المنتدى :
الشعر والشعراء
وطن للغير
قالوا راح ناخد الحتة وبس
نط القط كبش و حبس
هوبا في ثانية صبحنا لبرة
و هوبا في ثانية محدش حس؟!!
*****
ثم قطع و رسم قطاعين
إيشي دة جبنة وياها سمكة
و إيشي فتافيت ما تبان للعين
جاعوا الأمرا و ماتوا الفقرا
و إحنا طالبنا بحق العين
طيب فين؟!!
*******
قالنا سيدهم
سام دة حبيبهم
روحوا بوسوا إيد
زعماء صهيون
من ديّـان لباراك لشارون
و إوعوا تقولوا القدس هترجع
بعد ما خدها معاه شمعون
وابنه شالوم
جاي يحذركم
أوعوا أشوفكم بعد اليوم
*****
قلنا له لأ ودة ليه دة حرام؟
هو دة يبقى يا سيدنا نظام؟!
شال العِمة و حط النجمة
بست خطوط فشر الأهرام
قالنا ليه شعبكو رمرام
و بما إننا إحنا الحكام
فوق دماغتكو و فوق سلطتكو
جزمة بوش ولا حدش قام
راح نعاقبكو و ناخد منكو
بلد الواد الاسمه صدّام
و ما فيها كلام
******
آآآآه يا وطننا يا طن الغير
فيك السفلة بقم مآمير
و إحنا ولاد البلد الحق
نعيش على لقمة عيش
ولا غير
ساقوا العربي كمان في بلاده
و عادوا و زادوا
و نهبوا الخير
يبقى وطننا يا صاحبي يا عربي
هو وطن محجوز...... للغير
|
03-10-08, 12:59 AM
جديد مواضيع قسم الشعر والشعراء
العرض العادي
