اهلا لين
موضوع مهم للنقاش خاصة انو حاليا اغلب الفتيات صار عندهم مؤهل عالي و غالبا ما بيتفوقو على اقرانهم الذكور

من وجهة نظري المؤهل العلمي منو مهم كتير للحياة الزوجية.هو صحيح في ناس (من الجنسين) بتشوف انو من الضروري الرجال بيكون هو المتفوق علميا في الاسره و هو صاحب اعلى مؤهل بس انا بشوف في وجهة النظر هي ضعف شخصية لانو الانسان الواثق من حالو و من مميزاتو و امكانياتو ما بيهتم بالشهادات و المناصب
مثلا في ناس بتدرس و بتعرف ناس الها نفس المؤهل او مؤهل بنفس المستوى بس مش ضروري تكون طباعهم متوافقة او منسجمة و العكس صحيح لانو الشهادة حتى لو كانت موجودة ما بيكون الها تاثير على طباع الشخص و وجهة نظرو للامور
اساس الحياة السعيدة هو التفاهم و الانسجام و لازم تكون وجهات النظر متقاربة و يكون الهم نفس التوجه و النظرة للحياة و الطموح و اهداف مشتركة بغض النظر عن اختلاف الشهادات او المؤهلات لانو الشهادة ما بتصنع الانسان و عمرها ما كانت مرادف للحياة الزوجية السعيدة
يعني التكافؤ العلمي منو ضروري و انما تقارب وجهات النظر و التفاهم أهم بالنسبة لاستمرار العلاقة الزوجية