________________________________________
اما ريما في المجلس منصدمة:فييييييصل ؟؟؟..
ام سعود بابتسامة:ايه فيصل ليه وش فيه رجال وتتمناه الف بنت...
ريما:بس انا موب من هالالف..
ام سعود تمسك نفسها لاتعصب:وليييه ان شاء الله ..
ريما:يمه انتي ما تعرفين فيصــل مثلـــــــي !..
ام سعود بعصبية:وانت من وين تعرفينه؟؟..
ريما بارتباك:موب ..قصدي..بس..صراحه من كلام دلال عنه انساااان يخوف يمــه ..
ام سعود:هههههههه اللحين بتسمعين كلام دلال يابنتي ياحبيبتي الرجال غير مع مرته وغير مع أهله ..
ريما:بس ولو هو هو وش اللي بيتغير يعنـي ..
ام سعود بحزم:اسمعي ابوك راضي وواثق انك بترضين لاتهدميين كل شي بيدك وفيصل رجال والنعم فيه فكري
واستخيري وعطيني خبر..
ريما:بسس ..!
ام سعود:لا بس ولا شي بقول لابوك بتفكر مع انه متاكد من موافقتك وسوي اللي قلته>تركتها وقامت طلعت..
اما ريما ظاقت فيها الدنيا معقوله ابوي يزوجني غصب عنـــــي وما لقى الا فيصل معقوله فيصـــــــــــل خنقتها العبــــــره
وما قدرت تمسك نفسها وقعدت تصييح >يعني موافقتي موب مقدمة ولامأخره ابوي متاكد منها ياربي ارحمني الا فيصل هذا
أخر واحد افكر فييه>>ايـــه قابليني.....


دخلت عليها ديما وانصدمت لما شافتها حاطه راسها بين ايدينها وتصيح بصمت ما تسمعين الا شهقاتها..
ديما :ريم وش فيك لييه تصيحين؟؟..
ريما:ديما ...فيصــ...ــل...
ديما ارتاعت لايكون صاير فيه شي امس عزيمته:وش فيه صار له شي ؟؟..
ريما:انا اللي بيصير لي انـــــا ..
ديما:فهميني والله مدري وش تقولين..
ريما وهي تمسح دموعها:فيصل خطبني من ابوي وابوي متاكد أني بوافق يعني انا اخر من يعلم >>>طيب ارفضي ياختي وريحينا ههههه تخــرب بس والله ترى معـي شهادات في هالأشيـاء قولي ما أبي وبس سوري نرجع لهم ..
لمتها ديما تهديها: هيييه اعقلي ابوي مستحييل يغصبك على شي انت صاحيه أنتـي تعرفيــن أبــوي ..
ريما:الا اذا فيصل والله مايشاورني ولد اخووه ياديما ولد اخووووه ..
ديما:ان شاء الله ولده هههههه لاتناظريني كذا تعوذي من الشيطان وقومي صلي لك ركعتين احسن من دموعك هذي..
ريما:مستحييييل اوافق..
ديما:صلي ولنا كلام بعدين..



طلعت ريما غرفتها ورجعت ديما للصاله..
ام سعود:وينها..
ديما:فووق..
ام سعود:فهميها ان رفضها ما له اي داعي..
ديما:بس يمه..
ام سعود:انتهى الموضوع دقي على امك منيره ما كلمتها اليوم..
ديما:ان شاء الله..

>>ساره في هالمواقف ماعندها >يمــه ارحميني <اللي تتوقع انه بيكون سعادة وحده من بناتها مستحييييل تناقش فيه اصلاً
وهي تشوف إن سعادتها مع فيصــل >>وبيني وبينكم يعجبني منطقها لانها هي اللي مربيتهم والادرى بالزين والشين
لهم ما ادري احس كذا..



..............



في بيت رنا الحاله متازمة شووي..

رنا:طيييب ليييش ماقلت لي من قبل؟؟
زيد:هذاني اقولك اللحين..
رنا:وش عقبه ما يمديني اسوي ولا شي ..
زيد:رنا اقصري الشر وخلصي بعد المغرب بمرك..
رنا:زيييد وش فيك علي عزيمة كبيرة ولي وانا توني عرووس يعني اروح كذا ؟؟..
زيد:وش تبيني اسوي لك يعني؟..
رنا بعبره:انت لييش متغيير؟؟..
زيد:ماتغيرت ولا شي يتهيأ لك..
رنا تتنهد:يبيلي كوافير..
زيد:رنا انا مشغول اللحين ومانيب فاضي لحركاتك كوفير ومدري وشوو ..
رنا:حركاتتتي إي حركاااات موب كفايه انك توك تقولي اللحين..
زيد بعصبيه:قلت لك مشغوووول وش فيك أنتي ماتفهمين !..
رنا:طيب مر بي بيت خالتي لطيفه وتعال خذني للعزيمه من هناك..
زيد:يعني مصره ؟؟..
رنا:بكيفك وإلامارحت..
زيد:ضفي قشك بسرعه ربع ساعه والا والله لحرك..
رنا:اوكي طيب >طبعاً راحت لبيت لطيفه عشانها تعرف تزيين شعر ومكياج وعندها خبرره من الدورات..
والســالفه أن عمــان زيـد عازمينه ومرته في أستـراحه كبيييره عشان رنا طبعاً ..




............



مها:مو شرط بنت عز ولا عايله معروفه ناخذ له وحده على قد حالها ونفهمها حالته ووش دراك يمكن تقدر تغييره..
ابو حمد:معقوله يا مها تشترين بنات الناس بفلوسك !!..
مها:يييبه افهمني حمد محتاج لاحد جنبه معه على طوول وش دراك يمكن يتوفق..
ابو حمد:وبنت الناس بترضى تشتغل طول عمرها شغاله لأخوك..
مها تتنهد:من قال شغاله بتكون معززه مكرمه تأمر وتنهى في قصـــر ماحلمت به..
ابو حمد:وامك تدري ؟؟..
مها:انت بتفاتحها بالموضوع..
ابو حمد:وهو يدري ؟؟..
مها:لا بس اقدر افاتحه انا..
ابو حمد:لابغيتي شي يابنت ناصر توصلين له بكلم امك ونشوف..
قامت تحب راسه: الله يخليك لي يا احلى ابو في العالم..
ابوحمد:ههههههه عقبالك إن شاء الله و يالله ممكن تطلعين من مكتبي اخلص شغلي..
مها:تامر ما طلبتش يا داد..




.............




منيره:طلييل لاترفع ظغطي..
طلال:هههههههه شدعوه يام طلال انا اللي ارفع ظغطك..
ضاق صدر منيره عشانه ناداها باسمه وتجاهل عبد الرحمن:ام طلال !!خوش والله..
طلال:ههههههههه ولايهمك ام عبد الرحمن هاا وش قلتي ؟..
منيره:الله يرحمه ويغفر له ولابييك ان شاء الله..
طلال:يغفر لهم جميع بس بتقولين وش قلتي إن شاء الله>وقف .. تأمرين شي الغاليه..
منيره:بتطلع عنبوك اقعد معي شوووي منيب أشوفك إلا طراره ..
طلال:ههههه والجيران وينهم سيري على وحدةٍ منهم عندي شغل ضروري والله..
منيره:عنبو ذا الشغل الضروري اللي موب يخلص بسلامتك بدق على ام عبد الله تجيني..
طلال حب راسها: يالله مع السلامة ..
منيره تراقبه:في حفظه ورعايته..



.............




دخلت عليها غرفتهم وقفلت الباب..:كيف النفسيه؟؟؟..
ريما:مدري..
ديما:وش اللي ماتدرين عنه..
ريما:خايفه اوافق اسعد اهلي على تعاستي وخايفه ارفض اتعس اهلي على سعادتي..
ديما:بليييز خلي محاظرات ريهام عنك وكلميني بعقل مفروض تفرحيين يالخبله..
ريما:افرررح ؟؟..
ديما:اييه افرحي فيصل رجال وابوي مستحيل يصر عليه الا لسبب..
ريما:يعني تسووين نفسك ماتعرفينه ماتدرين وش مسوي بدلال ؟؟..
ديما:تدرين عااد دلال اكثر وحده تموت فييه بس من تالي مدري وش فيه !..
ريما:وانا بصير من تـــاليه؟؟..
ديما:لاتاخذين الامور بحساسيه وشوو من تاليه إلا دلال الخايسه ليييش ماقالت لنا ؟؟..
ريما:انا مستغربه حتى ما لمحت..
ديما:لحظه..طلعت جوالها من شنطتها وفتحته مقفل من امس ودقت على دلال..
دلال:هلا..
ديما تحط سبيكر:اهلييين وينك..
دلال:في بيتنا..
ديما:وش اخبارك عقب امس؟؟؟..
دلال مرتبكة:بخيير..ليه وصلكم شي؟؟..
ديما:مسويه ما تدرين عن شي !..
دلال ما تعرف تخبي شي فكبت العشا بقووه مع انهم ما سألوها..:والله حتى انا استغربت يعني كل شي بسرعه تصدقين
توني ادري امس حتى اني تفاجئت بس والله فرحت ريما تعييش عندنا انواع الفله نغيير هالكآبــة وجو هالبيت شوي..
ابتسمت ريما على كلامها..
ديما:اذا وافقت..
دلال خافت:لييه هي رافضه؟؟..
ديما:خايفه من كلامك عنه تقول هتلر ههههههه ناظرتها ريما يالنصابه..
دلال:هههههه لاتسمع مني ترى انا اكثر وحده عاذرته اللي شافه مو شويه..
ديما بفضول: وش شاف ؟؟؟>>لانهم مو على علم بالسالفه كانوا صغار 14سنة تقريباً ..
دلال:هااا لاولاشي قولي لها تستخير وتشوف..
ديما حست انها تصرف:الله يكتب اللي فيه الخيير يالله اجل ما اطول عليك..فمان الله..
دلال:في حفظ الكريم مع السلامه..
ديما:الله يسلمك
>>فعل االلي شافه موب شوي زعزع ثقته بنفسه وفي الحريم كلهم ..
ديما لريما:وش رايك؟؟
ريما:مدري احس فيه شي موزينه(مخبينه)علينا مدري بس تدرين احس براحه مع انه اكثر وااااحد اخاف منه في الدنيا..
ديما:ههههههه مسويلك رعب ؟..
ريما:اكثررر مماتتصورين يسبب لي ماغص ! ..
ديما:هههههههه عليك احاسيس مدري وش تبي (ماغـــــص)اسكتي بس ..وش بتقولين لامي اللحين؟؟..
ريما:تتوقعين ابوي يغصبني ؟؟..
ديما:ممكن انه يكون معك بس اذا فيه سبب مقنع وسببك بايخ اخاف منه حمد الله والشكر وحش هو وأنا ما أدري..
ريما:انتي ماتدرين عن شي عصبي وبسرعه يحمق ويمكن مغصوب علي بعد !..
ديما:وش مغصوب عليك أنتي ريما هو وانا مدري..
ذبت عليها المخدة:وش قصدك يالخايسه؟؟
ديما:هههههههه ولا شي انزلي للعشا ترى امي شقت بنفسها ناديها ناديها
ريما :طيب
وهم في الدرج ينزلوا
ديما :بتروحين عنـا ريما ؟؟
ريما:لا تخليني أصيــح تراني على جريف
ديما :هههههه بقوووه بس والله بفقد توأمـــي
ريما:خليني أوافق ...!




........




بعد العشا رن التليفون واقرب وحده له ديما رفعته من دون ما تنتبه للرقم والكل بالصاله امها وابوها وخواتها
ديما:الوووو
وصلها صوته الخشن:الوووووو
ارتاعت:نعم..
...:ينعم عليك..كيفك؟؟؟
ديما:من تبي..؟؟
...:أبيك انتـــــي..؟؟؟
ديما عصبت:نعــــم ..قليييل أدب وجع يوجعك ان شاء الله جعلــكــ....شافت الكل يطالعها بنظره طالعتهم ببراءه
>والله مالي دخل < جت تسكر جاها صوته
...:لحظـــــــــــــه..
ديما: خييير ؟؟..
...:ماعرفتيني ديما انا احبــك!!متـى بتفهمين !
جمدت مكانها ويعرف اسمي بعد ناظرت اهلها والدمعه في عينها هئ هئ ..
ديما:ميين؟؟ >>ويالله طلعت
...:معجب..
ديما:علـــى تبن...!
...:ههههههههههههههه ياحبي لك ديووم انا سعوووود ماعرفتيني ؟..
ديما نقزت:سعووووووووووووووود أنرسمت الفرحه من عيون امه وابوه من زمان ما كلمهم القاطع ..
ديما:وجــع روعتني قسم بالله أتنافض وش اخبارك علومك وينننك يالقاطع ماتدق ولا شي ؟؟..
سعود:هههههههه طيب بخييير بالله ما عرفتيني ؟..
ديما:لا والله صوتك متغير..
سعود:ههههه مزكم شوي..
ديما:سلامــ... سحبت امها منها السماعه وكلمته والدمعـه في عينها وكلمه ابوه وريما وقالهم انه اخر العطله
عندهم ان شاء الله يعني بعد شهرين بالضبط
>الله يرجعه بالسلامه اشتقـــــت لــه والله >>ههههههه احلفي بس <



............


انتهى الجزء


/






...@@البارت الثامن@@...



محتاجه لقلب عن همي يسليني
محتاجه لقلب يفهم معاناتي
محتاجه افضفض عن اللي في شرايني
محتاجه اسولف من اول حكاياتي
محتاجه كف على كتفي تهديني لاجيت ضايعه تجمع لي شتاتي
محتاجه لعين تراقبني تراعيني تبكي إذا غبت وتدور محطاتي
محتاجه كل شيئ بالدنيا يواسيني
مليت غربه وملتني مسافاتي
يكفي تناسيت حتى اقرب عناويني
يكفي مضى الوقت ماقررت غاياتي
مليت اكابر وهالدنيا تعنيني
يكفي تجاهلت حتى اكبر عذاباتي


>>لســــــان حال بطلاتي بعد اسبوع..

ريما > اللي عايشه اكبر صراع بحياتها توافق وتخليها على ربها وتتحمل ولاتقدم نفسها على كل شي وترفض بس تخاف انها تكون سبب لتفرق هالعايله اللي على يد وحده !..>>وأنـا أقولك اللي يقوله لك قلبك أتبعيه ..
ديما> اللي فاقده اختها كثييير من انخطبت الاربعاء اللي راح وهي مرره في عالم ثاني حاسه فيها وفي الصراع اللي عايشته بس مافي يدها شي تقدر تقدمه لها إلا أنها تقولها أني معـــك بس ..
رنا> وآآآآه من رنا طول هالاسبوع وهي متجاهله كل شي في حياتها واكبرهم زيد اللي حاسه ان فيه شي بس ما تدري وشوو..
دلال> الوحده وخاصه في العطله ووقت الفراغ الزايد مسبب لها مشكله ماعندها الا فيصل وبندر وساحبين عليها..
مها >عايشه فرحه اخوها اللي ما صدق بدوره الكمبيوتر وكل يوم يجي يوريها اللي تعلمه وهي خبرر كااان..

نرجع لاحداثنا بعد فاصل (النفسيات)..



.............




"يستاهل والنعم فييه"
ساره: داريةٍ والله بس ذا البنت مدري وش فيها !..
منيره: يابنيتــي لاتضغطين عليها يمكن انها مستحيه ولاش..
ساره: يمكن الله يكتب اللي فيه الخير..وش اخبار رجيلاتس مع الرماتيز>الرماتيز =الروماتيزيوم عندنا هههههه اختصار..
منيره: والله انها اشوى ان تركت الحبوب صالت علي وإن خذتها أشــوه ولا ندري وش نسوي ..
ساره:وشوله تتركينها يا اميمتي الزم ما عليك صحتك..
منيره:عااد انا تاركتها يالله ما أطول عليك خلني أمسك طلال يوم أنه عندي ابروح لبلشرف اتقضى>>
بلشرف سوبر ماركت قريب لبيتهم..
ساره: يالله اجل مع السلامه ..
منيره:فمان الله..>>المحادثه بالتليفون طبعا..
طلال :ريــــــما بنت اختي ساره انخطبت صــح ؟..
منيره:ايه لأكبر عيال عمها
طلال يفكـر :ريمـــا بنت أختــــي ؟؟
منيره :أيه عندنا غيرها ..
طلال بفرح:هههههه لا بس اللللله بصير جـــد..
منيره:وش جده الله يخلف على امن جابتك خال بتصير خال يالفاهي..
طلال:ههههه وشفيك يمه عااادي بحسبه جدها !..
منيره:عن الهذره الزايده وودني لبلشرف ناقصنا في البيت اغراض ..
طلال:ان شاء الله إلا متــى حددوا العـرس ؟؟
منيره:خلها ترد عليهم بالأول ..
طلال:الله يوفقها ياربي
منيره :آآميييين وخوياتها وبنات المسلمين
طلال:آآميييين ..
منيره :وأنــت !
طلال:وأنـا معهم وشباب المسلمين
منيره :آمييييين
طلال:ههههه يا حبي لتس يمـه ..




.............



"ما كن اخوي تاخر علينا بالرد"
ام فيصل: لا عااادي خلوا البنت تفكر الا انت وش طاير علييه ؟؟
ابو فيصل بابتسامه:ما طرت على شي بس ودي بشوفة عيال ولدي قبل لا امووت..
دلال:بسم الله على قلبك من المووت !..
ابو فيصل:ههههه من وين طلعتي ؟..
دلال ببراءه :من فوق !..
ام فيصل: توك تقومين؟؟والصلاه في الرحال..>>كان الوقت عصـــر..
دلال:ايه والله توني اقوم والصلاه فيصل قومني الظهر واللحين صليت العصر..
ابو فيصل:بعدي بنيتي..
دلال تغمز له:اعجبك يمه مافي غدا ؟؟..
ام فيصل:عازلتلك بالمطبخ حمي وكلي لك شي..
دلال:اوكـــي في حدا بدوه ياكل معي ؟؟
ام فيصل :شوفي فيصل ما تغدى
دلال:مريت عليه يقوول ما ابي شي
ام فيصل :أجل مابه إلا أنتي أنا تغدينا ..




..........





ديمـا :شوفوووا عاااد ان ما طلعنا اليوم يمكن يصير لي شي!!
ام سعود:وين تبين تروحين ان شاء الله..
ديما تقعد عند امها :الله يخليك يمــــــه اي مكااان والله طفشنا ما كنا بعطله اعوذ بالله..
ام سعود:امك منيره معزومه عند جيرانها وخالتك عند حمولتها وسوق مافيني حيل !..
ديما:ومن قال ابي امي منيره اصلا طفشنا وش رايكم بيت عمي ؟؟..
نطت ريما بصوت عاااالي :لااااااا بيت عمي لااااااا..
ابتسمت امها وردت ديما بخبث:ليييه تستحييين؟؟..
ريما احرجتها الدبا :ما لك دخل !!..
ريهام اللي ما تدري وش السالفه:ليييه تستحي عادي دايم نروح لهم ..
ديما:سواليف كبااار عن اللقافه..
ريما:ههههههه حلوووه..
ريهام:الشرهه موب عليك الشرهه على اللي يسألك..
ام سعود لريما :وش قلتـي أرد على أبــوك لا سألنـي اليوم ؟؟..
ريما تناظر ديما تبيها تنقذها بس لفت عنها للتلفزيون..
ردت على امها.:اللي تشووفونه !!..
التفتت ديما بصدمه:وافقتــــــــي؟؟؟؟
ام سعود:الله يكتب لك اللي فيه الخير إن شاء الله هاذي بنتي اللي اعرفها الله يبشرك بالخيير..
ريما ساكته وديما تناظرها بعتاااب >لييه تسرعتــي !<..



..........


الجـــو باااااااارد كبرووود الثلج طبعاً موب الجو اللي برى برى حر يشوي العصافير داخل البيت و أنــا أعتبره
عاده في منازلنا بعد فتــره من الزواج وما أدري العيب في مين ؟توهم معرسيــــن وش حليلهم
تقول زوج كناااري بعدين ما تدري وش يجيهم يصيرون رسميات برسميات وما أدري متى بتنحل هالمشكله !

رنا:بروح لاهلي ..
زيد:ليييه..؟؟؟
رنا:زياره اليوم اربعاء ومن اسبوع ما شفتهم يعني ليييه ؟..
زيد:اذا جيت طالع للاستراحه حطيتك..
رنا:متى..؟؟
زيد :مدررري على حسب..
رنا:طيب سولف ما مليت من التلفزيون..
التفت عليها:ليييه مليتي ؟؟..
رنا :تقريباً عن اذنك..
زيد:اقعدي لاتقومين بروح اتسبح..

"يالله صاير ممل بزياده موب هذا زيد اللي اعرفه يمزح ويحب يجنني ويرفع اعصابي صاييير مره هاادي حتى السواليف بالقطاره ياكافي..آآآآآه اللهم طولك ياروح على هذا اللوح !..
جت هالقصيده وطولت عليها كانت تحبها من يومها بنت وجت على العوق اللحين

**كان فيني عيب قلي فيني العيب الفلاني
............كان هرجي مزعلك في شي قلي لاتعيده
اعنبوك ان مت بيدك وش يفكك من اخواني
...........لاحزنوا ربعي علي ومـزحك اللي تستفيده
انت منت اللي عشقته انت اكييد انسان ثاني
...........كيف صرت بهالبرود وهالاحاسيس البليده
وين حبك للزعل وين العناد الاولاني
............وين حنيه زمان وفرحه العمر الرغيده
وين ذاك اللي لاقبل مايبات الابامان
.............وين راح اللي لاقفا مايروح الا فقيده
واحدٍ من جابه الله بس يامر ويعصاني
..........الوحيد اللي اخافه غصب وامشي معه سيده
مابغيت اطيح بايده لين ما ربي بلاني
............ولا انا لو هي بكيفي مابغيت اطيح بايده
ذاك بس اللي لامني شفته يلخبط كياني
............ذال من نظره ينشف دم قلبي في وريده
قبل اشوفه اجمع له احلى القصايد والمعاني
.............وان لقيته ماعرفت اقول جمله مفيده

"ياحبي لك ياحامد >>حامد زيد.. جبتها على العوق على قولة الامارتيين فديتهم ليت ذا اللي عندي يسمع..
صحت من تفكيرها ..
زيد:يالله ماخلصتي..
رنا:دقايق..!




..........





بالحوش طلعوا يغيرون جو على قولتهم احسن من جو البيت خاصه بعد المغرب..

ديما:اهم شي انتي مقتنعه حرااام عليك تبنين حياتك على سعادة الغييير!..
ريما:الاقتناع اخر ما افكر فييه بس يمكن اتقبل الموضوع فكرت بعمي اللي يعزني اكثر من بنته حتى انا يشهد الله انه بحسبة ابوي فكرت انه تعبان ومريض ما تتوقعين رفضي يأثر عليه وحتى على علاقته بأبوي يمكن هالشي يفرق بينا وهذا أخر شي أفكــر فيـه لو على حيــاتي وبعدين يمكن يتغير لييش لا ! ..
ديما:انت بتعرسين على عمي ولا فيصل ؟..
ريما:ههههههه لا ولده..
ديما:والله انك فاضيه ورفعت راسها للقمر>>من زمان عن دلول ما كلمتيها ؟؟..
ريما:لا والله ما كلمتها ليتها تجي اليوم..
ديما:كان رجلك بيجيبها !..
دزتها ريما:رجلي في عينك ..
ديما:هههههههه هذي اللي بتتقبل..
ريما:اقول ..دقي عليها معك جوالك..؟؟
ديما: لا بالبيت..
ريما:شوفي جوالي في المدخل جيبيه..
ديما:لا والله ؟..
ريما:ايه والله ترى انا الكبيره..
ديما:امحق كبيره بس بجيبه عشان دلال ..وراحت عنها..
ريما تفكر وهي سارحه>ياترى اللي سويته صح ولا غلط معقوله يكون كل شي عشان اسعد غييري وانا اللي ارووح فيها
لا الله لايقوله الله ياخذك يا ديما ما تعرفين تحكيين زي الناس أنا مقتنعه مقتنعه أوكــــي !..

"نحن هنا"
ريما:صدق عااد..
ديما:عاد ولا ثمود هههههههه..
ريما الحمد الله والشكر جيبي ادق عليها بس..
دقت واستنتها تدق ولا احد شاله دقت ثانيه وثالثه لين حرقت جوالها وما ردت عليهم..
ديما:دقي على بيتهم ..
ريما:صعبه!..
ديما:وش صعبه عاادي بيت عمي ترى..
ريما تدق:يالله الله يستر..
ديما:ههههههه بتدخلين حرب انتي ..
ريما: يمكن>>دقت وبعد ثاني رنه انرفع التليفون وانغرف قلبها>>هههههه على قولة تيته ^^..
:الووووو...
ريما بصوت مرتجف:الو..
فيصل:مررحبا..
ريما يا ربي ويرحب بعد بمووت:هلا السلام عليكم..
فيصل بملل:وعليكم السلام والرحمه..
ريما:دلال موجوده..
فيصل:ايه من أقولها ..؟؟؟
ريما:......ريما..
فيصل زين قعدته:ريـــمـــــا ؟؟..
ريما ياويلي ياحظك ياريما اكييد فيصل :.........>>لارد
فيصل: لحظه شوي..دلااااااااااال دليييييييل..
دلال :هلا خييير ..
فيصل:ريما على التليفون..
دلال مستغربه:ريما بنت عمي..
فيصل بعصبيه:لا بنت الجيران..
دلال :طيب هااات...هلا ريما..
ريما معصبه:وييين جوالك يالخايسه..
دلال:هههههههه سلمي اول..
ريما تسوي نفسها ما تدري :مين اللي رد علي..
دلال تهمس لها:عريــس الغفله هههههه..
ريما: مااالت عليك وعليييه دقي على جوالي بسرررعه..وسكرت بوجهها ..
دلال تناظر السماعه وتضحك:هههههههه شفيها شاربه شطه >>والتفتت على فيصل وماتت من الضحك..
فيصل باستغراب:خييييير؟؟
دلال:ولا شي وراحت لجوالها اللي في المكتبه على الصامت ولقت 12 مسد كول :ماألومها معصبه..
ودقت على جوال ريما وقعدت في طرف الصاله:ههههههه هلا..
ريما حاطة سبيكر: فرحاانه انت ووجهك ؟..
دخلت ديما عرض بالسالفه:امانه دلال من اللي رد عليها..
دلال:ههههههههه فيصل>>والتفتت عليها يوم قالت اسمه وهي ميته ضحك..
ديما: اشوف الحرمه اعتفست والوجه اشاراة مرور والحاله حاله..
دلال:ههههههههههه شفتي وشلوون وش رأيك نجرب؟؟
ديما :هههههه والله ميب شينـه !
ريما: ترى والله لسكر عشان تعرفون شلوون >>جوالها خلها تتدلع
دلال:هههه لا خلاص والله توبه ..
ريما:اييه خليك كذا..
دلال:وينكم اسبوع يالقاطعااات ؟..
ديما:إنا فيه انت اللي وينك؟؟..
دلال:أنا في بيتنا..
ديما:احلفي عااد..
دلال:والله...
ريما:ههههه ما عليك منها تعالي عندنا غييري جو..
دلال: ودي والله بس بكرره بنجي ان شاء الله..
ريما: لييش بكره؟؟..
دلال:ههههههه مسويه ماتدرين كلنا بنجي بكرره..
ريما تناظر ديما..
ديما:لييه ؟؟؟..
دلال:لييه يعني نبي نخطب رسمي..
ديما:والله ؟؟..
ريما:ما اسرع ما امدى امي ما اشء الله !..
دلال:عصر السرعه خيتو تو عمي دق على ابوي وقاله..
تنكدت ريما >>"على طوول ما صدقوا ميـــر !"
ديما: متى بتجون بكره ؟..
دلال:والله مدري بس اتوقع بعد العشا..
ديما لاحظت سرحان ريما:يالله اجل نشوفك على خير
دلال:على خير إن شاء الله تبون شي ؟؟
ديما:سلامتك بااااي
دلال: بايووو..
فيصل اللي معها بالخط وبعصبيه:ومن قالك انا بروح بكره على كيفك تقررين ؟؟..
دلال تدق عليه:والله موب خطبتي اقرر ابوي اللي قال لنا تو >>وطلعت وخلته

فيصل >>حلوو والله يقررون وانا اخر من يعلم يخطبها هوو اجل.."




...........




اما ريما في عالم ثاني..
ديما: هييييييه وش فيك ؟؟..
ريما:هااا والله مدري ليييه ما صدق ابوي على طول بكرره ليييش؟؟
ديما: عمي وولده المستعجلين موب ابوي مين قدك حركات ..
ريما:إي حركااات ياحظي ..

"وش عندكم مسووين رحله في السور(الحوش) ؟؟"

ديما:هههه تقريبا انتي من وين طلعتي ؟..
رنا تسلم:من الباب..
ريما:من فتحلك ماشفنا احد..
رنا:نسيتي ان معي سبير >يعني نسخه من مفتاح البيت ..
ديما:حلووو حتى الغرب معهم سبير..
رنا تصقعها في كتفها:الغرب انتي ووجهك..
ريما:هههههه ما عليك منها خلونا ندخل بس حـــر..
رنا:صدق الخبر اللي سمعته؟؟..
ديما:لا اشاعه..
ريما:يامسرع ما ينتشر الخبر تخيلي خالي طلال داق يبارك يقول اخيييراً بصير جد..
رنا:هههههههه والله انه مفلت وش دخله جد ؟..
ريما:هههههه اندري عنه ..
على دخلتهم البيــت ..
ديما:يمـــــــــــــه رنااااااااااااا جـــــــــت>>إعــــلان تسويقي لا مثيــل له اللي يبي إي خدمه حنا حاضرين له ^^




...............




"انتووا صادقيين اللحين تبون تزوجون بزر ؟"
مها:يمــــه..
شيخه:وصمه كله منك أنتـي..
ابو حمد:وش فيك اللحين هبيتي فينا يمكن احسن له وش يدريك ؟..
شيخه تهدي نفسها وتقعد:احسن له ممكن توضحون لي كيييف ؟ وانتوا تعرفون حالته وشلون أحسن له نبلش بنات العالم به..
مها:يمه ياحبيبتي ماقلنا بناخذ له وحده في مستواه ولا بنات عمي ولا خالي بنخطب له وحده على قد حالها تعتني به
وتداريه حتى لو مطلقه..
شيخه:مطلقه بعـــــد !!..
ابو حمد:وش فيها المطلقه كافره لاسمح الله ؟..
شيخه:موب قصدي بس..ولا تدري انتوا ابخص سووا اللي تبون وانا شحارني بس لافرت راسه وخذت اللي وراه ودونه
ما اكون أنـا شيخه>>وطلعت وخلتهم..
ابو حمد :الله يهديها..
مها:ان شاء الله كان ودي انها تقتنع !..
ابوحمد:موب لزمــه انتي شوفي الموضوع وشوفي له وحده تناسبـه ..
مها:ان شاء الله بس ودي اقوله اول !..
ابوحمد :على راحتك..بس الله الله في الاصل الزين ..
مها:افا علييك انا مها مو حيا الله..
ابوحمد:والنعم>>الا اقول ما ودكم تسافروون عن حر الرياض ؟..
مها:نسااافر مدري ملييت !..
ابوحمد:ههههه احد يعاف البراااد وأنـا أبـوك ؟..
مها:ههههههه أنا ..
ابوحمد:ههه أنتـي عاد غير اناعندي شغل في جنيف بتخاووني ياهلا ومرحبــا ..
مها:مدري والله بشووف ؟..>>خبلللله وافقي >>انا مرره متحمسه هههههه..

________________________________________
"وش رايك فيني؟؟ "
رنا:صرااحه قويه شلووون اقنعتيهم..
مها:هههههههه انا مها موحيا الله..
رنا:ههههههههه ايه والله تذكرين هذيك الايام ؟..
مها:واحد ينساها ما افي احلى من ايام الثانوي..
رنا:ايه والله..
مها:يالله اجل ما اطول عليك وانتي عند اهلك قلت باعلمها باخر التطورات بس ..
رنا:ههههه الله يحييك غريبه ما سافرتوا هالصيف..
مها:ابوووي بيروح لجنيف ووده نروح معه وانا معييه..
رنا:معييه احد يعــاف جنيف ههههههه اسمعي ديما وش تقول..
مها:ههههه وش تقول؟؟..
رنا:تقول عااادي تبادليين ؟!؟..
مها:هههه ياحبي لها عااادي والله ملييت من هالعيشه قولي البساطه اللي انتي فيها احسسسن من مليون جنيف..
رنا لديما:اسمعي تقول البساطه اللي انتي فيها احسن من مليون جنيف..
ديما:داريه بس ان جانا شي ما رديناه..
رنا:ههههههه أختي مافي أمل تتعالج ..
مها:ههههههههههه
رنا :ههههه يالله أجل فمـــان الله
مها:فحفظه بس شوفي لي خطيبه كانك تعرفين اوكي..
رنا:اوكي مع الســلامه ..

...

ام سعود:غريبه من بيخطبون له..
رنا:لاخوها حمد..
ريما:حمــــد؟>>يعرفون قصته . موب تعبان..
رنا:الا بس مها مصره تزوجه تقول يمكن يتغير..
ديما:بس حراام يظلموون بنت الناس..
رنا:عشان كذا تبي نااس ضعوف !..
ريما:معقوله مها تفكر كذا..
رنا :الدنيـا حدتها تفكـر كـذا
ام سعود: احمدوا ربكم الله يعافيه ويوفقه..
الكل:الحمد الله..


"سلااااااااااااااااااااااام"

>>نتعرف على الشخــص القــادم في الجزء القادم وموب سعوود لاتخافوون ^^
...........
انتهى الجزء..





/






...@@البارت التاسع@@...



ياجذيب السـرب والقـاع ومصبّـه

======== لي ثلاث ليـال م أطعمـت المباتـي

في ضميري شيخ له مجلـس وشبـه

======== شيخ ٍ(ن) بثقله مثل ثقـل السراتـي

شيخ (ن) يتل العروق ..القلب شبـه

======== مايميز صوت موتـي مـن حياتـي

نرجع للشخـص القادم ..

"سلااااااااااااااااااااااام"

كلهم ارتاعوا ابوهم رقى ينوم بعد ماقالهم عن زياره ابوفيصل واهله بكرره وسعود مسافر من ذا اللي جاي وبهالوقت..
دخل طلال بابتسامه وهم مطيرين عيونهم فيه..
طلال:ههههه شفيكم كنكم شايفين جني ؟؟..
ديما:اعوذ بالله من الشيطان الرجيم ودخلت وراه امه(منيره) ..
منيره :يا اهل البيت..
طلال:ادخلي يمه ما في رجاجيل ههههههه
قامت ساره وبناتها تسلم على امها:وش اخباركم علومكم رنا عندكم ما تعلموني؟؟؟
رنا:هههههه الله يسلمك ميير جيت ومحد عطاني وجه..
ساره:اهااا بس..
طلال.:هههههه خلااص طاح كرتك رناااا ..
ديما:عندكم بس عند غيركم توه مرتفــــع!..
طلال وريما:ههههههههههههههههههههه
رنا: لاوالله تنكتين انتي ووجهك..
ساره:يالله عااد وش علومك يمه غريبه مسيره علينا ذا الحزه ؟؟..
منيره:ابد طواري..
ساره:الله يحييك..
ديما تكلم طلال:تعال انت وشلون دخلت!..
طلال:ههههههههههههه اتذكر اشكالكم يوم دخلت الحمد الله والشكــر ..
ريما:من جد ارتعنا ابوي نايم ومحد بيجينا هالحزه..
طلال:نسيتوا ان عندي سبير..
ديما:لا والله ..يمــــــــــــــــــه..
ساره:هلا..
ديما:اشوف موزعه مفاتيحنا على كل من هب ودب>>رنا وطلال يناظرونها لانها تعنيهم..
ساره:الله هب ودب ما عطيت الا طلال ورنا عندها من ايام الجامعه..
ديما:اهاااا..
طلال:لا والله ارتحتي اللحين ؟..
رنا:ملاحظ انت ؟..
ديما:ههههههه وشفيكم أخاااف على بيتنا !..
مع بعض:لاوالله ؟؟..
ديما:هههه ايه والله بكره نلقاه مع راعي البقاله ولا يمه منيره ؟؟>>تصرف...
منيره:وشوووو؟..
ديما :سلامتك وش اخبارك عساك طيبه ؟؟..
منيره:الحمد الله نزقح..
طلال:ساره ترى امي امانه عندكم..
ساره:ليييه وين رايح؟..
طلال:عندي كم شغله في الشرقيه بخلصـها وراجع..
ساره:هذي الساعه المباركه وامي البيت بيتها تروح وتجي بالسلامه..
طلال:الله يسلمك..
ديما لريما اللي بجنبها:زاد ما اقتنعت قال ايش طواااري ..
ريما:انثبري..
ديما:خااااااالي..
طلال:وش تبين انتي ماتقولين خاالي الا لمصلحه ! ..
ديما:افاا عليك انت خاالي من قبل ما تولدني امي ^^..
رنا:وش صاير ديما اخلاق..
ديما بغرور:من يومي اخلاق..
طلال صوت واطي:واضح >على صوته> وش تبييين ؟؟!...
ديما:نقدر نخاويك الشرقيه ؟..
ريما:اييه والله نغيير جوو..
طلال:الحقي يا ساره بناتك خربوا !..
منيره:وش ذا الحتسي ؟..
طلال:يمه شوفي وش يقولون بنات بنتك>>ريما وديما يناظرونه بملل يدرون انه بينصب ومنيره تناظره متحمسه لبنات بنتها..
طلال :تخيلي يمه يبون يروحون للشرقيه مع صديقاتهم !..
منيره:وشوووووووو؟؟؟؟ ...
:هههههههههههه ماتوا من الضحك على رده فعلها صدقت بقووه ياعمـري..
رنا:وش عندك في الشرقيه..
طلال:انتداب اسبوع وبمر العنود اشوفها>>العنود بنت عبد الرحمن اخوه..
رنا:لييش ما تجي معك..
طلال: ماادري بس ما اتوقع..
منيره:قلها يمكن ترضى داام البنات في عطله خلها تشوف دلال..
ديما:اللحين ما ملينا عينك يمه خلها تشوف دلال خلها تشوفنا بالاول..
منيره:وانتي مثل دلال دلال سنعــةٍ ما شاء الله عليها >هههههه مأخذه مقلب فيها..
ريما وديما ورنا:هههههههههههههههههههههههههههههه
ريما:يمه منيره شكلك فاهمه غلط !..
ديما:الظاهر ان دلال غاسله مخها !>طبعا بصوت واطي لريما لان لو سمعتهم ان تروح لبيتها مشي..
منيره:وش فيكم تضحكون؟؟..
رنا:لا بس دلال يمــه مثل ديما واطقع..
ديما:هييييييه وش شايفتني؟؟
رنا:ابد الله يسلمك مثل دلال..
طلال يناظرهم بابتسامه وما تكلم لان امه تمدح فيها من بعد عزيمه فيصل اثرهاااااا فاهمه الموضوع غلط ياحبي لاميمتي ...
طلال:يالله استأذن أجـل وراي طريـق ..
ساره:وري ما تمشي بكره بيجينا ابوفيصل وعياله..
طلال يناظر ريما اللي الهت نفسها :وافقت الريم أجـل !!..
منيره:ورى ما توافق ولد عمها واولى بها..
طلال:ياحظي بصييير جد..
ساره:انت من لاعب عليك وقايل بتصير جد على خبري انا اللي بصير جده..
الكل :ههههههههههههههههههههههههههه
طلال:هههههه لا عااادي وانتي اختي يعني أنـا معـك
راح وحب راس امه :فمان الله يالغاليه..
منيره:فحفظه انتبه للطريق وانا امك ولاتسرع..
طلال:ان شاء الله يالله باااي بنات اختي ودي اقعد معكم بس وراي درب..
كلهم :بسلامتك..

ديما:حييا الله امي منيره ..
منيره:الله يحييك ويبقيك متى بيجون عمانكم بكره ؟؟..
ساره:بعد العشاء ان شاء الله..
منيره:يالله اجل بريح عشان نتجهز بكره وين بتنوموني فيه؟؟..
ساره:في غرفه سعوود يمه ريهام قومي ودي امي لغرفة سعود..
ريهام :ان شاء الله..

ريما:ياحبي لها بتتجهز من اللحين..
ديما:هههههههه امي منيره فله اللي يشوفها العروس وانا مدري..
رنا:مدري اجي بكرره ولا لا..
ريما:بلاهبال رنا تعالي الله يعافيك..
رنا:ههههه مدري والله اخاف زيد يعيي..
ديما:ولييه يعيي خطبة اختك ترى ..
رنا: بحاااول ..
وقعدوا مع رنا سوالف وتجهيزات لبكره..



...........


"داري انا بكره بنروح لعمك"

بندر:لييه بعد عزيمه ؟..
ابو فيصل:لا بنروح نخطب رسمي..
بندر يلف لفيصل:لاااه لااااه مبروووووك يالاخو ما تقول اخوي واعلمه..
فيصل:هذا اذا علموني..
ابو فيصل: اعتقد عندك خبر..
فيصل طنش وكمل برنامجه..
بندر:ومن بتاخذون اخبرهم توم..
نطت دلال:ريـــــما..
ابوفيصل بابتسامه:شيختهم..
دلال بزعل:ييييبه ترى بديت اغار حشى تحبها اكثر مني..
ابوفيصل:ههههههه كلكم واحد بس الريم بحسبه بنتي..
فيصل في نفسه مدري شلاقي فيها..
ام فيصل:متى بتروحون ؟؟..
ابوفيصل: بعد العشا ان شاء الله..
بندر:وانا لازم ارووح..
ابوفيصل :انت الاول..
بندر:ليييه المعرس يكفي..
ابوفيصل:ما يكفي بتروح يعني بتروح ساااامع..
بندر: ساااامع >بصوت واطي حكم قرقووش..
دلال:هههههههه اعلم يبببببه..
حط يده على فمها :انطمي ولاكلمه..
دلال:وش لي ..
بندر:تبن..
دلال عظت يده وانحاشت..
بندر:وجــــــــــع يوجعك يالقطوووه..
فيصل:ههههههههههههه تستاهل..
بندر:ايه اضحك موب كنك بعزا بكره بتخطب ترى..
فيصل:الله والخطبه عاد..
بندر:اعـلـــــم ؟؟..
فيصل:دلاااااااااال..
بندر.:خلاااص والله اني ضعيف بينكم ..
فيصل:ههههههه وعساه يثمر فيك
بندر:يااااحبي لي بس مسااالم لا أهش ولا أنش
فيصل:إيـه باااين واللي داق علي ماسكينه في التوقيف قبل أسبــوع قاطع أشــاره !!
بندر:أسكــــت لا يسمعك أبـوي والله أن يسوي لي سااالفه
فيصل:يوم أنك داري أنك غلطااان ليييش تقطعها مااال من عمرك ترى العالم ماملوا من عمارهم
بندر:فيصل الله يعافيك يكفي ذاك اليوم محاظره من التوقيف لين بيتنا حفظتها قسم بالله والله أخـــر مرررره تووووبه
فيصل:نشوووف !




................



اما ريما وديما ومعهم رنا اللي ما تركتهم الا الساعه2 يوم جا زيد من الاستراحه..
كملوا كل شي حتى اللبس اللي محتاره في ريما اختاروه كان لبسها للعيد اللي راح تنوره لنص الساق الموديل الغجري باللون التركواز الغامق والبني والمشجر بالتركواز والبني وتوب بني بشك تركواز خفيف وجاكيت تركواز قصير بربع كم من التريكو المفرغ وشبشب(وانتوا بكرامه) ربط على الساق..
وديما بنجابي زهر مررره ناعم ومطلعها نعومه مررره >>تمويه طبعاً ههههه..
ورنا بتلبس اي شي من عندها....


يوم الخميس بيت ابو سعود يدهر عشان ضيوفهم بالليل كلموا لطيفه تجي بس اعتذرت لانها بتسافرمع زوجها وعيالها جده قبل الدراسه....

على الساعه 7 ونص كل شي جاهز والبنات بالصاله مع امهم منيره سواليف وضحك وام سعود بالمطبخ ترتب الاشياء..
وريما مررره كيييوت مع المكياج الهادي فكت شعرها الناعم اللي يوصل نص ظهرها مدرج على طوله ونعمت الغره على وجهها..وديما اللي طالعه بنوته وكانها اصغر من ريهام مكياج وردي ورافعه شعرها بخصل من الجوانب ومثبتتها..
ورنا بطلتها المعتاده وريهام اللي عااادي ما اهتمت بنطلون جينز وبلوزه طويله بموديل صيني تيكت ايزي هالبنت ..
راكان كاشخ بالثوب اخوو العروس عن سعوود اللي يشوفهم يقول عرس موب خطبه بس كلام..



.............



وصلوا بعد العشا مباشره..
منيره:ياهلا والله ومسهـــلا يالله ان تحييهم ..
ام فيصل: الله يحييك ويبقيك وش علومك يام عبد الرحمن؟؟!..
منيره:بخيير وصحه الله يسلمك >>ترحب بدلال..هلا والله وش ذا الزين ! ..
دلال بخجل:هلا بك خالتي وش اخبارك انتي؟!..
منيره:بخيير وانا امك..
سلموا على الباقيين وعييون ام فيصل كل شوي على ريما وفي نفسها والله ما غلطت يابو فيصل يوم اخترتها هي اللي
بتسعد وليدي إن كتبها ربي من نصيبه الله يكتب اللي فييه الخييير..

"وش ذا الزيـــن ناويه على اخوي اليوم..!"

ريما بصدمه:وش دخل اخوك ومن قال انه بيشوفني؟..
دلال:لاتطلع عيونك بس ياحظ فيصل فيك..
استحت ريما:الله يسلمك..
دلال:لا تستحين يالخبله أنـا دلال
ريما:وش فيك من قالك أني استحي
دلال:شوووفي الخدود طلعت حمـر
ريما :والله ؟؟
دلال:ههههه لا أمزح
ريما:انطمـــي بس

وقعدوا ياخذون علوم بعض واخبارهم ويسولفون وما حكوا بشي في الخطبه الا قلييل لانها للرجال بس تلميح
وهذا اللي ريح ريما وخلاها عادييه زي العاده بمشاركتها وهدوءها الجذاب..


.............




فيصل :بس انا عندي شرط بعد اذنك ياعمي!!
ابو فيصل يناظر ولده بنظره لاتفشلني يافصيييل..بندر ساكت لان الموضوع ما يعنيه على قولته..
ابو سعود:امر وانا ابوك اللي اوله شرط اخره نور..
فيصل :مايامر عليك عدوو ياعمي بس انا ما ابي العرس الا بعد العيد أبي اضبط اموري واشغالي وارتب نفسي شوي..
ابتسم ابو فيصل براحه..
ابو سعود: ما طلبت وانا ابوك انت ولدي وهي بنتي..
فيصل:الله يسلمك ان شاء الله..
ابو فيصل:والملكه..
فيصل يناظر ابووه >>يعني لازم توهقني أأخر من هنـا وانت تقدم من هنـا ..
ابو سعود: الملكه صاحب الامر يحددها ولا يافيصل..
فيصل بابتسامة:عين العقل..
ابوسعود:على البركة وانا عمك..
فيصل:الله يبارك في عمرك..
ابوفيصل: مبرووك يالغالي..
فيصل مستغرب الغالي ما قالها له من 4 سنين..:الله يبارك فيك يبه..
بندر:احللللى يالمعرس محد قدي..وفيصل وده يطحنه بس يجامل عند عمه فابتسم في وجهه..



جلسوا مع بعض لوقت العشا وتعشوا الحريم والرجال وطلعوا البنات يسلمون على عمهم قبل لايروح..
في المجلس الداخلي:هلا والله هلا ببناتي..تقدمتهم ريما بحيا وسلمت :هلا والله وش اخبارك عمي ؟؟
ابوفيصل:بخييير وش اخبار عروسنا اليوم ..
طبت ديما:بخييير تزقح..
ابو فيصل :ههههه الحمد الله
سلموا عليه وقعد شوي وطلع مع عياله للبيت..

>>في السياره..
دلال:مبرووك فيصل..
فيصل:الله يبارك فيك..
ابو فيصل: وراك وانا ابوك مأخر العــرس..
فيصل:يبه تكفى خلني على راحتي كفايه الخطبه..
ابو فيصل:الله يهديك بس ..
دلال:ليييه متى العرس..؟؟
ابو فيصل : يبيه بعد العيد..
ام فيصل:اللللللللله..
دلال: بدوون ملكه..
فيصل: اييه عندك مانع انسه دلال..!
دلال:لاسلامتك..مالت لبندر :لو يشوفها والله أن يملك بكرره..
بندر:ههههههههههه لييه وش لابسه..
دلال:خيييير عن اللقافه عاااد قليل أدب >>فيصل ناظهم بنظره لانه داري انه هو محور الحديث..
بندر :ههههههه طيب سوري..
ام فيصل:والله يابوفيصل أنك ما اخطيت يوم اخترت ريما مغطيه عليهم اليوم..
ابو فيصل:تعلميني بالريم في راسي من قبل ما يخطب اللي ما تتسمى بس كانت صغيره..
>>ضاق صدر فيصل للسالفه لان هالشي يضـــايقه ما يدري ليييش الرفض >رفض شخصك بالذات <
شي موب سهل ابد خصوصا من شخص انت شاريه الله يعوضك يافيصل ^_^ ..



................




"هااا وش قلت"
حمد: شلون يعني اتزوج عااادي ؟؟..
مها:هههههه ايه عااادي زي خالد ولد عمي وعبد العزيز وثامر تتزوج بنت ويجيلك عياال..
حمد:واصيير ابو ؟؟..
مها:اييه..
حمد: وامي؟؟..
مها:وش دخل امي..
حمد:بتعيي..
مها:لا انا قلت لها ولابوي بعد..
حمد:صدق ..
مها:صدق خلاص نخطب لك..
حمد بفرح: اييه اخطبوا لي..
مها:والله وكبرت ياحمد..
حمد بفخر: انا كبير من زمان..
مها:الله يوفقك ان شاء الله..
حمد:وش اقول..؟؟؟
مها:ههههه قل ان شاء الله..
حمد:ان شاء الله..
مها:وش درست اليوم..
حمد:درسنا وبدى يعلمها ويعد عليها اللي اخذه بالمعهد..

........



طلال :الوووو
...:هلا..
طلال:السلام عليكم..
...:وعليكم من معي..؟؟
طلال:اخوي عبد الملك..؟؟؟
عبد الملك:اييه هلا من معي..
طلال:معك طلال الـ....عم العنود..
عبد الملك:هلا والله وش اخبارك علومك من زمان عندك وعن أهلك ؟؟!...
طلال:الله يسلمك كلنا بخيير وعافييه انتوا وش اخباركم وش اخبار العنود..؟؟
عبد الملك:كلنا بخيير وعافيه نسأل عنكم..
طلال:باييين ههههههه>>صـــريح بس يعجبني عشان مايكذب مره ثانيه قال أيش من زمان عنكم ..
عبدالملك:هههههه والله في ذا الدنيا مشاغل وأنـا أخــوك..
طلال:ايه والله الله يعينا عليها على خيـر بس داق عليك وانا اخوك لاني بالخبر عندي شغل وودي امر اسلم على العنود
اذا ما عندكم شي ؟؟..
عبد الملك:الله يحييك اتصل بالعنود وعلمها..
طلال بارتباك: انا ؟؟...مدري والله بصراحه ما اعرف رقمها وودي ازوكم في البيت !..
عبد الملك: خلاص الغالي بشوفهم وبدق علييك ..
طلال:ماتقصر وعطنـي خبــر تأمر على شــي ..
عبد الملك:ما يأمر عليك عدوو فمان الله..
طلال:مع السلامه..

>>هذا السبب اللي جاي عشانه بديت اقرب منه الله يعيني بس وافرح امي اللي من تسمع طااري عبد الرحمن
تتنكد عشان هالبنت ..





..........





دخلت عليها وهي معصبه والثانيه ترفع شعرها عند التسريحه..
ريما:على كييفه هو ولا يحسب اني لعبه عنـده يحجز وإلا لعبه ياربي ارحمنـــــــي بسسسس..
ديما:وش فيك بسم الله منهو؟؟!...
ريما تقعد على السرير:ولد عمك الخايييس !..
ديما:ههههههه من اللحيين خايس بعد العرس مقطن اجل!..
ريما:ديــــــــما ترى منيب فاضيه لك..
ديما راحت لها وقعدت جنبها:انا عارفه انك رافضه من الاول بس شكلك اليوم مقتنعه وش اللي غييير رايك؟؟!..
ريما بعبره:تخيلي كل هالحوسه ويبي بس خطبه كلام والملكه والعرس بعد العيد وش موقفي إذا سألني أحد وش أقول
محجوزه!!..
ديما: حتى الملكه..؟؟
ريما:ايييه حتى الملكه قال اييش يبي يرتـب اموره واشغاله طييييييييييب لييه يخطب من الاساس انتي عارفه ان اكره
ماعندي هالشي سياره انا عشاااان يحجزني!..
ديما:هههه واحلــــى سياره بعد ..
ريما:ديمـــا..!
ديما:وش فيك من قال حجز هم خطبوا رسمي يمكن عمي الله ضغط عليه..
ريما:مدري ياديما تعبت من التفكييير وربــــي تعبــــت ..
ضمتها ديما بحنان:حاااسه فيك والله بس ارضي باللي الله كاتبه لك ماتدرين وش يصير بهالشهور ممكن يغيير كل شي..
ريما:ونعم بالله بس اللي قاهرني مدري لييش يعجبني..!..
ديما تدفها عنها :فااارقي بس مسوية لي فلم هندي همن >مدري ليش يعجبني< انتوا يا ذا الحريم ما ينعرف لكم ! ..
ريما:هههههه شفيك علي والله مع انه عصبي ومزاجي ونفسه في خشمه وشايف نفيسته واكتشفت أنه يدخن بعد بس مدري
فيه شي يعجبني..
ديما:يدخــــــن ؟؟؟؟اللحين كل ذا فيييه ويعجبك أجل لو مافيه شي وش بتسوين ..!
ريما:هههههه انطمي بسسس..
ديما:اييه اضحكي ومرده لك وانا اختك..
ريما:مدري والله ..
ديما:وش دراك أنه يدخـن ؟؟
ريما:قد قالت لي دلال إن ما خانتني الذاكره مدري هو مدري بندر واحد منهم
ديما:لا بندر ما يدخن !
ريما:وش دراك ؟؟
ديما:اعرفـــه ما يسويها
ريما:ايه مررره تعرفينه والله لو تشوفينه في الشارع ماعرفتيه
ديما:والله أنك صادق
ريما:الله يعيـــن بس
ديما:آمييين ..

..................


انتهى الجزء..




/







...@@البارت العاشر@@...



مشكــله لا صرت تعشق والعشق كذبة زمـان
..........ومشكـله لا صرت تبني واللي تبني له يهـد
ومشكـله لاصرت توفي والوفا مابه حنـــان
.........ومشكله لاصرت تشكـي واللي تشكي له يصد



...



"شوفوا عاااد انا شوفوا لي صرفه زوجوني اخطبولي اي شي ماااالي دخـــل ..!"

دلال:هههههه وليييه ان شاء الله غايير؟!..
بندر:الصراحه اييه والله شوفي امي وابوي شلون يعاملون فصييل تقول بزر!..
فيصل:بزر في عينك ..
بندر:والله ..الله يعيين بنت عمي بس بتاخذ واااحد تعود على الدلع..
فيصل:هي تلقى..
دلال:ايه والله الله يعينك ياريما..مدري شلون وافقت!..
ناظروها بصدمه لأن دلال نست نفسها وتفاعلت مع السالفه مرررره ^^
فيصل بضيق:ليييش هي رافضه؟..
دلال:هاا ..لا ..ايه..لا وش رافضه لو كانت رافضه ماوافقت !..
فيصل يقوم:وإلا عاد انا اللي موافق يصير خيير ان شاء الله وطلع..
دلال لبندر:وش فيه ذا ؟؟؟..
بندر:راضع شطه ههههههههههه
دلال:ههههههههه تدري بندر ؟..
تحمس:وشوو..؟؟
دلال:اخاف فيصل يرفض ريما زي ما سوت عبير فيه ترى والله ان تنهبل ريما!..
بندر:لا وين ماتوصل لهالدرجه بعدين ريما بنت عمه وما اتوقع يرضى عليها أصـلاً..
دلال:والله مدري الله يهدي سرهم بس ..
بندر:ان شاء الله..
بندر: وانا متى بتخطبوون لي ..؟؟
دلال:لويسمعك ابوي بيعطيك محاظره على مستوى عنبوك خلص ذا الجامعه اللي خست فيها همن اعرس وووو...
بندر:خلاص خلاص الله يسلمك حفظتها أنـا طالع خيتوو بدك شي ؟؟..
دلال:صادقه ديما ياشين السعودي لاتكلم سوري مثل المثل اللي يقول" ياشين السرج على البقره"..
بندر:هههههه منهي ديما بعد ذي عسى اللي تعرج ؟؟..
دلال:تعرررررج..؟؟
بندر:موب وحده من بنات عمي خالد تعرج..؟؟
دلال:جعلك تعرج قل آمييين بسم الله عليهم فارق بس صدق بقره..
بندر:انتي البقره انا ثووور..
دلال:هههههههههههههههه تعجبني صراحتك الاعتراف بالحق فضيله خخخخ..
بندر:هههه انطمي بسسس..




.............




"حيا الله من جانا"
طلال :الله يحييك ..
عبد الملك:نسمع عن طلال وطلال وما شفناه فرصه سعيده..
طلال:وانا اسعد..
بعد ربع ساعه سواليف رسميه وقهوه وشاهي كعادة كل الاستقبالات دخلت بنت في 18سنه تقريبا انصدم طلال من شكلها او ماتعود عليه بالأصح برمودا جينز وتي شيرت وردي هاااادي وشبشب >وانتوا بكرامه <وردي خفيف ونااعم
وعااادي عندها كأنها متعوده على هالشي اواللبس بس لمح في وجهها ملامح امه وشوي من عبد الرحمن وهو يعرفها أصلاً !بس عمره ماشافها إلا بعبايتها ..
:أهليييييييييين..
عبد الملك:هذي العنود ياطلال..
طلال مستحي مرررره من لبسها>هههه مؤدب إلا ما تعود طول عمرره مع بنات اخته ماقد طلعوا له ببنطلون وحتى إذا الا
بلوزه طوييله او بنجابي (لبس باكستاني طاحوا فيه السعوديات لفتره من الزمن ^^)بس استرجع انهم بنات ساره وموب كل البنات مثل بنات أختــه تقدمت ومدت يدها..
:أهليين عمي طلال..
مد يه:هلابك والله وش اخبارك ؟..
العنود:طيبه الحمد الله وشخبااار امي منيره وعماتي ؟؟ ..
طلال:بخيير يسألون عنك والله و دراستك وش أخبــارها ..؟؟!
العنود:طيبه لاتذكرني بها ترى الناس عطله..
طلال:ههههههه بس ما بقى شي على الدراسه؟..
عبد الملك:أنا استأذن أجل ونشوفك مره ثانيه ياطلال ..
طلال:إن شاء الله وأذنك معك...والتفت للعنود اللي خذت من الخدامه العصير وعطته واخذت لها
طلال:بإي مرحله اللحين ؟
العنود:خلاااص خلصت ثالث هالسنـه ..
طلال:مااااشاء الله مبروووك ولا تدقين تبشرينا ولا شي
العنود:ارسلت رساله لامي منيره !
طلال:هههههه ياحليك وامي تعرف تقرى امي مافي جوالها إلا طلال بس ماتقرى الله يهديك
العنود :ههههه والله مدري بس ما جبت نسبه للأسف..!
طلال: ههههه ليه حتى هالظاهره عنكم ؟
العنود بابتسامه :ايه والله أنا وصديقاتي نسبنا تفشل بس والله أسألتهم صعبــه
طلال:إلا ما تدرسون والله
العنود:ماندرس ماندرس
طلال:ههه تعلميني فيكم يالبنات >>يااااااقلبي عاد يالاولاد خلني ساكته ترى قاهريني !
العنود:بس والله اللي ما نذاكر نحل واللي نذاكر ما نحل يعني منهم موب منا ..
طلال:ماعلينا منهم إلا أنتي وينك لاتسألين ولا شي عماتك وبنات عمتك يسالون عنك وجدتك قبلهم ودها تشوفك
اليوم قبل بكــــره وانتي قاطعه في الكل !..
العنود:والله حتى انا ودي اشوفهم واتعرف عليهم بس....!.
طلال:وشووو بس في احد يمنعك؟!..
العنود:هااا لا بس >>تجمعت الدموع بعينها حاولت تمسكها بس ماقدرت..
العنود :عمــي طلال الله يعافيك إذا لي غلاة عندكم صدق لاتخلوني هنا خـــذي معك الله يخليك !..
انصدم طلال من بكاها هو اصلا ما يشوفها الا من عيد لعيد وتسلم بعبايتها وتطلع واللحين تنخاه ياخذها اكييد فيه شي!..
حط يده على كتفها:بس يالعنود تعوذي من الشيطان فيه شي صاير لك شي تكلمي أبـــوي!!..
العنود تمسح دموعها بظهر يدها كنها بزروتتكلم :ايه صاير وما ابي اقعد هنا ابي اروح معك لامي منيره الله يخليك..
طلال:طيب خلاص إن شاء الله بس وش اللي صايير علميني!!..
العنود:ماما تزوجت وما ابي اعيش مع زوجها ولا حتى معها ابي اروح معك إذا ممكن ؟؟..
طلال:ممكنين بس في احد مضايقك احد مسوي لك شي بعدين شلوون تزوجت امك وكييف ما تدري ان حضانتها لك
تسقط بمجــرد زواجها ؟؟..
العنود:ههههه طلال!سوري عمي طلال انا مو بيبي انا كبرت خلاص ومو بحضانة أحد اقدر اختار وانا ما ابي اعيش
مع رجال غريب !..
طلال:بعدي والله بنت اخوي ..
العنود:هههههه كيف يعني بعدي ؟؟..
طلال:ههههه يعني تعجبيني وسنايدي >قالك اللحين بتفهم <وعاادي وأنـا عمك قولي طلال ديما ميب احسن منك..
العنود بابتسامه:ميين ديما؟؟.. هههههه ووشو سنايدي بعد..!
طلال:ههههههه لهجه خاصه عاد !و ديما وريما تؤام كبرك يمكن بنات عمتك ساره بيعجبونك مررره..
العنود:الللله يعني عندكم بنات كبري ؟؟!..
طلال:عندنا خيير وبركه عندنا اكبر واصغر كل المقاسات متوفره وبأحجام مختلفه بعد ههههه..
العنود:ههههههههههههههههههههههه
طلال:ايه اضحكي الدنيـــــا ما تسوى هالدمــوع ..ممكن اسألك سؤال؟؟..
العنود:تفضل عموو..
طلال:يوم انك ودك تجينا لييش قاطعه فينـا كذا ليييه ما تجيين ولاتسأليين الا بالأعيااد..؟؟
العنود بحزن:ماما كانت ترفض كانت هي كل شي في حياتي وما تبيني أحتك في أحد بحجه انها تخاف علي بس يوم تزوجت
نستني ولهت مع زوجها..
طلال:طيب لييه ما كلمتينا تقوليين..؟؟
العنود:ماكانت ترضى إلا بالأعيااد واللحين تبي تزوجني ولد زوجها عشانه مررررره غني..
طلال:تخسى الا هي اسف ادري انها امك بس انتي عندنا بالدنيا انتي بنت عبد الرحمن يالعنود بنت عبد الرحمن ما تدرين
وشكثر امي تحبك وتعزك وغلاة عبد الرحمن عندها ..
العنود:حتى انا بعد..
طلال:خلاص اجل اتفقنا انا بكلم خالك ورتبي أمورك ترجعين معي الرياض اخر الاسبوع..
العنود:وماما ؟؟!..
طلال:خليها علي..
العنود:تتوقع توافق ؟ ..
طلال:قلت لك خليها علي أهم شي أنتـي راضيه ومقتنعه
العنود:انا ودي من زمان والله
طلال:خلاص أجـل خليها علي وبتفاهم معها ..
العنـود:أوكــــي تعرف رقم جوالي ؟
طلال: للأسف لا عطيني إيـاه
العنود :خذ........................>>وعطته إيـاه




...............





"يمــــــــــــــــــــــــه"
منيره:وصمــــــه تراك ازعجتينا شوفي خواتس وش حليلهم ساكتين ما صجونـا مثلتس !..
ديما:وش علي منهم وترى ريما هي اللي قايلة لي..
ريما:انــــــــــا!!..
ديما:يعني انتي ماتبين اشياء للجامعه..؟؟
ريما:ابي بس ما قلت لك وتونا بدري على الجامعه..
ديما:انطمي بس..
ريما:احترمي نفسك انا الكبيره..
ديما:خمس دقايــــــــــــق ذليتينا عليها ترى ..
منيره:مايهذري المهذري الا من حر الصخونه..
ريما:صدقتي يمه منيره "مايهذري المهذري الا من حر الصخونه"..
ديما:يعني شلون مناب رايحين ترى والله لسوي مظاهره..
منيره:وش بتسووين..؟؟؟
ريما:امي منيره تبي تسوي زي فلسطين..!
منيره:هوو ياكافي سوير شوفي بنتس قبل ماتنهبل ..
ساره:ديما راسي مصدع ومانيب فاضيه قلت لك يووم ثاني خلاص يوم ثـاني ..
ديما:طيب نطلع اي مكااان..
ساره:انتــــــــي ماتفهميين...؟؟
سكتت ديما لان امها خلاص عصبت..
ريما:ديما تعالي شوي ابي اصلح حلى..
ديما:ما ابي شي ..
ريما تغريها:بصلح سوفلييه ترى..
ديما:والله..
ريما:والله العظيم بس اطلبي من البقاله نسكويك وببسي انا كولا دايت وتعالي المطبخ ..
ديما:اوكي..
ساره:ريــــــــما ضفي اللي عقبك خديجه تغسل الهدوم فوووق..
ريما من المطبخ:ان شاء الله..



..............




"هااا لقيتي "
مها:لاوالله انتي ؟؟..
رنا:فكـرت في بنات عمك اخبرهم طماعات موب مخالفين والقريب اولى..
مها:يوافقون يمكن بس انا ما اضمنهم ابي وحده تفهمه وتريحه موب تشق به الا ماقلت لك...
رنا:لا وشوو؟؟
مها:دقت علي منالووه تسلم وتسأل شكلها درت عن الخطبه..
رنا:هههههههههه لالا سبحان اللي يغير ولايتغيير المهم..
مها:هلا؟
رنا:لقت لي خطيبه وحده الكل يمدح فيها بس ساكنه في قريه متخرجه معنا يمكن في عمرنا دينه وتزوجت وهي صغيره
وتطلقت ومزيونه بعد..
مها:صدق طيب وش يقال لهم..
رنا:اسمها نجلاء راشد الـ....موب ذاك المركز اللي مره عاااديين وعلى قد حالهم مابقى الا هي من خواتها..
مها:طيب عطيني رقم الخطيبه واكلمها..
رنا:اوكي خذي عندك..
مها:الله يعافيك..
رنا :عااادي وش سوييت مها بأخليك زيد يناديني ..
مها:تعالي وش اخبارك انت ويياه ؟؟..
رنا:ابد على حطت يدك هو على ماهو وانا مطنشه تعودت على اسلوبه الله يعيني بس ..
مها:الجميع ان شاء الله..
رنا:آميييييين يالله مع السلامه ..
مها :مع السلامه ياهلا والله ..




..............





طلال كلم خال العنود عن الموضوع وانه يبي بنت اخوه ترجع معه لاهلها ,,
ما عارض ابد وقال بقول لامها ويرد له وهي من حقها الاختيار خصوصا بعد سن التمييز..



.............



ديما:ريما ويين جوالك..
ريما:مدري يمكن في المكتبه..
راحت ديما جابته ورجعت مكانها يستنون السوفليه يخلص من الفرن..
دقت على دلال ...بعد السلام والسوال..
ديما:حزري وش مصلحيين ؟..
دلال:وشووو.؟؟؟
ديما:شي تحبينه وتصلحه ريما دايم !!..
دلال بصوت عاالي :لاتقولين سووووووفلييييييه>>كل اللي بالصاله يطالعها >فيصل وبندر وام فيصل..
ديما:ههههههههه ذكيه ماشاء الله عليك..
دلال:هييييين ريموووه والله انها خاينه هذا وانا بصير اخت رجلها >وتناظر فيصل<امااانه عطوني والله جااايعه ..
ديما:خذي راعيه الحلال..
ريما:هههههههه هلا..
دلال:يالخايسه هييين من متى وانا مشتهيته ومطنشتني بس هيييين ريموووه ان ما اجلت عرسك للحج مانيب دلال..
فيصل استانس على الفكرره ليين الحج والله ونااااااسه..
ريما:هههههههه طيب تعالي..
دلال:ما اتوقع لحظه>يمه عااادي اروح بيت عمي خااالد..
ام فيصل:ذا الحزة ومن بيوديك ؟؟..
دلال تلتفت على فيصل وبندر فيصل يهز راسه بعلامه لا وبندر عرض خدماته..
بندر:انا طالع اللحين تبين امرهم واجيب لك..
دلال:لافشيله >ورجعت لريما..
ريما:اي فشيله انتي ووجهك عااادي خليييه يمر ..
دلال:ههههههههه لاصعبه..
ريما:لوعندنا سعوود خليته يوصله خليه يجي بلا بياخه..
دلال:لا والله اذا جيتي بيتنا صلحي لي كل يوم..
ريما:تراك ماتنعطين وجه..
دلال:ههههههه ادري
ريما:ههههههه اشوى يالله اجل بطلعه..
دلال:يالله أجل بااي وترى منيب ناسيه وسلمي على دييم..
ريما:ههههه يبلغ ..

ام فيصل: انتي ماتستحين تقولين لاجيتي تصلحين لي كل يوم بتعرس على اخوك ولا تجي تطبخ لك ؟..
فيصل:لييه هي تطبخ؟؟؟ ..
دلال:موب تطبخ تطبخ تطقطق..
بندر:حلوووه تطقطق تجرب عليكم اجل..
دلال:لاوالله عليها سوفلييييه ولاقهوه خمس نجوم..
فيصل:قولي ما شاء الله..
بندر:تعالي فيه قهوه خمس نجووم!!..
دلال:مدري وش اسمها اللي هي بعدين تعال انت انا اللي بنظلها ترى عيني بارده..
فيصل ببرود:العين حق..
دلال:ماشاء الله تبارك الله تف تف تف
فيصل :وش دخلني أنـا ؟؟
دلال:رجلها القادم !
فيصل:أحلفـــي بس !
دلال:والله العظيم
فيصل :أقول أعقلــــــي !
دلال: طيب إن شاء الله >>يروع !

________________________________________
دخلت عليها أمها معصبه يوم درت بقرارها ترجع لعمانها..
:عنود صدق اللي سمعته من خالك..؟؟؟
العنود:وش سمعتي..؟؟
سعاد بعصبيه:تخليين العز اللي معيشتك فييه وترجعيين لعمانك هذي تربيتي فيك يالعنود هذي أخرتها ؟؟
العنود:ماما انتي على عيني وراسي بس اتزوج سلمان مستحييل بعديين انا قررت ارجع الرياض ما ابي اعيش لافي بيت
ولا عز رجال غريب وبيت ابوي مفتوح لي وقلت لك ولد زوجك والله ما أخذه لو أموووت ..
سعاد:والله وطلع لك لسسان ياعنيد !..
العنود :عمي طلال بيمر علي بكرره وبرجع معه..
سعاد: عمت عينه قول آآميييين ..
العنود:لاتدعين عليه ..
سعاد:من اللحين تدافعيين عنهم يالعنود وتتحديني ؟..
العنود:انا ما اتحديت احد انتي اللي تركتيني عشان الفلوس واللحين بتزوجيني عشان الفلوس صااارت حياااتك كلها فلووس
في فلوووس ولا انا ولا اهلي راضييين..
سعاد:اهلك هههههههه مصدقه انك بتعيشين في العز اللي انتي عايشه فيه اللحين وبسببي بتروحيين وتندمين صدقيني
يالعنود منيب سعاااد ان ما رجعتي لي ندمانه قد شعر راسك ونشوف!>وجت بتطلع..
العنود:ماما..
لفت على بنتها:نعم..
العنود:لاتزعلييين مني والله ماقصدت..
سعاد:ههههههه وليييش ازعل انتي الخسرانه روحي جربي بس مردك لي ..
العنود تنهدت وهي عارفه انها بتواجهه صعوبات خصوصا الحياه اللي عايشتها عند امها عكس الحياه اللي بتعيشها في
بيت جدتها عند امها عايشه حياتها بحريه(فري على قولتهم)بس ماشافت لاوناااسه ولا سعاااده بيوم ماتحس بطعم الحياه
الا ذاك اليوم من كل عيد اللي تروح فيه بيت امها منيره تشم ريحه اهلها ابوها وبيتها دينهم عاداتهم تقاليدهم اللي مانسوها
مع كل اللي يمررون فيه >الله يثبتهم

دقت على طلال وبهدوء:اهليين عمـــي..
طلال:وينهم يسمعووون..!
العنود:ههههههه مين..؟؟؟
طلال:العرابجه اللي عندي في الرياض ..
العنود:هههه حرااام علييك..
طلال:تدرين ديمووه ماتقول خااالي إلا تبي مصلحه وياكبرها في ثمها >خاااااالي طلااااال!!
العنود:هههههه عمي كلمت أمي ..
طلال:وش قالت ؟؟..
العنود:عصبت بعدين رضت..
طلال:جيبي كل شهاداتك عشان التسجيل..
العنود:اي تسجييل ؟؟..
طلال:الجامعه ولا ماتبغيين..
العنود:الا بجيبها كلها عمي..
طلال:هلا..
العنود:تتوقع عااادي لو رجعت معك مارح يتظايقون مني..
طلال:لا والله الا بيفرحووون انتي تعالي بــس..
العنود:ان شاء الله يارب..




...........





"طلييل من راح ما دق الا مرره كنه ما صدق يطس"
ساره:يمكن إنه مشغوول يمه تراه في انتداب..
منيره:وين ريما..؟؟
ساره:في المطبخ..
منيره:وش عندهم ..
ساره:يسوون سوفلييه..
منيره:وش ذا الفسلييه..
ساره:ههههههه كيكه يمه..
منيره:الله لايغضب علينا وديمووه..
ساره:معها يمه تبين شي..؟؟؟
منيره:ايه وانا امك دقي على اخوانك اسالي عنهم من كمن يوم ماندري عن احد..
ساره:ان شاء الله..
وراحت تدق على خوانها وخلت امها تكلمهم عشان تطمن عليهم ..



.............



رنا:الوووووو ...الوووو...الووووووووووو
لطيفه:هلا
رنا:خالتتتتتي تكلميني ولاتتطاقين مع هالسكن اللي عندك ؟..
لطيفه:قلتيها سكن الله يهديهم رفعوا ضغطي >صوييييلح فكـ أختك >>ياعمري ذا الاخت متوحدين فيها ..
رنا:ياربيييييي انتي ماتصلحيين في التليفون يالله مع السلامه..
لطيفه :وش تقولين..؟؟
رنا:اقول مع السلامه اشوفك عند اهلي منتيب جايه..؟؟
لطيفه:اذا مارجعت امي لبيتها جيتكم..
رنا:خلاص نشوفك باااي ابغااك بموضوع ضروري >وصرفي عيالك لوسمحتي..
لطيفه:هههههههه طيب ان شاء الله يالله فمان الله..
رنا:فمـان الكريم ..


سكرت من خالتها وارسلت له رساله..


" أبســــــألك لــــــيه الجفــــاف احيــــان يقتـــــلني معــــك ؟
رغــــم انـــك .. ادفـــــى غيمـــــة مــــرت بقلـــــبي .. و امطــــــرت "



.................


انتهى الجزء...




/









...@@البارت الحادي عشر@@...





" أبســــــألك لــــــيه الجفــــاف احيــــان يقتـــــلني معــــك ؟
رغــــم انـــك .. ادفـــــى غيمـــــة مــــرت بقلـــــبي .. و امطــــــرت "


بعد ما شاف رسالتها حس بتأنيب الضمير تونا مالنا كم شهر متزوجيين وهالبرود مسيطر على الوضع قام يلوم نفسه
لوما طاعها ما وصلوا لهالدرجه خصوصا انه يعز رنا او يحبها بمعنى أصح لأنه غالبته بكل شي بأخلاقها بطيبها بمعاملتها لاهله اللي بكل رقــي باحترامها له برغم عفويتها الزياده بس موب عيب اذا صار اللي في قلبها على لسانها وتقوله بصراحه !
بس كل شي مكتوب ومقدر ويمكن نزوه وتعدي ماحـس بنفسه إلا يدق عليها..

زيد بابتسامه..:هلا والله ومليوووون غــلا..
رنا مستغربه بس ردت:هلا بك ..
زيد:وتدرين أنك احلى شي بحيـــاتــي!..
رنا استغربت يمكن مفعول الرساله لو داريه مرسله من زمان:تسلم..
زيد:بس تسلم ؟
رنا بحيا:وش تبيني اقول!..
زيد يتنهد:ولاشي اخبارك؟؟..
رنا:هههههه العصر عندي بخيير نسأل عنك ؟..
زيد:هههههه العصر عندك..
رنا:هههههههههههههههههههههههه اندري عنك,,!

>يالله من زمان عن ضحكتها انت اللي حارم نفسك يازيد بس ما اقدر اخذلهـ...وسكت وش افكر فيه خليني اعيش يومي
على قولتهم..:دوم هالضحكه ان شاء الله..
رنا بحيا:تسلم متى بتجي ؟؟..
زيد:اذا تبين اللحين !..
رنا برعب:الللللحيييييين لا..
زيد:هههههههه شوي شوي لاينط فيك عرق لا موب اللحين بعد ساعه يمكن..
رنا:اشوه !..
زيد:لهالدرجه مضيق عليك؟؟..
رنا>>وش قلت انا ما صدقت يرجع زي أول رجع مضيق عليك ومدري وشوو !
رنا:لاوالله بس توى مخلصه من تنظيف البيت ومحيوسه وكشتي طايره الله لايوريك هههههههه
زيد:ههههههههههههه ياحلوك وكشتك..
رنا:يالله عااد ترى عطيتك وجه..
زيد:ههههههه ايه هذي مرتـــي ياحبي لها بس..
رنا بحيا:بسكر تأمر على شي..
زيد:سلامة قلبــك..
رنا:الله يسلمك..

قفل منها وهو يحاسب نفسه والله اني غبي اترك هالنعمه وادور عليها عند غيرها ؟؟!!؟؟..





............






باليوم الثاني العصر..
مجتمعين بالصاله يتقهوون ومعهم أبو سعود اللي ماقعد مع خالته من جتهم الا شوي..
ريما:يمه منيره متى بيرجع خالي ؟؟..
ديما:مالقاها الا طلوول يوسع صدره وفالها..
منيره:والله مدري يقول اسبوع وبجي واليوم تم الاسبوع ما كلمكم ؟؟..
ديما:لا ما كلم !يبه ؟..
ابو سعود:هلا..
ديما:نبي نروح مكه يومين الله يعافيك قبل الدراسه بسسس يوميــن ..
ابوسعود:والله ميب شينه بس مشوار يومين ونرجع!..
ريما:عااادي نروح في حمله..
ابوسعود:والله ومخططين يابنات خالد..
ديما:افاا عليك في الخدمه..
ام سعود:وش الطاري مكـــه!!..
ديما:ابد نعتمر ونغير جوو وميب شينه نمر الطايف وجده..
منيره:موب لله مكه نمر الطايف وجده !..
ديما:حراااام عليك يمه والله اهم شي العمره من متى ما اعتمرنا ! من سنتين ما طبيناها ..
ابو سعود:ايه والله من زمان عن مكه..
ام سعود:بكيفك ما عندك شغل مشينا يومين في حمله أرتب لنــا وأزين..
ابو سعود:وأنت الصادقه هااا يا خالتي ماتبين تخاويننا..
منيره:لا والله بسلامتكم ياوليدي مافيني شده على باص وعمره الله يوفقكم..
ابو سعود:الله يسلمك بقول لاخوي عبدالله كانه بيخاويننا..
ديما:الله ونااااسه ودلال معهم ؟..
ابو سعود بابتسام:كلهم موب بس دلال..
ريما لديما:لااااازم يعني ؟..
ديما تهمس لها:وسعــي صدرك خليها رحله تعارف..
ريما تصقعها على كتفها:تعارف في الحرم فارقي بس..
ديما:ههههههه وسعي الصدر ماصدقنا نطلع من الرياض..
ابو سعود:وش عندكم تبسبسون ؟؟..
ديما:سلامتك بس يبه متى بتكلم عمي عبد الله ؟..
ابو سعود :اليوم ان شاء الله..





............





في الشرقيه العنود متحمسه مرره وخايفه من هالسفره تخاف من كلام امها يتحقق وما تقدر تتأقلم معهم "بس والله عمي طلال يجنن كنه اخوي وشلون البنات اجل بسرعه خليني اخلص وش كثر هالشنط وش بيشيلهم توني ادري ان اغراضي كثيره!!"
رن جوالها وشالته:هلا ماما..
سعاد :اهلين وينك ؟؟..
العنود:بغرفتي لييه؟؟..
سعاد:انزلي تحت بسلم عليك لاني معزومه بالليل..
العنود :اوكي دقايق..
تركت اللي بيدها ونزلت لامها تحت :يعني مصرره ؟؟؟..
العنود تتنهد:تكلمنا في هالموضوع..
:"إي موووضووع ؟؟كان سلمان >سلمان ولد زوج سعاد والعنود تفتش له لأن أمها رافضه أنها تتغطى عنه بحكم أنـه
بحسبة أخـوها وبتعيش معــه في نفس البيت فصعب الغطا في هالحاله >>مادرى عنك طلال أن يوريك شلوون صعب الغطا
في هالحاله هذي فيها قبايل !!
سعاد:ولا شي العنـود بتروح للرياض >>خلاص ماما براحتك بس انتبهي لنفسك وكلمني اذا وصلتي اوكي ولاتعطين
عماتك وجه ترى ماينعطون وجه ......إلخ
من نصايح سعاد اللي زي وجهها كن بنتها رايحه لحرب موب اهل !..
والعنود حايمه كبدها من هالنصايح وذا اللي مستنر عندهم :خلاص يمـه والله طيب ..
سلمان:بنفقدك يالعنود ؟
العنود في نفسها جعلي أفقدك قل آمين :مشكووور حتى أنا بفقدكم !
سلمان:يعني بتعيشين هنــاك طيب وين ؟ عندكم بيت ؟؟ >>يتهزئ
وقفت العنود :وش رايك يعني بيعيش بعشه بعيش ببيت أبــوي معززه مكرمه ؟
سلمان :وبيت أبوك زي بيت أبوي ؟؟
العنود:من زين بيت أبــوك عاااد ..
سعاد:عنووود خلاص عاد وانت سلمان غريبه ما طلعت ؟
سلمان :بطلع اللحين قولي لأبوي اني مسافر البحرين الويك أند وراجع بااااي ولا تنسينا عنوود طيب >ويغمز لها
كااان ودها تفصخ نعااالها >وانتوا بكرامه <وتصكه بها بس مسكت نفسها بتفتك من هالوجــه للأبد وبدوون رجعه ويبون
يزوجوني إيـــاه بعـد والله لا أنتحر !
سعاد:خلاص سمعتي كلامي ؟؟
العنود كانت وهي تهز راسها وتقول ان شاء الله وهي ما سمعت ولاكلمة من اللي قالته امها ماكانت تبي بينها وبين أمها
مشكله بيوم سفرتها..

طلعت امها وتنهدت من هالاسطوانه اللي تسمع من امها شي وتشوف العكس >>ياربي ارحمني بسسس..
رن جوالها ورفعته بفرح:هــلا عموو..
طلال:اهليين هااا كيف النفسيه اوكي..
العنود:مرره خايفه..
طلال:ماله داعي هالخوف خليك ريلااااكس جاهزه ؟؟..
العنود:ايه خلصت كل شناطي بس ترى كثيره 5 غير كرتون الشوز..
طلال:الله 5 حشا عرووس !!..
العنود:ههههههههههههه عروس مرره وحده..
طلال:ههه اندري عنك خلاص انا نص ساعه وعندك اوكي ؟..
العنود:اوكــــي استناك..
طلال:يالله باااي..
العنود:بااي ..
سكرت منه ونادت شغالتين ينزلون شنطها من فوق قبل ما يوصل طلال..





............




:مابغيت لالا ماله داعي تتعب عمرك وتدق اليوم بتجي وشووله بعد ؟..
طلال:ههههههههه كليتيني وحده وحده ..
ديما:اشوفك مستانس في الشرقيه؟؟..
طلال:اييه والله مستانس بقوووه فديتها بس ..
ديما:لو سمحت لا تقهرني ترى حتى إنا بنروح مكه!..
طلال :والله!..
ديما:يمكن يومين ونرجع..
طلال:الله يعين امي عندكم؟؟؟..
ديما:لاعند الجيران..
طلال:لاااااه مسرع تعرفت عليهم ام عبد الرحمن..
ديما:هههههههه امزح عليك يعني وش رأيك وين بتروح ؟؟..
طلال:انتي ووجهك عطينيها اشوف !..
ديما:طييب بسم الله لاتعصب يمــــــــــــــــــــه
طلال:ههههههه وجع فقعتي أذني مدري متى بتعقل ذا البنت ؟..
ديما:سمعت لاعقلت بعقل ؟
ديما:يمـــــــــه منيره طلال يبغااك في التليفون..
منيره: قربي التليفون مافيني حيييل اقوم..
ديما:هههههه يالله حسن الخاتمه..
منيره:بعد عمر طويل ان شاء الله..
ديما:هههه ان شاء الله سمي..
طلال:هلا وغلا باميمتي ياهلا والله ومسهلا ..
منيره:هلا والله وينك ماجيت اليوم لك اسبوع وانا امك ؟..
طلال:حاسبتها الغاليه انا في الطريق وعندي لك مفاجأه ماحصلتش اذا وصلت إن شاء الله ..
منيره:وش ذا المفاجأه بعد ؟؟..
طلال:اذا وصلت يصير خييير الا مافيه احد يوصلك البيت ؟؟..
منيره:لييه بتتأخـــر..
طلال:يمكن ما اوصل الا 10ونص11 كذا..
منيره:بشوف خالد قبل مايطلع يذبني على طريقه وارد لك ؟..
طلال:ياليت وخلي البنات يجوون معك المفاجأه لهم بعد..
منيره:بشوف ابوهم ؟..
طلال:خلااص وردي علي سي يو مام ..
منيره:وش تقول اللحين..؟؟
طلال:هههه اقول اشوفك الليله..
منيره:على خييير ولاتسرع والله الله في الدرب مناب طايرين ترى..
طلال:إن شاء الله 140 والله ما اتعدى
منيره:اهااا بس خل عنـا الهبــــال
طلال:هههههه إن شاء الله عشانك 120 بس أوكي
منيره :100 وإن تعديتها بحرج >>كلمه تقولها جدتي مدري وش معناها بس يعني انك سويت شي كبير وخنت وعدك زي كذا!
طلال:ههههه يمـه وش حرجه 100 ميب السرعه القانونيه حتى تبيني أوصل بكره الفجــر
منيره:هووو الفجـــر ؟أندري عنك أنت وسيارك أمش مثل المسلمين وبس !
طلال:هههههههه إن شاء الله سلمي ع اللي عندك
منيره :يبلغ ..
سكرت السماعه ولفت على خالد..
منيره:توصلني لبيتي ياوليدي ؟؟..
ابوسعود:ليييه يا خالتي طفشتي منا ؟؟..
منيره :لاوالله بس طلال بيوصل في الليل وبروح لبيتي..
ابو سعود:اذا جيت اطلع المغرب ان شاء الله..
منيره:وابي ديما وريما يجوون معي..
ابو سعود:وشوله يا خالتي؟؟..
منيره:يجسروني لين يجي طلال تبيني اقعد بلحالي!..
ابو سعود:ان شاء الله استأذن أنا بمر سوق الخضره وبعد المغرب بمرك خالتي..
منيره:على خيير..
ريهام:وانا يمه اروح معكم؟؟..
منيره:لا انتي اقعدي جسري امك في البيت..
ريهام تناظرها بنص عيين..
ديما:ههههههههههههه اللقافه شينه..
منيره:اهااا بس ..وقربت من ديما:لاتصدقين اني ابيكم تجسروني طلال يقول جايب لكم مفاجاةٍ مدري وشي!..
ديما بصوت عااالي:لااااه والله ؟؟؟..
منيره تقبصها:أووصصص وجع..
ديما:ايييييي يمه يعور..
منيره:عن طوالت اللسان واجهزوا..
ديما:ان شاء الله ولاتقبصين مره ثانيه !..
منيره :إن شاء الله عمتي وش تبين أنتي بس !
ديما:هههههه والله يمه توجع ما شاء الله عليكم شكلها هوووايه في العايله !
منيره :وش قصدك ؟؟؟
ديما:ههه ولا شي ..




............





:والله يابو فيصل في نفس البنيات وذا العطله ماسافروا أبد مابه في ذا البيت وهي يومين وبنرجع..
ابوفيصل:ياحي ذا الشور والله احد يعاف بيت الله ومن زمان ما اعتمرنا..
ابو سعود:خلااص اجل انت والاهل جميع ..
ابوفيصل:ان شاء الله بس مدري عن ذا العياال يجوون ولا لا ؟؟..
ابو سعود:لا خلهم يجوون كلها ترى اربعاء وخميس والجمعه وراجعيين ولا دوامات ولاش ..
ابوفيصل:ان شاء الله..
ابوسعود:يالله اجل فمان الله..
ابوفيصل :في حفظه ورعايته..

دلال:وش عنده عمي يبه ؟؟..
بندر:ياشين اللقافه..
ابوفيصل:غريبه ما طلعت اليوم ؟..
بندر:بطلع طاال عمرك بعد المغرب..
:السلام عليكم >>دخل عليهم فيصل توه راجع من البنك ما يطلع الا 5 مسيكين !
الكل:وعليكم السلام..
ذب نفسه على الكنب من التعب..
ام فيصل:الا وش عنده ابو سعود يا بو فيصل ؟؟..
فيصل فتح عيونه وعدل جلسته خاف ان ابوه سووى شي من وراه صار عنده حساسيه من هالسالفه ..
ابوفيصل:هههههه حتى انتي ابد سلامتكم بس وده انا نخاويه لمكه خميس وجمعه !..
دلال:اللله ونااااااااااااااااسه..
بندر:ترى مكه..
ام فيصل:خميس وجمعه تعب مايسوى علينا ذا الطريق..
ابوفيصل:لامع حمله..
بندر:بطيااره ؟؟..
ابوفيصل:لا اخوي موب يحب الطيارات ..
فيصل:بوشوو أجل؟؟!..
ابوفيصل:الظاهر ببــــــاص..
دلال:"بـــــــــــــاص" انواع الفله كلهم بيروحون ؟؟؟..
ابوفيصل:ههههههه ايه كلهم ماتسوى الا فرحتك مير..
دلال:الله يسلمك يبه وحبت راس ابوها >يبه الله يخليك وافق!!..
ابوفيصل:خلااص وافقت..
ام فيصل:ومتى بتروحون ؟؟..
ابوفيصل:الاسبوع الجاي والتفت على عياله>على فكره انتوا معنا ؟..
بندر:ما طلبت انا الاول خصوصا ببـــاص الله وناااااااسه ..>>يتهزى بدلال طبعاً..
دلال:وش عرفك انت والله وناااااسه وخاصه الطريق آآآه بس ..
بندر:الحمد الله والشكر أصحاب العقول في راحه !!
دلال:عندك عقل لاااه في تطور والله ههههههه
بندر:انطمي بس ..
فيصل:يبه اعذروني انا عندي دواام..
ابوفيصل:خميس وجمعه ميب ضاااره وانا ابوك خذ لك راحه من ذا التعب..
ام فيصل:وانت صادق من متى ما خذت اجاازه وغير جو الناس عطله لانتب تسافر ولاشي ..
فيصل راجع نفسه لييش اقعد اروح اوسع صدري على قولتهم واذا عليها وش دخلني فيها اصلاً
مانيب شايفها:عشانكم بس والا والله ما ودي..
دلال تكلمه:رح وسع صدرك ياخــي..
بندر:تأمرون شي انا طالع..
ابوفيصل:اماك تقول بعد المغرب ؟؟..
بندر:ههههه تذكرت مشوار قبل المغرب بروح اخلصه وارح للثاني بعد المغرب هههه يالله
مع السلامه..
:مع السلامه ..




...............




:يالله يالعنود نبي نطلع قبل المغرب ..
العنود:خلااااص ركبوا الشنط..
طلال:ايه ناقلةٍ بيتكم انتي شنطتي امتلت والمرتبه اللي ورا امتلت يبيلك جناح في بيتنا !..
العنود:هههههههه ايه انا عنود مو حيا ..
طلال:يالله عن الهذره عاد واطلعي ساعه ملطع برا..
العنود:اوكي مع اني مافهمت شي بسلم وبطلع..

طلال واقف عند باب الشارع بس يعتبر داخل البيت اكثر من طالع..

طلعت العنود من البيت وهي تأشر للعامل المصري (أبو مصطفى )حق الحدايق اللي برى
:مع السلاااااامه يا بو مصطفى سلملي على ليلي ..
ابو مصطفى :بالسلامه يا بنتي ربي يحرسك من كل شر وماتأطعيناش عاد >>هههههه فهمتوا لاتقطعينا عاد هههه مصري على سعودي >>بتتكفخ !
العنود:ههه مارح اقطعكم والله يسلمك ياربي .. ومشت كان طلال ينااظرها بكل صمــت كـــانت لابسه عبايه على
الكتف تظهر أكثر مما تغطي وميه وعشرين ألف لون مرسوم عليها ولافه طرحتها(شيلتها على قولتهم)على شعرها
بس ووصلت لعنده الأخت ومالها نيه تغطي وجهها..
العنود:يالله جاهزه..!
طلال يناظرها:بتطلعين كذا ؟؟..
العنود:تناظر شكلها:اييه ليييه ؟؟..
طلال بحزم:غطي وجهك اللحين ولنا كلام بعديين..
العنود :بس انا ما اتغطى ؟؟ ..
طلال بعصبيه يحاول يخفيها:من اليوم بتتغطيين!..>طلال اوكي بضحك وبسولف وبمزح بس كل شي له حدود !
العنود:اوكي طيب لاتعصب !>>ورمت الباقي من طرحتها على وجهها..
وطلال منقهر من العبــايه أصلاً وطريقه الغطا يقول في نفسه :والله انا مقصرين في حقك يالعنود وغافليين عنك وناسيين
ان عندنـا بنت أخــو تكبر بعييد عنا الله يسامح اللي كان السبب..
ركب السياره بدون ولا كلمه والعنود كل شوي تتعكر ماتعودت على الغطا وعمر امها ماعلقت علييه اصلاً..
العنود يوم ركبت:افففف..
طلال:لازم نشتري عبايه لاوصلنا..
العنود:لييه عندي كثيير؟..
طلال:ماتصلح لك ولا وحده !أنتي أكبر من العبايات!>ورجع لمرحه>
:تدرين كلمت امي وقلت عندي مفاجاه لك وجيبي البنات معك..
العنود:والله يعني بشوفهم ميين بيجي ؟؟..
طلال:اذا امي بتختاااااراممممم موب جاي الا ريما و ديما..
العنود:والباقي؟؟ ..
طلال:رنا متزوجه وريهام ماتصلح مع امي وخواتي بتشوفينهم بكررره..
العنود تحمست لهم :كم باقي ونوصل ....
طلال:هههههه تونا ماشيين..
العنود:هههه صح نسيت اول مرره اسافر بسياره..
طلال:احلى شي السياره ومسكة الخط وساعة الصــدر
العنود :كم تبعد عنا الرياض ؟؟
طلال:4 ساعات وبسيارتي 3 ساعتين ونص
العنود:وش معني يعني ؟؟
طلال :هههه سيارتي سبيشل^^وقعدوا يحسبون كم الطريق ومتى بيوصلون وكم الساعه
وهلم جرى ...




..............





وصلوا البنات مع جدتهم بعد المغرب وما يدرون وش المفاجأه واستلمتهم امهم منيره نظفوا غرفتي وغرفة طلال
ديما:لوني داريه ماجيت..
منيره:وشووو اقول قومي يالله..
ديما:يمه ابي اغسل السورالله يعافيك(الحوش)>>احسن شغله تحبها وتقدرها غسل السور وغسلها مثل وجهها لعب في لعب
ماكنها بنت ام 19 سنه..
منيره:صاحيه اني تغسلينه في سفرة المغرب ؟..
ديما:طيييب خلاص حكم القوي على الضعيف..
منيره:قومي ياماال الضعفه..
ديما:بســــم الله علي..
وكالعاده اختارت ديما غرفه طلال عشان تكتشف على قولتها مع انهاحافظه كل خفس فيها من كثر ماتفتشها..
الساعه 10 ريما ومنيره في الصاله وعندهم القهوه يستنون طلال..اللي باقي له ساعه نص ساعه..
وديما في المطبخ تدرو لها شي تأكله ماتت من الجوع دخلت الصاله وراحت لجوالها وقعدت..
منيره:وذا التليفون مايطيح من يدك ابد!!..
ديما:حراااام عليك يمه بدق على طلال..
منيره:شوفي كم باقي له..
ريما:يمه منيره ماعندك من ذيك الحلاوه أم اشااره ؟؟ >>ههههههه الحمد الله والشكــــرهذي الله يسلمكم حلاوه مصاص على شكل اشااره بس والله طعمها حلوو 3 نكهات>>هههه مجربتها الأخت^^ ..
منيره :مدري والله شوفي في درووج غرفتي..
ديما:ههههههه حلاو في دروج غرفتس ؟ الله يهديتس يمـه ..
منيره:ليييه وش فيه ..؟؟؟
ديما:لا ولاشي ..>راحت ريما تجيب لها حلاوه ههههه مشتهيتها الاخت ووصتها ديما تبي وحده بعد
قالوا لمنيره تبين ؟ بس ماعطتهم وجه >>ههههه مزديه فيهم ..





..........





رن تليفون طلال وهو في السياره يسولف مع العنودوالتفت للعنود:شوفي ميين..
العنود تاخذه باستغراب:النشبه ؟؟؟..
طلال:ردي هذي ديما ههههههههه..
ردت وحطت سبيكير وطلال يضحك..
ديما:غيير الاسم لو سمحت!..
العنود تفاجات وش عرفها وطلال يضحك:سلمي اول..
ديما:ترى حذرتك غيييييرالاسم لو سمحت..
طلال:والله بغيره خلاص..
ديما:السلام عليكم
طلال:وعليكم السلام ةالرحمه ..
هبت فيه ديما:مدري وش مسوية لك كل اسم اشين من الثاني وش مسميني ذا المره ....
طلال:ههههههه النشبه..
ديما:النشبه في عينك هذا وانا توني ماسحه غرفتك..
طلال:وش اكتشفتي اليوم..
ديما:لاجديد تقول أمي منيره متى بتوصل ؟؟..
طلال: يعني نص ساعه ساعه الا ربع..
ديما: وش المفاجأه اللي تقول امي منيره ؟
طلال:قلتيها مفاجأه عن اللقافة..
ديما:الله يخليك طلال..
طلال يناظر العنود شفتي والعنود تضحك حست ديما ان الوضع موب طبيعي :عندك احد ؟؟..
طلال سكنيه شلون درت:لا ليييه ؟؟..
ديما:اسمع صوت!..
طلال:سلامتك مامعي احد..
ديما:طلوول لايكون معرس وجايب مرتك وبتحطنا امام الامر الواقع هذي المفاجأه صــــح!وشلوون مافكرنا فيها !..
طلال:طلوول في عينك انتي وين امي عنك ؟؟..
ديما:هههههه عندي..
طلال:طيب عن البربره نص ساعه وعندكم من جا معكم ؟..
ديما:انا وريما بس فاتك امي منيره شردت على ريهام تو..
طلال:ههههههه امي واعرفها يالله ترى ماتنعطين وجه يالله باااي..
ديما:باااي >>وجــع ..
ريما:خـــذي >وعطتها حلاوه ..
منيره :اللحين انتوا ياذا العجز حلاااو وش خليتوا لعييال لطيفه ؟..
ريما:عادي يمه وش فيها والله طعمها حلووو تبين ؟؟..
منيره:لا بالعافيه ..
ديما:الله يعافيك ياربي ..
ريما:العن ام اللقافه !!
ديما:ههههههههه عادي توأم ولعي التلفزيون بس ..

________________________________________
العنود:شكلها فله..
طلال:هههههه ماشفتي شي..
العنود:شلون درت عن اسمها..؟؟؟
طلال:تدري اذا رديت وانا اضحك لاني كل فتره وفتره اغيير اسمها واحط اشين من الاول..
العنود:ههههههه حراااام عليك شكلها طيبه..
طلال:ههههه اتخيل شكلها اذا شافتك بتصنم وقولي ماقال طلال..
العنود:شكلهم مرره يمونون عليك..
طلال بابتسامه:مثل خواتي تصدقين كنت انا وسعود 24ساعه مع بعض لين سافر..
العنود:ميين سعود؟؟ ..
طلال:ولد ساره اختي في امريكا يدرس اللحين..
العنود:اهااا..


.............



ديما:يمـه تتوقعيـن ولدك يعرس ؟؟
منيره :وش ذا الحتسي الماصخ !
ديما :أجل وش مفاجأته صراحه أنا ما أستبعد عليه شي ؟
منيره:أقول ورى ما تقومين عن وجهي أحســن !
ديما:ياربي ووووين أرووووح ؟؟
منيره :قومـي أفتحي دولابي الثاني حق الملابس المعلقه ارفعي الهدوم اللي
على اليمين تلقين مكسرات شاريتها ذاك اليوم نزليها !!>>هههههههه تبي تصرفها وعاد المهمه !
ديما:مكســـرات في الدولاب !!! إلا وين رزكم فيـــه ؟؟؟
منيره :ياللله بسس طسي
ديما :طيب بطس الله يصبر ديما عليكم إن شاء الله أطس خروج بدون عوده !
منيره:وراه سيلانيه ؟؟!!
ريما:ههههههههه حلووووه يمه منيره
ديما:الله يسامحك يمـه أنا سيلانيه ؟ >>ههههههههههه مزديه فيك !"مزديه " يعني زين تسوي فيك ^^


stop

انتهى الجزء..





/








...@@البارت الثاني عشر@@...





همـس الوفــا بــاقي مع النبض والصـوت
...........لو غبت يبقى لك ضميــر الوفا حــــي
بين الرجا واليأس والحلــــم والمــــوت
...........وبين الفرح والحــزن والشمس والفـي
أشتاااق لك شووق عظيــم ومكبــــووت
..........شووق الضريــر اللي تعانق مع الضــي





........




مها من خذت رقم البنت وهي محتشره(على قولة الأماراتيين ^-^ كل أبوهم ) تبي تقنع أمها أنها تكلمهم أحسن في وجهها تدق وش تقول بأخطب لأخوي وأمي موجوده مهما كانت صعبه وشينه في حقي و حقـها !..

مها:يمه مايسوى ترى كلها مكالمه !..
شيخه: يوووه يا مها يوم أنها ما تسوى دقي أنتي خلاااص ليش تزعجيني ؟؟..
مها:يمــــــه..؟
شيخه:وصمـــــه قلت لك مانيب داقه على أحد ادق أخطب لواحد متخلف أنتي ماتفهميين ؟؟..
مها:يمه قصري صوتك ترى حمد في البيت..
شيخه:في قريح أنتِ وحمد أنا منيب داقه على أحد !..
مها:يعني هـذا أخر كلام ؟؟..
شيخه :أخر كلام ..

ضاق صدر مها استخدمت كل الطرق وأمها مصره على رأيها لييش ما يقتنعنون أن هالشي من صالحه ياااناااس أنا مستخيره ومرتـاحه لهالخطـوه ما لها الا عمتها نوره هي اللي تحب حمد
وتعزه خصوصا انها صديقة المرحومة أم حمد يالله بجرب وبشووف !..






.............







على الساعه 11 دخل طلال البيت والعنود خايفه من الخطوه التي أتخذتها لأول مرره تفكر أنها يمكن ما ترتاح أو تضايق أحد أو تكون عاله عليه ! >>>" طول عمري عايشه بعيد عنهم وش اللي خلاني ارجع اللحين ؟؟وش اللي خلاني أرجع ؟ يمكن ما اكون مقبوله بينهم ياربي احس اني تسرعت الله يستر بسسس "

ديما من سمعت فتحة الباب نطت تدري أنه طلال وهي متحمسه بزيادة على المفاجأة..
طلعت شافتهم وصنمت والحلاووه في فمها >>أم أشاره تذكرونها << وهي تشوف طلال داخل بابتسامه ووراه حرمه موب مبينه مرره وفي يده شنطه متوسطه الحجم >>هذا اللي قدر ينزله اليوم !..
طلال:ديمووه ورى ماتسلمين ؟!!..
ديما تشيل الحلاوه لا تسعبل :هاااااه ..؟
طلال:ههههههههههههه وش فيك ؟>التفت على العنود>>ماقلت لك ..والعنود تضحك عليه من
جد صنمت نفس اللي قاله !
ديما:يعنـــي أعرســـــــــت ؟؟؟!!..
طلال:هههههه ايه ما تبين تسلمين على مرة خالك آفــا بس !..
ديما:هااااااه ..؟
سحبها طلال من جد صنمت ودخلها الصاله اللي تجلس فيها أمه والعنود تمشي وراه
وهي مستحيه منهم مررره ..

طلال:السلاااااااام عليكم ..
منيره وريما: وعليكم السلام ورحمة ........ريما قطعت في النص وهي تناظر مصدومه >>والحلاوه في فمها بعد هههههه قلت لكم توأم >> ومنيره تهلل وجهها من الفرح ..
منيره:ياااا هلا واللله وغلا ياااا هلا بالغاليه بنت الغالي..
طلال:وأنــااااا ؟؟؟؟!!..
العنودبدمعه مسكتها غصب :هلا بك يمه ..
وراحت لجدتها وسلمت عليها ومنيره تسألها عن احوالها وامها واهلها وفرحانه فيها وسط دهشة الثنتين اللي ما يدرون وش السالفه>>خاللللي طلال معرس وأمي منيره تدري وحنا اخر من يعلم !!! طيييييب ليييييه ؟؟؟؟..
طلال:هههههههههه وش فيكم كنكم شايفين جني أعرفكم على ...(العنود)...بنت أخوي عبد الرحمن !..
ردوا مع بعض: العنــــــــــــود ؟؟؟!..
طلال:هههههههههه ايه العنود عنود هذولي بنات ساره ريما راحت لها العنود بابتسامه
العنود :هلاوالله وسلمت عليها..
ريما تبعد الحلاوه :هلا بك الحمد الله على السلامه..
العنود الله يسلمك كيفك..؟؟
ريما:بخييير الحمد الله..
طلال لديما اللي عند الباب:تعالي سلمي تنحت الأخت ؟..
ديما:مالك دخل! >وراحت للعنود<أهليييييين أنتي العنود عااااش من شاااافك ..وسلمت عليها..
العنود:عااااشت أياامك وأنتي ديما؟؟..
ديما بابتسامه:على سن ورمح..
العنود:ههههه تشرفنا كيفك..؟؟
ديما:الحمد الله عايشه..
طلال يتقهوى :وييين اللي بتروح لمكه ولا سواليف كالعـــاده ..
ديما:بروح ان شاء الله الله لا يعوقني بشر اخر ذا الاسبوع..
طلال:الله يوفقكم >>قامت ريما تصب لهم القهوه وديما تتعرف..
منيره:حيا الله من جانا نور البيت وأنا أمك..
العنود:..الله يحييك ..بنورك والله..
طلال:يمــه ؟؟..
منيره:لبيـــه..
طلال:ترى العنود من اليوم ورايح بتسكن هنــا ..
منيره تلتفت للعنود:صدق يمه؟؟,, وريما وديما يناظرون ببعض ويناظرون طلال بصدمه !!!
العنود:ههههه ايه ماتبغوني ؟؟..
منيره:انتي الداخله وإنـااا الظاهرين وش اللي ما نبيك !..
ديما:ريما دقــــي على أبــوي نطلع بكرامتنا أحسن..
وضحكوا كلهم على حكي ديما..
ريما بعدم تصديق :يعني بتعيشين هنا خلاص ؟؟..
العنود:ايييه ..
ديما:الله يحييك وأخيراً طلعت لي بنت خاااااال..
العنود بابتسامه حب :تسلمين..
تدزها ريما: وأنـا مامليت عينك ؟؟..
ديما:أنتي كم شهر ونشوتك لفصييل!..
ريما حمر وجهها :وجع إن شاء الله >وطلال يضحك عليها..
ومنيره تولت ديما على هالكلمه : منطولةٍٍ لك تشوتينها أنت ووجهك ؟؟؟..
ديما:سوري يمه منيره غلطة مطبعية بس نفس المعنى !..
منيره :أهااا بس عن ذا الحتسي الماااصخ !
ديما:إن شاء الله يمـه ، يمه منيره أحترميني شوي عند البنت توها جايه لا تفشليني بليز !
منيره:اللحين أنــا اللي أحترمـــتــس !!
ديما:هئ هئ خلاص يمه والله آسفــه ما أعيدها وربي ما تسوى علي ريموه
طلال:ههههههههه أحسن عشان مره ثانيه تثمنين الكلام قبل ما تقولينــه ههههه
ديما:عاااد أنت عاجبتك الساااالفه مررره ترى ما تضحك !
طلال:ههههههههههههههه إي يا بطني ههههه

وقعدوا مع بعض ومنيره ترحب وتهلي في العنود ما كذبوا يوم قالوا ما اغلى من الولد الا بنت الولد..
(الاصل ولد الولد بس كله واحد البنت زي الولد الزبده الاحفاد..>>للتوضيح)

خذتها ريما وديما في جوله على البيت اللي كبير عليهم هم الثلاثه بس اذا اجتمعوا البنات يالله يكفيهم ، لاحضوا طريقه لبسها وعبايتها بس ما علقوا البنت ضيفه وحق الضيف 3 ايام ونمون عليه >>على قولة ديما..

وودوها لغرفتها في الأخيـر اللي هي غرفه لطيفه أول بعض ما نظفتها الشغاله وغيرت مفارشها وكل شي عشان تستقبل الضيفه الجديده فيها حطت بعض أغراضها وتركوها ترتاح..
نزلوا لقوا أمهم منيره راحت تنوم لأنها سهرانه اليوم لــ12 وهذا بحد ذاته إنجـــاز ..
ومافيه إلا طلال منسدح عند التلفزيون ..
ديما:هاااي..
طلال:هلا وين العنود ؟؟..
ريما:نامت تقول تعبانه..
طلال:هههههههه اول مرره تسافر بالسياره..
ديما:صرااااحه أحسها دلوعه مررره !..
طلال:افتت الاخت !..
ديما بجديه:لا والله موب قصدي بس مدري من طريقتها ولبسها وعبايتها احس انها ماخذه راحتها عند امها..
طلال:ماخذه راحتها وبزياده بعد..
ريما:يعني صدق بتعيش هنا ....
طلال يقعد مقابلهم:لا كذب > نمزح اجل !..
ديما:هي تبغى ولا انت عرضت عليها ؟؟..
طلال:ادري انكم بتنصدمون بس هي مصره ترجع هنا..
ديما:والله ؟؟؟..
طلال:لظروف إذا حبت هي تقول لكم بكيفها على فكره ترى توها متخرجه من الثانوي ابيكم تروحون معها للتسجيل
بالجامعه اتوقع ذا الاسبوع صح ؟؟..
ريما:اييه بس على حسب نسبتها كم جايبه؟؟..
طلال:مدري والله..
ديما:لازم هالاسبوع لأنا بنروح لمكه..
طلال:هههههه الا تعالوا وش قصه مكه حركااات ؟..
ديما:ابد الله يسلمك اقترحنا على ابوي واخر شي نفكر فيه انه يوافق بس سبحان الله فرح واستانس على الفكره كلها
يومين وراجعيين..
طلال:ماتجي في مشوارها!..
ريما:لابنروح مع حمله وعمي عبدالله معنا..
طلال بخبث:لاااااه..
ديما:وهذا احلى شي دلووول ياحبي لها بنفلها في الباص..
طلال:ههههههههه بعد بــاص ترى بتروحون لمكه !..
ديما:واذا حرام ولا حرام..
طلال:والله مدري اختاري الاقرب بس الله الله في عنود أعتبروها زي أختكـم تراهي والله طيبه وأبيكم تقنعونها اذا
رجعتوا بعبايه صاحيه بصراحه عبايتها ماعجبتني ؟!؟..
ديما:وانت الصادق إلا مال أمها داعـــي !..
ريما:ارقد وآمن بس نرجع تشوف الاصلاحات الجديده الا ورى ماتروحون معنا ؟؟..
طلال:صعبه دوامي وتسجيل العنود ونبي نرتب امورها هنا>>ويناظرها بنص عيين >:يكفي فيصل واهله !..
ديما:هههههههه يكفون وزياده..
ريما :بلا سخافه !..
ديما:أقولها خليها رحلة تعارف ووسعي صدرك وخلي عنك السخااافه !
طلال:ههههههههه ديما قووويه تعارف في مكـه صووواريخ !!
ديما تغير ملامح وجهها :ملاااحظ أنت ؟؟
ريما وقفت :والله لأقوم إن ما سكتوا
طلال:ههههههه خلاص سوري تعالي والله مانقول شي ..





.............





في اليوم الثاني اليوم من الصبح راح ابو سعود وابو فيصل يدورون لهم حمله زينه للعمره ومدح لهم واحد
"قافله الخير"راحوا وشافوها وخدماتها وعجبتهم حجزوا فيها الثلاثاء العصر عشان يوصلون على الاربعاء..
ومشاء الله وش كثرهم ويبون مع بعض يعني ثلاث ارباع الباص لهم..
(ابو فيصل وام فيصل وفيصل وبندر ودلال وابو سعود وام سعود وريما وديما وريهام وراكان وشغاله يمكن يحتاجونها)

>>>ورجع كل واحد لبيته..


على الغدا اللي بعد العصر عشان يقعد عليه احد ابو فيصل ومرته ودلال اللي بالغصب قامت للصلاه وبندر..
أبو فيصل :ترى حجزنا اليوم..
دلال:والله متى ؟؟؟ ..
ابوفيصل:الثلاثاء العصر والكـــل معنا >>وهو يناظر بندر..
بندر:لازم يعني ؟؟..
ابوفيصل :لازمين خلنا نسافر مع بعض لو مره وحده ..
بندر:بس مره وحده تامر يا ابو فيصل..
ابوفيصل بابتسامه:ما يامر عليك عدو بس يمكن ثنتين وثلاث..
بندر:ههههههه اني داري..
ام فيصل:وين حجزتوا فيه ؟
ابوفيصل:في قافله الخيرر..
دلال:انا منيب مصدقه إنا بنروح مع ديما وريما والله وناااسه..
بندر:صدقي حبيبتي بنروح معهم والله ..
دلال:تتهزاء ؟يوم الثلاثاء تفكر يعني >>عندي 3 ايام يالله اخلص اغراضي..
بندر:كنها بتروح سنه هييييييه ترى كلها يومين ؟؟..
دلال:ابي اعرف انت وش حارق رزك يا اخي مستانسه خلني أوسع صدري لو نص يوم طيب..
ابو فيصل:بعدي بنت ابوها..
دلال بدلع:اعجبك..
بندر:خربها لاوصيك بعدين تجوون تقولون بندر وين أختك مسافره له ؟؟؟؟!..
دلال:بسم الله علي في مرتك ان شاء الله..
بندر:خلها تجي ويصير خيير فديتها..
دلال:قالب اماراتي الأخ ؟؟..
بندر:وش حارق رزك ياختي..
>>ههههههههههه 1-1^^
دلول بس لاتخافين الجولااات قااادمه >>هههههه تحب الطقاق !



..............





رنا من يومين وعلاقتها متحسنه مع زيد مرره تحسه رجع زيد اللي أول ماتزوجته..
كانت تغسل مواعيين الغدا بعد ماتغدوا ودخل زيد ينام ولاهيه مع مواعينها أزعجها جوال زيد اللي ماسكت من راح ينوم
وشكله نساه في الصاله مع انه مايفارقه هالايام تركت اللي فيدها ومسحت يدها وراحت للصاله لقته على الطاوله
خذته 13 مسد كول حشى من ذا فتحت لقتها رقم غريب استغربت يمكن امه ولاوحده من خواته تبغاه ضروري رن
شافت نفس الرقم تجرأت ورفعته..
جاها صوت مايع:زيووودي وينك ساعه وانا ادق ؟؟..

انصعقت انصدمت تفاجأت كل كلمات القاموس لهالحاله كأن أحد كاب عليها مويه بارده خذت نفس والدموع تتجمع بعينها
وهي تسمع كلاماتها وضحكاتها وماتدري من اللي معها..
...:حياتي وينك ؟؟؟..
كانت كلماتها مثل الخناجر في قلبها مقعوووله زيد وانا اقول وش مغيييره زيد يخوني وين اللي يحبني وأنتـي احلى شي في حياته>انت انت يازيد ماتوقعتها منك جتها القوه تسكر السماعه في وجهها من دون ما تمسح بها الارض صارت تمشي من
غيير هدى والجوال بيدها وودها تكسره باقرب جدار طارت بسرعه لغرفتها طلعت جوالها وراحت الصاله هيين أنا اوريك
من رنا يا زيد انا تلعب علي تحبني حبتك القراده قل آآمييين إلا قل تأنيب الضميير وانت الصادق خذت جوال البنت وحفظته
في جوالها وهي تتوعدهم من جوا رمت جواله على الكنب بكل عصبيه وراحت للمطبخ تكمل شغلها وكل ماتوصل الدمعه
لعينها تمسحها بعصبيه>>ما يستاهل دمعه من عينك يا رنا اصبري لات ض ع فـ يــ ن !..





............




كانوا مجتمعين بالصاله بعد ما كلمت منيره بناتها يجون يتعشوون عندها عشان العنود استغربوا وجودها بس بيجون للعشا
بعد المغرب، كلمت رنا كم مرره ومحد رد عليها قالت لبنتها تعلمها ،في الصاله ريما وديما والعنود وطلال ومنيره مع الشغاله
في المطبخ تعلمها الجريش..
ريما:انتي وش ودك؟؟.
العنود:ودي اداره اعمال وانا نسبتي مو حلوه..
ديما:كم جايبه؟؟..
العنود:ههههههه لازم الاحراج..
طلال:مافيها احرااج هم زي خواتك..
ديما:صادق طلال !..
طلال:لاتفشليني (خالي طلال) لو سمحتي!..
ديما:هههههههه ياحليلك طلول تتفشل والله ما اقول خالي لين تعرس وان خذت اللي ببالي احلم اقولها لك هههههه وأنا بنت خالد !
طلال:ومن اللي في بالك اخت ديما ؟؟..
ديما:كل شي في وقته حلوو..
ريما:ما عليك منها خالي نرجع لمحور حديثنا..
طلال:وش الطاري خالي ؟؟..
ريما:والله ما يندرى عنك ان قلنا طلال ماعجبك ان قلنا خالي ما عجبك وش نقول ؟..
طلال:هههههههه خلاص اعوذ بالله الله يعين فيصل..
ريما:الا يا حظه..
العنود ودها تسأل من فيصل بس مستحيه..
ديما:هااا عنود كم جايبه نسبتك ؟؟
العنود:84%..
ديما:اقعدي في بيتكم اجل..
العنود بصدمه:لييييه..؟
ديما:نسبتك ماتدخلك الا تاريخ وجغرافيا ان توفرت مقاعد بعد ..
العنود:بسس ؟؟..
ديما:اقول احمدي ربك ان توفرت مقاعد..
طلال:لا ان شاء الله وانا اعرف لي واحد يقدر يسهل لنا السالفه..
ديما:اذا واسطه يمكن ؟..
ريما:متى بتجي امي..
ديما:قبل المغرب ..
وقفت العنود:قببببببببببل المغرب ..
ديما:ايييه..
العنود:ياويلي ما لبست ولا شي ..استأذن >>وطلعت تركض..
ديما:بنت اخوك قصه ..
طلال:قصه ولا روايه ؟؟..
ديما:مدري بس فيها غموض ممكن استعانه بصديق هههههه
طلال:فارقي بس..
ريما:ديما ترى دلال تقول كلميها لأن ابوي وعمي حجزوا في حمله ..
ديما:والله ورى ماقلتي لي من زمان يمكن تبي شي..
ريما:يوم تدق أنتي نايمه بعدين داقه على جوالي !..
طلعت ديما وهي تتحرطم:على بالها مرت اخوها معد تدق علي كن محد خطب الا هو!..
طلال يناظرها:هههههههه شفيها ؟؟..
ريما:تغااااار..
طلال:ههههههههه خبله الا متى العرس ؟؟..
ريما:حتى انت ؟..
طلال:ليييه فيه غيري هههههههه اعترفي؟؟..
ريما:هههههههه وش اعترف العرس والملكه بعد العيد..
طلال:الللله بعد العيد ليييه؟؟..
ريما:مدري هو يبي كذا..
طلال:يتغلى هو وخشته لو يشوفك بيقول بدخل بكره..
ريما:بكيفه عاد >>وقامت بروح لامي منيره تبي شي ؟..
طلال يوقف:لا اصلاً بروح مواعد خويي وبرجع العشا..
ريما:اوكي..




............




:هاا وش صار..؟؟؟
نوره:دقيت عليهم ومن كلام امها شكلهم أجاويد قلت لها حاله الولد موب بكره ولا عقبه يقولون غشونا..
مها:الله يهديك عمتي كان ما قلتي الا بعدين ؟..
نوره:متى لاعرسوا انا ما ابي احط بذمتي شي وانا امك..
مها:طيب وش قالت ؟؟؟..
نوره: ماقالت شي تقول بسأل البنت وبشاور ابوها وارد عليكم عطيتها رقم جوالي..
مها:طيب شلون نشوفها ؟؟..
نوره:اختها ساكنه بالرياض تجي عندها ونشوفها خلهم يوافقون اول وفييها الف حلال..
مها:يارب ان شاء الله ماقصرتي عمتي مدري شلون ارد جميلك ؟..
نوره:وش هالحكي انت بس وافقي على اللي ببالي وبتردين احسن جميل في حياتي..
مها استحت لانها عارفه قصد عمتها:الله يعين ان شاء الله..
نوره:هههههههه ان شاء الله تبين شي وانا امك..
مها:سلامتك يالغاليه..
نوره:فمان الله..
مها:في حفظه ورعايته..


سكرت من عمتها وهي منحرجه منها مرره دايم تكون هي المنقذ الوحيد لها في اي ورطه وفي يوم فاجأتها
بانها تبي رايها في ولدها تركي وانها تبيها زوجه له لأنها ميب لاقيه زيها ما اقولكم انها رفضت والا قالت زيي اخوي
من كثر ماتشوفه اصلاً بس ماترد عليها الا الله يعين ان شاء الله ونوره ماحبت تضغط عليها في شي وعلى هالحال كلما
شافتها اوكلمتها لمحت لها بهالشي ومها الله يعين إن شاء الله ..

............


انتهى الجزء..




/







...@@البارت الثالث عشر@@...




ياليت كل الخلايــق مابهم حســاد
............ياليت كل المشاعر صادقه بالناس
كان المحبه بحنايا هالبشر تزداد
..........وكان الضمير اللي فينا يمتلي باحساس



.....



لطيفه:الوووووو
رنا بصوت مخنوق:هلا..
لطيفه:اهلييين وش اخبارك؟؟ ..
رنا تحاول تتماسك شـوي:للحين عايشه..!
لطيفه باهتمام:رنا وش فيك؟؟؟؟
رنا والعبره تخنقها:مافيني شي...تنهدت..انتي وين؟؟..
لطيفه:علي انا رنوو متأكده ان فيك شي صوتك فيه شي ..منتيب جايه بيت اهلي؟؟..
رنا:ليه؟؟
لطيفه:امي مسويه عشا عشان العنود جايه..
رنا باستغراب :من العنود ؟؟.
لطيفه:هوو العنود بنت أخـوي عبد الرحمن..
رنا:غريبه..!!
لطيفه:حتى أنا مستغربه بس أتوقع إنها بتستقر عندهم هالمره..
رنا تنتهد:مدري والله ماعندي أحد يجيبني ..
لطيفه:كلمي طلال يمرك..
رنا:بدق عليه أشــوف >خالتي ابغاك في موضوع ضروري..!
لطيفه:والله أني حاسه من سمعت صوتك أنه فيك شي متطاقه مع زيد ؟ رنا ترى اقلقتيني ؟؟..
رنا بعبره:اذا شفتك قلت لك ياللهما أطول عليك بكلم طلال..
لطيفه:ييالله مع السلامه أشوفك في الليل..
رنا :ان شاء الله..


كان زيد عندها بس ماتبي تكلمه او تطلب منه شي تحس انها لو كلمته أنفجرت وهي ماتبي تضعف قدامه أبداً

"هــــلااااا وغــــلااااا بالزيـــن كلـــه ياحيي والله"
رنا:هههههه هلا بك من عندك عشان تقهره ذا المره؟..
طلال:مشتاق لك يا قلبــي..
رنا:طلال ترى والله مالي خلق ..!
طلال حس بصوتها متغير :رنا وش فيييك ؟؟..
رنا:سلامتك الحمدالله على السلامه..
طلال:الله يسلمك ياربي دريتي ان العنود رجعت..!
رنا:إييه قالت لي خالتي لطيفه توو..
طلال: حريم اخبار الساعه هههه بتجين اليوم!!..
رنا:مافي أحد يجيبني تقدر تمرني ؟..
طلال:افا عليك أقدر ونص بس يمكن ما أمرك إلا العشا..
رنا:عاادي العوض ولا القطيعه..
طلال:ههههه خلاص تزهبي أجل..
رنا:أوكــي باي..
طلال:بااي..





.............





طلعت من الغرفه اللي ينامون فيها اذا جوا بيت أمهم منيره وهي ماسكه الجوال ومتحمسه مررره..

"طيب أخوانك بيروحون؟؟؟؟!!"
دلال:هم الاولين..
ديما:هذاا أهم شي !!
دلال:خيييير وش عنــدي ؟؟
ديما :ههههه لا بس نتعرف لازم نجهز كل شي ....وسكتت لما شافت العنود طالعه من غرفتها وبكامل شياكتها ..
ديما:لاااا عنود خياااااااانه !!..
العنود:هههههههه ليش ؟..
ديما:وش ذا الزين غطيتي علي بدق على أمي تجيب لي لبس والله غرت على فكره ترى انا غيووره مرره >>هههه قالك اللحين تتعرف !
العنود:هههههه عااادي عماتي ومن زمان عنهم..
دلال:هيييييييه يالخبله من تكلمين ؟؟..
ديما:أنتـي الخبلــه والله ..
دلال:من تكلمين ساعه؟؟..
ديما :العنود..
دلال:العنود مييين العنود ما أخبر أحد عندكم العنود لا يكون خااااااالك أعرس ؟؟؟؟؟..
ديما:ههههههه لا ما أعرس مكانك محفوظ ..
دلال:اقول فارقي بس من العنود اماااانه ؟؟..
ديما:لاتتحمسين مايجوز تقولين أمااانه هذي العنود بنت خالي عبد الرحمن..
دلال:شلوووون طلعــت ؟؟!..
ديما:تمر ولون شلون يعني جايه لبيت أهلها يالله بروح أغير ..
دلال:من لقى احبابه نسى اصحابه..!
ديما:ههههههه لا والله بس ان دخلت بالجوال فضحتني امي منيره والعنود تبيني ادخل معها..
دلال:ياحبي لها سلميني عليها وقولي دلاااال..
ديما:العنود ولا أمي منيره..
دلال:امك منيره والعنــود موب مشكله يالله باااي..
ديما:ههههههه باااي..
ديما للعنود:هذي دلال بنت عمي عبد الله أشك أحيانا انها توأمنا الثالث بس اذا شفت أخوانها أهون !!..
العنود:ههههههههههههه ليه؟؟..
ديما:الله يحلل سعود عندهم خصوصا فيصل مهبل بها الضعيفه..
العنود:فيصل خطيب ريما ؟؟؟
ديما:وش دراك؟؟ ..
العنود انحرجت :لابس اسمعكم تقولون..!
ديما:إيه توها خاطبها وإذا تبين عمرك لاتطرينه قدامها هههههههه..
العنود:لييه تحبـــه ؟؟؟..
ديما باستهزاء:ههه ايه الله يديم المحبه بينهم هههههه..
العنود:مافهمت شي ؟..
ديما:أحسن لك ..
ريما:ماجت أمــي ؟؟
ديما:لا ماجت لييه ؟؟..
ريما:أبي أغيــر خست..
ديما:حتى أنا غرت من العنود..
العنود:هههههه تبيني أبدل عاااادي ترى ؟..
ديما:هههههه وش دعوه امزح وليه ابدل عندنا أغيرترى ..!
العنود:ولا يهمك أغير ..

العنود فرحانه في نفسها ماتوقعت انها بتتاقلم معهم لهالدرجه بس البنات حبوبات ويدخلون القلب بسرعه مع اني عمري
ماشفتهم بس احس اني اعرفهم من زمان الخوف اللحين من عماتي الله يستر..!





.............






قالت له أن خالها بيمرها معزومه ببيت جدتها بدون حتى ماتناظره ومشغله نفسها في دولاب ملابسها تختار..
زيد:كان قلتي لي أوديك ؟؟ وشووله طلال ..
رنا بسخريه:لا شكراً ما أبي أأخرك على مشاغلك !..
زيد مستغرب شفيها قبل الغدا ما فيها شي :رنا فيك شي ؟؟..
رنا بعبره وبدون ماتناظره:لا سلامتك..
زيد:الله يسلمك أنا طالع إذا بغيتي أمرك في بيت جدانك دقي علي..
رنا بصوت واطي.:اذا بغيت..!
زيد:هلا ؟؟؟؟
رنا:ولا شي .........

ما صدقت تسمع صوت باب الشقه يتسكـر طاحت على الارض وهي تصيح ليييييييه ؟؟وش سويت لك لهالدرجه
ما تحس ليييييييه ؟؟مسحت دموعها بعصبيه لاتصيحين رنا ما يستاهل دمعه من عينك لاتصيحين قامت وطلعت لها
لبس مناسب ودخلت تاخذ شور يمكـن تهدى !..

________________________________________
على أذان المغرب دخلوا ساره ولطيفه مع بعض ويسبقهم عيالهم طبعاً..
اول ما دخلوا سلموا على العنود وتحمدوا لها بالسلامه واعتبروها كـأنها وحده منهم بدون ما يحسسونها
أنها غريبه وإلا ضيفه ..


"ماما من ذي ؟؟؟"
"ماما"وتسحب يد امها اللي فيها فنجـان القهوه..
لطيفه:هااااا يا ماما لاتنكب القهوه عليك..!
ساره:ماما من ذي؟؟ ..
لطيفه :هذي بنت خـ... والله سالفه روحي لريما ..ريما..قوليلها من العنود بتقلقني باسئلتها ..!
العنود:ههههه ياحبيلها تعالي >التفتت لعمتها <وش اسمها ؟؟..
لطيفه بأبتسامه:ســاره..
العنود:تعالي ساره حبيبتي >>راحت ساره لها وهي مستغربه من العضو الجديد في العايله الكريمه..
خذتها العنود وجلستها في حضنها :انا خالوو العنود حبيبتي..
ديما:ياقلبي على النعومه "خالوو العنود حبيبتي " قولي عنــود وعساها تفهم !
>>ههههههههه هذا إنا ما فيه تفاهم !
ساره ام سعود بعتب:ديما..>>يعني أستحي وأنا أمتس شــوي !
ديما:عاادي ماما خالووو عنود..!
العنود:ههههههههه أنتي ووجهك خالتك في عينك ترى أصغر منك على فكره..
استغربوا ساره ولطيفه من العنود اللي شكلها دخلت معهم مرره ..

جا راكان وهو يشوف ساره في حظ العنود ويناظر>>تحركت الغييييره وياكرهـي للغييييره على الأولاد وياحبي لها ع البنات ^^
ناظرته العنود ونادته :تعال حبيبي ولد مين؟؟..
ريما:هذا اخر العنقود والقعده أخـوي راكان..
العنود:ياحبي له يهبل..
ديما:طالع على أختـــه..
ريما:تسلمين والله..
ديما:علي أنا موب أنتي!!..
ريما:ولو أنا الكبيره..!
ديما تنهدت بقوه والعنود ضحكت:كيف ؟؟..
ديما بقهر:تخيلي أكبر مني بخمس دقايق وصاجتني بها..
ريما:أهم شي أني أكبـــر..
ام سعود تكلم العنود:وش أخبار أمك عساها بخيير ؟؟؟..
العنود تعدل جلستها:بخيير تسلم عليكم ..
ام سعود:الله يسلمها من الشر..
لطيفه:غريبه رنا تأخرت..
منيره:بتجي مع طلال وطلال يومه سنه..
ريما للعنود:رنا أختي الكبيره أصغر من سعود ومتزوجه ..
العنود:اهاا عندها عييال ؟؟..
ديما:لا مابعد صرت خاله هي ووجهها ..
العنود:هههه قريب ان شاء الله..
ديما وريما:إن شاء الله ..





..........






دخلت عليهم رنا :سلاااااااااااااام >>تحيتها المعتاده ..
الكل :وعليكم السلام والرحمـه
راحت لجدتها تسلم:وش اخبارك يمه ؟؟..
منيره:بخيير جعلك بخيير وين طلال أجل ؟..
رنا:راح يصلي..
سلمت على امها وخالتها لطيفه اللي لاحظت وجهها المتغير ووصلت للعنود اللي نزلت الصغار من حضنها
ووقفت لها:هلا انتي العنود صح؟؟..
العنود بابتسامه محليتها:صح كيفك ؟؟..
رنا:الحمد الله بخير الحمد الله على السلامه..
العنود:الله يسلمك..
رنا تناظر خواتها اللي ماقاموا كن ماودهم يسلمون:قوموا سلموا عماتي كن ماودكم ؟؟..
ديما:لا أفا وش ما ودنا أنتي الكبيـــــــره! >>وتناظر ريما..
رنا:اييه على بالي ؟؟..
وقعدت تسولف معهم وتتقهوى لين ما لاحظت منيرره وجهها..
منيره:رنا وش فيك وانا أمك وجهك متغير ؟؟..
رنا:سلامتك يمه بس تعبانه شوي !..
منيره:خاف انك حامل وماتدرين ؟..
تغيير وجه رنا من الفكره لااااااا الا هالشي بيخرب علي كل شي:لا يمه وش حامل تونا..
منيره:وش تونا لاتقطعين نسلك يالخبله وجيبي لك بزر يوسع صدرك ..
رنا بحزن:ان شاء الله يمه..
منيره:لطيفه قومي شوفي الجريش مدري عن ذا الدبشه وش سوت به ؟؟..
لطيفه:ان شاء الله قامت لطيفه ويوم وصلت الباب نادت رنا:رنوو تعالي معي ..
قامت رنا:طيب..
أول ما طلعت رنا علقت العنود عليها لديما وريما ..
العنود:ماشاء الله عليها مررره نـــاعمـه وكيوووت ومزيونه بعد !
ديما:الزين يمكن أكون معك بس النعومه ما ظنتي والله النعومه في الشرق واختي في الغرب !
العنود:هههه ليه عاد ؟؟
ريما:رنا أكثـر وحده منا متأثره بالعيال كانت دايم مع سعود أخـوي وعيال عمـي مادخلت مع خالتي لطيفه
إلا يوم كبــرت يعني تعطيك الشي على بلاطه بتقوله يعني بتقوله ..
العنود:طيب حلو يعني عفووويه أحسن شي !
ريما:بس هالعفويه تضايق النـاس أحيــاناً !
العنود:أصلاً هالنـاس ما تدرين وش يرضيهم بالعكس خليها على طبيعتها وعفويتها أحسن شي
وربي فرحـــانه فيكم ..
ديما:وحنــا أكثــر ياقلبي تبين نخرب عليهم ونروح نشوف الجريش ؟
العنود:هههههه ليه ؟
ديما تمسكها مع يدها وتقوم بها :تعاااالي بس بنقول أمي منيره تقول تعلموا الطبخ !
العنود:طبــــــخ ؟
ديما:مصدقه أنتــي أمشي بس ..

ساره:ذا البنت ماعندها فاحد تسحب في البنت تقولين معاشرتها !
منيره:خلها تجسرها وش عاد بنت خالها ترى !
ريما:خالي طلال عاد موصيها وبنتك ما توصى !
ساره:عاااد طلال ونصايحه ..
راكان :يمـه أبي 5 ريــال ؟
ساره:وشووله اللحين بيجي العشــا ..
راكان:يمه ابيها ؟
ساره:وش تبي بها ؟؟
راكان :أبي ألعب كوره "ريال مدريد" ومحمد معيي يقول ريال مدريد خمسه ريال !
تبي الهلال بريــال !!!
منيره :أقول رح ألعب وقل أمي منيره تقول لعبني لاجي افصله اللحين ..
راكان راح يركض : طييييب >>ومستانس شوي ويخبط على وجهه من قده ريال مدريد!






..............






"الثلاثاء لييش كان خليتوه الاربعاء الثلاثاء عندي دوام !!"
ابو فيصل :وش بيضرك يوم خذ اجازه ..
ام فيصل:صادق ابوك خذ اجازه يوم وش هو عاد !
فيصل:بشوف ..
دلال:فيصـــل ؟؟..
فيصل:نعم..!
دلال ووجهها كله رجا:لاتقول نعم قسم بالله تخوفني قل سم هلا هااااه الا نعم !..
فيصل:ههههههههههههه
ابوفيصل:حسبي الله على عدوك مسبب لبنيتي رعب..
فيصل:أحســـن..
دلال بصوت واطي:ما كذبت بهتلر..
فيصل:نعـــــــم !!
دلال:ولا شي بس بطلب منك طلب..
فيصل:خييير إن شاء الله..
دلال:مشتهيه قهوه !..
فيصل يناظرها وش دخلني :روحي المطبخ وصلحي لك..
دلال:لا ما فهمتني وش أقول.أنا قصـدي ......
فيصل:أيييه وش تقولين ؟
دلال بسرعه:يعني نروح نطلب من إي محــل قهوه..
فيصل:سوري اليوم تعبان..
دلال:ليييييه طيب متى..؟؟
فيصل:إذا طبت..!
ام فيصل:من خبرتك وأنا أمك وأنت تعبان..
ابوفيصل:إذا أعرس بيطيب ههههه
ام فيصل:ههههههه يالله على يدك..
فيصل:اتوقع إنا خلصنا من هالموضوع..!
ابوفيصل: ما اقول الا الله يعين بنت وخيي ..
فيصل يقوم من عندهم قبل لا يعصب :الله يعينها ان شاء الله محد قالها توافق>>>وطلع..
دلال:صرااااحه ظلمتوا ريما !..
ام فيصل:دليييل وش ذا الحكي ؟؟؟..
ابوفيصل:وهذا اللي خايف منه ..

طلع منهم متضــايق مايدري ليه يكره هالسالفه وطاريها لدرجه أنه بدى يكره راعيتها اللي هي "ريما"
وقف في الحوش مالي خلق أطلع تعبــان مشى ومشى وهو يطالع السمـاء والنجــوم والقمر اليوم 15 وبدون شعور
طلع سيجاره وبدى يدخن ! طبعاً هو ما يدخن في البيت إلا إذا مرره ورى البيت أول شي عشان أهله ثاني شي هو
ما يبي يدخـن عندهم كـذا يكفي أنه الكبير وقدوه لهم دلال اللي هي دلال ام اللقافه عمرها ما شافته يدخن في يووم !
الله يفكه منه صحيح أنه يدعي انه يتركه بس ما تحرك ولا سوا إي سبب عشان انه يتركه !





....................





"ابشرك يبه وافقوا"
ابوحمد:منهم ؟؟؟..
مها:يبااااا اهل البنت اللي خطبنا من عندهم !..
ابوحمد بحذر:دارين عن حالته !..
مها:ايه عمتي نوره قالت لهم كل شي..
ابوحمد:ما دام فيها نوره كبت العشا أجل..
مها:ههههههه أحسن الصراحه راحه بس ؟؟؟؟..
ابوحمد:بس أيش ؟؟..
مها:البنت مطلقه!..
ابوحمد:مطلــــــقه..
مها:يبه أنت قلت قبل هالشي موب ذنبها..
ابوحمد:لايكون اكبر منه بعد !..
مها:ههههههه لا كبري والله البنت عسل والكل يمدح فيها..
ابوحمد:لو خذتي له وحده من بنات عمك ..
مها:رجعنا ليا طير ياللي..
ابو حمد:ههههههههه انتي مدري من طالعه عليه..
مها:عليك طبعاً..
ابوحمد:هههه ماكذبتي المهم ترى عمانك مسويين دوريه كبيره في بيت صالح الخميس قولي لأمك اللي ماتقر في هالبيت أبد..
مها بتردد:يبه لازم اروح ؟؟؟
ابوحمد بعتب:وذي يبيلها سؤال يامها هذا رحم وانت ادرى..
مها:ان شاء الله ولا تزعل ..





.............




"معقوووله طيب انتي تأكدتي ؟؟؟"
رنا والدموع في عيونها:ما قدرت أفكر لحظتها حسيت بقهر خالتي مدري شلون استغفلني طول هالمده اخذت الرقم بس..
لطيفه:الرقم معك ؟؟
رنا:ايييه حفظته في جوالي !..
لطيفه:وش ناويه تسويين طيب ؟؟..
رنا:ودي أمسح فيها البلاط بس ما أقدر أخاف تقهرنـــي زود..
لطيفه:ولييش تنقهريين رنا انتي تحبينـــه؟؟!..
نزلت عيونها:ما ادري ؟؟..
لطيفه:شلوون ماتدرين هي وحده من الثنتين يا ايه يا لا !..
رنا تتنهد وتمسح دمعتها:يمكن حبيتـه بس اللحين جرحني جرحنــي وما تصور أني أسامحه!..
لطيفه:نكلمها..
رنا رفعت راسها بسرعه:نكلمها وش نقول؟؟؟
لطيفه :إذا كنت تحبين رجلك وتهمك حياتك أوقفي في وجهها لأنه لك ..لك أنتـــــي وبس !..
رنا:ما أقدر أحدد قراري اللي يهمني أني أبعد عنه اللحين وبس ..
لطيفه:خبله أنتي وش أبعد عنه وتتخليين عنه لها بالساهل يارنا ترى الحرمه موب كل يوم لها رجل!..
رنا:أدري !..
لطيفه سحبتها من يدها :تعالي معي فوق ودقي عليها ..
رنا:وش اقول ؟؟؟
لطيفه:امسحي بخشتها الارض..
رنا:هههه ليتني اقدر كان ماقصرت ..
لطيفه:هههههه يالله بس......




منيره:وين لطيفه ورنا راحوا وناموا ؟؟..
ريما:ههههههه خالتي لطيفه ورنا تلقينهم نسوا نفسهم سوااليف..
ديما:رحنا لهم في المطبخ وطردونا يقولون ماعندكــم ماعنـــد "جدتـــــــي" وتطولها عشان تسمع منيره !
منيره:اييه والله عاد جدتس وش عندها >هههه قلبتها فديتها قصدها أم أبوها>>
:و بنتي وبنت بنتي واعرفهم !..
التفتت للعنود اللي تسولف مع ريهام ودراستها..:ياحيا بنت عبد الرحمن تو ما تبارك المكان..
العنود تناظر لها بخجل: الله يحييك يمه..
ام سعود للعنود بحنان: عساك مرتاحه هنا ؟؟..
العنود:الحمد الله ..
منيره:الله لايغير علي وانا اشوف عييلي وعيال عييلي قبالي مابقى الا طليل يعرس وارتاح..
ام سعود:زوجييه وش ناقصه ؟..
ديما:يمه إذا جا يخطب علميني عندي له عرووووس شي !..
منيره:ماله من ولدي أخليتس تخطبين له !!..
ديما بخبث:أفا يا دلاااااااااااااال..
منيره:وشووو؟؟..
ديما:أبد أجرب صوتي..
دخل طلال :كني أسمع أحد يناديني ؟؟..
ديما:حشى رادار موب اذن !..
طلال:قولي ما شاء الله..
ديما:ماشاء الله ..
طلال:يمه وين بنتك ترى عيالها قالبين المجلس حلبه مصارعه..>عيال لطيفه !
منيره بعصبيه:وانت تناظرهم و ساكت ..قامت لهم تلاغيهم..محيميد صويلح يا مااااال اللــــي ......
طلال:ياويلهم !!..
ريما:كني ما كنت معهم ؟..
طلال:كنت حكم ما لعبت !..
ام سعود:لا والله ما قصرت وأنا أختك..
طلال:هههههه سمعتوا اخر نكته..>>ههه عاش مصرف !
ديما :لا وشي ؟؟..
طلال:يقولك في وحده تقول لزوجها صلح شباك الحمام اخاف جارنا يشوفني وأنا أسبح ..
قالها لاتخافين اذا شافك هو بيصلحه..
هههههههههههههههههههههههههههههههههههههههههههههه >>مرتك يالخبل بس ماعندك أحد !..
ديما:ههههههه قويه طلال من راسلها ؟؟
طلال:ياشين اللقافه بس عشانك تعرفينه بقولك سعوود..
ديما :والله ذا الاخو خاينه يرسل لك وانا اخته ناسي رقمي ..
طلال:لاتقارنين حبيبتي انا بيست فرينده !..
ديما:مالت عليه وعلى بيست فرينده..
طلال:أقووول..
ديما:سوري..
ام سعود:ياحبي له من زمان عنه ما قالك متى بيجي بالضبط..
طلال:يقول كمن اسبوع وجاي..
ريما:يوووه من زمااااااااان عنه..
ديما تستهبل :يمــه من يشبه له ؟؟!!..
ريما:عمي إن شاء الله !!

>ضحك الكل عليها الا ساره اللي ماتدري متى بتثقل هالبنت ..


انتهى الجزء..




/






...@@البارت الرابع عشر@@...




ياللي نقشت الحب في قلب مغليك
...........دامك نقشتـــه لاتنكـــر غلاتـــي
عهد علي أني على النفس أبديك
,,,,,,,,,,,ما أنساك دامك عايش في حياتي
مدري علامي بالملا دوم اطريك
.........أغليك والله وأذكر فيك زين الصفاتي



...........




ردت عليهم بصوت مايع:الووووووووو..
رنا حاطه على السبيكر وودها تدخل مع التليفون وتزنطها:الووو!
البنت بدلع:أهليييين .. ميين ؟؟؟..>>عادي عندها تتعرف الأخت !
رنا:أنتي اللي ميين ؟؟..
بضحكه ماصخه :داقه على موبايلي وتقولين لي ميين ؟؟..
رنا:أنا اعرفك بس يمكـن أنتي ماتعرفيني ؟..
البنت :عاااادي ممكن نتعرف !..
رنا بعصبيه:أنا مادقيت عليك أتعرف عليك وعلى أشكالك أنا داقه عليك احذرك ان ماتركتي حياتي موب أحسن لك!..
البنت تضحك بمياعه :هاي هاي هاي >مدري كذا الضحكه وإلا لا > وش دخلني انا في حياتك ؟؟؟..
رنا على نفس الوتيره:دخلك ونص أنا زوجة زيد ياحلووه ..
البنت:زيييد هههه ياحبي له ماتوقعت أنه متزوج متخلفه مثلك !..
رنا:ما المتخلف الا انتي وأنا ما انزل نفسي لوحده زيك واكلمها بس حبيت احذرك..
البنت بضحكه: تحذريني ياماما مرره خفت سوي اللي تبين واذا فيك خيير امسكي زوجك عني لانه مايقدرهههههه..
رنا:أنتي وحده وقحه ؟؟..
البنت:شكراً ههههههه
رنا خلاص ما أستحملت زياده وسكرت الجــوال في وجهها وذبته على السرير حطت يدها على وجهها وخلاااااااص
صااااااحت:سمعتي بأذنك عيني عينك تكلمني وربي حقييره !..
لطيفه تهديها:رنا أذكري ربك هي تبي تقهرك بس ..
رنا:وقدرت بنت اللذين قدرت تقول إذا فيك خيير أمسكي رجلك يعني ميت عليها وأنا الخبله على نياتي!..
لطيفه متأثره مرره على بنت أختها وصديقتها :رنا حبيبتي خلاص لاتصيحين الامور ماتنحل بصياح
هذي تبي خراب بيتك ..عندي لك فكره ؟!..
رنا رفعت راسها:خلاص ما لي قعده عنده !!
لطيفه:رنا صاحيه أنتــي يمكنها نزوه وتعدي !..
رنا بقهر:نزوه وتعدي على حسابي موب أنـا بنت خالد اللي يخونني خله يعرف قدري مع بنت الكلب..
لطيفه:ههههه وتقولين ماتحبينه لوماتحبينه ماسويتي كل ذا !..
رنا:حبته القراده قولي آآآمييين..
لطيفه:لاتدعيين عليه أدعي له الله يهديه وأسمعي فكرتي طيب..
رنا:وشــي ؟؟؟؟
لطيفه:صارحيه !..
رنا:أصارحه ..! لاوالله وبعدين أسامحه وأكمل حياتي عاادي ترى اللي يخونك مرره يخونك ألف..
لطيفه:موب شرط وأنتي لاتفكرين اللحين أنتي متوتره ومعصبه أهدي وصلي لك ركعتين وفكري..
رنا ساكته تفكر في البنت ووقاحتها وين اهلها عندها الحمد الله والشكر بس الله لايبلانا عندي خوات الله يستر عليهم !..
لطيفه:وش تفكرين فيه ؟؟؟..
رنا:فيهــا !!..
لطيفه:لاتتعبين نفسك ماتستاهل دمعه من عينك غسلي وجهك وتعوذي من الشيطان وخلنا ننزل تلقين أمي قالبه الدنيا عليينا
هههههه راسلتنا نشوف الجريش وسحبنا عليه ..
رنا:هههه يالله انزلي وبلحقك بعد شوي..
لطيفه:لاتطولين ولاتضعفين خلك رنا اللي اعرفها !وطلعت..
رنا في نفسها>>رنا اللي تعرفينها وينها ؟؟؟رنا تغيرت من خذته واللحين انحط في هالموقف بسببه..
آآآآآآه ياليتني للحين بنت ولاطلعت من بيت أهلي وعتبت بيته بس ياليت ماتنفع انتي في واقع يا رنا ولازم تكونيين قدها..
قامت وتوضت وصلت ركعتين وقعدت شوي عشان تخف حمره وجهها من الصيـاح ميب فاضيه للاسئله !..






..............






من نزلت وهم يسألونها عن رنا قالت لهم تعبانه شوي وبتنزل..
منيره:اشك أن بنتك حامل وماتبي تعلم احد ؟؟..
لطيفه:وش حامل يمه الله يهديك بس يمكن انها تعبانه شوي !..
طلال:اللللله بصيير جـــد !!..
العنود:هههههه وش دخلك؟؟!
ديما :مزعجنا كل ماقلنا شي قال بصير جد هههههههه تحمدي
طلال:هههههه وش دخلكم بصير جد ولا يا أختي ؟..
ام سعود:إلا بس مدري وشلون ؟؟..
ديما:هههههههه حلووه يمه..
العنود:ايه والله عمتي شلون ؟؟..
طلال:يالله ياشين الغيره أنا وأختي نصلح وانا معها إذا صارت جده بصير جد صح يمه ولا لا ؟؟..
منيره:إلا وأنا أمك ..
ديما:يوم انك متحمس مرره للجــد اعرس وزوج عيالك وصر جــد !..
العنود:ايه والله..
طلال:لسى بكيير على الزواج ..
ديما:ياقلبي على بكيير ..




..........




رنا من تركتها لطيفه وزيد يدق عليها ومطنشته اخر شي قفلت الجوال ونزلت..

:سلاااام..
ردوا عليها وراحت قعدت جنب لطيفه :من نزلتي وهو يدق علي !..
لطيفه:رديتي ؟؟؟..
رنا:لا تتوقعين أنـه درى ؟..
لطيفه:ما اتوقع انها بهالغباء لأنها خبيثه !..
رنا تنهدت:أجل يقعد قفلت الجوال ونزلت..
لطيفه:ههههههه لييه ردي يالخبله عشان تبدين بالخطه ..
رنا باستغراب:أي خطه ؟؟..
لطيفه:تصارحينه..
رنا باستهزاء:ايه إن شاء الله..
دق تليفون البيت وانقبض قلب رنا أكييد هو يوم ما رديت دق على البيت ..كانت الاقرب له امها قالت لها
:يمه اذا كان زيد قولي له تصلي..
الكل استغرب حركتها بس هي ورجلها يصلحون !..
ساره:الوو..
زيد:مسا الخير..
ساره:مسا النور هلا والله ..
زيد:هلا خالتي وش اخباركم علومكم ؟؟ وخالي عساه بخيــر ؟..
ساره:بخيير نزحق وانا امك شلونك انت طيب ؟؟..
زيد:الحمد الله نسأل عنكم..
ساره:تسأل عند العافيه ..
زيد:الله يسلمك خالتي رنا عندك ؟؟..
ساره:رنا تصلي أخليها تكلمك ..
زيد:ايه الله يعافيك..
ساره:إن شاء الله..
زيد:تأمريني بشي ؟؟..
ساره:مايأمر عليك عدوو مع السلامه..
زيد:مع السلامه..

ساره بعد ماسكرت:خليتيني أكـذب على الرجال !! ..
منيره:ورى ما تردين على رجلك وانا امك ؟؟..
رنا:مالي خلقه يمه..
منيره:وش مالك خلقه يالله العقل رجلك ذا موب حارس عمارتكم..
طلال:ههههههههه يكرم يمه ترى بتزعل رنا..
رنا:لا والله حلالها..
طلال:لامعصبه مررره هههههه..
ديما:ملاحظ !
رنا: ياربي بدت عاد المحقق كونان !
ديما بصدمه :أنـــــا المحقق كونـــــان ؟؟؟؟..
طلال: لا ولا تزعلين أنتي "ران"
ديما:خلاص وانت "توقو"
طلال: أحلفي بسسس !!
ضحكوا عليهم يرقع لها وهي تخورها قالك اللحين خلاص هم على اتفاق من زين "توقو"تشبهينه به !
قعدوا مع بعض لوقت العشا وطلبت رنا من طلال يوصلها بيتها ولاعطت زيد وجه وساره راحت مع بناتها لبيتها
ولطيفه ضفت بزارينها وراحت بعد والعنود فقدت صوتهم في البيت بس قعدت مع أمها منيره تسولف لها وتقص عليها..





..............




مرت اليومين بسرعه واليوم موعد رحلتهم لمكه من أمس وهم مرتبشين خصوصاً ديما ودلال ما خلو شي ما خذوه تقولين
بيقعدون سنه خلصوا الشنط ورتبوها وطلعوها بره وتواعدوا عند بيت ابو سعود الساعه 2ونص "عز القايله"
وصل ابو فيصل وعياله بيت اخوه لأن رحلتهم الساعه3..
أبوفيصل وأهله جو بسياره فيصل الجيب"لاند"لأنها اكبر وتكفيهم طلعوا كلهم في الحوش والدنيا تخترش نزل بندر وفيصل
ركبوا الشنط عن عمهم مسويين فزعه لاعدمتهم عيـــالي ^^..
نزلت ام فيصل عشان تقول لام سعود أنها نست تأخذ قهوه معهم والسعوديين جنونهم القهوه إدمان ^_* اللهم ياكافــي
إذا كلهم زي أهل نجـد !..
نزلت معها دلال>المرافق الرسمي <وسلموا على بعض في الحوش خذوا اللي ناقصهم وطلعوا كلهم ..
كان عنهم خيارين لان مافيه إلا سيارتين بس !ابو سعود وام سعود وريهام وراكان والشغاله وبعض الاغراض في سياره
ابو سعود وديما وريما مع ابو فيصل بعد ما أصرت دلال عليهم يجوون معها وموب على كيفهم أصلا سيارتهم ما تكفي..
ركبت ريما وديما ودلال في المرتبه الاخيره وام فيصل وابو فيصل في المرتبه الثانيه وفيصل يسوق وبندر جنبه..
يعنــي السيــاره فل ماشاء الله !

طبعا ريما وديما ماتفرقين بينهم بعبايات الرأس ومغطين عيونهم عشان عيال عمهم>>طبعا ماخذين احتياطات غطاوي للعمره
يوم اكتملوا السيارتين مشوا لمحطه الباصات اللي تبعد نص ساعه يمكن في سيارة ابو سعود الإزعاج على اصوله راكان
وريهام اللي كنها بزر طقاق ومناقر وكل شوي تهزئهم أم سعود بس لاحيــاة لمن تنــادي راكان دلوع الماما وريهام دلوعه البابا وحلــــوها عاد !..
ساره لرجلها:ضيقنا عليهم بالبنات ؟؟>>تقصد على ابو فيصل واهله .
ابوسعود:لا عااادي راضيين ههههههه..
ام سعود:مدري عنهم والله..
ابو سعود :اللحين ورى ما تسكتون من عنده انشوده ؟؟
راكان:أنــــــا !!
ريهام:ورى ما تسكت بيبدى المعلقه امي ربه بيت امي ما احلها .......
راكان :وش دخلك انتي ؟
ساره: صادق وش دخلك أنتي خلي ولدي يعبر عن مشاعره !
ابو سعود :يالله عبر وانا ابوك وسمعنا هههههه
راكان :أمـــي ربــه بيت أمـــي ما أحلاااااااها
كيــف البـــيت يكــون لا أعـــرف لو لااااااااااها
أنســـى حتى نفسي لاكن لا أنساااااهااااا أمـــ ..>>خلااااااااص أذني قامت توجعني !



اما في سياره فيصل الجو غير من ركبوا التفت عليهم أبوفيصل اللي كان قدامهم ..
:حيا الله بناتي !..
ردوا بصوت واطي:الله يحييك ..
التفتت للي وراه:الريم ؟؟..رفع فيصل عيونه على المرايه يوم سمع الأسم!..
ديما:هههه لا عمي انا ديما..
ابوفيصل :ههههه حيا الله ديما كلكم نفس الشكل ماتنعرفون اجل انتي الريم ؟؟..
ريما بحيا:هلا عمي..
ابو فيصل:هلا بك وش أخبارك وأنا ابوك ؟؟؟..
ريما:بخيير الحمد الله..
ديما:شمعنا ريما وانا ما لي رب ؟؟..
دلال:ولايهمك خليه عند ريما وانا عندك ما أكفي ؟؟..
ديما:تكفيين ونص..
ابو فيصل:هههههه تغارون ؟؟؟..
دلال:لا بس نحاول..
ابو فيصل:هههههه الريم بنتي وبنت أخوي ومرة ولدي !! أوء أوء ..
قال الكلمه وإلا ما قالها "سااااد الجوو نوع من التوتر ">>أحلى ياعربي !
ريما اختفت من الفشله وفيصل ارتبك في سواقته هذا وقته يا يبه..
حس فيه بندر وقالك بلطف الجو..
بندر :يبه وش تبي نانسي ولا راشد الفارس ؟؟؟؟؟
البنات ضحكوا عليه رايق لا وإلا الخيارات عاد !..
ابوفيصل:الله لايسخط علينا رايحيين لعمره تحط لنا ذا الدشير !..
فيصل:ههههههه أصلا ماعندي الأثنين ..
ابوفيصل:بعدي ولدي حط اللي تبي !..
بندر:تكفوون أشرطته عاد مغبره مالي خلق فيني حساسيه ترى ..
فيصل:تعجبك أنت ووجهك..وقعد يحوس بالأشرطه ويدوس وكل شوي يرفع رأسه للشارع لا يستأثم فيهم كلهم ..
طلع شريط بعد بحث طويل والبنات لاهيين يسولفون بصوت واطي وريما سرحانه بفيصل >معقوله هذا "خطيبي"
أحس انه مغصوب وش مغصوب أنتي هو رجااال أموت واعرف لييش مأجل العرس؟؟>ماله من عمرك أسأليه !<
فجأة وبدون مقدمات اشتغل المسجل لشريط نكت انشهر فترره عندنا لواحد يقلد الأصوات اسمه محمد السليم ..
البنات ماااااتوا من الضحك على فيصل اللي متحمس لأنه احسن شريط عنده بس قدييييييييييم ومغبببببر وبندر استلمه تهزي..
بندر:أموت وأعرف من وين تطلع ذا الأشرطه ؟؟؟..
فيصل:عااادي اشرطتي !..
بندر:والنعم ...
ام فيصل:حطوا إذاعه القرآن أصرف..
فيصل:والله أنك صادقه ..
دلال:فيصـــــــــل ؟..
فيصل:نعــــم..
دلال:شقلنا ؟؟..
فيصل:هههههه هلا..
دلال: حط ام بي سي اف ام..
فيصل:نعـــــم ؟؟؟..
دلال:ولا شي أجرب صوتي..
دلال تكلم ريما:نبذه عن زوج المستقبل ؟..
ريما قبصت دلال ودلال صرخت: آآآآآآآيي هذا جزاي يالخايسه ؟..
دلال:فيصل حطها الله يعافيك اترك لك فكره حلوووه عند غيرك !!..
فيصل عصب:دلاااال..
ريما قبصت دلال مررره ثانيه ولافكتها لييين قالت:هههههه والله توبه..
ابوفيصل:لا اله الا الله ..
على قولته وصلوا لمحطات الباص نزلوا الكل من السيارات إلا البنات اللي ورا ما عرفوا يفتحون الكرسي شافهم فيصل
وفتح بابه وطل براسه بس :خييير ؟؟؟
دلال:الكرسي عيي ينفتح!!سكر بابه وراح للباب اللي من جهة الكرسي ومن قوة الحظ !كانت جهه ريما..
نزل يحاول يفتحه رفع راسه وفي وجهه ريما>>طبعا متغطيه بس عرفها لأن ابوه كان يسولف معها ويناظر جهتها..
فيصل بلهجه أمره:شيلي عبايتك !!..
سحبت ريما عبايتها وهي ميته من الخوف او الربكه يمكن لأنه كان قريب منها >>فتح الكرسي:يالله انزلوا
وبعد عنهم وراح عند ابوه وعمه يدورون الباص اللي بيرحون فيه لبقوا سياراتهم لأنهم اذا رجعوا بيحتاجونها نزل فيصل
وبندر الشنط وركبوها في شحن الباص..
مرت من عندهم دلال:والله تنفعون في السفر ؟..
:فارقي للباص ماتشوفين الرجال..
دلال:هههه طيب ..

ركبوا الباص وعجب البنات مرره كبير كانوا مخططين على الكراسي اللي في الاخير بس المقاعد محدده لكل عايله قعدت دلال جنبها ديما وجنبها من الطرف الثاني ريما وجنبها ريهام وام سعود وام فيصل جنب بعض والشغاله مع راكان والرجال ما عرفت ترتيبهم لأن بينهم حاجز >واستحيت أروح أطل ^^
<< دلال وديما مستانسين كنهم في طياره درجه أولى ومحملين معهم أنواع الشيبسات والحلويات والفطاير وما لذ وطاب الطريق طويل 10ساعات وأكيد بيجوعون وما يضمنون
أكل الاستراحات اللي على الطريق..