lموضوع مميز أبو شدا..

الله يستر علينا ويحمينا..ويثبت علينا العقل والدين..

شكرا الك أخي..

يعطيك ربي ألف عافية..

كتير الموضوع مهم ابو شدا

انا اول ما قريت الموضوع اتذكرت حادثة وقعت معي من فترة كنت بزيارة لاحد الأقارب و في سياق الحديث اشتكى ابنو أنو أبوه عم يعطي اختو ضعف مصروفو فلما اتناقشت مع قريبي عن السبب قالي انو ابنو مو مشكلة هو عم ياخد مبلغ مناسب من وجهة نظرو و ان ما كفاه ما عليه الا يروح يدور على شغل بدوام جزئي او يتصرف باي طريقة بس البنت نقاط ضعفها كتيرة و لازم نحميها على قد ما نقدر و من ها الحماية انو يكون عندها استقلال مادي نسبي من شان ما حدا يلاقيلها ثغره ينفذ منها.يعني اذا بتحتاج شحن بتلاقي عندها فلوس و ما تطلب من حدا اذا ما عندها سيارة و احتاجت توصيلة بتلاقي عندها حق تاكسي اذا طلعت مع رفقاتها تتغدا بتلاقي معها فلوس تدفع ما لازم نترك حدا يستغل الموقف لصالحو او يعمل حالو كريم و يدفع عنها و بعدين يطالب بالثمن و يمكن هي بعدين تتعود على هيك طريقة في التعامل

بصراحة ها الكلام كتير معقول و حكيم و الأهل عن جد بيتحملو نسبة كبيرة من المسؤولية في أغلب الحالات اللي عم تصير لأنو ما ربو ولادهم على الكرامة و الاكتفاء باللي عندهم و اللي بيقدرو يوفروه

بس النقطة الثانية المهمة انو في شريحة بتستسهل هيك اشيا يعني الاحتياج في حد ذاتو منو مبرر لهيك تصرفات بس هن بيعتبروها وسيلة لكسب المال لا أكثر متل اي مهنة تانية.يعني بصراحة هي ما راح تموت اذا ما شحنت جوالها و في ناس حالتهم اصعب منها و ما عم يدورو على هيك طرق من شان يجيبو فلوس.و اللي محتاج صحيح بيروح يدور على شغل
القصة بالأخير قصة تربية و أخلاق مو قصة ماديات أو احتياج لانو الفقر عمرو ما كان مبرر لهيك تصرفات