...@@البارت الثامن والاربعين @@...









أنا وياه ماندري هوينا بعضناا وشلون

................ من شفته وأنا أحبه فجاة صار يهواني

إذا ناظرني بعيونة أنسى كل ما في الكون

............. وإذا جاني وقابلني أشوف العالم الثاني





^______^





عدنــــــــا بعد مده طويله مرت الأيام سريعه والشهور أسرع طلال خطب دلال رسمي وتم كل شي

تقريباً إلا الملكه لأنهم اللحين يسوون التحالييل اللي قبل الزواج ودلال ساحبه على الجامعه وأهلها لأنها منشغله بالتجهيز لزواجها اللي بيكون في العطله وشرطها يكون بندر فيه ولاهيييه مع ريما وأمها بالدوره في الأسواق والحوسه ..

وشاور طلال العنود عشان موضوع سعود (الخطبه)وشرط سعود أنها تكون راضيه من طيب خاطر موب ضغط أو عشان

أحد هو يتمنى لها زي ما يتمني لخواته وأكثـــر وطلال حاول يكلمها باريحيه موب عم رسمي يشاورها بزواج وعطاها كلمه

كانت لاهيه عنها ((استخيري ربـــك مافيه أحسن من هالشي وربي هو اللي بيسهل عليك اذا كان في هالشي خييير لك

وبيبعده اذا كان شر لك وصدقيني أنسي أنه ولد أختــي إذا ماتبينه أنا مالي خـــوي ترى >>هههههه تعلمني فيك <<))

أثرت فيها هالكلمتين كثييير واستخارت وتحس أنها مرتاااااحه بس للحين هالشعور بأنها معروضه عليه مأثر عليها ..

بس بالأخير خلاص ارضت كل الاطراف رضت في سعود بس رفضت الزواج هالفتره كان عذرها أنها تبي تستقر وتركد في الجامعه شــوي ..((يعني عطوها فرصـــه شــوي )) سعود مازعل بالعكــس احترم رده فعلها إذا هو يبيها

ينتظرها >>وإالا البنـي وااجد هو بس يأشر >>قلبت ^^..



في هالزحمه والمعمعه بندر غاطس في هالدوره ومتى لمتى يفرجون عنه يومين جا للرياض مرتين يمكن وكلها سرقات يوم بالطرق جاي ويوم بالطريق راجع الله يعينه ويخلصها على خيييير ..



فيصل معصب هالأيام على ريما معطيته أكبـــر طاااااف وساحبه عليه ماتدري من ترضي دلال وخالتها وإلا هو وإلا أمتحاناتها و‘لا من ((بس بعد موب عذر يالخبله هذا رجلك >>نصيحه منـــي ))



رنــا لاهيه مع رجلها وعزيز اللي بسم الله عليه طلع يدنن اللحين في حدود الخمسه الشهور ودك تأكله إذا شفته ملــــح

ودبدوب آآآآه بس ياااناس ودي أعضه >كنها شايفته <ايه والله شايفته بس في الحلم اترك المايك لأبطالــي الحلوين ..



رنــــا:هلا والله بكــم أنا هالايام يالله أحك رأسي قاعده أراقب المراحل اللي يمر فيها عزيز ومنهبله عليه ههههههه لاتضحكون علي ..!ياجعل اميمتي في الجنه بس ولاهيه في عرس صديق الطفوله والصبا والخبال خالي العزيز (طلال)

ابي أطلــــع شيك عشان اوريهم أن الحمل والولاده ما اثروا على جمسي أبد هههههه ادري اني فاضيه بس حريييم تدرون عاد ..أعطي المايك للدبــا اللي جنبي

>طبعــاً أنا صافتهم جنب بعض عشان ماتلخبطون ^_^ هههههه<





مهـــا:دبـــا في عينك مرحله وتعدي يالخاييسه احم السموحه منكم أنا بخييير وعافيه لي مده راجعه من المالديف هههههه

تذكرونها الله لايعيده من عسل هههه طيب لاتدف >تكلم تركي < الله يعيده إن شاء الله وابشركم حااامل >فيس مستحي < وعشان كذا ماسكينها على دبا ودبا بس ياحبي لي وكرشتي كاني طالعه أهبل وعااااايشه في هالدنيـا

ننتقل لمرة خيوو أم ناصر هههههه لازم أخرب ..





نجلاء:أهلييين وسهلييين أدري تقولون من طول الغيبات جاب الغنايم بس وش نسوي بكاتبتنا الحلوه >أحــم أحم ترى استحي ^^ <

أنا ابشركم بخير وعافيه وبعلي بعد لأنه مسافر اللحين بشغل بيوقع عقد للموقع اللي سويناه من قبل ابشركم الفكره نجحت بشكل ماتوقعته أنا نفسي >وهالشي أثر حتى على نفسيه حمد وثقته بنفسه < واللحين بننقل هالخطوه للخليج ادعوا لنــا ..

وجبت بيبي يدنن سميناه على خالي (ناصر )ويقولون أنه يشبه لأبوه ملح وقبله وحتى خالتي أم مها تحسنت معي مررره

يمكن عشان ناصر ملى عليها البيت أو شافتني أني ما ابي شي من اللي عندهم أنا ما ابي الامصلحه رجــلي وولدي

فقط لاغير طولت عليكم اترككم مع عروستنا ^^ ..







دلال:هلاااااااااااااااااااا والله ومليوووووووووووون غلاااااااااااااااااااااااااا ههههههه اشتقت لكم أصلاً أنا أشوف أحد من سوق لسوق ومن مكان لمكان حفت رجولي بس يستاهل طلول ههه أنابخير وعافيه ما نسأل إلا عنكم وأخباركم >ههههههه من النصب والله ماجابت خبركم ولا سألتني ولا مررره طيب لاتدفين !<

أموري ماشيه على مايرام أكيد قالوا لكم أني قدمت اعتذار وسحبت على الجامعه يالله فتره راااحه ادعوا لي تحاليلي بكـــره إن شاء الله تطابق لاتنسون تحضرون عرســـي ترى البطاقات مع سما ههههه وهقتها >لا يبشرون في بيت نجــوده الإجتماع ههههه يالله وهقت وحده ثانيه<هههههه والله أنك رجه يالله اترككم

للــريم ..





ريمـــا :أهللللللين بالحلللللوين أنا بخير دامكم بخير بس ضايق صدري هالأيام أموري مع فيصل ميب على مايرام ما ادري والله شفيني صااااايره مدري وش أقول المهم أني فرحاااانه لخالوو والخبله بنت عموو

الله يوفقهم ياربــي ومنشغله قد شعر رأسي ومشكووور يالغلا على النصيحه بحاااول اتبعها اترككم مع توأمي ..





ديمــا:يامرحبااااااااا بالمقبلين واللي حضر والغاااااايبين هههههه متأثره بالعروس اللي عندنا هالأيام كيفكم أنا حالي من حالكم

على حطت يدينكم لاشـــي جديد فقدت المنتدى بس أنا على وعد مع أنسان ولا يمكن أخونه قاعده أحاااول الهي نفسي

بالامتحانات والفستان اللي بلبسه في عرس طلاااال الله لا يشق بي خالي وبنت عمي لازم شي يواجه ومره وحده نبحث عن الرزق الحلال هههههههه أدري تقولون ما مليتي إلا والله صرت أدعي على عريس الغفله الله يأخذه قبل ما يجي

>بسم الله عليه <وبــس قاعده اقنع الدبا تعرس بدري ابي أصير اخت المعرس ههههههه >حاااله < يالله الدبا معكم ..





العنود:هلا والله بكم جميع ووالله نحفت بس مدري وش فيهم!بس ما أقول الا رضــا النااااااس غاااااايه لاتدرك أهم شي

جسمي عاجبني والباقي في الطقاق ..أنا هالايام عايشه صراع نفسي كبييير من وافقت وعلقت الرجااال فيني وانا خايفه

ما ادري احس اني بخيب ظن الكل >الله لا يقوله <ادعــوا لي والله تعبت وديما شغاااله علي ضغط أربع وعشرين سااااعه ما ابي كــذا ابي أركد شوي وارسى على بــر

>كلمتي عاد لاخلا ولاعدم من هالبر اللي مالقيته ولانيب لاقيته !!!<

وبــس هذي أخبااري وأجهز لعرس طلال اللي صااااير حدث الموسم وصاج الكل به ارقصوا في عرسي ارقصوا في عرسي وش رايك يعني بنجي نناظــــــــــر بس الله يهديه..الدور للي بعدي عمتوو ..







لطيفه :ياهلاا والله أدري مغبره بس منشغله في فستان هالنتفه اللي عندي >ساره لأنها بتنزف من دلال بالزواج ومفصلين لها فستان زواج زي دلول <ومنشغله في عرس أخــوي الأخير والغالي الله يوفقه يازين الاولاد ثوب وغتره وامشوا ومخليتهم على أبــوهم بعد أنا يالله نفسي وساره وتطاقينا على هالسالفه طبعاً لاخلا ولاعدم من الطقاق في كل بيت وبس فاقدتكم ^^..





أم فيصل وأم سعود كانت كلمتهم وحده ومعبره :الله يسهل على الجميع ويوفقهم ويكتب الخييير لهم وين ما كانوا ..







منيره :>يابعد قلبي يامنيره <مستانسه مررره اترككم معها



:ياهلا والله أسفرت وأنورت وأسفهلت وأمطرت وش علومكم ووش الدنيا بكم أنا بخيييير وعافيه وفرحانه بلمة عيييالي حولي وعرس القعده (طلال)الله يوفقه ياربي والحمد الله أخذ اللي ببالي واللي أبيها له من شفتها اللي يسهل على الجميع وضيقت صدري عنيده يوم ما وافقت على العرس اللحين تبي تركد وش تركدين وأنا أمتس اركدي ببيت رجلتس >>يمه منيره مافي أمل أنا قلت بتقعد سنه يعني بتقعد سنه <ردت علي وهي معصبه:

وأنتي فرحاااانه تلعبين بنا يومن أنك تكتبين اللحين اهااا بس جيبوا ورقه وقلم وأكتب أنا تراني دارسه لين رابع في محو الاميه !...

طبعاً انقطع الإرسال لعطل فني! >إلا عشان ماتطلع الفضايح هههههههخ <





خلصنا الحريم نروح لقسم الرجال >جااااااااااني صوووت من بعيييد يااااويلي منها نسيتها <





ريهام :وانا ما مليت عينك ؟؟! >لا والله ماليتها بس تعرفين الواحد مع الصجه ينسى نفسه !<

ايه اشوى انا رهومه بخلص ثااااااااااااااانوي وبفتك ادعو لي ابي نسبه حلوه ابي أدخل طب والا صيدله والا ....................

>حلوو الطموح الله يوفقك ياربي مع السلامه ههههههه <سحبت !









ننتقل للمجتمع الرجــــالي على قولة ديما ..

طبعاً أنا ما أتغطى عن أحد كلهم عياالي والكبار أخواني من الرضااعه ههههههه >>حلتها !





الكبار اعتذروا يقولون خبلان نحكي لك >الله يالدنيا هذا وأنتوا خواني !<فبنبدى بالعيااااااال على طول ..







فيصل:هلا وغلا أنا بخييير بس متضايق من الريم ما أدري وش فيها علي هالأيام وعندي ضغــط كبييير في الشغل ومشاكل

وهي مو مقدره هالشي أصلاً ما تدري عن هوى داري السموحه هههههه قعدت افضفض بس من حر مابي >سلامتك أزمــه وتعدي < وطلال من جهه الله يهديه مقلق أمي يبي كل شي بسرعـــه وجاهز كن ما أعرس إلا هو الله يعيني بس اترككم معه لأنه بيكفخني اللحين ..



طلال:ياهلا والله اسفرت وانورت واسفهلت وامطرت والمديره فحطت على قولة أمي هههههههه



أنــــا



_______ خارج الخــــدمــه مؤقتــاً _______



مشغول بعرسي ودلالي ماعندي شي ثااااانـي ادعوا لي بس بكره التحاليل

>القلوب عند بعضها ملاحظين <

وطقاااق مع سموي الخايسه أبيها تسوي لي عرس كبييير وتقول لا سكاااتي على كيفك والله لأسحب منك الجواز وأخليك

بدون محرم >>أنا:خلصـــت ؟؟؟!>>رد بأدب :آســف أخليكم مع ولد أختي العاشق المنتظر ..





سعــود:العاشق المنتظر في عينك ياعريس الغفله .!سوري كيفكم أنا بخييير والله وفرحان من ردة فعل العنود

لاتضحكون على بس حتى انا بعد ما بعد تهيأت لهالشي اللحين يمكن لأنها رغبة أهلي بس خل هالفتره فتره مشاروه

لنفوسنا وراحه لنا والله يكتب اللي فيه الخير غير طلال اللي راجنـــي رج الله يرجه زووود >حرااام عليك بيعرس <

شاق بنا بذا العرس الله يصبرني قرادتي أنه خااالي وبس هذي علومــي ..

اللي بعــدي ..!



تركي :أهليييييين وسهلييييييين أنا ماعندي إلا مبسووووووووووط بحيااااتي ومستانس مع الدباااا واستنى ولي العهد

بفاااااااارغ الصبر>الله يتمم عليك ياربي <





هذولـــي هم غييير واحد بعيد ويهوجس في اللي يصيرعندنـا ياحبي له بندر طبعاً سويتها له مفاجأه وطبيت عليه ..





بندر:هلا والله يا هلا بريحه أهلي وناسي هلا بأهل الريااااض >الله يسلمك <هههههه موب أنتي أهلي !>مالت عليك <لاتشرهين علي والله طفشت اشتقت لأهلي وربعي وأصدقاي حامت كبدي من الغربه أدري تقولون في جده اي غربه

بس عندي ديره برى نجد غربه الله يخلص هالمده على خييير ومتحمس لعرس الخبله نزلت الرياض مره لخطبتها وكانت معييه تسوي اي شي إلا بي شفتوا أنــي مهم مايمديكم هذي علومي ادعوا لي ارجع لأهلي سااالم واحقق اللي ببالي >ياجعلك ترجع ساااالم غاااانم وتحقق اللي ببالك بعد <

@@البارت التاسع والأربعين @@...





استلموا ..





وتلومني فيك يوم أغليك

يأول همومــــي وتاليهــا

أبيع كل البشر وأشريـك

حاضـر سنيني وماضيها

ياغايـة صرت أفكـر فيك

يأغلى جروحي ومشقيها

تطول بي حروتي وأجيك

والرجل تسبق خطاويهـا





.....





:من تكلــم ؟؟!..

فيصل عطاها نظـره وكمل مكالمته بدون حتى ما يكلف نفسه يرد عليه وريما تغلي من جوى >يقهــر <

ريمـا قعدت وتستنى يخلص لأنها تبي تكلمـه !..

فيصل:قلت يا حبيبي جهازي برقم سري وأنا أغيــره كل مده يعني مستحيل تكون هالعمليه من خلاله أنا متأكد من نفسي زي

ما أكلمك اللحين ....أوكــي اشوفك اليوم ..وين؟؟!...فيه كذا واحد ..! اللي في طريق الملك عبد الله ..

أوكــي بينا اتصال اجل ..فمان الله ..والتفت عليها ..

فيصل:نعــم ؟؟!.

ريما:من كنت تكلم ؟!..

فيصل:موب شغلك ..

ريما:فيصل وش فيك ؟؟..

فيصل عصب :مافيني شي قلت لك..!>هو متضايق من هالمشكله اللي في الشغل وهي ماعندها شغل <

ريما تضايقت من طريقه رده :طيب لاتطلــع حرتك فيني أنا سألتك وبسلامتك ..

وقامت وخلته ..

دخلت غرفتها بعدين طلعت بعد دقيقتين :ترى أبي أروح لأهلـي أمــي عازمه ناس اليوم !..

فيصل:ماله داعــي..

ريما:وشوو ماله داعــي عانيه ومكلمتني تبيني أساعدها ..

فيصل:عندها خواتك يكفون ..

ريما:فيصل؟!.

فيصل:ريمــــــــــــــــــا ترى مالي خلق إزعاج ..

فورت وصقعت بالباب بقوووه وفيصــل مبتسم طلعي حرتك فيه مسيكين >>أنا ما أرحم إلا البيبان ليه نطلع حرتنا فيها

ما أدري >سؤال وجيـه <؟؟؟! ..





جت دليل بس ابشركم عقلت صارت تطق الباب >>بركات العرس !..

فيصل:أدخلـــي من متى هالأدب ..!

دلال:بسم الله الرحمن الرحيم شلوون عرفتني ؟؟؟..

فيصل:وفي أحد غيرك ..

دلال:يالله لللحين مالبست ؟؟!.

فيصل ناسي :وشو له ؟؟.

دلال:وشوو وشوله أنت اليوم مطابقه حقت التحاليل مادق عليك طلال ..

فيصل:يوووه إلا داق على بس راح عن بالي ..

دلال:الله يخلف على أمن جابتك ..

فيصل:الله يخلف على أمن جابتك أنتــي وش دخلك تروحين ؟؟..

دلال:بروح أطلع حقتـي ما تطلع إلا بأسمي تعرفي الأهلي وتطابقها الدكتوره ونرجع ..

فيصل:لاااازم أنتي يعني ؟؟..

دلال:هووو إيه لازم حتى الخبله مرتك خلها تجي ..

فيصل:مالك دخل في مرتـي ميب رايحه ..

دلال بتطلع :والله عاد مشكلتها أهم شي تتحرك انت استناك تحت وسكرت الباب وراها ..

فيصل:تموون هالأخت سواق أبوهــا وأنا مدري بنات آخر زمــن ..

دخل الغرفه وقالها تطلع ملابسه ودخل الحمام طلع وقعد يلبس ثوبه وشماغــه ..

ريما:بروح مع دلال !..

فيصل:قلت لك مافيــه طلعــه من البيت ؟؟!.

ريما:ليييه طيب وش سويت لك حامت كبدي من البيت !..

فيصل:أنتي قعدتي في البيت عشان تحوم كبدك أربع وعشرين ساعه هااايته مع دليل برى..

ريما:فيصل وشوو هاااايته ما أطلع إلا مع أمك وأختك ؟؟!

فيصل:ريــــم مالـــي خلق اتناقش قلت لك لا يعني لا ..

ريما:أسمي ريما موب ريم ..

فيصل مبتسم :نفس الشــيء..

ريما:لا تفــرق فيصل زي سلمااان ؟!..

فيصل:لا فيصل أحلــى ..تركها وطلع ..

ريما:أحلف بس قسم بالله يقــــــــــــــــــــــهر وش سويت لك طيب مومني إذا شفتك تحوم كبدي >الله يالدنيا يالريم <

فيصل سمع كلامها لأنه عند الباب يلبس جزمته >اكرمكم الله <ضحك في نفسه تحــوم كبدك اووووريك يالخايسه

>طيب يمكن حامل يالخبل >الخبل أنت لوها حامل كان باااان ..

طلع وأخذ مفتاحها >حق الجناح <اللي محطوط على المدخل ورمااااااااه في الأبجوره وهو يبتسم ..



>يعني قفل عليها الباااااب وضيـع مفتاحها مجرم ماكذبت دلال يوم سمتك هتلر <



ريما ماحست بالباب لأنها كانت مشغولـه في غرفتها قالت خلني الهى أحســـــن صارت تطلع ملابسها اللي ماتبيها

وتحطها برى تعطيها أحــد محتاج لها بدال ماهيب مضيقه عليها في الدولاب وقامت تحوس وتدوس ..

>ملابسك القديمه جديده عند الفقراء < على قولة عايض القرني وياكثر القديم والمكدس في دواليبنا !!















.......................











في بيت ثــاني ..



ديما:ما أدري ؟؟!

ام سعود :شلووون مدري هو يا أيه يا لا برد على الحرمه ؟؟!..

ديما متضايقه :اي واحد ذا بعــد ؟.

ام سعود :ياسر اللي درس مع سعود بــره دكتور ومحترم وسعود يمدح فيه ..

ديما:وش ذا الأســـم بايـــــخ "ياسر" االقناص وأنا مدري ..!

ام سعود:وأنتي بتعرسين عليه وإلا على أسمــه ..

ديما :مدري عنكم ..

ام سعود :ديمـــا لاتجننيني وش مدري عنكم مدري عنك أنتي أنا اللي بعرس وإلا أنتي ..

ديما:بعد أنا وش دريني عنه ما اعرفه ولا شــي ولاعمري شفته بحياتي ..

ام سعود:أبرك ..

ديما:محتااااااره وإلا أقول خلوه بعد عرس طلال تبي تشوفني تشوفني في العرس أنا ما ابي أحد يجي يشوفني أنا موب

سلعه معروضه للبيع ..!

ام سعود :الله يالدنيا وين اللي تبي العرس وصاجتنا عليه ؟!..

ديما :فتـره مراهقه وعقلت اللحين حيــاة وموووت والواحد ما يضمن عمــره ياللله حسن الخاتمه بس..

ام سعود:أقوول انطمــي أنتي وذا الامثال اللي زي وجهك الرجـــال مافيه عيــب وعن الخرطي فكــري زين وردي علي ..

ديما:ههههههههههه طيب لاتطقيني ههههه ..

ساره خذت المخده وخبطتها بها >طبعاً تمزح لأنها كانت تضحك <

ام سعود:هههههه الله يصبرني عليكم ذا البنات غثــا ..

ديما:من قالكم تجيبونا بس يجيبوون هالعيااال همن يقولون غثــا !..

ام سعود :نشوف لي جو عيالتس وش بتقولين ؟؟..

ديما:لا عياااالي غييير الله يخليهم لأمهم بس ..

ام سعود ضحكت وقامت بتطلع :الله يكتب اللي فيه الخيييير إن شاء الله ..

ديما تكلم نفسها :مدري وش فينـــي ما ارتحت لأسمــه (يـــاسر )ماااش ماعجبني ..

ريهام :منهـــو ؟؟!..

ديما:خلي عنك اللقافه كلام حريم ما يصلح للبزران ..

ريهام :بزران في عينك وش تبي بك أمــي؟؟!.

ديما:قلت لك سواليف حريييم ياااه ذا البنات ..

ريهام:مايمديني على الحرمه وش عندها ؟؟..

ديما:خليني أفكـــر بعدين اقولك وش عندي ..

ريهام :أنتــي يامااا تحت السواهي دواهــي ..

ديما تكلم نفسها ونست ريهام :والله مشكله ..!

ريهام:وشي المشكله ؟؟!..

ديما :أنتــــي لللحين فيـــذا ..

ريهام بعجز :ايــه لاتصارخين للحين فيذا ياربي مالله عطاني خوااات زي الناس ..وجت تطلع ..

وديما تصارخ :احمدي ربتس وحبي يدتس مقلوبه أن عندتس أخت مثلي مااااااالت عليتس ..

سعود يطل عليها :الحمد الله والشكر تتطاقين مع نفسك ؟؟..

ديما: لا الخبله اللي طلعت تو ..

سعود:منهو ماشفت أحد ..

ديما:سكنيه تعلمني فيها ما أدري شلوون تدخل وشلون تطلع ..

سعود:وجـــع وش ذا الحكي منهي ؟؟..

ديما:ههههههههههه خاف ريهاموه الخبله ..

سعود يطلع :والله مافي غيرك خبله ..



















......................















في المستشفى الاجواء متوتره طلال هبل بالدكتوره على التحاليل وماخلاها تقرى كلمه على بعضها في الاخييير حامت كبدها

وقالت هييين اوووريك > طبعاً موب هي أنا اللي أقوله على لسانها بس طفشني!..

دلال ماكانت معهم كانت في استراحه النساء والأخت بعد على أعصابها مافيه إلا طلال وفيصل عند الدكتوره..

الدكتوره :يا أبنــي استهدي بالله ! ..

طلال:كم كم ؟؟..

الدكتوره:ايــه كم كم احنا في مباراة والا ايه ؟؟..

طلال:اندري عنك ساااعه تقرين ..

الدكتوره :ايه اندري عنك دي كماان ..؟

طلال:والله المشكله فيصل أشرح لها ..

فيصل :أنت أسكت وهي بتشرح لك ..

الدكتوره :المدام أسمها ايــه ؟؟؟,,

طلال:توهــا آنسه ..

فيصل:ههههه اسمها دلال عبد الله الـ.........

الدكتوره تناظر طلال بعين :أنت اللي حتتجوز ؟؟!.

طلال:لا ولد أختــي بس ما أخذ أجااازه ..

فيصل :طلاااال منتب صاااحي وش فيك وش أجازته ؟؟!..

طلال:من قال أني صاحي أنا منيب بخييير بكفخها اللحين أن ما تكلمت ..

فيصل :هههههههه الحمد الله والشكــر أنا وأنا ما سويت كــذا..

طلال:أنــا غييير وأنت غيييير ..

الدكتوره:انت طلال ؟؟!

طلال :ايــه طلال ..

الدكتوره :للأسف التحاليل اللي عنـدي موش متطابقه أبداً احتمال للأمراااض الوراثيه كبييير جــداً وخاصه مرض تكسر الدم وهالمرض منتشر في السعوديه بشكل خطيييير وهالأمراض راح تأسر على أولادكم بعدين ..

إزا حتاخدوا بنصحتي بطلوها جوازه ؟؟؟!..

طلال انصدم وقعد يطالع فيها وفيصل موب أحسن منه فيصل ضاااق صدره على دلال اللي متعلقه في هالعرس بقووه

وعلى طلال اللي يحس أنــها كانت صدمــه عمــره ..

طلال وقف وهو معصب :على كيفك بطلوهـــا جوازه ؟؟؟!..

فيصل :طـلال تعوذ من الشيطان ..



دلال متدري ليييه في هاللحظه وجعها قلبــها وخافت من اللي خاااايفه منـــه صــدق كانت كلمتها الله يستر الله يستر ..

















....................















ريما وصلت الأنبير عندها h يعني أرتفع ضغطها من جــد لما جت تفتح الباااااب لقته مقفل ويييين راااااح يعني والله أنه

باااايخ وسخيف وماله داااعي ولاخلت كلمه ما قلتها أن كانه مأخذه شكت أنه ما أخذ مفتاحها فقامت تدور وتدور عليه تخاف

تكلم خالتها وتتفشل يصير مقفله من جد ما خلت شي ولا مكان ولا درج مافتشت فيه وفص ملح وذااااب حتى شنط الجامعه

وشنط الطلعه في ملابسها في كل شي >ماتدري إن الحبيب موزيه عنـــها <اخر شي جا على بالها الطاوله اللي في الصاااله راحت لها وكانت جنبها كنبه كبييييره مررره وثقيله قالت يمكن طاحت وراها وهي ويااااها عشان تدفها وتحاول تحاااول

ألين دفتها بقوووه حست بألم قــــوي في ظهرها وبطنها طعنااااات ما تدري من ايييش ماقدرت توقف من الألم قعدت على الكنبه على طووول وهي تتلوى من الألم ..

:بسم الله الرحمن الرحيم آآآآآآآه وش ذا ظهـــري كان ألم يتردد عليها هالايام بس بشكل خفيف موب بهالشكل اذا اجهدت نفسها او مشت كثيير بالاسواق مع دلال بس مو كذا كان الألم أكبــر منها انسدحت يمكن يخف عليها ولكن لاحيــاة

لمن تنادي ..

فكــرت تدق على خالتها بس مقفل الباب يعني مافيه فايده حاولت وقامت تدور جوالها لقته في غرفتها رمت نفسها على السرير وهي خلاااص دموووعها تمشي ماعد تقدر تستحمل هالالام دقت على فيصل مره ومرتين وثلاث واربع لايوجد رد



:هئ رد الله يخليك موب وقت زعل رد وتحاول ..........>>نفس النتيجه لا يوجد رد ..















....................















في المستشفى سحابه صيف سوداء ومغبــــره بعد مخيمه على المكــــان ..



طلال قعد على الكرســي وهو يناظر الأرض ويفكـر :وشلوون؟؟!..

فيصل:شــي مقدر ومكتوب !..

طلال:بس أحنــا ما نقرب لبعض ؟؟!..

فيصل:موب شرط هي على الجينات الوراثيه أنا وريما عيااال عم ومتطابقه ..

طلال يأس :بس أنا أبيهــا !!!..

فيصل:اللي خلقها خلق غييييرها وأنا أخوك ولاتسوي كــذا أجـل هي وش بتسوي ؟؟..

طلال:وين ألقــى زيـها ويـــن قلــي ويـــن ؟؟!..



طلعت نيرس من غرفة الدكتوره :طــلال الــ....

طلال:رح لها إن دخلت عليها والله لكوفنها تحت مكتبها !..

فيصل:ههههههههه طيب ..راح للنيرس يــس يو اوووه مــاي العن أم الانقليزي اللي أعرفه أنـــا طلال ..

النيرس :عربي ايدي مافي مسكله !..

فيصل:فااارقي بس بعد تعرف عربي وانجليزي ..

دخـل فيصل :طلبتي طلال دكتـــوره ؟؟؟.

الدكتوره :هو اسمـه طلال الـ... وإلا طلال الـ...

فيصل استغرب من الأسم الثاني ..

فيصل :لا طلال الـ.... لييه ؟؟..

الدكتوره تضحك :أصل فيه لخبطه في الأسماء هو فين ؟؟؟ ..

فيصل :كيف يعني لخبطه ؟!..

الدكتوره:عندي طلالين وطلال اللي أولت لكم عن تحاليله مش نفس طلال بتاعك !..

فيصل:مادرى عنك طلال والله ..>> فرح من قلبه لهالأثنين ..

الدكتوره :انده هو لي اعتزر منه ؟؟!..

فيصل:ما أنصحك ..

الدكتوره :ايـــه ؟؟.

فيصل:دقيقه ويجي وكمل بصوت واطي ..يكوفنك فيذا ..

طلع فيصل عن الباب ونادى طلال ..

جاه

طلال :وش تبــي؟؟..

فيصل ماغير تعابير وجهه يبي يشوف الصدمه على الطبيعه :مدري عنها تقول لازم طلاااال !..

طلال دخل وهي مقفله معــه :نعـــم ؟؟!..

الدكتوره :ههههههههه معليش يا ابني أصلي ملخبطه بينك وبين طلال تاني ؟!..

طلال ما استوعب :نعــم شلوون يعني ؟؟؟..

الدكتوره :أنت مش طلال اللي طابأت لك التحاليل مع المدام دلال ..

طلال:أنتي وش تقولين اللحين ؟؟.

فيصل:هههههههههه تقوول أنها ملخبطه في الأسماء يعني مبروك عليك أختــي..

طلال:من جدكــ أنت الثاني ؟؟؟..

فيصل:ههههههه لا من عمـــي ..

طلال منصدم :والللللله ؟؟!.. التفتت لفيصل وهو يناظر الدكتوره بحقد ..

طلال:فيصل امسكـني !..

فيصل:ليييه ؟؟..

طلال:امسكني لا ألعن جدفها اللحين ..

فيصل ضحك ومسكه وطلال قام يتكلم ..

طلال:مرره ثااااااااااااااانيه ناظري الأسماء زيييييييييين طيب وإلا ألبسسسسي نظارتك على كيفكم تلعبووون بأعصاب

الناس ..الناس لعبه عنكم وإلا لعبه وبعدين على كيفكم تطابقون مرتــي مع طلال ثاني وأنا مامليت عينكم ؟؟..

فيصل وده يضحك بس ماسك نفسه :يابن الحلال تعوذ من الشيطااااااااان ..

طلال:أقووولك فكـنــــي أنت ما تسمع فكـنــــي ..فكه فيصل وهو يضحك

فيصل:بالطقاااق ..

طلال قام يضحك ولم فيصل :هههههههههه فرحاااااااااان فصيييل فرحاااان وربي فرحااااان الحمد الله ياربي الحمد الله ..

فيصل:طيب فكني بمووت ..

طلال:ههههههههه منتب كفــو هههه الحمد الله رب العالميين الحمد الله ..

الدكتوره:مبروك يا أبني ..

طلال في نفسه انطمي بس :هـذا عيب المستوصفات الاهليه ..!وطلع وحتى ما قال شكــرا فيصل ـخذ الاوراق وطلع

وهو يضحك ..

فيصل:بتقولك هو فيه ايييه ؟؟..

طلال:فيه ايــه والله اني بغيت اصكها على خشتها بس مسكت نفسي أنا معرس ولـي برستيجي ..

فيصل:طيب يابرستيجي مشينا ..

طلال:يالله دق على أختك بشرها ..

فيصل:أشوى إنا ماكلمناها في الاول والله أن تجيها جلطه فيذا ..

طلال:بسم الله عليـ.. كان بيقول عليها بس احترم أخوها ..بسم الله عليكم في عدوينكم إن شاء الله ..

فيصل:لا قلها وشووله تستحي ؟؟..

طلال:لااازم عاد الحيا شعبه من الايمان >>>فديييت اللي يستحوون أنــا !

فيصل قعد يدور جواله ومالقاه في جيوبه ..

فيصل:شكلي ناسيه في السياره ..

طلال :خذ جوالــي ..

اخذه ودق على دلال ماردت في الاول لان الرقم غريب ارسل لها (اطلعي استناك بره ..فيصل )

دلال طقتها أم الركـــب ماتدري لييه خاافت ..

طلعت لقت فيصل بس لأن طلال سبقهم وطلـع ..

دلال:هااا وشوو؟؟!.

فيصل :مافيه تطابق !..

وقفت دلال:بذمــــــــتــــــــك ؟؟؟!..

فيصل :ههههههههه أمشي فشلتينا أنتي ورجلك تطابق تطابق الله يستــر بس من ذا التطابق ..

دلال:ههههههه الحمد الله ..

رن جوالها وشافت رقم ريما :مرتك أكيييد تســأل ؟؟.

ضحك فيصل تلقاها مولــعه اللحين بس تستاهل خلها تتأدب >أحوم كبدها أجـل <

دلال ارتاعت من صوتها

ريما بتعب لأنها تحس أنها فقدت كل قوتها هالشي فووق احتمالها وأصلاً هي بنيتها ضعيفه وأي تعب بسيط خلاص تطيح من

طولها وشلووون هالألم !

ريما:فـ..ـيــصل وين فيصــل ؟؟.

دلال بروعه: وش فيـــــــــــــــــــــــــــــــك؟؟..

التفت فيصل لها :وش فيها ؟؟..

دلال بصيحه :ما أدري صوتها شين تبيك ؟؟..أخذ السماعه بسرعه ورد ..

فيصل :هــلا..

ريما ماتدري تفقد وعيها وترجع :فيصــل بموووت يافيـ..ــصل بموووت بموووت تعااال الله يخليك تعااال ..

فيصل انهبل مايدري وش فيها صوته تعباااااان إلا يالله ينسمع ..

فيصل:ريما وش فيك ريــــمــــا ؟؟..

ريما:بموووت ..وسكتت ..

فيصل ما تكلم صار يمشي بسرررررعه إلا يهرول ودلال تلحق وراه حتى الجوال رماه عليها

ركب السياره وهو يالله يوقف من الخوف خايف يكون صار لها شــي وهو السبب مارح يسامح لعمره أبد أنا الغبي فيه

أحد يقفل على زوجته الباب لهالدرجه وصلت فيني ؟؟..

ركبت دلال مسرعه :وش فيكـــم ؟؟..

فيصل معصب :سكــــري البااااااااااب ..

ارتاعت :طيب سكرت الباب وشخــط بالسيااااره بأقوى سرعه ودلال تتشهد ويدها على قلبها من سرعته ..

رفع جواله اللي كان مرمي عند المسجل لقى 25 مكالمـه لم يرد عليها فتحها ويده تنتفض كانت كلها من "الغــلا "

وجعه قلبه أكيييد فيها شــي والا مادقت وأفكــــاره تجيبـــه وتوديــــــه مايدري كيف لبق عن باب بيتهم ونزل حتى الباب

ماسكره دلال كرده فعــل قفلت سكرت السياره وأخذت المفاتيح وسكرت بابه ونزلت مســـرعه وراه ..

لقته راجع لها ..

فيصل:وين المفاتيح ؟؟!..

دلال تمدها :هذي هي !..

رجع وفتح الباب وعلى جناحه بسرررعه ودلال ماتدري وش تسوي إلا تلحقه لدرجه انها خلاااص ماتقدر من الركض ..



فتح الباب وينادي ولا حياة لمن ينادي ..



دخل الصاله مالقى أحد راح الغرفه ولقاها طايحه على السرير وجهها أبيض وشااااحب وشفايفها زرق ..

مايدري ليه سرت قشعريره في جسمه من شكلها حس أنه أذنب في حقها ركض لها ..

فيصل:الريــم ريما ريما ويصقعها على خدها يمكن تصحى بس ما سمع إلا أناااااات وكأنها النووور اللي بتخليه يتمسك في هالحياه شالها وقال لدلال تجيب عبايتها بسرعــه دلال كانت مصنمه عند الباب يدها على قلبها من شكل ريما اول مرره تشوف أحد بهالشكل :وينها ؟؟..

فيصل:جيبي اي شي والحقيني به تحت ..

دلال :طيب ..شالت العبايه اللي في المعلاق ونزلت وراه ..

ومن حسن الحظ ان ام فيصل ميب فيه والا كان تحقيق على اللي هــي فيــه ..



ركبها فيصل ورى وعلى أول طوارئ وهو يدعي ربي يقومها له بالسلامه ..

ودلال تناظرها وتصيح وتدعي لها هذي الريـــم الشخص اللي وقف معها في كل مراحل حياتها وتوأمها بعد ..

أول ما وصلوا المستشفى نزل وطلب إسعاف وجو وشالوها ..



دخلوا بها جوا وهم على أعصابهم ..

طلب الدكتور أنهم يدخلونها غرفة العمليات بعد ما كشف عليها وطلب من فيصل يوقع على العميله ..

فيصل:ليييش طيب هي وش فيها ؟؟؟..

الدكتور :نزيف ونخاف يأثر عليها أو يجيب لها نزيف داخلي لازم تدخل العمليات اللحين ..

فيصل :نزيــــــــــــــف من وشووو طيب ؟؟..

الدكتور:الموقف ما يحتاج اسئله يا اخ فيصل وقع على العمليه لسلامتها لازم في أسرع وقت ..

فيصل توكل على الله ووقع عليها وماله الا يدعي لها ..

دلال كانت طول الوقت تصيح وبس فيصل موب ناقص أحد يزن على رأسه اللي فيه مكفيه ما يدري يهديها والا يهدي نفسه ..

فيصل:خلااااص يابنت الحلال بتقوم بالسلامه ..

دلال:طيب وش جاها تاركتها مافيها شـــي ؟؟؟..

فيصل :ما أدري ما أدري أدعـــــــــي لها دلال أدعـــــي لها تكفين لو يجيها شي أنــا ولا شي من بعدها ..

دلال:لاتوصي الله يعافيها ياربي ويقومها لك بالسلامه كلنا ولاشي ..

فيصل:بس أنــا غير غييير ..

>وقعد يحاسب نفسه في نفسه هي الانسانه اللي غيرتك اللي غيرت حيااتك من النكد للهنا هي اللي كانت تدور

رضااك وسعادتك هي اللي عطتك الحب وعلمتك ايااااه هي اللي قالت انك حيااااتها ..عشان إهمااال بسيط تسوي بها

كــذا هـــذا جـــزاهــا يااااااااربــــــي رحمتك رحمتك فينــي وفيــها فيني وفيــها ,,<















....................

ديما تنزل مع الدرج مسرعه وهي تغني ..

أنا وياااه ماندري هوينا بعضنا وشلوون

......من شفته واناااا احبه وفجـأه صاااار يهوووايني

ساره:هويتي في قليب على قولة أمي وش ذا الحتسي ؟

ديما تحب رأسها :سوووري مام بس طقني الشووق !!

ساره:صاااحيه أنتي وش شوووقـه ؟؟؟؟

ديما :الشوووق لأياااام الصبــا آآآه بس

ساره تقعد هي وياها في الصاله ساره:وش فيك يمكن تحبين بعد ؟!

ديما:لا بسم الله علي وش ذا الحتسي يمــه ؟؟

ساره:اندري عنتس هوواني ومدري وشوو أستحي على وجهك مير لو يسمعك أخوك !

ديما:لا والله يمـه ما أدري لييه قلبي يوجعني ؟؟..

ساره:وين معــه ؟؟!..>>تحسبــه ألم صدقي ..

ديما:لا فيه أحساس أحس أن أحد فيه شــي !..

ساره:بسم الله علينا أنتي وأحساسك ..

ديما :ما أدري أحس في شي بيصير ؟!

ساره :اقوول اسكتي وطولي على التلفزيون

ديما :يمه ياختي حومتي كبدانا بذا العربيه ماتسوى علينا أسهم ؟؟

ساره:وش دخلك أنتي خلينا نشووف ارتفعت وإلا لا ؟؟!

ديما :مااافي أمـــل ترتفع لاتشقوون بعماركم بس خذي >وعطتها الريموت

بس ديما ماااش قلبها قابضها يمكن لأن توأمها ونصفها الثاني في خطــر وهي ماتدري عنها ..

طلعت فوق وجابت جوالها ودقت على ريما دقت بس ما أحـد يرد خافت زياااده دقت على دلال ثلاث مرررات

ولا احد يرد رجعت تدق ..





هنااك دلال تكلم فيصل بعد ساعتين من الإنتظار تقريباً ..

دلال:ديما أرد وإلا لا ؟؟؟..

فيصل:ردي بس لاتقولين شي عن ريما ..

دلال:طيب ..الووو..

ديما :أهليييين ..

دلال:هلا والله ..

ديما:مبروووك يالدبــا التطابق علمنا طلال دلال ابتسمت ماتدري ليييه نست الفرحه ونفسها بس اللي فيها اللحين ما يسمح أنها تفرح بشــي تشوفه بااايخ عند سلامة ريما ..

دلال:الله يبارك فيك ..

ديما:شفيك موب عاده أنا أشك أنك تطقين أصبــع !..

دلال:هه أي اصبع إن شاء الله بس موب اللحين ..>>هههههههه وإلا ناااويه الأخت..

ديما:دلول وش فيه صوتك ؟؟؟؟..

دلال:مافيني شــي..

ديما :طيب بسألك عن ريما ادقق عليها ماترد ياختي قلبي موجعني ما أدري ليه ..

دلال تجمعت الدموع في عيونها :ما أدري والله يمكن مع فيصل ..

ديما:متاهم طالعين ؟؟..

دلال:ما ادري عنهم ..

ديما :وش تدرين عنه أنتي كلمي اخوك انا ما ارتحت ياختي شوفي وش اخبارهم طيبين بسلامتهم ان شاء الله في المريخ ..

دلال:طيب يالله باااي..

ديما:باااي >>ومستغربه موب العاده توقعتها متشققه من الوناسه لأنها مشتقه على هالتحاليل ..

طلــــع الدكتــــور ..

فيصل قااام بسرعه لــه :هاااا بشــر دكتوور؟؟؟؟! ..

الدكتور:أنت زوجها ؟؟..

فيصل :وش أقول من الصبح ..

الدكتور :آسف بس الحمد الله نقلنالها دم لأن كميه الدم اللي فقدتها في النزيف كبيييره وجسم المدام ضعيف مايتحملها

والله يعوض عليكم بالجنين ! ..

فيصل:جنـــــيـــــــن يعني كانت حامل ؟؟!.

الدكتور:ايه بس الظاهر انها أجهدت نفسها زياده وهي في الأشهر الأولـى مفروض تكــون في راحــه تامه على العموم أنت

لازم تمر علي في المكتب لأن في اشياء لازم تمشي عليها عندها مشكله في الرحم و نسبه انها ممكن تنجب مرره ثاانيه

ضعيفه جـداً..

تنهد فيصل وذكر الله :والسبب؟؟..

الدكتور :الرحـــم مره ضعيف طبعاً هذي مشكله ثااانيه لازم تمر على أنت والمدام بعد ماتقوم بالسلامه ويالله الحمد الله على سلامتها ما تشوف شر إن شاء الله ..

فيصل:الله يسلمك والشر ما يجيك و يعطيك العافيه دكتور ..

الدكتور:الله يعافيك ..

رجــع فيصل لدلال ..

دلال:هاااااا بشــر شفيها ؟؟!..

فيصل :كانت حامل وسقطت الظاهر شايله شــي ثقيل أو دافــه شــي الله يقومها بالسلامه ..

دلال:حااااااااااااااامل يعني كنت بصير عمــه ؟؟..

فيصل:وأنتــي هذا اللي هامك ..

دلال:وش فيك ياخي وسع صدرك بتقوم زي الحصان وبدال الواحد بتجيب عشـــر ..

فيصل:ما ابي احد ابيها تقوم لـي سالمه بس والعيال موب لازم ..

دلال:ياعيني على الحب ..

فيصل:دلييل ان ما سكتي والله بكــف ..

دلال:أعوذ بالله كبريت ..

فيصل:وش أسوي بك اللحين ريما مانيب مخليها هنا بلحالها وأنتي من يرجعك ..

دلال:أكلم ابوي يمرني اذا جو راجعين هو وأمي ..

فيصل:أخاف يرتاعون ..!

دلال:لا بقول تسوي فحوصات وتطلع ..

فيصل:أجل خلني ادق انا على ابوي واشوف وين ودوها في أي غرفــه ودقـي على ديما قولي لها فحوصات وتطلع ..

دلال:طيــب يالله ..



















.........................



















منيره :وش سويتوا ..

طلال:تطابق بس بقـي الملكه بكلم خالي أبو فيصل خلاص نملك وش يحترون بعد العرس مابقى عليه إلا شهر تقريباً..

منيره:عاااد أنت لاتصير مطيوور أصبر أمـر الله بهـون ..

طلال:وش مطيور يمــه الله يهديك أجل تبيني أأجلــه سنــه ؟؟ >ويطالع العنود اللي تقشم حب يعني يدق ..

العنود:مانيب مقدمته ولا يوم ..

منيره :اللحين من اللي حاكاك أنتي ..؟

العنود:ولــدك ..!

طلال:عمك وتاج رأسك ..

العنود:إن شاء الله ..

منيره:اللحين وش ناويةٍ عليــه ؟؟؟..

العنود:نااااااااويه ناويه على وشوو ؟؟..

منيره:وشوله ذا التأجيل ؟؟؟..

العنود:يمــه الله يعافيك لاتضغطون علي خلونــي على راحتــي يكفي أنـه غصــب ..

طلال انصدم :غصــــــــــب ..!

العنود ارتبكت من كلمتها :لا مو قصدي بس ...

طلال:إذا كنت مغصوبه على هالشي ترى سعــود عمــره ما رح يرضى على نفسه يأخذ وحده ما تبيه وما اتوقع انه غصبناك على شــي..>>طلال عصب على كلمتها هو ما يرضاها على سعود بعد سعود رفيق دربه وصديقه واخوه اكثر من انه

ولد اخته والا واحد خاطب بنت اخــوه تركهم وطلع غرفته بعد ما أستأذن أنه تعبااان من الصبح وهو علــى رجــل ..

منيره تنهدت وقامت لغرفتها ..

العنــود صكت فيها الدنيا >وربي ما كنت اقصدها ما قصدتها طلعت مني بدون شعور قامت وطلع لغرفة طلال طقت الباب

وكأنـه عارفها ..

طلال:ادخــلــــي..

العنود بابتسامه :شلوون عرفتني ؟؟..

طلال:حــــدس !..

العنود :عمي والله آسفـــــه ما كنت اقصدها بس والله من الضغط اللي علــي..

طلال:ومن اللي يضغط عليك ؟؟..

العنود:انت ماتعرف السالفه ..

طلال:علميني إياها ..

العنود:ما أقدر اللي أقدر أقولها عطونــي فرصه والله فرصه وإن شاء الله كل شي بيتم زي ما أنتم تبون..

طلال:انا مانبي شي نبي كل شي بيتم زي ما انتي تبين ما تجين بعدين وتقولين مغصوبــه ؟؟!..

العنود:والله موب قصـــــدي ..

طلال:أجل وش قصدك ؟؟..

العنود:قلت لك انت ماتعرف السالفه والكلمه عفويه ..

طلال:اوكــي براحتك انا ودي اعرف وش هالسالفه اللي تخليك تقولين كــذا بس ما أغصبك على شــي..

العنود :لا تقول كـذا كل الموضوع أنــي أحس اني معروضه عليــه موب هو اللي جا وطلبني وهالشي سمعته بأذنــي..

طلال من جد منصدم منها :وتتوقعين إنا احنا أهلك بنرضى عليك ونعرضك على واحد حتى لو كــان هذا الواحد ولد أختي

أنت تتوقعين إنا بنرضى عليك بهالشي حنا نعرضـــــك ماهقيتها منك ..!

العنود:وربي سمعته بأذنــي أكذب نفسي يعني !..

طلال:شوفـــي أنا لو أشك لحظه وحــده أن سعود ما يبيك وأحد جابره على هالشي مع أن سعوود مستحيل أحد يجبره

على شي وأنا أكثر واحــد أعرفه بس بقولك بعد لو أشك لحظه والله مايأخذك لو بعد سنــه ولو معروضه عليه وإلا مايبيك ما رضــى يستناك سنــه وهو قادر انه يخطب من بكـــره وألف بنت تتمناه موب مدحٍ فيه سعود رجــال والنعم فيه ..

العنود دمعتها على خدها :طيب قلت لك والله موب قصدي الكلمه طلعت غصب عني كل اللي حولي لييش التأجيل ليييش

التأجيل من ديما إلينك أنت طيب أنا مرتااااحه كــذا هذا الشي يريحني ..

طلال:وأنــا بعد ما ندور إلا على الشي اللي يريحك وصدقيني ايه كلمه منــا ما قصدنا بها ضغط او شي السالفه مزح في

مزح بعدين احمدي ربك عندك ناس مثلنا موسعين صدرك ومسوين لقصتكم أكشــــن ..

العنود:ههههههه الحمد الله بس فكونــا من أكشنكم الله يعافيكم ..

طلال:هذا ملــح وبهارات السالفه وجعلي ماخلى من بنت أختـــي اللي طالعةٍ على خالها (ديما)..

العنود:مستانس يعني اللحين عليها ..

طلال:أيــه مستانس ومزديه فيك بس ما أبيك يالدبا تفكرين مره ثانيه أنك رخيصه عندنا أنتي أغلى من أنك تنعرضين على أحد حتى لو سعــود ولا تخلين الشي يخرب عليك أحلـــى مرحله من حياااااتك والله بتندمين ..

العنود:وش دراك أنها أحلــى مرحله ؟؟..

طلال:أسأل مجرب ولا تسأل طبيب ههههههه يالله عاد ضفي وجهك خليني أنووم أنتي وسواليفك البايخه ..

العنود:اللحين سواليفي بااايخه أجل لي جت دلال وش بتسوي ؟؟..

طلال:ههههه زيين إن شفتيني ..

العنود:والله أنـــي أشك ..

طلال:هههههههه شك وتطريز أختاري اللي تبين بس عرض كتافك ..

العنود:طيــــب مع السلامه بقـى أمـي منيره الله يصبر العنود أمشــي واراضى ..

طلال ذب عليها المخده :الله يصبرنا حنــا والله عليك ..

العنود :ههههه الله يصبرنا كلنا على بعـض طيب ..

طلال:ههه ايه طيب ..















.........................











في الليل وفي مستشفى دلــه طبعاً ريمــا منومه هنااك لأن التأمين الصحي من البنك لفيصل وأهله يخليهم يقدرون يعالجون

فيه في أي وقت ومجـانـاً >لأن هالمستشفى خــاص <



كان تــوه داخــل الغرفه وشكلها ما قامت لأن كل شي على حطت يده من ربـع ساعه ..

دخل وفي يده بااقه كبيييره ورد تجــــنن رووووعه أحمر وأبيض مع الحركات والكريستال تعجز عن وصفها أصلا أول

ما تشوفها تعرف أنها من ذووق راقــي وشــي حطها عند الطاوله اللي عند رأسها ومسح على رأسها ..



كانت توها تشوف خطوط من النور ما تدري وينها فيه والدنيــا مظلمـه حولها تحــس أنها طايحه من جبل من التعب اللي مرت

فيه أول كلمه نطقتها قبل ما تفتح عينها حتــى ..

ريما:فيصــل ..

فيصل:عيييون فيصل ......قمتــي ؟؟؟؟..

سمعت صوت موب غريب عليها إلا مألوف عندها حاولت تفتح عينها تحس أنها عاجزه حتى رفع جفنها في الأخير فتحت

عينها بصعوبــه شافت مكان غريب عليها كل شي أبيض بأبيض وريــحه تكرهـــــا ريحه المستشفى درت انه أمـــس

مامر على خير ..

ريما:ويني فيــه ؟؟؟؟

فيصل:قريب الحمد الله على سلامتك يالغــلا ..

ريما:وش صــار ؟؟؟..

فيصل:شويــه تعب وعدى على خيير ..

ريما:لييه وش فيني بس ظهري اللي كان يعورني ؟!..

فيصل:أهــم شــي سلامتك يالغاليه الحمد الله على السلامه ..

ريمـا :الله يسلمك ..سكتت شوي >يمكن تستوعب الوضع <بعدين لفت للباقه ورجعت لفت عليه

ريما:أماااك زعلان منــي ؟؟!.

فيصل:ما عااااش من يزعل منك آســـف وربـي ما كان قصــدي ..

ريما سفهته :وش صار لــي أحــس أني طايحه من جبــل ؟؟ ..

فيصل:بسم الله عليك كنتي تدرين أنــك حامل ؟؟!..

ريما:حااااااامـل كنت شاااكــه لييه أنــا حامــل ؟؟..

فيصل:كنتــي بس ما كتبه ربـــي الله يعوضنا بغيره وأهم شي عندي سلامتك ما أبي شي غيرها ..

ريمــا :كنــــــــــــت وشووو يعني طاااااح ؟؟؟؟؟

فيصل:أهم شي سلامتك ..

ريما قامت تصيح :إيـــه بس أنــا أبيـــه ..

فيصل:هههههههه لييييش الصياح اللحين أنتي تكفيني ما أبي عياال ..

ريــما:بس أنــا أبــي كنت حاسه والله بس ما أدري لييه سكــت !..

فيصل:يعني تدرين بس مخبيه ؟؟؟..

ريما:ماخبيت شــي !..

فيصل :طيب ليييش مضيقه صدرك ..

ريما:ولـــــــدي وماتبيني أضيق صدري عليه ؟!..

فيصل :يااااحلووو ولــدي منــك بس حبيبتي بدال الولد عشــره ولا ضيقتك ..

ريما:لييه وش شايفني قطوه ؟؟؟..

فيصل:هههههههههه والله ما درينا عنك ..

ريما:أهلــي دروا ؟؟..

فيصل:لا ما أحد يدري إلا دلال وكلـــه من دوجه الاسواق والحومات ماريحتي نفسك اجهدتيها وأنتي بالأشهر الأولى

عشـــان مررره ثانـــيه تسمعين كلام رجلك بس..

ريما :طيــب بس .....خلني ساكته أحســن ..

فيصل :وش فيك لا تسكتين تكلمــي ياقلبي ؟..

ريما :تعبــــانه ..

فيصل:سلامة قلبك إن شاء الله ..

ريما:الله يسلمك منتب رايح ؟؟..

فيصل:وأخلييك لا بنوووم هنــا مرافق ..

ريما:يخلونك ؟؟..

فيصل :موب على كيفهم غصــب ..

ريما:طيب أبي مويــه ..

فيصل:إن شاء الله ..راح وجاب لها علبه من الثلاجه الصغيره وصب في كأس ..

فيصل:سمــي ..

ريما:سم الله عدوك عطني إياها ..

فيصل :لا اشربــي بـس ..حاول يقعدها شوي وشربت قطره وردته ..

ريما:خلاص ما ابي ..

فيصل:بالله عليك وش شربتي ؟؟..

ريما:خلاص والله ما ابي ..

فيصل:تدرين أنه من اليوم ورايح أكل تأكلين زي الناس وتخلين حركاااات رجيم مكــه والدلــع عنك بنيتك

ضعيفه تبين ولد أكــلي وإلا بكيفك عاااد ..

ريما:ههه تهدد ..

فيصل:تقريبــاً معد فيه فيصل أول بصير هتلر صــدق ..

ريما:لاااا الله يعافيك أصييير برميل ولا تصير هتلر ..

فيصل:ههههههههه ايه كــذا خلك مضبوطه وارتــاحي اللحين ..

ريما:بس مافيني نووم ..

فيصل:اقص لك قصه ..

ريما:هههه احلف بس تبيني ما انوم أسبوع كح والله ما أقدر أضحك أحس جسمي كله يعورني ..

فيصل :يالله أجــل نومــي غصب موب طيب أنتــي ما ينفع معك إلا هتلر ..

ريما ابتسمت وطالعته بتعب :تـرانى زعـــــلانــه ..

فيصل:ماااااعاش من يزعلك يابعـد هالدنــــيـــا آآآآآســف وربـــــي آآآآآســف ..

ريما: أنــا اللي آآآآسفــــه بس والله مدري ..! .....................





كانت هالليله ليلـه مصاااافااااه تقريباً مصـــاااااااااارحه عتاااااااااب تصفيـــــــــه للنفـــوس وتجديد للحــــــــب

اللي تحمـــله نفوسهم ومافي أحلــى من هالشي في وقت هم محتاااجين له يمكـــن الشـي اللي صــار خييير لهــم

والله يعوضهم بالولد الصالح ويشفي ريما ياااارب ..















.................

]...@@ البـارت الخمسون @@...











أشــهـــد أنـــي لـك ســريــع الإنــدفــاع

لــو بـغـيـت أنســاك والله مـا أسـتـطـيـع

وكـــم أقـاســي مــن كـثـيــر الألـتـيـــاع

وأكــتــم الإحـســاس فـي قلـب وجـيـــع



وأنـا أشهد !..









..............







من بكـــره الكل درى عن الخبـــر وضاقت صدورهم على ريمـا وفرحتها اللي ما تمت منيره من درت وهي تصيح وشابه

في الكــل >>الله يعينهم بتطلع لهم نفاس جديده في البيت عقب رنا بس من دون بيبي >ههههههه هذا اللي همك أنتي !

العصر وهم بالسياره في طريقهم لريمـا وتعرفون الريـــاض وزحمتها الله لايخلينا منها ^^

فمنيره مستقعده لهم ،،

منيره:وأنتـــي ما تدرين عن بنتس ؟؟؟؟

ساره:وش يدريني عنها يمـه هي عند رجلها !

منيره:ورجلها ذا الفاهـــــي مايدري أن مرته حــامل ؟؟؟

لف عليها طلال اللي كان بجنب سعود اللي يسوق :يمــه وش فيك اللحين مشتطه ؟!

منيره:أنت ورى ما تسكت بنيتي تحمل وتتعور وماأحد يدري عنها ليه عايشين بمقطعه وأنا ما ندري ؟!

سعود:يمه ما تعورت بس اجهضت البيبي !

طلال:أحلف بسس ما يمديني على بيبي !

سعود:هههههه ورى ما تنطم ؟..

طلال:تعورت يعني سقطت وسقطت يعني اجهضت بالعربي فهمت ؟!

سعود:ماشاء الله مثقف .

طلال:مثقف من يومي ..

منيره:ورى ما تسكتون ترى رأسي صاكني تجون أنتوا يالعوده منااقر

طلال:يمــــــه

منيره :وصمــــــه !!

طلال:رأستس صاكتس من الصياح هذا وهي ريمـا أجل لو مرتي بسم الله عليها وش بتسوين ؟؟!

منيره تذكرت وقعدت تمسح دموعها ضااايق صدرها على بنت بنتها ويقولون ما اغلى من الولد إلا ولد الولد

ساره:خلاااص عاد يمه كلمتيها وبخييير وبتشوفيها اللحين !

طلال :أفا أم عبد الرحمن تصيح ؟!

منيره:أجل بنيتي مترقده بلحالها في المستشفى من أمس وما ندري عنها ؟!

ساره:يمه معها رجلها وش مترقده بلحالها ...

طلال:خلاااص عاد يمه ترى بصيح !

سعود:هههههههه الحمد الله والشكر ...

طلال:غريييبه بنات أختــي وأخــوي ساكتين !>كانت ديما والعنود في السيت الأخير في الجيب وعايشين بعالم ثاني يطالعون في سيارات العالم وديما تحش والعنود ميته من الضحك عليها ..

طبعاً ردت ديما كالعاده قبل ما يكمل كلمته :ما سكتنا طلال شف ذا السياره وش أسمـها ؟؟!

منيره:وأنتــــي مابله قــز في سيااارات خلق الله ؟؟؟!>>معصبه أمي منيره اليوم ^_*

ديما:يمــه وش قزه بس أول مره أشوفها ؟!

طلال:أقوول لا تطالعين بس سعييدان شف أختك !..

سعود يطالع في المرايه :ديما أعقلي !

طلال:أحلف بس أختك مناااك هذي بنت أخــوي !

سعود:ههههه خلاص عنود أعقلي ..

منيره:أقوول أنطمــــوا !!!

كلهم رجعوا أماكنهم وهم يقولون إن شاء الله !>هههههههه أشكالهم تضحك وديما تقول خلاص طلال عرفتها هههههه ^^



وصلوا المستشفى بالسلامه ودوروا على جناح ريما لين لقووه طبعاً أبوها مرها هو وعمها أبو فيصل وأم فيصل أول وقت الزياره وراحوا الأستــراحه بعد ما حطول أم فيصل في البيت وفيصل أخذ دلال وحطها عند ريمــا وراح يغير ويرتاح ويرجع لها

طبعاً طلال يمووون فتح الباب ودلال نطت ..

ريما:لحظـــــــــــــه !

طلال تنحنح وقال :ياااااولد >>صبااح الخير ههههههه

طلال:عندك أحد ؟؟؟

ريما:أيــه بنتنا !

طلال:فديت بنتكم أنــا ..

سعود:وش تقوول ؟؟

طلال:هااا أقول لاتدخل فيه حريم أصبر

منيره:اللحين ورى ما تفارقون عن الباب !

طلال فتح الباب لأمه :تفضلي طال عمرك ودرب الله لايهينك نبي ندخل !

ساره:ليه من عندها ؟؟؟

طلال:بنتهم ..

ديما :كل ذا الزحمـه عشااان دليل أهووو بس وتدخل بعد منيره ووراها ساره والعنود والباقي يستنون أحد يناديهم

بس من دخلت منيره وهي تصيح وتسلم عليها :وش أخبارك الحمد الله على سلامتك وأنا أمك وش صار لك وش ذا اللي

حاسك مرتن وحـده ؟؟؟؟

ريما:الله يسلمك بخيير يا يمه بشوفتك والله طيبه..

ديما:الحمـــــــــــــــــــــد علااااااااااااااااااا السلاااااااااااااامه والله أني حااااسه أمس أن فيك شي !

ريما:ههههه الله يسلمك أذنــي أبيها !

ديما:هذا جزاتــي أحس ؟؟

ساره خبطتها :الحمد الله على السلامه وش أخبارك يمــه ؟؟؟

ريما :الله يسلمك ياربي والله بخير الحمد الله ..سلموا على دلال اللي لبست عبايتها وصاده شوي ..

منيره:ناديهم خلهم يسلمون عليها ويروحون !

ديما :إن شاء الله ..

طلعت ولقتهم جنب الباب وسعود يضحك على طلال لأنـه مدري وش قايل عن وحده من الممرضات >مجرم هالولد !

ديما:تيموون وبمباااا !

طلال يناظر جسمه :أنا تيمون يعني أنت بمبا وراح يدخل وسعود متفح عيونه !

سعود:أنـــا !!

ديما تدخل بسرعه :ههههههه والله سوري

سعود يدخل وراها بسرعه بس ما أمداه يمسكها ووقف

منيره:لا ألعبوا حبشه في السيب !

طلال:بزران يمـه ماعليك منهم وش أخبارك بس أنتي اللحين ياريما خوفتينا عليك ؟؟؟>ثقل>

سعود:بزران في عينك !

ريما:هههههه الحمد الله بخير بشوفتكم ..

طلال:الله يسلمك وين رجلك ؟؟

ريما:راح البيت بيجي اللحين أستنوه ..

طلال:لا عندكم حريم !

ريما:مافيه أحد غريب ..

منيره :خلك منه هذا وجهي إن طلــع !

طلال يقعد:أفا ياماما عندكم قهوووه ؟؟>>هذا اللي بيطلع !

منيره :أكلي تغذي مابله عظم وجلد شوفي ذا المرقوق راقته لتس >المرقوق أكله شعبيه سعوديه يقولون أنها مفيده !

دلال وديما والعنود بزاويه بعيده شوي عندهم يعني صادين بس يقدرون يشوفونهم ..

ديما:تغيــر ؟؟؟

دلال:منهــووو ؟؟!

ديما:ولد الجيــران !

دلال:وش يدريني عن ولد جيرانكم من زمان ماشفتــه !>>ميب معهم الأخت !..

العنود:هههههه هييييه تقصد عمـي طلال !..

دلال:ما أدري فيني ضعف نظر ومغطيه عيوني وشلون تبيني أشوف ؟!

ديما بصوت عالي :عااااااش مصررررف ..

طلال:منهوووو ؟

سعود:يا شين اللقافه قم يالله ورانا مشاوير ونرجع لهم العشا قد فيصل فيه ..

طلال:تونــا ؟؟

منيره :وش تونا ماعاد إلا خير خل البنيات يأخذون راحتهم ..

طلال قام وهو ما وده :طيـــب ..



فتشوا كلهم طبعاً ديما فاتشه من زمان ويا تروح تقعد عن ريما ياعند البنات ..

ريما :وش أخباااركم ؟؟؟

العنود:بخير نسأل عنك ..

ريما لدلال :وش في وجهك أحمــر ؟!

دلال:هااااه ايه حـــــر كتمـه ..



ديما تضحك عليها ودلال ودها تصطرها جتهم رنا بعد المغرب وما طولت عشان عزيز مع زيد تحت ولطيفه

مرت عليهم أنتهى وقت الزياره وطلعوا كلهم كانت ساره تبي ترافق مع بنتها بس فيصل عيا لأنه يبي يرافق معها هــو ..

سكتت ساره مع أنه ما ودها بس رجلها وماتقدر تقول شي ..





























[[بـــــــــــــــــــــــــعـــــــــــــــــــــــ د أســـــــــــــــــــــــبــــــــــــــــــــــوع ـــــــــــــــــــــــيـــــــــــــــــــــــــن]]



























طلعت ريما من أسبوع من المستشفـى قعدت فيه خمس أيام تقريباً لين شالوا المغذي عنها وحلفت عليها سـاره ماتروح بيتهم

تجي عندهم مع ان أم فيصل زعلانه من هالشي أم فيصل تعتبر ريما بنت لها بس ولو ريما ما تمون عليها كثـر أمها بعد وساره عارفه بنتها بتقول عااااادي بس هي ما ودها بهالشي عشااان كـذا طلبت من فيصل تكـون عندهم ليين تتحسن شوي بعد هالازمـه اللي مرت فيه خصوصاً أن جسمها ضعيف ومتوعده فيها تغذيها مثل النـاس >كنها في مقطـعه الحمد الله والشكــر<

ورجعوا من جديد مثل ما قلت لكم نفاس بس بدون بيبي ولا ضيوف >لأنو ما أحد يدري !





عرس طلال بعد أسبــوع وكل التجهيزات على قدم وساق الشيخ يبي الناس تحكي بعرسه سنـه كاامله >>طــاغي <<

أقوله حط سكاتي ولامن شاف ولامن دري ومعيي بغى يصكني في المناقشات أمـس يالله نسوي له أحلى عرس ولا يزعل

كم طلال عنــدي وااحد وشااق بــي ههههههه فديته ^_^ ..



دلال بدت تخااف صدق عقب الهباال على العرس من جـد تحس أنه جاك الموت ياتارك الصلاه متوتره مررره وموتره الكـل

معـها يمكن بعد أنها بحاجه لريما في هالوقت بس ريما متفقه مع فيصل ما تجي البيت إلا بعـد عرس طلال >مسوين يسوون

أكشن الله يهديهم < عشـان يشتاقون لبعــض ^^

ودلال خاااايفه بس البنات ما يخلونها أبــد ديما أكثر وقتها معها بس خففت الزيارات بعد ماجا بندر لهم (من جـده )هالاسبوع عشاان زواج دلال >ميب معرسه إلا بـه <فصارت تكلمها يومياً إلا ساعيأً >يعني بالسااعه <وطلال لاهي هو وسعود اللي كارف أمن جابته ما يجيبه لبيتهم إلا تافل العااافيه بس وش يسوي خاااله ويامن شرى له من حلاله عله ..



البنات كل وحده تجرب فستانها وتعدل عليه اللي تضيق واللي تقصر واللي تطول .......إلـخ ..

وكل وحـده فستانها أحلى من الثانيه طبعـاً الوصف في العرس عشااان ماتخذون الموديلات >>ههههههه فارقي بس ..



ومنيره مشتقه تشرف على أخر التجهيزات طبعـاً تعطي الأوامر لطيفه وساره ورنا أحيــانـاً وتشرف عليهم الله يعين بس ..



طبــعاً نسيت أقولكم أن الامتحانااات خلصت علـى خييير بدون أي أصااابااات تذكـر يعني الاجازه بدت بس مابعد طفشوا

ولا ملوا لاهييين بعرس طلوول..

وريهااام تستنى النتيجه على أحــر من الــ ج ــمر >ثااااالث ثانوي <خصوصـاً بعد نكسه اسئله الرياضيات هالسنه اللي كرهتها العلمي والسااااعه اللي دخلته فيها وتذكره نصايح ديما لها >ادخلي ادبي وجيبي نسبه وخلي العلمي لاهله <بس

ماعندك أحد يسمع على العموم هي سوت كل اللي تقدر عليه والباااقي على ربــي وأبو سعـود واعدها بحفله للتخرج

معتبره عاااد ريهام غلاها غييير عنده قعدة البنااات على قولة ديما ..



طولت عليكـم بالتفاصيل ننتقل للأحداث على أرض الواقع ..





ريما:هههههههه انطمـــي بس ..

ديما:والله موسعه صدري وجيتي تضيقين علي مرره ثااانيه روحي لرجلك ياختــــــي >تمزح <

ريما:هذا جزااي اللي جايه أسليك اللحين ..

ديما:مووب حب مسووين لي حركات أنتي ورجلك يجيبها عندنا ويقعد يكلمها طول الليل خذها أصرف ..

ريما:ههههههههه ياحبك للمبالغه ربع ساعه أنتي ووجهك (غيييييره)..

ديما:وش أغااار منه وأم شيييين الحلايا بتجي الخمييس ..

ريما:الله يعينه وش فيك أنتي علييه ؟؟..

ديما:مدري ياختي كااارهته من اسمه (ياااسر) طير ياعمي

ريما:هههههه وش حادك طيب ..

ديما:قال وش حادك على المر قال اللي امر منه ..

ريما:هههههههه الحمد الله والشكر ..

ديما:بكيفهم عاااد ان ماعجبتني أمــه ما أبيــه ..

ريما:أنتي بتاخذينه وإلا بتاخذين أمــه ديما أحس أنك تتهربين ؟؟!.

ديما:ملااااحظه أنتي !خلينا من هالسالفه ترى تحوم كبـدي وش رأيك بالفستااان ما يبي شي ..

ريما:لا والله رووووووعه بس ثبتي الكريستال أحسه ماثبتتها زين ..

ديما:داريه بوديها لها تثبتها دافعه دم قلبي فيه تعدله وهي ماتشوف الدرب ..

ريما :ههههه تبي الطقاق ..

ديما:أنتي تقدرين تحظرين العرس ؟؟!.

ريما:هوو أما ما أحظر الله لا يعوقني بشـر ..

ديما:والله إن يجيبون خبرك ذا العالم ..

ريما:أصلاً محد داري إلا احنا وبيت عمي ..

ديما :هذا رايي وبكيفك ..

ريما:بكيفي بكيفي رايحه رايحه ..

ديما:قلــتي لأمـي ؟!.

ريما:شفييييكم أنتوا ترى مسقطه موب نفاس ؟!..

ديما:إلا والله نفاااسين موب نفاااس يكفي ريحة الحلبه وبعدين أنتي تعبانه شوفي وجهك وشلون أصفــر ..

ريما:مافيني إلا العافيه لي أسبوعين طالعه من المستشفى ترى وذا الحلبه وش أسوي بأمي منيره حومت كبدي بها ..

ديما:هذا جزاها اللهم أنـي بلغت اللهم فأشهد ..

ريما:الله يعافيك ...وورى ماتنزلين تحت ؟

ديما:بنزل اللحين بس أشوف وش يبيله عشان يذبني سعود على الخياطه العصر ..

ريما:تصدقين ودي أخلي فيصل يجيب فستاني أبي اضيقه نحفت مررره عن ذيك الأيام ..

ديما:الله ذيك الأيام تراك مفصلته من شهر !..

ريما:داااريه بس نحفت 6 كيلو هالأيام ..

ديما:ستـــــــــــــــــــه منتيب صاحيه مالومه فيصل طالع داخل خالتي انتبهوا لاكلها غذوها شوفوا وحطوا ..

ريما:هههههههه ياحبي له شاق بعمره ..

ديما:ايه والله ياحبك له يالله ننزل اصرف ودقي عليه يجيب فستانك ونوديه معنا ..

ريما:يالله ..



>>ريما كانت تعبانه بس تكــابر وهذا اللي مضيق صدر الكل وموب تعب جسدي بس تعبانه حتى نفسياً

إنها فقدت ولدها وحرمت كثيير منــه فيصل حاس بهالشي عشان كذا يحاول يداري مشاعرها ولا يبيها تتأثر أبد

بس تبين لهم أنها عادي بس اللي في القلب في القلب لدرجة أنها مصـــره تحظــر عرس طلال لو وشوو

وفيصل ماناقشها في هالنقطه يقوول خلها توسع صدرها الله يزيل همها ياربي ويوسع صدرها ^^



















........................

















طلال:شف أخـــر شـي إذا ماعطوك وجه اسحب عليهم ..

سعود:وش اسحب عليهم أنت رايح جاااااي عليهم بعدين اسحب عليهم العــــرس اخر الاسبوع ترى ؟!..

طلال:وهذا اللي قاطع قلبــي..

سعود:طلااااال..

طلال:ههههههه وش فيييك ياخي خلني أعبر عن مشاعري لأنفجر في يوم العرس وتتوهقون ..

سعود:هههههههههههههههههه تخيل عاد وتصير أرهاااابي في حفل زفاف !

طلال:وجع أن شاء الله بسم الله علي أنا ارهااابي أنت وخشتك ؟؟!..

سعود:ههههه لا والله بس انفجااارات ومدري وشوو ..

طلال:اشوى بس اسمع ان الضغط يولد الأنفجار ..

سعود:أقوول ترى عطيتك وجه وش أسوي اللحين ؟!.

طلال:آآآه وش تسوي امممم والله محتار طيب قلهم أنــا اللي بنجيبها بس يعطونا الاذن ..

سعود:الاذن يقولون لازم من إدارة القاعـه ..

طلال:يأخذونـه ماعندنا وقت ترى ..

سعود:طيب بحاول اخلصه اليوم ترى هذا اخر مشوار اروحه وهذا وجهي أن شفتني ..

طلال:هههههههههه وراه بتعتزل ؟؟!..

سعود:ودي بس أمي تبيني أوديها مدري وين والله أنك مسبب ربكـه على الفاضي ..

طلال:مااالت عليك يالله بس فارق خلص أموري ..

سعود:فــــارق خلــــص أمــــوري ..!!!

طلال:أمور خالك أمورك ...>>يرقع

سعود:يالله مع السلامه الله يصبرنــي..

طلال:ههههه آآآمييين يالله فمان الله ..

















..........................















نجلاء تشيل ولدها من خالتها أم مها اللي متعلقه فيييه مرره..

ام مها :شوي شوي عليه ..

نجلاء:أن شاء الله ..

ابو حمد:مادقت مها تجـي اليوم ؟!.

ام مها:لا بتروح الليله للشرقيـه ..

نجلاء:الشرقييييه وهي حااامل خبله ؟!..

ام مها :ايه والله خبله تقول عمات تركـي مسوين عزيمه كبييره لها وصعبه ماتروح ..

نجلاء:يأجلونـها لااازم يعني ..

ابوحمد:هوو خلوها على راحتها ..

نجلاء:بس ياخالي موب زين عليها الطريق وسياااره ..

ام مها:لا بيروحون بالطياره وبيرجعون في نفس اليوم ..

نجلاء:بعــــد الله يهديها مدري متى بتعقل خلاااااص اووووص يا مااامااا ..

ام مها:خاف أنه جاايع ؟؟!..

نجلاء:توني مرضعته خلاص بابا بابا وين بابا حمد خلاص حبيبي ..>>وتسكت فيه

ابوحمد :جيبيه وأنا أبوك جيبيه عاد هذا سميي..

نجلاء:ههههههه بيشق بك خالي خله يسكت ..

ابوحمد :لا بد جيبيه وبيسكت إذا ما ازعجنا ناصر من بيزعجنا ..

نجلاء قامت به لأبوحمد :سم..

نصوور الخايس >مدري وش فيني ما أحبـه ههههه <أول ما شاف وجه جده سكت وقعد يضحك قالك أنه يعرفه اللحين ..

نجلاء:شف اللحين يضحك ..

ابوحمد:هههههه أجل ما يعرف جده ..

ام مها:وين حمد أجـل ؟!.

نجلاء:عنده مشووار قريب وبيرجع مدري راح بلحاله وإلا مع تركـي ؟!..

ام مها :شوفي سيارته فيه وإلا لا ؟؟؟..

نجلاء دقت على تحويلة السنترال :هلا مصطفى >البواب والسنترال يعني 2 في واحد <حـمد راح بسيارته وإلا مع تركـي ..

مصطفي :لا يا ستي عمي حمد طلع بسيارته مع عبد الغني من ساعه تقريباً ..

نجلاء:عارفه يالله مع السلامه ...رايح بالمرسيدس مع عبد الغني >سواقه < ..

ابوحمد :وراه معد يطلع بالجمس وإلا عافه من تااالي ..

نجلاء:ههههههه والله مدري عنـه من أول يعاند مها ويوم راحت رجع لسيارة البيت أصرف والله ..

ابو حمد :هههههه الله يخليهم لبعض لو الله ثم انتوا كان فضى علينا البيت من عقبها ..

نجلاء:الله يطول بعمركم ياربي ..

















........................















رنا:عـــــــــــــــــز يــــــــــــــــــز ..>>عزيز نط من غير وعيه الضعيف ..

زيد:روعتي ولــدي ..

رنا :الخااايس شف وش مأكل بغــــى يموووووت ؟؟!

زيد :بسم الله عليه وش ذا ؟؟..

رنا:وأنت قاعد عنده تنااااااااظره ؟!..

زيد:وش دريني أنا لاتصارخين ما انتبهت له كان عندك بالغرفه وش ماكل ؟؟؟!..

>من حبى عزيز وهو مسوي أزمه في البيت ما في شي في الارض إلا في فمه <

رنـا :خرز من فستاني ياماااال الصلاح ! ..

زيد:وش جاب خرز فستانك له ؟؟..

رنا تقعد جنب زيد وتذب عزيز في حظنه بقوووه والخبل يضحك يحسبها تلعبه ..

رنا:كان في غرفتي السكـنـي وأنا ألبس فستاني شكله طايح منه ..وعزووز يضحك عليها ..وتضحك أنت وخشتك ؟..

زيد:هههه خليه يضحك أبد وأنا أبوك أمش وخرب أم ببلاش ..

رنا:تكفـــي لاتنصح خراب أنت وولدك مدري من طالع عليه ذا الولد موب يقعد ماشاء الله ! ..

زيد يناظرها :ايه والله مدري من طالع عليه !..

رنا:وش قصدك يعنــي طالع علي أنـــا ؟؟!..

زيد:لااااااا طالع علي أنـــا ..

رنا:هههههههه سـوري بس والله مدري وش فيني معصبه على ذا الفستان موسعته جعلها المر ..

زيد:طيب لاتحطين حرتك فيني ولاتدعين ..

رنا:ههههه آسفه يابعدي والله موب قصدي ..

زيد عجبته السالفه :ولــو مفروض ما تخلطين الأمـور كل واحد له حقه ..

رنا:معلييش عاااد ضيق صدري ذا الفستان !

زيد :بس ولووو !

رنا:ههههه اقوول ترى ما تنعطى وجهه قلنا آآآآســفـــه ..

زيد:هههههههههه طيب رضينا تروع ..

عزيز يلعب في ثوب ابوه وتوه بادي ينطقها :أبــه أبــه >>يعني بابا عند الصغار ! ..

رنـا :شــف ابن اللذين في وجهه 24 ماقال ماما ..

زيد:هههههههههه بعـــدي ولدي هذا اللي ينشد فيه الظهر أمووووااح

رنا :هييين يالخايس أنا ماما ما تقول لي واللحين هذا اللي مدري وشو تقول بابا >>تطاااق عزيز وتمزح معه كنها بتمسكه

وتطقه وهو يضحك ويخبي رأسه في صدر أبـــوه ويقول بابا بابا >يااااااااحبي له يانااس يدنن <..

زيد يضمه :يالله بس مناااااك هذا اللي مدري وشوو أبووه هذا الشبل من هذا الاسد >>ويأشر على عمــره..

رنا ترجع مكانها:أمحــق ..>>صريحـــه بزيااااده ..

زيد:أمحق في عينك ..!

رنا:هههههههه سوري قلت لك معصبه وش تبي عشااك ؟..

زيد:اي شي من ايديك حلووو ..

رنا:تسلم يا حلووو ..

زيد يطالعها بنظره هذي المعصبه ؟!..

رنا:ههههههه لاتطالعني كـذا خلاص روقت ..

زيد:ههههههههه والله أنتي ما أسرع ما تعصبين وما أسرع ما تروقين ..

رنا:الكلمه الطيبه لها تــأثييير على الواحـد خاااصه حنا يالحريم دبــش..

زيد:ياااابعد هالدنــيــا وأهــلــي وربعـــي ومـلـــي ومن شافــت عيـنــي بعد ..

رنا:ههههههههههه خلااص أجل موب لازم عشاااا ..

زيد:ههههههه أقول فارقي بس ..

رنا:ههههههه طيب بس انتبه لولدك ترى موب صاحي هالأيام ..

زيد:طيب أصلاً بنجـي معك المطبخ نوسع صدرك ونساعدك ..

رنا:لا الله يعافيكم فكووني من شركم ربع ساعه وأنـا خااالصه ..

زيد:موب على كيفك جااايين جاييين وإلا عزيز >يسأل ولد <وعزيز يضحك ..

زيد:الضحكه علامه الرضا هييييياااااا إلــى المطبخ ..

رنا:هئ هئ الله يصبرنــي عليكم أخبر السكوت علامة الرضا مدري وشلوون صار الضحك ..

زيد:أنا وولدي نصلح يالله اخلصي ..

رنا :اسكتوا واخلص حطه في كرسيه لا يحووس ..

زيد:خلييه يوسع صدره كم بيعيش ..

رنا :العمــر كلــه إن شاء الله بس إن حاااس شي والله أن تمسحه انت ..

زيد:امسحه وأغسل المواعيين بعـد كم رنا عنــدي ..

رنا تشققت :لا أنا بسوي كل شي بس أنت أرتاح ..

زيد:ههههههههههههههههههههخ مصدقه ^_^

رنا :قـــم عطنـــــي الملـــح بســرعه ..

زيد :هههههههه أن شاء الله ..



>أشك أن بيجيهم تسمم من ذا العشا الشيف رنا والمساعد زيد والمصور عزيز عز الله تعشينا <

ههههههه الله يدوم عليهم هالبسمه ..















......................











:والله خـــايفــــه ..

ديما:اقوول أنطمي توك اللحين تخافين بتأخذين خالي وإلا بعبع ؟!..

دلال:مدري بس والله خاااايفـه انتي موب فاهمه شي ..

ديما:أجــل وشووله تدقين علي تضيقين صدري ..

دلال:وش أسـوي ماعندي إلا أنتي وأختك جحدتني مالها خوي ..

ديما:حرااام عليك والله أنها تعبااانه وإلا ودهـا ..

دلال:دااريه ...دخـل عليها بندر وهي ماسكه التليفون الثابت ..

بندر:وانتي 24 سااعه أذنك بهالتليفوون وإلا كذا العروس والله حركاات دليل صارت عروس ..

دلال:ههههههه أنت ووجهك لييه ناقصه وإلا ناقصه ؟..

بندر:لا والله كامله والكامل الله ..

دلال:الله يسلمك مييير تعال سولف معــي ..>>ترى متهزيه في وحـده ههههههه الله يستر علينا وعليها في مييير

وانتقلت العدوى ..!

>>

بندر:اسولف معك لييه رجلك وأنا مدري ؟!..

ديمـا :تلاحظين أنك سحبتي علي ؟؟..

دلال:هههههههه ايه ملاحظه بس كم لي من يد !..

ديما:ههههههه وش دخل اليد ..

دلال:محششه لا تشرهيين هههههه يالله إذا راح هالنشبه كلمتك ..

بندر يذب عليها المخده:نشبــه في عينك ..

ديما:ههههههههه يالله بااي وسلميني عليه ..

دلال:سلام صدقي وإلا كذبي ..

ديما:لا تقليــد هاهاهاي يالله فارقي مع السلامه وسكرت وهي تضحك ..

دلال:ههههههههههه حلووه تقليد ..

بندر:وشوو تقليد ؟؟..

دلال:ياااشين اللقافـه ..

بندر :هههههه انطمي بس ..

دلال تتربع :يالله سولـف وش عندك ..

بندر :جاايبتني أسولف وين رجلك ؟؟!.

دلال :وش دخــل رجــلي اللحين سولف بس ! ..

بندر:روحي كلميه أصــرف ..

دلال باعتراااض على كل ملامحها طالعه تجنن:أكـــــلـــــمـــــه وأســــــولــــف مـــــعـــــه بــعد لييييه خييييير إن شاء الله أسولف معه موب على كيفه مااااعااااااد إلا هــي بــعـــد أصــلا من قاااالك أني أكلمه ؟؟؟!!..

بندر:ههههههه بسم الله عليك من جدك ماتكلمينه ؟..

دلال:من جدي ومن عمي بعد ايه ما أكلمه أصلاً يحلم أكلمه ..

بندر مستغرب :ما ملكتــوا ؟!..

دلال:إلا من أسبــوع ..

بندر:غريبــه ؟..

دلال:وشوو غريبه ماغريب إلا الشيطان من جدك أكلمــــه خبـــله أنـــا لا والله يحلم أنا رافضه أصلاً من البدايه وقايله لبنااات أخته يقولون له أكلمه مستحيييييييييل يشيلها من رأسـه لاحقين لاعرسنا ..

بندر:ما شاء الله عليك تصدقين كبرتي في عيني كنت متوقعك أنتي اللي بتدقين عليه ههههههههه

دلال:فااارق بس أنت ووجهك وش شايفني أنا اللي أدق عليه خيير أن شاء الله ..

بندر:هههههههه أمزح ..

دلال:أمزح بس مثل الناااس ...وسرحت تفكر بس بصوت مسموع:اللحين ما مسكت نفسي وأنا ما أعرفه أمسك نفسي

وأنا أكلمه كان طابه ببيتهم من ثااااني يووم ههههههه ..

بندر:وجـــــــــــع أن شاء الله وأنا اقوول أختي مؤدبــه وش صااااير يالخاااايسه والله تحت السواهي دواهي ..

دلال:ههههههههههههههه وأنــا صادقه لسلامته وسلامتي وسلامة المجتمع العربي والاسلامي ماله داعي ..

بندر:ههههههههههه والله أنك خبلــه مدري وشلوون بتمسكين بيت ..!

دلال:ههه أشوى أني عند حموله وخالتي منيره ميب مقصره ..

بندر:خالتي منيره بعد والله أنها على نياتها طاحت فيك تصدقين أنا اللي بفتن وبعلمها عن حقيقة مرت ولدها القادمه بقوه ..

دلال:مخدوووعـه فيها في عينك ..

بندر:والله أنتوا يا ذا البنات مشكله لازم تعرفها من يومها بزر ويالله تسلم بعــد ..

دلال:ههههههههههه أنت ووجهك ..

بندر :والله وتجيك الوحـده وأول شروطها بيت بلحالها وما تبي حموله واللي متطوره تبي فله بعد وهي من جنبها ما تقدر تمسك مصروفها لشهـــر ..

دلال:هههههههه عشان كذا أنا عارفه قدراتي وموافقه على حموله

>للمعلوميه :حموله يعني تعيش مع زوجها وأخوانه وأهله في بيت واحد عااايله كبييره تقريباً <

..وإلا أنـا وجهي موب وجه بيت بلحالي أصلاً أخاااف أقعد في البيت بلحالي !..

بندر :هاااا تخاااف الله يستر علي بس ويرزقني وحده صااحيه ..

دلال:ههههههههههه يستر على الجميع والله ..

بندر :يالله عاد شدي حيلك واخطبي لي وحده سنعه من العرس ..

دلال:فاااضية لك أنا اخطب لك وإلا فاضية لك عرســــي ترى منيب رايحه أحفل ..

بندر:ههههههه حلووه أحفل ..

دلال:اندري عنك قل لأمـي وتخطب لك من بكــره ..

بندر:لا الله يعافيك ما أبي أحد أنا اللي بخطب لنفسي ..

دلال:وش ذا بعد حركه جديده أخطب لنفسي وينا فيه !!..

بندر:هههههههههه موب عاد لنفسي يعني بنفسي يعني أنا اللي اختارها وأبيها ..

دلال:وين تجيبها منـه من الشااارع ؟؟..

بندر :الشااارع في عينك من عايلتنا وإلا نعرفها يعني كـذا ..

دلال:وش رأيك بديما والله ما تلقى أحسن منها ..

بندر:عااارف بس أنا ما افكر اللحين لين أخلص الدوره وأتوظف إن شاء الله ويصير خير ..

دلال:ما تخاف تروح عليك ..

بندر بروعه:الله لا يقوله لا أن شاء الله أنتي ماتعرفين تحكين زي الناااس ..

دلال:ههههههههه إلا.. بس شوي شوي لاتطقني ..

بندر قام :يالله انزلي امـي تقول نادها للقهوه ونسيتيني ..

دلال:ههههه كل ذا البربره وما ناديتني مااالت عليك ..

بندر يدفها:ماااالت عليك أنتي عروووس وتطاااق ..

دلال:هههههه ليه والعروس مااالها لسااان بالعكس هذا أكثر وقت تثبت فيه وجودها عشان يفقدونها أهلها هههههههه

بندر:بنفقدك والله بدون إثبات بنفقد الصجه والازعاااج ..

دلال :مااالت ماقلت بفقد الدلال والحنـــــان والحــب ..

بندر:أمحــق دلال وحنان >>لييه قاعد في مدرسه ههههههه والحب من جنبها وأنا أخوك الحب في الشرق وأنتي في الغرب

إلا كان جد شي جديد عاااد انا ما ادري ؟؟!..

دلال:لاا أعجبك ..

بندر:ههههههههه عادي تقوول؟ ..

دلال:هوو ربي يقول وإلا بنعمة ربك فحدث والحب أحلى نعمه ..

بندر:لااااا لاااااا أشيااااء جديده بقووووه ..

دلال:مايمديك أصلاً الحب أسـاس الحياه ..

بندر:ههههههه طيب انطمي ..!

أم فيصل :ساااعـه ليين تنزلون ..

دلال:ولدك الله يهديه ..

بندر :الله يهديك أنتــي ..

دلال :حلاااااااااااااااااااااااااي نسيته ما طلعتوه من الفريييز..

بندر:وتصلــح حلــى بعــد والله تطورات ..

ام فيصل :أنا ما طلعت شي تحطينه وتنسينه الحمد الله والشكر ..

دلال رااااحت وهي تكمل كلمتها :لاااااا حسااااافه طول الليل أحوس فيه وش أسوي نسيت ..

بندر:ههههه هذا وجه وحده بتعرس ؟..

ام فيصل :ايه وش فيها ورى ماتعرس ..

بندر:هههههههههه مافيها شي الله يوفقها بنفقدها ..

ام فيصل :ايه والله بنفقدها لو أن ريما حامل اللحين كان ميير يجي ولدهم ويملى علينا البيت ..

بندر:كل شي مكتووب يالغاليه والله يرزقهم إن شاء الله وبتجيك دلييل وعياالها بعد ..

ام فيصل :أن شاء الله ياربي واشوف عيييالك بعد وعيال عيالكم ..

بندر:اووه مطــوله ام فيصل ..

ام فيصل :وجـــــع ان شاء الله مستعجل على موتي يا بنيدر ..

بندر:هههههه لا والله امزح جعل يومي قبل يومتس وياجعل عمرتس طويييل قووولي آآآميييييييييييييين ..

ام فيصل :آمييييين وياجعلني ما ابكيك ..

بندر :ولا أنــا جعلي أموووت قبلك ..

ام فيصل :بسم الله عليك عمرك طويل ان شاء الله اندفن ما صحت على واحد منكم ..

بندر:لا أن شاء الله يا جعلي ما ابكيتس ..

دلال:خيير أنتوا تعازمون على الموووت >ضحكوا عليها <

بسم الله عليكم كلكم وعمركم طويل كلكم وكلوا ذا الحلى الزين من ايديني كلكم ..

بندر:هههههههه كل ابوكم أحسن ..

دلال:ولا يهمك كل ابوكم كل ابوكم لحظه وييين باااابي ؟..

ام فيصل :بيجي اللحين مقلط رجال عنده في المجلس وبيدخل اللحين ..

دلال:مافي شــي لين يجي مافيي أحد يرفع معنوياتي ويمدحني غير أبيي ..

بندر:ايه والله ما نسينا السنيمون العجييين وأبوي الضعيف يأكلها بملعقه عشان معنوياتك !..

ام فيصل :ايه والله انه جايه نزله معويه يومين ويقول لاتعلمينها ..

دلال:يااااااااااااااحبي له ياااناااااس ويلموووونــــي فييه بعـــد ..

بندر:هههههههههه مسيكين أبــوي مخليته حقل تجارب أشك انه بيجيه أسهال اليوم خخخخخخ

دلال:هذا وجهي أن كلت حبه منها وقل قالته دلاااال ..

بندر :من زينه اللحين مال من عمري أكل منه..

دلال:والله لا أكبه في الزبااااله ولا تاكله لاحساافه أعطيه عامل المسجد ولاتشده ..

بندر :أكثر ما كثر الله محلات الحلى في الرياااض عشر محلات بشارع عد وأغلط ..

دلال:الله يعينك أدفع وجب وموب جاي نص حلى حلااااي ..

بندر :نشوووف يا حلى حلااااي ..

...@@البارت الواحد والخمسين@@...









أنا من بين كفينك شعــور يشبه الشعره

..........أقولك شي ترى فدوه حياتي لو قطعتيني

أخذت من الصبر لا لا أخذ مني الصبر صبره

...........مادام بغيبتك محدن يجي مثلك ويحيني

تعاالي يابعد روح الشعور ويابعد عمره

..............أنا البارح لهاذا اليوم ماغمضت عيني



::والله ما غمضــت عيــني ::











>طلال اللي مختارها ترى <







هالأسبوع لاتعليق ..!



أسبــــــوع مشغوووووووولين فيه ليين روسهم زواج طلال ومافي أحد ما أشتق منـــه صاااير خبر الموسم إلا حدث الموسم

وأنا الصادقه ^_^..



تموروو الزواج دلال على أعصابها نفسيتها كل يوم أزفت من اللي قبله ماتدري وين راح كل شي وحل محله خوووف مو قادره تسيطر عليه مع أن مافي شي يدعي له ..



خلصت كل تجهيزاتها وحتى تعديلاتها على لوكها وطااااالعه كيييوت بالنيو لوك شعرها بني شوكولاته ومخصلته بألوااان فاتحه تجنن على لون بشرتها والمشغل حاجزه فيه من أسبوع وسوت البروفا وكل شي وبتجيها في قاعه الزواج على طول يعني مافي روحه وجيه ديما ماتركتها أبد مع أنها مشغوله مع أهلها بس دلال غييير خصوصاً أن ريما بعد موب عندها وهذا اللي يمكن

مضيق صدر دلال ..



على الساعــه 11البيييت هاااادي مرره بندر طالع وأمها مع أبوها تنهدت وذكرت الله يمكن تهدى شوي شافت فستان الزواج على كرسيها وابتسمت ..



"الله يالدنيا يا دلال بكــره وبأقل من 24 ساعه بس بتصيرين زوجه لطلال طلال اللي كان بالنسبه لك حلم ما أدري لييه أحس

أن ودي أصيح وخانقتني العبره بس موب قادره أطلعها لأن هالوقت للفرح بس بس الله يستر بكره ما أخورها حتى دوويم الخايسه مادقت اليوم مسكت الجوال ويدها ترجف ماتدري ليه بس شعور يجيها كل ماشافت

الفستان >وديه لغـــــرفه ثانيه ياختي ولاتشقين بعمــرك وربي راحمتها ..



أرسلت مسج "وينك يالدبا اليوم مالك حس هههه قصدي غطستي من عقب الظهر كيف الأجواء عندكم ؟!"..





طبعا ننقل كل كميراتنا وعدتنا الفنيه والمصورين والمخرج اللي هو "أنا" لبيت منيره اللي حدث ولاحرج والله

لونه عيد ما سوو كذا الإزعاج على أوصوله والصجه والبزران في كل مكااااان حتى عزيز يصارخ معهم مع الخيل ياشقرا

وحريم قالك اللحين يسولفون وإذا في قووه على وجه الأرض تسكتهم والسبب أن ساره وعيالها ولطيفه وعيالها ورنا وعزيز

كلهم في بيت أمهم عشان زواج طلول بكره لانهم بيتجهزون من هنا وحاجزين عن مشغل واحد ويعني كتعزيز لطلال اللي مستانس

عليهم يحس أنه شـــــي >>هههه يذكرني بيوم زواج خالي <<

طبعاً كان قاعد وعلى رجله ساره بنت لطيفه يسألها عن الفستان اللي بتلبسه ووش بتسوي لأنها بتنزف

مع دلال !..>>الدنيا مصالح ..

سعود كان قاعد مع خالاته وصكه رأسه حبتين باندول وما سوت شي فيناظر وبس ما يشارك تقريباً

ديما وريما والعنود وريهام يعني البنات قاعدين فووق لأن سعود فيه ..



رن جوال ديما رساله ووسط هالزحمه من المستحيل أن أحد يسمعه وللأسف الشديد كان جنب طلال

شاف :رسالة جديدة ..

طلال:يالله روحي لأمك ولاتنسين وش بتسوين بكـــره موب تفشلين مرتي..!

ساره:وسوو؟؟>>ياعمري ببراءه ما تدري وش يقول ..

طلال:روحي لماما ورفع الجوال وفتحها >>يمووون لوه عندي وربي كفختـه ..

شاف المسج وابتسم ..

رنا لاحظت عليه :والله إن درت عنك ديما أن تعلقك في المروحه ..

طلال:تخسى إلا هـي بكره عرسي ناقص أصابات ..

سعود:أنت تعديت على شي من خصوصياتها ! ..

طلال:ياااحبكم تكبرووون السالفه أنا وبنت أختي نصلح بعدين أبي صور من عنها >ايه ابئ أبالني !

قام وطلع ووقف عن باب المدخل وهو يفكر وش يسوي هي زوجته اللحين بس لازم بعد يحترم وجهة نظرها ورأيها

استخار وقرر بسرعه يرسل لها على أنــه ديما ..

كتب وارسل "هلووو موجوده والله بس لو تشوفين بيتنا حراج بن قاسم >هههه مبين أنه اسلوب عياال<والأجواء على

ما يرام ازعجنا رجلك ياختي ؟!!"



فتحتها دلال وضحكت أنا كم مررره قايله لاتقوولين رجلك لين أعرس وما تسمع ..



"هههههه طيب انطمي كم مره قايله لاتقولين رجلك لين أعرس ياسرع الدنيا بكره بعرس

هئ هئ ديما بموووت من الخوووف! "



استغرب طلال من "الخوووف "لييه لهالدرجه أنا اخووف طالع نفسه بمراية المدخل والله وش ملحي !

ههههههه الحمد الله والشكر رد عليها ..



"خووووف! بلا سخافه وش خوفه أنتي بتأخذين خالي موب وحــش!"

ردت بسرعه ..

"وهذا اللي مخوفني أنه خاااالك !"

استغرب أكثـــر..

"ليييه أنتي ما تبينه ؟!."

ردت بسرعه أكبر

"وجـــــــع أن شاء الله خييير ما أبيه أنتي بتتصفقين اليوم كانك فاضيه وماوراك شي بدق عليك أصرف "



هنـــا توهــــق وطااااح بشر أعماله >يالله أطلع منها يابو الشباب هههههههه<

طلال:اعجبك ..! ارسل بسرعه ..



"لا لاااا تدقين وش فاضيه أنتـي يالله أحك رأسي وحلالك يالغلا كفخي على كيفك ">قام يخورها الأخ



ردت ..

"من متى غرررريبه هالأخلااااق وإلا عشاني عروووس احم احم ؟؟" >>ههههه خبله ..



ضحك عليها فديت العرووووس أنا ..



"فديت العرووووس أنــا "



ردت "أقووول فااارقي بس ولاتنسين ترى بمرك الظهر لازم وحده منكم تكون معــي!"



رد وللأسف غلط "خذيهم كلهم "



استغربت "صااااحيه أنتي وش كلهم أبيك أنتي بمرك أنا وبندر وش أبي فيهم !"



رد وهو يضحك عليها "طيب لاتصاارخين خذيني بلحالــي !"



ردت "ترى مالي خلق أكتب اللي فيني مكفيني يالله باي وإذا فضيتي دقـي ما أتوقع أنام "



حس أن فيها شي وقعد يكتب ساااعه وبالأخير طلع هالمسج أرسله وهو يبتسم ..



"دلوول حبيبتي لاتقعدين تكبرين السااالفه وشووله تضيقين صدرك وتخافين بكره ليلتك أنتي

لا تخلين أي شي يأثر عليك اعتبريني أختك وتنصحك >ايه باين < وربي خالي طلال

يحبك وبيحطك في عيونه لو تشوفيه اليوم موب قادر يقعد يحووس ويدووس هههههه الحمد الله

والشكر خلاااااص علشااااني يالغلا وسعي صدرك تبين أقولك نكته؟ وبعدين إذا تبين ترتاحين توضي وصلي

ركعتين وادعي ربك وصدقيني بيكون معك "



دلال تقرى المسج ودموعها تتجمع في عيونها ردت ورمت الجوال وراحت تتوضأ ..



قالت "مارح أنسى لك هالخدمه أبــد ياجلعي أجهزك لعرسك وللي في بالي والله أني أصيح اللحين

مشكووووره نبهتيني لشي كنت غافله عنــه يالله في حفظ الكريم وسلمي على ماي هازبند ههه أمزح تراك خبله !.."



طلال ضحك وكتب "يبلغ .."



دخل البيت وهوو مستانس ويغني ..



طلال بصوت عااااالي وهو في نــص الصاله :أحــــم ياااااااااا أهـــل البيت >طالع فيهم ..قبيله ما شاء الله ..

سكتوا وطالعوه يعني أخلـــــص..



سوى نفسه مستحي :بما أني مشروع معرس وبكره عرسي الله يوفقني يارب قوولوا أمييين ..

ردوا وهم يضحكون :امييييييين ..

طلال:ودي أعرف اخر انطباعاتكم عني في أخر يوم عزوبيه وتمنياتكم لي ويالله بنمشي بالدور يمه

منيره:الله يوفقك يارب ويجعل لك في خطوه سلامه ويسخر لك ويرزقك قل أمييين ..

طلال:آميييين ياحبي لتس بس اللي بعده ساره ..

ساره:اخوي الصغير وولـــدي وأن شاء الله تعرس وتعقل !..

طلال:هههه تسلمين يا أختي الكبرى وعلى العقل أخاااف انهبل زوود هههههه >ضحكوا عليه بالله هذا وجه عرس ..

يالله صديقة الطفوله والصبا رنوو ..

لطيفه :وأنـــا ؟؟!.

طلال :سوري ما شفتك يالله أختي الوسطى ..

لطيفه :احلف بس ماعندي شي بس الله يوفقك ويعين مرتك عليك ..

طلال:ياحبك تخربين موقفه السرى عشان (ماعندي شي )شكراً وأنا ومرتي نصلح نرجع لرنا ..

رنا :وش أقول لاتتغير أبد انت طلال طلال اعرست وإلا لا واكبر مثااال انا ماتغيرت هذي أنا رنا رنا

طلال:هههه والله منتيب سهله سجــع بعد هي أنا رنا رنا >انقلبنا هنوود <لا تخافين أنا طلال ومستحيل اتغير لو

يجيني ميه ولد ..

التفت لسعود :حبيب ألبي ورفيق دربي وتوأمه هههههه سعوووودي المايك لك..

سعود :إذا بتلبي لي طلب أخيير قبل عرسك طلعني من هالبيت اللحين ..

طلال:ههههههههههه صكت فيه الدنيا ولد أختي لك تأمر أمر وبالمره أودع شوارع الرياض قبل لاأودع العزوبيه يااااحبي

للريـــــــــاض وشوووارعـها ..

رنا:هههه حمد اللله والشكر حتى الشوارع بتودعها هههههههههه داخل سجن وأنا مدري ..

سعود:لا وانتي الصادقه القفص الصدري..

طلال:أحلى قفص والله أنت تطووول خلااااص خلصتوا كل انطباعاتكم ما أدري ما عندكم أي اقتراحات ههههه

ديما:انطباعي أنك القف ماخلق ربــــي ليييش تأخذ جوووالي بدووون أستأذان هذا وانت بتعرس ومفروووض تعقل ! ..

طلال:اوب اوب طحنا بمطب ..

رنا:ههههههه جاك الموت يا تارك الصلاه محذرتك أنا ..

طبت عليه ديما وجوالها بيده حمد ربه انه مسح الرسايل قبل لايدخل ..

طلال:أفاا عليك بس معرس وأمووون ..

ديما:شقيت بنا بذا المعرس ما تسوى علينا والله ..

طلال:اقووول انطمي بس خذيه من زينه عاد سوير وعوير واللي مافي أمه خييير ..

ديما:وشووله تجييه يوم أنه سوير وعوير واللي مافيه خير ..

طلال التفت لسعوود يبي ينحاش :يالله مشينا ..

سعود: يالله بس أبي حبه باندول عندكم؟!.

طلال:هههههههه منتيب صاحي كم وحده كلت اليووم ؟؟!.

سعود:أحد يقعد عندكم وما يصدع عنبوكم أشوف الواحد اثنين ..

طلال:ههههههههههه ماتعودت مسوي لي اتيكيت عندنا لازم تتعود على الأزعاج..

سعود:الله يجيب بكره على خييير وإلا رحت أنووم في بيتنا ..

طلال:وتخليني بلحاااالي ترى اليوم آخر يوم عزوبيه ومعدبك شايفني ..

سعود:ليييه بتهاجر ؟؟!

طلال:هههههههه أفكــر ..

سعود:الحمد الله والشكر يالله بس نروح بسيارتي وإلا بسيارتك ..

طلال:لا بسيارتي عشان أودعها ..

سعود:أنت خلييت شي ماودعته ..

طلال:شسوي عاد واصل ههههههههه

سعود:ههههههههه مره واصل ..











.........................











طبعاً فوق يمكن الجوو أهدى شوي مع أنه موب أكثر بس يعني مافي بزران بس البنات و كبار بعد..



دخلت ديما :خالكم هـــذا قليل أدب !..

ريما:ههههه ليه بعد أنتي ويااه ما تخلصون ابد ..

ديما:تخيلي أجي القى جوالي بيده معد فيه احترااام لخصوصيات الناس أبد..

العنود:ههههه ياربي على الخصوصيات ..

ريما :بنزل اوسع صدري شوي ..

ديما:رااااح مع سعود يبي يودع شوارع الرياااض الحمد الله والشكر إلا سعوود تعبان ؟؟؟!

>قلبت الموضوع لانها لاحظت شي عليه <

العنود ماتدري لييه قرصها قلبها يمكن لأن أسمها معلق بأسمه ..

ريما:لا بس مصدع من الصبح يقول بيتكم إزعااااج ..

العنود:والله بيتنا هادي بس لاجيتونا صااار إزعاج ..

ديما:أنتي ووجهك ماتعرفين تجاملين والتفتت لريما . لا والله وجهه أصفر أحس فيه شي ؟!..

ريما:حايمه كبده من المستشفى وخرابيط طلال اتوقع ضغط عليييه ..

ديما:ليييه وش فيه المستشفى ؟؟؟!.

ريما:مااااااااااادرييييييييييتي ؟؟؟>>هههههه حركات الحريم ما دريتااااا !..

ديما:لا وشوو ترى أنا أخر من يعلم في البيت ذا الأيام وش صاير ؟؟..

ريهام وهي تضحك :بنااااات يغازلونه في المستشفى !..

العنود وديما فتحوا عينهم ..

ديما :يغاااااازلووونه ؟؟؟!!!حركااااااااااات والله أخوي موب سهل هههههههههههههه لييييه ووشلووون ومتى !!..

ريهام :ههههههه اليوم جاي حايمه كبده وقال لنا أقول خلي ريما تقولك ..

ريما:تخيلي يتكلم عن البنات اللي معه في المستشفى >الموظفات<يقول ميير ماعندهم في أحد عيني عينك والمشكله أنهم كلهم بنااات ناس وعوايل معروفه وكنهم أول مرره يشوفون شاب سعودي ودكتور يقوول حوموا كبدي تعرفينه عاد أخــوي

يستحي ..

>وللأمانه موب كل البنات وربي أني أشوف بنات يشتغلون في المستشفى وبكاااامل حشمتهم وأخلاقهم بس لكل قاعده شواذ<

ديما:هههه والله موب سهل يشوفون اوخيي ملح وقبله وعقل وثقل ومنصـــــب وش يبون بعد ..

وتلتفت للعنود :انتبهي لرجلتس يالخبله أحد لاقي..

ريما:ههههههههه يقول والله أنا اللي استحي منهم قوة وجــه ووقاحه متعديه حدودها تخيلي

وحده عازمته على كوفي في وقت البريك !!

ديما :ووافق ؟؟!!

ريما :يقول جابته وقعدت ماعندها فأحد ..

العنود :يحلف بس ؟!>وفي نفسها من أولها يا سعييد بس هييين وشينه الحلايا كوفي بعد جعله ينكب فوق راسك قولي

آمييييين ههههههه ضحكت على نفسها وش أقول أنا ..

ديما :خلاااااص نقوله الملكه الأسبوع الجــاي أجــل ؟؟!..>>وكأنها تقرر ..

العنود:خيييير على كيفك أنتي أنا على رأيي يبيني وإلا يروح لحقت الكوفــــي ..

ديما:اووووف حقدت ياعزتي لك يا خيي..

العنود تناظرها بنص عين :ياعزتي له والله ..

ريما:ماعليك منها أهـم شي راحتك أنتي ..

العنود:وراحــــتي أبقى على كلامي ..

ديما:وما تخافين حقت الكوفي تاخذه منك ؟!!

العنود:حلالها ..

ديما:والله أنك بااايعته وهو وربي يستاهل كل خير وشااريك..!

العنود:دووويم ووجع مشتغله مصلحه أجتماعيه هالأيام وأنا مدري رجلي وأصلح أنا وياااااه !

ديما:يااااااااااهوووووووووووه لاه لاه رجلي بوادر طيبه إن شاء الله ههههههه

العنــود:ديمااااااا

ديما:هاااااااه..

العنود:هويتي في قليب قولي آمييين

ديما:وش عندها أمـــي منيره ..!

العنود:فارقــــي اسمع عمتي ساره تناديك ..

ديما:بروح أصلا الجلسه معكم تقصر العمر ..!

ريما:تقصر العمر في عينك إلا والله ماتنمل ..

ديما:إيه والله ماتخر فيها نقب ..

العنود:أنتـي يبيلك من جد إعاده تهيئه على ذا الامثال اللي مدري وش تبي ؟!..

ديما :ياااربي يحسدون الزيــن على حلاااه >>العنود ذبت عليها مخده وهي تضحك وطلعت من الصاله قبل ماتوصلها ...













.....................















في الليل البيت هجـــده مرررره ماكنه اللي قبل ساعتين يردح البزران كلهم ناااموا إلا أهل البيت كلهم ناااموا اللحين الساعه2

والبنات مالهم نيه ينامون ومافيه أحد تحت بعد مانظفت الشغاله كل شي ..

سعود رجع هو وطلال من ساااعه تقريباً والصدااااع كل ماله يزيد عليييه ما يدري وش ذا يحس رأسه بينفجـــر من الوجع

ما أكل باندول لأنه توه من ساعتين مأكل كان نايم تحت بالغصب لأنه يبي يروح بيتهم بس طلال معيي عليه في الأخير ذبه في مجلس الرجال ونااااااااااام وجحده >>مدري شلووون ينااام ماشاء الله لا إله إلا الله وبكــره عرسه!..



طلع وراح المطبخ وكان يمشي براحه لأنه يدري أن كلهم نايمين هالحزه خصوصاً أن وراهم عرس بكره وخرابيط حريم

ماتخلص ..

دخل المطبخ وقعد يحوس ويفتح في الدروج يبي يلقى النسكافيه يمكن يخفف عليه شووي لانه متعود عليه وماشربه من يومين

يمكن يكووون سبب لهالصداع حااااس وحااااس وحااااس ومالقى شي قعد يدعي على هالشغاله الخاااايسه اللي مدري وين موزيته فيه صب له كأس مويه وأخذ بندول خلاااص قعد على الكرسي وراسه بين أيدينه ..



في نفس هالشكل وهالمكان من سنه تقريباً جمعهم القدر وهذا هو يجمعهم مررره ثانيه ..!

>>إذا تذكرون معـــي ..

دخلت العنود مدرعمه ماتدري ان فيه أحد وانصدمت من هاللي قاعد وردت الفعل كالعاده شهقت من غير وعيها بدل لاتنحاش

مثلاً >>يعني اعطيها خيارات ..

رفع رأسه وهو يالله يشيله شاف نفس الشكل قد شافه من زمان بس ما يدري وييين للحظه تخيل انه يمكن يحلم بس غابت عن

عينه أول ما فرك عيونه >شكل الصداع مأثر قم نم بس بسم الله الرحمن الرحيم >>ما أمداه حتى يعرفها لأنها انحاشت

بسرعه >>سمعت كلامي على طول ^_^



عنووود لا تعليق شوي وتصيييح أنا لي متى بطيح فيه ولا في المطبخ ونفس الشكل لاااااااااااااااا ونفس البجامه بعد هئ هئ هئ

بيقول ماعندها غيررها ههه وجع انتي خير وش هالتفكير بس شكله ماركز شكله تعبااااان وانتي وش عليك منه بس ولوو كواجب

و طلعت ودخلت على ديما ..

العنود:أنا بكفخك يووووم ..

ديما:خييير وش سويت ..؟!

العنود:تقووولين مافي أحد وطحت بأخوك في المطبخ ..

ديما:لااااااااا فااااااااتني شكله صار أكشن وش صااار وداخله كذا بالبجامه والله أنك ما تستحين !

العنود:ما استحي في عينك يالخااااايسه من اللي سائلتك وتقولين أماااان مافي احد وجيبي لي مويه معك >>وتتهزى بها ..

ديما:ههههههه وش يدريني أنا وإلا كان نزلت معك اتااابع لايف يالله وش صار ؟؟

العنود:حل الله مصيرك قوولي آمين ..

ديما:وجــــع وش ذا الدعاوي عندنا عرس بكره من عاشر قوماً اربعين يوماً صار منهم طالعه كنك أمي منيره ..

العنود:انطمي وانزلي له شكله تعبــــان ..

ديما:ههههههههه أمداك تقزينه ؟!..

العنود:وجــــع اصلا ما امداه يشوفني بس والله شكله تعبااان انزلي له ..

ديما:مااايمديني على الحنان بنزل بس انزلي معي ..

العنود :مالي داعي خافه في المطبخ انزلي أنتي ..

ديما:تعلميني في سعود تلقينه اللحين في المجلس من شافك ..

العنود :بقعد عند الدرج إذا مافيه أحد ناديني ..

نزلت ديما ومالقت أحد بالمطبخ نادت العنود وراحت لسعود في المجلس ..

دخلت عليه ولقته قاعد عن التلفزيون وطلال منبطح ونااايم وشكله يموووت من الضحك شكله متعمق في الحلم ..

ديما:ههههههههه هذا وش عنده ذا ورى مانام في غرفته ؟؟..

سعود:يخاف يخرب سريره وبكره العرس ..

ديما:هههههههه الحمد الله والشكر وانت غريبه مانمت كنت في المطبخ قبل شوي ؟!..

سعود:رأسي مصدع وايه كنت ادور النسكافيه ومالقيته مدري وين حاطته ذا الدب ؟؟..

ديما:هههههههه أفاا عليك توزي كلش زين ماوزت أمي منيره ..

سعود:كنها تشتري من حلال أبوها اللحين >هذي شغالة منيره فيها طبعٍ شين حريصه على اشيااائهم مررره وبخييييله

وماتحب التبذير لدرجه انها طقاق هي ومنيره لانها توزي كل شي الاربعاء والخميس علشان عيال بناتها ايه والله كنها تشتري

من حلال أبوهـــا ..

ديما:وش منه مصدع ؟!

سعود:مدري والله .. إلا في أحد نازل قبل شوي ؟؟!.

ديما:قبل شوي وييين .!

سعود:عند الجيييران وييين يعني في المطبخ تستغبـين !..

ديما:ههههه والله مدري يالله باي نم وراك بكره يوم شاااااااااق ههههههههه..

سعود مبتسم :والله أنك صادقـه..



العنود كانت قاعده على الكرسي اللي كان قاعد عليه وعلى الطاوله قرطاسه بندول مافيها ولاحبه وكأس مويه فيه ربعه شكله مصدع من جــد يمكن حاطتله بنت اللذين شي في الكوفي اووووه عنود وين راح تفكيرك ..

ديما:يااااااااااهو نحن هنا !

العنود:وجع روعتيني ..

ديما:انتي اللي غرقانه ..

العنود:وش فيه ؟؟!.

ديما:مصدع ويبي نسكافيه ومالقاه موزيته شغالتكم !

العنود:جعلها المر هذا طبعها من عرفتها كنها تصرف علينا ..قامت عنود وحطت الغلايه وراحت للدرج وطلعت النسكافيه والكوب وسوت كل شي بهدوء وديما قاعده على كرسي المطبخ وتناظرها بأبتسامه ..

ديما:تصدقين ؟!

العنود:وشووو؟؟

ديما:شكلي بوافق على القناص ! ..

العنود:هههههه ياااااسر هههه لا لاتقولين لاتتهورين وأنا أختك..>تقول عنه القناص لأن اسمه ياسر وهاللقب لقب اللاعب السعودي في نادي الهلال ياسر القحطاني >>عرفتووه أكيد يلعب في المنتخب بعــد..!

ديما:ههههههههه الخايسه لاتقولين اسمه ترى تجيني حكه والله كلكم بتروحون وبقعد أنا بلحالي >فيس ضايق صدره..

العنود:القرار راجع لك بس هالقرار ما يتخذ بهالطريقه أهم شي راحتك وانتي شكلك ماتبينه من هاللقب اللي حاطته له ..

ديما:انا اللي حاطته والله هو اللي اسمه خااايس ودي بقناص ولا ياسر على العموم بشوف أمه بكره وبفكر ..

العنود:وش دخل امه انتي بتعرسين عليه وإلا على أمه ..؟!

ديما:بعرس على ولدها وهي أمه ..

العنود:لا يكثر بس وروحي عطيه إياااه ..

ديما:إن شاء الله اووامر ثانيه مدام عنود ؟..

العنود:هههه لا شكرا ..

ديما :شغالة أبــــوكم أنا بس وش اسوي الله بلاني بمرة اخو معانديه وأخو مماشيها وضحكت وهي تسرع بالكوفي عشان لا يجيها صحن في راسها ونص الكوفي في الصحن الله لا يبلانا ..



دخلت به عليه :خذ إن شاء الله تطيب ..

سعود:ثاااانكس بس غريبه ديما متنزله ومصلحه لاخوها حبيبها كوفي

ديما :لا والله موب حبيبها أنا لو على جداي أن تفطس من الجوع هذي زوجه المستقبل تجرب فيك

رفع راسه :العنـــــود..؟!

ديما:ايه تأمر على شي ..

سعود:اشكريها وقولي ماقصرتي يالغلا ..

ديما :ماتستحي على وجهك تغاااازلها عند أختك ..

سعود:وش أغاااازل أنتي ووجهك أشكر بنت خالي على خدمه الله يخليها يارب ..

ديما :العفــــو ولاجيت تشكرمره ثانيه أشكر مثل الناس وطلعت ..

سعود:ههههههه ياحبي لكــــــــم .....>>لاتعليق شكلـه يشفر الأخ ..

















....................















طبعاً الوقت يمـــر سريع سريع واجد واجد مرررررره>>هههههه قلبت هندي من ذا اللي عندي الله يقلب

روسهم قولوا آآآمييين ..



الوقت اللحين وبالتحديد 8 مســـاء بتوقيت جرينتش >>أحلفي بس لا والله بتوقيت الريـــاض يعني إذا بتحسبون بجرينتش 10 نقصوا 3 ساااعات تطلع 8 ههههههه تحسون أنـــي فاضيه صح ههههه نرجع للقصه أصـــرف ^^ ..



البنات اللي هم العنود وريما ورنا كلهم مع لطيفه وساره راحوا للمشغل اللي حاجزين فيه من الظهر وماطلعوا للحين وسعود

يحتريهم برى لأنــه تأخروا ..



وديما من الظهر راحت مع دلال للقاعه لان دلال تبيها معها >طلبيه خاااصه يعني <كان ودها تكون معهم مع أهل المعرس بس وش تسوي بنت عمها وماعندها أحد ولازم توقف معها صاااار لها موقف لا تحسد عليه كانت توهم واصلين والقاعه فاضيه والاخت مستانسه عليها تنزل وترقى لانه زي الفندق فوق غرفة العروس وجناح كامل لها وتنزل بدرج على القااااعه هههههههه وما شاء الله ديما متكفله بكل شي تروح وتجي وتشيل وتحط لدرجه أن ام فيصل فرحااانه فيها وتشكر فيها وتمدح وهي قايمه

وهي قاعده المهم على العصر وهي بحوستها ما بعد تزينت ولا شي تحتري الكوفيرا تخلص من أم فيصل و بعدين تبدى فيها

نزلت تتفقد أحوال الرعيه وتدور ما ردها إلا المايك وتجرب فيه>>اييييه أقولت أنا كده مييين تأصد أنا حبنا عشقنا هو أنتا بتتكلم عننا يااااناااااسي هواك وماخد معاك ليالي وسنين عمرنا انا اللي اشتريت ودبت وهوويت وضاع من ايديك حبنا

ايييييه أولت أنا كده

>>هههههه الحمد الله والشكربس ..!



والدي جي تجرب فيه الزفه يعني فاضيه بكل ما تحمله الكلمه من معنـــي عطشت عقب المواهب الفنيه اللي طلعتها

وقالت خلني اروح اشرب مويه قبل ما تستقعد لي هييك >لقب اللبنانيه اللي تزينهم لانها كل شوي بدك هييك وإلا هيييك >

راحت ودخلت الجهه الخاصه بالتقديم والحوسه توها داااخله الا اللي يفتح الباب وفي يده كرتوون شااايله ما ردها إلا :يمـــــــــــــــــــــــــــــه >>هههههههه كالعاده وهجت تدرون من طلع بندر ماااات من الضحك وانا ما اشوفها إلا مروعتني وتصااارخ الحمد الله والشكر بس وش بيطلعون عيالها !حط الكرتون ونسى الموضوع لانه ينتظره شغل

كبـــــــر هالدنيا >>ياحبي للمبالغه ^^



دخلت وهي تشحن طالعه الدرج ركض الأخت من الــروعـــه..

دلال:ههههههههه وش فيك ؟؟

ديما:انطمــي واخلصــــي!

دلال:هههههههه طيب وجع لاتصارخين وقالت بدلع:ترى أنــا عروووس ..

ديما:أمحق عرووس ..

دلال:هههههه مالك دخل جربتي الزفه ؟!..

ديما:اييه ماخليت شي ماجربته بس أنتي اخلصي ...

طبعاً مستحيل تمسك لساااانها وقالت لها عن بندر دلال فطست عليها من الضحك ..

دلال:هههههههههههه بالله عليك بذا الخشه هههههه ياربي كحلـــي أصبري أخذ نفس !

ديما:خشـــه في عينك ملح وقبلــه ياحـــبي لي بس والله أنـــي أهبـــــل ...

دلال:مدااااح نفسه يبيلــ......>>أكملي الفراغ بالكلمه المناسبه ..!

ديما :بتجيك رفسه تعلمك وشلووون الكلمه المناسبه ..

دلال:لا تكفين وراي زفه ومشووار ..

ديما :هيييك بأي لك كـتييير ؟؟

الكوافير:لا ما بأي لي أشي بس شوو أحلى على المدام هيييك وإلا هيييك ،،

ديما:ههههههههههههه لا هيييك خالتي ما زهقتي ..؟!

ام فيصل :إلا بشيل قشها اللحين وبذبه في الزباله أن ماقامت عنــي..

الكوافير:شووو مابدك هيييك؟؟؟!.

ديما:هههه إلا بدها بس أخلصي أنتــي ..













...............











سعود:سنــــــــــــه عشاااان تطلعون تدرون أن ورانا أشغااال ومالكم نيه الله يهديكم ..

ام سعود:وش نسوي وأنا أمك زحمـــه ..

سعود:هااااذا وأنتـــوا حاااجزين بعـــد خلاص نمشي ..

لطيفه:لا باقي بنت أخـــوي ..

ساره:ماجات العنود ؟؟..

ريما:بتجي تلبس عبايتها بس نشبت مع شعرها ونقابها ضايع

لطيفه :تطلع بس من بيشوفها بذا الليل !..

سعود:ذا العالم كلهم ومن بيشوفها ؟؟

لطيفه :يوووه نسيت أنك فيه ولع المكيف وأنا خالتك كلانا الحــر

رنا:ههههههه عاش مصرف ..

سعود:بلا من كثركم هذا وانا جاي بجيب طلال ويالله يالله ..

لطيفه:قل ماشاء الله لا ننقرض ؟!

رنا:ههههههههه لطيفه جيبي أمثاال صاحيه بليز وش ننقرض ههههههههههه لا تضحكيني يسيل كحلي بس

سعود وش اخبار عزوزي ما صاح عليكم ؟؟

سعود:لييه وش شايفتني بيبي ستر لولدتس؟!

رنا:هههه لا بس يعني عندكم في البيت ما مريت عليه شطفته شي ؟!

لف عليه سعود:شهالالفاظ اللي عندك انتي (شطفته)وين إنا فيه في الشارع ؟

رنا:هههههههههه انطم بس زيد يقولها لي ..

سعود :ماخربك إلا زيد !

رنا:حرااام عليك لاتتبلى على رجيلي ..

سعود:الله والرجيل عاد إلا وش أخباره؟؟

دخلت العنود :السلام عليكم معليش تـأخرت !..

رد سعود>>يموون :لاعاااادي ..ركبت ومشوا وهم سواليف لين وصلوا البيت ...

...@@البارت الثاني والخمسين @@...









لو تبي عيني حشا ماقلـت لكـن

تحت امرك يالغضي هذي وذي !!

والله انك داخـل الخفـاق ساكـن

من عرفتك وانت عندي كل شي !!

كل ماغنى ابـو نـوره الاماكـن

انت والله بس من يطري علـي !! "









طلال:الأماااااااااااكن ترااااراااا تر ااااارااااا الأمــــااااااكـــ..>>مـــــــــــــزعـــــــــج أسكت واللي يرحم والديك أنت وأماكنك أذنيني أبيها >>تدرون وش سوى طالع فيني بنظره وصرخ :الأمااااااااااااااااااااااااااااااااااااااااااااا ااااااااااكن ><<<<وجــع !





أروح عنه أصرف دخلوا البيت البنات وطلال مرتز بالبشت ومتكشخ وقاعد بالصاله وقف بسرعــه :وينـــــكم تأخــرنا ؟!!

رنا ولطيفه :ياااااااااهو يا حركااااااااات ما يمديني أنـا محلووو يالخايس >كان مسوي تنظيف وجه وحركات الرجاجيل ما اعرفها بس متغييير ..

طلال:أحم وش رايكم فيني ؟؟

ساره:ما كنك كاشخ بدري ترنا أهل المعرس ؟!

طلال:لا وش بدري شوفوا الساعه كم متى تبونا نوصل ..

دخلت منيره :جيتووو ؟؟

ساره:ايه تونا داخلين ..

العنود :وش رأيك فينـــي يمه ؟؟

منيره:ما شاء الله لا إله إلا الله تهبلوون كل وحده تقول الزين عندي أقروا المعوذات بس ترى عيون الناس ميب تخلي أحد ..

لطيفه :الله يسلمتس مييير ...

طلال يحب راسها :وأنا يمـه !!

منيره:أنت رأس المال الله يوفقك ووو................وقائمه من الأدعيه اللي توسع الصدر ..

طلال :يالله نص ساااعه وإلا مشيت وخليتكم ..

رنا بخبث :في أمك خير أمش وخلنا ؟؟!!

طلال:في أمي كل خييير انتي ووجهك انتي ماش مأثر عليك جو العييال اللي في بيتك وأصلاً انتي عاد على جريف من خبرتك !..

رنا رفعت شنطتها بتشوته :عشااااان تشوف شلووون مأثرين وورني وشلون بتعرس ؟؟!..

طلال:هههههههههه لا تكفين السموحه يالغاليه روحي شوفي ولدتس بس ما خلا مخده ببيتنا ما عضها الظاهر وراثه وإلا يمه ؟؟

منيره:لا والله رنا ميب تعض يومها صغيره ؟!

رنا:لا والله بعد مصدقته يمه ياااعمري وليدي بتطلع له سنون وفيه حراره إلا طلال ماجته حراره ؟؟!

طلال:إلا والله جته حراره وكمدته بمويةٍ بارده وعطيته فيفادول وغيرت حفاظته ونومته خداااااااااااااام أبوك أنا أنا معررررررررس وذي تقول ماجته حراره ؟!..ناااس فاضيه ..

رنا:هههههههه وجع أسأل بس !

طلال راح للبنات اللي لاهين يعلقون على التسريحات والمكياج عند المدخـل ..

طلال:الله الله وش ذا الزين بنات أخوي وأختي ..

ريما:كلنا وحده وحده ياحبك للمبالغه بنااااات أخوي وأختي ! ..

طلال بحاجب:وش رأيكم فيني أهبل صح ؟؟!!

العنود:تبي الصدق عااااد محلووو اليوووم طالع وسيم .

طلال:من يومي وسيم يالدبا ..

العنود:دبا في عينك أروح أغير أصرف لي ..

طلال لف على ريما :وأنتي ما شافك فيصل بالنيو لوك ؟؟..

ريما:تصدق حتى أنا أروح أغييير أصرف لي ..

طلال:وش فيييكم ؟ وأنا أقعد بلحاااالي بسرعه وإلا رحت !

ريما مع نص الدرج :اسبقنا ونلحقك ..

طلال:لييه سابق ولاحق وأنا مدري فارقي بس ..ورجع يكمل اللفه على البيت فاااضي ..

شاف عيال لطيفه بااالشين بالأشمغه والمرزام وخرابيطها ،..

طلال:تعااال صويلح أنت وذا التشخيصه كنها تشخيصه منيب قايله..

صالح:محمد الخايس هو اللي حاطها لي يبي يطلع أحسن مني خالي طلال ..؟

طلال:هلا..

صالح :سو لي زي حقتك !

طلال:إي فحط أسوي لك زي حقتي حقوق اللبس محفوظه تبي تطقم مع المعرس وين عقاااالك ؟؟

>>مسيكين كلاااه صالح :هاااا

طلال:قل سم خلك رجااال موب هااا

صالح :سم >خلص منه طلال وقاله يالله شف وش رأيك! لف صلوحي على المرااايه وأستانس من الشكل النهائي للترتيب

قام يقول :مـــــا شاء الله مـــــا شاء الله >>هههههههههه هذي لها سالفه أقروها وأنتوا تمطون الما وكملوها باللغه العربيه بشويه شد >>يبيلكم صوت هههههه بس والله حلووه بالنطق >>إذا عرفتوا تقرونها قلت لكم السالفه ..

فطس عليه طلال من الضحك من فمه طالعه شـــي ...

















....................















على الساعه 10 كل شي على سنقة 10 >>هههههه مدري كذا وإلا لا هذيك حقت المصاريه اللي يقولونها

المهم ..

يعني كل شي على أحسن ما يكووون الناس بدوا يتوافدون على القاعه ودلال كل ساعه تتوتر أكثــر عن اللي قبلها

ما تدري هالخوف اللي فيها من وشوو لدرجه انها وترت ديما معها ديما تبي تهديها خلاص ما تقدر وتنزل وترقى كنها أخت

العروس الله لا يشفنا ليين نشوفك عروس ما قصرتي اليوم والله ..

طبعا كااانت طااالعه شــي شعرها طايل كان واصل نص ظهرها كله مسويته كيلي عريض ومن قدام بس رافعه غرتها وما سكتها كلها بكريستاال وبعدين الشعر كله منفوخ ونازل على ظهرها كله كيرلي فستانها مررره هاااادي مع أنــه فخـم كانت مسويته الحرير الطاايح لونه سكري فاتح مررره وكريستالات بسيطه باللون العنابي فووق على شكل خط طول قصه الصدر وبدون أكتاف ومن ورى ذيل طويل مع حركااات وحركه بكريستال عنابي على الخصــر وفيه طبعه أو رسم مدري وش يسمونه اللي يرسمونه على الفستان كان رسمه فرس رررروعه >فيييه كــذا إبــــاء وعـــزه وشــــي ليتني أجيب لكم صوره مع خرابيط فستانها صااير رووعه ومتعوب عليه وكانت من جد نجمه من نجمات الحفل مع المكياج اللي كان درجات العنااابي بس مرره هاااادي طبعا طقاق هي وامها على ان الفستان عاااري فسوت له زي الجاكيت القصير من التل يغطي اللي طالع من لحمها على قولة ساره بس هي مقرره ما تلبسه وتخلي أمها أمام الامر الواقع >>الله يهديها بس .!

خلصنا من ديما نجي للي توهم داخلين أهل المعرس ..

سااره ولطيفه كاااانوا خوات معرس بكل ما تحمله كااااشخات فساتين ماعليها كلام وفخمه وتسريحات ومكياج يعني توب

كل وحده باللي يناسب عمره مع ان لطيفه متألقه بالاسود ..

رنا وما أدراكم ما رنا ما شاء الله رنا ملامحها جميله ما يحتاج تضفي شي عليها مجرد أنها تلبس الشي تحليه كانت لابسه فستان أحمــر صارخ شوي وفي حركااات وموديلات رووعه يمكن محيوس شوي بسس على اللبس طالع كيوت مسويه فيه اضافات بقماش مقلم أسود وأبيض وكريستالات وحوووسه بس مع الروج الاحمــــر يبيلها صوووره ^^

ريما كالعاده أنـــاقه بس بهدووء طاااااغي خصوصاً بعد النحف البنااات يقولون محلووه مع النحف والعجز يقولون عظامه >>وماندري من نرضي !كان فستانها تايقر>جلد النمر<درجات البني والعسلي والاسود تقريباً بس غالب عليه العسلي ومسويه هايلات جديد فمغير شكلها مررره مع التسريحه>أول مره تسوي تسريحه بعد زواجها < تبي تسوي نيو لوك لفيصل..

العنـــود ميب أقل منهم إذا ما كانت أروقهم باللون الأصفــر وموديل مافيه خرابيط ولاحوسه نااااعم وحلووو ومكياج خليجي ثقيل

نوعاً ما وشعرها كيلي بس جامعينه لها على جهه وحده وفيه حركات بشرايط صفراء ومرره طايل لأنها من زمااان ماقصته ..

ريهام بعد متميزه اليوم أول مرره تنعم شعرها وتوها قاصته مدرج من فوق للأخير طالع مرره حلووو فستانها ناعم لانها عمليه وماتحب الحوسه كان باللون السكــري ومكياجها توب ..



كانت كل وحده تقول للقمر وخر وأنا أقعد مكانك >>>وأنا أحلاااااهم أكيييد ^^<<<...



الكل يسأل عن ريما ويقولون للأسف متزوجه ورجلها عندها بالدنيا >>هههههه هاذي من عندي عاد !

وبعد العنــود بس يقولون مخطوبه لولد عمتها اللي هو سعود وديما ياقلبي ما سأل عنها إلا أم ياسر و تتنحش عنها

تنحش ماتبيها تشوفها بس في الأخير حجرت لها أمها وهي ماره مع العنود بيطلعون فوق لدلال

أم سعود:ديمـــا ديمـــا ؟؟؟

ديما :كن أحد يناديني ؟؟

العنود:عمتي ساره ..

لفت ديما ..

ساره :ديمــــا تعالي سلمــي على أم يااااسر !

ديما:هئ هئ يمــه حرااام عليك ..

العنود:هههههههه وش فيك هذا الرزق الحلال جاك لين عندك .!..

ديما تشيل ذيل فستانها وتروح لهم :انطمي بس مالقاها إلا أنتي ..راحوا الثنتين يسلمون

ديما:هلا والله ..

وأم ياسر تقز وترحب وتهلي:ماشاء الله تبارك الله هذي ديما ملح وقبله ياسااره وش ذا الحلا وش ذا الزين ؟!

ديما وجهها بدى يحمر وجع استحي والعنود ماسكه ضحكتها ديما لما سلمت ووقفت جنب أمها ساره مدت يدها

وقبصت كتوفها من فووق بقووووه لأنهــا مالبست الجاكيت اللي فصلته>>يعني عنااد <<

ديما:آآآآآآآي يمــــــــــــه >>قربت لأذنها :ترى والله لأقول ما ابغى ولدتس..!

ساره قبصتها عشان تسكت والعنود ماقدرت تمسك نفسها ماااتت من الضحك وطلعت فوق وديما لحقتها بعد العقوبه اللي جتها

وتووها في البيت بيجيها البااقي >>أحســــن تستاااااهل أنا ما أحب اللي يعاندون أمهم هههههههه ^^أدبــــ !

أم ياسر :ما شاء الله يا أم سعود عندك ذا الزين وموزيتهم عنــا ..!

ساره:ههههههه ماوزيت أحد كلن راح في نصيبه ومابقى إلاهالثنتين ديما وريهام ذيك أم سكــري اللي مع أمــي ..

أم ياسر :ما شاء الله الله يكتب اللي فيه الخير إن شاء الله ..

ساره:أن شاء الله يالله أجل أستأذن تبون شي ..؟!

أم ياسر :لا سلامت عمرك ..

ساره:الله يسلمك ..



العنود:هههههههههههه ياربي بطني ههههه كحلي سااال الله يأخذ عمرتس

ديما:لاتدعين علي وجـــع أجل تقبصني عشاااااااانها مير والله ما أخذ ولدها

العنود:أصلاً أنتي على جريف هههههه أنتي داريه ليه قبصتك عشان الجاكيت ؟!..

ديما:ياختي والله شكله غلط ووقفت عند المرايه ونثرت شعرها وهي تحرك عيونها وتسبل برموشها :بيخرب برستيجي !

العنود:يااااربي على برستيجي بس والله انتي ادرى بالناس والله ان تصيرين حكوه بحلوقهم ؟!

ديما:بالطقاااق أصلا رضا الناس غاية لاتدرك ..

العنود:بس ولو أحس عمتي ساره ودها تطحنك ..

ديما:تشوفيني أتنحش عنها بس مسكتني بالأخير تصدقين حتى ريما مستغربه اني مالبسته بس ماابيه ياختي

العنود:ما شاء الله ريما طااالعه تهبل اليووم الهايلات مناسب وجهها مرره ..

ديما:اقولها الدباا متغيره اللحين ورانا واقفين فيذا ليش مادخلتي ؟؟

العنود:اخوها عندها يصور متى بتنزف هــي ؟

ديما:خلاص اللحين بس بصور معها قبل بتصورين !

العنود:الله لا يعوقني بشر كل ذا الحــوسه وما أصور ..

خلني أدق على ريما ورنا كانهم يبـون يصـورون يرقون ...









على 1 وشوي الانــوار كلها مسكـــره والنور موجه على باب كبييير في وجه الدرج الطويل اللي كله مزين بالورد الطبيعي الأحمر وأم فيصل رايحه جايه ومعها ساره ولطيفه اللي ملبسه السووري الصغيره عشان الزفه ..



كانت لابسه فستاان ابيض ناااافش وقصير كانها من الالعاب الباربي ومن فوق نفس موديل فستان دلال وفي يدها شمعه حمراء ومزينه بورد نفس ورد الكوشه واللي على الطاولات وفي الممرات كان كل شي أحمر وأبيض ..



طبعا موسيقــــى هااااديه مع عصافير وأصوات هاااااديه مرره بعدين أنفتح الباب وطلعت ساره الصغيره على الموسيقى وهي تمشي وتتبسم طااالعه تجنن مع الشعر الكيرلي والشمعه وتمشي بشويش وتنزل مع الدرج وهي تناظر هالناس وتبتسم ببراءه

لطيفه تسمي عليها >بنتها<وديما مع دلال فوق والعنود فأخـــر الدرج واقفه على جنب مع رنا ولطيفه ومنيره تدعي لهم

وتسمي عليهم ..

بعد ما وصلــت ساره للكوشه قعدت على الدرج حق الكوشه بحركه حلوووه وهي نافشه الفستان جنبها

>يااااختي طاااالعه تجننن <

رجع النور مررره ثانيه يتوجه للباب وبموسيقى أكثر شــوي وصووت فتح باااب قديم ..أنفتح الباب وطلت دلااال منه بدون

ما تتحرك ..



وكان هالشعــر فيها وملقــى بصوت شاااعر قـــوي ومؤثــر وكانت أبيات مهداه من طلال لدلال دلال تحاول تمسك نفسها وتبتسم مع انها كانت تنتفض ..







هلا يا عـــــذبة الإحساس يا قلبن تحداني



،،،،،،،،،،،،،،،،،،،،،،،،،،،،غزاني لا جنود ولا سيوف وصرت مأسوره



هلا يا بدر عالي ينشر أنواره علشاني



،،،،،،،،،،،،،،،،،،،،،،،،،،،،،،،،،ونور دنيتي وأسعد بقايا العمر بحضوره



تراك الأول ابقلبي ولا تسأل من الثاني



،،،،،،،،،،،،،،،،،،،،،،،،،،،،،،واذا بتسأل بقول لك يا حبيبي كرر الصوره



أنا موج تلاطم ما عرف شاطئ وولهاني



،،،،،،،،،،،،،،،،،،،،،،،،،،،،،،،،،يبي ضمة من الشاطئ نهاية تيه مشهوره



وأنا ليل ن حزين ن لاحضرني صار فرحاني



،،،،،،،،،،،،،،،،،،،،،،،،،،،،،،،،،،،،،وأنا نفسن ليا غبتي تعاتبني ومعذوره



مسحتي دمعة المقهور والموجوع والعاني



،،،،،،،،،،،،،،،،،،،،،،،،،،،،،،،،رسمتي بسمة أفراحه كتبتي باقي أسطوره



نعم أنتِ ملاك الحسن وأنتِ روعة الحاني



،،،،،،،،،،،،،،،،،،،،،،،،،،،،،،ودنيا من الوله تملك معاني الحب واشعوره



طلبت الشعر قلت أوصف تعذرلي وخلاني



،،،،،،،،،،،،،،،،،،،،،،،،،،،،،وكيف أوصف اذا كنتي بكل الصدق اسطوره



ابسكن في عيونك مثل كحلك لو تمناني



،،،،،،،،،،،،،،،،،،،،،،،،،،،،،،،،وبكتب فوق عينك يا بشر هالعين محظوره



أبيها مسكني وحدي وابيها العمر ترعاني



،،،،،،،،،،،،،،،،،،،،،،،،،،،،،،،،،وأبيها بي تحدى الكون لو يقولون مغروره







>>يااااااويل حااالي عليك ياطلال قووووووويه >>ههههههههه تحمست ..



خلصت الكلماااااات وبدت الزغاريط والف السلام والصلاه عليك ياحبيب الله محمد كللللللللللللللووووووووووويش ....إلخ



كانت تنزل شوي شوي وديما ترفع فستانها وترتب كل شي لها والمصوره قدامهم بس ديما برى الصوره طبعاً ..

كانت الزفــه الباقيه أغانــي لمحمد عبده كلها للعروس وصلت مكاااااانها واخيرا بعد المشووار وعيون النااااس عليها كاااانت دلال متغيييييييييييره مرررره مكياجها كان روووعه والتسريحه أروع فستانها صدق كان متعوووب عليه اللون الابيض اللي على سكري ومشكووك بحبات لولو تخف كل نزلت تحت كااااااااان صرااااااحه شـــــي طرحه خليجيه بس من ورى وتمشي مترين وراها والفستان ماقصر بعد نص متر يمكن بس كانت صدق عروووس ومغطيه على الكــل بهالطله "الرووووعه"

لما وصلت لفت على الناس وعشان المصوره تصور كانت تنتفض تقريباً :يااااويلي كل هالنااااااااس جايين لعرســــي

>لا لعرس بنت الجيران تفكير غبي انتهت مرت مهمه التصوير بسلام وقبل لاتقعد نادت ديما اللي واقفه قريب تكلم اللي تطق على الاغاني اللي تبيها اللحين قربت منها :هلا. فيك شي !!

دلال:ياااجعلي أحفل في عرسك وأرقص بعــد قووولي أمييييييييييين مشكوووره يالغـــلا ماقصرتي

ديما:ههههههههه آمييين ..

دلال:أحبك ..

ديما:وأنا أكثر ..

رنا :لاتسوون لي فلم هندي بليييز خليها تقعد متزاينيكم واقفين ..

ديما:ايه والله اقعـــــدي وش وقفك ..

دلال:وش فيكم نسيت >>ههههههههه الحمد الله والشكر ..



طبعا رقصوا عندها لين قالوا بس وهي فرحانه فيهم ودها ترقص بس بتصكها امها بالشنطه اللي معها رقت لها منيره تسلم عليه ووقفت لها وحبت راسها ومنيره تبارك لها وتدعي لها ..

دلال:الله يبارك فيك يا خااالتي ..

منيره :ويلوموني بعد فيك ..

دلال بعفويه :من اللي يلومك!؟؟!>>هالبنت فظيعه بس طلعت بعفويه..

ديما:العن ام اللقافه تراك عروووس أنتي ؟!

دلال:هههه شسوي انسى !!

ديما بخبث:أدخــل طلال عشان تذكرين ؟!

منيره ضحكت عليهم :الله يوفقكم ياربي ..وراحت تنزل

دلال:تبيني أفصخ ذا الشوكه واصكك في راسك بها

ديما :هههههههه أتحداااك ..

دلال تقعد :فارقي بس ..

ديما:بالله عليكم هــــذي عرووووس ؟؟

دلال بتصاارخ :دووويــ...سكتت وابتسمت يوم شافت العالم قدامها شكلها نست نفسها وأنها عروس بس كله من ذا الدبا

دلال بحقد عليها وتتكلم من بين أسنانها :الوعد عند خالك ..

ديما:بديناااااااااااااااااااااا من اللحين يامن شرى له من حلاله عله ..

دلال:علللله في عينك لاترفعين ضغطي ..

ديما:طيب سووووري ..



ريما لديما في اذنها :لاتمصخينها ترى فيها اللي مكفيها..

ديما:وأنا أبي أوخر هالخوف والتوتر عنها شفتي امه بس!

ريما:من أمه ؟؟!

ديما:عريس الغفله ..

ريما:هههههههه عسى ياسر ؟

ديما:ايه شوفيها من سلمت عليها وهي تقز فيني أخاف أخبط على وجهي ياختي

ريما:ههههههه انطمي بس إلا تعالي وين الجاكيت اللي فصلتيه ؟؟!.

ديما:نتفاهم في البيت ..

ريما:غريبه امي ساكتة لك ..

ديما:أمحـــق ساكته قبصتني قبصه ..ولفت على ورى >>ارفعي شعري شوفي

رفعته ريما وهي تضحك علااامه حمراااااااء × اححح والله توجع هههه مجربتها بس أحسن تستاهل ^^





في ساعه من الوناسه والرقص وساعة الصدر ودلال تناظرهم ومستانسه عليهم ..











.............









عند الرجـــال كالعاده اللهم أن أكثر أصدقاء طلال مسوين صجه وجو وسواليف وساعة صــدر ..

لما رجعت دلال لغرفة العروس صار دور طلال اللحين يدخل عليها لانه معيي يدخل عن الحريم >>

جا معه ابو فيصل وفيصل وبندر وأبو سعود بارك لها وطلع دخلوا ودلال الله لا يوريكم طقتها أم الركب قااامت تنافض ومارفعت حتى رأسها >كاااااااان أول لقاء بعد اللقطات العابره اللي مروا بها قبل العرس يعني أول مره يشوفها وتشوفه لااايف <

حب راسها أبو فيصل وبارك لها وهي تهمس بس الله يبارك فيك وبعد فيصل وبعدين بندر اللي قعد يستخف دمه شوي ما يبي

يبين عليه أنه متأثر وطــلال ياعمري الاخير تقدم ومد يده ومارفع عينه حتى لها >مدري من وين نزل عليهم ذا الحيا مره وحده

خذوا صور معها بس دلال مرتبكه ولا صوره ثابته أم فيصل كانت جنبها تحااول فيها والأخت لاحياة لمن تنادي تتنافض >من الخوف الحمد الله والشكر بس استغفر الله لا يعاقبني ربي ههههههههه..

طلعوا الرجال وراحت ام فيصل تنادي الحريم وطلال ودلال ولا واحد منهم تجرأ يتكلم أو يرفع عينه بالثاني

دخلت منيره وهي تزغرد وساره ولطيفه والبنات ام فيصل مسكت ديما :شوفيها وأنا خالتس ميب صاااحيه تتنافض بروح أجيب شي تشربه ..

ديما:جيبي لها غسال ..!>>هذاك حق العين !

ام فيصل :بسم الله عليها مايحتاج بس أتوقع من الروعه ..

دخلت ديما وبعد ما سلموا والعنود وريما مشغلين المسجل ومسوين جو شوي راحت لدلال وقربت منها ..

ديما:خييير منتب صاحيه لو أنه وحش شوفيه وش ملحه وتطالع فيه ..حمل وديع ..؟!

دلال تهمس:ما أقدر أحس أني بموووت من الخوف ..

ديما تفاعلك ورفعت صوتها :تكفيييييييين لا تموتين !شافت الكل يطالعها قالت بأبتسامه :إذا متي من له صــح طلال ؟؟ ..

طلال يبتسم ويحرك رأسه بأدب > يعني إيــه >>ههههههههههه فديت اللي يستحون أنــا ..

دلال ودها تدفن ديما جنبها بس ديما قربت من أذنها وهمست لها بأذكار وأدعيه وكنها أحسن بعدت عنها وقالت

ديما:يوم أنتس بتنافضين وشوووله تعرسين أجل !خلي العرس لأهله ..!

طلال:انطمي بس ..ضحكوا كلهم عليهم سبحان الله الجرأه والهباااال كله أختفى اللحين طبعا المصوره قامت تأخذ لهم صور

ودلال ولاكلمه تسمع كلام المصوره وهي ساكته تكتفي بأبتسامه بس وطلال يسولف ويضحك مع البنات ويعلق على المصوره وهي ما تدري وين الله حاطها فيه ..

لبستها منيره طقم ألماس روووووعه كانت حالفه تهديه لمرة طلال وتستاهله دلال كان مررره هاااادي وفخم وفيه حبات لولو يعني ماشي مع الفستان بقووه ..

رنا ولطيفه كالعاده الثنائي المرح يعلقون على طلال وهو موب مقصر بعد ..



ديما :خلاص انزلوا لصالة الاكل من هالجهه وتوكلوا على الله ..

منيره :صادقه شوفي لهم درب وانا امتس ..

ماااااااااتوا عليها من الضحك >>أي درب يمه ..؟؟ !

ديما:هههههههه ليه في حوش بيتكم مافي درب فيه درج على جنب لصالة الأكل على طول ..

منيره :ماخلووا شي ذا الأمريكان ما حطوه؟؟؟!..>>هههههههه ابي اعرف وش دخل الامريكان ؟..

طلال:ههههههههههه ايه والله الله لا يغضب علينا يمه ..

منيره :الله لايغضب علينا ..

ساره:يتهزون بتس اللحين يمه وش دخل الامريكان في قاعاتنا ؟؟!..

ديما:هههههههه أخاف المصمم أمريكي ..

ساره:انطمي بس ..

ريما تحب رأسها :ههههههه ياحبي لك يمه الله يخليك ذخر قولي أميييييين ..



>>ردوا كلهم أميييييييييييييييييييين ..



منيره سلمت على دلال لانها مافيها حيل تنزل معها :الله الله في وليدي وأنا أمتس ..

ديما:إلا وصي وليدك عليها بنت عمي مساالمه ..

طلال:في عيوووني والله>> دلال لا وجود لها الآن ههههه..

منيره :هااا هذا ولدي بيحطها في عيونه بس أنتي فكينا من شرك طالعتة أم العروس وأنا مدري ..

ام فيصل :الله يعافيها ما قصرت والله هذولي البنات ياساره ربيتي ونلتي ..

طلال:يعطيك العافيييه خاااالتي >>قطـــه^^

ام فيصل:الله يعافيك !

ساره :الله يسلمك حق وواجب وهم خووواتها ..

ام فيصل :الله يوفقهم إن شاء الله ..



طلعت بهم ديما لأنها ما شاء الله المتحدث الرسمي للأثنين يعني مسلمينها الخيط والمخيط وودينا وين ما تبين ..

فتحت لهم الباب اللي ينزل على صالة الاكــل عشان يقصون كيكتهم ويتوكلون ماقصروا العالم تاااالي الليل

سبقتهم ديما وهي مسرعه من الدرج دلال توهقت مع الفستان ميب قادره تنزل وماتقدر تشيله وطلال وراها عشان تنزل قبله؟؟

قرب شوي طلال :أساعدك ..؟!

دلال:لااا عادي بس لحظه ..وتحاااااول

ديما دخلت الصاله وأستأخرتهم طلت مع الباب من تحت إلا دلال بأول الدرج بااالشه في الفستان وطلال يناظر

>>مستمع فقط ..

ديما:واااااقف تناظر ياخي ساعدها وشله !<<اللي يعجبني فيها أن ما عندها في أحد لاخالي ولا عمي كفووو والله ..

طلال ببراءه :قلتلها تقول لا ..!

ديما ترقى الدرج :وأنت تطاوعها ..

قرب طلال قالك بيساعد ودلال وجهها أحمــر وسااااكته وخانقتها العبــــره

طلال:خلاص خليه ..

ديما:وش عقبه ..!

طلال:خليه يابنت الحلال ..

تركته ديما ووقفت تناظر >مشتغله برج مراقبه الاخت ههههههه <

طلال يرفعه معها وهي تنزل ويالله عشان ما تخبط على وجهها وكل مارفع راسه إلا هي في وجهه استحى على وجهه ونزل رأسه وديما ماااسكه ضحكتها أشكاااالهم نكته ..



تمت مرررراسيم الزفااااف بسلاااااااااام ولا أصااابات تذكــر ..





دلال وطلال طلعوا من ربع ساعه تقريباً واللحين طلعت مشكله السيارات ومن نروح معه ومن بيرجعنا شبعوا من العرس !

فيصل لبق سيارته جنب سياره بندر اللي ملبقها عند مدخل الحريم يحتري أمه يدقق عليها وما ترد ..

بندر لفيصل اللي توه نازل :بتأخذ حمولتك وإلا أخذهم معي ..سعود راح يوصلهم للفندق ؟

فيصل :حمولتك في عينك شايفني مرة ولدهم ..؟!

بندر:آســف قصدي أنسباااك >يعني أهل زوجته <قام يدور كأنه فاقد شي أو وده يعبر عن شي بس موب قادر أخر شي لف لفيصل وهو يخفي دمعته :فيصـــل رااااحت دلال !!>>تقطع قلب فيصل عليه كاااان وده يضمه ولا يشوفه في هالضياع

بس سفهه لأنه رجااال ومفروض ما يخلي هالأمور تأثر عليه >وجهة نظر فيصل <

لف عنه وهو يركب السياره عشان لا يتأثر هوو بعد وقال

فيصل:ماراحت للمريخ بترجع ..أنا بأخذ مرتي وبروح لأني ما نيب رايح للبيت على طول وأنت خذ أمي

واللي تقدر وودهم ..

بندر رضخ للامر الواقع وهو يرفع جواله :والله بفقدها ..

فيصل فتح عيونه :وش بتسوي بتدق عليها !!..

بندر :لييه شايفني خبل بدق على أمــي تطلع ..



وطلعوا الجماعات بأمان ام سعود وخذت أمها ولطيفه ورنا معها وراحوا ام فيصل ركبت هي والبنات اللي هم ديما والعنود وريهام كلهم ورى وام فيصل قدام بيوصلنهم لبيت منيره طبعــاً..

وريما مع رجلها أول ما ركبت :ياااااهلا والله ومرحباااا ومسهلاااااااا ما بغيتـــي كنها جازت لك القعده ببيت عماني ؟؟

ريما:ههههههه هلاااا والله لا والله بس أنت اللي قايل لي اقعدي وإلا نسيت !

فيصل يحرك السياره وهو يبتسم :وأنتِ ما صدقتي ..؟؟!

ريما:هههه حرام عليك ..

فيصل :بالله عليك ما اشتقتي لي عاد ؟!؟

ريما:تبي الصدق لا ههههههههههه

فيصل:ههههههه الشرهه موب عليك الشرهه على اللي يشتاق لك ..

ريما:ههههه الله أعلم بالقلوب ..

فيصل:أيه والله الله أعلم بالقلوب وإلاأنا أبصم أنك مضيعه شي عند أهلك من فقدك لي هههههه

ريما:واثق الخطا يمشي ملكــاً والله مافقدت أحد ..

فيصل:هههههه أيه هين مافقدتي أحد ..

ريما:هههههههه ركزت على الطريق اللي يمشون فيه > موب طريقنا وإلا ؟

فيصل:إلا موب طريقنا مأخذك سبرايز ممكن ؟؟

ريما:هههه حلالك ..

فيصل:ههههههه ياحبي لك بسس













...................













في سيارة بندر رجع مثل أول زي ماتعود يخفي كل شي بقلبه ويظهر بضحكه وإلا مزح ويحاول يتناسى لانه مستحيل ينسى ..



بندر:حيا الله بنات عمي والله تو ما انورت وتباركت سيارتي والله ..

البنات :...........>>لارد ما يستحي ذا الولد ..!

بندر :وش فيييكم على الصامت ..!

ام فيصل :بندر الله يهديك ناظر طريقك وانت ساااكت ..

بندر:هههههههه ان شاء الله وش أخباار دلوول اليوم ضبطت الزفه وإلا تنافض زي قبل شوي..؟!

ديما للحظه كانت بتتهور وتقول لا كل شي على ما يرام بس أنطمت لما اتكلمت ام فيصل ..

ام فيصل :لا كلش زين بس مدري وش جاها تالي الله يوفقها ياربي ويسخر بينهم ويرزقهم ..

كل اللي في السياره :آآآآمـيييييييييييييييييييييـن ،،

همست العنود لديما :ولد عمك هذا خطير ..!

ديما:أقوول غضي البصر ..

العنود:من متى ؟!

ديما تسكر السالفه :من اليوم ورايح ..

العنود:ما يمديني صراااحه ..

تكلمت أم فيصل :ورى ماتجون تنومون عندنا ياديما والصباح رباح ؟!..

ديما :لا خالتي الله يسلمك ملابسنا في البيت ومعنا بنت خالي مانقدر والله..

ام فيصل :بسلامتكم عااد ..

العنود بنفس الهمس لديما :انا وش دخلني اللحين ؟؟..

ديما :تخيلينا رايحين ننوم عن عماني عشان ذبحي في يد أمي حلال اليوم وما قلت لها بعد هلا يا هلا ..

العنود:طيب قصري صوتك لا تتحمسين ..















...........................















ننتقل إلى مكـــان أخــر في الفندق كانت الأجواء متوتره شـــوي ...



دلال من طلعـت ودمعتها على خدها تمسح فيها وطلال ما يدري وش فيها وإلا لييش تصيح وإلا وش لون يخليها تسكت

ودلال كل ما تتذكر أنها مصختها بهالصياح تزيـــد صياااااااح >علاقه طرديه الظاهر

خرب مكياجها وخرب كلش أخر شي طلال زهق وجلس جنبها ..

طلال:دلاااال تكفييين ليييه الدمــوع طيب ..؟!كم لـي أنتظر هالليله وتخربينها علي

>دلال وجعها قلبها ورجعت تصيح<

كمل :خلينا نسولف وننبسط >في الأخير صكت فيه الدنيــا الضعيف وقال

:طيب عندك أنشـــوده >>هههههههههههههههههه ياقدمي <<

طلال :هههههههههه مغبر صـح ؟!..طيب تبين عشــا؟!تصدقين وش مشتهي مشتهي مطبق بوفية حارتنا ههههههه

ما أدري كل المعاريس زيي يشتهون شي مال أمــه داعـــي >>هههههه الحمد الله والشكر بس ..

دلال كانت تضحك عليه وهي مستحيه ودموعها أربـع أربـع ما تدري من وين نزل عليها هالحيا مره وحده كانت منزله رأسها

رفعــه وأخذ غترته ومسح دموعها بها :هذا أنا أمسح دموعك بغترتي عشان تصير ذكــرى هههههههههههه

مااااااتوا من الضحك اي ذكرى يا شيخ كانت تضحك غصب عنها هالانسااان يجننها وموب تحبه بس إلا تموووت فيــه

يوم ضحكت وروقت قال لها بيت شعر بأحساس زايد شووووي قالك اللحين بيلطف الجــو !..



طلال: تبسم ..لعنبــو من لامنـــي في بسمـــتك ورضــــاك ..



دلال تغيرت ملامح وجهها للصياح والعبره خانقتها هئ هئ هئ وقــف باعترااااااااااااااض ..

طلال:تكفيييييييين والله لأسكت وانطم ولا أقول شي بس لا أشوف دمعه من عينك الله يخليك لا تصيحييين !

ابتسمت ويلووموني فيك قالت وهي تضحك :الله يخليك ..>>ماتدري وش تقول ! عادي تتعودين مع الأيام ..

طلال:ويبقيك ههههههههه

ضحكت عليه وهي توقف خبــل :أبــي أغير ..!

طلال:طبي وتخيري أي مكان تبين تغيرين فيه غيري أنا بطلع أطلب العشا خذي راحتك ابتسم لها :ولعــي قرآن إذا تخافين !

ردت وهي تضحك :لا وش دعووه !

طلال في نفسه فديتك بس أمس بتموت من الخوف واليوم لا وش دعوه ..

طلال :ودعتك الله ..>>ودعتك الله ليييه مساااافر الأخ هههههههه وطلع أصلا مافي الفنادق بروح أطلب العشا بس ما يبي يحرجها لأن عشاااك يوصلك لين جناااحك ..

دخلت هي تشيل هالطن اللي عليها طاحت كتوفها >>مدري شحادنا عليييه ..!

أول مادخلت وشافت نفسها في المرايه ارتاااعت يمـــه والله الضعيف زين ما جته صدمه هههههه الكحل واصل نص الخد والبااقي أعظم هههه ....