صباحكم خير ياوجيه الخير
اليوم قايمة بدري.. نستعد لأيام الغثا اللي اسمها دوام الجامعة الله يفكنا منها على خير <== تراني شاطرة موب تسوون علي سمعة شينة
المهم.. قمت بدري.. وقريت البارت.. وآه على البارت.. وياقلبي على البارت... وبأموت أنا من البارت

اليوم أنا قبل أي شيء بأبدأ بعبدالله.. حرام عليج أنفاسوه حرام عليج.. وش ناوية تسوين في عبدالله... تكفين.. تخلينه فيه حاله ورجعيه لجواهر تكفين.. يعني ممكن يكون بلاغ كاذب عن عبوة ناسفة في الطيارة مثل اللي نسمعه في الأخبار........ بس إذا كذا صوت عبدالعزيز ليش متغير؟؟ مطوعنا هو اللي نقز قلبي
تكفين عدي السالفة على خير...
العامرية: وصلت بج المواصيل أنج تقولين لجواهر: ربي يعوضها خير.. ماكل مرعى سعدان.. وماكل رجال عبدالله.. انتظرته 17سنة وهي ماشافت منه ذا الحب كله.. أشلون ذا الحين... أطلعي أنتي بس من بينهم الله يرحم والديج..

سعود وه..وه.. ياقلبي.. فديت الكشيخ الحزين.. بطل الروشة الصامت
واللي تقول توها تعرف أن سعود كشيخ.. شكلج ماكنتي تقرين بعد الغياب عدل.. أنا وش شلع قلبي غير سعود ورجولة سعود وكشخة سعود..... سعود كاشخ في كل وقت لأنه الكشخة نابعة من طبيعته الجذابة، هذا جزء من البارت 37، لما كانت دانة في المستشفى:

غصبا عنها حست بخجل كبير من شكلها (أكيد شكلي مبهدل وشعري منكوش).. كان نفسها لو أنها تعدلت قبل يدخل.. لانها لما شافت أناقته انصدمت فيها.. الثوب الشتوي الأسود المنساب على جسده المتناسق بدقة.. غترة الشال الأنيقة.. وشكله كأنه توه جاي من الحلاق.. العوارض مرتبة.. والسوالف محددة باستقامة.. وريحة عطره سابقته.. رغم إنها مازالت تعاني من البرد.. وماتشم زين..

هذا وسعود كان جاي الصبح بدري.... متى راح الحلاق ما أدري؟؟ على فكرة ترا عندنا حلاقين في الدوحة مايقفلون نهائي.. لا ليل ولا نهار.. ولو قفلوا يقفلون الساعة 12 ويفتحون الساعة 4<== أخوانها أحيانا يروحون الحلاق عقب صلاة الفجر
خاطري أعرف سعود وين يحلق؟؟ بأروح اسنتر هناك قدام الباب واحط لي بسطة أبيع فيها المهم أشوفه... دوري لنا مكان أنفاسوه...


ماجد ودلال تستاهلون والله.. فرحت لهم.. بس بما أنه تطمنا عليهم.. خلاص صفيهم على جنب وأبدي لنا في غيرهم...

محمد ومزنة وخالد والجازي.. أتوقع أنه تصير بينهم كلهم عراقيل ويمكن يكون لمخطط دانة الخبيل اللي هو بتسويه دخل
ما أقول لكم دانوه ذي ام المصايب..

سالم ومنيرة: لالالالالالالالالالالالالالالالالالالالالالالالا.. وألف لا للبيت المسكون... حرام عليك ياسالم حرام عليك... قلبك طيب.. أنت راضع مع أنفاسوه حليب ذيابة مخلي قلوبكم قاسية علينا كذا.. ارحم البنية لا تستخف عليك... والبنية أصلا مخها نص لبسة.. يوم درت بالعرس استخفت الا شوي.. أشلون الحين وأنت تبي تطلعها لشي هي مرعوبة منه طول عمرها

في الختام أنطر بارت بكرة على أحر من الجمر... ولا إله إلا الله على قلبي أنفاس.. لاحول ولاقوة إلا بالله وماشاء الله

هلا أنفاسوه..

أنا قايلة منتب رادة عبيد لما تغربلينا شويتين اللحين يوم انتس ماترجعين عزوز وعبود ليـــــــــــــــش؟!!

منيرة وسالم ياي بدى الأكشن بيوديه للغرفة المحترقة فللللللللللله متى يجي باتسر؟

عزيز الصغير خخخ الله يعينك ديمه صعيبة بس الغريبة انه تسمع كلامك ليكون هي تميلك بعد والا هي على قولته ولد..

دانة الباردة على قولة سعود وش ناوية عليه الله يصبرنا بس..

تسلمين نفوسة على الجزئين اللي مايحرقن الأعصاب

تسلمين انفاااس اجزاء اليوم كأنها الهدوء الذي يسبق العاصفه

مخطط دانه الذي ننتظره بكل لهفه ؟؟؟

رغبة سالم في تخويف منيره بالغرفه المحترقه ..هل سيستطيع

قلبه ان يحتمل تخويفها ؟؟؟؟

الحدث المفاجئ لتأخر طياره عبود ياترى ماسبب .... ؟؟؟؟


انفاااااس الله يصبرنا لبكره ونشوف وش بتسوين في ابطالنا ...

دائما وابدا لك مني كل الحب ....