لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-01-09, 10:25 PM   المشاركة رقم: 21
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الثاني عشر



يعطي نوال السماعه ويطلع رايح يصلي المغرب بالمسيد...

نوال:الو
نهى ترحب:هلا والله بأم طلال شلونج؟
نوال الي عرفتها:هلا بك زود..انا بخير انتي طمنيني عن حالك؟
نهى :الحمدالله
نوال:وفيصل والبنات كيف حالهم؟
نهى:الحمدالله بخير وانفال تسلم عليج
نوال:الله يسلمها ويخليها
نهى حبت تدخل بالموضوع:والله يا ام طلال حبيت اكلمج بموضوع
نوال:تفضلي يا نهى
نهى:دام فضلج ..مثل ما تعرفين العيال كبرو يا نوال ..و الصراحه ولدي فيصل ما بغى له غير صيفي ويتخرج أن شاء الله وانا حبيت ادور له بنت الحلال من اللحين
نوال وكأنها فهمت الموضوع:كلامك صحيح
نهى:وما بنلقى احسن من امامه لولدي فيصل
نوال:هذي الساعه المباركه يا نهى بس تعرفين الشور مو شوري ..شور البنت وابوها
نهى بتفهم:عارفه بهالشي..انا قلت اخبرك واذا أن شاء الله فيه نصيب نجيكم بالبيت نخطبها رسمي..بس قلت قبل تشاورين الابو والبنت
نوال:أن شاء الله انا اشاورهم وارد لج خبر يا نهى ..والله يكتب الي فيه الخير
نهى:ما بنلقى احسن منكم ..ومثل ما قلتي الله يكتب الي فيه الخير واذا له نصيب فيها بياخذها واذا ما صار نصيب لا سمح الله نبقى اهل يا ام طلال
نوال فرحت من كلامها:والله كلامك يا ام فيصل يعلقنا بكم زود ..وان شاء الله ما يصير إلا الخير
نهى:اخذو راحتكم يا نوال ..وخل البنت تفكر على راحتها وردو لنا خبر
نوال:أن شاء الله
نهى:اخليج اللحين يا ام طلال...
نوال:حياك الله
نهى:مع السلامه
نوال:مع السلامه




بغرفة امامه

حلا معصبه:كل هذا صار ولا تقولين !!
امامه:شسوي فيج بشهر عسل اخرب عليج يعني
حلا :وانتي على أي اساس حكمتي انها حبيبته؟؟
امامه تضحك على غبائها:لانها نادته حبيبي
حلا تكفخها بالمخده:حلفي انتي بس ..بغيتي تهدمين حياتج على كلمه
امامه:شسوي اغار عليه من أي احد
حلا:يعني لو انفال ما كانت جايه معاكم المطار جان ما سامحتي لي يومك هذا
امامه :بس خلاص حلوي قلت لج تسامحنا
حلا:لازم تتعلمين ميمي ما تحكمين بسرعه..يعني كيف تقولين له خلاص انتهينا ..انتي عارفه شنو معنى كلمة انتهينا؟؟
امامه:خلااااااص حلوي قلت لج تصالحنا
حلا:بس اخذيه درس بحياتج ولا تحكمين بسرعه انا مو خابرتج جذي
امامه:شسوي حبي له خلاني اشك بالناس كلها
حلا تبتسم لها:انزين واهو عرف هالشي
امامه:مينونه اقوله بيذبحني ...بس اكيد انفال قالت له
حلا:هههههههه يعني تعترفين السبب غبي
امامه بندم:أيه اعترف

تدخل نوال الغرفه....

نوال:تاركيني تحت لحالي..وجالسين هنا تسولفون
حلا بحيا:ظنيت طلال معاج
نوال تجلس على الكرسي:لا راح يصلي بالمسجد
امامه:أي من تزوج حلا واهو صلاته كله بالمسيد
نوال بفرح:الحمد الله الله يثبته
حلا :احسن له من صلاة البيت يكسب اجر اكثر
نوال:الله يثبتك بعقلك يا بنيتي
امامه بغيره:وانتي كله ماخذه المدح حقج
حلا :هههههههههه موتي من الحرا
نوال بجديه:امامه.. ام فيصل توها متصله

امامه الي كانت ماسكه كوب بيدها طاح بالارض من الخرعه

نوال بخوف:سم الله عليك...مالك كذا اخترعتي؟
امامه:لا يمه ولا شي
حلا بتموت من الضحك عليها بس ماسكه نفسها:اهي نفسها ام فيصل الي دعمته ميمي (تغمز لميمي)
نوال:ايوه هي نفسها
امامه بخوف:شبغت يمه؟
نوال تبتسم لها:تبغاج لولدها
امامه بصدمه:من فيصل!!!!
نوال:واهي عندها غيره
حلا:والله يا خالتي طلال دوم يمدحه لي ..واهو الي جابنا من المطار ريال ما عليه كلام
نوال تبتسم لها:ومشعل بعد دوم يمدحه ويمدح اهله..وانا جلست معهم مقعدهم طيب ما ينمل
امامه:بس يمه انا مابي اتزوج اللحين
نوال:انا للحين ما كلمت ابوك بالموضوع
حلا بخوف:في احتمال عمي يرفض؟
نوال:والله يا بنتي عمك كم سنه انا عايشه معه للحين ما اعرف طبعه
امامه متردده :يمه انا ..
نوال :انتي ايش؟
امامه:لا خلاص
حلا فهمتها:يا خالتي دام الريال طيب واهلها زينين لا تردونه ...ما بيتعوض انتي شاوري عمي وان شاء الله خير

يدخل طلال ويجلس جنب حلا عالسرير ويقربها منه.....

حلا تساسره:طلال بليييييز مو جدام امك
طلال بصوت عالي:كيييييييييفي مرتي وحلاااااااالي يااااااا نااااس

حلا غطت ويها بيدها ...وامامه تمت تضحك عليهم ..ونوال سحبت ولدها

نوال ماسكه يده:احرجت البنت
طلال :هههههه شسوي يمه فيها طالعيها شلون متكشخه ولابسه ومتزينه انا مالي ذنب
نوال تضربه عالخفيف:حسبي الله عليك من ولد ...الله يعينج عليه يا حلا

طلعت نوال وطلال..وامامه للحين تضحك

حلا شوي وتبجي:وربي بايخ ..مليون مره قلت له لا تحرجني جدام احد
امامه:هههههههههههه اخوي رومانسي وانا ما ادري
حلا :هذا ولا شي ميمي واحنا بفرنسا ذبحني ..قمت ما اطلع من الفندق والسبب حركاته
امامه:هههه علميني وراي زواج
حلا:انا أول مره اشوف بنت جذي ...انتي كلش ما تستحين
امامه:هههههههه ليش استحي هذا شي بالواقع
حلا بجديه:تتوقعين عمي بيوافق ؟
امامه اختفت ابتسامتها:لا تخوفيني حلووي
حلا تطمنها:أن شاء الله بيرضى ..طلال ومشعل معاج لا تحاتين


رجع جاسم بعد صلاة العشى وتمو كلهم بالصاله يسولفون ...وبعدها استأذنو حلا وطلال وراحو لبيتهم وامامه صعدت لغرفتها...تمو جاسم ونوال بالصاله لوحدهم..

نوال :اقول بو طلال
جاسم :خير
نوال:اليوم اتصلو ناس يخطبون بنتك
جاسم مستغرب :مين امامه؟!
نوال:واحنا عندنا غيرها
جاسم:مين هذول؟
نوال بتردد:اهل فيصل صاحب مشعل وطلال
جاسم يرفع حاجب:فيصل!!! هذا مو من قبيلتنا حضري
نوال تبلع ريجها:بس طلال ومشعل يمدحون بأخلاقه وانا جلست ويا اهله ناس طيبين
جاسم باستهزاء:اجل خلاص ليه تاخذين رايي زوجي بنتك بكيفك
نوال :جاسم ماله داعي الاستهزاء
جاسم يوقف وبعصبيه:قولي لهم ما عندنا بنات للزواج

وتركها وصعد غرفته ينام....نوال ما عرفت شتقول بس قالت ترد تفاتحه بالموضوع مره ثانيه قبل لا ترد لامامه ونهى خبر..



*************************


قعد فيصل من النوم غسل وصلى وغير ملابسه ...وكعادته ينزل يصبح على امه
لقاها جالسه بالصاله تزهب الفطور....

فيصل يبوس راسها:صباح الخير
نهى بابتسامه حنونه:صباح النور
فيصل:يمه وين خواتي ما اشوف احد؟
نهى تقعد على الكرسي:انفال اختك بدوام كالعاده ..وفجر اختك بغرفتها
فيصل مو عاجبه حال اخته:يمه فجوره شفيها؟
نهى بخوف:والله يا فيصل عيزت منها..مو راضيه تقول وانا خايفه يكون صار فيها شي لاني يوم شفتها بس ترجف
فيصل :وليش ما قلتي لي؟
نهى:ما حبيت اضيق خلقك وانت فرحان
فيصل :يمه الله يهيدج هذي فجوره ولا نسيتي

يروح لفجر الغرفه ويطق الباب بس محد يفتح....
طلب من الخادمه تجيب المفتاح الثاني ...بس فجر حاطه المفتاح ما يقدر يفتح الباب
تم يطق الباب ويناديها بصوت عالي بس ما في أي رد...

فيصل :يمه ..يمه

تجي نهى بسرعه:خير يمه شفيك تصارخ؟؟؟
فيصل بخوف:يمه فجوره ما ترد اخاف صار فيها شي
نهى:يا حسرتي على بنتي اكسر الباب

فيصل يحاول يدفع بأكبر قوه له يرجع خطوات ويدفعه لين انفتح معه...الغرفه كانت ظلمه وما يبان أي شي ...فتح الليت وعيونه تدور على اخته لقاها مرميه عالسرير بدون غطى راح صوبها اهو ونهى وتمو يهزونها وينادون عليها....


نهى تبجي:يمه فجوره حبيبتي شفيج..فجر
فيصل يضربها عالخفيف:فجر ..فجوره قومي

بس ما في أي رد...قاس نبضها لقاه خفيف حيل...

فيصل يشيلها:يمه انا بوديها المستشفى
نهى:انطرني اييب عباتي وايي معاك
فيصل:بسرعه يمه انطرج بالسياره



بيت طلال

طلال زعلان:انزين يا حلوي انا تقفلين عني الباب
حلا من ورا الباب:طلال أن فتحته ادري فيك ماراح تخلص...ولازم تروح الشغل
طلال:انتي شعليج شركتي وكيفي
حلا تضحك من دون صوت:ماراح افتح طلال ..لاني ابي اللبس واروح لميمي
طلال يضرب الباب برجله:اللحين اموم هذي البطه صارت اهم مني
حلا:ههههههههه لا مو اهم منك بس ادري فيك ماراح اقدر اللبس وانت معاي
طلال يسوي نفسه بيمشي:انزين يا حلا ..خلي ميمي تنفعج انا بروح الشركه احسن لي منج
حلا :اوكي حبيبي اشوفك على الغدا
طلال بقهر:ماراح اجي عالغدا
حلا:ههههههه اوكي على العشى
طلال بينفجر:ماراح ارد البيت كلش
حلا:ههه اوكي اشوفك بيت عمي اجل
طلال:حلووووووه سكتي ما ابي اشوفج ..باي

تمت حلا ورا الباب لين سمعت صوت باب البيت الخارجي تسكر اكيد طلال طلع....راحت اخذت لها شور ولبست بنطلون جينز وبلوزه بيضه علاق ..وقعدت قبال التواليت سرحت شعرها وخلته مفلول لي نص ظهرها ...وحطت لها شدو بدرجات البني وبودر بني خفيف ...وزهبت لها جاكيت بني وشيله بيضه وحطتها عالسرير لين تفطر وترجع تلبسهم....

افتحت باب غرفتها رايحه المطبخ....واقفه جدام الثلاجه تشوف شنو في شي تاكله....فجأأه

حلا بخرعه:واااااااااااااااااااااااي
طلال وراها مسكها من خصرها:ما تفتحين لي الباب ها
حلا :طلال حرااام عليك خرعتني
طلال وللحين ماسكها وبدلع:اللحين عادي عندج ما تشوفيني لا على الغدا ولا على العشى
حلا تلف عليه:لانك حتو لو ما كنت معي بنفس المكان ..تبقى دوم معي بقلبي
طلال خق من كلامها:حلوووي يوزي عني
حلا بدلع تلعب بزرار دشداشته:حبيبي روح لا تتأخر على الشركه
طلال يقرب لاذنها ويساسرها:تبيني اروح
حلا تبتعد :مو بيدي ..لازم تروح تساعد عمي
طلال يرد يقرب:بس انا ابي اتم وياج
حلا :طلال حبيبي انا وين بروح..اذا رجعت أن شاء الله من الدوام لك الي تبيه
طلال بابتسامه :وعد؟
حلا :وعد
طلال يبوسها على خدها:اوكي حبيبتي انا ماشي اللحين تبغين شي؟
حلا بحيا:سلامتك
طلال:هههههههه لي متى بتستحين مني
حلا: بس عاد طلااااااال
طلال :هههههه اشوفج على الغدا حبيبتي ...مع السلامه
حلا ترسله بوسه بالهوا:مع السلامه
طلال رد لها بسرعه:انتي الي حكمتي على نفسج من هالحركه
حلا تعض على شفايفها:يااااا ربييييي




بيت جاسم

نوال وجاسم يفطرون....

نوال:جاسم شقلت على الريال المتقدم لامامه؟
جاسم:الموضوع انتهى وقلت مو موافق
نوال:ليه؟
جاسم:ما يناسبها
نوال:كيف؟
جاسم مل:تحقيق اهو؟
نوال:لازم اعرف ليه رافض..لاني بصراحه ما اشوف فيه عيب
جاسم :اولا اهو مو من قبيلتنا
نوال تقاطعها:هالموضوع قديم واتوقع انتهينا منه
جاسم يكمل:وثانيا الي اعرفه انه يدرس كيف بيصرف عليها
نوال تقاطعه:اهو بيخطبها والزواج بعد ما يشتغل
جاسم يعطيها نظرة غرور ويكمل:وثالثا ابوه اسير وامه مو كويتيه
نوال أول مره تعرف هالمعلومه عن نهى:كيف!!!
جاسم:انا اعرف ابوه الله يرحمه ما انكر انه كان ريال ونعم به...بس حرمته اصلها عراقي بس متربيه بالكويت بس ما عندها الجنسيه الكويتيه....
نوال مستغربه:واذا ؟!
جاسم بعصبيه:كيف تبغين ازوج بنتي لعايله كذا؟
نوال:واذا امه عراقيه ايش صار يعني قبل الغزو كثير من الكويتين تزوجو عراقيات...وبعدين انا هم مو كويتية الاصل سعوديه..
جاسم:مو عن كذا؟! هذا سبب من الاسباب
نوال:اجل فيه زود؟
جاسم: ابوه الله يرحمه كان على قد الحال يعني امامه بتكون اعلى منه كمستوى معيشه
نوال :مو عذر هذا يا جاسم ..كا انا ابويه اغنى منك وعايشه معك والحمدالله
جاسم:حنا غير عيال عم..بس هو غريب
نوال:انا ما اشوف اسبابك مقنعه ..فكر به كرجال اخلاق وسمعه وطيبه ..المال والاصل يجون بالاخير
جاسم ما عجبه الكلام يوقف:الحمدالله ...انا ماشي الشركه
نوال:ما خلصنا من الموضوع
جاسم يمسك جنطة الشغل بيده :بالنسبه لي انتهى لا تحاولين


**************

بريطانيا

بعد ما خلص اوراقه وكل شي...نزل يتمشى بشوارع لندن ويتذكر ذكرياته الحلوه مع حور...

مر صوب مطعم لبناني ..وقف جدامه وتم يتذكر ودموعه تنزل مثل المطر


كان يومها مشعل عازم حور على العشى بمناسبة انتهاء عام الدراسي الاول لهم

كانو يتمشون ويدهم بيد بعض

(( مشعل:وين تبغين نتعشى؟
حور:اممم تصدق مشعل مشتهيه اكل لبناني
مشعل يلتفت حوله:في واحد قريب اهني

يوم وصلو المطعم لقو طفل صغير يبجي بره ..قربت منه حور ونزلت لي مستواه واهي تكلمه بالانجليزي

حور:what is your name?
فاجأها الطفل ورد بالعربي:محمد..اتكلم العربيه
مشعل يتقرب منهم:لماذا تبكي؟
محمد:لا ادري اين ذهب ابي؟
حور:من اين انت؟
محمد:من سوريا
مشعل:لا تخف سوف نجده ..الا تعلم اين منزلك؟
محمد:لا اذكر الطريق ..فجأت الى هنا لان ابي يعمل في هذا المطعم
حور تبتسم له بحنان:لا تخف سوف يأتي
مشعل يوقفه بيده :هيا ندخل المطعم الجو بارد

بعد مرور ربع ساعه ..جيه ابو محمد واخذه وتشكر من حور ومشعل

حور:تصدق مشعل حبيته
مشعل يبتسم لها:وانا بعد
حور:وايد احب اليهال ..كنت اتمنى اكون مدرسة روضه لكن زوجة ابوي دزتني بريطانيا عشان ادرس اهني
مشعل بحنان :ان شاء الله تكونين مدرسه لعيالج
حور بحيا:ان شاء الله
مشعل يمسك يدها:ترا انا ما احب الصبيان ابي 4 بنات ويكونون مثلج حلوين
حور:ههه وليش 4كافي وحده
مشعل:عشان اسميهم حوره وحوراء وحوريه و حور
حور:ههههههههههههههههههههههههه
مشعل يتأمل ضحكتها:الله لا يحرمني من ضحكتج..قولي آمين
حور بتفاؤل:آمين ولا يحرمني منك


حط يده على ويهه يمنع الدموع من التساقط....

((خلااااااااص لازم انسااها ليه متى بتم افكر فيها....لا حور ولا حوره ولا حتى ياهل اقدر اييب خلاااااص...رحميني يا حور رحميني...))



الكويت

المستشفى

الدكتور :منو فيكم ولي امرها؟
فيصل خايف:انا فيصل اخوها..طمني دكتور فجر شفيها؟
الدكتور :تفضل معاي المكتب وانا اقولك
نهى تبجي:بيي معاك فيصل
فيصل يهديها:يمه حبيبتي اهدي شوي ..ما فيها شي نطريني اهني اعرف شفيها وارجع لج




********************


جاسم بيتم على قراره ؟؟!!
فجر شفيها؟!!
ردت فعل امامه اذا عرفت راي ابوها ؟؟!
حور وجاسم بيلتقون ببريطانيا؟؟!!


الجزء الثاني عشر



يعطي نوال السماعه ويطلع رايح يصلي المغرب بالمسيد...

نوال:الو
نهى ترحب:هلا والله بأم طلال شلونج؟
نوال الي عرفتها:هلا بك زود..انا بخير انتي طمنيني عن حالك؟
نهى :الحمدالله
نوال:وفيصل والبنات كيف حالهم؟
نهى:الحمدالله بخير وانفال تسلم عليج
نوال:الله يسلمها ويخليها
نهى حبت تدخل بالموضوع:والله يا ام طلال حبيت اكلمج بموضوع
نوال:تفضلي يا نهى
نهى:دام فضلج ..مثل ما تعرفين العيال كبرو يا نوال ..و الصراحه ولدي فيصل ما بغى له غير صيفي ويتخرج أن شاء الله وانا حبيت ادور له بنت الحلال من اللحين
نوال وكأنها فهمت الموضوع:كلامك صحيح
نهى:وما بنلقى احسن من امامه لولدي فيصل
نوال:هذي الساعه المباركه يا نهى بس تعرفين الشور مو شوري ..شور البنت وابوها
نهى بتفهم:عارفه بهالشي..انا قلت اخبرك واذا أن شاء الله فيه نصيب نجيكم بالبيت نخطبها رسمي..بس قلت قبل تشاورين الابو والبنت
نوال:أن شاء الله انا اشاورهم وارد لج خبر يا نهى ..والله يكتب الي فيه الخير
نهى:ما بنلقى احسن منكم ..ومثل ما قلتي الله يكتب الي فيه الخير واذا له نصيب فيها بياخذها واذا ما صار نصيب لا سمح الله نبقى اهل يا ام طلال
نوال فرحت من كلامها:والله كلامك يا ام فيصل يعلقنا بكم زود ..وان شاء الله ما يصير إلا الخير
نهى:اخذو راحتكم يا نوال ..وخل البنت تفكر على راحتها وردو لنا خبر
نوال:أن شاء الله
نهى:اخليج اللحين يا ام طلال...
نوال:حياك الله
نهى:مع السلامه
نوال:مع السلامه




بغرفة امامه

حلا معصبه:كل هذا صار ولا تقولين !!
امامه:شسوي فيج بشهر عسل اخرب عليج يعني
حلا :وانتي على أي اساس حكمتي انها حبيبته؟؟
امامه تضحك على غبائها:لانها نادته حبيبي
حلا تكفخها بالمخده:حلفي انتي بس ..بغيتي تهدمين حياتج على كلمه
امامه:شسوي اغار عليه من أي احد
حلا:يعني لو انفال ما كانت جايه معاكم المطار جان ما سامحتي لي يومك هذا
امامه :بس خلاص حلوي قلت لج تسامحنا
حلا:لازم تتعلمين ميمي ما تحكمين بسرعه..يعني كيف تقولين له خلاص انتهينا ..انتي عارفه شنو معنى كلمة انتهينا؟؟
امامه:خلااااااص حلوي قلت لج تصالحنا
حلا:بس اخذيه درس بحياتج ولا تحكمين بسرعه انا مو خابرتج جذي
امامه:شسوي حبي له خلاني اشك بالناس كلها
حلا تبتسم لها:انزين واهو عرف هالشي
امامه:مينونه اقوله بيذبحني ...بس اكيد انفال قالت له
حلا:هههههههه يعني تعترفين السبب غبي
امامه بندم:أيه اعترف

تدخل نوال الغرفه....

نوال:تاركيني تحت لحالي..وجالسين هنا تسولفون
حلا بحيا:ظنيت طلال معاج
نوال تجلس على الكرسي:لا راح يصلي بالمسجد
امامه:أي من تزوج حلا واهو صلاته كله بالمسيد
نوال بفرح:الحمد الله الله يثبته
حلا :احسن له من صلاة البيت يكسب اجر اكثر
نوال:الله يثبتك بعقلك يا بنيتي
امامه بغيره:وانتي كله ماخذه المدح حقج
حلا :هههههههههه موتي من الحرا
نوال بجديه:امامه.. ام فيصل توها متصله

امامه الي كانت ماسكه كوب بيدها طاح بالارض من الخرعه

نوال بخوف:سم الله عليك...مالك كذا اخترعتي؟
امامه:لا يمه ولا شي
حلا بتموت من الضحك عليها بس ماسكه نفسها:اهي نفسها ام فيصل الي دعمته ميمي (تغمز لميمي)
نوال:ايوه هي نفسها
امامه بخوف:شبغت يمه؟
نوال تبتسم لها:تبغاج لولدها
امامه بصدمه:من فيصل!!!!
نوال:واهي عندها غيره
حلا:والله يا خالتي طلال دوم يمدحه لي ..واهو الي جابنا من المطار ريال ما عليه كلام
نوال تبتسم لها:ومشعل بعد دوم يمدحه ويمدح اهله..وانا جلست معهم مقعدهم طيب ما ينمل
امامه:بس يمه انا مابي اتزوج اللحين
نوال:انا للحين ما كلمت ابوك بالموضوع
حلا بخوف:في احتمال عمي يرفض؟
نوال:والله يا بنتي عمك كم سنه انا عايشه معه للحين ما اعرف طبعه
امامه متردده :يمه انا ..
نوال :انتي ايش؟
امامه:لا خلاص
حلا فهمتها:يا خالتي دام الريال طيب واهلها زينين لا تردونه ...ما بيتعوض انتي شاوري عمي وان شاء الله خير

يدخل طلال ويجلس جنب حلا عالسرير ويقربها منه.....

حلا تساسره:طلال بليييييز مو جدام امك
طلال بصوت عالي:كيييييييييفي مرتي وحلاااااااالي يااااااا نااااس

حلا غطت ويها بيدها ...وامامه تمت تضحك عليهم ..ونوال سحبت ولدها

نوال ماسكه يده:احرجت البنت
طلال :هههههه شسوي يمه فيها طالعيها شلون متكشخه ولابسه ومتزينه انا مالي ذنب
نوال تضربه عالخفيف:حسبي الله عليك من ولد ...الله يعينج عليه يا حلا

طلعت نوال وطلال..وامامه للحين تضحك

حلا شوي وتبجي:وربي بايخ ..مليون مره قلت له لا تحرجني جدام احد
امامه:هههههههههههه اخوي رومانسي وانا ما ادري
حلا :هذا ولا شي ميمي واحنا بفرنسا ذبحني ..قمت ما اطلع من الفندق والسبب حركاته
امامه:هههه علميني وراي زواج
حلا:انا أول مره اشوف بنت جذي ...انتي كلش ما تستحين
امامه:هههههههه ليش استحي هذا شي بالواقع
حلا بجديه:تتوقعين عمي بيوافق ؟
امامه اختفت ابتسامتها:لا تخوفيني حلووي
حلا تطمنها:أن شاء الله بيرضى ..طلال ومشعل معاج لا تحاتين


رجع جاسم بعد صلاة العشى وتمو كلهم بالصاله يسولفون ...وبعدها استأذنو حلا وطلال وراحو لبيتهم وامامه صعدت لغرفتها...تمو جاسم ونوال بالصاله لوحدهم..

نوال :اقول بو طلال
جاسم :خير
نوال:اليوم اتصلو ناس يخطبون بنتك
جاسم مستغرب :مين امامه؟!
نوال:واحنا عندنا غيرها
جاسم:مين هذول؟
نوال بتردد:اهل فيصل صاحب مشعل وطلال
جاسم يرفع حاجب:فيصل!!! هذا مو من قبيلتنا حضري
نوال تبلع ريجها:بس طلال ومشعل يمدحون بأخلاقه وانا جلست ويا اهله ناس طيبين
جاسم باستهزاء:اجل خلاص ليه تاخذين رايي زوجي بنتك بكيفك
نوال :جاسم ماله داعي الاستهزاء
جاسم يوقف وبعصبيه:قولي لهم ما عندنا بنات للزواج

وتركها وصعد غرفته ينام....نوال ما عرفت شتقول بس قالت ترد تفاتحه بالموضوع مره ثانيه قبل لا ترد لامامه ونهى خبر..



*************************


قعد فيصل من النوم غسل وصلى وغير ملابسه ...وكعادته ينزل يصبح على امه
لقاها جالسه بالصاله تزهب الفطور....

فيصل يبوس راسها:صباح الخير
نهى بابتسامه حنونه:صباح النور
فيصل:يمه وين خواتي ما اشوف احد؟
نهى تقعد على الكرسي:انفال اختك بدوام كالعاده ..وفجر اختك بغرفتها
فيصل مو عاجبه حال اخته:يمه فجوره شفيها؟
نهى بخوف:والله يا فيصل عيزت منها..مو راضيه تقول وانا خايفه يكون صار فيها شي لاني يوم شفتها بس ترجف
فيصل :وليش ما قلتي لي؟
نهى:ما حبيت اضيق خلقك وانت فرحان
فيصل :يمه الله يهيدج هذي فجوره ولا نسيتي

يروح لفجر الغرفه ويطق الباب بس محد يفتح....
طلب من الخادمه تجيب المفتاح الثاني ...بس فجر حاطه المفتاح ما يقدر يفتح الباب
تم يطق الباب ويناديها بصوت عالي بس ما في أي رد...

فيصل :يمه ..يمه

تجي نهى بسرعه:خير يمه شفيك تصارخ؟؟؟
فيصل بخوف:يمه فجوره ما ترد اخاف صار فيها شي
نهى:يا حسرتي على بنتي اكسر الباب

فيصل يحاول يدفع بأكبر قوه له يرجع خطوات ويدفعه لين انفتح معه...الغرفه كانت ظلمه وما يبان أي شي ...فتح الليت وعيونه تدور على اخته لقاها مرميه عالسرير بدون غطى راح صوبها اهو ونهى وتمو يهزونها وينادون عليها....


نهى تبجي:يمه فجوره حبيبتي شفيج..فجر
فيصل يضربها عالخفيف:فجر ..فجوره قومي

بس ما في أي رد...قاس نبضها لقاه خفيف حيل...

فيصل يشيلها:يمه انا بوديها المستشفى
نهى:انطرني اييب عباتي وايي معاك
فيصل:بسرعه يمه انطرج بالسياره



بيت طلال

طلال زعلان:انزين يا حلوي انا تقفلين عني الباب
حلا من ورا الباب:طلال أن فتحته ادري فيك ماراح تخلص...ولازم تروح الشغل
طلال:انتي شعليج شركتي وكيفي
حلا تضحك من دون صوت:ماراح افتح طلال ..لاني ابي اللبس واروح لميمي
طلال يضرب الباب برجله:اللحين اموم هذي البطه صارت اهم مني
حلا:ههههههههه لا مو اهم منك بس ادري فيك ماراح اقدر اللبس وانت معاي
طلال يسوي نفسه بيمشي:انزين يا حلا ..خلي ميمي تنفعج انا بروح الشركه احسن لي منج
حلا :اوكي حبيبي اشوفك على الغدا
طلال بقهر:ماراح اجي عالغدا
حلا:ههههههه اوكي على العشى
طلال بينفجر:ماراح ارد البيت كلش
حلا:ههه اوكي اشوفك بيت عمي اجل
طلال:حلووووووه سكتي ما ابي اشوفج ..باي

تمت حلا ورا الباب لين سمعت صوت باب البيت الخارجي تسكر اكيد طلال طلع....راحت اخذت لها شور ولبست بنطلون جينز وبلوزه بيضه علاق ..وقعدت قبال التواليت سرحت شعرها وخلته مفلول لي نص ظهرها ...وحطت لها شدو بدرجات البني وبودر بني خفيف ...وزهبت لها جاكيت بني وشيله بيضه وحطتها عالسرير لين تفطر وترجع تلبسهم....

افتحت باب غرفتها رايحه المطبخ....واقفه جدام الثلاجه تشوف شنو في شي تاكله....فجأأه

حلا بخرعه:واااااااااااااااااااااااي
طلال وراها مسكها من خصرها:ما تفتحين لي الباب ها
حلا :طلال حرااام عليك خرعتني
طلال وللحين ماسكها وبدلع:اللحين عادي عندج ما تشوفيني لا على الغدا ولا على العشى
حلا تلف عليه:لانك حتو لو ما كنت معي بنفس المكان ..تبقى دوم معي بقلبي
طلال خق من كلامها:حلوووي يوزي عني
حلا بدلع تلعب بزرار دشداشته:حبيبي روح لا تتأخر على الشركه
طلال يقرب لاذنها ويساسرها:تبيني اروح
حلا تبتعد :مو بيدي ..لازم تروح تساعد عمي
طلال يرد يقرب:بس انا ابي اتم وياج
حلا :طلال حبيبي انا وين بروح..اذا رجعت أن شاء الله من الدوام لك الي تبيه
طلال بابتسامه :وعد؟
حلا :وعد
طلال يبوسها على خدها:اوكي حبيبتي انا ماشي اللحين تبغين شي؟
حلا بحيا:سلامتك
طلال:هههههههه لي متى بتستحين مني
حلا: بس عاد طلااااااال
طلال :هههههه اشوفج على الغدا حبيبتي ...مع السلامه
حلا ترسله بوسه بالهوا:مع السلامه
طلال رد لها بسرعه:انتي الي حكمتي على نفسج من هالحركه
حلا تعض على شفايفها:يااااا ربييييي




بيت جاسم

نوال وجاسم يفطرون....

نوال:جاسم شقلت على الريال المتقدم لامامه؟
جاسم:الموضوع انتهى وقلت مو موافق
نوال:ليه؟
جاسم:ما يناسبها
نوال:كيف؟
جاسم مل:تحقيق اهو؟
نوال:لازم اعرف ليه رافض..لاني بصراحه ما اشوف فيه عيب
جاسم :اولا اهو مو من قبيلتنا
نوال تقاطعها:هالموضوع قديم واتوقع انتهينا منه
جاسم يكمل:وثانيا الي اعرفه انه يدرس كيف بيصرف عليها
نوال تقاطعه:اهو بيخطبها والزواج بعد ما يشتغل
جاسم يعطيها نظرة غرور ويكمل:وثالثا ابوه اسير وامه مو كويتيه
نوال أول مره تعرف هالمعلومه عن نهى:كيف!!!
جاسم:انا اعرف ابوه الله يرحمه ما انكر انه كان ريال ونعم به...بس حرمته اصلها عراقي بس متربيه بالكويت بس ما عندها الجنسيه الكويتيه....
نوال مستغربه:واذا ؟!
جاسم بعصبيه:كيف تبغين ازوج بنتي لعايله كذا؟
نوال:واذا امه عراقيه ايش صار يعني قبل الغزو كثير من الكويتين تزوجو عراقيات...وبعدين انا هم مو كويتية الاصل سعوديه..
جاسم:مو عن كذا؟! هذا سبب من الاسباب
نوال:اجل فيه زود؟
جاسم: ابوه الله يرحمه كان على قد الحال يعني امامه بتكون اعلى منه كمستوى معيشه
نوال :مو عذر هذا يا جاسم ..كا انا ابويه اغنى منك وعايشه معك والحمدالله
جاسم:حنا غير عيال عم..بس هو غريب
نوال:انا ما اشوف اسبابك مقنعه ..فكر به كرجال اخلاق وسمعه وطيبه ..المال والاصل يجون بالاخير
جاسم ما عجبه الكلام يوقف:الحمدالله ...انا ماشي الشركه
نوال:ما خلصنا من الموضوع
جاسم يمسك جنطة الشغل بيده :بالنسبه لي انتهى لا تحاولين


**************

بريطانيا

بعد ما خلص اوراقه وكل شي...نزل يتمشى بشوارع لندن ويتذكر ذكرياته الحلوه مع حور...

مر صوب مطعم لبناني ..وقف جدامه وتم يتذكر ودموعه تنزل مثل المطر


كان يومها مشعل عازم حور على العشى بمناسبة انتهاء عام الدراسي الاول لهم

كانو يتمشون ويدهم بيد بعض

(( مشعل:وين تبغين نتعشى؟
حور:اممم تصدق مشعل مشتهيه اكل لبناني
مشعل يلتفت حوله:في واحد قريب اهني

يوم وصلو المطعم لقو طفل صغير يبجي بره ..قربت منه حور ونزلت لي مستواه واهي تكلمه بالانجليزي

حور:what is your name?
فاجأها الطفل ورد بالعربي:محمد..اتكلم العربيه
مشعل يتقرب منهم:لماذا تبكي؟
محمد:لا ادري اين ذهب ابي؟
حور:من اين انت؟
محمد:من سوريا
مشعل:لا تخف سوف نجده ..الا تعلم اين منزلك؟
محمد:لا اذكر الطريق ..فجأت الى هنا لان ابي يعمل في هذا المطعم
حور تبتسم له بحنان:لا تخف سوف يأتي
مشعل يوقفه بيده :هيا ندخل المطعم الجو بارد

بعد مرور ربع ساعه ..جيه ابو محمد واخذه وتشكر من حور ومشعل

حور:تصدق مشعل حبيته
مشعل يبتسم لها:وانا بعد
حور:وايد احب اليهال ..كنت اتمنى اكون مدرسة روضه لكن زوجة ابوي دزتني بريطانيا عشان ادرس اهني
مشعل بحنان :ان شاء الله تكونين مدرسه لعيالج
حور بحيا:ان شاء الله
مشعل يمسك يدها:ترا انا ما احب الصبيان ابي 4 بنات ويكونون مثلج حلوين
حور:ههه وليش 4كافي وحده
مشعل:عشان اسميهم حوره وحوراء وحوريه و حور
حور:ههههههههههههههههههههههههه
مشعل يتأمل ضحكتها:الله لا يحرمني من ضحكتج..قولي آمين
حور بتفاؤل:آمين ولا يحرمني منك


حط يده على ويهه يمنع الدموع من التساقط....

((خلااااااااص لازم انسااها ليه متى بتم افكر فيها....لا حور ولا حوره ولا حتى ياهل اقدر اييب خلاااااص...رحميني يا حور رحميني...))



الكويت

المستشفى

الدكتور :منو فيكم ولي امرها؟
فيصل خايف:انا فيصل اخوها..طمني دكتور فجر شفيها؟
الدكتور :تفضل معاي المكتب وانا اقولك
نهى تبجي:بيي معاك فيصل
فيصل يهديها:يمه حبيبتي اهدي شوي ..ما فيها شي نطريني اهني اعرف شفيها وارجع لج




********************


جاسم بيتم على قراره ؟؟!!
فجر شفيها؟!!
ردت فعل امامه اذا عرفت راي ابوها ؟؟!
حور وجاسم بيلتقون ببريطانيا؟؟!!

 
 

 

عرض البوم صور عذاري   رد مع اقتباس
قديم 28-01-09, 10:28 PM   المشاركة رقم: 22
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الثالث عشر





الكويت
المستشفى

الدكتور :منو فيكم ولي امرها؟
فيصل خايف:انا فيصل اخوها..طمني دكتور فجر شفيها؟
الدكتور :تفضل معاي المكتب وانا اقولك
نهى تبجي:بيي معاك فيصل
فيصل يهديها:يمه حبيبتي اهدي شوي ..ما فيها شي نطريني اهني اعرف شفيها وارجع لج


غرفة الدكتور

فيصل:طمني دكتور اختي شفيها؟
الدكتور :الي في فجر اختك نفسي اكثر من اهو جسدي
فيصل مو فاهم:شلون؟
الدكتور:اسمعني يا ولدي ..فجر متعرضه لانهيار عصبي شديد ومع قلة الاكل والماي صار عندها ضعف وفقدت الوعي ...بس انا لاحظت شي
فيصل:شنو؟
الدكتور:واحنا نعالجها كانت هاديه ..بس يوم فتحت عينها وشافتني جدامها حاولت انها تنحاش من الغرفه وردة فعلها مو طبيعيه
فيصل:شلون مو طبيعيه دكتور؟
الدكتور يفهمه اكثر:باختصار يا فيصل..اختك عندها حاله نفسيه صعبه ..تخاف من قرب الريال منها والدليل يوم اني طلعت من الغرفه وتمت معاها السيستر هدت ويوم رجعت مره ثانيه بدت تصارخ وتحاول تنحاش
فيصل مستغرب:بس دكتور اهي كانت تعاني من الانطوائيه وانعزال ..بس ما كانت تخاف من قرب ريال منها
الدكتور بتفكير عميق:الموضوع هذا مو تخصصي ..انا انصحك تعرض حالتها على استشاري نفسي...
فيصل ما عجبه الكلام:بس اختي مو مينونه؟
الدكتور: ليش اذا قلنا لكم روحو لدكتور نفسي يكون هذا ردكم ..هم دكاتره حالهم حالنا..مو حق الميانين بس
فيصل:يعني مالها علاج الا عند طبيب نفسي؟َ!
الدكتور:كل الي علي اني عطيتها ابره مهدئه.. الا هي تعرضت لمحاولة اغتصاب او اختطاف او شي جذي؟
فيصل منصدم:اغتصااب!!!
الدكتور يهديه:الحاله الا فيها اختك غالبا تكون قد تعرضت لموقف يكون فيه تقرب جسدي من دون موافقه
فيصل عصب من كلامه:دكتور لو سمحت ما اسمح لك..انا بوديها لمستشفى ثاني
الدكتور بغرور:والله يا اخ فيصل..انا سويت الي علي وبيقولون لك نفس كلامي
فيصل يوقف بكل عصبيه:شكرا .

طلع من غرفة الدكتور وباله مشغول على فجر ((معقوله فجر تعرضت لمحاولة اغتصاب او اختطاف!!! وانا وين كنت !!))

قطعت عليه نهى كلامه

نهى ودموعها الي ما وقفت :شفيها اختك يا فيصل؟؟
فيصل مو عارف شيقول لها اذا كلام الدكتور صح ولا لأ:ما فيها شي يمه بس قلة اكل وماي فطاحت غشيانه
نهى:الحمدالله لك يا رب...نقدر نشوفها
فيصل:أي يمه وبناخذها بعد معانا


************************


بعد مرور اسبوع فجر ما نطقت بولا كلمه ...وقليل ما تاكل حاول معها فيصل كثير بس ما في فايده ..وهالشي اكد له كلام الدكتور لان الصدمه باين انها قويه عليها....

موضوع فجر شغل نهى عن خطبتها لامامه ..وفيصل تفكيره كله ويا فجر...

اما نوال خبرت طلال عن رد ابوه واهو قالها تخلي الموضوع عليه واهو يقنعه....وانها ما تقول لامامه شي عشان ما تزعل

حلا وطلال عايشين احلى ايامهم ..وعلاقة حمد بشذى تطورت وايد ...وغنيمه واحمد رجعو من السفر عشان دوام الصيفي بعد بكرا....







بيت جاسم ((غرفة امامه ))

كانت جالسه بدارها تكلم غنيمه الي صارلها يوم من رجعت من السفر...

غنيمه:مبرووووووك حبيبتي واخير
امامه:ههههههه الله يبارك فيج
غنيمه بعتب :ليش ما دقيتي علي وانا هناك وقلتي لي؟
امامه:فشله غنوم وياج ريلج ما حبيت اضايقكم
غنيمه:بالعكس هالخبر يفرحني ليش يضايقنا
امامه:مادري والله..المهم ابيج تكون وياي يوم الخطبه
غنيمه:اموم حلا وانفال وياج انا ليش ايي؟
امامه عصبت:لا والله شنو ليش تجين..
غنيمه:ماله داعي ...اييلج بملجتج ان شاء الله
امامه:شوفي غنموو لا تخليني اجي بيتج اللحين واعلمج كيف ماراح تجين
غنيمه:ههههههههه لي هالدرجه ما تقدرين تستغنين عني
امامه:اقول جب بس وبلا غرور زايد ..
غنيمه:هههه انزين بحاول ايي ان شاء الله
امامه :قصب عنج اصلا مو طيب منج..ما تقدرين ترفضين لي طلب
غنيمه:ههههه مشكله الثقه الزايده
امامه بغرور:اكيد بكون واثقه من نفسي ..
غنيمه:هههههههه..اقول اموم
امامه :هلا
غنيمه:احمد يناديني ..ادق عليج بعد شوي
امامه:وليييه ما شبع منج طول ما انتو مسافرين
غنيمه:يحق له يوله علي كل ثانيه
امامه:ههههههه اقول اموت على الثقه انا روحي عند ريلج احسن لج
غنيمه:هههه اوكي سي يو باي
امامه:باي





اكيد تتساءلون عن حور ومشعل ...حور المفروض تكون واصله لندن من اسبوع بس حصه اخرت سفرتها لانها كانت تبغى تسافر لدبي تحضر معرض وخلت حور تجلس مع عيالها بالبيت...ويوم رجعت حور سافرت لبريطانيا واليوم اول يوم لها هناك .....

الموقف يعيد نفسه ما قدرت تمسك دموعها ...ذكرياتها ويا مشعل ما تخليها تتحكم بنفسها...

وصلت شقتها نفس كل مره .. بالعماره الي قبال عمارة مشعل....حطت الجناط بالشقه ونزلت تتمشى بشوارع لندن ..وتشتري لها اشياء من السوبر ماركت...

ريولها مهي قادره تشيلها ...السوبر ماركت مشعل مدليها اياه ..وايد راحو له يميع شرو منه ....ما قدرت تدخل رجعت خطوه للخلف وسحبت نفسها ليه شقتها ..رمت نفسها عالسرير

((اهو الحين مع مرته وعياله فرحان وانا اهني ابجي....اكيد نساني كله من طلال اهو السبب بلي صار ...الله لا يوفقك يا طلال ..)) و تمت تبكي لما نامت ...





**************


بيت طلال

طلال قاعد مع حلا يتابعون فيلم اجنبي ....دق موبايل طلال واهم في قمة الاندماج


طلال بنرفزه:اكره شي عندي اذا احد دق علي وانا مندمج
حلا:ههههههههههه انزين شوف منو
طلال يطلع جواله من مخباته ويقرا اسم المتصل :اووه مشعل
حلا :رد عليه بسرعه

طلال:هلا والله
مشعل:هلا فيك ..وينك يالقاطع حلا نستك خالك
طلال يشوف حلا:بتينني يا خالي الحق علي
مشعل:هههههه انت ما تيوز عن سوالفك دوم تحرجها
طلال:شسوي يا خالي العزيز طبع فيني والناس يحسدوني عليه
مشعل:ههههه طمني عن اخبارك ..وشلون الاهل؟
طلال:الحمدالله كلنا تمام..(وبصوت حزين)انت شلونك؟
مشعل ينفخ:آآه ربك الوحيد العالم بحالي..ماني قادر طلول بكل مكان اهي معاي
طلال :خلاص يا مشعل ما يجوز تفكر فيها اهي بذمة ريال اللحين
مشعل بقهر:مو هذا الي قاهرني ...
طلال يشوف حلا ويبتسم :الله بيعوضك ان شاء الله الاحسن منها ..مثل ما رزقني باحلى بنت بالعالم
مشعل:هههههه والله انت مال تكفخ..اللحين انا اشكيلك وانت تتغزل بحلا
طلال:كيفي مرتي واتغزل فيها انت شحارك
مشعل:الشرها مو عليك اشرها علي انا الي داق اسال عنك صج مو كفو
طلال:ههههه..انزين بديت تسوي بحثك
مشعل:باجر ببدي ان شاء الله فيه
طلال:الله يوفقك
مشعل:حلا يمك
طلال :أي..ليش؟
مشعل:بكلمها ولا ممنوع
طلال بغيره:لا مو ممنوع بس لا طول وياها
مشعل:ههههههههههه تغار من خالك ..عطني ياها بسرعه لا يخلص الكرت

حلا:اهلين مشعل
مشعل:هلا والله حلا شلونج شخبارج؟
حلا:تمام انت شلونك بالغربه؟
مشعل:الحمدالله على كل حال..ما تبين تجين عندنا يا دكتوره ؟
حلا:ههههه ليه اجي عندك؟
مشعل:مو انتي كله تقولين لي حلمي يا مشعل اشتغل بمستشفى بريطاني
حلا:هههههه للحين ذاكر
مشعل يبتسم:ايه ..شتبين بطلول تعالي اجلسي معي وانا اسويلج كل اوراقج حق الشغل
حلا تطفر طلال:خلاص يا مشعل بس اجهز اوراقي و ان شاء الله احجز واجي لك

طلال اخذ منها السماعه على طول.....

طلال بعصبيه:مشعلوووووه ويعه شقاعد تقول لمرتي تخربها علي
مشعل:انت من وين طلعت عطني حلا اتفاهم معاها
طلال:شقلت لها يالخايس
مشعل:عيب عليك انا خالك احترمني
طلال:ونعم الخال..تخرب مرتي علي
مشعل:ههههه ما قلت لها شي اهي حلمها تشتغل بمستشفى بريطاني وانا قلت لها تعالي اجلسي معي دام اني بروحي..هذا جزاي احقق لمرتك حلمها
طلال بعصبيه:اقول مشعلوه روح سو بحثك وفكني من اقتراحاتك البايخه
مشعل :هههههههههههههههههههههههه وربي غيرتك عجيبه
طلال:مشعل لا تنرفزني
مشعل:هههه خلاص..الا تعال ابوك وافق على فيصل؟
طلال:عيزت منه يا مشعل بس بحاول بعد
مشعل بضيق:حاول يا طلال كفايه اني انا وياك انحرمنا من الي نحبهم ..لا تحرمونهم من بعض
طلال يمر طيف شذى في باله:بحاول يا مشعل
مشعل:لا تنسى طمني ...يلا لازم اروح اللحين سلم على الكل
طلال:يوصل ان شاء الله
مشعل:باي

التفت طلال على حلا بعصبيه....

طلال يقلد صوتها: خلاص يا مشعل بس اجهز اوراقي و ان شاء الله احجز واجي لك
حلا:ههههههههههههه وحافظ كلامي
طلال:من صجج انتي ولا طفريني
حلا:ليش لأ؟
طلال يضربها بالمخده الي جنبه:اقول اسكتي وخل نتابع الفيلم




بيت شذى

شذى تكلم حور ببريطانيا....

شذى:خلاااااص يا حور قطعتي قلبي
حور تبجي:ما اقدر شذى كل مكان يذكرني فيه
شذى:الي تسوينه بنفسج غلط يا حور ..اهو اللحين مستانس مع مرته وعياله وانتي هناك مقطعه نفسج من الصياح
حور:بس شذى رحميني حراام عليج
شذى تبجي معاها:لازم تعرفين هالشي يا حور وتعيشين حياتج
حور:كله من طلال ..اهو السبب
شذى:لا تخافين يا حور بنتقم لي و لج منه
حور تمسح دموعها:شبتسوين يا شذى؟
شذى بمكر:اذا صار الي خططنا له انا وحمد اقولج
حور:لا يا شذى خلاص انسي طلال وحاولي تعيشين حياة يديده ويا حمد
شذى بحقد:لاااااااا يعني لا...لازم انتقم منه حور مثل ما رماني رمية الكلب لازم اعلمه منو شذى الي تخلى عنها بكل سهوله
حور:الله يهديج
شذى:حور حمد تحت ينطرني اكلمج بعدين...ديري بالج على نفسج وركزي بدراستج
حور:الله يعين وانتي ابتعدي عن الانتقام وخليج بحالج
شذى:آسفه حور هالشي خاص فيني
حور ملت واهي تحاول فيها:براحتج يا شذى بس انتي تحملي نتايج افعالج
شذى:اوكي..باي
حور:باي



بيت جاسم

طلال من الصبح يحاول يقنع ابوه بفيصل ..ولاحظ انه بده يقتنع ...

طلال:صدقني يبه ماراح تخسر فيصل ريال بمعنى الكلمه
جاسم بحنيه:يا طلال انتو تعتقدون اني اكرهكم اذا رفضت اشياء تبغونها بس هالشي لمصلحتكم
طلال يبتسم:ادري يا يبه بس صدقني فيصل خوش رجال
جاسم : ابغى ائمن على بنتي الوحيده ..ابي اموت وانا مرتاح يا طلال
طلال :يبه افا عليك شالكلام ..الله يطول لنا بعمرك ان شاء الله وتشوف عيال عيالنا وتفرح فيهم
جاسم :الكل يموت بيومه يا طلال ..وانا ابي ازوج اختك لرجال يسعدها طول عمرها
طلال يطمنه:وفيصل هو الرجال الي تقول عنه يا يبه
جاسم بعد تفكير :ناد لي اختك يا طلال ابغى اكلمها
طلال بخوف:يبه لا ترفض
جاسم يبتسم له:تطمن يا طلال بس ابي اتأكد بنفسي من راي امامه


بعدها صعد طلال لغرفة امامه لقى نوال عندها...

طلال:اموم نزلي ابوي ينطرج بالمكتب
امامه مخترعه:ليش شيبي فيني؟؟!!
نوال :سم الله عليك حبيبتي ..ليه كذا مخترعه
طلال:ابوي يبي يسمع رايج بنفسه
نوال بفرح:يعني بيوافق؟
طلال :والله يا يمه شكله موافق
امامه توقف واهي ترجف من الخوف :الله يستر ..الله يستر
طلال يمسكها من جتفها يهديها:امومه حبيبتي ..لا تخافين انا ادري انج تحبينه واهو يحبج وسويت الي علي وانا حاس ان ابوي موافق
امامه تلمه وتبجي:اخاف انزل يقولي لأ اموت طلال مادري شبسوي وقتها
طلال يمسح على شعرها بحنيه:ليش التشاؤم حبيبتي قلت لج انا اعرف ابوي ..اهو موافق بس يبي ياخذ رايج
نوال تهديها:خلاص حبيبتي انزلي لابوك وان شاء الله خير



مكتب جاسم

امامه تدخل وتحاول انها تمسك اعصابها:خير يبه بغيتني
جاسم بحنان لاول مره:تعالي حبيبتي قربي ليش بعيده

امامه مستغربه توقعت منه يصارخ بس ما يتكلم بهاللهجه الي كلها حنيه وحب...قربت منه وجلست بكرسي جباله...

جاسم يقوم من كرسيه ويروح لعندها واهي يوم شافته قرب وقفت له....

جاسم يمسك ايدينها ثنتين ويشد عليهم بحنيه:انتي موافقه عليه يا امامه؟
امامه خايفه ابوها لاول مره يكون معها بهالحنيه:انا..انا
جاسم يبتسم لها:انا الي يهمني انك تكونين مقتنعه فيه يا بنيتي انا ماراح ادوم لج
امامه بخوف:الله يخليك لي يبه ويطول لنا بعمرك
جاسم:قولي لي يا بنتي لا تخافين تبينه
امامه اكتفت بهز راسها:...
جاسم يبتسم لها:روحي نادي لي امك


*****************

جاسم يبتم على موافقته ولا بيغير رايه؟؟!!
ردت فعل حور ومشعل اذا التقو في بعض؟؟
خطة حمد وشذى بتنجح ؟؟!!
فجر أي نوع علاج بيكون علاجها؟؟!!
معقوله حلا تسافر بريطانيا تحقق حلمها؟

 
 

 

عرض البوم صور عذاري   رد مع اقتباس
قديم 31-01-09, 09:09 PM   المشاركة رقم: 23
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الرابع عشر



فجر للحين على حالتها ..فيصل وانفال ونهى بالصاله يتناقشون بموضوع فجر....

نهى:لازم نشوف حل لاختك يا فيصل
انفال:يمه البنت مو طبيعيه ما كانت جذي قبل لازم نوديها لطبيب نفسي
نهى بعصبيه:اختج مو مينونه يا انفال
انفال:ليش كله تظنون ان الاطباء النفسيين للميانين بس .. انا ممكن اروح له واستشيره اذا كنت اعاني من حاله نفسيه
فيصل بملل:بس خلاص انفال سكري الموضوع

يرن تليفون البيت وترد انفال كانت الاقرب...

انفال:نعم
نوال:السلام عليكم
انفال:وعليكم السلام
نوال:مين معي انفال؟
انفال ما عرفتها:أي نعم ..منو؟
نوال:معك ام طلال ...نوال
انفال:هلا والله خالتي نوال..سمحيلي بس ما عرفتج
نوال:مسموحه يا بنيتي طمنيني عن حالك؟
انفال:الحمدالله بخير ..انتو شلونكم وشخبار امامه؟
نوال:الحمدالله بخير وتسلم عليك
انفال :الله يسلمها
نوال:امك هنا انفال؟
انفال :أي لحظه شوي خالتي

نهى الي سمعت انفال واهي تكلمها:هلا والله بام طلال
نوال:هلا بك زود ..كيف الحال يا نهى؟
نهى:الحمدالله ..انتو شلونكم؟
نوال:بخير ربي يسلمك..سامحينا بطينا عليك بالرد
نهى والي نست الموضوع تقريبا من سالفة فجر:من حقكم يا نوال تسألون
نوال :تسلمين يا نهى ...والله الابو ما مانع وحياكم بأي وقت
نهى بفرح:بالمبارك يا ام طلال والله انج فرحتيني
نوال : الله يدوم الافراح يا نهى
نهى:آمين...ان شاء الله شوفو اليوم الي يناسبكم يا نوال عشان يتقدم لها رسمي
نوال بعد تفكير:يوم الاربعاء يناسب (بعد 4 ايام)
نهى:اكيد يناسبنا ...الله يكتب الي فيه الخير ويوفقهم
نوال:آمين..اخليك اللحين يا نهى مع السلامه
نهى:حياج الله يا ام طلال..مع السلامه







بعد مرور يومين



بيت شذى

حمد وامه جايين يتغدون في بيت شذى لان بو شذى مسافر .. بعد ما تغدو جلسو بالصاله يسولفون ...حمد وشذى قاعدين على جنب...


شذى بحماس:متى نبدي حمد
حمد يبتسم لها بمكر:قريب ..بس عندي جم شغله قاعد اضبطها وبعدها نسوي الي قلت لج عليه
شذى:تتوقع بيفرقهم؟
حمد :اكييد انا اعرف حلا هالشي الي بنسويه بيكون اكبر من طاقتها واكيد بتطلب الطلاق من طلال
شذى بتردد:اممم وبعدها بتتزوجها؟
حمد:اتزوج منو !!
شذى منزله راسها:تتزوج حلا بعد ما تطلق
حمد يقرب منها ويساسرها:شبي بحلا دام القمر جدامي
شذى حمرت خدودها وسكتت:...........


من ناحيه الثانيه

ام حمد تناظر بحمد وشذى:يحلاتهم يوخيتي شوفي شلون تغيرو
ام شذى تبتسم:أي وانتي صاجه من كان يصدق حمد وشذى يصيرون ربع
ام حمد:والله اني اتمنى شذى لحمد
ام شذى بفرحه:هذي الساعة المباركه يوم اناسبكم
ام حمد:ساعتج ابرك انا ان شاء الله بفاتح حمد قريب بالموضوع واحس انه بده يميل لها
ام شذى:الله يكتب الي فيه الخير




شقة طلال

اليوم وصول ناصر من السفر ...والغدا بيت جاسم
وكالعاده طلال مو مخلي حلا تاخذ راحتها ....

حلا :طلاااااااال حرام عليك خلني اجهز والله فشله نتأخر على اهلك
طلال:تو الناس على وقت الغدا ..
حلا تلبس شيلتها وتعدلها قبال المنظره:انا خلصت ممكن نمشي اللحين...
طلال يقرب منها ويدخل خصله من شعرها :شالحلاة يا حلا ..كذا احلى
حلا :يعني تقول اني بالشيله احلى؟
طلال:انتي بكل الاحوال حلوه ..بس شعرك محد يشوفه غيري
حلا تطفره: عاد انا قلت يمكن افصخ الحجاب
طلال منصدم:شقلتي!!!
حلا تكمل:صراحه جو الكويت وايد حار ..وانا وميمي تناقشنا بهالموضوع وقالت لي اني وايد احلى من غير حجاب فقلت ليه ما افصخه
طلال بعصبيه:عشان اذبحج
حلا تتخصر:ليش ان شاء الله؟
طلال :مو بكيفج انا ابغيج متحجبه
حلا بدلع:تغار علي؟
طلال فهم انها كانت تطفره:تطفريني يا حلوي ها
حلا تاخذ شنطتها وتروح صوب باب الخارجي قبل لا يصيدها:انا انطرك تحت
طلال:ههههههههه وين بتروحين مني يا حلوووي

*********************





بيت جاسم

الكل تيمع وحلا من شافت ابوها رمت نفسها بحضنه وتمت تبجي ولهانه عليه اكثر من شهر ما شافته....بعدها تغدو وجلسو بعد الغدا بالصاله يسولفون....

جاسم :ناصر
ناصر:سم يا بو طلال
جاسم:سم الله عدوينك..بعد يومين ان شاء الله بيجون ناس يخطبون امامه

امامه استحت ونزلت راسها....

ناصر بفرح:مبروك يا بنيتي والله انك تستاهلين كل خير
امامه بحيا:الله يبارك فيك عمي
جاسم:لا تخلي يا ناصر
ناصر:اكيد يا جاسم ..هذي بنتي ولازم اكون موجود ان شاء الله

بعدها تم جاسم يقول لناصر عن فيصل ....والباجي تمو ضحك وسوالف ...امامه وحلا صعدو الطابق الثاني يسولفون عن الخطبه

امامه بفرح:حلووووووي مو مصدقه
حلا:الله يتمم عليج ان شاء الله..شنو بتلبسين؟
امامه:اممممم مادري ..بس ابي اللبس شي لونه ازرق
حلا مستغربه:ليش يعني؟!!!
امامه تبتسم:لانه يحب اللون الازرق
حلا:وانتي شعرفج؟!!
امامه تقولها الموقف:يومها كنت انا ونفول رايحين نتعشى بره شفناه مع رفيجه بالصدفه


((فيصل يقرب منهم واهو يبتسم:السلام عليكم
انفال وامامه:وعليكم السلام
فيصل وعينه عليها:شلونج امامه؟
امامه عينها بالارض:بخير
فيصل يطفرها:يعني ماراح تسألين عن حالي؟
انفال :فصول ويعه ما تستحي انت
فيصل:ههههه ليش استحي من خطيبتي
انفال تضربه عالخفيف:استح على ويهك احرجت البنت بعدها ما صارت خطيبتك
فيصل بخوف يتكلم:بتصير ان شاء الله ..صح امامه؟
امامه مهي قادره تتكلم من الاحراج:...
فيصل بغزل:امووت انا على الي لابسين ازرق..تدرين انه لوني المفضل
انفال:فيصلوو روح بس احرجتها حرام
فيصل:ليش مو انتي الي تروحين وتفكينا
امامه بخوف:لا نفول قعدي
فيصل:هههههه واخيرا سمعت صوتج
انفال تسحب امامه:ماراح نخلص معاه
فيصل بصوت شوي عالي:قولي موافقه وريحيني))

حلا:هههههههههههههههههههههههههههههههههههههههه
امامه:لا تضحكين
حلا:واخير جيه احد واحرجج...تذكرين يوم احرجتيني يوم دخل طلال الغرفه بأيام الخطوبه وانا مو لابسه شيله
امامه:هههههههه أي اذكر
حلا:انزين ما شفتيه بالصيفي
امامه: ما داومت للحين..باجر ان شاء الله بداوم تعرفين اول 3 ايام كله سحب واضافه
حلا:ايي عاد شيفكج منه اذا شافج
امامه:ههه تصدقين انا هالشي الوحيد الي احاتيه..وقررت اداوم بعد الخطبه
حلا:ومتى بتسوين الملجه والعرس؟
امامه :اممم انا فكرت بهالموضوع وانفال قالت لي ان فيصل يبي يملج بسرعه والعرس بعد ما يشتغل
حلا: متى بتكون الملجه؟
امامه:بعد اسبوعين
حلا:والعرس؟
امامه:قلت لك شرط ابوي انه يشتغل
حلا:مسكين فيصل شلون بيصبر لي بعد الصيفي
امامه:ههههههه
حلا:بتكلمينه وقت الخطوبه
امامه: اكيد لا ...ابوي وطلال ماراح يرضون
حلا:انتي تبين؟
امامه:مادري حلوي ...انا مهما صار ما اضمن فيصل
حلا:صح كلامج.. خليه بعد الملجه
امامه :انا قلت جذي وبعدين كلها اسبوعين وانا ادري ماراح يخليني بالجامعه بحالي
حلا:هههه اكيد




بعدها نزلو الصاله تحت .... تمو لي صلاة العشى بعدها استأذنو جاسم وناصر راحو للشركه..نوال راحت لبيت جارتها ...حلا وامامه وطلال طلعو يتعشون بره


بالمطعم

حلا جالسه يم طلال وامامه قبالهم...

امامه:يعني لازم حلوي تقعد يمك ..خلها تجي يمي
طلال :مو بكيفج حرمتي وابيها جنبي على طول
امامه بقهر:افففف دعله
حلا:ههههههه ميمي بس عاد ما ارضى عليه
طلال :اموت انا على الي يدافعون عني
فديتج
امامه تكم عليهم بيدها:مالت عليكم ما جنه صارلكم دهر من تزوجتو للحين عايشين شهر عسل
طلال:هههههههههههههههههههه
حلا:اعوذ بالله ..قل اعوذ برب الفلق
امامه:ههه لا تخافين عيني مو حاره على كناري الحب
حلا تغير الموضوع لان عارفه امامه تموت على احراجها: شرايكم نسافر بعد الصيفي لمشعل
طلال بغيره:ليش؟
حلا:مره وحده نجهز امامه من هناك
امامه:خوش فكره
حلا تلف لطلال:شقلت طلال
طلال:انتي تآمرين يا عيون طلال
امامه :احم احم نحن هنا
طلال يستخف دمه:اووه انتي اهني ما شفتج
امامه:بايخ

بعدها وصل الاكل وتمو ياكلون ....دخلت مره ويا ريلها ...المطعم وسرحت امامه واهي تشوفها وتتخيل لو اهي وفيصل بمكانهم..

حلا لاحظت سرحانها:اموووم وين رحتي؟
امامه تنتبه:هلا والله وياكم
حلا:شفيج سرحتي؟
امامه:ماكو بس عجبني لبس وحده مرت وراج
طلال:هههههههههه انتو الحريم تموتون على هالسوالف
امامه:مو شغلك
حلا تزفها:امووم ويعه ليش تقولين له جذي
امامه:روحي زين انتي وياه ..التفتي شوفي بلوزتها عاجبتني
تلتفت حلا وسرحت لمده:.....
امامه:بس عاد فشلتينا
حلا تلف عليها:تصدقين اموم مادري وين شايفه هالبنت
امامه:اممم يمكن وحده من مرضاج
حلا تذكرت:لا هذي كأني شفتها بالشركه يوم طاح طلال
طلال قص بالاكل :......اححح
حلا تمد له قلاص ماي:سم الله عليك..كله من عيونج اموم

طلال يستأذن منهم ويقوم ...وحلا وامامه تمو يسولفون عن فيصل

طلال اول ما قام التفت للطاوله الي كانت وراهم يبي يتاكد منو البنت احساسه صادق ولا لأ؟؟

حس الدنيا ظلمت جدامه شذى قاعده قباله بطاوله بس معاها ريال مو مبينه ملامحه معطيه ظهره ..توقعه زوجها حس بالغيره حبه لشذى ما مات للحين ((معقوله نستني وتزوجت غيري؟!!!))


كان بينسى نفسه للحظه ويروح لها ...بس تدارك الوضع
وغير اتجاه ليه الحمام ...

بنفس اللحظه على الطاوله الثانيه ...

شذى تشهق:امبيييييييييييه
حمد :شفيج؟
شذى :لا تلف حمد خل عينك علي
حمد مستغرب:ليش؟
شذى:طلال ورانا ..شافني
حمد :افف عسى بس ما عرفني تخترب خطتنا
شذى:لا اهو راح اللحين ..بس لا تلف ويهك خله علي اخاف حلا وياه
حمد بتفكير عميق:شرايج نبدي اول جزء من خطتنا
شذى:شلون.؟
حمد :سمعيني عدل



طلال الي راح الحمام ومهو قادر يرجع للطاوله ..ويشوف شذى جالسه مع واحد غيره طلع بره يتمشى شوي عشان يخف التوتر...

حلا:مو جنه تاخر طلال
امامه:واااااي انتو شفيكم لزقه 24 ساعه ابعض ..خفو شوي
حلا:اعوذ بالله من عينج ..انتي ليش جذي.
امامه:بعد هذا الصج
حلا:انا ما اقول الا الله يعين فيصل عليج ما فيج ذرة رومانسيه
امامه بغرور:محد طقه على يده وقاله يجي يخطبني
حلا:ههههههه أيه علي هالكلام

قرب منهم حمد بحيث يمر جدامهم كأن مو شايفهم ....

حلا شهقت :ححححححمد
امامه:أي حمد؟
حلا تنزل عينها على الطاوله قبل لا يشوفها:حمد خطيبي الاولي

امامه توها بتتكلم يقطع عليها صوت رجالي....

حمد:السلام عليكم
حلا بتردد:و عليكم السلام
حمد بتمثيل:شلونج حلا؟
حلا :بخير الله يسلمك
حمد يلتفت صوب امامه:اذا مو غلطان انتي ميمي
امامه بابتسامة تبي تقهره:أي نعم ميمي اخت طلال ريل حلا
حمد يسوي نفسه عادي:وينه طلال خل اسلم عليه
حلا بخوف:لا ماله داعي يوصل سلامك ان شاء الله
حمد :اوكي حبيبتي انا بمشي اللحين لا تنسين تسلمين لي عليه وااايد
امامه بعصبيه:حمد احترم نفسك
حمد يسوي نفسه بريء: شسويت؟
امامه :راجع كلامك
حمد :سامحيني قصب عني طلعت الكلمه
حلا ما تبي مشاكل:خلاص حمد يوصل السلام ..مع السلامه
حمد بابتسامة حب:مع السلامه حياتي

امامه وقفت من القهر ..واهو راح ..وحلا حمدت ربها طلال مو موجود وسمع وشاف الي صار...

حلا تمسك يد امامه وتقعدها:قعدي بليز لا تفضحينا
امامه تقعد وبقهر:شلون يتجرأ هذا
حلا:خلاص ميمي تكفين ..ما بي طلال يحس بشي
امامه تهديها:اكيد حلا..خلاص اهدي شوي
حلا بخوف:مادري شناوي عليه ..الله يستر



بعدها بخمس دقايق رد طلال ...واستغرب ان شذى مو على الطاوله انقهر حس انه اهو الوحيد له الحق فيها...

حلا:حبيبي وين رحت تأخرت
طلال ماله خلق احد:كاني يعني وين بروح..خلصتو؟
امامه مستغربه من اسلوبه:شفيك طلال حلا ما قالت شي
طلال بعصبيه يوقف:انا بحاسب وبنطركم بالسياره

حلا بخوف:ليكون شاف حمد
امامه:لا ما اتوقع
حلا:قومي خل نروح له ..لا يعصب زود




مر يومين وكأنهم ساعتين على امامه الي كانت حايسه باللبس وتفكيرها كله مع فيصل ((بيكون اهو الريال الصح الي اخترته ؟؟!! بيسعدني بحياتي ؟!! حبه لي بيظل بعد الزواج ؟؟!!))

اما فيصل مرو اليومين كانهم شهرين ((يا ربي متى اشوفها؟!! واخيرا بتصير لي مو مصدق؟!! اوعدج اني اسعدج طول حياتج يا حياتي ))

نهى تنادي من الصاله:فيصل... فيصل
فيصل ينزل من الدري:هلا يمه كاني
نهى:تأخرنا حبيبي على الناس..عمك ينطرك
فيصل الفرحه باينه عليه:خلصت يمه ..نمشي
نهى تشوفه وتمسح دمعه من عينها:الحمدالله اني شفت هاليوم ..الله يسعدك ويهنيك ويجعلها زوجه صالحه لك
فيصل يبوس راسها:ويخليج لي يا احلى ام ..ويطول لي بعمرج


وصلو فيصل وعمه راشد الوحيد اكبر من ابوه ...واستقبلهم جاسم وناصر وطلال...والجهه الثانيه نهى وانفال اما فجر ما جيت لحالتها النفسيه المتدهوره ....



عند الرجال

بعد السلام والسوالف عن التجاره والشغل...اشر فيصل لعمه انه يدش بالموضوع

راشد:والله يا بو طلال احنا اليوم يايين نخطب بنتك لولدنا فيصل
جاسم:وهذي الساعه المباركه الي اناسبكم بها يا راشد
راشد بابتسامه:ساعتك ابرك
جاسم:طبعا انت تعرف شرط البنت الاساسي يا فيصل تكمل دراستها وما في زواج الا بعد ما تشتغل
فيصل بابتسامة رضى: ان شاء الله عمي ..ما يصير خاطرك الا طيب
ناصر:حطها بعيونك يا فيصل تراهي غاليه على الكل
فيصل يبتسم ومن داخله يقول ((اهي بقلبي مو بعيوني بس)):: من عيوني عمي
راشد:وان شاء الله الامور الثانيه يتفاهمون عليها الحريم
جاسم:احنا نشتري ريال يا راشد
راشد:ما عليك قصور يا بو طلال

فيصل يساسر طلال بصوت واطي و كانو جالسين بعيد عن جاسم وناصر وراشد ...

فيصل :طلال ممكن اشوف اختك؟
طلال بتمثيل:آسف فيصل احنا عاداتنا ما تشوف البنت الا بعد الملجه
فيصل انصدم:من صجك طلال؟؟!!
طلال:اجل تبغيني ارضى انك تشوفها وتجلس معها وتزورنا واهي تزورك ...وتكلمها بتليفون ..
يقاطعه فيصل مبتسم:وهذا الي بيصير ان شاء الله
طلال ما قدر يمسك نفسه ضحك:هههههههه وليه الثقه الزايده بالنفس
فيصل بكل ثقه:لاني ادري انك تدري ومتأكد من حبي لاختك واني مو قاعد العب عليها
طلال يبتسم له:لو ما كنت واثق من هالشي تأكد جان ما وافقت من البدايه
فيصل مستعجل:انزين طلول ..يله ابي اشوفها
طلال:ترا عطيتك ويه وايد..احترم وجودي شوي
فيصل انحرج:لا تلومني طلال
طلال:ههههه حسبي الله عليك يا اموم اسويتي بالريال
فيصل :ههههه حلالها لا تتحسب على مرتي ما ارضى
طلال:ههههههههههه ما صارت مرتك بعدها
فيصل بابتسامه:بتصير ان شاء الله

جاسم يقاطعهم...ويطلب من طلال يودي فيصل للصاله الثانيه عشان يشوف امامه لان من حقه شرعا...


عند الحريم

اول ما دخلو سلمو على بعض ..بعدها تمو يسولفون ويتفقون على يوم الدزه والملجه وشوي تنزل لهم امامه كانت روعه احلى من كل مره ...سلمت على نهى وانفال بيد ترجف من الخوف مهي مصدقه ان اليوم فيصل جاي يخطبها...

كانت لابسه نفنوف ازرق حرير قصير فوق الركب مع اكمام ليه كوعها وكان مخصرعلى جسمها النحيف ومعطيه شكل روعه وفيه فتحتين على الجوانب..ومكسره شعرها صاير قصير ليه تحت اذنها ...وحاطه ميك اب وردي خفيف

اما حلا فكانت لابسه تنوره قصيره تحت ركبها مشير بدرجات الاخضر ولابسه فوقها جاكيت ابيض وتحته بدي اخضر ومع اكسسوارت خضرا كانت روعه معطيها شكل انثوي...وفاله شعرها الي وصل لي اخر ظهرها وخليته ينزل على ويهها...والشدو درجات الاخضر مع قلوز احمر

قعدت يمها انفال تهديها:ما شاء الله اموم شنو كل هالحلاة؟
امامه منحرجه :عيونج الحلوه
انفال:الله يعين فيصل اذا شافج بيستخف اعرفه

حلا الي كانت جنبهم وسمعتهم وشافت امامه كيف انحرجت..

حلا:ههههههههه والله يا انفال اني حبيتج من يوم عرفتج وانتي تحرجينها
انفال:ههههههه ليش؟
حلا:لانها دوم تحرجني ويا اخوها ..عاد ما اوصيك عليها
انفال تغمز لها:شور افا عليج
امامه ترص على اسنانها:يالبايخاااااات

مر الوقت سوالف وضحك ...وام نهى كل لحظه تاخذ لها نظره لحرمة ولدها ومن قلبها تدعي الله يوفقهم ويتمم هالزواج على خير....

سمعو صوت طلال ينادي من بعيد...قامت حلا تشوفه..

حلا تجيله من وراه:خير طلال
طلال التفت عليها وتم ساكت يتأملها:.....
حلا انحرجت من نظراته وحاولت تجاهله:طلال شنو كنت تبغى؟
طلال للحين يتأملها واهو مبتسم ونسى فيصل الي ينطره:.....
حلا قربت منه ولوحت بيدها جدام ويهه:طلال انا اكلمك

طلال فجأه ضمها لعنده..وحاوطها بيده حاولت توخر بس ماكو فايده اهو وايد اقوى منها...استسلمت وتمت بين يده..

حلا :طلال حرام عليك ..مو وقتك اللحين
طلال واهو يتأملها كيف منحرجه:عيل متى وقتي ؟
حلا عينها بالارض تجنبه:أي وقت بس مو لحين..
طلال وعاجبه الوضع:واذا قلت اللحين؟
حلا شوي وتبجي:طلال تكفى ..والله فشله طلال خلني ينطروني داخل
طلال يلعب بخصل شعرها:حلا ليش ما تفهمين اني احبج
حلا رفعت عينها له:فاهمه والله فاهمه..حتى انا احبك بس حبيبي اللحين خطبة اموم لازم اكون يمها
طلال والي تذكر فيصل:هههههههههههههههه
حلا مستغربه:شفيك؟
طلال يقرب منها ويطبع بوسه على خدها ويساسرها:كله منج يا حلا شفتج ونسيت فيصل بالديوانيه ينطر اموم
حلا ابتعدت عنه:انت السبب مو انا
طلال يبتسم:انزين روحي نادي اموم عشان يشوفها فيصل..
حلا تلف بتروح:ان شاء الله

طلال يناديها:حلوويه
حلا تلف عليه:هلا
طلال حب يحرجها:دوم لبسي اخضر..طالع جنان عليج

حلا خلته وراحت لامامه تدري فيه ماراح يخلص...امامه واقفه ويا حلا بنص الطريج للديوانيه بعيد عن صالة الحريم...

امامه بتردد:حلوي مابي مابي
حلا:شنو الي ما تبينه...من حقه يشوفج ويقعد وياج
امامه:بس اهو شايفني وقاعد وياي ماله داعي اللحين بعد
حلا:هههه لا له داعي..يله ترا طلال ينتظر لا نتاخر على الريال
امامه تحس بخوف:حلووووووي خايفه مادري شسوي اخاف يسألني شلون ارد عليه
حلا:هههههههههه حلوه هذي...اكيد بيسألج اجل شبتسوون
امامه ترجع:خلاص مابي مابي اشوفه
حلا تمسكها من يدها بسرعه وتسحبها:يلا عاد لا تصيرين لي ياهل..

يقرب منهم طلال...ويوم شافهم فهم الي صاير..

طلال يعني معصب:اموم ما تستحين على ويهج الريال من متى واهو ينطرج
امامه :والله طلال ما اقدر تم معاي
طلال:اكيد بتم معاج بس بكون بعيد
امامه بدلع:انزين لا تعصب علي جذي
طلال :هههههه اتغشمر معاج يلا حبيبتي فيصل ينطرج
امامه ترص على يد حلا:حلووي دشي وياي
طلال بعصبيه:نعم نعم شقلتي اخت امامه..مالج شغل بمرتي روحي لفيصل لا اهون عنه
امامه بخوف:لا لا خلاص بروح


اخذها طلال بعد ما قال لحلا شي بأذنها خلاها تشب ضو ...دخل ويده بيدها الديوانيه وفيصل الي كان مرتبك من الانتظار يوم سمع حس احد دخل رفع عينه من الارض وجيت على حبيبته ..وقف واهو يحس نفسه انه طاير من الفرحه...

قرب من طلال واهو فرحان يشوف الحب بعيون فيصل لاخته...وبالمثل بامامه بس كانت طول الوقت منزله راسها...

فيصل وعينه عليها:شلونج امامه؟
امامه ما رفعت راسها وبصوت واطي:الحمدالله..(بالصعوبه) وانت؟؟
فيصل ابتسم:بخير دامني شفتك
طلال:انت ما تستحي وهذا وانا وياكم
فيصل انحرج:هههههه
طلال يبتسم لهم:اوكي اخذو راحتكم وانا بقعد هناك (يأشر على قنفة بعيده عنهم بمسافه معقوله)


واقف فيصل ينطر امامه تقعد..بس اهي مرتبكه مهي عارفه شتسوي

فيصل بمرح:بنتكلم واحنا واقفين ؟
امامه تقعد واهي تدعي على طلال الي تركهم بروحهم:...
فيصل:حبيبتي رفعي عينج ابي اشوفج

امامه ((يا قلبي من اول يوم حبيبتي خف علي يا فيصل)) رفعت عينها له بسرعه ويوم طالعته كيف يناظرها رجعت عينها للأرض مره ثانيه ))

فيصل بفرح:متى تبين الملجه؟
امامه تناظر بعيد:براحتك
فيصل :اوكي عيل باجر
امامه رفعت عينها له بخوف:من صجك؟!!
فيصل:ههههه (يقرب شوي وبصوت واطي)لو بيدي اخليها اللحين
امامه ابتعدت:لا مو موافقه..هالموضوع يتفاهمون فيه امي وامك
فيصل عرف انها تبي تتهرب :براحتج

مرت دقيقتين صمت..بعدها تكلم فيصل بعتب خفيف..

فيصل:ليش ما داومتي للحين؟
امامه:من باجر بداوم ان شاء الله
فيصل بفرح:ايوه يعني بشوفج
امامه نحرجت:فيصل تكفى لا تحرجني بالجامعه وتكلمني
فيصل:خطيبتي حلالي
امامه ابتسمت وسكتت:................
فيصل :تبيني انطر ليه الملجه ...ما اقدر اصبر
امامه:فيصل هذا شرطي
فيصل يبتسم لها:انزين انا ان شاء الله بطلب من طلال اني اكلمج
امامه بسرعه:لا
فيصل بحزن:ليش؟!!
امامه:بعد الملجه
فيصل:حرام عليج...اسبوعين اشوفج بالجامعه ولا اكلمج وغير هذا ما اكلمج بالتليفون والله اموت ما استحمل
امامه:سم الله عليك ..يومي قبل يومك
فيصل يبتسم:مالي حياة من دونج

طلال يقرب منهم...

طلال يطفرهم:خلاص كافي ..عطيتكم وجه وايد
امامه توقف:عن اذنكم
فيصل يوقف معاها :اذنج معج

طلال يحرك يده جدام عيون فيصل الي تراقب اخته:بس طلعت
فيصل منحرج:هههه
طلال:نروح الديوانيه
فيصل يوقفه:طلال حاول باختك ..تقول الملجه بعد اسبوعين وايد
طلال:زين تسوي فيك
فيصل:افا اللحين بغيتك عون صرت فرعون
طلال بجد:وعلى فكره يا فيصل ماراح تشوفها او تكلمها الا بعد الملجه
فيصل وكان عنده امل بهالشي:بوجودك طلال؟
طلال بجد:هذي عاداتنا فيصل
فيصل:على عيني وعلى راسي ..انت تآمر يالنسيب

***********************

بعد مرور يومين ..

بريطانيا..


قعد مشعل من نوم امبجر عشان مقرر اليوم يروح مكتبة الجامعه يكمل البحث هناك....

نزل من عمارته وتم يناظر العماره الي قباله..استغرب ان ليت شقة حور مفتوح ...(( معقوله حور اهني؟؟!! (بقهر) آآآآآه اكيد جايه ويا زوجها وعيالها ..يا رب ما تكون اهي ماراح اقدر استحمل مواجهتها ....))

سرح واهو يناظر الشقه ويفكر بحور....قطع عليه تفكيره صوت موبايله رد عليه واهو للحين واقف قبال عمارة حور..

مشعل:الو
امامه بصراخ:مشعلووووووووووووه باركلي
مشعل:ويعه بطيتي اذني
امامه:مالت عليك هذا بدل لا تقول لي مبروك
مشعل:ههههه ادري طلال قالي
امامه :قطيعه كل ما ابي افاجأك بشي يخرب علي طلول
مشعل:ههههههه مبروك حبيبتي تستاهلين كل خير
امامه بفرح:الله يبارك فيك...عاد شوف ملجتي ما بقى عليها شي قصب عنك بتجي
مشعل يطفرها:تبيني اخلي دراستي عشان احضر ملجتك
امامه بحزن:من صجك مشعل دراستك اهم؟
مشعل:حبيبتي انتي كبيره وتفهمين ما اقدر اخلي دراستي واجيلج
امامه بتفهم:بس حبيت تكون معاي بهاليوم
مشعل:ما عليه بعرسج ان شاء الله
امامه زعلت:ان شاء الله

دقيقة صمت..

امامه:الووو..مشعل
مشعل منصدم:....
امامه :مشعل وينك ؟ الووو..


مشعل من شنو مصدوم ؟؟!!
ممكن يغير جاسم رايه بأخير لحظه؟؟!!
شذى وحمد بيوقفون عند هالحد من الخطه؟؟!!
فيصل وامامه في عواقب ثانيه بزواجهم؟؟!!

 
 

 

عرض البوم صور عذاري   رد مع اقتباس
قديم 31-01-09, 09:17 PM   المشاركة رقم: 24
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الخامس عشر






دقيقة صمت..

امامه:الووو..مشعل
مشعل منصدم:....
امامه :مشعل وينك ؟ الووو..
مشعل مو مصدق عيونه:.....
امامه:مشعل شفيك !! الوووووو تسمعني؟
مشعل انتبه:شوي وادق عليج حبيبتي
امامه مستغربه:اوكي ..باي


قربت منه واهي تسمع آخر كلماته وقلبها يحترق.....

حور وقفت جدامه واهي تناظره مو مصدقه مشعل جدامها ...نفسه ما تغير ملامحه ما تغيرت ..سنين مرت ما شافته ..((اكيد اللحين اهو متزوج وعنده عيال منها ...انسيه يا حور انسيه اهو باعج بعيه ..)):

مشت من صوبه وعدته كأنه مو موجود....مشعل للحين مو مستوعب ان الي شافتها عينه اهي حور نفسها ...شعوريا نادى عليها يبي يتأكد اذا اهي حور ولا يتهيء؟!!!!!!

مشعل يلتفت عليها وكانت ابتعدت شوي:حوور

حور وقفت واهي تسمع صوته غمضت عينها بحسره والم اخذت نفس عميق تبي تكون اقوى من جذي تبي تجرحه مثل ما جرحها ..ما تدري ليش بدلت الخاتم الي بيدها وحطته باصبعها الوسطي على انها متزوجه...

التفتت له بكل برود:نعم
مشعل يقرب منها واهو مو مصدق انها حور:يعني انتي حور ما اتخيل
حور بغرور:أي حور ..خير.؟
مشعل استغرب من ردت فعلها وعينه جيت على الخاتم وبخوف:تزوجتي؟
حور بقلبها ما اكون لغيرك بس ردت العكس:من زمان..الا نسيت ابارك لك على زواجك
مشعل بضيق واهو يشوفها شلون تكابر:الله يبارك فيج...

يرن موبايل حور واهي استغلت الموقف ((كانت شذى على الخط))..

حور بتصنع:هلا حبيبي
شذى منصدمه:حورو ويعه انا شذى..منو حبيبي؟
حور:أي حياتي اللحين يايه
شذى:يالهبله شتخربطين..شفيج.؟؟
حور تناظر مشعل:اوكي حبيبي شوي وادق عليك ..باي

مشعل وده لو يذبحها:شكلي أخرتج.
حور بابتسامه:هذا خالد ريلي ينطرني مع ولدي بالمطعم
مشعل بقهر:اوكي روحي لا تتاخرين عليهم
حور ودها لو تذبحه:اوكي..سلم لي على مرتك وحطها بعيونك
مشعل (محد غيرج بقلبي يا حور):ان شاء الله يوصل

تبتعد عنه حور قبل لا يكشف الدموع الي بدت تنزل ....مشعل يحس انه خلاص خسرها تأكد من كل شي جدام عينه....



***********************



اليومين الي طافو فيصل وامامه ما التقو بالكليه ...كان فيصل يشوفها ما يقرب منها ...


انفال وحلا وامامه متفقين يتغدون بره بعد ما تخلص امامه من محاظرتها....

حلا كانت بعيادتها وتوها خالصه من مريض ..اتصلت على طلال تخبره

طلال:هلا بالغاليه
حلا:هلا فيك
طلال :شمسويه حبيبتي .؟
حلا ترجع لي وره بكرسي المكتب بتعب:توني خالصه اخر مريض عندي
طلال :خلاص انا عازمج على الغدا اليوم
حلا تقاطعه:طلال حبيبي اليوم بتغدى ويا ميمي وانفال
طلال:وانا؟!
حلا:حبيبي انا داقه اقولك لان ميمي تبيني وياها لازم اروح...انت تغدى عند عمي وانا اذا خلصت اجيلك
طلال: خلاص حبيبتي ..بينا تليفون
حلا:ان شاء الله..مع السلامه
طلال:بحفظ الله


بالمطعم....

انفال:هههههه من صجج اموم
امامه بقهر:هذا اللحين الي محترم رايي ..ما قدر يصبر يومين الا ويي يسوي مواقفه البايخه
حلا:من حقه الولد خطيبته
امامه:روحي زين انتي وياه
انفال:ههههههههه ليش معصبه اللحين؟.
امامه بقهر:انتو بتذبحوني...وين قاعدين ايي القى حاط لي ورده ورساله على السياره
انفال:هذا يزاه اخوي لانه رومانسي
امامه:مو بالجامعه ...التفت القاه يلوح لي بيده من بعيد ويبتسم ويسوي حركات من صجه هذا
حلا:ههههههههههههه خلاص ميمي هدي والله ما يسوى الموقف تعصبين جذي
انفال:أي والله..خلاص انا اكلمه لج
امامه:لااااا لا تكلمينه
انفال:ليش؟!
امامه:عشان يلغى له عذر ويرد يكلمني مره ثانيه
حلا:هههههههه فاهمته

بعدها وصل الطلب وتمو ياكلون ويسولفون عن الملجه ومنو يعزمون وراحو يتسوقون ......


***********************

بيت فيصل

رد فيصل من الجامعه واهو مستانس ان كلمها اليوم...استغرب محد موجود بالصاله تم ينادي على امه...

فيصل:يمه....يمه
نهى تطلع من المطبخ:خير يمه؟
فيصل:يمه وين خواتي محد موجود
نهى:فجور بغرفتها كالعاده..ونفوله اختك بتتغدى ويا خطيبتك
فيصل:ويا امامه!!!
نهى تبتسم له:ايه مع امامه وحلا
فيصل بقهر:ما قالت لي
نهى:ليش تقولك؟
فيصل:جان رحت وياهم
نهى :هههههه ما يصير يا يمه ..بعد الملجه اطلع وياها على راحتك
فيصل بابتسامه:اكيد كل يوم ان شاء الله
نهى:الله يوفقكم يا رب
فيصل يرفع يده:آمين

راح لغرفته بالدور الثاني يغير لبسه ...مر على غرفة اخته سمع صوت بجي خفيف....دخل لها لقاها منزله راسها وشعرها مغطي ويها وتبجي بهدوء....


فيصل قعد يمها وبحنيه :فجوره
فجر رفعت راسها له من غير ولا كلمه:.....
فيصل:فجوره حبيبتي للمره المليون اقولج انا اخوج محد يحبج اكثر مني..قولي لي حبيبتي منو الي مزعلج ؟منو مضايقج؟
فجر تناظرها وعيونها حمر من البجي ودموعها تنزل بحسره:....
فيصل:البجي ما ينفع يا فجر..اذا بتمين جذي محد بيخسر غيرج...لازم تصيرين اقوى من جذي... مو عيب اذا غلطتي العيب اذا سكتي عن الغلط وما صلحتيه ..شذنبها امي تشوفج جذي ما تنام الليل من كثر ما تفكر فيج ..ليش تسوين فينا جذي يا فجر؟!!
فجر بجيها يزيد مع شهقات متواصله:........

فيصل عوره قلبه على حال اخته تأكد ان الي متعرضت له شي قوي ولا جان ما صار هذا حالها...مثل كل مره ما في أي فايده من الكلام الي يقوله لها ..قام من السرير بيروح لغرفته وقفه صوت يناديه بكل ندم....

فجر من بين دموعها:فف فيصل
فيصل يلتفت لها ويده على الباب:نعم
فجر تبجي:فيصل ..انا ..انا خايفه
فيصل حن عليها وراح لها وقعد جدامها:من شنو خايفه حبيبتي؟
فجر رمت نفسها بحضن اخوها وتمت تبجي:سامحني فيصل...سامحوني كلكم
فيصل خايف عليها بجد :نسامحج على شنو؟
فجر تتمسك فيه اكثر:ما كنت ادري..والله ما ادري بيصير جذي...والله مادري
فيصل مو فاهم شي:فجوره حبيبتي مهما صار انا اخوج ما راح اذيج ..لا تخافين قولي لي وانا بكون وياج بكل الاوقات

فجر اخذت لها نفس عميق وقالت لفيصل كل الي صارلها بالحفله...

فيصل لا شعوريا ضربها طراق على ويها:شلون تسوين جذي
فجر تبجي وابتعدت عنه بخوف:قلت لك ماراح تسامحني ..بس والله مالي ذنب مالي ذنب
فيصل بصراخ:سودتي ويوهنا ..عطيتج الثقه يا فجر ليش جذي...لييييييييييييييييييييييش؟!!!!!!!!!!!!
فجر تبجي بندم:مو بيدي فيصل والله ما كنت ادري بيصير جذي

نهى تدخل على صراخهم ...انصدمت يوم شافت فجر تبجي وتصارخ ويدها على خدها...ومنظر فيصل الي عمرها ما شافته بهالشكل معصب ويصارخ وعلى من... فجر !!!

نهى:خير يمه شفيكم ليش تصارخون
فيصل يشوف امه وبعدين فجر:بنتج سودت ويوهنا
نهى تروح لها وتحاول تهديها:بس يمه لا تبجين خلاص حبيبتي
فيصل بعصبيه:احنا السبب احنا الي دلعناها وعطينها الثقه الزايده

تركهم وراح لغرفته قبل لا يفقد اعصابه اكثر.....ونهى تمت تهدي فيها لين اتعبت فجر ونامت...


**********************


بعد مرور اسبوع فيصل ما يكلم فجر واهي ما تطلع من غرفتها ابد..نهى حاولت منهم تعرف شسالفه بس فيصل ما قالها لان يدري ماراح تستحمل الصدمه....

امامه وحلا لاهين بتحضيرات الملجه بعد يومين ....




مكتب طلال

كان طلال لاهي بالاوراق الي بيده ..دخلت السكرتيره

السكرتيره:استاذ طلال
طلال:نعم
السكرتيره:في وحده تبي تشوفك
طلال:شسمها؟

دخلت شذى على طول...

شذى:انا يا طلال

طلال من الصدمه وقف وطلب من السكرتيره تطلع وتسكر الباب

شذى:ما بتقولي تفصلي
طلال منصدم:تفضلي
شذى:شلونك حبيبي؟
طلال يبلع ريجه:شذى لو سمحتي انتهينا من هالموضوع
شذى تروح له وتقعد على المكتب قباله:بس انا ما انتهيت
طلال يحاول يتجاهلها:شذى انا ريال متزوج ..وانتي بعد ما يصير الي قاعد تسوينه
شذى:مين قالك اني متزوجه
طلال:و الريال الي كان وياج ذاك اليوم.؟
شذى بابتسامه:هذا ولد خالتي مو ريلي
طلال وحس انه ارتاح:يعني ما تزوجتي
شذى استانست يوم شافت تأثيرها للحين موجود:وعمري ما اكون لغيرك
طلال بحيره:بس انا متزوج
شذى:قلت لك طلال راضيه اكون الزوجه الثانيه
طلال يفكر بحلا:ما اقدر صعب صعب
شذى ماسكه اعصابها:حبيبي انا كل الي ابيه اني اشوفك واكلمك ..صدقني طول الفتره الي طافت حاولت انساك بس صعب
طلال:شذى الي تطلبينه صعب
شذى تشد على يده:مو صعب حبيبي
طلال:انتي تطلبين مني اخون حلا
شذى:طلال انا شذى حبيبتك ..شوفني
طلال يناظرها وبلحظه حس انه بيوافق على كل شي تطلبه بعد عنها:شذى اذا صج تحبيني انسيني
شذى:ما اقدر
طلال:وبعدين يعني يا شذى ...لازم تشوفين حياتج
شذى تقرب منه وضمه فجاه:طلال حرام عليك انا تعبت من قسوتك علي حس فيني
طلال حاول يبعدها بس اهي متمسكه:شذى غلط الي تسوينه وخري عني يا بنت الناس
شذى متمسكه فيه وانهارت بجي:طلال احبك افهمني ما اقدر انساك
طلال قلبه عوره اهو بعد ما يقدر ينكر حبه:هم انا احبج
شذى ترفع عينها له:عيل ليش انت بعيد عني
طلال يبتعد عنها:القدر يا شذى
شذى:بس تقدر تغيره..انا راضيه باي شي طلال المهم اشوفك لا تحرمني منك
طلال بضعف:خلاص حبيبتي انتي اهدي شوي ما اقدر اشوفج تبجين جذي
شذى تبتسم له وتمسح دموعها:يعني للحين تحبني
طلال ينفخ:آآآآه جان زين قدرت انساج
شذى وحست بالفوز:خلاص حبيبي اوعدك ان حلا ما تدري عن ولا شي..بس لا تحرمني من شوفتك وصوتك
طلا ساكت يحاول يراجع نفسه:......
شذى ما عطته فرصه:حبيبي اشوفك باجر بالشركه باي

طبعت له بوسه سريعه على خده وطلعت ..طلال وقف متصنم من حركتها ..يحس انه ضايع مو قادر يتخذ قرار ...



بالجامعه...

امامه وغنيمه توهم طالعين من المحاظره ...الا فيصل بويها قرب منهم وسلم عليهم واهم ردو عليه وبعدها مشت امامه بسرعه ....قعدو بالكفتيريا يسولفون لان امامه قررت ما تداوم يومين لين ملجتها...

غنيمه:أي والله زين تسوين
امامه:أي حتى حلوي تقول جذي
غنيمه :والله وكبرتي يا اموم وبتتزوجين
امامه:ههههههههه عيل كنتي تبيني اعنس
غنيمه:لا شدعوه مو لي هالدرجه
امامه:انزين شلون سفرتج انتي واحمد ما سولفتي لي.
غنيمه:جان زين اموم نقعد هناك على طول...احمد يصير واحد ثاني بالسفر..بس آخر الايام فاتحني بموضوع الحمل وشوي شديت وياه
امامه:وانتي وبعدين معاج..شلون صابر عليج احمد للحين
غنيمه:والله عاد مو بكيفه...قصبن عليه بيرضى
امامه:لا مو قصب..هذا حق من حقوقه كزوج
غنيمه تغير الموضوع:بس صج كانت خوش سفره
امامه:اكيد انتي هني كله لاهيه عنه ..ما تردين الا المغرب وساعات نقعد ليه الليل ..غير اذا عندنا امتحانات اتمين تدرسين بالبيت عنده يعني قليل ما تقعدين وياه
غنيمه:أي والله وانتي الصاجه...كسر خاطري ..تدرين كان يبيني اكنسل الصيفي ونطول السفره
امامه بعصبيه:ايي جان ذبحتج ... تخليني اداوم بروحي
غنيمه تغمز لها:اللحين انتي تداومين بروحج ...والي كل يوم يستقبلج من الصبح ويسلم عليج وانتي طالعه منو هذا عيل !!
امامه باستهبال:ههههههه بايخه تدرين
غنيمه :صج توني ادري
امامه:غنوم بلا سخافه لا اذبحج اللحين مو كفايه الاخ فيصل شلون فشلني مساع جدامكم
غنيمه:ههههههه انا الي ضحكني ردت فعل منى واهي تشوفج
امامه:أي عاد اهي ما تصدق على الله ..تلقينها اللحين ناشره خبر اني تميت اسولف ويا واحد معي بالكليه ..
غنيمه:هههههههه اذا مو زايده كلام زود
امامه بقهر:ذبحني غنوم ما يفهم اقوله لا تحرجني بالجامعه..اصلا ما كأني اكلمه معطيني سكب
غنيمه:يالله هانت كلها يومين وملجتج ان شاء الله وذيك الساع مالج عذر
امامه:انتي تدرين شقال لي...دازلي مسج اليوم الصبح ..نفول اخته قالت له اني مارح اداوم يومين ..كاتب لي من بعد الملجه محد بيوصلج الجامعه غيري
غنيمه:ههههههههههههههههه من اللحين جذي
امامه:أي عاد ليكون بكيفه
غنيمه:شقلتي له.؟
امامه:عطيته طاف لانه بط جبدي من امس واهو يدز لي مسجات
غنيمه:انا اشوف موبايلج ما وقف من الصبح..الظاهر طول ما اهو بالمحاضر يدز لج
امامه تكمل اكلها:خليه حريمته ارد عليه...

***********************

بيت فيصل

انفال بعد ما تمت تحن على فيصل عرفت منه كل شي صار لفجر ... وقالت له انها اهي بتحل المشكله بطريقتها

دخلت على فجر غرفتها..كالعاده يسكنها الظلام والهدوء وصوت البكاء الخفيف مملوء بالندم مع شهقات متواصله...

انفال تفتح ليت الغرفه:فجر
فجر تحطه يدها على عينها تمنع الضوء:...
انفال راحت لعندها وجلست جنبها:فجوره ليش ما صارحتيني؟
فجر ترفع عينها لها بخوف:......
انفال تهديها بعد ما شافت الخوف بعينها: لا تخافين بنلقى حل ان شاء الله
فجر تحس بالامل :صج انفال
انفال تبتسم لها:أي صج ..بس انتي عطيني رقم بدريه
فجر بخوف:اخااااف تأذيج
انفال:تأذيني بشنو؟ ما تقدر تسوي شي هذي انسانه جبانه
فجر تبجي:ما كنت اتوقع انها جذي
انفال:انا حذرتج منها ونصحتج بس انتي كنتي تظنين اني اكرهج
فجر بندم:اسفه انفال سامحيني
انفال:انا بسامحج اذا ساعدتيني وصلحتي الغلط الي سويتيه وان شاء الله ما تكون نفذت تهديدها لج
فجر تبجي:امووووووت انفال اذا نفذته..خلاص انتهي مالها معنى حياتي
انفال:شالكلام يا فجر انتي غلطتي واعترفي بغلطتج....والمفروض انج تصلحينها
فجر تمت تبجي بصوت عالي:...........
انفال تلمها:خلاص قطعتي قلبي عطيني رقمها و رقم فارس
فجر:ما عندي اياه
انفال :خلاص انا اتفاهم ويا هالحماره بدريه ...الظاهر اهلها ما ربوها عدل





مر اليومين سريعين وانفال اجلت موضوع فجر بعد ملجة امامه وفيصل ........

اليوم ملجة امامه وفيصل...طبعا اثنينهم طايرين من الفرحه ...لكن امامه ضايق خلقها مشعل ما بيحضر...وفيصل زعلان على فجر واهي رفضت تحظر ملجته ما تبيه يشوفها ويضيق خلقه ....

كانت الحفله بسيطه جدا بيت جاسم لانها مقرره تسوي عرس بفندق بعدين....كانت لابسه فستان بلون المشمشي الفاتج..موديله كوكتيل صوب الصدر ومنفوش من تحت ...ورافعه شعرها بتسريحه ناعمه ..ومكياجها ناعم معطيها نعومه و جمال راقي...

دخلت امامه على اغنية ((بدر)) لراشد الماجد ...وقعدت على الكوشه الناعمه ...مر الوقت سريع وييه وقت دخول فيصل...تفاجأت امامه يوم شافت مشعل داش مع فيصل وطلال وابوها وعمها ناصر ...

مشعل يبوس راسها:مبروك يا احلى عروسه
امامه تمسح دمعه:ليش جذبت علي يالبايخ؟
مشعل:كنت بسويلج اياها مفاجأه ..اليوم الصبح واصل وطيارتي باجر بليل
امامه تبتسم له:احلى مفاجأه

اخذو اكثر من لقطه لهم ...بعدها طلعو وبقو امامه وفيصل على الكوشه....تبادلو الدبل ولبسها الشبكه ..وشربو العصير واخذت لهم المصوره لقطات ....

فيصل ماسك يدها :مبروك حبيبتي
امامه:الله يبارك فيك
فيصل من كل قلبه:واخيييييييييرا مو مصدق
امامه بحيا:لا صدق
فيصل:هذا اسعد يوم بحياتي
امامه:وانا بعد
فيصل :ترا انا عازمج على العشى يا قلبي
امامه:الي تشوفه


قعدو شوي ..بعدها مسكو يد بعض وطلعو ...ودخلت امامه غيرت ملابسه وطلعت معه ....




رجعت امامه البيت متاخر بعد ما قضت احلى وقت ويا فيصل...

غيرت ملابسها ودخلت سريرها تنام للدوام باجر...رن موبايلها شافت الرقم ابتسمت وردت

امامه:الوو
فيصل:الو قلبي
امامه:هههه..هلا
فيصل:حبيبتي نسيت اقولج باجر انا بمرج الصبح وانسي الدوام
امامه:فيصل من اولها جذي
فيصل:ما فيها شي اول اسبوع اجازه انا وياج
امامه:انت تآمر
فيصل:يا قلبي يلوموني ليش احبج
امامه:منو الي يلومك علمني عليه
فيصل:هههه ناس
امامه:ما عندهم سالفه
فيصل:ادري ...اقول امومه
امامه:هلا
فيصل:ما يقولون هلا ..يقولون قول يا قلبي يا حياتي
امامه:هههههههههههه امممم قول يا..
فيصل:لي هالدرجه صعبه..ولا انا ما استاهل
امامه:ههه قول يا عمري
فيصل:واخيرا ..

تمو سوالف لين داخو وسكروه من بعض....




بيت احمد


قعدت غنيمه من النوم امبجر بعد ما قرت مسج امامه انها ماراح تداوم اليوم فقررت تطلع ويا احمد...كان قاعد على الطاوله يشرب كوب جاي وبيده الجريده

غنيمه تجلس جنبه:صباح الخير
احمد:صباح النور
غنيمه:فطرت عني
احمد:مو بتروحين الجامعه اليوم ..شمقعدج امبجر
غنيمه بفرح: لاني ماراح اداوم فشرايك نطلع اليوم نتغدى بره
احمد:مشغول ما اقدر
غنيمه باحباط:مشغول بشنو؟
احمد يشوفها بنظره:مشغول بشغل

فترة صمت احمد رد يقرا الجريده وغنيمه تحس انه متغير وايد عليها ...

غنيمه تمسك يده وبصوت واطي:احمد ممكن تشوفني
احمد من ورا الجريده:قولي الي عندج
غنيمه :ماراح اتكلم لين تشوفني
احمد يحط الجريده على الطاوله ويناظرها:نعم.؟
غنيمه:حبيبي شفيك..انا ضايقتك بشي؟
احمد:سألي نفسج
غنيمه عارفه شيقصد:بس هالموضوع متفقين عليه من قبل لا تتزوجني وانت وافقت ..يعني ما فيها شي ان اجلنا الموضوع لبعد الصيفي
احمد بعصبيه خفيفه:لا يا غنيمه فيها فرق..انا بالنسبه لي يفرق
غنيمه:احمد ليش تعاملني جذي ما كنت جذي تغيرت
احمد يوقف وبصراخ:اكيد بتغير في ريال غيري يستحمل الي استحملته 3 سنين وفوق كل هذا مشغوله 24 ساعه بدراستج
غنيمه عيونها تغورق:لا تصارخ علي احمد
احمد باستخفاف:حاضر يا زوجتي العزيزه تبيني ابتسم واضحك وابين لج العكس
غنيمه بصراخ:انا ما قصرت بشي
احمد يقرب منها ويهدد بصبعه:لا تقولين لي ما قصرتي بشي ..لان طول فترة زواجنا وانتي مقصره بس انا طفح الكيل عندي وما عدت اقدر استحمل اكثر
غنيمه تبجي:احمد حرااام عليك لا تسوي فيني جذي
احمد :انا الي حرام علي ولا انتي

يتركها ويدخل الغرفه يغير ملابسه وياخذ بوكه ومفتاح سيارته ....

غنيمه خافت من شكله وايد معصب وقفته قبل لا يطلع :احمد حبيبي وين رايح؟.
احمد يوقف بملل :مالج شغل فيني
غنيمه تمسك يده :حياتي لا تطلع وانت معصب جذي..خل نتفاهم
احمد يبتعد عنها :ما بينا تفاهم

ويسكر الباب بويها ...راحت غرفتها تبجي على حالها اما احمد كان متحسف على كل كلمه قالها

((جباااااان ..نذل..نذل....انت الغلطان واخلي السبه فيها....ما اقدر اصارحها بهالشي صعب صعب))




بيت ناصر

حلا خلصت شغلها امبجر واليوم بتتغدى اهي وطلال عند ابوها...

ناصر:حيا الله من جانا ما بقيتي تزوريني
حلا تبوس راسه:شسوي يا يبه انت عارف نظام شغلي
ناصر يبتسم لها:معذوره يا بنيتي
حلا:الله يخليك لي
ناصر:وشلون طلال ماراح يجي ؟
حلا:بيخلص دوامه بعد ساعه ويجي ان شاء الله
ناصر:أي انا موصيه يجي امبجر لان عندنا بضاعه بتوصل جديده ولازم اروح انا وعمج بعد صلاة العصر
حلا:الله يعطيكم العافيه
ناصر يبتسم لها بحنان:ما في شي جاي بطريق؟
حلا بحيا:لا يبه تو الناس
ناصر:ابي اشوف عيالج قبل لا اموت
حلا بخوف:الله يطول لنا بعمرك يبه ليش تقول جذي
ناصر:الموت مكتوب ومقدر
حلا:يبه تكفى ما احب اسمع طاري الموت

يقطع عليهم صوت الجرس ..تفتح الخادمه الباب ...

طلال:السلام عليكم
الكل:وعليكم السلام
طلال يبوس راس عمه:شلونك عمي؟
ناصر:الحمدالله ..جيت امبجر؟
طلال يجلس يم حلا:خلصت شغلي امبجر وجيت على طول
حلا:الله يعطيك العافيه
ناصر:حبيبتي حلوويه قومي زهبي لنا الغدا
حلا:من عيوني
طلال:تسلم لنا هالعيون



تغدو بعدها قعدو يميع بالصاله يسولفون ..واستأذن منهم ناصر حتى يروح للشركه واهم رجعو الشقه يرتاحون....


بالشركه

وصل ناصر المخازن واتصل على جاسم يجي له....

جاسم يسلم:شلونك بوحلا؟
ناصر:الحمدالله..انت شلونك؟
جاسم:بخير

تمو يراقبون العمال واهم ينقلون البضاعه اليديده ويتفاهمون على الشغل...

لحظة صمت مرت بعدها تكلم جاسم..

جاسم:اقول ناصر
ناصر:سم يا خوي
جاسم بندم:سامحني يا خوي اني هددتك بيوم ..بس كل الي كنت ابيه مصلحة عيالنا
ناصر يبتسم له:مسموح يا خوي من غير لا تتكلم

يقطع عليهم كلامهم صوت ناااس تصرخ وتنادي بأساميهم....التفتو لمصدر الصوت ولا النار تشتعل بالمصنع ..ركضو من غير وعي صوب المصنع يحاولون يساعدون العمال واهم يطفون الحريق بس ما في أي فايده المخزن كان اهو سبب الحريق وكان قريب مره منهم....



بيت جاسم

نوال قاعده بالصاله تكلم ام فيصل يتفقون على العرس وترتيباته.....وامامه طالعه ويا فيصل...

خلصت نوال من نهى ..قامت من مكانها بتصعد غرفتها تريح شوي....الا يرن التليفون

نوال:الو
....:لو سمحتي هذا بيت الاستاذ جاسم
نوال:أي نعم بس اهو بالشركه
..:اختي حبيت ابلغج ان الاستاذ جاسم وناصر بالمستشفى
نوال بخرعه:كيييييييييييف!!
...: احترق المخزن واهم كانو قراب منه...يا ليت تكونون موجودين باقرب وقت

سكرته نوال منه واتصلت على طلال على طول..الي كان نايم اهو وحلا وحاطين موبايلاتهم سايلنت....
اتصلت على امامه واهي تبكي....

امامه:هلا بأغلى ام
نوال تبجي:لحقيني يا اموم
امامه بخوف:خير يمه ليه تبكين؟
نوال:ابوج وعمج بالمستشفى..الشركه احترقت
امامه بشهقه خلت فيصل يرزم بريك قوي:شلووون؟
نوال تبجي:يا حسرتي على بو طلال ..
امامه:خلاص يمه اهدي انا وفيصل جايين اللحين


بعد ما سكرته منها تمت تصيح...

فيصل مو فاهم شي:شفيج حبيبتي ليش تصيحين؟
امامه تشاهق:بسرعه فيصل خل نروح بيتنا ..ابوي وعمي بالمستشفى..الشركه احترقت
فيصل:لا حول ولا قوة الا بالله..خلاص حبيبتي لا تبجين ما فيهم الا الخير ان شاء الله
امامه تحط يدها على ويها وتبجي:هذا ابوي يافيصل ابوي
فيصل يشد على يدها:ادعي لهم حبيبتي البجي ما يفيد ..لا تحاتين انا وياج




شنو مصير كل من جاسم وناصر؟.؟!!
طلال بيتراجع عن كلامه لشذى؟؟!! شنو موقف حلا اذا عرفت؟؟!!
امامه وفيصل زواجهم بيتم ؟؟!!
انفال بتقدر تاخذ حق فجر من بدريه ؟؟!!
شنو الموضوع الي خاشه احمد عن غنيمه ؟؟!

 
 

 

عرض البوم صور عذاري   رد مع اقتباس
قديم 01-02-09, 08:58 PM   المشاركة رقم: 25
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,600
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء السادس عشر



المستشفى

فيصل:لو سمحت في اثنين توهم داشين المستشفى
موظف الاستعلامات يقرأ: جاسم وناصر الغامدي
فيصل:أي نعم
موظف يأشر له:من هالناحيه جهة غرف العمليات

راحو بسرعه ناحية غرف العمليات...ونوال دموعها ما وقفت وامامه نفس الشي وفيصل ضايع بينهم يحاول يهديهم ويطمنهم..وكان يحاول يتصل على طلال بس ما يرد...


فيصل :خلاص عمتي ان شاء الله ما فيهم الا الخير
نوال تبجي:من وين بيجي الخير..وهم بغرفة العمليات
امامه تبجي:يا حبيبي يا يبه...آآآآه على عمي ناصر
فيصل يقرب منها ويشد على جتفها:امومه حبيبتي بدل لا تهدين امج..شالكلام ان شاء الله يطلع الدكتور ويطمنا

بعد مرور 5 دقايق من الانتظار ..وفيصل بمحاولاته بتهديتهم طلع الدكتور وركضو صوبه...

نوال :طمني دكتور؟
الدكتور:انتو اهله؟
فيصل يأشر عليهم:هذا زوجته وهذي بنته وانا زوج بنته
الدكتور بحزن:انتو ناس مؤمنه بقدر ربنا
امامه بخوف:يعني شنو دكتور؟!!
دكتور :البقيه براسكم
نوال بصراخ:ماااااااااااااااااااات ..جاااااااسم مااااااااااااااااااات
امامه تلم امها وتبجي معاها:خلاااااص يمه قطعتي قلبي...بس لا تبجين
نوال:راااااااااااح ابوج يا اموم ...مات ابوج

فيصل يسأل دكتور بمسافه ابعد :دكتور اللحين الاثنين توفو؟
الدكتور وتوه يستوعب:انتو اهل مين جاسم او ناصر؟
فيصل:ناصر عمهم (التفتو عليه نوال وامامه)
الدكتور يرجع لهم:انا آسف بس حصل سوء فهم ...ناصر هو الي توفى.اما جاسم بغيبوبه
نوال وكأن احد صب عليها ماي بارد:ايش؟؟
امامه تبجي واهي متعلقه بدشداشة فيصل:عمي ناصر مات... فيصل عمي ماااااات
فيصل يمسح على شعرها:خلاص حبيبتي طلبي له الرحمه ...لازم تكونين اقوى من جذي
امامه لمته وتمت تصيح بصوت عالي:..........
نوال:الله يعينج يا حلاااااااا ..الله يصبر قلبج..الله يرحمك يا ناصر
الدكتور:اطلبو له الرحمه
الكل:الله يرحمه
الدكتور:اخوي ممكن تجي معي المكتب
فيصل :ان شاء الله

فيصل يبعد امامه عنه:حبيبتي خليج اقوى عشان حلا
امامه تهز راسها بصمت ودموعها ما زالت تنزل :....


الدكتور:احنا وصل لنا الاخ ناصر الله يرحمه واهو في حالة اختناق تام من الحريق...حاولنا ننقذه بس كان قلبه ضعيف وما استحمل..وهالشي بيد الله
فيصل بحزن:ونعم بالله
الدكتور:اما جاسم فهو في غيبوبه ..مع قليل من التشوهات في جسمه
فيصل :يعني حالته خطره دكتور؟
الدكتور:انا ما اقدر اقول لك شي..الا بعد ما يمر 24ساعه وان شاء الله يصحى
فيصل :آمين... عن اذنك دكتور
الدكتور:تفضل


حاول محاوله اخيره يتصل على طلال وهالمره رد.......

طلال بصوت كله نوم:هلا والله بالنسيب
فيصل:هلا فيك..وينك يا طلال سنه على ما ترد
طلال:هههه اسمح لي والله كنت نايم
فيصل :مسموح...طلال حلا يمك
طلال مستغرب :ايه
فيصل :ممكن تبتعد عنها شوي بدون لا تحس

طلال يقوم من سريره ..وحلا حست فيه واهو ابتسم لها واشر لها انه بيرد....

طلال بخوف:خير فيصل صاير شي؟
فيصل :طلال الشركه احترقت وعمي جاسم وناصر بالمستشفى
طلال بصدمه:شنو!!! من صجك فيصل؟
فيصل:أي من صجي هذا وقته غشمره الله يهديك
طلال:أي مستشفى؟
فيصل: ماله معنى ييتك المستشفى انا اللحين برجع ويا عمتي وامامه البيت ابيك تييب حلا و تيون هناك
طلال بحذر:فيصل عمي وابوي فيهم شي؟
فيصل ساكت:.............
طلال بخوف:احد منهم تأذى؟؟
فيصل:.......
طلال وتأكد من الي خايف منه:فيصل رد علي في احد منهم ماات؟؟!!
فيصل بقلة حيله:انت ريال مؤمن طلال ...وتاكد ان اهلك محتاجين لك بهالوقت
طلال ودمعه بعينه:منو فيهم؟؟!!
فيصل بحزن:عمي ناصر عطاك عمره
طلال يغمض عينه ويضرب بيده على طاوله:لااااااااااااااااااا
فيصل:طلال الله يهديك لازم تكون اقوى عشان حلا
طلال يبجي:الله يرحمه...الله يرحمه
فيصل:خلاص يا طلال
طلال بجيه يزيد: ...
فيصل:ما يصير يا طلال ..ِاذا انت جذي اهلك شبيسوون
طلال:ما اقدر يا فيصل تراه من معزة ابوي
فيصل:الله يصبركم
طلال وبصوت واطي:وابوي؟!!
فيصل:عمي بغيبوبه بس انت اللحين لازم تيي البيت اهلك محتاجين لك...وابيك تبلغ حلا بطريقتك قبل لا تييبها
طلال بحيره:صعب علي فيصل صعب..ابوها عندها بالدنيا كل شي...اخاف يصير فيها شي
فيصل:ما عليه يا طلال انت قول لها بهدوء لا تصدمها
طلال ينفخ :آآآآآآه الحمدالله على كل حال...الله يرحمه
فيصل:انا بروح لامك واختك ولا تنسى الي وصيتك عليه
طلال:ان شاء الله...تسلم يا النسيب ما قصرت
فيصل:ما سويت شي يا طلال هذول اهلي..مع السلامه
طلال:مع السلامه


تم طلال يبجي مثل الياهل ...يذكر عمه وشلون وقف معه بمواقف كثيره....مسح دموعه واخذ نفس عميق وحاول يرتب الكلام الي بيقوله لحلا....

دخل الغرفه وعينه تدور عليها..بس ما لقاها ...سمع صوت ماي بالحمام عرف انها تستحم....

قعد على السرير بكل تعب يفكر بالكلام الي بيقوله....رن جواله نقمة مسج ..

(( حبيبي طلال ولهت عليك ... لا تنسى اليوم ان شاء الله عازمتك على العشى مثل ما وعدتني ))

انقهر طلال من المسج حس شكثر اهو حقير ونذل...كفايه فقدت ابوها اللحين مو معقوله بتفقدني...

قطعت عليه افكاره حلا ...واهي طالعه من الحمام ..شافته سرحان قربت منه ووقفت قباله....

حلا:طلال حبيبي شفيك.؟
طلال يرفع عينه لها ويبتسم:ما فيني شي بس رديت وما لقيتج
حلا تجلس يمه وتمسك يده وتشد عليها:طلال ليش باجي.؟
طلال (آآآآآه يا حلا شلون اقولج):............
حلا بخوف:حياتي شفيك؟
طلال ياخذ نفس ويلتفت لها:مو باجي
حلا:طلال مو علي انا..شفيك.
طلال :حلووويه
حلا :عيونها
طلال:تسلم لي هالعيون..بقولج شي
حلا:آمر
طلال:امم تدرين ليش ضايق خلقي؟
حلا ببراءه:لأ
طلال يبتسم لها: واحد من ربعي عمه توه توفى ويصير ابو مرته
حلا:الله يرحمه
طلال:الله يرحمه...عاد اهو يقول لي يا طلال هالعم ما عنده غير بنت وحده ..وزوجته متوفيه من زمان
حلا بمرح:هههه مثل حالتي يعني
طلال يبلع ريجه ويكمل:بس المشكله يا حلا رفيجي مهو عارف شلون يبلغها الخبر...خاصة ان ابوها عندها كل شي بدنياها ...
حلا:مهما صار يا طلال ..هذا ابوها ولازم يقول لها ..واهي يمكن بتنصدم من الخبر اول شي بس ما ردها بتقتنع ان هالشي مكتوب علينا كلنا وهذا يومه
طلال ارتاح شوي:بس اهو خايف انها تنهار او يصير فيها شي
حلا:اذا كانت بنت مؤمنه ان الموت حق علينا ماراح تنهار
طلال يفكر:....................
حلا قلبها ناقزها:طلال شفيك؟
طلال يضمها لعنده:حلا صدقيني عمري ماراح اتخلى عنج..دوم بكون يمج حبيبتي
حلا دمعت عينها من كلامه:ليش تقول كذا ؟
طلال يبعدها ويشد على يدها:عشان ابيج تتأكدين اذا كل الناس تخلت عنج برضاهم او لأ انا دوم بكون يمج لي يو مماتي
حلا تحط يدها على قلبها:سم الله عليك..حبيبي شفيك اليوم؟
طلال بارتباك:حلا انا..انتي..ابو
حلا ودمعه بعينها:انا الي تكلمت عنها يا طلال؟
طلال :حبيبتي الموت مكتوب علينا مثل ما قلتي
حلا تبتعد عنها واهي مو مستوعبه:قصدك ..ابوي انا ابووووووووووووووووووووووووووووي اناااااااااااااااا مااااااااااااااااااااااااااااااات
طلال يروح لها :حلا حبيبتي طلبي له الرحمه ..وهالشي مكتوب
حلا للحين مو مستوعبه:اصلا انت جذاب..احنا كنا عنده توني اليوم شايفته ما فيه شي...اصلا ابوي ما يخليني بروحي انت جذااااااب
طلال يمسكها من جتفها بس اهي تبتعد:حلااا
حلا بصراخ:وخر عني...ابي اروح لابوي (تصارخ بهستيريه) ودني لابوي ابي اشوووووووف ابوي
طلال يهديها:خلاص حبيبتي انتي اهدي شوي وكل شي تبينه يصير
حلا ردت للواقع وبصوت واطي:صج ابوي مات؟
طلال عوره قلبه على حالها ضمها لعنده:حبيبتي ترحمي له ..لا تسوين بعمرج جذي

تمت متمسكه بزوجها وتبجي من غير صوت وجسمها كله يرجف.......



بعد مرور يوم وصل الخبر لمشعل واهو رجع للعزا بس لحق على ثالث يوم ....مرو ثلاث ايام عزا صعبه وايد على الكل..
واكثرهم حلا كانت عايشه بحالة صدمه تحس فقدت كل شي بحياتها مو بس ابوها.....الكل كان وياها وامامه وانفال ما خلوها دوم عندها واهي راحت بيت ابوها ورفضت أي احد ينام وياها حتى طلال....ونهى كانت دوم وياهم ما خلتهم لحالهم..وفيصل نفس الشي بالنسبه للرياييل

جاسم ما فاق من الغيبوبه وحالته ساءت اكثر....


بعد مرور اسبوع


رجوع مشعل لبريطانيا بعد الحاح نوال وطلال عليه... .

طلال يحس بفراغ كبير خاصة ان حلا راحت لبيت ابوها ما تبغى تشوف احد وطلال خلاها على راحتها بس يطمن عليها كل يوم....

امامه تحس بفقدان عمها وابوها الي ما صحى من الغيبوبه ...بس فيصل واقف وياها وما خلاها ولا لحظه وامه و انفال ما قصرو مع نوال وحلا وامامه....


بيت فيصل


غرفة فيصل

فيصل بمرح:لا تخليني اييلج البيت اللحين
امامه:ههههه تسويها اعرفك
فيصل:اموم ترا والله ايي
امامه:لااا خلاص بسكت
فيصل:حبيبتي شرايج اليوم امركم ونروح نتعشى بره ويا خالتي تغيرون جو
امامه بحزن:بنروح لحلا اليوم
فيصل:انزين نروح كلنا وياها تغيرون جو
امامه بحزن:جان زين فيصل بس اهي للحين مصدومه ما اتوقع بترضى بهالشي
فيصل:الله يصبرها
امامه رجعت للبجي:الله يقوم ابوي بالسلامه مادري شبيصير فيني اذا صار فيه شي
فيصل:امومه حبيبتي تعوذي من بليس ..ان شاء الله عمي بيقوم بسلامه
امامه:الله يسمع منك



بيت شذى

حمد توه واصل يبلغ شذى الخبر الي سمعه
....

شذى مصدومه:ماااااااات
حمد بحزن:الله يرحمه صج انه رفضني بس كان ريال طيب
شذى:عشان جذي طلال ما يرد على مسجاتي واتصالاتي
حمد بهدوء:شذى انا ودي اتراجع عن الي كنا بنسويه
شذى بصدمه:شنو؟؟!!
حمد:انا اعرف حلا يا شذى..الي صار لابوها مو شويه عليها تأثيره اكثر من الي كنا بنسويه لها بمليون مره
شذى بعصبيه:نسيت انها دمرتك...بلحظه بتتراجع عن كل شي
حمد:شذى لا تصارخين..قلت لج فكرت وايد وحالها ما يسمح اني اسوي لها أي شي
شذى باستهزاء:حنيت لها يا حمد..نسيت كل الي سوته فيك
حمد:شذى خلاااااص كافي ...البنت ابوها توه متوفي شنو قلبج الي يخليج تسوين فيها شي يحزنها اكثر من الي اهي فيه
شذى:لانها تستاهل خذت مني حبيبي
حمد:اهو الي تخلى عنج
شذى بقهر:وتدافع عنها بعد
حمد :شوفي شذى الحمدالله اني للحين ما بديت بولا شي ..فقررت انسحب وموت عمي ناصر وايد اثر فيني وان شاء الله بتعالج وبرد مثل اول واحسن
شذى مو مصدقه:انت جذااااب...اكيد قاعد تجذب علي
حمد بصدق:الكلام الي اقوله طالع من قلبي
شذى تقعد على القنفه :يعني ياي تقول لي اتنازل عن كل الي كنا بنسويه
حمد يجلس يمها ويشد على يدها:خيره لنا يا شذى الي بنسويه كان بيدمرهم ويمكن كان بيدمرنا ..الحمدالله اني رديت لعقلي وابي منج تفكرين بعقلج قبل قلبج وتتراجعين
شذى تشيل يدها بعنف:لاااا لا ماراح اتنازل ..اذا انت بتنسحب انا اعرف شلون ادمرهم بنفسي
حمد:سمعيني يا شذى انا قلت لج اني راح انسى كل الي بنسويه وببدي حياة يديده ...واذا كنتي تبين تبدين وياي فحياج الله
شذى باستهزاء:وياك انت؟.
حمد يبتسم لها:ان شاء الله بعد ما اتعالج ايي اخطبج من ابوج
شذى بغرور:و تبيني اوافق عليك
حمد بصدمه:شنو؟!
شذى:ههههه صدقت اني احبك..كل الي سويته عشان كنت ابيك تساعدني انتقم من طلال وحلا
حمد بيرفع يده عليها:صج انج نذله
شذى تمسك يده قبل لا يضربها:اذا فكرت تمد يدك علي مره ثانيه يا ويلك
حمد بقهر:لاني ما ابي اوسخ ايدي فيج


طلع منها بكل عصبيه ويحس ان الدنيا انتهت

((الحقيره كانت تجذب علي ..تلعب فيني آآآآآآآآآآآآآآآه شلون كنت غبي لي هالدرجه نسيت ان النذاله والخيانه والجذب طبع فيها من يوم هي صغيره.....ما يفيد الندم خسرت مرتين))







بيت جاسم

قعدت نوال من النوم امبجر بتروح المستشفى لجاسم ...
نزلت الصاله تتريق تنتظر وصول طلال يوديها...نزلت امامه لقت امها ..باستها على راسها وقعدت جنبها...

نوال:ليه مو لابسه؟
امامه :يمه قلت لج بروح ويا فيصل وانفال
نوال:بيجون المستشفى؟
امامه:أي يمه وخالتي نهى بعد..بس قبل بروح الجامعه عندي شغله اسويها ويا فيصل
نوال: متى تداومين؟
امامه:ان شاء الله يمه لا تحاتين ما طافني شي
نوال:خير ان شاء الله

يدخل طلال يسلم ويجلس يتريق معهم\....

نوال:كيف حلا يا طلال؟
طلال بحزن:للحين يمه مو راضيه ترجع معي
امامه:ما عليه طلال اهي للحين بصدمه
طلال:لي متى تعبت يا امامه قاعد بالبيت بروحي
نوال:قلت لك تعال اجلس معنا ما طعت
طلال:تعودت على بيتي يمه
امامه:انا امس فاتحتها بهالموضوع وشكلها شوي اقتنعت
طلال بفرح:صج اموم؟
امامه:أي صج...صدقني وايد فاقدتك طلال
نوال:الله يهديها ان شاء الله ..قوم تأخرنا على ابوك
طلال بضيق:ليكون عاد حاس فينا
امامه: يا رب يشافيه ويرد لنا مثل اول واحسن
الكل:آمين




بالمستشفى

الكل كان متجمع حول جاسم ..واهو بعالم ثاني مو حاس بأحد..نوال يدها على خدها تبكي وتشوفه

نهى جالسه يمها: ذكري ربج يا نوال
نوال تمسح دموعها: خايفه عليه يا نهى
نهى:ما فيه الا الخير ان شاء الله

بالجهه الثانيه

انفال وامامه جاالسين يسولفون ...

انفال : بشري شصار عليج بالجامعه؟.
امامه:ماكو رحت للدكتور وفيصل شرح له كل شي واهو تفهم الوضع
انفال:يعني ماراح ينزل لج انذار
امامه:لا الحمدالله
انفال:اشوه حرام تتاخرين كورس على ماده ..
امامه:أي والله..وغنوم ما قصرت سجلت لي كل شي وباجر بتشرح لي كل الي فاتني قبل الامتحان
انفال :الحمدالله ...بس كافي ما في غياب بعد اليوم
امامه تشوف امها:لو بيدي ما اخلي امي لحظه وحده
انفال :شالكلام امامه ..خالتي ما فيها الا الخير ان شاء الله
امامه بحزن:وايد فاقده ابوي انفال..كل ما ادخل عليها الغرفه القاها تبجي..مادري شراح تسوي ان صار له شي
انفال تشد على يدها :اموم شالكلام
امامه تبجي:مادري شبسوي اذا مات كفايه عمي ناصر راح عني

فيصل لاحظ امامه انهارت على انفال ...وطلال الي استأذن راح يسأل عن ابوه عند الدكتور..قرب منهم

فيصل:حبيبتي ليش البجي اللحين
امامه تمسح دموعها:.....
انفال:ذبحتني يا فيصل مو راضيه تسكت
فيصل يبتسم:محد يعرف لها غيري..صح امومه؟
امامه بحيا:فيصل
انفال:ههه انزين علمني شتسوي لها؟
امامه رفعت عينها له بخوف: لا تقول
فيصل :ههههههههههههه

نوال تلتفت على ضحكهم:ضحكونا معاكم؟
فيصل استحى لان المكان ما يسمح:ابد خالتي بس امامه يحليلها..
امامه تقاطعه:يمه وين طلال؟
نوال:كان مع فيصل
فيصل:راح يسأل الدكتور عن حالة عمي

دخل طلال بهاللحظه...

امامه:ما شاء الله لو كنت طالبه المليون جان حصلته
الكل:هههههه
نوال:خير يمه شقالك الدكتور؟
طلال بحزن:والله يمه ما في أي تقدم بحالته
نوال ودموعها ردت:يعني شنو؟
طلال:هذا كلام الدكتور يمه
فيصل:ليش ما نسفره بره؟
طلال:قلت له قال ما في فايده نفس العلاج
نهى تهدي الوضع:ان شاء الله اجر يا ام طلال يقوم بالسلامه
الكل:يا رب





اليوم الثاني

بيت ناصر


حلا قاعده بغرفة ابوها مجابله صورته وتبجي....دخل عليها طلال وقلبه يعوره على الحاله الي هي فيها مر اسبوعين على الي صار واهي حالها ما تغير....

طلال يحط يده على جتفها من وراها:حلا
حلا غمضت عينها وتمت تبجي:...........
طلال راح جدامها :بس يا حلا حرام الي تسوينه بنفسج
حلا تناظره ودموعها تنزل من دون أي كلمه:.......
طلال:حبيبتي ما اقدر اشوفج جذي..عمي الله يرحمه لو كان عايش ماراح يرضى بلي تسوينه بعمرج
حلا دموعها زادت:................
طلال ضمها لعنده:بس خلاص حبيبتي والله قطعتي قلبي

حلا تتمسك فيه وتحس انها ودها تشكي لحد الفتره الي تمت فيها تاكدت من صدمتها وبدت تحاول تصحى منها.......

حلا من بين دموعها: ابوي راح عني طلال..تخلى عني مثل ما تخلت امي عني
طلال يشد عليها:حلويه حبيبتي شالكلام ...هالشي مكتوب عليهم وانا عندج ولا انا ما اكفي؟
حلا:مين قال جذي؟.
طلال يبي يلهيها فقال بدلع:انتي تقولين جذي...صارلج اسبوعين ما تكلميني ولا تشوفيني قلت اكيد ما تبيني
حلا حنت عليه:سامحني طلال بس والله ما كان بيدي
طلال يبتسم لها:اذا تبيني اسامحج..تردين معاي اليوم بيتنا
حلا تهز راسها : ان شاء الله
طلال بفرح:واخيرا يا قلبي والله ان البيت مو شي من دونج


بيت فيصل

انفال بغرفتها ويا فجر يتفاهمون بعد ما كلمت انفال بدريه...

فجر تبجي:نذله.... نذله
انفال:ماله داعي البجي اللحين
فجر بخوف:شبتسوين انفال؟
انفال:لازم ابلغ فيصل بلي صار واهو يتفاهم ويا فارس
فجر:شبيسوي فيصل؟
انفال:مادري عنه..بس الموضوع كله بيد فارس اهو الي عنده الاشرطه والصور
فجربندم :با ليتني مارحت الحفله
انفال باستهزاء:توج تندمين نسيتي شلون كنتي تطولين لسانج علي يوم كنت انصحج
فجر تبجي بحسره:بس انفال حرام عليج
انفال:انتي تستاهلين اكثر من جذي ..هذا آخر العناد وقلت الادب

يقطع عليهم فيصل يدخل الغرفه وعينه على انفال هو للحين ما يكلم فجر من الي صار...

فيصل:نفوله تعالي غرفتي ابيج بموضوع
انفال :ان شاء الله

فيصل طلع ...و فجر تسحب يدها قبل لا تروح

انفال تلتفت عليها:شتبين؟
فجر:قولي له يسامحني ..ما عندي بالدنيا غيره
انفال تشيل يدها: قالج ماراح يسامحج الا يوم تنتهي المشكله الي سودت ويوهنا


رجعت فجر للبجي بكل ندم وحسره على الي سوته...وانفال راحت لفيصل تبلغه الي صار

فيصل منسدح على السرير سمع صوت الباب:دشي نفوله
انفال تجلس يمه:خير
فيصل:اسويتي ويا الحماره بدريه
انفال بحزن:تقول ان اهي مالها شغل بشي الصور والفيديو عند فارس
فيصل بعصبيه:النذل الحمار كلمته يقول لي عند بدريه
انفال:كل واحد يقول عند الثاني
فيصل:انا لازم ابلغ الشرطه ما في غير هالحل
انفال:راح ننفضح يا فيصل
فيصل:شسوي يا انفال حاولت معاه بكل الطرق ..على الاقل الشرطه ممكن يحبسونه فيخاف ويعطينا الاشرطه والصور
انفال:تتوقع ما نشرهم؟
فيصل بخوف:هالشي ماراح عن بالي ..يقول ان الاصلي عند بدريه ونسخه وحده دزها لفجر
انفال:وليش سوى جذي؟.
فيصل بقهر:عشان يهددها فيهم النذل ..عشان اذا طلب منها شي ما تقول له لأ
انفال:الحمدالله انها صارحتنا وما ضيعت شرفها بيدها
فيصل يضرب بيده على السرير:عمري ما توقعت فجر تسوي جذي..معطيها الثقه واهي ما صانتها
انفال:ربك كاتب يا فيصل ..لا تقهر عمرك
فيصل ينفخ:آآآه يا انفال تعبت من هالموضوع
انفال:ربي يآجرك ان شاء الله انت بلغ الشرطه وان شاء الله تنحل هالمشكله ونرتاح
فيصل:الله يسمع منج



بيت حور

حصه وابو حور قاعدين بالصاله يشربون جاي العصر

حصه :اقول عمر
ابو حور (عمر) :خير
حصه:اليوم خالد ولد اختي رد فاتحني بموضوعه ويا حور
عمر:شلون يعني؟
حصه:الولد للحين شاريها
عمر:بس البنت بتكمل دراستها
حصه:اهو ما قال لأ ..بس طلب مني ارد افاتحها بالموضوع اذا وصلت اسبوع الياي
عمر:يصير خير لين توصل




بريطانيا

مشعل من يوم رد لبريطانيا ما شاف حور ...توقع انها رجعت الكويت ويا ريلها....

كان قاعد بحديقه قريبه من عمارته يفكر ..من ناحيه ثانيه حور لاحظته اول ما جيه ...تمت تناظره من دون لا يلاحظ بكل الم..


((ليش يا مشعل سويت جذي..ليش هدمت كل الي كان بينه بلحظه...ليش نهيت حبنا بيدك ليش؟؟))

رجع راسه لي وره وتم يحرك رقبته يمين يسار لين ثبتت على اليمين....حور جدامه قاعده بروحها تحت شجره وبيدها كتاب وحولها اوراق....

اول ما شافته نزلت عينها للكتب حاولت تلهي نفسها...

فرح من داخله لان عرف انها كانت تناظره...قام من مكانه بدون لا يفكر بأي شي واتجه لها وقف قبالها واهي جالسه على الارض...

مشعل :السلام عليكم
حور ترفع عينها له:وعليكم السلام
مشعل بابتسامه:شلونج حوره؟
حور تبعد خصل شعر على ويها:الحمدالله
مشعل يتلفت: قاعده لحالج؟
حور:ايه
مشعل مستغرب:عيل وين ريلج؟
حور بارتباك : بالشقه
مشعل وعيونه تدورالخاتم الي يحرق قلبه:.........
حور :في شي؟!
مشعل وعينه على يدها: وين دبلتج؟
حور بارتباك: نسيتها بالشقه

مشعل تم ساكت وعينه بعينها يبيها تقول ان كل شي جذب وانها للحين له ........حور تحس تبي هاللحظه تدوم لو بيدها تقول له عن كل شي بس اهو هان كرامتها لازم تجرحه ....

بعد مرور دقيقتين صمت مملوءه بعتاب من كل واحد منهم عبرو عنه بالنظرات....

حور ودمعه نزلت قصب عنها: ليش صار جذي؟؟
مشعل من غير وعي دمعت عينه وقعد قبالها:حور انا احبج
حور غمضت عينها بحسره:بس مشعل بس
مشعل يضغط على يدها:حبي لج عمره ما مات طول هالسنين .. انتي بقلبي ما تمر لحظه الا وانتي معاي فيها
حور تبعد يدها:مشعل الي تسويه غلط انا متزوجه
مشعل حس بسكين تطعن قلبه ابتعد عنها:آسف نسيت هالشي
حور بألم: مشعل روح
مشعل يشوفها بكل رجاء:ما اقدر ..على الاقل لا تحرميني من شوفتج
حور:مشعل لا تسوي فيني جذي
مشعل يقرب منها:اسويت فيج؟
حور فكها يرجف من قربه:مشعل وخر عني
مشعل قرب اكثر بحيث صار ويهه ملاصق لويها:ليش؟
حور تغمض عينها: مشعل تكفى وخر عني
مشعل مازل بمكانه تم يتأملها يحس ان ولهان عليها:....
حور افتحت عينها وتلاقت بعينه وبصوت واطي:كافي مشعل
مشعل:ما اقدر فهميني حور ما اقدر
حور ما تبي يأثر عليها :مشعل ابتعد عني شوي ..لا يشوفك ريلي تكفى
مشعل مازل بمكانه ويناظرها بحذر:وينه زوجج؟
حور:قلت لك بالشقه
مشعل يبتسم لها ويساسرها بأذنها: ادري انج ما تزوجتي حور
حور افتحت عينها عالآخر:...........
مشعل :صح حبيبتي؟
حور بعناد: لأ انا تزوجت وعندي منه ولد.. لو سمحت وخر عني
مشعل بألم:حور احبج فهميني
حور تلف راسها للجهه الثانيه: ان ما وخرت بصرخ بصوت عالي والم عليك الناس
مشعل يلف ويها بيده صوبه:شوفيني
حور منزله عينها:ما ابي
مشعل يرفع راسها:حطي عينج بعيني
حور تناظر عيونه:....
مشعل:انتي لي يا حور مهما تمر السنين..
حور تبجي:مشعل كافي وخر عني

مشعل يبتعد عنها واهي تمت تتنفس بشكل سريع قربه منها اربكها ....

مشعل جلس على بعد مسافه منها وقال بكل الم بصوت حزين ودمعته على خده يناظرها:

يا حبيبي وين كنا وانتهينا .. صار دمع العين يتحسر علينا

الزمان سيوف وجروحه كثيره .. العيون تشوف وإيدينا قصيره

حور غمضت عينها بألم ما تبي تنهزم جدامه:مشعل لو سمحت كافي وان قربت مني مره ثانيه ماراح يحصل خير..روح لمرتك

مشعل يكمل من دون لا يهتم لكلامها: من يقول انى لغيرك .. انا لك مانى لغيرك
انا متعلق مصيري .. ياحبيبي في مصيرك

حور تبجي:مشعل كافي..كافي خلاص...شتبي مني؟ ليش تسوي فيني جذي؟.

مشعل يكمل: ويش اسوي بقلبٍ ساكـــــــن دارك
جاك بيتك وعاف قلوب في بيتــــــــه
خيرت نفسي مابين الناس واختارك
قلت لا يا قلبي ابعــد قـــال حبيتــــــه

حور تقهره:وانا اكرهك نسيتك ما ابي اشوفك بحياتي بعد اليوم

لمت اغراضها ووقفت تبي تقوم ...مسكها مشعل من يدها وقفها وقرب من اذنها وهمس لها..

مشعل:لا تكابرين حبيبتي
ابتعدت عنه حور بعصبيه:لا تقول لي حبيبتي مره ثانيه..انت ما تستاهل الحب الي عطيتك اياه تخليت عني بكل سهوله
مشعل بحسره:انا..
حور تقاطعه من بين دموعها:بس كافي تبريرات ...تركتني وخليت غيرك يبرر عنك ...انت ما تستاهل حبي يا مشعل ..ربي يوفقك مع مرتك وخلني اعيش حياتي
مشعل يقرب منها ويمسك يدها يمنعها تروح : مرتاحه معه؟
حور تكابر:الحمدالله وعندي منه ولد
مشعل بألم:تحبينه؟
حور ناظرت عينه لثواني وردت بكل غرور: اهو الي يستاهل حبي مو نفس غيره
مشعل يناظر عيونها بحذر:متأكده
حور:ما في شي متأكده منه اكثر من اللحين
مشعل ترك يدها: الله يوفقج
حور باستهزاء:ويوفقك مع حبيبة قلبك وام عيالك

مشعل ناظرها بحسره وابتعد عنها ...واهي حست ان قلبها راح وياه ماراح تشوفه اكيد بعد الكلام الي قالته ودها تصرخ بصوت عالي تناديه تقوله احبك وماراح اتزوج غيرك..بس شي من داخل يمنعها من تذكر الي سواه فيها ....

ابتعد مشعل عنها واهو ندمان على كل الي سواه فيها وبلحظه الي قرر انه ينهي كل شي بينهم...بس ما يفيد الندم اللحين..حور صارت لغيره حاول انه ينكر هالشي بس اهي اكدته....




مشعل فقد الامل بعودة حور له؟؟!
جاسم شبيكون مصيره ؟؟!!
يا ترى فارس بيسلم كل شي للشرطه؟؟!!
شذى بتقدر تفرق طلال وحلا بعد تخلي حمد عنها؟؟!!
حور بتوافق على خالد بعد الي صار؟؟!!

 
 

 

عرض البوم صور عذاري   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة حلا الكويت, أغلى, أغلى ناسي, ناسي, قصه اغلى ناسي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:24 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية