السلام عليكم ..
انا سعيده ومبسوطه بتواجدي معكم بهالمنتدى الي ينمي الموهبيين بكتابه القصص,, وجايه وجايبه معي راويتي وحبيت اضعها بين انظاركم واتمنى انها تنال استحسانكم ..وان شاء الله ماتخيبون ظني بردودكم وتعليقاتكم..
قبل لاابدأ معكم شكر خــــــــــــاص لاخواتي
لســـــوارفسكي
وساعه بلاعقارب
ولاخلا ولاعدم
اشكركم من قلبي تسلمون حبايبي..
راح انزل خمس الاجزاء وان شاء الله راح استمر معكم لاخر باااارت بس اهم شي الردووود والتعليق ..
%مقدمـتي%
عندمـا يسـكن الحب في مسـاحـات الخفوق,,
ونحاول ابعاده,,,
عندمـا يكون الحب عالق في اعمـاقنا,,
ونحاول مكابـرته,,,
عندما ندمجه بـأمور تغيم صفاوته,,,
لماذا لانعطـي لأنفسـنـا فرصـه لهذا الشعور الجميل,,
الحب شي جميل من الله ,,فلماذا نسقطه,,
لماذا لانعطـي لأنفسـنـا فرصـه,,لماذا نعذب انفسنا,,
الحب ليس عذاب,,لا ,,نحن هو العذاب ذاته,,
هذا الذي سوف نعيشـه ,,راح نعيـش مع رجـفة خفـوق من تحت
مسمى الحـب,,
وكل شخصيه سوف يعيش من هذي الرجفه,,ولكن لكل شخصيه مفهومها,,,,؟؟؟؟؟؟؟؟؟؟؟
؟؟؟ لنرى من سينـتـصر؟؟؟
%ملاحظ ـه% الي بينقل القصه يكتب اسمي في بداية القصه ماراح اسامح الي ما يكتب اسمي عليهـا,,
الجـزء الأول,,,
:: قولولي شسوي ؟؟؟
::مولازم تروحين ترى مو اجباري؟؟
التفتت الجوهره على دانه وقالت باستهزاء ::ياحليلك قال مو لازم تروح تبينها تتفشل قدام البنات يعني الكل يحضر الا هي؟؟
دانه::عادي تتعذر لهم بأي عذر قولي لهم ماني موجوده بالبيت وماقدر احضر؟؟
الجوهره بنفس النبره ::لاوالله صحيح ,,وبنات الحاره وين راحوا شكلك نسيتيهم!!
العنود:: تخيلو كل البنات دفعواالفلوس وطاح وجهي وقت سألتني الاستاذه قدام البنات بشتركين بالحفله او لا ماعرفت وش ارد عليها واكتفيت اني اهز راسي بأيه؟؟
الجوهره::طيب انتي قولي لأبوي علشان يدبرها لك؟؟
ناظرت دانه العنود بعصبيه::انتي من جدك تبينها تقول لابوي!والتفتت على العنودوبصوت فيه حده::اياني واياك تقولين له لانك عارفه ابوي بيسوي المستحيل علشان يدبرها لك والمبلغ الي تبينه مو هين وابوي وكل راتبه مايوصل الفين ريال فلاتحدين ابوي على شي مايقدر له!
العنود وشوي وتبكي تبغى تحضر تبي تشارك البنات تبي تعيش الفرحه مثلهم حلم كل بنت تتخرج من الثانويه تلبس عباة التخرج بس ماباليد حيله::طيب ماراح اقوله وقامت وهي تتحلطم,,.....
اما الجوهره ندمت شوي على كلامها وماعلقت...
قامت دانه تشوف خواتها الصغار,,,وفتحت عيونها على الاخر::مشاءالله عليك يأنسه يارنا متى ناويه تفتحين كتابك ؟؟
رنا بعدم اهتمام وعيونها على التلفزيون::طيب شوي واقوم؟؟
تقدمت دانه وسكرت التلفزيون::قدامي افتحي كتابك وذاكري ؟؟
رنا وهي عاقده الحواجب ومعصبه::لاحول كل يوم اذاكر طفشت؟؟
دانه::يالله هانت مابقى شي وتخلصين؟؟
رنا وهي تاخذ كتابها وتفتحه::وافتك من هالغثه شوي؟؟
دانه وهي ماسكه ضحكتها على شكل رنا وهي معصبه واضح انها قرفانه وقالت تونسها::ولا بتفتكين من الابتدائي بكبره من قدك بتروحين للمتوسط كبرتي يارنو؟؟؟!!!
رنا وهي نافخه نفسها::ايه يعني سوالفكم انتي والعنود والجوهره تقولونها لي لاني صرت كبيره؟؟
دانه وهي مكمله طريقها للمطبخ::وانتي هذا الي هامك,,طيب ذاكري
ترى شوي وبجي اسمعلك؟؟
دخلت للمطبخ فتحت الثلاجه تدور شي تسويه للعشاء ,,فتحت الثلاجه
تدورشي تسويه للعشاء وقطع عليها رشا وهي تضمها من ورى::اختي حبيبتي الدون بالمطبخ؟؟
دانه بأبتسامه::فديت الحلوه الي اموت عليها,,؟
رشا وهي تميل فمها::دانه انا زهقانه؟؟
دانه وهي تسكر الثلاجه وتجلس على الكرسي::وليش زهقانه؟؟
رشا وهي تأشر بأصبعها::رنا تذاكر والعنود والجوهره طلعوني من الغرفه يبون ينامون وانا عطلت ماعندي شي اسويه ,,سكتت ثواني وفتحت عينها بحماس::الدوني شرايك نروح للبقاله انا معي عشرين مجمعتهم من فسحتي ؟؟
دانه تحمست معها::والله فكره مو بطاله ناظرت ساعة المطبخ شافتها 4 العصريعني خلاص خلصو الصلاه وكملت ::يالله قومي هاتي عبايتي بدون لاتحس عليك رنا لاني ماصدقت انها تذاكر واذا عرفت بترمي الكتاب وبتجي؟؟؟
رشا وهي تهز راسها بحماس الاطفال::طيب؟؟
وقفت دانه عند الباب تنتظر اختها عند الباب الحديد الي جار عليه الزمان مابقى منه لون الي كان بزمانه ابيض صار لونه لون شمس ,,بيتهم تصميمه بيت عربي قديم الا هوبألاساس بيت جدهم الله يرحمه ,,صار لابوهم بعد وفاته ,,مكشوف من الوسط موزع فيه غرفتين نوم ومجلس رجال عند الباب وصاله ومطبخ وحمامين فقط لاغير..
رشا وهي تمشي على طرف اصابع رجلها::خذي البسي عبايتك بسرعه,,وفعلا لبست عباتها وطلعوا,,,,
رشا::خلينا نروح البقاله البعيده علشان احس اني طلعت ,,,,
دانه::نطق مشوار للسوبر ماركت وش كبرها علشان عشرين ريال اقول ادخلي وانتي ساكته؟؟!!!!
رنا وقفت عند باب البقاله ولمحت همر من الباب الثاني للبقاله وهي فاتحه فمها::دانه شوفي همر واقفه عند بقاله مقربعه؟؟
دانه طلت براسها ولمحتها وشافتها وعجبها لون السياره وهي اساسا تحب الهمربس طنشتها وجلست تحاول تدخل اختها بس رشا مافيه امل راحت تشوفها::دانه تعالي شوفيها وكملت بحماس ,,ياي بابها مفتوح دانه تكفين خلينا اقعد فيها !!!!!!!!!!!!
دانه وهي متعجبه من اختها::رشا مايصيركذاعيب ويالله تعالي قدامي؟؟
رشا برجى وبعفوية الصغار::بس نقعد فيها شوي بس على طرف الكرسي ؟؟
دانه وعجبتها الفكره فعلا الباب كله مفتوح وتمنت لو تطبقها تركب همرلو شوي بس مستحيل تساير اختها وصرخت عليها::رشا اقولك عيب ماتفهمين بسرعه امشي ادخلي ؟؟
ويأست رشا ودخلوا للبقاله,,,,,,
رشا::انا اشتري لرنا والعنود وانتي اشتري للجوهره لانها عله ومايعجبها شي كل شي تتحلطم !!
دانه وهي تضحك بصوت خفيف لان الجوهره فعلا دائما مايعجبها شي وكل شي تتحلطم عليه::طيب خلي لكل وحده اربع ريال؟؟
رشا وهي تدخل فلوسها بجيبها::لا مابي انتوا ريالين وانا الباقي ولا مافيه؟؟
دانه وماودها تكسر بخاطرها وجابتها بالطيب::طيب رشا حبيبتي مو احنا دائما نتقاسم كل شي ؟؟
رشا بداية اقتناع::ايه؟؟
دانه::طيب ليش الانانيه خلينا نتقاسمها بينا واربع ريالبتكفيك ر؟؟
رشا برضى ::طيب ,,
كان بهالوقت فيه شخص يسمع لهم ومستغرب في نفسه,,معقوله فيه ناس يتقاسمون عشرين بينهم ,,حمد ربه عشرين مره على النعمه الي هو فيها,,
بعد ماشتروا وخلصوا وقفوا قريب من المحاسب ,,كان نفس الشخص يحاسب قبلهم ,,يوم شافهم تراجع على ورى واشر لهم بيده ,,
دانه استغربت يوم شافت الشخص الي ماتشوف منه الاثوبه يأشرلهم يحاسبون وقالت لنفسها الدنيا بخير وفعلا تقدمت وحاسبوا ,,
مدت يدها رشا بتعطي الهندي الفلوس,,’ومسك يدها على طول وعطى الهندي مية ريال وقال وهو يناظر رشا::هذي هديه مني لك؟؟
رشا براءه وبعفويه تامه::يعني ماعطيه فلوسي؟؟
ابتسم ::لا لاتعطينه فلوسك؟؟
دانه ماعجبها هالشي وبخاطرها خير الاخ على كيفه قال هديه ... ورفعت عينها الي منزل عليها الغطى وانبهرت من طوله تحس رقبتها بتنكسر,,بس حسته هيبه اثبات وجود واضح ان ولد عز نزلت راسها::لو سمحت خذ فلوسك ويالله رشا ادفعي الفلوس,,
ناظرها بنص عين وبنظره مغروره وشاف بنت نحيفه ماينبان منها شي الاسمار يدينها وقال وهو يرفع حاجب وبخاطره والله بنت فقر::هذي مو لك هذي للصغيره؟؟
دانه انفعلت من كلامه و يكلمها من طرف خشمه شايف نفسه ::انا اختها ومارضى بهالشي وصرخت على رشا بأنفعال واضح ::يالله اخلصي؟؟
طالعها من فوق لتحت والتفت على الهندي::خذ الميه وحاسبهم والباقي رجعه لهاا لاخت هذي (قالها وهو يأشر على دانه )وطلع وتركهم
رشا وهي تصفق بيدها::ياي وناسه وكملت شوفي هو راعي الهمر,,
دانه صدرها يطلع وينزل من العصبيه وعينها على الباب وهي تراقب
هالمغرور ::سخيف حقيرعلى باله بفلوسه الناس عبيد عنده وميتين على فلوسه مالت عليه والتفتت على رشا وصرخت ::رجعي الفلوس وادفعي فلوسك,,
انتفضت رشا,,وعلى طول رمت فلوسها وطلعوا......................
أول مادخلوا للبيت ,,الا رنا بوجههم ::مشاءالله تبارك الله وكملت وهي تقلد دانه::يالله ذاكري شوي وبجي اسمعلك..واشوف الشوي صارت طلعه للبقاله,,؟؟
دانه بدون نفس وهي تفصخ عبايتها::خذي الحصى الي تحت رجلك واحذفيه وتوصلين للبقاله ,,
رنا::لاوالله تنكتين يعني؟؟
دانه::مادري عنك مسويه سالفه على بقاله ترى كلها حذفة حصى واهم شي اشترينا لك ,,,,,,,,,,
رنا وهي تاخذ الكيسه::اهم شي جبتوا لي ليز جبن ؟؟
رشا::ايه اعرفك تحبينه,,بس لوبعض الناس خلتنا ناخذ الي عطانا الرجال كان شريت اكثر من كذا بس قهر..
دانه وهي تفصخ عبايتها وبعصبيه::رشا لاشوفك تاخذين اي شي من احد غريب حتى لو تكون خالتي ام بندرسامعه وطلعت وتركتهم,,
رنا وهي تناظررشا::ياساتر اختك هذي كبريت ,,
رشا وهي تضحك ومقصره صوتها::هههههههههه توك تدرين من زمان؟؟
رناوهي تقرب منها ::المهم خلصي قولي وش سالفة هالرجال؟؟
رشا ::صدق انك عجوز تحبين السوالف؟؟!!
رنا ::ياربي خلصت من الجوهره جيتي انتي يالنتفه الا انتي بسرعه قولي؟!!
رشا ::طيب شفتي الرجال هذاكان بيدفع....................................
________________________________
دخلت على العنود والجوهره وفتحت الانوار ::يالله اصحوا الى متى وانتوا نايمين؟؟
العنود بملل وهي تقلب للجهه الثانيه::ياربي طفي النور ماصار لنا نايمين ؟؟
بسطت دانه على سريرها الي ملاصق للسرير العنود::يالله عاد بلا كسل؟؟
استسلمت العنود وبعدت الفراش وجلست::احس اني ميته من الجوع؟؟
دانه وهي تضحك::هههههههه مين قالك تعصبين وتروحين تنامين ولاتتغدين؟؟
العنود تعكر مزاجها::تكفين اسكتي لاتذكريني؟؟
دانه::بس لو تدرين من الي جاب الغداء اليوم؟؟
العنود بحماس وكأنها عرفت ::مين؟؟
دانه وهي تقلد كلامه وتضخم صوتها::هلا مين دانه,,كيف حالك وحال البنات ,,تفضلو الغداء وبالعافيه عليكم...
العنود بدون شعور حطت الفراش بفمها وعضت عليه::قهر انا بالاساس ليه رحت للمدرسه ؟؟
دانه وهي تناظر اختها الي طايحه ومحد سمى عليها::شوي ششوي يابنت لاتكسر اسنانك؟؟
العنود بحالميه وصورة بندر بعيونها::لاتلوميني يادانه احبه وربي احبه من انا وصغيره ماشوف الاهو قدامي..
دانه وتدري عن اختها ان تحبه بس الي اتضح انها متعلقه فيه بقوه وخافت على اختها مايكون من نصيبها فقالت::العنود لاتعلقين نفسك فيه ..؟
العنود وهي تتنهدت::تعلقت وخلصت وكملت::دانه تتوقعين يبادلني نفس الشعور؟؟
دانه خذت المخده ورمتها عليها علشان تصحى شوي::اقول مو انتي جوعانه يالله قومي تو جاين من البقاله ؟؟
العنود وطلعت من حالميتها::اوكيه يالله حدي ميته من الجوع؟؟
الجوهره وهي تتأفف::اف الواحد مايعرف ينام ولا جالسن وطاقينها سوالف اطلعواوسولفوا برى ؟؟؟
دانه والعنود ناظروا بعض وضحكوا على حلطمة الجوهره وطلعوا
التلفون يرن,,
::هلا يبه,,
::هلا عنوده ,,اسمعيني اليوم لاتنتظروني على العشاء؟؟
::ليش يبه ماراح تجي؟؟
::لايابنتي باتأخر بوصل البضايع الي وصلت للمخزن ؟؟
::الله يحفظك ,,
::مع السلامه
سكرت منه وهي تقول::دانه ابوي ماراح يجي؟؟
دخلت رنا عرض وهي تضحك::هههههههه درينا انه ماراح يجي الي يشوفك بأخر الدنيا ؟؟
رشا بزعل::يعني اليوم بيجي متأخر وماني نايمه معه اف ؟؟
رنا::انتي متى تكبرين خلاص بلاحركات البزران نامي لحالك صدق بزره؟؟
دانه::والله ابوي يتعب بهالشغل ؟؟
العنود::وياليت فيه راتب يستاهل على تعبه؟؟
رشا::دانه استاذتنا تقول الي ماعنده بيت هو الي نسميه فقيرواحنا عندنا بيت يعني مو فقراء؟؟
دانه::صح وهذا كلام الرسول عليه السلام؟؟
رنا وهي تقشم الفصفص وعينها على التلفزيون::الحمدالله على كل حال,,
دانه::انتوا احمدوا ربكم وشوفوا الي انزل منكم؟؟
الا على دخلة الجوهره وهي تتمغط بيدها::والله لحد الحين ماشفت انزل من بالسعوديه؟؟
العنود وهي تاخذ الريموت من رنا وتضحك::هههههه اسمع من يتكلم
انتي خلي يعجبك شي بالاول..؟!!
التفت دانه على رنا الي مو هامها شي وسحبت الكتاب من الارض وفتحته::يالله السؤال الاول؟؟
...................................
تعريف بالشخصيات,,
ابو دانه::ماعنده اخوان ولاخوات انخلق وحيد امه وابوه ,,حالته الماديه اقل من عاديه ,,يشتغل سواق نقل بضايع لشركه ,,عايش في بيت ابوه ,,حنون على بناته بدرجه كبيره وبألاخص بعد ماتوفت زوجته من خمس سنوات,, ويحاول قد مايقدر مايقصر معهم بشي مايبي يحسسهم بالنقص ,,
دانه::21سنه البنت الكبيره خلصت الثانويه وجلست بالبيت ,,رايها مهم بالبيت كلمتها دائما مسموعه,,حتى ابوها ياخذ رايها بأي شي ,,عنيده وعصبيه حبه,,متعلقه بجارتهم ام بندر,,لانها تذكرها بأمها,,وغير كذا طيبه وحنونه معهم ,,جسمها نحيف ,,سمراء لكن لون سمارها خمري حلو وهادي,,على انها نحيفه لكن خدودها مدوره محليتها,,,
العنود::19سنه ثانويه عامه طيوبه وخجوله زي ماقلتلكم تحب بندر ولد جيرانهم,,ونوعا ما هاديه,,ومن ناحية الجمال هي أجمل خواتها ,,بيضاءعيونها وسيعه ورموشها كثيره وسوداء مره,,ملامحه حلوه يعني البنت جميله بمعنى الكلمه,,
الجوهره::17سنه اول ثنوي مراهقه,,فيها انانيه لكن جواتها طيبه ,,دائما تطالع فوق ,,وبسرعه تتاثر بالي حولها ,,
هي الوحيده بين خواتها الي تتذمر من عيشتهم ,,بعكس خواتها الي عمرهم ماشتكوا ولاحسوا بالنقص مثلها وعاجبهم وضعهم وعادي عندهم,,
رنـا::12سنه سادس ابتدائي ,,كلامها اكبر منها ,,عشان كذا مسميتها الجوهر العجوز,,حلمها تكبر بسرعه,,ملامحه جذابه طفله صغيره على وشك الطلوع,,ملامحها قريبه شوي من العنود يعني بالجمال تجي رنا بعد العنود,,
رشا::دلوعة ابوها 10سنوات,,كل ليله ماتنام الابحضنه,,نسخه مصغره من دانه حتى بالحركات وطريقة الكلام تحاول تقلدها,,,,
وراح تظهر شخصيات ثانيه ومهمه بالقصه,,,,
نهاية الجزء الاول
21-12-08, 09:52 AM
رجفة خفوق
جديد مواضيع قسم الارشيف
العرض الشجري
