بسم الله الرحمن الرحيم
السلام عليكم ورحمة الله وبركاته
أتابع القصة بصمت ،واليوم ادلي بدلوي عسى أن ينال الدلو من البير شيئا .
ولكن مما كان الرشاء يحمل علمت أنك كاتبة مبدعة ، تتميزيين بموهبة رائعة متعك الله بها لنقل الفائدة الممتعة ، وأهمس في أذنيك بهذه الكلمات .
1- لديك طلاقة لفظية تتميزين بذكاء لغوي .
2- الذكاء المكاني يتجلى لديك كذلك من خلال الوصف ، الأماكن ، الأشخاص ، اللباس ..
3- الحس العاطفي الجم البالغ متعك الله به في وصف العلاقات الإنسانية على إختلاف انواعها.
وأنا أسأل الله لك رجل بهيبة من أفضل من كتبت عنه في هذه القصة . ( ولي معك نقاش بشأن هذه العاطفة ولكني ارغب أن يكون خاصا ) فدليني على طريقة ابعث لك بها ما أرى إن كنتي تريدين ذلك .
4- لديك قدرة- تبارك الرحمن - في إنتاج اإلأفكار والحلول التباعديةوالذي إن دل إنما يدل على تفكير واع وذكاء رباني ونتاج خبرات واعية وثقافة و إطلاع واستفادة من جميع ما يمر بك من خبرات.
5- توظفي الذكاء الحدسي بشكل جميل ورائع في قصتك فيا حبذا قرأتي عن مثل هذا النوع من الذكاء حتى توظفية بشكل اروع .
6- أنت إجتماعية دبلوماسية لبقة قادرة على التفاعل الإجتماعي وهذا بحد عينه نوع من أنواع الذكاء الهام لأي شخص يريد أن يضع له بصمة في قلوب الناس .
لا أدري هل أقول لك أختي أنفاس أم ابنتي أنفاس فأنا لا اعلم كم عمرك ، وبأي مرحلة تدرسين ، ولكني أعلم أني خريجة بكالريوس شريعة + دبلونم عالي في الدراسات الشرعية + دبلوم عالي في التربية + الدبلوم العالي في تخصص رعاية الموهوبين .
وأنا اسجل اليوم مدى إعجابي بمجمل القصة وهناك امور أرغب الحديث معك بها رعاك الله يا حبيبتة القراء ودمتي بخير ( أختك رحاب الهدى )

مساكم خير يا وجيه الخير

اولا ياشينج يازارا انتي وذي الغيرة.. عجوز وتغار.. وع ما تركب.. وشو له تغارين على سعودي.. ياشين التلزق بس
تدرين أنا محترة على أنفاسوه ليش انها خلت سعود يلبس جينز أزرق مثل ماقلتي لي المرة اللي فاتت.. مع اني ماقلت لها... يعني دارية باللي في خاطرج الأخت
بس ماعليه خلها تجبر بخاطرج شوي... حرام كسر خواطر العجايز.. يجيهم عقب حالة كآبة سن اليأس

بارت اليوم.. وآآآآآآآآآآآه من بارت اليوم

سعود....... فديت الطاري بس.. زين سوى في دانوووووه العلة تستاهل.. داقة الصدر وذالفة لبنان ساحبة وراها الصخلة خويلد..
بس تدري سعودي.. كفاية عليها كذا.. والله انها تأدبت.. رجعها جعلني فدا خشمك... البنية تحبك وذايبة في ترابك
ونرجع للقفلة المميتة...... حرام عليج قلبي ياأنفاسوه وش يصبرني البكرة عشان ادري العلة وش هي مرسلة له.. بأموووووووووت يا ناس بأمووووووت

عبدالله ....... البق بوس لك وحشة والله ومكانك خالي.. الله يردك سالم.... تأثرت وايد يوم جواهر قالت ما أسوي شيء أدري عبدالله رافضه <== وه عليها وعلى طيبة قلبها وعقلها بس... أنفاس بترده لج يا جيجي الله لا يعوق.. انطري بس لين تنزل الرحمة في قلبها القاسي


ماجد ..... فديت الصديق الوفي... بس أمسك قاعك الله يرحم والديك... مابغيت تكن.. لا تروح العراق تدور أنفاس لك مصيبة...وإذا كنت نجيت من الصاروخ في حرب تحرير الكويت.. بتجيب الحين صاروخ موجه بشكل مباشر لقمة رأسك.. حرام ذا المسكينة دلول ماتهنت..

سالم... والله وذبنا.. ومعنا..(من ذاب وماع <= أمحق لغة).. وصرنا شوي ماي في قدح.. وعظامنا ماتشلنا.. والله أنك فلة.. ومنور أفل منك.. يازين منطوقك.. كلامك يخش قوا نخاشيش الروح ياله..

ناطرة بكرة بدون نوم لين أقرأ بارت بكرة.... لانوم بعد اليوم
طالبتكم بنات لاحول ولاقوة إلا بالله على قلبي .. الله يحفظها ويحميها وماشاء الله تبارك الله


بنت الخالة

انفاس مساء الورد يالغاليه انا الصراحه اليوم ماهمتني البارتات
كل اللي همني كلامج انج بتختفين اذا خلصت الروايه تعودنا عليج وحبيناج
والله اني اعتبرك اختي والروايه عساها توصل لالف بارت معاج الى النهايه
ومشكورة على الجهد اللي تبذلينه كل يوم وعلى الساعات اللي تعطينا اياها من وقتج
الثمين والله يخليج حق اهلج ولنا بعد .
بارت اليوم الصراحه فاجأني ماتوقعت ولا واحد في الميه ان سعود يطلق دانه
حرام عليك ماعطيتها حتى فرصه تتكلم ولا تشرح ولا تدافع عن نفسها تصرفك ياسعود
نابع من انانيتك وحبك لنفسك اول انت انسان تملكي تعتقد ان دانه ملك لك مالها اي راي
او اي شخصيه ادري زارا وبنت خالة انفاس بيذبحوني عشانك بس ماعلي منهم انا حاسه انك بتعض اصابيعك ندم واتوقع ان دانه كاتبه له في الرساله مشاعرها
واحاسيسها ومبرراتها انها سافرت لبنان وراه.
ماجد ودلال الله يهنيهم ويسعدهم ضحكني يوم قال عن ام جاسم مارغريت تاتشر الدوحه.
بس مادري انفاس بتسفرك العراق والا بتخليك في الدوحه .
سالم ومنيرة الله يديم الحب عليكم وان شاء الله سالم يسوي العمليه وتنجح ويسون عرس كبير ويعزمونا..الله يعطيج العافيه انفاس وننتظر بكرة واحداث بكرة .
ومبروك بندقه تستاهلين البارت يالوردي
وجه الصباح

أنفاس قطر
اسم على مسمى أنا من يوم شفت القصة بقلم قطرية ,بدأت القراءة فوراً وبعدين معروف أيش صار !!
صرت أسيرة القصة !
أولاً متميزة بطريقة عرض الأجزاء بشكل حلقات قصيرة بشكل يومي ...بجد يا أنفاس سبق في عالم القصص ....يا ليت الطريقة تصبح معتمده عن الأكثريه
ثانياً أسلوبك سلس وواضح ..والبارت رغم قصره إلا أن كل الكلمات تخدم فحوى القصة وأحداثها بعيداً عن الوصف الرتيب .
ثالثاً اللهجات المتنوعة لأهل قطر فديت هرجهم ..مرة حلوة
شخصيات القصة رائعة جداً
نهايات الأجزاء مميته وتكتم الأنفاس ,,,بس أنت كريمة تنقذينا بأكسجين بوقت طيب
عبدالله ...شخصية حزنتني جداً ,كيف أجبر على الزواج صغير وأخطأ بحق نفسه وزوجته وأولاده !
جواهر أقدر اسميها ((جواهر قلب الأسد )) الشخصية اللي تقويها الظروف الصعبة بدل إضعافها,بس حالها الآن يرثى له ما حسبت على عمرها تلقى عيالها يضيع أبو عيالها بنفس الظروف ..قبل 17 سنة كانت حامل بالتوأم وهو بالجبهة ..واليوم حامل وهو مفقود الله يصبر قليبها ..خلاص ما يتحمل صدمات ..بس أتمنى عبدالله يرجع لها قبل ولادتها ونشوف رومانسياته وهي بكريشتها
ويسمي النونو بنفسه.

سالم الله يشفيه ونفسي أعرف سر كراهية منيرة لسالم ...يعني كارهة البيت فهمنا ..بس ليش أهلها خبو على سالم رفضها له بسبب البيت وخلو البنية تعيش كوابيس وتدعي على الرجال وينعمي وبعدين تحبه ....فيه سر يا أنا ما فهمت يا أنه لسى ما ظهر ...بس مصيره يطيح على وجهه حباً وهيماً فيها ونسمع عنهم سوالف عصافير الحب

سعود .......الشخصية المتحجرة غبي والله فطر قلبي بغبائه حمااااار حماااار حماااار يعني زيه زي النسوان المدلعات اللي ما تصدق أن زوجها يحبها غير لما يقول لها على الطالعة والنازلة أحبك
خلاص بعد كل سواياه فيها البنت راضية ولو ما تحبك يا الدلخ ما كان جلست في بيتك يا غبي !
مو متخيل السيد أنه هو يقول لها أحبك وهي لسه ما قالتها ..في شيء اسمه لغة عيون ياعل عيونك البط ما تشوف الأعمى سالم قلبه حن لمنور وهو ما يشوف الحب وأنت خبر خير
مصيرك تبكي بدل الدموع دم لما تفتح الظرف السري

أنفاس ما أقدر أني أوفيكِ حقك بالكلام ...والبنات ما قصروا

شكراً لك على المتعة والفائدة

دمتي متنفساً للمحبين

رفووو

السلام عليكم..
نفوووووس حرام عليج..ما غير اكفخ بنفسي..اهئ..عيل طلقهـا..اول شي..والحين هالسري..الي لعب فينا لعـب..الله يصبرنـا بس..

سعـود
بلحظة غضب طلقهـا..فهم سفرهـا على انها تبي تكسر كلامه..وانها مو محترمـته..نفس مو فاهم انها ما تحبه..عمر الحب بما كان بالكلام..نادم عالي سواه اكيد..بس عنده طلاقهـا اهون من انه يعبر لها عن الي بقلبه..مقابل لا شيء..جرحته جملتهـا..وشلون انها ما تحل لـه..الطرد الي وصله اكيد من دانـه..بس شالي فيه..امممم يمكن تقوله انها تحبـه..ومادري شنو..المهم انه شي..برجع سعود لهـا..غصب عنه..هع

سالـم
قناع البرود الي كان لابسه..ذاب..بسبب دفا منيـره..ومعاملتهـا له..يحس بالذنب اي..ويحس بعد..انه السبب بتأخير دراستهـا..وبعد سبب تعاستهـا..بس الحمد لله الي قدم اوراقه..وان شاء الله..يتشافى..والحمد لله بعد انه قرر واخيرا يعترف بحبه لهـا..

منيـرة
ههههههههههههههههه والله وطلعتي منتي هينه..قلتي بتخققينه خققتيه هع..الله لا يغير عليج

نـوف
الحمد لله الي خبر حمل جواهر فرحها..وبث روح الامل فيهـا..الله يرجعلها ابوها بالسـلامه..مادري ليش احس انها بتشوف راشد بالمكتبه هع هع ..

جواهـر
حلو انها ما كسرت كلامه..وسوت شي..اهو ما يبيه..الله يعينهـا..وعدته ما تبجي..واهي عند وعدهـا..غير جذي لازم تكون السند لعيالهـا..وتصبرهم..مو اهما الي يصبرونهـا..

ماجد
تكفــــــــــــــى اقعد مكانك..بالدور انتو واحد يروح والثاني يرجع..حرام دلال..توها عروس..لا تخليهـا عفيه..بعدين تتعقد المسكينه..

دانـه
صعبه..يظن شي..مو فيهـا..وصعب بعد يفسر تصرفاتها على كيفه..الله يعينهـا..نفسيتها اكيد زفت..اول شي تسقيطها للياهل..والحين طلاقهـا..منه..يا ترى لو طلب يرجعها بترجع..!!

عبد الله
صج اني كرهتك..ودعيت عليك..بس اتمنى ترجع هع..مو عشانك عشان جواهـر..حرام..

تقبلي مروري