لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 06-02-09, 10:37 PM   المشاركة رقم: 46
المعلومات
الكاتب:
اللقب:
ليلاس متالق



البيانات
التسجيل: Aug 2006
العضوية: 10921
المشاركات: 9,229
الجنس أنثى
معدل التقييم: عذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييمعذاري عضو جوهرة التقييم
نقاط التقييم: 1280

االدولة
البلدOman
 
مدونتي

 

الإتصالات
الحالة:
عذاري غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

بالنسبه لامامه وشيخه وغنيمه هم اسماء اعز صديقاتي اعتذر لشيوخ عن الشخصيه مو بيدي طلعت جذي على حظها هههههحصلت زف منها على جم موقف .اماغنوم اظن شخصيتها حلوه اشوه ما عصبت علي ..ميمي عاد ماخذه احلى الشخصيه واحلى بطل ههههههه ذبحتني كل يوم تبي تقرا البارت قبل لا انزله تبون الصراحه ما الومها دام حبيبها بالقصه فيصل ههههههههههه


طلال


آآآآه يا طلال عذبتني وانا اكتب عنك...شخصيتك وايد صعبه ومزاجيه ..الصراحه مادري شلون كانت مستحملتك حلا ....
مواقف وايد عذبتني فيها وياك تسوي شي وبقلبك شي ثاني ..بس عجبتني يوم سويت حركتك بشذى هههههه احس طلعت حرتي وحرت حلا حبيبة قلبي فيها ...فديتك طلول


حلا


شقول شخلي عن هالبنت...شخصيتها طيبه مره تهبل...فيها حنان وقدره على الصبر بشكل مو طبيعي..ما اظن في مره ضحت كثرها ...تحملت كل شي علشان حبيبها ...الحمدالله نالت اللي تبيه بالنهايه ...اكثرشخصيه بجتني وانا اكتب عنها ....ولا يوم راحت له المستشفى عذااااب...خلاص حلووي انسي كل شي وعيشي وياه انتي وناصر باجي حياتكم من غيرهالزفت شذى...


فيصل


اتمنى من كل قلبي ربي يرزقني ريال مثله>> بتذبحني اموم هههه ...حبيت شخصيته حنوون وبنفس الوقت ريال وجد عند المواقف الصعبه ...حب مرته وخلص لها ...و وقف وياها بمواقف وايد...رومانسيته تهبل ...كله على بعضه يهبل الله يخليك لامامه ولي ...ههههههههه بتذبحني رفيجتي قصدي الله يخليك لها هههههه ويرزقنا واحد مثلك ليش لأ ههههههه



امامه

هالشخصيه بالضبط شخصية رفيجتي ....ما عليها كلام كلكم شفتوها تهبل صح ؟!! اكيد دامني انا رفيجتها >>> ثقه ههههه

امامه عجبتني بالبدايه رغم انها حبته بس ظلت متمسكه بعاداتها ...وبعد ما تزوجت عجبني دلعها عليه الصراحه ...وما اخبي عليكم كنت ادق على رفيجتي واطلب منها مواقف بينها وبين فيصل ....ههههههه لانها المسكينه خالص عاشت وياه ..ما ابي احرمها منه فكانت تساعدني بمواقف القصه ...فديتها والله الله لا يحرمني منها ...ويخليج لفيصل كان بيموت يوم رحتي بيت اهلج وقت نساتج ...وااااي اموم ادري انج حاسه فيني لانج بتفقدين فيصل مثل ماراح افقدهم..الله يصبرني



مشعل


امانه امانه شفتو واااحد بهالحنيه !!! شفتوه شلون وقف ويا حلا ...يعني لو اكتب ليه باجر ماراح اوفي فيه...بداية القصه كان يعور قلبي ...يعني ضحى بحبه وسعادته علشان حبيبته حور....آآآآآخ يا قلبي يوم كان يشوفها ببريطانيا ويا حلا ...كان ودي اقلب القصه كلها واردهم لبعض ولا اشوف مشعل يتعذب جذي...بس الحمدالله صبر ونال ...ربي حط انفال بدربه ..وان شاء الله بتسعده ...الله يحميك يا مشعل...

ها فطفوطه أن شاء الله اعجبتج نهاية مشعل !!...ذبحتني من يوم عرفت قصته ويا حور واهي تحن علي ارجعه لها او ازوجه وحده يحبها ..انا كنت العب باعصابها واقول لها أن بيتم طول حياته جذي....هههه اظن نهايته حلوه صح؟!..


حور


يا قلبي عليج ....ادري والله صعب أن حبيبج يتخلى عنج..وفوق هذا يوم تزوجتي خالد...مات جدااام عينج...انا وقت الحادث الصراحه ما قدرت اشرح لكم اكثر...تخيلته جدامي عورني قلبي...شلون حورعيل...الله يصبرها ....ربي عوضها بخلوودي الصغير أن شاء الله أن كبر يعوضها على كل التعب اللي اتعبته بحياتها

خالد


هالشخصيه صج حلوه ....شفتو ريال حاس أن مرته تحب غيره ويطلقها علشان تعيش وياه !!! ما اظن في واحد مثله ...ويوم تزوجها مره ثانيه ..ما جبرها على شي إلا يوم اهي رضت وعبرت بنفسها عن حبها له...بس الواحد ما يدري متى يومه وربه شكاتب له بهالدنيا ...علشان جذي لا تتردد انك تعبر لحبك لشخص بحياتك ..ما تدري الدنيا شخاشه لنا ....الله يرحمك خالد ..تتلاقون بالجنه أن شاء الله

شذى


اكره انسانه عالوجووووووود اكرها يا ناااااس يا عااااااااالم ما اواطنها لو بيدي خليتها تحترق بالحادث بدال طلال ...ويرجمونها لما تموت <<< حدها مقهوره منها

يعني قصيتي على طلال ولعبتي بعقله وتزوجج ...وبعدين فريتيه على حلا وخربتي بينهم ...وصار لج وما يرد لج طلب...ويوم صار الحادث..تخليتي عنه علشان شكله.!!!.يعني لو مو ابوج جان تطلقتي من أول يوم بعد الحادث...بس قلعتج اللي سواه فيج طلال ذلج ذل يالخايسه تستاهلين ...عساج دوم مذلوله ...بشوف شلون بتعيشين حياتج اللحين لا ابو ولا ام يبونج ..تستاهلين عساج الموت ...


انفال


حبيبتي انتي نفوله مو كفايه اللي شفتيه بالغزو...واحد نذل حمار اخذ اغلى ما عندج...مو بس انتي يا قلبي بنات كويتيات وايد تعرضو مثل اللي صارلج...الله ينتقم منهم يا رب عذبونا الله لا يوفقهم ويحرقهم بنار جهنم مثل ما حرقو قلوبنا عالكويت وعذبو اهالينا ....

تميتي مضحيه لحبج لفواز ولا نسيتيه ...ويوم لقيتيه وعدج وردت لج الحياة..وبالأخير تخلى عنج ..لا تلومينه انا اشوف اللي سواه دليل انه يحبج مهما كنتي تحبينه حياتج وياه بتكون صعبه ...لان الريال اهو المفروض يشتغل ويصرف عالبيت ...الحمدالله ربج عوضج بمشعل ما اوصيج عليه حطيه بعيونج ترا رفيجتي فطفوطه ميته عليه وكانت تبيه بس خليته لج ...الله لا يحرمكم من بعض....

فجر


بنت انحرمت من ابوها وهالشي اثرعلى شخصيتها خلاها انطوائيه ما تبي تحتك بالناس...يمكن اللي صار لها مع فارس وبدريه ..خلاها تفتح عيونها على اشياء وايد..واتوقع لاحظتو معاي تغير شخصيتها عقب اللي صار لها ..كل واحد يتعرض لشي بحياته ويسوي الغلط بس المهم يستفيد منه ....تعرفت على فرح وحست انها الصديقه اللي ممكن تعتمد عليها ...صدفتها ويا باسل وايد حبيتها ...الحمد الله أن ما قص عليها وحبها بجد وخطبها ..الله يوفقج فجووره

باسل


هالشخصيه وايد حلوه ...صج انه مغازلجي وراعي بنات درجه اولى ..بس حلو الواحد اذا غير حياته علشان شخص عزيز عليه ...ما يبي يفقده ...وهذا اللي سواه باسل انهى كل علاقته وبدا صفحه يديده ويا فجر...اتوقع حياتهم بتكون حلوه بس باسل ماراح يرحم فجر بحركاته ههههههه والله بوله عليه

احمد


للاسف ريال ما عنده شخصيه...او تقدرون تقولون هالشخصيه ما تقدر تطلع لان في قيود...بنى حياته ويا غنيمه على جذب...والجذب دوم حبله قصير...ونهايتها الطلاق مثل ما شفتو....بتتم ويا شيخه طول حياتك جذي اذا ما عدلت من نفسك وقدرت تستقوي عليها شوي وتوقفها عند حدها...ما اقول الله يعينك اذا مره تتحكم فيك
..محد ضاع بينكم غير هالفهد المسكين


شيخه


شخصيه اهم ما عليها نفسها ومكانتها الاجتماعيه كوزيره ...وشكلها جدام الناس...ريلها ولدها اخير اهتماماتها ...وايد ناس جذي سواء وزيره او غيرها ..الصراحه السبب الرئيسي اشوفه الزوج..لانها لو لاقيه ريال يوقفها عند حدها ما تمادت بهالشكل...بس شنقول العوض على الله>> شيوووخ حبيبتي ورفيجتي وصديقة دربي بالصدفه صار اسمج هالشخصيه ولا اهي ما تييب شعره منج...فديتج شيوخ


غنيمه


مشكلتي أن ابي احط اسامي رفيجاتي ..للاسف غنوم وشيوخ اهم اللي كلوها بادوار الشخصيه هههههه ..اللي ربحت ميمي ههههههه

غنوم ادري وايد تعبتي وعانيتي ويا احمد...يعني حتى يوم اكتشفتي فهد ما قصرتي خذيتيه عندج وصرتي احن عليه من امه ...بس ما الومج يوم مديتي ايدج وضربتي احمد يستاهل الخاين وزين منج تطلقتي...

انا اتمنى من كل وحده يصير عندها مثل صبرج..تحملتي عبدالله بسكره وعصبيته وطقه لج ..ولا فقدتي الامل ...بالعكس هالشي خلاج تقوين اكثر وتتمسكين بامل انج تغيرينه ..وبالفعل نجحتي غنوم وغيرتي حياته كلها الله يخليه لج ...

جوى بتم طول عمرها تدعي لج انج رديتي لها ابوها ...وانت يا عبدالله ما اوصيك على غنوم تراهي رفيجتي وحبيبتي حطها بعينك وسكر عليها ...لاااااااااااااا خلاص بسحب كلامي حطها بعينك بس من غير لا تسكر عليها ..رفيجتي ابيها ههههههههههههه


هذول اهم ابطال القصه ...اتمنى اكون وصلت لكم شخصية ودور كل واحد بالقصه ....واشكر كل من ساعدني بقصتي وعطاني بعض المواقف سواء اهو مر فيها ولا لأ....وسامحوني على تأخيري في تنزيل البارتات ...كنت احاول اعطي كل اللي عندي علشان تنيل اعجابكم ....مادري شلون اللحين بعيش من غير فيصل وطلال وحلا ومشعل وامامه واااااااااااااي كلهم والله صعب ..الله يعيني على فراقهم ....

نصيحه اخيره لكم ولابطالنا....

الحياة من غير حب ما تسوى.. ..فلا جمال لحياتنا من دون حب ....

فان اصابك حزن في حياتك قل الحمدالله ...وان انالك الله الفرح فقل الحمدالله...وان بلاك في مصيبه فقل الحمدالله ...
لان حب الله لك اكبر من أي حب بشري ...لانه خلقك لا ليعذبك بل لتكون خليفته في الارض ....

فتعلم لغة القلب والحب لكي تنجح بحياتك...


و


اصبرعلى ما بلاك الله به..فالصبر هو مفتاح الفرج


و


ابتعد عن الكذب ...فالكذب حبله قصير


و


حب من يحبك ....


و


ابتعد عن من يغيضك...


و


انصح من يهمك...


و


استمتع بحياتك ...


و


لا تدع مكانا للحزن فيها...

حلا الكويت

 
 

 

عرض البوم صور عذاري   رد مع اقتباس
قديم 29-03-09, 01:54 PM   المشاركة رقم: 47
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,020
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4990

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : عذاري المنتدى : القصص المكتمله
افتراضي

 

الله يعطيكي العافية عزيزتي للنقل

وجاري تعديل العنوان لحفظ حقوق الكاتبة الشرعية (: حلوه كلمة شرعية عجبتني

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة حلا الكويت, أغلى, أغلى ناسي, ناسي, قصه اغلى ناسي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:28 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية