لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-01-09, 01:46 PM   المشاركة رقم: 16
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء السابع




قعدت غنيمه من النوم غسلت وصلت وغيرت ملابسها عالسريع... طلعت للصاله لقت احمد ينتظرها على طاولة الطعام...

احمد بابتسامه:صباح الخير
غنيمه تقعد عالكرسي جنبه:صباح النور
احمد:الحلوين جاهزين للامتحان؟
غنيمه بخوف:الله يستر احمد حدي خايفه اخر ماده صعبه
احمد يطمنها:لا تحاتين حبيبتي سهالات أن شاء الله
غنيمه تاخذ لها عصير وتوقف:الله يسمع منك..انا بروح اللحين ابي ادش وانا مرتاحه
احمد:اوصلج حبيبتي
غنيمه:لا انا بمر اموم رفيجتي شوي تعبانه وما ابيها تسوق
احمد:خلاص اوكي طمنيني عليج أول ما تطلعين
غنيمه :اوكي ..ادعى لي احمد بليييز
احمد:بدون لا تقولين بدعي لج


وصلت بيت اموم ودقت عليها ...واهي كانت جاهزه ونزلت بسرعه بعد ما تمت توصي امها تدعي لها...

وصلو الجامعه تمو يراجعون شوي وقبل فتره تركو الي بيدهم عشان يريحون عقلهم....دخلو قاعة الامتحان وامامه تحاول تجنب انها تشوف فيصل


مرت ساعتين والدكتور بدا ياخذ الاوراق ورفض أي وقت اضافي....طبعا امامه سلمت على طول لان ما في مجال تحل زود كتبت كل الي تعرفه وبقلبها تدعي انها بس تعدي الماده....اما غنيمه تمت تترجى الدكتور يخليها بس باقي لها اخير سؤالين وبالأخير قرر الدكتور يعطيهم 5 دقايق زياده على الوقت الاصلي...بس كثير من البنات والشباب ما لحقو لانهم سلمو اوراقهم و منهم امامه وفيصل...

جلست على الكرسي بره تنتظر لين تطلع غنيمه ...راسها بالارض تذكر الموقف السخيف الي شافت فيصل فيه...وتفكر بكلام غنيمه امس لها((معقوله يكون ما يحبني!!! يلعب علي يعني؟؟))

شافت ظل احد جدامها رفعت عينها لقته فيصل يبتسم لها....

فيصل :السلام عليكم
امامه بعصبيه وبصوت هادي :وعليكم السلام
فيصل:كيف الحال.؟
امامه ما ردت وتمت تناظر الارض:.....

طل عليها من تحت واهي رفعت راسها بسرعه من حركته البايخه

امامه بعصبيه جاده:تستهبل حضرتك؟

فيصل يوم سمعها تقوله جذي ما قدر يمسك عمره وتم يضحك ...واهي استحت من الي قالته شلون تجرأت وقالت له جذي..تأسفت منه وجيت بتقوم بس وقفها بيده...اهني امامه فورت كيف يسمح لنفسه يمسكها وبالجامعه بعد جدام الكل

امامه والشر بيطلع من عينها:انت كيف تتجرأ؟
فيصل استوعب الي سواه بس كل همه كان انها ما تروح:آسف امامه ما كان قصدي انا...
امامه تقاطعه:انت تماديت وايد يا فيصل..ما لك حق توقف وتكلمني
فيصل يدري انه الحق وياها بس يبي ياخذ رايها:انزين ممكن تهدين لاني بسالج بموضوع
امامه تلم اغراضها وترد توقف:ما بينه كلام

لحقها فيصل واهي يوم شافت غنيمه ما طلعت راحت لسيارتها واهو يلحقها....اول ما وقفت التفتت تشوف اذا جيت غنيمه ولا لأ لقته جاي لها....

((هذا شفيه ما يفهم ما ابي اشوفه ما ابي اكلمه حراااااام الي يسويه فيني ))

فيصل يوقف جدامها بمسافه معقوله:ممكن تهدين شوي
امامه تطق ريلها بالارض من العصبيه:انت ما تفهم اقولك ما ابي اشوفك ما ابي اكلمك
فيصل حز بخاطره كلامها:ليش؟
امامه باندفاع:لاني ما ابي...قصب يعني ما ابي
فيصل :امامه انا مو قصدي اذيج ..والله نيتي زينه
امامه باستهزاء:على بالك البنات كلهم مثل مثل
فيصل مو فاهم شي:شتقصدين؟

يرن موبايل امامه كانت غنيمه وكأنها نقذتها من الجواب

امامه:غنوم انا عند السياره تعالي بسرعه

سدته منها....

فيصل للحين منصدم من كلامها ((معقوله تكرهني..شقصدها مو كل البنات مثل مثل...!!!!!!! ليكون تظن اني العب عليها؟؟؟ ))

فيصل بهدوء:ممكن تسمعيني؟
امامه واقفه وعينها بالارض ندمانه على الي قالته:..
فيصل حس انها ندمت:ليش ما تبين تشوفيني؟
امامه ساكته:.........
فيصل:لي هالدرجه تكرهيني؟

امامه أول ما سمعته رفعت عينها له واهي تقوله لأ لأ...بس ما نطقت بولا كلمه

فيصل مل من سكوتها:انا يا امامه مو راعي سوالف بنات ولا ابي العب عليج مثل ما ظنين ..كل الي ابيه منج جواب يا أيه او لأ
امامه :بشنو؟
فيصل ارتاح انها ردت عليه وحب يدخل بالموضوع على طول:تتزوجيني؟
امامه من الصدمه على بالها اهو قال شي غير الي سمعته وبصوت واطي :شقلت؟
فيصل يقرب شوي:امامه انا من أول يوم شفتج يوم دعمتيني وانتي ما رحتي من بالي ..انا احبج وابي اخذ رايج قبل لا اتقدم رسمي ..تتزوجيني؟

امامه من داخل فرحانه ودها تقول ايييييه يا فيصل حتى انا احبك والله احبك ..بس تذكرت البنت الي معه وردت بكلام من ورى قلبها

امامه وملامح ويها تدل على عكس الي بقلبها:اكيد لأ
فيصل مصدوم:ليش اكيد لأ؟
امامه بتقهره:لو بتكون آخر واحد ماراح ارضى ...
فيصل مو مصدق الي تقوله:ليش؟؟؟؟؟

وصلت غنيمه واستغربت يوم شافت ويه فيصل المصدوم و رفيجتها الي مبين عليها متوهقه بشي... راحت امامه لها على طول وسحبت المفتاح من يدها وقبل لا تركب السياره قالت كلمه وحده...

امامه بألم :انساني يا فيصل...كل الي بيني وبينك انتهى ...(دموعها انهارت) باختصار انتهينا يافيصل

فيصل يحاول يوقفها:لحظه ..لحظه امامه يعني شنو انتهينا؟؟!!!

امامه ما اهتمت له ودخلت السياره وغفلت الباب وتمت تصيح....
غنيمه مو عارفه شتسوي وفيصل واقف مصدوم....

توها بتركب غنيمه وقفها صوت فيصل...

فيصل:لو سمحتي
غنيمه التفتت له :....
فيصل بألم:فهميها اني احبها
غنيمه وكأنها فهمت الي صار:انت متأكد يا فيصل من حبك لها
فيصل ودمعه نزلت من خده:مثل ما انا متأكد انج جدامي
غنيمه تبتسم له:بحاول
فيصل وكأن الحياة رجعت له:اكيد
غنيمه وما حبت اطول:الله يكتب الي فيه الخير

ركبت السياره وامامه كانت تبجي من غير صوت....وفيصل حس أن امامه فيها شي ما توقع منها هالمعامله ..توقع منها تبادله بنفس الشعور...قرر أن يكلم اخته انفال تكلمها...

غنيمه وعينها على الشارع:ممكن افهم السالفه؟
امامه زاد بجيها وصوتها بدى يعلى:......
غنيمه الي صج خافت عليها:اموم شفيج ليش تبجين شقالج فيصل؟
امامه:ليش تاخرتي علي؟.؟؟؟
غنيمه:اتصلت على احمد وتميت اكلمه...اموم شفيج؟
امامه تبجي:احبه غنوووووم والله احبه
غنيمه وقفت عند شقتها الي كانت قريبه من الجامعه:ما ينفع نتكلم بالسياره نزلي احمد مو موجود

امامه تقعد على القنفه بكل تعب:آآآآآآآآآه
غنيمه جبالها:ممكن تفميني الحين؟

امامه تمت تقول لها كل السالفه ....

غنيمه :وليش قلتي له جذي.؟؟.؟؟؟
امامه :شكنتي تبين اقوله ..ايه موافقه وانا بعد احبك يا فيصل
غنيمه:أي لأن نيته صافيه ويبي يتزوجج
امامه تبجي:كنت ابي اقهره مثل ما قهرني
غنيمه:من صجج اموم شلون فكرتي جذي...انتي قهرتي عمرج قبل لا تقهرينه وبعدين انا قلت لج يمكن وحده تصير له
امامه :خلاااااااص غنوم سكري الموضوع انا رفضته والي بينا انتهى
غنيمه:حراااااام عليج لو تشوفينه شلون يترجاني عشان افهمج انه اهو يحبج ..لا تمشين ورا اوهام اموم
امامه ساكته:..............
غنيمه تضغط على يدها:اموم انتي تحبينه لا تعاندين
امامه توقف بعصبيه:ارجوج غنوم هالموضوع يخصني....وانا نهيته بنفسي ..وممكن اللحين توصليني بيتنا
غنيمه توقف وتاخذ المفتاح:براحتج بس اشتري الولد دام شاريج


*********************


بعد ما قضو احلى اسبوعين من شهر العسل ...طلال خلاص يحس أن شذى صارت ماضي له مع انه لحظات تجي على باله بس حلا بوجودها جنبه ينسيه شذى....

حلا عايشه احلى ايامها تحس نفسها بحلم ..طلال الي معها غير عن طلال بأول ايام الخطوبه...

بعد ما تجولو بمعالم فرنسا ..دخلو مطعم ايطالي يتعشون فيه

حلا وتحط الكيس بالكرسي الي جنبها:انا بعرف وين بنحط كل هالاغراض
طلال :هههههه شسوي بأموم اذا ما جبنا لها كل الي تبيه مو بعيد تذبحنا
حلا:ههههه حرام عليك والله أن ميمي تستاهل
طلال يقرب منها:اكثر مني
حلا بدلع:انت غير ما في مقارنه


يقطع عليها صوت جوالها...

ترد بشوق ووله:يبه حبيبي
ناصر:هلا بالغاليه ..كيفج حلويه؟
حلا دمعت عينها:بخير ..انت شلونك يبه طمني عليك؟
ناصر:انا بخير الحمدالله
حلا:ادري يبه تحس بوحده ..بس
ناصر يقاطعها:أي وحده حبيبتي انا طول اليوم بالشركه واللحين اكلمج من المطار مسافر الصين عندنا صفقه لازم اروح لها بنفسي
حلا:الله يطول لنا بعمرك ويخليك لنا
ناصر:تسلمين يا بنتي...الا شلون طلال عساك مرتاحه معه
حلا:الحمد الله يبه مرتاحه
ناصر:اهو جنبك؟
حلا:أي لحظه

تعطي طلال الموبايل...

طلال:هلا والله بعمي ناصر
ناصر:هلا بك يا ولد كيفك؟
طلال:الحمدالله والله ياعمي بخير
ناصر :عسى مرتاح مع بنتي..اذا مقصره قولي يا ولدي؟
طلال يبتسم لحلا:ما شفت منها قصور عمي
ناصر بفرح:الله يهنيكم ويسعدكم..انا اخليكم اللحين نداء طائرتي
طلال:مسافر عمي؟
ناصر:أي والله يا ولدي تعرف شغل الشركه ما يخلص
طلال:يعطيك العافيه..وترد لنا بالسلامه
ناصر:الله يسلمك ويعافيك ما وصيك حلا بعيونك
طلال:لا توصي حريص عمي
ناصر:مع السلاامه

حلا تمسح دموعها قبل لا يشوفها طلال..بس وين اكيد شافها...

طلال يمسحها:ليش هالدموع؟
حلا:ولهت على ابوي
طلال كسرت خاطره يعرف شكثر متعلقه بابوها:افا حلا وانا ما اكفي
حلا تبتسم له:مين قال.؟
طلال زعل:انتي
حلا تقرب منه:انت كل اهلي يا طلال وكل الي املكه لا تتركني يوم
طلال بخوف من كلامها:حبيبتي شالكلام
حلا تضمه:مادري شبسوي من دونك رااح اموت
طلال يحاول يهديها:تعوذي من الشيطان وخل نكمل عشانا


*****************************

شذى خذت اجازه من دوامها مهي عارفه شتسوي
...مو عارفه شلون توصل لطلال ...وكل ما تذكر انه مع حلا يقضون شهر العسل كرها لهم يزيد اكثر واكثر....

منسدحه على السرير تفكر كيف تفرق بين حلا وطلال وتنتقم منهم....

طق باب غرفتها..وقامت افتحته...كانت امها واقفه عند الباب واستغربت يوم شافة حال شذى كيف مبهذله ومو مرتبه عمرها ما شافت بنتها كذا بالبيت دوم تهتم بشكلها حتى لو كانت معهم...

ام شذى:شذوويه حبيبتي شفيج
شذى تسوي نفسها عادي:ما فيني شي يمه
ام شذى:ليش ماخذه عطله؟؟ ..وشلون ما فيج شي وشكلج جذي؟
شذي:يمه انا تعبانه شوي
ام شذى تمسح على راسها:تعالي يمه نزلي تحت ابوج يسأل عنج ما شفناج يومين على الغدا
شذى بابتسامه مزيفه:أن شاء الله يمه

توها بتطلع امها تذكرت شي ورجعت....شذى الي توها بتسكر الباب بس امها فاجاتها ومسكته بيدها

ام شذى:شذويه نسيت اقولج
شذى:خير يمه؟
ام شذى:اليوم خالتج وولدها بيزورونا على العشى خليج بالبيت
شذى بملل لانها ما تحب ولد خالتها:شالمناسبه؟
ام شذى:يمه شذويه خالتج و ولدها يزورونه لازم بمناسبه!!!
شذى بغرور:خالتي ممكن ..بس ولدها ما يجي بيتنا ما تعجبه حياتنا
ام شذى الي ما عجبها كلام بنتها:عيب يا شذى هذا ولد خالتج مهما صار
شذى:خلاص يمه بكون موجوده
ام شذى :الله يصلحج


طلعت من الغرفه وشذى سكرت الباب بقوه مالها خلق تشوف ولد خالتها الكريه....كانت دوم تتأفف منه لان تفكيره غير عنها بالمره ودوم يجادلها...



******************

الشخصيه ما خذت حقها بالقصه بس بتلعب دور بالاحداث اليايه ....

نفس كل مره صار له شهور واهو على هالحال ...بشقه بين بطول الخمر والمخدرات ...يسكر يبي ينسى الي صارله يبي ينسى الحب الوحيد الي عاشه بحياته يبي ينسى كرهه للانسان الي خذا منه خطيبته ...يبي ينسى الحبيبه الي استغنت وتخلت عنه من غير أي سبب....

شاب صاحب صلاة وذكر ..وحيد امه وابوه بعد ما تخلت عنه خطيبته باشد الاوقات الي كان محتاج لها فيه....سلك طريج ثاني.. طريج دوم كان يتحاشاه بالصلاة وذكر القرآن كان يعتبر شاب ملتزم بدينه ودوم بالمسيد وذكر الله ما يبتعد عنه....شلون انقلبت الدنيا وصار حاله كذا..كثير تعبو كل من امه وابوه يبون يعرفون صار بولدهم شلي غيره ...

رن موبايله واهو بعالم ثاني عالم يحس فيه مظلوم ومخدوع ومجروح....

رد عليه بكل تعب وبصوت كله الم:الو
امه:حبيبي وينك فيه؟
..يبجي:بجهنم يمه بجهنم
امه:حرام عليك يا يمه ليش تسوي جذي
يحرك الكاس الي جدامه:واهي ليش سوت فيني جذي ..(وبصراخ) حرام عليها اهي مو انا
امه تهديه:خلاص حبيبي انت متى ترد البيت
..:ما ابي ارد البيت .ما ابي اشوف احد
امه:ما يصير حبيبي ..اليوم بنزور خالتك
:وانا شكو انتي زوريها انا ما اروح لهم دام شذوه موجوده
امه بحزن على حال ولدها:يا يمه عشاني لا تردني خالتك اخر مره شافتك يوم الخطبه
تذكر ذاك اليوم وتنهد بكل الم:آآآآآآآآه تخلت عني بعد ما حبيتها وانا ما ضريتها بشي
امه تبجي على حاله:خلاص يا يمه لازم تنساها
يبجي:ما اقدر يمه صعب صعب
امه تغير الموضوع:اللحين منت ياي معاي بيت خالتك..تفشلني يا ولدي

رغم كل الي صارله ..والتغير بحياته إلا أن احترامه لامه وابوه ما تغير

:افا يمه ما عاش من يفشلج
امه:خلاص حبيبي على المغرب تعال البيت مرني
:أن شاء الله يمه

سكره منها ورد كمل الباقي الكاس ..الا يد تسحبه منه..........كالعاده رفيجه علي الي ما عجبه الحال إلا وصل لها ..عرف مكان الشقه وكان يجي كل يوم ياخذه يرجعه البيت وحاول كثير معه أن يترك المشروب والادمان المخدرات بس ما في فايده....

وصله البيت وسنده عليه وانقله ليه غرفته ..بعد ما صار هالشي يومي من شهرين تقريبا






فرنسا

رجعو من الطلعه ..دخلت حلا تاخذ لها شاور...اما طلال قرر يدق على امه الوقت بالكويت المغرب اللحين فيحصلهم.....

رد جاسم على التليفون:الو
طلال :هلا والله يبه ..شلونكم؟
جاسم ولهان لصوت ولده:هلا طلال احنا الحمدالله يا ولدي..انت شلونك؟؟ وشلون حرمتك؟
طلال:تمام يبه مستانسين الحمدالله
جاسم بصوت واطي:يعني اطمن انك مرتاح؟
طلال فهمه:الحمدالله يبه..صدقت يوم قلت لي حلا غير
جاسم بفرحه:الله يتمم عليكم
طلال:شلون امي واموم؟

نوال الي توها طالعه من المطبخ شافت جاسم يأشر له تجي

جاسم:كا امك جيت كلمها...وسلم لي على حلا
طلال:يوصل أن شاء الله

نوال بشوق كبير:الوو طلال
طلال :هلا الغاليه..شلونج يمه؟
نوال:انا بخير..اسأل عن احوالكم طمني؟
طلال :كلنا بخير يمه الحمدالله

طلعت حلا من الحمام واستغربت ما لقت طلال بالغرفه ...غيرت ملابسها عالسريع.......لبست لها قميص نوم ناعم ورفعت شعرها المبلول..

أول ما شافها طلال نسى امه الي عالتليفون وتم يناظرها واهو مبتسم ويتأمل جمالها بدون أي اضافات...

ارتبكت حلا من نظراته وشافت سماعة التليفون بيده..قربت وقعدت يمه...

حلا بحيا:طلال لا تطيح عيونك
طلال بعده يتأملها:حلالي
حلا ويها حمر:منو عالتليفون؟
طلال الي استوعب امه رد رفع السماعه:الو يمه
نوال:هههههههههه حسبي الله عليك من ولد نسيت امك صارلي ساعه اناديك
طلال منحرج:آسف يمه بس السماعه علقت

حلا تمت تضحك عليه ..واهو يقرصها عشان تسكت

نوال:هههه اجل تقول لي السماعه ها..اقول وين حرمتك بكلمها
طلال:أن شاء الله يمه

حلا:هلا والله بخالتي
نوال بحب:هلا فيك حبيبتي .كيف حالك يمه عسى طلال مريحك؟
حلا تشوف طلال:الله لا يحرمني منه أن شاء الله
نوال:الله يوفقكم
حلا:كيف عمي و ميمي خالتي
نوال:عمج بخير...بس والله امامه مادري وايش فيها صار لها اسبوعين مو على بعضها
حلا واهي تحس أن بآخر الايام ما سألت عنها مشغوله مع طلال:خير خالتي.؟
نوال:والله تقول ليه امتحانات فاينل واهي تحاتي النتايج
حلا تطمنها:أي خالتي تدرين مجالها شوي صعب الله يعينها

يسحب منها طلال السماعه

طلال:اقول يمه؟
نوال:خير يمه
طلال:مشعل شلونه شخباره
نوال بحزن:والله يا طلال مادري مين حط باله فكرة انه يرد يدرس بره مره ثانيه بعد اسبوع بيسافر

طلال والي عارف السالفه لان مكلمه امس وحز
بخاطره انه ماراح يشوفه

طلال:لا يمه اهو بيكمل دراسته يعني ياخذ الشهاده الاعلى
نوال:انا ما صدقت ترجعون واللحين يرد هو مره ثانيه يسافر
طلال:ما عليه يمه كلها سنه او سنتين ويرد
نوال:أن شاء الله
طلال:اخليج يمه اللحين واكلمكم مره ثانيه أن شاء الله سلمي على الكل..مع السلامه
نوال:الله حافظكم مع السلامه

التفت طلال على حلا ولقاها للحين تضحك عليه...

طلال يسوي نفسه زعل:لا والله للحين تضحكين؟
حلا:ههههه بس الي سويته مو شويه ههههه احد ينسى امه هههههههه
طلال يقرصها:انتي السبب وتضحكين بعد
حلا تحاول تفتك منه بس ما في فايده:طلال الله يعافيك وخر عني ما احب احد يقرصني
طلال :اجل ليه باجر ما في فكه مني

************************

طلال ممكن انه يرجع لشذى بعد اعترافه بحبه لحلا ؟؟!!
كيف بتكون مقابلة شذى لولد خالتها؟؟!!
شنو سبب التغيير الي صار لولد خالة شذى ؟؟!!
فيصل بينسى امامه بعد ما قالت له انتهينا ؟؟!!
شنو ردت فعل امامه اذا عرفت حقيقة البنت الي مع فيصل بالمكتبه؟؟!!

 
 

 

عرض البوم صور عذاري   رد مع اقتباس
قديم 28-01-09, 01:47 PM   المشاركة رقم: 17
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الثامن



بيت شذى

قاعدين بالصاله ينتظرون قدومهم...شذى كانت بغرفتها تكلم حور مالها خلق تشوف ولد خالتها

حور:يا شذى مالج شغل فيه ونزلي هم في بيتكم
شذى معصبه:اكرها حور ... من يوم حنا صغار واهو كله يعايرني ما يعجبه لبسي وتفكيري ..دوم يكلم امي عني وحتى يو سافرت بره كان رافض يقول ما يصير بنت تسافر بروحها ..اكرهه كل ذكرياتي معاه تلوع الجبد
حور:اكيد اللحين كبر وتغير
شذى :لو العالم كلها تتغير ..ما اتوقع أن هذا يتغير..احسه معقد وايد ملتزم كلنا نصلي ونصوم بس مو جذي اهو وايد معقد
حور:هههههه لي هالدرجه تكرهينه
شذى:واكثر
حور:انزين عشان امج غيري لبسج اللحين...ونزلي سلمي عليهم وحاولي تتجاهلين وجوده
شذى بتفكير:اممممم تتشوفين جذي
حور:هذا احسن شي
شذى بتملل:خلاص انا بسكر اللحين بروح اللبس
حور:اوكي اكلمج بليل واعرف اخر التطورات يمكن تحبينه
شذى تصارخ:حوروووووو
حور:اخ بطيتي اذني خلاص اتغشمر يلا باي
شذى:باي


تمت تفكر شنو تلبس ..اهو دايما يتطنز على لبسها ..كله يقولها قصير ولازم تتستر حتى لو جدامه...

((امم البس تنوره طويله ولا اعانده البس ضيق!!))


نزلت تحت لقت خالتها جالسه ويا امها استغربت لا ابوها ولا ولد خالتها موجود...

شذى تسلم على خالتها:شلونج خالتي؟
الخاله:بخير الله يسلمج..تعالي قعدي يمي ولهانه عليج
شذى:ولهة عليج العافيه
الخاله:ضعفتي يا بنتي خلصتي
شذى:ههههه أي خالتي مسويه رجيم
ام شذى:ذبحتني وانا اقولها مو زين هالرجيم الي تسوونه ..طالعي صحتها شلون تدهورت
الخاله:عاد يا شذى انتي ما شاء الله مو متينه
شذى:ايه خالتي بس ابي اضعف زود
ام شذى:ما عندج سالفه
شذى تغير الموضوع:ماما وين ابوي؟
ام شذى:ولد خالتك راح يوصله الديوانيه وبيرجع

شذى والي تنطره يجي عشان تشوف ردة فعله اذا شافها

ام شذى كانت وايد فري ومو متحجبه بعكس اختها وايد ملتزمه وريلها دين حيل واهي متحجبه ومتنقبه ..وولدها تربي على هالتربيه قبل لا يصير له الي صار ...فكان دوم ما يعجبه بيت خالته بس كيف بتكون ردة فعله اللحين بتتغير ولا بتم مثل ما اهي؟!

رن باب الجرس

ام شذى:شذى حبيبتي قومي فتحي الباب لولد خالتج
شذى ودها تقول لأ بس خالتها موجوده:أن شاء الله

الباب كان معزول عن الصاله ..اول ما فتحت له استغربت الي واقف جدامها معقوله هذا اهو ولد خالتها ....وين راحت اللحيه؟؟؟ وين الدشداشه القصيره؟؟؟ هذا شخص ثاني ..مو ولد خالتي!!

شذى من صدمتها تمت ساكته:............
:بتم واقف عند الباب يعني

شذى للحين مو مستوعبه أن الي جدامها ولد خالتها...معقوله انسان يتغير 180 درجه...كان لابس لبس شبابي شورت قصير فوق الركب لونه بيج..مع تي شيرت لاكوست اسود..وكاب بيج وحالق مسوي قفل وريحة عطره فايحه المكان تمت تتأمله شذى واهي مو مستوعبه....

قرب منها:ممكن ادخل
شذى اخترعت منه ورجعت لي وره وقالت بكل هدوء:تفضل

سكر الباب وتم واقف ينطرها تنطق تبدي السلام..شافها للجين مصدومه ومن داخله لام نفسه
كيف تغير لي هالدرجه بي بين العكس

بكل غرور:الناس يسلمون
شذى وعينها بعينه وللحين مو مصدقه:ش شش ..شلونك حمد؟
حمد:بخير انتي شلونج؟
شذى الي مستغربه من اسلوبه:الحمدالله بخير
حمد يشوفها من فوق لي تحت:محلوه شذى
شذى بطلت عينها عالأخر وخافت من نظراته ورجعت لي وره:عيونك الحلوه...تفضل قاعدين بالصاله

مشت عالطول مو مستوعبه الي شافته...كانت تظن انه بيصرخ عليها نفس كل مره خاصه ان لبسها مره ضيج...كانت لابسه تنوره جينز قصيره فوق الركب ضيجه وفيها فتحتين على جنب..مع بلوزه حفر علاق وفاله شعرها وحاطه ميك اب..

سلم على خالته وجلس جنبها وشذى جلست جنب امه فصارت قباله....

حمد طول الوقت يناظرها ..يذكر غرورها عليه وكيف انها دوم تستهزء فيه بشكله وبلبسه... آخر مره شافها قبل لا تسافر للدراسه((اكيد اللحين بيعجبها شكلي اليديد...آآآه يا حمد كيف تشوفها جدامك لابسه جذي وما تتكلم..صارت تعجبك هالاشكال اللحين ...كلا من حلا اهي السبب...طلال بعدها عني ..اكرهم اكرهم))

تقطع عليه خالته تفكيره...

ام شذى:ها حمد شلونك اللحين؟
حمد بابتسامه:الحمدالله عايشين
ام حمد والي مو عاجبها حال ولدها:اقوله يا ام شذى في الف بنت تستاهلك بس خلاص شال الفكره من راسه
ام شذى:أي والله يا ولدي انا مستعده بنفسي ادور لك
حمد بعصبيه:لا تعبين نفسج خالتي زواج ماني متزوج

شذى طول الوقت ساكته تسمعهم..اهي كل الي تعرفه انه خطب وانفصل حتى ما تعرف مين البنت وليش الانفصال...

ام حمد ترفع يدها:حسبي الله عليها من بنت ..ضيعت ولدي
حمد ما يبي امه تدعي عليها:مو منها يا يمه
ام شذى:وللحين تحبها يا حمد؟
شذى واخيرا تدخلت:انتو ليش انفصلتو؟
حمد وبكل عصبيه:وانتي شكو تسألين؟

شذى عصبت منه وصعدت فوق غرفتها...

ام حمد:يا حمد اسويت ؟
حمد مفتشل:ما كنت اقصد بس سؤالها نرفزني
ام شذى:اهي ما قالت شي ..كل الي قالته ليش انفصلت؟
حمد متحسف على الي سواه:سامحيني خاالتي مو قصدي
ام شذى:وانا ليش تتأسف مني ...تأسف من شذى
حمد وقف:عن اذنك خالتي ممكن اروح اتأسف منها
ام شذى بفرح:هذا بيتك يا ولدي

صعد حمد لشذى غرفتها ...بالاول تردد ((انا شقاعد اسوي ...بروح اعتذر حق هذي!!! انا اعتذر منها... بس محتاج لاحد يسمعني لا اخت ولا اخو اشكيله...يمكن اهي تفهمني...))

طق الباب بعد صراع نفسي ...فتحت شذى تظن الخادمه يايبه العشى


شذى واهي حاضنه المخده وتبكي:تعالي

فتح حمد الباب وشافها عالسرير منسدحه مثل اليهال قرب منها واهو يحس أن ماله داعي يصرخ عليها

حمد:اسف شذى ما كنت اقصد

التفتت له أول ما سمعت صوته بالاول انصدمت انه ياي لي عندها ويتأسف!! غير هذا لبسها الي كان مرتفع شوي من سدحتها على السرير وكيف انه ما صرخ عليها !! معقوله حتى مبادئه تغيرت!!!؟ عدلت جلستها وقعدت عالسرير واهي مو مستوعبه الحاله الي حمد فيها ...

حمد اخذ كرسي التواليت وحطه جدامها:آسف بس ما كنت ابي اذكر الموضوع وايد يجرحني

شذى ساكته..معقوله يكلمني عن مواضيعه الخاصه!!!

حمد مل من سكوتها وياي بيطلع:انا كنت متوقع أن السنين الي درستيهم بره غيرتج بس ما في فايده

شذى:لا حمد تكفى اقعد
حمد ابتسم لها ورد قعد قبالها:سامحتيني
شذى تبتسم له:ايه

(حمد طبعه طيب ما تغير ما يحب احد يزعل منه كان يصرخ عليها ويهاوشها بس يرد يصالحها)

حمد:عيل خل ننزل تحت
شذى:لا اقعد ابي اسولف معاك شوي بروحنا
حمد:اوكي
شذى استغربت:يعني عادي اهني بداري نقعد نسولف
حمد فهم عليها:هههههههه أي عادي لا تخافين حمد الاول تغير

حمد توقع انها بتستانس انها صار الريال الي كانت دوم تقوله أن اهو الصح..بس لقى ملالمح الحزن بويها عكس الي ظنه...

حمد:شذى شفيج؟
شذى بحزن:حمد انت وايد تغيرت ليش؟
حمد يتنهد:آآه حتى انتي هالشي مزعلج وانا الي كنت اعتقد انج بتفرحين
شذى واهي تناظره كيف متألم:انا صج يا حمد ما كانت تعجبني تصرفاتك ولا الكلام الي تقوله لي..بس عمري ما تمنيت توصل لي هالمستوى
حمد دمعت عينه واهو مو راضي عن نفسه:تدرين يا شذى أن صلاة ما قمت اصلي.؟
شذى مو مصدقه:معقووووله!!!!
حمد ودموعه بدت تنزل كأنه ياهل:الخمر صار عندي عادي..التدخين 24 ساعه..اهلي ما قمت اشوفهم كل شي تغير
شذى تحس انها بحلم مو معقوله :ليش يا حمد ليش؟
حمد بقهر:كل منها تخلت عني وانا محتاج لها..حبيتها من كل قلبي بس اهي تخلت عني من غير أي سبب
شذى تحاول تفهم:منو اهي خطيبتك؟
حمد يرجع راسه لي وره وبحسره يتكلم:كانت خطيبتي كانت
شذى دمعت عينها على حاله:ما عليه يا حمد تحب غيرها أن شاء الله
حمد يغمض عينه:ما اقدر انساها شذى ..انتي كنتي تعرفيني ما كنت اعرف بنات ولا حتى مجرد اني اشوف ..اهي طلعت بحياتي وحبيتها وخطبتها وحسيت انها اهي الي بتسعدني ..بس الحقير ولد عمها اخذها مني بكل برود اخذها واهي تخلت عني

شذى ((معقوله انا وحمد صار لنا نفس الشي!!... انا تخلى عني عشان بنت عمه واهي تخلت عنه عشان ولد عمها ...سبحان الله نفس العذاب))

شذى:بس الي تسويه بنفسك ماراح يرد لك اياها
حمد :ادري ادري حاولت والله حاولت ما لقيت الا هالطريقه عشان انساها
شذى بفضول:امممممم اهي من اهلنا..اعرفها؟
حمد:لا اهي بنت صديق ابوي ..بيت الغامدي
شذى توقف منصدمه:قلت لي بيت الغامدي!!!
حمد مستغرب:أي حلا الغامدي
شذى :ما يصير؟
حمد:شنو الي ما يصير!!!
شذى تحاول تلم افكارها اكثر:اهي خذت ولد عمها صح؟
حمد:ايه
شذى بخوف: شش شسمه؟؟
حمد يحاول يذكر:طلال الغامدي
شذى تضحك بهستيريا من الصدمه:ههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه

حمد مستغرب من حالها اللحين احو زعلان واهي تضحك...

حمد بعصبيه:ما في شي يضحك شذى
شذى:هههههه إلا في هههههههه
حمد تنرفز:وبعدين يعني؟
شذى وبدى ضحكها تدريجي يتحول للبجي:تدري أن انا بعد حبيت وتخلى عني؟
حمد لاول مره يعرف بهالشي:ليش؟
شذى دموعها تنزل:عشان بنت عمه
حمد منصدم:مثلي يعني!!!!
شذى ردت للهستيريا:ههههههههه إلا اهم نفسهم
حمد مو مستوعب:قصدك أن طلال الي تحبينه اهو نفسه الي اخذ حلا الي احبها
شذى ردت للبجي:أي
حمد عوره قلبه على حالهم:اثنينا يا شذى يصير فينا نفس الموضوع ومن نفس الاشخاص
شذى تبجي:وعدني بالزواج..بس اهي خذته مني
حمد:حلا ما خذته ..حلا كانت مخطوبه لي اهو الي اخذها مني وخلاها تنفصل عني
شذى:المهم انهم تخلو عنا
حمد يجلس يمها:تصدقين اني للحين مو مصدق الي صار
شذى:ولا انا

ينطق باب غرفتها ..الخادمه تناديهم للعشى

حمد يبتسم لها ويمد يده:اخوان و فريند
شذى تصافحه تكرر كلامه وتبتسم:اخوان وفريند


********************



بيت فيصل


فيصل بعد الي سمعه من امامه ...نفسيته وايد تعبانه...قليل ما يقعد مع اهله كله بغرفته يفكر شبيسوي اذا ما صارت امامه له..
((مستحيل انساها..كيف تقول لي خلاص انتهينا؟؟؟..اكيد اهي تحبني اكيد تبادلني نفس الشعور..اكيد كانت معصبه من شي !!! بس ليش متضايقه مني!! ما اذكر ضايقتها بشي))

دخلت عليه انفال واهو بعالم ثاني...منسدح عالسرير ومغمض عينه ومشغل اغنية لعبدالله الرويشد (انتهينا)

انفال تحط يدها على جتفه:فيصل شفيك؟
فيصل توه ينتبه لها:انتي متى دخلتي؟
انفال تقعد يمه:من زمان بس كنت بعالم ثاني عالم اموم اكيد
فيصل يبتسم لها:جان زين اهي تفكر فيني مثل ما افكر فيها
انفال بحزن على حال اخوها:فيصل حبيبي انت مو تقول انك كنت تحس انها تبادلك بنفس الشعور ...عيل ليش قالت لك لأ
فيصل :مادري يا نفول حاولت افهم منها بس ما عطتني فرصه...بس حسيت أن الكلام مو من قلبها ودليل انها كانت تقوله واهي متوتره
انفال:تبيني اكلمها لك؟
فيصل:هذا الي كنت بطلبه منج ..ابيج تكلمينها وتعرفين منها ليش رافضتني؟ اخاف في احد بحياتها
انفال:خلاص فيصل انا ان شاء الله اروح لها واكلمها انت لا ضايق نفسك
فيصل:الله يعين
انفال تفكر:انزين شلون اشوفها؟
فيصل:اممم انا عندي رقم اخوها بس اهو مسافر اللحين
انفال:طبعا ما تعرف رقمها
فيصل :انا اعرف خالها بعد شوي بروح له الديوانيه اسلم عليه بيسافر الليله يكمل دراسته
انفال:انزين اطلب منه رقم بيتهم
فيصل:لا نفول فشله..خلاص انا اعرف شلون اييب لج رقم موبايلها
انفال بشك:شلون؟
فيصل: دام اعرف اسمها الكامل اييبه لج نطري بس ادق على واحد من ربعي يشتغل بالاتصالات

يدق عليه فيصل وياخذ منه الرقم ويسجله بموبايله ويعطيه انفال....

انفال تسجله:خلاص اللحين اطلب منها اني اشوفها واكلمها
فيصل:تسلمين
انفال:فصول امسح رقمها
فيصل:ههههه ما تثقين فيني
انفال:اكيد واثقه فيك..بس اخاف يقص عليك الشيطان وتدق عليها
فيصل:لو كنت ابي اكلمها جان خذيت رقمها من زمان ومن دون لا اقولج بس ما ارضاها لها
انفال تبتسم له:لي هالدرجه تحبها
فيصل:إلا اموت فيها



فجر كانت قاعده بغرفتها تكلم بدريه....علاقتها وياها تطورت عن المسنجر ...بدت تكلمها بالموبايل وايد تأثرت بشخصيتها ...وهالشي كان واضح بالمدرسه جدام البنات والمدرسات واذا طلعت معاهم...بس بالبيت تلعب شخصيتها الثانيه البنت الهاديه المؤدبه...

بدريه:اقول فجورتي
فجر:بدور لا تقولين فجورتي استحي

بدريه ومستانسه أن خطتها يوم عن يوم تنجح بتدمير فجر

بدريه:شتبين اقولج يا حلوه مو هذا اسمج؟
فجر بحيا وكأنها صج تكلم ولد:ايه
بدريه:هههههه اوكي يا قلبي لا تنسين عزيمة باجر لان فتكينا من المدرسه
فجر: بيكون في بنات بالحفله
بدريه:ههههههههههه اكيد حفلة بنات
فجر:خلاص انا بقول لاهلي
بدريه:اوكي يا حلوه اخليج اللحين...باي يا عمري
فجر :باي حياتي



********************

قعدت امامه من نومة الظهر واهي تحس بالوحده...حلا وطلال مسافرين وباقي اسبوع ويرجعون...ومشعل بعد كم ساعه و يسافر...وغنيمه الي سافرت ويا احمد امس ..ما في شي تفكر فيه غير فيصل ...صورته ماراحت عن بالها....

دخلت الحمام غسلت و غيرت ملابسها...نزلت تحت لقت امها وابوها جالسين يشربون جاي ...باست راسهم وسلمت وقعدت

نوال: كيفك اللحين عسى خف الصداع؟
امامه:أي يمه احسن شوي
جاسم:شالصداع الي صارله اسبوعين ما خف
نوال بحنان:طلع عليها اثر السهر والدراسه يا قلبي
امامه تغير الموضوع:يمه مشعل ماراح ايي
نوال:اكيد بيجي نسلم عليه قبل لا يسافر...اتصلي عليه شوفيه فينه
امامه :أن شاء الله

يرد مشعل عالموبايل وكان قاعد بالديوانيه مع ربعه..شاف الرقم ظن انها نوال

مشعل:هلا بالغاليه
امامه تقلد صوت امها:هلا بالغالي فينك يا مشعل؟
مشعل والي عدت السالفه عليه لان امامه ضابطه الصوت واللهجه:بالديوانيه عند الربع
امامه:وماراح تجي تسلم على اختك؟
مشعل:افا يالغاليه اكيد بجي وبنتعشى سوى بالمطار

فيصل الي كان توه داش والقى السلام وقرب من مشعل يسلم عليه

مشعل:لحظه نوال

مشعل يسلم:هلا بفيصل
فيصل:هلا فيك ..شلونك؟
مشعل:تمام زين انك ييت يا ريال توقعناك نسيتنا
فيصل:هههه افا انا انساكم
مشعل:قلنا يمكن طلال سافر وفيصل خلاص سافر معه
فيصل:هههههه انت الخير والبركه يا مشعل
مشعل:تسلم والله على الجيه
فيصل:ولو لازم ايي اسلم عليك قبل لا تسافر
مشعل :تسلم والله... حياك تفضل اجلس جنبي
فيصل يجلس:دام فضلك

امامه الي كانت مو مستوعبه الي تسمعه...((معقوله هذا فيصل حبيبي ما غيره..ايه هذا هو صوته ...ياللله يا ربي احمدك شكثر كنت ولهانه على صوته وضحكته الله لا يحرمني منك ))

مشعل يرد على التليفون:الو نوال
امامه الي نست الدقه الي مسويتها:ها
مشعل عرفها:امووم!!!

فيصل تلقائيا التفت لمشعل يوم سمع اسمها ((ياللللله شكثر احب هالاسم...جان زين انا الي بدل مشعل واقدر اكلمج....))

امامه الي ودها لو تكون معاهم عشان بس تشوف فيصل:شتبي مشعلوه
مشعل مستغرب:وين نوال.؟
امامه استوعبت:هههههههه هذي انا الي كنت اكلمك
مشعل يضحك بصوت عالي:هههههههههههههه يحماره وانا الي صدقتج ضابطه الدور بعد
امامه:ههههههه ما تستحي على ويهك تسبني جدام ربعك
مشعل :ههههه محد جنبي غير فيصل رفيجي يمون
امامه بقلبها الله يسلمه يا رب: ولو فشلتني جدامه
مشعل :ههههه انزين شتبين داقه؟
امامه منقهره:لا والله هذا اسلوب تكلم فيه عمتك...روح لرفيجك احسن
مشعل يقهرها:أي والله استحي على ويهج وخليني اقعد معه
امامه بعصبيه:اذلف انت وياه ..باي
مشعل يسكره واهو يضحك عليها :باي


امامه انقهرت منه ...خاصة أن يكلمها جذي وفيصل جنبه ...اكيد اللحين اهو مستانس...

مشعل سده وتم يضحك على خبال بنت اخته...والتفت على فيصل...

فيصل يبتسم له:الله يدوم هالضحكه
مشعل:الله يسلمك...هذي بنت اختي الي دعمتك والله انها نكته
فيصل بقلبه الله يخليها لي وتحن علي شوي:ههه حرام عليك
مشعل:والله أن البيت من دونها ما يسوى..اكثر وحده بفقدها اهي
فيصل:الله يخليها لكم أن شاء الله (وبقلبه ولي بعد)
مشعل:تسلم
فيصل:شوف عاد لا تردني طلال موصيني عليك وانا بنفسي بوديك المطار
مشعل:لا يا خوي لا تعب حالك ...الاهل بيوصلوني وبنتعشى يميع هناك
فيصل:افا يا مشعل وانا مو من الاهل
مشعل:لا يا خوي ما ابي اكلف عليك
فيصل:لا كلافه و لا شي..لا تردني
مشعل يبتسم له:تسلم ما قصرت
فيصل خطرت باله فكره:شرايك اخذ اهلي معي يتعرفون على اهلك ونتعشى يميع ومره وحده نودعك
مشعل عجبته الفكره:صدق طلول يوم قال عنك بو الافكار
فيصل:ههههههههه


********************

بعد ما قررو مشعل وفيصل انهم يطلعون على العشى يميع بعد صلاة العشى لان طيارة مشعل 10 بليل...
رجع فيصل البيت وخبر امه واهي ما رفضت خاصة يوم عرفت انهم اهل الي يحبها ولدها ..فقررت تتعرف عليهم وتشوف امامه...اما انفال فستانست على الفكره عشان تتعرف على امامه وباجر تكلمها بالموضوع...فجر الي تعذرت انها مالها خلق تطلع عشان يفضى لها البيت وتكلم بدريه على راحتها....
اما فيصل ما اوصف لكم شعوره يحس انه طاير من الفرحه أن بيشوفها اليوم واااااااايد فاقدها وتمنى من كل قلبه انها تكون حنت عليه شوي وغيرت رايها...


مشعل دخل سلم على نوال وجاسم واموم وتمو يسولفون....

مشعل يقرص امامه:تقلدين صوت امج ها؟
امامه :هههههه انت غبي ما عرفت تميز
نوال تطقها:عيب يا بنت تقولين عن خالك غبي ..امتى بتكبرين؟
مشعل:ههه نوال عادي شفيج
امامه:شفتي اهو يقول عادي معترف انه غبي
مشعل يسوي نفسه عصب:يلا عاد لا تطولين لسانج علي لا اقصه لج
امامه:وااااااااي يمه خوفتني
جاسم:والله انكم جهال متى بتكبرون؟
مشعل تضايق من كلامه بس طوفها:وشنبي بالكبر يا بو طلال
جاسم يوقف:الكبر للرجاجيل يا مشعل
نوال متنرفزه منه:ومشعل رجال وما عليه كلام
جاسم:وشدخل مشعل بالموضوع انا اقول عامة
نوال:وانت وين رايح منت جاي معنا المطار؟
جاسم يقرب لمشعل:لا عندي شغل ..تروح وترد بسلامه يا مشعل
مشعل يسلم عليه:الله يسلمك
جاسم:دير بالك على نفسك...واذا نقصك شي لا تستحي اطلب
مشعل:تسلم يا بو طلال

بعد ماراح جاسم...

امامه:متى بنمشي المطار؟
مشعل:هههههه لي هالدرجه مستعيله على فراقي
امامه :افا مشعلوه مو قصدي جذي..بس لاني ولهت على الطلعه من زمان ما طلعت
مشعل يبتسم لها:واليوم بعد بيون ناس يتعشون معنا تعرفي عليهم
نوال:مين هذول؟
مشعل:الله يعافيج رفيجي اصر إلا يوصلني المطار عاد انا قلت له بروح اتعشى ويا الاهل ..فقال ليه ما اجيب اهلي ونتعشى سوى ويتعرفون على بعض
نوال عجبتها الفكره:أي خوش فكره مين بيته؟
مشعل :ما تعرفينهم نوال...اهم اهل الصبي الي دعمته اموم

امامه حست بهاللحظه انا بتموت((فيصل!!! اهل فيصل بيجون معنا!!! يعني بشوف فيصل!!! لا ما اقدر ما اقدر اشوفه بعد الي قلته له..اكيد بضعف جدامه ما ابي اشوفه مستحيل اروح))

نوال:خلاص اجل يا امامه تعرفي على خواته دام هم من عمرك
مشعل:أي اذكر انه قال لي عنده اخت اكبر منه واخت صغيره حيل ..وعايش مع امه ما عنده خوان وابوه اسير
نوال عورها قلبها:الله يعينهم اجل اخته الصغيره ما شافت ابوها؟
مشعل :لا ما لحقت عليه انولدت بعد الغزو
نوال:الله يكون بحالهم..ومتى بتروحون
مشعل يشوف ساعته:بعد ساعه كذا..اصلي العشى واجيكم
نوال:على خير أن شاء الله
مشعل استغرب سكوت اموم:اموم ساكته عجيبه؟!
امامه توقف:انا ما اقدر اروح معكم
مشعل :ليش؟
امامه تدور عذر:امممم فشله اخوهم بيكون موجود وانا استحي
مشعل:هههههههههههههههههههه انتي تستحين خبري حلووي الي تستحي مو انتي
امامه تضربه بالكوشيه:بايخ
نوال بجد:اسمعي عاد اموم لا تفشليني مع اهل الولد أول مره نشوفهم قصب عليك بتجين ..اجل هو ليه جايب اهله عشان نتعرف عليهم
امامه شوي وتبجي:يمه تكفين ما ابي اروح
مشعل شك بالموضوع:ليه اموم مفتشله يعني من بعد ما دعمتيه؟
امامه ما لقت إلا هالسبب:أي ما اقدر اشوفه فشله
مشعل:ههههه لا لا تحاتين فيصل مو نوعه كذا...نسى الموضوع اصلا ودليل صار واحد من ربعنا
امامه ما لقت أي مفر:يعني لازم اجي
نوال:أي لازم شبتقول امه عيب عليك
امامه قعدت :خلاص بجي


بعد ما صلى مشعل العشى ...اتصل على نوال يطلعون له بره...

امامه كانت ترجف من الخوف بس تحاول ما تبين هالشي جدام امها ومشعل...اهي من داخل مستانسه بتشوفه بس مو عارفه كيف تقدر تقابله بعد الي قالته ((ليش قلت له انتهينا؟؟؟ شلون نهيت حبي له وانا ادري انه ما راح ينتهي؟؟ يا ربي شسوي اخاف اكون ظالمته ؟؟ )) اقطعت عليها افكارها نوال

نوال من تحت بالصاله تنادي عليها:اموووم ..امامه
امامه تنزل وجنطتها بيدها:خلصت يمه
نوال تشوفها وتبتسم:ما شاء الله ايش كل هذا؟
امامه :ههههه بعد أول مره نشوفهم يمه لازم اتعدل
نوال تبتسم لها:متى ابلغ فيك واشوفك عروسه

امامه رجف جسمها ومر فيصل في بالها وما نطقت بكلمه...

نوال:صدق يوم قال مشعل الحيا لحلا مو لك...لو اهي الي قايله لها هالكلام جان اللحين وجهها شاب ضو
امامه:ههههههه والله اهي غير وانا غير
نوال:امشي لا يذبحنا خالك اللحين

وقفت امامه جدام منظره قريبه للباب الخارجي وعدلت نفسها وبعدها طلعت لمشعل.....

كانت لابسه نفنوف قصير مخصر على جسمها...طوله تحت الركب بشوي...والجم كان ثلاثة ارباع...كان لونه اسود وفي تطريز الوان صوب الصدر والجم والحاشيه...ومستشوره شعرها الي طال عن عرس حلا ...وحاطه باند اسود ويجي الشعر كله من فوقه...مع جوتي كعب اسود مطولها شوي ومخلي شكلها احلى...مكياجها كان خفيف بس معطيها جمال زياده عن جمالها..راسمه عينها بكحل اسود..وحاطه حمره فاتحه خفيفه وبودره ورديه خفيفه...




كيف بتكون مقابلة فيصل بأمامه؟؟!!
شنو ردت فعل امامه اذا شافت انفال ؟؟!!
مشعل وذكرياته مع حور في بريطانيا بتزيد عليه مواجيعه ؟!
فجر بتروح لحفلة بدريه ؟؟!! وشراح يصير هناك؟؟!!

 
 

 

عرض البوم صور عذاري   رد مع اقتباس
قديم 28-01-09, 01:51 PM   المشاركة رقم: 18
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء التاسع



وصلو المطار وراحو صوب المطاعم اخذو لهم طاوله ...واتصل على فيصل واهو قاله جايين بطريج....

امامه بخوف:اقول مشعل
مشعل:قولي
امامه:اممممم انتو بتجلسون معانا؟
مشعل استغرب من سؤالها بس ظن انها مستحيه منه:ايه دام نوال وامه معنا عادي يعني بنكون بطرف الطاوله
نوال:وشفيك يا بنتي؟
امامه تبتسم:ابد ما فيني شي بس اسأل

يتصل فيصل على مشعل لانهم وصلو...كانت تشوفه من بعيد وعينها بس عليه تحس محد بالمطار غيرها اهي معه ...كل ما قرب دقات قلبها تزيد ونفسها يقل.. تحس اذا وصل بتختنق خلاص..

فيصل كان يدور الطاوله الي وصف له اياه مشعل...وعينه تدور على امامه ..يوم شافها قلبه فز لها ((آآآآآآآآه يا قلبي واخيرا شفتج..يا ربي شالجمال...ولهت عليج )) ابتسم لها واهو يناظرها
..واهي يوم شافته يبتسم نزلت عينها للارض حست أن الدنيا كلها شافتهم...

فيصل:السلام عليكم
الكل وامامه بصوت واطي:وعليكم السلام
فيصل يعرف:هذي امي نهى..وهذي انفال اختي الكبيره
نوال:ونعم والله هلا بأم فيصل
ام فيصل تسلم:هلا فيج حبيبتي
مشعل يعرف:هذي اختي وامي نوال وهذي بنت اختي (ويقولها بغشمره) الي دعمتك يا فيصل امامه

تلقائيا التقت عيونهم ابعض بس هالمره ما قدرت تنزل عينها تحس انها ولهانه لشوفته ..قطعت عليها ام فيصل واهي تقرب منها وتبتسم بكل حب وحنيه..

نهى:هلا ببنيتي
امامه بحيا تسلم:هلا فيج خالتي

وتم الكل يسلم على الثاني....يوم سلمت انفال على امامه تذكرت هالبنت بس ما تدري وين شايفتها !!..بعدها قعدت نهى جنب نوال وجنب نوال مشعل وبعده فيصل وبعده انفال وبعدها امامه بحيت تكون جلستهم بشكل دائري..

من حسن حظ فيصل انه موقعه يقدر يشوف فيه امامه ...تم يناظرها بكل شوق يحس انه هالبنت ساكنه بوجدانه كيف تبغيه ينساها...

امامه تحس أن عيونه ما شالها عنها وهالشي مسبب لها ارتباك..عينها بالارض مهي قادره تشاركهم بالسوالف...

انفال تساسر فيصل بصوت واطي:خف عالبنت تراها منحرجه

ابتسم فيصل لها والتفت لمشعل يسولف معه


انفال:شلونج امامه؟
امامه رفعت عينها لها وكانت قريبه منها وايد ((لاااااااااااااا مو معقوله اهي ..اهي نفسها الي بالمكتبه!!! طلعت اخته !! كييييييييييييييييف ليييييييه ما سمعت كلام غنوم...لييييييييه ظنيت فيه ظن السوء.......))
انفال استغربت من سكوتها وملامحها المنصدمه:امامه فيج شي؟؟
عيونها بدت تغورق من الدموع التفتت لفيصل لقته يسولف ويا مشعل ((ظلمته ..ونهيت كل شي بينا واهو ما سوى شي...يا ربي كيف اتسامح منه اللحين))
قامت من مكانها فجأه بدون لا تقول لأحد ...والكل استغرب من ردة فعلها واكثرهم انفال لانها كانت تكلمها....

نوال:ايش فيها؟
انفال مستغربه:والله مادري خالتي
مشعل:انا اروح لها
نوال توقعت ممكن راحت الحمام:وين تروح..اجلس ما فيها شي اللحين تجي

ردو نوال ونهى يسولفون وكل وحده تشكي الحال للثانيه.....وانفال راحت تطلب لها عشى ..اما مشعل وفيصل راحو يسوون اجراءات السفر عشان يتم مشعل معهم واهو مرتاح لين يجي موعد طيارته...فيصل طول الوقت يحاتي امامه يحس فيها شي وده لو يروح لها ..استأذن من مشعل أنه بيروح الحمام...

تم يدورها بكل مكان...لقاها واقفه عند محل اكسسوارات وسرحانه..قرب منها واهو يدعي ربه انها ما ترده...

فيصل من وراها وبصوت هادي:امامه
امامه غمضت عينها تظن انها تتخيل صوته ...رد كرر يناديها يوم شافها ما ردت وقف جدامها لقاها مغمضه عينها وشاده عليهم....

فيصل بحنيه:امامه شفيج؟
امامه فتحت عينها وردت غمضتهم :انت فيصل؟
فيصل خايف عليها:امامه شفيج..انا فيصل
امامه تذكرت الي سوته فيه تمت تبجي:ما فيني شي ...ما فيني شي
فيصل انصدم يوم شافها تبجي:حبيبتي لا تبجين..اذا وجودي مضايقج اللحين امشي

امامه يوم سمعت حبيبتي بجيها يزيد وفيصل مو عارف شيسوي الرايح والي راد يشوفها..اخذ منها الي بيدها ورجع لمكانه...ومسك يدها بحنيه واخذها لزاويه بعيده عن الناس...

فيصل يترك يدها :ممكن اعرف شفيج؟
امامه مو مستوعبه الي سواه :كيف تمسكني جدام الكل..لو مشعل شايفك
فيصل بشوي عصبيه:انتي هذا الي هامج...ما شفتي حالتج شلون تبجين والكل قاعد يشوفج...ما تحسين فيني بعد الي قلتيه لي بالجامعه..بس تفكرين بهالاشياء
امامه تناظره واهي منصدمه من كلامه ودموعها تنزل:....
فيصل بعتاب:ممكن اعرف انا اسويت...كل الي سويته اني حبيتج وعمري ما فكرت اني اضايقج...ويوم اني فكرت اتقدم لج تردين علي انه انتهينا!!! مين عطاج الحق انج تنهين الي بينا
امامه تبجي واهي ساكته من دون أي نفس:...
فيصل عوره قلبه:ممكن ما تبجين
امامه بجيها يزيد وتمت تشاهق:............
فيصل يمسح دموعها بكلنكس:قطعتي قلبي حبيبتي لا تبجين
امامه سحبت منه الكلينكس وابتعدت:لو سمحت وخر عني ولا تقول حبيبتي مره ثانيه
فيصل :انتي تحبيني لا تنكرين هالشي

ما قدرت تستحمل زود...تحس انها ما تستاهله كيف ظنت فيه جذي...تركته وراحت للحمام تمت تبجي من كل قلبها..فيصل مسح دمعه نزلت من عينه واخذ نفس عميق ورجع لهم...

ام فيصل:وينك يمه؟
فيصل:ماكو شفت واحد من ربعي وتميت اسولف معه
مشعل:نوال امامه ما رجعت للحين؟
نوال خايفه عليها:جوالها هنا ..الله يستر
نهى تطمنها:لا تحاتين يوخيتي ما فيها إلا الخير

تقطع كلامهم امامه..وشكلها يعكس الي كانت فيه قبل كم دقيقه....

نوال بخوف:يمه اموم فين رحتي؟
امامه تبتسم لهم:سامحوني قمت فجأه بس تذكرت شي وسويته ورديت
نهى:خرعتينا عليج يا بنيتي
امامه تجلس:سامحوني والله بس الشغله كانت ضروريه
مشعل :شتبين اطلب لج؟ كلنا طلبنا
امامه:مو مشتهيه مشعل
انفال تأشر على صحنها :ذوقي هذا امامه وايد لذيذ
امامه :مشكوره حبيبتي بس شبعانه
انفال تمد لها بيدها:يلا عاد لا ترديني..منقوله
امامه تاخذ منها:مقبوله ...
نهى تكلم امامه:تخرجتي يمه؟.
امامه:لا خالتي باقي لي صيفي أن شاء الله
نهى:مع فيصل ولدي أن شاء الله
مشعل:أي تعال فصول انت معاها بالجامعه
فيصل منحرج:ايه
نوال:أي تخصص يا ولدي
فيصل:مدني خالتي
مشعل:بنفس التخصص بعد..هلا هلا يا فيصل في بنت اختي
امامه رفعت عينها لفيصل شافته يبتسم لها :لا توصي حريص يا مشعل
انفال:الحمدالله انا افتكيت من الدراسه..الله يعينكم
نوال:وانتي يا بنتي ايش كنتي تدرسين؟
انفال:تجاره واعمال واللحين اخذت الدكتوراه
مشعل: هههه فيصل واموم نفس التخصص..وانا معك نفس التخصص
انفال مستحيه:ههه انت بتاخذ دكتوراه بهالمجال
مشعل:أي انا معي الماجستير وبكمل الدكتوراه
انفال:الله يوفقك
نهى :امامه وحيدتج يا نوال؟
نوال تبتسم لها:لا عندي طلال الكبير بس مسافر شهر عسل
نهى:ما شاء الله الله يسعده
نوال:تسلمين حبيبتي

نداء الطائره....يعلن عن الرحيل اصعب اللحظات على الاهل والاحباب لما يودعون احبابهم ..وخاصة اذا كانو بيطولون بالغربه

مشعل بحزن وعينه على نوال:هذي رحلتي
نوال دمعت عينها:خلاص يا مشعل بتسافر مره ثانيه
نهى تهديها:افا عليج يا وخيتي شالكلام...ان شاء الله بيرد لج والشهاده معه وماراح يقصر كل يوم بيكلمج
نوال تحضنه وتبجي:كل يوم كلمني طمني عليك..مو تتركني احاتيك أول ما توصل تكلمني ..واكل عدل ..واذا جيت بتنام تلحف عدل ..ولا تاكل دسم بليل
مشعل يضحك:هههههههههه الله يهديج نوال جني ياهل أول مره اسافر
فيصل:هههههه تحاتيك يا مشعل

امامه دموعها تنزل وتمسحهم مشعل قريب منها حيل كيف بتقدر على بعاده....الكل تم يسلم عليه باقي امامه جالسه بمكانها تبجي من غير أي صوت..

مشعل بحزن:ماراح تسلمين علي اموم
امامه توقف وتحضنه وتمت تبجي:لا تروح مشعل اقعد معاي محتاجتلك
مشعل :افا اموم ليش تبجين...
امامه:لا انت ولا طلال ولا حلا ولا غنوم ..شسوي من دونكم ..مشعل تكفى اقعد لا تروح
مشعل يبعدها ويخليها جدامه وبصوت واطي: ابيج اقوى من جذي عشان امج وبعدين تعرفتي على انفال وان شاء الله كل يوم بكلمج
امامه تمسح دموعها:كل يوم مشعل تكفى
مشعل:أن شاء الله ..مع السلامه

راح فيصل يوصله ليه داخل ..ويوم خلاص قربو للبوابه...

مشعل:فيصل
فيصل:هلا
مشعل:ما اوصيك على اهلي هم نفس اهلك...
فيصل يبتسم له:لا توصي حريص
مشعل يبتسم له:والي مزعلها راضها ..ودير بالك عليها
فيصل انصدم من كلامه ((ليكون شافني وانا اكلمها ..لا يظن فيني غلط)): مشعل انا ..انا
مشعل يبتسم له:اهم شي يا فيصل انك ما تكون تلعب عليها...لاني شفتك وانت تكلمها ونظراتكم لبعض واضحه ما تطوف علي
فيصل مستحي منه:والله يا مشعل الشي مو بيدي ..بس انا نيتي صافيه وبتقدم لها أن شاء الله
مشعل :وماراح نلاقي احسن منك ..بس ترا البنت متضايقه يا ويلك أن كنت مزعلها
فيصل بخوف:انا ما سويت لها شي يضايقها وربي
مشعل :ههههههه اتغشمر معك ليه خفت ...اشوفك على خير أن شاء الله وطمني عليك
فيصل يحضنه :ترجع بالسلامه ودير بالك على نفسك
مشعل يودعه:مع السلامه


رجع لهم فيصل واهو مرتاح أن مشعل عرف و ايده بدل لاا يخانقه..ناظرها واهو يبتسم وغمز لها وامامه استغربت من حركته ونزلت راسها بسرعه..

فيصل:يالله يمه خالتي نمشي
نوال توها تستوعب:اموم حنا جينا بسيارة مشعل كيف بنرجع اللحين
نهى:افا يا نوال شالكلام ..احنا نوصلكم
نوال:تسلمين يا ام فيصل اللحين اتصل على زوجي يجينا ..ما نبي نكلف عليكم بهالليل
فيصل:ما في كلافه خالتي ..لا تعنين عمي ..انا اوصلكم

وبعدها راحو ويا فيصل ..نهى جلست جنبه جدام ...ونوال وانفال وامامه ورا ...بحيث تكون امامه وره مقعد فيصل...واهو تشقق من داخله وتم يناظرها طول الطريج واهي كل لحظه تسرق لها نظره....وتبادلو امامه وانفال ارقام موبايلاتهم ...










بعد مرور يومين من الاحداث علاقة شذى وحمد زادت وايد...تحس شذى انها بدت تميل له..اهو شاب جميل ما ينقصه شي بس كان اسلوبه وطريقة تفكيره ما تحبها...بس اللحين اهو صار الشخص الي تتمناه..خاصة أن طلال حبها له تحول لكره وانتقام..

عزمها حمد على الغدا واهي ما رفضت ....

شذى بفرح: صج حمد
حمد:أي صج بتعالج
شذى مستانسه:ونستني حمد..الله يوفقك
حمد:العلاج مو صعب لاني توني بدايه الادمان بس يبيله صبر وثبات
شذى:حاول يا حمد لازم تتعالج عشان امك ما تستاهل وعشان نفسك باجر وراك زواج وعيال لازم تكون صاحي لهم
حمد بحزن:ما اتوقع بتزوج بعد حلا
شذى وكرهها يزيد لهالبنت اكثر:حمد انت لازم تنساها مثل ما انا نسيت طلال
حمد بحقد:انا لازم ادمرها مثل ما دمرتني
شذى :شلون؟
حمد يبتسم بمكر:تبين تنتقمين من طلال ؟
شذى:ومن حلا بعد
حمد :خلاااص عيل سمعي الي بقولج عليه ...وتسوينه بالضبط
شذى بكل نشاط:اكيييييد





امامه قاعده بالصاله ويا امها الي تتكلم بالتليفون..بالها مع فيصل ..تذكر آخر مره شافته بالمطار ابتسمت يوم تذكرت أن قالها حبيبتي...وكيف انه ما فقد الامل فيها للحين مصر على حبه لها...

نوال تسكر التليفون:امومه
امامه الي كانت سرحانه:هاا
نوال:في احد يقول لامه ها
امامه:هههه اسفه يمه مو قصدي
نوال:جيل هالوقت ما في احترام
امامه:يمه شفيج الله يهديج ما كان قصدي
نوال:باجر معزومين بيت ام فيصل
امامه:ليش؟
نوال:مسويه عشى عشان بنتها انفال خذت الشهاده وعازمتنا
امامه:أي أن شاء الله
نوال:اتصلي على الصالون وحجزي لنا موعد باجر
امامه:اوكي يمه (يرن موبايلها)...هذي انفال
نوال:أي يمكن تعزمج على حفلتها

امامه ترد:اهلين
انفال:هلا فيج ..شلونج ؟
امامه :تمام وانتي؟
انفال:الحمدالله..امامه باجر أن شاء الله مسويه عزيمه على العشى لا تخلين
امامه:أن شاء الله
انفال:عندج شي اليوم امامه؟
امامه بخوف:لا ما عندي شي
انفال :حبيت اكلمج بموضوع خاص اذا ممكن اشوفج اليوم
امامه حست الموضوع فيه فيصل:خير صاير شي؟
انفال:ما فيه شي بس حبيت اكلمج بموضوع على انفراد
امامه:خلاص حبيبتي ..شوفي المكان والوقت الي ريحج وانا اجي لج
انفال:يناسبج اليوم بعد صلاة المغرب
امامه:أي اوكي يناسبني
انفال:عاد انتي اختاري المكان
امامه:ههه امممممم مارينا على البحر
انفال:خوش مكان ..خلاص القاج هناك
امامه:أن شاء الله
انفال:باي
امامه:باي

نوال:خير؟
امامه:يمه انفال بغتني بموضوع وتواعدنا بعد صلاة المغرب
نوال:الي ريحج حبيبتي



وصلت امامه واتصلت على انفال واتفقو انهم يتلاقون ((بكوستا))

انفال تسلم:هلا والله
امامه:هلا فيج حبيبتي
انفال:ها شلونج مع العطله؟
امامه:والله ماكو ملل ما في شغل الدوام ارحم
انفال:ههههههه هذا اهو انا اللحين قاعد ادور لي شغل مليييييت من البيت
امامه:أي والله
انفال حبت تدش بالموضوع:امامه حبيت اخذ رايج بموضوع..ابي رايج فيه
امامه :تفضلي
انفال :مثل ما تعرفين اني اخت فيصل الكبيره..وفيصل ما يخش عني شي
امامه وبدت ترجف من احد يجيب لها طاريه:أي نعم
انفال:اهو الكورس هذا كان كلش مو طبيعي ويوم سألته صارحني انه يحب وحده معه بالجامعه..
امامه تسمعها وتحس الكلام عنها:.......
انفال تبتسم لها:طبعا هالبنت دعمته ومن ذاك اليوم واهو مو قادر ينساها...والمشكله أن أول حب له بحياته
امامه بحيا:ايه
انفال:طبعا تعرف عليها اكثر واكثر بحكم انها معه بنفس المحاظرات...وعرف انها خوش بنت وتأكد من حبه لها..وقرر انه يصارحها بس يوم صارحها
البنت رفضته وطلبت منه أن ينسى كل شي بينهم وانهم انتهو...بالرغم من انه متأكد انها تبادله نفس الشعور..ومن ذاك اليوم واخوي ما يعرف طعم النوم وراحه ..حتى الاكل ما قام ياكل عدل ولا قام يقعد ويانا..كله بغرفته بروحهه يقعد يفكر فيها..فانا قلت اخذ رايج بالموضوع
امامه تحس بتأنيب الضمير على حالته:بشنو؟
انفال:اخوي يقول انه ما غلط بحقها ولا ضايقها يوم..بس اهي كلامها له يدل على انه جرحها
امامه تبلع ريجها:اممم ممكن اهي غلطانه
انفال وكأنها وصلت للي تبيه:كيف يعني؟
امامه بتردد:امممممم يمكن اهي ما تستاهله لا يتعلق فيها اكثر يحاول ينساها
انفال استغربت من ردها:شلون تبينه ينساها واهو يحبها إلا يموت فيها؟
امامه دمعه نزلت من خدها:بس اهي رفضته ونهت كل الي بينهم قبل لا يبتدي ما تستحقه...
انفال حست السالفه فيها شي:ليش تظنين ما تستحقه؟
امامه تلقائيا:لانها ظنت فيه غلط ما تستاهل حبه
انفال بحزن:عشان جذي رفضتيه
امامه تمسح دمعه ثانيه:ما استاهل حبه انفال
انفال:انتي تحبينه صح؟
امامه ساكته:...
انفال:صح؟؟!!
امامه بصوت واطي:إلا اموت فيه..
انفال :عيل ليش قلتي له جذي؟
امامه ترفع راسها:ما تصدقين اذا قلت لج السبب؟
انفال :لا تخافين بصدقج انتي بس قولي لي...والله يا اموم لو شفتي حاله تحنين له
امامه:بقولج

تمت تقوله الي الموقف الي شافته فيه وياها بالمكتبه وكيف ظنت فيه.....

انفال:هههههههههههههههههههههههه من صجج
امامه منحرجه:قهرني حسيت انه جرحني فقلت اجرحه..بس جرحت نفسي قبل لا اجرحه
انفال:ما فكرتي أن ممكن تكون اخته او وحده تصير له؟
امامه:مادري الغيره ما عطتني مجال افكر بشي
انفال:يعني هالموضوع اهو الي خلاج ترفضينه
امامه تهز راسها:ايه
انفال:وبعد ما عرفتي اني اخته؟
امامه:تأكدت اني ما استاهله ولا استحق حبه
انفال منصدمه:من صجج بدل لا تصلحين الغلط تزيدينه
امامه بحزن:انا جرحته انفال
انفال تمسك يدها:ما تصدقين اموم اهو شكثر يحبج...اليوم الي شفتينا فيه كان يايبني المكتبه عشان اشوفج...طول ماهو معي واهو بس يكلمني عنج ...تدرين اهو الي طلب مني اكلمج واعرف ليش زعلانه منه...وينتظرني تحت ارد له خبر
امامه مخترعه:فيصل تحت!!!!!!!!
انفال:يحاتي تكونين رفضتيه لانج تحبين احد ثاني او محيره لاحد
امامه:عمري ما بكون لغيره
انفال تبتسم لها:يعني تحبينه كثر ما هو يحبج؟
امامه تبتسم:انا اكثر
انفال تمسك موبايلها:خل اطمنه تلقينه احترق بمكانه
امامه وتحس انها ولهانه لصوته:امممم حطي سبيكر
انفال:هههههههه تبين تعرفين ردة فعله
امامه بحيا:ايه
انفال تركب سماعة الموبايل:اخذي وحده وانا وحده

دقت عليه وعلى طول رد...

انفال:بسم الله حتى ما رن رنه
فيصل بخوف:قولي لي نفول انها مو مخطوبه ولا تحب غيري
انفال تغمز لامامه :فيصل مادري شقولك بس.....بس
فيصل:بس شنو ليكون محيره؟؟؟
انفال بصوت حزين:ايه يا فيصل اهي ..
فيصل بعصبيه يقاطعها:لااااااا مو بكيفها ...ماراح تكون لغيري انا اعرف شلون اتفاهم معاها (سكره)


امامه بطلت عينها عالآخر :امبيييييه شبيسوي فيني
انفال تحسفت على الي سوته بأخوها :الله يهديه عصب بسرعه ما مداني حتى اكمل كنت بقوله حقك
امامه :بس هم ما كان لازم تسوين جذي لان...

قطع عليها كلامها فيصل جاي صوبهم وبكل عصبيه يحط يده عالطاوله....

فيصل يشوفها بعصبيه:من قال اني بسمح لج تتزوجين غيري!!



امامه بتعاند وترفضه مره ثانيه؟؟!!
شذى وحمد بيهدمون حياة حلا وطلال؟؟!!
تعلق حمد المفاجأ بشذى للانتقام او ..؟؟ََ!!

 
 

 

عرض البوم صور عذاري   رد مع اقتباس
قديم 28-01-09, 01:54 PM   المشاركة رقم: 19
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء العاشر

قطع عليها كلامها فيصل جاي صوبهم وبكل عصبيه يحط يده عالطاوله....

فيصل يشوفها بعصبيه:من قال اني بسمح لج تتزوجين غيري!!

امامه متشققه من الداخل بس بينت العكس:والله مالك أي سلطه علي
انفال بتقول الصج:فيصل ترا امامه..
فيصل يقاطعها:لو سمحتي انفال خلينا بروحنا
امامه بعناد:انفال لا تروحين

انفال تروح بعد ما شافت عين اخوها ..والتفتت لامامه وساسرتها ((صلحي غلطتج بنفسج))
فيصل يقعد قبالها ويحاول أن يهدي...وامامه منزله راسها وتنتظره يتكلم...

فيصل بصوت كله عذاب:صج امامه انتي محيره؟
امامه كسر خاطرها بس حبت تطفره:ايه
فيصل :وانا!!
امامه وعينها بالارض:وشفيك انت؟
فيصل يقرب الكرسي منها بحيث يصير جنبها:ممكن تشوفيني
امامه :فيصل لو سمحت الي تسويه غلط ما يصير تقعد معاي بروحك بمكان عام
فيصل ما اهتم بكلامها:ممكن تشوفيني
امامه رفعت عينها له :نعم

فيصل تم يناظرها وشاف العكس بعينها...مرت 3 دقايق واهم يتفاهمون بلغة العين...امامه نزلت عينها

امامه :فيصل كافي
فيصل:ليش منتي راضيه تفهمين اني احبج؟
امامه تغمض عينها:فاهمه
فيصل:عيل ليش تسوين فيني جذي؟ ليش تذليني بحبج؟
امامه:انا اذلك؟
فيصل:امامه كل الي ابيج تفهمينه اني احبج ..وربي الي خلقني اني احبج وانا نيتي شريفه ولا جان ما قلت لانفال ..وعمري ما فكرت العب عليج..احبج فهميني
امامه تبتسم له:وانا بعد
فيصل مو فاهم شي:انتي شنو؟
امامه بحيا:انفال تقولك
فيصل يترجى:لاااااا بليز انتي الي قولي ابي اسمعها منج
امامه:فيصل ما اقدر افهمني..
فيصل:والله اني مو فاهم شي يا امامه
امامه تبتسم له:اسمحلي فيصل كافي الكلام الي دار بينا وبعدين انا محيره ما اقدر اطول معك
فيصل رد للعصبيه:انتي تلعبين علي؟

انفال ييت لهم وتظن أن الموضوع انتهى...

انفال:يلا عاد كافي يا كناري الحب
فيصل باستهزاء:أي كناري أي بطيخ..واهي محيره لغيري
انفال تشوف امامه واهي غمزت لها :انت عرفت لمنو؟
فيصل :اكيد لولد عمها او عمتها
امامه براءه:انا ما عندي ولد عم ولا ولد عمه
فيصل:عيل ولد خالج
امامه :وهم ما عندي لا ولد خاله ولا خال
فيصل :لمنو؟
امامه توقف:انا استأذن اللحين ما اقدر اقعد زود..مع السلامه

فيصل بكل عصبيه:اذبحها هذي.؟
انفال:ههههههه انت اقعد وهد بالك
فيصل:انتي من صجج تضحكين!!
انفال:لانك يا حلو معصب والسالفه ما تسوى
فيصل:انتو بتيننوني تقولج محيره وعندكم عادي
انفال:لانها محيره لك يا حبيبي
فيصل بصدمه:نعم!!!!!!!
انفال:ههههه اهي تحبك يا فيصل مثل ما تحبها والموضوع كان سوء فهم مو اكثر
فيصل بيطير من الفرحه:من صجج
انفال:ههه أي من صجي
فيصل:نفوووووول اموت عليج
انفال:ههههههه مصلحجي
فيصل:انزين شنو اهو السوء الفهم.؟

تمت انفال تقول له كل الي قالته لها امامه بالتفصيل..


**************************

بيت حور

بو حور:خلاص يا بنتي سوي الي يريحج
حصه(زوجة ابوها):شلون تسوي الي يريحها؟
حور متملله منها:اللحين انتي مو تبين تفتكين مني ..خلاص انا بترك لج البيت وبسافر اكمل دراستي
بو حور:حور عيب عليج حبيبتي تكلمين امج جذي
حور عيونها دمعت:عمرها ما حسستني انها امي..كله تعايرني اني سبب تعاستك انا اسويت؟
بو حور أول مره يسمع هالكلام:صج هالكلام يا حصه؟
حصه ترقعها:تتبلى علي ..هذا يزاي اني خايفه عليها وابيها تكون حولنا بدل الغربه
حور:الغربه اريح لي بمليون مره من اني اقعد معاج بنفس البيت
بو حور مل من الخناق وكان الحل الوحيد انه يبعد حور عن حصه:خلاص حبيبتي اذا تبين تكملين دراستج انا ما عندي مانع
حصه ما قدرت تقول شي:بكيفك انت ابوها
حور تبوس راس ابوها:تسلم يبه..وان شاء الله ارد لك ومعاي شهادة الدكتوراه
بو حور دوم يفتخر فيها:هذي بنتي الي اعرفها

صعدت حور غرفتها تتصل على شذى تبلغها بموضوع سفرتها..

شذى:هلا حور
حور:هلا فيج..شلونج؟
شذى:تمام وانتي؟
حور:الحمدالله..وينج شذوي؟
شذى:راده البيت
حور:وين كنتي هايته؟
شذى بفرح:كنت ويا حمد
حور:اشوف العلاقه تطورت ليكون بس بديتي تحبينه؟
شذى:ليش ما احبه!! ولد خالتي وكل المواصفات الي ابيها فيه
حور مستغربه:سبحان الله حمد عاد!!!
شذى:يلا عاد حورو ..ليش داقه شكنتي تبين؟
حور:ماكو بس كنت بقولج اني قررت اكمل الدكتوراه أن شاء الله
شذى منصدمه:بتردين تسافرين؟
حور:احسن لي يا شذى من جابل حصوه ..احس اني بموت اذا تميت اكثر وبتزوجني قصب عني..فقلت اسافر احسن
شذى:وانا!!!
حور:انتي شفيج؟
شذى:ابيج يمي حور
حور:اللحين عندج حمد وان شاء الله بيكفي
شذى:هههههههه تهقين؟
حور:ايه والدليل صارلج يومين ما كلمتيني كله مع الاخ حمد
شذى:هههههه تغارين
حور:لا ما اغار...بس ابي اشوفج لان رحلتي بعد يومين أن شاء الله
شذى مصدومه:وااااايد قريب؟
حور:ولبي اروح اجهز الشقه واقدم اوراقي وجذي
شذى:الله يوفقج
حور:وانتي مالج نيه؟
شذى:لا يمعوده شهادتي تكفي والحمدالله
حور تسمع صوت ابوها يناديها:اوكي شذووي ابوي يناديني خل اروح له اكلمج باجر ..باي
شذى:اوكي ..باي



******************

بيت فيصل

اليوم فجر بتروح الحفله بقلبها تحاتي أول مره بتكون مع بدريه بمكان بروحهم العاده كله اماكن عامه....بس تعوذت من الشيطان ولبست نفنوف فوشي قصير مع شال فوشي ...وحطت ميك اب وردي خفيف ونزلت لفيصل يوصلها..

فيصل كان يسمع انفال واهي تسولف ويا امامه بتليفون ..ونهى تضحك على حركاته...

فجر:يلا فيصل انا جاهزه
فيصل يشوفها بنظرة اعجاب:كبرتي فجور
فجر بحيا:هههه
نهى:ما جنه نفنوفج وايد مفتوح من فوق
فجر تحط يدها على الشال:لابسه معه شال

انفال يوم شافتها سكرت من اموم والتفتت لها...

انفال مستغربه:على وين آنسه فجر؟
فجر بغرور:معزومه على حفلة
انفال:حفلة شنو؟
فجر:رفيجتي مسويتها ليش خلصنا دوام..وانا استأذنت من امي وفيصل واهم وافقو
انفال تلتفت لفيصل:ما قلت لي؟
فيصل:وليش اقولج انفال الموضوع ما يستاهل
انفال بشوي عصبيه:يستاهل يا فيصل...لازم نعرف منهم البنات الي بتروح لهم
نهى تدخل:انا اعرفها يا انفال ما يحتاج تعلمينا
انفال استحت من امها:مو قصدي يمه
فجر تلف لفيصل:يلا فيصل تأخرت اللحين بتصير 8 متى يمديني اقعد
نهى:على 11 فيصل يمرج
فجر:أن شاء الله بس خل نمشي
فيصل يسحبها جدامه بضحك:يلا مدام فجر تفضلي


أول ما وصلت فجر بيت بدريه حست بخوف غريب...وكان ودها تقول لفيصل خلاص رجعني...لاول مره بتحظر حفله..ما كانت تهتم بهالسوالف...

اخذت نفس عميق وضغطت على الجرس ..ردت عليها بدريه وقالت لها دشي....

يوم شافها فيصل دخلت البيت ..مشى بسيارته..اول ما دخلت استنكرت الوضع لان كان ظلمه وبس ليتات ملونه وصوت الاغاني الاجنبيه عالي....

بدريه بصوت خشن:هلا بفجورتي
فجر بحيا:هلا فيك بدر
بدريه:حياج حبيبتي تعالي اعرفج على الربع
فجر بخوف:في شباب بالحفله.؟
بدريه تمسكها من يدها وتقربها:اكيد يا قلبي شباب وبنات لا تخافين
فجر بابتسامه مزيفه:لا عادي مو خايفه

تاخذها بدريه معاها...وفجر كانت ترتجف من الي تشوفه..بنات لبسهم مو عدل وكل بنت معها شاب ويرقصون جميع...قرب منها ولد ويبتسم لها بخبث واهو يشوفها من فوق لي تحت...

فارس شاب ابيض طويل جسمه رياضي مملوح...ملامج وجهه طفوليه حيل خاصة اذا ابتسم كأنها ابتسامة طفل...


فارس:هلا بالحلوين
فجر مرتبكه منزله راسها وما ردت:.........
بدريه تعرف:هذي فجوره يا فارس الي كلمتك عنها (تغمز له)
فارس:هلا بفجوره شالجمال كله يا فجر؟
فجر بحيا:مشكور
فارس يأشر لبدريه انها تروح:اوكي فجوره انا بروح شوي وبرد لج

ما مداها فجر تتكلم إلا بدريه اختفت وما بقى غير فارس جنبها ..رفعت عينها له لقتها يشوفها بنظرات تخرع....

فجر مرتبكه:ليش تشوفني جذي؟
فارس يقرب منها:حرام الجمال كله جدامي وما اشوفه
فجر أول مره تسمع احد يمدحها :مشكور
فارس بمكر:اقول فجوره
فجر ترفع عينها له:نعم
فارس بابتسامه ذوب: شرايج نروح بعيد عن اهني ازعاج مو قادر اكلمج عدل
فجر بخوف:وين نروح؟
فارس يطمنها:لا تخافين حبيبتي بس انا ما احب اسولف وفي اصوات عاليه وخاصة مع ناس حلوين مثلج
فجر تبتسم له بخوف:اوكي براحتك


****************

تعلن هبوط طائره على اراضي بريطانيا في العاصمه لندن..اول ما وصل الشقه نزلت دمعه من عينه ..تذكر حور وذكرياته معه بهالشقه ...دخل الجناط وانسدح عالسرير وعينه تدور على الشقه ..قام من مكانه وراح للصاله تم يناظر الاثاث وكيف أن كل زاويه بالشقه تذكره بحور...

تم يغني بصوت حزين

((الاماكن كلها مشتاقه لك...كل شي حولي يذكرني بشي...لو تغيب الدنيا عمرك ما تغيب...الاماكن الي مريت انت فيها عايشه بروحي وابيها بس لكن ما لقيتك...كنت اظن الشوق جابك تجلس بجنبي شوي... كنت اظن الريح جابت عطرك يسلم علي...كنت اظن وكنت اظن وخاب ظني وما بقى من العمر شي واحتريتيك ..الاماكن كلها مشتاقه لك))

راح للمطبخ تم يناظره...خلاص ما يقدر يمسك دموعه اكثر نزلت دمعه حاره من عينه كل شي يذكره بحور ..ريحة عطرها يحس انها ماليه المكان ...صورتها ما تفارق خياله... يوم تذكر موقفه ويا حور واهي تعلمه كيف يطبخ ...

كان يومها منحاشين اهو و حور عن شذى وطلال..ولا احظرو معهم الجامعه وقررو يطبخون بروحهم...

مشعل:حوره ما اعرف اطبخ
حور :انا اعلمك ..انت بس البس لك المريول مال المطبخ وتعال لي

مشعل كان دوم يناديها حوره.. يلبس المريول واهو يحاول يربطه مو عارف

مشعل:حوره ماني عارف كيف اربطه
حور تروح له:ههههههه تعال اربط لك

مشعل يوقف جدامها واهي وراها عشان تربط له الخيط صوب رقبته

حور تحاول توصل له:مشعل نزل روحك ما شاء الله مو قادره اوصلك
مشعل ينزل لها:هههههه

مشعل:يلا شراح نطبخ؟
حور تحط يدها على خصرها وتفكر:امم شرايك نسوي مجبوس دياي
مشعل:ههههههههههه مجبوس مره وحده قلت بتقولين بيض
حور:بيض!!! احد ياكل غدا بيض
مشعل يقرب منها:انا ما يهمني الاكل دامني معاج
حور تبتعد عنه:مشعلوووه تعوذ من الشيطان
مشعل يمثل عليها ويقرب منها اكثر:ليش خايفه مني؟
حور صج خافت لانهم بروحهم:مشعل حرام عليك تعوذ من ابليس
مشعل كسرت خاطره شكلها صج خايفه ابتعد عنها واهو زعلان:ما تثقين فيني
حور تروح له:لا مو عن جذي حبيبي...بس يعني الشيطان شاطر
مشعل يبتسم لها:لا تخافين عمري ما بضرج بشي
حور بثقه:ادري
مشعل يرفع حاجب:مشكله الثقه الزايده
حور بدلع:حبك لي اهو الي معطيني هالثقه
مشعل يحاول يجاهلها:حوره يوزي عني ترا مو قد هالدلع
حور بدلع اكثر:ليش مو حلو علي؟
مشعل يحاول يلهي نفسه بشي:حوره ترا مو مشكلتي اذا صار شي ..انا مو مسؤول
حور بتهور تقرب منه وتوقف جدامه:بتذبحني يعني؟
مشعل فاجأها بقبله على خدها:شلون اذبح روحي
حور تضربه عالخفيف:يا ويلك أن عدتها مشعلووه
مشعل:هههه محد قالك ادلعي
حور تلبس المريول:خل نبدي بالطبخ احسن لنا

تم يبجي بحسره وبكل الم خلاااااااص حور اللحين لغيره...ما يحق له حتى يشوفها....رد لغرفة النوم وانسدح عالسرير وراح بسابع نومه من التعب....



*********************

شنو صار بين فارس وفجر ؟؟!!
مشعل وحور بيلتقون ببريطانيا مره ثانيه؟؟!!
معقوله حمد يحل محل طلال بقلب شذى؟؟!
شبيسوي فيصل بعد ما تأكد من حب امامه له ؟؟!!

 
 

 

عرض البوم صور عذاري   رد مع اقتباس
قديم 28-01-09, 10:20 PM   المشاركة رقم: 20
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 10,601
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الجزء الحادي عشر



بعد مرور 3 ايام... اليوم وصول حلا وطلال من فرنسا....وحبو يسونه لهم مفاجأه لانهم وصلو الفير واهم بيكونون نايمين...


طلال بعد ما اخذ الجناط:حمدالله على السلامه حبيبتي
حلا :الله يسلمك..حبيبي منو من الاهل بيجينه؟.
طلال:انا قلت اسويها لهم مفاجأه ..ورفيجي فيصل بيجي يوصلنا
حلا :ويي طلال فشله عنيت الرجال الفير ..جان اتصلت على السايق يجينا
طلال يبتسم لها:لا حبيبتي اهو اصر ياخذني من المطار..وبعدين امون عليه ..انتي عرفتيه؟
حلا :من؟
طلال:فيصل هذا اهو نفسه الي دعمته اموم
حلا متفاجأه:صار صديقكم؟
طلال:أي والله خوش ريال

حلا مستانسه انها بتشوفه لان تدري أن اموم تحبه وهذي واهي ما تدري بالتطورات الي صارت بينهم..لان امامه ما كانت تقولها اذا كلمتها وهم بفرنسا....((خل اشوف ذوق اموم تقول انه يهبل))

قرب منهم فيصل وسلم عليهم ..واخذ الجناط منهم وراحو لسيارته...استغربت حلا الطريج الي كان طلال يدليه فيصل..بس استحت تسأله جدام فيصل..يوم وصلو سلم عليهم ومشى....

حلا التفتت لطلال باستغراب:شنو هذا؟
طلال بريء :شنو!!
حلا:حنا وين طلال؟
طلال يقربها منه ويحط يده على جتفها ويساسره:حنا بيتنا يا حبيبة طلال
حلا تلتفت عالبيت وترد تلتفت له مصدومه:هذا بيتنا!!
طلال يبتسم لها بحب:ايه
حلا:بس انت قلت ان بنسكن بيت عمي!
طلال :لا غيرت رايي ابي احس بالخصوصيه
حلا بفرح:يا قلبي يا طلال
طلال يبتسم:عجبتج المفاجأه
حلا تحضنه:تينن تسلم يا قلبي

طلال يمسك الشنطه بيد ويد حلا بيده الثانيه ..ويدخلون للبيت..مبنى البيت بنص الحديقه و كان عباره عن دور واحد تصميمه امريكي...اول ما تدخلين صاله استقبال كبيره وحمام ضيوف ..وجنبها صاله تطل على حمام سباحه ارضي...وبعدها غرفة طعام ...ومن الجهه الثانيه من البيت جناح كبير خاص لحلا وطلال عباره عن غرفة نوم كبيره ومعه مطبخ تحضيري وغرفة تغيير وحمام واسع وصاله صغيره...وجبال جناحهم فيه غرفتين نوم وبينهم حمام...

طلال يأشر لها:وهذول الغرفتين لعيالنا أن شاء الله
حلا بحيا:الحمدالله بس تبي اثنين يعني
طلال يرفع حاجب:منو قال؟
حلا:بس في غرفتين؟
طلال:انا ابي درزن وان شاء الله ابني دور ثاني لهم لا تحاتين
حلا :درزن مره وحده ..قالو لك اني قطوه
طلال:هههههه لا انتي احلى من القطوه
حلا تدخل جناحهم:ذوقك طلال؟
طلال:تبين الصج؟
حلا تجلس على السرير:ايه
طلال يجلس جنبها :انا شريت البيت وقلت لاموم تأثثه على ما نرجع
حلا تحط راسها على صدر زوجها:يا قلبي عليها ذوقها اينن
طلال يضمها فجأه:احبج حلا

*****************


قعدت حلا من النوم واهي تحس انها اسعد انسانه بهالوجود دامها تزوجت من طلال...ما تدري ليش مر طيف حمد في بالها ((لو كنت رافضه طلال واخذت حمد بكون سعيده معاه جذي!! اهو كان طيب وحبوب بس كنت بعطيه الحب الي عطيته طلال!!!))...

استغفرت ربها ما يصير تفكر بريال واهي اللحين بذمة طلال..تمت تناظره واخترعت يوم فاجأها فجأه وضمها له....

طلال:تفكرين بمنو؟
حلا تحاول تفك نفسها:هههههههه خرعتني
طلال يضمها اكثر:لي هالدرجه انا الوع الجبد
حلا:انت تلوع القلب يا طلال مو الجبد
طلال :انتي الي قضيتي على نفسج بنفسج بهالكلام



بيت جاسم

نوال وجاسم يتفطرون...

جاسم:ولدك طلال مو كأن اليوم يوصل؟
نوال:قال لي هالايام
جاسم :على خير أن شاء الله ..انا رايح الشركه تبغين شي
نوال: سلامتك يا بو طلال..الله معك

توه بيفتح الباب عشان يطلع إلا بويهه حلا وطلال...طلال يسلم على ابوه وجاسم يلمه حيل ولهان على ولده الوحيد..

جاسم:حمدالله على سلامتك يا طلال
طلال يبتعد ومازل ماسك يده:الله يسلمك يبه
حلا تسلم:شلونك عمي؟
جاسم :هلا بنت اخوي...حمدالله على سلامتكم
حلا:الله يسلمك

نوال الي سمعت صوت طلال...وركضت على طول صوبهم وحضنته وتمت تصيح...

طلال:هههه يمه الله يهديج ليش البجي؟
نوال تمسح دموعها:دموع الفرح...ليه ما قلت لنا انك جاي
طلال:وصلنا الفير يمه وما حبينا نصحيكم
حلا تسلم على نوال وتبوس راسها:شلونج يمه؟
نوال تحضنها:هلا حبيبتي ..حمدالله على السلامه
حلا:الله يسلمج ويخليج
جاسم:حياكم داخل ليه متى بتوقفون عند الباب

دخلو داخل...وجاسم الي قعد 5 دقايق بعدها راح الشركه..

حلا:خالتي وين ميمي؟
نوال تبتسم لها:فوق يمه نايمه روحي صحيها بتكون احلى مفاجأه
حلا عجبتها الفكره:عن اذنكم
نوال:اذنك معك

نوال بعد ما راحت حلا:طمني حبيبي أن شاء الله مرتاح
طلال بابتسامه تأكد كلامه:الحمدالله يمه ..ما بلقى مثل حلا
نوال:يعني ما ندمت على زواجك منها؟
طلال:إلا ندمت على اني بيوم تمنيت اني ما اتزوجها
نوال بفرح:الله يهنيك ويسعدك يا حبيبي


حلا الي ولهت على سوالف شطانة قبل ...فردت تحت ونادت على طلال واهو صعد لها ...ونوال راحت تشوف الخادمه شبيطبخون للغدا..

طلال:خير حبيبتي
حلا بصوت واطي تغمز له:طلال للحين عندك القناع
طلال بخبث وعرف شلي تفكر فيه من نظرة عينها:ايه بغرفتي..اللحين اجيبه

لبسه طلال وكان عباره عن قناع وجه على شكل رجال عيوز ومعه شعر لونه رمادي وشكله كان مره يخرع...

حلا الي كانت مندمجه واهي تلف شيلتها دار مدار وجهها بحيث ما يبين غير عيونها...جيه طلال من وراها وخرعها واهي الهبله صرخت بصوت عالي بس طلال حط يده على حلجها يسكتها...

طلال:اووووشششش فضحتينا
حلا وللحين خايفه:طلوول من صجك جذي تسوي فيني
طلال:ههههه عيل تبين تخرعين اختي وما اخرعج
حلا تضربه بخفيف:بايخ
طلال يمسكها من يدها ويقربها له:افا حلوي اللحين انا صرت بايخ
حلا عارفه نهاية هالوضع:طلال مو هني تكفى
طلال يشد على يدها:بعد ما تبيني.؟
حلا:طلال حبيبي لا تسوي جذي..الحين احنا جايين نخرع ميمي اجل كل شي بعدين
طلال يترك يدها ويفصخ القناع ويقعد على الارض:ماني رايح معاج
حلا مستغربه من حركته:من صجك زعلت!!!
طلال:عيل تقولين لي بايخ عادي يعني
حلا للحين واقفه وعينها عليه:اتغشمر معاك حبيبي
طلال يمد لها يده:انزين يلا سحبيني خل نروح نخرع ميمي

حلا تحط يدها بيده أول ما جيت بتسحبه سحبها ورماها بحضنه

طلال:هههههههههههه اللحين منو بيفكج مني
حلا تحاول تقوم:طلال انت مينون والله فشله امك تجي تشوفنا
طلال:زوجتي وحلالي عادي ما فيها شي
حلا فكت يده بقوه وقامت عنه:لا فيها شي
طلال يقوم:انزين اتفاهم معاج بالبيت مو هني..لبسي بس خل نخرعها
حلا تعدل نفسها:اوكي

فتحو باب الغرفه شوي شوي قربو من السرير ..شالو الغطى انصدمو!!!!!!!!!!!!!!!!!

امامه مو موجوده ...توهم بيلتفتون حسو بماي بارد انكب عليهم اثنينهم ...

كانت امامه ماسكه بطلين ماي وكبت على كل واحد فيهم

امامه:هههههههههههههه
طلال بعصبيه:اموم ويعه أن شاء الله...من وين طلعتي؟
امامه:مالت عليك انت ومرتك...اللحين يايين تخرعوني تقعدون سنه تتغازلون بره
حلا تضربها :انتي للحين ما يزتي على هاللسان الطويل
امامه:ههههههههههه تبوني اطلع من الغرفه وتكملون رومانسيتكم المرعبه
طلال عجبته الفكره:أي والله جان زين
حلا اخترعت:لا شنو..مو بكيفج انا بروح معاج
طلال وامامه يضحكون على شكلها:هههههههههههه


حلا ضربتهم بالمخاد وراحت عنهم للصاله تحت...

امامه تلم اخوها:حمدالله على السلامه ..ولهت عليك
طلال:الله يسلمج
امامه تبتعد وبحذر:شلونك مع حلوي عسى ما زعلتها؟
طلال:ههههههه وليش جذي شكلج جنج ناظره
امامه:طلول خلصني شلونك معاها؟
طلال يبتسم لها:الحمدالله مرتاحين واحنا بعاد عنج
امامه تضربه:يعني انا اللحين الي مخربه بينكم
طلال:بصراحه ايه
امامه:اقول اذلف لمرتك خلوني اغير لبسي وانزل لكم
طلال يطلع من الغرفه:ههههههههه ولا تنسين شعرج سرحيه ولا بصورج وبدزها لفيصل عشان يهون عنج
امامه يوم سمعت اسمه انصدمت:..........
طلال يوم شاف شكلها رد لها:شفيج؟
امامه بخوف:انت تتتت تتعرف عن ففي فف
طلال:ههههههههههههههههههههههههههههههههه
امامه تنزل راسها وتسكت:.................
طلال:أي مشعل قبل كلمني وقال لي
الصدمه الثانيه على امامه:ومشعل بعد يدري؟
طلال بعصبيه:انتي شلون تعطين نفسج الحق وتحبين فيصل ها؟
امامه خافت وما قدرت تتكلم تمت تبجي:والله مو بيدي والله اني..اني
طلال يحضنها ويهديها:ههههه امومه شفيج حبيبتي اتغشمر معج ..انا ادري أنج ما تجاوزتي حدودج معه
امامه ترفع راسها له:شلون عرفت انت ومشعل.؟
طلال يبتسم لها:تذكرين يوم راحو معكم المطار
امامه عمرها ماراح تنسى هاليوم:ايه
طلال:مشعل شافه واهو يكلمك وكان طول الوقت حاس أن نظراتكم فيها شي..وكلم فيصل واهو صارحه وقاله أن بيخطبج...وامس هم فاتحني بالموضوع وانا قلت له من ناحيتي ما عندي مانع بس الكلمه لها ولابوي
امامه بخوف:تعتقد ابوي بيرفضه؟.
طلال بنفس الخوف:والله ابوي ما تقدرين تحكمين على كلامه إلا اذا سمعتيه منه بنفسج
امامه:الله يستر
طلال يشوف عيونها:من متى وانتي تحبينه؟
امامه ويها حمر:ما تهاوشني؟
طلال:ههههه ماراح اهاوشج لان الشي مو بيدج ..قلبج المسؤول بس لو كنتي مكلمته بالموبايل او طالعه معه اهني اخانقج وانا ادري بأختي ما تسويها
امامه تبتسم له:من يوم دعمته وانا افكر فيه
وطلال:وكنتي تشوفينه بالجامعه؟
امامه:معي بنفس المحاظره
طلال يغمز لها:عشان كذا الصبي مستخف عليج
امامه:ليش؟؟ شقالك؟؟
طلال:قالي والله يا طلال اني تعبت من اختك تكفى حنو علي ووافقو علي بسرعه
امامه بحيا:مينون هذا شلون يقولك جذي وانت اخوي
طلال:ههههههههه لان عارف نيته..اللحين روحي غسلي ولبسي ونزلي تحت حلا ولهانه عليج
امامه:عيل انا شقول حدي فاقدتها ...طلول خلها تنام عندي اليوم
طلال يرفع حاجب:شقلتي حبيبتي؟. تنام عندج انسي ما اقدر
امامه تساحله:يوم واحد بس طلال؟
طلال:ولا نص يوم ما اقدر انام من دونها..باجر انا اجيبها عندكم وانا رايح الشركه اهي اجازتها بعد اسبوع تخلص
امامه:خلاص اوكي

*************************

بيت فيصل

الكل مجتمع على الغدا إلا فجر....

انفال:وين فجور؟.
نهى:تقول تعبانه ما تبي غدا
انفال :هذي سالفتها من يوم ردت من الحفله واهي مو طبيعيه
نهى:لا تفاولين على بنتي ما فيها إلا العافيه بس تعبانه شوي
فيصل:اقول يمه
نهى:قول حبيبي
فيصل بابتسامه:انا كلمت اخو امامه امس واهو رحب
نهى بفرح:الله يبشرك بالخير...باقي اليوم المغرب اتصل اكلم الام عشان تقول لابوها
انفال:والله اني حبيتها فيصل
فيصل:عشان تعرفين ذوق اخوج
نهى:الله يسهل عليك وينور دربك حبيبي
فيصل:آمين يمه
انفال:افا يمه الدعوات بس حق فصول
نهى :والله يوفقج يا بنتي ويرزقج الريال الصالح أن شاء الله
انفال تترك القفشه من يدها وتقوم:الحمدالله
فيصل بحزن على حال اخته:وين نفوله ما اكلتي شي؟
انفال من غير نفس:شبعت

راحت غرفتها وكالعاده فتحت صندوق الي يحتوي كل شي فيه من ذكريات فواز وتمت تصيح....

فيصل:الله يهديج يمه انا ما قلت لج لا تيبين طاري الزواج جدامها
نهى :ما قصدت زلة اللسان ...قلب الام يدعي لها بهالشي
فيصل بضيق:الله يهديها أن شاء الله

**************



بيت جاسم

قاعدين كلهم بالصاله ...

نوال:ههههه حسبي الله عليك من بنت متى بتكبرين؟
طلال:يمه هذي ما بتكبر إلا يوم تزوجونها (يغمز لها)
امامه مستحيه:مليق
حلا ودها تعرف اخر التطورات:اقول ميمي لابتوبج بالغرفه
امامه مستغربه:ايه
حلا توقف:عن اذنج خالتي بس عندي شغله ضروريه اسويها
نوال:اخذي راحتك حبيبتي
حلا تمسك امامه من يدها:تعالي معي


نوال تلتفت على طلال وتلقاه يناظر المكان الي راحت منه حلا...ابتسمت له بحنان وحطت يدها على يده...

نوال:مرتاح؟
طلال انتبه فابتسم لها:الحمدالله يمه
نوال بصوت واطي: وشذى ؟؟
طلال بقلبه (لييييش يا يمه تذكريني بالماضي ): طول ما حلا جنبي ما افكر بشذى
نوال بفرح:الله يدوم عليكم ويسعدكم

رن تليفون البيت ورد طلال...

طلال:الوو
.. :السلام عليكم
طلال:وعليكم السلام
...:ممكن اكلم ام طلال
طلال:أن شاء الله لحظه



ليه متى بتم انفال متعلقه بفواز ؟؟!!
فجر تعبانه من شنو ؟؟!!
جاسم بيوافق على فيصل؟؟!!
شذى وحمد بيتمون على تنفيذ خطتهم ؟؟!!
من بيكون متصل يبغى نوال؟؟

 
 

 

عرض البوم صور عذاري   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة حلا الكويت, أغلى, أغلى ناسي, ناسي, قصه اغلى ناسي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:30 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية