لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


من حقي أن أعيش للكاتبه : ! بنت الخيال !

بسم الله الرحمن الرحيم من حقي أن أعيش الكاتبه : ! بنت الخيال ! مبارك :اموووووووووووووووووووووون امون : آمر مبارك وهو معصب :

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 30-12-08, 04:31 PM   1 links from elsewhere to this Post. Click to view. المشاركة رقم: 1
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

المنتدى : القصص المكتمله
Top من حقي أن أعيش للكاتبه : ! بنت الخيال !

 

بسم الله الرحمن الرحيم

من حقي أن أعيش

الكاتبه : ! بنت الخيال !



مبارك :اموووووووووووووووووووووون

امون : آمر

مبارك وهو معصب : شلي هالقرده عني مب مخلتني ارقد

امنه : فديت شموتي انا ،،، وتشل شما عن ابوها وتحبها

مبارك : القرد في عين امه غزال

امون : بذمتك الحين شما الحلوه قرد ؟؟

مبارك : ذلفي عن ويهي خليني ارقد ,,, ولا تنسين تسكرين الباب ،،،

امون : ما تبا غدا ؟

مبارك : لا

طلعت امون وسكرت الباب ،،، وراحت الصاله ويلست ويا بنتها لحد ما رقدت وشلتها وحطتها في سريرها وظهرت وردت الصاله ،،، وبعد ربع ساعه

دخلت عويش الصاله وحصلت امها ،،،

عويش وبصوت عالي : السلام عليكم يا حلو ،،، في شوه تفكرين ،،، ليش ما تجاوبين ،،، قولي بسرعه ،،، خلاص قولي سر ،،، على راحتج ،،، انا بروح ابدل ثيابي وبصلي و برقد ،،، إذا غيرتي رايج انا في حجرتي بس اول شي حجزي عند السكرتيره موعد ،،،

امنه : وعليكم السلام ،،، ما شاء الله على بنتي ،،، بالعه راديو ،،، تسألين وتجاوبين على عمري ،،،

عويش : فديت ماماتي ،،، اباج تضحكين ،،، ما ابا اشوف الحزن في ويهج ،،،

امنه : ومنوه قاص عليج وقالج اني حزينه ،،، حد عنده القمر ويكون حزين

عويش : قصي علي بكلامج المعسول ،،، انا ادريبه اكيد كالعاده قايلج شي ومضايقنج ،،،

امنه : عويش ،،، حبيبتي ترا مهما كان هذا ابوج

عويش : ادري وليتني بعد ما دريت ،،،

امنه : حد يرمس عن ابوه حبيبه هالرمسه اللي مب حلوه

عويش : انزين متى بيحس انج تقدرين تعطينه اكثر من ما هو بعطيج ،،، متى بيقدر انج احسن من بنت عمه اللي افترق عنها بسبة الظروف ليش ما يرضى بالقدر واللي الله كاتبنه ،،،

امنه : انتي منوه يخبرج ويترس راسج بهالرمسه

عويش : انا مب ياهل ،،،هالسنه بتخرج من الثنويه ،،، يعني بكمل ال 18 ،،،

امنه : حبيبتي ابوج نسى الماضي ،،، والدليل انه يحاول يتغير ويرضى بالواقع واللي الله كاتبنه له ،،، ومحاولته تكفي وتبرهن انه الحال مب مريحنه ويحاول يغيره للأحسن ،،،

عويش سكتت ونزلت راسها

امنه : كلامي فيه شي غلط

قامت عويش وحبة راس امها ،،،

عويش : الله يخليج لنا ويخليني لج

امنه وهي تضحك : آآآمين

عويش وبصوت عالي : سببببببببببببببببببببببيجوه وصمخ

امنه : وطي حسج ،،، ابوج وشما راقدين

عويش بصوت واطي : سبيجه يعلج الصمخ هاتيلي غدا بسرعه ،،،

امنه : سمعتج ،،، الحين بتيج تركض ،،،

عويش : ما عرفتلج ،،،اصارخ ما عيبج تكلمت بصوت واطي بعد ما عيبج

امنه : روحي بدلي ثيابج وصلي وانا بخليها تحط غدا

عويش : اوجيه ماما امنه

راحت عويش تبدل ثيابها وصلت الظهر ويات تتغدا

عويش : ويا هالاسوده يوم ازقرج ليش ما تردين ،،،

سرمني : انا ما في سبيجه ،،، انا سرمني ،،، انته يزقر سبيجه انا ما في يرد

عويش : عاشوا ،،، منوه علمج تردين بعد ،،، لا يكون طباخ قوم راشد


امنه : عويش شو هالرمسه ،،،

عويش : ميته يوع ،،، ابا اكل ،،، يقولون الكلام مب زين ،،، يؤدي الى امراض خطيره

امنه : بسم الله منج ومن رمستج

عويش : متى بيوصل علوه ؟

امنه : عويش ،،، اصغر عيالج تقوليله علوه

عويش : هيه كل الدلع له ،،، منوه قدك يا علوه

امنه : عوووووووووووووووويش

عويش : خلاص علي ،،، ولا سيدي علي

امنه : سيدج غصبن عنج ،،، واحترميه ترا اخوج اللي اكبر عنج ،،،

عويش : إلا سنه مب من كبره عني ،،، وبصراحه انا محترمتنه لانه ما ينازعني ولا يضربني و عشان جيه احبه وحترمه ،،، مب شرات رشود اخو روضه ربيعتي ما يمر يوم الا نازعها ولاتضارب وياها يا طالع عنها ،،،

امنه : قولي الحمدالله على هالنعمه ،،، محصله حد يجابلج ويتحملج

عويش ومخليه عمرها مسكينه : هيه والله ،،، وايد عليه يوم متحملني ،،، وفجأه بصوت عالي : شو انا عشان ما يتحملني

امنه : عوذ بالله منج ومن هالحس ،،، راسي عورني بروح ارقد لحد ما يوصل اخوج احسلي ،،،

عويش : انزين شو اخليها تسوي حق قهوه العصر ؟؟

امنه : والله نسيت اقولها تسوي شي على لقهوه

عويش : ادري ،،، والفضل لصوتي الرقيق ،،، احم احم

امنه وهي تضحك على بنتها : الاعتراف بالحق فضيله

عويش : يحليلي مسجينه

امنه : انزين يالمسكينه ،،، خليها تسوي فطاير وخبيصه وانا بطرش الدريول العصر ايب خضره لانه ماشي خضره

عويش : اوجيه ماما امنه

وامنه : والقهوه بالزعفران

عويش : اكيييد ما يبالها رمسه

ودخلت امنه ترقد لحد ما يوصل علي ولدها ،،، وراحت عويش وشلت صينيه الغدا ووصلتها المطبخ ،،، وفي المطبخ ،،،

عويش : سوي فطاير بالجبن والزعتر ،،، وسوي هريس وخبيصه و

قاطعتها سيرمني ،،،

سيرمني : ليش ما يقول من الصبح يريد هريس ،،، هذا هريس يريد وقت واجد ،،، ما يصير الحين سوي

عويش : والله انا اللي اعرفه ان السكني ما يغلبه شي

سيرمني : انا سوي خبيصه وفتاير بس

عويش وهي تضحك عليها : انزين انا يريد هريس ،،، انا ما في اكل هريس انا موت

سيرمني : انزين موت شو سوي انا

عويش : اهبي مشرج ،،، ادريبج تبين الفكه مني ،،،بس حلم ابليس بالجنه ،،،

سيرمني : سوي وايد فطاير ولا شوي

عويش : لا سوي بس حق قهوة العصر محد بيي

سيرمني : اوكي

عويش : منوه علمج تقولين اوكي

سيرمني : علم فـ

قاطعتها عويش : خلاص دريت ،،، حشى بالعه راديوا

وظهرت عنها ،،، وراحت حجرتها ،،، ويت تبا ترقد وشافت الساعه قربت على ثلاث ،،،

عويش : بخلص واجب الرياضيات لحد ما يوصل علوه ،،،

وراحت ويلست على مكتبها وبدت تحل مسأل الرياضيات وتتحرطم

عويش : ياخذ بليسها من معلمه ما تعرف تفهم ،،، ما ادري كيف اشتغلت هاي ،،، الله يعين عليها

الساعه اربع خلصت عويش من واجبها عقب ما ردت وقرت الدرس ميه مره عشان تفهم ،،،

وديمه : نواري تعتقدين عويش قامت ؟؟

نوره : ما ادري ،،، روحي شوفيها ،،،

وديمه : عقب ما اخلص من حفظ الآيه بقوم ،،، اليوم ابله مريم نازعتني لاني ما كنت حافظتنها ،،،

نوره : ما قلتيلها انج مريضه وما قدرتي تحفضينها

وديمه : دخيلج حد يسر يرمس هالنسره ،،، بتقولي انا مالي خص في ظروفج ،،،

نوره : يعني بيدج انتي ما حفظتيها

وديمه : هالرمسه عندج مب عندها ،،، لو شفتيها كيف تنازع زينب يوم قالتلها ان كان عندهم ضيوف ولا قدرت تحفظ

نوره : حشى ،،، نحن ابله بتول تعطينا اسبوع نحفظها من ناخذ الدرس عشان بعدين ما يكون عدنا عذر ،،، والحمدالله ما يعدي الاسبوع الا يكون كل الصف حافظنها

وديمه : هذا عند ابله بتول الطيبه مب ابله مريم اذا خذنا الدرس اليوم لازم باجر اني حافظينها وحتى لو عدنا امتحان ما تراعي همها مادتها وبس ،،،

نوره وهي تضحك : شفتي ابله عفاف يوم طاحت من الدري

وديمه : لا تذكريني ،،، والله مت قهر يوم خبرتني زينب ،،، طافني نص عمري ،،،

نوره : والله صدق طافج ،،، لو تشوفين شكلها يوم طاحت وين البنات يساعدنها ،،، قالت الحمدالله جت سليمه والبنات ميتات ضحك

عويش : هاي شغلتكن ،،، تنمن عن الناس وبعد شوي تظهرن وتقولن درسنا

وديمه : متى قمتي ؟

عويش : اصلن ما رقدت ،،، لا تقوليلي تبيني افهمج رياضيات ،،،

وديمه : دخيلج ،،، يوم السبت علي امتحان

عويش : وليش ما تقوليلي من قبل ،،،

وديمه : بس اليوم حددت الامتحان

عويش : انزين درسي الله تعرفينه ويوم الجمعه بفهمج الباقي

وديمه : صار

عويش : هاه نواري شو اول ثنوي وياج ،،،

نوره : سكتي لا تذكريني ،،، خليها مستوره

عويش : بدت امتحاناتج ؟

نوره : يوم الاحد بنبدا ،،، والله يستر

عويش : شدي حيلج ،،، على قولتهم هذي الحفره مب اول ثنوي

نوره : ما جذبوا والله

عويش : الله يسامح ابله الكيمياء اللي رسبتني

نوره : حرام عليج انا احلى ماده علميه هيه الكيمياء

عويش : امحق حلاه ،،، شو خلااني اعيد اول ثنوي غير هالماده

نوره : والله منج ،،، لو سرتي يوم الاعاده كنتي نجحتي

عويش : المهم اني هالسنه آخر سنه وبفتك

وديمه : حظج والله ،،، انا بعدني فثاني اعداي يعني باقلي اربع سنين من غير هالسنه

عويش : يحليلكن ،،، الله يعينكن على لمخسف اللي يدرسن

نوره : حرام عليج مب كلهن

وديمه : عويش جنه امي ادق باب حجرتج

ظهرت عويش من عند خواتها ،،، وراحت صوب حجرتها

عويش : انا هنيه

امنه : بسم الله من وين ظهرتي ؟؟؟

عويش وهيه تضحك على امها : من وين يعني ،،، كنت عند نواري ودمدومه


امنه : وليش مب راقدات ؟

عويش : انا كنت احل واجب الرياضيات ونواري ودمدومه يالسات يدرسن وينمن على الخلق ،،،

امنه : الحين الساعه اربع ونص وعلي ما وصل ،،،

عويش : لا يكون محجوز كالعاده ؟؟

امنه : يستوي ،،، ليش لا ،،، بروح اتخبر ابوج عنه

وراحت امنه عن بنتها وردت عويش عند خواتها وقالتلهن يقون يصلن وراحت تصلي

وبعد ربع ساعه راحت نوره ووديمه الصاله

نوره ووديمه : السلام عليكم

امنه ومبارك : وعليكم السلام

امنه : خلصتن دراسه ؟؟

نوره : لو ندرس طول اليوم ما بنخلص

وديمه : سكروا عن الدراسه وخلونا ناكل

نوره : علي اخوي وينه ؟

امنه : ما بينزل هالاسبوع ،،،

وديمه : اكيد مسوي شي

امنه : لا ما مسوي شي بس عندهم تدريب

نوره : متى بيي يوم تخرجه ،،، انقهر والله يوم يغيبن البنات عشان يشوفن تخريج خوانهم في التلفزيون

امنه : ليش تنقهرين ،،، ان شاء الله بيتخرج اخوج وبتغيبين ،،،

وديمه : هاي اول سنه له ،،، يعني باقي ثلاث سنين ،،، صح ابوي

مبارك : هاه ابوي ،،، شو تقولين ؟؟

وديمه : علي باقله ثلاث سنين وبيتخرج صح

مبارك : ان شاء الله

نوره : مب سنتين ؟؟

مبارك : هاي كليه زايد اللي سنتين ،،، بس الشرطه اربع سنين

نوره : يعني انا بتخرج وهو بعده

وديمه : على شوه مستعيله ،،، يوم امه وبوه مب مستعيلن

نوره : سكتي انتي وكلي احسلج

وقامت نوره تشغل التلفزيون ،،، اول ما شاف مبارك التفزيون قام وصرخ على نوره

مبارك وهو معصب : بندي التلفزيون

نوره سكرت التلفزيون وهيه منصدمه من ابوها ،،،

مبارك ظهر بسرعه من الصاله وهو معصب ،،، لانه لو يلس بيرتكب جريمه في بنته ،،،

طلعت امنه وراه

امنه : اذكر ربك يا مبارك

مبارك والدمعه خانته ونزلت على خده : اه يا امنه كل ما قلت نسيت يطلع شي ويذكرني ،،،

امنه ومسحت الدمعته : ما ابا اشوفك ضعيف ،،، ابا اشوفك مبارك اللي اعرفه ،،، مبارك اللي كله اصرار وعزيمه انه ينسى الماضي

مبارك : مب بيدي ،،،

امنه : مبارك ،،، ما ابا لعيال يدرون بشي عن الماضي يكفي ان عويش تدري

مبارك وهو منصدم : شو دراها عويش ؟؟؟

امنه : علي خبرها ،،، وقلتله ما يخبر حد ،،،

مبارك : كله من اخوي عبيد اللي خبره

امنه : خبره عبيد ولا غيره بيدري ،،، المهم شو تبا على العشى

مبارك : بتعشى برا

امنه : على راحتك ،،،

مبارك : بروح ويا عبيد ابوظبي ،،،

امنه : شو عندك هناك

مبارك : حرام اظهر برا العين

امنه : الله يحفظك

وراحت عنه

في الصاله


نوره : غريبه ،،، كان برنامج عن المعوقين تعتقدين البرنامج ضايجه

وديمه : ما اعتقد

دخلت امنه الصاله

نوره : اماه ،،، شو فيه ابوي عصب يوم شغلت التلفزيون ،،،معنه كل يوم يتابع المسلسل وياي ؟

امنه : تعبان من الدوام ،،، ويوم شغلتي التلفزيون تضايج من صوته

امنه تكلم بنتها وديمه

امنه : ودومه روحي زقري خوانج وعويش عشان ياكلون شي ،،،

وديمه : ان اشاء الله

ورحت حجرة اخوانها المر وحمدان

وديمه : مرمريه وحمديه قوموا تباكم امي في الصاله

حمدان : والله لديرج بكف عشان تعدلين رمستج

المر وهو يخوز اللحاف من ويه : شو تتريا عطها كفين عني وعنك

وديمه : تنكت ويا شكلك ،،، قوموا صلو وتعالوا

يات وديمه تبا تظهر مسكها حمدان من شعرها

حمدان : ما شي ظهره قبل ما تقولين اسمي عدل

وديمه وهي تعاند : حمديه حمديه حمديه

حمدان وهو اير شعرها وهيه تصارخ

وديمه : يا حمار فج شعري

حمدان : شو اسمي ؟

وديمه : ما بقول

حمدان وهو اير شعرها اكثر

وديمه : اماااااااااااااااااااااااه

المر : يحليلج يالديايه ،،،

وديمه : جب ما يخصك

حمدان : منوه اللي جب

وديمه : ما رمستك

حمدان : الحين تقولين اسمي واسمه عدل

وديمه : جزاتي يالسه ادلعكم

المر : معذرين من تدليعج

حمدان : المر هات المقص ،،، شعرها اشوفه طول يباله قص

وديمه وهي تصارخ : امااااااااااااه

المر : صارخي من اليووم لين باجر محد سامعنج

حمدان : المر قلتلك هات المقص

وديمه : خلاص والله بقول

حمدان : يله اشوف قولي الشيخ حمدان والشيخ المر

وديمه : تخسي

حمدان واير شعرها اكثر وهيه تصارخ

وديمه : الشيخ حمدان والشيخ المر

حمدان : قولي لو سمحتوا الشيخ حمدان والشيخ المر امي تباكم في الصاله لو هالشي ما يعطلكم ،،،

وديمه : والله ما اقول تبون اتون تعالوا ما تبون يعلكم ما يتوا

بطلع شعرها حمداون ودزها برا الحجره

حمدان : بنصلي وبني

المر : سويلنا عصير لحد ما اني

وديمه : والله ما حيدني بشكارتك

ويه حمدان يبا يمسكها من شعرها بس ما لحقها شردت

حمدان وهو يضحك : شردت الديايه

اول ما دخلت وديمه الصاله

وديمه : والله ما ازقرهم مره ثانيه ،،،

امنه : شو فيج ،،، ومنوه مخرب شعرج

وديمه : منوه غير حمديه هالخسف هو والمرمريه

حمدان : احم احم

المر : نحن هنا

وديمه : بروح ادرس ابرك

حمدان : احسن لانه ما يستوي تيلسين ويا الشيوخ

امنه : حمدان بس عاد خف على اختك

وديمه : ويييييييييه نازعوه

حمدان : تشوفينها ،،، لا تقولين بعدين ليش ضربتها

امنه : ودومه روحي درسي

وديمه : من عيوني يالغاليه

امنه : هاه المر شو مسوي في دراستك ؟

حمدان : ما حصلتي تتخبرين غير هذا عن دراسته

المر : اللي يسمعك من زين دراستك

حمدان : فديتني ،،، مب مقصر على الاساتذه بقاصر ،،، وان شاء الله هالسنه بنجح ،،،

المر : الاعتراف بالحق فضيله ،،، بتنجح لانك راشي الاساتذه

حمدان : المهم انجح

المر : ناجح برشوه

حمدان : هاي مب رشوه ،،، هاي هديه يا غبي

المر : عونه هديه ،،، انته اخوك ما تهديه بتهدي الاساتذه

حمدان : جب يله جب مستوي شرات الحريم بالع راديوا

امنه : شرات منوه ؟؟

المر وهو يضحك : صاااااااادوه

حمدان : شرات بعض الحريم اللي يموتن على الرمسه ،،، قلت بعض مب كل

امنه : زين

قام حمدان وحب راس امه ويلس عدالها

امنه : شو تبا

حمدان وهو يضحك : حرام ايلس عدالج

امنه : لا مب حرام ،،، بس خل عنك العياره وقول شو اللي بخاطرك

المر : انا بقولج

حمدان : محد طلب منك ترمس

حمدان يرمس امه : اباج ترمسين ابوي عشان يعطيني تلفوني

امنه : مستحيل ،،، ما بيطيع

حمدان : ليش ،،، كل ربعي عندهم شو ناقصني انا

امنه : بعدك بثالث اعدادي ،،، وعندك دراسه ،،، شو تبا في التلفون ؟

حمدان : شوه شو ابا في التلفون ،،، انا مب ياهل في الاجازه تعطوني التفلون ويوم تبدا السنه تشلونه ولا اشوفه الا في الاجازه ،،،

المر : بربك انته تشوفه في الاجازه ،،، مب انا لا في الاجازه ولا في ايام الدراسه ،،،

حمدان : انته في اول اعدادي بعدك نونوه

المر : محد غيرك نونوه

قامت امنه عنهم

حمدان : اماه انا ارمسج

امنه : وانا قلتلك مستحيل ابوك يطيع وانتبه لدراستك احسن

المر وهو يضحك على حمدان : يحليله النونوه ما بيعطونه تلفون

حمدان وهو معصب : بتسكت ولا اديرك بكف الحين

المر : لا مب الحين باجر ،،، الحين مشغول

قام حمدان وهو معصب وتضارب ويا المر

دخلت وديمه الصاله وشافتهم يتضاربون ،،، وتمت تصارخ تزقر امها

وديمه : اماااااااه ،،، تعالي ترا حمديه ومرمريه يضاربون

اول ما سمعوها تقول حمديه ومرمريه قام حمدان فج المر ومسك وديمه من شعرها وديمه تمت تصارخ

يت امنه على صوت وديمه

امنه : فج شعرها ،،، محد مخرب شعرها غيرك

حمدان : قوليلها اول شي ما تقول حمديه

المر : ولا مرمريه

امنه : فديتها ادلعكم

حمدان والمر : معذرين من تدليعها

امنه : انزين فج شعرها

فج حمدان شعرها ،،،

حمدان : لو تقول مره ثانيه حمديه لقص شعرها

امنه : وديمه روحي حجرتج وانتوا رحوا حجرتك وجابلوا دروسكم

وراحت عنهم امنه وكل واحد راح حجرته

 
 

 

عرض البوم صور dali2000   رد مع اقتباس

قديم 30-12-08, 04:36 PM   المشاركة رقم: 2
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الجزء الثـــ.ـــ.ــــ.ــــ.ــــ.ــــ.ــــ.ـاني


يوم السبت الصبح ،،، الساعه ست ونص ،،، طلعت امنه من حجرتها وراحت توعي عيالها حق المدارس ،،،

امنه : حمدان قوم الساعه ست ونص ،،، المر قوم بتتأخرون عن المدرسه ،،،

حمدان : اليوم شوه ؟

امنه تستهبل على ولدها : الجمعه اليوم

المر : حتى يوم الاجازه ما نرقد ،،، ليش نقوم من الفير ،،، حتى الخدامات مب قايمات

امنه : عن الاستهبال انته وياه ،،، لا تخلوني ازقر ابوكم ايي يوعيكم

فز حمدان : لا افا عليج كله ولا ابوي

امنه تكلم المر : وانته مب ناوي تقوم ؟؟

المر : بقوم الحين ،،، اف متى بتخلص المدرسه ،،، يعني لازم ندرس ،،،

طلعت امنه عنهم وراحت حجرة البنات توعيهن ،،، وحصلت نوره قايمه

امنه : قامن خواتج

نوره : وديمه قامت بس العوش مب طايعه تقوم

عويش : قمت ،،، قمت ،،، بس مب مداومه ،،، بصلي وبرد ارقد

امنه : ليش شو عندج ؟

عويش : كنت يالسه ادرس لحد الساعه اربع والحين نعسانه ومالي خاطر اداوم ،،،

امنه : عويش قصي على غيري مب علي ،،، الحين سهرانه ادرسين ولا تقرين كتب الــ

عويش قاطعة امها : هيه سهرت اقرى ،،،

امنه : انا مب قافله المكتبه ،،، شقايل ظهرتي الكتب؟

عويش : امس شموه ظهرتهن من حجرتج تلعب فيهن وشليتهن عنها

امنه : لو ابوج يشوف شو الكتب اللي تراسه المكتبه منه جان جتلج

عويش : ما بيدري ،،، المكتبه في حجرتي وهو نادر ما يدخل عندي ،،، وما بيدري الا اذا خبرتيه

امنه : الله يستر منج

راحت امنه عن بنتها وراحت عويش تعطي اختها نوره دفتر الرياضيات عشان الابله ما تنازعها وتنقصها على تأخير الواجب ،،، وراحت تصلي وردت الحجره ترقد ،،،

وفي الصاله ،،،

حمدان : وين عويش ؟؟

نوره : ما بداوم

حمدان والمر : لييييييييييييييييش

نوره : كانت سهرانه طول الليل ،،،

حمدان يرمس امه : وليش عيل نحن ما نغيب ،،، والله اني تعبان ورحت ولا ما رحت ما بفهم شي

وديمه : اكيد ما بتفهم ،،، من متى الاولاد يفهمون في الدراسه

حمدان يرمس امه : خليها تسكت لا انتفلها هالكشه

المر : يحليلك دوووم تقول هالرمسه ،،، يله اشوف قوتك

امنه : المر ،،، تراك انته سبب المشاكل ،،،

المر : حشى شو قلت انا ،،، حرام اكلم اخوي

امنه : تكلمه ولا تقويه على اختك ،،،

المر : اروح المدرسه احسن

دخل مبارك وهو شال شما توها قايمه

مبارك : السلام عليكم ،،، شو هالحشره من الصبح

الكل : وعليكم السلام ،،، وقاموا يحبون ابوهم على راسه ،،، وشل حمدان شما عن ابوه

حمدان وهو يمسك شموه من خدودها الحمر

شموه : دب

حمدان : ههههههههههههههه انتي دب

شموه : دب ودلع بلسانها

حمدان وهو يحبها : فديت الدبدوبه

امنه : حمدان خل شما عنك ورح مدرستك لا تتأخر

حمدان : خلينا نشبع من شوفة هالقمر ترا لاحقين على لقرود اللي بنجابلهم طول النهار ،،،

مبارك : يله كل واحد على مدرسته

حمدان : ان شاء الله

وظهر حمدان والمر ونوره ودويمه عشان يرحون المدرسه ،،،

المر يكلم الدريول : شغل مسجل

وديمه : لا تشغل

المر : جب انتي ويا شكلج ،،،

وديمه : من زين شكلك يالاسود

حمدان : وديمه سكتي ،،، على ما اعتقد راكبه ويا دريول مب حد من اهلج عشان ترمسين كيفج ،،،

سكتت وديمه

المر : وييييييييييه سكتوها

حمدان عصب على المر : بتكست انته الثاني ولا لا

سكت المر وشغل حمدان على اذاعه القران

نوره : فديت حمدان

حمدان وهو يبتسم : احم احم

المر : عونه مطوع ،،، الا يبا المدحه

لف حمدان على المر : والله لو ما سكت لتنضرب يالاسود

وديمه : يحليلهم نازعوهم

المر : نزلي يله وصلنا ،،، ولا بتين ويانا الشيخه

وديمه : ما اتنزل

ونزلت وسكرت الباب بقو

المر : يعل ايدج الكسر

الدريول : مر ما في تمام يقول هذا كلام

المر : طاع منوه يرمس

حمدان : جب انته ،،، وانته اسكت وسوق لا اديرك بكف


العصر ،،، الساعه خمس ونص الكل تجمع في الصاله حق القهوه الا عويش ،،،

امنه : ودومه روحي زقري عويش

وديمه : ان شاء الله

راحت وديمه ادق على عويش الحجره

اول ما سمعت عويش ان حد يدق عليها الباب

عويش وبخوف : منوه ؟؟
















محد رد عليها وهالشي خلا عويش تخاف اكثر ،،، ركضت وخشت لكتاب داخل الكبت تحت ثيابها ،،، ولبست شيلتها وراحت تفتح الباب ،،، اول ما شافت عويش وديمه ،،، مسكتها من كندورتها ودخلتها ،،،

عويش وهي معصبه : يوم اقول منوه ليش ما تردين؟

وديمه : بسم الله ،،، ما سمعتج عشان ارد

عويش : ياخذ هالشكل ،،، تروعت تحريتج ابوي ،،،

وديمه : ابوي بعده لحد الحين ما رد من الدوام ،،، يمكن يكون عليه زام ،،،

عويش : انزين شو تبين الحين ؟

وديمه : امي تباج في الصاله عشان تتقهوين

عويش : ما ابا

وفجت الباب وطلعت وديمه وسكرت الباب وركضت على الكبت وظهرت لكتاب وردت على مكتبها وكملت قرايتها ،،،

بعد المغرب ،،،

نوره : اماه

امنه : هلا اماه ،،، شو تبين ؟؟

نوره : بطرش الدريول عند قوم عمي عبيد عشان ايب دفتر الفيزيا من عند روضه

امنه : لا طرشينه ،،، انا الحين بصلي وبروح صوبهم ويوم برد بيبه حقج

نوره : بس لا تبطين عندهم ،،، عشان ابا ادرس باجر علي امتحان

امنه : ساعه بالكثير وراده ،،، بس دقيلها وخليها تجهزه لا أنساه ...

نوره : ان شاء الله

وراحت نوره ادق حق بنت عمها روضه ،،، بس لقت وديمه ترمس ربيعتها ،،،

نوره : خلصي ابا التلفون ،،،

وديمه : صبري

نوره : يوم بتخلصين زقريني بروح اشوف التفزيون لحد ما تخلصين ،،، بس لا تبطين

وديمه : انزين روحي

وبعد نص ساعه ،،،

نوره وهي معصبه : سكري التلفون لا اسكر في ويه البنت

وديمه : الحين بسكر ،،،

وديمه ترمس ربيعتها : زينب بودرج الحين ،،، ولا تنسين اللي اتفقنا عليه ،،،

زينب : اوكيك يا ودوم ،،، سلمي على نواري

وديمه : وصل ،،، مع السلامه

زينب : مع السلامه

وسكرت وديمه عن ربيعتها

نوره : على شوه متفقات يالارهابيات ؟

وديمه وهي تضحك : سر

نوره : عن البزا ،،، ورمسي

وديمه : حلفي ما تخبرين امي

نوره : مممممم والله ما اخبر

وديمه : قولي والله العظيم ما اخبر امي ولا المحلها ،،،

نوره : والله العظيم ما اخبر امي ولا المحلها ،،،

وديمه : بشرد من الحصه الاولى وبنروح نيلس انا وزينب ورا صفوفكم لحد ما تخلص الحصه

نوره : وشو عليج الحصه الاولى

وديمه : انجليزي

نوره : من فلاحتج في الانجليزي عشان اتشردين عن الحصه

وديمه : لاني مب فالحه فيه بشرد عن الحصه ،،، الحصه ترقد وبنشرد بنتم نحضر حق الجغرافيا لحد الحصه الثانيه وبنرد

نوره : ومن متى تحضرين انسه وديمه

وديمه : وانتي شو لج

نوره : قولي عشان ابله حصه ،،، حبيبة القلب

وديمه : فديتها ،،، والله حصتها وناسه

نوره : جلبي ويهج ،،، برمس رويض بنت عمي عبيد

وديمه : سلمي عليها ،،،

وراحت وديمه عن نوره ،،، ونوره دقت حق بنت عمها

: مرحبا

نوره : السلام عليكم

: وعليكم السلام والرحمه ،،، لحظه

راح سلطان يزقر روضه ،،،

روضه : هلا ومرحبا ملاييييييييييين ببنت العم

نوره بدون نفس : هلا رويض ،،، شحالج ؟؟

روضه : نشكر الله ،،، شو بكي نواري

نوره : سلطان لحد الحين زعلاان مني ؟

روضه وهي تضحك : خليج منه ،،، هذا دلوع ،،، انا وصلتله اعتذارج شو يبا بعد
نوره : والله يا روضه اني ما سويت هذا الشي الا لمصلحته ،،، ما توقعت ان عمي بيضربه

روضه : يستاهل ،،، ما لقى غير ربيعتج يرمسها ،،، قلن فيه البنات ،،، وبنات الناس مب لعبه عنده

نوره : انا ما همتني شرين ،،، انا همني هو ،،، ما يدري انها تلعب وتتسلى فيه ،،،

روضه : خلاص نوره انسي ،،، سالفه مستويه من شهرين ،،، شو ذكرج


سلطان وهو داخل سمع كلام روضه

سلطان : ليش تردن ترمسن في السالفه ،،، شوه الحبيبه فرحانه بلي سوته ،،،

روضه : سلطان اطلع برا ،،،

سلطان : تعالي ضربيني بعد

روضه : نوره ما كانت تبا توصل السالفه عند ابوي بس امي هيه اللي خبرت

سلطان : وهيه شو دخلها فيني ،،، حد موصنها علي تراقبني

روضه ترمس نوره : برمسج بعدين ،،،

نوره والدموع ماليه ويها : لا خلاص انا بروح ادرس بس امي الحين بتي عندكم وعطيها دفتر الفيزيا اذا خلصتي منه

روضه وحست بنوره : انزين بطرشه بس انتي تمي عند التلفون برد ادقلج ،،،

نوره : ان شاء الله

وسكرت روضه عن نوره

روضه وهيه معصبه : انا ابا افهم انته انسان

سلطان بستهبال : تخبري امي هع هع هع هع

روضه : البنت واعتذرت واللي كان لازم يعتذر هو انته مب هيه وتشكرها انها ما ترضى حد يرمس عليك وعادتنك شرات واحد من اخوانها

سلطان : وليش إن شاء الله اعتذر ،،، منوه اللي انضرب ،،، انا ولا هيه

روضه : تستاهل وزدو

سلطان وهو معصب : لا تخليني امد ايدي عليج

روضه : والله الكلام وياك ضايع ،،، بس الحين اذا في حد غلطان فهو نوره انها دافعت عنك ومتضاربه ويا ربيعتها بسبتك واول تعهد تكتبه بسبتك ،،،

سلطان وهو منصدم : ضرابه ،،، وتعهد ،،، شو تخرطين انتي

روضه بسخريه : والله ،،، يحليلك ما تدري ،،، كسرت خاطري تصدق ،،، اسكت دخيلك لا اصيح

سلطان : روضه فهميني شو سالفه الضرابه والتعهد وشو دخل هذا بسالفتي !!!

قامت روضه تخبرت سلطان بسالفه الضرابه والتعهد ،،، وان شرين اللي كان يرمسها كانت ترمس عنه بكلام مب زين عدال البنات ،،، وتقولهن انه خاطب نوره ويرمس بنات

سلطان : ونوره شو ردت عليها ؟؟

روضه : نوره اول مره ردت عليها وقالتها انه تعتبرك شرات اخوها وانته نفس الشي وان الكلام اللي تقوله جذب ،،، بس شرين قالت ان نوره تقول هالكلام لانها متفشله ،،، واخر شي تضاربت نوره وروضه والسالفه وصلت عند الاخصائيه وستدعتهن وكتبتهن تعهد ،،،

سلطان وهو منصدم بالكلام اللي يسمعه من عند روضه ،،،

سلطان : وليش ما خبرتيني ؟؟

روضه : تحريتك تدري من امي لانها تدري بالسالفه ،،،

سلطان : صدق اني حمار ،،،

روضه : حمار شويه عليك

طلع سلطان عنها ولا رد عليها

راحت روضه تسلم على حرمة عمها مبارك وتعطيها الدفتر وردت ادق لنوره وخبرتها بكل اللي صار وان سلطان ما كان يدري باللي تسويه شرين ،،، ونوره ارتاحت شوي ان سلطان عرف وفهم هيه ليش خبرت امه ،،،

 
 

 

عرض البوم صور dali2000   رد مع اقتباس
قديم 30-12-08, 04:37 PM   المشاركة رقم: 3
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الجزء الثـــ.ـــ.ــــ.ــــ.ــــ.ـالـ.ــــ.ـــث


مرت الايام والشهور ويت اجازة الربيع اجازه ال 15 يوم

حمدان : اماااااااااااااااااه

عويش : شو فيك تصارخ

حمدان وهو مطنشنها : امااااااااااااااااااه

امنه : قصر حسك ،،، توني مرقده شموه

حمدان : انزين قولي حق ابوي يعطيني تلفوني الحين بدت الاجازه

امنه : تلفونك مب عند ابوك ،،، عند اخوك علي

حمدان : شو وداه عند علي

امنه : هو اخر مره شله عنك ولا يابه عند ابوك

حمدان : انزين عطيني مفتاح حجرته

امنه : حجرته مفتوحه ،،، بس تلفونك مب فيه لاني دورته ولا حصلته

حمدان وهو معصب : وهو ليش يشله ،،، شو دخله

عويش : احترم هذا اخوك اكبر منك

حمدان : جب انتي جب ما يخصج

امنه وهي معصبه : حمدان احترم اختك اكبر منك وتلفون ما شي لحد ما ينزل اخوك يوم الاربعاء

حمدان ظهر وهو معصب

عويش : لو عند ابوي ما بيرمس بهالطريقه بس انتي اللي مدلعتنهم وشوفي شو النتيجه ،،،

وظهرت عويش عن امها وخلتها في حال الله العالم فيه ،،،

بعد شوي صاح التلفون ،،،

امنه : السلام عليكم

ام محمد : وعليكم السلام والرحمه ،،، شحالج ام علي ،،، ربج بخير ،،،

امنه : الحمدالله الحال يسرج ما يضرج يام محمد

ام محمد : وشخبار بوعلي وعلي وخوانه واهلكم وعربانكم

امنه : كلهم بخير ،،، انتي شحالج وشحال لعيال

وتمت امنه تكلم ام محمد ويسولفون

ام محمد : بتخبرج زرتي خاطره ؟

امنه : لا والله ما سرت صوبها ،،، شو عندها !!

ام محمد : ولدها مسويله عملية الزايده ومن يومين مظهرينه من المستشفى

امنه : يستاهلون سلامته ،،، لازم والله انروحلهم ،،،

ام محمد : الله يسلمج ويسلملج عيالج ،،، شو رايج نروحلهم عقب المغرب اليوم

امنه : خلاص عقب المغرب خطفي علي

ام محمد : خلاص وبشوف بخيته جان بتروح ويانا لا تهازبنا محد يروم على لسانها

امنه وهي تضحك : صدقتي يأم محمد ،،، محد يروح على لسانها ،،،

ام محمد : خلاص ما بطول عليج ،،، قبل لا اظهر بدقلج

امنه : ان شاء الله ،،، فمان الله

ام محمد : فمان الكريم





بعد اسبوع ،،،

وديمه : اماه ،،، بتخلص الاجازه ونحن ما ظهرنا من البيت ،،،

عويش : هيه والله نبا نظهر

امنه : ليش تقوللي انا ،،، قولن حق ابوكن

نوره : يوم بيي انتي بدي ونحن بنكمل ،،،

امنه : وين تبن تروحن ؟؟

عويس وبسرعه : دبــــــــــــــــي

وديمه : هيه والله دبي ،،، نبا انروح البحر

ودخل ابوهن الصاله ،،،

مبارك : منوه يبا يروح البحر ؟؟

عويش : ابوي ما بقى على المدارس غير اسبوع ،،، ونحن ما ظهرنا مكان

مبارك وهو يضحك على اشكال بناته وهن ميتات على الطلعه لانه طول الاجازه وهن في البيت ،،،

مبارك : الزبده

وديمه : الزبده في الثلاجه

مبارك : خلاص خلوا وديمه تحوطكم ،،،

وديمه وتعفد على ابوها : الزبده نروح دبي ،،، دخيلك ابوووي الله يخليك ،،، وقامت تحب ابوها

مبارك : خلاص ،،، تجهزوا بوديكم يوم الخميس ،،،

عويش : واااااااااااااااو يعني بنظهر

مبارك : قطوه مب ادميه ،،،

والكل قام يضحك ،،،

امنه : الله يدوم الفرح ويخليك لنا ،،،

البنات : آآآآآآآمين

نوره : انزين متى بنظهر ؟؟ ومتى بنرد ؟؟

مبارك : بنظر من الساعه 8 وبنرد 11 ولا 12

عويش + وديمه + نوره : ليييييييييييييييييييش

مبارك وهو يضحك : نحن الا بنروح الجبره نشتري سمان البيت وبنرد ،،، يعني ما بنظهر برا العين ،،،

وديمه : ابووووووووووووووووووووووووي

مبارك : هاه بوي

وديمه : دخيلك ظهرنا

مبارك : دخيلج ما بظهرج ،،،

عويش : ليش ؟

مبارك : لاني يوم الخميس مشغول

نوره : انزين الاربعاء ولا الثلاثاء ولا الاثنين

مبارك : نو ،،، ما شي مجال لنقاش

عويش : ابوي فديتك بس هالمره

ومبارك يبا يلعب بعصابهم لانه في خاطره ميت ضحك عليهن ويدعي ربه انه ما يحرمه من حسهن

مبارك : بفكر

نوره : عاش بوعلي

مبارك : لا خلاص ما بفكر اخافكن تحلمن زياده

وديمه خلاص ما نبا نظهر وقامت ظهرت من الصاله وراحت الحجره ،،،

امنه : حرام عليك يا مبارك ظهرهن ،،، هو الا يوم

قام مبارك وراح الحجره عند وديمه ولحقته عويش ونوره وامنه راحت تشوف شما اذا قامت ،،،

مبارك دخل الحجره ولقى وديمه اتصيح وعاطيه ظهرها لباب ،،، تلوم مبارك لانه زودها ،،، بس هو في خاطره بيظهرهن بس كان يبا يلعب بعصابهم ،،،

راح مبارك وحط ايده على عيون وديمه ،،،

وديمه : نوره مب فايقتلج ،،،

وحاولت تخوز ايد ابوها بس ما قدرت

وديمه وهيه على بالها ان نوره هيه اللي مسكره على عيونها ،،،

وديمه وهيه معصبه : يا حيوانه عيوني راحت

ومبارك مصر ما يخوز ايده ،،، قامت وديمه تتحسس عدالها تبا تمسك شي عشان تضرب فيه نوره اللي تتحسبها انها هيه مسكره على عينها ،،،

حست وديمه ان كتاب عدالها شلته ومسكته بيدينها وردت ايدنها على ورا ويت الضربه على راس مبارك ،،،

مبارك بطل عن عينها وصرخ ،،، وديمه لفت على وراها وهيه منصدمه ما توقعت ان ابوها هو اللي مسكر على عينها ،،،

مبارك : هب هينه ،،، كنت ياي اراضيج وناوي اشلكم دبي يوم الخميس بس الضربه غيرت رايي ،،،

وراح مبارك يبا يظهر ،،، بس ما لحق يظهر لان وديمه وعويش ونوره مسكنه ،،،

وديمه وهيه تحب ابوها على راسه وخده : والله سامحني كنت اتحراك نوره

مبارك مخلي عمره زعلاان ،،،

عويش : ابوي فديتك طلعنا

نوره وبدلع : ابووووووووووي دخيلك

وتمن يحبن ابوهن ،،، ويت امنه وهيه شاله شموه

امنه : هذا كله لبوكن وانا مالي شي

نوره : صبري يوم بيوافق بنخوز عنه

مبارك : عيل ما بوافق

وديمه تضرب نوره : لا ما تقصد

شموه وهيه تروح عند ابوها ،،،

مبارك : خوزو عن القمر ،،،

عويش تشل شموه قبل ما توصل عند ابوها

عويش : تباها وافق ،،، وحده بوحده

مبارك وهو يضحك : عمري كله للقمر ،،، هاتيها

عويش : الله يطول بعمرك ،،، نبا الموافقه

مبارك : فالكن طيب

والبنات وهن مستانسات : ياااااااااااااااي بنظهر

مبارك وهو يحب شموه : فديت شموتي

شما تمت تلعب بويه ابوها وهو مستانس وتمط سفرته وتشرد عنه ،،، قام يحط على النغمات من تلفونه وشموه اول ما تسمعهن اتي تركض صوبه ويمسكها وتم يلعب ويا شموه ،،،

اليوم الثاني ،،،الساعه 11 الصبح ،،، قامت عويش وراحت تصلي ووعت اخوانها ،،، وصلوا وطلعوا كلهم الصاله ،،،

امنه : صح النوم ،،، لو ما قمتوا ،،،

اخو امنه ( خال لعيال ) : خليهم اجازه ،،، شو يقومهم من الصبح ،،،

يوا لعيال وسلموا على خالهم محمد اللي اكبر من علي اخوهم بسنتين ومب معرس ،،،

عويش : فديت خالي اللي يفهمنا ،،،

حمدان : وين الريوق ؟؟؟

امنه : وديمه روحي خلي الخدامه تحط الريوق وتيبه الصاله تتريقون

عويش تصاصر خالها : تعال نروح الحجره

محمد : شو عندج ،،، لا تقولين كتب يداد ،،، ترا لاعت جبدي ،،، بصراحه ما تعرفين تشترين كتب حلوه ،،،

عويش : انزين مب كتب ،،، تعال وبخبرك

محمد : بروح ربع ساعه حجرة عويش اشوف شو اشترت من الكتب وبرد ،،،

امنه : لا تبطي ،،، عشان تتريق ويا لعيال

محمد : ان شاء الله

وتمطه عويش وتوديه حجرتها ،،،

محمد : قولي شو عندج ؟

عويش : بطلبك طلبه قولي تم

محمد : لازم اعرف شو تبين ،،، يمكن ما اقدر اسويه

عويش : بتقدر

محمد : انزين قولي ،،،

عويش وهيه متردده : اباك توديني عند المعوقيين

محمد : شوووووووووووووووه ،،، انتي تخبلتي ،،، تبين ابوج يذبحني ؟

عويش ودموع في عينها عقب ما شافت رفض خالها وخوفه من غضب ابوها ،،،

عويش : دخيلك ،،، والله خاطري اروح اشوف شقايل يعلمونهم وشقايل يلعبون وابا ارمسهم ابا اكون قريبه منهم لو ساعه

محمد : مستحيل يا عويش ،،،

عويش وخلاص ما قدرت تمسك دموعها : دخيل يدوه وغلاتها عندك بس ساعه ما بنطول

محمد : يا عويش انتي ما تعرفين ابوج ،،، ابوج لو درا بيذبحج ،،، لانج بتذكرينه بالماضي اللي يحاول ينساه ،،،

عويش : ما بيدري ،،، حتى امي ما بنخبرها ،،، بنقولها ان بنروح السوق نشتري كتب ،،،

محمد : اخاف ابوج يدري ونكون سبب في انه يتذكر الماضي وهذا الشي بيضر امج وبيتم طول الوقت معصب عليكم

عويش : منوه بيخبره ؟

محمد وهو متردد : ما ادري ،،، امج بتزعل لو درت

وديمه : احم احم

عويش مسحت دموعها : شو تبين الدومي

وديمه : امي تقولكم تعالوا عشان نتريق ،،،

محمد : خذيني ودوم وياج ،،،

عويش تشوف خالها وهي تترجاه بنظرة عيونها ،،،

محمد يكلم وديمه : ودوم سبقينا ونحن بنلحقج

وديمه : لا تتأخرون

محمد : اوكيك يا حلو

محمد : عويش انسي السالفه

عويش : مستحيل ،،، وانا قلت ساعه مب يوم ومحد بيدري

محمد : مصره

عويش وهيه حاسه انه خالها بيوافق : هيه ،،، وتأكد انه محد بيدري ،،، وعمري ما بنسالك هالشي ،،،

محمد : خلاص يوم الاربعاء الصبح بخطف عليج ،،، وانتي خبري امج ان بنروح المكتبه ،،،

عويش وهيه مستانسه : فالك طيب

ظهرت عويش ويا خالها عشان يتريقون ،،،

 
 

 

عرض البوم صور dali2000   رد مع اقتباس
قديم 30-12-08, 04:39 PM   المشاركة رقم: 4
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الـــــــجــــــــــزء الـــــــرابـــــــع

يوم الاربعاء ،،، قامت عويش من الفير ،،،و صلت ودعت ربها ان هاليوم يعدي على خير ومحد يدري فيها وين بتروح ،،، عقب ما صلت عويش قرت قران بعدين راحت صوب المكتبه تقرا كتاب لحد ما ايي خالها

الساعه 8:30 يت الخدامه ادق على عويش ،،، قامت عويش وفجت الباب ،،،

عويش : ما با ريوق ،،،

سيرمني : بابا محمد يريد برا ،،،

عويش وهيه طايره من الوناسه : قولي والله ،،، دقيقه وبظهر ،،، لا الحين بظهر وقامت لبست عبايتها وطلعت وقفلت حجرتها ،،،

سيرمني : بنت مجنون

عويش : جب يالسوده تراني اسمعج ،،، بس من حظج مب فايقتلج الحين ،،،

وظهرت عويش بسرعه لخالها ،،،

عويش : هلا وغلا باحلى خال في الدنيا

محمد : بس احلى ،،،

عويش : احلى واغلى بعد ،،،

محمد : هذا كله لاني بوديج ،،،

عويش : لا والله ،،، انته غلاتك غير عن باقي خوالي ،،،

محمد : احم احم ،،، اخجلتي تواضعي

عويش : انزين ،،، ما بنروح ؟؟ ولا غيرت رايك ؟؟

محمد : شو ما بتريقيني ؟؟ ولا السيره اهم ؟؟

عويش : خمس دقايق والريوق بيكون جدامك ،،،
محمد : تعالي ،،، مابا ،،، ما تقصرين يا بنت مبارك ،،، بس خلي الريوق الحين وخلينا أنروح قبل لا تقوم امج ولا ابوج ،،،

عويش : انزين قلتلهم ان بنروح المكتبه ،،،

محمد : لو شفت امج بتعرف اني اجذب وما بنروح المكتبه ،،، امج تعرفني اكثر من نفسي ،،،

عويش : انزين رحنا لا تفضحنا ،،،

وراحت عويش ويا خالها ،،، وفي السياره ،،،

عويش : دقيت امس وكلمت السكرتيره ،،،

محمد مستغرب : ليش ؟؟؟

عويش : قلتلها اباها تكون وياي يوم نروح نشوفهم وعشان تجهزلي صور من المركز للمعوقين ومعلومات عنهم

محمد : وليش كل هذا ؟؟؟

عويش : ابا اعرف اكثر عنهم ،،، عشان يوم ادش الجامعه تكون عندي خلفيه لتخصص اللي بدشه ،،،

محمد : عويش شو رايج اردج البيت ؟؟؟

عويش : ليييييييييييييش ؟

محمد : شو هالرمسه ،،، انتي تخبلتي ،،، مستغنيه عن عمرج ،،،

عويش وهي تضحك : اللي يسمعك يقول بدش حرب

محمد : الحرب اهون من اللي بدشينه ،،،

سكتت عويش ،،، وتمت تفكر شقايل بيوافق ابوها يخليها ادش هالمجال اللي بيكون في المعوقين ،،،

محمد : عوووووووووويش ،،، وصلنا

عويش وهي مستانسه وتشوف المركز : اخيراً بدا حلمي يتحقق ،،،

محمد : محد بيورطني غيرج ،،، نزلي يله عشان ما نتأخر ،،،

نزلت عويش ويا خالها واول ما دخلت المركز لقت السكرتيره موصيه المشرفة عليها وتعطيها معلومات عن كل اللي تبا تعرف عنه ،،،

الساعه 12 الا ربع ،،، ردت عويش البيت ،،، قالت حق خالها ينزل وياها بس قالها انه يبا يروح ابوظبي ،،،

دخلت عويش الصاله ،،، وهي سرحانه باللي شافته وفجأه :

مبارك : من وين يايه ؟؟

عويش وهي خايفه من نظرة ابوها : من المكتبه توني يايه ما تأخرت ،،،

مبارك اول ما قالتله المكتبه شاف ايدها ،،، عويش اول ما انتبهت لنظرة ابوها تذكرت الملصقات اللي عطوهم اياها في المركز ،،، بسرعه ردت عويش ايدها ورا ظهرها ،،، بس للاسف ابوها انتبه للي في ايدها ،،،

مبارك : شو شريتي من المكتبه ؟؟

عويش بخوف : ما حصلت الكتب اللي ابغيها ،،،

مبارك بعصبيه وما قدر يمسك اعصابه : وشو هذا اللي بيدج ؟؟

عويش : اوراق عاديه ،،، ملصقات

مبارك وهو ماد ايده : هاتي اشوفهن ،،،

عويش بخوف : ما فيهن شي ،،، عاديات

مبارك مسك ايد عويش ومط الملصقات اللي عندها ،،،

مبارك شاف الملصقات وتأكد من اللي شافه اول ما شافهن في ايدها ،،، عويش تشوفه بكل خوف ،،،

مبارك مسك عويش من ايدها وهو معصب : هاي المكتبه اللي رحتيلها ،،،

عويش ما ردت عليه ،،،

مبارك وهو يصارخ : ردي علي ،،، انا ارمسج ،،،

وفر الملصقات في ويها ،،،

مبارك : هاي مكتبتج اللي رحتي ادورين فيها كتب

امنه سمعت صراخ مبارك ويات تركض ،،،

امنه : خير ،،، شو استوى !!!

عويش ركضت عند امها وتمسكت فيها ،،،

امنه : عويش شو فيج ،،، خالج شي ياه ،،، وينه عنج ؟؟

عويش تمت اتصيح ما عرفت شو ترد على امها ،،،


مبارك ما قدر يتحمل قعد على الكرسي ونزل راسه ،،، وغطى ويه بيده ،،،

امنه مسكت عويش : عويش حبيبتي شو فيج ،،، فهميني شو مستوي ،،،

مبارك وهو يكلم امنه : شلي هالبنت من جدامي وما ابا اسمع عنها شي ،،،

امنه وهي مستغربه : ليش ؟؟ شو مستوي ،،، فهمني ،،، عويش تكلمي ،،،

مبارك وهو معصب ورفع راسه : سوي اللي قلتلج عليه

وظهر من الصاله وراح غرفته ،،،

وهو رايح الغرفه ،،، شافته شموه ويات صوبه ،،،

شما وهيه تضحك : بابا

مبارك خطف ولا لف عليها ،،، شما يلست مكانها وتمت اتصيح ،،، وامنه شلت عويش غرفتها وسمعت شما اتصيح ،،،

امنه : عويش قومي توضي وصلي انا بروح اشوف شموه شو فيها ،،،

عويش وهي تصيح : ابوي وين راح ؟؟

امنه وهي مب عارفه شو السالفه : ما ادري ،،، يمكن راح الغرفه ،،، انتي روحي توضي وصلي وبردلج ،،،

ظهرت امنه تشوف شما وحصلتها عند حمدان ،،،

امنه : هاتها عنك وروح توضأ وروح المسيد ،،،

حمدان : توه الا مأذن ،،، بعدهم ما قامو الصلاه ،،،

امنه : انزين بروح اشوف ابوك وين ،،، وبرد اشلها عنك ،،،

راحت امنه تشوف مبارك ،،، ويوم دخلت الحجره لقت مبارك يطلع ملابسه من الكبت ،،،

امنه وهيه منصدمه : وين بتروح ؟؟

مبارك : بروح ابوظبي وبرد يوم الجمعه

امنه : ليش ؟؟؟انته واعد البنات توديهن باجر دبي

مبارك ما رد عليها وظهر ،،،

مبارك : حمدان هات ملابسي من الحجره ،،،

حمدان : ان شاء الله

شما : بابا وتروح صوب ابوها

قام مبارك شلها وحبها ونزلها وطلع

ردت شموه اتصيح لانه ما لعب وياها ،،،

خطف حمدان عليها وهو شال ملابس ابوه ،،،

حمدان وهو يضحك عليها : دبه

شما والدموع في عينها : دب ودلع بلسانها

حمدان قبل لا يظهر : اماااه تعالي حق شموه لا تظهر ،،،


يات امنه وشلت شموه وعطتها نوره عشان ترقدها ،،،
راحت امنه عند عويش ولقتها راقده وما حبت تزعجها وطلعت عنها ،،، وراحت ادق حق محمد تعرف شو السالفه ،،،

محمد : مرحبا

امنه : السلام عليكم ،،،

محمد : وعليكم السلام والرحمه ،،، هلا بالغاليه ،،،

امنه : شحالك ؟؟

محمد : بخير دامني اسمع صوتج ،،، انتي شحالج ؟؟؟

امنه : شو سالفه عويش ؟؟

محمد وهو خايف ان حد عرف : أي سالفه ؟؟

امنه : انته الصبح ما ظهرت وياها المكتبه ؟؟

محمد : ليش شو استوى ؟؟

امنه : ما ادري ،،، مبارك معصب عليها ما ادري شو مسويه ،،، معني قايلتله انها بتروح المكتبه وياك ،،،

محمد وهو خايف : مبارك درا ؟؟

امنه : عن شوه درا ،،، شو مستوي ،،، تكلم

محمد : سكت ولا رد عى اخته ،،،

امنه : محمد

محمد : وياج

امنه : سويت اللي في بالها ؟؟

محمد : والله يا امنه ما قدرت اردها ،،، تعرفين انتي بغلات عيالج ولااقدر اردهم ،،،

امنه وهي معصبه : انته تعرف موقف مبارك من هالشي ،،

سكرت امنه عن محمد ولا عطته مجال يرد وغلقت التلفون ،،، ومحمد رد يدق وحصل التلفون مغلق ،،،

محمد : الله يسامحج يا عويش ،،، انا شو خلااني اوفقج ووديج ،،،

امنه دقت لمبارك بس لقت تلفونه مغلق ،،،

نوره : اماه ،،، شموه رقدت وحطيتها في سريرها ،،،

امنه ساكته ما ردت عليها ،،، يات نوره عند امها ويلست ،،،

امنه : خلي سيرمني تحطلكم غدا وتغدوا ،،،

نوره : وانتي ؟؟ وابوي ؟؟

امنه : انا مالي نفس ،،، وابوج راح ابوظبي وبيرد الجمعه ،،،

نوره منصدمه : راااااااااااااح بوظبي ؟؟ وسيرت دبي ؟؟

امنه : ما ادري ،،، يوم بيي سألنه ،،،

وراحت امنه عن نوره ،،، نوره انصدمت انهم ما بيرحون دبي ،،، طلعت نوره من الصاله عشان تروح حجرتها ،،،

سيرمني : نوره حطي غدا ؟

نوره : ما ابا غدا

سيرمني : انزين خبر ماما حطي غدا ولا لا ؟

نوره وهي معصبه : روحي انتي تخبريها ،،،

راحت سيرمني عند امنه ،،،

سيرمني : ماما ،،، حطي غدا ؟

امنه : حطي حق وديمه ونوره والمر وحمدان بس

سيرمني : نوره ما يريد

امنه : خلاص انزين حطي حق وديمه والمر وحمدان ،،، انا وبابا وعويش ما يريد

سيرمني : زين

وحطت سيرمني الغدا وزقرتهم ،،،

حمدان : وين الباقي ؟؟

سيرمني : بابا وماما ونوره وعويش ما يريد

المر : عاشوا بناكل كيييييييييييفنااااا

وديمه : قبل حد كان ماسكنك عشان ما تاكل ،،،

المر : لا بس الحين بخذ راحتي ،،،

حمدان : كل وفكنا من صدعتك ،،،

وبعد شوي ،،،

المر : غصيت ،،، هب عيون عليج يالدبه

وديمه : انا

المر : لا انا يالخسفه ،،، عطيني ماي

وديمه : خل الخسفه تعطيك ،،،

قام المر وشرب ماي واخر شي رش وديمه بالماي الباقي في الكوب ،،،

وديمه عصبت وفرت العيش اللي بيدها عليه ،،، بس العيش يه على حمدان ،،،

قام حمدان ومسكها من شعرها : يالحوله يوم ما تعرفين تفرين لا تفرين وهاي نعمه مب كوره تلعبيبها،،،

وديمه : شعري يا حيواااااان ،،،

حمدان فج شعرها وقام يتضارب ويا المر ،،،

وديمه تمت اتصيح وراحت غسلت ايدها وراحت الحجره ،،،

وحمدان والمر قاموا يتضاربون ،،، وفجأه

امنه : شو هالحشره ،،، حمدان بتفج اخوك ولا لا ،،،

المر : والله بروح المسيد وبتبرا منه ،،، ما خلااني اكل هو والدبه ،،،

حمدان : خوفتني ،،، ادل طريج الباب ،،، روح وسير المسيد تبرا ،،، انا ميت على اخوتك يالحيوان

ورد المر وحمدان يتضاربون مره ثانيه

امنه وهي تصارخ عليه : انا اللي بتبرا منكم

 
 

 

عرض البوم صور dali2000   رد مع اقتباس
قديم 30-12-08, 04:39 PM   المشاركة رقم: 5
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الـــــــــجزء الــخامــــــــــــــــس

في ابوظبي ،،، كان مبارك يالس على البحر ،،، يفكر باللي صار ،،، هل اللي سواه صح ،،، ولا غلط ؟؟
تذكر وديمه يوم بتدري انهم ما بيسيرون دبي ؟؟؟ هيه اكثر وحده كانت متحمسه لسيره ،،، وفجأه ،،، وصله مسج ،،، يوم شافه لقاه من آمنه ،،، فتح المسج

مبارك وهو يقرا المسج : ما احبك ... بنتك نوره

وبعد شوي وصل المسج الثاني : حتى انا ما أحبك ... بنتك وديمه ،،،

ابتسم مبارك وطرش مسج وكتب فيه : بس أنا احبكم

كان التلفون في ايد وديمه ،،، واول ما سمعت نغمة المسج فتحته وقرته وعلى طول دقت

وديمه : انا زعلاانه ،،، ليش تروح عنا ،،، انته وعدتنا تودينا دبي باجر ،،،

مبارك : اسمحيلي ودومه ،،، والله غصبن عني ،،،

وديمه : الزبده ؟؟

مبارك وهو يضحك : الزبده في الثلاجه

وديمه : افهم انك ما بتودينا ؟؟

مبارك : الحين برد العين ،،، وجهزيلي عشى لحد ما اوصل اذا عيبني العشى بوديكم باجر ،،،

ويمه وهي تضارخ من الفرحه : بسويلك احلى عشى يا احلى ابو في الدنيا

مبارك : انزين عطيني امج ،،،

وديمه : انته تامر أمر

مبارك وهو مستانس : انزين بسرعه


راحت وديمه ودت التلفون عند امها ،،،

وديمه : اماه ابوي يباج ،،،

شلت امنه التلفون من عند وديمه ،،،

امنه : السلام عليكم

مبارك : وعليكم السلام والرحمه

امنه سكتت ما عرفت شو تقول لمبارك لانها عرفت باللي سوته عويش ،،،

مبارك : الحين برد العين عشان باجر اودي لعيال دبي

امنه وهي مستانسه : والله زين ،،، بتنور العين بردتك

مبارك : منوره بوجودج ،،، امنه برد بس ما ابا اشوف عويش



مبارك : وينج ؟

امنه : وياك ،،، خير ان شاء الله ،،، بس انته رد

مبارك وهو معصب : انا ياهل تسايريني ،،، قلتلج ما ابا اشوفها والحين تروحين وتفهمينها هالكلام ،،،

امنه : لا تعصب ،،، بخبرها

مبارك : مع السلامه

وسكر التلفون ،،، سكرت امنه ونزلت دمعتها ،،،

امنه : الله يسامحج يا عويش ويا محمد ،،، شو سويتلكم تسون فيني جيه ،،، كل ما قلت تغير ،،، يرجع يتذكر

راحت امنه حجرة عويش ،،، واول ما دشت الحجره ظلام ،،، راحت صوب عويش وشغلت الابجوره ،،،

امنه : عويش

عويش وهي مغطيه راسها بالحاف : والله اسفه ،،، ادري هالكلمة ما بتفيدج في شي بس ما توقعت انه يدري

امنه ما هانت عليها عويش ،،، عمرها ما قست على عيالها ،،،

امنه : عويش انتي غلطتي ولازم تتحملين نتيجة غلطتج

عويش خوزت اللحاف عن ويها ويوم شافت امها ما قدرت تمسك عمرها وتمت اتصيح ،،،

امنه وهي تحضن بنتها : عويش الصياح ما بيصلح اللي سويته ،،،

عويش : انا مستعده اتحمل أي شي بس انتي لا تزعلين علي

امنه : عطيني مفتاح المكتبه ،،،

عويش : دخيلج لا

امنه : عويش ... قلتلج انتي غلطتي وتحملي النتيجه ،،، واذا ما تبيني ازعل عليج وساعدج عطيني المفتاح ،،،

عويش وهيه منزله راسها : ان شاء الله

قامت عويش وشغلت ليتات الحجره وطلعت المفتاح من درج المكتب وعطته امها ،،، وقامت امنه وشلت كل الكتب اللي تتعلق بالمعوقين ،،،

امنه : ابوج الحين بيرد من ابوظبي وما اباج تظهرين من حجرتج ،،،

عويش وهي منصدمه : ابوظبي ،،، متى راح اصلن عشان يرد؟

امنه : سوي اللي قلتلج عليه ،،، وانا بخلي سيرمني اتيبلج العشى ،،،

عويش وهيه تصيح : ما ابا اكل ،،، برقد

امنه : قلتلج بطرش سيرمني اتيبلج العشى ولو ما كلتي لي كلام ثاني وياج

عويش : مالي خاطر والله ،،، يوم بيوع بكل

امنه : كلي عشان خاطري ،،، وما اباج تظهرين من حجرتج ،،،

عويش : امرج

ويات امنه تبا تظهر من الحجره ،،،

عويش : امااه

لفت امنه صوب بنتها

عويش : لا تزعلين من خالي ،،، انا السبب انا اصريت عليه

طلعت امنه ولا ردت عليها ،،، وبعد شوي وصل مبارك ولقى العشى جاهز ،،، ما شاء الله وديمه ونوره ما قصرن في العشى وهذا كله عشان يظهرن ،،، وتعشوا كلهم الا امنه قالتلهم انها بتروح ترقد شما وما تبا ،،، ويلسوا لعيال ويا ابوهم لحد الساعه 11

مبارك : يله كل واحد حجرته ،،، عشان باجر بنظهر الساعه تسع

وديمه : امرك سيدي

نوره : انته تامر امر

قام مبارك عنهم وراح عشان يرقد

المر وهو يقلد وديمه : امرك سيدي

حمدان : قوموا رقدوا ترا هذا يبا يسوي مشاكل

المر : اطورنا ،،، من متى ترقد في الاجازه من وقت

قام حمدان ومسك المر من كندورته ،،،

حمدان : امش جدامي يالغبي

وديمه : وييييييييييه يحليله بيصفعونه

المر وهو معصب : فجني ويا شكلك

حمدان ما رد عليه ودخله الحجره ،،،
المر : قوم صفعني بعد

حمدان : جب ويا ويهك ،،، خلهن يروحن يرقدن عشان نروح نلعب سوني

المر : وانا اقول ،،، الحين فهمت عليك

حمدان : الحمدالله يا غبي

المر : انا الجهاز الرئيسي

حمدان وهو يقرب اذنه من عند المر : ما سمعت شيخي شو تقول ... ممكن تعيد اللي قلته

المر : ما شي حلال عليك ،،،

حمدان وهو يطالعه بطرف عينه : اتحرى بعد

الساعه 12 ونص ظهر حمدان يشوف اذا حد واعي ،،،

حمدان بصوت واطي : المر تعال رقدوا

ظهر المر : وابوي ؟؟

حمدان : اكيد رقد لانه تعبان ياي من بوظبي

راح المر وشغل السوني وتموا يلعبون ،،، والساعه وحده سموعوا صوت حد ياي صوب الصاله ،،،

حمدان : بند اللعبه بسرعه

المر قام وبند التلفزيون وراح انخش ورا الكرسي وحمدان نفس الشي وتموا يراقبون الباب

دخل علي الصاله وشاف السوني مشغله بس التلفزيون مبند ،،، يه علي وشغل التلفزيون ومسك اجهاز وتم يلعب بعد شوي ،،،

علي : مب ناوين اطلعون ؟؟

حمدان ظهر وويه كله عرق : اف مت

المر : ليش ما قلت انك تدري انى هنيه

علي وهو يضحك : انتوا اغبياء ،،، رحت حجرتكم ما حصلتكم قلت اكيد هنيه بس انتوا انخشيتوا شرات القطو

حمدان : تحريناك ابوي

علي : ابوي واعي ؟

المر : لا

علي : وين عويش ونوره وودوم عنكم ؟

حمدان : رقدوا ... باجر بنروح دبي الصبح

علي : لا والله

حمدان : والله ... ابوي قال

علي : زين ،،، وعويش بتسير ؟؟

المر : عويش اليوم ما شفتها

حمدان : هيه والله حتى انا

فر علي الجهاز ،،، وراح بيشوف عويش لان خاله محمد خبره بكل شي ،،، دق علي الباب على عويش

قامت عويش من شبريتها ،،، وهي مصدعه من الصياح اللي صاحته ،،، فتحت عويش الباب وانصدمت يوم شافت علي ،،،

عويش : علي ،،، متى وصلت ؟؟

علي : اليوم الاربعاء ولا نسيتي ،،،

عويش : دخل

دخل علي وتم يشوف عويش وعويش ما قادره تحط عينها في عينه ،،،

علي : ارتحتي

عويش : شو تقصد ؟؟؟

علي : انتي فاهمه شو اقصد
عويش سكتت ولا ردت عليه

علي : عويش انا ادري انج من زمان تبين تروحين المركز بس تعرفين ان ابوي يتضايج من هالموضوع

عويش : لحد متى ؟

علي : عويش انسي هالشي ،،،

عويش : شقايل انسى يا علي وانا ابا اتخصص في هالمجال يوم ادش الجامعه

علي وهو منصدم : شووووووووووووووووووووووه انتي تخبلتي

عويش وهي تصيح : اللي سمعته بدش تربيه خاصه هذا التخصص اللي اباه ،،، ما بدش تخصص ما يناسبني

علي : عويش انتي تعرفين ابوي ،،، مجرد انه عرف انج رحتي شوفي شو سوا وشو بيسوي ،،،

عويش : شو ذنبي يحرمني من شي احبه

علي : عويش اذا تبين رضاه شلي هالافكار من راسج

سكتت عويش ولا ردت عليه لانها ما اقتنعت باللي قاله ،،،

علي : عويش انتي تعرفين ان ابوي قبل ما ياخذ امي كان ماخذ بنت عمه عبدالرحمن

عويش : ادري

علي : وتدرين بعد انه ياب منها ولد معوق وكيف تعذبوا وياه

عويش : الله يرحمه

علي : الله يرحمه ،،، انزين عشان هالولد اللي تعذب وياه ابوي ما يحب يسمع شي عن المعوقين ،،،

عويش : انزين بسبة ولده يكره كل المعوقين

علي : ما يكرهم يا عويش

عويش : عيل ليش ما يبا يسمع شي عنهم

علي : لانه يتذكر ولده ،،، يتذكر كيف تعذبوا وياه ما خلو مكان ما ما ساروبه عشان يتعالج ،،، بس الله كاتبله ما يعيش ،،،

عويش : لو ما مات ،،،

علي : عويش " عسى ان تكرهوا شيئاً وهو خيراً لكم " تبين ابوي يتعذب وياه اكثر ما تعذب ،،، الحين انتي ما تحسين ،،، بس على ابوي كانت صعبه انه يشوف ولده يتألم وهو ما يقدر يسويله شي ،،،

عويش : الله يرحمه ،،، انزين ابوي الحين اكيييد زعلاان مني

علي : خليه كم يوم بعدين رمسيه ،،، بس طبعا باجر اكييد ما بتروحين وياهم دبي

عويش شهقت : نسيت سيرت دبي

علي : بعد الحين انسيها لانه يمكن ما يخليج تسيرين

عويش : مب يمكن الا اكيييد

علي : يله تصبيحين على خير

عويش : وانته من اهله

علي : صح دقي باجر حق خالي محمد يباج ضروري

عويش : الله يستر بياكلني ،،،

علي : تستاهلين

وظهر علي عنها ،،، وتمت عويش تفكر بابوها وتفكر باللي شافته بالمركز ،،،

الصبح الكل قام يجهز حق السيره ،،، والكل جهز وطبعا عويش ما ظهرت من حجرتها لانها تعرف ان ابوها ما بيخليها وامها نبهت عليها ما تظهر ،،،

مبارك : امنه

امنه : آمر
مبارك : لبسي شماني البدله اللي شريتلها اياها من ابوظبي

امنه : لا خلها شماني بتيلس عندي

مبارك : ليش وانتي مب سايره ؟

امنه : لا

مبارك : سمحيلي امنه لاني عصبت عليج امس ،،، قدري ظروفي

امنه : انزين تراني مقدره ،،، ما تكلمت ولا قلت شي

مبارك : زعلاانه مني ؟؟

امنه : ما عاش من يزعل منك يالغالي ،،،

وقامت شلت شماني عنه وظهرت ،،، مبارك تلوم فيها لانها هيه الانسانه اللي صبرت عليه وفهمته وفي الاخير يجازيها بهالطريقه ،،، وفجأه يسمع صوت شماني وهيه تركض صوبه ،،،

شما : بيب بيب وتاشر على الباب

مبارك وهو يضحك عليها : ما شي بيب بيب

شما نزلت عنه وراحت صوب الباب ،،، مسك مبارك تلفونه وحطلها النغمات اول ما سمعت صوتهن ردت تم مبارك يتبعد عنها وهيه تلحقه وظهر من الصاله وشموه وراه ،،، مسكها مبارك وعطها ودوووم

مبارك : وديها عند امها وطلعوا يله

شموه تمت تصارخ : ما با بيب بيب

مبارك يضحك : يله ماشي بيب بيب

شموه : دب

مبارك طالعها وانفجرت شموه تضحك ،،، كان احلى شي في شموه انها يوم اتصيح فجأه تسكت وتم تضحك ،،، راحت ودووم وودتها عند امها ،،،

امنه : ما وصيج لا تعبين ابوج ،،، ولا تأخرونه ردوا وقت

وديمه : نحن ما صدقنا نظهر تبينا انرد ،،، بروح ازقر عويش ،،،

امنه : لا عويش ما بتسير لانها تعبانه ،،، طلعوا انتوا

وديمه : انزين انتي روحي ويانا عشان نستانس

امنه : ابوج وياكم وبتستانسون ،،، انا تعبانه ،،، ويله ظهري لا تتأخرين على ابوج ،،،

قامت وديمه حبت امها وظهرت وزقرت نوره وحمدان والمر وطلعوا كلهم

الساعه 11 الظهر ،،، دق محمد لعلي ،،،

علي : مرحبا ،،،

محمد مرحبتين ،،، شحالك بوجسيم ؟

علي : بصحة وسهاله ،،، انته شحالك ؟

محمد : الحال ما يسرك يا علي ،،،

علي : افاا شو ياك ؟

محمد : تستهبل

علي : شووو فيك ؟

محمد : يعني ما تدري ان امك زعلاانه مني

علي : ما عليك بترضى

محمد : شو ترضى وهيه امس سكرت التلفون في ويهي ،،،

علي انفجر يضحك : حليلك

محمد : اوكي يا علوووه

علي : خلاص ،،، السموحه ،،،

محمد : وينها الحين عنك ؟

علي : ما ادري من نص ساعه قايم ولا ظهرت ،،،

محمد : وابوك ؟

علي : راحوا دبي

محمد وهو مستانس : عيل بيي عندكم وبراضيها

علي : خلاص ،،، اترياك ،،، انا الحين بظهر اشوفها وين

محمد : مع السلامه

علي : مع السلامه

وظهر علي يشوف امه ،،، لحد ما يوصل خاله ،،،

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
! بنت الخيال !, للكاتبه : ! بنت الخيال !, من حقي أن أعيش, رواية من حقي أن أعيش, رواية من حقي أن أعيش للكاتبه : ! بنت الخيال !
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t101622.html
أرسلت بواسطة For Type التاريخ
romanceMoon: http://www.liilas.com/vb3/showthread.php?t=101622 This thread Refback 09-02-15 02:33 PM


الساعة الآن 03:10 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية