لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 14-01-09, 09:50 AM   المشاركة رقم: 31
المعلومات
الكاتب:
اللقب:
عضو راقي


البيانات
التسجيل: Jun 2007
العضوية: 31308
المشاركات: 14,486
الجنس أنثى
معدل التقييم: doode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميع
نقاط التقييم: 13215

االدولة
البلدSaudiArabia
 
مدونتي

 

الإتصالات
الحالة:
doode al 7aloo غير متواجد حالياً
وسائل الإتصال:

كاتب الموضوع : doode al 7aloo المنتدى : القصص المكتمله
افتراضي

 


في المستشفى
الساعه 3 العصر...
كانت عهود لسى على السرير وماتقدر تحرك ...ودموعها اكوام خلاص انفضحت

اكيد....مافي امل انها تستتر من فضيحتها....شوي ولا الباب يدق...ودخل ابوها

وهو يدف امها على العربايه
عهود: هلا يما...وقامت ترفع نفسها غصب
الام: والله ماتقومي...تريحي...
الاب: هاااااااا.........ايش رايك بالمفاجأه؟؟
عهود بابتسامه من ورى الدموع: ولا احلى منها مفاجأه..اشلون اخوي اللي اخذ

عني الدلع..
الام: محدياخذ مكانك ابد...اخوك الحين تجيبه الممرضه...
الاب: اخ لو تشوفيه ياعهود...يجنن ....هو ورجليه الصغنونات ولا عيونه

الخضر...لكن مافيه بتجيبين بيبي عيونه مثلي....ولا رتاي بازعل..
عهود والام: ماعاش من يزعلك...
الام: تدرين ياعهود اني باطلع اليوم..
عهود بحزن: لاااااااا
الاب: لاتخافي بنزورك كل يوم ان شاء الله....وتدرين ابو متعب وموضي وفوزيه كلهم

بيجون اليوم...
عهود: والله...
الاب: ايوا ولازم نروح ونستعد لهم..
الام: تدرين من سنين ماشفت فوزيه...اول حنا مسافرين وبعدين هم (فوزيه اخت

عزيزه الوحيده لهم كمان اخو مغترب من سنين....فوزيه عمرها 44سنه

ودكتورة بالجامعه...ولها يزيد24سنه طالب طب امتيازوجوري كبر عهود18سنه

ثالث ثانوي...وفؤاد7سنين وكلهم جو معاها)
عهود :حليلها خالتي فوزيه مااذكرها ابد....وعمتي موضي؟؟؟
الاب: عمتك على الاقل كل سنه نزورهم(موضي اخت ابو رعد 40سنه وعندها

اربع ولاد لكنهم ماجاو معاها)
وابو متعب بالعيد الماضي شفته جى للرياض لشغل(ابو متعب اخو ابو رعد

الكبير عنده متعب 27سنه شغال مع ابوة بالشركه وفراس 22سنه طالب كليه

المعلمين وبنتين ماجو مع امهم قعدو)
عهود: يعني البيت بيكون زحمه هاليومين...
الاب: جهزنا الملاحق والغرف للضيوف...وتدرين فوزيه بتقيم بالجناح فوق مع

اختها....والباقين تحت...
عهود: يعني انا اللي مرتاحه اني هنا هههه
الاب: ان شاء الله بتطلعين قريب....كلها ثلاث ايام ويكتبون لك خروج...
عهود وناظرت تحت: اهل جيرانا كيفهم؟؟
الاب بحزن: الله يعينهم على مصابهم ان شاء الله...والله اللي صابهم مهو هين....

وبنتهم ماقصرت وقفت معانا وقفت اخت وربي...وتستاهل الهديه...
الام: انا بارسل لبيتهم باقه ورد....وان شاء الله....اعزمها تزورني واعرفها على

جماعتي....والله الاهل عزوة صح...
الاب: اكيد...وهنا دخل البيبي ...وظلوا يناظروة ويسولفوا ونسو احزانهم

شوي...
ومر اليوم صعب على الاحزان ...وهايدي في بيت ابو سعود وعندها الشوق...

وعماد ماشاف زوجته من امس ومر اليوم وماشافها...وسعود نسى يزور عهود

ويتطمن عليها...وهشام حاول يعزي زوجته رفضته وبالزور يالله كلمته...



اليوم الاحد
في بيت ابو عهود
الساعه 8 صباحا
دخل ابو متعب والعيال وعيال فوزيه
ابو متعب: السلام عليكم..
ابو رعد: ياهلا والله....الله ان تحيه ان شاء الله...وتواجهو...وجى بعده متعب ويزيد

وفراس وسلموا ,,,
حياهم ابو رعد وجلسهم...
ابو رعد: والله هذي الساعه المباركه ياخوي..
ابو متعب: مباركه بشوفتك يارجال...واخيرا قررتوا تجيبون لكم ولد...

مابغيتو...ههههههههههه
ابو رعد: كل شي بيد رب العالمين ياخوي...
متعب: وكيف حال عمتي ان شاء الله بخير...
ابو رعد :بخير وعافيه..
متعب: نقدر نسلم عليها...
ابو رعد تفضل البيت بيتك...
متعب ويزيد ناظروا بعض...يعني عيب البيت فيه بنت ماتحل لهم
ابو رعد لاحظ: فوتوا ودقوا الباب....البيت امان مافيه احد..
ابو متعب ناظر: خير ياخوي عسى ماشر..
ابو رعد ناظر تحت: الشر مايجيك يالغالي...بنتنا تعبت وبالمستشفى الحين...
كلهم: لاااااااااا.........سلامات خير ...ان شاء الله ماشر..
ابو رعد ابتسم يطمنهم: ماشر غير دلع بنات...والا مافيها الا السلامه وعقب

باكر بتطلع ان شاء الله...
ابو متعب: الحمدلله...الذي لايحمد على مكروة سواه...
قاموا العيال يسلمو على عمتهم....وجت موضي تسلم على اخوها...
موضي: السلام عليك يالغالي...اللي ماشوفه غير كل حين وحين...وقامت تدمع..
ابو متعب: ليه الصياح الحين هاا...الحريم والله انهن بلشه..
ابو رعد جى ولوى عليها: هلا والله باوخيتي...الغاليه....والله مايهون علي

اشوف دموعك...بسك لاتصيحي...
موضي من ورى دموعها: والله غصب عني...ماتحمل يوم اشوفك...اتذكر ابوي

الله يرحمه(وكان مالك اقرب اخوانه شبه بابوة)
ابو متعب: خلاص بتصيحين روحي داخل لين تخلصي...
موضي: خلاص...وتمسح دموعها وتجلس عند اخوها ويقعدو يسولفوا...



دخلوا العيال لقو عمتهم جلسه على كنبه مريحه وممده رجولها على الكنبه

وفوزيه تغطت عن متعب وفراس وواقفه عندها وماسكه رعد......سلموا العيال

على عمتهم...وباركوا لها...وكل واحد يحب رعد كان يحط بلفته المقسوم(

نقوط)وتحمدوا لها بسلامه بنتها ورجعوا المجلس....وابو متعب من ورى الباب

حياها وجابوا له الوليد وحبه ونقطه...



في المستشفى
الساعه 10 صباحا...
الشوق رجعت تداوم لانها اخذت اجازة يومين بس...وراحت لعهود تزورها....

يوم كانت بتطلع....شافت سعود جاي
الشوق: السلام عليكم سعود..
سعود: هلا والله...كيف حالك...وناظر للغرفه وكيف حالها..
الشوق: انا بخير وعافيه...وهي بدت تشافى ان شاء الله...وبتطلع عقب باكر

ان شاء الله...
سعود عطاها بوكيه ورد :وصليه لها وقولي لها سلامات....ان شاء الله..
الشوق ناظرت بريبه...اول يسأل عنهاوالحين يزورها : ان شاء الله...ورجعت...
دقت الباب ودخلت عهود ابتسمت: هلا...نسيتي شي؟؟؟
الشوق لا جبت شي وكانت مخبيه شي وراها..
عهود: هااا...ايش جبتي؟؟
الشوق وتطلع البوكيه : هاااااااذا...
عهود: عجيبه ...اعرف الناس من يدخلون ومعاهم الورد مهو بعد مايطلعون

يجيبونه ؟؟
الشوق بخبث: مهو انا اللي جبته؟؟؟
عهود باستغراب: أجل من؟؟
الشوق ببراءه:ناس تعبو حالهم وجابوك...وكانوا ابطال...وبعد ظلوا واقفين عندك

وهم عندهم حزن ....يالله...
عهود: يلا عاد مين؟؟
الشوق: قريبي سعود..
عهود فاتحه عيونها ومو مستوعبه: مين هذا؟؟
الشوق: هذا قريبي من بعيد كان مار صدفه وانتي مريضه واسعفك وجاب

الخدامات عشان يطمنوا عليكي...وهو حنون وطيبون ولطيف
قطعت عليها عهود:انتي ايش تقولي؟؟
الشوق تفاجأت معقولها ماخبروها اهلها؟؟
الشوق: سامحيني ماقصدت والله....على بالي اهلك خبروك؟؟
عهود: خبروني بايش...أتكلمي...
الشوق خبرت عهود بكل السالفه....وعهود ظلت منصدمه من اللي صار وفعلا

حست بالحرج الكبير من قريب الشوق مع انها مو متذكره انها قابلته مره.....

نست السالفه من زمان....
وناظرت بالباقه وحطتها على جنب وظلت ساكته....يعني الشوق ماحست منها

شي انها متقبله له ولا رافضته....وهذا اللي احزن الشوق لانها فعلا اتمنت

لسعود وحده مثلها...

بيت ابو عماد
الساعه 2 الظهر
ام سعود جلست جنب اخوها بعد مارفعوا الاكل ولاحد جاسه...
ام سعود: وبعدين ياخوي مع هالحزن....والله الحزن مايسوى...كلنا بنروح لها

الدرب....لازم تشوف بنتك وتقابلها وتشوف ولدك واحفادك اللي لهم الحين كم

يوم ماطليت عليهم...
ابو عماد: يختي هايدي مهي راضيه ترجع البيت....ومادري وش الحل

معاها....وعماد يا في المجلس يابرى حتى النوم ينام هنا....مدري كيف اتصرف

معاه....حتى الجوهره مسكينه حاولت كم مره تعزيه لكن مايدخل لها داخل...,الله

هالعيال تعبوني فوق حزني...
ام سعود: روح ياخوي لبنتك وطيب خاطرها وخلها ترجع لبيتها....وولدك انصحه

ووجهه وخله يروح لاهله ترا حتى هم محتاجينه...وصدقني اذا انت بادرت...

الباقين سهل عليهم كل شي...
دخلت عليهم سعاد: السلام عليكم..
الكل:وعليكم السلام ورحمه الله وبركاته...
سعاد: يما ماجد اتصل ويقول انه عنده شغل وبعدها بيروح البيت يرتاح....
ام سعود: قولي له يجيب كتب اخوانه وملابسهم لانا بنقعد اسبوعين هنا ولازم

العيال يداومو للمدارس من بكره...
سعاد تناظر: يعني خلاص اكيد اسبوعين...
ام سعود: ان شاء الله يكفن وتكون الاوضاع احسن .....
قامت سعاد تكلم اخوها وتدق عليه....

فنفس الوقت هشام كان مع ماجد ونزل ماجد للسوبر ماركت وكان هشام

ينتظرة......يوم شاف جواله يدق...ناظر شاف مكتوب اختي....على طول عرف

انها سعاد لانهم ماعندهم غيرها...


هشام : ألووووو
سعاد: الو ماجد وينك؟؟
هشام: عفوا انا مو ماجد...
سعاد (قطبت جبينها وناظرت مره ثانيه للرقم رقم ماجد): من حضرتك ...وكيف

ترد على جوال مهو لك ؟؟؟هاااا..
هشام ابتسم: انا حر....اكلم اللي بدي ياها ....داحينا او مرة تانيه...
سعاد (تناظر هذا طريقه كلام هشام): من؟؟
هشام (عرف انها عرفته(: واحد بدو يشيل عنك ويواسيكي لكن حضرتك مدياه

قاف...ولا معبراها كماني....
سعاد (هذا اللي باقي ابو ***وكه يواسيني): وين ماجد..؟؟
هشام (يناظر للمحل ويتمنى ماجد يطول): داحينا يوصل....وبجديه...عظم الله

اجرك سعاد...
سعاد (ناظرت بحزن): اجرنا واجرك...
هشام برقه: وبعدين معاك....لمتى هذا الجفا...
سعاد (مسكت حالها لاتشتم): ارجوك...ابي ماجد ضروري..
هشام: والله حرام عليك ...يابنت الناس والله احبك....
(مادري كيف مشاعر سعاد ساعتها...ارتبكت وماتدري كيف اتجرأ وقالها صريحه

كذا....):يلا مع السلامه...
وقبل مايرد كانت قفلت التلفون...
هشام( ناظر للتلفون): والله لو ماكنت احبك...كان.....كان....مقدر اسوي

شي...اعرف نفسي جبان....وزود بحبها ياربي...وهنا دخل ماجد....
هشام (وهو يمسك الاكياس ويحطها ورى):خذ....اتصل بالبيت اتصلوا ورديت

عليهم...
ماجد بخبث: ومن سمح لك تكلمهم؟؟
هشام: كلهم اهلي...ولا نسيت...
ماجد: هشام اش فيك...متضايق من شي؟؟؟
هشام( ناظر له مباشره): ماجد قول وربي اقول الصدق...
ماجد استغرب: هشام ويش وراك....انا ماكذب عليك...
هشام (ناظر للزجاج): انتم غاصبين اختكم؟؟؟
ماجد( فتح عيونه ...هذي ايش قالت له)؟؟:هشام ايش تقصد؟؟
هشام: انا بسألك لاترود علي بسؤال: انتم غصبتم اختكم؟؟؟اجبرتوها؟؟؟
ماجد بريبه: هي قالت لك شي؟؟
هشام بعصبيه : رود عليا...
ماجد (فتح الدرج اللي قدامه كان فيه مصحف....وخذه وحطه على يده): ومن

خلق هالكون....وهالمصحف...اني لا انا ولا ابوي ولا سعود غصبناها.....

وغيرنا ماحلف عليهم.....انت ناسي ان ابوك شرط انا مانغصبها...
هشام( ارتاح ...بس هي ليش تعاملني بجفاء...):اسف ياماجد .....سامحني...
ماجد (كتم غيضه....وقال حسابها بعدين معي....)

في بيت ابو رعد
الساعه 4 العصر


دخل ابو متعب والعيال المجلس راجعين من المسجد ويوم جلسوا

يزيد:اقول عمي(هو مهو عمه لكن احتراما)ماتبغانا نروح نزور بنت خالتي؟؟
متعب: هو الصادق...حنا لازم نزورها بعد شوي....
ابو متعب:انتظروا خل ابو رعد يجي ونقوله...
دخل ابو رعد وسلم وقعد....
وهو يصب القهوه اخذهافراس عنه
ابو متعب: مادري ويش اقول يابو رعد
ابو رعد: سم اخوي قول اللي تبغى..
ابو متعب: كنا نبغى نزور بنتك اذا ماعنك مانع...
ابو رعد: ولا مانع ولاشي زياره...المريض سنه مباركه وفيها الاجر...حتى

فوزيه وموضي بيغن يروحن وهن يتجهزن الحين...
ابو متعب....لعاد نسبقكم حنا...عشان تنرك فرصه للحريم بعدين ياخذن

راحتهن...
ابو رعد صار ياخوي...بس اشرب فنجالك...وشربه وطلعوا العيال....



في المستشفى
الساعه 4ونص


الشوق خلصت نوبتها الساعه اربع وراحت لعهود تسولف معاها شوي....بعدين

جت ممرضه تقول لعهود ان في زوار كثير برا ويقولون لك تغطي

عهود: هذول اكيد اهلنا في الجنوب جو يسلمون علي....ماشالله عليهم اليوم

الصبح وصلوا والحين جايين...
الشوق: لعاد انا باروح الحين....لان فشله يدخلون وانا هنا...
عهود :خلص سلمي على الوالده والجوهره وسعاد...ان شاء الله لاطلعت اقوم بالواجب

لهايدي....وغصت بكلامها...
الشوق (مسكت يدها تشد من عزيمتها): الله يوفقك يارب...يلا اشوف وجهك على

خير...
عهود( ودموعها بعينها): مع السلامه...
طلعت الشوق وهي ماكانت لابسه لبس المستشفى كانت لابسه عبايتها بس

الروب الابيض بيدها اللي يشوفها يعرف انها لها علاقه بالمستشفى....وعلى

طلعتها صدمت بابو متعب اللي تقدم بيدق الباب...

ابو متعب: السموحه يابنتي...ماشفتك..

الشوق (مسكت نقابها لانه انفك...وقعدت تعدله): لا مسموح عمي....انا اللي

مستعجله....ومشت بسرعه مانتبهت لملزمتها اللي طاحت....كانوا العيال واقفين

بعيد بس شافوا الموقف...ولاحظ متعب الملزمه يوم طاحت....
دخل ابو متعب يسلم على بنته لانها محرمه....ومتعب بسرعه اخذ الملزمه

ولحق الشوق لانها طلعت بسرعه

متعب: ياختي....لو سمحتي...
وهي ولا منتبه من الاحراج...
ناظر متعب للملزمه:الشوووووووووق....
الشوق( التفتت.....مين اللي يناديها....وطالعت ولا واحد بحياتها

ماشافته.....):نعم اخوي؟؟
متعب مد الملزمه لها.: طاحت منك.....
الشوق (ارتبكت زود واخذتها): مشكور....ماشفتها يوم طاحت...
متعب: معذورة ابوي دفعته والقبر....
ابتسمت لتشبيهه: والتفتت تروح....
ظل متعب يرقبها لين اختفت وابتسم...ورجع لداخل...


دخل ابو متعب على عهود...اللي وقفت
عهود: هلا عمي...
ابو متعب (تحضنها لانها غاليه عنده حيل): هلا....هلا بريحه اخوي....هلا

ببنيتي اللي مالي غناه عن شوفتها....علامك يابنتي...ويش صار لك؟؟
عهود ماتحملت وقعدت تصيح:
ابو متعب: افااااااا والله وانا ابوها...........ليش هالبكى يالغاليه.........والله

ماتهون دمعه من عيونك....وقعد يمسح دموعها...
عهود: مشتاقت لك ياعمي....وحشتوني كلكم....وينكم من زمان....حست

بالشعور الناري اللي قبل...وكيف كانت بريئه وعلى نياتها....وكيف ان الاهل لو

هي عايشه حواليهم كانت بتحس بخوفهم عليها وبغلاتها عندهم...وكانت هي بعد

غير تخافهم...
عطاها عمها كاس المي....وشربها..:يلا دموعك ماابغاها ابد...اهلك جايين

يسلمون عليك تغطي ولبسي عياتك...
اخذت عباتها ولفتها على نفسها وشدت طرحتها وغطت وجهها....أنا جاهزة...
ابتسم لها عمها....وفتح الباب ونادهم...
يزيد (بحياته كلها ماشافها لامن صغيره ولا من كبيره): السلام عليكم بنت

الخاله.....خطاك الشر ان شاء الله...
وهي مستنده على يد عمها: خطاك اللاش....وتناظر لعمها لانها ماتعرفه...
حط يده وراها وقال: هذا وانا عمك يزيد ولد خالتك فوزيه....
ناظرت له وهو يبتسم: الله يحيك...اعذرني ماعرفتك...
يزيد: مالومك والله....انا بكبري ماعرفك ههههههه
فراس: السلام عليك بنت عمي....ماتشوفين شر ان شاء الله...
ناظرت له وعرفته: هلا فراس....الشر مايجيك..
وناظر ابوهم :وين متعب؟؟؟
وهنا دخل متعب: السلام عليكم....سلامات الغاليه ماتشوفين شر....(هو حاسه

مثل اخته الصغيره)
عهود: الشر مايجيك وكانت تضغط على يد عمها لانها تعبت....
ابو متعب: يلا شباب تفضلوا باسولف مع بنتي شوي....
طلعوا ورجع متعب: اقو ل عهوده...
عهود: سم..
متعب: مين اللي طلعت من هنا قبل شوي؟؟
ابو متعب ناظره مستغرب وهي ردت: هذي ممرضه هنا واختها جارتنا....عشان

كذا تجي تكلم معي وتطمن علي....
متعب: أهااااااااا....
ناظر ابوة وهو مستغرب: وش لك فيها....
متعب : هااااا.......لا ولا شي....وطلع قبل مابوة يسأل شي ثاني....
ارتاحت عهود على السرير وشوي جت خالتها وعمتها
فوزيه: هلا والله ببنتي...وينك ياحبيبتي ايش صار لك؟؟
عهود: الحمدلله خالتي جت سليمه...
خالتها تطالع لها بتفحص كبير....ماشالله ياعهود كبرتي واحلويتي....صرتي

احلى من امك بشبابها...
عهود أكتئبت من ملاحظه خالتها.:
موضي تسلم عليها: ماتشوفين شر يابنتي....ماشالله عليك...كنك البخت...
وتغمز: لو كان لي ولد كبرك ماخليتك...
نغز عهود قلبها من ملاحظاتهن وحزنت زود....لانها فعلا اخر شي تفكر فيه هو

انها تزوج وهي بهالورطه...
جوري جتها تسلم عليها....وهي اول مره تشوفها....لكن اللي يشوفها يحبها من

قلب: هلا والله عهود....امي وصفتكي لي....لكن ماشالله عيونك احلى من اللي

امي وصفتهن ههههه
عهود: حتى انتي...عيونك رماديات يعني احلى واحلي...
جوري: ههههه....صرنا اجانب وحنا ماندري....
عهود بادلتها الابتسام وهي خايفه من نظرات خالتها وعمتها وابتساماتهن....
وظلوا حوالي ساعتين بعدين روحن للبيت.....

 
 

 

عرض البوم صور doode al 7aloo   رد مع اقتباس
قديم 14-01-09, 09:52 AM   المشاركة رقم: 32
المعلومات
الكاتب:
اللقب:
عضو راقي


البيانات
التسجيل: Jun 2007
العضوية: 31308
المشاركات: 14,486
الجنس أنثى
معدل التقييم: doode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميع
نقاط التقييم: 13215

االدولة
البلدSaudiArabia
 
مدونتي

 

الإتصالات
الحالة:
doode al 7aloo غير متواجد حالياً
وسائل الإتصال:

كاتب الموضوع : doode al 7aloo المنتدى : القصص المكتمله
افتراضي

 



في بيت ابو سعود
الساعه 8 الليل

هايدي كانت جالسه بالصاله...صحيح خرجت من حاله الحزن شوي...لكن ظلت

ساكته وكيئبه...خصوصا ان محد جاها بعد الشوق اللي طلعت وهي مرتبكه

وخايفه...وماجد وسعود مايجون الا للتبديل ويطلعوا....فجأه دق الباب...وطلعت

ميري تفتحه
هايدي ناظرت للي دخل بشويش....وظلت مصدومه....ابوها....شوي تجمعت

الدموع بعينها....وناظرت لميري اللي كانت مبتسمه...وطارت لحظن ابوها وهي

تصيح بصوت عالي....ابوها تلقاها بين ايديه واخذ يمسح عليها...عرف انها

فاقده للحنان وهي فعلا محتاجه لحد مثل سنها بهالفتره الصعبه.....
الاب: بسم الله عليك....لاتخافي يابنتي انا جنبك وماراح اتركك ابد...
تناظر له وهي تصيح:أبد؟؟
الاب ابتسم: ابد...والحين لمي ملابس بتروحين بيتك....ولاتحاولي تقولي ولا

كلمه...
العكس صار...كانها منتظره ابوها بشوق...طارات على ملابسها وجمعتهن

وطلعوا لبيتهم....لعلها تلقى الحنان اللي قفدته...

عماد حالته حاله....صار منعزل تماما...طلع مره وحده لغرفته وعزى زوجته

ورجع للمقلط...ينام فيه ولا يشوف اولاده...واحيانا يطلع برى البيت ولا يقول

لزوجته....وهي عجزت معاه لكن عاذرته لظروفه...


اليوم يوم خروج عهود من المستشفى....
كانت قاعده على السرير والحزن مالي قلبها....شافت بطاقه ورد وفيها مساحه

كبيره فارغه خذتها ومسكت قلم وقعدت تشخبط تفريغ للشحنه اللي بداخلها.....

وهذا اللي كتبته


حراااااااااااااااام...أنا ماسويت لك شي...

حراااااااااااااااام...أنا ماسويت لك شي...

حرااااااااااااام...تتركني بلا اسباب....

بلا أعذاااااااار...وأنا احساسي كان الناااااااااار...

وش اللي صاااااااااااار...حراااااااااااااااام...

أنا ماسويت لك شي...كنت صادق معاك...

كنت والله وفي....ليه فجأه تبتعد عن عيني...وتغيب...

عطني فرصه فيها استوعب..الوضع الغريب...حراااااااااااااااااام

وبعد ماكتبتها...كأنها ودعت حياتها للابد....
جتها خالتها وولدها وروحت معاهم....طلعت عهود من المستشفى ومر اسبوع

ونص على وفاه زياد وولاده رعد....وابو رعد آخر التمايم عشان العزى...وابو

متعب والعيال راحو عزو والحريم.........


اليوم الاثنين اللي الخميس التمايم.....
بيت ابو رعد


كانت عهود بتروح تشرب مي....لمى بغت تدخل سمعت همس ...يوم ركزت

سمعت امها وخالتها يتكلمن...
فوزيه: اقولك ياختي...ان شاء الله بالعطله بنخطبها....ماشالله عليها كبرت وصارت

عروس...
امها: انتي شاورتي الولد؟؟؟مابي شي بالغصب...
فوزيه: لاتخافي...الولد منجذب لها حيل...وكل شوي يسأل عنها...يعني اهتمامه

واضح...
امها: طيب انا مابغى اشغلها الحين لين تخلص السنه على خير
هنا عهود مسكت قلبها من يقصدوا؟؟؟
فوزيه تدعي: يارب...وفق ولدي مع بنتاخي ...أللهم امين...
هنا عهود كأن صاعقه صابتها:ياويلي...بيزوجوني....يامصيبتي....وركضت

تحت الدرج يوم شافتهم طالعين...
بعد ماطلعن...وقفت مصنمه شوي كأنها ماتحس بشي.....ودخلت المطبخ.....

وناظرت لعلبه الاسعافات ...كانت في زجاجه مليانه لثمها حبوب...مسكنه او أي

شي...ماكانت تدري....الشي الوحيد اللي اتذكرته.....سقوطها بالمطبخ والعلبه

فارغه تماما!!!!!


بيت ابو عماد
اليوم الاثنين ....نفس اليوم


دخل هشام المجلس ...كان جاي زياره لهم...وجاه سعود وحياه وجلسوا

شوي...ولاحظ هشام غياب عماد وماجد
هشام: اقولك ياخويا هو عماد فينوة.....ماشفتوا من يوم العزى؟؟
سعود بتنهيده: والله مادري ايش اقولك؟؟
هشام: ياساتر يارب....خير ياخويا ايش جرا له؟؟
سعود: من توفى اخوة الله يرحمو...انقلب حاله...لايتكلم مع احد...ولايسولف مع

احد...حتى بناته وزوجته نادر مايطلع لهن....والله مادري ايش صار له....قلنا

احزان لكن مهو لها الدرجه...هايدي اللي متعلقه باخوها صدق ماسوت سواته...
هشام: لاحول ولاقوة الا بالله....
وهنا دخلت ام سعود: هلا والله بوليدي...كيفك ياهشام...
هشام تكدر من الخاطر ...يعني اليوم بعد مهي طالعه....: هلا بعمتي...كيف

حالك....وكيف الاولاد...
ام سعود استحت: كلهم بخير ويسلوا...
هشام: الله يسلمهم ان شاء الله....سلمي عليهم كثير
ام سعود وصلتها الرساله : ان شاء الله يبلغ...عن اذنكم...وطلعت...
ظل سعود ساكت...وقام هشام سلم عليه وطلع وهو متكدر.....

دخلت ام سعود على سعاد:صحيح انك ماعندك ذره احساس...كم مرة يجي

يزورك وانتي ولا معبرته....حرام عليك هذا زوجك....هذا تصرفك وانتي

ماعرستي اجل كيف لاعرستوا؟؟؟
سعاد ناظرت بضيق: ومن قالك اني باتزوجه....
ام سعود طالعتها: وان شاء الله تبغي تطلقي؟؟
سعاد رفعت يديها: ان شاء الله قولي آآآمين....
ام سعود: لاوالله ان بنتي انهبلت.....
........:وانتي الصادقه يمااااا.....
الثنتين ناظرن للي واقف على الباب وشكله غطى الضو كله.....وبخوف
ماااااااااااااااااجد....
ماجد ناظر لامه: يماااا....اتركينا لحالنا شوي....
سعاد تنظر لامها ....(والله لاموت ان طلعتي)....طالعتها ام سعود بخوف...

وحالها يقول...(هذا اللي جبتيه لنفسك....)
طلعت....وقفل ماجد الباب....وتربسه بالمفتاح.....وهي تناظر....حلقها جف

وحست ان الغرفه ماظل فيها هوى ولا نسمه وحده....وجهها تلون باشكال

والوان.....
قرب لها ماجد بطريقه خلت شعر راسها يوقف....وبلحظه مسكه وصفعها كف

وبيده الثانيه لوى يدها حتى حست انها طقطقت وبتنكسر......وقال بصوت اجش

وقوي: ماني اللي غصبت .....ولا اظن ابوي سواها....ولا سعود ....صح؟؟؟؟؟
وهي تون من الالم: صح....
هنا زاد عليها ماجد بأن شد شعرها لورى....:اسمعي اللي باقوله لاني ماراح

اعيده...وان مانفذتيه تراك ميته...
شحب لون سعاد من سواته اخوها هو بعده ماذبحها يعني..؟؟
ماجد: كلمه وحده....لو سمعت ان هشام جا وماطلعتي له....ولا اتصل

وماكلمتيه....وحتى يوم يحدودا العرس لو شفتك تعترضي تراك ميته......وخلني

اسمعه يشتكي منك لارحتي بيته.....مارحمك ابد....واطلقها وطاحت على

الارض.......وطلع لقى امه واقفه على الباب مرعوبه لانها تعرف ماجد لاعصب

ينعمي تماما....

دخلت على بنتها لقتها تصيح بصوت عالي وتنحب....تحضنتها وشافت الدم

ينزف من شفتها بيدها وهي قاعده سحبت الكلينكس ومسحت وجه بنتها....ظلوا

كذا حوالي ساعه....لين هديت وناظرت امها...
سعاد: يمااااا.......
الام: عيونها...
سعاد بصوت كأنه من الاعماق جاي او من مغاره:مااااااااا ..........أحبه...
الام برقه: انا ماكنت احب ابوك اول....
سعاد: بس الحين تحبيه....
الام: العشرة يابنتي خلتني مو بس احبه....الا اموت فيه...وانتي بعد اذا

عاشرتيه بتحبيه..لان واحد مثل اخلاقه وصبره بينحب...
سعاد ماعلقت ابدا....وظلت ساكته....لين اذن المذن وقامت يتغسلن ويصلن...


في بيت ابو رعد

دخلت الخدامه المطبخ بتسوي شاي لفوزيه لانها طلبته.....وهي داخله تعثرت

بشي وناظرت تحت......شوي ولا صرختها المدويه بارجاء البيت كله.....

نزلن الحريم من فوق ركض....لكن الاسرع العيال...متعب ويزيد وفراس....

ووراهم ابو متعب وابو رعد

الكل انصدم......كانت ممدوده على الارض بروب البيت...ومبين الشحوب

بوجهها كاملا....وعيونها تحولن لزراق....والادهى عند يدها كانت علبه فارغه

تماما....

كان اقواهم يزيد....على طول لبس نظارته...ونزل عندها...قاس الضغط ورفع

عيونه لهم ...وبصراخ: وااااااااقفين....متعب دق على الاسعاف.......فراس

هات الاسعافات الاوليه من شنطتي......وانتم هوونا.....ودخلت بها الوقت

جوري حتى شيله مهي لابسه وقعدت تبكي من قلب.....وناظر لها يزيد : طلعي

براااااااا.......
فراس دفعها برا وهو طالع: الموقف كان رهيب محد انتبه لحد

يزيد ناظر للدوى وغمم........هذا دوى خطير كيف تخلوة هنا؟؟؟وناظر لامه يما

ساعدني اقربها من مصرف المي.....وقام وغسل يده وجاب بربيش ودسه

بحلقها....وناظر لامه.....حليب بسرعه....وناظر لخاته اللي يالله مستنده على

الكرسي....ان شاء الله بخير خالتي.....وناظر لموضي...بالله قطعي صابون وعطيني

ياه....

كل وحده بسرعه تركض تسوي اللي قاله لهن...
شوي هي ومع البربيش بدت ترجع.....وتستفرغ.....وهو يساندها عشان

تستفرغ كل السم اللي بلعته....وهو في داخله مستغرب ليش تحاول تنتحر؟؟؟؟
جابت امه الحليب...وشربها ياه.....ورجع البربيش مره ثانيه...ورجعت تستفرغ

شي لونه اصفر...وشوي بدت قطع من الحبوب اللي كان لونها وردي

تظهر.....وارتاح يوم شافهن....وناظر لخالته:ان شاء الله انا استرجعناها....
هنا قعدت تبكي ام رعد من الخوف....كانت حتى الصياح ماتدري اشلون...

وشوي بدت تستفرغ مره ثانيه على دخله الاسعاف...قام يزيد يعطيهم مجال....

وناظروا له....فبلغهم انه طبيب امتياز....فناظروا لانه فعلا انقذها خلاص....بس

عمليه تنظيف لبقايا الاثار...غسل وبدل وطلع معاهم بالاسعاف....حطوا لها

مغذي وبدت كانها نايمه...وهنا بدى يتأملها....كانت ملامحها ناعمه مرة....

وتذكر امه يوم تمدحها له وشلون قلبه يرف يوم شافها لمى زارها

بالمستشفى.......لكن قطع خيالاته انين خافت منها...

تقرب منها: هلا....لاتخافي انتي الحين بخير...
عهود وهي لسى ماوعت: مابي....ارجوكم...
تخيل انها تحلم: لاتخافي...محد عندك بيأذيك...
غممت كلام مهو مفهوم...واخيرسمع: ماريد اتزوج...كانت من بين الكلام ....

بس فهمها...
انصدم....وظل شوي مهو مصدق: محد راح يغصبك على الزواج...لاتخافي...
كانت لسى بغيبوبتها وماتدري هي من تكلم اصلا...: امي...لا....مابي...

ارجوك....محد فاهمني....
يزيد حاول يستدرجها بيعرف سبب خوفها: ليش محد فاهمك...اتكلمي انا

افهمك...
عهود بخوف: محد فاهمني...انا...انا....كانت بتكلم...لكن الباب انفتح وبين

انهم وصلوا المستشفى وبسرعه حملوها داخل....وسوو لها عمليه غسيل

معده...ووصلوا اهلهم ماعدا امها وجوري ...

ابو متعب من وصل: ها ولدي....ويش صار؟؟
يزيد وهو بفرك جبهته: ان شاء الله خير ....انتظر الطبيب....ويناظر لابو رعد: هي

عمرها سوت كذا قبل؟؟
ابو رعد طالعه بغرابه: ابدا...وربي ايمانها قوي وماتهتز بسهوله....وش الشي

القوي اللي خلاها تيأس من الحياه كذا...
فراس: فعلا غريب....
ناظرت فيهم فوزيه بخوف وتكلم نفسها....معقوله سمعت حديثنا انا

وامها؟؟؟معقوله رافضه انها تزوج؟؟؟؟الله يستر بس....

طلع الدكتور...ناظر له ابو رعد: هااا بشر يادكتور..
الدكتور: انت الوالد؟؟
ابو عد: أي نعم...
الدكتور: بخير وعافيه هي...لقينا كميه قليله من الحبوب باقيه بمعدتها...وناظر

حوله...من اللي سوى لها عمليه الاستفراغ...
متعب: هذا يادكتور وهو دكتور امتياز...
الدكتور يناظر...يعطيك العافيه...فعلا انقذتها يعني لو دقايق بس تأخرت كانت

ضاعت منا
ارتجف ابو رعد يوم سمع هالكلام...وتوترت كل عضلاته...
يزيد: هذا اقل شي نقدمه....
الدكتور: لوسمحت اخوي(يقصد ابو رعد)تفضل معي المكتب شوي...
ابو رعد خاف مررره....
ودخل ور ى الطبيب
جلس الدكتور على المكتب وبدون انتظار سأله ابو رعد: خير يادكتور؟؟
الدكتور: انت عرفت ان بنتك حاولت تنتحر...وهذا يأس من الحياه بشكل تام....

ولو سمحت تخبرني ايش السبب القوي اللي خلاها تسوي كذا؟؟؟
ابو رعد كان اغرب من الدكتور: والله مادري يادكتور...انا ماسويت لها شي

...حتى امها عمرها مازعلتها بشي...هي وحيدتنا وانا وامها مالنا بنات غيرها

ابد ...كنا ندللها ولانعز عنها شي...وحتى ايمانها قوي...مهو أي شي يهزها...

انا فعلا مستغرب من اللي سوته...
الدكتور: عجيب...بالتأكيد شي كبير خلاها تقدم على هالفعله....الاكيد انها ماراح

تقول لكم...وقعد يكتب كلام على ورقه...اتفضل اخوي...حولتها للاختصاصي

النفسي...
ابو رعد متفاجئ:النفسي ....ليش....بنتي مافيها شي...
الدكتور يطمنه: لاتخاف ...هو يحاول يزيل اثار الصدمه عنها...واذا قالت السبب

اللي خلاها تحاول تنتحر ....صدقني بترتاح..
ابو رعد :بس....
الدكتور: اسف هي من تفيق من المخدر بتراجع عند الطبيب النفسي وهو يحدد

متى تطلع من هنا...
ابو رعد باستسلام: ان شاء الله....

وطلع من عنده....لقى بنته موضوعه بغرفه ثانيه وبدت تفيق من البنج


في بيت ابو عماد...


سعاد كانت في غرفتها لسى...ودخلت عليها امها
الام: ها وشلون بنتي اليوم؟؟؟
سعاد تناظر: توك طالعه ماكملتي نص ساعه...
الام بابتسامه: من خوفي عليك والله...
سعاد تناظر بابتسامه باهته: الله يخليك لي...مادري من غيرك ايش كنت

باسوي؟؟
الام: بس تطيح بفريق كره قدم مايرحم ههههههه
سعاد بادلتها الابتسام....وهنا دق التلفون...
الام تناظر لها...مين؟؟
سعاد ناظرت لامها نظره عرفت منها انه هشام...
سعاد: ألوووو
هشام ناظر بالتلفون ليكون داق غلط بالعاده يدق لين يوقف محد

يرد.................
سعاد: هلا هشام....
هشام...أنا اكيد بحلم مو بعلم...نادتني باسمي بعد...يازينه على لسانها عمره

ماقالته: هـ هـ........هلا......
سعاد سكتت وناظرت لامها ....امها ابتسمت وطلعت وسكرت الباب

وراها......بالحظه تجمعن دموع بعين سعاد...
هشام مرتبك مايدري ايش يقول لها: سلامتك...قالوا لي انك تعبانه اليوم....
سعاد:...............
هشام ....يافرحه ماتمت:سعاد...حبيبتي ليش ماتردي...
ارتجفت مره ثانيه من كلمته ودمعت اكثر...
هالمره سمع صوتها: سعااااااااد.....أنتي تبكي؟؟؟؟
سعاد من ورى دموعها وصوتها باين فيه البكي: لا.....مافي شي....بس رجعت

تنحب وصوتها اعلى...
هشام بصوت عالي وخوف كبير: مين اللي زعلك....مين اللي بكاك.....انا جايك

داحينا...
سعاد: لا....وين تجي...صدقني محد زعلني...انا بس شوي متضايقه....
هشام برقه: وايه اللي مضايقكك.....انا هنا عشان اسمع لك...واشد عليك....ولا

ليش اسمي خطيبك؟؟
سعاد تضايقت...مو قادره تقبله: انا مافيني شي صدقني...يمكن لان امي تبغى

تقعد كمان اسبوع وانا اشتقت لبيتنا...
هشام برقه : ياحبيبتي بيتكم حلو وعشتي سنينك كولها فيه....بس كمان الانسان

يحب يتعود على اماكن تانيه ويتقبل حياته هناك كمانا....
سعاد وكأنها بدات تهدى :ايش تقصد؟؟؟
هشام بضحكه: ان شاء الله لما ربنا يكتب...بنسكن بفيله ابويا....وعشان كدا اقولك

لازم تتعودي...
سعاد نست نفسها: وين؟؟؟
هشام: ببيتنا اللي بالسفارات.....
سعاد: ومن قالك اني ابغى اسكن هناك؟؟؟
هشام خاف حس انها رجعت لحركاتها: أجل ايا مكان تحوبيه نروح له طوالي....
سعاد: انا ماابغى الابيتنا...
هشام: هههههههههههه
سعاد زعلت: وليش الضحك بالله؟؟
هشام: مادري...مين البيبي اللي مابدو يفارق أمه؟؟؟
سعاد: والله ...الحين انا بيبي؟؟
هشام: مادري...أسألي نفسك....
سعاد: هشااااام
هشام ذاب: يابعدو....يابعد اهلو واللي خلفو كمانا....
سعاد استحت من الخاطر...هذا ايش يهذر ويقول:..............
هشام:سعوده.........سعااااااااااااااد؟؟
سعاد: نعم؟؟؟
هشام: مو كأنك هديتي خلص.....
سعاد انتبهت لحالها...فعلا انا هديت:شكرا....
هشام: عادي اتصلي باي وقت تلقيني بالخدمه....
سعاد غيرت الدفه تماما: انت متى تخلص الجامعه؟؟؟
هشام اتفاجأ: ان شاء الله بعد كم شهر...انا درست صيفي عشان كدا حاخلص قبل

ماجد...
سعاد سكتت...هذا ليش مايقول مع السلامه؟؟؟؟؟
هشام سمع صوت الاذان: يلا حبيبتي...توصي شي...ابي اروح المسجد...
سعاد اتنهدت: لا سلامتك.....مع السلامه....وقفلت قبل ماتنتظر رده...
اووووووووووف.............كيف باستحمله ذا؟؟؟؟؟؟؟؟؟
اما هشام فما مصدق نفسه....بسرعه ارسل لها

لوجمعتي عطفي وشوقي ولهفتي ودقة خفوقي ..
يطلع الناتج أحبك ..
أحبك ماكذبت وربي فوقي ..
من أشوفك طار عقلي واختلف لوني وشكلي ..
ياحبيبتي وريحة اهلي وناظري وسمعي و ذوقي ..

سعاد فتحت المسج وناظرت له:والله رايق....وابتسمت بخبث....ماجد ماقال لي

ارد على رسايله هههههههه
وفعلا طنشته....
يوم طلع من المسجد فتح الجوال ولا مالقى لا مكالمات ولا رسايل تنهد بس قال

ما أيأس...
ارسل لها مسج ثاني

طيبك يكفي يابعد قلب مغليك
أصلا وجودك في حياتي مكفي
ليت العمر يهدى ترى عمري أهديك
ولحظاتي الحلوه وباقي سنيني
تطمن حبيبي انا ماني مخليك
لين قلبي النابض أحسه مطفي
خذ الوعد مني بحبي أغطيك
وعدي إذا قلته تراني موفي
ووصلها المسج وفتحته

لاوالله هذا رايق وفايق وانا مو فاضيه له.....قامت قفلت جوالها....
هو ارسل مسج ثاني بس ماوصله تقرير بالوصول....قام اتصل....تخيلوا شكله

لمى شافه مغلق....تكدر من الخاطر وحزن اكثر من حزنه الماضي.....

الشوق اول مادرت برجوع عهود للمستشفى راحت لها على طول...
الشوق وهي تدق الباب: انا الشوق ...أدخل؟؟
عهود بصوت تعبان: تفضلي...
الشوق: السلام عليكم...ياي ايش فيك وجهك كذا ونزلت عليها تحضنها...
عهود ترفع حالها بالقوة: الحمدلله جت سليمه...
الشوق ناظرت للروزنامه اللي ف طرف السرير ....وشهقت ايش هذا.؟؟
عهود استحت ونزلت راسها....
الشوق جلست جنبها: ليش حبيبتي...ليش بغيتي تضيعين دنياك

وآخرتك؟؟؟ماتوقعتك بهالضعف حبيبتي...
عهود: الله يخليك اللي فيني كافيني...وجلست تصيح...وقامت الشوق ورفعت

نقابها ولوت عليها وقعدت تحضنها اكثر واكثر...وهي تقرأ عليها الكرسي

وخواتيم البقره والمعوذات عشان تهدى....وظلت حوالي ثلث ساعه تهديها...

بعدين قامت للحمام وجابت طشت مخصص للمرضى عشان يغتسلون فيه وعبته

مي وقربته لعهود مع البشكير عشان تغسل وجهها وتحاول تهدى....
الشوق: خلاص حبيبتي....صدقيني مافي شي يستاهل بالدنيا هالسواه....سمي

بالرحمن...وتوبي واصدقي التوبه لربك الباري....لعله يغفر ذنبك...
الشوق قصدت محاولتها الانتحار بينما هي راحت للذنب الكبير اللي جرها

لمحاوله الانتحار.....
عهود فكرت شوي....صحيح اذا الله فوق سماوته قبل توبه العبد...ليس المجتمع

والناس مايقبلها...ليه الظلم يتجمع على البنت وينتشر بينما الولد ولا كأنه مذنب

ومخطئ....مع انهم دايما يكونون السبب في هالمصائب...
الشوق ظلت تناديها وأخيرا انتبهت:هلا...
الشوق: وين سرحتي ها؟؟
عهود: مو بعيد وابتسمت...
الشوق: الحمدلله فيها ابتسام...زين هههههههه
عهود: متى بيخرجوني من هنا؟؟؟
الشوق تطالع الروزنامه....العصر تقابلين الاختصاصي النفسي وان شاء الله هو يحدد

خروجك...
عهود شهقت: اختصاصي نفسي؟؟
الشوق بابتسامه تهدئه: لاتخافي...اختصاصي...يعني مهو سفاح...واذا كنتي

تكلميه مثل ماتكلميني بيكون خروجك اليوم اكيد...
هدت عهود من كلامها....وابتسمت....
استئذنت منها الشوق عشان تشوف شغلها...ووعدتها انها تزورها العصر...قبل

ماتروح...

 
 

 

عرض البوم صور doode al 7aloo   رد مع اقتباس
قديم 14-01-09, 09:54 AM   المشاركة رقم: 33
المعلومات
الكاتب:
اللقب:
عضو راقي


البيانات
التسجيل: Jun 2007
العضوية: 31308
المشاركات: 14,486
الجنس أنثى
معدل التقييم: doode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميع
نقاط التقييم: 13215

االدولة
البلدSaudiArabia
 
مدونتي

 

الإتصالات
الحالة:
doode al 7aloo غير متواجد حالياً
وسائل الإتصال:

كاتب الموضوع : doode al 7aloo المنتدى : القصص المكتمله
افتراضي

 


بيت ابو عماد..
جناح الجوهره.....

بعد ماملت من الاتصال عليه وهو لايرد....ارسلت له مسج

يعني لو ماأسال عليك تهدني..
ياأخي أسأل رفيقك ميت حي..
مأجبرك تشتاق لي وتودني..
بس كلمني.. شوفني.. محتاج شي ..
حتى العدو اللي سبق وضرني ..
بين حزه وحزه يشيك علي ..

عماد ناظر الرساله وهو في المقهى بحزن كبير.......عارف انه مقصر....عارف

انه مايستحق النعمه اللي
عنده....لكن في شعور اقوى منه يتملكه...يسيطر عليه...يقوله بعد عنهم...اذا

حبيتهم بتفارقهم مثل اخوك
حبيبك....كان يشعر لو شاف بناته انه غير يحبهن وهذا الشي اللي مايبغاه....

ووده يخلي مرته تكرهه عشان اذا
افتقدوة....او مات عنهم ينسوة بسهوله ومايبكون عليه مثل اخوه....ومارد....

هي ظلت نص ساعه تتنظر مسجه....اخيرا يئست ...رمت حالها على السرير

وقعدت تصيح ماحست الا بصياح وحده من التوم قامت لها ودموعها ماليات

خدها....ياربي حرام عليه وربي حرام....انا زوجته ومحتاجه له....وبفتره

حرجه وعياله لازم يشوفهم ليش يسوي فينا كذا ليش؟؟؟

واتصلت على امها...
الام: هلا والله...
الجوهره بصياح: لحقي على يماااااا.......والله احس اني باموت...
الام انخرعت بنتي وراها: يماااا....علامك....سمي بالرحمن الغاليه...
الجوهره: يمااا عماد....لحقي عليااااااااااا
الام حست ان عماد صارت له مصيبه: علامه؟؟؟؟؟؟
الجوهره: يمااا ناسينا مررررره.......ماتقول له بيت ولا تقول له عيال....وربي

من العزى ماشفته نهائيا حتى ملابسه يودوهن له بالمجلس....
الام ارتاحت شوي انه مو مسوي حوادث: الحمدلله....يابنتي...ابا اقولك شي

ومابي اعيده.....المرة في بيت رجلها...درة ومصانه....ومايجوز تطلع اسرار

بيتها مهما كان....والصبر زين....الحين هو في صدمه من وفاه اخوة....وخليه

على راحته....لاتضغطي عليه...ولاتشتكي منه...اذا جا البيت اطلعي له

تحت....حاولي تكلميه...ولاتدقي على جواله كثير ترى هذا يضايقه مره....

ونزلي عياله له...وحاولي تخليه يشوفهم....ولاتخليه يتضايق منك ويتململ...

الرجال وده المرة الريحه اللي ماتثقل راسه بالشكوى والهواجس....وترى

التشكي عند الاهل مهو زين.....كانت امها عاقله وكلماتها يوزنن بالذهب....
الجوهره صخت على الاخر توقعت امها تجاريها بالكلام....لكن تفاجأت بالعكس

تماما...:يما....مشكوره على النصيحه....مع السلامه....
بعد ماقفلت من امها ظلت وقت عشان تستوعب كلم امها وبعدين بدلت وتحجبت

ونزلت تحت....ومعاها التوم....



في المستشفى
الساعه اربع...



خلصت الشوق دوامها....وراحت لعهود...
الشوق وهي تنزل عباتها وملازمها على طرف السرير: اشلون عهودتنا

اليوم؟؟؟هاااا
عهود بابتسامه: الحمدلله....انتي وشلونك؟؟
الشوق: الحمدلله بس شوفي....ورفعت نقابها...كان على خدها اليسار احمرار

قوي مره.....وكأنه ندبه
عهود بشهقه: أيش هذا؟؟
الشوق بضحكه: هذي ندبه انا فركتها زود اليوم فورمت وصارت كذا....
عهود: بس شكلها رهيب مرررررره.......
الشوق:ههههههه...كأن احد كافخني صح؟؟
عهود: وكأنك عليك كريم زايل هههههههه
الشوق تناظر للمرايه اللي جنب السرير والله....
عهود:هههههههههههههه
الشوق: والله....اثار الكريم بدات تروح لازم اغسل وجهي....ودخلت الحمام

عشان تغسل وجهها...

عهود بدخله الشوق الحمام سمعت دق...:اتفضل...
دخل ابوها..السلام عليكم....وكان معاه علبه شوكلاه...حطها على الطاوله....

تغطي يابنتي...وبسرعه عدلت جلستها وتغطت....
عهود تذكرت الشوق وبصوت عالي: الشوووووق....خلك مكانك خلاص...

انحبسي....هههههههه
ابو عهود ناظر: الشوق هنا....زين نبهتيها....
وفتح الباب....حياكم...ودخلوا عليها عمها والعيال...ظلن الحريم برا ينتظرن

خروج الرجال...غير امها اللي ماتطلع من البيت الا بعد التمايم.....
الشوق .كان خرير المي مايخليها تسمع اللي برى...فغسلت....وبالمحارم جففت

وجهها وظلت تناظر لنفسها صح مكان الحبه غلط.....جاي زي الشامه.....عدلت

منديلها ونقابها....شعور خفي خلاها تنزله على وجهها.....وطلعت براااااااااااا

وكانت المفاجأه....



في بيت ابو عماد



كانت هايدي قاعده بغرفتها تفكر شوي....تذكرت انها مافتحت النت من اسبوعين

وان عندها شغل لازم تسلمه خلال ايام....فتحت النت.....وانبهرت يوم شافت

اكثر المنتدى يسأل عنها....وان صديقتها بالمنتدى اللي تكلمها ع التلفون خبرت

عن وفاه اخوها....وكانوا عاملين عزى لها....صح ان كل اصدقائها غير

معروفين لها لكن حست انها معاهم في بيتها فعلا....التكاتف والتآلف اللي حاصل

بينهم خلاها تفرح وتبكي من ورى دموعها...صدق الله حرمها من اخوات لكن

اخواتها هنا كثار مرررررة....

قعدت حوال الساعه ترد على التعازي....وبعدين شافت طلبات الاعمال....

وخلصتها وافقت على البعض ورفضت البعض.....وظلت تخلص باقي الشغل....

كانت حوالي الساعه 8 المغرب دخلت يوم رفعت راسها كانت الساعه 11

بالليل....فعلا انصدمت يوم نست حالها كل هذا الوقت ....خلصت الباقي بسرعه

وراحت تصلي....

نزلت تحت عند عمتها وكانت هذي اول مره تنزل كذا....كانت عمتها بالمغلط

تكلم عيالها قبل مايناموا ويوم دخلت ....فرحت من الخاطر
ام سعود بصوت عالي: هلا والله...بغناتي...تو مانور البيت بشوفتك يالغاليه...

الحمدلله اللي فرحتيني بهالنزله يابنتي...
هايدي بعد هالكلام على طول راحت حبت راس عمتها وابتسمت لها...
عمتها ماتحملت قعدت تبكي...
هايدي: ليش البكي الحين عمتي؟؟؟ليش؟؟؟
ام سعود: فرحانه فيكي انك نزلتي...وانك تكلمتي معي...وانك رجعتي الاوليه...
هايدي: كل شي مقدر ومكتوب عمتي....الله كاتب اني انزل اليوم مو امس او

بكره....
ضحكت لها عمتها: تعشيتي؟؟
هايدي لوت بوزها: انتم تعشيتوا؟؟
عمتها ابتسمت: انتظرك...كأني حاسه...
هايدي: يلا نجهز لنا عشى....
وراحن للمطبخ........

فيه واحد كان مندس تحت الفراش........يحسبونه نايم بس هو يتشقق من

الوناسه يوم سمع كلامها وضحكها.........

نرجع للمستشفى


قبل ماتخرج الشوق بشوي....
ابو متعب: ماتشوفين شر يالغاليه....وراك من جينا وانتي عاشقه

المستشفيات؟؟؟
عهود بتعب: الشر مايجيك.....مهو بيدي عمي...غصبن عني...
متعب: لالا.....انتي اكيد تختبري غلاتك عندنا صح؟؟؟هههههههه
ابو رعد: صح...ههههههه
فراس شاف الدفتر وخذه يفتحه....وكان متعب جنبه يناظر....على طول من

شاف شكله عرف انه للشوق...قال يمكن ناسيته....اول صفحه كان مكتوب

اسمها ورقم مكتبها وتلفون المكتب لو يضيع.....وقلب فراس على اخر صفحه

ولا مكتوب كلام من بينه اشعار منها...
وها أنا....
على مقعدي الوثير....
امام مدفأه جميله...
لاينقصني شي..
لا لا...ينقصني...
لماذا لاتقولي الحقيقه؟؟
لماذا هذا المكر والخديعه؟؟
احببته؟؟؟
آآآآهـ....يامر السؤال...
وآآآآهـ ...يامر الاجابه..
لماذا؟؟أهو كبريائك؟؟
اهو إحساسك؟؟
ليس لك ذنب..
فقلبك هو من اشأر...
على ذلك الخيّار...
هو...من كل سكان الارض؟؟
ولماذا؟؟أنا تحديدا؟؟
سؤال...عجزت ان اجد له جواب...


تأليف (ســ السعوديه ــاندي)

مذيله على الروزنامه بتاريخ 16/11بالتارخ الهجري

يعني قبل شهر تقريبا...

ماخلص قرايته الا وقال....تحب.........وهيمانه بعد......
بها اللحظه دخلت الشوق اول ماشافت كم الرجال اللي واقفين اللي اكثرهم لابس

ملون من البرد شهقت....
التفتوا كلهم ا.......
كانت بنص هدومها واللي زاد انها كانت لابسه بلوزه شتوي بني غامق(لانهم

بحاله عزى لسى...محدده جسمها ومخليتها دبودبه وخيااااااال....على تنورة

لونها افتح بشوي من البلوزة وهي ماكانت تهتم بالبلوزه لنها تلبس روب

المستشفى عليه فيسترها....لكن كذا كانت واقفه بدون شي....واللي زاد لمعت

السواره البني بيدها....خلى الكل يطلع عليها.....

اول المنتبهين ابو رعد اللي لف وتنحنح....ابو متعب لحقه...فراس ...يزيد

........مين اللي ظل على تنحه؟؟؟؟؟؟؟
رفعت راسها متعجبه من جرائته....لين هزة اخوة فراس وانتبه ورجع ورى...

عهود: أنا اسفه الشوق ...عبالي سمعتي صوتي يوم قلت لك لاتجي...
الشوق: السلام عليكم اول...
الكل: وعليكم السلام...
الشوق: ثانيا ماسمعت صوتك ولا ماطلعت....اخذ ابو رعد عباتها وناولها ياه...

اسف يابنتي...متعبينك ومضايقينك بعد...
الشوق اخذت عباتها لاضيق ولا شي....وناظرت لدفترها اللي لسى بيد

متعب...:لو سمحت..
متعب ناظر: هه....أيه تفضلي...اسفين على التطفل...ناظرت له بعين حاره

وطلعت....
متعب...وي وي...أيش هذا...عليها عيون...ماشالله تبارك الله لا انظلها

الحين.....وظل ساهم ...ماسمع شي من اللي يقولوة...


ظلت الشوق تمشي وهي متوتره حدها....وعلى مابغت تطلع مع الباب كان

السواق ينتظرها والخدامه كأنها لمحت طيف مهو غريب عنها.....رجعت شوي

شوي للباب اللي مرت منه....وبحذر شافت ماجد؟؟؟؟؟؟؟

الشوق: غريب هذا ايش عنده جاي هنا؟؟؟لايكون مريض....لا الله لايقولها....

جعله فيني ولافيه....هيه انتي انهبلتي...وش ذا الكلام؟؟وبيأس و بصوت داخلي

من اعماقها......ليش تكذبي على نفسك...اعترفي لها خلاص....
كانت تكلم حالها ماتدري عن اللي يسلم عليها....شوي بدت ترفع بصرها
الشوق: هاااااااا؟؟؟؟؟؟
ماجد: سلامتك....ماشفتي سعاد؟؟
الشوق: هلا...لا ....مدري كيف...
ماجد ابتسم عرف انها ماسمعت ولاكلمه......والله اعلم باللي شاغله: اللي ماخذ

عقلك...يتهنا به...
الشوق...ياريت...وبعدين ظلت تناظر بالغرفه تدور شي تحجج به شافت عنود:

ايه...بغيت عنود قبل ماامشي...تامر شي؟؟
ماجد: لا منتي معاي ابد...كنت اسأل سعاد ماخلصت؟؟؟لانها دخلت عند الطبيبه

ولا طلعت...
الشوق: لا سلامتها...ايش فيها؟؟
ماجد: لا ماشي...بس صداع فضيع...وماعرفت سببه...
الشوق الحين اشوفها لك...وقبل ماتدخل كانت سعاد طالعه ومعاها وصفه....
ماجد: عطيني الوصفه...وروحي للسياره...
سعاد :ان شاء الله....
الشوق بعد مامشى ماجد: سلامتك سعاد...عسى ماشر؟؟
سعاد: مادري...معي صداع فضيع....
الشوق: مالوم من كثر التفكير....
سعاد بغرابه: ويش دراك؟؟؟
الشوق: عيب ياماما...حنا خبره...
سعاد: ايه وربي ذبحني التفكير...
الشوق: وكليها على ربك....وصدقيني بتهون...
سعاد : ان شاء الله....
جاهم ماجد وهم واقفين...وعصب عليها...:بعدك واقفه...
سعاد: ان شاء الله...وتناظر للشوق...اشوفك قريب ان شاء الله...
الشوق: اكيد...
وراحت سعاد والشوق مشت بالجهه العكسيه...ماحست الا باليد اللي

مسكتها...ناظرت بغرابه
رفع ماجد يديه لحد كتوفه كأنه يعتذر عن مسكها: بس بغيت اقولك آسف عن

هذاك اليوم....وربي مادريت انك عندنا...ولا اخذت احتياطاتي.....(هو قصد

يتنحنح ولا يدق الباب ولا يصوت عل الاقل....)
الشوق...(لها الدرجه كرهني...ماهقيتها منك ياماجد): وناظرت له بالم ....

ومشت...
ماجد :ايش فيها زعلت...معقوله لها الدرجه زعلانه علي...حتى حصل خير

ماقالتها....أفااااااااااااا
الشوق( فسرتها انه من كثر ماخلاص كرها بعد ماعرف انها بتزوج غيره ماكان

راح يدخل البيت لودرى انها فيه)
وماجد( توقع انها زعلت زعله قويه على دخلته عليها وهي باللبس والشكل ذاك)

وكان كل واحد يفسر الامور على هواه...مايدري انها العكس.....

 
 

 

عرض البوم صور doode al 7aloo   رد مع اقتباس
قديم 14-01-09, 09:56 AM   المشاركة رقم: 34
المعلومات
الكاتب:
اللقب:
عضو راقي


البيانات
التسجيل: Jun 2007
العضوية: 31308
المشاركات: 14,486
الجنس أنثى
معدل التقييم: doode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميع
نقاط التقييم: 13215

االدولة
البلدSaudiArabia
 
مدونتي

 

الإتصالات
الحالة:
doode al 7aloo غير متواجد حالياً
وسائل الإتصال:

كاتب الموضوع : doode al 7aloo المنتدى : القصص المكتمله
افتراضي

 


في بيت ابو عاشق


دخلت امه عليه...لأقته يناظر للفراغ...وينفث دخان سيكارته
الام :وبعدين معاك ياوليدي؟؟
عاشق انتبه لامه....وطفى السيكاره: هلا يما....أتفضلي....
الام: ياوليدي ليه ودك تعذبني...
عاشق بحزن: أعذبك....اعذب عمري ولا اعذبك...
الام: يومك مهمل جامعتك...ومرافق ذا الشله التعبانه....تعذبني ياوليدي...
عاشق...(والله مو بيدي...كله منها...ليه تركتني بدون سبب): يمااااا.....الله

يخليك لاتزيدين علي...
الام: تحسبني مادري عن شي؟؟
عاشق: والله ادري انك خبيره بكل شي....بس ذا شي بعيد عن تفكيرك تمام...
الام: تراني كنت عندها....
عاشق ناظر له بنظرة استغراب....
الام: أيه عندهاااااا.....يومك تواسيها....دخلت عليها بدون اذن ولا محرم.....

وكلمتها كنها اختك ولا مرتك....ماتشوف الشي ذا حراام...؟؟؟ماتشوف ان عندك

خوات...واللي تسويه ببنات الناس بيصير بخواتك...
عاشق لسى ماستوعب: يمااا.....وش السالفه؟؟
الام: يومك دخلت على البنت....سعاااااااااد
هنا كل عضله بجسمه تقلصت.....امي شافتني؟؟؟
الام: اعرف انه دقه بدقه..و لو زدت لزاد السقا
حس برجفه صارت بكل جسمه....معقوله امي عارفه كل هالعمر ولا اتكلمت

ولاقالت شي.؟؟؟
عاشق: يمااا....الكلام مايفيد الحين...ارجوك...
الام: ياولدي...اذا ماتكلمنا ماراح نلقى حل لك....انت لازم تزوج...
عاشق فتح عيونه على مصراعيها:هااااااااااااااااا
الام: لازم لك وحده تشغلك وتشغل تفكيرك....ماينسي المرة....غير اللي مثلها...
عاشق قام خلاص ....امه لوين ودها توديه؟؟؟
الام: وين قمت ماكملت كلامي.....
بدخله ابو عاشق
عاشق: ابوي عندك....زوجيه وخذي راحت معاه...
الام تقلص وجهها وارتبكت....عاشق استغل هالموقف وطلع....
ابو عاشق: علامه الولد طاير؟؟؟
الام: والله متعبني حاله....مادري ويش اسوي فيه؟؟؟
ابو عاشق: خليه...الحياه مدرسه....راح تعلمه...وتصفعه وتربيه....احنا

ماقصرنا فيه والحين هو رجال....كل تصرفاته هو مسئول عنها...وماراح نعذب

نفسنا بتحمل مستقبل عيالنا بينما هم يقدروا ينحتوة لو على صخر...
ام عاشق ابتسمت ببهتان...:بس قلب الام وين اللي يرحيه؟؟؟
ابو عاشق يرفع سبابته: رب العالمين....هو الخالق والمكون...يقدر يريحه.....
ام عاشق: ان شاء الله.....

في بيت ابو عماد


هايدي كانت جالسه جنب الجوهره اللي نزلت تحت وقعدت اليوم

هايدي كانت تناغي التوم وتلاعبهم وهي جالسه على الارض...وبدخله عماد مع

الباب....

عماد: السلام عليكم
الجوهره وهايدي: وعليكم السلام والرحمه...
الجوهره تمد يدها على الكنبه: اتفضل....
عماد ناظرهم : وطلع للمغلط بدون ولا كلمه....
هايدي تناظر للجوهره باستغراب: أيش فيه؟؟؟
الجوهره: علمي علمك....المغلط فيه احد؟؟؟
هايدي: اظن عيال عمتي.....
الجوهره : طيب كيف اكلمه تعبت.......احس اني ماني قادره افهمه واشرح له

شي وهو مو قادر يكلمني....
هايدي: يوم الجمعه عمتي ان شاء الله بتروح بيتهم وعندها تقدرين تكلمينه على

راحتك...
الجوهره: صبر جميل والله المستعان...
دخلت عليهم سعاد: السلام عليكم...
الكل: وعليكم السلام...
سعادوهي تجلس :شفتم امي؟؟
هايدي:راحت تريح بغرفتها شوي....وتجي بعدين..
الجوهره: دشداشتي عليك رهيييييييبه....
سعاد تناظر لنفسها بازدراء: دخيلك لاتذكريني.......انا لو ماصادفت زوجك هذاك

اليوم ماكان امي غصبتني البس هاللبس........
الجوهره: انتي ليش ماتحبين لبسنا؟؟؟
سعاد: مادري احس انه غريب علي.....واحس اني بقرة فيه .......
هايدي قطبت: يعني دشداشتي هذي بقرة؟؟
الجوهره: لاوالله الا هالبس الحلو هذا........
سعاد: لا والحين مانجلس هنا الا وطرحاتنا علينا....
الجوهره: لازم لو يدخل أي حد نكون متغطيات......
هايدي: بس محد غريب......
الجوهره : صح ....وكانت بتكمل ...دق جوال سعاد
سعاد تطالع :اووووف......ألوووو
هشام: هلا والله...السلام عليكم...
سعاد تلعب بطرف الكنبه: وعليكم...
هشاك: كيف حالك يابويا....ان شاء الله كويسه؟؟؟
سعاد: بخير...
هشام: وكيف صحه الوالده...
سعاد: كلهم بخير وعافيه...
هشام حس ببرودها بالرد لكن على الاقل ترد عليه: طيب توصي على شي؟؟؟
سعاد: لا مع السلامه....وقفلت قبل مايرد
مشكله هشام انه حبها حتى النخاع.......وان ماجد اعز اصدقائه يحبه ومستحيل

يسوي شي لاخته.......ويمكن هذا اللي صبر هشام على ثقل سعاد.......ويمكن

فكر انه بعد الزواج العشره تخليها تحبه...

الجوهره: مين اللي على الخط؟؟
سعاد: هشام...
الجوهره استحت لانها سألتها لان شكلها بالكلام مو شكل وحده تكلم خطيبها....
سعاد ابتسمت: ليشاستحيتي عادي.....تدرين ليش ماحب لبسكم وطبايعكم؟؟؟لاني

عشت مع عيال.......وتربيت على طباعهم وسلوكهم.....وبعد هالعمر بيخلون

اتزوج واحد منهم..........احسها مستحيل.........
الجوهره استحت وناظرت لهايدي: يعني انتي مو موافقه عليه؟؟؟؟؟
سعاد: تصدقين اعلنت موافقتي التامه........هههههههههه وضحكت بسخريه...
الجوهره: يعني انتي لو خطبكي غيره بيكون موقفك من الزواج نفسه؟؟؟
سعاد سكتت وناظرت للجوهره....حست انها كانت تقصد اخوها.....وجت علينها

غشاوة دمعه طردتها وهي رايحه لغرفتها....
الجوهره ندمت على السؤال........وحز بقلبها ان سعاد تحب اخوها واخوها

يحبها ولا قدر لهم يعيشوا مع بعض.......

يوم الاربعا:
الساعه 11 الصبح

عهود كانت قاعده بالغرفه ...الدكتورة قالت لها اليوم العصر تطلع ان شاء الله...

سمعت دق الباب
عهود: اتفضل...
الباب انفتح شوي وسمعت صوت: أنا يزيد اذا ممكن تغطي ابي اكلمك...
عهود قعدت وعدلت طرحتها وتغطت:اتفضل...
دخل وخلى الباب مفتوح:السلام عليكم...
عهود: وعليكم السلام...اتفضل...وأشارت على الكرسي...
يزيد: مشكوره مابي اطول...بأسألك سؤال وطالع...
عهود ارتبكت دخل عندها وفجأها بيسألها: خير؟؟؟؟
يزيد: انتي ليش حاولتي تنتحري؟؟
عهود نزلت راسها ولاردت....
يزيد كمل: عشاني؟؟
رفعت راسها مستغربه اللي يقوله وتنتظره يكمل........
يزيد: عشان امي عرضت عليك اني اخطبك قصدي؟؟؟
عهود.....................
يزيد: ارجوك اصدقيني القول....
عهود: .................
يزيد: أنا سمعتك.....
عهود ارتبكت :انا ماقلت شي؟؟؟
يزيد: قصدي بالاسعاف: قلتي مابيه ومابي اتزوج....
عهود مسكت قلبه لاكون قلت شي ثاني: وايش قلت بعد؟؟؟
يزيد : هذا اللي قلتيه بس...
عهود بقلبه الحمدلله: اخوي,....انا رافضه الزواج...
يزيد: من شخصي ولا من الزواج بشكل عام.....
عهود: من الزواج بشكل عام...مابغت تحرجه...
يزيد ارتاح: يعني لو بعد سنين ممكن ارجع اطلب مره ثانيه
عهود بسرعه: لا....بعدين مسكت حالها: قصدي...اخوي انت ماشالله عليك الف

من يتمنوك....ارجوك ماله داعي تضيع عمرك تنتظرني...
يزيد اتكدر مرة لكن ارتاح انه ماكلم اهلها واحرجها: مشكوره اختي اللي

خبرتيني بدري قبل مااتورط بكلام مع الكبار...وصدقيني اتمنى لك السعاده من كل

قلبي....
عهود ارتاحت لتفهمه: اخوي...الله يرزقك باللي تهنيك....اخوي..
وطلع من عندها مش مكسور قد ماهو فرحان بمكسبه اخت ثانيه



يوم الخميس اللي الليله التمايم
في بيت ابو رعد...
الصبح الساعه 8

متعب من قام الصبح حاس انه مزكم...
جاب ابو رعد الفطور اللي ماقرب له متعب..
فراس: اقول يالحبيب لقمه بس..
متعب وعيونه حمر: آآ...آآتسوووووو
الكل: يرحمك الله...
متعب وهو يدمع: يهدينا ويهديكم الله.....
يزيد: اجيب لك مضادات حيويه؟؟؟
متعب: لا ماحبهن...آآآآتسوووووو
الكل: يرحمك الله...
متعب :دخيلكم خلوني اخلص وقولوها مره وحده...
الكل: هههههههههههه
متعب: بالله يزيد قول لامك تجيب لي زنجبيل ساخن.....
يزيد يضحك: ياخوي المضادات مثلها....
فراس: الاخ مايحب الكيماويات....
ابو متعب: وهو الصادق....وش له بالكيماويات ووجع الراس,,,,
متعب: آآآآآتسووووووووو.........بالله بسرعه...
فراس بخبث: اجيب لك كلينكس ثاني هههه
متعب فره بالكلينكس اللي عنده....ترى ان ماسكت عني اقوم احضنك لين تنعدي
ورجع ولحف حاله بالغطى.....
جاب يزيد الزنجيبل ورشفه متعب وهو يتأوه من حرارته لين خلصه ورجع لغطاه

مره ثانيه....
وعلى الساعه 11 كانت الاوضاع عنده متأزمه وحرارته طايرة
دخل عليه يزيد....ولاحظ انه يرد النفس بالقوة....قرب منه ورفع الغطى:

وشلونك متعب الحين؟؟؟
متعب: بخير خلني لحالي...
يزيد لمس جبهته: اووف ايش هذا حرارتك طايره...قوم خلني اوديك

المستشفى...
متعب: اقولك اتركني لحالي....ماني رايق لك...
قام يزيد ونادى ابو متعب: الحق عمي...
ابو متعب: خير ياولدي...
يزيد: ولدك طاير من الحراره....
ابو متعب: صدق والله....وجى له يشوفه ولا ولده متنهي من ال****

والحراره....قمنا قمنا...
متعب وهو دايخ :وين..وين....خلوني انا...
فراس وهو يساعد ابوة يقومه: نخليك تنام....الا قول تموت....يالله...
راح يزيد قبلهم شغل السياره وركبوة وجى ابو متعب بيركم....استسمح منه يزيد

انه يقدر يقابله وفراس ركب جنب اخوه
متعب كان شكله يضحك...حاطين الطاقيه عليه بالغصب وشعره طالع من تحتها

وكل شوي يعطس....ولابس فروة(لاتقولون ماتعرفوا الفروة)....يعني تعباااااان

ع الاخر........

دخلوا العيال المستشفى.....وراحوا قسم الطوارئ

دخلوة سرير وفراس قعد يساعده على الركوب عليه على بال ما يزيد نادى

الدكتور
جا دكتور سلطان(تعرفوة)والشوق
د.سلطان: السلام عليكم....سلامات اش عندنا هنا؟؟؟
يزيد: والله يادكتور ارتفعت حرارته من الصبح مع عوارض رشح وسعال...
الشوق قعدت تقيص النبض...وتقيس الضغط عنده لانه شغل الممرضات ...وهي

عرفتهم بس ظلت ساكته ماتكلمت
د.سلطان: قعد يفحص صدره وتنفسه وحطت الشوق مقياس حراره....
د.سلطان كلم الشوق: الشوق لو سمحتي هاتي مغذي وركبيه له...
فراس انتبه ان هذي هي اللي كانت عند اختهم: ويهمس ليزيد: مو هذي جارت

عهود؟؟؟
يزيد ناظر لها وهي راجعه: وانت الصادق...
فراس: مسكين ياخوي دايخ ولاهو داري عنها....
يزيد مستعجب: ليش؟؟؟
فراس: عاجبه اخوي من هذاك اليوم....
يزيد بحماسه: والله...
فراس باقوله: وراح يهمس بأذن اخوه:متعب....متعب...
متعب يالله يفتح عينه:هااا...ايش عندك...
سكت فراس يوم شافها جايبه الابره.....
الشوق الحين تكلمت: اخوي بنغرس الابره الحين لاتخاف...
هو سمع صوتها من هنا....وعلى طول عرفها......
غرست الابره وبين على ملامحه انه الامته....
متعب: مشكورة...
الشوق والله اعطيه ابره ويقول مشكوره....وراحت ورى الدكتور...
الدكتور عطاهم الوصفه وقال تصرفوها من الصيدليه وراح مع الشوق...
فراس: عرفتهااا
متعب: آتسوووووووو.....ايه عرفتها...
يزيد: يالدب.......ماخبرتني......
متعب يطالع باخوه بعين: اخبرك ايش يزيد؟؟؟
يزيد: ان هالمسكين يدق....
متعب ناظر لاخوة مره ثانيه: ومن قالك هالخرابيط؟؟؟
يزيد ارتبك وناظر لفراس اللي غمز له انك لاتقول.........
متعب: يصير خير.........بس هالخرابيط شيلوها من راسكم......
لمى خلصوا كلام رجعت الشوق ومعها ممرضه ثانيه.......الشوق شالت المغذي

والثانيه عطته حبوب وكاسه مي.....
الشوق والممرضه: سلامات ماتشوف شر ان شاء الله تقدر تروح بيتكم.....
متعب...ااااهـ الشر جاني وخلص: الشر مايجيكن ....وقام وخذ فروته

وطلع......



اول ماوصل متعب البيت نادى عمته موضي.....واخذها وراح للمغلط وقفل الباب

واره....
موضي: خير ياولدي....عسى ماشر؟؟؟
متعب: لا بخير عمتي....العلاج خفف الصداع..اقول عمتي...
موضي: سم ياولدي؟؟
متعب: الليله بتجيكم ناس كثيره ابغاك تدوري بينهم على وحده اسمها

الشوق....ممرضه...ومادري ويش اسم ابوها...
موضي بغرابه: وش تبغى فيها؟؟
متعب: والله ماني مكذب عليك....اذا ماهي متزوجه ابغاها على سنه الله

ورسوله...
طالعت عمته فيه مهي مصدقه: انت صاحي......وتلمس راسه...
متعب: وربي صاحي ياعمتي.....ومافيها شي هالبنت عجبتني كثير...
موضي بتردد: ياولدي....ناس مانعرفهم وش لنا فيهم؟؟
متعب: عمتي قبل ماتطوليها وهي قصيره......الله يخليك اسألي عنها......وانا

اكلمك الليله ان شاء الله........
موضي باستسلامك :صار ياولدي....ان شاء الله......


وجى وقت المغرب وبدت الناس تجمع
طبعا لاهايدي ولا الجوهره جوو وحتى سعاد بس امها.......والشوق وامها

وطبعا اللي يشوفهم يعرف انهم عندهم حزن لانهن شاحبات وجوهن ولابست

ملابس داكنه ولاحاطات مكياج ولا عطر....

من الرجال جو كلهم ماعدى عماد وعاشق...

لسى باحداث العزيمه

وعلى الساعه 10 دق متعب لعمته
متعب: السلام عليكم...
العمه: هلا والله ولدي خير....العشى وصل؟؟
متعب: لابعده بغيت اسألك....
العمه: تفضل....
متعب: شفتيها اللي قلت لك عنها؟؟؟
العمه: ايه ماشالله عليها وعلى امها......
متعب استانس من قلب: والله.......حلوة...
العمه: حلوة وبس ماشالله عليها.....امها اسمها ام عاشق...اكيد تلقى ابوها

عندكم....
متعب ماصدق: يلا عمتي باروح اشوف ابوها....
وقفل متعب وراح لعمه ابو رعد: اقول عمي....
العم مستغرب من ولد اخوة اللي يناظر حوله: خير ولدي كأنك تدور شي....
متعب: وين ابو عاشق عمي؟؟
العم مستغرب: ويش تبغى فيه؟؟
متعب: ياعم الله يخليك وينه...
العم بدون مايناظر: تشوف الرجال اللي لابس جكيته بني.....وثوب اسود....
متعب: اللي عنده ابو لحيه طويله؟؟؟
العم: أي نعم هذاك هو....
متعب استانس: اقول عم عنده بنات؟؟؟
العم عقد حجاجه وش تبي فيهن؟؟؟
متعب: والله ماريد غير الحلال....والله...
العم ناظر بولد اخوه اللي عمره مافكر بها السالفه من قبل....راح اشوفه لك

لاتتدخل...
متعب رجع ورى ورافع يديه: ابدا ماراح اتتدخل........وابتسم وراح يشوف

الرجال......

ابو رعد قرب من ابو عاشق وسلم عليه.......وبعد التحيه والسلام........
ابو رعد بتردد: والله ابغى اشكرك على تركك بنتك الشيخه عند مرتي وبنتي

هذيك الليله.....
ابو عاشق بابتسامه عذبه: ياخوي الناس للناس والكل بالله.......وانت مقطوع

هنيا بعيد عن اهلك وهذا اقل من الواجب الغالي.........
ابو رعد: والله ان وقفتكم ماتنسي.........
ابو عاشق: ياخوي لاتحرج نفسك وتحرجني والله اللي سويته مايستاهل......
ابو رعد بتردد كبير واحراج: اقو ابو عاشق .....
ابو عاشق حس بتردده: هلا اخوي قول اللي تبي(توقعه يسأله عن عاشق......)
ابو رعد : انت لك بنات للزواج........وبسرعه ولد اخوي يبغى يتزوج ومالقيت

اخير منكم نناسبه.......
ابو عاشق اندهش من السؤال اول بعدين ابتسم: ياريت يابو رعد........والله ان

بنتي لو هي ذبيحه ماعشتكم........بس الرجال كلمه.........وانا متكلم علي

واحد عنها وعطيته كلمته وماقدر ارده الحين ........عيب وانت ماترضاه

علي.......
ابو رعد: لا افا اخوي اكيد ماارضاها عليك....والله يوفقها ان شاء الله والله انها

جوهره نادره..........
ابو عاشق: من زود طيبك يالغالي........

وغيروا دفه الموضوع لمواضيع ثانيه لين قام من عنده ابو رعد..........

ويوم قرب من متعب..........سحبه متعب وهو يسأله:هااااااااا بشر عمي قمحه

ولا شعيره........
عمه وهو متكدر على الاخر على ولد اخوه: والله مادري ويش اقولك يابناخي؟؟؟
متعب: أفااااااااا...........لاتقول ياعمي........
عمه: ايلغالي يقول انه في ناس متكلمين عليها.........وماظنه بيكذب

علينا......
متعب بحزن: يعني اشلون؟؟؟؟
عمه: يعني الله يرزقك باللي احسن منها...
متعب بحزن عميق ماظني فيه احسن منها: مشكور عمي.......واعذرني اني

احرجتك...
عمه: يالغالي انت ماتحرجني.......انت تفرحني يوم تخليني اشاركك افراحك

واحزانك وسرارك........انا عندك متي مابغيت.......جنبك وساعدك........ومن

بغيت تخطب انا حاضر وموجود.......
متعب ابتسم غصب: الله لايحرمني منك يالغالي......وراحول يقابلوا

المعازيم.......

على الساعه 11 كان العشى واصل........
كان الحريم ماليات المطبخ وعهود معاهن يجهزن مي وكاسات وخضره ومقبلات

يعني عشان العشى....والخدامات يودن......يوم خلصن طلعن الحريم ظلت عهود

وعمتها موضي والخدامات ودخل عليهن ابوها يتكلم معاهن بنفس الوقت اللي

عمها ابو متعب لأانه هو الكبير يحيي بالرجال يدخلون المغلط اللي هو متصل

بباب المطبخ..................لمحت عهود ابو عماد........عرفته على طول

وماصدقت يوم شافته .........كان نحفان ولحيته متخللها الشيب بشكل واضح

والحزن مالي عيونه...........يوم شافته كأن حد صب عليها مي بارد.........

وبالغصب منعت عيونها عن الدموع وبشويش طلعت لغرفتها حتى محد يلاحظ

هروبها المفاجئ...........

وبلحظه مدخلت غرفتها قعدت تصيح ورمت حالها على السرير وضمت المخدات

لها عشان محد يسمع نحيبها...........وظلت تبكي لاكثر من ثلاث ساعات جت

خلالها امها تدق عليها لكنها سكتت وسوت حالها نايمه...........وبعدين فجأه

قعدت على السرير وهي تناظر للفراغ............
وقعدت تكلم حالها بصوت مسموع: يعني صدق.............يعني

صدق...........يعني زياد..........وتطالع فوق............ليه مهو انا ياربي

ليه............ورجعت تصيح مره ثانيه..........كأنها بشوفتها لوالده تأكدت انه

خلاص ودع وراح...........وظلت كمان ساعه وتذكرت اعتراضها على قدره الله

بكلامها وحست بالذنب وقامت غسلت حالها وتوضت ورجعت لبست الملفح وظلت

تقرى وهي تنحب وتصيح حتى اختلط القران بالدموع...........ويوم سجدت

ظلت اكثر من عشر دقايق بنفس السجده .........كانت تدعي له بالمغفره

والرحمه........وكانت تستغفر ربها عن ذنبها............وعن محاولتها قتل

نفسها..........ويوم رفعت رفعت يديها للسما وظلت تدعي وتستغفر اكثر

واكثر..........ظلت على هالحال لين اذن الفجر.........وكأنها بقرايه القران

هدت شوي..........ونامت على سجادتها...............

ماتدري اشكثر نامت لين ماقامت..........كانن عيونها وارمات

وحارات..........يوم طالعت للمرايه كان اثر الدمع واضح مره على

وجهها.........تجمعت على عينها غشاواه دمعه لكنها طردتها بسرعه وهي

تغسل وجهها انصعقت يوم شافت الساعه وحده.........راحت وضت وصلت

الجمعه.........ورجعت قرت سوره الكهف........وظلت تدعي له وبعدين حطت

مكياج خفيف يخفي اثار الدمع مع ان عيونها منتفخات.........ونزلت........

اول ماوصلت تحت لقت امها ترضع اخوها.......اغتصبت ابتسامه من ثمها وهي

تسلم.....
الام: وعليكم السلام والرحمه.....وبنظره استغراب....وراك طولتي النوم

اليوم؟؟؟
عهود: كنت تعبانه من العزيمه البارح وماحسيت بحالي....اشلونك اليوم وين

خالتي؟؟؟
الام بتنهيده: أيييه....روحوا ويسلموا عليك كثير كثير......الخدامه طلعت تناديك

لكن مارديتي عليها....
عهود: يمكن كنت مولعه المكيف وكذا ماسمعت.........متى روحوا؟؟؟؟؟؟؟
الام: الساعه 8 الصبح..........جوري مخليه لك كيس تقول هديه وعطتها

ياه........
عهود فتحته: لقيت بلوزه كانت مدحتها عهود مره تاركتها مع رساله انها احلى

عليك وعندنا بعسير كثير منها.......ابتسمت عهود لطيبه جوري....
الام: اقولك بنتي تجهزي العصر....
عهود باستغراب: وين؟؟؟؟؟؟
الام: تخبرين قبل التمايم ماقدر اطلع من البيت ولازم نروح نعزي اهل

زياد........لانا مارحنا.........
عهود هنا جتها الغصه وبذلت مجهود خرافي عشان ماتبين شي: أن....أنشالله

يما....عن اذنك باروح اصلي........مع انها صلت بس تحججت عشان

تطلع........

دخلت غرفتها وناظرت بالفراغ........ظلت شوي كنها تطرد الدمع عن عيونها

لكن اخيرا انتصر الدمع وقعدت تصيح......اول بهدوء وشوي شوي ليمن على

.......راحت للحمام وغسلت وجهها وحاولت تذكر اشياء مسليه لكن كل ماتفكر

بشي تذكر زياد.......كأن كل ذكرياتها صارت معاه خلص........ورجعت تهرب

للنوم مره ثانيه......

يوم نامت حلمت فيه......وكأنه يسلم عليها.......ومد يده لكنها بعدت

عنه..........وظهرت ملامح الحزن بوجهه .........وكان لابس

بياض..........بعدين سمعته يقول......انا مرتاح.........انتي اللي تعذبيني

بدموعك........ارجوك ودعيني الحين وودعي الدموع........وناظرت له وكأن

دموعها خلاص وقفن ولافي شي منها..........ومدت يدها له هالمره........

ابتسم وقال........منتي لي.........منتي لي...........بتكونين للي

يستاهلك............وماراح تحزني ابد.............

قامت متفاجئه من النوم وتضاربت عليها الافكار..........لكن ماكانت

حزينه..........كان شعورها انها مرتاحه كثير.......وماكان هناك اثر للدموع

والحزن.........نزلت واكلت لها لقمه........وتجهزت عشان تروح مع امها

العصر......

 
 

 

عرض البوم صور doode al 7aloo   رد مع اقتباس
قديم 14-01-09, 09:58 AM   المشاركة رقم: 35
المعلومات
الكاتب:
اللقب:
عضو راقي


البيانات
التسجيل: Jun 2007
العضوية: 31308
المشاركات: 14,486
الجنس أنثى
معدل التقييم: doode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميعdoode al 7aloo عضو مشهور للجميع
نقاط التقييم: 13215

االدولة
البلدSaudiArabia
 
مدونتي

 

الإتصالات
الحالة:
doode al 7aloo غير متواجد حالياً
وسائل الإتصال:

كاتب الموضوع : doode al 7aloo المنتدى : القصص المكتمله
افتراضي

 


في بيت ابو عماد

الساعه 5 العصر......


دق الباب ودخلت ام رعد وكانت الجوهره منتظرتها وهايدي:
ام رعد: السلام عليكم.......وناظرت للجوهره وهي تسلم عليها........عظم الله

اجركم بنتي......شدي حيلك واعذرينا على تأخرنا....
الجوهره: احسن الله عزاكم خالتي..وعارفه ومقدره ظروفكم....
عهود كانت واقفه مثل المذهول.......ماحست لابضيقه ولابزعل ةهي داخله

....قلبها عصرها من الحزن صح لكن الدموع ماجاسن عينها ابد........
تناظر للجوهره: عظم الله اجركم....ام شروق...
الجوهر: احسن الله عزاكم......

جلسن حوالي ساعه وجت هايدي وعزنها بعدين طلعن........

واليوم روحوا اهل ابو سعود.....وفضى البيت صدق بعد ماكان مليان

عليهم........

وحوالي الساعه 12 بالليل دخل عماد.......وزي العاده راح للمقلط...دخل ونزل

غترته على الشماعه وضو المقلط........وهنا تفاجأ.......كانت الجوهره قاعده

ومعها كراسي البيبي التوم حاطتهم عندها ونايمين بكل سلام ........منظرهم

كان جنااااااااااان.......

عماد: انتي ......هنا؟؟؟؟
الجوهره: وعليكم السلام اول......مساء الخير يالغالي........يابو عيالي......
عماد كأنه انطعن: السلام عليكم......
الجوهره: وعليكم الف سلام ورحمه ياحبيبي.......
عماد اتفاجأ كلامها وهدوها ورقتها غير..........
عماد: .....أنتي.......أنتي ليش مانتي صاعده فوق؟؟؟؟؟
الجوهره: واترك حبي تحت .......مستحيل.......
عماد: عادي....انا اقدر ادبر نفسي.....
الجوهره وتحولت للحزن: بس انا ماقدر.....وربي ماقدر اعيش وانت بعيد

عني........وغطت وجهها بيديها وقعدت تصيح......
عماد ارتبك على الاخر يوم شاف دموعها........جثى على ركبيته....:

الجوهره....بس الله يخليك....دموعك تذبحني.....ارجوك بطلي.......يوم شاف

مافي فايده.....ضمها لصدره وليته ماسوى........زاد بكاها عن اول......كأنها

فعلا قبل بدوامه والحين حست بالامان........مايدرون شكثر قعدوا.........لين

هدى صوتها وبدت تهدى........وقعدت وحده من التوم تصيح.......ابعدت

الجوهره عنه........وراح لها وطلعها من الكرسي وشاف دموعه.........من

زمان ماشافهن........كانت كبرت وعيونها احلوت......وصارت اموره

حيل.......هنا طفت على عينه دمعه.......
عماد: تدرين......
الجوهره طالعته وعيونها حمر من اثار البكي: خير؟؟
عماد: هذي نفس عيونك....هي شروق؟؟؟؟؟؟
الجوهره بابتسامه: لا غروب.......شروق عيونها بنيات وعليها شامه بطرف

رقبتها.......
عماد ابتسم: تصدقين ماعرفتهن من بعض.....
الجوهره: ومالوم......لك كم ماطالعتهن......او حتى جيتهن؟؟؟
عماد ناظر للارض: تدرين اني للحين مصدوم ومو مصدق ان عضيدي راح

وودعنا........وبدى يتهدل صوته.......
الجوهره: وانا هنا ليش.......عشان اسمعك وانت تفضفض ....حبيبي لازم تفرغ

الشحنه اللي بداخلك ولا صدقني بتدمرك وتخليك انسان ثاني......
عماد ناظر للفراغ: يوم دخلت ولقيته مرمي ماصدقت الصراخ اللي حولنا

ابدا.......يوم قرر الطبيب وفاته....كنت مثل الميت.......كيف كان وداعه لنا

مهيب.......كيف كان ينصحني قبل وبرمضان يخانقني ليش اني اشرب ارقيله

احيانا........كان متغير صح لكن كان حنون والحزن مافارق عيونه ابد......

ورجع صوته يتهدل........والحين انا الحين وحيد........ماعندي اخوان ولا

يصير لي اولاد اخو.......

هنا قامت له الجوهره ولمته وهي تصيح.......:ايوة لا تسكت...تكلم الكلام

يريح....السكوت هو اللي يجيب الامراض والاحزان......اخوك كان نعمه

عظيمه......بس عندك اختك اللي هي كل دنيتك الحين واللي هي محتاجتك اكثر

من قبل.......تعرف زياد ايش كان لها.....
ناظر لها عماد.:حنا مكانا غلط......
ناظرت وهي مو مستوعبه:أيش؟؟؟
عماد ماكان عندها يوم ناظرت شافته قام وخذ وحده من التوم: ماتبغين تجين

بكيفك.........انا اشتقت لغرفتي......وهالكتكوته بتنام بحضني .......
الجوهره بدون تفكير: ماشرهت والله......وبعدين استحت مره من كلمتها...

وناظرت للارض.....
عماد ابتسم: والله........وليش يعني......
الجوهره سكتت واستحت ماتدري ايش تقول.....
عماد مسك يدها: يالله خلينا نودي بناتنا غرفتهم......ونروح نريح احس ظهري

مكسر.....
الجوهره وهي مستحيه: ان شاء الله صار.......
وطلعوا لغرفتهم ورجع لهم عماد اللي يحبهم ويخاف عليهم........


ومرت ايام الدراسه سريعه........

عماد وعائلته بدو يتقبلوا الوضع ويرضوا بما كتبه الله لهم......ابو عماد انطوى

على نفسه لكنه يشاركهم كل شي.....وهايدي اللي بدت تختلط بالحياه واكثر

اهتمامها منصب على هوايتها اللي بدت تنميها......وعماد اللي رجع زي اول

وفرح اهله فيه والجوهره اللي كانت شايله البيت كله على راسها وتركت

الدراسه عشانهم
ابو رعد وام رعد بعالم ثاني من فرحتهم بابنهم الصغير وعهود كانت تجاريهم

رغم جرحها الاليم واللي تعرف انه بيجي يوم والكل يعرفه......
عائله ابو عاشق: ابو عاشق عارف ان ولده غلطان وانه بيجي يوم يندم لكن زي

ماقال نربيهم وهم صغار ويعذبونا وحنا كبار وقال الحياه هي اللي راح

تعلمه.......والشوق سعيده بعملها ومنغمسه فيه لاخر حد حتى نست عبدالله

وماجد وغيرهم.......
ابو سعود وعائلته.......سعود لسى الزواج مو في باله مع انه عرف مين اللي

خلاص بيخطبها لكن ينتهي من زواج اخته الاول........وماجد اللي دبر حق

الارض واشتراها وابوة مو مصدق ان ولده قدر عليها.......وسعاد اللي من قالوا

لها موعد العرس وهي منقلبه فوق تحت وتختلط عليها المشاعر

والظروف......حتى جهازها بدون نفس.....وفيصل اللي بدى يتقرب من بيت

خاله اكثر وزيارته لهم تكثر بسبب وبدونه.....
وهشااااااااام اللي حاله غير............وراح تعرفون بعدين ان شاء الله


طبعا العرس اجلوة لين شهر 7 هـ........يعني بعد وفاه زياد ب 7

شهور......وابو سعود هو اللي الح عليهم ولا هم بيأجلوة لين السنه

الجاي.......بس ابوها رفض ان ينته تصير مملكه سنه ونص....واكثر واحد

فرحان هو هشام.....

ولان ماعندهم ام وابوة ماعنده اخوان فكانوا عيال عم ابوة وخالاته هن اللي

مسئولات عن العرس بشكل كامل.......من تجهيزات وكروت وكل شي..........


قبل العرس باسبوع تمام.......يوم الخميس


في بيت ابو عاشق........
الساعه 8 المغرب

كانت الشوق مسويه كيكه لان الجوهره بتزورهم وكانت كيكه الفراوله اللي يحبها

زماااااااان وهو صغير ماجد.......وكانت دايما تذكره لمى تعملها برغم انها

تحاول تبعده عن تفكيرها لكن بدون فايده......
وقبل ماتجي اختهم .....دخل عليهم عاشق وهو حاله مبهدل بالمره حتى امه

شهقت لمن شافته


امه: بسم الله علامك ياوليدي ايش صار لك؟؟؟؟؟؟
الشوق: اشفيها ملابسه مقطعه كنك متخانق مع احد؟؟؟
ناظر للشوق بعين: انا ابي ابدل.......جهزي قهوة وتحلايه للرجال اللي معي

بسرعه........قال اخر كلمه بصرخه خلاها تتطير من مكانها....
الام: وراك ياوليدي شاب ضو........سم بالله واستهدي وقولي علامك.؟؟؟
عاشق: الله يخليك الغاليه بابدل واقعد عند الضيف وبعدين اخبرك.........
الشوق راحت وهي تكلم نفسها: هذا وراه يزعل برا ويتفشش عندنا .......انا

ماسويت له شي.....المفروض مايعصب علي اخته الكبيره انا......وجهزت

صينيه حطت فيها القهوة والشاي.......وصينيه الكيك والصحون وبسكوت

وخلافه.......

وطلعت مع باب المطبخ للصاله......جهزتهن(بصوت عالي عشان يسمع.....)
عاشق من فوق ولسى بالملابس الداخليه: حطينهن بالمقلط .......بصراخ بعد...
الشوق تحرطم: بعد.....احطهن لحضرته بالمقلط......ورى مايجي ياخذهن من

هنا......
مسكت صينيه الكاسات والخدامه الشاي والقهوه........وفتح الباب بحذر لان

يدهن مشغولات........ودخلن على طول وحطنهن على البترينه....وكانت تكلم

على الخدامه يوم سمعت حد يتنحنح وراها.......جمدت بمكانها حتى شيله ماهي

شايله على راسها......وبسرعه خطفت شارده برى.......ولحقتها

الخدامه.......
الشوق وهي ترجف: وي من هذا اللي دخله اخوي مقلطنا؟؟؟؟؟؟وتذكرت كيف

يقول لي ادخلهن المقلط وفيه رجال....عصبت حيل.... ..وطارت لاخوها لقته

على الدرج


الشوق بصريخ: انت كيف يامحترم ياخوي تخلينا ندخل المقلط وفيه رجال؟؟؟؟؟؟؟
عاشق انصدم: معقوله .......انا قلت له تفضل .ماتوقعته يخش المقلط.......

وناظر لها بعين.......عسى ماشافك؟؟؟؟؟
الشوق: وش دراني انا لا واحظرتك بالصوت المليان(دخليهن المقلط)مو عيب

هالسواه؟؟؟؟؟؟؟
عاشق يناظر لامه: يما تكلمي عليها مادريت عنه انه بيدخل؟؟
الام: هو منهو ياوليدي اللي قاط الميانه معاك لهذي الدرجه؟؟؟
عاشق: ماجد ولد ابو سعود............!!!!!!!!!!


هنا كن حد صب عليها مي بارد.......ماجد من بد خلق الله يشوفني.....ورجعت

تناظر لشكلها كيف كان........كانت لابسه دشداشه مطرزه وعليها تول ومشغوله

ونص كم......واستحت من حالها وحمدت ربها ان ششعرها مو مفلول

ومسرح......
الام: عادي ياوليدي البيت بيته.......ماعد حاله غريب......
مالحظوا ان بنتهم تغير لون وجهها وصار اشكال الوان.......طلعت من عندهم

بدون كلام......وراحت لغرفتها على طول.....

اول مادخلت قعدت تناظر للفراغ.......حست ان قلبها تحرك عقب شهور من

الهدوووء.......ياربي انا ليش كل مايطروة يتغيرشكلي؟؟؟؟اصلا انا وش لي

فيه؟؟؟؟حدي كبر امه حتى عيب تفكيري هذا........ياربي والله مو بيدي......

ووقفت قدام المرايه تناظر لحالها......مافيها عيب وشكلها اصغر من سنها بكثير

بكثير........طيب ليش هاليأس يابنت.....يمكن هو خلاص كرهك تذكرين يوم

دخل بالغلط عليك بغرفه اخته قال ياخذ احتياطاته وش قصده؟؟؟معقوله

كرهني........انا احس فيه ليه ولا افكر فيه ليه.......ورمت حالها على السرير

بتنام بس وين النوم ووينها..........

اما ماجد فأول مالقى عاشق يتخانق مع شله جره من بينهم وجابه للبيت حتى

يهدأ ويعرف سالفه الهوشه.......واول مادخل عاشق قاله حياك فوت.......وهو

متعود يدخل بيتهم للمقلط يعني المجلس للضيوف الرسميين ومهي اول مره يدخل

داخل.......يوم سمع فتحت الباب حسبه عاشق ويوم شاف البنتين على طول

عرف الشوق......لكن هالمره كان عنده حميه وماناظر لها ونزل عيونه تحت

........لكن يوم شافهن يسولفن تنحنح عشام ينتبهن.........وماناظر لين هدأ

الجوء الخارجي........لكن كل القرقعه بالجو الداخلي........قلبه غدا طبول

ويديه ترجف وحالته حاله.......قال لنفسه: هييه انت وش صار لك........كنك

اول مره تشوفها......ماكنك من وانت صغير تشوفها.......بس والله من شهور

مالمحتها,........ياقلبي عليها.....هييه انت وش تهذرب عيب......لاعيب

ولاشي....اذا بتخانق خانق قلبك اللي اختار وارتاح وخلاك للعذاب.........بس

هي زعلت عليك من ذيك اليوم.......وشكلها خلاص نسيتك من انخطبت

للدكتور......وحس بغصه.....يعني الدكتور الحين تحبه....مستحيل عيونها

مايقولن هالكلام ابد.......بس كيف بتاخذه يعني؟؟؟؟؟؟؟

كان يكلم نفسه ويحاورها ماحس باللي دخل وسلم وجلس.......
عاشق وهو يهزة: هييييييييه......ماجد؟؟؟
ماجد ناظره: هه......ايش؟؟؟؟
عاشق ابتسم: العذر والسموحه على الموقف....مادريت انك هنا.......
ماجد صخ معقوله قالت له: لا حصل خير.......
عاشق يناظر: اشوفك ماسميت......ترى هذي الكيكه المفضله عندنا.........
وناظر ماجد...ماانتبه ان الخدامه جابت الكيكه عنده........لكن من شافها تذكر

ايامه زمان وهو صغير وماخذ راحته......وتمنى اليوم اللي يشوفها بصحن

داره.......

اكل لين ماترك شي.......
عاشق: صحه ان شاء الله ....تبي اجيب لك صحن.....
ماجد ابتسم: والله مابي اكلف لكن هالكيكه من صغري وانا هيمان فيها......
عاشق ضحك وبين وجهه الحلو.......ماطلبت شي.....وراح جاب الصينيه

بكبرها مادرى ان الجوهره بتجي وموصيه عليها....
ماكذبوا خبر اكلوا حق اسبوع كامل.........

وبعدين ناقش ماجد عاشق:اقول عاشق مين ذا الشله اللي صادفتك عندهم؟؟؟؟
عاشق: هذول جماعه يبغوني اسافر معاهم يوم رفضت تلفظوا علي وماسكت

لهم........
ماجد : وبعدين معاك يالغالي......لين متى بتظل على هالحال اللي راح ماراح

يرجع......
عاشق فهم قصده..:والله اني احاول واجاهد.....واللي كاتبه ربك بيصير.......
ماجد: ياخوي.....احنا بنروح رحله شباب ان شاء الله للشرقيه الاسبوع

الجاي.........ان شاء الله بتروح معنا.....
عاشق: من معك؟؟؟
ماجد: انا وسعود وعماد ومجموعه من اصحابنا........
عاشق فكر: ان شاء الله يصير خير بالعرس اخبرك.......وسكت كأنه حزن.......
ماجد وهو يقوم: يالله عاد......اخليك......واشكر لى الوالده على هالكيكه الطيبه

عزا الله اني ماتعشيت هههههههه
عاشق: ان شاء الله يبلغ للي سوت الكيكه......
ماجد سكت وابتسم هو عارف انها عملتها بس حب يتأكد.......وراحوا مع بعض

يوم وصل للباب
ماجد: اقولك عاشق......
عاشق: تفضل....
ماجد: انا احبك موووووووت.......
عاشق وقف مذهول وهو يشوف ماجد يركب ويروح؟؟؟؟؟؟؟؟؟؟

يوم دخل عليهم كان يبتسم ببلاهه.......بس اختفت الابتسامه يوم شاف الشوق

واقفه ومخصره له وتضرب برجلها الارض بعصبيه....

عاشق: بسم الله اشفيك كنك بتحاربين؟؟؟؟؟؟؟
الشوق: اقدر اعرف من اللي اخذ الكيكه حقتي؟؟
عاشق: اوووو سوري لكنها طعمه مره......ماقدرنا نقاومها.....
الشوق: والجوهره الحين كيف انا مسويتها لها.....
عاشق: نجيب لك وحده جاهزة...
الشوق ماترضى تبغى كيكتي.......كيف تاخذوها كذا صحيح همج......
عاشق: والله مو بس انا الهمجي حتى خويي همجي لانه اكل مثل الشرهين

......
الشوق ارتبكت وفرحت انها عجبته: طيب خلاص بسر عه جيب كيكه والله يعيني

على اختك.....
عاشق وهو طالع....تشوف هالخبل وش قال؟؟؟؟
الشوق وش قال؟؟؟
عاشق: قااااال يحبني موووت اخافه شاذ وانا مادري.......
الشوق وقفت واستحت مره عرفت انها هي المقصوده لكن بداخلها شي انكر

هالسالفه كيف وهو يبغى ياخذ احتياطاته؟؟؟

ورجعت للمطبخ تخلص اشغالها لين تجي اختها

 
 

 

عرض البوم صور doode al 7aloo   رد مع اقتباس
إضافة رد

مواقع النشر (المفضلة)

الكلمات الدلالية (Tags)
(للكاتبه, ملكة, مسموح, الروح, السعوديه, روايه, روايه سعوديه واقعيه, سعوديه, ــاندي)/كاملة, واقعيه, قصة مسموح, قصة مسموح يا من ملكت الروح
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:45 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية