الجــزء الثــالث عشر..



?وشلون اذا توأم روووحي يهواك..وأنا من صـــوب أغليك.. ?
?والله احترت يا غناة الروح وياك..قلي وش أسوي وألبيك.. ?

تحطم قلب مبارك من صوب..ومن صوب تشتت تفكيره..ما كان يعرف..شو يقول؟؟شو يسوي؟؟أو بشو يرد..جنه حد ربط لسانه..ذياب..ذياب يحب اليازيه..واليازيه اتحبني..وأنا أحب اليازيه..السالفه تلخبطت في راس مبارك..أببببد ماراااااااام ايفكر ........شاف ذياب..كان ذياب يبتسم ويطالع اليازيه..واللي زاد الطييين بله..إن الأخ ذياب ما يود لسانه..بالعكس..
ذياب:ااااااااااخ...ويل حالي يوم لاقيته..استصاب القلب وحبيته..
مبارك:هههه..يلا يلا خل انسير صوب الرياااييل..
ضحك مبارك..ومية ألف ونه في قلبه..ضحك مبارك..وبدى جرح قلبه يتألم..ضحك مبارك..ضحك وضحك ووده يصيييح..يصييح على الحظ النحس..يصيييح من هالزمن القاسي..يصييييح من الحب وبلاااويييه..
"وانا اللي مفكر أقوول لأمايه اتحيرها لي اليوم..عسب يوم ارد من أمريكا أملج علييها..أنا اللي ما ذووق الرقااد بسبة اليازيه..أنا اللي من أشوووف ابتساامتها انسى هموومي وأحزاني..اااااااااااااااااه يااااااا القلب..لييتك ما هويت ولا تعنيييت..أأأأأأأأأأأأأأأأأأأأأأأأأأه..ابد ما أكتملت فرحتي..ذياب..ذييياب بعينه..هو اللي يهاذي باسم اليازيه...هو اللي يشكي من كثر ما يحبها..شووو أسوييييي؟؟شووو أسوي؟؟؟؟؟؟؟؟؟؟؟؟؟؟؟؟؟؟انا وذياب ..أنا وذياب انحب اليازيه..كييييف..وللييش؟؟
شووو أسوي؟؟هل أخلي اليازيه..أو أجرح قلب ذياب..ربييعي..نبض قلبي..شووو اللي استووواااالي..؟؟؟؟؟؟؟؟؟؟؟
ذياب كان أبد ما يأ على باله ان مبارك ايمووووت على شي اسمه اليازيه..بالعكس كان مستانس وااايد لأنه شااافها..
مر الوقت ببسرعه على الكل لأنها أوقااات فرح..والكل استانس...ألا واااحد من بدهم..خاطره يفارجهم وينفرد بروووحه عسب تاااخذ دمووعه رااحتها وتنزل على خدها..عسب ايصدق كل اللي استوى..
?...مبارك?...
مبارك هو الوحيد اللي مر عليه الوقت ببطئ..كان سااالي بيلسته..وووياااهم لكن رووحه يعتبرها ظهرت من جسمه..حس في لحظه ان من كثر الحزن اللي في قلبه..ان ذياب اييه ويقوول له كنت أمزح ويااك..اليازيه عمري ما فكرت فيها..
كان وده يصرخ والعالم كللللللله يسمعه وهو يعلن عن جرووح قلبه..بس منو اللي بيحس..منو اللي بيساعدني ..منووو..؟؟
الكل رد بيته..ورد مبارك البيت؟؟وصدقووني من بعد اللي استوى..أبببببد ماا رمس ولا ظهر كلمه وحده من ثمه..الا اذا حد رمسه..بس في دقايق ..اتغير..من الإنسان المرح والمتفائل...الى واحد الحزن منه وفييه..الى واحد فقد الإبتسامه..وصل حجرته..وأول ما حدر طااااااح ع شبريته..ودفن ويهه في المخده..من صدمته ما رااام ايفكر بشي.......مرت ربع ساعه.......نص سااعه..........ساعه....بس مبارك ماا رقد.......دق تلفونه..فز من الشبرية.."توأم رووحي يتصل بك"..ماا عرف شوو يسوي..الا انه بند في ويهه..بس سرعان ما حس بالذنب..هو شووو ذنبه اذا حب اليازيه..بس بس بس مااااا أرييد أرمس حد...مااااا أرييد أشووف حد..تم التللفون يدق ..ويدق..ويدق..فوق العشر مرات..بس مبارك ماا يرد...لسبب غير معرووف..وصله مسج من ذياب..
"مبارك والله ان الرقاد ماياني..تانس شي فدييتك..دخييلك يا مبارك.والله انيه ميت من الخووف عليك..انزين طمني انته في البيت؟؟.."
بس مبارك ما طرش مسج الا من بعد ربع سااعه كان يصااارع فيها أحاسيسه ومشاعره بمسج..
"لا تخاف أنا في البيت"..
رقد مبارك بعد ما صلى صلاة الفير..ورقد وقلبه ممزووووووور همووووم..

. . . . .

رسمتك في خيالي في ضمـــيري.. جميلن ماعلى وصفك انا اقدر..
اشوفك كالسما الصافي في ليله..قمرها نــصف شهر ويوم يظهر..

يوم اليمعه..
بيت بو سلطان..
الساعه 11ونص..
حجرة اليازيه..

في هالوقت اليازيه واقفه جدام التواليت..تسحي شعرها..كانت توها متسبحه..
وفكرها صووب مبارك اللي بيسافر اليوم..وليش له يومين ما صار ينشااف..
انفج الباب وكانت مهره..لابسه بجامة..وفااجه شعرها..
مهره:السلاام علييج..
اليازيه:وعليييج السلام..هلا شفييج؟؟
مهره:والله ابغي أرقد بس أمايه فديتها طرشت البشكاره اتقول وحده منكن اتسير وتوعي سعيد..وراشد..
اليازيه:هههههههه..سيري سيري علني فدااج رقدي..انا أنا بتكفل بهذه الحرفه..ههههههه..
مهره:اوكيك يلا بااي..
اليازيه:بااي..
اليازيه"اترمس روحها بصوت مسمووع":حرفه ولا مهنه..صدق انيه خبله..
ظهرت مهره في الوقت اللي لبست اليازيه شيلتها..كانت بس مجحله عيونها ومظهره قصتها..سارت حجرة سعيد..اتدق الباب..مرة مرتين..ثلاث مراات..لين ما عصبت..
اليازيه:بووووووو سكووووووور فج البااب يالسبااااااال..
مااااااشي رد..
اليازيه:فج الباااااااااااااااب..سعيييييييييد ويه العنز..
مااااااشي يرد"شي يقهر الصرااحه"..
عيزت منه وسارت حجرة راشد..عاد هاذا برووحه سالفه..هو يوم يرقد ما يبند الباب شرات سعيد..ايخلييه امبطل..جان اتدق الباب وتحدر..ما ظني انها حدرت حجرة بشر..حدرت حجرة حيوانات..شبريه مبهدله وراشد راسه ع الأرض وريووله ع الشبريه..والمخده ابصووب..والمكيف مويه علييه..ومخدات ع الأرض مجابله التلفزيون اللي كان مشتغل ومشبكه فيه البلي ستيشن..وعلى شريط قراند..وفوق مكتبة التلفزوين صحن كروون فلكس مخلص وعداله عصير ديوو..
اليازيه:حوووووووووووه شووو هاااذااا؟؟
راشد:........."ماشي رد..الأخ راقد شو له اتصارخين"..
اليازيه:ياااااااااا بووووو سنيييييده...يالله شوو الحل؟؟راشد راشد نش نش سلطان يابلك درايه يديه في ذمتي انها رهيييييييييبه.."حراام دومهم يقصون عليه"..
فز راشد من طاري الدرايه...
راشد:شوو شووو شووو؟؟وينها ووينه سلطان؟؟
اليازيه:خخخخ.أمايه تقوول نشوا يلا صلاة اليمعه..
راشد:يااااااالسباااااله..
ظهرت اليازيه وهي تربع لأنه عاادي يلحقها ويقطع شعرها شعره شعره ويخليها بدوون شعر"قرعه"..ردت لحجرة سعيد..وتمت اتدق الباب ولا حد يتوايبلها..جان تنزل تحت..شافت أمها يالسه ووياها سلطان قاعدين ايسولفون ويتريقوون..جان تسلم وتبوس أمها ع رااسها وتوايه أخوها..
اليازيه:شصبحتوا؟؟"تصبلها فنيال شااي حليب"..
أم سلطان:بخير علني فداااج..
سلطان:أمس سهرتي للساعه كم؟؟
اليازيه:لييش؟؟
سلطان:سألتج ياوبيني؟؟
اليازيه:انزين لا تعصب...سهرت لين الساعه 2ونص..
أم سلطان:أنتي اللي يالسه في الصاله وتضحكين..
اليازيه:ههههههههههههاي..لهالدرجه صوتي كان عالي..
سلطان:أنا حتى كنت أسمع صووت حد يضحك..
اليازيه:كنت أطالع فيلم كوميدي على تو...بس أسميه رهييب..
سلطان:ههههههههه..أنا بعد كنت سهران وأضحك..على الفيلم نفسه..خخ
اليازيه:ووووووووااكككككككااااااك..بس حاط صوتك ع السايلنت..والله هااي مهرووه نذذذذذله نقعتني خيانه وسارت ترقد وللحينه راقده..
أم سلطان:فدييتها مهرووه تلاقينها ميهوودة من كشتة أمس..
اليازيه:أسمييييييييينا استانسنا من الخاطر..يا حيها من تمشيه..كل يوم ودونا..
سلطان:منو بيتفيج لج كل يوووم بيرابع لج صووب البر ..عسب خاطرج..
اليازيه:المشكله انيه أنا اللي طلبت..لو في عرب غييري..طلباااتهم اوااااامر..
أم سلطان: لعنبوو داارج صخي شوي من يلستي وانتي تهذربين..لسانج ايحكج..ماا ترووم اتيووده اشوي..
اليازيه:بل بل بل اللحينه كل هاذا في خاطرج من صووبي...افا يا ام سلطوون..اللحين..اللحين انتي سببتي ألم في قلبي..جرحتني كلمةً منك..سببت في قلبي أوجاعي..يعني شو بيستوي اذا خليتي مهره تكتب هالكلام اللي في خاطرج على ورقه..عسب ما انصدم أكثر..انتي اللحينه يوم تويهين هالكلام لي أحس أحس..
أم سلطان:خلج انتي عاده..مااتيوووزييين.."اتطالع سلطان"..شو اليوم مبارك وذياب بيساافرون؟؟
سلطان"ايطالع اليازيه بنظرات جنه يتمصخر عليها":هيه فديييتج طيارتهم الساعه 9فليل..
انقبض قلب اليازيه وحست بحزن فظييع في قلبها.."اليوم مبارك شجوون الخافق بيسااافر ..شو بسوي من بعده؟؟شوووو؟؟..يالله اترجعه لنا بالسلامه.."..
في هالوقت ياهم سعيد..واللحين الله يعين اللي في الصاله..سلم ويلس ومرت دقيقتين وهو ميود لسانه..بس يااه الإفراااج..
سعيد:شو الريووق..
محد غيرها ام لسانين بترمس..
اليازيه:اممم..بلاليط..جباب..كرواسون..بيض وجبن..وووو..
سعيد:شو الأخت مشتغله في أي مطعم..؟؟؟
اليازيه:مشتغله في مطعم حصة للوجبات الشعبيه..
سعيد:وموقعكم دبليو دبليو دبليو حصه أكل دوت كوم..
الكل:ههههههههههههههههه..
أم سلطان:عنلاتكم ملااعين الصير..
سعيد:صنفرت العيوز اللحينه..
أم سلطان:عيزن ركبك مسود الويه..
سعيد:بل بل بل بل بل أحسن لي ألأسكت لا يتطنزون عليّ اللحينه..في حد ناقص...
سلطان:مهره ورااشد..
سعيد:قمنا فتون سوينا لهم هجوووم..
أم سلطان:حزّن ومن فتوون ذيه؟..
سعيد:اليازيه..وخلينا نرقى السطح اللحينه بتحصليين الشيشه..
أم سلطان:لااباس..اكتملت السالفه..
سعيد:خرااب يا أمايه خرااب..يهدم بيووت يكسر درايش يفجر مدارس..
اليازيه:يااااحيه من خراااب دامه بيفجر المدارس..

. . . .

وإن خنتني أعلــــم ترى ما بعد خنت..الا مـــــــــعك لكن خونك ذرابه..
خنتك مع طيـــــــــــفك بعد ما تيقنت..أنــــك علي بعد الثرا والسحابه..

بيت بو منصور..
الساعه2ونص..

في هالوقت كانت ظبيه توها ظاهره من حجرتها..عسب تتغدى تحت مع هلها..بس اللي شد فكرها ..إن مبارك اليوم محد شافه..وهاليوم هو يوم سفره..مفرووض ييلس وييااهم..لأنه سنه ما بيشووفهم..او سنه ونص..كانت اتفكر بهالأشيااء..وفكرت بعد ان مبارك من ردووا من البر هووو أببببد مااا يرمس..حتى في السيارة كان سااااكت..وهالشي عكس طبع مبارك اللي كله ايحب ينكت ويعلق..
..فكرت ظبيه اتسيرله الحجره وتشووف شو سالفة..لأنه ظبيه أقرب وحده له في البيت..
وقفت جدام حجرته وكأنها متترددة اترمسه باللي خاطرها..ولا اتزقره للغدا..فقالت أحسن أرمسه اللحينه..دقت الباب..مرة مرتييين..جان تسمع صوت مبارك يقوول دخلي..مبارك عرف ان ظبيه هي اللي واقفه ع الباب...لأنه محد حجرته فوق الا هو وظبيه..وأمه مستحييل ترقى الدري..لأنه تعاني من تهشم في العظاام..
حدرت ظبيه ..وانصدمت من شكل مبارك..مبارك كان لابس كندورة بنيه وحاط السفره ع كتفه..ويالس ع الكنبه ومدد راسه علييها..وحاط يداته الثنتين على عيوونه..وأي واحد ايشووفه يقوول هاذا ايصيح..
ربعت ظبيه صووب مبارك..
ظبيه:مبارك اتصييح؟؟
مبارك"يخوز يداته عن وييهه":ههههههههههه..أصيييييح وليييييش؟؟
ظبيه:اوووه..على بالي انك اتصيييح..
مبارك:شوو قالوا لج ؟؟؟ظبيه؟؟
ظبيه:واايه فديتني ذااات احساس مرهف..
مبارك:اهاااا..
ظبيه:مبارك"وتيلس ع الكنبه اللي حذاله"..
مبارك:شووفييج؟؟
ظبيه:مبارك شو الي حل عليييك..من أمس وحالتك والله مب عايبتني..رقدت وأنا قلبي علييك..خايفه استوى علييك شي..
مبارك:مااشي..بس النمله اللي مربيها ماتت..>>>يتمصخر...
ظبيه:هههههههههههههههههههههههههههه..هههههههههههههه. .عنلاتتتتتك يالسباااال..
مبارك:بسج ضحك ما ينرزا علييج..عندكم غدى ولاااا تبوني أطبخ لكم..
ظبيه:لالاعندنا غدى والحمدالله...
مبارك:عيل نشي يلا بطني زعلانه مني..ماا فيني نتطلق بعدين..ساد السيارة طلقتها
..
ظبيه:هههههههههههههههههههههه..
وينش مبارك ويا صوب ظبيه ويمد يده له ..ويسيييرون رباااعه..
انسان غريييب..يخفي جراحه بابتسامته..انسان ..تحمل ألم قلبه وخفاااه لجل غييره..

بنشووووف شووو بيسووي مبارك؟؟؟

. . . . . .

والله لخلي سنين الماضيه تعني..وأوادع الناس وأرجع وأخذ المعنا..
يمكن حبيبي اذا غنيت يسمــعني..قبل البحر يا قــلوب الشوق يبلعنا..

بيت بو ناصر..
الساعه 4ونص العصر..
حجرة الهنوف..

في هالوقت الهنوف يالسه ع الكمبيوتر..اتظهرلها صور..أونها كمبيوترها فااظي...فجت المسن..ومالقت غير مخاوية الموت اوون..وهي مممرة متعلقه فيييها..وكونوا صداقه قويه..
سود الليالي بالسهر لوعتني..فعل الحبيب اللي صعيب مناله:
هلاااا مخاوية الممووووووووت..
الحال عقبك صار ناحل وداني ... لو شفتني بتسيل دمعة عيونك :
مررررررررحباااااااااا ملاااييين ولا يسدن في ذمتيه..وووييينج ملعووونة الصير ما استوتيتي تحدرييين؟؟والله اذا ماا شفتج اوون على طووول أظهر ..المسن دووونج مب شي..
سود الليالي بالسهر لوعتني..فعل الحبيب اللي صعيب مناله:
فدييييييييييييييييييييييتج والله..بس بديت اللحينه أدرس عسب الإمتحانات النهاائيه..تعرفين ثااانويه عاامه مب أي شي..
الحال عقبك صار ناحل وداني ... لو شفتني بتسيل دمعة عيونك :
الله يوفقج غناااتي ونستاانس بالنسبه الحلووة...بس قوليلي اسمج عسب اقدر أظهرها.
سود الليالي بالسهر لوعتني..فعل الحبيب اللي صعيب مناله:
هههههههههههههه...اسمي الهنوف عوض الـــ.....ي...وانتي؟؟؟
الحال عقبك صار ناحل وداني ... لو شفتني بتسيل دمعة عيونك:
قووووووووووووولي والله؟؟أنتي في بوظبي صح؟؟
سود الليالي بالسهر لوعتني..فعل الحبيب اللي صعيب مناله:
هيه أنا في بوظبي؟؟انتي تعرفيني؟؟
الحال عقبك صار ناحل وداني ... لو شفتني بتسيل دمعة عيونك:
هيه..أنا ميرة..من الهير..أخت مييثا...اللي اتحب سعيد وسعيد ايحبها..
سود الليالي بالسهر لوعتني..فعل الحبيب اللي صعيب مناله:
ااااااااااااااااااااهاااااااااااااااااااا..تو ني عرفتج..
الحال عقبك صار ناحل وداني ... لو شفتني بتسيل دمعة عيونك:
يعني انتي اتحبين سعيد ولد عمتيه حصه..
سود الليالي بالسهر لوعتني..فعل الحبيب اللي صعيب مناله:
هههههههههههههههههههه..هيه بس شوو أسوي مب عاطني فيس..تدرين لييش؟؟
الحال عقبك صار ناحل وداني ... لو شفتني بتسيل دمعة عيونك:
ليش؟؟
سود الليالي بالسهر لوعتني..فعل الحبيب اللي صعيب مناله:
لأن الظروف أبد ما قد مرة جمعتنا ويااا بعض الا يوم سرنا البر أمس..يوم ركبت سيارته وسلم عليّ..
الحال عقبك صار ناحل وداني ... لو شفتني بتسيل دمعة عيونك:
انتي اللي تستاهليين سعيد مب ميثا الحيوانه..
سود الليالي بالسهر لوعتني..فعل الحبيب اللي صعيب مناله:
للحينه مب مقتنعه بهالكره اللي تكرهينه أختج..ياااامااااااا حااولت أفهمج بس مااارمت أووصل تفكيييرج..
الحال عقبك صار ناحل وداني ... لو شفتني بتسيل دمعة عيونك:
امممممممممممممم..وما ظني بعد تفهميني..ميثا انسانه أبد ما تستاهل سعيد قد ما انتي تستااهلييينه..
سود الليالي بالسهر لوعتني..فعل الحبيب اللي صعيب مناله:
فدييتج يا ميرة..بس شووو نسوي..خلاص الأمل اللي كنت متعلقه فيه رااااح..واللحينه انا متأكده ان ميثا لسعيد..وسعيد لميييثا..ماا ظني أروووم أغير شي من هالحب..الله يصبرني..
الحال عقبك صار ناحل وداني ... لو شفتني بتسيل دمعة عيونك:
امممممممممممممممممم..أنا أقدر أساااعدج..
سود الليالي بالسهر لوعتني..فعل الحبيب اللي صعيب مناله:
تسلمييين فدييتج بس أنا ماا أريدج أتسووييين اي شي..خلي الأمور تمشي على كيفها واتوقف عند أي نقطه..وأنا بكووون رااضيه..بس أشوووووف سعيد مرتتااااااح..
>>>>>>تغيرت وجهة نظرها مع الأيام<<<<<<<
الحال عقبك صار ناحل وداني ... لو شفتني بتسيل دمعة عيونك:
بس أنا ما أتحمل اشووفج تتعذبين..وختيه مييييثوووه السباله الحيوانه مستااانسه...ماااااااااااااااا أتحمل..لأنج تعنيني واااااايد أكثر من السبااالووه مييثا..
سود الليالي بالسهر لوعتني..فعل الحبيب اللي صعيب مناله:
للحينه مستغربه منج كييييف تكرهين ختج جيييه؟؟ميييرو حبوبه ترا هااي أختج حرااام عليييج اتسوين فيها جيييه..
الحال عقبك صار ناحل وداني ... لو شفتني بتسيل دمعة عيونك:
بلييييييييييز هنوفه غناتي لا اتحاولين ويايه أنيه احب ختيه..هاه من ساااااابع المستحيييلات..وبيني وبينج..أبغييها اتحس باللي انحسه احن اللحينه..أباها تفاارق سعيد شرات أنا ما فااارقت هزااع..وأباها اتحس باللي اتحسيينه انتي لأن سعيييد بعيييد عنج..خلينا انعذبها اشوووووي..
سود الليالي بالسهر لوعتني..فعل الحبيب اللي صعيب مناله:
حراااااااااااااااااااااااااااااااااااااااااام عليييج..ما أقوول انيه اكرهها بسبة انها روووح وقلب """سعيد"""..بس بعد ما أرضى انها تتعذب..
الحال عقبك صار ناحل وداني ... لو شفتني بتسيل دمعة عيونك:
بسج انتي عاااااده..خلج من العواااااطف..السااالفه هاااي خليها علي..
سود الليالي بالسهر لوعتني..فعل الحبيب اللي صعيب مناله:
لاااا ميروووه فدييتج..صح أنيه كنت أفكر بشي ايخلي سعيد يكره ميثا..بس اللحينه لأ...مااريد هالشي يستوي..
الحال عقبك صار ناحل وداني ... لو شفتني بتسيل دمعة عيونك:
سمحيييييييييييييييييييييييييييلي الشيخه..بس هالشي بيستوي..ما قلتي لي ذياب خووج اليوم بيساافر؟؟؟
سود الليالي بالسهر لوعتني..فعل الحبيب اللي صعيب مناله:
هيه فديييييت قلبه..اليوم بيساافر..ويمكن بيرد بعد سنه أو نص سنه..
الحال عقبك صار ناحل وداني ... لو شفتني بتسيل دمعة عيونك:
الله يرجعه لكم بالسلاامه..ويتوفج في درااسته..
سود الليالي بالسهر لوعتني..فعل الحبيب اللي صعيب مناله:
امييييييييييييييييييييييين..والله انيه اتمنى هالشي من خااطريه..
الحال عقبك صار ناحل وداني ... لو شفتني بتسيل دمعة عيونك:
يلا عيل أنا اللحينه بظهر..بشووف كتبيه اشوي..
سود الليالي بالسهر لوعتني..فعل الحبيب اللي صعيب مناله:
عيل أنا بعد بظهر..تاامرين بشيييي فديتج؟؟
الحال عقبك صار ناحل وداني ... لو شفتني بتسيل دمعة عيونك:
هيه..ذااااااااااكري زيييييين...
سود الليالي بالسهر لوعتني..فعل الحبيب اللي صعيب مناله:
هههههههههههههه..يلا عيل بااي..
الحال عقبك صار ناحل وداني ... لو شفتني بتسيل دمعة عيونك:
الله يحفظج..
ظهرت الهنوف من المسن..وخلاف ظهرت من حجرتها..وهي تفكر.."يالله انا اللحينه طوووول هالمده كنت أرمس ميييرة أخت مييثا..ولا بعد خبرتها سااالفتيه كلها مع سعيييد..امممممممم..بس اتصدقوون احسن..".....

"وقفه مع الفلسفه"

++اكييد الكل.. استغرب من الهنوف وميره اللي تطورت بسرعه..وكييف ساارن أيحبن بعض..ميرة ما استبعد هالشي منها..لأنها أخيييراً لقت من يدااري دمعتها..ويحفظ أسرارها..ويهتم بها..بعد ما تخلوا الكل عنها"بحسب وجهة نظرها..بس أنا اشووف لا تخلوا ولا شياته"..وحست ميرة بالرااااحه لأنها تعرفت على الهنوووف..وبالنسبه للهنوف هي بعد ارتاااحت لميييرة..واااايد..واستوت كل يوم اتحبها أكثر عن اللي قبله..بنشووف شوو نهاية هالصداااقه..تفييد ولا تضر؟؟+++














. . . . .

لاقال دعني وانا ما قـلت له دعني..يا لين سالـــت من الفرقا مدامــــعنا..
حتا في يوم الموادع يوم ودعـــني..بكت جميع اللــيالي من مــــــوادعنا..

والله يمتعك بلـــــــــــقاي ويمعتني..بلــــقاك والسحب تمطر من تمـتعنا..
والله لخلي سنين الماضيه تــــعني..وأوادع الـــناس وأرجع اخذ المعـنا..

يمكن حبيـــــبي اذا غنيت يسمعني..قبل البحر يا قلوب الشـــوق يبـلعنا..
اللي خذاني وعيا ما يرجعنــــــــي..والدرب مجــــهول والتفكير ضيعـنا..

بيت بو سلطان..
الساعه7ونص..
حجرة اليازيه..

في هالوقت..كانت اليازيه طايحه ع الشبريه وتسمع أغاني ع الإف ام..تبوون الصدق ماكانت تسمع..كانت سرحاااااانه بخلها اللي اليوم راح ايفااارقها ويودعها..
انفج الباب وكانت مهره ...لابسه كندوورة بيج..وفيها ورود بنيه وشيله شرات لون الكندورة..ومظهره قصتها ومجحله اعيونها وحاططه قلووس..وشكلها واايد حلووو..
مهره:شو يزووي السباله ما بتسيرين؟؟
اليازيه:قبحتك الألهه"تتكلم بلغة عربيه فصحى..وهالكلمه تعلمتها من مسلسل الزير سالم"..لا تسبيني يا سباااااالووووه...
مهره:من عيووووووووني ..بس ليش ما بتسيرين؟؟
اليازيه"اتجذب":رااااااااسي وااااااااااااايد يعورني وأحس بحرارة..
مهره"تلمس رااس اليازيه":امممم..ما أحس بأي حراره..
اليازيه:سيررري انتي شوو درااج بالحراره ..هااي ايسموونها..ايسموونها ..شووو ياربي؟؟اها..يسموونها حرارة دااخليه..يعني محد ايحس فيها الا انا فديتني..
مهره:واااااااايه الترااب..
اليازيه:ظهري ظهري يعلج ما تربحيييين..ظهري سووود الله ويهج ملعونة الصير..
مهره:خلاااص بظهر كلتييني بقشووري..
اليازيه"اتسوي عمرها مستغربه":قشوورج؟؟لييش الأخت موزة ولا برتقاااله؟؟؟
مهره:اف من هالإستهبااال الفظييع..يااخي عقلي ولو لمرة وحده في حيااااتج..يعني انتي لما تستويين عيووز بتميين جيييه مستهبله..
اليازيه:للأسف ماا روووم..تعرفين لييِش..؟؟
مهره:ليييييش...؟؟؟؟؟؟
اليازيه:خخخخخ..بكوون خلاص قد خرفت..كركركركركركركركر..
مهره:سخييييييييييييييييييفه..
اليازيه:محد غييرج سخييفه ياللي ما تخيلين اتسبين اللي أكبر عنج..وينه أحترام الكبير والرحمه بالصغييير.."اتسوي عمرها معصبه"..ويينه رمسي وووويييينه..
"وتنش من الشبريه وتسير تجابل مهرووه"..ويينه قوليلي ويييينه.."وتلصق ويهها جريب من ويه مهره"..ووووووووييييييييينه؟؟
مهره:عووذ بالله..لا لا لا أفا لصقي ويهج بعدج للحينه ما لصق..ياغبيه خوفتيني..
اليازيه"تنسدح ع الشبريه وتضحك ضحك هستيري":..خخخخخخخخخ..هههههه.
هههههههههههههههههههههههههههههههههههههههههههههههههه ه..
طالعوا شقاايل خوفتها..؟؟؟ههههههههخخخخخخخخخخككككككااااك..
مهره:عافان الله احسن لي أسير قبل ما استوي شرااتها أكبر مينووونه..
اليازيه:هههههههههههههه..سلمي سلمي علييهم اللي اتشووفينهم اهناك..حتى لو شفتي بشكارة قووم عمتيه ناعمه سوسي...لأنهم يعرفوون انيه طيبه..ومتوواااضعه..هههههههههههه...
مهره:ماا يضحك..يلا مع السلااامه..
اليازيه"تبتسم":الله وياااج..
من ظهرت مهره..أختفت الإبتسامه من ويه لليازيه...لأنها انفردت بأفكااارها..الكل سااروا بوظبي..قوم بو سلطان وقوم بو منصور..وقوم بو حميد..لأن عوض"ابو ناصر"..عازمنهم عل العشا..ولأن طيارة الأخوان"مبارك وذياب "..بتكون من مطار بوظبي..اليازيه ما سارت..وتعرفوون انتوا السبب..لأنها ما تبى اتشووف مبارك وهو يودعها..وهالشي تعرفه ظبيه.."أكيييد الكل سااروا..بسير بييبلي أكل وبييلس في الصاله برمسلي وحده من الشله.."هااي الفكره اللي كانت في بال اليازيه..ونشت عسب تنفذها..
نزلت تحت وأول ما ظهرت الحوي..شاااافت مبارك يالس ع الدري اللي جدام الباب العود..حست بصدمه كبييرة وشوووق فظييع لمبااارك..زقرته وكلها ألم وقهر من هالظرووف..زقرته وحست إنها هاي آخر مرة تزقر باسمه..
اليازيه:مباارك..؟؟!!!
نش مبارك ولف ويهه وجابل اليازيه..
مبارك:هلا يزووي..
اليازيه:انت للحينه ما سرت..
مبارك:لأ..كنت أترياج..عرفت انج ما بتسيرين بوظبي..فقلت اسلم علييج اهنيه..
اليازيه:أهاااا..
مبارك:لييش ويهج جيه غاادي..جنه حد ضاربنج ببوكس..
اليازيه:في عييينك بوكس يالسباال..
مبارك:لا اتسبيني يا عنز الحاره..
اليازيه:انشااالله برووووك سراااق توااير..
اليازيه +مبارك:هههههههههههههههههههههههه..
سكتوا فتره..كل وااحد يتأمل في الثااااااني..لين ما وطت اليازيه رااسها تحت..والدمعه في عيونها تلمع تتريا اليازيه تظهر اي كلمه عسب تنزل..
مبارك هو الثاني الدمووع في عيوونه..مااااااااااااااااوده ايفااارق غناااااته ونبض قلبه..اليازيه..بس هالظرووف ولازم يتمااشون وياها..
مبارك"والغبنه ضاربتنه":اليازيه فديتج..
اتطالعه اليازيه..
مبارك:اشوووفج على خيير..
اليازيه:الله يردك لنا بالسلااامه..
لف ويهه مبارك بعد نظره حزينه ووجهها لليازيه..رحل مبااااارك وكللللله ألم من هالواااقع اللي يعيشه..رحل وبقى قلبه عند اليازيه أماااااانه..


ســـافرت عنك وخافقي معك ..ياسيدي عـــــــندك أمانه ...
ما طـــــــاع يالــغالي يودعك ...يرحل و يتـــــرك مكانه ...
خله معـــك يسـهر ويسمعك ...خله يسامـــــــرك بحنانه ...
اذا الولــــــه والـشوق ولعك ..بتشوف طيفي في عيانه ...
لو شفت عني البــــعد يمنعك .. لوطول غيابــــي زمانه ...
لالا تبكي في يوم مــــــدمعك ..ماهو علشاني عشــــانه ...
بكره الليالي بتجـــــــــــمعك...يانبض قلبي ياكيـــــــانه ...
راجع لدانيا يافرحتي معـــك...راجع ولي عندك كمانـــه ...

. . . . .

اشوف طيفك اذا برقت ما ريتك..وأرجع حبيبي لشوفك كم ضرياني..
أتخيلك في عيوني شخص لاقيتك..أفرح ولكن غير الطيف ماياني..

بيت بو منصور..
يوم الأحد ..الساعه5ونص..
حجرة ظبيه..

في هالوقت ظبيه واقفه جدام المنظرة واتشووف عمرها..فجأة..ياها طيف عبيد وهو في المطبخ..وهو في الموول..ما كانت تدري لييش هالوقت وهاللحظه اتخيلته..ليييش يفز قلبها من اييبوون طاريه..أأأأأأأه..
صج من الخاطر تنهدت ..وظهرت على طوول من حجرتها ..ونزلت الحوي..وما حصلت حد.."عيل أكيد في بيت خالي سهيل."..خطفت بسرعه ع المطبخ وفجت الثلاجه وظهرت كيك سويسروول..وسارت بيت خالها..
حدرت وشافت أمها وخالتها حصه يالسات"حراام ما أكتملن الثلاثي المرح يدووه فديتها يوم كنا في بوظبي ردت ويا قووم خالي عبدالله...والله سويحان غدت باايخه..لا برووك ولا يدوووه.."
ظبيه:السلاااام عليييكن..
الكل:وعللييييج السلام..
أم سلطان:حي من يانا ولفانا..
ظبيه:الله يحييج..
أم منصور:وينها موزوووه؟؟
ظبيه:امممممم..ماا شفتها..
أم منصور:اف عليج سودا الويه ما تنفعييين..
ظبيه:لاا حووول..الله يهدييج أمايه..أكييد يالسه في قسمها مجابله ريالها وولدها..
أم منصور:جب يالسباله..وين اتجابل ريالها وريالها ساير للعزبه..
ظبيه:بل بل بل ووووييييهيييي..محححححححترق..
أم منصور:ياا عساااج تحترقين وياااه..
أم سلطان:هههههههههه.شرات يزووي ملعونة الصير مووول ما يصخن اشويه الا ومشغلات وناناتهن..
ظبيه:ههههههههههههههههه..حرام عليييكن..يوم نعرس كل وحده منكن بتجااابل الثانيه بتقووول..ييييييها وينكن يا يزووي وظبيه ووين أياامكن..ابدن وأنا اشهد محد شروانا انا وبنت سهييل..
اليازيه"ترمسهن من بعيد":هااااااااااااه جني اسمع اسم بنت سهيل..
ظبيه"اتفج الكيك اللي وياها":جنه محد غيرها..شقايل جيه ما عندكم بنات غيرها..
اليازيه"اتوقف ع رااس ظبيه":ايي انتي سبااله متطورة رمسي شوو كنتي اتقووليين؟؟
ظبيه:مااااااارررررريد أخبرج..
اليازيه:يعني ما بتقوولين؟؟"بأسلووب جنها اتهددها"..
ظبيه:ماااااا بقوووول..
اليازيه"اتشل الكيك منها وتشرد":هههههههههههههه..عادي لا تقوولين بس تحلميين تتهنين بهالكيك..يااااااااام..
ظبيه"اتنش وتربع وراها":يييييييييييبيييييييي الكيك ماااااالي..
اليازيه:بتبطيييييييييييييين..لحظه لحظه خليني أسوي تلفون لبن عروه هو بيبلج اللحينه..
ظبيه:اهئ اهئ اهئ اهئ اهئ...ابااااا الكييييييك..
ويسون شكل دائرة وهن يربعن جدام العيااييز..
أم منصور:حشى حشى ياليعاارى..
أم سلطان:عنلااااتكن وعنلات الشيااطين اللي في هالرووس..قرن مكانكن يلا مسودات الويه..
ظبيه:قووولوا لها اللي ياني منها يكفيني عمر..
اليازيه:عمر ولا سامي>>>اونها أسامي مصريين..
ظبيه:لا سامر..
اليازيه:الله..سااامر وييييجذبني الهوى..
ظبيه:صخي سوود الويه ويبي الكيك..
ام منصور:في ذمتيه انه ما استوى كيك..
أم سلطان:عاد من زينه هالبلا اللي ياكلنه..
ظبيه:قولن لها لا تشرد منيه..
اليازيه:جب يالهرمه ويلسي عسب أنا أيلس وآكل..ويوم أخلص لا تنسين اتقولين لي بالصحه والعافيه..ولا اقوول يوم أبدا أكل..
في هالوقت ظهر سعيد من البيت..وشاف الضرابه المستويه..
سعيد:صدق شعب فااااظي..
ويسير صوب الحرمات ويسلم..وبعد السلام...
أم منصور:ايلس فديييت رووحك اشرب لك جاي واهبشلك من هالفواله..
اليازيه"اترمس ظبيه":شووفي شووفي كيف العنصريه الوواضحه..شوفي شقايل يعاملوننا ويعاملوونهم..
سعيد"سمع الرمسه":لا فدييتج عمووه ما اشتهي شي..توني ماكل شيتوز"البطاطا الحاااااااااااار"..
أم سلطان:شوو هاه بعد؟؟
سعيد:شرات العيش واللحم..سبحااان الله اخترعوا شي يشبه العيش واللحم..
أم سلطان:ياازينه من أخترااع..
اليازيه:صيووووووووووطااااااااااخ..بو سكور لا تولع صوارريخ ع العيااييز ..عمووه امايه ترااه هاه ايقص علييكن..
سعيد:جب انتي عبوّده"يقصد عبده..بس الإستهبال واااجب"..لا ااييي اللحينه وأزغدج اتوقعين مسدووحه تتطلبين الرحمه..
اليازيه:قبل ما اتيي أصلاً بشرد..
ظبيه:تراها شرات العامل اللي في العين موول مشتركه ويااه في سباق المارثون..خخخخخ..
اليازيه:ههههههههههههههههههههههههههههههه..
سعيد:شوووووو؟؟ماا فهمت؟؟
أم منصور:طبهن فديييتك.هاايييلا من يرمسن ويا رمستهن الماصخه..ما اتقول الا اماتهن هنديااات..ولا تأثرن من البشااكير يعلهن النفاااد..
اليازيه:لالالالا..ظبيووه الغلا تراااهم بدوا يغلطوووووووووووون..
سعيد:مساااكين..
اليازيه:ااييي انت لا اتسبنا ولا نبلش فيك البلشه اللحينه وتتمنى انك ما خطفت من هنييه..
سعيد:فرجينا يبعتلك حمه..شو راح تعملي؟؟
ظبيه+اليازيه:خخخخخخخههههههههههه..
اليازيه:شو الأخ سووري؟؟
سعيد:هههههههههههههههههههههههههههه..جب جب ...
اليازيه:أمايه بتسيرين مكان..ولا شوو راايكن انسير العزبه..ونشم لنا الهوى الزين..بدل ما حنا يالسات اهنيه وسط هالبيوت الكريهه.."قصدها بس اتطفر بسعيد"..
سعيد:ييتيينا بطرج انتي اللحينه..صخي..
ام منصور:لا لا ...نشي يا حصه بنسير العزبه بنشووف الحلال..من زمان ما ظهرنا صووبهم..
سعيد:ماااااااااااااااااعليييه يستوي خير.."ويطالع ظبيه واليازيه بنظرات"..
ظبيه:هيااااااااااااااا..
ركبت أم سلطان جدام..ووراها ظبيه..وفي الوسط اليازيه وورا سعيد أم منصور"طبعاً رااحن بدوون عبي..بالمصلى..الا العزبه"....بدت الرحله على قوولت اليازيه"الأخت يالسه في المدرسه..طاااف"..
وصلوا العزبه..ويلسن العيااييز جريب السيارة..أما البنات ابتعدن اشوي عن العزبه..ويلسن على عرقووب صغيير..
ظبيه"تلعب بالرمل":شوراايج دقي على هيوور خليها اتيي..
اليازيه:ربج يوا هلها من وقت..
ظبيه:ماا ظني طالعي عزبتهم ماشي سياايير..
اليازيه"اتظهر تلفون أمها من مخباها":لا أحسن أطرشلها مسج...يمكن التلفون عند أخووها هادف"أخو هيور صف أول ثنوي"..
ظبيه:هيه أحسن..
وطرشت مسج لهيور كاتبه فيه:
"مرحبااا..هيور انا وظبيه في عزبتنا..تعالي للعزب يلا.."..
ظبيه:اكييييد بتيي..
اليازيه:ان شاالله..ان شالله ترقع ليه..
ظبيه:اووووووووف لا تستهبلين انتي اللحينه..
اليازيه"اتنش":اللحينه بسوي فيديو كليب...
ظبيه:لاااااااااااااااااا..مافيني عليييج...
اليازيه:شو قالولج يالسه ع رااسج أنا..
ظبيه:لا بس أحياناً أمل من الإستهبال..
اليازيه:ملي ليين تقولين بس ما بمتحن منج؟؟
ظبيه:ياااااااااخاينه..
اليازيه:حبي يا ظلام..
ظبيه:شغلووج أكملي الفراغات..
اليزيه:واول راتب هالشهر..
ظبيه:هههههههههههههههههههه...
اليازيه:سوالف والله كم رقمج؟؟
ظبيه:ماا عندي رقم..
اليازيه"اتقلد اليهال":مثكييييييييييييينه..ماا عندها رقم..
مر الوقت وهيور ياتهن وتمن ايسولفن..قرب وقت صلاة المغرب..وهيور ردت لبيتهم..وشوي الا أم منصور تزقر ظبيه واليازيه عسب يغتبقن.."وهالكلمه معناها يشربن لبن الرجاب..وما يعنون فيها اي لبن..بس لبن الرجاب..كلمه بدويه"...وبعدين ردوا للبيت..
وطبعاً سعيد المسكين هو اللي ابتلش ووردهن..

. . . . . . .

ارخصت له عمري فداله..لو هو تجــــنا وصد لاباس..
قلبي وروحي كـــــلها له..تفداه سيدي عذب الأجناس..

أمريكا"أمكيرا"..
الساعه تسع ونص..
الشقه..

في هالوقت كان ذياب امشغل الاب توب..ويالس عليه..أما مبارك حاطله بطاطا شيتوز في صحن..
ذياب:شوو تاكل؟؟
مبارك:شيتوز بدوي..
ذياب:ههههههههههههههههه..كل هاه عسب انك حاطنه في صحن..
مبارك:خخخخخ..شوو نسوي..تصدق انيه طفران..
ذياب:بااجر أول يوم والله يعينا..
مبارك:والله لو ما خذنا الإجازه هالكورس ايكون احسن..
ذياب"عيونه ع الشاشه":لييش؟؟
مباارك:عسب انسير في الصيف...
ذياب:لالاالحمدالله..ان سرنا..
مبارك:لييش؟؟
ذياب:مااشي كنت مشتااق ليزووي والحمدالله شفتها..
انقبض قلب مبارك..حس باحساااس غريب...حزن على ألم على قهر..شل الدفتر اللي عداله وقال لذياب..
مبارك:هههههههه..الله يعينك..
ذياب"يتنهد":اااااااااه..ويعين الجميع..
كتب مبارك ع الدفتر اللي عنده..وبخط يدل على قهر هالإنسان اللي يكتب..
مكتووب لي أحب..وأشووف غيري ياخذ أحبابي..
مكتووب لي أحلم..وأشوف غيري تتحقق له أحلامي..
مكتووب لي أحزن..وأشوف غيري يسرق أفراحي..
مكتووب لي أحب بصمت..وأشوف غيري يعلنه للخلق..
مكتووب لي أداري دمعتي..وأرسم على وجهي ابتسامه..تخفي "جراحي.."..

ملاحظه..
"هالكلام اللي كتبه مبارك..انا قريته في بطاقه وحده من ربيعاتيه طرشتها لي بالإيميل..ومن قريت الكلام يتني فكرة انيه أكتب قصه توضح معاناة هالإنسان اللي كتب هالكلام..يعني النقطه الأساااسيه في القصه كلها..هو عذاااب مبارك.."..

. . . . .

اشــــتاق انا لك واتلذذ بالاشـــــــــواق *** والــــــــــبعد منك يالغلا زاد شوقـــي
انته حبيبي ولك غلا وســــط الاعماق *** سارين في دمي وجارين في عروقي

المدرسه..يوم الأربعاء..
حصة العربي..
صف يزوي وظبيه..

في هالوقت كانت المس ..اتقول اسامي البنات اللي ما سمعن الأبيات الشعريه..وقالت اسم اليازيه..جان تشتط اليازيه لأنها سمعت وظبيه شاااهده..
اليازيه:يااا مس انا سمعت والحمدالله..
المس:لا ما سمعتيييش..."على فكره هالمس اللي ادرسهم عيووووز عيووز..يعني خلاص منتهيه.."..
اليازيه:انا سمعت وظبيووه شاهده.."بصووت واطي"..يالمنتهيه..
ظبيه:هيه تراها سمعت..
اليازيه:هاللي قدرت علييه..لسانج يعورج..
ظبيه:حرام عليج مس والله انها سمعت..
المس:لااا..انا عملت ليها صفر..ازاي سمعت؟؟انا ما بخسرش حاقه..انتي الخسرانه..ده العلامات علاماتك ياليازيه..
اليازيه:لعب حرمااات مخبل..
نشت اليازيه وهي تلعن المس في خاطرها مليووون ألف لعنه..وسمعت لها..ومب هااك التسمييع الأوووكي لأنها ما راجعت اللي حافظتنه..وأول ما خلصت ظهرت لها مصاصه وهي مفوووووووووله ومصنفره..
عاد اللحينه بتقوول اسامي اللي ما سون لها نشاط..وذكرت اسم ظبيه..جان يشتطن ظبيه واليازيه...هاي العيووز وااايد مخرفه...شقاايل حاطينها اتدرس وهي مخرفه وع الأخيير..
ظبيه:أنا سويييت لج بحث 12 صفحه...كيف ما سويت لج نشاط..
اليازيه:هيه يا سم"تراهاا قلبت الكلمه لأنها المس غدت سم".. تراها مسويه وأنا شفتها يوم اتسلمها ليدج لعلها الكسر.."طبعاً ما وطت صوتها ..لأن المس مااا تسمع شي...أقووولكم عيووز؟؟؟!!!!"..
المس:ايه دنتوا اللحينه بتكدبوني..
اليازيه:أقووولج لعب حرماات ما تسمعين الرمسه..
ظبيه:خلاص خلاص بييب لج نشاط لعلج ما تربحين..
اليازيه:خخخخخخخ..معلمات آخر زمن..

"هالموقف استوالي أنا وربيعتيه..يوم كنا صف 3عدادي"..

. . . . .

انته دفا كل العواطف اذا هــــــــب..نسناس برد الشوق لا صرت قربي..
شعور ويلبيك في الشرق والغرب..مـــــــــــن وين ما ناديت خلي يلبي..

بيت بو حميد..
الساعه10ونص..
يوم الأربعاء..

في هالوقت سلامه يالسه في الصاله ويا هادف..أما امه فكانت في المطبخ عسب العشا..تفكييير سلامه خذه حميد أخوووها..شقااايل ايرمس وحده شراات عليا..لا والمشكله انه ايحبها..ويموووت علييها...
دق تلفونها وشافت المتصل "حبك ملكني"..وهاذا سلطان..استانست يوم جافت اسمه..لأنه من يومين ما رمسها..
سلطان:ألوو مرحبا..
سلامه:مرحباااااا ملااااييين ولا يسدن في ذمتيه..
سلطان:هاه اشووفج اترحبييين..
سلامه"اتنش وتظهر للحوي":اتولهت عليييك يالسبال..
سلطان:يااكبرها عند ربي..سلااامه بنت عبدالله الــ...........ي..اتولهت على سلطان بن سهيل الـــــ.......ي..لالالا..شي مستحييييل..
سلامه:أشوووفك تستهبل..
سلطان:أنا استهبل؟؟وييينج من يومين أطرش مسجات وكله التلفون مغلق....
سلامه:هيه والله نسيييت سالفته هالتلفون..خليته امبند ولا بطلته
سلطان:لالالالا...ماا قصرتي..
سلامه:ههههههههههه..يلا عاده عن الحركات القرعه..
سلطان:لا حركات قرعه ولا صلعه..
سلامه:هههههههههه..اشووفك تطورت وصرت تستخف..محد بيلووومك سعيد و يزووي عندك..وراااشد بعد..
سلطان:الحمدالله انه مهره مب شراتهم..والله لو انها شراتهم ونفس طبعهم..اسمييني رحت في خراايطها..تراها هاللي مصبرتني علييهم..
سلامه:يلا عاده يابوميد هم الا اخوانك ومالهم غييييرك..
سلطان:اقووول احن متى بنعرس؟؟
سلامه:يوم أخلص دراستيه في الجامعه.
سلطان:جب بس جب..
سلامه:ليش اتحاول اتسكتني..
سلطان:اونه يوم أخلص دراستيه في الجامعه..في ذمتيه انج بتبطيييييييين..
سلامه:حرااام علييك ..
سلطان:الحمدالله ربي ما حرمه..يااخي انا ريال ابا اعرس وافتك..
سلامه:خلني أفكر بالموضوع..
سلطان:هههههههه..بلييييز لا اتضحكيني..في كل شي بااخذ راايج الا في هالشي..والسموووحه..
سلامه:حرام عليك سلطان ربايعيه كلهن بيسيرين الجامعه..
سلطان:دراسه من بعد الثانويه لأ..يعني لأ..بعد ما تيبين النسبه بأسبووع بنعرس..وهاذي رمستيه ومب مغيرنها لوو شوو يستوي؟؟
سلامه: سلطان..
سلطان:ولا حتى ملك..
سلامه:فديييتك سلطان خلني أكمل الدراسه..
سلطان:أبغي أفهم انتي شو بغيتي فيها الدراسه..
سلامه:مااشي..بس حلو الإنسان يوم يكون متلعم..
سلطان:وانتي اللحينه متعلمه..تعرفين تقرين؟؟
سلامه:هيه..
سلطان:تعرفين تكتبين؟؟
سلامه:هيه..
سلطان:جذي الإنسان يكوون متعلم ..يقرى ويكتب..
سلامه:شو يعني ماشي أمل..
سلطان:لا أمل ولا حتى نقطة أمل..
سلامه:خلاص خلاص؟؟!!
سلطان:وأكبر خلاص..
سلامه:الله يهديك....
سلطان:ويهديج وياايه..
سلامه:هههههههههههه..شو بلاك اليوم..أحسك غيييير..
سلطان:شوو بعد غيير..فديتني ما تغيرت..الا انتي اللي يمكن متغيرة..
سلامه:واااااايه التراااب من شوو بتغييير..
سلطان:اممممم..مااااادري لا تتخبرييني؟؟
سلامه:اذا ما تخبرتك عيل اتخبر منووو؟؟؟
سلطان:اممممممم..مب لازم تتخبرني حد..خلج جيه..
سلامه:اها..شي طييب..
سلطان:على بالي نذل..
سلامه:ههههههههههه..في ذمتيه ان شي مستوي بك...
سلطان:لاا الحمدالله ما استوالي شي.
سلامه:يلا عيل انا ببند..
سلطان:شعندج؟؟
سلامه:شوو بعد؟؟بسير أزهب العشا ويا عمتيه ريسه..فضيحه الحرمه مبركنه أربع وعشرين ساااعه وانا مريحه ومرتاحه..
سلطان:خلاص عيل..سيري..تامرين بشي..
سلامه: سلامتك...فداعة الله..
سلطان:الله يحفظج..
بندت سلامه التفون وحطته في مخباها..وويهت صوب المطبخ..حدرت وشافت البشاكير يالسات..
سلامه:شو عشا خلاص..
وحده منهن المفلع:ايوااا خلاص..
حست سلامه بخجل لأنها ما ساعدت مرت أبووها في العشا..فسارت الصاله ولقتها يالسه ويا هدووفي..
سلامه"وييهها محمر":سمحيلي عمووه كنت أرمس سلطان وما لحقت عليج وأساعدج يوم كنتي اتسويين العشا..
أم هادف:لا والله عادي فديييت رووحج خذي راحتج..عاده اللي يسمع جني الا سويت شي..امبونهن البشاكير سون كل شي..الا انا واقفه ع رووسهن لعلهن النفااد..
سلامه:ولو لازم أكون فيااج..السموحه منج عموه..
أم هادف:ما استوى شي غناتيه سلامه...ليش مكبرة السالفه..سيري فديتج ذاكريلج كلمه..قريب الإمتحانات بتبدا..ونباج اتبيضين الويه..وتيبين النسبه الزينه اللي تفرحنا كلنا..
سلامه:انشالله يا عمووه..نبا دعواتج عاده..
أم هادف:يشهد الله يا سلاموه انيه أدعيلج انتي وحميد من خاطريه..وان الله يوفجكم في حياتكم..ترااكم شرات عيالي..
سلامه"اتبوسها عرااسها":فدييتج يا عمووه..من دوونج ما ندري شو كنا سوينا..
الله لاا يحرمني منج..
أم هادف:ولا منج..
هادف:انتوااااا ليييييش اتصييييحوووووون..فلم هندي..
سلامه:ههههههه..اسكت انته لا ترمس..يا بو لسانين..
هادف:ماماتيه شوفيها اتسبني..ايي انتي اذا ما سكتي بسير صوب سلطان وبجتله..عسب اتصيحين..
سلامه:شوووووو؟؟اذا جتلت سلطان بجتلك..
هادف:عادي..وأمايه بتجتلح بعدين...هههههههههه..
أم هادف:فديته متأثر بالرسووم اللي ايشوفها..
سلامه:عاد هالرسوم اللي اتيي الحينه كلها عنف في عنف..مااشي رسوم شرات أول ..
أم هادف:هيه والله من حدرت الصاله شفته واقف ع الكنبه اونه يبا يطير..
سلامه:هدووفي لا اتسوي هالحركات خلاف بتطيح وبتتكسر..
هادف:ظنتي في شي أسمه المستشفى..
سلامه:ويا ويهه ايقفطني ..ما ظنتيه في يوم من الأيام بيحبني هالولد..
هادف:بالله لييش أحبج..؟؟؟
سلامه:عشاني أختك..
هادف:خليني أفكر..
تمت سلامه اتسولف ويا ام هاف وهادف اللي كان يحب يعاندها...

. . . . .

انته حبيبي لقلـــــــبي نوره وضيه..تحلــــــى بعيني وقلبي صرت تحلاله..
وانته ربيع الخفوق وشمسه وفيّه..وأن حب غيرك خفوقي بقطع وصاله..

جدام العين موول..
سيارة حميد..
الساعه11ونص..

في هالوقت حميد واقف يتريا الهندي اينزل الأغراض اللي مشتريها في السياره..فج الباب الوراني..وحط الهندي الأغراض..وكان بوكس وااايد وااايد وااايد عووود..لونه عنابي..وداخله ميكب وأغراض ثانيه من كريستيان ديور..و فندي..و بوجاتي..وعلب متوسط فيها باتشي..ودباديب صغيرة حطانها على طرف..وورد مجفف حاط فوق بطاقة مكتوب فيها..
"كل عام وانته بحياتي حبيبي لا حد مثلك ولا حد سواك..
تسكن بقلبي ومن فؤادي قريب يا أغلى ناسي ويا أحلى ملاك..

كل عام وانتي بألف خيير..

تحيات..

حميد الـــ......ي..."..

وورقه ثانيه في ظرف حاطنه..لون الورقه ولون الظرف أحمر..وفيها رسمات ورود جوريه..ومكتوب في الورقه قصيييده..

"كل سنــــــــه وإنته بخير وعيد ميلادك سعيد
كل سنه وإنته يا غـــــــــالي أجمل أيام العمر

كل سنه وحبك في قلبي يا بعد عمـــري يزيد
كل سنه وإنته رفيقي وصاحبي وأغلى البشر

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر

حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر

شو أقـــــــــــــدم لك هديه ما يوفيك القصيد
إنته أغلى من هدايا الكـــــــــون يا أحلى قدر

ودي لو أهديك روحــــــي والا قلبي والوريد
كل مــــــــا تطلب حلالك لو طلبت حتى النظر

الهديه ماهي الا رمز والرمز مـــــــــــــا يفيد
لا تظن إني بوافــــــــق أشتري غرشت عطر

يا عطر عمري وحياتي يا قديمي والجــــــديد
هاك خذ عمري هديه والله يفــــــــــداك العمر

المهم تكــــــــــــون راضي وغير هذا ما أريد
ما أريد الا أشــــــــــوفك نجمة في عز الظهر

وما أبي غيري يشـــوفك خلني في قلبك وحيد
لا تظن في حــــــــــد غيري يحبك إنته هالكثر

بحتفل فيك وبغني وبكتب أشعــــــــار وقصيد
الله يالأيام تمشي كنها فـــــــــــــي لحضه تمر

إنطفت عشرين شمعه يالله عقبــــــــال المزيد
ما أصدق هذا إنته طفل ٍ بســــــــــــرعه كبر

الله يخليك لأهلك يا عسى عمــــــــــــرك مديد
وتبقى لي يارب يارب قـــدوة وإعجاب وذخر

وأحيا قربك طول عمري وأبقى في ظلك سعيد
وتبقى إنته في حيــــــــــاتي أجمل أيام العمر

كل سنه وإنته بخير وعيــــــــد ميلادك سعيد
كل سنه وإنته رفيقي وصاحبي وأغلى البشر"..

كل هاذا عشان السباله عليوووه اللي يحيبها ويمووت ع الأرض اللي تمشي عليها..دق لها تلفون ورمسها..
حميد:مرحبااااااااا ملااييين ولا يسدن في ذمتيه..
عليا:مرحبااابك زوود يالغالي..
حميد:شحالج..>>>على فكره اللحينه هو ساير لبيتها..
عليا:يسرك ولا يضرك ومن صوبك..
حميد:ماا نشكي باس..عليا فديت قلبج ظهري من بابكم الوراني..وشلي الأغراض اللي بحطها اهناك..
عليا:الله يهديك يا حميد..شو اللي حاطه بعد..توك امس يايبلي سااعه>>اونه اونه..
حميد:يلا بسرعه اتريااج لا تبطين..
بند التلفون وظهر من سيارته وهو شال البوكس..وحطه جدام الباب وركب سيارته يتريا عليا تظهر..ظهرت عليا وأشرتله اونها اتسلم وحرك سيارته ومشى..صوب سويحان لأن الشباب امسوين يلسه اهناك..

"أكييد تمنت عليوووه السباله كل يوم ايكون عيد ميلادها..خخخخ"...

. . . . .

لمنا جو المحبه وضمنـــــــــــا ..ومن بعد قربك انـــا كيف ابتعد..
شوف ما كبر يا حبيبي عشقنا.. فاق كل العشق وحـــده وانفرد..

العراقيب..
الساعه12ونص..

في هالوقت ..خمس سيايير اموقفينها الشباب على شكل دايرة..ومولعين الليتات..ويالسين وسط هالسيارات..سعيد وخليفه"ربيع سعيد"..وحميد وسلطان ومنصور وخلفان والمر..وكانوا توهم متعشين على حساب سلطان..
المر:يلا عاد سعيد شل لنا ذيييج الشله الطر..
سعيد:أفا علييك مااا طلبت..
وعاد كلهم شغلوا تلفوناتهم ع التسجيل..
سعيد:
حبك ملكني وأصبح القلب مفتـــون..فتان حسنك بالجمال عجــــــــــيبي..
تفدى عيوني نظرتن ذيك العيــــون..يا نظرتن منها فؤادي صويبــــــــي..
منهو غلاتك عندنا منهو يكـــــــون..من اللي شراته من يسااوي حبيبي..
من عقب عينه ما رأت عيني عيون..لا يا عيونن نورها ما يغيبـــــــــي..
له بفؤادي حب ما مثله ايكـــــــــون..لا يا خسارة يا ضياع النصيبـــــي..
على زمانن مر من دونك شلـــــون..أشوف ذاك الوقت كنه غريبـــــــي..
اسنين عمري مالها بدونكم لـــــون..عجّل بطبك دام انته طبيبـــــــــــي..
ما دامني بالحب غالي ومصــــيون..أقولها منهو اللي يساوي حبيــــبي..
حبك ملكني وأصبح القلب مفتـــون..فتان حسنك بالجمال العجيبــــــــي..
وسلامتكم..
الكل:لا خليينا منك يا بو عسكوور..
فتره يلسوا الشباب ايسولفون..جان ايدق تلفون حميد وينش..والمتصل واحد من ربايعه واسمه محمد..نش حميد وخل الشباب ..ويوقف جدام سيارته..مسك التلفون وهو منصدم من اللي يسمعه..منصدم وقلبه منقبض من ألم فظيييع حسبه..
بند التلفون وحس ان الدنيا كلها اتدوووووور به..ليييييييش كله هاه يستوي لي يوم حبيييييتج يا عليا..

الجزء الــرابع عشر..



أوعدك ما ندم لين مامــوت وأنساك..وأرحل من الدنيا وذكرى سنيني..
ما تدري إني كنت متحمــــل أخطاك..لأنـــك مثل قلبي وروحي وعيني..

انجرح قلب حميد وهو يسمع سالفة عليا منه..
"عليا..عليا؟؟؟!!عليا اتسوي فيني جيييييه..عليا اتخووني انا؟؟!!عليا..
عليااااااا؟؟!!عليا انا اللي حبيتهااا من قلبي..عليا نظر عيووووني..ماااااا أصدق..
بس محمد مستحيل ايقص عليّ..هو داق يتخبر جاني أعرف هالرقم..
رد عند الشباب واستأذن منهم وركب سيارته الاس ال ار..ورد لبيتهم..حدر البيت محد كان وااعي..الكل رااقد..أون انه سلامه يمكن اتكوون يالسه في حجرتها..حدر حجرته وهو مععععصصصصصصصصب وع الأخير..وعلى طوووول دق على عليا..
عليا:وياااااا مرحبااااااااااا..
حميد:ججججب يااللي ما تستحيييين..جب..
عليا:بلاك حميد فدييييتك..
حميد:لا تتفديني لج الحووم يالهرمه..انا شوو سويت لج عسب اتسووويين لي هاذا كله..
عليا:لييش اتسبني حميد..حميد؟؟!!؟؟؟...أنا شوو سويت لك..مفرووض ترمسني اليوم بأسلووب حلوو..لا تنسى اليوم عيد ميلااادي..
حميد:عليا انتي شو تبين بمحمد؟؟؟
عليا:شووو؟؟؟مــ..منوو محمد؟؟؟
حميد:اونج ما تعرفينه..محمد المري..
عليا:للأسف ماا أعرف حد بهالإسم..
حميد:جذوووووووووووووووب..توه الريال مرمسني وعاطني رقمج يا سووودا الويه..شو له اتدقين له وتطرشين له مسجات..وتطلبيين منه انه يواعدج..عليا...عليا فهميييييني طوول هالسنين اللي عشناها ويا بعض..كنت انا شوو أعني لج...؟؟
عليا:كنت..كنت ولا شي..كنت بالنسبه لي وااحد أستغله وبس..
حميد:تستغليييني أنا...أنا...
عليا:هيه صح كنت أقص عليك بكم كلمة وانته اتصدق..حميد.. ولد عمي يباني ومستحيل اودره عسبك..وسالفة محمد..واحد جذبني اسلووبه لا غييير..يمكن مع الأيااام أحبه..
حميد:شوووووووووو؟؟؟؟؟جييه اتسوين يا مسووودة الويه يا مضيعة المذهب..مااا علييييييييييه..
عليا:ههههه.شو بتسوي يعني؟؟
حميد:شو بسوي؟؟؟براووويييج شو بسوي..والله والله الغالي بتندمييين ع اللحظه اللي تعرفتي علييها..ومن بااجر بترقدييييين ودمووعج هماّله من اللي بسويييه لج...
عليا:هههههههههه..شو بتسوي؟؟؟
حميد:يستوي خير يالصايعه..يستوي خير ..
وبند الخط ابويهها..وحط رااسه ع الشبريه ويداته ع ويهه..وتنهد تنهييييييده من الخاطر..وتندم ندم حرق فؤااده وعذبه تعذييب..تندم ع اللحظه اللي شاف فيها عليا وانجذب لها..تندم ع اللحظه اللي ياب فيها رقم تيلفونها..تندم ع اللحظه اللي رمسها أول مرة وذاااب بحلاة صوووتها وروعة أسلوووبها..تندم ع اللحظه اللي نطق فيها بكلمة أحبج لعليا..تندم على كل لحظه من عمره قضاها ويا عليا..وتندم على كل ليله يسهر ويا صووت عليا..شي فظييع ايحس به الإنسان يوم يعرف ان خله كان يستغله..وإنه ماا يكن له اي قدر او شيمه..وانك انسان ما تعني له بالأبد..شي الصراحه يقهر..ويجرح القلب..ويحرق اليوف..
حميد..عااااااش الحب ويا عليا..بس حب ما كان صاادق من صوبها ولو في لحظه..فجأة..ذكر بنيه هو كان يعيش وياها الحب بس كان من صووبه ابد مب صاادق..كان حب جذب في جذب وحب مراهقه ومضيعة وقت واستهبال..والأخير تجريييح قلووب..تذكر البنيه وتذكر كم حبته وعانت منه..وهو ما يسوي شي الا انه يجرح قلبها كل يوم والثاني..وتذكر دمعة اعيوونها وهو يوم كان ايقولها انه ولا يوم في عمره فكر انه يحبها او حتى يفكر فيها..وتذكر كيف كان نظرة عيونها..وكيييف استوى ويهها."ظبيه"..هي اللي عانت منك يااا حميييد..وانت يااا ما وياا ما قسيييت عليييها..

. . . . .

قلبي اللي بصـــــــــــــدري ..صار يشـــــــهد ويدري..
ان درس ابتـــــــــــــــعادك.. اصعب درووس عمري..

امريكا...
جدام البحيره..

كانوا مبارك وذياب يالسين جدام البحيرة ع الكرسي...وكانوا مطقمين في اللبس..بنطلون اسود وتي شيرت بيج امخطط بالأسود..وجاكيت جلد بيج ومن ورا رسمه بالأسود..وكانوا قاعدين ايسولفون ويعلقون عالراايح والراد..
ذياب:هههههههههههههه..اقول بو حمد صخ عن لايسفروونك اللحين..
مبارك:ابركها من ساعه خلهم ايسفرووني..
ذياب:شف شف هالبنيه..
ويطالعون ع اليمين وايشوفون بنيه شعرها اسود وبيضا ولابسه تنورة بنيه وجاكيت اسود..وحاطه ع رقبتها شال بني..وكأن عمرها جي 10 سنين.. مبارك:حوه..عرفتهم ذياب منو هاييلا..
ذياب:لاوالله ما عرفتهم..
مبارك:شو هالغبي..هااييلا اللي من أمس يوا اهنيه تراهم في نفس العماره ..اللي احن ساكنين فيها..
ذياب:امبوني مخلي الذكاء لك..انزين ام هلال شو بعد..؟؟
مبارك:تتطنز يالثور ويا شكلك؟؟
ذياب:لا شكل اللي عدالي..
مبارك:انزين اسمع وعندهم بنت رحييييييييمه..>>قصده ايشوووف ردة فعل ذياب..من يسمع طاري بنيه...
ذياب(واهو ينش..):وخير ياطير..
مبارك:انت ما تفهم ..؟؟
وينش مبارك..ويمشون راادين للعماره..
ذياب:تصدق لا..؟؟وجاااااان ابتلش بك يا بروووك..
مبارك ايوطي تحت ويشل ثلج بيده ويمش ورا ذياب اللي مو منتبه له وحاط يداته في مخباه..
مبارك: ذيااااب..
لف ذياب ويه ع ورا..وجان يرميه مبارك بالثلج..
مبارك:ههههههههههههه...هههههههههههههه..شو بلاك العاشق الولهان..؟؟
ذياب:أأأأأأأااه متا بنرد البلاد وبفتك منك يالنذل..
مبارك"ايي صوبه ويمش وياه..":هعهعهعهعهعهعهع..لاتخاف امبوني مقوى ع فراااااقك..
ذياب:اوووكي حبيبتي يلا بنسير البيت..
مبارك:فدييت رووحك انا..
ذياب:وانا بعد افدييج برووحي...
مبارك:ههههههههههه..وجان استحي..
ذياب:الله يبحص عدووك..عايش الدوور..
مبارك:ياريال خلني استهبل..في بلادهم..واعقل في بلادي..تدري الموضه الشبااااااب الرزان..والعقال...جي بتطيح البنات..
ذياب:عقال ولا سفره..
مبارك:ههههههههه..لالا كندوره..
ذياب:شو البس الرسمي في بلادنا..؟؟؟؟؟؟؟
مبارك:ههههههههههه..لازم بنفتخر به اهنيه..
وجان اتمر عليهم عيوز فاجه شعرها الأصفر وميوده حبل رابطه به الكلب الصغير..مالها..
مبارك:تعرف هااي شو في بلادنا؟؟عيوز لابسه برقع ..
ذياب:والكلب تيس..سارحه لعزبتها العيوز واااحليلها..
الكل:هههههههههههههههههههههه..
ومروا ع البنت الصغيره وسالوها عن اسمها وقالت لهم غايه..وجان ايروحون..من عندها..راادين للعماره..

. . . . . .

بيت بو ناصر..
يوم الخميس..
الساعه خمس ونص..

ان كنت ناوي ع الهجر..برضى أنا بحكم الـــقدر..
مكتوب لي هاذا المصير..اللي انكتب لازم يصير..

كانت الهنوف قاعده ع النت اترمس ربيعتها..وخلاف بعد ما ظهرت اربيعتها..يودت التلفوون ودقت حق اختها العنوود..
العنود:هلا والله..
الهنوف:أهللللللليييييييييييييييين..فديت ختيه اللي بتي اليوم عندي..
العنود:هههههههه..اشحالج؟؟
الهنوف:كالعاااااااااااده طفراااااااااااانه..أمس ما كنت جي بس اليوم لا ..
العنود:ههههههههههه.من السوق..
الهنوف:انزين يلا تعالي..
العنود:هههههههههه..تنكتين حضرتج ولا تحاولين..
الهنوف:ولا وااحد..
العنود:مابييكم ..
الهنوف:ليييييييييش...؟؟؟؟؟؟
العنود:لاني قبل امس كنت عندكم ..احسن اتقعدين اتذاكرين ابركلج..
الهنوف:انزيين قعدي عندي سوولفي..في التلفون..
العنود:لالالالا..بسير فووق صوووب ريلي قاعد ارووحه مجابل ولده..
الهنوف:أأخ منج ما تنفعين..انقلعي..
العنود:انقلعي هاه؟؟مادري منوه قبل شوي يترياني ايي عندهم..
الهنوف:مابي منج احسان..
العنود:ههههههههه..أوكي اوكي يلا بااااي..
الهنوف:بااي ..
العنوود:ذاكري يالعنز ودري النت والرمسه الفاضيه في التلفوون..
الهنوف:العنز بنتج هاللي في بطنج..
العنود:شو درااج يمكن ولد..
الهنوف:انزين سيري جابلي ريلج يالحرمه النذله..
العنود:في عيينج..يلا سيري وانسي حبيب قلبج اشوي..
الهنوف:ااااااه لااتين ع العووق..يلا بااي..
العنود:الله يحفظج...
وبندت الهنوف وسارت تحت صوب أمها..اللي كانت في الحوي تسقي الزرع وميوده الهوز..
الهنوف:امايه ابا اظهر..طفرت من مجابلة الغرفه والنت والكتب..
ام ناصر:قري يا بنيه في بيتج..لا بركن الله فيج اونج تذاكرين وانتي تجذبين..تحسبيني ماعرف انج امبققه عيونج ع هذا مادري شو يسمونه..اللي شرات التلفزيون..
الهنوف:هههههههههههه..الكمبيوتر الكمبيوتر..
ام ناصر:هو هاذا..
الهنوف:اهووون علييييج؟؟
ام ناصر:هيه تهونين ونص..
الهنوف:أأأفا..
وشوي يحدر عليهم سيف..
سيف:السلااااااااااااام عليكم..
الكل:وعليكم السلام..
ام ناصر:هاه خراب الدار كفيت من الحوااطه..
سيف:مرحبا والله منو هاللي يرمسني..
الهنوف:امنا واسمها ناعمه..تعرفها ولا لا..
سيف:هيه لا تكون هاي شيخة ابوظبي.والله والله مرحبا ملااااااااااايييييييين ولا يسدن في ذمتيه..
ام ناصر:هيه ما ورا هالترحيب الا وشي ..
سيف:أفااا..شو بلاها ناعمه ناقع الفيوز عندها..
ام ناصر.:شو شايفني؟؟
سيف:ملاك الكوون..
الهنوف:هههههههههه..سيف ابا اظهر..
سيف:انزين عادي كل البنات يظهرن..ظهري ما فيها شي..
الهنوف:يييييييييس...اخيران لقيت حد بيحوطني..
سيف:حووه حوه وين وين تبيين ؟؟دريول ابووج انا؟؟قلت ظهري بس ماقلت انا اودييج..
ام ناصر:لا حوول..انته شو بلاك ع ابوك..شيخك تراه..
سيف:عاااشوا ..وينك وينك يا عوض عسب تسمع ناعمه شو تقوول..
الهنوف:روووووح العيووز ما فيها حيله..
ام ناصر:عيز حيلج..نشي نشي ذااكري..
الهنوف:بس سيف يبا يحوطني..
سيف:حشااااا علي احوط هالأشكال..مايطييع زيني..
الهنوف:اممممممحق ليل..اخواني لاينفعوون ولا يضروون..هيه بتحوط المسترغدات مالك..
ام ناصر:صخي صخي..
الهنوف:هاه صخينا..بس حراام ابا أظهر..
سيف:مع ويهج منو بيظهرج؟؟
الهنوف:انته..
سيف:لالالا..انا انسان بيزي..برووح سويحان..
الهنوف:شلني ويااك..
سيف:بتبطيييييييين السااع..
ام ناصر:ياعيالي صخوا دوختونيه..والله ان ما صخيتوا برشكم بالمااي..
شرد سيف..والهنوف تمت مكانها..
سيف"وهو يربع..":عااشوا نظر عيين عوض..مافيها حيله..
الهنوف:ههههههههههههههه..وينك يا شيبتنا تسمع عيوزنا..
جان ترش ام ناصر الهنوف وسيف ميييييييييت ضحك..
ام ناصر:الشيبه والعيوز عياالج..انقلعي يلا..
وتخيست الهنوف من فووووق لتحت..
سيف:كنت عادي احوطج..بس اللحين مستحييل اوديج عسب ما تتوسخ الأودي مالتيه..قري في بيتج اخير لج..
الهنوف تسير حجرتها عسب اتبدل ووتتحرطم..
الهنوف:يالله شو هذا لا حبيب ايحس ولا اخو ينفع ولا ام تواسي..اففففففففف..شو هالحاله؟؟؟
أما سيف ع طوول ركب سيارته وصك خط سويحان..

. . . .

علمتني الليـــــــــالي..بــــعدك انته يا غالي..
أمشي بين البرايــــا..وأشـــــعر اني لحالي..

يوم الخميس..
الساعه 6 العصر..
بيت بو منصور..الحوي

اليازيه وظبيه يالسات ع الدري ووياهن مها الصغيرة اللي جدام المطبخ ايسولفن عن الفلم الهندي اللي كان أمس..أما ام سلطان وام منصور وموزة وسهيل يالسين ع المنصه يسولفن هن بعد"ظنتي مااشي يديد .."..
ظبيه:اممممممممم..وبس..
اليازيه:خلصت قصتج..
ظبيه:هيه آآآآآخر شي مات وااااحليله..
اليازيه:ابااااا أفهم أمس لييش ما قلتي لي ان الفيلم بيكوون حلووو...اللحينه شوو أسوي بج..؟؟؟
ظبيه:حرااااام عليييج..تدرين كنت أصلاً ما بشووفه وبسير أرقد بس ما ياني رقاد لأني كنت أفكر بهاك الريال......................"وحطت يدها ع ثمها لأنها ما كانت تبى اتقوول شي من اللي في خاطرها لليازيه."..
اليازيه"مستانسه لأن ظبيه كشفت عمرها":هاااااااااااه؟؟هاااااااااااااااااه.؟؟ب دينا انخش عن بعععععععض..
ظبيه:شووو اخش عنج وتخشين عنيه..بسم الله من هالطاري..
اليازيه"تمط قصة ظبيه":رمسي ملعونة الصير..شوووووو السااااالفه؟؟
ظبيه:حووووووووه..بتنتفين شعريه انتي..لييييييش غيراااااانه..
اليازيه:بتقوووليييين السالفه ولا بيزه لج يز..
ظبيه:امممممممم..والله مالي خاطر اسوولف لج اللحينه..هب متفيجه..
اليازيه:ان شالله متى الشيخه بتتفيجين؟؟
ظبيه:مادري والله...
اليازيه:يوم تتفيجين بس اشريلي اشاره وبعرف انج تفيجتي..
ظبيه:شو من اشااره؟؟
اليازيه:حولي عيونج..
ظبيه:ان شاالله عمتي اليازيه..
سكتن فتره واليازيه تتريا ظبيه اتحول عيونها..وتطااااااااالع ظبيه بنظرااات...
ظبيه:لييش اتطالعيني جييييه..شو تبين؟؟
اليازيه:هعهعهعهعهعههعههعهع...ابباج اتحولين عيووونج بس الظاهر ما بتحولينها..
ظبيه:اممممم..بعدين بعدين بخبرج الساااالفه..بس انتي ذكريييييني..
مها:أي ساالفه؟؟
ظبيه:خلج بحاالج انتي..اللحينه بيي هدووف وبتلعبين ويااه..
اليازيه:اوووووونه؟؟؟؟؟
ظبيه:والله اللحينه بيوووون..
اليازيه:جيه شقايل محد مخبرني يععععلج العووووق مضيعة المذهب..؟؟
ظبيه:واللله عااده نسيييت..
مها:طالعن طالعن يوا يوا..
اليازيه"اتنش ":هيه والله هاذا استيشن عمي عبدالله...
ظبيه:ياا رب سلااااامووه يت وياااااهم..
اليازيه:نشي يالغبرة بنرووح صوبهم..عمي فدييييته من زماان ما شفته...
ظبيه:يلا بس لا اتسبيييني..
اليازيه:خلااااص نششششي..
ظبيه"اتنش بكسل":اخييييراً نشيييت..
يودت اليازيه يد ظبيه وسحبتها ومها تمشي جدامهن..ظهروا قووم بو عبدالله..من السيارة وين ظبيه واليازيه في الوقت اللي هم كانوا ايسلموون..طبعاً اليازيه بما انها الجريييئة سارت صوب عمها أول شي ووايهته وسارت وسلمت على أم عبدالله وأم هادف وسلامه ووايهت هادف..ويلست عدال عمها..وام عبدالله يالسه عدال ولدها عبدالله من الصوب الثاني..
بو حميد"بعد ما تخبر عن حال ام منصور وام سلطان":شحاااالج ياليازيه ربج ماا تشكين بااس؟؟
اليازيه:ايسرك حاالي يا بو حميد..ولا يضرك..ومن صوووبك؟؟
بوحميد:ماا نشكي بااس..شحالج ظبيووه؟؟
ظبيه"دووومها تستحي ":الحمدالله شحالك؟
بو حميد:مااا نشكي..يلا عااده الإمتحانات قربت..ونبااكن اتبيضن الويه..واتييبن النسبه اللي ترفع الراس فووق..وتخلي العرب كلهم يرمسوون عنها..
اليازيه"المتحدث الرسمي..":أفااا عليك يا بو حميد..ما ينخاف علينا احن..بس عاده عندنا طلب صغيييييروووووون..
الكل سااكت يترريون بو حميد يرمس..
أبو حميد:لج اللي تبينه..
اليازيه:اللي اباااه ..
موزة"اتقاااطع يزووي":ههههههه..انا عرفته..
الكل:شووو؟؟
موزة:اللي تباه هو الكافي يملي ثلاجتها اللي في الحجرة..
يزوي:صح...كيف عرفتي؟؟
موزة:خخخ.انا اعرف اللي تبينه ..شو غيير الحلويات والكافي والآيسكريم..
اليازيه:لو سمحتي لا تقولين أيسكريم..
سلامه:عيل شوو تقوول؟؟
اليازيه:عسكريم..
الكل:هههههههههههههههههههههههه...
تم بو عبدالله يالس اشوي..وخلاف ركب سيارته وويه صوب بوظبي..لأنه عنده شغل هناك..حولن الحرمات بعد صلاة المغرب بيت بو سلطان..في الوقت اللي رااحن البنات فوق في الصاله اللي في بيت بو منصور..بحكم انهن ما يبن ازعاج من الشباب اللي هم "حميد وسعيد وسلطان ومنصور وراشد"..ولا من العياييز اللي سارن من شوي..بعد فتره بسيطه يأ سلطان ووياه مهره أخته..وخلاه اتسير فووق عسب تزقر سلامه لأن يبا ايسلم علييها..يت مهره صوبهن وسلمت على سلامه وقالت لـها اتسير لسلطان اللي يترياها تحت..وتمن البنات ارواحهن ايسولفن ويستهبلن..
اليازيه"اتطالع ظبيه":هاه اشحالج يالبقره..؟؟
ظبيه:بخير ربي يسلمج يالكلبه..
اليازيه:شوووووووه عاده جي يعلج الحووم..
ظبيه:ماعليه ماعليه ..يعلي الحوم؟؟
وتنش اونها بتسير زعلت..
اليازيه:اوووووووووونه..قعدي قعدوا عليج سبع بعراان..
مهره:..خخخخخ..خووووش سبه..
اليازيه:شو هالغباء..اهو يقوول خوش فله..
ظبيه:فله ولا فندق ههههههههههه...
اليازيه:ماا يضحك ..هيه صح ما خبرتكم؟؟
ظبيه+مهره:شووووو؟؟؟
اليازيه:تعرفت ع هندي في الماااسن..
ظبيه:هههههههههههههههوووووووو...
مهره:منوه شاروخان؟؟
اليازيه:لااا..سلمان خان...
ظبيه:هيه ترا هيلا اللي نعرفهم..
مهره:تعرفون ابغي اسوي شي..
اليازيه:شووووو؟؟يا مسودة الويه..
مهره:خلج انتي عاده..من زييييينج..تشردين قبااااايل..
ظبيه:خ خ خ خ خ ...طرووووها..
اليازيه:واااااااااااااااااااااااااايه بالستر..جايفتني ورقه..
مهره:لا قلم..
ظبيه: لا تطروون المدرسه..
مهره:لييييش عاده..
اليازيه:اللي ما تستحي تراها طلقت ظبيووه..
الكل:هههههههههههههههههههههههههههههه..
مهره:يالله..انتي الييين متى يعني عقلح في نعالج..هااااه؟؟
اليازيه:اللحين انا عقليه في نعاليه..
ظبيه:لا في مخباااج..امبووووو...
اليازيه:اه يعلكن العوووق..تتمصخرن عليه..
ظبيه:لا ع اللي عداالج..
اليازيه:اف منكن يالمجرمات..
ظبيه:حووووه..المجرمات بناتج..احن ما ذبحنا حد..والله..
اليازيه:سلياب باس هتاكا وري تلاهتافنم مبينت نتاه ونرملا ...
ظبيه:شو هالرمسه..
اليازيه:فتحي القااامووس وبتعرفين المعنا..
مهره:هههههههه..بس بس هذيج المره سووتها اونه رمسه هنديه,...
ظبيه:حركااااااااات..
اليازيه:فتحه ولا ضمه..
مهره:كسرة..
اليازيه:خبله..
مهره:انتي..
ظبيه:واااااااااااااااااااايه شو هالخبايل اللي عنديه..يتواقعن كل دقيقه..
اليازيه:يا ويل يا ويل حااااااالي يام الذوووق..
مهره:ههههههههههههههههههههههههههههههههههه..
ظبيه:ضحكتي من سرج بلا انشالله.تتطنزين علي؟؟
مهره:لااااااا افا..من قال..
ظبيه:ريموووه البطه السوده..
اليازيه:هيه هيه يالبزيه جذبي جذبي ترى الجذب مخاااوييييييييج من صغرج..
ظبيه:الله يبحص عدوج كفشتيني..
اليازيه:كفشتيني..عربي عربي عربي لو تكرمت ظروووفج..
ظبيه:ما عندي ظرروووف بس رساايل..
وتنش يزووي..
مهره:وين وين؟؟
اليازيه:ما يخصج يلا قري مكاااااانج..
ظبيه:مالي حص والله مالي حص..ماما لازم اسيللل وياج..
اليازيه:يا بنتيه تراااج طفرتيبي وفقرتيني..
مهره:تعالوا مهووووووي وينها..
ظبيه:سارت ويا امايه..
جان اتسير وترد وهي ماسكه عبي بيدها..
اليازيه:يلا تعالوا بنلعب..
مهره:شووو؟؟
اليازيه:باتماااااان..
ظبيه:هيا هيا..سابق لا تتردد ..لاحق الفوز مؤكد..لا لن يهزم ابدن من سعى بأصرار..
اليازيه:لااااااااااااا..هاي مال سابق ولاحق..حق باتماااان غيييير..
مهره:تعرفينها..؟؟؟؟
اليازيه:ضوء لمع وسط المدينه رسم ندائن لمنادينا..(اههه خلين اخواني يخبرووني اياها..)
وبعد ماحفظنها..
ظبيه:يلا بنغنيها وبنربع وبنخلي العبي تتطاير ورانا..
اليازيه:هههههههههههههههههههه..يلا يلا..
وبدن يلعبن ويغنن..وشوي بدن يتضاربن..جان اليازيه تاخذ المخده الصغيره وتضرب ظبيه..وبدن يخربن الصاله..
ظبيه:أأأأأأأأأأأأأأأأأأأأأأأأأأأأأأي ياليازيه السوده يعلج العوووق..
اليازيه:العوق في بطنج..علج تفدين اثري...
جان اتي مهره وتضرب اليازيه ع راسها..
اليازيه:اااااااااااااااااااااااااااااااااااااااااا اااااااي..اهئ اهئ ما عليه يا الصخله ..أرويج..>>على فكره اليازيه دوووم اتسمي مهره الصخله..
وتمت تربع ورا مهره اللي كانت تربع بسرعه..
ظبيه:خخخخخخخخخخخخخخخخخخخ....ههههههههههههه...ب س بس لا تموتني ضحك..
اليازيه"وهي تربع والشعر طايح وراها..":ماااعلييييه ماااعليييييييييييييه..تضحكين ويا ويهج...
ظبيه:بس بسسسسسسسسس..هههههههههههههههههههااااي ..والله بموووت..
مهره:هههه..موتي موتي محد قبضج..بس بس
لا اوديج الشرطه..
ظبيه:ههههههههههههههههههههه......................مه رووه مهرووه..
اليازيه:بسم الله خلي البنت تربع..
مهره"وتطالع اليازيه اللي كانت وراها":..اول مرة اشوف عرب يحبوون يتعبون ارواحهم..
اليازيه:لا والله بس من الغياااض اللي فيني..تعااااااااااالي..
ظبيه:مهره تراج بتطيحين طالعي جدامج..
وتطالع مهروه جدامها وطراااااااااااااااااااااااخ..وطاحت ع ويها..اهنيه يلست اليازيه ع الأرض وهي مييييييييييييييييييته ضحك..اما ظبيوه طلعت الضحكه المعتااااااااده؟..
اليازيه:ههههههههااااااهااااااااااااااهههههاااااااا ااااااي..خخخ..
هيهييييههههههييي ييييييييااااااا..
نشي نشي يعلج العوق خليني ارووم اشوف ويهج..اريد اضحك..
ظبيه:هههههههككككككككاااااااااااااك...
والله بطنيه عورني ..هههههههههههه..نشي عنلاتج نشي. ههههههه...
وتنش مهرووه وهي ماسكه يدها..وطالعت فيهن وخلاف نقعت ضحك..
مهره:ههههههههههههههه..تضحكن علي ضحكوا عليكم ينوون..
اليازيه:عساهم في رااااسج..
ظبيه:ههههههههههههههههههههههههههههههه....
اليازيه:بسم الله شوو بلاااها..
مهره:الينون..مايوا راسي يو في راسها..
اليازيه:ههههههههيييييييييييييييي...
مهره:هههههههههههه..
جان اتي سلامه..
سلامه:بسم الله بسم الله يا رب سكنهم في مساكنهم..عوذ بالله عوذ بالله..يارب تحمي هالبيت من الجن والشياااااااااطين..لعنببووكن اصواتكن شاله البيت شل محترم..
اليازيه:ع بالي قليل ادب..ههههههههههههههههههههههه..
ظبيه:بسنا بسنا اسمينا اليوم مطيحات في تواام..
مهره:بسم الله جي عاده..
وينشن ويقعدن ع الكنب والصاله فوق تحت..مخرررررررررررربه..
اليازيه:اسميهن البشاكير بيحدرن الجنه من فعايلنا..
مهره:هيه والله..
ظبيه:تعالي وين سرتي ..مالقيتج..>>>تستهبل..
سلامه: مااشي كنت يالسه عند سلطان تحت.."وييهها أحمممممر"..
اليازيه:ع بالها ظعتي..
سلامه:خخخخ..شايفتني ياااهل..
ظبيه:عيني تقووم بتصغير الأشياء احم احم...
مهره:يلا تعالوا بنرقص..
ويبطلن نجووم ويرقصن على غنية الموت الأحمر لحربي العامري..
مهره اللي اخترعت الفكرة قعدت ع الكنب وتم اتشجع..
مهره:عااااشوا عاشوووا ..صوبنا صوبنا..روووح سلامه بنت عبدالله ما فيييها حيله..
وتمن ايولن وسلامه تنعش ..واليازيه لفت الشيله ع شكل سفرة..واونها واحد من الشباب..وتيول وتيول..اما ظبيوه سارت حجرة امها ودورت لها برقع ويت تريع وهي لا بستنه...
الكل:ههههههههههههههههههههههههههه..
وتمت ترمس اونها عيووز..
سلامه :أأأأأأأأأأاخ والله انيه تعبت..من الضحك..تعالوا بطني يوعانه..
اليازيه:عادي بس اكليييها..
مهره:خخخخ..
ظبيه:اللي معها فلووس تطلبلنا من المطعم او من الدكاان..اليازيه عندج..ولا انررووح انهف من حجرة عايشه..يعني امايه..
مهره:لالالالالا..بلا سرقات محرمه...انا عندي فلووس..بس من وين من المطعم ولا الدكان.؟؟.
اليازيه:لالا المطعم فليل من الدكان..
مهره:شوووركن وهداية الله..يلا شو تبن..
سلامه:1ميرندا..ثنين كتكات..بدرهم بطاطا عمان الحار...
اليازيه:ثنين بيبسي واحد جلكسي كراميل اربعه علوج..وووووووو...ايسكريم ..اي ايسكريم..
مهره:هيه هيه..
ظبيه:واانا..انا ابغي 1 شاني..وثنين تويكس وبدرهم بطاطا الأصابع..واممممم..بس..
مهره:هيه ماااااشالله افقرني افقرني..كل وحده عندها خزاانننييين...
ومسكت التلفوون ودقت ع الدكان ووصته باللي يبنه وقالتله اييبه بيت بو سلطان..لانهن بسيرن بيت بو سلطان..

. . . . .


ما تحمل تصدق ضنونـــي.. لو تغيب النــــاس تبقالي..
غصب عن منهم يلوموني.. وكل عذالـــــــك وعذالي..

الهير..
بيت بو عبيد..
الساعه 12ونص..
جدام الباب العود مال الفله..

عبيد واقف جدام الباب ويرمس تيلفون..من بند عنه على طوول انشغل فكره بظبيه..كااااااان وده ايشووفها حتى لو من بعيييد..بس المهم ايشوووفها..
حدر عبيد البيت..وما لقى حد في الصاله..رقى الدري ووصل الطابق الثاني..نفس الشي محد في الصاله..جان يحدر حجرته ويظهرله ملابس عسب يتسبح..وحدر الحمام الله يعزكم...وأول ما حدر انفج باب حجرته مرة ثانيه وكانت ميرة حادرة ووياها قلم وودفتر صغير..ربعت بسرعه وفوق الشبريه لقت تلفون أخوها عبيد موجود..جان تيلس ودورت على رقم سعيد بن سهيل..ونقلته بسسسسسرعه ع الدفتر..وحطت الدفتر والقلم بمخباها..ويلست ع الشبريه تتريا خوها يظهر..مرت ربع ساعه وخلاف عبيد كان ظاهر من الحمام الله يعزكم ولابس فانيله و وزار..وانصدم يوم شافها موجوده..
عبيد:هلاااااا ميرة..
ميرة:هلا عبيد..
وتسير اتوايه..
عبيد:شحاالج ؟؟عساج بخير؟؟
ميرة:الحمدالله انا بخير..شعلومك انته؟؟عساك طيب..؟
عبيد:الحمدالله ما نشكي بااس..
ميرة:امممممم..عبيد..
عبيد"واقف جدام التواليت ايمشط شعره":عيونه لج..>>على فكره هو ايدلع خواته واااايد..
ميرة:اباك..اباك اتحوطني بااجر..تراني مليييت من يلسة البيت..
عبيد"ماا صدق طلبت هالشي منه لأن يمكن ايغير منها اشوي":اممممممممرة ما طلبتي ..كم ميرة احن عندنا..بس ويييين خاطرج اتسيرين؟؟
ميرة:والله ماشي مكان يعني محدد في بالي..أي مكان ودني ما بقول شي عاادي عندنا..
عبيد:خلاص عيل باخذكن بااجر..
ميرة:يعني لازم نااخذ ميثا ويانا....
عبيد:ميرة تراها أختي شرات ما انتي ختيه..هنتينكن باخذكن وبنستانس ارباعه..
حدرت ميثا لأنها سمعت أصواتهم وكان الباب مفتووح..
ميثا:السلاااااااام عليكم..
ميرة وعبيد:وعليييج السلام..
وتسير ميثا واتوايه اخووها..
عبيد:شحالج؟؟
ميثا:يسرك الحال ومن صوبك؟؟
عبيد:الحمدالله بخير..يلا عاده شدي حيلج..هالشهر عاطينكم ايااه عسب تدرسين وتشدييين حيلج..نباج اتبيضين الويه..
ميثا:افاااا عليييييك ما طلبت ياا عبيد..على فكره مب أنا بس ثنويه عااامه..عرب كثيييييييير..
عبيد:اووونه؟؟
ميثا:والله صدق ما جذب علييك..
جان تظهر ميرة من الحجره وهي مغيييييييييضه من الخاطر...
ميثا:يالله شو بلاها ظهرت من الحجرة هااي اللحينه..
عبيد:ماااا عليييج منها..قوليلي ظبيه اللحينه ثنويه عاااااااامه..
ميثا:هيه..أقوولك عايلتهم كلها ثنويه عامه..
عبيد:كيف هااي بعد؟؟
ميثا:عندك اليازيه وظبيه وسعيد"ويوم قالت سعيد طالعها عبيد بنظره استهتار"..وسلامه..وو
عبيد:لحظه لحظه منوو هااي سلامه..؟؟
ميثا:هااي بنت عم عيال عمتيه حصه..بنت عمهم عبدالله..
عبيد:يعني أخت حميد..
ميثا:هيه ..وعندهم الهنوف بنت عمتهم في بوظبي..
عبيد:اها..يعني أخت ذياب وسيف عيال عوض ..
ميثا:هييييه..أحسب كم واحد ثنويه عامه..خمس من عايلتهم ثنويه عااامه...
عبيد:ماااااااااشاالله...الله يوفجهم..ومن أشطر واااحد فيهم من هالخمسه..؟؟
ميثا:ومنووو غيرها ست الحسن والجمال..ظبيووووووووووه..لالالالا..أجذب عليك الهنوف بنت عمتهم ناعمه اللي في بوظبي...
عبيد:اااااااه فديييييييييتها ظبيووووه....بس في شي مخرب علييها..
ميثا:وينقد البنيه بعد؟؟
عبيد:وياااا ويهج يالحيوانه..ليش ليش هي حزييينه وهالشي امبين في عيوووونها..
ميثا:اممممممممممممم.."وهي سرحانه"..يمكن من سالفة حميد..
عبيد:ايفز صووبها":شو شو سالفة حميد بعد؟؟خبريني خبريني..
ميثا"اتويه صوب الباب":مااشي سالفه؟؟وبعدين انته شو عليك ؟؟
عبيد:شوو عليّ بعد..فانيله ووزار..والله لا اتقولين شوو سالفة حميد وياا ظبيه..
ويقبض يدها عسب ما تظهر..
ميثا:أأأأأأأأأأأي عورتني فجنييييييييي...
عبيد:ما بفجج الا يووم اتقووليين..
ميثا:يالله .ياخي والله سالفه ما تنرزى..وش له حااشر عمرك ؟؟
عبيد:بس انه اتخص ظبيووه عسب جيه ابا اعرف..
ميثا:يالله مب لازم تعرف؟؟والله سالفه ما تسوى؟؟
عبيد:وانا حلفت انج اتقولينها..
ميثا:مشكلتك اتحمل انته صيام هالحلفه؟؟؟مااالي خص..
عبيد:بطلي عناااااااااااااد وقووولي السالفه ولا والله انييه اسدحج اللحينه واسحبج من شعرج وانظف بج الصاله يلا رمسييييييي..
ميثا:انزين فج يدي وخلني ايلس وبقولك السالفه..
عبيد:هاه فجيتج يلا رمسي..
ميثا"تيلسع الشبريه":شوو بعد مااشي سالفه؟؟ترى ظبيه كانت اتحب حميد ..وحميد ايحبها..بس حميد شكله ايجذب علييييها وجرحها الخاين من بعد ما قال لها انا ولا في يوم في عمره فكر بظبيه او انه فكر ايحبها..بس..من هاك اليوووم وهي ظبيه جيه حالتها..تحسها حزينه..وبس..
عبيد:وانتي منو مخبرنج؟؟
ميثا:منو بعد؟؟اليازيه..
عبيد:اها..يمكن الريال عنده ظرووف عسب جيه خلى ظبيه..ولا ظبيه مووول ما تستاهل اللي ياها..وحميد ريال مااشالله علييه..
ميثا:خلاص انا بسير برقد وانته حلل السالفه ع كييييفك..
عبيد:الأخت ديايه...عنبوووه توها 1..
ميثا:شووو أسوي والله ابا ارقد ميهووودة..تصبح على خير..
عبيد:وانتي من هله..
ظهرت ميثا من حجرة أخوها عبيد وخلته ينفرد بافكاره بظبيه..

. . . . . .

ودعتكم ياليـــت ما كــــان..يوم الووداع القلب ممــحون..
اتــــسالني وش الذي كان..لـــــمفارق أحبابه وش يكون..

بيت بو سلطان..
الصاله..
يوم الجمعه..الساعه 4ونص..

اليازيه وأم سلطان ومهره يالسات في الصاله ..واليازيه اتحاول تقنع امها اتوديها السوق قبل ما اتيي الإمتحانات...
اليازيه:امااااااااااايه..أنا ثنوية عاااامه لازم اتوفرون الجو اللازم للمذاكره..
أم سلطان:وين الجو اللازم..في السوق..أحيد العرب يدرسون في بيوتهم مب في السووق..
راشد:ههههههههه..لقطي لقطي ويهج يالسباله..
اليازيه:اماايه طلبتج فديييييت روووووحج...
أم سلطان:مب متفيجه لهالخربطان مالج..
اليازيه:أمااايه بتوديني السوق ولا ما بقدم ثنويه عامه...
أم سلطان:عادي خلج يالسه في البيت والبشاكير بسفرهن..
راشد ومهره:هههههههههههههه..
اليازيه"اتطالع فيهم":تضحكون هاه..؟؟خلوني بس أسير السوق لا انت ولا انتي بتسيرون ويايه..
اليازيه:امااااااااااااااايه فديييييييييييييييتج يامايه..الله يخلييييييييج..
أم سلطان:لأيعني لأ..
اليازيه:حصوووووه دخيييييلج دخييييييلج وديني السوق..
أم سلطان:خلاص زين بوديييج بس بعد صلاة المغرب انكون في البيت..
اليازيه"تعفد على أمها":فدييييييييييييييييييييييييييتج والله يعلني ما خلا منج فديييت هالخشم والله..
أم سلطان:ربعي فوق لبسي عبايتج بسرعه..مهروه بتسيرين؟؟؟
مهره:لا ما بسير..
اليازيه:لا لا لا بتيي ما نستغني عنها عاده هي وويهها..
مهره:انزين فجي يدي والله ادل الدرب..
اليازيه:لا لا انا بوصلج الحجره..لا تخافين مب من طيبيته ولا من محبتيه لج..الا خايفه يستويلج شي..وبدال ما نسير السوق انسير مستشفى توام...
مهره:هههههههههه..
تلبسن البنات ابسرعه ودقن على ظبيه ووافقت بدون اي اعذار..ومروا وخذوها هي وسهيل..والسبه ام سلطان اللي تبا اسهيل يكون وياها..وتحيدون انتوا سهيل كيف ايطفر ..
أول شي راحن المول..ولا في أي شي في بال اليازيه..الا انها اتقول اللي اشوفها يعيبني باخذه..ودتهن اول شي شومارت..واتشرت منه نعول حق المدرسه ..وثانيه عاديه..وظبيه ومهره خذن شراتها بالضبط..وخلاف اقترحت ظبيه ايروحون كان كان ويتشرن قمصان للمدرسة..وحدرن المحل وكل وحده خذتلها قميص..بس القميص اللي أختارته مهره كان أحلى واحد من بينهم فخذن شراته..وأول ما ظهروا من محل كان كان شافوا واحد ماخذ اسهيل ويلعبه..وكان وياه ثنتين..
أم سلطان :واااااايه هاااييلا عيال خوويه..
عبيد"ياي صوب عمته":السلااام عليكن..
الكل:وعليييكن السلاااام..
انصصصصدمت ظبيه يووووم شااافته..وما كنت متوقعه أبدا انها اتشووفه اليوم..
أم سلطان:وشحالك ياعبيد وشحال اهلك وعربانك وتواليك..
استانست ظبيه لأنها أخيييراً عرفت عبيد..
عبيد:مااايشكون باس وابخير ونعمه..وشحالج يا عموه عسااج طيبه؟؟
أم سلطان:الحمدالله ايسرك الحال ولا يضرك..
عبيد:افا افا يا عمووه..وينكم اممره ما تويهون صوب الهير..ما تيووون ولا يسلموون..لولا سلطان وسعيد اللي ما يوون ويسيرون علينا..جان اللحينه امممرة ما ارمسج..
أم سلطان:فدييييييت رووووحك ثرك حاط عليّ في خاطرك..والله ان ما نفضي يا عبيد..بس انشاالله من يخلصون الإمتحانات الثنويه..لك وعد مني انييكم ونيلس عندكم يومين ولا ثلاثة أياام..
عبيد:وخلج قد كلمتج..
أم سلطان:هههههههه..لا تخاف قدها وقدود..
وويهت أم سلطان صوب ميثا وميرة وسلمت عليييهن وتمت لهن ساعه تتخبرهن عن بوهن وأمهن..وعن ييرانهم..أما عبيد وقف قريب من البنات ..وعرف ان ظبيه وياااهن..لأن سهيل امخبرنه..قاله اليازيه وظبيه ومهره..عبيد عرف ان اللي ع اليمين هي اليازيه من وقفتها وطول عودها ..
عبيد:وشحالج ياليازيه عسااج طيبه؟؟
اليازيه:ماا نشكي بااس ..وشحالك انت؟؟
عبيد:يسرج الحال ولا يضرج.."ويطالع مهره وأكيد بيعرفها لأنها ما كانت متغشيه"..شحالج يا مهره؟؟
مهره:الحمدالله ابخير ونعمه..ومن صووبك..؟؟
عبيد:يسرج الحال.."وطالع ظبيه في الوقت اللي اليازيه سحبت مهره وسارت صوب ميثا وميرة"..
عبيد:وشحاالج ظبيوه عسااج بخير..؟؟
ظبيه:..أيــ... سرك الحال ومن صووبك؟؟
عبيد:ابخير ونعمه..
وربعت ظبيه صوووب البنات وهي مستغربه كييف عرف اسمها...كيييف؟؟استانس عبيد واايد من حركة اليازيه وقال في خاطره"لالاالحمدالله طلعت تنفع بنت سهيل"..
سارن ميثا وميرة ويا قوم أم سلطان.."طبعا هي اللي متزعمتهن"..ميرة تمشي ويا عمتهاهي ومهره وسهيل..اما الثلاثي المرح ميثا واليازيه وظبيه يمشن ورى مهره وميرة وأم سلطان..مرن على كذا محل..ومع مروور الوقت..ياهن عبيد وهو ميود بيداته حوالي فوق الخمس اكياس..وزقر ميثا..وعطاها الأكياس..ورواها الكيس اللي فيه وجبة ظبيه..الأخ طالب لها سبيشل غير عنهن..وسارت ميثا وزقرت ميرة وعطتهن الوجبات..واحتشرت ام سلطان تباهم يتعشون عندهم في سويحان..بس عبيد اتعذر لها وان بعده ما خلص اشغاله اللي في العين..
وفي السيارو وين ما كانن أم سلطان ومهره وظبيه واليازيه..تمت اليازيه تغلس عليييييييهن وتتفلسف..عكس ظبيه اللي ملتزمه الصمت..
مهره:اماااايه شوفي اليازيه ..طفرتبي..
أم سلطان:بس بس صخن...اليازيه خوزي عن ختج..شو تبين بها..
اليازيه:شو هاه؟؟هي ظربتني..
مهره:شوووووووووو؟؟؟؟
أم سلطان:بس بس ياليازيه بنحدر الينه من فعايلج..صخي صخي عن ختج..
اليازيه:هيه عيل يا حظكم..
وتدز مهرووه..
مهره:أأأه ياربي...تراج مممرة متفيجه ..انا تعبانه..خلاص ريولي راحت فيها..
اليازيه:جب جب يالصخله يالعياازه..
أم سلطان:ياربيه من هالبنات..يزووي ان ما صخيتي وقريتي مكانج ولميتي ثمج تراني بفج الباب بنزلج وبخليج ارووحج في نص الدرب..
اليازيه:شو هاه حصه بنت خالد بتضحين بوحده من بنااتج؟؟
أم سلطان:هيه ..يالله متا بفتك منكن واعرسلكن..
اليازيه:هيه ترا يوم أعرس ما بحدر بيتكم..وانتي بتقولين...أأه فديت اثر اليازيه ليتها بس اتي مرة وحده..
أم سلطان:ثرج مضيعه مذهب..ماشفت حد شراتج ضاربنها الدوود ع العرس صخي يابنيه دوختيلي راسي..
اليازيه:أمايه بس حبيت انبهج للمستقبل..
أم سلطان:لحووول...اسماعيل بابا وقف وقف..
وقف الدريول..
أم سلطان:اليازيه ان ما صخيتي بنزلج..
اليازيه:هيه اعرفج تبين تفتكين مني..
ظبيه ومهره:ههههههههههه..
أم سلطان: سر سربابا..زين يووم دريتي..
اليازيه:بس في الأحلااام..انا ماريدج تفتكييين منيه..أأأأأممممممممممممممموووووووواح...
ام سلطان:فجيني فجيني يعلج العووق..شو بلاج لصقتي..
وتضربها ع يدها..
اليازيه:أأأأأأأأأأأأح...شو ها حصووه..ليش تضربييين اليازيه..
أم سلطان:لا اله الا الله..
مهره:بس اليازيه صخي طفرتي بامايه..
مهره:اوووووووونها هاي بعد..رقدي رقدي يالصخله..
وتضربها ع راسها بخفيف..
ام سلطان:يارب يصبرني ع هالبنيه..
اليازيه"تستهبل":أماايه؟؟
ام سلطان:هاااه؟
اليازيه:شوو بلاها ظبيه ما ترمس..
ام سلطان:ما فيها شي...انجبي يلا..
اليازيه:خلاص بنجب..اووووووووف..متى بنوصل بيتنا حبيبي..
وردوا هل سويحااان وفكر ظبيه مشتت ...

. . . . . .

جفني جفا نوم اللــــــيالي .. متصــــــوب والقلب ممحون ..
يظويني طيفه في خيالي .. وأسري مع الأشواق مطعون..

بيت بو حميد..
الساعه8ونص..
الطابق الثاني..

اليازيه وسلامه يالسات ايذاااكرن..مادة رياضيات ..اليازيه بتيلس هاليومين في العين..لأنها تبا تدرس ويا سلامه..وسلامه ماشالله عليها شااطره في الرياضيات..وشي ثاني وهو ان في مدرسه اتيي البيوت وتدرس المواد.."كمدرسة خصوصيه.."..بس المشكله ان هالمدرسه بس اتيي في العين..ماتروم اتيي في سويحان..
اليازيه كانت لابسه كندوره عيناويه ومظهره قصتها وطبعاً حاطه جحال وقلوس..وسلامه نفس الشي بس لون كندورتها ورديه...شلن أغراضهن من كتب وأقلام وارواق وسارن الميلس مال الريايل الثاني..وهالميلس الرياييل يوم اييون ما يلسون فيه..يسيرون الميلس الثاني وطبعاً الميلس الثاني امجابلنه..اما هالميلس فهو مال الشباب يعني يوم ايون شباب سويحان او ربع حميد من الهير والرماح والمقام..لأنه هالميلس فيه تلفزيون وبليستشين وفيديو..فعسب جيه الشباب ييلسون فيه ..بالمقارنه من الميلس الثاني اللي ما فيه غير تلفزيون..
وجدام الميلس اليازيه و سلامه واقفات...جان اتقول سلامه انها راده للبيت عسب اتدق للمدرسه واتشوووفها وين..وجان تحدر اليازيه الميلس الثاني"مال الشبابيه"..وتلايم الباب ..ويوم لفت ويهاا جان اتشوووووف وااااااحد يالس على نهاية الميلس..ردت ع ورى وظهرت قصتها ..."هالقصه ما اتووب الا وتظهر"..وهي منصدمه من اللي اتشووفه..ريال لابس كندورة بيظا وغتره حمر..ووشكله واايد حلووو..جان اترد وتظهر من الميلس وحطت الكتب ع الأرض وتحجبت لأنها شافت حميد ولد عمها يااي..
حميد:لا يكوون حدرتي الميلس اللي ع اليمين..
اليازيه:لا ما حدرت ولا واحد من الميالس شفت نعال ريال"جذاااااابه هي اصلاً ما انتبهت للنعال.."..وعلى طوول رديت..
حميد:زين ما سويتي..ربيعي حمد الخيلي كان في الميلس..يلا براايج..
اليازيه:مع السلامه..
وتنهدت من الخاطر اول ما سااارت من عند حميييد..بس شوو اقووووول عنه هالخيلي عنلاته حلووو..بس والله والله الغالي ان مباااااارك أحلىىى منه..
"صدق ترى مبارك أحلى من حمد الخيلي"..
وردت البيت بس ما يابت اي طاري للسالفه اللي استوت وياها لسلامه..

. . . . .


أبليت واســـبابي من الود..وهـــــموم والدنيا اسباب..
قلبي عليك ايحــــن محتد..حنيني ياللي فارق أحباب..

بيت بو عبيد..
يوم الأحد..
الساعه11ونص..

في هالوقت ميرة يايبه تلفون البيت..وطبعاً الخط مفتوح..فعلى طووول دقت على نيلفون سعيد..
سعيد:أألوووو..
ميرة:.................
من سمعت صووته سكتت وبندت الخط..
جان ايدق عليها سعيد مرة ثانيه..
ميرة:هلا والله..
؟؟؟؟؟؟؟؟؟؟؟؟؟!!!!!!!!!!!!!!!!؟؟؟؟؟؟؟؟؟؟؟؟؟؟؟

الجزء الخامس عشر..

بعد الغياب اللي برا باقي الحال ...وجروح قلبٍ بالـــــهوى حطمتني
وعمرٍ قضيته شاكي الهم رحال ... وسنين راحت من عناها طوتني

سعيد:وهلا فيييج زوووود......اممممم....منو ويايه؟؟؟
ميرة:شو انته ما تعرف الرقم..؟؟!
سعيد:لا الشيخه اعرف الرقم بس ما اعرف منو اللي يرمس ويايه...ميرة ولا ميثا؟؟؟؟
ميرة:لا انا ميثا..
سعيد"بيموت من الفرح":وياااا مرحبااا ملاااااييين ولا يسدن في ذمتيه..شحالج وعلوومج؟؟
ميرة:يسرك الحال ومن صوبك؟؟
سعيد:مااا نشكي باااس بس غريبه داقتليه..؟؟؟عسى ما شر..؟؟
ميرة:ماشي بس جي..سعيد انا انا..انا..
سعيد:انتي شو؟؟ميثوه فدييتج شي فيج؟تانسين شي..؟؟؟
ميرة:سعيد شو بلاك..انا ماا فيني شي..السالفه بكبرها انيه ابغي اسمع صوووتك ودقيت لك..ولا شو رايك؟؟
سعيد:فدييييييت روووحها اللي بغت تسمع صوووتي..اخيييراً حنيتي علي يا ميثاني..
ميرة:افا يا سعيد انا طووول عمري ما جفيتك ولا فكرت انيه اجفيييك..انت كنت عااايش في قلبي ومستحيييل انسااك..
سعيد:تدرين ميثوه اللحينه ردت روحيه مكانها..أدري انج اتحبيني..بس ما كنت متوقع انج اتحبيني هالحب كله..
ميرة:مب شرط الواحد يعرف اذا خله ايحبه او لا..بس انت غييير يا سعيد عن هالعالم كله..انت واحد سكنت رووحي وحياتي بدوونك ابد ما اسميها حياااه..
سعيد:ميثا انتي ما تدرين كم اسهر الليالي من بعادج القاسي..والله يا ميثا ان ايامي اللي تمر بدووون ما اشووفج فيها روحي ترووح وما تنرد الا اذا شفتج..حبج سكن بداخلي وما أظني في يوم انه راااح ويتركني وحيد..دوووووون حبج انا وحيييييد..وحيد بمعني الكلمه..
حبيبي لا تعذب من اذا طال الجفا يهواك..
تولع في هوى حبك وحبك صدق يحلالي..
وانا ما همني الا اشوفك والتقي وياك..
وابدل وحشة غيابك بوصلك يا بــعد حالي..
وانا مهما يعذلوني احس اني بزود اهواك..
اداري عشرة الماضي ولا اصغي لجهالي..
انا اهواك ياعمري انا اهواك انا اتمناك..
وشوقي لمن هويناهم يزيد ودوم عمالي..
غريم الشوق ما يقوى يبات ومطلبه لقياك..
ونار الشوق في صدري لهيبن دوم شعالي..
ميرة:فدييييييييييييت هالصوت تسلم يا الغلا كله..
سعيد:اااااااه شو من حظ عليه..خلاج اليوم اترمسيني..
ميرة:سعيد فديييتك انا بسكر اللحينه..
سعيد:ماا اصدق ماا اصدق ميثا تتفداني؟؟؟
ميرة:اووهو يلا يلا انا بسكر..تراني استحي من رمستك..
سعيد:اوكي تامرين بشي..؟؟؟
ميرة:لا سلامتك..ومن صوووبك..
سعيد:ما يامر علييج عدو..مع السلامه..
ميرة:فمان الله..
بندت ميرة التلفون وهي حاسه بانتصاااار في داخلها..حست انها ملكت سعيييد عاشق ميثا ختها من أول مكالمه..وان خطتها راح تتكمل تتوقعون شو نتاايجها لقاء ولا فراق...؟؟؟؟

. . . . . .

وانته ربيع الخفوق وشمسه وفيّه..وأن حب غيرك خفوقي بقطع وصاله..
ماريد بك حد لولو ولو كان حوريه..انته مهدي الغرام وانتــــــــه زلزاله..

الإثنين..
بيت بو منصور..
الساعه 3ونص الظهر..

هالوقت ظبيوه يالسه ع الأرض وجدامها بيبسي وبطاطا ليز وكتكات وجلكسي..وميلسه مهوي ختها وسهيل..
سهيل:ابا تااافي>>>ابا كافي>>بستوي مترجمه..
ظبيه:يا ابن دلوأتي خالتك بتي وبتييب وياها اكل واااااايد>>الأخت مسويه كوكتل رمسه..خخخ..
مها:يزووووي بتي؟؟؟؟
ظبيه"تتصخر ع البنيه":لااااااا البشكاره بتي..
مها:منو ببيي ترى البشكارة مب خالة سهيل..
ظبيه:ترا البشكاره عمة سهيل واسمها مها..
مها:شوووووو؟؟انا بشكاااااااره؟؟
ظبيه:هههههههه..هيه وما العيب؟؟
مها:سكتي ولا تراني بزقر منصووووور..
ظبيه:هههه..منصور ؟؟منصور مجابل موزة..
سهيل"توه ذكر امه":ابااااااااا امااااااااااااايه...
ظبيه:ياااااااااااالله...شو تبا بأمك الحينه خبرنيه...
سهيل:اباااااا مممممماااااااااممممما..
جان تحدر اليازيه..
اليازيه:والسلااااااام عللللللييييكم..
ظبيه:وعلييج السلااام شو تو الناس لي ساعه وانا اترياااج وانتي اللحينه ياااييه..
اليازيه:اووووووووه..بس بس بس ولا كلمه...انا كانت عنديه اشغااال مهمه جداً جداً..
ظبيه:هاهاهاها..بليز يعني لا اتظحكيني شو من شغل عندج اتخمين الحوي ولا تكنسين الصاله..
اليازيه:لا اغسل الصحون..هههههههههههههاييي..سمعي يبت ويايه بيتزا حااره...توها مخلصها الطباخ ويبتها طااااااااازجه..بس قبل اشوي كنت اسمع حد يصااارخ...أكيد هاذا سهيل..
ظبيه:هيه يبغي امه..
جان ينفج باب القسم مال منصور وتظهر موزة وهي ميودة تلفونها..
موزة:اوووه يزووي هنيه..
اليازيه"اتنش":اووه موزوه اهنيه..
ويتوايهن..
موزة:شحالج؟؟
اليازيه:يسرج الحال ومن صوووبج؟؟
موزة:ماا نشكي بااس..اسمع صراخ سهيل شووو بلاه..
اليازيه:مااشي طال عمرج الأخ اتحول لكلب..
موزة"تيلس ع الكنب":كلب في عينج يالهرمه..سهيل فدييييييت رووحك والله تعال عند ماما..
اليازيه:سير سير عند الكلبه العوده يالكلب الصغير..
وتفج اليازيه البطاطا كله وتحطه في الصحن اللي عند ظبيه وتحطه جدام سهيل..وسهيل الدموع في عيونه ويطالعها.
اليازيه:فديتك سهيل تبا؟؟
هز راااسه سهيل بكل براءة على انه يبغي من هالبطاطا..ومد يده اليمين عسب ياكل بس اليازيه ردت يده ورا ظهره بشوي شوي ووطت راسه ع الصحن..
اليازيه:الكلاب ما ياكلون بيداتهم يوطون رووسهم ع الصحن..وانت امك كلبه وانت كلب وط راسك ع الصحن يلا..ههههههههههههههههههههههههههههههههه..
ظبيه:هههههههههههههههههههههههههه..
موزة:عنلااااااتج سودا الويه يعلني افقدج..تعال سهيل فديتك شوتبابهن هاييلا الفاظيات ما عندهن شغل..
سهيل:اهئئئئئئئئئئئئئئئئئئئئئئئئئئئئئئئئئئئ.
موزة:لا حووول.....اللحينه شو استفدتي ياليازيه يوم صيحتي الولد..
اليازيه:وخييييير ياااطير..خليه ايصيح..اليهال كلهم ايصيحون ابسبب ولا بدوون سبب..
موزة:مااعليه بخبر عليييج سلطان..
اليازيه:هههههههه..لا اتخوفيني..
موزة:نش نش سهيل فديييتك بنسير من عند هااييلا الحيوانات..
ظبيه:انا حيوانه يا حيوانه..
موزة:عنبووووه كلتني..ما ينرزا عليكن هالبطاطا وهالبتزا جيه مأذيات اليهال..
اليازيه:ناكلج؟؟؟!!!ظبيوه متى استوينا آكلات لحوم البشر...
ظبيه:ما أحيد والله..بس نشي بنسيييير الحجره اهناك بنذاااكر..
اليازيه:اووووووووهووووووو..مااافيني..
موزة:شوو مافيج هااي ثنوية عامه لازم اتيبين فيها نسبه حلوه ما نباج اتفظحينا جدام العرب..نسبه تظهر في الجريده كل من هب ودب شافها ؟....
اليازيه:وهااااالللي قاااااااهرني..
نشن اليازيه وظبيه وسارن فوق لحجرة ظبيه..ويلسن فيها ايذااكرن..

. . . .

أرى يا سيد فرقاكم علينا هم وانكـــــالي..وتوحش عقبكم لاوطان لي طولتوا الغيبة
وانامن عقبكم يا زين كني في خلا خالي..ويا سعد الليالي يوم يدني الشمل تجريبه

الأربعاء..
بيت بو حميد..
الصاله العوده..
الساعه5ونص..

حميد وسعيد يالسين في الصاله ايسولفون عن عليا..
سعيد:بس ابغي افهم انت بالظبط شوو سويت؟؟
حميد:شو سويت؟؟اللهم انيه يبت رقم اخوها خلفان ورمسته وقلت له يا ولد الحلال ختك مطفره بالشباب الا وغصب رمسوني وواعدوني..وربيعيه محمد المري متأذي منها..وأنا شخصياً متأذي منها..شوفلها حل ربي يخليك هاي مب حاله..جان ايعصب عليها ويسيرلها البيت ويضربها ضرب قاسي جداً جداً جداً..وخلاف الله يعمر طولك دقتلي فليل ولعنت خيري اتسب وحاشره عمرها وبندت التلفون في ويهها..بس اتصدق كأنها درت اني انا اللي سويت فيها هالشي..لدرجة ان ولد عمها درى..وودرها ..وهاي هي السالفه طال عمرك..
سعيد:يعني عليا كانت اتحاول اترمس محمد المري ربيعك..هو هو ما غيره؟؟
حميد:هو هو بس يا خسارة حبنا فيكم حرام واتضحلي معدنك على العموم..وانا استاهل هاللي يستويلي لأني كنت غشيم وودرت محبة ظبيوه عسب هاي السباله..
سعيد:واللحين؟؟؟شو بتسوي؟؟
حميد:شو بسوي بعد؟؟عليا وتركتها..وظبيه ما أظني بترمسني او بتسويلي سالفه..اللي سويته في ظبيه مب بشوي..وربي ردلي هالشي وكما تدين تدان..ظبيه اللحين حسيت ابعذابها يوم عرفت ان حبي لعليا كان مصلحه وبس..
سعيد:ياما نصحناك عن هالأشكال يا حميد..الشله كلهم نصحوك..ربيعك حمد وانا ومبارك وذياب وسلطان وسيف وعبيد بس انت الله يهديك كنت متعلق فعليا وما تتحمل حد يرمس عنها..
حميد:شوووو اسوي يا سعيد القلب وما يهوى..وخلي هويته وتركته..
سعيد:مسكييييييين قلبك اللحينه يحتوي على فرااااغ عاطفي...
حميد:ههههههههههه..صح ما خبرتك؟؟؟
سعيد:شو عندك؟؟
حميد:انا فكرت في داخلي انك بعد ما تخلص من الإمتحانات ومن النسبه وهالسوالف البطاليه كلها انسافر لأي بلد ونيلس فيه كمن اسبوع ونرد خلاف وشراااايك؟؟
سعيد:الصراااااحه فكره انرحب بها ..وانا ماا عندي اي مانع..وبنشوف سيف ولا عبيد اذا بيسافرون ويانا تدريبهم لا عندهم لا شغل ولا مشغله ..
حميد:ويكون احسن وانا بعد بشوف حمد ربيعي اذا بيسافر ويانا..
سعيد:خلاص اتفقنا؟؟
حميد:اتفقنا..مد يدك..
ومد يده سعيد ويسلمون وخلاف يينشون ويتوايهون..>>>>>مااشي شغل..
وجان اتيييهم سلامه وميوده بيدها اوراق لمادة الإنقليزي وهالأوراق لسعيد واليازيه والهنوف وظبيه..سلامه عندها نسخه وحده وصورتها لـ الشله الكريمه..
سلامه:شو توكم اتشاوفتوا توني مودرتكم من دقايق..
سعيد:لا انتي يوم سرتي تزاعلنا..
حميد:واللحينه اتراضينا..
سلامه: عافانا الله جنكم الا يهال..يود هالأوراق نسخه لك ونسختين لليازيه وظبيوه وبقت وحده لهنوف بنت عمتيه ناعمه..بس منو بيوديها؟؟
سعيد:امبونا اللحين سايرين لبوظبي مواعدين الشباب في المول..
سلامه:لاوالله..وانت ليييش ما اتذاكر..الشباب لاحق عليهم وعلى حشرتهم..
سعيد:لا اصلاً اليوم انا عندي اجازة..امس فتحت كتاب العربي حشى مب كتاب دستووور دولة..
حميد وسلامه:هههههههههههههههههههههههههههههه...
حميد:يلا يلا انت وسوالفك اللي ما اتخلص..
سعيد:يلا بس بنروح بسيارتك..أعطيك علم؟؟
حميد:وليش بالله ما نسير بسيارتك..تراك الا ياي بالرنج..
سعيد:لاااا يا غبي زمانك..سيارتك احلى ينفتح بابها ع فوق..يوم نظهر منها الشباب بيصورنا..وتبى الصدق سيارتيه مفضيه ما فينها قطرة بتروووول..
سلامه:اهاااااااااااااا..جيه السالفه..
حميد:وليش بالمدح في سيارتيه هاه كله جان قلت من اول وخلاااص..
سعيد:اوهو ما فيني اشرح لك الخطه لأن تفكيرك ما بيوصل في تفكييييري ابد..حرك يلا...
حميد:جين بابا ما في سوي جنجال...
سعيد:جين يلا..
وظهروا سعيد وحميد وساروا لسويحان بطلب من سعيد لأنه يبا ايبدل ثوبه..اما عن حميد ما كان عنده مانع لأنه يبا ايسلم ع العيااييز..ويمكن ايشوف ظبيه اوحتي يلمحها.."غريبه يتمني شوفة ظبيه..سبحانه مغير الأحوال"..وبما انكم عارفين سعيد وحركاته..قال لحميد انه يوقف سيارته جدام بيت بو منصور..وان سعيد بيظهر بيشوف جان العياييز في بيت بومنصور ولا بيت بو سلطان..
وظهر سعيد وحدر الحوي وماشاف غير ظبيه اللي كانت يالسه عالمنصه..وجدامها كتاب العربي..ويأ صوبها..
سعيد:ظبيووووه..
ظبيه:هاه يا سعييييدووه..
سعيد:ججججب..
ظبيه:خلاص اخر مرة..
سعيد:هههههههه..شو تسوين؟؟
ظبيه:مااشي ارقص..
سعيد:ذاكري بدال الرقص...هيه صح...سلامه طرشت اوراق لج انتي ويزووي تراهن في سيارة حميد جانج تبينهن حميد تراه خاري يترياني..سيري وييبي الأوراق..
ظبيه:شووووووووو؟؟؟شكلك مهستر ياريال..
سعيد:لا الحمدالله لا مهستر ولا شي..
ظبيه:انزين انته ييب الأوراق ما بيستوي بك شي..
سعيد:تدرين ان حميد عاطني بس خمس دقايق اسير واتسبح واغير ثيابي ترا ورانا خط بوظبي ..
ظبيه:انزين يوم اتسير بيتكم قول لليازيه تظهر وتاخذ الأوراق من عنده..
سعيد:لا للأسف يزوووي سرتلها قبل اشوي وكانت راقده..
ظبيه:شوو؟؟ما مداها البنيه ترقد..
سعيد:عاده رقدت شو انسويبها..
ظبيه:خله هو اييب الأوراق...
سعيد:اهنيه عندج؟؟
ظبيه:لا لا بيتكم..هاللي ناقص..
سعيد:المشكله ان سيارته وقفت جدام بيتكم ولا تحركت تعرفين ليش؟؟
ظبيه:ليش؟؟
سعيد:لأن البترول خلص حتى مايروم يحركها جدام بيتكم...تراني نزلت اهنيه جدام بيتكم ولا انا طبيعي ابدل في بيتنا..>>>>>>>جذاااااااااااااااااااااااااااااااااا اااااااب...
ظبيه:خلاص برايها الأوراق..
سعيد:ما تبينها..؟؟
ظبيه:تنقع..
سعيد:تراها مهمه لدرجة انيه بظرب مشوار لبوظبي عسب اعطيها الهنوف بنت عمتيه ناعمه..وشباب اعرفهم اهناك ملزمين الا ويبونها..
ظبيه"ببراءة":انزين انا شو اسوي محد طاع اييبها لي..ولا اانا اباها..
سعيد:كييييييييفج...باااااااااي..
راح سعيد..من عند ظبيه وهي مقهووووورة..حدرت الصاله وشافت مها راقده ع الكنبه راحت وزقرت البشكاره عسب اتوديها لحجرتها في الوقت اللي سمعت فيه صوت واحد يهوّد..
حميد:هووود هووود..
ظبيه"تغطي شعرها":اهدا محد غريب..
حدر حميد الصاله وشاف ظبيه وهي بدورها نشت..
حميد:شحالج ظبيه؟؟؟
ظبيه:الحمدالله شحالك انت؟؟
حميد:ماا نشكي باس..اممم...هاذي اوراق مراجعه طرشتها سلامي لج انتي ويزووي..
ويمد الأوراق..مدت يدها ظبيه وكانت مستحرصه على ان يدها ما تلمس يد حميد..
ظبيه:مشكور ونخدمك في الأفراح..
حميد:لا شكر على واجب..يلا فمان الله..
ظبيه:ايلس تقهوى وتهبشلك من الفواله..
حميد:لا تسلمين مرة ثانيه انشالله..شي في الخاطر..؟؟
ظبيه:تسلم..
حميد:فمان الله..
ظبيه:مع السلامه..
قفى حميد وارتسمت علامات الإستغراب على ويه ظبيه...."غريييييييييييييييبه احميد يعاملني جيه وييب الأوراق عنديه وما يوديها عند يزووووي..طااااااااااف..حميد لو امووووووت ما ارد واحبه.."...
وسارت فوق لحجرتها..

. . . .

لو شنت بعيون المخاليق ما شنت..في عين من حبك ســـرابه سرابه..
لولا الغلا يا صاحبي ما تمكـــــنت..صدرن من الهجران صاير خرابه..

بيت ابو ناصر..
الساعه10ونص..
الصاله..

الهنوف وحمدان وأم ناصر يالسين في الصاله..الهنوف اونها ماخذه بريك..وقاعده اتسولف وتتضارب مع حمدان..أما ام ناصر اترمس تلفون..
الهنوف:وانت ليش ما اتسير اتذاكر..؟؟ولا عشانه باجر اخر يوم ما اتذاكر..
حمدان:اذاكر ما اذاكر شي مااا يخصج..انتي اللي مفروووض تكونين اللحينه غرقانه بين كتبج واوراقج..اما انا الا اول ثنوي ..شي عااادي ..
الهنوف:شوووو؟؟اللحين اول ثنوي شي عاادي..انا كنت خايفه منه..وشااااده حيلي اخاف ارسب فيه..وااايد بنات اعرفهن رسبن فيه وعادن السنه كامله..
حمدان:تبين الصراحه انا ظامن ظامن انيه عايد السنه..فليش ادرس لأمتحان بااااجر..
الهنوف:شووووووو؟؟؟عنلاتك يا مسود الويه..امايه لودرت بتخليك عشا لنا اليوم..
حمدان:اووووووه ياتنا هااي اللحينه..ما عليه من حد هاذي حياتي وكيفي فيها..
الهنوف"اتحط كاس العصير ع الطاوله اللي جدامها":احمد ربك امايه ما سمعتك..تراها الحينه بتبند..
حمدان:تبين اتخبرين براااااااايج خبري..
بندت ام ناصر وتمت اتطالع فيهم..
ام ناصر:يلا نشووا ذاكروا..
نشت الهنوف اما حمدان تم مكانه يالس..
حمدان:وياااااااااااكرهي لهالكلمه..
ام ناصر:جب بس جب ..نش ذاكر..
الهنوف:مااايحتاي يامايه خليه ايريح تراه تعبان لأنه شد حيله في الإمتحانات اليايه..
حمدان:صح كلامها..
الهنوف:ياااكلب..
حمدان:انا كلب يا كلبه.."ويفرها بالريموت مشالله محد ايوصيه"..
الهنوف:أأأأأأأأي..ليش تضربني واتخليه ايي على جتفي بس الغلط مني انا اللي ساكته..اتعذرلي ولا تراني بخبر امايه بذيج الرمسه..
حمدان:شووووووووو؟؟اتخبرينها؟؟ياااااااويييييلج ..
ام ناصر:هااااه اشوفك كشفت عمرك يا البعير..
حمدان:لا كشفت عمري ولاشي..الهنوف بشووو بترمسين..
الهنوف:باللي قلته لي قبل اشوي..
حمدان:لالالالالالالا كل شي الا هالرمسه فديييييت رووحج..
الهنوف"فاجه عيوناتها":شوووووووو؟؟حمدان يتفداني؟؟لالالالاغريبه يا دنيا حمدان يتفداني شو اللي حل عليييه؟؟
حمدان:الهنووووف لعلج الحوووم يعلج العرس بواحد اعمى لا اتقولين الرمسه اللي قايلنها لج..
الهنوف:هههههههه..اقول انا حمدان ماا تغير اول شي تفداني وخلاف سبني..مقيوله طال عمرك بوطبيع ما يوز عن طبعه..
حمدان:اقووولج لا ترمسين..
ام ناصر:سمعي الهنوف ان ما رمستي بالرمسه يا ويلللللج ويلاه..
حمدان:لا ترمسين..
ام ناصر:لا بترمس وهي حمارة..
الهنوف:شذنبي اتسبوووني؟؟
حمدان:انا بشرد والشردة نص المريله..
ظهر حمدان من الصاله والهنوف رقت الدري في الوقت الللي دخل سيف الصاله وشاف محد فيها الا امه..ياهاوباسها ع راسها وحط راسه ع ريولها..
ام ناصر:من بد عيالي كلهم انت اكثر واحد يدلع عمره..
سيف:شو تبيغيني اسوي ما اصبر لازم اتدلع امايه امايه سمعي هالغنيه..
وتم يسمعها اغاني من تلفونه والعيوز اونها اونها تفهم..>>>>طاااف..
اما الهنوف اللي من حدرت الحجره ويلست فوق الشبريه وحطت كتابها مجابلها زارها خيال سعيد وتذكرت اليوم اللي يأ ويابلها اوراق مادة الإنقليزي .......استرجعت ذاكرتها هاك العصر يوم وقفت سيارة حميد وكان وياه سعيد جدام البيت والهنوف وابوها وامها وحمدان وسيف كان يالسين في الحوي..تذكرت شكل سعيد وهو داخل البيت وكيف شكله بالكندورة البيظا والغتره الحمرا...تتذكر كل شي فيه حتي بسمته..ونظرته وحركة يده..ليييش هالإنسان حبته عن بد هالناس كلهم..احتارت ولا لقت اي اجابه لهالسؤال..ما حست ابنفسها الا وهي تكتب هالقصيده على كتابها..

ليش حبيتك ولا لقـــــــــيت اي جوااب لــهالســـــــــؤال..
حبيتك وعشقت همسك وصوتك وفي واقعي تخيلتك..
حبيتك ولا كنت داري عن معاناتي عقب الوصــــــــــال..
ومشيت ابدرب وكرهت البعاد لاني بس حبيــــــــتك..
وبالأخير رحت رديتني انك فارقتني وما سألت عن الحال..
لو تدري يالغلا بحالتي هلت ادمووعي لا تذكرتــــك..
ويعلن قلبي ألمه عن جرح خافي كاتم عن الســـــــؤال..
ويتألم خفوقي من حقيقه اني للحين ما نسيــــــــــتك..
أمووت واحيا انا على هجرٍ..وهم يهد الجبـــــــــــــــال..
واصبح وأمسي على ندم على اليوم اللي فيه لقيــتك..
واعيش بجسد ماتت روحه من عقــــــب الوصــــــــال..
وونتن ونيتها صرخ لها قلبي وقال :ليتني ما عرفتك..
ليش حبيتك؟؟للاسف مــالقيت إجــــــابه لهالســــــؤال..
وبقيت بحيرة قلب كل مناه ينساك كثر ما تمنيــــــتك..

الدليل الواضح وضوح الشمس على ان الهنوف كم عانت وكم تعذبت في حبها لسعيد ادمووعها اللي تنهمر من تفكر ان قلب سعيد ملك وحده ثانيه اسمها ميثا..فكره تقهر وتحرق قلب الهنوف مية ملون مرة..رمت بالقلم بكل عصبيه ع اليدار..وفرت بكتابها ع الأرض..ووقفت ع الدريشه بعد ما فجتها..والهوى يلعب بخصلات شعرها وبأفكارها..لين ما حست بعمرها وردت اتذاكر من أول ويديد...

. . . .




يزيد الشوق بفـــــراقك ... ولا أدري سبب فرقاك
أحس القلب مشـــتاقك ... يحـــــن ويرتجي لقياك


بيت بو سلطان..
الساعه 5ونص العصر..
الحوي..

في هالوقت كان رااشد قاعد جدام المسبح يتريا اليازيه....ولابس بنطلون برمودا واصل له تحت ركبته بشوي..ولونه رمادي..فانييله رماديه..
راشد"وبأعلى صووت..":اليااااازيه.. وحطبه تكسر راااااااااسج...
اليازيه"جدام المطبخ تتمشى ع راحتها ع الدري وقابضه تلفوون راشد..":
هااااااااه يعلك العووق ييت ييت..
ويوم يت صووبه ..
اليازيه:هاه مستعد..
راشد:اكييييييييد...
وتمسك اليازيه التلفوون وتصور ..
راشد:ولا اقوول لحظه لحظه..
اليازيه:يالله شو بتسوي ..؟؟
راشد:لحظه اللحين بييج..
وسار راشد صوب حجرة الدريول..اما اليازيه قعدت ع الكرسي اللي مجابل المسبح..وشوي الا الدريول يربع..وراشد وراااه..
راشد:اليااازيه..صوري صوري دريولنا البعيير..
ونشت اليازيه وتصوور ..وجنها عرفت ان راشد بيسوي شي..
وشوي الا ينطش الماااي ويخيس البقعه..وتخسيت اليازيه من فوووق ليين تحت...راشد النذل طييح الدريول المسكييين في المسبح..واهنيه تعالت اصوااتهم وهم يظحكوون..وخاصتن راشد اللي قعد من كثر ما كان يضحك ع شكل الدريول..واليازيه حاطه يدها ع فهما جنها تمسك الضحكه..
الدريول"يتحرطم..":سو هازا انت وازد مسكله لاسد انا في خبر هازا بابا سلتان..
وتم رااشد يضحك عليه بصووت عالي ..وعيوونه دمعت..وهو يشوووف الدريول متبهدل..
راشد:هههههههههههههههههههههههه..ههههههههههههههههااا ااي..
عيل اليوم رفيق لاتتسبح..ههههههههههههههههههههههه...سبحتك بلاااشي..ههههههههههههههههههههههههههههههههههههههههه هههه..
سارت اليازيه واهي اتشوووف الفيديو وتمت ناااقعه ضحك..وقعدت عند قووم امها وعمووتها عايشه وروتهن الفيديو.
ام منصور:عتلاااااااته من صبي اممرة ما ييوز مبهدل الدريول..
ام سلطان:اااه من هالراااشد فعااايله كبيرة ولسانه ما حد سلم منه..
اليازيه:هههههههههههههههه..كككككككككككككك...وا لله واالله لو شفتوا الدريول وهو يتحرطم بتموووتين من الضحك..
أم سلطان:بس بس صخي يا خراب البيت..امبوونج انتي وراشد مأذين خلق الله..انتي بالبشااكير وهو بالدريول..ماتيووووزووووووووون....
اليازيه:هههههه..امايه يعلني فدااج..امبونه نمزح ونسووولف..
ام سلطان:يا زينها زيناه من سوالف ..ما تعبر دقيقه الا والبشكاره عافده عنديه اليازيه واليازيه..وراشد وراشد..
ام منصور:ههههههههههههه...لا تحرجيين عليهم يا حصه..تراهم هاااييلا عيالنا وسندنا..
اليازيه:هيه امايه خليها تحفظج كم جمله اتدلعييني بها قبل ما ارقد ويوم انش ويوم اسير المدرسه ويوم ارد ..
ام سلطان:بتبطيين الساااع..يلا نشي ذااكري امتحاناتكم قربت..واليوم المدارس امخلصين الا انتوا..
اليازيه:انزين انزين بس خلونيه اسولف شوي عندكن..
ام منصور:سيري ذاكري فديييت رووحج اممرة لااحقه ع السوالف امبونها ما تخلص..والمذاكره اخيرلج وبعدين هاي سوالف عياييز..شو تبين ابها..؟؟الا واحد عرس والثاني طلق وع هالمواال..
اليازيه:امبونيه عارفه سوالفكن ولو تبيني اسمعها حاظرييين...بس دخيييلكم ماريد اذاكر اللحينه..بريك بريك..
ام سلطان:ما عندج سياره لا تعفدين علينا..اونه بريك بريك شو هالرمسه؟؟
اليازيه:يعني امايه استرااحه.."وقالت في خاطرها.."..استراحه ولا فندق..هههاي..
ام سلطان:شو له استراحته..عاد اللي يسمع جنج قطعتي الكتاب تقطيييييع...
ام منصور:والله يا خويتي من تعلموا الرمسه العنقليزيه وهم الا يرمسوون شراتهم.. امس كنت قاعده في الحوي وشوي الا منصور ظااهر وقلت له وين ابها..قالي هنيه قريب...قلت له عيل سوليه تلفون اباك في حايه..جان ايقووولي اووكي مادري اوطي.اويجي..والله ما فهمتها..
اليازيه:ههههههههههههههههههههههههههههههه..عموه يعني زين زين...
ام سلطان:زين والله..حتى كلمة زين عندهم...
ام منصور:امبونهم العنقليز ما يفوتهم شي..يلا حصه خلينا انسير ع عرب سويحان..من بدت الأمتحانات واحن الا في البيت مبتلييين بهالعياال..
ام سلطان "اتنش":هيه والله... والله اعلم باللي يبوونه في شهايدهم ..
اليازيه:حوه حوه وين بها يا شيووخ سويحان...؟؟؟
ام منصور:جانج ما سمعتي صخي..
اليازيه:اووويه قفطوونا ..لالالا عموه وين يعني بترووحون..
أم منصور:بنسير ع عرب سوييحان..من كثرهم عاده...
اليازيه:هييييييه ..عيل شااو..
وتسير اليازيه..من عندهن ونفسها في خشمها..طالعت الكتاب اتلوعت جبدها..استغفر الله دين..وماريد اذاكر..وصلت فووق عند حجرة مهروه..وكانت امبنده..يعني مهره رااااقده..قالت اليازيه في خاطرها"ياا حظها اليوم خلصت الإمتحانات..وانا بعد يومين ببدا..شو هالحاله؟؟"..
سارت اليازيه صوب الدريشه اللي كانت مجابله الحووي..وشافت امها وعموتها وهن ظاهرات من البيت..وشافت سياره وقفت عندهن وعرفت انه منصور..
ردت ع ورا..ربعت يداتها..وبدت اتغني واتشل منوعات ع كييف كيفها..وبندت الدريشه وخلاف الستااره..وشلت اكتابها..وظهرت من الحجره بهدوووء...وسارت الصاله وقعدت ع الكرسي وتمت اتذاكر..

. . . .

جمعت الشوق وأهديته عيونك...وكل الحب في دربك نثـــرته
وعطرت المشـــاعر من جنونك...وزفيت العمر لك لو خسرته

بيت بو عبيد..
الساعه9ونص..
حجرة ميثا..

في هالوقت ميثا كانت وسط اوراقها وكتبها اتذاكر خايفه من امتحان بااجر..طالعت الساعه وشافتها تسع ونص..بمجرد ما ردت لوضيعتها وبدت اتذاكر دق الباب وكانت ميرة ختها..
ميرة:مرحباااا..
ميثا"اباتسامه":مرحبتييين تو مانورت الحجره..
ميرة:ها شحال المذاكره؟؟
ميثا:والله انيه زااايغه..أحسه باجر الإمتحان بيكوون وااييييد صعب..وبعدين مليت احس انيه طوول عمري بتم امتحن..
ميرة:ههههههه..يلا ما بقى غير ثلاث ايام فتره واتعدي..هاج يبت لج عصير ليمون وبعد اشوي بزقرج للعشا..
ميثا:تسلميييين فديتج ..
ميرة:الله يسلمج ..يلا تامرين ابشي..
ميثا:يسلموو...
ميرة:يلا ذااكري زين نبا نسبه حلوووة..
ميثا:لا اتوصين..
ظهرت ميرة واظني الكل استغرب شو هالمعامله والتطور اليديد..ميرة من بدت اترمس سعيد على انها ميثا بدت اتحسن بعد من علاقتها ويا ميثا..ما تبا اتشكك اختها ان في شي يستوي وهي مب عارفه..
من ظهرت ميثا شلت تيلفون البيت وشيكت ع الأرقام..وانصدمت يوم شافت رقم سعيد متصل فوق الأربع مرات..مسحت الأرقام ابسرعه ودقت له..بعد ما حدرت حجرتها وبندت الباب..
سعيد:واخييييراً انتي وينج عن التلفون؟؟
ميرة:سعيد شو بلاك انا كنت اذاكر..امتحان بااجر وااايد صعب وطوويل..تباني اترياااك واتريا اتصاللك..ليش انت اصلاً من متى حفلتني..
سعيد:شووو هالرمسه؟؟
ميرة:شو شو هالرمسه..امس اترياك اتدق تتخبرني عن الإمتحان..وفي الأخير لا دقيت ولا هم يحزنون..بس تدري انا الغلطانه يوم ارمسك تلفون واودر دراستيه عسبك..
سعيد:ميثا انتي فاهمتنيه غلط..انا اخاف ادق على التلفون خوفيه حد ايشوف الرقم ولا ايرد علي ..اتخيلي عبيد ايرد علي..شو اقوووله؟؟؟؟بس اليوم ما شفتج لا اتدقين ولاشي رحت ودقيت لج وانتي امطنشه ع الأخير..وانا بعد امودر دراستيه عسب ارمسج واشوف ااخبارج..
ميرة:المهم انا بسير اذاكر اللحينه..ميرة ختيه شاكه في السالفه ...
سعيد:شو شاكه في السالفه..هلج لو دروا ميثووووه بيذبحووونج..
ميرة:انا اعرف انهم بيذبحووووني..بس مدري الله شحدني علييك يا سعيد ويخليني اسويلك تلفوون..سعيد تعرف انا ليش سويت هاه كله..بس لأني احبك..وما ارووم اعيش ابدونك..
سعيد:والله انا بعد احبج وامووت فيييييج....
ميرة:خلاص سعيد فديتك انا بسير اذاكر وما اوصيك في المذاكره..ابغيك اتشد حيلك اكثر..
سعيد:انشالله ودعواتج لنا..
ميرة:فديتك والله انيه دوووم ادعيلك من خاطريه..يلا انا ببند..مع السلامه..
سعيد:فمان الله..
بندت ميرة وابتسمت ابتسااامه نذاله..وظهرت من حجرتها ..

. . . .

شفت موتي وانا حي والسبب هم فرقاك ... ارفق بحالي شوي قلبي ماطاع يسلاك
اطلبك دامني حي احفظه لي ويفــــــداك ... خلني المح الضي ضي طلت محيـــــاك

أمريكا..
شقة مبارك وذياب..

في هالوقت مبارك ميود الابتوب والطابعه ويطبع اوراق..اما ذياب ميود اكتابه ومدد اريوله على طوول الكنبه..
مبارك:اتصدق ذياب انيه طفرت وافكر ارد للبلاد..
ذياب:اممم..انا بعد افكر ارد والله طفرت من هــالدراااسه..احسها كل مرة اتزيد صعوبتها..وبعدين مشتااااااااق حيييل لهل الإمارات..
هف مبارك ولبس جاكيته ..ووقف جدام باب الشقه..
مبارك:خاطرك ابشي..ان بسير للسبوماركت..
ذياب:امممممم..اللي تاخذه لك خذ من اثنين..
مبارك:ههههه..وفرت على عمرك..
ظهر مبارك وبند باب الشقه بقوووه وبقهر..كأنه ايرد حرته فيه ...عض على شفايفه بقهر..بندم..بألم..كان ما يتحمل هالحياه ويا ذيااب ربيعه..ذياب ايزيد من عذاب مبارك لأنه بدا يرمس عن اليازيه واحلى ما في اليازيه ومواقفه ويا اليازيه..كله يرمس في اليازيه..ومبارك؟؟ومبارك؟؟محد عطااه سالفه يضحك ويدوووس على قلبه..يضحك ويتحمل جروووحه الداميه..يضحك ويحاول ينسى محبووبه..مبارك لو الود وده ييلس في امريكا ويودر الإمارات بسبة اليازيه...خلاص مبارك ما يبغي ايشووف اليازيه..هو بس بأفكاره يحس انه يخون ذياب ربيعه..كلكم تدرون ان مبارك يمووووت على اليازيه وما أظن ان عنده استعداد يتخلى عنها....لكن السالفه فيها ذياب..وانتوا تعرفون منو ذياب بالنسبه لمبارك..ذياب هو أعز وأغلى انسان بالنسبه لمبارك..نصه الثاني..توأم رووحه..الإنسان اللي عاش مبارك حياته كلها وياه ابحلوها وامرها..روحاته يياته ويا ذياب قضى ايامه وسنينه ويا ذياب..لو صار شي في ذياب يمكن يتينن من وراه مبارك..علاقتهم مب اي علاقه صداقه واخوه بس..كلن يمووووت ع الثاني..واللحينه..طلعوا اثنينهم ايحبون بنيه وحده اسمها اليازيه..
""ليش هالحظ النحس ..ليش انا حبيت اليازيه وهي حبتني..وذياب هو بالأصل ايحبها..ليش ذياب ما خبرني من أول جان من أول ابتعدت من دربها وحياتها..واللحينه..شو الحل؟؟أخبر ذياب..اخبره؟؟؟!!!شو أقوله؟؟ذياب انا أحب اليازيه..وهي اتحبني؟؟؟انا بعقلي اقوله هالكلام لووووو على موتي ما اجرح قلب ذياب..لوووو شو يستوي انا ذياب ابغيه يعيش مرتاح وقلبه مرتاح..اذا انا بعاني عيل مب لازم حد غيري يعاني ويايه..بخلي العنا والشقا لي انا وبس..وذياب..ابغيه يعيش مستانس..ما ابغيه يتعذب ويعذب قلبه..آآآآآآآآآآه يا ذياب..ليتك ما قلت لي باللي قلبك يهواها..ليتك خليتني على غفلتي..بس الحمدالله انه خبرني..عسب اشوف حل لهالسالفه القويه..ذياب مغرم حييييييييل باليازيه..وانا بعد امووووووت عليها وما اظني ذياب ايحبها شرات ما أنا احبها.. انا اللحين متوتر ما ارووم اطلع حل لهالسالفه..حاير بينكم انتوا يالإثنين ..ذياب واليازيه أعز وأغلى الناس في قلبي...الإثنين اللي اغليييييييهم عن بد هالناس كلهم..محتار اخلي منو وابقى مع منو..محتار اضحي بمنو منكم..محتار..بس...خلاص ما بشتت افكاري..ابروحها امشتته.."
حدر السبوماركت وشاف البنيه اللي ساكنه في عمارتهم..لو تذكرونها البنيه اسمها غايه..شافها واقفه ع طرف..لابسه بنلطون جينز ازرق وقميص اسود وفاجه شعرها..من شافت مبارك ياي صوبها تحركت هي ابصوبه..
غايه:هلا مبارك..
مبارك:هلااا غااايوه..
غايه:شحالك؟؟
مبارك:انا بخير ومن صوبج..
غايه:ما نشكي باس..
مبارك:ويا منو يايه ويا عمج عبدالله..
غايه:لا لا ييت ويا ختيه يزووي..انا اترياها اللحينه..
مبارك:ختج اسمها اليازيه..
غايه:هيه..
مبارك:اها ..تامرين ابشي..؟؟
غايه:لا سلامتك..
مبارك:لو شفتي عمج عبدالله قوليله مبارك ايسلم علييك..
غايه:انشااالله..
مبارك:يلا بااي..
غايه:بااي...
تذكر مبارك اليازيه..تذكر بسمتها ضحكتها وقفتها صراخها لعبها مزحها ...تذكر ايامه اللي قضااها وياها..تذكر اول موقف امبينهم في مطبخهم يوم كانت امقفيه وهو سبها..تذكر يوم تزاعلوا وخلاف كلن راضى الثاني..تذكر اليوم اللي اعترف لها ابحبه..تذكر اليوم اللي شافها في بيتهم وخلاف وداها لملجة نورة بنت عمه..وبالأخير تذكر اليوم اللي توادعوا فيه........................
هنيه ما اروووم اكمل او اقوول شي.....يمكن اذا كملت ازيييد جرووح مباارك...
تحرك مبارك في السوبر ماركت واشتراله كمن غرض بطاطا وعصير وحليب وكافي ومن هالأشياء..كان سرحان..يشتري بدون اي تركيز..لين مارد على ورا ودعم عبدالله..اللي هو عم غايه"البنيه الصغيره"..
مبارك:اووه عبدالله..
عبدالله:مرحبااااااااا مبارك..
مبارك:ومرحبابك زود..
ويتوايهون..
عبدالله:شحااالك؟؟
مبارك:ايسرك الحال ولا يضرك..شحالك انت وشعلومك..وينك ياريال مطول الغيبه اللحينه صايرلي اربع ايام ما شايفنك جنه الا انت في عماره وانا في عماره..
عبدالله:هههههههه..كنت عارف انك بتستلمني ..السموحه منك الشيخ والله انشغلت ويا الوالده ومواعيدها مع هالدكاترة..السموووحه منك ع القصور..
مبارك:مسموح وبالحل يااخوي..الا طمني ع الوالده انشالله أحسن..؟؟
عبدالله:والله شو اقولك..كل شي بيد رب العالمين..الوالده للحينه حالتها شرات ما هي قبل ابد ما تغير فيها شي..
مبارك:الله يعافيها انشالله ..
عبدالله:الا وينه ذياب ما اشوفه وياك غريبه انتوا دووومكم ويا بعض..
مبارك"زاد حزن قلبه":الله يعمر طولك ترى ذياب ودرته في الشقه يحرسها لين ماا ايي..
عبدالله:اوكيك سلم عليه..اها عيل استرخص منك ..وشد حيلك في الدراسه نبغي انرد البلاد نسمع بمبارك واسمك شال البقعه شل..
مبارك:افا ولا توصي..شي في الخاطر؟؟
عبدالله:تسلم..ومن صوبك..
مبارك:تسلم الغالي..حياك الله..
عبدالله:فمان الله..
سار مبارك صوب الكونتر وحاسب وشل الأكياس وظهر من السوبر ماركت مشى في طريقه وفكره رد لهالسالفه الللي لعبتبه وقلبت حاله فوووووق تححححت....حدر الشقه وشاف ذياب مرتبش ويا الأغاني..حط الأغراض ع الطاوله الللي جدامه..وحط مفتاح الشقه عدال الأغراض..وسار وفج الثلاجه وظهرله مااي وشرب..وخلاف رد ويلس ع الكرسي وهو يطالع ذياب..
ذياب:ياليت قلبك عارفني من صغر سنه..والله لأحبك واضمك بين احضاني..
حبيب قلبي منعت القلـــــــــــــــب لا كنه..يبغيك انتـــــــه ولا يبغي احد ثاني..
الصراحه هالغنيه خبلتبي متى سيفتها..
مبارك:سيفتها أمس..عيبتك؟؟
ذياب:هيه ووووااايد..
مبارك:عبدالله بن خليفه ايسلم عليييك..
ذياب:الله يسلمه ووينه الريال ما ينشاف..
مبارك:مشغوول ويا امه.."ويطالع في اظفورة كأنه يهرب من نظرات ذياب"...
وايي ييلس ذياب ع الكرسي اللي مجابل مبارك ويرفع ويه مبارك ويطالع فيه..
ذياب:مبارك..خلك صريح ويايه..انت شي في خاطرك..انت في خاطرك رمسه..مبارك ليش جيه متضايق..
مبارك:..........شوو في خاطري؟؟انا ما فيني شي..
ذياب:لا انا متأكد انت في خاطرك شي..بس ما تريد اتخبرني..
مبارك:لا تفسر الأمور على كيفك..
ذياب:انا للحينه ما فسرت شي..بس انت متضايق وهالشي امبين من تصرفاتك..مبارك انت من ردينا من البر هاييج المرة وانت مب على بعضك..احس انك غيير بالمرة..تتهرب مني..انا قصرت في شي عليك..ان قلت لك شي جرحك ولا ضايقتك..بلييييز مبارك خبرني..انا ما ارووم اشوفك جيه اسكت..أحس بك متعذب وااايد..
مبارك:ههههههه..بليز ذياب لا اتضحكني..خذها بالعقل انا شو بيعذبني..
ذياب:مادري فيك...
مبارك:تطمن ذيابوه ما فيني شي..
ذياب:امممممممم..للحينه ماا صدقتك..
مبارك:تباني اثبت لك انيه للحينه ما تغيرت..
ذياب"يربع يداته":شوو بتسوي..
مبارك:امااااااااااااااااااااايه..قول هاه..
ذياب:هاه..
مبارك:ابالي اسكرييييييييييم..
ذياب:ماشي اسكريم..
مبارك:مااعليه بخلي بابا يطلقج..
ذياب:ههههههههههههههههههههههههههههههه..هههههههههههه ههههههه...
مبارك:اخبرك نكته..
ذياب:يلا قوول..
مبارك:نسيييييتها..باجر تعال..
ذياب"يرميه بقرشة الماي":عمرك ما تترك الإستهبال..
يت القرشه على راس مبارك وطاح امسوي عمره مغمي عليه..ذياب يضحك على مبارك واستهباله..وحس ان حياته دوون مبارك ما تسوى شي..

. . . .

هاذاك قلــب الندامه طارلك من هيامه..شفت وشلوون حبك خلى قلبي حــمامه..
بس حمامه تحبك الا ماتت بحبــــــــك..مثل صاحــــبها ياللي ما يبي غير قربك..

المدرسه..
آخر يوم في الإمتحانات..

في هالوقت الشله الخربانه "ظبيه اليازيه هيور سهيله وودوم"..كالعاده واقفات جدام بوابة المدرسه يترين السيايير..
هيور:يالله اليوم أخر يوم..بنودر المدرسه خلاص..
اليازيه:الحمداالله بفتك من شيفكن اشوي..
ظبيه:ويا ويهج ماشي فكه مني..
ودوم:ودج انتي بس بشوفتيه..
اليازيه:شدعوه انتي امايه..
سهيله:ههههههههههه..اتصدقون انا خايفه من النسبه..
اليازيه:هونها وتهون...انشالله خير..
ظبيه:وينها هالسيايير..
سهيله:سبحانك اخر يوم اتبروا منا..
الكل:هههههههههههههه..
اليازيه :شافوا ما منج فايده..الا الرقاد..
سهيله:حراااام عليييج..صح ما خبرتكم احن اليوم بنسير زاااااخر..
ظبيه:اها عند الحبيب..
ودوم:ما اتشوفينها مستانسه..فديتني انا بسير دبي هليه ما صدقوا اخلص بنسير عند قوم عمومتيه..
اليازيه:وانتي سهيله سودا الويه ليش ما اتسيرين عند عمومتج..
ودوم:تراها نذله قلت لها بنسير رباعه ما طاعت..ملعونة الصير..
سهيله:شو نسوي اذا قوم خالي داقين الا وعشانا عندهم انردهم..؟؟؟؟؟
اليازيه:اها جيه السالفه...
هيور:اما انا بسير لبوظبي عند قوم عمي..فديتني متوله على نورة بنت عمي..
اليازيه:عيل سلمي عليها..وخليها اتيي سويحان في العطله عسب انشوفها مرة ثانيه ونسلم عليها..اما احن هلنا كلهم بتيمعون في بيت عمي عبدالله..
ظبيه:وأحلى شي ان قوم عمي بعد بيوون..اووووف ربيببببببببببشه..يزوي حسبيهن البنات اللي بيتمعن اليوم..
اليازيه"تحسب البنات عسب اتغايض هيور وسهيله وودوم..لأن عايلتهم أكثرشي":سلامه وظبيه واليازيه ومهره ومنيرة ونورة وهنوفي..سبع فديييتنا..
هيور:ماااشالله..انا وحده وبنات عمي ثنتين..
ودوم:احن اربع ويا سهيله...
ظبيه:اشوووووووووي..
هيور:هيه يلا خقن..مقيوله في بنات سويحان اكبر خقاقات..
اليازيه:ومن حقنا جمال ودلال..
ودوم:عاد جمال ..ساد انج احلى وحده في المدرسه..
سهيله:بس عاد لا اتكبرين راسها ابروحها هي مكبرة راااسها..
ودوم:خلينا انمدحها هااي يزوي زعيمتنا..
اليازيه"اتسوي عمرها عندها عضلات":احم احم..ماا يحتاي تحرجوني..
وشوي يت شلة شيخه الكتبي..وهاي ربيعتهن بس مب دوووم وياهن..وشله تحتوي خمس بنات شيخه وحصه ونورة والغلاو فطوم..وكلهن يعرفن اليازيه وربيعاتها وسلمن علييهن لأنه أخر يوم..
وخلاف يت عايشه بنت حمدان ووياها ربيعتها سلامة بنت ابراهيم..وسلمن هن بعد على اليازيه وربايعها..وبعد ما راحن البنات..
اليازيه:مااشالله واقفات اهنيه واللي اتشوفنا اتسلم علينا وتسير للبيتها..
هيور:ترا هالنقطه اللي احن قاعدين فيها نقطة الوداع..
الكل:ههههههههههههه..
ودوم:ما خبرتكن..؟؟
الكل:شووو؟؟
ودوم:هاي الورقة اليوم يتني بنت وعطتني اياهاوللحينه ما قريتها مادري شو مكتوب فيها..
اليازيه:منو البنيه..
ودوم:هاااييج شو اسمها؟؟اممممم...هيه بخيته اللي من شلة فاديه..
ظبيه:وووعععيييي..اللي من شلة فاديه..شو بغن فيييج..
ودوم:مادري والله عطتني الورقه وخشيتها في مخباي..ونسيتها..
سهيله:مالت علييج فقدتج فجيها الورقه خلينا نعرف شو مكتوب فيها..
هيور:يبوها يبوها انا بقراها انتن كسلانات ما تعرفن تقرن..
اليازيه:صح انا كيف امتحنت اليوم..ربي الهمني ونزل علي الوحي وامتحنت بدون ما اعرف اقرا..
سهيله:بسكن هذره خل نعرف شو مكتوب فيها الورقه..
ودوم:وانتي شو له ممتحنه الا ورقه..
ظبيه:بتطير مع الأيام..
ودوم:ههههههههههههه..
هيور:بسم الله الرحمن الرحيم..انتن يا شلة اليازيه لو فيكن خير جن ما قلتن هالرمسه جدام البنات..انا ابغي افهم انتن ليش تكرهونا لا يكون عشان احسن منكن..تراكن حقيرات ونذلات وانانيات..واهالكين ما عرفوا ايربونكن..
اليازيه:بنت الذييييييييييين هربوا عنلااااااااااتها انا مربايه احسن عنها سود الله ويها..
ودوم:يلعن شكلها يعلها النفاااااااااااااد..يبوها هاي بخيته لعلها الموت..
ظبيه:عنلاتها اللحين احن حقيرات..وينها مضيعة المذهب لعل العله اتصيبها..
سهيله:قمنالهن مسودات الويه يلا لعل العله اتصيبكن..تراهن للحينه ميلسات في الساحه العوده ..
اليازيه:قمنا لعنا خيرهن بنات الذين..
هيور:نشن يلا وما علينا من الإدارة اليوم أخر يوم وباجر محد بيزقرنا في الطابور..
اليازيه:تراج بتكونين افبيت عموووووومتج..
الكل:يلا..
وردن الشله الكريمه داخلات المدرسه بعبيهن..واول ما دخلن تمن يزقرن بخيته لما سارن لها في الساحه العوده..شلة بخيته منهن خمس فاديه وبخيته وشجون وسارة ومها..وهااييلا سمعتهن رااايحه رااايحه..وراعيات مشاكل في المدرسه ودووومهن ايحبن يظاربن البنات..وعاد شلة اليازيه ما صدقوا حد ايسبهن عسب يظاربهن ودهن هن بالظرايب..تمن شلة اليازيه ايسبن شلة بخوت لين ما ساره ومها شردن اونه احن مالنا خص..
اليازيه:ووووووووي ما تشوفن ربايعكن كلهن شردن منو بقا..
هيور:شلتكم امسوينها تكملة عدد..
اليازيه:وبعدين احن متربيات احسن عنج وعن ربايعج يا قليلات الأصل..وما يتكلم عن الأصل الا قليل الأصل..
ظبيه:يعلكن النفاد يالخوافات شو له ييتن أخر يوم..ليش ما ييتن من قبل عسب انشرشحكن في الإدارة..
سهيله:لا ترى الخوف لا عب بقلوبهم ويا اشكالهن عافانا الله..
فاديه:ماااايسوى علييييكن جيه محتشرات..
اليازيه:وشو بتسوين يعني؟؟بنحتشر على كيف كيف ابونا يا بنت الذين هربووا..
ظبيه:ياللي ما تخيلن ولا تحشمن..
ودوم:بسنا بسنا من السب ظهرنا الدريوليا اكيييد يوا..
وبعد موووت اقنعتهن ودوم يتحركن ومرة اتسب ومرة اترمس ربايعها الين ما ظهروووووووا وردا لبيوتهن..
اليازيه اول ما ردت تمت امسويه حشره في البيت ويا خووها سعيد اللي كان مستانس هو الثاني لأنه افتك من الدراسه بكبرها..وحلف لو عنده دور ثاني ما بيقدمه..لأن نفسه خلااااص عااافت شي اسمه الدراااسه..اما اذا كانت نسبته حلووه وتساعد في دخوله للكليه او الجامعه فهو امفكر يدخل الجامعه"يعني في طموووحات والحمدالله"..وخلاف كلن سار يتسبح ويرقد ويرتااااح بعد عنا طوويل وايام مرت ما كانوا ايفجون الكتب الا مجابلينها اربع وعشرين ساعه"للحينه ما مريت فيها هاي المرحله"..
وع الساعه 8ونص نشت من الرقاد..وكانت اعيوناتها مدفنه مسكينه..وفاجه شعرها..ولابسه بجامه زرقا..غسلت ويهها وظهرت ابسرعه من حجرتها..ونزلت تحت ..البيت مفظي محد فيه ولا كأن حد عايش فيه..حجرة امها وحجرة سلطان اللي في الطابق التحتي كلها امفظيه وما ظهرت الحوي اكتفت بنظرة من الدريشه خايفه لا حد ايي وهي بهالشكل..اسميييه بيشرد مسكين..المهم..ردت وطلعت فوق..حجرة مهره نفس الحاله..؟؟؟؟وييييييينهم؟؟؟وين اختفوا؟؟؟؟؟حجرة راشد هي بعد محد فيها..ما بقت غير حجرة سعيد..دقت الباب فجلها سعيد الباب وكان لابس كندورته وفاج شعره والمشط بيده..
سعيد:هلا الليازيه يلا خلصي بسرعه بنسير بيت عمي حميد كلهم يتريونا..اترياج في السياره..
اليازيه:اوكيك..
كانت تبا اتكمل رقادها بس اتذكرت سالفة بيت عمها..حدرت حجرتها وتسبحت وتكشخت ولبستلها تنورة اشترتها من كان كان عاد اليوم خلصت امتحانت لازم اشوي كشخه..وبعد ما خلصت ظهرت من حجرتها دق التلفون..سارت وردت..
وسمعت صووووووووت مبااااااااااارك من الصوب الثاني وهو يقول..
مبارك:آلووو..


انتهىىىىىىىىى البااااارت..

الجزء السادس عشر..

لا تذكرني بحبك ياغنــــــــاتي..ولا تذكرني بماضيك الجـــــميل
في صدى ذكراك باجزر حياتي...مستحيل احب غيرك مستحيل

أحساس فرح مندمج مع حزن..صوت مبارك..سمعته اليازيه بعد فراااق طوييل..أبد ما كانت متوقعه ان مبارك بيذكرها وبيسويلها تلفون..ما خاب ظنها في مبارك..كانت اميودة السماعه ..وريولها مب شايلتنها..والسماعه اشوي بتطيييح ..جنها اليازيه مب مصدقه انه صووت مبارك..
مبارك:الووووووو..
اليازيه:هلا..
مبارك:اليازيه؟؟؟؟؟؟>>>كان صعب عليه وهو ينطق اسمها ينطقه بكل قهر..
اليازيه:هيه اليازيه...
مبارك:أأأأأأأأه..لو دريتي ياليازيه باللي استوالي..والله والله الغالي انج ما بتعاتبني ابد..
اليازيه:شوو استوالك؟؟
مبارك:خلينا من اللي استوى..شحالج ؟؟
اليازيه:انا بخير..بس انت اللي مب ابخير..شو اللي حل عليك...مبارك قلبي قابضني حاسه ان في شي مستوي..
مبارك:صدقيني ما استوى شي ينرزا..ليش امكبرة الموضوع..مبروك خلصتوا الإمتحانات..
اليازيه:الله يبارك فيك..بس خبرني شو فيييك؟؟مبارك ان حاسه ان في شي نبرة صوتك اتدل على ان في شي..بلييييييز مبارك طمني انت بخير..شي يعورك؟؟
مبارك:فديتج والله انا ما فيني شي..الحمدالله ابخير وعافيه..وينهم هليه ادق على تلفونهم وما يردون..
اليازيه:أكيد ساروا بيت عمي عبدالله..واحن اللحين بنسيرلهم سعيد يترياني في السياره..
مبارك:أها ..تامرين ابشي ببند؟؟
اليازيه:لا سلامتك..ومن صوبك..
مبارك:تسلمين فديـــ.....مع السلامه>>>كان بيقول فديتج بس ماحب ايكملها حس انه يخووون ذياب"ياهالذياب.."..
اليازيه:الله يحفظك..
بند مبارك السماعه..موجة احاسيس حسبها ما عرف ابشو ايحس..شوق وله ندم قهر ...اليازيه..أأأأااه يالياااااااازيه..كم احبج وكم تعنيت في هالحب..



. . . . .

ارسلك عتاب قلبي واحسب احسابك..وابياتي البيض دايم باسمك ابداهم..
يجبرني الشوق يجبرني على عتابك..واتمنا تقـــــــرا ودادك قبل تقراهم..
دمت الخفوق اذا قابلك هلابــــــــــك..يا اطيب الناس في عيني واغلاهم..

بيت بو حميد..
الصاله الفوقيه..

في هالوقت سلامه ونورة ومنيرة والهنوف ومهره وظبيه واليازيه كانن يالسات..سوالف ضحك وحشرة ومصخره..الا اليازيه كانت سرحانه بتفكيرها بمبارك..كانت تتسائل في خاطرها شو اللي حل على مبارك وامخلي صوته جيه..
ظبيه:بل بل كل هاذا تفكير يزوووي شو اللي حل عليييج..؟؟؟
مهره:اليوم ييتي من المدرسه ما كنتي جيه..
منيرة:أكيييد في سالفه..
سلامه: ماالكن خص في بنت عمي هي بتخبرني شو اللي مستوي عليها..
اليازيه:تبن تعرفن شو اللي مستوي؟؟
الكل:اكييد..
اليازيه:انزين انتوا شو تتوقعون؟؟
نورة:اممممممم..انزين انتي رمسي وخلاف بنشووف..
اليازيه:ااااااااااا.....ولا أقول انا بنزل تحت اشوي وخلاف بييكن واخبركن..
ظبيه:هاهااي..مفهوومه ياماما..تنزل تحت واتفكرلها بسالفه جذب في جذب..
تنش اليازيه واهي امسويه طاف لهن..مالها خلق لسوالف مع انها ما تبا اتفوت هالجمعه بس شو اتسوي دوومه امبارك مخرب علييها حياتها..قلبها ناغزها وحاسه ان في شي مستوي..صووت مبارك ..تنهيدته..ارتباكه..كل هالأشياء دللت على ان في سالفه.."بس مبارك شو بيستفيد يعني اذا خش هالسالفه عني..؟؟لا اتكون هالسالفه اتخصني..؟؟أكيد اتخصني عيل اتخص منوو؟؟"..
وصلت المطبخ بعد عنا شديد هالأفكار وااايد لعوزتها ولعبت بعقل هالمسكينه..شربت لها مااي وتمت يالسه ع الكرسي وتتأمل في الكاس اللي حاطتنه ع الطاوله..وكانت اتمرر ايدها عليه من فووق..كل اللي في البيت ما اهتمتلهم..ما يلست عند حد منهم..تركتهم وانفردت بروووحها في مكان اتحاول تبتعد عنهم بقدر استطاعتها عسب محد يلاحظ سرحانها الواضح وشروودها الدايم..هزها صوت حميد وهو يسحب الكرسي وييلس مجابلنها..على قد نذالة حميد الا ان الليازيه تحبببه موووووووت شرات اخوانها وما تقدر تخفي عليه شي ..وعلى فكره هو عارف بعلاقتها ويا مبارك..
حميد:بل بل شو فييج يزووي؟؟رب ماشر؟؟
اليازيه:ما فيني شي..
حميد:هاهاها..تنكتين ولا اتحاولين..
اليازيه:.................. .
حميد:مبارك مستوي به شي..؟؟
اليازيه:اووه حميد انته عاده لا اتزودها كل شي قلت مبارك مبارك..منو هاذا مبارك يعني الا ولد عمتي عايشه..تراك حشرتني وطفرتبي..
حميد:اعصابج اعصابج الشيخه وخبريني شو له الحشره هاي كله..عنبوووه ما ينرزا هالكلام اللي قلتيه..جيه يبنا طاريه امممرة انفجرتي مرة وحده..الله يهداج بس..
اليازيه:حميد فديييت رووحك اللي فيني كافيني ...
حميد:ماا يهون علي جيه اشووفج واسكت..تدرين بمعزتج يزووي انتي شرات سلامه ختيه ومعزتج فقلبي مب اشوي..شو اللي حل علييج جيه قلبج مرة وحده اول ما شفتج حسبتج ظبيووه..بس خسارة ظهرتي اليازيه..
اليازيه:اوووه اوووه يااا كبرها عند ربي..حميدوووه الهيس انا اشوف تقلبات في الأوضاع شوووو السالفه..
حميد:انا شو يابني ويلسني عند هالأشكال..؟؟؟هي الصراحه غلطت حياتي..
اليازيه:لا وانا اشهد ان غلطة حياتك يا حميد يوم ودرت ظبيوه عسب عليووه سبالتك العوده..واللحينه شو الللي صار..كانت معتبرتنك لعبه لعبتبك ويوم ملت شافت واحد غيرك...وظبيه اللي حبتك من كل قلبها كانت ترخص كل غالي لك..تفداك بعيونها..حياتها كلها لك..خبرني اللحينه منو بيحبك شرات ما حبتك ظبيه..ابغي اعرف اللحين انت شو وضعك..؟؟؟؟؟
حميد:شو وضعي عاده ياليازيه..عليووه وتركتها..وظبيه شوق يشدني صوبها بس
ما لقيت منها اي تجاوب...
اليازيه:حميد انت مالك امل ويا ظبيه..من اول عطتك فرصه وانت ضيعتها..وما اظني انها بتعيد غلطتها مرة ثانيه..حميد ظبيه لقت منك الإستهتار ولإستهزاء..انت عذبتها بفراقك ببعادك واخر شي بخيانتك..
حميد:بس شو اسوي انا كنت احب عليووه لعلها النفاد..
اليازيه:اوكيك اتحبها بس ليش تجرح ظبيه واتسبها.؟؟؟
حميد:لا تتخبرين عن هالشي انا بنفسي ماادري كيف سويت هالشي..تقدرين اتقولين ايام مراهقه..او غلطة ما كنت اقصدها..
اليازيه:صح احيانن الإنسان ايسوي شي هو ما كان قاصده...او ما اهتم به واايد..
حميد:واللحين ظبيوه خلاص مالي امل وياها؟؟؟..انت عاد يزووي رمسيها سويني مسكين جدامها..
اليازيه:اووه اووه..اللحينه حميد الخقاق ايقول خلوني مسكين جدام ظبيه..والله لأنشرها في كل مكان..سبحانك امغير الأحوال..
حميد:استغفري ربج فديتني من يومي متواضع بس لأن احيانن برستيجي ما يسمحلي اسوي اشيا غيري ايسونها قالوا متكبر>>>وجهة نظر..
اليازيه:خلنا اللحينه من هالسالفه..اسمع..اذا ما رقدت اليوم اهنيه وسرنا لسويحان برمس ظبيوه لأن أكيد أكيد قوم عمتيه ما بيرقدون اهنيه عسب ريلها..
حميد:خلاص احن ما نبغيج سيري رقدي في سويحان..
اليازيه:اووه بتخليني اكمل..
حميد:خلاص خلاص عيوني كملي>>>يتمصلح..
اليازيه:انزين وبرمسها وبحاول اقنعها اتغير كلامها الأولاني..وبكل الحالات سواء غيرت كلامها ام لا تغير كلامها فانا بدقلك بدقلك يعني ماشي فكه مني.. وبخبرك بالأحداث اول بأول..وانت عاد بكيفك..انا البنيه ما بغصبها اتررد واتحبك مرة ثانيه..انت ما تدري يمكن حبت لها وااحد ثاني..
حميد:شووووووووو؟؟"وفج عيوناته.."..
اليازيه:بزين بزين على عيوناتك المساجين اللحينه عن ايطيحن ع الأرض ماااالهن ذنب..ايلس ايلس حميداني هد اعصابك الله يهديك بس..شو فيها اذا حبت لها واحد ثاني تراها ككككككااااننننتتت فعل ماضي اتحبك..بس انت ودرتها..واللحينه حبت لها واحد ثاني..
حميد:اللحينه انا ما فهمت عليج حبت واحد ثاني ولا ما حبت واحد ثاني..
اليازيه"عادت حليمه لعادتها القديمه":حبت واحد ثالث..هاهاهاهاهاهاهاي؟؟
حميد:اوووه يزووي جاوبيني ما تيوزين عن الخبال..عنبوووه..
اليازيه:مااادري اذا حبت ولا لأ..بس انا اقول وافترض واحط احتمالات..
حميد:هيه ع بالي بعد لعلج الحوم ويا هالإحتمالات..المهم دقيلي من بعد ما اتشوفين رايها..
اليازيه:اها خلاص عيل اتفقنا..اتصدق كنت يالسه عند البنات وما ظهرت كلمه من ثميه؟؟بس انت لك اثر كبير علي..حياتي من دونك سلطه..
حميد:ههههههههههههههههههه...شو الأخت شغلوج في الدعايات..
اليازيه:الظاهر جييه..
حميد:يلا يزووي خبريني سالفة مبارك..
اليازيه:اي ساااااااالفه؟؟؟
حميد:اها اها عن الحركات مال اليهالوه هااي..وظهري السالفه لا اظهر عينج اللحينه..انا اللحينه امودر الشباب ويالس عندج..
اليازيه:ومحد ضربكم على ايديكم..طال عمرك لا سالفه ولا هم يحزنون..مبارك داق يباركلي خلصت الإمتحانات ورديت انا عليه بس صوته هب عايبني كان صوته مخنووق متضااايج مادري شو بلاه..قلبي ناغزني ان مبارك متأذي وصارله شي..
بالله عليك هاي سالفه..هاي سويلفه اصغر من سالفه..
حميد"يضحك على تعليق اليازيه":هههههههههههههههههههههه..اونه سويلفه ويا هالراس"ويضربها ع راسها"..
اليازيه:اااااييييييييييه انت احسلك ولا تراني ما برمس ظبيووووه..
حميد:خلاص خلاص..شوفيني شو بسوي اللحينه..
تمت اليازيه اتطالعه وهو يظهر تيلفونه من مخباه ويرمس سعيد..
حميد:مرحباااااااا ملاااااااايين ولا يسدن في ذمتيه..شحاالك؟؟...الحمدالله ومن صوبك..؟؟..........افا يا بوحمد منوو قال ابد ما نسيناكم؟؟..............ههههههههه..
ههههههههههه..لا عاد انته ما تصدق من الله تبا اتيود شي علي....لا دخيلك لا تنشرها في الجرايد....الأخ ناوي ايخرب سمعتي...ههههههههه...وعلوومك واخبار الدراسه .....وشالحال عليه اذياب وينه ما نسمع له صوت من وصل امكيرا على قول يدووه وهو امسويلنا طااف..........رد السلام عليه..عاد قله ايرمسنا مب مرة يقطع ......واذا عن الفواتير ويا ويوهكم يالبخلا خلاص انا بدق تدرون ما روم اعيش بلياكم........هههههههه..اعتراااف.......اها... يلا الشيخ تامر ابشي..لا افا تسلم..يلا فمان الله....الله يحفظك.."ويطالع في اليازيه"..اطمني الريال ما فيه شي...وان رفعتي السماعه مرة ثانيه اترمسينه لا حد ايلومني باللي بسويه فيييييييج..سمعتي؟؟؟؟"وضربها ضربه قويه ع رااسها وظهر من المطبخ"..
اليازيه:أسميييه اتكسر راسي فديييته..ااااااااه ييااااا حميد ريحت فؤادي عسى ربي ايريح فؤادك..
نشت اليازيه بكسل وسارت صوب البنات اللي كانن يترينها..ومن عقبها الكل اتعشى..قوم بو حمد ردا لبيتهم في بوظبي بحكم شغل ابوهم..والبنات بعد سارن..وقوم بو ناصر نفس الشي ردوا لبوظبي..وقوم بومنصور كلهم ردوا..وما بقوا الا قوم بو سلطان باتوا عند عمومتهم..يعني يزووووي ما رمست ظبيوه في السالفه..

. . . . .

في ذمتي اني نعم محتـــــاجلك ..عنك دقايق لا حشا ما اتحملا..
كلي ابشوقي يالغضي اتوسـلك..تبقى معي عن لا تفــكر ترحلا..

بيت بو عبيد..
يوم الخميس..
الساعه5ونص..

في هالوقت توها ميثا كانت حادره على امها وعشبة يارتهم لو تذكرونها"ام عيسى.."سلمت عليها ميثا ويلست اشوي عندهن..
أم عيسى:وشحالج يالمييث وشعلومج..
ميثا:ايسرج حالي خاللوه وشحالج انتي؟؟
أم عيسى:ابخير ونعمه الله يحفظج..الا وينها ميرة ختج ما اشوفها اهنه؟؟؟
ميثا:فديتج ميروة فوق في حجرتها..
أم عيسى:اها زين والله..
نشت ميثا من عندهن لأنها سمعت صوت التلفون وهو ايدق..وكانت غبوش بنت عمها متصله بها.."ملاحظه:في الأجزاء القبليه قلت لكم ان غبوش تستوي بنت خال ميثا..بنات خال ميثا هم قوم يزوي..السموحه انا عكست والمفروض اتكون بنت عمها.."...
غبوش:مرحباااااا..
ميثا:وبالمرحب زوود..شحالج فديتج؟؟
غبوش:ايسرج الحال وشحالج انتي؟؟ربج ابخير؟؟
ميثا:بخير والحمداالله..
غبوش:ووينها ميرووه..؟؟
ميثا:فديتها والله ميلسه فحجرتها..
غبوش:علني فداها والله الحمدالله اخيرن اتغيرت حالتها..
ميثا:هيه الحمدالله..حتى امايه وابويه واييد مستانسين عليها استوت تنزل تحت عندتا وتتغدى ويانا وتتعشى ويانا..وتيلس ويانا في الحوي وتسولف عندنا..والله استااانسا واايد..
غبوش:بس ظنتج نست هزاع الله يرحمه ولا لا؟؟
ميثا:هاللي ما ادريبه..بس احساسي يقول انها ما نسته..بس ملت من حياتها العاديه وحب اترد لحياتها الأوليه بس بذكرى هزاع..
غبوس:اها فديييتها والله انيه متوله عليها..صح نسيت ما اخبرج سويت لج تليفون اخبركم ان احن في الدرب اللحينه بنييكم..
ميثا:واخييييييييرن بتيووووووووونا..بنسوي عرس..
غبوش:هههههههههههههه..عاد كونن انتن في الإستقبال..
ميثا:افا علييج بس..
غبوش:يلا ما بطول علييج عسب اتشوفين شغلج مااااا اااووصيج اباالي اكل غيير غيير مثل ما يقولن جده غيير؟؟
ميثا:متأثره وااااااااايد بالتلفزيووون..
غبوش:حالتيه عصيبه يلا تامريني بشي؟؟
ميثا:لا سلامتج..فمان الله..
غبوش:الله يحفظج..
بندت الميث وربعت فوق غرفة ختها ودقت الباب وحدرت..
ميثا:مرحبااااااا..
ميرة:اها اوكي عنودي خلاف ارمسج..يلا مع السلامه فديتج..>>اترمس سعييييد..
هلا ميثوووه..
ميثا:اترمسين منو؟؟
ميرة"اتنش وتجابل المنظرة":منو يعني الا عنود هالبنيه راس مااالي.."وتطالع في ختها..
ميثا:هههههههه..المهم ميروه قوم عمي اللحينه بيوووون..وغبوش توها امسويه لي تلفون اتقول انهم في الدرب قريب بيوصلووون...
ميرة:واااااايه فديتها غبوووش اتولهت علييها..
ميثا:يلا انا بروووح بتزهب تامرين بشي؟؟
ميرة:لا سلامتج...
وظهرت ميثوه المسكينه من حجرة اختها ابد ما حطت في بالها ان ميرة ما غيرت معاملتها الا ووراها شي..حدرت حجرتها وهي وااايد مستانسه ما تعرف السبب..من شافت الدبدوب اللي من عند سعيد..شلته وحظنته وباسته ع خده..
ميثا:فدييييييتك يا سعيد والله اتولهت علييييك وااايد..
ونشت وغيرت ملابسها لبستلها كندورة فوشيه كويتيه على شيله سووودا فيها تطريز فوشي..كشخت حطت كريم وبودرة وجحال وقلوس..وظهرت قصتها وحطتلها شباصه ورديه""اتطقم الأخت""..واخر شي اتعطرت وظهرت من حجرتها ونزلت من الطابق الثاني وشافت ميرة لابسه تنورة زيتونيه على قميص مايل لونه للأحمر..التنورة ظهرت على ميرة واااااااااااايد حلوه..وكانت ميرة موول ما تلبس شيله في البيت رافعه شعرها كله فوق ومظهره قصتها وحاطه حجال..طبيعي طبيعي شكل ميثا احلى من ميرة..
ميثا:يلا اللحينه بنتريا الشيخه غبوش تشرف..
ميرة:عيل قمنا ظهرنا في الحوي شو ميلسنا اهنيه..
وظهرن ارباعه من باب الصاله العوده وين صوب امهن وحبنها ع راسها..امهن استانست واااايد يوم شافتهن رباعه..عاد اللحينه قامت ميرة تتدلع حطت راسها ع ريوول امها وتطالع في ميثا ختها باحتقار واتسويلها مالت..ميثوه على نياتها ما تحسب انه هالشي من صج ..يعني تحسب ان ميروه تلعب وتستهبل..بس ميرة كانت من صج اتوجه هالنظرات وهالحركات..دقايق وودخلت سيارة قوم عمهم..واهنيه ارتاحت ميثا لأنها اخيررن بتيلس مع غبوش وبتنسا عناها..

. . . . . .

ذوب فوادي واملكه ...في وسط غزله شربكه ..
ياناس ماروم الـحقه .. عوقي غبي من اسببه..

بيت بو ناصر..
الساعه9ونص..
حجرة الهنوف..

الهنوف يالسه في حجرتها وياها حمدان ايخبرها انهم بيسيرون لدبي عند بيت عمومتها..وبعد ما قالها يلس يتواقع وياها..
الهنوف:اووووووووووووووووهووووووووووووووو..اظه ر من حجرتيه اللحينه..
حمدان:اظهر ولا اتمي..هههههههااااااي..
الهنوف:امسوي عمرك نكيتي..
حمدان:لا ضحيكي..
الهنوف:اووووه حمدان لا اتطفربي..
حمدان:اتطفربي ولا اتضايجني..
الهنوف:اظهــــــــــــــــــــــــــــــــــــــــ ــــــر..والله بصيح انا ماريدك في الحجره ابا اغير ملابسيه..
سيف:بلاكم بلاكم ملاعين الصير اصواتكم شاله البقعه شل..حمدان ظهر من حجرة البنيه طفرتبك تراها..
الهنوف:سيف والله لعب فيني هالولد اممممرة واقفلي عظم في البلعوم مااظهر كلمه من ثميه الا وخلاني اندم انيه ظهرتها..
حمدان:مااااااالت على هالأشكال..
الهنوف:عنلااااااااااات صداااااك لعلك العرس بعوووورة..
حمدان:وانتي لعلج العرس بواحد أحوووووووول..جيه مسويات اعيونه"ايحول عيونه"..على شكل اكس اكس..
سيف:اظهر اظهر مظيع المذهب..رح غير اثيباك بنسير بيت عمومتي..
حمدان:عاد انته بتسوي حفله وعرس بتحابل روضتك..
سيف:فديييييييتها وفدييييييت طاريها..
حمدان:يعلك الحووووم تفدى بنيه..
الهنوف:تباه يتفدى ريال..؟؟؟
حمدان:عندما يتكلمون الرياييل الحريم يسكتون..
سيف:بالله عليك شو هالرمسه المنقعه..امثال ما تصلح للنشر..
الهنوف"اتدزهم ع برع":تفاهموا برع انا حجرتي مب قاعة مناقشات عامه..
سيف:صدق والله انها اتطفر..مرة ثانيه يوم اشوفك تتواقع وياها بيي وبساعدك..
حمدان:اللحين صدقتوني ان هالبنيه وحش على شكل انسان..
سيف"رايح لحجرتنه":اتقنت التشبيه بس مب جنها قويه وووووحش مرة وحده؟؟؟
حمدان"ساير لحجرته":شووو نسوي بس التعبير ما خانني هالمره..
سيف:ههههههههههه..
اما الهنوف كانت امظهره شنطه عسب اتحطلها ثياب لأنهم بيتمون حوالي اسبوعين في دبي...كانت اتحط اثيابها بأرف هالحمدان لازم اينكد حياتها فوق ما هي منكده..خلصت من الثياب وحدرت الحمام الله يعزكم وتسبحت وخلاف يلست تتعدل جدام المنظرة حدرت عليها البشكارة وهي يايبه المدخن..
الهنوف:هاه نوريه هاذا ماما خلاص..
نوريه:هيه زمان خلاس..
الهنوف:اوكييك..
ظهرت البشكاره وشلت وياها شنطة الهنوف الكبيرة.. وادخنت الهنوف ومن عقبها نزلت تحت وشافت امها يالسه تترياها..
الهنوف:هاه امايه يلا؟؟
ام ناصر:هيه فديتج..بتركبين عند سيفوه وحمادننووه ولا نصور..
الهنوف:لا لا عند ناصر ما فيني على هااييلا المفلع بتستوي جريمه في سيارتهم وانا الضحيه..
ام ناصر:خلاص انا بركب عند سيفوه احسن عندهم عسب ما يلعبون ادريبهم هاااييلا العيال ..
وبجييه ظهروا قوم بو ناصر من بيتهم بيقضون اول اسبوعين من اجازتهم عند قوم عمومتهم......




انا احساسي صدق ولا توهم.. اذا شفــــتك تفز وتحتفيبي ..
انا فاهم وطبع الحر يفــــــهم.. ولكن ودي اسمع ياحبيبي ..

بيت بو حمد..
الساعه12ونص..

منيرة:اوووه من بداية الإجازة وحاسه بملل..ياليتنا سرينا لسويحان..
نورة:شو نسوي يعني تبين امايه اتروح لبوظبي لوحدها عسب ابويه..بنسير احن وياها..
منيرة:انزين حمد اخويه وياها..
نورة:لا والله حمد بيتم امجابلنها..بيرووح صوب ربعها وبيخليها..احسن لن يينا فديتها امايه ما تقهر القعده ارووحها.
منيرة:خلاص بخلي خالوه اتيينا بنسير السوق باجر..ع الأقل بنيلس وبنتحوط لما ابوي ياخذله اجازة وبنسافر ويا قوم عمي..
نورة:هيه والله باجر بندقلها وبنسير كلنا ويا امايه..
ويدق تلفون نورة..
منيرة:تلفونج ايدق أكييييييييد هاااااااذا بطووووووووي..
نورة:هيه فديته رمسته من اشوي وقالي اخلاف بيدق..ظهري يلا برمسه..
منيرة:لعنبوووه من مذهب عليييج..خليني ايلس اسمع شو اتقولين..
نورة:منااااااير فديت قلبج ظهري.. أستحي ارمسه جدامج..
منيرة:اااااااوووووه..ابدن ابدن ما تنفعين..
ظهرت منيرة في الوقت اللي حدر اخوها حمد البيت..عاد هي ما صدقت اتشوف حد عسب ترمس وياااه..مسكيييييين حالها..
منيرة:مرررررحبا ملاااااييين ولا يسدن ببوشهاب شيخ الشباب..
حمد:مااااشالله الأخت شااعره..
منيرة:شوو نسوي غصب عنا من هالطفره والمله...
وتوايهه..
حمد"يفسخ نظارته الطبيه":شحااالج؟؟
منيرة"ترد قصتها ورا اذنها":تمااام ربي يسلمك وعلوومك؟؟
حمد:والله ماشي علوم ..
ويمشي صوب حجرته وهي تلحقه..
حمد:شو الأخت كلبه ..
منيرة:ويااااااااااا ويهك..تدري الغلط مني لأني انا يايه وعاطتنك ويه وابغي اسولف ويااك..بس انت ما تنفع..>>عندها كل الناس ما ينفعون.
حمد:افا يا مناير امزح ويااج..
ويحدرون الحجره ويلست منيرة ع السرير فالوقت اللي كان حمد ايحط بوكه وتيلفون ع الطاوله..
حمد"يفسخ كندورته":شو الإجازة وياج اكيد ملانه من البيت..
منيرة:اووووووووووه لا تتخبر..افا كيف امل وبيتنا المارينا موول..أمممممرة ما روووم أفارج بيتنا تدري انته بيتنا وناسه وحشرة..وين تباني افارجه واظهر..>>>>تتمصخر..
حمد:هههههههههه..وياااااا ويهج..
منيرة:تدري بوشهاب لا تستغربون اذا شفتني في يوم مسدوحه في الصاله ميته..
حمد:لعنبوووه من فااال..صخي عن هالرمسه اللي مب زينه.."يحاول ايقلد امه"..
منيرة:ههههههههههههههههه..ههههههههههههه..والله انك شرااااااات اماااايه..
حمد:وانزين الشيخه ليش بتموتين شي حرامي في بيتنا يذبح العرب..؟؟
منيرة:لاااا مب جيييه السااااالفه..
حمد:عيل ؟؟
منيرة:بموت من الملل..
حمد:أي ملل..
منيرة:مليت من يلسة البيت..
حمد:لو انا بدالج كان يلست في سويحان شو يابني اهنيه في بوظبي..صح ابوظبي من ناحية اسواق ومولات هي احسن بس بعد سويحان وااااااايد حلوووووة..
منيرة:والله لو الود ودي كن يلست عندهم شهر..فديتهم قوم عمومتيه وناااسه عندهم..ودومهن البنات يتمعن وييلسن برع ..مب شراتنا من ساافروا قوم مزوون ما سرنا نظهر..
حمد:هيه تراها مزوون كانت اموستنج بس انتي اللحينه مسكينه محد عندج..
منيرة:اوووه لا تذكرني فدييتها والله بتوله علييها..
حمد:انزين ما خبرتيني هم شو له سافروا الكويت شو عندهم..
منيرة:شو عندهم بعد ما عندهم شي..يبون يتمشون..
حمد:هيه صح احن ما اظن ان ابويه ايسافر؟؟؟؟؟
منيره:شووووووووووووو؟؟وليييييييييش.؟؟؟
حمد:ماادري والله ..أبويه ما رظوا يعطونه اجازة حتى لو مدة اسبووع..وقالوا له اذا تبا اجازة نصف السنه اليايه اونه..
منيرة:واااااااااااايه التراااااااااااب عنلااااااااااتهم..وانا حاطه كل أمالي في هالسفره...
حمد:عاد هاللي استوى شو نسوي بعد..؟؟؟اما انا لااااااا مب متفيج لكم بنسافر انشالله ويا الشباب ارباعه..
منيرة:ومنو الشباب..؟؟؟؟
حمد:سعيد وحميد وسيف وعبيد وحمد الخيلي..
منيرة:لحظه لحظه سعيد وعرفناه بس منو هااييلا الباقييين..
حمد:ماالج خص فيهم اللي من العين واللي من الرماح واللي من بوظبي واللي من الهير.. يعني بنتيمع كلنا وبنروحلنا بلد جيه بنتحوط جمن اسبوع وبنيي..
منيرة:وااااايه انت ظااامن انك اتسافر بس احن لأ لييييييييش؟؟؟
حمد:سهله ابووج ما حصل اجازة..انتي ايي متى بتسكيتن يلا انا ابا ايلس الشااات..
منيرة:اوووووووه..انا ابا ايلس اسولف مليت من امجابل الكمبيوتر والنت والتلفزيون..ابالي شي يديد..تعال حموود انت متى بتعرس..؟؟؟
حمد:عنبوووووووووه وانتي شو لج ابعرسي؟؟ما اباااااج تحظرينه انتي مب ويه خير اخاف لا حظرتيه يستوي شي..
منيرة:اووووووه ليش كل اللي في هالبيت يجرحوووني..
حمد:الله واللي في البيت..انتي ونورة واماايه فديتها وابويه الله يحفظه يا في الدوام ولا في شركته..وين اللي يجرحوووونج..وبعديييين يالشيخه انا واااحد ما اجرح حد فديتني طيب..
منيرة:لااا والله شو ما تجرحنـــي انت اصلا أكثر واحد يجرحني بالفاظه الجارحه والـــــ......................
حمد"يقاطعها":ظهري ظهري من الحجره يبتيلي الصداع خلاص ما ابا ايلس ع الشااات برقد احسن لي..
منيرة:خلني اكمل رمستيه.
حمد"يصاارخ عليها":أقوووولج ظهــــــــــــــــــــري؟..حماره حماره ما تفهمييين؟؟
منيرة"زااغت المسكينه":حشى كلتني كلتني هد اعصاابك بظهر بظهر..
وتظهر من الحجره بعد ما رقعت الباب بقووووو.."يالله شووووو هالحاله؟؟اللحين لو انا في سويحان جني يالسه في الحوي ويا ظبيوه ..انزين ليش ما اسير حوينا..شدعوه احن ما عندنا حوي..؟؟؟!!شي غريييييييييييب"..كانت افكارها بسيطه جداً ..بنيه مسيجينه وتبا تستانس في حياتها..منيرة انسانه شفافه ومشااااعرها وااااايد رقيقه..انسانه رقتها امبينه في كل شي..صح انها احيانن ملقوفه وجانبها الآخر مختفي..الا ان في كل حركه اتسويها تبين رقتها..على قد ما هي طفرانه في البيت اهي طيبه..مالها ابد اي طموحات شرات بعض البنات..انسانه في واااادي والدراااسه في وااادي..لدرجه انها ما تبا تدرس هالسنه لأنها ملت ثاااني ثنوي كم مرة اتعيده..هي المفروض اللحينه اتكون هالسنه اول سنه في الكليه..بس للحينه ما خلصت ثااني ثنوي..وهالسنه بدووون تعليق هي عاارفه عمرها رااسبه رااسبه..امتحانت تقويميه زيرووو..الشنطه في الصف اظني ما جد مرة دخلتها..الصف ناسيه شكله كل يوم الإخت غايبه..وان داومت ترقد في الصف..حياتها غير وغير..امممممرة كل شي يهووون عندها..
قعدت ع الدري اللي جداااام باب الصاله..وهي اتفكر بهالحياه الللي اتعيشها ممله وما فيها شي يونسها اتحس الحياه مالها طعم..من بعدت فقدت اعز صديقه عندها..نوف اربيعة منيرة وحياتها ورووحها..اتموووت عليييييها..بس يا خسارة..نوافي توفت في حادث..ومن بعدها انقلبت حياة منيرة..من أول كانن ييلسن نوف ومنيرة ومزنه..في السكه وجدام البيت..بس اللحينه منو ييلس غير منيرة ونوف..ونوف شخصيتها جداً عاديه لا ربشه ولا هم يحزنون..منيرة اتحس براحه يوم اتييهم خالتها غبوش..لأنها وااايد تستانسس عليها وعلى سوالفها..ودووم اتظهر منيرة من البيت واتخوطها في الأسواق ..
ارتسمت ابتسامه بسيطه اتدل على وناستها لأنها بااجر بترمس خالوتها غبيشه عسب اتييهم وتحوطها..وخالتها غبيشه ابد ما تردلها طلب..وتمت اتفكر شو بتسوي باجر وشو من أسواق بتسيرلها..فالأخير ودرت هالأفكار وسارت صوب المطبخ..المطبخ ليتاته كلها مبندتات الاا وحده منهن كان ضوها واايد ضعيف لأنها على نهاية المطبخ..حست ابشوي خووف..بس شربتلها مااي وسوتلها كرون فلكس وظهرت من المطبخ وسارت فوق..دقت الباب على نواري ختها..بس محد يتوايبلها عييل نواري أكيد رقدت..سارت صوب حجرتها بنظرة كسيرة ما تعرف سببها..بس ابتسمت من تذكرت سالفة الحواطه بااجر"ههههه.."...
وحدرت حجرتها وتمت اتناظر كل زاويه فيها..اوووووووف ملل؟؟فالأخير شغلت الككمبيوتر ويلست ع النت..وتقول في خاطرها"أرووح يمين ولا يسار..اطلع فوق ولا انزل تحت..مردي لك يا النت.."..

. . . . . .

محلاك محلاك قالت لي الشهد ندك..حتا الشهد ما ينافس ريجك الحالي..
أهواك وأغليك وأقـــــــدرك وأودك..وألحنك شــــــــــوق ويغنيك موالي..

بيت بو حميد..
الساعه9ونص..

في هالوقت سلاموه ومهره راقدات..اما يزوي واقفه جدام التواليت وتسحي شعرها..الأخت كانت امواصله من أمس..من بعد ما صلن صلاة الفير سلامه ومهره رقدن الا هي تمت يالسه ع التلفزيون والنت..ومر الوقت وهي ما حست بالنعاس بسبة الرقاد اللي رقدته في اليوم اللي هم خلصوا امتحاناتهم..
اليازيه:حوووووووووه..لي ساعه اصايح فوقكن ابغيكن اتنشن وانتن امسويات لي """طاااااف""">>>>من زمااااااان ما حددت عليها هالكلمه؟؟!!سوووا طاف..
مهره وسلام:........................لا تعليق..
شو العرب رقوود وانتي اتزاعجين فوقهن...صدق مااشي احساس..فالأخير عصبت اليازيه وفرت عليهن المشط بعد ما لبست شيلتها..وظهرت من الحجره ..نزلت تحت..وشافت امها وسلطان وعمها عبدالله ويدوتها وعمتها ريسه"أم هادف"..سلمت عليهم ويلست وناولتها ام هادف الشاي..
اليازيه:تسلمين فدييتج..
أم هادف:الله يسلمج..عاد اتريقي يبغونج في مهمه..
طالعته اليازيه كانت تبغي تسأل شو مهمته بس ما وحالها لأنه يدوتها شيخه رمست..
أم عبدالله:يزوووي مسودة الويه..
زاغت اليازيه لأنها كااانت سرحانه..زاغت لأن تفكيرها كان بمبارك وحست انهم عرفوا في شو اهي اتفكر؟؟؟!!!"البنيه اتخبلت"..>>طااف..
اليازيه:هلا يدووه..
أم عبدالله:تريقي عدل هكووه الجباب والدبس والعرسيه..وهاييج حرارة اللقيمات واللي عدالها حرارة البلاليط..وهاايج دلة الجاي واللي من يمينها دلة الزعتر..أبغيييج تتريقين عدل وبنسير السوق انا ويااج ارباعه..
سلطان:هههههههه..يدوه خايفه عن اطيحين عليها..
اليازيه:ههههههههه..يدوه انا اليازيه مب مهره..
أم عبدالله:مهره؟؟!ويييييييييييييل حااالي عليج يا مهره..امبونها هااييج البنيه مسكينه..بس بعد ابغيج تتريقين عن اتطيحين عليه..
بو حميد:لا يكون امايه تطري سالفة مهروه يوم اغمى عليها في السوق..
أم هادف:هيه واللحينه بغت السوق وبغت اليازيه وياها وخايفه عن اتطيح البنيه عليها ولا يستوي بها شي..
أم سلطان:لا عاده هااي يزووي غير عن بناتيه كلهن..مقوي ويه العنز...
بوحميد:هههههههههه..حسبالي بتمدحج بس يا خسارة اشوف مسحت بج الأرض..
اليازيه:شو اسوي يالعم الا انا نسكت عن الغالييين..
سلطان:امبونهن بنات اسهيل كلهن ينعد فيهن القصيد الا هاااي سودا الويه..
اليازيه:لحظه لحظه لحظه شوووو هالهجوم المفاجئ علي..امايه شيخه بتدافعين عني بسير وياج وجانج ما بتدافعين اتعذر عن هالظهره..
أم عبدالله:بتظهرين وانتي حماااره يا ملعونة الصير دافعت عنج ولا لا...وانتوا سكتوا عن اترمسون اليازيه فديييتها..ولا بهالعيرة ع رااس كل واحد منكم..
بوحميد:دااام السالفه فيها عيرة..احن بنتوكل صوب مزارعنا اللي في ليوا..وحيااااكم..
أم عبدالله:ياااماعاد الله يااابكم.
سلطان:اسميييج يدووه سواالف..
أم عبدالله:انجلع يلا ورا عمك ياللي ما فيكم خير..يزووي سيري لبسي عباااتج يلا..
اليازيه:تاامرين امر يالغاليه..
وسارت اليازيه ولبست عباتها وهي مستانسه انها اخيييييرن بتظهر وهي بتكون اول ظهره للسوق في هالإجازة..نزلت تحت وما لقت الا مرت عمها وهي تقولها ظهري صوب السياره..لبت طلبها اليازيه بدوون حاسيه وظهرت برع..وركبت سيارتهم الإستيشن 2006..وهاي هي سيارة العايله..وكانوا ويا الدريول الللي اسمه حمزة..عاد هاذا ادريولهم ابروووحه سالفه..
حمزة:اوووه يازيه..شخبار شعلوم انسالله بخير.."طالعوا الإسم كيف نطقه ما ينلام الأخ هندي"..
اليازيه:اوووه حمزة انا زين الهمدالله كيف انته انساالله بخير و نأمه"بخير ونعمه".."ولا هااي اونه اتساير الهندي في رمسته..شراااتي.."
حمزة:الهمدالله كلش زين..وين انته انا مافي يسوف انته..
أم عبدالله:مب لازم اتشووووفها عنلااات صدااك مسود الويه..جنها امتحنت منك ولا ييت انته ع بالها..
حمزة:اوووه انا ينسى انته ماما سيخه..انته في زياده زعلان عسان انا يقول هاذا يزووي كيف خال؟؟انت زياده سوي جنجال انا..اوكيك اوكييك نو بروبليم..اللحين وين يريد انته ماما سيخه؟؟
أم عبدالله:السيخ يعمد ينبك "جنبك"ويسلخه لك سلخ..
حطت في بالها اليازيه انه يدوتها تبى كارفور ولا العين مول..بس يدوتها وقفت بهم في المبرزات وتشرت لها تلي وجحال ومن سوالف العياييز..وخلاف ودت يزووي لكارفور عسب اتسكتها اشوي ..حدروا كارفور...ولأول مرة ام عبدالله تحدره..عاد شوفوا شو اللي استوى..
من حدروا وقفوا عسب يركبون الدري المتحرك..لكن ام عبدالله عيّت تركبه..
اليازيه:الله يهديج يدووه شو بيستوي يعني الا دري بيطلعنا فووق..؟؟
أم عبدالله:واني شيخه بنت بالخيل ما اركب هاليني..هاه مب دري هاه يني يطلع بالعرب فووق...
اليازيه:هههههههه..الله يهديج بس عيل سرنا من الدري الثاني..
أم عبدالله:من اللحينه اخبرج اذا هو شرات هاذا طلعي فوق لوحدج مب طالعه تراني..
اليازيه:لا يدووه مب شراته ..والله حاله..من ايشوفني بيضحك على حالتيه..
كانت يزووي لابسه عباتها المفتوحه لأنها يت من سويحان وهي لابستنها وفيها تطريز بني عل الأكمام ..ورافعه شعرها فوق ولابسه شيله ومتغشيه ابها..
وقفوا جدام الدري العادي..
أم عبدالله:وااايه التراب يزوي لعلها العله اتصيببببج ولا تروح منج بغيتني اطلع عالدري وياااطووووله..انا الركب ملعوزتني وين بغيتي بي فووق..
اليازيه:يدوووه الشييمه الشييمه تطلعينه عسبيه..شو بغيتني اسير فوق لحالي ما يستوي ..فديييييتج ..رفقه رفقه علييييج يددددووووه لا ترديني وانا بنت سهيل..
أم عبدالله:خلاص خلاص بنركبه ولا يهمج..
ركبووه وسووا انجاز عظيم..ولفوا يمين وحدروا كريزما..
أم عبدالله:شووو هالسوق يا بنيتي ليش جيه لونه أخضر بالله علييج هاه عشب املصقينه ع اليدار..
وتمت اتحيس بيدها ع اليدار وتلمسه..جان اتموووت اليازيه من الضحك على سوالف يدوتها..
أم عبدالله:هيه والله هاه مب عشب "وتطالع الهندي"..مااالت على هالويه شقايل مب شايف عيوز في حياتك..امك بعدها شبابيه..؟؟
هز راااسه الهندي..جنه مب فاهم اللي اتقوله وتخربط عليه..ما رامت تتحمل اليازيه حست عمرها بتمووت من الضحك من بعد اللي استوالها أمس من ضيقة الخاطر..حمدت ربها انها سارت السوق ويا يدوتها..ربشه الحواطه وياها..
حاسبت يزوي ع العطور اللي خذتها..خذت لها واحد ولمهروه وسلاموه بعد..وطبعاً ما نست ظبيه..ظهروا من محل كريزما ومرت يزووي على برمودا ولا تنسون الشيخه شيخه وياها..حدرن محل برمودا..واول ما حدرت شافت تنورة وقميص وااااايد حلوين وبدون تردد خذتهم لأنهم عيبوها..ومن ظهروا شافوا ابنيه كاااااشخه ع الأخير..لابسه تنورة وقميص ورديه ومسويه ميكب كامل وردي على بنفسجي..ومظهره قصتها وعباتها من ورا من فوق لما تحت خطوط بنفسجيه ولابسه شيله ملونه لونها وردي..
ام عبدالله"بصوتها العادي المرتفع اللي يسمعونه العرب من بعد كيلو":يزووي انتي يبتيني لعرس منووو؟؟طالعي هاااي اشقااايل كاشخه..عافانا الله من هالأشكال..
سحبت اليازيه يدوتها ومرن على باسكن روبنز عاد اليازيه عدتهم كلهم ويابتلهم ايسكريمات وياب لعمرها ولسلامه ومهره ميلك شيك..وبجيه خلصت احواطة اليازيه..بس العيوز ظهرت امحق من اليازيه وقالت لحمزة ايمر بعد ع الجبرة واشتروا ذبايح وفرووووت..وع الساعه 1ونص حدرن البيت..كانت اليازيه ما تروووم اتفج عيوناتها..خلاص تبغي ترررررررررررررقد ولا تنش اتعوض عن الساعات اللي ما رقدت فيها..حدرت الصاله وشافت الشله كلهم متيمعين..سعيد حميد راشد سلامه مهره امها عموتها..هادف..قالت السلام عليكم وكملت دربها بدون ما اتصد صوبهموسارت فوق..عقت شنطتاه والشيله والعبااه..ووطت راسها ع الشبريه ورررررقدت..

. . . . .

اشوف غلطاتك وابريك..في ناظري سياتك احســـــــان..
كني عصا وما بتعصيك..وكلي خضوع وطوع واذعـان..

بيت بو منصور..
بعد صلاة المغرب
الحوي..

في هالوقت ظبيه وامها وموزة ومنصور وسهيل ومها يالسين في الحوي..يتقهويون ويسولفون..
منصور:سهيل فريت راااااااسي ايلس شو تباه التلفون..؟؟
ام منصور:عطه الله يهداك خله ايطالع الصور..
ظبيه:الله وصور اللي في تلفون منصور..
منصور:تعالي تعالي ظبيوه براااويج شو صور بنات عندي يغغغرمن..ايعقن الطير من السما من حلاتهن..
موزة:لا والله وتعترف بعد..
ام منصور:ههههههههههه..مستحرصه ع ريالج يا موزاني..
موزة:هيه يا عمتيه عاده كله ولا ابو سهيل..
منصور"وابتسامته ما فارجت حلجه":هيه ابو سهيل وبو عواشي..
كلهم يطالعون موزة بتعجب..
امن منصور:شوووو؟؟موزووه حامل؟؟
ظبيه:واااايه التراب وانا آخر من يدري..
مها:تراني انا بعد ىخر من يعلم..
ظبيه:جب انتي لا ترمسين"وتطالع موزة"..من متى هالرمسه موزو..
فجت حلجها موزة تبغي ترمس بس منصور سبقها ورمس وهو متشقق من الوناسه..
منصور:أمسات مادري شوو يياها ع الساعه وحده ونص..ووعيت ويوم شفتها اترجع وديتها على طوول توام..دقايق وقالوا انها المدام حاامل..
أم منصور:وااايه فديييتج يام سهيل..مبروووك غناتيه ..
موزة:الله يبارك فيجج فديتج..
ظبيه:ألف ألف مبرووووووك موزة علني فداج..
موزة::الله يبارك فيج علني ما خلا منج..
منصور:شدعوه اهي بتعرس مرة ثانيه عسب اتباركن لها..
ام منصور:حرمه حامل عاد لازم انبارك لها خص انها مرت ولدي فديته..
منصور:احم احم علني فداج امايه..بس باركن لها يوم اتربي وتييب عواش..
ام منصور:شكلك ما عندك لا شغل ولا مشغله يالس اتسوياي سوالف رباشيه اهنيه..
ظبيه:ههههههههههههههههه..حلوووووه..سوالفه رباااشيه...
ام منصور:سكتي انتي ويا هالشكل..
ظبيه:اهئ اهئ امايه لا اتسبيني..
ام منصور"تلبس ظبيه":وااااايه فدييتج مهووي شو فيج ؟؟فديتج والله؟؟تانسين شي ؟؟شي يعورج؟؟
مها:لا امايه بس ابغي ارقد..ما رقدت الظهر..
ظبيه"معصبه من تطنيش العيووووز":العيووووز ليش اتطنشيني؟؟حرام عليج تراني بنتج شرا ما هي بنتج..
منصور:افا يامايه تقولج العيوز وانتي في عز شبابج وسااكته..
ام منصور:عيزن اركبك انت وياها..
ظبيه:خخخخخخخخ..انت ورطت عمرك..
منصور:افا يالعاااش افا..
ام منصور:شو شايفني لاعبه وياك جدام البيت..
منصور:فدييييييت روووحج..ادريبج مصنفره وحالتج لله من هالشيبه اللي للحينه ما يأ..صبرج دقايق وبيي..تبيني اسويله تلفون..
ام منصور:ما يحتاااي فديته اللحينه بيي..أدريبه..
ظبيه:وتتفداه بعد؟؟والله حاله؟؟مسلسلات مكسيكيه على مستوى..
موزة:هههههههههههه..بنشوفج ويا ريالج يوم تغدون شواب..
ظبيه:وياااااحسرة..منو هالريال..
منصور:واااايدين اللي يو من بعدج في الإعداديه..بس انتي مااا رضيتي..
ظبيه:شووو اسوي انا وعقلي نبا جيه..
موزة:الحمدالله دامه عقلج مب قلبج..
ابتسمت ظبيه في الوقت اللي قال منصور..
منصور:اصلاا من خلصت الثانويه اذا يانا واحد انشوفه زين وما عليه كلام عرس بسسسسسسسرعه بدووون تفاهم ..>>يتمصخر..
ظبيه:لا والله شو الأخ ناوي اتهدم حياتيه وانا قلت منصور العود والكبير هو اللي بيوقف ويايه فوق كل شي..
ام منصور:لعنبوووها من سنه عندكم..انا احسن لي انش من عند هالسبلان..
بسبح بنتيه وبعشيها وبرقدها بدل من مجابلتكم وانتم تتنازعون..
ونشت ام منصور..فالوقت يلي منصور يلس ايقلب فتلفونه..
ظبيه:منصوووور..
منصور:والضريس..
ظبيه:نش حوطنا بسيارتك طفرت من اليلسه..
منصور:وين تبين تسترغدين؟؟يلسي ماشي ظهره..
ظبيه:حرااام علييييك..والله حرامظهرني شو بيستوي علييك..
منصور:مااااااااارييييييييييد..
ظبيه:دخييييييييييييلك منصووووورووغلاة سهيل اتظهرني..
منصور:لاااا..مالي خاطر اظهر..
موزة:منصور فديتك وايد متظايقه نش حوطنا اشوي..خل نستانس بدل هاليلسه..
منصور:اها دام الشيخه موزة بنت سهيل الـــ......ي..رمست عيل بنظهركم..بس وين تبون؟؟
موزة:امممم..العراقيب احلىىىى مكان..
منصور:وانا اقووول سعيد طالع على منوو؟؟؟بس تدرين اكتشفت هالشي فيييج كل يوم بوديج..مالي غيرج..
عصبت ظبيه ..انقهرت وفولت وارتفع الضغط والسكر..شو يعني يوم رمست موزة قال بظهركم وانا اللي من الصبح ذاله عمري ع الفاظي..بسوي طااف وبعديها..
موزة:ادريبك فديتك ما اتقصر..
منصور:علني فداااج والله موزاني افديييج بعيوووني..ابغيج انتي ولا ابغي احد ثاني يا حياتي ويا قلبي..وكل شي في دنيااااي..
ظبيه:بل بل بل صرصرووووور نحن هووووناااااا...
منصور:شو اسويبج..؟؟يلا موزاني غناتي حدري السيارة.."ويطالع ظبيه"..وانتي ظبيووة العنز ييبي سهيل بشغلج خدامه اليوم..اصلاً ما ابغييج اتسيرين ويانا بس شو انسوي؟؟؟رزة الفيس من طبايع التيس..
وقفى وخلاها..
وسارت ظبيه ويابت اسهيل وهي منقهره من داخلها من تصرفات منصور اخووها وتعامله..احيانن تحسبه يمزح وياها..واحيانن اتحسبه من صدق..ومرتها هالمره كلها عسب العراقيب..
ركبت اسهيل ورا..واول ما ركب اسهيل حرك منصور السياره..
ظبيه:شووو فيييك انته مااا اتشووووووف؟؟
منصور:ع بالي ما بتسيرين ويانا..وانتي ليش اتسيرين ساد سهيل فديته رزة وبعدج انتي يالكبيرة..
ظبيه:مشكوووور بس الغلط مب غلطك غلطي انا اللي عادتنك اخوووي..حساااافه فيييك هالكلمه..>>كانت امعصبه وما تعرف شوو اتقووول..
بندت الباب ابقووو وهي معصبه؟؟؟؟ تصرفات منصور ابد ما تنطاااااق..وتحركت مسرعه صوب البيت ..وركض وراها منصور يزقر عليها..
منصور:ظبيوه ظبيووووووه...انزين طالعيني ارمسج انا..خليني اوديج اللحينه وتستانسيين..
ظبيه"والدموع فعيونها":شو انته ما فيك احساس لي ساعه ارمسك وذااااله عمري عشان حواطه بستانس انا منها..وما طعت الا يوم رمست حرمتك..لهالدرجه انته امتوكل عليها في كل شي..حتى في يوم بتظهر اختك..انت شو ع بالك انا ما عندي خوان غيرك..مبارك احسن منك بمليوون الف مرة..شو ع بالك ابوووي متوفي..اللحينه بيي وبخليه ايظهرني..
منصور:ظبيووه..امزح ويااج وانتي امكبرة السالفه..
ظبيه:شو من مزح هاه ايخلي القلب ينجرح منه..انت اللحينه حسستني اني غير مرغوب فيها..يااااااااخي جان صارحتني من اول انيه مضايقتنك ما بقووول شي..خذتها من باب المزح ..بس انك اتحرك السيارة وتودرني هاللي ما يدش العقل..اتعذر الروووحه ويااااااك..وانت قلت ان طبعي طبع التيس..وانا اعترف لأني كنت غبيه وبحدر سيارتك..ييب سهيل ورح استانس ويا حرمتك..
قفت وخلته لأن ظبيه تكتم باللي في خاطرها بس اذا زاد عن الحد..تعصب وما تروووم تمسك اعصابها..
حدرت حجرتها وبندت الباب في ويه منصور اللي كان يلحقها وهو متلوم..الريال كان متفيج وخاطره ايغث بواحد..وما لقى غير ظبيه..تم ايدق عليها الباب وموزة واقفه عداله..وخلاف هي شلت سهيل..وبعد فتره صارخ منصور وهددها ان ما فجت الباب بيكسره..وجان اتفج الباب وعيونها مممممححححمممرة من الصيااح..
اول ما فجت الباب لوى عليها واهي ارتمت بحظنه..امممممرة ما تروووم على فراق اخوانها دقااايق..مبارك ومنصور احسن اثنين عندها في هالعالم كله..
منصور:افا يا ظبيوووه كنت امزح ويااج وانتي جيه هبيتي ابويهي ما ينرزا علييج..نشي فديييتج..نشي وبوديج اللحينه..
حدر بو منصور الحجره واهو معصب..
بو منصور:منو على ظبيه..؟؟؟؟فديييتج تعالي اهنه ماعليج منه هالثور..انا بوديج صوب العراقيب وجانج تبين العين صوب يزوي وسلاموه لبسي عبااتج وبوديج..
منصور:لا اانا بوديها وين ما تبى
بو منصور:مب بكيفك يوم تكون بنتك ذيج الساعه اتحكم على كيفك..
ظهر بو منصور..وتم منصور يالس عند ظبيه..
منصور:ظبيووووووووووووه فدييييييتج كنت أمزح لو كنت ادري انج بتسوين جيه جان ما رمست بالأصل بتم جيه صاخ..واللحينه زعلانه منيه؟؟
ظبيه:لا خلاص بس انت لا اتعيدها ماروم على فرقاكم انت ومبارك..
منصور:فدييييت روووحج يالغاليه..سيري ويا الوالد بس استانسي وانسي اللي استوى..وباجر انا بوديج صوب يزوووي اذا ما يوا اهم هنيه..اوكيك؟؟
ظبيه:اووكيك..
منصور:يلا تامرين بشي..
ظبيه:لا سلامتك..
وظهر وظبيه وياها حدرت موتر ابوها وتم ابوها ايسولف وياها ووقفوا عند العراقيب؟؟ظهروا من الموتر ويلسوا جدامها..دق تيلفون بو منصور وتم يرمس الريال جان تحدر ظبيه الموتر وادور على تيلفون ابوها الثاني عسب اترمس يزووي..دقت ع التلفون اللي فوق ومحد ايرد..والتلفون اللي تحت ردت سلامه..
ظبيه:مرحباااااا؟؟؟
سلامه:اوووه ظبيوووووووه فدييييتج مرحبااابج زووود..
ظبيه:شحالج سلاموه؟؟عساج ابخير..؟؟
سلامه:انا بخير والحمداالله..علوومج انتي شو مسويه اميلسه ارووحج في سويحان؟؟
ظبيه:والله انيه طفراااااااااااانه..ببس ابوي فديته وداني صوب العراقيب..
سلامه:حظج ع الأقل ظهرتي وصوب العراقيب استانستي؟؟اما احن يالسات في البيت بسبة اليازيه..
ظبيه:ليش وش فيها يزووي؟؟تانس شي؟؟
سلامه:لا طال عمرج الأخت راقده..امواصله لين الساعه تسع..ومنبعدها سارت السوق ويا يدووه شيخه..ويت ع الساعه1..وللحينه راقده..الله وأعلم متى بتنش..
هاه عمووه اللحينه بييج..ظبيه تامرين بشي ببند عموه تزقرني..
ظبيه:لا فديت روحج سلمي عاللي عندج..
سلامه:انشالله ..مع السلامه..
ظبيه:الله يحفظج..
وبندت من سلامه..تمت تتريا ..بس ابوها لحد اللحين ما خلص من مكالمته اللي حتى لحقته في العراقيب..؟؟؟!!
طالعت التلفون ويت على ميثا على بالها من مدة طوووويييله ما رمستها ولا شافتها..وبدون ما تتردد دقت على تيلفون بيتهم..
ظبيه:ألووو..
عبيد:مرحبا ملاااييين؟؟

الجزء السابــع عشر..

يا غلا يجري في شراييني..يا ودادا الروح ومناها..
وينك إنته يا نظر عــــيني..يا شفاة النفس ودواها..

ظبيه:والمرحب لا هان..اخوويه ابغي الميث ارمسها..
عبيد:دقايق يالغاليه لا هنتي..
ظبيه:خذ راحتك>>قالتها واستانست يوم عرفت ان هاذا عبيد..
فز قبل عبيد من سمع صوت ظبيه..عرفها من نبرة صوتها ومن ارتباكها يوم ترمس..ربع المطبخ ايحيد ميثوه يالسه في المطبخ تاكل بسكويت وتشربلها عصير برتقال.."تدرون ليش قلت بسكويت وعصير برتقال؟؟؟لأني انا اللحينه يالسه أكل بسكويت واشرب عصير برتقال..دامجه كل شي ويا بعض..يالسه وحاطه السماعات ع اذوني واكل واكتب القصه..صدق سواالف.."
حدر المطبخ وشاف ميثا يالسه ع الكرسي وجدامها صحن البسكويت وعداله عصير البرتقال..وتاكل بهدووء لكن عبيد خرب عليها يلستا..
عبيد"بصوووت عااالي ويصااارخ جنه شي مستوي":ميثوووووووووه يعلج الحزن يضوووويج والهم يلعبج نشي ظبيه ظبيووووه غناااااتي وروووحي تبااج ع التلفون يلا.. يلااااااااااااااااا..."وشوي بيسرطها..لأن الأخ فااج ثمه كله جنه بيقبل ع العشا.."
ميثا:بسسسسسسسسسسسسسسم الله الرحمن الرحيم شو بيستوي..
ويسحبها اعبيد من يدها صوب الصاله..
بيد:ظبيه ظبيه رمسيها رمسيها..
ميثا:خلاص خلاص انزين ما استوى شي عنبوووووه غرمتبي..
وتشل السماعه..
ميثا:مرررحبا ملااااييين ولايسدن بظبيوووه.."وتطالع في عبيد"..
ظبيه:مرحباااااااااااابج زووود يالغلااااا..ويييينج يالقاطعه لا حس ولاخبر..اشوفكم يا هل الهير تكبرتوا عليى هل سويحااان..ما بغيتوا شوفتنا..
ميثا:فدييييييت روووحج الا نتمناها هالشوفه..احن وغيرنا..خلصنا من الإمتحانات ويونا قوم عمي من دبي.. وانشغلنا وياهم واللحينه ساروا من عندنا الله يحفظهم..
ظبيه:هيه جيه السالفه..ومتى بتشرفووون اسويحان وبتيوونا..؟؟
ميثا:والله هاليومين عبيد مب فاظي عنده اشغال..وانشالله من ايخلص بيودينا اسويحان..فديته ما يقصر في حق هل سويحان.."وتطالع في عبيد اللي كان ناافخ عمره..العرب يمدحوونه جدام الحبايب"..
ظبيه"عيزت من هالنغزات وماا فهمت شي":اهاا...سمعي الميث من بتيون اسويحان سويلي تلفون عسب اكون اول من يدري..
ميثا:افااااااا عللللليج عنوني..
ظبيه:يلا انا ببند بابتيه يأ بنرد البيت..
ميثا:لييش انتي وين اللحينه؟؟وتلفون منو هاللي ترمسيني منه..
ظبيه:فديتج نحن اللحينه في العراقيب..وهاه تيلفون بويه ..
ميثا:اها جيه السالفه..فديتج سلمي على موزة وعموووه عايشه..وبوسيلي سهيل..
ظبيه:ههههههههه..دووومج ما تنسينه..
ميثا:ههههههههههه..شو اسوي؟؟غااالي على قلووبنا فديته والله...تامريني بشي يا الغلا؟؟
ظبيه:لا سلامتج الشيخه ومن صووبج..؟؟
ميثا:لا ابد..مع السلامه..
ظبيه:فداعة الله..
وبندت ميثا التلفون..
عبيد:السبااااااله..ليش ما قلتي لها ان عبيد يموووت فييج..
ميثا:لا احلف انته بس؟؟
عبيد:اقول شفتي ويهج في المنظره انتي..لعنبو دارج انتي لو شافج شارون بيشرد..وياهالكشه..
ميرة:هههههههههههههههههههههههههه..حلللللللللوة..
عبيد:والله حالتيه حاله..يوم الخل تنقطع أخباره..
ويسير عبيد ويودرهم..
"عاد بخبركم سالفة والله حالتيه حاله....الله يسلمكم هالجمله دووومها ع لساني..كل ما اقول شي ارد واقول والله حالتيه حاله..جان تسمعني بنت خالي وتكمل علييها وتقول يوم الخل تنقطع أخباره..عاد عرفوا ان هااي مااالتيه..؟؟!وانا سلفتها عبيد..خخخخ"

. . . .

القلب بالشوق ممحوني .... ممتحن من لحظة لقــــاها
اهتويها بباطن اشجوني ..... واعلج جرحـــي بذكراها

اليوم الثاني..
بيت بو حميد..
الساعه12ونص..

هالوقت كانت اليازيه توها ظاهره من الحمام الله يعزكم..الإخت ماخذه شور..بعد ما ملت الرقاد..من أمس واهي راقده..نشت ما شافت حد راقد عندها..اووووووويه انا اخر من ينش..لبست لها كندورة حمرااا وااايد غاوية..وسحت شعرها ورفعته فوق..وجحلت اعيوناتها اللي كانت ميفنه من الرقاااد..وحطتلها قلووس..وتعطرت وظهرت وهي متفائله بيووم يديد وحلوو...وانها ما اتفكر بمبارك واايد..اول ما ظهرت من الحجرة..جابلت سعيد اخوها ظاهر من حجرة حميد وكاااااان كاااشخ وع الأخيييير..مشاااالله عليه..شافته وسارت صوبه..وايهته..
اليازيه:بل بل بل بل ...انت سعيد بن سهيل الـــ.......ي...
سعيد:هاهاهاها..نعم نعم انا هو..
اليازيه:تشرفنا...معاك اليازيه اختوو لسعيد؟؟
سعيد:ههههههههه..مصخره وصلت حدها..
وقفوا جدام الدري..
سعيد:اتفزلي تأبري ألبي..>>اونهم سوريين..
اليازيه:ولو انته بالأول..
سعيد:هيه أكيد الشيوووخ قبل...
ومشت عداله..
اليازيه:لييش خااق بعمرك من صبااح الله خيير..
سعيد:صباح الله؟؟!أقول سكتي سكتي عن اتفظحين عمرج..
اليازيه:ليش الساعه كم اللحينه؟؟
سعيد:مسكيييينه..امج ما اتشرت لج ساعه..
اليازيه:اوووه..الساعه كم ؟؟
سعيد"ايرويها الساعه فيده":هاه اتشوفين عندي ساعه..بس مااااريد اخبرج غصب هو..
اليازيه:شو السالفه سالفة عناد؟؟
سعيد:فسريها ع كيفج..وسكتي..
سكتت اليازيه..سعيد هو الوحيد اللي يقدر بأسلوبه ايسكت اليازيه..عناد وأعند منها..وذكاء..هوأذكى منها..هالفكره اتخلي اليازيه تسكت وتبلع لسانها..سلموا ع الموجودين..ويلسوا يشربون لهم شااي..طالعت اليازيه في كل واحد منهم..ما حصلت ظبيه..أشكاااااااااااااالهم غلط ابدووونها فديتها اتولهت عليييها..دقايق واذن المؤذن صلاة الظهر..نشوا بو حميد وسلطان وسعيد وراشد وهادف بعد سار وياهم صوب المسيد عسب ايصلون..وسلامه ومهره سارن فوق عسب ايصلن..ام عبدالله وام سلطان سارن حجرة الحرمات ..وام هادف سارت حجرتها..طالعت اليازيه في الصاله"مسسسسسسسسسسرع ما اختفووووا..تقول نمل.."..
دق تلفون الصاله..وشلت اليازيه بسسسرعه..
ظبيه:شو انتي يالسه في التلفون؟؟
اليازيه:ههههههه..هيه وقهوتيه جداااااامي..شحاااااااااااااالج والله والله ثم والله انيه اتولهت عليييييييييج يالسباااااااااله؟؟
ظبيه:اشوي اشوي عن ايطيح الساااانج...انا بخير ومن صووووووبج؟؟
اليازيه:الحمدالله..توني ناشه من الرقاد...أمس الظهر رقدت لحد اللحين نشيت..
ظبيه:دقيت لج مرة وانا في البيت قالو راقده..ودقيت مرة ثااانيه وانا في العراقيب نفس الحاله...حشى خسسسسسسسسسستي رقااااد..
اليازيه:لحظه لحظه مب جني سمعت كلمه حلووووة..انتي سرتي العرااااااااااااقيب..
ظبيه:هيه طال عمرج..
اليازيه:واااااااااشقاااااااايه..منو امودنج؟؟
ظبيه:فديته بوووووويه...الله يطول بعمره..شافني متأذيه من منصور وحلف ايوديني ويخلي منصور اليوم العصر ايبني صوووبكم..
اليازيه:وااايه فدييتج..اممم..بسويلج بيتزا وفطاير ووو..معكرونه بالبشاميل..ووو..
ظبيه:اونج انتي بتسوينه ومناك البشاكير في المطابخ ايعابلن ويشكن الحال..هههههههههههههههههه..كشفتج..
اليازيه:ههههههههههههه..من زمان ظبيوه ما شفتج جيه اتنكتين ومستانسه..شووووووو السااااااااااااالفه؟؟؟؟
ظبيه:جب جب..بسير اصلي انا يا ويلي من ربي..يوووم اييج بخبرج السالفه..
اليازيه:يلا بنتريا..باااااي..
ظبيه:باااي..
بندت اليازيه..وفكرت.."لا يكوون السالفه فيها عبيد..شافته؟؟لا مستحيل وين بتشوفه..لا ياربي..مب اليوم اللي ابغي ارمسها في حميد..وانا ليش مستعيله..يمكن مب في عبيد..أممممممممم..بسوي طاف للسالفه ليما اتي ست الحسن والجمال"..
وربعت فووق اتصلي عن اتفوتها الصلاة..

. . . .

بكيتك لين ملتـــــــــــني عيـــوني ...صبرت وطال صبري وانتظاري ..
حرام النـــــوم ما قارب جـــفوني ...وانت لـــــلاسف منه بــــــداري ..

بيت بو بطي..
دبي..
الساعه3ونص..

هالوقت الهنوف مسدوحه فوق الشبريه..ومشغله المسيل وحاطه شريط عيظة المنهالي تسمع غنية جرحي الأليم..وسرحاااااااااانه ويا كلمات الأغنيه..
جرحي القديم..جرحي القديم..يا ويلي من جرحي القديم..
جرحي القديم..جرحن الأليم..يا ويلي من جرحي القديم..
ليتك تبادلني الشعور..من دون صد ولا غرور..
ليتك تبادلني الشعور..من دون صد ولا غرور..
جرحي القديم..جرحن الأليم..يا ويلي من جرحي القديم..يا ويلي من الجرح الأليم..
تخطي وأنا احتملك..معذور قلبي دللك..
تخطي وأنا احتملك..معذور قلبي دللك..
بأمر الهوى انته الحبيب.. قريب من قلبي قريب..
بأمر الهوى انته الحبيب.. قريب من قلبي قريب..
جرحي القديم..جرحن الأليم..يا ويلي من جرحي القديم..يا ويلي من الجرح الأليم..
ان كنت ناوي ع الهجر..برضى أنا بحكم القدر..
ان كنت ناوي ع الهجر..برضى أنا بحكم القدر..
مكتوب لي هاذا المصير..اللي انكتب لازم يصير..
مكتوب لي هاذا المصير..اللي انكتب لازم يصير..
جرحي القديم..جرحن الأليم..يا ويلي من جرحي القديم..يا ويلي من هاذا المصير..
"حتى عيظة المنهالي خليته واحد من الشخصيات..والله حااااااااله"..
وانفج الباب وحدرت رووضه..ومن شاافت الهنوف بهالحاله..شلت مخدة الكنب اللي في حجرتها ورمتها ع ويه الهنوف..
الهنوف:شوووووو هااااااااذا؟؟..ما تخلون الواااااااحد يرتاااااااااح ويفكر اشووووي..؟؟
روضه:عنلااااااات صدااااج..مب مخبرتنج تتزهبين..عسب انرووح وافي..اللحينه سيف وحمدان في السيارة يتريون وانتي اهنيه اتفكرين بسعيد..
الهنوف:وشو فيه سعيد...ما يستاهل افكر فيييه؟؟
روضه:اممممممممم..لا خلاص يستاهل عن اتصفعيني وتقبريني في حوي بيتنا..
الهنوف:خلاص انزين..والعنود وينها؟؟
روضه:خلصت واللحينه اتزهب ولدها خلووف..
الهنوف:يلا ببدل ملابسي..
روضه:شوفيها خلييج لابسة تنورتج واايد حلووة..
الهنوف:خليني بالكندورة ارتاااح..
روضه:صدقيني ماشي وقت..سيف تحت يهزب ويصارخ العنود..
الهنوف:لو انتي رمستيه جان ما صرخ ولا هم يحزنون..
ابتسمت روضه..والهنوف لبست عبايتها وروضه بعد..شلت الهنوف شنطتها..وبندت باب الحجرة..نزلن تحت محد في الصاله ام بطي وام ناصر سارن يقيلن..وظهرن برع وحدرن السيارة..وطووول الوقت كان سيف امشغل ميحد حمد..وصلوا وافي سنتر وقبل ما يظهرون من السيارة ..
سيف:سمعن احن ما نعرفكن وانتن ما تعرفنا..سمعتن.كلن افدرب..يلا..
حمدان:هههههههههههه...تبرينا منكن..
العنود:ايكون احسن عسب ناخذ راحتنا بدون حنتكم..
الهنوف:اذا مب بويوهم حنونا..بتلفوناتهم أخوووي سيف واعرفه..
سيف:ههههههه..يلا يلا ظهرن..
وظهروا من السيارة وقف سيف عدال روضة بدون محد يحس به...
سيف:كنت أحبج..ولازلت احبج..وبتم يا نظر عيني احبج..
انصصصصدمت روضه..هاذي اول مرة يعترف سيف باللي في خاطره..استانست..وااااااايد..ولحقووهم ابسرعه..
اول ما حدروا وافي ..كلن سار ابدرب..العنود والهنوف وروضه ساروا صوب المحلات يتشرن..وسيف وحمدان ساروا صوب المطاعم"عنبوه توكم متغدين"..
خليفه"ابصووت عالي":ماااااماااااااا..ابوووويه وين ساااااااااااار؟؟؟؟
روضة والهنوف:بدييييييييييييييييييييييينا........ههههههه ههه...
يلسوا في وافي لين الساعه5ونص..وخلاف راحوا لمول الإمارات..عسب يكملون حواطه..

. . . . .

حــــبك نشـــعني من مواطي للراس..يامـــصدر الشــــكوى و يامنتــــهاها..
جري مــجاري الدم من غير مقياس...مـــا بـاقي بــي جـارحــه مـامــلاها...

بيت بو حميد..
ميلس الرياييل..
5ونص العصر..

هالوقت سعيد كان اميلس رووحه ..اما الباقيين يلعبون بلي ستيشن في الميلس الثااني..يتريا ادق له ميثا"يتحسبها ميثا"...دقايق مرت واهو يطالع التلفون لين ما دقت..مارد عليها..ويوم عيزت منه هو اللي دق..حركات ما يبا ايخسرها..
ميرة:مرحبا..
سعيد:مرحباااابج زوووووود..شحالج؟؟
ميرة:ايسرك الحال ومن صوبك؟؟
سعيد:الحمدالله..شو بلاج؟؟متضايجه من شي؟؟
ميرة:متضايجه من بعدك..
سعيد:فديييتج يالغلا..بييكم باجر..
ميرة:لا اتعب عمرك..احن بني..شور عبيد فديته..جنه الا حااس بشووق قلبي..
سعيد:اهااا..أحس ان عندج سالفه..
ميرة:ميرة ختيه يا سعيد خبرتها بكل شي...
سعيد:شوووووو؟؟تخبلتي انتي؟؟
ميرة:اممممممم..كشفتني وانا ارمسك..ووعدتني ما اخبر حد..
سعيد:بس هااي ميرووه حاقده علييج وقلبها اسود...
ميرة"ماااعليه..هاي فكرتك عني..اوريك يا اسود الويه":لا فديييتها اتغيرت ما استوت جيه...افدييييها بعيوووني..
سعيد:افا يا مييييثوه...وانا بشو تفديني..
ميرة:اممممممممم..بكلي افدييك..اسعيد..؟؟
سعيد:امري فديييتج..
ميرة:من انييكم بليييز ما ابغيييك اترمسني جدام يزووي او غيرها وتنغزني برمساتك..واذا عندك اي شي خبره مييروه ختيه..فديتها بتيي وبتخبرني..
سعيد:اووكيك ما عندي ماانع بس شو السبب...؟؟
ميرة:ممادري..بس استحي جدامهم..خص مهرووه..واايد استحي منها يوم اتييب طاريك>>ماا عندها سالفه..
سعيد:فدييييييييت اللي يستحوووووون..
ميرة:سعيد تدري اني أحبك حيييييل..وحياتي دووونك..تعيسه..هالأيام اللي اعيشها دوون صوتك..ماا أدري..احس شي ناقصني..ويوم احاسب عمري..اتذكر انيه ما سمعت صووتك..
سعيد:ااااااااااه يا ميثوووووه كم أحبج وكم اتريا الساعه اللي بتخليني قريب منج..
ميرة:فديتك والله..انا اميه تزقرني ما فيني اتشوفني..خص ان عبيد يالس في الحوي ..تدريبه اذا طب علي اللحينه..شو بيسويبي..يمكن يحفر قبري ويقبرني..
سعيد:ههههههههه..سوالف اخووج والله..
ميرة:يلا انا ببند..باااااااااي..
سعيد:الله يحفظج...
بند التلفون..وطالعه.."غرييييييييييييييبه اليوم ما تنازعنا.."...وظهر من الميلس...ميرة دووومها يوم ترمس اسعيد اتحاول تستفزه وتبين انها زعلانه ومممادري شوو؟؟الين ما يطفر سعيد ويسكت واخر شي يتم هو يهزبها وتبند ميرة وتسوي سوالف واكشن ويا سعيد..اتخون هلها..واتخون ختها..واتخون كرامتها وثقتها كله هاذا عسب شو؟؟عسب بس اتقهر ختها وتاخذ حبيبها..والله مشششكله..
ظهر سعيد من الميلس وافباله ميثا ليش اتهزبه واتم اتقصر في حقه..هو بالأصل مستغرب من حركتها والخطوة اللي خطتها..ما ينكر انها قلت من قدرها..يوم رمسته تلفون..لأن اللي اترمس تلفون هي ظعيفة نفس..وترخص من قدرها عسب واحد..بس هو ايحبها..الا يموووووووووت عليييها..وما يتخيل حياته من دووونها...
حدر الميلس الثاني وشافه فااااااااااظي..عيل الشبابيه ظهروا الحوي..ظهر من الميالس وسار لهم كانوا يالسين ع القعده..ووياهم بو حميد وام سلطان وام عبدالله..يلس عندهم وتدرون من يلس سعيد كل الجو عليهم ابسوالفه ولسانه..
ومن بعدها نشوا سعيد وحميد سايرين لبوظبي صوب حمد..

. . . .

لو تفــــــرق بينـــنا ســود الليالــي..ولو يحول الدهر واصــــروف السنينا
لا حشا ما أنساك لو طال المــطالي..في الحشا مطـــبوع رسمك يا الضنينا

بيت بو حمد..
بعد صلا المغرب...
الصاله العوده..

هالوقت نورة يالسه ويا امها..ايسولفون..ويتهم منيرة وهي مادة البوووز شبرين..
لابسه تنورة فوشية..وفيها شك اخضر ع الأطراف..وقميص طويل فوشي..وفيه كلام انقليزي ورسمات بالأخضر..وراسمه اعيوناتها وحاطه بودرة وقلووس..ولابسه شيله سودا..فيها تطريز على اطرافها فوشي وأخضر ..ولابسه شغابات ورديه وخضرا شكببببرها..ورافعه قصتها فووق..ومنزله خصلات منها..كانت اتخبل ماااشاااااللله علييييييييها..
ام حمد:على وين الشيخه؟؟
منيرة:بيتنا المارينا موول..
نورة:امايه ولا منيرة مسميه بيتنا المارينا موول..
ام حمد:مسكيينه تتحرا بيتها سووق..من كثر ماهي مشفيه ع السوق ودها اتسكن فيه..
منيره:خخخ..سوالف امايه..جيه وينه حمد؟؟
ام حمد:ربعه يو ..ومجابلنهم..
منيرة:اهااا..شي طيب..بس بلاها غبوووشه ما يت..؟؟اووف وايد تحيرت..
ام حمد:صبرج عالحرمه انتي..عنبوووه..جيه الحرمه مب خالتج عنلات صدااج..
منيرة:خالتيه اكبر عنيه بسنتين..ما اسميها خاله..
أم حمد:عيل شوو عمه...؟؟ولا نص خاله..عافانا الله..
اول ما قالت هالجمله الا وانفج باب الصاله وحدرت غبيشه..وفهد ولدها جدامه..وعويش ميودتنها البشكارة اللي كانت تمشي ورى غبيشه..سلمت عليهن..ويلست وياهن اتسولف..وتمن يتفاولن..
منيرة:غبوووشة فديييتج بسج من الأكل نشي بنسير السووق بموووت من المله..وخاصتن اذا شفتج وما سرنا السوق احس انيه بموووت..
غبيشه:خلاص تم..بس عندي شرط..؟؟
منيرة:شووووووو؟؟مستعده انفذه لو انج طلبتي اسافر للقمر..
غبيشه:بلا جذبات محترمه..فهوود ماادري وين سااار..سيري دوريه ولا اتقولين بشكارتيه ما بشكارتيه...تراها عند عوواش يالسه..نشي يلا..
منيرة:ياااااااااهالفهد دوومه امنكد حيااااااتي..
غبيشه:وانا اللي اباج اتعرسينبه..بس شكلها بنتج يا فطووم ما تبي ولدي..
أم حمد:هاااااه دام جيه السالفه ..ودام انج تبين بنتيه لولدج فهد..ماا علييج الا انه يوم يكبر اتقولين له بنت ختيه ما اتحب السووق..ماشالله عليها اربع وعشرين يالسه في البيت..فديته فهد ما بيقول شي..
غبيشه:بالعكس انا اشوف مناير تموووت ع السوق..
ام حمد:لااطال عمرج امسميه بيتنا المارينا مووول..
غبيشه:هههههههههههه..عيل يا حظها اكيد تستانس فيه..
منيرة:يالسه اسمع حوارتكم اللي بلا فااائده وبلا معنى ..بس بربع بدور فهد يعله العرس بوحده ماتشوف..
غبيشه:منوورة لا اتخلييني اغير رايي اللحينه لا اتسبين ولديه..
منيرة:لالالالالالالالالالالا..بسير بدورة الفقير المسكين الحليووو الطيب اللي ماااااشالله عليه..
وظهرت..وعلى حسب علمها ان ربع حمد ساروا..فخذت راحتها وتمت اتصاااارخ في الحوي..
منيرة:فهههههههههههد..فهــــــد لعلك الحوم والسل ما تضيع الا في هالوقت اللي انا بظهر وبتحوط فديييييييييييييييييييييييييييييييييييييييييتني والله..
حدرت الميلس وانصدمت من وجود حميد في الميلس..تمت امسمرة افمكانها وما رامت حتى تحرك ريوولها وتشرد..ردت ع ورا كمن خطوة..وشردت ابسرررعه..
ههههههههه..موقف الصراااحه ايضحك..
حميد..مب مصدق اللي استو..وحده من خوات حمد تووه شايفنها..شوو هالحظ..منووووووووووووو هااااااااااااي؟؟والله انها حلوة وكشيييييخه..وصووورتها ما فارقت خياله وهي اترد ع ورا ..وصوتها ما غاب عن اذنه وهي تزقر فهد ولد خالتها..
فز قلب منيرة وهي حاسه بشعور اول مرة اتحسبه..امممممم..مااارووم اوصف لكم ابشوو حست..صورة حميد وهو يالس واميود تلفونه انرسمت جدامها ابكل سرعه..ونظرته وهو موجه نظره عليها..يااااااااااااااي..لحظة ما تنسى ابد..
حدرت الصاله..
غبيشه:هاه وينه الولد..
منيرة:اي ولد؟؟
ام حمد:البنيه سااارت تتحوط برع ويتنا بليا حس..
منيرة:اه فهد..فهد في الميلس البشكارة قالتليه..
غبيشه:لالالا..السالفه يبالها يلسه خبريني شو فييج..
منيرة:اي سالفه واي يلسه ووقفه..نشي خالوووه فدييتج يلا..بسير بييب عباتيه..
غبيشه:هههههههه..هاي سموها عاشقة السوق..
نورة:وهاي كل يوم مظهره لمنيرة لقب..مشاااااالله علييج ما اتقصرين..
غبيشه:شو انسوي هواية جديمه وللحيينه نستمتع بها..يلا تاامرون ابشي؟؟
نورة وام حمد:سلامتج الغاليه..
ويت منيرة من فوق وهي حالتها لله لدرجة انها ما تمشي عدل..وساروا السوق..ومن شافت الناس والعالم..ردت لحالتها الطبيعيه..الا ان شي بسيط زاد واصبح شي منها وفيها.."صووورة حميد"..لكن هي ما تعرف منووووو هاللي في الميلس...شووو بتسوي؟؟؟




والله مانسى كلمة منه جتــــني...فيها مـــلك روحي وقلبي صفاله
كلمة حبيبي من حبيبي شرتني...وأصبحت ملك له ولا ابغي بداله
أمريكا..
شقة ذياب ومبارك..

في هالوقت مبارك وذياب يالسين يلعبون..صالتهم منعفسه فووق تحت..العصير محااطينه على الطاوله الصغيره اما كرتون البيتزا اللي كانت امخلصه كان فوق طاولة الكمبيوتر ..مخدات الكراسي كل وحده افصوب..والكنب معوايه..واصوات ضحكهم شاله البقعه شل..
ذياب: ههههههههههههههههههههههههههههاااااااااااااااي
ويااااااااا ويهك بروك ويه سيارة مخشعه ..للحينه ما ذاكرنا عسب امتحان باااجر..ابشرك من اللحينه تراااااااانااااااااا رااااااسبين..تن تن تن تنتن نحن الراااسبين..تتنتتن نحن الراااسبين..مبارك الغبي وذياب الهبيل..الراااسبين..تن تن تن ..>اونه يغني..
مبارك:اسكت اسكت بشرد بشرد لا اتم اتغن يجيه..
ذياب"يغني":وااااااااااااااااااااا نحن الراااسبين حيوا الراااسبين..تلاا لا لاا ..نحن الراااااااااااااسبين..
مبارك يوقف جدام الباب..
مبارك:اذا ما سكت تراني بشرد من الشقه..
ذياب:مع السلام اخووي نلتقي في الحلقة القاادمه..
ويسمعووون جرس الشقه..جان ايفزون وكلن ايطالع الثاني..
ذياب:منو بيي اللحينه..
مبارك:ماادري..
ذياب:انزين شووف من الفتحه عنبووووه..
مبارك:لالاانا اخاف>>يستهبل..
ويطالع من الفتحه جان ايشوف عبدالله..
مبارك:بل بل بل ياااكبرها عند ربي..
ذياب:منو منو منو؟؟
مبارك: ذياب هاذا عبدالله يأ..شوف الشقه انته بس اسميه بيتشمت بيقول شقة كلاب مب عرب..يلا يلا شل كرتون البيتزا والعصير وده الزباله..
ذياب:مااااالي خص انته يبتها ..انا ما قلت لك اتيييبها.."ويشل مخده صغيره في يده"..مبارك مبارك عدل عدل الكنبه ..
مبارك"ايشل البيتزا والعصير":ماااااااالي خص انت اللي خربتها..
ويربع مبارك صوب المطبخ..ويحط كرتون البيتزا في الزباله وايي طيران صوب ذياب اللي كان ايعدل الكنبه وبحركه سريعه يفز مبارك صوب واايرات الكمبيوتر ويخبيهن ورى الطاوله ويعدل المناظر اللي كانت فوقها في الوقت اللي ذياب شل جاكيتاتهم ونعالهم ووداها في حجرة النوم ويأ ابسرعه وشل دفاترهم والاب توب..ومبارك ايعدل الطاوله..
مبارك:ذياااابووه وين المزهريه..
ذياب:فوق الطاوله..يلا يلا الريال له سنه واقف جدام الباب..
مبارك:بس المزهريه مب فوق الطاوله..
ذياب:عيل تحتها..
ويطالع مبارك تحت الطاوله..
ذياب:هاه لقيتها..؟؟
مبارك"ايحط المزهريه فوق الطاوله":هيه هيه لقيتها..
ذياب:فج الباب ..
مبارك:انته فجه..
ذياب"يتحرك صوب الباب":ولييش ما تفجه..
مبارك:شعري مب امشط اخاف يشرد لا شااافني..
فج ذياب الباب وهو يضحك على تعليق مبارك..
عبدالله:حشى ما بغيتوا اتفجوون..السلام علييكم...
ذياب:وعلييك السلام ..حياك الله..
ويتوايهون ..ويحدر عبدالله الشقه في الوقت اللي كان مبارك ميود الريموت ويطالع التلفزيون اونه مؤدب وشوفنا يا عبدالله احن ما كنا نلعب.
مبارك:اووه عبدالله مرحبا مرحبا ملاايين ولا يسدن ببوحميد..
عبدالله:والمرحب لاهان يا بوحمد..
ويتوايهون وييلسون كلهم..
ذياب:السموحه منك يا بوحمد انا كنت في الحمام وهاذا اميلس في الحيرة ولا سمعناك يوم اتدق الجرس..
مبارك"ايطالع ذياب وكاتم الضحكه":هيه هيه صح كلامه..
عبدالله:لا يكوون يتكم في وقت غير مناسب..أكيد خربت عليكم مذاكرتكم..
مبارك:لا افا امبوني اسمع اغاني في الحيرة ولا مذاكره ولا هم يحزنون..
ذياب"ايغير الموضوع ويطالع في مبارك يباه ايقوووم اييب عصير للريال..":اهاواخبارها الوالده انشااللله احسن؟؟
عبدالله:والله شو اقولك حالها ما تغير..بس اوعدوني الدكاترة بخير..والله يقدمه..
ذياب:وانت يا ريال اصبر لا تستهين بالله..وان شالله ربي بيفرجها عليك واتشوف الوالده باحسن عافيه.."ويطالع في مبارك ويطالع ويطالع يباه اينش بس مبااارك طااااااااااف..واكبر طاف..لما قرر انه ينش"..
عبدالله:والله ما اتييب شي امبوني ياي بس اسلم عليكم والأهل متريني عسب انسير المستشفى..
ذياب:لا تحلف ياريال..كوب عصير..
عبدالله:لا لا لا ما يحتاااي..يلا تامرون ابشي؟؟
ذياب ومبارك:لا سلامتك ومن صوبك" حتى الرمسه ايقولونها ويا بعض سبحانك يارب.."
عبدالله:لاسلامتكم الشيووخ..فمان الله ..
مبارك وذياب:الله يحفظك..
وظهر عبدالله..وبندوا الباب وكلن ايطالع الثاني..
ذياب:يوم ااشرلك اتييب العصير ليش ما سرت اتييبه..
مبارك:مااافهمت عليييك..وليش مب انته من اول اتييبه..؟؟بلا حركات واشارات مرور..؟؟
ذياب:هاها..سوالف عليك انت اصغر مني باربع ايام..
مبارك:ويااويهك انت الأصغر مني..
ذياب:يوم اترمس خالوه عايشه اتخبرها يالغبي؟؟
مبارك:اللحينه انا غبي..يا غبي.
ذياب:انا غبي يا غبي؟؟
مبارك:عيل انا؟؟
ذياب:لا عيل انا..
مبارك وذياب:ههههههههههههههههههه...
وييلسون كل واحد منهم على كنبه..وبحركه تلقائيه كلن منهم ايمد اريووله واستوا نفس الوضعيه..ومن يشوف اشكالهم يقول توم..خاصتن انهم لابسين بناطيل برمودا رصاصيه..وتي شيرتات حمرا..كشيخين تراهم..
ذياب:غريبه عبدالله ماياب غايووه وياه..
مبارك:هيه تراها المرافق الرسمي له..بس اتحصلها ميسله عند قوم امها..
ذياب:هو عنده اخت ثانيه أكبر من غايوه..جيه اتقول صف ثاني ثنوي او ثالث ثنوي..بس شكلها ما تدرس لأنه تعرفنا على عبدالله من يينا..وهي للحينه ما ردت البلاد ولا حافله لا دراسه ولاهم يحزنون..
مبارك:شودراااك يمكن اموقفه عسب حالة امها..الله واعلم..
ذياب:هيه والله يمكن..انا شفتها في السوبر ماركت كذا مرة..بس ما عرفت اسمها..هزرك شو اسمها؟؟
مبارك:اسمها اليازيه"ويطالع في ذياب قصده ايشوف ردة الفعل"..
ذياب:اليازيه.. ذكرتني بــه ليه اعتني بـــه .... حب وحبيبه والشوق جذاب
ولفن يحبـــه قلبــي ولبـــــه ....ويذوب صبه كالشمع لي ذاب
بس خلاص يكفي يكفي يا ذياب..تجرح قلبي وانا ساكت وانته ما تدري..يكفي من التجريييح..يكفي لا اتزيد اللي فيني..ذياب طلبتك طلبتك لا تجرح قلبي فوق الجرووح اللي هو متأذي منه..
غمض مبارك عيونه بقوو..وهو يردد هالكلمات افخاطره مليون مرة وميود رااسه..
ذياب:بلاك يا مبارك؟؟
مبارك"اينش من مكانه":ممااادري ..ماا فيني مافيني الا العافيه..بسير بذاكر..
ذياب: كتمت سرك لين دمعي عصاني..راعي الهوى لو يكتم السر مفضوح..
فدييييييييييتج ياليازيه متوله على شوووفت عيونج..
حدر مبارك الحيره ورقع الباب بقوو..كان ايصارع مشاعره..ايصارع جرووحه..ايصارع هالواقع اللي يعيشه..هالواقع المرير..هالواقع اللي حكم على مبارك بالعذاب والألم والشقا..حكم عليه ايعيش ويا الجرووح وما يتخلى عنها..
جروح تمسي وتصبح في قلب مبارك والدم ينزف دون ما يتوقف..عذاب ايعيشه مبارك..هو الوحيد ولا غيره..اليازيه ما تعرف السالفه..وإذا عرفتها ما بيدها شي..وذياب ولا علييييه..ومبارك..أأأأه يا مبارك..يالس يتعذب عذاب حرق يوفه وشتت تفكيرة..كتب اسمها وبحركه بسيطه من يده حط اصبوعه على اسمها ويحسس عليه..كأنه يتخيل ويه اليازيه جدامه..في اللحظة اللي نزلت دمعه من عيونه وسالت على خده وخذت مجراها لين ما وقفت عند نهاية ويهه..مسحها بسرعه..وتم يردد هالجمله افخاطره..
"....ماني من اللي ينحني بالسهوله لي هامة يخضع لها العز ويلين...."
رغم هالعذاب..رغم هالجرووح..ر غم هالألم والهم..ورغم العنا والشقا..الا ان محد ينسى شمووخ مبارك..محد ينسى نظرته وهيبته..مبارك في شمووخه غير عن كل الناس..بالفعل غير عن كل الناس..شمووخه هو اللي خلاه ايواصل هالمحنه دون ما يحرك ساكن فيها..
نش وفج السده يبا ايظهرلها اوراق ثانيه عسب يذاكر للإمتحان وايودر افكاره ويوكل كل شي على ربه ولا يشيل هم هالسالفه..لكن ..لمح ورقة بنفسجيه صغيرة شلها وقرى المكتوب فيها ابصوت خافت متألم مخنوووق..
مبارك: قلت يا قلب ..لا تبكي فرقا حبيبن لسنين..
يمكن انت في باله..يمكن ما نساك..
حبيبي..
بعدك طال..وغيبتك طالت..
وقلبي تولع بك..وأصبح عشيقك..
وليف القلب..
غيرك ما طرالي ..ولا عنالي..
يامن حيرتني..
عيوني جفاها النوم..
ودها ابشوفك اليوم..
وقلبي عيا يلوم..
كل قلب عشق مزاياك..
اناديك..
من قلب وحيد بهجرك..
من رووح مشتاقه لك..
ومن عيون فدالك..

"ذياب يقصد اليازيه..اليازيه غنااااااااتي ..يقصد من عشقتها وعشقتني.."..
غريبه هاذي الدنيا تخلي كل خل يبتعد ويهجر خله بسبة توأم رووحه..

"واااااااااايه نسييييييييت جوري ما تباني اعذبه"..

. . . . . .

ماقول منك اللي لفاني كفــــــاني..لأني أحبك هجر وعنــاد وجروح..
ان غبت عني طال عمرك ثواني..تقول عمرك ثانيه من عـمر نوح..

بيت بو حميد..
الساعه10 ونص..
حجرة سلامه..

اليازيه:وهالســالفه طال عمرج..شو الراي اللحينه؟؟
ظبيه:انتي اللحينه تتمصخرين ولا تستهبلين ولا تبين اتسوين عمرج فاعلة خير..والله والله والله لو تنطبق السما ع الأرض..اني ما ارد لحميد..حميد فعلاً مسحته من القااااائمه..
اليازيه"باستهزاء":اشدعوه الأخت راعية قوائم.. خخخخ يعني شو المطلوب مني شو اقوله؟؟
ظبيه:قوليله..شلني من حياتك شلني من خيالك...انسى حبي وقربي وانسى ذيج الليالي..
اليازيه:حييييي ابووووووووها تعيبيني يالبدويه..وهاذي نهايتكم يا ظبيه وحميد الفرااااااااق..ظبيوووه؟؟
ظبيه:عوووونج..
اليازيه:عانج الرحمن ياااسباالوه ما خبرتيني شو ساااالفة عبيد؟؟
ظبيه:بسسسسسسسم الله الرحمن الرحيم..شووو الأخت ساااااحره؟؟؟!!!
اليازيه:ههههههههههاااااي..الساعه1ونص وايقي من الدريشه وبتشوفيني اطير في السما فوق مكنسه وعيوناتي مبحلقات وفااجه ثميه ومظهره اضرووسي وبتتأكدين اني يزوووي عنز الحارره>>الأخت تعترف ..
ظبيه:ههههههههه..هههههههههه..الله يقطع سوالفج..
اليازيه:بالمقص ولا السكين..هههههههه..لا بالمشرط..
ظبيه:طااع هااي..هههههههههههههههه..
اليازيه:بلا ضحك بلا سوالف بلا خربطيشن وخلينا انرد للأساس..شو سالفته؟؟
ظبيه:قبل ما اقول سالفته انتي شو درراج انها اتخص عبيد وعن عبيد فديـــتـ.."ولا كملت شو الباقي..يمكن فديته..فديت روحه..فديت قلبه..فديت امه مدري ابوه.."..
اليازيه:مع اني احب اكمل الفراغات الا اني ما احب اكمل المجاملات من حبيب لحبيب..بنسوي طاف..والله يختيه حدسي النسائي ايقوول جيه..^___^
ظبيه:الله والحدس النسائي..طال عمرج لا سالفه ولاهم يحزنون..الا اني رمسته تلفون..*ــ*
جان اتي اليازيه وتضرب ظبيه بطراااااق قوووووووي..حمر ويه ظبيه..
اليازيه"تتمصخر"جيه يا مسودة الويه..عايشه افبيت طول عمرج معززة ومكرمه واللحين على أخر زمانج اتين انتي يالبيبي و.........................
ظبيه:اقول سكتي سكتي ولا ترانيه ما برمس في الساااالفه مووول..طرتي ولا حليتي ما برمس..فاحسلج تسكتين وتبلعين هاللسان لعله القص..
اليازيه:ايييييييييييه..ما اسمحلج على لساني ترى والله ما ارضى عليه راس مااالي فديتني..
ظبيه:اووه لا تخليني احلف..؟؟
اليازيه:حلفي يعني بمووت ان ما خبرتيني السالفه..لعلمج انا هالسالفه ما حفلتها ولا تهمنيه ابد..بس من باب الفظوول..
ظبيه:تراااااااااااج مااااااااصخه وسخيييييييييييييفه ولا عندي سااااااااالفه يوم انيه صكيت خط من سويحان لين العين بسبة شووووفتج..وانتي يالسه تتمصخرين عليه..
اليازيه:صاااااااااااادوووووووه..رمسي فديتج يالسه اسولف فيااج لا غير..
ظبيه:..............امممممممم..نرفزتيني مارووم ارمس اللحينه..
اليازيه:اااااااووووه اللحينه بتطول السالفه رمسي وخلصينا..
ظبيه:والله ماشي سالفه..الا انيه دقيت على بيتهم ابغي ارمس الميث..وبالصدفه هو رد ومن سمعت صووته عرفته وهو شكله بعد عرفني..وزقرلي ميثوه ورمستها وقالت ان هاليومين عبيد اخوها عنده شغل ومن يخلص بيبهم اسويحان..وتمت اتنغزني برمسه مووول ما فهمتها عيزت منها..
اليازيه:شووووووو من رمسه؟
ظبيه:امممممم..خليني اتذكر......عبيد ما يقصر في هل سويحان ..اممممم..شي جيه والله ما أذكر..اظني نتمنى شوفتكم احن وغيرنا..مممم..ومادري شووو؟؟
اليازيه:وانا على الطاير افهمها واطيرها..الأخ متولع بج..والله ظبيووووه ماجذب علييج..هاك اليوم دقيت ع بيتهم ورد علي هو..جان يتخبرني عنج..جان ايلس اتمصخر علييه واااحليله..وانا نسيت ما اخبرج..لأني نسيتها السالفه..بس من طريتي ان ميثا اتعق رمساااااات..علقت هالسالفه بالسالفه الأوليه ولاحظت تكرار الرمسه من بينها..او يمكن اتقولين اتشابهها..واستنتجت ان عبيد متولع في ظبيه..
ظبيه:اللحينه انتي من صجج؟؟معقوووووووووووووله عبيد ايحبني بهالسرعه وبهالسهووله؟؟
اليازيه:قولي الا ربج يبي ايعوضج بثاني تعرفييين قدرج وقيييمتج معاه مب احمييييد؟؟؟
ظبيه:اقووول خل نظهر من الحجره صوب البنات..
اليازيه:شوورررررررررررج؟؟
وظهرن اليازيه وظبيه واصوات ضحكهن شاااااااااااله البقعه..نزلن تحت ومالقن حد في الصاله..وايقن من الدريشه عسب ايشوفن منو في الحوي.اووووووه..غريبه الحوي فااااااظي..
ظبيه:وين سارن قووم امايه..؟؟
اليازيه:سمعت انهن بسيرين صوب يدووه موزة..وبتعشن عندها.."وتطالع ساعتها":الساعه10ونص.واقع الا تعشن وخلصن..
ظبيه:الله يهديهن ليش ما خبرني عسب اسير اسلم على رووضوووه بنت ييرانا..أشك انج نسيتيها..
اليازيه:الله ينطب العدو..والله صج هاي مسكينه من فتره لفتره اتيي اتسلم علينا واحن مسويات الها طااااااف..
ظبيه:خص انها كانت وحده من شلتنا..خساره كنا ست استوينا خمس..
اليازيه:هيه والله صح..انشالله باجر ولا عقبه بنصك خط الرماح وبنسيرلها بنسلم عليها وبنيي ابسرعه..
ظبيه:أوووووكييييييييك..خلينا من هاذا كله وقوليلي وين شلة الشبابيه..
اليازيه:سعيد وحميد هاييلا هم اللي ودوا قوم امايه..تدرين حميد ربيع ولد يدووه موزة اللي اسمه ..امممم.هيه حمد..اربيعه الروووح بالرووح..وما صدقوا ايسيرون له..وسلطان وراشد واظني وياهم منصور شلوا اسهيل وهدوووفي ساروا المول..الا ما قلتي لي موزووه لييييييش مااااايت..؟؟؟؟؟؟ظ
ويسيرن ظبيه واليازيه ويوقفن ع الدري اللي جدام الباب..
ظبيه:طااااااال عمرج موزوه فديتها تباانه..وتقول تبى ترتاح..حدرت قسمها من ظهرنا ودقيت لها تلفون وردت كانت الأخت اقده وانا ثورتها..جان ارمسها واتطمن عليها وبندت منها..خل انسير صوبهن انشوووف شو يسون؟؟
اليازيه:ااااااااااهاااااااا..اوكيك يلا..
ومشن صوب المطبخ..ومن قربن من المطبخ جاان يسمعن ضحك مهره..تضحك بشكل هستيري..قطعن سوالفهن وسارن يربعن بسسسسسرعه صوووب المطبخ..
يزوي:شوووو شووو شووو السالفه..
مهره"ميوده بطنها وتضحك":ســ.......هههههههههههههههههه..سلامه...ههههه هههههههههههههههههههههههه..طاعوا سلامــ.......
ظبيه:ههههههههههههههههههههههههههههههههههههههههههههه ه...سلامه شووو فيج..
اليازيه"مرة اتطالع في مهره ومرة اتطالع في ظبيه":اوووووووووه لعلكن العوووووق والسل فهمني شو السالفه..غديت مثل الأطرش في الزفه..
ظبيه:واللي يسلمج طاااااالعي سلاموووه..
اليازيه"ضحكت وما بتسكت":ههههخخخخخخخخخخخككككككككككاااااااككككك. .
وااااااااااااههههههههههههههههههههههههاااااااااااي؟ ..طاعوا هاااي بس انتي ماا اتشووفين..عيوناتج وين؟؟ترى سلطان له سااعه من ظهر..ههههههخخخخخ..
سلامه:بس الله يخسكن ضحكتن من سركن بلااااا انشاااااالله..ضحكه يااااااعساااااها مااا تدوووم..لي سااعه جيه طاايحه ومن شافتني وحده منكن تمت فاااجيتلي هالثم ومظهرتليه الضرووس..وضحك ابصوتها كله يشرد قبايل سبع وديااان..
"الله يسلمكم سلامه كانت ميودة لها صحن وحاطه فيه الطحين..الأخت بتعين لها قرص وبتخبزه عسب عشااهن..الأخت بدويه..احم احم..جان تنزلق المسكينه والطحين اللي في الصحن انجب كله علييها..لدرجه ان ما شي يبين ان ثمها يووم ترمس.."..
من سمعن رمستها ومن شافن عصبيتها ..زاااادن من الضحك..اظني السالفه سالفة اعناااااااد..
الكل"مااغير سلاامووه":ههههههههههههههههههههههههههههههههههه ..
سلامه:وااااااايه يعلكن العوووق مسودات الويه..وحده اتي وتخليني انش مارووم احرك اريووولي..
اليازيه"تربع صووبها":واااااشقااايه البنيه غدت معوقه يا نحاسة حظك يا سلطان يا خوووويه..خخخخخخ..استويت شرااات امايه يوم ترمس...خخخ
مهره:سخيفه..عطوني تيلفون بدق لسلطان ايي يوديها توام..البنت شكلها وااايد متعوقه..
ظبيه:واحليلج يا سلاموه طحتي طيحه ..ما بعدها طيييييييحه..
واتهف سلامه واتوقف بعودها كااامل..من سمعت الرمسه زاغت البنيه عن ايدقن من صج لسلطان وتنفضح وااحليلها..
اليازيه:ههههههههههههههههههههههه..لا اتخافين ما بنفظحج..انتي اييي مهرووه لا اتقولين سخيفه..انا حبووبه ماااشالله علييه..
مهره:خلااااااااص انزين..سلاموه تانسين شي ..
سلامه"اتصد صوب يزوي":لأ..بس انا ماا اشووفكم عدل..
اليازيه:واااشقاااااايه..البنيه غدت عميه يا نحاسة حظك يا سلطان ياا خوويه..أشوف السااالفه واايد عيبتني..
ظبيه:صخي انتي علني بلا هالصوووت..البنيه بتغرم عليينا..
سلامه:شووووووووووووووو..انا استويت عميه من اثر الطيحه..كله عشااان عشاااكن..لعلكن ما تتعشن ولاا توقع العييشه في هالبطوون..عنلاتكن يالسبااالات..
اليازيه:هههههههههههه"وتصفق كف بكف"..واااااااشقاااايه البنيه غدت مغرومه"مينونه"..يا نحاسة حظك ياا خوي يا سلطااان..هههههههههههههههااي.
..لا لا من صج عيبتنيه الساااالفه..
ظبيه:عنلاااااااتج يا الهرمه اصورتنا بهالصووووت..جنج الا بعير..
اليازيه"اتفر ظبيوه بالمعلقه اللي كانت ع الطوله":بعير يربعبج في السكه ياااا الغبيه..
ظبيه:اااااااااااااااااااااااااااااااااااااي..ماااا ااااااااعلييييييييييييييييه..يت على كتفي..أخ اخ اخ ..
سلامه:ههههههههههههههه..اسمينا ما سلمنا من هالعشا..
مهره:شوو انتي سكرانه..لو يت على عينها شو بتسوين..
اليازيه"اتهز كتوفها وبابتسامه حلوه":المستشفى تستقبل وما تقول لأ..ههههههههههههههههههههه..
سلامه:انا بسير بتسبح وبييكن..
وبدت اتنظف اللي يأ على قصتها ويوم يت بتنظف اللي على ويهها.جان اتيود يدها اليازيه..
اليازيه:في ذمتتتتتتتج انج ماااااا تلمسييين ويهج الا يوم اتشوفين عمرج بالمنظره...
مهره:ههههههههههه..يمكن تشرد البنيه ماا فينا..
سلامه:وااايه لا تزيغوووني..
اليازيه:والله والله دركوولا مب اهنيه..
ظبيه:ههههههههههه..البنيه ما يأ على بالها ادركووولا..
اليازيه:لا يكون من بعد ما انجلب حالج شفتينا وحوووش..
سلامه:ههههههههههههه..يلا يلا بنسير فوووق..
الكل:يلا..
حدرن الصاله وهن ميودات يدها..المسااكين مشتغلااات في الشرطه..خخخ..
وروانها شكلها جااان تربع فوووق عسب اتسير تتسبح..وخلاف ظهرن برع وييلسن في الحوي..جان يسمعن صوت سيارة اتوقف..وجان كلهن ييييرررربعن ويحدرن الصاله الا اليازيه تمت يااالسه افمكاانها وكلهن يوايقن من الدريشه..جان ايشوووووفن سلطان حدر وميود هادف ..وهادف كان رااقد..ومصممين يده وراسه..؟؟؟؟؟؟؟؟؟؟؟؟؟؟؟؟؟؟!!!!!!!!ومن شااافووهم..ربعن كلهن صوووبه وقلوبهن على هااااادف وميتات من الزيييييييغه...؟؟؟؟؟؟!!!!!!!!!!
.
.
.