحده مثلها لازم يكون مزاجك جذي



فيصل يغني واهو يرتب بلوزته:خذ قلبي لموت يهواك وشوف شكثر راعيه يغليك..ودي اغير كلمة اهواك

مشعل يقاطعه:بس خلاص لوعت جبدي بصوتك

فيصل:ههههههههههههههههه افا مشعل حطمت معنوياتي

مشعل:ههههههه روح يا عمي غرد على اموم مو على راسي انا

فيصل يربط جوتيه:ههههه اكيد منو غيرها يستاهل اغني له

..اغني له غلا روحي انا قلبي..

مشعل:بس بس شالمزاااج الله يهنيك ما انضلك بس

فيصل يلقي نظره اخيره على نفسه:ههههه..انا رايح تبي شي

مشعل يناظره:ههههه ليشوفك جنها أول مره بتشوفك

فيصل:يا ربي انت شحارك اللحين

مشعل يحط راسه على المخده:ليش احتر منكم!!! اطلع بره وسكر الليتات خلني انام

فيصل يسكر الليت واهو يدندن:بحبك وحشتيني بحبك وانتي نور عيني

مشعل يصرخ:بس خلااااااااااص لوعت جبدي ما امداها وحشتك...اطلع خلني انام

فيصل بعد ما طفره:هههههههه الحمدالله انك طفرت...سي يو بباي



رد مشعل كمل نومته....وفيصل راح لغرفة البنات تم يطق الباب لم فتحت له انفال



فيصل مستغرب:صباح الخير

انفال:صباح النور

فيصل:وين القمر.؟

انفال :للحين ما طلع بليل تعال

فيصل:ههههههههههه تستخفين دمج

انفال:انا ولا انت ...قول وين اموم بعد ليش تدلعها غصب

فيصل:ههههههههههههه يا ربي ليش محترين؟

انفال بغرور:هذا الي ناقص اغار منكم

فيصل:ههههههه انزين ممكن يا عسل تنادينها؟

انفال استانست:ايي خلك جذي خوش اخو..كاهي اللحين تخلص باقي شعرها

فيصل متسند عالباب:انزين حلا موجوده

انفال:لأ ..ليش؟

فيصل يدزها ويدخل الغرفه:مالت عليج ...وموقفتني ساعه بره



يوم دخل لقى امامه واقفه قبال المنظره تستشور شعرها...انتبهت لفيصل من المنظره لفت ويها مخترعه على بالها تتخيله...قرب منها وباسها على راسها..



:صباح الخير عالحلوين

امامه:صباح النوير

فيصل يقعد بالسرير وراها:ها حياتي ما خلصتي

امامه:بس باقي شعري ...انزل اللوبي اللحين جايه

فيصل:لا انطرج اهني

امامه توهقت ما تعرف تسوي شي واهو وياها:لا فيصل خلك تحت اللحين جايه

فيصل يغمز لها:ليش ما تبيني؟



امامه تشوف انفال ومرتبكه....انقذتها انفال وقعدت يم فيصل

انفال:فصول انا لابسه جاهزه خل ننزل على ما تخلص اموم

امامه:ايي ه

فيصل يطالعها ويرد يطالع انفال:ليش!؟

امامه انقهرت:يا ربي فيصل انزل بلحقكم اللحين

انفال توقف وتسحبه من يده:يالله فيصل خل البنت تاخذ راحتها

فيصل:هههههههه ايي قولي من جذي بالاول

امامه استحت:خلاص يالله اللحين انزل ولا تجي مره ثانيه الغرفه

فيصل يقرب منه:ليش؟!!

امامه ارتبكت:لا خلاص ما في شي

فيصل يبتعد:هههههههههههههه انا مادري ليش ترتبكين اذا قربت منج

امامه بقلبها (اعلمك يا فصول تفشلني جدام اختك):....

انفال:خلاص يا فيصل احرجت البنت

فيصل يغمز لامامه:يا قلبي على لينحرجون

امامه تشد على اسنانها:فيييييصل

فيصل:عيونه

امامه تبتسم له:انزل ويا انفال انا اللحين جايه لكم

فيصل:طرده يعني

امامه :يا ربييييييي

فيصل:ههههههه خلاص بنطلع لا تتأخرين حياتي

امامه:أن شاء الله



طلعو ...واهي كملت مكياجها وشعرها بسرعه وتعطرت ونزلت لهم....



انفال وفيصل يوم طلعو تصادفو مع فجر ونهى ...ونزلو كلهم يميع ...انفال ونهى وفجر راحو للمطعم وفيصل ينتظر امامه باللوبي



أول ما نزلت قرب منها فيصل واهو منبهر...



فيصل:آآآآآخ يا قلبي بيصير فيني شي

امامه:سم الله على قلبك

فيصل:اموم شنو كل هذا!؟

امامه بحيا:بس عاد فيصل

فيصل :ما قلت شي انا !!!

امامه تغير الموضوع:وين بتريقني؟

فيصل سرحان يتأملها:....

امامه تحرك يدها قباله:فصولي

فيصل:هممم

امامه انحرجت:بس عاد والله اروح اقعد وياهم

فيصل:لا لا لا خلاص وين تبين تروحين؟

امامه:مادري كيفك...على ذوقك

فيصل يمسك يدها ويمشون:دام على ذوقي ماراح تندمين













بعد مرور ساعتين قعد مشعل على صوت جواله وكان طلال ....



مشعل بسابع نومه:هااااا

طلال:مشعلوه وينك؟

مشعل:نايم

طلال:ما تبي ريوق

مشعل:لا امس مكثر عشى

طلال:انزين احنا خلصنا ريوق اللحين بيروحون سيتي سنتر

مشعل:اوكي انت روح وياهم وانا أن قعدت اجيكم

طلال:خلاص انا اخذ البنات وخالتي نهى ونروح ...وفيصل وامامه كلمتهم ماراح يجون ويانا

مشعل:اوكي ..

طلال:خلاص عيل باي

مشعل :طلاااااال

طلال:هلا

مشعل يتطمن:حلا وياكم؟

طلال مو عارف شيقول له:اوكي مشعل اكلمك بعدين ..باي



مشعل استغرب منه ((شفيه هذا !!! ليكون بس مزعل حلا بشي...طلال اعرفه ما يتهرب من سؤال إلا اذا مسوي مصيبه))



اخذ جواله ودق على حلا يتطمن عليها...حلا كانت توها واصله عند باب الفندق بعد ما حست انها ارتاحت شوي



حلا:الو

مشعل:هلا حلا

حلا:هلا مشعل

مشعل:وينج فيه؟

حلا توهقت:اممم بالفندق

مشعل:اها وياهم يعني؟

حلا:اييه

مشعل براحه:اوكي خلاص

حلا:خير في شي؟

مشعل بحنان:لا بس حبيت اتطمن عليج

حلا نزلت دمعه غصب عنها من تحس بحنانه يذكرها بابوها:ما تقصر يا مشعل

مشعل:محتاجه شي؟

حلا: لا مشكور

مشعل:العفو ...بتروحين وياهم؟

حلا كانت تمشي وطلعو كلهم بويها وطاحت عينها بعين طلال ويده بيد شذى .. ابتعدت على طول:...

مشعل:الووووو حلا

حلا:ماني رايحه وياهم مشعل

مشعل عدل قعدته:ليش ؟

حلا وصوتها بدى يختفي تدريجي خلاص بتبجي:ما ابي مشعل

مشعل حس انها بتبجي:حلا وينج؟

حلا ركبت الاصنصير:بصعد غرفتي ارتاح

مشعل:خلاص انا اغير لبسي واجي لج

حلا:ماله داعي مشعل

مشعل باصرار:حلا كل لابيه منج لا تبجين اللحين ياي لج



سكره منها ...واهي دخلت غرفتها تمت تصيح بعدها دخلت الحمام غسلت ويها قبل لا يجي مشعل....سمعت صوت الباب راحت فتحت له استغربت



:نفول

انفال تقرب منها:حلوي شفيج؟.

حلا تبتسم لها:ما فيني شي؟

انفال تناظرها بتمعن:متأكده

حلا:اييه

انفال:اوكي ماراح تيين ويانا؟

حلا:لا نفول احس اني تعبانه روحو انتو

انفال:حسافه حلوي بنروح سيتي سنتر

حلا:ما عليه اذا حسيت اني احسن اييلكم

انفال:اوكي تبين شي قبل لا امشي؟

حلا:مشكوره حبيبتي

انفال تطلع من الغرفه:مع السلامه



رجعت حلا بتنسدح لها شوي...الا باب الغرفه ينطق مره ثانيه...



راحت فتحت الباب :هلا مشعل

مشعل يبتسم لها:هلا فيج...ها جاهزه

حلا:مشعل مالي خلق اروح وياكم

مشعل:مو إلا نروح وياهم ..نطلع مكان بروحنا

حلا تناظره وعيونها تلمع من الدموع:انا...

مشعل يقاطعها:حلا انا انطرج باللوبي تحت ماراح اخليج بروحج



ما عطاها فرصه ترد عليه...وراح تحت









يوم نزلت لهم انفال....شذى كانت تحاتي أن حلا تجي وياها بس اشوه ما جيت ...طلال سأل انفال وقالت له انها تعبانه... بس مضطر يروح وياهم...







خلص اليوم على خير ..حلا ارتاحت شوي يوم طلعت ويا مشعل واهو خفف عليها بكلامه...



امامه وفيصل يوم قرب موعد العشا اتصلو على طلال وراحو لهم المجمع...



اما حلا رفضت تروح لهم وتمت ويا مشعل





الكل رجع بليل تعبان دخلو البنات غرفتهم لقو حلا نايمه ما حبو يزعجونها ....واهم غسلو وغيرو ملابسهم ونامو على طول من التعب....



طلال يوم وصل الغرفه كان معصب حده يوم عرف أن حلا كانت ويا مشعل لو وده يروح يذبحه



((اللحين تطلع وياه وانا لااااااااااااا ...ليش يا حلا ليش؟!!!))



قربت منه شذى واهي مستانسه من لتشوفه:طلال حبيبي ما تبي تنام

طلال بضيق:لا انتي نامي

شذى تقعد يمه عالقنفه:اذا منت نايم اسهر وياك

طلال يقوم زهقان منها:ابي اقعد بروحي شوي



طلع من الغرفه وراح لمشعل واهو معصب حده....



تم يطق الباب بقوه فتح له فيصل واهو مخترع ...



:طلوووووووول !!! شفيك؟

طلال يدز الباب ويدخل الغرفه:وين مشعلووه

فيصل مستغرب من عصبيته اهو من اليوم ما كان على طبيعته:طلال شفيك؟

طلال :فيصل وين مشعل؟

فيصل:مو اهني

طلال:وينه؟

فيصل:اظن رايح ويا رفيجه

طلال تنرفز:انا اعلمه

فيصل يوقفه:طلال تعوذ من الشيطان

طلال:اعوذ بالله منه

فيصل:اللحين ممكن اعرف شفيك؟

طلال رفع عينه له وتم ساكت:....

فيصل افهمه:يا طلال لتفكر فيه غلط مهما صار هذا مشعل شلون تفكر فيه جذي

طلال يقعد بتعب:ادري يا فيصل بس اهي مو راضيه تحس فيني تعبت تعبت قمت اغار من أي احد اذا شفتها تكلمه او تبتسم له وانا لأ

فيصل يبتسم له:ادري يا طلال ..بس لا تلومها

طلال يوقف بملل:ذبحتوني على هالكلمه كل شوي لا تلومها لا تلومها لي متى بتم تعاقبني

فيصل:طلال انت من داخلك مقتنع لسويته غلط بحقها؟

طلال بندم:بشكل كبير

فيصل:احمد ربك انها رجعت لك وحاول تكسبها... بعصبيتك هذي بتخليها تعاند زود

طلال يناظره وساكت:....

فيصل :واللحين روح لغرفتك ارتاح باجر اخير يوم لنا اهني لا تخليه يضيع من غير لا تراضي حلا

طلال:عيزت يا فيصل ماكو فايده كل ما اقول خلاص رضت تطلع لي شذى تخرب كل شي

فيصل:ههههههههههههههههههههههههههههههههههه

طلال:تضحك يا فصول ها!؟

فيصل:هههههه غصب عني والله ههههه هذا قلعت لياخذ اثنين

طلال ياشر على قلبه:/القلب وما يسوي

فيصل يبتسم له:انا قلبي حب وحده وصعب يحب غيرها

طلال:طبعا هذي اختي غير عن كل البشر

فيصل يذكرها:آآآآآآه صج غير عن كل البشر

طلال:هههههههههههههههههه

فيصل عدل نفسه:ليش تضحك ها؟!

طلال:ههههه ما شفت شكلك شلون سحت علي

فيصل:ههههههه لا تلومني يبنا طاري الغاليه

طلال :تصدق فصول

فيصل:خير

طلال يبتسم له :مادري ليش اذا شفتك وكنت معصب يختفي كل شي فجأه

فيصل بغرور:ههههههه بسيطه لانك كلمتني

طلال يضربه على راسه:هههههه شالغرور انت

فيصل:بنفسك اعترفت

طلال يوقف:اروح انام احسن لي

فيصل:ايي والله ...وراي شغل اخرتني

طلال يلتفت عليه:شنو هالشغل ؟

فيصل يغمز له:في اهم منه ..اكلم حبيبة قلبي قبل لا تنام

طلال :هههههههه شوف الساعه جم نامت من زمان

فيصل بقهر:كله منك خربت علي

طلال يطلع من الغرفه:هههههه بشوف شلون بتنام اللحين





اخذ جواله وتم يدق على امامه بس ما ردت عليه ليش حاطته سايلنت



(( الظاهر البنت من صجها نامت حسبي الله عليك يا طلول خربت علي ....))







رجع طلال غرفته وحس شكثر كان غبي لم فكر يتهاوش ويا مشعل على موضوع تافه



((الحمدالله أن مشعل ما كان موجود ...آآآآآخ يا حلا ما قمت اقدر اتحكم بتصرفاتي ))







اليوم الثالث



طيارتهم 7 المغرب اتفقو يروحون البرجمان دام انه قريب منهم ومن المطار ....



كل واحد طلب له ريوق على غرفته ...وزهبو جناطهم عشان يطلعون مرتاحين....



راحو البرجمان على وقت غدا....وقعدو بالمطاعم فوق...



فيصل:حبيبتي شنو تبين تاكليني؟

امامه توقف:اممم مادري اجي وياك



فجر:يمه انا باكل بسرعه وبروح اتسوق

نهى :ما شبعتي من السوق

فجر:يمه شفيج اليوم اخير يوم

نهى:انا سكرت كل الجناط ما في مجال ترا لاي شي يديد

فجر بابتسامه:ادري يمه حاسبه حسابي لا تخافين

مشعل:ههههههه شاطره بهالشي

فجر:افا عليك لا توصي حريص

انفال:ما تتخيل مشعل شكثر تحب شي اسمه سوق ...عادي 6 ساعات متواصله

مشعل:هههههه ما شاء الله

حلا:ترا انا مثلج فجور

فجر:وناااااااسه

حلا تاشر على بطنها:ايي بس اللحين شوفي هذا مخرب علي ما اقدر اتسوق ساعه إلا تعبت

نهى:ما عليه تبلغين أن شاء الله

حلا تبتسم لها:أن شاء الله



طلال وشذى كانو رايحين محل المجوهرات شذى طلبت منه اهو بالاول رفض بس اهي اصرت وما حب يكسر بخاطرها ...حلا حز بخاطرها بس حاولت تتغلب على عمرها وتتجاهلهم...





يوم رجعو كانت شذى متعمده ماسكه يدها بيد طلال و مايله براسها شوي ناحيته ..حلا تحس بنار بقلبها اشتعلت يوم قربو منهم ....تجهالت هالشي ومشعل لحس فيها وكلمها عشان تلتفت عليه



مشعل:حلا

حلا تلتفت عليه وعيونها غرقانه بالدموع:هلا

مشعل قرب منها بصوت واطي:شقلنا امس صيري اقوى

حلا تحاول تمسك عمرها:اوكي

مشعل يبتسم لها:وين تبين تاكلين

حلا:مو مشتهيه

مشعل يزفها بخفيف:وبعدين !!!

حلا كأنها ياهل:لا تزفني

مشعل:هههههههههههههههه





طلال بشوفهم ونار الغيره تشتعل بقلبه...ما يدري ليش حس أن حلا تنتقم منه بهالطريقه ...التفت على شذى بابتسامه ولا احلى



طلال:شذويه

شذى انصدمت على بالها تتخيل :هلا

طلال يمسك يدها:شنو تبين تاكلين حبيبتي؟

شذى بتموت من الوناسه واهي تشوف معالم ويه حلا ..مسكت يده بيدها الثنتين:اممم لتبيه حياتي

طلال يوقفها وياه:احد يبي شي بطريجي؟

مشعل لتنرفز من حركة طلال:لا ما نبي



طلال عطاه نظره والتفت على حلا لكانت منزله راسها ودمعتها بطرف عينها ..طلال تحسف يوم شاف شكلها بس قوى نفسه وراح ويا شذى..





حلا توقف:عن اذنكم



انفال لحقتها على طول ...



فجر:يمه شتبين اييب لج

نهى :أي شي من مطعم صيني

فجر:مشعل تبي شي؟

مشعل وعينه تابع حلا:لا مشكوره





رجع طلال وشذى ...انصدم يوم ما لقى حلا عينه جيت بعين مشعل



:وين حلا!!

مشعل بادله نفس النظره لطلال ناظره فيها مساع وقام عنه من غير ولا كلمه...طلال انقهر زود ...



شذى بدلع:سم حبيبي



طلال من غير نفس يمد يده عالاكل ..نهى تطالعه وبقلبها الله يعينك يا طلال...



رجعت حلا ويا انفال واهي تضحك ...تلقائيا ابتسم لها طلال وارتاح انها ما تضايقت ...حلا ما ناظرته ولا عبرت وجوده اهو وشذى ...وتمت تاكل وتسولف شوي ياي مشعل ومعه برد بيده



مشعل:وهذا طلبج يا ام ناصر

حلا:ثااانكس

مشعل:حياج ولو



طلال انقهر يحس مشعل صار اقرب لها منه ...



بعدها تغدو وحلا كانت ويا انفال وامامه وفجر ...ونهى كالعاده ويا شذى ..والشباب يسولفون بروحهم....





بعدها امامه وفجر وانفال وحلا راحو يتسوقون وما قالو لشذى تعالي ...هالشي يقهرها يحسسها انها منبوذه من الكل لو مو نهى تقعد وياها جان الله يعلم بحالها...



الشباب راحو يتمشون بعدها قعدو بكافيه ...مشعل وطلال طول مهم يتمشون ما كلمو بعض فيصل كان يتكلم ويربط الكلام بينهم...





بالكافيه



فيصل تكلم بعد صمت 5 دقايق :ممكن اعرف شلي بينكم؟

طلال يناظر مشعل ويلتفت الجهه الثانيه:ما بينا شي

فيصل يلتفت لمشعل:وبعدين يعني؟

مشعل يناظر طلال ويرد لفيصل:كلم هذا مو تكلمني

طلال عصب:انا ولا انت.؟

مشعل:انت

طلال:مشعل انت عارف لقاعد تسويه

مشعل ببرود يحرق اعصابه زود:لا مو عارف علمني؟!

طلال:جم مره قلت لك مالك شغل بحلا

مشعل تنرفز:طلال ثمن كلامك

فيصل يهديهم: يا شباب شفيكم .ّذكرو الله

مشعل وطلال:استغفر الله





هدو شوي بعدها... شوي شوي ردو يسولفون يميع ولا كأن صار شي بينهم...





على الساعه 6 تيمعو كلهم ورجعو الفندق خذو اغراضهم وراحو المطار....





بالكويت







غنيمه اليوم الصبح رجعت من السفر ...اول ما وصل الخبر لاحمد راح لها ومعاه بوكيه ورد ومن كل قلبه يدعي انها تفهمه





غنيمه :نعم

احمد بكل شوق:شلونج حبيبتي؟

غنيمه تقعد:لو سمحت لا تقول لي حبيبتي..دام انك مو قد هالكلمه

احمد ياخذ نفس:غنيمه ممكن نتفاهم

غنيمه:ما ينفع

احمد:غنيمه انتي اصلا ما عطتيني فرصه افهمج الموضوع وانا خليتج على راحتج طول الفتره لطافت

غنيمه بسخريه:لا تتوقع اني غيرت رايي

احمد يتجاهل كلامها :اللحين ممكن تخليني افهمج ؟

غنيمه تلتفت عليه:قلت لك يا احمد ماله داعي تشرح لي كافي انك خنتني

احمد:من يقول اني خنتج؟

غنيمه عيونها تغورق من الدموع:تتزوج علي ولا تقولي وعندك ولد هذا شيسمونه؟

احمد يبتسم لها:غنيمه انا مو متزوج عليج

غنيمه تنرفزت (انا معصبه وهذا يبتسم):احمد لا تحاول تدور لك جذبه تبرر موقفك

احمد :غنيمه اهدي شوي وخل افهمج

غنيمه ناظرته بنظره يعني قول ما يهمني والتفتت عنه:...

احمد قعد يمها ومسك يدها وباسهم:وربي لخلقني اني مو متزوج عليج حبيبتي

غنيمه تفاجئت من حركته ييت بتسحب يدها شد عليهم:احمد ارجوك اترك ايدي

احمد :ما اتركهم الا اذا خلصت كلامي

غنيمه دموعها نزلت بحراره على خدها:ليش جذي يا احمد انا احبك ليش سويت فيني جذي

احمد يمسح دموعها بيده الثانيه:حبيبتي انتي فاهمه الموضوع غلط خليني اقولج بعدين عاتبيني

غنيمه :ما ابي اسمع شي

احمد ومازال شاد على يدها:لشفتيه هذا فهد ولدي

غنيمه بصدمه من جرأته:وتعترف يا احمد بكل سهوله



جيت بتقوم بس اهو سحبها لعندها وقيدها:قلت لج سمعيني للآخر

غنيمه تصيح:ما ابي اسمع شي كافي خلاص مو هذا الولد لسنين تبغيه كاهو يالك اللحين انا الغلطانه وانت لا

احمد :من قال جذي

غنيمه تنرفزت:احمد برودك هذا ينرفزني

احمد:انتي تدرين اني كنت متزوج قبلج ومطلق

غنيمه :هالسالفه اظن قديمه وانت مطلقها قبل لا تاخذني من سنه

احمد براحه:هذا الي صار

غنيمه :والولد شكو بالموضوع ..(شهقت !!!) ولدك من شيخه

احمد بحزن:للأسف اييه

غنيمه مو مستوعبه :شلون شلون!!!

احمد ترك يدها وقف عشان يقدر يتكلم براحته:

فهد ولدي من شيخه .....يوم طلقتها بعد شهرين من زواجنا انا وياج انصدم أن عندي منها ولد

غنيمه :بس شلون انت يوم طلقتها ما كانت حامل

احمد:للأسف كانت حامل بالشهر الثالث بس ما قالت لي كانت تبي تحرمني منه لكن يوم ولدته انصدمت أنه مصاب بمرض داوني ..

غنيمه:لاااااا

احمد نزلت دمعه من عينه:راجعت الطبيب وسويت فحوصات وتاكدت انه ولدي

غنيمه:ليش ما قلت لي؟

احمد :خفت اخسرج غنيمه كنا تونا بداية زواجنا ..ويوم فاتحتني بموضوع تاجيل الحمل وافقت لان فهد كان عندي شيخه تخلت عنه تبرت منه ...انا لربيته

غنيمه:شلون محد كان يدري؟

احمد:انا وامي وقلت لها ما تقولج ..حطيت له رعايه خاصه كان صغير ما يفهم بس يوم كبر اضطريت ازوره يوميا

غنميه تقاطعه:وكنت تتحجج لي بالديوانيات والشاليهات

احمد بندم:كنت احس بحيره مو عارف اقولج ولا لأ ..خفت اقولج تطلبين الطلاق

غنيمه مستغربه:ليش فكرت جذي؟

احمد بحزن:لان السبب مني

غنيمه مو فاهمه شي:أي سبب؟

احمد:لفيه فهد

غنيمه تحط يدها على حلجها :قصدك انت...

احمد يقاطعها:يوم سويت الفحوصات توقعت أن السبب لأن اهل لكن السبب اهو جيناتي اهي لتحمل هالمرض واحتمال كل عيالي يورثونه ...

غنيمه بصدمه:.............

احمد كمل:يوم عرفت حسيت اني خسرت كل شي...شيخه رمت علي فهد وتبرت منه وتزوجت ...وخفت اقولج وتطلبين مني الطلاق ما اقدر اعيش من دونج اعترف اني كنت اناني بس طلبج لتأجيل الحمل خلاني ارتاح نسبيا

غنيمه :ليش تتوقع اني بتخلى عنك بهالسهوله

احمد بندم:فكرت مليون مره كل ما اقرر اصارحج اتراجع...بس يوم تخرجتي ما كان عندي أي حل ثاني فصار الرفض من صوبي

غنيمه تبجي:عشان جذي اخير ايامنا معاملتك لي كانت مو زينه

احمد:لاني كنت احس اني قاعد اخونج ما اقدر اصارحج اخاف تطلبين الطلاق وتتخلين عني..وما اقدر اظل ساكت لان فهد كبر ومحتاج لي

غنيمه ساكته تراجع الكلام الي سمعته:....

رجع احمد جلس يمها ومسك يدها ثنتين:سامحيني حبيبتي كنت خايف اخسرج

غنيمه ترفع عينها له:و لصار اللحين

احمد:ارجوج غنيمه طلبي أي شي إلا الطلاق

غنيمه:احمد انت خشيت عني موضوع كبير يخصنا احنا الاثنين ..اكثر من 4 سنين يا احمد

احمد:ادري اني غلطان بس لا تلوميني احبج واخاف اخسرج

غنيمه نزلت راسها وساكته مو عارفه تسامحه ولا لأ اهي بالاول كانت تظن متزوج عليها بس اللحين هالشي هون عليها ...بس شلون يخبي عنها طول هالفتره



احمد يقطع تفكيرها:حبيبتي انا بعطيج مده تفكرين بس الطلاق انسيه

غنيمه :اح..

احمد يقاطعها يحط صبعه على فمها:ما ابي اسمع أي شي اللحين..اخذي راحتج بالتفكير بس قبل لا امشي حبيت اقولج اني احبج يا غنيمه من قبل لا اتزوج شيخه وانتي تدرين بهالشي ... وانا تعبت وايد ويا فهد خاصة اللحين يوم كبر احسه محتاج لي وبنفس الوقت محتاج لام تكون جنونه عليه وماراح القى احن منج عليه حبيبتي ...انا ما اجبرج ما ابي امنعج من امومتج بس ارجوج خلي الطلاق اخير شي تفكرين فيه



غنيمه ساكته وتسمع كلامه:.........

احمد وقف:اخليج اللحين حبيبتي فكري عدل



باس راسها وطلع من البيت ...قعدت على القنفه واهي منصدمه من الي سمعته ((آآآآآآآآه يا احمد كل هذا تحملته بروحك ...شسوي يا ربي اسامحه ولا لأ !!!!))











غنيمه بتسامحه ولا لأ.؟!!!

حلا وطلال بتكون نهاية علاقتهم الطلاق؟!!

شذى لها خطط عشان تفرق ما بين طلال وحلا من يديد؟!

الجزء 25


بمطار دبي

قاعدين ينطرون فيصل وطلال يخلصون اجراءات السفر..مشعل طيارته للندن بعدهم بساعه...

قاعد قبال حلا يكلمها... وطلال محترق من داخله يحس بغيره من خاله ((ليش بس مشعل تكلمه وتضحك معه وانا لا..ليش!!))

ضرب بيده بقوه على طاولة الكاونتر استقرب منه الموظف رفع عينه له وبعدها رجع يناظر بالجوازات ..اما فيصل حس فيه من نظراته لمشعل وحلا...وسكت عنه ما يبي يفتح معه الموضوع جدام الناس

مشعل:حلا ما اوصيج على نفسج
حلا تناظره وتحس انها بتفقد شخص كانت تعتمد عليه بشكل كبير:مشعل لا ترجع
مشعل يبتسم لها:حلا شالكلام
حلا دمعه بطرف رمشها:مشعل ما راح اعرف شلون اتصرف من غيرك..انت لمصبرني يا مشعل لا تروح
مشعل حن لها وقرب راسه شوي منها:افا عليج يا حلا شالكلام ..انا دوم اعرف انج حلا القويه لي ما يكسرها شي
حلا باستهزاء:هالكلام أول يا مشعل أول
مشعل :حلا كافي لتسوينه بعمرج
حلا:مو بيدي يا مشعل مو بيدي انا يوم عن يوم احترق اكثر من أول
مشعل :خلاص يا حلا كافي والله كافي ..شذنب الياهل لبطنج
حلا:ذنبه أن طلال ابوه
مشعل يهديها:حلا انا اكثر واحد عارف طلال شنو بالنسبه لج أن شاءالله مع الايام تنسين لصار وتبدون حياة يديده..صدقيني يا حلا عمري ما شفت طلال بهالحاله قاعد يذبح نفسه بالسجاير
حلا انصدمت:طلال يدخن !!!
مشعل بحزن:من يوم تركتيه واهو يدخنها بشكل مو طبيعي وانتي دكتوره وعارفه انه مريض وهالشي ما يستحمله..واحتمال يودره
حلا من ورا قلبها:وانا شيهمني خل يتودر
مشعل يناظرها من طرف عينه:حلا هالكلام على غيري...حاولي تنسين لصار وعيشي حياتج ربج يغفر يا حلا لازم تسامحينه ادري انه ما يستاهل بس عشان تمشي الحياة
حلا سرحت بكلامه:..........

قرب منهم طلال واهو يحس وده يخنق خاله ويبعد الكل عن حلا يبغيها له وبس...

طلال من غير نفس:خلصتو كلامكم؟
مشعل يناظره بنفس نظرته:خير في شي؟
طلال انقهر:الطياره بتطير عنه وانتو حضراتكم قاعدين اهني
..طبعا ما حبينه نقاطع كلامكم المهم

حلا منزله راسها وتحس بحسره تشوف معاملتهم لبعض...
واهي السبب فيها

مشعل وقف معصب من كلامه:يالله حلا

حلا توقف معه وتروح وياه من غير لا تناظر طلال او تنطق بكلمه...حس بقهر لا شعوريا اخذ كرسي مشعل وحذفه عالارض بقوه الكل التفت عليه بالمطار ...

طلال من غير وعي لتصرفاته:ماراح يأثر فيني يا حلا لتسوينه فيني

حلا ومشعل وقفو من قوة الصوت ..ناظرته بيأس من الحاله لوصل لها ((صعب يا طلال صعب ارجع لك ..انت اهنتني ومسحت كرامتي بالقاع ما اقدر ))

مشعل التفت عليها بحزن:حني له يا حلا طلال وصل لمرحله ما اقدر اعبرلج عنها...قام يغار من الكل ويكره أي احد يكلمج

حلا ناظرته بيأس لان هالشي مو بيدها:.....


الكل تيمع ما عدا انفال استأذنت منهم بتروح سوق الحره ...

فيصل:ها يمه كل شي اوكي
نهى:باقي اختك انفال
امامه:الله يهديها نفول لازم يعني
فجر:تقول ما صدقت ينزل بدبي بتروح تشتريه
حلا:شنو اهو؟
فجر:موبايل نوكيا
امامه:هههه هالبنت جد فاضيه

شوي وصلت انفال.. وطلال كان معصب حده من موقف مشعل وحلا..راح وقف ويا شذى بعيد عنهم

فجر:تو الناس جان قعدتي زود وتطيرعنه الطياره
انفال مرتبكه شوي:سوري اخرتكم
نهى حست في بنتها شي بس ما حبت تسألها جدامهم:خلاص يا عيال كل شي جاهز
الكل:اييه
امامه التفتت على طلال لواقف ويا شذى بعيد عنهم:نادو كناري الحب
حلا حست بغيره شوي ...امامه استوعبت لقالته وعدلت كلامها:مالت عليهم من حلاتهم بس ..كلش مو لايق (تقرص خدود حلا) فديت هالويه والله
حلا توخر يدها:ههههههههههههههههههه عورتيني يالدفشه
امامه عصبت:انا دفشه!!!
مشعل:اموم كرمينه بسكوتج
امامه تتخصر وتوقف يم فيصل:لا والله ليش تسكتني...(بدلع) فيصل شفته شقال؟ (تأشر على حلا) وهذي تقول اني دفشه
فيصل يعني معصب:مشعل وبعدين معاك؟
مشعل ماسك ضحكته:خير اخوي؟
فيصل يغمز له:مره ثانيه احترم عمتك
مشعل يسايره:بمشيها لك بمزاجي (يلتفت على امامه)آسف عمتي وحقج علي..
امامه بغرور تحرك يدها:بس خلاص سامحتك ماله داعي تعتذر(تلتفت لفيصل وتساسره) باقي حلوي...
فيصل(يا قلبي على الدلع والله):حلا لو سمحتي اعتذري لاموم
حلا ترفع راسها بغرور:تبغيني انا اعتذر لهذي
مشعل:هههههههههههههههههههههههههههههههههه
امامه عصبت:يحصل لج انا بس
مشعل :هههههههه لا يا شيخه تكفين بس
الكل:هههههههههه
نهى:يالله يمه فيصل ماراح نخلص جذي..(تلتفت عليهم) يالله يمه طلال شذى بنمشي

نهى مسكت يد انفال و ساسرتها وهم يمشون:حبيبتي فيج شي؟!
انفال ارتبكت من مسكة امها:لا يمه ما فيني شي
نهى حبت تخليها على راحتها:أن شاء الله خير

مشعل لآخر لحظه ويا حلا..

حلا دمعت عينها:لا تخليني مشعل
مشعل يطمنها:كل يوم بكلمج
حلا تناظر طلال وشذى لكانت ماسكته بيدها نفخت بقوه:آآآه
مشعل كسرت خاطره مو بيده شي:وبعدين يا حلا بتخليني جذي اخلي دراستي وارجع وياكم
حلا تمسح دمعتها:لا لا إلا هالشي خلاص بسكت
مشعل يبتسم لها:يالله بالسلامه أن شاء الله أي شي تبين كلميني اخوج دوم موجود
حلا تحاول تمسك دموعها :الله لا يحرمني منك

طلال روحه وعقله كله ويا حلا ...يناظرها من طرف عينه والغيره بقلبه كل مالها وتزيد....


ركبو الطياره وكانت نفس اماكنهم ....


بعد ما خلصو وجبة العشا...رجعت حلا راسها بتعب شوي ..التفتت عليها نهى

نهى:خير يمه حلا تحسين بشي؟
حلا:ابد خالتي بس احس بعوار بظهري
نهى:يا عمري ما كان لازم نسافر وانتي بالأشهر الاولى مو زين لج
حلا تبتسم لها:ما عليه خالتي بس صج استانسنا
فجر:واااي انا احس الهدوم لشريتها حق سنه كامله جدام
نهى تتقرطم :رايحين بجنطه انا وياج فيها... ردينه بثلاث جناط ..ليش ما في سوق بالكويت؟
فجر:هههه لا شكو يمه بس احب مجمعات دبي ..وبعدين في محلات ينزلون بضايع غير عن الكويت
نهى مو عاجبها:ما له معنى كل لشريتيه
حلا:ما عليه يا خالتي أول سنة جامعه تبي تستانس
نهى:الله يعين


الجهه الثانيه..

شذى:طلولي
طلال وعينه على حلا واهي تسولف:هاااا
شذى استغربت منه ..شافت وين سرحان انقهرت:طلاااااال
التفت عليها:خير شفيج؟
شذى بدلع:اكلمك ما ترد علي
طلال:رديت ..
شذى :حبيبي أول ما نوصل بروح لبيت امي
طلال:خليها باجر
شذى:لااااا طلال ولهانه عليهم ابي اروح لهم اليوم
طلال ابتسم لها:خلاص روحي لهم..ما اقدر امنعج عنهم
شذى:وانت حبيبي ماراح تيي معاي؟
طلال:لا ماراح اجي امر عليهم باجر
شذى تحط راسها على جتفه:اوكي لريحك



الكويت

جاسم:متى بيوصلون.؟؟
نوال تشوف الساعه: اظن انهم على وصول أن شاء الله
جاسم يرد يتابع المباراة:........
نوال:بو طلال
جاسم يلتفت لها:خير
نوال:انت راضي على الحال لفيه حلا
جاسم بغرور:وشفيها حلا؟
نوال :يا جاسم البنت يتيمه وناصر الله يرحمه لو كان حي ما بيرضى بلي يصير لبنته
جاسم بصوت عالي شوي:يعني انا ظالمها؟!
نوال:مو ظالمها ..بس البنت اللحين بتقعد لوحدها بالبيت واهي حامل واكيد محتاجه لاحد يخاويها
جاسم:هي لرفضت يجلس طلال وياها
نوال:ما عليه ..لسواه طلال مو شويه لا تظن بتسامحه بهالسهوله
جاسم يدري معها حق:بالأخير ..شتبغين تقولين؟
نوال:لأبغى اقوله يا ليت بنفسك تكلمها وتحاول تقنعها تجي تعيش معانا او على الاقل طلال ينام عندها ولا تكون بالبيت لوحدها
جاسم:تبغيني انا اكلمها واهي يوم رجعت من بريطانيا ما فكرت تسأل عن عمها!!
نوال(بعد كل لسويته فيها وتلومها):البنت كانت منهاره ومحد يلومها
جاسم :اجل تلوميني انا يا نوال ..
نوال :انا ما قلت كذا
جاسم:إلا قلتي ..دوم انا الغلطان وانا لي ما ارحم وانتي الحنونه
نوال:جاسم ثمن كلامك
جاسم عصب وحرك كرسيه:أن سمعتك جايبه لي طاري هالموضوع مره ثانيه ماراح يحصل خير




بريطانيا

شقة حور

خالد يتكلم بالتليفون:حياكم الله خالتي
حصه:عاد أن شاء الله ما نضيق عليكم
خالد:افا عليج خالتي شالكلام الشقه شقتكم
حصه تشوف بو حور لجالس يمها:انا اقول حق عمك يقولي تخربين عليهم شهر عسلهم
خالد:ههههههه لا يا خالتي قولي حق عمي لا يحاتي شي وحياكم الله
حصه استانست:عيل سلم لي على حور...وان شاء الله بعد يومين عندكم
خالد:حياكم الله ...ٍسلمي على الكل
حصه:الله يسلمك يمه ويحفظك...مع السلامه

سكره منها ...دخل الغرفه يقعد حور من النوم...

خالد قعد على ركبته على الأرض قبالها ويهزها برقه:حوور حوووره
حور افتحت عينها شوي شافته وابتسمت:همممم
خالد يضحك على شكلها جنها ياهل:شنو همم يالله قومي الساعه 5
حور افتحت عينها بسرعه:شنو 5؟؟
خالد بمكر:5 المغرب
حور قعدت على حيلها:من صجك!!!
خالد قعد يمها عالسرير ومسك يدها:هههههه لا اتغسمر معاج ..اللحين الساعه 1 الظهر وانا يوعان
حور تجيب شعرها على جنب : يا قلبي ليش ما قعدتني؟
خالد يضمها عنده:لان شكلج يكسر الخاطر حسيت انج تعبانه خاصة امس طول الليل تدرسين
حور:الله لا يحرمني منك
خالد:والله منج حياتي.
حور:خلوودي
خالد:عيونه
حور ترفع راسها له:تسلم عيونك ...اممم
خالد يغمز لها:شفيج قولي
حور تبتسم :امم انت امس قلت لي أن بنتغده بره عشان جذي انا ما طبخت شي
خالد:ههههه صارلج ساعه عشان تقولين هالجمله
حور:ههههههه شسوي اخاف تكون ناسي وانا ما طبخت شي
خالد:لا يا قلبي مو ناسي..قومي غسلي وغيري لبسج عشان نطلع
حور تقوم من السرير:عطني ربع ساعه

دخلت حور الحمام ..وخالد تم يحوس بموبايله تذكر أن ما قال لحور عن حصه ..راح وقف قبال باب الحمام ..

خالد يصوت عليها:حوووووور
حور كانت تفرك اسنانها وصوتها مو واضح:همم
خالد بخوف وبصوت عالي شوي:شفيج؟
حور تمضمضت وردت واهي تضحك:ههههه ما فيني شي بس كان بحلجي معجون
خالد:هههههههه خرعتيني...انزين تره خالتي وابوج واخوانج بيونه بعد يومين

فتحت الباب منصدمه والصابون للحين على ويها ما غسلته

حور:شنو!!!!!!
خالد يوم شاف ويها وشلون مغمضه عينها مات من الضحك:هههههههههههههه
حور استوعبت ردت غسلت ويها بسرعه وردت له واهي تنشفه بالفوطه:تضحك علي ها!!؟
خالد:ههههههه من الصدمه طلعتي وانتي مو مغسلته هههههه
حور:من صجك خلودي بيون؟
خالد:اييه يا حبيبة خلودي
حور بحزن:ليش بيون؟
خالد حس فيها وعارف معاملة خالته لها:حبيبتي اهم بيون اسبوع وبيردون ماراح يطولون
حور رفعت عينها له وشهقت: بيقعدون عندنا!!!!
خالد:اييه يا قلبي اهي قالت يبوني احجز لهم فندق قلت لهم الشقه موجوده ليش تكلفون على عمركم
حور نزلت راسها وما قالت شي:...
خالد رفع راسها بيده له وابتسم لها:حبيبتي لا تحاتين ماراح تسوي لج شي
حور تناظر عيونه وتشوف الفرق بينه وبين حصه:....
خالد :حووره زعلتي
حور:ليش ازعل؟
خالد بضيق:ليش قلت لهم ..يمكن غلطت ما قلت لج قبل؟
حور تقرب له :هذي شقتك حبيبي ورايي من رايك
خالد يضمها له:الله لا يحرمني منج






وصلو مطار الكويت .... حلا طلبت من فيصل يوصلها لبيتهم بطريجه عشان ما تبي تكون ويا طلال ولا تبي تروح بيت عمها...

طلال وشذى وامامه رجعو البيت...ونهى وانفال وفجر وفيصل بيمرون ياخذون لهم عشا من مطعم حق فجر يوعانه وبعدها يوصلون حلا البيت ....



دخل طلال وشذى وامامه...لقو امهم بالصاله تنطرهم ...على طول راحت لطلال تضمه

نوال:حمد الله على سلامتكم يمه ..توه ما نور البيت
طلال يبوس راسها:الله يسلمج يالغاليه
امامه بغيره:دوم طلال أول المستقبلين
نوال تروح لها:تعالي انتي يا ام اللسان طويل
امامه تضم امها:ههههه ولهت عليج يمه
نوال:البيت ظلمه من غيرج حبيبتي
امامه:اييه علي انا هالكلام يمه ..توج تقولين حق طلول نور البيت يعني اهو النور
طلال :ايي بس قصدها انتي الكهربا
الكل:ههههههههه
شذى تقرب:شلونج خالتي
نوال بثقل:الحمدالله بخير
شذى التفتت على طلال ونزلت راسها بضيق وصعدت لغرفتها (حتى ما كلفت تقولي حمد الله على السلامه..ما تعتبرني زوجة ولدها)

امامه:شفيها هذي ما تعرف شي اسمه احترام المفروض تجي تبوس راسج!!!
طلال فهم عليها:ميمي صعدي لغرفتج
امامه:ماني بصاعده...الا يمه وين ابوي ما اشوفه؟
نوال بضيق:كان ينطركم ..شافكم تأخرتو راح لغرفته
طلال:خل اروح اسلم عليه
امامه:بجي وياك

صعد لغرفته بعد ما سلم على ابوه وقف عند باب الغرفه قبل لا يفتحه جيت في باله حلا ((شلووون انا مخليها بروحها بالبيت ...لا يا حلا مو بكيفج لازم اكون يمج ))


وصل البيت شاف فيصل توه ماشي ...تذكر انه قال بيمر ياخذون عشى قبل لان فجر يوعانه مو قادره تصبر للبيت...

طلال فرح من داخله ((اشوه يعني للحين ما نامت ))...

دخل البيت بهدوء لقاها تركب الدري والجنطه بيدها تسحبها ...حست بأحد ياخذ الجنطه منها ...

رفعت عينها له مستغربه :....
طلال يبتسم لها وملامح التعب باينه عليه:ممكن عنج؟
حلا تكابر:اقدر اسحبها بنفسي
طلال ياخذها منها:ما عليه اوصلها عندح لغرفتج
حلا :ليش جاي؟
طلال يبتسم لها ببراءه:بنام عندج
حلا تنرفزت:هالموضوع تناقشنا فيه ..ما ابي اشوفك عندي بالبيت
طلال يقرب منها:ما اقدر اخليج بروحج
ابتعدت عنه خطوه:لا تحاتيني ما ابي منك شي
طلال بيأس:انزين ممكن بس هالليله لاني تعبان
حلا (يا قلبي يا طلال ):روح بيتك الثاني
طلال بألم:راحتي وياج
حلا تاخذ جنطتها منه وتصعد للغرفه:اذا تبي تنام الغرفه الثانيه فاضيه

طلال حز بخاطره كلامها ..اخذ جنطته وصعد للغرفه الثانيه وقف عند الباب ابتسم يوم تذكر موقفه ويا حلا

(( قعد من النوم يدورها ينادي عليها ...ما ردت راح يدورها بالبيت لقاها بهالغرفه قرب منها وقف وراها واهي كانت قاعده على الارض


طلال :حبيبتي شتسوين؟!


حلا التفتت عليه وابتسمت:ماكو اشوف الوان الولبيبر


يقعد وراها بالارض وقربها له:اممم وشنو اخترتي؟


حلا تسند نفسها عليه تمد له الكتلاوج:مادري شرايك بهذا؟


طلال :وايد حلو..(يساسرها) الحلو ما يختار إلا الحلو


حلا بحيا:طلاااااااال


طلال نفس اسلوبها:يااااااااا قلب طلاااااال


حلا:وخر عني بقوم


طلال يعاند ويشد له عشان ما تقوم:ليش يعني ..عشان انا جيت


حلا :لا بس بروح المطبخ ...الاكل على الجوله لا يحترق


طلال بدلع:الاكل اهم مني


حلا تلتفت عليه:انت اهم من الكل


طلال يبوسها على راسها:يلوموني فيج



نزلت دموعه لا شعوريا((انا لهدمت كل هالحب بيدي انا الاناني انا السبب ... ما الومها لتسويه فيني استاهل))



بيت فيصل

قعدت انفال من النوم بعد ما كانت متفقه ويا امامه امس ان اليوم لازم يروحون السوق حق شغله تبيها انفال...امامه قالت لها اهي تمرها بس انفال اصرت اهي لتمرها وفيصل قال ماكو روحه من غيري...واهو لبيوصلهم

كانت بغرفتها تلبس ...وبالها مع فواز (معقوله يا فواز بعد كل هالسنين !!))

مسحت دمعتها...وتذكرت امامه لموصيتها انها تقعدها..خذت موبايلها ودقت عليها ....

امامه بسابع نومه:الو
انفال:اموم قومي
امامه:هممم شتبين
انفال تصرخ:قومي يالله اللحين بنمرج
امامه:ما ابغى اقوم
انفال:شنو!!!
امامه:يا ربي نفول حدي دفيانه ومتلحفه ما راح اقوم
انفال عصبت:اموم لا تينيني قومي فصول ينطرني تحت بالسياره كلها 10 دقايق واحنا عندج
امامه:وينه حبيبي؟
انفال:هذي لبذبحها...اللحين اكلمج تسألين عن فصول!!
امامه:وااااااااي نفول شفيج انتي مناشبتني اقولج دفيانه مالي خلق اقوم من السرير
انفال:انا اعرف منو ليقومج ..باي

سدته منها امامه وردت نامت....


وصلت السياره ...فيصل كان يحوس بالسيديات..

انفال تتقرطم:دق على حبيبة القلب مو راضيه تقوم
فيصل ما ركز عدل:شنو؟
انفال متنرفزه:اموم مو راضيه تقعد من النوم
فيصل:ههههههههه انزين وليش معصبه؟
انفال:لانها تبط الجبد اقولها قومي اللحين يايين لج تقولي متدفيه ماراح اقوم..وهذا واحنا متفقين من امس
فيصل:ههههههههههههههههه وهالشي قاهرج
انفال انقهرت زود:لا والله اللحين لو انا لمأخرتك بره بتصارخ علي وتشرشحني..بس آنسه امامه غير
فيصل(الكل يغار منج يا قلبي):هههه طبعا انتي غير واهي غير
انفال:فصوووووووووول
فيصل:ههههههههه اتغشمر معاج خلاص اللحين اكلمها
انفال :ماراح تقوم وياك
فيصل يغمز لها:هههههههه بتشوفين


دق عليها ردت من غير لا تشوف الرقم

امامه بصوت كله نوم:الووو
فيصل يغير درجة صوته:هلا هلا
امامه اخترعت :منو؟
فيصل:افا والله ما عرفتيني يا حلوه
امامه عصبت:احترم نفسك
فيصل:اعصابج يا حلو ترا هي غاليه علينا
امامه عدلت قعدتها:وبعدين معاك ,..منو معاي.؟
فيصل:واحد يحبج مووووووت
امامه:حبك برص
فيصل ماسك ضحكته:ويعشقج وحياته من غيرج ما تسوى شي
امامه :عساها دوم ما تسوى ...ما تستحي انت؟
فيصل:وليش استحي يا روحي ليش؟
امامه انقهرت:صج انك قليل ادب ...(سكرته بويها)


فيصل:ههههههههههههههههههههههههههههههههههههههههههههههههههههههه ههههههههههههههههههههههه
انفال تضحك معاه:ههههههههههه شقالت؟!
فيصل يمسح دموعه من الضحك:هههههههه هالبنت أن عصبت تصير شي ثاني ههههههههههه

ردت انسدحت بتنام ...بس لدق عليها نحش النوم منها قامت دخلت الحمام غسلت ...يوم طلعت سمعت صوت موبايلها شافت فيصل لداق ردت عليه


امامه:هلا بحياتي
فيصل:هلا فيج..جاهزه
امامه توهقت :اييه بس انتو وينكم اللحين؟
فيصل ماسك ضحكته:عند باب بيتكم
امامه شهقت:من صجك فيصل!!!
فيصل:ههههههههه ليش تشاهقين؟
امامه بدلع:فصولي يصير تنطرني ربع ساعه بس؟
فيصل يمثل العصبيه :ربع ساعه يالظالمه
امامه:فصولي مو شسوي في واحد دق علي وتم يطفرني اهو لأخرني
فيصل:منو هذا !!!
امامه :مادري واحد فاضي
فيصل:لا والله ...ليش رديتي عليه بالاساس؟
امامه خافت من عصبيته:فيصل شسوي كنت نايمه ما شفت الرقم
فيصل:بسرعه لبسي انا انطرج تحت...اذا ييتي لكلام ثاني وياج
امامه سدته والعبره خانقتها:باي

لبست بسرعه ...وركبت السياره من غير ولا كلمه

فيصل:الناس تسلم بالاول؟
امامه وفيها البجيه:السلام عليكم
انفال ماسكه ضحكتها لان تدري بكل شي:وعليكم السلام
فيصل يمد يده لها:عطيني موبايلج
امامه تعطيه واهي معصبه حدها:.....
فيصل يحرك السياره وتم يحوس بالموبايل بعد مده مد لها الموبايل:دوري لي رقمه خليني اعرف اسوق
امامه منصدمه من حركته خذت موبايلها وتمت تدور رقم غريب من لداقين عليها بس ما في...

حاولت تذكر متى دق بالضبط بس تنصدم تشوف رقم فيصل...

فيصل:سنه على ما تدورين الرقم؟
امامه بخوف ودمعتها نزلت خلاص أول مره فيصل يعاملها جذي:مادري وينه

فيصل حس من صوتها انها بتبجي ..كان قريب من المجمع لبيروحون له ...غمز لانفال انها تنزل بسرعه و على طول حرك السياره وامامه ما تحركت من مكانها وراه

امامه (شفيه هذا حرك): وقف خل انزل

مارد عليها فيصل...وقف السياره على جنب الشارع

فيصل:امومه تعالي جدام
امامه بعناد:ما ابغى
فيصل:حياتي لا تعاندين تعالي
امامه خانقتها العبره:ليش تكلمني جذي جدام نفول
فيصل من داخله تحسف يمكن زودها شوي:انزين تعالي جدام نكمل كلامنا
امامه:ما ابي
فيصل يلتفت عليها:عشاني حياتي
امامه ناظرت عينه وفجأه افتحت الباب ونزلت وقعدت يمه من غير ولا كلمه...

التفت عليها :الحلوين زعلانين
امامه تمسح دمعتها:...
فيصل يمسك يدها:حياتي كنت اتغشمر معاج
امامه والدمعه بعينها:أول مره تصرخ علي فيصل
فيصل يقربها له:يا قلب فيصل انتي والله اتغشمر معاج بس يمكن انا زودتها شوي
امامه:كل هذا غشمره..حتى لو غشمره ما اسمح لك..وبعدين قلت لك ما اعرفه
فيصل يبتسم لها:امبلى تعرفينه
امامه انقهرت:فيصل لو سمحت ثمن كلامك
فيصل يمسح دمعتها:لان انا يا قلبي لكلمتج
امامه :شنو!!!
فيصل :ههههه ما لاحظتي انه رقمي
امامه:انا رديت على طول..ومساع يوم كنت ادور شفت انه..
فيصل يقاطعها:انا حياتي انا
امامه تضربه على صدره :يالبايخ ليش تسوي فيني جذي
فيصل:ههههههه هذي خطة نفول الشريره
امامه:انا اعلمها
فيصل:تقول دامها ما قامت يوم كلمتها سو فيها جذي
امامه تتخصر:لا والله احلف انت بس
فيصل بدلع:والله ..(يمثل البراءه) اللحين انا شبتسوين فيني؟
امامه:انت حسابك معاي بعدين
فيصل يمثل الخوف:شبتسوين !!!
امامه تغمز له:شوف منو بيرد عليك بعد اليوم
فيصل :لااااااااااااااااا إلا هالشي
امامه بغرور:اليوم حريمتك ارد عليك هذا عقاب بعد التخفيف
فيصل:شلون انام ما اقدر ما اقدر
امامه:عشان تعرف شلون تسوي فيني جذي
فيصل بشكل يكسر الخاطر:ما في تنزيلات ؟
امامه:نو نو نو احمد ربك كانو 3 ايام
فيصل بقهر:كله من نفول انا اعلمها









بيت جاسم

جاسم طول فترة 3 ايام لكانو فيها بدبي كان يتدرب يمشي على ريله والحمدالله قدر يوقف عليها بس بوجود عكازات بس عنده هالشي وايد ارحم من الكرسي المتحرك...

كان قاعد بالصاله ويا نوال وطلال وشذى ..بعد ما تريقو خلصو ..قعدو يشربون جاي

جاسم:شلون ابوج؟
شذى(تحس انه الوحيد لمعبرها بهالبيت):يسلم عليك عمي..
جاسم:الله يسلمه لا تنسين تقولين له عن عزيمة العشى باجر اهو والوالده حياهم الله
شذى ابتسمت بفرح: الله يحييك عمي
نوال انقهرت فحبت تجرحها بأي شي:يمه طلال
طلال يلتفت لها:هلا يمه
نوال:حلا بالبيت
طلال يحاول يبعد عينه عن شذى:اييييه
نوال:خلاص دق لي على امامه شوفها متى بتجيني اهي مواعدتها نتغدى عندها اليوم
طلال أن شاء الله يمه


دق على امامه ..وشذى كانت تلعب باصابع يدها (يعني لازم تنكد علي يا اهي يا بنتها ما تقدر ..شكلي عطيتهم ويه وايد ما عرفو منو شذى)

شذى بدلع:اقول خالتي
نوال ودها تذبحها بس ردت عشان جاسم ما يعصب:خير
شذى تلعب بشعرها:اللحين مشعل انتي لمربيته؟.
نوال من غير نفس:اييه بعمر طلال
شذى:الله يخليه لكم ...تصدق عمي وايد فيه من طيبتك
جاسم استانس:من طيبج يا بنيتي
نوال انقهرت (تبين تكسبينه صوبج يالحيه..انا اواريج):وانتي من وين تعرفينه؟
شذى توهقت:امم اهو كان يدرس معاي
نوال باستهزاء:ما شاء الله عليج مو بكافي عليك طلال ..ناويه بعد على مشعل
شذى:شتقصدين خالتي؟!!
جاسم فهمها:نوااااال
نوال تعطيهم ظهرها وتلف على التلفيزون:بنات لا حيا ولا مستحى

كالعاده وقفت معصبه وصعدت لغرفتها ...جاسم التفت على نوال معصب

:انتي وبعدين معاج...عيب عليج هالكلام منتي جاهل
نوال:ما قلت إلا الصج

طلال يقطع عليهم كلامهم:اللحين جايه يمه بالطريج...تقول بالكثير ربع ساعه
نوال توقف:خل اروح اجهز قبل لا تجي

طلال استغرب :يبه وين شذى؟
جاسم متنرفز:صعدت لغرفتها امك ما قصرت فيها

طلال(جيت منها ):اوكي يبه انا طالع عندي شغله تآمرني على شي
جاسم استغرب منه:اقولك مرتك فوق متضايقه بتطلع!!!
طلال ماله خلق:وشسوي لها يبه ..تبغيني ازف امي يعني!
جاسم:طلال تكلم معي بأدب
طلال يبوس راسه:آسف يبه..بس هذي سوالف حريم بينهم بين بعض ..انا ماشي مع السلامه


بيت حلا


حلا كانت لابسه ومتجهزه لهم من الصبح...لان الوحده خانقتها تحس بملل بس ما تبغى تتكلم عشان ما يكون لطلال عذر ويسكن عندها...زين اقتنع من نفسه وقام ما ينام عندها بالبيت....

كانت لابسه نفنوف حرير احمر قصير قصة حوامل مع اكمام وساع ..ورافعه شعرها ومتمكيجه خفيف ..كان شكلها نعوم وحلو مع بطنها البارز...


...سمعت صوت الجرس راحت الخادمه تفتح لهم...وحلا نزلت من الغرفه رايحه للصاله

انصدمت يوم لقت طلال بالصاله ...


:طلال!!!!

طلال التفت لها وحس قلبه بيوقف (آآه يا حلا ليش تحرميني منج)...قرب منها وعينه ما فارقت عينها ..وقف قبالها وبابتسامه

طلال:صباح الخير
حلا تناظره واقف قريب منها شوي:...
طلال:شنو كل هذا...شالجمال يا حلا
حلا كانت اسيرة عيونه للحين مو مستوعبه شي :.....

طلال ما قدر يمسك نفسه مشاعره اتجاهها كل مالها وتزيد خاصة مع تجاهلها له ...باسها على راسها وقرب من اذنها

:احبج حلا والله احبج

غمضت عينها بعد ما صحت ونزلت دمعة الم ...
رفعت ايدها لشعرها استوعبت أن لواقف قبالها اهو طلال لخانها لباع حبها لجرحها واهي عمرها ما فكرت تزعله ..شهقت وجيت بتركض مسكها من يدها وقفها

طلال بعذاب فهم حركتها:حلا كفااااايه انا زوجج
حلا تحاول تفك يدها:اترك يدي
طلال يقربها له ويحوطها بيده من خصرها:كافي حلا كافي ..بتموتيني بعنادج وانتي مو حاسه بهالشي
حلا بغرور تحاول تفك نفسها:ما يهمني
طلال:جذااااااااااابه
حلا :وخر عني
طلال يعاند ويشد اكثر:حلا لا تعاندين
حلا (خلني دوم قريبه منك لا تبعدني عنك طلال) نطقت عكس لبقلبها:انت ما تفهم ما ابيك ما ابيك اكرهك
طلال يتجاهل كلامها:مو من قلبج حبيبتي
حلا قدرت تفك نفسها ابتعدت عنه:من كل قلبي يا طلال انت ولا شي ولا شي


صعدت لغرفتها وطلال طلع معصب حده من البيت

(ليه متى يا حلا ليه متى بتمين عايفتني ....بعدج عني يعذبني وانتي مو حاسه بهالشي ))

كالعاده اخذ له سيجاره وتم يدخنها عشان تهديه وتنسيه لصار

استوعب انه اهله بيون وخاف امه تزعل لوجوده لان هالشي يضايق حلا (( ليش الكل يمنعني عنج!!! ليش الكل واقف ضدي محد حااااس فيني!!!))



وقفت قبال المنظره عدلت مكياجها وضبطت كل شي ونزلت بعد ما سمعت صوت ميمي تنادي عليها بالصاله...


حلا بابتسامه ولا كأن صار شي:هلا والله ...توه ما نور البيت
نوال تحضنها بوله:بوجودج حبيبتي ..ِكيف حالج يمه؟
حلا تقعد تبتسم ابتسامه مزيفه:الحمدالله خالتي..انتي شلونج؟
نوال تناظرها الحمال محليها زود:دامكم بخير انا بخير..
امامه كأنها قرت افكار امها:ما درينه الحمال يحلي جذي.؟
حلا بحيا:ههههههههههههه شدعوه لا تجاملين ادري بطه شمتني
نوال:ههههههه إلا تهبلين الله يحفظج...والله انه هو الخسران لي ما عرف قدرج
حلا سكتت ونزلت راسها:.....

نوال التفتت لأمامه ما تدري شلون قالت جذي....امامه تغير الموضوع

امامه:اقول حلوي
حلا ترفع عينها وتحاول تخفي دموعها:هلا
امامه حست فيها بس تجاهلت:غنوم تسلم عليج
حلا:الله يسلمها شصار عليها ويا احمد؟
امامه:للحين مو عارفه شتسوي
حلا بحزن:الله يعينها....لسواه فيها مو شويه
نوال:هذي يا يمه الدنيا ما تدرين شمخبيه لنا
حلا:الحمدالله على كل حال



بيت فيصل

فيصل سرحان يفكر ..قطعت عليه تفكيره فجر...

فجر:فصوووووووووول
فيصل:هااااا
فجر:ههههه شفيك سرحان؟
فيصل:افففففف شتبين الحين
فجر :ما ابي شي
فيصل انقهر:عيل ليش تقطعين علي تفكيري؟
فجر بغيره:هههههه حسيت قاعد تفكر فيها قلت اقطعه
فيصل يحذف عليها المخده:حلفي والله
فجر تغطي ويها بيدها:ههههههههه فصول يعور بس

فيصل للحين يحذف ...دخلت نهى واهم على هالحال....

نهى تتأفف: متى بتكبرون؟
فيصل:ههههههه يمه بنتج هذي تبط الجبد
فجر توقف وتتخصر:انا ابط الجبد
فيصل يقهرها:اييه انتي منو غيرج
فجر بدلع:من تزوجت اموم وانت متغير علي
فيصل:ههههههههههههههههههههههههه
فجر تحذف عليه مخده:تضحك بعد
فيصل:ههههههههه يا ربي ليش تغارون منها ..شسوت لكم؟!
نهى تشيل المخدات عن الارض وتقعد يمه: الله يخليها لك البنت اصيله وما قصرت بشي
فيصل يبتسم لها:عيل ليش يغارون منها يمه ؟
نهى:دلع بنات
فيصل:ههههههه ابلش من دلع
فجر:فصول انا تره ما اكره اموم
فيصل يعدل قعدته ويناظر امه تبتسم له:ها عيل؟
فجر بحيا:بس يعني صرت كله وياها وما تطلعني مثل قبل.. (دمعت عينها) حسيت اني قمت افقد ابوي مره ثانيه
فيصل اختفت ابتسامته وراح وقف قبالها:شالكلام فجوره!!
فجر رمت نفسها بحضن اخوها:لا تتركني فيصل انا من غيرك اضيع
فيصل يضمها اكثر لعنده ويمسح على شعرها:كاني عندج فجوره شالكلام

نهى تمت تصيح يوم شافتهم بهالشكل (الله لا يفرقكم عن بعض)...دخلت انفال البيت شافتهم على هالحال اخترعت...

انفال:شفيكم!!!!
فيصل يلتفت عليها وفجر للحين ضامها:ما فينه شي
انفال تقرب منهم وتشوف فجور لتصيح:فجور شفيج؟
فجر تبتعد وتمسح دموعها:ما فيني شي بس اتدلع على فصول
فيصل يقرص خدودها:هالدلع ما ابيه
فجر بحيا:أن شاء الله
انفال تلتفت على امها لتمسح دموعها:ياااااا ربي شفيكم مسوين فيلم هندي؟
نهى:ما فينه شي يمه
انفال بوزت:يعني محد يبي يقول لي انا مو بنتكم
فيصل:ههههههه يا ربي على هالبنات
انفال تروح له:فصولي شفيكم؟
فيصل يضمها له بحب:الله لا يحرمني منكم
انفال خافت:فصول شفيك؟
فجر تروح لهم وتضمهم لها:واااااااااااي احبكم
نهى تشوف عيالها :هههههه
انفال:وربي هالبيت فيه شي ..ما احسكم صاحين توكم تصيحون
فجر:ههههههه لا بس كنت اتدلع على فيصل شوي (تغمز له)
انفال تدزها بعيد عنها:مالت عليج كل هذا تتدلعين
فيصل:ههههه دلع من نوع سخييف
الكل:هههههههههههه






بيت بو شذى

شذى بعد لصار بينها وبين نوال ...نزلت ما لقت
طلال...خذت مفتاح سيارتها وراحت لبيت امها ...


ام شذى:هلا يمه حياج
شذى تبوس راسها وتقعد يمها:شلونج يمه؟
ام شذى:بخير...شفيج يمه باجيه؟
شذى:عادي يمه صار شي عادي
ام شذى :منو يمه ..طلال!!
شذى بحزن:يمه طلال يهون بس خالتي نوال واموم هالزفته بيذبحوني
ام شذى:ليش ما تردين عليهم؟
شذى:ما في فايده يمه ..اموم هذي بتموتيني ماراح ترتاح إلا لما تبعد طلال عني
ام شذى:اففففف متى بتروح بيت ريلها وتفتكين منها
شذى:الله يسمع منج يمه

شذى تصارخ على الخادمه تسوي لها كوفي....

شذى:إلا اقول يمه
ام شذى كانت تتصفح بالمجله:خير
شذى:ترا باجر انتي وابوي معزومين على عشى في بيتي
ام شذى:شنو المناسبه؟
شذى:سلامة عمي
ام شذى:الحمدالله رجع يمشي
شذى:اييه اليوم بدا يمشي بدون عكازات..وقالي اقولج انتي وابوي
ام شذى:أن شاء الله بنيي
شذى بتفكير عميق:يمه تهقين حلا بتيي؟
ام شذى:والله ما اعتقد انتي تقولين انها قالت ما راح تدخل بيت عمها بعد لصار
شذى:اييه انا سمعت امامه تقول لطلال هالكلام
ام شذى:والله يا شذوي خوفي من اموم تفر راس طلال عليج ويطلقج
شذى بخوف:لا يمه لا تقولين جذي
ام شذى:لا تزعلينه حاولي دوم تكسبينه صوبج
شذى :وهذا لقاعد اسويه يمه ..يجرحني بالكلام ساعات بس اسكت
ام شذى من غير لا تحاسب كلامها:لا تلومينه ما في بنت سنعه تسوي لسويتيه حالج حال أي وحده لقاها بالشارع
شذى انصدمت من كلام امها ووقفت :عن اذنج يمه
ام شذى استوعبت لقالته ولحقتها:تعالي يا شذى
شذى تصيح:كافي تجريح من الكل كافي...غلطتي الوحيده اني حبيته وامنته على نفسي
ام شذى تحضنها لعندها:بس يا يمه لا تصيحين ما كنت اقصد
شذى تتعلق بأمها:يمه تعبت تعبت من هالعيشه ..وكلامه الجارح ليقوله لي كأني من بنات الليل ما يرحمني يمه
ام شذى تاخذها معها للقنفه وتقعدها:ما عليه يا يمه هذا ريلج لازم تستحملينه
شذى بجيها يزيد:ليه متى يمه ليه متى !!! شذنبي اتحمل كل هذا.؟!
ام شذى(انتي ليبتيه لنفسج يا بنتي):.....

شذى رمت نفسها بحضنها وتمت تصيح تحس محتاجه لأحد تفضفض له....


بيت جاسم

رجعو من بيت حلا ...صعدو لغرفهم يرتاحون باجر وراهم عزيمة جاسم....

جاسم رجع من الشركه امبجر ونام ..دخلت نوال لقته نايم..غيرت لبسها وصلت ونامت...

امامه قاعده بغرفتها تزهب شنو تلبس باجر ....رن موبايلها يايه بترد بس استوعبت اخير شي وحذفته عالسرير

بالناحيه الثانيه..قاعد بغرفته منسدح على سريره ...وموبايله ما تركه من يده

(من صجها هذي ماراح ترد علي!!! ..كله من نفول))

دز لها مسج

((حبيبتي ردي علي))


سمعت سوت المسج قرته ابتسمت من داخله بس قالت قلعته يستاهل ..كملت لبسها وغسلت ودخلت لسريرها تلحفت....حاولت تتقلب يمين يسار مهي قادره تنام متعوده تكلمه

((ياااا ربي يعني ما اعرف اعاقبه لو مره وحده..اهو غلط لازم ما اكلمه اليوم يستاهل...)) عينها على موبايلها للحين ما سكت من مساع مسجات وميس كولات من فيصل...تمت تناظر الموبايل واهي تحاول تتجاهل مشاعر الشوق انها ترد عليه


((افففففف شنو هذا توني شايفته امس مداني اشتاق له...ما تدري شكثر احبك فيصل))

رفعت موبايلها وضغطت على الاخضر ...

فيصل ما صدق انها ردت:الوووووووو
امامه:....
فيصل يدري انها على الخط من انفاسها:يا قلبي على هالانفاس فديتها والله
امامه استانست بس ما تكلمت:..........
فيصل:يعني ما تبين تتكلمين؟
امامه:.........
فيصل بصوت رومانسي:كفايه اسمع صوت انفاسج
امامه تغمض عينها (يااا ربي احبه):.......
فيصل بدلع:ما يصير جذي انتي تسمعين صوتي وانا لأ
امامه :..............
فيصل:يالله عاد حياتي قولي أي شي..ادري انج مو قادره تنامين مثلي
امامه شغلت له اغنيه تهديها له: يا غرامانا لو حكيتعن شوقي ليهما يكفنيش اياموسنين عمري فهواهفاتت هواهعدت ولا الاحلاميا حرامباين عليهبلمعةعينيهبداري احلى غرام


فيصل :آآآآآخ يا قلبي ..شدراج اني عايش احلى غرام وياج يا قلبي
امامه:.......
فيصل:يلا عاد حبيبتي امومه تكلمي
امامه بعد ما ارتاحت انها سمعت صوته:تصبح على خير....باي

فيصل يشوف موبايله منصدم سدته (من صجها يعني !!!)

تم يدق عليها بس ما ترد ..دز لها مسج ثاني ((بلييز ابي اقولج شي))

تمت تضحك واهي تقرا مسجاته دزت له مسج ((سوري اظن عارف العقاب بس انا مو ملزومه اعاقب نفسي ههه لا تدز شي لاني ماراح ارد باي حبي))

تم يضحك يوم قرا المسج بصوت عالي دخلت عليه انفال ..سمعته واهي رايحه لغرفتها...

انفال تدوره بالظلمه:فيصل !!!
فيصل:هههه هلا
انفال تفتح ليت واحد:بسم الله عليك شفيك حلمان؟
فيصل:هههههه لا صاحي
انفال تقعد قباله:ليش تضحك جذي؟
فيصل:هالبنت بتينني
انفال:منو؟ اموم !!
فيصل:في غيرها
انفال:ههههه ليش شسوت لك؟
فيصل يقرصها:مو كل لصار بسبتج انتي
انفال تفرك مكان القرصه:حرام عليك فيصل يعور
فيصل:ما كلمتها اليوم والسبه انتي
انفال توها تستوعب:ههههههههههههههههه
فيصل بعصبيه:تضحكين بعد
انفال تقوم من السرير:والله على بالي عندك سالفه..تصبح على خير
فيصل يصارخ:لييييش محد حاس فيني ماراح اعرف انام
انفال تسكر الباب واهي تضحك على حال اخوها:هههههه






بيت جاسم


شذى تصحي طلال:طلااال
طلال بسابع نومه:.......
شذى تشوف الساعه:طلال قوم الساعه بتصير 12
طلال فتح عينه:ليش ما صحتيني؟
شذى:ما قلت لي
طلال يوقف بعصبيه خفيفه:شلون اقولج اذا انا نايم قبلج امس
شذى تنرفزت:اظن تدري اني كنت في بيت امي

طلال يحقرها ويدخل الحمام.....شذى تتأففف (اففف شالمزاج من الصبح اكيد حلمان بحلا))

طلال تحت الدوش ماي حار ((آآآآخ يا حلا قمتي تزوريني حتى بأحلامي ...))

بعدها طلع فتح الكبت واخذ له دشداشه لبسها ..ولا ناظر شذى كأنها مو موجوده بالغرفه ...كانت على القنفه تناظره ((يا ربي شفيه من الصبح كل هذا عشان تأخرت امس في بيت امي الله يعيني عليه))

قربت منه واهي تبتسم ..يوم شافها نسى كل شي وابتسم لها واهي استانست...بس ضاق خلقها يوم شافته يولع له سيجاره
((كله منج يا حلووه انتي السبب بلي فيه طلال))


شذى بحزن:حبيبي مو زين تدخن وانت توك صاحي
طلال يطفيها:اللحين اوكي
شذى تسكر له زرار الدشداشه:ازهب لك الريوق حبيبي؟
طلال:لا ما يمدي بروح اخلص شغله ضروريه بالشركه والاجتماع بعد ساعه
شذى:اوكي حبيبي بس لا تنسى عزيمة ابوك اليوم
طلال:اييه أن شاء الله قبل 5 برجع البيت
شذى بدلع:انطرك على الغدا
طلال يقرص خدها بنعومه:لا حبيبتي انتي تغدي انا باكل بالشركه
شذى باسته على خده:الله يحفظك
طلال ياخذ جنطة شغله:يالله مع السلامه


بيت بو حور

حصه نسكر الجناط:كل شي جاهز
بو حور يبتسم لها واهو يشوفها:مستانسه حبيبتي؟
حصه :اكيد يا قلبي الله لا يحرمني منك
بو حور:ولا منج ..العيال جاهزين؟
حصه توقف:كل شي جاهز بس باقي نلبس ونروح المطار
بو حور يشوف الساعه:طيارتنا 6 تو الناس امبجر...على 4 نمشي المطار
حصه:اييه العيال يبون يقعدون بستاربكس
بو حور:ما يشبعون منها
حصه:هههههههه الله يعينك عليهم هناك
بو حور:انا كلي لكم


بيت فيصل

فيصل:نفول بسرعه
انفال تنزل من الدري:واااااي شفيك مستعيل
فيصل:تأخرنا عليهم
انفال تشوف ساعتها:تو الناس ما صارت 8
فيصل تنرفز:نفول يومين مو شايفها خلصيني
انفال:هههههههه انزين خالصه يالله جدامي السياره
فيصل يمشي جدامها:يالله بسرعه بسرعه
انفال:ههههههه الحمدالله والشكر
فيصل يوقف:وين امي وفجور؟!
انفال:يايين وراي انت روح السياره اللحين
فيصل :لاا ادري تزرعوني بالسياره ...(يصارخ عليهم)فجووووووووووور يمه يمه فجوووووووور
انفال تسكر اذنها:وجع بطيت لي اذني
فيصل:نفول روحي ناديهم
انفال:افففففف فيصل ترا لوعت جبدي خلاص اللحين بيون

نهى نازله من الدري:شفيكم كله هواش
فيصل يشوف ساعته:يالله يمه تاخرنا
نهى:شفيك يمه مستعيل اهي عزيمة عشى
انفال:مو مستعيل على العزيمه يمه على شي ثاني (تغمز له)
فيصل يسحبها:اقول كرميني بسكوتج وجدامي السياره
نهى:هههههه يا ربي هد يا ولدي شفيك جذي مستعيل..خل تيي اختك

فجور تركض واهي نازله من الدري:وهذي واختك ووصلت
فيصل يفتح لهم الباب:يالله بسرعه السياره
فجر:شفيه هذا !!!
انفال بصوت واطي:يبي يلحق على القلب
فيصل سمعها وصرخ عليها:نفووووووووول مو وقتج خلصيني
نهى:امشو يا بنات لا تخلون اخوكم يعصب
فجر تتعدل بالمنظره قريبه من الباب:لحظه بس فصولي اعدل شعري
فيصل تنرفز:وبعدييييييييين يعني؟
الكل مشى لبره البيت:هههههههههههههههههههه
بيت حلا





طلع طلال من الشركه امبجر ...مقرر يروح لحلا يقنعها تجي اليوم .....فتح باب البيت واهو يتمنى من كل قلبه انها تكون حنت عليه شوي ...



لقاها قاعده بالصاله وتابع فيلم هندي..

قعد بالقنفه جنبها واهي دنت شوي بعيد عنه...





طلال ضاق خلقه زود من حركتها التفت لها :ليه بعدتي

حلا حقرته وتمت تتابع الفيلم:...

اخذ له نفس عميق وحاول يغير الموضوع:بطولة منو؟

حلا من غير نفس:اشواريا

طلال حمد ربه ردت عليه:عاد انتي تحبينها وايد

حلا :............

طلال اخذ الريموت وسكر التلفيزون التفت عليها ممكن اعرف ليه متى بتمين جذي؟

حلا :طول عمري

طلال قعد على الارض قبالها وحط يده على حضنها:حلا ليه متى جذي ..سامحيني يا قلبي

حلا باستهزاء:لو سمحت لا تقول لي كلام انت مو بقده

طلال تنرفز منها :ليش مو راضيه تصدقين اني احبج

حلا ابعدت يدها ووقفت:وليحب يسوي جذي بحبيبته

طلال بضعف:غلطت يا حلا غلطت غلطة عمري سامحيني وانسي لصار ونعيش حياتنا

حلا تضحك بهستيريه:هههههههه انسى ههههههه انسى خيانتك لي

طلال بصعوبه نطق:اييه نبدي حياة يديده

حلا تقرب منه وبكل جديه واقفه قباله: هالشي مستحيل يا طلال القلب عافك خلاص



وقفت بتروح مسكها من يدها :ليش تغيرتي يا حلا من وين يبتي هالقسوه

حلا مسكت دمعه قهر كانت بتنزل منها:هالقسوه انت زرعتها فيني يا طلال انت

طلال يشد على يدها :اعترف اني غلطان يا حلا

حلا تقاطعه:بعد شنو يا طلال شينفعني اللحين تقول انك غلطان

طلال ومازل ماسك يدها ونزلت دمعه من خده:حلا ابيج ترجعين لي حلا حبيبتي وين الحب يا حلا وينه

حلا :لو كنت ابي ارجع لك جان رجعت لك من زمان يا طلال ...وحبي انت لبعته انت كسرتني جرحتني

طلال بكل ندم :غلطااااااان ادري غلطان وندمان على كل لصار...حني علي شوي يا حلا وين حبج لي وين حنانج علي

حلا بقسوه:للأسف ما تستاهل يا طلال انسى كل لبينه خلاص لا تتوقع بيوم بنسى لسويته فيني



سحبت يدها منه بقوه وراحت لغرفتها لتعودت تنام فيها من أول ما رجعت له وسكرت الباب بقوه وسمحت لدموعها تنزل تخفف من الحره لبقلبها...



((آآآآآآآآآآآآآه يا طلال لو بيدي اقول مسامحتك ياقلبي ...ولهانه لضحكتك لحضنك بس كرامتي فوق كل شي ما اقدر صعب صعب))






بحن للنغمة الوتر بحن للشمس القمر بحن لليل السهر وانا مش قادر حنلك

في حب بقلبي انكسر في جرح وتارك أثر روحي تركتك للقدر مش قادر اكتر قلك

شو بينفعني عيونك تدمع وتقولي ندماني

لا تناديني مش رح اسمع ونسيلي عنواني

وانسيني لو بدي ارجع....من زمان ارجعتلك



كيف بدك بعيونك احلم وسرقتي احلامي

خليني عالماضي اندم وسنيني وايامي

وانسيني لو بدي ارجع....من زمان ارجعتلك




طلال رمى نفسه على القنفه (( لي متى يا حلا لي متى بتمين تعامليني جذي متى بتسامحيني يا حياتي متى))





من غير لا يحس نام...مرت ساعه حلا ما سمعت أي صوت توقعت انه طلع من البيت....



طلعت من غرفتها رايحه الصاله ...لقته متمدد على القنفه ونايم ومغمض عينه بتعب ...



قربت منه وقعدت على الارض يمه ...قربت من ويهه وتمت تتأمل ملامحه



((الله لا يحرمني منك ...حتى بعذابك احبك))



من غير لا تحس مدت يدها له ...ترجف واهي تمسح على شعره ..نزلت لعيونه بعدها مرت على ويهه كله...نزلت يدها ليده ومسكتهم بحنان بيدها..ضغطت عليهم وحطت راسها على صدره من غير لا تقعده....



حس بأنفاس قريبه منه....ريحة عطر يعرفه...شلون ما يعرفه واهي للحين تستخدم نفس العطر لختاره لها في فرنسا ....








((كانو يتمشون بمجمع بفرنسا...وقفته حلا




حلا:طلال


طلال :هلا حبيبتي


حلا تأشر:بدخل هالمحل..ما شريت شي حق ميمي باخذ لها عطر


طلال:كل هذا وما خذيتي لها شي!!


حلا:هههه ما عليه باخذ لها بعد عطر


طلال يغمز لها:اوكي




دخلو المحل..وتمت تختار حلا عطورات حق امامه ..قاطعها طلال يمد لها عطر تشمه




طلال:شرايج بهذا؟!


حلا تشمه:عجيييب


طلال:خلصتي ؟.


حلا:اييه خذيت لها




طلال يروح يحاسب ..رجعو الفندق ..تمت حلا ترتب جناطهم


دخل عليها طلال الغرفه ومد لها علبة مغلفه..




التفتت عليه حلا:شنو هذا؟


طلال يغمز لها:هديه


حلا:المناسبه؟


طلال :اني احبج


حلا تاخذها منه:هههه


طلال:ابيج دوم ترشين منه


حلا رفعت عينها له:العطر لشميته مساع؟!


طلال:ايييه


حلا تبوس على خده:تسلم يا قلبي))





ما حب يخرب على نفسه بعد ما فتح عينه وشاف شعر حلا منتثر على صدره.....تم مثل ما اهو ما يبي يحرم نفسه من هاللحظه ...كافي انها بحضنه وقريبه منه ...(( تحبيني يا حلا وتعاندين ادري يا قلبي ...لو بيدي اتم جذي بس عشان راحتج))



حست بدقات قلبه سرعتها تزيد ..ويده تشد على يدها رفعت عينها له ...لقته مغمض عينه...بس حست انه صاحي...جيت بتسحب يدها ضغط عليهم وفتح عينه والتقت بعينها...



:احبج



حلا نزلت دمعه ما كانت تبي تبين له انها ولهانه عليه..وتحط نفسها بهالموقف...بس ما قدرت تسيطر على مشاعر الشوق و اللحين كل شي وضح لطلال



حلا تبرر:انا قربت كنت اظن فيك شي فقلت ..

طلال يقاطعها:لا تبررين

حلا حمرت خدودها كالعاده :ممكن تترك يدي

طلال بعناد يستانس على شكلها جذي:لأ

حلا تناظر عيونه ويدها بيده:بلييز طلال

طلال تعب من هالموضوع قعد على القنفه وللحين يده بيدها واهي بالارض قباله قرب منها وصار ويهه ملاصق لويها:مشكلتج حلا انج تكابرين بحبج..وانتي من داخلج تبين هالشي مثل ما انا ابغيه



ناظرت عيونه ثواني ونزلتهم سحبت يدها بس ضغط زود:...

طلال بصوت واطي:اليوم في عشى على سلامة ابوي

حلا ناظرته بيأس:المطلوب!!

طلال :ماراح تجين حبيبتي؟

حلا بصوت عالي شوي :لا

طلال :اذا وجودها في بيتنا يضايقج اطلعها منه...هذا بيت عمج يا حلا

حلا بغرور:ما عندي غير هالبيت وبيت ابوي

طلال يبتسم لها:انزين شرايج تيين معاي للعزيمه؟

حلا تناظره بتحدي:قلت لا

طلال احترم رايها..باس يدها وشد عليهم وبصوت يعور القلب:حلا انا تعبان

غمضت عينها بيأس هالصوت تعرفه ((طلاال تعبان يا حلا ملامحه ودرجة صوته كل شي يدل على انه تعبان و كئيب شلون تكونين انتي السبب شلون)):.......

طلال يحط راسه على صدرها ويده بيدها:محتاج لج حلا

حلا دموعها تنزل من غير أي حركه..خلته جذيه مرتاح:.......

طلال على وضعيته:تعبت والله تعبت ...قولي شلي تبينه واسويه لج

حلا تمت ساكته ودموعها ما وقفت:...

بعد عنها طلال وناظر بعينها ..مد صبعه يمسح دموعها بحنيه:ليه متى يا حلا بتم الدموع بعيونج ما تفارقها..

حلا بألم وبصوت مبحوح:من يوم بعت حبي لك

طلال غمض عينه بحسره وفتحهم:اشتريه يالغاليه اشتريه

حلا:كل شي راح خلاص

طلال :اذا تبين اطلقها من اللحين

حلا:قلت لك لا تطلقها طلقني انا

طلال :هالشي مستحيل

حلا بعذاب:هالشي الوحيد لراح يريحنه اثنينه

طلال:مستحييييل

حلا تصرعليه:طلقني

طلال عصب:طلاق ماراح اطلقج لو تتمين عايفتني طول عمرج

حلا بجيها يزيد:حرااااااام عليك طلال كافي لتسويه فيني طلقني خلني ارتاح

طلال ضمها لعنده واهو يشوفها منهاره جذي:لااا تبجين حياتي لا تبجين

حلا تبتعد عنه وتوقف:كافي يا طلال لا تظن اني برجع لك لا تحاول اكثر من جذي

وقف قبالها طلال وبكل عصبيه مسكها من زندها وشد عليها:طلاق ماراح اطلق فاهمه يا حلا ماراح اطلقج



طلع من البيت واهو يحس انه مختنق...ولع له سيجاره وراح على البحر..ماله خلق يرد البيت...تم يحوس ويمشي على البحر ...دقت عليه شذى رد عليها...





طلال:خير

شذى:حبيبي وينك ابوك يسأل عنك؟

طلال:اللحين جاي

شذى:حبيبي فيك شي؟

طلال يعدل صوته مو ناقصها:ما فيني شي..اللحين جاي بالطريج

شذى:اوكي حبيبي

طلال:باي



















بيت جاسم













سلمو على الكل قعدو بالصاله...



كانت نوال يمها نهى بعدها ام شذى ....بعدها انفال وفجر وشذى...



الجهه الثانيه قنفات جنبهم



بو شذى وجاسم وفيصل ...امامه كانت بغرفتها للحين تلبس



نزلت سلمت على الكل وقعدت ويا الحريم....







جاسم :شذى

شذى تلتفت عليه:هلا عمي؟

جاسم:يبه شوفي ريلج وينه .؟! بنحط العشى

شذى:توني مكلمته عمي ياي بالطريج





كملو سوالفهم ... ونوال احترمت وجود ام شذى في بيتها ..كانت تسولف معاها بس بنفسيه ...



دخل طلال من الباب الخلفي صعد لغرفته واتصل على شذى عشان تزهب له البخور ولبسه...



نزل تحت سلم على الكل وقعد يم فيصل.....





فيصل يكلم طلال بصوت واطي وعينه على امامه: ما كلمت حلا عشان تيي؟

طلال بضيق:عيزت منها فيصل ما رضت

فيصل يهون عليه:ما عليه يا طلال ..اصبر عليها

طلال:ملييت وانا صابر ما في أي تغيير نفس ما اهي

فيصل يغير الموضوع:شعليك اللحين بتصير ابو

طلال بحزن:مادري شلون بيعيش ولدي وهذا الحال بيني وبينها



تمو يسولفون ..بعدها تعشو ...تمو بو شذى وام شذى شوي بعدها استأذنو ومشو امبجروشذى كانت قايله حق طلال انها بتروح وياهم لان ابوها باجر بيسافر بتقعد وياه وطبعا مو هذا العذر اهي تبي تفتك من امامه لانها تحرجها جدامهم....









امامه عينها على شذى يوم طلعت ..انفخت :اففف ودي اذبحها

انفال:ههههه حرام عليج..كفايه لسويتيه فيها

امامه منقهره:شفتي يا نفول اللحين حلوي ما تجي واهي لتجي

انفال :شتسوين بعد

امامه بانفعال:لو بيدي جان ما خليت هالحماره تدخل البيت



طلال سمعها لان صوتها كان عالي شوي:امااااامه

امامه التفتت:نعم؟!!

طلال بعصبيه خفيفه:ما ابغى اسمع لقلتيه مره ثانيه

امامه انقهرت منه:ما قلت غير الصج



فيصل :خلاص طلال حصل خير

طلال :انت ما تشوف مرتك شتقول؟!

فيصل ما حب يتدخل بينهم:انتو اخوان وتنيازون انا مالي شغل



امامه عصبت:انت ما تستحي تكلمنا بهالطريقه عشان وحده ما تستاهل



جاسم كان ساكت بالبدايه شاف امامه زودتها:وبعدين وياج انتي؟

امامه:انتو ليش جذي تدافعون عنها

جاسم يصارخ عليها:لانها حرمة اخوج احترميها او احترمي وجود اخوج

امامه نزلت راسها وسكتت



نهى تلطف الجو:ذكرو الله يا جماعه..وتعوذو من بليس

الكل:اعوذ بالله منه



طلال حس انه زودها بالنسبه لفيصل التفت عليه لقاه منزل راسه ومبين انه معصب:فيصل

فيصل ما غير قعدته وراسه بالارض:هلا

طلال يحط يده على جتفه :سامحني يالغالي بس نفسيتي شوي تعبانه ما كنت اقصد..لا تزعل

فيصل بطبيته المعروفه رفع راسه له ابتسم له:افا عليك يا طلال اخوان ما بينا زعل

طلال يبتسم له:الله يخليك تسلم...

















بريطانيا



مشعل قاعد بالبلكونه مجابل شقة حور....



(آآآآآآآآآآه يا قلبي يا حور ..معقوله نسيتي حبنا بهالسهوله))

قطع عليه صوت موبايله..شاف رقم وابتسم



:يومين يالقاطعه

حلا تعدل صوتها عشان ما يحس بشي:ههههه سامحني بس انشغلت بالعياده شوي

مشعل:مسموحه ..شلونج؟

حلا:انا بخير انت شلونك؟

مشعل وعينه على شقة حور يبتسم بألم:الحمدالله

حلا:يالله يا مشعل متى بترجع

مشعل:باجر ان شاء الله راح يبان كل شي

حلا بكل صدق:محتاجه لك مشعل قاعد اضعف مو قادره استحمل زود

مشعل:صار أي شي بينكم؟

حلا نزلت دمعه من عينها:كالعاده يحاول وانا رافضه

مشعل:ليه متى يا حلا؟

حلا:مادري مادري!!

مشعل:ليش مارحتي بيت جاسم اليوم..اظن مسوي عزيمة عشى على سلامته؟

حلا:هالبيت ما ادخله يا مشعل

مشعل (عنيييده يا حلا من يوم كنتي صغيره):دام هالشي يريحج سويه















بيت غنيمه



قاعده تكلم امامه ...اليوم بعد صلاة المغرب بيجيها احمد يشوف رايها ...بترجع له ولا تطلب الطلاق









امامه:وشبتسوين اللحين؟

غنيمه محتاره:مادري اموم مادري

امامه:غنوم حبيبتي انا اكثر وحده عارفه شكثر تحبين احمد ...واهو صارحج بسالفة فهد والقرار اللحين بيدج

غنيمه بتردد:مادري اموم انا اذا برجع له عشان شي واحد بس؟

امامه وخايفه من لبالها صح:شنو؟

غنيمه:عشان افتك من ابوي

امامه نفخت:كنت حاسه بتقولين جذي

غنيمه تصيح:اموووووم تعبت تعبت 18 سنه عمري ما حسيت فيه او بحنانه كأبو ...

امامه تهديها:غنوم حبيبتي خلاص ليش هالكلام اللحين

غنيمه:لو مو امي جان ما قدرت اعيش لحظه بهالبيت ..انا وافقت على احمد وانا توني 18 سنه بس عشان افتك منه ومن مشاكله

امامه:ما عليه ..مهما سوه يتم ابوج

غنيمه باستهزاء:ابوي !!...اي ابو هذا ليقولي اذا بتتطلقين لا تتوقعين اني بصرف عليج..ردي لاحمد احسن لج

امامه:لا حول والله قوة إلا بالله

غنيمه تشاهق من البجي:في ابو يقول لبنته جذي!!..

امامه:خلاص حبيبتي هدي نفسج اللحين

غنيمه:ما عندي حل غير اني ارجع له..رغم اني ادري انه غلطان وما يستاهل

امامه:غنوم احمد غلط بس شيخه زوجته قبلج يعني انتي الثانيه ما تزوج عليج ..وانتي قلتي انه مطلقها

غنيمه:اييه هذا لعرفه انه مطلقها قبل لا ياخذني ولا جان ما رضيت اصلا

امامه:انتي اللحين استخيري وان شاء الله رجعتج له خير

غنيمه :أن شاء الله

امامه:اخليج حبيبتي اللحين ..فيصل على الخط الثاني

غنيمه:ههههه العرس باقي عليه 3 ايام مو قادر يصبر

امامه:هههه والله يا غنوم انا لي مو قادره اصبر سويتها فيه يوم وما قدرت زود

غنيمه:هههههههه يا حظي عليج

امامه:خل اروح له ...سي يو

غنيمه:اوكي..بباي











بريطانيا





خالد ينادي على حور بغرفتها:يالله يا حور تأخرنا

تطلع حور وبيدها جوتيها :أن شاء الله كاني اللحين بخلص

خالد:باقي على طيارتهم نص ساعه

حور قعدت تلبس جوتيها:يمدينه نوصل حبيبي لا تخاف

خالد متسند على الباب:اقول حوره

حور ترفع عينها له ((آآآخ يا خالد لا تناديني بهالاسم لا تذكرني فيه)):.....

خالد حس انها سرحت:حور اكلمج

حور تبتسم:معاك حبيبي

خالد:اقولج أي شي تضايقج فيه خالتي حصه قولي لي

حور توقف وتروح له:خلودي اهي مهما سوت تعتبر بحسبة امي لربتني

خالد يقرص خدها: حبيبتي انتي ..اهم شي مابيج تتضايقين

حور تمسك يده عشان يمشون:دامك يمي عمري ماراح اتضايق











بيت حلا



تكلم انفال بالتليفون



انفال:انطر اموم تمرني ونييلج

حلا:لا تتاخرون نفول عشان يمدينه نختار اغاني الدي جي وغير هذا ميمي تبي تتدرب شلون تمشي تقول احس اني بتكرفس على ويهي

انفال:ههههههه سكتي فصول اخوي طالب مني اسوي لها اهداء بالعرس ومحلفني اقومها ترقص عليها

حلا:هههههههه من صجج ميمي ترقص لو شنو ما تسويها

انفال:حلوووي يا ويلج أن قلتي لها انا بتفق ويا راعي الدي جي بعدين من غير لا تدري

حلا بمكر:ههههه افا عليج ..يومها أن شاء الله انا راح اسحبها ترقص

انفال:هههههههه تعجبيني

حلا بملل:يالله عاد نفول ترا مليت بروحي

انفال:يا بعد عمري حلوي والله انا وفجور جاهزين بس ننطر امامه ترد مع فيصل ونروح

حلا:هههههههههههههههه يعني ما قدرت تقوله لأ ..طلعت تتغدى معاه بره

انفال:من صجج ترا لا يغرج بس اللسان ما تقدر تقول له لأ

حلا:ههههههه اييه والله بس اللسان علينا احنا ..عند فيصل تنسى كل شي

انفال:الحب وما يسوي يا حلوي

حلا نفخت بألم:ايييييه صدقتي يا نفول

انفال تغير الموضوع:وغنوم وينها؟

حلا:اعتذرت لان ريلها احمد بيجيها اليوم

انفال:اها ....هذا صوتهم رجعو

حلا استانست:يالله لا تتاخرون

انفال :اوكي حبيبتي ..بباي



صعدت غرفتها تعدل نفسها ...واقفه قبال المنظره..

خذت التراجي (الحلق) بيدها تلبسهم...حست بيد ثانيه تاخذهم من يدها...حست برجفه بجسمها يوم رفعت عينها له بالمنظره وشافته..



طلال:تسمحين لي البسج

حلا مهي قادره تقول شي عينها بعينه:...............



وقف وراها ....قرب من اذنها ولبسها اياه بكل رقه وطبع بوسه على خدها وبكل الم نطق...



:احبج مهما قسيتي علي

حلا غمضت عينها تبعد تأثير صوته عليها:.....

ضمها لعنده من خصرها وسكر عيونه بتعب:تعباان حلا محتاج لج حياتي ولالله تعبان



حلا مو قادره تنطق او تتحرك تمت واقفه بمكانها يد طلال مقيدتها ...تسمع صوت انفاسه دقات قلبها تزيد..



طلال لفها له وخلاها مجابلته ورفع راسها بيده:حلا

حلا تناظر بعيد:............

طلال يتأملها عن قرب..اخذ نفس عميق ودقات قلبه تزيد من يشوفها:حلا شوفيني؟

حلا تناظر عيونه(لاااااا يا طلال إلا هالانكسار ما بيه بعينك):....

طلال قراه لقالته بعيونها مسك ويها بيدينها الثنتين وبترجي:ريحيني يا حلا ...بعدج عني يذبحني

حلا عينها بعينه(بعيد الشر عنك حبيبي):....

طلال ضمها لعنده:بس كافي يا حلا لا تكابرين زود..تعبت والله بموووووت



حلا ابتعدت بهدوء:لو سمحت البنات اللحين يايين لي

طلال تجاهل كلامها:حلا ليه متى؟َََ!!



وقفت قبال المرايا من غير أي كلمه...حاولت تتجاهله ولا كأنه موجود بالغرفه واهي من داخل بتحترق من نار الوله والشوق....



فهم طلال حركتها ما زالت معانده ...ناظرها لاخير مره بنظرة عتب ولوم وطلع من الغرفه ودخن له سجاره واهو يحس انها الشي الوحيد لتخفف عليه...ركب سيارته يبي يبتعد يروح أي مكان...





رمت نفسها على السرير تصيح بشكل يعور القلب ...

على معاملتها له ...قلبها ما يسمح بهالشي ..بس كرامتها اهي لتخليها تعامله جذي....تذكرت البنات بيجونها ...مو حلوه بحق ميمي تنكد عليها..دخلت الحمام غسلت ويها ..وردت حطت مكياج خفيف ونزلت تنطر وصولهم....









بيت غنيمه





دخلت على احمد الصاله ... وقف لها مد يده لها وسلم عليها...استأذن ابوها منهم واخذ امها وياه عشان ياخذون راحتهم...



احمد بشوق:شلون حبيبتي؟

غنيمه وعينها بالارض:بخير...انت؟

احمد:مو بخير

غنيمه رفعت عينها له:شفيك؟

احمد:ولهان

غنيمه حمرت خدودها:.....

احمد:فكرتي بالموضوع؟!

غنيمه مو عارفه شتقول:...

احمد :اظن الفتره كافيه

غنيمه تناظرعيونه تبي تتأكد قبل لا تقرر:...

احمد يبتسم لها:شقلتي حبيبتي.؟!

غنيمه تبتسم له:اممم

احمد يوقف قبالها ويمسك يدها وبترجي:قولي اييه

غنيمه نزلت راسها بحيا:ايييه

احمد قام يناقز من الفرحه:واخيييييييييييييييرا

غنيمه:هههههههههه

احمد يروح لها ويضمها فجأه لعنده:ما تتخيلين شكثر ولهت عليج وفقدتج حياتي

غنيمه تتمسك فيه اكثر ما تبي تفقده بعد مره ثانيه اهو لريحها من شر ابوها:وانا بعد حبيبي



صعدت لغرفتها تاخذ جنطتها ...خذت الجنطه التفتت للباب ابوها كان واقف...



بو غنيمه باستهزاء:قررتي ترجعين له؟!!

غنيمه تاخذ نفس عميق:اييه

بو غنيمه:زين تسوين لان ما اقدر اتحمل مسؤوليتج

غنيمه تعودت على هالاسلوب مادام يأثر فيها:مشكور

بو غنيمه يمثل الحنيه :انتي تعرفين انه معاشي على قد حالي زين مني اصرف على امج و..

غنيمه تقاطعه تسحب جنطتها:هالكلام حفظته لا تخاف ماراح اثقل عليك

بو غنيمه يقرب منها:البنت مالها إلا بيت ريلها

غنيمه (مو لايق عليك):انا بمشي احمد ينطرني

بو غنيمه يبوسها على راسها:الله يحفظج

غنيمه دمعت عينها(جان زين من قلبك):.....



طلعت لاحمد تحت ..واهي تحس أن مهما جرحها احمد بيكون اخف من جرح ابوها...



دخل ابوها وياها الصاله ....



بو غنيمه :حطها بعينك يا احمد

احمد يبتسم له:أن شاء الله عمي..وصدقني أن لصار سوء فهم وماراح يتكرر أن شاء الله

بو غنيمه يلتفت على غنيمه لمنزله راسها وساكته:هالمره بترجع لك بس اذا كررتها بنتي كرامتها في بيتها وماراح ترجع لك

غنيمه رفعت عينها له (موهبة تمثيل عجيبه):....

احمد وقف منحرج:ما يصير خاطرك إلا طيب عمي...نستأذن اللحين

بو غنيمه يوقف معه:الله يحفظكم..ديري بالج على نفسج حبيبتي

غنيمه (افففففففف جذب جذب كله تمثيل):مع السلامه







بيت حلا



قاعدين بالارض ...ودار مدارهم اشرطه وسيديات ونفيش و كاكاو ..الوضع كان حوسه ...



فجر تحوس باللابتوب تسمعهم الاغاني...وامامه كل ساع توقف وتجرب مشيه وتسألهم اذا اوكي ولا لأ...



انفال:اففففففف اموم لوعتي جبدي انثبري بمكانج

امامه تطقها على جتفها:يالحمااره ابي اعرف شلون امشي النفنوف ثقيل

حلا:هههههههههه عادي تره تحسينه جذي بس وقتها راح يعدي الوضع بسرعه

امامه بخوف:لا لا اخاف اطيح ولا اتكرفس ...

فجر:هههههههههههههههههه ما اتخيل شكلج...بس حسافه وقتها فيصل بيكون ما دش للحين

امامه تحذف عليها كاكاو بيدها:انتي خليج بلي بيدج احسن لج

فجر تحرها:هههههههه مشكوره عاد عيني فيه وانتي تاكلينه

امامه تروح لها وتسحبه منها:جيبيه عيل

حلا:ههههههههههه يا ربي شفيكم انتو صايرين لي جهال ..قعدو خل نعرف شنختار اغاني

انفال:اممم اموم انا اقول دشي على هب السعد مالت فطومه

امامه:لااا ما ابيها

فجر:الصراحه ما في على بدر مالت راشد

امامه منقهره:حلوي دخلت عليها الخايسه مع اني قايله لها اني ابغيها ....

حلا تشوف شكلها شلون منقهره:ههههههههههه محد قالج تتزوجين عقبي

انفال:انزين تبين مالت رويشد يا بنفسج

امامه تفكر:اممم مادري سمعتها بس ما عجبتني وايد

حلا:اففففف يا ربي العرس بعد 3 ايام وهذي للحين ما عرفت تدش على شنو

امامه بتبجي:لا تقولين جذي حلوي كفايه اني مرتبكه

فجر:هههههههههه مو لايق عليج

امامه:انتي شتبين يالنشبه ها

فجر:هههههههههههههه

انفال:اموم خليج منها ..قولي لي اللحين أي اغنيه تبين تدشين عليها وأي وحده تبين حق الكيكه؟

امامه:ياااا ربي مادري مادري

حلا:هههههههههههه شفيج تراه مو امتحان

امامه:إلا اصعب امتحان...نفول لا يدش فيصل عفيه

انفال:هههههههه شفايدة العرس عيل

امامه تحاول تستوعب:لااااا لاااا اموووت

حلا:ههههههههههههههههههههه كلش مو لا يق عليج هههههههه

امامه تحذف عليها كاكاو ثاني:اشايفتني يالخايسه ها!!

حلا تاكله :هههههههه والله مو قصدي ههههه بس خبري انج ما تستحين عادي

امامه تتخصر:لا والله ..انتي شايفه بدلتي العرس شلون مفتوحه من الظهر

انفال:هههههههههههههه انتي لخترتيها

امامه تلعب بشعرها:شسوي اعجبتني

فجر تطفرها:إلا قولي تبين تغرين اخوي

امامه تكمش شعرها:وااااااااااااي انتو شفيكم علي

الكل:ههههههههههههههههههههههههه

امامه تمثل تبجي:حرااام عليكم بدل لا تهونون علي خلاص بودع العزوبيه خلال جم يوم

انفال:هههه شدعوه عليج

حلا:خلاص حبيبتي قولي انتي اللحين شنو لتبغينه؟

امامه تقعد يمهم:مادري حلوي بلييز ساعدوني مو عارفه شختار

انفال تلمها:يا قلبي على مرة اخوي تكسر الخاطر

فجر:ههههه مو لايق عليكم جذي كلش

امامه تحذف عليها جيس بطاط:انتي سكتي

فجر:هههه اموم شفيج اليوم بس تحذفين...بس هم مشكوره على البطاط

امامه انقهرت:يعني تحريني

فجر تفتحه وتاكله:انا ما قلت جذي

حلا:يا ربي ميمي خليج منها وسمعي هالاغنيه حق الكيكه...





تمو يسولفون ويخططون حق العرس...









بريطانيا





مشعل يكلم طلال...بعد ما طلع من حلا تم يحوس بالشوارع حس انه مخنوق محتاج لمشعل ...



طلال :تعبت يا مشعل تعبت

مشعل يصبره:ما عليه يا طلال..ان شاء الله مع الايام بتحن لك

طلال فقد الامل:ما اظن يا مشعل ما اظن

مشعل:خل عندك امل يا طلال شالكلام

طلال:ليقهرني اني اشوف الحب بعيونها وادري انها تكابر بهالشي بس عشان تقهرني

مشعل:لا تلومها

طلال يكح لأنه كان يدخن:اححح اححح احح

مشعل بخوف: طلال لتسويه بنفسك غلط

طلال ياخذ نفس عميق:هالشي الوحيد ليريحني

مشعل عصب:هالشي يموتك ما يريحك...تدري أن قلبك ما يستحمل

طلال منسدح على الرمل وعينه على السما:يعني اللحين انا مو ميت

مشعل:طلاااااال وبعدين

طلال صوته بدا يختفي لأنه بيصيح:والله يا مشعل تعبت شلون افهمكم اني غلطان...شسوي اكثر من جذي ...اقولها اطلق شذى تقولي لأ... لا تظن ارجع لك ...اقولها سامحيني تقول هالشي تنساه شسوي بنفسي وكل ما اشتكي لاحد يقولي لا تلومها ...ادري والله ادري لمت نفسي وبعدين يعني وبعدين

مشعل ساكت يحس انه وايد متضايق:.....

طلال :خلاااص مشعل انا خسرت كل شي كل شي

مشعل :طلال حبيبي انت عارف حلا شكثر تحبك صدقني أن شاء الله اذا ولدت بتنشغل ويا ولدها وبتنسى لصار

طلال:وشيصبرني ليه ذاك اليوم يا مشعل شيصبرني

مشعل:خلاص يا طلال انت اهدى شوي

طلال يبجي بصوت عالي:تعبت تعبت كااااافي كاااافي

مشعل يصارخ يصحيه:طلااااااااااااااااال بس انت لكافي حرام لتسويه بنفسك



سكره بويه مشعل وتم يصيح....خلاص تعب واهو يحاول يصبر نفسه ...بعد حلا عنه وايد معذبه....









حلا بتحن لطلال وترجع له؟؟!!

انفال شصار لها بالمطار؟!!

امامه وفيصل في عواقب ثانيه قبل زواجهم؟؟!!

غنيمه بترجع نفس قبل لاحمد؟!!

الجزء 26


اليوم عزيمة في بيت جاسم نوال مسويه جاي ضحى على سلامة يارتهم ام صقر.....حلا ما جيت لان شذى موجوده حاولت نوال تجرحها بالكلام عشان ما تقعد وياهم بس اهي غصب قعدت تدري هالشي يقهرهم....امامه معصبه لان حلا وجودها اهم....


نوال ترحب فيهم:حيا الله من جانا
الكل :الله يحييج
ام صقر اللي كانت بره الكويت ما تدري عن شي:هذي حلا حرمة طلال؟
نوال بقهر:لا هذي شذى
ام صقر مستغربه:مو خابره عندج بنت غير امامه؟
شذى بدلع:انا زوجة طلال
ام صقر تلتفت على نوال :طلال ما خذا بنت عمه ناصر!!
نوال :إلا اخذها بس تزوج هذي بعد
شذى انقهرت تقول عنها جذي جدام الحريم:لي اسم يا خالتي..اسمي شذى
نوال عطتها نظره:ادري
ام يعقوب حست الجو تكهرب:ما عليه يا حبيبتي ما قالت شي خالتج
نوال ببرود:خلك منها يا ام يعقوب بنات اخر زمن ما عندهم احترام للأكبر منهم
شذى انقهرت :خالتي لو سمحتي
نوال تقاطعها وتلتفت على الحريم وتكمل سوالفها:اييه يا ام حسن شكنتي تقولين

شذى انقهرت وراحت المطبخ بعد ما فشلتها نوال ...امامه استانست من داخل وحبت تحرجها زود...

امامه وقفتها واهي تمشي بصوتها جدامهم:شذى ما عليج امر جيبي معاج الجاي بالمطبخ
شذى عطتها نظره وردت عشان ما تبين للحريم شي:أن شاء الله
امامه:والكيكه بعد
شذى راحت واهي منقهره:اوكي

((اواااااريج يا اموم انتي وامج تفشليني جدام الحريم...تبيني اقول لا واطلع انا الشينه جدامهم بس انا اعلمج شلون!!))

رجعت وبيدها الجاي والكيك...واحلى ابتسامه على ويها تقهرها فيهم ...بس من داخلها تغلي

ام يعقوب:تسلمين يا بنيتي
شذى تبتسم لها وبانت غمازاتها:يسلمج خالتي
ام حسن:الله يهني طلال فيج
امامه انقهرت :إلا ما قلت لج خالتي ام حسن
ام حسن(يارتهم وكانت رفيجة ام حلا):خير حبيبتي
امامه تناظر بشذى:حلا حامل
ام حسن بابتسامه عريضه:صج !! مبروووك مبروووك يا نوال
نوال:الله يبارك فيج كبرونه العيال
ام يعقوب:بعد ليه متى تبين تتمين صغيره
نوال:ههههههههه افا ام يعقوب يعني انا ماني بصغيره
امامه:إلا يمه تهبلين حتى ليشوفج يقول اختي مو بأمي
شذى تحاول تشاركهم بالسوالف:الله يحفظج خالتي ما شاء الله مو مبين عليج الكبر
نوال:قل اعوذ برب الفلق ذكري الله يا بنت
شذى انقهرت طول الجلسه واهي تهزأ فيها:ذكرت الله خالتي
امامه استانست على اللي سوته امها فيها اليوم:خالتي اصب لج جاي؟
ام حسن:اييه حبيبتي

ام يوسف :جم عمرج يا شذى؟
شذى بدلع:امم بدخل 26
ام يوسف:ما شاء الله بعمر ولدي يوسف
نوال انقهرت ليش تسولف وياها:الله يحفظه يوسف ويخليه لج ...
ام يوسف:الله يسمع منج لو انا شايله بخاطري عليج لاني كنت محيره امامه ليوسف
امامه نزلت راسها بحيا...نوال :الزواج قسمه ونصيب ولدج بدري شاب والحياة جدامه والف بنت تتمناه
ام يوسف تاشر على شذى:انا ابغى بنت نفس زوجة طلال بجمالها
امامه انقهرت..نوال ردت:الجمال مو كل شي يا ام يوسف
شذى انقهرت (يعني تبينين لهم اني مقصره وياه):صح كلامج يا خالتي
ام صقر ما حبتها من البدايه:اذا تبين بنت يا ام يوسف تمني مثل حلا وين تلقين مثلها
امامه(طووووول عمري احبج يا خالتي):صدقتي يا خالتي ما في نفس حلا
نوال:وانا اشهد ..الله يرحمه ناصر عرف يربي مو مثل بنات هالوقت هم ليبوقون الرجاجيل من حريمهم

خلاااااااااص كل انسان له طاقه على الصبر....ما تقدر تستحمل زود ...طول القعده واهم بس يهزئون فيها...وقفت ودمعتها بعينها ...استأذنت وطلعت غرفتها تصيح...


بيت حلا



بعد ما خلصت من دوامها بالعياده رجعت البيت نامت على طول قعدت من النوم تفر بالبيت ملانه مهي عارفه شتسوي ...

راحت المطبخ تسوي لها حليب...

واقفه قبال الجوله وكانت فاله شعرها الكستنائي اللي وصل لحد ظهرها ومرجعه راسها لوره بتعب ...وبالها ويا حبيب قلبها طلال...

دخل طلال البيت واستغرب عدم وجود حلا ..صعد للغرفه ما لقاها نزل للمطبخ ...لقاها واقفه ومبين انها سرحانه لانها ما حست فيه تم يتأملها ...

((آآآآآآآآآآه يا حلا ليش تحرميني منج ليش...))

لا شعوريا قرب منها وقف وراها بالضبط لو بيده يضمها له بكل شوق يبين لها حبه ويعوضها على اللي سواه ..بس هالشي ما يفيد اللحين حلا خلاص كرهته..

نزلت دمعه من عينه غصب عنه ...مهو قادر يتحمل زود بعدها عنه تعب وااااايد مو قادر صحته بدت تسوء للأسوء من التدخين ...قام يدخن اكثر من 4 علب باليوم

مد يده لشعرها ومسح عليه بخفه بدرجه اهي ما حست فيه...قرب ويها لها وساسرها بأذنها

:احبج حلا
حلا غمضت عينها بخوف تظن انها تتخيل صوته:......
ضمها من خصرها وقربها له همس لها:وحشتيني
حلا تاكدت انها ما تتخيل حست بضعف حواسها نشلت مهي قادره تبتعد:.......
طلال يتنفس شعرها:ليش تحرميني منج حلا ليش!!!
حلا (مو بيدي يا طلال مو بيدي ):لو سمحت ابتعد
طلال يشد اكثر:حلا لا تعاندين نفسج ..دقات قلبج فاضحتج حياتي
حلا تحس انها عاجزه عن شي خلاص صبرها نفذ ..بس كرامتها شلون اهو خانها هالشي مو سهل ما تقدر تسامحه ..ابعدت خصلات شعر على ويها..وبكل قسوه قالت:قلبي باعك
طلال شد على يده بقوه يتنرفز اذا عاملته بهالطريقه:حلا كافي تجريح
حلا بكبرياء واهي من داخل مكسوره:هالشي قليل عليك يا طلال...لو سمحت اطلع بره
طلال واقف بمكانه يناظرها ما تحرك ولا خطوه....

رفعت عينها له ..((لاااا يا طلال لا تشوفني جذي ارجوك ما اقدر اشوف كل هالحزن بعينك وانا السبب فيه ...نظراتك تربكني طلال))

صدت عنه...تبتعد عن نظرات الالم بعيونه...
((طول عمري اكون انا سبب ضحكتك وامسح دموعك و اداري جروحك...بس اللحين صرت انا سبب حزنك وجرحك ))

كانت تصب الحليب بالكوب وبالها مع حبيبها لواقف وراها تحس بأنفاسه بدقات قلبه وهالشي اربكها ..وكبت الحليب على يدها بدل لا تصبه بالكوب

صرخت بألم :آآآآي
طلال قرب لها عالطول ومسك يدها وحطها تحت ماي بارد..رفع عينه لها بخوف:يعورج حبيبتي
حلا نزلت دمعه من عينها ما تقدر تجذب الحب لتشوفه بعيونه ..بس كابرت وسحبت يدها منه:لا تعب نفسك
طلال رد مسك يدها وسحبها معه للغرفه واهي ما قدرت تسوي شي تحس انها مخدره معه ..قعدها على السرير وطلع من الصيدليه مرهم للحروق وتم يمسح على يدها...

حلا كانت اسيره لعيونه تشوفه من غير لا تنطق بولا كلمه ((شوف شكلك حبيبي شلون تعبان ..ِشوف السواد تحت عينك ..لو بيدي يا طلال اسامحك جان سامحتك ولا اشوف العذاب بعيونك ))

طلال كان يمسح المرهم على يدها وعينه بعينها ..يقرا كل الكلام من عينها رد عليها بنفس اللغه لغة العين مو أي احد يعرف يقراها ...


((ساميحني يا حلا سامحيني يا قلبي ..وربي لا اعوضج عن كل شي ))

حلا نزلت دمعه من عينها واهي تشوف الانكسار واضح عليه
((جان زين اقدر يا طلال انت خنتني خنتني ))

وقفت بعد ما صحت من اللي هي فيه...سحبت يدها منه ولفت عليه :أن قربت مني مره ثانيه ماراح يحصل طيب

طلعت من الغرفه واهي تحترق من داخلها ..دخلت غرفتها وسكرت الباب بقوه تسندت عليه واهي تصيح من غير صوت

((لا ترووووووح طلال محتاجه لك خلك معاي لا تتخلى عني كفايه اشوفك جدامي ..))

رمى نفسه على السرير بكل تعب دموعه مو قادر يسيطر عليهم ..لقاعد يصير كسر له غروره ...

كالعاده اخذ الولاعه وعلبة السجاير وطلع الحديقه يدخن ...

قعد على كرسي متحرك ,,, وشعره يتمايل مع الهوا البارد ...كان يغني بصوت حزين كله عذاب ..حلا كانت ضامه نفسها وتبجي ..سٍمعت صوته وشلون ما تعرف هالصوت واهي تعشقه...قربت من الدريشه بعدت الستاره عالخفيف علشان ما يحس فيها لقته معطيها ظهره ورافع راسه للسما ويغني...




حقك علي ان كنت زعلان ياابعد عمر وقلب غاليك برضيك مهما يكون ياافلان حتى ولو رااضي براضييك
قلبي بك مولع وحيران محتار ومايدري بك شفيك ويقولك ان كاان غلطاان ارضى عليه الله يخليك
*
عليك انا يا حلا ولهان داايم انا وقلبي بطاريك
جفني يقضي الليل سهران والعين يا الغالي يناديك
انتي وانا يا الزين خلان لازم اداريني واداريك
مانختلف لو كان وماكان ولا عاد تجفيني ولا اجفيك

حلا كانت تسمعه وتتعذب زود...ليش يا طلال سويت جذي ليش هدمت كل اللي بينه بلحظه ليش !!!
خلاص ابعد وبتحمل عذابي ضحيه بك ومن غيرك ضحيه خلاص ابعد خلااص ابعد ..
وفيت ومااتوقعت الخياانه وقلت اللي يكفيني حنانه ومامداني اببعد عنك حظني لقيت الكذب متوسد مكانه خلااص ابعد ...
انا حبيت لي وااحد اناني اراضي فيه ويتركني اعااني
انا شفيني ما ابعد عن حياته
واعيش ابذكرياتي عمري ثااني خلاص ابعد





بريطانيا




بعد ما وصلو حصه وبو حور والعيال ... ارتاحو على طول واليوم بيتغدون بره كلهم يميع بعدها يتمشون بلندن....

بالمطعم

خالد:ها خالتي أن شاء الله اعجبتج لندن؟
حصه:للحين ما شفت شي..في اماكن وايد ابيك توديني لها
خالد يبتسم لها:من عيوني خالتي

بو حور بصوت واطي:شلون خالد وياج؟
حور :الحمدالله يبه الله عوضني خير
بو حور:اتطمن يا بنتي؟!!
حور عينها على خالد واهو يسولف ويه حصه:تطمن يبه ..ما تدري شكثر ندمانه على اللي سويته فيه
بو حور يمسك يدها:الله يسعدج حبيبتي

حصه التفتت عليهم:شعندكم تتساسرون؟
خالد لكان قاعد يم حور حط يده على جتفها وقربها له:خليهم يا خالتي شعليج منهم؟
حصه انقهرت منه:شنو شعلي منهم ؟
بو حور :هههه شفيج يا حصه عصبتي الولد يتغشمر معاج
حور تساسره:خالد وخرعني مو جدامهم
خالد يغمز لها يقرب منها اكثر:شقلتي حبيبتي ما سمعت؟

حور حمرت خدودها ناظرت ابوها شافته يبتسم لهم..نزلت راسها..

حصه :شوف البنت شلون صار ويها؟
خالد يطل عليها:هههههه يهبل الله لا يحرمني منه
حور:خاااالد
خالد يقلدها :حووووور
بو حور مرتاح يشوف حب خالد لبنته:هههههههههههههه


شقة مشعل..

قاعد بغرفته يدرس ...باقي له اسبوع ويرجع ومعه شهادة الماجستير...

بعد اللي شافه امس ..كان توه واصل شقته راجع من عند رفيجه لقى خالد وحور واهلها نازلين من تاكسي صاعدين الشقه...

الابتسامه ما فارقت ويه حور ..وخالد ماسكها بيده ..حس من داخله أن غلط يتم يفكر فيها خلاص كلها جم يوم ويرجع الكويت وهناك مستحيل يشوفها...

((خلاص برجع يا حور ..واوعدج يا قلبي اني ما اقرب منج والله يسعدج معه...))
نزلت دمعه من عينه واهو يقول هالكلام لنفسه...

((اجذب على نفسي أن قلت بنساج يا قلبي ...))



تذكر حلا موصيته يعلمها أول ما يتاكد متى بيرجع..اخذ التليفون واتصل عليها...يبي أي شي يشغل باله غير حور

حلا بعد ما طلع طلال من البيت ...خذت لها دوش حار ..انسدحت على السرير حاولت تنام ما قدرت...

راحت الصاله تشوف تلفيزون...كانت تتابع برنامج وبالها ويه طلال ودموعها ما وقفت....

رن موبايلها شالته بعد ما عدلت صوتها....

حلا:اهليين
مشعل:هلا فيج ..شلونج حلا؟
حلا:بخير ..انت بشرني عنك؟
مشعل:بخير الله يسلمج...عندي لج خبر يا حلا
حلا بخوف:شصاير فيك شي مشعل؟
مشعل :ههههههه ليش خايفه جذي؟.
حلا :ههههه مادري طريقتك بالكلام خرعتني
مشعل:ههههه لا كل خير أن شاء الله
حلا:قول عيل فرحني؟
مشعل:بعد اسبوع أن شاء الله بكون بالكويت
حلا وقفت من الوناسه:صج مشعل صج؟!!
مشعل(برجع يا حلا وماراح اشوفها خلاص):هههههه اييه صج ..
حلا :واااي واخيرا
مشعل:ههههههههههههه انتي شتبين فيني ليكون عاد بجابلج
حلا :افا مشعل افا
مشعل:هههههههههههههههههههههه اتغشمر معاج
حلا بوزت:لا لا خلاص انا صدقت كلامك
مشعل:افا حلا يعني تظنين مني هالشي
حلا بدلع:اييه ليش لأ دنيا وما ندري شبيصير فيها
مشعل:هههههههههههههههههههههههه
حلا تضحك:ههههه
مشعل:انزين حلا اخليج اللحين ..لازم اخلص لبيدي
حلا:الله يوفقك أن شاء الله
مشعل:اجمعين...محتاجه شي؟
حلا:سلامتك
مشعل:الله يسلمج


حست بملل بعد ما سكرت منه ...مو عارفه شتسوي بروحها ..خذت موبايلها ودقت على امامه...

امامه:هلا والله هلا بلي دق وسأل هلا والله
حلا:ههههههههههههه كل هذا حقي
امامه:هههههه افا عليج افا
حلا:شعندج فاصله؟
امامه:هههههههههه مو ما تدرين شسويت اليوم
حلا:ههههههههه شسويتي؟
امامه:ما ينفع تليفون كلش...اللحين جايه اتغدى عندج واقولج
حلا تشوف ساعتها:اللحين تتغدين...بتصير 4 انا تغديت (اخوج طلال وكلني هم و بجي)
امامه:اييه مو اليوم كان عند امي حريم ما طلعو إلا متأخر ..توني اجوع
حلا:اييه صح...ترا انا بعد ما تغديت
امامه:حلو حلو ..خلاص لبسي اللحين امرج ونروح نتغدى بره
حلا:لا اموم تعبانه مالي خلق اللبس
امامه بخوف:خير حلوي شفيج؟
حلا:مادري باديه فيني سخونه..وصداع وعوار بلاعيم
امامه:ويييييييه ليكون انفلونزا بس مو وقته
حلا:اييه والله شكلها جذي
امامه تصارخ:لاااااا حلوي بلا نذاله وتمرضين بيوم عرسي
حلا:اللحين المرض صار فيه نذاله !!!
امامه:اييه ما تمرضين إلا بيوم عرسي..انتي من غير شي صايره دبه مالج خلق تتحركين او تسوين شي
حلا انصدمت:انا!!
امامه:اييه انتي
حلا:اعلمج يا ميمي شوفي من بيجي عرسج
امامه:لاااااا لااااا حلوي اتغشمر معاج
حلا:لا والله اللحين تقولين اتغشمر اشوف مساع لسانج شطوله...وبعدين مو انا دبه وما اتحرك يعني حالي حال المعازيم
امامه:ههههههه حشاج يا حلويه حشاج
حلا :اللحين صرت حلويه ها
امامه:هههههههه بلا دلع يالله...ولا تخربين علي مودي
حلا:عشتو عشتو ..وشنو مودج آنسه ميمي؟!
امامه:اللحين امر اخذ لنا غدا واجيلج زهبي لنا القعده
حلا:ههههههه ليسمعج استغفر الله قعدت سكارى ههههه

امامه تصعد الدري رايحه غرفتها إلا شذى طالعه من غرفتها بتروح عند امها...(إلا اكمل عليج اليوم يا شذووه)

امامه تقهرها:ايييه طلال القاك هناك عند حلوي
حلا مو فاهمه شي:شنو!!!
امامه تكمل:اييه حلوي هناك تنطرنا ..اوكي اللحين اجيكم

شذى مشت وتسوي نفسها مو مهتمه واهي من داخل محترقه... وصلت سيارتها دقت على طلال بس ما يرد عليها لأنه اصلا كان باجتماع وحاطه سايلنت وهالشي صار من صالح ميمي ..واهي ظنت انه عند حلا عشان كذا ما بيرد عليها...

حلا:وااااي اموم شفيج تتكلمين جذي حاجيني عدل
امامه:هههههههههههه اسكتي حلوي طافج
حلا:اففففف انتي ايش سالفتج اليوم فاصله علي
امامه:اللحين اجي لج واقولج كل شي ..خل اللبس اللحين
حلا:اوكي لا تتأخرين انطرج
امامه:شتبين اجيب لج أي مطعم؟
حلا من غير نفس:مالي خلق اكل شي...بس تعالي ضايق خلقي لوحدي بالبيت
امامه عورت قلبها:يا بعد عمري يا حلوي اللحين جايه لج..بجيب لنا بيتزا دومينوز ادري تحبينها
حلا:مو مشكله أي شي المهم تعالي
امامه:اوكي ..بباي


شذى نزلت الصاله لقت نوال بروحها قاعده تتكلم بتليفون البيت...

((الله ياخذج وافتك منج انتي وبنتج ...))

نوال سدته وقفتها قبل لا تطلع....

نوال:وين رايحه هالحزه؟
شذى (مو كافي الصبح ناويه تكملينها بعد اللحين):بيت امي
نوال:اظن اللحين حزت رجعت رجلج البيت لازم تكونين موجوده تدارينه تشوفين شنو يبغى...ولا اهلج ما علموج؟
شذى انقهرت والتفتت عليها معصبه:لا تيبين طاري اهلي على لسانج
نوال وقفت:انتي الظاهر اهلج صج ما علموج كيف تحترمين الكبير
شذى خذت نفس وردت عليها:خالتي شفيج علي؟! ليش تعامليني جذي؟!!
نوال منقهره:وتسألين ليش هدمتي حياة ولدي وتقولين ليش
شذى شوي وتبجي الكل يلومها:انا ما هدمت حياته اهو كان يحبني من قبل لا ياخذ حلا
نوال:لو كنتي بنت عايله وعاقله...تعرفين انه غلط تاخذين رجال من زوجته بس شقول الكلام فيج ضايع
شذى انقهرت:خالتي لو سمحتي انا متربيه احسن تربيه وما اسمح لج تقولين لي جذي
نوال باستهزاء:اذا هذي عندج احسن تربيه انج تبيعين نفسج لواحد ..ايش خليتي لبنات الشوارع
شذى خلاص طفح الكيل عندها:احترمي نفسج خالتي ..مو انج ام ريلي اسمح لج تهينيني جذي
نوال قربت منها:ايش بتسوين يعني؟
شذى باحتقار:بتندمين يا خالتي أن حطيتكم براسي..والكلام لقلتيه أن عدتيه ماراح يحصل خير
نوال تصارخ:تطولين لسانج علي يا قليلة الادب
شذى بصوت اعلى منها:انا مو قليلة ادب..انتو ما تحترمون احد

امامه نزلت على صراخهم...وسمعت اخير جمله قالتها ...راحت لها طايره ودزتها بيدها رجعتها لوره...

امامه معصبه:شلون تتجرأين تقولين لامي جذي يالنذله؟
شذى ترد تدزها:محد نذل غيرج...واذا مديتي ايدج يا ويليج
امامه :تهديدين بعد وانتي في بيتنا
شذى تحاول تتماسك:هذا بيت ريلي
امامه:اقدر اللحين احذفج انتي والجلب واحد
شذى تصارخ:محد جلب غيركم
امامه تعطيها طراق قوي على ويها:لا انتي كلش مو متربيه
شذى ترد لها الطراق:انتي اللي مو متربيه..واذا مديتي ايدج علي مره ثانيه يا ويلج

طلعت عنهم وسكرت الباب بقوه...التفتت على امها لقتها منصدمه...

امامه:من وين يابها طلال..هذي تربية شوارع
نوال تقعد:حسبي الله عليها رفعت لي ضغطي
امامه بقهر:انا اعلمها يمه ماراح اخليه لين يطلقها طلال
نوال:ساحرته مو معقوله الولد يبديها على حلا
امامه منقهره:اهو حبها يا يمه قبل لا يحب حلا بس ما بداها عليها
نوال:دقي عليه وقولي له حرمتك ما بشوفها بالبيت
امامه:أن شاء الله يمه ... انتي اهدي لا تهمج هالنذله
نوال:حسبي الله عليها مو هامتني بس قاهرتني أن هالاشكال في بيتي
امامه:افا عليج يمه ما رده طلال بيطلقها صدقيني بس خل يعرف اللي سوته ولي قالته اليوم

تمت تدق عليه بس جهازه مغلق...

امامه:مسكر جهازه يمه
نوال:اييه صح هم في اجتماع اللحين
امامه تعدل نفسها بعد ما تبهذلت:خلاص يمه انا اللحين رايحه لحلا..اذا رجعت نكلمه
نوال:ماراح اخليها تدش بيتي إلا واهي معتذره واخليها خادمه لي
امامه مستانسه:زين تسوين فيها يمه تستاهل



بيت فيصل


فجر تصارخ تنادي امها من غرفتها:يمه يمه
نهى كانت بالصاله:هااااااااا
فجر:يمه تعالي غرفتي بسرعه
نهى تروح لها واهي تصعد بالدري:خير شفيج ليش تصارخين؟
فجر بالغرفه:وااااااااااي يمه انتي تعالي الغرفه اللحين
نهى وصلت غرفتها:خير شفيج ليش كل هالصراخ
فجر كانت لابسه بدلة عرس امامه:يمه شوفي هالحمار الخياط ما سوا النفنوف مثل ما قلت له
نهى:توج تتكلمين باقي على العرس يومين
فجر شوي وتبجي:يمه لا تقولين لي جذي شسوي اللحين؟!
نهى:بعد شتسوين فسخيه خل اوديه الخياط..وين تبين يصلحه لج؟
فجر تأشر صوب خصرها:يمه اهني وايد واسع علي
نهى:خلاص مو مشكله يضوقه لج
فجر:والطول يمه خل يقصره شوي
نهى:خلاص حطي دبابيس وروحي له قولي له كل هالكلام
فجر:لا يمه اخاف اروح بروحي
نهى(ليكون بس للحين متاثره من لصار لها) :ليش خايفه!!
فجر:المكان بعيد اخاف اسوق لي هناك
نهى(الحمدالله):يا ربي عليج...دقي على اخوج خل يوديج
فجر:اهو وينه مو بالبيت
نهى:لا رايح الجمعيه يجيب اغراض البيت
فجر:خلاص اللحين ادق عليه

نهى طلعت من الغرفه واهي تتقرطم:خرعتيني قلت صار فيج شي اللحين

طلعت لها انفال بويها صاعده غرفتها...توها راجعه من شغلها...

انفال:قوه يمه
نهى:يقويج ها يمه احط لج الغدا
انفال بتعب:اييه يمه الله يعافيج بتغدى وبنام حدي تعبانه
نهى:يعطيج العافيه حبيبتي..روحي صلي العصر على ما ازهبه لج
انفال تبوسها على راسها:الله لا يحرمنه منج...اقول يمه
نهى:خير
انفال:زهبتو شقة فيصل؟
نهى:اييه كل شي جاهز بس باقي نبخرها ونرتبها لهم
انفال :خلاص خلي هالشي علي انا
نهى:ترا كلها اسبوع بيقعدون بعدها بيسافرون شهر عسل
انفال:اييه اول ليله قالي فيصل حاجز فندق
نهى:اييه الله يهنيهم ويسعدهم
انفال:آمين



طلال طلع من الاجتماع .. لقى 10 ميس كول من شذى ..اخترع ليكون صاير بالبيت شي..دق عليها


شذى منقهره وبنفس الوقت خايفه يكونون قالو له شي:هلا
طلال :شفيج؟!!
شذى:ما فيني شي
طلال:ليش داقه علي 10 ميس كول ..امي فيها شي.؟
شذى ((اشوه يعني ما قالو له)):اللحين بدل لا تسأل عني تسأل عن امك!!!
طلال ماله خلق هالسوالف:وبعدين شذى؟
شذى:ولا أبلين..روح لشغلك المهم ولحبايبك ينطرونك
طلال ما فهم عليها:انزين انا اللحين راجع البيت ..انتي وينج فيه؟
شذى انقهرت:انا في بيت امي ماني يايه اللحين
طلال مزاجه ما يسمح للمناقشه:خلاص براحتج بس لا تتاخرين
شذى انقهرت(اكيد عشان يحلا لك الجو مع حبيبة القلب حلوي):خلاص انا برجع البيت اللحين
طلال:خلاص اذا دخلتي الغرفه لا تصحيني انا بنام
شذى تشد على اسنانها:اوكي...باي

سده منها ...الا خط ثاني من تليفون البيت...

طلال:الو
نوال:هلا يمه طلال
طلال:هلا فيج يمه
نوال:وينك فيه؟
طلال:راجع البيت..تبغين شي؟
نوال:ابوك معاك؟
طلال:عنده جم شغله بيخلصها وبيرجع
نوال(احسن بعد):خلاص انا انتظرك
طلال حاس صاير شي بين امه وشذى تعود على هالشي:اللحين جاي


دخل طلال البيت لقى امه بالصاله تنتظره...

باس راسها وقعد يمها:خير يمه ؟؟
نوال:تدري حرمتك المصون ايش سوت وقالت اليوم؟
طلال مل من هالسوالف:يا يمه هذي سوالف حريم لا تدخليني بينكم
نوال بصوت عالي شوي:مرتك حبيبتك اللي خايف لي على مشاعرها سبت امك واختك في بيتهم
طلال انصدم:شنو!!!
نوال:تقول احنا النذلين وحنا مو متربين
طلال:من صجج يمه!!؟؟
نوال عصبت:اجل اتبلى عليها ..ولا ما تقدر تزفها واهي اللي اشتمت اهلك
طلال وقف معصب:انا توني مكلمها ما جابت لي طاري شي...وقالت اهي اللحين جايه
وقفت نوال معصبه وتهدد بصبعها:شوف يا طلال مرتك ماراح تدخل البيت إلا واهي متأسفه لي انا وامامه..ونسيت اقولك تراهي ضربت اختك
طلال انصدم(وصلت ليه الطق):شنو!!!
نوال:انا عارفه أن قلت لابوك بيدافع عنها وماراح يرضى عليها ..بس انا عارفه انك ما بترضى لاحد يغلط على اهلك وامك
طلال يبوس راسها:السموحه يا يمه..ولا يهمج اللحين اجيبها لج تعتذر منج غصبن عليها
نوال:وتعتذر لاختك..وتسمع الكلام ما تعاند والا ما راح ارضى عليك طول عمري
طلال(يا ربي من وين تتحذف علي هالمصايب):أن شاء الله يا يمه أن شاء الله
نوال تقعد على القنفه:خسارة بعت حلا برخيص حق وحده ما تسوى ظفر منها

طلال تم يناظرها بألم ((الكل يلومني الكل يأنبني خلااااااص تعبت ماني قادر اتحمل....ليش محد حاس فيني محد يصدق اني ندمان شسوي اكثر من جذي))

طلع من البيت ..ودق على شذى بالطريج والسيجاره ما فارقها...

شذى من غير نفس:نعم
طلال بعصبيه:اللحين جاي لج بالطريج..اول ما تسمعين الهرن تطلعين لي بره
شذى حست أن عرف بلي صار..عاندت:ماراح اطلع لك
طلال:شنو!!!
شذى بعناد:اللي سمعته.. ماراح اطلع لك..الا لمه تعلم اهلك شلون يحترموني
طلال عصب وقام يصارخ وسرعته تزيد:سمعي يا شذى كسري الشر وطلعي ولا ماراح يحصل طيب
شذى خافت من نبرة صوته:انت انزل البيت نتفاهم محد من اهلي موجود
طلال:يكون احسن بعد ..اخذ راحتي بالكلام (سكره بويها)



وصل بيت شذى ...نزل دق الجرس...فتحت له الباب واهي مبوزه...

شذى تقعد على القنفه ...سحبها طلال من يدها لعنده وقفها جدامه...

طلال معصب :انتي شقايله حق امي واموم؟
شذى بغرور:هد ايدي
طلال يضغط عليها اكثر:شلون تتجرأين تقولين لامي جذي!!
شذى تتالم:طلال هد ايدي قاعد تعورني
طلال:مارح اتركها لمه تتكلمين
شذى تغمض عينها من الالم تحس اظافره دشو بلحمها:طلال يعور هد ايدي...عشان اتكلم
طلال يدزها بقوه على القنفه:تكلمي
شذى تمسح مكان الالم:اهم اللي ابتدو أول
طلال عصب:يعني هم ما تعترفين بغلطج
شذى بغرور:قلت لك هم اللي بدو ومن حقي ادافع عن نفسي
طلال قرب ويه منها وصار ملاصق من ويها :انا طوفت لج سوالفج ويا اموم قلت ماعليه سوالف حريم بينكم بين بعض...بس انج تتجرأين تسبين اهلي وترفعين صوتج على امي هالشي ما ارضاه
شذى تحس بأنفاسه الحاره على ويها:يعني ترضاها لي طلال يقولون اني مو متربيه واهلي ما عرفو يربوني واني نذله...غير هذا يفشلوني جدام الحريم اليوم
طلال:هذي بحسبة امج لازم تحترمين كلامها وما تردين عليها
شذى تبجي:سكت وايد طلال من يوم ييت بيتكم وامك ما تعاملني عدل ...تصبحني بكلام يجرحني وتمسيني بكلام يجرحني..ما كأني مرة ولدها
طلال قلبه يعوره على شكلها بس مهما صار هذي امه:هالكلام كله ما يهمني وما يأثر فيني...اللحين تجين معي البيت وتتأسفين من امي واموم
شذى توقف منصدمه:نعم شقلت !!!
طلال يسحبها ويلفها له:لسمعتيه ..تجين معي تتأسفين منهم
شذى جفست يدها وبغرور:مستحيل هالشي تنساه..اهم لغلطو علي هم لازم يتأسفون مني
طلال عصب ورد مسك يدها وشد عليها:شذى انا صبري محدود وكلامي ما ينعاد...اذا ما رجعتي معي اللحين البيت وتأسفتي من امي واموم...خليج في بيت اهلج وباجر ورقة طلاقج توصل لج
شذى فتحت عينها مصدومه:!!!!!
طلال حس بصدمتها بس خلاص تعب من تزوجها واهو خسر كل شي:فاهمه ولا لأ؟!!!
شذى دموعها تنزل:بهالسهوله تتخلى عني
طلال ما يبي يضعف:شذى اللي تسوينه ماراح يفيد...هذي امي وما ارضى أي احد بالكون يغلط عليها
شذى:انا اتسامح منها بس اموم لا..
طلال بقلت صبر:بس انتي رفعتي يدج عليها
شذى :انا ما طقيتها الا لانها طقتني قبل واظن هالشي من حقي
طلال عارف اموم اخته يدها طويله:اللحين خلينه من اموم بنات تنيازون مالي شغل فيكم..بس امي ما اسمح لج ترفعين صوتج عليها
شذى تقرب منه:طلال امك تجرحني بكلامها ما تدري شكثر انا سكت...انت تعرفني يا طلال ما سويت جذي إلا لاني احبك
طلال سكت يتأملها يتأمل حبيبته لحرمته من حلا يتامل حبيبته لخربت علاقته ويا اعز انسان على قلبه خاله وصديقه مشعل..يتامل حبيبته لخربت بينه وبين اخته...يتأمل حبيبته لنسى ربه بلحظه علشانها....كل هذا لان يحبها ..اي حب هذا ليخليه يتعذب جذي...

حست انه سرح ابتسمت له ما تبي تخسره(بس انا اواريج يا اموم انتي راس المشاكل):طلال
طلال انتبه لها:هممم
شذى تحط يده مدار رقبته:حبيبي انا آسفه على اللي صار اليوم...واللحين بنفسي بتأسف من خالتي المهم رضاك حبيبي
طلال (يا ربي احبها رغم كل اللي صار) ابتسم لها:انزين قومي نروح لها البيت لانها متضايقه وايد
شذى:ممكن طلب حبيبي؟
طلال:آمري
شذى:ماني براجعه اللحين..بس ارتاح شوي وصدقني اني ماراح اصعد الشقه إلا وانا متأسفه منها
طلال يحس انه تعبان وده ينام:خلاص اذا جيتي بتطلعين من بيت اهلج دقيلي
شذى:أن شاء الله

طلال يلتفت ناحية الباب بيمشي ..لحقته وقفته بصوتها

شذى:طلولي
طلال يبتسم لها:هلا
شذى تبوسه على خده:زعلان حبيبي؟
طلال يقرص خدها:اذا تأسفتي من امي ورضت عليج ماراح ازعل منج
شذى بكل حب:راضيه اذل نفسي يا طلال بس اكون يمك

طلال كسرت خاطره لان عارف امه وامامه شيسمعونها كلام يجرح...ضمها لعنده على الخفيف ..وبعدها غمز لها:سي يو

شذى:مع السلامه


وصل البيت دخل الصاله لقى امه وابوه ...سلم عليهم ونوال عطته نظره تسأل فيها عن شذى...اهو هز راسه يعني بتجي...يدري أن امه ما تبغى ابوه يدري بشي...استاذن يصعد غرفته ينام...


جاسم مو عاجبه الوضع:ولدج ليه متى بيتم جذي؟
نوال:خير وشفيه؟
جاسم:يعني ما شميتي ريحة لبسه كلها سجاير
نوال بحزن:الله يكون في عونه...
جاسم:وبنتج وينها فيه؟
نوال:راحت لعند حلا
جاسم يوقف:انا رايح الديوانيه تبغين شي؟
نوال:سلامتك
جاسم:الله يسلمج...في امان الله

صعدت لغرفة طلال تبي تكلمه....بس شافته نايم كسر خاطرها سكرت الباب ورجعت غرفتها...








بيت حلا

بعد ما كلو خلصو وقالت امامه لحلا كل اللي صار ويا شذى...

حلا:ميمي ماله داعي تمدين يدج عليها؟.!
امامه:!!!
حلا تكمل:البنت غلطت بس لو اخوج مو معطيها مجال جان ما غلطت يعني اخوج بعد غلطان
امامه مو فاهمه:شلون طلال عطاها فرصه؟ انا للحين اموت واعرف ليش ابوي جبره عليها؟
حلا سكتت ما حبت تشوه صورة طلال عند اخته اكثر من جذي:....
امامه ما اهتمت للموضوع:انزين حلوي شكلج وايد تعبان
حلا تحس انها مسخنه:اموم شوفيني مسخنه؟
امامه تحط يدها على يبهتها:امبييه حلوي شكلج مريضه... ياربي مو وقته عرسي
حلا تكفخها:اللحين هذا ليهمج وانا بالطقاق
امامه:هههههههههه لا والله حلوي ابيج تكونين صاحيه بالعرس
حلا تحس صج راسها قام يثقل وتبي تنام:ميمي وديني غرفتي احس بدوخه شوي

امامه مسكتها من يدها ودتها لغرفتها ...انسدحت على السرير واتلحفت....قعدت يمها على السرير

امامه بخوف:حلوي
حلا بدت تدوخ:هاااا
امامه تشوف حرارتها كل مالها وتزيد:لا حرارتج ارتفعت خل اجيب لج كمادات ماي بارد
حلا راحت بسابع نومه:..............


نزلت المطبخ ...سوت لها كمادات ماي بارد..وصعدت الغرفه لقت حرارتها ارتفعت...

((يااااا ربي لا يصير فيها شي اهي حامل مو زين لها...ِشسوي اللحين؟!!!))

خذت موبايلها ودقت على طلال....

طلال بسابع نومه:الو
امامه :طلااااال قوم طلال الحقني
طلال اخترع قعد على حيله:شفيج!!! شصاير!!!!؟؟؟
امامه تشوف حلا وتبجي:حلا طلااااال وايد تعبانه مادري شفيها
طلال فز من مكانه وقف على ريله:شفيها؟
امامه:مادري فجأه كانت معاي نسولف ما فيها شي...اللحين حرارتها عاليه و مو قادره تصحى وياي
طلال بخوف قلبه قام يرقع:لبسيها أي شي اللحين انا جاي لكم بالطريج
امامه:اوكي


لبس بسرعه أي شي اخذ مفتاح سيارته ونزل بسرعه ...اشوه انه امه مو بالصاله عشان ما تسأله....ركب سيارته وداس اسرع ما عنده ...ربه حفظه كان بيدخل بسياره جدامه لان الطريج زحمه وسرعته خياليه بس قدر يرزم بريك قوي ....

وصل بيت حلا نزل بسرعه... شالها وخذها للسياره وطول الطريج امامه تصيح خايفه عليها وطلال مو ناقص كافي اللي فيه...

اخذها للطوارئ فحص عليها الدكتور بعدها طلع لهم...ركض طلال صوبه..

الدكتور :انت زوجها؟
طلال:اييه..شفيها دكتور طمني؟
الدكتور يبتسم له يطمنه لان شكله وايد خايف:ما فيها شي الحمدالله بس فلونزا مو اكثر
طلال:يعني اهي بخير
الدكتور:بخير والياهل بعد بخير...بس لازم تاخذ لها درب(مغذي) لان الظاهر مو ماكله شي...وتاخذ حبوب فيتامينات ومقويات
طلال يدري انه هو السبب اللي هي فيه:ممكن اشوفها؟
الدكتور:اييه ممكن ...بس لحسيته انها مو مرتاحه نفسيا وهالشي مهم للحرمه الحامل..لان لازم تاكل وتغذي الجنين ومرتك فيها نقص فيتامين...الافضل لها انها تاكل اكل صحي يقويها
طلال يهز راسه بتعب:أن شاء الله
الدكتور:تقدر تشوفها اهي صحت ...بس بعد ما تخلص من المغذي تقدر تطلع
طلال يمد يده له يشكره:يعطيك العافيه دكتور ما قصرت
الدكتور:الله يعافيك...هذا واجبنا

قربت منه امامه...

امامه:ها شقال لك؟
طلال:الحمدالله مجرد انفلونزا وضعف فيتامينات
امامه:انزين انا بدخل لها
طلال:اييه روحي تطمني عليها
امامه :وانت ماراح تجي؟!
طلال بحزن:شوي والحقج...

دخلت امامه لها ...وطلال واقف بره طلع سيجاره ودخنها ... يخاف يدخل لها تجرحه بالكلام كافي اللي سمعه اليوم منها ...اكيد كل ليصير لها هو السبب فيه....

قرب منه السكيورتي:لو سمحت
طلال التفت عليه والسيجاره بيده:نعم
السكيورتي:التدخين ممنوع
طلال :أن شاء الله


طفى السيجاره ...واخذ نفس عميق ودخل عليها الغرفه وملامح التعب كلها على ويهه....اول ما شافته تلاشت ابتسامتها ...وحلت محلها تعابير تأنيب وحزن

((كاااافي يا حلا كاااااافي ليه متى بتناظرني جذي...حرام عليج حسي فيني قلبي يعورني بموت من اللي تسوينه فيني))

قرب من السرير وقعد بالكرسي اللي يمها:حمدالله على سلامتج
حلا بصوت واطي وعينها بعيد:الله يسلمك
امامه قامت تروح تجيب الدوا :طلال وين ورقة الدوا؟
طلال يمدها لها وبعينه شكر انها فهمت تخليهم بروحهم:خذي

طلعت امامه من الغرفه وحلا بقلبها تدعي عليها ليش خلتها وياه...

طلال يمسك يدها البارده بيده الدافيه :ليش ما تاكلين عدل؟
حلا سحبت يدها وحطتهم تحت اللحاف :مو بشي مهم
طلال:إلا مهم لصحتج وصحت الياهل
حلا رفعت عينها له باستهزاء:الياهل ما يهمني
طلال بألم :لأنه مني؟
حلا من ورا قلبها(إلا اموت عليه كافي منك يا حبيبي):مو ملزومه اجاوب
طلال اخذ نفس وقف:اروح اشوف اذا خلص المغذي

طلع من الغرفه انفخت بألم....((يا ربي ليه متى بتم جذي...وانا اشوفه بعيني قام يضيع... صحته انهارت ...ضعف وايد غير هذا الهالات السود تحت عينه..والسجاير لقام يدخنها...))


.رجع طلال للغرفه لقاها تشوف الباب لطلع منه وسرحانه ما حست بدخلته....قرب منها وقعد يمها على السرير

(ماراح افقد الامل يا حلا ادري اللي بقلبج حبيبتي...))

حست فيه يوم قعد قبالها على السرير:يقول الدكتور يصير تطلعين اللحين
حلا تلقائيا ابتسمت له:اوكي
ما صدق اللي شافه بعينه صارت أي حركه منها تعطيه لو امل قليل انها ممكن تسامحه ..مسك يدها يساعدها عشان توقف واهي ما رفضت هالشي ....

((ياااااا ربي ما اصدق لقاعد يصير ...معقوله تكون حنت علي ..يا رب لا تغيرها علي))

دخلت امامه وشافت طلال يده بيد حلا يقومها من السرير...

امامه:انزين احترمو المكان لانتو فيه!!
التفتت عليها حلا:شنو؟!
امامه تغمز لهم:الله لا يحرمكم من بعض قولو آمين

حلا ناظرت عينه شافته يبتسم لها ويقولها قولي آمين يا حلا عطيني امل يا حياتي....

تذكرت المشهد لشافته فيه ويا شذى بهاللحظه ما تدري ليش مر في بالها ...اللي شافته مو شويه أي زوجه بالدنيا ما تقدر تشوف زوجها يخونها ويا وحده وتنسى هالشي بهالسهوله...
سحبت يدها منه ...وبصوت حاد

:ابغى ارجع البيت
طلال استغرب منها قرب منها:حبيبتي شفيج؟.!
حلا تغمض عينها ما تبي كلامه يأثر فيها:ابغى ارجع البيت
راحت لها امامه مسكت يدها:خلاص حلوي انتي اهدي شوي

رجعو البيت ...طلال راح لبيتهم بعد ما طلبت منه حلا انه ما يتم وياهم تبي ترتاح....

امامه تمت ويا حلا تعابلها....دقت عليها انفال تسأل عنها ..وقالت لها انها عند حلا واهي تعبانه ..قالت بتجي لهم اللحين

دخل طلال البيت ..لقى امه بالصاله بروحها ...

نوال مستغربه:انت مو نايم .؟
طلال يقعد بتعب:لا طلعت
نوال قلبها يعورها على حال ولدها:شفيك يمه؟
طلال:حلا يمه تعبت وديتها المستشفى
نوال يدها على قلبها:شفيها؟!!
طلال يهديها:ما فيها شي يمه الحمدالله بس فلونزا ونقص فيتامينات
نوال عصبت:انا قلت لكم الحرمه حامل لازم احد يهتم فيها وانت مجابل شينة الحلايا
طلال:شسوي يا يمه ..كلمتها اهي ما تبغيني اكون وياها بالبيت
نوال:ما تنلام
طلال وقف خلاص مل الكل يلومه الكل يعاتبه:انا تعبان يمه ابغى انام
نوال:ومرتك ما كلمتها؟
طلال نسى السالفه:إلا كلمتها ...اللحين اشوفها
نوال بصوت واطي:اقل شي المفروض تطلقها
طلال سمعها بس مل من هالموضوع واهي بنفسها تدري انه ابوه ما بيرضى بهالشي:....


شذى كانت تسولف لامها عن اللي صار وامها قالت لها تتأسف لهم عشان ما يطلقها طلال وابوها يرد يزعل عليها....

ردت على موبايلها:هلا طلال
طلال:متى بترجعين.؟
شذى بدلع :ولهت علي حبيبي؟
طلال ماله خلقها صدمها يوم قال:لاني تعبان ابغى انام وانتي عارفه الموضع لكلمتج فيه
شذى تحبطت:خلاص اللحين يايه
طلال بصوت واطي:بوسي راس امي وتأسفي منها
شذى بقهر:من عيوني حبيبي
طلال يحس انه تعبان:يالله مع السلامه


نوال:متى بتشرف الاميره؟
طلال:البنت بتجي تبوس راسج وتتأسف منج...وانتي يمه الله يهديج خفي من كلامج عليها مهما كان هذي انسانه وانتي اعرفج قلبج طيب
نوال ببراءه:انا ما قلت لها شي ...حرمتك لسانها طويل ويبيلها احد يأدبها
طلال :خلاص يمه اهي اللحين تعلمت واندمت على لسوته وجايه تعتذر...الله يخليج خليني ارتاح تعبت من هالسالفه
نوال كسر خاطرها شكله حيل تعبان:خلاص يمه روح نام
طلال يبوس راسها:الله يخليج لي يمه





دخلت شذى لقت نوال بالصاله ....

((اففففففف الله يعيني عليها....لازم يا شذى عشان طلال كل شي يهون))

قربت منها وباست راسها وابتسمت:آسفه خالتي
نوال من غير نفس:هالمره بسامحج عشان طلال المره الجايه ماراح اطوفها لج وانتي عارفه وقتها شنو مصيرج
شذى لو بيدها تكفخها :أن شاء الله خالتي
نوال تقوم :كلامي هو اللي يمشي بالبيت من غير أي مناقشه
شذى(عساج الموت):على امرج

صعدت نوال لغرفتها ...رفست القنفه برجلها من القهر وصعدت لطلال لقته نايم تعبان كسر خاطرها ...غيرت لبسها ونامت


بيت حلا

امامه:يالله حلوي استأذن انا اللحين
حلا:يا قلبي مشكوره اذيتج يالعروس
امامه بدلع:شفتي شلون عرسي باقي عليه يومين وانتي تشغليني نيرس عندج
حلا:ههههههه ما عليه يا قلبي ما قصرتي
امامه تبوسها:افا عليج جم حلوي عندي
حلا:اكيد وحده
امامه:ههههه ما يبيلها كلام...تآمريني على شي؟
حلا:سلامتج
امامه:مع السلامه
حلا واهي تنسدح :بحفظ الله



شقة احمد

قعدت غنيمه من النوم ..تمت ثواني تتأمل الغرفه ...استوعبت انها ردت لاحمد...بس وينه فيه ؟!!

قامت من السرير ..دخلت الحمام خذت لها دوش ...لبست ملابسها طلعت الصاله لقته يتفرج على التلفيزون...

غنيمه بابتسامه:صباح الخير
احمد يتاملها واهي جايه صوبه:صباح النور
غنيمه تقعد يمه:تريقت حبيبي؟
احمد يهز راسه:نو نو
غنيمه:ليش؟
احمد:انطرج اتريق معاج
غنيمه توقف:شتبي تتريق يا قلبي ؟
احمد يوقف وياها:تصدقين مشتهي انا اطبخ بنفسي
غنيمه:هههههه يعني الريوق اليوم عليك
احمد يغمز لها:وبيكون احلى ريوق
غنيمه:احمد للحين عندك فرصه تنسحب
احمد بعناد:لا لا ما انسحب وبتشوفين شلون بتاكلين اصابعج وراه
غنيمه:بنشوف..ما تبيني ايي وياك؟
احمد:انتي ارتاحي اهنيه وكل شي يكون جاهز بعد نص ساعه بالكثير
غنيمه تقعد:اوكي ننطر

راح احمد المطبخ ...طلع البيض وحط المقلى على الجوله وكب فيه الدهن ....وحط البيض...بعدها راح يزهب الحليب والجاي....

اخذ له اربع قطع توست وحطهم بالشوايه....

غنيمه قاعده بالصاله وتحس انها فرحانه انها ردت له....تذكرت فهد بالغرفه الثانيه ....لانها اتفقت ويا احمد يجيبه يعيش وياهم ...

شوي تشم ريحة حريجه وصراخ احمد...طلعت من عند فهد تركض مخترعه ...

غنيمه :شفيك؟!!!!!!!!!
احمد واقف والنار تشتعل بالشوايه و المقلى:غنووووم ساعديني
غنيمه:ههههههههههههههههههه
احمد عصب:بدل لا تضحكين تعالي طفي النار لا نحترق

غنيمه بكل سهوله خذت قلاص ماي وكبته فوق المقلى وانطفى...

احمد استغرب:بس جذي؟!!
غنيمه:ههههههههههههههه شنو اللي بس جذي؟
احمد انحرج:انا صارلي ساعه احاول اطفيه بالفوطه
غنيمه:ههههههههههههههههههه
احمد:بس عاد غنوم
غنيمه تشوف المطبخ شلون زباله:اللحين زين جذي...عاجبك شكل المطبخ؟
احمد يشوفه ويبلع ريجه:مادري صار الشي فجأه
غنيمه تيمع الاكل بالارض:مو قلت لك من الاول انسحب
احمد:خلاص عاد
غنيمه:هههههههه انزين روح اقعد بالصاله اللحين ازهب لك الريوق
احمد:ما تبيني انا اسويه
غنيمه:لا مشكور كافي اللي صار مو مستغنيه عنك
احمد يقرب منها:تخافين علي احترق
غنيمه تبتعد:روح انطر بالصاله احسن لك
احمد:ههههههههههههههه..اعترفي ما فيها شي؟
غنيمه تنرفزه:خايفه على المطبخ توه يديد حرام يحترق
احمد:ههههههههههههههه حلوه هذي...ادري مو من قلبج
غنيمه ترد تحط توست بالشوايه:كيفك لا تصدق


بيت جاسم

قعدت امامه من النوم .... اليوم متفقه مع حلا تجي عندها يختارون التسريحه والمكياج....بس حلا تعبانه ...دقت على انفال واهي بتييها.....

نزلت تحت لقت امها وابوها وشذى وطلال قاعدين يفطرون...

امامه:صباح الخير
الكل:صباح النور
امامه تقعد يم امها:شلونج مامي.؟
نوال:بخير
امامه :وانت باباتي؟
جاسم:الحمدالله
امامه تحرها:وانت طلولي؟
طلال:زين
امامه ترجع لوره بالكرسي :دوووم أن شاء الله

شذى انقهرت انها ما عبرتها بس طوفت ....كملو ريوقهم واستأذنو جاسم وطلال رايحين الشركه....

قبل لا يطلع طلال ساسر امامه بأذنها ((ميمي لا تروحين لحلا انا بروح لها اللحين))

غمزت له امامه..وبعدها عطت شذى نظرة خبث...هذيك انقهرت حست الشي يخص حلا....




بيت فيصل


انفال نازله من غرفتها لقتهم يتريقون بالمطبخ....

انفال:السلام عليكم
الكل:وعليكم السلام
فيصل استغرب انها لابسه:نفوله وين رايحه من الصبح؟
انفال تاخذ لها زيتونه:عند اموم
نهى تصب لها حليب:توها يمه الساعه 10
انفال:مو اليوم لازم تختار التسريحه والمكياج حلوي ماراح تقدر تيي انا بروح لها
فجر:ليش شفيها حلا؟
انفال: تعبانه شوي
نهى:الله يصبرها مع الحمال ومرض ....الله يعينها
انفال:اييه والله بعد عمري ما تستاهل
فيصل:انزين نفول ما يصير ايي وياج؟
انفال.:وين تيي وياي؟
فيصل:اشوف امومه
نهى:هههههههههههههههه حبيبي فيصل لاحق على البنت
فيصل انحرج:يمه شيصبرني ليه العرس
فجر:اصلا زين منها تكلمك لو انا منها ما اكلمك إلا بعد العرس
فيصل ضربها على راسها:كرميني بسكوتج
فجر:هههههههههه يعور
فيصل:قلعتج
انفال توقف:اوكي يمه انا بمشي
نهى:الله يحفظج
فيصل:سلمي عليها نفول
انفال :توك مكلمها
فيصل:اييه ما عليه هم سلمي عليها
انفال:ههههههههههه الله يخليكم لبعض
فيصل:ويخليج لي ...(يأشر على فجر) مو هذي ما تعرف تقول كلام سنع
فجر بغرور:انا اقول الصج ما اجامل
انفال:انا ماراح اخلص مع هواشكم...باي
الكل:باي


بريطانيا

خالد اخذهم لمدينة ملاهي بره لندن...كانو فيها طول اليوم...رجعو بليل الشقه بعد ما حس بو حور بتعب شوي....


حور تجيب له كوب اعشاب تريحه:تفضل يبه
بو حور:دام فضلج حبيبتي
حصه:شنو هذا؟
حور تقعد يم خالد مجابله ابوها وحصه:اعشاب خالتي
حصه تكمش ويها:ابوج تعبان تجيبين له اعشاب!!
حور ناظرت خالد وبعدها ردت:عيل شييب له؟
حصه تاخذ الكوب منه:صج انج ما تفهمين شي عيزت وانا اعلم فيج...المفروض تيبين له شي بارد
حور انقهرت:بس هذا يخفف الصداع
حصه توقف رايحه المطبخ:كلام فاضي

حور نزلت راسها....بو حور ما عرف شيقول..

خالد يساسرها:ولا يهمج حبيبتي...لا تضيقين خلقج
حور تبتسم له تجامله:لا تحاتي حبيبي

رجعت حصه وبيدها قلاص عصير بارد...عطته بو حور وقعدت وعينها على حور...

حصه:هذا المفروض تسوينه
حور وقفت بتروح غرفتها:تصبحون على خير
قام وراها خالد:تصبحون على خير
بو حور:وانتو من اهله
حصه تتقرطم بعد ما راحو:جنه كلامي ما عجهم!!
بو حور مل من هالسالفه:عجبهم ..شرايج احنا بعد نروح نام
حصه:افففففف وانا يايه لندن عشان اكل وانام
بو حور يوقف متملل:انا بروح انام عن اذنج
حصه عصبت:اللحين انا اكلمك تخليني وتنام
بو حور :يا حصه ذكري ربج خل انام ترا صج تعبان
حصه كسر خاطرها:خلاص روح نام منو ماسكك
بو حور يبتسم لها:انتي ماسكتني ابيج تيين معاي
حصه مسكت يده:يعني تفهمني ما تعرف تنام بروحك؟!
بو حور ياخذها معه لغرفتهم:لا ما اعرف اخاف
حصه:ههههههههههههه









بيت حلا


قاعده بغرفتها تحس انها ثقيله مو قادره تقوم على حيلها....
مرجعه راسها لوره ...وتفكر بطلال

((يا ربي والله تعبت تعبت ليه متى بتم جذي اعامله...وانا ادري اني محتاجته وحياتي من غيره ما تسوى شي...لازم اعطيه فرصه تعبت من بعده عني))

دخل طلال الغرفه...واهي ما حست فيه....قرب منها وقف قبالها واهي منسدحه على السرير...ما قدر يروح الشغل من غير لا يتطمن عليها....

طلال يحط يده على راسها يتحسس حرارتها توقعها نايمه....فتحت عينها له...ابتسم لها

:صباح الخير
حلا عيونها تغورق من الدموع:صباح النور
طلال يمسك يدها:شلونج حبيبتي اللحين؟
حلا نزلت دمعه على خدها ونفخت بألم:الحمد الله
طلال باس يدها وبكل صدق قال لها:احبج
حلا غمضت عينها وسمحت لنفسها لو مره تقول له عن لبقلبها:وانا بعد
طلال ماصدق:وانتي شنو يا حلا ؟!!
حلا فتحت عينها وناظرت بعيونه:احبك





بيت جاسم


قاعدين بالغرفه يشوفون صور للمكياج ويتفقون ...

امامه:باقي التسريحه
انفال:اممم انا اقول كسريه و بعدين رفعيه
امامه تواريها الصوره:امممم مثل هذي يعني؟!!
انفال:اييه جذي يصير زوغه عليج
امامه:ههههه اوكي

دق فيصل على امامه...حطته سايلنت...

انفال استغربت:ليش ما تردين؟
امامه:ما ابغى
انفال:ليش؟
امامه:خلييه يتعلم شلون يطفرني
انفال:ههههههههه شسوى بعد؟
امامه منقهره:مساع اكلمه يقولي غيرو مكتبه
انفال:انزين
امامه:شنو انزين...اللحين القسم اللي وياه كلهم حريم
انفال:ههههههههه ويعني؟
امامه عصبت:شنو يعني...نفول يعني يجابل حريم هناك اكثر من 7 ساعات
انفال:هههههههه تغارين عليه؟
امامه:اكيد
انفال:هههههههههههه يعني تبينه يقعد بالبيت ما يشتغل
امامه:انا ما قلت جذي بس قلت له اطلب من المدير ينقلك انفال:شقال لج؟.
امامه منقهره تقلد صوته الرجولي: يقول مرتاح جذي
انفال:ههههههههههههه يطفرج
امامه:لا ما يطفرني
انفال:ههههههه انزين ردي عليه عيز واهو يدق
امامه بعناد:ماراح ارد

مكتب فيصل

((افففففففف يا ربي من صجها هذي...اتغشمر معاها ..اكيد زعلت ))

سوسن (معاه بالمكتب):فيصل
فيصل(الاخت مطيحه الميانه من غير اخ ولا شي):نعم
سوسن بدلع تبي تلفت نظره:ممكن قلم لو سمحت؟
فيصل يشوفها بنظره:ما عندج قلم بمكتبج؟.
سوسن انحرجت:عندي بس ما يشتغل
فيصل يمد لها القلم:تفضلي
سوسن بابتسامه كبيره:شكرا
فيصل(ما شافتج ميمي جان ذبحتج):عفوا





بيت ام شذى

ام شذى تكلم شذى بالتليفون وكانت بالصالون تنطر دورها...

شذى:خلاص يمه انا اللحين بالصالون اسوي شعري ارد البيت اللبس وتمريني
ام شذى:اييه حبيبتي لا تتأخريني خالتج تقول تبينه نيي امبجر ..عشان نقعد ويا زوجة حمد
شذى:أن شاء الله يمه...بس طلال مارح ايي
ام شذى:خلاص مو مشكله بس انتي لا تتأخرين
شذى:أن شاء الله يمه ماني متأخره



بغرفة امامه

انفال انصدمت من الكلام لقالته لها امامه....


نفول:يالمينونه من صجج
امامه :قاهرتني نفول تدري اني ما ابيها تحضر عرسي ..وابوي هددني قال أن قلتي لها شي يا ويلج اهي أول المعازيم
انفال:هههههههههه كلش مو منقهره منها
امامه بمكر:انا اعلمها شلون تحضر عرسي
انفال:هههه اموم حرام عليج اللي بتسوينه فيها
امامه ترتب لخطتها:ما عليج منها ..اللي بنسويه ولا شي من اللي تستاهله

راحو غرفتها ...خذت امامه مسحوق الفلفل الاحمر ورشت منه على الخفيف على مكياج شذى ونفخته عشان ما يبين اثره بس مفعوله موجود

انفال:ههههههههههههه اشهد انج مو بصاحيه البنت ويها بيحترق
امامه:احسن تستاهل مثل ما حرقت قلب حلوي
انفال:اييه والله تستاهل
امامه سحبتها من يدها:امشي ننحاش لغرفتي قبل لا يدخلون علينه
انفال:ههههههههههه والله قمت اخاف على فيصل منج




بعد ربع ساعه ...رجعت شذى من الصالون صعدت الدري واهي تغني ...دخلت غرفتها غيرت لبسها استشورت شعرها .. باقي بس المكياج...


غرفة امامه

امامه تسمع صوتها تغني:هههههه تسمعينها تغني؟
انفال تغمز لها:اييه حرام مستانسه
امامه:اموت واعرف شنو ردت فعلها اللحين
انفال:هههههههه حرام عليج اموم
امامه تحوس بالغرفه:انا ليش ما فكرت اصورها فيديو
انفال انصدمت:من صجج!!
امامه:اييه علشان اواريه حلوي
انفال:ههههههههه وربي مو صاحيه

فجأه سمعور صرا خ شذى ....

امامه تناقز من الفرح:ايوه ايوه
انفال ميته ضحك :هههههههههههههههههههههههههههههههههههههههههههههههههههه حرام عليج ليكون احترق ويها
امامه:ههههههههه جان زين انا بطلع سوي نفسج مخترعه يا ويلج أن ضحكتي
انفال:ههههههههه لا اموم ما اقدر والله افصل من الضحك عليها

طلعت امامه ومسويه نفسها مخترعه دخلت غرفتها...

امامه:شفيج انتي فضحتينا بصراخج؟
شذى شكلها كان يعور القلب مسكره عيونها وتصيح من الحراره:اموم حار يحرق يحرق
امامه ماسكه ضحكتها:شنو ليحرق!!
شذى تصيح:مادري مادري بلييز يبيلي فوطه فيها ماي بارد
امامه:نعم نعم اشتغل عندج حبيبتي خدمي نفسج بنفسج
شذى عصبت اللي فيها كافيها:اموووووم بلييز مو وقته ويهي قاعد يحترق
امامه تحس انها بردت قلبها:تستاهلين عساه زود أن شاء الله

طلعت عنها ..واهي دخلت الحمام غسلت ويها بماي بارد ..فتحت عينها ولا ويها كله احمر محترق تمت تصيح دقت على طلال ما يرد عليها....دقت على امها تصيح

ام شذى:ها يمه جاهزه؟
شذى:يمه يمه لحقي علي
ام شذى اخترعت:سم الله عليج شفيج يمه...ليش تصيحين؟
شذى تشوف نفسها بالمنظره:ويهي يمه احترق
ام شذى مو فاهمه:شنو لحترق؟.
شذى تصارخ:يمه ويهي ويهي تعالي مريني نروح الطبيب
ام شذى:خلاص يمه انا اللحين يايه ..حطي عليه ثلج
شذى :اوكي ..باي


غرفة امامه

امامه:ههههههههههههه واخيرا ..بشوف طلال شلون يشوفها اللحين
انفال كسرت خاطرها:اموم اخاف على طول يتم جذي
امامه:هههههه لا شدعوه قالو لج مجرمه ..سالت قالو يتم اسبوع بالكثير ويروح
انفال:ههههههه عيل تستاهل




بيت حلا

يحس الارض مو شايلته من الوناسه...حلا نطقت بكلمة احبك لاول مره بعد اللي سواه فيها....

ساعدها تقوم من السرير...اهي دخلت الحمام غسلت وغيرت ملابسها ...تحس براحه من وجوده يمها خاصة بهالوقت....

طلعت من الحمام لقته واقف يم الباب ينطرها ...مد يده لها..

طلال:تقدرين تمشين ليه تحت؟.
حلا بحيا:اييه
طلال:اذا تحسين بتعب اشيلج؟
حلا :لااااا اقدر اقدر
طلال يغمز لها:يعني ما تبغين اشيلج؟
حلا حمرت خدودها:يااا ربي طلال بس عاد
طلال استخف عليها:خلاص بسكت..امشي تحت اكلي لج شي عشان تاخذين دواج

حلا تحس انها بعالم ثاني وياه....ما تدري ليش حست انها بأي لحظه ممكن تخسر طلال...ليش تحرم نفسها منه ...كل انسان يغلط ليش ما اسامحه؟!! هذا طلال مو أي احد....

نزلو تحت قعدها على القنفه واهو راح المطبخ وكان مفتوح على الصاله .يسوي لها شي تاكله...

حط الاكل جدامها وقعد يمها...

طلال:يالله حبيبتي سمي
حلا تاخذ الصمونه من يده:مشكور كلفت على عمرك
طلال:تعبج راحه يا قلبي وجودي يمج يكفيني

تمت تاكل واهي ساكته ..وطلال احترم سكوتها وكان طول الوقت يتأملها ((الحمدالله يا رب تكون عطفت علي...وتسامحني وتنسى كل شي وترد حلا حبيبتي))

رفعت عينها له لقتها يناظرها حمرت خدودها:طلال
طلال انتبه لها:عيونه
حلا بحزن:صج تدخن؟
طلال بيأس:للأسف اييه
حلا:ليش؟ انت تدري أن صحتك ما تستحمل
طلال:لا تلوميني بعدج عني اهو السبب
حلا تنرفزت:اظن انت عارف السبب الرئيسي منو
طلال(ماا اظن انج بتنسين يا حلا):ادري
حلا:ولا تظن أنك أن دخنت بيرجع كل شي
طلال بأمل:بس اللي اعرفه أن قلبج كبير وادري انج بتسامحيني

توها بتنطق ..الا يرن موبايل طلال... شاف الرقم ارتبك حطه سايلنت وما رد

حلا تحس قلبها بيحترق:ليش ما ترد؟
طلال:مو شي مهم
حلا باستهزاء:إلا مهم رد عليها
طلال يناظر الانكسار بعيونها:حلا حبيبتي قلت لج شي مو مهم

حلا تذكرت اللي شافته تذكرت يوم خانها (لاااااا انا شلون سامحته شلون قلت له احبك نسييييييت كل اللي سواه فيني نسيييت انه خاااني)) طاح كوب العصير منها وقفت ودموعها نزلت فجأه....طلال خاف من شكلها المفاجئ

قرب منها:حلا
حلا تنفر منه:اطلع بره
طلال انصدم توها كانت راضيه عليه شلي غيرها !!:حلا انا..
حلا بصرااخ:قلت لك اطلع براااااااااا
طلال وقف:خلاص اهدي حبيبتي مو زين لج وللياهل
حلا تصيح:هالياهل ما ابغيه ما ابغي شي منك ما ابغي شي يذكرني فيك...ابغى اموت
طلال نزلت دمعه من عينه واهو يسمع كلامها:ليش يا حلا ليش؟
حلا انهارت قامت تضرب بالارض:اطلع اطلع ما ابغى اشوفك
طلال يصارخ:كااااااااااافي حراااااااام عليج بتموتيني بتموتيني

حلا تمت تصيح واهي تسمعه شلون يتعذب ...بس ما تقدر غصبن عليها من تذكر اللي سواه فيها..والخيانه لشافتها بعينها... تحس قلبها يقسى عليه بقوه ....طلع طلال بره البيت وسكر الباب بقوه...ركب سيارته ...ولع له سيجاره تهديه وتريح باله مثل ما يظن....كان يدوس بسرعه خياليه ...



بيت ام حمد

حمد:يمه مو كأن خالتي تأخرت؟
ام حمد:اييه والله يا ولدي خل ادق عليهم

ام شذى يرن موبايلها وكانت مع شذى توهم طالعين من غرفة الطبيب

ام شذى:هلا يا وخيتي
ام حمد:هلا فيج...عسى ما شر تأخرتو؟
ام شذى بضيق:سمحيلي انشغلت وما دقيت اعتذر منج
ام حمد:خير صاير شي؟
ام شذى:والله شذى ويها تشوه و تونا طالعين من الطبيب
ام حمد:ما تشوف شر..شلون جذي؟
ام شذى اهي بعد مو فاهمه:الظاهر نوعية المكياج ما ناسبت بشرتها
ام حمد:وييه...وشقال لكم الدكتور؟
ام شذى:عطاها ادويه ومرطب وقال أن شاء الله 4 ايام ويخف
ام حمد:الحمدالله على كل حال ..سلمي عليها
ام شذى:يوصل ..وسلمي على حمد ومرته وان شاء الله مره ثانيه
ام حمد:الله يسلمج...ان شاء الله مع السلامه


حمد:خير يمه؟
ام حمد:بنت خالتك تعبانه اعتذرو ماراح ايون
مها:عيل انجب الغدا خالتي لكم؟
ام حمد تبتسم لها ربها عوض ولدها خير وبمره صالحه:اييه يمه يعطيج العافيه
مها توقف وتبتسم لها:الله يعافيج خالتي..

التفتت على حمد لقته يناظر مها واهي تمشي:يمه حمد البنت راحت
حمد انحرج:ههههه
ام حمد:الله يبلغني فيك واشوف عيالك قول آمين
حمد:آمين يمه آمين الله يسمع منج

بيت فيصل

قاعدين كلهم ينطرون فجر ترجع عشان يتعشون يميع...

فيصل يشوف الساعه:فجوره من متى طالعه يمه؟
نهى:صارلها نص ساعه تقريبا
فيصل:حدي يوعان
انفال:هههههه انا ميته يوع
نهى:شوي وترجع اختكم ونتعشى يميع


فجر توها طالعه من الصيدليه ...بتركب سيارتها....اسمعت صوت شخص ينادي عليها ...وقفت منصدمه لاااااا مو معقوله !!!!!!!!!!!!!!!!!!!!


التفتت على الصوت واهي ترجف:!!!!!!!!!!!!!!
فارس بابتسامه :شلونج فجر؟
فجر من الخوف بسرعه ركبت سيارتها وحركت ومشت...حاول فارس يوقفها بس اهي داست اسرع ما عندها وابتعدت عنه


دخلت البيت واهي تناهد بصوت عالي من الخوف...وجسمها كله يرجف..ماتدري شلون قدرت تسوق للبيت من غير لا تدعم...

لقتهم كلهم بالصاله متيمعين ....

فيصل راح لها مخترع أول ما شاف شكلها: فجوره شفيج؟!
فجر خافت تقوله ما يصدقها و يرد يزعل عليها:ما فيني شي
نهى تقرب منها:سم الله عليج يمه ليش ترجفين؟
فجر تبتسم لهم تخفف من توترها:ابد ما فيني شي بس دعمت قطوه بالشارع
انفال:ههههههههههههههههه لو داعمه آدمي جان شصار فيج
فجر تضحك تجاملهم:ههههههههههه ما اتوقع اوصل لكم البيت
فيصل يحضنها يهديها:خلاص حبيبتي اقصاها قطوه هدي شوي
فجر تتمسك فيه:أن شاء الله
نهى:خل احط لكم العشا




بيت جاسم

دخل طلال الغرفه واهو تعبان بعد ما فر ساعتين بالشوارع حس انه بيختنق باكيتين سجاير خلصهم ...لقى شذى منسدحه و ويها كله كريمات ومغمضه عينها...استغرب من شكلها

طلال:شذى شفيج؟.
شذى افتحت عينها له:انت وينك؟
طلال ما عرف شيقول:كان عندي شغل
شذى باستهزاء:أي شغل هذا ليه هالحزه؟
طلال نفخ :ترا مالي مزاج كلش شذى
شذى توقف تروح له:شفت شصار فيني طلال؟
طلال يناظر ويها المحترق ..انصدم:شنو هذا ؟!!
شذى يوم شافت ردت فعله تمت تصيح:لا تسوي فيني جذي طلال كافي لفيني
طلال يهون عليها:شلون احترقتي حبيبتي؟
شذى :مادري شلون ييت احط لي مكياج فجأه حسيت بشي حار يحرقني
طلال :رحتي الطبيب؟
شذى:اييه وعطاني ادويه ومرطب وقال لي 4 ايام ويرجع كل شي طبيعي أن شاء الله
طلال:وعرس ميمي شبتسوين؟

شذى شوي وتبجي لانها كانت تبي تحضره عشان تقهرها بس اللحين ما تقدر تجابل الناس واهي بهالحال حاولت تغطيه بس ماكو فايده...
شذى بقهر:ماراح اروح
طلال:ما تقدرين تغطينه؟
شذى تصيح:لااا حاولت ما يصير ما يصير
طلال يمسكها من جتفها..ويحس بخنقه :خلاص حبيبتي كل شي بيرد لا تخافين
شذى تحس ويهه بده يزرق ..بخوف:طلال شفيك؟
طلال فجأه طاح بالأرض...تم يتقلب بالارض مو قادر يتنفس:
شذى نزلت له ورفعته بيدها تمت تضرب فيه عشان يصحى:طلاااااال حبيبي قوووووم

تصارخ:امااااااااااااااااااااااامه...خاااااااااااالتي لحقوني

تهز طلال ((طلال قوم ...حبيبي قوم رد علي ..طلاااااال...))
...طلال يشوفها ويحس بخنقه مو قادر يتكلم

شذى:امووووووووووووووووووووووووووم ...خاااااااااااااااااااااالتي لحقوني
دخلت امامه على صراخها كانت قريبه من غرفتهم:اففف شتبين تصارخين
انصدمت يوم شافت طلال مرمي على الارض بحضنها...راحت لعنده تهزه :طلااااااااال ........طلاااااااااااااال رد علي....يماااااااااااااااااااااااه...يباااااااااااااااااه ...طلال رد علي طلااااااااال (ترفع عينها لشذى) روحي دقي على الاسعاف بسرعه



شنو مصير طلال؟!!!
حلا اذا عرفت بلي صار لطلال بترجع له؟!!
عرس امامه وفيصل يبتم؟!!
احمد وغنيمه هذي آخر المشاكل بحياتهم؟!
فارس شيبي من فجر؟!!